\id 2CO - Kaluli Bible 
\h 2 Kolin 
\toc1 Mo꞉fo꞉s Andeb We Fo꞉l Eyo꞉ Kolin Kaluka꞉isalemo꞉ Sa꞉sa꞉liga꞉fo꞉ 
\toc2 2 Kolin 
\toc3 2Kol 
\mt2 Mo꞉fo꞉s Andeb We Fo꞉l Eyo꞉  
\mt1 Kolin  
\mt2 Kaluka꞉isalemo꞉ Sa꞉sa꞉liga꞉fo꞉  
\imt1 Asuluma꞉no꞉ towo꞉ we  
\ip Kolin sa꞉s us a꞉namio꞉ hida꞉yo꞉wo꞉ mada alan fa꞉la꞉dowabiki, Fo꞉l eyo꞉ mo꞉fo꞉s andeb we ho꞉len a꞉na sa꞉sa꞉liga꞉fo꞉. Keliso kaluka꞉isale nolba꞉yo꞉ to mogago꞉wo꞉ Fo꞉lbo꞉wo꞉ sio꞉ ko꞉lo꞉, e kele asulo꞉wo꞉ mada alan dowo꞉. Fo꞉l eyo꞉ Kolin kaluka꞉isale o꞉lia꞉yo꞉ towo꞉ digala꞉sa꞉ga꞉, i o꞉lia꞉yo꞉ wa꞉ka a꞉sagalema꞉no꞉ a꞉laki, mo꞉fo꞉s andeb we eyo꞉ a꞉na sa꞉sa꞉lo꞉.  
\ip Fo꞉l eyo꞉ to mo꞉mo꞉da sa꞉lakiyo꞉ a꞉la꞉sa꞉sa꞉lo꞉. Fo꞉l elo꞉ tamin amilo꞉ Kolin kaluka꞉isalemo꞉lo꞉ to halaido꞉ sio꞉wo꞉, a꞉la꞉ta꞉ga꞉ elo꞉ dimido꞉wo꞉lo꞉ a꞉no꞉ ko꞉lo꞉ mada sio꞉. Eyo꞉ to halaido꞉ a꞉no꞉ imo꞉wo꞉ mo꞉sa꞉ma꞉no꞉ asulo꞉ ko꞉sega iyo꞉ a꞉la꞉iyaki to mogago꞉wo꞉ sio꞉ ko꞉lo꞉, o꞉go꞉ a꞉na ilikiyo꞉ to halaido꞉ we imo꞉wo꞉ a꞉na sio꞉. A꞉la꞉ta꞉ga꞉ iliyo꞉ to we da꞉da꞉sa꞉ga꞉ man a꞉no꞉ digalalega, e a꞉namio꞉ mada sagale alifa꞉ib.  
\ip Ho꞉len a꞉namio꞉ Keliso kaluka꞉isale ko꞉lo꞉ Yudia hen a꞉namilo꞉ sen i a꞉namio꞉ hida꞉yo꞉wo꞉ alan fa꞉la꞉dowaki, wa꞉feyo꞉ kalu o꞉ngo꞉ elen. A꞉la꞉ta꞉ga꞉ Fo꞉l eyo꞉ moleyo꞉ imo꞉ dia꞉ha꞉na꞉niki kegeo꞉. A꞉la꞉fo꞉ko꞉lo꞉ heb 8 o꞉lia꞉ heb 9 a꞉namio꞉, Fo꞉l eyo꞉ Kolin kaluka꞉isalemo꞉wo꞉ nanog dimidama꞉no꞉ a꞉namio꞉ moleyo꞉ to꞉loma꞉kiyo꞉ kufa꞉ us ililo꞉wo꞉ digidalitaki sio꞉.  
\ip Fo꞉l eyo꞉ mo꞉fo꞉s we edakiyo꞉ a꞉la꞉sa꞉sa꞉lo꞉. Kolin sa꞉s us a꞉namio꞉ madalilo꞉ iliga꞉felo꞉ kalu nolo꞉ ya꞉sa꞉ga꞉ a꞉na siliki, Fo꞉l e wiyo꞉ ko꞉lo꞉ sana to꞉lolakiyo꞉, iliga꞉felo꞉ kalu hendeleyo꞉ ika꞉ a꞉la꞉sa꞉la꞉lab, a꞉la꞉ta꞉ga꞉ Fo꞉l elo꞉ iliga꞉felo꞉ nanog dimido꞉ a꞉no꞉ wa꞉la꞉ sa꞉ndaki sa꞉lab a꞉la꞉sa꞉sa꞉lo꞉.  
\c 1  
\p
\v 1 Ne Fo꞉l, Godeya꞉ ene asulo꞉wa꞉ ilikiyo꞉, ne da꞉feyo꞉ ko꞉lo꞉, ne Ya꞉su Kelisowa꞉lo꞉ iliga꞉felo꞉ kalu nowo꞉ ne. Ni nao Timoti naino꞉ mo꞉fo꞉s we Kolin tilidabu kaluka꞉isale o꞉lia꞉, malilo꞉ kaluka꞉isale Akaya hen amilo꞉ sab gimo꞉ sa꞉sa꞉liga꞉to꞉l.  
\v 2 Do Gode o꞉lia꞉ Alan Ya꞉su Keliso o꞉lia꞉ma꞉ ha꞉fo꞉ disa꞉lan man a꞉no꞉lo꞉, ha꞉sa mesa꞉no꞉ man a꞉no꞉lo꞉ gi o꞉lia꞉ doma꞉ki dulugu so꞉lo꞉l.   
\s1 Gode eyo꞉ nio꞉ nofolaki ha꞉nolo alita꞉sen  
\p
\v 3 \x - \xo 1.3 \xt Lom 15.5\x*Niliyo꞉ Do Godeyo꞉ wabuluma꞉niki. Nili Alan Ya꞉su Kelisowa꞉ ene iyayo꞉ e ko꞉lo꞉ dowo꞉. Nofolo alita꞉seno꞉ mo꞉wo꞉ e, a꞉la꞉ta꞉ga꞉ hida꞉yab amilo꞉ asuwa꞉ta꞉seno꞉ e.  
\v 4 Hida꞉yo꞉wo꞉ nilo꞉wa fa꞉la꞉dowab amio꞉, eyo꞉ nio꞉ nofolaki, ha꞉nolo alita꞉sen ko꞉lo꞉, kaluka꞉isale nolo꞉ hida꞉yo꞉wo꞉ diab amio꞉, Gode elo꞉ nio꞉ asuwa꞉ta꞉sen o꞉leaumbo꞉, niliyo꞉lo꞉ kalu nol a꞉no꞉lo꞉ nofolakiyo꞉, ha꞉nolo alifa꞉no꞉.  
\v 5 \x - \xo 1.5 \xt Song 34.19\x*Nagalo꞉ Alan Ya꞉su Keliso elo꞉ di a꞉no꞉ ni amilo꞉ wa꞉lita꞉ga꞉ ililifo꞉lab o꞉leaumbo꞉, nio꞉ Ya꞉su amio꞉ ege dowalikiyo꞉, Godeya꞉ ene nofolakilo꞉ ha꞉nolo alita꞉sen man a꞉no꞉lo꞉ ni amio꞉ mada wa꞉lita꞉ga꞉ ililifo꞉lab.  
\v 6 Iliga꞉felo꞉ kalu nililo꞉ hida꞉yo꞉ dio꞉l a꞉ma꞉yo꞉, Kolin gi ko ha꞉sa mesea꞉ki gab, a꞉la꞉ta꞉ga꞉ Gode eyo꞉ gio꞉ asuwa꞉taki a꞉ma꞉la꞉ gasilima꞉ki gab. Gode eyo꞉ nio꞉ ha꞉sa mesa꞉no꞉ ta꞉talikiyo꞉, gio꞉lo꞉ ha꞉sa mesea꞉ki gab. A꞉la꞉ta꞉ga꞉ ha꞉sa mesa꞉no꞉ a꞉ma꞉yo꞉ tilidabu gililo꞉wo꞉ halale alita꞉lab ko꞉lo꞉, nililo꞉ hida꞉yo꞉ dia꞉i ha꞉na꞉lab o꞉leaumbo꞉, gio꞉lo꞉ a꞉la꞉ka dia꞉ ya꞉mela꞉ib.  
\v 7 Hida꞉yo꞉ nililo꞉ dio꞉l we, gio꞉lo꞉ diab ko꞉lo꞉, ha꞉sa mesa꞉no꞉ nililo꞉ dio꞉l a꞉no꞉lo꞉ gio꞉lo꞉ diab. A꞉la꞉fo꞉ko꞉lo꞉ tilidabu gililo꞉ a꞉no꞉ halale dowa꞉i ha꞉nab a꞉la꞉asulo꞉.   
\p
\v 8 \x - \xo 1.8 \xt Ilig 19.23, 1Kol 15.32\x*Nao nado i, hida꞉yo꞉ alan nililo꞉ A꞉sia hena silikilo꞉ di a꞉no꞉, gio꞉ fanda asuluma꞉ki sa꞉ma꞉nigo꞉l. Hida꞉yo꞉ a꞉no꞉ alan fa꞉la꞉dowaki, niliyo꞉ mo꞉tiginima꞉no꞉ dowo꞉ ko꞉lo꞉, hida꞉yo꞉ a꞉ma꞉yo꞉ nio꞉ sana to꞉lolaki, nio꞉ soma꞉nigaba꞉le a꞉la꞉asulo꞉ ko꞉sega mo꞉sowo꞉.  
\v 9 Hendele hida꞉yo꞉ a꞉ma꞉yo꞉ nio꞉ sana soma꞉nigab a꞉la꞉asulo꞉ ko꞉sega, ninin halaido꞉ amio꞉ mo꞉kagayaki, Godeya꞉ ene halaido꞉ a꞉na kagama꞉ki, hida꞉yo꞉ a꞉no꞉ a꞉na fa꞉la꞉dowo꞉. Mo꞉wo꞉ ene halaido꞉ a꞉ma꞉ ilikiyo꞉, sowo꞉ kaluwo꞉ a꞉ma꞉la꞉ a꞉dasi alita꞉sen.  
\v 10 \x - \xo 1.10 \xt 2Tim 4.18\x*Hida꞉yo꞉ alan di a꞉namio꞉ nio꞉ sana soma꞉no꞉ dowo꞉. Ko꞉sega Gode eyo꞉ nio꞉ ga꞉li sili alifa꞉ ko꞉lo꞉, tif amio꞉lo꞉ eyo꞉ nio꞉ ga꞉li mesea꞉ki, sili alifa꞉ib. Niliyo꞉ to a꞉no꞉ tili asulufo꞉liki halale kagafo꞉lo꞉l.  
\v 11 Giliyo꞉lo꞉ nio꞉ asuwa꞉foma꞉ki, Godemo꞉ dulugu sa꞉la꞉bi. A꞉la꞉dimidalikiyo꞉, kalu modo꞉wa꞉lo꞉ dulugu sa꞉lab a꞉na ilikiyo꞉, Gode eyo꞉ nio꞉ asuwa꞉fa꞉ib ko꞉lo꞉, kaluka꞉isale iyo꞉ asuwa꞉tab a꞉no꞉ da꞉dakiyo꞉ Godemo꞉wo꞉ mada o꞉m a꞉la꞉sa꞉ma꞉ib.   
\s1 Fo꞉l e ilo꞉ amio꞉ mo꞉ane ko꞉lo꞉ sio꞉  
\p
\v 12 Ho꞉leno꞉ tambo nili mano꞉ digalo꞉ dimida꞉sen. Kaluka꞉isale nolbo꞉wo꞉lo꞉, gimo꞉wo꞉lo꞉ man dimido꞉ a꞉no꞉ kalaba dia꞉taki, Godeya꞉ siwa꞉l amio꞉lo꞉ mada nafale dimido꞉. Nili asulo꞉ amio꞉ digalo꞉ dimido꞉l a꞉la꞉asulo꞉ ko꞉lo꞉, nio꞉ mada sagalab. Niliyo꞉ kaluwa꞉lo꞉ asulo꞉ a꞉no꞉ ko꞉lo꞉ kudu anema. Godeya꞉ ene ha꞉fo꞉ disa꞉lan man a꞉no꞉ ko꞉lo꞉ kudu ha꞉naki dimido꞉.  
\v 13-14 \x - \xo 1.13-14 \xt 2Kol 5.12, Fili 2.16\x*Niliyo꞉ gimo꞉wo꞉ mo꞉fo꞉so꞉ sa꞉sa꞉lakiyo꞉, giliyo꞉ dinafa agela꞉sa꞉ga꞉lo꞉ fanda asuluma꞉no꞉ dowo꞉ a꞉no꞉ ko꞉lo꞉ sa꞉sa꞉lo꞉. Iliga꞉felo꞉ kalu nililo꞉ gimo꞉lo꞉ tamin amilo꞉ dimida꞉len a꞉no꞉ giliyo꞉ heb heb a꞉la꞉asulo꞉ ko꞉sega, tif amio꞉ gio꞉ tambo fanda asululima꞉ki asulab. A꞉la꞉dimida꞉lalikiyo꞉, nili Alan Ya꞉suwa꞉ ho꞉len a꞉namio꞉, niliyo꞉ gimo꞉lo꞉ mada sagalab o꞉leaumbo꞉, giliyo꞉lo꞉ nimo꞉wo꞉ a꞉la꞉ sagalema꞉ib.  
\v 15-16 \x - \xo 1.15-16 \xt 1Kol 16.5-6\x*Ne a꞉la꞉bo꞉ mada fanda asulo꞉ ko꞉lo꞉, ne gio꞉ ba꞉ba꞉ni mia꞉no꞉ a꞉la꞉asulaki dimidaefa꞉. Tamin amio꞉ ne gili amisa꞉n ami ko꞉le mia꞉no꞉, a꞉la꞉ta꞉ga꞉ Masedonia a꞉na ha꞉na꞉ga꞉yo꞉, a꞉ma꞉la꞉ gilo꞉wa wa꞉ka mia꞉no꞉ a꞉la꞉ dimidaefa꞉. A꞉la꞉go꞉ kibo꞉bowo꞉, gio꞉ asufa꞉yo꞉ a꞉la꞉yo꞉ o꞉li dimabe. A꞉la꞉go꞉ko꞉lo꞉ ne gilo꞉wa a꞉la꞉ga꞉yo꞉, ne Yudia ha꞉nalikiyo꞉, giliyo꞉ ne sagale alita꞉ga꞉ iliga꞉foma꞉ki a꞉la꞉asulaki dimidaefa꞉.  
\v 17 Nilo꞉ dimidama꞉no꞉ a꞉no꞉ madali dimidaefa꞉ a꞉la꞉bo꞉ asula꞉so꞉bo. A꞉la꞉ta꞉ga꞉ henfelo꞉ kaluwa꞉lo꞉ mo꞉ha꞉na꞉no꞉ ilikilo꞉ “A꞉, ne mia꞉no꞉” a꞉la꞉do꞉ dikili sa꞉lan o꞉leaumbo꞉, mo꞉go꞉.   
\p
\v 18 Gode eyo꞉ to enedo꞉wo꞉ ho꞉leno꞉ tambo kudu ha꞉na꞉sen ko꞉lo꞉, Godeya꞉ enedo꞉ dimidan o꞉leaumbo꞉, niliyo꞉lo꞉ to ninindo꞉wo꞉ kudu ha꞉nakiyo꞉, “A꞉” a꞉la꞉sa꞉lalega, a꞉no꞉ hendele dimidama꞉no꞉. Asulo꞉ a꞉la꞉ dowakiyo꞉, mo꞉sio꞉.  
\v 19 \x - \xo 1.19 \xt Ilig 18.5\x*Ne, Saleso꞉, a꞉la꞉ta꞉ga꞉ Timotiyo꞉ niliyo꞉ gimo꞉wo꞉ Godeya꞉ ene so꞉wa Ya꞉su Keliso a꞉no꞉ ko꞉lo꞉ wido꞉. Ya꞉su Keliso eyo꞉ to a꞉la꞉yo꞉ mo꞉sa꞉lan. Ho꞉leno꞉ tambo eyo꞉ “A꞉” a꞉la꞉sa꞉lan.  
\v 20 \x - \xo 1.20 \xt Kala 3.14\x*Godeya꞉lo꞉ “A꞉” a꞉la꞉likilo꞉ dinali sa꞉la꞉i mio꞉ a꞉no꞉, Ya꞉suwa꞉yo꞉ tambo ilili alifa꞉. A꞉la꞉fo꞉ko꞉lo꞉ Ya꞉suwa a꞉la꞉ta꞉ga꞉yo꞉, niliyo꞉ Godeyo꞉ wabudakiyo꞉, “Hendele” a꞉la꞉so꞉lo꞉l.  
\v 21 Gode eyo꞉ gi o꞉lia꞉ ni o꞉lia꞉yo꞉ Ya꞉suwa oga꞉di alitaki, halaido꞉ melea꞉ki ta꞉fo꞉. Eyo꞉ nio꞉ eno꞉le a꞉la꞉liki da꞉fe alifa꞉ ko꞉lo꞉lab.  
\v 22 \x - \xo 1.22 \xt 2Kol 5.5, A꞉fe 1.13-14\x*Gode eyo꞉ nio꞉ eno꞉le a꞉la꞉likiyo꞉, ele ba꞉ba꞉no꞉ nowo꞉ ni amio꞉ difa꞉. A꞉la꞉ta꞉ga꞉ Gode eyo꞉ ene dinali sio꞉ a꞉no꞉ hendele dimidama꞉ib a꞉la꞉tili asuluma꞉ki, ene Mamayo꞉ nili kufa꞉ usa mesea꞉ki ta꞉fo꞉.   
\p
\v 23 Niyo꞉ Godeya꞉ siwa꞉l amio꞉ gimo꞉wo꞉ hendele so꞉lo꞉l. Gililo꞉ hala dimido꞉ a꞉no꞉ ne digalema꞉ni mia꞉no꞉ ko꞉sega, niyo꞉ kele asulakilo꞉ hida꞉yo꞉ a꞉no꞉ gimo꞉wo꞉ mo꞉dia꞉fa꞉no꞉ a꞉laki, Kolin amisa꞉n amio꞉ bo꞉bo꞉gebo꞉ mo꞉mio꞉.  
\v 24 \x - \xo 1.24 \xt 1Bid 5.3\x*Gini tilidabuwa ilikiyo꞉, halale kagayab ko꞉lo꞉, niliyo꞉ gili tilidabuwo꞉ dibodai so꞉lo꞉lba. Gio꞉ sagalo꞉ mesea꞉ki, gi o꞉lia꞉ nanogo꞉ a꞉na dio꞉l.   
\c 2  
\p
\v 1 \x - \xo 2.1 \xt 1Kol 4.21\x*A꞉la꞉fo꞉ko꞉lo꞉ gio꞉ wa꞉kabiyo꞉ kele asulo꞉wo꞉ dowabena꞉kiyo꞉, ne gilo꞉ amio꞉ mo꞉mia꞉no꞉ a꞉la꞉asulo꞉.  
\v 2 Ne gilo꞉wa digalema꞉ni ya꞉sa꞉ga꞉yo꞉, hida꞉yo꞉wo꞉ dimialega, giliyo꞉ nemo꞉wo꞉ kele asuluma꞉ib ko꞉lo꞉, nelo꞉ sagale alifa꞉no꞉ kalu nowo꞉ aundo꞉ma doma꞉ib.  
\v 3 Gio꞉ ne sagalema꞉ki dimido꞉ ko꞉sega, ne gilo꞉wa ya꞉sa꞉ga꞉yo꞉, gio꞉ mogago꞉ dimida꞉lena ba꞉dalega, ne mo꞉sagalema꞉ib ko꞉lo꞉, a꞉la꞉bo꞉ dowabena꞉kiyo꞉, niyo꞉ mo꞉fo꞉so꞉ gilo꞉ amio꞉ tamina sa꞉sa꞉liga꞉fo꞉. Mo꞉wo꞉ niyo꞉ a꞉la꞉asulab, kelego꞉ nelo꞉ sagale alita꞉lab a꞉ma꞉yo꞉, gio꞉lo꞉ imilise a꞉ma꞉ka sagale alita꞉lab.  
\v 4 \x - \xo 2.4 \xt Ilig 20.31\x*Tamin amio꞉ ne kufa꞉ uso꞉ sagalo꞉lo꞉ma kele asulo꞉ o꞉lia꞉ iliki, ya꞉la꞉likiyo꞉ mo꞉fo꞉so꞉ a꞉na sa꞉sa꞉lo꞉. Ko꞉sega niyo꞉ mo꞉fo꞉s a꞉no꞉ gili kufa꞉ uso꞉ hida꞉ma꞉ki sa꞉sa꞉lo꞉ma. Ne gi o꞉lia꞉yo꞉ mada ha꞉fo꞉wo꞉ disa꞉lo꞉b a꞉la꞉asuluma꞉ki sa꞉sa꞉liga꞉fo꞉.   
\s1 Kaluwa꞉ hala dimido꞉ a꞉no꞉ ga꞉lilema  
\p
\v 5 Kaluwa꞉lo꞉ hala dimido꞉ a꞉namio꞉ to halaido꞉wo꞉ mo꞉sa꞉ma꞉no꞉ asulo꞉. Ko꞉sega elo꞉ dimida꞉sa꞉ga꞉lo꞉ hida꞉yo꞉ fa꞉la꞉do alifa꞉ a꞉ma꞉yo꞉, hida꞉yo꞉ a꞉no꞉ imilig nemo꞉ ka dimima. Hida꞉yo꞉ a꞉no꞉ gio꞉lo꞉ tambomo꞉ dimiab.  
\v 6 Gililo꞉ falasilakilo꞉ wa꞉l emo꞉lo꞉ dimi a꞉no꞉ o꞉li ko꞉m.  
