\id 2TI bao Waimaja 
\h 2 TIMOTEO 
\toc1 2 TIMOTEO 
\toc2 2 TIMOTEO 
\toc3 2Ti 
\mt1 2 TIMOTEO 
\ip Jiro Pablo Timoteore cʉ̃ ca owa cojo nemori pũurora, cʉ̃ ca bii yaipe ca cõñacã doorijere majiri, cʉ̃ yeere cʉ̃re cʉ̃ ca cũu yaipere ca owa tʉjagʉre biri wãme owami. Tee tiigʉ cʉ̃re cʉ̃ ca owa cojo jʉori pũuro mena cʉ̃ ca tii niipere cʉ̃re cʉ̃ ca wede majioriquerena jĩcã wãmeri ĩi queno, apeye cʉ̃re ĩi nemo, ĩimi. 
\ip Ca nii jʉori tabere peeto añu doti cojo yapano (1.1-2), Timoteo, díámacʉ̃ tʉo nʉcʉ̃ bʉo, Pablore bʉaro cʉ̃re mai, cʉ̃ ca biirijere ĩima ĩigʉ, Ʉmʉreco Pacʉre “Añu majuropeecã” cʉ̃re ĩi, ĩimi (1.3-5). 
\ip Tee jiro, tee añurije queti jʉori cʉ̃re cʉ̃ja ca jĩa cõacãpe ca nii pacaro, to birora Pablo cʉ̃ ca tʉo nʉnʉjeecõa niirije añurije quetire bobo jãaricaro maniro to birora tʉo nʉnʉjeecõa niiriquere cʉ̃re wede majiomi. Timoteo cãa jĩcʉ̃ uwamʉ añugʉ Jesucristo yʉʉre birora, tʉgoeña bayirique mena to birora ñañaro cʉ̃ ca tamʉo peera niiro bii (1.6—2.13). 
\ip Díámacʉ̃ ca niitirijerena ca buerã menare cʉ̃ ca bii niipere cʉ̃re wede majiomi. Wederique ñeeacã pee ca tiitirije jʉorira, ca tʉorã peera añuro nii majiña maniro tii, ameri tutiricaro tii, ca tiirijerena cʉ̃ menara cʉ̃ ca ĩi ñaajua nucũ yujutipere biro ĩigʉ cʉ̃re wede majiomi. To biro ĩicã, añuro cʉ̃ ca biirique cʉti niipere, wimagʉ niigʉpʉra Ʉmʉreco Pacʉ wederique cʉ̃ ca bue ecorique ca ĩirore biro to birora cʉ̃ ca tʉo nʉnʉjeecõa niipere, cʉ̃re wede majiomi. Tee jiro, cʉ̃ ca tii niipere jĩcã wãmeri cʉ̃re wede majio, ñucã cʉ̃re ca biirijere cʉ̃re queti wede, ĩimi (2.14—4.18). 
\ip Ca tʉjari tabepʉra añu doti yapanorique mena ĩi yapano eami (4.19-22). 
\mt1 Pʉati Timoteore Pablo cʉ̃ ca queti owa cojorica pũuro 
\c 1  
\s1 Añu dotirique 
\p  
\v 1 Yʉ Pablo, Ʉmʉreco Pacʉ cʉ̃ ca boorore biro Jesucristo yeere wederi majʉ, Cristo Jesús jʉori catirique bʉarique niirucu cʉ̃ ca ĩirique ca niirore birora, wede dotigʉ cʉ̃ ca tiicojoricʉ,  
\v 2 yʉ macʉ̃re biro yʉ ca maigʉ Timoteore, mʉ yʉ añu doti cojo. Mani Pacʉ Ʉmʉreco Pacʉ, mani Wiogʉ Jesucristo, cʉ̃ja ca añurijere, cʉ̃ja ca ĩa mairijere, cʉ̃ja yee jĩcãri cõro niiriquere, mʉre cʉ̃ja tiicojojato. 
