\id HEB Hebrews MAHEB.SCP Ata Manobo 05-JUL-2000 
\h Hibriu 
\toc1 Ka Sulat no Impaalap to mgo Hibriu 
\toc2 Hibriu 
\toc3 Hib 
\mt2 Ka Sulat no Impaalap to mgo 
\mt1 Hibriu 
\imt2 Tongod to Soini no Sulat dio to mgo Hibriu 
\ip Ka soini no sulat, ingkapaalap dio to mgo nigtuu to mgo Hudiu no songo ogkohingaranan no mgo Hibriu su ian kinagian dan ka Hinibriu. Waro ki nangoni ko hontow ka nakasulat. No ka tuud to nasulatan ka soini su oyow ogkohogot ka pogtuu ran. Ian su ka mohon-ing no mgo Hudiu, waro nigtuu ki Hisus. No ka waro nigtuu, nigbayadbayad to sikan no mgo duma ran no nigtuu on. Ligkat to sikan, duon mgo nigtuu no magaan poron og-ongkod to pogtuu ran ki Hisus, no oglibongon dan poron ka pogtuu to mgo duma ran no Hudiu no ogsalig dod to pogtuman dan to mgo Balaod no imbogoy to Magboboot dongan ki Moisis. 
\ip Sikan ian to duon tatolu no innangon to soini no sulat oyow ogkohogot ka pogtuu ran. An-anayan, igkapohitaga to, si Hisus ka anak to Magboboot no waro kabinunsuran din woy songo waro katamanan din. Sikan ian to dakoldakol ka ngaran ni Hisus to mgo diwata no suguanon to Magboboot woy songo dakoldakol ka ngaran ni Hisus ki Moisis. No to igkaruwa, ingkapohitaga to sulat to, si Hisus on ka nakaliwan to mgo talagpanubad to mgo Hudiu woy dakoldakol ka pulus to nohimu rin. No to igkatolu, igkapohitaga to, si Hisus ka nigtuman to tibo no ingkapanag-ilingan to sikan no mgo batasan no impabogoy to Magboboot kandan dongan. 
\ip Pogkaponga, mohon-ing ka imbatbat tongod to sikan no nohimu dongan to mgo otow no nigtuu lagboy to Magboboot. No agad to mohon-ing ka kandan no igkabaybayari, di waro dan ongkori ka pogtuu ran. No ka tuud to innangonnangon su oyow ogkohogot ka pogtuu to sikan no mgo nigtuu no Hudiu oyow kono ogpakasuwoy to pogtuu ran. 
\is1 Ka Ignangon to Soini no Sulat 
\io1 Si Hisu Kristu on ka igpohitaga kanta to Magboboot 1:1-3 
\io1 Si Hisus, dakoldakol to mgo diwata no suguanon to Magboboot 1:4 – 2:18 
\io1 Si Hisus, dakoldakol ki Moisis woy dakoldakol ki Husui 3:1 – 4:13 
\io1 Si Hisus on ka madmaroyow no talagpanubad kanta 4:14 – 7:28 
\io1 Si Hisus ka nohimu to madmaroyow no dalan ta dio to Magboboot 8:1 – 9:28 
\io1 Ka ingkatubad ni Hisus, madmaroyow to sikan no ingkatubad to dongan no mgo talagpanubad 10:1-31 
\io1 Ka mohuri, to og-awoson to og-ilingon ta ka pogtuu to dongan no mgo otow no nigtuu to Magboboot 11:1 – 12:25 
\c 1  
\s1 Ka Anak din no si Hisus ka Igpohitaga Kanta to Magboboot 
\p  
\v 1 Dongan, nigkagian to Magboboot ka kaap-apuan ta no ian ka mgo Hudiu. No ka mgo talagnangon to kinagian din ka impakagi rin kandan. Di ka batasan din to igpohitaga rin kandan to kinagian din, nigloinloin.  
\v 2 Di kuntoon to soini no mohurian no allow, ka Anak din ka impohitaga kanta to kinagian to Magboboot. Ka soini no Anak din ka nigpohimu to Magboboot to soini no kalibutan, no si Hisus dod ka nig-alam din woy nigbootan din to oyow ian on tagtuun to tibo.  
\v 3 Ka tibo no karoyawan to Magboboot, duon to Anak din, no ogsosokod lagboy ka goinawa ran. Oggongonan to Anak din ka kalibutan woy ka langit su ligkat to kabogbogan to kagi rin. Ko nigpakimatoy to lawa rin oyow ogkaawo on ka mgo salo ta oyow ogmalinis on ka goinawa ta, nig-uli dio to langit no nigpinpinnuu on dio to kawanan to Magboboot no ian mabogbog. 
\s1 Si Hisus, Dakoldakol to mgo Diwata to Magboboot 
\p  
\v 4 Sikan ian to nohimu on ka Anak din no mamabogbog to mgo diwata no suguanon din woy nigbogayan to Magboboot sikandin to ngaran no dakoldakol to mgo ngaran dan.  
\v 5 Nataga ki to soini su ka kagi to Magboboot ki Hisus, waro mog-unawa to kagi rin to mgo diwata rin. Ian su duon impasulat din dongan to kagi rin to Anak din. Kagi rin to, 
\q1 “Sikoykow ka Anak ku, no kuntoon no allow, sikanak on ka amoy nu.” 
\m Di agad kon-u, waro din innangon to agad hondoi no diwata no suguanon din to, 
\q1 “Sikanak ka amoy rin woy sikandin on ka Anak ku.”\f + \fr 1:5 \ft Ogkabasa to Salmo 2:7.\f* 
\m  
\v 6 No ko ogkatuman on ka allow to Magboboot no magaan din on igpohondini ka panganoy no Anak din kai to soini no kalibutan, duon dangob no kagi rin tongod to Anak din to, 
\q1 “Og-awoson to ogsayoon sikandin to tibo no mgo diwata no suguanon ku.” 
\m  
\v 7 Di tongod to mgo diwata to Magboboot, soini ro atag ka kagi rin. Kagi to sulat to, 
\q1 “Ka pogsugu din to mgo diwata din, ogkoiling to kalamag woy ko logdog no hapuy.”\f + \fr 1:7 \ft To Ginirigu, songo kuwo ko ogkalituk to, ka lawa to mgo diwata ogkoiling to kalamag woy ka oglogdog no hapuy, woy ko ian lituk to kagi rin ko ka pogsugu din to mgo diwata no suguanon din, ogkoiling to kalamag woy ko ka oglogdog to hapuy. Ka sikan, ogkabasa to Salmo 104:4.\f* 
\p  
\v 8 Di tongod to Anak din, soini atag ka innangon to Magboboot. Kagi, 
\q1 “Taman to waro katamanan, Magboboot, waro katamanan to pogpangatondanan nu. Woy ogkaayun lagboy ka pog-alap nu to sikan no katondanan nu.\f + \fr 1:8 \ft Ogkabasa to Salmo 45:6.\f* 
\q1  
\v 9 Indakoli nu to goinawa nu ka maroyow di og-usigan nu to goinawa nu ka maroot. Sikan ian to, sikanak no ian Magboboot woy Magboboot nu, nig-indanan ku sikoykow oyow ogkabogayan ka to dakol no igkarago nu no ogdakoldakol to sikan no igkarago no igkabogoy to mgo duma nu.” 
\m  
\v 10 Duon dod dangob no kinagian to Magboboot to Anak din. Kagi, 
\q1 “Sikoykow, Lagboy no Igbuyag, ka nighimu to soini no kalibutan dongan. Agad ka tibo no dio to langit, ka koykow ro no bolad ka nighimu.\f + \fr 1:10 \ft Ogkabasa to Salmo 102:25.\f* 
\q1  
\v 11 Ogkaawo doka tibo no nighimu nud, di sikoykow, waro katamanan nu. Tibo no nighimu nud, ogkabuyag on no ogkounawa to manggad no ogkamolu do. 
\q1  
\v 12 Ian su ogkoongkoran nud on ka tibo, unawa to tahan no manggad no songo ogkoongkoran no ogkaliwanan on to iam. Di sikoykow atag, kono ka ogkahalin no waro katamanan nu.” 
\m  
\v 13 Di agad kon-u, waro nangoni to Magboboot ka agad hondoi no diwata no suguanon din to, 
\q1 “Kai kad on to kawanan ku ogpinpinnuu taman to ogdoogon ku ka tibo no mgo usig nu.”\f + \fr 1:13 \ft Ka sikan no innangon to Magboboot to Anak din, ogkabasa to Salmo 110:1.\f* 
\p  
\v 14 Nokoy naan ka mgo diwata no suguanon din? Ka lawa ran, ogkoiling to mgo gimukud no kono ogkakitaan. Di talagbulig sikandan to Magboboot no ogsuguon din dio to sikan no mgo otow no ogtuu on kandin to oyow ogkapangabangan on to mgo salo dan. 
\c 2  
\s1 Ka Dakol no Pogpangabang to Magboboot Kanta 
\p  
\v 1 Sikan ian to Og-awoson ta to Ogdakolon ta ka pogsagman to sikan no tu-tuu ian no nigdinog ta oyow kono ki ogpakasuwoy to sikan ian no ingkaanad kanta.  
\v 2 Ian su nataga ki to tu-tuu ian ka sikan no Balaod to Magboboot dongan no impahatod to mgo diwata no suguanon din. No agad hontow no niglop-ang to agad nokoy no insugu din woy ko waro nigpaagad-agad, niglogparan on sikandin to litos to salo din.  
\v 3 Nò, sikantanow, ko kono kid ogsagman to soini kuntoon no dakol no pogpangabang kanta to mgo salo ta, kono ki ogpakasasalia to iglogpad din kanta. Ian su ka Lagboy no Igbuyag ta no si Hisus ka nokohun-a no nignangon to soini no nangnangonon. No ka mgo nigdinog kandin, sikandan ka nigpamalogot kanta to tu-tuu ian ka sikan no innangon din.  
\v 4 Woy duon dod mgo mabogbog no mgo kabolongbolonganan, woy loinloin no mgo impoindan to Magboboot to tu-tuu ian ka ignangon din. Woy duon dod ka mgo katouanan no imbogoy to Gimukud din dio to mgo nigtuu no songo immalogot to sikan no nangnangonon din. 
\s1 Si Hisus ka Talagpangabang Kanta 
\p  
\v 5 Nò, ian ku ignangon to sikan su ka pog-alap to katondanan to sikan no innangon noy no kalibutan no ogkohimu on uromo, waro ibogoy to Magboboot dio to mgo diwata no suguanon din  
\v 6 su ka otow ka ogbogayan din. Ian su duon impasulat dongan to Magboboot. No kagi to sulat to, 
\q2 “Manio, Magboboot, to ogdoromdomon nu ka otow? 
\q2 Woy manio to ogsagmanon nu sikandin?\f + \fr 2:6 \ft Ogkabasa to Salmo 8:4.\f* 
\q1  
\v 7 No to doisok do, ka katondanan no imbogoy nu kandin, mamalintok pad to sikan no katondanan no imbogoy nu to mgo diwata no suguanon nu.\f + \fr 2:7 \ft To kinagian to Ginirigu, daruwa ka ogkohimu no lituk to sikan no kagi, ko to doisok do ogmamalintok ka katondanan to otow, woy ko kuntoon pad ogmamalintok ka katondanan din.\f* 
\q1 Woy nigbogayan nu sikandin to karoyawan woy ka pogtahud no litos to igkasayo noy to dakol no igbuyag. 
\q1  
\v 8 Woy nigbogayan nu sikandin to katondanan to ogboboot to tibo no kalaglagan kai to soini no kalibutan.” 
\m Ka ignangon kai, ko nigboot ka Magboboot to oyow ogkabobootan to otow ka tibo no kalaglagan no nohimu, waro agad nokoy no kono din ogkabobootan. Di kuntoon, nataga ki to waro pad makaboboot ka otow to tibo to agad nokoy.  
\v 9 Di duon soini no natagaan ta atag tongod ki Hisus, to impamalintok pad ka ngaran din to mgo diwata to Magboboot. No nohimu ka sikan oyow ogpakimatoy si Hisus to tibo no mgo otow su ian ka igkohoy-u to Magboboot kanta tibo. No kuntoon, nabogayan on sikandin to dakol no karoyawan woy to oyow ogmabantug on su ligkat to sikan no pogkamatoy rin kanta.  
\v 10 Nò, ka Magboboot ka nighimu to tibo woy ian to nohimu su oyow ogkasayo sikandin. No nigboboot ka Magboboot to oyow ogkoumaan on si Hisus to igkabaybayari rin. Litos ka sikan oyow ogpakatuman sikandin to tibo no tuud to Magboboot. No ian su oyow si Hisus ka ogpakaalap to tibo kanta no ogkapangabangan on. Sikan ka nighimu to Magboboot oyow ogmohon-ingon din ka mgo anak din no og-alapon din dio to kandin no karoyawan. 
\p  
\v 11 Ian su si Hisus ka nig-awo to salo ta woy ka mgo otow no ogkaawaan on to salo dan, sagboka ro ka amoy ran no ian ka Magboboot. No sikan ian to kono ogkasipod si Hisus to og-abin kanta to mgo hari ki rin.  
\v 12 Ka sikan, ogkounawa to innangon din to amoy rin no ian ka Magboboot. Kagi rin to, 
\q1 “Ignangon ku ka ngaran nu dio to mgo hari ku no nigtuu. No to pogkanta ku, ogsayoon ku sikoykow dio to tangkaan to mgo oglimudlimud no ogsayo koykow.”\f + \fr 2:12 \ft Ogkabasa to Salmo 22:22.\f* 
\m  
\v 13 Duon dod dangob no kagi rin. 
\q1 Kagi, “Ogsaligan ku ka Magboboot.” 
