\id HEB - Kaluli Bible 
\h Hibulu 
\toc1 Mo꞉fo꞉s We Hibulu Kaluka꞉isalemo꞉ Sa꞉sa꞉liga꞉fo꞉ 
\toc2 Hibulu 
\toc3 Hibu 
\mt2 Mo꞉fo꞉s We  
\mt1 Hibulu  
\mt2 Kaluka꞉isalemo꞉ Sa꞉sa꞉liga꞉fo꞉  
\imt1 Asuluma꞉no꞉ Towo꞉ We  
\ip Hibulu bugo꞉ we kalu abe sa꞉sa꞉lo꞉wa꞉le, nio꞉ babalab. Kalu nolba꞉ asulakiyo꞉, Fo꞉la꞉ sa꞉sa꞉lo꞉wa꞉le, nolba꞉yo꞉ Banabasa꞉le, nolba꞉yo꞉ Abolo꞉sa꞉le, a꞉la꞉asulab. Ko꞉sega bugo꞉ welo꞉ sa꞉sa꞉lo꞉wo꞉ mo꞉fanda sio꞉ ko꞉lo꞉ a꞉lab. Lom ame kaluwo꞉ ya꞉sa꞉ga꞉ Ya꞉lusalemo꞉ mogagilaki, Keliso kaluka꞉isaleyo꞉ hida꞉yo꞉wo꞉ dimiabikiyo꞉, mo꞉fo꞉s we a꞉na sa꞉sa꞉lo꞉. Ya꞉suwo꞉ sowa꞉sa꞉ga꞉yo꞉ donayo꞉ do꞉la꞉lowo꞉wo꞉ fa꞉la꞉da꞉in a꞉la꞉fo꞉ (40) o꞉leo꞉ngo꞉ dowa꞉sena, hida꞉yo꞉ we a꞉na fa꞉la꞉dowo꞉. A꞉la꞉gabiki mo꞉fo꞉s we sa꞉sa꞉la꞉sa꞉ga꞉, Hibulu Keliso kaluka꞉isale ko꞉lo꞉ kalu nolba꞉lo꞉ wa꞉la꞉ sa꞉ndakilo꞉ hida꞉yo꞉ dimiab a꞉namio꞉, tilidabu ililo꞉wo꞉ sulufa꞉no꞉ dowabiki, asuwa꞉foma꞉ki iliga꞉fo꞉. Mo꞉fo꞉s sa꞉sa꞉lo꞉ a꞉namio꞉ tilidabu ililo꞉ a꞉no꞉ ko꞉lo꞉ halale alitakiyo꞉, Gode elo꞉ Ya꞉su Keliso amilo꞉ kaluka꞉isale asuwa꞉takilo꞉ nanog alan dimido꞉ a꞉no꞉ ko꞉lo꞉ sio꞉. A꞉la꞉ta꞉ga꞉ Keliso eyo꞉ Godeya꞉ ene man hendeleyo꞉ ko꞉lo꞉ nimo꞉ kalaba wido꞉.  
\ip Mo꞉fo꞉s sa꞉sa꞉lo꞉ wenamio꞉ nimo꞉wo꞉ to otaleno꞉ mada dinafa fanda sa꞉ma꞉nigab. To agelo꞉ we, Ya꞉su Keliso e Godeya꞉ ene so꞉wa hendele ko꞉lo꞉ a꞉lab. Keliso e henfelo꞉ wena mio꞉ amio꞉, eyo꞉ hida꞉yo꞉wo꞉ alan dia꞉li ha꞉na꞉la꞉ga꞉yo꞉, nagalo꞉wo꞉ alan ba꞉ba꞉. A꞉la꞉do꞉ dimido꞉ a꞉ma꞉yo꞉ Gode eyo꞉ kaluka꞉isalelo꞉ asuwa꞉fa꞉no꞉wo꞉ kalu hendeleyo꞉ e ko꞉lo꞉ kalaba fa꞉la꞉dowab a꞉la꞉liki widaki go꞉ (2.10.) A꞉la꞉go꞉ko꞉lo꞉ Ya꞉su eyo꞉ dinali sa꞉lan kaluwo꞉lo꞉, ma꞉mula꞉ kaluwo꞉lo꞉, a꞉la꞉ta꞉ga꞉ Mo꞉sa꞉so꞉lo꞉ e mada tinio꞉ ko꞉lo꞉ a꞉lab.  
\ip To andebo꞉ we, Gode eyo꞉ so꞉wa Ya꞉suwo꞉ bobalo꞉ so꞉mea꞉sen misa꞉ kalu alan ho꞉leno꞉ tambo dofo꞉melea꞉ki da꞉feyo꞉. Yuda hen a꞉namilo꞉ bobalo꞉ so꞉mea꞉sen kalu i a꞉no꞉ e mada tininila꞉sa꞉ga꞉ ilili alifa꞉ ko꞉lo꞉ a꞉lab.  
\ip To asolo꞉ we, Ya꞉suwo꞉ Hebene hen a꞉nami bobalo꞉ so꞉mea꞉sen misa꞉ kalu alan ilikiyo꞉, kaluka꞉isale e amilo꞉ tilida꞉dabo꞉ tambo a꞉ma꞉la꞉yo꞉ o꞉li gasilia꞉ib. Tamin amio꞉ Hibulu kaluka꞉isale iliyo꞉ Mo꞉sa꞉sa꞉ ele kudu ha꞉nakiyo꞉, mogago꞉ dimido꞉ a꞉no꞉ hama꞉kiyo꞉, no꞉wo꞉ sa꞉nda꞉sa꞉ga꞉ so꞉kugulu mia꞉sen. Ko꞉sega man ililo꞉ dimida꞉len a꞉no꞉ Ya꞉su Keliso elo꞉ nanog dimidama꞉nigab a꞉no꞉ ko꞉lo꞉ dede dimidaki go꞉.  
\ip Mo꞉fo꞉s sa꞉sa꞉lo꞉ wema꞉yo꞉ kaluka꞉isaleya꞉ tilidabuwo꞉ ko꞉lo꞉ halale alitaki go꞉. Mo꞉luwo꞉ Isolael hen a꞉namio꞉ kaluka꞉isale nolo꞉ tilidabu amio꞉ mada halaido꞉ kagayo꞉. Hida꞉yo꞉ ko꞉li ko꞉lilo꞉wo꞉ ilo꞉ amio꞉ fa꞉la꞉dowo꞉, ko꞉sega tilidabuwo꞉ halale ta꞉li dofo꞉ko꞉ aneyo꞉ ilo꞉ sowaba edo꞉. Man ililo꞉ dimida꞉len a꞉no꞉ asulakiyo꞉, niliyo꞉lo꞉ Ya꞉su e ko꞉lo꞉ sikudu ba꞉da꞉sa꞉ga꞉, man elo꞉ a꞉no꞉ ko꞉lo꞉ kudu ha꞉na꞉niki. A꞉la꞉ta꞉ga꞉ hida꞉yo꞉ nilo꞉ amilo꞉ fa꞉la꞉dowab a꞉no꞉ disugulufo꞉ko꞉ ha꞉na꞉mela꞉niki.  
\c 1  
\s1 Godeya꞉ So꞉waya꞉ tinio꞉ ko꞉lo꞉lab  
\p
\v 1 Mo꞉luwo꞉ ho꞉leno꞉ tambo Gode eyo꞉ nili ma꞉mu imo꞉ to sa꞉ma꞉nikiyo꞉, togo꞉ ko꞉li ko꞉lilo꞉ a꞉na iliki, dinali sa꞉lan kalu a꞉na a꞉la꞉ta꞉ga꞉ sa꞉la꞉len.  
\v 2 \x - \xo 1.2 \xt Yo꞉n 1.3\x*Ko꞉sega o꞉g ho꞉len elema꞉no꞉lo꞉ dowab wenamio꞉, Gode eyo꞉ ene So꞉waya a꞉la꞉ta꞉ga꞉yo꞉, towo꞉ nimo꞉wo꞉ a꞉na sa꞉la꞉li mio꞉. Gode eyo꞉ kelego꞉wo꞉ tambo ene so꞉wa wemo꞉ bo꞉fo꞉melea꞉ki da꞉fe alifa꞉. A꞉la꞉ta꞉ga꞉ henfelo꞉ o꞉lia꞉ akin o꞉lia꞉yo꞉ Gode eyo꞉ dimidakiyo꞉, ene So꞉waya꞉ dagiya a꞉la꞉ta꞉ga꞉ dimido꞉.  
\v 3 \x - \xo 1.3 \xt Yo꞉n 14.9, Kolo 1.20, Hibu 8.1\x*Godeya꞉ ho꞉len malilo꞉ nafa a꞉no꞉ ene So꞉wa a꞉na a꞉la꞉ta꞉ga꞉ so꞉so꞉lelia꞉ga꞉ handalowa꞉sen ko꞉lo꞉lab. A꞉la꞉ta꞉ga꞉ So꞉wa a꞉no꞉ Godeyo꞉ o꞉ngo꞉le a꞉lab. To halaido꞉ enedo꞉ a꞉ma꞉yo꞉ kelego꞉wo꞉ tambo halale alifo꞉lab. Ene mela꞉no꞉wo꞉ wala꞉takiyo꞉, kaluka꞉isaleya꞉ mogago꞉wo꞉ e hala꞉sa꞉ga꞉ malilo꞉ ta꞉ta꞉ga꞉yo꞉, e wabulun dowaki Gode Iwalulo꞉ A꞉lab a꞉ma꞉ dagi ililiba mesa꞉ni ane.  
\v 4 \x - \xo 1.4 \xt Fili 2.9\x*So꞉wa a꞉ma꞉yo꞉ ma꞉mula꞉ kaluwo꞉ mada tinio꞉. A꞉la꞉ta꞉ga꞉ Godeya꞉lo꞉ wi emo꞉lo꞉ dimi a꞉ma꞉yo꞉ ma꞉mula꞉ kaluwa꞉ wiyo꞉ tinio꞉ ko꞉lo꞉lab.  
\v 5 \x - \xo 1.5 \xt 2Sam 7.14, 1Sto 17.13, Song 2.7, Ilig 13.33\x*To we Gode eyo꞉ ene So꞉wamo꞉wo꞉ a꞉la꞉sio꞉,  
\q1 “Ge ni So꞉wa dowab.  
\q2 O꞉go꞉ ne gi go꞉l dowo꞉l.”  
\m A꞉la꞉ta꞉ga꞉ to nowo꞉ we,  
\q1 “Ne ene iya doma꞉no꞉, a꞉la꞉ta꞉ga꞉  
\q2 E ni So꞉wa doma꞉ib.”  
\m Ko꞉sega Gode eyo꞉ ma꞉mula꞉ kalu imilig nowo꞉mbo꞉wo꞉ towo꞉ a꞉la꞉bo꞉ mo꞉sio꞉.  
\v 6 \x - \xo 1.6 \xt Lo 32.43, Lom 8.29\x*Gode eyo꞉ kalu so꞉wa wa꞉la꞉b a꞉no꞉ henfelo꞉ wena tililia꞉ yakiyo꞉ a꞉la꞉sio꞉,  
\q1 “Ma꞉mula꞉ kalu nilo꞉ gio꞉ tambo gulalu siliki, emo꞉ wabulu sama.”   
\m
\v 7 \x - \xo 1.7 \xt Song 104.4\x*Gode eyo꞉ ma꞉mula꞉ kalu ko꞉lo꞉ doma꞉no꞉wo꞉ a꞉la꞉sio꞉,  
\q1 “Niyo꞉ no꞉no꞉n ma꞉mula꞉ kalu i a꞉no꞉ fa꞉fa꞉s o꞉ngo꞉ ta꞉takiyo꞉,  
\q2 No꞉no꞉n nanogdo꞉ dian kalu i a꞉no꞉ de wa꞉sowa o꞉ngo꞉ ta꞉felo꞉.”   
\m
\v 8 \x - \xo 1.8 \xt Song 45.6-7\x*Ko꞉sega Gode eyo꞉ ene So꞉wamo꞉wo꞉ a꞉la꞉sio꞉,  
\q1 “Gode, ge misa꞉ dowo꞉ ko꞉lo꞉, gilo꞉ bo꞉fo꞉lab a꞉no꞉ ko꞉ngo꞉ mela꞉ib.  
\q2 Man nafa digalo꞉ gilo꞉ a꞉na ilikiyo꞉, kaluka꞉isale go꞉no꞉ndo꞉ a꞉no꞉ a꞉ma꞉ bo꞉fo꞉mela꞉ib.   
\q1
\v 9 Ge man digalo꞉wo꞉ ko꞉lo꞉ asulaki, man mogago꞉wo꞉ mada mo꞉bea꞉sen.  
\q2 A꞉la꞉fo꞉ko꞉lo꞉ gi Gode niyo꞉ ge da꞉feaki, wa ho꞉n ko꞉lo꞉ tulu alifa꞉ a꞉na ilikiyo꞉,  
\q2 ge sagalo꞉le dowaki, go꞉no꞉n miliyo꞉ tambo gi tininila꞉sa꞉ga꞉, iwalu ta꞉fo꞉.”   
\m
\v 10 \x - \xo 1.10 \xt Song 102.25-27\x*Gode eyo꞉ wa꞉ka ene So꞉wa o꞉mo꞉wo꞉ a꞉la꞉sio꞉,  
\q1 “Alan, taminde amio꞉ henfelo꞉ we gi dimido꞉ ko꞉lo꞉,  
\q2 Kelego꞉ akin amilo꞉ da꞉lab a꞉no꞉lo꞉ gi dagiya꞉ dimido꞉.   
\q1
\v 11 Akin o꞉lia꞉ henfelo꞉ o꞉lia꞉yo꞉ kelegema꞉ib ko꞉sega, ge ko꞉ngo꞉ mela꞉ib.  
\q2 Kelego꞉ a꞉la꞉ a꞉no꞉ helebeso꞉g mo꞉luwo꞉ ko꞉lo꞉ fefele ha꞉nakilo꞉ salibido꞉ o꞉ngo꞉ doma꞉ib.   
\q1
\v 12 Giyo꞉ henfelo꞉ o꞉lia꞉ akin o꞉lia꞉yo꞉ so꞉g ko꞉lo꞉ kambolan auma꞉ib.  
\q2 Kelego꞉ a꞉la꞉ a꞉no꞉ helebeso꞉g ko꞉lo꞉ ko꞉li a꞉ta꞉tan aumbo꞉ o꞉li dimidama꞉ib.  
\q1 Ko꞉sega ge dowo꞉ ko꞉ngo꞉ dofo꞉mela꞉ib.  
\q2 A꞉la꞉ta꞉ga꞉ ho꞉leno꞉ tambo ge mela꞉no꞉ mela꞉ib.”   
\m
\v 13 \x - \xo 1.13 \xt Song 110.1\x*Gode eyo꞉ ene So꞉wamo꞉wo꞉ towo꞉ a꞉la꞉sio꞉,  
\q1 “Niyo꞉ gis kalu gilo꞉wo꞉ gi ha꞉g amio꞉ semo꞉ difa꞉ a꞉namio꞉,  
\q2 ge ni dagi ililiba siliki, ne o꞉lia꞉ bo꞉fo꞉lubi.”  
\m Gode eyo꞉ to wengo꞉wo꞉ ma꞉mula꞉ kalu imilig nowo꞉mbo꞉wo꞉ mo꞉sio꞉.  
\v 14 \x - \xo 1.14 \xt Song 34.7, 91.11\x*A꞉la꞉fo꞉ko꞉lo꞉ ma꞉mula꞉ kalu iyo꞉ o꞉ba꞉le? Iyo꞉ mama ko꞉lo꞉, Godeya꞉ nanogdo꞉ dia꞉seno꞉ o꞉m. Gode eyo꞉ kaluka꞉isale enedo꞉ a꞉ma꞉la꞉ gasilia꞉no꞉ a꞉no꞉ ko꞉lo꞉ asuwa꞉foma꞉ki iliga꞉ta꞉sen.   
\c 2  
\s1 Nilo꞉ asuwa꞉takilo꞉ gasili a꞉no꞉ dinafa asula꞉bi  
\p
\v 1 Godeya꞉ so꞉wa a꞉ma꞉yo꞉ wi alano꞉ E di ko꞉lo꞉, to tamin amilo꞉ nililo꞉ da꞉da꞉ga꞉lo꞉ di a꞉no꞉ niliyo꞉ dinafa halale ta꞉liaki, dinafa asula꞉lubi. A꞉la꞉bo꞉ mo꞉dinafa asula꞉lalega, tog hendele a꞉no꞉ hala ha꞉na꞉la꞉ga꞉ kana ga꞉fa꞉ib.  
\v 2 \x - \xo 2.2 \xt Gala 3.19\x*Godeya꞉ eleyo꞉ difa꞉ ko꞉lo꞉ ma꞉mula꞉ kaluwa a꞉la꞉ta꞉ga꞉lo꞉ ni ma꞉mumo꞉lo꞉ sio꞉ a꞉no꞉ halaido꞉le dofo꞉lab. Kaluka꞉isale ele difa꞉ a꞉no꞉ mo꞉kudu ha꞉na꞉len a꞉no꞉lia꞉ o꞉go꞉sa꞉len a꞉no꞉lia꞉mo꞉wo꞉, Gode eyo꞉ inido꞉ man dimida꞉len a꞉ma꞉ ilikiyo꞉, wa꞉deaki falasilo꞉.  
\v 3 \x - \xo 2.3 \xt Hibu 10.29, 12.25\x*Gode eyo꞉ nio꞉ asuwa꞉taki gasilia꞉no꞉ a꞉la꞉likiyo꞉, tog ho꞉gi nafa nowo꞉ dimida꞉sa꞉ga꞉, nimo꞉wo꞉ salifa꞉. A꞉la꞉fo꞉ko꞉lo꞉ niliyo꞉ to salifa꞉ a꞉no꞉ gola ba꞉daki fa꞉s dimialega, Godeya꞉ gadio꞉ a꞉no꞉ mada mo꞉begele alifo꞉ ha꞉na꞉ib. Nilo꞉ gasilia꞉no꞉ tog ho꞉gi a꞉no꞉, Ya꞉su Alan eyo꞉ tamin amio꞉ fanda wido꞉ ko꞉lo꞉, kalu to elo꞉lo꞉ dabu a꞉ma꞉yo꞉lo꞉ nimo꞉wo꞉ to imilig a꞉no꞉ko꞉ wido꞉.  
\v 4 \x - \xo 2.4 \xt Mak 16.20, 1Kol 12.4,11\x*Nio꞉ to a꞉no꞉ dinafa halale tilidabuma꞉kiyo꞉, Gode eyo꞉ molo ha꞉na꞉no꞉wo꞉lo꞉, ele ba꞉ba꞉no꞉wo꞉lo꞉, a꞉la꞉ta꞉ga꞉ modakiyo꞉ nanog halaido꞉ ko꞉li ko꞉lilo꞉wo꞉ dimido꞉. A꞉la꞉ta꞉ga꞉ Gode eyo꞉ enedo꞉ asulab au kudu ha꞉naki, Mamaya꞉ boba kelego꞉ a꞉no꞉ kaluka꞉isale imo꞉wo꞉ dimea꞉i ane.   
\s1 Nilo꞉ gasili kalu wa꞉la꞉bo꞉ Ya꞉su E  
\p
\v 5 Niliyo꞉ henfelo꞉ ho꞉gi fa꞉la꞉doma꞉ib a꞉no꞉ nenelo꞉l ko꞉lo꞉, hen a꞉no꞉ Gode eyo꞉ ma꞉mula꞉ kalumo꞉ bo꞉fo꞉melea꞉kiyo꞉ mo꞉ta꞉fo꞉.  
\v 6 \x - \xo 2.6 \xt Song 8.4-6\x*Godeya꞉ ene bugo꞉ amio꞉ kalu imilig noma꞉yo꞉ a꞉la꞉sio꞉,  
\q1 “Henfelo꞉ kaluka꞉isale iyo꞉ wilo꞉ma ko꞉lo꞉, giyo꞉ iyo꞉ waga ba꞉da꞉sa꞉ga꞉ asulaya?  
\q2 Iyo꞉ ho꞉leno꞉ tambo gilo꞉ bo꞉fo꞉lab we mo꞉wo꞉ ha꞉?   
\q1
\v 7 Ho꞉leno꞉ abolda꞉su a꞉namio꞉, giyo꞉ i a꞉no꞉ ma꞉mula꞉ kalu a꞉ma꞉ ha꞉ga ta꞉fo꞉lab.  
\q2 A꞉la꞉ta꞉ga꞉ giyo꞉ iyo꞉ dulugu alitakiyo꞉, wi alan wabulun a꞉no꞉ imo꞉ dimi.   
\q1
\v 8 Kelego꞉ tambo go꞉no꞉ndo꞉ dimido꞉ a꞉no꞉ kaluka꞉isalemo꞉ bo꞉fo꞉melea꞉ki, ili ha꞉ga ta꞉fo꞉.”  
\m Kelego꞉wo꞉ tambo ili ha꞉ga ta꞉fo꞉ a꞉la꞉do꞉ sa꞉lab a꞉namio꞉, kelego꞉ imili nowo꞉ ha꞉la꞉ amio꞉ mo꞉ta꞉fo꞉ ko꞉lo꞉lab. Ko꞉sega o꞉go꞉ kelego꞉wo꞉ tambo kaluka꞉isaleya꞉ ha꞉ga ta꞉fo꞉liki bo꞉fo꞉lab a꞉la꞉bo꞉ mo꞉bo꞉do꞉l.   
\m
\v 9 \x - \xo 2.9 \xt Fili 2.8-9\x*Ko꞉sega niliyo꞉ Ya꞉su ko꞉ bo꞉do꞉l. Gode eyo꞉ ho꞉len abolda꞉su a꞉namio꞉, Ya꞉suwa꞉ wi a꞉no꞉ ma꞉mula꞉ kaluwa꞉ wi ha꞉g a꞉na ta꞉fo꞉. A꞉la꞉ta꞉ga꞉ Godeya꞉lo꞉ kanulo꞉ man a꞉na ilikiyo꞉, Ya꞉su e kaluka꞉isaleya꞉ heno꞉ e diaki, nagalo꞉wo꞉ odo꞉ sia꞉i ha꞉na꞉la꞉ga꞉ sowo꞉. A꞉la꞉fo꞉ko꞉lo꞉ o꞉go꞉ Gode eyo꞉ e iwo꞉ ta꞉taki, wi alano꞉ emo꞉ dimi ko꞉lo꞉lab.   
\p
\v 10 Henfelo꞉ wenamilo꞉ kelego꞉ we tambo Godeya꞉ ene dimido꞉ ko꞉lo꞉, mo꞉wo꞉ Gode e. Gode eyo꞉ nagalo꞉wo꞉ Ya꞉su emo꞉ dia꞉i hamana꞉ki ta꞉takiyo꞉, kaluka꞉isale nilo꞉ gasiliakilo꞉ tililia꞉ga꞉ mia꞉no꞉wo꞉, Ya꞉su e amio꞉ mada ego꞉le ko꞉lo꞉ ta꞉fo꞉. Elo꞉ a꞉la꞉do꞉ dimido꞉ a꞉ma꞉yo꞉, kaluka꞉isale modo꞉ i a꞉ma꞉yo꞉ ene ho꞉len malilo꞉ nafale a꞉no꞉ ko꞉lo꞉ diaki, wi alan dima꞉ki go꞉. A꞉la꞉ta꞉ga꞉ Godeya꞉lo꞉ dimido꞉ a꞉no꞉ mano꞉ nafale dimidaki go꞉.  
\v 11 \x - \xo 2.11 \xt Madi 25.40\x*Kaluka꞉isale malilo꞉lo꞉ ta꞉felan kalu Ya꞉su e o꞉lia꞉, malilo꞉lo꞉ dowab kaluka꞉isale i a꞉no꞉lia꞉yo꞉, so꞉lo꞉ imilise dowab. A꞉la꞉fo꞉ko꞉lo꞉ Ya꞉su eyo꞉ mo꞉sendelowaki, imo꞉wo꞉ “nao, nado” a꞉la꞉sa꞉la꞉lab.  
\v 12 \x - \xo 2.12 \xt Song 22.22\x*Ya꞉su eyo꞉ Godemo꞉ a꞉la꞉sio꞉,  
\q1 “Niyo꞉ gi wi alano꞉ nao o꞉lia꞉ nado o꞉lia꞉mo꞉wo꞉ kalaba fanda sa꞉ma꞉no꞉.  
\q2 Iyo꞉ kegea꞉sa꞉ga꞉ gulugululalikiyo꞉, niyo꞉ gi wiyo꞉ duludakiyo꞉ gisalo꞉wo꞉ mo꞉luma꞉no꞉.”   
\m
\v 13 \x - \xo 2.13 \xt Ais 8.17-18\x*A꞉la꞉ta꞉ga꞉ to nowo꞉ a꞉la꞉sio꞉,  
\q1 “Tilidabu nilo꞉wo꞉ Gode eya dia꞉fa꞉no꞉.”  
\m A꞉la꞉ta꞉ga꞉ eyo꞉ to nowo꞉ wa꞉ka a꞉sio꞉,  
\q1 “Asuluma. So꞉wagalin Godeya꞉lo꞉ nemo꞉lo꞉ dimi i a꞉no꞉lia꞉ so꞉l.”   
