\id HEB - Barai NT and OT portions [bbb] -Papua New Guinea 2006 (DBL -2014) \h IBURU \toc1 IBURU \toc2 Iburu \toc3 Ib \mt1 IBURU \imt1 Iburudo Vua Amure \ip Fasi ige bu e Jiusi ije bu Jesu Kuraesi ma vierafeva ijiebuo. Ro isama buone ive bu kua Iburuno kuavo ijadufuo no buoesina kuaevo ije bu e Iburukono kiavo. Ro fasi ige fute Forure isoe ro fute erare isoema ije no naebe gae. E Jesudo e ani ijiebe e Iburu ije bu ma vierafevo ije kame iserejiavo ijadufuo bu vierafe buka una vame buone isuiko ijia Godi baname isoeke. Ijadufuo e fasi ige isoema ije fu isoena kuariana nijasiaekina bu vame buone isuiko ije bu baname isoevo ije bu ijuoegafiake. Ro buka Jesu ma vierafekina bu Godido nidua ijia bu maturaeke. E anuigi ije fune Godido Fari Jesu fuosukua. Ro fune fure fuka ma e Ireobo anera ije abe ro e Godido vua vierafena kuaevo ijiakina Mosisi ije fure ka ma asidiae. Ijadufuo e ije buki ige isoema ije fu kia e be erare fu akae isuiko ije irinia ro zinone ni binobino ifaejekuma e ije fu Godido nidua ijia fu maturaekuma bakino kiae. Ro fune Jesu fufuru duvado fuone ijia Godi fu ise nuvuone guona arega no niome fuone ijia maturaeke. Ijadufuo maeje fure e Ireobo zinone ifaejemo nuvuone ro fure nuvuoefuo baronei. Ijadufuo no vame isuiko nuvuone arena una konuvuo kena Jesu ma vierafeke. \iot Iburudo vua binobino bu isoeva ijeja - \io1 1:1-4 Godi fu Fari fuone Jesudo duvado ijia uikubae fuone abe no nijasuoema ijene. \io1 1:5–2:18 Kuraesire ma e Ireobo anera ije asidiaema ijene. \io1 3:1–4:13 Kuraesire ma e ireobo Mosisikiro Josua asidiaema ijene. \io1 4:14–7:28 Kuraesire ma e ireobo e zinone ifaejevo ije asidiaema ijene. \io1 8:1–9:28 Kuraesido vame iviaeko ijare fuka ma ireobo vame isuiko ije asima ijene. \io1 10:1-39 Fune Kuraesido kavuane ijare ise nuvuone sojuokiro fanuve ijiebuo kavuane bu izege ise nuvuone sojuokuva baki ijene. \io1 11:1–12:29 Ma vierafevo ije fu vame besu ijiaru no Godi oemaedufuo ijene. \io1 13:1–13:19 Noka Kuraesi fufuru ma vierafekinu fu irinadufuo ijene. \io1 13:20-25 Vua radekuma ijene. \c 1 \s1 Godi fu fari fuone Jesu Kuraesido duvado ijia no vua kuaruema ijene \p \v 1 Isuibe Godi fuka maza binobino ijia ro vame binobino ijia e Godido vua vierafena kuaevo ijiebuo itire ijia asaerafa nuvuone ije vua kuariae. \v 2 Ro iviama maza ige Godi fu Fari fuone ije fu kuamo fu ume igia ruaema ijadufuo duvado ijia no vua kuarue. Ire boeje Godire Jesudo duvado ijia amaeriama areme kena vajamoga fu samuagiae. \v 3 Ro Jesu fuje fuka Godi vareki ijadufuo Godido sanaema maeje ije fuka vajae fuone ijia sanamo. Ro fure vua fuone ijadufuo daro ijia ire boeje bu saove gufia ro ume igia naovo ije samuagiamo. Godi fu Jesu Kuraesi kuamoga fu arina e boegiebuo ise ijia karaunia areme fu una Godi e ka ma daroki ijadufuo umui maeneke ijia fi. \s1 Godido Fari Jesure anera ije fuka ma asidiaema ijene \p \v 4 Ijadufuo fu anera ije asidiana fuka ma e ireobo rei. Ro kuke fuje fuka ma Godido Fari ro anera ije buje bu baki. \v 5 Ijadufuo no ijiege ma vierafevo ijadufuo maeje Godi fu buki akae bu isuibe isoeva ijia fu naebe anera be kua, \q1 A Fari none ro ivia naeje nane ma asoe oneno kuae. \m Ro kuke fu anera be fu naebe kua, \q1 Na Asoe one ro a fari none rekono kuae. \m \v 6 Ro maza ije Godi fu Fari fuone besu ije kuaga fu ume igia ruakuveno ijia fu kuae, \q1 Anera boeje nika fu augesana baname isoeno kiae. \m \v 7 Ro Godi fu anera ijiebuo ije fune kuke buki akae bu isoeva ijia ijiege kuae, \q1 Fu anera ije kega bu majaufi igege ufina are binobino ijia oenoeke ro bu miane igege vuijekono kuae. \m \v 8 Ro Godi fu Fari fuone ijadufuo fu kuke buki akae ijia ijiege kuae, \q1 Are maza boeje Godi rena fikinu e boeje vame maturaena ijia ro urari mukoreigia samuagiake. \v 9 Ro aeje aka vame maeje bu renoevo ijiaru oetuamo ro vame ise bu renoevo ije a ijuonemo. Ijadufuo oemarevo one ije Godi fu maema ijare fuka e guebuo oemarevo ije fu vajiaema ije ma asidiamano kuae. \m \v 10 Ro kuke fu kuae, \q1 E Ireobo are iko zinume ijia aesakae boege amaeri ro umui one ijia saove ije amaeriae. \v 11 Ro rade ire boeje a amaeriaema ije buka ugone igege faraena ro bakirevake rove aeje ame uria ijia ijiege fi vake. \v 12 A ire boeje a amaeriaema ije aka ugone igege dabe davatoega bu una ni binobino reke. Rove aeje a una ni be rekuma baki ro ame maza boeje ijiege fivake. \m \v 13 Rove Godi fu anera fuone ijia be fu naebe ijiege kuae, \q1 A umui maeneke none ijia fike na e ani one boeje kame isekafia furino kuae. \m Ro Godi vua ijieki be fu naebe anera be kuarae. \p \v 14 Ijadufuo maeje anera ije bu kavene ije Godido imevo ije fu kiaga bu maza boeje arina ume igia e ije Godi fu karauniamo ije ifejiavo. \c 2 \s1 Mukoreigia fiena samuadufuo vua ijene \p \v 1 Ro vua Jesu fu anera ije asidiaema ije fuka ma kuae. Ijadufuo noka vua ije no fieva ije mukoreigia vierafena abe gikikimana fare karikina nobe una oe binobino vierafenoeke. \v 2 Ro vua ije anera bu isuibe abena asae nuvuone Mosisi kuaraeva ije fuka ma daroki. Ro e boeje eranebe bu vua ije naebe iriniae ro bu una ise renoeva ije Godire kame isekafiae. \v 3 Ijadufuo no Godido Fari ijadufuo vua ka ireobo ije izege fu no karaunuomo ije ijuegafakuva no izege Godi fu no ke isekafuokuveno ije uvediana usiae subikuva baki. Ro vua ije fune Jesu E Ireobo ijare korufuo abe kuariamoga e ije fieva ijiebe rade abena no kuarue. \v 4 Ro kuke fune Godire korufuo e ije bu vua fuone abe kuaenoejo ijiebuo duvado ijia vame sumiki ka daroki binobino ije renoejo none giae. Ro kuke Godi fune fuone vierafema ijia fume vekinu Kavene Akae ijadufuo ire maeje boeje binobino kena e fuone ije ivajiame. \s1 E ije fu no samuaguona vakuma karaunuodufuo ijene \p \v 5 Ro Godi anera bino fu naebe kena are iviaeko ije no kuaevo ijia uniana kia, Jani are maeje na amaeriga bu karidufuo ijia e mamekanu rena ire boeje samuano kiae. \v 6 Ro vua ijadufuo ije Godi fune buki akae ije bu isuibe isoeva ijia ijiege kuae, \q1 Ema ije buka e anuigi baki ijadufuo Godi a irerefuo bu ireobo vierafeme? Ro kuke a irerefuo bu mukoreigia samuagiame? \v 7 Ro a maza aokube bu kena anera ijiebuo rotire ijia uniako bu karinoe. Ro kuke buje aka e kini ige bu karinoevo igege kame aroriakinu nidosiae. \v 8 Ro kuke are bu kena uniaema ijadufuo bu ire boeje a kiaema ije samuagiae. \m Ro ije funeka ma Godi fu ema ije kiamoga bu ire boeje mukoreigia samuagiae. Rove iviama no giaga e bino bu daro baki ijadufuo bu naebe ire boeje samuagiave. \v 9 Ro no Jesu e ije fu ire boeje samuagiamo ije none gae. Rove Godi fu maza aokube ijia kuamo fu ema igege rena una anera ijiebuo rotire ijia finoe. Godi fuka e boeje ireobo oetuakinu ma rejiamo ijadufuo fu Jesu kuamo fu ema ijiebuo ise ijadufuo isejavaena baronei. Ro iviama no gaga Godi fuka ive fuone dabe ajiakinu aroeme. \v 10 Ro Godi e ije fu ire boeje amaeriana samuagiamo ije fune mukoreigia rena Jesu kuamo fu isejavaena barone areme una urima ijadufuo fuka maturae. Jesu fu ijiege rema ijia fune e uruvana kaenamiamo bu una Godido anafa reva ijia bu vame ma karivako ije abei. \p \v 11 Ijadufuo Jesu fu e boeje ijiebuo ise ije fure soejiamo ijadufuo e ije eranebe fu ifejiako bu maturaevo ije bune una agane besu reve. Ijadufuo Jesu fu bu uviarafano kiamo ije fu jaevemo baki. \v 12 Ro Jesu fu buki akae ije bu isuibe isoeva ijia fu ijiege kuae, \q1 Nare uviarafa none ije irere a rema ije dabe kuariake. Ro nare e boeje bu afuivo ijiebuo nidua ijia a arorakinu dua urukafakono kuae. \m \v 13 Ro kuke fu kuae, \q1 Na Godi ma vierafeke. \m Ro kuke fu buki kafare be ijia fu e ije bu uviarafa fuone maeje revo ijiebuo ijiege kuae, \q1 Na ame ije Godi fu vajiema ije no igifurekino kuae. \p \v 14 Ro Godido anafa ije bume ema ijadufuo Jesu fudua fu ema rei. Ro fu kurosi ijia baronena una urima ijia fu Setani e ije fu daro fuone ijia e ije bu oeva ije samuagiamo ije dabe isekafae. \v 15 Jesu fu vame ijiege rena bu karauniae ijadufuo maeje e ije buka maza boeje oekuae jumevo ijadufuo buje fune ire jumevo ijare bu mukoreigia utifaradiae. \v 16 Ijadufuo ije fuka ma fu anera ije ifejiamo baki ro fu e Eburamedo uifari ije mukoreigia ifejiamo. \v 17 Jesu fume ema ije karanauniakiro arina vame binobino uviarafa fuone ige no kenoejo ijiege kenoe. Fu e zinone ifaejevo ijiebuo e ireobo igege rena ririkua ijia manina e boeje ijiebuo oefiane abena una Godi ma vierafena i fuone boeje mukoreigia mei. Ijadufuo maeje fu vierafe fu e boeje ijiebuo ise ije soejiaga fu furikiro fu ijiege rei. \v 18 Ijadufuo fure iviama e ije Setani fu biesiriako bu isejavaevo ije ifejiamo. Ijadufuo maeje fudua fu