\m Woy duon man do dangob no kagi rin. Kagi, 
\q2 “Soini a rod ka nigduma to mgo anak nu no insalig nu kanak.”\f + \fr 2:13 \ft Ogkabasa to Isaias 8:17,18.\f* 
\p  
\v 14 Nò, sikanta no nigtuu no songo oghingaranan to Magboboot no mgo anak din, otow ki ro, no duon mgo sapu, mgo langosa to soini no lawa ta. Sikan ian to nig-unawa ka lawa ni Hisus to kanta no lawa no ogkohimu no ogkamatoy. Ian su oyow ligkat to kandin no pogkamatoy, ogkaawo on ka katondanan ni Satanas no ogpakaalap poron kanta dio to kamatayon.  
\v 15 No ligkat dod to sikan no pighimu ni Hisus, ogkapangabangan on ka sikan no mgo otow no nalugoy on no nabanggutan ka goinawa ran to igkahallok dan to kandan no kamatayon.  
\v 16 Nò, su ian ian, ogkataga ki man to kono no ka mgo diwata to Magboboot ka ogbuligan din. Di ka mgo pinanganak ni Abraham ka ogkabuligan din.\f + \fr 2:16 \ft Ko ogbasa ki to tibo no sikan no ignangonnangon din, ogkasabutan ta to, ka otow no ogtuu ki Hisus, ogpakalagkos to mgo kaap-apuan ni Abraham. Woy basa ka to Ruma 4: 16,17.\f* 
\v 17 Nò, nig-awos ka pogkouyag ni Hisus kai to tano oyow ogpokounawa kanta no mgo hari rin. No ian ian su oyow oggoramon din ka tibo no oggoramon ta oyow ogkohimu on sikandin no mahoy-u woy ogkasaligan no Labow to mgo Talagpanubad dio to tangkaan to Magboboot. No ka tuud din oyow ogkaawo din on ka mgo salo ta no ig-ayun ka goinawa ta to Magboboot.  
\v 18 Nò, kuntoon, ogkohimu no ogpakabulig si Hisus kanta ko ogkool-ologan ki ni Satanas su nabayaan ni Hisus ka igkabaybayari rin no nigligkat to pog-ol-olog ni Satanas kandin, di waro makasalo si Hisus. 
\c 3  
\s1 Ka Ngaran ni Hisus, Dakoldakol ki Moisis 
\p  
\v 1 Nò mgo sulod ku to pogtuu no songo nig-abin to Magboboot oyow ogpokougpo kinow dio to kandin uromo dio to langit, ogdoromdomon ta si Hisus no pigsugu to Magboboot kai to kanta woy nohimu on no Labow to mgo Talagpanubad to soini no pogtuu no og-abinon ta.  
\v 2 Masalig si Hisus no ogtuman to tibo no insugu to Magboboot no ian nig-alam kandin. Ka sikan, ogkounawa ki Moisis no songo masalig dongan to pog-alap din to pogpangatondanan to mgo pinanganak ni Israil no pigtokod to Magboboot.  
\v 3 Dokad di to dakoldakol ka igkasayo ki Hisus to sikan no igkasayo ki Moisis. No ian ogkounawaan ka baloy no oghimuon ta su songo dakoldakol ka igsayo ta to talaghimu to baloy, di mamalintok ka igsayo ta to baloy no nighimu rin.  
\v 4 Ka tibo no mgo baloy, duon mgo otow no nighimu, di ka Magboboot, ian ka talaghimu to tibo.  
\v 5 Ko si Moisis dongan, suguanon do to Magboboot no masalig sikandin to tibo no pog-alap din dio to mgo otow no impasakup to Magboboot. Di ka sikan no nohimu ni Moisis, immaganangon to sikan no igpatuman to Magboboot uromo.  
\v 6 Di si Kristu atag, ian ka Anak to Magboboot no ian tagtuun to baloy. No masalig si Hisus to og-alap to mgo otow no impasakup to Magboboot. No sikanta ka nohimu on no baloy rin, ko kono tad oglokaan ka pogsalig ta woy ka igkarago ta to sikan no og-im-imanan ta kandin. 
\s1 Ka Himolayan no Ogligkat to Magboboot 
\p  
\v 7 Sikan ian to duon innangon to Gimukud to Magboboot. No kagi rin to, 
\q1 “Kuntoon, ko ogdinogon now ka kagi to Magboboot, 
\q1  
\v 8 kono kow ogpagkol to goinawa now no ogkounawa 
\q1 to nohimu to mgo otow dongan no nakabayo to holholawan no nanligal to innangon din 
\q1 woy ungoron dan og-ol-ologi ka Magboboot no nigbayo sikandan to sikan no awayan no mammara no tano.\f + \fr 3:8 \ft Ka mgo otow no nanligal to kagi to Magboboot dongan, ian kaap-apuan to sikan no mgo Hudiu no nigsulatan kai to \fq Hibriu\ft .\f* 
\q1  
\v 9 Agad to ogkitoon dan ka tibo no nighimu ku to sikan no kohop-atan no tuid, malasi a ran og-ol-ologi. 
\q1  
\v 10 Nò, sikan ian to nabolu ad on to sikan no mgo otow no nigkagi a to, ‘Ka goinawa ran, ungod ogsuwoy no kono ogkoiniat no og-unug to batasan ku.’ 
\q1  
\v 11 Sikan ian to nabolu ad on ian no nigsapaan ku to konad on ogpokosolod ka sikan no mgo otow dio to intagad ku poron kandan no himolayan.” Sikan ka innangon to Magboboot. 
\p  
\v 12 Nò mgo sulod to pogtuu, ayad-ayad kow oyow waro agad sagboka kaniu no ogmarooton to goinawa now no kono kow on ogtuu ki Hisus, su ko ogkoiling kow, ogkoiniugan now buwa ka Magboboot no kono ogkamatoy.  
\v 13 Di atag, tagood to duon dod allow ta to ogtuu, ogmoos-osonoy kinow nasi oyow kono kid ogkagawayan to goinawa ta no ogligkat to ogpakasalo ki no ogpagkol on ka goinawa ta.  
\v 14 Ian to og-iling ki su ko taman to ogpokouma kid on dio ki Kristu, og-ungoron ta ro oghirosoni ka sikan no an-anayan no pogsalig ta kandin, ogpakarumaruma kinow kandin. 
\p  
\v 15 Sikan dod ka ingkasulat dongan no kagi rin to, 
\q1 “Kuntoon, ko ogdinogon now ka kagi to Magboboot, kono kow ogpagkol to goinawa now no ogkounawa to nohimu to mgo otow dongan no nanligal to innangon din.” 
\p  
\v 16 Hontow naan ka sikan no mgo otow no nigdinog to kagi to Magboboot di nigligal nasi to kagi rin ko kono no sikan no mgo otow no nakaawo to ugpaan to Ehipto dongan no si Moisis ka nig-alap kandan?  
\v 17 Woy hontow ka nakabolu to goinawa to Magboboot to solod to kohop-atan on no tuid ko kono no sikan dod no mgo otow no makasasalo woy nammatoy on dio to sikan no nabayaan dan dio to sikan no holholawan?  
\v 18 Woy hontow ka nigsapaan to Magboboot to konad on ogpakasolod to sikan no intagad din poron kandan no himolayan ko kono no sikan dod no mgo otow no nanligal dongan kandin?  
\v 19 Ligkat to sikan, ogpakasabut kid on to waro nakasolod sikandan to sikan no himolayan to Magboboot su waro nigtuu sikandan to kagi to Magboboot. 
\c 4  
\s1 Ka Nigtuu, Ogpakasolod to Himolayan to Magboboot 
\p  
\v 1 Sikan ian, tagood to duon dod ka sikan no innangon to Magboboot kanta to duon himolayan no impanagana rin, og-awoson to og-ayad-ayad ki oyow waro agad sagboka kanta no kono ogpakatood no ogsolod uromo dio to sikan no himolayan.  
\v 2 Ian su ogkounawa ki rod to sikan no mgo otow no noumaan on dongan to soini no Maroyow no Nangnangonon. Di agad to songo nakarinog sikandan, waro pulusi to sikan no nangnangonon su waro dan tuui.  
\v 3 Di sikantanow atag no nigtuu on, ogpakasolod kid to sikan no intagad din no himolayan. Ka innangon ku, ogpakaayun to kagi to Magboboot no ingkasulat dongan. Kagi rin to, 
\q2 “Nò, su nabolu ad, nigsapaan ku to kono ad on ogbogoy to ogsolod ka sikan no mgo otow to sikan no himolayan ku.” 
\m Sikan ian ka kagi rin di ko napongaan din on ka soini no kalibutan, duon on tahan ka sikan no igtagad din no himolayan.\f + \fr 4:3 \ft Ogkabasa to Salmo 95:11.\f* 
\v 4 Nataga ki to sikan su duon ingkasulat dongan tongod to sikan no igkapapitu no allow to poghimu rin. Kagi to sulat to, “Ko nokouma on ka igkapapitu no allow, nighimoloy on ka Magboboot su napongaan din on ka tibo no nighimu rin.”\f + \fr 4:4 \ft Ogkabasa to Genesis 2:2.\f* 
\v 5 Woy inhutuk din man do inangon to sikan dod no impasulat din. No kagi rin to, “Sikandan, konad on ian ogpakasolod to himolayan ku.”  
\v 6 Nò, ka sikan no mgo otow no nokohun-a no nigdinog to sikan no Maroyow no Nangnangonon to Magboboot, waro makasolod to himolayan din su waro nigtuu. No sikan ian to duon on duma no mgo otow no ogpakasoip no ogliwan kandan. No ian on ogkabogayan to Magboboot to ogsolod to himolayan din.  
\v 7 Sikan ian to nigbogoy ka Magboboot to dangob no allow to oyow duon duma no mgo ogpakasolod dio to himolayan din. No kuntoon on ka allow no imbogoy rin. Nataga ki to sikan su ko nalugoy on nammatoy ka sikan no an-anayan no mgo otow dongan no waro nigtuu, duon man do impasulat to Magboboot ki Dabid. No ka sikan, nokog-un-unawa ro to sikan no ingkanangon din kandan dongan. Kagi to, 
\q1 “Kuntoon, ko ogdinogon now ka kagi to Magboboot, pamminog kow; kono kow ogpagkol to goinawa now.” 
\p  
\v 8 Woy songo nataga ki to, ka sikan no himolayan no innangon to Magboboot dongan no igbogoy rin, kono man no ka nigdatongan to mgo otow no nigduma dongan ki Husui, su ko ian ian pa ka himolayan, waro din porom inangon to duon dangob no allow uromo no ogbogoy sikandin to sikan no himolayan.  
\v 9 Sikan ian to, nataga ki to duon dod himolayan no igbogoy to Magboboot dio to mgo otow no ogpasakup kandin. No ka sikan, ogkounawa rod to sikan no himolayan to Magboboot dongan to sikan no igkapapitu no allow ko napongaan din on ka tibo no nighimu rin.  
\v 10 Ian su, agad hontow no ogsolod to himolayan to Magboboot, songo ogpakahagtong on to kandin no oghimuon no ogkoiling dod to Magboboot no nighimoloy on to kandin no poghimu.  
\v 11 Sikan ian no og-awoson to ungod ki ogpoomot to oyow ogpakasolod ki to sikan no himolayan to Magboboot. No og-ayad-ayad ki to oyow waro agad sagboka kanta no ogpokoiling to sikan no mgo otow no waro nigpaagad-agad no waro makatood no ogsolod. 
\p  
\v 12 Ian su ka kagi to Magboboot, manokal woy mabogbog. Magmagalang pad to balarow no daruwa so galang to irob no ogpokougsob to mgo lolonguan to mgo oongatan woy dio to utok to mgo bokog. Ian su ka kagi rin, oglagbas to kinaraloman ta, ka gimukud ta woy ka goinawa ta oyow ogkatagaan ka tibo no mgo doromdom ta woy ka tu-tuu ian no goinawa ta.  
\v 13 No to tangkaan to Magboboot, waro ogpokoholos. Di tibo kai to soini no kalibutan, ogkakitaan din. No ogpakatangko kid on kandin no ogkatagaan on ka tibo no nighimu ta woy ka mgo pogdoromdom ta. 
\s1 Si Hisus ka Mabogbog no Talagpanubad 
\p  
\v 14 Sikan ian to og-awoson to oghogoton ta ka pogtuu ta, no kono tad oglokaan su si Hisu Kristu ka mabogbog woy ian Labow to mgo Talagpanubad kanta dio to tangkaan to Magboboot. Sikandin dod ka Anak to Magboboot no diad og-ugpo to Langit dio to tangkaan to Amoy rin.  
\v 15 Ian su ka sikan atag no Labow to mgo Talagpanubad kanta, ogpakasabut to tibo no igmalotoy to goinawa ta, su ko kai pad to tano, nool-ologan on sikandin to tibo no igkool-olog to mgo otow. Di sikandin, waro makasalo.  
\v 16 Sikan ian to kono kid ogkasipod to ogdani to Magboboot no magaan ogkohoy-u. Ian su oyow ogkohoy-uan kinow rin no ogkabuligan kinow nikandin ko duon kohirapi ta. 
\c 5  
\p  
\v 1 Ian ku ignangon to sikan su ka tibo no ogkaalam no mgo Labow to mgo Talagpanubad to mgo Hudiu, ogligkat to mgo otow. No ian to ogkaalam oyow ogpataliwaro kandan to Magboboot. No sikandan ka ogbogoy to Magboboot ka sikan no igpabogoy to mgo otow woy ka igpanubad no mgo ayam no ighusoy to mgo salo to mgo otow.  
\v 2 Ka sikan no mgo Labow to mgo Talagpanubad, ogkohimu ran no og-ay-ayaran dan ka goinawa ran to mgo otow no ogpakasayop su ligkat to waro dan pad mataga ko nokoy ka litos no oghimuon dan. Woy songo ogkohimu no ighimulung dan dod ka ighimu ran to mgo otow no ogpakasuwoy. Ian su sikandan no mgo Labow to mgo Talagpanubad, songo malomu ka goinawa ran to ogpakasayop.  