\p
\v 14 \x - \xo 2.14 \xt 1Yo꞉n 3.8, Kala 12.10\x*So꞉wagalin a꞉la꞉do꞉ Aisaya elo꞉ sio꞉ a꞉no꞉ henfelo꞉ do꞉mo꞉ o꞉lia꞉ ho꞉bo꞉ o꞉lia꞉lo꞉ a꞉labo꞉ o꞉m. A꞉la꞉fo꞉ko꞉lo꞉ Ya꞉su elo꞉ henfelo꞉ kalu i o꞉ngo꞉ dowo꞉. Ya꞉su e sowo꞉ a꞉ma꞉ ilikiyo꞉, kalulo꞉ soma꞉no꞉ halaido꞉lo꞉ ta꞉lisen Sa꞉da꞉na꞉ e a꞉na mogagilaki bidila꞉.  
\v 15 A꞉la꞉do꞉ dimido꞉ a꞉namio꞉, kaluka꞉isale ho꞉leno꞉ tambo soma꞉no꞉wo꞉ tagila꞉likilo꞉ dibolo amio꞉lo꞉ to꞉lo alifo꞉len a꞉no꞉ Ya꞉su e sili alifa꞉.  
\v 16 Ya꞉su elo꞉ nanog dimido꞉ a꞉no꞉ ma꞉mula꞉ kalu a꞉no꞉ ko꞉lo꞉ asuwa꞉takiyo꞉ mada mo꞉dimido꞉. Eyo꞉ Ablahama꞉ ema꞉mu i a꞉no꞉ ko꞉lo꞉ asuwa꞉taki dimido꞉.  
\v 17 Ya꞉su eyo꞉ nio꞉ nofola꞉sa꞉ga꞉, Godeya꞉lo꞉ asulab a꞉no꞉ kudu ha꞉nakiyo꞉, nili bobalo꞉ so꞉mea꞉sen misa꞉ kalu doma꞉ki, Ya꞉su e kalu do꞉mo꞉le dowa꞉sa꞉ga꞉ fa꞉la꞉dowaki, ene ao i ni weo꞉ngo꞉le dowo꞉. A꞉la꞉ fa꞉la꞉dowalikiyo꞉, Gode eyo꞉ kaluka꞉isaleya꞉lo꞉ mogago꞉ dimida꞉sen a꞉no꞉ hala꞉sa꞉ga꞉ ga꞉lila꞉ma꞉ki, Ya꞉su e Godemo꞉ boba dimi.  
\v 18 Hida꞉yo꞉ o꞉lia꞉ da꞉feyo꞉ o꞉lia꞉yo꞉ Ya꞉su amio꞉ fa꞉la꞉dowabikiyo꞉, eyo꞉ di ko꞉lo꞉, o꞉go꞉ da꞉feyo꞉wo꞉ kaluka꞉isale ilo꞉wa fa꞉la꞉dowalikiyo꞉, eyo꞉ iyo꞉ o꞉li asuwa꞉fa꞉ib. \fig Ya꞉su e sowo꞉ a꞉ma꞉ ilikiyo꞉, sowana꞉ halaido꞉ a꞉no꞉ e bidila꞉.|alt="Crucifixion" src="BA03031BW_cropped2.tif" size="col" copy="used with permission of Louise Bass" ref="2.14" \fig*   
\c 3  
\s1 Ya꞉su eyo꞉ Mo꞉sa꞉so꞉ tinio꞉ ko꞉lo꞉lab  
\p
\v 1 \x - \xo 3.1 \xt Nam 12.7, Hibu 4.14, 7.26\x*Ni mili, Gode eyo꞉ gio꞉ ho꞉ida꞉sa꞉ga꞉ malilo꞉ doma꞉ki da꞉fe alifa꞉ ko꞉lo꞉, gio꞉ Ya꞉suwo꞉ fanda asuluma. Godeya꞉lo꞉ iliga꞉fo꞉ kaluwo꞉ Ya꞉su e, a꞉la꞉ta꞉ga꞉ bobalo꞉ so꞉mea꞉sen misa꞉ kaluwo꞉lo꞉ Ya꞉su eko꞉ dowo꞉ ko꞉lo꞉, niliyo꞉ e tilida꞉da꞉ga꞉yo꞉, kalab amio꞉ wida꞉lo꞉l.  
\v 2 Mo꞉sa꞉s eyo꞉ Godeya꞉ ene ayo꞉\f + \fr 3.2 \ft Godeya꞉ a a꞉la꞉do꞉ sa꞉lab a꞉no꞉, Isolael kaluka꞉isale Godeya꞉ enedo꞉le a꞉no꞉ ko꞉lo꞉ bale sio꞉. \f* dinafa bo꞉fo꞉likilo꞉ Godeya꞉ towo꞉ kudu ane o꞉leaumbo꞉, Ya꞉su eyo꞉ elo꞉ iliga꞉fo꞉ Gode a꞉ma꞉ asulo꞉wo꞉ mada kudu ane.  
\v 3-4 Henfelo꞉ wenamio꞉ ayo꞉ tambo kaluwa꞉ dialifelo꞉ ko꞉lo꞉lab. Ko꞉sega henfelo꞉ wenamilo꞉ kelego꞉ tambolo꞉ dimido꞉ a꞉no꞉ Gode e dimido꞉ ko꞉lo꞉, biso꞉wo꞉ e. Kalu noma꞉yo꞉ ayo꞉ nafale dialitalikiyo꞉, kaluka꞉isale nolba꞉yo꞉ a a꞉no꞉ mo꞉wabulu sa꞉laki, alo꞉ di kalu a꞉no꞉ ko꞉lo꞉ iwalu dia꞉taki wabulu sa꞉ma꞉ib. A꞉la꞉do꞉ gab o꞉leaumbo꞉, Mo꞉sa꞉s elo꞉ wi alan di a꞉no꞉, Ya꞉suwa꞉ ene wi alan a꞉ma꞉ tinio꞉ ko꞉lo꞉lab.  
\v 5 \x - \xo 3.5 \xt Nam 12.7, Lo 18.15-19\x*Godeya꞉ a us a꞉na iliki, Mo꞉sa꞉s e nanog dian kalu dofo꞉likiyo꞉, to sio꞉wo꞉ kudu ha꞉naki nanog a꞉no꞉ hendele dinafa bo꞉fo꞉len. A꞉la꞉dimidab amio꞉, to Godeya꞉lo꞉ tif amilo꞉ sa꞉ma꞉no꞉ a꞉no꞉ nanog elo꞉ dimida꞉len a꞉ma꞉yo꞉ kalaba wido꞉.  
\v 6 Ko꞉sega Ya꞉su Keliso e, Godeya꞉ so꞉wa ko꞉lo꞉, Godeya꞉ ene alo꞉ biso꞉ kaluwo꞉ e dowaki, iya Godeya꞉lo꞉ asulab au kudu ha꞉na꞉len. A꞉la꞉ta꞉ga꞉ nili tilidabu a꞉namio꞉ halale kagayakiyo꞉, Gode eyo꞉ nio꞉ asuwa꞉fa꞉ib a꞉la꞉tili asula꞉sa꞉ga꞉ sagala꞉liki yasisalega, nio꞉ Godeya꞉ ene a dowab.   
\s1 Mo꞉tilida꞉dalega ha꞉sayo꞉ mo꞉mesa꞉ib  
\p
\v 7 \x - \xo 3.7 \xt Song 95.7-11\x*A꞉la꞉fo꞉ko꞉lo꞉ Godeya꞉ Mamaya꞉lo꞉ to sio꞉ a꞉no꞉ nio꞉ da꞉ba꞉niki. Eyo꞉ a꞉la꞉sio꞉,  
\q1 “O꞉go꞉ gio꞉ Godeya꞉ towo꞉ da꞉dakiyo꞉,   
\q2
\v 8-9 \x - \xo 3.8-9 \xt Kis 17.7, Nam 20.2-5\x*gili asulo꞉ nodoma꞉no꞉wo꞉ halaido꞉ dowakiyo꞉, gola ba꞉da꞉so꞉bo!  
\q2 Mo꞉luwo꞉ Isolael kaluka꞉isale ililo꞉ ne gola ba꞉dakilo꞉ a꞉la꞉iyo꞉ o꞉leaumbo꞉, giliyo꞉ dimida꞉so꞉bo.  
\q2 Iyo꞉ kalaleli hena ha꞉nakiyo꞉, iliyo꞉ ne a꞉da꞉fe ba꞉ba꞉.  
\q1 Dona do꞉la꞉fo꞉ fa꞉la꞉da꞉in us a꞉namio꞉ molo ha꞉na꞉no꞉wo꞉ nilo꞉ dimido꞉ a꞉no꞉ iyo꞉ ba꞉da꞉sen ko꞉sega mo꞉tilidabu.   
\q1
\v 10 A꞉la꞉fo꞉ko꞉lo꞉ niyo꞉ kalu i o꞉mo꞉wo꞉ kulufa꞉yakiyo꞉ a꞉la꞉sio꞉,  
\q2 ‘Ho꞉leno꞉ tambo ini asulo꞉wo꞉ hala kudu ha꞉naki,  
\q2 man nilo꞉wo꞉ iyo꞉ babale dowab.’   
\q1
\v 11 \x - \xo 3.11 \xt Nam 14.21-23\x*A꞉la꞉fo꞉ko꞉lo꞉ ne gadia꞉sa꞉ga꞉ imo꞉wo꞉ towo꞉ saetakiyo꞉ a꞉la꞉sio꞉,  
\q2 ‘Ha꞉salo꞉ mesa꞉no꞉ hen nilo꞉ dimidaefa꞉ a꞉namio꞉, iyo꞉ mada mo꞉tima꞉ib.’ ” Godeya꞉ Mama eyo꞉ a꞉la꞉sio꞉.   
\p
\v 12 Ne mili, gio꞉ dinafa bo꞉fo꞉melea! Asulo꞉ mogago꞉ gilo꞉ a꞉ma꞉ ilikiyo꞉, tilidabu gilo꞉wo꞉ ta꞉ta꞉ga꞉, mela꞉no꞉lo꞉ a꞉lab Gode o꞉mo꞉wo꞉ fa꞉s dimiabena꞉ki dinafa dowa꞉bi.  
\v 13 Gio꞉ man mogago꞉ a꞉ma꞉yo꞉ dikilima꞉ki ta꞉talega, giliyo꞉ Godemo꞉wo꞉ mo꞉bema꞉ib ko꞉lo꞉, a꞉la꞉bo꞉ fa꞉la꞉dowabena꞉kiyo꞉, ho꞉leno꞉ tambowo꞉ giliyo꞉ nolba꞉ asulo꞉wo꞉ digidalitakiyo꞉ halale alita꞉lubi. Ho꞉leno꞉ tambowo꞉ niliyo꞉ “o꞉g” a꞉la꞉sa꞉la꞉sen ko꞉lo꞉, ho꞉leno꞉ tambowo꞉ niliyo꞉ nolo꞉ asuwa꞉ta꞉lubi.  
\v 14 Nio꞉ ho꞉gi da꞉dakiyo꞉ tilidabuwo꞉ halaido꞉ dowo꞉ ko꞉lo꞉, niliyo꞉ tilidabu a꞉naka halale kudu ha꞉na꞉la꞉ga꞉ sowaki edalega, nio꞉ Ya꞉su e o꞉lia꞉ ege dowo꞉ a꞉la꞉widakigab.  
\v 15 \x - \xo 3.15 \xt Hibu 3.7-8\x*Godeya꞉ bugo꞉ amio꞉ a꞉la꞉sa꞉sa꞉lo꞉,  
\q1 “O꞉go꞉ gio꞉ ene towo꞉ da꞉dakiyo꞉,  
\q2 gili asulo꞉ nodoma꞉no꞉wo꞉ halaido꞉ dowakiyo꞉, gola ba꞉da꞉so꞉bo!  
\q2 Mo꞉luwo꞉ Isolael kaluka꞉isale ililo꞉ ne gola ba꞉dakilo꞉ a꞉la꞉iyo꞉ o꞉leaumbo꞉, giliyo꞉ dimida꞉so꞉bo.”   
\p
\v 16 \x - \xo 3.16 \xt Nam 14.1-35\x*Kaluka꞉isale Godeya꞉ to sa꞉labo꞉ da꞉da꞉sa꞉ga꞉ a꞉la꞉iyakilo꞉ sandifo꞉ a꞉no꞉, kaluka꞉isale o꞉ba꞉le? Mo꞉sa꞉s elo꞉ Isibo꞉ ta꞉ta꞉ga꞉lo꞉ tililia꞉ mio꞉ kaluka꞉isale tambo a꞉ma꞉ dimido꞉.  
\v 17 \x - \xo 3.17 \xt 1Kol 10.10\x*Dona do꞉la꞉fo꞉ fa꞉la꞉da꞉in us a꞉namio꞉ Gode eyo꞉, o꞉bmo꞉ gadio꞉wo꞉? Eyo꞉ kaluka꞉isale mogago꞉lo꞉ dimida꞉len o꞉mo꞉ gadio꞉. E gadia꞉sa꞉ga꞉, iyo꞉ kalaleli hen a꞉na sia꞉lena sowo꞉ ko꞉lo꞉, do꞉mo꞉ ililo꞉wo꞉ a꞉naka ta꞉fo꞉.  
\v 18 A꞉la꞉ta꞉ga꞉ Gode eyo꞉ ene ha꞉salo꞉ doma꞉no꞉ hen a꞉namio꞉ mo꞉mia꞉ib a꞉labo꞉ o꞉bmo꞉ saefa꞉yo꞉? Kaluka꞉isale elo꞉ to sa꞉labo꞉ da꞉da꞉sa꞉ga꞉lo꞉ mo꞉kudu ha꞉nab i o꞉mo꞉ saefa꞉.  
\v 19 A꞉la꞉fo꞉ko꞉lo꞉ nio꞉ a꞉la꞉asulo꞉. Kaluka꞉isale i we Godeya꞉ towo꞉ mo꞉tilidabu ko꞉lo꞉, dimido꞉ a꞉na ilikiyo꞉ iyo꞉ Godeya꞉ ene ha꞉salo꞉ mesa꞉no꞉ hen a꞉namio꞉ mo꞉tiha꞉na꞉no꞉ dowo꞉.   
\c 4  
\s1 Ha꞉salo꞉ doma꞉no꞉ ho꞉len nowo꞉ a꞉lab  
\p
\v 1 Gode eyo꞉ nio꞉ ha꞉salo꞉ doma꞉no꞉ a꞉namio꞉ tina꞉ib a꞉la꞉bo꞉ saefa꞉ ko꞉lo꞉, dinali sio꞉ a꞉no꞉ o꞉go꞉ o꞉lab. A꞉la꞉fo꞉ko꞉lo꞉ kaluka꞉isale gi usamio꞉ nolo꞉ ha꞉salo꞉ doma꞉no꞉ a꞉namio꞉ mo꞉tinando꞉ a꞉la꞉bo꞉, nio꞉ tagila꞉li mesa꞉niki.  
\v 2 Gode elo꞉ Isolael kaluka꞉isalemo꞉lo꞉ to saefa꞉ o꞉leaumbo꞉, Godeya꞉ to nafayo꞉ nimo꞉wo꞉lo꞉ wido꞉. Ko꞉sega iyo꞉ to a꞉no꞉ da꞉daki hendeleyo꞉ mo꞉tilidabu ko꞉lo꞉, to a꞉ma꞉yo꞉ iyo꞉ mo꞉asufa꞉.   
\p
\v 3 \x - \xo 4.3 \xt Song 95.11, Hibu 3.11\x*Kaluka꞉isale nio꞉ e amilo꞉ tilidabu a꞉no꞉, Godeya꞉ ene ha꞉salo꞉ doma꞉no꞉ a꞉na ti ha꞉na꞉lo꞉l. Ko꞉sega Gode eyo꞉ mo꞉tilidabu kaluka꞉isale a꞉no꞉ ko꞉lo꞉ sa꞉laki sio꞉,  
\q1 “Ne gadia꞉sa꞉ga꞉ imo꞉wo꞉ towo꞉ saetakiyo꞉ a꞉la꞉sio꞉,  
\q2 ‘Ha꞉fo꞉lo꞉ mesa꞉no꞉ hen nilo꞉ dimidaefa꞉ a꞉namio꞉, iyo꞉ mada mo꞉tima꞉ib.’”  
\m Ko꞉sega Gode eyo꞉ taminde amio꞉ henfelo꞉ we dimida꞉sa꞉ga꞉ ta꞉takiyo꞉, eneno꞉ ha꞉fo꞉ dowo꞉.  
\v 4 \x - \xo 4.4 \xt Mo꞉mo꞉ 2.2\x*Godeya꞉ ene bugo꞉ amio꞉ ho꞉len dom a꞉no꞉ ko꞉lo꞉ sa꞉lakiyo꞉ a꞉la꞉sio꞉, “Gode e, ene nanogo꞉ dia꞉i ya꞉la꞉ga꞉ eletakiyo꞉, ha꞉salo꞉ doma꞉no꞉ ho꞉len dom a꞉namio꞉ e ha꞉fo꞉wo꞉ a꞉na dowo꞉.”  
\v 5 \x - \xo 4.5 \xt Song 95.11\x*A꞉la꞉ta꞉ga꞉ to heb nililo꞉ o꞉ma agelo꞉ a꞉namio꞉ a꞉la꞉sio꞉,  
\q1 “Ha꞉salo꞉ mesa꞉no꞉ hen nilo꞉ dimidaefa꞉ a꞉namio꞉, iyo꞉ mada mo꞉tima꞉ib.”   
\p
\v 6 Godeya꞉ to nafalo꞉ tamin amilo꞉ di kaluka꞉isale i a꞉no꞉ gola dowaki mo꞉kudu ane ko꞉lo꞉, iyo꞉ ha꞉salo꞉ doma꞉no꞉ hen a꞉namio꞉ mo꞉tiane. Ko꞉sega kaluka꞉isaleyo꞉ ha꞉salo꞉ doma꞉no꞉ hen a꞉na ti hamana꞉kiyo꞉, fogo꞉ o꞉dimifo꞉lab.  
\v 7 \x - \xo 4.7 \xt Song 95.7-8, Lo 31.7 \x*A꞉la꞉fo꞉ko꞉lo꞉ donayo꞉ modo꞉wo꞉ ta꞉takiyo꞉, Gode eyo꞉ ha꞉salo꞉ doma꞉no꞉ a꞉namilo꞉ tina꞉no꞉wo꞉ ho꞉leno꞉ nowo꞉ a꞉da꞉fe alifa꞉. Ho꞉len a꞉ma꞉ wiyo꞉ “O꞉g we.” Gode eyo꞉ to a꞉no꞉ Da꞉ibida꞉ mego꞉fa a꞉la꞉ta꞉ga꞉ sio꞉ ko꞉lo꞉ sa꞉sa꞉lo꞉,  
\q1 “O꞉go꞉ gio꞉ ene towo꞉ da꞉dakiyo꞉,  
\q2 gili asulo꞉ nodoma꞉no꞉wo꞉ halaido꞉ dowakiyo꞉, gola ba꞉da꞉so꞉bo!”   
\m
\v 8 \x - \xo 4.8 \xt Jos 22.4\x*Yosua eyo꞉ Isolael kaluka꞉isaleyo꞉ Ka꞉ina꞉n hen a꞉namilo꞉ tililia꞉ga꞉ tiane a꞉namio꞉, ha꞉salo꞉ doma꞉no꞉leyo꞉ ko꞉lo꞉ dimi kibo꞉bowo꞉, Gode eyo꞉ ha꞉salo꞉ doma꞉no꞉ ho꞉len nowo꞉ wa꞉kabiyo꞉ mo꞉dinali sa꞉mabe.  
\v 9 A꞉la꞉go꞉ko꞉lo꞉ nili ha꞉fo꞉lo꞉ doma꞉no꞉ ho꞉len nowo꞉ o꞉a꞉lab. Gode elo꞉ ho꞉len dom amilo꞉ ha꞉fo꞉lo꞉ dowo꞉ o꞉leauma꞉nigab.  
\v 10 \x - \xo 4.10 \xt Hibu 4.4\x*Gode e nanogo꞉ dia꞉la꞉ga꞉lo꞉ ha꞉fo꞉ dowo꞉ o꞉leaumbo꞉, kaluka꞉isale abeyo꞉ Godeya꞉ ha꞉salo꞉ doma꞉no꞉ a꞉na ti ha꞉nalikiyo꞉, iyo꞉lo꞉ ini nanogo꞉ edakiyo꞉ ha꞉fo꞉ doma꞉ib.  
\v 11 A꞉la꞉fo꞉ko꞉lo꞉ Godeya꞉ ha꞉salo꞉ doma꞉no꞉ hen a꞉na tina꞉nikiyo꞉, mada halalelia꞉ga꞉ ti ha꞉na꞉niki. Mo꞉wo꞉ gio꞉ Isolael kaluka꞉isale ililo꞉ a꞉la꞉iyakilo꞉ mo꞉kudu ane o꞉leau kudu ha꞉na꞉lalega, gio꞉lo꞉ sulufo꞉ tina꞉ib.   
\p
\v 12 \x - \xo 4.12 \xt A꞉fe 6.17, Kala 1.16, 19.13-15\x*Godeya꞉ towo꞉ mela꞉no꞉ a꞉lab ko꞉lo꞉, nanogo꞉ halaido꞉ dimida꞉lab. To a꞉no꞉ helebesi a꞉la꞉ mio꞉ o꞉ngo꞉ dowo꞉ ko꞉lo꞉, helebesi mio꞉ a꞉no꞉ towa꞉yo꞉ tinio꞉. Helebesi a꞉ma꞉lo꞉ ki kagoman o꞉lia꞉ kima o꞉lia꞉lo꞉ alobanale o꞉leaumbo꞉, Godeya꞉ to a꞉ma꞉yo꞉ nili mama o꞉lia꞉ asulo꞉ o꞉lia꞉ma꞉ usa olalikiyo꞉ gedea꞉i tina꞉ga꞉ alobanala꞉sen. A꞉la꞉ta꞉ga꞉ nili asulo꞉ us amilo꞉ wo꞉no꞉le delen a꞉no꞉ aloba꞉da꞉sa꞉ga꞉ kalaba dia꞉ta꞉sen.  
\v 13 Kelego꞉ Gode elo꞉ dimido꞉ a꞉no꞉ ene siwa꞉l amio꞉ imilig nowo꞉ wo꞉no꞉lebo꞉ mo꞉doma꞉ib. Kelego꞉wo꞉ tambo Godeya꞉ siwa꞉l amio꞉ kalaba fagelia꞉ga꞉ dia꞉fo꞉lab. Nililo꞉ dimida꞉len a꞉no꞉ tambo emo꞉ sa꞉ma꞉no꞉ ko꞉lo꞉ eyo꞉ nio꞉ mo꞉walilima꞉ib.   
\s1 Ya꞉su e nili bobalo꞉ so꞉mea꞉sen misa꞉ kalu alano꞉ e  
\p
\v 14 \x - \xo 4.14 \xt Hibu 3.1, 10.23\x*Nili bobalo꞉ so꞉mea꞉sen misa꞉ kalu alandeyo꞉ a꞉lab. Godeya꞉ ene so꞉wa Ya꞉su, Hebenelo꞉ tinini ha꞉na꞉sa꞉ga꞉lo꞉ sabo꞉ e ko꞉lo꞉lab. A꞉la꞉fo꞉ko꞉lo꞉ to nililo꞉ tilidabu a꞉no꞉ halale ta꞉li siliki kagafo꞉ mela꞉niki.  
\v 15 Da꞉feyo꞉ ko꞉li ko꞉lilo꞉ o꞉gdo꞉ nilo꞉ amilo꞉ fa꞉la꞉dowab a꞉no꞉, elo꞉ amio꞉ tamina fa꞉la꞉dowo꞉. Ko꞉sega eyo꞉ mogago꞉ imilig nowo꞉ aundo꞉ mo꞉dimido꞉. Nio꞉ o꞉leo꞉ngo꞉ma, ko꞉sega nio꞉ halaido꞉lo꞉ma dowaki, hala ha꞉na꞉lab a꞉namio꞉, nili bobalo꞉ so꞉mea꞉sen misa꞉ kalu eyo꞉ nio꞉ asulufo꞉liki nofola꞉lab.  
\v 16 \x - \xo 4.16 \xt Hibu 10.19\x*A꞉la꞉fo꞉ko꞉lo꞉ nio꞉ Godeyo꞉ mo꞉tagilaki, elo꞉wa ha꞉na꞉niki. Nio꞉ elo꞉wa fa꞉la꞉dowalikiyo꞉, eyo꞉ nio꞉ nofolakiyo꞉, ha꞉fo꞉ disa꞉ma꞉ib. A꞉la꞉ta꞉ga꞉ nio꞉ hida꞉yo꞉ diab amio꞉, eyo꞉ o꞉li asuwa꞉fa꞉ib ko꞉lo꞉, tagila꞉likiyo꞉ ha꞉na꞉so꞉bo.   
\c 5  
\p
\v 1 Bobalo꞉ so꞉mea꞉sen misa꞉ kalu fa꞉la꞉doma꞉nikilo꞉ man dimidano꞉ we. Gode eyo꞉ kalu imilig nowo꞉ da꞉fea꞉sa꞉ga꞉, ene siwa꞉l amio꞉ us kalu doma꞉ki ta꞉fo꞉. Eyo꞉ bobayo꞉ Godemo꞉ dimia꞉sen a꞉la꞉ta꞉ga꞉ kaluwa꞉lo꞉ mogago꞉ dimido꞉ a꞉no꞉ ko꞉lo꞉ su dimiaki, no꞉wo꞉ Godemo꞉ so꞉mea꞉sen.  
