\id 1CO 1 Corinthians ma1co.scp Ata Manobo 1 Cor 05-JUL-2000 
\h 1 Kurintu 
\toc1 Ka An-anayan no Sulat ni Pablo to mgo Taga Kurintu 
\toc2 1Kurintu 
\toc3 1Ku 
\mt2 Ka An-anayan no Sulat ni Pablo to mgo Taga 
\mt1 Kurintu 
\imt2 Tongod to Soini An-anayan no Sulat ni Pabloto mgo Taga Kurintu 
\ip Ka Kurintu, ian ka mabogbog no lunsud no dio to probinsia to Girisia. Girigu ka mohon-ing no mgo taga Kurintu, no kono no Hudiu. No ian dan nig-ampuan ka mgo inotow. Di ka nigsulat si Pablo, mohon-ing ka nigtuu on ki Hisus woy natimtimulan on ka pogsabut ran su duon mgo otow no nig-anad kandan. Dokad di, duon mgo batasan dan no kono no maroyow. Woy duon otow no nigtuu no nighimu to maroot di waro sapari to mgo duma rin. Sikan ian to nigsulat si Pablo kandan su oyow ogkataga sikandan ko nokoy no batasan ka litos to nigtuu kid on to Magboboot woy nigpasapad to otow no makasasalo. Duon intabak ni Pablo to mgo inso dan. Woy duon in-anad din tongod to poglibong ni Hisus to mohuri no allow no ogkouyag on ka mgo nigtuu no nammatoy. 
\is1 Ka Ignangon to Soini no Sulat 
\io1 Ka kabinunsuran to ignangonnangon ni Pablo 1:1-9 
\io1 Ka pogbaadbaad to mgo nigtuu 1:10 – 4:21 
\io1 Ka batasan no oglitos to mgo lukos woy ka mgo boi, woy ka litos to mgo alunggun woy ka litos no pog-alap dan to anak dan 5:1 – 7:40 
\io1 Ka batasan no oglitos, woy ka kono no litos, to oghimuon to mgo nigtuu 8:1 – 11:1 
\io1 Ka batasan no oglitos to mgo nigtuu ko oglimudlimud no og-ampu 11:2 – 14:40 
\io1 Ka pogkouyag ni Hisu Kristu woy ka pogkouyag to mgo nigtuu 15:1-58 
\io1 Ka tuud to ogbuligan ka mgo nigtuu no taga Hirusalim 16:1-4 
\io1 Ka mgo intuguntugun ni Pablo 16:5-24 
\c 1  
\p  
\v 1 Ka soini no sulat, nigligkat kanak no si Pablo woy ki Sustinis no sulod ta to pogtuu. No sikanak, nohimu a no suguanon ni Hisu Kristu su ian ka imboot to Magboboot.  
\v 2 No ka soini no sulat igpaalap noy kaniu no sampangan to mgo otow no ogtuu kandin no og-ugpo dio to lunsud to Kurintu. Sikaniu, nig-indanan kow on to Magboboot su ligkat to nasagboka kow on ki Hisu Kristu. No to pog-abin din kaniu, nakalagkos kow on to tibo no mgo otow dio to agad hondoi no ogsampit to ngaran to Lagboy no Igbuyag ta no si Hisu Kristu no ian Lagboy no Igbuyag to tibo no mgo otow no og-ampu kandin.  
\v 3 Ogbuyu a ko ogkohoy-uan kow to Magboboot no ian Amoy tanow woy to oyow songo ogkohoy-uan kow ni Hisu Kristu no ian Lagboy no Igbuyag ta. Woy ogbuyu a ko ogbogayan kow nikandin to maawang no goinawa now.  
\v 4 Ungod ku ogsayoon ka Magboboot tongod kaniu su ka pogkohoy-u rin kaniu no nigligkat to nasagboka kow on ki Hisu Kristu.  
\v 5 Ian su ligkat to dakol no pogkohoy-u rin kaniu, nigtimtimulan kow rin to pogkasabuti now woy to mgo ogkatouanan now to pog-anad to mgo duma now  
\v 6 su insabuk now on ka in-anad kaniu tongod ki Kristu dio to taliwaro to goinawa now.  
\v 7 Sikan ian, tagood to ogtatagad kinow to sikan no poglibong to Lagboy no Igbuyag ta no si Hisu Kristu kai to kalibutan, napurut now on ka agad nokoy no ogpamootan din kaniu no kabogbogan now no ogligkat dio to kandin.  
\v 8 Woy oghirosonan din ka pogtuu now taman to sikan no mohuri no allow su oyow ko ogkatuman on ka sikan no allow to poglibong to Lagboy no Igbuyag ta no si Hisu Kristu kai to tano, waro ig-ogot din kaniu.  
\v 9 Ogkasaligan ta ka Magboboot no sikandin ka nig-abin kanta to oyow ogkohimu kinow on no patalahari to Anak din no si Hisu Kristu no ian Lagboy no Igbuyag ta. 
\s1 Ka pogbaadbaad to mgo nigtuu 
\p  
\v 10 Kuntoon, mgo sulod, ligkat to katondanan to ngaran to Lagboy no Igbuyag ta no si Hisu Kristu, ogbuyu a kaniu to oyow ogpouy-uyunoy kow no kono kow ogbaadbaad oyow ogkasagboka ro ka tuud now woy ka igboot now.  
\v 11 Ian to soini ka ignangon ku kaniu mgo sulod su nanangonan a to mgo duma ni Klui to ogpaap-apuloy kow.  
\v 12 Soini ka lituk to kagi ku to ogloinloinon now kun ka goinawa now su duon mgo otow dio to kaniu no ognangon to sikanak no si Pablo ka og-unugon dan, woy duon duma no ognangon to si Apulus ka og-unugon dan. No duon pad man do duma no oghonduon to ian dan og-unugon, si Kristu.  
\v 13 Kono now baadbaara ka lawa ni Kristu su kono man no sikanak no si Pablo ka namatoy no igliwan kaniu dio to krus! No ko nigpabautismuan kow, kono man no ngaran ku ka nigsampit now.  
\v 14 Ogpasalamat a to Magboboot to ian ku ro nigbautismuan dio to kaniu, si Krispo woy si Gayo,  
\v 15 su og-awoson no waro otow dio to kaniu no ogpakanangonnangon to nigpasakup sikandin to kanak no ngaran ko nigpabautismu!  
\v 16 O, songo nigbautismuan ku ka songo lunggunan no si Istipanas. Di waro dio to doromdom ku ko duon dod duma no nigbautismuan ku.  
\v 17 Ian su, ka pigsugu a ni Kristu, waro a bogayi to katondanan ku to oyow ogbautismuan ku ka mgo otow, di nigbogayan a rin to katondanan ku to ognangonnangon to Maroyow no Nangnangonon tongod kandin. Di ka igpasabut ku, waro nigligkat to ogkatou to ogpangagikagi su oyow ian ighogod to pogtuu to mgo otow ka kabogbogan to pogkamatoy ni Kristu no dio to krus.  
\v 18 Ian su, ka mgo otow no waro naawo ka salo dan, nahan dan no waro pulus ka nangnangonon tongod to kamatayon ni Hisu Kristu no dio to krus. Di sikanta no ogkapangabangan to mgo salo, nataga kinow to ka sikan no nangnangonon, ian ka igpohitaga to Magboboot to kabogbogan din.  
\v 19 Ian su duon impasulat to Magboboot dongan to, 
\q1 “Ogdaaton ku ka katouanan to mgo otow no nahan dan no natou sikandan woy songo ogdaaton ku ka pulus to pogkasabuti to mgo otow no naanad to dakol.”\f + \fr 1:19 \ft Ogkabasa to Isaias 29:14.\f* 
\m  
\v 20 Waro pulus to mgo katouanan to mgo otow no nahan dan no natou sikandan woy songo waro pulus ka mgo otow no og-anad to Balaod ni Moisis, woy ka ogkatou to og-alap to alukuyon. Woy impohitaga on to Magboboot to naalang-alang on ian ka mgo ogkatouanan do duon no ogligkat to mgo otow to soini no kalibutan.  
\v 21 Ian su dakoldakol ka katouanan to Magboboot, no sikan ian ka nigboot sikandin to oyow waro otow no ogpakataga to kandin ko dio do ogligkat to kandan do no katouanan. Di agad ko duon mgo otow no nahan dan no waro pulus, noiniatan atag to Magboboot to oyow ian ogkapangabangan ka mgo otow no ogtuu on to soini no ignangonnangon noy tongod ki Hisu Kristu.  
\v 22 Ian su ka mgo Hudiu, kono ogtuu ko waro ogkitoon dan no kabolongbolongan, no ka mgo Girigu,\f + \fr 1:22 \ft To kinagian to Ginirigu, songo ogkalituk to Girigu woy ko ka mgo otow no kono no Hudiu.\f* ian dan ogkoiniatan ko duon maralom no kinagian no ogkapamminogan dan.  
\v 23 Di sikanami atag, ian noy ignangnangonon ka pogkamatoy ni Kristu no dio to krus. Sikan ka ogpakasaligkat to mgo Hudiu. No ka kono no Hudiu, nahan dan no waro pulus.  
\v 24 Di sikanta no nig-abin on to Magboboot, agad Hudiu woy ka kono, nataga ki to ligkat to nighimu ni Kristu, impohitaga to Magboboot ka kabogbogan din woy ka katouanan din.  
\v 25 Ian su nahan to mgo otow no naangol ka pighimu to Magboboot ko namatoy si Hisus to krus, di sikan ka madmaroyow to tibo no katouanan to mgo otow. Agad to nahan dan no malintok ka kabogbogan to Magboboot, di ian ka niglabow to tibo no kanokalan to mgo otow.  
\v 26 Kono now kalingawi mgo sulod ko hontow kow no otawa nokani no pig-abin kow to Magboboot, su to pogdoromdom to mgo otow kai to tano, manalingboka kow no duon natouan woy manalingboka kow no duon nakaalap to dakol no katondanan woy songo manalingboka kow no duon dakol no ngaran.  
\v 27 Dokad di to nig-alam to Magboboot ka nahan to mgo otow to soini no kalibutan no waro pulus oyow ogkasipod ka sikan no mgo otow no nahan dan no dakol atag ka kandan no katouanan. Woy nig-alam to Magboboot ka nahan to mohon-ing no mgo otow to kono no mabogbog kai to soini no kalibutan su oyow ogkasipod ka mgo otow no nahan dan no mabogbog.  
\v 28 Woy nig-alam ka Magboboot to sikan no mgo otow no oglomotan to mgo otow no waro nigtuu to soini no kalibutan. Woy nig-alam din ka mgo otow no malintok to pogpitow ran to oyow igpohitaga rin to waro ian pulus to sikan no nahan to mgo otow no duon ogkapulusan.  
\v 29 Ian oyow waro otow no ogpakasayo-sayo to kandin no lawa ko dio to tangkaan to Magboboot.  
\v 30 Sikandin ka ligkatan to kouyagan ta no nigligkat to nasagboka kinow on ki Hisu Kristu. No ka Magboboot dod ka nigboot to si Hisus ka ogligkatan to katouanan ta, woy to sikandin dod ka oghimu kanta no maroyow dio to tangkaan din. Woy sikandin ka ligkatan to ogkaayun on ka goinawa ta kandin su sikandin ka nigbalukas kanta no makasasalo.  
\v 31 Sikan ian, og-awoson to ogpaagad-agad kinow to soini no kagi no impasulat dongan to Magboboot to, 
\q1 “Ka sikan no otow no ogkoinat no ogsayo, og-awoson to ian din do ogsayoon ka pighimu to Lagboy no Igbuyag ta.”\f + \fr 1:31 \ft Ogkabasa to Jeremias 9:24.\f* 
\c 2  
\s1 Ka Pognangonnangon ni Pablo to Pogkamatoy ni Hisu Kristu dio to krus 
\p  
\v 1 Ka poghondio ku to kaniu, mgo sulod, no og-anad to soini no kinagian to Magboboot, waro a nigkagi to maralom no kinagian woy songo waro a nig-iling to songo otow no duon dakol no ogkatouan din.  
\v 2 Ian su nigboot a to waro loin no ignangonnangon ku kaniu ko kono no si Hisu Kristu ro woy ka pogkamatoy rin dio to krus.  
\v 3 No ko dio a to kaniu, noupul a no nigkolkolon so diralom ku su nahallok a ko kono a ogpakatuman to igpohimu to Magboboot kanak.  
\v 4 No to pog-anad ku, waro maralom no kinagian ku no ig-imuimu kaniu. Di ka Gimukud to Magboboot woy ka kabogbogan din ka impamalogot to innangonnangon ku.  
\v 5 Ian su og-awoson to ian ogligkatan to pogtuu now ka pogsalig now to kabogbogan to Magboboot no kono ogligkat to katouanan to mgo otow ro duon. 
\s1 Ka Katouanan to Magboboot 
\p  
\v 6 Dokad di, duon dakol no katouanan no igpasabut ku to mgo otow no masalig ka pogtuu ran. Di ka sikan no katouanan, loin to sikan no katouanan no ogligkat to soini no kalibutan, woy songo kono ogligkat to sikan no mgo otow no og-alap-alap to katondanan to soini no kalibutan. Di ogkaawo do ka sikan no katouanan.  
\v 7 Di ka soini no dakol no katouanan no ig-anad ku kaniu, ian ka dakol no katouanan to Magboboot, di dongan inholos din pad dio to mgo otow. Di agad to waro pad nohimu ka soini no tano, tahan din on tuuri to oyow ligkat to sikan no katouanan din, ogkapangabangan kinow to mgo salo ta oyow uromo ogkabogayan kinow on to karoyawon din.  
\v 8 Di ka mgo igbuyag kai to kalibutan, waro dan matagoi ka pighimu to Magboboot. Ian su ko natagaan dan pa, waro dan porom pohimatayi dio to krus ka Lagboy no Igbuyag ta no niglabow to tibo.  
\v 9 Di ka sikan no nohimu, naayun to kagi no impasulat to Magboboot dongan to kagi rin to, 
\q1 “Waro pad makakita woy waro pad makarinog, woy songo waro pad makaroromdom ka mgo otow to sikan no intagad to Magboboot to mgo otow no indakoli sikandin to goinawa ran.”\f + \fr 2:9 \ft Ogkabasa to Isaias 64:4.\f* 
\m  
\v 10 Di atag, ka soini no dakol no katouanan to Magboboot, impohitaga rin on kantanow ligkat to Gimukud din su ka Gimukud din, nataga to tibo, lagkos to maralom no tuud to Magboboot no nokoholos.  
\v 11 Waro otow no ogkataga to pogdoromdom to dangob no otow su ian din do ogkatagaan ka kandin no goinawa. Songo ogkounawa rod ka Magboboot. Ka Gimukud din do ka ogpakasabut to tibo no pogdoromdom din.  
\v 12 No sikanta no ogtuu ki Hisu Kristu, waro ki mabogayi to katouanan no ogligkat to mgo otow to soini no kalibutan, di nigbogayan kinow atag to Gimukud to Magboboot oyow ogpakasabut kinow on to tibo no igbogoy to Magboboot kanta.  
\v 13 Ka ig-anad noy, kono ogligkat to katouanan to mgo otow, di ogligkat to igpasabut to Gimukud to Magboboot kanta, no songo igpasabut noy to mgo otow no ogbootan to Gimukud din.  
\v 14 Di ka otow no waro tagui ka goinawa rin to Gimukud to Magboboot, kono ogkoiniat to sikan no ogligkat to Gimukud din su nahan dan no waro pulus. Woy kono ogpakasabut sikandan su ka Gimukud do to Magboboot ka ogpakapasabut kanta to sikan.  
\v 15 Di ka mgo otow no nataguan on to Gimukud to Magboboot, ogkataga sikandan ko nokoy ka pulus to agad nokoy. Di, ka mgo otow no waro nigtuu, kono ogpakasabut to mgo doromdom to mgo otow no nigtuu.  
\v 16 Ian su duon ingkasulat to kinagian to Magboboot to, 
\q1 “Waro otow no ogpakasabut ko nokoy ka pogdoromdom to Magboboot, woy waro otow no ogpakatambag kandin.”\f + \fr 2:16 \ft Ogkabasa to Isaias 40:13.\f* 
\m Dokad di, sikanta no nigtuu on, nigpohitagaan kid on ni Kristu to kandin no pogdoromdom. 
\c 3  
\s1 Ka Alang-alang no Batasan 
\p  
\v 1 Mgo sulod, ko dio a pad to kaniu, mababow ro ka pog-anad ku kaniu. Waro a maka-anad kaniu to maralom no oglitos porom to mgo otow no ogpaagad-agad to Gimukud to Magboboot su noiling to bato pad ka pogtuu now ki Kristu su ogpaagad-agaran now rod ka mgo maroot no ogkoiniatan to lawa now.  
