\id EXO - Barai NT and OT portions [bbb] -Papua New Guinea 2006 (DBL -2014) \h Una Kaenamiae \toc1 Una Kaenamiae \toc2 Una Kaenamiae \toc3 Kae \mt1 Una Kaenamiae \c 1 \s1 E Isureroko bu Ijifiti ijia vame gikikimana biedieva ijene \p \v 1-5 Ro maza ije Jekafu fu aesakae Ijifiti ari vaema ije fari fuone Josofu fune ude ijia fikoga fu rade vae. Ijadufuo Jekafu fune uri farirafa fuone gue ireveni (11) ro anafa buone boeje foteke ijene kaenamiana ijia vae. Ro e ije vaeva ijiebuo ive ijeja e Rubinikina Simionikina Rivaekina Judakina Isakakina Zeburunikina Bezimanikina Denikina Nataraekina Gadikina Asa ijene. Ro Jekafudo agane boeje foteke buka e seveniti (70) ijiege. \p \v 6 Bu ijia kari vakuma Josofukiro uviarafa fuone ro agane buone boeje buneka ijia oema furi. \v 7 Bune oe furikoga uifari buone buka uria biona ma e uruvana rena are Ijifiti ije buneka irarae. \p \v 8 Ijiege rena vakuma juaevasia ma uruvana furikoga e iviaeko be fu urina kini rena e Ijifitiko ije samuagiae. Ro kini ije fu vame izege e Josofu fu ma isuibe e Ijifitiko bu vasia ma ireobo abevoga fu ifejiana karauniaema ije fu naebe mukoe vierafei. \v 9 Ijadufuo fu urina e fuone kiae, Na iviama fina gavone bune e Isureroko ije bune ma e uruvana rena no bune bure asiduovono kiae. \v 10 Fu ijiege kuaria areme kiae, E ani nuvuone bu karine noena bijaekuva E Isureroko ige bu nuvuefuo mani baki imevo ije buka buina rena uri no kanuona usiae subinae vake. Ijadufuo roga no vame izege no ije bijukuriadufuo ijene bino kuaena amaerino kiae. \p \v 11 Ijadufuo e Ijifitiko ije bune urina e bino kevo bu e Isureroko ije samuagiae. Bu e Ijifitiko ije dasumiana i gikikimana ije buefuo menoe. Bu ijiege rena uri e Isureroko ije kiavoga bu Kini iviaeko ijadufuo are mamekanu inokiro Fitomikiro Ramisi ije fu ire fuone fu zaraema ije nadufuo ije sae. \v 12 E Ijifitiko ije bu e Isureroko ije kame vame gikikimana ijia uniavoga bu ijia isejavae. Rove buka uria e uine ma uruvana tuanana vakoga e Ijifitiko ije buka ireobo jumei. \v 13 E Ijifitiko ije bu vierafe buka e Isureroko ije kame vame ma gikikimana ijia arafiriakuae bu ijiege vierafei. \v 14 Ijadufuo bu uri E Isureroko ije kame vame ise ijia arafiriana kuriaereko buka i gikikimana menoe ijadufuo buka naebe oemare. Bu ijiege rena kiako bu i binobino mena ajare ro mune ije matuna biemarokinu ijia uruke isejavae. \p \v 15 Bu ijiege rekoga Kini Fero fu urina bara Iburuko Sifiakiro Fua ije bu bara e fudievo ije ifejiako bu e nafevo ijene vua ijiege kuariae. \v 16 Fu kiae, Ja bara ije e fudieva ije ja ifejiako bu e nafevo ije giaga bu ame fari nafevoga ije kaniafo. Ro bu ame kabae nafevoga ni are bu ni uria karino kiae. \v 17 Rove bara ije buka Godi ma vierafevo ijadufuo bu naebe kini Fero fu kuariama ijiege rena ame fari ije kaniae ro bume ijia arei. \v 18 Ijadufuo kini Fero fu urina bara ije kumeno bu rovo fu kiae, Ja irerefuo ja naebe na kuariaeva ijiege rena ame fari ije kaniae ro ja areko bu ni uria karivano kiae. \p \v 19 Rove bara ije bu urina kini Fero kuae, Ame ije no naebe kaniaeva ijadufuo maeje bara Iburuko ije bu bara Ijifitiko bu revo ijiege revo baki. Ro buka giriesana ame buone nafeko no rade va giavono kuae. \p \v 20-21 Ijadufuo maeje Godi fuka bara ije bu bara gue ifejiako bu e nafevo ije marejiae. Ro kuke fu daro miamo budua buka ame buone nafei. Bu ijiege rekoga e Isureroko ije buka e ma uruvana rei. \v 22 Ijadufuo kini Fero fu urina e fuone boeje kuariana kiae, Ni va ame fari katiki boeje ka kamodiana va do Naero ijia korekiro ame kabae ijiaru ni arega bu ni uria kari vano kiae. \c 2 \s1 Mosisi bu bieteva ijene \p \v 1-2 Ro e Rivaedo agane ijia ebe fu urina una e Rivaedo kabae ije abei. Fu abenoga bara ije fu e fudiena ame fari be bietei. Fu ame ije bietena gake ame ije fuka ame ni mukorega fu abena sauiko asame inokube furi. \v 3 Fu abena saui fina vakuma asame inokubeke furinoga fu dabe una izege sauidufuo ije fina vierafei. Fu vierafeba dabe kate be bu siduo ijia ufeva ijia sinuo guruema areme kata irifo ije fu ire be kazine ijare dabe irifo ije azinoena arei. Fu ijiege rekina do ije fube guove ijia aru vadufuo. Areme fune ame ije abena ijia kedena abe do irifo bua ije naema ijia nurie. \v 4 Areme fu kabae fuone kuamo fu va mumabo ijia manina ga arega ame ije fu izege rega fu gakiro fu ije vierafei. \p \v 5 Ro kini Ferodo kabae ijiakiro bara ije fuefuo imevo ije bu do ruoekuae vaeva bu do Naero irifo ijia oenoeve. Bu ijia oenoevo ijia Ferodo kabae ije fu ame kate ijene gana uri bara be fuone imeno ije kuamo fu va kate ijene abena ruae. \v 6 Fu abena romoga Ferodo kabae ije fu abena biju ije dauvena gake ame ije bu abe utima kate ijia abieva fu gae. Fu gako ame ije fu ijia nimenoga Ferodo kabae ije fuka oefiaemo fu urina kiae, Ame ige fute bara Iburuko be ijadufuo ameno kiae. \p \v 7 Ro ame ijadufuo maki ije fu ijia manido fu urina Ferodo kabae ije kuae. Fube maredo na va bara Iburuko gafe kuaga fu ro ame ige abena oefuo samuakono kuae. \p \v 8 Fu ijiege kuaramoga Ferodo kabae ije fu kuae, Ni va kua fu rono kumega ame ijadufuo maki ije fune asie fuone mesirikiro vae. \v 9 Areme ame ijadufuo asie fuone ije fune romoga Ferodo kabae fu uri bara ije kuae, A ni ame ige dabena va noefuo samuake na moni bino vajano kuae. Ijadufuo asie fuone ije fune uri ame ije dabena va are fuone kekena samuae. \v 10 Fu samuako ame ije fune ubaeremoga fu dabe una ro Ferodo kabae ije mamoga fu abena nifarikena ame fuone ijiege samuae. Areme fu urina kuae, Na ive fuone na Mosisi kuake ijadufuo maeje na do gamia dabe ruaevano kuae. \s1 Mosisi fu urina aesakae Midiani vaema ijene \p \v 11 Ijiege rena fune abe samuana vakuma Mosisi fune e ireobo remoga maza be fu una e fuone ije izege bu i ka gikikimana ije mevo ijene giakiro vae. Fu va gianoeno ijia fu gake e Ijifitiko be ijare urina e Iburuko e fuone ije be kanamo fu gae. \v 12 Ijadufuo fu uri guegue rerega e baga fu urina e Ijifitiko ije kanamo fu baronemoga fu dabe ajare ijia ruma nurie. \v 13 Areme fune va naema nituame fu una vaga e fuone Iburuko inokiro bu bue bijaevo fu giana uri e be ije isema remo ije kuae, A irerefuo uvia one ije kanamono kuae. \p \v 14 Fu ijiege kuamoga e ije fu urina kuae, A erare kuaga a e ireobo rena no samuaguokinu ise nuvuone ke mazie guome? Ro a isuome e Ijifitiko ije a kanaema ijare riezaega a kuke nadua kaniekuveno kuae? Areme Mosisi fu urina fue kuae, Ire ige na reva ije bune gievano kuaena fuka jumei. \p \v 15 Areme maza ije kini Fero fu vua ije fiena fuka Mosisi kanakiro vierafei. Rove Mosisi fune uri kona va aesakae Midiani ijia kekena va mako be bu do jiavo irifo ijia fine. \v 16 Ro e Midianiko ijiebuo e zinone ifaejemo be fu ame kabae umuifague ro dikine inokiro (7) ijiege. Ijadufuo bu tinine buone karina do jiana asoe buone ijadufuo mave sifi ije vajiakuae ruae. \v 17 Rove bune e mave samuagiavo gue ijiebe usiaena bara ijene kuriaerega bu vakuae bu ijierei. Rove Mosisi fu urina bara ije ifejiana e mave-sife samuagiavo gue kuriaeremo bu arekoga fu do jiana bara ijiebuo mave ije vajiae. \p \v 18 Areme bara ije bune una asoe buone e Ruero fino ijia rovoga fu kiae, Ja izege reva ijadufuo ivia jaka migegire una ruaevono kiae? \p \v 19 Fu ijiege kiamoga bu kuae, E Ijifitiko be ijare ifejuona e mave-sife samuagiavo gue ije kuriaeremo bu vakoga fu do jiana mave-sife nuvuone vajiamoga no ijene migegire una ruaevano kuae. \p \v 20 Ro asoe buone fu urina kabaerafa ije kiae, Ro e ije fu iziebure ro ja irerefuo babuena ruae. Ni migegire kume fu roga burede bino kena vajaga fu ino kiae. \p \v 21 Areme Mosisi fune ro ijia buina finoena areme rade e Ruero fune uri kabae fuone Zifora abena Mosisi mae. \v 22 Ijiege rena fu bara Zifora abenoga fu ame fari be bietei. Areme Mosisi fune urina kuae, Naka e aebeko igege urina aesakae igia ruaevano kuaena uri fari fuone abe ive ina Gesomino kuae. \p \v 23 Bu ijiege rena ruoma juaevasia uruvana furikoga ijia e Ijifitiko ijiebuo kini ije fune baronei. Fu baronekoga e Isureroko ije bu ijia urina vajae fiane bu abena ruaeva ijadufuo aduinoekinu vijenoe. Bu ijiege renoejoga Godi fu oefiane ijiakiro irufui buone bu abevo ijene fie. \v 24-25 Areme Godi fune ijia vua izege fu Eburamekina Aeseki ro Jekafu fu ijiebuo rekiro kuaema ije vierafei. Ijadufuo Godi fu una e Isureroko ijiebuo oefiane ije bu abevo ije ifejiakiro uruvana vierafei. \c 3 \s1 Mosisi fu tarare ije miane naeno ijia vaema ijene \p \v 1 Areme maza be Mosisi fune jure fuone e Jetiro e Midianiko ijiebuo e zinone ifaejemo ijadufuo mave-sife ro goti ije samuagianoene. Fu samuagianoena areme kaenamiana una are sao ijia uruo akae Saenae manino nake ijia vae. \v 2 Fu va ijia oenoeno ijia fu tarare ije miane naeno ije gae rove miane ije fu tarare ije naeno baki. Ro Godido anera ije fume miane ije naeno ijia manine. \v 3 Areme Mosisi fu urina fue kuae, Miane fu nae rove tarare ije fu naeno baki ijadufuo na va ivuake ijia gakono kuae. \p \v 4 Ro E Ireobo Godi fu gake Mosisi fune miane naeno ivuake ijia romoga fu tarare uve ijia urina kume, Mosisi, Mosisino kumei. Ro Mosisi fu una gue kume, Na igiefurekino kumei. \p \v 5 Ro Mosisi fu ijiege kumenoga Godi fu kuae, Ade ivuake ijia ruomo ro nime dia surive one azone. Ijadufuo maeje are ije a manino ije aka are akae ijia manine. \v 6 Naeje na asaerafa one e Eburamekiro Aeseki ro Jekafu ijiebuo Godi ije bu baname isoevo ije nareno kumei. Godi fu ijiege kumenoga Mosisi fu fiena uri nikubae fuone okurae ijadufuo maeje fu Godido nikubae ije gakiro fuka jumei. \p \v 7-8 Fu jumemoga Godi fu urina Mosisi kuae, Na e Ijifitiko ije bu izege e none Isureroko ijene kame vame gikikimana ijia reko bu isejavaevo ije nane gae. Ro kuke nane izege bu e Ijifitiko ijiebuo monibaki imenokinu aduina vijenoevo ije nane fie ro izege bu isejavaevo ije nane ifejiakiro vierafei. Ijadufuo ige na ari ruaeva ije na bu karauniaga bu e Ijifitiko ije arena usiae vakiro ruae. Na karauniaga bu e Kenanaetiko ijiakina e Itaetiko ijiakina e Amonaetiko ijiakina e Ferisaetiko ijiakina e Ivaetiko ijiakina e Jebusaetiko ije bu karinoeva ijiebuo are ije abeke. Ro aesakae ije bu abedufuo ije fuka saruegi ro ka ire boeje zaraemo. \v 9 Ijadufuo maeje na e none ijiebuo oefiane buone nane fie ro e Ijifitiko ije bu e none kame vame isema revo ije nane giae. \v 10 Ijadufuo iviama na kuaga a una va kini Fero e ije fu aesakae Ijifiti samuamo ije fino ijia kekena e none ije kaenamiana are ije arena keke vano kuae. \p \v 11 Rove Mosisi fu una Godi kuae, Naeje nana e anuigi baki ijadufuo na izege va kini Fero kuarana e Isureroko ije kaenamiana are Ijifiti arena ruakono kuae. \p \v 12 Ro Godi fu una Mosisi kuae, A kaenamiana keke ruakuma naeje na osiki oenoeke. Ijadufuo a e ije kaenamiana are Ijifiti arena una uruo ige na a biedaeva igia none baname isoemo ijia a gana vierafero Godi nare a kuavo a vaemaro a ijiege vierafekono kuae. \p \v 13 Rove Mosisi fu una gue kuae, Ro na va e Isureroko ije kiako na asaerafa jone ijiebuo Godi ijare na kiega na ja kaenamia keke vakiro ruaevano kiake. Ro bu una kieko, Ro ive fuone ije erano kiekuva na una izege kuariakono kuae? \p \v 14 Mosisi fu ijiege kuaramoga Godi fu una Mosisi kuae, A vaga bu ijiege kuakuva ni kia, Naeje na e ije fu maza boeje ijia fino ijeno kiane. Ro ni kia, E ije fu maza boeje ijia fino ijare kiega na jone ruaevano kiane. \p \v 15 Ro nine e Isureroko ije kia, Na E Ireobo asaerafa jone Eburamekina Aesekikina Jekafubuo Godi ijare na kiega na jone ruaevano kiane. Ro ive ije na kuaeva ije fu ive none ijene ijadufuo rade uifari jone budua bu ive none ije dabe ma vierafekinu maza boeje kurakinu vake. \p \v 16 Ijadufuo ni va e Isureroko ijiebuo e nigofo ije kaenamia besu afui areme kia, Asaerafa jone e Eburamekina Aesekikina Jekafu ijiebuo Godi ijare na biediemano kiane. Ro fu kie, Na Godi nare ja samuagiavo ro kuke nane izege e Ijifitiko ije bu ja kame vame isema revo ije nane giaevano kiane. \v 17 Ro e Ijifitiko ijiebe bu kame vame ijia isekafiavo ijia na kaenamiana keke ruadufuo. Ro na kaenamia ruovo ije na kaenamiana are saruegi ro ine ro vajoma ro ire boeje ijia naovo ijia uniake. Ro are ije bu e Kenanaetiko ijiakina e Itaetiko ijiakina e Amoraetiko ijiakina e Ferisaetiko ijiakina e Jebusaetiko ijiebuo are ije miaga ja are ije abena ijia karike. \p \v 18 Ro e Isureroko ijiebuo e nigofo ije bu vua irere a kuariamo ije bu fiedufuo. Bu vua ije fiega ni e ije kaenamiana va e Ijifitiko ijiebuo kini ije vua igene kuarane. Ja va kuarakuva ni kua, E Iburuko ijiebuo E Ireobo ije fune korufuo samadukua no biedue. Ijadufuo ni arega no va mu inokubeke are sao ijia karina E Ireobo Godi nuvuone ijadufuo zinone ifaejeno kuafo. \v 19-20 Ro nane vierafega e Ijifitiko ijiebuo kini ije fube kiaga ja usiae vake. Rove nare daro none ijia ire sumiki bino fu jumedufuo ijia e Ijifitiko ije isekafiaga fu ije giana rade fu arega ja usiae vake. \p \v 21 Nare e Ijifitiko ijiebuo vierafe kame kuderiaga bu ja aguariaekina ja usiae vakuva buka sinuome vajiaga ja kena vake ro jabe umui kiriasana vadufuo. \v 22 Ro bara Isureroko besubesu ije bunika va bara Ijifitiko ije bu buina ae besu karijo ije giafo. Bu giaga bu ugone ro gorodi ro siriva ro ire zine igege iramo ije bu kena ijadufuo kiaga bu vajiafo. Bu vajiaga e Isureroko ije bu ire ije karina ame fari ro kabaerafa buone ije saejiakina bu vame ijiege rena e Ijifitiko ijiebuo sinuome ijene gue buone kena usiae vakono kiae. \c 4 \s1 Godi fu ire sumiki ije rena daro fuone Mosisi nijaema ijene \p \v 1 E Ireobo fu ijiege Mosisi kuaramo fu una gue kuae, Ro na vua ije e Isureroko kuaria bu naebe fiena ma vierafena kieko, E Ireobo fu naebe a biedaemano kiekuva na izerekono kuae? \p \v 2 Ro E Ireobo E Ireobo fu una Mosisi kuae, Ro ire ije a fare manino ije irereno kuae? Fu ijiege kuamoga Mosisi fu una kuae, Na mudu na bijuasanoejo ije farevano kuae. \p \v 3 Mosisi fu ijiege kuamoga E Ireobo fu una kuae. Ni mudu ije a farema ije abena sakaedo ijia akoeno kuamoga Mosisi fune ijiege rei. Fune mudu ije abena sakaedo ijia akoemoga mudu ije fu una tabare remo Mosisi fuka gana uri koe. \v 4 Areme E Ireobo E Ireobo fu urina Mosisi kuae, Ni daena ari tabare iviene ijia farena urino kuae. Fu ijiege kuamoga Mosisi fune daena ari tabare iviene ijia farena urimo fune una mudu rei. \v 5 Areme E Ireobo fu una Mosisi kuae, Nine va ijiege rega e Isureroko ije bu ijia gana vierafero fune ma asaerafa buone e Eburamekina Aesekikina Jekafu ijiebuo Godi ijare a biedaemaro bu ijiege vierafeno kuae. \p \v 6 E Ireobo fu Mosisi ijiege kuara areme una kuke kuae, Ni umui one abena ugone one a ado abiema ijia abieno kuamoga fu E Ireobo irinana ijiege rei. Mosisi fu umui fuone abe ugone ijia abie areme una meru gake umui fuone fuka kati kunaena ka abaekirae. \p \v 7 Areme e Ireobo fu una Mosisi kuae, Ni una umui one abena ugone ijia abieno kuamoga Mosisi fu ijiege rei. Fu abe abiena una meru gake umui fuone fune subiema una vajae fuone ma igeki. \p \v 8 Mosisi fu ijiege remoga E Ireobo fu kuae, A ire gue na kuaraeva ije rega bu naebe ma vierafekuva ni una ige na nijasaeva ije rega bu ijia gana ma vierafene. \v 9 Ro a ire sumiki inokiro ije nidua buone ijia rega buka uria naebe ma vierafekuva nine una ige be rene. Ro ire be ije a redufuo ni va do Naero ijia jiana una ro sakae iriaeki ijia usiaga do ije fuka una kavuane reno kuae. \p \v 10 E Ireobo fu ijiege kuaramoga Mosisi fu una kuae, Ro na vua kuaevo ije fuka totiekinu ro itire none fuka irufuinamimiemo. Na isuibe nane ijiege rena ruovo ijadufuo iviama a kuariemo ije na vierafe na uria ijiege rekono kuae. \v 11 Ro E Ireobo fu una Mosisi kuae, Ro a vierafega erare emabuo itire ro e ada tuguariaeva ro e itibaki ro e ni kuzeki ije amaeriae? E ijieki ije E Ireobo nare amaeriae. \v 12 Ijadufuo ni vaga na kono ifejaga a vua kuaene. Ro vua izege a kuaedufuo ije nare nijasake a kuariano kuae. \p \v 13 Rove Mosisi fu una E Ireobo kuae, A isekie nika ebe kuaga fure vano kuae. \p \v 14 Mosisi fu ijiege kuamoga E Ireobo fuka defaruimo fu urina kuae, Ro a uvia one Eroni e Rivaetiko ije a izege vierafe? Na vierafe fu e vua mukoe kuaemo ijadufuo fu manido fure vua one abe e gue kuariadufuo. Ro iviama fuje fu vame ijia a biedakiro ruodo fu ro a biedakuma fuka oemareke. \v 15 Ijadufuo ni vua irere na kuaraeva ije fu kuaraga fure oefuo vua ije kuaene. Ro nare e inokiro ja ifejiana vua kuaekinu ro irere ja redufuo ije nijasiake. \v 16 Ro aeje a Godi igege rena vua irere fu kuaedufuo ije kuaraga fu una e ijene kuariake. A ijiege remo ije fu korufuo itire one ijia e ije kuariamo igeki. \v 17 Ijadufuo ni mudu one abe vaekina a mudu ijare abena ire sumiki bino reno kuae. \s1 Mosisi fu una Ijifiti ruaema ijene \p \v 18-19 Ijiege rena Mosisi fu uria aesakae Midiani ijia fino ijia E Ireobo fu urina kuae, Ni una Ijifiti vane ijadufuo maeje e ije bu a kanakuae vierafeva ije bune oe furivano kuae. Ijadufuo Mosisi fune una va jure fuone e Jetiro fino ijia kekena kuae, Asekie abe oemaredo na iviama una va e none bu izege Ijifiti ijia kariva ije giano kuae. Fu ijiege kuaramoga Jetiro fu urina kuae, Ije fune maremano ni vano kuana uri anaema aremo fune vae. \p \v 20 Ijadufuo Mosisi fune uri sinuome fuone boeje ro bara fuone ijiakiro farirafa ije kaenamiana mave doniki ijia uniama areme bune una Ijifiti vakuae vae. Ro Mosisi fu kuke mudu ije E Ireobo fu abena daro maema ijiakuma abena vae. \p \v 21 Ijiege rena Mosisi fune Ijifiti vakiro vako ijia E Ireobo fu una kuke kuae, Iviama ane una Ijifiti vake ijadufuo nika ire sumiki boeje na daro mana kuarakinu nijasaeva ije kini Ferodo nidua ijia rene. Rove Ferodo vierafe ije nare dena gikikimana rega fube e ije arega bu usiae vake. \v 22 Fu ijiege rekuma ni urina kua, E Ireobo fu kume, Na E Ireobo nare kume e Isureroko ije bu anafa none amureno kumemano kuane. \v 23 Na E Ireobo ije nare kume anafa none ije kiaga bu va none baname isoeno kume. Ro a faememarena naebe kiaga bu usiae vakuva nare ame fari one amure ije kanaga fu baroneko kumemano kuane. \p \v 24 Areme Mosisi fune Ijifiti vakiro vakuma vame ijia naekiro fino ijia E Ireobo fu uri Mosisi kanakiro rei. \v 25-26 E Ireobo fu ijiege remoga Mosisido bara Zifora fu uri mune uiki ijia abena fari fuone ijadufuo vajae surive kana ufuna abe Mosisido dia ijia kamana farei. Ijadufuo maeje Zifora fu vierafero Mosisi fu fari fuone fu naebe vajae surive fuone kana ufuna nuga nijaedo E Ireobo fuka ziena kanakiro fu ijadufuo ijiege rei. Zifora fu ijiege remoga E Ireobo fu ijadufuo Mosisi fu naebe kanae ro fu ijia arei. \p \v 27 Areme maza sibaneke furikoga E Ireobo fu Eroni kuae, Va are sao ijia Mosisi bieno kuae. Ijadufuo Eroni fune urina uruo akae Saenae ije manino ijia Mosisi biekiro va ijia keke biena abe ui mi. \v 28 Areme Mosisi fune uri ire boeje E Ireobo fu kuaraema ijene una Eroni kuarae. Fu kuara areme uri ire sumiki bino fu redufuo ije E Ireobo fu nijaema ijene Eroni kuarae. \p \v 29 Areme bune va Ijifiti usiaena e Isureroko ijiebuo e nigofo boeje kaenamiana besu afui. \v 30 Bu kaenamia besu afuima areme Eroni fune urina vua boeje E Ireobo fu Mosisi kuaramoga fu una fu kuaraema ijene kuariae. Fu kuariama arekoga Mosisi fu uri nidua buone ijia ire sumiki ije E Ireobo fu nijaema ijene remo bu gae. \v 31 Areme E Isureroko ijiebuo e nigofo ije bu uri ire boeje Mosisi fu remo ije giana buka ma vierafei. Ijadufuo bu kuae, Vua ige no fiega fune ma E Ireobo ijare izege vajae fiane ige no abekinu renoevo ije gue ijadufuo fu no ifejuona dasumuokiro ruaemano kuae. Ijadufuo buka uri E Ireobo auge sana fuone baname isoe. \c 5 \s1 Mosisikiro Eroni bu e Ijifitiko ijiebuo kini ije gakuae vaeva ijene \p \v 1 Areme Mosisikiro Eroni bune va e Ijifitiko ijiebuo kini Fero fino ijia usiaena kuae, E Isureroko ijiebuo Godi E Ireobo ije fu kumei, A e none arega bu usiae va ae sao ijia na aguariena iro be ino kumemano kuae. \p \v 2 Rove Fero fu urina kiae, E Ireobo ije ja kuaevo e ije era? Na irerefuo fu irinana e Isureroko ije arega bu usiae vake? Na E Ireobo ije na naebe gana vierafe ijadufuo nabe e Isureroko ije kiaga bu vakono kiae. \p \v 3 Fu ijiege kuariamoga Mosisikiro Eroni bu una gue kuae, Godi ije fu e Iburuko ijiebuo Godi ijare no bieduomo no gaeva ijadufuo no ije kuaravono kuae. Ijadufuo ni arega no va ae sao ijia maza inokube Godi nuvuone ije zinone ifaejane. Ro a naebe kuoga no irere E Ireobo Godi fu kuema ije rekuva fute ire ka ma ise bino nuvuone reke ro be fubite e bijaevo bino kiaga buka no kanuoga no oekono kuae. \p \v 4-5 Bu ijiege kuaravoga kini Fero fu urina Mosisikiro Eroni kiae, Ja irerefuo e jone Isureroko ije kiaga bu i ige bu menoevo ige arena vakuae kuaeve. E jone ije buka ma uruvana rove jane i ige bu mevo ije rega bu are vakuae reve. Ije ja revo ije arekiro kiaga bu iviama una i buone ije meno kiae. \p \v 6 Areme ve ijia kini Fero fu urina e mamekanu fuone bu e Isureroko ije bu moni baki imenoevo ije samuagiavo ijiakiro e Isureroko ijiebuo e mamekanu bu rotire buone ijia imevo ijene vua gikikimana kuariae. \v 7 Fu kiae, Ja ivia igia una gafege jade nubuane ije bu tore ijiakuma biemaroga fu mune igege gikikimana rega bu kena are savo ijene e Isureroko ije vajiavo. Janika areke bu korubuo va rerena karina mune gikikimana ijene amaeriafo. \v 8 Ja areke buka korubuo va rerena kari amaeriafo. Ro bu amaeriakuva nika kiaga bu uria mune izege bu ude amaeriavo ijiege amaeriakiro bude naba ije arena una guma amaeriavo. Bu bite i ije bu medufuo ije fu bakiga bu ijadufuo ijuonena kiega na kia bu va Godi buone ijene zinone ifaejekuae kieve. \v 9 Ijadufuo nika I gikikimana ijia vajiana kiaga bu maza boeje I ijene mekiro vua irere e iti kufuiki bu kuariaga bu fievo ije bu areno kiae. \p \v 10 Ijadufuo e mamekanu ije bu e Isureroko samuagiavo ije bune una va e Isureroko ije kuariae. Bu kia, Kini Fero fu kume fube una vajoma ije ja tore ijiakuma biemaroga bu mune igege gikikimana redufuo ije fube una bino vajiakono kumei. \v 11 Ro jaka kojo va vajoma ije rerenoena ke areme una mune gikikimana ije amaeriake. Ro ja amaeriakuva jaka uria naba izege fu kiaema ijiege amaeriano kumei. \v 12 Ijadufuo e Isureroko ije bune Ijifiti guove ijia oenoekinu vajoma ije rerenoe. \v 13 Rove e Ijifitiko ijiebuo e mamekanu ije buka urina e Isureroko ije kuriaerena kiae, Janika migegireigia vajoma ije rerena kari areme naba izege bu kiaeva ja uria ijiege amaeriano kiae. \v 14 Ro e Isureroko bu naebe mune gikikimana naba izege bu kiavo ijiege amaeriavone e Ijifitiko ijiebuo e mamekanu ije buka urina e Isureroko ijiebuo e nigofo ije ifiakinu kiavo ja irerefuo naba ije no kiavo ije ja naebe ijiege amaeriavono kiae. \p \v 15 Ijadufuo e Isureroko ijiebuo e mamekanu ije buka naebe oemareva ijadufuo bu va kini Fero fino ijia usiaena kuae, E Ireobo, a irerefuo no kame vame gikikimana ijia kafuomono kuae? \v 16 E one bu vajoma ije bu tore ijiakuma biemarona mune gikikimana amaeriavo ije bu karina vajuovo baki. Rove buka kuokoke noka konuvuo va vajoma ije karina mune ije amaeriave. Ro irufui ije bu e one ijiebe reve ijadufuo maeje vajoma ije bu vajuovo bakino kuae. \p \v 17 Bu ijiege kuaravoga Fero fu una kiae, Vua ije ja kuaevo ije jame jare imekuae ijuonena kuaeve. Ja vierafe ja ijiege kuariega na kia ja va E Ireobo jone zinone ifaejekuae ja ijadufuo reve. \v 18 Ijadufuo ni una va imefo. Ja bube vajoma ije bu tore ijiakuma biemarona mune gikikimana amaeriavo ije vajiake. Ro ja amaeriakuva nika uria naba izege bu kiaeva ijiege amaeriano kiae. \p \v 19 Fero fu ijiege kuariamoga e Isureroko ijiebuo e nigofo ije bu vierafega buneka irufui ireobo abei. Ijadufuo maeje e Ijifitiko ijiebuo e mamekanu bu vierafe E Isureroko buka uria mune gikikimana bu are savo ije naba izege bu ude kuariaeva ijiege amaeriadufuo bu ije vierafei. \v 20 Areme e Isureroko ijiebuo e mamekanu ije bune kini Ferodo are ireobo ije arena usiae vagake Mosisikiro Eroni bu bu samuagiana kari. \v 21 Ijadufuo bu usiae biediana kiae, E Ireobo fu irere jare renoevo ije fune giae. Ijadufuo fu ja isekafiakiro fu kini Ferokina e fuone mamekanu ije kiaga bu no kame vame gikikimana ijia reve. Jare ijiege revo ijadufuo bute no kanuokuae revono kiae. \s1 Mosisi fu una Godiki vua kuaema ijene \p \v 22 Areme Mosisi fune una va E Ireobo kuae, E Ireobo a irerefuo e one kame vame ise ijia isekafiame? A irerefuo na kiemo na igia ruae? \v 23 Na ive one ije nane kurana Fero kuarae rove fuka uria no kame vame ise ijia isekafuome. Ro kuke a irerefuo naebe ire be rena no karaunuokiro vierafemano kuae? \c 6 \s1 Godi fu e Isureroko karauniakiro kuaema ijene \p \v 1 Mosisi fu ijiege kuaramoga Godi fu una kuae, Ivia na Fero ire be fuone rega a gake. Na daro none ije Fero nijaega fu ijia ga areme fu e none ije kiaga bu are fuone ige arena usiae vakono kuae. \v 2 Godi fu ijiege Mosisi kuara areme kuae, Naeje na Godi E Ireobo ijene. \v 3 Na maza ije na e Eburamekina Aeseki ro Jekafu na biediaeva ije naka Godi e ka ma daroki igege biediae. Rove maza ijia na ive none ije na kuae na E Ireobono kuaeva ije na naebe abe bu nijasiae. \v 4 Ro kuke nane buina vua kuae marena kia, Na e Kenanaetiko ijiebuo aesakae ije miaga bu abena e ae binoko igege ijia karike. \v 5 Ro iviama e Isureroko ije bu karina e Ijifitiko ijiebuo imenoekinu aduiga na fievo ijia na una vua izege na asaerafa jone ijena kuae mareva na ije vierafe. \p \v 6 Ijadufuo ni va e Isureroko ije kuariana kia, Na E Ireobo nare daro none ijia ire ka ma ise ijia buone re areme ja karauniake. Na vajae fiane jone izege jare isejavaekinu karina e Ijifitiko ijiebuo mani baki imekinu abevo ijia ifejiana karauniaga ja are ije arena usiae vake. \v 7 Nare kaenamiaga ja e none rekiro nana Godi E Ireobo jone reke. Na ijiege rega ja ijia gie areme vierafero naeje na Godi jone ro nare izege ja e Ijifitikobuo ijiebuo rotire ijia karina irufui abevo na kaenamia keke ruaevaro ja ijiege vierafeke. \v 8 Nare kaenamiana keke aesakae ije na asaerafa jone Eburamekiro Aeseki ro Jekafu na miako kiaeva ijia uniaga ja jone abena ijia karike. Ijadufuo maeje naeje na E Ireobo jone na manido na ijiege rekono kuae. \p \v 9 Ijadufuo