\id ROM - Zaiwa 
\h Romaq 
\toc1 ROMAQ Pê Chyáng Hun Kat é Laiká 
\toc2 Romaq 
\toc3 Rom 
\mt1 ROMAQ 
\mt2 Pê Chyáng Hun Kat é Laiká 
\mt3 (Romans) 
\c 1  
\p  
\v 1 Hkrisduq Yesuq é dui-nhâng zoshâng eq lagyo dut râ matú, Garai Gasâng èq ji yu é hui luî, chyoiyúng Chyúmdang pé má,  
\v 2 Garai Gasang gi, hí hí mai Yhâng é myiqhtoî pé dông danggidiq byî to bê nghut é, Yhâng é Yuqzô é hkyô nghut é, Garai Gasâng é gabú danglu é matú hkyin to huî é sû, ngò Poluq gi, Romaq myuq má nyi é, Garai Gasâng èq chyitdap é hui luî, sân-yúng bang dut râ matú jî yu é bang banshoq lé, dang kyô kat lhê.  
\v 3 Yhâng é Yuqzo haû gi, byù hkyam dông ga jáng, Dawiq é awut ashín nghut ri;  
\v 4 Yhang gi, shi é mai dum dui toq é dông, Garai Gasâng é Yhangzo nghut é hkyô lé, chyoiyúng hkyo é Woi-nyí dông mai, hpungwup a-tsâm èq sé nhâng bê nghut ri. Yhang gi, nga-nhûng é Yhumsîng Yesuq Hkrisduq nghut ri.  
\v 5 Yhang dông mai le, Yhâng myîng é matú le, ngamoq gi, byù myû chângjup mai byù ji yù mù, lumjíng hkyô lé châng nyì nhâng râ matú, jeju eq lagyo ayá lé wó hkam yù bê nghut lhê.  
\v 6 Nungmoq le, Yesuq Hkrisduq eq séng râ matú ji yù huî é bang má lòm bekô nghut ri. 
\p  
\v 7 Nga-nhúng é Îwa Garai Gasang eq Yhumsîng Yesuq Hkrisduq chyáng mâ é jeju eq nguingón hkyô gi, nungmoq chyáng ru joq nyî sháng gaq ô! 
\s1 Poluq, Romaq Myuq Má Ló Kum Nau É Hkyô 
\p  
\v 8 Nungmoq é lumjíng hkyô lé, mingkan gón má taî pyo ló bê nghut é yanmai, sâng-hi má, ngò gi, Yesuq Hkrisduq é myìng mai, nungmoq banshoq bâng é matú, ngá é Garai Gasang lé, jeju hkya-on lhê.  
\v 9 Ngá é kyûdung dang pé má, ngò, nungmoq lé hkâ-nhám le bûn nyi é hkyô lé, Yhâng é Yuqzô é hkyô gabú danglù lé hko kyô nyi é má, ngá é myit nhiklhum banshoq èq dojaú é Garai Gasang gi, ngá é saksé nghut lhê;  
\v 10 Garai Gasang ô nau é nghut jáng, hkâ-í a myáng má, ngò, nungmoq chyáng wó jé lé râ hkyô htong byi râ matú, ahkuî, ngò kyûdûng lhê. 
\p  
\v 11 Ngò gi, nungmoq lé, woi-nyí hkyô eq sêng é chyunghuq wó gâm byi mù, nungmoq lé wum-o wó lhoq kíng byi râ matú, nungmoq lé gyai yhang myàng nau nyi ri.  
\v 12 Haû su nghu é gi, nga-nhúng rayuq eq rayuq é lumjíng hkyô dông mai, nungmoq eq ngò, myit wum byî é hui râ matú nghut lhê.  
\v 13 Gumang wuì ê, ngò gi, haû tûngbaù pê chyáng mai ashi wó yu é eq rajung za, nungmoq chyáng mai le ashi wó yû râ matú, nungmoq chyáng lé jé râ nghû adàm dàm dâ wú é nghut kôlhang, ahkuî jé shoq hkûm tang pyám huî é hkyô lé, nungmoq lé sé nhâng nau ri. 
\p  
\v 14 Ngò gi, Grik pé lé le, Grik a nghut bang lé le, hpaqchyî bò bang lé le, hpaqchyî a bò bang lé le, chyîn dap to sû nghut lhê.  
\v 15 Haû nghut é yanmai, ngò gi, Romaq myuq mâ é bang nungmoq lé le, haû gabú danglù gyai yhang hko kyo nau nyi é nghut lhê. 
\p  
\v 16 Haû gabú danglù hkyô má, ngò gi, a hoq é nghut lhê; hkâsu mù gâ le, haû gi, sâng-hi má Yudaq byu pé, hau htâng tûngbaù pé má, lumjíng é sû yuq hkangmó lé hkyi yu é wó hui nhâng râ nghut é, Garai Gasâng é hpungwup a-tsam nghut lhê.  
\v 17 Hkâsu mù gâ le, lumjíng myit mai wó yû luî, lumjíng myit má gîng nyi é, Garai Gasâng chyáng mâ é dingmán hkyô lé gi, gabú danglù haú má hpông shit bê nghut ri. Haû gi, "Haû dingmán sû gi, lumjíng myit mai asak duì râ nghut lhê."\x + \xo 1:17 \xt Hbk 2:4\x* ga kâ tô é eq rajung za nghut ri. 
\s1 Xângzo Byu Pê Htoq Má Garai Nhikmo-yô É Hkyô 
\p  
\v 18 Haû tengmán hkyô lé, yhumsing é agè ashop hkyo èq zik hkûm pyâm é byu pê é agè ashop hkyô eq garai a bo é hkyô pé banshoq htoq má, mauhkûng mai Garai Gasâng é nhikmo-yo hkyô lé hpông shit bê nghut ri.  
\v 19 Haî mù gâ le, Garai Gasang gi, Yhang eq sêng é hkyô, yhangmoq lé san za tûn shit bê nghut é yanmai, Garai Gasang lé sé âng é hkyô gi, yhangmoq chyáng san za dut bê nghut ri.  
\v 20 Hkâsu mù gâ le, mau htoq xâng hkun mai, hpan tô é zè pé lé wú jáng, Yhâng é a byu-myang é isâm nghut é, ahtum abyuq é hpungwup a-tsam eq Garaî é myit sâmlai lé gi, san za wó myâng, wó sê gyô é nghut lhê. Haû mù luî, byu pé gi, mara mai wó he lut râ hkyô a joq lo nghut ri. 
\p  
\v 21 Haî mù gâ le, yhangmoq gi, Garai Gasang lé sê to kôlhang, Yhang lé Garai dông a shigyaú kô é eq, jeju a hkya-on kó nghut ri; yhangmoq myit é hkyô pé gi, akôm dut byuq é eq, nhik a gyîng é yhangmoq é myit nhiklhum gi, chut byuq bê nghut ri.  
\v 22 Yhangmoq gi, hpaqchyî bò bang nghut lhê ga kôlhang, a-ngok é bang dut byuq bekô nghut ri.  
\v 23 Haû mù, htên byoq a sê é Garai Gasâng é hpungwup shingkang lé, htên byoq sê é byù zòng, nghoq lhô, dusak lhô eq yê jung dusak lhô pê èq, htaî lhik pyám bekô nghut ri. 
\p  
\v 24 Hau é yanmai, Garai Gasang gi, yhangmoq é gungdu lé rayuq eq rayuq hpau a tap lhum kó râ matú, a sansêng é gungsho zùm-yap hkyô kut râ nghut é, yhangmoq é yut yut ô nau é i-myit má, yhangmoq lé ap pyám bê nghut ri.  
\v 25 Yhangmoq gi, haû Garai Gasâng é tengmán hkyô lé, mhaû é hkyo èq htaî lhik pyám kômù, hpân Sû lé noqkuq dojaú râ malaî, mhaú hkyô nghut é hpan tô é zè pé lé noqkuq mù, dojaú akô nghut ri. Hpân Sû haû gi, ahtum abyuq hkya-on hui sû nghut ri. Amen. 
\p  
\v 26 Haû nghut é yanmai, Garai Gasang gi, yhangmoq lé, ahoq ahî é yut yut ô naù hkyô má ap pyám bê nghut ri. Yhangmoq é myiwe wuì lháng gi, htûng akying lé tô pyám kômù, haû eq shai é dông htaî lhik pyâm nyi akô nghut ri.  
\v 27 Haû eq rajung za, yuqgè wuì le, myiwe wuì eq zum é htûng akying lé tô pyám kômù, rayuq eq rayuq, myi su nyé shoq yut yut ô nau lhum kômù, yuqgè yhangchang rayuq eq rayuq agot a-û hkyô kut shut lhum kôluî, yhangmoq kut shut é eq gingdán é yubak dam lé, yhumsing gùng yhumsîng hkam yù nyì bekô nghut ri. 
\p  
\v 28 Hau htoq agó, haû Garai Gasang lé sê é hkyô gi, akyû bo é a nghut ga yhangmoq myit yù kô é yanmai, a kut âng é hkyô kut nhâng râ matú, Garai Gasang gi, yhangmoq lé, htên byoq sê é myit má ap pyâm é nghut lhê.  
\v 29 Yhangmoq gi, agè agaú hkyô ajung jung, agè ashop hkyô, myoqnoq hkyô eq a jú lhûm é hkyô pé byíng jup tô é bang dut bekô nghut ri; manon é, byù sat é, mabyoq jishûm htoq é, mhaú zô é eq myit goí bo é pé le byíng bum ri.  
\v 30 Yhangmoq gi, lumu é bang, gansang é bang, Garai lé a jú é bang, byù rhoi é bang, nghutbûn é bang, gyáng é bang, agè ashop kut râ hkyô lhoq htoq é bang, mó wui é jìno a gyô é bang nghut akô.  
\v 31 Yhangmoq gi, a gying a hâng é bang, gidiq a zung é bang, chyit myit a bo é bang, shogyo nhikmyin a sê é bang nghut akô.  
\v 32 Haú pé lé kut é bang gi, shî gíng lhê gâ é, Garai Gasâng é dingmán tarâ joq é lé, yhangmoq sê to kôlhang, haú pé lé, yhangmoq xoq kut nyì kô é htoq agó, haú hkyô lé kut é bang lé le, hkya-on waq toq akô nghut ri. 
\c 2  
\s1 Garai Gasang Tarâ Jéyáng É Hkyô 
\p  
\v 1 Haû mù luî, góyuq lé tarâ jéyáng é sû nàng ê, nàng gi, mara mai wó he lut râ hkyô a joq lo; hkâsu mù gâ le, nàng yhang jéyáng nyî luî, mû haú pé lé, nàng kut nyi é yanmai, byù góbang lé jéyáng é hkûn, náng gûng nàng mara byî nyì bê nghut ri.  
\v 2 Haú dông kut nyi é bang lé, Garai Gasang gi, tengmán é dông tarâ jéyáng é lé, nga-nhúng sê nyi lhê.  
\v 3 Haû mù, byù za nghut to luî, góbang lé gi, jéyáng mù, yhumsîng gi, haú dông roq châng kut nyi é sû nàng ê, nàng gi, Garai Gasâng é tarâ jéyáng hkyô mai wó hpang lut râ su ngam nyi lhê lhú?  
\v 4 Haû a nghut jáng, nàng gi, Garai Gasâng é ge é hkyo èq nang lé myit wó shuî lhîng nhang é lé a sê é za, Yhâng é agùn agó é ge é hkyô lé le, myit hing é hkyô eq jân shirang é hkyô lé le, wú tiq pyâm nyi lhê lhú? 
\p  
\v 5 Nghut kôlhang, náng é myit htân hkyô eq myit a lhîng é nhiklhûm é yanmai, haû Garai Gasang dingmán é dông tarâ jéyáng shit râ nghut é, Yhâng é nhikmo-yô é buinyì má hkâm zo râ nhikmo-yo hkyô lé, yhumsing gùng yhang hkong tô nyì bê nghut ri.  
\v 6 Garai Gasang gi, yuq hkangmó lé, ó le ó kut é má cháng luî, hkâm zo nhâng râ nghut lhê.  
\v 7 Jân shirâng mù, ge é hkyô kut nyi é dông, hpungwup shingkang lé le, aróng eq htên byoq a sê é hkyô lé le, ho é bang lé, Yhang gi, ahtum abyuq é asak byi râ nghut lhê.  
\v 8 Nghut kôlhang, haû yhumsing wuízat hkyô za hô luî, tengmán hkyô lé he-ngik pyám mù, agè ashop hkyô lé cháng bâng é matú gi, nhikmo-yo hkyô eq nhikjum yo hkyô jé râ nghut lhê.  
\v 9 Wuîhke hkyô eq iyon yon hkyô gi, agè ashop kut é xângzo byù yuq hkangmó chyáng jé râ nghut lhê; sâng-hi má Yudaq byu pê chyáng jé mù, tûngbaù pê chyáng le jé râ nghut lhê.  
\v 10 Nghut kôlhang, hpungwup shingkang, aróng eq nguingón hkyô gi, haû ge é hkyô kut é bang yuq hkangmó chyáng jé râ nghut lhê: sâng-hi má Yudaq byu pê chyáng jé mù, tûngbaù pê chyáng le jé râ nghut lhê.  
\v 11 Hkâsu mù gâ le, Garai Gasang gi, myoqdong a hkyin é Sû nghut lhê. 
\p  
\v 12 Haû jep é tarâ lé a sê é mara kut shut é bang lhunglháng gi, jep é tarâ dông a nghut é za htên byoq kó râ nghut lhê. Haû jep é tarâ hkaû má mara kut shut é bang lhunglháng gi, jep é tarâ dông jéyáng é hui zo kó râ nghut lhê.\f + \fr 2:12 \ft Haû jep é tarâ lé a sê bang gâ é gi, tûngbaù pé lé gâ é nghut luî, haû jep é tarâ hkaû má é bang gâ é gi, Yudaq byu pé lé gâ é nghut lhê.\f* 
\v 13 Hkâsu mù gâ le, haû jep é tarâ lé wó gyô é bang lé, Garai Gasâng é hí má dingmán bang gâ é a nghut é za, jep é tarâ lé châng kut é bang za sheq, dingmán bang gâ é hui râ nghut lhê.  
\v 14 Haû jep é tarâ lé a wó é tûngbaù pé gi, jep é tarâ hkyô lé, yhang baú yhang châng nyì kô é hkûn, jep é tarâ lé a wó kôlhang, yhumsing gùng yhumsing é matú tarâ dut bekô nghut ri.  
\v 15 Yhangmoq gi, haû jep é tarâ hkyô pé lé, yhangmoq é i-myit unghkaû má kâ to bê nghut é lé, tûn shit bekô nghut mù, yhangmoq é myit má hkâm zô é hkyô le, haú lé saksé hkám byî nyi é eq, yhangmoq myit é hkyô gi, ahkuî mara hun kat, ahkuî mara hkyut kat kut nyi ri.  
\v 16 Haú hkyô gi, ngò taî pyo é gabú danglù eq rajung za, byu pê é zaú nghop tô é hkyô pé lé, Hkrisduq Yesuq dông mai Garai Gasâng èq tarâ jéyáng é buinyì má dut râ nghut lhê. 
\s1 Yudaq Byu Pé Eq Jep É Tarâ 
\p  
\v 17 Nghut kôlhang, nàng gi, náng gûng nàng Yudaq byù rayuq nghut lhê ga mù, haû jep é tarâ lé lumhkau nyi é eq Garai Gasang lé xoq é hkyô má nghutbûn nyi é sû;  
\v 18 Yhâng ô nau é hkyô lé sê é eq haû jep é tarâ mhoqshit é hkyô wó yû bê nghut é yanmai, je ahkyak é hkyô lé sê gàm hkoq é sû;  
\v 19 haû jep é tarâ má, hpaqchyî eq tengmán hkyo é alik wó sû nghut é yanmai, haû myoqjit bâng é matú hkyô-u shê sû eq mauchut hkaû mâ é bâng é matú maubó nghut sû;  
\v 20 byù ngok pé lé mhoqshit sû eq zoshâng wui é sará nghut sû nghut é lé, sê gyô to sû nghut é nghut le gi,  
\v 21 nàng, góbang lé mhoq byi sû nhîng, yhumsing gùng yhumsîng a mhoq yû lhú? A wó hkau ga hko taí luî nhîng, nàng gi, hkaû lhê a nghut lhú?  
