\id JOL 
\ide UTF-8
\h Yoɛli
\mt1 YOƐLI
\ip Gusunɔn sɔmɔ Yoɛlin wɑɑsu yɑ sɑ̃ɑ kirɔ ye u win tɔmbu kuɑ. U nɛɛ, Yinni Gusunɔn siribu bu koo nɑ bin sɑɑ sɔɔ. Siri bin sɑɑwɑ u sokumɔ Yinni Gusunɔn tɔ̃ru. Sɑɑ ye sɔɔ, twee yi koo nɑ yi tem wukiri yi ɑrumɑnibɑ kɑm koosiɑ. Nɡe mɛ twee yi, yi koo tem kɑm koosiɑ, nɡe mɛyɑ Gusunɔ u koo mɑɑ tɔn be bɑ ǹ nùn nɑɑnɛ doke kɑm koosiɑ.
\ip Yoɛli u mɑɑ nɛɛ, sɑnɑm dɑ̃ɑkim sɔɔ, Yinni Gusunɔ u koo de win Hunde u nɑ win tɔmbu sɔɔ. Yɑ mɑɑ koorɑ nɡe mɛ sɑ ɡɑrimɔ GK 2:16-21 sɔɔ.
\ip Yoɛli, yĩsi ten tubusiɑnɑ Gusunɔ u sɑ̃ɑwɑ Yinni.
\is1 Tire ten kpunɑɑ
\iq1 1. Twee yi koo tem wukiri, wiru 1.
\iq1 2. Yinni Gusunɔn tɔ̃ru, wiru 2:1-17.
\iq1 3. Ye yɑ koo Yinni Gusunɔn tɔmbu deemɑ, wiru 2:18n di sere wiru 4:21.
\ie
\c 1
\p
\v 1 Gɑri wee yi Yinni Gusunɔ u Yoɛli, Pɛtuɛlin bii sɔ̃ɔwɑ u Yudɑbɑ sɔ̃.
\s1 Twee wuuru kɑ ɡbeburu
\q1
\v 2 U nɛɛ, bɛɛ Yudɑbɑn ɡuro ɡurobu,
\q1 i swɑɑ dɑkio i nɔ.
\q1 Bɛɛ Yudɑbɑ kpuro kpuro
\q1 i swɑɑ tem kpĩiyɔ i ɡɑri yi nɔ.
\q1 Gɑ̃ɑ ninin bweseru nu koore bɛɛn wɑɑti sɔɔ,
\q1 ǹ kun mɛ bɛɛn sikɑdobɑn wɑɑti sɔɔ?
\q1
\v 3 I bɛɛn bibu yen ɡɑri sɔ̃ɔwɔ.
\q1 Kpɑ bii be, bu mɑɑ ben bibu sɔ̃,
\q1 kpɑ be, bɑ̀ n seewɑ bu mɑɑ beɡibu sɔ̃.
\q1
\v 4 Wee dĩɑ ni kɔkɔnu nu di n tiɑrɑ,
\q1 twee yi nɑ yi di.
\q1 Ye twee yi nɑ yi di n tiɑrɑ
\q1 mɑ swĩini yi nɑ yi di.
\q1 Ye swĩini yi di n tiɑrɑ,
\q1 mɑ ɡbɑɑnu nɑ nu ye di.
\q1
\v 5 Bɛɛ be tɑm mu ɡoomɔ, i dom yɑndo kpɑ i swĩ.
\q1 Bɛɛ tɑm nɔrobu, i weeweenu koowo.
\q1 Domi tɑm mu koo kpe resɛm biɑrun sɔ̃.
\q1
\v 6 Domi twee wuurɑ nɑ nɡe tɑbu kowobu
\q1 tɑ bɛsɛn tem wukiri.
\q1 Yi dɑbi, yi mɑɑ dɑm mɔ.
\q1 Yin donnu dɑm mɔwɑ nɡe ɡbee sinɑnsuɡinu.
\q1
\v 7 Yi bɛsɛn resɛm ɡbɑɑnu kɑm koosiɑmɔ.
\q1 Yi bɛsɛn fiɡie dɑ̃nu dimɔ.
\q1 Yi yen kokosu wĩɑmɔ.
\q1 Mɑ yi yen kɑ̃ɑsi derimɔ kokosu sɑri.
\q1
\v 8 I wuri koowo nɡe kurɔ kpɑo wi ɡɔminirɑ deemɑ.