ema igege ume igia oenoenoga Setani fu biesirimo fuka ireobo isejavae. \c 3 \s1 Jesu fuka ma e anuigi fure e Mosisi asima ijene \p \v 1 Ijadufuo uviarafa none Godi ma vierafevo ije fune Godire besu naena kumedo no rade saove ijia fuina karivake. Ijadufuo ni Jesu e ije Godire kuamo fu vua fuone abe ruaema ije no kuae fu nuvuefuo e zinone ifaejamo igege remono kuaevo ije vierafefo. \v 2 Fu Godire abenoga fu ma vierafena Godido ime. Fu vame besu izege Mosisi fu ma vierafena Godido e ijiebuo imema ijiege imei. \p \v 3 Ro igia fie, e ije fu are samo ije e buka fu dabe aroevo ro are ije bu aroevo baki. Ijadufuo vame besu ijiege no vierafe Godi fuka Jesu ireobo aroe. Ro Mosisi e ije akae ije abema ije fume sibaneke aroe. \v 4 Are ije bu ebe savo ijadufuo vame besu ijiege Godire ire boeje amaeriae. \v 5 Mosisi fume ema rove fu ma vierafena Godido imekinu e fuone ije mukoreigia oe vafaena samuagiakinu ire ije Godi fu rade Jesudo redufuo ijene abe nijasiae. \v 6 Ro una Kuraesi fuje fu ma Godido Fari. Ijadufuo fu ma vierafena Godido i ije mukoreigia oe vafaena ame fari ije fu agane fuone samuagiamo ijiege e fuone samuagiame. Ro no mukoreigia Kuraesido vua irere no fiena ma vierafeva ije giriesa farena oemarekinu Godi irere fu nuvuefuo rekuveno ije samuakuva ije noeje none Godido agane ijena besu reve. \s1 Godido vua ja fievo ije jade ijuemadufuo ijene \p \v 7-8 Ro jane vierafe e Isureroko bu ise rena Godi naebe ma vierafeva ijadufuo bu naebe are maeje Godi fu miaga bu karidufuo ijia vae. Ro vua ijadufuo ije fune Kavene Akae ijare buki akae ijia ijiege kuae, \q1 Jade ada girekiro nika Godido vua ije irinafo. Ro jade e Isureroko bu faememarena naebe vua fuone ije irinae ro buka Godi mukoreigia ijuonena una buone vierafeva ijia kenoeva ijiege renoevo. Ro jade maza ije bu ae sao ijia ire ije Godi fu naebe oemaedufuo ije renoeva ijiege renoevo. \v 9 Bu ire sumiki boeje ni binobino na reva ije bune giae rove buka una na biesiriena giekuae bu ijiege rei. \v 10 Ijadufuo naka defarudiemo na kia, Buje oe buone ije buka maza boeje vame ise ije kenoe. Ro bu vua na kuariavo ije fiena iriniavo baki. \v 11 Ijadufuo naka ireobo ziena ive none ijia kuranamina vua gikikimana kuariae. Na kia bube aesakae ije na miaga bu mauike karidufuo ijia vakono kiae. \p \v 12 Ijadufuo uviarafano vua ije fiena e be ade oe one dakudena ire ise ije uruvana vierafegaro Godi naebe ma vierafemo. A ijiege rekuma ije a Godi e daroki ije fu ijia fivako ije aneka ijuoneke. \v 13 Ijadufuo e besubesu nika maza ige fu uria namo ijia maza boeje jone ejafanamina Godi ma vierafefo. Ijadufuo maeje ja ijiege rekuva ise ije fube biesiriaga ja una ise rena Godi ijuemake. \v 14 Ro no vua amure no fieva ije mukoreigia vierafena abe gikikimana fare vakuva maza rade no Kuraesido sanaema ije akaegue abeke. \p \v 15 Ro vua na ude kuariaeva ijiege, \q1 Jade ada girekiro nika Godido vua ije irinafo. Ro jade e Isureroko bu faememarena naebe vua fuone ije irinae ro buka Godi mukoreigia ijuonena una buone vierafeva ijia kenoeva ijiege renoevo. \p \v 16 Ro janika jone ejafanamifo ijadufuo maeje ja e ije eranebe bu Godi naebe irinaeva ije jane vierafei. Bu e ije Mosisi fu are Ijifiti ijia kaenamiana keke vaema ijiebe Godi vua ije fu kuariamo ije bu naebe fie. \v 17 Ro Godi e ije fu erane juaevasia foti ijiege ziegafiae? Fu e ije bu ise rena ae sao ijia oena furiva ijene kuariae. \v 18 Ro kuke Godi e ije fu erane vua gikikimana kuariana kia bube aesakae ije bu mauike karidufuo fu miako kiaema ijia vakono kiae? Fu e Isureroko e ije bu fu naebe irinae ro buka faememarena una fuone ise reva ije kuariae. \v 19 Ijadufuo no vierafega bu are ije Godi fu kiaema ijia bu naebe vae. Ijadufuo maeje bu vua ije Godi fu kuariaema ije bu naebe ma vierafei. Ijadufuo nodua no ijiege rekuva nobe are ma ijia vake. \c 4 \s1 Godido e ije bu mauike karidufuo ijene \p \v 1 Ijadufuo noka are ije Godi fu kuaema ije ma vierafena ijafunekina e gue jabe aesakae ije mauike karidufuo ije arekiro jaka ijia vadufuo. Ro nobe e Isureroko bu aesakae ije mauike karidufuo ijia naebe vaeva ijiege redufuo. Ro iviama Godi fune no ijuruona kuo nobe ijuonekiro noka giriesaekina no are ije mauike karidufuo ijia vano kue. \v 2 No Godido vua maeje e Isureroko bu fieva ije nodua none fie. Bu vua ije bune fie rove fu ire ma be naebe buone rei. Ijadufuo maeje bu vua ije buka naebe abe oe buone ijia ma vierafe. \v 3 Ro erarebe no Godi ma vierafevo ije nore aesakae ije mauike kafaena karidufuo ijia vadufuo. Ro Godi fune buki akae ijia e ije bu naebe fu ma vierafevo ijiebuo fu ijiege kuae, \q1 Naka ireobo zie ijadufuo na ive none ijia kuranamina vua gikikimana kuaedo bube aesakae ije na miaga bu mauike karidufuo ijia vake. \m Rove Godi fune iko zinume fu aesakae igiakiro saove fu amaeriaema ijia fune ire boeje amaeria furi. \v 4 Ro buki akae kafare be bu isuibe isoeva ijia fu ijiege kuae, \q1 Godi fu mu umui fague ro dikine besu ijia imena ire boeje amaeriana furi. Ro dikine be ije fu mauike fimano kuae. \m \v 5 Ro kuke vua besu ije are no mauike kafaena karidufuo ije Godi fune ijiege kuae, \q1 Bube aesakae ije na miaga bu mauike karidufuo ijia vakono kuae. \m \v 6 Ro maza ije fu uriado e bino bu aesakae ije mauike kafaena karidufuo ijia vake. E ije bu ude vua maeje bure fie rove aesakae ije mauike kafaena karidufuo ije bu naebe vae. Ijadufuo maeje e ije buka faememarena Godi naebe mukore irinae. \v 7 Ijadufuo Godi fu maza be nijana vame nuvuone amaerido no aesakae ije mauike kafaena karidufuo ije fu iviama kuaemo ijia vadufuo. Ro vua ije na ude kuariaeva fune Devidire buki akae ijia ijiege isoena kuae, \q1 Ro ivia ja fiega fu ja kuariavofie jade ada girevo ro nika vua fuone irinano kuae. \p \v 8 Ro Josua e Isureroko ije fu kaenamiana vaema ije bune are ije Godi fu kiaema ije abena mauike karivabitie Godi fube maza be rane ijadufuo kuaeke. \v 9 Ijadufuo no ma vierafega Godire maza be nijaema fu uria nado Godido e boeje no ijia mauike karike. Godi fu ire boeje amaeriama furi areme maza be fu abena mauike fima ijadufuo nodua no maza be ijiege mauike karidufuo. \v 10 Ro erare fu aesakae ije mauike kafaena karidufuo ije fu kuaema ijia vakuma fuka ire boeje fuone fu vierafena renoeno ije areke. Godi fu ire boeje amaeriama furi areme maza be fume mauike fima ijiege e ije bume mauike karidufuo. \v 11 Ijadufuo noka giriesaekina no Godi aesakae ije mauike karidufuo ije fu muoko kuaema ijia vake. Ro nobe e Isureroko ije bu vua fuone naebe fiekinu irinaeva ije matiana Godi ijuegafadufuo. \p \v 12 Ro igia fie, Godido vua ije fuka ma daroki ro ka uiki. Fu ire viame sine ije fu e kiniamo ije fuka asi ijadufuo fu oe nuvuone no vierafevo ije mukoreigia ufusejuomo. Fuka ma ufusena aru oe nuvuone kavene fu fino ijia vako. Ire ije ma uiki ije fu vajae nuvuone ijia kinuona ufuse ari ane ijia vako ijiege Godido vua ije fu oe nuvuone no ma vierafena kevo ije fi ijiege kena mazie guoke. \v 13 Ro ire boeje fune Godire amaeriae ijadufuo ire be fu Godido nidua ijia sauina namo baki. Ro ire boeje buneka Godido nidua ijia samadukua naovo. Ro kuke ire boeje no ume igia renoeva ije no Godi besu ijadufuo nidua ijia irena vame nuvuone ma ro ise no renoeva ijene kuaraga fu fieke. \s1 Jesu fu e ireobo nuvuefuo zinone ifaejemo ijene \p \v 14 E Ireobo Jesu Kuraesi Godido Fari ije fu nuvuefuo zinone ifaejemo ije fune una saove gufia Godido sanaema ijia vae. Ijadufuo no Jesu e ije no ma vierafevo ijadufuo vua ije giriesana farena vadufuo. \v 15 Jesu e ije nuvuefuo zinone ifaejamo fu oe fiane nuvuone binobino giana vierafemo ije fuka noena igia oenoe. Ijadufuo maeje Setani izege fu no biesiruomo ijiege fu Jesu biesiri arega fu ise be rekiro fu ijiege rei. Rove Jesu fu faememarena naebe ise be rei. \v 16 Ijadufuo nika giriesaga no Godi daroki ije fu e mukoreigia oetuakinu samuagiamo ije fino ijia vafo. No ijia vakuva fure oefiane nuvuone boeje ifejuona dasumuoke. \c 5 \s1 E zinone ifaejevo ijiebuo vua ijene \p \v 1 E ije Godi zinone ifaejavo ije bu Godire ema ije kega bu e fuone ijiebuo akaegue ijia zinone kena Godi vajavo. Ro zinone ije bu e ije ise binobino revo ijiebuo akaegue ijia kena Godi ifaejaga fu ise buone giana arekiro bu ije kena ruovo. \v 2 Ro e ije Godido zinone ifaejamo ije fu ema ijadufuo fu vame binobino ijia fuka e mamoeki. Ijadufuo fu e ije eranebe naebe mukore vierafena kenoevo ijiakiro e ije vame ise binobino revo ije sone oe vafaena ise buone fiekinu ifejiamo. \v 3 Ro fudua fu e mamoeki ijadufuo fu e ijiebuo ise ijiaru zinone Godi ifaejamo baki ro fu kuke ise fuone ijadufuo Godi zinone ifaejemo. \v 