\id EPH - Kaluli Bible \h A꞉fesa꞉s \toc1 Mo꞉fo꞉s We Fo꞉l Eyo꞉ A꞉fesa꞉s Kaluka꞉isalemo꞉ Sa꞉sa꞉liga꞉fo꞉ \toc2 A꞉fesa꞉s \toc3 A꞉fe \mt2 Mo꞉fo꞉s We Fo꞉l Eyo꞉ \mt1 A꞉fesa꞉s \mt2 Kaluka꞉isalemo꞉ Sa꞉sa꞉liga꞉fo꞉ \imt1 Asuluma꞉no꞉ Towo꞉ We \ip Fo꞉l elo꞉ mo꞉fo꞉s sa꞉sa꞉lo꞉ wenamio꞉ asulo꞉wo꞉ wengo꞉ iliki sa꞉sa꞉lo꞉. Gode eyo꞉ henfelo꞉ kelego꞉ da꞉lab we tambo a꞉la꞉ta꞉ga꞉ Hebenelo꞉ kelego꞉ da꞉lab a꞉no꞉lo꞉ kegenelia꞉ga꞉ dia꞉taki, Ya꞉su Keliso e ha꞉ga tambo difa꞉. A꞉la꞉fo꞉ko꞉lo꞉ Keliso e kelego꞉ tambo da꞉lab wema꞉ misa꞉ ko꞉lo꞉ a꞉lab. (1.10) A꞉la꞉ta꞉ga꞉ Gode eyo꞉ tilidabu kaluka꞉isaleyo꞉ tambo Kelisowa mada kuda꞉sa꞉ga꞉ ha꞉fo꞉ disa꞉laki, e o꞉lia꞉ ko꞉ngo꞉ mesea꞉ki ta꞉fo꞉. Fo꞉l eyo꞉ mo꞉fo꞉s heb wenamio꞉ a꞉la꞉sa꞉sa꞉lo꞉, Godeya꞉ ene kanulo꞉ a꞉ma꞉yo꞉ kaluka꞉isaleyo꞉ Kelisowa tilida꞉dalikiyo꞉, i a꞉no꞉ tambo ga꞉li mesea꞉ki sili alitaki, so꞉lo꞉ imilise fa꞉la꞉doma꞉ib. Keliso elo꞉ nanog dimido꞉ a꞉na ilikiyo꞉, Gode eyo꞉ kaluka꞉isaleyo꞉ a꞉ma꞉la꞉ ene gasili. A꞉la꞉ta꞉ga꞉ Gode eyo꞉ kaluka꞉isale eno꞉ a꞉la꞉liki da꞉fe alifa꞉ a꞉no꞉ tambo, ene Mama Malilo꞉ a꞉no꞉ imo꞉ dimi. Mama e kaluka꞉isale o꞉lia꞉ iliki, nafa kelego꞉ enedo꞉ dimidama꞉no꞉ saefa꞉ a꞉no꞉ a꞉la꞉ka dimida꞉mela꞉ib. (1.14) A꞉la꞉ta꞉ga꞉ to heb andeb a꞉na sa꞉sa꞉lakiyo꞉, Keliso kaluka꞉isaleyo꞉ Ya꞉suwa kudo꞉ ko꞉lo꞉, iyo꞉ asulo꞉wo꞉ imilise dowaki, Godeya꞉ ene man a꞉no꞉ ko꞉lo꞉ kudu ha꞉na꞉lubi. \ip Kaluka꞉isaleyo꞉ Kelisowa kudab a꞉namio꞉, iyo꞉ so꞉lo꞉ imilise dowab. A꞉la꞉ta꞉ga꞉ Godeya꞉ ene kaluka꞉isale a꞉no꞉ do꞉mo꞉ imilise fa꞉la꞉dowab ko꞉lo꞉, do꞉mo꞉ a꞉ma꞉ misa꞉yo꞉ Ya꞉su. (4.1-16) Godeya꞉ ene kaluka꞉isale i a꞉no꞉ a imilise o꞉ngo꞉ fa꞉la꞉dowab ko꞉lo꞉, Keliso e ili a kuan amilo꞉ aiko꞉ halaido꞉ dowab. (2.19-22) A꞉la꞉ta꞉ga꞉ Gode amilo꞉ tilidabu kaluka꞉isale a꞉no꞉ tambo ga o꞉ngo꞉ ko꞉lo꞉, ili ino꞉ Keliso ko꞉lo꞉ a꞉lab. (5.22-32) \c 1 \p \v 1 \x - \xo 1.1 \xt Ilig 18.19-21, 19.1\x*Ne Fo꞉l, ne Godeya꞉ enedo꞉ asulab a꞉na ilikiyo꞉, Ya꞉su Kelisowa꞉ enedo꞉ iliga꞉felo꞉ kalu nowo꞉ ne ko꞉lo꞉ fa꞉la꞉dowo꞉. Niyo꞉ mo꞉fo꞉s we A꞉fesa꞉s amisa꞉n a꞉namilo꞉ Godeya꞉ ene kaluka꞉isale, Ya꞉su Keliso hendelelo꞉ kudu ha꞉nab imo꞉ sa꞉sa꞉liga꞉to꞉l. \v 2 Do Gode o꞉lia꞉ Alan Ya꞉su Keliso o꞉lia꞉ma꞉ ha꞉fo꞉ disa꞉lan man a꞉no꞉lo꞉, ha꞉salo꞉ mesa꞉no꞉ man a꞉no꞉lo꞉, gi o꞉lia꞉ doma꞉ki dulugu so꞉lo꞉l. \s1 Ya꞉suwa꞉lo꞉ nanog dimido꞉ amio꞉, Gode eyo꞉ kelego꞉ nafaleyo꞉ nimo꞉ dimi \p \v 3 \x - \xo 1.3 \xt A꞉fe 2.6\x*Nili mama asuwa꞉takiyo꞉, Gode eyo꞉ nio꞉ Ya꞉su o꞉lia꞉ kudu alitaki, Hebenelo꞉ nafa kelego꞉ da꞉lab a꞉no꞉ tambo nimo꞉wo꞉ dimi. A꞉la꞉go꞉ko꞉lo꞉ niliyo꞉ Alan Ya꞉su Kelisowa꞉ iya Godeya꞉ wiyo꞉ wabulu sa꞉la꞉mela꞉niki. \v 4-5 \x - \xo 1.4-5 \xt Yo꞉n 15.16\x*\x - \xo 1.4-5 \xt Yo꞉n 1.12\x*Taminde amio꞉, Gode eyo꞉ henfelo꞉ we o꞉semo꞉ dimido꞉ amio꞉, nio꞉ Ya꞉su o꞉lia꞉ doma꞉ki, Gode eyo꞉ nio꞉ a꞉na da꞉fe alifa꞉. Elo꞉ dimido꞉ a꞉ma꞉yo꞉, nio꞉ Godeya꞉ siwa꞉l amio꞉ mogago꞉wo꞉ mo꞉dimidaki, malilo꞉ nafale doma꞉ki go꞉. Ho꞉len a꞉namio꞉, Gode eyo꞉ nio꞉ mada alan asulo꞉ ko꞉lo꞉, Ya꞉su Kelisowa꞉lo꞉ nanog dimidama꞉ib a꞉namio꞉, nio꞉ ene so꞉wale doma꞉ki a꞉la꞉liki da꞉fe alifa꞉. Enedo꞉ asulab au da꞉feyo꞉ ko꞉lo꞉ e mada sagalo꞉. \v 6 Gode eyo꞉ nimo꞉wo꞉ ha꞉fo꞉wo꞉ mada alan disa꞉lakiyo꞉ a꞉la꞉dimido꞉ ko꞉lo꞉, niliyo꞉ Gode a꞉no꞉ wabuluma꞉niki. Eyo꞉ ene so꞉wayo꞉ alan asulo꞉ ko꞉lo꞉, eya a꞉la꞉ta꞉ga꞉yo꞉ Gode eyo꞉ nimo꞉wo꞉ ha꞉fo꞉ disa꞉lakiyo꞉, ego꞉le dofo꞉melea꞉kigab. \v 7 \x - \xo 1.7 \xt A꞉fe 2.7, Kolo 1.14\x*Nio꞉ sili alifoma꞉kiyo꞉, Gode eyo꞉ ene so꞉waya꞉ ho꞉bo꞉ tulo꞉ a꞉na ilikiyo꞉ nio꞉ a꞉ma꞉la꞉ kililia꞉sa꞉ga꞉yo꞉, nili mogago꞉wo꞉ a꞉na hala꞉. Godeya꞉lo꞉ dimido꞉ a꞉ma꞉yo꞉, ene ha꞉fo꞉ disa꞉lan man a꞉no꞉ mada alan a꞉la꞉widakigab. \v 8 Gode eyo꞉ ene ha꞉fo꞉ disa꞉lan man a꞉no꞉ nimo꞉wo꞉ modo꞉ ko꞉lo꞉ dimi. A꞉la꞉ta꞉ga꞉ asulo꞉ nafa o꞉lia꞉ dinafalo꞉ mesa꞉no꞉ asulan o꞉lia꞉yo꞉ nimo꞉ dimi. \v 9 \x - \xo 1.9 \xt Lom 16.25\x*Tamin amio꞉ Gode eyo꞉ Ya꞉suwa꞉lo꞉ nafa dimidama꞉no꞉ dimidali a꞉no꞉ wo꞉no꞉le dia꞉fo꞉len ko꞉lo꞉ o꞉go꞉ kalaba wido꞉. A꞉la꞉do꞉ dimidama꞉no꞉ a꞉ma꞉yo꞉ e sagale alitakigab. \v 10 \x - \xo 1.10 \xt Kolo 1.16,20\x*A꞉la꞉fo꞉ko꞉lo꞉ elo꞉ dimadali ko꞉lo꞉ deleno꞉ we. Ho꞉lende a꞉no꞉ fa꞉la꞉dowalikiyo꞉, Hebene kelego꞉ o꞉lia꞉ henfelo꞉ kelego꞉ o꞉lia꞉yo꞉, Ya꞉su Kelisowa꞉ halaido꞉ ha꞉ga tambo kegene doma꞉ki ta꞉fa꞉ib. \p \v 11 \x - \xo 1.11 \xt Lom 8.28-29\x*Gode eyo꞉ nio꞉ Keliso o꞉lia꞉ kudalikiyo꞉, ene so꞉walemo꞉lo꞉ dabun dimia꞉ib a꞉no꞉ nimo꞉ dima꞉ki da꞉fe alifa꞉. Gode eyo꞉ taminde amio꞉ a꞉la꞉dimidalia꞉ga꞉ difa꞉. A꞉la꞉ta꞉ga꞉ kelego꞉ a꞉no꞉ tambo Godeya꞉ enedo꞉ fa꞉la꞉doma꞉kilo꞉ asulab au kudu ha꞉naki fa꞉la꞉dowa꞉sen. \v 12 A꞉la꞉fo꞉ko꞉lo꞉ Yu kaluka꞉isale nio꞉, Keliso amio꞉ ni ko꞉le tilidabu ko꞉lo꞉, Godeya꞉lo꞉ a꞉la꞉do꞉ dimido꞉ a꞉no꞉, niliyo꞉ ene wi alan a꞉no꞉ ko꞉lo꞉ wabuluma꞉niki go꞉. \v 13 A꞉la꞉ta꞉ga꞉ Yu kaluka꞉isalema gio꞉lo꞉ Godeya꞉lo꞉ a꞉ma꞉la꞉ gasili to hendele a꞉no꞉ dabu ko꞉lo꞉, to nafa a꞉no꞉ da꞉da꞉sa꞉ga꞉yo꞉, gio꞉ Ya꞉suwa tilida꞉dab a꞉namio꞉, Gode eyo꞉ enedo꞉ dinali sio꞉ a꞉no꞉ ko꞉lo꞉ kudu ha꞉nakiyo꞉, ene Mama Malilo꞉ a꞉no꞉ gimo꞉ dimi. A꞉la꞉do꞉ dimido꞉ a꞉ma꞉yo꞉, gio꞉ eno꞉leka꞉ a꞉la꞉liki widaki go꞉. \v 14 \x - \xo 1.14 \xt 2Kol 1.22\x*Godeya꞉ ene Mama ko꞉lo꞉ ni amio꞉ dowab a꞉ma꞉yo꞉, Godeya꞉lo꞉ kelego꞉ nafale ko꞉lo꞉ ene so꞉walemo꞉lo꞉ dimia꞉ib a꞉no꞉ nio꞉ hendele dia꞉ib a꞉la꞉widakigab. Ho꞉len a꞉namio꞉ Gode eyo꞉ nio꞉ gasilia꞉sa꞉ga꞉ sili alifa꞉ib, mo꞉wo꞉ nio꞉ Gode eno꞉le ko꞉lo꞉lab. A꞉la꞉fo꞉ko꞉lo꞉ niliyo꞉ Godeya꞉ wi alan a꞉no꞉ wabulu sa꞉la꞉mela꞉niki. \s1 Fo꞉l eyo꞉ A꞉fesa꞉s kaluka꞉isaleyo꞉ asulo꞉ nafayo꞉ dima꞉ki, Godemo꞉ dulugu sio꞉ \p \v 15-16 A꞉la꞉fo꞉ko꞉lo꞉ gililo꞉ Ya꞉su Alan amilo꞉ halale tilidabu a꞉no꞉ a꞉la꞉ta꞉ga꞉, Keliso kaluka꞉isale nol o꞉lia꞉yo꞉lo꞉ ha꞉fo꞉ disa꞉la꞉sen man a꞉no꞉lo꞉ ne dabu ko꞉lo꞉, niyo꞉ ge asulakiyo꞉ Godemo꞉ mada o꞉m a꞉la꞉bo꞉ sa꞉la꞉sen. Mada o꞉m a꞉la꞉likilo꞉ dulugu sa꞉la꞉mela꞉no꞉wo꞉ mo꞉edaki, gio꞉ asulufo꞉likiyo꞉ dulugu sa꞉la꞉lo꞉l. \v 17 \x - \xo 1.17 \xt Kolo 1.9\x*Niyo꞉ nili Do Gode Halaido꞉, Alan Ya꞉su Kelisowa꞉ ene Gode o꞉mo꞉wo꞉ dulugu sa꞉la꞉lo꞉l. Gode eneno꞉ gimo꞉wo꞉ fanda widaki, a꞉la꞉ta꞉ga꞉ asulo꞉ nafayo꞉ dimina꞉ki, niyo꞉ dulugu so꞉lo꞉l. A꞉la꞉galikiyo꞉ gio꞉ Godeyo꞉ mada fanda asuluma꞉ib. \v 18 Godeya꞉lo꞉ da꞉feyo꞉ kaluka꞉isale a꞉namilo꞉ dimidama꞉ib a꞉no꞉ hendele fa꞉la꞉doma꞉ib a꞉la꞉bo꞉, gio꞉ fanda ba꞉da꞉sa꞉ga꞉ asuluma꞉ki, niyo꞉ Godemo꞉ dulugu so꞉lo꞉l. Kelego꞉ nafale ko꞉lo꞉ Godeya꞉ ene so꞉walemo꞉lo꞉ enedo꞉ dimia꞉nigab a꞉no꞉ gio꞉ asulufo꞉melea꞉ki, dulugu so꞉lo꞉l. \p \v 19-20 \x - \xo 1.19-20 \xt Kolo 1.11\x*\x - \xo 1.19-20 \xt Song 110.1, 2Kol 13.4, Kolo 2.12\x*A꞉la꞉ta꞉ga꞉ gio꞉ Godeya꞉ ene halaido꞉ alan a꞉no꞉lo꞉ asuluma꞉ki, Godemo꞉ dulugu so꞉lo꞉l. Niliyo꞉ halaido꞉ a꞉no꞉ ko꞉lo꞉ da꞉fe ba꞉ba꞉no꞉wo꞉ mo꞉ililo꞉. Ene halaido꞉ a꞉ma꞉yo꞉ tilidabu kaluka꞉isale nio꞉ asuwa꞉ta꞉lab. A꞉la꞉ta꞉ga꞉ Keliso e sowabiki, Godeya꞉ halaido꞉ alan a꞉ma꞉yo꞉ e a꞉ma꞉la꞉ a꞉dasi alita꞉sa꞉ga꞉yo꞉, e Hebene halonamio꞉ Godeya꞉ ene dagi ililiba mesea꞉ki ta꞉fo꞉. \v 21 \x - \xo 1.21 \xt Kolo 1.16, 2.10\x*Keliso e Hebene halona silikiyo꞉, ma꞉mula꞉ kalu o꞉lia꞉, mama ko꞉li ko꞉lilo꞉ halaido꞉lo꞉ a꞉lab a꞉no꞉lo꞉ a꞉la꞉ta꞉ga꞉ wilo꞉ di a꞉no꞉lo꞉, tambo Ya꞉suwa꞉ ha꞉ga ta꞉fo꞉ ko꞉lo꞉, o꞉go꞉do꞉ ta꞉i ha꞉nab wenamio꞉lo꞉ tif amio꞉lo꞉ ta꞉i ha꞉na꞉no꞉ a꞉namio꞉lo꞉, E misa꞉ siliki tambo bo꞉fo꞉mela꞉ib. \v 22-23 \x - \xo 1.22-23 \xt Song 8.6\x*\x - \xo 1.22-23 \xt Lom 12.5, A꞉fe 4.10,15, Kolo 1.18\x*Gode eyo꞉ kelego꞉wo꞉ tambo dia꞉sa꞉ga꞉, Kelisowa꞉ halaido꞉ ha꞉ga dofo꞉melea꞉ki ta꞉takiyo꞉, e kelego꞉ tambo amio꞉ misa꞉ dofo꞉melea꞉ki ta꞉fo꞉. A꞉la꞉do꞉ dimido꞉ a꞉ma꞉yo꞉ enedo꞉ tilidabu kaluka꞉isale a꞉no꞉ ko꞉lo꞉ asuwa꞉foma꞉ki go꞉. Kaluka꞉isale i a꞉no꞉ sa꞉s enedo꞉wo꞉ i o꞉m ko꞉lo꞉, iyo꞉ Ya꞉su Kelisowa꞉ ene do꞉mo꞉le dowo꞉ ko꞉lo꞉lab. Eyo꞉ sa꞉s amio꞉ ene mela꞉no꞉wo꞉ wa꞉li alita꞉ga꞉, kelego꞉ tambowo꞉ ilili alifa꞉. \c 2 \s1 Gode eyo꞉ sowo꞉ kaluka꞉isale nio꞉ Ya꞉su o꞉lia꞉ a꞉ma꞉la꞉ dasi alitaki mela꞉no꞉wo꞉ dimi \p \v 1 \x - \xo 2.1 \xt Kolo 1.21, 2.13\x*Tamin amio꞉ gililo꞉ mogago꞉ dimida꞉len a꞉na ilikiyo꞉, gili mamayo꞉ sofo꞉len. \v 2 \x - \xo 2.2 \xt Kolo 3.7, Tait 3.3\x*Ho꞉len a꞉namio꞉, gio꞉ henfelo꞉ mande we ko꞉lo꞉ kudu ha꞉na꞉likiyo꞉, henfelo꞉ welo꞉ bo꞉fo꞉lowan mama mogago꞉wo꞉, Sa꞉da꞉na꞉ e ko꞉lo꞉ kudu ha꞉na꞉len. Kaluka꞉isale Godelo꞉ gola ba꞉dab a꞉no꞉ Sa꞉da꞉na꞉ e iya iliki, nanogo꞉ dimida꞉lab. \v 3 \x - \xo 2.3 \xt Kolo 3.6\x*Nio꞉lo꞉ tamin amio꞉ a꞉la꞉ sen ko꞉lo꞉, nio꞉ nili asulo꞉wa꞉lo꞉ mogago꞉ asulan a꞉no꞉ kudu ha꞉nakiyo꞉, do꞉mo꞉wa꞉lo꞉ asulab au dimida꞉len. A꞉la꞉fo꞉ko꞉lo꞉ henfelo꞉ kaluka꞉isale nol ko꞉lo꞉ elen o꞉leaumbo꞉, nio꞉lo꞉ Godeya꞉ gadio꞉ a꞉ma꞉ ha꞉ga elen. \v 4-5 \x - \xo 2.4-5 \xt Lom 6.11-13\x*Ko꞉sega Godeya꞉ ene nofolan mano꞉ alan dowo꞉ ko꞉lo꞉, ene ha꞉fo꞉ disa꞉lan man nimo꞉lo꞉ dimido꞉ a꞉na ilikiyo꞉, ninido꞉ mogago꞉ dimida꞉len a꞉ma꞉yo꞉ nili mamayo꞉ sofo꞉labikiyo꞉, eyo꞉ nimo꞉wo꞉ ha꞉fo꞉wo꞉ alan disa꞉laki, mela꞉no꞉wo꞉ nimo꞉ dimia꞉sa꞉ga꞉yo꞉, nio꞉ Ya꞉su Keliso o꞉lia꞉ mela꞉no꞉ ta꞉fo꞉. \v 6 \x - \xo 2.6 \xt Kolo 2.12\x*Gode eyo꞉ nio꞉ Ya꞉su Kelisowa kudu alifa꞉ ko꞉lo꞉, nio꞉ Hebene halonamio꞉ Ya꞉su o꞉lia꞉ siliki bo꞉fo꞉melea꞉ki, Gode eyo꞉ Ya꞉su ko꞉lo꞉ a꞉ma꞉la꞉ a꞉dasi alifa꞉ o꞉leaumbo꞉, nio꞉lo꞉ a꞉ma꞉la꞉ a꞉dasi alifa꞉. \v 7 Godeya꞉ ene ha꞉fo꞉ disa꞉lan man a꞉no꞉ elema꞉no꞉wo꞉ aundo꞉ma dowo꞉ ko꞉lo꞉, Ya꞉suwa꞉lo꞉ dimido꞉ a꞉na ilikiyo꞉, man a꞉no꞉ nimo꞉wo꞉ wido꞉. Gode eyo꞉ ene ha꞉fo꞉ disa꞉lan man a꞉no꞉ alan ko꞉lo꞉lab a꞉la꞉likiyo꞉, kaluka꞉isale nolbo꞉wo꞉ tif amio꞉ wida꞉li ha꞉na꞉melea꞉kiyo꞉, eyo꞉ nio꞉ a꞉ma꞉la꞉ a꞉dasi alifa꞉. \v 8 Mo꞉wo꞉ gio꞉ Ya꞉su amio꞉ tilida꞉dabikiyo꞉, Gode eyo꞉ ene ha꞉fo꞉ disa꞉lan man a꞉na ilikiyo꞉, gio꞉ asuwa꞉taki a꞉ma꞉la꞉ gasili. Gode eyo꞉ gililo꞉ man nafa dimido꞉ a꞉no꞉ ko꞉lo꞉ ba꞉da꞉sa꞉ga꞉ dimido꞉ma. Gode eyo꞉ boba kelego꞉ nafa a꞉no꞉ madali gimo꞉ dimi. \v 9 \x - \xo 2.9 \xt 1Kol 1.29-31, 2Tim 1.9\x*Nililo꞉ nanog nafa dimido꞉ a꞉ma꞉ gasilima. A꞉la꞉fo꞉ko꞉lo꞉ kalu imilig noma꞉yo꞉ enena꞉ma꞉la꞉yo꞉ mo꞉wabuluma꞉ib. \v 10 \x - \xo 2.10 \xt Tait 2.14\x*Nio꞉ nanog nafale dimida꞉melea꞉kiyo꞉, Gode eyo꞉ nio꞉ Ya꞉su Kelisowa