\v 2 Kaluka꞉isale iyo꞉ babale dowaki, hala ha꞉na꞉lab amio꞉, bobalo꞉ so꞉mea꞉sen kalu eyo꞉ i a꞉no꞉ nofolakiyo꞉ ha꞉sa dowa꞉sen. Mo꞉wo꞉ elo꞉ halaido꞉lo꞉ma dowaki, hala ha꞉na꞉sen.  
\v 3 \x - \xo 5.3 \xt Wkp 9.7, 16.6\x*A꞉la꞉go꞉ko꞉lo꞉ kaluka꞉isaleya꞉ mogago꞉ hama꞉kilo꞉ sulo꞉ dimiab a꞉namio꞉, mogago꞉ enedo꞉ dimido꞉ a꞉no꞉lo꞉ hama꞉ki dimia꞉sen.  
\v 4 \x - \xo 5.4 \xt Kis 28.1\x*Bobalo꞉ so꞉mea꞉sen misa꞉ kalu a꞉no꞉ wi alan dowo꞉ ko꞉sega kalu nowo꞉ wi alan a꞉no꞉ dia꞉no꞉ enena꞉ma꞉la꞉yo꞉ mo꞉da꞉fema꞉ib. Godeya꞉lo꞉ tamin amilo꞉ A꞉lon ko꞉lo꞉ ho꞉lelia꞉sa꞉ga꞉lo꞉ da꞉feyo꞉ o꞉leaumbo꞉, Gode eyo꞉ iyo꞉lo꞉ a꞉la꞉ho꞉lelia꞉sa꞉ga꞉ da꞉fea꞉i mio꞉.  
\v 5 \x - \xo 5.5 \xt Song 2.7\x*A꞉la꞉do꞉ go꞉ aumbo꞉, Keliso eyo꞉ enena꞉ma꞉la꞉yo꞉ bobalo꞉ so꞉mea꞉sen misa꞉ kalu doma꞉no꞉ a꞉lakiyo꞉, ene wi duludakiyo꞉ mo꞉da꞉feyo꞉. Ko꞉sega Gode eyo꞉ Ya꞉su da꞉feakiyo꞉, emo꞉wo꞉ a꞉la꞉sio꞉, \fig Bobalo꞉ so꞉mea꞉sen misa꞉ kalu iliyo꞉ boba dimiakiyo꞉, Godemo꞉ so꞉mea꞉sen.|alt="Priest offers sacrifice" src="C036_gr.tif" size="col" copy="© 1997 New Tribes Mission/Foreign Mission Board, Southern Baptist Convention. Used with permission." ref="5.1" \fig*  
\q1 “Ge na꞉ so꞉wa dowab.  
\q2 O꞉go꞉ ne gi go꞉l dowo꞉l.”   
\m
\v 6 \x - \xo 5.6 \xt Song 110.4, Hibu 6.20, 7.1\x*A꞉la꞉ta꞉ga꞉ to sa꞉sa꞉lo꞉ no amio꞉ Gode eyo꞉ a꞉la꞉sio꞉ ko꞉lo꞉ sa꞉sa꞉lo꞉ da꞉lab.  
\q1 “Ma꞉kisedeg elo꞉ nanog di o꞉leaumbo꞉ gi diaki,  
\q2 Ge bobalo꞉ so꞉mea꞉sen kalu ko꞉ngo꞉ mela꞉no꞉ dofo꞉ ha꞉na꞉mela꞉ib.”   
\p
\v 7 \x - \xo 5.7 \xt Madi 26.36-46, Fili 2.6-8\x*Ya꞉su e henfelo꞉ wena ilikiyo꞉, e mo꞉soma꞉no꞉ a꞉lakiyo꞉ Gode eyo꞉ o꞉li asuwa꞉fa꞉ib a꞉la꞉asulo꞉ ko꞉lo꞉, eyo꞉ Gode emo꞉wo꞉ dulugu sa꞉lakiyo꞉, si ho꞉n o꞉lia꞉ iliki halale ya꞉lo꞉. Ya꞉su e ha꞉ga dowaki, Godeyo꞉ wabuda꞉len ko꞉lo꞉, Gode eyo꞉ Ya꞉suwa꞉lo꞉ dabu ba꞉dab a꞉no꞉ dabu.  
\v 8 Ya꞉su e Godeya꞉ so꞉wa ko꞉sega, nagalo꞉ hida꞉yo꞉ elo꞉ di a꞉ma꞉ ilikiyo꞉, Gode kudu ha꞉nan man a꞉no꞉ e a꞉na fanda asululi.   
\p
\v 9 Man elo꞉ dimido꞉ a꞉na ilikiyo꞉, Gode eyo꞉ e ilili alitaki ego꞉le ta꞉ta꞉ga꞉yo꞉, kaluka꞉isale e tolo꞉ kudu ha꞉nab a꞉no꞉ gasiliakilo꞉ ko꞉ngo꞉ mela꞉no꞉wo꞉ mo꞉wo꞉ e ko꞉lo꞉ ta꞉fo꞉.  
\v 10 A꞉la꞉ta꞉ga꞉ Gode eyo꞉ Ya꞉su e bobalo꞉ so꞉mea꞉sen misa꞉ kalu, Ma꞉kisedeg elo꞉ nanog di o꞉leau da꞉feyo꞉.   
\s1 To hendeleya timana꞉ki, halale sio꞉  
\p
\v 11 Ya꞉su e Ma꞉kisedeg o꞉ngo꞉ dowo꞉ a꞉la꞉likiyo꞉, to nolo꞉ sa꞉ma꞉no꞉wo꞉ o꞉a꞉lab ko꞉sega, gio꞉ mo꞉iligi da꞉da꞉lab ko꞉lo꞉, niyo꞉ to nolo꞉ gimo꞉wo꞉ fanda walama꞉no꞉wo꞉ halaido꞉.  
\v 12 \x - \xo 5.12 \xt 1Kol 3.1-3\x*Gio꞉ Kelisowo꞉ mo꞉lu dowo꞉ ko꞉lo꞉, giliyo꞉ kalu nolbo꞉wo꞉ Godeya꞉ to mano꞉ o꞉li walama꞉no꞉ dowo꞉ ko꞉sega, Godeya꞉ to man ho꞉gi di a꞉no꞉ nolba꞉yo꞉ gimo꞉wo꞉ wa꞉ka a꞉walama꞉no꞉ dowo꞉lo꞉b. Gio꞉ so꞉wa tuo꞉lun o꞉ngo꞉ dowakiyo꞉, ma꞉n halaido꞉wo꞉ mo꞉naki, bo ibko꞉ na꞉lab.  
\v 13 Kaluka꞉isale abeyo꞉ bolo꞉ na꞉lab a꞉no꞉ so꞉wa tuo꞉lun o꞉ngo꞉ o꞉iliki, man digalo꞉ dimidama꞉no꞉wo꞉ e babale dowo꞉ ko꞉lo꞉lab.  
\v 14 Ko꞉sega kalu analia꞉sa꞉ga꞉lo꞉ asululiab a꞉no꞉, ma꞉n halaido꞉wo꞉ a꞉ma꞉ nan. Inino꞉ man nafa o꞉lia꞉ mogago꞉ o꞉lia꞉yo꞉ ho꞉leno꞉ tambo aloba꞉da꞉likilo꞉ dinafa asululiabo꞉ o꞉m.   
\c 6  
\p
\v 1-2 Kaluka꞉isale Kelisowo꞉ ho꞉gi dowab amilo꞉ to man wida꞉lab a꞉no꞉ dia꞉ta꞉ga꞉, nili tilidabuwo꞉ halaido꞉ doma꞉ki nio꞉ asulo꞉ nolo꞉ dia꞉ni ha꞉na꞉niki. Kaluka꞉isale Kelisowo꞉ ho꞉gi dowab o꞉mo꞉lo꞉ to man widano꞉ we. Man mogago꞉wa꞉lo꞉ soma꞉no꞉ doba꞉da꞉lo꞉ tililia꞉ ha꞉nan a꞉no꞉ ta꞉ta꞉ga꞉, Gode amilo꞉ nodoma꞉no꞉ man a꞉no꞉lo꞉, Gode amilo꞉ tilida꞉ba꞉no꞉ man widab a꞉no꞉lo꞉, ho꞉na to꞉lolakilo꞉ dimidan man widab a꞉no꞉lo꞉, kaluwa꞉ do꞉mo꞉ amilo꞉ dagi dia꞉takilo꞉ dulugu sa꞉lan man widab a꞉no꞉lo꞉, kalu sowo꞉lo꞉ dasi alifelema꞉no꞉ man widab a꞉no꞉lo꞉, Godeya꞉lo꞉ kaluka꞉isale mo꞉walila꞉sa꞉ga꞉lo꞉ ko꞉ngo꞉ mela꞉no꞉ falasila꞉ma꞉ib man widab a꞉no꞉lia꞉yo꞉, Keliso ho꞉gi dowab o꞉mo꞉lo꞉ wida꞉labo꞉ o꞉m. Niliyo꞉ to man widab a꞉no꞉ dia꞉sa꞉ga꞉, to halaido꞉ nol a꞉na doma꞉ tina꞉niki.  
\v 3 Gode eyo꞉ nio꞉ mo꞉ka꞉laki fogo꞉ dimialega, nio꞉ asulo꞉ nolo꞉ wa꞉ka dia꞉liki ha꞉na꞉no꞉.   
\p
\v 4-5 Kaluka꞉isale tilida꞉da꞉sa꞉ga꞉lo꞉ dowo꞉ a꞉no꞉ Godeyo꞉ ta꞉ta꞉sa꞉ga꞉ ha꞉la꞉ya ha꞉nalega, a꞉ma꞉la꞉ a꞉nodoma꞉kilo꞉ tililia꞉ mia꞉no꞉wo꞉ togo꞉ aundo꞉ma doma꞉ib. Kaluka꞉isale i a꞉no꞉ asulo꞉wo꞉ kolaetabikiyo꞉ ho꞉lena elen. Iyo꞉ Godeya꞉lo꞉ ha꞉fo꞉lo꞉ disa꞉lan man a꞉no꞉ fanda asululiakiyo꞉, Godeya꞉ Mama o꞉lia꞉ dowo꞉. Godeya꞉ to nafa amilo꞉ nudo꞉ a꞉no꞉ ba꞉ba꞉, a꞉la꞉ta꞉ga꞉ Godeya꞉ halaido꞉ tif amilo꞉ kalaba fa꞉la꞉doma꞉ib a꞉no꞉lo꞉ iyo꞉ o꞉ma ba꞉ba꞉.  
\v 6 \x - \xo 6.6 \xt Madi 10.22, Hibu 10.26-27, 1Yo꞉n 5.16\x*Ko꞉sega kaluka꞉isale i a꞉no꞉ a꞉ma꞉la꞉ tililia꞉ga꞉lo꞉ mia꞉no꞉wo꞉ tog nowo꞉ aundo꞉ma. Iliyo꞉ Godeya꞉ So꞉wayo꞉ gola ba꞉ba꞉ a꞉ma꞉ ilikiyo꞉, e wa꞉ka i malana alu alitaki, sendelo alifa꞉yo꞉ a꞉nga꞉lab.   
\p
\v 7 To a꞉no꞉ niyo꞉ da꞉fe sa꞉ma꞉nigo꞉l. Hen no amio꞉ ho꞉no꞉ tinda꞉sa꞉ga꞉ fowo꞉ nafale heda꞉laliki, hendo꞉ biso꞉ a꞉ma꞉yo꞉ ma꞉no꞉wo꞉ nafale dia꞉ib ko꞉lo꞉, Gode eyo꞉ hen a꞉no꞉ nafale mesea꞉ki, halale alifa꞉ib.  
\v 8 \x - \xo 6.8 \xt Mo꞉mo꞉ 3.17-18, Madi 13.7,22\x*Ko꞉sega hen no amio꞉, kis o꞉lia꞉ bilis mogago꞉ o꞉lia꞉ a꞉no꞉ko꞉ fa꞉la꞉ne. Hen a꞉no꞉ wilo꞉ma dowaki, Godeya꞉ ene gadio꞉ alan us a꞉na tina꞉no꞉wo꞉ mada ko꞉na꞉ma a꞉lab. A꞉la꞉ta꞉ga꞉ edakiyo꞉, hen a꞉no꞉ deya gili alifa꞉ib.   
\p
\v 9 Ne milile, niliyo꞉ hagugo꞉ to we gimo꞉wo꞉ halaido꞉ so꞉lo꞉l ko꞉sega, gio꞉ kalu o꞉leo꞉ngo꞉wo꞉ mo꞉doma꞉ib a꞉la꞉tiliasulo꞉l. Gode eyo꞉ gi asuwa꞉taki gasili ko꞉lo꞉, gio꞉ nafale mesa꞉no꞉ dia꞉ib.  
\v 10 \x - \xo 6.10 \xt Hibu 10.32-34\x*Gode e man digalo꞉le dimidan ko꞉lo꞉, eyo꞉ man nafa gilo꞉ tamin amilo꞉ dimida꞉len a꞉no꞉ mo꞉ga꞉lila꞉ma꞉ib. A꞉la꞉ta꞉ga꞉ gio꞉ Gode o꞉lia꞉yo꞉ ha꞉fo꞉ disa꞉ a꞉lalikiyo꞉, enedo꞉ tilidabu kaluka꞉isale nolo꞉ asuwa꞉ta꞉i ha꞉na꞉lab a꞉no꞉lo꞉ mo꞉ga꞉lila꞉ma꞉ib.  
\v 11 Niliyo꞉ gio꞉ man a꞉no꞉ ko꞉lo꞉ halale dimida꞉i ha꞉na꞉melea꞉ki asulo꞉l. A꞉la꞉dimida꞉lalikiyo꞉, kelego꞉ gilo꞉ tili asula꞉sa꞉ga꞉lo꞉ yasisab a꞉no꞉ hendele fa꞉la꞉doma꞉ib.  
\v 12 Gio꞉ tilidabuwo꞉ mo꞉beakiyo꞉ bo꞉sula꞉so꞉bo! Kaluka꞉isale tilida꞉da꞉sa꞉ga꞉ hida꞉yo꞉wo꞉ dia꞉ ha꞉na꞉la꞉ga꞉lo꞉ ha꞉sa yasila꞉lab i a꞉no꞉, enedo꞉ dinali sio꞉ a꞉no꞉ tambo dia꞉ib ko꞉lo꞉, gio꞉ mano꞉ imiliga꞉lo꞉ ko꞉ngo꞉ dowa꞉bi.   
\s1 Godeya꞉lo꞉ dinali sio꞉ a꞉no꞉ hendele tilida꞉ba꞉niki  
\p
\v 13 \x - \xo 6.13 \xt Mo꞉mo꞉ 22.16-17\x*Gode eyo꞉ Ablaham o꞉lia꞉ dinali saefa꞉nikiyo꞉, Godelo꞉ tinio꞉ kalu imilig nowo꞉ aundo꞉ma dowo꞉ ko꞉lo꞉, ene to a꞉no꞉ halale alifoma꞉kiyo꞉, ene wiya iliki saefa꞉.  
\v 14 Gode eyo꞉ dinali saetakiyo꞉, “Niyo꞉ gemo꞉ mada sagale alitakiyo꞉, gilo꞉ so꞉wa sa꞉la꞉la꞉i ha꞉na꞉lab a꞉no꞉ modo꞉le fa꞉la꞉doma꞉ki ta꞉fa꞉no꞉” a꞉la꞉sio꞉.  
\v 15 Ablaham e kelego꞉ a꞉no꞉ fa꞉la꞉doma꞉ki, ha꞉sa yasila꞉i ha꞉na꞉la꞉ga꞉, dinali sio꞉wo꞉ a꞉na di.   
\p
\v 16 Niliyo꞉ ninindo꞉ dinali sio꞉ a꞉no꞉ halale alifoma꞉ki, nilo꞉ tinio꞉ kalu noma꞉ wiya iliki saefa꞉no꞉. Niliyo꞉ a꞉la꞉dimidalikiyo꞉, kaluka꞉isale tambowa꞉yo꞉ kalu wilo꞉ a꞉no꞉ tili asulaki, towo꞉ wa꞉kabiyo꞉ mo꞉sa꞉ma꞉ib.  
\v 17 Gode elo꞉ man dimidan a꞉no꞉ ko꞉li nowo꞉ mo꞉dimidama꞉ib ko꞉lo꞉, ko꞉ngo꞉ mela꞉no꞉ dowa꞉i ha꞉na꞉mela꞉ib. To a꞉no꞉ Gode elo꞉ kelego꞉lo꞉ dimia꞉no꞉ dinali sio꞉ kaluka꞉isale i o꞉mo꞉wo꞉ asuluma꞉ki fanda widakiyo꞉, dinali saefa꞉ a꞉no꞉ ene wiya ilikiyo꞉ halaido꞉le saefa꞉.  
\v 18 \x - \xo 6.18 \xt Nam 23.19\x*A꞉la꞉fo꞉ko꞉lo꞉ Gode eyo꞉ nio꞉ bo꞉fo꞉melea꞉ki, nio꞉ elo꞉wa ane ko꞉lo꞉, kelego꞉ a꞉la꞉ noma꞉yo꞉ nio꞉ halale alitab. To a꞉la꞉ a꞉namio꞉ Gode eyo꞉ mo꞉dikili sa꞉laki, asulo꞉ elo꞉wo꞉ mada mo꞉nodoma꞉ib. To nowo꞉ enedo꞉ dinali saefa꞉yo꞉ o꞉m. Nowo꞉ ene wi amilo꞉ halale sio꞉wo꞉ o꞉m. A꞉la꞉go꞉ko꞉lo꞉ kelego꞉ a꞉ma꞉yo꞉ nililo꞉ tili asulakilo꞉ yasila꞉lo꞉l a꞉no꞉ hendele fa꞉la꞉doma꞉ib a꞉la꞉liki halale alitakigab.  
\v 19 \x - \xo 6.19 \xt Wkp 16.2-3\x*Nililo꞉ tili asulakilo꞉ yasiso꞉l a꞉ma꞉yo꞉ nili asulo꞉wo꞉ kowa꞉g o꞉ngo꞉ma꞉ tili ta꞉li dofo꞉lab. Nili tilidabu a꞉no꞉ Godeya꞉ aya tina꞉sa꞉ga꞉yo꞉, helebeso꞉ga꞉lo꞉ galalifa꞉ us a꞉na tina꞉sen.  
\v 20 A꞉la꞉do꞉ dimida꞉sen o꞉leaumbo꞉, Ya꞉su eyo꞉lo꞉ nio꞉ asuwa꞉takiyo꞉, e tamina Godelo꞉ sab us a꞉na tigini ane ko꞉lo꞉lab. A꞉la꞉dimidab amio꞉ Ya꞉su eyo꞉ Ma꞉kisedeg elo꞉ nanog di o꞉leo꞉ngo꞉ diaki, bobalo꞉ so꞉mea꞉sen misa꞉ kalu ko꞉ngo꞉ mela꞉no꞉le a꞉lab.   
\c 7  
\s1 Ma꞉kisedeg e bobalo꞉ so꞉mea꞉sen kalu dowo꞉  
\p
\v 1 \x - \xo 7.1 \xt Mo꞉mo꞉ 14.17-20\x*Ma꞉kisedeg e Salem hen a꞉ma꞉ misa꞉ kalu alano꞉ e a꞉la꞉ta꞉ga꞉, Gode Iwalulo꞉ A꞉lab a꞉ma꞉ ene bobalo꞉ so꞉mea꞉sen kaluwo꞉ e. Ablaham eyo꞉ misa꞉ kalu nol o꞉lia꞉lo꞉ bubo꞉wo꞉ tinia꞉sa꞉ga꞉ a꞉ma꞉la꞉ ya꞉len amio꞉, Ma꞉kisedeg eyo꞉ Ablahamo꞉ a꞉na gidaki, Ablaham e halaido꞉ mesea꞉ki dulugu sio꞉.  
\v 2 Eyo꞉ a꞉la꞉dimidabikiyo꞉, Ablaham eyo꞉ bubo꞉wo꞉ tinia꞉sa꞉ga꞉lo꞉ kelego꞉ di a꞉no꞉ do꞉la꞉fo꞉ aloba꞉da꞉sa꞉ga꞉, do꞉ imilig alobanaefa꞉ a꞉no꞉ Ma꞉kisedeg emo꞉ dimi. Ma꞉kisedeg a꞉la꞉do꞉ sa꞉lab a꞉ma꞉ ha꞉go꞉ we, “Man digalo꞉wa꞉ misa꞉ kalu alan.” A꞉la꞉ta꞉ga꞉ Salem hena꞉ misa꞉ kalu alan a꞉la꞉do꞉ sa꞉lab a꞉ma꞉ ha꞉go꞉ we, “Ha꞉salo꞉ mesa꞉no꞉wa꞉ misa꞉ kalu alan.”  
\v 3 Godeya꞉ to sa꞉sa꞉lo꞉ a꞉namio꞉, Ma꞉kisedeg ene iyayo꞉, anowo꞉, ema꞉mu i mo꞉mio꞉wo꞉lo꞉ mo꞉sa꞉sa꞉lo꞉ ko꞉lo꞉lab. A꞉la꞉ta꞉ga꞉ elo꞉ sa꞉la꞉li ho꞉len o꞉lia꞉ elo꞉ sowo꞉ ho꞉len o꞉lia꞉yo꞉ mo꞉sa꞉sa꞉li alifa꞉. E Godeya꞉ So꞉wayo꞉ o꞉ngo꞉ dowaki, bobalo꞉ so꞉mea꞉sen kalu mela꞉no꞉ dofo꞉lab.   
\p
\v 4 Giliyo꞉ Ma꞉kisedeg e wiyo꞉ alano꞉lo꞉b a꞉la꞉asuluma. Nili ma꞉mu Ablaham eyo꞉, Ma꞉kisedega꞉ wiyo꞉ alan dowo꞉ a꞉la꞉li widaki, elo꞉ bubo꞉wo꞉ tinia꞉sa꞉ga꞉lo꞉ kelego꞉ dia꞉mio꞉ a꞉no꞉ do꞉ imiligo꞉ Ma꞉kisedeg emo꞉ dimi.  
\v 5 \x - \xo 7.5 \xt Nam 18.21\x*A꞉la꞉ta꞉ga꞉ tif amio꞉ Libai e Ablahama꞉ eso꞉lo꞉wa a꞉la꞉ta꞉ga꞉ fa꞉la꞉dowo꞉ ko꞉lo꞉, Mo꞉sa꞉sa꞉ ele difa꞉ a꞉no꞉ ko꞉lo꞉ kudu ha꞉nakiyo꞉, Libaiya꞉ e so꞉lo꞉ amilo꞉ kalu nolo꞉, bobalo꞉ so꞉mea꞉sen kalu doma꞉ki da꞉feyo꞉. So꞉mea꞉sen kalu i a꞉no꞉ Isolael kaluka꞉isaleya꞉ ili ao i ko꞉sega, Isolael kaluka꞉isale iliyo꞉ kelego꞉ do꞉ imilig alobanaefa꞉ a꞉no꞉ so꞉mea꞉sen kalu imo꞉ dimia꞉sen.  
\v 6 Ma꞉kisedeg e Libaiya꞉ ene eso꞉lo꞉ma ko꞉sega, Ablahama꞉ ene kelego꞉ do꞉ imilig alobanaefa꞉ a꞉no꞉ Ma꞉kisedeg e di. A꞉la꞉ta꞉ga꞉ Godeya꞉lo꞉ dinali saefa꞉ a꞉no꞉ Ablaham eyo꞉ o꞉ma di ko꞉sega, Ma꞉kisedeg eyo꞉ Ablahamo꞉ nafale mesea꞉ki dulugu sio꞉.  
\v 7 Kalu abeyo꞉ kalu nolo꞉ halaido꞉ mesea꞉ki dulugu sa꞉lab a꞉no꞉ alandeyo꞉ o꞉m. A꞉la꞉ta꞉ga꞉ elo꞉ dulugu sa꞉lab a꞉no꞉ e ha꞉g amilo꞉ dowo꞉wo꞉ o꞉m. Kaluka꞉isaleya꞉yo꞉ tambowo꞉ a꞉la꞉asulo꞉.  
\v 8 Libaiya꞉ eso꞉lo꞉ amilo꞉ kelego꞉ do꞉ imilig alobanaefa꞉lo꞉ dia꞉sen a꞉no꞉, henfelo꞉ kalu ko꞉lo꞉ iyo꞉ sowa꞉lab. Ko꞉sega Godeya꞉ ene bugo꞉ amio꞉ Ma꞉kisedeg e mela꞉no꞉ mela꞉no꞉ sab a꞉la꞉sa꞉sa꞉lifa꞉ da꞉lab ko꞉lo꞉, kalu nolo꞉ e tinio꞉ ko꞉lo꞉lab.  
\v 9-10 Niliyo꞉ we aumbo꞉ o꞉li asuluma꞉no꞉. Libaiya꞉ so꞉lo꞉ iyo꞉ kelego꞉ do꞉ imilig alobanaetab a꞉no꞉ dia꞉len. Tamin amio꞉ Ablaham eyo꞉ Ma꞉kisedego꞉ galilia꞉sa꞉ga꞉, boba kelego꞉lo꞉ dimi a꞉namio꞉, Libai elo꞉mala dimido꞉. Ko꞉sega Libai e Ablahama꞉ ene ho꞉bo꞉ a꞉na a꞉lab ko꞉lo꞉, Ablaham eyo꞉ dimiabiyo꞉, Libai eyo꞉lo꞉ dimi ko꞉lo꞉lab.   
