\id 3JN - HALABA NEW TESTAMENT
\ide UTF-8
\h ሰቅ ያህይ
\toc1 ያህይ ከተቦ ሰቅ ሶህኑተ
\toc2 ሰቅ ሶህኑተ
\toc3 3 ያህ.
\mt1 ያህይ ከተቦሃ
\mt2 ሰቅ ሶህኑተ
\imt1 ኣጉስ
\ip ሰቅ ያህይ ሶህኑት ከተበንቶኢሁ «ባልቆ አሳቤቾ ያህይን» እሀን ከተበሞንኩ ጋዮሴ ዬኖ ዱእ ምኒ አወንሳንቺሃት እቅ፤ ከተባንቹንኩ መቶ አዲን ዎሉ አመዕናኑተ ሀዕለን ጋዮሴ ገለትጨኖስ፤ ዎሎ አዲን ዲዮትሬፊስ ዬኖስ ሂለ መንቺች አገዕሮታ ቃግሰኖስ።
\iot መጻፉስ አፎሃ
\io1 ኣጉስ \ior (1-4)\ior*
\io1 ጋዮሴ ገለትጩ \ior (5-8)\ior*
\io1 ዲዮትሬፊስ ዎቀሰሙስ \ior (9-10)\ior*
\io1 ድሜጥሮሴ ገለትጩ \ior (11-12)\ior*
\io1 መጨረሸስ \ior (13-15)\ior*
\c 1
\p
\v 1 ሀንቅን ኢታንኬ ጋዮሴ፥
\p ኢች ባልቂቺች ሶሀንቶ ሶህኑተ፦\x - \xo 1፥1 \xo*\xt ሶቀ. 19፥29፤ ሮሜ 16፥23፤ 1 ቆሮ. 1፥14።\xt*\x*
\p
\v 2 ኢተንቶንት አመኤ ቤቶ! አያኒን ፎሉክ ጡመ እሁስ ደጎም፤ ህትን አን ጉዕሙርቹንኩ ብዝዮሄተለከ አፍያተ ደእቶተ ዱአ አኣሚት። 
\v 3 ሀንቂሃ አመዕነንቶንቲሃ እሁክለከ ፈንቀላንታንቲንኩ ሀንቂን እኮገ መት-መቱ አመዕናኑት ኩልታዕኔ አበ ተሽ ይዮኤ። 
\v 4 አን ኦሱኤ ሀንቅ አዎንታገ ሞጮጪች በተአኖ ሙንዲሲሰኖርቹ ዮበአ።
\s1 ጋዮስ ገለትጨሙስ
\p
\v 5 ኢተንቶንት አመኤ ቤቶ! ኬሳሃ ኮሃ እኮጎሬሁ አመ ኦሶተ አታንትርቾን ጉዕማንን አመዕነቶንትሃን። 
\v 6 እሰን ኢተክተኔሃ ዱእ ምናን ኩልቶኡ፤ ቴሁ መገኑ ሙንዲሲሰኖ ሃሊን ዎቄሰ ሽንቅተ ሀዕልቶንትጎሬ ጡመ አታንቲት። 
\v 7 ሱዕምስተኔሃ ፉልቶኢሁ አይሁደ እህበ መኒች ሜጡረ ቶጉዕናንት። 
\v 8 ህካን እኮቤቺሃ ነኡ ሜጡበ እሂን ሀንቅ ሆጉተ አዕኖተ ህትኔ ኮህነቱ ቶጉ ሀስሰኖኔ።
\s1 ዲዮትሬፊስ ዎቀሰሙስለከ ድሜጥሮሴ ገለትጨሙስ
\p
\v 9 ከኒች ብርተ ዱእ ምኒሃ ደብዳቤተ ከተቦም፤ ጠዉ እኮጎሬ ገውንኩስ አዎንሳንቹ እሆተ ሀሰኖ ዲዮትሬፊስ ጠወእ ቶጎበአ። 
\v 10 ህካን እኮቤቺሃ አን ክዕኔቤቹ አሜታምረ እስ ቦሮረኔለከ ሙልሰኔ አዕዮ ሂለ ሆጎስተኔሃ በነቻን ጠወኣም፤ ካን አዕዮሁ ሆፈዕያንስ አመኦሱተ ኮህንተ ቶገኖበአ፤ ዎሉሰ ኮህንተ ቶጋበእገ ከመኖ፤ እሰንተ ዱእ ምናች ፉሸኖሰ።
\p
\v 11 ኢተንቶንት አመኤ ቤቶ! ጡመ አጉድ ቤሉ ሂለ አጉዶት፤ ጡመርቹ አአኖሁ ጉዕሙንኩ መገንየን፤ እኮጎሬ ጡመርቹ አእባሃ መገኑ ደገኖስበአ።
\p
\v 12 ድሜጥሮስተኔሃ መኑ ጉዕሙንኩ ጡመርቹ መሰከረኖት፤ ህትን ሀንቁ ገዉንኩስ መሰከረኖ፤ ነኡሁ መሰከርናም፤ ኒ ምስክሩንኩ ሀንቅ እሁስ አት ደጋንት።
\s1 መጨረሽ ወገሬትሱ
\p
\v 13 አን ከተባንክዕኔ ልግቡ ጠው ሄዕዮኤጎሬ ደብዳቤን ከተቦተ ሀሾምበአ። 
\v 14 አን ግደኖ በሬን ደቀሞሄተ ተብሳሃ አኣም፤ ህከ ወክት ሜጡበ እንክ ጉዕመርቹንከ ጠወዕናም።
\p
\v 15 ወገሬቱ ኬሳን እሁን።
\p ኢተክ ጉዕሙንኩ «ወገሬቴ» ይታሄት። አቲሁ ኢታተኔ ጉዕሚንከ «ወገሬቲኤ» ኢልስ።