\id 1PE - HALABA NEW TESTAMENT
\ide UTF-8
\h ዎኔ ጴጥሮሴ
\toc1 ጴጥሮስ ከተቦ ዎኔ ሶህኑተ
\toc2 ዎኔ ጴጥሮሴ
\toc3 1 ጴጥ.
\mt1 ጴጥሮስ ከተቦሃ
\mt2 ዎኔ ሶህኑተ
\imt1 ኣጉስ
\ip ዎኔ ሶቀማንቾ ጴጥሮሴ ሶህኑት ከተበንቶኢሁ ሶህኖስ ኣዜን «መገኑ መጠሮ ኡመቲሃ» የመም ገአመኖለከ ቀዎ እስይ ቅልብ አዲን ብንይቶ አመዕናኖታት፤ ሶህኖስ ቡዕለ እኮ ጠዉ አመዕነትሰ መሳን ሸረሙለከ ኦርሸት ኢልቶሰ አመዕናኑተ ጠረኝሲሃት፤ ከተቦሲሁ ህካን አዕዮሁ ሬሁስ፥ ሬሆች ኬኡስለከ ፈንቀል አሜትስ ተብሳሃ ኩለኖ፤ መሲህ ኢስ ተሽት ላገተ አነበባሀኑኡተ ቃግሲሃት፤ መሲህ ኢስ ሄዕዮ ሃል ምሳልተ አዕይ ኦሪሸተ አታዕሊን ቶጉ ሀስሰኖገ ቃግሰኖ፤ ህከኒንን በርግ ኦሪሸት አመዕነትሰ ጠረኝመተ ፌተንታኢሃ እሁስ «መሲህ ኢስ ለለኖ በር» ሀስሰኖ ወጥሰ ደእታኢሃ እሁስ ቃግሰኖሰ፤
\ip ከተቦሲሁ ኦሪሻን አታዕልቶተ ጠረኝሰኖሀኒች በትሽ አነበባእሩ መሲህ አዎንታስሩ ሄኡ ሀስሰኖሰ ሃሊን ሄኦተ ቃግሰኖሰ።
\iot መጻፉስ አፎሃ
\io1 ኣጉስ \ior (1፥1-2)\ior*
\io1 መገኑ ጡምሳንቹ እሁስ ቃግሰኖ ጠወ \ior (1፥3-12)\ior*
\io1 ጠሊለ ሄኡ ሄኦኖተ ኣሰንቶ ሸዘነተ \ior (1፥13—2፥10)\ior*
\io1 ኦርሸ ወክት አመዕናኑት አኡ ሀስሰኖሰ ጠወ \ior (2፥11—4፥19)\ior*
\io1 አመዕናኖ ገዉ ሆፍሱለከ ክድመተ \ior (5፥1-11)\ior*
\io1 መጨረሸስ \ior (5፥12-14)\ior*
\ie
\c 1
\p
\v 1-2 መሲህ ኢስ አሳቤቹ እኮም ጴጥሮሴች አኑ መገኑ ሄጭ ደግንከስ መጠሮህዕኔሀኑኡተ፥ መሲህ ኢሲሃ አዘዘንቶኖተለከ ቄጊንከስ ሄበ መራጨ አኤናን ነጠ እኮኖተ ጠሊለ አያኒን አደ እኬንተሀኑኡሃ ጳንጦስያን፥ ገላትያን፥ ቀጳዶቅያን፥ እስይ ባዶንለከ ቢታን ባዶን ኮሀ እኬን ብንይቴን ሄኤነንተሀኑኡተ ጉዕሚንከክዕኔ ሶሀንቶእተ ሶህኑ፤
\p ክዕኔንከ መገን ኣስቱትለከ ወገሬቱ በተኡንክዕኔ።
\s1 ሄአኖ ተብሳሃ
\p
\v 3 መሲህ ኢስ ሬሆች ኬእ መሳን ሄአኖ ተብሳ ኣሴኔሁ አበ አሙዚን ለንክ ሃዕሮ እለንሸ ኣሴኔ ቀርቹሃኔ መሲህ ኢስ አኑ መገኑ ገለትጨሙን። 
\v 4 እስን በእቡ፥ ሸምቡለከ ባልቅቡ እርስተ ሰማን ቅጥአዕዮህዕኔ። 
\v 5 አዕኑ ጎፍሜ በር ለለኖ ጡሚሃ አመዕነት መሳን መገን ዎልቃን አገረንቴንታአ። 
\v 6 ህካን እኮቤቺሃ ቀዎ ወክቲሃ አደደ ፌተነ ኣዜን ህጉክዕኔ ሻዝሰኖሃለከ ፈቅባሃ እኮጎሬሁ ጡሞንከክዕኔ ተሽ ዩንክዕኔ። 
