\id NEH 
\ide UTF-8
\h Nɛɛmi
\mt1 NƐƐMI
\ip Sɑ ko kpĩ su Nɛɛmin tirerun ɡɑri bɔnu ko itɑ.
\ip Gbiikɑɑ, Yerusɑlɛmun ɡbɑ̃rɑrun bɑnɑ. Bɑbilonin sinɑ bokowɑ u Nɛɛmi ɡɔrɑ u kɑ sɔmbu te kpɑrɑ. U mɑɑ ɡɑ̃ɑ dɑbinu sɔnwɑ sɑ̃ɑrun swɑɑ sɔɔ kɑ mɑɑ ben tiin wɑ̃ɑsinɑɑn swɑɑ sɔɔ.
\ip Yiruse, Ɛsidɑrɑsi u tɔmbu Yinni Gusunɔn woodɑ ɡɑriɑ, mɑ tɔn be kpuro bɑ ben torɑnu wɑ, mɑ bɑ nin suuru bikiɑ bɑ kɑ Gusunɔ ɑrukɑwɑni kpɑɑ bɔkuɑ.
\ip Itɑse, yɑ sun sɔ̃ɔmɔ mɑ Nɛɛmi u sɑ̃ɑ kpɑro Yudɑbɑ sɔɔ. Ye yɑ sɑ̃ɑ ɡɑ̃ɑ ɡirinu win wɑ̃ɑru sɔɔ, yerɑ u tii Gusunɔ wɛ̃ mɑm mɑm. Wiyɑ u rɑ Gusunɔ kɑnɛ sɑɑ kpuro.
\is1 Tire ten kpunɑɑ
\iq1 1. Bɑ Yerusɑlɛmun ɡbɑ̃rɑru bɑnɑ, wiru 1n di sere wiru 7.
\iq1 2. Bɑ Yinni Gusunɔn woodɑbɑ ɡɑrɑ mɑ bɑ kɑ nùn ɑrukɑwɑni kpɑɑ bɔkuɑ, wiru 8n di sere wiru 10.
\iq1 3. Ye Nɛɛmi u kuɑn sukum, wiru 11n di sere wiru 13.
\ie
\c 1
\s1 Nɛɛmi u Yerusɑlɛmun lɑbɑɑri nuɑ
\p
\v 1 Gɑri yi Nɛɛmi Hɑkɑliɑn bii u yoruɑ, yi wee. U nɛɛ, Aɑtɑsɛsin bɑndun wɔ̃ɔ yɛnduse sɔɔ, ɡen suru nɔɔbɑ nnɛse sɔɔrɑ nɛ Nɛɛmi nɑ wɑ̃ɑ wuu bɔkɔ ɡe bɑ mɔ̀ Susiɔ. 
\v 2 Yerɑ nɛn mɛro bisi turo wi bɑ mɔ̀ Hɑnɑni u tunumɑ sɑɑ Yudɑn tem di kɑ tɔmbu ɡɑbu mɑ nɑ bu Yuu be bɑ ǹ yoru mwɛɛrɑ kɑ Yerusɑlɛmun lɑbɑɑri bikiɑ. 
\v 3 Mɑ bɑ mɑn wisɑ bɑ nɛɛ, be bɑ ǹ yoru mwɛɛrɑ mi, bɑ wɑ̃ɑ Yudɑɔ yɑ̃ɑ bɑkɑru kɑ seku bɑkɑru sɔɔ. Mɑ Yerusɑlɛmun ɡbɑ̃rɑnu nu kurunu mɔ mɑ nin ɡɑmbobɑ bɑ dɔ̃ɔ mwɑɑkirɑ.
\s1 Nɛɛmi
\s2 u kɑnɑru mɔ̀ Yuubɑn sɔ̃
\p
\v 4 Sɑnɑm mɛ nɛ Nɛɛmi nɑ lɑbɑɑri ye nuɑ, nɑ sinɑwɑ kɑ swĩi. Nɑ wɑ̃ɑ nuku sɑnkirɑru sɔɔ sɔ̃ɔ dɑbinu. Mɑ nɑ nɔɔ bɔkuɑ nɑ Wɔrukoo kɑnɑm wɔri. Nɑ nùn sɔ̃ɔwɑ nɑ nɛɛ, 
\v 5 Yinni, wunɛ wi ɑ wɑ̃ɑ wɔllɔ, ɑ kpɑ̃. A dɑm kpuro mɔ. A rɑ wunɛn ɑrukɑwɑni yibie be bɑ nun mɛm nɔɔwɑmmɛn mi, kpɑ ɑ be bɑ nun kĩ wɔnwɔndu kuɑ. 
\v 6 A mɑn mɛɛrimɑ. A swɑɑ dɑkio ye nɑ nun kɑnɑmɔ nɛ wunɛn sɔm kowo. Sɔ̃ɔ sɔɔ kɑ wɔ̃kuru nɑ nun kɑnɑmɔ bɛsɛ Isirelibɑn sɔ̃, bɛsɛ wunɛn sɔm kowobu. Nɑ nun kɑnɑmɔ ɑ sun bɛsɛn durum wɔko. Geemɑ, nɛ kɑ nɛn yɛnuɡibu sɑ torɑwɑ, 
\v 7 ye sɑ ǹ kɑ wunɛn woodɑbɑ kɑ wunɛn ɡere kɑ wunɛn yiirebu mɛm nɔɔwɛ ye ɑ Mɔwisi wunɛn sɔm kowo wɛ̃. 
\v 8 A yɑɑyo ye ɑ Mɔwisi sɔ̃ɔwɑ u sun sɔ̃. A nɛɛ, sɑ̀ kun nun mɛm nɔɔwɛ, kɑɑ sun yɑrinɑsiɑ sɑ n wɑ̃ɑ bwesenu kpuron suunu sɔɔ. 
\v 9 Adɑmɑ ɑmɛn biru, sɑ̀ n ɡɔ̃ru ɡɔsiɑ sɑ wurɑmɑ wunɛn mi, mɑ sɑ wunɛn woodɑbɑ mɛm nɔɔwɑ, kɑɑ sun kɑsum dɑ bɑɑ sɑ̀ n tomɑn nɑ, kpɑ ɑ kɑ sun wurɑmɑ tem mɛ ɑ ɡɔsɑ sɔɔ mi ɑ nɛɛ, kɑɑ n wɑ̃ɑ. 
\v 10 Yinni Gusunɔ, sɑ sɑ̃ɑwɑ wunɛn tɔmbu kɑ mɑɑ wunɛn sɔm kowobu. Bɛsɛrɑ ɑ yɑkiɑ kɑ wunɛn dɑm bɑkɑm. 
\v 11 Yinni Gusunɔ, ɑ suuru koowo. A nɛn kɑnɑru nɔɔwɔ kɑ mɑɑ be bɑ nun nɑɑnɛ sɑ̃ɑ bɑ kĩ bu nun bɛɛrɛ wɛ̃. A de nɛn sɑnum mu dorɑ sinɑ bokon mi, kpɑ u kɑ mɑn nɔnu ɡeu mɛɛri.
\p N deemɑ sɑɑ ye sɔɔ, nɑ sɑ̃ɑwɑ sinɑ bokon sɔm kowo wi u rɑ nùn tɑm dokeye nɔrɑɔ.
\s1 Aɑtɑsɛsi u wurɑ
\s2 Nɛɛmi u ɡɔsirɑ Yerusɑlɛmuɔ
\c 2
\p
\v 1 Ye Aɑtɑsɛsi u kuɑ wɔ̃ɔ yɛndu bɑndu sɔɔ, wɔ̃ɔn suru ɡbiikoon tɔ̃ru ɡɑru, u sɔ̃ u dimɔ, mɑ nɑ tɑm suɑ nɑ nùn wɛ̃. Adɑmɑ sɑɑ ye sɔɔ, nɑ nuki sɑnkire too. Nɑ ǹ nuki sɑnkirɑre nɡe mɛ. 
\v 2 Yerɑ sinɑ boko u mɑn bikiɑ u nɛɛ, ɑmɔnɑ nɛn wuswɑɑ yɑ kɑ burisinɛ mɛ. Nɑ bɑrɔwɑ? Nuku sɑnkirɑ nirɑ̀ nɑ mɔ mɛ.
\p Yerɑ nɑ nɑndɑ too. 
\v 3 Adɑmɑ kɑ mɛ, nɑ kpĩɑ nɑ nùn sɔ̃ɔwɑ nɑ nɛɛ, yinni, wunɛn wɑ̃ɑru tu dɑkɑɑ dɑ. Nɑ ǹ kpɛ̃ nɑ kun nuki sɑnkire. Domi wuu ɡèn mi bɑ nɛn sikɑdobɑ sikɑ ɡɑ kuɑ bɑnsu. Mɑ ɡen ɡbɑ̃rɑrun ɡɑmbobɑ bɑ dɔ̃ɔ mwɑɑkirɑ.
\p
\v 4 Sinɑ boko u mɑn bikiɑ u nɛɛ, mbɑ nɑ kĩ u mɑn kuɑ.
\p Yerɑ nɑ yɑnde Wɔrukoo kɑnɑ. 
\v 5 Mɑ nɑ nùn wisɑ nɑ nɛɛ, yinni, ɑ̀ n kɑ mɑn nɔnu ɡeu mɛɛrɑ, ɑ de n wurɑ Yudɑbɑn temɔ wuu ɡèn mi bɑ nɛn sikɑdobɑ sikɑ kpɑ n ɡu bɑni n seeyɑ.
\p
\v 6 N deemɑ sinɑ boko kɑ win kurɔwɑ bɑ sɔ̃ dɔmɑ te. Yerɑ u mɑɑ mɑn bikiɑ u nɛɛ, sɔ̃ɔ nyewɑ kon ko mi. Sɑɑ yerɑ̀ kon wurɑmɑ.
\p Mɑ nɑ nùn sɔ̃ɔwɑ sɑɑ ye kon wurɑmɑ. Mɑ u wurɑ n dɑ. 
\v 7 Yen biru, nɑ nɛɛ, sinɑ boko, nɑ nun kɑnɑmɔ, ɑ mɑn tireru wɛ̃ɛyɔ tem yɛ̃ro be bɑ wɑ̃ɑ Efɑrɑtin sɔ̃ɔ duu yeru ɡiɑn sɔ̃ bu kɑ mɑn deri n turi Yudɑɔ. 
\v 8 Mɛyɑ nɑ mɑɑ kĩ ɑ mɑn tireru ɡɑru wɛ̃ Asɑfun sɔ̃ wi u sɑ̃ɑ sinɑ bokon dɑ̃ɑ kɔ̃so kpɑ u mɑn dɑ̃ɑ kɛ̃ n kɑ dii te tɑ wɑ̃ɑ sɑ̃ɑ yerun bɔkuɔn ɡɑmbobɑ ko kɑ wuu ɡen ɡbɑ̃rɑrun ɡɑmbobɑ kɑ sere diru mi nɛn tii ko nɑ n wɑ̃ɑ.
\p Yerɑ sinɑ boko u mɑn tire ni kpuro wɛ̃. Domi Gusunɔ u wɑ̃ɑ kɑ nɛ. 
\v 9 Mɑ u tɑbu sinɑmbu kɑ mɑɑsɔbu ɡɔsɑ bu kɑ mɑn yɔ̃siri. Yerɑ nɑ seewɑ nɑ dɑ nɑ tem yɛ̃ro be deemɑ be bɑ wɑ̃ɑ sɔ̃ɔ duu yeru ɡiɑ mi. Mɑ nɑ bu sinɑ bokon tire ni wɛ̃. 
\v 10 Sɑnɑm mɛ Sɑmbɑlɑ wi u sɑ̃ɑ Horoni kɑ win sɔm kowo Tobiyɑ wi u sɑ̃ɑ Amɔni bɑ nuɑ mɑ nɑ wee n kɑ Isirelibɑ ɡeɑ kuɑ, yerɑ ben nuki sɑnkirɑ too.
\s1 Nɛɛmi u mɛɛrimɔ
\s2 mi ɡbɑ̃rɑrɑ sɑnkirɑ
\p
\v 11 Sɑnɑm mɛ nɛ Nɛɛmi nɑ tunumɑ Yerusɑlɛmuɔ, nɑ sinɑwɑ ɡinɑ sɔ̃ɔ itɑ. 
\v 12 Nɑ ǹ ɡoo sɔ̃ɔwɑ ye Gusunɔ nɛn Yinni u mɑn sɔ̃ɔwɑ n ko Yerusɑlɛmun sɔ̃. Yen biru, nɑ seewɑ wɔ̃kuru kɑ tɔmbu ɡɑbu. Nɑ ǹ yɑɑ sɑberu ɡɑru sue mɑ n kun mɔ kɛtɛku ɡe nɑ sɔni. 
\v 13 Wɔ̃ku suunu sɔɔ, nɑ yɑrɑ sɑɑ kɔnnɔ ɡe ɡɑ wɑ̃ɑ wɔwɑ ɡiɑn di nɑ dɑ bwiɑɔ ye bɑ mɔ̀ Yɑɑ ɡɔbɑ kɑ mɑɑ sere kɔnnɔwɔ mi bɑ rɑ kubɑnu yɑri. Mɑ nɑ Yerusɑlɛmun ɡbɑ̃rɑ te mɛɛrɑ mɛɛrɑ, nɑ wɑ tɑ kurunu mɔ. Mɑ ten ɡɑmbobɑ bɑ dɔ̃ɔ mwɑɑkirɑ. 
\v 14 Mɑ nɑ dɑ kɔnnɔ ɡe ɡɑ wɑ̃ɑ bwiɑ ye bɑ ɡbɑn bɔkuɔ kɑ sere sinɑ bokon bwiɑɔ. Adɑmɑ ɑyeru ɡɑru sɑri mi nɛn kɛtɛku ɡɑ koo kɑ sɑrɑ. 
\v 15 Mɑ nɑ kpɑ kɑ Sedoronin wɔwɑ ɡiɑ nɑ kɑ ɡbɑ̃rɑ te mɛɛri mɛɛrimɔ sere nɑ kɑ tunumɑ kɔnnɔ ɡe ɡɑ wɑ̃ɑ wɔwɑ ɡiɑɔ mìn di nɑ rɑɑ kɑ yɑrɑ.
\p
\v 16 Sɑɑ ye sɔɔ, wuun siri kowobu bɑ ǹ yɛ̃ mi nɑ dɑ kɑ ye nɑ mɔ̀. Domi nɑ ǹ Yuu ɡoo ɡɑ̃ɑnu sɔ̃ɔwɑ bɑɑ kɑ yɑ̃ku kowobu kɑ wuun bukurobu kɑ sere tem mɛn kpɑrobu. 
\v 17 Adɑmɑ ye nɑ wurɑmɑ nɑ bu sɔ̃ɔwɑ nɑ nɛɛ, bɛɛn tii i wɑ nɡe mɛ Yerusɑlɛmu yɑ sɑ̃ɑ. Wee yɑ bɑnsu kuɑ. Mɑ yen ɡbɑ̃rɑrun ɡɑmbobɑ bɑ dɔ̃ɔ mwɑɑkirɑ. Yen sɔ̃, su yen ɡbɑ̃rɑ te seeyɑ kpɑ sɑ kun mɑɑ wɑ̃ɑ sekuru sɔɔ.
\p
\v 18 Mɑ nɑ bu sɔ̃ɔwɑ nɡe mɛ Gusunɔ nɛn Yinni u mɑn kɔ̃su kɑ ye sinɑ boko Aɑtɑsɛsi u mɑn kuɑ. Yerɑ be kpuro bɑ yɑnde nɔɔɡiru suɑ bɑ nɛɛ, su se su ɡbɑ̃rɑ te bɑni.
\p Mɑ bɑ dɑm kɛ̃ɛnɑ kɑ ɡɑri yi. 
\v 19 Adɑmɑ Sɑmbɑlɑ wi u sɑ̃ɑ Horoni kɑ win sɔm kowo Tobiyɑ wi u sɑ̃ɑ Amɔni kɑ Gesɛmu wi u sɑ̃ɑ Dɑɑrubu bɑ yen lɑbɑɑri nuɑ. Yerɑ bɑ sun yɑɑkoru toruɑ. Mɑ bɑ sun bikiɑ kɑ ɡɛndu mbɑ sɑ mɔ̀ mi. Sɑ kɑsuwɑ su sinɑ boko seesi?
\p
\v 20 Mɑ nɑ bu wisɑ nɑ nɛɛ, Yinni wi u wɑ̃ɑ wɔllɔ wiyɑ u koo sun nɑsɑrɑ wɛ̃. Bɛsɛ win sɔm kowobu sɑ ko sewɑ su wuu ɡe bɑni. Adɑmɑ bɛɛ, i ǹ bɑɑ mɔ ɡe sɔɔ, i ǹ mɑɑ ɡɑ̃ɑnu mɔ i ɡere mi. I ǹ ko mɑm bweseru ɡɑru deri tèn sɔ̃ bɑ koo bɛɛ yɑɑyɑ.
\s1 Yuubɑ bɑ Yerusɑlɛmun
\s2 ɡbɑ̃rɑrun bɑnɑ seewɑ
\c 3
\p
\v 1 Yerɑ yɑ̃ku kowo tɔnwero Eliɑsibu u seewɑ kɑ yɑ̃ku kowo be bɑ tie, bɑ kɔnnɔ ɡe bɑ mɔ̀ Yɑ̃ɑnun ɡɑni seeyɑ. Mɑ bɑ yi sɑ̃rɑsiɑ bɑ yi nɛnɛm kɑ yɑ̃ku yɑ̃ki. Yen biruwɑ bɑ yen ɡɑmbobɑ doke. Sɑɑ min di, bɑ mɑɑ ɡbɑ̃rɑru sɔnwɑ Mɛɑn kɔ̃su yerun di sere n kɑ ɡirɑri kɔ̃su yee te bɑ mɔ̀ Hɑnɑnɛɛliɔ. Mɑ bɑ mɑɑ ten tii sɑ̃rɑsiɑ. 
\v 2 Yerɑ Yerikoɡibu kɑ Sɑkuri Imirin bii bɑ sɔmburu kuɑ Eliɑsibun bɔkuɔ. 
\v 3 Senɑɑɡibu bɑ bu somi bɑ kɑ kɔnnɔ ɡe bɑ mɔ̀ Swɛ̃ɛ bɑnɑ. Bɑ ɡen kɑdiribɑ kuɑ kɑ ɡen kɔkɔrɔbɑ. Mɑ bɑ ye kpuro doke ɡɑmbo ye sɔɔ. 
\v 4 Ben bɔkuɔ Mɛremɔtu, Urin bii, Hɑkɔtun debubu, u mɑɑ somi sɔmbu te sɔɔ. Ben bɔkuɔ mɑɑ Mɛsulɑmu, Berekiɑn bii, Mɛsesɑbɛlin debubu u mɑɑ somi sɔmbu te sɔɔ. Ben bɔkuɔ, Sɑdɔku, Bɑɑnɑn bii u mɑɑ somi sɔmbu te sɔɔ. 