\s1 “Añu majuropeecã,” ĩirique 
\p  
\v 3 Ñamiri, ʉmʉrecori, yʉ ca juu buerije cõrora mʉre tʉgoeñari, Ʉmʉreco Pacʉre “Añu majuropeecã,” yʉ ĩi, yʉ ñicʉ̃ jãa niiquĩricarã cʉ̃ja ca tii niiquĩricarore birora tiigʉ, añuro tʉgoeña yeri cʉtirique mena, yʉ ca tii nʉcʉ̃ bʉogʉre.  
\v 4 Mʉ ca otiriquere tʉgoeñari, mʉre yʉ ĩarʉgami, ʉjea niirʉgʉ.  
\v 5 Díámacʉ̃ra, díámacʉ̃ mʉ ca tʉo nʉcʉ̃ bʉorijere yʉ maji. Mʉ ñicõ Loida, to biri mʉ paco Eunice, díámacʉ̃ tʉo nʉcʉ̃ bʉo jʉoupa.\f + \fr 1.5\ft  Hch 16.1.\f* Mʉ cãare, “To birora biimi” yʉ ĩi. 
\p  
\v 6-7 To biri yʉ amori mʉre yʉ ca ñia peori tabere, mʉ ca tii maji niipere Ʉmʉreco Pacʉ mʉre cʉ̃ ca tiicojoriquere, “Uwitigʉra teere tiicõa niiña,” mʉre yʉ ĩi. Ʉmʉreco Pacʉ uwi tʉgoeña yeri cʉtirique méére, manire tiicojoupi. Mani ca ĩi bayipere, mani ca ameri maipere, tʉgoeña bayiriquere, manire tiicojoupi.  
\v 8 To biri mani Wiogʉ yeere wede niigʉ boboeto. Ñucã cʉ̃ yee jʉorira tia cũurica wiipʉ yʉ ca niirije cãare boboeto. Mʉ cãa añurije queti jʉori ñañaro tamʉogʉ, Ʉmʉreco Pacʉ tutuarique mʉre cʉ̃ ca tiicojorije mena, to birora tʉgoeña bayicõa niiña.  
\v 9 Ʉmʉreco Pacʉ manire ametʉene, ca ñañarije manirã mani ca niiro manire tiirʉgʉ, manire jʉoupi. Añurije mani ca tii niirije jʉori méé, mee ati ʉmʉrecorire cʉ̃ ca tiiparo jʉgueropʉra Cristo Jesús jʉori, atere to biro manire tii bojaupi.  
\v 10 Mecʉ̃ra Cristo Jesús manire Ca Ametʉenegʉ, bii yairiquere tii yaio,\f + \fr 1.10\ft  Jesucristore ca tʉo nʉnʉjeerã, ñañaro bii yairica tabepʉre waatirucuma.\f* añurije queti mena to birora caticõa niirique ca peti nʉcãtirije peere añuro ca boeropʉ ami bau nii, ca tiiricʉ cʉ̃ ca doorique mena bii bau nii eaupa. 
\p  
\v 11 Ate añurije quetire, yʉre wede dotiwi Ʉmʉreco Pacʉ. Cristo yeere wederi majʉ, ñucã bue majiori majʉ, yʉre tiicojo cojowi.  
\v 12 Tee jʉorira ate niipetirijere ñañaro yʉ tamʉo. To biro yʉ ca biirijere yʉ boboti, díámacʉ̃ yʉ ca tʉo nʉnʉjeegʉre ca majigʉ niiri. Teere yʉre ca wede dotiricʉ ca tutuagʉ niiri, tii rʉmʉ ca earopʉ yʉre cʉ̃ ca ĩa nʉnʉjee yerijãapere yʉ maji. 
\p  
\v 13 Díámacʉ̃ bue majiorique yʉre mʉ ca tʉoriquere wajoatigʉra, tee ca ĩirore biro tii nʉnʉjeecã nʉnʉa waagʉja. Ñucã Cristo mena niirã díámacʉ̃ tʉo nʉcʉ̃ bʉo, ameri mai, mani ca bii niirije mena niiña.  