\v 7 ሁኩ ፌተነት ኢልታህዕኔሁ አመዕነቱክዕኔ ሀንቅ እሁስ አጥራመትሃት፤ በአኖ ወርቁ ጊራን ፌተነመኖ፤ ሀንቅ አመዕነቱክዕኔ በአኖ ወርቂች በትሽ ዋጉ ዮሲሁ ህት ፌተነሙ ሀስሰኖስ፤ ሁኩ ሀንቅ አመዕነቱክዕኔ መሲህ ኢስ ፈንቀል አሜተኖ ወክት ገለት፥ ኬዕምኝለከ ናዱ ደግሲሰኖህዕኔ። 
\v 8 መሲህ ኢሰ ለኤንበጎሬሁ ኢትቴነንተስ፤ ቴሁ መሃ እሱ ለኤንበጎሬሁ እሶን አመዕንቴንታአ፤ ላጋን ኩሌን አታሌንበለከ ከበጀሞ ተሽቲን ተሽ የኖህዕኔ። 
\v 9 መሰንትስ አመዕነትክዕኔ ጎፍሞሃ እኮ ነብሴክዕኔ ጡሙ ደዕቴንተቤቺሃት።
\p
\v 10 ህካን እኮቤቺሃ ጡምተኔሃ ክዕኔሃ እሀኖ ኣስቱተ ራጎ ነብያከት አበ መረመርቶኡ። 
\v 11 እሰን ኣዜንከሰ ሄዕዮ መሲህ አያኑ መሲሁ አሌን ኢልታ ኦርሸተለከ ኦርሻች ኤተሮን አሜተኖ ኬዕምኝተኔሃ ሄጭ ለልሾ እቅ፤ እሰን ሁኩን ጉዕሙንኩ መ ወክትለከ ሀት እክ እሀኖጎሬ መረመርቶ እቅ። 
\v 12 ከን ጠውተኔሃ ነብያከት ካደንታ እቂሁ ክዕኔታት ቤሉ ገዉሰ እሁ ሆጉስ ለልዮሰ፤ ከ ጠወ ክዕኔሃ ዱዱብስቶኢሁ እንጂለ ክዕኔሃ ኤቦ መናከት ሰሜች ሶሀሞ ጠሊለ አያኒንት።
\s1 ጠሊለ እሄን ሄዕተኔሃ
\p
\v 13 ህካን እኮቤቺሃ ቀልብክዕኔ ኬሴን ሆጎተ ቅጥ ይዬ፤ መሲህ ኢስ ፈንቀል አሜተኖ ወክት ደእቴነንተ መገን ኣስቱተ ዊመ ቀልቢን ተብሳሃ አዕዬ። 
\v 14 ትዛዝ ቶጋ እለገ እኬን ደጉ ሆጊን ዎዕነ ዮህዕኔ ሂለ ሄዕላቸተ አዎንቶኖቼ። 
\v 15 ጠዉ እኮጎሬ ገኤህዕኔ መገኑ ጠሊለ እኮገን አዕኑሁ ሄኦንከክዕኔ ጉዕማንን ጠሊላኑተ እኬ። 
\v 16 መሰንትስ «አን ጠሊለ እኮምቤቺሃ አዕኑሁ ጠሊላኑተ እኬ» የመም ከተበሞኡ።\x - \xo 1፥16 \xo*\xt ሌዌ 11፥44-45፤ 19፥2።\xt*\x*
\p
\v 17 አዬሃ ጎሉዕናን ጉዕሚንከስ ሆጎስገ ፈረደኖ መገኑ «ኒ አነ» ይቴን ገእቴነንታሃ እኮች ከን ኣዱንያ አሌን ኮሀ እኬን ዮንተ ጌሳን መገኑ ዋጅቴነን ሄዕዬ። 
\v 18 አዕኑ አናካችክዕኔ ረገኤንተ ተሰ ሄኢች ወዘንቴንታሁ በአኖ ብሪን ህከረንገ ዎርቂን እሁ ሆጉስ ደጌነንተ። 
\v 19 አዕኑ ወዘንቴንታሁ ጤዕየት ህከረንገ ኩሌኖስርቹ ዮበእ ነጠ ሆልቹ እኮ መሲህ ኬዕምኝ ቄጊኒት። 
\v 20 እስ ለሌኢሁ ኣዱንያ አሉ ከለቀሙዕነ ብሬን እሀን ቴሱ ጎፍሜ ዘማኔን ክዕኔተኔሃ ለልዮኡ። 
\v 21 አመዕነቱክዕኔለከ ተብሶክዕኔ መገኖን እክ መሲህ መሳን እሱ ሬሆች ኬሾስለከ ኬዕምኝ ኣሴ መገኖን አመዕነንቴነንተ።
\p
\v 22 አመዕናኖተ አጉጣቀንሱ ዮበእ ኢተት ሄኦህዕኔተ ሀንቂሃ አዘዘንቴን ነብሳክዕኔ ነጠ አቴንታአ፤ ህካን እኮቤቺሃ ዊመ\f + \fqa ዊመ፦ \fqa*\ft የኖሁ መት-መቱ ሉህ ክታበት «ነጠ» ይታአ።\ft*\f* ቀልቢንከክዕኔ መት-መቲንከክዕኔ ጠረኝቴን ኢተቀሜ። 
\v 23 ለንኪሃ እለንቴንታሁ ሄአኖለከ ዘላለሚሃ ኡር ሄአኖ መገን ላጋን በእበ ዘሬቺት ቤሉ በኣ ዘሬቺበአ። 