\s1 Ya꞉su e Ma꞉kisedeg o꞉ngo꞉ dowo꞉  
\p
\v 11 Mo꞉luwo꞉ Gode eyo꞉, Libaiya꞉ so꞉lo꞉ a꞉ma꞉lo꞉ bobalo꞉ so꞉mea꞉no꞉ nanog a꞉no꞉ asulakiyo꞉, eleyo꞉ kaluka꞉isalemo꞉ dimi. Nanog ililo꞉ dimida꞉len a꞉ma꞉yo꞉ mogago꞉ hama꞉no꞉wo꞉ tambo ilili alifa꞉ kibo꞉bowo꞉, bobalo꞉ so꞉mea꞉sen kalu ko꞉li nowo꞉ mo꞉mebabe. Ko꞉sega kalu ho꞉gi mio꞉ a꞉no꞉ A꞉lona꞉ so꞉lo꞉wa a꞉la꞉ta꞉ga꞉ mio꞉ma. E Ma꞉kisedega꞉ so꞉lo꞉ o꞉leo꞉ngo꞉ ko꞉li fa꞉la꞉dowo꞉.  
\v 12 Gode eyo꞉ bobalo꞉ so꞉mea꞉sen kalu tamin amilo꞉ elen i a꞉no꞉ ta꞉taki, ho꞉gi ko꞉li nowo꞉ da꞉feakiyo꞉, eleyo꞉lo꞉ ho꞉gi dia꞉ta꞉sen.  
\v 13-14 \x - \xo 7.13-14 \xt Ais 11.1, Madi 2.6, Kala 5.5\x*Bobalo꞉ so꞉mea꞉sen kalu ho꞉gi so꞉lo꞉l we, Alan Ya꞉su e ko꞉lo꞉ so꞉lo꞉l. E Libaiya꞉ so꞉lo꞉wa a꞉la꞉ta꞉ga꞉ fa꞉la꞉dowo꞉ma. E Yudaya꞉ ene eso꞉lo꞉wa a꞉la꞉ta꞉ga꞉ mio꞉ ko꞉sega, Yudaya꞉ eso꞉lo꞉ a꞉ma꞉yo꞉ Godemo꞉lo꞉ bobalo꞉ so꞉mea꞉sen u dibido꞉ a꞉namio꞉ nanogo꞉ mo꞉dia꞉sen. Mo꞉wo꞉ Mo꞉sa꞉s eyo꞉ ele dia꞉takiyo꞉, Yudaya꞉ eso꞉lo꞉wo꞉ nanogo꞉ hen a꞉na dia꞉melea꞉kiyo꞉ mo꞉saefa꞉.  
\v 15 A꞉la꞉ta꞉ga꞉ o꞉go꞉ bobalo꞉ so꞉mea꞉sen kalu ho꞉gi nowo꞉, Ma꞉kisedeg o꞉leo꞉ngo꞉ ko꞉lo꞉ fa꞉la꞉dowabi bo꞉do꞉l ko꞉lo꞉, to nilo꞉ sio꞉ we o꞉go꞉ kalaba fa꞉la꞉dowab ko꞉lo꞉ gio꞉ o꞉li asuluma꞉ib.  
\v 16 Mo꞉sa꞉sa꞉ ele difa꞉ a꞉namio꞉ bobalo꞉ so꞉mea꞉sen nanog a꞉no꞉ Libaiya꞉ eso꞉lo꞉ a꞉ma꞉ ka dia꞉li ya꞉sen. Ko꞉sega Ya꞉su elo꞉ boba so꞉meakilo꞉ nanog di a꞉no꞉, Mo꞉sa꞉sa꞉ ele difa꞉ a꞉na a꞉la꞉ta꞉ga꞉yo꞉ mo꞉di. Ya꞉su e ko꞉ngo꞉ mela꞉no꞉ dowo꞉ ko꞉lo꞉, halaido꞉ enedo꞉ a꞉na ilikiyo꞉ nanogo꞉ a꞉na di.   
\p
\v 17 \x - \xo 7.17 \xt Hibu 5.6\x*Godeya꞉ ene bugo꞉ amio꞉ E ko꞉lo꞉ fanda sa꞉laki a꞉la꞉sio꞉,  
\q1 “Ma꞉kisedeg elo꞉ nanog di o꞉leaumbo꞉ gi diaki,  
\q2 Ge bobalo꞉ so꞉mea꞉sen kalu ko꞉ngo꞉ mela꞉no꞉ dofo꞉ ha꞉na꞉mela꞉ib.”   
\p
\v 18 Mo꞉lulo꞉ ele difa꞉ a꞉ma꞉yo꞉, kaluka꞉isaleyo꞉ digalo꞉wo꞉ mo꞉fa꞉la꞉do alifa꞉ ko꞉lo꞉, ele a꞉no꞉ o꞉ngo꞉malo꞉ngo꞉ dowabiki, Gode eyo꞉ ha꞉la꞉ya ta꞉fo꞉.  
\v 19 \x - \xo 7.19 \xt Hibu 10.22, Ya꞉m 4.8\x*Mo꞉wo꞉ ele a꞉ma꞉yo꞉ kaluka꞉isaleyo꞉lo꞉, kelego꞉ imilig nowo꞉lo꞉ digalo꞉ nafalelo꞉ mo꞉ta꞉fa꞉no꞉ dowo꞉. A꞉la꞉fo꞉ko꞉lo꞉ nio꞉ Godeya꞉ aniba ege dofo꞉ ha꞉na꞉melea꞉ki, Gode eyo꞉ tog ho꞉gi nowo꞉ fadaefa꞉. Tog ho꞉gi a꞉ma꞉yo꞉ tamin amilo꞉ elen tog a꞉no꞉ tinio꞉ ko꞉lo꞉lab.   
\p
\v 20 A꞉la꞉ta꞉ga꞉ Gode eyo꞉ tog a꞉no꞉ kolaefa꞉nikiyo꞉, to enedo꞉ a꞉no꞉ halale alitakiyo꞉, halaido꞉ dinali sio꞉. Mo꞉luwo꞉ so꞉mea꞉sen kalu nowo꞉ nanog dima꞉ki da꞉feakiyo꞉, towa꞉yo꞉ halale alitakiyo꞉ a꞉la꞉bo꞉ mo꞉dinali saeta꞉i mio꞉.  
\v 21 \x - \xo 7.21 \xt Hibu 5.6\x*Ko꞉sega Gode eyo꞉ Ya꞉su e bobalo꞉ so꞉mea꞉sen kalu da꞉fe alitakiyo꞉, enedo꞉ dinali sio꞉ a꞉no꞉ halale alitaki, ene wi amio꞉ a꞉la꞉saefa꞉.  
\q1 “Ne Alan, niyo꞉ towo꞉ halaido꞉ saeto꞉l ko꞉lo꞉, asulo꞉ ko꞉li no꞉wo꞉ mada mo꞉doma꞉no꞉.  
\q2 ‘Ge bobalo꞉ so꞉mea꞉sen kalu ko꞉ngo꞉ mela꞉no꞉ dofo꞉ ha꞉na꞉mela꞉ib.’ ”   
\m
\v 22 \x - \xo 7.22 \xt Hibu 8.6, 12.24\x*Nio꞉ Godeya dowaki ege mesa꞉no꞉ a꞉la꞉likilo꞉ Godeya꞉lo꞉ dinali sio꞉ a꞉ma꞉yo꞉ tog tamin amilo꞉ delen a꞉no꞉ tinio꞉ ko꞉lo꞉lab. Dinali sio꞉ a꞉no꞉ asula꞉likilo꞉ ele ba꞉da꞉mela꞉no꞉wo꞉ Ya꞉su o꞉m.  
\v 23 So꞉mea꞉sen kalu mo꞉lulo꞉ elen a꞉no꞉ sowab amio꞉ noma꞉ dia꞉li a꞉la꞉li ya꞉len ko꞉lo꞉, nanog a꞉no꞉ kalu modo꞉wa꞉ dia꞉i mio꞉.  
\v 24 Ko꞉sega Ya꞉su e ko꞉ngo꞉ mela꞉no꞉ mela꞉ib ko꞉lo꞉, bobalo꞉ so꞉mea꞉sen nanog elo꞉ di a꞉no꞉ mo꞉edaki, ko꞉ngo꞉ mela꞉no꞉ dowa꞉i ha꞉na꞉mela꞉ib.  
\v 25 \x - \xo 7.25 \xt Lom 8.34\x*A꞉la꞉ma꞉no꞉ da꞉fe alifa꞉ ko꞉lo꞉, Ya꞉su e ni asuwa꞉foma꞉kiyo꞉, ko꞉ngo꞉ mela꞉no꞉ iliki Godemo꞉ dulugu sa꞉la꞉lab. A꞉la꞉fo꞉ko꞉lo꞉ kaluka꞉isaleyo꞉ Ya꞉su eya a꞉la꞉ta꞉ga꞉ Godelo꞉ amilo꞉ yab a꞉no꞉, Ya꞉su eyo꞉ o꞉li asuwa꞉taki hendele gasilia꞉lab ko꞉lo꞉, i a꞉no꞉lo꞉ mela꞉no꞉ mela꞉no꞉ mela꞉ib.   
\p
\v 26 So꞉mea꞉sen misa꞉ kalu o꞉leo꞉ngo꞉wo꞉ hendele ni o꞉lia꞉yo꞉ ege dowab. E malilo꞉ dowo꞉ ko꞉lo꞉, e amio꞉ mogago꞉wo꞉ aundo꞉ma. E go꞉go꞉do꞉le dowo꞉ ko꞉lo꞉, mogago꞉lo꞉ dimida꞉sen kalu o꞉lia꞉yo꞉ alobanaga꞉ta꞉ga꞉ ko꞉na꞉ a꞉lab. A꞉la꞉ta꞉ga꞉ Gode eyo꞉ e Hebene iwalu dulugu alita꞉ga꞉ ta꞉fo꞉lab.  
\v 27 \x - \xo 7.27 \xt Hibu 5.3\x*Ya꞉su e so꞉mea꞉sen misa꞉ kalu nol o꞉ngo꞉ma. Iliyo꞉ ho꞉leno꞉ tambo bobayo꞉ so꞉mea꞉sen. Tamin amio꞉ mogago꞉ enedo꞉wa ilikiyo꞉, boba enedo꞉ ko꞉le dimia꞉sa꞉ga꞉yo꞉, a꞉ma꞉ fa꞉s amio꞉ kaluka꞉isaleya꞉lo꞉ mogago꞉ dimido꞉ a꞉na iliki, boba nowo꞉ a꞉na dimia꞉sen. Ko꞉sega Ya꞉su eyo꞉ a꞉la꞉do꞉ mo꞉dimido꞉. Eyo꞉ ho꞉len imilig amio꞉ eneko꞉ dimi ko꞉lo꞉, nanog elo꞉ dimido꞉ a꞉ma꞉yo꞉ ho꞉leno꞉ ta꞉i mio꞉wo꞉lo꞉, dowa꞉i ha꞉na꞉no꞉wo꞉lo꞉ halaido꞉ko꞉ dofo꞉ ha꞉na꞉mela꞉ib.  
\v 28 Mo꞉sa꞉sa꞉ ele difa꞉ a꞉ma꞉yo꞉, henfelo꞉ kalu halaido꞉lo꞉ma dowa꞉lab i a꞉no꞉ bobalo꞉ so꞉mea꞉sen misa꞉ kalu doma꞉ki da꞉fea꞉sen. Ko꞉sega ele difa꞉ a꞉ma꞉ fa꞉s amio꞉, Godeya꞉ ene wiya ilikiyo꞉, to enedo꞉wo꞉ halaido꞉ doma꞉ki a꞉na saefa꞉ ko꞉lo꞉, to saefa꞉ a꞉ma꞉yo꞉ ene so꞉wayo꞉ bobalo꞉ so꞉mea꞉sen kalu ta꞉fo꞉. A꞉la꞉ta꞉ga꞉ so꞉wa a꞉no꞉ ego꞉ nafale dowaki, nanog a꞉no꞉ ko꞉lo꞉ dimida꞉i ha꞉na꞉mela꞉ib.   
\c 8  
\s1 Kaluka꞉isaleyo꞉ Gode o꞉lia꞉lo꞉ ege doma꞉no꞉ tog ho꞉gi a꞉no꞉ we  
\p
\v 1 To nililo꞉ sio꞉ a꞉ma꞉ ha꞉go꞉ we. Nili bobalo꞉ so꞉mea꞉sen kalu alandeyo꞉ nowo꞉ a꞉lab ko꞉lo꞉, e Hebene ha꞉na꞉sa꞉ga꞉yo꞉, wabulun dowaki Iwalulo꞉ A꞉lab Gode a꞉ma꞉ dagi ililiba asifo꞉lab.  
\v 2 Eyo꞉ Galala꞉ Mada Malilo꞉le us a꞉namio꞉ nanogo꞉ dimida꞉lab. Galala꞉ a꞉no꞉ Godeya꞉ Malilo꞉ a usa a꞉lab ko꞉sega, a a꞉no꞉ kaluwa꞉ dimido꞉ma. Godeya꞉ ene dimido꞉ ko꞉lo꞉, Ya꞉su e nanogo꞉ a꞉na dimida꞉lab.   
\p
\v 3 Bobalo꞉ so꞉mea꞉sen misa꞉ kaluwa꞉ nanog a꞉no꞉ we. Iyo꞉ tambo Godemo꞉wo꞉ boba kelego꞉wo꞉ dimiaki, a꞉la꞉ta꞉ga꞉ no꞉wo꞉lo꞉ so꞉mea꞉sen. Ililo꞉ dimido꞉ o꞉leaumbo꞉ nili bobalo꞉ so꞉mea꞉sen misa꞉ kalu Ya꞉su eyo꞉lo꞉ Godemo꞉lo꞉ boba kelego꞉ dimia꞉no꞉wo꞉ da꞉lab.  
\v 4 Ya꞉su e henfelo꞉ kalule kibo꞉bowo꞉, e bobalo꞉ so꞉mea꞉sen nanog a꞉no꞉ mo꞉dimidamabe. Mo꞉wo꞉ Mo꞉sa꞉sa꞉ ele a꞉ma꞉lo꞉ saefa꞉ o꞉leaumbo꞉, bobalo꞉ so꞉mea꞉mela꞉no꞉ kalu nolo꞉ o꞉ma da꞉fe alifelo꞉ ko꞉lo꞉ elen.  
\v 5 \x - \xo 8.5 \xt Kis 25.40, Kolo 2.17, Hibu 9.23\x*Kalu i a꞉ma꞉yo꞉ henfelo꞉ wenamio꞉ Godeya꞉ ene Malilo꞉ a a꞉nami dia꞉len. Ko꞉sega a a꞉no꞉, Godeya꞉ ene Malilo꞉ a, Hebenelo꞉ a꞉lab misido꞉ a꞉no꞉ ko꞉lo꞉ dede dimido꞉. Mo꞉sa꞉s eyo꞉ Godeya꞉ Malilo꞉ ayo꞉ so꞉ga꞉ dima꞉kiyo꞉, Gode eyo꞉ emo꞉wo꞉ widakiyo꞉ a꞉la꞉sio꞉, “Na꞉no꞉ misio꞉wa dowakilo꞉ gemo꞉lo꞉ wido꞉ o꞉leaumbo꞉ giyo꞉ dede dimida꞉bi.”  
\v 6 \x - \xo 8.6 \xt Hibu 7.22\x*Ko꞉sega nanogo꞉ Ya꞉suwa꞉lo꞉ dimida꞉lab a꞉no꞉ nafale fa꞉la꞉dowaki, nanog bobalo꞉ so꞉mea꞉sen kaluwa꞉lo꞉ tamin amilo꞉ dimido꞉ a꞉no꞉ a꞉ma꞉ tinio꞉ ko꞉lo꞉lab. A꞉la꞉ta꞉ga꞉ kaluka꞉isalelo꞉ Gode o꞉lia꞉lo꞉ ege doma꞉no꞉ tog ho꞉gi a꞉namio꞉ Ya꞉su e us kalu alan dowo꞉ ko꞉lo꞉, tog ho꞉gi a꞉ma꞉yo꞉ tog mo꞉lulo꞉ ya꞉len a꞉no꞉ tinio꞉ ko꞉lo꞉lab. Mo꞉wo꞉ tog ho꞉gi a꞉ma꞉lo꞉ dinali sa꞉lab a꞉ma꞉yo꞉, dinali sio꞉ mo꞉lulo꞉ elen a꞉no꞉ tinio꞉. \fig Gode eyo꞉ ene malilo꞉ ayo꞉ so꞉ga꞉ dima꞉kiyo꞉, Mo꞉sa꞉sbo꞉ wido꞉.|alt="Tabernacle" src="C034_gr.tif" size="col" copy="© 1997 New Tribes Mission/Foreign Mission Board, Southern Baptist Convention. Used with permission." ref="8.5" \fig*   
\p
\v 7 Kaluka꞉isaleyo꞉ Gode o꞉lia꞉ ege doma꞉no꞉ a꞉la꞉likilo꞉ tog mo꞉lulo꞉ delen a꞉no꞉ o꞉li dowo꞉ kibo꞉bowo꞉, Gode eyo꞉ tog ho꞉gi nowo꞉ mo꞉fadamabe.  
\v 8 \x - \xo 8.8 \xt Jer 31.31-34\x*Ko꞉sega Gode eyo꞉ kelego꞉ nolo꞉ mo꞉ego꞉le dowo꞉ a꞉no꞉ ba꞉da꞉sa꞉ga꞉, kaluka꞉isalemo꞉wo꞉ a꞉la꞉dinali saefa꞉,  
\q1 “Alan eyo꞉ a꞉la꞉sio꞉, Ho꞉len nowo꞉ fa꞉la꞉dowalikiyo꞉, niyo꞉ kaluka꞉isalelo꞉ Gode o꞉lia꞉lo꞉ ege doma꞉no꞉ tog ho꞉gi nowo꞉ dimidama꞉nigo꞉l.  
\q2 To saeto꞉l a꞉no꞉ Isolael kaluka꞉isale o꞉lia꞉ Yuda kaluka꞉isale o꞉lia꞉mo꞉ saetakigo꞉l.   
\q1
\v 9 Tog ho꞉gi we, tog tamin amilo꞉ ini ema꞉mui o꞉lia꞉mo꞉lo꞉ saefa꞉ o꞉leo꞉ngo꞉ma.  
\q2 Tamin amio꞉ kaluka꞉isale i a꞉no꞉ Isib hen a꞉na a꞉la꞉ta꞉ga꞉ dagi nilo꞉ma꞉ sili alita꞉sa꞉ga꞉ tililia꞉mio꞉ ko꞉lo꞉ a꞉na saefa꞉.  
\q1 Ko꞉sega to nilo꞉ saefa꞉ a꞉no꞉ iyo꞉ mo꞉kudu ane ko꞉lo꞉,  
\q2 niyo꞉lo꞉ imo꞉wo꞉ fa꞉s dimi.   
\q1
\v 10 Tog ho꞉gi dia꞉takiyo꞉, nilo꞉ Isolael kaluka꞉isale o꞉lia꞉lo꞉ to saefa꞉nigo꞉lo꞉ a꞉no꞉ we.  
\q1 Ele nilo꞉wo꞉ iyo꞉ asuluma꞉ki, inin asulo꞉wa sa꞉sa꞉li alifa꞉no꞉.  
\q2 Iliyo꞉ ele a꞉no꞉ kudu hamana꞉kiyo꞉, inin himuwa dia꞉fa꞉no꞉.  
\q1 Ili Godeyo꞉ ne doma꞉no꞉ a꞉la꞉ta꞉ga꞉  
\q2 Iyo꞉ kaluka꞉isale nino꞉ doma꞉ib.   
\q1
\v 11 Iliyo꞉ ne asulaki, wilo꞉ di kalu o꞉lia꞉ wa꞉feyo꞉ kalu o꞉lia꞉ma꞉yo꞉  
\q2 tambo ne mada fanda asuluma꞉ib.  
\q1 Iyo꞉ o꞉ma asulufo꞉lab ko꞉lo꞉, kalu noma꞉yo꞉ ene so꞉lo꞉ o꞉lia꞉ mili kalu o꞉lia꞉mo꞉wo꞉  
\q2 ‘Giyo꞉ Godeyo꞉ asuluma’ a꞉la꞉bo꞉ wa꞉kabiyo꞉ mo꞉wida꞉mela꞉ib.   
\q1
\v 12 Ililo꞉ mogago꞉ dimida꞉len a꞉no꞉ halaki ga꞉lila꞉ma꞉no꞉ ko꞉lo꞉,  
\q2 wa꞉kabiyo꞉ mo꞉asuluma꞉no꞉,” Gode eyo꞉ a꞉la꞉sio꞉.   
\p
\v 13 Gode eyo꞉ tog we “ho꞉gi” a꞉la꞉wikili alitakiyo꞉, tog mo꞉lulo꞉ delen a꞉no꞉ nanogdo꞉ma dowab a꞉la꞉widakigab. Tog a꞉no꞉ halaido꞉lo꞉ma dowaki, kelegema꞉nigab.   
\c 9  
\s1 Malilo꞉ Ayo꞉ henfelo꞉ wena di  
\p
\v 1 \x - \xo 9.1 \xt Kis 25.23–26.30\x*Kaluka꞉isaleyo꞉ Gode o꞉lia꞉lo꞉ ege doma꞉no꞉ tog mo꞉luwo꞉ elen a꞉namio꞉, henfelo꞉ wenamio꞉ malilo꞉ ayo꞉ delen, a꞉la꞉ta꞉ga꞉ gulugululakilo꞉ dimidan eleyo꞉lo꞉ delen.  
\v 2 Iliyo꞉ Godeya꞉ malilo꞉ ayo꞉ helebeso꞉ga꞉ di alifa꞉. A a꞉namio꞉ a꞉la꞉ galala꞉. Galala꞉ tamin amilo꞉ a꞉no꞉ Galala꞉ Malilo꞉ a꞉la꞉wikilo꞉. Galala꞉ us a꞉namio꞉ asondo꞉ do꞉itakilo꞉ ta꞉li mesa꞉no꞉wo꞉ delen, a꞉la꞉ta꞉ga꞉ ma꞉ndo꞉ dia꞉ta꞉sen i fofodo꞉wo꞉lo꞉ a꞉na delen. A꞉la꞉ta꞉ga꞉ Godemo꞉lo꞉ dimian ma꞉n so꞉fa꞉yo꞉lo꞉ a꞉na delen.  
\v 3 \x - \xo 9.3 \xt Kis 26.31-33\x*A us a꞉namio꞉ helebeso꞉go꞉ dehedakilo꞉ galala꞉ no꞉wo꞉ dowo꞉ ko꞉lo꞉, a꞉no꞉ Galala꞉ Mada Malilo꞉le a꞉la꞉wikilo꞉.  
\v 4 \x - \xo 9.4 \xt Kis 16.33, 25.10-16, 30.1-6, Nam 17.8-11, Lo 10.3-5\x*Galala꞉ Mada Malilo꞉le us a꞉namio꞉ kelego꞉ nolo꞉ delen. Mun nafa fa꞉la꞉doma꞉kilo꞉ so꞉kugulu so꞉da꞉sen i fofodo꞉ a꞉no꞉, go꞉la꞉ tambo oga꞉di alifa꞉ ko꞉lo꞉ a꞉na delen. A꞉la꞉ta꞉ga꞉ nowo꞉ i bokisi ko꞉lo꞉ delen. Kaluka꞉isalelo꞉ Gode o꞉lia꞉lo꞉ ege doma꞉no꞉ tog a꞉no꞉ asula꞉mela꞉no꞉wo꞉ i bokisi a꞉no꞉ ko꞉lo꞉ delen. Bokisi a꞉no꞉lo꞉ go꞉la꞉yo꞉ tambo oga꞉di alifa꞉. I bokisi us a꞉namio꞉ kelego꞉ otalen ko꞉lo꞉ da꞉lab. Fafo go꞉l amilo꞉ dimido꞉ a꞉namio꞉ manayo꞉ a꞉na difa꞉ ko꞉lo꞉ da꞉lab. A꞉la꞉ta꞉ga꞉ A꞉lona꞉ ene ido꞉mo꞉ howo꞉wo꞉ tamin amilo꞉ fa꞉la꞉dowo꞉ a꞉no꞉lo꞉ usa da꞉lab. A꞉la꞉ta꞉ga꞉ u amilo꞉ ele saetakilo꞉ tolo꞉ sa꞉sa꞉lo꞉ a꞉la꞉ a꞉no꞉lo꞉ a꞉na da꞉lab.  