4 Ro i ije Godi zinone ifaejavo ije fume ebe fu korufuo mekuma baki. Ro fune Godire izege fu Eroni abema ijiege fu e fu vierafeva ije kiaga bu i ije mevo. \p \v 5 Vame besu ijiege ro Kuraesi fume korufuo i anuigi ije Godi zinone ifaejavo ije rema baki. Ro fune Godire abema ijadufuo fu i ijene mei. Ro Kuraesido vua ije bune Godido buki ijia ijiege isoena kuae, \q1 Aeje a Fari none ro ivia nane Asoe one revano kuae. \m Ro vua ijafiki be fu naebe e zinone ifaejevo gue ije kuariae. \v 6 Ro kuke buki kafare be fu ijiege kuae, \q1 Are e ireobo Godido zinone ifaejemo rena e Mekisideki fu fi vaema ijiege rekono kuae. \p \v 7 Ro Kuraesi ume igia fu oenoema ije fu vierafe Godi fuka fu ifejakiro fu ijiege vierafei. Ijadufuo fuka vijekinu nimena nidokuma Godido baname isoenoe. Fu baname isoega Godi fu ifejaga fu izege fu isejavaena baronedufuo ije fube jumekiro fu ijiege rei. Ro Godi fu Jesudo baname ije fune fie. Ijadufuo maeje fuka kabuaekabuaeki Godi vua fu kuaraema ije irinae. \v 8 Kuraesi fuka ma Godido Fari rove fuka una Asoe fuone ije irinana isejavaema baronei. \v 9 Fu ijiege isejavaema ijia fuje fune manido fu e ije bu fu irinavo ije karauniaga bu ma karivake. \v 10 Ijadufuo maeje Godire kuamoga fu izege e Mekisideki fu rema ijiege fu e ireobo zinone ifaejemo rei. \s1 Noka giriesana Kuraesi ma vierafedufuo ijene \p \v 11 Ro Jesukiro Mekisidekibuo vua ije no kuariavo ije fuka ma ireobo. Ro na nijasiakuva fuka ma gikikimana ijadufuo ja izege migegire vierafekuva baki. Ijadufuo maeje vua ja fievo ije jaka saroena vierafevo. \v 12 Ja Godi janeka isuibe ma vierafena ruae ijadufuo iviama ja una e gue nijasiadufuo rove jaka naebe mani. Jaeje jaka ame isesina ije bu muije ivo ijieki. Ijadufuo ja uria mamoedo e bino buka una vua maeje soegi ije ja nijasiadufuo. \v 13 E bino eranebe bu uria vua soegi fiekuae vierafevo ije buje buka uria ame isesina ije bu muije ijo ijieki. Ijadufuo bu vame ize fu ma ro ize fu ise ije buka naebe mukore vierafe. \v 14 Ro vua maeje na ja kuariakuvejo ije fu ire gikikimana ije no ijo ijieki. Ro vua ijieki ije bu e Godi ma vierafena e damuiki reva ijiebuo vua. Ro kuke fu e ije eranebe bu maza boeje Godido vua ije mimatana nuvevo ijiakina e ije vame ise ije giana akariakinu ro vame maeje ijiaru renoevo ijiebuo vua. \c 6 \s1 No Godido vua ijia e damuiki redufuo ijene \p \v 1 Ijadufuo nobe vua ije no amure fiena Godi ma vierafeva ije kame maza boeje karina kuaenoeke. Ro noka urina vua ije fu kavene nuvuone ifejiaga bu daro abevo ije vierafeke. Ro jade uri ire ise ije bu ja kame arafiriaga ja maza boeje Godi kuarako fu giana arerumo ije renoevo. Ro kuke jade Godi ma vierafevo ijadufuo zinume ijene dabe maza boeje kuaenoevo. \v 2 Ro kuke jade vame ije do ruevo ijiakina umui nigofo navo ro e ije oena una urivo ijiakiro rade Godi fu vame nuvuone no kenoejo ije mazie guodufuo ijadufuo kuaenoevo. \v 3 Ro vua ije nika arekiro roga no urina vua ije fu no ifejuoga no e damuiki redufuo ije mimatana kenoefo. Ro na bigae Godi fute maza muokuma no ijiege renoedufuo. \p \v 4 Ro fuka ma giredo e ije Kuraesido vua maeje ijuemana vaeva ije bu izege una kuderia ruakuva baki. Ijadufuo maeje e ije bu Kuraesido vua maeje bune mukoreigia fie. Ro kuke bu Jesu e ije saove ijia arina ruaema ije fune oe buone ijia imene ro Kavene Akae ijadufuo ire maeje akaegue bune kei. \v 5 Ro kuke vua irere Godido buki ijia bu isoeva ije bune dana giaga vua ije fuka ma. Ro vame izege Godi fu rade imedufuo ije bune vierafei. \v 6 Rove buka una Kuraesi ma ijuemana vaeva ije bu izege una oe kuderia roga Godi fu ise buone giana arekuma baki. Ijadufuo maeje e ije buka izege bu maza ije e Jiusi bu Kuraesi Godido Fari ije dabe e nidua ijia kurosi kanavo fu jaevekiro bu reva bu una kuke ijiege reve. \p \v 7 Ro e ije Godi ma vierafevo ije buka aesakae ije maza boeje ve dana arimo ijieki. Ire boeje aesakae ma ijia tavuavo ije buka ire mukore ijadufuo Godi fu kuae aesakae ije fune maremano kuae. Ijadufuo vame besu ijiege e ije Godi ma vierafevo bu ire ma bino Godi oemaedufuo ijene revo ije fuka ifejiakinu daro miame. \v 8 Ro e ije Godi naebe ma vierafevo ije bu naebe ire bino fu oemaedufuo ije revo ije buka aesakae ije fu ire fiene mibiamibia namo ijieki. Aesakae ijieki ije fu ma baki ijadufuo fiene boeje bu mazena ifaejevo. Ijadufuo vame besu ijiege e ije bu ire bino Godi naebe oemaedufuo ijia revo ije bu ijiege mazena miane ije maza boeje ijia naevako ijia ifaejeke. \p \v 9 Ro kairafano naka ja oetuavo ijadufuo na vierafe vua ige na kuariavo ije fu jone baki. Ro jaeje jane biona mukoreigia kenoeve. Ijadufuo maeje jaeje jaka sakae maeje ire boeje bu mukoe tavuana suni kiraeva ijieki. Ro jaeje jane ire maeje e Godi ma vierafevo bu renoega Godi fu karauniamo ja ijiege renoeve. \v 10 Ro jane vierafe Godi fu e gue ifejiagaro gue fu aremo baki. Ijadufuo fu izege ja fu oetuana fuefuo imekinu e Godi ma vierafevo ije uria vame binobino ijia ifejiavo ije fune vierafei. Ijadufuo Godi fube ja totekiro fuka daro miakinu ifejiake. \v 11 Ijadufuo no vierafe e besubesu jaka giriesana ijiege renoeke. Jaka maza boeje ijiege urukeigia renoekina ja maza rade irere ja oe vafaena samuavo ije kedufuo. \v 12 Ro ja mamoena ijuonekuva no vierafe fuka naebe mare ijadufuo jade arevo. Ro janika e ije bu ma vierafe areme oe vafaena kenoeva ijiege buenina kenoekina ja Godi irere fu vajiako kiaema ije kedufuo. \s1 Vua irere Godi fu kuaemo ije fuka remo ijene \p \v 13-15 Ro Godi Eburame fu kuaema ije fu buki ije bu isuibe isoeva ijia ijiege kuae, \q1 Na a daro maga a uifari uruvana tuanakono kuae. \m Godi fu Eburame ijiege kuaramoga fuka sone oe vafaena ire ije fu kuaraema ije samuana finoenoga Godi fu ifejae. (Ro ire bino ume igia naovo ije bu mamekanu Godido ive asiva baki. Ijadufuo Godi fu ive fuone ijia kuranamina vua ije Eburame kuarae.) \p \v 16 Ro e gue bu oenoena ire bino arekuae vua kuaevo ije buka e anuigi be ive fuone ijia kurana kuaevo. Ijadufuo e bu rade una vua bino ijia kuaevo baki. \v 17 Ijadufuo Godi fu vierafe fu vua ije fu kuariana kia bu abekono kiaema ije fuka dabe samadirejiake. Fu ijiege rega bu vierafero fu vua fuone fu naebe abe tuasemaro bu ijiege vierafeke. Ijadufuo Godi fuka ive fuone ijia kuranamina vua kuariamo. \p \v 18 Ijadufuo ire inokiro ije fu kuaema ije fube kufuimeke. Ijadufuo e ije no Godi ma vierafevo ije noka ire inokiro ije vierafedufuo. Noka ive fuone fu kuranamima ijiakiro vua fuone daroki ije bu no ifejuoga noka Kuraesi ma vierafekina no vame ma karivako fu kuema ije abedufuo no ije vierafeke. \v 19-20 Ro noka darokuma ma vierafekina Godi fu no karaunuoke. Ijadufuo ire ise bino bu nuvuone ruovo ije no vierafe noka giriesana iredufuo. Ijadufuo maeje fune Jesure izege e zinone ifaejevo bu are ma akae ijia aru vako ijiege rei. Fune fure vame ije no Godido nidua ijia vadufuo ije daovejue. Ijadufuo fune Jesu E Ireobo nuvuone ijare izege e Mekisideki fu rema ijiege e zinone ifaejemo rena fivadufuo. \c 7 \s1 Mekisideki e ireobo zinone ifaejemo ijene \p \v 1 Ro na e Mekisideki irere fu rema na ijadufuo vua bino kuaekiro vierafe. E ije fu Kini rena sidove Serami samuamo ro kuke fu Godi e daroki kabo ijia fino ije zinone ifaejamo. Eburame fu e kini ae binobino samuagiavo ijena bijaena kaniakuria furi areme fu una vame ijia ruomo ijia fu e Mekisideki bie. Areme e Mekisideki fu Godi baname isoena kuamoga fu Eburame umui nigofo nijana daro mae. \v 2 Areme Eburame fune uri e ae binoko ijiebuo sinuome ije bu karina ruomo ije atana umui fague ro gue ijiege nama areme Mekisideki kuamo fu Godido akaegue ijia besu kari. Ro e Mekisidekido ive ijadufuo maeje E Kini Maturaema ijene. Ro ive fuone be ijeja Sidove Seramido Kini. Ro ive ijadufuo maeje fu kini kafaemo ijene. \v 3 Ro buki akae ijia e asaerafa ro orafa fuone ijiebuo ive bu naebe isoe. Ro kuke buki ijia Mekisideki bu veze biete ro fu veze baronema ije bu naebe isoe. Fuje fu Godido Fari ijieki ijadufuo maeje fu maza boeje e zinone ifaejemo rena ijia fina vake. \s1 E Mekisidekido i ije fu e Rivaetibuo i ije asidiaema ijene \p \v 4 Ro ni e Mekisideki fu izege e ireobo rema ije vierafefo. E Eburame asae nuvuone e anuigi ijare sinuome ije fu e aebinoko ijiebuo fu kaniakuriana kari ruomo ije umui fague ro gue nama areme kuamo fu besu kari. \v 5 Ro e Rivaedo uifari ije zinone ifaejevo ije Godi fune akae ije fu Mosisi maema ijia buefuo akae be ijiege nijae. Ijadufuo e Isureroko bu ire buone dana vakuma umui fague ro gue remone bu e Rivaeti kiaga bu besu karivo. Ro e Rivaeti ije bume e aeko bino ro budua bu e Eburamedo uifari. \v 6 Ro maza