\q1
\v 9 Bɑ ku rɑ mɑɑ kɑ kɛ̃nu de Yinni Gusunɔn sɑ̃ɑ yerɔ
\q1 ni nu sɑ̃ɑ ɑlikɑmɑ kɑ tɑm.
\q1 Yen sɔ̃nɑ Yinni Gusunɔn sɔm kowo be bɑ sɑ̃ɑ yɑ̃ku kowobu bɑ sɑ̃ɑre bɑ ɡɔɔ sɔ̃.
\q1
\v 10 Gbeɑ kpuro yɑ kɑm kuɑ.
\q1 Mɑ yen tem mu sɑɑrɑ.
\q1 Alikɑmɑ sɑri, resɛm kɑ ɡum mɑɑ sɑri.
\q1
\v 11 Gbee wukobu bɑ sɔ̃ biti sɔɔ.
\q1 Be bɑ rɑ resɛm yewe, weeweenɑ bɑ mɔ̀.
\q1 Domi dĩɑ bimi sɑri.
\q1 Dĩɑnu kpuro nu kɑm kuɑ.
\q1
\v 12 Resɛm ɡbɑɑnu nu ɡberɑ.
\q1 Fiɡie yɑ dɛllɑ.
\q1 Dɑ̃ɑ ɡbɑɑnu kpuro nu ɡeɑ yinɑ.
\q1 Yɑ derɑ tɔmbu bɑ ǹ mɑɑ nuku dobu mɔ.
\s1 Yoɛli u tɔmbu kɑnɑmɔ
\s2 bu Yinni Gusunɔ suuru kɑnɑ
\q1
\v 13 Bɛɛ Yinni Gusunɔn sɔm kowobu, yɑ̃ku kowobu,
\q1 i sɑɑki sebuo
\q1 i kɑ kpunɑ wɔ̃ku ɡiriru nuku sɑnkirɑnun sɔ̃.
\q1 Domi wee bɑ ku rɑ mɑɑ kɑ ɑlikɑmɑ kɑ tɑm kɛ̃nu nɛ
\q1 Gusunɔ bɛsɛn Yinnin sɑ̃ɑ yerɔ.
\q1
\v 14 I tɔ̃ru ɡɑru wunɔ
\q1 tè sɔɔ i ko i nɔɔ bɔke.
\q1 I tɔmbu kpuro mɛnnɔ sere kɑ durɔ tɔkɔnɔ
\q1 Gusunɔ bɛsɛn Yinnin sɑ̃ɑ yerɔ,
\q1 kpɑ i nùn kɑnɑ.
\s1 Yinni Gusunɔn mɔrun tɔ̃ru
\q1
\v 15 Yinni Gusunɔn tɔ̃ru tɑ turuku kuɑ.
\q1 Tɔ̃ɔ te, tɑ sɑ̃ɑwɑ win tɔ̃ru.
\q1 Te sɔɔrɑ wi, Dɑm kpuroɡii u koo kpuro kɑm koosiɑ.
\q1 Annɑ ɑ tɔ̃ɔ kɔ̃suru wɑ te tɑ sisi mi.
\q1
\v 16 Wee sɑ mɛɛrɑ bɑ kɑ bɛsɛn dĩɑnu doonɔ.
\q1 Mɑ nuku dobu kpɑ Gusunɔ bɛsɛn Yinnin sɑ̃ɑ yerɔ.
\q1
\v 17 Ye bɑ duurɑ, yɑ ɡberɑ tem kusɑnu sɔɔ.
\q1 Dĩɑnu kpɑ birɑnu sɔɔ.
\q1 Mɑ birɑ ni, nu wɔrukumɔ.
\q1 Domi nu ǹ mɑɑ dĩɑnu mɔ.
\q1
\v 18 I swɑɑ dɑkio i nɔ nɡe mɛ yɛɛ yi wuri mɔ̀,
\q1 mɑ yi bɔsu bɑɑmɑ.
\q1 Domi yi ǹ yɑkɑsu wɑ kpɑrɑ yerɔ.
\q1 Bɑɑ kɑ yɑ̃ɑnɔ nu nɔni sɔ̃ɔre.
\s1 Yoɛli u kɑnɑru mɔ̀
\q1
\v 19 Yinni Gusunɔ, wunɑ nɑ nɔɔɡiru suemɔ.
