\id 1PE - Kaluli Bible 
\h 1 Bida 
\toc1 Mo꞉fo꞉s Agel We Bida E Sa꞉sa꞉lo꞉ 
\toc2 1 Bida 
\toc3 1Bid 
\mt2 Mo꞉fo꞉s Agel We  
\mt1 Bida  
\mt2 E Sa꞉sa꞉lo꞉  
\imt1 Asuluma꞉no꞉ towo꞉ we  
\ip Bida elo꞉ mo꞉fo꞉s sa꞉sa꞉lo꞉ we Keliso kaluka꞉isale A꞉sia Maina hen a꞉na ha꞉na꞉ga꞉lo꞉ ta꞉i ane o꞉mo꞉ sa꞉sa꞉liga꞉fo꞉. Bida eyo꞉ imo꞉wo꞉ a꞉la꞉sio꞉, gio꞉ “Godeya꞉ enedo꞉ da꞉feyo꞉ kaluka꞉isale” ko꞉lo꞉, gio꞉ hendele Godeya꞉ eno꞉le ko꞉lo꞉lab. Bida eyo꞉ mo꞉fo꞉s we tilidabu kaluka꞉isale hida꞉ya꞉lo꞉ diab a꞉no꞉ ko꞉lo꞉ halale alitaki sa꞉sa꞉lo꞉. Eyo꞉ a꞉la꞉sio꞉, Keliso kaluka꞉isale giliyo꞉ Ya꞉su Kelisowa꞉ malolo꞉ to nafa a꞉no꞉ wa꞉ka asula꞉bi. Ya꞉su e sowo꞉ ko꞉lo꞉ a꞉ma꞉la꞉ dasi, a꞉la꞉ta꞉ga꞉ e a꞉ma꞉la꞉ mia꞉no꞉ka꞉ a꞉la꞉bo꞉ saefa꞉ ko꞉lo꞉lab. A꞉la꞉fo꞉ko꞉lo꞉ gio꞉ e a꞉ma꞉la꞉lo꞉ mia꞉no꞉ dinali sio꞉ a꞉no꞉ asulufo꞉liki yasi sa꞉bi.  
\ip Keliso kaluka꞉isaleyo꞉ ho꞉leno꞉ tambo hida꞉yo꞉wo꞉ dia꞉i ha꞉na꞉lab. Ko꞉sega hida꞉yo꞉ dia꞉lab a꞉ma꞉yo꞉ tilidabu ililo꞉wo꞉ halaido꞉ anama꞉ki gab. A꞉la꞉fo꞉ko꞉lo꞉ iliyo꞉ tilidabuwo꞉ halale ta꞉li dofo꞉ko꞉ ha꞉na꞉la꞉ga꞉yo꞉, Ya꞉su elo꞉ a꞉ma꞉la꞉ fa꞉la꞉dowab ho꞉len a꞉namio꞉, wa꞉lo꞉ nafale ko꞉lo꞉ dia꞉ib.  
\c 1  
\p
\v 1 Ne Bida, Ya꞉su Kelisowa꞉lo꞉ iliga꞉felo꞉ kalu nowo꞉ ne. Niyo꞉ mo꞉fo꞉s we Godeya꞉lo꞉ da꞉feyo꞉ kaluka꞉isale gimo꞉ sa꞉sa꞉liga꞉to꞉l. Gio꞉ mageso꞉ kalu o꞉ngo꞉ ha꞉na꞉ga꞉, hen ko꞉li ko꞉lilo꞉ amio꞉lo꞉ sab gimo꞉lo꞉ sa꞉sa꞉liga꞉to꞉lo꞉ we. Fontus heno꞉, Galasia heno꞉, Kabadosia heno꞉, A꞉sia heno꞉ a꞉la꞉ta꞉ga꞉ Bitinia hen amilo꞉ sab gimo꞉ iliga꞉to꞉l.   
\p
\v 2 \x - \xo 1.2 \xt Lom 8.29, 2Tes 2.13\x*Gio꞉ eno꞉le doma꞉kiyo꞉, taminde amio꞉ Do Godeya꞉ ene asulo꞉wa꞉yo꞉ da꞉fe alifa꞉. Gode eyo꞉ Mama Malilo꞉wa a꞉la꞉ta꞉ga꞉yo꞉ gio꞉ malilo꞉le doma꞉ki ta꞉fo꞉. Godeya꞉lo꞉ gi ko꞉lo꞉ da꞉fe alifa꞉ a꞉ma꞉yo꞉, gio꞉ Ya꞉su Kelisowa꞉ ha꞉ga dowaki kudu hamana꞉ki go꞉. A꞉la꞉ta꞉ga꞉ Ya꞉su Kelisowa꞉ ho꞉bo꞉ a꞉ma꞉ halaki, gio꞉ Godeya꞉ ene siwa꞉l amio꞉ go꞉go꞉do꞉le doma꞉ki da꞉fe alifa꞉.  
\p A꞉la꞉fo꞉ko꞉lo꞉ niyo꞉ Do Godeya꞉ a꞉ma꞉ ha꞉fo꞉ disa꞉lan man a꞉no꞉lo꞉, ha꞉sa mesa꞉no꞉ man a꞉no꞉lo꞉ gi amio꞉ mada fa꞉la꞉dowa꞉i ha꞉na꞉melea꞉ki dulugu so꞉lo꞉l.   
\s1 Kelego꞉ nafaleyo꞉ hendele dia꞉no꞉ a꞉la꞉asulaki yasiso꞉l  
\p
\v 3 Niliyo꞉ Godeya꞉ ene wiyo꞉ wabuluma꞉niki. Nili Alan Ya꞉su Kelisowa꞉ iyayo꞉ o꞉m a꞉la꞉ta꞉ga꞉ Ya꞉suwa꞉ ene Godeyo꞉ o꞉m. Eyo꞉ nio꞉ alan nofolakiyo꞉ Ya꞉su Keliso ko꞉lo꞉ dali alifa꞉ a꞉no꞉ a꞉dasi alifa꞉ ko꞉lo꞉, a꞉la꞉do꞉ dimido꞉ a꞉namio꞉ nio꞉ mela꞉no꞉ ho꞉giyo꞉ dima꞉ki ta꞉fo꞉. Nio꞉ mela꞉no꞉ ho꞉gi a꞉na dowakiyo꞉, kelego꞉ nafale Godeya꞉lo꞉ ene so꞉walemo꞉ dimia꞉no꞉ a꞉no꞉ nio꞉lo꞉ hendele dia꞉no꞉ a꞉la꞉asulufo꞉liki yasiso꞉l.  
\v 4 \x - \xo 1.4 \xt Kolo 1.12\x*Kelego꞉ nafale a꞉no꞉ ko꞉ngo꞉ mela꞉ib. A꞉no꞉ mo꞉fefele ha꞉na꞉ib a꞉la꞉ta꞉ga꞉ kelego꞉ noma꞉yo꞉ mada mo꞉mogagila꞉ma꞉ib. Hebene a꞉namio꞉ kelego꞉ nafale a꞉no꞉ ginin dima꞉ki, Godeya꞉ enen dimidalia꞉ga꞉ dia꞉fo꞉lab.  
\v 5 \x - \xo 1.5 \xt Yo꞉n 10.28, 17.11\x*Tilidabu gilido꞉ a꞉na a꞉la꞉ta꞉ga꞉yo꞉, Godeya꞉ ene halaido꞉ a꞉ma꞉yo꞉ gio꞉ nafale mesea꞉ki bo꞉fo꞉lowa꞉sen. A꞉la꞉ga꞉i ha꞉na꞉la꞉ga꞉, ho꞉len welo꞉ edab a꞉namio꞉, gio꞉ enedo꞉ gasili kaluka꞉isale hendeleka꞉ a꞉la꞉bo꞉ kalaba walama꞉ib.  
\v 6 \x - \xo 1.6 \xt Ya꞉m 1.2, 1Bid 5.10\x*Gio꞉ nilo꞉ to sio꞉ a꞉no꞉ ko꞉lo꞉ asulakiyo꞉ mada sagalema. Ko꞉sega gio꞉ ho꞉len abolda꞉su o꞉g wenamio꞉, da꞉feyo꞉ ko꞉li ko꞉lilo꞉ a꞉no꞉ gilo꞉ amio꞉ mada fa꞉la꞉dowaki, kele asulo꞉wo꞉ dimiab.  
\v 7 \x - \xo 1.7 \xt Sndn 17.3, Sek 13.9, Mal 3.3, Ya꞉m 1.3\x*Da꞉feyo꞉ gi amilo꞉ fa꞉la꞉dowa꞉lab a꞉ma꞉yo꞉ tilidabu gilo꞉ a꞉no꞉ hendele dowab a꞉la꞉li widaki gab. Kaluwa꞉yo꞉ u go꞉lo꞉ mada nafale doma꞉kiyo꞉ deya so꞉fa꞉ib. A꞉la꞉ta꞉ga꞉ go꞉lde fa꞉la꞉dowab a꞉no꞉ tif amio꞉lo꞉ kelege doma꞉ib. Ko꞉sega gililo꞉ Ya꞉su amilo꞉ tilidabu a꞉ma꞉yo꞉ u go꞉l a꞉no꞉ tinio꞉ ko꞉lo꞉lab. Hida꞉yo꞉wo꞉ de o꞉ngo꞉ gilo꞉wa fa꞉la꞉dowab amio꞉, gilo꞉ halale kagayab a꞉ma꞉yo꞉ tilidabu gililo꞉wo꞉ hendele a꞉la꞉li widaki gab. A꞉la꞉galiki Ya꞉su Kelisowo꞉ kalaba handalowakiyo꞉, Gode eyo꞉ gi wiyo꞉ iwalu wabudaki dulugu alifa꞉ib.  
\v 8 \x - \xo 1.8 \xt Yo꞉n 20.29, 2Kol 5.7\x*Gio꞉ Ya꞉suwo꞉ mo꞉ba꞉ba꞉ ko꞉sega, gio꞉ e asulakiyo꞉, e o꞉lia꞉yo꞉ ha꞉fo꞉wo꞉ disa꞉la꞉lab. O꞉go꞉ gio꞉ e mo꞉ba꞉dab ko꞉sega, e amio꞉ tilida꞉daki, sagalo꞉wo꞉ mada alan dowab. Sagalo꞉ a꞉ma꞉yo꞉ sagalan nolo꞉ tininilab. A꞉la꞉fo꞉ko꞉lo꞉ sagalo꞉ we a꞉la꞉dowab a꞉la꞉likilo꞉ fanda sa꞉ma꞉no꞉wo꞉ halaido꞉ dowo꞉ ko꞉lo꞉lab.  