ije Eburame fu sinuome uruvana karina una ro Mekisideki biema ijia fu gue atana fu vajae. Ro Godi fu ame uifari uruvana Eburame vajako kuaema ijadufuo Mekisideki fu Eburame umui nigofo nijana daro mae. \v 7 Ijadufuo no vierafega e ije fu e gue umui nigofo naejiana daro miamo ijare fuka e anuigi. Ro una e ije umui nigofo nijamo ije fume e isekube. Ijadufuo no vierafe Mekisideki fu e ireobo ro Eburame fu e isekube. \p \v 8 Ro e Isureroko buka sinuome buone gue atana e mamekanu buone Godi zinone ifaejevo ije vajiaga bu kevo rove buje bume ema bune oe. Rove no vierafe e Mekisideki fuje fu e ijieki baki ijadufuo fuje fume maza boeje ijia fivake. \v 9 Ro maza ije Eburame fu sinuome atana Mekisideki vajaema ije fu e Rivae vajaema ijiege rei. Ro e ije zinone ifaejevo eranebe bu ire ije bu dana naga bu kevo ije bu e Rivaedo uifari e Rivae vajaeva ijiege rei. \v 10 Ro e Rivae fu Eburamedo asae fu kavuane besu ro fu naebe bieteva maza ijia Mekisideki fu Eburame bie. \s1 Jesu fu e Mekisideki vareki ijene \p \v 11 Ro Godi akae fuone ije fu abena miamoga bu e Rivaeti ijiebe abena samuae. Ijadufuo bu Godido nidua ijia mukoreigia revabitie bu e be e Mekisideki vareki ije bube vierafeke. \v 12 Ro akae ije fu e boeje karauniaga bu Godido nidua ijia e maturaedufuo ije fuka naebe mani. Ijadufuo bu una kuke akae iviaeko be ro kuke e iviaeko fu Godi zinone ifaejedufuo ije abei. Ro e iviaeko ijeja Jesu e ije na iviama kuariavo ijene. \v 13 Ro Jesu agane fuone fu be ro kuke agane fuone ijia e be fu naebe are ije zinone ifaejevo ijia imei. \v 14 Ijadufuo maeje no vierafe Jesu fu e Judiako ijiebuo uifari. Ro Mosisi fu naebe kuae e Judiako ijiebuo uifari ijia e be fu Godido zinone ifaejiamo rekono kue. \p \v 15 Rove iviama e iviaeko be e Mekisideki vareki fu zinone ifaejemo ije fune ruae. \v 16 Ro fuje fu e Rivaedo uifari ijia ruaema baki ro fume daro fuone ijia fina vake. \v 17 Ijadufuo maeje bune buki akae ijia ijiege isoena kuae, \q1 A e Godido zinone ifaejemo rena e Mekisideki fu fima ijiege rekono kuae. \v 18-19 Ro Godi Mosisido akae ije fu abe biona irifo nijaema ijadufuo maeje bu akae ije nuvena irinakuva e besukua fu maturaekuma baki. Ro iviama Godi fune vame iviaeko mukore nuvuefuo amaeri. Ro vame ije fu amaerima ije fu Kuraesi E Ireobo nuvuone Godi zinone ifaejemo ije abena muedo none Godido ivuake ijia vake. \p \v 20 Godi fu ude e zinone ifaejevo uruvana kei rove fu naebe mukoreigia ke mare kia bure zinone ifaejeko kuae. \v 21 Ro maza ije Godi fu Jesu abema ijia fuka abe marena gikikimana kuae. Ro vua fuone fu kuaema ije bu buki akae ijia ijiege isoe, \q1 E Ireobo ije fune ive fuone ijia kuranamina kuae fube oe dakudena una vame be vierafeke. Ro aeje aka maza boeje ijia fina e zinone ifaejemo rena vakono kuae. \m \v 22 Godi fu vame ijiege rema ijia fune Jesu abena vame iviaeko mukore nuvuefuo amaeri. \p \v 23 Ro e ije ude zinone ifaejevo ije buka e uruvana. Ijadufuo maeje e zinone ifaejevo gue bu oevone e guebe are buone abena i ije mevo. \v 24 Ro Jesu fuje fume ijia fina vake ijadufuo i fuone fu mena zinone ifaejemo ije fu abe e bino miakuma baki ro fune korufuo meno. \v 25 Ijadufuo fune fure iviama ro maza boeje fikinu e ije eranebe bu fuone duvado ijia Godido ruovo ije ise buone boeje ijia foteke karauniame. Ijadufuo maeje fure maza boeje ijia fina e fuone vafariana Godi baname isoemo. \s1 Jesu Kuraesi fu e nuvuone zinone ifaejemo ijene \p \v 26 Jesu e ije nuvuefuo zinone ifaejemo ije fuka no mukoreigia ifejuomo. Fuje fuka ma e akae ro fu ire ise remo baki. Ro kuke fuje fuka maturae ro fu e ise renoeva ijena besu mazima baki. Ro ive fuone buka dabe saove ma kabo ijia aroevo. \v 27 Jesu fu ise bino naebe rei ijadufuo fu e ije zinone ifaejevo ije fu naebe bu matiae. E ije ude zinone ifaejevo ije buka maza besubesu ise buone ijiakiro e guebuo ijadufuo zinone ifaejevo. Rove Jesu fuje fu ise remo baki ijadufuo fu naebe bu reva ijiege rei. Fu vierafe fuka e boeje ifejiana karauniakiro fume korofuo maza besu ijiaru e ijiebuo ise ijadufuo kurosi ijia baronei. \v 28 Ro Mosisido akae ijia bu e ije maturaeva baki ije kega bu zinone ifaejevo. Rove rade Godi fu vua ije fu ive fuone ijia kuranamina kuaema ijia fu Fari fuone maturaema ro maza boeje ijia finavako ijene abena samadirei. \c 8 \s1 Jesu e Ireobo nuvuone zinone ifaejemo ijene \p \v 1 Ro vua boeje na kuariavo ijadufuo zinume ijeja E Ireobo zinone ifaejemo nuvuone ije fune Godi ka ma daroki saove ijia fino ijadufuo umui maeneke ijia fine. \v 2 Fuka saove gufia Are Ma Akae ijia imene. Ro are ije fu emabe saeva baki ro fu E Ireobo ijare amaerima fu ijia imene. \p \v 3 Ro e ije zinone ifaejevo ije bu e ije ise renoejo ijiebuo una Godi zinone ifaejavo. Ijadufuo Kuraesi fudua fuka zinone bino kena una Godido zinone ifaejake. \v 4 Ro fu uria ume igia oenoenobitie fube e zinone ifaejemo reke. Ijadufuo maeje ume igia e zinone ifaejevo ije gue bune Mosisido akae ijia nuvena zinone ifaejevo. \v 5 Ro i ije e zinone ifaejevo bu mevo ije bume izege saove gufia maeje bu revo ijadufuo kavene bu ije ume igia mimatave. Ro maza ije Mosisi fu Are Muvuaka Akae ije sakuveno ijia Godi fu kuae, Ni mukoreigia vame izege na uruo ijia kuarana nijasiaeva ijia vierafekinu sano kuae. \p \v 6 Ro Kuraesi fu i fuone zinone ifaejemo ije fu iviama abema ije fuka ma anuigi. Ijadufuo fune i ijare e ije bu ume igia zinone ifaejevo ije ma asidiae. Ro kuke fune vame iviaeko ije Jesu fu amaerima ijare vame isuiko akae ije fuka ma asi. Fu maza ije fu no kuo vame iviaeko ije nuveno kuema ijia fune ire maeje fu nuvuefuo redufuo ije kuarue. \p \v 7 Ro vame akae isuiko ije fu no ifejuoga no Godina besu karidufuo ije fune manimabitie Godi fube una vame iviaeko be vierafeke. Rove fu naebe manima ijadufuo fuka una vame iviaeko be amaeri. \v 8 Ijadufuo maeje e Isureroko bu vame akae isuiko ije bu irinavo baki ro buka ijuonevo. Ijadufuo fu vua be buefuo ijiege kuae, \q1 E Ireobo ije fu kuae, Igia fiefo, na maza ije na e Isurerokiro e Judiako ijena akae iviaeko na nijadufuo ije fu uria ruome. \v 9 Na maza ije na e Isureroko ijiebuo asaerafa ije kaenamiavoga bu are Ijifiti arena usiae vaeva ijia na akae ije bu ijia nuvedufuo ije nijae. Ro bu naebe akae isuiko ije irinae ro buka faememareva ijadufuo naka bu ijuoegafiae. \v 10 Ro iviama na una vame iviaeko be e Isureroko ijiebuo reke. Na vakuma maza abekuma na akae none abena nigofo buone ijia nijaekina bu mukoreigia vierafeke. Ro naka abe oe buone ijia isoejakina bu akae none ije mukoreigia irinake. Areme na Godi buone reke bu e none reke. \v 11 Na ijiege rekina e be fube kai fuone ro agane fuone ije E Ireobo ijadufuo vame ijene nijaena kuariake. Ijadufuo maeje e boeje ame isesina ro e mamekanu ije bu na ma vierafedufuo. \v 12 Ro bu ise rekuva ije na giana areke. Ro kuke ise buone ije nabe una vierafekiro naka toteke. \m \v 13 Ro maza ije Godi fu e boeje vame iviaeko amaerikiro kuariaema ijia akae isuiko ije fune abe biona nijaedo fu rade bakiredufuo. \c 9 \s1 Vame binobino ume igia ro saove ijia baname isoevo ijene \p \v 1 Ro akae isuiko ije bu izege Godi baname isoevo ije fune e ije kuariae. Ro kuke are ije bu ijia aruna fuone baname isoevo ije fu ema ijiebe sae. \v 2 Ro Are Muvuaka ije bu fanu surive ijia sae ro are guove ije bu ugone ijia abena kirakuravo fu inokiro rei. Ro are guove amure ije bu ine ije bu raete nakuivo ijiakiro fata ije bu burete ijia nijana abe Godi mavo ijiebe ijia irevo. Ro are ije bu kua Are Akaeno kuavo. \v 3 Ro una guove be ije ugone kirakuraeva ijadufuo ijuone are ije bu kua Are Ka Ma Akaeno kuavo. \v 4 Ro are guove ijadufuo ije bu fata ije bu ire gorodi ijia amaeriva ijene ijia nijae. Ro fata ije bu ijia ire karuse igeki udi mukore urimo ijene ifaejevo. Ro kuke mavua akae ije bu ire gorodi ijia amaeriva ije fu ijia namo. Ro mavua ijadufuo guove ije bu ire akae bino ijia sae. Ro ire ijeja burete bu kua menano kuavo ijiakiro kafusi bu gorodi ijia amaeriva ijene. (Ro ire mena ije e Isureroko bu ae sao ijia vasiaoriamoga Godi fu vajiamo bu iva ijene). Ro be ije Eronido mudu ije Godi fu kuamoga fu araevajaema ijene. Ro kuke mune inokiro ije Godi fu kena akae ije isoena Mosisi vajaeva ijene. \v 5 Ro mavua ijadufuo ado ijia bu ire bino adaki bu kia serabimino kiavo ijiebe ijia ire. Ro ire ije bu Godido sanaema ije e nijasiana adave irana are ije ise giana arevo ije okurae. Na iviama una ire boeje ka mukoreigia kuariakinu nijasiadufuo ije fuka naebe mani. \p \v 6 Ire boeje bune ijiege amaeriva ijadufuo bu ijia naove. Ijadufuo e zinone ifaejevo ije bu mumaza are akae guove amure ijia aruna i