\v 5 Ben bɔkuɔ, Tekoɑɡibu bɑ mɑɑ nɑ bu kɑ somi sɔmbu te sɔɔ. Adɑmɑ ben wiruɡibɑ yinɑ bu sɔmbu ten kpɑrobu wiru kpĩiyɑ.
\p
\v 6 Yoyɑdɑ Pɑseɑkin bii kɑ Mɛsulɑmu Besodiɑn bii bɑ kɔnnɔ ɡe bɑ mɔ̀ Yesɑnɑ sɔnwɑ bɑ bɑnɑ. Bɑ ɡen kɑdiribɑ kuɑ kɑ ɡen kɔkɔrɔbɑ kɑ sere mɑɑ ɡen sɛ̃retii. 
\v 7 Be bɑ mɑɑ sɔmburu kuɑ ben bɔkuɔ be wee, Mɛlɑtiɑ Gɑbɑoniɡii kɑ Yɑdoni Mɛronɔtuɡii kɑ Gɑbɑoniɡibu kɑ Misipɑɡibu. Beyɑ bɑ bɑnɑ n kɑ ɡirɑri tem yɛ̃ron dirɔ wi Bɑbilonin sinɑ boko u yi mi. 
\v 8 Ben bɔkuɔ be bɑ mɑɑ somi wee, Usiɛli, Hɑrɑyɑn bii wi u sɑ̃ɑ wurɑn sɔm kowobun turo kɑ Hɑnɑniɑ wi u sɑ̃ɑ turɑre kowobun turo. Bɑ ben sɔmburu kuɑ bɑ kɑ dɑ sere mi Yerusɑlɛmun ɡbɑ̃rɑru tɑ yɑsum sosi. 
\v 9 Ben bɔkuɔ Refɑyɑ, Hurin bii wi u sɑ̃ɑ Yerusɑlɛmun bee tiɑn kpɑro u mɑɑ somi sɔmbu te sɔɔ. 
\v 10 Benin bɔkuɔ mɑɑ, Yedɑyɑ, Hɑrumɑfun bii u ɡbɑ̃rɑru sɔnwɑ u bɑnɑ te tɑ wɑ̃ɑ win yɛnun dee deeru. Yen biru Hɑtusi, Hɑsɑniɑn bii u bɑnɑ u swɛɛsi. 
\v 11 Mɑɑkiyɑ, Hɑrimun bii kɑ Hɑsubu, Pɑsɑti Mɔɑbun bii bɑ mɑɑ ɡbɑ̃rɑ ten ɡɑm sɔnwɑ kɑ kɔ̃su yee te bɑ mɔ̀ Pɛ̃ɛn dɔ̃ɔ sɔ̃ru yeru. 
\v 12 Benin bɔkuɔ Sɑlumu, Hɑlosɛsin bii wi u Yerusɑlɛmun wɔɔ beri tiɑ kpɑre u mɑɑ somi kɑ win bii wɔndiɑbɑ. 
\v 13 Hɑnuni kɑ Sɑnɔɑɡibu bɑ kɔnnɔ ɡe ɡɑ wɑ̃ɑ wɔwɑ ɡiɑ sɔnwɑ bɑ ɡu bɑnɑ bɑ ɡen kɑdiribɑ kɑ ɡen kɔkɔrɔbɑ kɑ ɡen sɛ̃retii doke. Mi bɑ bɑnɑ mi, n kuɑwɑ ɡɔm soonu nɔrɔbu (1.000) bɑ kɑ ɡirɑri kɔnnɔ ɡèn min di bɑ rɑ kubɑnu yɑri. 
\v 14 Mɑɑkiyɑ Rekɑbun bii wi u sɑ̃ɑ Bɛti Hɑkerɛmun berɑn tem yɛ̃ro u kɔnnɔ ɡèn min di bɑ rɑ kubɑnu yɑri sɔnwɑ. Mɑ u ɡen kɑdiribɑ kuɑ u doke kɑ ɡen kɔkɔrɔbɑ kɑ sere mɑɑ ɡen sɛ̃retii.
\p
\v 15 Sɑluni, Kolohose Hoseen bii, Misipɑn tem yɛ̃ro u kɔnnɔ ɡèn mi ɡiɑ bwiɑ wɑ̃ɑ sɔnwɑ u ɡen kɑdiribɑ kuɑ kɑ ɡen kɔkɔrɔbɑ kɑ ɡen sɛ̃retii. Yen biru u Siloen yɛrun ɡɑnɑ bɑnɑ u kɑ nɑ sere sinɑ bokon sɑɑdiɛ̃n ɡɑnɑn bɔkuɔ kɑ yɔɔtiɑ ye bɑ kuɑ bɑ rɑ kɑ de sinɑ boko Dɑfidin wuu ɡiɑ. 
\v 16 Win bɔkuɔ Nɛɛmi Asibukun bii, wi u Bɛti Surin bee tiɑ kpɑre u ɡbɑ̃rɑru sɔnwɑ u kɑ dɑ sere Dɑfidi kɑ wiɡibun siku yerɔ kɑ mi bɑ bwii ɡbɑ kɑ sere mi tɑbu durɔbun dirɑ wɑ̃ɑ. 
\v 17 Win bɔkuɔ Lefibɑn bweseru tɑ mɑɑ bɑnɑ sɑɑ min di. Wi u sɑ̃ɑ ben wiruɡii wiyɑ Rehumu, Bɑnin bii. Yen biru Hɑsɑbiɑ wi u sɑ̃ɑ Keilɑn bee tiɑn kpɑro u mɑɑ sɔnwɑ ye yɑ wɑ̃ɑ win berɑ ɡiɑ. 
\v 18 Ben bɔkuɔ win mɛro bisibu bɑ mɑɑ suɑ min di. Wi u bu kpɑre wiyɑ Bɑfɑi, Henɑdɑdin bii. Wiyɑ u mɑɑ Keilɑn berɑ ye yɑ tie kpɑre. 
\v 19 Ben bɔkuɔ Esɛɛ, Yosuen bii, Misipɑn sunɔ u mɑɑ suɑ min di u kɑ dɑ sere mi bɑ rɑ tɑbu yɑ̃nu bere ɡbɑ̃rɑrun ɡoo ɡɔmkirɔ. 
\v 20 Win bɔkuɔ Bɑruku, Sɑbɑin bii u mɑɑ suɑ min di u bɑnɑ sɑɑ ɡoo ɡɔmkii ten min di n kɑ ɡirɑri yɑ̃ku kowo tɔnwero Eliɑsibun dii kɔnnɔwɔ. U sɔmbu te kuɑ kɑ kĩru. 
\v 21 Sɑɑ min di, Mɛremɔtu, Urin bii, Hɑkɔtun debubuwɑ u mɑɑ bɑnɑ sɑɑ Eliɑsibun dirun kɔnnɔn di sere kɑ dii ten berɑ ɡiɔ.
\p
\v 22 Win bɔkuɔ yɑ̃ku kowo be bɑ wɑ̃ɑ Yerusɑlɛmun bɑru kpɑɑnɔ bɑ mɑɑ beɡiɑ bɑnɑ. 
\v 23 Ben bɔkuɔ Bɛnyɑmɛɛ kɑ Hɑsubu bɑ mɑɑ sɔnwɑ bɑ bɑnɑ ben diɑn dee deeru. Mɑ Asɑriɑ Mɑɑseyɑn bii, Anɑniɑn debubu u mɑɑ bɑnɑ win dirun bɔkuɔ. 
\v 24 Ben bɔkuɔ Binui, Henɑdɑdin bii u mɑɑ bɑnɑ sɑɑ Asɑriɑn dirun di sere kɑ ɡbɑ̃rɑ ten ɡoo ɡɔmkirɔ. 
\v 25 Pɑlɑ, Usɑin biiwɑ u mɑɑ sɔnwɑ ɡoo ɡɔmkii ten dee deerun di n kɑ dɑ wuu kɔ̃sobun dirɔ te tɑ sinɑ kpɑɑru mɛɛrɑ pirisɔm dirun bɔkuɔ. Min diyɑ Pedɑyɑ, Pɑreɔsin bii u mɑɑ sɔnwɑ. 
\v 26 Nɛtini be bɑ wɑ̃ɑ ɡunɡunɔ bɑ mɑɑ sɔnwɑ bɑ bɑnɑ bɑ kɑ dɑ kɔnnɔwɔ ɡe ɡɑ wɑ̃ɑ nim ɡiɑ sɔ̃ɔ yɑri yeru ɡiɑ wuu kɔ̃sobun dirun dee deeru. 
\v 27 Ben bɔkuɔ Tekoɑɡibu bɑ mɑɑ sɔnwɑ bɑ bɑnɑ wuu kɔ̃sobun dii bɑkɑrun dee deerun di n kɑ dɑ ɡɑnɑ ye yɑ wɑ̃ɑ ɡunɡurɔ.
\p
\v 28 Kɔnnɔ ɡèn min di dumi rɑ kɑ du, yɑ̃ku kowo ben bɑɑwurewɑ u mi sɔnwɑ u bɑnɑ win dirun dee deeru. 
\v 29 Ben bɔkuɔ Sɑdɔku, Imɛrin bii u sɔnwɑ u bɑnɑ win dirun dee deeru. Mɑ Semɑyɑ, Sekɑniɑn bii wi u sɑ̃ɑ kɔnnɔ ɡe ɡɑ wɑ̃ɑ sɔ̃ɔ yɑri yeru ɡiɑn kɔ̃so u mɑɑ sɔnwɑ u bɑnɑ. 
\v 30 Win bɔkuɔ Hɑnɑniɑ, Selemiɑn bii kɑ Hɑnuni, Sɑlɑfun bii nɔɔbɑ tiɑse be, bɑ mɑɑ seewɑ bɑ ɡbɑ̃rɑ ten ɡɑm sɔnwɑ. Mɑ Mɛsulɑmu, Berekiɑn bii u mɑɑ sɔnwɑ win dirun dee deeru. 
\v 31 Win bɔkuɔ Mɑɑkiyɑ wurɑn sɔm kowobun turo u mɑɑ sɔnwɑ u kɑ dɑ Nɛtinibɑ kɑ tenkubɑn yɛnusɔ Mifukɑdin kɔnnɔn dee deeru sere kɑ dii tɛɛrɑ ye yɑ wɑ̃ɑ ɡbɑ̃rɑrun ɡoo ɡɔmkirɔ. 
\v 32 Wurɑn sɔm kowo be, kɑ tenku be, bɑ mɑɑ sɔnwɑ dii tɛɛrɑ yen min di sere n kɑ dɑ kɔnnɔwɔ ɡe bɑ mɔ̀ Yɑ̃ɑnu.
\c 4
\s1 Yibɛrɛbɑ
\s2 bɑ kĩ bu sɔmbu te yɔ̃rɑsiɑ
\p
\v 1 Sɑnɑm mɛ Sɑmbɑlɑ kɑ wiɡibu bɑ nuɑ mɑ bɛsɛ Yuubɑ sɑ ɡbɑ̃rɑ te bɑnimɔ, yerɑ bɑ mɔru seewɑ kɑ dɑm. 
\v 2 Mɑ bɑ sun yɑɑkoru mɔ̀ Sɑmɑrin tɑbu kowobun wuswɑɑɔ bɑ mɔ̀, mbɑ Yuu wɔnwɔndo beni bɑ mɔ̀. Sɑ ko bu deriwɑ bu ben sɔmbu te ko? Sɑ ko bu deriwɑ bu Gusunɔ ben Yinni yɑ̃kuru kuɑ? Sɑ ko wurɑ bu sɔmbu te wiru ɡo? Sɑ ko wurɑwɑ bu mɑɑ bɑn si seeyɑ sìn kpenu dɔ̃ɔ mwɑɑkirɑ kpuro mi?
\p
\v 3 Tobiyɑ wi u sɑ̃ɑ Amɔni u wɑ̃ɑ win bɔkuɔ. Mɑ u nɛɛ, bɑnɑ yeren bweserɑ bɑ mɔ̀ mɛ. Gɑnɑ ye dɛmɑku ɡɑ̀ n yɔɔwɑ yɑ koo wɔrumɑ mi?
\p
\v 4 Yerɑ nɛ Nɛɛmi nɑ nɔɔɡiru suɑ nɑ nɛɛ, Gusunɔ bɛsɛn Yinni, ɑ swɑɑ dɑkio ɑ nɔ nɡe mɛ bɛsɛn yibɛrɛbɑ bɑ sun yɑɑkoru mɔ̀. A de ben yɑɑko ten ɑre yi wɔri ben wiru wɔllɔ. A de bu ben yɑ̃nu ɡurɑ bu bu yoru mwɛɛri bu kɑ dɑ tem tukumɔ. 
\v 5 A ku bu ben durum wɔkɑ, domi bɑ sun wɔnwɑ ɡbɑ̃rɑ te sɑ bɑnimɔn sɔ̃.
\p
\v 6 Nɡe mɛyɑ sɑ kɑ ɡbɑ̃rɑ te kpuro bɑnɑ sere ten ɡunum bɔnun sɑkɑ. Be bɑ sɔmbu te kuɑ, bɑ tu kuɑwɑ kɑ nuku tiɑ.
\p
\v 7 Sɑnɑm mɛ Sɑmbɑlɑ kɑ Tobiyɑ kɑ Dɑɑrububɑ kɑ Amɔnibɑ kɑ Asidɔduɡibu bɑ nuɑ mɑ Yerusɑlɛmun ɡbɑ̃rɑ ten sɔmburɑ sĩimɔ, bɑ mɑɑ ten kuu dɑbinu kɔrumɔ, yerɑ bɑ mɔru bɛsirɑ too. 
\v 8 Mɑ bɑ nɔɔ tiɑ kuɑ bu kɑ Yerusɑlɛmu wɔri kpɑ bu yen tɔmbu burisinɑ. 
\v 9 Yerɑ sɑ Gusunɔ bɛsɛn Yinni kɑnɑ mɑ sɑ ɡbɑ̃rɑ te kɔ̃su sɔ̃ɔ sɔɔ kɑ wɔ̃kuru. Sɑ yibɛrɛ be mɑrɑ. 
\v 10 Adɑmɑ Yudɑbɑ bɑ ɡerumɔ bɑ mɔ̀,
\q1 ɡbɑ̃rɑ ten wɔrumɑɑn tem kusɑnu nu kpɑ̃
\q1 sere bɛsɛn sɔm kowobɑ wɑsirɑ kɑ nin ɡurɑbu.
\q1 Sɑ ǹ kpɛ̃ su tu bɑni.
\p
\v 11 Mɑ bɛsɛn yibɛrɛbɑ bɑ tɑmɑɑ sɑ ǹ ben bɑɑru nɔɔmɔwɑ, sɑ ǹ mɑɑ bu wɑsi sere dɔmɑ te bɑ koo sun wɔri bu ɡo kpɑ bu bɛsɛn sɔmbu te yɔ̃rɑsiɑ.
\s1 Nɛɛmi u tɔn be bɑ sɔmburu mɔ̀
\s2 tɑbu yɑ̃nu wɛ̃
\p
\v 12 Yuu be bɑ wɑ̃ɑ bɛsɛn yibɛrɛbɑn suunu sɔɔ bɑ nɑ bɑ sun sɔ̃ɔwɑ nɔn dɑbinu kɑri ye yɑ wee sɑɑ yibɛrɛ ben min di kɑ sere mìn di bɑ koo sun wɔrimɑ. 
\v 13 Yen sɔ̃nɑ nɑ tɔmbu tɑbu yɑ̃nu wɛ̃ ben bɑɑwure kɑ win tɑkobi kɑ win yɑɑsɑ kɑ win tɛndu. Mɑ nɑ bu yi yi bwese kɛrɑ kɑ bwese kɛrɑ ɡbɑ̃rɑrun biruɔ mi bɑ ǹ ɡinɑ bɑnɛ. 
\v 14 Mɑ nɑ seewɑ nɑ bukurobu kɑ siri kowobu kɑ tɔn be bɑ tie sɔ̃ɔwɑ nɑ nɛɛ, i ku ben bɛrum ko. I yɑɑyo mɑ Yinni Gusunɔ u kpɑ̃. Wiyɑ bɑ koo nɑsiɑ. I tɑbu koowo bɛɛn mɛro bisibun sɔ̃ kɑ bɛɛn bibun sɔ̃ kɑ bɛɛn kurɔbun sɔ̃ kɑ sere bɛɛn yɛnusun sɔ̃.
\p
\v 15 Yen biru, bɛsɛn yibɛrɛbɑ bɑ nuɑ mɑ bɑ sun sɔ̃ɔwɑ ye bɑ mɔ̀ kpuro. Gusunɔ u mɑɑ ben himbɑbɑ kɑm koosiɑ. Mɑ bɑɑwure u wurɑ mi u rɑɑ sɔmburu mɔ̀. 
\v 16 Sɑɑ dɔmɑ ten di, nɛn sɔm kowobun sukum mu rɑ n sɔmburu mɔ̀wɑ kpɑ be bɑ tie bɑ n yɑɑsi kɑ tɛrɛnu kɑ tɛnnu bɛki kpɑ bɑ n yɑbe tɑrɑkpenu doke. Kpɑ bɛsɛn wiruɡibu bɑ n sun dɑm kɛ̃mɔ. 
\v 17 Be bɑ mɑɑ ɡbɑ̃rɑ te bɑnimɔ kɑ be bɑ kpenu ɡurɑmɔ, bɑ rɑ n nɔm teuɔ tɑbu yɑ̃nu nɛniwɑ kpɑ bɑ n kɑ teu sɔmburu mɔ̀. 
\v 18 Ben bɑɑwure u rɑ n win tɑkobi sɑ̃rusiewɑ pɔrɑɔ. Wi u rɑ kɔbɑ so, wiyɑ u rɑ n mɑn swĩi. 
\v 19 Mɑ nɑ bukurobu kɑ siri kowobu kɑ sere tɔn be bɑ tie mi sɔ̃ɔwɑ nɑ nɛɛ, bɛsɛn sɔmbu te, tɑ kpɑ̃. Wee sɑ yɑrinɛ bɑɑmɑ kpuro. Goo kun kɑ ɡoo turuku ɡbɑ̃rɑ ten sɔmburu sɔɔ. 
\v 20 Yen sɔ̃, ì n kɔbɑn swĩi nuɑ, i mɛnnɑmɑ nɛn mi berɑ ɡee i yen swĩi yi nuɑ. Gusunɔ bɛsɛn Yinni u koo sun sɑnnɑ.