\q1 Domi wee, yɑkɑsu kɑ dɑ̃ɑ dɔ̃ɔ mwɑɑrɑ ɡberɔ.
\q1
\v 20 Mɑ yɛɛ yi nɔɔɡiru sue yi nun kɑnɑmɔ.
\q1 Domi dɑɑnu ɡberɑ, yɑkɑsu mɑɑ dɔ̃ɔ mwɑɑkirɑ ɡbɑburɔ.
\s1 Yinni Gusunɔn tɔ̃ru
\s2 tɑ turuku kuɑ
\c 2
\q1
\v 1 I kɔbɑ soowo Siɔniɔ.
\q1 I de bu ye nɔ Yinni Gusunɔn ɡuu dɛɛrɑru mi.
\q1 Bɛɛ be i wɑ̃ɑ tem mɛ sɔɔ kpuro, i diirio bɛrum sɔ̃.
\q1 Domi Yinni Gusunɔn mɔrun tɔ̃rɑ wee.
\q1 Wee tɑ mɑm turuku kuɑ.
\q1
\v 2 Tɔ̃ɔ te, tɑ tĩriwɑ.
\q1 Tɑ ɡuru wiru kɑ bukɔ sɔɔwɑ.
\q1 Mɑ twee wuurɑ wee yi dɑbi,
\q1 yi mɑɑ dɑm mɔ.
\q1 Yin wuu te, tɑ tĩriwɑ
\q1 nɡe yɑm wɔ̃kurɑ ɡuuru wukiri.
\q1 Sɑ ǹ yen bweseru wɑɑre.
\q1 Sɑ ǹ mɑɑ yen bweseru wɑsi.
\q1
\v 3 Mi yi sɑrɑ kpuro,
\q1 n dɑ kowɑ nɡe dɔ̃ɔ mwɑɑrɑ u doonɑ.
\q1 Yi ku rɑ ɡɑ̃ɑnu deri.
\q1 Yellu bɛsɛn tem mu ɡeɑ sɑ̃ɑ
\q1 nɡe ɡbɑɑ te bɑ mɔ̀ Edɛni.
\q1 Adɑmɑ tɛ̃ yi mu kuɑ nɡe mi ɡɑ̃ɑnu ku rɑ kpi.
\q1
\v 4 Twee yi, yi sɑ̃ɑwɑ nɡe tɑbu mɑɑsɔbu
\q1 be bɑ dumi yɑkiɑmɔ.
\q1
\v 5 Yi yɔ̃ɔkumɔ yi ɡuunu ɡɑsirimɔ.
\q1 À n yen wɔkinu nuɑ
\q1 ɑ rɑ n tɑmɑɑ nɡe tɑbu kɛkɛbɑrɑ,
\q1 ǹ kun mɛ yɑkɑ si su dɔ̃ɔ mwɑɑrɑmɔn wɔkinu.
\q1 Yi rɑ n weewɑ nɡe tɑbu durɔ be bɑ tɑbun sɔɔru sɑ̃ɑ.
\q1
\v 6 Tɔmbu kpuro bɑ rɑ n nɑndewɑ yì n tunumɑ.
\q1 Kpɑ ben wuswɑɑ yu burisinɑ.
\q1
\v 7 Yi rɑ tii yɔ̃suwɑ nɡe tɑbu durɔbu,
\q1 yi n ɡbɑ̃rɑru ɡɑsirimɔ,
\q1 yen bɑɑyere yɑ n yen swɑɑ swĩi.
\q1 Yi ku rɑ ɡɑm ɡɛre.
\q1
\v 8 Yi ku rɑ mɑɑ bɑɑsinɛ.
\q1 Yen bɑɑyere yɑ rɑ n yen sĩɑ swĩiwɑ.
\q1 Gɑ̃ɑ ni nu koo ye ɡɔnɡɛrɛ ko,
\q1 yi rɑ nu wɔriwɑ sɑnnu.
\q1 Nu ku rɑ mɑɑ ye yɔ̃rɑsie.
\q1
\v 9 Yi rɑ wuu wukiriwɑ
\q1 yi n ɡbɑ̃rɑru kɑ yɛnusu ɡɑsirimɔ,
\q1 kpɑ yi n dumɔ fɛnɛntibɑn di nɡe ɡbɛnɔbu.