Mosisi fune va e Isureroko ije Godi vua boeje fu kuaraema ijene kuariae. Rove e fuone bu vua ije Mosisi fu kuariamo ije buka naebe fie. Ijadufuo maeje bu vajae fiane ijiakiro oe fiane ije buka ma uruvana abevo ijadufuo bu naebe fiekuae vierafe. \p \v 10-11 Ijadufuo E Ireobo fu una Mosisi kuae, Ni va Fero e Ijifitiko ijiebuo kini ije gana kuaga fu e Isureroko ije kiaga bu are ige arena usiae vano kuae. \p \v 12 Rove Mosisi fu una una kuae, E Isureroko ije bu vua ije a ude kuariemo na kuariaeva ije bu naebe fie. Ijadufuodo na vierafega Fero fudua fube vua none fieke. Ijadufuo maeje na e be na vua mukoe kuaenoevo bakino kuae. \p \v 13 Rove E Ireobo fu una Mosisikiro Eroni ije e Isureroko ijiakiro kini Fero ijiebuo kuariae. Fu kiae, Na E Ireobo nare kiaga ja e Isureroko ije kaenamia are Ijifiti ige arena usiae vakuvejo kiano kiae. \s1 Mosisikiro Eroni ijiebuo agane bu uinive ruaeva ijene \p \v 14 Ro e Mosisikiro Eroni ijiebuo uifari ije bu uinuve ruaeva ije ijiege. E Rubini fu e Jekafudo fari amure ijene. Ro fuje fu ame fo (4) nafei ro ame ijiebuo ive ijeja e Anokina Farukina Ezironikina Kami ijene. Ro e ijiebuo ive ije bu asaerafa buone ijiebuo ive ije nabukaraniae. \p \v 15 Ro e Simioni fuje fu ame fari sigisi (6) ijiege nafei ro ive buone ijeja e Jemuerokina Jaminikina Oedikina Jakinikina Zoakina e Soro ijene. Ro e Soro fu bara Kenanaetiko ije Simioni fu abema ijadufuo fari. Ro e boeje ige bu e Simionido agane. \p \v 16 Ro e Rivae fu ame inokube nafei ro ame ijiebuo ive ijeja e Gesonikina Koatikina e Merari ijene. Ro e Rivaedo juaevasia fu fina ruaema ije uvani aderedi teti seveni (137) ijiege. \p \v 17 Ro e Gesoni fu ame fari inokiro nafei ro ame ijiebuo ive ijeja e Ribinikiro Simiae ijene. \p \v 18 Ro e Koati fu ame fari fo (4) ijiege nafei ro ive buone ijeja e Ameramikina Isakina Ebironikina e Uzieri ijene. Ro e Koatido juaevasia fu fina ruaema ije uvani aderedi teti tiri (133) ijiege. \p \v 19 Ro e Merari fuje fu ame fari inokiro nafei ro ive buone ijeja e Marikiro Musi ijene. Ro e ije bu e Revaedo agane ijiebe urina agane buone binobino afuina kari. \p \v 20 Ro e Amarame fu urina asoe fuone ijadufuo maki bara Jokabedi abenoga fu uri e Eronikiro Mosisi ije nafei. Ro e Amaramedo juaevasia fu fina ruaema ije fu uvani aderedi teti seveni (137) ijiege. \p \v 21 Ro e Isa fuje fu ame fari inokube nafei ro ive buone ijeja e Korakina Nefegikina e Zikiri ijene. \p \v 22 Ro e Usiero fudua fu kuke ame fari inokubeke nafei ro ive buone ijeja e Miserokina Erisafanikina e Sitiri ijene. \p \v 23 Ro Eroni fu urina e Aminadabedo kabae bara Erisiba e Nasonido maki ijene abei. Ro bara Erisiba fu urina ame e Nadabikina Abiukina Eriesakina e Itama ijene nafei. \p \v 24 Ro e Kora fuje fu ame inokubeke nafei ro ive buone ijeja e Asirekina Erikanakina e Abiasafi ijene. Ro e boeje ije bu e Korado agane. \p \v 25 Ro e Eriesa e Eronido fari ije fu uri e Futierodo kabae ije be abenoga fu uri e Finiasi bietei. Ro e boeje bu e Revaedo agane binobino ijiebuo e nigofo ijene. \p \v 26 Ijadufuo Godi fu Eronikiro Mosisi e inokiro ijene kiae, Jare e Isureroko ijiebuo agane binobino ije kaenamiana are Ijifiti arena usiae vakono kiae. \v 27 Ijadufuo e inokiro ijiebe e Isureroko ije kaenamiana are Ijifiti arena usiae vakuae ude va Kini Fero biena fuina kuaeva ijene. \s1 Godi fu Eroni kuaedo fure Mosisido vua abe e kuariake \p \v 28-29 Ro maza ije E Ireobo fu aesakae Ijifiti ijia Mosisi kuaraema ije fu ijiege kuarae. Fu kuae, Naeje na E Ireobo one. Ijadufuo ni va Kini Fero vua boeje na kuaraeva ijene kuarano kuae. \p \v 30 Rove Mosisi fu una E Ireobo ije kuae, Naeje naka e be vua mukoe kuaevo baki ijadufuo na vierafe kini Fero vua none fuka fiekuma baki. \c 7 \p \v 1 Rove E Ireobo Godi fu urina Mosisi kuae, Nare aeje na abega a Ferodo nidua ijia Godi igege reke. Ro uvia one Eroni fu vua one fure abena e Godido vua vierafena kuaemo igege rena oefuo Fero kuaradufuo. \v 2 Ijadufuo ni vua irere boeje na kuarakuvejo ije Eroni kuarane. A kuaraga fure oefuo Fero kuaga fu e Isureroko ije kiaga bu aesakae ige arena usiae vake. \v 3-4 Ro na Ferodo vierafe ije naka bijukurake. Ro na nuga ro ire sumiki bino Ijifiti ijia rega fu giakuma fu uria ijiakuma vua one naebe fiedufuo. Fu ijiege rekuma E Ireobo nare daro none ijia are Ijifiti dabe mukoreigia arafiri areme na ijare sone e none Isureroko ije kaenamia keke ruake. \v 5 Na ijiege umui none akoena bu ke isekafia areme e Isureroko ije kaenamia keke roga e Ijifitiko bu sone ijia giena vierafero naeje na E Ireoboro bu ijiege vierafekono kuae. \p \v 6-7 Ijadufuo Mosisikiro Eroni bune urina vua irere E Ireobo fu kuariaema ijiege rei. Ro maza ije bu Kini Ferona vua kuaraeva ije Mosisido juaevasia ije fu eiti (80) ro Eroni fuje fu eiti tiri (83) ijiege furiva ijia bu ijiege rei. \s1 Eronido mudu ijadufuo vua ijene \p \v 8-9 Areme E Ireobo fu urina Mosisikiro Eroni kiae, Fero fu vierafega ja ire sumiki be rega fu gakiro kiakuma, ni Eroni kuaga fu mudu fu bijuanoeno ije abena nidua fuone ijia akoe fu una tabare rega fu gano kiae. \p \v 10 Ijadufuo Mosisikiro Eroni bune va irere E Ireobo fu kuariaema ijiege rena Eroni fune va mudu fuone fu bijuanoeno ije dabe Ferokiro e mamekanu fuone ijiebuo nidua ijia akoe. Fu dabe ijia akoemoga mudu ije fu una tabare rei. \v 11 Bu ijiege revoga kini Fero fu urina e fuone bino bu kine nanoevo ije kiamo bu iakina ine ro ire binobino bu vierafeva ije medinoena areme usiaena ire ni besu Eroni fu rema ijene rei. \v 12 Bu uri mudu buone bu bijuanoevo ije kena ume ijia korevoga mudu ije budua una tabare rei. Rove Eronido mudu ijare urina mudu buone ijene kame foteke sae. \v 13 Bu ijiege rei rove Fero fuka izege E Ireobo Godi fu kuariaema ijiege nigofo fuone fuka gikikimana rena Mosisikiro Eronibuo vua ije fuka naebe fie. \s1 Ire ka ma ise ije amure Ijifiti ijia rema ije do ijare una kavuane rema ijene \p \v 14 Areme E Ireobo fu urina Mosisi kuae, E Ferodo nigofo ije fune ma gikiki rei ijadufuo fube oemarekinu e none kiaga bu usiae vake. \v 15 Ijadufuo fu suoke maza ije fu do Naero ruvaema ijia vako ni va ijia biene. Ro a vakuma ni mudu one fu tabare rema ije abe va do irifo ijia samuana fine. \v 16 Ro Kini Fero fu vuakuma ni kua, E Ireobo ro e Iburukobuo Godi ije fu na kie, Va a kuaga a e none kia bu usiae vano kiemano kuane. A kiaga bu vaekina bu ae sao ijia na baname isoena kafiafirieno kie. Rove aka uria naebe fiema igege reme. \v 17 Ijadufuo E Ireobo ije fu kume, Na irere na rekuvejo ije rega a ijare na e izeki a ijia sone giekono kumei. Ijadufuo ni igia giekega na mudu ige na fareva ije abe do ado igia kanaga fu una dakudena kavuane rega ni gane. \v 18 Ro kijume do igia oenoejo ije buka oe furiga do ige fuka muturena ka isema riga e Ijifitiko bube ikono kuae. \p \v 19 Areme E Ireobo fu uri Mosisi kuae, Ni Eroni kuaga fu mudu fuone dabe are Ijifiti guove ijia do isesina bu ivo ijiakina do mamekanu bu vako ijiakina do ije tura nafueva ijiakina do bu kaniva ijene nake kave ijia farei. Fu ijiege faremoga do boeje buka una kavuane rene. Ro kuke do bino bu ine ro sakae bu sukore amaeriava ijia jia naeva ije budua buka kavuane re furino kuae. \p \v 20 Areme Mosisikiro Eroni bune urina izege E Ireobo fu kuariaema ijiege rei. Eroni fune uri Ferokiro e fuone mamekanu ijiebuo nidua ijia mudu fuone dabe urina do Naero ije kanamoga do boeje buka una kavuane rei. \v 21 Do Naero fu una kavuane rekoga kijume do ijia oenoejo ije buka oekoga do ije funeka buraena ma isema ri ijadufuo e Ijifitiko do ije bu naebe una jiana i. Ijiege rena do boeje are Ijifiti guove ije buneka una kavuane re furi. \p \v 22 Areme e Ferodo e kine nanoevo ije budua bune usiaena ire ni besu Eroni fu rema ijene rei. Bu ijiege revoga Ferodo nigofo ije funeka una izege E Ireobo fu kuaema ijiege ka ma gikikimana rei. Ijadufuo fu Mosisikiro Eronibuo vua ije fu naebe fiero fuka uria faememare. \v 23 Ijadufuo Fero fune una urina are fuone ijia vagaro irere bu ni fuone ijia reva ije fuka naebe ireobo vierafei. \v 24-25 Fu ijiege rekoga e Ijifitiko boeje bu va do Naero irifo ijia do ikuae sakae ijia runa rere. Ijadufuo maeje do maeje boeje buneka una iserema furi. Do boeje bu ijiege iserena naovakuma mu seveni ijiege furi. \c 8 \s1 Sabade ijiebe Ijifiti guove ijia iraraema ijene \p \v 1 Areme E Ireobo fu una Mosisi kuae, Nine una kuke va e Fero kua, E Ireobo ije fu kume ni e none kiaga bu usiae vaekina bu na dabe aroriekinu baname isoeno kumemano kuane. \v 2 Ro a vua none ije a ijuonena naebe fiekuma E Ireobo nare a isekafana sabade ka ma uruvana ije kiaga bu aesakae one ijia ona iraraeke. \v 3 Ro do Naero ije fuka sabade ijare iraraega gue bu are one ijia ajia vuake. Bu ijia aruna are one guove ro suve one a riena naeno ijia ajia karike. Ro kuke buka e mamekanu one ijiebuo are ijiakina e one ijiebuo are ijia vuake. Bu ijia vua are ja ire ifaejevo ijiakina fata ja burete amaeriavo ijia aru karinoke. \v 4 Ro kuke buka a ro e one mamekanu ijiakina e one ijiebuo vajae ijia ajia diroenokono kuae. Areme Eronikiro Mosisi bune una va kini Fero vua izege E Ireobo fu kuariaema ijene kuarae rove kini fu vua ije fuka naebe fie. \p \v 5 Ijadufuo E Ireobo fune Mosisi kuae, Ni va Eroni kuaga fu mudu fuone fu bijuanoeno ije abena kave ijia farene. Fu abe kave ijia farega do isesina boeje bu ivo ijiakina do ije sakae tire ijia ajiavo ijiakina tura nafueva ije boeje buka sabade ijiebe iritoejeke. Bu ijiege rena are Ijifiti foteke ije okurano kuae. \v 6 Areme Eroni fune uri mudu fuone abena kave ijia farekoga sabade bune do boeje ijia usiaena aesakae boeje okurae. \v 7 Eroni fu ijiege remoga e kineki ije bune budua uri sinuome buone bu kine navo ije kena usiae sabade amaeriavoga bu usiae aesakae ijia ruae. \p \v 8 Rove Fero fu uri e fuone kiamoga bu Mosisikiro Eroni kaenamiana bu rovoga fu urina kiae, Ni E Ireobo jone ijadufuo baname isoega sabade ige bu arena vafo. Bu are vaga na e jone kia bu usiae vaekina bu E Ireobo jone zinone ifaejano kiae. \v 9 Rove Mosisi fu una Kini Fero kuae, Na oefuo baname isoekuva naka oemarekinu reke. Ijadufuo ni are maza nijaga na a ro e mamekanu one ijiakina e one ijiebuo baname isoega sabade boeje bu bakire vane. Bu bakire vakiro gue bu uria do Naero ijia oenoeno kuae. \p \v 10 Ijadufuo Fero fu urina Mosisi kuae, Ni isuome noefuo baname isoeno kuae. Ro Mosisi fu kua, Na maza ije a kiemo na ijiege rega a ijia sone gana vierafero godi bino umeigia bu E Ireobo Godi nuvuone ijieki bakiro a ijiege vierafeke. \v 11 Ro sabade ije bu e one mamekanu ijiakina e one boeje ije arafiriavo ije buneka oe furike. Ro bune sabade game do Naero ijia oenoevo ijiebe buosukua uria ijia oenoekono kuae. \p \v 12 Areme Eronikiro Mosisi bune Ferodo are ije arena bu una va gafia usiaena Mosisi fune uri sabade bu ruaeva ijadufuo E Ireobo baname isoe. \v 13 Areme E Ireobo fu Mosisido baname fu isoema ije fie ijadufuo sabade boeje bu are guove ro makave ro juare ijia oenoevo ije buka oe furi. \v 14 Bu oe furikoga e Ijifitiko ije bu numuna besu akoevoga bu ijia burae areme udi ka ma ise ijare aesakae foteke ije fuka irarae. \v 15 Areme Kini Fero fu gake sabade ije bune oevoga fuka una izege E Ireobo fu kuaema ijiege nigofo gikikimana rena Mosisikiro Eronibuo vua ije fu naebe fiejiae. \s1 Ugune ijiebe Ijifiti guove ijia iraraema ijene \p \v 16 Ijadufuo E Ireobo fu una Mosisi kuae, Ni Eroni kuaga fu mudu fuone fu bijuanoeno ije abena sakae ijia kanaga kuokuo ije bu una ugone rena aesakae Ijifiti foteke iraraeno kuae. \v 17 Areme Mosisi fune va Eroni ijiege kuaramoga fu urina mudu fuone dabe sakae ije kanae. Fu ijiege kanamoga kuokuo ije fu una ugune rena aesakae Ijifiti ijia e ro fanu binobino ijia oenoeva ije nafiriae. \v 18 Bu ijiege revoga e Ijifitikobuo e kine navo ije budua bune uri sinuome buone bu kine navo ije kena uri ugune amaeriakuae re rove buka naebe manivo bu ijia arei. \p \v 19 Ijadufuo e kineki ije bu uri Kini Fero kuae, Ire ige fune ma Godire remono kuae. Ro Fero fuka uria izege Godi fu kuaema ijiege nigofo gikikimana rena Mosisikiro Eronibuo vua ije fuka naebe fie. \s1 Umuanumua ijiebe Ijifiti guove ijia iraraema ijene \p \v 20 Ijadufuo E Ireobo fu una kuke Mosisi kuae, Isuome suoke Fero fu do gamia vake. Ijadufuo ni va ijia biena kua, E Ireobo fu kume, E none ije arega bu usiae vaekina bu na baname isoena kafiafiriene. \v 21 Ro ni kua, A irere na kuaravo ije a naebe rekuma na a isekafana umuanumua kiaga bu a ro e one mamekanu ijiakina e one ijiebuo vuake. Bu e one Ijifitiko ijiebuo are ro sakae ije buka iraraena okurake. \v 22 Ro are Goseni e none kariva ije na bijukuraga umuanumua ije bube ijia vake. Na ijiege rega a ijia gana vierafero naeje na E Ireobo ije ire boeje fina reko bu ume igia ruovo ijare ro a ijiege vierafeke. \v 23 Na e none na vame ijiege rekiro e one na una vame be rega a ijia gana vierafeke. Ro vame sumiki ije na isuome rega a gakono kuane. \p \v 24 Areme E Ireobo fune urina umuanumua ma uruvana ije kiamoga bu kena Ferodo are ireobo ijiakiro e mamekanu fuone ro e Ijifitiko ijiebuo are ijia ruae. Umuanumua bu ijiege rena aesakae Ijifiti ije foteke arafirivoga funeka ma iserei. \v 25 Ijadufuo Kini Fero fu urina Mosisikiro Eroni ijiebuo kiamo bu kaemia rovoga fu kiae, Na vierafe ja va E Ireobo jone ijadufuo zinone ifaejeke. Ro zinone ifaejeke vakuae vierafekuva ja uria aesakae igia karikinu usiae vakono kiae. \p \v 26 Ro Mosisi fu una Fero kuae, No ijiege redufuo ije na vierafe fuka naebe mare. Ijadufuo maeje fanuve nuvuone no kaniana E Ireobo nuvuone ije zinone ifaejakuva e Ijifitiko ije buka naebe oemareke. Ro kuke no fanuve ije kaniana zinone ifaejega e Ijifitiko bu guokuva buka isediaga buka mune tuana kanuo no oedufuo. \v 27 Ijadufuo no vierafe noka mu inokubeke va ae sao ijia izege E Ireobo nuvuone fu kuaruema ijiege rena fuone zinone ifaejekono kuae. \v 28 Mosisi fu ijiege kuarae rove Fero fu una kuae, Na vierafe na kiaga ja va ae sao ijia E Ireobo ro Godi jone ije zinone ifaejake. Ro ja vakuva jade mumabo ijia vako ro nime ivuake ijia va zinone ifaejekinuro noefuo baname isoeno kiae. \p \v 29 Fu ijiege kuaramoga Mosisi fu kuae, Na isuome vakuva na E Ireobo baname isoega fu umuanumua ije kia bu a ro e mamekanu one ijiakina e Ijifitiko ije arena vake. Ro ade una no biesiruoga e none bu E Ireobo zinone ifaejeke vadufuo ije bu arevono kuae. \p \v 30-31 Areme Mosisi fune Ferodo are ije arena una va gafia kekena fuefuo E Ireobo baname isoemoga fu fiena irere Mosisi fu kuaraema ijiege rei. Fu umuanumua ije kiamoga bu Ferokina e mamekanu fuone ijiakina e Ijifitiko ije arena vae ro umuanumua besukua be fu naebe una ijia oenoe. \v 32 Rove Ferodo nigofo fu uria gikikimana rei ijadufuo fu naebe e Isureroko ije kiamo bu usiae vae. \c 9 \s1 E Ijifitiko ijiebuo fanu binobino bu adame ise abeva ijene \p \v 1 Areme E Ireobo fu una Mosisi kuae, Va Kini Fero kua e Iburukobuo E Ireobo ije fu kume, E none kiaga bu usiae vaekina bu na baname isoena kafiafirieno kumei. \v 2-3 Ro a vua none ige ijuonena naebe kiaga bu usiae vakuva na adame ka ma omise be kuaga fu e Ijifitiko fanu jone ijiebuo ruake. Fu fanuve ose ro doniki ro kamero ijiakina kau ro mave sifi ro goti jone boeje ijiebuo roga bu oeke. \v 4 Na E Ireobo nare e Ijifitiko ijiebuo fanuve ije ke be uniaga ro e Isureroko ijiebuo fanuve na ke be uniake. Na ijiege rega adame ka ma ise fu e Ijifitiko ijiebuo fanu ije kania bu oekiro e Isureroko ijiebuo ije bube oekono kumei. \v 5 Ro E Ireobo fu kume, Ire ije na vierafe na isuome aesakae Ijifiti igia rekono kumei. \p \v 6 Areme nituame E Ireobo fu urina irere fu kuaema ije remoga e Ijifitiko ijiebuo fanuve boeje buka oefuri. Ro e Isureroko ijiebuo fanuve boeje besukua be fu naebe baronei. \v 7 Ijadufuo kini Fero fu urina e fuone bino kiamo bu ire ije remo ije gakuae vae. Bu va ganoena areme una usiaena Fero kuae, Ire ije fu rema ijia e Isureroko ijiebuo fanuve boeje besukua be fu naebe barone ro bune e Ijifitiko ijiebuo fanuve ijiaru oevano kuae. Bu ijiege kuaravoga Kini Fero fune fie rove nigofo fuone fuka uria girei ijadufuo fu naebe e Isureroko ije kiamo bu usiae vae. \s1 E Ijifitiko bu mibiare abeva ijene \p \v 8 Areme E Ireobo fu una kuke Mosisikiro Eroni kiae, Ni va are bu miane ifaejevo ijia tuvuare ije numufo. Ja numuga Mosisi fu tuvuare ije kena Kini Ferodo nidua ijia kave ijia korefo. \v 9 Fu kena kave ijia korega kuokuo ije fu are Ijifiti foteke ije okuraga e ro fanu boeje bu mibiare abeno kuae. \p \v 10 Ijadufuo Mosisikiro Eroni bune urina tuvuare sibaneke uruna Fero fu fino ijia vae. Bu va ijia usiae irekoga Mosisi fu urina Ferodo nidua ijia tuvuare ije kena kave ijia korei. Fu ijiege koremoga fu mibiare rena ari e ro fanuve boeje kunariamoga bu matane abei. \v 11 Bu ijiege revoga e ije kine navo ije bu naebe una Mosisi fino ijia ruae. Ijadufuo maeje e Ijifitiko boeje bu mibiare abekoga e kine navo ije budua bu mibiare abeva ijadufuo bu naebe una Mosisi fino ijia ruae. \v 12 Rove E Ireobo fune izege fu kuaema ijiege rena fuka Ferodo nigofo ije dabe gikikimana remoga fu Mosisikiro Eronibuo vua ije fu naebe fie. \s1 Ve ome mamekanu ka gaeki Ijifiti guove ijia arima ijene \p \v 13 Ijadufuo E Ireobo fu kuke una Mosisi kuae, Ni isuome suoke mugamia urina va Fero biena kua, E Ireobo e Iburuko ijiebuo Godi ije fu kume, E none kiaga bu usiae vaekina bu na baname isoena kafiafirieno kumemano kuane. \v 14 Ro kuke ni kua, Ivia na e one mamekanu ijiakina e one boeje ije kame ma urukeigia isekafia areme na kuke adua dabe ijiege isekafake. Na ijiege rega a ijia ga vierafero godi bino ume igia na vareki ije buka bakiro a ijiege vierafeke. \v 15 Ro kuke ni kua, Na ivia umui none ijia akoena adame ka ise ijia abena akina e one boeje kaniaga ja oe furi bitie na ijiege reke. \v 16 Rove na naebe ijiege re ijadufuo maeje a nane ijadufuo abe nujaevado name daro none fu izieki na ijiaru abe a nijasaga e bu vua ije dabe kuaena are irore boeje ijia vadufuo. \v 17 Ro aka uria aroekarakinu ijuonena e none a naebe kiamo bu usiae vae. \v 18 Ijadufuo isuome na ve ome mamekanu ka gaeki be fu ude Ijifiti guove igia arimo e bu ni buone ijia gaeva baki ije kuaga fu igia arike. \v 19 Ijadufuo ni e one kiaga bu fanu binobino bu samuagiavo ijiakina ire binobino bu are makave ro juare ijia naeva ije boeje karina are guove ijia uniane. Ijadufuo maeje na vekiro iduane ka ma ise ijene kuaga fu arina e ro fanuve ije juare ijia oenoevo ije kaniaga bu oeke. \p \v 20 Areme Kini Ferodo e mamekanu gue bu vua ije E Ireobo fu kuaema ije fievo buka de judiae. Ijadufuo bu urina e buone imejo ijiakina fanuve buone ije kaenamiana are guove ijia uniae. \v 21 Ro e gue bu naebe vua ije E Ireobo fu ju kuariaema ije ma vierafe ijadufuo bu e buone imevo ijiakina fanu buone binobino bu uria juare ro ae makave ijia uniae. \p \v 22 E Ireobo fu vua ijiege Kini Fero nija areme fune urina Mosisi kuae, Ni urina umui one kave ijia korega ve ome mamekanu ka gaeki ka ma ise ije fu arine. Fu arina e boeje ro fanu binobino ijiakina ine binobino bu ae sakae Ijifiti guove ijia ireva ije arafiriano kuae. \v 23-24 Fu ijiege kuaramoga Mosisi fune uri mudu fuone ije dabe saove gufia gakinu nifurimoga E Ireobo fune makibae ije kuamo fu ari. Fu arikoga saove fu kumena irakinu ari are ije kame arafiriae. E Ireobo ijare ire makibae ije kuamoga fu arina are ije dabe mukoreigia arafiri. Ro fuka ve ma ise ro iduane be e Ijifitiko bu karina ruaeva ijia ire ijieki be fu naebe gaeva ijare rei. \v 25 Ro are Ijifiti guove ijia fu ve ijiakiro iduane ijiebe dakinu arina ire boeje ae makave ro juare guove ijia naovo ije kame arafiriakinu e ro fanuve boeje arafiriae. Fu arina fiene boeje kaniamo bu saerekinu ine boeje buka tuana umeke vafuri. \v 26 Ro are ije ve ro iduane fu naebe ijia arikuma ufima ije fu are Goseni e Isureroko bu kariva ijia fu naebe ijiege rei. \p \v 27 Ijadufuo Kini Fero fu urina Mosisikiro Eroni vua nijiana kume, Iviama na vierafega nane ma isema rei. Ro irere E Ireobo fu remo ije fuka ma ijadufuo reme. Rove nare e none ijena noka ma isema revano kumei. \v 28 Ro iduane igiakiro ve ige damo ije none ka mani ijadufuono ni nuvuefuo E Ireobo ije baname isoene. Naneka ma kuado na kiaga ja usiae vadufuo ro jade una igia maza jiamadogo karidufuo. \p \v 29 Fero fu ijiege kuaramoga Mosisi fu kua, Na maza ije na sidove ige arevo ijia na sone ijare umui none kafe ajiana E Ireobo ijadufuo baname isoekono kuae. Nane ve ije na keke vakuvejo ijia na baname isoega saove ige kumeno ijiakiro ve ige damo ije bu ijia arega a ijare vierafero ire boege fu E Ireobo ijadufuo ro a ijiege vierafeke. \v 30 Rove na vierafega a ro e one mamekanu ije ja uria E ireobo ije ja jumevo baki. \p \v 31 Ro e Ijifitiko ijiebuo juare ijia ire firekisi bu begi amaeriavo ijiakina ire bari fu vuiti igeki bu ivo ije kame arafiriae. \v 32 Ro ire vuiti ije bino bu naebe arafiriae ijadufuo maeje bu rade kiravo. \p \v 33 Areme Mosisi fu Kini Fero ro sidove ije arena keke vako ijia fu umui fuone kake korena saove gufia gakinu E Ireobo ijadufuo baname isoe. Fu baname isoemoga saove ijiakina ve ije damo ijiakina iduane ije arimo ire fu ijia arei. \v 34 Ro maza ije ire ije rema ije kini Fero fune ni fuone ijia giae. Rove fu una ise rena fu ro e mamekanu fuone ijena buka nigofo gikikimana rei. \v 35 Ro Fero ijiege fu remo ije fune E Ireobo ijare ude Mosisi ijiege kuaraema ijadufuo fu naebe e Isureroko ije aremo bu usiae vae. \c 10 \s1 Kabamisu ijiebe Ijifiti guove ijia iraraeva ijene \p \v 1 Areme E Ireobo fune una Mosisi kuae, Kini Ferokiro e fuone mamekanu ijiebuo nigofo bu girevo ije E Ireobo nare kame ijiege rejiave. Na ijiege rejiaekina na ire sumiki ka daroki ije buone rega bu giake. \v 2 Ro kuke jadua ja ije giakuva ja rade oenoene anafa jone ijiakina asaerafa jone ije izege na e Ijifitiko ije kame vame ise ijia isekafiana ire sumiki ije buone revo ije kuariake. Ro kuke e boeje jadua ja ije giavo ijia ja vierafero naeje naka ma E Ireoboro ja ijiege vierafeke. Ijadufuo ni iviama una va kini Fero gana vua kuarano kuae. \p \v 3 Ijadufuo Mosisikiro Eroni bune una Kini Fero fino ijia vae. Bu va ijia usiaena kuae, E Ireobo e Iburukobuo Godi ije fu kume, Aeje aka oemarekinu kabuaekabuaeki oe dasuna vua none fiena iriniekiro vierafemo baki. Ijadufuo ni e none arega bu usiae vaekina bu none baname isoena kafiafirieno kumei. \v 4 Ro a uria vua none naebe fiena e none kiaga bu usiae vakuva na isuome kabamisu kiaga bu aesakae one igia ruake. \v 5 Ro kabamisu ije buka ma uruvana rena aesakae ige foteke iraraeke. Bure ijiege iraraena uri ire ijiakiro ine ije ve ome mamekanu ka gaeki fu arina arafiriaga arema ije boeje ka i furike. \v 6 Ro kuke kabamisu ije buka arina are one ijiakina e one mamekanu ro e Ijifitiko boeje ijiebuo ije iraraeke. Ro ire ije asaerafa jone bu iko ae sakae igia karinoeva ijia bu ire ijieki be naebe gaeva ijare rekono kuane. Ijiege rena Mosisikiro Eroni bune Kini Fero ijiege kuarama furina buna una vae. \p \v 7 Areme Kini Ferodo e mamekanu ije bu urina Fero kuae, A vierafega e ige fu maza izege no irufui vajuoruke? Ijadufuo arega e Isureroko ije bu usiae vaekina bu E Ireobo ro Godi buone ije baname isoena kafiafirine. Aeje aka ni nisuina fikoke are ige Ijifiti funeka ma iseremo ige gano kuae. \p \v 8 Bu ijiege kuaravoga Fero fu ijadufuo urina Mosisikiro Eroni vua nijiana kumenoga bu kaenamiana ruae. Bu rovoga fu urina kiae, Na vierafe jane ivia va E Ireobo jone ije baname isoena kafiafirike. Ro ja vierafe e ije eranebe vakono kiae? \v 9 Fu ijiege kiamoga Mosisi fu urina kuae, Na vierafe no e boeje anafa nuvuone fari ro kabae ro eove ije noka foteke vake. Ro kuke fanu nuvuone boeje noka kaenamiana vake. Ijadufuo maeje e boeje noka vaekina no E Ireobo nuvuone ije aguaena fuefuo iro ireobo be ikono kuae. \p \v 10 Bu ijiege kuaravoga Fero fu urina Mosisi kua, Naka E Ireobo one ijadufuo ive ijia kurana kuaedo nabe arega a bara ro ame one boeje kaenamia vake. Ijadufuo maeje nane samadukua gaga a vame be mauike nuriete rekiro vierafena reme. \v 11 Ijadufuo na vierafe a e fari ijiaru kaenamiana usiae va E Ireobo ijadufuo baname isoena kafiafirine. Ijadufuo maeje ane ijadufuo kiekie unamunaemano kuae. Kini Fero ije fu ijiege Mosisikiro Eroni kuaria areme uri e mamekanu fuone ije kiamo bu uri rorukuriavo bu Fero arena usiae vae. \p \v 12 Areme E Ireobo fu uri Mosisi kuae, Ni umui one kafe ajiana Ijifiti nake akoega kabamisu bu aesakae ijia arine. Bu arina ire ro ine boeje ve ome mamekanu ka gaeki fu arina arafiriagaro nugune areva ije ka i furino kuae. \v 13 Ijadufuo Mosisi fune urina mudu fuone abe aesakae Ijifiti kave ijia farei. Fu ijiege faremoga E Ireobo fu ijia majaufi ka ma ireobo ije maza ajiamo nake kuamoga fu aesakae ijia ufi. Majaufi ije fu maza ijia ijiege ufuikinu kabamisu boeje kaenamiana aesakae ijia ruako vakuma ve irasei. \v 14 Bu ijiege afuina ruoma arekoga aesakae Ijifiti foteke ije buneka ire kabamisu ijiebe irarae. Ro kabamisu ije bu ijiege afuiva ije ude ma isuibe be bu naebe ijiege afui ro kuke rade ijieki be bu gakuva baki. \v 15 Kabamisu ijiebe usiaena aesakae foteke ije iraraevoga fuka kaziaberei. Areme bune uri irekina ine sunine nugune ije majaufi ijiakiro ve ome mamekanu ka gaeki ije bu arina arafiriaga areva ije buneka foteke ina furi. Bu ina furikoga rade bu naebe una ia getiki bino aesakae Ijifiti guove ijia giae. \p \v 16 Areme Fero fune migegire una Mosisikiro Eroni kumeno bu rovoga fu kiae, Na vierafe naka E Ireobo Godi jone ijiakiro jone isema rei. \v 17 Ijadufuo ni iviakinu ise none ige una giena aregaro E Ireobo Godi jone ije baname isoega fu ire ka ma ise ige nuvuone remo ije abe vano kiae. \p \v 18 Kini Fero fu ijiege kuariamoga Mosisikiro Eroni bune una va Ferodo Godi baname isoe. \v 19 Mosisi fu baname isoemoga Godi fu maza koeno nake majaufi ka ma daroki be kuamo fu ufi. Fu ufina keke kabamisu boeje kari una Davare Kavuane nafuema ijia ari. Ro kabamisu besukua be fu naebe una are Ijifiti ijia fi. \v 20 Rove E Ireobo fu una kuke Ferodo nigofo ije bijukuramoga fu naebe e Isureroko ije kiamo bu usiae vae. \s1 Ve ije fu