\v 2 Ka pog-anad ku kaniu nokani, waro nounawa to makogal no koonon di nounawa ro to gatas no ogpoinum ta to mgo bato no malintok pad su kono kow pad ogpakasabut to maralom no ig-anad. Agad kuntoon, kono kow pad ogpakasabut to maralom no pog-anad  
\v 3 su ogbootan kow pad to mgo maroot no koiniatan to goinawa now su duon dod mgo otow dio to kaniu no ogkoima woy ogpoog-ogotoy. No ka sikan, igpatokod to ogkabootan kow pad to mgo koiniatan now no ian batasan to mgo otow no waro nigtuu kai to soini no kalibutan.  
\v 4 Ian su duon mgo otow dio to kaniu no oghonduon to sikanak no si Pablo ka igbuyag dan. Woy duon duma no oghonduon to ian igbuyag dan si Apulus. Ka sikan no batasan ka igpatokod to ogkounug now rod ka batasan to mgo otow no waro pad nigtuu. 
\p  
\v 5 Nokoy now si Apulus woy ko sikanak no si Pablo? Sikanami, mgo suguanon koy to Magboboot, no ligkat to pog-anad noy kaniu nigtuu kow on kandin. Di waro loin no oghimuon noy ko kono do no ka pogtuman noy to insugu din to tag sagboka kanami.  
\v 6 Sikanak, ian ku ogkounawaan ka otow no nigpamula. No si Apulus, ian din ogkounawaan ka otow no ogpambus-ug to woig dio to pinamula. Di ka Magboboot atag ka nigpatulin to sikan no pinamula.  
\v 7 Sikan ian, kono no ka ogpamula woy ka ogpambus-ug to pinamula ka ogsayoon. Di ian ta ogsayoon ka Magboboot no ogpatulin to impamula.  
\v 8 Ka pulus to sikan no otow no ogpamula woy ka ogpambus-ug to pinamula, og-uunawa ro. Di tag sagboka kandan, ogbogayan to Magboboot to litos to kandin no poghimu.  
\v 9 Ian su sikanak woy si Apulus, ogpabulbuligoy koy to igpohimu to Magboboot kanami. No sikaniu, ka ogkounawa to kamot din. No songo ogkounawa kow rod to Baloy to Magboboot no igpohimu rin.  
\v 10 No sikanak no si Pablo, ian ku ogkounawaan ka natou no talaghimu to sikan no baloy su nigbogayan a to katouanan ku to ogsabuk to batu no ogpounturan to sikan no baloy. No kuntoon, duon duma no og-anad kaniu no ian ogkounawaan ka otow no ig-untud ka suwoy, mgo ka igtangon. Di agad hontow no ogbulig no oghimu to sikan no Baloy to Magboboot, og-awoson no og-ay-ayaran din ka poghimu rin.  
\v 11 Ian su waro loin no ogkohimu no unturanan ko kono no sikan do no nohimu on no ogpounturan to pogtuu ta ko kono no si Hisu Kristu ro ian.  
\v 12 Nò, sagboka ro ka unturanan to pogtuu ta di mohon-ing ka ogkohimu no ighimu ta to lawa to baloy. Pananglitan, ko ian ta ighimu ka kono ogkasilaban unawa to bulawan, woy ko plata, woy ko mgo mahal no batu, woy ko ighimu ta atag ka ogkasilaban unawa to kayu, kalan woy ko mgo lagut.  
\v 13 No to poglibong ni Hisu Kristu kai to soi tano, no ogkool-ologan ka pighimu ta ko maroyow woy ko kono, ogkatagaan on ko nokoy ka inhimu ta to baloy su ogkool-ologan to hapuy. No ka waro pulus, ogkasilaban on, di ka maroyow, kono ogkasilaban.  
\v 14 No ko kono ogkasilaban ka pighimu to songo otow no in-untud din to sikan no unturanan, ogbogayan sikandin to igkasayo.  
\v 15 Di ko ogkasilaban on ka pighimu to songo otow, kono ogbogayan sikandin to igsayo. Di ogkapangabangan dod sikandin di ogkoiling to nasakomit no ligkat to hapuy oyow kono ogpakasugbuk. 
\p  
\v 16 Nataga kow man poron to sikanta no nigtuu ki Hisus, ian ka impananglitan to sikan no Baloy to Magboboot woy nataga kow rod poron to og-ugpo ka Gimukud din kai to kanta.  
\v 17 No ko duon otow no ogdaat to sikan no Baloy to Magboboot, songo ogdaaton to Magboboot sikandin su ogkannugunan to Magboboot ka og-ugpaan din, no sikanta ka sikan no baloy rin. 
\p  
\v 18 Kono kow ogpagawoy to goinawa now su ko duon sagboka kaniu no nahan din no dakol ka nasabutan din no ogligkat to katouanan to soini no kalibutan, maroyow ko og-iniugan din ka sikan no katouanan su oyow ogkapurut din on ka katouanan no ogligkat to Magboboot.  
\v 19 Ian su to doromdom to Magboboot, waro pulus ka katouanan no ogligkat to soini no kalibutan. No ka sikan, ogkounawa to impasulat to Magboboot dongan to, 
\q1 “Ka moiria no mgo hinimuan to mgo otow no natouan, ian ogpakabohog to Magboboot kandan.”\f + \fr 3:19 \ft Ogkabasa to Job 5:13.\f* 
\m  
\v 20 Woy duon dangob no impasulat to Magboboot no kagi rin to, 
\q1 “Nataga ka Magboboot to waro pulus ka sikan no pogdoromdom to mgo otow no natouan to soini no kalibutan.”\f + \fr 3:20 \ft Ogkabasa to Salmo 94:11.\f* 
\m  
\v 21 Sikan ian to og-awoson to kono kid ogsayo-sayo ko hondoi longod no talag-anad ka ogkoiniatan ta, su sikanta no nigtuu, nohimu kinow on no talagtuun to tibo no imboot to Magboboot.  
\v 22 Imbogoy rin kaniu sikanak no si Pablo, si Apulus, woy si Pedro, no mgo talag-anad kaniu. Woy imbogoy rin dod ka soini no tano, woy ka goinawa ta, woy ka kamatayon ta woy ka tibo no ogkabayaan ta uromo lagkos ka kuntoon no ogkabayaan ta. Tibo din imbogoy kaniu oyow duon pulus now.  
\v 23 No sikaniu, abin kow ni Kristu, no si Kristu, abin dod to Magboboot. 
\c 4  
\s1 Mgo suguanon ni Hisu Kristu 
\p  
\v 1 No sikanami no mgo talag-anad, ian now ro ogdoromdomon to suguanon koy ro ni Kristu. Nigsaligan koy to Magboboot to oyow ignangonnangon noy on ka sikan no waro din pad dongan impohitaga to mgo otow.  
\v 2 No ko duon otow no ogkohimu no sinaligan, og-awoson to ogkasaligan sikandin to ogtuman to igsugu to igbuyag din.  
\v 3 Di, kono a ogkasasow ko nokoy ka ogkagion now woy ko nokoy ka ogkagion to agad hontow tongod to pogtuman ku to igpohimu rin kanak, ko maroyow woy ko maroot. Agad ko kanak poron ka ogsumansuman to mgo hinimuan ku, kono ku ogkatagaan ko litos ka oghimuon ku.  
\v 4 Maawang ka goinawa ku, di kono no sikan ka igpatokod to waro salo ku. Ian do ogkataga ka Lagboy no Igbuyag ta.  
\v 5 Kono ta ogbootan ka agad hontow ko litos ka oghimuon din. Di og-awoson to ogtagad kinow to litos no allow no ian allow to poglibong to Lagboy no Igbuyag ta. Sikandin ka ogbatuk to tibo no ingkoholos no batasan ta woy igpohitaga rin on ka mgo tuud no nakatagu to goinawa ta. No ogkasayo on to Magboboot ka agad hontow ko litos ka nohimu rin. 
\p  
\v 6 Ka soini no innangon ku kaniu, mgo sulod, igpanag-ilingan ku ka lawa ku woy ki Apulus. No ian su oyow ligkat kanami, ogkaanad kow to litos no pog-ugpo now no ogpokounug kow to ingkasulat no kinagian to Magboboot. Ian su og-awoson to kono now ogdakolon ka ngaran to sagboka no talag-anad kaniu woy kono now ogdoisokon ka ngaran to dangob.  
\v 7 Wa kow man bogayi to dakoldakol no ngaran to mgo duma now su ka tibo no katondanan ta, dio do ogligkat to Magboboot. No su sikandin ka nigbogoy kantanow to tibo no ogkagongonan ta, manio naan to ogmarayandayan kow su ka ogkatouan ta ingkabogoy ro man kanta? 
\p  
\v 8 Naan now buwa ko ka tibo no karoyawon to Magboboot, diad on to kaniu. No ogkoiling to nohimu kow no mgo datu no ogpakaalap to Pogsugu to Magboboot, di sikanami atag no mgo suguanon din, to waro koy poron makalagkos. Maroyow porom ko tu-tuu on ian no ogpakaalap kow to pogsugu din oyow songo ogpakabulig koy kaniu to pogkaalap now.  
\v 9 No to pogdoromdom ku, sikanami no mgo suguanon ni Hisus, nigbogoy ka Magboboot to ogkaroisok ka mgo ngaran noy su ogtotongtongan koy to tibo no mgo otow woy to tibo no mgo diwata to Magboboot. No ian noy ogkounawaan ka mgo napirisu no nigbobootan on to pogkamatoy.  
\v 10 Sikanami, ogngisian koy to mgo otow su og-anad koy tongod ki Kristu. Di sikaniu, nahan now no maroyow atag so ulu now su ligkat to pogtuu now ki Kristu. Sikanami, nahan now buwa to malintok ka pogtuu noy kandin, di dakol atag ka kaniu no pogtuu. Sikaniu, ogkabantugan kow to mgo otow di sikanami atag, oglomotan koy.  
\v 11 Taman kuntoon, sikanami no suguanon ni Hisu Kristu, oggutasan koy woy ogkamaraan koy. Kulang ka manggad noy. Nigbarasan koy to mgo otow no waro nigtuu. Woy waro ogkougpaan noy; ogpakalougloug koy ro duon.  
\v 12 Nigpoomot koy to talabau noy oyow ogkabayaran noy ka ogkakoon noy. Agad ko oglomotan koy di ogbuyu koy atag to Magboboot to oyow ogkohoy-uan din sikandan. Ko duon otow no ogbayadbayad kanami, og-aguantoon noy ro duon.  
\v 13 Ko ogdooton koy, ian noy ro igtabak ka maroyow no kagi. No taman kuntoon, ogkoiling koy to mgo lagut no ogsonsonon to mgo otow no waro pad nigtuu. 
\p  
\v 14 Ka soini no igsulat ku kaniu, kono to oyow ogkasipod kow, di ian ku igsulat to oyow ogtalosonon ku sikaniu no nounawa to mgo anak ku to pogtuu ta no indakoli ku to goinawa.  
\v 15 Agad ko duon sampulu no malan no otow no og-anad kaniu to pog-unug ki Hisu Kristu, di kono no mohon-ing ka amoy now. Ian su sikanak do ka nohimu on no amoy now to ogtuu kandin su sikanak ka nignangonnangon kaniu nokani to Maroyow no Nangnangonon tongod ki Hisus no nigtuu kow on kandin.  
\v 16 Sikan ian, ogbuyu a kaniu to oyow og-unugan now ka batasan ku.  
\v 17 Sikan ian to nigsugu ku si Timoteo dio to kaniu oyow ogkounugan now ka batasan ku. Si Timoteo ka ogkasaligan ku woy indakoli ku to goinawa woy anak ku to pogtuu ta to Lagboy no Igbuyag ta. Sikandin ka ogparoromdom kaniu to batasan ku woy ka pog-ugpo ku no oglitos to oghimuon ta ko nigtuu kid on ki Hisu Kristu. Ogkounawa rod ka ig-anad ku dio to agad hondoi no ogpakalimudlimud ka mgo otow to og-ampu ki Hisus. 
\p  
\v 18 Duon otow dio to kaniu no ogparakoldakol su nahan dan no kono a ogpakapanumbaloy dio to kaniu.  
\v 19 Dokad di, ko igbogoy to Lagboy no Igbuyag ta, magaan a ro ogpakapanumbaloy dio to kaniu. No ko ogpokouma ad on, ogkatagaan ku ka kabogbogan to sikan no otow no ogparakoldakol ko tu-tuu ian woy ko tigbal do no kagi ran.  
\v 20 Ian su ka Pogsugu to Magboboot kanta, kono ogligkat to mgo kagi ro duon, di ogligkat to kabogbogan to Magboboot.  
\v 21 Nò, nokoy ka maroyow now, ko ogdatong a no ogpokoogot a kaniu? Madmaroyow ko ogbalbalawan now on ka mgo batasan now oyow ko ogpokouma ad on dio to kaniu, no igdakoli ku sikaniu to goinawa no ogkagian ku sikaniu to mohimulung no kagi. 
\c 5  
\s1 Ka Pogboot to Otow no Oghimu to Maroot 
\p  
\v 1 Duon nigdinog ku to duon otow dio to kaniu no nigtuu ki Hisus di oghimu sikandin to maroot to inoy-inoy rin. Di ka mgo otow no kono ogtuu to Magboboot, waro batasan dan no ogkounawa to sikan.  
\v 2 Nò su duon ka maroot dio to kaniu, manio naan to ogparakoldakol kow? Manio to kono ogmasakit so goinawa now to sikan no maroot no batasan? Madmaroyow ko ogpaawoon now on sikandin oyow konad on ogpakaamut duon to kaniu.  
\v 3 Agad ko waro a dio to kaniu kuntoon di ogkounawa to dio a rod to kaniu su dio ka goinawa ku no natagaan kud on ko ogmonuon kud ka sikan no otow no nighimu to maroot.  
\v 4 No to katondanan ku no ogligkat to ngaran to Lagboy no Igbuyag ta no si Hisus, ogbobootan ku to oyow oglimudlimud kow on. No ko ogkalimud kow on, songo ogpakaamut ka goinawa ku su ligkat to kabogbogan ni Hisus.  
\v 5 No igbogoy now on ka sikan no otow ki Satanas oyow ogkalogparan on ka lawa rin di mangkuwan ogkapangabangan do ka gimukud din to allow on to poglibong ni Hisus no Lagboy no Igbuyag ta kai to soini no kalibutan. 
\p  
\v 6 Kono no maroyow ka igparakoldakol now. Nataga kow to pananglitan no ogkagi to, agad malintok do ka ig-amut no igpatulin to paan, ogtulin ka tibo.  
\v 7 Ka sikan no paan, ian ogkounawaan ka pogtuu now ki Hisus. No ka sikan no igpatulin, ian ogkounawaan ka mgo salo now. No og-awoson to ogpan-ongkoran now ka tibo no maroot oyow waro solug no maroot no ian now porom ogkounawaan ka iam no paan no waro amuti to igpatulin. Di nataga a to ogkounawa kow to sikan no paan su namatoy on si Kristu no igtobus to mgo salo ta. Sikandin, ian ogkounawaan ka karniru no ogpohimatayan ta ko allow to Pagkoonan to Paligad.\f + \fr 5:7 \fq To Pagkoonan no Paligad\ft , nigdoromdom to mgo Hudiu ka marusilom woy nakalibuwas sikandan to ugpaan to Ehipto dongan. No to sikan no pagkoonan, ogkoon sikandan to paan no waro amuti to igpatulin. Ka sikan, ogkabasa dio to Exodo 12:5, 13:7 woy Deuteronomio 16:3.\f* 
\v 8 Nò ogtutugon kinow to kanta no Pagkoonan to Paligad. Di ian ta og-ongkoran ka maroot no mgo batasan ta woy ka maroot no goinawa ta to duma ta no ian ta impananglitan to igpatulin to paan, woy igliwan ta ka maawang no goinawa ta woy ka tu-tuu ro no mgo batasan no ian ogkounawaan ka paan no waro amuti to igpatulin. 
\p  
\v 9 Duon insulat ku kaniu nokani to kono kid ogdumaruma to sikan no mgo otow no oghimu to maroot to kono no asawa ran.  
\v 10 Di ka innangon ku, kono no ka mgo otow no maroot so batasan dan no waro nigtuu no kai to soini no kalibutan, no oggogolgol to kalaglagan, woy ko ogpanakow, woy ko og-ampu to mgo inotow-otow. Ian su, ko sikan pa ka ignangon ku, ogpakaawo kinow ro duon to soini no tano.  