kudu alitaki, kaluka꞉isale nio꞉ nafale dimida꞉sa꞉ga꞉ ho꞉gi fa꞉la꞉doma꞉ki ta꞉fo꞉. Nanog nafa nililo꞉ dimida꞉mela꞉no꞉ a꞉no꞉, Gode eyo꞉ tamina dimidalia꞉sa꞉ga꞉ ta꞉fo꞉. \s1 So꞉lo꞉ a꞉la꞉ gis elen a꞉no꞉ Ya꞉su eyo꞉ digale alitaki imilig ta꞉fo꞉ \p \v 11 Yu kaluka꞉isalema, gio꞉ asuluma. Gilo꞉ sa꞉la꞉li a꞉no꞉ Yuwa꞉ so꞉lo꞉wa sa꞉la꞉lima. Yu kalu iliyo꞉ do꞉go꞉fo꞉ hege gedea꞉sen ko꞉lo꞉, gio꞉ “do꞉go꞉fo꞉ mo꞉hege gedea꞉sen kalu” a꞉la꞉dio꞉ge sa꞉lakiyo꞉, gio꞉ ha꞉la꞉ kalu a꞉la꞉liki da꞉fe alifa꞉. Ili do꞉mo꞉ amilo꞉ man dimidalifa꞉ a꞉na ilikiyo꞉, iyo꞉ Godeya꞉ eno꞉le kalu a꞉la꞉asula꞉lab. Ko꞉sega man a꞉no꞉ ili do꞉mo꞉ wa꞉l a꞉naka dimida꞉sen. \v 12 \x - \xo 2.12 \xt Lom 9.4, Kolo 1.21\x*Ho꞉len a꞉namio꞉ gio꞉ Ya꞉su Keliso o꞉lia꞉yo꞉ alobanaga꞉ta꞉ga꞉ sen a꞉la꞉bo꞉ asuluma. Gio꞉ Isolaela꞉ eso꞉lo꞉ma ko꞉lo꞉, Godeya꞉lo꞉ Isolaelbo꞉lo꞉ dinali sio꞉ us a꞉namio꞉ gio꞉ mo꞉tiane. Gio꞉lo꞉ henfelo꞉ wena sen ko꞉sega, gio꞉ Godelo꞉ma dowaki, kelego꞉ nafayo꞉ tifa dia꞉no꞉ a꞉la꞉bo꞉ mo꞉tili asula꞉len. \v 13 \x - \xo 2.13 \xt Kolo 1.20\x*Gio꞉ Gode o꞉lia꞉yo꞉ ko꞉na꞉ elen ko꞉sega, o꞉go꞉ Ya꞉su Kelisowa kuda꞉sa꞉ga꞉, ene ho꞉bo꞉ a꞉ma꞉yo꞉ gio꞉ tililia꞉ga꞉, Godeya꞉ aniba ta꞉fa꞉ni mio꞉. \p \v 14 \x - \xo 2.14 \xt 1Kol 12.13\x*Ya꞉su Keliso e nilo꞉ ha꞉sa mesea꞉kilo꞉ dimidan kaluwo꞉ e ko꞉lo꞉, Yu kalu o꞉lia꞉ Yu kaluma i o꞉lia꞉yo꞉ gis dofo꞉liki, gulusen a꞉no꞉ e go꞉go꞉daki tofa꞉. Gis elen a꞉ma꞉yo꞉ nol o꞉lia꞉yo꞉ ilif gelo꞉ o꞉ngo꞉ iliki gulusen ko꞉sega, Ya꞉su e sowo꞉ a꞉na ilikiyo꞉, ilif a꞉no꞉ hugula꞉sa꞉ga꞉, a꞉la꞉yo꞉ imilig ta꞉fo꞉. \v 15 \x - \xo 2.15 \xt Kolo 2.14\x*Mo꞉sa꞉sa꞉ ele a꞉namio꞉, to nolo꞉, “a꞉la꞉bo꞉ dimida꞉bi” a꞉la꞉sio꞉, a꞉la꞉ta꞉ga꞉ to nolo꞉, “a꞉la꞉bo꞉ dimida꞉so꞉bo” a꞉la꞉saefa꞉ ko꞉lo꞉, gis elen a꞉no꞉ go꞉go꞉dema꞉kiyo꞉, ele a꞉ma꞉ halaido꞉ a꞉no꞉ tambo Ya꞉su eyo꞉ dila꞉. Elo꞉ dimido꞉ a꞉ma꞉yo꞉, so꞉lo꞉ a꞉la꞉ a꞉no꞉ eya kudalikiyo꞉, so꞉lo꞉ ho꞉gi imilig fa꞉la꞉doma꞉ki go꞉. \v 16 \x - \xo 2.16 \xt Kolo 1.20,22\x*Ya꞉su i malan amilo꞉ sowo꞉ a꞉ma꞉yo꞉ so꞉lo꞉ a꞉la꞉ a꞉no꞉ so꞉lo꞉ imilig ta꞉taki, iyo꞉ tambo Gode o꞉lia꞉ ege doma꞉ki ta꞉fo꞉. A꞉la꞉dimidabikiyo꞉ a꞉la꞉ma꞉lo꞉ gis dimida꞉len a꞉no꞉ a꞉na dila꞉. \v 17 \x - \xo 2.17 \xt Ais 57.19\x*Ya꞉su E ya꞉sa꞉ga꞉, ha꞉salo꞉ mesa꞉no꞉ man a꞉no꞉ widaki, ha꞉la꞉ kaluka꞉isale Gode o꞉lia꞉ ko꞉na꞉lo꞉ elen imo꞉wo꞉lo꞉ a꞉la꞉ta꞉ga꞉ Yu kaluka꞉isale Godeya꞉ anib amilo꞉ elen imo꞉wo꞉lo꞉, ha꞉salo꞉ mesa꞉no꞉ man a꞉no꞉ wido꞉. \v 18 Ya꞉suwa꞉lo꞉ dimido꞉ a꞉na ilikiyo꞉, Yu kaluka꞉isale o꞉lia꞉, Yu kaluka꞉isalema i o꞉lia꞉yo꞉, nio꞉ tambo Mama imilig a꞉na a꞉la꞉ta꞉ga꞉yo꞉, Dolo꞉ amilo꞉ ha꞉na꞉no꞉wo꞉ togo꞉ kolaefa꞉ ko꞉lo꞉lab. \p \v 19 \x - \xo 2.19 \xt A꞉fe 3.6\x*A꞉la꞉fo꞉ko꞉lo꞉ o꞉go꞉ Yu kaluka꞉isalema gio꞉ mio꞉ kaluwo꞉ o꞉ngo꞉ma. Gio꞉ Gode amilo꞉ tilidabu kaluka꞉isale a꞉no꞉lia꞉ uwa gasayakiyo꞉, Godeya꞉ eno꞉le dowaki, ene so꞉lo꞉ doma꞉ni tiane. \v 20 \x - \xo 2.20 \xt 1Kol 3.11\x*Godeya꞉ ene so꞉lo꞉ dowab gio꞉, a alan o꞉ngo꞉ di ko꞉lo꞉lab. Iliga꞉felo꞉ kalu o꞉lia꞉ Godeya꞉lo꞉ tolo꞉ dinali sa꞉lan kalu i a꞉no꞉lo꞉, a a꞉ma꞉ aiko꞉ ko꞉lo꞉lab. A꞉la꞉ta꞉ga꞉ Ya꞉su Keliso e, alo꞉ halaido꞉ ta꞉li mesa꞉no꞉ aiko꞉ alano꞉ E. \v 21 \x - \xo 2.21 \xt 1Kol 3.16\x*Meya꞉lo꞉ a mela꞉i ane o꞉leaumbo꞉, Ya꞉suwa꞉yo꞉ nio꞉ tambo kegene mele alifa꞉. Alan eyo꞉ a a꞉no꞉ dia꞉i ha꞉na꞉la꞉ga꞉, alan dowalikiyo꞉, ene malilo꞉ a fa꞉la꞉do alifa꞉. \v 22 \x - \xo 2.22 \xt 1Bid 2.5\x*A꞉la꞉fo꞉ko꞉lo꞉ Ya꞉suwa꞉yo꞉ gio꞉lo꞉ ua kegene alitakiyo꞉, gio꞉ Godeya꞉ ene a fa꞉la꞉doma꞉ki dimidali ta꞉lab ko꞉lo꞉, Godeya꞉ ene Mamayo꞉ a us a꞉na sab. \c 3 \s1 Godeya꞉lo꞉ dimidama꞉no꞉ a꞉no꞉ kalaba wido꞉ \p \v 1 \x - \xo 3.1 \xt Fili 1.7,13\x*Gode eyo꞉ Yu kaluka꞉isalema gio꞉ ene so꞉lo꞉ usa doma꞉kiyo꞉, togo꞉ kolaefa꞉ ko꞉lo꞉, mo꞉wo꞉ a꞉na ilikiyo꞉, Fo꞉l niyo꞉ Ya꞉su Kelisowa꞉ to nafa a꞉no꞉ gimo꞉wo꞉ wida꞉len amio꞉, ne dibolo aya to꞉lo alifo꞉len. \v 2 \x - \xo 3.2 \xt Kolo 1.25\x*Gode eyo꞉ ne ha꞉fo꞉ disa꞉lakiyo꞉, gio꞉ asuwa꞉foma꞉ki, ne ene nanog dian kalu doma꞉ki da꞉feyo꞉. Gio꞉ tamin amio꞉ to a꞉no꞉ da꞉da꞉sa꞉ga꞉ asululi ko꞉lo꞉lab. \v 3 \x - \xo 3.3 \xt A꞉fe 1.9-10, Kolo 1.26\x*Godeya꞉lo꞉ dimidama꞉no꞉ asulab a꞉no꞉ tamin amio꞉ wo꞉no꞉le delen ko꞉sega, to a꞉no꞉ nemo꞉wo꞉ kalaba wido꞉. To a꞉no꞉ heb nolo꞉ gimo꞉wo꞉ o꞉ma sa꞉sa꞉lo꞉. \v 4 To wo꞉no꞉lelo꞉ delen a꞉no꞉ nemo꞉wo꞉ kalaba widabiki asulo꞉ ko꞉lo꞉, giliyo꞉ to nilo꞉ sa꞉sa꞉lo꞉ a꞉no꞉ agelalikiyo꞉, giliyo꞉lo꞉ to a꞉no꞉ o꞉li asuluma꞉ib. \v 5 Gode eyo꞉ to wo꞉no꞉lelo꞉ delen a꞉no꞉ kaluka꞉isale tamin amilo꞉ ta꞉i mio꞉ i o꞉mo꞉wo꞉ mo꞉wido꞉. Ko꞉sega o꞉g wenamio꞉ Godeya꞉ ene Mama a꞉ma꞉ ilikiyo꞉, to a꞉no꞉ iliga꞉felan kalu o꞉lia꞉ Godeya꞉ tolo꞉ widan kaluka꞉isale o꞉lia꞉mo꞉wo꞉ kalaba wido꞉. \v 6 \x - \xo 3.6 \xt A꞉fe 2.13,16-19\x*Godeya꞉ asulo꞉ nafa wo꞉no꞉lelo꞉ delen a꞉no꞉ we. Ya꞉suwa꞉ to nafa a꞉ma꞉ ilikiyo꞉, Yu kaluka꞉isalema giliyo꞉ ni Yu kaluka꞉isale o꞉lia꞉ kudu alitaki, uwa do꞉mo꞉ imilise dowo꞉ ko꞉lo꞉, Godeya꞉lo꞉ nimo꞉lo꞉ dimia꞉no꞉ dinali saefa꞉ a꞉no꞉ Ya꞉su Kelisowa dowalikiyo꞉ nio꞉ tambo imilo꞉ dia꞉no꞉. \p \v 7 \x - \xo 3.7 \xt Kolo 1.25\x*A꞉la꞉fo꞉ko꞉lo꞉ to