\v 24 መሰንትስ
\q1 «መኑ ጉዕሙንኩ ህጤገ፤
\q2 ኬዕምኙስ ጉዕሙንኩ ቦብሎጋት፤
\q2 ህጥት ሞልታአ፤ ቦብሉንት ግግልታአ፤
\q1
\v 25 ጠዉ እኮጎሬ ቀርች ላገት
\q2 ዘላለሚሃ ጠረኚት ሄኣአ»
\m ዱዱብሰንቶህዕኔ ተሽት ላገት ተኒት።\x - \xo 1፥24-25 \xo*\xt ኢሳ. 40፥6-8።\xt*\x*
\c 2
\s1 ሄአኖ ክኑለከ ጠሊለ ኡመት
\p
\v 1 ቴሱ ሾክመተ ጉዕመንከ፥ ጣንሱ ጉዕመንከ፥ ተስቄነጡ፥ አቄሸተለከ ሄምተ ጉዕመንከ ክዕኔች ቄርስዬ። 
\v 2 ሃዕሮ እለንቶ ሰብያኑት አዙተ ሄዕላታሀንገን አዕኑሁ ጡምቶኖተ ነጵቴነን መርቴነንተ ነጠ ትምርት ሄዕላቼ። 
\v 3 መሰንትስ ሄዕላቶኖተ አታልቴነንታንኩ «ጠለዕል ቀርቹ ጎደበ ላፈ እሁስ ደጌነንተራት።»\x - \xo 2፥3 \xo*\xt መዝ. 34፥8።\xt*\x*
\p
\v 4 ህካን እኮቤቺሃ ሄአኖ ክኑ እኮ ቀርቾ ኢስቤቹ ሆንጠኬ፤ ሁኩ ክኑ መኑ ህንቅ አጉሮስ ጠዉ እኮጎሬ መገንሀኔን ዶዕርዮስሀለከ ከበጀሞ ዋጉ ዮስሃን። 
\v 5 ቀርቾሃ ኢስቤቹ ሆንጠኬነንታሁ ሄአኖ ክንገ እኬን መኪኒት፤ ከን ሃሌን መሲህ ኢስ መሳን ተሽ የኖ ክትመ መገኒሃ ሆንጠህሶኖተ ጠሊላኑተ ቂሰተ እኬነንተ። 
\v 6 ጠሊለ መጻፋን
\q1 «ሁኩንን ዶዕሬመስለከ ከበጀሞ
\q2 ሙረበ ቡዕል ክኑ ጽዮናን አፉሻም፤
\q2 እሶን አመዕነኖሁ ሆሮን ሙለኖበአ»
\m ይታ ላገት ከተበንት ደገንታአ።\x - \xo 2፥6 \xo*\xt ኢሳ. 28፥16።\xt*\x* 
\v 7 ቴሱ ክዕኔሃ አመዕንቴንተሀኑኡሃ ሁኩ ክኑ ኬዕምኙ ዮስሃን፤ ጠዉ እኮጎሬ አመዕንትቡሀኑኡሃ
\q1 «ግንበኛኑት ህንቅ ኡጅቶ ክኑ
\q2 እስ ሙረበ ቡዕል ክኑ እኮ።»\f + \fqa ሙረበ ቡዕል ክኑ፦ \fqa*\ft የኖሁ ምኒ እጃሬነን ኡርሴኖ ቱቅገ ምኒ እጀኖሃን።\ft*\f*\x - \xo 2፥7 \xo*\xt መዝ. 118፥22።\xt*\x*
\m
\v 8 ህትን
\q1 «መኒሃ ጉፍቹ እሀኖ ክኑ
\q2 መኑ ቆዕል ኡበኖገ አአኖ ክኑ» የኖ።
\m እሰ ላገስ አመዕኑ ሆጎቤቺሃ ቆዕልታአ። ሄጭትን ከኒሃ መጠረንቶእራን።\x - \xo 2፥8 \xo*\xt ኢሳ. 8፥14-15።\xt*\x*
\p
\v 9 ጠዉ እኮጎሬ አዕኑ ቱንስቺች አጀብሲሰኖ ኑሪሀስ ገኤህዕኔ መገኒሃ አጀብሲሳ ሆጉተ አዋጅቶኖተ መጠረንቴንተ ክልቀት፥ ዎመ ቂሰተለከ መገኑ ገይስሃ አዕዮ ጠሊለ ኡመት።\x - \xo 2፥9 \xo*\xt ፉል. 19፥5-6፤ ኢሳ. 43፥20-21፤ ዘዳ. 4፥20፤ 7፥6፤ 14፥2፤ ቲቶ 2፥14፤ ኢሳ. 9፥2።\xt*\x* 