\p
\v 21 Nɡe mɛyɑ sɑ kɑ sɔmbu te mɔ̀. Bɛsɛn sukum mu yɑɑsi nɛni sɑɑ bururun di sere kɑ wɔ̃kurɔ. 
\v 22 Nɑ mɑɑ wure nɑ bu sɔ̃ɔwɑ nɑ nɛɛ, bɑɑwure u kpunɔ Yerusɑlɛmun nukurɔ kɑ win sɔm kowobu kpɑ su dom se wɔ̃kuru sɑ n yibɛrɛbɑ mɑrɑ. Kpɑ su sɔmburu ko sɔ̃ɔ sɔɔ. 
\v 23 Mɑ nɛ Nɛɛmi kɑ nɛn mɛro bisibu kɑ nɛn sɔm kowobu kɑ nɛn kɔ̃sobu be bɑ mɑn swĩi, bɛsɛ kpuro sɑ ǹ bɛsɛn yɑ̃nu potirɑ. Mɑ bɑɑwure u win tɑbu yɑ̃nu kɑ win nim nɛni.
\s1 Nɛɛmi u tɑki kpeesiɑ
\c 5
\p
\v 1 Sɔ̃ɔ teeru, Yuubɑn tɔn durɔbu kɑ ben tɔn kurɔbu bɑ kɑ beɡibu ɡɑbu mɔru mɔ̀. 
\v 2 Gɑbɑ ɡerumɔ bɑ mɔ̀, bɛsɛ kɑ bɛsɛn bibu, sɑ dɑbi. Yen sɔ̃, sɑ ɑlikɑmɑn bukɑtɑ mɔ ye sɑ ko di sɑ n kɑ wɑ̃ɑ. 
\v 3 Gɑbɑ mɑɑ ɡerumɔ bɑ mɔ̀, sɑ bɛsɛn ɡbeɑ kɑ bɛsɛn resɛm ɡbɑɑnu kɑ mɑm bɛsɛn diɑ tɔrubɑ yiimɔ su kɑ ɑlikɑmɑ wɑ ɡɔ̃ɔrun sɑɑ. 
\v 4 Gɑbɑ mɑɑ ɡerumɔ bɑ mɔ̀ sɑ ɡobi bɔkurɑwɑ bɛsɛn ɡbeɑn dĩɑnu sɔɔ su kɑ wɑ su Bɑbilonin sinɑ bokon wɔ̃ɔ ɡobi kɔsiɑ. 
\v 5 Adɑmɑ bɛsɛ kpuro sɑ sɑ̃ɑwɑ bwese teeru. Bɛsɛn bibu kɑ ben bibu tiɑ yerɑ. Adɑmɑ bɑ sun tilɑsi mɔ̀ su kɑ bɛsɛn bibu yoru kpɛ̃ɛ. Bɛsɛn bii wɔndiɑ dɑbiru tɑ mɑm wɑ̃ɑ yoo te sɔɔ kɔ. Sɑ ǹ mɑɑ kpɛ̃ su ɡɑ̃ɑnu ko domi wee bɑ bɛsɛn ɡbeɑ kɑ bɛsɛn resɛm ɡbɑɑnu tɔrubɑ mwɑ.
\p
\v 6 Sɑnɑm mɛ nɑ ye kpuro nuɑ, kɑ tɔn ben weewee ni bɑ mɔ̀, yerɑ mɔru mɑn mwɑ ɡem ɡem. 
\v 7 Mɑ nɑ ɡɔ̃ru doke n bukuro be, kɑ siri kowo be ɡerusi. Mɑ nɑ be kpuro sokusiɑ bɑ mɛnnɑ. Nɑ bu bikiɑ nɑ nɛɛ, ɑmɔnɑ i kɑ bɛɛn mɛro bisibu ɡɑ̃ɑnu bɔkurɑmɔ i nim dokemɔ. 
\v 8 Mɑ nɑ bu sɔ̃ɔwɑ nɑ nɛɛ, sɑ bɛɛn mɛro bisi be bɑ tii tɔn tukobu dɔre yɑkiɑ kɑ dɑm mɛ sɑ mɔ. Yerɑ bɛɛn tii i mɑɑ bu dɔrɑmɔ bɛɛn tii tiinɛ sɔɔ?
\p Mɑ bɑ mɑri bɑ ǹ mɑɑ ɡɑ̃ɑnu wisɑ. 
\v 9 Nɑ mɑɑ wure nɑ nɛɛ, ye i mɔ̀ mi, yɑ ǹ wɑ̃. Yɑ weenɛ i n Gusunɔ nɑsie, kpɑ bwese tukunu nu ku sun wɔmɛ. 
\v 10 Nɛn tii kɑ nɛn tundo bisibu kɑ nɛn sɔm kowobu sɑ tɔn be ɡobi kɑ ɑlikɑmɑ bɔkurɑ. Adɑmɑ su bu ye kpuro deriɑ. 
\v 11 Ǹ n mɛn nɑ, i doo sɑɑ ɡisɔn di i ben ɡbeɑ kɑ ben resɛm ɡbɑɑnu kɑ ben diɑ ye i tɔrubɑ mwɑ wesiɑ. Kpɑ i mɑɑ ɑre yin tii bu wesiɑ yi i bu mwɑɑri ɡobi yi i bu bɔkurɑ sɔɔ kɑ ɑlikɑmɑ sɔɔ kɑ tɑm sɔɔ kɑ sere mɑɑ ɡum sɔɔ.
\p
\v 12 Mɑ bɑ mɑn wisɑ bɑ nɛɛ, sɑ ko ye wesiɑ. Sɑ ǹ mɑɑ bu ɡɑ̃ɑnu mwɑɑrimɔ. Sɑ ko kowɑ nɡe mɛ ɑ ɡeruɑ.
\p N deemɑ nɑ yɑ̃ku kowobu sokusiɑ. Ben wuswɑɑɔrɑ bɑ nɔɔ mwɛɛ ni kuɑ kɑ bɔ̃ri. 
\v 13 Yen biru nɑ nɛn yɑberu nɛnuɑ nɑ kpɑrɑ mɑ nɑ nɛɛ, wi u kun win nɔɔ mwɛɛru yibie, Gusunɔ u yɛ̃ro kpɑro nɡe mɛsum kpɑ u yɛ̃ro yɑrɑ win yɛnun di. U de yɛ̃ron dukiɑ yu doonɑ kpɑ u yɔ̃rɑ nɔm dirɑ.
\p Mɑ be kpuro bɑ wurɑ bɑ nɛɛ, ɑmi, n yɛ̃ro koowo mɛsum.
\p Mɑ be kpuro bɑ Yinni Gusunɔ siɑrɑ. Yen biru bɑ ben nɔɔ mwɛɛ ni yibiɑ.
\p
\v 14 Sɑɑ sinɑ boko Aɑtɑsɛsin bɑndun wɔ̃ɔ yɛndun diyɑ u mɑn kuɑ Yudɑbɑn kpɑro sere n kɑ ɡirɑri win bɑndun wɔ̃ɔ tɛnɑ kɑ yiru. N kuɑwɑ mi wɔ̃ɔ wɔkurɑ yiru. Sɑɑ ye kpuro sɔɔ, nɛ kɑ nɛn mɛro bisibu sɑ ǹ tem yɛ̃rorun ɡɑ̃ɑnu mwɑɑre. 
\v 15 Adɑmɑ n sere tunumɑ mi, kpɑro be bɑ rɑɑ wɑ̃ɑ mi, bɑ rɑ tɔmbu wɔ̃ɔ ɡobi burewɑ n kpɑ̃ kpɑ bu bu dĩɑnu mwɑɑri kɑ tɑm kɑ sere mɑɑ sii ɡeesun ɡobi weeru. Yen biru, ben sɔm kowobu bɑ rɑ n tɔmbu dɑm dɔremɔwɑ. Adɑmɑ nɛ, nɑ ǹ kue mɛ, yèn sɔ̃ nɑ Gusunɔ nɑsie. 
\v 16 Bɛsɛn tiiwɑ sɑ sɔmburu kuɑ sɑ kɑ ɡbɑ̃rɑ te sɔnwɑ. Sɑ ǹ mɑɑ ɡberu ɡɑru dwɑ bɛsɛn tiin sɔ̃. Nɛn sɔm kowobu kpurowɑ bɑ kɑ mɑn sɔmbu te kuɑ. 
\v 17 Kɑ mɛ, Yuubɑ kɑ ben wiruɡibu be bɑ rɑ di nɛn yɛnuɔ, bɑ sɑ̃ɑwɑ wunɑɑ weeru kɑ wɔkuru kɑ sere mɑɑ sɔɔ be sɑ rɑ wɑ tem tukum di. 
\v 18 Tɔ̃ɔ bɑɑtere nɑɑ nɑ rɑ de bu ɡo kɑ yɑ̃ɑnu nɔɔbɑ tiɑ ni nu ɡeɑ sɑ̃ɑ kɑ sere mɑɑ ɡue. Yen biru sɔ̃ɔ wɔkuru kɑ sɔ̃ɔ wɔkurɑ, bɑ rɑ kɑ mɑn tɑm nɑɑwɛ. Kɑ mɛ, ye kpuro sɔɔ, nɑ ǹ tɔmbu tem yɛ̃rorun ɡɑ̃ɑnu bikiɑre. Domi ben ye bɑ mɔ̀ yɑ kpɑ̃ kɔ.
\p
\v 19 Yinni Gusunɔ, ɑ mɑn yɑɑyo ye nɑ tɔn be kuɑn sɔ̃, kpɑ ɑ kɑ mɑn nɔnu ɡeu mɛɛri.
\s1 Yibɛrɛbɑ bɑ mɑɑ kpɑm seewɑ
\c 6
\p
\v 1 Sɑmbɑlɑ kɑ Tobiyɑ kɑ Gesɛmu wi u sɑ̃ɑ Dɑɑrubu kɑ sere bɛsɛn yibɛrɛ be bɑ tie bɑ nuɑ mɑ sɑ ɡbɑ̃rɑ te kpuro sɔnwɑ, ten ɡɑmbobɑrɑ bɑ tie. 
\v 2 Yerɑ Sɑmbɑlɑ kɑ Gesɛmu bɑ mɑn ɡɔriɑ bɑ nɛɛ, n nɑ su wesiɑnɔ ko Kefirimuɔ Onɔɔn wɔwɑɔ. N deemɑ kɔ̃sɑ tɔn be, bɑ bwisikɑ bu mɑn kuɑ. 
\v 3 Yerɑ nɑ mɑɑ bu ɡɔriɑ nɑ nɛɛ, nɑ sɔmburu mɔ̀ tɑ kpɑ̃, nɑ ǹ kpɛ̃ n tu deri n nɑ. Domi nɑ̀ n tu deri tɑ koo yɔ̃rɑ.
\p
\v 4 Yerɑ bɑ mɑn ɡɔriɑ mɛsum sere nɔn nnɛ. Adɑmɑ ɡɑri tee yiyɑ nɑ rɑ bu wisi. 
\v 5 Yerɑ Sɑmbɑlɑ u mɑɑ mɑn win sɔm kowo ɡɔriɑ nɔn nɔɔbuse. Sɔm kowo wi, u tireru nɛni te bɑ ǹ wukiri. 
\v 6 Wee ye yɑ yoruɑ tire te sɔɔ. Tɑ nɛɛ, Gesɛmu u nɛɛ, lɑbɑɑri ɡɑɑ yɑ nɔɔrɑmɔ bwesenu sɔɔ. Yerɑ wunɛ kɑ wunɛɡibu i be sɔɔru kpɑ i kɑ tii yinɑ. Yen sɔ̃nɑ ɑ ɡbɑ̃rɑ te seeyɑmɔ. Wunɛn tii ɑ kĩ ɑ be ko ben sinɑ boko. 
\v 7 A mɑm be Gusunɔn sɔmɔbu ɡɔsɑ be bɑ koo kpɑrɑ Yerusɑlɛmuɔ mɑ ɑ kuɑ Yudɑbɑn sinɑ boko. Tɛ̃, ɑ n yɛ̃ mɑ n ǹ tɛɛmɔ sinɑ boko u kɑ lɑbɑɑri ye nɔ. Yen sɔ̃, ɑ nɑ su wesiɑnɑ sɑnnu. 
\v 8 Mɑ nɑ Sɑmbɑlɑ wisɑ nɑ nɛɛ, weesɑ ɑ mɔ̀. Wunɑ ɑ wunɛn ɡɑri sekumɔ. 
\v 9 Bɛsɛn yibɛrɛ be, bɑ kookɑri kuɑ bu kɑ sun nɑndɑsiɑ. Bɑ tɑmɑɑ sɑ ko mwiɑ kpɑnɑwɑ su sɔmbu te deri.
\p Tɛ̃, Yinni Gusunɔ ɑ mɑn dɑm kɛ̃ɛyɔ sɔmbu te sɔɔ.
\p
\v 10 Yen biru, nɑ wurɑ nɑ Semɑyɑ Delɑyɑn bii Mɛhetɑbɛlin debubu deemɑ. N deemɑ u rɑɑ tii kɛnusi mɑ u nɛɛ, su dɑ sɑnnu Yinni Gusunɔn sɑ̃ɑ yerɔ sere sɔɔwɔ su kuke. Kpɑ su tii ɡɑmbobɑ kɛnusi. Domi yibɛrɛ be, bɑ wee bu nɛ, Nɛɛmi ɡo wɔ̃kuru. 
\v 11 Mɑ nɑ nùn wisɑ nɑ nɛɛ, tɔnu wi sɑ̃ɑ nɡe nɛ u koo mɑɑ dukɑ su yibɛrɛbɑn wuswɑɑɔ? Nɡe wɑrɑ u koo du Yinni Gusunɔn sɑ̃ɑ yerɔ u yɑri wɑsiru. Nɑ ǹ duɔ mi.
\p
\v 12 Domi nɑ tubɑ mɑ n ǹ Gusunɔ u nùn ɡɔrimɑ. Adɑmɑ u win ɡɑri ɡeruɑwɑ yèn sɔ̃ Sɑmbɑlɑ kɑ Tobiyɑ bɑ nùn ɡobi kɔsiɑ u kɑ ye ko. 
\v 13 Tɔn be, bɑ tɑmɑɑ ù n kuɑ mɛ, kon bɛrum ko kpɑ n win ɡere swĩi n wɔri durum sɔɔ, kpɑ bu nɛn yĩsiru sɑnku n bɛɛrɛ biɑ.
\p
\v 14 Yinni Gusunɔ, ɑ de ɑ n yɑɑye ye Tobiyɑ kɑ Sɑmbɑlɑ kɑ Gusunɔn sɔmɔ Nɔɑdiɑ tɔn kurɔ wi, bɑ kuɑ kɑ sere Gusunɔn sɔmɔ be bɑ tie bɑ kɑsu bu mɑn bɛrum tiɑ.
\p
\v 15 Sɑ ɡbɑ̃rɑ ten bɑnɑ kpɑwɑ suru wi bɑ mɔ̀ Elulun sɔ̃ɔ yɛndɑ nɔɔbuse sɔɔ. Sɑ sɔmbu te kuɑwɑ sɔ̃ɔ weerɑɑkuru kɑ yiru. 
\v 16 Sɑnɑm mɛ bɛsɛn yibɛrɛbɑ kɑ bwese ni nu kɑ sun sikerenɛ bɑ nuɑ sɑ ɡbɑ̃rɑ te seeyɑ, yerɑ bɑ bɛrum soorɑ. Mɑ sekurɑ bu mwɑ. Sɑɑ ye sɔɔrɑ bɑ tubɑ mɑ Yinni Gusunɔwɑ u derɑ sɔmbu te, tɑ koorɑ.
\p
\v 17 Sɑnɑm mɛ sɑ bɑnɑ ye mɔ̀, Yudɑn wiruɡibu ɡɑbu kɑ Tobiyɑ bɑ rɑ n tirenu kuɑnɑmmɛwɑ kiri kiri. 
\v 18 Domi Yuu dɑbirɑ tɑ nɔɔ tiɑ kuɑ kɑ wi, kɑ bɔ̃ri yèn sɔ̃ u Yuu wi bɑ mɔ̀ Sekɑniɑ, Arɑn biin bii wɔndiɑ sue kurɔ. Mɛyɑ mɑɑ Tobiyɑn bii Yokɑnɑni u Yuu wi bɑ mɔ̀ Berekiɑ, Mɛsulɑmun biin bii wɔndiɑ sue kurɔ. 
\v 19 Bɑ rɑ n mɑm wi, Tobiyɑn ɡeɑ ɡerumɔwɑ nɛn wuswɑɑɔ kpɑ bu dɑ bu nùn nɛn ɡɑri swɑɑ ɡureɑ. Tobiyɑ wi, u rɑ n mɑn tirenu kuɑmmɛwɑ u kɑ mɑn nɑndɑsiɑ.
\s1 Nɡe mɛ bɑ koo kɑ Yerusɑlɛmu kɔ̃su
\c 7
\p
\v 1 Sɑnɑm mɛ sɑ ɡbɑ̃rɑ te bɑnɑ sɑ kpɑ sɑ ten ɡɑmbobɑ doke, yerɑ sɑ be bɑ rɑ kɔnnɔsu kɔ̃su doke ben sɔmɑ sɔɔ kɑ sere mɑɑ wom kowobu kɑ Lefi be bɑ tie. 
\v 2 Mɑ nɑ nɛn mɔɔ Hɑnɑni woodɑ wɛ̃ u Yerusɑlɛmu kpɑrɑ, wi kɑ Hɑnɑniɑ, wi u sɑ̃ɑ Yerusɑlɛmun ɡbɑ̃rɑ kɔ̃sobun wiruɡii. Durɔ wi, u tɔn be bɑ tie kere. Domi u sɑ̃ɑ nɑɑnɛɡii mɑ u Gusunɔ nɑsie. 
\v 3 Nɑ bu sɔ̃ɔwɑ nɑ nɛɛ, bɑ ǹ Yerusɑlɛmun kɔnnɔsu kɛniɑmɔ mɑ n kun mɔ sɔ̃ɔ u yɑrɑ. Yokɑ bɑ koo su kɛnɛwɑ kɔnnɔ kɔ̃sobu bu sere doonɑ. Yen biru, bɑ koo Yerusɑlɛmuɡibu bikiɑ bu wuu kɔ̃su, ben bɑɑwure u n yɔ̃ win dii kɔnnɔwɔ.
\s1 Yuu be bɑ wurɑ ben temɔ
\p
\v 4 Bɑɑ mɛ Yerusɑlɛmu yɑ kpɑ̃, yɑ mɑɑ yɑsu, yen tɔmbu bɑ ǹ dɑbi, bɑ ǹ mɑɑ diɑ bɑnɛ. 