\v 14 To biri Añuri Yeri manipʉre ca niigʉ cʉ̃ ca tii nemoro mena, díámacʉ̃ bue majioriquere mʉre cʉ̃ ca dotiriquere añuro ĩa nʉnʉjeeya. 
\p  
\v 15 Mee niipetirã Asia yepa macãrã, ñucã Figelo, Hermógenes jãa menapʉra yʉre cʉ̃ja ca waa weocoariquere mʉ maji. 
\p  
\v 16 Wiogʉ, Onesíforo yaa wii macãrãre cʉ̃ ĩa maijato. Cʉ̃ pea paʉ tiiri, yʉ ca tʉgoeña tutuaro tii, tia cũurica wiipʉ ñañaro yʉ ca bii duwi yujurije cãare bobo tʉgoeñati, biiwi.  
\v 17 To biro biitigʉra, Romare eacãgʉpʉa ama yerijãaricaro maniro yʉre ama, yʉre bʉacãripʉ yerijãawi.  
\v 18 To biri Wiogʉ, tii rʉmʉ ca earo, cʉ̃ ca ĩa mairijere cʉ̃ ca bʉa earo cʉ̃re cʉ̃ tiijato. Mee añuro mʉ maji, paʉ tiiri Éfesopʉre manire cʉ̃ ca tii nemoriquere. 
\c 2  
\s1 Ñañaro tamʉo tʉgoeña bayirique 
\p  
\v 1 Mʉ Timoteo, yʉ macʉ̃, Ʉmʉreco Pacʉ cʉ̃ ca añu majuropeerijere, Cristo jʉori mʉre cʉ̃ ca tiicojoriquere bʉaro jañuro teere tii nʉnʉjee nʉnʉa waagʉja.  
\v 2 Paʉ cʉ̃ja ca tʉo cojoropʉ yʉ ca wedero mʉ ca tʉoriquere, Cristore to birora ca tʉo nʉnʉjeecã niirã aperã cãare ca bue majio majiparã ʉnore, teere cʉ̃jare wede dotiya. 
\p  
\v 3 Cristo Jesús yʉʉ uwamʉ ca niigʉre birora\f + \fr 2.3\ft  Ef 6.10-20.\f* ñañaro ca tamʉopʉra niiña mʉ cãa.  
\v 4 Jĩcʉ̃ peera uwamʉ, cʉ̃ wiogʉ cʉ̃ ca ĩa ʉjea niiro ca tiirʉgʉa, uwamarã niitirã tiirique peere tii maa wijiatimi.  
\v 5 Teere birora ũmaari majʉ cãa, ca ũmaa bayi ametʉenegʉ cʉ̃ ca wapa taari betore bʉatimi, tee ca dotirore biro cʉ̃ ca tiitijata.  
\v 6 Ñucã paderi majʉ tutuaro ca padegʉ niimi, ote dicare ca jee jʉopʉ.  
\v 7 Mʉre yʉ ca ĩirijere tʉgoeñaña. Wiogʉ ate niipetirijere mʉ ca tʉo puoro tiirucumi. 
\p  
\v 8 Tʉgoeñaña, Jesucristo, wiogʉ David pãrami ca bii yairicarã watoare ca cati tuaricʉre. Ate nii añurije queti yʉ ca wederije,  
\v 9 añurije queti jʉorira ñañarije tamʉo nʉcã duwi yuju, ñucã ñañagʉre biro come daari mena cʉ̃ja ca jiacãricʉ, yʉ nii. Biiropʉa, Ʉmʉreco Pacʉ yee queti pea come daari mena jiarique niiti.  