\v 22 Su-myi sulàng lú hkyô a wó kut ga byu pé lé taí luî nhîng, nàng gi, su-myi sulàng lú hkyô kut lhê a nghut lhú? Hparà lhô lé a jú dik sû nàng gi, noqkuq yhûm lé hpyoq zo hpyoq shuq nyi lhê a nghut lhú?  
\v 23 Jep é tarâ eq séng luî nghutbun sû nàng gi, haû jep é tarâ lé lu laî é dông, Garai Gasang lé a hkungga kut lhê a nghut lhú?  
\v 24 Haû gi, "Garai Gasâng é myìng gi, nungmoq é yanmai, tûngbaù pê chyáng lhoq hpoî pyâm é huî ri."\x + \xo 2:24 \xt Esai 52:5\x* ga kâ tô é eq rajung za nghut ri. 
\p  
\v 25 Haû jep é tarâ lé nàng châng é nghut jáng, ahpyo-kuq hpyit hkyô gi, akyû bò bê nghut ri. Nghut kôlhang, nàng, jep é tarâ lé lu laî é nghut jáng, a hpyit é eq rajung za dut bê nghut ri.  
\v 26 Ahpyo-kuq a hpyit kôlhang, jep é tarâ hkyô pé lé châng é bang lé gi, ahpyo-kuq hpyit bê bang dông ge són byi lhê a nghut kó lhú?  
\v 27 Kâ tô é tarâ lé wó mù, ahpyo-kuq hpyit hkam to gù nghut é, tarâ lu laî é sû nàng lé, gungsho má ahpyo-kuq a hpyit kôlhang, jep é tarâ lé châng é sû gi, mara hûn râ nghut lhê. 
\p  
\v 28 Hkâsu mù gâ le, shinggan má za Yudaq byù nghut é sû gi, Yudaq byù kyîng a nghut; gungsho má za ahpyo-kuq hpyit é gi, ahpyo-kuq hpyit kyîng a nghut.  
\v 29 Ahte myit hkaû má Yudaq byù nghut sû za, Yudaq byù kyîng nghut lhê. Kâ tô é tarâ dông a nghut é za, Woi-nyí èq myit má ahpyo-kuq hpyit é gi, ahpyo-kuq hpyit kyîng nghut bê. Haú yuq é hkya-on kungtôn hkyô gi, byù mai lo é a nghut, Garai mai lo é ru nghut lhê. 
\c 3  
\s1 Garaî É Lhumzui Hkyô 
\p  
\v 1 Haú dông ga jang, Yudaq byù rayuq dut nyi é gi, hai akyû hkâm zo râ lhú? Ahpyo-kuq hpyit hkyô gi, hai akyû bò râ lhú?  
\v 2 Hkyô hkangmó má gyai akyû bò lhê! Je hí má gi, haû Garai Gasâng é mungdang lé yhang, yhangmoq lé ap byi bê nghut ri. 
\p  
\v 3 Yhangmoq mâ é ra-am lumjíng myit a bo é nghut le gi, hkâsu kó lhú? Yhangmoq lumjíng myit a bo é yanmai, Garai Gasâng é lhumzui hkyô lé akyû a bò nhâng wó dut râ lhú?  
\v 4 Hká dông le a wó dut! 
\q1 "Haû mù, nàng dang taî é hkûn, dingmán é hkyô wó lhoq htoq râ eq, 
\q2 nàng jéyáng huî é hkûn, ûng râ nghut lhê."\x + \xo 3:4 \xt Hkya-on 51:4\x* 
\m ga kâ tô é eq rajung za, byù yuq hkangmó gi, byù-mhaú dut kôlhang, Garai Gasang gi, tengmán nyî sháng gaq. 
\p  
\v 5 Nghut kôlhang, nga-nhûng é a dingmán hkyô gi, Garai Gasâng é dingmán hkyô lé san za je lhoq htoq shit é nghut lhê; haû nghut jáng, nga-nhúng hkâsu nghû taí râ lhú? Nga-nhúng lé Garai Gasang nhikmo-yô é hkyô gi, Yhang a tarâ mù nghut lhê lhú? (Ngò gi, byù hkyam dông taî htîng é nghut lhê.)  
\v 6 Ratsuí lháng a nghut! Haû su ru nghut le gi, haû mingkan lé, Garai Gasang hkâsu wó jéyáng râ lhú?  
\v 7 Rayuq yuq, "Ngò mhaû é hkyô gi, Garai Gasang tengmán é hkyô lé lhoq ko jat mù, Yhâng é hpungwup shingkang lé je wó lhoq hu nhang é nghut le nhîng, haî mù luî, ngò, yubak byù rayuq dông mara byî é hui zô nyì ra shirâ lhú?" ga taî dang-rháng râ nghut lhê.  
\v 8 "Ge é hkyô htoq sháng gaq, nga-nhúng, agè ashop hkyô kut sháng." nghû haî mù a taí kô é lhú? Dang haû lé ngamoq taî é nghut lhê ga luî, ngamoq lé lumù gansang é dông byù ra-am taî akô. Haú bang gi, mara dam byî é hui zo gíng bang nghut akô. 
\s1 Dingmán Byù A Nyì 
\p  
\v 9 Haû jáng, hkâsu nghû lo râ lhú? Nga-nhúng gi, je gè bang nghut lhê lhú? Ratsuí lháng a nghut. Yudaq byù nghut nghut, tûngbaù pé nghut nghut, yubak mara hkaû mâ é bang chyat nghut lhê nghû, ngamoq taî san kyô wú bê nghut lhê.  
\v 10 Chyúmdang má kâ tô é le, 
\q1 "Dingmán é byù a nyì, rayuq lháng a nyì nghut ri; 
\q1  
\v 11 Sê gyô é byù rayuq le a nyì, Garai Gasang lé ho é byù le a nyì nghut ri; 
\q1  
\v 12 Lhunglháng bang gi, lhing ló byuq bekô; yhangmoq gi, hpau a dap bang chyat dut byuq bekô nghut ri. 
\q1 Ge é kut sû ó a nyì, rayuq lháng a nyì nghut ri."\x + \xo 3:12 \xt Hkya-on 14:1-3\x* 
\m gâ ri. 
\q1  
\v 13 "Yhangmoq é hkyung gi, hpông tô é lup pé nghut akô; yhangmoq é shô gi, mhaû akô."\x + \xo 3:13 \xt Hkya-on 5:9\x* 
\q1 "Yhangmoq é nhutwuî pé má gi, shîduq bò lhangmuì é duq dap bum ri."\x + \xo 3:13 \xt Hkya-on 140:3\x* 
\m gâ tô ri. 
\q1  
\v 14 "Yhangmoq é nhut pé gi, nhing myíng nhing htê eq myit nò danghko baú byíng zan tô ri."\x + \xo 3:14 \xt Hkya-on 10:7\x* 
\m gâ tô ri. 
\q1  
\v 15 "Yhangmoq é hkyî pé gi, byù sat sui lhoq htoq râ matú, lawán nau akô; 
\q1  
\v 16 Yhangmoq sô nyi é hkyô pé gi, htên byoq é eq wuîhkê é ahkô tông tô é nghut mù, 
\q2  
\v 17 nguingón é hkyô lé gi, yhangmoq a sé kó nghut ri."\x + \xo 3:17 \xt Esai 59:7-8\x* 
\m gâ tô ri. 
\q1  
\v 18 "Yhangmoq é myoq hí má Garai Gasang lé gyuq hkunggâ é hkyô, a bò kó nghut ri."\x + \xo 3:18 \xt Hkya-on 36:1\x* 
\m gâ tô ri. 
\p  
\v 19 Byù yuq hkangmó é nhut gi, tû taí jang a joq dut byuq mù, mingkan gón gi, Garai Gasâng é hí má mara bo é bang dut nyì sháng gaq ga, haû jep é tarâ má taî é lhunglháng gi, jep é tarâ ô má nyi é bang lé taî é nghut é hkyô lé, nga-nhúng sê lhê.  
\v 20 Haû mù luî, jep é tarâ lé châng é dông mai, ó yuq le, Yhâng é hí má dingmán sû gâ é wó hui râ a nghut; jep é tarâ dông gi, yubak mara bo é hkyô lé wó sê yu é za nghut lhê. 
\s1 Lumjíng Jáng, Dingmán Sû Wó Dut É Hkyô 
\p  
\v 21 Ahkuî kúm gi, jep é tarâ dông a nghut é za, haû jep é tarâ eq myiqhtoi laiká pé mai saksé hkâm tô é Garai Gasâng chyáng mâ é dingmán hkyô lé, sé nhâng bê nghut ri.  
\v 22 Garai Gasâng chyáng mâ é dingmán hkyô haû gi, Yesuq Hkrisduq lé lumjíng é dông mai nghut mù, lumjíng bang banshoq htoq má jé é nghut lhê. Gamhkuî é hkyô a joq.  
\v 23 Hkâsu mù gâ le, lhunglhâng bang gi, yubak mara kut shut bê bang chyat nghut mù, Garai Gasâng é hpungwup shingkang lé a hkyit hkap byuq lo kó nghut ri.  
\v 24 Ahkuî kúm gi, Hkrisduq Yesuq mai lo é hkyi yù hkyô dông, Garai Gasâng é jejû èq, mara hkyut san byî é laí laí wó hui bê nghut ri.  
\v 25 Garai Gasang gi, Yesuq é sui lé lumjíng bâng matú, shîhtaí gunglik hkungga ralhum dông, Yesuq lé byî pyám bê nghut ri. Haû gi, laî lò bê yubak mara lé lhut pyám byi shoq, Garai Gasang myit hîng byi bê nghut é yanmai, Yhâng é tengmán hkyô lé tûn shit é nghut ri.  
\v 26 Garai Gasang haû su kut é gi, Yhânggùng yhang dingmán Sû nghut é eq, Yesuq lé lumjíng é sû lé mara hkyut san byî é Sû nghut râ matú, ahkuî lhê ipyat má, Yhâng é tengmán hkyô lé shit byî é nghut lhê. 
\p  
\v 27 Haû su nghut jáng, nghutbun jowò joq ri lhú? A joq. Hai tarâ mai a joq dut byuq é lhú? Haû jep é tarâ châng é yanmai nghut lhê lhú? A nghut, lumjíng hkyo é yanmai sheq a joq dut byuq é nghut lhê.  
\v 28 Hkâsu mù gâ le, byù gi, haû jep é tarâ châng é dông a nghut é za, lumjíng luî, mara hkyut san byi huî é hkyô lé, ngamoq lum nyi lhê.  
\v 29 Garai Gasang gi, Yudaq byu pê é Garai Gasang za nghut lhê lhú? Tûngbaù pê é Garai Gasang le a nghut lhú? Nghut lhê, tûngbaù pê é Garai Gasang le nghut lhê.  
\v 30 Hkâsu mù gâ le, Garai Gasang gi, rayuq za nghut é yanmai, rajung za lumjíng luî, ahpyo-kuq hpyit hkam é bang lé le, ahpyo-kuq a hpyit é bang lé le, Yhang, mara hkyut san byi râ nghut lhê.  
\v 31 Haû nghut jáng, nga-nhúng gi, lumjíng myit hau èq, jep é tarâ lé lhoq hpoî pyám râ lhú? Ratsuí lháng a nghut! Nga-nhúng gi, jep é tarâ haû lé lhoq ging tîng é bang ru nghut lhê. 
\c 4  
\s1 Abraham, Mara Hkyut San Huî É Hkyô 
\p  
\v 1 Haû su nghut jáng, nga-nhúng é îchyí îwa Abraham gi, haú hkyô mai haî wó sê yu ri nghû, taí râ lhú?  
\v 2 Abraham gi, zui saî é dông mai, mara hkyut san byi huî é ru nghut le gi, yhang nghutbun jang joq râ nghut lhê; nghut kôlhang, Garai Gasâng é hí má gi, yhang haú dông a nghut.  
\v 3 Chyúmdang má hkâsu gâ tô ri lhú gâ le, "Abraham gi, Garai Gasang lé lumjíng bê nghut mù, yhang lé, dingmán sû ga són byi bê nghut ri."\x + \xo 4:3 \xt Apûn 15:6,22\x* gâ ri. 
\p  
\v 4 Zui saî é sû gi, yhâng é zuihpau lé, chyunghuq dông wó yu é a nghut é za, wó yû gíng luî, wó yu é ru nghut lhê.  
\v 5 Nghut kôlhang, zui saî é hkyô dông a nghut é za, haû agè ashop hkyô lé mara hkyut san byî é Garai Gasang lé lumhkau é sû gi, yhâng é lumjíng myit é yanmai, dingmán sû ga són byi huî é nghut lhê.  
\v 6 Haû eq rajung za, yhang zui saî é hkyô dông a nghut é za, Garai Gasâng èq dingmán sû ga són byi huî é, Garai Gasâng chyáng mâ é shimân jeju wó é sû eq séng luî, Dawiq taî é gi, 
\q1  
\v 7 "Tarâ lu laî é lé mara hkyut pyám byi huî é eq yubak mara lé nghop pyám byi huî é bang gi, hkungsô wó nyi ri. 
\q1  
\v 8 Bo tô é mara lé, Yhumsing èq mara a són byî é hui sû gi, hkungsô wó nyi ri."\x + \xo 4:8 \xt Hkya-on 32:1-2\x* 
\m gâ ri. 
\p  
\v 9 Haû sû é jeju gi, ahpyo-kuq hpyit hkâm bâng é matú za nghut lhê lhú? Ahpyo-kuq a hpyit bâng é matú le nghut lhê lhú? Hkâsu mù gâ le, Abraham é lumjíng myit lé, dingmán sû ga són byi bê nghut lhê nghû, ngamoq taî nyì bê nghut lhê.  
\v 10 Haû su són byî é gi, hkâ-nhám nghut lhê lhú? Ahpyo-kuq hpyit hkâm é htâng má lhú? A nghut jáng, hí má lhú? Haû gi, ahpyo-kuq hpyit hkâm é htâng má a nghut é za, hí má ru nghut lhê.  
\v 11 Hau htoq agó, Abraham gi, yhang, ahpyo-kuq hpyit a hkam yù shî é hkûn mai, lumjíng luî wó é dingmán hkyô gâ é dizik nghut é, ahpyo-kuq hpyit masat lé myang hkam yù bê nghut ri. Haû mù, yhang gi, haû ahpyo-kuq hpyit a hkam yù kôlhang, lumjíng é lhunglhâng bang lé dingmán bang ga són byî é wó hui râ matú, haú bâng é îwa dut bê nghut ri.  
\v 12 Haû ahpyo-kuq hpyit hkâm é za a nghut, nga-nhûng é îwa Abraham, ahpyo-kuq hpyit a hkam yù shi má wó é lumjíng hkyo é hkyî-kám lé cháng luî ahpyo-kuq hpyit bâng é îwa le, yhang nghut ri. 
\p  
\v 13 Mingkân é amyû hkûng xoq pé dut râ ga, Abraham eq yhâng é awut ashín pé lé byi tô é danggidiq gi, jep é tara é yanmai a nghut é za, lumjíng hkyô mai lo é dingmán hkyô dông ru nghut lhê.  
\v 14 Hkâsu mù gâ le, jep é tarâ dông nyì yap é bang gi, amyû hkûng xoq pé nghut é nghut jáng, lumjíng hkyô gi, akyû a bo é eq, danggidiq gi, hpau a dap é dut byuq lhê.  
\v 15 Haû jep é tarâ gi, nhikmo-yo hkyô lhoq htoq é nghut lhê; nghut kôlhang, jep é tarâ a joq jáng gi, tarâ lu lai hkyô le joq râ a nghut. 
\p  
\v 16 Haû mù luî, danggidiq gi, Abraham é awut ashín lhunglháng bâng chyáng, jeju mai za lo é eq gingtîng nyi é dut sháng gaq ga, lumjíng hkyô mai lo é nghut lhê. Haû gi, jep é tarâ má lòm bâng é matú baú za a nghut, Abraham é lumjíng hkyô má lòm bâng é matú le nghut lhê. Abraham gi, nga-nhúng lhunglhâng bâng é îwa nghut ri.  
\v 17 "Ngò gi, nang lé, byù myû myo myô é îwa dut nhâng bê."\x + \xo 4:17 \xt Apûn 17:5\x* ga kâ tô é eq rajung za, haû shi byuq bê bang lé wó lhoq dui é eq a joq wú é zè lé joq shoq wó kut é, yhang lumjíng é sû Garai Gasâng hí má, Abraham gi, nga-nhûng é îwa nghut lhê. 