\v 5 Yerɑ Yinni Gusunɔ u doke nɛn ɡɔ̃ruɔ n bukurobu mɛnnɑ kɑ siri kowobu kɑ wuun tɔmbu n kɑ bu ɡɑri ɡɑri. Mɑ nɑ tireru ɡɑru wɑ tè sɔɔ bɑ tɔmbun yĩsɑ yoruɑ nɡe mɛ ben bɑɑwuren bweserun tɔ̃kɑ sɑ̃ɑ. Berɑ be bɑ ɡbiɑ bɑ wurɑmɑ Bɑbilonin di. Ye nɑ wɑ bɑ yoruɑ wee.
\p
\v 6 Tɔn be Bɑbilonin sinɑ boko Nɛbukɑnɛsɑɑ u yoru mwɛɛrɑ u kɑ dɑ win mi, ben dɑbiru tɑ wurɑmɑ Yerusɑlɛmuɔ Yudɑn temɔ. Mɑ ben bɑɑwure u dɑ win wuuɔ. 
\v 7 Wee be bɑ tɔn be kpɑrɑmɑ. Berɑ Sorobɑbɛli kɑ Yosue kɑ Nɛɛmi kɑ Asɑriɑ kɑ Rɑmiɑ kɑ Nɑkɑmɑni kɑ Mɑɑdose kɑ Bilisɑni kɑ Misipɑɑ kɑ Biɡifɑi kɑ Nɛhumu kɑ Bɑɑnɑ. Tɔn ben ɡeeru kɑ ben bwese kɛrin yĩsɑ wee.
\m
\v 8 Pɑreɔsin bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ wunɔbu kɑ wɑtɑ kɑ wɔkurɑ yiru (2.172).
\m
\v 9 Sefɑtiɑn bweseru sɔɔ, bɑ sɑ̃ɑwɑ tɔmbu ɡoobɑ wunɔbu kɑ wɑtɑ kɑ wɔkurɑ yiru (372).
\m
\v 10 Arɑn bweseru sɔɔ bɑ sɑ̃ɑwɑ tɔmbu nɑtɑ kɑ weerɑɑkuru kɑ yiru (652).
\m
\v 11 Pɑkɑti Mɔɑbun bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ nɛnɛ kɑ wɔkurɑ nɔɔbu kɑ itɑ (2.818). Bɑ sɑ̃ɑwɑ Yosue kɑ Yoɑbun sikɑdominu.
\m
\v 12 Elɑmun bweseru sɔɔ, bɑ sɑ̃ɑwɑ tɔmbu nɔrɔbu kɑ ɡoobu kɑ weerɑɑkuru kɑ nnɛ (1.254).
\m
\v 13 Sɑtun bweseru sɔɔ bɑ sɑ̃ɑwɑ tɔmbu nɛnɛ kɑ weeru kɑ nɔɔbu (845).
\m
\v 14 Sɑkɑin bweseru sɔɔ, bɑ sɑ̃ɑwɑ tɔmbu nɑtɑ kɑ wunɔbu kɑ wɑtɑ (760).
\m
\v 15 Binuin bweseru sɔɔ, bɑ sɑ̃ɑwɑ tɔmbu nɑtɑ kɑ weeru kɑ nɔɔbɑ itɑ (648).
\m
\v 16 Bebɑin bweseru sɔɔ, bɑ sɑ̃ɑwɑ tɔmbu nɑtɑ kɑ yɛndɑ nɔɔbu kɑ itɑ (628).
\m
\v 17 Asiɡɑdin bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ ɡoobɑ wunɔbu kɑ yɛndɑ yiru (2.322).
\m
\v 18 Adonikɑmun bweseru sɔɔ, bɑ sɑ̃ɑwɑ tɔmbu nɑtɑ kɑ wɑtɑ kɑ nɔɔbɑ yiru (667).
\m
\v 19 Biɡifɑin bweseru sɔɔ, bɑ sɑ̃ɑwɑ tɔmbu nɔrɔbun subɑ yiru kɑ wɑtɑ kɑ nɔɔbɑ yiru (2.067).
\m
\v 20 Adinin bweseru sɔɔ, bɑ sɑ̃ɑwɑ tɔmbu nɑtɑ kɑ weerɑɑkuru kɑ nɔɔbu (655).
\m
\v 21 Atɛɛn bweseru sɔɔ, be bɑ sɑ̃ɑ Esekiɑsin yɛnuɡibu bɑ sɑ̃ɑwɑ tɔmbu wunɔbu yiru sɑri.
\m
\v 22 Hɑsumun bweseru sɔɔ, bɑ sɑ̃ɑwɑ tɔmbu ɡoobɑ wunɔbu kɑ yɛndɑ nɔɔbu kɑ itɑ (328).
\m
\v 23 Bɛsɑin bweseru sɔɔ, bɑ sɑ̃ɑwɑ tɔmbu ɡoobɑ wunɔbu kɑ yɛndɑ nnɛ (324).
\m
\v 24 Hɑrifun bweseru sɔɔ, bɑ sɑ̃ɑwɑ tɔmbu wunɔbu kɑ wɔkurɑ yiru (112).
\m
\v 25 Gɑbɑoniɡibu bɑ sɑ̃ɑwɑ tɔmbu wɛnɛ kɑ wɔkurɑ nɔɔbu (95).
\m
\v 26 Bɛtelehɛmuɡibu kɑ Nɛtofɑɡibu bɑ sɑ̃ɑwɑ tɔmbu wunɑɑ wɛnɛ kɑ nɔɔbɑ itɑ (188).
\m
\v 27 Anɑtɔtuɡibu bɑ sɑ̃ɑwɑ tɔmbu wunɑɑ teeru kɑ nɔɔbɑ itɑ (128).
\m
\v 28 Bɛti Asimɑfɛtiɡibu bɑ sɑ̃ɑwɑ tɔmbu weeru kɑ yiru (42).
\m
\v 29 Kiriɑti Yɑrimu kɑ Kefirɑɡibu kɑ Beerɔtuɡibu bɑ sɑ̃ɑwɑ tɔmbu nɑtɑ kɑ wunɑɑ weeru kɑ itɑ (743).
\m
\v 30 Rɑmɑɡibu kɑ Gebɑɡibu bɑ sɑ̃ɑ tɔmbu nɑtɑ kɑ yɛndɑ tiɑ (621).
\m
\v 31 Mikimɑsiɡibu bɑ sɑ̃ɑwɑ tɔmbu wunɑɑ teeru kɑ yiru (122).
\m
\v 32 Betɛliɡibu kɑ Ayiɡibu bɑ kuɑ tɔmbu wunɑɑ teeru kɑ itɑ (123).
\m
\v 33 Nɛbo yeɔnɔɡibu bɑ sɑ̃ɑwɑ tɔmbu weerɑɑkuru kɑ yiru (52).
\m
\v 34 Elɑmu wiɔnɔn yɛnuɡibu bɑ sɑ̃ɑwɑ tɔmbu nɔrɔbu kɑ ɡoobu kɑ weerɑɑkuru kɑ nnɛ (1.254).
\m
\v 35 Hɑrimun yɛnuɡibu bɑ sɑ̃ɑwɑ tɔmbu ɡoobɑ wunɔbu kɑ yɛndu (320).
\m
\v 36 Yerikoɡibu bɑ sɑ̃ɑwɑ tɔmbu ɡoobɑ wunɔbu kɑ weeru kɑ nɔɔbu (345).
\m
\v 37 Loduɡibu kɑ Hɑdidiɡibu kɑ Onɔɔɡibu bɑ sɑ̃ɑwɑ tɔmbu nɑtɑ kɑ wunɑɑ teeru kɑ tiɑ (721).
\m
\v 38 Senɑɑɡibu bɑ sɑ̃ɑwɑ tɔmbu nɔrɔbun subɑ itɑ kɑ nɛnɛ kɑ wunɑɑ teeru kɑ wɔkuru (3.930).
\m
\v 39 Wee tɔn be bɑ wɑ̃ɑ yɑ̃ku kowobun bweseru sɔɔ. Yosuen bweseru sɔɔ, Yedɑyɑn yɛnuɡibu bɑ sɑ̃ɑwɑ nɛnɛ kɑ wunɑɑ wɑtɑ kɑ wɔkurɑ itɑ (973)
\m
\v 40 Imɛrin yɛnuɡibu bɑ sɑ̃ɑwɑ tɔmbu nɔrɔbu kɑ weerɑɑkuru kɑ yiru (1.052).
\m
\v 41 Pɑsurin yɛnuɡibu bɑ sɑ̃ɑwɑ tɔmbu nɔrɔbu kɑ ɡoobu kɑ weeru kɑ nɔɔbɑ yiru (1.247).
\m
\v 42 Hɑrimun yɛnuɡibu bɑ sɑ̃ɑwɑ tɔmbu nɔrɔbu kɑ wɔkurɑ nɔɔbu kɑ yiru (1.017).
\m
\v 43 Lefibɑn wuuru sɔɔ, be bɑ sɑ̃ɑ Yosue kɑ Kɑdimiɛlin bweseru, Hodifɑn sikɑdominu, bɑ sɑ̃ɑwɑ tɔmbu wɑtɑ kɑ wɔkurɑ nnɛ (74).
\m
\v 44 Asɑfun yɛnuɡii be bɑ rɑ womu ko sɑ̃ɑ yerɔ, bɑ sɑ̃ɑwɑ tɔmbu wunɑɑ weeru kɑ nɔɔbɑ itɑ (148).
\m
\v 45 Be bɑ sɑ̃ɑ ɡbɑ̃rɑrun kɔnnɔ kɔ̃sobu bɑ kɑ sɑ̃ɑ Sɑlumun yɛnuɡibu kɑ Atɛɛbɑ kɑ Tɑlumɔɔbɑ kɑ Akububɑ kɑ Hɑtitɑbɑ kɑ sere Sobɑibɑ bɑ sɑ̃ɑwɑ tɔmbu wunɑɑ weeru yiru sɑri (138).
\m
\v 46 Nɛtinibɑn bweseru sɔɔ, be bɑ rɑ sɑ̃ɑ yerun sɔmburu ko ben sikɑdobɑrɑ Sihɑ kɑ Hɑsufɑ kɑ Tɑbɑɔtu 
\v 47 kɑ Kɛrɔsi kɑ Siɑ kɑ Pɑdoni 
\v 48 kɑ Lebɑnɑ kɑ Hɑɡɑbɑ kɑ Sɑlumɑi 
\v 49 kɑ Hɑnɑnu kɑ Gidɛli kɑ Gɑsɑɑri 
\v 50 kɑ Reɑyɑ kɑ Resini kɑ Nɛkodɑ 
\v 51 kɑ Gɑsɑmu kɑ Usɑ kɑ Pɑseɑki 
\v 52 kɑ Besɑi kɑ Mɛhunimu kɑ Nɛfisimu 
\v 53 kɑ Bɑkibuki kɑ Hɑkufɑ kɑ Hɑɑhuru 
\v 54 kɑ Bɑsiliti kɑ Mɛhidɑ kɑ Hɑɑsɑ 
\v 55 kɑ Bɑɑkɔsi kɑ Siserɑ kɑ Tɑmɑki 
\v 56 kɑ Nɛtisɑ kɑ Hɑtifɑ.
\m
\v 57 Be bɑ sɑ̃ɑ Sɑlomɔɔn sɔm kowobun bibun sikɑdobɑ, berɑ Sotɑi kɑ Soferɛti kɑ Peridɑ 
\v 58 kɑ Yɑɑlɑ kɑ Dɑɑkoni kɑ Gidɛli 
\v 59 kɑ Sefɑtiɑ kɑ Hɑtili kɑ Pokerɛti Hɑsebɑimu kɑ Amɔɔ.
\m
\v 60 Nɛtini be, kɑ Sɑlomɔɔn sɔm kowobun bii be, be kpuro bɑ kuɑwɑ mi tɔmbu ɡoobɑ wunɔbu kɑ wɛnɛ kɑ wɔkurɑ yiru (392).
\p
\v 61 Be bɑ yoru wɔmɑ sɑɑ Tɛli Mɛlɑkin di kɑ Tɛli Hɑsɑɑn di kɑ Kerubu Adonin di kɑ Imɛrin di bɑ ǹ kpĩɑ bɑ ben tundon yɛnu ɡie, bɑ ǹ mɑɑ kpĩɑ bɑ ben bweserun tɔ̃kɑ wunɑnɛ bu kɑ sɔ̃ɔsi mɑ ben tii bɑ sɑ̃ɑwɑ Isirelibɑ. 
\v 62 Ben wiruɡibɑ Delɑyɑ kɑ Tobiyɑ kɑ Nɛkodɑ. Be kpuro bɑ sɑ̃ɑwɑ tɔmbu nɑtɑ kɑ weeru kɑ yiru (642).
\p
\v 63 Yɑ̃ku kowobu sɔɔ, ɡɑbɑ mɑɑ wɑ̃ɑ be bɑ ǹ kpĩɑ bɑ ben bweserun tɔ̃kɑ wunɑnɛ. Berɑ Hobɑyɑn bibun bweseru kɑ Hɑkɔtuɡiru kɑ Bɑɑsilɑiɡiru. Bɑ bwese te sokɑ Bɑɑsilɑi yèn sɔ̃ ben sikɑdo u Bɑɑsilɑi Gɑlɑdiɡiin bii wɔndiɑ suɑ kurɔ. 
\v 64 Berɑ bɑ ben bweserun tɔ̃kɑ kɑsu bɑ biɑ. Mɑ bɑ bu yɑrɑ yɑ̃ku sɔmburun di. 
\v 65 Mɑ tem mɛn kpɑro u bu sɔ̃ɔwɑ u nɛɛ, mɑ n kun mɔ yɑ̃ku kowo ɡoo u kpĩɑ u bikiɑru kuɑ kɑ urimu kɑ tumimu ben ɡoo kun yɑ̃ku dĩɑnu dimɔ.
\p
\v 66 Tɔn be kpuron ɡeeru tɑ sɑ̃ɑwɑ tɔmbu nɔrɔbun subɑ weeru kɑ yiru kɑ ɡoobɑ wunɔbu kɑ wɑtɑ (42.360) 
\v 67 ben sɔm kowobu bɑɑsi. Ben sɔm kowo ben ɡeeru wee, tɔmbu nɔrɔbun subɑ nɔɔbɑ yiru kɑ ɡoobɑ wunɔbu kɑ tɛnɑ kɑ nɔɔbɑ yiru (7.337). Be sɔɔ, wom kowobu ɡoobu kɑ weeru kɑ nɔɔbu (245) bɑ wɑ̃ɑ tɔn durɔbu kɑ tɔn kurɔbu. Ben dumin ɡeerɑ sɑ̃ɑwɑ nɑtɑ kɑ wunɑɑ teeru kɑ wɔkurɑ nɔɔbu kɑ tiɑ (736) kɑ sere birɑkɔsu ɡoobu kɑ weeru kɑ nɔɔbu (245) \f + \fr 7:67 \fr*\fk (245) \fk*\ft - Ɛsidɑrɑsin tireru sɔɔ, 2:66, bɑ nɛɛ, bɑ dumi 736 kɑ birɑkɔsu 245 mɔ. Adɑmɑ Nɛɛmin tireru sɔɔ, bɑ ǹ ye yoruɑ.\ft*\f* 
\v 69 kɑ yooyoosu nɛɛru kɑ tɛnɑ kɑ nɔɔbu (435) kɑ sere kɛtɛkunu nɔrɔbun subɑ nɔɔbɑ tiɑ kɑ nɑtɑ kɑ wunɑɑ teeru (6.720). 
\v 70 Yɛnu yɛ̃robu dɑbinɑ bɑ kɛ̃nu kuɑ bɑnɑ yen sɔ̃. Wee ye tem mɛn kpɑro u mɑɑ wɛ̃ bɑnɑ yen sɔ̃. U wurɑn ɡobi nɔrɔbu (1.000) wɛ̃ kɑ ɡbɛ̃ɛnu weerɑɑkuru ni bɑ koo kɑ yɑɑ yɛm yɛ̃kɑ kɑ yɑ̃ku kowobun tɑkobɑ nɛɛrɑ wunɔbu kɑ tɛnɑ (530). 
\v 71 Yɛnu yɛ̃ro ben kɛ̃ɛ ni bɑ kuɑ nu sɑ̃ɑwɑ wurɑn ɡobi nɔrɔbun subɑ yɛndu (20.000) kɑ sii ɡeesu kilo nɔrɔbu kɑ wunɔbu (1.100). 
\v 72 Tɔn be bɑ tie bɑ mɑɑ wurɑn ɡobi nɔrɔbun subɑ yɛndu (20.000) wɛ̃ kɑ sii ɡeesu kilo nɔrɔbu (1.000) kɑ sere yɑ̃ku kowobun tɑkobɑ wɑtɑ kɑ nɔɔbɑ yiru.
\p
\v 73 Yɑ̃ku kowobu kɑ Lefibɑ kɑ ɡbɑ̃rɑ kɔnnɔ kɔ̃sobu kɑ wom kowobu kɑ Nɛtinibɑ kɑ sere Isireli be bɑ tie ben bɑɑwure u wurɑwɑ win wuuɔ.
\s1 Ɛsidɑrɑsi u woodɑn tireru ɡɑrɑ
\s2 bɑtumɑ sɔɔ
\p Wɔ̃ɔn suru nɔɔbɑ yirusen tɔ̃ɔ ɡbiikiru sɔɔ, Isirelibɑ kpuro bɑ wɑ̃ɑ ben wusɔ.
\c 8
\p
\v 1-2 Suru nɔɔbɑ yirusen tɔ̃ɔ ɡbiikii te sɔɔ, yerɑ Isirelibɑ kpuro bɑ nɔɔ tiɑ kuɑ bɑ mɛnnɑ Yerusɑlɛmuɔ ɡbɑ̃rɑrun kɔnnɔwɔ ɡe bɑ sokumɔ Nim kɔnnɔ. Mɑ bɑ Ɛsidɑrɑsi wi u sɑ̃ɑ woodɑ yɛ̃ro kɑnɑ u kɑ tireru nɑ mi bɑ woodɑ yoruɑ ye Yinni Gusunɔ u Mɔwisi wɛ̃ be, Isirelibɑn sɔ̃. Mɑ Ɛsidɑrɑsi u kɑ tire te nɑ tɔn ben wuswɑɑɔ tɔn kurɔbu kɑ tɔn durɔbu kɑ bibu be bɑ koo kpĩ bu tubu ye bɑ ɡerumɔ ɡesi.
\m
\v 3 Mɑ u bu tire te ɡɑriɑmmɛ sɑɑ bururun di sere kɑ sɔ̃ɔ wii wɔllɔ bɑtumɑ ye yɑ wɑ̃ɑ kɔnnɔwɔ ɡe bɑ sokumɔ Nim kɔnnɔ. Mɑ be kpuro bɑ nùn swɑɑ dɑki.