\v 10 To biri Ʉmʉreco Pacʉ cʉ̃ ca beje jeericarã añuro cʉ̃ja ca niipere ĩima ĩigʉ, niipetiro ñañaro yʉ ca tamʉorijere yʉ nʉcã ametʉenecã, cʉ̃ja cãa, añurije ametʉarique to birora ca niicõa niirije, Cristo Jesús jʉori mani ca cʉorijere cʉ̃ja cʉojato ĩigʉ. 
\p  
\v 11 Díámacʉ̃ra ca niirije nii atea: 
\q1 Cʉ̃ menara ca bii yairicarã mani ca niijata, 
\q2 ñucã cʉ̃ menara mani cati niirucu.\f + \fr 2.11\ft  Ro 6.8.\f* 
\q1  
\v 12 Cʉ̃ yee jʉori ñañaro mani ca tamʉojata, 
\q1 ñucã cʉ̃ menara ca doti niirã mani niirucu. 
\q1 Cʉ̃ yee jʉori ñañaro biima ĩirã, “Cʉ̃re jãa majiti” mani ca ĩijata, 
\q1 cʉ̃ cãa, “Mʉjare yʉ majiti” manire ĩirucumi. 
\q1  
\v 13 Mani ca ĩirore biro ca tiitirã mani ca nii pacaro, 
\q1 cʉ̃ pea cʉ̃ ca ĩirore birora tiicõa niimi, 
\q1 cʉ̃ majuropeera ca ĩi ditotigʉ niiri. 
\s1 Paderi majʉ añuro ca padegʉ 
\p  
\v 14 Atere to birora cʉ̃jare ĩi wede majiocõa niiña. Ʉmʉreco Pacʉ cʉ̃ ca ĩa cojoro, “Wede penirique ca añutirijere ĩiticaña,” cʉ̃jare ĩiña. Tea añuti. Ca tʉorãre ca ñañorije niiro bii.  
\v 15 Mʉ ca tii bayiro cõro tiiya. Ʉmʉreco Pacʉ jʉguerore jĩcʉ̃ paderi majʉ ñee ʉno jʉori pee ca bobotigʉre birora, “Añu majuropeecãmi” ĩiricʉ nii earʉgʉ, díámacʉ̃ ca niirije quetire ca niirore birora ca wedegʉ niiña.  
\v 16 Ʉmʉreco Pacʉ cʉ̃ ca boorore biro añuro nii nʉnʉa waa majiña maniro ca tiirije ati yepa maquẽre wedeticãña. Tee ʉnore ca wederã, bʉaro jañuro ñañarije peere tii nʉnʉa waama.  
\v 17 Ñucã, cʉ̃ja ca bue majiorije cãa, diarique ca catiotirije ca boa nʉnʉa waarijere biro\f + \fr 2.17\ft  Cáncer, gangrena.\f* peni pea nʉnʉa waa. Teere biro biima Himeneo, Fileto jãa,  
\v 18 díámacʉ̃ ca niirije quetire ca camotatiricarã. “Mee, cati tuarique biicã yerijãa waaupa,” ĩicãri, jĩcãrã díámacʉ̃ cʉ̃ja ca tʉo nʉcʉ̃ bʉorijere cʉ̃ja ca tʉo maa wijiaro tiima.  
\v 19 To ca bii pacaro Ʉmʉreco Pacʉ yaarã peti ca niirã, cʉ̃ yaarã cʉ̃ja ca niirijere ĩñorã to birora cʉ̃re tʉo nʉnʉjeecõa niima, o biro ĩi owarique mena: “Ʉmʉreco Pacʉa, cʉ̃ yaarãre majimi,” ñucã “Nʉcʉ̃ bʉorique mena Ʉmʉreco Pacʉre tii nemorique ca jãirã niipetirã ñañarije tiiriquere cʉ̃ja camotatijato,”\f + \fr 2.19b\ft  Is 52.11; Nm 16.26.\f* ca ĩirije mena. 