\v 11 Di ian ku ignangon to sulat ku to og-awoson to kono ki ogdumaruma to otow no nigtuu kun ki Hisus di oghimu to maroot to kono no asawa rin woy ko oggogolgol sikandin to kalaglagan, woy ko og-ampu to mgo inotow-otow woy ko oglanglangitan din ka duma rin woy ko oglasinglasing woy ko ogpanakow. Nò agad ko ogkoon, kono ki ogdumaruma to sikan no otow.  
\v 12-13 Nokoy labot ku to mgo otow no waro pad nigtuu? Kono a ogpaginlabot kandan. Ka Magboboot ka ogboboot kandan. Di ka mgo otow no nigtuu no ogkalimud dio to kaniu to og–ampu, sikan poron ka ogbobootan now. Nò, “Dogila now on ka sikan no maroot no otow oyow konad on ogpakaamut kaniu ko og-ampu kow.”\f + \fr 5:12-13 \ft Ogkabasa to Deuteronomio 13:5 woy 17:7.\f* 
\c 6  
\s1 Ka Poghusoy to mgo otow no ogtuu ki Hisus 
\p  
\v 1 Ko duon duma now to pogtuu no ogpakasalo to dangob no duma now, og-inso a ko oglangub kow no ogpohusoy to otow no waro nigtuu ki Hisus? Manio to kono kow atag oghondio to mgo otow no nigtuu ki Hisus oyow sikandan poron ka oghusoy kaniu?  
\v 2 Nataga kow on porom to sikanta no nigtuu ki Hisu Kristu, ogbulig kinow ki Hisus uromo ko ogbobootan din on ka mgo otow no waro nigtuu kai to kalibutan. Nò, ko ogpakaboboot ki to sikan no mgo otow, manio naan to kono kow ogpokohusoy to soini no mgo minalintok no samuk kuntoon?  
\v 3 Og-inso a ko wa kow mataga to uromo, ogpakaboboot ki rod to mgo diwata? No su ogpakaboboot ki to mgo diwata uromo, ian pad naan no kono ta ogkabobootan ka kuntoon no pog-ugpo ta no doisok do no samuk.  
\v 4 Sikan ian, ko duon ogpokouma dio to kaniu no ogkounawa to sikan no mgo samuk now no litos no sikaniu ro ka ogboboot, manio to dio kow ogpohusoy to kono no duma ta to pogtuu?  
\v 5 Ian to soini ka ignangon ku su oyow ogkasipod kow to soini no batasan now. Og-inso a ko waro agad sagboka no otow dio to kaniu no duon katouanan din no litos no oghusoy to mgo duma rin to pogtuu?  
\v 6 Di sikaniu no nigtuu on ki Hisus, ogbayung kow to songo duma now rod to pogtuu. Kono no sikan do di dio kow atag ogpohusoy to otow no waro nigtuu.  
\v 7 Naalang-alang ka pogtuu now su ko duon duma now no ogpakasalo kaniu, dio kow ogpohusoy to otow no waro nigtuu. Madmaroyow poron ko ogbalagaron ta ko duon ogbayadbayad kanta woy ko oglukuon ki.  
\v 8 Di sikaniu atag, agad ka mgo sulod now to pogtuu, ogbaybayaran now woy oglukuon now rod.  
\v 9 Nataga kow man poron to kono ogpakaamut to Pandatuan to Magboboot ka mgo otow no oghimu to agad nokoy no maroot. Kono kow ogpagawoy to goinawa now su kono ian ogpakaamut to Pandatuan to Magboboot ka mgo otow no oghimu to maroot, woy ka og-ampu to inotow-otow, woy ka oghimu to maroot to kono no asawa rin, woy ko duon otow no ogmool-olinoy ko lukos woy ko boi.  
\v 10 Woy songo kono ogpakaamut to pandatuan din, ka mgo otow no ogpanakow, woy ka oggogolgol to kalaglagan to songo otow, woy ka oglasinglasing, woy ka ogpandoot to duma ran, woy ka ogpan-agow.  
\v 11 Duon dio to kaniu nokani ka nighimu pad to sikan no maroot no batasan. Di, nig-awo on ni Hisus ka mgo salo now no nigbogayan kow on to Magboboot. Woy nohimu kow on no maroyow dio to tangkaan din su ligkat to ngaran ni Hisu Kristu no ian Lagboy no Igbuyag ta woy ligkat dod to Gimukud to Magboboot no ian Magboboot tanow. 
\s1 Ka Batasan ta no litos to oyow ogkasayo ta si Hisus 
\p  
\v 12 Songo kuwo buwa ko duon ogkagi to, “Ogkohimu ku ka agad nokoy no ogkoiniatan ku ko kono no maroot.” Hoo, ogkohimu di kono ogpakamaroyow to pog-ugpo ta ka tibo no ogkohimu ta. Agad sikanak ko kono no maroot, songo ogpakakagi a to, “Ogkohimu ku ka agad nokoy no ogkoiniatan ku.” Di og-ayad-ayad a oyow waro hinimuan ku no ogpokouripon kanak.  
\v 13 Woy duon buwa ka ogkagi to, “Ian nohimu, ka koonon su igsolod to tukuwan ta, no, ian to nohimu ka tukuwan ta oyow ogsoloran to koonon.” Hoo, di uromo, oghipongaan on to Magboboot ka pulus to sikan no daruwa. Ka soi lawa ta, kono atag no litos to oghimu ki to maroot su ian do no litos no oghimuon ka pog-unug ta to tibo no goinawa to Lagboy no Igbuyag ta no si Hisu Kristu oyow ogkasayo ta sikandin. No sikandin ka ogkannugun kanta.  
\v 14 Ian su nig-uyag to Magboboot si Hisus no ian Lagboy no Igbuyag ta ligkat to kamatayon din. No uromo, songo og-uyagon kinow on nikandin no ogligkat to kabogbogan din.  
\v 15 Nataga kow man porom to soini no mgo lawa ta, ogkounawa to sumpul to lawa ni Kristu. Sikan ian to kono no litos no oghimu ki to maroot dio to mgo boi no maroot ka batasan dan, su kono no litos ko ka sumpul to lawa ni Kristu, igbogoy ta dio to mgo boi no maroot so mgo batasan.  
\v 16 Woy songo nataga kow on porom to, ka lukos no oghulid to boi no maroot ka batasan din, ogkasagboka on ka lawa ran. Ian su ogkounawa to impasulat to Magboboot dongan tongod to iam no alunggun. Kagi rin to, “Ogkasagboka ro ka lawa to sikan no daruwa.”\f + \fr 6:16 \ft Ogkabasa to Genesis 2:24.\f* Ian ka nasulat.  
\v 17 Di, ka otow no ogkasagboka on to Lagboy no Igbuyag ta no si Hisu Kristu, ogkasalupung on to goinawa ran. 
\p  
\v 18 Mariu ka to agad nokoy no ogpakaayat to maroot no batasan, to ogpanhilabot to kono no asawa rin. Ian su ka duma no mgo salo, kono ogpakaligsom to lawa ta. Di ka sikan otow no oghimu to maroot, ogpakasalo to kandin no unoy no lawa.  
\v 19 Nataga kow man poron to sikanta no nigtuu ki Hisus, nabogayan kinow on to Gimukud to Magboboot no dio og-ugpo to to lawa ta. No kono no sikanta ka tagtuun to lawa ta; ka Magboboot, ian ka tagtuun kanta  
\v 20 Ian su ka kamatayon ni Hisus ian din imbalukas kanta. Sikan ian, ian ta igpohimu to lawa ta ka maroyow oyow ogkasayo sikandin. 
\c 7  
\s1 Mgo Inso Tongod to Pogpangasawa 
\p  
\v 1 Kuntoon, mgo sulod, ogtabakon ku pad ka mgo inso now no insulat now kanak. Nig-inso kow ko maroyow ko ogpangasawa ki woy ko kono. Maroyow ko kono ki ogpangasawa.  
\v 2 Di su mohon-ing ka ogkaayat to oghimu to maroot, maroyow ko duon asawa to tag sagboka no lukos woy to tag sagboka no boi.  
\v 3 No sikaniu no nakaasawa on, og-awoson to lukos to ogtuman to katondanan din to asawa rin. No ka boi, songo og-awoson to ogtuman to kandin no katondanan to asawa rin.  
\v 4 Ian su, kono no ka boi ro ka ogboboot to lawa rin; songo ogboboot ka asawa rin. Woy kono no ka lukos do ka ogboboot to kandin no lawa su songo ogboboot ka asawa rin.  
\v 5 Kono ka ogligal ko oghuliran ka to asawa nu. Woy ro buwa no litos ko kono kow ogpohulhuliroy ko ogpasabsabutoy kow pad oyow duon liwak now to og-ampu. Di magaan kow ro og-uli dio to asawa now oyow kono kow ogkaayat ni Satanas to oghimu to maroot to dangob no otow no ogligkat to kono kow buwa ogpakaponod to goinawa now. 
\p  
\v 6 Ka soini no ignangon ku kaniu, tambag do; kono no igsugu ku to ogpangasawa kow.  
\v 7 Ka goinawa ku poron ko ogkoiling kow tibo kanak to waro asawa ku. Di ka Magboboot ka nigbogoy to tag sagboka kanta to katouanan ko duon asawa ta woy ko waro.  
\v 8 Soini ka ig-udling ku to mgo dalaga, mgo balubato woy ka mgo balu no boi. Madmaroyow poron ian ko og-iling kow kanak to kono kow ro ogpangasawa.  
\v 9 Di, ko kono now atag ogkaponod ka goinawa now to igkoiniat to lawa now, maroyow ko ogpangasawa kow on. Ko sikan ian madmaroyow ko ogpangasawa kow su oyow kono kow ogkabaybayaran to igkoiniat to lawa now. 
\p  
\v 10 No sikaniu no duon on asawa, duon igsugu ku kaniu no ogligkat to Lagboy no Igbuyag ta. Ka boi, og-awoson to kono din og-ongkoran ka asawa rin.  
\v 11 No ka lukos, songo kono din og-ongkoran ka kandin no asawa. Di ko duon boi no og-ongkod to asawa rin, og-awoson to kono oghutuk sikandin no ogkaasawa woy litos ko ogpoul-ulioy to goinawa rin to tahan no asawa rin. 
\p  
\v 12 Nò, sikaniu no duma, songo duon ig-udling ku kaniu. Di sikanak ka nigligkatan to soini su waro kagi to Lagboy no Igbuyag ta. No ogkagian ku ka mgo lukos no nigtuu on no duon asawa ran no waro pad nigtuu. Kono ta og-ongkoran ka asawa ta no waro pad nigtuu ko ogkoiniatan din to og-ugpo.  
\v 13 Woy ko duon boi no duon on asawa rin no waro pad nigtuu, di ogkoiniatan din to og-ugpo og-awoson to songo kono din og-ongkoran ka asawa rin.  
\v 14 Ian su ka sikan no lukos no waro pad nigtuu, ogpamaranion to asawa rin sikandin to Magboboot ko nigtuu on ka boi. Woy ka boi no waro pad nigtuu, songo ogpamaranion to asawa rin no nigtuu on to Magboboot. Di ko ogkagalat ka anak dan to waro nigtuu, ogkoiling do ka mgo anak dan to waro nigtuu; mariu to Magboboot. Di ko waro ongkori ka asawa, songo ogkamarani on ka anak dan to Magboboot.  
\v 15 Di ka sikan no asawa no waro nigtuu, ko ogkoiniat to og-awo on, balagara nud on su ko ogkoiling to sikan, ka otow no ogtuu, kono din og-awoson to oghawid to asawa rin no waro nigtuu. Ian su sikanta no nigtuu on, ogkoiniatan to Magboboot to ogmaawang do ka pog-ugpo ta.  
\v 16 Ian su sikaniu no ogtuu di duon asawa now no waro pad nigtuu, ko ogkahawiran now pa ka asawa now, waro kow mataga ko ogkalugoy on no ogtuu on ka asawa now woy ko kono. 
\s1 Tongod to Pog-ugpo ta 
\p  
\v 17 Ko nokoy ka pog-ugpo to tag sagboka kanta no naabin kinow on to Magboboot, ogtumanon ta ro ka impohimu rin kanta. Kono kid oghalinhalin. Sikan ka ig-anad ku to tibo no mgo nigtuu dio to agad hondoi no limuranan dan.  
\v 18 Pananglitan, dio to kaniu no nigtuu on ki Hisus, duon mgo otow no tahan on natuli no waro pad abina ni Hisus.\f + \fr 7:18 \fq Ka igpatuli\ft , igpatokod to Hudiu sikandan.\f* Ignangon ku kandan to oyow kono dan ogbalowbalawan ka lawa ran no ig-awo to impatokod dan. No ka duma now no tahan no waro natuli no naabin on ni Hisus, ignangon ku to oyow kono dan igpatuli.  
\v 19 Ian su waro pulus ko natuli ki woy ko waro. Ian ta ro og-awoson ko ogpaagad-agad ki to mgo innangon to Magboboot.  
\v 20 Ko nokoy ka pog-ugpo ta no naabin kinow on ni Hisus, kono kid on oghalinhalin.  
\v 21 Pananglitan, ko tahan no nouripon ka no naabin kad on ni Hisus, balagad. Di ko ogbogayan kad to oyow ogpakaawo ka to nokouyamu koykow, maroyow ko og-awo kad on ian  
\v 22 su ka otow no tahan no nouripon no nigtuu on ki Hisus, ogkounawa to waro nouripon dio to tangkaan to Lagboy no Igbuyag ta. Di ka otow no tahan no waro nouyamu to songo otow ka nigtuu on ki Kristu, songo nounawa to nouyamu on ni Kristu sikandin.  
\v 23 Ian su dakol ka imbayad to Magboboot no impangabang kanta. Sikan ian to kono ki ro porom ogpouripon to mgo otow.  
\v 24 Sikan ian, mgo sulod, agad nokoy ka pog-ugpo ta no nig-abin kid on ni Hisus, kono kid ian oghalin, su ka Magboboot ka ogtanudtanud kanta. 
\p  
\v 25 Nò sikaniu no waro pad asawa. Waro igkasugu ku no nigligkat to Lagboy no Igbuyag ta. Di su nohoy-an a rin woy nigbogayan a rin to katouanan ku no ogkasaligan, duon igtambag ku kaniu.  
\v 26 Ka goinawa ku, su mohon-ing on kuntoon ka ogkabayaan ta no igkabaybayari, maroyow ko kono ki oghalin to pog-ugpo ta.  
\v 27 Pananglitan, ko duon on asawa nu, kono nu ogdoromdomon to og-ongkoran nud on sikandin. No ko waro asawa nu, maroyow ko kono ka ogpamangho to og-asawoon nu.  
\v 28 Di ko ogpangasawa ka, kono ka ogpakasalo. Woy ko duon dalaga no ogkaasawa on songo waro salo din. Di ogkoiniatan ku to ogkaligaran kow porom to mgo igkabaybayari to mgo otow no duon on asawa. 
\p  
\v 29 Soini, mgo sulod, ka kalitukan to kagi ku. Su malopot naan do ka allow ta woy oglibong si Hisus, sikan ian, ligkat kuntoon, sikaniu no mgo lukos no duon on asawa now, hunnaa now tumana ka igpatuman ni Hisus kaniu unawa ko waro pad asawa now.  
\v 30 Woy ko duon igkasinogow ta, kono ta ighun-a ka pogsinogow ta. Woy ko dakol so igkarago ta, kono ta ighun-a ka igkarago ta. No ko ogpakasasaliu ki to agad nokoy, songo kono ki ogkatiglingoy to mgo kalaglagan ta di oghunnoon ta atag ka igpohimu ni Hisus kanta.  
\v 31 No sikaniu no malasi ogpakapurut to kalaglagan to soini no kalibutan, kono now ogkannuguni ka sikan. Ian su ka soini no kalibutan, ogkaawo do. 
\p  
\v 32 Ogkoiniatan ku to oyow waro porom igkasasow now to soini no pog-ugpo now. Ian su ka balubato, ogpakasagman to igpatuman din no igkarago to Lagboy no Igbuyag ta.  
\v 33 Di ka lukos no duon on asawa, ogkatiglingoy to pog-ugpo dan to alunggun oyow ogkarago ka asawa rin  
\v 34 no ogkabaadbaad ka goinawa rin. Ka boi no waro asawa, ian din do ogdoromdomon ka igkarago to Lagboy on Igbuyag ta su igbogoy rin on ka tibo no goinawa rin woy ka dayagang to lawa rin to ogtuman to mgo igpohimu to Lagboy no Igbuyag ta. Di ka boi no duon on asawa, ogkatiglingoy to pog-ugpo dan kai to soini no kalibutan oyow ogkarago ka asawa rin.  