\p
\v 4 N deemɑ bɑ turɑru ɡɑru kuɑ kɑ dɑ̃ɑ. Miyɑ Ɛsidɑrɑsi u yɔɔwɑ u yɔ̃rɑ u kɑ tire te ɡɑrimɔ. Mɑ ɡɑbu bɑ yɔ̃ win nɔm ɡeuɔ. Berɑ Mɑtitiɑ kɑ Semɑ kɑ Anɑyɑ kɑ Uri kɑ Hilikiyɑ kɑ Mɑseyɑ. Gɑbɑ mɑɑ wɑ̃ɑ win nɔm dwɑrɔ, berɑ Pedɑyɑ kɑ Mikɑɛli kɑ Mɑɑkiyɑ kɑ Hɑsumu kɑ Hɑsɑbɑdɑnɑ kɑ Sɑkɑri kɑ Mɛsulɑmu. 
\v 5 Tɔmbu kpuro bɑ nùn wɑɑmɔ. Domi u yɔ̃wɑ u bu ɡunum kere. Sɑnɑm mɛ u tire te wukiɑ tɔn ben nɔni biru, yerɑ bɑ seewɑ bɑ yɔ̃rɑ. 
\v 6 Yerɑ u Gusunɔ Yinni boko siɑrɑ. Mɑ be kpuro bɑ nɔmɑ yiiyɑ bɑ nɛɛ, ɑmi, ɑmi! Mɑ bɑ kpunɑ temɔ bɑ Gusunɔ sɑ̃wɑ. 
\v 7 Ye bɑ seewɑ tem di, sɑɑ yerɑ Lefi beni, Yosue kɑ Bɑni kɑ Serebiɑ kɑ Yɑmini kɑ Akubu kɑ Sɑbetɑi kɑ Hodiyɑ kɑ Mɑseyɑ kɑ Kelitɑ kɑ Asɑriɑ kɑ Yosɑbɑdi kɑ Hɑnɑnu kɑ Pelɑyɑ, bɑ bu woodɑ ye tubusiɑmɔ. 
\v 8 Lefi be, bɑ woodɑ ye ɡɑrimɔwɑ sɑ̃ɑ sɑ̃ɑ mɑ bɑ ye tubusiɑmɔ nɡe mɛ yɑ koo kɑ tɔmbu yeeri.
\p
\v 9 Sɑnɑm mɛ tɔn be, bɑ tire ten ɡɑri nɔɔmɔ, bɑ sumɔwɑ. Adɑmɑ Nɛɛmi ben kpɑro kɑ Ɛsidɑrɑsi wi u sɑ̃ɑ yɑ̃ku kowo kɑ woodɑ yɛ̃ro kɑ Lefi be bɑ woodɑ ye tubusiɑmɔ mi, bɑ bu sɔ̃ɔwɑ bɑ nɛɛ, sɑ tɔ̃ɔ teni yiwɑ su kɑ Gusunɔ bɛsɛn Yinni sɑ̃. Yen sɔ̃, i ku nuki sɑnkirɑ i n sumɔ.
\p
\v 10 I ɡɔsiro bɛɛn yɛnusɔ kpɑ i dĩɑ ɡeenu di kpɑ i tɑm durom nɔ. Kpɑ i kɑ be bɑ ǹ dĩɑnu sɔɔru kue bɛɛɡinu bɔnu ko. Domi sɑ tɔ̃ɔ teni yiwɑ su kɑ bɛsɛn Yinni sɑ̃. I ku nuki sɑnkirɑ. Nuku doo bi Yinni Gusunɔ u koo bɛɛ wɛ̃ bu koo bɛɛ dɑm kɛ̃.
\p
\v 11 Lefi be, bɑ mɑɑ bu nukuru yɛmiɑsiɑ bɑ nɛɛ, i sinɔ sɛ̃ɛ. Sɑ tɔ̃ɔ teni yiwɑ su kɑ Yinni Gusunɔ sɑ̃. I ku nuki sɑnkirɑ.
\p
\v 12 Sɑɑ yerɑ be kpuro bɑ ɡɔsirɑ bɑ dɑ ben yɛnusɔ bɑ di bɑ nɔrɑ, bɑ kɑ be bɑ ǹ dĩɑnu mɔ beɡinu bɔnu kuɑ. Mɑ bɑ nuku doo bɑkɑbu kuɑ. Domi tire te bɑ ɡɑrɑ mi, ten ɡɑri bu yeeri.
\s1 Kunun tɔ̃ɔ bɑkɑru
\p
\v 13 Yen sisiru, yɛnu yɛ̃robu kpuro kɑ yɑ̃ku kowobu kɑ Lefibɑ bɑ mɛnnɑ Ɛsidɑrɑsin mi, wi u sɑ̃ɑ woodɑ yɛ̃ro u kɑ bu woodɑ ye tubusiɑ. 
\v 14 Yerɑ bɑ wɑ woodɑ yen ɡɑɑ sɔɔ ye Yinni Gusunɔ u Mɔwisi wɛ̃ mi, yɑ nɛɛ, Isirelibɑ bɑ ko n dɑ n wɑ̃ɑwɑ kunu sɔɔ bɑ̀ n Kunun tɔ̃ɔ bɑkɑru mɔ̀ suru nɔɔbɑ yiruse sɔɔ. 
\v 15 Kpɑ bu kpɑrɑ wuu bɑɑɡere kpuro sɔɔ kɑ Yerusɑlɛmuɔ bu nɛɛ, tɔmbu bu doo ɡuunɔ bu olifi ye bɑ duurɑ kɑ ye bɑ ǹ duuren wurusu kɑsumɑ kɑ dɑ̃ɑ wuru bɑkɑsu kɑ sere mɑɑ kpɑkpɑ wurusu bu kɑ kunu ko nɡe mɛ yɑ yoruɑ woodɑ ye sɔɔ.
\p
\v 16 Yerɑ tɔn be, bɑ dɑ bɑ dɑ̃ɑ wuru si kɑsumɑ bɑ kɑ kuu ni ɡirɑ, ɡɑbu ben dii tɛɛrɑn wɔllɔ, ɡɑbu ben yɛnu yɑɑrɑɔ, ɡɑbu Yinni Gusunɔn sɑ̃ɑ yerun yɑɑrɑɔ, ɡɑbu kɔnnɔwɔ ɡe bɑ rɑ soku Nim kɔnnɔ, ɡɑbu mɑɑ kɔnnɔwɔ ɡe bɑ mɔ̀ Efɑrɑimu. 
\v 17 Tɔn be bɑ wɔmɑ yorun di mi kpuro, bɑ kunu ɡirɑwɑ. Mɑ bɑ sinɑ mi. Yen dɔmɑ te, bɑ nuku doo bɑkɑbu kuɑ. Domi Isirelibɑ bɑ ǹ tɔ̃ɔ bɑkɑ te koore nɡe mɛ, sɑɑ mìn di Yosue Nunin bii u ɡu. 
\v 18 Bɑ rɑ woodɑ yen wiru ɡɑru ɡɑriwɑ tɔ̃ɔ bɑkɑ ten tɔ̃ɔ bɑɑtere sere tɑ kɑ kpɑ. Bɑ tu diwɑ sɔ̃ɔ nɔɔbɑ yiru. Nɔɔbɑ itɑse mɑ bɑ mɛnnɑ siki siki bɑ kɑ tu wiru ɡo nɡe mɛ woodɑ yɑ ɡeruɑ.
\s1 Isirelibɑ
\s2 bɑ ben durum tuubɑ kuɑ
\c 9
\p
\v 1 Suru nɔɔbɑ yiruse, yen sɔ̃ɔ yɛndɑ nnɛse sɔɔrɑ Isirelibɑ kpuro bɑ mɛnnɑ bu kɑ nɔɔ bɔke. Mɑ bɑ sɑɑki deewɑ bɑ tii tuɑ wisi wirɔ nuku sɑnkirɑrun sɔ̃. 
\v 2 Be bɑ sɑ̃ɑ Yuubɑ ɡesi, bɑ tii wĩɑ tɔn tukobun suunu sɔɔn di bɑ nɑ bɑ ben durum kɑ ben sikɑdobɑɡiɑ tuubɑ kuɑ. 
\v 3 Yen biru, bɑ bu Yinni Gusunɔn ɡɑri ɡɑriɑ kɔbɑ itɑn sɑkɑ bɑ yɔ̃ bɑ swɑɑ dɑki. Mɑ bɑ yiirɑ wi, ben Yinnin wuswɑɑɔ bɑ suuru kɑnɑ sere kɔbɑ itɑ mɑɑ.
\p
\v 4 Yerɑ Yosue kɑ Bɑni kɑ Kɑdimiɛli kɑ Sebɑniɑ kɑ Buni kɑ Serebiɑ kɑ Bɑni ɡoo kɑ Kenɑni bɑ yɔɔwɑ turɑ ten mi. Mɑ bɑ nɔɔɡiru suɑ Gusunɔ ben Yinnin mi ɡiɑ bɑ somiru kɑnɑ. 
\v 5 Yerɑ Lefi beni, Yosue kɑ Kɑdimiɛli kɑ Bɑni kɑ Asɑbiniɑ kɑ Serebiɑ kɑ Hodiyɑ kɑ Sebɑniɑ kɑ Petɑyɑ bɑ nɛɛ, i seewo i Gusunɔ bɛsɛn Yinni siɑrɑ sere kɑ bɑɑdommɑɔ.
\q1 Bɑɑwure u nùn siɑro win yĩsi bɛɛrɛɡirun sɔ̃,
\q1 bɑɑ mɛ i ǹ ɡɑri yɛ̃ yi i ko i kɑ nùn siɑrɑ.
\s1 Kɑnɑ te bɑ kuɑ
\p
\v 6 Mɑ Isirelibɑ bɑ kɑnɑ teni kuɑ bɑ nɛɛ,
\q1 Yinni, wunɛ turowɑ ɑ sɑ̃ɑ Gusunɔ.
\q1 Wunɑ ɑ wɔllu kuɑ tɑ kpɑ̃.
\q1 Wunɑ ɑ mɑɑ kperi kuɑ too.
\q1 Wunɑ ɑ tem tɑkɑ kuɑ kɑ ye yɑ wɑ̃ɑ mɛ sɔɔ.
\q1 Wunɑ ɑ nim wɔ̃ku kuɑ kɑ ye yɑ wɑ̃ɑ ɡe sɔɔ.
\q1 Wunɑ ɑ hunde koni kpuro wɑ̃ɑru wɛ̃.
\q1 Mɑ kperi kɑ suru kɑ sɔ̃ɔ,
\q1 ye kpuro yɑ nun bɛɛrɛ wɛ̃ɛmɔ.
\q1
\v 7 Yinni Gusunɔ, wunɑ ɑ Aburɑmu ɡɔsɑ.
\q1 Mɑ ɑ derɑ u seewɑ Urin di, Kɑlɑden temɔ.
\q1 Yen biru, mɑ ɑ nùn yĩsi kpɑɑru kɑ̃ Aburɑhɑmu.
\q1
\v 8 A wɑ mɑ u sɑ̃ɑ nɑɑnɛɡii,
\q1 mɑ ɑ kɑ nùn ɑrukɑwɑni bɔkuɑ ɑ nɛɛ,
\q1 kɑɑ nùn tem mɛ wɛ̃ mɛ̀ sɔɔ Kɑnɑnibɑ
\q1 kɑ Hɛtibɑ kɑ Amɔrebɑ kɑ Feresibɑ
\q1 kɑ Yebusibɑ kɑ Giriɡɑsibɑ bɑ wɑ̃ɑ,
\q1 kpɑ win bibun bweseru tu sinɑ mi.
\q1 Mɛyɑ ɑ mɑɑ wunɛn ɑrukɑwɑni ye yibiɑ.
\q1 Domi ɑ sɑ̃ɑwɑ nɑɑnɛɡii.
\q1
\v 9 Sɑnɑm mɛ bɛsɛn bɑɑbɑbɑ bɑ wɑ̃ɑ Eɡibitiɔ,
\q1 ɑ ben nɔni swɑ̃ɑru wɑ.
\q1 Bɑ nun somiru kɑnɑ,
\q1 mɑ ɑ ben wuri nuɑ nim wɔ̃ku ɡe bɑ mɔ̀ Nɑɑ yɑriɔ.
\q1
\v 10 A yɛ̃ nɡe mɛ Eɡibitiɡibu bɑ bɛsɛn bɑɑbɑbɑ dɑm dɔre kɑ nuku kɔ̃suru.
\q1 Mɑ ɑ sɔm mɑɑmɑɑkiɡinu kuɑ ɑ kɑ ben sunɔ
\q1 kɑ win sinɑ ɑsɑkpɔbu kɑ win tɔmbu kpuro seesi.
\q1 Mɑ ɑ yĩsiru yɑrɑ sere kɑ ɡisɔn ɡisɔ.
\q1
\v 11 A derɑ nim mu burɑnɑ bɛsɛn bɑɑbɑ ben wuswɑɑɔ.
\q1 Mɑ bɑ tɔburɑ tem ɡbebum sɔɔ.
\q1 Adɑmɑ Eɡibitiɡii be bɑ bu nɑɑ ɡire,
\q1 ɑ bu sure nim bwerɔ.
\q1 Mɑ bɑ numɑ nɡe kpee te bɑ kɑre nim sɔɔ.
\q1
\v 12 Sɔ̃ɔ sɔɔ, ɡuru wii wurorɑ ɑ rɑ kɑ wunɛn tɔn be kpɑre.
\q1 Wɔ̃kuru mɑɑ, kpɑ tɑ n kɑ dɔ̃ɔ yɑri bɑkɑru weenɛ,
\q1 tɑ n bu yɑm bururɑsie swɑɑ sɔɔ.
\q1
\v 13 A sɑrɑmɑ sɑɑ wɔllun di,
\q1 mɑ ɑ kɑ bu ɡɑri kuɑ Sinɑin ɡuurɔ.
\q1 A bu woodɑ ɡeɑ kɑ sɔ̃ɔsi ɡeenu wɛ̃.
\q1
\v 14 A derɑ wunɛn sɔm kowo Mɔwisi u bu tɔ̃ɔ wɛ̃rɑruɡiru wɛ̃
\q1 te tɑ sɑ̃ɑ nɛnɛm wunɛn sɔ̃.
\q1 Mɑ ɑ derɑ u bu woodɑ ye yɑ tie sɔ̃ɔsi.
\q1
\v 15 A bu dĩɑnu wɛ̃ɛmɑ sɑɑ wɔllun di
\q1 sɑnɑm mɛ ɡɔ̃ɔrɑ bu mɔ̀.
\q1 Mɑ ɑ derɑ nim mu yɑrɑ kpee bɑɑn di
\q1 sɑnɑm mɛ nim nɔru ɡɑ bu mɔ̀.
\q1 Mɑ ɑ nɛɛ, bu doo bu tem mɛ mwɑ
\q1 mɛ̀n nɔɔ mwɛɛru ɑ bu kuɑ kɑ bɔ̃ri.
\q1
\v 16 Adɑmɑ bɛsɛn bɑɑbɑ be, bɑ tii suɑ bɑ nun seesi.
\q1 Bɑ ǹ wunɛn woodɑbɑ mɛm nɔɔwɛ.
\q1
\v 17 Bɑ swɑɑ tɑɑyɑ
\q1 bɑ wunɛn sɔm mɑɑmɑɑkiɡii ni duɑri
\q1 ni ɑ bu kuɑ.
\q1 Mɑ bɑ nun seesi bɑ tii kpɑro kuɑ
\q1 bu kɑ wurɑ mi bɑ rɑɑ yoru di.
\q1 Adɑmɑ kɑ mɛ, ɑ ǹ bu deri.
\q1 Domi ɑ sɑ̃ɑwɑ Yinni
\q1 wi u rɑ tɔnu suuru kue.
\q1 A wɔnwɔndu kɑ durom mɔ.
\q1 Wunɛn mɔru ku rɑ fuuku se.
\q1 Wunɛn kĩru tɑ ǹ kpeemɔ sere kɑ bɑɑdommɑɔ.
\q1
\v 18 Kɑ mɛ kpuro, bɑ tii bũu wurɑɡuu kuɑ.
\q1 Mɑ bɑ nɔɔɡiru suɑ bɑ nɛɛ,
\q1 ɡerɑ ɡɑ sɑ̃ɑ ben yinni
\q1 wi u bu yɑrɑmɑ Eɡibitin di.
\q1 Nɡe mɛyɑ bɑ kuɑ bɑ kɑ nun wɔnwɑ.
\q1
\v 19 Adɑmɑ wunɛn kĩi bɑkɑrun sɔ̃,
\q1 ɑ ǹ bu deri ɡbɑburɔ.
\q1 Guru wii wuro te tɑ bu swɑɑ ɡbiiye mi,
\q1 wɔ̃kuru kɑ sɔ̃ɔ sɔɔ, tɑ ǹ bu deri.
\q1
\v 20 Wunɛn kĩrun sɑɑbu,
\q1 ɑ bu wunɛn Hunde wɛ̃
\q1 bɑ n kɑ bwisi mɔ.
\q1 Bɑɑdommɑ ɑ rɑ bu dĩɑnu wɛ̃
\q1 ni bɑ rɑ soku mɑnnɑ bu di,
\q1 kpɑ ɑ bu nim wɛ̃ bu nɔ.
\q1
\v 21 A bu nɔɔri ɡbɑburɔ wɔ̃ɔ weeru,
\q1 bɑ ǹ ɡɑ̃ɑnu biɑre,
\q1 ben yɑ̃nu kun ɡɛ̃ɛkirɑre,
\q1 ben nɑɑsu kun mɑɑ mɔsire.
\q1
\v 22 A bu bwese tukunu kɑ nin sinɑmbu nɔmu sɔndiɑ
\q1 kɑ be bɑ kɑ bu sikerenɛn tem.
\q1 Mɛyɑ Hɛsibonin tem mi Sihoni u bɑndu dii
\q1 kɑ Bɑsɑnin tem mi Oɡu u bɑndu dii.
\q1
\v 23 A derɑ bɑ bibu mɑrɑ bɑ dɑbiɑ nɡe kperi.
\q1 Mɑ ɑ derɑ bɑ duɑ Kɑnɑnin temɔ
\q1 mɛ ɑ ben bɑɑbɑbɑ nɔɔ mwɛɛru kuɑ.
\q1
\v 24 Mɑ bɑ Kɑnɑnibɑ kɑmiɑ
\q1 bɑ bu tɑɑre bɑ ben tem mɛ mwɑ.
\q1 Mɑ bɑ berɑ min sinɑmbu kɑ min bwesenu kpuro kuɑ nɡe mɛ bɑ kĩ.