\p  
\v 20 Wii pairi wiipʉre, oro, plata mena tiirica bapari wado méé nii: yucʉ mena, dii mena, cʉ̃ja ca tiirique cãa nii. Jĩcã wãmeri ca nii majuropeerijere tiirã cʉ̃ja ca cʉorije, apeyea cʉ̃ja ca boorijere tiirã cʉ̃ja ca cʉorije, nii.  
\v 21 Jĩcʉ̃ ñañarije tiiri méé cʉ̃ ca niijata, jĩcã bapa añuri bapare biro ca ñañarije manigʉ, Ʉmʉreco Pacʉ yʉʉ, niipetirije añurijere ca tiipʉ niirucumi. \fig “Pairi wiipʉre, oro mena cʉ̃ja ca tiirica bapari wado méé nii.” 2Ti 2.20-21|src="hk00143b.tif" size="span" \fig* 
\p  
\v 22 Wãmarã niirã bʉaro ñañarije tiirique ca boorijere cʉ̃ja ca tii niirijere dutiri, ca niirore biro tii niirique, díámacʉ̃ tʉo nʉcʉ̃ bʉorique, ameri mairique, jĩcãri cõro añuro niirique peere amaña, añuro yeri tʉgoeñari, Wiogʉre ca ĩi nʉcʉ̃ bʉorã mena.\f + \fr 2.22\ft  Ro 10.12; 1Co 1.2.\f* 
\v 23 Ca ĩitipe ʉno cʉ̃ja ca ĩirijerena tʉo nʉnʉjeeticãña. Mee ameri tutiriquepʉ ca bii yapanorijere mʉ maji.  
\v 24 Jĩcʉ̃ Wiogʉ yeere paderi majʉa, ca ameri tutigʉ méé ca niipʉ niimi. To biro biitigʉra, niipetirã mena ca bojoca añugʉ, ca bue majio majigʉ, ca tʉgoeña bayigʉ,  
\v 25 ca ametʉene nʉcãrãre, “Ʉmʉreco Pacʉ, cʉ̃ peere cʉ̃ja ca tʉo nʉnʉjeero tii, díámacʉ̃ ca niirijere maji, cʉ̃ja ca biiro cʉ̃ tiijato,” ĩi yuerique mena ca wede majio majigʉ ca niipʉ niimi, díámacʉ̃ ca niirijere maji  
\v 26 bii bojoca catiri, Satanás cʉ̃ ca tii buiyeerijere, cʉ̃ja ca boorore biro cʉ̃ja ca tiiro cʉ̃ ca tii niirijere cʉ̃ja ca tii yerijãaro tiirʉgʉ. 
\c 3  
\s1 Ca tʉjari rʉmʉri ca biipere wederique 
\p  
\v 1 Ca tʉjari rʉmʉri ca nii waarucuro, do biro bii majiña maniro ñañarije ca tiirã cʉ̃ja ca niiri yʉteari ca bii eape cãare ca majipʉ mʉ nii.  
\v 2 Bojoca cʉ̃ja yee maquẽ wadore ca boorã, wapa tiirica tiirire bʉaro ca boorã, “O biro ca biirã jãa nii” ca ĩirã, ca manirijerena ca amarã, niirucuma. Ñañarije ca ĩi tutirã, cʉ̃ja pacʉare ca ametʉene nʉcãrã, “Añu” ca ĩitirã, nʉcʉ̃ bʉoriquere ca nʉcʉ̃ bʉotirã,  
\v 3 ca bojoca ĩa maitirã, ca ameri wede quenotirã,\f + \fr 3.3\ft  Ñañaro cʉ̃ja ca ĩirijere, cʉ̃ja ca tiirijere, ca wederique quenotirã.\f* ca queti pairã, cʉ̃ja ca tiirʉgarijere ca nʉcãtirã, “Ñañaro jãa tiibocu” ca ĩi bojoca catitirã, niipetirije añurijere ca junarã,  
\v 4 ca wedejãa buiyeerã, jãa tiicãre ca ĩitirã, “O biro ca tiirã jãa nii” ca ĩirã, Ʉmʉreco Pacʉre amaricaro ʉno cʉ̃ja ca tiirʉgarije peere bʉaro ca tiirã, niirucuma.  