\v 3 Nò, sikan ian, ko duon igtubad dan no ighusoy to salo to songo otow, songo og-awoson dan to songo duon igbogoy ran no ighusoy to kandan no lawa su songo ogpakasalo dod.\f + \fr 5:3 \ft Ogkabasa to Levitico 9:7.\f* 
\v 4 Ka sikan no mgo Labow to mgo Talagpanubad to mgo Hudiu, kono ogpakaboot no ogpurut sikandan to katondanan dan to og-alap to mgo duma ran no talagpanubad. Ian su ka Magboboot atag ka ogpakaalam kandan unawa ki Aaron no nig-abin on to Magboboot no nohimu on sikandin no Labow to mgo Talagpanubad dongan.\f + \fr 5:4 \ft Si Aaron, hari ni Moisis no kaap-apuan dan si Libi. Si Aaron ka nohimu on no an-anayan no talagpanubad to mgo Hudiu.\f* 
\v 5 Songo ogkounawa rod ki Kristu, su ka nohimu sikandin no Labow to mgo Talagpanubad, waro nigligkat to igparakoldakol to kandin no ngaran ko kono ligkat do ian to Magboboot no nigbogoy kandin to katondanan din. Ian su kagi to Magboboot kandin to, 
\q1 “Koykow ka Anak ku. No kuntoon no allow, igpatokod kud on to sikanak ka Amoy nu.”\f + \fr 5:5 \ft Ogkabasa to Salmo 2:7.\f* 
\m  
\v 6 Duon dod dangob no kagi rin tongod ki Hisus no songo ingkasulat dongan. Kagi rin to, 
\q1 “Talagpanubad kad on taman to waro katamanan no ogkounawa to pogpanubad ni Milkisidik dongan.”\f + \fr 5:6 \ft Ogkabasa to Salmo 110:4.\f* 
\p  
\v 7 Nò to kai pad si Hisus to soini no tano, nigpaagbotan din to nig-uwang to goinawa rin woy nigsinogow ka nig-ampu dio to Magboboot su ka Magboboot doka duon kabogbogan no litos to ogpangabang porom kandin oyow kono ogkamatoy. No nigpamminog ka Magboboot ki Hisus su dakol ka pogtahud ni Hisus kandin.  
\v 8 Agad to Anak lagboy to Magboboot si Hisus di nakaanad to ogpaagad-agad su ligkat to igkabaybayari rin to pogtuman to insugu to Magboboot kandin.  
\v 9 Pogkaponga on ni Hisus ka tibo no impohimu kandin, nohimu on no Talagpangabang to tibo no mgo otow no ogpaagad-agad kandin oyow ogkabogayan sikandan to kouyagan no waro ogkatamanan.  
\v 10 No nighingaranan on to Magboboot sikandin to Labow to mgo Talagpanubad no ogkounawa to pogpanubad ni Milkisidik dongan. 
\p  
\v 11 Mohon-ing pad porom ka igkabatbat noy kaniu tongod to sikan, di mohirap to ignangonnangon kaniu su makogal so ulu now, mananoy kow ogpakasabut.  
\v 12 Nalugoy kow on nigtuu to Magboboot no sikaniu on poron ka litos no og-anad to mgo duma now tongod ki Hisu Kristu. Dokad di to sikaniu ro ian atag ka og-awoson to duon otow no og-anad man do kaniu no oghutuk to sikan no malomu ro no ig-anad to kinagian to Magboboot. No ian now ro ogkounawaan ka mgo bato no ogsusu pad no kono pad ogpakakoon to makogal.  
\v 13 No ka otow no og-awoson dod to ogsusu, bato pad sikandin no kono pad ogkataga ko nokoy ka maroyow woy ko maroot no oghimuon din.  
\v 14 Di ka otow no og-ungod ogdoromdom ko nokoy ka litos no oghimuon dan woy ogtokod ko nokoy ka maroyow woy ko maroot no oghimuon, ian tad ogkounawaan ka buyag on no otow no ogpakakoon on to makogal no ogkakoon. 
\c 6  
\p  
\v 1 Sikan ian to kono kid on oglibonglibong to sikan no malomu ro no ingkaanad kanta an-anayan tongod ki Kristu. Di og-awoson to ogparagas kid on to sikan no pog-anad no ogpokohogot on to pogtuu ta. Ian su tahan now on buwa natagaan to nig-awos on to og-iniugan tad ka mgo hinimuan no warad pulus woy to ogtuu kinow on to Magboboot.  
\v 2 Woy songo konad on og-awoson no ogliblibongan ta ka tahan now no natagaan tongod to mgo pogbautismu woy tongod to pogtorong ta to ulu to duma ta ko og-ampuan ta. Lagkos to songo kono tad on og-awoson to ungod kid og-aanad to sikan no tahan no nasabutan now tongod to pogkouyag to mgo nammatoy woy to ogbobootan on uromo to waro katamanan ka tibo no mgo otow to logpad woy ko ka igsayo.  
\v 3 Di ko igbogoy to Magboboot, ogparagason noy ro porom ka pog-anad noy no ogpakahogot to pogtuu now.  
\v 4-6 Ian su ko duon otow no nabat-awan on to Magboboot ka goinawa ran, woy nokool-olog sikandan to soini no pogkouyag ta no igbogoy to Magboboot, woy nabogayan on sikandan to Gimukud din, woy to karoyawan no ogligkat to kinagian to Magboboot. Woy songo nakakita sikandan to oghimuon to Magboboot no nigligkat to kabogbogan din no ogkoiling to sikan no oghimuon din uromo ko ogpokouma on ka mohuri no mgo allow. Di ko og-ongkoran on to sikan no otow ka pogtuu ran, konad on ogkohimu no ogkohutuk no ogsondit woy og-ongkod to maroot no batasan dan no oghalin man doka goinawa ran dio to Magboboot. Ian su ka oghimuon dan, ogkounawa to igpalansang dan man doka Anak to Magboboot dio to krus woy ogpasiporan dan si Hisus dio to tangkaan to mgo otow. 
\p  
\v 7 Ian ta ogkoilingan ka songo kamot no malasi ogkouranan. Ko ogsonopan on to sikan no uran woy ogtuga on ka pinamula, ogkapulusan ka tagtuun no ogkohoy-uan din ka tano. No ko hontow ka ogkoiling to sikan no tano, ogkohoy-uan to Magboboot.  
\v 8 Di ka tano no ogtubuan to hilamonon woy mgo dugion, magaan igtunlun to tagtuun no ogkasilaban on su waro pulus. Songo ogkounawa rod ka igtunlun to Magboboot to mgo otow no ogkoiling to sikan no tano no oglogparan din. 
\p  
\v 9 Di mgo sulod no indakoli ku to goinawa, agad to sikan ka innangon ku kaniu, di og-iman-iman a to ogkoumaan kow rod to sikan no madmaroyow no ogligkat to napangabangan kow to mgo salo now.  
\v 10 Ian su maayun-ayun ka tibo no pogboot to Magboboot. Sikan ian to kono din ogkalingawan ka maroyow no nighimu now woy ka dakol no pogbulig now to mgo nigtuu no nigligkat to indakoli to goinawa now ka Magboboot. No ka sikan no batasan now, songo ogkatuman now rod kuntoon.  
\v 11 Ian noy ogkoiniatan, to oyow, taman to poglibong ni Hisus, ungod now ro og-im-imani ka pogtuman to Magboboot to tibo no innangon din.  
\v 12 Ian su oyow kono kow ogpogulpogul to pogtuman now. Di og-awoson to og-iling kow nasi to sikan no mgo otow no ogpakapurut to sikan no insabut to Magboboot su ligkat to pogtuu ran woy ka pog-aguanta ran ko nokoy ka ogkabayaan dan no igkabaybayari. 
\s1 Ogtuman ka Magboboot to Insabut din 
\p  
\v 13 Dongan, ko duon ka sikan no insabut to Magboboot ki Abraham, nigpangulibot ka Magboboot no igmalogot din to ogtumanon din ka sikan no innangon. Di su waro ngaran no ogpakasokod to kandin no ngaran, ian din lagboy hingarani ka ngaran din to nigpangulibot sikandin.  
\v 14 No kagi rin to, “Igsabut ku koykow to ogkohoy-uan ku sikoykow woy ogmohon-ingon kud ka mgo pinanganak nu.”\f + \fr 6:14 \ft Ogkabasa to Genesis 22:16.\f* 
\v 15 Nò, su nig-aguanta ni Abraham to ogtagad to pogtuman to Magboboot to kagi rin, pogkalugoy, nakapurut si Abraham to sikan no insabut to Magboboot kandin.  
\v 16 Ka batasan to mgo otow no ogpangulibot, oghingaranan dan ka ngaran no dakoldakol kandan. No ka sikan no igpangulibot, ian dan ighiponga to tibo no igpaap-apuloy.  
\v 17 No ogkounawa rod ka Magboboot su to nohimu ka sikan no insabut din, immalogot din to sikan no igpangulibot din. Ian su oyow ka mgo otow no ogpakapurut uromo to sikan no insabut, ogkataga lagboy to kono ian ogkahalin ka tuud din.  
\v 18 Nohimu ka sikan su oyow duon daruwa no kono ogkahalin no ogpakamalogot to kono ogtalis ka kagi to Magboboot, ka pogpangulibot din woy ka kono og-ubat. Omunaan to sikanta no nakaaput kid kandin, ogkabuligan ka goinawa ta oyow ogkohirosonan tad ka poggongon to sikan no im-imanan ta to tibo no innangon din.  
\v 19 Ka sikan no im-imanan tanow to ogkatuman on ka innangon to Magboboot, ogkounawa to igpalibatu to goinawa ta oyow kono ogkalokaan ka pogsalig ta kandin. No ligkat to sikan no im-imanan ta, ogkounawa to nakasolod kinow on dio lagboy to tangkaan to Magboboot. Ka sikan, nounawa to sikan no mgo Labow to mgo Talagpanubad to mgo Hudiu dongan no nakasolod to sikan no sinabong dio to ampuanan dan no noolatan to manggad su lagboy nig-indanan to Magboboot.  
\v 20 No ian su si Hisus ka nighun-a nigsolod to Langit dio to tangkaan to Magboboot. No kuntoon, sikandin on ka ogpataliwaro kanta dio to Magboboot su nohimu on sikandin no Labow to mgo Talagpanubad taman to waro katamanan. No ka sikan, ogkounawa to pog-alap ni Milkisidik to katondanan din. 
\c 7  
\s1 Ka Talagpanubad no si Milkisidik 
\p  
\v 1 Ka sikan no Milkisidik, igbuyag dongan sikandin to ugpaan to Salim\f + \fr 7:1 \ft Ka \fq Salem\ft , ngaran to ugpaan di ogkalituk to maawang no goinawa woy ko maroyow no pog-ugpo.\f* woy talagpanubad sikandin no suguanon to Lagboy no Mabogbog no Magboboot no ian matmatikang to agad hontow no ngaran. Dongan, nigtagbu sikandin woy ki Abraham to nan-uli no nigligkat to gira no naroog dan ka hop-at no igbuyag woy ka mgo sundalu ran. No to nokogtagbu on sikandan, nig-ampuan ni Milkisidik si Abraham oyow ogkohoy-uan sikandin to Magboboot.  
\v 2 No imbogoy ni Abraham ki Milkisidik ka igkasampulu no baad to agad nokoy no noutol din to sikan no gira. Nò, daruwa ka lituk to ngaran ni Milkisidik. Ka an-anayan no lituk, Igbuyag no Matuwarong. Woy ka igkarangob, Igbuyag to Salim. No ka lituk to sikan no ngaran din, igbuyag no ogpakabogoy to maawang no goinawa.\f + \fr 7:2 \ft Ogkabasa to Genesis 14:17.\f* 
\v 3 Waro katagaanan ta tongod to amoy rin mgo inoy rin woy ko duon mgo kaap-apuan din. Woy waro ingkasulat tongod ko kon-u nootow woy ko kon-u mamatoy sikandin. Sikan ian to ogkoiling rod si Milkisidik to Anak to Magboboot su waro katamanan to pogpanubad din. 
\p  
\v 4 Pitow kow ko songo monu karakol ka bantug ni Milkisidik. Su agad si Abraham no ian bantuganon no kaap-apuan tanow, imbogoy rin ki Milkisidik ka igkasampulu no baad to mgo noutol din to sikan no gira.  
\v 5 Ka mgo pinanganak ni Libi no nohimu on no mgo talagpanubad, woy ka duma ran no songo Hudiu, tibo kandan, pinanganak dod ni Abraham. Di agad naan, duon Balaod ni Moisis tongod to sikan no mgo talagpanubad, to og-awoson dan to ogkuwon dio to duma ran no mgo Hudiu, ka igkasampulu no baad to pog-ugpo dan.  
\v 6 Di si Milkisidik atag, agad to kono ogkoiling kandan su kono no pinanganak ni Libi, di nabogayan dod ni Abraham si Milkisidik to sikan no ka igkasampulu no baad to naagow ran. Woy agad to si Abraham ka ogkabogayan uromo to sikan no insabut to Magboboot, di nig-ampuan dod ni Milkisidik si Abraham oyow ogkohoy-uan to Magboboot.  
\v 7 Nò, nataga ki lagboy to, ka duon katondanan to ogkohoy-u, ian mamabantug sikandin to sikan no ogkohoy-uan din.  
\v 8 Ka mgo talagpanubad no pinanganak ni Libi no ogpakapurut to sikan no igkasampulu no baad to pog-ugpo to mgo otow, otow rod sikandan no songo ogkamatoy. Di si Milkisidik atag no nabogayan ni Abraham to kandin no igkasampulu, ogkoiling to duon dod no waro namatoy su sikan ka ingkasulat dongan tongod kandin.  
\v 9 No litos ko igkanangon ta to si Libi, no ian kaap-apuan to sikan no nabogayan to mgo igkasampulu to pog-ugpo to mgo otow, nakalagkos to sikan no pogbogoy ni Abraham ki Milkisidik dongan to kandin no igkasampulu no baad.  
\v 10 Ian su, agad to waro pad mootow si Libi, di to pogtagbu si Abraham ki Milkisidik, duon on si Libi to lawa ni Abraham no ian kaap-apuan din. 