\v 10 አዕኑ ወዕና መገንየ ኡመትበአ እቅ፤ እኮጎሬ ቴሱ መገንየ ኡመት፤ ወዕና ማርቱተ ደእቴንበረ እቅ፤ ቴሱ ማርቱተ ደእቴንታአ።\x - \xo 2፥10 \xo*\xt ሆሴ. 2፥23።\xt*\x*
\s1 መገን ካዲመተ
\p
\v 11 ኢ ጃላ! አዕኑ ከን ኣዱንያ አሌን ኮሀለከ መን ባዱ አሜቴንታሃ እኬንተቤቺሃ ነብሴንከክዕኔ ኦለመኖ ማል ሄዕላቻች አገዕርቶኖተ ኡጫንክዕኔ። 
\v 12 ሂለ ጠወ አቴነንተ ይት ሄዕምቶህዕኔጎሬ መገኑ ኔሳሃ ዳንዶተ አሜተኖ በር አመዕንትቡ መኑ ጡመ ሆጉክዕኔ ለእ መገኑ ገለትጭቶተ እሰ በላን ሄኤነን ጡሙ ሃሉ ሄኡንክዕኔ።
\p
\v 13 ቀርቾሃ ኢስተኔሃ ይቴን ሹምነቱ ዮስ መኒሃ ጉዕሚንከ አዘዘሜ፤ ጉዕመንከ መኒሃ ሀለቀተ እኮቤቺሃ ዎመ ዎሚሃ አዘዘሜ። 
\v 14 ባዱ ገሽታሀኑኡተ አዘዘሜ፤ እሰ ሂለ አታ መነ ቀጠኦተለከ ጡመ አታረ ገለትጭቶተ ዎመ ዎሚች ሶሀንቶእራን። 
\v 15 መሰንትስ ጡመ ጠወ አቴነን ገዉ መኑ ጠወኣ ጠወ ጨለ ይታገ አቶኖተ መገንተ ሃሽኣቱ። 
\v 16 መገን ካድመገ እኬን ሰዎልድማን ሄዕዬ ቤሉ ሰዎልድመክዕኔ ሂለ ጠወ ድቤነንታሃ አቶኖቼ። 
\v 17 መነ ጉዕመንከ ከበጅዬ፤ አመዕናኑተ ኢትዬ፤ መገኑ ዋጅዬ፤ ዎመ ከበጅዬ።
\s1 መሲህ ኦርሸ ምሳሌተኔሃ
\p
\v 18 አዕኑ ካዲመት ቀርቻኖተክዕኔ ከበጃን ጠገሜ፤ አዘዘንቴነንታሁ ጡማኖተለከ ጎደበ ላፋኖተ ጠለዕል እሳሃ እሁዕነ ሂላኖተ አዘዘሜ። 
\v 19 መንቹ ገለትጨመኖሁ ኢሬን ኦርሸተ ቶገኖረ መገንተኔሃ ይ ፈረሀኖራት። 
\v 20 ሂለ ጠወ አቴን ህከን ጠውተኔሃ ቅጣት ቶጌን ፈረኬንተጎሬ ም ገለቱ ዮህዕኔ? ጠዉ እኮጎሬ ጡመ ጠወ አቴን ህከን ጠውተኔሃ ኦሪሸተ ቶጌን ፈረኬንተጎሬ መገኒች ገለት ደእቴነንተ። 
\v 21 ገአንቴንታሁ ከኒሃት፤ መሰንትስ እስ ዎቃሃ አዎንቶኖተ መሲህ ክዕኔተኔሃ ኦሪሸተ ቶጊን ምሳልተ እኮህዕኔ። 
\v 22 እስ ሆሮ ጩብ አዕዮበአ፤ አፎንከስ ክዝብ ላገት ደገንቶበአ።\x - \xo 2፥22 \xo*\xt ኢሳ. 53፥9።\xt*\x* 
\v 23 ቦሮሬመስ ወክት ፈንቀሽ ቦሮሮበአ፤ ኦሪሸተ ቶጎ ወክት ፈየ ፈረደኖ መገኒሃ ገዉስ ህግሽ ኣሴ ቤሉ ፎከሮበአ።\x - \xo 2፥23 \xo*\xt ኢሳ. 53፥7።\xt*\x* 
\v 24 ነኡ ሬሆን አደ እህ ጌሰ ጩቢች አደ እንክ ፈይማን ሄዕኖተ እስ ገዉንኩስ ጩብኔ ማሊንከስ መስቀል አሌን እጄእ፤ እስ ጡሌን አዕኑ ፈይቴንታአ።\x - \xo 2፥24 \xo*\xt ኢሳ. 53፥5።\xt*\x* 
\v 25 አዕኑ በኦ ሆለገ ጀል ጀል ይቴነንታት እቅ፤ እኮጎሬ ቴሱ ነብሳክዕኔ አገረኖ ዜማንች አደ ፈንቀልቴንታአ።\x - \xo 2፥25 \xo*\xt ኢሳ. 53፥6።\xt*\x*
\c 3
\s1 ምኒ አንለከ ምኒ አመተኔሃ
\p