\v 7 A꞉la꞉fo꞉ko꞉lo꞉ eyo꞉ alan kele asula꞉sa꞉ga꞉ tilidabuwo꞉ tambo ta꞉fo꞉ ha꞉nabena꞉ki, giliyo꞉ mogago꞉ elo꞉ dimido꞉ a꞉no꞉ ga꞉lila꞉sa꞉ga꞉, ene asulo꞉wo꞉ halale alita꞉bi.  
\v 8 A꞉la꞉dimidalikiyo꞉, giliyo꞉ ha꞉fo꞉ disa꞉lan man a꞉no꞉ emo꞉wo꞉ wa꞉ka wida꞉bi.  
\v 9 Mo꞉fo꞉s nilo꞉ tamin amilo꞉ sa꞉sa꞉lo꞉ a꞉no꞉ gio꞉ to nilo꞉wo꞉ tambo kudu ha꞉naba꞉le a꞉la꞉liki da꞉fe ba꞉daki sa꞉sa꞉lo꞉.  
\v 10 Giliyo꞉ kaluka꞉isale noma꞉ mogago꞉ dimido꞉ a꞉no꞉ ga꞉lila꞉lalega, niyo꞉lo꞉ mogago꞉ elo꞉ a꞉no꞉ ga꞉lilo꞉l. Ne gili wiya ilikiyo꞉, Ya꞉su Kelisowa꞉ si wa꞉l amio꞉ mogago꞉ o꞉bo꞉ngo꞉wa꞉le dimido꞉ a꞉no꞉ ga꞉lilo꞉l.  
\v 11 \x - \xo 2.11 \xt Luk 22.31\x*Nilo꞉ a꞉la꞉do꞉ dimida꞉sen a꞉ma꞉ mo꞉wo꞉ we. Sa꞉da꞉na꞉ elo꞉ man mogago꞉ dimidama꞉kilo꞉ dimidai ta꞉sen a꞉no꞉ nio꞉ asululi ko꞉lo꞉, eyo꞉ nio꞉ mo꞉tininima꞉kiyo꞉, niliyo꞉ mogago꞉ noma꞉lo꞉wo꞉ ga꞉lilo꞉l.   
\s1 Nio꞉ Ya꞉suwa dowaki tininima꞉no꞉  
\p
\v 12 \x - \xo 2.12 \xt Ilig 14.27, 1Kol 16.9\x*Ne Kelisowa꞉ to nafa walama꞉ni ha꞉na꞉ga꞉, Toloas hen alan a꞉na fa꞉la꞉dowo꞉ amio꞉, ne nanog dimidama꞉kiyo꞉, Alan eyo꞉ togo꞉ kolaefa꞉.  
\v 13 \x - \xo 2.13 \xt Ilig 20.1\x*Ko꞉sega nao Taitus e misio꞉ a꞉namio꞉ mo꞉ba꞉dabikiyo꞉, ne kele asulo꞉wo꞉ mada alan dowo꞉ ko꞉lo꞉, niyo꞉ Toloas kaluka꞉isalemo꞉wo꞉ “gio꞉ ta꞉biyo꞉” a꞉la꞉sa꞉la꞉sa꞉ga꞉yo꞉, ne Taitus kelema꞉ni Masedonia ane.   
\p
\v 14 Ko꞉sega niyo꞉ Godemo꞉wo꞉ mada o꞉m a꞉la꞉so꞉lo꞉l. Mo꞉wo꞉ Gode eyo꞉ bubo꞉wo꞉ tiniabiki, nio꞉ Ya꞉su Keliso eya dowaki, kaluka꞉isale nolo꞉ tinio꞉ a꞉no꞉ ba꞉da꞉sa꞉ga꞉ sagalema꞉kiyo꞉, Gode e tamina a꞉la꞉ta꞉ga꞉, nio꞉ tambo tililia꞉mio꞉.\f + \fr 2.14 \ft Lom ame kaluwo꞉ bubo꞉wo꞉ tinia꞉sa꞉ga꞉yo꞉ ini amisa꞉na a꞉ma꞉la꞉ ha꞉nakiyo꞉, kaluka꞉isaleya꞉yo꞉ ili wiyo꞉ wabuluma꞉kiyo꞉, kamowo꞉ sa꞉la꞉i mio꞉. Kamolo꞉ di kalu i a꞉no꞉ tamita꞉ga꞉ ha꞉nakiyo꞉, ini ami kalu o꞉lia꞉ madali nanogdo꞉ dimidama꞉kilo꞉ tililia꞉mio꞉ kaluka꞉isale a꞉no꞉lia꞉yo꞉ tifa a꞉la꞉ta꞉ga꞉ mio꞉. \f* Ya꞉suwa꞉ ene nanogdo꞉ dian kalu niya a꞉la꞉ta꞉ga꞉yo꞉, mun nafa ko꞉lo꞉ fa꞉fa꞉sa꞉ dia꞉ga꞉lo꞉ heno꞉ tambo ha꞉nab amilo꞉ dabu o꞉leaumbo꞉, ene towo꞉ sa꞉la꞉i ha꞉na꞉lab.  
\v 15 Keliso eneno꞉ e Godemo꞉lo꞉ boba dimi amio꞉, mun nafale Godelo꞉ amilo꞉ ha꞉na꞉lab a꞉no꞉ ni ko꞉lo꞉lab. Mun nafa a꞉no꞉, kalu Hebenelo꞉ ha꞉na꞉no꞉ tog amilo꞉ a꞉lab a꞉ma꞉ migi amio꞉lo꞉ da꞉da꞉lab, a꞉la꞉ta꞉ga꞉ de amilo꞉ ha꞉na꞉no꞉ a꞉ma꞉ migi amio꞉lo꞉ da꞉da꞉lab.  
\v 16 \x - \xo 2.16 \xt Luk 2.34, 2Kol 3.5-6\x*Kalu o꞉ba꞉le soma꞉no꞉ doba꞉da꞉lo꞉ ha꞉nab a꞉ma꞉yo꞉, ni ko꞉lo꞉ ba꞉dakiyo꞉ soma꞉no꞉wa꞉ ko꞉lo꞉n a꞉no꞉ ko꞉lo꞉ da꞉dab. A꞉la꞉ta꞉ga꞉ kalu abeyo꞉ mela꞉no꞉ doba꞉da꞉lo꞉ ha꞉nab a꞉no꞉, mela꞉no꞉wa꞉ mun nafa a꞉no꞉ ko꞉lo꞉ da꞉dab. Godeya꞉ to nafa walama꞉no꞉ we, mada halaido꞉ ko꞉lo꞉ abe dimidama꞉iba꞉le?  
\v 17 Mole dia꞉no꞉ a꞉lakiyo꞉, kalu nolba꞉yo꞉ Godeya꞉ towo꞉ ko꞉li ko꞉lilo꞉ wida꞉lab ko꞉sega, niliyo꞉ a꞉la꞉ba. Gode eyo꞉ nio꞉ nanog we dimidama꞉ki da꞉fea꞉sa꞉ga꞉ iliga꞉fo꞉ ko꞉lo꞉, nio꞉ Ya꞉su Kelisowa ege dowaki, Godeya꞉ ene siwa꞉l amio꞉ ene towo꞉ digalo꞉le wida꞉sen.   
\c 3  
\s1 Godeya꞉lo꞉ ho꞉gi dinali saefa꞉ a꞉ma꞉no꞉ nanog kalu  
\p
\v 1 \x - \xo 3.1 \xt Ilig 18.27, 2Kol 5.12\x*Nililo꞉ to so꞉lo꞉l we, giliyo꞉ ninina꞉ma꞉la꞉yo꞉ kailaki sa꞉lab a꞉la꞉asulaya? A꞉la꞉ba. Giliyo꞉ man nilo꞉ dimida꞉sen a꞉no꞉ fanda bo꞉ba꞉kiyo꞉, mo꞉fo꞉s kalu nolba꞉lo꞉ sa꞉sa꞉lan a꞉no꞉, niliyo꞉ gimo꞉ walama꞉nikilo꞉ mo꞉dia꞉mio꞉. Kalu nolba꞉yo꞉ mo꞉fo꞉s sa꞉sa꞉lo꞉ o꞉leo꞉ngo꞉wo꞉ dia꞉ya꞉ga꞉ wida꞉sen, ko꞉sega niliyo꞉ a꞉la꞉bo꞉ mo꞉dimido꞉. A꞉la꞉ta꞉ga꞉ nili wiyo꞉ kalaba dia꞉foma꞉kilo꞉ mo꞉fo꞉s nowo꞉ gimo꞉wo꞉ sa꞉sa꞉lima꞉kiyo꞉ mo꞉dabu ba꞉ba꞉.  
\v 2 \x - \xo 3.2 \xt 1Kol 9.2\x*Mo꞉wo꞉ gio꞉ nili mo꞉fo꞉s sa꞉sa꞉lo꞉wo꞉ o꞉ngo꞉ ko꞉lo꞉, mo꞉fo꞉s sa꞉sa꞉lo꞉ agelan aumbo꞉, amisa꞉n kaluka꞉isale nolba꞉yo꞉ gi ba꞉dakiyo꞉, nanog nililo꞉ dimidan a꞉no꞉ fanda asuluma꞉ib. Nililo꞉ gi ko꞉lo꞉ mada alan asulo꞉ a꞉namio꞉, mo꞉fo꞉s sa꞉sa꞉lo꞉ ko꞉lo꞉ ta꞉li aumbo꞉, ho꞉leno꞉ tambo gio꞉ ni o꞉lia꞉ o꞉lo꞉l.   
\p
\v 3 \x - \xo 3.3 \xt Kis 24.12, Jer 31.33, Ese 36.26-27\x*Nili nanog dimido꞉ a꞉na ilikiyo꞉, gili tilidabuwo꞉ a꞉na fa꞉la꞉do alifa꞉ ko꞉lo꞉, gio꞉ Ya꞉su Kelisowa꞉ ene mo꞉fo꞉s sa꞉sa꞉lo꞉ o꞉ngo꞉ ko꞉lo꞉ kalaba da꞉lab. Mo꞉fo꞉s we ko꞉lo꞉ sa꞉sa꞉lakiyo꞉, pena꞉ sa꞉sa꞉lo꞉ma. Mela꞉no꞉lo꞉ a꞉lab Godeya꞉ ene Mama a꞉ma꞉ sa꞉sa꞉lo꞉. A꞉la꞉ta꞉ga꞉ mo꞉fo꞉s a꞉no꞉ uwa sa꞉sa꞉lo꞉ma. Kaluka꞉isaleya꞉ kufa꞉ usa sa꞉sa꞉li alifa꞉ ko꞉lo꞉lab.   
\p
\v 4 To wema꞉ mo꞉wo꞉ we. Niliyo꞉ Godeya꞉ siwa꞉l amio꞉, Ya꞉su Kelisowa꞉ halaido꞉ a꞉na ilikiyo꞉, nanogo꞉ dimido꞉ ko꞉lo꞉, Gode eyo꞉ nanog enedo꞉wo꞉ nafale fa꞉la꞉do alitab a꞉la꞉bo꞉ nio꞉ hendele a꞉la꞉asulaki halale kagayo꞉l.  
\v 5 Hendele ninina꞉ma꞉la꞉yo꞉ nanog we mo꞉dia꞉no꞉ dowo꞉, ko꞉lo꞉, nili dimido꞉ a꞉la꞉bo꞉ mada mo꞉sa꞉ma꞉no꞉. Halaido꞉ nililo꞉ we Godeya a꞉la꞉ta꞉ga꞉ di.  
\v 6 \x - \xo 3.6 \xt Jer 31.31, Yo꞉n 6.63, 1Kol 11.25\x*Gode eyo꞉ nio꞉ ene ho꞉gi dinali saefa꞉ a꞉ma꞉ nanog dian kaluka꞉isale doma꞉ki ta꞉fo꞉. Godeya꞉lo꞉ tamin amilo꞉ dinali saefa꞉ a꞉no꞉, ele difa꞉ a꞉ma꞉ bo꞉fo꞉len. Ko꞉sega ho꞉gi dinali saefa꞉ we, Godeya꞉ Mamaya꞉ bo꞉fo꞉lab. Ele difa꞉ a꞉ma꞉yo꞉ soma꞉no꞉ doba꞉da꞉ tililia꞉ ha꞉na꞉lab. Ko꞉sega Mama a꞉ma꞉yo꞉ kaluka꞉isalemo꞉wo꞉ mela꞉no꞉wo꞉ dimia꞉sen.   
\p
\v 7 \x - \xo 3.7 \xt Kis 34.29\x*Asuluma. Gode eyo꞉ ene eleyo꞉ uwa sa꞉sa꞉la꞉sa꞉ga꞉yo꞉, Mo꞉sa꞉sbo꞉ dimi ko꞉lo꞉, kaluka꞉isale ele a꞉no꞉ mo꞉kudu ha꞉nalega, ele a꞉ma꞉yo꞉ iyo꞉ soma꞉no꞉ toga tililia꞉gane. Gode eyo꞉ eleyo꞉ dia꞉tab amio꞉, ene halaido꞉ fo꞉fo꞉lesodo꞉ a꞉no꞉ a꞉na fa꞉la꞉dowo꞉. O꞉g ho꞉len a꞉namio꞉ Mo꞉sa꞉sa꞉ ene wo꞉lokano꞉ mada fo꞉fo꞉lesodo꞉ ko꞉lo꞉, fo꞉fo꞉lesodo꞉ a꞉no꞉ tina꞉ga꞉ ha꞉nab a꞉namio꞉lo꞉, Isolael kaluka꞉isale iyo꞉ e mo꞉sikudu bo꞉fo꞉mela꞉no꞉ dowo꞉.  
\v 8 A꞉la꞉fo꞉ko꞉lo꞉ ho꞉gi dinali saefa꞉ ko꞉lo꞉ Mamaya꞉lo꞉ bo꞉fo꞉lab a꞉ma꞉yo꞉, tamin amilo꞉ delen a꞉no꞉ tininila꞉sa꞉ga꞉, mada halaido꞉ fo꞉fo꞉lesodo꞉ ko꞉lo꞉lab.  
\v 9 \x - \xo 3.9 \xt Lo 27.26, Lom 1.17\x*Godeya꞉lo꞉ dinali saefa꞉ mo꞉lulo꞉ difa꞉ a꞉ma꞉yo꞉, kaluka꞉isaleyo꞉ falasilo꞉wo꞉ dimia꞉sen ko꞉sega, Godeya꞉ ene fo꞉fo꞉lesodo꞉ halaido꞉ a꞉no꞉ a꞉namio꞉ elen. Godeya꞉lo꞉ ho꞉gi dinali sio꞉ a꞉ma꞉yo꞉, nio꞉ digale alita꞉li ha꞉na꞉lab ko꞉lo꞉, dinali sio꞉ ho꞉gi a꞉namio꞉lo꞉ ene fo꞉fo꞉lesodo꞉ a꞉no꞉ mada halaido꞉leko꞉ dofo꞉ ha꞉na꞉lab.  
\v 10 Ho꞉gi dinali saefa꞉ a꞉namio꞉ Godeya꞉ halaido꞉wo꞉ mada fo꞉fo꞉lesodaki bumale dowo꞉ ko꞉lo꞉, tamin amilo꞉ fo꞉fo꞉lesodo꞉ elen a꞉no꞉ halaido꞉lo꞉malo꞉ o꞉ngo꞉ ba꞉ba꞉.  
\v 11 Tamin amilo꞉ ele kudu ha꞉na꞉len man a꞉no꞉ kelega꞉ga꞉ ha꞉na꞉lab ko꞉sega, man a꞉no꞉ Godeya꞉ ene ho꞉len halaido꞉ o꞉lia꞉ mio꞉. A꞉la꞉ta꞉ga꞉ nanog ho꞉gi mela꞉no꞉lo꞉ dofo꞉mela꞉ib a꞉namio꞉lo꞉ Godeya꞉ ho꞉len halaido꞉ a꞉no꞉ mada alande fa꞉la꞉dowa꞉lab.   
\p
\v 12 Gode eyo꞉ ene dinali sio꞉ ho꞉gi a꞉no꞉ nimo꞉wo꞉ dimi ko꞉lo꞉, nio꞉ mo꞉tagilaki, kalaba halale kagafo꞉lo꞉l.  
\v 13 \x - \xo 3.13 \xt Kis 34.33\x*Mo꞉sa꞉s eyo꞉ ho꞉len fo꞉fo꞉lesodo꞉ a꞉no꞉ e wo꞉lokan amilo꞉ dowo꞉ a꞉no꞉ o꞉tina꞉lab amio꞉, Isolael kaluwo꞉ ba꞉dabena꞉kiyo꞉, ene wo꞉lokano꞉ helebeso꞉ga꞉ go꞉lu alifa꞉. Ko꞉sega niliyo꞉ Mo꞉sa꞉s elo꞉ dimido꞉ o꞉leaumbo꞉ mo꞉dimido꞉l.  
\v 14 Isolael kaluka꞉isale ili asulo꞉wo꞉ ko꞉ndo꞉fe alifa꞉ ko꞉lo꞉, o꞉g a꞉namio꞉lo꞉ mo꞉luwo꞉ dinali saefa꞉ to a꞉no꞉ agelab amio꞉, asulo꞉ ililo꞉wo꞉ go꞉lu alifa꞉ ko꞉lo꞉ babale dowa꞉lab. So꞉g i amilo꞉ go꞉lufo꞉lab a꞉no꞉ Ya꞉su Keliso eya tili da꞉daliki a꞉na dila꞉ma꞉ib.  
\v 15 Hendele, tamina a꞉la꞉ta꞉ga꞉ o꞉g wenamio꞉lo꞉, Mo꞉sa꞉sa꞉ ele sa꞉sa꞉lo꞉ to a꞉no꞉ agelab amio꞉, ili asulo꞉wo꞉ go꞉lu alifa꞉ ko꞉lo꞉, iyo꞉ mo꞉fanda ba꞉ba꞉no꞉ dowab.  
\v 16 \x - \xo 3.16 \xt Kis 34.34\x*Ko꞉sega kaluka꞉isaleyo꞉ asulo꞉wo꞉ nodola꞉sa꞉ga꞉, Alan eya tili da꞉dab amio꞉, Gode eyo꞉ so꞉g go꞉lu alifa꞉ a꞉no꞉ dila꞉sen.  
\v 17 \x - \xo 3.17 \xt Yo꞉n 8.36, Lom 8.2\x*Niyo꞉ Alan a꞉la꞉bo꞉ so꞉lo꞉loga, Godeya꞉ Mama ko꞉lo꞉ sa꞉ma꞉no꞉. Godeya꞉ Mamayo꞉ kaluka꞉isale o꞉bameya꞉le dowalega, e ga꞉li sili alifa꞉ ko꞉lo꞉lab.  
\v 18 A꞉la꞉fo꞉ko꞉lo꞉ nili wo꞉lokan amilo꞉ go꞉lu alifa꞉ a꞉no꞉ tambo dila꞉ ko꞉lo꞉, Alana꞉ ho꞉len fo꞉fo꞉lesodo꞉ a꞉no꞉ niya dowab amio꞉, nio꞉ hewo꞉ o꞉ngo꞉ dowaki, ho꞉len a꞉no꞉ noldo꞉wa so꞉so꞉lelia꞉ga꞉ ha꞉na꞉lab. A꞉la꞉ta꞉ga꞉ ho꞉len halaido꞉ imilig a꞉no꞉ Alana a꞉la꞉ta꞉ga꞉ ya꞉ga꞉, ho꞉len a꞉ma꞉yo꞉ nio꞉ nodolalikiyo꞉, nio꞉ Alana꞉ ene misido꞉ ko꞉ngo꞉ ta꞉fela꞉i ha꞉na꞉lab. Alan e Mama ko꞉lo꞉, eyo꞉ a꞉la꞉dimida꞉lab.   
\c 4  
\s1 To nafa a꞉no꞉ ho꞉len fo꞉fo꞉lesodo꞉ o꞉ngo꞉  
\p
\v 1 Gode eyo꞉ iliga꞉felo꞉ kalu nio꞉ nofolaki, nanog we nimo꞉ dimi ko꞉lo꞉, nio꞉ ene nanog a꞉no꞉ dimidama꞉no꞉wo꞉ mo꞉kitanema꞉no꞉.  
\v 2 \x - \xo 4.2 \xt 2Kol 2.17, 1Tes 2.5\x*Niliyo꞉ kaluka꞉isaleya꞉lo꞉ sendeloma꞉no꞉ man wo꞉no꞉lelo꞉ dimida꞉lab a꞉no꞉ ta꞉ta꞉ga꞉ fa꞉s ta꞉fo꞉. Niliyo꞉ madali dikidakiyo꞉ towo꞉ mo꞉sa꞉la꞉sen, a꞉la꞉ta꞉ga꞉ Godeya꞉ ene to mano꞉ dikili widakiyo꞉, ko꞉liyo꞉ mo꞉nodo sa꞉la꞉sen. Ko꞉sega niliyo꞉ Godeya꞉ to hendele a꞉no꞉ kalaba wida꞉sen ko꞉lo꞉, kaluka꞉isaleya꞉yo꞉ nili mano꞉ kalaba fanda ba꞉da꞉sa꞉ga꞉ alobanama꞉ki wido꞉l. A꞉la꞉ta꞉ga꞉ asulo꞉ ililo꞉ma꞉yo꞉ niliyo꞉ Godeya꞉ siwa꞉l amio꞉ man digalo꞉ dimidab a꞉la꞉asuluma꞉ki wida꞉sen.  
\v 3 A꞉la꞉ta꞉ga꞉ kaluka꞉isale abeyo꞉ Godeya꞉ ene to nafa nililo꞉ wido꞉l we mo꞉fanda asululiab a꞉no꞉, asulo꞉ ililo꞉wo꞉ helebeso꞉ga꞉lo꞉ go꞉lu alifa꞉ o꞉leo꞉ngo꞉ ko꞉lo꞉lab. De hen amilo꞉ ha꞉na꞉no꞉ kaluka꞉isale i a꞉ma꞉lo꞉ a꞉no꞉ko꞉ go꞉lu alifa꞉ ko꞉lo꞉lab.  