muna aesakae Ijifiti okuraema ijene \p \v 21 Areme E Ireobo ije fune una kuke Mosisi kuae, Nine una kuke va saove gufia gakinu umui one kafe ajiaga ve ma ireobo fu titutega e bu izege ganamidufuo baki ije fu titutena aesakae foteke ije okurano kuae. \v 22 Ijadufuo Mosisi fune kake saove ijia gakinu umui kafe akoemoga mu inokubeke ijiege aesakae Ijifiti foteke ije fuka ve ma ireobo titutei. \v 23 Fu ijiege titutemoga E Ijifitiko ije bu izege bue ganamikuva baki ijadufuo mazani ije bume mauike are buone ijia kari. Ro una e Isureroko ijiebuo are ije fu maza nako bu ijia karinoe. \p \v 24 Ijadufuo Kini Fero fu una Mosisi kumeno fu romoga fu kuae, Nine ame ro bara ije kaenamiaga bu aena va E Ireobo one baname isoekinu fu kafiafirifo. Ro mave-sife ro goti jone boeje ijiakina mave-kau ije jade kaenamia vakiro ni igia arena vano kuae. \v 25 Fero fu ijiege kuaramoga Mosisi fu urina kuae, A kuoga no vakuva ni kuoga noka fanuve nuvuone kena vaekina no E Ireobo Godi nuvuone ije zinone ifaejane. \v 26 No vierafe fanuve nuvuone boeje noka kaenamia vadufuo ro bino nobe igia arena vake. Ijadufuo maeje no konuvuo fanu irere kena E Ireobo ije zinone ifaejana baname isoedufuo ije noka naebe vierafevano kuae. \p \v 27 Rove E Ireobo fu una Ferodo nigofo ije bijukuramoga fu naebe E Isureroko ije kiamo bu usiae vae. \v 28 Ijadufuo kini Fero fuka urina vua gikikimana Mosisi kuarana kuae, Na a naka isediemono keke vane. Na ivia igia una gafege nikubae one ije nabe una igia gake. Ro na una igia a gakuva naka kanaga a baronekono kuae. \v 29 Fero fu ijiege kuaramoga Mosisi fu una kuae, Vua irere a kuariemo ije ane ma kuariemo ijadufuo na vierafe rade abe una na giekono kuae. \c 11 \s1 E Ijifitiko ijiebuo ame amure bu oevo ijene \p \v 1 Areme E Ireobo fune ude Mosisi irere fu redufuo ijene kuarae. Fu kua, Na ire besukua rena Kini Ferokiro e Ijifitiko ijene kame isekafiake. Na ijiege rega Fero fu sone rade kiaga ja Ijifiti arena usiae vake. Ro maza ije fu kiaga ja vako ije funeka ma mukoreigia kuriaerega ja usiae vake. \v 2 Ijadufuo ni e one Isureroko ije kiaga bu e Ijifitiko ije buina karivo ije kia bu ire binobino bu gorodi ro ire siriva ijia amaeriaeva ije bino vajiafo. \v 3 (Ro maza ijia E Ireobo fuka e Ijifitiko ijiebuo oe ijene kame kuderiamoga buka uri e Isureroko ije mukoreigia oemarejakinu aguariae. Bu ijiege rekoga Ferodo e mamekanu ijiakina e Ijifitiko boeje bu uri Mosisi buka dabe e anuigi igege vierafei). \p \v 4-5 Ijadufuo Mosisi fune uri izege E Ireobo fu kuaraema ije uri kini Fero kua, E Ireobo fu kume, Ivia muge ve ufirema ijia na Ijifiti guove ijia oenoeke. Na ijia oenoekinu e Ijifitiko ijiebuo ame amuifari ije kania bu oeke. Ro amure ije na Kini Fero e ije fata maeje abena fino ijadufuo ame amure ijia zinueve kana areme uri ame boeje ijiege kaniana vakuma bara ije bu e guebuo mani baki imevo ijiebuo ame ijia vake. Ro kuke na mave-kau ro fanuve ni binobino ijiebuo anafa amuifari ijene dua kania bu oeke. \v 6 Ro ire ije fu ude isuibe naebe rei ro kuke rade fu rekuma baki ijare rega e boeje are Ijifiti guove ijia kariva ije buka urukeigia sisimena isejavaeke. \v 7 Ro kuke mu besu ijia E Isureroko buka oemarekinu mauikeigia kariva ijadufuo siroe buone besukua be fube kuri ro omanike. Ijiege rena e Isureroko ije na kena vame be ijia kafiaga e Ijifitiko ije na vame be ijia kafiaga a giake. Na vame ijiege rega a ijia gana vierafero na E Ireobo nare ire ije revoro a ijiege vierafekono kuae. \v 8 Mosisi fu ijiege kini Fero ije kuara areme kuae, E Ireobo fu ijiege rega e one mamekanu bu ro Mosisi na auge sana soesoekinu kieko ni uri e one kaenamiana keke vano kieke. Areme na ijare rade ae sakae arena keke vakono kuae. Mosisi fu vua ijiege kini Fero kuarama areme funeka ma ireobo ziegafana keke vae. \p \v 9 Ro E Ireobo fune ude izege Fero fu redufuo ije fune Mosisi kuarae. Fu kua, Kini Fero fu uria totenamina vua one fuka fiejakuma baki. Fu ijiege rekuma nare ire sumiki daroki bino aesakae Ijifiti guove ijia rekono kuae. \v 10 Ijadufuo Mosisikiro Eroni bune ire sumiki daroki boeje Ferodo nidua ijia rei. Rove Godire nigofo fuone dabe gikikimana remoga fu naebe e Isureroko ije uniamo bu aesakae fuone arena usiae vae. \c 12 \s1 Iro Fasovano kuavo ijene \p \v 1-2 Ijiege rena Mosisikiro Eroni bu uria Ijifiti kariva ijia E Ireobo fu vua nijasiana kiae, Asame amure ja juaevasia iviaeko zinuevedufuo ije fune igifureki ruae. \v 3 Ijadufuo ni vua ige na kuariakuvejo ije e Isureroko agane boeje kuariafo. Ni kuariana kia, Asame igadufuo ijia ro mu teni furino ijia e fari besubesu fuka agane fuone are besu karijo ijiebuo mave-sife ame ijia bino buone iraeraefo. \v 4 Ro agane be fanu buone bu idufuo ije fu ireobo ro agane fuone bu e sibanekekuma funika e are ivuake fuone ijia fino ijiaki fanuve ije abe buvua ivajuonamike. Ro kuke e agane bu iga fu manidufuo ijia giakinu refo. \v 5 Ro fanuve ja kaniadufuo ije ja mave-sife ame ro baga goti ame ijia kaniadufuo. Ro mave ije bu kumate juaevasia besu furima ro vajae maturaeva ijia giana kaniafo. \v 6 Areme nine gaga mazani fune fotini (14) abega ni e Isureroko agane boeje kiaga bu fanuve buone ije kaniake. \v 7 Areme ni e agane besubesu kiaga bu fanuve ijiebuo kavuane gue kena are izia bu karina fanuve ije idufuo ijiebuo viene ikene guegue ro ado ijia azifo. \p \v 8 Areme nine mazani besu ijia fanuve karina kuriemekiro siri ijiakuma mukoreigia ifaejekina bu karina burete ije bu ire isiti baki amaeriava ijiakuma idufuo. \v 9 Ro fanuve bino bude kena iko ikinuro sukore kirana ivo. Ro kuke fanuve boeje foteke nigofo ro masiane ro de vuare ije nika miane ifaejena ifurifo. \v 10 Ro bino bude isuofuo suba navo ro ja bino uria nakuva ije nika suoke karina miane ifaejega fu naena furifo. \v 11 Ro iro Fasova ije ja idufuo ije ja na aguarievo. Ijadufuo ja iro ije ikuva nika migegire ikina ja uri sinuome jone ro dia surive jone sakinu mudu ja bijuasadufuo ije kanafuina samuake. Ijadufuo maeje na maza ijia migegire ruovo ijadufuo ja ijiege reke. \p \v 12 Ja ijiege rena jane vakuae samuaeva ijia na muge ro e boeje are Ijifiti guove ijia karinoeva ijiebuo ame fari amuifari ijiakina fanuve buone ijiebuo ame amuifari ije kaniaga bu oeke. Areme na kuke e Ijifitiko ijiebuo godi ije kame isekafiaga bu ijia sone giena vierafero naeje naka E Ireoboro bu ijiege vierafeke. \v 13 Ro jaeje fanuve kavuane ja kena are ja karivo viene guegue ro ado ijia aziva ijare nuga igege ijia namo ijadufuo na ijia gake. Na kavuane ije gakuva nabe ja kaniakiro na asidiana e Ijifiko ijiaru isekafiake. \p \v 14 Ro Fasova mazani ije nika abe ireobo oemarena vierafefo. Ro juaevasia besubesu ijia janika ijiege rekinu una izege E Ireobo nare Ijifiki ijia ja karauniaeva ije vierafekinu vadufuo. \s1 Burete ire isiti baki ijadufuo iro ivo ijene \p \v 15 Areme E Ireobo fune urina Mosisikiro Eroni vua ije bu izege iro ina fu vierafedufuo ije kuariana nijasiae. Fu kiae, Ja oenoeno iro Fasova ije ikuva mazani seveni (7) ijiege jade burete ije bu ire isiti ijiakuma amaeriva ije ikiro nime burete ire isiti baki ijiaru inoeno kiae. Ro maza amure ijia nika ire isiti boeje are jone ijia naovo ije karina korefo. Ijadufuo maeje e be erare fu burete ije bu isiti ijiakuma amaeriaeva ije ikuma e ije bu rorukuraga fu E Isureroko ije arena vadufuo. \v 16 Ro mazani ije bu iro ijo ijia amure ijiakiro mazani seveni (7) ije e boeje buka una besu afuina none baname isoekinu kafiafirieke. Ro kuke mazani ijia e bube imeke ro ire ijiaru bu uria kirana idufuo. \v 17 Ro mazani ije bu kua Burete Ire Isiti Bakino kuavo ijadufuo mazani ije janika abena mukoreigia samuafo. Ijadufuo maeje na mazani ijia asaerafa jone are Ijifiti ijia karauniana kaenamia keke ruae. Ijadufuo ja juaevasia besubesu mazani ije ruomo nika abena ireobo vierafekinu iro ina oemarefo. \v 18 Ro kuke asame amure ijadufuo maza fotini (14) ijadufuo mufuo ijia vakuma tuaedi uvani (21) mufuo ije jade burete isitikuma amaeriaeva ije ijo. \v 19-20 Ro maza umuifague ro dikine inokiro ijiege ire isiti bino jade karina are jone ijia naovo. Ro e jone ro e ae binoko bino bu ijia jaena karijo ije bu burete ije ire isitikuma amaeriaeva ije ikuva e ije bu rorukuriaga bu E Isureroko ije arena vadufuo. \s1 Iro Fasova no kuavo amure bu iva ijene \p \v 21 E Ireobo Godi fu vua ijiege kuariama furinoga Mosisi fu urina e Isureroko ijiebuo e nigofo ije kumeno bu besu afui. Bu afuivoga fu urina kiae, Ni va e Isureroko e besubesu ije kiaga bu mave-sife ro goti ame ijia giana kaniaga agane buone bu Iro Fasova ije ifo. \v 22 Ro ja ikuva nine ine kia iseke isofino kuavo ijia abe fanu kavuane ja kena disi ijia veseva ijia abiena abe viene guegue ro ado ijia azifo. Ro e jone besukua be fube are fuone ije arena keke vakiro buka are ijia karike fu vakuma ve irasefo. \v 23 Ja ijiege reke E Ireobo fu ijia oenoekinu e Ijifitiko ije kaniamo fu viene jone ijia fanu kavuane ije gakuma are jone fu asidiake. Ro fube anera fuone fu e kaniaga bu oevo ije kuaga fu are jone ijia aruna ame fari amure jone ije kaniaga bu oeke. \p \v 24 Ro vua ije na nijasiana kuariavo ije janika anafa jone ijena maza boeje abena mukoreigia samuafo. \v 25 Ro maza ije ja va are ije E Ireobo fu miako kiaema ijia ura vakuva janika juaevasia besubesu mazani ije abena ijiege iro Fasova ije ina oemarefo. \v 26-27 Ja ijiege renoega anafa jone bu giana kiako, Ja irerefuo ijiege revo kiakuva ni kia, Iro ije no E Ireobo ije aguaevo ijadufuo no ijene ivo. Ijadufuo maeje no uria gamia Ijifiti kariva ijia E Ireobo fu e Ijifitiko ije kaniaga no fu asiduema ijadufuo no ijene oemarena iro Fasova ikinu ije vierafevono kiafo. Areme Mosisi fune e Isureroko ijene ijiege kuariama furinoga e boeje buka urina auge sana Godido baname isoe. \v 28 Areme e Isureroko boeje bune va vua irere E Ireobo fu Mosisikiro Eroni kuariaema ijiege rena uri mave sife ame bu kaniaeva ijadufuo kavuane ije kena are buone ijadufuo viene ikene gue gue ro ado ijia aziriae. \s1 E Ijifitiko ijiebuo ame amuifari bu oeva ijene \p \v 29 Bu ijiege rema furikoga E Ireobo fune ve ufirema ijia arina e Ijifitiko ijiebuo ame fari amuifari boeje kaniamo bu oe. Fu Kini Ferodo ame fari ijia zinuivena kania vakuma ka e dibure karivo ijiebuo ame ijiakuma kaniamo bu oe. Fu ijiege re areme uri kuke fanuve buone boeje binobino ijiebuo ame amuifari ijiakuma kaniamo bu oe. \v 30 E Ireobo fu muge ve ufirema ijia ijiege remoga Kini Ferokina e fuone mamekanu ijiakina e Ijifiko boeje bu ijia sone uri ire ka ma omise ije buone rema ije gae. Ijadufuo e Ijifitiko boeje buka nirae ijadufuo maeje e besubesu ijadufuo are ijia ame amuifari fuone ije fune baronema ijadufuo bu ije nirae. \s1 E Isureroko bu aesakae Ijifiti arena vaeva ijene \p \v 31 Areme muge besu ijia Kini Fero fu una Mosisikiro Eroni vua nijiana kumeno bu ruae, Bu rovoga fu urina kiae, Nine urina e jone Isureroko ije kaenamiana aesakae none ige arena va izege a kuariema ijiege E Ireobo jone ije baname isoefo. \v 32 Ro ja vakuva ni mave sifi ro goti ro kau boeje nika kaenamiana vafo. Ro na jade totekiro nika noefuo baname isoega E Ireobo fu na daro mieno kiae. \v 33 Areme e Ijifitiko ije bu urina e Isureroko ije kiae, No vierafe jaka migegire aesakae ige arena vake. Ro ja naebe vakuva no vierafe e boeje noneka oekono kiae. \p \v 34 Bu ijiege kuariavoga e Isureroko boeje bune urina farava ije bu ire isiti ijiakuma ifaejedufuo baki ije karina tinine bu burete ifaejevo ijia rie. Areme bune uri ugone ubine ijia karina tinine buone ije utina kamui buone ijia kedekinu ijiege rei. \v 35 E Isureroko ije bune urina izege Mosisi fu kuariaema ijiege rena uri e Ijifitiko ije ire gorodikina siriva ro ugone ni mukore ije inimiana kiavo bu vajiae. \v 36 Areme E Ireobo fu ve ijia e Ijifitiko ijiebuo oe ije kame kuderiamoga buka urina e Isureroko ije mukoreigia aguariana oemarejiae. Areme bu uri ire boeje bu kiavo ije karina vajiae. Bu vame ijiege reva ijia e Isureroko ije buka urina e Ijifitiko ijiebuo sinuome maeje boeje karina vae. \p \v 37 Areme e Isureroko ije bu are Ramisi ijia uri diake zinuevena vakuma are Sukote ijia usiae. Ro e ije vaeva ijia e fari ijiaru ije buka e sigisi aderedi taoseni (600,000) ijiege ro bara ijiakiro ame bu naebe dae. \v 38 Ro e ka ma uruvana e Isureroko baki ije abero mave-sife ro goti ro kau uruvana bu buina vae. \v 39 E Isureroko ire bu idufuo ije bino bu naebe mukoreigia kanafui ijadufuo maeje bu e Ijifitiko ijiebe kuriaerevoga buka migegire usiae. Ijadufuo bume farava ire isiti baki ije bu karina vaeva ije ifaeje ikinu vae. \p \v 40-41 Ro e Isureroko are Ijifiti bu kariva ije bu juaevasia fo aderedi teti (430) ijiege kari. Bu ijia karina vakuma juaevasia ijiege furikoga ubine ijia E Ireobo ijadufuo agane boeje bu ijia Ijifiti arena usiae vae. \v 42 Ro muge besu ije bune usiae vakuvejo ijia E Ireobo ije fuka e Isureroko ije mukoreigia giakinu samuagiana vakuma areme kaenamia Ijifiti arena keke vae. Ijadufuo iviama e Isureroko boeje bu juaevasia besubesu mazani ije ruomo buka muge ijadufuo una bue samuanamikinu E Ireobo ije baname isoevo. \s1 Iro Fasovano kuavo ijadufuo akae ijene \p \v 43 Areme E Ireobo fu urina Mosisikiro Eroni kiae, Ja oenoeno Iro Fasova ije ikuva nika akae ige mukoreigia nuvediafo. Ro akae ijeja e ae binoko bu vajae surive buone naebe kania ufuna nuga naeva ije bube Iro Fasova ije idufuo. \v 44 Ro e bino bu joefuo mani baki imevo ja kaenamia ruaeva ije bu iro ije ikuae vierafekuva ni ude vajae surive buone kania ufuna nuga naejiafo. \v 45 Ro e bino bu safia ro jaena karinoevo ijiakina e bino ja kega bu joefuo imevo ije bude iro ije ivo. \p \v 46 Ro ire boeje ja idufuo ije nika are besu guove ijia karina ina furifo. Ro jade fanu gue karina usiae ae makave ijia inoevo. Ro fanuve ije ja kaniana ire ijadufuo kanafuivo ijiebuo ane bine jade kaniatuavo. \v 47-48 Ro e Isureroko boeje bu Isurero guove ijia karivo ije buka iro ije ifo. Ro e ae binoko ijia e fari be fu vierafe fu iro ije ikiro vierafekuma fuka e fari eranebe are fuone ijia karivo ije kaenamiana vajae surive buone ije kania ufuna nuga naejiafo. Ja ijiege rega bu una e Isureroko igege rekina bu iro ije ifo. Ro e fari be erare fu naebe vajae surive fuone kana ufu nuga nijaema ije fude Iro Fasova ije ino. \v 49 Ijadufuo e ma Isureroko ijiakiro e ae binoko bu jaena karinoevo ije buka akae besu ije nuvena ijia kenoeno kiae. \p \v 50 Areme e Isureroko boeje bune urina vua irere boeje E Ireobo fu Mosisikiro Eroni kuariaema ijia nuvena ijiege rei. \v 51 Ro maza ijia E Ireobo fu e Isureroko agane boeje kaenamiana aesakae Ijifiti arena keke ruae. \c 13 \s1 E Ireobo izege fu e Isureroko ijene Ijifiti ijia karauniaema ije vierafevo ijene \p \v 1-2 Areme E Ireobo fune urina Mosisi kuae, Nine ema ro fanuve ijiebuo ame amuifari ije kena noefuo irigi uniafo. Ijadufuo maeje E Isureroko ijiakina fanuve buone ijiebuo ame amuifari ije bu noneno kuae. \p \v 3 Ijadufuo Mosisi fu urina e boeje kuariana kiae, Mazani ige fuka ma anuigi ijadufuo maza ije abena ireobo vierafena iro kinu oemarefo. Ijadufuo maeje ja aesakae Ijifiti ijia e ijiebuo mani baki imenoenoga E Ireobo fu daro fuone ka anuigi ijia ja kaenamia keke ruae. Ijadufuo jabe burete ije ire isitikuma ifaejeva ije idufuo. \v 4 Ro ivia aesakae Ijifiti ja arena usiae vako ije ja asame Abibi ijia ja arena usiae vake. \v 5 Ijadufuo fu ja kaenamiana va aesakae saruegi e Kenanaetiko ijiakina e Itaetiko ro Amoraetiko ro Ivaetiko ijiakina e Jebusaetiko ijiebuo ijia uniakuva janika juaevasia besubesu asame Abibi (Efurukiro Masi) ijia iro ina mazani ije vierafefo. Ro aesakae ije E Ireobo fu ude abena asaerafa jone ije miakono kuaema ije fu ja kaenamiana una ijia vake. \p \v 6-7 Ijadufuo ja mazani sikisi (6) ijiege ja burete iriaeki ire isiti baki amaeriaeva ijiaru ikinu karina vakuma mazani seveni ije abeno ijia ni E Ireobo ije aguaena iro ina fuone oemarefo. Ro ire bino isiti ijiakuma amaeriaeva ije gue jade karina gire ro are jone ivuake ije ja oenoevo ijia navo. \v 8 Ro jane va iro ikuvejo ijia nine anafa jone ije mukoreigia kuariana kia, Ire ije na revo ijadufuo maeje na Ijifiti ijia fijoga E Ireobo fu na mesiriena keke ruaema na ijadufuo ije revono kiane. \v 9 Ja maza boeje ijiege rekinu vakuva fu nuga ije ja umui ro variatare jone ijia kiriaeva ijiege reke. Ro fu ijare ifejiaga ja Godido vua ije maza boeje kuaekinu oenoedufuo vierafeke. Ro jade totevo ijadufuo maeje funeka E Ireobo ijare daro fuone ka ma daroki ijia ja kaenamiana aesakae Ijifiti arena keke ruae. \v 10 Ijadufuo ja juaevasia besubesu mazani ije fu ruakuma nika iro ina E Ireobo ijadufuo oemareno kiae. \s1 Ame amuifari ije bu kena Godi vajavo ijene \p \v 11-12 Mosisi fu ijiege kuariama areme kiae, Ja va e Kenanaetiko ijiebuo aesakae ije fu abe asaerafa jone ije miakono kiaema ije abena ijia karikuva ni e ro fanuve ijiebuo ame amuifari ije ka kena una E Ireobo vajafo. Ijadufuo maeje ame amuifari ije buka E Ireobo ijadufuo. \v 13 Ro ja mave-doniki ame amuifari ije ja una jone kekuae vierafekuva nine mave-sife ame ijia kena una E Ireobo zinone ifaejafo. Ro kuke ja naebe mave-doniki ijadufuo ame una kekuae vierafekuva nime kena kuri subifo. Ro una ame amuifari jone ijeja ni mave-sife ame ijia kena una Godi zinone ifaeja areme nine ame jone una kaenamiafo. \p \v 14 Ja ijiege rega ame fari one fu kuako ire ije a irerefuo ijiege remono kuaga ni kua, No aesakae Ijifiti ijia e binobuo mani baki karina ime. Rove E Ireobo ka ma daroki ijare kaenamuona keke ruaema ijadufuo no ijiege revono kuane. \v 15 No E Ireobo ijare e Ijifitiko ijiebuo Kini Ferodo vierafe ije dabe gikikimana remoga fu naebe kuomo no usiae ruae. Ijadufuo E Ireobo fu e boeje aesakae Ijifiti ijia kariva ijiakiro fanuve buone ijiebuo ame amuifari ijene kaniae. Fu ijiege rema ijadufuo iviama na ije fanuve ijiebuo ame amuifari ije kena E Ireobo ije zinone ifaejave. Ro na ame amuifari none ije una mesirikiro vierafe ijadufuo na mave-sife ame amuifari ije abena Godi zinone ifaejavono kuane. \v 16 Ro vame ije na revo ije fu nuga nuvuone no variatare ro umui nuvuone ijia kiriavo igeki. Fu ijare ifejiega na ijia giana vierafero fu E Ireobo ijare daro fuone ka ma daroki ijia no kaenamuomo no aesakae Ijifiti arena usiae ruaemaro no ijiege vierafekono kuane. \s1 Amite ijiakiro miane ije fu muge ro maza ijia samuagiako bu vaeva ijene \p \v 17 Ijege rena mazani ije e Ijifitikobuo Kini Fero fu e Isureroko ije aremo bu usiae vaeva ije Godi fu naebe kaenamiana vame ivuake ije bu e Firisitaeniko ijiebuo aesakae ijia urana vako ijane vae. Ijadufuo maeje Godi fu vierafero fu kaenamiana ijane vakuma bu va vame ijia ebe bijaega bu giakuva buka una subinae Ijifiti vakiro fu ijadufuo naebe kaenamiana ijane vae. \v 18 Ijadufuo fu una kaenamiana ae sao ijia ufuaena una Davare Kavuane nafuema nake vae. Ro mazani ije e Isureroko bu aesakae Ijifiti arena usiae vaeva ije buka izege e bijaevo bu juvuamagu abena bijaekuae vako ijiege rena usiae vae. \p \v 19 Ro maza ije Mosisi fu keke vaema ije fu Josofudo vua ije fu kuariaema ijiege rena uri ane fuone ijene karina vae. Ijadufuo maeje Josofu fu ude e Isureroko ije kuariana kia, Ja maza ije Godi fu ja karauniaga ja usiae vakuva ni ane none karina usiae vano kiaema ijadufuo fu ijiege rei. \p \v 20 Ijiege rena e Isureroko bune are Sakote arena vakuma are Etame ae sao ivuake ijia usiaena kari. \v 21 Ro e Isureroko bu vako E Ireobo fu maza ije amite rero muge fu miane rena naena ude vakinu sanaejiakoke bu ijia gakinu nuvena vako. Fu ijiege rekina e Isureroko buka muge ro maza ijiakuma vakiro fu ijiege rei. \v 22 Ijiege rena amite ijiakiro miane ije fu muge ro maza ijia uineke buone ijia namo ije fu aremo baki. \c 14 \s1 E Isureroko Davare Kavuane bu tuana vaeva ijene \p \v 1-2 Areme E Ireobo fu Mosisi kuae, E Isureroko ije kiaga bu una va are Fi Aerotikiro Migidoro ukua ijia are Bero Zefonikiro Davare Kavuane ije ivuake ijia karino kuae \v 3 Bu ijia karike kini Fero fu vierafero e Isureroko ije bu ae sao ukua ijia urana totenaminoevoro fu ijiege vierafeke. \v 4 Areme na kini Ferodo nigofo dabe gikikimana rejake fu ja kame arafirianoeke. Bu ijiege arafirianoevo ijia na daro none ijia iraraena kini Ferokiro e fuone bijaenoevo ije kanianaga bu oe furike. Na ijiege rega e bu ijia daro none ijiakiro sanaema none ije gia areme una na E Ireobo na aguarieke. Areme e Ijifitiko ije bu ijia sone giena vierafero naeje na ma E Ireoboro bu ijiege vierafeno kuae. Ijadufuo e Isureroko ije bune uri izege E Ireobo fu kuariaema ijiege rei. \p \v 5 Areme e Ijifitiko ijiebuo Kini Fero fu fieke e Isureroko ije bune kame uniakona vaevaga fu fie. Ijadufuo fu uri e fuone mamekanu ijena bue kuae, Noneka isema vierafena uri e Isureroko ije bu nuvuefuo imevo ije kiavoga bu usiae vaevano kuae. \v 6-8 Areme E Ireobo ije fune uri kini Ferodo nigofo ije dabe gikikimana rejamoga fu uri sarioti fuone abe areme uri e fuone bijaevo ije ke afui. Fu ijiege rena uri e mukoreigia bijaevo sigisi aderedi (600) ijiege kiamo bu sarioti buone maeje kari. Areme bune kuke uri sarioti gue ro e mamekanu bu samuagiadufuo ije kaenamiana uri e Isureroko ije kame arafiriana nuvediae. Rove e Isureroko ije bu usiaena vaeva ije buka darokuma oemarekinu vae. \v 9 Ijadufuo e Ijifitiko ijiebuo e bijaevo ijiakina e ije ose ro sarioti kena oenoejo boeje buka urina e Isureroko ije kame arafiriana vae. Bu arafiriana vakuma are inokiro Fi Aerotikiro Bero Zefoni ro Davare Kavuane e Isureroko ije bu kariva ivuake ijia usiae. \p \v 10 Areme e Isureroko ije bu giake e Ijifitiko ijiebuo kini ijiakina e bijaevo fuone bune bu ivuake ijia ruovoga buka ireobo jumei. Ijadufuo bu ro are E Ireobo fu ifejia ro bu ijadufuo uri fu vijena kumei. \v 11 Bu ijiege vijekinu uri Mosisi kuae, A irerefuo no kaenamuona ae sao igia ruaema noneka oekuae reve? Ni iviama ire irufui gafe fu nuvuone ruomo ije gane. \v 12 No uria Ijifiti kariva ijia none kuae, A ni areke noka igia karina e Ijifitiko ijiebuo mani baki imeno kuavo aka faememarei. A kaenamuo ruaema iviama noneka ae sao igia oekuae revono kuae. \p \v 13 Bu ijiege kuaravoga Mosisi fu urina kiae, Jade jumekiro nika giriesana irekega E Ireobo fu iviama ja karauniaga ja gake. Ro e Ijifitiko ijiebuo uikubae ja iviama giavo ije rade jabe una bu giake. \v 14 Jaeje nime ireke fu E Ireobo ijare joefuo bijaega ja gano kiae. \p \v 15-16 Areme E Ireobo fu urina Mosisi kuae, A irerefuo manina oefiane abe na kieme? A ijiege remo ije arekiro e one kiaga bu davare ijia vane. Bu ijia vake ni rade mudu one a bijuanoeno ije abe davare ado ijia farega fu abe atana guegue rega e Isureroko bu ajare iriaeki ijia urana vane. \v 17-18 Nare e Ijifitiko ijiebuo nigofo kame gikikimana rejiaga bu rade nuvediana davare ijia vuake. Bu ijia vuaga na daro none ijia kini Ferokiro e bijaevo ijiakiro sarioti fuone ijiakina e ose ke oenoevo ije kame arafiriake. Na ijiege arafiriaga e Ijifitiko bu ijia sone giena vierafero naeje na Godi E Ireobo ijenero bu ive none dabe ajiakono kuae. \p \v 19 Areme Godido anera ijiakiro amite bu ude vako e Isureroko bu nuvediavo ije bune una e Isureroko ijiebuo ijuone ijia nuvediakoga bu vae. \v 20 Ro bu vakuma ro karivone amite ije fu arina e Isureroko ijiakiro e Ijifitiko ijiebuo ukua ijia arina namo. Fu ijia arina muge fu e Ijifitiko bu kariva ije fu tituteko bu ijia karivo. Ro una e Isureroko bu karivo ije fu sanaejiako bu ijia karivo ijadufuo muge bu bue ganamivo baki. \p \v 21-22 Areme Mosisi fune urina umui fuone ije davare ado ijia akoena manikoga majaufi ka daroki ijare are una mazani ajiamo nake ijia ufi. Majaufi ije fu muge boeje ijiege ufikoga davare ije fuka dabe ukua ijia tura guegue faere igege kirana ajiakoga e Isureroko bu ukua ijia ajare iriaeki ijia urana gara vae. \p \v 23 Bu ijia urana vakoga e Ijifitiko ijiebuo e bijaevo ijiakina e ose ke oenoevo ijiakina e ije sarioti ke oenoevo bu rade ari ajare ado ijia nuvediana kaniakuae vae. \v 24 Rove E Ireobo fu ve irasekuveno ijia amite ijiakiro miane ijiebuo uve ijia e Ijifitiko ijiebuo e bijaevo ije izege bu revo ije giana uri vierafe buone kame bijukuriamo buka ijia uri totenami. \v 25 Fu uri sarioti buone ijiebuo dia ije bijukuriamoga bu vakuvega fuka ma iserei. Ijadufuo e Ijifitiko bu ije gana uri kuae, E Ireobo fuka e Isureroko igia vafaena noena bijaeme ijadufuo roga noka are ige arena vano kuae. \p \v 26 Areme e Ireobo fu uri Mosisi kuae, Umui one davare ado ijia akoega davare ije fu una nafuena e Ijifitiko ijiakina sarioti buone ije ro e ije ose ke oenoevo ije okuriano kuae. \v 27 Ijadufuo Mosisi fune urina umui fuone davare ado ijia akoemoga davare ije fune ve irasekuveno ijia una izege fu ude namo ijiege nae. Davare ije fu una nafuemoga e Ijifitiko ije bu ajia subivo fuka iseremoga E Ireobo fu kame davare ijia korei. \v 28 Areme davare ije fu una nafuena e Ijifitiko ijiebuo sarioti ijiakina e ije ose ke oenoevo ijiakina e bijaevo ije bu e Isureroko ije nuvediana davare ijia vaeva ije boeje fuka okuriae. Fu okuriaemoga e besukua be fu naebe ajia kona vae ro e boeje buka davare ina ijia oe furi. \p \v 29 Bu ijiege rekoga e Isureroko buje bu davare ije fu dabe atana guegue faere igege kiraema bu ukua ajare iriaeki ijia urana gara vae. \v 30 Mazani ijia E Ireobo fu e Isureroko ije e Ijifitiko bu kaniakuae ruaeva ijene ifejiana karauniamoga bu ni buone ijia e Ijifitiko ije bu oena davare irifo ijia naovo ijene giae. \v 31 Areme ve ijia e Isureroko bu E Ireobo ijadufuo daro ije fu e Ijifitiko ije iraraena kaniaema ijene gae. Bu ije gana jumena una E Ireobo ma vierafe areme una Mosisi e fuefuo imeno ijene ma vierafei. \c 15 \s1 Mosisido dua bu uruima ijene \p \v 1 Areme Mosisikiro e Isureroko ije bu urina dua ige E Ireobo ije urukafae. Ro dua ije bu ijiege urui, \q1 Na E Ireobo dua urukafake ijadufuo maeje fure daro fuone ka ireobo ijia e Ijifitiko ije iraeraena asidiae. Ro fure e ije ose ke oenoevo ijiakina ose buone ije kame davare ijia korei. \q1 \v 2 E Ireobo ije fu na daro miena kenujie ijadufuo na fuefuo dua urukafake. Fu ma Godi none ijadufuo na fu dabe aroeke. Ro fuje fu asoe none ijadufuo Godi ijadufuo na