\v 1 ህትን ምኒ አማኖ! ምኒ አናኖተ አዘዘሜ፤ ከን ሃሌን መት-መቱ መገን ላጋን አመዕንትበረ እኮጎሬ ምንሰ አማኑት መቱርቹሃ ጠወኡዕናን ጠለዕል ምንሰ አማኖ ሃሊን አመዕንቶተ አታልታአ። 
\v 2 ክዕኔቤቹ አሜቶተ አታልታኢሁ ሙጩሩ እኮለከ መነ ከበጄኖሃ እሁክዕኔ ለአራት።\x - \xo 3፥1 \xo*\xt ኤፌ. 5፥22፤ ቆላ. 3፥18።\xt*\x* 
\v 3 ክዕኔ ደኑክዕኔ ሹሩበ ደዲን፥ ዎርቂን ሹልምሲንለከ ጤአተ ህዕሬን ኦደኤኖ ኦድኑተ ኦደኢን አብሌን ለኤኖ ሹልሚን እሁንከ።\x - \xo 3፥3 \xo*\xt 1 ጢሞ. 2፥9።\xt*\x* 
\v 4 ጠዉ እኮጎሬ ደኑክዕኔ መገን ብሬን ዋጉስ አበ ከበጀሞለከ በእበ ሹልሚን ጎደበ ላፍማንለከ ገዉ አገዕሪን ቀልቤን ኬዕምሰሞለከ በእቡ መክሲን ገዉ ሆፍሲንለከ አታዕሊን ሰውቲን ኣዝ ጅስሚን እሁን። 
\v 5 መሰንትስ ብሬ ዘማን መገኑ ተብሳ አታ ጠሊላኑ ሜንቱ መክጨንቶኢሁ ህትዪት እቅ፤ እሰን ምንሰ አናኖ ትዛዝ ቶጋ እቅ። 
\v 6 አዘዘንቶኢንኩ ሳረ እብራሂሚሃ «ኢ ቀርቾ» ይተን አዘዘንቶስ ደኒንት፤ አዕኑ ጡመ ጠወ አቴነንተረለከ መቱ ዋጅሲሰኖ ጠዉ ህልቅስባህዕኔጎሬ እሴተ እለ።\x - \xo 3፥6 \xo*\xt ክል. 18፥12።\xt*\x*
\p
\v 7 ህትን ምኒ አናኖ! ምኒክዕኔ አማኖን ሜጡበ አጥራመቲን ሄዕዬ፤ ክዕኔች በትስ ላፈ ክልቀት እኮቤቺሃለከ ክዕኔን ሜጡበ ሄእ ኣስቱተ ረገኣቤቺሃ ኬዕምሼሰ፤ ከን ሃሌን ዱእሃክዕኔ ጉፍቹ እሀኖርቹ ሄአኖበአ።\x - \xo 3፥7 \xo*\xt ኤፌ. 5፥25፤ ቆላ. 3፥19።\xt*\x*
\s1 ጡመ አኢን ኦሪሸተ ቶጉ
\p
\v 8 ጉዕሙንኩክዕኔ መት-መቲንከክዕኔ ኢታን ሄዕዬ፤ ዎሎ መን ኦሪሸተ ገይክዕኔሀንገ አቴን ሰውይዬ፤ አመኦሶገ እኬን ኢተቀሜ፤ ጎደበ ላፋኑተለከ ገዉክዕኔ ሆፍሴነንተረ እኬ። 
\v 9 ህትን ማሰዕዬ ቤሉ ሂለርቹ ሂለርቺንለከ ቦሮሩ ቦሮሪን ፈንቀሽቶኖቼ፤ መሰንትስ አዕኑ ገአንቴንታሁ ህካን አቶኖታት፤ ህካን አኦንከክዕኔ በረከተ ረገኤነንተ። 
\v 10 ጠሊለ መጻፋን
\q1 «ሙንዲኖን ዊሞ ሄኡ ሄኦተ ኢተኖሁለከ ጡመ በር ለኦተ ሀሰኖሁ
\q2 አረብስ ሂለ ጠወ ጠወኢች
\q2 አፎስ ሂለ ተንኩተ ጠወኢች ገዉስ አገዕሩን።
\q1
\v 11 ህትን ሂለ ጠወ አኢች ገዉስ አገዕሩን፤ ጡመ ጠወ አኡን፤
\q2 ህትን ወገሬት ሀሱን፤ ወገሬትንከ አዎኑን፤
\q1
\v 12 መሰንትስ ቀርች እልት
\q2 ጠሊላኑተ ለኣአ፤
\q2 መጨንትስ ዱአሰ ሞጮጭቶተ ፈንተኦእታን፤
\q2 ጠዉ እኮጎሬ ሂለ ጠወ አታ መን አሌን
\q2 ቀርቹ ኡሙዕሬ ሚኒተ ለሊሰኖ» የመሞኡ።\x - \xo 3፥10-12 \xo*\xt መዝ. 34፥12-16።\xt*\x*
\p
\v 13 ጡመርቹ አቶኖተ ሃሸኤንተጎሬ ምዕረተ ኢልሰኖህዕኔሁ አዬት? 