\q1
\v 25 Bɑ wuu ɡbɑ̃rɑruɡisu mwɛɛrɑ kɑ mi tem ɡem wɑ̃ɑ,
\q1 kɑ yɛnu si su dukiɑ mɔ, kɑ dɔkɔbɑ kɑ resɛm ɡbɑɑnu,
\q1 kɑ olifibɑ kɑ dɑ̃ɑ dɑbi dɑbinu nìn mɑrum bɑ rɑ di.
\q1 Yinni Gusunɔ, wunɛn kĩrun sɑɑbuwɑ
\q1 bɑ kɑ di bɑ debɑ bɑ bɔriɑ.
\q1 Mɑ bɑ wɑ̃ɑ doo nɔɔru sɔɔ.
\q1
\v 26 Adɑmɑ kɑ mɛ, bɑ ǹ nun mɛm nɔɔwɛ.
\q1 Bɑ nun seesiwɑ, bɑ wunɛn woodɑbɑ biru kisi.
\q1 Mɑ bɑ wunɛn sɔmɔbu ɡo ɡo
\q1 be bɑ bu kirɔ kuɑ bu kɑ ɡɔ̃ru ɡɔsiɑ
\q1 bu ben dɑɑ kɔ̃sɑ deri kpɑ bu wurɑmɑ wunɛn mi.
\q1 Adɑmɑ bɑ ben dɑɑ kɔ̃sɑ sosiwɑ.
\q1
\v 27 Sɑɑ yerɑ ɑ bu yibɛrɛbɑ nɔmu sɔndiɑ,
\q1 mɑ bɑ bu dɑm dɔre.
\q1 Adɑmɑ ben nɔni swɑ̃ɑru sɔɔ, bɑ nun nɔɔɡiru sue.
\q1 Mɑ ɑ ben nɔɔ nuɑ sɑɑ wɔllun di.
\q1 A bu tɔmbu seeyɑ
\q1 bu kɑ bu wɔrɑ sɑɑ yibɛrɛ ben nɔmɑn di
\q1 wunɛn kĩi bɑkɑrun sɔ̃.
\q1
\v 28 Adɑmɑ ye bɑ wɑ̃ɑ bɔri yɛndu sɔɔ,
\q1 bɑ mɑɑ wɔri ben durum sɔɔ.
\q1 Mɑ ɑ bu biru kisi,
\q1 ɑ bu yibɛrɛbɑ nɔmu sɔndiɑ.
\q1 Yerɑ bɑ mɑɑ kpɑm nɔɔɡiru suɑ
\q1 bɑ nun somiru kɑnɑ.
\q1 Mɑ ɑ ben nɔɔ nuɑ wɔllun di,
\q1 ɑ bu wɔrɑ nɔn dɑbinu wunɛn kĩrun sɑɑbu.
\q1
\v 29 Yen biru, ɑ bu kirɔ kuɑ
\q1 bu wunɛn woodɑbɑ mɛm nɔɔwɑ.
\q1 Adɑmɑ bɑ tii suɑ bɑ ǹ ye mɛm nɔɔwɛ,
\q1 bɑɑ mɛ yerɑ yɑ rɑ tɔnu wɑ̃ɑru wɛ̃
\q1 wi u ye mɛm nɔɔwɑ.
\q1 Bɑ swɑɑ tɑɑyɑwɑ bɑ ye yinɑ mɑm mɑm.
\q1
\v 30 A kɑ bu tɛmɑnɑ wɔ̃ɔ dɑbinu.
\q1 A wunɛn sɔmɔbu wunɛn Hunde wɛ̃
\q1 bɑ n kɑ bu kirɔ mɔ̀.
\q1 Adɑmɑ bɑ ǹ swɑɑ dɑki.
\q1 Mɑ ɑ bu bwese tukunu nɔmu bɛriɑ.
\q1
\v 31 Adɑmɑ wunɛn kĩi bɑkɑrun sɔ̃,
\q1 ɑ ǹ bu ɡo, ɑ ǹ mɑɑ bu deri,
\q1 domi ɑ sɑ̃ɑwɑ Yinni wɔnwɔnduɡii kɑ duromɡii.
\q1
\v 32 Gusunɔ bɛsɛn Yinni, ɑ kpɑ̃, ɑ mɑɑ dɑm mɔ.
\q1 Wunɑ ɑ durom bɑkɑm mɔ.
\q1 Mɑ ɑ wunɛn ɑrukɑwɑni nɛni ye ɑ kɑ sun bɔkuɑ.
\q1 A bɛsɛn wɑhɑlɑ mɛɛrio ye sɑ mɔ̀
\q1 bɛsɛ kɑ bɛsɛn sinɑmbu kɑ ben sinɑ ɑsɑkpɔbu
\q1 kɑ wunɛn sɔmɔbu kɑ bɛsɛn yɑ̃ku kowobu
\q1 sɑɑ Asirin sinɑmbun wɑɑtin di sere n kɑ ɡisɔ ɡirɑri.
\q1
\v 33 A sɑ̃ɑwɑ nɑɑnɛɡii.
\q1 A mɑɑ kuɑwɑ dee dee ɡɑ̃ɑ ni nu sun deemɑ sɔɔ.
\q1 Adɑmɑ bɛsɛ, sɑ kuɑwɑ nɑɑnɛ sɑriruɡibu.
\q1
\v 34 Bɛsɛn sinɑmbu kɑ ben sinɑ ɑsɑkpɔbu
\q1 kɑ bɛsɛn yɑ̃ku kowobu kɑ bɛsɛn bɑɑbɑbɑ
\q1 bɑ ǹ wunɛn woodɑbɑ mɛm nɔɔwɛ.
\q1 Bɑ wunɛn kirɔbɑ ɑtɑfiiru kuɑwɑ.
\q1
\v 35 Bɑ ǹ nun sɑ̃wɑ.
\q1 Bɑ ǹ mɑɑ ben dɑɑ kɔ̃sɑ deri,
\q1 bɑɑ mɛ ɑ bu tem bɑkɑm wɛ̃ mɛ mu ɡeɑ sɑ̃ɑ,
\q1 bɑ kuɑ mɛn sinɑmbu.
\q1 Mɑ ɑ bu nɔɔri bɑ wɑ̃ɑ doo nɔɔru sɔɔ.
\q1
\v 36 Yen sɔ̃, bɛsɛ wee sɑ yoru dimɔ ɡisɔ
\q1 tem mɛ ɑ bu wɛ̃ sɔɔ
\q1 bu kɑ mɛn dĩɑ ɡeenu di.
\q1
\v 37 Dĩɑ ɡee ni, nu kuɑ sinɑm be bɑ sun yoru diisiɑmɔɡinu.
\q1 Bɑ sun mɔ bɛsɛ kɑ bɛsɛn yɑɑ sɑbenu.
\q1 Bɑ kɑ sun mɔ̀ nɡe mɛ bɑ kĩ bɛsɛn durum sɔ̃.
\q1 Mɑ sɑ wɑ̃ɑ nuku sɑnkirɑ bɑkɑnu sɔɔ.
\s1 Isirelibɑ bɑ nɔɔ mwɛɛru kuɑ
\s2 bu woodɑ mɛm nɔɔwɑ
\p
\v 38 Yenibɑ kpuron sɔ̃nɑ bɛsɛ Isirelibɑ sɑ nɔɔ mwɛɛru kuɑ sɑ yoruɑ. Bɛsɛn wiruɡibu kɑ Lefibɑ kɑ yɑ̃ku kowobu bɑ bɛsɛn nɔɔ mwɛɛ ten tireru nɔmɑ dokewɑ.
\c 10
\m
\v 1 Be bɑ tire te nɔmɑ doke, berɑ bɛsɛn kpɑro Nɛɛmi, Hɑkɑliɑn bii, 
\v 2 kɑ Sedesiɑsi kɑ Serɑyɑ kɑ Asɑriɑ kɑ Yeremi
\m
\v 3 kɑ Pɑsuri kɑ Amɑriɑ kɑ Mɑɑkiyɑ 
\v 4 kɑ Hɑtusi kɑ Sebɑniɑ kɑ Mɑluku 
\v 5 kɑ Hɑrimu kɑ Mɛremɔtu kɑ Abudiɑsi 
\v 6 kɑ Dɑniɛli kɑ Ginɛtoni kɑ Bɑruku 
\v 7 kɑ Mɛsulɑmu kɑ Abiɑ kɑ Miyɑmini 
\v 8 kɑ Mɑɑsiɑ kɑ Biliɡɑi kɑ Semɑyɑ. Be kpuro bɑ sɑ̃ɑwɑ yɑ̃ku kowobu.
\m
\v 9 Be bɑ sɑ̃ɑ Lefibɑ, berɑ Yosue, Asɑniɑn bii kɑ Binui, Henɑdɑdin bii kɑ Kɑdimiɛli 
\v 10 kɑ ben mɛro bisibu Sebɑniɑ kɑ Hodiyɑ kɑ Kelitɑ kɑ Pelɑyɑ kɑ Hɑnɑni 
\v 11 kɑ Misee kɑ Rehɔbu kɑ Hɑsɑbiɑ 
\v 12 kɑ Sɑkuri kɑ Serebiɑ kɑ Sebɑniɑ 
\v 13 kɑ Hodiyɑ kɑ Bɑni kɑ Beninu.
\m
\v 14 Be bɑ mɑɑ sɑ̃ɑ wiruɡibu beyɑ Pɑreɔsi kɑ Pɑkɑti Mɔɑbu kɑ Elɑmu kɑ Sɑtu kɑ Bɑni 
\v 15 kɑ Buni kɑ Asiɡɑdi kɑ Bebɑi 
\v 16 kɑ Adoniyɑ kɑ Biɡifɑi kɑ Adini 
\v 17 kɑ Atɛɛ kɑ Esekiɑsi kɑ Asuri 
\v 18 kɑ Hodiyɑ kɑ Hɑsumu kɑ Bɛsɑi 
\v 19 kɑ Hɑrifu kɑ Anɑtɔtu kɑ Nɛbɑi 
\v 20 kɑ Mɑɡipiɑsi kɑ Mɛsulɑmu kɑ Hesiri 
\v 21 kɑ Mɛsesɑbɛli kɑ Sɑdɔku kɑ Yɑduɑ 
\v 22 kɑ Pelɑtiɑ kɑ Hɑnɑnu kɑ Anɑyɑ 
\v 23 kɑ Hosee kɑ Hɑnɑniɑ kɑ Hɑsubu 
\v 24 kɑ Hɑlosɛsi kɑ Pilikɑ kɑ Sobɛki 
\v 25 kɑ Rehumu kɑ Hɑsɑbunɑ kɑ Mɑɑseyɑ 
\v 26 kɑ Akiyɑ kɑ Hɑnɑnu kɑ Anɑni 
\v 27 kɑ Mɑluku kɑ Arimu kɑ Bɑɑnɑ.
\p
\v 28 Tɔn be bɑ tie, yɑ̃ku kowobu kɑ Lefibɑ kɑ sɑ̃ɑ yerun kɔnnɔn kɔ̃sobu kɑ wom kowobu kɑ Nɛtinibɑ kɑ sere be bɑ kɑ tii wurɑmɑ tɔn tukobun min di bɑ Yinni Gusunɔn woodɑbɑ mɛm nɔɔwɛ kɑ ben kurɔbu kɑ bibu, be bɑ ɡesi bwisi kɑ yɛ̃ru mɔ, 
\v 29 be kpuro bɑ kɑ ben mɛro bisibu nɔɔ tiɑ kuɑ be bɑ tɔn ɡiroru bo. Bɑ nɔɔ mwɛɛru kuɑ kɑ bɔ̃ri bɑ nɛɛ, bɑ koo Yinni Gusunɔn woodɑ mɛm nɔɔwɑ ye u bu wɛ̃ sɑɑ Mɔwisin min di kpɑ bɑ n kɑ yi sɔmburu mɔ̀.
\p
\v 30 Bɑ nɛɛ, bɑ ǹ mɑɑ ben bii wɔndiɑbɑ tɔn tukobu wɛ̃ɛmɔ bu suɑ kurɔbu. Mɛyɑ ben ɑluwɑɑsibɑ bɑ ǹ mɑɑ tɔn tukobun bii wɔndiɑbɑ suɑmɔ kurɔbu. 
\v 31 Mɛyɑ bɑ ǹ mɑɑ ɡɑ̃ɑnu dwemɔ tɔ̃ɔ wɛ̃rɑruɡiru kɑ tɔ̃ɔ bɑkɑnun sɑɑ sɔɔ tɔn tukobu bɑ̀ n kɑ kiɑru nɑ. Bɑ koo mɑɑ tɔmbu yoru kɑrɑ wɔ̃ɔ nɔɔbɑ yiruse sɔɔ kpɑ bɑ kun ɡɑ̃ɑnu kɔsie. 
\v 32 Mɛyɑ bɑ tii woodɑ yiiyɑ bu kɛ̃nu wɛ̃ sii ɡeesun ɡobi ɡɑrɑmu nnɛ wɔ̃ɔ kɑ wɔ̃ɔ bu kɑ Gusunɔ ben Yinnin sɑ̃ɑ yerun sɔmburu ko. 
\v 33 Kɛ̃ɛ ni, nu ko n sɑ̃ɑwɑ ni bɑ koo kɑ pɛ̃ɛ dwe Yinni Gusunɔn yɑ̃ku ninin sɔ̃. Niyɑ, yɑ̃ku dɔ̃ɔ mwɑɑrɑruɡinu kɑ yɑ̃ku ni bɑ rɑ ko tɔ̃ɔ wɛ̃rɑruɡiru sɔɔ kɑ yɑ̃ku ni bɑ rɑ ko tɔ̃ɔ bɑɑtere kɑ ni bɑ rɑ ko suru kpɑo ù n yɑrɑ kɑ yɑ̃kunu ɡɑnu kɑ sere torɑrun yɑ̃kunu. Kɛ̃ɛ niyɑ nu koo mɑɑ somi bu kɑ sɑ̃ɑ yerun sɔmɑ bɑɑyere ko. 
\v 34 Yɑ̃ku kowobu kɑ Lefibɑ kɑ Isirelibɑ bɛsɛ kpurowɑ sɑ tɛtɛ tobɑ su kɑ wɑ dɑ̃ɑ ye sɑ ko n dɑ kɑ nɛ wɔ̃ɔ bɑɑɡere yɑ̃kunun sɔ̃ Gusunɔ bɛsɛn Yinnin sɑ̃ɑ yerɔ yen sɑɑ yɑ̀ n tunumɑ. Dɑ̃ɑ yerɑ bɑ ko n dɑ kɑ yɑ̃ku dɔ̃ɔ sɔ̃re yɑ̃ku yeru wɔllɔ nɡe mɛ bɑ ɡeruɑ woodɑn tireru sɔɔ. 
\v 35 Mɛyɑ sɑ Gusunɔ nɔɔ mwɛɛru kuɑ sɑ nɛɛ, sɑ ko n dɑ kɑ bɛsɛn ɡberun dĩɑ ɡbiikinu kɑ bɛsɛn dɑ̃ɑ mɑrum ɡbiikum be bɑ sɔmburu mɔ̀ yɑ̃ku yerɔ nɑɑwɛ Yinni Gusunɔn sɑ̃ɑ yerɔ 
\v 36 kɑ bɛsɛn bii ɡbiikobu kɑ sere mɑɑ bɛsɛn yɑɑ sɑbenun bii ɡbiikinu nɡe mɛ bɑ yoruɑ woodɑn tireru sɔɔ. 
\v 37 Mɛyɑ sɑ ko mɑɑ kɑ bu bɛsɛn som kpɑm kɑ bɛsɛn dɑ̃ɑ mɑrum ɡbiikum kɑ bɛsɛn tɑm kpɑm kɑ bɛsɛn ɡum kpɑm nɑɑwɑ. Sɑ mɑɑ nɔɔ mwɛɛru kuɑ sɑ nɛɛ, sɑ ko wɔkuru bɑɑteren wɔllɔ tiɑ wɛ̃ bɛsɛn ɡbeɑn dĩɑnu sɔɔ. Lefibɑn tiiwɑ bɑ koo ye mwɛɛri wusu kpuron di tem mɛ̀ sɔɔ sɑ ɡbeɑ mɔ. 
\v 38 Yɑ̃ku kowo wi u sɑ̃ɑ Aronin bweseru wiyɑ u koo Lefibɑ yɔ̃siri sɑnɑm mɛ bɑ koo wɔkuru bɑɑteren wɔllɔn tiɑ tiɑ ye mwɑ. Kpɑ Lefi ben tii bu mɑɑ kɑ ye bɑ mwɑ min wɔkuru bɑɑteren wɔllɔn tiɑ tiɑ nɑ Gusunɔ ben Yinnin sɑ̃ɑ yerɔ diru mi bɑ rɑ ɑrumɑni bere. 
\v 39 Isirelibɑ kɑ Lefibɑ bɑ koo kɑ ben kɛ̃nu nɑwɑ mi bɑ rɑ yɑ̃kunun dendi yɑ̃nu bere Yinni Gusunɔn sɑ̃ɑ yerɔ kɑ sere mi yɑ̃ku kowobu kɑ sɑ̃ɑ yerun kɔ̃sobu kɑ wom kowobu bɑ rɑ sɔmburu ko. Kɛ̃ɛ niyɑ ɑlikɑmɑ kɑ tɑm kpɑm kɑ ɡum.
\p Nɡe mɛyɑ sɑ ǹ mɑɑ kɑ Yinni Gusunɔn sɑ̃ɑ yeru derimɔ.
\s1 Yuu be bɑ wurɑmɑ
\s2 bɑ sinɑ Yerusɑlɛmuɔ
\c 11
\p
\v 1 Isirelibɑn wiruɡibɑ dɑ bɑ sinɑ Yerusɑlɛmuɔ. Mɑ bɑ tɛtɛ tobɑ bu kɑ tɔn tiɑ tiɑ wunɑ Isireli be bɑ tien wɔkuru bɑɑteren wɔllɔ. Berɑ bɑ koo sinɑ Yerusɑlɛmu wuu dɛɛrɔ ɡe sɔɔ, kpɑ nɔɔbɑ nnɛ be bɑ tie bu dɑ wuu si su tien mi. 
\v 2 Be bɑ ɡɔ̃ru doke kɑ kĩru bu kɑ sinɑ Yerusɑlɛmu mi, tɔmbɑ bu domɑru kuɑ.
\p
\v 3 Isirelibɑn berin wiruɡibu bɑ dɑ bɑ sinɑ Yerusɑlɛmuɔ mɑ Isireli be bɑ tie kɑ yɑ̃ku kowobu kɑ Lefibɑ kɑ Nɛtinibɑ kɑ sere Sɑlomɔɔn sɔm kowobun bibu bɑ dɑ bɑ sinɑ Yudɑn temɔ ben wusɔ. 
\v 4-5 Yudɑbɑ kɑ Bɛnyɑmɛɛbɑ ɡɑbɑ bɑ sinɑ Yerusɑlɛmuɔ.