\q1
\v 10 Mi yi duɑ, tem mu rɑ diiriwɑ,
\q1 kpɑ n sɑ̃ɑre wɔllɑ koo wɔrumɑ,
\q1 kpɑ suru kɑ sɔ̃ɔ yɑm tĩrɑ,
\q1 kpɑ kperin bɑllibu kpe.
\q1
\v 11 Nɡe mɛyɑ Yinni Gusunɔ ù n ɡɑri ɡeruɑ win tɑbu kowobun wuswɑɑɔ,
\q1 bɑ rɑ nùn mɛm nɔɔwɛwɑ.
\q1 Bɑ dɑbi, bɑ mɑɑ dɑm mɔ.
\q1 Yen sɔ̃nɑ win tɔ̃ɔ te, tɑ nɑnum mɔ.
\q1 Wɑrɑ u koo yɔ̃rɑ u tu mɑ.
\s1 I ɡɔ̃ru ɡɔsio
\q1
\v 12-13 Yinni Gusunɔ u nɛɛ,
\q1 nɑ sɑ̃ɑwɑ wɔnwɔnduɡii.
\q1 Nɛn kĩru tɑ kpɑ̃.
\q1 Nɛn mɔru yɑ ku rɑ fuuku se.
\q1 Nɑ rɑ mɑɑ tɔnu suuru kue
\q1 kɔ̃sɑ ye nɑ rɑɑ kĩ n nùn kuɑ sɔɔ.
\q1 Tɛ̃, i wurɑmɑ kɑ bɛɛn ɡɔ̃ru kpuro nɛn mi,
\q1 i nɔɔ bɔke, kpɑ i wuri ko.
\q1 Bɛɛn ɡɔ̃ruwɑ i ko i ɡɔsiɑ,
\q1 n ǹ mɔ i yɑ̃nu ɡɛ̃ɛku tɔnɑ.
\q1 I wurɑmɑ nɛ, Gusunɔ bɛɛn Yinnin mi.
\q1
\v 14 Sɔrɔkudo kon ɡɔ̃ru ɡɔsiɑ,
\q1 kpɑ n bɛɛ durom kuɑ.
\q1 Sɑɑ ye sɔɔrɑ i ko i kpĩ i kɑ mɑn ɑlikɑmɑ kɑ tɑm kɛ̃nu nɑɑwɑ.
\s1 I kɑnɑru koowo
\s2 kɑ nɔɔ bɔkuru
\q1
\v 15 I kɔbɑ soowo Siɔniɔ.
\q1 I tɔmbu mɛnnɔ,
\q1 kpɑ i nɔɔ bɔkurun tɔ̃ru yi.
\q1
\v 16 I tɔmbu mɛnnɔ bu mɑn sɑ̃,
\q1 ɡuro ɡurobu kɑ bibu, kɑ bii wɛ̃ɛnɔ.
\q1 Bɑɑ kɑ be bɑ wɑ̃ɑ kurɔ kpɑɑ dirɔ,
\q1 bu yɑrio ben kurɔ kpɑɑ dirun di.
\q1
\v 17 Kpɑ yɑ̃ku kowo be bɑ mɑn sɑ̃ɑmɔ
\q1 bu du nɛn sɑ̃ɑ yerɔ kɑ swĩi,
\q1 yɑ̃ku yeru kɑ kɔnnɔn bɑɑ sɔɔ,
\q1 bu nɛ ben Yinni kɑnɑ bu nɛɛ,
\q1 n ben wɔnwɔndu wɑɑwo, be, nɛn tɔmbu.
\q1 N ku bu sekuru doke.
\q1 N ku de tɔn tukobu bu bu yɛ̃ɛ bu nɛɛ,
\q1 mɑnɑ nɛ, ben Yinni nɑ wɑ̃ɑ.
\s1 Yinni Gusunɔ
\s2 u win tɔmbu wisimɔ
\q1
\v 18 Yinni Gusunɔ u nisinu mɔ win tem sɔ̃.
\q1 U win tɔmbun wɔnwɔndu mɔ.
\q1
\v 19 Mɑ u win tɔmbun kɑnɑru wisɑ,
\q1 u nɛɛ, kon bɛɛ ɑlikɑmɑ kpɑɑ wɛ̃, kɑ resɛm, kɑ ɡum.
\q1 I ko i deburu wɑ.
\q1 Nɑ ǹ mɑɑ derimɔ bweseru ɡɑru tu bɛɛ yɛ̃ɛ.