daro fuone ka ma ireobo ijadufuo dua urukafake. \q1 \v 3 E Ireobo fu e azo mukoe kemo ijadufuo ive fuone ijeja fuka ma E Ireobo. \q1 \v 4 Fure Kini Ferodo e azo kevo ijiakina sarioti buone kame davare ijia koremoga e mamekanu fuone maeje buneka Davare Kavuane ijia oe furi. \q1 \v 5 Ro davare manebo ijare okuriamo bu mune igege davare dibuore ijia gama ari. \q1 \v 6 E Ireobo umui one maeneke ije fuka ma daroki e bu jumedufuo. Ro umui one ijare e ani ije kania kame buvuase koremo. \q1 \v 7 Ro are daro one ka ma daroki ijia e ani one bijukuriana kame korei. Ro defarure one ijare tavuana buje fu nubuane igege nae. \q1 \v 8 Ro a davare ado ijia ufekoga fu dabe atana guegue faere igege kirana ajiae. Ro davare guove ije fuka ma gikikimana mune igege rei. \q1 \v 9 Ro e ani nuvuone ije buka aroekarana kuae, Nore bu kame arafiriana vakuma faradia areme uri sinuome buone maeje boeje kamazia areme ke atana irere no vierafeva ije kekono kuae. Ro kuke bu kuae, Nore sime nuvuone ma uiki ijare kena kaniaga bu oeke. \q1 \v 10 Rove E Ireobo are majaufi igege ufemoga davare ijare e Ijifitiko ije ka okuriamoga bu ire mune ka irufuima igege do ka ma ise ijia ari. \q1 \v 11 E Ireobo godi ume igeko ije be erare fu a vareki ije fuka baki. Ro fu erare a maturaema ijiege mukoreigia maturaema baki. Ro fu erare ire sumiki ka daroki bino a remo ijiege rekuva baki. \q1 \v 12 A umui one maeneke ka daroki ije akoemoga sakae igare e ani nuvuone ije kame inuosei. \q1 \v 13 Ro aeje aka maza boeje e oetuamo ijadufuo a e ije a karauniaema ije mukoreigia samuagiakinu daro one ijia kaenamia vakuma are akae one ijia uniake. \q1 \v 14 Ro e boeje aesakae binobino ijia karinoeva ijiakiro e Firisitaeniko ije bu vua ije fiekuva buka dejudiana safusiake. \q1 \v 15 Ro e aesakae Idomiko ijiebuo e mamekanu bu ije fiekuva buka dejudiaeke. Ro kuke e Moabiko ijiebuo e daroki ije buka safusiaga bu jumeke. Ro e Kenanaetiko ije bu vua ije fiekuva buka safusiana darobirenamiake. \q1 \v 16 Bu daro one ma daroki ije gakuva buka ireobo de judiaga bume mune igege avaebaki ireke. Ro bume mauike jumekinu ire giake e one a karauniaema ije bu usiae asidia vake. \q1 \v 17 Ro E Ireobo a kaenamia vakuma are one ije a e Isureroko miakono kuaema ijia uniake. Ro are ije a umui one ijia saeva ije fu are akae ro a koro ijia fine. \q1 \v 18 Ro E Ireobo aeje aka maza boeje kini rena e one samuagiakinu vake. \s1 Bara Miriamedo dua fu uruima ijene \p \v 19 E Isureroko ije bu arina davare fu sina iriarema ijia urana gara vae. Bu ijiege vakoga E Ireobo ijare e Ijifitiko ijiebuo sarioti ijiakiro ose buone ijiakina e ije ose ke oenoejo ije bu davare ukua ijia ura vako ijene davare kuamoga fu una nafuena okuriae. \v 20 Ro bara Miriame e Eronido maki fu Godido vua vierafena kuaemo fu urina dideve fuone abena usiakinu vakoga bara boeje bu fu nuvena vae. Bu dideve buone ijiaru kame usiakinu dua uruikoga bara Miriamere buefuo dua ijiege urui. Ro dua ije fu ijiege uru, \q1 \v 21 E Ireobo ije dua urukafafo. \q2 Ijadufuo maeje fure sanaema fuone ro daro fuone ijia \q1 E ije bu ose ke oenoejo ijiakiro ose buone ije kame do korei. \s1 Do kugi ijare una do ma rema ijene \p \v 22 Areme Mosisi fu urina e Isureroko ije kaenamiana Davare Kavuane ije arena Sua ae sao ijia vae. Bu mu inokubeke do baki ae sao ijia oenoe. \v 23 Areme bu ruoma are Marano kuavo ijia usiaena do be gae. Rove do ije fuka kugi bu izege ikuva baki ijadufuo are ije bu kua Marano kuae. Ro vua Mara ijadufuo maeje kugi. \v 24 Ijiege rena e ije buka naebe oemareva ijadufuo bu urina Mosisi fuesina kuae. Bu bue karina kuae, No do ma izia iga fu maduokono kuae? \v 25 Bu ijiege bue karina kuavoga Mosisi fu uri E Ireobodo baname isoemoga fu ine ao be ijia namo ije nijae. Fu nijaemo Mosisi fu abena do ijia akoemoga do ije fu una mare. \p Areme E Ireobo fu are ijia akae bino bu ijia giana nuvediakinu karinoedufuo ije nijasia areme fu kuke ijia bu biesiriana giae. \v 26 Ijadufuo fu kiae, Naeje na E Ireobo ro Godi jone nare ja adame abega na karauniavo. Ijadufuo janika vua ige na kuariavo ije mukoreigia fiena vame maeje na vierafeva ijiaru renoefo. Ro kuke janika akae none boeje mukoreigia iriniana vua irere ja renoedufuo na kuariavo ijene renoefo. Ja ijiege renoekuva nabe adame ise na kena e Ijifitiko ije vajiaeva ijiege una ja vajiana isekafiake. \p \v 27 Areme E Isureroko ije bune urina are Irimi ijia vae. Ro are ijia fuka do isesina ijo ma uruvana tuero (12) ijiege bu sakae tire ajiavo. Ro kuke ine aname ije buka uruvana ijia ijadufuo bu ro ijia are sama areme ijia kari. \c 16 \s1 Burete ijiakiro ume kuero ijadufuo vua \p \v 1 E Isureroko boeje bune are Irimi arena vakuma Sini ae sao ijia usiae. Ro ae sao ije fu are Irimikiro Uruo Saenae ukua ijia. Ro e Isureroko aesakae Ijifiti bu arena ruaeva ije fune asame be furina una be ijadufuo mazani fifitini (15) ijia bu vakuma Sini ae sao ijia usiae. \v 2-3 Areme e boeje bune urina Mosisikiro Eroni ziegafiana buesina kuae. Bu kuae, No Ijifiti ijia karivo ije noka irekiro fanu uruvana ivo. Ijadufuo E Ireobo fu Ijifiti ijia no kanuo no oe bitie ije fuka mareke. Rove jaka kaenamuona usiae ae sao igia ruaeva e boeje noka vasia abena oekuvejono kuae. \p \v 4 Bu ijiege kuaevoga E Ireobo fu urina Mosisi kuae, Ivia na joefuo ire saove gufia kuaga fu ve igege dana arike. Ijadufuo e boeje kiaga bu maza besubesu usiae va ire bu maza besu ijia idufuo ijiaru karifo. Na ijiege rena biesiria giaga bune vua none na kuariaeva ije mukoreigia nuvero bu bakiga na ije giake. \v 5 Ijadufuo kiaga bu maza sigisi ijia usiaena ire bu maza inokiro ijia idufuo ijiaru karina ro ifaejeno kiae. \p \v 6 Areme Mosisikiro Eroni bune urina e Isureroko e boeje kiae, Ivia mufuo igia ja sone ni jone irere remo ijia gana vierafero fune ma E Ireobo ijare are Ijifiti ijia ja kaenamiana keke ruaemaro ja ijiege vierafeke. \v 7 Ro isuome suoke ja E Ireobo ijadufuo sanaema ije gake ijadufuo maeje jane fuesina kuaevo fune fie. Nono irere rekuva baki ro jame ijia nuvuesina kuaevono kiae. \v 8 Mosisi fu ijiege kuaria areme kiae, Ja ijiege kuaevo ijadufuo E Ireobo fu ivia mufuo fanuve vajiaga ja ike. Ro isuome suoke ije fu una kuke burete vajiaga ja i fuka de ufiake. Ro izege ja zievo ije ja no ziegafuovo baki ro ja E Ireobo ije ziegafavono kiae. \p \v 9 Mosisi fu ijiege kuariama areme una Eroni kua, Nine e Isureroko boeje kiaga bu usiaena E Ireobo ijadufuo nidua igia rone. Ijadufuo maeje bune irefuo zievo ije fu fiemano kiane. \v 10 Areme Eroni fune urina e boeje kuariakoga bune urina nikubae buone bu una kuderiana ae sao nake ijia rerei. Bu ijia irena rerekoga saroruba E Ireobo ijadufuo sanaema ijare amite uve ijia sanae. \v 11-12 Areme E Ireobo fune urina Mosisi kuae, Na e Isureroko ije bu karina zievo ije name fie. Ijadufuo ni kia, Ivia mufuo ja fanuve ike ro isuome suoke ije ja burete uruvana iga fuka uruvana de ufiake. Areme ja ijia sone vierafero naeje na Godi E Ireobo jone ijenero ja ijiege vierafekono kuae. \p \v 13-14 Areme ve fune mukuveno ijia ume kuero ka ma uruvana ijiebe kena are ije e Isureroko bu kariva ije okuravoga funeka ume ijare irarae. Ro suoke sakae safine fu iriarekoga ire burete igeki ijiebe ae sao ajare ado ijia naovo bu giae. \v 15 Areme E Isureroko bu ire ije giana vierafero bubite irerero bu una bue kuae, Ire ije irerebe naovono kuae? Bu ijiege kuaevoga Mosisi fu urina e ije kiae, Ire ije ja giavo ije fu E Ireobo ijare ire ja idufuo ije vajiae. \v 16 Ro E Ireobo fu kume, Ni e boeje kiaga bu ire buone bu i fu de ufiadufuo ijiaru karifo. Ro ja karikuva ni e izege ja are besu ijia karivo ije manina karino kumei. \p \v 17 Ijadufuo e Isureroko ije bune izege Mosisi fu kuariaema ijiege rena e gue buka ma uruvana karikoga gue bu sibaneke kari. \v 18 Ro e ije bu uruvana kariva ijiakiro e ije sibaneke kariva ije buefuo fune mani. Ijadufuo e besubesu ire buone bu kariva ije buneka izege bu iga fu de ufiadufuo bu ijiege kari. \p \v 19 Areme Mosisi fune urina kiae, Ire ije ja kariva ije jade bino isuofuo suba navono kiae. \v 20 Rove e gue bu naebe Mosisido vua fu kuariaema ije irinana ijiege rei ro buka gue karina una suba nae. Ijadufuo suoke bu urina gake ire ije bu naeva ije buneka buraena fuzakinu rivo bu giae. Bu ijiege revoga Mosisi fune uri e ije bu ijiege reva ije ziegafiae. \p \v 21 Ijiege rena maza boeje suoke ve irasemo ije e besubesu fune kekena va ire fu maza ijia iga fu manidufuo ijiaru manina karimo. Ro maza fune ajia ruomo ije ire nugune bu uria naeva ije bune maza kaniaga fu firaena bakiremo. \v 22 Bu ijiege rekinu vakuma ro maza sigisi abeno ije bu ire ma uruvana bu maza inokiro idufuo ijiege manina karivo. Areme e buone mamekanu boeje bu ro Mosisi ire izege bu kariva ijene kuaravo. \v 23 Bu ijiege kuaravoga Mosisi fu kuariana kia, E Ireobo fu kume, Isuome ije fu E Ireobo ijadufuo maza ka akae ja mauike karidufuo ijene. Ijadufuo nine ire irere ja ivia miane ifaejekinuro sukore kiradufuo ije kirafo. Ro ire nugune ja ifaejeva ije ni karina isuofuo nano kumemano kiae. \p \v 24 Areme E Isureroko ije bune izege Mosisi fu kuariaema ijiege rena ire nugune bu karina naeva nituame suoke urina giake bu naebe iserei ro fuzaeva bu giae. \v 25-26 Ijadufuo Mosisi fu urina kiae, Ivia ja una makave jone ijia ire burete bino giakuva baki. Ijadufuo ire ije ja naeva boeje nika ivia i furifo. Ijadufuo maeje mazani ige fuka E Ireobo ijadufuo mazani akae ijadufuo jabe ire ifaejedufuo. Ro ja ire kanaufuikuva ije ni mazani sikisi ijia kanaufuikiro una mazani seveni ije nika mauike karino kiae. \p \v 27 Mosisi fu ijiege kuariamoga e Isureroko boeje bune fie. Rove mazani seveni ijia e gue buka faememarena usiae ire kanaufuikuae vae rove buka ire bino naebe giae. \v 28 Bu ijiege revoga E Ireobo fu urina Mosisi kuae, Ja irerefuo maza boeje vua na kuariavo ije irinievo baki? \v 29 Ro ni igia fiefo mazani ije ja mauike karivo ije E Ireobo nare abena miae. Ijadufuo na vakuma mazani sigisi ije abeno ijia naka ire burete ja mu inokiro iga fu manidufuo ije vajiake. Ijadufuo e besubesu fu mazani seveni ije abeno ije fuka mauike are fuone ijia fikiro fube kekena oenoeno kiae. \v 30 Mosisi fu ijiege kuariamoga e boeje bu mazani seveni ije bu naebe usiaena imenoe ro bume mauike are buone ijia kari. \p \v 31 Areme e Isureroko ije bu urina ire burete igeki ije bu karina iva ije bu abe ive ina menano kuae. Ro ire mena ije fuka isuni abaeki igeki ka isekube ro mariene fuone fuka ire muni safine bu burete ijia azina ivo igeki. \v 32 Areme Mosisi fu urina kiae, E Ireobo Godi fu kumemado noka ire mena ije bino kena asaerafa nuvuone bu rade urivo ijiebuo naekina bu maza boeje ijia nao vake. No ijiege naekina asaerafa nuvuone bu ire mena ije E Ireobo fu aesakae Ijifiti ijia no kaenamuona ro ae sao ijia vajuomo no iva ije giano kumemano kiae. \p \v 33 Ijadufuo Mosisi fune ijiege kuaria areme uri Eroni kuae, Ni ire mena ije irufui fuone inokiro (2 kirogurami) ijiege karina kafusi ijia usiane. Areme ni abena E Ireobo ijadufuo nidua ijia uifari nuvuone ijiebuo nijaga fu ijia navano kuae. \v 34 Areme Eroni fu urina izege E Ireobo fu Mosisi kuaraema ijiege rena uri ire mena ije abena va mavua akae ijia abiena nijae. \v 35-36 Areme e Isureroko ije bu juaevasia foti (40) ijiege bu ae sao ijia oenoekinu ire mena ijiaru ikinu vakuma ae sakae Kenane ijia usiae. \c 17 \s1 Do ije manuage kave ijia abiema ijene \p \v 1 Areme e Isureroko boeje bune izege E Ireobo fu kuariaema ijiege rena bune Sini ae sao ije arena bune are binobino ijia naojana vae. Bu ijiege rena vakuma ae be bu kua Refidimino kuavo ijia usiaena are muvuaka sana ijia kari. Rove are ijia do ije bu idufuo ije fuka baki. \v 2 Ijadufuo bu urina Mosisi ziegafana kuae, A iviama do ifejuoga no ino kuae. Bu ijiege kuaravoga Mosisi fu kia, Vua ije ja kuaevo ije arefo. Jaeje ja irerefuo maza boeje naena zienamikinu una E Ireobo ije dabe biesirina ire boeje kuakuaruvono kiae. \p \v 3 Rove e ije buka urukeigia do duadiaema ijadufuo buka uria faememarena Mosisi ziegafae. Bu ijiege ziegafana kuae, No Ijifiti ijia kariva ije noka irekiro do ije ikinu kari. Ro a irerefuo anafa nuvuone igiakina fanuve nuvuone ro no kaenamuo kekena ae sao do baki igia ruaema noneka oekuae revono kuae. \v 4 Bu ijiege kuaravoga Mosisi fuka urina E Ireobo baname isoena kuae, E ige bu dofuo na kievo ije na izege reke? Na vierafe na do naebe ifejiakuva buka mune tuana kaniekono kuae. \v 5 Areme E Ireobo fu una Mosisi kuae, Ni urina e Isureroko ijiebuo e mamekanu ije bino kaenamiana aena ude vane. Ro a vakuma ni mudu one a abena do Naero kanaema ije abena vane. \v 6 Ro naeje na munuage Orebi manino ijia arina manike. Ijadufuo ni mudu one ije abe munuage ijadufuo kave ijia bijaga do fu abiesega e bu ino kuae. Areme Mosisi fune urina e Isureroko ijiebuo e mamekanu nidua buone ijia uri izege E Ireobo fu kuaraema ijiege rei. \v 7 Areme Mosisi fune urina are ije abe ive ina kua, Meribakiro Masano kuae. Ijadufuo maeje e Isureroko ijiebe are ijia E Ireobo ije biesirigakuae kuae, E Ireobo fu bite noena igia oenoeno ke fu bakino kuaeva ijadufuo fu abe ijiege ina kuae. \s1 E Amarakaetiko ije bu kaniaeva ijene \p \v 8 Areme e Amarakaetiko ije bune e Isureroko ije kaniakuae are Refidimi ijia ruae. \v 9 Bu ijia rovoga Mosisi fu urina Josua kuae, Nine e nuvuone gue kaenamiana va e Amarakaetiko ijena bijaene. Ro isuome naeje na Godido mudu ije abena umui none ijia farena uruo makave ijia manikono kuae. \v 10 Fu ije kuaramoga Josua fune urina izege Mosisi fu kuaraema ijiege rena uri e Amarakaetiko ijena bijaekuae vae. Bune vakoga Mosisi fu urina Eronikiro e Eri kaenamiana uruo ije fu kuaema makave ijia ajiana vae. \v 11 Ro maza ije Mosisi fu umui fuone kave ijia ajiamo ije buka e Isureroko ijiebe iraraena e Amarakaetiko ije kaniavo. Ro fu umui masaega fu una irasamo ije buka e Amarakaetiko ijiebe iraraena e Isureroko ije kaniavo. \v 12 Mosisi fu ijiege rekinu vakuma funeka umui masaemoga Eronikiro Eri bune uri mune abena ijia nijavo fu ado ijia ari fi. Fu ijia ari fikoga bu farane fuone guegue ije faradiana kave ijia avae baki irereko vakuma maza ijia koe. \v 13 Bu ijiege faradiana irekoga ijadufuo Josua fu e Amarakaetiko ijena bijaena vakuma areme fure iraraena kaniae. \p \v 14 Areme E Ireobo fune urina Mosisi kuae, Ni irere fu ivia rema ijene abena buki one ijia isoene. Ijadufuo maeje ire ije fuka ire ireobo be ijadufuo e buka maza boeje fiena vierafedufuo. Ro kuke Josua fudua fuka vua ije fiena vierafedufuo. Ijadufuo maeje na e Amarakaetiko ijiebuo vua ije bu dabe ume igia kuaekinu vierafenoedufuo ije naneka mukoreigia masi korega fuka furikono kuae. \p \v 15-16 Ijadufuo Mosisi fune urina fata be zinone ifaejedufuo ije sama areme abe ive ina kuae, E Ireobo fuka baname nuvuone fiena daro fuone ije nijasuomano kuae. Ijadufuo maeje umui none na kame saove ije E Ireobo ijadufuo fata maeje fu fino ijia korei. Ro E Ireobo fu maza boeje e Amarakaetiko ijiebuo uifari ije bu rade urivo ijena bijaekono kuae. \c 18 \s1 Jetiro fu Mosisi gakiro vaema ijene \p \v 1 Ro Jetiro e Midianaetiko ijiebuo e zinone ifaejemo ije fu Mosisido jure. Ro fu fieke Mosisi fu e Isureroko ije kaenamiana are Ijifiti arena keke vakoga Godi fuka bu ifejiakinu samuagiana ire binobino buone rema fu ijene fie. \v 2-3 Ro Mosisi fu ude bara fuone Ziforakiro anafa fuone inokiro e Gesomikiro Erieza kaenamiana Jetiro uniaejamo vako fu samuagiaejae. Ro ive Gesomi ijadufuo maeje ijeja, Naeje na e ae beko igege sakae igia oenoevo. \v 4 Ro ive Erieza ijadufuo maeje ijeja, Asoe none ijadufuo Godi ijare e Ijifitiko ijiebuo kini ije fu na kaniedufuo ijia ifejiena kenujie. \p \v 5 E Jetiro fune Mosisido bara ijiakina anafa fuone ije kaenamiana ae sao ijia urana vakuma Godido uruo akae ijadufuo zinume ije Mosisi fu fino ijia kekei. \v 6 Ro ude fune Mosisi vua nijana kumei, Na agebara one ijena a gake vuakono kumeno fu fiekoga bu rade vae. \p \v 7 Ijadufuo Mosisi fune vua ije fiena keke vame gafia biekiro vae. Fune va vame gafia jure fuone ije biena uri auge sana kurituakafana abe uimi areme bune una Mosisido are muvuaka ijia vae. \v 8 Bune va ijia usiaena karikoga Mosisi fune uri vua boeje izege E Ireobo fu e Ijifitiko ijiakina kini buone ijiebuo remoga bu ijadufuo uri e Isureroko ije kiavo bu usiae vaeva ijene jure fuone Jetiro kuarae. Areme fune kuke uri irufui binobino e Isureroko bu vame ijia biediakinu vakoga E Ireobo fu izege ifejiaema ijene kuarae. \p \v 9-10 Mosisi fu vua ije kuaramoga Jetiro fu fiena fuka ireobo oemarei. Ijadufuo fu urina kuae, E Ireobo ije fuka magoe e Ijifitiko ijiakiro kini buone ijiebuo uve ijia ja karauniae. \v 11 Ijadufuo iviama na vierafega E Ireobo ije fuka ma e anuigi ijadufuo fure godi kufui binobino ije ma mukoreigia asidiae. Ijadufuo maeje fu vame ijieki ijia e Ijifitiko ije bu aroekarana e Isureroko ije kame vame ise ijia isekafiavo ije ifejiamano kuae. \v 12 Jetiro fu izege kuaena uri fanuve foteke be abena Godido zinone ifaeje areme uri zinone binoduaku ifaejei. Fu ijiege renoenoga Eronikiro e Isureroko ijiebuo e mamekanu boeje bu ro fuina Godido nidua ijia ire burete ijene i. \s1 E mamekanu ije bu e boeje ijiebuo irufui binobino ifejiadufuo ijene \p \v 13 Areme nituame suoke Mosisi fu urina irufui binobino e ijiebe abevo ije ifejiana amaeriakinu ijiege renoeko fune vakuma ve mui. \v 14 Fu ijiege renoekoga Jetiro fu fina ire boeje Mosisi fu renoeno ije gaga urina kuae, A i ije a meno ije a irere menoene? A suoke urina e ijiebuo irufui ijene dasumiako e bu a dabe utikurako fune ve mukiro vake. Vame ije a ijiege remo ije na gaga fuka naebe maremano kuae. \p \v 15 Fu ijiege kuaramoga Mosisi fu kuae, Na ijiege revo ijadufuo maeje e uruvana bu none ruovo ijia bu Godido vame maeje fu vierafema ije giana vierafeke. \v 16 Ijadufuo e bu irufui bino biediana naebe oemarekinu karinoevo ije bu none ruoga nare irufui buone kena giavo. Na giaga erare fu ma re ro erare fu isema rema na ije samadukua fura kuariakinu ro Godido akae ije nijasiavono kuae. \p \v 17-18 Mosisi fu ijiege kuaramoga Jetiro fu una kuae, Vame ije a remo ije fuka ma baki ijadufuo maeje a osukua fina ijiege rekuma fuka aemake. Ro kuke e ije bu one ruovo ije budua buka aemiadufuo. \v 19 Ijadufuo na vierafe na vame ma be nijasaga a ijiege renoeke Godi fu ifejake. Ro a ijiege rena are e one ijiebuo akaegue ijia irufui buone kena una Godi kuarake. \v 20 Ijadufuo ni are Godido akae ije nijasiakinuro vame maeje izege bu karikinu ro kenoedufuo ije kuariana nijasiane. \v 21 Ro kuke be ije ni e bino kega bu e mamekanu rekina bure e ma uruvana taoseni (1000) ijiege ro e aderedi (100) ro fifiti (50) ro teni (10) ijiege samuagiane. Ro e a kekuma ni e ije bu Godi jumekinu vame maeje ijiaru renoejo ijia kene. Ro kuke e buka bu ma vierafevo ro bu e biesiriavo baki ijene kene. \v 22 Areme ni kiaga bure e guebuo ise ije kena giane. Bu giaga irufui gue buka mamekanukuma bu kena una one rone. Ro bu isesinakuva bure ke giana asuseke. Bu ijiege rekina bu irufui ije a osukua abeno ije bino ifejana dasumaga a naeki rene. \v 23 Ro a vua ige izege Godi fu kuaramo ijiege renoekuma a manido a e boeje ijiebuo irufui ije kuae irasega bu una oemarekinu are vano kuae. \p \v 24-25 Areme Mosisi fune Jetirodo vua ije fu kuaraema ijiege rena uri e Isureroko e fari bino bu i ije mukoe medufuo ijene kei. Areme fune kiamo bu e ijiebuo e mamekanu rena e ka uruvana taoseni ro aderedi ro fifiti ro teni ijiege samuagiae. \v 26 E ijiebe i buone ije maza boeje ijiege mekinu e aeko ijiebuo irufui isesina ije ke giakinu asusei. Bu ijiege rekinu ro irufui mamekanu ije e aeko bu ke ruovo ije bu karina una Mosisido vaga fure giakinu amaeriamo. \p \v 27 Jetiro fune ijiege rena vua maeje bino Mosisi kuarana nijaema areme fune una vakuvenoga Mosisi fu urina anaema aremo fune una ae sakae fuone ijia vae. \c 19 \s1 E Isureroko bu Uruo Saenae manino ijia kariva ijene \p \v 1-2 Ro e Isureroko bu are Ijifiti arena ro are Refidimi ijia karinoena asame inokiro furikoga una asame be ijadufuo maza amure ijia bune urina ruoma Saenae ae sao ijia usiae. Areme bune uruo Saenae manino zinume ijia are muvuaka sama areme ijia kari. \p \v 3 Bu ijia karikoga Mosisi fune uruo ijia ajiana Godi biekiro vae. Fu vakoga E Ireobo fu uruo ijia Mosisi kumeno fu fiekoga fu E Isureroko ijiebuo vua igene kuarae. \v 4 Fu kuae, Va e Isureroko ije kiae, Ja vame izege na E Ireobo nare e Ijifitiko ijiebuo reva ije jane gie. Ro kuke jaeje na ume biname ije fu ame fuone ije abe adave fuone ijia nijana vako ijiege na ja kaenamiana ige na fivo igia ruaeva ije jane gie. \v 5-6 Ijadufuo ivia ja na iriniena akae none iriniakuva ja ma e none reke. Ja e boege bu aesakae igia oenoeva ijiebuo uve ijia jaeje jaka ma e none nare keva ijene. Ro ire boeje ae sakae igia naovo ije buka none ijiaru ijadufuo jaka e akae rena e zinone ifaejevo igege noefuo imeke. Ijadufuo ni una va e Isureroko ije ijiege kuariano kumei. \p \v 7 E Ireobo fu ijiege kuaramoga Mosisi fune una ari va gamia kekena e Isureroko ijiebuo e mamekanu ije kumeno bu besu afui. Bu afuivoga fu urina vua boeje E Ireobo fu kuaraema ijene e boeje kuariae. \v 8 E boeje bu vua ijene fiema areme urina besu afuina kuae, No vierafe ire boeje E Ireobo fu kuaraema ije no rekono kuae. Bu ijiege kuaravoga Mosisi fune una va vua ijene E Ireobo kuarae. \p \v 9 Ro E Ireobo fu una Mosisi kuae, Na a fino ijia vuakuva na amite ireobo rena ijia vua osiki vua kuaega e ije bu itire none ije fieke. Areme bu ijia sone una gafege a ma vierafekono kuae. Areme Mosisi fune uri E Isureroko ijiebuo vua ije bu una gue kuaeva ijene E Ireobo kuarae. \p \v 10-11 Fu ijiege kuaramoga E Ireobo fu una Mosisi kuae, Ni una va e game kiaga bu iviakina isuome bu buone amaerenamikinu kanafuikina bu na baname isoena kafiafiriedufuo. Ro kiaga e boeje buka sinuome buone sona samuaekina nituame na Uruo Saenae ijia ari vuaga bu gieke. \v 12 Ro igia fie, ni uruo ije manino zinume ijia ine buvuana bijia ufuaenoena areme e ije kuriaerega bube ine ije asina ura uruo ivuake ijia vane. Ro e be erare fu dia fuone ijia ine ije asina ura vakuma e ije nika kanaga fu baronene. \v 13 Ro ja fu kanakuva ni mune tuana kana ro ba juvuave ijia bijaga fu baronekiro jade fu niriaevo. Ro ja ema ijiaru ijiege rekuva bakiro ni kuke fanuve ije duaku besu ijiege refo. Ja samuaga bu gibi ufekuva ijare e boeje ni uruo zinume ijia ajia vano kuae. \p \v 14-15 E Ireobo fu vua ijiege Mosisi kuarama furinoga fu una arina ruoma e Isureroko gume kariva ijia kekei. Areme fune uri kiae, Urina kanafui samuaekina no Godi baname isoena kafiafirino kiae. Mosisi fu ijiege kuariamoga bune urina sinuome buone sona amaeri. Fu ijiege kuaria areme kiae, E boeje nituage janika jone mukoe samuanamikiro maza aoke ijia jade barubara oenoejono kiae. \p \v 16 Areme nituame ve iraseko ijia fuka saove kumena vebu irakoga ijia amite ka ma ireobo ijare arina uruo ije utikurakoga gibi ma ireobo ijare ijia ufenoga bu fie. Uruo ije fu ijiege remoga e boeje are muvuaka ijia kariva ije buka ma ireobo oeseradiana de judiae. \v 17 Areme Mosisi fune urina e boeje kaenamiana Godi biekuae vakuma uruo zinume ijia usiaena ire ufuaenoena areme ijia irei. \v 18 Ro Uruo Saenae foteke fuka miane u ijare utikurae ijadufuo maeje E Ireobo ijare miane rena ijia ari ruae. Ro miane u ije fu una ajiaema ije fuka miane ma ijare ijia naena ajiakoga uruo ije fuka dabe ma urukeigia uvei. \v 19 Ijiege rena gibi ije fuka ma ireobo kumena vakoga Mosisi fu ijia Godi vua kuaramoga fu saove ijie una ve gue kuarae. \p \v 20-21 Areme E Ireobo fune Uruo Saenae kubi ijia arina Mosisi kumeno fu uruo ijia ajiana vae. Fu ijia ajia vakoga Godi fu kuae, Una arina va e game kiaga bube ine ije a bijia ufuaenoema ije asina na giekuae ruovo. Ro bu faememare ine ije asidia ruakuva buka oeke. \v 22 Ro kuke e zinone ifaejevo ije budua bu na ivuake igia ruakuva buka mukoreigia kanaufui amaerima areme ruake. Ro bu bakuva naka budua kame isekafiakono kuae. \p \v 23 E Ireobo fu ijiege Mosisi kuaramoga Mosisi fu una kuae, E gume bube igia ajia ruadufuo. Ijadufuo maeje ane koro kuriaerena kuo janika uruo ige abena uruo akae igege vierafena jade ine ja ufu bijaeva ije asina iga ruovono kue. \v 24 Rove E Ireobo fu urina Mosisi kuae, Ni una ari va Eroni mesirina una osiki ajia rone. Ro e zinone ifaejevo ijiakina e boeje bube ine ja ufu bijaeva ije asina ura iga none ruovo. Ro bu uria faememarena ine ije asina ura ruakuva naka kame isekafiakono kuae. \v 25 Areme Mosisi fune una ari va gamia kekena e boeje vua irere E Ireobo fu kuaraema ijene kuariae. \c 20 \s1 Godido akae umui guegue ijene \p \v 1-2 Areme Mosisi fune e Isureroko boeje kumeno bu una besu afuivoga fu kiae, Godido vua akae ka mamekanu fu kuaema ije ijiege. \q1 E Ireobo naeje naka Godi jone. Ijadufuo maeje ja gamia e Ijifitiko ijiebuo mani baki imenoejoga nare ja kaenamiana keke ruae. \q1 \v 3 Ijadufuo jade godi binobino ijiebuo baname isoekiro nineka na nosukua none baname isoefo. \q1 \v 4 Ro jade uri ire bino saove gufia ro ume igia ro kuke do guove ro sakae guove ijia naovo ijiebuo uikubae ije amaeriavo. \v 5-6 Ro jade uri ire ja amaeriaeva ijiakiro godi binobino ije kuri tuakafiakinu buone baname isoevo. Ijadufuo maeje naeje na Godi E Ireobo jone ijene. Ijadufuo jade godi kufui ijene aroriakiro nime ive none ijiaru abe aroriefo. Ro eranebe bu na ijuonena ise renoevo ije nare kame isekafiake. Ro kuke na uifari buone bu rade urivo ije kame isekafiadufuo. Na e uifari ma uruvana ijiege bu rade urivo ije bu na oetuakinu ro akae none iriniakuva naka maza boeje bu oetuakinu vake. \q1 \v 7 Ro jade vame ise ijia ive none ije kurienoejo. Ijadufuo maeje naeje naka E Ireobo Godi jone ijene. Ijadufuo eranebe ive none abe isema kurienoekuva naka kame isekafiake. \q1 \v 8 Ro mazani seveni ije ja mauike karivo ijene ijadufuo nika abe akae rena mukoreigia samuafo. \v 9-10 Ijadufuo ma eje mazani sigisi ije ja ijia imekinu ro ire binobino renoedufuo. Ro mazani seveni ije fu mazani none ijadufuo nika mazani ije abena mauike karifo. Ro mazani ije irasekuma e besukua be fube i besukua be meke. Ro