\v 35 Ian ku inangon kaniu to soini su ogbuligan ku porom sikaniu. Kono no tuud ku to ig-atang ku kaniu ko ogkoiniat kow to ogpangasawa. Di igtambag ku ro ian to oyow ogkohimu now ka matul-id woy ka maroyow ro no mgo batasan woy to oyow to tibo no goinawa now, ogkatuman now ka igpohimu to Lagboy no Igbuyag ta. 
\p  
\v 36 Ko duon otow no nigpasabsabutoy to ogpangasawa di konad on poron ogparagas: di mangkuwan ko ogpakaroromdom ka lukos no nahan din to kono ogpakaponod to ogkoiniatan din woy oggoramon din to og-awoson to ogpangasawa on sikandan, litos ko og-asawoon din on ka boi.  
\v 37 Di ko waro igduwaruwa to lukos to ogpakaponod to ogkoiniatan din poron woy waro ogpakapogos kandan to ogpangasawa, woy ko sikan ian ka maroyow to goinawa rin, litos ko kono din do og-asawoon ka boi. Maroyow ka pogboot din.  
\v 38 Sikan ian, ka lukos no og-asawoon din on ka ogkoiniatan din no boi, maroyow ka pogboot din. Di ka otow no kono ogpangasawa, madmaroyow ka kandin no pogboot.\f + \fr 7:38 \ft To kinagian no Ginirigu, songo kuwo ko ogkalituk to duon amoy to dalaga no ogliwaraan, no ogsumsumanon ka amoy rin ka ko ogkabaybayaran buwa ka anak din ko kono din igbogoy ko duon og-asawa poron kandin.\f* 
\p  
\v 39 Nò, tongod to mgo boi no duon on asawa, og-awoson to kono din og-ongkoran ka asawa rin taman to ogkamatoy on ka asawa rin. Di ko ogkamatoy on ka asawa rin, litos ko ogkaasawa on oghutuk to lukos no ogkoiniatan din ko sikan no lukos no ogpangasawa poron kandin, nigtuu on to Lagboy no Igbuyag ta.  
\v 40 Di to kanak no doromdom, dakoldakol ka igkarago to sikan no boi ko konad on oghutuk no ogkaasawa, no og-iman-iman a to sikan dod ka goinawa to Gimukud to Magboboot. 
\c 8  
\s1 Ka Inso tongod to Ngalap no Ingkatubad to mgo inotow-otow 
\p  
\v 1 Kuntoon, ogtabak a to sikan no inso now ko litos ko ogkoon ki to ayam no ingkatubad to sikan no pig-ampuan dan no kono no tu-tuu no magboboot. Sikanta no nohogot on ka pogtuu ta, nataga kinow tongod to sikan no og-ampuan dan to kono ogpokoomonu kanta su kono no tu-tuu. Di og-awoson to kono ta igparakoldakol ka sikan no katagaanan ta su ian do atag ogpakabulig to pogtuu to duma ta ko dakol ka goinawa ta kandan.  
\v 2 Ka sikan no otow no nahan din no dakol on ka katagaanan din, ogkaalang-alang pad to katagaan din to tu-tuu ian no nangnangonon.  
\v 3 Di ka sikan no otow atag no dakol so goinawa rin to Magboboot, ian ka ogtokoron no sakup din. 
\p  
\v 4 No tongod to pogkoon ta to ayam no ingkatubad to mgo inotow-otow, nataga ki to kono no tu-tuu no magboboot sikandan. Woy nataga ki rod to sagboka ro ka tu-tuu no Magboboot, waro duma.  
\v 5 Mohon-ing ka oghingaranan to mgo otow no magboboot no og-ugpo kun dio to tano woy ko dio kun to langit. No ka sikan, oghimuon to mgo otow no magboboot dan woy mgo igbuyag dan.  
\v 6 Dokad di, sikantanow atag no nigtuu, sagboka ro ka tu-tuu ian no Magboboot no ian Amoy ta. Sikandin ka ogligkatan to tibo woy sikandin dod ka oghimuan ta to tibo no oghimuon ta. Woy sagboka ro ka Lagboy no Igbuyag ta no si Hisu Kristu. Sikandin ka pinohimu to tibo woy ligkat dod kandin, nabogayan kinow to iam no pogkouyag ta.  
\v 7 Dokad di, duon dod mgo duma ta no ogtuu ki Hisus no waro pad mataga to sikan no mgo inotow-otow to kono ogpokoomonu kanta. Natagaman dan dod ka tahan no batasan to mgo otow no ogsayo to sikan no mgo inotow–otow. No ko ogkoon sikandan to sikan no ingkatubad, nahan dan no songo ogpakasayo sikandan to sikan no mgo inotow-otow. No ligkat to sikan, ogkaligsoman on ka goinawa ran su moolmol pad ka pogkasabuti ran.  
\v 8 Kono no ka ogkoonon ta no ngalap ka ogpakarani kanta to tangkaan to Magboboot. Ian su waro pulus din ko ogkoon ki to ngalap, woy ko kono ta ro ogkoonon.  
\v 9 Di sikanta no nakasabut to sikan, og-awoson to og-ayad-ayad ki no ogdoromdomon ta ka sikan no ingkabogoy kanta no boot ta su songo kuwo buwa ko ligkat to kanta no hinimuan, ogkaatangan ka pogtuu to duma ta no moolmol pad ka pogkasabuti rin.  
\v 10 Ian su ko, ogkitoon ki rin to ogkoon ki dio to baloy no ogkougpaan to inotow-otow, songo kuwo buwa ko ogpakasumansuman on kandin no songo ogkoon to sikan no ingkatubad to inotow-otow.  
\v 11 Nò ligkat to sikan, ogkaraat on ka pogtuu to sikan no otow su ligkat to pog-unug din kanta no dakoldakol ka pogkasabuti. Di sikandin, duma ta rod to pogtuu no songo ingkatobus ni Kristu no namatoy on to krus.  
\v 12 Nò, ko ligkat to kanta no hinimuan, duon duma ta no ogpakasuwoy, ogpakasalo ki to sikan no sulod ta to pogtuu woy ogkohisakitan ta rod ka goinawa rin no moolmol pad no songo ogpakasalo ki rod ki Kristu.  
\v 13 Sikan ian, soini ka goinawa ku. Ko duon sulod ku to pogtuu no ogpakasalo on su ligkat to ogkitoon a rin to ogkoon a to ingkatubad to inotow-otow, kono ad on oghutuk no ogkoon to sikan su oyow kono a ogpakapasalo to duma ku no nigtuu. 
\c 9  
\s1 Igpananglitan ni Pablo Ka katondanan to mgo Suguanon ni Hisu Kristu 
\p  
\v 1 Ko sikanak, litos porom no ogpakaboot a to oghimuon ku su suguanon a man ni Hisus woy nakakita a kandin no ian Lagboy no Igbuyag ta woy su nigtuu kow on kandin su ligkat to innangonnangon ku kaniu.\f + \fr 9:1 \ft Ko niglibuwas si Hisus ki Pablo no oghondio sikandin to lunsud to Damasku, tahan on nouyag si Hisus to kamatayon din. No ka sikan no nangnangonon, duon to Hinimuan kapitulu 9.\f* No sikaniu ka igpapitow ku to nigtuman kud on ka insugu to Lagboy no Igbuyag ta kanak.  
\v 2 Agad ko duon duma no mgo otow no kono ogtuu to suguanon a ni Kristu, di sikaniu, nataga kow atag to suguanon a rin su ka pogtuu now kandin no ian Lagboy no Igbuyag ta ka igmalogot to sikan.  
\v 3 Sikan ian ka igtabak ku ko og-insaan a ko tu-tuu ian to suguanon a rin.  
\v 4 Nò, ogkohimu poron ko ka mgo nigtuu ki Hisus ka ogbogoy kanak to ogkakoon noy.  
\v 5 Woy songo ogkohimu rod poron ko duon asawa ku no songo ogtuu no ogdumoon ku no ogkounawa ki Pedro woy ka duma no mgo suguanon woy ka mgo hari to Lagboy no Igbuyag ta no si Hisus.  
\v 6 Nò, og-inso a ko si Birnabi woy sikanak do duon ka ogpakatalabau oyow duon igbayad noy to ogkakoon noy?  
\v 7 Pananglitan ka sundalu, waro agad hontow kandan no ogpakabayad to kandin no lawa ko gobirnu ka ogsugu kandin. Woy waro man otow no ogpamula to boni din no kono ogpakakoon to bogas ko ogkoinug on. Woy songo waro tagtuun to kambing dio to kaniu no kono ogpoko-inum to gatas to mgo kambing din.  
\v 8 Ka sikan no mgo pananglitan, kono ogligkat do duon to kanami no doromdom su songo duon dod to Balaod ta.  
\v 9 Ian su duon ingkasulat to Balaod dongan to, “Kono now ogkinawowi ka mgo bo-bo to baka no ogpapandiokan now ka nagaani now.” Di og-inso a ko mgo baka ro ka nigdoromdom to Magboboot ko impasulat din ka soini no Balaod\f + \fr 9:9 \ft Ogkabasa to Deuteronomio 25:4. Batasan dan dongan no nigpapandiokan dan to baka ka sikan no igkagaani oyow ogkalipogas on. Songo kuwo ko duon mabogat no kayu no ogkaganoy to ayam oyow magaan ogkalipogas.\f* 
\v 10 woy ko tongod kanami no mgo suguanon din ka lagboy rin ipasulat? Hoo ian, tongod kanami ka ingkasulat din. Ian su ian noy ogkounawaan ka sikan no ogdararu woy ka sikan no oggaani no litos ko ogpokoiman-iman koy to duon igkatalad kanami.  
\v 11 Nò, ka lituk to kagi ku, insabuk noy ka nangnangonon to Magboboot to goinawa now no ogkounawa to igpamula to otow ka boni dio to tano. No su sikan ian, kono buwa no maroot ko ogbogayan koy nikaniu to igkouyag noy.  
\v 12 Nò, su ogkohimu to ogpokoiman ka duma no mgo talag-anad now to ogbogayan to pog-ugpo dan, dakoldakol pa man no ogkohimu poron no ogkoimanan noy ko duon ogligkat to kaniu. 
\p Agad to ogkoiman noy poron ko duon ogligkat to kaniu, dokad di to waro koy man nigbuyu. Di og-aguantoon noy ro duon atag to agad nokoy su og-awoson noy to kono ogkaatangan ka Maroyow no Nangnangonon tongod ki Kristu.  
\v 13 Nataga kow man poron to, ka mgo talagbulig woy ka sikan no mgo talagpanubad dio to dakol no baloy no ampuanan to Magboboot, ogbogayan sikandan to ogkakoon dan ligkat to sikan no inhandug to mgo otow woy to sikan no mgo ayam no impanubad dan dio to sikan ian no baloy.\f + \fr 9:13 \ft Ogkabasa to Deuteronomio 18:1.\f* 
\v 14 Songo ogkounawa rod to mgo otow no og-alap-alap to soini no Maroyow no Nangnangonon. Nigsugu ka Lagboy no Igbuyag ta to oyow ka mgo otow no ogpamminog to sikan no Nangnangonon, ogpakabogoy to pog-ugpo to mgo otow no og-anad kandan.  
\v 15 Di agad to ogkohimu poron kanak to ogbogayan a now to pogkouyag ku no dio ad, di waro a man nigbuyu. Agad to soini no sulat ku kuntoon, kono no tuud ku to oyow duon igbogoy now kanak. Agad ko ogkamatoy a to gutas, madmaroyow poron ko ogkaawo pa ka igkasayo-sayo ku to kono a ogpabayad to pog-anad ku kaniu.  
\v 16 Ian su kono ad ogpakasayo-sayo ko ognangonnangon a to Maroyow no Nangnangonon su kono no sikanak ka ogboot; nigsugu ad to Magboboot. Umba man sikanak ko kono a ogpannangonnangon to soini no Maroyow no Nangnangonon.  
\v 17 Ko kanak pa ka nigboboot to ognangonnangon a, ogkohimu porom ko duon igsayo kanak. Di su nigsugu a to Magboboot to oghimuon ku, og-awoson to ogtumanon ku ro duon ka soini no insalig din kanak.  
\v 18 Nokoy naan ka igmaroyow ku? Agad to litos poron ko ogbuyu a to pog-ugpo ku su ka pog-anad ku to Maroyow no Nangnangonon di ian ku igkarago su ogkohimu a no ognangonnangon kaniu to sikan no Maroyow no Nangnangonon to kono a now og-awoson no ogbayaran.  
\v 19 Agad to kono ad ogpasugu to agad hontow di nigboboot ad to oyow ogkohimu a no talagbulig to tibo no otow. Ian su oyow ogkabaghotan ku sikandan oyow mohon-ing ka ogtuu oyow ogkapangabangan ni Hisu Kristu.  
\v 20 Sikan ian, ko dio a to mgo Hudiu, nig-iling a to kandan no mgo batasan. Agad to kono ad on no sakup to Balaod ni Moisis di ogpaagad-agaran ku rod oyow sikandan no ogsakup dod to Balaod ni Moisis, ogkabaghotan ku oyow ogtuu on ki Hisus.  
\v 21 No ko dio a to mgo otow no kono no Hudiu, ogkoiling a to mgo otow no kono no Hudiu oyow ogkabaghotan ku sikandan oyow songo ogtuu ki Hisus. Di waro ku ongkori ka Balaod to Magboboot su ogpaagad-agad a rod to mgo insugu ni Kristu.  
\v 22 No ko dio a to sikan no mgo otow no ogtuu on di waro amana makasabut, songo nig-iling a kandan su og-awoson ku to ogkohogot ku ka pogtuu ran. No to tibo no otow, nig-iling a to batasan dan su ogpamangho a to dalan ku to oyow ogkabaghotan ku ka tibo poron to oyow duon ka ogtuu on ki Hisus oyow ogkapangabangan din.\f + \fr 9:22 \ft Di ogkasabutan ta to kono din do og-ilingan ka batasan dan ko ogpakasalo on sikandin to Magboboot.\f* 
\v 23 Sikan ian ka oghimuon ku oyow mohon-ing on ka ogtuu to sikan no Maroyow no Nangnangonon tongod ki Hisus woy to oyow songo ogkatalaran a to karoyawon no ogligkat to sikan ian no nangnangonon. 
\p  
\v 24 Sikaniu no nigtuu on, ian now ogkounawaan ka mgo otow no ogpaag-agapoy. Di nataga kow to, agad tibo ogpallaguy di sagboka ro ka ogpakaroog no ian do ogkabogayan to igdasag. Sikan ian, songo poomoti now ka pogtuman now ki Hisus oyow songo ogpakapurut kow to igdasag kaniu.  
\v 25 Ka tibo no mgo ogpaag-agapoy, ogponoron dan ka lawa ran to tibo no oghimuon dan. No ian su oyow ogpakapurut porom to kogos no igtangkulu no nohimu ro duon no mgo dohun no magaan do ogkaraat. Di sikanta atag, ian to ogpoomotan ta ka pogtuman to ogkoiniatan ni Hisus su oyow ogkabogayan ki to igdasag kanta no kono ogkaawo to waro katamanan.  
\v 26 Sikan ian to pog-anad ku, og-iling a to sikan no ogpaag-agapoy no kono ogsuwoy di ogparagasdagas on dio to katamanan din. Woy songo og-iling a rod to otow no masunsuntukoy no ogpakasugat to pogsuntuk din.  
\v 27 Ogpohirapan ku ka lawa ku woy ogponoron ku oyow ogkaanad. Ian su kakuwo a ko ogkapongaan kud ka pog-anad ku to duma no mgo otow di mangkuwan ko ogpakasalo ad no kono ad on ogkabogayan to igsayo. 
\c 10  
\s1 Mgo Bohog 
\p  
\v 1 Nò mgo sulod, ogkoiniatan ku no ogdoromdomon ta ko nokoy ka nohimu to mgo kaap-apuan ta no nigluyud ki Moisis dongan. Tibo kandan noholongan to gapun no nig-al-alagad kandan. Woy tibo sikandan nakabayo to sikan no nabotak no dagat no nohimu on no dalan dan.\f + \fr 10:1 \ft Ogkabasa to Exodo 13:21 woy 14:22.\f* 
\v 2 No ka sikan no pog-al-alagad to salagapun kandan woy ka poghipanow ran ka nigbayo sikandan to taliwaro to dagat no oghondio to doipag, ogkounawa pananglitan to duon ian mabautismui sikandan to sikan no gapun woy to dagat no igmaganangon to nigpasakup sikandan ki Moisis dongan.  