\v 4 \x - \xo 4.4 \xt A꞉fe 2.2, Kolo 1.15, Hibu 1.3\x*Henfelo꞉ wema꞉ madali godeyo꞉ Sa꞉da꞉na꞉ e ko꞉lo꞉, kaluka꞉isaleyo꞉ mo꞉tili dabuma꞉ki, eyo꞉ asulo꞉ ililo꞉wo꞉ go꞉lu alitaki kalifela꞉lab. Ya꞉su Keliso e Godeya꞉ ene misido꞉leyo꞉ e ko꞉lo꞉, Ya꞉suwa꞉ ene halaido꞉ fo꞉fo꞉lesodo꞉, to nafaya a꞉la꞉ta꞉ga꞉lo꞉ ho꞉lea꞉tab a꞉no꞉, iyo꞉ ba꞉dabena꞉ki, Sa꞉da꞉na꞉ eyo꞉ ili asulo꞉wo꞉ kalifela꞉lab.  
\v 5 Niliyo꞉ Godeya꞉ towo꞉ widakiyo꞉, ninin wiyo꞉ kailakiyo꞉ mo꞉wida꞉sen. Nili Alano꞉ Ya꞉su Keliso eka꞉ a꞉la꞉liki wida꞉sen ko꞉lo꞉, nio꞉ Ya꞉suwa꞉ ha꞉ga dowaki, gili nanog dian kalu o꞉lo꞉l.  
\v 6 \x - \xo 4.6 \xt Mo꞉mo꞉ 1.3, Ais 9.2, 2Kol 3.18\x*Gode eyo꞉ sololi usamio꞉ ho꞉leno꞉ fa꞉la꞉doma a꞉la꞉likilo꞉ sio꞉ a꞉ma꞉yo꞉, nili asulo꞉ usamio꞉lo꞉ ho꞉wo꞉ ho꞉le alita꞉sen. Nio꞉ Ya꞉su Kelisowa꞉ wo꞉lokano꞉ ko꞉lo꞉ ba꞉dakiyo꞉, Godeya꞉ ene halaido꞉ fo꞉fo꞉lesodo꞉ a꞉no꞉ asuluma꞉ki go꞉. \fig Godeya꞉ ene halaido꞉ ho꞉len fo꞉fo꞉lesodo꞉ a꞉no꞉ asuluma.|alt="Jesus' glorious light" src="40_Mt_17_02_RG_gr.tif" size="col" copy="© Sweet Publishing http://sweetpublishing.com, licensed under a CC: BY-SA 3.0 Unported licence." ref="4.6" \fig*   
\p
\v 7 \x - \xo 4.7 \xt 2Kol 5.1\x*Ho꞉len fo꞉fo꞉lesodo꞉ to nafaya a꞉la꞉ta꞉ga꞉lo꞉ fa꞉la꞉dowo꞉ a꞉no꞉, mada nafale dowo꞉ ko꞉lo꞉, kelego꞉ a꞉no꞉ ni usa dofo꞉liki ho꞉lea꞉ta꞉lab. Ko꞉sega nio꞉ go꞉fo꞉ hen amilo꞉ dimido꞉ o꞉ngo꞉ a꞉lab ko꞉lo꞉, kelego꞉ nafale a꞉no꞉ mogago꞉ us a꞉na a꞉lab. Halaido꞉ we niya a꞉la꞉ta꞉ga꞉yo꞉ mo꞉fa꞉la꞉dowo꞉. Godelo꞉wa a꞉la꞉ta꞉ga꞉ mio꞉lo꞉b a꞉la꞉asuluma꞉ki gab.  
\v 8 \x - \xo 4.8 \xt 2Kol 1.8, 7.5\x*Hida꞉yo꞉ ko꞉li ko꞉lilo꞉wo꞉ nilo꞉wa fa꞉la꞉dowa꞉lab ko꞉sega, hida꞉yo꞉ a꞉ma꞉yo꞉ nili halaido꞉wo꞉ mo꞉sanala꞉sen. Nio꞉ kele asulakiyo꞉ babale dowa꞉lo꞉l ko꞉sega, nili asulo꞉ a꞉no꞉ tambowo꞉ mo꞉mogagila꞉sen.  
\v 9 Gis kaluwa꞉yo꞉ hida꞉yo꞉ ko꞉li ko꞉lilo꞉ a꞉no꞉ nimo꞉ dimia꞉lab ko꞉sega, Gode eyo꞉ nio꞉ gola ba꞉dakiyo꞉ mo꞉ta꞉ta꞉sen. Kalu nolba꞉yo꞉ nio꞉ hena sana to꞉lola꞉lab ko꞉sega, niyo꞉ tambo mogagilakiyo꞉ mo꞉sana sowo꞉.  
\v 10 \x - \xo 4.10 \xt 1Kol 15.31\x*Ya꞉suwa꞉lo꞉ nagalo꞉ dia꞉sa꞉ga꞉lo꞉ sowo꞉ o꞉leaumbo꞉, niliyo꞉lo꞉ nagalo꞉wo꞉ dia꞉i ha꞉na꞉lo꞉l. Dia꞉i ha꞉na꞉lo꞉l a꞉ma꞉yo꞉, Ya꞉suwa꞉ mela꞉no꞉wo꞉ ni amio꞉ dowo꞉ka꞉ a꞉la꞉liki widakigab.  
\v 11 \x - \xo 4.11 \xt Lom 8.36\x*Kalu nolba꞉yo꞉ Ya꞉suwo꞉ sana sowo꞉ ko꞉lo꞉, nio꞉ o꞉silikilo꞉ e nanog dimida꞉i ha꞉na꞉lab wenamio꞉, nio꞉lo꞉ sana soma꞉no꞉ dowab. A꞉la꞉dimidab amio꞉ soma꞉no꞉ do꞉mo꞉ wema꞉yo꞉ Ya꞉suwa꞉ mela꞉no꞉ a꞉no꞉ kalaba widakigab.  
\v 12 A꞉la꞉fo꞉ko꞉lo꞉ iliga꞉felo꞉ kalu niliyo꞉ Ya꞉suwa꞉ to nafayo꞉ widab amio꞉, nio꞉ sana soma꞉no꞉ migi kudab ko꞉sega, nanog nililo꞉ dimida꞉lo꞉l a꞉ma꞉ ilikiyo꞉, gio꞉ mela꞉no꞉ mela꞉no꞉wo꞉ dia꞉lab.   
\p
\v 13 \x - \xo 4.13 \xt Song 116.10\x*To we Godeya꞉ bugo꞉ amio꞉ a꞉la꞉sa꞉sa꞉lo꞉, “Ne Gode amio꞉ tilidabu ko꞉lo꞉, to we a꞉na sio꞉,” a꞉la꞉sa꞉sa꞉lo꞉. Man elo꞉ dimido꞉ o꞉leaumbo꞉, niliyo꞉lo꞉ Gode amio꞉ tilidabu ko꞉lo꞉, ene towo꞉ o꞉wida꞉lo꞉l.  
\v 14 \x - \xo 4.14 \xt 1Kol 6.14\x*Niliyo꞉ a꞉la꞉asulab. Gode Ya꞉su Alando꞉ a꞉ma꞉la꞉ dasi alifa꞉ a꞉ma꞉yo꞉, nio꞉lo꞉ Ya꞉su o꞉lia꞉ doma꞉ki dasi alita꞉sa꞉ga꞉yo꞉, gio꞉lo꞉ nio꞉lo꞉ elo꞉wa kagama꞉ki tililia꞉ mia꞉ib.  
\v 15 Kelego꞉ nilo꞉ amilo꞉ fa꞉la꞉dowa꞉lab a꞉ma꞉yo꞉ gi ko꞉lo꞉ asuwa꞉takigab. Godeya꞉ ha꞉fo꞉ disa꞉lan man a꞉no꞉ kaluka꞉isale modo꞉ amio꞉ golalikiyo꞉, iyo꞉ Godeya tilida꞉ba꞉ib ko꞉lo꞉, mada o꞉m a꞉la꞉bo꞉ alan sa꞉ma꞉ib. Mada o꞉m a꞉la꞉bo꞉ towo꞉ modo꞉ sa꞉la꞉i ha꞉nalikiyo꞉, Godeya꞉ wiyo꞉ alan wabuluma꞉ib.   
\p
\v 16 \x - \xo 4.16 \xt A꞉fe 3.16\x*A꞉la꞉fo꞉ko꞉lo꞉ niliyo꞉ ene nanog dia꞉no꞉wo꞉ mo꞉kitanema꞉niki. Hendele nili do꞉mo꞉wo꞉ mogaima꞉no꞉ dowab ko꞉sega, ho꞉leno꞉ tambo Gode eyo꞉ nili asulo꞉ us amio꞉ mela꞉no꞉wo꞉ ho꞉gi a꞉dimia꞉lab.  
\v 17 \x - \xo 4.17 \xt Lom 8.17-18\x*Hida꞉yo꞉ nililo꞉ dia꞉i ha꞉na꞉lab we alandema, ho꞉len abolda꞉su doma꞉ib. Ko꞉sega hida꞉yo꞉ nililo꞉ diab a꞉ma꞉yo꞉, fo꞉fo꞉lesodo꞉ halaido꞉ ko꞉ngo꞉ mela꞉no꞉ a꞉no꞉ niya doma꞉ki ta꞉tab. Fo꞉fo꞉lesodo꞉ gesego꞉ a꞉ma꞉yo꞉ hida꞉yo꞉ nililo꞉ diab a꞉no꞉ tambo tinio꞉ ko꞉lo꞉lab.  
\v 18 \x - \xo 4.18 \xt Kolo 1.16\x*A꞉la꞉fo꞉ko꞉lo꞉ nili siya꞉lo꞉ ba꞉dab kelego꞉ a꞉no꞉ mo꞉sikudu ba꞉daki, siya꞉lo꞉ mo꞉ba꞉dan kelego꞉ a꞉no꞉ ko꞉lo꞉ sikudu ba꞉ba꞉niki. Mo꞉wo꞉ kelego꞉ nili siya꞉lo꞉ ba꞉dab we ho꞉len abolda꞉su doma꞉ib. Ko꞉sega kelego꞉ siya꞉lo꞉ mo꞉bo꞉do꞉l a꞉no꞉ mela꞉no꞉ mela꞉no꞉ doma꞉ib.   
\c 5  
\s1 Do꞉mo꞉ ho꞉giyo꞉ Hebene dia꞉no꞉  
\p
\v 1 \x - \xo 5.1 \xt 2Kol 4.7\x*Nili do꞉mo꞉ o꞉gdo꞉ a꞉lab we, helebeso꞉g a o꞉ngo꞉ ko꞉lo꞉lab. Nili do꞉mo꞉wo꞉ sowalikiyo꞉, helebeso꞉g a ko꞉lo꞉ bidi ane o꞉ngo꞉ dowab. Nio꞉ helebeso꞉g a we ta꞉ta꞉ga꞉ ha꞉nalikiyo꞉, nili mamayo꞉ mela꞉no꞉ ha꞉na꞉ga꞉, Hebene hen amilo꞉ a ho꞉gi dimido꞉ a꞉no꞉ ko꞉lo꞉ dia꞉ib. A a꞉no꞉ kaluwa꞉ dagiya꞉yo꞉ mo꞉dimido꞉. Do꞉mo꞉ ho꞉gi a꞉no꞉ Godeya꞉ dimido꞉ ko꞉lo꞉, do꞉mo꞉ a꞉no꞉ ko꞉ngo꞉ mela꞉no꞉ mela꞉ib.  
\v 2 \x - \xo 5.2 \xt Lom 8.23\x*A꞉la꞉fo꞉ko꞉lo꞉ o꞉go꞉ nio꞉ nagalo꞉ nea꞉liki asulakiyo꞉, “Ne henfelo꞉ we ta꞉ta꞉ga꞉, Hebene ha꞉na꞉sa꞉ga꞉yo꞉, do꞉mo꞉ ho꞉gi a꞉no꞉ dimo꞉losa꞉” a꞉la꞉asulab. Do꞉mo꞉ ho꞉gi dia꞉no꞉ a꞉no꞉, Godeya꞉ nimo꞉lo꞉ helebeso꞉g ho꞉gi ko꞉lo꞉ sa꞉ga꞉le alitan auma꞉ib.  
\v 3 Ni amio꞉ so꞉g ho꞉gi a꞉no꞉ sa꞉ga꞉le alitab amio꞉, nio꞉ hagulabo dowo꞉wo꞉ mo꞉ba꞉ba꞉ib.  
\v 4 Nio꞉ helebeso꞉g a us wena o꞉so꞉l wenamio꞉, nagalo꞉wo꞉ ba꞉da꞉likiyo꞉ nea꞉sen. Nio꞉ hagulabowo꞉ mo꞉doma꞉no꞉ asulaki, Hebene helebeso꞉g ho꞉gi a꞉no꞉ sa꞉ga꞉lema꞉no꞉ asulab. A꞉la꞉do꞉ gan aumbo꞉, soma꞉no꞉ do꞉mo꞉ nililo꞉ we ta꞉ta꞉ga꞉, mela꞉no꞉lo꞉ a꞉lab do꞉mo꞉ a꞉no꞉ ko꞉lo꞉ dia꞉no꞉ asulab.  
\v 5 Nio꞉ do꞉mo꞉ ho꞉gile a꞉no꞉ dima꞉kiyo꞉, Gode eyo꞉ nio꞉ da꞉felia꞉sa꞉ga꞉ a꞉na dimidaefa꞉. Gode eyo꞉ nimo꞉wo꞉ kelego꞉ nafa a꞉no꞉ hendele dimia꞉no꞉lo꞉b a꞉lakiyo꞉, Gode eyo꞉ ene Mamayo꞉ nimo꞉ ko꞉le dimi.   
\p
\v 6 \x - \xo 5.6 \xt Hibu 11.13-16\x*Nio꞉ a꞉no꞉ asulakiyo꞉, ho꞉leno꞉ tambo amio꞉ halale kagafo꞉lo꞉l. Nio꞉ henfelo꞉ do꞉mo꞉ we o꞉a꞉lab wenamio꞉, Alan Ya꞉su o꞉lia꞉yo꞉ ene hen amio꞉ mo꞉ o꞉lo꞉l a꞉la꞉asulo꞉.  
\v 7 Kelego꞉ nililo꞉ dia꞉no꞉wo꞉, o꞉go꞉ nili siya꞉yo꞉ mo꞉ba꞉daki, tilidabuwa halale kagata꞉ga꞉ ha꞉na꞉lo꞉l.  
\v 8 \x - \xo 5.8 \xt Fili 1.23\x*Kelego꞉ we hendele fa꞉la꞉doma꞉ib a꞉la꞉bo꞉ nio꞉ fanda asululi ko꞉lo꞉, nio꞉ do꞉mo꞉ we ta꞉ta꞉sa꞉ga꞉, Alan Ya꞉su o꞉lia꞉ mesa꞉ ha꞉na꞉no꞉ mada asulab.  
\v 9 \x - \xo 5.9 \xt Kolo 1.10, 1Tes 4.1\x*Ko꞉sega nio꞉ do꞉mo꞉ o꞉lia꞉ wena o꞉silikiyo꞉lo꞉, a꞉la꞉ta꞉ga꞉ henfelo꞉ do꞉mo꞉ we ta꞉ta꞉ga꞉ Alana꞉ hena silikiyo꞉lo꞉, nililo꞉ dimidama꞉no꞉ wa꞉la꞉b kelego꞉wo꞉ we. Niliyo꞉ man Ya꞉suwa꞉lo꞉ asulab a꞉no꞉ ko꞉lo꞉ dimida꞉mela꞉niki.  
\v 10 \x - \xo 5.10 \xt Sav 12.14\x*Mo꞉wo꞉ Ya꞉su eyo꞉ nili man dimidan a꞉no꞉ alobanama꞉kiyo꞉, nio꞉ tambo ene wo꞉lokana kagama꞉ib. Nio꞉ do꞉mo꞉ o꞉lia꞉ ilikilo꞉ man dimida꞉len a꞉no꞉, nafale dimida꞉lena꞉le, mogago꞉ dimida꞉lena꞉le, aloba꞉da꞉sa꞉ga꞉, wa꞉lo꞉ a꞉na dimia꞉ib.   
\s1 Kaluka꞉isaleyo꞉ Gode o꞉lia꞉ ege doma꞉kiyo꞉, niliyo꞉ nanogo꞉ dimida꞉sen  
\p
\v 11 Nio꞉ Godeyo꞉ tagilaki, e ha꞉ga dowa꞉sen. A꞉la꞉fo꞉ko꞉lo꞉ niliyo꞉ kaluka꞉isaleya꞉ asulo꞉wo꞉ nodoma꞉ki halale wida꞉sen. Gode eyo꞉ nio꞉ kalu weo꞉ngo꞉lo꞉b a꞉la꞉bo꞉ fanda asululi. A꞉la꞉ta꞉ga꞉ giliyo꞉lo꞉ nio꞉ fanda asuluma꞉ki asulo꞉l.  
\v 12 Nililo꞉ to so꞉lo꞉l we, ninin a꞉ma꞉la꞉ duludaki so꞉lo꞉lba. Widan kalu nolba꞉yo꞉, inina꞉ma꞉la꞉yo꞉ aloba꞉daki, inin wiyo꞉ kailaki duluda꞉sen ko꞉sega, inin asulo꞉wo꞉ mo꞉alobana ba꞉da꞉sen. A꞉la꞉fo꞉ko꞉lo꞉ giliyo꞉ nio꞉ kalu nafa a꞉la꞉bo꞉ fanda asula꞉sa꞉ga꞉ dofo꞉likiyo꞉, widan kalu nolbo꞉wo꞉ man nililo꞉ a꞉no꞉ a꞉ma꞉la꞉yo꞉ o꞉li sa꞉ma꞉ib.  
\v 13 Nili nanog dimidab wenamio꞉, no꞉nolo꞉ dimidabo꞉lo꞉b giliyo꞉ a꞉la꞉asulalega, nanog a꞉no꞉ Godeya꞉no꞉ ko꞉lo꞉ diabo꞉lo꞉b a꞉la꞉asula꞉bi. Ko꞉sega giliyo꞉ nili asulo꞉wo꞉ digalo꞉ iliki, nanogo꞉ dimidabo꞉lo꞉b a꞉la꞉bo꞉ asulalega, nanog a꞉ma꞉yo꞉ gio꞉ ko꞉lo꞉ asuwa꞉taki dimidab.  
\v 14 Niliyo꞉ a꞉la꞉asulo꞉. Hen nililo꞉wo꞉ kalu imilig noma꞉yo꞉ dia꞉sa꞉ga꞉ sowo꞉ ko꞉lo꞉, nio꞉lo꞉ tambo e o꞉lia꞉ sowo꞉ ko꞉lo꞉lab. A꞉la꞉fo꞉ko꞉lo꞉ nio꞉ nanog dimidama꞉kiyo꞉, Ya꞉su Kelisowa꞉ ene ha꞉fo꞉ disa꞉lan man a꞉ma꞉yo꞉ nio꞉ digidalita꞉lab.  
\v 15 \x - \xo 5.15 \xt Lom 14.7-8\x*Ya꞉su e kaluka꞉isaleyo꞉ tambo asuwa꞉taki sowo꞉. Nio꞉ ninina꞉ma꞉la꞉yo꞉ sagalema꞉ki dimido꞉ma. Ko꞉sega niliyo꞉ Ya꞉sumo꞉ sagalaki kudu ha꞉na꞉melea꞉kiyo꞉, e a꞉na sowo꞉. A꞉la꞉ta꞉ga꞉ e sowabikiyo꞉, Gode eyo꞉ e a꞉ma꞉la꞉ dasi alifa꞉.   
\p
\v 16 A꞉la꞉fo꞉ko꞉lo꞉ niliyo꞉ henfelo꞉ kaluwa꞉lo꞉ nol ko꞉lo꞉ aloba꞉dan aumbo꞉ wa꞉kabiyo꞉ mo꞉aloba꞉ma꞉no꞉. Hendele tamin amio꞉ niliyo꞉ man a꞉no꞉ ko꞉lo꞉ kudu ha꞉naki, Ya꞉suwo꞉ a꞉na alobo꞉no꞉. Ko꞉sega o꞉go꞉ niliyo꞉ a꞉la꞉bo꞉ mo꞉dimidan.  
\v 17 \x - \xo 5.17 \xt Lom 8.1, Gala 6.15\x*A꞉la꞉fo꞉ko꞉lo꞉ kaluka꞉isale abeyo꞉ Ya꞉su amilo꞉ ege dowab a꞉no꞉ Gode eyo꞉ e mada ho꞉gi ta꞉tab. Mela꞉no꞉ mo꞉lulo꞉ elen a꞉no꞉ kelege dowaki, mela꞉no꞉ ho꞉gile fa꞉la꞉dowab.  
\v 18 \x - \xo 5.18 \xt Lom 5.10\x*Kelego꞉ nilo꞉ amilo꞉ fa꞉la꞉dowab a꞉no꞉ tambo Godeya꞉ ene dimidab. Tamin amio꞉ nio꞉ Gode o꞉lia꞉ gis dia꞉len ko꞉sega, Ya꞉suwa꞉lo꞉ nanog dimido꞉ a꞉na ilikiyo꞉, nio꞉ tililia꞉ga꞉ Gode o꞉lia꞉ ege doma꞉ki ta꞉fo꞉. A꞉la꞉ta꞉ga꞉ kaluka꞉isale Gode o꞉lia꞉lo꞉ gis dia꞉lab a꞉no꞉, Gode o꞉lia꞉ ege doma꞉kilo꞉ tililia꞉ mia꞉no꞉ nanog a꞉no꞉ nimo꞉ dimi.  