\v 9 Gilo꞉ o꞉gdo꞉ sagalo꞉ dowab a꞉no꞉ mo꞉wo꞉ we. Gio꞉ Keliso eyamio꞉ tili da꞉dab a꞉na ilikiyo꞉ Gode eyo꞉ gio꞉ asuwa꞉taki a꞉ma꞉la꞉ gasiliab.   
\p
\v 10 \x - \xo 1.10 \xt Madi 13.16-17\x*Tamin amio꞉ Godeya꞉ tolo꞉ dinali sa꞉lan kalu iliyo꞉ Godeya꞉lo꞉ kelego꞉ nafale gimo꞉lo꞉ dimidama꞉no꞉ a꞉no꞉ ko꞉lo꞉ dinali sio꞉. Iliyo꞉ Godeya꞉lo꞉ ni ko꞉lo꞉ a꞉ma꞉la꞉lo꞉ a꞉gasilia꞉no꞉ to sio꞉ a꞉no꞉ mo꞉wo꞉ dinafa kedo꞉.  
\v 11 \x - \xo 1.11 \xt Song 22, Ais 53, Luk 24.26-27\x*Kelisowa꞉ ene Mamayo꞉ dinali sa꞉lan kalu iya dowakiyo꞉, Mama a꞉ma꞉yo꞉ towo꞉ kalaba sa꞉laki, Keliso e nagalo꞉wo꞉ dia꞉sa꞉ga꞉, tif amio꞉ kelego꞉ halaido꞉ nafale nolo꞉ fa꞉la꞉doma꞉ib a꞉no꞉ ko꞉lo꞉ kalaba fanda sio꞉. A꞉la꞉fo꞉ko꞉lo꞉ dinali sa꞉lan kalu iliyo꞉ to a꞉ma꞉ ha꞉go꞉ kedakiyo꞉, kelego꞉ a꞉no꞉ ho꞉lendeyo꞉ iga꞉sa fa꞉la꞉doma꞉iba꞉le a꞉la꞉ta꞉ga꞉ man o꞉bo꞉ngo꞉ fa꞉la꞉doma꞉nigaba꞉le a꞉la꞉liki kedo꞉.  
\v 12 Ko꞉sega Gode eyo꞉ imo꞉wo꞉ a꞉la꞉wido꞉. To ililo꞉ dinali sio꞉ a꞉ma꞉yo꞉, inino꞉ ko꞉lo꞉ asuwa꞉foma꞉ki sio꞉ma. Gio꞉ ko꞉lo꞉ asuwa꞉foma꞉kiyo꞉, iyo꞉ Godeya꞉ ene nanog dimidakiyo꞉ to a꞉no꞉ a꞉na kalaba wido꞉. A꞉la꞉ta꞉ga꞉ o꞉go꞉ to a꞉no꞉ gilo꞉wa fa꞉la꞉dowo꞉. Gode eyo꞉ ene Mama Malilo꞉wo꞉ Hebene a꞉la꞉ta꞉ga꞉ iliga꞉takiyo꞉, Mamaya꞉ ene halaido꞉ a꞉na ilikiyo꞉, kalu nolba꞉yo꞉ to nafa a꞉no꞉ gimo꞉wo꞉ wida꞉len. Gode ene to nafa a꞉no꞉ ma꞉mula꞉ kalu iliyo꞉lo꞉ fanda ba꞉ba꞉no꞉wo꞉ mada alan asulab.   
\s1 Gode eyo꞉ nio꞉ malilo꞉ doma꞉ki ho꞉ido꞉  
\p
\v 13 A꞉la꞉fo꞉ko꞉lo꞉ ho꞉leno꞉ tambowo꞉ asulo꞉ gililo꞉wo꞉ dimidalia꞉sa꞉ga꞉, nafalelo꞉ mesa꞉no꞉ asulo꞉ a꞉na dowa꞉bi. Gio꞉ e amio꞉ halaido꞉ tilida꞉daki, Gode elo꞉ kelego꞉ nafale ko꞉lo꞉ Ya꞉suwo꞉ kalaba fa꞉la꞉dowalikilo꞉ gimo꞉lo꞉ dimidama꞉nigab a꞉no꞉ ko꞉lo꞉ yasila꞉lubi.  
\v 14 \x - \xo 1.14 \xt Lom 12.2, A꞉fe 2.3, 4.17-18\x*Gio꞉ mada so꞉wagalina꞉lo꞉ to sa꞉labo꞉ dinafa da꞉dakilo꞉ dowab au dowa꞉bi. Tamin amio꞉ gio꞉ asulo꞉lo꞉ma ilikiyo꞉, man mogago꞉ dimidama꞉no꞉ meselan ko꞉li ko꞉lilo꞉ kudu ha꞉na꞉len. Ko꞉sega o꞉go꞉ gio꞉ man mogago꞉ we o꞉ngo꞉wo꞉ wa꞉kabiyo꞉ a꞉dimida꞉so꞉bo.  
\v 15 Gilo꞉ ho꞉ido꞉ Gode a꞉no꞉ mada malilo꞉ nafale dowo꞉ aumbo꞉ gio꞉lo꞉ malilo꞉ dowaki, gililo꞉ man dimidan a꞉no꞉ tambo nafale dowa꞉bi.  
\v 16 \x - \xo 1.16 \xt Wkp 11.44-45, Madi 5.48\x*Mo꞉wo꞉ Godeya꞉ ene bugo꞉ amio꞉ towo꞉ a꞉la꞉sa꞉sa꞉lo꞉, “Ne mada malilo꞉ nafale dowo꞉ ko꞉lo꞉, gio꞉lo꞉ mada malilo꞉ nafale dowa꞉bi.”   
\p
\v 17 \x - \xo 1.17 \xt Lom 2.11, Kala 2.23\x*Giliyo꞉ dulugu sa꞉lakiyo꞉ Do Gode a꞉la꞉sa꞉la꞉sen ko꞉lo꞉, do a꞉ma꞉yo꞉ nio꞉ wilo꞉ dowaba꞉le wilo꞉ma dowaba꞉le a꞉la꞉bo꞉ mo꞉aloba꞉daki, man nililo꞉ dimidabo꞉ ba꞉da꞉sa꞉ga꞉, nio꞉ ina꞉li ina꞉li a꞉la꞉bo꞉ a꞉na aloba꞉da꞉sen. A꞉la꞉fo꞉ko꞉lo꞉ gio꞉ ho꞉leno꞉ tambo henfelo꞉ wena silikiyo꞉, henfelo꞉ we hendele nilino꞉ma a꞉la꞉asulakiyo꞉, gio꞉ Godeyo꞉ tagilaki, e ha꞉ga mada dowa꞉bi.  
\v 18 Gi ma꞉mu ima꞉lo꞉ man mo꞉lo꞉ma ko꞉lo꞉ kudu ya꞉len a꞉no꞉ gimo꞉wo꞉ dimi ko꞉lo꞉, giliyo꞉lo꞉ dimida꞉i ya꞉len. Man a꞉ma꞉yo꞉ gio꞉ galo alifo꞉len ko꞉sega, gio꞉ ga꞉li doma꞉kiyo꞉, Gode eyo꞉ gio꞉ kililia꞉sa꞉ga꞉ sili alifa꞉. Elo꞉ gi ko꞉lo꞉ kilili kelego꞉ a꞉no꞉ gio꞉ asulo꞉ ko꞉lo꞉lab. Gi a꞉no꞉ ko꞉lo꞉ kililiakiyo꞉, mogagan kelego꞉ go꞉l o꞉lia꞉ silba o꞉lia꞉ma꞉ kililima.  
\v 19 \x - \xo 1.19 \xt Ilig 20.28, Hibu 9.12-14\x*Gio꞉ Kelisowa꞉ ene ho꞉bo꞉ nafale a꞉ma꞉ kilili ko꞉lo꞉lab. Sibi inso꞉ ko꞉lo꞉ imu wo꞉lendo꞉ma, do꞉mo꞉wo꞉ nafale dowo꞉ a꞉ma꞉ ho꞉bo꞉ ko꞉lo꞉ boba so꞉mea꞉sen aumbo꞉, Kelisowa꞉ ene ho꞉bo꞉ a꞉no꞉ boba dimi ko꞉lo꞉lab.  
\v 20 \x - \xo 1.20 \xt A꞉fe 1.4, 2Tim 1.9-10\x*Gode eyo꞉ henfelo꞉ we semo꞉ dimido꞉ amio꞉, henfelo꞉ kaluka꞉isaleyo꞉ a꞉ma꞉la꞉ kililima꞉kiyo꞉, Keliso e ko꞉lo꞉ da꞉fe alifa꞉. A꞉la꞉ta꞉ga꞉ o꞉g elema꞉no꞉lo꞉ ho꞉len wenamio꞉, Gode eyo꞉ gio꞉ asuwa꞉foma꞉kiyo꞉, e kalaba fa꞉la꞉do alifa꞉.  
\v 21 \x - \xo 1.21 \xt Yo꞉n 14.6, Lom 5.1-2\x*Ya꞉su Keliso eya a꞉la꞉ta꞉ga꞉yo꞉ gio꞉ Gode e amio꞉ a꞉na tilidabu. Gode eyo꞉ Ya꞉su e a꞉ma꞉la꞉ dasi alitakiyo꞉, wi alan nafaleyo꞉ emo꞉ dimi. A꞉la꞉go꞉ko꞉lo꞉ gio꞉ Gode e amio꞉ a꞉na tilida꞉da꞉lab a꞉la꞉ta꞉ga꞉, kelego꞉ elo꞉ dimidama꞉no꞉ dinali sio꞉ a꞉no꞉ ko꞉lo꞉ yasila꞉likiyo꞉ gili asulo꞉wo꞉ eya dia꞉fo꞉lab.   