\v 14 ጠዉ እኮጎሬ ጡመ ጠወ አቴን ኦርሸተ ቶጌንተጎሬ በረከተ ደእቴነንተ፤ መን ፎከረተ ዋጅቶኖቼ፤ ጨነቀንቶኖቼ።\x - \xo 3፥14-15 \xo*\xt ማቶ. 5፥10፤ ኢሳ. 8፥12-13።\xt*\x* 
\v 15 ቀርቹ መሲህ ቀልቤንከክዕኔ ከበጅዬስ፤ ሄእሃክዕኔ ቀርቹ አዕዬስ፤ ክዕኔን ዮ ተብሴሃ ጠዕመኖህዕኔሀኒሃ ጉዕሚንከ መስለ ኣቶኖተ ጉዕመ ወክት ተቃጠቤ። 
\v 16 ጠዉ እኮጎሬ መስሉክዕኔ ጎደበ ላፍማንለከ ከበጂን እሁን፤ መሲህሃ እኬንተቤቺሃ ዮህዕኔ ጡመ ሃል አሌን ሂለርቹ ጠወኣ መኑ ሂለ ጠወኢንከሰ ሙልቶተ ጡሙ ሰዉቱ ሄኡንክዕኔ። 
\v 17 መገኑ ዬጎሬ አዕኑ ሂለ ጠወ አቴን ኦሪሸተ ቶጌነንተሀኒች ጡመ ጠወ አቴን ኦሪሸተ ቶጉ ቆሀኖ። 
\v 18 መሲህ ገዉስ መገን ቤቹ ሆንጠህሶህዕኔተ እስ ፈየ እሀን ፈየ እንኮምበእ ኒ ጩብ መሳን መንተኔሃ ሜጦረን ሬዮኡ፤ እስ ማሊን ሬይ አያኒን ሄአኖሃ እኮ። 
\v 19 ህከን አያኒን ኡሱር ምኔን ዮ ነፍሴቤቹ መር ተሽት ለገተ ዱዱብሴሰ። 
\v 20 ሁኩ ኡሱር ምኔን ዮ ነብሴቤቹ ሄጭ ኑህ ዘማን መርከቡ ቅጥየን መገኑ አደቢን አገራንሰ ሄዕዮገን ትዛዝ ቶጉ ግቦእራን፤ ህከ መርከብ ኣዝ ኣግ ዊ መሳን ጡምቶእሩ ዎሊንሹሰ ህዜቱሃ መነ እቅ።\x - \xo 3፥20 \xo*\xt ክል. 6፥1—7፥24።\xt*\x* 
\v 21 ሁኩ ዉሁ ቴሱ ክዕኔተ ፌሰኖ ጥምቀትተ ምሳል፤ ኩ ጥምቀቱ ጅስሚች ጡር ከሙ እሁዕነ ሙጩሩ ቀልብ ደኢሃ መገን ቤቹ ሆንጠህሰኖሃ ዱአ፤ ፌሰኖህዕኔንኩ መሲህ ኢስ ኬእ መሳኒት። 
\v 22 እስ ሰማ ኦሮዕይ መገን መኬን ዮኡ፤ እሲንከ መላይከት፥ ዳኛኑትለከ ዎልቀት ዮሰሩ ጉዕሙንኩ ጠገንቶስ።
\c 4
\s1 ጠሊልማን ሄኡ
\p
\v 1 መሲህ ማሊንከስ ኦርሸተ ቶጎሃ እኮቤቺሃ አዕኑ በገዝ ኦዳተ ቆዕሬ መንገ ከን ሰውቲን ጠረኝቴን ተቃጠቤ፤ ማሊንከስ ኦርሸተ ቶጎ መንቹ ጩብ አኡ አጉሮኡ።\f + \fqa ማሊንከስ ኦርሸተ ቶጎ መንቹ ጩብ አኡ አጉሮኡ፦ \fqa*\ft የኖሁ ካን ዎሉ ፍሳረት «መሲህ ማሊንከስ ኦርሸተ ቶጎቤቺሃ ጩቢሃ ዎልቀት ሄኣስበእገ አዕዮኡ» የኖሃን።\ft*\f* 
\v 2 ከኒች ኤተሮን ፈቆ ኣዱንያ አሌን ሄእንከክዕኔ ማል ሂለ ሄዕላቸተ አኢን እሁዕነ መገን ሰውት አቴነን ሄዕዬ። 
\v 3 አይሁደ እክበሩ አታሀንገ መጠረቁ ዮበኢ፥ ሂለ ሄዕላቻን፥ ሰከርን፥ ጌሱ ዮበእ ሙንዲኖን፥ ጌሱ ዮበኢሃ አጌን ቦሎቸ ከድችለከ ኮፍየኖ ሽርክተ አቴነን ሄኤንተ ዘማኑ እሀኖ። 