\p  
\v 18 "Náng é awut ashín pé le, haû eq rajung za myô lò râ nghut lhê."\x + \xo 4:18 \xt Apûn 15:5\x* ga yhang lé taî kyô to bê eq rajung za, yhang gi, myit myoqbyù jowò haî a joq kôlhang, lumjíng luî myoqbyu nyi é nghut mù, byù myû myo myô é îwa dut bê nghut ri.  
\v 19 Yhang gi, rashô zàn kô jé byuq bê nghut mù, yhânggùng gi, shi é gyá dut é hui zô é eq Sarah é zoyhûm shibó le shum byuq kôlhang, yhang gi, lumjíng myit a yom byuq nghut ri.  
\v 20 Hau htoq agó, Garai Gasâng é danggidiq eq séng luî, a lumjíng a dut é eq hê myit mhô myit a dut é za, yhâng é lumjíng myit lé saî lhoq ging tíng mù, Garai Gasang lé hkya-on kungtôn luî,  
\v 21 Garai Gasang gi, Yhang byî tô é danggidiq eq rajung za wó kut râ a-tsam bò sû nghut é lé, yhang myit zing nyi ri.  
\v 22 Hau é yanmai, "Yhang lé, dingmán sû ga són byi bê nghut ri."\x + \xo 4:22 \xt Apûn 15:6\x* gâ tô é nghut lhê.  
\v 23 "Yhang lé, són byi bê." ga, kâ tô é dang gi, yhang é matú za a nghut,  
\v 24 nga-nhûng é Yhumsîng Yesuq lé, shi é mai lhoq dui toq yû sû Garai Gasang lé lumjíng luî, Yhang èq dingmán bang ga són byi râ nghut é, nga-nhûng é matú le nghut lhê.  
\v 25 Yhumsîng Yesuq gi, nga-nhûng é yubak marâ é matú, shî hkám byi râ dông ap pyâm é hui luî, nga-nhúng, mara hkyut san byî é hui râ matú, lhoq dui toq é hui bê nghut ri. 
\c 5  
\s1 Nguingón Hkyô Eq Gabú Hkyô 
\p  
\v 1 Haû mù luî, nga-nhúng gi, lumjíng é dông mai mara hkyut san byî é hui bê nghut é yanmai, nga-nhûng é Yhumsîng Yesuq Hkrisduq dông, Garai Gasang eq buinùm wó xoq yû bê nghut lhê.  
\v 2 Yesuq é yanmai, nga-nhúng gi, ahkuî wó yu to bê jeju shî má, lumjíng luî wó wâng bê nghut mù, Garai Gasâng é hpungwup shingkang lé myoqbyù luî gabú gumrong nyi lhê.  
\v 3 Haû za a nghut, nga-nhúng gi, wuîhke jamjau hkyô pé má le gabú gumrong nyi lhê. Hkâsu mù gâ le, wuîhke jamjau hkyô gi, hkam jan hkyô lhoq htoq ri;  
\v 4 hkam jan hkyô gi, myit a-tsam lhoq htoq lhê; myit a-tsam gi, myoqbyu to hkyô lhoq htoq é lé, nga-nhúng sê lhê.  
\v 5 Myoqbyu to hkyô haû gi, nga-nhúng lé myit wum gyui nhang é a nghut; hkâsu mù gâ le, Garai Gasang gi, Yhâng é chyitdap myit lé, Yhang mai, nga-nhúng lé byî tô é Chyoiyúng Woi-nyí dông, nga-nhûng é i-myit unghkaû má hut kat byi bê nghut ri. 
\p  
\v 6 Hkâsu mù gâ le, nga-nhúng gi, a-tsam a bò dut tô ashî u lé, ahkyíng hkyak má yhang, Hkrisduq gi, yubak dap bang nghut é nga-nhûng é matú shî hkám byi bê nghut ri.  
\v 7 Gè gè ga jáng, dingmán su é matú shî hkám byi râ byù gi, shau râ nghut lhê; nghut kôlhang, byù gè rayuq é matú kúm gi, wám shî hkâm é byù nyì sê lhê.  
\v 8 Nghut kôlhang, nga-nhúng gi, yubak dap bang nghut nyi ashî hkûn, nga-nhûng é matú Hkrisduq shî hkám byî é má, Garai Gasang gi, Yhâng é chyitdap myit, nga-nhúng lé shit byi bê nghut ri. 
\p  
\v 9 Nga-nhúng gi, ahkuî, Yhâng é sui mai mara hkyut san byî é hui bê nghut mù, Yhâng é yanmai, Garai Gasâng é nhikmo-yo hkyô mai, hkyi yu é je riyhang hui râ nghut lhê.  
\v 10 Hkâsu mù gâ le, nga-nhúng gi, Garai Gasâng é gyè pé nghut nyi ashî u le, Yhâng Zo shî hkám byî é dông, Garai Gasang eq buinùm wó xoq yu é hui bê nghut lhê. Wó xoq yu to bê nghut jáng, nga-nhúng gi, Yhâng é asak dông mai, gè gè yhang hkyi yu é hui râ nghut lhê.  
\v 11 Haû su za a nghut, nga-nhúng gi, nga-nhûng é Yhumsîng Yesuq Hkrisduq dông mai, buinùm wó xoq yu é jeju lé, ahkuî wó yu to bê nghut mù, Yhâng é yanmai, Garai Gasang má le, gabú gumrong nyi lhê. 
\s1 Shi É Gi, Adam É Yanmai, Dui É Asak Gi, Hkrisduq É Yanmai 
\p  
\v 12 Byù rayuq dông mai, yubak mara gi, mingkan má jé wâng bê nghut luî, shî-nò hkyô gi, yubak marâ é yanmai châng jé bê nghut ri; haú dông mai, byù lhunglhâng bang gi, yubak dap bang chyat nghut byuq mù, shî-nò hkyô gi, byù lhunglháng bâng chyáng jé bê nghut ri.  
\v 13 Hkâsu mù gâ le, haû jep é tarâ lé a byi shimá, yubak mara gi, mingkan má joq to bê nghut lhê. Nghut kôlhang, jep é tarâ a joq shî é hkûn gi, yubak mara lé mara su a ngàm shî é nghut lhê.  
\v 14 Haû su ga kôlhang, Adam su hkunmó lé lu laî é dông mara a kut shut bâng é ahtoq má lháng, shî-nò hkyô gi, Adâm é ipyat mai Mosheq é ipyat jé shoq up nyì bê nghut ri. Adam gi, jé lé lò râ su é azòng nghut ri. 
\p  
\v 15 Nghut kôlhang, jeju chyunghuq gi, haû mara kut shut é hkyô su a nghut; hkâsu mù gâ le, mara kut shut é byù rayuq é yanmai, byù myo myo shi pyâm é nghut le gi, Garai Gasâng jeju eq Yesuq Hkrisduq gâ é byù rayuq é jeju mai lo é chyunghuq gi, byù myo myô é htoq má hkâ-í yhang byíng mui nyi ri-nhung!  
\v 16 Garai Gasâng jeju chyunghuq gi, byù rayuq kut é yubak mara su a nghut; hkâsu mù gâ le, tarâ jéyáng é hkyô gi, byù rayuq é mara má cháng mù, mara dam byî é hkyô lhoq htoq é nghut lhê; nghut kôlhang, jeju chyunghuq gi, tarâ lu lai bang myo myo má cháng mù, mara hkyut san byi hkyô lhoq htoq é nghut lhê.  
\v 17 Hau htoq agó, byù rayuq tarâ lu lai luî, haû rayuq é yanmai, shî-nò hkyô up nyì bê nghut lhê, ahkuî kúm, haû Garai Gasâng é agùn agó shimân jeju eq dingmán hkyo é chyunghuq lé hap yu é bang gi, Yesuq Hkrisduq gâ é byù rayuq dông mai, je riyhang asak duì hkyô má uphkang nyì kó râ nghut lhê. 
\p  
\v 18 Haû mù luî, tarâ lu laî é hkyô ralhûm é yanmai, byù lhunglhâng bang gi, mara dam byî é hui zo kô é su, dingmán hkyo é muzó ralhûm é yanmai, byù lhunglhâng bang gi, asak duì hkyô eq sêng é mara hkyut san byi hkyô lé wó bê nghut ri.  
\v 19 Hkâsu mù gâ le, byù rayuq jìno a gyô é yanmai, myo myo gi, yubak dap bang dut byuq é su, byù rayuq jìno gyô é yanmai, myo myo gi, dingmán bang gâ é hui kó râ nghut lhê. 
\p  
\v 20 Haû jep é tarâ jat é gi, tarâ lu lai hkyô je myo râ matú nghut lhê. Nghut kôlhang, yubak mara myô jat é hkûn, jeju gi, je riyhang myô jat lo é nghut lhê.  
\v 21 Haû mù, yubak mara gi, shî-nò hkyô dông uphkâng bê su, jeju gi, nga-nhûng é Yhumsîng Yesuq Hkrisduq é yanmai, ahtum abyuq é asak wó byî é dingmán hkyô dông up râ nghut lhê. 
\c 6  
\s1 Hkrisduq Eq Rading Ralhum 
\p  
\v 1 Haû nghut jáng, nga-nhúng gi, hkâsu nghû taí râ lhú? Jeju myô jat lò sháng gaq nghû, nga-nhúng, yubak mara kut xoq nyì râ lhú?  
\v 2 Haû su a nghut sháng gaq! Nga-nhúng gi, yubak mara eq shi gang bê bang nghut lhê; hkâsu mù haú má wó dui nyi lo râ lhú?  
\v 3 Hkrisduq Yesuq eq rading ralhum za dut râ matú, wui-myhup hkâm yù bê bang nga-nhúng banshoq gi, Yhâng é shî hkám hkyô má le rading ralhum za dut râ matú, wui-myhup hkâm yù bê nghut é lé, nungmoq a sé kó lhú?  
\v 4 Haû mù luî, Hkrisduq gi, Îwâ é hpungwup shingkâng èq, shî bê mai lhoq dui toq huî é su, nga-nhúng le, asak asik dông wó dui nyì sháng gaq nghû, nga-nhúng gi, wui-myhup hkâm é dông, Yhang eq rahá, shî hkâm é eq myhup yhum é hui bê nghut lhê. 
\p  
\v 5 Nga-nhúng gi, Yhang shî hkám é hkyô má, Yhang eq rading ralhum za dut bê nghut jáng, Yhâng é dum dui toq hkyô má le, Yhang eq rading ralhum za hkyak dut râ nghut lhê.  
\v 6-7 Hkâsu mù gâ le, shî bê sû gi, yubak mara mai lhoq lhut é hui bê nghut é yanmai, nga-nhúng gi, yubak marâ é jùn dut nó a ra lo mù luî, yubak mara gùng gi, lhoq htên pyâm é hui râ matú, nga-nhûng é byù xau gi, Yhang eq rahá jén sat pyâm é hui bê nghut é hkyô lé, nga-nhúng sê lhê. 
\p  
\v 8 Haû mù, nga-nhúng gi, Yhang eq rahá shî hkám bê nghut jáng, Yhang eq rahá dui nyì râ nghut lhê nghû, lumjíng lhê.  
\v 9 Hkâsu mù gâ le, Hkrisduq gi, shî bê mai lhoq dui toq é hui bê nghut mù, Yhang gi, dum wó shi lo râ a nghut é lé, nga-nhúng sê lhê; shî-nò hkyô gi, Yhang lé hkâ-nhám le wó sing to râ a nghut lo.  
\v 10 Yhang shî hkâm é shî-nò hkyô gi, banshoq bâng é matú, yubak mara eq séng luî radàm za shî hkám byi bê nghut ri; nghut kôlhang, Yhang dui nyi é asak gi, Garai Gasâng hí má dui nyi é nghut lhê. 
\p  
\v 11 Haû eq rajung za, nungmoq gi, yubak mara eq shi gang luî, Hkrisduq Yesuq dông Garai Gasâng é matú asak dui nyi lhê nghû, sôn yù keq.  
\v 12 Haû mù luî, nungmoq é htên byoq sê é gungdu má, yubak mara lé hkâ-uphkâng nhâng, uphkâng nhâng kô é nghut jáng, gungdu yut yut ô nau é agè ashop hkyô lé, nungmoq châng é nghut bê.  
\v 13 Nungmoq é gungdu showui showang pé lé, agè ashop hkyo é chûng zè pé dông yubak mara má hkâ-ap byî pyám kó, shî bê mai lhoq dui toq yû huî é bang su, yhumsing gùng yhumsîng, Garai Gasâng chyáng kúm ap byi keq; nungmoq é gungdu showui showang pé lé, dingmán hkyo é chûng zè pé dông, Garai Gasâng chyáng ap byi keq.  
\v 14 Hkâsu mù gâ le, nungmoq gi, jep é tarâ hkaû má a nghut lô é za, jeju hkaû má nghut nyî bekô yanmai, yubak mara gi, nungmoq lé sîng sû wó dut râ a nghut lo. 
\s1 Dingmán Hkyo É Jùn Pé 
\p  
\v 15 Haû jáng gi, hkâsu kó lhú? Nga-nhúng gi, jep é tarâ hkaû má a nghut lo é za, jeju hkaû má nghut nyî bekô yanmai, mara wó kut shut kó râ lhú? Haû su a wó kut!  
\v 16 Nungmoq gi, rayuq yuq é jìno gyo râ matú, yhumsing gùng lé jùn pé dông ap pyâm é hkûn, shî-nò hui râ nghut é yubak marâ é jùn dông nghut kôlhang, dingmán hkyô wó râ nghut é jìno gyo hkyô nghut kôlhang, nungmoq châng nyi é nghut le gi, nungmoq, haû é jùn dut bê lé, a sé kó lhú?  
\v 17 Nungmoq gi, yubak marâ é jùn dut wú bê bang nghut kôlhang, nungmoq hkam yu to bê mhoqshit hkyô lé, nungmoq é myit nhiklhum banshoq èq cháng bekô nghut é yanmai, Garai Gasang lé jeju hkya-on sháng.  
\v 18 Nungmoq gi, yubak mara mai lhoq lhut é hui bang nghut kômù, dingmán hkyo é jùn dut bekô nghut ri. 
\p  
\v 19 Nungmoq gi, sê gyô é nyan má wum nyhôm é bang nghut kô é yanmai, byu pé sê gyo râ dông ngò taí râ ga jáng: nungmoq gi, nungmoq é gungdu showui showang pé lé, a sansêng é hkyô eq agè ashop hkyô myô jat nhang é má jùn dông lháng ap byî wú bekô nghut é su, ahkuî gi, chyoiyúng hkyô wó yû râ matú, haú pé lé, dingmán hkyô má jùn dông ap byi keq.  
\v 20 Nungmoq gi, yubak marâ é jùn dut nyì kô é hkûn, dingmán hkyo èq uphkang é mai lut nyì kô é nghut lhê.  
\v 21 Ahkuî, nungmoq hoqjung nghû wú htoq é pé gi, haú u lé, hai akyû wó yû kô é lhú? Hau pé gi, shi byuq é má htûm é chyat nghut ri.  
\v 22 Nghut kôlhang, ahkuî gi, nungmoq, yubak mara mai lhoq lhut é hui bekô nghut mù, Garai Gasâng é jùn dut bekô nghut ri; hau é akyû gi, chyoiyúng hkyô wó yu é nghut mù, ahtum abyuq é asak wó râ nghut lhê.  
\v 23 Hkâsu mù gâ le, yubak marâ é ahpau gi, shi é hkyô nghut ri; nghut kôlhang, Garai Gasâng é chyunghuq gi, nga-nhûng é Yhumsîng Hkrisduq Yesuq é yanmai, ahtum abyuq é asak nghut ri. 
\c 7  
\s1 Tarâ Mai Lut É Hkyô 
\p  
\v 1 Gumang wuì ê, ngò gi, tarâ lé sê é bang nungmoq lé taî nyi lhê: haû tarâ gi, byù rayuq lé, yhang, asak dui nyi é u lé za wó uphkang é lé, nungmoq a sé kó lhú?  
\v 2 Dangké, ikun wàng bê myiwe myhí rayuq gi, yhâng é yhumsîng hpó asak dui nyi é ahkyíng má, tarâ èq up zing tô é hui ri; nghut kôlhang, yhâng é yhumsîng hpó shi byuq é nghut jáng gi, haû ikun wàng tarâ mai, yhang wó lut bê nghut ri.  