\v 5 Ʉmʉreco Pacʉ cʉ̃ ca boorore biro añuro ca tii nʉnʉjeerãre biro niirucuma. To biro bii pacarã, cʉ̃ja ca tii niirije mena díámacʉ̃ Ʉmʉreco Pacʉ cʉ̃ ca boorore biro tii niiriquere junarucuma. To biro ca biirã menara niiti majuropeecãña. 
\p  
\v 6 Cʉ̃ja mena macãrã niima wiijepʉ jãa waacãri, nomia ca tʉgoeña tutuatirã cʉ̃ja ca tiirʉgarije cõro ñañarije tiicãri, ca tʉgoeñarique pai niirãre, bʉaro jañuri ñañarijere cʉ̃ja ca tii yai waaro ca tiirã.  
\v 7 Biirãpʉa cʉ̃ja romiria to cãnacã tiira, bʉaro jañuro bue maji nʉnʉa waama. Bii pacarã, díámacʉ̃ ca niirije peera jĩcãti ʉno peera tʉo jeeño majicoa, biitima.  
\v 8 Moisés're, Janes, Jambres\f + \fr 3.8\ft  Ex 7.11.\f* jãari cʉ̃ja ca ĩi camotaricarore birora cʉ̃ja cãa, díámacʉ̃ ca niirije quetire ĩi camotama. Ñañarije wado ca tʉgoeñarã, díámacʉ̃ tʉo nʉcʉ̃ bʉoriquere ca camotatiricarã niima.  
\v 9 Biirãpʉa pʉarã Moisés're ca ĩi camotaricarãre ca biiricarore birora, bʉaro ĩi nʉnʉa waatirucuma, niipetirã no ca boorora cʉ̃ja ca ĩirijere cʉ̃ja ca majicoaro macã. 
\s1 Pablo, Timoteore cʉ̃ ca tii dotirique 
\p  
\v 10 Mʉ pea, yʉ ca bue majioriquere, yʉ ca niirique cʉtirijere, yʉ ca tiirʉgarijere, díámacʉ̃ yʉ ca tʉo nʉcʉ̃ bʉorijere, yʉ ca tʉgoeña bayirijere, yʉ ca mairijere, ñañaro tamʉogʉ yʉ ca tʉgoeña bayirijere,  
\v 11 ñañaro yʉre cʉ̃ja ca tiirʉga nʉnʉjeerijere, ñañaro yʉ ca tamʉorijere, yʉ ca biirore birora mʉ bii nʉnʉjeewʉ. Ñucã Antioquía, Iconio, Listrapʉ niigʉ, ñañaro tiirʉga nʉnʉjee eco, yʉ ca biiriquere, ñucã tee niipetirijere Jesucristo yʉre ametʉene, cʉ̃ ca tiiriquere mʉ tʉoupa.  
\v 12 Niipetirã Cristo Jesús jʉori Ʉmʉreco Pacʉ cʉ̃ ca boorore biro ca tii niirʉgarã, ñañaro tii nʉnʉjee ecorucuma.  
\v 13 Ñañarã, ca ĩi ditorã pea, bʉaro jañuri ñañaro bii nʉnʉa waarucuma, ĩi dito, ĩi dito eco, biirã.  
\v 14 Mʉ pea, mʉ ca bue majirique cõrorena “Díámacʉ̃ra nii” mʉ ca ĩirijere, to birora tiicõa niiña. Mee mʉ maji, mʉre ca bue majioricarãre.  
\v 15 Mee, wimagʉ niigʉpʉra Ʉmʉreco Pacʉ wederiquere\f + \fr 3.15\ft  Escrituras: Antiguo Testamento.\f* mʉ majiupa, “Cristore díámacʉ̃ tʉo nʉcʉ̃ bʉorique jʉori, ametʉarique nii,” mʉ ca ĩi majiro ca tiirijere.  