\v 3 No to pogkabayo dan, tibo kandan nakakoon to sikan no impakoon to Magboboot kandan.\f + \fr 10:3 \fq Ka impakoon to Magboboot\ft , ian dan hingarani no \fq mana\ft to kinagian dan su ogkalituk to “Nokoy sikan?”\f* 
\v 4 Woy songo nokoinum sikandan tibo to woig no imbogoy to Magboboot kandan su duon woig no impalibuwas din to gatung. No ka sikan no gatung, ian igmaganangon to nigdumaruma si Kristu kandan.\f + \fr 10:4 \ft Ogkabasa to Exodo 17:6 woy Numeros 20:11.\f* 
\v 5 Dokad di to mohon–ing kandan, waro narago ka Magboboot to mgo batasan dan. Sikan ian to nigbobootan din sikandan no nammatoy on dio to sikan no tano to holholawan.\f + \fr 10:5 \ft Ogkabasa to Numeros 14:29.\f* 
\p  
\v 6 Ka sikan no kamatayon, ian ka ogpakabohog kanta to oyow kono tad ogkoiniatan ka mgo maroot no batasan no ogkounawa to kandan no goinawa.\f + \fr 10:6 \ft Ogkabasa to Numeros 11:4.\f* 
\v 7 Kono tad og-ampuan ka mgo inotow-otow no ogkounawa to sikan no batasan to pila buwa kandan su duon impasulat to Magboboot dongan. Kagi, “Naminpinnuu ka mgo otow no og-inum woy to ogkoon to sikan no ingkatubad dan to mgo inotow-otow. No, pogkaponga, nigmanasasindog on no nigmanasayow on.” Sikan ka ingkasulat.\f + \fr 10:7 \ft Ogkabasa to Exodo 32:6.\f* 
\v 8 Woy songo kono ki oghilabot to kono no asawa ta no ogkounawa to nohimu ran no kawaan woy tatolu no malan no otow ka nammatoy on to sagboka ro no allow su ligkat to salo dan.\f + \fr 10:8 \ft Ogkabasa to Numeros 25:1-9.\f* 
\v 9 Kono ta og-ol-ologan ka Lagboy no Igbuyag ta su niglogparan to Magboboot ka duma no otow no nig-ol-olog kandin no pinangagat on sikandan to mgo ulod no nammatoy on.\f + \fr 10:9 \ft Ogkabasa to Numeros 21:5.\f* 
\v 10 Kono ki ogmugongmugong, su sikan dod ka batasan to pila buwa kandan no duon diwata rin no nigsugu din to oyow ogpohimatayan on sikandan.\f + \fr 10:10 \ft Ogkabasa to Numeros 16:41.\f* 
\v 11 Ian to noumaan ka sikan no mgo otow to sikan oyow ogkabohog ka duma ran. Di impasulat to Magboboot ka sikan no nangnangonon oyow duon igkaanad kanta to oyow kono ki og-iling kandan su magaan kid on ogkoumaan to mohuri no allow no ogkatuman on ka tibo no ingkanangon dongan.  
\v 12 Sikan ian, ka sikan no otow no nahan din no dakol ka pogtuu rin, og-awoson din to ogdoroyow oyow kono ogpakasalo sikandin.  
\v 13 Waro pog-ol-olog no mokouma kaniu no waro mabayoi to duma no mgo otow. Di ogkasaligan ta ka Magboboot to kono ogbogoy ko duon ogkabayaan ta no kono ta ogkaaguanta. Ian su, ko duon ogkabayaan ta no pog-ol-olog, ogbogayan ki to kanokalan ta oyow ogkaaguanta ta no ogbogayan ki to dalan to oyow kono kid ogpakasalo. 
\p  
\v 14 Sikan ian, mgo sulod, oglipasan tad ka mgo inotow-otow.  
\v 15 Nò, sikaniu no duon maroyow no ulu now, sumsumana now ka ignangon ku kaniu.  
\v 16 Sikanta no ogtuu, ko oglimudlimud ki no ogdoromdom to kamatayon ni Kristu, ogpasalamatan ta ka og-inumon ta no woig to bogas to bunal no igmaganangon to naawo ka salo ta su ligkat to langosa rin. Woy songo ogpasalamatan ta ka paan no ogpanlotibon ta no ogkoonon ta no ian igmaganangon to nasagboka kinow on kandin ligkat to lawa rin no namatoy dio to krus.  
\v 17 Nò, agad mohon-ing ki, ogkounawa to nasagboka kinow on no lawa su ligkat to nakakoon kinow on tibo to songo malison no paan.  
\v 18 Doromdoma now ka batasan to mgo pinanganak ni Israil. Tibo sikandan, ogkoon to sikan no ayam no insabuk dan to tubaranan no igbogoy ran to Magboboot. No ian igmaganangon to songo ogpakalagkos sikandan to duma no og-ampu to Magboboot.\f + \fr 10:18 \ft Ogkabasa to Levitico 7:6.\f* 
\v 19 Di tongod to mgo inotow-otow atag, nokoy poron ka lituk to kagi ku ko duon buwa pulus to sikan no ayam no igtubad dan to mgo inotow-otow woy ko duon buwa pulus to sikan no inotow-otow?  
\v 20 Kono man. Di soini ka kalitukan to ignangon ku. Ka igpanubad to mgo otow no waro mataga to tu-tuu ian no Magboboot, igkasayo dan to mgo busow, kono no ka Magboboot. No kono a ogkoiniat ko ogparumdumooy kow to mgo busow.\f + \fr 10:20 \ft Ogkabasa to Deuteronomio 32:17.\f* 
\v 21 Kono no litos ko og-inum ki to sikan no woig to bogas to bunal to pogdoromdom ta to langosa ni Hisus no ian Lagboy no Igbuyag ta woy songo og-inum ki to inumanon no igkasayo to mgo busow. Woy songo kono no litos ko ogkoon ki to sikan no paan oyow ogdoromdom ki to lawa to Lagboy no Igbuyag ta woy songo ogkoon ki to sikan no ingkatubad to mgo busow.  
\v 22 Nò, kono ta og-ol-ologan ka Magboboot to ogpanalikud kanta ko ogsayoon ta pad sikandin di pogkaponga, ogsoip ki no ogsayo to mgo busow. Bak dakoldakol ka kanokalan ta to kabogbogan to Magboboot! 
\p  
\v 23 Di ogkohimu kun to oghimu ki to agad nokoy ko waro sapari to Magboboot. Tu-tuu ian, di mohon-ing ka kono ogpakabulig. Agad ogkohimuan ta poron ka agad nokoy di mohon-ing ka kono ogpokohogot to pogtuu to duma ta.  
\v 24 Kono ta poron ogdoromdomon ko nokoy ka ogmaroyow to kanta ro no lawa di songo ogdoromdomon ta ko nokoy ka ogpakabulig to mgo duma ta.  
\v 25 Litos to ogkoon ki to sikan no ayam duon to palingki di kono ki ro og-inso ko ingkatubad pad to inotow-otow su songo kuwo buwa ko ogmasakit so goinawa ta ko ogkatagaan ta ko ingkatubad pad to inotow-otow.  
\v 26 Ian to oglitos to ogkakoon dod su duon kinagian to Magboboot no impasulat din dongan. Kagi, “Ka kalibutan woy ka tibo no duon to kalibutan, ian tagtuun ka Magboboot.”\f + \fr 10:26 \ft Ogkabasa to Salmo 24:1.\f* Ian ka kagi rin.  
\v 27 Pananglitan, ko ogtugunan ka dio to baloy to songo otow no waro pad nigtuu, litos ko og-amut ka ko ogkoiniatan nu. No koon ka ro duon to agad nokoy no igpakoon dan. Di kono ka og-inso ko ingkatubad dan pad to inotow-otow su oyow waro igkamasakit to goinawa nu.  
\v 28-29 Di, ko duon otow no ognangon koykow to, “Ka soini no ayam, ingkatubad to mgo inotow-otow,” kono nu koona su ka sikan no nignangon koykow, ogmasakit buwa ka kandin no goinawa su nahan din buwa no ogpakasalo ka poron. Songo kuwo buwa ko duon otow no og-inso to, “Manio buwa to ogsaparan a ko goinawa to songo otow ka ogmasakit?  
\v 30 Ko ogpasalamat a to Magboboot to duon ka sikan no sapu, manio naan to ogmarooton a to songo otow to sikan no ngalap no impasalamat kud?” Ian ka inso din. 
\p  
\v 31 Soini ka igtabak ku. Agad nokoy ka oghimuon ta, ko og-inum ki woy ko ogkoon ki, og-awoson to ian ta ro oghimuon to oyow ogkasayo ta ka Magboboot to tibo.  
\v 32 Sikan ian, kono ki oghimu to agad nokoy no ogpakaatang to pogtuu to agad hontow, ko Hudiu, woy ko kono,\f + \fr 10:32 \ft To kinagian dan, “\fq Girigu\ft ,” no ogkalituk to kono no Hudiu.\f* woy ko mgo duma ta no ogtuu no nigpasakup to Magboboot.  
\v 33 Iling kow ro kanak su ogpamangho a to dalan ku to oyow ko ogkohimu, ka tibo no mgo otow ogkarago to tibo no oghimuon ku. Kono ku ro ogdoromdomon ka ogpakabulig do kanak di lagboy ku ogdoromdomon ka ogpakabulig to tibo no mgo otow to oyow ogkapangabangan poron sikandan.\f + \fr 10:33 \ft To kinagian to Ginirigu, “ka ogpakabulig to tibo no mgo otow” songo ogkalituk to “ogpakabulig to mohon-ing no mgo otow.”\f* 
\c 11  
\p  
\v 1 Sikan ian, unug kow to soi batasan ku unawa to songo og-unug a to batasan ni Kristu. 
\s1 Ka Litos no Batasan ta ko Ogsimba ki 
\p  
\v 2 Ogsayoon ku sikaniu no mgo nigtuu no dio to Kurintu su og-ungoron a now ogdoromdomon woy su ogtuman kow to sikan no innangonnangon ku kaniu.  
\v 3 Di ogkoiniatan ku to ogpakasabut kow to, ka mgo lukos, ogpaagad-agad ki Kristu. Ka mgo boi, ogpaagad-agad to asawa rin no lukos, no si Kristu, ogpaagad-agad to Magboboot no Amoy rin.  
\v 4 Ko oglimudlimud ki to og-ampu, ko duon lukos no og-ampu woy ko ognangon to kagi no ogligkat to Gimukud to Magboboot, ko ogtorongan din ka ulu rin, ogpakasipod ki Hisus no ian Igbuyag din.\f + \fr 11:4 \ft Ian to waro niglitos ko ogtorong ka lukos to ulu rin ko og-ampu su ian igmaganangon to duon dangob no otow no ogsugu kandin, woy ko duon dangob no otow no ogpokoolat kandin ki Hisus.\f* 
\v 5 Dokad di, ko duon boi no og-ampu woy ko ognangon to kagi no ogligkat to Magboboot di waro mogtorong to ulu rin, ogpakasipod to asawa rin su waro igpapitow to asawa rin no igsugu kandin. No ogkounawa rod ko natabulugan ka ulu rin.\f + \fr 11:5 \ft Dio to kandan, ka mgo boi no maroot so batasan, nigtabulugan ka ulu ran no igmaganangon to waro asawa ran woy ko kono dan igpariralom to asawa ran. Sikan ian, ka mgo boi no ogsimba dio to kandan, ogpakasipod poron to asawa ran ko ka batasan dan ogkoiling to mgo boi no maroot so batasan dan woy ko kono ogpaagad-agad to asawa ran.\f* 
\v 6 Ian su, ko duon boi no kono ogtorongan ka ulu rin, litos no ogtamporan ka bulbul din. Di su ogkasipod man ko ogkatamporan woy ko ogkatabulugan ka ulu rin, litos no ogtorongan din ka ulu rin ko oglimudlimud kow no og-ampu.  
\v 7 Ka lukos, kono din ogtorongan ka ulu rin ko og-ampu su sikandin ka nakaalap to katondanan woy ka karoyawon no nigligkat to Magboboot. Di ka boi, ogtotorong su ian igpatokod to asawa rin.  
\v 8 Ian su ka an-anayan no lukos, waro nigligkat to boi. Di ka an-anayan no boi, nigligkat atag to lukos.  
\v 9 No igkaruwa, ka tuud to pighimu to Magboboot to lukos, kono to oyow duon duma to boi, di nighimu rin ka boi oyow duon duma to lukos.  
\v 10 Sikan ian to og-awoson to ogpatorongon ka mgo boi to ulu ran su oyow agad ka mgo diwata to Magboboot, songo ogkitoon to ogkasugu ka boi to asawa rin.  
\v 11 Di agad naan, sikanta no nigtuu on to Lagboy no Igbuyag ta, ogmabulbuligoy ki ka mgo lukos, woy ka mgo boi.  
\v 12 Ian su an-anayan nigligkat ka boi to lukos, di kuntoon, diad to boi ogligkat ka mgo lukos. No ka tibo to agad nokoy duon, nigligkat to Magboboot. 
\p  
\v 13 Doromdoma now ko nokoy ka maroyow ko oglimudlimud kow, ko litos no batasan to mgo boi no waro igtorong to ulu ran ko og-ampuan dan ka Magboboot?  
\v 14 Kono su nataga ki tahan to igkasipod ian to mgo lukos ko ogkoiling to mgo boi to malayat ka bulbul dan.  
\v 15 Di songo nataga ka goinawa ta to sikan no malayat no bulbul to boi, ian ka igmaroyow to lawa ran su imbogoy to Magboboot to boi ka malayat no bulbul dan no igtorong to ulu ran.  
\v 16 Ko duon otow no og-apul, sikan do ian ka batasan noy woy sikan dod ka mgo batasan to duma no mgo nigtuu no oglimudlimud no og-ampu dio to duma no mgo lunsud. 
\s1 Ka poglabung no igparoromdom to kamatayon ni Hisus 
\p  
\v 17 Duon igtaloson ku kaniu. Di to soini, kono ad ogpakasayo kaniu su, ko oglimudlimud kow to og-ampu, ka ogkoumaan to poglimudlimud now, kono no maroyow.  
\v 18 Ian su, to an-anayan, nanangonan ad to ogloinloin kun ka goinawa now ko oglimudlimud kow to og-ampu. No ogpakapansob a ko tu-tuu buwa ian ka sikan.  
\v 19 Songo kuwo buwa ko og-awoson to duon ka sikan no mgo loin no goinawa now oyow ogtokoron ko hontow ka tu-tuu ian no nigtuu ki Hisus.  
\v 20 Ko oglimudlimud kow to oglabung oyow ogdoromdomon now ka kamatayon ni Hisus, kono now ogdoromdomon sikandin.  
\v 21 Ian su tag sagboka no otow, ogparagas do duon no ogkoon to kandin no iglabung di duon dod otow no oggutasan woy duon pad ka ogkalasing!  
\v 22 Bak waro baloy now su dii kow on oghinalantoy! Og-inso a kaniu ko goinawa now buwa ko oglomotan now ka mgo duma now no songo og-ampu to Magboboot? Woy og-inso a ko goinawa now rod ko ogpasiporan now ka mgo duma now no waro igkaalap dan no iglabung dan? Nokoy buwa ka ignangon ku kaniu, ko ogsayoon ku pad sikaniu to soini no batasan? Kono a man. 
\p  
\v 23 Ian su ian ku innangon kaniu ka sikan no in-anad kanak to Lagboy no Igbuyag ta no si Hisus to, ka sikan no marusilom no nigpanabod ni Hudas si Hisus, nigkokoon si Hisus woy ka mgo hibatoon din. No nigpurut din ka songo malison no paan.  
\v 24 Ko nigpasalamatan din on ka Magboboot, nanlotiblotib din on ka paan no kagi rin to, “Ka soini no paan no nalotiblotib on, lawa ku no igbogoy ku no igliwan kaniu. No himua now ka soini no ogdoromdomon a now.”  
\v 25 Pogkaponga to nigkoon sikandan, nigpurut din man do ka basu no duon woig to bogas to bunal. No kagi rin kuwo to mgo hibatoon din to, “Ka soini basu to woig to bunal, ian igmaganangon to ka langosa ku ka oghimu to iam no dalan dio to Magboboot. Libonglibongi now to og-inum, no ko og-inum kow, doromdomi a now ro to kamatayon ku.”\f + \fr 11:25 \ft Ogkabasa to Exodo 24:6 woy Jeremias 31:31.\f* 
\v 26 Ian su to poghutuk ta to ogkoon to sikan no paan woy ka pog-inum ta to sikan no woig, igpohitaga ta ka kamatayon ni Hisus no ian Lagboy no Igbuyag ta taman to poglibong din kai to soini no kalibutan.  
\v 27 Nò, ko duon otow, agad hontow, no ogkoon to sikan no paan woy ko og-inum to sikan no woig no igparoromdom to Lagboy no Igbuyag ta di loin so tuud din, ogpakasalo on sikandin to lawa woy to mgo langosa ni Hisus no ian Lagboy no Igbuyag ta.  