nafa a꞉no꞉ walama꞉kiyo꞉, Gode eyo꞉ nemo꞉wo꞉ ha꞉fo꞉ disa꞉lakiyo꞉, ne ene nanog dian kalu doma꞉ki da꞉feyo꞉ ko꞉lo꞉, niyo꞉ nanog a꞉no꞉ dimidama꞉kiyo꞉, ene halaido꞉ a꞉no꞉ nemo꞉ dimi. \v 8 \x - \xo 3.8 \xt 1Kol 15.9-10\x*Gode amilo꞉ tilidabu kaluka꞉isale nol us a꞉namio꞉, ne wilo꞉ma tifa dowo꞉ ko꞉sega, Gode eyo꞉ nemo꞉wo꞉ ha꞉fo꞉ disa꞉laki, nanog a꞉no꞉ nemo꞉ dimi. Nanog a꞉no꞉ we. Nafa kelego꞉ nafale agelema꞉no꞉wo꞉ mo꞉ililo꞉ ko꞉lo꞉ Ya꞉su amilo꞉ wa꞉lifo꞉lab a꞉no꞉ Yu kaluka꞉isalema imo꞉wo꞉ kalaba walama꞉kiyo꞉ nemo꞉ dimi. \v 9 Henfelo꞉ amilo꞉ kelego꞉ tambolo꞉ fa꞉la꞉do alifa꞉ Gode eyo꞉, ene asulo꞉wa꞉lo꞉ nafa dimidama꞉no꞉ dimidaefa꞉ a꞉no꞉ donayo꞉ modo꞉ amio꞉ wo꞉no꞉le dia꞉fo꞉len. Ko꞉sega o꞉go꞉ wo꞉no꞉lelo꞉ delen a꞉no꞉ kalaba fa꞉la꞉dowabikiyo꞉, kaluka꞉isale tambowa꞉yo꞉ fanda asuluma꞉kiyo꞉, nanog a꞉no꞉lo꞉ nemo꞉ dimi. \v 10 Tamin amio꞉ asulo꞉ a꞉no꞉ wo꞉no꞉le delen ko꞉sega, o꞉go꞉ ene sa꞉s kaluka꞉isaleyo꞉ fa꞉la꞉do alifa꞉ ko꞉lo꞉, Godeya꞉lo꞉ asulo꞉ nafa ko꞉li ko꞉lilo꞉ a꞉no꞉ sa꞉s a꞉na a꞉la꞉ta꞉ga꞉yo꞉, ma꞉mula꞉ kalu o꞉lia꞉ Hebene amilo꞉ mama ko꞉li ko꞉lilo꞉ halaido꞉lo꞉ a꞉lab i o꞉mo꞉wo꞉ kalaba walama꞉ki ta꞉fo꞉. \v 11 Godeya꞉lo꞉ dimido꞉ a꞉no꞉ taminde amio꞉ dimidalia꞉ga꞉ dia꞉fo꞉len ko꞉lo꞉, o꞉go꞉ Ya꞉su Keliso nili kalu Alan eya a꞉la꞉ta꞉ga꞉yo꞉ kalaba fa꞉la꞉do alifa꞉. \v 12 \x - \xo 3.12 \xt Yo꞉n 14.6, Lom 5.2\x*Nio꞉ Ya꞉suwa tilida꞉da꞉sa꞉ga꞉ kudalikiyo꞉, eya a꞉la꞉ta꞉ga꞉yo꞉ nio꞉ mo꞉tagilaki, Godelo꞉ amio꞉ sagala꞉liki o꞉li ha꞉na꞉no꞉. \v 13 A꞉la꞉fo꞉ko꞉lo꞉ gi asuwa꞉takilo꞉ nilo꞉ hida꞉yo꞉ dio꞉l we giliyo꞉ ba꞉da꞉sa꞉ga꞉, gio꞉ tagilakiyo꞉ tilidabuwo꞉ taiyabena꞉ki halale dowa꞉bi. Mo꞉wo꞉ hida꞉yo꞉ nilo꞉ dio꞉l a꞉ma꞉yo꞉ Gode eyo꞉ gio꞉ halaido꞉ nafale mesa꞉no꞉ ta꞉foma꞉ki go꞉. \s1 Fo꞉l eyo꞉ A꞉fesa꞉s kaluka꞉isaleyo꞉ halale alifoma꞉ki dulugu sio꞉ \p \v 14 Godeya꞉lo꞉ nafale dimidaefa꞉ a꞉no꞉ ko꞉lo꞉ asulakiyo꞉, ne Do Godeya꞉ ha꞉ga gulalu siliki e ko꞉lo꞉ wabuda꞉mela꞉no꞉. \v 15 Hebenelo꞉ so꞉lo꞉ ko꞉li ko꞉lilo꞉ sab o꞉lia꞉, henfelo꞉ wilo꞉ so꞉lo꞉ ko꞉li ko꞉lilo꞉ sab i o꞉lia꞉ma꞉, mo꞉wo꞉ Gode e ko꞉lo꞉, eyo꞉ inin wi hendeleyo꞉ wikili alifa꞉. \v 16 Gode eyamio꞉ kelego꞉wo꞉ mada nafale modo꞉ dowo꞉ ko꞉lo꞉, Godeya꞉ ene Mamayo꞉ gili asulo꞉ usamio꞉ ililitaki, Godeya꞉ ene halaido꞉ a꞉ma꞉yo꞉ gio꞉ halale alifoma꞉ki dulugu so꞉lo꞉l. \v 17 \x - \xo 3.17 \xt Yo꞉n 14.23, Kolo 1.23, 2.7\x*A꞉la꞉dimidalikiyo꞉ gililo꞉ tilidabu a꞉na ilikiyo꞉, Keliso e gili asulo꞉ usa dofo꞉melea꞉ki dulugu so꞉lo꞉l. I tef ko꞉lo꞉ hena tefele ha꞉na꞉sa꞉ga꞉lo꞉ halale kagayan aumbo꞉, gio꞉ Godeya꞉lo꞉ alan asulan man us a꞉na tina꞉ib ko꞉lo꞉, gio꞉ halaido꞉le kagafo꞉mela꞉ib. \v 18-19 A꞉na halale kagayalikiyo꞉, gi o꞉lia꞉ tilidabu kaluka꞉isale o꞉lia꞉yo꞉ tambo halaido꞉wo꞉ dia꞉sa꞉ga꞉, Ya꞉suwa꞉lo꞉ alan asulan mano꞉ weo꞉ngo꞉lo꞉b a꞉la꞉bo꞉ gio꞉ dinafa fanda asuluma꞉ki dulugu so꞉lo꞉l. Ya꞉suwa꞉lo꞉ alan asulan man a꞉no꞉ ololobo꞉lo꞉, alolobo꞉lo꞉, osolobo꞉lo꞉, andolobo꞉lo꞉ aneyo꞉, mo꞉elema꞉no꞉ dowaki, kaluwa꞉yo꞉ mo꞉fanda asululia꞉no꞉ dowo꞉ ko꞉sega gio꞉ asuluma꞉kiyo꞉, niyo꞉ dulugu so꞉lo꞉l. Giliyo꞉ a꞉la꞉bo꞉ asulakiyo꞉, Godeya꞉ ene man nafa a꞉no꞉ gi amio꞉ ililitaki wa꞉lifa꞉ib. \p \v 20 Godeya꞉ ene halaido꞉ a꞉no꞉ ni usamio꞉ nanogo꞉ halaido꞉ dialikiyo꞉, halaido꞉ a꞉ma꞉yo꞉ nililo꞉ dabu ba꞉dabo꞉lo꞉, a꞉la꞉ta꞉ga꞉ nili asulo꞉wo꞉lo꞉ tininita꞉ga꞉, mada alan nolo꞉ a꞉dimida꞉sen. \v 21 A꞉la꞉fo꞉ko꞉lo꞉ niliyo꞉ Godeyo꞉ wabuluma꞉niki. Kaluka꞉isale Ya꞉su Kelisowa kudakilo꞉ ene sa꞉s dowab i a꞉ma꞉yo꞉, Godeya꞉ wiyo꞉ ho꞉leno꞉ tambolo꞉ ta꞉i ha꞉na꞉mela꞉no꞉ a꞉namio꞉, dulugu sa꞉la꞉mela꞉niki. Hendele. \c 4 \p \v 1 \x - \xo 4.1 \xt Kolo 1.10\x*Ne Kalu Alana꞉ wiya iliki dibolo aya so꞉l ko꞉lo꞉, niyo꞉ towo꞉ halaido꞉ gimo꞉wo꞉ a꞉la꞉so꞉lo꞉l. Gode eyo꞉ gio꞉ eno꞉le doma꞉ki ho꞉lelia꞉sa꞉ga꞉ da꞉feyo꞉ ko꞉lo꞉, giliyo꞉ Godeya꞉lo꞉ asulab o꞉leau, man a꞉no꞉ ko꞉lo꞉ kudu ha꞉na꞉lubi. \v 2 \x - \xo 4.2 \xt Kolo 3.12-13\x*Gode eyo꞉ man gililo꞉ kudu hamana꞉kilo꞉ asulabo꞉ we. Tilidabu kaluka꞉isale no o꞉lia꞉yo꞉, go꞉no꞉n ge ha꞉ga dowan, no o꞉lia꞉yo꞉ ha꞉sa dowan, bo꞉ebo꞉ mo꞉iligan, a꞉la꞉ta꞉ga꞉ kalu abeyo꞉ mo꞉ililo꞉ dimidalega giliyo꞉ emo꞉wo꞉ mo꞉mo꞉beaki, ha꞉fo꞉ disa꞉la꞉bi. \v 3 \x - \xo 4.3 \xt Kolo 3.14-15\x*Godeya꞉ Mama eyo꞉ ha꞉sa dowan man a꞉ma꞉ ilikiyo꞉, gio꞉ uwa kegene alifa꞉ ko꞉lo꞉, ho꞉leno꞉ tambo uwalo꞉ kegene alifa꞉ a꞉no꞉ halale kegene mesa꞉no꞉ dimida꞉lubi. \v 4 Mo꞉wo꞉ we, tilidabu kaluka꞉isale nio꞉ do꞉mo꞉wo꞉ imilise dowaki, a꞉la꞉ta꞉ga꞉ Mama malilo꞉ imilise a꞉no꞉ ni amio꞉ tambo dowo꞉ ko꞉lo꞉lab. Gode eyo꞉ gio꞉ tambo eno꞉le doma꞉no꞉ a꞉la꞉li ho꞉ido꞉ ko꞉lo꞉, Godeya꞉ kelego꞉ nafale ko꞉lo꞉ gio꞉ uwa dia꞉no꞉ a꞉la꞉liki tilida꞉da꞉sa꞉ga꞉lo꞉ yasilab a꞉no꞉ imilo꞉ dowo꞉ ko꞉lo꞉lab. \v 5 Kalu Alano꞉ imilise, a꞉la꞉ta꞉ga꞉ tilidabuwo꞉ imilise, a꞉la꞉ta꞉ga꞉ ho꞉na to꞉lolan man a꞉no꞉lo꞉ imilise dowo꞉ ko꞉lo꞉lab. \v 6 \x - \xo 4.6 \xt 1Kol 12.6\x*Godeyo꞉ imilig ko꞉lo꞉lab. Kaluka꞉isaleya꞉ Iyayo꞉ tambo e. Gode e iwalu iliki, nio꞉ tambo bo꞉fo꞉lab. Eyo꞉ kaluka꞉isale tambo i us a꞉na a꞉la꞉ta꞉ga꞉yo꞉ nanogo꞉ dimida꞉lab. A꞉la꞉ta꞉ga꞉ e kaluka꞉isale