\p  
\v 11 Dongan, no nabogayan ka mgo pinanganak ni Israil to sikan no Balaod to Magboboot, ka mgo talagpanubad to mgo pinanganak ni Libi woy pinanganak dod ni Aaron ka nigsaligan to Magboboot to pog-alap to sikan ian no Balaod din. Di ka nighimu to sikan no mgo talagpanubad, ko nakatood pa to og-ayun to goinawa ta dio to tangkaan to Magboboot, waro poron awosa to duon loin no lunsud no talagpanubad no ogkaalam to Magboboot no ogligkat to pogpanubad ni Milkisidik, no kono atag ogligkat to pogpanubad ni Aaron.  
\v 12 Ian su ko ogkaliwanan ka songo lunsud no talagpanubad, og-awoson to songo ogkaliwanan dod ka tahan no Balaod.  
\v 13-14 Nò, ka Lagboy no Igbuyag ta no si Hisus, ian ka talagpanubad no nakaliwan to sikan no nokohun-a no mgo talagpanubad. Sikandin, kono no pinanganak ni Libi su ian kaap-apuan din si Huda.\f + \fr 7:13-14 \fq Si Libi woy si Huda\ft , mgo anak ni Hakob dongan. Di si Libi ka kaap-apuan ni Moisis woy ki Aaron. Si Aaron do no hari ni Moisis ka nohimu on no an-anayan no talagpanubad to mgo Hudiu. Si Huda, kaap-apuan ni Hisus su ligkat to amoy-amoy rin no si Husi. Ka sikan, ogkabasa to Lukas 3:33.\f* No to tibo no mgo pinanganak ni Huda, si Hisus doka nohimu on no talagpanubad. Ian su, waro innangon dio to ingkasulat ni Moisis dongan ko duon pinanganak ni Huda no ogkohimu on no talagpanubad. 
\s1 Ka Talagpanubad no Ogkoiling ki Milkisidik 
\p  
\v 15 Sikan ian to lagboy ta ogkasabutan to naliwanan on to Magboboot ka mgo talagpanubad no pinanganak ni Libi su si Hisus on ka ingkapayag din no dangob no talagpanubad no ogkoiling ki Milkisidik.  
\v 16 Nò, to nohimu si Hisus no talagpanubad, waro nigligkat to kaap-apuan din kai to tano ko naayun to sikan no Balaod ni Moisis. Di ian to nohimu si Hisus no talagpanubad su nigligkat atag to kabogbogan to pogkouyag din no waro katamanan.  
\v 17 Ian su duon impasulat dongan to kagi to Magboboot no impamalogot ki Hisus. Kagi, “Talagpanubad kad on taman to waro katamanan no ogkounawa to pogpanubad ni Milkisidik dongan.”\f + \fr 7:17 \ft Ogkabasa to Salmo 110:4.\f* 
\v 18 Nò, nakarapig on ka sikan no tahan no Balaod ni Moisis su waro pulus su kono ogpakabulig to mgo otow.  
\v 19 Ian su ka sikan no tahan no Balaod, waro makaayun to goinawa to agad hontow. Dokad di kuntoon, nabogayan ki to madmaroyow no ogkoim-imanan ta. No ka sikan, ogkohimu on no dalan ta oyow ogpakarani kid on to Magboboot. 
\p  
\v 20-21 No lagkos to sikan, to nighimu to Magboboot si Hisus no talagpanubad, duon pogpangulibot to Magboboot no igmalogot din to kagi rin. No kagi rin ki Hisus to, 
\q1 “Sikanak no ian Lagboy no Igbuyag, ogpangulibot a no igmalogot ku to kono ku ogkahalin ka soini no ignangon ku to nohimu kad on no talagpanubad taman to waro katamanan.” Ian ka kagi rin. 
\m Dokad di, ka tahan no mgo talagpanubad no nigbogayan on to katondanan, waro atag pogpangulibot no igmalogot to katondanan dan.  
\v 22 Nò, ligkat to sikan no poghogot to Magboboot to sikan no innangon din ki Hisus, ogkataga kid on to sikandin ka igmalogot to ogkabogayan ki to soini no madmaroyow no sabut to Magboboot. 
\p  
\v 23 Kono no sikan do, di ka tahan no mgo talagpanubad no mgo pinanganak ni Libi, mohon-ing sikandan ka mokogliwanliwan. Ian su ligkat to pogkamatoy ran, kono ogkaparagas ka pog-alap dan to katondanan dan.  
\v 24 Di si Hisus atag, waro katamanan to kandin no pogpanubad su waro katamanan to pogkouyag din.  
\v 25 Sikan ian to agad nokoy no allow, ogkohimu no ogkapangabangan din ka agad hontow no ogbayo kandin no ogdani to Magboboot. Ian su waro katamanan to pogkouyag ni Hisus no ogpakabulig to mgo otow dio to tangkaan to Magboboot. 
\p  
\v 26 Si Hisus, ian ka Labow to mgo Talagpanubad no litos no ogbulig kanta. Matuwarong sikandin. Waro igkoogot kandin. Woy waro man salo din. Sikandin, kono ogkounawa kanta no makasasalo. No ka Magboboot ka nigparakol ki Hisus to tibo to agad nokoy no dio to Langit.  
\v 27 Sikandin, loin to sikan no duma no mgo Labow to mgo Talagpanubad, su kono ogkoiling si Hisus kandan su kono din atag og-awoson to allow-allow no ogtubad to mgo ayam. Ian su ka tahan no mgo talagpanubad, og-awoson to duon pad oghimatayan no ayam no igtubad to kandan lagboy no salo woy ran igtubad ka litos to salo to mgo otow. Di si Hisus atag, kasagboka rin do ingkabogoy ka lawa rin no nigpakimatoy to krus. No sikan do ian ka ingkatubad din, waro nighutuk.\f + \fr 7:27 \ft Ogkabasa to Levitico 9:7.\f* 
\v 28 Tongod to sikan no Balaod ni Moisis, ka mgo otow no ogkohimu on no Labow to mgo Talagpanubad, ogpakasalo dod. Dokad di, ligkat to sikan no pogpangulibot to Magboboot no sunud to sikan no Balaod, nig-abin din ka Anak din. No waro atag sayop din to pogtuman to mgo tuud to Magboboot taman to waro katamanan. 
\c 8  
\s1 Si Hisus ka Labow noTalagbanubad ta 
\p  
\v 1 Nò, soini ka ignangon ku. Duon on ka soini no kanta no Labow to mgo Talagpanubad no impapinnuu sikandin dio to kawanan to Magboboot no ian lagboy no mabogbog no dio to Langit.  
\v 2 No si Hisus on ka Labow to mgo Talagpanubad tanow no duon to sikan no tu-tuu ian no Kinaroyawan no Ampuanan no dio to Langit no nighimu to Magboboot, no kono atag ka nighimu to mgo otow. 
\p  
\v 3 Ka mgo Labow to mgo Talagpanubad to sikan no ampuanan no kai to tano, ian naabin to oyow igbogoy ran dio to Magboboot ka tibo no igbogoy to mgo otow woy ka mgo ayam no ogpohimatayan no igtubad. Sikan ian to, ka kanta Labow no Igbuyag to Talagpanubad, songo duon igbogoy rin to Magboboot.  
\v 4 Di ko kai pad si Hisus to tano, kono poron ogkohimu no talagpanubad sikandin su duon dod ka tahan no mgo talagpanubad no og-ayun to Balaod ni Moisis.  
\v 5 Ka oghimuon to sikan no mgo talagpanubad no kai to tano, tigbal do no ogkoiling woy ogkounawa ro to alung to sikan no tu-tuu ian no Kinaroyawan no Ampuanan no dio to Langit. Ogkounawa ian ki Moisis dongan, su to nigpohimu on ka Magboboot kandin to sikan no tagooran no ampuanan, kagi rin ki Moisis to, “Og-awoson to og-unugan nu ka impapitow ku koykow no dio ka pad to bubungan.”\f + \fr 8:5 \ft Ka alabat to sikan no ampuanan, nohimu no manggad. No ka atop, nohimu to bulbul to kambing woy mgo laplap to ayam. Exodo 26:1-7 woy Kapitulu 7 woy 14.\f* 
\v 6 Di ka katondanan ni Hisus dio to Langit to igpataliwaro kanta to Magboboot, madmaroyow to sikan no katondanan no ogpakaalap to sikan no tahan no mgo talagpanubad to mgo Hudiu. Ian su madmaroyow ka dalan no ogkohimu on to sikan no iam no sabut to Magboboot, su dio ogligkat to sikan no madmaroyow no innangon din. 
\p  
\v 7 Ian su, ka sikan no an-anayan no sabut, kono ogpakabulig kanta. Su ko makabulig pa, kono poron og-awoson to ogliwanan to iam no sabut.  
\v 8 Di nigsamilian to Magboboot ka mgo otow to soini no impasulat din. Kagi to sulat to, 
\q1 “Kagi to Lagboy no Igbuyag ta to, ‘Duon allow uromo no oghimuon ku kaiam no sabut to mgo pinanganak ni Israil woy dio to mgo pinanganak ni Huda.\f + \fr 8:8 \ft Si Huda ka anak ni Hakob no nighingaranan to Magboboot ki Israil. Ko kalugoy, nighingaranan ka ugpaan dan to Israil, di duon probinsia to sikan no ugpaan no nighingaranan to Huda. Ko nigsulat si Hiramias to sikan no kagi, nabaad ka katondanan to sikan no ugpaan dan. No ka sampulu no probinsia, nighingaranan no Israil no ka probinsia no Huda lagkos to probinsia no Binhamin to longod dan, nighingaranan to Huda. Di ka sikan no impanangon to Magboboot kandan, nalagkosan din ka tibo kandan. Ka sikan, ogkabasa to Jeremias 31:31.\f* 
\q1  
\v 9 Ka soini no iam no sabut, kono ogkounawa to sikan no tahan no insabut ku dongan to mgo kaap-apuan dan to sikan no allow to nigduma kud sikandan ligkat to ugpaan to Ehipto. Ian su waro dan paragasa ka pogtuman to sikan no sabut ku kandan. Sikan ian to nig-iniugan ku sikandan,’ ” kagi rin. 
\q1  
\v 10 “ ‘Nò,’ kagi to Lagboy no Igbuyag ta to, ‘Soini ka iam no sabut ku no oghimuon ku uromo to mgo pinanganak ni Israil. Ka mgo Balaod ku, igsabuk ku dio to doromdom dan woy dio ku igsulat to goinawa ran. No ogkohimu ad on no Magboboot dan. No sikandan, songo ogkohimu on no mgo sakup ku. 
\q1  
\v 11 No konad on og-awoson to duon ka agad hontow no og-anad to duma ran tongod kanak su ogkatagaan ad on to tibo no mgo otow taman to kinaintokan to ngaran.\f + \fr 8:11 \ft Ka sikan no impanangon to Magboboot kandan, ogkabasa to Jeremias 31:34.\f* 
\q1  
\v 12 Ian su ogkohoy-uan ku sikandan no makasasalo woy kono kud on ogdoromdomon ka maroot no nohimu ran,’ kagi to Magboboot.”\f + \fr 8:12 \ft Ka sikan, ogkabasa to Jeremias 31:31-34.\f* 
\p  
\v 13 Nò, to poghingaran din to soini to iam no sabut din, impohitaga to Magboboot to ogkatahan ka sikan no an-anayan no sabut. No agad nokoy no ogkatahan on, konad on og-awoson di ogkaawo do to konad on ogkalugoy. 
\c 9  
\s1 Ka Dii to Tano woy ka dio to Langit no Pog-ampu 
\p  
\v 1 Nò, to sikan no an-anayan no sabut no imbogoy to Magboboot, duon mgo sugu no ogtumanon to mgo Hudiu ko ogsimba, woy songo duon tagooran no ampuanan no nighimu to mgo otow.  
\v 2 No to sikan no ampuanan, duon daruwa no sinabong. Ka an-anayan no sinabong, nighingaranan to Sinabong no Doyroyawan to Magboboot. Duon dan isabuk ka sikan no unturanan to mgo ilawan dan woy ka lamisaan no sabukanan to paan no igbogoy ran to Magboboot.\f + \fr 9:2 \ft Ogkabasa to Exodo 25-26.\f* 
\v 3 Duon manggad no ingkoolot to sikan no nokohun-a no sinabong woy duon igkaruwa no manggad no ingkoolot to igkarangob no sinabong dio to solod. No ka sikan no sinabong no dio to limang to sikan no igkaruwa no ingkoolot, nighingaranan to Kinaroyawan no Sinabong. \f + \fr 9:3 \ft Ka sikan no sinabong, nig-indanan lagboy to Magboboot su ko duon otow no ogboot do duon no ogsolod woy ko waro langosa no ogkaalap din, ogkamatoy.\f* 
\v 4 Woy to sikan no sinabong, duon dan isabuk ka bulawan no tutunganan to moomut no igtomog dan ko og-ampuan dan ka Magboboot. Songo duon dan isabuk ka sikan no baul no naakoban on to bulawan. Sikan ka Baul no igparoromdom kandan to Sabut to Magboboot kandan. Dio to solod to sikan no baul, duon taguanan no bulawan no nataguan on to malintok no samo to sikan no nakoon dan dio to dalan no nighingaranan dan to mana. Woy duon ka tukod ni Aaron no nigtunasan on dongan. Woy duon ka sikan no daruwa no manipis no batu no nasulatan dongan to sikan no mgo sugu to Magboboot.\f + \fr 9:4 \fq Ka baul\ft , duon to Exodo 25:10-22. Ka \fq mana\ft , duon to Exodo 16:32-34. No ka tukod ni Aaron, duon to Exodo 17:1-11.\f* 
\v 5 Dio to ampow to sikan no baul, duon ka nohimu no inotow to daruwa no noiling to diwata to Magboboot no igmaganangon to duon ka Magboboot to marani. Ka ampow to sikan no baul, natorongan to pakpak dan no nighingaranan dan to Pasayluanan to Magboboot. Di waro igliwak noy kuntoon to igbatbat ka tibo. 
\p  
\v 6 Nò, su ingkapanagana on ka sikan no daruwa no sinabong, ka mgo talagpanubad, ogpakasolod on allow-allow to sikan no an-anayan no sinabong no ogtuman to sikan no ingkasugu kandan.  