\v 19 \x - \xo 5.19 \xt Lom 3.23-25\x*To nililo꞉ wida꞉lab a꞉no꞉ we. Gode eyo꞉ Ya꞉su elo꞉ nanog dimido꞉ a꞉na a꞉la꞉ta꞉ga꞉yo꞉ henfelo꞉ kaluka꞉isaleyo꞉ e o꞉lia꞉ ege doma꞉ki ta꞉fela꞉lab. Eyo꞉ henfelo꞉ kaluka꞉isaleya꞉lo꞉ mogago꞉ dimida꞉len a꞉no꞉ mo꞉asula꞉len. A꞉la꞉ta꞉ga꞉ Gode eyo꞉ kaluka꞉isale o꞉lia꞉lo꞉ egema꞉no꞉ to walama꞉no꞉ a꞉no꞉ nimo꞉ dimi.  
\v 20 A꞉la꞉fo꞉ko꞉lo꞉ Gode eyo꞉ kaluka꞉isaleyo꞉ ho꞉lema꞉kiyo꞉, eyo꞉ niya a꞉la꞉ta꞉ga꞉ sa꞉la꞉lab. Niliyo꞉ Ya꞉suwa꞉ ene mego꞉f dowaki, gimo꞉wo꞉ a꞉la꞉so꞉lo꞉l, “Gio꞉ gis dimidan man a꞉no꞉ ta꞉ta꞉ga꞉, Gode o꞉lia꞉ ege doma.”  
\v 21 \x - \xo 5.21 \xt Hibu 4.15\x*Keliso e mogago꞉wo꞉ mo꞉dimidan ko꞉sega, nio꞉ Ya꞉suwa dowaki, Godeya꞉ siwa꞉l amio꞉ digalo꞉ kaluka꞉isale fa꞉la꞉doma꞉kiyo꞉, Gode eyo꞉ nio꞉ asuwa꞉taki, mogago꞉ nililo꞉wo꞉ Ya꞉suwa꞉ wa꞉la difa꞉.   
\c 6  
\p
\v 1 Nio꞉ nanogo꞉ Gode o꞉lia꞉ diakiyo꞉, towo꞉ gimo꞉wo꞉ halaido꞉ a꞉la꞉so꞉lo꞉l, “Godeya꞉lo꞉ ha꞉fo꞉ disa꞉lan man a꞉no꞉ gio꞉ di ko꞉lo꞉, kelego꞉ nafale gilo꞉ di a꞉no꞉ walabena꞉ki halaido꞉ dofo꞉lubi.”  
\v 2 \x - \xo 6.2 \xt Ais 49.8\x*Godeya꞉ ene bugo꞉ amilo꞉ sa꞉sa꞉lifa꞉ da꞉labo꞉ we,  
\q1 “Ho꞉lende a꞉namio꞉, gililo꞉ ho꞉idab a꞉no꞉ ne dabu.  
\q2 A꞉la꞉ta꞉ga꞉ gilo꞉ a꞉ma꞉la꞉do꞉ gasilia꞉no꞉ ho꞉len a꞉namio꞉, niyo꞉ gio꞉ a꞉na asufa꞉.”  
\m Gio꞉ dabuma. Asuwa꞉fa꞉no꞉ ho꞉lende a꞉no꞉, o꞉go꞉ fa꞉la꞉dowab. A꞉la꞉ta꞉ga꞉ gilo꞉ a꞉ma꞉la꞉do꞉ gasilia꞉no꞉ ho꞉len a꞉no꞉lo꞉ o꞉gdo꞉ we.  
\v 3 Kalu imilig noma꞉yo꞉ nili nanog di a꞉no꞉ o꞉ngo꞉malo꞉ngo꞉ ba꞉dabena꞉kiyo꞉, niliyo꞉ halabo꞉ mo꞉dimido꞉.  
\v 4 Man nafa nililo꞉ dimida꞉sen a꞉ma꞉yo꞉, nio꞉ Godeya꞉ ene nanog dian kaluka꞉isale hendeleka꞉ a꞉la꞉li widakigab. A꞉no꞉ ko꞉lo꞉ widakiyo꞉, man nililo꞉ dimida꞉seno꞉ we. Hida꞉yo꞉ ko꞉li ko꞉lilo꞉ nilo꞉wa fa꞉la꞉dowab amio꞉lo꞉, kalu nolba꞉yo꞉ nimo꞉wo꞉ mogago꞉ dimida꞉lab amio꞉lo꞉, nio꞉ halale kagayaki, Godeko꞉ kudu ha꞉na꞉lo꞉l.  
\v 5 \x - \xo 6.5 \xt 2Kol 11.23-27\x*Kalu nolba꞉yo꞉ nio꞉ yame tandeab amio꞉lo꞉, dibolowa to꞉lolab amio꞉lo꞉, a꞉la꞉ta꞉ga꞉ gisa꞉yo꞉ nio꞉ sana soma꞉ni bana galia꞉tab amio꞉lo꞉, nio꞉ halale kagaya꞉sen. Nio꞉ ma꞉no꞉ ma꞉no꞉wo꞉ aundo꞉ma dowab amio꞉lo꞉, mida꞉iyo꞉wo꞉ mo꞉alilab amio꞉lo꞉, nanogo꞉ tiniab amio꞉lo꞉, nio꞉ halale kagayaki, nanogo꞉ dimida꞉lo꞉l.  
\v 6 \x - \xo 6.6 \xt 1Tim 4.12\x*Nio꞉ mano꞉ malilo꞉le dimidakiyo꞉, asulo꞉ nafaleyo꞉ ko꞉lo꞉ alobana ta꞉lia꞉sen. Nio꞉ nol o꞉lia꞉yo꞉ ha꞉sa dowaki, ha꞉fo꞉ disa꞉lan. Nio꞉ Mama Malilo꞉wa dowaki, nolo꞉ mada alan asula꞉sen.  
\v 7 Niliyo꞉ to hendeleyo꞉ ko꞉lo꞉ wida꞉sen. Godeya꞉ ene halaido꞉ a꞉na ilikiyo꞉, nio꞉ nanogo꞉ dimida꞉sen. Digalo꞉ man a꞉no꞉, biyo꞉ o꞉lia꞉ ba꞉iso꞉bo o꞉lia꞉ o꞉ngo꞉ ko꞉lo꞉, nolo꞉ nili dagi ililiba꞉ ta꞉liaki, nolo꞉ dagi fo꞉fo꞉doloba꞉ ta꞉liakiyo꞉, nanogo꞉ a꞉na dimida꞉sen.  
\v 8 Kalu nolba꞉yo꞉ nili wiyo꞉ duludalikiyo꞉lo꞉, nolba꞉yo꞉ nio꞉ sendelo alitalikiyo꞉lo꞉, nio꞉ man digalo꞉ kudu ha꞉na꞉sen. A꞉la꞉ta꞉ga꞉ kalu nolba꞉yo꞉ niyo꞉ sada꞉daki, nolba꞉yo꞉ nio꞉ man nafale dimidab a꞉la꞉sa꞉la꞉sen. Kalu nolba꞉yo꞉ nio꞉ madali tolo꞉ sa꞉lan kalu a꞉la꞉sa꞉la꞉sen ko꞉sega, to hendelelo꞉ sa꞉la꞉seno꞉ ni we.  
\v 9 \x - \xo 6.9 \xt 2Kol 4.10\x*Kalu nolba꞉yo꞉ nio꞉ asulo꞉ ko꞉sega, nolba꞉yo꞉ nio꞉ o꞉ngo꞉malo꞉ngo꞉ ba꞉da꞉sen. Nio꞉ soma꞉no꞉ o꞉ngo꞉ dowo꞉ ko꞉sega nio꞉ mela꞉no꞉ o꞉so꞉l. Nio꞉ digalakiyo꞉ falasilo꞉wo꞉ di ko꞉sega, nilo꞉ mo꞉sana sowo꞉.  
\v 10 Nolba꞉yo꞉ nio꞉ kele asula꞉liki hida꞉yo꞉ sab a꞉la꞉asulo꞉ ko꞉sega nio꞉ sagalo꞉ dowa꞉sen. Nolba꞉yo꞉ nio꞉ wa꞉feyo꞉ kalu a꞉lab a꞉la꞉asula꞉sen ko꞉sega, niliyo꞉ nolbo꞉wo꞉ kelego꞉ nafaleyo꞉ alan dima꞉ki asuwa꞉ta꞉sen. Nolba꞉yo꞉ nio꞉ kelego꞉lo꞉ma kalu a꞉lab a꞉la꞉asula꞉sen ko꞉sega, Godeya꞉ ene kelego꞉ nafale a꞉no꞉ tambo ni amio꞉ da꞉lab.   
\p
\v 11 Kolin kaluka꞉isale gimo꞉wo꞉ niliyo꞉ to nolo꞉ wo꞉no꞉lebo꞉ mo꞉dia꞉taki, kalab amio꞉ sa꞉la꞉i ya꞉len. Niliyo꞉ gio꞉ mada alan asulo꞉ ko꞉lo꞉lab.  
\v 12 Nililo꞉ gimo꞉lo꞉ ha꞉fo꞉ disa꞉ma꞉no꞉wo꞉ mo꞉ko꞉lo꞉ ko꞉lo꞉lab. Ko꞉sega giliyo꞉ ni o꞉lia꞉yo꞉ ha꞉fo꞉wo꞉ mo꞉disa꞉ma꞉no꞉ asulaki, ginin kafo꞉lab.  
\v 13 \x - \xo 6.13 \xt 1Kol 4.14\x*To nilo꞉ so꞉lo꞉l we, no꞉no꞉n so꞉walemo꞉lo꞉ sa꞉lan aumbo꞉ gimo꞉ so꞉lo꞉l. Nililo꞉ gimo꞉lo꞉ ha꞉fo꞉ disa꞉lo꞉l o꞉leaumbo꞉, giliyo꞉lo꞉ ni o꞉lia꞉yo꞉ ha꞉fo꞉wo꞉ a꞉la꞉disa꞉ma.   
\s1 Nio꞉ mela꞉no꞉lo꞉ a꞉lab Godeya꞉ ene a  
\p
\v 14 \x - \xo 6.14 \xt A꞉fe 5.11\x*Tilidabu kaluka꞉isale o꞉lia꞉ ha꞉la꞉ kaluka꞉isale o꞉lia꞉yo꞉ imilo꞉ma ko꞉lo꞉, gio꞉ uayo꞉ gasa dowa꞉so꞉bo. Man digalo꞉ o꞉lia꞉ man mogago꞉ o꞉lia꞉yo꞉ uayo꞉ mo꞉gasa dowan. Ho꞉len o꞉lia꞉ sololi o꞉lia꞉yo꞉ ida꞉nino꞉ mada mo꞉doma꞉ib.  
\v 15 Ya꞉su Keliso o꞉lia꞉ Sa꞉da꞉na꞉ o꞉lia꞉yo꞉ ege dowakiyo꞉ mo꞉gasa dowan. Keliso kaluka꞉isale o꞉lia꞉ ha꞉la꞉ kaluka꞉isale o꞉lia꞉yo꞉ asulo꞉ imiliseyo꞉ mada mo꞉doma꞉ib.  
\v 16 \x - \xo 6.16 \xt Wkp 26.12, 1Kol 3.16\x*Godeya꞉ malilo꞉ a a꞉no꞉lia꞉ madali gode a꞉no꞉lia꞉yo꞉ ida꞉nino꞉ mo꞉gasa dowan. Nio꞉ mela꞉no꞉lo꞉ a꞉lab Godeya꞉ ene a ko꞉lo꞉lab. Godeya꞉ ene tamina saetakiyo꞉ a꞉la꞉sio꞉,  
\q1 “Ne i o꞉lia꞉ siliki, i o꞉lia꞉ sia꞉mela꞉no꞉.  
\q2 Ne ili Gode doma꞉no꞉, a꞉la꞉ta꞉ga꞉  
\q2 iyo꞉ kaluka꞉isale nino꞉ doma꞉ib.”   
\m
\v 17 \x - \xo 6.17 \xt Ais 52.11, Kala 18.4\x*A꞉la꞉ta꞉ga꞉ Alan eyo꞉ to nowo꞉ a꞉la꞉sio꞉,  
\q1 “Gio꞉ kaluka꞉isale a꞉no꞉ ta꞉ta꞉ga꞉,  
\q2 ko꞉na꞉ dowa꞉bi.  
\q1 Mogago꞉lo꞉ da꞉lab a꞉namio꞉ ani dowa꞉so꞉bo.  
\q2 A꞉la꞉dimidalikiyo꞉, niyo꞉ gio꞉ a꞉na ho꞉lelia꞉sa꞉ga꞉ tilidoma꞉no꞉.”   
\q1
\v 18 \x - \xo 6.18 \xt 2Sam 7.14, Jer 31.9\x*“Ne gili go꞉l doma꞉no꞉ a꞉la꞉ta꞉ga꞉,  
\q2 gio꞉ ni kalu so꞉wa o꞉lia꞉ ka꞉isale so꞉wa o꞉lia꞉ doma꞉ib.  
\q2 Halaido꞉lo꞉ A꞉lab Gode niyo꞉ a꞉la꞉so꞉lo꞉l.”   
\c 7  
\p
\v 1 Ni milile, niliyo꞉ to dinali sio꞉ a꞉no꞉ o꞉ma di ko꞉m. A꞉la꞉go꞉ko꞉lo꞉ nili do꞉mo꞉ o꞉lia꞉ mama o꞉lia꞉lo꞉ mogago꞉ doma꞉kilo꞉ dimida꞉lab kelego꞉ a꞉no꞉ tambo dila꞉sa꞉ga꞉, nio꞉ nafale doma꞉niki. Nio꞉ tagilaki, Godeya꞉ ha꞉ga dowakiyo꞉, man malilo꞉le elo꞉ a꞉no꞉ ko꞉lo꞉ kudu ha꞉na꞉niki.   
\s1 Fo꞉l e sagalo꞉wo꞉ alan dowo꞉  
\p
\v 2 Giliyo꞉ ni o꞉lia꞉yo꞉ ha꞉fo꞉wo꞉ disa꞉ma. Nio꞉ nolbo꞉wo꞉ halalo꞉ mo꞉dimido꞉. Kaluka꞉isale nolo꞉ mo꞉mogagi alifa꞉. A꞉la꞉ta꞉ga꞉ kaluka꞉isale nolo꞉ dikidakiyo꞉, kelego꞉ ililo꞉wo꞉ mo꞉afale di.  
\v 3 Niyo꞉ gililo꞉ hala dimido꞉ a꞉namio꞉ mo꞉sasendeo꞉l. Niliyo꞉ gio꞉ mada alan asulo꞉ a꞉la꞉bo꞉ tamina sio꞉. Nio꞉ o꞉silikiyo꞉lo꞉, sowalikiyo꞉lo꞉, gi o꞉lia꞉yo꞉ ha꞉fo꞉wo꞉ disa꞉laki dowa꞉i ha꞉na꞉mela꞉no꞉.  
\v 4 Niyo꞉ gio꞉ kaluka꞉isale nafale a꞉la꞉asulaki, kaluka꞉isale nolba꞉ siwa꞉l amio꞉ gili wiyo꞉ duluda꞉sen. Hida꞉yo꞉ nolo꞉ nelo꞉ amilo꞉ fa꞉la꞉dowab wenamio꞉, ne halale kagayo꞉l. Sagalo꞉ nilo꞉wo꞉ wa꞉lita꞉ga꞉ ha꞉na꞉lab.   
\p
\v 5 \x - \xo 7.5 \xt 2Kol 2.13\x*Nio꞉ ya꞉sa꞉ga꞉ Masedonia wena silikiyo꞉, nio꞉ ha꞉salo꞉ mo꞉dowo꞉. Hida꞉yo꞉ ko꞉li ko꞉lilo꞉wo꞉ nilo꞉ amio꞉ fa꞉la꞉dowa꞉len. Gis kaluwa꞉yo꞉ nio꞉ alan dikidia꞉len. A꞉la꞉ta꞉ga꞉ ne amio꞉ kele asulo꞉wo꞉lo꞉ alan dowaki, tagio꞉ dowo꞉.  
\v 6 Ko꞉sega Gode eyo꞉ kaluka꞉isale hida꞉yo꞉lo꞉ a꞉lab a꞉no꞉ ha꞉nolo alitaki, halale alita꞉sen. A꞉la꞉fo꞉ko꞉lo꞉ Taituso꞉ nilo꞉ amilo꞉ mio꞉ a꞉ma꞉ ilikiyo꞉, Gode eyo꞉ nio꞉ sagale alitaki, nio꞉ ha꞉sa mesea꞉ki ta꞉fo꞉.  
\v 7 A꞉la꞉ta꞉ga꞉ Taitus e nilo꞉ amilo꞉ mio꞉ a꞉no꞉ ko꞉mba. Gililo꞉ emo꞉lo꞉ ha꞉fo꞉ disa꞉ a꞉ma꞉yo꞉lo꞉ ne sagale alitaki asufa꞉. Gililo꞉ nemo꞉lo꞉ dimido꞉ a꞉no꞉ ko꞉lo꞉ nofola asulakiyo꞉, ne o꞉lia꞉ ha꞉fo꞉ a꞉disa꞉la꞉sa꞉ga꞉lo꞉, gio꞉ ne kudu ha꞉na꞉no꞉ asulab a꞉no꞉, Taitus eyo꞉ nemo꞉wo꞉ malolo꞉ me ko꞉lo꞉, a꞉ma꞉yo꞉lo꞉ ne sagale alifa꞉.   
\p
\v 8 \x - \xo 7.8 \xt 2Kol 2.4\x*Mo꞉fo꞉s nilo꞉ tamin amilo꞉ sa꞉sa꞉liga꞉fo꞉ a꞉ma꞉yo꞉ gili asulo꞉wo꞉ hidalifa꞉ ko꞉sega, nilo꞉ sa꞉sa꞉liga꞉fo꞉ a꞉namio꞉ niyo꞉ o꞉li sa꞉sa꞉lo꞉ a꞉la꞉asulo꞉l. Tamin amio꞉ ne kele asulo꞉ ko꞉sega hida꞉yo꞉ gilo꞉ amilo꞉ fa꞉la꞉dowab a꞉no꞉, ho꞉leno꞉ abolda꞉su dowo꞉ ko꞉lo꞉, o꞉go꞉ ne mo꞉kele asulab.  
\v 9 Hendele ne sagalo꞉ dowo꞉. Sagalo꞉ nilo꞉ a꞉ma꞉yo꞉ gililo꞉ hida꞉yo꞉ di a꞉namima. Ko꞉sega kele asulakilo꞉ hida꞉yo꞉ gililo꞉ di a꞉ma꞉yo꞉, gili asulo꞉wo꞉ a꞉ma꞉la꞉ nodo alifa꞉ ko꞉lo꞉, ne a꞉na sagalo꞉l. Hida꞉yo꞉ gilo꞉ di a꞉no꞉, Gode eyo꞉ gimo꞉wo꞉ dima꞉ki a꞉la꞉asulo꞉ ko꞉lo꞉, to nililo꞉ saga꞉fo꞉ a꞉ma꞉yo꞉ gio꞉ mo꞉mogagila꞉.  
\v 10 \x - \xo 7.10 \xt Madi 27.3-5, Hibu 12.16-17\x*Kele asulo꞉ Godeya a꞉la꞉ta꞉ga꞉lo꞉ fa꞉la꞉dowab a꞉ma꞉yo꞉, gili asulo꞉wo꞉ nodola꞉sa꞉ga꞉ foga꞉le sama꞉ki ga꞉sen. A꞉la꞉ta꞉ga꞉ asulo꞉wo꞉ nodolab a꞉namio꞉, gio꞉ a꞉ma꞉la꞉ gasiliaki, ko꞉ngo꞉ mela꞉no꞉ dimiakigab. Kele asulo꞉ o꞉leo꞉ngo꞉wo꞉ nafa ko꞉lo꞉, gio꞉ dia꞉no꞉wo꞉ mo꞉bea꞉so꞉bo. Ko꞉sega henfelo꞉ kaluwa꞉lo꞉ kele asulo꞉ a꞉ma꞉yo꞉, soma꞉no꞉ fa꞉la꞉do alitakigab.  
\v 11 Gio꞉ dinafa asuluma. Kele asulakilo꞉ hida꞉yo꞉ gimo꞉lo꞉ Godeya꞉lo꞉ dimiab a꞉ma꞉yo꞉, man nafale ko꞉li ko꞉lilo꞉ a꞉no꞉ gi amio꞉ fa꞉la꞉do alifa꞉. Man a꞉no꞉ we. Man nafayo꞉ gio꞉ iligi dimidan. Hala gililo꞉ dimido꞉ a꞉no꞉ bo꞉e digalema꞉no꞉ asulab. Hala dimidan a꞉no꞉ mada mo꞉bea꞉lab. Gio꞉ Godeyo꞉ tagio꞉ dowan. Giliyo꞉ ne o꞉lia꞉ a꞉ege doma꞉no꞉ asulab. Giliyo꞉ to nililo꞉ a꞉no꞉ kudu ha꞉na꞉no꞉ asulab. A꞉la꞉ta꞉ga꞉ giliyo꞉ kalu halalo꞉ dimidab a꞉no꞉ digalema꞉no꞉ asulan. Hala dimido꞉ a꞉no꞉ digalab amio꞉, gio꞉ halalo꞉ mo꞉dimido꞉wo꞉ o꞉ngo꞉ ba꞉da꞉sen.  
\v 12 Niyo꞉ mo꞉fo꞉s we sa꞉sa꞉lakiyo꞉, kaluwa꞉ hala dimido꞉ a꞉no꞉ ko꞉lo꞉ sio꞉ma. A꞉la꞉ta꞉ga꞉ hida꞉yo꞉lo꞉ di kaluka꞉isaleyo꞉ asuwa꞉foma꞉ki sa꞉sa꞉lo꞉ma. Ko꞉sega gio꞉ Godeya꞉ siwa꞉l amio꞉ ge nili mili hendele a꞉la꞉asuluma꞉ki a꞉na sa꞉sa꞉lo꞉.  
\v 13 A꞉la꞉fo꞉ko꞉lo꞉ man gililo꞉ dimido꞉ a꞉ma꞉yo꞉ nio꞉ halale alitaki, ha꞉sa mesea꞉ki ta꞉fo꞉ ko꞉lo꞉ nio꞉ sagalab.  