ja anafa jone ijiakina e jone mani baki imenoevo ijiakina fanuve jone ja samuagiavo ije ro e ae binoko bu jaena aesakae jone ijia karivo ije besukua be fube mazani ijia imenoeke. \v 11 Ijadufuo maeje na aesakae igiakiro saove gufe ro davare gamiakiro ire boeje guove ijia naovo ije E Ireobo nare mazani sigisi ijia fina amaeriae. Ro mazani seveni ije na mauike finoe. Ijadufuo mazani ije E Ireobo nare abe daro mavo fune akae rei. \q1 \v 12 Ro ame ije ni asoerafa ijiakiro asierafa jone ije mukoreigia aguariafo. Ja ijiege rekuva ja aesakae ije na miavo ijia maza jiamadogo ijia kari vake. \q1 \v 13 Ro jade oenoene e bino kaniaga bu oevo. \q1 \v 14 Ro kuke jade oenoene e binobuo bara turavo. \q1 \v 15 Ro jade oenoeno ebuo ire binobino iniemevo. \q1 \v 16 Ro jade oenoeno e bino vua kufui ijia kuaena kame bu namiavo. \q1 \v 17 Ro jade e guebuo are ro bara buone ro e buone mani baki imevo ije giana rieziavo. Ro kuke jade mave-kau ro doniki ro ire buone bino ije giana rieziavono kiae. \s1 E Isureroko buka jumeva ijene \p \v 18 Mosisi fune akae boeje kuariana nijasiama furiko. Ro maza ije e boeje bu nafare kubi ijia saove kumekoga saove irakoga miane ijia naena umo bu ije gavo buka ireobo judiamo bu mumabo gamia irena ire ijene remo ije gae. \v 19 E Isureroko ije buka de judiamoga bu urina Mosisi kuae, Iviama vua ije ni are una no kuaruoga no fiene. No Godi fu korufuo no kuaruomo ije noka de juduome. Ijadufuo maeje fu korufuo no kuaruokuma noka oekono kuae. \p \v 20 Bu ijiege kuaravoga Mosisi fu una kiae, Ja ire ige remo ije jade gana jumevo Godi fume ja biesiriaga ja daro fuone gana jumena fu irinaekina jabe una vame ise bino rekono kiae. \v 21 Areme e ije buka jumeva ijadufuo bu mumabo gamia irekoga Mosisire amite ije titute namo ijia urana Godi ivuake ijia vae. \s1 Godi kufui baname isoevo ijiakiro zinone ifaejevo ijiebuo akae ijene \p \v 22 Areme E Ireobo fune urina Mosisi kuae, Una va e Isureroko ije vua ige kuariane. Va kia, Na E Ireobo nane ma saove gufia ja vua kuariavoga jane irena adatire jone ijia kena fie. \v 23 Ijadufuo jade oenoene ire siriva ro gorodi ije karina godi kufui bino amaeriana buone baname isoekinu ro una na baname isoevo. \p \v 24 Ro ja fata none ije amaerikuva nine makoe ijia kena amaerifo. Ro fanuve ije ja kena foteke na zinone ifaejiedufuo ijeja mave-sife ro mave-kau ro mave-goti ijiaru kena zinone ifaejekinu none baname isoefo. Ro zinone ije ja ifaejekuva ije nineka va are ije nare kiavo ijia ifaejekinu none baname isoena kafiafirievodufuo. Ja are ijia ifaeje na ijia ari ro ja daro miake. \v 25 Ro ja mune ijia karina noefuo fata ije amaerikuva jade karina kania tuasena amaerivo. Ro ja ijiege rekuva fata ije fuka naebe maturaedufuo. \v 26 Ro kuke ja fata none ije amaerikuva jade siaeje oejo. Ja ijiege rekuva ja kave ijia ajiakuva e be umeke irena vajae jone sauiki ije giake. \c 21 \s1 E moni baki imevo ijiebuo akae ijene \p \v 1-2 Areme E Ireobo fu Mosisi kua, E Isureroko ije akae ige nijasiane. Ja nijasiana kia, Ja e Iburuko moni baki imedufuo be fuaevekuva e ije fu juaevasia sigisi (6) ijiege joefuo imeke. Ro juaevasia seveni (7) ije abeno ije ni kenujaga fu vafo. Ro jade kuaga fu mani bino una ja fuaeveno. \v 3 Ro e ije fu mumokana ijare ro joefuo imenoeno ja kenujaga fu vakuma fude bara be abe vako. Ro fune e baraki ijare ro joefuo imenoena una vakuma e ijare fu bara fuone mesirina vake. \v 4 Ro e ije fu romoga e ireobo fuone fu bara abe mamo fu abena ame fari ro kabae bino nafei. Ro rade e ireobo fuone fu e ije kenuja fu vakuma bara ijiakiro ame fuone ije bu e ireobo ijare fuone kegaro baru ijiaru arega fu vake. \v 5-6 Ro e ije fu samadukua kuae fu e ireobo fuone ro age bara fuone ije ireobo oetuamono kuae. Rove fu uria kaenamia vakiro vierafekuma e ireobo fuone fu mesiri are bu koto fievo ijia vake. Fu mesiri va e boeje ijiebuo nidua ijia adane fuone dabe tugie zinume ijia umakazina tire bietejaga fu ijare maza boeje e ireobo ijadufuo imenoeke. \p \v 7 Ro e be fu kabae fuone abe e guebuo fuaevega fu moni baki imenoe bara ije jade izege ja e fari ije karauniaga bu vako ijiege kenujaga fu vako. \v 8 Ro bara ije fu e befuo imenoga fu bara ije abei. Ro rade fu naebe oemarema ijadufuo fu bara ije abena una e guebuo fuaevekiro vierafekuma fuka abena una asoe fuone ijadufuo fuaeveke. Ro fube bara ije abena una e aebinoko ijiebuo fuaeveke ijadufuo maeje fune vua izege fu bara ije mukoe samuako kuaena abe marema ijene abe tuasei. \v 9 Ro e be fu bara abe fari fuone maga fu fuefuo imekiro vierafekuma fuka abe kabae fuone igege samuakinu ifejake. \v 10 Ro e ije fu una bara be abekuma fuka bara fuone uigo ije ka uria abe bara fuone igege oetuakinu ire ro sinuome vajakinu samuake. \v 11 Ro e ije fu naebe vame ijene rekuma fuka bara fuone uigo ije abuega fu vakiro bara ije fude una mani bino baru fuone vajamo. \s1 Vame ise bino bume saroruba ruovo ijiebuo akae \p \v 12-13 Ro e be erare e be kanaga fu baronemo e ije nika ve kanaga fudua fu baronefo. Ro fu e ije fu naebe kanakiro ijiege vierafe ro fume ijia kanamo fu baronema e ije fuka kona va are nare miavo ijia finoedufuo. \v 14 Ro e be fuka defaruimo fu urina e be kanamo fu baronega fu kona fata bu zinone ifaejevo ijia fue kenujanamikiro vakuma e ije nika kanaga fu baronefo. \p \v 15 Ro erare fu asoe ro asie fuone kanakuma e ije nika kanaga fu baronefo. \v 16 Ro erare e fari be mauike nuriete mesirina abe va ebuo fuaeve ro baga fu kua fu fuefuo mani baki imenoeno ja gakuva e ije nika kanaga fu baronefo. \v 17 Ro erare fu asoe ro asie fuone ije buesina kuaena kuravajiakuva e ije nika kanaga fu baronefo. \p \v 18-19 Ro ja oenoene e bino bu bue madinamivo ijia e be fu mune ro umuike kai fuone be kanamo fu naebe barone ro fume visi nama naekinega fu uri mudu abena oenoekuma e ije fu fu kanaema ije fuka e gue kiaga bu ifejakinu samuake fu fi vakuma maefo. Fu maekuma kai fuone fuka mazani fuone fu arafirijaema ijadufuo subijake. \v 20 Ro e be erare fu e bara ro baru be fu fuefuo mani baki imenoeno ije ine abena kanamo fu ve ijia baronekuma e ije nika mesirina abe isekafafo. \v 21 Ro e ije fu naebe migegire barone rove fu mu besu ro inokiro fi vakuma rade baronekuma e ireobo fuone jade abena isekafavo. Ijadufuo maeje e ije fuefuo imenoeno ije fune barone ijadufuo fu erare e ireobo ije ifejakuma baki. \p \v 22 Ro e fari bino bu oenoene bue bijaevo ijia bu bara e fudiema be kanavoga fume saroruba ame nafeno fune baronei. Ro bara ije fu matane be naebe abekuma e ije bara kanaema ije fuka mani izege baru fuone fu vierafena kuamoga e koto fiemo fu abe marema ijiege fuaevedufuo. \v 23-25 Ro bara ije fune kanamo fu baronekuma ni e ije fudua kanaga fu baronefo. Ro fu kanana umuikiro dia fuone tuase ro niome nafe ro ubae damui ro kanana miane ifaejekuma ni vame besu izege fu bara ijadufuo rema ni ve una ijiege fuone refo. \p \v 26-27 Ro e be erare bara ro baru be fu fuefuo mani baki imeno ije kanana ni nafe ro ubae damukuma e ireobo fuone ije fuka e ije kenujaga fu vake. Fu ijiege kenujaga fu vaekina e ireobo ije fube una niome ro ubae fuone ijadufuo fuaeveke. \s1 E sinuome koeki ije bu izege redufuo ijadufuo akae \p \v 28 Ro ja mave-kau kumate be fu muane fuone ijia e be bijamo fu baronekuma mave-kau ije nika mune tuana kanaga fu baronefo. Ro jade abe buvuana ikiro kuke e mave-kau koeki ije jade abena isekafavo. \v 29 Ro mave-kau ije fu uria oenoekinu e kaniako bu e koeki ije kuara rove fu naebe abena faere kirana ijia nujae. Ro fu areko fume ijia oenoeno e be utaro muane fuone ijia bija fu baronekuma mave ije nika mune tuana kanaga fu baronefo. Ro kuke e mave koeki ijedua nika kanaga fu baronefo. \v 30 Ro baga bu e mave-kau koeki ije kuako moni fuaeveno kuakuva fu moni izege bu kuaeva ijene foteke fuaevedufuo. Fu ijiege rekina fu fue kenujanamidufuo. \v 31 Ro kuke ja mave-kau kumate bino bu oenoeno ame kabae ro fari be kanaga fu baronekuma ni akae besu ije nuvena ijiege refo. \v 32 Ro mave-kau kumate ije fu oenoene e bara ro baru moni baki imevo ije be kana fu baronekuma e mave koeki ije fuka una e koeki fuone ije moni siriva teti (30) ijiege fuaevedufuo. Ro mave-kau ije nika mune tuana kanaga fu baronefo. \p \v 33-34 Ro e be fu oenoene mako runa naebe bijukurae ro kuke fune bijui rove fu ke akoemoga mave-kau kumate ro doniki be fu va ijia urakuma e ije fuka fanuve ijadufuo una ve e koeki ije fuaeke. Areme fu fanuve ije baronema ije fuone abedufuo. \v 35 Ro ja mave-kau kumate be fu una e befuo ije kana fu baronekuma e inokiro ije buka urina mave-kau be ije uria manino ije abe fuaevena mani abe buone ata ivajuonamidufuo. Bu ijiege re areme kuke mave-kau ije baronema ijene abe buvuana buone ivajuonamike. \v 36 Ro ja vierafega mave-kau kumate ije fune maza boeje ijiege manina e kaniakinu ire binobino arafiria rove e koeki ije fu naebe abe faere kirana nujakuma e ije fuka mave-kau fuone uria manino ijia abe una kai fuone ije make. Areme fu mave-kau ije baronema ije fuone abeke. \c 22 \s1 Izege sinuome binobino samuagadufuo ijene \p \v 1 Ro e be erare mave-kau ro mave-sifi be iniemena abe kanae ro abe fuaevekuma e ije fuka mave-kau fuone ijia umui fague kena una mave-kau besu ije fu iniemema ijadufuo e koeki ije vajake. Ro fu mave-sife besu iniemekuma fu una mave-sife fuone ijia inokiro kiro inokiro kena mave ije fu iniemema ijadufuo e koeki ije vajake. E ije fuka irere fu iniemema ijadufuo ijene una fuaevedufuo. \v 2-3 Ro e iniemeno fu are be mugu faraena iniemekuveno bu kanavo fu baronekuma e ije erare fu kanaema ije fu isema rema baki. Ro fume maza ijia oenoeno ijiege e inieki ije kana fu baronekuma ijare fu ma isema rena renoemo. E ije erare ire ije iniemekuma fuka ijadufuo ve una ire ijadufuo fuaeveke. Ro fu sinuome bino bakuma fuje bu abe una e guebue fuaevena moni abe una irere fu iniemema ije fuaeveke. Ro fuje fu una buefuo mani baki imenoeke. \v 4 Ro fu mave-kau ro doniki fu iniemema ije bu uria are fuone fu fanu samuagiamo ijia irevo bu giakuva fuka mave fuone ijia inokiro kena una ijadufuo ve fuaeveke. \p \v 5 Ro e be erare fanu fuone kaenamiana vaeni juare ro garasiki ije oenoeko bu garasi inoeno ijia bu urana va e befuo juare ijia ire fu oema ije ikuva e mave koeki ije fuka juare fuone ijia ire gue karina una ve e ijene vajadufuo. \v 6 Ro e be erare juare fuone ijia oenoene fiene kara ifaejemoga fu naena e befuo juare ijia kumune fu korema ije ro baga fu ufu naema ije naekuma e ije fuka ire ije naena arafiriaema ijadufuo una e juare koeki ije ve fuaevedufuo. \p \v 7 Ro e be fu moni ro ire anuigi fuone bino kena una e be vajamo fu oemarekinu fuefuo samuagiaejamoga fune e bese ro iniemei. Ro rade bu e inieki ije biekuva e ije iniemema ije fuka ire izege fu iniemema ijiege kena una e koeki ije vajake. Fu ijiege vaja areme una kuke sinuome fuone ijia izege fu iniemema besu ijiege karina ijiakuma vajadufuo. \v 8 Ro e inieki ije ja naebe biekuva e ije erare sinuome ije samuagiaema ije nika mesirina are bu koto revo ijia vafo. Fu ijia va samadukua furana kiako e be ijadufuo sinuome fu naebe iniememano kiadufuo. \v 9 Ro e be fu oenoene una e befuo juare ro are ijia mave-kau ro doniki ro sife ro sinuome ro ire bino fuone ijia naovo ije giana una ijadufuo vafaena bue madinanamikuva e inokiro ije nika kaenamia are bu koto revo ijia vadufuo. Ja kaenamiana ijia vaga e koto fievo bu e inokiro ijia erare isema rema ijene abe samadirega e ije fu una e be ijadufuo irere fu kema ijene una ve fuaeveke. Fu ijiege vaja areme una kuke sinuome fuone ijia izege fu iniemema besu ijiege karina ijiakuma vajadufuo. \p \v 10-11 Ro e be erare fu oemarekinu e befuo mave-doniki ro sife ro mave gue ije samuagiakiro vierafena ke samuagiae. Ro fu samuagiamo ijia bu matane abe ro oe ro e bese inimieno fu naebe gae. Ijadufuo e koeki fu ije fiega fu naebe oemarekuma e inokiro buka sosi ijia vadufuo. Bu va sosi ijia Godido nidua ijia e ije sinuome samuagiamo ije fuka samadukua furana kuako fu e ijadufuo sinuome fu naebe iniememano kuaga e mave koeki fu fieke. Fu fiega sinuome fuone fu naebe iniemejoga fube una e ije kuaga fu una fu fuaeveno. \v 12 Ro mave bune ma ebe iniemevoga e ije mave samuagiaema ije fu ijia sone una mave koeki ije fuaevedufuo. \v 13 Ro bune fanu taraeko ijiebe sakia buvua ijokuma e ije fuka fanu ijiebuo surive ro ane ije bino kena ro e koeki ije nijaega fu ijia giana vierafekina fube una fanuve ijadufuo fuaeveke. \v 14 Ro kuke e be fu oenoene va kai fuone be kuako, Ni mave-kau ro ose one be nujaejiega na mesiri vaekina na una mesiri rono kuaga fu abe nujaejamo fu mesiri vae. Rove e koeki fu naebe ijia fikoga fanu fu matane abe ro baronekuma e ije fanuve mesiri vaema ije fuka una e koeki ije fuaevedufuo. \v 15 Ro fu e koeki fune ijia fiko fu ijiege rekuma ije fube una ijadufuo fuaeveke. Ijadufuo maeje fune manido fuaevena mesiri va oenoeno fu irufui abema ije fune mani ijare okurae. \s1 Ire binobino ijiebuo akae ijene \p \v 16 Ro e be erare fu oenoeno bara kabaekua be baruna naeno baki ije fuobiki naekuma e ije fuka bara ije abe areme mani kena una orafa fuone ije miake. \v 17 Ro asoe fuone e ije fu ijuonekuma e ije fuka uria mani izege e bu bara kabaekua kena fuaevevo ijiege kena una bara ijadufuo asoe ije fuaeveke rove bara kabaekua ije fube abeke. Ro kuke akae gue ijeja, \q1 \v 18 Bara be erare fu e masirikiakuma bara ije nika kanaga fu baronefo. \q1 \v 19 Ro e be erare fanuve ijena vame ise barabaru oenoevo ijene renoekuma e ije nika kanaga fu baronefo. \q1 \v 20 Ro e be erare fu oenoeno godi binobino ijene zinone ifaejegaro E Ireobo na fu arekuma e ije nika kanaga fu baronefo. \q1 \v 21 Ro jade oenoeno e ae binoko bu ro jaena karinoevo ije vame ise bino bu oefiadiadufuo ijia revo. Ja isuibe jadua ja e aebinoko igege rena aesakae Ijifiti ijia oefiaeguma karinoena ruae. Ro kuke ja vame izege e ae binoko bu ebuo are ijia oefiane abenoejo ije jane vierafei. \v 22-24 Ro jade bara amune ro ame oeje ije vame ise bino bu oefiadiadufuo ijia revo. Ro ja ijiege rega bu una E Ireobo na kumekuva naka fiena ifejiadufuo. Ro kuke na ziekuva maza ije ja e anina bijaevo ijia buka bure iraraena kaniaga ja oeke. Bu ijiege kaniaga bararafa jone buka una amunamuigi rekiro anafa jone buka una oeje redufuo. \p \v 25 Ro ja e none bino bu sinuome ro moni baki ije moni vajiaga bu una ve vajiavo ijia jade kiaga bu una kuke buone binodua ado nana vajiavo. \v 26-27 Ro e be fu ugone fuone fu ado abiemo ije abe e befuo ire be fuaevema ije nika kuaga fu maza besu ijia abena una mane. Ijadufuo maeje fu ugone fuone be fu nakae naedufuo ije fuka baki. Ro kuke Godi naeje naka e oetuakinu giana oefiane abevo ijadufuo fu kiekuma na ifejake. \p \v 28 Ro kuke jade Godisina vua ise bino kuaekinu ro e ireobo jone fu ja samuagiamo ijadufuo vua ise bino kuaena irufui miavo. \p \v 29-30 Ro kuke igia fie ja ire kumunekiro vuiti ro ine orivi safine bune duikuva nika ude gue kena una na vajiefo. Ro kuke ni ame fari jone amure ijiakina mave-kau ro mave-sife ijiebuo ame amure ije nika kena una E Ireobo na vajiefo. Ro fanuve ijiebuo ame amure ijiaru ni areke bu mu seveni ijiege ove buone ijena oenoefo. Ro mu eiti abeno ije nika kena una na vajiefo. \p \v 31 Ro jaeje jaka e none akae ijadufuo jade fanuve ije bu fanu taraeko ijiebe sakiana iremareva ije kena buvua ikiro nime kena siroe jone vajiafo. \c 23 \s1 Vame izege ja e boeje ijena besu enafu ganamikinu karidufuo ijene \p \v 1 Ro igia fie jade ebuo vua kufui kuaenoevo. Ro kuke jade uri e be fu vame ise be rena koto remo ije ifejana vua kufui kuaena irufui fuone ije dasumavo. \v 2 Ro ja e boeje bu urina vame ise renoekuva jade urina bu ifejiavo. Ro bu koto revo ijia bu vua kufui ijia kuaena buone ifejanamikuva jade urina ijia nuvediavo. \v 3 Ro ja e moni ro sinuome baki be fu oenoeno koto remo ije jade vierafero fu e sinuome bakiro uri vua kufui ijia kuaena fu ifejiavo. \v 4 Ro ja oenoeno e ani jone ijiebuo mave-kau ro doniki be fu sauima ije biekuva nika mesiri una va e koeki ije mafo. \v 5 Ro ja oenoeno e ani jone ijadufuo mave-doniki be fu irufui be abekuma nika kenujaga fu vafo. \p \v 6 Ro ja oenoeno e sinuome baki be fu ire ise be rema ja mesiri koto rekuva nika izege ja jone vierafekinu ifejanamivo ijiege fuje vame besu ijiege vierafekinu ifejafo. \v 7 Ro ja e be fu ise besukua be fu naebe rema ije jade kufui ijia vua fuesina kuae ro kanaga fu baronemo. Ijadufuo maeje E Ireobo nare e ije erare fu ijiege renoeno ije naka dabe isekafake. \p \v 8 E koto fiemo ije fude moni e bu vajavo ije kena uri e ije fu ise rema ijene ifejamo. Ijadufuo maeje fu mani abekuma fu vame maeje rekuma baki rove fuka una e vua baki ije dabe isekafaga fu isejavaeke. \p \v 9 Ro jade oenoeno e ae binoko bu ro jaena karinoevo ije vame ise bino bu oefiadiadufuo ijia revo. Ja isuibe jadua ja e aebinoko igege rena aesakae Ijifiti ijia oefiaeguma karinoena ruae. Ro kuke ja vame izege e ae binoko bu ebuo are ijia oefiane abenoejo ije jane vierafei. \s1 Maza seveni mauike karivo ijadufuo akae ijene \p \v 10 Ro kuke igia fie, ja juare mekuva ni juaevasia sigisi (6) ijiege ijia juare jone mekinu ire kanafuina mukoreigia nafo. \v 11 Ro juaevasia seveni abeno ije juare za jone ije jade una mevo ro ni areke fu mauike ijia nadufuo. Ro ire nugune ije ja areva ije ni arega bu e ire baki ijiebe karina ifo. Ro irere nugune e ire baki bu karigaro areva ije ni arega bu fanuve taraeko ijiebe inoefo. Ro kuke vaeni jone ijiakiro ine orivi ja juare ijia oeva ije ni vame besu ijiege refo. \p \v 12 Ro ja imenoekuva ije ni mazani sigisi (6) ijia menoekiro mazani seveni (7) ije jade abena imevo. Ja ijiege rekina e ije bu joefuo moni baki imevo ijiakiro e ae binoko bu joefuo imevo ro fanuve jone ije budua bu mauike karike bu aemadiafo. \p \v 13 Ro kuke igia fie ni vua irere boeje E Ireobo Godi na kuariavo ije mukoreigia fiena refo. Jade oenoeno godi binobino ijiebuo baname isoekinu ro ive buone ijia kurianoevo. \s1 Iro mamekanu inokubeke ja juaevasia besubesu ijia ina oemaredufuo ijene \p \v 14 Ro ja juaevasia besu guove ijia iro inokubeke ije ikuva nika na aguariekinu renofo. \v 15 Ro ja oenoeno asame Abibi ije ja Ijifiti arena ruaeva ije fu ruomo ije nika iro bu kua Burede Isiti Bakino kuavo ijene ina oemarefo. Ro ja iro ijene ikuva nika vame izege na kuariaeva ijiege rekinu iro ijene ifo. Ro kuke jade mazani seveni guove ijia ire burede isiti ijiakuma amaeriaeva ijene ivo. Ro ja nidua none ijia ruavo ije nika zinone none kejiena ruakiro jade ikiriasa ruovo. \p \v 16 Ro iro be ja idufuo ije ja iro ije bu kua Juare Masivono kuavo ijene idufuo. Ro iro ije ja mazani ije ja zinuevena ire amure bu duiva ije masivo ijia ike. Ro kuke iro be ja idufuo ije ja iro bu kua Juare Masivokinu Naovo kuavo ijene idufuo. Ro iro ije ni juaevasia ubine ijia idufuo ijadufuo maeje ja asame ijia ire vaeni ro ine sunine jone ja oeva ije masivo. \p \v 17 Ro ja juaevasia besu guove ijia iro inokubeke ije ivo ijia e fari boeje nika ro E Ireobo Godi jone ige na kafiafiriekinu none baname isoena oemarejiefo. \p \v 18 Ro igia fie maza ije ja fanuve kavuane kena na zinone ifaejiekuva jade burete ire isitikuma ifaejeva ije kena ifaejievo. Ro kuke ja oenoeno iro bino ivo ijia jade fanuve ije ja kaniana zinone ifaejievo ijadufuo saruone ije gue kena suba nakiro boeje nika i furifo. \p \v 19 Ro ja juaevasia bino guove ijia ja ire jone binobino ja amure masivo ije nika ire jone maeje gue karina ro E Ireobo Godi jone igadufuo are ijia na vajiefo. \p Ro mave-goti ijadufuo ame ja kaniavo ije jade kena asie fuone ijadufuo muije ijia ifaejevo. \s1 Godido anera fu vame jone amaeridufuo ijene \p \v 20 Ro igia fie na Godi nare anera be nujaga fu arina ja samuagiakinu ude vake ja ijia nuvena vakuma are na joefuo kanafuiva ijia usiaedufuo. \v 21 Ijadufuo nika mukoreigia vua fuone irinana rekiro jade vua fuone karatuakinu fu ijuonevo. Ro ja vua fuone karatuakuva fube vame ijare ije giana aredufuo. Ijadufuo maeje fuje na nare kuavo fu vuae ro kuke na kono nane fuosiki ijia oenoeve. \v 22 Ro ja vua boeje fu kuariamo ije mukoreigia fiekinu ro irere na kuariaeva ije renoekuva nare e ani jone bu ja ijuonena jaena bijaevo ije ziegafiana kame isekafiake. \v 23 Ro kuke anera none fu ja kaenamiana ude vake ja ijia nuvena e Amoraetiko ijiakiro e Itaetiko ijiakiro e Kenanaetiko ijiakina e Ivaetiko ijiakiro e Jebusaetiko ijiebuo aesakae ijia ura vake. Fu kaenamia ijia ura vaga nare kono e boeje kaniana kame uinituke. \v 24 Ro jade oenoeno godi buone ijene auge sana kurituakafiakinu ro vame buone bu baname isoevo ijene gue mimatavo. Ro godi buone bu umui ijia amaeriavo ije nika kame kania tuasekinuro mune akae buone kame mutu korejiafo. \v 25 Ro ja E Ireobo Godi jone ige nanaru baname isoena kafiafiriekuva nare daro miakinu ifejiana ire ro do maeje uruvana vajiake. Ro kuke ja adame abekuva nare ifejiaga adame jone bu furike. \v 26 Ro nare ijiege ifejiavo ijadufuo bara ije bu e fudiekuva bube irufui bino biediakinu ro debireke. Ro kuke nare ifejiaga jaka maza jiamadogo karina vake. \p \v 27 Ro nare e aesakae gue bu jaena nigaraevo ije ire bino buone rega buka na jumeke. Ro nare e ijiebuo vierafe kame arafiriajiaga buka uri totenaminoeke. Ro nare ririkua ijia manina ka kuriaerega e ani jone bu subinae vake. \v 28 Ro e Ivaetiko ijiakiro e Kenanaetiko ijiakina e Itaetiko e ani jone ije nare ubije abefo ka kuriae ije kiaga bu ude vakinu e ijene kaniaga bu dabe faraena subinae giegisa vake. \p \v 29 Ro igia fie na ijiege rekuva nabe juaevasia besu guove ijia e ije kaniakuriaga bu oekinu ro subinae vafuridufuo. Ro na uri e boeje foteke kania furikuva aesakae buone fuka taraebo rega fanu taraeko ije buka uruvana rega ja izege sakae foteke mukoe samuakinu ijia karikuva baki. \v 30 Ijadufuo name maza abekinu sibaneke kaniakinu ijiege revakuma bu e sibaneke rega ja ijare sone aesakae buone abeke. \p \v 31 Na E Ireobo nare aesakae jone kiane ije abe biona vakuma Davare Akaba nafuema ijia irina vakuma Davare Meditereniani namo ijia vake. Ro una ikene gue ije na ae sao ijia irina vakuma Do Iufureti ruvako ijia vake. Areme nare daro miaga ja aesakae ije abena karikinu e ijia karivo ije biokiake bu usiae vakuma ka furidufuo. \v 32 Ro jade godi buone ijiakiro e ijena vua bino kuaena avenamivo. \v 33 Ro jade bu kafiaga bu aesakae jone ijia karivo. Ro ja ijiege kafiakuva bure vierafe jone ijiakiro vame jone ije arafiriajiaga ja una none ise redufuo. Ro kuke ja godi buone aroriakinu baname isoekuva jaka kojo mukoreigia jone isekafanamidufuo. \c 24 \s1 Vua ije E Ireobo fu kuaena marema ijene \p \v 1 Areme E Ireobo fune urina Mosisi kuae, Ni e Isureroko ijiebuo e mamekanu seveniti (70) ijiege ro e Eronikina Nadabikina Abiu ije kaenamia aena uruo ijia ajiana na biediefo. Ja ajiana ruoma uruo makave ivuake ijia usiaekuva ni sibaneke mumabo ijia auge sana na aroriekinu baname isoefo. \v 2 Ro Mosisi nine a osukua na ivuake ijia ruakiro e bino bube ruovo. Ro e Isureroko bino bube uruo igia ajiana ruovono kuae. \p \v 3 Areme Mosisi fune una arina akae ijiakiro vua boeje izege bu redufuo ije E Ireobo fu kuaraema ijene e Isureroko ije kuariae. Fu ijiege kuariamoga e boeje bu urina kuae, No vierafe noka izege E Ireobo fu kuaraema no ijiege rekono kuae. \v 4 Areme Mosisi fune urina vua boeje E Ireobo fu kuaraema ijene isoe. Areme fune suoke mugamia urina e Isureroko ijiebuo agane tuero ije vierafekinu mune mamekanu uruvana karina zinume tuero (12) ijiege uruo zinume ijia akoena ajiae. \v 5 Areme fune urina e nikaki ije kiamoga bune va zinone ije bu una E Ireobo ijena kafaedufuo ije ifaejedufuo ijadufuo mave-kau bino kaniana va zinone ifaeje. \v 6 Ijiege rena Mosisi fune fanuve bu kaniaeva ijiebuo kavuane gue vesena sukore ijia usiaga gue fu vesena fata zinone ifaejevo ijia jijiakorei. \v 7 Areme fune urina E Ireobo ijadufuo akae boeje fu buki ijia isoema ije abena urukeigia dakoga e boeje bu karina fie. Bu fiema areme urina kuae, No vierafe iviama noneka vua irere boeje E Ireobo fu kuaema ije irinana rekono kuae. \p \v 8 Areme Mosisi fune urina fanu kavuane fu sukore ijia usiaema ije abena e ije jijiamadiakinu kiae, Kavuane igare vua boeje E Ireobo fu joefuo kuaema ijene abena maremono kiae. \v 9-11 Areme fune uri Eronikiro Nadabikina Abiu ro e Isureroko ijiebuo e mamekanu seveniti (70) ije kaenamiana una uruo ijia ajia vakoga bu ni buone ijia e Isureroko ijiebuo Godi ijene gae. Ro fu manino dia rotire fuone bu gaeva ije fuka ire mune safaea igeki ro ire saove gufe amitebaki bu gavo ijieki ijene gae. Rove Godi fu naebe e Isureroko ije bu fu gaeva ijene ire ise bino buone rei. Ijadufuo bune ijia besu afui karina irekiro do ina oemare. \p \v 12 Areme E Ireobo Godi fu urina Mosisi kuae, Ni uruo kubi igia ajia ro fike na mune fae inokiro na akae ije e bu ijia giakinu kenoedufuo na isoeva ije kena vajane. \v 13-14 Ijadufuo Mosisi fune urina Josua e ije fu ifejamo ije kuana bune uruo ijia ajia vakuae Mosisi fune uri e mamekanu ije ijiege kuariae. Fu kia, Janika igia karike no vaekina una ruafo. Ro e eranebe bu irufui bino biediakuva ije Eronikiro Eri bu jaena iji kariva ijadufuo nine buone vaga bure ifejiana dasumiano kiae. \p \v 15 Fu ijiege kuaria areme bune Uruo Saenae ijia ajiana vakoga amite ijare arina uruo kubi ije uti kurae. \v 16-17 Areme E Ireobo ijadufuo sanaema ijare Uruo Saenae kubi ijia sanae. Fu ijiege sanakoga amite ije fu mazani sigisi (6) ijiege uruo ije utikurana vakuma mazani seveni ijia E Ireobo fu arina amite uve ijia Mosisi kumei. Ro e Isureroko gume bu uniana vaeva ije bu Godido sanaema ije gana vierafero fume miane uruo ijia naenoro bu ijiege vierafei. \v 18 Areme Mosisi fune uruo ijia ajiana va amite uve ijia maza foti ro mu foti ijiege amite uve ijia finoe. \c 25 \s1 E Isureroko ijiebuo ire buone maeje binobino bu karina Godi vajavo ijene \p \v 1-2 Ijiege rena Mosisi fune ijia fikoga Godi fu urina kuae, Ni e Isureroko ije kiaga bu ire buone maeje binobino bu kevo ijene gue ke atana na vajiene. Ro e besubesu erare fu oemarekinu ire fuone maeje bino kena na vajiekiro vierafekuma ije ni karine. \v 3-7 Ro ire