\p
\v 22 \x - \xo 1.22 \xt Yo꞉n 13.34, Lom 12.10\x*Gililo꞉ to hendele kudu ya꞉lab a꞉ma꞉yo꞉, gili asulo꞉wo꞉ go꞉go꞉do꞉le fa꞉la꞉do alifa꞉. A꞉la꞉fo꞉ko꞉lo꞉ giliyo꞉ tilidabu kaluka꞉isale nol o꞉lia꞉yo꞉ ha꞉fo꞉wo꞉ o꞉li disa꞉ma꞉ib. A꞉la꞉gab ko꞉lo꞉ o꞉go꞉ gio꞉ asulo꞉wo꞉ imilise dowaki, gegelebo꞉ ha꞉fo꞉wo꞉ mada alan disa꞉la꞉lubi.   
\p
\v 23 Mo꞉wo꞉ gio꞉ ho꞉gi a꞉sa꞉la꞉liab amio꞉, Gode eyo꞉ mela꞉no꞉wo꞉ ho꞉gi dimi. Mela꞉no꞉ gililo꞉ diab we, kaluwa꞉ ho꞉bo꞉wa a꞉la꞉ta꞉ga꞉lo꞉ sa꞉la꞉lian o꞉ngo꞉ma. Mela꞉no꞉ a꞉no꞉ sowa꞉labo꞉ o꞉m. Ko꞉sega Godeya꞉ ene to a꞉no꞉ ko꞉ngo꞉ mela꞉no꞉ dofo꞉lab. Mela꞉no꞉ gililo꞉ diab we, Godeya꞉ ene to a꞉na a꞉la꞉ta꞉ga꞉ fa꞉la꞉dowab ko꞉lo꞉, mela꞉no꞉ a꞉no꞉lo꞉ ko꞉ngo꞉ mela꞉no꞉ dofo꞉ ha꞉na꞉mela꞉ib.  
\v 24 \x - \xo 1.24 \xt Ais 40.6-8\x*Mo꞉wo꞉  
\q1 “Henfelo꞉ kaluka꞉isaleyo꞉ mamo i o꞉ngo꞉ ko꞉lo꞉ a꞉lab, a꞉la꞉ta꞉ga꞉  
\q2 wi alan ililo꞉wo꞉ mamo hedo꞉ o꞉ngo꞉ dofo꞉lab.  
\q1 Mamo i a꞉no꞉ olaliab amio꞉,  
\q2 mamo hedo꞉ a꞉no꞉lo꞉ udufo꞉ tina꞉sen.   
\q1
\v 25 Ko꞉sega Alana꞉ ene towo꞉ ho꞉leno tambo ko꞉ngo꞉ mela꞉no꞉ mela꞉ib.”  
\m Alana꞉ ene to a꞉no꞉, to nafale ko꞉lo꞉ gimo꞉lo꞉ wida꞉seno꞉ o꞉m.   
\c 2  
\s1 Mela꞉no꞉lo꞉ a꞉lab u nafaleyo꞉ Alan e  
\p
\v 1 \x - \xo 2.1 \xt A꞉fe 4.22, Ya꞉m 1.21\x*A꞉la꞉fo꞉ko꞉lo꞉ giliyo꞉ man mogago꞉wo꞉ tambo dimida꞉so꞉bo. Madali to sa꞉lano꞉lo꞉, dikili sa꞉lano꞉lo꞉, nowo꞉mbo꞉lo꞉ kele asulakilo꞉ gadiano꞉lo꞉, a꞉la꞉ta꞉ga꞉ sada꞉dan man a꞉no꞉lo꞉ tambo giliyo꞉ dimida꞉so꞉bo.  
\v 2-3 \x - \xo 2.2-3 \xt Song 34.8\x*Alana꞉lo꞉ gimo꞉lo꞉ man nafale dimida꞉sen a꞉no꞉ gio꞉ o꞉ma asululia꞉ga꞉ dofo꞉lab. A꞉la꞉fo꞉ko꞉lo꞉ so꞉wa tuo꞉lun a꞉ma꞉lo꞉ bo ma꞉no꞉ alan asula꞉sen o꞉leaumbo꞉, gili mama anama꞉kilo꞉ bo ib nafa ma꞉no꞉wo꞉ giliyo꞉lo꞉ mada alan asula꞉bi. Giliyo꞉ bo ib a꞉no꞉ ko꞉lo꞉ na꞉lalikiyo꞉, gili mamayo꞉ anayaliki, Gode eyo꞉ gio꞉ a꞉ma꞉la꞉ gasilia꞉ib.   
\p
\v 4 Mela꞉no꞉lo꞉ a꞉lab u nafaleyo꞉ Alan e ko꞉lo꞉, gio꞉ elo꞉wa mena. Kaluka꞉isale iliyo꞉ e mo꞉beaki mogago꞉ ta꞉fo꞉ ko꞉sega, Gode eyo꞉ e mada nafale ba꞉da꞉sa꞉ga꞉, u a꞉no꞉ eno꞉le a꞉lakiyo꞉ da꞉fe alifa꞉.  
\v 5 \x - \xo 2.5 \xt A꞉fe 2.21-22, Kala 1.6\x*Gio꞉lo꞉ u mela꞉no꞉lo꞉ a꞉lab o꞉leo꞉ngo꞉ dowab ko꞉lo꞉, Gode eyo꞉ giya a꞉la꞉ta꞉ga꞉yo꞉ ene Mamalo꞉ doma꞉no꞉ a ko꞉lo꞉ di alita꞉lab. Gio꞉ bobalo꞉ so꞉mea꞉sen kalu malilo꞉ dowakiyo꞉, mela꞉no꞉ mama gilo꞉ a꞉no꞉ Godemo꞉ boba dimina꞉kiyo꞉, eyo꞉ a꞉la꞉dimida꞉sa꞉ga꞉ dialifa꞉la꞉lab. Gio꞉ Ya꞉su Kelisowa dowab ko꞉lo꞉, bo꞉ba gililo꞉ dimiab a꞉no꞉ Gode e sagalaki diab.  
\v 6 \x - \xo 2.6 \xt Ais 28.16, A꞉fe 2.20\x*Mo꞉wo꞉ Gode eyo꞉ ene bugo꞉ amio꞉ towo꞉ a꞉la꞉sio꞉ da꞉lab,  
\q1 “Dabuma! Niyo꞉ a halaido꞉lo꞉ ta꞉li dofo꞉mela꞉no꞉ u nafa nowo꞉ da꞉fea꞉sa꞉ga꞉ ta꞉fo꞉lo꞉l.  
\q2 U nafale halaido꞉ a꞉no꞉ niyo꞉ hen misio꞉ Saion a꞉na dia꞉to꞉l.  
\q1 Kaluka꞉isale abeyo꞉ e amilo꞉ tilida꞉dab i a꞉no꞉ mada mo꞉sendeloma꞉ib.”   
\m
\v 7 \x - \xo 2.7 \xt Song 118.22\x*A꞉la꞉fo꞉ko꞉lo꞉ tilidabu kaluka꞉isale dowab giliyo꞉ u we mada nafale dowab a꞉la꞉asulo꞉ ko꞉lo꞉lab. Ko꞉sega kaluka꞉isale mo꞉tilida꞉dab i a꞉no꞉ we o꞉ngo꞉ dowab,  
\q1 “ U alo꞉ dian ililo꞉ mo꞉beakilo꞉ sandifo꞉ a꞉no꞉,  
\q2 o꞉go꞉ ayo꞉ halaido꞉ dofo꞉melea꞉kilo꞉ u wa꞉la꞉b ko꞉lo꞉ fa꞉la꞉dowo꞉wo꞉ o꞉m.”   
\q1
\v 8 \x - \xo 2.8 \xt Ais 8.14\x*“U a꞉ma꞉yo꞉ kaluka꞉isale nolo꞉ eya ifikalima꞉ki dofo꞉lab, a꞉la꞉ta꞉ga꞉  
\q2 u a꞉ma꞉yo꞉ kaluka꞉isale nolo꞉ sulufo꞉ tina꞉melea꞉ki dofo꞉lab.”  
\m Iliyo꞉ Godeya꞉ towo꞉ gola ba꞉ba꞉ ko꞉lo꞉, iyo꞉ a꞉na ifikidakiyo꞉ sulufo꞉ tina꞉lab. Gode eyo꞉ iyo꞉ a꞉la꞉dimidama꞉ib a꞉la꞉likiyo꞉ towo꞉ tamina saefa꞉.   
\p
\v 9 \x - \xo 2.9 \xt Lo 7.6, 14.2, Ais 9.2, Ilig 26.18, A꞉fe 5.8\x*Ko꞉sega tilidabu kaluka꞉isale gio꞉, Gode eyo꞉ gio꞉ ene so꞉lo꞉le doma꞉ki da꞉fe alitaki ta꞉fo꞉. Misa꞉ Kalu Alana꞉ ene bobalo꞉ so꞉mea꞉no꞉ kaluka꞉isale a꞉no꞉ gi ko꞉lo꞉ dowab. Gode eyo꞉ kaluka꞉isale gio꞉ malilo꞉ nafale doma꞉ki da꞉feyo꞉. Kaluka꞉isale gi a꞉no꞉ Godeya꞉ eno꞉le dowab. Gio꞉ sololi usa a꞉labiki, Gode eyo꞉ gio꞉ ho꞉lelia꞉sa꞉ga꞉ ene ho꞉len nafale a꞉na doma꞉ki ta꞉fo꞉ ko꞉lo꞉, elo꞉ man nafale gimo꞉lo꞉ dimido꞉ a꞉no꞉ giliyo꞉ tambo kalaba sama꞉ki go꞉.  
\v 10 \x - \xo 2.10 \xt Hos 2.23\x*Tamin amio꞉ gio꞉ Godeya꞉ ene so꞉lo꞉leyo꞉ mo꞉elen. Ko꞉sega o꞉go꞉ gio꞉ Godeya꞉ eno꞉le dowab. Tamin amio꞉ gio꞉ Godeya꞉ ene kanulo꞉ usamio꞉ mo꞉elen ko꞉sega, o꞉go꞉ Gode eyo꞉ gio꞉ ene kanulo꞉ usa ta꞉fo꞉lab.   