\p Be bɑ sɑ̃ɑ Yudɑbɑ berɑ Atɑyɑ kɑ Mɑɑseyɑ, Osiɑsin bii. Atɑyɑ u sɑ̃ɑwɑ Sɑkɑrin debubu. Win sikɑdobɑrɑ Sɑkɑri kɑ Amɑriɑ kɑ Sefɑtiɑ kɑ Mɑhɑlɑlɛɛli kɑ Perɛsi. Mɑɑseyɑ u mɑɑ sɑ̃ɑwɑ Bɑrukun bii. Win sikɑdobɑrɑ Kolohose kɑ Hɑsɑyɑ kɑ Adɑyɑ kɑ Yoyɑribu kɑ Sɑkɑri kɑ Siloni. 
\v 6 Perɛsin sikɑdominu be bɑ sinɑ Yerusɑlɛmuɔ ben ɡeerɑ sɑ̃ɑwɑ tɔmbu nɛɛru kɑ wɑtɑ kɑ nɔɔbɑ itɑ (468). Bɑ sɑ̃ɑwɑ tɑbu durɔ wɔruɡɔbɑ.
\p
\v 7-8 Bɛnyɑmɛɛ be bɑ sinɑ Yerusɑlɛmuɔ, berɑ Sɑlu kɑ Gɑbɑi kɑ Sɑlɑi. Sɑlu u sɑ̃ɑwɑ Mɛsulɑmun bii, Yoɛdin debubu. Win sikɑdobɑrɑ Pedɑyɑ kɑ Kolɑyɑ kɑ Mɑɑseyɑ kɑ Itiɛli kɑ Esɑi. Be bɑ sɑ̃ɑ Bɛnyɑmɛɛn bweseru bɑ kɑ sinɑ Yerusɑlɛmuɔ ben ɡeerɑ sɑ̃ɑwɑ tɔmbu nɛnɛ kɑ wunɑɑ teeru kɑ nɔɔbɑ itɑ (928). 
\v 9 Yoɛli Sikirin biiwɑ u sɑ̃ɑ ben kpɑro. Mɑ Yudɑ Senuɑn bii u mɑɑ sɑ̃ɑ ben wiruɡii yiruse.
\p
\v 10 Yɑ̃ku kowo be bɑ mɑɑ sinɑ Yerusɑlɛmuɔ berɑ Yedɑyɑ, Yoyɑribun bii kɑ Yɑkini, 
\v 11-14 kɑ Serɑyɑ, Hilikiyɑn bii, Mɛsulɑmun debubu, Sɑdɔku kɑ Mɛrɑyɔtu kɑ Akitubu wi u rɑɑ sɑ̃ɑ yɑ̃ku kowo tɔnweron sikɑdobu, kɑ sere tɔmbu wɛnɛ kɑ yɛndɑ yiru (822) be bɑ rɑ n sɔmburu mɔ̀ Yinni Gusunɔn sɑ̃ɑ yerɔ, kɑ Adɑyɑ Yerohɑmun bii, Pelɑtiɑn debubu, Amusi kɑ Sɑkɑri kɑ Pɑsuri kɑ Mɑɑkiyɑn sikɑdobu, kɑ sere tɔmbu ɡoobu kɑ weeru kɑ yiru (242), be kpuro yɛnu yɛ̃robu, kɑ Amɑsɑi, Asɑrɛlin bii, Akusɑin debubu, Mɛsilɛmɔtu kɑ Imɛrin sikɑdobu, kɑ tɑbu durɔ wɔruɡɔbɑ wunɑɑ teeru kɑ nɔɔbɑ itɑ (128). Sɑbudiɛli Gedolimun biiwɑ u sɑ̃ɑ ben wiruɡii.
\p
\v 15 Lefi be bɑ mɑɑ dɑ Yerusɑlɛmuɔ, berɑ Semɑyɑ, Hɑsubun bii, Asirikɑmun debubu, Hɑsɑbiɑ kɑ Bunin sikɑdobu, 
\v 16 kɑ Sɑbetɑi kɑ Yosɑbɑdi be bɑ sɑ̃ɑ sɔmbu te bɑ rɑ ko yɑɑrɑɔn ɡuro ɡurobu, 
\v 17 kɑ Mɑtɑniɑ, Miseen bii, Sɑbudin debubu, Asɑfun sikɑdobu, wi u rɑ womu ɡbi bɑ̀ n Gusunɔ siɑrɑmɔ kɑnɑrun sɑɑ, kɑ win wɔnɔ turo Bɑkibukiɑ wi u rɑ nùn somi, kɑ Abudɑ, Sɑmuɑn bii, Gɑlɑlin debubu, Yedutum sikɑdobu. 
\v 18 Lefi be bɑ wɑ̃ɑ Yerusɑlɛmuɔ kpuro ben ɡeerɑ sɑ̃ɑwɑ tɔmbu ɡoobu kɑ wɛnɛ kɑ nnɛ (284).
\p
\v 19 Be bɑ rɑ sɑ̃ɑ yerun kɔnnɔ kɔ̃su, berɑ Akubu kɑ Tɑlumɔɔ kɑ wiɡibu. Be kpuron ɡeerɑ sɑ̃ɑwɑ wunɑɑ wɑtɑ kɑ wɔkurɑ yiru (172).
\p
\v 20 Isireli be bɑ tie, kɑ yɑ̃ku kowobu kɑ Lefibɑ bɑ dɑ bɑ sinɑwɑ Yudɑn wusu kpuro sɔɔ, ben bɑɑwure u wɑ̃ɑ win temɔ. 
\v 21 Nɛtinibɑ bɑ dɑ bɑ sinɑwɑ ɡunɡunɔ. Ben wiruɡibɑ Sisɑ kɑ Gisipɑ.
\p
\v 22 Lefibɑn wiruɡii wi u sinɑ Yerusɑlɛmuɔ win yĩsirɑ Usi, Bɑnin bii, Hɑsɑbiɑn debubu. Win sikɑdobɑrɑ Mɑtɑniɑ kɑ Misee, Asɑfun bweseru sɔɔ. Asɑfun bwese te, tɑ sɑ̃ɑwɑ te tɑ rɑ womu ko Yinni Gusunɔn sɑ̃ɑ yerɔ. 
\v 23 Sinɑ boko u wom kowo be woodɑ yiiyɑ ye bɑ koo swĩi kɑ sere mɑɑ sɔmɑ ye bɑ ko n dɑ ko tɔ̃ɔ bɑɑtere.
\p
\v 24 Petɑyɑ, Mɛsesɑbɛlin bii, Serɑkin debubu, Yudɑn sikɑdobu, wiyɑ u sɑ̃ɑ Isirelibɑn sɔmɔ Pɛɛsibɑn sinɑ bokon mi.
\s1 Yuu be bɑ wɑ̃ɑ wuu si su tie sɔɔ
\p
\v 25 Yudɑbɑ bɑ dɑ bɑ sinɑ wuu sini kɑ sin bɑru kpɑɑnu sɔɔ. Wuu siyɑ Kiriɑti Aribɑ kɑ yen bɑru kpɑɑnu kɑ Diboni kɑ yen bɑru kpɑɑnu kɑ Yokɑsɛɛli kɑ yen bɑru kpɑɑnu 
\v 26 kɑ Yesuɑ kɑ Mɔlɑdɑ kɑ Bɛti Pɑlɛti 
\v 27 kɑ Hɑsɑɑ Suɑli kɑ Beri Sebɑ kɑ yen bɑru kpɑɑnu 
\v 28 kɑ Sikilɑɡi kɑ Mɛkɔnɑ kɑ yen bɑru kpɑɑnu 
\v 29 kɑ Eni Rimɔɔ kɑ Soreɑ kɑ Yɑɑmuti 
\v 30 kɑ Sɑnɔɑ kɑ Adulɑmu kɑ yen bɑru kpɑɑnu kɑ Lɑkisi kɑ yen bɑru kpɑɑnu kɑ Asekɑ kɑ yen bɑru kpɑɑnu. Bɑ sinɑwɑ Beri Sebɑn di n kɑ dɑ Hinɔmun wɔwɑɔ.
\p
\v 31 Bɛnyɑmɛɛbɑ bɑ dɑ bɑ sinɑwɑ Gebɑn di n kɑ dɑ Mikimɑsiɔ kɑ Ayɑɔ kɑ Betɛliɔ kɑ yen bɑru kpɑɑnɔ 
\v 32 kɑ Anɑtɔtuɔ kɑ Nɔbuɔ kɑ Hɑnɑniɑɔ 
\v 33 kɑ Hɑsoriɔ kɑ Rɑmɑɔ kɑ Gitɑimuɔ 
\v 34 kɑ Hɑdidiɔ kɑ Seboimuɔ kɑ Nɛbɑlɑtiɔ 
\v 35 kɑ Loduɔ kɑ Onɔɔ ye bɑ mɑɑ sokumɔ nɔmɑn sɔm kowobun wɔwɑ.
\p
\v 36 Lefibɑ sɔɔ, be bɑ wɑ̃ɑ Yudɑɔ, ben ɡɑbɑ seewɑ bɑ wurɑ Bɛnyɑmɛɛbɑn temɔ.
\s1 Lefibɑ kɑ yɑ̃ku kowobun yĩsɑ
\c 12
\p
\v 1 Yɑ̃ku kowobu kɑ Lefi be bɑ Sorobɑbɛli Sɑlɑtiɛlin bii kɑ Yosue swĩimɑ bɑ kɑ nɑ Yerusɑlɛmuɔ, berɑ Serɑyɑ kɑ Yeremi kɑ Ɛsidɑrɑsi 
\v 2 kɑ Amɑriɑ kɑ Mɑluku kɑ Hɑtusi 
\v 3 kɑ Sekɑniɑ kɑ Rehumu kɑ Mɛremɔtu 
\v 4 kɑ Ido kɑ Ginɛtoi kɑ Abiɑ 
\v 5 kɑ Miyɑmini kɑ Mɑɑdiɑ kɑ Biliɡɑ 
\v 6 kɑ Semɑyɑ kɑ Yoyɑribu kɑ Yedɑyɑ 
\v 7 kɑ Sɑlu kɑ Amɔku kɑ Hilikiyɑ kɑ Yedɑyɑ. Berɑ bɑ sɑ̃ɑ yɑ̃ku kowobu kɑ be bɑ bu somimɔn wiruɡibu Yosuen wɑɑti. 
\v 8 Be bɑ sɑ̃ɑ Lefibɑ, berɑ Yosue kɑ Binui kɑ Kɑdimiɛli kɑ Serebiɑ kɑ Yudɑ kɑ Mɑtɑniɑ. Mɑtɑniɑ wi, kɑ win tɔmbɑ bɑ rɑ siɑrɑbun womusu ko. 
\v 9 Bɑkibukiɑ kɑ Uniwɑ bɑ rɑ sɔmburu ko ben mɛro bisibu Lefi ben bɔkuɔ.
\p
\v 10 Yosuewɑ u Yoyɑkimu mɑrɑ. Mɑ Yoyɑkimu u seewɑ u Eliɑsibu mɑrɑ. Mɑ Eliɑsibu u seewɑ u Yoyɑdɑ mɑrɑ. 
\v 11 Yoyɑdɑ u mɑɑ seewɑ u Yonɑtɑm mɑrɑ. Mɑ Yonɑtɑm u seewɑ u Yɑduɑ mɑrɑ.
\p
\v 12 Be bɑ sɑ̃ɑ yɑ̃ku kowobu Yoyɑkimun wɑɑti ye sɔɔ, bɑ kɑ sɑ̃ɑ yɛnu yɛ̃robu, berɑ Mɛrɑyɑ, Serɑyɑn bweseru sɔɔ kɑ Hɑnɑniɑ, Yeremin bweseru sɔɔ, 
\v 13 kɑ Mɛsulɑmu, Ɛsidɑrɑsin bweseru sɔɔ, kɑ Yokɑnɑni, Amɑriɑn bweseru sɔɔ, 
\v 14 kɑ Yonɑtɑm, Mɛlukin bweseru sɔɔ, kɑ Yosɛfu, Sebɑniɑn bweseru sɔɔ, 
\v 15 kɑ Adinɑ, Hɑrimun bweseru sɔɔ, kɑ Hɛlikɑi, Mɛrɑyɔtun bweseru sɔɔ, 
\v 16 kɑ Sɑkɑri, Idon bweseru sɔɔ, kɑ Mɛsulɑmu, Ginɛtonin bweseru sɔɔ, 
\v 17 kɑ Sikiri, Abiɑn bweseru sɔɔ, kɑ Pilitɑi, Minyɑmini kɑ Mɔɑdiɑn bweseru sɔɔ, 
\v 18 kɑ Sɑmuɑ, Biliɡɑn bweseru sɔɔ, kɑ Yonɑtɑm, Semɑyɑn bweseru sɔɔ, 
\v 19 kɑ Mɑtinɑi, Yoyɑribun bweseru sɔɔ, kɑ Usi, Yedɑyɑn bweseru sɔɔ, 
\v 20 kɑ Kɑlɑi, Sɑlɑin bweseru sɔɔ, kɑ Ebɛɛ, Amɔkun bweseru sɔɔ, 
\v 21 kɑ Hɑsɑbiɑ, Hilikiyɑn bweseru sɔɔ, kɑ Nɛtɑnɛɛli, Yedɑyɑn bweseru sɔɔ.
\p
\v 22 Tɔn bèn wɑɑti sɔɔ bɑ Lefi be bɑ sɑ̃ɑ yɛnu yɛ̃robu kɑ yɑ̃ku kowobun yĩsɑ yoruɑ tireru sɔɔ n kɑ dɑ Dɑrusi Pɛɛsibɑn sinɑ bokon bɑndun wɑɑti sɔɔ, berɑ Eliɑsibu kɑ Yoyɑdɑ kɑ Yokɑnɑni kɑ Yɑduɑ.
\p
\v 23 Adɑmɑ bɑ Lefi be bɑ sɑ̃ɑ yɛnu yɛ̃robun yĩsɑ yoruɑ yerukobun ɡɑrin tireru sɔɔ sere Yokɑnɑni, Eliɑsibun biin wɑɑti sɔɔ tɔnɑ.
\p
\v 24 Lefibɑn yɛnu yɛ̃ro beni, Hɑsɑbiɑ kɑ Serebiɑ kɑ Yosue, Kɑdimiɛlin bii, berɑ bɑ rɑ womusu ko bu kɑ Gusunɔ siɑrɑ kpɑ Lefi be bɑ tie bɑ n wurɑmɔ nɡe mɛ Dɑfidi Gusunɔn sɔm kowo u ɡeruɑ.
\p
\v 25 Be bɑ mɑɑ sɑ̃ɑ sɑ̃ɑ yerun kɔnnɔn kɔ̃sobu, berɑ Mɑtɑniɑ kɑ Bɑkibukiɑ kɑ Abudiɑsi kɑ Mɛsulɑmu kɑ Tɑlumɔɔ kɑ Akubu. 
\v 26 Be kpurowɑ bɑ wɑ̃ɑ Yoyɑkimu, Yosuen bii, Yosɑdɑkin debubun wɑɑti sɔɔ. Beyɑ bɑ mɑɑ wɑ̃ɑ Nɛɛmi wi u sɑ̃ɑ kpɑro kɑ Ɛsidɑrɑsi wi u sɑ̃ɑ yɑ̃ku kowo kɑ tire yoron wɑɑti sɔɔ.
\s1 Bɑ Yerusɑlɛmun ɡbɑ̃rɑ ten
\s2 wii ɡoberun tɔ̃ɔ bɑkɑru di
\p
\v 27 Sɑnɑm mɛ bɑ Yerusɑlɛmun ɡbɑ̃rɑ ten wii ɡoberun tɔ̃ɔ bɑkɑru dimɔ, bɑ dɑ bɑ Lefibɑ mɛnnɑmɑ beri berikɑn di mi bɑ rɑɑ wɑ̃ɑ kpɑ bu kɑ tɔ̃ɔ te di nuku dobu sɔɔ bɑ n womusu mɔ̀ bɑ n sɛkɛtirɛnu kɑ mɔrɔkunu kɑ ɡɔ̃ɔɡenu soomɔ. 
\v 28-29 Wom kowo be bɑ wɑ̃ɑ Yerusɑlɛmun bɑru kpɑɑnɔ kɑ be bɑ wɑ̃ɑ Nɛtofɑɔ kɑ Bɛti Giliɡɑliɔ kɑ Gebɑn bɑru kpɑɑnɔ kɑ Asimɑfɛtiɔ bɑ mɛnnɑmɑ dɔmɑ te, domi wom kowo be, bɑ tii yɛnusu kuɑwɑ Yerusɑlɛmun bɔkuɔ. 
\v 30 Yɑ̃ku kowobu kɑ Lefibɑ bɑ tii dɛɛrɑsiɑ. Mɑ bɑ mɑɑ tɔmbu kɑ kɔnnɔsu kɑ ɡbɑ̃rɑru dɛɛrɑsiɑ.
\p
\v 31 Nɛ, Nɛɛmi, nɑ derɑ Yudɑbɑn wiruɡibu bɑ yɔɔwɑ ɡbɑ̃rɑru wɔllɔ mɑ bɑ wom kowobu bɔnu kuɑ wuuru yiru. Bɔnu ɡbiikɑɑ yɑ sĩɑ yɑ dɑ nɔm ɡeu ɡiɑ ɡbɑ̃rɑrun kɔnnɔwɔ ɡe bɑ mɔ̀ Kubɑnu. 
\v 32 Mɑ Hosee kɑ Yudɑbɑn wiruɡibun bɔnu bɑ wom kowo be swĩi biruɔ. 
\v 33 Yen biruwɑ tɔn beni bɑ mɑɑ swĩi. Berɑ, Asɑriɑ kɑ Ɛsidɑrɑsi kɑ Mɛsulɑmu 
\v 34 kɑ Yudɑ kɑ Bɛnyɑmɛɛ kɑ Semɑyɑ kɑ Yeremi 
\v 35 kɑ yɑ̃ku kowobun bii be bɑ kɔbi nɛni kɑ Sɑkɑri, Yonɑtɑm bii, Semɑyɑn debubu, Mɑtɑniɑ kɑ Misee kɑ Sɑkuri kɑ Asɑfun sikɑdobu, 
\v 36 kɑ sere win tɔmbu Semɑyɑ kɑ Asɑrɛli kɑ Milɑlɑi kɑ Gilɑlɑi kɑ Mɑi kɑ Nɛtɑnɛɛli kɑ Yudɑ kɑ Hɑnɑni. Tɔn be, bɑ mɔrɔkunu nɛni ni Dɑfidi Gusunɔn sɔm kowo u kuɑ. Mɑ Ɛsidɑrɑsi tire yoro u bu swɑɑ ɡbiiye. 