\q1
\v 20 Kon bɛɛ yibɛrɛ be bɑ nɑ sɑɑ sɔ̃ɔ yɛ̃sɑn nɔm ɡeu ɡiɑn di ɡirɑ,
\q1 kpɑ n de bu dɑ n tomɑ
\q1 mi tem mu ɡbere mɑ ɡɑ̃ɑnu ku rɑ kpi.
\q1 Kon de ben swɑɑ ɡbiobu bu nim wɔ̃ku bɔruɡuu wɔri.
\q1 Kpɑ be bɑ wɑ̃ɑ biruɔ bu nim wɔ̃ku ɡe bɑ mɔ̀ Mɛditerɑnɛ wɔri.
\q1 Ben ɡonu nu koo numiɑ sere bu kpɑnɑ bu wɛ̃siɑ.
\q1 Geemɑ, Yinni Gusunɔ u ɡɑ̃ɑ bɑkɑnu kuɑ.
\q1
\v 21 Tem, ɑ ku bɛrum ko,
\q1 ɑ nuku dobu koowo,
\q1 domi Yinni Gusunɔ u ɡɑ̃ɑ bɑkɑnu kuɑ.
\q1
\v 22 Bɛɛ ɡbeeku yɛɛ, i ku nɑndɑ.
\q1 Domi yɑkɑsu su koo wure su kpi temɔ,
\q1 kpɑ dɑ̃nu nu mɑ.
\q1 Fiɡie kɑ resɛm yɑ koo binu mɑ siki siki.
\q1
\v 23 Bɛɛ Siɔniɡibu i nuku dobu koowo Gusunɔ bɛɛn Yinni sɔɔ.
\q1 Domi u koo de ɡurɑ yu nɛ yen sɑɑ sɔɔ nɡe yellu.
\q1 U koo de yu nɛ sɑɑ ye yɑ rɑ tore
\q1 kpɑ u de yu kpe sɑɑ ye yɑ rɑ kpe.
\q1
\v 24 Alikɑmɑn soo yerɑ kun mɑɑ ɡberɑmɔ.
\q1 Olifin ɡum, kɑ resɛm tɑm kun mɑɑ biɑrɑmɔ wekenɔ.
\q1
\v 25 Kon bɛɛ wɔ̃ɔ si kɑ dĩɑ nin kɔsire wɛ̃,
\q1 ni nɛn tɑbu kowobu, kɔkɔnu, kɑ ɡbɑɑnu, kɑ twee yi di
\q1 wɔ̃ɔ si su doonɑ sɔɔ.
\q1
\v 26 Bɛɛ nɛn tɔmbu, i ko i di i debu.
\q1 I ǹ sekuru wɑsi.
\q1 Kpɑ i nɛ, Yinni Gusunɔ bɛɛrɛ wɛ̃,
\q1 nɛ wi nɑ bɛɛ sɔm mɑɑmɑɑkiɡinu kuɑ.
\q1
\v 27 Sɑɑ ye sɔɔ, i ko i ɡiɑ
\q1 mɑ nɑ wɑ̃ɑ bɛɛ Isirelibɑn suunu sɔɔ.
\q1 Mɑ nɑ sɑ̃ɑ Gusunɔ bɛɛn Yinni.
\q1 Nɛ bɑɑsi, Yinni ɡoo mɑɑ sɑri.
\q1 Bɛɛ nɛn tɔmbu, i ǹ mɑɑ sekuru wɑsi.
\s1 Yinni Gusunɔ u koo
\s2 win Hunde doke tɔmbu sɔɔ
\c 3
\q1
\v 1 Yen biru kon nɛn Hunde doke tɔmbu kpuro sɔɔ.
\q1 Bɛɛn bii tɔn durɔbu kɑ tɔn kurɔbu bɑ koo nɛn ɡɑri ɡere,
\q1 kpɑ bɛɛn durɔ tɔkɔnu nu n dosusu mɔ̀,
\q1 kpɑ bɛɛn ɑluwɑɑsibɑ bu kɑ̃sinu wɑ.
\q1
\v 2 Bɑɑ kɑ yobɔ, kon bu nɛn Hunde wɛ̃wɑ tɔ̃ɔ te.
\q1
\v 3 Yen tɔ̃ɔ te sɔɔ, kon mɑɑmɑɑkibɑ ko.
\q1 Kon de yɛm kɑ dɔ̃ɔ kɑ wii bɑkɑsu sɔ̃ɔsirɑ wɔllɔ kɑ temɔ.