\s1 Henfelo꞉ wena silikiyo꞉, man digalo꞉ kudu ha꞉na꞉lubi  
\p
\v 11 \x - \xo 2.11 \xt Gala 5.17,24\x*Ne milile, henfelo꞉ wenamio꞉ gio꞉ mio꞉ kalu o꞉ngo꞉ ilikiyo꞉, mageso꞉ kalu o꞉ngo꞉ sia꞉lab. Gio꞉ o꞉leo꞉ngo꞉ a꞉lab ko꞉lo꞉ niyo꞉ gimo꞉wo꞉ hagugo꞉ towo꞉ a꞉la꞉so꞉lo꞉l. Henfelo꞉ do꞉mo꞉ wema꞉lo꞉ man mogago꞉ dimidama꞉no꞉ asulan a꞉ma꞉yo꞉ gili mama o꞉lia꞉yo꞉ alan buba꞉lab ko꞉lo꞉, gio꞉ man dimidan a꞉no꞉ ta꞉ta꞉ga꞉ fa꞉s dimia꞉bi.  
\v 12 \x - \xo 2.12 \xt Madi 5.16\x*Gio꞉ ha꞉la꞉ kalu o꞉lia꞉ sab ko꞉lo꞉, man gililo꞉ dimida꞉lab a꞉no꞉ mada nafale dimida꞉lubi. Giliyo꞉ a꞉la꞉dimidalikiyo꞉, iliyo꞉ gio꞉ mogago꞉wo꞉ dimidab a꞉la꞉diga꞉li sa꞉lalega, iyo꞉ man nafa gililo꞉ dimido꞉ a꞉no꞉ fanda ba꞉ba꞉ib ko꞉lo꞉, tif amio꞉ Gode eyo꞉ kaluka꞉isaleyo꞉ ba꞉ba꞉ni kalaba fa꞉la꞉dowalikiyo꞉, iliyo꞉ e ko꞉lo꞉ wabulu sa꞉ma꞉ib.   
\p
\v 13 \x - \xo 2.13 \xt Tait 3.1\x*Gio꞉ Alan Ya꞉su e ko꞉lo꞉ asulakiyo꞉, gamani kalu ko꞉li ko꞉lilo꞉wa꞉ ha꞉ga dowaki, ini towo꞉ kudu ha꞉na꞉lubi. Gamani misa꞉ kalu alan e wa꞉la꞉b dofo꞉lab ko꞉lo꞉, gio꞉ to elo꞉ a꞉no꞉ mada kudu ha꞉na꞉bi.  
\v 14 A꞉la꞉ta꞉ga꞉ gamani misa꞉ kalu a꞉ma꞉yo꞉ gamanilo꞉ bo꞉fo꞉mela꞉no꞉ kalu nolo꞉ da꞉fe alifelo꞉ ko꞉lo꞉, giliyo꞉ ililo꞉ to sa꞉lab a꞉no꞉lo꞉ kudu ha꞉na꞉lubi. Kalu i a꞉ma꞉yo꞉, kaluka꞉isale man mogago꞉lo꞉ dimidab a꞉no꞉ mo꞉walilaki falasila꞉melea꞉ki, a꞉la꞉ta꞉ga꞉ kaluka꞉isale man nafalo꞉ dimidab a꞉no꞉ wabulu sa꞉la꞉melea꞉ki da꞉fe alifa꞉.  
\v 15 \x - \xo 2.15 \xt 1Bid 3.16\x*Godeya꞉lo꞉ asulabo꞉ we. Man nafa gililo꞉ dimida꞉lab a꞉ma꞉yo꞉, asugdo꞉ma kaluwa꞉lo꞉ gimo꞉lo꞉ diga꞉li sa꞉lab a꞉no꞉ a꞉ma꞉la꞉bo꞉ mo꞉sama꞉ki gab. A꞉la꞉fo꞉ko꞉lo꞉ gio꞉ gamani bo꞉fo꞉lowan kaluwa꞉ ha꞉ga dowa꞉bi.  
\v 16 Gio꞉ ga꞉li mesea꞉kilo꞉ sili alifa꞉ kaluka꞉isale ko꞉lo꞉lab ko꞉sega, “Ne sili alifa꞉ ga꞉li so꞉bo꞉lo꞉b” a꞉la꞉asulakiyo꞉, mogago꞉ a꞉dimidama꞉no꞉wo꞉ asula꞉so꞉bo. A꞉la꞉ba. Gio꞉ ga꞉li sili alifa꞉ kaluka꞉isale dowakiyo꞉, gio꞉ Godeya꞉ ene madali nanogdo꞉ dian kaluka꞉isale o꞉ngo꞉ dowa꞉bi.  
\v 17 \x - \xo 2.17 \xt Lom 12.10\x*Gio꞉ kaluka꞉isale tambo o꞉lia꞉yo꞉ ha꞉sa dowaki, ili ha꞉ga dowa꞉lubi. Giliyo꞉ tilidabu kaluka꞉isalemo꞉wo꞉ ha꞉fo꞉wo꞉ disa꞉laki, alan asula꞉bi. Gio꞉ Godeyo꞉ tagilaki, e ko꞉lo꞉ wabudaki sa꞉la꞉lubi. A꞉la꞉ta꞉ga꞉ gio꞉ gamani misa꞉ kalu alan a꞉no꞉lia꞉yo꞉ ha꞉sa dowaki ha꞉ga dowa꞉lubi.   
\p
\v 18 \x - \xo 2.18 \xt A꞉fe 6.5\x*Madali nanogdo꞉ dian kaluka꞉isale gimo꞉wo꞉ a꞉la꞉so꞉lo꞉l. Gio꞉ gelo꞉ bo꞉fo꞉lab kalu a꞉ma꞉ ha꞉ga dowaki, elo꞉ to sa꞉lab a꞉no꞉ dinafa kudu ha꞉na꞉bi. Bo꞉fo꞉lab kalu abeyo꞉ gi o꞉lia꞉lo꞉ ha꞉sa dowakilo꞉, nafale dimidab a꞉no꞉leko꞉ so꞉lo꞉lba. Bo꞉fo꞉lab kalu abeyo꞉ gio꞉ halaido꞉ bo꞉fo꞉likilo꞉ mogago꞉lo꞉ dimida꞉lab i a꞉ma꞉ ha꞉ga dowa꞉lubi.  
\v 19 Giyo꞉ man halayo꞉ mo꞉dimido꞉ a꞉namio꞉, bo꞉fo꞉lowan kalu gilo꞉ma꞉yo꞉ hida꞉yo꞉ nagalo꞉wo꞉ gemo꞉ madali dimialega, gi asulo꞉wo꞉ Godemo꞉ tililia꞉ ha꞉na꞉melea꞉ki ta꞉taki, nagalo꞉ a꞉no꞉ dia꞉i ha꞉na꞉lubi. A꞉la꞉dimidalega Gode eyo꞉ man dimidab a꞉no꞉ ba꞉da꞉sa꞉ga꞉yo꞉, gio꞉ sagale alifa꞉ib.  
\v 20 \x - \xo 2.20 \xt 1Bid 3.14,17\x*Mo꞉wo꞉ giyo꞉ man mogago꞉wo꞉ dimidalega, gelo꞉ bo꞉fo꞉lab kaluwa꞉yo꞉ ge o꞉li yamela꞉ma꞉ib. Eyo꞉ ge sa꞉ndalikiyo꞉ ge ha꞉sa dowaki, hida꞉yo꞉ a꞉no꞉ dia꞉i ha꞉na꞉lalega, “Ne hida꞉yo꞉ we ha꞉sa elena dio꞉l ko꞉lo꞉ ne kalu nafale,” a꞉la꞉bo꞉ asula꞉so꞉bo. Mo꞉wo꞉ hida꞉yo꞉ a꞉no꞉ go꞉no꞉ndo꞉ dimido꞉ a꞉na iliki diab. Ko꞉sega giyo꞉ man nafale dimido꞉ amio꞉, ge nagalo꞉wo꞉ madali dia꞉sa꞉ga꞉ ge ha꞉sa dofo꞉liki hida꞉yo꞉ a꞉no꞉ dia꞉i ha꞉na꞉lalega, Gode eyo꞉ gilo꞉ man nafa dimidab a꞉no꞉ ba꞉da꞉sa꞉ga꞉yo꞉ sagale alifa꞉ib.  
\v 21 \x - \xo 2.21 \xt Madi 16.24, Yo꞉n 13.15\x*Gode eyo꞉ gio꞉ man nafa a꞉no꞉ ko꞉lo꞉ kudu hamana꞉ki a꞉na ho꞉ido꞉. Mo꞉wo꞉ Keliso e gi asuwa꞉takiyo꞉, nagalo꞉wo꞉ e dia꞉i ane. Gio꞉ elo꞉ dimido꞉ o꞉leau kudu mena꞉kiyo꞉, eyo꞉ man we gimo꞉wo꞉ a꞉na wido꞉.   
\q1
\v 22 \x - \xo 2.22 \xt Ais 53.9\x*“Eyo꞉ mogago꞉wo꞉ mada mo꞉dimido꞉,  
\q2 a꞉la꞉ta꞉ga꞉ madali to nowo꞉ eyo꞉ mada mo꞉sio꞉.”   
\m
\v 23 \x - \xo 2.23 \xt Ais 53.7, 1Bid 3.9\x*Kaluka꞉isale iliyo꞉ emo꞉wo꞉ dio꞉ge sa꞉labikiyo꞉, eyo꞉ wa꞉lo꞉ mo꞉dio꞉ge sio꞉. E nagalo꞉ diakiyo꞉, eyo꞉ tagima꞉no꞉ towo꞉ imo꞉wo꞉ mo꞉sio꞉. Ko꞉sega Ya꞉su eyo꞉ eneno꞉ Godeya꞉ dagiya difa꞉. Mo꞉wo꞉ Gode eyo꞉ kaluka꞉isaleyo꞉ tambo digale mo꞉walila꞉sen.  
\v 24 \x - \xo 2.24 \xt Ais 53.5-6, Lom 6.11\x*Keliso e i malana sowaki, mogago꞉ nililo꞉wo꞉ do꞉mo꞉ elo꞉ma꞉ dia꞉i ha꞉na꞉la꞉ga꞉ sowo꞉. Elo꞉ dimido꞉ a꞉ma꞉yo꞉, nio꞉ man mogago꞉wo꞉ mo꞉kudu hamana꞉ki go꞉. Nio꞉ man digalo꞉ a꞉no꞉leko꞉ kudu ha꞉na꞉melea꞉ki, eyo꞉ a꞉la꞉dimidalifa꞉. Elo꞉ nagalo꞉ alan di a꞉ma꞉yo꞉ gio꞉ ko꞉lo꞉ falele alitaki go꞉.  
