\id TIT Western Arrarnta Titus, March 97, CRC, bmh 
\h TITUS 
\toc3 Titus 
\toc2 Titus 
\toc1 TITUS 
\mt1 TITUS  
\c 1  
\s1 Anparnintja  
\p
\v 1 Yinga Paul Altjirraka urrkapunhapunha nama, Jesua Kristaka apostle turta.  
\p Altjirrala yinganha yairnaka, relha erala urrarakala ntjarrurna, atha etnanha angkatja nthurrpa erinha kaltjinthitjika. Etnantama angkatja nhanha wumala erinha tnakitjinanga, alkngaltara turta ntelalhitjinanga.  
\v 2 Kurunga etna turtantama tnoatnoa kaaralhitjinanga ngampakala etatha nitjika. Arai, Altjirrala alha nhanha itjantema arrpmarnakalanga, era kala relha ekuranha ntjarranha lhelaka, etna ngampakala etatha nitjinala. Altjirranha turta itja orrtjerrama.  
\v 3 Lyarta era relha ntjarranha lhelintja nhanhiperra ilakantama, atha etnanha Yia Marra erinha kaltjinthamalanga. Altjirra erarrpa, Tangkalhelanha nurnakanhala, yinganha turnaka etnanha Yia Marra erinha kaltjinthitjika.   
\p
\v 4 Titus-ai, atha Paul-ala pepa nhanha ungkwangurna yairnama. Unta kunha worra nuka inthorra ngerra nama, ilirna Altjirra nyintanha tnakamanga. Altjirra Kaartanha, Krista Jesua Tangkalhelanha nurnakanha turta, ungkwanga ngwanga rilhera turta ntelalhama.   
\s1 Titus-ala worlamparinyaka ntarntarintja ingkairnitjika  
\p
\v 5 Atha nganha nhanga pmara Crete-aka impurlalhaka, unta urrkapuntja arrpunha nhanga mangkilitjika. Unta turta worlamparinya ingkarrakaka ntarntarintja ingkairnitjika, atha nganha turnakala ngerra.  
\v 6 Ntarntarintja nhanha etna ilparnintjakunya nitjika. Etna noa nyintakarta nitjika. Katjia etnakanha turta tnakanhakanha nitjika, itja irtirta, kangkwerrintja marnta paka.   
\p
\v 7 Worlamparinyaka tnairnarintja era turta ilparnintjakunya nitjika, era Altjirraka worla tnairnamanga. Era itja tjurnalhitjika, aaka paka yonthitjika. Era itja artwa drunk-erranha nitjika. Era itja tunhatunha nitjika, money-aka lherranha paka.  
\v 8 Era relha epinyaka tjina ntelalhitjika. Era angkatja marrakalka kangkitjika. Era eterrintja marrakarta nitjika, arratja turta. Era kerrintja nitjika. Era turta lherrintja kornanga ntarntaralhitjika.  
\v 9 Nurna nhanga Altjirraka angkatja nthurrpa erinha kaltjinthaka. Angkatja nhanha tnairnarintja era kuta tnyinitjika. Kurunga era relha ntjarranha kaltjinthamalanga, era tnakanhakanha ntjarranha tjipatjipilitjina, paala angkanhangkanha ntjarranha turta arratjilitjina.   
\s1 Relha paala kaltjinthamala ntjarranha parrai  
\p
\v 10 Arai, relha ntjarra arrpunha kangkwerrintja marnta nama. Etna yia palkinya angkama, orrtjerrama turta. Etna turta artwilintjiperra kuta angkarlanama.  
\v 11 Untataka etnanha ilitjika, etna tjukunyerritjika. Etna kunha ramarama arrpunha ntjarranha parrpartilama, etnanha paala kaltjinthamala. Etnataka lakinha kaltjinthama, money-akakwia wara.  
\v 12 Artwa Crete-arinya nyinta, artwa inangkarla, arrpunharanga lakinha angkaka,  
\q1 “Relha Crete-arinya ntjarra,  
\q1 kutatha orrtjerrama.  
\q1 Etna kutatha alkngarnterrama,  
\q1 karningka turta nama.  
\q1 Etna kutatha kwapakwapala ilkuma, ntjuma  
\q1 turta.”   
\p
\v 13 Angkatja nhanha kala arratja inthorra nama. Lakinhanga unta paala kaltjinthanhinthanha ntjarrurna ilpungarrungarra inthorra angkitjika, etna Altjirranha arratjatitjantama tnakitjinanga.  
