\id 3JN 
\ide UTF-8
\h Yohɑnu III
\mt1 TIRERU ITASE
\mt1 TE YOHANU U YORUA
\ip Gɑyusiwɑ Yohɑnu u tire te yoruɑ. Durɔ wi, u sɑ̃ɑwɑ tɔn ɡeo. U rɑ wɑɑsu kowobu somi. Adɑmɑ ɡoo u wɑ̃ɑ kɑ wi, wi bɑ mɔ̀ Diotɛfu. Wi, u kĩwɑ u n sɑ̃ɑ tɔnwero. U Yohɑnun ɡɑri yinɑ. Tire te, tɑ sun sɔ̃ɔsimɔ nɡe mɛ yellu, Yesuɡibu bɑ wɑhɑlɑ mɔ nɔɔsinɑɑ sɑrirun sɔ̃.
\is1 Tire ten kpunɑɑ
\iq1 1. Tɔbiribu, nɑɑsu 1-4.
\iq1 2. Wɑɑsu kowobun dɑm koosiɑbu, nɑɑsu 5-8.
\iq1 3. Diotɛfu kɑ Demɛtiru, nɑɑsu 9-12.
\iq1 4. Tɔbiri dɑ̃ɑkibu, nɑɑsu 13-15.
\ie
\c 1
\s1 Tɔbiribu
\p
\v 1 Gɑyusi, wunɛ wi nɑ kĩ kɑ ɡem, nɛ wi nɑ sɑ̃ɑ Yesun yiɡbɛ ɡuro ɡuro, nɛnɑ nɑ nun tɔburɑ.
\p
\v 2 Nɛn kĩnɑsi nɑ kɑnɑmɔ ɑ n kuurɑmɔ ɡɑ̃ɑnu bɑɑnire sɔɔ, kpɑ wunɛn wɑsi yi n bwɑ̃ɑ do nɡe mɛ wunɛn hunde yɑ sɑ̃ɑ. 
\v 3 Nɛn nukurɑ dorɑ too too sɑnɑm mɛ nɑɑnɛ dokeobu ɡɑbɑ nɑ, mɑ bɑ seedɑ di nɡe mɛ ɡem mu wɑ̃ɑ wunɛ sɔɔ, kɑ nɡe mɛ ɑ sĩimɔ ɡem mɛ sɔɔ. 
\v 4 Nuku dobu ɡɑbu sɑri bi bu kere n nɔ nɛn bibɑ sĩimɔ ɡem sɔɔ.
\s1 Wɑɑsu kowobun
\s2 dɑm koosiɑbu
\p
\v 5 Nɛn kĩnɑsi, nɑɑnɛ dokeon komɑ ɑ mɔ̀ sɑnɑm mɛ ɑ nɑɑnɛ dokeobu nɔɔrimɔ, n ku mɑm ko be bɑ sɑ̃ɑ sɔbu. 
\v 6 Bɑ wunɛn kĩrun seedɑ dimɔ Yesun yiɡbɛrun wuswɑɑɔ. A de ɑ n dɑ bu kusenu kue ben sɑnum sɔɔ nɡe mɛ n weenɛ Gusunɔɡii u ko. 
\v 7 Domi Yinnin yĩsirun sɔ̃nɑ bɑ doonɑ, bɑ ǹ ɡɑ̃ɑnu mwɛ nɑɑnɛ doke sɑriruɡibun mi. 
\v 8 Yen sɔ̃, bɛsɛrɑ n weenɛ su tɔn ben bweseru somi, kpɑ bɛsɛn tii sɑ n bɔnu mɔ kɑ be, ɡem kpɑrɑbu sɔɔ.
\s1 Diotɛfu kɑ Demɛtiru
\p
\v 9 Nɑ Yesun yiɡbɛru tire piibu ɡɑɡu yoruɑ, ɑdɑmɑ Diotɛfu, wi u kĩ u n sɑ̃ɑ ben ɡbiikoo u ǹ nɛn ɡɑri wure. 
\v 10 Yen sɔ̃nɑ nɑ̀ n nɑ, kon ɡere dɑɑ ye u mɔ̀ u kɑ sun ɡɑri kɔ̃si mɑnimɔ. N ǹ ye tɔnɑ, u ku rɑ mɑɑ nɑɑnɛ dokeobu dɑm koosie. Be bɑ mɑɑ kĩ bu bu dɑm koosiɑ, u rɑ bu yinɑriwɑ, kpɑ u bu ɡirɑ sɑɑ Yesun yiɡbɛrun di.
\p
\v 11 Nɛn kĩnɑsi ɑ ku kom kɔ̃sum sɑɑri mɑ n kun mɔ kom ɡem. Wi u ɡeɑ mɔ̀ u sɑ̃ɑwɑ Gusunɔɡii, ɑdɑmɑ wi u kɔ̃sɑ mɔ̀ u ǹ Gusunɔ yɛ̃wɑ.
\p
\v 12 Demɛtiru u seedɑ ɡeɑ mɔ bɑɑwure kpuron mi, kɑ mɑɑ ɡem tiin wuswɑɑɔ. Bɛsɛn tii sɑ nùn seedɑ diiyɑmmɛ, ɑ mɑɑ yɛ̃ mɑ bɛsɛn seedɑ sɑ̃ɑwɑ ɡem.
\s1 Tɔbiri dɑ̃ɑkibu
\p
\v 13 Nɑ ɡɑ̃ɑ dɑbinu mɔ n kɑ nun yoruɑ, ɑdɑmɑ nɑ ǹ kĩ n ni kpuro yore tireru sɔɔ. 
\v 14 Nɑ yĩiyɔ sɑ ko wɑɑnɑ ǹ n sosi, kpɑ su ɡɑri ko nɔɔ kɑ nɔɔ.
\p
\v 15 Alɑfiɑ yɑ n wɑ̃ɑ kɑ wunɛ.
\p Wunɛn bɔrɔbɑ kpuro bɑ nun tɔburɑ. A mɑɑ mɑn bɛsɛn bɔrɔbɑ tɔbirio tiɑ tiɑ.