\p Ko꞉sega we ko꞉mba. Giliyo꞉ Taitusa꞉ ene asulo꞉wo꞉lo꞉ halale alifa꞉ ko꞉lo꞉, elo꞉ sagalaki, a꞉la꞉ta꞉ga꞉ nio꞉lo꞉ mada sagalo꞉wo꞉ alan dowo꞉.  
\v 14 Tamin amio꞉ niyo꞉ man nafa gililo꞉ a꞉no꞉ Taitusbo꞉wo꞉ sio꞉ ko꞉lo꞉, man gililo꞉ dimido꞉ a꞉ma꞉yo꞉ ne mo꞉sendelo alifa꞉. Ho꞉leno꞉ tambowo꞉ niliyo꞉ gimo꞉wo꞉ to hendeleyo꞉ ko꞉lo꞉ sa꞉la꞉sen. A꞉la꞉do꞉ sa꞉la꞉sen o꞉leaumbo꞉, Taitusbo꞉lo꞉ to sio꞉ a꞉no꞉lo꞉ hendele fa꞉la꞉dowo꞉.  
\v 15 Taitus e gilo꞉wa yab amio꞉, gio꞉ e ha꞉ga dowaki, e dinafa tili dowo꞉ ko꞉lo꞉, to elo꞉ sa꞉labo꞉ dinafa kudu ane. Taitus eyo꞉ gililo꞉ man dimidab a꞉no꞉ a꞉asulakiyo꞉, gimo꞉wo꞉ sagalaki, ha꞉fo꞉wo꞉ alan disa꞉lab.  
\v 16 Niyo꞉ gio꞉ mano꞉ mada nafale dimidama꞉ib a꞉la꞉asulo꞉ ko꞉lo꞉, ne mada sagalo꞉wo꞉ alan dowo꞉.   
\c 8  
\s1 Giliyo꞉ Keliso gao nolo꞉ asuwa꞉ta꞉bi  
\p
\v 1 \x - \xo 8.1 \xt Lom 15.26, 2Kol 9.1-2\x*Ni nao nado i, ha꞉fo꞉ disa꞉lan man a꞉no꞉ Masedonia sa꞉s kaluka꞉isaleya꞉lo꞉ Godeya a꞉la꞉ta꞉ga꞉lo꞉ di a꞉no꞉ gimo꞉ sa꞉ma꞉nigo꞉l.  
\v 2 Hida꞉yo꞉ alano꞉ ilo꞉wa fa꞉la꞉dowa꞉labikiyo꞉, iyo꞉ wa꞉feyo꞉ kaluwo꞉ o꞉ngo꞉ dowo꞉. Ko꞉sega iyo꞉ hida꞉yo꞉ a꞉no꞉ dia꞉likiyo꞉, sagalo꞉wo꞉ alan dowaki, Keliso kaluka꞉isale Yudia hen amilo꞉ sab i a꞉no꞉ asuwa꞉takiyo꞉, iliyo꞉ moleyo꞉ modo꞉ ko꞉lo꞉ kegea꞉sa꞉ga꞉ dimi.  
\v 3 Man ililo꞉ dimido꞉ a꞉no꞉ ne ba꞉ba꞉ ko꞉lo꞉ fanda sa꞉ma꞉nigo꞉l. Ililo꞉ mole da꞉lab a꞉no꞉ aloba꞉da꞉sa꞉ga꞉, heb ililo꞉ aumbo꞉ da꞉fea꞉sa꞉ga꞉ dimiaki, a꞉la꞉ta꞉ga꞉ heb nolo꞉lo꞉ a꞉bata꞉ga꞉ dimi. Ililo꞉ dimidama꞉no꞉ a꞉no꞉ noma꞉yo꞉ mo꞉dibodaki, inido꞉ asulab aumbo꞉ dimi.  
\v 4 Masedonia kalu iliyo꞉, tilidabu kaluka꞉isale Yudialo꞉ sab i a꞉no꞉ asuwa꞉fa꞉no꞉wo꞉ mada alan asulakiyo꞉, “Niliyo꞉lo꞉ dimia꞉no꞉wo꞉ o꞉liya꞉le” a꞉la꞉liki dabu ba꞉da꞉len.  
\v 5 Nili asulakiyo꞉ iliyo꞉ moleyo꞉ dimia꞉ib a꞉la꞉asulo꞉ ko꞉sega, dimian man nafa a꞉no꞉ ili tinio꞉ ko꞉lo꞉lab. Tamin amio꞉ inin ko꞉le Alanbo꞉ dimia꞉sa꞉ga꞉yo꞉, iyo꞉ Godeya꞉lo꞉ asulab au kudu ha꞉naki, ni o꞉lia꞉yo꞉lo꞉ ha꞉fo꞉wo꞉ disa꞉.  
\v 6 A꞉la꞉fo꞉ko꞉lo꞉ niliyo꞉ Taitus e a꞉ma꞉la꞉ gilo꞉wa mena꞉kiyo꞉ sio꞉. Taitus e tamina gilo꞉wa silikiyo꞉, dimia꞉no꞉ mole gililo꞉ a꞉no꞉ e mo꞉mo꞉da kegeo꞉. O꞉go꞉ Yudia kaluka꞉isale o꞉lia꞉lo꞉ ha꞉fo꞉ disa꞉ma꞉no꞉ nanog elo꞉ mo꞉mo꞉do꞉ a꞉no꞉ giliyo꞉ kedefoma꞉kiyo꞉, niliyo꞉ Taitus emo꞉wo꞉ sio꞉.  
\v 7 \x - \xo 8.7 \xt 1Kol 16.1-2\x*Gio꞉ kelego꞉ tambo amio꞉ man nafale dimida꞉sen. Gili tilidabuwo꞉lo꞉, to gililo꞉ sa꞉lano꞉lo꞉, gili asulo꞉wo꞉lo꞉, man digalo꞉ gililo꞉ dimidama꞉no꞉wo꞉lo꞉, ni o꞉lia꞉lo꞉ ha꞉fo꞉ disa꞉lan a꞉no꞉lo꞉ tambo giliyo꞉ mada tinio꞉ ko꞉lo꞉lab. A꞉la꞉go꞉ko꞉lo꞉ gio꞉ ha꞉fo꞉ disa꞉lakiyo꞉, nanog wenamio꞉lo꞉ giliyo꞉ a꞉la꞉dimida꞉lubi.   
\p
\v 8 Giliyo꞉ mada a꞉la꞉dimida꞉bi a꞉la꞉bo꞉ niyo꞉ eleyo꞉ gimo꞉wo꞉ mo꞉saeto꞉l. Ko꞉sega gililo꞉ ha꞉fo꞉ disa꞉lan man a꞉no꞉ hendelo꞉b a꞉la꞉likiyo꞉, niyo꞉ alobana ba꞉ba꞉no꞉ asulab ko꞉lo꞉, ha꞉fo꞉ disa꞉lan man gililo꞉wo꞉lo꞉ a꞉la꞉ta꞉ga꞉ kalu nolba꞉lo꞉wo꞉lo꞉ dinafa dibibia꞉sa꞉ga꞉, alobana ba꞉ba꞉no꞉.  
\v 9 \x - \xo 8.9 \xt Madi 8.20, Fili 2.6-7\x*Nili Alan Ya꞉su Kelisowa꞉ ene ha꞉fo꞉ disa꞉ man a꞉no꞉ gio꞉ asululi ko꞉lo꞉lab. E kelego꞉wo꞉ modo꞉ ko꞉sega, gi asuwa꞉takiyo꞉ e wa꞉feyo꞉ kalu o꞉ngo꞉ fa꞉la꞉dowo꞉. E gi asuwa꞉takilo꞉ wa꞉feyo꞉ kalu dowo꞉ a꞉ma꞉yo꞉, gio꞉lo꞉ wilo꞉ doma꞉ki go꞉.  
\v 10 Mole kegenema꞉no꞉ nanogo꞉ we, no꞉no꞉n asulo꞉ ko꞉lo꞉ sa꞉ma꞉nigo꞉l. Dona ta꞉fo꞉ hononamio꞉, nanog a꞉no꞉ gili ko꞉le dimidama꞉no꞉ asula꞉sa꞉ga꞉yo꞉, tamina gili mo꞉mo꞉do꞉.  
\v 11 A꞉la꞉fo꞉ko꞉lo꞉ o꞉go꞉ giliyo꞉ nanog a꞉no꞉ mada kedela꞉bi. Tamin amilo꞉ gililo꞉ sagala꞉likilo꞉ mo꞉mo꞉da di o꞉leaumbo꞉, edakiyo꞉lo꞉ a꞉la꞉ka sagala꞉li kedela꞉bi. Gililo꞉ da꞉lab o꞉leaumbo꞉ dimia꞉bi.  
\v 12 \x - \xo 8.12 \xt Mak 12.43-44\x*Kalu abeyo꞉ kelego꞉wo꞉ Godemo꞉wo꞉ mada dimia꞉no꞉ asulalega, Gode eyo꞉ a꞉no꞉ ko꞉lo꞉ ba꞉da꞉sa꞉ga꞉ sagalema꞉ib. Ge moleyo꞉ alan deliki dimialikiyo꞉lo꞉, ha꞉lu deliki dimialikiyo꞉lo꞉, Gode eyo꞉ gemo꞉wo꞉ sagalema꞉ib.  
\v 13-14 Giliyo꞉ kaluka꞉isale nol asuwa꞉tab a꞉namio꞉, gio꞉ hida꞉yo꞉wo꞉ dima꞉ki so꞉lo꞉ba. O꞉go꞉ gi amio꞉ kelego꞉wo꞉ modo꞉ dowab a꞉namio꞉, iyo꞉ a꞉na asuwa꞉foma. A꞉la꞉ta꞉ga꞉ i amio꞉ kelego꞉wo꞉ modo꞉ dowalega, gio꞉lo꞉ a꞉na asuwa꞉fa꞉ib. A꞉la꞉dimida꞉lalikiyo꞉, gio꞉ tambo imilo꞉le dofo꞉mela꞉ib.  
\v 15 \x - \xo 8.15 \xt Kis 16.18\x*Godeya꞉ ene bugo꞉ amio꞉ towo꞉ a꞉la꞉sa꞉sa꞉lo꞉ ko꞉lo꞉ da꞉lab. “Kalu abeyo꞉ modo꞉lo꞉ kegeo꞉ a꞉ma꞉yo꞉ wala꞉ma꞉no꞉ hebdo꞉ mo꞉dowo꞉. A꞉la꞉ta꞉ga꞉ kalu abeyo꞉ ha꞉lula꞉sulo꞉ kegeo꞉ a꞉ma꞉yo꞉lo꞉, eyo꞉ ma꞉no꞉wo꞉ mo꞉kele dowo꞉.”   
\s1 Fo꞉l eyo꞉ kalu otaleno꞉ Kolin a꞉na iliga꞉fo꞉  
\p
\v 16 Gode eyo꞉ Taitusa꞉ asulo꞉wo꞉ da꞉galifa꞉ ko꞉lo꞉, nilo꞉ gimo꞉lo꞉ mada asuwa꞉fa꞉no꞉ asulab o꞉leaumbo꞉, eyo꞉ gio꞉ asuwa꞉fa꞉no꞉ asulab. A꞉la꞉fo꞉ko꞉lo꞉ niyo꞉ Godemo꞉wo꞉ mada o꞉m a꞉la꞉so꞉lo꞉l.  
\v 17 Niliyo꞉ e a꞉ma꞉la꞉ gilo꞉wa hamana꞉ki dabu ba꞉ba꞉ amio꞉, eyo꞉ o꞉lika꞉ a꞉la꞉sio꞉. Hendele e nanog a꞉no꞉ dimidama꞉no꞉wo꞉ mada alan asulab ko꞉lo꞉, ene asulo꞉ amio꞉ e gilo꞉wa mia꞉no꞉ asulufo꞉lab.  
\v 18 A꞉la꞉gabiki niliyo꞉ ao nowo꞉ e o꞉lia꞉ hamana꞉ki iliga꞉to꞉l. Sa꞉so꞉ tambo amio꞉, kalu a꞉no꞉ Godeya꞉ to nafa walama꞉no꞉wo꞉ o꞉lilo꞉biki ba꞉ba꞉.  
\v 19 A꞉la꞉ta꞉ga꞉ a꞉no꞉ ko꞉mba. Sa꞉s kaluka꞉isale wema꞉yo꞉ kalu a꞉no꞉ da꞉fea꞉sa꞉ga꞉, nio꞉ mole a꞉no꞉ Ya꞉lusalemo꞉ dia꞉ha꞉nab amio꞉ ni o꞉lia꞉ hamana꞉ki da꞉feyo꞉. Ha꞉fo꞉ disa꞉lan man nililo꞉ diab wema꞉no꞉, Alana꞉ wi a꞉no꞉ ko꞉lo꞉ dulugu alitaki a꞉la꞉ta꞉ga꞉, nio꞉ nao nolo꞉ asuwa꞉fa꞉no꞉ asulab a꞉la꞉li widakigab.  
\v 20 Nili mano꞉ kalu nolba꞉yo꞉ ba꞉da꞉ga꞉yo꞉, nio꞉ sada꞉dabena꞉kiyo꞉, nio꞉ mole alan we dia꞉ga꞉ ha꞉na꞉no꞉ a꞉namio꞉, kalu we o꞉lia꞉ tililia꞉ ha꞉na꞉no꞉.  
\v 21 Niliyo꞉ man digalo꞉ dimidama꞉no꞉ asulo꞉l. Digalo꞉ dimidama꞉no꞉ a꞉no꞉, Alana꞉ siwa꞉l amilo꞉ ko꞉mba. Kaluka꞉isaleya꞉ siwa꞉l amio꞉lo꞉ mano꞉ digalo꞉ dimidama꞉no꞉ asulab.   
\p
\v 22 A꞉la꞉ta꞉ga꞉ niliyo꞉ nao nowo꞉ a꞉la꞉ o꞉lia꞉ hamana꞉ki iliga꞉to꞉l. Niliyo꞉ kalu we nanog ko꞉li ko꞉lilo꞉wa da꞉fe kedo꞉ a꞉namio꞉, e ho꞉leno tambowo꞉ sagala꞉liki, nanogo꞉ dia꞉no꞉ ba꞉ba꞉. Kalu we gio꞉ moleyo꞉ hendele kegenema꞉ib a꞉la꞉asulaki, e gilo꞉ amilo꞉ mia꞉no꞉wo꞉ alan asulab.  
\v 23 Taituso꞉ no꞉no꞉n mili ko꞉lo꞉, gi asuwa꞉foma꞉kiyo꞉, e nanogo꞉ ne o꞉lia꞉yo꞉ dia꞉sen. Tilidabu kalu a꞉la꞉ nililo꞉ e o꞉lia꞉lo꞉ hamana꞉kilo꞉ iliga꞉fo꞉ a꞉no꞉, sa꞉sa꞉ da꞉fea꞉sa꞉ga꞉ iliga꞉fo꞉ ko꞉lo꞉, a꞉la꞉ma꞉ nanog dimidab a꞉na ilikiyo꞉, Ya꞉su Kelisowa꞉ wiyo꞉ ko꞉lo꞉ dulugu alitab.  
\v 24 \x - \xo 8.24 \xt 2Kol 7.13-14\x*A꞉la꞉go꞉ko꞉lo꞉ giliyo꞉ man nafa dimido꞉lo꞉b a꞉la꞉bo꞉, sa꞉s kaluka꞉isaleyo꞉ tambo asuluma꞉kiyo꞉, giliyo꞉ kalu otalen wemo꞉wo꞉ ha꞉fo꞉wo꞉ disa꞉la꞉bi. A꞉la꞉galikiyo꞉ nililo꞉ gi wi ko꞉lo꞉ dulugu sio꞉ a꞉no꞉, iliyo꞉lo꞉ hendelelo꞉b a꞉la꞉asuluma꞉ib.   
\c 9  
\s1 Keliso kaluka꞉isale nolo꞉ asuwa꞉fa꞉no꞉ a꞉lakiyo꞉, moleyo꞉ kegeo꞉  
\p
\v 1-2 \x - \xo 9.1-2 \xt 2Kol 8.1-7\x*Gililo꞉ Keliso kaluka꞉isale nolo꞉ asuwa꞉takilo꞉, mole dimia꞉no꞉ asulab a꞉no꞉ ne asulo꞉. Niyo꞉ gili wiyo꞉ Masedonia kaluka꞉isaleya꞉ siwa꞉l amio꞉ wabulu sa꞉la꞉sen. Niyo꞉ towo꞉ imo꞉wo꞉ a꞉la꞉sio꞉, “Kaluka꞉isale Akaya hen amilo꞉ sab a꞉ma꞉yo꞉ dona ta꞉fo꞉ hononamio꞉, moleyo꞉ iliga꞉fa꞉no꞉ a꞉la꞉liki dimidaefa꞉ ko꞉lo꞉lab,” a꞉la꞉sio꞉. Gililo꞉ dimido꞉ a꞉ma꞉yo꞉ ili asulo꞉wo꞉ digidalitabiki, iliyo꞉lo꞉ mole dimia꞉no꞉wo꞉ kedab. A꞉la꞉fo꞉ko꞉lo꞉ Keliso kaluka꞉isale asuwa꞉takilo꞉ boba kelego꞉ dimia꞉no꞉ a꞉no꞉ gio꞉ o꞉ma asulo꞉ ko꞉lo꞉, niyo꞉ wa꞉kabiyo꞉ sa꞉ma꞉no꞉wo꞉ mo꞉ililo꞉.  
\v 3 Ko꞉sega gili wi ko꞉lo꞉ dulugu sio꞉ a꞉no꞉ madali o꞉ngo꞉ dowabena꞉kiyo꞉, niyo꞉ nao otalen we gilo꞉wa iliga꞉to꞉l. Niyo꞉ giliyo꞉ mada dimia꞉ib a꞉la꞉sio꞉ ko꞉lo꞉, hendele gio꞉ dimidalia꞉ga꞉ dimina꞉kiyo꞉, kalu otalen we gilo꞉wa iliga꞉to꞉l.  
\v 4 Niyo꞉ Masedonia kalumo꞉wo꞉ giliyo꞉ moleyo꞉ mada dimia꞉ib a꞉la꞉liki sio꞉ ko꞉lo꞉, ne Masedonia kalu o꞉lia꞉ gilo꞉ amio꞉ yakiyo꞉, gio꞉ mo꞉dimidali elena ba꞉dalega, nio꞉ sendelowaki, a꞉la꞉ta꞉ga꞉ gio꞉lo꞉ sendeloma꞉ib a꞉la꞉asulo꞉l.  
\v 5 A꞉la꞉fo꞉ko꞉lo꞉ nao otalen we gio꞉ boba kelego꞉ dimia꞉no꞉ sio꞉ a꞉no꞉ dimidalima꞉kiyo꞉ tamina gilo꞉wa iliga꞉to꞉l. A꞉la꞉galikiyo꞉ ho꞉len nelo꞉ fa꞉la꞉dowab amio꞉, niyo꞉ moleyo꞉ mo꞉susi ha꞉iyo꞉l a꞉na ilikiyo꞉, gio꞉ hendele dimia꞉no꞉ dimidaefo꞉leno꞉lo꞉b a꞉la꞉widaki gab.   
\s1 Godemo꞉wo꞉ sagala꞉li dimia꞉bi  
\p
\v 6 \x - \xo 9.6 \xt Sndn 11.24-25\x*Gio꞉ to we dinafa asuluma. Kalu abeyo꞉ eyo꞉ ha꞉lula꞉su gelalega, ma꞉no꞉wo꞉ ha꞉lula꞉su dia꞉ib. A꞉la꞉ta꞉ga꞉ kalu abeyo꞉ eyo꞉ alan gelalega, ma꞉no꞉wo꞉ modo꞉ dia꞉ib.  
\v 7 A꞉la꞉fo꞉ko꞉lo꞉ ginin asulo꞉wa꞉yo꞉ dinafa alobanalia꞉sa꞉ga꞉, kelego꞉ dimia꞉no꞉ asulab a꞉no꞉ ko꞉lo꞉ dimia꞉bi. Asulo꞉ gilo꞉wo꞉ hida꞉yo꞉ ilikiyo꞉ mada dimia꞉so꞉bo. A꞉la꞉ta꞉ga꞉ kalu noma꞉ diboda sa꞉labiki dimio꞉l a꞉la꞉asulakiyo꞉ dimia꞉so꞉bo. A꞉la꞉do꞉ asulakilo꞉ dimiab a꞉no꞉ nafayo꞉ mo꞉doma꞉ib. Kaluka꞉isale abeyo꞉ sagala꞉likilo꞉ dimiab a꞉no꞉ Godeyo꞉ sagala꞉sen.  
\v 8 Godeya꞉ ene ha꞉fo꞉ disa꞉lan man a꞉no꞉ gi amio꞉ wa꞉li alifelema꞉ib. A꞉la꞉galikiyo꞉ ho꞉leno꞉ tambo kelego꞉ gilo꞉ da꞉lab a꞉no꞉ modo꞉ dowaki, nanog nafa ko꞉li ko꞉lilo꞉ a꞉no꞉ dimidama꞉kiyo꞉, walele ane dowa꞉mela꞉ib.  
\v 9 \x - \xo 9.9 \xt Song 112.9\x*Godeya꞉ ene bugo꞉ amio꞉ kalu abeyo꞉ Godelo꞉ kudu ha꞉nab a꞉ma꞉lo꞉ dimidama꞉ib a꞉no꞉ ko꞉lo꞉ sa꞉lakiyo꞉ a꞉la꞉sa꞉sa꞉lo꞉,  
\q1 “Kaluwa꞉lo꞉ fo fifan aumbo꞉, eyo꞉ wa꞉feyo꞉ kalumo꞉wo꞉ kelego꞉wo꞉ modo꞉ dimia꞉sen.  
\q2 Gode eyo꞉ man digalo꞉ elo꞉ dimidan a꞉no꞉leko꞉ asulufo꞉ mela꞉ib.”   