\v 28 Sikan ian to og-awoson to ogsumsumanon ta ka goinawa ta. No ko maawang on, ogkohimu no ogkoon ki to sikan no paan woy og-inum ki to sikan no woig to bunal.  
\v 29 Ian su, ka sikan no otow no ogkoon to sikan no paan, woy og-inum to sikan no woig di kono din ogdoromdomon to ian ka igmaganangon to lawa ni Hisus no namatoy dio to krus, ogkabobootan on sikandin to iglogpad to Magboboot.  
\v 30 Sikan ian to mohon-ing kuntoon no mgo duma now no ogmalotoy, woy ka ogmandaralu, woy pila on ka nammatoy.  
\v 31 Di ko ogsumsumanon ta ka kanta no goinawa ko duon salo ta woy kid ogkoon, kono ki poron oglogparan to Magboboot.  
\v 32 Di ko ogbobootan ki to Lagboy no Igbuyag ta to duon salo ta, ogbogayan ki pad to igsapad to oyow uromo kono ki ogpakalagkos to logpad to mgo otow no waro nigtuu kai to soini no kalibutan. 
\p  
\v 33 Nò, sikan ian, mgo sulod, ko oglimudlimud kow no ogkoon to sikan no poglabung no igparoromdom to kamatayon ni Hisus, tatagad kow pad to mgo duma now.  
\v 34 No ko kono ka og-aguanta no ogtagad su oggutasan kad, dio ka pad ogkoon to baloy nu oyow kono ka ogkalogparan to Magboboot. 
\p Duon dod inso now kanak. Di woy a ro ogtabak kaniu ogpakatood a no ogpanumbaloy. 
\c 12  
\s1 Ka kabogbogan no ogligkat to Gimukud to Magboboot 
\p  
\v 1 Nò mgo sulod. Ogkoiniat a no oghitagoon kow to soini no mgo kabogbogan no igkabogoy to Gimukud to Magboboot kanta.  
\v 2 Nataga kow, ka waro kow pad nigtokod to Magboboot, duon pad nigpounug kaniu to og-ampu to mgo inotow-otow no kono ogpakatabak. Woy nakapaagad-agad kow pad to sikan no nig-unugan now.  
\v 3 Sikan ian to ogkoiniatan ku to oghitagoon sikaniu to, ka otow no nigbogayan to Gimukud to Magboboot, kono ogpakapanungayow ki Hisus. Woy songo waro otow no ogpakanangon to si Hisus do ian ka Lagboy no Igbuyag ta ko songo kono no ka Gimukud to Magboboot ka ogligkatan. 
\p  
\v 4 Ka mgo kabogbogan no igbogoy to Gimukud to Magboboot, ogloinloin. Di sagboka ro sikandin no talagpambogoy.\f + \fr 12:4 \ft Ogkabasa to Ruma 12:6.\f* 
\v 5 Songo ogloinloin dod ka katondanan no igkabogoy kanta. Di songo sagboka ro ian ka Lagboy no Igbuyag ta no ogbogoy to sikan no mgo katondanan ta.  
\v 6 Songo ogloinloin ka pogtuman ta to sikan no mgo katondanan. Di sagboka ro ka Magboboot no ogbulig to tag sagboka no nigtuu to tibo no igpatuman din.  
\v 7 Nò, ogkaloglogoban kinow tibo to sikan no kabogbogan no igpatokod to nigdumaan ki to Gimukud to Magboboot su oyow ogpakabulig ki to tibo no ogtuu ki Hisus.  
\v 8 Ka Gimukud to Magboboot ka ogbogoy to sagboka no otow to kabogbogan to oyow ogpakanangon sikandin ko nokoy ka impasabut din kandin. No ka dangob, ogbogayan to oyow ogpakanangon to impohitaga rin kandin.  
\v 9 Ka Gimukud to Magboboot dod ka ogbogoy to sagboka no otow to dakol no pogtuu rin. No to dangob, ogbogayan din to mgo kabogbogan to ogpaawo to mgo daralu.  
\v 10 Ka Gimukud to Magboboot dod ka ogbogoy to songo otow to kabogbogan din to oghimu to mgo kabolongbolongan. No to dangob, ogbogoy to oyow igkanangon din ka kagi no ogligkat to Magboboot no insabuk din to goinawa to sikan no otow. Woy ogbogayan din ka dangob to oyow ogkatokod din ko hondoi ogligkat ka kabogbogan, ko dio to Magboboot woy ko dio to loin. No to duma no otow, ogbogayan din oyow ogpakakagi to loinloin no mgo kinagian no waro maanari. No to dangob, ogbogayan to oyow ogkalituk din ka ingkanangonnangon to sikan no mgo kinagian.  
\v 11 Ka Gimukud to Magboboot do ian ka ogbogoy to tibo no sikan no mgo kabogbogan. No ko igpanlogob din kanta, sikandin dod ka ogboot ko hontow ka ogbogayan din woy ko nokoy no kabogbogan ka igbogoy rin. 
\s1 Sagboka ro ka lawa ta di mohon-ing ka sumpul din 
\p  
\v 12 Ka lawa ta, sagboka ro di mohon-ing ka sumpul din. Ogkounawa rod ki Hisus. Songo sagboka ro ka lawa rin di mohon-ing ki ka nigtuu no nohimu on no sumpul to lawa rin.  
\v 13 Ian su tibo kinow, ko Hudiu ki woy ko kono ki no Hudiu, ko uripon ki woy ko kono ki no uripon, nohimu kinow on no sagboka ro no lawa su nigbautismuan kinow to Gimukud to Magboboot woy su sikan dod no Gimukud din ka impasolod to goinawa ta to oyow ogkohimu kinow on no sagboka ro no lawa.\f + \fr 12:13 \ft Songo igkalituk din to nigsalupungan kinow to Gimukud to Magboboot no sikandin dod ka oggogoinawoon ta.\f* 
\p  
\v 14 Pananglitan, ka lawa ta, mohon-ing ka igsumpul; kono no sagboka ro.  
\v 15 Di ko ogpakakagi pa ka paa ta to, “Kono a no igsumpul to soi lawa su nokoy naan to kono ad no bolad,” igsumpul dod man ian to lawa ta ka paa ta.  
\v 16 Woy ko ogpakakagi pa ka talinga ta to, “Kono ad no igsumpul to soi lawa su nokoy naan to kono ad no mata,” igsumpul dod man to lawa ta ka talinga ta.  
\v 17 Nò, ko olin-olin no mata ka lawa ta no waro talinga ta, ogmonuon ta to oyow ogpakarinog ki? Woy ko olin-olin no talinga ka lawa ta no waro irung ta, ogmonuon ta oyow ogpakangarog ki?  
\v 18 Dokad di, to poghimu to Magboboot to lawa ta, nigtapid din ka mgo igsumpul ko nokoy ka goinawa rin to nighimu.  
\v 19 Ko sagboka ro ka igsumpul to lawa ta, kono ogkohimu no lawa.  
\v 20 Di ka lawa ta, waro noiling to sikan su mohon-ing man ka igsumpul din di sagboka ro ian no lawa.  
\v 21 Di ko ogpakakagi pa ka mata ta, kono ogkohimu ko ognangonan din ka bolad to, “Kono ku og-awoson sikoykow.” Woy ko ogpakakagi pa ka ulu ta, kono songo ogkohimu ko ognangonan din ka paa to, “Kono ku og-awoson sikaniu.”  
\v 22 Dokad di, ka sikan no mgo igsumpul to lawa ta no nahan ta no malintok do so dayagang dan, sikan ian ka og-awoson tad lagboy.  
\v 23 No ka sikan no igsumpul to lawa ta no nahan ta no malintok ka pulus, sikan ka ogdoyroyawon ta no oghihimasad. No ka sikan no igsumpul to lawa ta no igkasipod ta ko ogkitoon, og-ay-ayaron ta to og-ilisan.  
\v 24 Di ka sikan no igsumpul no maroyow to ogpitow, kono amana og-awoson to og-ay-ayaran. Di ka Magboboot ka nigtapid no oghimu to lawa ta oyow ogkasagman ka sikan no mgo igsumpul no inat to malintok ka pulus.  
\v 25 Ian to oyow kono ogsilag ka mgo igsumpul to lawa ta di ogmabulbuligoy ro.  
\v 26 Ko duon masakit to sagboka no igsumpul to lawa ta, songo ogkabaybayaran ka tibo no lawa. No ko ogkasayo ka sagboka no igsumpul to lawa ta, songo ogdalong no ogkarago ka tibo no lawa ta. 
\p  
\v 27 Nò, sikanta tibo no nigtuu ka igpanag-iling to lawa ni Kristu. No tag sagboka kanta, nohimu ki no sumpul to sikan no lawa rin.  
\v 28 An-anayan, duon ka nighimu rin no mgo suguanon ni Hisu Kristu. Igkaruwa, duon nohimu rin no talagnangon to kagi no ogligkat dio to kandin. Igkatolu, duon imbogoy rin no mgo talag-anad to kinagian din. Woy duon kabogbogan no imbogoy rin to duma no otow to oyow ogpokohimu to mgo kabolongbolonganan. Woy duon dod duma no ogbogayan din to kabogbogan to ogbawi. No to duma, nigbogayan to katondanan to ogbulig to mgo nigtuu. Woy duon duma no nigbogayan to oyow ogkatou no og-alap to katondanan. Woy duon ka nigbogayan din to oyow ogpakakagi to loinloin no mgo kinagian no waro dan maanari.  
\v 29 Di, kono no suguanon ni Hisus ka tibo no nigtuu. Woy songo kono no talagnangon to kagi rin ka tibo. Woy kono no talag-anad to kagi rin ka tibo. Songo kono ogbogayan ka tibo to kabogbogan to oyow ogpokohimu sikandan to mgo kabolongbolonganan.  
\v 30 Waro man bogayi ka tibo to kabogbogan to ogbawi. Woy songo waro bogayi ka tibo to kabogbogan to ogkagi to mgo loinloin no kinagian no waro dan anari. Songo waro man mabogayi ka tibo to kabogbogan to oglituk to sikan no mgo kinagian.  
\v 31 Di buyu kow to sikan no kabogbogan no ogligkat to Gimukud to Magboboot no dakoldakol ka pulus to mgo otow ko oghimuon ta. 
\p Di duon ignangon ku kaniu no dalan no madmaroyow to poghimu. 
\c 13  
\s1 Ka Pogpadakdakoloy ta to goinawa 
\p  
\v 1 Pananglitan, agad ko ogpakakagi a to loinloin no mgo kinagian, ko kinagian to mgo otow woy ko kinagian to mgo diwata to Magboboot, di ko waro goinawa ku to mgo otow, ian ku ro ogkounawaan ka agung no ogbukbukon no ogmasamuk do, woy ko soob to kandiru no ogkatikon.  
\v 2 Igkaruwa, ko duon kabogbogan ku to ognangon to kagi no ogligkat to Magboboot woy ko ogpakasabut a pa to tibo no maralom no pogdoromdom no igpohitaga rin kanak, woy ko ogkataga a pa to tibo no katagaanan no nigligkat dio to kandin, woy ko duon igkatimul to pogtuu ku ki Hisus oyow ogkahalin on ka songo bubungan, di ko waro goinawa ku to mgo otow, waro pulus ku.  
\v 3 No ko igpambogoy ku ka tibo no kalaglagan ku dio to mgo ayuayu, woy ko igbogoy ku to ogpasilaban ka soini lawa ku su ligkat to pogtuu ku ki Hisus, di ko waro goinawa ku to mgo otow, songo waro pulus ku. 
\p  
\v 4 Ka sikan no otow no duon dakol no goinawa rin to mgo duma rin, ogmalayaton din ka goinawa rin kandan. Ogkohoy-uan din woy kono ogsilag, woy songo kono ogmarayandayan.  
\v 5 Woy songo kono ogparakoldakol woy kono oghubaboon ka duma rin. Kono din oghunnoon ka kandin no igkoiniat. Kono ogmagaan ogkabolu, woy kono og-indanan ka igkamasakit to goinawa rin.  
\v 6 Kono ogkarago ka sikan no otow ko duon maroot no oghimuon, di ogkarago to tibo no ogkohimu no maroyow.  
\v 7 Woy ogbalagaron din ko duon igmasakit to goinawa rin. Ogsaligan din ka duma rin, woy layun og-iman-iman to maroyow no oghimuon to duma rin, woy ogpakapoponod to tibo no mgo igkabaybayari din. 
\p  
\v 8 Ka dakol no goinawa ta to duma ta, kono ogkataman. Di duon allow uromo no ogkaawo do duon ka kabogbogan to ognangon to kagi no ogligkat to Gimukud to Magboboot. Woy songo ogkaawo do ka kabogbogan to ogkagi to loinloin no mgo kinagian, woy ka sikan no katagaanan no igbogoy rin.  
\v 9 Ian to ogkaawo su ka soini no katagaanan woy ka kabogbogan to ognangon to kinagian to Magboboot no igsabuk to goinawa ta, malintok pad kuntoon.  
\v 10 Di ko ogkatuman on ka kono ogkaalang-alang, ogkaawo do ka sikan no tigbal pad no ogtagooran no kabogbogan no ingkabogoy rin.  
\v 11 Pananglitan, nokani no bato a pad, ka kagi ku, ka pogdoromdom ku woy ka pogboot ku, tibo noiling to bato pad no kono pad no litos. Di kuntoon to buyag ad on, nig-ongkoran kud on ka batasan no binato.  
\v 12 Ogkounawa rod kanta su ko kai ki pad to soini no kalibutan, ogkaalang-alang pad ka pogkasabuti ta to Magboboot. No ian ogkounawaan ka alung to ispiu no putow su kono ta amana ogkamolmologan ka ogkitoon ta. Kuntoon, ogpakasabut ki to malintok tongod kandin. Di uromo no ogpakatangko kid on kandin, ogpakasabut kid on to tibo, no ogkounawa ro to kuntoon no ogkatagaan to Magboboot ka tibo no goinawa ta.  
\v 13 Tatolu soini no og-awoson ta no kono ogkaawo, ka pogtuu ta to Magboboot, ka pog-iman-iman ta kandin woy ka igdakoli ta to goinawa ka mgo duma ta. Di ian ta lagboy no og-awoson to igdakoli ta to goinawa ka mgo duma ta. 
\c 14  
\s1 Tongod dod to mgo Kabogbogan no ogligkat to Gimukud to Magboboot 
\p  
\v 1 Tuuri now to oyow dakol so goinawa now to mgo duma now. Woy songo koiniati now on ian ka mgo kabogbogan no ogligkat to Gimukud to Magboboot. Di lagboy now koiniati ka kabogbogan to oyow ogpakanangon kow to kagi no ogligkat to Gimukud to Magboboot.  
\v 2 Ka sikan no otow no ogpakakagi to loin no kinagian no ogligkat to Gimukud to Magboboot, ian din ogkagian ka Magboboot. Kono din ogkagian ka mgo otow su kono ogpakasabut sikandan. Di duon igpanangonnangon to Gimukud to Magboboot kandin di ka lituk, ogpokoholos.  
\v 3 Dokad di ka sikan no otow atag no ogpakanangon to sikan no kagi no ogligkat to Gimukud to Magboboot to kanta no kinagian, ogkakagian din ka mgo duma rin. Ian su oyow ogkohogot ka pogtuu ran woy ogkoudlingan sikandan, woy to oyow ogkabuligan ka goinawa ran no ogmasakit.  
\v 4 Ka otow no ogkagi to sikan no loinloin no mgo kinagian, ogkohogot din ka kandin no pogtuu. Di atag, ka sikan no otow no ognangon to kanta no kinagian ka insabuk to Gimukud to Magboboot to goinawa rin, ogkohogot din ka pogtuu to tibo no mgo nigtuu.  
\v 5 Ogkoiniatan ku poron ko tibo kow ogpakakagi to sikan no loinloin no mgo kinagian no ogligkat to Gimukud to Magboboot. Di ka lagboy ku no ogkoiniatan, ko ogpakakagi kow tibo to sikan no igpanangon to Gimukud to Magboboot to kanta no kinagian. Dakoldakol ka pulus to sikan no otow no ogpakakagi to sikan no igpanangon to Gimukud to Magboboot no ogkasabutan to sikan no otow no ogpakakagi to loinloin no mgo kinagian no kono ogkasabutan. Di ko duon otow no ogbogayan to lituk, songo ogkapulusan su ogkohogot ka pogtuu to tibo no mgo nigtuu. 