\v 16 Ʉmʉreco Pacʉ wederique owarica tuti niipetiropʉra Ʉmʉreco Pacʉ cʉ̃ ca majiorije mena cʉ̃ja ca owarique nii. Bue majio, tuti bojoca catio, wede majio, ca niirore biro tii niiriquere bue majio, tiirique maquẽ añurije nii,  
\v 17 Ʉmʉreco Pacʉ yʉʉ ca niigʉ cõrora niipetirije añurijere ca tii majigʉ añugʉ, cʉ̃ ca niipere biro ĩiro.\f + \fr 3.17\ft  Jn 17.17; Ef 5.25-26.\f* 
\c 4  
\p  
\v 1 Ʉmʉreco Pacʉ, to biri Wiogʉ Cristo Jesús, Ʉpʉre biro cʉ̃ ca doti majirije mena doori, ca catirãre, ca bii yairicarãre, ca ĩa bejepʉ cʉ̃ ca ĩa cojoro, atere mʉre yʉ tii doti:  
\v 2 Añurije quetire wedeya; mʉ ca wedepa tabe ʉno, mʉ ca wedetipa tabe ʉno cãare, to birora wedecõa niiña. Cʉ̃ja ca tʉgoeña wajoaro tii, bʉaro tʉgoeña bayirique mena cʉ̃jare wede majio bojoca catio, cʉ̃ja ca tʉgoeña bayiro tii, tiiya, cʉ̃jare bue yerijãaricaro maniro.  
\v 3 Earucu, añurije bueriquere bojoca cʉ̃ja ca tʉorʉgatiri yʉtea, cʉ̃ja ca boorije wadore ca tiirã niiri, paʉ cʉ̃jare ca bueri maja cʉ̃ja ca tʉorʉgarije ʉno wadore ca wederãre amarucuma.  
\v 4 Díámacʉ̃ ca niirijere tʉo nʉnʉjee yerijãari, ca biiquĩriquere cʉ̃ja ca wederije peere tʉo nʉnʉjeerucuma.  
\v 5 Mʉ pea niipetirijepʉrena ca tʉgoeña bojoca catigʉ nii, ñañaro tamʉoriquere nʉcã, añurije quetire wede, mʉ paderiquere añuro pade, tiicõa niiña. 
\p  
\v 6 Yʉra, peeto dʉja yʉre cʉ̃ja ca jĩape. Yʉ ca waapa yʉtea eacoaro bii.\f + \fr 4.6\ft  Ʉmʉreco Pacʉre tii nʉcʉ̃ bʉorã waibʉcʉ jĩari joe mʉene yapano waarã, ʉje cʉ̃ja ca pio peorore biropʉ biicoagʉ yʉ bii.\f* 
\v 7 Jesucristo yeere padegʉ ñañaro tamʉo pacagʉ, yʉ ca tii bayiro cõro to birora yʉ padecõa niiwʉ.  
\v 8 Mecʉ̃ra Wiogʉ ca niirore biro ca ĩa bejegʉ cʉ̃ ca doori rʉmʉre, cʉ̃ yeere ca niirore biro yʉ ca tii niirique wapare yʉre cʉ̃ ca tiicojo wapa tiipa beto yʉre yue; yʉ wado méére tiicojorucumi, niipetirã mairique mena cʉ̃ ca doorijere tʉgoeña bayirique mena ca yue niirã cãare cʉ̃jare tiicojorucumi.\f + \fr 4.8 \ft 1Co 9.24-25; 1Ti 4.8; Stg 1.12; 1P 5.4.\f* 
\s1 Timoteo cʉ̃ ca tiipe 
\p  
\v 9 Timoteo, yoari méé jañuro yʉre ĩagʉ dooya.  