\v 4 እኮጎሬ ቴሱ ከን ጠዋን እኮበእጌሰ እሳን ሜጡበ ፍጭርቅ ዩ ሆጌንተቤቺሃ ናዳአ፤ ህትን ቦሮርታአ። 
\v 5 ጠዉ እኮጎሬ ፎሊን ዮሀኑኡንለከ ሬዮ መን አሌን ፈረዶተ ቅጥይዮ መስለ እሲሃ ኣታአ። 
\v 6 ከን ሃሌን ጉዕመ መንገን እሰን ማሊንከሰ ሬቶተ ፈረደሞሰ፤ ጠዉ እኮጎሬ አያኒንከሰ ዘላለሚሃ መገንገ ሄኦተ እንጂሉ ሬቶሀኑኡተ ዱዱብሰሞኡ።
\s1 መገን ኣስቶን ጡመገ አታ መንተኔሃ
\p
\v 7 ጉዕማንከ ጠዊሃ ጎፍሞስ ኢልዮኡ፤ ጠረኝቴን ዱአ አኢሃ አታልቴነንተ ተሬገጮ ቀልቡ ሄኡንክዕኔ፤ ህትን ገዉ አገዕሪን ሄዕዬ። 
\v 8 ኢተት ልግብ ጩብ ማጦተ አታልታቤቺሃ ጉዕመርቺችን በትሽ ገገዉክዕኔ ጠረኝቴን ኢተቀሜ።\x - \xo 4፥8 \xo*\xt ምሳ. 10፥12።\xt*\x* 
\v 9 ህትን ቁንቁቶኑዕናን ገገዉክዕኔ ኮሀ ቶቃቀሜ። 
\v 10 አደደ እኮ መገን ኣስቶን ጡመ ሃሊን ገሽቶኖተ ክዕኔች መት-መቱስ ኣሰሞስ ኣስቶን ዎሉ ካደሙን። 
\v 11 ህካን እኮቤቺሃ ተማርሰኖሁ አዪሁ መገን ላገተ ተማርሰኖሀንገ ተማርሱን፤ ህትን ካደመኖሁ አዪሁ መገኑ ኣሴስ ዎልቃን ካደሙን፤ ከን ሃሌን መገኑ መሲህ ኢስ አዲን ጉዕማንከ ጠዋን ሎዕረኖ፤ ኬዕምኙለከ ዎልቀት ዘላለሚሃ እሲሃ እሁን፤ ኣሚዕን!
\s1 ኦርሸ ወክቴን ጠረኝተኔሃ
\p
\v 12 ኢ ጃላ! ጊረገ ፌተንታህዕኔ ኦርሸ ኣዜን እኬንተ ወክት ሮሰሞበእ ሃዕሮ ጠዉ አሌንከክዕኔ ኢሌሀንገ አቴን አጀብሲጭቶኖቼ። 
\v 13 ጠዉ እኮጎሬ መሲህ ኬዕምኙ ለለኖ ወክት አበ ሙንደኦኖተ እስ ኦርሸተ ቤቀንቴነንተረ እኬንተቤቺሃ ተሽ ዩንክዕኔ። 
\v 14 ህትን መሲህ ሱዕምተኔሃ ቦሮረንቴንተጎሬ ኬዕምኝ አያነ እኮ መገን አያኑ ክዕኔ አሌን ፎሎጨኖቤቺሃ ማሰአንቴንታእረ። 
\v 15 ጠዉ እኮጎሬ ክዕኔች አዪሁ ኦርሸተ ቶገን ነብሳ ሼሀንገ፥ ሞጋንችገ፥ ተንኩተ አአኖ መንችገለከ መን ጠዋን ገኦኑዕናንስ ኣገኖ መንችገ እሁንከ። 
\v 16 አመዕናንቹ እኮቤቺሃ ኦርሸተ ኢልታሲሁ ሄዕዮ ጎሬ አመዕናንቹ የመም ገአሞንከስ መገኑ ገለትጩን ቤሉ ሙሉንከ።
\p
\v 17 መሰንትስ ፍርዱ ጀመረኖ ወክቱ ሆንጠኮኡ፤ ጀመረኖንኩ መገን መን አሌኒት፤ ህከረ ፍርዱስ ጀመረኖሁ ኒ አሌን እሀኖረ መገኒሃ እንጂሊሃ አዘዘንታበእ መኒች ኤተሩሰ መ እሀኖ? 