\p  
\v 6 Sikan ian, mgo sulod, ko ogpokouma ad dio to kaniu, nokoy ka pulus now ko ogkagian ku sikaniu to sikan no loinloin no mgo kinagian no kono now ogkasabutan? Woy duon pulus now ko duon igkanangon ku kaniu to impasabut to Magboboot kanak, woy ko duon katagaanan no igpohitaga rin kaniu, woy ko ogpakanangon a to kagi rin no insabuk din to goinawa ku, woy ko duon igpaanad din kaniu.  
\v 7 Pananglitan, agad ka mgo pulondag woy ka mgo kuglung no waro goinawa ran, ko kono ogkalituk, songo kono ta man ogkasabutan.  
\v 8 Woy ko duon oghiupon oyow ogpakapanagana poron ka mgo sundalu, di ko kono ogkalituk, waro ogpakasagman no ogsasindog ko duon poron ogkatangko dan.  
\v 9 Ogkounawa kaniu, su ko ogkagi kow ro to kinagian no kono ogkasabutan, ogmonuon to mgo otow to ogkataga ko nokoy ka ignangonnangon now? Ogkoiling do to kalamag no ogligad do.  
\v 10 Ka pila buwa no mgo kinagian kai to soini no kalibutan no ka tibo duon lituk.  
\v 11 Di ko waro a makasabut to kinagian to songo otow, kono koy ogpakarumaruma su kono koy ogpokogsabut.  
\v 12 Nò, ogkounawa rod kaniu. Su lagboy kow ogkoiniat to duon mgo kabogbogan now no igkabogoy to Gimukud to Magboboot, tuuri now to oyow ogkohogot ka pogtuu to mgo otow no nigtuu ki Hisus.  
\v 13 Sikan ian, ka otow no duon kabogbogan oyow ogpakakagi to loinloin no mgo kinagian, maroyow ko ogbuyu to Magboboot oyow songo ogbogayan sikandin to kabogbogan to oglituk to sikan no mgo kinagian.  
\v 14 Ian su ko og-ampu a to sikan no loinloin no mgo kinagian, ian ogpakaampu ka goinawa ku. Di kono ogpakalagkos ka pogkasabuti ku.  
\v 15 Nokoy ka litos no oghimuon ku? Og-ampu a rod to sikan no loinloin no mgo kinagian no insabuk to Gimukud to Magboboot to goinawa ku woy songo og-ampu a to soini no kinagian no ogkasabutan ta. Ogkanta a to sikan no loinloin no mgo kinagian woy songo ogkanta a to kanta no kinagian.  
\v 16 Ian to og–awoson to sikan ka oghonduonon now su ko kono nu pad ogkalituk to sikan no ignangonnangon nu, no ko duon otow no ogpakaamut kaniu to og-ampu di kono ogpakasabut, ogmonuon din to oghoohoo to igsayo nu to Magboboot?  
\v 17 Agad ko maroyow ka pogsayo nu to Magboboot, di kono ogkohogot ka pogtuu to sikan no duma ta su kono ogpakasabut.  
\v 18 Ogpakapasalamat a to Magboboot to nabogayan a to ogkagi to sikan no loinloin no mgo kinagian no subla pad kaniu tibo.  
\v 19 Di atag, ko duon ki no oglimudlimud no og-ampu, madmaroyow ku ko ogpakakagi a to agad lalimma ro no kinagian no ogkasabutan oyow ogkaanad ku ka mgo otow. Madmaroyow porom ka sikan ko duon pa sampulu no malan no kagi to sikan no loinloin no mgo kinagian no kono ogkasabutan. 
\p  
\v 20 Nò mgo sulod, kono kow og-iling to mgo bato no maagkap so goinawa ran to ogboboot. Di tongod to mgo maroot no batasan, iling kow ro to mgo bato pad no kono pad amana ogpakadoromdom to maroot. Di tongod to pogboot now, mabogata now ka goinawa now.  
\v 21 Ian su duon impasulat to Magboboot dongan. Kagi rin to, 
\q1 “Duon mgo otow no ogsuguon ku kaniu no kono no duma now no Hudiu su ogpakakagi kaniu to loinloin no mgo kinagian. No ian to oyow ogkanangonan kow ran to igpanangon ku. Di agad naan, kono kow rod ogpamminog, kagi to Lagboy no Igbuyag ta.”\f + \fr 14:21 \ft Ogkabasa to Isaias 28:11.\f* 
\m  
\v 22 Nò, ka sikan, igpohitaga kanta to, ka sikan no kabogbogan to ogkagi to mgo loinloin no kinagian, kono to oyow igpatuu to mgo otow no nigtuu on tahan, di igpatuu poron to mgo otow no waro pad nigtuu. Di ka sikan no kabogbogan to ognangon to kanta no kinagian ka kagi no ogligkat to Magboboot, ian igkabogoy su oyow ogkabuligan atag ka mgo otow no nigtuu on kandin. 
\p  
\v 23 Sikan ian, ko pananglitan oglimudlimud to og-ampu ka tibo no mgo otow no ogtuu ki Hisus, no ka tibo ogkakagi ro duon to sikan no mgo loinloin no kinagian, mangkuwan duon buwa oglopow no duma no mgo otow no waro pad maanad to sikan no batasan, woy ko ka waro nigtuu. Ko ian dan do ogdinogon ka sikan no mgo loinloin no mgo kinagian, ogpakanangon buwa to nallangog kow ro duon.  
\v 24 Di ko pananglitan ogsoipsoip kow on tibo to ognangon to sikan no igtagu to Gimukud to Magboboot to kaniu no goinawa to kanta no kinagian, no ko duon otow no oglopow no waro pad nigtuu woy ko waro pad matagam to sikan no batasan now, ko ogpakarinog to ignangonnangon now, ogpokogsondit ka goinawa rin su ka tibo no ogpakakagi, ogpakatuon to salo din.  
\v 25 Ogkasandigan to sikan no igkanangon su ogkatuon ka maroot no ingkoholos dio to goinawa rin. Nò, ogpakaluhud on sikandin no og-ampu to tangkaan to Magboboot no ogpakasayo on kandin woy ogpakanangon sikandin to “Tu-tuu ian to duon kai ka Magboboot to kaniu.” 
\s1 Ka litos no batasan ta ko oglimudlimud ki to og-ampu 
\p  
\v 26 Mgo sulod, nokoy ka litos no oghimuon ta ko oglimudlimud ki to og-ampu? Ian litos ko duon songo otow no ogkanta to igsayo to Magboboot. Songo otow, duon ig-anad din. No ka dangob, duon ignangon din no impatokod to Magboboot kandin. Duon pad dangob no ogkagi to sikan no loin no kinagian no insabuk to Gimukud to Magboboot to kandin no goinawa. Woy duon otow no oglituk to sikan no loin no kinagian. Nò, to poghimu ta to tibo soini, og-awoson no ogkohogot ka pogtuu to mgo otow.  
\v 27 Ko duon otow no ogkagi to sikan no loin no kinagian, og-awoson to daruwa woy ko tatolu ro ka ogkagi no ogmasoipsoipoy. No songo og-awoson to duon pad ka oglituk to sikan no kagi ran.  
\v 28 Di ko waro otow no duon kabogbogan din to oglituk, og-awoson to kono do og-uwang dio to nalimud no mgo otow ka ogkagi poron to sikan no loin no kinagian. Di litos no igkagi dio to goinawa rin no ogkagian din ka Magboboot.  
\v 29 Ka mgo talagnangon to kagi to Magboboot no igkasabuk din to goinawa ran, songo ogkohimu no ogkagi ka daruwa woy ko tatolu. No ka duma, ogpamminog, no ogsumsumanon dan ko litos ka sikan no nigkagi to duma ran.  
\v 30 Ko ogkagi pad ka songo talagnangon, di duon on isabuk to Magboboot to goinawa to dangob, magaan do ogpakahagtong ka nokohun-a oyow ogpakakagi on ka duma rin.  
\v 31 Ogkohimu ko tibo kow ogmasosoipoy no ogkagi ko duon igsabuk to Magboboot to goinawa now oyow tibo ogkaanad to kagi rin woy to oyow ogkohogot ka pogtuu to tibo.  
\v 32 Ian su ka mgo talagnangon to kagi to Magboboot, ogkohimu ran to ogkagongonan dan ka kandan no ogkagion oyow woy ogkagi ko oghagtong on ka dangob no ogkagi.  
\v 33 Ian su ka Magboboot, kono ogbogoy to masamuk ki, di sikandin ka ogligkatan to pogtapid to oghimuon ta. 
\p Nò, tongod to mgo boi, ilinga now ka batasan to tibo no ogtuu no oglimudlimud no og-ampu dio to duma no mgo lunsud,  
\v 34 su kono ogbogayan ka mgo boi to ogkakagi ko ogkalimudlimud kow to og-ampu. Og-awoson to ogpamminog sikandan su sikan dod ka ingkasulat to dongan no Balaod to Magboboot.  
\v 35 Ko duon inso dan poron, og-awoson to ogtagad no dio to baloy og-inso to asawa ran. Ogkasipod ki ko ogkagi ka mgo boi ko oglimudlimud ka mgo otow to og-ampu.  
\v 36 Naan now buwa ko sikaniu ka ogligkatan to kinagian to Magboboot. Bak ko sikaniu ro ka noumaan to kagi rin.\f + \fr 14:36 \ft Ian ka kagi ni Pablo to mgo nigtuu no mgo taga Kurintu su inat to ogkabalowbalawan dan ka tahan no batasan dan to mgo boi.\f* 
\p  
\v 37 Ko duon otow no nahan din no talagnangon sikandin to kagi no ogligkat to Magboboot, woy ko nahan din no duon kabogbogan din no ogligkat to Gimukud to Magboboot, og-awoson to ogtokoron din no sugu to Lagboy to Igbuyag ta ka soini no insulat ku kaniu.  
\v 38 Di ko duon otow no kono ogpaagad-agad to soini no insugu ku, songo kono now ogpamminogon.  
\v 39 Nò mgo sulod, koiniati now on ian to oyow ogpakanangonnangon kow to kagi no igsabuk to Magboboot dio to goinawa now. Di do kow ogsapari ka mgo otow no ogkagi to loinloin no mgo kinagian no songo igsabuk to Gimukud to Magboboot to goinawa ran.  
\v 40 Di og-awoson now to og-ay-ayaran ka tibo no oghimuon now ko oglimudlimud kow to og-ampu oyow maroyow woy oyow ogkatapid on. 
\c 15  
\s1 Ka Pogkouyag ni Hisu Kristu ligkat to Kamatayon din 
\p  
\v 1 Kuntoon, mgo sulod, ogparoromdomon ku sikaniu to sikan no Maroyow no Nangnangonon no in-anad ku kaniu nokani woy nigtuuan now no intagu now dio to goinawa now tongod ki Hisu Kristu. No kuntoon, ka sikan, nohimu on no dalig to pogtuu now.  
\v 2 Woy sikan dod ka igkapangabang kaniu ko og-ungoron now oggongoni. Ko kono, ogkohimu no waro pulus ka pogtuu now. 
\p  
\v 3 Nignangonan kud sikaniu to sikan no ingkanangon kanak to lagboy no og-awoson ka pogkamatoy ni Hisu Kristu oyow ogkaawo din on ka mgo salo ta. No ka sikan, nounawa to impasulat to Magboboot dongan.\f + \fr 15:3 \ft Ogkabasa to Isaias 53:5.\f* 
\v 4 Woy songo nignangonan kud sikaniu to insabal on si Hisus di to igkatatolu on no allow ligkat to pogkamatoy rin, nigbootan do to Magboboot to oyow ogkouyag on. Ka sikan, songo nounawa to impasulat din dongan.  
\v 5 Nignangon a rod to an-anayan, nigpakita si Hisus ki Pedro woy nohutukan makitoi to duma to sikan no sampulu woy daruwa no mgo suguanon din.  
\v 6 Woy nighutuk man do makitoi to lalimma no gatus no mgo nigtuu no niglimudlimud. No to sikan no nakakita ki Hisus, manalingboka ro ka namatoy, mohon-ing dod ka waro namatoy no insulat ka soini.  
\v 7 Nighutuk nigpakita si Hisus ki Santiago no hari rin. Woy hutuk man do nigpakita to tibo no suguanon din.  
\v 8 Bali naan no songo nigpapitow kanak. No ka pogtuu ku, ian nounawaan ka bato no mananoy niglosut.  
\v 9 Ian su mohuri a nohimu no suguanon ni Hisus. Ogkaalang-alang ka goinawa ku to oghingaranan a to suguanon a rin su woy a nigtuu kandin, no nigbaybayaran ku pad ka mgo nigpasakup to Magboboot.  
\v 10 Dokad di, ko nokoy ad on kuntoon, nigligkat to pogkohoy-u to Magboboot. No waro maraat ka sikan no ingkohoy-u rin kanak. Sikan ian, dakoldakol pad ka kanak no talabau to sikan no talabau to mgo duma ku no mgo suguanon. Di atag, ka sikan no talabau ku, waro nigligkat to kanak no dayagang di nigligkat to pogkohoy-u to Magboboot no layun igkabogoy kanak.  
\v 11 Nò, agad ko mgo duma ku no suguanon ka ognangonnangon woy ko sikanak, og-unawoon noy rod ka tahan no ingkanangonnangon noy kaniu tongod ki Hisus. No sikaniu, nigtuuan now ka sikan no innangonnangon noy. 
\s1 Tongod to pogkouyag ta ligkat to kamatayon 
\p  
\v 12 Nò, to pog-anad noy kaniu, innangonnangon noy ka pogkouyag ni Hisu Kristu ligkat to kamatayon din. No su malogot sikan, manio naan to duon mgo otow dio to kaniu no ognangon to kono ogkouyag ka mgo nammatoy uromo.  
\v 13 Nò, ko tu-tuu pa to kono ogkouyag ka mgo nammatoy, songo kono poron no tu-tuu to nouyag on si Hisu Kristu ligkat to kandin no kamatayon.  
\v 14 Ko waro mootawi sikandin, songo waro poron pulus ka ignangonnangon noy woy songo waro pulus to pogtuu now.  
\v 15 Kono no sikan do, di ogkoubatan noy poron sikaniu tongod to Magboboot su nignangonan noy sikaniu to nigbobootan to Magboboot si Hisus oyow ogkouyag on ligkat to kamatayon din. Dokad di, ko kono no tu-tuu to duon pogkouyag to mgo nammatoy, waro din nanaan mootawi sikandin.  
\v 16 Ian su ko tu-tuu pa to kono ogkouyag ka mgo nammatoy, songo waro mootawi si Hisu Kristu.  
\v 17 No ko waro mootawi si Hisu Kristu, songo waro pulus to pogtuu ta woy waro poron naawo ka mgo salo ta.  
\v 18 No ka sikan no mgo nigtuu on ki Hisu Kristu no nighun-a nammatoy, warad poron mapangabangi sikandan to kamatayon to waro katamanan.  
\v 19 Ko kono pa ian ogpakatood to ogkouyag on ka mgo nammatoy, di kai ro nanaan ogkataman to soini no kalibutan ka pog-iman-iman ta ki Kristu, kanta ian porom ka mokohoy-uhoy-u. 
\p  
\v 20 Di tu-tuu ian to nouyag on man si Hisu Kristu ligkat to kamatayon din. Sikandin ka nohun-a mootawi no igpatuu to songo ogkouyag dod ka mgo nammatoy no nigtuu ki Hisus.\f + \fr 15:20 \ft Duon otow unawa ki Lasaru no nouyag on ligkat to kamatayon di waro dan pad mabogayi to iam no lawa ran. Pogkalugoy, namatoy ro sikandan nighutuk.\f* 
\v 21 Ian su, ka pogkamatoy ta, nigligkat to salo to sagboka no otow no si Adan. No ogkounawa rod, su ka pogkouyag ta ligkat to kamatayon ta, songo ogligkat to sagboka no otow no si Hisus.  
\v 22 Ian su tibo kinow ogkamatoy su kapunganan kinow ro ni Adan. Di ligkat to ogsalupung kinow ki Kristu, ogkouyag kinow on ian.  
\v 23 Di ogpakasoip kinow ro su nighunnaan on nigpootawi si Hisu Kristu. No sikanta no nigtuu, mohurian kid ogpootawi to poglibong din on kai to soi tano to og-angoy to mgo nigtuu.  
\v 24 Ko ogpakatood on, ogkoumaan kid on to mohuri no allow kai to soini no kalibutan. No ogdoogon ni Hisus ka tibo no mgo talagsugu, ko otow woy ko busow, woy ko bantoy. Pogkaponga, igbogoy rin on dio to Magboboot no ian Amoy rin ka tibo no katondanan din to pog-alap to Pandatuan.  
\v 25 Ian su og-awoson to si Hisu Kristu ka og-alap to katondanan to pogsugu taman to ogkaroog din on ka tibo no mgo usig din.  
\v 26 No ian mohuri no ogkaroog din no usig ka pogkamatoy to mgo otow.  