\v 3 Haû nghut é yanmai, yhâng é yhumsîng hpó asak dui nyi ashî u lé, yuqgè góyuq eq hâng lhûm é nghut jáng gi, yhang lé, sulàng lú sû ga kó râ nghut lhê. Nghut kôlhang, yhâng é yhumsîng hpó shi byuq é nghut jáng gi, yhang, tarâ haû mai lut bê nghut luî, yuqgè góyuq eq hâng lhum kôlhang, sulàng lú sû a nghut lo. 
\p  
\v 4 Haû mù luî, ngá é gumang wuì ê, nungmoq le, haû shi byuq é mai lhoq dui toq yù hui bê sû Yuqgè chyáng wó xoq mù, nga-nhúng gi, Garai Gasang lé ashi wó zui byi sháng gaq ga, Hkrisduq é gungdu dông mai, jep é tarâ eq shi gang bê nghut lhê.  
\v 5 Hkâsu mù gâ le, nga-nhúng, yubak gungsho má nghut nyi é hkûn, nga-nhúng gi, shî-nò hkyo é ashi zui sháng gaq ga, jep é tarâ é yanmai htoq lo é yubak yut yut ô nau é hkyô gi, nga-nhûng é gungdu pé má mû zui nyi é nghut lhê.  
\v 6 Nghut kôlhang, ahkuî gi, nga-nhúng lé up zing tô é jep é tarâ eq shi gang bê nghut mû, jep é tarâ mai lut bê nghut é yanmai, kâ tô é hkyô xau dông a nghut é za, Woi-nyí é hkyô sik dông nga-nhúng dojaú nyi é nghut lhê. 
\s1 Jep É Tarâ Eq Yubak Mara 
\p  
\v 7 Haû jáng, nga-nhúng hkâsu taí râ lhú? Jep é tarâ gi, yubak mara nghut lhê lhú? Ratsuí lháng a nghut! Gè gè ga jáng, haû jep é tarâ dông mai za a nghut le, yubak mara lé, ngò wó sê é a nghut. Hkâsu mù gâ le, "myoqnoq myit hkâbô"\x + \xo 7:7 \xt Htoq Ló 20:17\x* ga jep é tarâ má a taî tô é nghut jáng, myoqnoq é hkyô lé, ngò sé râ a nghut.  
\v 8 Nghut kôlhang, yubak mara gi, hkunmó é ahkáng lé chûng mù, ngò má myoqnoq hkyô jung hkangmó lhoq htoq byî ri; hkâsu mù gâ le, jep é tarâ hkaû má a nghut jáng, yubak mara gi, shi é za nghut lhê.  
\v 9 Ngò gi, tarâ hkaû má a nghut é za asak dui wú bê nghut lhê; nghut kôlhang, haû hkunmó htoq lô jáng, yubak mara gi, dui lò mù, ngò gi, shî bê nghut lhê.  
\v 10 Haû mù luî, asak duì nhâng râ matú nghut é hkunmó haû gi, shî-nò hkyô dut byuq é lé, ngò wó sê é nghut lhê.  
\v 11 Hkâsu mù gâ le, yubak mara gi, hkunmó é ahkáng lé chûng mù, ngo lé mhaû yù luî, hau èq ngo lé shî nhang ri.  
\v 12 Hau pé lé wú jáng, jep é tarâ gi, chyoiyúng ri; haû hkunmó gi, chyoiyúng, dingmán é eq ge é nghut ri. 
\p  
\v 13 Haû nghut jáng, ge é hkyô haû gi, ngá é matú shî-nò hkyô dut byuq bê lhú? Haú dông a nghut! Nghut kôlhang, yubak mara lé gi, yubak mara dông hkyak wó lhoq htoq shit râ matú, haû ge é hkyô dông mai, yubak mara gi, ngò má shî-nò hkyô lhoq htoq bê nghut luî, yubak mara gi, gè gè yhang agè ashop dut é lé, hkunmó dông mai tûn shit é nghut lhê. 
\p  
\v 14 Hau htoq agó, jep é tarâ gi, woi-nyí eq sêng é hkyô nghut é lé, nga-nhúng sê lhê; nghut kôlhang, ngò má gi, gungsho eq sêng é hkyô za bo é nghut luî, yubak mara má jùn dông ung zô é hui bê nghut lhê.  
\v 15 Ngò haî kut nyi é hkyô lé, ngò a sé. Hkâsu mù gâ le, ngò kut nau é hkyô lé gi, a kut é za, ngò a jú é hkyô lé kut é yanmai nghut lhê.  
\v 16 Ngò a kut nau é lé kut é nghut jáng gi, haû jep é tarâ ge é lé, ngò myit huî é nghut lhê.  
\v 17 Ahkuî gi, haû lé ngò yhang kut nyi é a nghut lo, ngò má lúng tô é haû yubak sheq kut é ru nghut lhê.  
\v 18 Ngò má, nghut bê, ngá é yubak gungsho má ge é hkyô haî le a bo é lé, ngò sê lhê. Hkâsu mù gâ le, ge é hkyô lé kut nau é myit ngò má bò kôlhang, haû lé a wó kut htoq nghut ri.  
\v 19 Hau é yanmai, ngò kut nau é ge é hkyô lé gi, a kut é za, ngò a kut nau é agè ashop hkyô lé gi, ngò xoq kut nyi ri.  
\v 20 Ahkuî, a kut nau é hkyô lé ngò kut nyi é nghut jáng, haû lé ngò yhang kut nyi é a nghut lo é za, ngò má lúng tô é haû yubak sheq haû lé kut nyi é ru nghut lhê. 
\p  
\v 21 Haû mù, ge é hkyô lé ngò kut nau é hkûn, ngò má agè ashop hkyô htoq lô lô mù é tarâ lé, ngò myang ri.  
\v 22 Hkâsu mù gâ le, ngò gi, Garai Gasâng é tarâ lé, ngá é i-myit unghkaû má myit nguì gabú nyi lhê.  
\v 23 Nghut kôlhang, ngá é gungdu showui showang pé má bo é gotû tarâ gi, ngá é i-myit tarâ eq majan zân lhûm é nghut luî, ngá é gungdu showui showang hkaû má mû zui nyi é yubak é tarâ má, ngo lé shúmbyû dut nhang é lé, ngò myang ri.  
\v 24 Ngò gi, shogyo rayhup dut sû nghut ri-nhung! Shî nhang é gungdu shî mai, ó yuq wá, ngo lé wó hkyi yù râ lhú?  
\v 25 Nga-nhúng é Yhumsîng Yesuq Hkrisduq dông mai wó lut bê nghut mù, Garai Gasang lé jeju hkya-ôn nyi lhê! 
\p Haû mù luî, ngò yhang, myit é dông gi, Garai Gasâng é tarâ lé châng lhê, nghut kôlhang, yubak gungsho dông gi, yubak é tarâ lé châng lhê. 
\c 8  
\s1 Haû Woi-nyí Mai Asak Dui É Hkyô 
\p  
\v 1 Haû mù luî, ahkuî, Hkrisduq Yesuq má nghut nyî bâng é matú gi, mara byî é hkyô a joq lô é nghut lhê.  
\v 2 Hkâsu mù gâ le, asak duì hkyô eq sêng é Woi-nyí é tarâ gi, Hkrisduq Yesuq dông, yubak mara eq shî-nò hkyo é tarâ mai, ngo lé lhoq lhut yû bê nghut lhê.  
\v 3 Haû jep é tarâ gi, yubak gungshô é yanmai, wum nyhóm luî a wó kut é hkyô lé, Garai Gasang gi, yubak mara hkungga dut nhâng râ matú, yubak byu é gunghkyâng dông, Yhang Zo sîng lé nhang kat é dông kut pyám bê nghut ri.  
\v 4 Haû mù, Garai Gasang gi, yubak gungsho dông asak a dui é za Woi-nyí dông asak duì bang nghut é nga-nhúng má, haû jep é tarâ má bo é hkyô pé lé, wó lhoq dik râ matú, gungsho ralhum má, mara lé doqdân pyám bê nghut ri. 
\p  
\v 5 Haû yubak gungsho dông asak dui é bang gi, gungsho yut yut ô nau é hkyô pé lé myit zuq nyi akô; haû Woi-nyí dông asak dui é bang kúm gi, Woi-nyí ô nau é hkyô pé lé myit zuq nyi akô nghut ri.  
\v 6 Haû yubak byu é myit gi, shi é hkyô nghut ri; haû Woi-nyí èq hkang to huí su é myit kúm gi, asak eq nguingón hkyô nghut ri.  
\v 7 Haû yubak myit gi, Garaî é tarâ ô má a nyi é htoq agó, haú lé a wó cháng kut é yanmai, Garaî é gyè nghut ri.  
\v 8 Haû yubak gungshô èq hkang tô é hui bang gi, Garai Gasang lé a wó gabú nhâng kó nghut ri. 
\p  
\v 9 Nghut kôle, Garai Gasâng é Woi-nyí gi, nungmoq chyáng lúng nyî bê nghut jáng, nungmoq gi, haû yubak gungshô èq hkang to huî é bang a nghut lô é za, Woi-nyí èq hkang to huî é bang nghut akô. Rayuq yuq gi, Hkrisduq é Woi-nyí lé a wó é nghut jáng, Hkrisduq eq a sêng é sû nghut lhê.  
\v 10 Nghut kôlhang, nàng má Hkrisduq nyi nyi é nghut jáng, náng é gungdu gi, yubak marâ é yanmai shî kôlhang, náng é woi-nyí gi, dingmán hkyo é yanmai dui nyi ri.  
\v 11 Hau htoq agó, Yesuq lé shi é mai lhoq dui toq yû Su é Woi-nyí gi, nungmoq má nyi nyi é nghut jáng, Hkrisduq Yesuq lé shi é mai lhoq dui toq yû Sû gi, nungmoq má nyi nyi é, Yhâng é Woi-nyí dông mai, nungmoq é, shî sê é gungdu pé lé le, asak duì nhâng râ nghut lhê. 
\p  
\v 12 Haû mù luî, Gumang wuì ê, nga-nhúng gi, yubak gungsho dông asak duì râ matú, wò wó é bang a nghut.  
\v 13 Hkâsu mù gâ le, haû yubak gungsho dông asak duì kô é nghut jáng, nungmoq gi, shî râ nghut lhê; nghut kôlhang, haû gungshô é shut shaî hkyô lé, Woi-nyí èq sat pyám kô é nghut jáng, nungmoq gi, asak duì râ nghut lhê.  
\v 14 Garai Gasâng é Woi-nyí èq shuî u é hui bang gi, Garai Gasâng é yhangzô pé nghut lhê.  
\v 15 Hkâsu mù gâ le, nungmoq gi, gyuq râ matú, nungmoq lé jùn dum taû dut nhang é woi-nyí lé, a hap yu é za, nga-nhúng lé zo yín yu é Woi-nyí lé hap yu tô é bang ru nghut lhê; haû mù, nga-nhúng gi, Yhang é yanmai, "Aba,\f + \fr 8:15 \fq Aba \ft gâ é gi, Aramaik dang dông "âwa" gâ é lichyúm nghut lhê.\f* Âwa ê" nghû wut é nghut lhê.  
\v 16 Nga-nhúng gi, Garai Gasâng é yhangzô pé nghut é lé, Woi-nyí haû gi, nga-nhûng é woi-nyí eq rahá saksé hkâm nyi ri.  
\v 17 Ahkuî, nga-nhúng gi, zo wuî nghut bê yanmai, Hkrisduq eq rahá, Garai Gasâng é amyû hkûngxoq pé wó dut é nghut lhê. Nga-nhúng gi, Hkrisduq é wuîhke jamjau pé lé, gè gè yhang bo hui zô é nghut jáng, Yhâng é hpungwup shingkang lé le, bo myang hkam yù râ nghut lhê. 
\s1 Htângnùng Lhê É Hpungwup Shingkang 
\p  
\v 18 Nga-nhûng é ahkuî lhê é wuîhke jamjau hkyô pé gi, nga-nhúng lé shit râ nghut é hpungwup shingkang eq whuí râ a gingdán nghû, ngò wó myit ri.  
\v 19 Haû hpan to huî é lhunglháng gi, Garai Gasâng é yhangzô pé lé lhoq htoq shit byi râ lé, gyai yhang myit láng nyi akô nghut ri.  
\v 20 Hkâsu mù gâ le, haû hpan to huî é lhunglháng gi, akyû a bo é chyat dut byuq bê nghut ri. Haû gi, yhumsîng hkyin yu é dông a nghut é za, haû su dut nhâng Sû ô nau é dông kut é nghut ri.  
\v 21 Haû hpan to huî é lhunglháng gi, htên byoq byuq râ matú shúm dut é mai lhoq lhut é hui luî, Garai Gasâng é yhangzo pê é hpungwup bo é luthkyô má wó wâng râ matú, myoqbyu tô é nghut lhê. 
\p  
\v 22 Haû hpan to huî é lhunglháng gi, ahkuî hkyíng jé shoq, zohkû-nò no é su nò-kying kyîng nyì kô é lé, nga-nhúng sê lhê.  
\v 23 Haû pé za a nghut, Woi-nyí é sâng-hi ashi\f + \fr 8:23 \fq Woi-nyí é sâng-hi ashi \ft gâ é gi, Woi-nyí gi, Garai Gasang byî é chyunghuq pé mâ é sâng-hi lhum nghut lhê.\f* lé wó yû bê bang nga-nhúng le, zo pé dông yín yu é jeju lé láng uchyang, i-myit unghkaû má nò-kying kyîng é nghut lhê. Zo pé dông yín yu é jeju haû gi, nga-nhûng é gungdu hkyi xe yù hkyô nghut lhê.  
\v 24 Hkâsu mù gâ le, nga-nhúng gi, myit myoqbyù hkyô haû mai hkyi yu é hui bê nghut lhê. Nghut kôlhang, byu-myang é lé myit myoqbyu é gi, myit myoqbyu é hkyô ratsuí le a nghut. Yhumsîng myang to bê é lé, ó yuq wá myit myoqbyù shirâ lhú?  
\v 25 Nghut kôlhang, nga-nhúng gi, a wó shî é lé myit myoqbyu é nghut jáng, myit hîng hîng kut láng é nghut lhê. 
\p  
\v 26 Haû eq rajung za, Woi-nyí gi, nga-nhúng wum nyhôm é hkyô má garúm byî ri. Nga-nhúng gi, haî dung râ é lé a sé kôlhang, haû Woi-nyí yhang gi, dang mai a wó taî htoq é nò-kying htê dông, nga-nhûng é matú bo dûng xoq byî ri.  
\v 27 Nga-nhûng é i-myit unghkaû lé gôn wú é Sû gi, haû Woi-nyí myit é hkyô lé sê lhê, hkâsu mù gâ le, haû Woi-nyí gi, Garai Gasang ô nau é dông, sân-yúng bâng é matú bo dûng xoq byî ri. 
\s1 Banshoq Lé Je Wó Ung Pyám Râ Hkyô 
\p  
\v 28 Garai Gasang gi, Yhang myit sôn tô é eq rajung za, ji yù luî, Yhang lé chyitdap bâng é matú, lhunglháng lé ge é dông chyat kut é hkyô lé, nga-nhúng sê lhê.  
\v 29 Hkâsu mù gâ le, Yhang Zo gi, gumang wuì myo myo má zomún dut sháng gaq ga, Garai Gasang gi, hí te sê tô é bang lé, Yhang Zô é sâmlai eq wó pûng nhâng râ matú, hí mai masat to bê nghut ri.  
\v 30 Hau htoq agó, Yhang, hí mai masat to bê bang lé gi, ji yu ri; ji yù bê bang lé gi, mara hkyut san byî ri; mara hkyut san byî é hui bang lé gi, hpungwup shingkang bò nhang ri. 
\p  
\v 31 Haû jáng gi, shí hkyô eq séng luî, nga-nhúng haî taí shirâ lhú? Garai Gasang gi, nga-nhûng hkyam shut nghut jáng, nga-nhúng lé, ó yuq wá gyè wám kut râ lhú?  
\v 32 Yhumsing é Yhangzo lé lháng a ha bûn é za, nga-nhúng banshoq bâng é matú ap byî pyâm é Sû gi, Yhang lé le, lhunglháng lé le, rahá laí laí byi râ a nghut lhú?  