\v 25 \x - \xo 2.25 \xt Ese 34.5-6, Madi 9.36, Yo꞉n 10.14, Hibu 13.20-21\x*Mo꞉wo꞉ gio꞉ sibi ko꞉lo꞉ togo꞉ halalo꞉ ha꞉na꞉len o꞉ngo꞉ elen. Ko꞉sega o꞉go꞉ gio꞉ Ya꞉sulo꞉wa a꞉ma꞉la꞉ mio꞉ ko꞉lo꞉, e sibilo꞉ bo꞉fo꞉lowan kalu, a꞉la꞉ta꞉ga꞉ gili mama a꞉no꞉lo꞉ dinafalo꞉ bo꞉fo꞉lowan kaluwo꞉ e ko꞉lo꞉lab. \fig Gio꞉ sibi o꞉ngo꞉ dowab ko꞉lo꞉, gilo꞉ bo꞉fo꞉lab kaluwo꞉ Ya꞉su e.|alt="Shepherd and sheep in pasture" src="09_1Sa_16_15_RG_gr.tif" size="col" copy="© Sweet Publishing http://sweetpublishing.com, licensed under a CC: BY-SA 3.0 Unported licence." ref="2.25" \fig*   
\c 3  
\s1 Galeso꞉ man  
\p
\v 1-2 \x - \xo 3.1-2 \xt A꞉fe 5.22\x*To halomilo꞉ sio꞉ o꞉leaumbo꞉, ga indo꞉ gio꞉lo꞉, ge kaluwa꞉ ha꞉ga mada dowa꞉lubi. Kalu gilo꞉wo꞉ Godeya꞉ ene towo꞉ ko꞉lo꞉ mo꞉kudu ha꞉nalega, ga gio꞉ ge kaluwa꞉ ha꞉ga dowa꞉bi. A꞉la꞉galikiyo꞉ giyo꞉ towo꞉ mo꞉sa꞉lab ko꞉sega, gilo꞉ Gode tagilakilo꞉ ha꞉ga dowan man o꞉lia꞉, gi man digalo꞉ dimida꞉lab a꞉no꞉lia꞉ ba꞉da꞉sa꞉ga꞉yo꞉, ili asulo꞉wo꞉ gilo꞉ man dimidab a꞉ma꞉ nodo alifa꞉ib.  
\v 3 \x - \xo 3.3 \xt 1Tim 2.9\x*Gio꞉ ga nafale doma꞉nikiyo꞉, gi do꞉mo꞉ ha꞉la꞉ amilo꞉ momadan o꞉mba. Ge gesegema꞉kilo꞉ misa꞉ fo꞉n melano꞉, go꞉la꞉lo꞉ momadakilo꞉ kagedano꞉, a꞉la꞉ta꞉ga꞉ so꞉g nafale ka꞉lan a꞉ma꞉yo꞉ ge ga nafale doma꞉ibo꞉ o꞉mba.  
\v 4 Ko꞉sega gio꞉ mada gesego꞉le fa꞉la꞉doma꞉kiyo꞉, gi asulo꞉ usamilo꞉ da꞉lab a꞉no꞉ asula꞉sa꞉ga꞉ dinafalema. Ha꞉salo꞉ mesa꞉no꞉ man o꞉lia꞉, ha꞉fa꞉nolo doma꞉no꞉ man a꞉no꞉lia꞉ma꞉yo꞉ gio꞉ gesego꞉le fa꞉la꞉do alifa꞉ib ko꞉lo꞉, gesego꞉ a꞉no꞉ mada mo꞉kelegema꞉ib. A꞉la꞉ta꞉ga꞉ man wengo꞉wo꞉ Godeya꞉ siwa꞉l amio꞉ mada nafale ko꞉lo꞉lab.  
\v 5 Giliyo꞉ a꞉la꞉do꞉ dimidama꞉no꞉wo꞉ mo꞉wo꞉ we. Tamin amilo꞉ tilidabu ka꞉isale a꞉ma꞉lo꞉ dimida꞉leno꞉ we. Iliyo꞉ Godeya꞉ to sio꞉ a꞉no꞉ hendele fa꞉la꞉doma꞉ib a꞉la꞉li tilida꞉dakiyo꞉, ini e kaluwa꞉ ha꞉ga dowa꞉sen. Man a꞉ma꞉ ilikiyo꞉, inino꞉ nafale momade alitaki gesego꞉ fa꞉la꞉do alifelo꞉.  
\v 6 \x - \xo 3.6 \xt Mo꞉mo꞉ 18.12\x*A꞉la꞉do꞉ go꞉ o꞉leaumbo꞉, Sa꞉la eyo꞉ Ablahama꞉ towo꞉ kudu ha꞉nakiyo꞉, inbo꞉wo꞉ kalu alan a꞉la꞉sio꞉. A꞉la꞉go꞉ko꞉lo꞉ gio꞉ kelego꞉ imilig nowo꞉ mo꞉tagilaki man nafale dimidalega, gio꞉ Selaya꞉ ene ida꞉la꞉la꞉le ko꞉lo꞉lab.   
\p
\v 7 \x - \xo 3.7 \xt A꞉fe 5.25\x*A꞉la꞉do꞉ go꞉ o꞉leaumbo꞉, galeso꞉ giliyo꞉lo꞉ ga gililo꞉wo꞉ dinafa asulaki, i o꞉lia꞉yo꞉ ha꞉salo꞉ mesa꞉no꞉ a꞉no꞉ ko꞉lo꞉ dowa꞉bi. Ga ili do꞉mo꞉wo꞉ halaido꞉lo꞉ma ko꞉lo꞉, kalu giliyo꞉ iyo꞉ asuwa꞉taki, dinafa tilidowa꞉bi. Mo꞉wo꞉ Godeya꞉ ene so꞉walemo꞉lo꞉ mela꞉no꞉ dimia꞉ib a꞉no꞉ iyo꞉lo꞉ dia꞉ib. Godemo꞉lo꞉ gililo꞉ dulugu sa꞉ma꞉no꞉wo꞉ ka꞉labena꞉kiyo꞉, giliyo꞉ man a꞉no꞉ ko꞉lo꞉ kudu ha꞉na꞉lubi.   
\s1 Nafa dimido꞉ amilo꞉ hida꞉yo꞉ fa꞉la꞉dowab a꞉no꞉ dia꞉ha꞉na꞉lubi  
\p
\v 8 To a꞉no꞉ edakiyo꞉, tilidabu kaluka꞉isale gio꞉ tambo asulo꞉wo꞉ imilig dowa꞉lubi. Gegelebo꞉ nolo꞉ nofola꞉bi. Gaole asulan aumbo꞉, nolo꞉lo꞉ mada alan asula꞉bi. Nol o꞉lia꞉yo꞉ ha꞉fo꞉wo꞉ disa꞉la꞉bi. A꞉la꞉ta꞉ga꞉ go꞉no꞉n asulo꞉wo꞉ sana to꞉lota꞉ga꞉, ge ha꞉ga dowa꞉bi.  
\v 9 Kalu abeyo꞉ gimo꞉wo꞉ mogago꞉wo꞉ dimidalega, giliyo꞉ wa꞉lo꞉ wa꞉dea꞉so꞉bo. Iliyo꞉ ge dio꞉ge sa꞉lalega, giliyo꞉ a꞉ma꞉la꞉bo꞉ dio꞉ge sa꞉la꞉so꞉bo. A꞉la꞉ba. Gililo꞉ a꞉ma꞉la꞉ to sa꞉ma꞉ibo꞉ we. I a꞉no꞉ nafale doma꞉kiyo꞉, Godemo꞉ dulugu sa꞉la꞉bi. Godeya꞉lo꞉ gi ko꞉lo꞉ ho꞉ido꞉wo꞉ a꞉la꞉dimidama꞉ki go꞉. Giliyo꞉ a꞉la꞉dimidalikiyo꞉, Godeya꞉ ene so꞉walemo꞉lo꞉ nafale mesa꞉no꞉ tif amilo꞉ dimia꞉ib a꞉no꞉ gimo꞉wo꞉lo꞉ dimia꞉ib.  
\v 10 \x - \xo 3.10 \xt Song 34.12-16\x*Mo꞉wo꞉ Godeya꞉ towa꞉yo꞉ a꞉la꞉sa꞉sa꞉lo꞉,  
\q1 Kaluka꞉isale abeyo꞉ e mela꞉no꞉wo꞉ nafa doma꞉no꞉ asulaki, a꞉la꞉ta꞉ga꞉  
\q2 e mada sagalo꞉le doma꞉no꞉ asula꞉lab a꞉ma꞉yo꞉,  
\q1 to mogago꞉wo꞉ mo꞉sa꞉laki, a꞉la꞉ta꞉ga꞉  
\q2 madali towo꞉lo꞉ dikili sa꞉la꞉so꞉bo.   
\q1
\v 11 Eyo꞉ man mogago꞉mo꞉wo꞉ fa꞉s dimiaki,  
\q2 man nafaleyo꞉ ko꞉lo꞉ kudu ha꞉na꞉lubi.  
\q1 Eyo꞉ kaluka꞉isale nol o꞉lia꞉yo꞉ asulo꞉wo꞉ imilise domo꞉losa꞉ a꞉laki keda꞉sa꞉ga꞉,  
\q2 Tog a꞉na fa꞉la꞉dowakiyo꞉, halale kudu ha꞉na꞉lubi.   
\q1
\v 12 Mo꞉wo꞉ Alan eyo꞉ digalo꞉ kaluka꞉isale i a꞉no꞉ dinafa bo꞉fo꞉likiyo꞉,  
\q2 ililo꞉ to dulugu sa꞉lab a꞉no꞉ da꞉da꞉sen.  
\q1 Ko꞉sega Alan eyo꞉ kaluka꞉isale mogago꞉lo꞉ dimida꞉lab o꞉mo꞉wo꞉ mo꞉bea꞉sen.   
\p
\v 13 Giliyo꞉ man nafaleyo꞉ halale kudu ha꞉na꞉lalega, kalu noma꞉lo꞉ gi ko꞉lo꞉ mogagila꞉ma꞉no꞉wo꞉ tog do꞉ma doma꞉ib.  