\v 14 Etnanha ilai etna itja wotha relha Jew ntjarraka yia kornakornaka kangkwerritjika. Etna turta itja relha lenha ntjarraka kangkwerritjika, etnala Altjirraka angkatja nthurrpa erinha ipmintja impukala.   
\p
\v 15 Relha etnala eterrintja marrakarta nama, etna kala marniperra, kariperralka arratja kuta etarlarama. Kanha relha etnala eterrintja kornakarta nama, etna marniperra, kariperralka paala kutala etarlarama. Eterrintja pa etakintja etnakanha korna kutanga warta.  
\v 16 Relha nhanha etna angkama etna kula Altjirraka kaltja. Etna pula ntelalhama, etna Altjirraka kotna namanga. Relha nhanha etnataka korna inthorra. Etna itja Altjirraka kangkwerrama. Etna turta yarna kuta marra paka ntelalhama.   
\c 2  
\s1 Angkatja nhanga Titus-alala tnakanhakanha ntjarranha kaltjinthitjika  
\p
\v 1 Titus-ai, unta pula worla ungkwanganha angkatja arratjanta kaltjinthitjika.   
\p
\v 2 Kngarripata ntjarranha ilai etna itja wine kngarra ntjutjika. Etna pula ilporatha nitjika, arratja eterritjika turta. Etnanha ilai turta, etna Altjirranha arratja kuta tnakitjika, relhaka kangkintja ntelalhitjika, itja porrkerritjika turta.   
\p
\v 3 Arrkutja kngarripata ntjarranha ilai etna turta Altjirraka kuta eterritjika. Etna itja lhurrkurta angkitjika. Etna itja wine-aka kngarra kangkitjika. Etna arrkutja kurrka ntjarranha marra kaltjinthitjika,  
\v 4 etnanha ilamala etna noa etnakanhaka, katjia etnakanhaka turta kangkitjika.  
\v 5 Etna arratja eterritjika, kerrintja nitjika, iltha etnakanha marra ntarntaritjika, relha arrpunhaka kangkintja ntelalhitjika, noa etnakanhaka turta kangkwerritjika. Etna lakinha ntelalhamanga, relha arrpunha ntjarrala Altjirraka angkatja yarna arrampowutjina.   
\p
\v 6 Artwa kurrka ntjarranha ilai, etna itja lherrintja kornaka kangkwerritjika.   
\p
\v 7 Untarrpa turta arratja ntelalhai, arrpunha ntjarra ungkwanganga ingkapala lhitjinanga. Unta worla ungkwanganha kaltjinthamalanga, unta kerrintja nai, ilporatha turta.  
\v 8 Unta turta etnakurna katha angkai, etna nganha arratja wutjinanga. Kurunga relha etnala nurnaka antjakunya nama, etna yarna nurnakiperra lhurrkurta angkitjina.   
\p
\v 9 Urrkapunhapunha ntjarranha ilai etna kutatha itornka etnakanhaka kangkwerritjika. Etna turta etnanha itja angkatja nthitjalputjika.  
\v 10 Etna turta itja nyilkngakerritjika. Etna pula itornka etnakanhaka yultha arratja inthorratitja ntarntaritjika. Kurunga relha kotna ntjarrala turta lhangkaritjina, kaltjinthintja Altjirra Tangkalhelanha nurnakanhiperra, era kaltjinthintja tjiparra namanga.   
\s1 Tnakanhakanha era arratja ntelalhitjika, Altjirrala erinha alkngaltarilakalanga  
\p
\v 11 Arai, Altjirranha ngwanga nama, era turta relha ingkarrakanha tangkalhelitjika antja nama. Nhanha Altjirrala relha ingkarrakaka katha inthorra ntelaka.  
\v 12 Era turtantama nurnanha kaltjinthama itja wotha ekura irrpaltherritjika, lherrintja kornaka turta itja kangkwerritjika. Nurna pula lyarta arratjantama ntelalhitjika, ekura kuta eterritjika turta,  
\v 13 nurna kaaralhamalanga Altjirra Kngarra nurnakanha makalaria inthorra pitjalputjika. Nhanhatitja, nurna Krista Jesua Tangkalhelanha nurnakanhaka kaaralhamalanga.  
\v 14 Krista Jesua era kunha nthalhakala, nurnakakwia, era korna ingkarraka nurnakanha iwutjinanga. Nurnantama relha alkngaltara ekuranha nitjinanga. Nurna turta kutatha antja nitjinanga kangkintja ntelalhitjika.   