\v 5 \x - \xo 9.5 \xt Kis 25.18-22\x*I fofodo꞉ wa꞉l a꞉namio꞉ ka꞉lub\f + \fr 9.5 \ft Ka꞉lub a꞉la꞉do꞉ sa꞉lab a꞉no꞉, ma꞉mula꞉ kalu o꞉ngo꞉ dowo꞉ ko꞉sega, ka꞉lub a꞉no꞉ a꞉fuldo꞉ dowaki, nanogo꞉ ko꞉li dimida꞉ma꞉no꞉ dowo꞉ ko꞉lo꞉ ta꞉fo꞉.\f* o꞉leo꞉ngo꞉ misido꞉ a꞉la꞉ nowo꞉ momadela꞉sa꞉ga꞉ ta꞉fo꞉lab. Kelego꞉ a꞉la꞉ a꞉ma꞉yo꞉ Godeya꞉ ene halaido꞉ fo꞉fo꞉lesodo꞉ a꞉no꞉ ko꞉lo꞉ wida꞉melea꞉ki ta꞉fo꞉lab. A꞉la꞉ma꞉ a꞉ful a꞉ma꞉yo꞉ i fofodo꞉ wa꞉l a꞉na ha꞉gulufo꞉lab ko꞉lo꞉, a꞉ful ha꞉g a꞉namio꞉ kaluka꞉isaleya꞉ mogago꞉ dimido꞉ a꞉no꞉ halaki ga꞉lila꞉melea꞉kiyo꞉, ho꞉bo꞉wo꞉ a꞉na tulu alifela꞉sen. Ko꞉sega o꞉g wenamio꞉ towo꞉ tambowo꞉ mo꞉dinafa fanda sa꞉ma꞉no꞉.\fig I fofodo꞉ wa꞉l a꞉namio꞉ ma꞉mula꞉ kalu a꞉la꞉ o꞉ngo꞉ misido꞉ momada꞉sa꞉ga꞉ ta꞉fo꞉.|alt="Ark of the Covenant, cherubim" src="14_2Ch_03_02a_RG_gr.tif" size="col" copy="© Sweet Publishing http://sweetpublishing.com, licensed under a CC: BY-SA 3.0 Unported licence" ref="9.5" \fig*   
\p
\v 6 \x - \xo 9.6 \xt Nam 18.2-6\x*Kelego꞉ a꞉no꞉ tambo a꞉la꞉dimidalifela꞉sa꞉ga꞉ ta꞉fo꞉len ko꞉lo꞉, ho꞉leno꞉ tambo amio꞉ bobalo꞉ so꞉mea꞉sen kalu iyo꞉ galala꞉ tamin amilo꞉ a꞉na tina꞉sa꞉ga꞉, nanogo꞉ ko꞉li ko꞉lilo꞉ dimida꞉sen.  
\v 7 \x - \xo 9.7 \xt Wkp 16.2-34\x*Ko꞉sega Galala꞉ Mada Malilo꞉le us a꞉namio꞉, bobalo꞉ so꞉mea꞉sen misa꞉ kalu imilig a꞉no꞉ko꞉ tina꞉sen. Dona imilig a꞉namio꞉ ho꞉leno꞉ imiliga nanogo꞉ a꞉na dia꞉ni tina꞉sen. No꞉ ho꞉bo꞉wo꞉ aundo꞉malamio꞉, us amio꞉ mo꞉tina꞉sen. Mogago꞉ enedo꞉ dimido꞉ a꞉no꞉lia꞉ kaluka꞉isaleya꞉lo꞉ mogago꞉wo꞉ mo꞉asulakilo꞉ dimida꞉len a꞉no꞉lia꞉yo꞉ hala꞉ma꞉ki, ho꞉bo꞉wo꞉ dia꞉sa꞉ga꞉ Godemo꞉ dimia꞉ni tina꞉sen.  
\v 8 Ililo꞉ dimida꞉len a꞉na ilikiyo꞉, Godeya꞉ Mama eyo꞉ nimo꞉lo꞉ wido꞉wo꞉ we. Godeya꞉ Malilo꞉ a a꞉no꞉ o꞉dialifo꞉liki nanogo꞉ dia꞉lab amio꞉, Galala꞉ Mada Malilo꞉le us amilo꞉ tina꞉no꞉ tog a꞉no꞉ semo꞉ kolaefa꞉ ko꞉lo꞉lab.  
\v 9 \x - \xo 9.9 \xt Hibu 10.1-2\x*Man ililo꞉ kudu ane a꞉no꞉ o꞉gdo꞉ wenamio꞉ nimo꞉ fanda asuluma꞉ki widaki go꞉. Man a꞉no꞉ kudu ha꞉nakiyo꞉, iliyo꞉ boba kelego꞉ o꞉lia꞉ no꞉ ho꞉bo꞉ o꞉lia꞉yo꞉ Godemo꞉lo꞉ dimia꞉len a꞉namio꞉, man a꞉ma꞉yo꞉ ili asulo꞉ a꞉no꞉ mo꞉hala꞉ ko꞉lo꞉, go꞉go꞉do꞉ nafaleyo꞉ mo꞉ta꞉fo꞉.  
\v 10 Man a꞉no꞉ henfelo꞉ do꞉mo꞉wa꞉no꞉ ko꞉lo꞉ dimida꞉len. Ele ko꞉li ko꞉lilo꞉, ma꞉no꞉lo꞉, ho꞉no꞉lo꞉, hala dimido꞉ ko꞉li ko꞉lilo꞉ to꞉go꞉dema꞉no꞉ a꞉no꞉lo꞉ dimida꞉len ko꞉sega, Gode eyo꞉ kelego꞉ tambo nafale dimidama꞉no꞉wo꞉ tog ho꞉gi a꞉no꞉ dia꞉tab amio꞉, tamin amilo꞉ tog delen a꞉no꞉ a꞉na ta꞉fo꞉.   
\s1 Ya꞉suwa꞉ ho꞉bo꞉ a꞉ma꞉yo꞉ nili mogago꞉wo꞉ hala꞉lab  
\p
\v 11 Ko꞉sega Gode elo꞉ tog ho꞉gi nafalelo꞉ dia꞉tab a꞉namio꞉, Ya꞉su Keliso e, bobalo꞉ so꞉mea꞉sen misa꞉ kalu fa꞉la꞉dowo꞉. E nanog a꞉no꞉ diakiyo꞉, Godeya꞉ ene Malilo꞉ a, Hebenelo꞉ a꞉lab us a꞉na tiane. A Ya꞉sulo꞉ tiane a꞉no꞉ kaluwa꞉ dagiya꞉lo꞉ mo꞉dimido꞉ ko꞉lo꞉, a a꞉no꞉ henfelo꞉ wema꞉no꞉ma. A a꞉ma꞉yo꞉ Malilo꞉ a tamin amilo꞉ dimido꞉ a꞉no꞉ tinio꞉ ko꞉lo꞉lab.  
\v 12 Ya꞉suwo꞉ a a꞉na tiha꞉nakiyo꞉, goudi ho꞉bo꞉ o꞉lia꞉ kao kalofo ho꞉bo꞉ o꞉lia꞉ a꞉no꞉ ko꞉lo꞉ dia꞉ga꞉ tianema. E Galala꞉ Mada Malilo꞉le us a꞉namio꞉ ho꞉len imilise a꞉na tinakiyo꞉, nili mogago꞉ dimida꞉sen a꞉ma꞉ su silimeakiyo꞉, ene ho꞉bo꞉ko꞉ dia꞉ga꞉ dimi. Elo꞉ dimido꞉ a꞉namio꞉, nio꞉ mela꞉no꞉ mela꞉no꞉wo꞉ dimita꞉ga꞉ ta꞉fo꞉ ko꞉lo꞉, wa꞉kabiyo꞉ mo꞉dimidama꞉ib.  
\v 13 \x - \xo 9.13 \xt Wkp 16.15-16, Nam 19.9,17-19, Hibu 10.4\x*Man tamin amilo꞉ dimida꞉len a꞉namio꞉, goudi ho꞉bo꞉ o꞉lia꞉ kao de ho꞉bo꞉ o꞉lia꞉, kao mala ko꞉lo꞉ so꞉fa꞉ go꞉m a꞉no꞉lia꞉ dia꞉sa꞉ga꞉, kaluka꞉isale inina tambo fifi alitab amio꞉, henfelo꞉ do꞉mo꞉ ililo꞉wo꞉ Godeya꞉ si wa꞉l amio꞉ nafaleyo꞉ o꞉ngo꞉ ta꞉fo꞉.  
\v 14 \x - \xo 9.14 \xt 1Bid 1.18-19\x*A꞉la꞉dimida꞉len ko꞉sega Kelisowa꞉ ho꞉bo꞉ a꞉ma꞉yo꞉ no꞉ ho꞉bo꞉ a꞉no꞉ mada tinio꞉lo꞉b a꞉la꞉asulo꞉l. E amio꞉ hala dimido꞉ nowo꞉ mada aundo꞉ma. Ko꞉ngo꞉ mela꞉no꞉ Mama a꞉ma꞉ halaido꞉ a꞉na ilikiyo꞉, Ya꞉su eyo꞉ mela꞉no꞉ enedo꞉ a꞉no꞉ Godemo꞉ boba dimi ko꞉lo꞉, ene ho꞉bo꞉ a꞉ma꞉yo꞉ nilido꞉ asulano꞉ tambo to꞉go꞉de alifela꞉lab. A꞉la꞉fo꞉ko꞉lo꞉ niliyo꞉ ele kudu ha꞉nakilo꞉ soma꞉no꞉lo꞉ doba꞉da꞉lo꞉ tililia꞉ga꞉ ha꞉na꞉sen man a꞉no꞉ ta꞉takiyo꞉, Gode mela꞉no꞉ a꞉lab a꞉ma꞉ nanogo꞉ hendele dimidama꞉ki ta꞉fo꞉.   
\p
\v 15 A꞉la꞉fo꞉ko꞉lo꞉ nio꞉ Gode o꞉lia꞉lo꞉ ege doma꞉no꞉ tog ho꞉gi a꞉namio꞉, Ya꞉su e, us kalu dowo꞉ ko꞉lo꞉lab. Kaluka꞉isale Godeya꞉lo꞉ ho꞉leli a꞉no꞉ ko꞉ngo꞉ nafale mesa꞉no꞉, Godeya꞉lo꞉ dinali sio꞉ a꞉no꞉ ko꞉lo꞉ dima꞉kiyo꞉, Ya꞉su e sowakilo꞉ su silime a꞉ma꞉yo꞉ nio꞉ a꞉ma꞉la꞉ kilili. Eyo꞉ a꞉la꞉dimidakiyo꞉, nio꞉ ele a꞉ma꞉ ha꞉ga ilikilo꞉ mogago꞉ dimida꞉len a꞉no꞉ ga꞉li mesea꞉ki ta꞉fo꞉.  
\v 16 Kaluwo꞉ semo꞉sowo꞉ ilikiyo꞉, ene dabuno꞉, kalu abe dia꞉iba꞉le a꞉la꞉liki dinali saetaki sa꞉sa꞉lifa꞉ ko꞉lo꞉, kalu a꞉no꞉ mo꞉sowo꞉ o꞉a꞉lab amio꞉, to saetakilo꞉ sa꞉sa꞉lo꞉ a꞉no꞉ madali o꞉dia꞉fo꞉mela꞉ib.  
\v 17 Mo꞉wo꞉ kaluwo꞉ sowab a꞉namio꞉, to saetakilo꞉ sa꞉sa꞉lo꞉ a꞉no꞉ nanogo꞉ a꞉na dia꞉ib. Kalu a꞉no꞉ o꞉salikiyo꞉, to sa꞉sa꞉lo꞉ a꞉no꞉ nanogo꞉ aundo꞉ma dowab.  
\v 18 A꞉la꞉fo꞉ko꞉lo꞉ tog mo꞉luwo꞉ kaluka꞉isalelo꞉ Gode o꞉lia꞉lo꞉ ege dowa꞉sen a꞉no꞉ kolama꞉nikiyo꞉, Mo꞉sa꞉s eyo꞉ no꞉ ho꞉bo꞉ a꞉na ilikiyo꞉, togo꞉ kolaefa꞉.  
\v 19 \x - \xo 9.19 \xt Kis 24.6-8\x*Tamin amio꞉ Mo꞉sa꞉s eyo꞉ Godeya꞉lo꞉ ele difa꞉ a꞉no꞉ tambo kaluka꞉isalemo꞉wo꞉ agele mea꞉sa꞉ga꞉yo꞉, eyo꞉ kao ho꞉bo꞉ o꞉lia꞉ goudi ho꞉bo꞉ o꞉lia꞉ a꞉no꞉ ho꞉n o꞉lia꞉ wo꞉gela꞉sa꞉ga꞉, sibi fo꞉n genelo꞉ nolo꞉ dia꞉sa꞉ga꞉, hisob i a꞉na melo꞉ ko꞉lo꞉, ho꞉bo꞉wa degelelia꞉sa꞉ga꞉yo꞉, bugo꞉ o꞉lia꞉ kaluka꞉isale o꞉lia꞉ma꞉ wa꞉la fuga a꞉la꞉li ane.  
\v 20 Mo꞉sa꞉s eyo꞉ dimidakiyo꞉ a꞉la꞉sio꞉, “Gode eyo꞉ nio꞉ ele saefa꞉ we kudu hamana꞉ki dimi ko꞉lo꞉, to a꞉no꞉ halaido꞉ saetakiyo꞉, ho꞉bo꞉ wema꞉ mulu alito꞉l” a꞉la꞉sio꞉.  
\v 21 \x - \xo 9.21 \xt Wkp 8.15,19\x*A꞉la꞉do꞉ fuga a꞉la꞉li ane o꞉leaumbo꞉, eyo꞉ Godeya꞉ malilo꞉ a o꞉lia꞉, Godeya꞉ wi duludakilo꞉ dian kelego꞉ a꞉namio꞉lo꞉ ho꞉bo꞉ a꞉ma꞉ tambo fuga alifela꞉li ane.  
\v 22 \x - \xo 9.22 \xt Wkp 17.11\x*Godeya꞉lo꞉ Mo꞉sa꞉sbo꞉lo꞉ ele difa꞉ a꞉ma꞉yo꞉ a꞉la꞉sio꞉, “Kelego꞉wo꞉ tambo Godeya꞉ siwa꞉l amio꞉ malilo꞉ fa꞉la꞉do alifoma꞉kiyo꞉, ho꞉bo꞉ a꞉ma꞉ dimidaliki, malilo꞉wo꞉ a꞉na fa꞉la꞉doma꞉ib.” Ho꞉bo꞉wo꞉ mo꞉tulalega, mogago꞉ dimido꞉ a꞉no꞉ ko꞉lo꞉ halakiyo꞉ mo꞉ga꞉lila꞉sen.   
\p
\v 23 \x - \xo 9.23 \xt Hibu 8.5, 10.1\x*Henfelo꞉ wenami kelego꞉ malilo꞉ ayamilo꞉ da꞉lab a꞉no꞉, kelego꞉ Hebenelo꞉ a꞉lab a꞉no꞉ ko꞉lo꞉ da꞉feaki dede difa꞉ ko꞉lo꞉, henfelo꞉ kelego꞉ a꞉no꞉ no꞉ ho꞉bo꞉ a꞉ma꞉ ilikiyo꞉, Godeya꞉ siwa꞉l amio꞉ malilo꞉ ta꞉felo꞉. Ko꞉sega kelego꞉ Hebenelo꞉ da꞉lab a꞉no꞉ no꞉ ho꞉bo꞉ a꞉ma꞉yo꞉ mo꞉mulu alifelo꞉. Kelego꞉ a꞉no꞉, ho꞉bo꞉ nafale noma꞉, no꞉ ho꞉bo꞉lo꞉ tinio꞉ a꞉ma꞉ ilikiyo꞉ malilo꞉ ta꞉felo꞉.  
\v 24 Ya꞉su e, henfelo꞉ wenamilo꞉ Malilo꞉ a us a꞉namio꞉ mo꞉tiane. Henfelo꞉ amilo꞉ a a꞉no꞉, Hebenelo꞉ a꞉lab a꞉no꞉ ko꞉lo꞉ dedaki di. A꞉la꞉fo꞉ko꞉lo꞉ Ya꞉su e Hebeneka tigini ha꞉na꞉sa꞉ga꞉, o꞉go꞉ nio꞉ ko꞉lo꞉ asuwa꞉ta꞉liki, Godeya꞉ anibdeya sab.  
\v 25 Henfelo꞉ wenamio꞉ bobalo꞉ so꞉mea꞉sen misa꞉ kalu iyo꞉ donayo꞉ tambo amio꞉ Galala꞉ Mada Malilo꞉le us a꞉na wa꞉ka wa꞉ka a꞉la꞉tina꞉sen. A꞉la꞉ta꞉ga꞉ iyo꞉ ini ho꞉bo꞉leyo꞉ mo꞉dia꞉ga꞉ tina꞉sen. Ko꞉sega Ya꞉su eyo꞉ wa꞉ka wa꞉ka a꞉la꞉bo꞉ mo꞉dimido꞉.  
\v 26 \x - \xo 9.26 \xt Hibu 10.10\x*Ya꞉su eyo꞉ henfelo꞉ wenamilo꞉ bobalo꞉ so꞉mea꞉sen kaluwa꞉lo꞉ dimida꞉sen o꞉leau dimido꞉ kibo꞉bowo꞉, Ya꞉su e henfelo꞉ welo꞉ ho꞉gi dimido꞉ a꞉na a꞉la꞉ta꞉ga꞉, nagalo꞉wo꞉ dia꞉li ya꞉melebabe. Ko꞉sega e a꞉la꞉do꞉ mo꞉dimido꞉. Elema꞉no꞉ ho꞉len dowab wenamio꞉, Ya꞉su e ho꞉len imilig a꞉naka fa꞉la꞉dowaki, ene ho꞉bo꞉ tulo꞉ a꞉ma꞉ iliki, man mogago꞉wo꞉ tambo dila꞉.  
\v 27 Kaluka꞉isaleyo꞉ we au sowa꞉lab. E ho꞉len imilise noamio꞉ sowa꞉sa꞉ga꞉, mo꞉walilima꞉no꞉wa kagama꞉ib.  
\v 28 O꞉leaumbo꞉ ho꞉len imilise amio꞉, Keliso eyo꞉ kaluka꞉isale tambowa꞉ mogago꞉ dilaki, ene do꞉mo꞉ko꞉ dimi. A꞉la꞉ta꞉ga꞉ e andeb fa꞉la꞉dowakiyo꞉, mogago꞉wo꞉ mo꞉dila꞉ma꞉ni mia꞉ib. Eyo꞉ kaluka꞉isale elo꞉ yasila꞉len a꞉no꞉ tambo a꞉ma꞉la꞉ gasiliaki, mela꞉no꞉ dimia꞉ni mia꞉ib.   
\c 10  
\s1 Ya꞉suwa꞉lo꞉ boba dimi a꞉no꞉ dowa꞉i ha꞉na꞉mela꞉ib  
\p
\v 1 Nio꞉ Mo꞉sa꞉sa꞉ ele difa꞉ a꞉no꞉ ba꞉dakiyo꞉, kelego꞉ nafa tif amilo꞉ dia꞉no꞉ a꞉no꞉ ka misili ba꞉ba꞉. Ele difa꞉ a꞉no꞉ mama dede dimido꞉ o꞉ngo꞉ elen. A꞉la꞉fo꞉ko꞉lo꞉ kaluka꞉isaleyo꞉ ele ha꞉ga iliki, ili mogago꞉ dimido꞉ a꞉no꞉ hama꞉kiyo꞉, donayo꞉ tambo amio꞉ no꞉ ho꞉bo꞉wo꞉ Godemo꞉wo꞉ wa꞉ka wa꞉ka a꞉la꞉dimia꞉len. Ko꞉sega kaluka꞉isaleyo꞉ Godeyo꞉ wabudakilo꞉ elo꞉ amilo꞉ ya꞉lab a꞉no꞉, no꞉ ho꞉bo꞉ dimia꞉lab a꞉ma꞉yo꞉ iyo꞉ malilo꞉ nafaleyo꞉ mada mo꞉ta꞉ta꞉sen.  
\v 2 Ililo꞉ no꞉ ho꞉bo꞉ imilise dimi a꞉ma꞉yo꞉ iyo꞉ malilo꞉ nafale tambo ta꞉fo꞉ kibo꞉bowo꞉, ililo꞉ mogago꞉ dimida꞉len a꞉no꞉ wa꞉kabiyo꞉ mo꞉asulaki, no꞉ ho꞉bo꞉ dimia꞉no꞉wo꞉ elemabe.  
\v 3-4 \x - \xo 10.3-4 \xt Hibu 9.13\x*Ko꞉sega o꞉ngo꞉ma. Kaowa꞉ ho꞉bo꞉ o꞉lia꞉ goudiya꞉ ho꞉bo꞉ o꞉lia꞉ma꞉yo꞉ mogago꞉wo꞉ mada mo꞉hala꞉ma꞉ib. A꞉la꞉fo꞉ko꞉lo꞉ donayo꞉ tambo amio꞉ ili mogago꞉wo꞉ hama꞉kiyo꞉, no꞉ ho꞉bo꞉wo꞉ dimia꞉len ko꞉lo꞉, iliyo꞉ a꞉la꞉dimida꞉likiyo꞉ mogago꞉ enedo꞉wo꞉ wa꞉ka asula꞉len.   
\p
\v 5 \x - \xo 10.5 \xt Song 40.6-8\x*A꞉la꞉fo꞉ko꞉lo꞉ Keliso e henfelo꞉ wena mia꞉nikiyo꞉ Godemo꞉wo꞉ a꞉la꞉sio꞉,  
\q1 “Giyo꞉ boba kelego꞉ o꞉lia꞉ no꞉ ho꞉bo꞉ so꞉mea꞉sen a꞉no꞉lia꞉yo꞉ mo꞉asulab ko꞉sega,  
\q2 Giyo꞉ do꞉mo꞉ nilo꞉wo꞉ dimidaefa꞉.   
\q1
\v 6 Mogago꞉ hama꞉kilo꞉ boba gemo꞉lo꞉ dimia꞉sen o꞉lia꞉  
\q2 no꞉ so꞉da꞉sa꞉ga꞉lo꞉ dimia꞉sen a꞉ma꞉yo꞉ ge mo꞉sagale alifa꞉.”   
\q1
\v 7 A꞉la꞉ta꞉ga꞉yo꞉, to nowo꞉ a꞉la꞉sio꞉, “Ni Gode, tamina gi bugo꞉ amio꞉ niyo꞉ a꞉la꞉dimidama꞉ib a꞉la꞉do꞉ sa꞉sa꞉lifa꞉ o꞉leaumbo꞉,  
\q2 o꞉go꞉ ne gilo꞉ asulo꞉ au dimidama꞉ni, ya꞉ga꞉ so꞉l.”   
\m
\v 8 Tamin amio꞉ Ya꞉su eyo꞉ Godemo꞉wo꞉ a꞉la꞉sio꞉, “Giyo꞉ boba kelego꞉ o꞉lia꞉ no꞉ ho꞉bo꞉ so꞉mea꞉sen a꞉no꞉lia꞉yo꞉ mo꞉asulab. A꞉la꞉ta꞉ga꞉ mogago꞉ hama꞉kilo꞉ boba gemo꞉lo꞉ dimia꞉sen o꞉lia꞉ no꞉ so꞉da꞉sa꞉ga꞉lo꞉ dimia꞉sen a꞉ma꞉yo꞉ ge mo꞉sagale alifa꞉.” Ko꞉sega ele difa꞉ a꞉ma꞉ sa꞉lakiyo꞉, boba kelego꞉ a꞉no꞉ dimia꞉bi a꞉la꞉saefa꞉.  
\v 9 A꞉la꞉ta꞉ga꞉yo꞉, Ya꞉su eyo꞉ to nowo꞉ a꞉la꞉sio꞉, “Ne gilo꞉ asulab au dimidama꞉ni, ya꞉ga꞉ so꞉l.” A꞉la꞉go꞉ko꞉lo꞉ Gode eyo꞉ tog tamin amilo꞉ elen a꞉no꞉ ta꞉taki, mogago꞉lo꞉ hama꞉no꞉ tog ho꞉gi nowo꞉ difa꞉ ko꞉lo꞉lab.  
\v 10 \x - \xo 10.10 \xt Hibu 9.12\x*Godeya꞉lo꞉ asulab au kudu ha꞉nakiyo꞉, Ya꞉su Keliso eyo꞉ ene do꞉mo꞉wo꞉ Godemo꞉ boba dimi. Elo꞉ dimido꞉ a꞉ma꞉ ilikiyo꞉, nio꞉ nafa malilo꞉ ta꞉fo꞉lab. Ya꞉su elo꞉ ho꞉len imilise amilo꞉ dimido꞉ a꞉ma꞉yo꞉, ho꞉leno꞉ ta꞉i mio꞉wo꞉lo꞉, dowa꞉i ha꞉na꞉no꞉wo꞉lo꞉ halaido꞉ dofo꞉lab.   
\p
\v 11 \x - \xo 10.11 \xt Kis 29.38\x*Bobalo꞉ so꞉mea꞉sen kalu iliyo꞉ ho꞉leno꞉ tambo nanogo꞉ dimida꞉likiyo꞉, no꞉ ho꞉bo꞉wo꞉ Godemo꞉ wa꞉ka wa꞉ka a꞉la꞉dimia꞉lab. Ko꞉sega no꞉ ho꞉bo꞉ a꞉ma꞉yo꞉ man mogago꞉ a꞉no꞉ mada mo꞉dila꞉lab.  