\v 33 Garai Gasâng èq hkyin yu to bê bang lé, ó yuq wá mara wó hûn râ lhú? Garai Gasang gi, mara hkyut san byi Sû nghut ri.  
\v 34 Hkrisduq Yesuq gi, shî hkám luî, shî hkâm é htoq agó, shi é mai lhoq dui toq yu é hui mù, Garai Gasâng é loqyo hkyam má nghut nyî luî, nga-nhûng é matú bo dûng xoq byî nyì bê nghut é yanmai, ó yuq wá mara wó byi râ lhú?  
\v 35 Hkrisduq é chyitdap myit mai, nga-nhúng lé, hai eq wá wó lhoq kang râ lhú? Gunjang huî é hkyo èq luq? Wuîhke huî é hkyo èq luq? Zing-ri huî é hkyo èq luq? Mutmó huî é hkyo èq luq? Gùng chîn dut huî é hkyo èq luq? Gyuq jung èq luq? Sham èq luq?  
\v 36 Haû gi, 
\q1 "Náng é yanmai, ngamoq, nyí wuî sat pyâm é huî nyi ri; 
\q2 sat râ matú nyhi tô é sau pé lé su, ngamoq lé myit pyâm akô."\x + \xo 8:36 \xt Hkya-on 44:22\x* 
\m ga kâ tô é eq rajung za nghut ri.  
\v 37 A wó lhoq kang; nga-nhúng lé chyitdap Su é yanmai, nga-nhúng gi, haú pé banshoq lé je wó ung pyâm é nghut lhê.  
\v 38 Hkâsu mù gâ le, shî kôlhang, byùn kôlhang, maumang lagyô pé nghut kôlhang, agè ashop é nat pé nghut kôlhang, shí ipyat nghut kôlhang, htang pyat nghut kôlhang, haí jung a-tsam pé nghut kôlhang,  
\v 39 htoq tsáng mâ é nghut kôlhang, a-ô tsáng mâ é nghut kôlhang, hpan tô é gotû haî nghut kôlhang, nga-nhûng é Yhumsîng Hkrisduq Yesuq má bo é Garai Gasâng é chyitdap myit mai, nga-nhúng lé wó lhoq kang pyám râ a nghut nghû, ngò gi, hkyak wó sê yu ri. 
\c 9  
\s1 Garai Gasang Hkyin Yu É Israelaq Byu Pé 
\p  
\v 1 Ahkuî, ngò gi, Hkrisduq má tengmán é dang taí râ; ngò a mhaû é lé, haû Chyoiyúng Woi-nyí gi, ngá é unghkaû myit má hkyak saksé hkâm nyi ri.  
\v 2 Ngò gi, ngá é myit nhiklhum má, gyai yhang yón kuq nyi é eq ayang hpuzô nyi lhê.  
\v 3 Hkâsu mù gâ le, ngò gi, ngá é byuhú, ngá é gumang wui é matú, nhîng é hui luî Hkrisduq eq gang le lháng gè râ su gâ ri.  
\v 4 Haú bang gi, Israelaq byu pé nghut lhê. Zo yín yû huî é hkyô le, hpungwup shingkang le, dangshikaq pé le, tarâ lé myang hap yu é hkyô le, noqkuq yhûm má noqkuq é hkyô le, danggidiq pé lé le, yhangmoq wó yu akô nghut ri.  
\v 5 Haû myìng hû é îchyí îwâ pé gi, yhangmoq é îchyí îwâ pé nghut luî, byu é hkyam dông gon jáng, Hkrisduq gi, yhangmoq amyû mâ é nghut ri. Yhang gi, lhunglháng lé up é, ahtum abyuq hkya-on huî é Garai Gasang nghut ri! Amen. 
\p  
\v 6 Haû gi, Garai Gasâng é danggidiq akôm dut byuq bê nghû nau é a nghut. Hkâsu mù gâ le, Israelaq byu pé banshoq bang gi, Israelaq byù akying chyat a nghut kó nghut ri.  
\v 7 Abraham é awut ashín banshoq bang gi, yhâng é zo wuî akying chyat nghû a wó taî é nghut lhê. Hau é malaî, "Isak dông mai lo é lé, náng é awut ashín nghû són byi râ nghut lhê."\x + \xo 9:7 \xt Apûn 21:12\x* gâ tô ri.  
\v 8 Radông taí sháng ga jáng, gungsho mai hku é zo wuî gi, Garai Gasâng é zo wuî akying a nghut kó, danggidiq eq sêng é zo wuî za sheq, Abraham é awut ashín pé dông són byî é nghut lhê.  
\v 9 Hkâsu mù gâ le, "Masat tô é ahkyíng má, ngò dum taû lé mù, Sarah gi, yuqzo hkû râ nghut lhê."\x + \xo 9:9 \xt Apûn 18:10,14\x* ga taî tô é danggidiq é yanmai nghut lhê. 
\p  
\v 10 Haû za a nghut, Rebeka é yhangzô nhiktang é îwa gi, nga-nhúng é îwa nghut su Isak rayuq za nghut lhê.  
\v 11-12 Nghut kôlhang, Garai Gasang myit hpyit to mù hkyin yu é hkyô gi, muzó mai a nghut é za, hkyin ji yù Su é yanmai nghut é lé, wó gîng nyì sháng gaq ga, haû zozûm nhik a hku lé shî é htoq agó, ge é eq a ge é muzó haî lháng a kut shimá, "Haû ko sû yuq gi, tiq sû yuq lé dojaú râ nghut lhê."\x + \xo 9:11-12 \xt Apûn 25:32\x* ga, Rebeka lé taî kyô tô é nghut lhê.  
\v 13 Haû gi, "Yakup lé, ngò chyitdap lhê, nghut kôlhang, Eso lé gi, a ngui é nghut lhê."\x + \xo 9:13 \xt Mal 1:2-3\x* ga kâ tô é eq rajung za nghut ri. 
\p  
\v 14 Haû nghut é yanmai, nga-nhúng hkâsu nghû taí râ? Garai Gasang gi, a tarâ é sû nghut lhê lhú? Ratsuí lháng a nghut!  
\v 15 Hkâsu mù gâ le, 
\q1 "Ngò, shogyo nhikmyin naù sû lé, shogyo nhikmyin râ nghut lhê; 
\q2 Ngò, jeju byi naû sû lé, jeju byi râ nghut lhê."\x + \xo 9:15 \xt Htoq Ló 33:19\x* 
\m ga, Mosheq lé Yhang taî ri.  
\v 16 Haû mù luî, haû hkyin yu é hkyô gi, byù yut yut ô nau é yanmai le a nghut, shikut é yanmai le a nghut, Garai Gasâng é shogyo nhikmyîn é yanmai za nghut lhê.  
\v 17 Hkâsu mù gâ le, Chyúmdang má, "Náng chyáng Ngá é a-tsam wó tûn shit râ eq mingkan gón má Ngá é myìng lhoq pyo é hui râ matú sheq, Ngò, nang lé lhoq toq kat é nghut lhê."\x + \xo 9:17 \xt Htoq Ló 9:16\x* ga, Hpara-uq lé taî ri.  
\v 18 Haû mù luî, Garai Gasang gi, shogyo nhikmyin naù sû lé, shogyo nhikmyin mù, myit lhoq htân byi naù sû lé, myit lhoq htân byî ri. 
\p  
\v 19 Nungmoq mâ é rayuq yuq, "Haû jáng, Garai Gasang gi, ngamoq lé haî mù mara hun nyi ashî lhú? Yhang ô nau é hkyô lé, ó yuq wá wó hkûm pyâm lhê lhú?" ga, ngo lé taí kó râ nghut lhê.  
\v 20 Nghut kôlhang, Garai Gasang lé dang tu sû byù nàng gi, ó yuq wá nghut lhê lhú? Saî to hui bê é zè pé gi, "Nàng, haî mù ngo lé shî su kut saî tô lhê lhú?" nghû saî é Sû lé wó taí râ lhú?  
\v 21 Tso-au saí sû gi, tsohtung ralhum mai za, hkik é tso-au pé eq a hkik é tso-au pé saí râ ahkáng wó lhê a nghut kô lhú? 
\p  
\v 22 Garai Gasang gi, Yhâng é nhikmo-yo hkyô tûn shit luî, Yhang é a-tsam lé sé nhâng naù kôlhang, htên byoq râ matú hen tô é, nhikmo-yo gíng é tso-au pé lé, myit hîng hîng shirang pyâm nyi é hkyô lé, taí râ jang haî joq ashî lhú?  
\v 23 Hpungwup shingkâng é matú noq mai hen to bang nghut é, Yhang shogyo nhikmyin huî é bang lé, Yhâng é agùn agó é hpungwup shingkang lé sé nhâng naù mù, Yhang haû su kut é nghut jáng, taí râ haî joq ashî lhú?  
\v 24 Haú bang gi, Yudaq byu pé mai za a nghut, tûngbaù pé mai le ji yù huî é bang nga-nhúng nghut lhê.  
\v 25 Haû eq rajung za, Hosea laiká má Yhang taî tô é gi, 
\q1 "Ngá é byù myû a nghut é bang lé, 'Ngá é byù myû' nghû; 
\q2 Ngò a chyit é byizo lé 'Ngò chyit sû' nghû wut râ nghut lhê."\x + \xo 9:25 \xt Hos 2:23\x* 
\m gâ ri.  
\v 26 Haû mù, 
\q1 "'Nungmoq gi, ngá é byù myû pé a nghut.' nghû yhangmoq lé taî é jowò má yhang, 
\q1 yhangmoq gi, 'Rû dui nyi é Garai Gasâng yhangzô pé' ga wut é hui kó râ nghut lhê."\x + \xo 9:26 \xt Hos 1:10\x* 
\m gâ ri. 
\p  
\v 27 Esai-aq le, Israelaq byu pé eq séng luî garu taî é gi, 
\q1 "Israelaq yhangzo yhangshû pé gi, wuìshuq lung-aû yàm mâ é semuî su myo kôlhang, 
\q2 myit gyó tô é bang za sheq hkyi yu é hui kó râ nghut lhê. 
\q1  
\v 28 Hkâsu mù gâ le, haû Yhumsîng gi, myidàm htoq má Yhâng é tarâ jéyáng hkyô lé hân hân lhoq dik lhoq htûm pyám râ nghut lhê."\x + \xo 9:28 \xt Esai 10:22-23\x* 
\m gâ ri. 
\p  
\v 29 Haû eq rajung za, hí lé Esai-aq taî tô é gi, 
\q1 "A-tsam dik shoq bò sû haû Yhumsîng za, nga-nhúng lé, awut ashín a myhit to byî é nghut jáng, 
\q2 nga-nhúng gi, Sodom wà su dut byuq luî, Gomoraq myuq eq pung byuq râ nghut lhê."\x + \xo 9:29 \xt Esai 1:9\x* 
\m gâ ri. 
\s1 Israelaq Byu Pé A Lumjíng Kô É Hkyô 
\p  
\v 30 Haû mù, nga-nhúng hkâsu nghû taí râ lhú? Dingmán hkyô lé a châng hkat é tûngbaù pé gi, haú lé wó yù bekô; haû gi, lumjíng hkyo é yanmai wó yu é dingmán hkyô nghut ri.  
\v 31 Nghut kôlhang, tarâ eq sêng é dingmán hkyô lé châng hkat é Israelaq byu pé gi, haú lé a wó yù kó nghut ri.  
\v 32 Haî mù a wó yû kô é lhú? Yhangmoq gi, lumjíng myit èq châng hkat kô é a nghut é za, muzó pê èq châng hkat kô é yanmai, a wó yû kô é nghut ri. Yhangmoq gi, "htung htê râ luqgok" má htûng leng bekô nghut ri.  
\v 33 Haû, 
\q1 "Wú keq, htûng leng râ luqgok eq myit leqbat nhâng râ luqmó cham lé, Ngò, Zi-un bùm má lheq to luî, 
\q2 Yhang lé lumhkaû sû gi, hkâ-nhám le hoq hpu é hui râ a nghut."\x + \xo 9:33 \xt Esai 8:14; 28:16\x* 
\m ga kâ tô é eq rajung za nghut ri. 
\c 10  
\p  
\v 1 Gumang wuì ê, ngò gi, haû Israelaq byu pé hkyi yu é hui kó sháng gaq nghû, gyai yhang myit shirông luî, Garai Gasâng chyáng yhangmoq é matú kyûdung byî nyi lhê.  
\v 2 Hkâsu mù gâ le, yhangmoq gi, Garai Gasâng é hkyô lé gyai yhang myit zuq é bang nghut é lé, ngò saksé hkâm lhê; nghut kôlhang, yhangmoq myit zuq é hkyô gi, hpaqchyî bo é dông a nghut kó.  
\v 3 Yhangmoq gi, Garai Gasâng chyáng mai jé lé é dingmán hkyô lé a sé kômù, yhumsîng dingmán bûn é hkyô lé za ho shikut nyì kô é yanmai, Garai Gasâng é dingmán hkyô hkaû má a nyì kó nghut ri.  
\v 4 Hkrisduq gi, lumjíng bang yuq hkangmó, dingmán é má wó jé kó sháng gaq ga, jep é tarâ ló htûm jang dut bê nghut ri. 
\p  
\v 5 Mosheq gi, "Haú pé dông châng é sû gi, haú pé mai asak duì râ nghut lhê."\x + \xo 10:5 \xt Nhong 18:5\x* ga, jep é tarâ eq sêng é dingmán hkyô lé kâ sân kyô tô é nghut lhê.  
\v 6 Nghut kôlhang, lumjíng hkyô eq sêng é dingmán hkyô gi, "Náng é myit nhiklhum má, 'Mauhkûng má, ó yuq doq ló râ lhú?'\x + \xo 10:6 \xt Tarâ Pun 30:12\x* (Haû gi, Hkrisduq lé shuî gyó lò râ gá nau é nghut lhê),  
\v 7 haû a nghut jáng, 'Nik é jang má, ó yuq gyó wâng râ lhú?'\x + \xo 10:7 \xt Tarâ Pun 30:13\x* (Haû gi, Hkrisduq lé, shi é mai dui toq nhâng râ gá nau é nghut lhê.), nghû hkâtaí kó." gâ tô ri.  
\v 8 Haû jáng, hkâsu gâ tô ri lhú? "Haû mungdang gi, nàng eq chyâng nyi ri; náng é nhut má le, náng é myit nhiklhum má lé nghut nyi ri."\x + \xo 10:8 \xt Tarâ Pun 30:14\x* gâ tô ri. Haû gi, ngamoq hko taî é lumjíng hkyô eq sêng é mungdang nghut lhê.  
\v 9 Haû mù, "Yesuq gi, Yhumsîng nghut ri." nghû náng é nhut èq yín yû mù, Garai Gasang gi, Yhang lé, shi é mai dui toq nhâng bê nghut lhê nghû, náng é myit nhiklhum má lumjíng é nghut jáng, nàng gi, hkyi yu é hui râ nghut lhê.  
\v 10 Hkâsu mù gâ le, byù gi, myit nhiklhum má lumjíng jáng, mara hkyut san byî é hui mù, nhut mai yín yû jáng, hkyi yù huî é nghut lhê.  
\v 11 Haû Chyúmdang taî é gi, "Yhang lé lumhkau é sû ó yuq le, hkâ-nhám lháng hoq hpû é hui râ a nghut."\x + \xo 10:11 \xt Esai 28:16\x* gâ ri.  
\v 12 Hkâsu mù gâ le, Yudaq byù eq tûngbaù pê é gyoro má gam hkoq é hkyô haî le a joq é za, haû Yhumsîng gi, banshoq bâng é Yhumsîng nghut lhê mù, Yhang lé wut dung bang lhunglháng lé, agùn agó shimân byî ri.  
\v 13 Hkâsu mù gâ le, "Haû Yhumsing é myìng lé lâng é bang yuq hkangmó gi, hkyi yu é hui râ nghut lhê."\x + \xo 10:13 \xt Yol 2:32\x* gâ tô ri. 
\p  
\v 14 Haû nghut lé gi, yhangmoq a lumjíng é sû lé nhîng, hkâsu wó wut dung kó râ lhú? Yhangmoq a wó gyô wú é sû lé nhîng, hkâsu wó lumjíng kó râ lhú? Hko kyô é sû a nyi le nhîng, hkâsu wó gyo kó râ lhú?  