\v 14 \x - \xo 3.14 \xt Ais 8.12-13, Madi 5.10, 1Bid 2.20, 4.14\x*Ko꞉sega giliyo꞉ man nafale dimido꞉ ami, nolba꞉yo꞉ nagalo꞉ hida꞉yo꞉wo꞉ gimo꞉wo꞉ dimialega, Gode eyo꞉ gi a꞉no꞉ sagale alitakiyo꞉ asuwa꞉fa꞉ib. Kaluka꞉isale i a꞉ma꞉yo꞉ gio꞉ tagima꞉kiyo꞉ towo꞉ sa꞉lalikiyo꞉, kele asulakiyo꞉ tagila꞉so꞉bo.  
\v 15 Gio꞉ tagio꞉ mo꞉dowaki, Keliso esa gili Kalu Alan a꞉la꞉bo꞉ wabulu sa꞉lakiyo꞉, asulo꞉ gililo꞉wa halale dia꞉ta꞉bi. Kaluka꞉isale nolba꞉yo꞉ gemo꞉wo꞉ dabu ba꞉daki, “Gio꞉ Gode amilo꞉ tilida꞉dakilo꞉ yasilab ko mo꞉wo꞉ o꞉ba?” a꞉la꞉bo꞉ gimo꞉wo꞉ dabu ba꞉ba꞉ib ko꞉lo꞉, gililo꞉ a꞉ma꞉la꞉ to sa꞉ma꞉no꞉wo꞉ dimidalia꞉bi. Ko꞉sega giliyo꞉ a꞉ma꞉la꞉ to sa꞉lakiyo꞉, ha꞉fa꞉nolo dofo꞉liki ha꞉sa sama.  
\v 16 \x - \xo 3.16 \xt 1Bid 2.12\x*Ho꞉leno꞉ tambo gi asulakiyo꞉, “man we digalo꞉ dimido꞉l” a꞉la꞉do꞉ asulab a꞉no꞉leko꞉ kudu ha꞉na꞉bi. A꞉la꞉do꞉ dimidab a꞉namio꞉ kalu nolba꞉yo꞉ gimo꞉wo꞉ diga꞉li sa꞉lalega, dikidian kalu i a꞉ma꞉yo꞉ gili man nafa Kelisowa꞉ wiya ilikilo꞉ dimidab a꞉no꞉ ba꞉dakiyo꞉, inin ko꞉ a꞉sendeloma꞉ib.  
\v 17 Gode eyo꞉ nio꞉ man nafa dimido꞉ ami hida꞉yo꞉wo꞉ dima꞉ki asulalega, a꞉no꞉ o꞉li. Ko꞉sega hida꞉yo꞉ diab a꞉no꞉ nililo꞉ man mogago꞉ dimido꞉ a꞉na a꞉la꞉ta꞉ga꞉ dialega, a꞉no꞉ mo꞉ililo꞉.   
\p
\v 18 A꞉ma꞉ mo꞉wo꞉ we. Giliyo꞉ Keliso e asuluma. E mada digalo꞉ kalu ko꞉sega, mogago꞉lo꞉ dimida꞉sen kaluwa꞉ heno꞉ e diaki, mogago꞉ ililo꞉ a꞉ma꞉ ilikiyo꞉, nagalo꞉wo꞉ e odo꞉ si. E ho꞉len imilig amilo꞉ sowo꞉ a꞉na ilikiyo꞉, ili mogago꞉wo꞉ tambo e dilaki ilili alifa꞉ ko꞉lo꞉, wa꞉kabiyo꞉ mo꞉soma꞉ib. Elo꞉ hida꞉yo꞉ dia꞉li ha꞉na꞉lab a꞉ma꞉yo꞉ nio꞉ tililia꞉ ha꞉na꞉ga꞉ Godelo꞉wa ta꞉taki go꞉. Henfelo꞉ kaluwa꞉yo꞉ ene do꞉mo꞉wo꞉ sanala꞉ ko꞉sega, Gode eyo꞉ ene mela꞉no꞉ mama a꞉no꞉ mela꞉no꞉wo꞉ a꞉dimi ko꞉lo꞉lab.  
\v 19 E mama mela꞉no꞉ ilikiyo꞉, dibolo hen amilo꞉ sowo꞉ mamalo꞉ sab a꞉namio꞉ ha꞉na꞉sa꞉ga꞉, towo꞉ imo꞉wo꞉ a꞉na wido꞉.  
\v 20 \x - \xo 3.20 \xt Mo꞉mo꞉ 6–7\x*Mama i a꞉no꞉, Noa ho꞉len amilo꞉ Godeya꞉ ene tolo꞉ gola ba꞉ba꞉yo꞉ o꞉m. Noa elo꞉ ho꞉n ko꞉sulo꞉ dimida꞉i ha꞉na꞉len amio꞉, Gode e ha꞉sa iliki, eyo꞉ kaluka꞉isale i a꞉no꞉ bo꞉ebo꞉ mo꞉wa꞉deaki o꞉yasila꞉len. A꞉la꞉ta꞉ga꞉ ho꞉n ko꞉su us a꞉namio꞉ kaluka꞉isale modo꞉ma, Noaya꞉ ene eso꞉lo꞉ ola꞉fo꞉ a꞉no꞉leko꞉ tiane. Ho꞉n galu mio꞉ a꞉ma꞉yo꞉, ho꞉n ko꞉suwo꞉ ha꞉lelia꞉ga꞉ fa꞉la꞉ ane ko꞉lo꞉, ho꞉n a꞉na a꞉la꞉ta꞉ga꞉yo꞉ Noaya꞉ eso꞉lo꞉le a꞉no꞉ko꞉ ga꞉li sili handalowo꞉.  
\v 21 Ilo꞉ amilo꞉ fa꞉la꞉dowo꞉ a꞉ma꞉yo꞉, ho꞉n amilo꞉ to꞉lolan man nililo꞉ o꞉go꞉do꞉ kudu ha꞉na꞉lab a꞉no꞉ ko꞉lo꞉ da꞉feyo꞉. Mo꞉wo꞉ ho꞉n amilo꞉ to꞉lolab a꞉ma꞉yo꞉ nio꞉ mo꞉soma꞉ki asuwa꞉takigab. Ho꞉n amilo꞉ to꞉lolan man a꞉ma꞉yo꞉ do꞉mo꞉ wa꞉l amilo꞉ heyo꞉ a꞉no꞉ ko꞉lo꞉ dilaki gaba. Gode eyo꞉ Ya꞉su Keliso sowo꞉ a꞉dasi alifa꞉ a꞉na ilikiyo꞉, Gode eyo꞉ nio꞉ digalo꞉ kalu da꞉feyo꞉ ko꞉lo꞉, nio꞉ Godeya꞉ siwa꞉l amio꞉ o꞉ma digalo꞉ dowo꞉ a꞉la꞉asuluma꞉kiyo꞉, ho꞉n amilo꞉ to꞉lolab a꞉ma꞉yo꞉ widaki gab.  
\v 22 Ya꞉su e a꞉ma꞉la꞉ dasila꞉sa꞉ga꞉yo꞉, Hebene ane ko꞉lo꞉, o꞉go꞉ e Godeya꞉ ene dagi ililiba siliki, ma꞉mula꞉ kalu i o꞉lia꞉, a꞉la꞉ta꞉ga꞉ mama ko꞉li ko꞉lilo꞉ halaido꞉lo꞉ a꞉lab a꞉no꞉ tambo e ha꞉ga dia꞉taki, e bo꞉fo꞉lab.   
\c 4  
\s1 Niliyo꞉ henfelo꞉wa꞉ mano꞉ ta꞉taki, tog ho꞉giya ha꞉na꞉niki  
\p
\v 1 \x - \xo 4.1 \xt Lom 6.2,7\x*Keliso eyo꞉ Godeya꞉ asulo꞉ au kudu ha꞉nakiyo꞉, ene do꞉mo꞉ amio꞉ nagalo꞉ diakiyo꞉ odo꞉ si ko꞉lo꞉, giliyo꞉lo꞉ elo꞉ asulo꞉ o꞉leau a꞉la꞉asulaki, halale ta꞉li dowa꞉bi. Mo꞉wo꞉ kaluka꞉isale abeyo꞉ nagalo꞉wo꞉ ene do꞉mo꞉wa dia꞉likilo꞉ ha꞉na꞉lab a꞉ma꞉yo꞉, man mogago꞉ a꞉dimidama꞉no꞉wo꞉ edo꞉l a꞉la꞉widaki gab.  
\v 2 A꞉la꞉go꞉ko꞉lo꞉ e do꞉mo꞉ o꞉lia꞉lo꞉ o꞉a꞉lab ho꞉len a꞉namio꞉, ene do꞉mo꞉wa꞉lo꞉ meselan man a꞉no꞉ mo꞉kudu ha꞉na꞉no꞉ asulaki, e Godeya꞉lo꞉ asulab a꞉no꞉ ko꞉lo꞉ mada kudu ha꞉na꞉ib.  
\v 3 \x - \xo 4.3 \xt A꞉fe 2.2-3\x*Tamin amio꞉ giliyo꞉ ha꞉la꞉ kaluka꞉isaleya꞉lo꞉ man dimidama꞉no꞉ asulab o꞉leaumbo꞉ dimida꞉i mio꞉. Man a꞉no꞉ we. Digalilan mano꞉lo꞉, inido꞉ bulu meselan mano꞉lo꞉, no꞉nolo꞉ mano꞉lo꞉, mogago꞉ dimidama꞉nikilo꞉ aluna꞉ ho꞉n ma꞉no꞉ kegean mano꞉lo꞉, a꞉la꞉ta꞉ga꞉ Godeya꞉ ele difa꞉ gedeakilo꞉, madali godemo꞉lo꞉ gulugulula꞉ma꞉no꞉ man a꞉no꞉ o꞉m.  
\v 4 Ha꞉la꞉ kaluka꞉isale iliyo꞉ man mogago꞉ wengo꞉wo꞉ modo꞉ dimida꞉i ha꞉na꞉lab ko꞉lo꞉, gio꞉ i o꞉lia꞉yo꞉ mo꞉gasa dowalikiyo꞉, iyo꞉ wangabi gaba꞉le a꞉la꞉asulakiyo꞉, gimo꞉wo꞉ dio꞉ge sa꞉la꞉lab.  