\v 12 Ko꞉sega Keliso e nili mogago꞉wo꞉ hama꞉kiyo꞉, ho꞉len imiliseya ene do꞉mo꞉wo꞉ boba dimi ko꞉lo꞉, boba dimiab a꞉ma꞉yo꞉ dowa꞉i ha꞉na꞉mela꞉ib. Eyo꞉ a꞉la꞉dimida꞉sa꞉ga꞉yo꞉, e ha꞉na꞉sa꞉ga꞉ Godeya꞉ ene dagi ililiba asifo꞉lab.  
\v 13 \x - \xo 10.13 \xt Song 110.1\x*Ya꞉suwo꞉ a꞉na silikiyo꞉, gis kalu elo꞉wo꞉ tambo Gode eyo꞉ e ha꞉g ami dia꞉foma꞉ki, e yasisab.  
\v 14 Mo꞉wo꞉ elo꞉ ho꞉len imilig amilo꞉ boba dimi a꞉ma꞉ ilikiyo꞉, kaluka꞉isaleyo꞉ Godeya꞉ siwa꞉l amio꞉ digalo꞉ nafale ta꞉fo꞉ ko꞉lo꞉, i a꞉no꞉ ko꞉ngo꞉ ka mela꞉ib. Gode elo꞉ malilo꞉ kaluka꞉isale ta꞉fo꞉labo꞉ i o꞉m.   
\p
\v 15 To a꞉no꞉ hendele a꞉la꞉bo꞉ fanda widakiyo꞉, Mama Malilo꞉ a꞉ma꞉yo꞉lo꞉ towa꞉yo꞉ a꞉la꞉sio꞉,   
\q1
\v 16 \x - \xo 10.16 \xt Jer 31.33, Hibu 8.10\x*“O꞉g ho꞉len a꞉namio꞉, tog ho꞉gi dia꞉takiyo꞉, niyo꞉ kaluka꞉isale o꞉lia꞉lo꞉ to saefa꞉nigo꞉l a꞉no꞉ we.  
\q1 Ele nilo꞉wo꞉ iyo꞉ asuluma꞉ki, inin asulo꞉wa sa꞉sa꞉li alifa꞉no꞉.  
\q2 Iliyo꞉ ele a꞉no꞉ kudu hamana꞉kiyo꞉, inin himuwa dia꞉fa꞉no꞉.” Alan eyo꞉ a꞉la꞉sio꞉.   
\m
\v 17 \x - \xo 10.17 \xt Jer 31.34\x*Eyo꞉ to heb nowo꞉ kudu sa꞉lakiyo꞉ a꞉la꞉sio꞉,  
\q1 “Ililo꞉ mogago꞉ ko꞉li ko꞉lilo꞉ dimida꞉len o꞉lia꞉ ele o꞉go꞉sa꞉len o꞉lia꞉yo꞉ ga꞉lilaki wa꞉kabiyo꞉ mo꞉asuluma꞉no꞉.” Mama Malilo꞉ eyo꞉ a꞉la꞉sio꞉.   
\p
\v 18 Gode eyo꞉ man mogago꞉wo꞉ hala꞉sa꞉ga꞉ ga꞉lila꞉ amio꞉, mogago꞉ hama꞉kilo꞉ boba wa꞉kabilo꞉ a꞉dimia꞉no꞉wo꞉ mada aundo꞉ma doma꞉ib.   
\s1 Niliyo꞉ hendele tilida꞉da꞉sa꞉ga꞉, Gode aniba doma꞉niki  
\p
\v 19 \x - \xo 10.19 \xt Hibu 4.16\x*A꞉la꞉fo꞉ko꞉lo꞉ ni nao nado i, Ya꞉suwa꞉ ho꞉bo꞉ a꞉na ilikiyo꞉, nio꞉ Galala꞉ Mada Malilo꞉le a꞉namio꞉ mo꞉tagilaki tigini ha꞉na꞉no꞉.  
\v 20 \x - \xo 10.20 \xt Madi 27.51\x*Tamin amio꞉ Godelo꞉wa tinakiyo꞉, so꞉g dehedo꞉ a꞉na a꞉la꞉ta꞉ga꞉ tina꞉sen ko꞉sega, o꞉go꞉ so꞉g dehedo꞉ a꞉no꞉ Ya꞉suwa꞉ ene do꞉mo꞉wo꞉ o꞉m. A꞉la꞉fo꞉ko꞉lo꞉ nio꞉ Godelo꞉wa tina꞉nikiyo꞉, mela꞉no꞉lo꞉ a꞉lab tog ho꞉gi a꞉no꞉ Ya꞉suwa꞉ ene kolaefa꞉.  
\v 21 A꞉la꞉ta꞉ga꞉ ni amio꞉ bobalo꞉ so꞉mea꞉sen kalu alandeyo꞉ a꞉lab ko꞉lo꞉, eyo꞉ Godeya꞉ ene kaluka꞉isaleyo꞉ bo꞉fo꞉lab.  
\v 22 \x - \xo 10.22 \xt Wkp 8.30, Ese 36.25, A꞉fe 5.26\x*Nio꞉ mogago꞉ dimido꞉ a꞉la꞉asulakilo꞉ sendelowan a꞉no꞉ Ya꞉suwa꞉ ho꞉bo꞉ a꞉ma꞉ tula꞉sa꞉ga꞉ halifa꞉. A꞉la꞉ta꞉ga꞉ nili do꞉mo꞉wo꞉ tambo ho꞉n go꞉go꞉do꞉le a꞉ma꞉ to꞉go꞉de alifa꞉ ko꞉lo꞉lab. A꞉la꞉go꞉ko꞉lo꞉ no꞉no꞉n tilidabu a꞉ma꞉yo꞉ nanogo꞉ diab a꞉la꞉asulakiyo꞉, asulo꞉ nililo꞉ a꞉namio꞉ dikidan mano꞉ mo꞉dowaki, nio꞉ tigini ha꞉na꞉ga꞉, Godeya꞉ anibdeya kagama꞉niki.  
\v 23 Niliyo꞉ Gode elo꞉ dinali sio꞉ a꞉no꞉ hendele dimidama꞉ib a꞉la꞉tili asulo꞉l ko꞉lo꞉, nililo꞉ dia꞉no꞉ yasilo꞉l a꞉no꞉, asulo꞉ a꞉la꞉yo꞉ mo꞉dowaki, a꞉na halale kagama꞉niki.  
\v 24 Niliyo꞉ kaluka꞉isale nolo꞉ ko꞉lo꞉ asulakiyo꞉, nio꞉ ha꞉fo꞉wo꞉ disa꞉laki a꞉la꞉ta꞉ga꞉ man nafa dimidama꞉nikiyo꞉, negelebo꞉ widaki asulo꞉wo꞉ digidalita꞉ mela꞉no꞉.  
\v 25 \x - \xo 10.25 \xt Hibu 3.13\x*Tilidabu kaluka꞉isale nolo꞉ ualo꞉ mo꞉kegene dowa꞉sen aumbo꞉, giliyo꞉ a꞉la꞉bo꞉ dimida꞉so꞉bo. Ya꞉sulo꞉ mia꞉no꞉ ho꞉leno꞉ ko꞉na꞉ma fa꞉la꞉dowab ko꞉lo꞉, nio꞉ negelebo꞉ kegene dowaki, asulo꞉wo꞉ halale alita꞉mela꞉niki.   
\s1 Niliyo꞉ Godeya꞉ So꞉wayo꞉ fa꞉so꞉ dimia꞉so꞉bo  
\p
\v 26 \x - \xo 10.26 \xt Hibu 6.4-8\x*Nio꞉ to man hendeleyo꞉ fanda asululia꞉sa꞉ga꞉yo꞉, man mogago꞉wo꞉ asulo꞉ ko꞉ iliki dimidafo꞉ko꞉ ha꞉na꞉lalega, mogago꞉ hama꞉kilo꞉ boba dimia꞉no꞉wo꞉ aundo꞉ma ko꞉lo꞉lab.  
\v 27 \x - \xo 10.27 \xt Ais 26.11\x*Kaluka꞉isale i a꞉no꞉ Gode o꞉lia꞉yo꞉ gis dowab ko꞉lo꞉, Godeya꞉lo꞉ mo꞉walilima꞉nigab a꞉no꞉ a꞉la꞉ta꞉ga꞉ de halaido꞉wa꞉lo꞉ ma꞉nigab a꞉no꞉ ko꞉lo꞉ tagilaki yasi mesa꞉ib.  
\v 28 \x - \xo 10.28 \xt Lo 17.6, 19.15\x*Kalu noma꞉yo꞉ Mo꞉sa꞉sa꞉ ele difa꞉ a꞉no꞉ gedeo꞉ ko꞉lo꞉ mo꞉walilab amio꞉, kalu a꞉la꞉ya꞉le otalena꞉le iyo꞉ towo꞉ imilig dowaki fanda sa꞉lalega, kalu a꞉no꞉ mo꞉nofolaki sana sowa꞉sen.  
\v 29 \x - \xo 10.29 \xt Madi 12.30-32, 1Kol 11.27-29\x*Kalu abeyo꞉ Ya꞉suwa tilida꞉da꞉sa꞉ga꞉ a꞉ma꞉la꞉ nodolaki, Ya꞉suwa꞉ wilo꞉ wa꞉la꞉ sa꞉ndab a꞉no꞉ o꞉bo꞉ngo꞉ dia꞉iba꞉le? E wa꞉deakilo꞉ falasila꞉ma꞉ib a꞉no꞉ mada alande doma꞉ib. Dinali saefa꞉ ho꞉bo꞉ a꞉ma꞉yo꞉ kalu a꞉no꞉ malilo꞉ ta꞉fo꞉ ko꞉sega, eyo꞉ ho꞉bo꞉ a꞉no꞉ o꞉ngo꞉malo꞉ngo꞉ ta꞉fo꞉. Eyo꞉ ha꞉fo꞉lo꞉ disa꞉lan Mamamo꞉wo꞉ dio꞉ge sio꞉.  
\v 30 \x - \xo 10.30 \xt Lo 32.35-36, Song 135.14\x*Godeya꞉ ene bugo꞉ amio꞉ a꞉la꞉sio꞉, “A꞉ma꞉la꞉lo꞉ wa꞉dema꞉no꞉wo꞉ na꞉no꞉. No꞉no꞉no꞉ falasilakiyo꞉ wa꞉lo꞉ dimia꞉no꞉.” A꞉la꞉ta꞉ga꞉ eyo꞉ to nowo꞉ a꞉la꞉sio꞉, “Alan eyo꞉ kaluka꞉isale enedo꞉wo꞉ mo꞉walilaki aloba꞉ma꞉ib.” To welo꞉ sio꞉ Gode a꞉no꞉ niliyo꞉ o꞉li fanda asulo꞉ ko꞉lo꞉lab.  
\v 31 Hendele, mela꞉no꞉lo꞉ a꞉lab Gode eyo꞉ gio꞉ wa꞉dema꞉niki ta꞉lialega, gio꞉ tagio꞉ mada alan dowa꞉bi.   
\p
\v 32 Gio꞉ tamina Ya꞉suwa tilida꞉da꞉sa꞉ga꞉, hida꞉yo꞉ diakilo꞉ odo꞉ si a꞉namio꞉, gio꞉ mo꞉gigidaki halale kagayo꞉ ko꞉lo꞉, a꞉no꞉ a꞉asuluma.  
\v 33 Ho꞉len nol amio꞉, kalu nolba꞉yo꞉ gio꞉ siwa꞉la dio꞉ge sa꞉laki dikidia꞉len. A꞉la꞉ta꞉ga꞉ ho꞉len nol amio꞉, gimo꞉lo꞉ dimido꞉ o꞉leaumbo꞉ nolbo꞉wo꞉lo꞉ dimiab amio꞉, gio꞉ ha꞉na꞉ga꞉ i o꞉lia꞉ dowaki, hida꞉yo꞉ a꞉no꞉ ua di.  
\v 34 \x - \xo 10.34 \xt Madi 5.11-12, 6.20\x*Kaluka꞉isale nolo꞉ dibolowa to꞉lolab amio꞉, giliyo꞉ i a꞉no꞉ nofolaki asufa꞉. A꞉la꞉ta꞉ga꞉ nolba꞉yo꞉ gio꞉ tagi alitaki, kelego꞉ gililo꞉ delen a꞉no꞉ iliyo꞉ madali diab amio꞉, gio꞉ sagalaki ka dima꞉ki ta꞉tale. Mo꞉wo꞉ kelego꞉ nafale gililo꞉ Hebene amilo꞉ da꞉lab a꞉ma꞉yo꞉ ililo꞉ diab a꞉no꞉ tinio꞉ ko꞉lo꞉, kelego꞉ gililo꞉ a꞉no꞉ mela꞉no꞉ mela꞉ib a꞉la꞉bo꞉ gio꞉ fanda asulaki, ka ta꞉fo꞉.  
\v 35 A꞉la꞉fo꞉ko꞉lo꞉ gio꞉ asulo꞉ a꞉la꞉yo꞉ mo꞉dowaki, gililo꞉ tili asulab a꞉no꞉ ta꞉ta꞉ga꞉yo꞉ ha꞉na꞉so꞉bo. A꞉la꞉dimidalikiyo꞉ Gode eyo꞉ gimo꞉lo꞉ wa꞉l dimia꞉no꞉wo꞉ alan ko꞉lo꞉ da꞉lab.  
\v 36 Gio꞉ tilida꞉daki, mada halale kagama. A꞉la꞉dimidalikiyo꞉, gio꞉ Godeya꞉lo꞉ asulab au kudu ha꞉na꞉la꞉ga꞉, elo꞉ dinali sio꞉ a꞉no꞉ hendele a꞉na dia꞉ib.  
\v 37 \x - \xo 10.37 \xt Hab 2.3-4\x*Gode eyo꞉ ene bugo꞉ amio꞉ a꞉la꞉sa꞉sa꞉lo꞉,  
\q1 “Ho꞉len abol dowab a꞉namio꞉, nilo꞉ dinali sio꞉ kalu mia꞉no꞉ a꞉no꞉ ko꞉na꞉ma mia꞉nigab. E mo꞉yasi dowa꞉i mia꞉ib.”   
\q2
\v 38 “Digalo꞉ kalu nino꞉ dowab a꞉no꞉ ene tilidabu a꞉ma꞉yo꞉ ene mela꞉no꞉wo꞉ dinafa tili dofo꞉mela꞉ib.  
\q2 Ko꞉sega e a꞉ma꞉la꞉ gigili kagayalega, kalu o꞉mo꞉wo꞉ niyo꞉ mo꞉sagalema꞉no꞉.”   
\m
\v 39 Ko꞉sega nio꞉ kaluka꞉isale a꞉ma꞉la꞉ gigili kagayakilo꞉ sulu ha꞉na꞉lab o꞉mba. Nio꞉ tilida꞉dabikilo꞉, gasilia꞉ga꞉lo꞉ mela꞉no꞉lo꞉ ta꞉fo꞉labo꞉ o꞉m.   
\c 11  
\s1 Tilidabuwa꞉ mano꞉ we  
\p
\v 1 \x - \xo 11.1 \xt 2Kol 5.7\x*Tilidabuwa꞉ mano꞉ we. Kelego꞉ nililo꞉ dimo꞉losa꞉ a꞉la꞉likilo꞉ yasilo꞉l a꞉no꞉ hendele dia꞉no꞉ a꞉la꞉asulo꞉. A꞉la꞉ta꞉ga꞉ nililo꞉ mo꞉ba꞉ba꞉ a꞉no꞉, hendele a꞉lab a꞉la꞉asulo꞉.  
\v 2 Nili ma꞉mui ta꞉i mio꞉ a꞉no꞉, enen tilidabu a꞉na iliki, Gode eyo꞉ imo꞉wo꞉ sagalakiyo꞉ wabulun ta꞉felo꞉.  
\v 3 \x - \xo 11.3 \xt Mo꞉mo꞉ 1.1, Song 33.6, Yo꞉n 1.3\x*Godeya꞉lo꞉ to sio꞉ a꞉ma꞉yo꞉ henfelo꞉ o꞉lia꞉ akin o꞉lia꞉yo꞉ tambo fa꞉la꞉do alifa꞉. Gode eyo꞉ kelego꞉ nililo꞉ mo꞉ele ba꞉ba꞉no꞉ dowo꞉ a꞉na ilikiyo꞉, kelego꞉ nililo꞉ o꞉gdo꞉ bo꞉do꞉l we a꞉na dimido꞉. Ninindo꞉ tilidabu wema꞉ ilikiyo꞉, to a꞉no꞉ ko꞉lo꞉ fanda asulo꞉l.   
\p
\v 4 \x - \xo 11.4 \xt Mo꞉mo꞉ 4.3-10\x*Ene tilidabu a꞉na ilikiyo꞉, A꞉ibol eyo꞉ bobayo꞉ Godemo꞉ dimi ko꞉lo꞉, boba nafale elo꞉ dimiab a꞉ma꞉yo꞉ Ka꞉in elo꞉ boba dimi a꞉no꞉ elo꞉ma꞉ tinio꞉. Tilidabu enedo꞉ a꞉na ilikiyo꞉, Gode eyo꞉ ene boba dimiab a꞉no꞉ sagalo꞉ ba꞉daki, A꞉ibol e ko꞉lo꞉ wabudaki, digalo꞉ kalu a꞉la꞉sio꞉. A꞉la꞉ta꞉ga꞉ A꞉ibol e sowo꞉ ko꞉sega, ene tilidabu a꞉ma꞉yo꞉ o꞉go꞉ nimo꞉wo꞉ o꞉wida꞉lab.   
\p
\v 5 \x - \xo 11.5 \xt Mo꞉mo꞉ 5.21-24\x*Ene tilidabu a꞉na ilikiyo꞉, Inog e sowabena꞉ki, Gode eyo꞉ e tililia꞉gane. Kalu nolba꞉yo꞉ e kedo꞉ ko꞉sega mo꞉ba꞉ba꞉, mo꞉wo꞉ Gode eyo꞉ e tililia꞉gane. E henfelo꞉wa silikiyo꞉, eyo꞉ Godemo꞉wo꞉ sagale alitabiki, Gode eyo꞉ e wabulu sio꞉.  
\v 6 A꞉la꞉go꞉ko꞉lo꞉ kalu nowo꞉ tilidabulo꞉malalega, eyo꞉ Godeyo꞉ mo꞉sagale alifa꞉ib. Kaluka꞉isale abeyo꞉ e Godelo꞉wa mia꞉nikiyo꞉, Gode e mela꞉no꞉ a꞉lab a꞉la꞉tili asula꞉sa꞉ga꞉ mia꞉ib. A꞉la꞉ta꞉ga꞉ kaluka꞉isale abeyo꞉ Godelo꞉ keda꞉i yab o꞉mo꞉wo꞉ wa꞉lo꞉ dimia꞉ib a꞉la꞉tili asulalega, e Gode anib amio꞉ o꞉li mia꞉ib.   
\p
\v 7 \x - \xo 11.7 \xt Mo꞉mo꞉ 6.13–7.1\x*Noaya꞉ ene tilidabu a꞉na ilikiyo꞉, elo꞉ misilo꞉ mo꞉ba꞉ba꞉ a꞉no꞉ Gode eyo꞉ emo꞉wo꞉ hagugu sa꞉labiki, Noa e Gode a꞉no꞉ modaki tilidabu ko꞉lo꞉, ene ga o꞉lia꞉ so꞉wa o꞉lia꞉yo꞉ ho꞉na꞉yo꞉ mo꞉yasala꞉ma꞉ki, ho꞉n ko꞉suwo꞉ a꞉na dimido꞉. Noaya꞉ ene tili dabu a꞉ma꞉ iliki, henfelo꞉ kaluka꞉isaleya꞉lo꞉ man mogago꞉ dimida꞉len a꞉no꞉ kalaba wido꞉. Noa eyo꞉ Godeyo꞉ tilida꞉dabiki, Gode eyo꞉ e digalo꞉ kalu a꞉la꞉sa꞉lakiyo꞉, digalo꞉ man a꞉ma꞉ wa꞉l dia꞉no꞉ a꞉no꞉ emo꞉ dimi.   
\p
\v 8 \x - \xo 11.8 \xt Mo꞉mo꞉ 12.1-5\x*Ablahama꞉ ene tilidabu a꞉na ilikiyo꞉, Gode eyo꞉ e hen ho꞉gi nowo꞉, tif amilo꞉ e dia꞉ib a꞉la꞉do꞉ dinali sio꞉ a꞉na hamana꞉ki ho꞉idabikiyo꞉, Ablaham e da꞉da꞉sa꞉ga꞉ kudu ane. Ablaham e hen a꞉no꞉ a꞉na a꞉lab a꞉la꞉bo꞉ mo꞉asulo꞉ ko꞉sega, e a꞉naka ha꞉na꞉ni ane.  
\v 9-10 \x - \xo 11.9-10 \xt Mo꞉mo꞉ 35.12\x*Enedo꞉ tilidabu a꞉ma꞉ ilikiyo꞉, e tunufo꞉ ha꞉na꞉ga꞉, dinali sio꞉ hen a꞉na silikiyo꞉, mio꞉ kalu o꞉ngo꞉ sen. Ablaham e a꞉na silikiyo꞉, so꞉g a dia꞉li sia꞉len. Mo꞉wo꞉ e amisa꞉n ho꞉gi ko꞉ngo꞉ mela꞉ib a꞉no꞉ dia꞉no꞉ a꞉laki yasilo꞉. Gode eyo꞉ amisa꞉n a꞉no꞉ ko꞉lo꞉ fa꞉la꞉doma꞉no꞉wo꞉ sa꞉no꞉ e wo꞉ta꞉sa꞉ga꞉ dimido꞉. Dinali sio꞉ elo꞉ di a꞉no꞉, ene so꞉wa Aisa꞉g o꞉lia꞉ Ya꞉kob o꞉lia꞉ma꞉ di ko꞉lo꞉, a꞉la꞉yo꞉lo꞉ so꞉g a dia꞉li sia꞉len.   
\p
\v 11 \x - \xo 11.11 \xt Mo꞉mo꞉ 18.11-14, 21.2, Lom 4.19\x*Sa꞉la elo꞉ tilidabu a꞉na ilikiyo꞉, Gode eyo꞉ so꞉walo꞉ sa꞉la꞉lian as a꞉no꞉ kolaetaki, halaido꞉wo꞉ dimi. E faino dowo꞉ ko꞉sega, e “Gode nemo꞉lo꞉ dinali sio꞉ a꞉ma꞉yo꞉ hendele dimidama꞉ib” a꞉la꞉tili asulo꞉ ko꞉lo꞉, e anaso꞉ ulula꞉lia꞉sa꞉ga꞉ so꞉wayo꞉ a꞉na di.\f + \fr 11.11 \ft Asulo꞉ kalu nolba꞉yo꞉ Gilig to sa꞉lab wema꞉yo꞉ to ha꞉g ko꞉li nowo꞉ da꞉lab a꞉la꞉asulo꞉. To a꞉ma꞉ ha꞉go꞉ we. “Sa꞉la e faino ga dowabiki, Ablaham e ko꞉go꞉do꞉ ulula꞉lilab amio꞉, ene tilidabu a꞉na ilikiyo꞉, Gode eyo꞉ e so꞉walo꞉ iya doma꞉ki ta꞉fo꞉. Mo꞉wo꞉ Godeya꞉lo꞉ dinali sio꞉ a꞉no꞉ Ablaham eyo꞉ hendele dimidama꞉ib a꞉la꞉tili asulo꞉.”\f*  
\v 12 \x - \xo 11.12 \xt Mo꞉mo꞉ 15.5, 22.17\x*A꞉la꞉go꞉ko꞉lo꞉ Ablahama꞉ ene ho꞉bo꞉wo꞉ halaido꞉lo꞉ma dowo꞉ ko꞉sega, kalu imilig wena a꞉la꞉ta꞉ga꞉yo꞉ ema꞉mu iyo꞉ modo꞉ fa꞉la꞉dowo꞉. E ma꞉mu i a꞉no꞉ tamin gelo꞉ o꞉ngo꞉ dowaki, sa꞉mu ko꞉lo꞉ mo꞉agelema꞉no꞉ dowo꞉ o꞉ngo꞉ fa꞉la꞉dowo꞉.   
\p
\v 13 \x - \xo 11.13 \xt Mo꞉mo꞉ 23.4, 1Sto 29.15, Song 39.12, 1Bid 2.11\x*Kaluka꞉isale i a꞉no꞉ tili dabu inido꞉ a꞉naka tambo a꞉la꞉ga꞉ sowo꞉. Iyo꞉ henfelo꞉ wena sen amio꞉, Godeya꞉lo꞉ dinali sio꞉ a꞉no꞉ mo꞉di. Iliyo꞉ ko꞉na꞉ka kagafo꞉liki, tif amilo꞉ fa꞉la꞉doma꞉no꞉wo꞉ ba꞉da꞉ga꞉ sagalo꞉. A꞉la꞉ta꞉ga꞉ iliyo꞉ a꞉la꞉sio꞉, “Nio꞉ henfelo꞉ wenamio꞉ mageso꞉ mio꞉ kalu o꞉ngo꞉ sen.”  
\v 14 Kaluka꞉isale abeyo꞉ to o꞉leo꞉ngo꞉lo꞉ sa꞉lab a꞉ma꞉yo꞉ ene amisa꞉n enedo꞉leya ha꞉na꞉no꞉ kedo꞉l a꞉la꞉widakigab.  
\v 15 Iyo꞉ ini amisa꞉n ta꞉fo꞉ mio꞉ a꞉no꞉ a꞉asulai kibo꞉bowo꞉, iyo꞉ o꞉li a꞉ma꞉la꞉ ho꞉no꞉babe.  