\v 18 ጠሊሉ መጻፉ
\q1 «ፈዩ መንቹ ጡመኖሁ አበ ጭንቃን እሀኖሃ እኮች
\q2 መገኒሃ ጠገንትበሩለከ ጩበኛኑት ሀት እካአ?» የኖ።\x - \xo 4፥8 \xo*\xt ምሳ. 11፥31።\xt*\x*
\m
\v 19 ህካን እኮቤቺሃ መገን ሰውቲን ኦርሸተ ቶጋ መኑ ገዉሰ አመዕነሞ ካሊቂሃ ኤገተ ኣቱን፤ ጡመ ጠወ አኡ አጉርቱንከ።
\c 5
\s1 መገን ኡመት ገሺታ መኒሃ ኣሰንቶ ሸዘነተኔሃ
\p
\v 1 ቴሱ አን እሳንን ሜጡበ መገን አመዕናኖ ዱእ ምናተ ባልቅ እኮሚሁ፥ መሲህ ኦሪሸተኔሃ ምስክር እኮሚሁ፥ ከ ኤተሩ ለለኖ ኬዕምኝ ቤቀማም እኮሚሁ በላንከክዕኔ ዮ መገን አመዕናኖ ዱእ ምነ ባልቀተ ሸዛንሰ። 
\v 2 ኤገተ ኣሴመህዕኔ መገን ዜሞሀ አገሬ፤ ዜሞስ አገርቴነንታንኩ ዎልቃን እሁዕነ መገኑ ሀሰኖ ሃሊን ኢታን እሁን፤ ህትን ብረ ኢቲን እሁዕነ ሀዕልቶኖተ ዮህዕኔ ሃሽኣቶን እሁን።\x - \xo 5፥2 \xo*\xt ያህ. 21፥15-17።\xt*\x* 
\v 3 ህትን ክዕኔ ሹምነት ኣዜን ዮ መነ ጭንፍቴን ጠቅቶኖተ እሁዕነ ዜሜሃስ ጡመ ምሳልተ ለሊሲን እሁን። 
\v 4 ህካን አቴንተጎሬ ሀንገፉ ዜማንቹ አሜተኖ ወክት በእቡ ኬዕምኝ አክሊለ ደእቴነንተ።
\p
\v 5 ህትን አዕኑ ዎደለት ባልቂሃ አዘዘሜ፤ ጉዕሙንኩክዕኔ ገው ሙግ አኡ ኦድኖገ ኦደኤን መቱ ዎሉስ ካደሙን፤
\q1 «መገኑ ቦነኖ መነ ግበኖ፤
\q2 እኮጎሬ ገዉሰ ሙግ አታ መኒሃ ኣስቱስ ኣሰኖ» የመም ከተበሞኡ።\x - \xo 5፥5 \xo*\xt ምሳ. 3፥34።\xt*\x*
\m
\v 6 ቴሱ መገኑ ዬ ወክቴን ጎት ጎት አኦህዕኔተ መገን ዎልቃሜ አንጋች ዎሮን ገዉክዕኔ ሙግ ሙግ አዕዬ።\x - \xo 5፥6 \xo*\xt ማቶ. 23፥12፤ ሉቃ. 14፥11፤ 18፥14።\xt*\x* 
\v 7 ህትን መገኑ ክዕኔተኔሃ ሰውየኖቤቺሃ ሻዝሰኖህዕኔርቹ ጉዕመንከ እስ አሌን ኡጅዬ።
\p
\v 8 ህትን ጌሲን ሄዕዬ፤ በቅይዬሁ፤ ዲኑክዕኔ እልቢሱ አጉዕመኖሃ ሀሰን ዎደኖ ዞቤገ ዘሀኖት። 
\v 9 ከን ኣዱንያ አሌን ጉዕማንን ዮ አመዕናኑት አመክዕኔ ኦሱት ህትኔ ኦሪሸተ ቶጋኢሃ እሁስ ደጌን አመዕነቲን ጠረኝቴን እልቢሰ ግቤስ። 
\v 10 ቀዎ ወክቲሃ ኦርሸተ ቶጌንታች ኤተሮን መሲህ አዲን ዘላለሚሃ ኬዕምኝቤቹ ገኤህዕኔ ጉዕመ ኣስቶ መገኑ ገዉንኩስ ዊማኑተ አአኖህዕኔ፤ ድክሰኖህዕኔ፥ ጠረኝሰኖህዕኔ፥ ኡርሰኖህዕኔ። 
\v 11 ዘላለሚሃ ኢለ ዎልቀት እሲሃ እኩን! ኣሚዕን።
\s1 ኤተር ወገሬት
\p
\v 12 አመዕነሞ አመኤቤቱ ይ ሰውያም ስላሴ አዲን ከ ሶህኑተ ገበንቾን ከተቦንክዕኔ፤ ከተቦንክዕኔንኩ ሸዞህዕኔተለከ ኩን ሀንቅ መገን ኣስቱተ እሁስ መሰከሮህዕኔተ ይዪት፤ ህካን እኮቤቺሃ ከን መገን ኣስቶን ጠረኝቴን ኡሪዬ።\x - \xo 5፥12 \xo*\xt ሶቀ. 15፥22፥40።\xt*\x*
\p
\v 13 ክዕኔገን መጠረንቶ ባብሎን ከተንቾን ሄኣ መገን አመዕናኖ ዱእ ምኒቹት ወገሬት ሆንጠህሳህዕኔት፤ ቤቱእ ማርቆሲሁ «ወገሬት ዮንተንዶ?» የኖህዕኔት።\x - \xo 5፥13 \xo*\xt ሶቀ. 12፥12፤ 25፤ 13፥13፤ 15፥37-39፤ ቆላ. 4፥10፤ ፍልሞ. 24።\xt*\x* 
\v 14 አመዕናኖ ኢተ ሱንቃቀንሺን መት-መቱክዕኔ ዝያዕረሜ፤
\p መሲህረ እኬንተሀኑኡ ጉዕሚንከክዕኔ ወገሬቱ እሁን።