buone mevo. \v 7 Ro are guove be ije ka ma akae ije fune e zinone ifaejevo ijiebuo e ireobo ijare fuosukua juaevasia besubesu ijia kaginu aru vako. Fu fanuve kavuane ijia abena aruna ise fuone ijiakiro e ije ise reva ijiebuo zinone Godi ifaejemo. \p \v 8 Ro vame ije bu revo ije fune Kavene Akae ijare samadukua nijasuome. Ijadufuo no vierafe eranebe bu uria vame isuiko ijene nuvevo ije bu vame iviaeko ije bu Godido nidua ijia vadufuo ije buka naebe mani. \v 9 Ro irere bu are guove ka ma akae ijia reva ijeja bu Kuraesi irere fu iviama remo ijene. Ijadufuo maeje ire fanuve ije bu Godi zinone ifaejavo ije fu e ije bu Godido baname isoevo ijiebuo oe ije mukoreigia sojiamo baki. \v 10 Ro ire boeje bu revo ije bume vajaema ijadufuo akae binobino bu irekiro do ikinu vame binobino ijia umui do sovo ijadufuo nae. E ije bu uria ire ije renoevo ijia Kuraesi fu vame iviaeko ije Godi fu vierafema ije abe ari ruae. \s1 Jesudo kavuane ijadufuo vua ijene \p \v 11-12 Rove fune Kuraesire iviama e ireobo zinone ifaejemo rena vame iviaeko no iviama nuvevo ije ifejuome. Ro Kuraesi fu ume igia are ije ema ijiebe saeva ijia imeno baki. Ro fuka saove ijia are ije ka ma mukore ema ijiebe saeva baki ijia imene. Kuraesi fume kaginu e boeje ijiebuo Are Ka Ma Akae ijia kavuane fuone abena ijia usiae. Ro fu mave ro fanuve binobuo ijiebuo kavuane ijia abena Godi zinone ifaejakiro vaema baki. Ro fuka kavuane fuone ijia abena no karaunuoga no ma karivakiro fu ijadufuo vae. \v 13 Ro ni una akae isuiko ije vierafefo. E bino bu ise bino revone e ije zinone ifaejemo ije fu fanuve ijiebuo kavuane ijia abena ifejiamo. Fu fanu kavuane ije abe areme zinone ije bu ude ifaejeva ijadufuo kuokuo ije abena do ijiakuma biemaroma areme abena e ije usiamadiavo. Fu ijiege rejiama furiko e ije bune una Godido nidua ijia maradiavo. \p \v 14 Ro ije fu fanu ijiebuo kavuane ijare ijiege rei. Ro ni izege Kuraesido kavuane ma mukore fu redufuo ije vierafefo. Kuraesi fu Kavene Akae ijia fina vako ijadufuo duvado ijia vajae fuone maturaema ijia abena Godi zinone ifaejae. Ro fanuve ijiebuo kavuane ije fu izege oe nuvuone ije no ise ije vierafena renoejo ije mukoreigia soejuokuma baki. Ro fune Jesure ise ije fu no kaenamuona una vame baromena ijia vako ije mukoreigia soejue. Kuraesi fu ijiege soejuekina no una Godi ije ijia fivako ijadufuo imenoeke. \s1 Jesudo kavuane ijare vame iviaeko ije abena marema ijene \p \v 15 Ijadufuo Kuraesi fu baronema ije fu e ije bu Godido akae ije tuasena ise revo ije karauniakiro fu ijadufuo kavuane fuone usiae. Ijadufuo fure vame iviaeko amaerido e ije Godi fu kumema ije bu vame ma karivako ije fu miakono kiaema ije abeke. \v 16-17 Ro vame nuvuone no kevo ije jane vierafei. E be fu baronekuveno ije fuka ude azekina ame ro ire bino ije atana ame vajiama rade fu baronemo. Ro ame ire ije bu migegire kekuva baki ro bu samuaga asoe buone fu baronekuma bu ijia sone kevo. \v 18 Ijadufuo akae isuiko ije fu vame besu ijiege remo. E ije bu una Godina besu revo ije buka fanuve be kanaga fu kavuane fuone ijare vame buone abe marega bu Godina besu revo. \v 19 Ro Mosisi fune akae isuiko ijia nuvena e Isureroko ije vua boeje kuariae. Areme rade fu mave-kau ame ijadufuo kavuane ije abena do ijiakuma biemaroe. Areme fu ine kiae ijia datena ire atebae ijare abe utima do ijia abiena ke buki akae ijiakiro e boeje jijiamadiamo. \v 20 Mosisi fu ijiege rekinu e ije kia, Godido akae ige fune kavuane ijare abe marei. Ijadufuo jaka Godido akae ije fu kuariamo ije irinakono kiae. \v 21 Ijadufuo Mosisi fune vame besu ijiege rena fanu kavuane ijia abena Are Muvuaka bu Godido baname isoevo ijiakiro ire boeje guove ijia naovo ijene jijiamadiae. \p \v 22 Ro ije fuka ma, ire boeje buneka akae isuiko ijia nuvena fanu kavuane ijare abena jijiamadiaga buka maturaevo. Ro bu fanu kavuane be naebe abe usiakorekuva Godi fube e ijiebuo ise bu reva ije giana areke. \s1 Kuraesi zinone fu ifaejema ijare ise ije fuka somo ijene \p \v 23 Ijadufuo ire boeje bu ume igia mimatavo ije bume ire maeje bu saove gufia revo bu ijiebuo kavene ijene mimatave. Ijadufuo ire boeje bu saove gufia revo ije buka zinone ka ma mukore maturaeva ijiaru ifaejevo. \v 24 Ro Kuraesi are ma akae ije fu aru vaema ije fu emabe saeva ijia aruna vaema baki. Ro are emabe saeva ije fume are maeje saove ijia namo ijadufuo kavene ijene. Ro fuka are maeje ma akae ije saove ijia namo ijia aru vae. Ijadufuo fu iviama ijia fina vua nuvuone ijene Godi kuarame. \v 25 Ro e ije zinone ifaejemo ije juaevasia besubesu fu fanu kavuane ijia abena Are Ka Ma Akae ijia aruna Godi zinone ifaejamo. Ro fu kavuane fuone ijia abena aru zinone ifaejemo baki. \v 26 Ro Kuraesi saove gufia fu vaema ije fu vajae fuone abe kukuma Godi zinone ifaejekiro vaema baki. Ro fu ijiege rebitie Jesu fume maza boeje baronekinu vadufuo. Rove fume arina kaginu vajae fuone abena zinone ifaejena e boeje ijiebuo ise ije bu renoevo ijene sojiame. \p \v 27 Ro e bu oevo ije bume kaginu oega Godi fu rade ise buone ije kena mazie giake. \v 28 Ijadufuo Jesu fu vame besu ijiege rena e ijiebuo ise ijadufuo vajae fuone ije abe kaginu zinone ifaejekiro baronei. Ro fu una ume igia ruomo ije fu ise ijadufuo una baronekiro ruomo baki. Ro fume e ije bu fu samuana kariva ijene karauniakiro ruome. \c 10 \s1 Kuraesi zinone fu ifaejema ijare zinone isuiko ije asi \p \v 1 Ro Mosisido akae ije fume ire maeje fu rade ruakuveno ijadufuo kavene ije nijasue. E ije bu zinone ni besu ijene juaevasia besubesu ijia ifaejevo. Rove zinone ije fu e ije bu akae isuiko ijadufuo rotire ijia karivo ije karauniamo baki. \v 2 Ro e ije bu Godi baname isoevo ije ise buone ije bune mukoreigia sokuva ije bube una ise buone ijadufuo jaeveke. Ijadufuo maeje bune mukoreigia soevo ijadufuo zinone buone bu ifaejevo ije bu isuibe ijia aredufuo. \v 3-4 Ro e ije bu juaevasia besubesu zinone bu ifaejevo ijia giana vierafega buje bu ise revo. Rove mave-kau ro fanu binobino ijiebuo kavuane ije fu izege ise ije sokuma baki. \p \v 5 Ro maza ije Kuraesi fu iko ume igia ruakuveno ijia fu vua be Godi ijiege kuarae. Fu kua, \q1 A fanuve ijiakiro ire binobino ijia zinone ifaejevo ije aka ijuonemo. Ro a vierafe naka vajae none ige a amaerima ijia abena ise ijadufuo zinone ifaejeke. \v 6 Ro fanuve foteke bu fata ijia zinone ifaejevo ijiakina ire gue bu ise buone sokuae ifaejevo ije buka naebe mani. Ijadufuo aka naebe oemadame. \v 7 Ijadufuo Godi na igifurekido nare irere a kuariega na redufuo a reke. Ro vua ijadufuo ije ane noesina kuaemo bune buki akae ijia isoe. \m \v 8 Amure ije Kuraesi fu kuae, A ire binobino bu zinone ifaejevo ijiakiro fanuve ije bu fata ijia zinone ifaejevo ije a oemaremo baki. Ro kuke a fanu gue bu ise buone sokuae zinone ifaejevo ije aka ijuonemo ro a oemaremo bakino kuae. Ro vua ije Kuraesi fu kuaema ije bu isuibe Mosisido akae ijia nuvena ijiege zinone ifaejei. \v 9 Ro Kuraesi fu kuke kuae, Na igifurekido nare irere a kuariemo ije rekono kuae. Ijadufuo Godi fu vame isuiko ije bu izege zinone ifaejevo ije fu abe bio nijae. Areme fu Kuraesi abena zinone ifaejena vame iviaeko ije zinuivena amaeri. \v 10 Jesu Kuraesire Godi irere fu vierafema ijene rei. Ijadufuo e boeje noeje none Kuraesire vajae fuone fu abena kaginu zinone ifaejema ijia fune ise nuvuone ije mukoreigia soejuomo none una maturaena e akae rei. \p \v 11 Ro e ije zinone ifaejevo ije bu maza besubesu ire ni besu ijiaru kukuma Godi zinone ifaejavo. Rove zinone ije bu ifaejavo ije fu ise buone bu reva Godi fu kena isekafiakuveno ije soejiamo baki. \v 12 Ro fune Kuraesido vajae ije fu abena kaginu nuvuefuo zinone ifaejema ijare e boeje ijiebuo ise bu reva ije fune okurae. Areme fune saove ijia Godido umui maeneke ijia fuosiki fine. \v 13 Fu Godiki ijia fido rade e ani fuone boeje bu rotire fuone ijia vaga fu samuagiake. \v 14 Jesu fu vajae fuone kaginu abena zinone ifaejema ijia fune e ije bu fu ma vierafevo ijiebuo oe ije soejiame. Fune ijiege dasumiakinu karauniamo ijadufuo bu maza boeje Godido nidua ijia e maturaena karinoeve. \p \v 15-16 Ro kuke Kavene Akae ije fudua vua ije fu maga fune abena marei. Ijadufuo amure fu buki akae ije bu isuibe isoeva ijia ijiege kuae, \q1 Na vua ije e none ijena kuaena avenamike. Ro maza abekuma na akae none abena nigofo buone ijia nijaekina bu mukoreigia vierafeke. Ro kuke na abena oe buone ijia isoekina bu mukoreigia ije iriniakono kuae. \m \v 17 Ro Kavene Akae fu kuke una kuae, \q1 Na ise buone bu reva ije nabe una vierafekono kuae. \m \v 18 Ijadufuo e ijiebuo ise ije fune Godire giana arei. Ijadufuo iviama nobe una ire binobino ijia kena