\v 7 Di ian do ogpakasolod to sikan no igkarangob no sinabong, ka Labow to mgo Talagpanubad. No kasagboka ro ka pogsolod din to songo tuid. Di woy ro ogpakasolod sikandin ko duon langosa to ayam no og-alapon din no igbogoy woy igpanlimpas din dio to Magboboot no litos to kandin no salo woy ka salo to mgo duma rin no Hudiu.\f + \fr 9:7 \ft Ka sikan no mgo sugu, ogkabasa to Levitico16:2-34.\f* 
\v 8 No ligkat to sikan, impohitaga to Gimukud to Magboboot kanta, to tagood to waro pad napolod ka tahan no ampuanan, kono pad ogpakasolod ka duma no mgo otow dio to sikan no Kinaroyawan no Sinabong no dio lagboy to tangkaan din.  
\v 9 Ka sikan no nohimu ran, ogpanag-ilingan to soini no kuntoon on kanta su ligkat to nighimu ni Hisus. Ian su, ka mgo igbogoy to mgo otow dio to Magboboot woy ka mgo ayam no oghimatayan dan no igtubad, kono ogpakaayun to goinawa to mgo ogsimba dio to kandin.  
\v 10 Ian su ka sikan no mgo Balaod, ian do ogkasugat ka dii ro to lawa to mgo otow unawa to litos no pogkoon dan, mgo ogkoinum dan, woy ka mgo pogdigus to lawa ran. Di ka pulus to sikan no mgo sugu, ogtaman do to ogpokouma on ka igliwan to Magboboot to sikan no Balaod. 
\p  
\v 11 Dokad di, nighondini on si Kristu ka nohimu on no Labow to mgo Talagpanubad. No sikandin ka ogbogoy kanta to mgo karoyawan no ogligkat to sikan no iam no dalan no nohimu rin. Sikandin ka nakasolod on to sikan no ampuanan no dio to Langit no ian madmaroyow woy mamabogbog to sikan no ampuanan to mgo Hudiu. Ian su ka dio to Langit, waro himua to mgo otow, woy songo waro nigligkat kai to soini no kalibutan.  
\v 12 No ko nigbayo si Hisus to sikan no Doyroyawon no Sinabong, nigparagas on to nigsolod dio to sikan no Kinaroyawan no Sinabong no dio to Langit. Ka sagboka ro ka pogsolod din no waro din alapa ka langosa to mgo kambing woy ko nati to baka to igtubad din. Di ian din nig-alap atag no igtubad ka kandin lagboy no langosa no igbalukas to mgo salo to mgo otow taman to waro katamanan.  
\v 13 Dongan to Balaod ni Moisis, ko duon otow no ogkaligsoman, nig-awos to duon langosa to baka woy ko kambing no igpamilikpilik to lawa rin woy nig-awos to ogbudburan pad to alibu to nati to baka no natutung oyow igpaawo to maligsom to sikan no otow.\f + \fr 9:13 \ft To sikan no tahan no Balaod, mohon-ing ka ogpakaligsom to otow. Pananglitan, ogkaligsoman ko ogkoon to kono no igpakoon to Magboboot kandan no Hudiu woy ko ogpakagongon to lawa to namatoy woy ko ogpakagongon to lawa to otow no nigpoibungan.\f*\f + \fr 9:13 \ft Ogkabasa to Levitico 16:15.\f* 
\v 14 Nò, ko sikan ka pulus to langosa woy ko alibu to ayam do duon, kono man ogkasool ka pulus to langosa ni Kristu. Ian su ligkat to pogbulig to Gimukud to Magboboot no kono ogkataman, imbogoy ni Kristu ka kandin no lawa no igtubad no waro salo din to Magboboot. No ligkat to sikan, ka langosa ni Hisus ka ogpakaawo to maligsom to doromdom ta no nigligkat to mgo hinimuan ta no waro pulus. Ian su oyow ogpakatood ki to oghimu to sikan no ogkoiniatan to Magboboot no kono ogkamatoy. 
\p  
\v 15 Sikan ian to si Hisus ka immalogot to sikan no iam no sabut to Magboboot oyow ka mgo otow no nig-abin din no sakup, ogkabogayan to sikan no karoyawan no waro katamanan no innangon din. Ian su ka pogkamatoy ni Hisus ka igbalukas to salo to mgo otow su niglop-ang dan ka mgo Balaod to sikan no an-anayan no sabut to Magboboot. 
\p  
\v 16 Ian ta ogpanag-ilingan ka otow no ogpohimu to sabut ko hontow ka ogkabogayan to iggalat din ko ogkamatoy on. Di woy ro ogkabogayan ka otow to sikan no iggalat kandin ko ogkatagaan on to tu-tuu ian to namatoy on ka sikan no nigpohimu to sabut.  
\v 17 Ian su waro pad pulus to sikan no nasabutan ko duon dod ka nigpohimu to sabut, su woy ro ogkatuman ko ogkamatoy on sikandin.  
\v 18 Agad ka sikan no an-anayan no sabut no imbogoy to Magboboot, songo nounawa rod to sikan su woy ro nohimu no dalan dan ko duon langosa to ayam no igkatubad dan.  
\v 19 Songo nounawa rod to soini ka nighimu ni Moisis dongan. An-anayan, nignangonan din ka tibo no mgo otow to tibo to sikan no Balaod to Magboboot. Pogkaponga, nigpurut din ka langosa to mgo nati to baka woy ka langosa to mgo kambing no igkatubad no in-amut din to woig. Woy songo nigpurut din ka bulbul to karniru no natina to malalab no inlibod to doisok no sugpang to kayu no nighingaranan dan no isupu. Pogkaponga, in-olod din to sikan no nokogsolugsolug no langosa woy impamilikpilik din to sikan no nasulatan to Balaod woy inlagkos din ka mgo otow.\f + \fr 9:19 \ft Ogkabasa to Exodo 24:6-8.\f* 
\v 20 No to pogpamilikpilik din, kagi ni Moisis to, “Soini ka langosa no igmalogot to sabut to Magboboot kaniu, no og-awoson no ogtumanon ta su ian ka insugu din.”  
\v 21 Woy songo nigpamilikpilikan ni Moisis ka ampuanan no nohimu to manggad woy ka tibo no kalaglagan to pogsimba ran.\f + \fr 9:21 \ft Ka innangon kai, ogkabasa to Exodo 26:1-7 woy ka birsikulu 14. Woy basa ka to sulat no impadiralom to Hibriu 8:5.\f* 
\v 22 No tongod to sikan no Balaod, marani ogkatibo no ogkalinisan to langosa. No ko waro langosa no ogtulalug, kono ogkapasaylu ka mgo salo. 
\p  
\v 23 Sikan ian to nig-awos to oglinisan to langosa to ayam ka tagood no ampuanan woy ka mgo kalaglagan din no impanag-iling do to sikan no tu-tuu ian no ampuanan no dio to Langit. Di oyow ogpakasolod ka mgo otow dio to langit, nig-awos to oglinisan to langosa no mamahal to sikan no langosa to mgo ayam.  
\v 24 Sikan ian to si Kristu, waro nigsolod to sikan no Kinaroyawan no Sinabong to ampuanan no nighimu ro to mgo otow no impanag-iling do to tu-tuu ian no ampuanan. Di ian din lagboy nigsoloran ka Langit, no diad on kuntoon to tangkaan to Magboboot oyow ogpataliwaro kanta.  
\v 25 Di ka nighimu ni Kristu, waro nig-unawa to nighimu to sikan no Labow to mgo Talagpanubad to mgo Hudiu no to kasagboka ro to songo tuid, nigsolod to sikan no Kinaroyawan no Sinabong to ampuanan dan ka og-alap to langosa to ayam. Di si Kristu, waro atag nighutuk to pogpatulalug to kandin no langosa,  
\v 26 su ko nighutuk pa to igtubad to lawa rin, mohon-ing pad porom ka pogkamatoy rin ligkat to pogkohimu to soini no kalibutan. Dokad di to soini atag ka nighimu rin su, to magaan on ogpokouma ka mohuri no allow ta kai to soini no kalibutan, to kasagboka ro, nootow si Kristu kai to tano oyow ogkaawo on ka mgo salo ta. No ka sikan, nigligkat to pogtubad to kandin no lawa.  
\v 27 Nò, nigbobootan to Magboboot ka tibo no mgo otow, to kasagboka ro ogkamatay. No pogkaponga, ogbobootan on to Magboboot to maroyow woy ko ogkalogparan.  
\v 28 Ogkounawa ian si Kristu, su songo kasagboka ro ka pogtubad to lawa rin oyow ogkaawo din on ka salo to mohon-ing no mgo otow. No oglibong sikandin kai to tano. Di to sikan no poglibong din, konad to oyow og-awo to salo. Di ian tuud din to oglibong oyow ogkapangabangan din ka sikan no mgo otow no og-iman-iman to poglibong din.\f + \fr 9:28 \ft Ogkabasa to Isaias 53:12.\f* 
\c 10  
\s1 Madmaroyow ka Intubad ni Hisus 
\p  
\v 1 Nò, ka sikan no Balaod ni Moisis dongan,\f + \fr 10:1 \ft Ka sikan no Balaod, ligkat to Magboboot no si Moisis ka impabogoy rin dio to mgo otow. Ogkabasa to Exodo 20 woy ka sunud no mgo kapitulu.\f* noiling do to alung su tigbal do nokog-iling to sikan no ogpokouma no madmaroyow no ian tu-tuu uromo. Sikan ian, to tibo no tuid, ka sikan no ogsimba, ungod oghutukhutuk to pogtubad dan to mgo ayam no igtuman to sikan no Balaod. Di ka sikan waro lagboy makaayun kandan to Magboboot.  
\v 2 Ian su ko naawo pa ka mgo salo dan ligkat to ingkatubad dan, warad on porom igmasakit to goinawa ran to sikan no mgo salo dan. No konad on porom og-awoson no oghutukhutuk to duon oghimatayan no igtubad.  
\v 3 Dokad di, su to tibo no mgo tuid ogpokohutukhutuk to oghimatoy to igtubad dan, ogpakaroromdom sikandan to duon mgo salo dan.  
\v 4 Ian su kono ogkohimu ko ka langosa to mgo lukosan no baka woy ko kambing, ogpakaawo to salo. 
\p  
\v 5 Sikan ian, to magaan on oghondini si Kristu to soini no tano, nignangonan din ka Magboboot to: 
\q2 “Waro nu noiniati ka mgo ayam no igtubad to mgo otow woy ka duma no igbogoy dan, di duon lawa no impanagana nu kanak. 
\q1  
\v 6 Waro nu karagoi ka mgo ayam no oghimatayan woy ogtutungon no igpanubad, woy ko duon duma no igbogoy no ogpaawo poron to mgo salo.\f + \fr 10:6 \ft Ogkabasa to Salmo 40:6.\f* 
\q1  
\v 7 Soini rod ka ignangon ku to, ‘Soini ad on, Magboboot, to oyow ogtumanon ku ka ogkoiniatan nu. No ka sikan, ogkounawa ro to sikan no impasulat nud dongan tongod kanak dio to sikan no ingkasulat to Balaod nu.’ ” 
\p  
\v 8 Agad to sikan no oghimuon dan, ogpakatuman to sikan no tahan no Balaod, di nigkagi ka sulat to sikan ganna to, “Waro nu noiniati woy waro nu karagoi ka sikan no mgo ayam no ingkatubad woy ka mgo ayam no impatutung dan woy ko ka duma no inbogoy to mgo otow no og-awo poron to salo dan,” kagi.  
\v 9 No pogkaponga to sikan, nigkagi man do to, “Soini ad on, Magboboot, to oyow ogtuman a to ogkoiniatan nu.” No ligkat to sikan no innangon din, nataga kid on to warad on pulus dio to Magboboot ka sikan no mgo tahan no igtubad dan woy songo nataga kid to, ka kamatayon ni Hisu Kristu ka ingkaliwan to sikan no mgo ayam no igkatubad dan.  
\v 10 Nò, su nigtuman on ni Hisu Kristu ka sikan noiniatan to Magboboot, naawo on ka mgo salo ta woy naayun on ka goinawa ta dio to Magboboot su ligkat to lawa ni Hisu Kristu no ingkatubad din to sikan no sagboka ro no namatoy no igliwan kanta. No kono og-awoson no ogkohutuk. 
\p  
\v 11 Ka tibo no mgo talagpanubad to mgo Hudiu, allow-allow ogtuman to katondanan dan no ogkohutukhutuk ka sikan dod no pogtubad dan to mgo ayam. Di kono man ogpakaawo to mgo salo.\f + \fr 10:11 \ft Ka nigsulat to sikan, duon dod ka sikan no batasan to mgo Hudiu to oghutukhutuk no ogpanubad to mgo ayam. Di kuntoon, konad ogkohimu su warad ka sikan no Dakol no Ampuanan dan no kono oglitos to Balaod dan ko duon igpanubad no ayam ko kono no dio do to sikan no Dakol no Ampuanan dan.\f*\f + \fr 10:11 \ft Ogkabasa to Exodo 29:38.\f* 
\v 12 Di si Kristu atag, kasagboka ro ka ingkatubad din no oglitos to ig-awo to salo ta taman to waro katamanan. No to napongaan on ka sikan, nigpinpinnuu on dio to kawanan to Magboboot.  
\v 13 No dio dod ogtagad taman to ogdoogon on to Magboboot ka tibo no mgo usig din.\f + \fr 10:13 \ft Ogkabasa to Salmo 110:1.\f* 
\v 14 Ian su ligkat to sikan no kasagboka ro no ingkatubad din, napongaan din on ka nighimu rin no ig-awo to salo to mgo otow oyow ogkohimu no ogkaayun on ka goinawa ran to Magboboot taman to waro katamanan. 