bu karina na vajiedufuo ijeja bu ire gorodikiro siriva ijiakina buronisi ro mave-sifi u kazine ro kavuane ro getiki ro ugone abaeki ro fanu goti u ijia karina vajiedufuo. Ro kuke mave-sife surive bu kena kavuane amaeriaeva ijiakina fanuve surive ijiakina ine akesia ijene. Ro ire gue ije ine orive ijadufuo oere buraetiijia usiavo ijiakina ia ije bu oere ijia sana e Godido imejo ijene aziriavo ijiakina ia ije bu oere udi mukore urimo ijia savo ijene. Ro gue ije mune isesina mukore ka anuigi ijiakina uniae ni binobino e zinone ifaejevo bu savo ijia karina vajiefo. \p \v 8 Ro ni E Isureroko kiaga buka Are Muvuaka Akae be na ijia buina finoedufuo ije safo. \v 9 Ro are ije bu sa areme ire boeje guove ijia nadufuo ije buka izege nare kuariakuvejo bu ijiege vierafekinu sake. \s1 Mavua Akae izege amaeriadufuo ijene \p \v 10 Ro kuke ni kiaga bu mavua akae ije abena ige na kuariakuvejo ijiege amaerifo. Ja amaerikuva ni ine akesia fae ijia karina amaerifo. Ro jiamado fuone ije ni uvani aderedi teni (110) senitamita ijiege mina kania ro kave fuone ije sigisiti seveni (67) senitamita ijiege mina kaniafo. Ro una arirefuo ije ni sigisiti seveni (67) senitamita ijiege mina amaerifo. \v 11 Ja ijiege kanianoena areme nine gorodi ijia abena mavua surive ro guove ije kamafo. Ro irifo ije ni ire gorodi ijia gue kena kama ufuaenoefo. \v 12 Ro ni rini fo (4) ijiege amaeriana dia fuone ine ijia uniana gie oenoedufuo ijia ufake maziena kiriafo. \p \v 13-15 Ro giene ije ni ine akesia ijia buvua amaeria areme ire gorodi ijia kena foteke kamafo. Areme ni kena rini tire guegue ja kiriaeva ijia uniana arekiro jade una faradia ruvo. \v 16 Areme ni mune fae inokiro ije na akae isoena ke vajiakuva ije kena ijia safo. \v 17 Ro mavua biju ije nine ire gorodi ijiaru kena amaerifo. Ro biju ijadufuo ive bu kua Mesi Sitino kuaevo ro ive ijadufuo maeje ijeja are ije Godi E Ireobo fu e ijiebuo ise giana aremo. Ro biju ijadufuo jiamado ije nine uvani aderedi teni (110) senitamita ijiege mina amaeri ro tave fuone ijeja sigisiti seveni (67) senitamita ijiege mina amaerifo. \v 18-19 Areme ni gorodi ijia ire serubimi inokiro amaeriana kena biju ado ubine gue gue ijia kamaga bu besu ifefo. \v 20 Ro ire serubimi ije ja amaeriakuva ni ume ige bu adave iravo igege amaeriaga bu biju ado ijia uivajuonami irena biju ije okuradufuo. \v 21 Areme nine mune fae inokiro na akae isoeva ijene kena mavua guove ijia sa areme biju fuone ijia abe bijukurafo. \v 22 Ja ijiege rekina na mavua biju ijadufuo ado ire serubimi inokiro bu ireva ijiebuo ukua ijia arina ja biediakinu akae none boeje e Isureroko ije nijasiake. \s1 Fata ije bu burete akae ije abena Godi mavo ije izege amaeridufuo ijene \p \v 23-24 Ro ja fata amaerikuva ni ine akesia ijia kena amaerifo. Ro jiagado fuone naeniti (90) senitamita ijiege mi ro baraeki fuone ni foti faeve (45) senitamita ro arire fuone sigisiti seveni (67) senitamita ijiege mina amaerifo. Areme nine ire gorodi ijia karina fata ije foteke kamafo. \v 25 Areme ni gorodi gue ijia kena seveni (7) senitamita ijiege mukoreigia amaerima areme abena fata ikene ubae ijia kama ufuaenoena arefo. \p \v 26-27 Areme ni rini tiki fo (4) ijiege amaeria areme kena dia fuone fo (4) ijadufuo ubae ije ja gorodi ijia kamaeva ivuake ijia kiriaekina ja ijia giena oenoefo. \v 28 Ro giene fuone ije ni ine akesia ijia ufusena amaeria areme gorodi ijia kena foteke kamaekina ja ijare kena fata ije giena oenoefo. \v 29 Areme nine firetekiro kafusi ijiakina sukore ro disi bino amaeriaekina e bu vaeni kena ro fata ijia usiaekuva ja ijare kena vesedufuo. Ro ja ire ije amaeriakuva boeje nika ire gorodi ijiaru karina amaeriafo. \v 30 Ro fata ije ni abena Are Akae ijia nijafo. Areme nine burete ije ja maza boeje none baname isoena oemarejiekuae abe ruovo ije abena fata ijia nijafo. \s1 Ire bu kedoro ifaeje nadufuo ijene \p \v 31 Ro nine ire ja kedoro ifaejega fu sanadufuo ije be amaerifo. Ro ja amaerikuva nine gorodi ijia abena baraeki amaeri ume ijia nija areme nine be amaeri ado ijia arire safo. Areme nine kave ijia ukie fuone ire kusare fu iko uti ro ajia irasemo ijiege isoefo. \v 32 Ro nine kia fuone sigisi ijiege gorodi ijia amaeriama kena ove ije arire manino kave ijia kamaga fuka besu ifefo. Ro ja amaeriakuva nine inokubeke ikene gue kama ro inokubeke gue kamafo. \v 33 Areme nine kuke gorodi ijia abena kafusi uruvana ine amoni fu iko kirakiro utina irasemo ijiege amaeriafo. Ja ijiege amaeria areme ni kafusi inokubeke ijiege kena maziena kia fuone besubesu ijia kamafo. \p \v 34 Ro nine una kuke kafusi ude ja amaeriaeva ijieki fo (4) ijiege amaeriana ke ire ije kedoro ifaeje navo ja amaerina arire saeva ijadufuo kave ijia kamafo. \v 35 Areme nine kafusi gue amaeria areme besubesu abe kia fuone fu bijaema rotire ijia kamajana ajia vafo. \v 36 Ro kafusi boeje ja amaeriaeva ijiakiro ire kedoro ifaejevo ijadufuo kia fuone ijiakina ove ije boeje nika gorodi ijia kena besu foteke amaerifo. \p \v 37 Areme nine ire raete seveni (7) ijiege amaeria areme kena kiae ijiebuo ubine ijia kamaekina bu uineke ijia sanafo. \v 38 Ro ire ije ja kena raete vafaedufuo boeje nika gorodi ijia kena amaeriafo. \v 39 Ro ire ije ja kedoro ifaeje nadufuo ijiakina kia fuone ro kafusi ije boeje nika gorodi teti kiro (30kg) ijiege kena amaeriafo. \v 40 Ro ire boeje ja amaeriadufuo ije nineka izege na uruo ijia kuariaeva ijiege mukoe vierafekinu amaeriafo. \c 26 \s1 Are Muvuaka bu Godido baname isoevo ijene \p \v 1 Ro Are Muvuaka guove E Ireobo na ijia oenoedufuo ije nika ugone fae teni (10) mukore bu mave-sifi u kazine ro kavuane ijia kena saguiva ijia abena kirakurafo. Ro ni e ugone mukoe sagumo ijia kuaga fu ugone fae teni ije karina ire serubimi adaki ijieki ijadufuo kavene ijene ugone besubesu ijia saguna amaeriafo. \v 2 Ro ugone fae boeje jiagadogo buone besubesu ije nika tuero (12) mitasi ijiege mina ufusefo. Ro kakare buone ni tu (2) mitasi ijiege mina ufusefo. \v 3 Areme ni ugone umui fague ije ke besu ireobo sagukiro fague ije ke besu ijiege sagufo. \v 4-5 Ro ni ugone amure ja kena saguiva ijadufuo ubine gue ijia tire fifiti (50) ijiege amaeria. Areme ni kuke una be ijadufuo ubine ijia tire fifiti (50) ijiege amaeriafo. \v 6 Areme nine gorodi ijia ire kimae igeki fifiti (50) ijiege amaeria kina ja ijare kena ugone inokiro ije ke besu nana kiriadufuo. \p \v 7 Ro ni mave-goti u ijia kena ugone ireveni (11) saguikina ja ijare abena Are Muvuaka ijadufuo ado ije okuradufuo. \v 8 Ro ugone boeje ja saguna amaeriavo ijiebuo kakare ijiakina jiagado ije nika besu amaeriafo. Ro jiagado fuone ije ni tetini (13) mitasi ijiege mina sagukiro kakare ije tu (2) mitasi ijiege mina sagufo. \v 9 Areme ni ugone umui fague ije kena besu nana sagu areme ni sigisi ijiege kena una besu nana sagufo. Ja ijiege sagu areme ni ugone umui dikine ja saguiva ije abe davatoena nijafo. \v 10 Areme ni ugone be ijadufuo ubine ijia ubae fuone fifiti (50) ijiege amaeria areme ni una kuke be ijadufuo ubine ijia ubae fuone fifiti (50) ijiege amaeriafo. \v 11 Ja ijiege amaeria areme ni ire buronisi ijia abena ire kimae igeki fifiti (50) ijiege amaeriaekina ja ijiebe kena ugone inokiro ijiebuo ubae ije kena una besu kuriadufuo. \p \v 12 Ro ugone ado kabuane ijadufuo ubine ja unakoeva ije ni arekina fu ijare Are Muvuaka kabuane ijadufuo isuo kave ijene okuradufuo. \v 13 Ro una Are ikene guegue ijadufuo ugone ubine ije ni teti (30) senitamita ijiege uniakoekina bu ijiebe isuo ikene ijene okuradufuo. \v 14 Areme nine una kuke ugone inokiro ijiege amaeriafo. Ro be ije ni mave-sife surive ijia amaeri areme safire kavuane ijia abena azifo. Ro be ije ni fanu surive ijia kena saguna amaeriakina ja ijare abena sife surive ijadufuo ado ijia okuradufuo. \p \v 15 Ro Are Muvuaka Akae ijadufuo isuo boeje nine ine akesia ijia buvuatuana safo. \v 16 Ro isuo besubesu arire fuone ije ni faeve (5) mita ijiege mina amaeriafo. Ro una kakare fuone ije ni sigisiti seveni (67) senitamita ijiege mina amaeriafo \v 17 Ro isuo boeje besubesu ja amaeriakuva ni ubine uniakoekina ja isuo be abe una ijiakuma kamana kanadufuo. Ro isuo boeje ja amaeriakuva nika ni besu amaeriafo. \v 18-22 Ro ja Are Muvuaka ikene guegue jiagadogo ijadufuo isuo ije amaeriakuva ni tuaedi (20) ijiege guefuo amaeriaro una tuaedi guefuo amaeriafo. Ro ja isuo besubesu ijadufuo tugie buone amaeriakuva nine ire siriva ijia abena inokiro ijiege maziena amaeriakina ja kena rotire ijia nadufuo. Ja ijiege amaeriakina tugie foti (40) ja ikene gue nakiro una foti (40) ja gue nadufuo. Ro una kabuane maza koeno nake ijadufuo isuo ije ni sigisi (6) ijiege amaeriafo. Areme ni ire siruva ijia kena tugie inokiro ijiege maziena amaeriakina ja kena isuo besubesu ijadufuo rotire ijia nadufuo. Ro isuo kabuane gue gue ijadufuo tugie boeje ja amaeriavo ije jaka tuero (12) ijiege amaeriafo. \v 23 Areme nine ire inokiro bu Are kabuane ije maza koeno nake kusoe inokiro ije faradia iredufuo ije amaeriafo. \v 24 Ja ijiege amaeriakina fu ijare isuo zinume ijia ajia vakuma kave gafia fare manidufuo. Areme ni rini be ire inokiro ijiebuo ubine ijia abiedufuo ije amaerifo. \v 25 Ro kabuane guegue ijadufuo isuo ja amaeriadufuo ije ja isuo eiti (8) ijiege amaeriake. Ro kuke tugie buone ja siriva ijia amaeriavo ije ja sikisitini (16) ijiege amaeriadufuo. \p \v 26-27 Ro ni ine akesia ja Are Muvuaka isuo ijadufuo kakare ijia kaniadufuo ije fifitini (15) asefo. Ja ijiege asekina faeve (5) ja kena ikene gue uniakiro faeve ije ja kena una ikene gue uniadufuo. Ro faeve ije ja kena isuo kabuane una maza koeno nake ijadufuo ijuone ijia uniadufuo. \v 28 Ro ine jiagadogo ije ja kena isuo boeje ja kari kamavo ijadufuo ukua ijia uniana ufuaenoena aredufuo. \v 29 Areme nine gorodi ijia abena isuo boeje ro ine ije kakare uniadufuo ije kamakinu okuriafo. Ro kuke nine ire gorodi ijia kena rini ije fu ine kakare ije ivia faradiadufuo ijene amaeriafo. \p \v 30 Ro Are Muvuaka ije ja sadufuo ije nika izege na uruo ijia kuariaeva ijiege safo. \p \v 31 Areme nine e ugone mukoe sagumo be kuaga fu ugone ni mukore kazine ro kavuane ijene mave-sife u ijia kena sagufo. Fu ijiege sagu areme kaje fanu u ijia ufiva ijia kena fanuve adaki igeki ugone ado ijia saguna amaeriake. \v 32 Areme nine ine fo (4) ja ine akesia ijia amaeriana gorodi ijia okuriadufuo ije kena tugie ije ja ire siriva ijia amaeriaga bu ine ije faradia iredufuo ijadufuo ado ijia safo. Areme ni ire kimae igeki ja ire gorodi ijia amaeriadufuo ije kena ugone ubine ijia kiriafo. \v 33-34 Areme nine ugone ubine kena Are Muvuaka Akae guove ine fo ijia kuriaga fu Are Akae ijiakiro Are Ma Akae ije ke ata guegue redufuo. Areme nine mavua akae ije mune fae inokiro saeva ije abena ugone ije kiraeva ijuone gafa Are Ma Akae ijia nija areme nine biju fuone ije abe bijukurafo. \v 35 Areme nine fata ije ja amaeriva ije abena ugone ije kiraeva ijadufuo uineke una Are ikene umui maeneke ijia nijafo. Ro nine ire kedoro ifaeje navo ije abena una ikene gue umui aeneke ijia nijafo. \p \v 36 Ro Are Muvuaka viene ijadufuo ugone ije ni fanu u kazine ro kavuane ijia kena sagu areme ni e ugone mukore isoemo ijia kuaga fu ukie ni binobino ijia isoefo. \v 37 Ro ugone ja abe kirakuva ni tugie ine akesia faeve (5) ja ire gorodi ijia kena kamaeva ijia kena safo. Areme ni ire buronisi ijia kena ire tugie ije faradia iredufuo ije umui fague amaeriafo. Areme ni ire kimae igeki ja gorodi ijia amaeriadufuo ijia kena ugone ubine ijia kiria areme kena tugie ijia kuriafo. \c 27 \s1 Fata zinone ifaejevo ijadufuo vua \p \v 1 Ro fata zinone ifaejedufuo ije ni ine akesia ijia kena amaerifo. Ro ja amaerikuva jiagadogo ro baraeki fuone ije nika ni besu tu aderedi tuaedi faeve (225cm) senitamitasi ijiege mina amaerifo. Ro una arirefuo ije uvuvani aderedi teti (130cm) senitamita ijiege mina amaerifo. \v 2 Ro fata ubine ijadufuo kusoe besubesu ijia ni gome buone besubesu ijiege bijianaga fuka besu ifedufuo. Areme ni ire buronisi ijia abena fata boeje kamafo. \v 3-4 Ro ni guruone ja ijia tuvuare numudufuo ijiakina disi binobino ro ire kimae igeki ijiakina faniki bu ijia miane karana oenoevo ije amaeriafo. Ro ire boeje ni ire buronisi ijia kena amaeriafo. Areme ni ire buronisi ijia ire ja miane ifaejedufuo ije amaeri areme ire buronisi ijia rini fo (4) amaeriana kusoe fuone ijia kamaekina ja giene ijia uniana giedufuo. \p \v 5 Ro ja ire miane ifaejevo ije amaerikuva ni abena fata ije zinone ifaejedufuo ijadufuo rotire ijia nijafo. Ro ja abe nijakuva fube fata zinone ifaejevo ije niriake ro fume ajia ukua ijia iridufuo. \v 6-7 Ro ni ine akesia ijia buvuana giene amaeria areme ire buronisi ije abena foteke kamafo. Ja ijiege kamaekina ja ijare kena fata ijadufuo rini fuone ikene guegue ijia uniana gie oenoedufuo. \v 8 Ro fata zinone ifaejedufuo ja amaerikuva ije nika izege na uruo ijia kuariaeva ijiege ine fae ijia kena mavua suave igege amaerifo. \s1 Are Muvuaka ijadufuo makave ijene \p \v 9-11 Ro Are Muvuaka ijadufuo makave ije ni ugone ni mukore ijia kena kirakurafo. Ro ugone ije ja are ikene aeneke ije kiradufuo ije jiagado fuone ije ni foti faeve (45) mita ijiege mina sagufo. Areme ni tugie ja ugone ije kiradufuo tuaedi (20) ijiege amaeria areme ni ire buronisi ijia abena ire baraeki bu tugie ije faradia iredufuo ijene tuaedi (20) ijiege amaeriafo. Ja ijiege amaeria areme ni ire kimae igeki ijiakiro rini bu tugie ijia kiriadufuo ije ire siruva ijia abena amaeriafo. Ro Are Muvuaka makave ikene umui maeneke ije ni kuke besu ijiege mina amaerina kirakurafo. \p \v 12 Ro Are Muvuaka makave maza koeno nake ije ni ugone jiagadogo fuone tuaedi tu (22) mita ijiege mina sagufo. Areme ni tugie teni (10) ijiege amaeria ro ire baraeki bu tugie ije fadia iredufuo ije teni (10) ijiege amaeriafo. \v 13 Ro una Are Muvuaka makave maza ajiamo nake ije jiagadogo fuone ije ni tuaedi tu (22) mita ijiege mina amaerifo. \v 14-15 Ro ugone viene bu aruvo ijadufuo ikene guegue ije ni sigisi mita (6) ijiege mina sagufo. Ja ijiege sagu areme ni kuke tugie buone inokubeke guefuo ro inokubeke guefuo ijene amaeria areme ni ire baraeki bu tugie ijene faradia iredufuo ije amaeriafo. \p \v 16 Ro ugone ja Are makave ijadufuo viene ije kiradufuo ije ni mave-sife u kazine ro kavuane ijia kena sagu. Areme ni e ukie mukore isoemo ijia kuaga fu ugone ijia ukie mukore ijene ijia isoefo. Ro ugone ijadufuo jiagadogo ije ni naeni mita (9) ijiege mina sagufo. Areme ni tugie fo (4) ugone ije kiradufuo ije amaeria areme ire baraeki bu tugie ije fadia iredufuo ije amaeriafo. \v 17 Ro Are Muvuaka makave ijadufuo tugie boeje ja uruna ugone kiriadufuo ije nika ire kimae igeki ro rini ije ja ire siruva ijia amaeriavo ijia kena ivia kiriafo. Ro ire baraeki bu tugie faradia iredufuo ije bu buronisi ijia amaeriadufuo. \v 18 Ro Are makave ijadufuo jiagado ije ni foti faeve (45) mita ijiege mina amaerikiro kakare ije ni tuaedi tu (22) mita ijiege amaerifo. Ro ugone ja kirana ajiadufuo ije ni tu mita ijiege ajiadufuo. Ro ugone ja saguna Are ije kirakuradufuo ije nika ugone ni mukore ijia karina sagufo. Areme ni ire buronisi ijia abena ire baraeki bu tugie faradia iredufuo ije amaeriafo. \v 19 Ro ire gue ja karina Are Muvuaka guove ijia imedufuo ijiakina asuge ije ugone ivia faradiadufuo ije nika ire buronisi ijia kena amaeriafo. \s1 Oere raete usiadufuo ijene \p \v 20 Ro ni e Isureroko ije kuariaga bu ine orive oere ma bu ifaejena sanaga fu maza boeje ijia nae vadufuo ije bino kena ruaekina bu muge raete ijia usiana ifaejega bu sanadufuo. \v 21 Ro kuke ni Eronikiro anafa fuone ije kiaga buka Are Muvuaka guove are Ma Akae na fidufuo ro kuke mavua akae ije namo bu ugone ijia kirakuraeva uine ijia ire raete ifaejedufuo ije karina ro ijia narudufuo. Bu ijiege rekina mufuo ijia bu ifaejega fu naena vakuma ve iraserudufuo. Ro vua ige na kuariavo ije e Isureroko ijiakiro uifari buone ije buka maza boeje ijiege rekinu vano kiae. \c 28 \s1 E zinone ifaejevo ijiebuo ugone bu sadufuo ijene \p \v 1 E Ireobo fune Mosisi ijiege kuarama areme kuae, Nine e Isureroko ijiebuo uve ijia e Eronikiro anafa fuone e Nadabikiro Abiu ro Eriesa ro Itama ijene kena irigi uniane. A bu kena ijiege uniaekina bure e zinone ifaejevo ijiege rena noefuo imedufuo. \v 2 Ro ni ugone akae bino uvia one Eronido amaeriakina fu ugone ije sakuma E Isureroko bu ije gana fu mukoreigia aguaedufuo. \v 3 Ro ni e fari bino na vierafe vajiako bu ire bino mukoreigia amaeriavo e ijieki ijia kega bu Eronido ugone fu sadufuo ijene amaeriane. Bu ugone ijiege fuefuo saguna amaeriajaekina fu ke sana e zinone ifaejemo ije rena noefuo imenoedufuo. \v 4 Ro ugone bu amaeriadufuo ije bu igege amaeriadufuo. Bu ugone biregato ijia irina gagare gufa abiedufuo ijiakina ugone kazine jiagadogo ijiakina ugone ifodino kuavo bu ugone kazine ado ijia abiedufuo ijene amaeriake. Areme bu kaje biregato kiradufuo ijiakina seti ukie ni mukore isoeva ijiakina ugone fu nigofo abiedufuo ijiakina ugone fu guge ijia dasuvaedufuo ijene amaeriadufuo. Ro ugone binobino ijieki ije uvia one Eronikiro anafa fuone bu sadufuo ije amaeriaejiaekina bu sana e zinone ifaejevo ije rena noefuo imenoedufuo. \v 5 Ni e ije ire binobino amaeriavo ije kiaga bu mave-sife u kazine ro kavuane ro garame zine igege iramo ijia kena ufima areme ni ugone ni mukore ije saguna amaeriane. \s1 Vame izege bu ugone ifodi amaeridufuo ijene \p \v 6 Ro bu ugone ifodino kuavo ije sagukuva ni kiaga bu mave-sife u kazine ro kavuane ro kaje garame zine igege iramo ijia karina ugone ni mukore ije saguna ukie ni binobino ijia isoefo. \v 7 Areme ni ugone fae bino kena ire ifodi bu saguiva ubine gue ijadufuo biruame guegue ijia nana saguikina bu ijare kena farane ijia ivia kiriadufuo. \v 8 Areme ni ugone fae ni besu ijia kena una ifodi ubine gumafo ijia sagukina bu ifodi ije abe abiesena ijare kena biregato ijia iva kiradufuo. Ro bu ugone fae ijene amaerikuva ni mave-sife u kazine ro kavuane ro garame zine igege iramo ijia karina ufima areme abena ugone ni mukore ije saguna amaeridufuo. \p \v 9-10 Ro ni mune anuigi mukore bu kua Onikisino kuavo ijia inokiro ke areme nine e Jekafudo anafa tuero (12) ije amure ijia vakuma iviene ijia usiaeva ijiebuo ive ijene ijia isoefo. Ro ive sigisi (6) ije ni mune be ijia isoekiro sikisi ije be ijia isoefo. \v 11 Ro ja isoekuva ni e ije mune anuigi mukore ijiebuo vajae ijia ive isoemo ijia be kuaga fu mune inokiro ije kena e Jekafudo anafa ijiebuo ive ijene ijia isoefo. Fu mune ijiebuo vajae ijia bijia karakinu ive isoe areme ire gorodi ijia kena mune ubae ijia kamana amaeriafo. \v 12 Areme ni kena ugone ifodino kuavo ijadufuo farane ijia nana saguikina bu oenoene savo e bu ijia giana una e Isureroko ijiebuo agane tuero (12) ije vierafenoedufuo. Ro kuke Eroni fu maza boeje ive buone ije abena farane fuone ijia abienoega E Ireobo na ije gavo ijia na una e none vierafeke. \v 13-14 Ro ni gorodi mukore ijia kena mune inokiro ijiebuo are bu kamana naodufuo ije inokiro amaeriadufuo. Areme ni seni inokiro bu kaje ijia ufiva igeki ijene gorodi ijia kena amaeria areme kena ire gorodi inokiro ja mune ke nana kamaeva ijia besu ifena soevefo. \s1 Ire guge okuravo ijene \p \v 15 Areme nine e zinone ifaejemo ijadufuo ugone be fu guge ijia abiena Godi irere fu vierafejamo ije fiekinu renoedufuo ijene amaerifo. Ro ja amaerikuva ni mave-sife u kazine ro kavuane ro kaje garame zine igege iramo ijia karina ugone ni mukore be ifodi ja amaeriva ijiege saguna amaerifo. \v 16 Ro ja ugone ije sagukuva ni abe mukoreigia enafuna sagu areme nine abe una kuke davatoe nijana sagufo. Ro ugone ijadufuo jiagado ijiakiro kakare fuone ijeja tuaedi tu (22) senitamita ijiege mina sagufo. \v 17-20 Areme ni mune isesina ni mukore ije kena ugone ijia raeni fo (4) ijiege nana bijia kiriafo. Ro raeni amure ije ni mune tofasi ro rubi ro ganeti ijene kena bijia kiriafo. Ro ura be ije ni mune tekosi ro safaea or mune getiki emarodi ijene bijia kiriafo. Ro ura be ije ni mune jasiniti ro egati ro ametisi ijene bijia kiriafo. Ro rane ije ni mune beriro ro onikisi ro jasifa ijene kena bijia kiriafo. Ro mune isesina ni mukore boeje nika gorodi ijia kena amaeria areme kena ijia kamafo. \v 21 Ro mune tuero (12) ije ja kena ugone ijia bijia kiriavo ijiebuo vajae ijia ni Jekafudo anafa tuero ijiebuo ive ijene ijia isoefo. Ja ijiege isoekina ja oenoekinu ijia giana una e Isureroko ijiebuo agane tuero ijene vierafenoedufuo. \p \v 22 Ro ugone guge abiedufuo ja amaeriva ijadufuo soe fuone inokiro kiro inokiro ije ni ire gorodi ijia abena kaje ufiva igeki ije amaeriafo. \v 23-24 Areme ni gorodi ijia abena rini inokiro amaeriana ke ugone guge ijadufuo ja amaeriva ijadufuo biruame inokiro kave ijadufuo ijia kiriafo. Areme ni seni ije kena rini inokiro ijia kiriafo. \v 25 Areme ni seni ubine inokiro ije kena ire gorodi ije bu abena ugone ifodi ijadufuo ubine farane ado gue gue bu ubae amaeriva ijia ivia kuriafo. \v 26 Areme nine una ire gorodi ijia rini inokiro amaeriana ke ugone guge ijadufuo ubine gue gue gumafuo ijia kiriafo. \v 27 Areme ni kuke una ire gorodi ijia rini inokiro amaeriana ke ugone ifodi ubine guegue guma devatua ivuake ijia kiriafo. \v 28 Ro nine kaje kazine inokiro kena ugone guge ijadufuo ubine inokiro guma ijia kiriana ivia ari ifodi ubine guegue ijia kiriafo. Ja ijiege rekina ugone guge ije bu abiesevo ije fube uroena dasua akoedufuo. \p \v 29 Ja ijiege amaeriaekina maza ije Eroni fu Are Akae ijia aru vako fu ugone guge ije e Isureroko ijiebuo agane tuero (12) ijiebuo ive isoeva ije abe oe fuone ado ijia abiega E Ireobo na ije gavo ijia na maza boeje una e none vierafedufuo. \v 30 Ro ni mune fae inokiro Urimikiro Tumimi ijene kena ugone guge ijadufuo ja saguiva ijia kedekina Eroni fu kena Are Ma Akae na fivo ijia aru vuake. Ro maza bino fuka ugone guge ijadufuo ije abe oe fuone ado ijia abiekina fu e none bu izege redufuo na kuaravo ije fu mune ijiebe nijaeke fu ijia renoedufuo. \s1 Ugone gue e zinone ifaejevo bu sadufuo ijene \p \v 31 Ro ugone jiamadogo bu ire ifodi rotire ije sadufuo ije ni mave-sife u kazine ijia kena amaerifo. \v 32 Ro ni uro ijadufuo tire ije amaeri areme ugone maduibo ijia abena ubine fuone tuanana saguikina fube faraedufuo. \v 33-34 Areme e ukie mukoe isoevo ijia kuaga fu kaje kazine ro kavuane ijia kena ugone kazine ijadufuo ubine ijia ine fomigureniti ijadufuo fo bino ijene ukie isoedufuo. Areme ni bero isesina bu gorodi ijia amaeriaeva bu zurevo ijene gue ukie ije isoeva kafare ijia bijia kiriafo. \v 35 Ja ugone ije ijiege saguikina Eroni fu zinone ifaejekuma fu ugone ije abe abiena Are Ma Akae na fivo ijia aru ruadufuo. Fu ijia aru ruakinuro una keke vako ije fu bero ijiebe akugua igege zurega na fiekina nabe kanaga fu baronedufuo. \p \v 36-37 Ro ni gorodi ijia abena ire isekube baraeki amaeri areme ado ijia vua isoefo. Ro vua ije ja isoedufuo ije ni kua E Ireobo Ijadufuo E Akaeno kuana isoena abe e zinone ifaejemo ijadufuo ugone fu nigofo utima ijia kaje kazine ijare abena kirafo. \v 38 Fu ijiege abiekina e Isureroko bu oenoeno ise buone ijadufuo na zinone ifaejiekuva E Ireobo na ise buone ijadufuo irufui ije na kena una Eroni vajaga fure abeke. Ro e Isureroko bu oenoeno zinone ni binobino kena ro ise buone ijadufuo na zinone ifaejekuva naka uria bu oemarejiake. \p \v 39 Ro ja Eronido ugone jiagadogo ijiakiro ugone be fu nigofo utidufuo ije sagukuva nika ugone ni mukore ijia kena sagufo. Ro kuke ni ugone fae fu guge ijia dasuvaedufuo ije amaeri areme kaje mukore ni binobino ijia kena ukie ni mukore bino ijia isoena amaeriafo. \v 40 Areme ni Eronido anafa ijiebuo setikiro ugone bu guge ijia suvaedufuo ijene amaeria areme ni nigosubuo buone ijene amaeriafo. Ja ijiege amaeriaekina bu ugone ijene savo ijia ja giana vierafero bu e mamekanu jonero ja bu aguariakono kuae. \v 41 E Ireobo fu ijiege Mosisi kuarama areme kuae, Nine ugone ije karina uvia one Eronikiro farirafa fuone saejiane. Areme ni ine orivi oere ijia abena usiaejiana daro miaekina bure e zinone ifaejevo rena imenoeke. \p \v 42 Ro ni ugone mukore ijia kena tarasi buone ije biregato ro auge ijia mina sagujiaekina bu ke sana vajae buone okuriadufuo. \v 43 Ro Eronikiro anafa fuone bu maza boeje Are Muvuaka Akae ije E Ireobo na fivo ijia ro are guove Ma Akae ijia na baname isoekuva buka tarasi ije ke sana aru vadufuo. Bu ijiege rekuva nabe kaniaga bu oedufuo. Ro akae ije fume ijiege navaekina Eronikiro uifari fuone bu rade urivo ije bu ijia nuvena kenoedufuo. \c 29 \s1 Vame izege bu Eronikiro anafa fuone daro miaga bu e zinone ifaejevo ije redufuo ijene \p \v 1-2 Ro Eronikiro anafa fuone ja kaenamiana E Ireobo na vajiega bu e zinone ifaejevo rena noefuo imedufuo ije ni ige na kuariavo ijiege refo. Ja bu kena daro miakuva ni mave-kau kumate besu ijiakiro mave-sife kumate inokiro naebe garuradiaeva ijia giana faradiafo. Areme nine ire farava vuiti ijia amaeriaeva ije gue usia areme ni ine orivi oere ijia usiana burete gue amaeriafo. Ro burete ijiakiro bisikiti ije ja amaeriakuva jade ire isiti usiaena ijiakuma biemarona amaeriavo. Areme ni bisikiti bino oere baki amaeria areme nine oere ado ijia usiafo. \v 3 Areme nine burete ja amaeriakuva ije kena kamui kede areme mave-kau ijiakiro mave-sife inokiro ije ja na zinone ifaejekuae keva ijene kena ruafo. \v 4 Ja ijiege kari areme ni Eronikiro anafa fuone kaenamia ro Are Muvuaka E Ireobo na fivo viene ijia usiaena kiaga bu do foteke ruoefo. \v 5 Bu do ruoega nine sinuome e zinone ifaejevo bu savo ijene karina Eroni saejafo. Ni setikiro ugone jiamadogo ijiakina ugone ifodi ro ugone guge ijia ije kena saejafo. Areme ni ugone ifodi ijadufuo soe fuone kena biregato ijia ivia kiriajafo. \v 6 Ja ijiege saeja areme nine ugone fu nigofo utidufuo ije abe nigofo ijia utija areme ire baraeki ijene abe kiraejafo. \v 7 Ja ijiege re areme nine oere ije bu e usiaejiana daro miavo ije abena nigofo ijia usiaejafo. \v 8-9 Areme nine anafa fuone kaenamiana seti buone saejia areme ni ugone fae ije guge ijia suvaedufuo ije suvaejiakinu nigofo buone subu saejiafo. Ja Eronikiro anafa fuone kega bu Godido imenoekuva ni vame ige na kuariavo