\v 15 Nhang kat é a hui le gi, yhangmoq hkâsu kut wó hko kyo kó râ lhú? Haû eq rajung za, "Gabú danglù pé hko kyo bâng é hkyî-kám pé gi, hkâ-í yhang yúng ri myhi-nhung!"\x + \xo 10:15 \xt Esai 52:7\x* ga kâ tô ri. 
\p  
\v 16 Nghut kôlhang, Israelaq byu pé banshoq bang gi, gabú danglù lé hap yù kô é a nghut. Hkâsu mù gâ le, Esai-aq gi, "Yhumsîng ê, ngamoq é danglù lé ó yuq wá lumjíng é lhú?"\x + \xo 10:16 \xt Esai 53:1\x* ga taî ri.  
\v 17 Haû nghut mù luî, lumjíng myit gi, danglù lé wó gyô é mai lò mù, danglù gyô yu é gi, Hkrisduq é mungdang mai lo é nghut lhê.  
\v 18 Nghut kôlhang, ngò myi kó lé: yhangmoq gi, a wó gyô wú kô é nghut lhê lhú? Yhangmoq gi, wó gyo gù za nghut lhê, haû eq rajung za, 
\q1 "Yhangmoq é htê gi, myidàm htoq banshoq má jàm bê nghut ri; 
\q2 yhangmoq é mungdang pé gi, mingkan htungchyûn hkangmó má jé bê nghut ri."\x + \xo 10:18 \xt Hkya-on 19:4\x* 
\m gâ tô ri.  
\v 19 Ngò dum myi kó lé: Israelaq byu pé gi, a sê gyo kô é nghut lhê lhú? Mosheq sâng-hi má taî é gi, 
\q1 "Byù rahú lháng a nghut bang èq, Ngò, nungmoq lé manôn nhâng râ; 
\q2 sê gyo nyan a bo é amyu èq, Ngò, nungmoq lé wú nhik-yo nhâng râ nghut lhê."\x + \xo 10:19 \xt Tarâ Pun 32:21\x* 
\m gâ ri.  
\v 20 Hau htoq agó, Esai-aq a gyuq a wàm taî é gi, 
\q1 "Ngo lé a ho é bang gi, Ngo lé myang hô bekô nghut ri; 
\q2 Ngá hkyô lé a myî é bang lé, Ngò htoq shit bê nghut lhê."\x + \xo 10:20 \xt Esai 65:1\x* 
\m gâ ri.  
\v 21 Nghut kôlhang, Israelaq byu pé eq séng luî, Yhang taî é gi, 
\q1 "Ngò gi, jìno a gyô é eq ngegáng-htu é byù myû lé, nyí wuî Ngá loq lham mù ji nyi lhê."\x + \xo 10:21 \xt Esai 65:2\x* 
\m gâ ri. 
\c 11  
\s1 Israelaq Byu Pé Lé A He-ngik Pyám 
\p  
\v 1 Haû mù luî, ngò myi kó lé, Garai Gasang gi, Yhâng é byu pé lé he-ngik pyám bê nghut lhê lhú? Ratsuí lháng a nghut! Ngò yhang le, Israelaq byù myû nghut luî, Abraham é awut ashín eq Ben-yamyin hú mâ é sû nghut lhê.  
\v 2 Garai Gasang gi, Yhang te sê to gû nghut é, Yhâng é byu pé lé a he-ngik pyâm é nghut lhê. Eliyaq eq sêng é hkyô Chyúmdang má bo tô é lé, nungmoq a sé kó lhú? Garai Gasâng é hí má, yhang, Israelaq byu pé lé mara hûn é gi,  
\v 3 "Yhumsîng ê, yhangmoq gi, Náng é myiqhtoî pé lé sat pyám kô é eq Náng é hkungga gyap pé lé tu lhêng pyâm akô nghut ri; ngò rayuq za myit gyó tô é nghut luî, ngo lé sat râ matú le yhangmoq ho nyi akô nghut ri."\x + \xo 11:3 \xt 1 Hko 19:10,14\x* gâ ri.  
\v 4 Garai Gasang gi, yhang lé, hkâsu ga tû taî é nghut lhê lhú? Haû gi, "Balaq hpara é hí má hkyihput a htuq shî é byù nyhit hkyíng lé, Ngá é matú myhit to lhê."\x + \xo 11:4 \xt 1 Hko 19:18\x* gâ é nghut lhê.  
\v 5 Haû eq rajung za, ahkuî gi, jeju yanmai hkyin yù huî é bang za myit gyó tô é nghut lhê.  
\v 6 Jeju yanmai nghut é nghut le gi, muzó é yanmai a nghut lo; muzó dông ru nghut le gi, jeju gi, jeju a nghut lo. 
\p  
\v 7 Haû nghut jáng, hkâsu lhú? Israelaq byu pé gyai ho shikut kôlhang, a wó kô é lé, hkyin htoq yû huî é bang kúm gi, wó bekô nghut ri. Góbang gi, myit lhoq htân byî é hui akô nghut ri;  
\v 8 haû gi, 
\q1 "Garai Gasang gi, hkû-nyí jé shoq, yhangmoq lé nhikshi jit é woi-nyí lé le, a wó myang é myoqjí lé le, a wó gyô é nohkyap lé le, byî to bê nghut ri."\x + \xo 11:8 \xt Tarâ Pun 29:4\x* 
\m ga kâ tô é eq rajung za nghut ri.  
\v 9 Dawiq taî é le, 
\q1 "Yhangmoq é zangbó gi, yhangmoq é matú, dumzo eq lhaí, myit leqbat jowò eq lató hpuq hkyô dut sháng gaq; 
\q1  
\v 10 Yhangmoq myoq a wó myâng shoq, myoqjí lhoq chut pyám byî é hui sháng gaq; 
\q2 yhangmoq é nunghkûng gi, ayang wòlai wun goí nhang é hui sháng gaq."\x + \xo 11:10 \xt Hkya-on 69:22-23\x* 
\m gâ ri. 
\s1 Tûngbaù Pé Lé Hkyi Yu É Hkyô 
\p  
\v 11 Ngò dum myi kó lé: Israelaq byu pé gi, a wó dum gè râ í leqbat byuq bekô lhú? Ratsuí lháng a nghut! Yhangmoq é tarâ lu lai hkyo é yanmai, yhangmoq lé manôn nhâng râ matú, hkyi yù hkyô gi, tûngbaù pê chyáng jé byuq é nghut lhê.  
\v 12 Nghut kôlhang, yhangmoq é tarâ lu lai hkyô gi, mingkân é matú wó sùt hkyô eq, yhangmoq sum pyâm é hkyô gi, tûngbaù pê é matú wó sùt hkyô dut é nghut jáng, yhangmoq é byíng jup hkyô gi, je riyhang kô é wó sùt hkyô dut râ nghut ri-nhung! 
\p  
\v 13 Nungmoq tûngbaù pé lé ngò taí nyi lhê: ngò gi, tûngbaù pê é lagyo nghut nyi é u má, ngá é hpungmû lé hpautap nyi lhê.  
\v 14 Haû gi, ngá é amyû pé lé manôn myit wó bô nhâng mù, yhangmoq ra-am lé wó hkyi yù râ lé myit myoqbyu é hkyô nghut lhê.  
\v 15 Hkâsu mù gâ le, yhangmoq lé he-ngik pyâm é hkyô gi, mingkân é matú Garai eq buinùm xoq hkyô dut bê nghut jáng, yhangmoq lé dum hap yu é hkyô gi, shi é mai dui toq é dông dut bê a nghut lhi?  
\v 16 Hau htoq agó, sâng-hî ashi dông nhông byî é mún ra-am gi, chyoiyúng é nghut jáng, muk htung gón gi, chyoiyúng é nghut lhê; haû amyit gi, chyoiyúng é nghut jáng, akoq pé le chyoiyúng é nghut lhê. 
\p  
\v 17 Haû tsanlun akoq pé\f + \fr 11:17 \ft Tsanlun akoq pé gi, Israelaq byu pé lé taí nau é nghut lhê.\f* ra-am gi, lhoq hkyui pyâm é hui luî, yosô tsanlun a-nyuq\f + \fr 11:17 \ft Yosô tsanlun a-nyuq gi, tûngbaù pé lé taí nau é nghut lhê.\f* nghut sû nàng gi, haú pé má xoq é hui mù, haû tsanlun amyit é xû lé bo shuq lom é nghut jáng,  
\v 18 akoq haú pé lé hkâwú tiq pyám kó. Nungmoq haû su kut é nghut jáng, nungmoq gi, haû amyit lé htuq é a nghut é za, amyit haû sheq nungmoq lé htuq é hkyô lé, nungmoq myit sé keq.  
\v 19 Nungmoq kúm gi, "Ngò, haú má xoq é hui râ matú sheq, akoq haú pé gi, lhoq hkyui pyâm é huî é ru nghut lhê." ga taí râ nghut lhê.  
\v 20 Haû su gi, nghut lhê. Nghut kôlhang, yhangmoq gi, a lumjíng é yanmai, lhoq hkyui pyâm é hui kômù, nungmoq kúm gi, lumjíng é yanmai, wó ging tîng nyi é nghut lhê. Hká gumrong nyì, gyuq kyum nyì keq.  
\v 21 Hkâsu mù gâ le, Garai Gasang gi, akoq akying pé lé a ha bûn é nghut le gi, nungmoq lé le ha bun râ a nghut. 
\p  
\v 22 Haû mù luî, Garai Gasâng é shogyo nhikmyin hkyô eq htân htân kut pyâm é hkyô lé, myit wú keq: leqbat é bang lé htân htân kut pyám kôlhang, nungmoq gi, Yhâng é shogyo nhikmyin hkyô má xoq nyi nyi é myháng, nungmoq lé gi, shogyo nhikmyîn nyì râ nghut lhê. Haû a nghut jáng, nungmoq le, zân hpyit pyâm é hui râ nghut lhê.  
\v 23 Yhangmoq gi, a lumjíng hkyô lé tô pyám kô é nghut jáng, dum xoq yu é hui kó râ nghut lhê; hkâsu mù gâ le, Garai Gasang gi, yhangmoq lé dum wó xoq yu é Sû nghut lhê.  
\v 24 Haî mù gâ le, yosô tsanlun gàm akoq nghut gù nungmoq lé hpyit yû mù, htûng a nghut é dông, hô é tsanlun agàm má xoq é nghut le gi, haû akoq akying pé nghut é yhangmoq gi, ó le ó é tsanlun-ngut akying má xoq yu é lé je riyhang hui râ nghut lhê ô! 
\s1 Israelaq Byu Pé Hkyi Yu É Hui Râ Hkyô 
\p  
\v 25 Haû mù, gumang wuì ê, nungmoq a nghutbun kó sháng gaq nghû, zau tô é hkyô shî lé, nungmoq a sé dut râ lé, ngò a ô nau é nghut lhê: haû gi, tûngbaù pé wang lo é laké byíng é hkûn jé shoq, Israelaq byu pé ra-am gi, myit lhoq htan é huî é hkyô nghut lhê.  
\v 26 Hau htâng sheq, Israelaq amyû banshoq bang hkyi yu é hui râ nghut lhê. Haû gi, 
\q1 "Hkyi yù Sû gi, Zi-un bùm mai htoq lô râ nghut lhê; 
\q1 Yhang gi, Garai lé nunghtáng tô pyâm é hkyô lé, Yakup é awut ashín mai huî sêng pyám byi râ nghut lhê. 
\q1  
\v 27 Ngò, yhangmoq é yubak mara lé huî sêng pyám byi jáng, 
\q2 haû gi, yhangmoq lé Ngò byî tô é Ngá é dangshikaq nghut lhê."\x + \xo 11:27 \xt Esai 59:20-21; 27:9\x* 
\m ga kâ tô é eq rajung za nghut ri. 
\p  
\v 28 Haû gabú danglù eq séng luî ga jang, yhangmoq gi, nungmoq é matú gyè nghut akô; nghut kôlhang, hkyin htoq yû hkyô eq séng luî ga jang, yhangmoq gi, myìng hû é îchyí îwa pê é yanmai, chyitdap é huî akô nghut ri;  
\v 29 hkâsu mù gâ le, Garai Gasâng é chyunghuq pé eq Yhang ji yu é hkyô lé gi, wó htaî lhik pyâm é a nghut.  
\v 30 Nungmoq gi, Garai Gasâng é jìno a gyô é bang radàm dut wú kô é nghut kôlhang, yhangmoq jìno a gyô é yanmai, ahkuî kúm, shogyo nhikmyin hkyô wó hkam yù bekô nghut é su,  
\v 31 ahkuî, yhangmoq gi, nungmoq wó hkam yu é Garai Gasâng é shogyo nhikmyin hkyo é yanmai, shogyo nhikmyin hkyô lé wó hkam yù kó sháng gaq ga, yhangmoq le, ahkuî, jìno a gyo bang dut bekô nghut ri.  
\v 32 Hkâsu mù gâ le, Garai Gasang gi, byù lhunglhâng bang lé, shogyo nhikmyin hkyô wó tûn shit shoq ga, lhunglhâng bang lé, jìno a gyo hkyo é shúm dut nhang to bê nghut ri. 
\s1 Hkya-on Kungtôn Dang 
\q1  
\v 33 Ô! Garai Gasâng é agùn agó é sùt nghut é, hpaqchyî byéng-yá eq nyan hpaqchyî gi, hkâ-í yhang nik ri-nhung! 
\q1 Yhâng é tarâ jéyáng hkyô gi, ung sê jung a nghut nhung! 
\q2 Yhang kut é hkyô pé gi, hkâ-í yhang ho htoq wuî jung nghut ri-nhung! 
\q1  
\v 34 "Haû Yhumsing é myit lé, ó yuq wá ung sê lhê lhú? Yhâng é hpaqchyî byi sû gi, ó yuq wá dut wú é lhú?"\x + \xo 11:34 \xt Esai 40:13\x* 
\pm gâ ri. 
\q1  
\v 35 "Garai Gasâng èq jeju dum tau byi râ dut shoq, ó yuq wá, Garai Gasang lé byî wú é lhú?"\x + \xo 11:35 \xt Yob 41:11\x* 
\pm gâ ri. 
\q1  
\v 36 Hkâsu mù gâ le, joq mijoq gi, Yhâng chyáng mai nghut mù, Yhang dông mai nghut luî, 
\q2 Yhâng é matú chyat nghut ri. Haû hpungwup shingkang gi, 
\q1 Yhâng chyáng ahtum abyuq ru joq nyî sháng gaq ô! Amen. 
\c 12  
\s1 Dui É Hkungga Pé Dut Râ Hkyô 
\p  
\v 1 Haû mù luî, gumang wuì ê, nungmoq é gungdu pé lé, Garai Gasang myit nguì ô nau é eq chyoiyúng é, dui é hkungga dông nhông byi keq nghû, Garai Gasâng é shogyo nhikmyin hkyô mai, ngò, nungmoq lé wum byî kat lhê. Haû gi, woi-nyí hkyô dông nungmoq noqkuq dojaú é hkyô nghut lhê.  
\v 2 Mingkan shí lhûm é sâmlai dông a cháng lo é za, myit sik wó yû râ dông nungmoq é a‑kyang lé htaî pyám byi nhâng keq. Haú hkûn sheq, Garai Gasâng é ge é, myit nguì é eq gumjup é ô naù hkyô lé, nungmoq wó chyâm, wó sê gàm hkoq yû kó râ nghut lhê. 
\p  
\v 3 Hkâsu mù gâ le, ngo lé byî tô é jeju yanmai, nungmoq yuq hkangmó lé ngò taí kôlé: nungmoq gi, yhumsing gùng lé lai shoq a nghutbûn é za, ó le ó lé, Garai Gasâng èq lumjíng myit tsing gàm byî to bê eq rajung za, myit yù gíng é í za myit yù keq.  
\v 4 Nga-nhúng yuq hkangmó é gungdu ralhum má gi, gungdu showui showang pé myo myo bo é nghut luî, gungdu showui showang haú pé banshoq gi, jai chûng jang a pung é nghut lhê.  
\v 5 Haû eq rajung za, myo myo nghut é nga-nhúng le, Hkrisduq má gungdu ralhum za dut luî, yuq hkangmó gi, rayuq eq rayuq gungsho sêng lhûm é bang chyat nghut lhê.  