usamio꞉ tambo a꞉lab. \p \v 7 \x - \xo 4.7 \xt Lom 12.3,6\x*Ya꞉su Kelisowa꞉lo꞉ boba kelego꞉ nimo꞉lo꞉ dimia꞉no꞉ da꞉feyo꞉ o꞉leaumbo꞉, Gode eyo꞉ bo꞉ba kelego꞉ ko꞉li ko꞉lilo꞉wo꞉ nimo꞉wo꞉ ina꞉li ina꞉lile dimia꞉i ane ko꞉lo꞉lab. \v 8 \x - \xo 4.8 \xt Song 68.18\x*A꞉la꞉go꞉ko꞉lo꞉ Godeya꞉ ene bugo꞉ amio꞉ a꞉la꞉sio꞉, \q1 “E iwalu halona ha꞉nakiyo꞉, \q2 ene gis kalu modo꞉ a꞉no꞉ ta꞉lia꞉sa꞉ga꞉, dibolowa to꞉loma꞉ni tililia꞉gane. \q1 A꞉la꞉ta꞉ga꞉ boba kelego꞉ nafayo꞉ kaluka꞉isale enedo꞉mo꞉ dimi.” \m \v 9 \x - \xo 4.9 \xt Yo꞉n 3.13\x*Eyo꞉ a꞉la꞉sio꞉ ko꞉lo꞉, “E iwalu halona ane” a꞉la꞉do꞉ sa꞉lab a꞉no꞉ mo꞉wo꞉ ha꞉? A꞉la꞉do꞉ sa꞉lab a꞉no꞉, tamin amio꞉ e henfelo꞉ amio꞉ ololo ko꞉le tianeka꞉ a꞉la꞉li widaki gab. \v 10 Kalu tamin amilo꞉ ololodo꞉ tiane a꞉no꞉, imilise eko꞉ iwalu Hebene halona ane. Elo꞉ dimido꞉ a꞉no꞉, Hebene hen amio꞉lo꞉ henfelo꞉ wiyo꞉lo꞉, kelego꞉wo꞉ tambo amio꞉ ilili alitaki go꞉. \v 11 \x - \xo 4.11 \xt 1Kol 12.28\x*Kalu a꞉ma꞉lo꞉ boba kelego꞉ nimo꞉lo꞉ dimiyo꞉ we. Kalu nolo꞉ iliga꞉felo꞉ kalu doma꞉ki da꞉fe alifelo꞉. Kalu nolo꞉ Godeya꞉ towo꞉ dinali sama꞉ki da꞉fe alifelo꞉. Kalu nolo꞉ sia꞉likiyo꞉ Ya꞉suwa꞉ to nafa a꞉no꞉ walama꞉ki da꞉fe alifelo꞉. Kalu nolo꞉ tilidabu kaluka꞉isaleyo꞉ tili dowaki, Godeya꞉ towo꞉ walama꞉ki da꞉fe alifelo꞉. \v 12 Ya꞉su Kelisowa꞉lo꞉ boba kelego꞉ dimi a꞉ma꞉yo꞉, tilidabu kaluka꞉isale iliyo꞉ Godeya꞉ nanogo꞉ nafa dimidama꞉kiyo꞉ ego꞉le ilili alitaki go꞉. A꞉la꞉galikiyo꞉ Ya꞉su Kelisowa꞉ ene do꞉mo꞉wo꞉ anayaki, halaido꞉ doma꞉ib. \v 13 \x - \xo 4.13 \xt Kolo 1.28\x*Nanog nafa a꞉no꞉ a꞉la꞉dimida꞉i ha꞉na꞉la꞉ga꞉yo꞉, nili tilidabu a꞉namio꞉lo꞉, a꞉la꞉ta꞉ga꞉ nililo꞉ Godeya꞉ ene so꞉wa ko꞉lo꞉ fanda asuluma꞉no꞉ a꞉namio꞉lo꞉, nio꞉ tambo asulo꞉wo꞉ imilo꞉le doma꞉no꞉. Kalu so꞉wa ko꞉lo꞉ analia꞉ga꞉ kalu dowan aumbo꞉, nili tilidabuwo꞉lo꞉ anayaki nafale doma꞉ib. A꞉la꞉ta꞉ga꞉ Ya꞉su Keliso e ko꞉lo꞉ ego꞉le dowo꞉ o꞉leaumbo꞉, nio꞉lo꞉ ene man a꞉no꞉ imili alitalikiyo꞉ a꞉na fa꞉la꞉doma꞉ib. \v 14 Nili tilidabuwo꞉ anayab a꞉ma꞉yo꞉, nio꞉ so꞉wagalin o꞉ngo꞉wo꞉ mo꞉doma꞉ki gab. Nio꞉ to ho꞉gi ko꞉lilo꞉ nolo꞉ da꞉dalikiyo꞉, nio꞉ ho꞉n ko꞉su ko꞉lo꞉ ho꞉n fa꞉sa꞉ wa꞉l amilo꞉ fufaya꞉lo꞉ dia꞉sian aumbo꞉ mo꞉doma꞉no꞉. Madalilo꞉ widan kalu nolba꞉yo꞉ ya꞉sa꞉ga꞉ dikidaki widalikiyo꞉, nio꞉ tilida꞉dakiyo꞉ mo꞉kudu ha꞉na꞉no꞉. \v 15 \x - \xo 4.15 \xt Kolo 1.18, 2.19\x*Niliyo꞉ madali to widab a꞉no꞉ mo꞉kuduha꞉naki, nao no o꞉lia꞉yo꞉ ha꞉fo꞉ disa꞉laki to hendeleyo꞉ ko꞉lo꞉ sa꞉la꞉mela꞉niki. A꞉la꞉dimidalikiyo꞉ nio꞉ mada analiakiyo꞉, Ya꞉su Keliso o꞉ngo꞉ dowa꞉mela꞉niki. Tilidabu kaluka꞉isale nio꞉ ene do꞉mo꞉ dowo꞉ ko꞉lo꞉, nili misa꞉yo꞉ Keliso e. \v 16 Eya a꞉la꞉ta꞉ga꞉yo꞉ do꞉mo꞉ heb ko꞉li ko꞉lilo꞉ we tambo kudu alifelo꞉ ko꞉lo꞉, nio꞉ do꞉mo꞉ amilo꞉ momaya꞉lo꞉ kowa꞉gi alifelo꞉ o꞉ngo꞉ dowab. A꞉la꞉ta꞉ga꞉ do꞉mo꞉ heb ko꞉li ko꞉lilo꞉ a꞉ma꞉yo꞉ nanog inido꞉leyo꞉ dimidalikiyo꞉, nili do꞉mo꞉wo꞉ analiakiyo꞉, negelebo꞉ ha꞉fo꞉ disa꞉laki halaido꞉ doma꞉ib. \s1 Nio꞉ Kelisowa dowaki, man ho꞉giyo꞉ dimidama꞉niki \p \v 17 \x - \xo 4.17 \xt Lom 1.21, 1Bid 1.14\x*A꞉la꞉fo꞉ko꞉lo꞉ niyo꞉ to nowo꞉ gimo꞉wo꞉ sa꞉ma꞉nigo꞉l. Alana꞉ wiya ilikiyo꞉, niyo꞉ to we halale so꞉lo꞉l. Mo꞉tilidabu kaluka꞉isale ili asulo꞉ a꞉no꞉ babale dowab ko꞉lo꞉, giliyo꞉ man ililo꞉ dimidab aumbo꞉ dimida꞉so꞉bo. \v 18 Ini asulo꞉wo꞉ kaliaki ko꞉ndo꞉feleliab ko꞉lo꞉, asulo꞉ ililo꞉wo꞉ sololiya꞉ go꞉lufo꞉liki, iyo꞉ asugdo꞉ma dowab. A꞉la꞉fo꞉ko꞉lo꞉ kaluka꞉isale a꞉no꞉ Godeya꞉ mela꞉no꞉ mela꞉no꞉ a꞉no꞉lia꞉yo꞉ mo꞉kudo꞉ ko꞉lo꞉lab. \v 19 Kaluka꞉isale i amio꞉ sendelowan mano꞉ aundo꞉ma. A꞉la꞉ta꞉ga꞉ iliyo꞉ uwo꞉ dian man a꞉no꞉ dimidakiyo꞉, ho꞉leno꞉ tambo man mogago꞉ ko꞉li ko꞉lilo꞉ a꞉no꞉ko꞉ dimida꞉melebo꞉losa꞉ a꞉la꞉bo꞉ asula꞉sen. \v 20 Ko꞉sega gio꞉ Keliso amilo꞉ kudu ha꞉nan man a꞉no꞉ gimo꞉lo꞉ wido꞉ a꞉namio꞉, gio꞉ man a꞉no꞉ ko꞉lo꞉ dimidama꞉ki wido꞉ma. \v 21 Ya꞉sulo꞉ doba꞉da꞉lo꞉ gililo꞉ dabu a꞉no꞉ a꞉la꞉ta꞉ga꞉, gimo꞉lo꞉ wido꞉ asululi a꞉no꞉lo꞉ to hendele ko꞉lo꞉, Ya꞉sulo꞉wa a꞉la꞉ta꞉ga꞉lo꞉ mio꞉wo꞉ o꞉m. \v 22 \x - \xo 4.22 \xt Lom 8.13, Kolo 3.9\x*Gimo꞉lo꞉ wido꞉wo꞉ nolo꞉ we. Helebeso꞉g mogago꞉ ko꞉lo꞉ dugulan o꞉leaumbo꞉, man gilo꞉ amilo꞉ tamin amilo꞉ delen a꞉no꞉ tambo dila꞉bi. Gio꞉ mogago꞉ dimidama꞉kilo꞉ sendea꞉sen man a꞉ma꞉yo꞉ gio꞉ dikili alitakiyo꞉, mada mogagila꞉len. \v 23 \x - \xo 4.23 \xt Lom 12.2\x*Ko꞉sega Gode eyo꞉ asulo꞉ gililo꞉wo꞉ ho꞉gi a꞉nodo alifoma꞉ki ta꞉ta꞉bi. \v 24 \x - \xo 4.24 \xt Mo꞉mo꞉ 1.26, Kolo 3.10\x*A꞉la꞉ta꞉ga꞉ giliyo꞉ helebeso꞉g ho꞉gi ko꞉lo꞉ sa꞉ga꞉lan o꞉leaumbo꞉, man ho꞉gi Godeya꞉lo꞉ dimidaefa꞉ da꞉lab a꞉no꞉ ko꞉lo꞉ sa꞉ga꞉la꞉bi. Man ho꞉gi a꞉no꞉ man Godeya꞉ enedo꞉leyo꞉ o꞉m ko꞉lo꞉, giliyo꞉ man a꞉no꞉ dialikiyo꞉, gio꞉ digalo꞉le man o꞉lia꞉, malilo꞉le man a꞉no꞉ ko꞉lo꞉ kudu ha꞉na꞉ib. \p \v 25 \x - \xo 4.25 \xt Sek 8.16, Kolo 3.8-9\x*A꞉la꞉fo꞉ko꞉lo꞉ giliyo꞉ madalilo꞉ to sa꞉ma꞉no꞉ a꞉no꞉ ka ta꞉ta꞉bi. Nio꞉ do꞉mo꞉ imilise dowo꞉ ko꞉lo꞉, gegelebo꞉ to hendeleyo꞉ ko꞉lo꞉ sa꞉la꞉lubi. \v 26 \x - \xo 4.26 \xt Song 4.4, Ya꞉m 1.19-20\x*Gi amio꞉ kulufa꞉yo꞉wo꞉ dowalikiyo꞉, giliyo꞉ man mogago꞉wo꞉ dimida꞉so꞉bo. Kulufa꞉yo꞉wo꞉ gilo꞉ amio꞉ dowalega, ofo꞉ semo꞉ tiane amio꞉, kulufa꞉yo꞉ gilo꞉wo꞉ a꞉na eda꞉bi. \v 27 Kulufa꞉yo꞉ gililo꞉wo꞉ mo꞉edalega, fogo꞉ Sa꞉da꞉na꞉mo꞉ dimiab kolo꞉, a꞉la꞉bo꞉ dimida꞉so꞉bo. \v 28 Gio꞉ afayo꞉ dia꞉lenolalega, wa꞉kabiyo꞉ afayo꞉ mo꞉diaki ginin dagiya꞉yo꞉ nanogo꞉ halaido꞉ dimida꞉lubi. Gililo꞉ nanog dimidab a꞉namio꞉ fowo꞉ modo꞉ ko꞉lo꞉ hedalikiyo꞉, kelego꞉lo꞉ma kaluka꞉isale nol sab a꞉no꞉ o꞉li asuwa꞉fa꞉ib. \v 29 \x - \xo 4.29 \xt Kolo 4.6\x*Giliyo꞉ kalu nolo꞉ mogaila꞉ma꞉no꞉ towo꞉ sa꞉la꞉so꞉bo. A꞉la꞉ba. Giliyo꞉ kaluka꞉isalelo꞉ halale alifa꞉no꞉ to a꞉no꞉ ko꞉lo꞉ sa꞉la꞉lubi. Kaluka꞉isale to o꞉lo꞉ da꞉dab i a꞉no꞉ ko꞉lo꞉ asuwa꞉fa꞉nikiyo꞉, giliyo꞉ towo꞉ dinafa alobana sa꞉la꞉lubi. \v 30 \x - \xo 4.30 \xt Ais 63.10, A꞉fe 1.13-14, 1Tes 5.19\x*Giliyo꞉ Godeya꞉ ene Mama malilo꞉ o꞉mo꞉wo꞉ hida꞉ma꞉no꞉wo꞉ dimida꞉so꞉bo. Gode eyo꞉ gio꞉ ene so꞉wale a꞉la꞉liki widakiyo꞉, ene Mamayo꞉ gimo꞉ dimi ko꞉lo꞉, ele ba꞉ba꞉no꞉ ge amilo꞉ difa꞉ a꞉ma꞉yo꞉ Gode eyo꞉ ge hendele ga꞉li sili alifa꞉ib a꞉la꞉widaki go꞉. \v 31 \x - \xo 4.31 \xt Kolo 3.8\x*A꞉la꞉fo꞉ko꞉lo꞉ giliyo꞉ nolbo꞉lo꞉ kele asula꞉lowano꞉, kulufa꞉yano꞉, gadiano꞉, towa꞉lo꞉ kegano꞉, sada꞉dano꞉, a꞉la꞉ta꞉ga꞉ mo꞉bean man a꞉no꞉lo꞉ tambo dila꞉bi. \v 32 \x - \xo 4.32 \xt Madi 6.14, 18.22-35, Kolo 3.12-13\x*A꞉la꞉ta꞉ga꞉ gegelebo꞉ nofolakiyo꞉, ha꞉fo꞉wo꞉ disa꞉la꞉lubi. Gode eyo꞉ mogago꞉ gililo꞉ dimido꞉ a꞉no꞉ Ya꞉suwa꞉ wiya ilikilo꞉ ga꞉lila꞉ o꞉leaumbo꞉, giliyo꞉lo꞉ nolba꞉ mogago꞉ dimido꞉ a꞉no꞉lo꞉ ga꞉lila꞉bi. \c 5 \s1 Ha꞉fo꞉ disa꞉lan man us a꞉na dowa꞉lubi \p \v 1 \x - \xo 5.1 \xt Madi 5.48\x*A꞉la꞉fo꞉ko꞉lo꞉ niliyo꞉ man digalo꞉ Godeya꞉lo꞉ dimida꞉sen a꞉no꞉ko꞉ kudu ha꞉na꞉niki. Mo꞉wo꞉ Gode eyo꞉ nio꞉ mada alan asulaki, nio꞉ ene so꞉wale ta꞉fo꞉lab. \v 2 \x - \xo 5.2 \xt Kis 29.18, Hibu 10.10\x*Keliso eyo꞉ nimo꞉wo꞉ ha꞉fo꞉wo꞉ disa꞉la꞉sa꞉ga꞉, ni asuwa꞉takiyo꞉ mela꞉no꞉ enedo꞉ko꞉ wala꞉. Ene mela꞉no꞉ a꞉no꞉ mundo꞉ nafale ko꞉lo꞉ bo꞉ba so꞉mean aumbo꞉ Godemo꞉ dimi. O꞉leaumbo꞉ niliyo꞉lo꞉ nol o꞉lia꞉yo꞉ ha꞉fo꞉wo꞉ disa꞉ma꞉niki. \v 3 Ko꞉sega uwo꞉ diano꞉, mo꞉dimidan aundo꞉ dimidan man ko꞉li ko꞉lilo꞉ a꞉no꞉lo꞉, a꞉la꞉ta꞉ga꞉ meselan man a꞉no꞉lo꞉ gi amio꞉ fa꞉la꞉dowabena꞉ki, ko꞉na꞉ dowa꞉bi. Tilidabu kaluka꞉isale gio꞉ man a꞉no꞉lia꞉ anidoma꞉no꞉wo꞉ mo꞉ililo꞉. \v 4 Giliyo꞉ wa꞉sa꞉le sa꞉lan to o꞉lia꞉, madali to o꞉lia꞉, uwo꞉ dia꞉nikilo꞉ mesele sa꞉lan to o꞉lia꞉yo꞉ mada sa꞉la꞉so꞉bo. To mogago꞉ ko꞉li ko꞉lilo꞉ a꞉no꞉ giliyo꞉ sa꞉ma꞉no꞉wo꞉ mo꞉ililo꞉ ko꞉lo꞉lab. A꞉la꞉bo꞉ mo꞉dimidaki, giliyo꞉ Godemo꞉ mada o꞉m a꞉la꞉dulugu sa꞉la꞉lubi. \v 5 \x - \xo 5.5 \xt 1Kol 6.9-10, Kolo 3.5\x*Giliyo꞉ to we hendelelo꞉b a꞉la꞉ asula꞉bi. Uwo꞉lo꞉ dia꞉labo꞉, mo꞉dimidan aundo꞉ dimian man ko꞉li ko꞉lilo꞉ dimida꞉labo꞉, a꞉la꞉ta꞉ga꞉ mesela꞉labo꞉, kaluka꞉isale man wengo꞉lo꞉ kudu ha꞉na꞉lab i a꞉no꞉, Gode o꞉lia꞉ Keliso o꞉lia꞉ma꞉lo꞉ bo꞉fo꞉mela꞉no꞉ man us a꞉namio꞉ mada mo꞉tina꞉ib. Meselan man a꞉no꞉ kaluka꞉isale madali godemo꞉lo꞉ gulugululan man o꞉ngo꞉ ko꞉lo꞉ a꞉lab. \p \v 6 \x - \xo 5.6 \xt Lom 1.18, Kolo 2.4,8\x*Kalu noma꞉yo꞉ gio꞉ madali to sa꞉lakiyo꞉ dikidabena꞉ki dinafa dowa꞉bi. Mo꞉wo꞉ kaluka꞉isale Godelo꞉ mo꞉kudu ha꞉na꞉lab i a꞉ma꞉yo꞉, man mogago꞉ nilo꞉ sa꞉la꞉i mio꞉ a꞉no꞉ dimida꞉lab ko꞉lo꞉, Godeya꞉ gadio꞉ a꞉no꞉ kaluka꞉isale i o꞉mo꞉wo꞉ doma꞉ib. \v 7 A꞉la꞉fo꞉ko꞉lo꞉ kaluka꞉isale i a꞉no꞉lia꞉yo꞉ gasa dowa꞉so꞉bo. \v 8 \x - \xo 5.8 \xt Yo꞉n 12.36, A꞉fe 2.13, Kolo 1.13, 1Bid 2.9\x*Tamin amio꞉ gio꞉ sololi usa elen ko꞉sega, o꞉go꞉ gio꞉ Kalu Alan o꞉lia꞉ dowabiki, ho꞉lena a꞉lab. A꞉la꞉fo꞉ko꞉lo꞉ giliyo꞉ ho꞉lena꞉ so꞉waya꞉lo꞉ ha꞉nan au ha꞉na꞉lubi. \v 9 A꞉la꞉do꞉ so꞉lo꞉lo꞉ mo꞉wo꞉ we. Ho꞉lena꞉ fo hedano꞉ we, man nafayo꞉, man digalo꞉wo꞉ a꞉la꞉ta꞉ga꞉ to hende sa꞉lano꞉, fo a꞉no꞉ ko꞉lo꞉ hedan. \v 10 A꞉la꞉fo꞉ko꞉lo꞉ giliyo꞉ mano꞉ dinafa alobana ba꞉da꞉sa꞉ga꞉yo꞉, Alando꞉ sagalema꞉no꞉ man a꞉no꞉leko꞉ dimida꞉lubi. \v 11 Sololiya꞉ man a꞉ma꞉yo꞉ fo nafayo꞉ mo꞉hedan ko꞉lo꞉, gio꞉ man a꞉no꞉lia꞉yo꞉ uwayo꞉ gasa dowa꞉so꞉bo. A꞉la꞉ba. Kalu nolba꞉yo꞉ man a꞉no꞉ hendele mogago꞉lo꞉b a꞉la꞉asuluma꞉ki, giliyo꞉ ho꞉lena dia꞉ta꞉bi. \v 12 Ililo꞉ wo꞉no꞉lelo꞉ dimidan man a꞉no꞉ mada mogago꞉ ko꞉lo꞉, nilo꞉ a꞉sa꞉ma꞉no꞉wo꞉ sendelowab. \v 13 \x - \xo 5.13 \xt Yo꞉n 3.20-21\x*Ko꞉sega ho꞉lena꞉yo꞉ man wo꞉no꞉lelo꞉ delendo꞉wa do꞉italikiyo꞉, kaluka꞉isaleya꞉yo꞉ a꞉na fanda ba꞉ba꞉ib. \v 14 \x - \xo 5.14 \xt Ais 26.19, Lom 13.11\x*Mo꞉wo꞉ kelego꞉ ililo꞉ fanda ba꞉dab a꞉no꞉ tambo ho꞉len o꞉ngo꞉ fa꞉la꞉doma꞉ib. A꞉la꞉fo꞉ko꞉lo꞉ to wema꞉yo꞉ a꞉la꞉sa꞉lab, \q1 “Kalu alifo꞉lab ge sikagama. \q2 Ge sowo꞉ o꞉ngo꞉ a꞉lab ko꞉lo꞉, ge dasima. \q1 A꞉la꞉galikiyo꞉ Ya꞉suwa꞉ ene ho꞉ nafayo꞉ gelo꞉wa so꞉so꞉lema꞉ib.” \p \v 15 \x - \xo 5.15 \xt Kolo 4.5\x*Gililo꞉ man kudu ha꞉nab a꞉no꞉ dinafa tilidowaki ha꞉na꞉lubi. Asugdo꞉ma kalu o꞉ngo꞉wo꞉ mo꞉dowaki, asugdo꞉ di kalu o꞉ngo꞉ dowa꞉bi. \v 16 O꞉go꞉ ho꞉leno꞉ mogago꞉ dowab ko꞉lo꞉, fogo꞉ dowalikiyo꞉ giliyo꞉ ho꞉len a꞉no꞉ mo꞉walaki nanogo꞉ nafa dimida꞉lubi. \v 17 A꞉la꞉fo꞉ko꞉lo꞉ no꞉nolo꞉ asugdo꞉ma kalu o꞉ngo꞉wo꞉ mo꞉dowaki, Alana꞉lo꞉ asulab a꞉no꞉ ko꞉lo꞉ dinafa