\p  
\v 15 No ka Gimukud to Magboboot, songo ogpamalogot kanta to sikan su kagi rin to, 
\q1  
\v 16 “Kagi to Lagboy no Igbuyag to, ‘Soini ka oghimuon ku kandan no sabut, to uromo dio kud on igsabuk ka Balaod ku to taliwaro to goinawa ran woy dio ku igsulat to doromdom dan.’ ”\f + \fr 10:16 \ft Ogkabasa to Jeremias 31:33.\f* 
\m  
\v 17 Woy kagi rin pad to, 
\q1 “Kono kud on ogdoromdomon ka mgo salo dan woy ka mgo maroot no nighimu ran.” 
\m  
\v 18 Nò, su nigpasaylu rin on ka mgo salo ta, konad on og-awoson to duon pad oghimatayan ta no igpanubad no ig-awo poron to mgo salo. 
\s1 Ogdanian ta ka Magboboot 
\p  
\v 19 Sikan ian mgo sulod to pogtuu, su ligkat to langosa ni Hisus to pogpakimatoy rin kanta, waro igduwaruwa ta to ogsolod kinow to sikan no Kinaroyawan no Ampuanan no dio to Magboboot.  
\v 20 Pighimu rin ka iam no dalan no dio to kandin oyow ogkabogayan ki to kouyagan no waro katamanan. No naawo on ka nakaatang kanta oyow ogpakarani kid on to Magboboot. Ian su, to pogkamatoy ni Hisus, ka lawa rin ka in-awo to sikan no nokoolot kanta to Magboboot.\f + \fr 10:20 \ft Ko namatoy on si Hisus to krus, nagisi on ka manggad no nokoolot to sikan no Kinaroyawon no Sinabong no igmaganangon to ogpakasolod kid on to tangkaan to Magboboot su naawo on ka mgo salo no ogpakaatang poron. Ka sikan, ogkabasa to Lukas 23: 44-46.\f* 
\v 21 No kuntoon, duon on mabogbog no talagpanubad tanow no og-alap kanta no mgo sakup to Magboboot.  
\v 22 Sikan ian, mgo sulod, ogdani kinow on to Magboboot su ligkat to tu-tuu ian no goinawa ta kandin woy ka hogot no pogtuu ta. Lagkos to og-awoson to ogmaawangon on ka goinawa ta woy ka mgo doromdom ta su ligkat to naawo on ka mgo maroot no nokoholos.\f + \fr 10:22 \ft To kinagian to Ginirigu, ka sikan no \fq naramulasan\ft , inlituk to nigpamilikpilikan su ian ka batasan dan no igpaawo to agad nokoy no ogpakaligsom kandan. Basa ka to Hibriu 9:13-14 woy 18-22 woy Levitico 16:14-21.\f* No ka sikan, ogkounawa to naramulasan on ka goinawa ta to langosa ni Hisus woy nakasonob kid on to mating-ow no woig.\f + \fr 10:22 \ft To kinagian to Ginirigu, ka sikan no kagi to, “nakasonob kid” ogkohimu ko iglituk to, “namarigus kid” Di songo kuwo ko igpananglitan to maawang on no goinawa woy ko iglituk to nigpabautismuan kid on. Basa ka to Ezequiel 36:25.\f* 
\v 23 Kono ta oglokaan ka og-im-imanan ta no pig-abin ta woy kono ki ogduaruwa su ogkasaligan ta ka Magboboot to ogtuman to tibo no insabut din.  
\v 24 Agad pad, ogdoromdomon ta ko ogmonuon ta to ogmoos-osonoy oyow ogparakdakoloy ki to goinawa ta woy ogmabulbuligoy kinow.  
\v 25 Kono ki ogkoiling to duma no oghagtonghagtong to poglimudlimud dan no og-ampu. Di sikanta atag, oglimudlimud ki nasi oyow ogmoos-osonoy ki su nataga ki to magaan on ogkatuman ka allow to poglibong ni Hisus to soini no tano. 
\p  
\v 26 Ian su ko nigtokod kid on to tu-tuu ian ka impakimatoy ni Hisus kanta, di ko ogparagason ta ro duon no ogtuuran to ogpakasalo, warad dangob no igkatubad ta no ogpakaawo to salo ta dio to Magboboot.  
\v 27 Di ian naan do atag kanta to ogkahallokan ta ka ogpokouma no logpad to Magboboot woy ka hapuy no ogliabliab no og-ubus to mgo otow no nig-atu kandin.  
\v 28 Dongan, ko duon daruwa woy ko tatolu no ogpakamalogot to duon otow no niglop-ang on to Balaod ni Moisis, oghimatayan do duon to waro igkohoy-u.\f + \fr 10:28 \ft Ogkabasa to Deuteronomio 17:6.\f* 
\v 29 Nò, ko sikan ka ogkoumaan to mgo otow no waro nigpaagad-agad to Balaod ni Moisis, ogkoomonu on buwa ka sikan no otow no og-iniug to Anak to Magboboot? Dakoldakol lagboy ka kandin no iglogpad su dio to goinawa rin, nigdoisokan din ka pulus to langosa ni Hisus. Di ka sikan no langosa ka ig-ayun poron to goinawa to sikan no otow dio to Magboboot, woy sikan dod ka igpatokod to sikan no iam no sabut to duon on dalan ta dio to Magboboot. No ka sikan, songo ogkounawa to niglomotan din ka Gimukud to Magboboot no ogkohoy-u kanta. 
\p  
\v 30 Nataga ki to tu-tuu ian ka soini su kinagian to Magboboot to, “Kanak ka oglogpad. Kanak ka ogsuli.” Woy songo innangon din to, “Ka Lagboy no Igbuyag ka ogpakaboboot to mgo otow no impasakup din ko oglogparan woy ko kono.”\f + \fr 10:30 \ft Ogkabasa to Deuteronomio 32:35,36 woy dio to Ruma 12:19.\f* 
\v 31 Nò, dakol lagboy ka igkahallok ta ko ogkoumaan kid on to iglogpad to Magboboot no kono ogkamatoy. 
\p  
\v 32 Di, doromdoma now ka nokani no iam kow mabat-awi to pogtuu now to tu-tuu ian no nangnangonon. Mohon-ing ka nig-aguanta now no igkabaybayari now, no agad mohirap, waro kow maroog.  
\v 33 Duon allow no nigpasiporan kow woy nigbaybayaran kow to tangkaan to mgo otow. Woy duon mgo allow no nigbulig kow rod to duma now no nigbaybayaran.  
\v 34 Ian su nohoy-uan now on ka sikan no mgo duma now no napirisu ligkat to pogtuu ran. Agad ko naagow ka mgo kalaglagan now, nig-aguanta now no narago kow nasi su nataga kow to duon karoyawon now no dio to langit no kono ogkaagow.  
\v 35 Sikan ian, kono now ongkori ka pogsalig now to Magboboot, su ko ogparagason now ro duon, ogpakapurut kow uromo to sikan no karoyawan no igbalos kaniu.  
\v 36 Ian su og-awoson now to og-aguantoon ka igkabaybayari now oyow ogpokohimu kow to ogkoiniatan to Magboboot woy to oyow ogkapurut now ka sikan no innangon din kaniu.  
\v 37 Ian su soini ka impasulat to Magboboot dongan. Kagi rin to, 
\q1 “Magaan on ogdatong ka kaniu no ogtagaran. Kono ogkalugoy sikandin. 
\q1  
\v 38 Woy ka sakup ku no nohimu on no maroyow dio to tangkaan ku ligkat to pogtuu rin kanak, ogbogayan sikandin to kouyagan din no waro katamanan. Di ko duon otow no og-iniug kanak, kono a ogkarago kandin.” 
\m  
\v 39 Di sikanta atag, kono kid ogkoiling to sikan no mgo otow no og-ituos no ogkalagak to dalan no oghondio to Magboboot. Ian su kono ki ogloko to pogtuu ta no ogkapangabangan ki rod. 
\c 11  
\s1 Ka Pulus to Pogtuu to Dongan no mgo Otow 
\p  
\v 1 Ko duon pogtuu ta to Magboboot, nataga kid on to ogkatuman ka og-im-imanan tanow no innangon din. Agad ka kono ta ogkakitaan, nataga ki to duon dod  
\v 2 su ka pogtuu to mgo masalig no otow dongan, ian ligkatan to igkarago to Magboboot kandan. 
\p  
\v 3 Nò, ligkat to pogtuu ta to Magboboot, nakasabut kid to nohimu soini no kalibutan ligkat to kagi ro to Magboboot. Su ian ian, nataga kid to ka ogkakitaan ta, nigligkat to sikan no kono tad ogkitoon.\f + \fr 11:3 \ft Ogkabasa to Genesis 1:1 woy Salmo 33:6,9.\f* 
\p  
\v 4 Ligkat to pogtuu ni Abil dongan, madmaroyow ka kandin no intubad dio to Magboboot to sikan no intubad ni Kain. Woy su nigtuu si Abil kandin, impamalogot to Magboboot to maroyow si Abil dio to tangkaan din su narago to intubad din. Agad nalugoy on namatoy si Abil, di ligkat to pogtuu din, ogkaanad ki rod to maroyow.\f + \fr 11:4 \ft Ogkabasa to Genesis 4:3,4.\f* 
\v 5 Ligkat to pogtuu ni Inuk, pig-angoy to Magboboot sikandin no warad mogbayo to kamatayon din. Nigpammitow to mgo otow sikandin di wa dan kitaa su diad on to langit. Duon ingkasulat dongan tongod ki Inuk to waro pad angaya sikandin, to narago ka Magboboot kandin.\f + \fr 11:5 \ft Ogkabasa to Genesis 5:21-23.\f* 
\v 6 Nò, kono ogkarago ka Magboboot kanta ko waro pogtuu ta kandin su sikan no otow no ogdani kandin no og-ampu, og-awoson to ogtuu to duon ian sikandin woy to ogbogayan din to maroyow ka sikan no otow no ogpamangho kandin. 
\p  
\v 7 Si Noi dongan, ligkat to pogtuu rin to Magboboot, nigpamminog to mgo imbohog kandin ko nokoy ka ogkatuman no waro pad nigbunsud. Nigpaagad-agad no nighimu to dakol no arka oyow ogpokountud ka asawa rin, mgo anak din woy ka mgo asawa to mgo anak din oyow kono ogkallonod sikandan.\f + \fr 11:7 \ft Ka sikan no arka, noiling to dakol no barku di waro kun igtimun. Mohon-ing ka sinabong din litos to mgo ayam woy mgo ulod-ulod no impasakoy. Ka sikan, ogkabasa to Genesis 6:14-16.\f* Ligkat to kandin do no pogtuu, nabobootan ka tibo no waro nigtuu kai to kalibutan woy nigbogayan to Magboboot si Noi to sikan no naayun no goinawa rin dio to tangkaan din no ogligkat to pogtuu tanow kandin. 
\p  
\v 8 Ligkat to pogtuu ni Abraham, nigpaagad-agad to pogsugu ka Magboboot to oyow ogpohipanawon sikandin dio to songo ugpaan. No ian ka innangon din no igbogoy rin no ogpougpaan din kandan. No sikan ian no nig-ongkoran ni Abraham ka kandin no ugpaan no nighipanow on to waro dan matagoi ka ogdatongan dan.\f + \fr 11:8 \ft Ogkabasa to Genesis 12:1.\f* 
\v 9 Ligkat dod to pogtuu rin, nigtagood do nig-ugpo no ogkounawa to agpot do sikandin dio to sikan no ugpaan no innangon to Magboboot no igbogoy kandin. No ka baloy ran, inhimu ligkat to laplap to ayam. Si Abraham, si Isaak, woy si Hakub, tibo sikandan no matalag-alunggun, nigtatagooran dan doka pog-ugpo dan. Ian su si Abraham woy ka mgo pinanganak din ka ogpakapurut uromo to sikan no innangon to Magboboot.  
\v 10 Ian dod ka pog-ugpo dan su ogtatagaran dan ka sikan no ogkougpaan dan no lunsud no dio to langit no nighimu to Magboboot. No ka sikan no lunsud, konad ogkahalin. 
\p  
\v 11 Ligkat dod to pogtuu, agad to buyag on si Abraham woy to kono ogpakapanganak si Sara, nigpangiram dod su nigbogayan sikandin to kabogbogan. Ian su nigsalig si Abraham to ogtumanon to Magboboot ka innangon din to og-anak si Sara.\f + \fr 11:11 \ft To kinagian to Ginirigu, ogkohimu ko ian igkatuon ka pogtuu ni Abraham oyow ogkohimu on sikandin no amoy, woy ko ka pogtuu ni Sara ka igkatuon no sikan ian to nakatood sikandin no ogpangiram dod. Ka sikan, ogkabasa to Genesis 18:11 woy 21:2.\f* 
\v 12 Sikan ian, agad to magaan porom ogkamatoy to igkabuyagi rin, di ligkat do ki Abraham, impaanak pad sikandan to Magboboot. No ka mgo pinanganak dan, nohimu on no mohon-ing su ogkounawa to mgo bituon dio to langit woy songo ogkounawa to mgo bayokbok dio to dagat no kono ogkasool.\f + \fr 11:12 \ft Ogkabasa to Genesis 15:5; 22:17.\f* 
\p  
\v 13 Agad to tibo kandan noumaan on to kamatayon dan to waro moumoi to sikan no innangon to Magboboot kandan, di waro dan ongkori ka pogtuu ran to Magboboot. Di, ligkat to pogtuu ran, narago nasi sikandan su nakitaan dan dio to mariu ka igbogoy to Magboboot kandan uromo, woy nigtokod to mgo agpot do sikandan no waro tu-tuu no ugpaan dan kai to soi tano.\f + \fr 11:13 \ft Ogkabasa to 1 Cronicas 29:15.\f* 
\v 14 Ka sikan no mgo otow no ogtokod to kono no tu-tuu ian no ugpaan dan ka soini no kalibutan, ogpohitaga to ogpamangho sikandan to tu-tuu ian no ugpaan dan.  
\v 15 Waro dan doromdoma ka sikan no nig-ongkoran dan no ugpaan. Di ko nigdoromdom dan pa, ogpokouli porom sikandan ko ian ka ogkoiniatan dan.  