\v 5 \x - \xo 4.5 \xt Ilig 10.42\x*Ko꞉sega Alana꞉lo꞉ aloba꞉dab ho꞉len a꞉namio꞉, kaluka꞉isale man mogago꞉ inido꞉ dimida꞉len a꞉ma꞉yo꞉ Godeya꞉ siwa꞉l amio꞉ kalaba sa꞉ma꞉ib. Aloba꞉dan kalu eyo꞉ kalu mela꞉no꞉lo꞉ o꞉a꞉lab o꞉lia꞉ sowo꞉ kalu o꞉lia꞉ma꞉ man ko꞉lo꞉ aloba꞉ma꞉no꞉wo꞉ e dimidalia꞉ga꞉ a꞉lab.  
\v 6 Eyo꞉ aloba꞉ma꞉no꞉wo꞉ dimidaefa꞉ ko꞉lo꞉, mo꞉wo꞉ a꞉na ilikiyo꞉, tilidabu kaluka꞉isale dane ane i a꞉no꞉ semo꞉sowo꞉ amio꞉, Ya꞉suwa꞉ to nafa a꞉no꞉ imo꞉wo꞉ wida꞉len. Ini do꞉mo꞉lo꞉ doba꞉da꞉yo꞉, mogago꞉wa꞉ wa꞉l diakiyo꞉, ini do꞉mo꞉wo꞉ sowa꞉len. Ko꞉sega ili mela꞉no꞉ mama a꞉no꞉, Gode mela꞉no꞉le a꞉lab o꞉leo꞉ngo꞉ dota꞉ga꞉ ha꞉na꞉mela꞉ib.   
\p
\v 7 \x - \xo 4.7 \xt Lom 13.11-12\x*Kelego꞉ tambolo꞉ elema꞉no꞉ ho꞉leno꞉ ko꞉na꞉ma dowab. A꞉la꞉fo꞉ko꞉lo꞉ go꞉no꞉n man o꞉lia꞉ asulo꞉ o꞉lia꞉yo꞉ tili dowa꞉lubi. A꞉la꞉ga꞉lalikiyo꞉ gililo꞉ dulugu sa꞉la꞉lab a꞉no꞉ o꞉li doma꞉ib.  
\v 8 \x - \xo 4.8 \xt 1Bid 1.22\x*Wa꞉la꞉b kelego꞉ da꞉labo꞉ we. Giliyo꞉ gegelebo꞉ ha꞉fo꞉wo꞉ mada disa꞉la꞉lubi. Giliyo꞉ nolbo꞉lo꞉ ha꞉fo꞉ disa꞉lab a꞉namio꞉, mogago꞉ ililo꞉ gimo꞉lo꞉ modo꞉ dimido꞉ a꞉no꞉ halaki gab.  
\v 9 \x - \xo 4.9 \xt Hibu 13.2\x*Tilidabu kaluka꞉isale i nolo꞉ gi o꞉lia꞉ mela꞉ni yalikiyo꞉, giliyo꞉ mo꞉beo꞉lo꞉ma dowaki, iyo꞉ dinafa tilidowa꞉bi.  
\v 10 \x - \xo 4.10 \xt Lom 12.6-8\x*Gode eyo꞉ gio꞉ tambo mada kanulu alitakiyo꞉, boba kelego꞉ enedo꞉ ko꞉li ko꞉lilo꞉wo꞉ ina꞉li ina꞉lilo꞉mo꞉ dimi ko꞉lo꞉lab. A꞉la꞉fo꞉ko꞉lo꞉ giliyo꞉ boba kelego꞉ gimo꞉lo꞉ dimi a꞉no꞉ ene wiya iliki dinafa bo꞉fo꞉liki, kaluka꞉isale nolo꞉ a꞉na tilidowaki asuwa꞉ta꞉lubi.  
\v 11 Kaluka꞉isale abeyo꞉ tolo꞉ walama꞉no꞉ dowab a꞉ma꞉yo꞉ Godeya꞉ ene toleyo꞉ ko꞉lo꞉ dinafa wida꞉bi. Kaluka꞉isale abeyo꞉ kalu noldo꞉ asuwa꞉fa꞉no꞉ dowab a꞉ma꞉yo꞉, Godeya꞉ halaido꞉ emo꞉lo꞉ dimia꞉lab a꞉na iliki, nolbo꞉wo꞉ a꞉na asuwa꞉ta꞉lubi. Giliyo꞉ a꞉la꞉dimida꞉lalikiyo꞉ Ya꞉su Keliso eya a꞉la꞉ta꞉ga꞉ Gode e wiyo꞉ alan dia꞉ib. Ya꞉su Keliso ene halaido꞉ o꞉lia꞉ ene wi alan o꞉lia꞉yo꞉ ko꞉ngo꞉ mela꞉no꞉ mela꞉no꞉ mela꞉ib. Hendeleyo꞉ o꞉m.   
\s1 Keliso kaluka꞉isaleyo꞉ hida꞉yo꞉wo꞉ dia꞉ib  
\p
\v 12 Ni milile, gi tilidabuwo꞉ da꞉feakiyo꞉, hida꞉yo꞉ nowo꞉ deyo꞉ o꞉ngo꞉ ko꞉lo꞉ gilo꞉wa fa꞉la꞉dowalikiyo꞉, gio꞉ iliga꞉so꞉bo. Giliyo꞉ kelego꞉ we mada ko꞉li ko꞉lo꞉ fa꞉la꞉dowab a꞉la꞉bo꞉ asula꞉so꞉bo.  
\v 13 \x - \xo 4.13 \xt Ilig 5.41, Ya꞉m 1.2, 1Bid 1.6-7\x*Da꞉feab a꞉namio꞉ Keliso elo꞉ nagalo꞉ di o꞉leaumbo꞉, gio꞉ e o꞉lia꞉ dowaki hida꞉yo꞉wo꞉ diab ko꞉lo꞉, gio꞉ mada sagala꞉bi. Kelisowa꞉ ene wi alano꞉ kalab amilo꞉ fa꞉la꞉dowab ho꞉len a꞉namio꞉, hida꞉yo꞉ o꞉gdo꞉ diab a꞉ma꞉yo꞉ gio꞉ sagalo꞉wo꞉ mada alan doma꞉ki gab.  
\v 14 \x - \xo 4.14 \xt 1Bid 2.20\x*Kelisowa꞉ ene wiya elen amio꞉, nolba꞉yo꞉ gimo꞉wo꞉ diga꞉li sa꞉lalega, gio꞉ sagala꞉bi. Mo꞉wo꞉ a꞉la꞉do꞉ dimidab a꞉no꞉, Godeya꞉ ene Mamayo꞉ ge amio꞉ dofo꞉laka꞉ a꞉la꞉ widakigab. A꞉la꞉ta꞉ga꞉ Mama a꞉no꞉ wi alan halaido꞉wo꞉ a꞉lab.  
\v 15 Kalu abeyo꞉ sana sowan mano꞉, afa dian mano꞉, mogago꞉ dimida꞉sen mano꞉, eteab mano꞉, o꞉lo꞉ dimida꞉lab a꞉no꞉ wa꞉deakiyo꞉, hida꞉yo꞉wo꞉ dia꞉ib. I a꞉no꞉ wiyo꞉ mogago꞉ dia꞉ib ko꞉sega, Godeya꞉ wiyo꞉ gi amio꞉ da꞉lab ko꞉lo꞉, giliyo꞉ man o꞉leo꞉ngo꞉wo꞉ dimida꞉so꞉bo.  
\v 16 Ko꞉sega kaluka꞉isale abeyo꞉ Kelisowa꞉ wiya dofo꞉len ami hida꞉yo꞉ a꞉namilo꞉ diab a꞉no꞉ mada sendelowa꞉so꞉bo. Kelisowa꞉ wi elo꞉ di a꞉na ilikiyo꞉, e sagalaki Godeya꞉ ene wiyo꞉ a꞉na wabulu sa꞉ma꞉ib.  
\v 17 Mo꞉wo꞉ Gode elo꞉ kaluka꞉isale mo꞉walilima꞉no꞉ ho꞉leno꞉ o꞉ma fa꞉la꞉dowab ko꞉lo꞉, eyo꞉ kaluka꞉isale enedo꞉le a꞉no꞉ ko꞉le mo꞉walila꞉lab. Gode eyo꞉ ni ko꞉le mo꞉walilaki, hida꞉yo꞉ alan dimialega, wai, kaluka꞉isale Godeya꞉ ene to nafalo꞉ gola ba꞉da꞉len a꞉no꞉ tif amilo꞉ mo꞉walilab a꞉namio꞉, imo꞉leyo꞉ waga ebelema꞉nigaba꞉le?  
\v 18 \x - \xo 4.18 \xt Sndn 11.31\x*Godeya꞉ ene bugo꞉ amio꞉ towo꞉ a꞉la꞉sa꞉sa꞉lo꞉ ko꞉lo꞉ da꞉lab,  
\q1 Gode eyo꞉ digalo꞉ kaluka꞉isale ko꞉lo꞉ gasilia꞉no꞉wo꞉lo꞉ mada halaido꞉ dowo꞉ ko꞉lo꞉,  
\q2 kaluka꞉isale Godeyo꞉ gola ba꞉dakilo꞉ man mogago꞉lo꞉ dimida꞉len i amio꞉ waga fa꞉la꞉doma꞉nigaba꞉le?   
\p
\v 19 A꞉la꞉fo꞉ko꞉lo꞉ kaluka꞉isale abeyo꞉ Godeya꞉lo꞉ asulab au iliki hida꞉yo꞉wo꞉ a꞉na dia꞉ ha꞉na꞉len a꞉ma꞉yo꞉, eneno꞉ Godeya꞉ ene dagiya dia꞉takiyo꞉, man nafale a꞉no꞉ ko꞉lo꞉ dimida꞉li ha꞉na꞉lubi. Gode eyo꞉ nio꞉ dimido꞉ ko꞉lo꞉, eyo꞉ nio꞉ dinafa tili dowa꞉i ha꞉na꞉mela꞉ib.   