\p
\v 15 Angkatja nhanha ingkarraka unta worla ungkwanganha kaltjinthai. Etnakurna ilpungarrungarra angkai. Arrpunha paka paala angkamanga, erinha parrai. Itja porerrai.   
\c 3  
\s1 Relha Lorinya ntjarranga urlarra arratja ntelalhai  
\p
\v 1 Unta worla ungkwanganha kutatha ilpangkalhelai, etnakathaka nama tjitjarta ntjarraka kangkwerritjika, itornka ntjarraka turta. Etna turta thakerritjika kutatha arratja ntelalhitjika.  
\v 2 Etna itja relha arrpunhiperra lhurrkurta angkitjika. Etna pula relha ingkarrakaka rilhera, antjapulya turta ntelalhitjika.  
\v 3 Arai, arrkurla nhanga nurna turta irtirta nitjata, kangkwerrintja marnta turta. Nurna lherrintja kornaka kangkwerritjata. Nurna ntelalhitjata nurna antja namanga ngerra. Nurna relha arrpunhaka yulthakalka lherritjata. Nurna yirrknga nitjata. Nurna leltjakaleltja nitjata, nyintaminyinta arrpunhaka antjakunya turta.   
\q1
\v 4 Kurunga Altjirranha, Tangkalhelanha  
\q1 nurnakanha pitjika. Era nurnaka  
\q1 montjamontja, kangkintja turta ntelalhaka.   
\q1
\v 5 Erantama nurnanha tangkalhelaka, erarrpa  
\q1 montjamontja namanga, itja nurna relha  
\q1 arratja, marra paka namanga.  
\q1 Era nurnanha tangkalhelaka nurnanha  
\q1 kwatjala ilkngimala, Enka Alkngaltarala  
\q1 turta lyartinyilamala.  
\q1 Lakinha nurna wotha alkngerraka,  
\q1 Altjirraka katjiantama.   
\q1
\v 6 Enka Alkngaltara nhanha erinha  
\q1 Altjirrala nurnakurna yairnaka, Jesua  
\q1 Krista, Tangkalhelanha  
\q1 nurnakanharlarlanga.   
\q1
\v 7 Nurna Altjirranga urlarra kala relha  
\q1 arratjantama nama, Altjirranha nurnaka  
\q1 ngwanga ntelalhakalanga. Lakinhanga nurna  
\q1 kala 'lirantama nama. Nurna turtantama  
\q1 tnoatnoa kaaralhama pmara ngampakala  
\q1 ekuranhurna irrputjika.   
\q1
\v 8 Nhanha angkatja nthurrpa nama.  
\p Yingantama antja unta angkatja nhanha ekarlta kuta kaltjinthitjika. Kurunga relha etnala Altjirranha tnakama, etna relha arrpunhaka tangitjala nitjina, kangkintja turta ntelalhitjina. Arai, angkatja nhanha athala ilentjikala, etnataka relha ingkarrakaka tjiparra nama.  
\v 9 Kanha angkatja irtirta, palkinyalka kala impala. Relha arrpunha ntjarra mpaarangarangiperra iwurramanga, etnanha impai etnarrpa iwurritjika. Angkatja lakinhala yarna relhanha marrilama, tangkalhelama paka.  
\v 10 Relha arrpunhala paka worlamparinya etnanha tjalpalhelamanga, unta erinha parritjika. Unta paka erinha tharraranga yarna parrakalanga, ekuranga kala tjanantalhai.  
\v 11 Relha lakinha ngerrataka kala parrpartilalhakala nama, imilalhakala turta.   
\s1 Angkatja ingkarninya  
\p
\v 12 Atha artwa Artemas-anha ungkwangurna yairnitjina, itjanga paka, artwa Tychicus-anha. Era kala ungkwangurna pitjikalangantama, unta nukurna parrpa pitjai, Nicopolis town-urna. Yingataka eterraka Nicopolis ekurala kuterritjika, lhurrpaka.   
\p
\v 13 Artwa intarrangaltha nhanga, Zenas-anha, nukurna parrpa yairnai, artwa Apollos-anha turta. Itja kngwerrai erinhatharra tjaiyaka wantitjika.   
\p
\v 14 Relha nurnakanha kunha kaltjerritjika relha nakapakarlerrakala ntjarraka tangitjala nitjika. Kurunga etna itja palkala wara narlanitjina.   
\p
\v 15 Relha etnala nukalela nama, etna nganha anparnama. Unta turta tjina tnakanhakanha ilirnakanha anparnai.  
\p Altjirranha rrakangkarra ingkarrakaka ngwanga ntelalhama.