ijiege rejiafo. Ja ijiege rekina bure maza boeje uifari buone ijena na ijiege zinone ifaejiekinu vadufuo. \p \v 10-11 Areme nine mave-kau kumate ijia mesirina ro Are Muvuaka uine na fivo ijia nujafo. Ja ijia nuja areme nine Eronikiro anafa fuone kiaga bu umui buone mave-kau ijadufuo nigofo ijia naga ni mave ije kanaga fu baronefo. \v 12 Fu baronega ni kavuane bino vesena fata zinone ifaejevo ijadufuo gome fuone ja amaeriadufuo ijia areme nine kavuane gue vesena ke fata ije zinone ifaejevo ijadufuo zinume ije usia korefo. \v 13 Areme nine fanu saruone ijiakina sinuosinuo fuone boeje ijiakina saruone ije fu devuare okuraema ijiakina diane ro guaemati inokiro ije kena fata ije ja zinone ifaejevo ijia ifaejefo. \v 14 Ro fanu kumate ijadufuo birage ijiakina surive ro de ije kena usiae are bu naovo ijadufuo makave ijia ifaejefo. Ijadufuo maeje zinone ije ja ifaejevo ijare e ijiebuo ise ije abena vake. \p \v 15-16 Ro nine mave-sife kumate be abena ro Eronikiro anafa fuone kiaga bu umui buone fanuve ijadufuo nigofo ijia farekega ni kana fu baronefo. Ro kavuane ije ni vesena fata zinone ifaejevo ijadufuo ikene guegue ijia jijiamadifo. \v 17 Areme nine mave-sife maeje abe buvuasema areme de ijiakina masiane ije karina do soma kena nigofo ijiakuma besu nafo. \v 18 Ja ijiege re areme ni mave-sife foteke ije karina fata zinone ifaejevo ijia ifaejefo. Ja ijiege fanuve ije foteke kena E Ireobo na zinone ifaejekina na udi fuone mukore ije fiena oemaredufuo. \p \v 19 Ro ni kuke mave-sife kumate be abena ro Eronikiro anafa fuone kiaga bu nigofo ijia farena irekega ni kanaga fu baronefo. \v 20 Areme nine kavuane ije gue vesena Eronikiro anafa fuone ijiebuo adane maeneke ijia aziriafo. Ro gue ije vesena umui maeneke mafore buone ijiakiro dia maeneke ijadufuo mafore ijia aziriafo. Ro kavuane gue ije vesena fata ikene guegue ijia jijiamadifo. \v 21 Areme ni fanu kavuane ja vesena fata zinone ifaejevo ado ijia naeva ije gue vesena oere ja e nigofo usiajiana daro miavo ije gue vesena ijiakuma amaerima abe Eronikiro anafa fuone ijiebuo nigofo ro ugone buone ijia jijiamadifo. Ja ijiege rekina Eronikiro anafa fuone ijiakina ugone bu savo ije bu akae rega bu Godido i ije menoeke. \p \v 22 Ro mave-sife ije ja abena Eronikiro anafa fuone ije daromiadufuo ijadufuo saruone ro sinuosinuo boeje saruone ijiakuma saguima ijiakina diane ro guaemati inokiro ro oge maeneke ijadufuo saruone ije karina besu nafo. \v 23 Areme nine kamui ije ja burete ire isiti baki amaeriaeva ja kena E Ireobo ijadufuo nidua ijia nijavo ijia burete be ro bisikiti be ro burete baraeki be bu oere ijiakuma amaeriava ijene karafo. \v 24 Areme nine karina Eronikiro anafa fuone vajiaga bu karina una E Ireobo ijadufuo nidua ijia kave ijia kuriatefo. \v 25 Areme ni karina una zinone ije ja ude ifaejeva ado ijia ifaejefo. Ja ijiege ifaejega na udi mukore ije urimo ije fiekuva na oemaediedufuo. \v 26 Ro fanuve ijadufuo guoguo ije ni ufuna abe E Ireobo nidua none ijia kave kuriaetekinu abe E Ireobo na zinone igege mie areme nine una jone abefo. \p \v 27 Ro fanu oge ijiakiro guoguo ije buka akae ijadufuo karina irigi be nafo. \v 28 Ro e Isureroko bu oenoene na zinone ifaejievo ije fanu oge ijiakiro guoguo ije nika karina irigi be nafo. Ijadufuo maeje fanuve ije buka akae ijadufuo karina Eronikiro anafa fuone ije vajiaga bure karina idufuo. \p \v 29 Ro Eroni fu baronekuma ugone fuone akae ije ni karina uifari fuone ije vajiafo. Ro bu oenoene daro miaga bu i ije zinone ifaejevo ije mekuva ni ugone ije vajiaga bu safo. \v 30 Ro Eronido ame be erare fu e zinone ifaejemo rena Are Muvuaka guove ijia imenoekuma fuka ude ugone ije sanoeke fu vakuma mazani seveni furike. Fu ijiege re areme rade ijare fu manido fu E Ireobo nidua none ijia imenoeke. \p \v 31 Areme nine mave-sife kumate ja abena Eronikiro anafa fuone ije ja daro miakuae kanaeva ije birage gue karina va are akae be ijia sukore kira ifaejefo. \v 32 Ro fu naekuma ni kara areme burete ije ja kamui ijia kedeva ije karana Eronikiro anafa ije vajiaga bu buosukua kena va Are Muvuaka viene ijia ifo. \v 33 Ro ire ije bu kena maza ije bu noefuo imekuae bu daro miavo ijia kena ise buone ijadufuo zinone ifaeje. Ijadufuo ire ije buka akaedo e bino bube ike. \v 34 Ro fanu birage ijiakiro burete gue bu uria naona va ve irasekumaga ije nika karina miane ifaejefo ijadufuo maeje ire ije buka akae. \p \v 35 Ro ja Eronikiro anafa fuone kena daro miaga bu i ije zinone ifaejevo ije imekuva nika mazani seveni guove ijia ire boeje na kuariaeva ije re furifo. \v 36 Ro mazani besubesu guove ijia nika mave-kau kumate ijia kaniana e boeje ijiebuo ise ijadufuo zinone ifaejefo. Ja ijiege rekina zinone ijare fata ije abe ise ijene so amaeriga ni ine orivi oere ijia abena fata ije usiaga fu maturaefo. \v 37 Ro janika fura besu guove ijia maza besubesu ijiege rekega fata zinone ifaejevo ije fata ije fuka ma akae refo. Fata ije fuka akae rega e bino ro ire bino bu fata ije niriaekuva bu dua buka akae redufuo. \s1 Mazani besubesu guove ijia zinone ifaejedufuo ijene \p \v 38 Ro igia fie maza besubesu janika mave-sife ame juaevasia besu furima ijia inokiro kaniana zinone ifaejerufo. \v 39 Ro fanu be ije ni suoke ijia abena zinone ifaejekiro be ije mufuo ijia abena ifaejefo. \v 40 Ro fanu sife amure ije ja abe zinone ifaejekuva ni farava uvani kiro ijiege abe ro orive oere butoro besu ro vaeni botoro besu ijiege kena besu biemaroma areme abena fanuve ijiakuma zinone ifaejefo. \v 41 Ro una mufuo ijeja nine izege ja suoke reva ijiege fanu-sife ame be abe ro ni ire faravakiro oere ro vaeni ijiege kena zinone ifaejefo. Ro ije fu ire ijiebuo zinone ijadufuo ja ijiege ifaejekuva E Ireobo na udi ije fiena oemareke. \p \v 42 Ro zinone ije ja ifaejevo ije jaka uifari jone ijena maza boeje ijiege rekinu vafo. Ro ja zinone ije ifaejekuva nika Are Muvuaka na fivo ijadufuo viene ijia ifaejedufuo. Ijadufuo maeje na are ijia arina e none biediana buina vua kuaedufuo. \v 43 Na are ijia e Isureroko ije biediakega sanaema none fu ijia sanaga are ije fuka akae redufuo. \p \v 44 Na ijiege rega Are Muvuaka Akae ijiakiro fata ije zinone ifaejevo ije fuka akae reke. Ro Eronikiro anafa fuone na kena daro miana irigi uniaekina bu e zinone ifaejevo rena noefuo imenoeke. \v 45-46 E Isureroko bu ijiege rena ire boeje na kuariaeva ije re furikuva E Ireobo na Godi buone rena buina finoeke. Areme bu ijia vierafero nare daro none ijia Ijifiki gamia kaenamiana keke ruaevaro bu ijiege vierafedufuo. Ijadufuo maeje naeje naka E Ireobo Godi buone ijene. \c 30 \s1 Fata ije ire udiki ifaejedufuo ijene \p \v 1 Ro nine ine akesia ijia buvuana fata isekube ja ire udiki ifaejedufuo ije amaerifo. \v 2 Ro ja amaerikuva baraeki fuone ro jiagado ije ni foti faeve (45) senitamita ijiege mina amaerifo. Ro una arire ijadufuo ni naeniti (90) senitamita ijiege mina amaerifo. Ro fata biruame guegue ijia ni gome bijianana amaeriga fuka besu ifedufuo. \v 3 Areme nine gorodi ijia abena ado ijiakiro ikene ro gome fuone boeje kamafo. Ja ijiege re areme nine gorodi gue kena fata ijadufuo ubae irifo ijene kamafo. \v 4 Areme nine kuke gorodi ijia rini tiki inokiro kiro inokiro amaeriana ke fata biruame ijadufuo rotire guegue ijia kiriaekina ja giene kena ijia uniana gie oenoedufuo. \v 5 Ro giene fuone ije ni ine akesia ijia buvuana amaeria areme gorodi ijia abena foteke kamafo. \v 6 Ro fata ije ja ire udiki ifaejedufuo ije ni abena Mavua Akae ije bu nijana ugone ijia kirakuraeva ijadufuo uine ijia nijafo. Ro naeje na mavua akae ijadufuo biju bu kua Mesi Sitino kuavo na ijia e ijiebuo ise giana arevo ijia ja biediake. \p \v 7 Ro maza boeje suoke Eroni fu ire raete bu naovo ije amaeriakiro aru ruomo ijia fuka ire udi mukore urivo ije kena ifaejega bu udi uridufuo. \v 8 Ro mufuo fu una kuke raete ije kara ifaejekiro ruomo ije fu besu ijiege redufuo. Ro Eroni fu ire udiki ije fu ifaejemo ije fu arekuma baki ro fuka maza boeje uifari fuone bu rade urivo ijena ijiege rekinu vadufuo. \v 9 Ro fata ije jabe fanu ro kumune ro vaeni safine bino ijia usiana zinone ifaejekiro nime ire udiki ijiaru ifaejedufuo. \v 10 Ro juaevasia besu guove ijia Eroni fuka fanuve ije bu abena ise ijadufuo zinone ifaejeva ijadufuo kavuane gue vesena fata ijadufuo gome guegue ijia usiakina buka maturaedufuo. Ro kuke uifari fuone bu rade urivo ije bu duaku buka juaevasia besubesu ijiege rekinu vadufuo. Ijadufuo maeje fata ije fu E Ireobo none ijadufuo fuka ma akaeno kuae. \s1 Are Muvuaka ijadufuo mani bu abiesevo ijene \p \v 11-12 Areme E Ireobo fu una Mosisi kuae, Maza ije a aesakae Isurero guove ijia e danoeno ijia ni e besubesu kuaga fuka izege fu rade ma fi vadufuo ijadufuo una E Ireobo na mani fuaeveno kuae. Buka ijiege rekina maza ije bu e danoevo ijia fube irufui bino biediake. \v 13-14 Ro e besubesu eranebe juaevasia buone fu tuaedi (20) ijiege furi ro bio vaeva ive buone ije bu buki e davo ijia isoeva ije buka mani izege e mamekanu bu kuaena nijavo ijene fuaevedufuo. Ro e boeje moni ije bu fuaevevo ije bu E Ireobo na vajieve. \v 15 Ro moni ije bu E Ireobo na fuaevedufuo ije buka buone izege bu ma karivadufuo ijadufuo fuaeveke. Ro moni ije bu fuaevedufuo ije e sinuome zaraeva ijiakiro e sinuome baki ije boeje buka besu enafuna fuaeveke. \v 16 Ro moni ije bu fuaevevo ije ni karikina ja kena Are Muvuaka Akae na fivo ijene samuakinu vadufuo. Ro moni ije bu karivo ije fu jone ja ma karivadufuo ja ijene fuaeveje. Ja ijiege rekina na ijia giana oemarekinu bu samuagiano kuae. \s1 Disi bu umuikiro dia do sodufuo ijene \p \v 17-18 E Ireobo fu Mosisi ijiege kuara areme kuae, Nine ire buronisi ijia abena disi dibueki bu umui sodufuo ijene amaeri. Ro a amaerikuma ni abena Are Muvuaka ro fata zinone ifaejevo ije ukua ijia nijana do jiana ijia usiane. \v 19-20 Do ije abe ijia nijaekina Eronikiro anafa fuone bu ijia umuikiro dia buone sodufuo. Areme rade bu Are Muvuaka ijia aruna E Ireobo ijadufuo nidua ro fata ijia zinone ifaejedufuo. Bu maza boeje buka ijiege rekinu vadufuo ro bakuma naka kaniaga bu oedufuo. \v 21 Eronikiro anafa fuone buka umuikiro dia tare buone soekina bube oeke. Ro akae ije fu ijiege naga Eronikiro uifari fuone buka maza boeje ijia nuvena renoekono kuae. \s1 Oere e usiaejiana daro miadufuo ijene \p \v 22-23 E Ireobo fu ijiege Mosisi kuara areme kuae, Ni ire udi mukore urimo ijiakiro ia be bu kua meno kuavo ijadufuo safine irufui fuone sigisi (6) kiro ijiege vesene. Areme ni kuke ire sinamoni udi mukore urimo irufui fuone tire (3) kiro ijiege abene. Ro kuke ire keini udi mukore urimo ije irufui fuone tire (3) kiro ijiege abene. \v 24-25 Areme nine kuke ire kasia irufui fuone sigisi (6) kiro ijege abe areme ni ine orivi oere butoro fo (4) ijiege karine. Ni ire boeje karina besu biemaroma areme abena ire oere akae udi mukore urimo bu e nigofo usiaejiana daro miavo ijene amaerine. \v 26-28 Areme nine oere akae ije abena Are Muvuaka Akae na fivo ijiakiro mavua akae ijiakina fata ro sinuome fuone ro ire bu kedoro ifaeje navo ijiakiro sinuome fuone ijiakina fata ije bu ire udi mukore urimo ifaejevo ijene usiaejiakinu daro miane. Ro kuke ni fata ije zinone ifaejevo ijiakiro sinuome fuone boeje ijiakina disi bu ijia umui ro dia sodufuo ijene oere akae ije usiaejiakinu daro miane. \v 29 Ire boeje are guove ijia noavo ije nika kena ijiege daromiaekina buke ma akae redufuo. Bu ijiege akae rekina e ro ire bino bu sinuome ije niriakiakuva budua buka akae redufuo. \p \v 30 Areme nine kuke oere akae ije abena Eronikiro anafa fuone nigofo ijia usiaejiana daro miaekina bu e zinone ifaejevo rena noefuo imenoedufuo. \v 31 Areme nine e Isureroko ije kuariana kia, Oere akae ige ja uifari jone bu rade urivo ijena abe ijiege e nigofo usiaejiana daro miaga bu noefuo imenoedufuo. \v 32 Ro oere ije jade abena ire isekuma binobino ijene usiaejiakinu ro e mujue ije usiaejiavo. Ijadufuo maeje oere ije fuka ma akae ijadufuo abe mukoreigia samuakiro kuke jade oere ni ijieki bino jone amaeriavo. \v 33 Ro erare fu oere ijieki bino amaeriana ke e bu zinone ifaejevo baki ije aziriakuma e ijiege renoevo ije bu e none bakino kuae. \s1 Ire udi mukore urivo ijene \p \v 34-35 Areme E Ireobo fu kuke Mosisi kuae, Ni ire udiki gue karina ire udi mukore urimo ije be amaerine. Ro ire ije a kena amaeridufuo ijeja ine murine ijiakina ire suvuame igeki onikano kuavo ijiakina ine garubami surive ijiakina ine faranikisenisi ijene. Areme ni e oere udi mukore urimo ije amaeriamo be kuaga fu ire boeje karina oere udi mukore urimo ijene amaerine. Areme ni soro abena ijiakuma usiana amaeriga fuka ni mukore ro ka akae redufuo. \v 36 Ni ire udiki bu amaerivo fu girema ije fae be abena mune ijia matuma arega fu kuokuo refo. Areme ni abena Are Muvuaka ije na ja biediavo ijia aruna Mavua Akae ije namo uineke ijia jijiakorefo. Ro ire ije fuka mukore ro ka ire akae jone ijadufuo ni abena vame maeje ijia renoekinu samuafo. \v 37 Ro kuke jade ire udi mukore urimo ijieki bino jone amaerivo. Ijadufuo maeje ire ije fu E Ireobo ijadufuo nidua ijia fuka ma akae. \v 38 Ro kuke erare fu ire udi mukore urimo ijieki bino amaeriana ke udi fuone maeje fu urimo ijene rifienoeno e ije fube e none rekono kuae. \c 31 \s1 E ije bu Are Muvuaka Akae ijadufuo ire binobino amaeriadufuo ijene \p \v 1-3 Areme E Ireobo fune kuke Mosisi kuae, Nane e Judado agane guove ijia e Uredo asae ro e Urido fari Bezarero ijene Kavene Akae ije abe nujaejana daro mae. Na daro ije fu izege ire boeje mukoreigia vierafedufuo ijiakina ire binobino mukoreigia amaeriake fu ijanaridufuo ijene mae. \v 4 Na daro ije maedo fure fina ire binobino fu izege amaeriadufuo ije isoena naekina fu ijia giakinu ire gorodi ro siriva ro boronizi ijia karina ire binobino amaeriadufuo. \v 5 Fu ijiege rekinu mune ni mukore ije atana ire binobino ka mukore ije amaeriakinu ro ine buvua karona ire binobino amaeriakinu ro ire ni binobino uruvana amaeriake. \v 6 Ro kuke na e Denido agane guove ijia e Aisimasido fari e Oriabi daro mana kuaedo fu e Bezareroki besu imenoeke. Ro kuke na e bino duaku daro ma ireobo miaedo bure ire binobino mukoreigia amaeriadufuo. Ijadufuo bure irere boeje bu amaeriadufuo na kiaeva ijene amaeriake. \v 7 E ijiebe Are Muvuaka Akae na finoedufuo ijiakiro mavua akae ijiakina biju fuone bu kua Mesi Sitino kuavo ijiakiro ire binobino Are Muvuaka guove ijia amaeriadufuo. \v 8-9 Ro ire gue bu amaeriadufuo ije bu fata ijiakina sinuome fuone ijiakiro ire bu kedoro ifaeje nadufuo bu gorodi ijia amaeridufuo ijiakiro sinuome fuone ije amaeriake. Ro be ije bu fata ije bu ire udi mukore urimo ijiakiro fata ije bu zinone ifaejedufuo ijiakina sinuome fuone ije amaeriake. Ro be ije bu disi bu ijia umui ro dia do sodufuo ijiakina ire ije disi fare manidufuo ije amaeriadufuo. \v 10 Ro be ije bu sinuome ije e zinone ifaejevo bu savo ije Eronikiro anafa fuone bu sana i ije zinone ifaejevo ije medufuo ijene amaeriake. \v 11 Ro be ije bu oere ije bu e nigofo usiaejiana daro miavo ijiakina are akae ijadufuo ire udi mukore urimo ijene amaeriake. Ro ire boeje bu amaeriakuva buka mukoreigia izege na kuariaeva ijiege vierafekinu amaeriano kuae. \s1 Mazani ije bu mauike karivo ijene \p \v 12-13 E Ireobo fu Mosisi ijiege kuarama areme kuae, Ni e Isureroko ije kia mazani ije mauike karijo ije fuka mazani akae ro kuke fu mazani none. Ijadufuo buka mazani ijene abena mukoreigia samuadufuo. Ja mazani ijene abe ijiege samuavo ijia ja vierafero nana Godi jone ro jaeje ja e none ro ja ijiege vierafeke. Ro kuke ja vierafero na E Ireobo nare ja kena e akae revaro ja ijiege vierafedufuo. \p \v 14-15 Ijadufuo mazani ije mauike karijo ije nika abe mukoreigia samuafo. Ijadufuo maeje mazani ije fuka mazani akae. Ijadufuo e be erare fu mazani ijia imenoekinu abe arafirikuma e ije nika kanaga fu baronefo. Ro ja imenoekuva ni mazani sigisi ijia imenoekiro mazani seveni ije fuka mazani none akae ijadufuo ja mauike karidufuo. \v 16 Ijadufuo e Isureroko ije nika maza boeje mazani ije abena mukoreigia samuakinu vafo. \v 17 Na E Ireobo na mazani sigisi ije na abena sakae igiakiro saove gufe amaeriae ro mazani seveni (7) ije na naebe imei ro name mauike fi. Ijadufuo ja maza boeje ijiege rekinu vako ijia ja una izege nare jaena mazani mauike karivo ijadufuo kuaena mareva ja ije vierafekono kuae. \p \v 18 Godi fu uruo Saenae ijia vua ijene Mosisi kuarama furi areme fu urina mune fae inokiro fu umui fuone ijia akae ije isoema ijene kena Mosisi vajae. \c 32 \s1 E Isureroko bu gorodi ijia abena mave-kau godi buone amaeriva ijene \p \v 1 Areme E Isureroko bu gake Mosisi fu uruo ijia ajia vaema fu naebe migegire ari romoga bu samua kariba urina Eroni fino ijia afui. Areme bu urina kuae, E ige fu Ijifiti ijia no kaenamuona ruaema ije fu iziebureki irere abeno ije noka naebe vierafei. Ijadufuo no vierafe aka nuvuefuo godi be amaerikina fure no kaenamuona vano kuae. \v 2 E Isureroko bu ijiege kuaravoga Eroni fu urina kiae, Ni ire ije bu gorodi ijia amaeriava ije bararafa jone ijiakiro anafa ro kabaerafa jone bu adane ijia kuriaeva ije boeje karina ro vajieno kiae. \v 3 Eroni fu ijiege kuariamoga e boeje bune uri rini ije bu adane kuriaeva bu ire gorodi ijia amaeriaeva ijene karina ro Eroni vajae. \v 4 Bu karina vajavoga Eroni fu ire ijene karina ifaejemo fune firaemoga fu kena mave-kau ame ije gorodi ijia amaeri. Fu amaerima furinoga e Isureroko ijiebuo e mamekanu ije bu urina e boeje kiae, E Isureroko igie, ja Ijifiti ijia karinoevoga godi ije fu ja kaenamiana keke ruaema godi ije ijifurekino kiae. \p \v 5 Ijadufuo Eroni fune vua buone ije fie areme urina mave-kau ije fu gorodi ijia amaeri saema uine ijia fata zinone ifaejedufuo ije sae. Fu ijiege sama areme fune urina E Isureroko ije kiae, Isuome noka E Ireobo nuvuone aguaena iro ikono kiae. \v 6 Fu ijiege kuariamoga nituame bune suoke mugamia urina fanuve bu zinone ifaejedufuo ijiakina gue bu besu afui ire ina Godi oemarejadufuo ije kena ruae. Areme e ije bune karina iro ijene i rove iro ije bu dabe una ni be i. Bu ijiege rena do kugi ikinu baru bara fudaenamina vame ise ije renoe. \p \v 7 Bu ijiege revoga E Ireobo fu urina Mosisi kuae, E none ije a gamia Ijifiti kaenamia ruaema ije buneka ire ise rena na ijuoneve. Ijadufuo ni migegire una ari vano kuae. \v 8 E ije buneka vua irere na kuariaeva bu ijia nuvediana kenoevo baki. Ro buneka migegire arena una godi buone be ire gorodi ijia amaeriva ijene fuone zinone ifaejekinu kafiafirive. Bu ijiege rekinu kuaevo fune godi buone bu gorodi ijia amaeriva ijare Ijifiti gamia bu kaenamia kekena ruaemano kuaeve. \v 9 Na e Isureroko ije bu irerefuo oe buone ije buka gikikimana revo ije nane giana vierafei. \v 10 Ijadufuo naka defarudiedo na kaniaga buka bakireke. Ijadufuo ade na bijukuriemo. Na ijiege kania furi areme na una a ro uifari one ijiaru daro miaga buka ma e uruvana rekono kuae. \p \v 11 Rove Mosisi fuka una e Isureroko ije vafaena buefuo E Ireobo Godi fuone kuae, E Ireobo aka daro one ma ireobo ijia a e one bu Ijifiti ijia kariva ije karauniamoga bu usiae ruae. Ro a irerefuo aka una e one ije ireobo ziegafiame? \v 12 A e Ijifitiko ijiebe kuaeko a e one ije kaenamiana keke nafare ijia kaniana kame uinitukiro vaemano kuaedufuo ije abe vierafe? Ijadufuo a ziemo ije arekiro nime una oe dasu vierafe areme vame ije a e one ijiebuo rekuveno ije arene. \v 13 Ro ni e one mamekanu e Eburamekiro Aeseki ro Jekafu ije vierafene. Ni vua izege a buina kuaena kia na uifari jone ka ma uruvana vajiaga bu ire zuvi ije saove gufia irevo bu davo baki ijiege rekono kiaema ije vierafene. Ro kuke a kia, Na aesakae ije miaga bu buone abena ijia kari vakono kiaema ije vierafeno kuae. \v 14 Mosisi fu ijiege kuaramoga E Ireobo fu ijia una oe dasu vierafe areme ise ije fu e fuone ijiebuo rekiro kuaema ije fu ijarei. \p \v 15 Areme Mosisi fune uri mune fae inokiro ije Godi fu akae fuone isoema ije kena una ari ruae. \v 16 Ro mune ije fune Godire korufuo adiana amaeriakinu akae fuone ije ijia isoe. \p \v 17 Ijiege rena Mosisikiro Josua bune uruo ijia una ari ruovo ijia Josua fu fieke e ije bu unia saeva ije bu vijekinu omanivo fu fie. Areme fu una Mosisi kuae, E game no unia ruaeva ije na fie buka bue bijaevo na fievano kuae. \v 18 Ro Mosisi fu una gue kuae, Na vierafega bu ebe kaniakuriaga bu subi vakinu vije ro niraevo baki ro kuke bu e kaniakuriana oemarevo baki. Ro na fiega buka dua uruna oemarevo na fievano kuae. \p \v 19 Areme Mosisi fune ruoma ivuarema ijia fu mave-kau ame ije bu gorodi ijia amaerina saeva ijiakiro dua ije bu uruvo ije giamo fuka ireobo defarui. Ijadufuo fu urina mune inokiro ije fu kena ari ruomo ije kame uruo zinume ijia koremo bu arina tuasei. \v 20 Mosisi fuka ireobo defaruimoga fu urina mave-kau ame ije bu amaerina saeva ije nafena dabe miane ifaeje. Fu ifaejemoga ire ije fune una firaemo fu abena mutumoga fu una kuokuo rei. Areme fune do jiana ijiakuma biemaroma areme fune e Isureroko ije kiamo bu jiana i. \p \v 21 Fu ijiege rema areme urina Eroni kuae, E ige bu irere abeva ijadufuo a arekoga bu urina ire ka ise ije revano kuae? \v 22 Mosisi fu ijiege kuaramoga Eroni fu una kuae, E ireobo none ade na ziegafiemo. Ijadufuo maeje buneka e ijiebe korubuo iserekuae vierafenoevo ije ane giana vierafe. \v 23 Bu kie, No e ige fu Ijifiti gamia kaenamuona keke ruaema ije fu izerema ije noka naebe vierafei. Ijadufuo ni godi be nuvuefuo amaeriga fure no samuaguono kie. \v 24 Ijadufuo na kia, Ni erare ire gorodi buone bu savo ijene bino nakuva ni kena rono kiavoga e ije naeva ije bu kena vajie. Bu vajievoga na karina miane ifaejema arevoga mave-kau ame ije fume korufuo ijia urimano kuae. \p \v 25 Areme Mosisi fu gake Eroni fu e ije naebe mukoe samuagiako bune e ani buone ijiebuo nidua ijia korubuo ive buone kame arafiranamina una ire ise ije renoevo fu giae. \v 26 Ijadufuo fu va are bu sana kariva viene ijia manina urukeigia vijena kumei. E ije erarebe ja vierafega ja Godido akaegue ijia irekuva ni ige na manivo ijia ruano kumei. Fu ijiege kumenoga e Rivaeti boeje bune usiaena fu manino ijia afui. \p \v 27 Areme Mosisi fu urina kiae, E Ireobo e Isureroko ijiebuo Godi ije fu kume, Ni sime jone kena una are gafia vakinu uviarafa jone ijiakina kairafa jone ro e jaena ivuake ijia karijo ije kaniana vakuma ubine gafa gue ijia furino kumemano kiae. \v 28 Fu ijiege kuariamoga e Rivaetiko ije buka ve ijia Mosisi irinana uri e tiri taoseni (3,000) ijiege kaniavo bu oe. \v 29 Areme Mosisi fu urina e Rivaetiko ije kiae, Iviama jane kojo kena e akae re ijadufuo maeje jaka Godi irinana anafa ro uviarafa jone jaka kaniae. Ijadufuo E Ireobo funeka ivia ja daro miaemano kiae. \p \v 30 Areme nituame Mosisi fune urina e Isureroko ije kiae, Jaeje janeka ise ma ireobo rei. Rove iviama na una uruo ijia ajia va E Ireobo ijiaki vua kuaeke vake. Na va fuosiki vua kuaega fu marekuma fu bite ise jone giana arekono kiae. \p \v 31 Mosisi fune ijiege kuariana fune una uruo ijia ajiana E Ireobo ijiaki vua kuaekiro vae. Fu va E Ireobo ije biena kuae, E game buneka ise ma ireobo ijene rei. Bune godi buone be ire gorodi ijia amaeriana buone baname isoekinu kafiafiriae. \v 32 Ijadufuo E Ireobo a isekie ni ise buone ije giana arene ro a bakuma ni ive none ije a buki ije e one ijiebuo ive a isoema ije masi akoejieno kuae. \p \v 33 Rove E Ireobo fu una kuae, Ije ane ma kuarieme rove na vierafe name e ije erare bu none ise reva na ive buone ijiaru masi koreke. \v 34 Ijadufuo ni una va e ije kaenamiana keke are na kuaraeva ijia vane. Ro igia fie ja vakuva anera none fu ude vakinu ja samuagiadufuo. Ro maza ije na bu kena isekafiadufuo ije fu uria ijia name. Ijadufuo na va maza ije abekuva na ijia sone e ije eranebe bu ise revo ije na ijia ise buone ijadufuo kame isekafiakono kuae. \p \v 35 E Ireobo fu Mosisi ijiege kuarama areme fune adame ni be ije kuamoga fu e ijiebuo ruae. Ijadufuo maeje bu korubuo mave-kau ije bu Eroni kuavoga fu gorodi ijia amaerima ijene abe una godi buone igege baname isoekinu kafiafirivajadufuo fu ijiege rei. \c 33 \s1 E Isureroko ije bu uruo Sanae arena vaeva ijene \p \v 1 Areme E Ireobo fu una Mosisi kuae, Nine urina e one a gamia Ijifiti kaenamia ruaema ijena are ige arena vane. Nine e one ije kaenamiana uri aesakae ije na e Eburamekina Aesekina Jekafu ro uifari buone ijena miako kiaeva ijia vane. \v 2 Ro igia fie a vakuma nare anera none be kuaga fu ude vakinu ja samuagae. Fu ijiege samuagakinu vakega nare kono e Amoraetiko ijiakina e Kenanaetiko ro e Itaitiko ro e Ferisaetiko ro e Ivaetiko ijene ro e Jebusaetiko ije kaniakuriake ja are buone ijia urana vake. \v 3 Ro aesakae ije ja abeke vako ije fuka saruegi ro kuke fuka ire uruvana zaraemo. Rove na kono nabe jaena vake. Ijadufuo maeje jaeje jaka e nigofo gikikimana vua mukoe fievo baki. Ijadufuo na jaena vakuva na bigake vame ijia kaniaga ja oe furikono kuae. \p \v 4 E Ireobo fu vua ijiege e Isurero kuariamoga e ije bu vua ije fiena buka uruvanaigia niraena oefiane abei. Areme rade bu naebe una uniae bino uro buone ijia kiriae. \v 5 Ijadufuo maeje E Ireobo fune ude Mosisi kuriaerena kuae, Ni e ije kuariana kia nigofo buone buka ma gikikimana. Ijadufuo na maza aokube buina vakuva na bigake vame kania bu oe furike. Ijadufuono ni kia bu uniae tamae buone bu uro kiriavo ije iraga na ijia sone izege na buone redufuo ije vierafeno kuae. \v 6 Ijadufuo maza ije e Isureroko bu Uruo Saenae arena vakuvejo ijia bu naebe una uniae tamae buone ije uro ijia kiriae. \s1 Are Muvuaka E ireobo fu fino ijene \p \v 7 Ro e Isureroko bu vakuma iziebure bu naokuae are amaerivo ije Mosisi fune are isekube sibaneke mumabo ijia samo. Ro are iseke ije bu kua, Are Vua Kuaevono kuavo. Ijadufuo e be erare vierafe fu E Ireobo ijiaki vua kuaekiro vierafemo ije fu ijia vako. \v 8 Ro maza bino Mosisi fu kekena are ijia vako ije e Isureroko bu usiaena are buone viene ijia irena gako fu vakuma are iseke guove ijia aru vako. \v 9 Ro maza ije Mosisi fu are guove ijia aru vako ije amite ka maduibo ije fu arina are iseke viene ijia namo. Fu ijia nakoke E Ireobo fu amite uve ijia Mosisi vua kuaramo. \v 10 Ro e Isureroko boeje bu amite ije fu arina