\q1
\v 4 Sɔ̃ɔ u koo yɑm tĩrɑ,
\q1 kpɑ suru u swɛ̃rɑ nɡe yɛm,
\q1 Yinni Gusunɔn tɔ̃ɔ nɑnumɡii te, tu sere tunumɑ.
\q1
\v 5 Adɑmɑ yen tɔ̃ɔ te,
\q1 wi u Yinni Gusunɔ sokɑ, u koo fɑɑbɑ wɑ.
\q1 Gɑbu bɑ koo kisirɑ nɔni swɑ̃ɑ ten di
\q1 Siɔnin ɡuurɔ Yerusɑlɛmuɔ
\q1 nɡe mɛ Yinni Gusunɔ u ɡeruɑ.
\q1 Beyɑ be u sokɑ bɑ n kɑ wɑ̃ɑru mɔ.
\s1 Yinni Gusunɔ
\s2 u koo bwese tukunu siri
\c 4
\q1
\v 1 Yinni Gusunɔ u nɛɛ, yen tɔ̃ɔ te,
\q1 kon Yudɑbɑ kɑ ben wuu Yerusɑlɛmu wesiɑ nɡe yellu.
\q1
\v 2 Kpɑ n bwese tukunu kpuro mɛnnɑ
\q1 n nu sure Yosɑfɑtin wɔwɑ sɔɔ.
\q1 Miyɑ kon nu siri
\q1 kɔ̃sɑ ye nu nɛn tɔmbu Isirelibɑ kuɑn sɔ̃.
\q1 Domi nu bu yɑrinɑsiɑ tem kpuro sɔɔ.
\q1 Mɑ nu ben tem bɔnu kuɑ.
\q1
\v 3 Nu nɛn tɔmbu bɔnu kuɑ kɑ tɛtɛ.
\q1 Nu ben ɑluwɑɑsibɑ mwɛɛrɑ nu dɔrɑ
\q1 nu kɑ wɑ nu kurɔ tɑnɔbu dwe.
\q1 Mɑ nu wɔndiɑbɑ mwɛɛrɑ nu dɔrɑ nu kɑ tɑm nɔ.
\q1
\v 4 Bɛɛ Tiriɡibu kɑ Sidoniɡibu kɑ sere be bɑ wɑ̃ɑ Filisitibɑn temɔ,
\q1 mbɑ i kĩ nɛn mi.
\q1 I kĩ i mɑn mɔru kɔsiɑwɑ?
\q1 Ǹ n mɛn nɑ, nɑ ǹ tɛɛmɔ n kɑ mɑɑ bɛɛ mɔru kɔsie.
\q1
\v 5 Wee i nɛn sii ɡeesu kɑ nɛn wurɑ
\q1 kɑ nɛn ɑrumɑni ɡurɑ.
\q1 Mɑ i dɑ i ye kpuro yi bɛɛn bũu sɑ̃ɑ yerɔ.
\q1
\v 6 Mɑ i Yudɑbɑ kɑ Yerusɑlɛmuɡibu mwɛɛrɑ i Gɛrɛkibɑ dɔre.
\q1 Nɡe mɛyɑ i kɑ bu tondɑsiɑ ben tem di.
\q1
\v 7 Adɑmɑ nɛ, kon kɑ bu wurɑmɑ mi bɑ rɑɑ wɑ̃ɑ.
\q1 Kon de kɔ̃sɑ ye i bu kuɑ mi,
\q1 yu wɔri bɛɛn wiru wɔllɔ.
\q1
\v 8 Kon bɛɛn bibu Yudɑbɑ dɔre.
\q1 Kpɑ be mɑɑ, bu be Sɑbeɡibu dɔre,
\q1 be bɑ wɑ̃ɑ n tomɑ.
\q1 Yeniwɑ nɛ, Yinni Gusunɔ nɑ ɡeruɑ.
\s1 Tɑɑ dɑ̃ɑkibu kɑ siribu
\p
\v 9 Yoɛli u nɛɛ,
\q1 i bwese tukunu nɔɔsio bu tɑbun sɔɔru ko.
\q1 Nu tɑbu durɔ dɑmɡibu seesio, kpɑ bu swɑɑ wɔri,
\q1 tɑbu kowobu kpuro ɡesi.
\q1
\v 10 Nu nin nɑɑ tebonu ɡɔsio tɑkobibɑ,
\q1 kpɑ nu nin kɔmbɔnu ɡɔsiɑ yɑɑsi.