\v 37 Ye bɑ tunumɑ kɔnnɔwɔ ɡe bɑ mɔ̀ Bwiɑ, yerɑ bɑ dɑ Dɑfidin wuun yɔɔ yerɔ mɑ bɑ yɔɔwɑ ɡɑnɑ yen wɔllɔ bɑ kɑ Dɑfidin sinɑ kpɑɑru tuke, mɑ bɑ dɑ kɔnnɔwɔ ɡe bɑ mɔ̀ Nim, sɔ̃ɔ yɑri yeru ɡiɑ.
\p
\v 38 Wom kowobun bɔnu yiruse yɑ mɑɑ sĩɑ yɑ dɑ nɔm dwɑru ɡiɑ. Mɑ nɛ kɑ tɔn be bɑ tie sɑ bu swĩi biruɔ. Mɑ sɑ dɑ kɑ wuu kɔ̃su yee te bɑ mɔ̀ Pɛ̃ɛn dɔ̃ɔ sɔ̃ru yerun ɡɑ̃ɑrɔ sere kɑ ɡbɑ̃rɑ te tɑ yɑsun berɑ ɡiɑ 
\v 39 kɑ kɔnnɔ ɡe bɑ mɔ̀ Efɑrɑimuɔ kɑ kɔnnɔwɔ ɡe bɑ sokumɔ Tɔkɔ sere kɑ kɔnnɔwɔ ɡe bɑ mɔ̀ Swɛ̃ɛ kɑ wuu kɔ̃su yee te bɑ mɔ̀ Hɑnɑnɛɛlin bɔkuɔ kɑ te bɑ mɔ̀ Mɛɑn bɔkuɔ sere kɑ kɔnnɔwɔ ɡe bɑ mɔ̀ Yɑ̃ɑnu. 
\v 40 Mɑ wom kowo be kpuro bɑ dɑ bɑ yɔ̃rɑ Yinni Gusunɔn sɑ̃ɑ yerɔ. Mɑ nɛn tii nɑ yɔ̃rɑ mi kɑ siri kowo be bɑ mɑn swĩi 
\v 41 kɑ yɑ̃ku kowo beni, Eliɑkimu kɑ Mɑɑseyɑ kɑ Minyɑmini kɑ Misee kɑ Elionɑi kɑ Sɑkɑri kɑ Hɑnɑniɑ be bɑ kɔbi soomɔ kpuro 
\v 42 kɑ sere mɑɑ Mɑɑseyɑ kɑ Semɑyɑ kɑ Eleɑsɑɑ kɑ Usi kɑ Yokɑnɑni kɑ Mɑɑkiyɑ kɑ Elɑmu kɑ Esɛɛ. Mɑ wom kowobu bɑ womusu mɔ̀. Yisirɑyɑwɑ u bu kpɑre.
\p
\v 43 Yen tɔ̃ɔ te, tɔmbɑ yɑ̃ku dɑbi dɑbinu kuɑ mɑ bɑ nuku dobu kuɑ. Domi Gusunɔ u bu nuku doo bɑkɑbu wɛ̃. Kurɔbu kɑ bibun tii bɑ nuku dobu kuɑ mɑ Yerusɑlɛmun di nuku dobun kuuki yi nɔɔrɑ n tomɑ.
\s1 Ye n sɑ̃ɑ yɑ̃ku kowobu
\s2 kɑ Lefibɑn bɔnu
\p
\v 44 Yen tɔ̃ɔ te, bɑ tɔmbu ɡɔsɑ bu kɑ diɑ kɔ̃su mi bɑ rɑ kɛ̃nu kɑ dĩɑ ɡbiikinu yi kɑ sere tiɑ tiɑ ye bɑ rɑ Yinni Gusunɔ wɛ̃ ben mɔrun wɔkuru bɑɑteren wɔllɔ. Mɑ bɑ tɔn be yiire bu dĩɑ ni mwɛɛri wusun di ni bɑ koo yɑ̃ku kowobu kɑ Lefibɑ wɛ̃ nɡe mɛ woodɑ yɑ ɡeruɑ. Yudɑbɑ bɑ nuku dobu mɔ yèn sɔ̃ yɑ̃ku kowobu kɑ Lefibɑ bɑ wurɑ ben sɔmburu sɔɔ, 
\v 45 bɑ Yinni Gusunɔn sɑ̃ɑ yerun woodɑ mɛm nɔɔwɑmmɛ bɑ tɔmbu dɛɛrɑsiɑmɔ. Mɛyɑ wom kowobu kɑ sɑ̃ɑ yerun kɔnnɔn kɔ̃sobu bɑ mɑɑ woodɑ ye kpuro mɛm nɔɔwɑmmɛ nɡe mɛ Dɑfidi kɑ win bii Sɑlomɔɔ bɑ ɡeruɑ. 
\v 46 Domi yellu Dɑfidi kɑ Asɑfun wɑɑti wom kowobɑ wɑ̃ɑwɑ be bɑ rɑ siɑrɑbun womusu ko Yinni Gusunɔn sɔ̃. 
\v 47 Sorobɑbɛli kɑ Nɛɛmin wɑɑti sɔɔ, Isirelibɑ kpuro bɑ rɑ wom kowobu kɑ sɑ̃ɑ yerun kɔnnɔn kɔ̃sobu kɑ Lefibɑ ben dĩɑnu wɛ̃wɑ tɔ̃ɔ bɑɑtere. Kpɑ Lefi be, bu mɑɑ Aronin bibun bweseru wɛ̃ ye yɑ sɑ̃ɑ beɡiɑ.
\s1 Nɛɛmi u ɡɑ̃ɑ dɑbinu kɔsɑ
\c 13
\p
\v 1 Sɑɑ ye sɔɔ, bɑ ɡɑrɑ woodɑn tire te Mɔwisi u yoruɑ sɔɔ Isirelibɑ kpuron wuswɑɑɔ mɑ bɑ deemɑ bɑ yoruɑ bɑ nɛɛ, n ǹ koorɔ Amɔnibɑ kɑ Mɔɑbubɑ bɑ n wɑ̃ɑ Gusunɔn tɔmbu Isirelibɑn suunu sɔɔ. 
\v 2 Domi Mɔɑbu be, kɑ Amɔni be, bɑ ǹ Isirelibɑ sennɔ de kɑ dĩɑnu kɑ nim. Yen biru, bɑ mɑɑ Bɑlɑmu sokusiɑ u Isirelibɑ bɔ̃rusi kpɑ bu nùn ɡobi kɔsiɑ. Adɑmɑ Gusunɔ bɛsɛn Yinni u bɔ̃ri yi ɡɔsiɑ domɑru. 
\v 3 Sɑnɑm mɛ bɑ woodɑn tire ten ɡɑri nuɑ, yerɑ be, Isirelibɑ bɑ sɔbu kpuro wunɑ ben suunu sɔɔn di.
\p
\v 4 N deemɑ bɑ rɑɑ yɑ̃ku kowo Eliɑsibu ɡɔsɑ u kɑ Gusunɔ bɛsɛn Yinnin sɑ̃ɑ yerun diɑ ye bɑ ɡɔri ɡɔrin sɔmburu ko. Eliɑsibu wi, u sɑ̃ɑwɑ Tobiyɑn dusi. 
\v 5 Yerɑ u nùn dii bɑkɑru ɡɔsiɑ mi bɑ rɑ rɑɑ kɛ̃nu yi kɑ turɑre kɑ sɑ̃ɑ yerun dendi yɑ̃nu kɑ yɑ̃ku kowobun dĩɑ ni bɑ rɑ bu wɛ̃ kɑ ɑlikɑmɑn bɔnu tiɑ ye bɑ mwɑ wɔkuru bɑɑteren wɔllɔ kɑ tɑm kpɑmɡiɑ kɑ ɡumɡiɑ kɑ dĩɑ ni bɑ rɑ Lefibɑ kɑ wom kowobu kɑ kɔnnɔn kɔ̃sobu wɛ̃.
\p
\v 6 Nɛ, Nɛɛmi nɑ ǹ wɑ̃ɑ Yerusɑlɛmuɔ sɑnɑm mɛ ye kpuro yɑ koorɑ. Domi sɑɑ ye sɔɔ, nɑ ɡɔsirɑwɑ Bɑbilonin sinɑ boko Aɑtɑsɛsin mi. N deemɑ sɑɑ ye, win bɑndun wɔ̃ɔ tɛnɑ kɑ yiruse sɔɔrɑ mi. 
\v 7 Wɔ̃ɔ ɡen kpeeru sɔɔ, sinɑ boko u wurɑ n ɡɔsirɑmɑ Yerusɑlɛmuɔ. Ye nɑ tunumɑ, yerɑ nɑ wɑ kɔ̃sɑ ye Eliɑsibu u kuɑ ye u kɑ Tobiyɑ diru wɛ̃ Yinni Gusunɔn sɑ̃ɑ yerun yɑɑrɑɔ. 
\v 8 Mɑ nɑ wɑ yɑ ǹ wɑ̃. Mɑ nɑ Tobiyɑn yɑ̃nu kpuro ɡurɑ nɑ yɑri tɔɔwɔ. 
\v 9 Mɑ nɑ derɑ bɑ dii te dɛɛrɑsiɑ. Mɑ bɑ Yinni Gusunɔn sɑ̃ɑ yerun dendi yɑ̃ɑ ni kpuro wesiɑ mi kɑ kɛ̃ɛ ni kɑ turɑre ye bɑ rɑ dɔ̃ɔ doke.
\p
\v 10 Nɑ mɑɑ nuɑ mɑ bɑ ku rɑ Lefibɑ ben bɔnu wɛ̃. Mɑ Lefi be, kɑ wom kowo be bɑ koo sɑ̃ɑru ko mi, bɑ sɔmburu deri, ben bɑɑwure u dɑ u wɑ̃ɑ win temɔ. 
\v 11 Mɑ nɑ siri kowobu tɑɑrɛ wɛ̃ nɑ nɛɛ, mbɑn sɔ̃nɑ bɑ derɑ bɑ Yinni Gusunɔn sɑ̃ɑ yee te deri. Mɑ nɑ wure nɑ Lefibɑ kɑ wom kowo be mɛnnɑ, mɑ nɑ bu wesiɑ ben sɔmɑ sɔɔ. 
\v 12 Yerɑ Yudɑbɑ bɑ kɑ ben ɑlikɑmɑn bɔnu nɑ ye bɑ wunɑ wɔkuru bɑɑteren wɔllɔ kɑ tɑmɡiɑ kɑ ɡumɡiɑ. 
\v 13 Mɑ nɑ dii tèn mi bɑ rɑ dĩɑ ni doke yɑ̃ku kowo Selemiɑ kɑ tire yoro Sɑdɔku kɑ Pedɑyɑ, Lefibɑn turo nɔmu sɔndiɑ. Mɑ nɑ bu Hɑnɑnu, Sɑkurin bii, Mɑtɑniɑn debubu nɔmu sɔndiɑ u bu somi. Domi bɑ sɑ̃ɑ nɑɑnɛɡibu. Beyɑ bɑ ko n dɑ beɡibu dĩɑ ni bɔnu kue.
\p
\v 14 Gusunɔ nɛn Yinni, ɑ de ɑ n mɑn yɑɑye nɛn ye nɑ kuɑ kpuron sɔ̃. A ku sɔmbu te duɑri te nɑ kuɑ kɑ nɑɑnɛ wunɛn sɑ̃ɑ yee te kɑ ten woodɑbɑn sɔ̃.
\p
\v 15 Yen wɑɑti ye sɔɔ, nɑ tɔmbu wɑ Yudɑn temɔ bɑ resɛm ɡɑmɑmɔ tɔ̃ɔ wɛ̃rɑruɡiru sɔɔ, mɑ ɡɑbɑ doo bɔkunu duusiɑmɔ mɑ ɡɑbɑ kɛtɛkunu tɑm sɔbimɔ kɑ resɛm kɑ dɑ̃ɑ mɑrum mɛ bɑ mɔ̀ fiɡie kɑ mɑɑ sɔmunu ɡɑnu bɑ kɑ nɑɑmɔ Yerusɑlɛmuɔ. Mɑ nɑ bu kirɔ kuɑ bu ku ɡɑ̃ɑnu dɔrɑ tɔ̃ɔ te. 
\v 16 Tiriɡii be bɑ mɑɑ wɑ̃ɑ mi, bɑ rɑ kɑ swɛ̃ɛ kɑ kiɑ dɑbinu nɛ bu Yudɑbɑ kɑ Yerusɑlɛmuɡibu dɔre sɑnɑm wɛ̃rɑɡim sɔɔ. 
\v 17 Mɑ nɑ Yudɑn wiruɡibu tɑɑrɛ wɛ̃. Nɑ bu bikiɑ nɑ nɛɛ, mbɑn sɔ̃nɑ bɑ kɔ̃sɑ mɔ̀ bɑ tɔ̃ɔ wɛ̃rɑruɡiru disi dokemɔ. 
\v 18 Nɡe mɛyɑ bɛsɛn sikɑdobɑ bɑ rɑɑ kuɑ. Mɑ Gusunɔ u sun wɑhɑlɑ dɑbinu suremɑ wuu ɡe sɔɔ. Yerɑ bɑ kĩ bu mɑɑ win mɔru seeyɑ bu tɔ̃ɔ wɛ̃rɑruɡii te disi doke?
\p
\v 19 Mɑ nɑ yiire bu Yerusɑlɛmun kɔnnɔsu kɛnɛ sɑnɑm mɛ sɔ̃ɔ u duɑ tɔ̃ɔ wɛ̃rɑruɡiru tu sere tore kpɑ bu ku su kɛniɑ mɑ n kun mɔ tɔ̃ɔ wɛ̃rɑruɡiru tɑ kpɑ. Mɑ nɑ nɛn sɔm kowobu ɡɑbu yi yi kɔnnɔ sin mi bu ku kɑ de sɔmunu ɡɑnu nu du tɔ̃ɔ wɛ̃rɑruɡii te sɔɔ. 
\v 20 Yerɑ kiɑ bwese bwesekɑn dɔrobu bɑ kpunɑ wuun biruɔ nɡe nɔn yiru. 
\v 21 Mɑ nɑ bu kirɔ kuɑ nɑ nɛɛ, mbɑn sɔ̃nɑ bɑ kpunɑ wuun tɔɔwɔ ɡbɑ̃rɑrun biruɔ. Nɑ mɑɑ bu sɔ̃ɔwɑ nɑ nɛɛ, bɑ̀ n mɑɑ yen bweseru kuɑ, kon bu nɔmɑ doke.
\p Sɑɑ yen dɔmɑ ten di, bɑ ǹ mɑɑ nɑɑre tɔ̃ɔ wɛ̃rɑruɡiru sɔɔ. 
\v 22 Mɑ nɑ Lefibɑ sɔ̃ɔwɑ nɑ nɛɛ, bu tii dɛɛrɑsio kpɑ bu nɑ bu Yerusɑlɛmun kɔnnɔsu kɔ̃su bu kɑ tɔ̃ɔ wɛ̃rɑruɡii te yi Yinni Gusunɔn sɔ̃.
\p Yinni Gusunɔ, yenibɑn sɔ̃, ɑ de ɑ n mɑn yɑɑye. Kpɑ ɑ mɑn kɔ̃su wunɛn durom bɑkɑm sɔ̃.
\p
\v 23 Wɑɑti ye sɔɔ, nɑ Yuubɑ wɑ bɑ kurɔbu suɑ Asidɔdubɑ kɑ Mɔɑbubɑ kɑ Amɔnibɑn min di. 
\v 24 Mɑ ben bibu ɡɑbu bɑ Asidɔduɡibun bɑrum ɡerumɔ. Bɑ ǹ Yudɑn bɑrum yɛ̃. Tɔn tuko bɑrumɑ bɑ ɡerumɔ. 
\v 25 Nɑ bu tɑɑrɛ wɛ̃, mɑ nɑ bu bɔ̃rusi. Nɑ ben ɡɑbu so, mɑ nɑ ɡɑbun seri wukurɑ. Mɑ nɑ nɛɛ, bu bɔ̃ruo Yinni Gusunɔn wuswɑɑɔ bu nɛɛ, bɑ ǹ mɑɑ ben bii wɔndiɑbɑ tɔn tukobu kɛ̃mɔ bu suɑ kurɔbu. Bɑ ǹ mɑɑ derimɔ ben ɑluwɑɑsibɑ bu tɔn tukobun bii wɔndiɑbɑ suɑ kurɔbu. 
\v 26 Domi yerɑ Sɑlomɔɔ Isirelibɑn sinɑ boko u kuɑ. Sunɔ ɡoo sɑri wi u kɑ nùn weenɛ hɑnduniɑ ye sɔɔ. Gusunɔ u nùn kĩ. Mɑ u nùn kuɑ Isirelibɑ kpuron sunɔ. Adɑmɑ kɑ mɛ, kurɔ be bɑ sɑ̃ɑ bwese tukunu bɑ nùn sure durum sɔɔ. 
\v 27 Yen sɔ̃, sɑ ǹ mɑɑ kĩ su nɔ bu nɛɛ, bɛɛyɑ i tɑɑrɛ bɑkɑ yenin bweseru kuɑ i bwese tukunu sɔɔ kurɔbu suɑ, kpɑ i ko nɑɑnɛ sɑribɑ Yinni Gusunɔn mi.
\p
\v 28 Yoyɑdɑn bii turo, Eliɑsibu wi u sɑ̃ɑ yɑ̃ku kowo tɔnweron debubu, wiyɑ u sɑ̃ɑ Sɑmbɑlɑ Horoniɡiin biin durɔ. Yen sɔ̃nɑ nɑ nùn ɡirɑ nɛn min di.
\p
\v 29 Yinni Gusunɔ, ɑ ku bu duɑri. Domi bɑ wunɛn sɑ̃ɑ yeru disi doke. Mɑ bɑ ǹ ɑrukɑwɑni yibie ye yɑ̃ku kowobu kɑ Lefibɑ bɑ kɑ nun bɔkuɑ.
\p
\v 30 Nɑ derɑ bɑ ɡɑ̃ɑ tukunu kpuro wunɑ ben suunu sɔɔn di. Mɑ nɑ yɑ̃ku kowo be, kɑ Lefi ben bɑɑwure wesiɑ win sɔmburu sɔɔ. Mɑ nɑ derɑ bɑ woodɑ ye mɛm nɔɔwɑ ye yɑ weenɛ be, yɑ̃ku kowobu bu mɛm nɔɔwɑ, 
\v 31 bɑ mɑɑ yɑ̃ku dɑ̃ɑ kɑsu yen sɑɑ sɔɔ mɑ bɑ ben dĩɑ ɡbiikinu wɛ̃.
\p Gusunɔ nɛn Yinni, ɑ de ɑ n mɑn yɑɑye yenibɑn sɔ̃.