are ijadufuo viene ijia naga bu gavo ije buka kurituakafakinu aoge sana baname isoevo. \v 11 Ijadufuo maeje E Ireobo fuka e be fu kai fuone ije uikubae guria ganamikinu vua kuaevo ijiege E Ireobo fuka Mosisiki uikubae guria gananamikinu vua kuaevo. Bu kuaema furivone Mosisi fu una keke are fuone ijia vako. Ro e Nanido fari Josua e ije Mosisi ifejamo ije fu uria are ijia fino. \s1 Mosisi fu E Ireobo ijadufuo sanaema ije gaema ijene \p \v 12 Areme Mosisi fu urina E Ireobo ije kuae, E ige na kaenamia aesakae ige na ruaeva ije ane are ma kiemoga na kaenamia ruae. Rove e ije bu eranebe naena vadufuo ije a naebe kuarie. Rove a kie na ive one ije nane gana vierafe ro kuke a na giemone fuka oemadamono kie. \v 13 Ijadufuo ane ma none oemarekuma ni iviama vame one a vierafena kemo ije nijasiene. A ijiege nijasiekina na a mukoreigia gana vierafe areme na maza boeje izege a oemadadufuo ije vierafekinu vane. Ro kuke E Ireobo e ige buneka ma e one are koro kema ijeno kuae. \p \v 14 Ro E Ireobo fu una kuae, Mosisi na vierafe naka kono osiki vakinuro daro maga a e ani one ije iraraena asidiaekina a oemarekinu dazena finoekono kuae. \p \v 15 Fu ijiege kuaramoga Mosisi fu una gue E Ireobo kuae, A vierafe a naebe noena vakiro vierafekuma ade kuoga no are ige arena vano kuae. \v 16 Ro a naebe noena vakuma e bu izege a gana vierafero aka no mukoreigia oetuana samuaguomoro bu ijiege vierafeke. Ijadufuo anika noena vaekina e bu noeje buka e ni bino guokiro e ume igeko ije bu ni bino giano kuae. \p \v 17 Rove E Ireobo fu una Mosisi kuae, Na vierafe naka ije a kuariemo ijiege redufuo. Ijadufuo maeje aeje nane mukoreigia gana vierafe ro kuke izege a renoeno ije na gaga naka oemadiemono kuae. \p \v 18 Fu ijiege kuaramoga Mosisi fu una kuae, E Ireobo a isekie na vierafe naka sanaema one anuigi ije gakiro vierafevano kuae. \p \v 19 Rove E Ireobo fu una kuae, Na vierafe naka kono ude vakinu vame none maeje izege na kevo ije nijasake. Ro kuke na nidua one ijia ive none E Ireobo ije abe samadukua kuaraga a fieke. Naeje na E Ireobo ijadufuo na e izene giana oefiane abekuva na ijiege redufuo. Ro kuke na e izene ma rejiakiro vierafekuva ije na ijiege redufuo. \v 20 Ro na uikubae none ijiaru nabe abena a nijasake ijadufuo maeje e ije bu uikubae none gievo ije buke oevo. \p \v 21 Rove na manivo ikene ige fu munuage be igifureki ijadufuo ni ro munuage ado ijia ajia manine. \v 22 A ijia ajia manike na sanaema none ijiakuma asida vane. Ro aeje na abe munuage tire ijia nuja areme umui none ijia niome one ije okuriaga a ijia fike na asida vake. \v 23 Areme na una umui none abe vake a ijare ijuone none ijiaru giekiro uikubae none abe gadufuo. \c 34 \s1 Godi fu una kuke mune fae ijia akae fuone isoema ijene \p \v 1 Areme E Ireobo fu una Mosisi kuae, Ni mune fae a ude kema ijieki inokiro kaniatuana adia amaeriaekina na ijia vua irere na ude mune ijia isoevoga a kena tuasema ije una ijia isoene. \v 2 Ijadufuo nine kanafui samuaekina isuome suoke a uruo Saenae kubi ijia ajiana na biediene. \v 3 Ro mave-sifi ro kau bino bube uruo zinume ijia vajoma inoevo ro kuke e bino bube uruo ijia ajia oenoevo. Ro e bino bube aena uruo ijia ajia ruovono kuae. \p \v 4 Ijadufuo Mosisi fune mune fae inokiro binodua kaniatuana adia amaeriama areme nituame suoke fune izege E Ireobo fu kuaraema ijiege rena fune mune fae inokiro ije kena uruo ijia ajia vae. \v 5 Fu ijia ajia vakoga E Ireobo fu amite uve ijia una arina Mosisi manino ijia fuosiki mani. Fu ijia mani areme uri ive fuone ije kuranamina kuae, Naeje na E Ireobo nareno kuae. \v 6 Areme E Ireobo fune Mosisi manino uine ijia asina vakinu urukeigia kuae, Naeje na E Ireobo ro Godi ije fu e giana oefiane abekinu marejiamo ijene. Ro kuke na migegire defaruivo baki. Ro kuke naka maza boeje e oetuakinuro irere na rekiro kuaevo ije na arevo baki. \v 7 Na e uifari taoseni ije bu ise buone ijia oe kuderiavo ije naka uria bu oetuakinu ise buone boeje giana areke. Rove eranebe bu uria ise rekuae vierafevo ije nabe giana aredufuo. Ro naka uria orafa buone ijiebuo ise bu reva ijadufuo anafa buone ijiakina asaerafa buone ijiakiro uifari buone rade urivo ijene kame isekafiakono kuae. \p \v 8 E Ireobo fu vua ijiege kuaemo Mosisi fu fiena migegire tuana ume ijia dijena Godido baname isoe. \v 9 Fu Godi baname isoena kuae, E Ireobo ane ma na giega fu oemadavoga a isekie ni urina noena vane. E Isureroko ige buka nigofo gikikimana rove ni vame nuvuone no isema kenoekinu ise revo ije guona arekiro kaenamuoga no una e one renokuae. \s1 E Ireobo fu e fuone ijena una vua kuaena avenamiva ijene \p \v 10 Areme E Ireobo fu una Mosisi kuae, Na iviama na e Isureroko ijiebuo vua be buina kuaena abe mareke. Na nidua buone ijia ire sumiki mamekanu bino na naebe ude e umeigia kariva ijiebuo reva ijieki bino reke. Na ire ije rega e boeje bu jaena karinoevo ije bu ni buone ijia E Ireobo daro none na joefuo ire ije revo bu ijene giake. \v 11 Ijadufuo ni vua irere boeje na ivia kuariavo ije mukoreigia iriniana renoefo. Ja ijiege iriniekuva nare joefuo ude vakinu e Amoraetiko ijiakina e Kenanaetiko ijiakina e Itaetiko ro Ferisaetiko ro e Ivaetiko ro e Jebusaetiko ijene kaniakuriakinu vake ja rade vuake. \v 12 Ro igia fie mazani ije jane vakuma aesakae ijia ura vako ijia jade e ijieko ije bino kai revo. Ro ja bu kairekuva buka ja biesiriana kaenamiaga ja una godi buone baname isoekinu ire ise bino redufuo. \v 13 Ijadufuo ja aesakae buone ijia ura vakuva ni fata buone bu zinone ifaejevo ije farae korefo. Ro kuke ni ire buone boeje bu kena ma vierafekinu kurituakafiana baname isoevo ijiakiro godi kufui buone ijene kame kania tuasekinu matusefo. \v 14 Ro jade godi buone binobino ije kame aroriana kurituakafiakinu buone baname isoevo. Ijadufuo maeje E Ireobo naeje na godi kufui ije bu na asidiana oe jone ije samuagiavo ije naka ma ireobo ijuonevo. \p \v 15 Ijadufuo jade e aesakae ijeko bino kai revo ijadufuo maeje bu oenoene godi kufui buone ije baname isoekinu zinone ifaejekuva buka kiaga ja bu ifejiadufuo. Ro kuke bu kiaga ja ire ije bu godi kufui ijiebuo zinone ifaejevo ije bino kame idufuo. \v 16 Ro kuke ja bigiake anafa jone ijiebe kabaerafa buone ije bino kega bara ijiebe farirafa jone ije kame oe kuderiaga bu va godi kufui buone ijiebuo baname isoekinu kame aroriadufuo. \p \v 17 Ro jade oenoene ire gue kame godi igege amaeriana buone baname isoevo. \p \v 18 Ro igia fie ni na kuariaeva ijiege Iro Ije Burete Isiti Bakino kuavo ijadufuo iro ije ja ivo ije nika juaevasia besubesu ijiege ikinu vafo. Ro ja oenoene iro ije ikuva ni asame Abibi guove ijia mazani seveni ijiege abena ifo. Ijadufuo maeje ja asame Abibi ijia Ijifiti arena usiae ruae. \p \v 19-20 Ro igia fie ame fari jone amuifari ijiakiro mave-sife ro kau ijiebuo ame kumate amuifari boeje buneka none. Ro ja mave doniki kumate amuifari ije ja una jone kekuae vierafekuva nine mave-sifi ame ijia abena una ijadufuo na zinone ifaejiefo. Ro ja fanu doniki ije ja naebe una abekuae vierafekuva nime fare kuri dasubifo. Ro ame fari amuifari ije ni una jone kaenamiafo. Ro ja oenoene una nidua none ijia na baname isoekuae ruovo ije jade ikiriasana ruovo. \p \v 21 Ro maza ije ja imenodufuo ije jane mazani sigisi (6) ijiaru imenoeke. Ro mazani seveni (7) ije nika abena mauike karikiro jade mazani ijia juare mekinuro kuke jade mazani ijia juare iviaeko masivo. \p \v 22 Ro iro ije Uije Amure Masivono kuavo ijadufuo ije nika juaevasia boeje ijiege ikinu vafo. Ro kuke iro ije Are Muvuakano kuavo ijadufuo ije ni asame ije ja ire uije jone masivo ubine ijia ikinu vafo. \v 23 Ro juaevasia besu guove ijia e fari boeje nika ro E Ireobo e Isureroko ijiebuo Godi ige none maza inokubeke baname isoekinu aroriefo. \v 24 Ja ijiege rekuva E Ireobo nare e boeje bu aesakae ije ja vakuvejo ijia kariva ije kaniakuriana aesakae jone ja karidufuo ije abe biona ireobo rejiake. Ro rade e boeje bu maza inokubeke iro ikinu E Ireobo Godi none baname isoevo ije fu erare una ja asidiana aesakae jone ijene abekuva baki. \p \v 25 Ro ja na zinone ifaejiekuva jade burete ije ire isiti ijia amaeriva ije kena fanu kavuane ijiakuma na zinone ifaejievo. Ro fanuve ije ja kaniana Iro Fasova ivo ije bino jade kena suba navo. \p \v 26 Ro ni juaevasia besubesu guove ijia ire binobino ja juare jone ijia amure masivo ije nika karina ro E Ireobo ijadufuo are ijia nafo. Ro kuke jade mave-goti ame kaniana ke una asie fuone ijadufuo muije ijia vesena kira ivono kiae. \v 27 E Ireobo fune Mosisi ijiege kuarama areme una kuae, Ni vua boeje ige na kuaraeva ijene isoene. Ijadufuo maeje na vierafe naka vua ijiebuo duvado ijia e Isureroko ijena vua kuaena avenamikiro vierafevano kuae. \v 28 Ijiege rena Mosisi fune mu foti ro maza foti ijiege fu E Ireobo ijiaki uruo ijia finoe. Ro maza ije fu ijiege finoema ijia fu ire ro do bino fuka naebe inoe. Ro maza ije fu finoema ijia fu mune fae ijia kena E Ireobo ijadufuo akae teni (10) fu e Isureroko vajiaema ijene isoe. \s1 Mosisi fu uruo Saenae arena una ari ruaema ijene \p \v 29 Ro maza ije Mosisi fu mune fae ije fu akae teni (10) isoema ije kena una ari vaema ijia uikubae fuone fuka sanae rove korufuo fu naebe ganamina vierafei. Ro uikubae fuone ije fu ijiege sanaema ijadufuo maeje fu E Ireobo ijiaki vua kuaenoekoga sanaema fuone ijare fu abei. \v 30 Ijadufuo Eronikiro e Isureroko boeje bu Mosisido uikubae ije fu sanaema ije gavo buka dejudiamoga bu naebe fu ivuake ijia vae. \v 31 Rove Mosisi fu urina Eronikina e mamekanu boeje kumeno bu rovoga fu urina vua kuariae. \v 32 Areme rade e Isureroko boeje bune Mosisi manino ijia afuima areme karikoga fu urina akae boeje E Ireobo fu uruo Saenae ijia kuaraema ijene kuariae. \p \v 33 Mosisi fune vua boeje kuariama furi areme urina ugone ubine be abena uikubae fuone ije okurae. \v 34 Ro maza bino Mosisi fu oenoeno are ije E ireobo fu fino ijia aru vako ije fu ugone ubine fu uikubae okuraema ije ira nija areme aru vako. Ro maza ije fu una keke ruomo ije fu vua irere boeje E Ireobo fu e Isureroko bu redufuo fu kuaraema ijene kuariamo. \v 35 Ro maza ije fu vua kuariamo ije E Isureroko bu gavone uikubae fuone fuka saname. Ro fu furimo ije fu una ugone ubine abe uikubae fuone okuramo ro fu una E Ireobo ijiaki vua kuaeke vako ije fu una ira nijamo. \c 35 \s1 Maza akae mauki karivo ijadufuo akae \pi1 \v 1-3 Ni safita 31:15-17 ijia dane. \s1 Ire binobino mukore bu karina Are Muvuaka Akae guove ijia nadufuo ijene \pi1 \v 4-9 Ni safita 25:1-7 ijia dane. \s1 Sinuome binobino bu amaeriana Ae Muvuaka Akae guove ijia nadufuo ijene \p \v 10 Mosisi fu e Isureroko kuariae, Nine e jone erane bu ire binobino mukoe vierafekinu amaeriavo ije kiaga bu ire boeje Godi fu kuariaema ijene amaeriafo. \v 11 Ro sinuome ije ja Are Muvuaka ije sadufuo ije ni fanu surive inokiro ja Are Muvuaka ije kirakuradufuo ijiakiro ire kimae igeki ijiakina isuo ro ine kakare kaniadufuo ijiakina tugiekiro ire ije tugie fadia iredufuo ijene amaeriafo. \v 12-13 Areme nine mavua akae ijiakiro giene fuone ijiakina biju fuone ro ugone ije mavua namo ije kirakuradufuo ijiakina fata ijiakiro giene fuone ro sinuome fuone boeje ro burete ije bu Godi vajadufuo ijene amaeriafo. \p \v 14-15 Areme nine ire raete tua kuriadufuo ijiakina sinuome fuone ijiakiro raete ro oere buone ije amaeriafo. Ro kuke ni fata ije ire udi mukore urimo ije ifaeje nadufuo ijiakina giene fuone ijiakiro oere bu e aziriana daro miavo ijiakina ire udi mukore urimo ijiakiro ugone ije Are Muvuaka viene kiradufuo ijene amaeriafo. \v 16 Areme nine fata zinone ifaejedufuo ijiakina fata iseke ije miane ifaejedufuo ire buronisi ijia amaeriva ijiakiro giene fuone ijiakina disi bu umui do sodufuo ijiakiro fata fuone ijene amaeriafo. \v 17-18 Areme nine ugone ije Are Muvuaka Akae ijadufuo makave ijia kira ufuaenoedufuo ijiakina ugone be ja viene ije kiradufuo ijiakiro tugie ro ire ije bu tugie ije faradia iredufuo ijene amaeriafo. Areme nine asuge ije ugone ubine mamafadiadufuo ijiakina kaje ja ugone ije kiradufuo ijene amaeriafo. \v 19 Ja ijiege amaeria areme nine kuke ugone ni mukore e zinone ifaejevo bu sana are guove Ma Akae ijia imedufuo ijene amaeriano kiae. (Ro ugone ije bu Eronikiro farirafa fuone ijiebe sadufuo ijene). \s1 E Isureroko ire buone maeje bu kena E Ireobo vajavo ijene \p \v 20-21 Mosisi fune E Isureroko ijene ijiege kuariama furinoga bune una are buone ijia vae. Areme e ije eranebe bu oemarekinu ire buone ije E Ireobo vajakuae vierafeva ije bune ire buone maeje boeje binobino bu Are Muvuaka Akae ije sadufuo ijene karina ruae. Bu sinuome boeje bu Godi baname isoekinu dua urudufuo ijiakina ugone ije e zinone ifaejevo bu savo ije amaeriadufuo ijene karina ruae. \v 22 Areme e boeje bara ro baru bune urina bidikina ada giborekiro umui rigi ro uniae binobino bu gorodi ijia amaeriaeva ijene karina E Ireobo zinone igege vajae. \v 23 Areme bune kuke uri ugone abaeki ni mukore ijiakina ugone bu mave-goti u ijia saguiva ijiakiro mave-sife surive bu kavuane amaeriaeva ro fanu surive ni mukore gue ijene karina ruae. \v 24 Bu ijiege karina ruakoga e ije eranebe oemarevo bu ire siruvakina buronisi ro ine akesia bu ire binobino amaeriadufuo ijene karina ruae. \v 25 Ro bara boeje eranebe ugone mukoreigia saguvo ije budua bune uri kaje ni mukore binobino kazine ro kavuane bu ufiva ijene karina ruae. \v 26 Bu ijiege kari areme kuke uri kaje bu mave-goti u ijia ufiva ijene karina ruae. \p \v 27 Areme e Isureroko ijiebuo e mamekanu ije bune mune bu kua onikisino kuavo ijiakina mune isesina mukore ka anuigi bu ugone ifodi ijiakiro ugone bu guge ijia savo ijia bijia kiriadufuo ijene karina ruae. \v 28 E mamekanu ije bune ire ije kari areme uri oere bu raete ijia usiavo ijiakina oere ije bu sana e daro miavo ijiakiro ire udi mukore urimo ijene karina ruae. \v 29 Ijiege rena e Isureroko boeje eranebe oemarevo ije bune urina ire buone mukore ni binobino ijene karina E Ireobo vajakuae ruae. Ro ire boeje bu karina ruaeva ije bu Are Muvuaka Akae ije Mosisi fu sadufuo E Ireobo fu kuaema bu ijadufuo karina ruae. \s1 Godi izege fu E Bezarerokiro Oriabi daro miamoga bu Are Muvuaka Akae ijiakiro sinuome boeje binobino bu guove ijia nadufuo amaeriaeva ijene \p \v 30-35 (-) \pi1 \bd 35:30–36:7\bd* Ni safita 31:1-11 ijia dane. \c 36 \s1 Izege bu Are Muvuaka Akae saeva ijene \p \v 1-38 (-) \pi1 \bd 8-38\bd* Ni safita 26:1-37 ijia dane. \c 37 \p \v 1-29 (-) \s1 Izege bu mavua akae amaeriva ijene \pi1 \bd 1-9\bd* Ni safita 25:10-22 ijia dane. \s1 Izege bu fata ije burete akae abe Godi mavo ije ijia nijavo amaeriva ijene \pi1 \bd 10-16\bd* Ni safita 25:23-30 ijia dane. \s1 Izege bu ire kedoro ifaejena naga fu sanamo amaeriva ijene \pi1 \bd 17-24\bd* Ni safita 25:31-40 ijia dane. \s1 Izege bu fata iseke bu ire udi mukore urimo ifaejedufuo amaeriva ijene \pi1 \bd 25-29\bd* Ni safita 30:1-10 ijia dane. \c 38 \p \v 1-20 (-) \s1 Izege bu fata zinone ifaejedufuo amaeriva ijene \pi1 \bd 1-7\bd* Ni safita 27:1-8 ijia dane. \s1 Izege bu disi umui do sodufuo amaeriva ijene \pi1 \bd 8\bd* Ni safita 30:17-21 ijia dane \s1 Izege bu Are Muvuaka Akae ijadufuo makave amaeriva ijene \pi1 \bd 9-20\bd* Ni safita 27:9-19 ijia dane. \s1 Ire gorodi ijiakiro siruva ro buronisi bu kena Are Muvuaka ijia saeva ijene \p \v 21 Ro maza ije bu Are Muvuaka Akae ije saeva ijia Mosisi fu e Rivaeti ije kiamoga bu sinuome binobino irere bu kena are ije saeva ijene isoe. Ro e Rivaeti ije bu Eroni e zinone ifaejemo ijadufuo fari e Itama ijare samuagiakoga bu imei. Ro Are Muvuaka Akae ije bu mune inokiro ije Godi fu akae fuone teni ijene isoena abe Mosisi maema ije bu gucve ijia nijavo. \v 22 Ijiege rena e Judado agane be e Erido asae e Bezarero e Urido fari ije fune ire boeje izege E Ireobo fu Mosisi kuaraema ijiege amaeriama furi. \v 23 Ro e Oriabi e Aesamakido fari fu e Denido agane be ijare uri fu e Bezarero ifejae. E Oriabi fuka e be ugone mukoe sagukinu ro ukie ni binobino mukoe isoemo. Ro ugone fu sagumo ije fu kaje kazine ro kavuane ijia kena ugone binobino sagumo. \p \v 24-26 Ro e Isureroko ire gorodikiro siruva ro buronisi izege bu kena Are Muvuaka Akae ijene saeva ije ijiege. Ire gorodi boeje bu karina ruaeva ijadufuo irufui ije fuka eiti aderedi teti (830) kiro ijiege. Ro ire siruva ije bu tu taoseni eiti aderedi naenitini (2819) kiro ijiege karina vajae. Ro e Isureroko e fari boeje eranebe juaevasia tuaedi (20) asiva ije buka ma e uruvana (603,550) ijiege. Ro e besubesu bume ire siruva sibane isekube ijiege kena E Ireobo vajae. \v 27 Ro ire ije bu tugie Are Muvuaka Akae ijadufuo isuo ijiakiro faere ijadufuo tugie ije faradia iredufuo bu amaeriaeva ije besubesu bu ire siruva tuaedi eiti (28) kiro ijiege kena amaeriae. Ro kuke ire siruva boeje foteke irufui buone ije fuka tu taoseni eiti aderedi (2800) kiro ijiege. \v 28 Ro ire siruva nugune naenitini (19) kiro ijiege bu kena ire kimae igeki ijiakiro ire ije bu ugone ijia uniana kuriadufuo ijiakina tugie ijiebuo ubine amaeriae. \p \v 29 Ro ire buronisi bu karina E Ireobo vajaeva ije boeje foteke fuka tu taoseni fo aderedi tuaedi faeve (2425) kiro ijiege. \v 30-31 E Bezarero fu ire buronisi ijene kena Are Muvuaka Akae viene ijadufuo ire ije bu tugie faradiana iredufuo ijene amaeriae. Ro ire fata ije bu zinone ifaejevo ijiakiro sinuome fuone boeje ije fu kuke ire buronisi ijia kena amaeriae. Areme fu kuke ire buronisi ije kena Are Muvuaka Akae makave ijadufuo faere ijiakiro viene ijiebuo ire ije tugie faradia iredufuo ijene amaeriae. Fu ijiege re areme uri ire ije bu kena ugone Are Muvuaka Akae ijia kiradufuo ijiakiro ugone be bu irifo ijia kiradufuo ije boeje fu ire buronisi ijia kena amaeriae. \c 39 \s1 Izege bu zinone ifaejevo ijiebuo ugone bu savo ije amaeriaeva ijene \p \v 1 Areme bune uri ugone ka ma mukore e zinone ifaejevo bu sana Are Muvuaka Akae guove ijia imedufuo ijene mave-sife u kavuane ro kazine ijia kena saguna amaeriae. Areme bune kuke ugone Eroni fu sana zinone ifaejedufuo ije Godi fu Mosisi kuaraema ijene amaeriae. \p \v 2-31 (-) \s1 Vame izege bu ugone ifodi amaeriva ijene \pi1 \bd 2-7\bd* Ni safita 27:6-13 ijia dane. \s1 Vame izege bu ire guge okuravo amaeriaeva ijene \pi1 \bd 8-21\bd* Ni safita 28:15-30 ijia dane. \s1 Vame izege bu ugone gue e zinone ifaejevo bu sadufuo amaeriaeva ijene \pi1 \bd 22-31\bd* Ni safita 28:31-43 ijia dane. \s1 Izege bu Are Muvuaka Akae ijadufuo sinuome boeje amaeria furiva ijene \p \v 32 Areme e Isureroko ije bune izege E Ireobo fu Mosisi kuaraema ijiege rena uri Are Muvuaka Akae E Ireobo fu fidufuo bu sakuae amaeriaeva ijiakina sinuome fuone boeje ijene amaeriama furi. \v 33 Areme bune ire boeje karina ro Mosisi vajae. Ro sinuome fuone gue ijeja ire kimae igeki ijiakina isuo ijiakina ine kakare kaniadufuo ijiakina tugiekina ire ije tugie faradia iredufuo ijene. \v 34-35 Ro mave-sife surive kavuane ijiakiro fanu surive mukore be ijiakina ugone jiadadogo ijiakiro mavua akae ijiakina giene ro biju fuone ijene. \v 36-37 Ro kuke fata ijiakina sinuome fuone ro burete ije bu Godi vajavo ijiakina ire kedoro ifaeje navo bu gorodi ijia amaeriva ijiakiro sinuome fuone ijiakina raete ro oere fuone ijene. \v 38 Ro fata ije bu ire udi mukore urimo ije ifaejevo bu gorodi ijia amaeriva ijene. Ro kuke oere bu e aziriana daro miavo ijiakina ire udi mukore urimo ijiakina ugone bu Are Muvuaka Akae viene kiravo ijene. \p \v 39 Ro fata be bu zinone ifaejevo ijiakiro sinuome fuone bu ire buronisi ijia amaeriva ijiakina giene fuone ijiakina disi bu umui do sovo ijiakina fata fuone ijene. \v 40 Ro ugone bu Are Muvuaka Akae irifo ije kiradufuo ijiakina tugiekina ire ije tugie faradia iredufuo ijiakina ugone viene ijadufuo faere ije kiradufuo ijene. Ro kajekina asuge bu ugone ubine ivia faradiadufuo ijiakina sinuome boeje bu Are Muvuaka guove ijia nadufuo ijene. \v 41 Ro ugone akae ka ma mukore Eronikiro farirafa bu sana Are Muvuaka Akae guove ijia imedufuo ijene. \v 42 Ijiege rena e Isureroko ije bune izege E Ireobo fu Mosisi kuaraema ijiege ire boeje rema furi. \v 43 Areme Mosisi fune ire boeje bu amaeriaeva ije mukoreigia gianoena gake buneka ire boeje izege E Ireobo fu kuaraema ijiege amaeriaevaga fu giae. Ijadufuo fune urina e ijiebuo una Godido baname isoena daro miae. \c 40 \s1 Are Muvuaka Akae E Ireobo fu ijia fidufuo ijene \p \v 1-2 Areme E Ireobo fu Mosisi kuae, Are Muvuaka Akae ije a sadufuo na kuaraeva ije ni asame amure ijadufuo mazani amure ijia sane. \v 3 Areme ni Mavua Akae ije bu Godido akae teni isoena ijia abieva ijene abe guove ijia nija areme ugone abe kirakurane. \v 4 Areme nine fata ijene abe aru guove ijia nijaeme sinuome ijadufuo ije karina ijia nane. A ijiege kari naeme ni kuke ireraetitua nadufuo ije abe aru are fuone ijia nija aremeraetifuone ije ijia nane. \v 5 Ro nine fata ire udi mukore urimo ifaejedufuo ije ire gorodi ijia amaeriva ije abe are nijane. Fata ije abe aruna Mavua Akae ije namo ivuake uine ijia nija areme nine ugone abe Are Muvuaka Akae viene makave ije kirakurane. \p \v 6 Areme nine fata zinone ifaejedufuo ije abe aru viene ivuake ijia nijane. \v 7 Ro ni disi umui do sodufuo ije abe aru fata zinone ifaejedufuo ije guere ro isuo viene guerema ukua ijia nijane. Areme nine do jiana disi ijia usia fu iritoejene. \v 8 A ijiege re areme ni ugone jiagadogo ije abena Are Muvuaka ijadufuo irifo ije kirakurane. Areme nine ugone viene ijia kiradufuo ije abena kirano kuae. \p \v 9 Areme E Ireobo fune Mosisi kuae, Nine Are Muvuaka Akae ijiakina sinuome fuone boeje ijene oere akae ijare abe jijiamadiane. A ijiege rekina buka akae rene. \v 10 Areme nine kuke fata ije zinone ifaejedufuo ijiakiro sinuome fuone boeje oere akae ijare abena jijiamadiane. A ijiege rega fata ijiakiro sinuome fuone buka akae rene. \v 11 Ro kuke nine disi bu ijia umui do sodufuo ijiakiro fata fuone ije oere abe jijiamadiaga buka ire akae rene. \p \v 12 A ijiege re areme ni Eronikiro farirafa fuone ijene kiaga bu Are Muvuaka Akae viene ijia rone. Bu ijia roga ni kia bu doma ijia foteke ruoene. \v 13-14 Areme ni Eroni kuaga fu ugone ije e zinone ifaejevo bu sadufuo bu saguiva ijene saejane. Areme ni oere akae ije abe nigofo fuone ijia usiaejaekina fu e zinone ifaejevo igege rena noefuo imene. Areme nine kuke farirafa ije kia bu roga seti ije saejiane. \v 15 Areme nine izege asoe buone ije a rejaema ijiege oere abe nigofo buone ijia usiaejiane. A ijiege rekina bu e zinone ifaejevo igege rena noefuo imeke. Ro a oere akae ije abe bu usiaejiaema ije buje buneka uifari buone ijena maza boeje i ijiege mekinu vadufuo. \v 16 Areme Mosisi fune urina vua boeje izege E Ireobo fu kuaraema ijiege rei. \p \v 17 Ijadufuo juaevasia be ijadufuo asame amure ro mazani amure ijia Mosisi fune Are Muvuaka Akae ijene sae. \v 18 Mosisi fune zinuivena uri ire ije isuo faradia iredufuo ije kari nana oenoena areme uri isuo ijene karina ado ijia nae. Areme fune uri ine kakare ije kena bijianoena areme uri tugie buone ijene kena sae. \v 19 Mosisi fune ijiege nanaena areme uri fanu surive be bu Are Muvuaka Akae ado ije kiradufuo ije abe irana kirae. Areme fune una kuke fanu surive be ijene abe irana ado ijia akozena kirae. Mosisi fune izege e Ireobo fu kuaraema ijiege rena are ijene sae. \p \v 20 Areme fune uri mune inokiro ije Godi fu akae fuone teni isoema ijene kena Mavua Akae guove ijia sae. Fu ijiege re areme fune uri giene ijia kena Mavua Akae ijadufuo rini ijia uniana biju fuone ijia dabe bijui. \v 21 Areme fune Mavua Akae ije abena Are Muvuaka Akae guove are fuone ijia nijae. Areme fune izege E Ireobo fu kuaraema ijiege rena uri ugone abena are Mavua Akae fu namo ijene ka mukoreigia kirakurana bijukurae. \p \v 22 Areme fune fata be ijene abena Are Muvuaka guove ugone bu Mavua Akae ije kirakuraeva ije una ikene ijia nijae. \v 23 Areme fune izege E Ireobo fu kuaraema ijiege rena burede ije bu kana E Ireobo vajaeva ijene karina ijia nae. \p \v 24 Areme fune kuke uri ire raete ifaeje nadufuo ijene abe are Are Muvuaka Akae guove ijia nijae. Fu abe aruna fata ije namo ije gara gue ijia nijae. \v 25 Areme fune E Ireobo ijadufuo nidua ijia urina izege fu kuaraema ijiege rena raete ijene karina ijia nae. \p \v 26 Mosisi fu ijiege re areme fune uri fata ije ire gorodi ijia amaeriva ijene abe aru guove ugone kiraeva ivuake ijia nijae. \v 27 Areme fune izege E Ireobo fu kuaraema ijiege rena uri ire udi mukore urimo ijene ke ifaeje. \p \v 28-29 Mosisi fune uri ugone abena Are Muvuaka Akae viene ijia kirae. Areme fune uri fata zinone ifaejedufuo ije abe ugone viene ije kiraeva makave ijia nijae. Ro fata ije bu ijia fanu ro ire vuiti ro kumune ijene izege E Ireobo fu kuaraema ijiege rena zinone ifaejevo. \p \v 30-32 Ro disi umui sovo ije fu abena fata bu zinone ifaejevo ijiakina Are Muvuaka Akae ijiebuo ukua ijia nijae. Areme fune uri do jiana usiamo fu iritoejei. Ro Eronikiro farirafa bu oenoena Are Muvuaka Akae ijia aruna va ro kuke bu fata ijia zinone ifaejevo ije bu izege E Ireobo fu kuariaema ijiege rena disi ijia umuikiro dia buone sovo. \p \v 33 Areme Mosisi fune ugone jiagado ijene dabe Are Muvuaka Akae ijiakina fata zinone ifaejevo ijadufuo faere makave irifo ije foteke kiranoena furi. Areme fune uri ugone jiagadogo ije abena makave ijadufuo viene bu aruvo ijene bijukurae. Areme Mosisi fune ire boeje rena vakuma furi. \s1 Amite fu Are Muvuaka Akae E Ireobo fu fino ijene okuraema ijene \p \v 34-35 Areme amite ireobo ijare arina Are Muvuaka Akae ijene okurakoga E Ireobo ijadufuo sanaema ijare arina Are Muvuaka Akae guove ijia sanae. Ro ire ije fu ijiege remo ijadufuo Mosisi fu naebe Are ijia aru vae. \p \v 36-37 Ro E Isureroko bu karinoena amite fu una ajia vako bu ijare uri Are Muvuaka Akae ije faraena una are be vako. Ro bu gaga amite fu uria arina okuramo ije bu Are Muvuaka ije faraena vako baki. Ro bu gaga amite fune una ajia vako bu ijare uri una are be vako. \v 38 Bu maza boeje are binobino bu oenoevo ije E Ireobo fuka amite rena ari Are Muvuaka Akae ijia okurako bu gavo. Ro maza ije bu oenoevo ije fu amite ijare arina are ado ijia okuramo ro muge ije fu miane ijare are ado ijia vuijena sanamo.