\v 6 Nga-nhúng lé byî tô é jeju yanmai, nga-nhúng wó é chyunghuq gi, gotû tû nghut lhê. Byù rayuq é chyunghuq gi, myiqhtoi htoî é nghut jáng, yhâng é lumjíng hkyô eq rajung za htoi sháng gaq;  
\v 7 dojaú é nghut jáng, dojaú sháng gaq; mhoq kyô é nghut jáng, mhoq kyo sháng gaq;  
\v 8 myit wum byî é nghut jáng, myit wum byi sháng gaq; ra châ é bang lé garúm byî é nghut jáng, a ha bûn é za byi sháng gaq; shuî u é nghut jáng, lumluq tung shuî u sháng gaq; shogyo nhikmyin hkyô shit é nghut jáng, gabú myit èq kut sháng gaq. 
\s1 Chyitdap Myit 
\p  
\v 9 Chyitdap myit má gegùn labyoq a ge bò. Agè ashop dut é lé, nhik noq pyám keq; ge é lé, myit tuî nyì keq.  
\v 10 Rayuq eq rayuq, gumang chyitdap myit mai lhumzuî lhum keq. Rayuq eq rayuq, yhumsing gùng htoq je hpautap lhum keq.  
\v 11 Myit zuq hkyô má, hkâ-nhám le wum a lhoq shôm é za, nungmoq é woi-nyí hkyô má myit toq nyî mù, haû Yhumsîng lé dojaú nyî keq.  
\v 12 Myit myoqbyù hkyô má gabú keq; wuîhke hkyô má hkam jan keq; kyûdung hkyô má lhumzui keq.  
\v 13 Ra châ tô é Garai Gasâng é byu pé lé gàm byi keq. Bíng hkulum é lé rago kut keq. 
\p  
\v 14 Nungmoq lé zing-rî é bang lé shimân byi keq; shimân byi keq, hkâ-nhing kó.  
\v 15 Gabú é bang eq rahá bo gabú keq; yón é bang eq rahá bo yón keq.  
\v 16 Rayuq eq rayuq byìn hpyé gohut huî nyì keq. A nghutbûn é za, nyì yap hkyô nyhûm bang eq zùm yap keq. Hpaqchyî bo é sû su hkâ-myit ngàm kó. 
\p  
\v 17 Ó yuq lé le, agè ashop é yanmai, agè ashop é dông lató hkâhpuq kó. Yuq hkangmó é myoq hí má ge é lé kut râ rago myit keq.  
\v 18 Wó dut é nghut jáng, nungmoq wó dut é í, yuq hkangmó eq nguingón shoq nyì keq.  
\v 19 Ngá é buinùm wuì ê, lató a hpuq é za, Garai Gasâng é nhikmo-yo hkyô lé sheq láng nyî keq. Hkâsu mù gâ le, "Ngò sheq lató hpuq râ sû nghut lhê; ngò lató hpuq râ."\x + \xo 12:19 \xt Tarâ Pun 32:35\x* ga, haû Yhumsîng taî ri ga kâ tô ri.  
\v 20 Haû mù, 
\q1 "Nungmoq lé gyè kut sû zòmut é nghut le gi, byi tso keq; yhang wuìshit é nghut le gi, rajung jung byi huq keq. 
\q1 Haú dông kut jáng, nàng, yhâng é ulhum htoq má gyúng é myigye bum to byî é nghut lhê."\x + \xo 12:20 \xt Sânghkyang 25:21-22\x* 
\m ga le kâ tô ri.  
\v 21 Agè ashop é gi, nungmoq lé a ung pyám sháng gaq, ge é hkyo èq agè ashop é lé ung pyám keq. 
\c 13  
\s1 Ahkáng Ayá Wó Bâng Ô Má Nyì Râ É Hkyô 
\p  
\v 1 Yuq hkangmó gi, up é ahkáng ayá wó bâng é a-ô má nyì ra râ nghut lhê; hkâsu mù gâ le, Garai Gasâng chyáng mai za a nghut le gi, up é ahkáng ayá joq é a nghut. Joq tô é ahkáng ayá pé gi, Garai Gasâng èq byî tô é chyat nghut lhê.  
\v 2 Hau é yanmai, up é ahkáng ayá lé gumlau toq é sû gi, Garai Gasang byî tô é up é ahkáng ayá lé gumlau toq é sû nghut ri; haû su kut é bang gi, tarâ jéyáng é hui zo râ hkyô lé ho yù nyi é bang nghut akô.  
\v 3 Hkâsu mù gâ le, uphkang é bang gi, ge é hkyô kut bâng é matú gyuq nán hpo a dut é za, shut shaî hkyô kut bâng é matú sheq dut é ru nghut lhê. Up é ahkáng wó sû lé gyuq é mai lut nau lhê a nghut lhí? Haû jáng, ge é hkyô kut aq, haú hkûn, yhang, nang lé hkya-on râ nghut lhê.  
\v 4 Hkâsu mù gâ le, yhang gi, náng é matú ge é akyû kut byi râ nghut é, Garai Gasâng é dui-nhâng zoshâng nghut lhê. Nghut kôlhang, nàng, shut shaî hkyô kut é nghut le gi, gyuq nán nyî aq; haî mù gâ le, yhang gi, shâm lé ajè wun tô é a nghut. Yhang gi, Garai Gasâng é dui-nhâng zoshâng nghut mù, shut shaî hkyô kut sû lé dam byi râ matú nhikmo-yo Su é gunglik nghut lhê.  
\v 5 Haû mù luî, dam byi râ lé chiq é yanmai za a nghut, yhumsîng nhik bô râ é yanmai le, haû up é ahkáng ayá wó bâng é a-ô má nyì râ dut lhê. 
\p  
\v 6 Nungmoq hkansê kat râ é gi, hau é yanmai le nghut lhê; hkâsu mù gâ le, haû up é ahkáng ayá wó bang gi, Garai Gasâng é dui-nhâng zoshâng wuì nghut lhê mù, uphkang é mû lé, ahkyíng byíng shoq wùn waq nyi akô nghut ri.  
\v 7 Yuq hkangmó lé byi âng é eq rajung za byi keq: hkansê kat byi ang sû lé gi, hkansê kat byi keq; kang kat byi ang sû lé gi, kang kat byi keq; gyuq kyum ang sû lé gi, gyuq kyum keq; hkungga ang sû lé gi, hkungga keq. 
\s1 Rayuq Eq Rayuq Chyitdap Lhum Râ Hkyô 
\p  
\v 8 Rayuq eq rayuq chyitdap lhûm é chyîn mai lai luî, hai chyîn le hkâdap lhum kó; hkâsu mù gâ le, góyuq lé chyitdap é sû gi, haû jep é tarâ lé lhoq dik bê sû nghut ri.  
\v 9 "Su-myi sulàng lú hkyô hkâkut," "Byù hkâsat," "Hkâhkau," "Hkâ-myoqnoq,"\x + \xo 13:9 \xt Htoq Ló 20:13-15\x* gâ tô é hkunmó pé eq gotû hkunmó haî nghut nghut, "Náng gûng lé nàng chyitdap é su, náng é chyangnâm mâ é bang lé le chyitdap aq."\x + \xo 13:9 \xt Nhong 19:18\x* gâ é tarâ má lo jup to bê nghut lhê.  
\v 10 Chyitdap myit gi, chyangnâm mâ é byù lé a ge é haî le a kut é nghut lhê. Haû mù luî, chyitdap myit gi, haû jep é tarâ lé lhoq dik é hkyô nghut ri. 
\p  
\v 11 Haû mù, ahkuî lhê é ahkyíng yàm-yoq lé sê gyo luî, haú hkyô lé kut keq. Nungmoq yhup mui é mai bûn gying râ ahkyíng jé bê; haî mù gâ le, nga-nhûng é hkyi yù hkyô gi, lumjíng hi é hkun lhê htoq má ahkuî je chyáng bê nghut ri.  
\v 12 Haû myín ahkyíng gi, lai byuq ló râ za nghut bê; nyí ahkyíng gi, jé lô berâ nghut lhê. Haû mù luî, mauchut é muzó lé tô pyám mù, maubó é gyehking lé wut to sháng.  
\v 13 Ye lhaî é eq shuq wut é, ashop é dông gungsho zùm yap é eq shut é dông nyì zô lhúm nau é myit bo é, mabyoq jishûm htoq é eq manon é pé a kut é za, nyí-káng lhê su, ge é a‑kyang dông nyì yap sháng.  
\v 14 Hau htoq agó, Yhumsîng Yesuq Hkrisduq lé, mebu su wut to keq; yubak gungsho ô nau é dông lhoq dik râ matú hkâ-myit kó. 
\c 14  
\s1 Gumang Wuì Lé A Jéyáng Râ Hkyô 
\p  
\v 1 Lumjíng myit má wum nyhóm sû lé, myíng myo nhô zâ é hkyô pé lé a jéyáng byî é za hap yù keq.  
\v 2 Byù rayuq é lumjíng myit gi, jung hkangmó zô ri; nghut kôlhang, lumjíng myit nyhóm sû gotû rayuq gi, mhan-haq hpoqnoq za zô ri.  
\v 3 Jung hkangmó zo sû gi, a zo sû lé a ge wú tiq pyám; jung hkang jung mó a zo sû gi, zo sû lé mara a ge byi; hkâsu mù gâ le, Garai Gasang gi, yhang lé hap yu to bê nghut ri.  
\v 4 Nàng gi, ó yuq wá nghut mù, góyuq é dui-nhâng zoshâng lé jéyáng lhê lhú? Yhang, yap ging kôlhang, leqbat kôlhang, yhâng é yhumsing myit za nghut lhê. Yhang gi, wó yap ging râ nghut lhê; hkâsu mù gâ le, haû Yhumsîng gi, yhang lé wó yap ging nhâng Sû nghut lhê. 
\p  
\v 5 Rayuq myit é gi, buinyì ra-nyí gi, gó nyí htoq je ge lhê gâ ri; dum rayuq myit é gi, nyí wuî rajung za nghut lhê gâ ri. Yuq hkangmó gi, yhumsîng myit yu é lé a úng-âng nyì sháng gaq.  
\v 6 Buinyì ra-nyí lé, ahkyak lhê ga myit yù sû gi, haû Yhumsing é matú kut é nghut ri. Zô é sû gi, Garai Gasang lé jeju hkya-ôn é yanmai, haû Yhumsîng lé bun luî zô nyi ri; a zo sû le, haû Yhumsîng lé bun luî Garai Gasang lé jeju hkya-ôn nyi ri.  
\v 7 Hkâsu mù gâ le, nga-nhúng ó yuq nghut kôle, yhumsing matú za asak dui é a nghut; ó yuq nghut kôle, yhumsing matú za shi é a nghut.  
\v 8 Nga-nhúng asak dui nyi le gi, haû Yhumsing é matú dui é ru nghut lhê; nga-nhúng shi byuq le gi, haû Yhumsing é matú shi é ru nghut lhê. Haû mù, asak dui nyì kôlhang, shi byuq kôlhang, nga-nhúng gi, haû Yhumsîng eq sêng é bang nghut lhê. 
\p  
\v 9 Haû su mù, Hkrisduq gi, shi byuq bang eq asak duì bâng é Yhumsîng dut sháng gaq ga, shî hkám mù dum dui toq é nghut lhê.  
\v 10 Haû mù, nàng gi, haî mù náng é gumang hpó lé jéyáng nyi lhê lhú? Haî mù náng é gumang hpó lé wú tiq nyi lhê lhú? Nga-nhúng lhunglhâng bang gi, Garai Gasâng é tarâ jéyáng tanghkuq hí má yap râ bang chyat nghut lhê.  
\v 11 Hkâsu mù gâ le, 
\q1 "Haû Yhumsîng gi, 'Ngò rû dui nyi é eq rajung za, Ngá é hí má hkyihput hkangmó htuq râ nghut lhê; 
\q2 Garai Gasang lé, shô hkangmó èq yín yû kó râ nghut lhê.' ga taî ri."\x + \xo 14:11 \xt Esai 45:23\x* 
\m ga kâ tô ri.  
\v 12 Haû mù luî, nga-nhúng yuq hkangmó gi, yhumsîng kut laî lo é hkyô lé, Garai Gasâng chyáng shit ra râ nghut lhê. 
\p  
\v 13 Haû nghut mù, nga-nhúng gi, rayuq eq rayuq tarâ jéyáng lhûm é hkyô lé tô pyám sháng. Ó yuq nghut kôlhang, yhumsing é gumâng é hkyowuì má, myit leqbat jowò eq htung htê jowò a to byi râ matú, myit sidiq keq.  
\v 14 Haû Yhumsîng Yesuq má nghut nyi é sû ngò gi, haí jung zoshuq nghut kôlhang, yhang baú yhang a sansêng a dut é hkyô lé, hkyak wó sé luî, jíng nyi lhê. Nghut kôlhang, ó yuq le, rajung jung lé a sanséng ga myit yu é nghut jáng, yhang é matú, zè haû gi, a sansêng é nghut lhê.  
\v 15 Nàng zô é zoshuq yanmai, náng é gumang hpó myit a ngón é nghut le gi, nàng, chyitdap myit mai sô nyi é sû a nghut lo. Hkrisduq shî hkám byi bê sû nghut é, náng é gumang hpó lé, nàng zoshuq é dông mai hkâlhoq hten pyám.  
\v 16 Nàng, ge ri nghû myit yu é hkyô lé, agè ashop é dông hkâtaî pyám nhâng.  
\v 17 Hkâsu mù gâ le, Garai Gasâng é mingdán gi, zo zo shuq shuq hkyô a nghut é za, dingmán hkyô, nguingón hkyô eq Chyoiyúng Woi-nyí má gabú é hkyô ru nghut lhê.  
\v 18 Haî mù gâ le, shí hkyô dông mai Hkrisduq lé dojaú é sû gi, Garai Gasang ô nau é sû eq byu pê èq hkya-ôn é hui sû nghut ri. 
\p  
\v 19 Haû mù luî, nguingón hkyô má nyì râ eq, rayuq eq rayuq wum byî lhum râ hkyô lé, shikut nyì keq.  
\v 20 Zoshuq é yanmai, Garai Gasâng é muzó lé hkâlhoq hten pyám. Zoshuq lhunglháng gi, sansêng é chyat nghut lhê; nghut kôlhang, góyuq lé myit leqbat nhang é jung lé zô é sû gi, shut é nghut lhê.  
\v 21 Tsibyiq wing shuq é eq sho zô é hkyô má nghut kôlhang, gotû haí jung kut é nghut kôlhang, náng é gumang hpó lé myit leqbat nhang é nghut le gi, a kut le je ge lhê. 
\p  
\v 22 Haû mù, haú pé eq séng luî, nàng lumjíng é haî nghut kôle, nàng eq Garai Gasâng gyoro má za joq nyì sháng gaq. Yhumsîng ge lhê gâ é èq, yhumsing gùng yhumsîng mara byi jang a joq é sû gi, hkungsô wó nyi ri.  
\v 23 Nghut kôlhang, úng-âng é myit èq zô é nghut le gi, mara byî é hui ri, haî mù gâ le, yhang zô é gi, lumjíng myit mai a nghut; lumjíng myit mai a kut é haî nghut kôlhang, mara nghut ri. 
\c 15  
\s1 Góyuq Lé Myit Ngón Nhâng Râ Hkyô 
\p  
\v 1 Lumjíng hkyô má wum-o bo é nga-nhúng gi, yhumsîng myit ngón râ hkyô lé a ho é za, wum-o a bò bâng é wum nyhóm hkyô lé, hkam jan byî nyì râ dut lhê.  
\v 2 Nga-nhúng yuq hkangmó gi, yhumsing é chyangnâm mâ é su é ge é hkyô dut râ matú, yhang wó kô myhang lò shoq, yhang lé lhoq ngón byî nyì sháng.  
\v 3 Hkâsu mù gâ le, Hkrisduq lháng gi, Yhânggùng yhang lhoq ngón é a nghut; haû gi, "Nang lé rhoî bâng é dang gi, Ngá chyáng gyó ke bê nghut ri."\x + \xo 15:3 \xt Hkya-on 69:9\x* ga, kâ tô é eq rajung za nghut ri.  
\v 4 Hkâsu mù gâ le, laî lò bê hkûn kâ tô é lhunglháng gi, nga-nhúng lé mhoq byi râ matú chyat kâ tô é nghut lhê; haû gi, Chyúmdang mâ é hkam jan hkyô eq myit wum byi hkyô dông mai, nga-nhúng myit myoqbyù hkyô wó râ matú nghut lhê. 