\v 10 Demas pea, ati yepa maquẽ peere bʉaro ca boogʉ niiri, Tesalónicapʉ yʉre waa weocoawi. Cresente cãa Galaciapʉ waacoawi. Tito pea Dalmaciapʉ waacoawi.  
\v 11 Lucas jĩcʉ̃ra yʉ mena niimi. Marcos're jʉogʉ waari, cʉ̃re mʉ jʉo doowa; yʉ ca paderijere yʉre tii nemobocumi.  
\v 12 Tíquico peera Éfesopʉ cʉ̃re yʉ tiicojowʉ.  
\v 13 Doogʉ, Troas'pʉ, Carpo yaa wiipʉ yʉ jutiro jotoa jãñaricaro, yʉ ca cũuricarore yʉre mʉ ami doo bojawa. Ñucã apeyera, owarica tutirire, añuro petira owarique upa tunua ca niiri pũurorire\f + \fr 4.13\ft  Pergaminos: Ovejas quejeri mena, chivoa quejeri mena, cʉ̃ja ca tiirique niiupa.\f* mʉ jee doo bojawa. 
\p  
\v 14 Alejandro, come paderi majʉ, bʉaro peti ñañaro yʉ ca biiro yʉre tiiwi. To biri Wiogʉ cãa cʉ̃ ca tiiricarore birora ñañaro cʉ̃re tiirucumi.  
\v 15 Mʉ cãa cʉ̃re uwi bojoca ca tiiri niiña. Mani ca wederijere bʉaropʉra booti majuropeecãwi. 
\p  
\v 16 Ʉparã pʉtopʉ\f + \fr 4.16\ft  Jueces.\f* yʉ ca wede queno jʉogʉ waaro jĩcʉ̃ peera yʉre bapa cʉtiticãwa. Niipetirãpʉra yʉre waa weo peticoawa. To biri Ʉmʉreco Pacʉ, “To biro cʉ̃ja ca biirique jʉori, ñañaro cʉ̃jare cʉ̃ tiiticãjato,” yʉ ĩi yue.  
\v 17 To ca bii pacaro Wiogʉ pea yʉre tii nemo, tutuarique yʉre tiicojo, tiiwi, yʉ jʉori añurije quetire yʉ ca wedero, Cristore ca majitirã cʉ̃ja ca tʉo nʉnʉjeepere biro ĩigʉ. To biro tiiri, yai jũagʉ\f + \fr 4.17\ft  León; Sal 22.20-21.\f* ʉjeropʉ ca jãñagʉre biro yʉ ca niirijere yʉre ametʉenewi.  
\v 18 Wiogʉre díámacʉ̃ yʉ ca tʉo nʉnʉjeerijere cʉ̃ yerijãajato ĩirã, ñañaro yʉre cʉ̃ja ca tiimijata cãare, cʉ̃ra yʉre tii nemori, ca añuri tabe cʉ̃ ca doti niiri tabe ʉmʉreco tutipʉ yʉre amicoarucumi. Añurije to birora cʉ̃re to niicõa niijato. To biro to biijato. 
\s1 Añu doti yapanorique 
\p  
\v 19 Priscila, Aquila jãa, to biri ñucã Onesíforo yaa wii macãrã cʉ̃ja añujato.  
\v 20 Erasto, Corintopʉra tuacãwi. Trófimo peera ca diagʉre, Miletopʉra cʉ̃re yʉ cũuwʉ.  
\v 21 Ñucã pue bʉcʉ jʉguero, yoari méé jañuro mʉ doowa. Ñucã Eubulo, Pudente, Lino, Claudia, niipetirã mani yee wederã Cristore ca tʉo nʉnʉjeerã mʉre añu doti cojoma. 
\p  
\v 22 Wiogʉ Jesucristo mʉ mena nii, Ʉmʉreco Pacʉ pea cʉ̃ yee añurijere mʉja niipetirãre pairo tiicojo, cʉ̃ tiijato. 
\p To biro to biijato. 
\p Pablo