\m
\v 10 \x - \xo 9.10 \xt Ais 55.10\x*Gode eyo꞉ elo꞉ gelan kalumo꞉wo꞉ uso꞉ gelema꞉ki dimi ko꞉lo꞉, ma꞉no꞉ ma꞉no꞉ hendele a꞉no꞉lo꞉ dimia꞉sen. A꞉la꞉dimida꞉sen ko꞉lo꞉, Gode imilise eyo꞉ gimo꞉wo꞉lo꞉ uso꞉ gelema꞉kiyo꞉ modo꞉ dimia꞉ib ko꞉lo꞉, man digalo꞉ gilo꞉ a꞉ma꞉ ilikiyo꞉, Gode eyo꞉ fo hendeleyo꞉ modo꞉ heda꞉laliki a꞉na tula꞉mela꞉no꞉ ta꞉fa꞉ib.  
\v 11 \x - \xo 9.11 \xt 2Kol 1.11, 4.15\x*Giliyo꞉ ho꞉leno꞉ tambowo꞉ kalu nolbo꞉wo꞉ kelego꞉wo꞉ sagala꞉liki dimina꞉kiyo꞉, Gode eyo꞉ kelego꞉ ko꞉li ko꞉lilo꞉ a꞉no꞉ gimo꞉ dimia꞉ib. A꞉la꞉ta꞉ga꞉ boba kelego꞉ ko꞉lo꞉ gililo꞉ dimiab amilo꞉ nililo꞉ dia꞉ha꞉na꞉ga꞉lo꞉ dimia꞉no꞉ a꞉namio꞉, kaluka꞉isale modo꞉ i a꞉ma꞉yo꞉ Godemo꞉wo꞉ mada o꞉m a꞉la꞉sa꞉ma꞉ib.   
\p
\v 12 A꞉la꞉fo꞉ko꞉lo꞉ gililo꞉ nanog dimido꞉ a꞉ma꞉yo꞉, Godeya꞉ ene kaluka꞉isale Ya꞉lusalemdo꞉ sab a꞉no꞉ ko꞉lo꞉ asuwa꞉taki go꞉. A꞉la꞉ta꞉ga꞉ iyo꞉ kelego꞉wo꞉ kele dowo꞉wo꞉ mo꞉doma꞉ib ko꞉lo꞉, iliyo꞉ Godemo꞉wo꞉ mada o꞉m a꞉la꞉ sa꞉la꞉melea꞉ki go꞉.  
\v 13 Gio꞉ Kelisowa꞉ ene to nafa a꞉no꞉ tilida꞉da꞉sa꞉ga꞉ kudu ha꞉na꞉lab a꞉namio꞉, nanog nafa gililo꞉ dimidab a꞉ma꞉yo꞉, tilidabu gililo꞉ a꞉no꞉ ko꞉lo꞉ kalaba widaki gab. A꞉la꞉go꞉ko꞉lo꞉ kaluka꞉isale nolba꞉yo꞉ nanog gilo꞉ a꞉no꞉ nafale ba꞉dakiyo꞉, iliyo꞉ Godeyo꞉ ko꞉lo꞉ wabuluma꞉ib. A꞉la꞉ta꞉ga꞉ gililo꞉ kelego꞉ modo꞉ ko꞉lo꞉ imo꞉lo꞉ dimiab a꞉no꞉ a꞉la꞉ta꞉ga꞉, kaluka꞉isale nolbo꞉lo꞉ dimiab a꞉no꞉lo꞉, iyo꞉ ba꞉ba꞉ib ko꞉lo꞉, iliyo꞉ Godeya꞉ ene wiyo꞉ wabudaki dulugu sa꞉ma꞉ib.  
\v 14 Godeya꞉ ene ha꞉fo꞉ disa꞉lan mano꞉ gi amio꞉ mada ililifo꞉labo꞉lo꞉b a꞉la꞉bo꞉ iyo꞉ asuluma꞉ib. A꞉la꞉fo꞉ko꞉lo꞉ iliyo꞉ gio꞉ mada alan asulaki, gio꞉ ha꞉sa mesea꞉ki, Godemo꞉ dabu ba꞉daki, dulugu sa꞉la꞉mela꞉ib.  
\v 15 Godeya꞉ boba kelego꞉ nimo꞉lo꞉ dimi a꞉no꞉, mada alan ko꞉lo꞉ a꞉lab. Bo꞉ba a꞉no꞉ ko꞉lo꞉ digalelo꞉ fanda sa꞉ma꞉no꞉wo꞉ mo꞉ililo꞉. Niliyo꞉ Godeya꞉ ene boba dimi we mada o꞉m a꞉la꞉sa꞉la꞉mela꞉niki.   
\c 10  
\s1 Fo꞉l eyo꞉ kaluwa꞉lo꞉ e sada꞉da꞉lab a꞉no꞉ a꞉ma꞉la꞉ sio꞉  
\p
\v 1 \x - \xo 10.1 \xt 1Kol 2.3\x*Kalu nolba꞉yo꞉ towo꞉ nelo꞉ doba꞉da꞉yo꞉ diga꞉li sa꞉lakiyo꞉ a꞉la꞉sio꞉, “Fo꞉l e ni o꞉lia꞉lo꞉ elen ho꞉len a꞉namio꞉, e enena꞉ma꞉la꞉ ha꞉ga dowa꞉sen, ko꞉sega e ko꞉na꞉ dowakiyo꞉, eyo꞉ towo꞉ nimo꞉wo꞉ halaido꞉ sio꞉ ko꞉lo꞉lab.” Iliyo꞉ a꞉la꞉sio꞉ ko꞉sega, Ya꞉su e enena꞉ma꞉la꞉ ha꞉ga dowakilo꞉ ha꞉sa dowan o꞉leaumbo꞉, ne Ya꞉suwa꞉ man a꞉na dowakiyo꞉, to we gimo꞉wo꞉ sa꞉ma꞉nigo꞉l.  
\v 2 \x - \xo 10.2 \xt 1Kol 4.21\x*Kalu nolba꞉yo꞉ nio꞉ henfelo꞉ mano꞉ kudu ha꞉naki, nanogo꞉ a꞉na dimida꞉lab a꞉la꞉sa꞉la꞉lab ko꞉lo꞉, niyo꞉ towo꞉ i o꞉mo꞉wo꞉ halaido꞉ sa꞉ma꞉no꞉. Ko꞉sega ne gilo꞉wa yalikiyo꞉, to halaido꞉ o꞉leo꞉ngo꞉wo꞉ gimo꞉wo꞉lo꞉ sa꞉labena꞉ki, dinafa dowa꞉bi.  
\v 3 Kalu ne o꞉lia꞉lo꞉ eteab a꞉no꞉ buban aumbo꞉ dimida꞉lab. Nio꞉ hendele henfelo꞉ wena so꞉l, ko꞉sega henfelo꞉ kaluwa꞉lo꞉ kegakilo꞉ buban o꞉leaumbo꞉ nio꞉ a꞉la꞉bo꞉ mo꞉dimidan.  
\v 4 \x - \xo 10.4 \xt A꞉fe 6.13-17\x*Buban kelego꞉ ko꞉lo꞉ nililo꞉ ta꞉lisab we, henfelo꞉ wenamilo꞉ buban kelego꞉ o꞉leo꞉ngo꞉ma. Buban kelego꞉ wenamio꞉, Godeya꞉ ene halaido꞉wo꞉ a꞉lab ko꞉lo꞉, gis kaluwa꞉ halaido꞉ a꞉no꞉ o꞉li bidila꞉ma꞉ib.  
\v 5 Kalu nolba꞉yo꞉ towo꞉ madali sa꞉lakiyo꞉, asulo꞉ inido꞉wo꞉ iwalu dia꞉taki kaila꞉sen. A꞉la꞉do꞉ gab a꞉ma꞉yo꞉ kaluka꞉isaleyo꞉ Godeyo꞉ mo꞉fanda asuluma꞉kiyo꞉ togo꞉ ili ka꞉la꞉lab. Ko꞉sega asulo꞉ ililo꞉wo꞉, a꞉la꞉ta꞉ga꞉ to mo꞉lilo꞉ sa꞉lab a꞉no꞉lo꞉ tambo niliyo꞉ sana to꞉lolaki o꞉ngo꞉ma ta꞉ta꞉sen. A꞉la꞉ta꞉ga꞉ gis kalu ko꞉lo꞉ dibolo amilo꞉ to꞉lo alitan aumbo꞉, niliyo꞉ ili hala asulo꞉ a꞉no꞉ kalaba wido꞉ ko꞉lo꞉, ili asulo꞉wo꞉ nodola꞉sa꞉ga꞉, Keliso ko꞉lo꞉ kudu hamana꞉ki ta꞉ta꞉sen.  
\v 6 Giliyo꞉ Kelisowa꞉ ene towo꞉ tambo kudu ha꞉nalikiyo꞉, niliyo꞉ kalu abeyo꞉ a꞉la꞉iyaki, tolo꞉ mo꞉kudu ha꞉na꞉lab a꞉no꞉ tambo falasila꞉ma꞉no꞉.   
\p
\v 7 Giliyo꞉ kelego꞉ gililo꞉ ba꞉dab a꞉no꞉ mada dinafa aloba꞉da꞉bi. Kalu abeyo꞉ e hendele Ya꞉suwa꞉no꞉le dowo꞉l a꞉la꞉asulalega, e to we dinafa fanda asuluma꞉ib. E Ya꞉suwa꞉no꞉le dowo꞉ o꞉leaumbo꞉, nio꞉lo꞉ Ya꞉suwa꞉no꞉le dowo꞉l.  
\v 8 \x - \xo 10.8 \xt 2Kol 13.10\x*Alan eyo꞉ nio꞉ nanog we dima꞉kiyo꞉, da꞉fea꞉sa꞉ga꞉ wiyo꞉ dimi ko꞉lo꞉, tilidabu gililo꞉wo꞉ anama꞉kiyo꞉ nanog a꞉no꞉ nimo꞉ dimi. Tilidabu gililo꞉ a꞉no꞉ mogagila꞉ma꞉ki dimima. A꞉la꞉fo꞉ko꞉lo꞉ Gode elo꞉ nimo꞉lo꞉ wi dimi a꞉na ilikiyo꞉, niyo꞉ mo꞉sendelowaki, sagala꞉liki maloloma꞉no꞉.  
\v 9 Ko꞉sega niyo꞉ mo꞉fo꞉s we gio꞉ tagi alitaki sa꞉sa꞉lo꞉ a꞉la꞉bo꞉ asula꞉so꞉bo.  
\v 10 Kalu nolba꞉yo꞉ ne ko꞉lo꞉ sa꞉lakiyo꞉ a꞉la꞉sio꞉, “Fo꞉la꞉ mo꞉fo꞉s sa꞉sa꞉lo꞉ a꞉namio꞉, towo꞉ halaido꞉ ko꞉li ko꞉lilo꞉wo꞉ sa꞉sa꞉lifa꞉ ko꞉lo꞉ da꞉lab. Ko꞉sega eneno꞉ nilo꞉wa mio꞉ amio꞉, e halaido꞉lo꞉ma dowaki, to elo꞉ wido꞉ a꞉no꞉ o꞉ngo꞉malo꞉ngo꞉, fa꞉fa꞉selabi dabu.”  
\v 11 Kalu abeyo꞉ to o꞉leo꞉ngo꞉lo꞉ sa꞉lab i a꞉no꞉ to we dinafa asuluma. Ne heno꞉ ko꞉na꞉ dowakilo꞉ nilo꞉ mo꞉fo꞉s amilo꞉ gimo꞉lo꞉ to halaido꞉ sa꞉sa꞉liga꞉fo꞉ o꞉leaumbo꞉, ne ya꞉ga꞉ gi o꞉lia꞉ dowakiyo꞉, o꞉leauka halaido꞉ sa꞉ma꞉no꞉.  
\v 12 Kalu i a꞉ma꞉yo꞉ inin wiyo꞉ kailaki dulugu sa꞉la꞉lab. Kalu i a꞉ma꞉yo꞉ ne hendele tininila꞉ kibo꞉bowo꞉, ne no꞉no꞉na꞉ma꞉la꞉ kailakiyo꞉, ne i o꞉lia꞉yo꞉ imilo꞉ka꞉ a꞉la꞉bo꞉ mo꞉so꞉mo꞉lo. Ko꞉sega kalu i a꞉ma꞉yo꞉ a꞉la꞉bo꞉ dimida꞉sen. Iliyo꞉ ini mano꞉ imilo꞉wa꞉le a꞉la꞉liki da꞉fe ba꞉da꞉lab. A꞉la꞉ta꞉ga꞉ iliyo꞉ egelebo꞉ aloba꞉dakiyo꞉, mano꞉ abe tiniaba꞉le a꞉la꞉likiyo꞉lo꞉ da꞉fe keda꞉lab. Kalu abeyo꞉ a꞉la꞉do꞉ dimida꞉lab we asugdo꞉ma dowaki gab.   
\p
\v 13 \x - \xo 10.13 \xt Lom 12.3\x*Godeya꞉lo꞉ nanogo꞉ nimo꞉lo꞉ dimidama꞉kilo꞉ difa꞉ a꞉no꞉ko꞉ sagala꞉liki maloloma꞉nigo꞉l. Ko꞉sega kalu nolbo꞉lo꞉ dimidama꞉kilo꞉ dimi a꞉no꞉, niliyo꞉ sagala꞉liki mo꞉maloloma꞉no꞉ dowo꞉. Nanogo꞉ nililo꞉ gi o꞉lia꞉lo꞉ dimida꞉lo꞉l we, Godeya꞉lo꞉ nimo꞉lo꞉ nanog dimiyo꞉ us a꞉na da꞉lab ko꞉lo꞉, a꞉no꞉ malolo꞉ meaki so꞉lo꞉l.  
\v 14 Nio꞉ gilo꞉ amio꞉ ya꞉ga꞉yo꞉ towo꞉ mo꞉wido꞉ kibo꞉bowo꞉, nio꞉ sagala꞉likiyo꞉ mo꞉so꞉mo꞉lo. Ko꞉sega tamin amio꞉ nio꞉ gilo꞉ ami ko꞉le ya꞉ga꞉, Kelisowa꞉ to nafa a꞉no꞉ wido꞉. A꞉la꞉fo꞉ko꞉lo꞉ nanog dio꞉l wenamio꞉lo꞉ nio꞉ sagala꞉liki malolo꞉ mea꞉nigo꞉l.  
\v 15 Kalu nolba꞉lo꞉ nanog dimido꞉ a꞉namio꞉ ni dimido꞉ a꞉la꞉bo꞉ mo꞉kailaki sa꞉lan. Godeya꞉lo꞉ nanog nimo꞉lo꞉ dimidama꞉kilo꞉ dimi we, niliyo꞉ digale dimidama꞉no꞉ asulo꞉. Ko꞉sega asulo꞉ nililo꞉wo꞉ we. Gili tilidabuwo꞉ alan fa꞉la꞉dowalikiyo꞉, nanog nililo꞉ dio꞉l we gi usamio꞉lo꞉ alan fa꞉la꞉doma꞉ib.  
\v 16 A꞉la꞉ta꞉ga꞉ niliyo꞉ to nafayo꞉ gili fa꞉s amilo꞉ amisa꞉n kandayo꞉ a꞉namio꞉lo꞉ walama꞉ni ha꞉na꞉no꞉. Kalu nolo꞉ hen a꞉namio꞉ tamin amio꞉ walama꞉ni ane kibo꞉bowo꞉, nanog a꞉na ilikiyo꞉ nio꞉ sagala꞉likiyo꞉ mo꞉so꞉mo꞉lo. Ko꞉sega kalu nolo꞉ towo꞉ a꞉namio꞉ mo꞉walama꞉ni ane ko꞉lo꞉, nio꞉ a꞉na ha꞉nalega, niyo꞉ nanog a꞉no꞉ o꞉li sagala꞉li sa꞉ma꞉no꞉.  
\v 17 \x - \xo 10.17 \xt Jer 9.24, 1Kol 1.31\x*Ko꞉sega Godeya꞉lo꞉ bugo꞉ amilo꞉ sa꞉sa꞉lo꞉ o꞉leaumbo꞉, niliyo꞉ a꞉la꞉dimidama꞉niki. Bugo꞉ amio꞉ a꞉la꞉sio꞉ ko꞉lo꞉ da꞉lab, “Kalu abeyo꞉ ene wiyo꞉ duludakilo꞉ ka꞉ila꞉ma꞉no꞉ asulab a꞉no꞉, Kalu Alana꞉ wiyo꞉ ko꞉lo꞉ duludaki, nanog elo꞉ dimido꞉ a꞉no꞉ nafale a꞉la꞉sama,” a꞉la꞉sa꞉sa꞉lo꞉.  
\v 18 \x - \xo 10.18 \xt 1Kol 4.4\x*Nio꞉ asulo꞉. Kalu abeyo꞉ enena꞉ma꞉la꞉ sagalakilo꞉ ene wilo꞉ duludab a꞉no꞉, Godeya꞉ siwa꞉l amio꞉ kalu a꞉no꞉ wilo꞉ma doma꞉ib. Ko꞉sega kalu o꞉ba꞉le Alan eyo꞉ emo꞉lo꞉ sagalakilo꞉ e wilo꞉ duludab a꞉no꞉, e hendele wiyo꞉ doma꞉ib.   
\c 11  
\s1 Fo꞉l o꞉lia꞉ madali tolo꞉ widan kalu o꞉lia꞉ alobana ba꞉ba꞉  
\p
\v 1 Niyo꞉ to we ko꞉lo꞉ sa꞉lab amio꞉, giliyo꞉ ne no꞉nolaki, no꞉no꞉n wi ko꞉lo꞉ duludab a꞉la꞉asuluma꞉ib, ko꞉sega, niyo꞉ towo꞉ sama꞉ki ta꞉foma.  
\v 2 \x - \xo 11.2 \xt A꞉fe 5.26-27\x*Gio꞉ ga bolo꞉ kalulo꞉ mo꞉ba꞉ba꞉ o꞉ngo꞉ dowo꞉ ko꞉lo꞉, niyo꞉ gio꞉ Kelisomo꞉ samefo꞉len. Gio꞉ kalu gilo꞉ same imilig a꞉ma꞉no꞉ ko꞉lo꞉, gio꞉ kalu nolo꞉ mesela꞉sa꞉ga꞉ kudu ha꞉nalega, Gode elo꞉ mo꞉beakilo꞉ gadima꞉ib aumbo꞉, niyo꞉lo꞉ a꞉la꞉ka gadima꞉no꞉.  
\v 3 \x - \xo 11.3 \xt Mo꞉mo꞉ 3.4,13\x*Ko꞉sega taminde amilo꞉ sowa꞉ya꞉lo꞉ safa꞉ to sa꞉lakilo꞉ If ko꞉lo꞉ dikido꞉ man o꞉leaumbo꞉, gilo꞉ amio꞉lo꞉ fa꞉la꞉doma꞉ib. A꞉la꞉gab amio꞉ gili asulo꞉wo꞉ no꞉nolo alitalikiyo꞉, malilo꞉ man o꞉lia꞉, Keliso eko꞉ asula꞉sen man a꞉no꞉lia꞉yo꞉ gio꞉ ta꞉fo꞉ ha꞉na꞉ib ko꞉lo꞉ ne tagilab.  
\v 4 \x - \xo 11.4 \xt Gala 1.8-9\x*Nelo꞉ tagilabo꞉ mo꞉wo꞉ we. Kalu o꞉ba꞉le gilo꞉ amilo꞉ fa꞉la꞉dowab a꞉no꞉ giliyo꞉ e tililia꞉sa꞉ga꞉ kudu ha꞉na꞉sen. Tamin amio꞉ niliyo꞉ gimo꞉wo꞉ Ya꞉suwo꞉ wido꞉ ko꞉lo꞉ gio꞉ to a꞉na tilidabu. Ko꞉sega kalu nolo꞉ gilo꞉wa ya꞉sa꞉ga꞉yo꞉, Ya꞉su ko꞉li nowo꞉ widalega, giliyo꞉ kalu a꞉ma꞉ towo꞉ tili da꞉daki kudu ha꞉na꞉ib. Tamin amio꞉ gio꞉ Godeya꞉ Mamayo꞉ di ko꞉sega, kalu nolo꞉ gilo꞉wa ya꞉sa꞉ga꞉yo꞉, mama ko꞉li nowo꞉ dima a꞉la꞉liki widalega, giliyo꞉ to a꞉no꞉ tili da꞉daki kudu ha꞉na꞉ib. A꞉la꞉ta꞉ga꞉ tamin amio꞉ gio꞉ Godeya꞉ to nafayo꞉ da꞉da꞉sa꞉ga꞉ tilidabu ko꞉sega, to ko꞉li nolo꞉ a꞉da꞉dalega, gio꞉ a꞉no꞉lo꞉ tilida꞉ba꞉ib.  
\v 5 \x - \xo 11.5 \xt 1Kol 15.10, 2Kol 12.11\x*Madali tolo꞉ wida꞉lab kalu i a꞉ma꞉ enena꞉ma꞉la꞉ asulakiyo꞉, “Iliga꞉felo꞉ kalu alandeyo꞉, ni ko꞉lo꞉ dowo꞉” a꞉la꞉asulo꞉. Ko꞉sega niyo꞉ asulakiyo꞉, “Iliyo꞉ ne mo꞉tinio꞉ ko꞉lo꞉lab” a꞉la꞉asulo꞉.  
\v 6 \x - \xo 11.6 \xt 1Kol 2.1,13\x*Ne to man walama꞉no꞉wo꞉ hida꞉ dowab ko꞉sega, asulo꞉ nilo꞉ di we kele dowo꞉wo꞉ mada aundo꞉ma. Gio꞉ asulo꞉ nilo꞉ a꞉no꞉ fanda asululima꞉kiyo꞉, niliyo꞉ gimo꞉wo꞉ kalab amio꞉ wida꞉li sia꞉len.  