Godi zinone ifaejadufuo. \s1 No Godi ivuake ijia vadufuo ijene \p \v 19-20 Ijadufuo uviarafano iviama no Godido sanaema ijia karinoedufuo ije fu erare vafuokuma baki. Ro kuke fune Jesure kavuane fuone fu nuvuefuo usiaema ijia fune vame nuvuone amaeri. Fune Jesure e zinone ifaejemo igege rena ugone ije asina Are Ka Ma Akae ijia aruna vae. Ijadufuo fune fure vame nuvuone amaerima ijadufuo iviama noka oemarekinu Godido nidua ijia vadufuo. \v 21-22 Jesu fuka ma e ireobo nuvuone zinone ifaejemo fu Godido e ije samuagiamo. Ijadufuo noka ma vierafe areme oe maturaena Godi ivuake ijia vake. No izege no do mukore ijia vajae nuvuone ruoriaga fu maraduomo ijiege ise nuvuone fune Jesure kavuane fuone ijia soejue. Ijadufuo noka ma vierafero jaebirena Godido nidua ije vake. \v 23 Ro noka vua maeje no ma vierafekinu ro abe e kuarianoevo ije mukoreigia faradiana giriesake. Ijadufuo maeje no ma vierafega Godi fuka vua ije fu kuaema ije rekiro samuae. \v 24 Ro kuke noka vame izege no nuvuone oetuanamikinu ejafanamina ma renoejo ije nuvue nijaenamidufuo ije vierafeke. \v 25 Ro nobe vame ije no afuina besu E Ireobo ijadufuo baname isoevo ije e gue bu areva ijiege areke. Ro noka nuvuone ejafanamikuva fuka maredo no ijiege redufuo. Ijadufuo maeje no vierafe E Ireobo maza ije fu una ruadufuo ije fune ivuareme. \p \v 26 No Jesudo vua maeje none fie. Ijadufuo no vame fuone no ijia arena mumaza una ise renoekuva Godi fu una ire be irere ijare abena zinone ifaejega fu ise nuvuone sojuokuma baki. \v 27 Ro noka jumekinu Godi izege fu rade ise nuvuone no renoevo ije kena mazie guokuveno ije samuake. Ijadufuo maeje Godi fuka izege fu e ani fuone ije kena miane naeno ijia isekafiadufuo ijiege fu no kame miane ije fu maza boeje naeno ijia isekafuodufuo. \v 28 Isuibe Mosisido akae ije fu kua erare fu Mosisido akae ije fu ijuonena abe tuasega e inokiro ro inokubeke bu gaeva ije bube fuone oefiane abena ga areke ro buka kanaga fu baroneno kuae. \p \v 29 Ijadufuo vame besu ijiege eranebe bu Jesu Godido Fari ije abe buzeivo ije Godi fuka kame vame ise ijia isekafiake. Ro kuke eranebe bu Jesudo kavuane ije fu e ijiebuo ise ije sokiro usiaena vame iviaeko ije abena marema ije dabe una ire omise igege vierafevo ije Godire kame isekafiake. Ro kuke fu e ije bu Kavene Akae ije fu ma rejiamo ijadufuo vua ise kuaevo ije Godi fuka kame vame ma ise ijia isekafiaga bu ireobo isejavaedufuo. \v 30 No vierafe Godire e ije kame iseniseigia isekafiake. Ijadufuo maeje fune Godire korufuo buki akae ijia kuae, \q1 Na kono una e ije bu ise revo ije vegue ise rejiake. Ro na una vegue ise buone ijadufuo isekafiakono kuae. \m Ro kuke fu una buki kafare be ijia ijiege kuae, \q1 E Ireobo ijare e fuone ijiebuo ise ije kena mazie giakono kuae. \m \v 31 Ijadufuo erafano, Godi e daroki ije fu no kame ijiege isekafuodufuo ije fuka ma omise. \s1 Jone izege ja ude ma vierafeva ije vierafena ijia girena irefo \p \v 32 Ro nine ude izege ja karinoeva ije vierafefo. Amure ije ja Kuraesido vua fieva ije jaka vame binobino ijia isejavae rove ja naebe mamoe. \v 33-34 Ja maza ijia jaka samadukua jaevekinu ro jaeje buka e ije Godi ma vierafevo baki ijiebe ja arafiriakinu kame isekafiae. Ro maza gue ja e gue bu vame besu ijiege nibijavo jaka una e ijiebuo oefiane abekinu ifejiae. Ro kuke jaka e ije bu dibure karijo ijiebuo oefiane abekinu ifejiae. Ro maza bino e Godi ma vierafevo baki bu sinuome jone gue kamazia vako ije jaka uria oemareve. Ijadufuo maeje jane kojo ma vierafega Kavene Akae ijadufuo sinuome maeje ije bu saove ijia naove. Ijadufuo ja rade kena oemarekinu kari vakiro ja ije vierafei. \v 35 Ijadufuo jade jone izege ja ma vierafevo ijia mamoevo ro nika giriesafo. Ijadufuo maeje ja ijiege rena vakuva Godi fu ijadufuo una vegue vame ma bino jone reke. \v 36 Ijadufuo janika oe vafaena mumaza Godi ma vierafefo. Ja ijiege Godi irere fu vierafema ije renoekuva ja ire ije Godi fu kiaema ije kedufuo. \v 37 Ijadufuo maeje Godi fune isuibe e ije fu kuamoga fu ruaema ije fuefuo fu ijiege kuae, \q1 Fu maza aokube ijia una ruake ro fube saroeke. \v 38 Ro e none maturaeva ije bu ma vierafena karivake. Ro e gue eranebe bu una na ijuegafiekuva nabe buone oemarekono kuae. \m \v 39 Rove noeje no e ije bu jumena buone bu ma vierafevo ije arevoga Godi fu kena isekafiaema ijieki baki. Ro noeje noka Godi ma vierafevo ijadufuo fu no karaunuome. \c 11 \s1 E asaerafa nuvuone bu ma vierafeva nodua no ijiege ma vierafedufuo ijene \p \v 1 Ro ma vierafevo ije irere? Ma vierafevo ijeja no ire ije no ni nuvuone ijia giavo baki ro nome oe ijia ma vierafero ire ije bu rade rekiro no ijiege vierafevo ijene. \v 2 Godi fuka e asaerafa nuvuone ijiebuo oemai. Ijadufuo maeje bu ire bino bu naebe giaeva ije Godi fu kuae bu rade rekono kuaema ije buka ma vierafei. \p \v 3 No nuvuone izege no ma vierafevo ijia no vierafega ire boeje sakae igia ro saove gufia naovo ije Godire vua fuone ijia abena amaeriae. Ro ire boeje fu amaeriaema ije fu ire ije no giavo baki ijia kena amaeriae. \p \v 4 Ro e Eboro fu Godi ma vierafema ijadufuo fu zinone fuone ije fuka mukore ijene Godi ifaejae. Ro Keini zinone ije fuka ise ijene ifaeje. E Eboro fuka Godi ma vierafema ijadufuo Godi fu kua, Aka zinone mukore ijene ifaejiema ijadufuo aeje ane maturaemano kuae. Ro ire ije Eborore isuibe rena fune barone. Rove vame fuone izege fu Godi ma vierafema ije fu uria iviama no mukoreigia nijasuome. \p \v 5 Ro nine kuke izege e Inoki fu kema ijene gafo. E Inoki fuka Godi ma vierafema ijadufuo Godi fu fu mesirina saove ijia ajia vae. Fuje fu naebe barone ro kuke e bino bu nikubae fuone buka naebe gae. Ijadufuo maeje fune Godire mauike mesirina saove ijia ajia vae. Ude Inoki fuka ire ije Godi oemaedufuo ijiaru remano kuae ijadufuo Godi fu Inoki mesirina ajia vae. \v 6 Ijadufuo igia fie ebe erare fu naebe Godi ma vierafekuma Godi fu izege oemarekuma baki. Ijadufuo erare fu Godido e rekuma fuka ude ma vierafedufuo. Fu ude ma vierafero Godi fuka maza boeje ijia fivakoro fu ijiege ma vierafeke. Ro kuke fu e ije eranebe bu fu gakuae rerevo ijene vegue vame ma bino buone rejiamoro bu ijiege ma vierafeke. \p \v 7 Ro kuke fune ma vierafevo ijare e Noa ifejamoga fu ire ise ije fu ni fuone ijia giamo baki ije bu redufuo ije Godi fu ju kuaraema ije ma vierafe. E Noa fuka Godido vua ije irinana sisime amaerima ijadufuo fu agane fuone ijena bue karaunianami. Noa fuka ma vierafema ijadufuo Godi fu fu kenujae. Ro e ije bu Noado vua ije fiena naebe irinaeva ije Godi fuka kame isekafiae. Areme Godi fu Noa kua, Aeje aneka maturaemano kuae. \p \v 8 Ijiegero fune kuke e Eburamere Godi ma vierafema ijadufuo maza ije fu Eburame kumema ijia fuka uri irinana keke aesakae ije Godi fu makiro kuaema ijia vae. Fu are ije fu vakuveno ije fuka naebe vierafe ro fume aesakae fuone ije arena kekena vae. \v 9 Fu ma vierafema ijadufuo fu e aebeko igege rena e binobuo aesakae ije Godi fu kuaema ijia are muvuaka sana ijia finoe. Ro kuke fari fuone e Aesekikiro asae fuone Jekafu budua bu vua ni besu ije Godi fu kuaema ije ma vierafena karinoe. \v 10 Ro Eburame fu vierafe fuka sidove gikikimana ije fu ijia navadufuo ije Godi fu sako kuaema ijia fikiro fu ije vierafei. Ijadufuo fuka vua ije fu kuaraema ijene ma vierafena samuana finoe. \p \v 11 Ro bara Sera fudua fuka Godi ma vierafe rove ame nafedufuo ije fuje fune ma barasire. Rove Godi fuka daro mamoga fu una ame nafe. Ijadufuo maeje Eburamekiro Sera bu Godi vua fu kuariaema ije buka ma vierafe. Bu vierafero Godi ame fu miakiro kiaema ije fuka miakiro buka ijiege ma vierafe. \v 12 E Eburame fune baronekiro ivuare rove e besu ijare e uifari ka uruvana ire zuvi ro ajare davare irifo ije no davo baki ijiege rei. \p \v 13 Godi fu ire ije fu kiaema ije fu naebe vajiae ro bume uria Godi ma vierafena samuanoevo ijia bu oe. Bu Godi ire ije fu kiaema ije bu ma vierafero ire ije bu uria ruakiro buka oemarekinu samua karinoe. Ro vame ije bu ijiege reva ije no vierafe e ije bu e aesakae igeko baki. Ro bume e bino aesakae igia maza aokube karikuae ruae. \v 14 Ro e ije bu vua ijiege vierafena kuaevo ije no vierafega e ije buka aesakae buone mukore be bu ude naebe ijia vaeva ijia vakuae vame rere. \v 15 Ro bu aesakae ije bu arena ruaeva ije bu uria oe ireobo vierafebitie bune una vadufuo. \v 16 Rove aesakae ije buka arega bu are maeje iviaeko saove ijia karikuae rere. Ro Godi fune are buone bu ijia fuina karidufuo ije amaerijiae. Ijadufuo bu Godi kua aka Godi nuvuoneno kuavo ije Godi fu jaevemo baki. \p \v 17-18 E Eburame fuka Godi ma vierafe ijadufuo Godi fu maza be fu biesiri. Fu kua, Ani