\v 16 Dokad di, lagboy ran ogkoiniatan ka madmaroyow no lunsud no ian ka dio to langit. No su ian ka ogkoiniatan dan, kono ogkasipod ka Magboboot to og-abinon dan to sikandin ka Magboboot dan. No duon impanagana rin no songo lunsud no litos kandan no dio to langit. 
\p  
\v 17-18 Duon dod. Ligkat to pogtuu ni Abraham no nig-ol-ologan to Magboboot ka pogtuu rin, intubad din porom to Magboboot ka bugtung no anak din no si Isaak. Agad to si Abraham ka nignangonan to Magboboot to, “Si Isaak ka ogligkatan to mgo pinanganak now,” nighimatayan din on poron no igtubad.\f + \fr 11:17-18 \ft Ogkabasa to Genesis 22:1-14.\f* 
\v 19 Ian su nakaroromdom sikandin to, agad ko namatoy pa si Isaak, ogkouyag do to Magboboot sikandin. Di su waro din matoori to poghimatoy su nigpangabangan to Magboboot, ogkounawa to nig-uyag on ian to Magboboot si Isaak ligkat to kamatayon din. 
\p  
\v 20 Ligkat to pogtuu ni Isaak, nigpakohoy-uan din to Magboboot ka mgo anak din no si Hakub woy si Isau.\f + \fr 11:20 \ft Ogkabasa to Genesis 27:27.\f* 
\p  
\v 21 Ligkat to pogtuu ni Hakub to Magboboot, ko magaan on ogkamatoy si Hakob, nigpakohoy-uan to Magboboot ka daruwa no apu din no anak ni Husi. Pogkaponga on, nig-unduk to tukod din no nigsimba to Magboboot.\f + \fr 11:21 \ft Ogkabasa to Genesis 47:31.\f* 
\p  
\v 22 Ligkat to pogtuu ni Husi to Magboboot, ko magaan on ogkamatoy, nigpanuguntugun to duon dod allow no ka tibo no mgo pinanganak ni Israil, ogkaawo on to ugpaan to Ehipto. Songo nignangonan din sikandan ko ogmonuon dan ka bokog din ko oghipanow on sikandan.\f + \fr 11:22 \ft Si Israil ka dangob no ngaran no imbogoy to Magboboot ki Hakob. No si Husi ka anak ni Hakob woy ko anak ni Israil. Ka sikan no nangnangonon, duon to Genesis 32:22-28.\f*\f + \fr 11:22 \ft Ogkabasa to Genesis 50:24,25.\f* 
\p  
\v 23 Ligkat to pogtuu to amoy woy ka inoy ni Moisis, ko nootow sikandin, inholos dan sikandin to tatolu no bulan. No ian dan inholos su nakita ran to maroyow ka bato woy su kono ogkahallok sikandan no oglop-ang to mgo sugu to igbuyag to Ehipto.\f + \fr 11:23 \ft Ogkabasa to Exodo 2:2.\f* 
\v 24 Ligkat to pogtuu ni Moisis to Magboboot, ko dakol on sikandin, nigligal to oghingaranan sikandin to anak to nig-uyamu kandin no anak to igbuyag to Ehipto.\f + \fr 11:24 \ft Ogkabasa to Exodo 2:10.\f* 
\v 25 Madmaroyow rin atag, to og-aguantoon din ka mgo igkabaybayari to mgo duma rin no mgo pinanganak ni Israil no sakup to Magboboot to ogpakaamut pa sikandin to sikan no igkarago no magaan do ogkaawo no ogligkat to mgo maroot no oghimuon dan dio to Ehipto.  
\v 26 Goinawa rin ian to og-aguantoon din ka igmasakit to goinawa rin su ka pog-iman-iman din to sikan no Im-imanan to mgo Koot-otawan no si Kristu.\f + \fr 11:26 \ft To kinagian to Ginirigu, Kristu ka ighingaran dan to nig-im-imanan dan no Lagboy no Igbuyag dan no igpoindini to Magboboot kai to tano. Di to kinagian to Hinibriu, Misias ka ighingaran dan.\f* Hondoi ka dakoldakol no pulus ni Moisis ko kono no ka sikan no pog-aguanta din? Kono no ian din pad pulus ka dakol no igkaratui dio to Ehipto su nigdoromdom din ka sikan no igkasayo kandin uromo. 
\p  
\v 27 Ligkat dod to pogtuu rin, nig-ongkoran din ka ugpaan din dio to Ehipto no waro nahallok din to igkabolu to sikan no Igbuyag to Ehipto. Nig-aguanta ni Moisis ka kohirapan rin su nounawa to nigkita rin ka Magboboot no kono ogkakita.\f + \fr 11:27 \ft Ogkabasa to Exodo 2:15.\f* 
\v 28 No ka pogtuu din dod ka igpabunsud to sikan no pagkoonan no oghingaranan to Paligad. No sikan ian to nigsugu si Moisis to oyow ogpamilikpilikan dan ka mgo gumawan dan to langosa to ayam oyow ka diwata no nigsugu to Magboboot no ogpanhimatoy to mgo panganoy no lukos dio to Ehipto, ko ogkakitaan din on ka langosa, ogligaran din doka baloy ran; kono din oghimatayan ka mgo panganoy no lukos to mgo pinanganak ni Israil.\f + \fr 11:28 \ft Ogkabasa to Exodo 12:21.\f* 
\p  
\v 29 No ligkat to pogtuu to mgo pinanganak ni Israil to Magboboot, nakalapas sikandan to sikan no Malalab no Dagat no nig-otian to Magboboot oyow ogkounawa to tano no mammara no ogkabayaan dan. Di ka mgo taga Ehipto atag no nigpababaan to niggapon, nallonod on ka tibo su niglibong on ka dagat.\f + \fr 11:29 \ft Ogkabasa to Exodo 14:21-26.\f* 
\p  
\v 30 No ligkat dod to pogtuu to mgo pinanganak ni Israil dongan, ko nigpalpalibut sikandan to lunsud to Hiriku taman to papitu no allow, nayabyab on tibo ka alad no batu to sikan no lunsud.\f + \fr 11:30 \ft Ogkabasa to Josue 6:20.\f* 
\p  
\v 31 Ligkat dod to pogtuu ni Rahab no sagboka no boi no maroot ka batasan din, napangabangan on no waro makalagkos to nammatoy on ka mgo otow no waro nigpaagad-agad to Magboboot no dio to Hiriku. Ian su maroyow ka pogsagman din to mgo pinanganak ni Israil no mgo talagbangan.\f + \fr 11:31 \ft Ogkabasa to Josue 6:22.\f* 
\p  
\v 32 Warad buwa igkabatbat ku su warad igliwak ku to ogbatbat tongod ki Gidion, woy si Barak, si Samson, si Dipta, si Dabid, si Samuel, woy ka mgo talagnangon to kagi no ogligkat to Magboboot dongan.\f + \fr 11:32 \ft Ogkabasa to Maghuhukom 4:6, 6:11, 11:1, 13:2, woy Isaias 1:1, 16:1.\f* 
\v 33 Ligkat to pogtuu to tibo soini, mohon-ing ka nohimu ran. Duon nakaroog to mgo koot-otawan woy ka mgo igbuyag dan no nigmoog-ogotoy on kandan. Maayun ka pogpangatondanan dan woy natuman on to duma ka innangon to Magboboot kandan. Woy duon duma no nakaroog to mgo lion no waro kagata.  
\v 34 Duon dod duma no nakaparong to makahallokhallok no logdog to hapuy. Duon duma no nohimatayan porom to moirob di nakapanalia. Tibo, waro porom amana dayagang dan di nabogayan to Magboboot to og-awoson dan no dayagang no nigmanokal on sikandan to ogmoog-ogotoy. Nokogsuwoysuwoy on ka mgo sundalu no nan-agpot no oglusud poron kandan.  
\v 35 Woy ligkat dod to pogtuu ran, duon mgo boi dongan no duon anak dan no nammatoy no nouyag on. 
\p Dokad di, duon duma no mgo otow no nigbaybayaran to mgo waro nigtuu. Agad to ogpakasabuk porom di nigbalagad dan on ko ogkamatoy oyow madmaroyow ka igkasayo kandan ko ogkouyag on uromo.\f + \fr 11:35 \ft Ogkabasa to 1 Hari 17:17, woy 2 Hari 4:25.\f* 
\v 36 Duon dod duma no mgo otow no pigsusumpalit woy nigpambarasan. Ka duma pad, nigbanggutan to karina no inhatod dio to pirisuan.\f + \fr 11:36 \ft Ogkabasa to 1 Hari 22:26,27, woy Jeremias 20:2.\f* 
\v 37 Duon dod duma no pigdogpak to dakol no batu taman to namatoy on. Duon pigtampod to gabas. Duon duma no namatoy to pigtigbas. No duon duma no waro himatayi di nakalohowlohow. No ka sabinit dan mgo laplap to karniru woy ko kambing. Noiluan lagboy sikandan to pog-ugpo dan woy pigbaybayaran sikandan to mgo otow no waro nigtuu.\f + \fr 11:37 \ft Ogkabasa to 1 Cronicas 24:21,22.\f* 
\v 38 Ogkounawa to waro ogkougpaan dan no ungod ogpakalohowlohow dio to mgo bubungan woy ko dio to mammara no tano. Mgo pilang woy ko mgo sinoropan ka hirogoanan dan. Waro tokora to mgo otow no waro nigtuu ko nokoy ka pulus to sikan mgo otow no nakalohowlohow. 
\p  
\v 39 Maroyow lagboy dio to Magboboot ka pighimu to tibo to soini no mgo otow ligkat to pogtuu ran. Di waro dan pad mapurut ka sikan no innangon to Magboboot.  
\v 40 Ian su duon madmaroyow no tuud to Magboboot kantanow, su ian goinawa rin to woy rin do ogbogayan sikandan to tibo no karoyawan no innangon din kandan dongan ko songo ogpakalagkos kinow rod. 
\c 12  
\s1 Ogdoromdomon ta ka Igkabaybayari ni Hisus 
\p  
\v 1 Sikantanow, ogkoiling to nataliwaro ki to sikan no nalimudlimud no mohon-ing no mgo nigtuu dongan no ogbabantoy kanta. Nò, su ian ian, og-awoson to og-awoon ta ka tibo no ogpakabalabag to dalan ta dio to Magboboot woy og-ongkoran ta ka mgo salo ta no nakabanggut to goinawa ta. No ogpoomot ki to ogpallaguy to tu-tuu ian no dalan.  
\v 2 Og-unugon ta si Hisus su sikandin doka ogligkatan to pogtuu ta. Woy sikandin dod ka ogpakatimultimul to pogtuu ta taman to taman. Nigpoponod si Hisus to igkabaybayari rin dio to krus woy nigbalagad din ka igkasipod din to kamatayon din su nigdoromdom din ka sikan no dakol no igkarago din no impanagana kandin dio to langit. No, kuntoon, diad on to langit sikandin no ogpinpinnuu to kawanan to Magboboot. 
\p  
\v 3 Sikan ian, sumsumana now sikandin no nig-aguanta to ig-ogot to mgo makasasalo. No su nakapoponod sikandin, og-awoson to songo kono ogmalotoy woy kono ogkohunus ka kanta no goinawa to pogtuu ta.  
\v 4 Ian su tongod to pog-atu now to salo, waro kow pad nakaatu taman to ogkamatoy kow.  
\v 5 Nalingawan now buwa ka in-udling to Magboboot kaniu no oghingaranan no mgo anak din. Kagi rin to, 
\q2 “Koykow no anak ku, kono nu ogdoisokon ka ig-anad to Magboboot kaniu. Woy maroyow ko kono ogkasundug ka goinawa nu ko ogkoogotan ka.\f + \fr 12:5 \ft Ogkabasa to Job 5:17, woy Panultihon 3:11.\f* 
\q1  
\v 6 Ian su tibo no otow no indakoli to goinawa to Magboboot, ogkoogotan din woy ogsaparan din ka sikan no mgo otow no oghingaranan din no anak din.” 
\m  
\v 7 Omunaan ko duon ogkabayaan now no igkabaybayari, og-awoson to og-aguantoon now ro. Ian su ligkat to sikan, og-anaron kow to Magboboot, no ian ka ig-indan to anak kow rin su hondoi buwa no bato no kono og-anaron to amoy rin?  
\v 8 Sikan ian, ko kono kow ogpakalagkos to ig-anad to Magboboot to tibo no anak din, kono kow naan no tu-tuu ian no anak su anak kow naan to dalan.  
\v 9 Soini pad. Ka mgo amoy tanow kai to soi kalibutan, nig-ogotan ki ran no nigtahud ta rod sikandan. Di hontow man ka lagboy no ogtahuron ta ko kono no ka Magboboot no ian Amoy ta no dio to langit su oyow ogkatimulan on ka igkaroyawi to pogkouyag ta no ogligkat kandin?  
\v 10 Ko bato ki pad, nigsaparan ki to mgo amoy ta no nigligkat to kandan do no goinawa. Di ka pogsapad to Magboboot no amoy ta, ian su oyow duon pulus ta no ogkatalaran ki to pogkamatuwarong din.  
\v 11 Soini ian. Ko ogkasaparan ki, ogkasakitan ki; kono ki ogkarago. Mangkuwan atag, ko ogkaanad ki, ian ka ogpakabogoy kanta to maawang no goinawa no ogpakatul-id on to pog-ugpo ta. 
\s1 Ka mgo Ig-udling woy ka Igbohog 
\p  
\v 12 Sikan ian, mgo sulod ku no nigtuu, hogota now ka pogtuu now oyow ogpakasasindog kow dio to tangkaan to Magboboot.\f + \fr 12:12 \ft Ogkabasa to Isaias 35:3.\f* 
\p  
\v 13 Paragasa now ka poghipanow now to maroyow no dalan oyow kono ogkabalabagan ka dalan to sikan no mgo otow no ogmalotoy pad to pogtuu ran. Ian su oyow ogkohogot atag ka pogtuu ran. 
\p  
\v 14 Poomot kow to oyow ogmaroyow ro ka pogdumaruma now to tibo no otow woy to oyow ogmatuwarong kow su kono ki ogpakakita to Lagboy no Igbuyag ta ko kono ki no matuwarong.  