\v 7 \x - \xo 11.7 \xt 1Kol 9.18\x*Niyo꞉ Godeya꞉ ene to nafa a꞉no꞉ gimo꞉lo꞉ wida꞉len amio꞉, ne mole ha꞉iyakiyo꞉ mo꞉wida꞉len. Ne molelo꞉ mo꞉diakilo꞉ wida꞉len a꞉ma꞉yo꞉, no꞉no꞉n a꞉ma꞉la꞉yo꞉ gili ha꞉ga dowaki, gio꞉ ko꞉lo꞉ dulugu alitaki go꞉. Nilo꞉ man dimido꞉ a꞉no꞉ giliyo꞉ ne mogago꞉ dimido꞉ a꞉la꞉asulaya꞉le?  
\v 8 \x - \xo 11.8 \xt 2Kol 12.13, Fili 4.15-16\x*Ne gi asuwa꞉foma꞉kiyo꞉, sa꞉s nolba꞉yo꞉ ne asuwa꞉tab amio꞉, niyo꞉ moleyo꞉ a꞉na dia꞉sen. A꞉la꞉go꞉ko꞉lo꞉ ni man a꞉na ilikiyo꞉, kelego꞉ ililo꞉wo꞉ ni afale di o꞉leo꞉ngo꞉ dowa꞉sen.  
\v 9 Ho꞉len ne gi o꞉lia꞉lo꞉ elen a꞉namio꞉, ne kelego꞉wo꞉ kele dowab amio꞉, niyo꞉ gimo꞉wo꞉ hida꞉yo꞉wo꞉ mo꞉dimia꞉sen. Keliso kalu Masedonia a꞉la꞉ta꞉ga꞉lo꞉ mio꞉ i a꞉ma꞉yo꞉, ne asuwa꞉taki dimia꞉sen. A꞉la꞉dimida꞉likiyo꞉, niyo꞉ hida꞉yo꞉wo꞉ gimo꞉wo꞉ mo꞉dimia꞉len. A꞉la꞉ta꞉ga꞉ tif amio꞉lo꞉ mo꞉dimia꞉mela꞉no꞉.  
\v 10 Ya꞉su Kelisowa꞉ ene to hendeleyo꞉ ne o꞉lia꞉ a꞉lab ko꞉lo꞉, niyo꞉ to hendeleyo꞉ dinali saeto꞉l. Gimo꞉ wida꞉likiyo꞉ moleyo꞉ mo꞉ha꞉iya꞉len ko꞉lo꞉, no꞉no꞉ wiyo꞉ dulugu sa꞉la꞉mela꞉no꞉. A꞉la꞉ta꞉ga꞉ Akaya heno꞉ tambo amio꞉, kalu imilig noma꞉yo꞉ mada mo꞉ka꞉ma꞉ib.  
\v 11 Nilo꞉ a꞉la꞉do꞉ dimido꞉wo꞉ mo꞉wo꞉ ha꞉? Niyo꞉ gio꞉ mada alano꞉ mo꞉asulo꞉ ko꞉lo꞉ gaba꞉le? Niyo꞉ gio꞉ mada hendele alan asulo꞉ a꞉la꞉bo꞉, Gode elo꞉ asulo꞉ ko꞉lo꞉ a꞉lab.   
\p
\v 12 Kalu nolba꞉yo꞉ nili wiyo꞉ dia꞉ga꞉ ha꞉ga dia꞉taki, inin wi wabuluma꞉no꞉ dowakiyo꞉, kaluka꞉isaleya꞉ siwa꞉l amio꞉, iyo꞉ ni o꞉lia꞉ da꞉feaki togo꞉ kedab. Ko꞉sega ililo꞉ dimidama꞉no꞉ a꞉no꞉ togo꞉ ka꞉lakiyo꞉, man nilo꞉ dimida꞉len a꞉no꞉ a꞉la꞉ka dimida꞉i ha꞉na꞉mela꞉no꞉.  
\v 13 Mo꞉wo꞉ kalu i we hendele iliga꞉felo꞉ kaluma. Iyo꞉ madali nanog dimidakilo꞉ dikili sa꞉lan kaluwo꞉ o꞉m. Nolba꞉yo꞉ iyo꞉ Kelisowa꞉lo꞉ iliga꞉felo꞉ kalu hendeleyo꞉ o꞉leo꞉ngo꞉ bo꞉ba꞉kiyo꞉, iyo꞉ da꞉feaki dede dimido꞉.  
\v 14 Ko꞉sega nio꞉ man ililo꞉ dimidab a꞉no꞉ ba꞉da꞉sa꞉ga꞉yo꞉ mo꞉iligima꞉no꞉. Mo꞉wo꞉ Sa꞉da꞉na꞉ e, Godeya꞉ ene ma꞉mul kalu ho꞉len fo꞉fo꞉lesodo꞉wo꞉ o꞉leo꞉ngo꞉ fa꞉la꞉dowabo꞉lo꞉b a꞉la꞉bo꞉ba꞉kiyo꞉, dedaki dimida꞉lab.  
\v 15 A꞉la꞉fo꞉ko꞉lo꞉ Sa꞉da꞉na꞉ya꞉ ene nanog dian kalu iyo꞉, digalo꞉ nanog dian kalu i o꞉leo꞉ngo꞉ fa꞉la꞉doma꞉no꞉ a꞉lakiyo꞉, dedakilo꞉ dimidab a꞉namio꞉, gio꞉ iliga꞉so꞉bo.   
\s1 Fo꞉l e iliga꞉felo꞉ kalu nanog dimidab amio꞉, hida꞉yo꞉wo꞉ modo꞉ dia꞉i ane  
\p
\v 16 Niyo꞉ to we gimo꞉wo꞉ wa꞉ka sa꞉ma꞉nigo꞉l. Giliyo꞉ ne no꞉nolaki babale sa꞉lab a꞉la꞉bo꞉ asula꞉so꞉bo. Ko꞉sega giliyo꞉ ne no꞉nolaki babale sa꞉lab a꞉la꞉asulalega, a꞉no꞉lo꞉ o꞉li ko꞉m. Ko꞉sega giliyo꞉ no꞉nolo꞉ kaluwo꞉ a꞉naka melea꞉kilo꞉ ta꞉ta꞉sen o꞉leaumbo꞉, nelo꞉ no꞉no꞉n wiyo꞉ wabuluma꞉ki ka ta꞉ta꞉bi.  
\v 17 To nilo꞉ we, Kalu Alana꞉lo꞉ asulab au so꞉lo꞉ba. Ne no꞉nolo꞉ kaluwa꞉lo꞉ to sa꞉lan a꞉gaki, no꞉no꞉n wiyo꞉ a꞉na wabudaki so꞉lo꞉l.  
\v 18 Kalu nolo꞉ henfelo꞉ man a꞉no꞉ ko꞉lo꞉ kudu ha꞉nakiyo꞉, inin wiyo꞉ ko꞉lo꞉ wabuda꞉len. A꞉la꞉go꞉ko꞉lo꞉ niyo꞉lo꞉ no꞉no꞉n wiyo꞉ wabuluma꞉no꞉.  
\v 19 Gili asulakiyo꞉, gio꞉ asulo꞉ nafaleyo꞉ di a꞉la꞉asulab ko꞉sega, kalu no꞉nolakilo꞉ to halalo꞉ sa꞉lab i a꞉no꞉ gili tilidowaki, i a꞉no꞉ ko꞉lo꞉ kudu ha꞉na꞉lab.  
\v 20 Kalu i a꞉ma꞉yo꞉ gio꞉ madali nanog dima꞉ki dibodalikiyo꞉lo꞉, kelego꞉ gililo꞉wo꞉ ili tambo kedelalikiyo꞉lo꞉, gio꞉ madali dikidaki afale dialikiyo꞉lo꞉, iyo꞉ kalu alan a꞉laki kailalikiyo꞉lo꞉, iliyo꞉ gili babowa yamelalikiyo꞉, giliyo꞉ ililo꞉ asulab o꞉leau ka dimidama꞉ki ta꞉ta꞉sen.  
\v 21 \x - \xo 11.21 \xt Fili 3.5\x*Ha꞉iyo꞉. Halaido꞉ ililo꞉ dowab a꞉no꞉ ni amio꞉ dowo꞉ kibo꞉bowo꞉, ililo꞉ dimidab o꞉leaumbo꞉, niliyo꞉lo꞉ o꞉li dimidamo꞉lo. Ko꞉sega ni amio꞉ halaido꞉ o꞉leo꞉ngo꞉wo꞉ mada aundo꞉ma ko꞉lo꞉ ne sendelowab.  
\p Ko꞉sega kalu i wema꞉lo꞉ inin wi ko꞉lo꞉ wabudab o꞉leaumbo꞉, niyo꞉lo꞉ no꞉no꞉n wiyo꞉ a꞉la꞉wabudaki sa꞉ma꞉nigo꞉l. Ne no꞉nolo꞉ kalu a꞉la꞉do꞉ sa꞉lab a꞉no꞉ ko꞉lo꞉ so꞉lo꞉l.  
\v 22 Madalilo꞉ widan kalu iyo꞉ Hibulu kaluwa꞉le? A꞉, iyo꞉ Hibulu kalu a꞉la꞉ta꞉ga꞉ nelo꞉ Hibulu kalu. Iyo꞉ Isolael kaluwa꞉le? A꞉, iyo꞉ Isolael kalu. Nelo꞉ Isolael kalu. Iyo꞉ Ablahama꞉ ene eso꞉lo꞉wa a꞉la꞉ta꞉ga꞉ mio꞉wa꞉le? A꞉, nelo꞉ Ablahama꞉ ene eso꞉lo꞉wa a꞉la꞉ta꞉ga꞉ mio꞉.  
\v 23 \x - \xo 11.23 \xt Ilig 16.23\x*Iyo꞉ Kelisowa꞉ ene nanogdo꞉ dian kaluwa꞉le? A꞉, ko꞉sega ne Kelisowa꞉ ene nanog dian kalu nafale dowaki, nanog ililo꞉ dimida꞉lab a꞉no꞉ ni tininila꞉ ko꞉lo꞉lab. Ne no꞉nolo꞉ kaluwa꞉lo꞉ to sa꞉la꞉sen o꞉leo꞉ngo꞉ so꞉lo꞉l. Nanog halaido꞉ nilo꞉ dia꞉len a꞉ma꞉yo꞉, iyo꞉lo꞉ ni tininila꞉ ko꞉lo꞉lab. Ho꞉len modo꞉ ko꞉lo꞉ ne dibolo amilo꞉ disa꞉la꞉len a꞉namida꞉yo꞉, iyo꞉ ni tinio꞉. Nolba꞉yo꞉ ne alan yame tandea꞉labikiyo꞉, hida꞉yo꞉ a꞉namilo꞉ nilo꞉ di a꞉ma꞉yo꞉, kalu i a꞉no꞉ ni tinio꞉. Ho꞉leno꞉ modo꞉ amio꞉ ne ko꞉na꞉ma soma꞉no꞉ dowo꞉.  
\v 24 \x - \xo 11.24 \xt Lo 25.3\x*Yuda kalu iliyo꞉ me olo꞉ a꞉ma꞉lo꞉ ne ko꞉lo꞉ yamela꞉lowo꞉wo꞉, do꞉la꞉fo꞉ otalen a꞉la꞉ta꞉ga꞉ agado꞉la꞉fo꞉. A꞉la꞉do꞉ dimida꞉lowo꞉ agelo꞉wo꞉ ho꞉len bila꞉fo꞉ fa꞉la꞉dowo꞉.  
\v 25 \x - \xo 11.25 \xt Ilig 16.22, 14.19\x*Nolba꞉yo꞉ ne ko꞉lo꞉ biya꞉lo꞉ yame tandea꞉lowo꞉wo꞉, ho꞉len otalen fa꞉la꞉dowo꞉. A꞉la꞉ta꞉ga꞉ ho꞉len imilig no amio꞉ ne uwa꞉ agodo꞉. Ho꞉n ko꞉su nelo꞉ disa꞉fo꞉ ha꞉nab amilo꞉ mogaga꞉lowo꞉wo꞉ otalen fa꞉la꞉dowo꞉. A꞉la꞉ta꞉ga꞉ nulu imilise, ho꞉len imilise a꞉la꞉fo꞉wo꞉ ne so꞉lu ho꞉n wa꞉la ha꞉lelia꞉ sia꞉len.  
\v 26 \x - \xo 11.26 \xt Ilig 9.23, 14.5\x*Ho꞉leno꞉ tambo nelo꞉ sia꞉lab amio꞉, hida꞉yo꞉wo꞉ ko꞉li ko꞉lilo꞉ ba꞉da꞉sen. Ho꞉n ta꞉nowa꞉i ha꞉na꞉lab amio꞉, hida꞉yo꞉wo꞉ dia꞉sen. Afalo꞉ dian kalu iliyo꞉, hida꞉yo꞉wo꞉ dimia꞉sen. Niasi kalu iliyo꞉ ne dikidiaki hida꞉yo꞉wo꞉ dimia꞉sen. A꞉la꞉ta꞉ga꞉ Yu kaluka꞉isalema iliyo꞉lo꞉ ne dikidiaki hida꞉yo꞉wo꞉ dimia꞉sen. Ne amisa꞉n alan amio꞉lo꞉, kalulo꞉ma hen a꞉namio꞉lo꞉ hida꞉yo꞉wo꞉ ba꞉da꞉sen. Ne so꞉lu ho꞉n usa ha꞉nab amio꞉lo꞉, hida꞉yo꞉wo꞉ dia꞉sen. A꞉la꞉ta꞉ga꞉ madali Keliso dowo꞉ iliyo꞉lo꞉ nemo꞉wo꞉ hida꞉yo꞉wo꞉ dimia꞉sen.  
\v 27 Ho꞉leno꞉ tambowo꞉ niyo꞉ nanogo꞉ halaido꞉ ko꞉li ko꞉lilo꞉ diaki, nuluwo꞉lo꞉ dia꞉likiyo꞉, ne mo꞉alila꞉sen. A꞉la꞉ta꞉ga꞉ ne ma꞉no꞉ maiyo꞉ o꞉lia꞉ ho꞉n maiyo꞉ o꞉lia꞉yo꞉ alan dowa꞉sen. Ho꞉len nolo꞉ hidab amio꞉ ne hido꞉ so꞉g ka꞉ma꞉no꞉wo꞉ aundo꞉ma dowa꞉sen.  
\v 28 Hida꞉yo꞉ we ko꞉mba. Niyo꞉ to nowo꞉ a꞉sa꞉ma꞉nigo꞉l. Sa꞉so꞉ tambowo꞉ nafa mesea꞉kiyo꞉, niyo꞉ waga tili doma꞉no꞉wa꞉le a꞉la꞉bo꞉, ho꞉leno꞉ tambowo꞉ ne alan kele asula꞉sen.  
\v 29 Keliso kaluka꞉isaleya꞉ ini tilidabuwo꞉ halaido꞉lo꞉ma dowab amio꞉, nelo꞉ nofolaki, kele asula꞉sen. A꞉la꞉ta꞉ga꞉ kalu noma꞉yo꞉ Keliso kaluwo꞉ susululia꞉sa꞉ga꞉, man mogago꞉wo꞉ dimidab amio꞉, ne mo꞉beaki kulufa꞉ya꞉sen. \fig Ho꞉n ko꞉suwo꞉ mogagabiki, ne so꞉lu ho꞉n wa꞉la ha꞉lelia꞉ sia꞉len.|alt="Shipwrecked" src="44_Ac_27_22_RG_gr.tif" size="col" copy="© Sweet Publishing http://sweetpublishing.com, licensed under a CC: BY-SA 3.0 Unported licence." ref="11.25" \fig*   
\p
\v 30 No꞉no꞉n wi wabuluma꞉no꞉wo꞉ mo꞉asulab ko꞉sega, kalu nolba꞉yo꞉ ini wiyo꞉ wabudab ko꞉lo꞉, niyo꞉ to we sa꞉ma꞉nigo꞉l. Kelego꞉ ne amilo꞉ fa꞉la꞉dowab a꞉ma꞉ sa꞉lakiyo꞉, ne amio꞉ halaido꞉lo꞉malo꞉b a꞉la꞉widaki gab ko꞉lo꞉, ne halaido꞉lo꞉ma dowab a꞉ma꞉ ilikiyo꞉, no꞉no꞉n wiyo꞉ a꞉na wabuluma꞉no꞉.  
\v 31 Nili Alan Ya꞉suwa꞉ iya Gode, E wilo꞉ a꞉lab ko꞉lo꞉, niliyo꞉ e wabuda꞉mela꞉no꞉. A꞉la꞉ta꞉ga꞉ niyo꞉ madali towo꞉ mo꞉sa꞉lab a꞉la꞉bo꞉, Gode ene asulufo꞉lab.  
\v 32 \x - \xo 11.32 \xt Ilig 9.23-25\x*Damaskas amisa꞉n a꞉namio꞉, amisa꞉ndo꞉ bo꞉fo꞉lowan misa꞉ kalu e, gamani misa꞉ kalu alan Aletas e ha꞉ga dowo꞉ ko꞉lo꞉, amisa꞉ndo꞉ bo꞉fo꞉lowan kalu eyo꞉ ne ta꞉lima꞉ki a꞉la꞉ta꞉ga꞉yo꞉, ame kaluwo꞉ toga bo꞉fo꞉melea꞉ki ta꞉fo꞉.  
\v 33 Ko꞉sega no꞉no꞉n miliya꞉yo꞉ ne asa disa꞉la꞉sa꞉ga꞉yo꞉, amisa꞉n alan amilo꞉ ilif tolo꞉ ho꞉ gulu a꞉nami hena to꞉lolo꞉. A꞉la꞉gabiki, gamani kalu iliyo꞉ ne mo꞉ta꞉liabiki, ga꞉li ane.   
\c 12  
\s1 Fo꞉l elo꞉ ofo ba꞉ba꞉ o꞉lia꞉ e halaido꞉lo꞉ma dowo꞉ o꞉lia꞉yo꞉ kolo꞉ sio꞉  
\p
\v 1 Man wema꞉yo꞉ hendele mo꞉asuwa꞉fa꞉ib ko꞉sega, niyo꞉ no꞉no꞉n wiyo꞉ a꞉wabuluma꞉nigo꞉l. Alana꞉ to ko꞉lo꞉ wo꞉no꞉lelo꞉ delen a꞉no꞉ kalaba wido꞉ o꞉lia꞉, ofolo꞉ ba꞉dan man a꞉no꞉lia꞉yo꞉ niyo꞉ sa꞉ma꞉nigo꞉l.  
\v 2 Ne asulo꞉, donayo꞉ do꞉ a꞉la꞉ta꞉ga꞉ fa꞉la꞉da꞉ino꞉ ta꞉ta꞉ga꞉ mio꞉ a꞉namio꞉, Keliso kalu nowo꞉\f + \fr 12.2 \ft Fo꞉l eyo꞉ ene wiyo꞉ mo꞉duluba꞉no꞉ asulakiyo꞉, kelego꞉ e amilo꞉ fa꞉la꞉dowo꞉ a꞉no꞉, kalu noma꞉lo꞉ dimido꞉wo꞉ au bale sio꞉. \f* Gode eyo꞉ kalu a꞉no꞉ dia꞉sa꞉ga꞉, Hebene hen asol, Godelo꞉ a꞉lab a꞉na dia꞉gane. E do꞉mo꞉ o꞉lia꞉ anelalikiyo꞉lo꞉, o꞉ e do꞉mo꞉wo꞉ ta꞉ta꞉ga꞉ anelalikiyo꞉lo꞉, ne mo꞉asulab, ko꞉sega Gode e asulo꞉ ko꞉lo꞉lab.  
\v 3-4 Kalu a꞉no꞉ Gode eyo꞉ ene sagalema꞉no꞉ hen a꞉na tililia꞉gane, niyo꞉ a꞉la꞉asulab. E do꞉mo꞉le a꞉laba꞉le, o꞉ do꞉mo꞉wo꞉ ta꞉fo꞉wa꞉le, ne mo꞉asulo꞉ ko꞉sega Gode e asulo꞉ ko꞉lo꞉lab. E a꞉na ha꞉na꞉sa꞉ga꞉yo꞉, to elo꞉ dabu a꞉no꞉ walama꞉no꞉wo꞉ aundo꞉ma dowo꞉ elena ba꞉ba꞉. A꞉la꞉ta꞉ga꞉ to a꞉no꞉ mo꞉sama꞉kiyo꞉, eleyo꞉ difa꞉.  
\v 5 Niyo꞉ kalu we o꞉ngo꞉ma꞉ wiyo꞉ o꞉li wabuluma꞉no꞉, ko꞉sega no꞉no꞉n wiyo꞉ mo꞉wabudaki, ne amilo꞉ halaido꞉lo꞉ma dowab a꞉no꞉leko꞉ wabuluma꞉no꞉.  
\v 6 Hendele no꞉no꞉n wiyo꞉ wabuluma꞉no꞉ dowo꞉ kibo꞉bowo꞉, to a꞉no꞉ halabo꞉ mo꞉so꞉mo꞉lo. Mo꞉wo꞉ ha꞉, niyo꞉ to hendeleyo꞉ ko꞉lo꞉ so꞉mo꞉lo. Ko꞉sega kalu noma꞉yo꞉ wi alano꞉ nemo꞉ dimiabena꞉kiyo꞉, niyo꞉ no꞉no꞉n wiyo꞉ mo꞉wabuluma꞉no꞉. Iliyo꞉ man nilo꞉ dimidabo꞉ ba꞉daki a꞉la꞉ta꞉ga꞉ to man nilo꞉ widabo꞉ da꞉dakiyo꞉, man a꞉no꞉ aloba꞉daki ne a꞉nami asuluma꞉ib.  