\p  
\v 5 Haû hkam jan hkyô eq myit wum byi hkyô lé byî é Garai Gasang gi, nungmoq, Hkrisduq Yesuq é htâng châng nyi é u lé, nungmoq yhangchang rading ralhum za dut é woi-nyí byi sháng gaq;  
\v 6 haû jáng sheq, nungmoq gi, i-myit rahkat eq nhut htê ralhum èq za, nga-nhûng é Yhumsîng Yesuq Hkrisduq é Yhângwa nghut Sû, Garai Gasang lé, wó hkya-on kungtôn kó râ nghut lhê. 
\p  
\v 7 Haû mù luî, Hkrisduq gi, nungmoq lé hap yù bê é eq rajung za, Garai Gasâng é hpungwup shingkang lé lhoq htoq shit râ matú, nungmoq le, rayuq eq rayuq hap yu lhum keq.  
\v 8 Hkâsu mù gâ le, ngò, nungmoq lé taí kôlé, haû myìng hû é îchyí îwâ pé lé byî tô é danggidiq pé lé lhoq ging râ matú, Hkrisduq gi, Garai Gasâng é tengmán hkyo é malaî, Yudaq byu pê é dui-nhâng zoshâng dut bê nghut ri.  
\v 9 Haû mù, Garai Gasâng é shogyo nhikmyin hkyo é yanmai, haû tûngbaù pé, Garai Gasang lé wó hkya-on kungtôn kó râ nghut lhê. Haú hkyô gi, 
\q1 "Haû mù luî, tûngbaù pê chyáng má, Nang lé, ngò hkya-on râ nghut lhê; 
\q2 Náng é myìng lé, ngò hkya-on mahkôn râ nghut lhê."\x + \xo 15:9 \xt Hkya-on 18:49\x* 
\m ga kâ tô é eq rajung za nghut ri.  
\v 10 Dum, 
\q1 "Tûngbaù pé ê, Yhâng é byu pé eq rahá gabú nyì keq."\x + \xo 15:10 \xt Hkya-on 32:43\x* 
\m gâ tô ri.  
\v 11 Dum, 
\q1 "Nungmoq tûngbaù pé lhunglhâng bang ê, haû Yhumsîng lé hkya-on keq, byù myû lhunglhâng bang ê, Yhang lé hkya-on mahkôn hkôn keq."\x + \xo 15:11 \xt Hkya-on 117:1\x* 
\m gâ tô ashî nghut ri.  
\v 12 Hau htoq agó, Esai-aq taî é gi, 
\q1 "Yese é Amyit gi, yuq htoq lô luî, Yhang gi, byù myû chângjup é ahtoq má up râ sû nghut lhê; 
\q1 tûngbaù pé gi, Yhang má myit myoqbyù kó râ nghut lhê."\x + \xo 15:12 \xt Esai 11:10\x* 
\m gâ ri. 
\p  
\v 13 Haû myit myoqbyù hkyô byî é Garai Gasang gi, Yhang lé lumhkau nyi é bang nungmoq lé, gabú hkyô banshoq eq nguingón hkyô lhoq pyíng byi sháng gaq; haû jáng sheq, nungmoq gi, Chyoiyúng Woi-nyí é wum-o a-tsâm èq, myit myoqbyù hkyô wó byíng mui nyì kó râ nghut lhê. 
\s1 A Gyuq A Wam É Za, Poluq Laiká Kâ É Hkyô 
\p  
\v 14 Ngá é gumang wuì ê, nungmoq gi, ge é hkyô byíng jup é bang, hpaqchyî má gumjup é bang, rayuq eq rayuq mhoqshit lhûm é má kûng é bang nghut é lé, ngá gûng ngò yhang hkyak lumjíng lhê.  
\v 15 Ngò gi, nungmoq lé dum lhoq pûn é dông, ahkyak é pé ra-am lé a gyuq a wàm kâ kat bê nghut lhê.  
\v 16 Hkâsu mù gâ le, tûngbaù pé gi, Chyoiyúng Woi-nyí dông mai lhoq sân-yúng é hui luî, Garai Gasâng èq hap yù gíng é hkungga wó dut kó sháng gaq ga, Garai Gasâng é gabú danglù lé hkô râ hkyangjong é wò dông, tûngbaù pê chyáng, Hkrisduq Yesuq é hpungmû wùn sû dut râ matú, Garai Gasang, ngo lé jeju byî é yanmai nghut lhê. 
\p  
\v 17 Haû mù luî, ngò gi, Garai Gasang lé dojaú é hkyô eq séng luî, Hkrisduq Yesuq má nghutbûn nyi lhê.  
\v 18 Ngò gi, ngò taî é eq zui saî é muzó dông le, haû Woi-nyí é a-tsam chûng mù, kumlhá pé eq laklaí kumlhá pé dông le, tûngbaù pé lé, Garai Gasâng é jìno gyo shoq shuî û é má, ngo lé Hkrisduq nhang é muzó hkyô lé taî é mai lai luî, gotû haî lé le wám taî é a nghut.  
\v 19 Haû mù luî, ngò gi, Yerusalem wà mó mai Ilurihkam mau jé shoq é hkyô awui ayàm jàm shoq, Hkrisduq é gabú danglù lé hko kyo bê nghut lhê.  
\v 20 Ngò hkâ-nhám le myit tuî nyi é hkyô gi, góyuq hi tô é apûn awang má dum a puq saî pyâm é za, Hkrisduq lé a sé shi é jowò má gabú danglù hko kyo râ hkyô nghut lhê.  
\v 21 Haû gi, 
\q1 "Yhâng é hkyô lé, taî kyô é a hui shî é bang, myàng kó râ nghut luî, 
\q2 a wó gyô wú é bang, sê gyo kó râ nghut lhê."\x + \xo 15:21 \xt Esai 52:15\x* 
\m ga kâ tô é eq rajung za nghut ri.  
\v 22 Haû mù luî, ngò, nungmoq chyáng lé jé râ lé, anum num hkyikyo luqlhum dut nyi é gi, muzó hau é yanmai nghut lhê. 
\s1 Romaq Myuq Lé Ló Kum Râ Sôn É Hkyô 
\p  
\v 23 Nghut kôlhang, ahkuî gi, shí mau pé má ngò zui saí râ jowò a joq lo é nghut mù, nungmoq lé myàng nau nyi é zanwut myo myo nghut bê eq rajung za,  
\v 24 ngò, Sipin ming shut ló é hkûn, nungmoq chyáng wàng râ sôn tô lhê. Ngò gi, lai ló é hkûn, nungmoq lé lò sô kum mù, nungmoq eq rayoq zo zùm yap ngón é htâng má sheq, ngá é hkyowui matú, nungmoq haû mai htuqbang kat râ lé, ngò myoqbyu tô lhê.  
\v 25 Ahkuî, ngò kúm gi, Yerusalem wà mó mâ é sân-yúng bang lé dojaú râ matú, haú wâ shut e ló é hkyolat má nghut nyi lhê.  
\v 26 Hkâsu mù gâ le, Makedoni eq Ahkaia mau mâ é bang gi, Yerusalem wà mó mâ é sân-yúng bâng chyáng mâ é myùng bâng é matú, garúm chyunghuq hkyui tsing nau bùm bekô nghut ri.  
\v 27 Yhangmoq gi, haû su kut nau bùm bekô nghut ri, gè gè ga jáng, haû gi, yhangmoq chyîn dap tô é dông ru nghut lhê. Hkâsu mù gâ le, haû Yudaq byu pê é woi-nyí eq sêng é shimân jeju lé, tûngbaù pé bo hkam yù bê nghut le gi, yhangmoq é sutzè shimân jeju lé, Yudaq byu pé eq chôm chûng râ chyîn dap tô é dông nghut lhê.  
\v 28 Haû mù luî, ngò gi, muzó shí lhum ban kut mù, garúm chyunghuq shî lé, yhangmoq wó hap yù bê lé hkyak sê é htâng má, Sipin ming shut ló râ nghut mù, laî ló uchyang, nungmoq chyáng lé sô kum râ nghut lhê.  
\v 29 Ngò gi, nungmoq chyáng lé jé é hkûn, nungmoq é matú Hkrisduq é shimân jeju byíng jup é èq jé lé râ nghut é lé, ngò sê lhê. 
\p  
\v 30 Gumang wuì ê, ngá é matú Garai Gasâng chyáng kyûdung byî é dông, ngò wum kat yhang shikut é hkyô má nungmoq bo wàng lòm râ matú, nga-nhûng é Yhumsîng Yesuq Hkrisduq eq Woi-nyí é chyitdap myit é yanmai, ngò, nungmoq lé wum taî tsuq kat lhê.  
\v 31 Yuda mau mâ é a lumjíng bâng chyáng mai, ngò hkyi yu é wó hui luî, Yerusalem wà mó má ngò wùn waq é muzó lé, haú mâ é sân-yúng bang hap yù gíng é wó dut râ matú kyû bo dung byi keq.  
\v 32 Haû jáng sheq, ngò gi, Garai Gasang ô nau é dông mai, gabú myit èq nungmoq chyáng wó jé lé mù, nungmoq eq rahá wum-o wó yû râ nghut lhê.  
\v 33 Haû nguingón hkyo é Garai Gasang gi, nungmoq banshoq bang eq rahá rû nyi nyì sháng gaq ô. Amen. 
\c 16  
\s1 Shi-kyám Dang 
\p  
\v 1 Ngò gi, Kenhkrea noqkuq hpúng mâ é hpungtê, nga-nhûng é gu-nhá Hpobe lé, nungmoq chyáng shichyen byî kat lhê.  
\v 2 Nungmoq gi, sân-yúng bang kut gíng é eq rajung za, haû Yhumsîng má yhang lé hap yù luî, yhang râ tô é hkyô haî nghut kôle, yhang lé htuqbang keq. Hkâsu mù gâ le, yhang gi, byù myo myo lé le, ngo lé le, gyai yhang garúm lai bê sû nghut lhê. 
\p  
\v 3 Hkrisduq Yesuq má ngò eq mû wùn luzúm nhik nghut é, Priskila eq Akula lé bo shi-kyám byi keq.  
\v 4 Yhangnhik gi, ngá é asak é matú, yhangnhik é asak sum râ í yhang dut wú kô é nghut mù, ngò za a nghut, tûngbaù pê é noqkuq hpúng pé banshoq le, yhangnhik lé jeju bûn lhê. 
\p  
\v 5 Yhangnhik é yhûm má chôm huî zup é noqkuq hpúng lé le, bo shi-kyám byi keq. 
\p Asia mau má, Hkrisduq lé sâng-hi lumjíng wang lo é, ngò chyitdap é Epanetu lé bo shi-kyám byi keq. 
\p  
\v 6 Nungmoq é matú gyai yhang shikut wú bê sû nghut é Mariq lé bo shi-kyám byi keq. 
\p  
\v 7 Ngò eq rahá htóng lúng wú bê nghut é, ngá é buinùm, Androniku eq Yunia nhik lé bo shi-kyám byi keq. Yhangnhik gi, lagyô pé má myoqdong wó su nhik nghut é htoq agó, ngá é hí má, Hkrisduq má ngò a nyì shi le nyì bê sû nhik nghut akô. 
\p  
\v 8 Haû Yhumsîng má, ngò chyitdap é sû, Ampliatu lé bo shi-kyám byi keq. 
\p  
\v 9 Hkrisduq má, ngamoq é mû zui luzúm nghut é Orban eq ngá é chyitdap luzúm Staku lé, bo shi-kyám byi keq. 
\p  
\v 10 Hkrisduq má chyam é hui mù, wó lûm bê sû, Apele lé bo shi-kyám byi keq. 
\p Aristobulu eq sêng é yhumbyù wuì lé bo shi-kyám byi keq. 
\p  
\v 11 Ngá é buinùm Herudion lé bo shi-kyám byi keq. 
\p Haû Yhumsîng má nghut nyî bê bang, Narkiso é yhumbyù wuì lé bo shi-kyám byi keq. 
\p  
\v 12 Haû Yhumsîng má mû zui shikut é myiwê nhik, Truhpena eq Truhposa lé bo shi-kyám byi keq. 
\p Haû Yhumsîng má mû zui gyai yhang shikut é myiwe góyuq, ngá é chyitdap luzúm Persi lé bo shi-kyám byi keq. 
\p  
\v 13 Haû Yhumsîng má hkyin yu é hui bê sû, Ruhpu lé le, ngá nu dông nghut wú bê nghut é Ruhpû é yhângnu lé le, bo shi-kyám byi keq. 
\p  
\v 14 Asunkritu, Hpelegon, Herme, Patroba, Herma eq yhangmoq eq rahá nyi é gumang wuì lé, bo shi-kyám byi keq. 
\p  
\v 15 Hpilologu, Yulia, Nerea eq yhâng é nhammó eq, Olumpa, yhangmoq eq rahá nyi é sân-yúng bang banshoq lé, bo shi-kyám byi keq. 
\p  
\v 16 Rayuq eq rayuq, chyoiyúng bopuq é èq shi-kyâm lhum keq. 
\p Hkrisduq é noqkuq hpúng pé banshoq gi, nungmoq lé shi-kyám dang sang kat akô nghut ri. 
\p  
\v 17 Gumang wuì ê, nungmoq é lumjíng hkyô má, nungmoq mhoq hkam yù bê nghut é mhoqshit hkyô eq shai lhûm é, gam hkoq hkyô pé eq myit leqbat hkyô pé lhoq htoq é bang lé sidiq keq nghû, wum taî tsuq kat lhê. Yhangmoq lé koi pyám keq.  
\v 18 Hkâsu mù gâ le, haû sû é bang gi, nga-nhûng é Yhumsîng Hkrisduq lé dojaú é bang a nghut é za, yhumsing é wamdaû matú dojaú é bang nghut akô. Yhangmoq gi, myit nú-nhâm é bang lé, dang ngón dang nguî dông mhaú zô akô nghut ri.  
\v 19 Nungmoq, jìno gyo kô é hkyô lé, yuq hkangmó wó gyo bê nghut ri; haû mù, ngò gi, nungmoq é matú gyai yhang gabú nyi lhê; nghut kôlhang, ge é hkyô eq séng luî gi, nungmoq hpaqchyî bò mù, agè ashop hkyô eq séng luî gi, nungmoq a bo lòm râ lé, ngò ô nau ri. 
\p  
\v 20 Nguingón hkyo é Garai Gasang gi, a myáng má, nungmoq é hkyiwa ô má Tsadán lé nang pyeq pyám râ nghut lhê. 
\p Nga-nhûng é Yhumsîng Yesuq é jeju gi, nungmoq eq rahá nghut nyî sháng gaq ô. 
\p  
\v 21 Ngá é mû zui luzúm Timohti gi, nungmoq lé shi-kyám dang sang kat ri; haû eq rajung za, ngá é buinùm wuì Luki, Yason eq Sosipata pé le, shi-kyám dang sang kat akô nghut ri. 
\p  
\v 22 Laiká shî lé bo ká sû ngò Tertiu gi, haû Yhumsîng má nungmoq lé shi-kyám kat lhê. 
\p  
\v 23 Ngo lé le, noqkuq hpúng gón lé le, bíng hkulum é sû Ge-u gi, nungmoq lé shi-kyám dang sang kat ri. 
\p Haû wa mâ é ngùnzui sû Erastu eq nga-nhûng é gumang hpó Kuartu gi, nungmoq lé shi-kyám dang sang kat akô.  
\v 24 Nga-nhûng é Yhumsîng Yesuq Hkrisduq é jeju gi, nungmoq lhunglhâng bang eq rahá nghut nyî sháng gaq. Amen.\f + \fr 16:24 \ft Chyúmding ra-am má chyúmbun 24 shî a bo é nghut lhê.\f* 
\p  
\v 25 Byù myû chângjup bang lumjíng luî, Yhang é jìno gyo sháng gaq ga, a-nham pyat mai haq tô é hui kôlhang,  
\v 26 ahkuî, ahtum abyuq é Garai Gasâng é hkunmó é yanmai, myiqhtoi laiká pé dông hpông shit é eq sé nhâng bê nghut é, sê gyo wuî é hkyo é shing-rán má cháng luî, ngá é gabú danglù eq Yesuq Hkrisduq é hkyô taî pyo é dông, nungmoq lé wó lhoq ging tíng byî é,  
\v 27 rayuq za é hpaqchyî bo sû Garai Gasâng chyáng, Yesuq Hkrisduq dông mai, hpungwup shingkang gi, ahtum abyuq ru joq nyî sháng gaq ô! Amen.