fari one Aesiki kanana abe na zinone ifaejieno kuae. Ro Godi fune ude Eburame kuae, Na ame fari be e Aeseki ije maga fure asaerafa uruvana tuanakono kuae. Rove Eburame fuka ame fari besu ijene abena zinone ifaejekiro rei. \v 19 Eburame fu vierafero fu Aesiki kana fu baronekuma Godi fu una kenujaga fu una urikiro fu ijiege vierafe. Ijadufuo Aesiki funeka barone rove Eburame fu una mesirima igeki. \p \v 20 Ro e Aesiki fudua fuka Godi ma vierafe. Ijadufuo fu anafa fuone inokiro e Jekafukiro Iso daro miae. Aeseki fu vierafe fu ijiege daro miaekina bu maza rade fu baroneke Godi fu ire ma bino buone rekiro fu ijadufuo daro miae. \p \v 21 Ro Jekafu fudua fu kuke Godi ma vierafema ijadufuo fune baronekuveno ijia fu Josofudo anafa ije besubesu daro miae. Areme rade fu tuana mudu ije fu bijuanoeno ijia bijuakisa manina Godido baname isoe. \p \v 22 Ro kuke Josofu fudua fu Godi ma vierafema ijadufuo fune baronekuveno ijia fu e Isureroko bu izege rade are Ijifiti arena vadufuo ije kuariae. Ro kuke fu baronega vajae fuone bu abe izege redufuo fu ijene kuariae. \p \v 23 Ro kuke Mosisido asoe ijiakiro asie ije bu ma vierafeva ijadufuo bu fari buone bietena mazani sibaneke furiko bu dabe asame inokubeke nurie. Ijadufuo maeje bu gaga ame ije fuka ma ni be. Ro kuke bu e ije aesakae Ijifiti samuamo ije fu e Jiusi ijiebuo ame fari amure ije kaniaga bu oedufuo ije buka naebe jumei. \p \v 24 Ro kuke Mosisi fu Godi ma vierafema ijadufuo fu e ireobo remoga fu naebe jume ro fuka samadua kia fu e ireobo are Ijifiti samuamo ijadufuo kabae ijadufuo ame bakino kiae. \v 25 Mosisi fu vierafe fuka e Isureroko ijena besu isejavaekiro fu ije vierafe. Ro una maza aokube ume igia ise ije oemarekinu karidufuo ije fuka ijuone. \v 26 Fu vierafe fuka Kuraesi e ije Godi fu kuaga fu ruakono kuaeva ijadufuo isejavaeke. Fu ijiege isejavaekina fu rade ijadufuo maeje fu gakiro fu ije vierafe. Ro una are Ijifiti ijia ire maeje binobino fu samuadufuo ije fu anuigi bakiro fu ije vierafe. \p \v 27 Ro kuke e Mosisi fu Godi ma vierafema ijadufuo fu e ireobo are Ijifiti samuamo fu ziedufuo ije fu naebe jumei ro fume are Ijifiti arena vae. Ro fu Godi ije e bu naebe gavo ije ma vierafemo ijadufuo fu vame ije Godi fu nijaemo ijia giriesana nuvena vae. \v 28 Mosisi fu Godi ma vierafema ijadufuo fu Godi vua irere fu kuaramo ije fiena uri iro Fasova ije zinuivei. Ijadufuo fu kiamo bu mave-sifi ame ije kaniana kavuane ije kena are buone viene tugie ijia azi. Bu aziga anera ije Godi fu saove ijia kuaga fu ari ruakuma fube ame amure Isurerokobuo ije kaniakiro fu ijiege rei. \p \v 29 Ro kuke e Isureroko bu Godi ma vierafeva ijadufuo bu ari Davare Kavuaneno kuavo ije tuavoga fu dabe turase guegue rekoga bu ijia iriaeki tuana vae. Ro e Ijifitiko budua bu ijiege rekuae ari tuavoga bune do ina oe furi. \p \v 30 Ro kuke e Isureroko bu ma vierafeva ijadufuo bu are Jeriko isuo ije bu kiraeva ije umui fague ro dikine inokiro ijiege ufuaenoena arekoga isuo ije fu tuana ari. \v 31 Ro kuke bara Reabi ebuo baru turamo ije fu ma vierafema ijadufuo fu e Isureroko ije bu mauike nuriete are Jeriko gakuae vaeva fu ije ifejiana kena urie. Ijadufuo fu naebe e ije bu Godi naebe irinaeva ijena baronei. \p \v 32 E ijiege ma vierafeva ije buka e uruvana na kuariake. E gue ije Gidionikina Beirakikina Samesonikina Jefefikina Davidikina Samuerokina e Godido vua vierafena kuaevo na ijiebuo kuariake rove fu maza baki. \v 33-34 Bu ma vierafeva ijadufuo bu aesakae gue ijia e gue kania kuriana sakae buone kei. Bu vame maeje reva ijadufuo bu ire ije Godi fu kuaema ije kei. Bu fanu raejoni ijiebuo itire bijukuriakinu miane faruifaruiki naeno ije vafaekinu e binobe bijia kaniadufuo ijia bu subina usiae vae. Bu e ma mamoeki rove rade buka e daroki rena e aebinoko ijiebuo e bijaevo ije kaniavo bu oe. \v 35 Bara ije bu ma vierafeva ijadufuo agane buone gue bune oeva ijia bu una urivo bu kaenamiae. Ro gue bu e ijiebe kaniakinu kame arafiriavo bu naebe vafiae ro bu vajae fiaeguma oe. Ijadufuo maeje bu vierafe bu una urina vame ma ijia karivakuae bu ijiege rei. \p \v 36 Ro e bino bu vije ufemadiakinu madiakinu ifiae ro gue bu seni kena toma areme kena dibure uniae. \v 37 Ro gue bu mune tuana kaniavo bu oe ro gue bu so kena vajae buone ufusena inokiro rei ro gue bu sime uiki ijia kena bijiavo bu oe. Ro gue bu mave-sifikiro goti ijiebuo surive ijia kena ugone amaeriama sana oenoe. Ro gue bu e sinuome baki ro gue bu kame isekafiakinu arafiriae. \v 38 E ume igia oenoeva ije bu e ije Godi ma vierafevo ije bu kame isekafiaeva ije bu kame vame ise ijia rei. Ro e ije Godi ma vierafevo ije buka vame mukore ijene renoejo ijadufuo e ije ise renoejo ije bu buina besu karikuvega buka naebe mani. Ro e ije Godi ma vierafevo ije bu ae sao ije uruo ijia e ae baki ijiege sakae tire ijia naonoekinu munie ijia naonoe. \p \v 39-40 Godi fuka buone izege bu ma vierafeva ijadufuo fuka buone oemare rove ire ije fu kiaema ije bu naebe kei. Ijadufuo maeje Godi fu vame maeje be nuvuoefuo amaerima ije fu vierafe bu noena besu rekina bu noena maturaedufuo. \c 12 \s1 Godi asoe nuvuone fu no maduokinu kaenamuo vame urari ijia unuomo ijene \p \v 1 Ro e boeje na kuariaeva ije bu ma vierafeva na ijene kuariae. Ro iviama e ije buka karina no veraduove. Ijadufuo roga no ire boeje bu vame nuvuone ije iraraevo ijene kame garege korefo. Roga no ire ise ije bu no faradueva ije kame garege kore areme uri giriesana Jesudo vame ijia difurisaefo. \v 2 Ro kuke roga no Jesu e nigofo nuvuone ije fu izege no nijasuoga no Godi ma vierafevo ijene abe ni garine guria nijana veri vafo. Fu kurosi ije gana are vaema baki ro fuka oemarevo ije fu rade biedufuo fu ije vierafei. Ijadufuo fu izege ije fu isejavaena jaevedufuo ije fu naebe jumei. Ijadufuo iviama fu Godido umui maeneke fata fuone maeje ijia fine. \p \v 3 Ro ni izege ise boeje bu Jesudo vajae ijia ruaema ije vierafefo. Fu e ise ijiebe ire ise boeje fuone revoga fuka sone oe vafaena isejavae. Ijadufuo ije fu rema ije vierafekiro jade jone ja ma vierafevo ijia mamoena arevo. \v 4 Ja vame ise ije ja isejavaevo ije ja naebe ruoma ubine ije buka kaniaga ja oedufuo ijia ruae. \v 5 Ijadufuo jade vua ije Godi fu izege anafa fuone ije soesoekinu ejafiana kuariaema ije totevo. Fu kuae, \q1 Anafa none igie E Ireobo fu ja madiakinu kaenamia urari uniamo ije jade oefiane abekiro nika oemarekinu mukoreigia fiefo. \v 6 Ijadufuo maeje E Ireobo fuka e fuone ijene oetuamo ijadufuo fu madiamo ije fu kaenamiana urari uniame. Ro kuke anafa fuone fu madiamo ije fu uguare kuariame. \m \v 7 Ijadufuo ja irufui binobino ijia isejavaevo ije ni vierafe fu Asoe jone ijare madiakinu uguare kuariame. Ro kuke jaeje jaka anafa fuone ijadufuo ije ja isejavaevo ije fu anafa fuone igege nijasiame. Ro ni vierafe ame fu maza boeje ise remone asoe fuone fu mesirina vua gikikimana kuaramo. \v 8 Ijadufuo a vierafega fu naebe ijiege a madakinu uguare kuaravoga ni vierafero aeje a ma ame fuone baki ro a ame oeje. \v 9 No asoerafa nuvuone bu ume igia no maduona uguare kuaruovo ije noka bu mukoreigia aguariavo. Ijadufuo noka vame besu ijiege Asoe nuvuone fu kavene nuvuone samuagiamo ije mukoreigia aguaekinu ume igia karinoeke. \p \v 10 Ume igia asoerafa nuvuone bu maza aokube no maduokinu uguare kuaruovo ije bu ma ijadufuo ijiege reve. Ijadufuo Godi fudua fuka nuvuone ma ijadufuo ijiege reme. Ijadufuo fu no kena izege fu e akae rema fu ijiege amaraduome. \v 11 No maza ije bu no maduokinu uguare kuaruovo ije noka naebe oemareve. Rove eranebe bu uguare ije mukoreigia oemarekinu fievo ije rade buka e boejena kafaekinu ro vame maturaema ijia karinoeve. \s1 E ije Godi ijuonevo ije buka jumedufuo ijene \p \v 12 Ijadufuo aemiaeva igege ja renoevo ije nika arekiro urina ni nafaena Godi ma vierafekinu karinoefo. \v 13 Ro kuke giriesana vame maeje urari kena vaga e ije bu ja nuvediavo ije bube Godi ijuegafakiro buka daro abena ubaeradiadufuo. \p \v 14 Ro erafano ije ja madinamivo ije nika arekiro uri giriesana e boeje ijena kafae karinoefo. Ro kuke nika vame izege ja e akae rena karinoedufuo ijare ijafunefo. Ijadufuo maeje e besukua be fu naebe e akae rena fikuma fu E Ireobo ije fube gake. \v 15 Ijadufuo nika mukoreigia vierafekina e be fube Godido maeje fu ifejiamo ije areke. Ro kuke jade ise bino ja rega e gue bu isejavaedufuo ije renoevo. Ja ijiebe rekuva ja e uruvana Godi ma vierafevo ijiebuo buone bu ma vierafevo ije kame arafiriake. \v 16 Ro nika mukoreigia ganamikinu karinoefo. Ro jade Iso e ije fu Godi ijuegafaena una vame ise barubara fudaenamina ise revo ije renoema ijiege renoevo. E