\c 5  
\s1 Sa꞉sdo꞉ bo꞉fo꞉lowana꞉ mano꞉ we  
\p
\v 1 Niyo꞉ sa꞉sdo꞉ bo꞉fo꞉lowan kalu gimo꞉wo꞉ towo꞉ sa꞉ma꞉nigo꞉l. Nelo꞉ sa꞉sdo꞉ bo꞉fo꞉lowan kalu nowo꞉ ne ko꞉lo꞉, Keliso e nagalo꞉wo꞉ diabikiyo꞉ ne ba꞉ba꞉ ko꞉lo꞉ so꞉lo꞉l. A꞉la꞉ta꞉ga꞉ Kelisowa꞉ ene wi alan halaido꞉ a꞉no꞉ kalab amilo꞉ fa꞉la꞉dowab ho꞉len a꞉namio꞉, nelo꞉ e o꞉lia꞉ dowaki nafale mesa꞉no꞉. A꞉la꞉fo꞉ko꞉lo꞉ niyo꞉ bo꞉fo꞉lowan kalu gio꞉ digidalitakiyo꞉ nanogo꞉ a꞉la꞉ dima꞉ki asulo꞉.  
\v 2 \x - \xo 5.2 \xt Yo꞉n 21.15-17, Ilig 20.28\x*Gode eyo꞉ tilidabu kaluka꞉isale enedo꞉ a꞉no꞉ gimo꞉ bo꞉fo꞉melea꞉ki dimi ko꞉lo꞉, sibilo꞉ bo꞉fo꞉lowan kaluwa꞉lo꞉ ene sibi bo꞉fo꞉lab o꞉leaumbo꞉, giliyo꞉lo꞉ kaluka꞉isale Godeya꞉lo꞉ gimo꞉lo꞉ dimi ko dinafa mada tilidowa꞉bi. Nanog a꞉no꞉ nolba꞉yo꞉ gemo꞉wo꞉ dima꞉ki dibodalikiyo꞉, ge mo꞉bealega, dia꞉so꞉bo. Ge Godeya꞉lo꞉ asulab au kudu ha꞉nakiyo꞉, nanog a꞉no꞉ sagala꞉liki dimida꞉lubi. A꞉la꞉ta꞉ga꞉ gio꞉ nanog a꞉no꞉ ko꞉lo꞉ dimidakiyo꞉, wa꞉lo꞉ dia꞉no꞉ a꞉lakiyo꞉ dimida꞉so꞉bo. Giliyo꞉ nanog a꞉no꞉ dimidamo꞉losa꞉ a꞉la꞉ bulu meselaki dimida꞉lubi.  
\v 3 \x - \xo 5.3 \xt 2Kol 1.24, Fili 3.17, Tait 2.7\x*Gio꞉ kalu alano꞉ o꞉ngo꞉ dowakiyo꞉, kaluka꞉isale Godeya꞉lo꞉ gimo꞉ tili dofo꞉melea꞉kilo꞉ ta꞉fo꞉ a꞉no꞉ giliyo꞉ wa꞉la꞉ sa꞉nda꞉so꞉bo. Iyo꞉ ge kudu mena꞉kiyo꞉, man nafale gilo꞉ a꞉no꞉ imo꞉ wida꞉lubi.  
\v 4 Giliyo꞉ a꞉la꞉dimidalega, sibilo꞉ bo꞉fo꞉lowan kalu wa꞉la꞉b a꞉no꞉ kalaba fa꞉la꞉dowalikiyo꞉, wa꞉lo꞉ mada nafale dia꞉ib ko꞉lo꞉, wa꞉l dia꞉no꞉ a꞉ma꞉yo꞉ gi wiyo꞉ alan fa꞉la꞉doma꞉ki gab. A꞉la꞉ta꞉ga꞉ gi wi alan a꞉no꞉ mo꞉mogaima꞉no꞉, ko꞉ngo꞉ mela꞉no꞉ mela꞉ib.   
\p
\v 5 \x - \xo 5.5 \xt Sndn 3.34, A꞉fe 5.21, Ya꞉m 4.6\x*Kalu so꞉wa giliyo꞉ ko꞉go꞉dego꞉ kalu a꞉ma꞉ ha꞉ga dowa꞉bi. A꞉la꞉ta꞉ga꞉ kaluka꞉isale gio꞉ tambo ginina꞉ma꞉la꞉lo꞉ ha꞉g amilo꞉ doma꞉no꞉ man a꞉no꞉ ko꞉lo꞉ kudu ha꞉nakiyo꞉, gegelebo꞉ nolba꞉ ha꞉ga dowa꞉lubi. Mo꞉wo꞉  
\q1 “Gode eyo꞉ kaluka꞉isale abeyo꞉ ini wiyo꞉ iwalu duludaki kaila꞉lab a꞉no꞉lia꞉yo꞉ gis dowab.  
\q2 Ko꞉sega Gode eyo꞉ kalu abeyo꞉ inina꞉ma꞉la꞉yo꞉ ha꞉g amilo꞉ dowab i a꞉no꞉lia꞉yo꞉ ha꞉fo꞉ disa꞉laki nafale mesea꞉ki ta꞉ta꞉sen.”   
\m
\v 6 \x - \xo 5.6 \xt Madi 23.12, Luk 14.11, Ya꞉m 4.10\x*Gode e mada halaido꞉ dowaki, gio꞉ dinafa bo꞉fo꞉lab. A꞉la꞉fo꞉ko꞉lo꞉ Gode eyo꞉ ho꞉len eno꞉le a꞉namio꞉ gio꞉ wabuluma꞉ki, go꞉no꞉na꞉ma꞉la꞉yo꞉ ha꞉ga dowaki, gio꞉ Godeya꞉ ha꞉ga dowa꞉lubi.  
\v 7 \x - \xo 5.7 \xt Madi 6.25-30\x*Gode eyo꞉ gio꞉ kanulaki tilidowa꞉sen ko꞉lo꞉, gililo꞉ hida꞉yo꞉ kele asulo꞉wo꞉ tambo Godeya꞉ ene dagiya dia꞉ta꞉lubi.   
\p
\v 8 \x - \xo 5.8 \xt 1Tes 5.6\x*Gio꞉ dimidalia꞉ga꞉, bo꞉fo꞉liki yasi doma. Gi o꞉lia꞉lo꞉ gisdo꞉ dimida꞉lab Sa꞉da꞉na꞉ e, saila gasaya꞉lo꞉ hoda꞉yakilo꞉ sia꞉lowan o꞉ngo꞉ ko꞉lo꞉, ho꞉leno꞉ tambo kaluka꞉isaleyo꞉ sa꞉nda꞉sa꞉ga꞉ ma꞉no꞉ a꞉la꞉likiyo꞉, togo꞉ halaido꞉ keda꞉li sia꞉lab.  
\v 9 \x - \xo 5.9 \xt A꞉fe 6.11-13, Ya꞉m 4.7\x*Ko꞉sega gio꞉ tilidabu a꞉na halale kagayaki, e gola ba꞉da꞉bi. Giliyo꞉ to we asuluma. Gode amilo꞉ tilidabu kaluka꞉isale henfelo꞉ wenamilo꞉ ta꞉i ane a꞉no꞉ tambo, hida꞉yo꞉ nagalo꞉wo꞉ gililo꞉ dia꞉lab o꞉leo꞉ngo꞉ka dia꞉lab.   
\p
\v 10 Gili tilidabu a꞉no꞉ halale dowaki mo꞉sulufo꞉ tina꞉melea꞉kiyo꞉, Gode eyo꞉ gimo꞉wo꞉ nofolakiyo꞉, mada asuwa꞉ta꞉sen. Gode eyo꞉ gio꞉ Kelisowa dowaki, ko꞉ngo꞉ mela꞉no꞉ doma꞉ki ho꞉ido꞉. Ho꞉len abolda꞉su amio꞉ gio꞉ hida꞉yo꞉wo꞉ dia꞉ib ko꞉sega, tif amio꞉ Gode eyo꞉ gio꞉ asuwa꞉taki, ga꞉li mesea꞉ki ta꞉fa꞉ib. Gili asulo꞉ o꞉lia꞉ tilidabu o꞉lia꞉yo꞉ halale alifa꞉ib. A꞉la꞉ta꞉ga꞉ gio꞉ ho꞉leno꞉ tambo halaido꞉ kagafo꞉melea꞉ki ta꞉fa꞉ib.  
\v 11 Godeya꞉ ene halaido꞉wo꞉ ko꞉ngo꞉ mela꞉no꞉ mela꞉no꞉ mela꞉ib. Hendeleyo꞉ o꞉m.   
\s1 Sagalo꞉ towo꞉ sio꞉  
\p
\v 12 \x - \xo 5.12 \xt Ilig 12.2,25, 13.13, 15.22,37-40\x*Sales eyo꞉ ne asuwa꞉takiyo꞉, mo꞉fo꞉s abolda꞉su we gimo꞉wo꞉ a꞉na sa꞉sa꞉liga꞉to꞉l. Niyo꞉ e nili naole ba꞉ba꞉. Mo꞉fo꞉s wenamio꞉, gio꞉ halaido꞉ doma꞉ki sa꞉sa꞉liga꞉to꞉l. A꞉la꞉ta꞉ga꞉ mo꞉fo꞉s wema꞉ usamio꞉, Godeya꞉ ene ha꞉fo꞉ disa꞉lan man a꞉no꞉ kalaba wido꞉ ko꞉lo꞉, to a꞉no꞉ hendeleka꞉ a꞉la꞉liki sa꞉sa꞉liga꞉to꞉l. Giliyo꞉ ha꞉fo꞉ disa꞉lan man a꞉no꞉ ko꞉lo꞉ asula꞉likiyo꞉, halaido꞉ dowa꞉lubi.  
\v 13 \x - \xo 5.13 \xt Ilig 12.2, 2Tim 4.11\x*Kaluka꞉isale Babilon sa꞉s amilo꞉ a꞉lab a꞉no꞉, Gode elo꞉ gi o꞉lia꞉ da꞉fe alifa꞉yo꞉ o꞉m ko꞉lo꞉, iliyo꞉ gimo꞉wo꞉ sagalo꞉ towo꞉ saga꞉tab. A꞉la꞉ta꞉ga꞉ ni so꞉wa Mak eyo꞉lo꞉ gimo꞉wo꞉ sagalo꞉ towo꞉ saga꞉tab.  
\v 14 Gao nol o꞉lia꞉ sagale alitakilo꞉ ebean aumbo꞉ mimila꞉bi. Gio꞉ Kelisowa dowakiyo꞉, ha꞉sa dowa꞉biyo꞉.