\v 16 A, a꞉la꞉ba. I a꞉no꞉ hen ko꞉li nowo꞉ mada dia꞉no꞉ asulo꞉. Hen a꞉no꞉ Hebene a꞉lab ko꞉lo꞉, hen ililo꞉ ta꞉fo꞉ mio꞉ a꞉no꞉ hen nafale wema꞉ tinio꞉. Gode eyo꞉ amisa꞉n nowo꞉ ilino꞉ dimidaefa꞉ ko꞉lo꞉, iliyo꞉ “Ge ni Gode” a꞉la꞉do꞉ sa꞉lab a꞉namio꞉, Gode e mo꞉sendelowo꞉.   
\p
\v 17-18 \x - \xo 11.17-18 \xt Mo꞉mo꞉ 21.12, 22.1-14\x*Ablahama꞉ ene tili dabu a꞉na ilikiyo꞉, Gode eyo꞉ e da꞉fe ba꞉dabiki, Aisa꞉go꞉ Godemo꞉ boba dimi. Tamin amio꞉ Gode eyo꞉ Ablahambo꞉wo꞉ a꞉la꞉sio꞉, “Aisa꞉g eya a꞉la꞉ta꞉ga꞉yo꞉ gi so꞉lo꞉wo꞉ a꞉na fa꞉la꞉doma꞉ib.” Ablaham e dinali sio꞉ a꞉no꞉ di ko꞉sega, eyo꞉ ene kalu so꞉wa imilig a꞉no꞉ Godemo꞉ boba dimiaki, sana mea꞉no꞉ dowo꞉.  
\v 19 \x - \xo 11.19 \xt Lom 4.17\x*Ablaham eyo꞉ a꞉la꞉asulo꞉, “So꞉wa we sowalikiyo꞉, Gode eyo꞉ a꞉ma꞉la꞉yo꞉ o꞉li dasi alifa꞉ib” a꞉la꞉asulo꞉. Hendele, Aisa꞉g e sowo꞉ o꞉ngo꞉ ko꞉lo꞉, Ablaham eyo꞉ e a꞉ma꞉la꞉ di.   
\p
\v 20 \x - \xo 11.20 \xt Mo꞉mo꞉ 27.27-29,39-40\x*Aisa꞉ga꞉ ene tilidabu a꞉na ilikiyo꞉, Ya꞉kob o꞉lia꞉ Iso꞉ o꞉lia꞉yo꞉ tif amio꞉ nafale mesea꞉ki, towo꞉ dulugu salifa꞉.   
\p
\v 21 \x - \xo 11.21 \xt Mo꞉mo꞉ 47.31–48.20\x*Ya꞉koba꞉ ene tilidabu a꞉na iliki, e soma꞉no꞉ dowakiyo꞉ Yosa꞉ba꞉ ene so꞉wa a꞉la꞉ a꞉no꞉ nafale mesea꞉ki, towo꞉ dulugu salifa꞉. A꞉la꞉ta꞉ga꞉ e ido꞉mo꞉ ta꞉li dota꞉ga꞉ wa꞉sesefo꞉liki, Godeyo꞉ wabulu sio꞉.   
\p
\v 22 \x - \xo 11.22 \xt Mo꞉mo꞉ 50.24-25, Kis 13.19\x*Yosa꞉ba꞉ ene tilidabu a꞉na iliki, e soma꞉no꞉ ilikiyo꞉ a꞉la꞉sio꞉, “Tif amio꞉ Isolael kaluka꞉isaleyo꞉ Isib we ta꞉ta꞉ga꞉ ha꞉na꞉ib.” A꞉la꞉ta꞉ga꞉ iyo꞉ ha꞉nakiyo꞉ ene kiyo꞉ dia꞉hamana꞉ki wala sio꞉.   
\p
\v 23 \x - \xo 11.23 \xt Kis 1.22, 2.2\x*Mo꞉sa꞉sa꞉ ene iya o꞉lia꞉ ano o꞉lia꞉ma꞉ tili dabu a꞉na ilikiyo꞉, misa꞉ kaluwa꞉ ele difa꞉ a꞉no꞉ o꞉go꞉sema꞉no꞉wo꞉ mo꞉tagilaki, ene so꞉wayo꞉ wo꞉no꞉le dia꞉fa꞉ni ane. So꞉wa a꞉no꞉ mada gesego꞉, madali so꞉wamalo꞉ngo꞉ ba꞉ba꞉ ko꞉lo꞉, a꞉la꞉ma꞉yo꞉ ele otaleno꞉ so꞉wa a꞉no꞉ wo꞉no꞉le ta꞉fo꞉len.   
\p
\v 24 Mo꞉sa꞉sa꞉ ene tilidabu a꞉na ilikiyo꞉, e analia꞉ga꞉yo꞉, e misa꞉ kaluwa꞉ ida꞉ya꞉ inso꞉ a꞉la꞉sama꞉kiyo꞉ mo꞉asulo꞉.  
\v 25 Mo꞉wo꞉ e man mogago꞉wa꞉ sagalo꞉ dia꞉no꞉ a꞉no꞉ ho꞉len abolda꞉su a꞉namio꞉ dia꞉no꞉wo꞉ mo꞉beaki ta꞉fo꞉. Isib kalu iliyo꞉ Isolael kaluka꞉isaleyo꞉ dikidia꞉lab ko꞉lo꞉, Mo꞉sa꞉s elo꞉ iasi o꞉lia꞉ dowaki, nagalo꞉wo꞉ dia꞉no꞉ asulo꞉.  
\v 26 Mo꞉sa꞉s eyo꞉ a꞉la꞉asulaki, Isib hen amilo꞉ kelego꞉ nafale dia꞉no꞉ a꞉no꞉, Kelisowa꞉\f + \fr 11.26 \ft Keliso a꞉la꞉do꞉ sa꞉lab a꞉ma꞉ ha꞉go꞉ “Godeya꞉lo꞉ Da꞉feyo꞉ kalu.” Mo꞉sa꞉s e Isolael kaluka꞉isale o꞉lia꞉ dowaki sendelowo꞉wo꞉ dialikiyo꞉, e Godeya꞉lo꞉ Da꞉feyo꞉ kalu a꞉ma꞉ wiya dowaki dimido꞉ ko꞉lo꞉ sa꞉lab. \f* wi amilo꞉ sendelowo꞉ dia꞉no꞉ a꞉ma꞉ tinio꞉ ko꞉lo꞉lab a꞉la꞉asulo꞉. Mo꞉wo꞉ e tif amilo꞉ wa꞉l nafa dia꞉no꞉ a꞉no꞉ asulaki go꞉.  
\v 27 Ene tilidabu a꞉na ilikiyo꞉, e Isib misa꞉ kaluwa꞉ gadio꞉ alan a꞉no꞉ mo꞉tagilaki, Isibo꞉ ta꞉fo꞉gane. Kaluka꞉isale nili siya꞉yo꞉ Godeyo꞉ mo꞉ba꞉dan ko꞉sega, Mo꞉sa꞉s e Godeyo꞉ ba꞉da꞉lowan o꞉ngo꞉ dowakiyo꞉, e halaido꞉ dota꞉ga꞉ ane.  
\v 28 \x - \xo 11.28 \xt Kis 12.21-30\x*Mo꞉sa꞉sa꞉ ene tilidabu a꞉na ilikiyo꞉, sagalakilo꞉ Tinio꞉ Asulo꞉ Ma꞉no꞉ man a꞉no꞉ e tamina mo꞉mo꞉do꞉. Sowando꞉ dimian ma꞉mula꞉ kalu a꞉ma꞉yo꞉ ini so꞉wa wa꞉la꞉bo꞉ mo꞉yasala꞉ma꞉kiyo꞉, Mo꞉sa꞉s eyo꞉ kaluka꞉isalemo꞉wo꞉ no꞉ ho꞉bo꞉ a꞉no꞉ ayamilo꞉ tog a꞉na mulu alifela꞉bi a꞉la꞉sio꞉. \fig Mo꞉sa꞉s eyo꞉ no꞉ ho꞉bo꞉wo꞉ toga꞉ meya mulu alifelema꞉ki, Isolael kaluka꞉isalemo꞉wo꞉ sio꞉.|alt="Painting blood over the door" src="IB04152_gr.tif" size="col" copy="Illustrations by Farid Faadil © Biblica, Inc. Used by permission. All rights reserved worldwide." ref="11.28" \fig*   
\p
\v 29 \x - \xo 11.29 \xt Kis 14.21-31\x*Isolael kaluka꞉isaleya꞉lo꞉ tilidabu a꞉ma꞉ iliki, so꞉lu ho꞉n genelo꞉ a꞉no꞉ usa alobanala꞉tabiki, iyo꞉ hen kalaleli fa꞉la꞉dowab a꞉na tiane. Iyo꞉ ta꞉nota꞉ga꞉ ane ko꞉sega, i ane o꞉leau Isib kalu iyo꞉lo꞉ kudulia꞉ga꞉ tinabiki, i a꞉no꞉ tambo kanda sowo꞉.   
\p
\v 30 \x - \xo 11.30 \xt Jos 6.12-21\x*Ili tilidabu a꞉na ilikiyo꞉, Isolael kaluka꞉isaleyo꞉ Ya꞉liko amisa꞉n alan a꞉no꞉ ho꞉len dom a꞉la꞉fo꞉ a꞉namio꞉ hegela꞉sa꞉ga꞉ dowabiki, Ya꞉liko amisa꞉n amilo꞉ uwa꞉lo꞉ tolo꞉ alan a꞉no꞉ enen asulo꞉ huguali.   
\p
\v 31 \x - \xo 11.31 \xt Jos 2.1-21, 6.21-25, Ya꞉m 2.25\x*Uwo꞉ diakilo꞉ molelo꞉ dia꞉sen ga Lehab, ene tilidabu a꞉na ilikiyo꞉, Isolael kalu a꞉la꞉ o꞉lusendo꞉ mio꞉ a꞉no꞉ sagala꞉liki, dinafa tili dowo꞉ ko꞉lo꞉, Godeya꞉ tolo꞉ gola ba꞉da꞉sen kaluka꞉isale i a꞉no꞉ yasalab amio꞉, e mo꞉sana sowo꞉.   
\p
\v 32 \x - \xo 11.32 \xt Het 6.11–8.32, 4.6–5.31, 11.1–12.7, 13.2–16.31, 1Sam 1.1–1Kin 2.11\x*To heb nol a꞉no꞉ waga fanda sa꞉ma꞉no꞉wa꞉le? Gideono꞉, Balago꞉, Samsono꞉, Ya꞉btayo꞉, Da꞉ibido꞉, Samuelo꞉, a꞉la꞉ta꞉ga꞉ dinali sa꞉lan kaluwo꞉lo꞉, ililo꞉ dimida꞉len a꞉no꞉ gimo꞉ malolo꞉ mea꞉no꞉ asulab ko꞉sega ho꞉leno꞉ aundo꞉ma.  
\v 33 \x - \xo 11.33 \xt Dan 6.1-27\x*Ini tili dabu a꞉na ilikiyo꞉, amisa꞉n nol o꞉lia꞉ bubaki tinio꞉, a꞉la꞉ta꞉ga꞉ nolba꞉yo꞉ kaluka꞉isaleya꞉ man dimidan a꞉no꞉ digale aloba꞉da꞉likiyo꞉, mogago꞉ dimido꞉ a꞉namio꞉ suwo꞉ sila꞉sen. Nolba꞉yo꞉ Godeya꞉lo꞉ imo꞉lo꞉ dinali sio꞉ a꞉no꞉ ko꞉lo꞉ dia꞉sen. Laion eyo꞉ nolo꞉ mo꞉sanama꞉kiyo꞉, Gode eyo꞉ mego꞉fo꞉ kalifa꞉.  
\v 34 \x - \xo 11.34 \xt Dan 3.23-27\x*Tilidabu inido꞉ma꞉yo꞉ de wa꞉sowaya꞉ halaido꞉ ofo꞉ a꞉no꞉ tinio꞉. Helebesiya꞉yo꞉ iyo꞉ sana soma꞉no꞉ dowo꞉ ko꞉sega ga꞉li ane. Nolo꞉ ki taiyakilo꞉ dowab i a꞉no꞉ Gode eyo꞉ halale alifa꞉. A꞉la꞉ta꞉ga꞉ nolba꞉yo꞉ halale kagayaki bubo꞉ amio꞉, gis kaluwo꞉ tagilaki dalale ane.  
\v 35 \x - \xo 11.35 \xt 1Kin 17.17-24, 2Kin 4.25-37\x*Ka꞉isale nolo꞉ ini tilidabu a꞉na ilikiyo꞉, ene so꞉lo꞉ sowab a꞉no꞉ a꞉ma꞉la꞉ dasi alita꞉ga꞉ inibo꞉ dimi. Kaluka꞉isale nolo꞉ tilidabuwo꞉ ta꞉foma꞉kiyo꞉, gis kaluwa꞉yo꞉ dikidiaki yame tandeo꞉ ko꞉sega, iyo꞉ sili alita꞉ga꞉lo꞉ ga꞉li ka ha꞉na꞉no꞉wo꞉ mo꞉asulo꞉. Mo꞉wo꞉ iyo꞉ a꞉ma꞉la꞉ dasilaki ko꞉ngo꞉ mela꞉no꞉ dia꞉no꞉ a꞉no꞉ ko꞉lo꞉ asulaki, a꞉na kagayo꞉.  
\v 36 \x - \xo 11.36 \xt 1Kin 22.26-27, Jer 20.2, 37.15, 38.6\x*Nolo꞉ gisa꞉yo꞉ dio꞉ge sa꞉laki, meya꞉ yame tandeo꞉. Nolo꞉ sa꞉niya꞉ mela꞉sa꞉ga꞉, dibolowa to꞉lo alifelo꞉.  
\v 37 \x - \xo 11.37 \xt 2Sto 24.21\x*Nolo꞉ soma꞉ki uwa꞉ agodo꞉. Nolo꞉ usa gegedela꞉. Nolo꞉ helebe siya꞉ yasala꞉. Nolo꞉ dalalelia꞉ga꞉ ha꞉na꞉siakiyo꞉, sibi o꞉lia꞉ goudi o꞉lia꞉ma꞉ do꞉go꞉fo꞉ ko꞉lo꞉ kagedo꞉. I a꞉no꞉ kelego꞉lo꞉ma wilo꞉ma dowo꞉. Nolba꞉yo꞉ iyo꞉ dikidiaki, nagalo꞉wo꞉ dimi.  
\v 38 Iyo꞉ misio꞉ hen o꞉lia꞉ kalaleli hen a꞉namida꞉ dalalelia꞉ sia꞉la꞉ga꞉, sowa alu o꞉lia꞉ hen alu o꞉lia꞉ a꞉na alila꞉li sen. Henfelo꞉ we mogago꞉ dowo꞉ ko꞉lo꞉, kaluka꞉isale nafale i a꞉no꞉ wena mesa꞉no꞉wo꞉ mo꞉ililo꞉.   
\p
\v 39 Kaluka꞉isale i a꞉no꞉ tambo Gode amio꞉ tilidabu ko꞉lo꞉, Gode eyo꞉ i a꞉no꞉ wilo꞉ di a꞉la꞉liki wabulun ta꞉felo꞉. Ko꞉sega i a꞉no꞉ Gode elo꞉ imo꞉lo꞉ dinali sio꞉ a꞉no꞉ o꞉semo꞉ di ko꞉lo꞉ elen.  
\v 40 Iyo꞉ tamin amilo꞉ mo꞉di a꞉no꞉ mo꞉wo꞉ we. Gode eyo꞉ nio꞉ tambo digalo꞉ nafale doma꞉ki tog ho꞉gi nowo꞉ dimidaefa꞉. Tog a꞉ma꞉yo꞉ tog tamin amilo꞉ elen a꞉no꞉ tinio꞉ ko꞉lo꞉lab. A꞉la꞉ta꞉ga꞉ Gode eyo꞉ iyo꞉ tamin amio꞉ mo꞉hamana꞉ki asulaki, i a꞉no꞉lo꞉ nio꞉lo꞉ ua digalo꞉le ta꞉fa꞉no꞉ asulaki go꞉.   
\c 12  
\s1 Nio꞉ Ya꞉suwo꞉ ko꞉lo꞉ ba꞉da꞉ga꞉ kudu ha꞉na꞉niki  
\p
\v 1 \x - \xo 12.1 \xt 1Kol 9.24-25\x*Tilidabu kaluka꞉isale modo꞉ tamin amilo꞉ elen a꞉no꞉ iyo꞉ iwa dibido꞉ o꞉ngo꞉ma꞉ hegea꞉fo꞉liki, tilidabu man a꞉no꞉ nimo꞉ wida꞉lab. A꞉la꞉fo꞉ko꞉lo꞉ nilo꞉ nai ha꞉na꞉no꞉ tog amilo꞉ ka꞉la꞉lab a꞉no꞉lia꞉, man mogago꞉ ni amilo꞉ ta꞉li dosdo꞉ a꞉lab a꞉no꞉lia꞉yo꞉ gegedela꞉sa꞉ga꞉ ta꞉fa꞉niki. Godeya꞉lo꞉ tog nilino꞉ da꞉fefa꞉ a꞉namio꞉, nio꞉ halalelia꞉sa꞉ga꞉ nai ha꞉na꞉niki.  
\v 2 Nio꞉ nai ha꞉na꞉likiyo꞉, nili siyo꞉ Ya꞉suwo꞉ ko꞉lo꞉ si kudu bo꞉fo꞉liki nai ha꞉na꞉niki. Ya꞉su e nili tilidabu wema꞉ mo꞉wo꞉ e ko꞉lo꞉ a꞉lab, a꞉la꞉ta꞉ga꞉ nili tilidabuwo꞉ mada ilili alitaki, nafalelo꞉ ta꞉fa꞉lano꞉ e. Ya꞉su elo꞉ sendelowo꞉ dia꞉nigab a꞉no꞉ eyo꞉ o꞉ngo꞉malo꞉ngo꞉ ba꞉daki, tif amilo꞉ sagalo꞉ dia꞉no꞉ a꞉no꞉leko꞉ asulakiyo꞉, e nagalo꞉wo꞉ odo꞉ ba꞉da꞉i ha꞉na꞉la꞉ga꞉, i malana sowo꞉. Eyo꞉ a꞉la꞉dimida꞉sa꞉ga꞉yo꞉, e ha꞉na꞉sa꞉ga꞉ Godeya꞉ ene dagi ililiba asifo꞉lab.  
\v 3 Ya꞉suwa꞉lo꞉ dimido꞉ a꞉no꞉ ko꞉lo꞉ asuluma. Mogago꞉ kalu iliyo꞉ Ya꞉sumo꞉wo꞉ hida꞉yo꞉ nagalo꞉wo꞉ dimiabiki, Ya꞉su e mo꞉ta꞉taki halale kagayo꞉. Gio꞉ tilida꞉da꞉sa꞉ga꞉ ha꞉na꞉ga꞉ ha꞉nakiyo꞉, bo꞉eyaki ta꞉tabena꞉ki, Ya꞉suwo꞉ dinafa fanda asula꞉lubi.  
\v 4 Hendele gio꞉ man mogago꞉ o꞉lia꞉ buba꞉li ha꞉na꞉lab ko꞉sega, gi amio꞉ ho꞉bo꞉wo꞉ semo꞉mio꞉ ko꞉lo꞉lab.   
\s1 Do Gode eyo꞉ nio꞉ digala꞉lab  
\p
\v 5 \x - \xo 12.5 \xt Job 5.17, Sndn 3.11-12, Kala 3.19\x*Godeya꞉ ene to sa꞉sa꞉lo꞉ a꞉namio꞉, gi ko꞉lo꞉ halale alitakiyo꞉ ene so꞉wale a꞉la꞉sio꞉ ko꞉lo꞉lab ko꞉sega, gio꞉ to a꞉no꞉ ga꞉lila꞉ fo꞉laba꞉le? To a꞉no꞉ a꞉la꞉sio꞉,  
\q1 “Ni so꞉wa gio꞉, Alan eyo꞉ gimo꞉wo꞉ mano꞉ sa꞉lalikiyo꞉, o꞉ngo꞉malo꞉ngo꞉wo꞉ asula꞉so꞉bo.  
\q2 Gode Alan eyo꞉ gio꞉ digalalikiyo꞉, mo꞉beakiyo꞉ ta꞉fo꞉ ha꞉na꞉so꞉bo.   
\q1
\v 6 Mo꞉wo꞉ Gode eyo꞉ kaluka꞉isale elo꞉ mada alan asulab o꞉mo꞉wo꞉, mano꞉ sa꞉ma꞉ib.  
\q2 A꞉la꞉ta꞉ga꞉ Gode eyo꞉ kaluka꞉isaleyo꞉ e dia꞉sa꞉ga꞉lo꞉ ‘na꞉ so꞉walo꞉b’ a꞉la꞉do꞉ sa꞉lab a꞉no꞉, eyo꞉ digalaki sa꞉ma꞉ib.”   
\p
\v 7 \x - \xo 12.7 \xt Lo 8.5\x*Gode eyo꞉ gio꞉ digalalikiyo꞉, gio꞉ mo꞉iligaki, halale kagaya꞉bi. Gode eyo꞉ ge digalalega, ge ene so꞉wale a꞉la꞉li widakigab. Mo꞉wo꞉ henfelo꞉ wenamio꞉, iya a꞉ma꞉yo꞉ ene so꞉waleyo꞉ tambo digala꞉sen.  
\v 8 O꞉leaumbo꞉ Gode eyo꞉lo꞉ ene so꞉wale dowab a꞉no꞉ tambo digala꞉sen ko꞉lo꞉, ge mo꞉digalalega, Godeya꞉ ene so꞉walema, gio꞉ uwo꞉ so꞉wa o꞉ngo꞉ ko꞉lo꞉ gab.  
\v 9 To nowo꞉ we ko꞉lo꞉ asuluma. Henfelo꞉ wenamio꞉ nili dowa꞉yo꞉ digalab amio꞉, niliyo꞉ e ha꞉ga dowaki, ene wiyo꞉ wabuda꞉sen. O꞉leaumbo꞉ niliyo꞉ Do Hebenelo꞉ a꞉lab a꞉ma꞉ ene ha꞉ga dowaki, mada kudu ha꞉na꞉mela꞉niki. A꞉la꞉galikiyo꞉ nio꞉ mela꞉no꞉ mela꞉no꞉ mela꞉ib.  
\v 10 Ho꞉len abolda꞉su wenamio꞉, do i henfelo꞉ wenamilo꞉ma꞉yo꞉ inido꞉ asulab au kudu ha꞉naki nio꞉ digala꞉sen. Ko꞉sega nio꞉ Gode malilo꞉ enen o꞉ngo꞉ doma꞉ki, eyo꞉ nio꞉ asuwa꞉taki digala꞉lab.  
\v 11 \x - \xo 12.11 \xt Ya꞉m 3.17-18\x*Nio꞉ digalab amio꞉, nagalo꞉wo꞉ bo꞉do꞉l ko꞉lo꞉ mo꞉sagalema꞉no꞉. Ko꞉sega nio꞉ digalab amio꞉ kudu ha꞉na꞉no꞉ man a꞉no꞉ asulalikiyo꞉, digalab a꞉ma꞉ fowo꞉ helema꞉ib ko꞉lo꞉, nio꞉ man digalo꞉ dimidaki ha꞉sa mesa꞉no꞉.   
\p
\v 12 \x - \xo 12.12 \xt Ais 35.3\x*Gio꞉ halaido꞉lo꞉ma dowo꞉ ko꞉lo꞉, gili dagiyo꞉ sondofa꞉le hesedab a꞉no꞉lia꞉ gido꞉fo꞉wo꞉ bibisodab a꞉no꞉lia꞉yo꞉ halaido꞉wo꞉ diaki alu wa꞉la꞉ma.  
\v 13 \x - \xo 12.13 \xt Sndn 4.26\x*Tog gilo꞉ ha꞉na꞉no꞉ a꞉no꞉ digale fadama. A꞉la꞉dimidalikiyo꞉ giligisen kaluka꞉isale i a꞉no꞉ mo꞉mogagilaki, falele alifa꞉ib.   
\s1 Nio꞉ Godeyo꞉ gola ba꞉dabena꞉ki hagugu sio꞉  
\p
\v 14 Gio꞉ kaluka꞉isale nol o꞉lia꞉yo꞉ ha꞉sa doma꞉nikiyo꞉, halale asulaki keda꞉bi. A꞉la꞉ta꞉ga꞉ gio꞉ malilo꞉ doma꞉nikiyo꞉, nanogo꞉ halaido꞉ dia꞉bi. Kaluka꞉isale abeyo꞉ malilo꞉lo꞉ mo꞉dowab a꞉no꞉, e Alano꞉ mo꞉ba꞉ba꞉ib.  
\v 15 Kaluka꞉isale nol a꞉no꞉ Godeya꞉lo꞉ ha꞉fo꞉ disa꞉lan man a꞉no꞉ mo꞉diabena꞉ki, dinafa tili dowa꞉bi. Kaluka꞉isale gi usamio꞉ fo halan o꞉leo꞉ngo꞉ dowabena꞉ki, dinafa tili dowa꞉bi. Fo halan a꞉no꞉ giya dowalega, hida꞉yo꞉wo꞉ alan dowaki, kaluka꞉isale gio꞉lo꞉, nolo꞉lo꞉ Godeya꞉ siwa꞉l amio꞉ heyo꞉ mogago꞉ doma꞉ib.  