Iso fu fari amure ijene ijadufuo fure asoe fuone ijadufuo daro maeje abedufuo. Rove fu maza be vasiaoemoga fu daro ije fu rade abedufuo ije arena una iviene fuone ijadufuo ire ije fu ifaejema ije abe i. \v 17 Rove rade fu vierafe fuka una daro fuone ije abekiro vierafei. Ijadufuo fu uri nimena nidokafanami rove fuka naebe abema ije jane vierafei. \p \v 18 Ro uviarafano ja maza ije Godi fu uruo Saenae ijia akae ije abe E Isureroko miakoga irerebe ijia rema ije jabe vierafei? Maza ijia fuka ve titutena majaufi ireobo ufina ruakoga miane ireobo ijare uruo ijia nae. \v 19 Fu ijiege naekoga vegu ka ireobo ijare ijia urikoga Godi fu ijia vua ka darokuma kuariamoga e boeje buka urukeigia jumei. Ijadufuo buka una soesoena kume, Vua ije areno kumei. \v 20 Ro vua ije fu kuariamo ije fu kume, E be ro fanu be fu uruo Saenae zinume ijia vuakuma ije nika mune tuana kanaga fu baronefo. Ijadufuo maeje are ije fuka ma akaeno kumei. \v 21 Ro maza ijia ire ije rema fuka ma omise. Ijadufuo Mosisi fu kuae, Nadua naka anadoe miena safusie ijadufuo naka ireobo judiemano kuae. \p \v 22 Rove iviama Kuraesi jaeje fu naebe kaenamiana ruoma uruo ijieki be ume igia ja umui jone ijia farena gaeva ijia uniae. Ro jaeje fuka kaenamiana saove ije Godi fu fino ivuake ijia ruae. Jaeje fu izege e asaerafa jone ije bu uruo Zaeoni Jerusareme sidove ije Godi e daroki fu fino ijia fuone baname isoekinu aroekuae ruaeva fu ijiege kaenamia ruae. Ro kuke fu kaenamiana anera ma uruvana e bu dadufuo baki ije kariva ijia ruae. \v 23 Ro ja e ije Godi ma vierafevo ive buone Godire isoema bu kariva ijia buina oemarekinu afuina karikuae ruae. Ro jane Godi ije fu e boeje kena mazie giadufuo fu fino ijia ruae. Ro kuke jane e ije Godi ma vierafevo ije bu oeva ijiebuo kavene maturaeva Godire amaeriama bu saove ijia kariva ijia ruae. \v 24 Ro kuke jane Jesu e ije fu Godi guere ro ema guereva ririkua ijia manino ro kuke fu kavuane fuone kurosi ijia usiaena vame iviaeko amaerima ije fu fino ijia ruae. Ro Kuraesido kavuane ije fuka e Eborodo kavuane ije fu sakae ijia usiaema ije ma asi. Ijadufuo kavuane fuone ijare e boeje ijiebuo ise ije giana aremo. \p \v 25 Ijadufuo mukoreigia samuanamikinu karikiro jade Godi fu kuariamo ije fiena ijuonevo. Ijadufuo maeje Mosisi fu ume igia e Isureroko ijene vua ijiege kuariamoga buka faememareva ije e bino bu naebe Godi e ije fu kena isekafiamo ijia usiae subinae vae. Ijadufuo nodua no Godi saove gufia fino vua fu kuaruomo ije naebe fiena irinakuva no izege ije fu kena isekafuokuveno ijia usiae subinae vakuva baki. \v 26 Godi fu maza ije fu uruo Saenae ijia e Isureroko vua kuariaema ijia sakae ije fuka uruke uve. Ro iviama fu una kuke kuae, Nabe una sakae ijiaru abena uveke ro naka saove ijiakuma kaginu dabe uvekono kuae. \v 27 Ro vua ije fu ijiege kuaema ijadufuo maeje ire ume igadufuo ije Godi fu kena uvedufuo ije bu bakiredufuo. Rove ire maeje bube bakirekiro bu uria ijia naona vadufuo. \p \v 28 Ijadufuo nika roga no Godido oemarefo. Ijadufuo maeje none e ije Godi fu oe buone ije samuagiamo ijena maziedo nobe bakiredufuo. Ijadufuo roga no vame ije Godi fu oemaedufuo ijia fuone baname isoekinu oemarejafo. Godi fuka e anuigi ro kuke fuka ma e akae ijadufuo noka fu jumekinu atogesana fuone baname isoeke. \v 29 Ijadufuo maeje fuje fuka ire miane ijiekido fu ire boeje bu naebe maturaeva ije fuka nae furidufuo. \c 13 \s1 Vame izege no Godina ma karidufuo ijene \p \v 1 Uviarafano nika giriesana kairafa jone ije Godi ma vierafevo ijena jone oetuanamifo. \v 2 Ro ni e sumiki bu are jone ijia ruovo ije oemarekinu kaenamiana samua giafo. Ijadufuo maeje e bino bu ude e gue bigiake kaenamiaeva ijia bu Godido anera ije kaenamiae. \v 3 Ro ni e ije Godi ma vierafevo bu dibure karijo ije vierafekinu ifejiafo. Ro ja bu ifejiavo ije ni vierafero jadua ja buina dibure ijia karivaro ijiege vierafekinu ifejiafo. Ro kuke ni e ije bu isejavaevo ije ni buefuo oefiane abekinu buina isejavaefo. \p \v 4 Ro maza boeje nika vame ije barubara maninamina karivo ije mukoreigia aguaefo. Ro jade ebuo bara ro baru turavo. Ijadufuo maeje Godi fu e ije bu vame ijiege renoevo ijiakiro e ije bu besu afuina fudaenamikinu ise binobino vierafevo ije fu kame isekafiake. \p \v 5 Ro maza boeje ja karinoevo ije jade moni ireobo oetuakiro nine ire ije a naema ijiebuo oemarene. Ijadufuo maeje Godi fu kuae, \q1 Na maza boeje aeje nabe totero abuoza vakono kuae. \m \v 6 Ijadufuo nobe jumekiro noka e Devidi vua irere fu isoema ije dana darokuma kuaeko, \q1 E Ireobo ijare na ifejiemo ijadufuo nabe jumeke. Ijadufuo e be fu erare ire ise be none rekuma bakino kuaeke. \p \v 7 Ro uviarafano ni e mamekanu jone bu Godido vua ije abena ja kuariaeva ije vierafefo. Ni izege bu karinoekinu ro Kuraesi ma vierafena maturaeva ije vierafena uri bu keva ijiege mimatanoefo \v 8 Ro igia fie, Jesu Kuraesi fu ni be remo baki fu isuome ro ivia ro maza boeje fuka uria ni besu rena fi vako. \v 9 Ijadufuo jade arega vua sumiki binobino bu nijasiavo ijiebe ja kaenamiana una vame ise ijia vaga ja Godido vame maeje arevo. Ro ni vierafe kavene jone ije fu Godire daro miamo. Ro bu ire binobino ja ivo ijiebuo akae ije ja iriniana nuvediavo ijiebe kavene jone daro miavo baki. \p \v 10 Ro noeje none Jesu abei. Ro e ije bu e Jiusi ijiebuo akae ije uria nuvena zinone ifaejevo ije bu izege Jesudo daro ije fu no muema ije abekuva baki. \v 11 Ro e ije bu zinone ifaejevo ije bu fanu kavuane ijia kena Are Ka Ma Akae guove ijia e ijiebuo ise ijadufuo zinone ifaejevo. Ro rade fanu maeje bu kena usiae sidove makave ijia ifaejevo. \v 12 Bu ijiege revo ijadufuo maeje Jesu fudua fu sidove Jerusareme makave ijia vajae fuone ije abena e boeje ijiebuo ise ijadufuo zinone ifaejekiro baronei. Fu vierafe fu ijiege rekina fu kavuane fuone ijare abena e fuone ijiebuo ise ije soejiaga buka maturaena e akae rekiro fu ijiege rei. \v 13 Ijadufuo noka e Jiusi ijiebuo akae isuiko ije no iriniana nuvediaga bu ise nuvuone naebe sovo ije aregana ro ka una Jesudo vadufuo. Noka va ijia fuina besu izege fu isejavae fu jaevema ije akaegue abedufuo. \v 14 Ijadufuo maeje e gue bu vierafero bu sidove Jerusareme ije ume igia namo ijia maza boeje karina Godi baname isoekinu vakiro bu ije vierafe. Rove noeje no vierafe noka sidove ije saove ijia namo fu ruakuveno ijene samuakina no rade ijia ma karivake. \p \v 15 Ijadufuo noka Jesudo duvado ijia maza boeje Godi oemarejake. Ro ije fuka vame mukore be no Godi zinone ifaejavo ijene. No ijiege oemarevo ijia noka kairafa nuvuone ije izege no Godi ma vierafevo ije nijasiake. \v 16 Ro jade vame maeje ja kairafa guebuo rekinuro ire ro sinuome ivajuonamivo ije totevo. Ijadufuo maeje vame ijiege renoevo ije fuka zinone igeki ijadufo Godi fuka oemaremo. \p \v 17 Ro ni e mamekanu jone ije vua irere bu kuariavo ije iriniafo. Ro i buone ije bu mevo ije bu oe jone ije samuagiavo. Ijadufuo Godi fu i ije bu mevo ijadufuo bu kena mazie giake. Ijadufuo ja bu iriniakuva bu oemarekinu i buone mukoreigia meke. Ro ja bu naebe iriniakuva buka oefiadiavo ijadufuo bu i buone ije isema mekuva bu izege ja mukoreigia ifejiakuva baki. \p \v 18-19 Ro ni nuvuoefuo baname isoefo. Ijadufuo maeje no vierafe maza boeje noka mukoreigia vierafekinu vame maeje ijiaru renoekuae vierafe. Ijadufuo na ja soesoena kia ni giriesana noefuo baname isoega Godi fu vame none amaeriga na migegire vuafo. \s1 Vua radekuma ijene \p \v 20 Godi e ije fu e ifejiaga bu kafaena karinoejo ijare E Ireobo nuvuone Jesu Kuraesi Fari fuone ije kuamo fu baronena una uri. Ro Jesu fu e boeje ige no mave-sifi ijiege oenoevo ije mukoreigia samuaguomo. Ijadufuo maeje fu kavuane fuone dabe usiaena vame iviaeko ije no Godina besu karidufuo ije amaeri. \v 21 Ijadufuo na baname isoega Godi fu ire fuone maeje boeje vajiakinu ifejiaga ja irere fu vierafema ije renoeke. Ro kuke fure Jesu Kuraesido duvado ijia no oe nuvuone ije samuaguoga no ire fu oemaedufuo ije renoeke. Ro na vierafe Kuraesido sanaema ije fuka maza boeje ijia navake. \p \v 22 Uviarafano na ja soesoena kiavono ni oe vafaena kari vua ige fu ja ejafiamo ije fiefo. Ijadufuo maeje fasi ige na isoena nijiavo ije fu jiamadogo baki ro fuka dubusiki. \v 23 Ro na vua mukore be kuariako ni fiefo. E uvia nuvuone Timoti dibure fu fino ije fune una kekei. Ijadufuo fu migegireigia ruakuma na fuosiki ijia ja giake vuake. \v 24 Ro ni nuvuefuo e mamekanu jone ijiakiro Godido e boeje ijia kariva ije anadiafo. Ro kuke e Itariko Godi ma vierafevo gue naena igia kariva ije bu ja anadiave. \p \v 25 Na baname isoega Godi fu ja ma rejiana ifejiaga ja mukoreigia karivadufuo.