\v 15 Soini pad. Doyowroyow kow oyow waro agad sagboka kaniu no ogkasayop to tibo no igkohoy-u to Magboboot kanta woy to oyow waro maroot dio to kaniu no ogpakasuwoy to pogtuu to duma ta no ian ogkounawaan ka ogtubu no mapoit no ogpokohilu.  
\v 16 Woy doyowroyow kow ro oyow waro agad sagboka no oghilabot to kono no asawa rin woy to oyow kono ki ogkoiling ki Isau dongan no inat to waro pulus din to og-unug to Magboboot su insaliu rin on ka kandin no pogkakakoy to songo pogkoon do.\f + \fr 12:16 \ft To kandan no batasan, ian kakoy si Isau ka nighun-a ki Hakob to oglosut. Sikan ian to si Isau porom ka ogpakapurut to iggalat ni Isaak no ian amoy ran. Dokad di, ko insasaliu ni Isau to songo pogkoon din do, nig-iniugan din ka iggalat poron to amoy ran. No ko kalugoy on, ingkabogoy on ki Hakob. No ka sikan, ogkabasa to Genesis 25:29-34 woy Ruma 9:10-13.\f* 
\v 17 Di nataga ki to mangkuwan, ogkoiniatan poron ni Isau to oggalatan to karoyawon no ogligkat to amoy rin. Dokad di to niglop-angan sikandin su warad on dalan din to oghawi to sikan no ingkasaliu rin. No agad to nigsinogow sikandin, warad pulus su kono ogkahawi.\f + \fr 12:17 \ft Ogkabasa to Genesis 27:30.\f* 
\p  
\v 18 Nò ka kuntoon no pogdani ta to Magboboot, kono no ogkounawa to pogdani to mgo pinanganak ni Israil dongan. Sikandan, nigdani to sikan no bubungan no oghingaranan to Sinai no ogkasamsam dan poron. No duon nigkita ran no niglogdog no hapuy. Woy nigdagap ka marusilom to maallow pad, woy duon niggoram dan no maagbot lagboy no kalamag.  
\v 19 Woy duon dod nigdinog dan no maagbot lagboy no daging no ogkounawa to bungag, woy songo nigdinog dan ka kinagian to Magboboot. Pogdinog dan to sikan no kagi, nigpohoy-uhoy-u to oghagtong on sikandin no ogkagi.\f + \fr 12:19 \ft Ogkabasa to Exodo 20:18.\f* 
\v 20 Ian su ogkabigtawan porom ka goinawa ran to insugu din. Kagi rin, “Agad ko duon ayam no ogpakariok to soini no bubungan, ogdogpakon to batu taman to ogkamatoy.”\f + \fr 12:20 \ft Ogkabasa to Exodo 19:13.\f* 
\v 21 Igkahallok on lagboy nikandan ka nigkita ran dio to sikan no Bubungan no Sinai. Omunaan no nigkagi si Moisis to, “Ogkolkolon a to soini no pogkahallok ku.”\f + \fr 12:21 \ft Ogkabasa to Deuteronomio 9:19.\f* 
\p  
\v 22 Di sikantanow kuntoon atag, inat to nigparani kid on to bubungan no oghingaranan to Sion, woy to sikan no lunsud to Hirusalim no dio to langit no ian ugpaan to Magboboot no kono ogkamatoy. Woy songo nakarani kid on to pila buwa no malan no mgo diwata to Magboboot ka oglimudlimud no ogsayo kandin.  
\v 23 Woy nakarani kid on to tibo no mgo otow no nigtuu on no tahan on no ingkasulat ka ngaran dan dio to langit. Woy nakarani ki rod to Magboboot no ian Talagboot to tibo no otow. Woy songo nakarani kid on to gimukud to mgo matuwarong no nammatoy no naayun on ian lagboy ka goinawa ran to Magboboot.  
\v 24 Woy nakarani kid on ki Hisus no nohimu no dalan ta dio to Magboboot, woy nakarani ki to langosa rin no nigtulalug dio to krus no immalogot to sikan no iam no sabut oyow ogkohoy-uan ki to Magboboot. No ka sikan, madmaroyow to langosa ni Abil no nigbuyu to pogsuli.\f + \fr 12:24 \fq Si Abil\ft , nighimatayan to kakoy rin no si Kain. Ka sikan, ogkabasa to Genesis 4:10.\f* 
\p  
\v 25 Sikan ian, og-awoson to og-ayad-ayad ki ro to ogpamminog to sikan no ogkagi no ian ka Magboboot su ka mgo otow dongan no waro nigpamminog to kagi rin no impanangon din ki Moisis, niglogparan sikandan. No sikanta kuntoon, dakoldakol pad man ka iglogpad kanta ko og-iniug ki to Magboboot no ogbohog kanta no ogligkat dio to langit.\f + \fr 12:25 \ft Ogkabasa to Exodo 20:22.\f* 
\v 26 Dongan, to nigkagi ka Magboboot, nalubo ka kalibutan. Di kuntoon, nignangon sikandin to, “Oghutukon ku ogluboon uromo ka kalibutan, di kono do no ka kalibutan ka ogluboon ku ko kono ogpakalagkos on ka langit.”\f + \fr 12:26 \ft Ogkabasa to Hageo 2:6.\f* 
\v 27 No, ka sikan no kagi rin to duon oghutukon no ogluboon din, ian ka igpasabut kanta to ogluboon din ka mgo nigpanhimu rin, no ogkaawo on ka ogkawoil oyow ian do ogkagalat ka kono ogkawoil. 
\p  
\v 28 Su ian ian, ogpasalamatan ta ka Magboboot to nasakup kid on to pogpangatondanan din no kono ogkaawo to waro katamanan. Woy ogsayoon ta sikandin to igmaroyow to goinawa rin no iglagkos ta ka pogtahud ta woy ka pogkahallok ta  
\v 29 su ogkounawa sikandin to logdog no ogpokoubus kanta ko kono ki ogpaagad-agad.\f + \fr 12:29 \ft Ogkabasa to Deuteronomio 4:24.\f* 
\c 13  
\s1 Ka Batasan no Ogpakasayo to Magboboot 
\p  
\v 1 Mgo sulod ku no nigtuu, paragasa now ka pogparakdakoloy now to goinawa no ogkounawa to patalasulod kow on ian.  
\v 2 Kono now ogkalingawi to ogsagman to mgo magaliug no ogpokouma dio to ugpaan now su duon mgo otow no nakasagman to magaliug no waro matagoi di diwata naan to Magboboot ka nigsagman dan.\f + \fr 13:2 \ft Ogkabasa to Genesis 18:2 woy 19:1.\f* 
\v 3 Woy kono ta ogkalingawan ka mgo duma ta no napirisu di songo ogkoiling ki to songo nakalagkos ki ro kandan to napirisu. Woy kono ta ogkalingawan ka mgo duma ta no nabaybayaran to mgo waro nigtuu no songo ogkoiling ki to songo nabaybayaran ki. 
\p  
\v 4 Mataltahuroy ki tibo to pogpaas-asawooy ta no kono ta oghilaboti ka loin. Ian su ka Magboboot, oglogparan din ka sikan no otow no oghilabot to kono no asawa rin. 
\p  
\v 5 Kono tad ogdakoli to goinawa ka salapi. Litos do ko ogkarago ki to kanta no pog-ugpo su nigkagi ka Magboboot to, “Kono ku ogbalagaron sikaniu woy songo kono kow ogkoongkoran.”\f + \fr 13:5 \ft Ogkabasa to Deuteronomio 31:6,8 woy Josue 1:5.\f* 
\v 6 Omunaan to waro igduwaruwa ta no ogkagi ki to, 
\q2 “Ka Lagboy no Igbuyag ka talagbulig kanak. Kono a ogkahallok ko ogkoomonu a to mgo otow.”\f + \fr 13:6 \ft Ogkabasa to Salmo 118:6.\f* 
\p  
\v 7 Doromdoma now ka nokohun-a no mgo igbuyag now su sikandan ka nig-anad kaniu to kinagian to Magboboot. Woy songo doromdoma now ka mgo batasan dan taman to kamatayon dan. No unugi now ka malogot no pogtuu ran ki Hisus.  
\v 8 Si Hisu Kristu, waro pogkahalin din ligkat pad dongan woy kuntoon woy taman to taman.  
\v 9 Nò, ayad-ayad kow to sikan no tu-tuu no dalan to oyow kono kow ogpakasuwoy no ogligkat to loinloin no mgo ig-anad. Ian su ka maroyow no igkohogot to pogtuu ta ka igkohoy-u to Magboboot, no kono no ka mgo Balaod ni Moisis tongod ko nokoy ka litos no ogkakoon ta no mgo ngalap. Ka mgo otow no nigtuman to sikan, waro mabuligi. 
\p  
\v 10 Sikan ian, ka mgo talagpanubad to mgo Hudiu no og-unug to sikan no mgo Balaod dio to sikan no tagooran no ampuanan dan, waro labot dan to soini no karoyawon no ogligkat to ingkatubad ni Hisus no ogpakaawo to mgo salo ta.\f + \fr 13:10 \ft Ka karoyawon no igkabogoy kanta ligkat to pogkamatoy ni Hisus, igpanag-iling to sikan no ngalap no ingkatubad dongan no ogkakoon poron to mgo talagpanubad. Dokad di, ka ingkatubad dan no igpanlimpas to salo, songo kono dan ogpakapurut no ogkakoon. Ka sikan, ogkabasa to Levitico 16:27.\f* 
\v 11 Nataga ki to, ka sikan no mgo Hudiu, ko duon igpanubad dan no igpaawo poron to salo dan, ka langosa to sikan no ayam, og-alapon to Labow to mgo Talagpanubad dio to sikan no Kinaroyawon no Sinabong no duon to solod to ampuanan dan. Di ka lawa to sikan no igtubad dan, ogsilaban dan dio to libuwasan to lunsud dan.\f + \fr 13:11 \ft Ogkabasa to Levitico 16:27.\f* 
\v 12 Ka sikan ian, ogkounawaan ka nohimu ki Hisus su nighimatayan sikandin dio to libuwasan to lunsud. No ka langosa rin, ian ka ogpakaawo to salo to mgo otow kai to kalibutan.  
\v 13 Sikan ian mgo sulod, og-awoson to songo oglibuwas ki to lunsud no oghondio ki kandin oyow ogpakalagkos ki to kasiporan din.\f + \fr 13:13 \ft Ka lituk to sikan no kagi to og-awoson tad no ogbalagad ko ogbogayan ki to igkasipod ta no ogligkat to pogtuu ta ki Hisus.\f* 
\v 14 Ian su ogtagtagooran ta ro ka soini no kalibutan. Di ian tanow atag og-im-imanan ka sikan no ogkougpaan ta no lunsud no dio to langit.  
\v 15 Sikan ian, su si Hisus ka nohimu on no dalan ta, ungod tad ogsayoon ka Magboboot. No ka sikan, ogkohimu on to igpanubad ta kandin. Woy to kanta no kagi, ogdakolon ta ka ngaran din.  
\v 16 Woy kono tanow ogkalingawan to oghimu to maroyow woy to ogmabulbuligoy ki su ka soini songo igpanubad ta dio to Magboboot no igkarago din ian. 
\p  
\v 17 Mgo sulod, ogpaagad-agaran ta ka mgo igbuyag ta kuntoon woy pamminogan ta sikandan. Ian su ogkasaligan sikandan to Magboboot to ogpabantayan ka pogtuu ta taman to ogpokouma on ka gimukud ta dio to kandin. Ian su to mohuri on no allow, ogpakanangon sikandan to Magboboot ko nokoy ka ingkasalig din kandan tongod kanta. Nò, ko ogpaagad-agad ki, ogkarago sikandan to pog-alap dan to pogpangatondanan dan. Di ko kono ki ogpaagad-agad, ogmasakit ka goinawa ran no kono ki ogkabuligan to sikan. 
\s1 Ka Pog-ampu woy ka Pogpanuguntugun to Nigsulat 
\p  
\v 18 Paragasa now, mgo sulod, ka pog-ampu now kanami. Nataga koy to maawang ka goinawa noy su ian tuud noy to oghimu to maroyow.  
\v 19 Di soi pad ka lagboy ian no ogbuyuon ku to oyow og-ampuan a now oyow magaan a ro ogpalibongon to Magboboot dio to kaniu.  
\v 20 Ka Magboboot ka nig-uyag ki Hisus, no ian Lagboy no Igbuyag ta, ligkat to kamatayon din. No sikandin ka Lagboy no Talagbantoy kanta no nigtuu no ogkoiling to mgo karniru rin. No to pogkamatoy rin, ka langosa rin ka igmalogot to sikan no sabut to Magboboot kanta to duon on iam no dalan ta dio to kandin no waro katamanan.  
\v 21 Sikan ian to og-ampu a to oyow ka Magboboot, no ian ligkatan to maawang no goinawa ta, ogbogoy kaniu to tibo no og-awoson now to oyow ogpakatuman kow to mgo igsugu din. Woy songo og-ampu a to oyow ligkat ki Hisu Kristu, ogpokohimu kow to ogkoiniatan din. Nò, ogsayoon ta sikandin taman to taman. Hoo ian.  
\v 22 Ogbuyu a kaniu, mgo sulod, to oyow og-aguantoon now ro to ogsagman to soini no ig-udling ku kaniu to soini no sulat ku no malopot do.  
\v 23 Woy ogkoiniatan ku to oghitagoon kow to impalibuwas on ligkat to pirisuan si Timoteo no sulod ta to pogtuu. Ko ogpokouma on kai woy ad oghipanow, ogdumoon ku ro dio to kaniu.  
\v 24 Pangumustaa now ka tibo no mgo igbuyag now to dio to mgo ampuanan now woy ka tibo no mgo nigtuu to Magboboot. Songo ogpapangumusta kaniu ka mgo taga Italia no nigtuu.  
\v 25 Ka pog-ampu ku, to oyow ogkohoy-uan kow tibo to Magboboot. Amin.