\v 7 \x - \xo 12.7 \xt Job 2.6\x*Gode eyo꞉ kelego꞉ nemo꞉lo꞉ kalab amilo꞉ wido꞉ a꞉no꞉, nafale dowaki, kelego꞉ nowo꞉ a꞉ma꞉ tininila꞉ ko꞉lo꞉lab. Ko꞉sega no꞉no꞉no꞉ ne nafale a꞉la꞉asulaki, nolo꞉ ni tinio꞉ a꞉la꞉ asulabena꞉kiyo꞉, Gode eyo꞉ kelego꞉ nowo꞉, ni do꞉mo꞉ amilo꞉ do꞉mo gulu alifa꞉ o꞉ngo꞉ ko꞉lo꞉, ne amio꞉ fa꞉la꞉doma꞉ki ta꞉fo꞉. Kelego꞉ a꞉no꞉, Sa꞉da꞉na꞉ya꞉ iliga꞉felo꞉ kalu o꞉ngo꞉ dowaki, ne mogagila꞉ma꞉ki mio꞉.  
\v 8 Niyo꞉ ho꞉len otalen a꞉namio꞉, kelego꞉ a꞉no꞉ dila꞉ma꞉kiyo꞉, Alanbo꞉wo꞉ halaido꞉ dulugu sio꞉.  
\v 9 \x - \xo 12.9 \xt Fili 4.11-13\x*Ko꞉sega eyo꞉ nemo꞉wo꞉ a꞉la꞉sio꞉, “Halaido꞉ nilo꞉ma꞉yo꞉ kaluka꞉isale halaido꞉lo꞉ma dowab a꞉no꞉ mada ilili alita꞉sen. A꞉la꞉fo꞉ko꞉lo꞉ nili ha꞉fo꞉ disa꞉lan man a꞉no꞉ gi ami ege alima꞉ib. Kaluka꞉isaleyo꞉ halaido꞉lo꞉ma dowab amio꞉, halaido꞉ nilo꞉wo꞉ mada alan dowaki, ha꞉fo꞉ disa꞉lan man nilo꞉ma꞉yo꞉ gio꞉ o꞉li ilili alifa꞉no꞉.” Alan eyo꞉ a꞉la꞉sio꞉. A꞉la꞉fo꞉ko꞉lo꞉ Kelisowa꞉ ene halaido꞉wo꞉ ne amio꞉ doma꞉kiyo꞉, ne halaido꞉lo꞉ma dowab a꞉no꞉ sagalaki kalaba sa꞉ma꞉no꞉.  
\v 10 A꞉la꞉go꞉ko꞉lo꞉ Kelisowa꞉ ene wiyo꞉ duluguma꞉kiyo꞉, ne halaido꞉lo꞉ma dowab amio꞉lo꞉, kalu noma꞉yo꞉ ne wa꞉la꞉ sa꞉ndab amio꞉lo꞉, hida꞉yo꞉ ko꞉li ko꞉lilo꞉ a꞉no꞉ nelo꞉wa fa꞉la꞉dowab amio꞉lo꞉, kalu noma꞉yo꞉ ne mogagilab amio꞉lo꞉, ne sagala꞉sen. Mo꞉wo꞉ no꞉no꞉n ne halaido꞉lo꞉ma dowab amio꞉, ho꞉len a꞉namio꞉ ne hendele halaido꞉wo꞉ a꞉na dowa꞉sen.   
\s1 Fo꞉l eyo꞉ Kolin tilidabu kaluka꞉isale a꞉no꞉ nafa mesea꞉ki asula꞉sen  
\p
\v 11 \x - \xo 12.11 \xt 2Kol 11.5\x*To nilo꞉ so꞉lo꞉l we, ne no꞉nolo꞉ kalu o꞉ngo꞉ dofo꞉liki so꞉lo꞉l. Giliyo꞉ nemo꞉lo꞉ dimido꞉ a꞉ma꞉ ilikiyo꞉ niyo꞉ a꞉na so꞉lo꞉l. Giliyo꞉ man nafa nilo꞉wo꞉ o꞉li sahadaloma꞉no꞉ dowo꞉ ko꞉sega, giliyo꞉ a꞉la꞉bo꞉ mo꞉dimidaliki, to a꞉no꞉ no꞉no꞉n sahadalowo꞉. Giliyo꞉ kalu nolo꞉, iliga꞉felo꞉ kalu alandeyo꞉ o꞉m a꞉la꞉asulab. Hendele ne wilo꞉ma kalu, ko꞉sega nanog ililo꞉ dimido꞉ a꞉ma꞉yo꞉ nilo꞉ dimida꞉sen a꞉no꞉ mo꞉tinio꞉ ko꞉lo꞉lab.  
\v 12 \x - \xo 12.12 \xt Lom 15.19\x*Ne gi o꞉lia꞉ elen amio꞉, hida꞉yo꞉wo꞉ diaki halaido꞉ kagatakiyo꞉, ele ba꞉ba꞉no꞉ kelego꞉wo꞉lo꞉, nanog halaido꞉wo꞉lo꞉, molo ha꞉na꞉no꞉ ko꞉li ko꞉lilo꞉ a꞉no꞉lo꞉ gimo꞉wo꞉ wida꞉len. Gio꞉ ne iliga꞉felo꞉ kalu hendelo꞉b a꞉la꞉bo꞉ba꞉kiyo꞉, niyo꞉ man a꞉no꞉ ko꞉lo꞉ wida꞉len.  
\v 13 \x - \xo 12.13 \xt 2Kol 11.9\x*Giliyo꞉, “Fo꞉l eyo꞉ sa꞉s nolbo꞉wo꞉ mada nafale asuwa꞉tab ko꞉sega nimo꞉wo꞉ hebda꞉su asuwa꞉tab,” a꞉la꞉asulab. Hendele nilo꞉ sa꞉s nol amilo꞉ dimida꞉sen a꞉no꞉, niyo꞉ gimo꞉wo꞉lo꞉ man imilig a꞉no꞉ko꞉ dimido꞉. Ko꞉sega kelego꞉ imilise nowo꞉ gilo꞉ amio꞉ niyo꞉ mo꞉dimido꞉. Niyo꞉ ma꞉no꞉lo꞉ doba꞉da꞉lo꞉ ne ko꞉lo꞉ bo꞉fo꞉mela꞉no꞉wo꞉ gimo꞉wo꞉ moleyo꞉ mo꞉ha꞉iyo꞉. A꞉no꞉ ne hala go꞉wa꞉le? A꞉la꞉go꞉lalega giliyo꞉ nilo꞉ hala dimido꞉ a꞉no꞉ ga꞉lila꞉bi.   
\p
\v 14 O꞉go꞉ ne gilo꞉ amio꞉ asol mia꞉nigo꞉l ko꞉lo꞉, ho꞉len a꞉namio꞉lo꞉ niyo꞉ gimo꞉wo꞉ moleyo꞉ mo꞉ha꞉nima꞉no꞉. Mo꞉wo꞉ niyo꞉ gili kelego꞉ dia꞉no꞉wo꞉ mo꞉asulo꞉. Ne gi asuwa꞉fa꞉no꞉ asulab. Gio꞉ asulab, so꞉wa iliyo꞉ iya ano o꞉lia꞉yo꞉ mo꞉tilidoma꞉ib ko꞉sega, iya ano o꞉lia꞉ma꞉yo꞉ so꞉wayo꞉ ko꞉lo꞉ tilidowa꞉sen.  
\v 15 Hendele, no꞉no꞉n kelego꞉ da꞉lab a꞉no꞉ tambo a꞉la꞉ta꞉ga꞉, no꞉no꞉n mela꞉no꞉wo꞉lo꞉, gio꞉ ko꞉lo꞉ asuwa꞉takiyo꞉, ne sagala꞉liki wala꞉ma꞉no꞉. A꞉la꞉go꞉ko꞉lo꞉, niyo꞉ gimo꞉wo꞉ ha꞉fo꞉wo꞉ mada alan disa꞉lo꞉l. Ko꞉sega giliyo꞉ nemo꞉wo꞉ ha꞉fo꞉wo꞉ mo꞉hagale disa꞉ma꞉iba꞉le?  
\v 16 Ne ko꞉lo꞉ bo꞉fo꞉mela꞉no꞉wo꞉ kelego꞉ gililo꞉wo꞉ mo꞉dia꞉sen. Giliyo꞉ a꞉la꞉bo꞉ asulo꞉. Ko꞉sega kalu nolba꞉yo꞉ man nilo꞉ a꞉no꞉ ko꞉lo꞉ sa꞉lakiyo꞉ a꞉la꞉sa꞉ma꞉ib, “Eyo꞉ enena꞉ma꞉la꞉ asuwa꞉foma꞉kiyo꞉, nimo꞉wo꞉ do꞉lo꞉le sa꞉laki, dehege sa꞉lab.”  
\v 17 Iliyo꞉ a꞉la꞉sio꞉ ko꞉sega, niyo꞉ kalu nolo꞉ gilo꞉wa iliga꞉fo꞉ a꞉namio꞉, kalu i a꞉ma꞉yo꞉ ni wiya a꞉la꞉ta꞉ga꞉yo꞉, gio꞉ mogagila꞉yo꞉?  
\v 18 \x - \xo 12.18 \xt 2Kol 8.6,16-18\x*Taituso꞉ gilo꞉wa mena꞉kiyo꞉, niyo꞉ emo꞉wo꞉ halaido꞉ sio꞉ a꞉la꞉ta꞉ga꞉ niyo꞉ nao nowo꞉ e o꞉lia꞉ iliga꞉fo꞉. Ko꞉sega Taitus eyo꞉ gio꞉ dikida꞉sa꞉ga꞉yo꞉ kelego꞉ gililo꞉wo꞉ dilo꞉bowo꞉? A꞉la꞉baka꞉! Na꞉no꞉ asulo꞉ imilise dowa꞉sen. A꞉la꞉ta꞉ga꞉ na꞉no꞉ man imilise o꞉leo꞉ngo꞉ ka kudu ha꞉na꞉sen.   
\p
\v 19 Giliyo꞉ a꞉la꞉asulab, “Fo꞉l eyo꞉ nili siwa꞉l amio꞉ digalo꞉ doma꞉nikiyo꞉, emo꞉lo꞉ diga꞉di sa꞉lab a꞉na ilikiyo꞉, eyo꞉ towo꞉ a꞉ma꞉la꞉ nodo sa꞉la꞉lab.” Gio꞉ a꞉la꞉bo꞉ asula꞉so꞉bo. Nio꞉ Kelisowa꞉ ene nanog dian kalu dowo꞉ ko꞉lo꞉, nanog nililo꞉ dimida꞉sen a꞉no꞉ Gode eyo꞉ ba꞉da꞉sen. Ni mili, nililo꞉ dimida꞉sen a꞉no꞉ tambo, gio꞉ ko꞉lo꞉ halale alifoma꞉ki dimida꞉sen.  
\v 20 Nelo꞉ kele asulabo꞉ we. Ne gilo꞉ kona ya꞉ga꞉yo꞉, gio꞉ kalu nilo꞉ asulab o꞉leo꞉ngo꞉wo꞉ mada mo꞉elena ba꞉ba꞉no꞉. A꞉la꞉ta꞉ga꞉ giliyo꞉ ne ba꞉dakiyo꞉, kalu gililo꞉ ba꞉ba꞉no꞉ asulo꞉ o꞉leo꞉ngo꞉wo꞉ mo꞉ba꞉ba꞉ib. Ne ya꞉sa꞉ga꞉yo꞉ man we o꞉ngo꞉wo꞉ gi usamio꞉ dowo꞉ elena ba꞉ba꞉nigo꞉ba꞉le? Towa꞉lo꞉ kegan mano꞉lo꞉, etean mano꞉lo꞉, gadian mano꞉lo꞉, kalu nowo꞉mbo꞉lo꞉ mo꞉bean mano꞉lo꞉, madali yo꞉ido꞉ to sa꞉lan mano꞉lo꞉, sada꞉dan mano꞉lo꞉, kailan mano꞉lo꞉, a꞉la꞉ta꞉ga꞉ yo꞉le dowan man a꞉no꞉ ko꞉lo꞉ tambo ba꞉ba꞉nigo꞉ba꞉le?  
\v 21 \x - \xo 12.21 \xt 2Kol 13.2\x*Nelo꞉ tagilabo꞉ we. Ne wa꞉ka gilo꞉wa ya꞉ga꞉yo꞉, kaluka꞉isale modo꞉ tamin amilo꞉ man mogago꞉ dimida꞉len a꞉no꞉, iyo꞉ asulo꞉ mo꞉nodolaki, o꞉dimida꞉lena ba꞉ba꞉no꞉. Iliyo꞉ heyo꞉ man ko꞉li ko꞉lilo꞉ a꞉no꞉lo꞉, uwo꞉ dian man a꞉no꞉lo꞉, a꞉la꞉ta꞉ga꞉ digalilan man a꞉no꞉lo꞉ o꞉dimida꞉lab ko꞉lo꞉, Gode eyo꞉ mogago꞉ gililo꞉ dimida꞉lab a꞉no꞉ nemo꞉ widalikiyo꞉, ne sendeloma꞉no꞉.   
\c 13  
\s1 Man mogago꞉wo꞉ mo꞉dimidama꞉ki, hagugu sio꞉  
\p
\v 1 \x - \xo 13.1 \xt Lo 19.15, Madi 18.16, 1Tim 5.19\x*O꞉go꞉ ne gilo꞉ amio꞉ asol mia꞉nigo꞉l. Godeya꞉ ene to sa꞉sa꞉lo꞉ a꞉namio꞉ a꞉la꞉sio꞉, “Kalu a꞉la꞉ya꞉le o꞉ otalena꞉ya꞉le kalu noma꞉ mogago꞉ dimido꞉wo꞉ ba꞉ba꞉ka꞉ a꞉la꞉sa꞉lalega, giliyo꞉ to a꞉no꞉ hendelelo꞉b a꞉la꞉asula꞉bi.”  
\v 2 Ne gilo꞉wa andeb mio꞉ amio꞉, ne gi o꞉lia꞉ ilikiyo꞉ kalu tamin amilo꞉ mogago꞉lo꞉ dimida꞉len imo꞉wo꞉lo꞉, kaluka꞉isale tambomo꞉wo꞉lo꞉ hagugo꞉wo꞉ sio꞉. A꞉la꞉ta꞉ga꞉ o꞉go꞉ ne ko꞉na꞉ ilikiyo꞉lo꞉, niyo꞉ gimo꞉wo꞉ to imilise a꞉no꞉ko꞉ wa꞉ka a꞉sa꞉sa꞉liga꞉to꞉l. To a꞉no꞉ we. Ne wa꞉ka gilo꞉ amio꞉ yalikiyo꞉, kalu mogago꞉lo꞉ dimida꞉len a꞉no꞉ ga꞉li hamana꞉kiyo꞉, madalilo꞉ mo꞉ta꞉fa꞉no꞉. Niyo꞉ iyo꞉ digalema꞉no꞉.  
\v 3 A꞉la꞉do꞉ dimidama꞉no꞉wo꞉ mo꞉wo꞉ we. To nilo꞉ wida꞉lo꞉l we Kelisowa꞉ ene towo꞉ hendele widaba꞉le a꞉la꞉bo꞉ gio꞉ kedab ko꞉lo꞉, gio꞉ fanda asuluma꞉kiyo꞉, niyo꞉ sa꞉ma꞉nigo꞉l. Keliso eyo꞉ man gililo꞉ a꞉no꞉ ko꞉lo꞉ digalakiyo꞉, e mo꞉bo꞉sulaki ene halaido꞉wo꞉ gimo꞉wo꞉ hendele walama꞉ib.  
\v 4 \x - \xo 13.4 \xt Fili 2.7-8\x*Hendele, tamin amio꞉ e halaido꞉lo꞉ma dowabikiyo꞉, kalu nolba꞉yo꞉ e i malan amio꞉ a꞉na sana sowo꞉. Ko꞉sega o꞉go꞉ Godeya꞉ ene halaido꞉ a꞉na ilikiyo꞉, e mela꞉no꞉wo꞉ dia꞉sa꞉ga꞉ a꞉lab. A꞉la꞉ta꞉ga꞉ nio꞉ eya dowab amio꞉, e ko꞉lo꞉ halaido꞉lo꞉ma dowo꞉ o꞉leaumbo꞉, nio꞉lo꞉ o꞉leo꞉ngo꞉ dowab. Ko꞉sega Godeya꞉ ene halaido꞉ a꞉na a꞉la꞉ta꞉ga꞉yo꞉, nio꞉ Ya꞉su o꞉lia꞉yo꞉ mela꞉no꞉wo꞉ a꞉lab ko꞉lo꞉, niliyo꞉ gio꞉ asuwa꞉taki nanogo꞉ dimidama꞉no꞉.   
\p
\v 5 \x - \xo 13.5 \xt 1Kol 11.28\x*A꞉la꞉fo꞉ko꞉lo꞉ giliyo꞉ tili dabuwo꞉ hendele a꞉laba꞉le a꞉la꞉bo꞉ ginino꞉ alobana boba. A꞉la꞉ta꞉ga꞉ ginina꞉ma꞉la꞉yo꞉ a꞉la꞉bo꞉ da꞉fe kelema. Tilidabuwo꞉ hendele a꞉labo꞉lalega, Ya꞉su Keliso e ge amio꞉ a꞉lab a꞉la꞉asuluma. Ko꞉sega gio꞉ tilidabuwo꞉ da꞉fe ba꞉ba꞉ amio꞉ aundo꞉ma dowo꞉lalega, E gi o꞉lia꞉lo꞉ mo꞉a꞉lab.  
\v 6 A꞉la꞉gabiki Gode eyo꞉ niliyo꞉ ene nanogo꞉ hendele dimidabo꞉lo꞉b a꞉la꞉bo꞉ kalaba widab ko꞉lo꞉, giliyo꞉ o꞉li asuluma꞉ib.  
\v 7 Giliyo꞉ to nililo꞉wo꞉ gola ba꞉daki man mogago꞉wo꞉ dimidabena꞉kiyo꞉, niliyo꞉ gio꞉ Godemo꞉ asuwa꞉foma꞉ki dulugu sa꞉la꞉sen. Nililo꞉ asulab a꞉ma꞉yo꞉, nio꞉ nanog nafale dimido꞉l a꞉la꞉widaki go꞉ma. Ko꞉sega niliyo꞉ gio꞉ man nafale dimidama꞉ki asulab. O꞉go꞉ giliyo꞉ a꞉la꞉dimidalega, nio꞉ halaido꞉lo꞉malo꞉ o꞉ngo꞉ widakigab ko꞉sega a꞉no꞉ o꞉li.  
\v 8 Giliyo꞉ man digalo꞉ a꞉no꞉ o꞉ma dimida꞉leno꞉lalega, niliyo꞉ wa꞉kabiyo꞉ mo꞉digalema꞉no꞉. Nanog nililo꞉ dimido꞉l a꞉ma꞉yo꞉, man digalo꞉ a꞉no꞉ ko꞉lo꞉ fa꞉la꞉doma꞉ki ga꞉sen.  
\v 9 Tilidabu gililo꞉wo꞉ halaido꞉ dowab amio꞉ nio꞉ sagala꞉sen. A꞉la꞉ta꞉ga꞉ nio꞉ wilo꞉malo꞉ngo꞉ dowalikiyo꞉, a꞉no꞉lo꞉ o꞉li. Gili tilidabuwo꞉ halaido꞉ fa꞉la꞉dowa꞉sa꞉ga꞉, ilili alifoma꞉kiyo꞉, niliyo꞉ Godemo꞉ dulugu sa꞉la꞉sen.  
\v 10 \x - \xo 13.10 \xt 2Kol 10.8\x*Gili tilidabuwo꞉ halale alifoma꞉kiyo꞉, Alan eyo꞉ nanog a꞉no꞉ nemo꞉ bo꞉fo꞉melea꞉ki da꞉feyo꞉ ko꞉lo꞉, niyo꞉ nanog a꞉no꞉ dimidakiyo꞉, gili tilidabuwo꞉ mo꞉bidila꞉ma꞉no꞉, analima꞉ki dimida꞉sen. A꞉la꞉fo꞉ko꞉lo꞉ ho꞉len ne gilo꞉ amilo꞉ mia꞉no꞉ a꞉namio꞉, niyo꞉ to halaido꞉wo꞉ gio꞉ digalaki mo꞉sama꞉kiyo꞉, o꞉go꞉ ne ko꞉na꞉ ilikiyo꞉, niyo꞉ to halaido꞉ we gimo꞉wo꞉ a꞉na sa꞉sa꞉liga꞉to꞉l.   
\s1 Sagalo꞉ towo꞉ sio꞉  
\p
\v 11 Ni nao nado i, niyo꞉ to we sa kedetakiyo꞉, gio꞉ sagala꞉bi a꞉la꞉so꞉lo꞉l. Giliyo꞉ ni towo꞉ dinafa da꞉dakiyo꞉, gili tilidabuwo꞉ mada halaido꞉ doma꞉kiyo꞉, giliyo꞉ migi kuda꞉bi. A꞉la꞉ta꞉ga꞉ gio꞉ tambo asulo꞉wo꞉ imilise o꞉leo꞉ngo꞉ mada dowakiyo꞉, gegelebo꞉ ha꞉sa dowa꞉bi. A꞉la꞉galikiyo꞉ Gode e gi o꞉lia꞉ doma꞉ib. Gode a꞉no꞉ ha꞉fo꞉lo꞉ disa꞉lan a꞉la꞉ta꞉ga꞉ ha꞉salo꞉ dowano꞉ o꞉m.  
\v 12 Gao nol o꞉lia꞉ sagale alitakiyo꞉, ebean aumbo꞉ mimila꞉bi.  
\v 13 Godeya꞉no꞉ kaluka꞉isale tambowa꞉yo꞉ sagalo꞉ towo꞉ gimo꞉ saga꞉tab.  
\v 14 Alan Ya꞉su Kelisowa꞉ ene ha꞉fo꞉ disa꞉lan man a꞉no꞉lo꞉, Godeya꞉ enedo꞉ alan asulan man a꞉no꞉lo꞉, a꞉la꞉ta꞉ga꞉ gio꞉ uwa ege doma꞉kilo꞉ ta꞉tan Mama Malilo꞉ a꞉no꞉lo꞉ gi o꞉lia꞉ dowa꞉biyo꞉.