\q1 Be bɑ rɑɑ sɑ̃ɑ bɛrurobu, bu tii koowo tɑbu durɔbu.
\q1
\v 11 I seewo fuuku i nɑ.
\q1 Bɛɛ bwese ni i wɑ̃ɑ turuku, i mɛnnɑmɑ.
\q1 Yinni Gusunɔ, ɑ de wunɛn tɑbu kowobu bu nɑ.
\q1
\v 12 Mɑ Yinni Gusunɔ u nɛɛ, bɛɛ bwesenu kpuro,
\q1 i seewo i nɑ Yosɑfɑtin wɔwɑ yen mi.
\q1 Domi miyɑ kon sinɑ
\q1 n bwese ni nu wɑ̃ɑ mi kpuro siri.
\q1
\v 13 Domi ben nuku kɔ̃surɑ bɑndɑ.
\q1 I kɔmbɔnu suo i tɔn be ɡɛ̃ nɡe dĩɑ ni nu ye.
\q1 I nɑ i bu munku nɡe resɛm ye bɑ doke ɡɑmɑ yerɔ,
\q1 mɑ yen nim mu kotosu yibɑ.
\q1
\v 14 Wee tɔn wɔru ɡɑ wee wɔwɑ yèn mi bɑ koo tɔmbu siri.
\q1 Domi nɛ, Yinni Gusunɔn tɔ̃ɔ te, tɑ turɑ
\q1 tè sɔɔ kon nɛn mɔru sɔ̃ɔsi.
\q1
\v 15 Sɔ̃ɔ kɑ suru kun mɑɑ bɑllimɔ.
\q1 Mɑ kperi yi yɑm tĩrɑ.
\q1
\v 16 Nɛ, Yinni Gusunɔ nɑ kukirimɔ Siɔnin ɡuurun di.
\q1 Nɛn nɔɔ ɡɑ nɔɔrɑmɔ Yerusɑlɛmun di.
\q1 Wɔllu kɑ tem mu yĩirimɔ.
\q1 Adɑmɑ nɑ nɛn tɔmbu Isirelibɑ kɔ̃su.
\q1 Nɛnɑ nɑ sɑ̃ɑ ben kuku yeru.
\q1
\v 17 Bɛɛ Isirelibɑ, i ko i ɡiɑ
\q1 mɑ nɛ Gusunɔ nɑ sɑ̃ɑwɑ bɛɛn Yinni,
\q1 nɛ wi nɑ wɑ̃ɑ Siɔniɔ nɛn ɡuu dɛɛrɑru mi.
\q1 Yerusɑlɛmu kpuro yɑ koo kpɑm ko nɛɡiɑ.
\q1 Tɔn tukobu bɑ ǹ mɑɑ ye wɔrimɔ.
\s1 Yinni Gusunɔ
\s2 u koo win tɔmbu domɑru kuɑ
\q1
\v 18 Sɑɑ ɡɑɑ wee yè sɔɔ resɛm yɑ koo ɡeɑ ko
\q1 sere kɑ ɡunɡunu wɔllɔ.
\q1 Kpɑ sɑbenu nu di mi.
\q1 Kpɑ nu bom ko mu n kpɑ̃.
\q1 Yudɑn tem dɑɑnu kpuro nu koo nim koku.
\q1 Dɑru kokɑ ɡɑɑ koo yɑri
\q1 Yinni Gusunɔn sɑ̃ɑ yerun di,
\q1 kpɑ yen nim mu dɑ
\q1 sere Sitimun wɔwɑɔ.
\q1
\v 19 Eɡibiti yɑ koo kɑm ko,
\q1 kpɑ Edɔmun tem mu ko bɑnsu.
\q1 Domi bɑ Yudɑbɑ dɑm dɔre,
\q1 mɑ bɑ tɑɑrɛ sɑriruɡibu ɡo.
\q1
\v 20-21 Adɑmɑ kon be bɑ tɔmbun yɛm yɑri mi mɔru kɔsiɑ.
\q1 Kpɑ Yudɑbɑ kɑ Yerusɑlɛmuɡibu bɑ n wɑ̃ɑ ben temɔ
\q1 sere kɑ bɑɑdommɑɔ.
\q1 Kpɑ nɛ, Yinni Gusunɔ nɑ n wɑ̃ɑ Siɔniɔ.