asula꞉bi. \v 18 \x - \xo 5.18 \xt Luk 21.34\x*Gio꞉ wain ho꞉n nakiyo꞉ dafola꞉so꞉bo. Man a꞉ma꞉yo꞉ gio꞉ mogagila꞉ma꞉ib. Ko꞉sega Godeya꞉ Mamayo꞉ gi amio꞉ ilili alifoma꞉ki ta꞉ta꞉bi. \v 19 \x - \xo 5.19 \xt Kolo 3.16\x*Giliyo꞉ tilidabu kaluka꞉isale nol o꞉lia꞉ tolakiyo꞉, Godeya꞉ gisalo꞉ bugo꞉ amilo꞉ to sio꞉ a꞉no꞉lo꞉, gulugululakilo꞉ gisalo꞉ mo꞉lan to a꞉no꞉lo꞉, Mamaya꞉ gisalo꞉ gimo꞉lo꞉ dimiab to a꞉no꞉lo꞉ sa꞉la꞉lubi. A꞉la꞉ta꞉ga꞉ giliyo꞉ Alana꞉ wiyo꞉ wabudaki, asulo꞉ usamilo꞉ fa꞉la꞉dowab a꞉na a꞉la꞉ta꞉ga꞉yo꞉, gisalo꞉wo꞉ halaido꞉ mo꞉la꞉bi. \v 20 \x - \xo 5.20 \xt Kolo 3.17\x*Ho꞉leno꞉ tambo amio꞉ Alan Ya꞉su Kelisowa꞉ wiya ilikiyo꞉, kelego꞉ tambo amio꞉ Do Godemo꞉wo꞉ sagalaki, mada o꞉m a꞉la꞉sa꞉la꞉lubi. \s1 India꞉ ingalia꞉ma꞉ man \p \v 21 \x - \xo 5.21 \xt 1Bid 5.5\x*Giliyo꞉ Ya꞉su Kelisowo꞉ mada alan asulo꞉ka꞉ a꞉la꞉widakiyo꞉, tilidabu kaluka꞉isale nolba꞉ ha꞉ga dowa꞉bi. \v 22 \x - \xo 5.22 \xt Kolo 3.18, 1Bid 3.1\x*Ka꞉isale giliyo꞉ Kalu Alana꞉ ha꞉g amilo꞉ dowab o꞉leau, kalu gililo꞉ma꞉ ha꞉g amio꞉lo꞉ a꞉la꞉ka dowa꞉bi. \v 23 \x - \xo 5.23 \xt 1Kol 11.3, A꞉fe 1.22\x*Mo꞉wo꞉ ha꞉ Keliso e sa꞉sa꞉ ene misa꞉ a꞉lab o꞉leaumbo꞉, kaluwo꞉ ene inga a꞉ma꞉ misa꞉ ko꞉lo꞉lab. Sa꞉s kaluka꞉isale iyo꞉ Ya꞉suwa꞉ ene do꞉mo꞉ a꞉la꞉ta꞉ga꞉, ilo꞉ a꞉ma꞉la꞉ gasili kaluwo꞉ Ya꞉su e. \v 24 Sa꞉s kaluka꞉isale ko꞉lo꞉ Kelisowa꞉ ene ha꞉g amilo꞉ dowab o꞉leaumbo꞉, ka꞉isale gililo꞉ man dimidan us a꞉namio꞉, kalu ginindo꞉ma꞉ ha꞉ga dowa꞉bi. \p \v 25 \x - \xo 5.25 \xt Kolo 3.19, 1Bid 3.7\x*Kelisowa꞉lo꞉ sa꞉so꞉ alan asula꞉sa꞉ga꞉lo꞉ ene mela꞉no꞉ wala꞉ o꞉leaumbo꞉, kalu giliyo꞉ ga꞉ gayo꞉ mada alan asulaki ha꞉fo꞉wo꞉ disa꞉la꞉bi. \v 26 \x - \xo 5.26 \xt Tait 3.5\x*Kelisowa꞉lo꞉ a꞉la꞉do꞉ dimido꞉ a꞉namio꞉, sa꞉s kaluka꞉isaleyo꞉ malilo꞉ dowaki eno꞉le fa꞉la꞉doma꞉ki ta꞉fo꞉. Ene to a꞉na ilikiyo꞉, iyo꞉ ho꞉na꞉ to꞉go꞉de alitakiyo꞉, go꞉go꞉do꞉ fa꞉la꞉do alifa꞉. \v 27 \x - \xo 5.27 \xt 2Kol 11.2, Kolo 1.22\x*Kelisowa꞉lo꞉ dimido꞉ a꞉ma꞉yo꞉, ene sa꞉s kaluka꞉isaleyo꞉ ene siwa꞉l amio꞉ gesego꞉le dowaki, eno꞉le doma꞉ki go꞉. A꞉la꞉ta꞉ga꞉ do꞉mo꞉ ililo꞉ amilo꞉ heyo꞉lo꞉ bo꞉lo꞉wo꞉lo꞉, agogo꞉wo꞉lo꞉, a꞉la꞉ta꞉ga꞉ dalagdo꞉wo꞉lo꞉ aundo꞉ma ta꞉taki, iyo꞉ malilo꞉ dowaki, hala dimido꞉ nowo꞉ aundo꞉ma doma꞉ki go꞉. \v 28 A꞉la꞉dimido꞉ ko꞉lo꞉ kalu giliyo꞉ go꞉no꞉ do꞉mo꞉ asulan o꞉leaumbo꞉, ga꞉ gayo꞉ a꞉la꞉ka alan asula꞉bi. Kalu abeyo꞉ ene ingayo꞉ mada alan asulab a꞉no꞉ ene do꞉mo꞉wo꞉lo꞉ mada alan asulo꞉ka꞉ a꞉la꞉li widakigab. \v 29 Mo꞉wo꞉ kalu tambowa꞉yo꞉ inin do꞉mo꞉wo꞉ mo꞉mo꞉bean. O꞉leaumbo꞉ mo꞉auma꞉ib. Kalu tambowa꞉yo꞉ do꞉mo꞉ inido꞉ o꞉lia꞉yo꞉ ha꞉fo꞉wo꞉ disa꞉lakiyo꞉, ma꞉no꞉wo꞉ meaki, dinafa tilidowan. O꞉leaumbo꞉ Keliso eyo꞉lo꞉ sa꞉s kaluka꞉isalemo꞉wo꞉ ha꞉fo꞉ disa꞉laki, mada dinafa tilidowan. \v 30 Mo꞉wo꞉ nio꞉ tambo Kelisowa꞉ ene do꞉mo꞉ heb imilise ko꞉lo꞉lab. \v 31 \x - \xo 5.31 \xt Mo꞉mo꞉ 2.24, Madi 19.5\x*Godeya꞉ ene bugo꞉ amio꞉ a꞉la꞉sa꞉sa꞉lo꞉, “kaluwa꞉yo꞉ iya o꞉lia꞉ ano o꞉lia꞉yo꞉ ta꞉ta꞉ga꞉, ene inga o꞉lia꞉ asulo꞉ imilise dowaki, a꞉la꞉yo꞉ do꞉mo꞉ imilise doma꞉ib.” \v 32 \x - \xo 5.32 \xt Kala 19.7\x*To sa꞉lab a꞉ma꞉ ha꞉go꞉ bowo꞉ alan tiane ko꞉lo꞉, to nilo꞉ so꞉lo꞉l a꞉no꞉ Kelisowa꞉ ene sa꞉s o꞉lia꞉lo꞉ ualo꞉ gasa doma꞉no꞉ a꞉no꞉ ko꞉lo꞉ so꞉lo꞉l. \v 33 Ko꞉sega to a꞉ma꞉yo꞉ gimo꞉wo꞉lo꞉ a꞉la꞉ka sa꞉lakigab. Kalu giliyo꞉ go꞉no꞉n asulan o꞉leaumbo꞉, ga꞉ gayo꞉lo꞉ a꞉la꞉ alan asulaki, ha꞉fo꞉wo꞉ disa꞉la꞉lubi. A꞉la꞉ta꞉ga꞉ ka꞉isale giliyo꞉lo꞉ ge kaluwo꞉ alan a꞉la꞉asulaki, ho꞉leno꞉ tambowo꞉ mano꞉ mada sagalema꞉no꞉ dimida꞉lubi. \c 6 \s1 Fo꞉l eyo꞉ so꞉wayo꞉, iyayo꞉, anowo꞉ imo꞉wo꞉ mano꞉ wido꞉ \p \v 1 \x - \xo 6.1 \xt Kolo 3.20\x*So꞉wale gio꞉ Kalu Alan o꞉lia꞉ kudo꞉ ko꞉lo꞉, giliyo꞉ go꞉l dia꞉ go꞉lia꞉ma꞉ towo꞉ dinafa kudu ha꞉na꞉lubi. Man a꞉no꞉ mada digalo꞉ ko꞉lo꞉lab. \v 2 \x - \xo 6.2 \xt Lo 5.16\x*Godeya꞉ ele sa꞉sa꞉lo꞉ a꞉namio꞉ a꞉la꞉sio꞉, “Gio꞉ go꞉lo꞉ go꞉wo꞉ alano꞉ o꞉m a꞉la꞉asulaki, ili ha꞉ga dowa꞉lubi.” Gode eyo꞉ ele sa꞉la꞉i mio꞉ us a꞉namio꞉, ele wema꞉ sa꞉lakiyo꞉, dinali sio꞉ to o꞉lia꞉ sio꞉ ko꞉lo꞉, elo꞉ a꞉la꞉do꞉ dimido꞉ a꞉no꞉ ele wenami ko꞉le dimido꞉. \v 3 Dinali sio꞉ to a꞉no꞉ we. “Giyo꞉ a꞉la꞉dimidalega, ge sagalaki nafale mesa꞉ib, a꞉la꞉ta꞉ga꞉ ge henfelo꞉ wiyo꞉ ho꞉leno꞉ sambo o꞉mesa꞉ib.” \v 4 \x - \xo 6.4 \xt Song 78.4, Sndn 22.6, Kolo 3.21\x*Iya i giliyo꞉ kalu so꞉wa ka꞉isale so꞉wa ginido꞉wo꞉ gadima꞉kiyo꞉ dimida꞉so꞉bo. A꞉laba. Gili so꞉wa i a꞉no꞉ anayab amio꞉, iliyo꞉ Alana꞉ ene mano꞉ ko꞉lo꞉ kudu hamana꞉kiyo꞉, giliyo꞉ iyo꞉ digalaki, Godeya꞉ towo꞉ imo꞉wo꞉ wida꞉lubi. \s1 Fo꞉l eyo꞉ madali nanogdo꞉ dian kalu o꞉lia꞉ i o꞉lo꞉ bo꞉fo꞉lowan kalu o꞉lia꞉mo꞉wo꞉ mano꞉ wido꞉ \p \v 5 \x - \xo 6.5 \xt Kolo 3.22-23, Tait 2.9-10, 1Bid 2.18\x*Madali nanogdo꞉ dian kalu gio꞉, Kelisowa꞉ ha꞉ga iliki, ene to ko꞉lo꞉ kudu ha꞉nan aumbo꞉, giliyo꞉ gilo꞉ bo꞉fo꞉lowan kaluwa꞉ ha꞉ga dowaki, ili towo꞉ kudu ha꞉na꞉lubi. A꞉la꞉dimida꞉likiyo꞉ gio꞉ tagilaki nanog a꞉no꞉ nafale fa꞉la꞉doma꞉ki halale dia꞉bi. \v 6 Giliyo꞉ nanogo꞉ halaido꞉ dimidakiyo꞉, bo꞉fo꞉lowan kalu eyo꞉ gelo꞉ bo꞉fo꞉lab ho꞉len a꞉namio꞉, e sagale alifa꞉no꞉ a꞉no꞉ko꞉ asulakiyo꞉, nanogo꞉ dimida꞉so꞉bo. Ko꞉sega giliyo꞉ Kelisowa꞉ ene nanog dian kalu a꞉la꞉asulaki, Godeya꞉lo꞉ nimo꞉ dimidama꞉kilo꞉ asulab a꞉no꞉ asulakiyo꞉, halale dimida꞉lubi. \v 7 Giliyo꞉ nanog a꞉no꞉ sagala꞉liki dia꞉lubi. Mo꞉wo꞉ gio꞉ kaluwa꞉ nanog diaba. Kalu Alana꞉ ene nanog ko꞉lo꞉ diab. \v 8 \x - \xo 6.8 \xt 2Kol 5.10, Kolo 3.24-25\x*A꞉la꞉ta꞉ga꞉ to we asuluma. Kalu abeyo꞉ nanog nafalelo꞉ dimidab a꞉no꞉, Gode eyo꞉ aloba꞉dalikiyo꞉ wa꞉lo꞉ enedo꞉ man nafa dimida꞉len o꞉leau dia꞉ib. Madali nanogdo꞉ dian kaluwa꞉le, enena꞉ma꞉la꞉lo꞉ bo꞉fo꞉lowan kaluwa꞉le, iyo꞉ tambo wa꞉lo꞉ a꞉la꞉ka dia꞉ib. \v 9 \x - \xo 6.9 \xt Lom 2.11, Kolo 4.1\x*A꞉la꞉ta꞉ga꞉ bo꞉fo꞉lowan kalu giliyo꞉, go꞉no꞉n madali nanog dian kalumo꞉wo꞉ man nafa a꞉no꞉ko꞉ dimida꞉lubi. Giliyo꞉ i a꞉no꞉ tagi alita꞉so꞉bo. Gio꞉ a꞉la꞉asuluma. Madali nanogdo꞉ dian kalu ilo꞉ bo꞉fo꞉lowan hendeleyo꞉lo꞉, gilo꞉ bo꞉fo꞉lowan hendeleyo꞉lo꞉, tambolo꞉ bo꞉fo꞉labo꞉ Gode imilise E ko꞉lo꞉ Hebene a꞉lab. Gode eyo꞉ wilo꞉ kalumo꞉wo꞉lo꞉, wilo꞉ma kalumo꞉wo꞉lo꞉ man imilise a꞉naka iliki aloba꞉da꞉sen. \s1 Godeya꞉ ene buban kelego꞉wo꞉ we \p \v 10 To we saebelakiyo꞉ a꞉la꞉ sa꞉ma꞉nigo꞉l. Gio꞉ Kalu Alan o꞉lia꞉ dowaki, halaido꞉ enedo꞉ a꞉no꞉ dia꞉sa꞉ga꞉, e o꞉lia꞉ halale kagaya꞉bi. \v 11 \x - \xo 6.11 \xt Lom 13.12, 2Kol 10.4\x*Helebeso꞉g bubakilo꞉ sa꞉ga꞉lan Godeya꞉lo꞉ gimo꞉lo꞉ dimi a꞉no꞉ giliyo꞉ dinafa ka꞉la꞉bi. Giliyo꞉ kalia꞉ga꞉ dimadalialikiyo꞉, Sa꞉da꞉na꞉ eyo꞉ gio꞉ ko꞉li ko꞉lilo꞉ dikilima꞉no꞉ dowalikiyo꞉, gio꞉ o꞉li halale kagama꞉ib. \v 12 \x - \xo 6.12 \xt 1Bid 5.8-9\x*Mo꞉wo꞉ nio꞉ henfelo꞉ kaluka꞉isale we o꞉lia꞉ gis diaki buba꞉lo꞉ba. Niliyo꞉ mama ko꞉li ko꞉lilo꞉ halaido꞉lo꞉ a꞉lab o꞉lia꞉, sololowo꞉lo꞉ biso꞉ halaido꞉ i o꞉lia꞉, mama mogago꞉ akin amilo꞉ a꞉lab o꞉lia꞉ gis diaki buba꞉lo꞉l. \v 13 A꞉la꞉fo꞉ko꞉lo꞉ giliyo꞉ babuma꞉nikilo꞉ sa꞉ga꞉lan so꞉g Godeya꞉ enedo꞉le a꞉no꞉ kagedelia꞉sa꞉ga꞉ halale kagaya꞉bi. So꞉g a꞉no꞉ kafo꞉len amio꞉, ho꞉len mogago꞉ a꞉no꞉ fa꞉la꞉dowalikiyo꞉, gio꞉ halale kagafo꞉liki babuma꞉ib. Gio꞉ buba꞉i ha꞉na꞉la꞉ga꞉ edakiyo꞉, halaido꞉ko꞉ kagafo꞉mela꞉ib. \v 14 \x - \xo 6.14 \xt Ais 11.5, 59.17, 1Tes 5.8\x*A꞉la꞉fo꞉ko꞉lo꞉ gio꞉ halaido꞉ kagama꞉nikiyo꞉, to hendeleyo꞉ yafu dia꞉ta꞉bi. A꞉la꞉ta꞉ga꞉ man digalo꞉ a꞉no꞉ fo꞉g galama꞉ki sa꞉ga꞉la꞉bi. \v 15 \x - \xo 6.15 \xt Lom 10.15\x*Budi sa꞉ga꞉lan o꞉leaumbo꞉, to nafa ha꞉salo꞉ doma꞉no꞉ mando꞉ fa꞉la꞉do alitan a꞉no꞉ giliyo꞉ walama꞉niki dimidalia꞉bi. \v 16 Ho꞉leno꞉ tambowo꞉ gili tilidabuwo꞉, bio꞉wo꞉ o꞉ngo꞉ ko꞉lo꞉ halale ta꞉li dofo꞉lubi. A꞉la꞉galikiyo꞉, mogago꞉lelo꞉ dimida꞉sen Sa꞉da꞉na꞉ eyo꞉ da꞉ inso꞉ de wa꞉sowalo꞉ dowo꞉ a꞉no꞉ gelo꞉wa sandilalikiyo꞉, giliyo꞉ da꞉ inso꞉ a꞉no꞉ ka꞉laliki, de a꞉no꞉ dalifa꞉ib. \v 17 \x - \xo 6.17 \xt Hibu 4.12\x*Giliyo꞉ Gode elo꞉ ni ko꞉lo꞉ a꞉ma꞉la꞉ gasili a꞉la꞉do꞉ asuluma꞉no꞉ a꞉no꞉, misa꞉ amilo꞉ go꞉fo꞉ ki o꞉ngo꞉ sa꞉ga꞉la꞉bi. A꞉la꞉ta꞉ga꞉ Godeya꞉ Mamaya꞉ ene helebesi sambo a꞉no꞉ ta꞉li dofo꞉lubi. Helebesi a꞉no꞉ Godeya꞉ towo꞉ o꞉m. \v 18 \x - \xo 6.18 \xt Luk 18.1, Kolo 4.2, 1Tes 5.17\x*Giliyo꞉ a꞉la꞉dimidakiyo꞉, Godemo꞉ dulugu sa꞉la꞉lubi. Ho꞉leno꞉ tambowo꞉ Godeya꞉ ene Mamaya꞉ halaido꞉wa dowaki, Godemo꞉wo꞉ dulugu sa꞉la꞉lubi. A꞉la꞉ta꞉ga꞉ gio꞉ si kagafo꞉liki Godemo꞉wo꞉ tilidabu kaluka꞉isale nolo꞉ asuwa꞉foma꞉ki dabu ba꞉da꞉lubi. \v 19 \x - \xo 6.19 \xt Kolo 4.3-4, 2Tes 3.1\x*A꞉la꞉ta꞉ga꞉ nelo꞉ asuwa꞉foma꞉ki, giliyo꞉ Godemo꞉wo꞉ we au dulugu sa꞉la꞉bi. Godeya꞉ ene to a꞉no꞉ ni mego꞉fa dia꞉talikiyo꞉, ne mo꞉tagilaki, ene to nafa wo꞉no꞉lelo꞉ delen a꞉no꞉ kalaba walama꞉ki, dulugu sa꞉la꞉bi. \v 20 \x - \xo 6.20 \xt 2Kol 5.20, File 1.9\x*A꞉la꞉ta꞉ga꞉ Gode eyo꞉ to nafa a꞉no꞉ niyo꞉ walama꞉ki iliga꞉fo꞉ ko꞉lo꞉, a꞉na ilikiyo꞉ ne dibolo amio꞉ a꞉na so꞉l. Niyo꞉ to a꞉no꞉ walama꞉no꞉ dowo꞉ ko꞉lo꞉, ne mo꞉tagilaki halale walama꞉kiyo꞉ Godemo꞉ dulugu sa꞉la꞉bi. \fig Helebeso꞉g bubakilo꞉ sa꞉ga꞉lan a꞉no꞉ dinafa ka꞉la꞉bi.|alt="Soldiers in armor" src="HK00197B.TIF" size="col" copy="Horace Knowles © The British & Foreign Bible Society, 1954, 1967, 1972, 1995." ref="6.11" \fig* \p \v 21 \x - \xo 6.21 \xt Ilig 20.4, Kolo 4.7-8, 2Tim 4.12\x*Tikikus e ene tilidabu a꞉na ilikiyo꞉, nili nao nowo꞉ e, a꞉la꞉ta꞉ga꞉ Kalu Alana꞉ ene nanog dian kalu nafale nowo꞉ e. A꞉la꞉fo꞉ko꞉lo꞉ e gilo꞉wa yakiyo꞉, o꞉go꞉ ne we au sabo꞉lo꞉b a꞉la꞉bo꞉ a꞉la꞉ta꞉ga꞉, nanog nilo꞉ dia꞉li ho꞉no꞉l a꞉no꞉lo꞉ gio꞉ asuluma꞉ki sa꞉ma꞉ib. \v 22 Hendele nilo꞉ Tikikus e ko꞉lo꞉ gilo꞉ amilo꞉ iliga꞉to꞉lo꞉ mo꞉wo꞉ we. Giliyo꞉ nio꞉ we au sabo꞉lo꞉b a꞉la꞉bo꞉ asuluma꞉ki, a꞉la꞉ta꞉ga꞉ gio꞉lo꞉ halale alifoma꞉ki iliga꞉to꞉l. \p \v 23 Niyo꞉ Do Gode o꞉lia꞉ Alan Ya꞉su Keliso o꞉lia꞉ma꞉yo꞉ gio꞉ asuwa꞉foma꞉ki dulugu so꞉lo꞉l. Tilidabu nao nado gio꞉, ha꞉sa dowan man a꞉no꞉ gi amio꞉ doma꞉ki dulugu so꞉lo꞉l. A꞉la꞉ta꞉ga꞉ gili tilidabuwa ilikiyo꞉, gegelebo꞉ ha꞉fo꞉ disa꞉ma꞉ki dulugu so꞉lo꞉l. \v 24 A꞉la꞉fo꞉ko꞉lo꞉ kaluka꞉isale abeyo꞉ Alan Ya꞉su Kelisolo꞉ mada alan asulan man a꞉no꞉ mo꞉edakilo꞉ kudufo꞉ko꞉ ha꞉na꞉lab gi o꞉mo꞉wo꞉, Godeya꞉ ene ha꞉fo꞉ disa꞉lan man a꞉no꞉ gi o꞉lia꞉ dowa꞉biyo꞉.