\v 27 Ian su duon impasulat to Magboboot to tibo din imparoog ki Hisu Kristu. Di ko nigkagi to, “Tibo nigparoog,” ogkasabutan ta to waro ilagkos ka Magboboot no ogparoog.\f + \fr 15:27 \ft Basa ka to Salmo 8:6 woy 110:1.\f* 
\v 28 Ko ogpakatood no ka tibo, ogpakapariralom on ki Hisus no ian Anak to Magboboot, songo ogpariralom on si Hisus to Amoy rin no nigparoog kandin to tibo, oyow tibo ogpakapaagad-agad on to Magboboot.  
\v 29 Dokad di, ko tu-tuu pa to kono ogkouyag on ka mgo nammatoy, nokoy naan ka tuud to sikan no mgo otow no ogpabautismu no igtobus poron to duma ran no namatoy su ko kono nanaan ogkouyag ka mgo nammatoy, manio to ogpabautismu sikandan.\f + \fr 15:29 \ft Duon kun batasan dan dongan dio to kandan ko duon otow no nigtuu ki Hisus di namatoy on to waro pad nigpabautismuan. Ko sikan, duon otow no nigpabautismuan kun no igtobus to sikan no duma ran. Ka ignangon ni Pablo, ka sikan no batasan dan, ogpakapatuu porom kandan to duon ian pogkouyag ta su waro pulus ka sikan no batasan dan ko kono ogkouyag on ka mgo nammatoy.\f* 
\v 30 No sikanami no mgo suguanon, manio to ogbalagaron noy ko malasi koy poron ogkohimatayan tongod to soini no nangnangonon ko kono koy ogkouyag uromo?  
\v 31 Nò, mgo sulod, to dakol no igkarago ku tongod to pogtuu now ki Hisu Kristu no Lagboy no Igbuyag ta, og-indanan ku sikaniu to waro allow no ogligad no ogpakadoromdom a ko kon-u a buwa ogkamatoy.  
\v 32 Ko dio a to lunsud to Episu, nigbaybayaran a to mabulut no mgo otow no ian nounawa to mabulut no magintalunon no ogpamood to mgo otow. Nò, ko tu-tuu pa no waro pogkouyag to mgo nammatoy, nokoy pulus ko ogkohonduon a? Su ko kai ro to kalibutan ka pulus to pog-ugpo ta, balagad buwa ko og-iling ki to sikan no kinagian to mgo otow no ogkagi to, “Inum kinow woy hinalantoy ki su asolom, ogkamatoy ki ro duon.”\f + \fr 15:32 \ft Ogkabasa to Isaias 22:13.\f* 
\v 33 Di kono ki ogpamminog to sikan oyow kono ki ogkoubatan. Ian su tu-tuu ian ka soini no kinagian: “Ko ogdumaruma ki to mgo otow no maroot so batasan, mangkuwan, songo ogkounug ta.”  
\v 34 Nò, doromdoma now ro ka maroyow no goinawa now, no kono now on oghutukon ka salo now. Ogkagian ku sikaniu to soini su oyow ogkasipod kow su duon kun mgo otow dio to kaniu no waro nigtokod to tu-tuu no Magboboot. 
\s1 Ka Lawa ta dio to Langit 
\p  
\v 35 Nò, tongod to mgo nammatoy, songo kuwo buwa ko duon otow no og-inso ko ogkoomonu on ko ogkouyag sikandan woy nokoy ka ogkohimuan to lawa ran ko ogkouyag on?  
\v 36 Ka ku kow kaniu su ogkoiling to boni no igpamula ta. No ko ogtubu on, ogkoongkoran woy ogkamolu on ka tahan no lawa rin.  
\v 37 No ka igpamula ta, ka boni do no trigu woy to duma pad no bogas. Kono no ka lawa ka igpamula ta.  
\v 38 Di igbogoy to Magboboot ka boni to sikan no lawa no og-alamon din. No to tag sagboka no lupogas no boni, igbogoy rin ka litos no lawa to sikan ian no boni. 
\p  
\v 39 Igkaruwa, kono no un-unawa ka tibo no mgo lawa. Songo loin ka lawa to otow. Songo loin ka lawa to mgo ulod-ulod. Songo loin ka lawa to mgo manukmanuk. Woy songo loin man do ka lawa to mgo ngalap to woig. 
\p  
\v 40 Duon lawa to mgo og-ugpo dio to langit woy songo duon loin no lawa to mgo og-ugpo kai to soini no kalibutan. Ka tibo, nabogayan to karoyawi ran, di loin ka karoyawi to sikan no og-ugpo dio to langit, woy songo loin man do ka karoyawi to sikan no og-ugpo kai to soini no kalibutan.  
\v 41 Duon dod ka karoyawi to layag to allow. Woy songo loin ka karoyawi to layag to bulan. Woy songo loin man do ka karoyawi to layag to mgo bituon. Agad ka mgo bituon, songo ogloinloin ka kandan no karoyawi. 
\p  
\v 42 Nò, ka pogkouyag to mgo nammatoy, ogkoiling dod to sikan no boni no igpamula ta. Ka lawa ta no ingkalobong to tano, ogkamolu on. Di ko ogkouyag on, ogloin on su konad on ogkamolu.  
\v 43 Ko igkalobong ka soi mgo lawa ta, maroot ko ogpitawon woy warad on pulus ta. Di ko ogkouyag on, dakol on ka karoyawi rin woy ogmanokal on.  
\v 44 Ko igkalobong on ka soini no lawa ta, ogkoiling dod to lawa to soini no kalibutan. Di ko ogkouyag on, songo loin on no litos to og-ugpo dio to ugpaan to Magboboot no konad on ogkamatoy. No su duon lawa ta no litos to og-ugpo kai to tano, songo duon dod uromo no lawa ta no litos to og-ugpo dio to ugpaan to Magboboot.  
\v 45 Ian su duon impasulat to Magboboot dongan. Kagi rin to, “Ka an-anayan no otow no si Adan, nohimu on no pinagogoinawa to kandin no lawa.”\f + \fr 15:45 \ft Ogkabasa to Genesis 2:7.\f* Si Hisu Kristu no oghingaranan to mohuri no Adan ka ogpakabogoy kanta to kouyagan no waro katamanan.  
\v 46 Di kono ki pad ogbogayan to lawa no oglitos to og-ugpo dio to Magboboot su ogpokohun-a pad ka soini no tahan no lawa ta no oglitos to pog-ugpo ta kai to tano. Soup pad no allow ogbogayan ki to sikan no igliwan to lawa ta.  
\v 47 Ka an-anayan no otow no si Adan, tano ka nigligkatan din. Ka mohuri no Adan no si Hisus, nigligkat to Langit.  
\v 48 No sikanta no pinanganak ni Adan, tano dod ka inhimu to lawa ta su ian dod ka inhimu to lawa ni Adan. No sikanta no nigpasakup ki Hisus no nigligkat to langit, songo ogkounawa rod ka lawa ta to kandin no lawa ko dio kid on to langit uromo.  
\v 49 Nò, su to ogkoiling ka lawa ta to lawa to sikan no an-anayan no otow no nigligkat to tano, songo ogkounawa rod uromo no ogkaliwanan ka lawa ta to lawa no ogkoiling on to lawa to sikan no nigligkat to Langit no si Hisu Kristu.  
\v 50 Ian ku ignangon kaniu, mgo sulod, ka soi lawa ta no nohimu no sapu woy langosa, kono ogpakaamut uromo to pandatuan to Magboboot dio to Langit. Ian su kono ogkohimu no ka lawa ta no ogkamolu, ogkabogayan to kouyagan no waro katamanan. 
\p  
\v 51 Di pamminog kow. Duon ignangon ku kaniu no nokani ingkoholos di kuntoon igpasabut to Magboboot to kono kinow pad ogkamatoy tibo ka nigtuu ki Hisus ko oglibong sikandin kai to soi kalibutan, di tibo kinow ogkaliwanan to lawa ta.  
\v 52 Ko ogdaging ka bungag no ogligkat dio to Magboboot no igmaganangon to soini ka mohuri no allow ta kai to soi kalibutan, magaan do ogkaliwani ka lawa ta. Ogkounawa to songo pogpolo-polo do bag to mata ta, su ko ogdaging ka bungag, ogkouyag on ka mgo nammatoy no nigtuu no ogkaliwanan on ka lawa ran to sikan no kono ogkamatoy no lawa. No sikanta no waro pad nammatoy, songo ogkaliwanan ka lawa ta to ogkounawa ro kandan.  
\v 53 Ian su soini no lawa ta no ogkamatoy woy ogkamolu, ogkaliwanan on to lawa no kono ogkamolu woy songo kono ogkamatoy.  
\v 54 Ko ogpakatood on ka sikan, no ka soi lawa ta no ogkamatoy woy ogkamolu, ogkaliwanan on to lawa ta no kono ogkamolu woy songo kono ogkamatoy, ogpakatuman on ka kinagian to Magboboot no ingkasulat dongan. Kagi rin to, 
\q1 “Warad on ka kamatayon to otow su nakaroog ka Magboboot to tibo no igkamatoy to waro katamanan.”  
\v 55 “Hondoid on ka kamatayon ta? Woy hondoid on ka alas no ogpakasugat to goinawa ta no ogligkat to kamatayon? Warad on.” Ian ka nasulat.\f + \fr 15:55 \ft Ogkabasa to Isaias 25:8.\f* 
\p  
\v 56 Ian to duon alas no ogpakasugat to goinawa ta no ogligkat to kamatayon su ka mgo salo ta. Woy ian to ogkaroog ki to sikan no mgo salo ta su waro ki nigpaagad-agad to Balaod to Magboboot.  
\v 57 Di ogsayoon ta ka Magboboot su ligkat to nighimu ni Hisu Kristu no Lagboy no Igbuyag ta, ogpakaroog ki ro to mgo salo ta woy to kamatayon ta. 
\p  
\v 58 Nò mgo sulod no igdakoli ku to goinawa, su duon soini no og-im-imanan ta, hogota now ka pogsalig now ki Hisus oyow kono oglimanglimang ka goinawa now to pogtuu now. Ungod now poomoti to ogtuman to igpohimu to Lagboy no Igbuyag ta kaniu su nataga kow man to, ka tibo no oghimuon ta to igsugu din, duon pulus ta. 
\c 16  
\s1 Ka igpabulig to mgo nigtuu no taga Hirusalim 
\p  
\v 1 Kuntoon, sikaniu no mgo nigtuu no taga Kurintu, tongod to salapi no igbulig now to mgo nigtuu no dio to ugpaan to Hudia, ilinga now ka insugu ku to mgo nigtuu no dio to ugpaan to Galasia.\f + \fr 16:1 \ft Ka lunsud to Hirusalim, duon to ugpaan to Hudia.\f* 
\v 2 Tibo Dominggu, tag sagboka kaniu, panagana kow to igbogoy now ko songo monu ka koykow no noumaan. No limura now woy isabuksabuk now pad oyow, ko ogdatong a, konad og-awoson to ogpan-am-amutoy kow pad.  
\v 3 Ko ogdatong ad on dio to kaniu, litos no igbogoy now ka salapi ko hontow ka ogkasaligan now. Pogkaponga, igbogoy ku kandan ka sulat no igpatilaa dio to Hirusalim woy igpaalap ku kandan ka igpabogoy now to mgo nigtuu dio.  
\v 4 Ko inat to og-awoson to songo oghondio ad, ogdumoon ku ro sikandan. 
\s1 Ka mgo tuud ni Pablo 
\p  
\v 5 Ogpanumbaloy a dio to kaniu di oghun-a a pad ogpanumbaloy dio to ugpaan to Masidonia su ogtuuran ku to ogbayo dio to Masidonia.  
\v 6 Ko ogpokouma a dio to kaniu, og-ugpo a buwa pad. Songo kuwo buwa ko woy ad oghipanow ko ogkapongaan on ka tiglongdong oyow ogpakabulig kow kanak ko ogligkat a dio to agad hondoi a ogpakarolog.  
\v 7 Ian su to soini no ighondio ku kaniu, kono a ogkoiniat no ogsagpit a ro duon su og-iman-iman a ko ogmalugoy a pad poron to kaniu ko igbogoy to Lagboy no Igbuyag ta. 
\p  
\v 8 Di kuntoon, kai a pad og-ugpo to lunsud to Episu taman to allow to Pagkoonan to Pintikustis.\f + \fr 16:8 \ft Ogkabasa to Levitico 23:15 woy Deuteronomio 16:9. Tongod to \fq Pagkoonan to Pintikustis\ft , basa ka to ingkasulat dio to diralom to pagina no duon Hinimuan 2:1.\f* 
\v 9 Agad to mohon-ing ka ogpakaatang poron to ignangonnangon ku di og-ugpo a ro pad kai su mohon-ing pad ka magaan ogtuu no ogpamminog to kinagian to Magboboot.  
\v 10 Ko ogpokouma si Timoteo dio to kaniu, sagmana now sikandin su ogkoiling kanak no songo ogpaagad-agad to igsugu to Lagboy no Igbuyag ta.  
\v 11 Kono now oglomotomi sikandin. No ko oghipanow on, buligi now sikandin oyow ogkarago so goinawa rin no ogpokouli kai to kanak su ogtagaran ku sikandin woy ka ogduma kandin no nigtuu. 
\p  
\v 12 Si Apulus no sulod ta, malasi a nigbuyu to oyow ogduma to sikan no mgo nigtuu no ogpanumbaloy dio to kaniu. Di waro pad noiniat sikandin to ogduma. Di ko duon liwak din oghondio dod kun to kaniu. 
\s1 Ka igtuguntugun ni Pablo 
\p  
\v 13 Tantanuri now, hogoti now woy manokala now ka pogtuu now no kono now ig-ulung-ulung.  
\v 14 No to tibo no oghimuon ta, og-awoson to ian ta igpapitow ta ka dakol no goinawa ta to duma ta. 
\p  
\v 15 Kuntoon, mgo sulod, nataga kow to si Istipanas no mal-alunggun ka an-anayan no otow dio to ugpaan to Girisia no nigtuu ki Hisus woy ungod ogbulig to mgo nigtuu.\f + \fr 16:15 \fq Ka Girisia\ft , dangob no ngaran to ugpaan to Akaya.\f* 
\v 16 Sikan ian mgo sulod, ogbuyu a kaniu, to oyow ogpamminog kow to mgo otow no ogkounawa ki Istipanas woy ka tibo no talagbulig kandin.\f + \fr 16:16 \ft To Ginirigu, songo kuwo ko ogkalituk to “mgo otow no ogkounawa ki Istipanas woy ka agad hontow no duma ta no og-ay-ayaran to igpohimu to Lagboy no Igbuyag ta.”\f* 
\p  
\v 17 Narago ad no nokouma on kai si Istipanas, si Portunatu, woy si Akaiku. Ian su sikandan, nohimu no magalawa now no inliwan kaniu no taga Kurintu no waro kow makaruma.  
\v 18 Ian su nigmaroyow ran ka kanak no goinawa no ogkounawa to pogmaroyow ran to kaniu no goinawa ko ogpokouli on sikandan dio to kaniu. Nò, litos no ogsayoon ka mgo otow no ogkoiling to kandan no batasan. 
\p  
\v 19 Ka mgo nigtuu no dio to ugpaan to Asia no oglimudlimud no og-ampu, ogpapangumusta kaniu. No si Akila woy si Prisila woy ka mgo nigtuu no ogkalimud to og-ampu dio to kandan no baloy, songo igpanangon dan dio to kaniu to dakol so goinawa ran kaniu su nasagboka kow kandan to pogtuu to Lagboy no Igbuyag ta no si Hisus.  
\v 20 No ka tibo no nigtuu no kai to Ipisu, igpanangon dan to songo ogpangumusta kun kaniu tibo. Sikaniu dio no nigtuu, songo pakumkumustooy kow ko ogpakitkitooy kow su duma now to ogtuu. 
\p  
\v 21 Nò, kanak no si Pablo, bolad ku lagboy ka ogsulat to soini to, “Kumusta kow!”  
\v 22 Ko duon otow no waro goinawa rin to Lagboy no Igbuyag ta, litos ko ogkalogparan to Magboboot sikandin. 
\p Soini ka ig-ampu ku, \em Maranata\em*, no ka lituk to sikan, Lagboy no Igbuyag noy, magaan ka ro oglibong kai.  
\v 23 Ogbuyu a ki Hisus no Lagboy no Igbuyag ta to oyow ogkohoy-uan kow nikandin.  
\v 24 Ignangon ku kaniu to dakol so goinawa ku kaniu tibo su nasagboka ka goinawa ta ki Hisu Kristu. Sikan ian taman. \sig Kanak si Pablo.\sig*