\v 16 \x - \xo 12.16 \xt Mo꞉mo꞉ 25.29-34\x*Kaluka꞉isale nolo꞉ uwo꞉ dian man a꞉no꞉ dimidabena꞉ki, dinafa tili dowa꞉bi. Iso꞉ e Godeya꞉ kelego꞉ nafa a꞉no꞉ o꞉ngo꞉malo꞉ngo꞉ ba꞉ba꞉ ko꞉lo꞉, giliyo꞉ a꞉la꞉bo꞉ dimida꞉so꞉bo. Iso꞉ eyo꞉ ma꞉nda꞉su a꞉no꞉ alan asulaki, ene wi nafa wa꞉la꞉b di a꞉no꞉ a꞉ma꞉ kililiaki wala꞉.  
\v 17 \x - \xo 12.17 \xt Mo꞉mo꞉ 27.30-40\x*Iso꞉ elo꞉ dimido꞉ man a꞉no꞉ gio꞉ asulo꞉. Wi elo꞉ a꞉no꞉ ma꞉no꞉wa kililia꞉sa꞉ga꞉, iyaya꞉yo꞉ e nafa mesea꞉kiyo꞉, dulugu sama꞉ki asulo꞉ ko꞉sega, iyaya꞉yo꞉ e gola ba꞉ba꞉. Eyo꞉ iyamo꞉wo꞉ ya꞉laki susi ha꞉iyo꞉ ko꞉sega, asulo꞉ ho꞉gi nowo꞉ a꞉dia꞉no꞉wo꞉, fogo꞉ aundo꞉ma dowo꞉.   
\s1 Isolael kaluka꞉isale ko꞉lo꞉ Godelo꞉ amilo꞉ ane o꞉leo꞉ngo꞉ma, nilo꞉ Gode anib amilo꞉ ha꞉na꞉no꞉ tog ho꞉gi nowo꞉ a꞉lab  
\p
\v 18 \x - \xo 12.18 \xt Kis 19.16-20, Lo 4.11-12\x*Gio꞉ Godelo꞉wa yalikiyo꞉, hen gi siya꞉lo꞉ ba꞉da꞉sa꞉ga꞉lo꞉ dagiya꞉lo꞉ goma꞉no꞉ a꞉no꞉ mo꞉fa꞉la꞉dowo꞉. Mo꞉luwo꞉ Isolael kaluka꞉isale iyo꞉ Sainai misio꞉ aniba fa꞉la꞉dowakiyo꞉, kelego꞉ fa꞉la꞉dowab a꞉no꞉ ini siya꞉yo꞉ ba꞉ba꞉. De alan wa꞉sowala꞉lab a꞉no꞉lia꞉, sololi a꞉no꞉lo꞉, tagima꞉no꞉ kelego꞉ a꞉no꞉lo꞉, fufa alano꞉lo꞉ ba꞉ba꞉.  
\v 19 \x - \xo 12.19 \xt Kis 20.18-21, Lo 5.22-27\x*A꞉la꞉ta꞉ga꞉ iyo꞉ olo bulu amilo꞉ folo꞉ a꞉no꞉ da꞉da꞉sa꞉ga꞉yo꞉, Godeya꞉ towo꞉lo꞉ a꞉na dabu. To a꞉no꞉ dabu amio꞉, iyo꞉ tagi alan dowaki, Mo꞉sa꞉sbo꞉wo꞉ a꞉la꞉sio꞉, “Gode eyo꞉ nimo꞉wo꞉ wa꞉kabiyo꞉ towo꞉ sa꞉labena꞉ki, ge towo꞉ sama” a꞉la꞉sio꞉.  
\v 20 \x - \xo 12.20 \xt Kis 19.12-13\x*Iliyo꞉ to a꞉no꞉ ko꞉lo꞉ sio꞉wo꞉ mo꞉wo꞉ we. Tamin amio꞉ Gode eyo꞉ imo꞉wo꞉ a꞉la꞉sio꞉, “Kaluwa꞉le, no꞉wa꞉le misio꞉ a꞉no꞉ golalega, giliyo꞉ e uwa꞉ agodaki sanala꞉bi.” A꞉la꞉sio꞉ ko꞉lo꞉ to a꞉no꞉ kudu ha꞉na꞉no꞉wo꞉ mada halaido꞉lo꞉biki iyo꞉ tagi dowo꞉.  
\v 21 \x - \xo 12.21 \xt Lo 9.19\x*Sainai misio꞉ amilo꞉ fa꞉la꞉dosotab a꞉ma꞉yo꞉ kaluka꞉isaleyo꞉ tambo tagi alitabiki, Mo꞉sa꞉s eyo꞉lo꞉ a꞉la꞉sio꞉, “Ne tagio꞉ alan dowaki, kiyo꞉ bibisodab.”   
\p
\v 22 Gio꞉ Sainai misio꞉ a꞉namio꞉ mo꞉ane ko꞉sega, gio꞉ Saion misio꞉, Hebenelo꞉ a꞉lab a꞉na mio꞉. Ya꞉lusalem amisa꞉n, Mela꞉no꞉lo꞉ A꞉lab Godeya꞉ enedo꞉leyo꞉ o꞉m. Amisa꞉n a꞉namio꞉, ma꞉mula꞉ kaluwo꞉ daosen daosen a꞉la꞉lowo꞉wo꞉ modo꞉ ko꞉lo꞉ sagala꞉liki kegenefo꞉lena, gio꞉ a꞉na fa꞉la꞉dowo꞉.  
\v 23 Tilidabu kaluka꞉isaleyo꞉ Godeya꞉ ene wa꞉la꞉b so꞉wa ko꞉lo꞉, ili wiyo꞉ Hebeneyo꞉ o꞉ma sa꞉sa꞉li alifa꞉. Ilido꞉ kegeab a꞉namio꞉ gio꞉lo꞉ mio꞉. Henfelo꞉ kaluka꞉isale tambolo꞉ mo꞉walilima꞉no꞉ Gode, elo꞉wa mio꞉. Godeya꞉lo꞉ digalo꞉ kaluka꞉isale nafalelo꞉ ta꞉fo꞉ a꞉ma꞉ Mamalo꞉wa, gio꞉ a꞉na fa꞉la꞉dowo꞉.  
\v 24 \x - \xo 12.24 \xt Mo꞉mo꞉ 4.10, Hibu 8.6\x*A꞉la꞉ta꞉ga꞉ Gode amilo꞉ ege doma꞉no꞉ tog ho꞉gi a꞉ma꞉ us kaluwo꞉ Ya꞉su ko꞉lo꞉, gio꞉ elo꞉wa mio꞉. Godeya꞉lo꞉ to dinali sio꞉wo꞉ halale alifoma꞉kiyo꞉ Ya꞉suwa꞉ ene ho꞉bo꞉ a꞉ma꞉ fuga a꞉la꞉alifa꞉ ko꞉lo꞉, gio꞉ elo꞉wa mio꞉. Ho꞉bo꞉ a꞉no꞉ Ya꞉suwa꞉ eneno꞉ o꞉m ko꞉lo꞉, Ya꞉suwa꞉ ho꞉bo꞉wa꞉lo꞉ to sa꞉lab a꞉ma꞉yo꞉, A꞉ibola꞉ ho꞉bo꞉wa꞉lo꞉ to sio꞉ a꞉no꞉ e tinio꞉ ko꞉lo꞉lab.\f + \fr 12.24 \ft A꞉ibola꞉ ho꞉bo꞉ a꞉no꞉ Godelo꞉wa fa꞉la꞉dowakiyo꞉, “Wa꞉dema” a꞉la꞉sio꞉. Ko꞉sega Ya꞉suwa꞉ ho꞉bo꞉ a꞉ma꞉yo꞉ “Wa꞉deso꞉bo” a꞉la꞉sa꞉lakiyo꞉, nili mogago꞉wo꞉ hala꞉sa꞉ga꞉, ga꞉li mesea꞉ki ta꞉fo꞉.\f*   
\p
\v 25 \x - \xo 12.25 \xt Hibu 2.1-3, 10.26-29\x*Gio꞉ dinafa dowa꞉bi. Godeya꞉lo꞉ to sa꞉labo꞉ gola ba꞉da꞉so꞉bo. Mo꞉sa꞉s e henfelo꞉ wena silikiyo꞉, eya a꞉la꞉ta꞉ga꞉yo꞉, hagugo꞉ to sio꞉wo꞉ fa꞉la꞉dowo꞉ ko꞉sega, kaluka꞉isaleya꞉yo꞉ to a꞉no꞉ gola ba꞉ba꞉ ko꞉lo꞉, iyo꞉ Godeya꞉ gadio꞉ a꞉ma꞉yo꞉ sili alita꞉ga꞉yo꞉, mo꞉begele alifo꞉gane. A꞉la꞉go꞉ko꞉lo꞉ niliyo꞉ Hebene a꞉la꞉ta꞉ga꞉lo꞉ to sa꞉lab a꞉no꞉ gola ba꞉dalega, nio꞉lo꞉ mada mo꞉sili alita꞉ga꞉ ha꞉na꞉ib.  
\v 26 \x - \xo 12.26 \xt Hag 2.6\x*Gode eyo꞉ towo꞉ Sainai misio꞉wa sio꞉ a꞉namio꞉, ene to a꞉ma꞉yo꞉ henfelo꞉wo꞉ ida꞉lo꞉. Ko꞉sega o꞉go꞉ eyo꞉ a꞉la꞉dinali safo꞉lab, “Niyo꞉ ho꞉len no amio꞉ henfelo꞉ we nowo꞉ wa꞉ka ida꞉li alifa꞉no꞉ ko꞉sega, henfelo꞉ imilig yo꞉mba. Henfelo꞉ o꞉lia꞉ akin o꞉lia꞉ tambo ida꞉li alifa꞉no꞉.”  
\v 27 Nowo꞉ wa꞉ka ida꞉li alifa꞉no꞉ a꞉la꞉do꞉ sa꞉lab a꞉ma꞉ ha꞉go꞉ we. Kelego꞉ ko꞉li ko꞉lilo꞉ Godeya꞉ enedo꞉ dimido꞉ da꞉lab we ida꞉lalikiyo꞉, tambo dila꞉ma꞉ib. Ko꞉sega kelego꞉ mo꞉ida꞉lema꞉no꞉ dowo꞉ a꞉no꞉ko꞉ dofo꞉mela꞉ib.   
\p
\v 28 Godeya꞉lo꞉ bo꞉fo꞉mela꞉no꞉ hen nililo꞉ dio꞉l we halaido꞉ ko꞉lo꞉ mo꞉ida꞉lema꞉ib. A꞉la꞉fo꞉ko꞉lo꞉ niliyo꞉ sagalaki, mada o꞉m a꞉la꞉sa꞉ma꞉niki. A꞉la꞉ta꞉ga꞉ niliyo꞉ e tagila꞉sa꞉ga꞉ ha꞉ga dowakiyo꞉, elo꞉ asulab au dimidaki, Godeyo꞉ wabulu sa꞉ma꞉niki.  
\v 29 \x - \xo 12.29 \xt Lo 4.24, 9.3\x*Mo꞉wo꞉ Gode nilido꞉ a꞉no꞉ de wa꞉sowa halaido꞉ ko꞉lo꞉, kelego꞉ mogago꞉wo꞉ tambo ma꞉ib.   
\c 13  
\s1 Godeyo꞉ sagalema꞉kilo꞉ man dimidano꞉ we  
\p
\v 1 Keliso kaluka꞉isale gio꞉ gao nol o꞉lia꞉yo꞉ mada alan asulaki ha꞉fo꞉wo꞉ disa꞉la꞉lubi.  
\v 2 \x - \xo 13.2 \xt Mo꞉mo꞉ 18.1-8, 19.1-3, Lom 12.13\x*Mageso꞉ kalu yab amilo꞉ tili dowan man a꞉no꞉ ta꞉ta꞉so꞉bo. Kalu nolba꞉yo꞉ a꞉la꞉dimidaki, mageso꞉ kalule ko꞉lo꞉ tili dowo꞉l a꞉la꞉asulo꞉ ko꞉sega a꞉la꞉ba. Kalu i a꞉ma꞉yo꞉ ma꞉mula꞉ kalu ko꞉lo꞉ tili dowo꞉.  
\v 3 Tilidabu kaluka꞉isale dibolo amilo꞉ sab i a꞉no꞉, giliyo꞉ dinafa asuluma. Ge i o꞉lia꞉ dibolowa so꞉l a꞉la꞉asulaki, i a꞉no꞉ mada nofoloma. A꞉la꞉ta꞉ga꞉ Keliso kaluka꞉isaleyo꞉ dikidiab amilo꞉ hida꞉yo꞉ diab a꞉no꞉ giliyo꞉ asuluma. Nagalo꞉ ililo꞉ diab a꞉no꞉ gelo꞉ dio꞉l a꞉la꞉asulaki nofola꞉bi.   
\p
\v 4 \x - \xo 13.4 \xt A꞉fe 5.5\x*Ga dinafalo꞉ diab a꞉no꞉ man nafaleyo꞉ o꞉m ko꞉lo꞉, ga꞉go꞉ do꞉mo꞉ imilise dowa꞉bi. Mo꞉wo꞉ Gode alan eyo꞉ kaluka꞉isale abeyo꞉ ga afa diab o꞉lia꞉, uwo꞉lo꞉ diab o꞉lia꞉yo꞉, mo꞉walila꞉sa꞉ga꞉ falasila꞉ma꞉ib.  
\v 5 \x - \xo 13.5 \xt Lo 31.6,8, Jos 1.5\x*Moleyo꞉ alano꞉ mada asula꞉so꞉bo. Kelego꞉ ge amilo꞉ da꞉lab a꞉no꞉ o꞉li ko꞉m a꞉la꞉asulaki sagala꞉liki, dowa꞉bi. Mo꞉wo꞉ Gode eyo꞉ a꞉la꞉sio꞉,  
\q1 “Ne gi o꞉lia꞉ dofo꞉ ha꞉na꞉mela꞉no꞉.  
\q2 Ge gina꞉li doma꞉kiyo꞉lo꞉, mada mo꞉ta꞉fa꞉no꞉.”   
\m
\v 6 \x - \xo 13.6 \xt Song 118.6\x*A꞉la꞉fo꞉ko꞉lo꞉ nio꞉ asula꞉sa꞉ga꞉ halale kagayakiyo꞉ a꞉la꞉sa꞉ma꞉no꞉,  
\q1 “Kalu Alan e, nelo꞉ asuwa꞉ta꞉labo꞉ o꞉m ko꞉lo꞉, ne mo꞉tagima꞉no꞉.  
\q2 Kaluwa꞉yo꞉ ne mo꞉goma꞉ib.”   
\p
\v 7 \x - \xo 13.7 \xt 1Kol 4.16\x*Gili sa꞉sdo꞉ bo꞉fo꞉lowan misa꞉ kalu iliyo꞉ Godeya꞉ towo꞉ gimo꞉ wido꞉ ko꞉lo꞉, giliyo꞉ kalu i a꞉no꞉ asula꞉bi. Ililo꞉ man dimida꞉sen o꞉lia꞉, ililo꞉ dimidan a꞉ma꞉ fo a꞉no꞉lia꞉yo꞉ asulaki, giliyo꞉lo꞉ ililo꞉ tilidabu o꞉leau kudu ha꞉na꞉bi.  
\v 8 Ya꞉su Keliso e tamin amio꞉ eleno꞉lo꞉, o꞉go꞉do꞉ a꞉labo꞉lo꞉, a꞉la꞉ta꞉ga꞉ tif amio꞉lo꞉ ene mano꞉ imilo꞉ ko꞉ngo꞉ dofo꞉mela꞉ib.  
\v 9 \x - \xo 13.9 \xt Lom 14.17\x*To ko꞉li ko꞉lilo꞉ wida꞉lab a꞉ma꞉yo꞉ gio꞉ susululia꞉ga꞉ hala kudu hamana꞉kiyo꞉ ta꞉ta꞉so꞉bo. Godeya꞉ ha꞉fo꞉ disa꞉lan man a꞉ma꞉yo꞉ gio꞉ halale alita꞉sa꞉ga꞉ bo꞉fo꞉melea꞉ki dowa꞉bi. Ma꞉no꞉ ko꞉li ko꞉lilo꞉ alele nakilo꞉ kudu ha꞉na꞉lab man a꞉ma꞉yo꞉ iyo꞉ mo꞉asufa꞉ ko꞉lo꞉, gio꞉lo꞉ halaido꞉ doma꞉kiyo꞉ mo꞉ta꞉fa꞉ib.  
\v 10 Nili mogago꞉ hama꞉kiyo꞉, Ya꞉suwa꞉yo꞉ ene do꞉mo꞉ko꞉ boba dimi ko꞉lo꞉, kelego꞉ nafale elo꞉ dimido꞉ amilo꞉ fa꞉la꞉dowo꞉ a꞉no꞉ niliyo꞉ dio꞉l. Ko꞉sega kalu abeyo꞉ tog mo꞉lulo꞉ delen a꞉na kudu ha꞉nakiyo꞉ no꞉lo꞉ so꞉mea꞉sen i a꞉ma꞉yo꞉, kelego꞉ nafale nililo꞉ diab a꞉no꞉ iyo꞉ mo꞉dia꞉ib.   
\p
\v 11 \x - \xo 13.11 \xt Wkp 16.27\x*Bobalo꞉ so꞉mea꞉sen misa꞉ kalu eyo꞉ mogago꞉wo꞉ dila꞉ma꞉ki, no꞉ ho꞉bo꞉ a꞉no꞉ dia꞉sa꞉ga꞉ Godemo꞉ dimia꞉niki, Galala꞉ Malilo꞉le us a꞉na dia꞉ tina꞉sen. Ko꞉sega no꞉ hende a꞉no꞉ amisa꞉n ha꞉la꞉ya dia꞉ha꞉na꞉sa꞉ga꞉, deya gida꞉sen.  
\v 12 \x - \xo 13.12 \xt Yo꞉n 19.17\x*A꞉la꞉do꞉ go꞉ o꞉leaumbo꞉, Ya꞉suwa꞉ ene ho꞉bo꞉ a꞉ma꞉yo꞉ kaluka꞉isaleyo꞉ malilo꞉ ta꞉fa꞉nikiyo꞉, e amisa꞉n ha꞉la꞉ya tilili ha꞉na꞉sa꞉ga꞉, nagalo꞉wo꞉ a꞉na di.  
\v 13 \x - \xo 13.13 \xt Hibu 12.2\x*A꞉la꞉fo꞉ko꞉lo꞉ nio꞉lo꞉ e o꞉lia꞉ amisa꞉n ha꞉la꞉ya ha꞉na꞉sa꞉ga꞉, sendelowo꞉ elo꞉ di o꞉leau dia꞉niki.  
\v 14 \x - \xo 13.14 \xt Hibu 11.10,16, 12.22\x*Mo꞉wo꞉ henfelo꞉ wenamio꞉, nio꞉ amisa꞉n hendele ko꞉ngo꞉ mela꞉no꞉ a꞉no꞉ niliyo꞉ aundo꞉ma. Ko꞉sega amisa꞉n tif amilo꞉ fa꞉la꞉doma꞉nigab a꞉no꞉ ko꞉lo꞉ dia꞉no꞉wo꞉, nio꞉ bulu meselo꞉wo꞉ alan dowo꞉l.   
\p
\v 15 \x - \xo 13.15 \xt Song 50.14,23\x*Ya꞉su eyo꞉ tog ho꞉gi nililo꞉wo꞉ e kolaefa꞉ ko꞉lo꞉, bobayo꞉ Godemo꞉lo꞉ so꞉mea꞉sen o꞉leaumbo꞉, niliyo꞉ Gode e ko꞉lo꞉ wabudaki dulugu sa꞉la꞉mela꞉no꞉. Nili mego꞉fa꞉yo꞉ ene wiyo꞉ ko꞉lo꞉ dulugu sa꞉la꞉mela꞉niki.  
\v 16 \x - \xo 13.16 \xt Fili 4.18\x*Giliyo꞉ man nafale dimidaki, kelego꞉ gilo꞉ da꞉lab a꞉no꞉ aloba꞉da꞉sa꞉ga꞉ nolbo꞉lo꞉ dimia꞉no꞉wo꞉ ga꞉lila꞉so꞉bo. Mo꞉wo꞉ Godemo꞉lo꞉ boba dimia꞉lab man wema꞉yo꞉ E ko꞉lo꞉ sagale alitakigab.  
\v 17 \x - \xo 13.17 \xt 1Tes 5.12\x*Ginin sa꞉sdo꞉ bo꞉fo꞉lowan misa꞉ kalu i a꞉ma꞉ ha꞉ga dowaki, ililo꞉ to sa꞉labo꞉ kudu ha꞉na꞉lubi. Iliyo꞉ nanog inido꞉ dimida꞉len a꞉no꞉ tif amio꞉ Godemo꞉wo꞉ walama꞉ib ko꞉lo꞉, iliyo꞉ gio꞉ dinafa bo꞉fo꞉lab. Gio꞉ to ililo꞉ sa꞉labo꞉ kudu ha꞉nalega, i a꞉no꞉ nanogo꞉ sagala꞉liki dimidama꞉ib. Iyo꞉ nanog dimidama꞉no꞉wo꞉ mo꞉beabena꞉kiyo꞉, giliyo꞉ hida꞉yo꞉wo꞉ dimia꞉so꞉bo. Mo꞉wo꞉ iyo꞉ asulo꞉wo꞉ hida꞉ya꞉liki tilidowalega, gio꞉ mo꞉asuwa꞉fa꞉ib.   
\p
\v 18 \x - \xo 13.18 \xt Ilig 24.16, 2Kol 1.12\x*Gode eyo꞉ ne asuwa꞉foma꞉ki, dulugu sa꞉la꞉lubi. Ne man digalo꞉ dimida꞉mela꞉no꞉ asulo꞉l ko꞉lo꞉, no꞉no꞉n asulakiyo꞉, ne Godeya꞉ siwa꞉l amio꞉ digalo꞉ dowo꞉l a꞉la꞉asulab.  
\v 19 Niyo꞉ gimo꞉wo꞉ halaido꞉ so꞉lo꞉l. Ne gilo꞉ amio꞉ bo꞉bo꞉ge mena꞉kiyo꞉, giliyo꞉ ne Godemo꞉ sa꞉la꞉lubi.   
\p
\v 20-21 \x - \xo 13.20-21 \xt Jer 32.40, Ese 37.26, 1Bid 2.25\x*Gode eyo꞉ sibilo꞉ bo꞉fo꞉lowan kalu alan Ya꞉su e a꞉ma꞉la꞉ dasi alifa꞉. Gode eyo꞉ ni o꞉lia꞉ ege doma꞉niki, tog ho꞉giyo꞉ kolaefa꞉ ko꞉lo꞉, tog a꞉no꞉ mela꞉no꞉ mela꞉no꞉ mela꞉ib. Nili Alan Ya꞉suwa꞉ ene ho꞉bo꞉ a꞉ma꞉yo꞉ Godeya꞉lo꞉ dinali saefa꞉ a꞉no꞉ ko꞉lo꞉ halale alifa꞉. Ha꞉salo꞉ doma꞉no꞉ Gode eyo꞉ man nafayo꞉ nilo꞉ amio꞉ fa꞉la꞉doma꞉kiyo꞉ dulugu so꞉lo꞉l. Nimo꞉wo꞉ a꞉la꞉dimidalitalega, niliyo꞉ Ya꞉su eya a꞉la꞉ta꞉ga꞉yo꞉ Godeya꞉lo꞉ asulab aumbo꞉ o꞉li dimidama꞉no꞉. A꞉la꞉ta꞉ga꞉ Ya꞉suwa꞉ ene wiyo꞉ iwalule dofo꞉ ha꞉na꞉mela꞉ib. Mada o꞉m.   
\s1 Edaki sio꞉  
\p
\v 22 Nao nado i, gio꞉ halale alitakiyo꞉, niyo꞉ tola꞉su we gimo꞉ sa꞉sa꞉liga꞉to꞉l ko꞉lo꞉, to we gio꞉ da꞉da꞉sa꞉ga꞉ dinafa dia꞉bi.  
\v 23 Nili nao Timoti e dibolo amilo꞉ seno꞉ sili alifa꞉ ko꞉lo꞉, niyo꞉ to we gio꞉ asuluma꞉ki so꞉lo꞉l. E bo꞉bo꞉ge nelo꞉wa fa꞉la꞉dowalega, na꞉no꞉ gilo꞉ amio꞉ a꞉na mia꞉no꞉.  
\v 24 Niyo꞉ sagalo꞉ towo꞉ gili sa꞉sdo꞉ bo꞉fo꞉lowan misa꞉ kalu i o꞉lia꞉ Godeya꞉no꞉ kaluka꞉isale tambomo꞉wo꞉ saga꞉to꞉l. Keliso kaluka꞉isale Itali a꞉la꞉ta꞉ga꞉lo꞉ mio꞉ i a꞉ma꞉yo꞉lo꞉ sagalo꞉ towo꞉ gimo꞉wo꞉ saga꞉tab.   
\p
\v 25 Godeya꞉ ene ha꞉fo꞉ disa꞉lan man a꞉no꞉ gi o꞉lia꞉ dowa꞉biyo꞉.