\id TIT  
\h ܛܛܘܣ 
\toc1 ܐܓܪܬ‌ܐ ܕܦܘܠܘܣ ܫܠܝܚܐ ܠܛܛܘܣ 
\toc2 ܛܛܘܣ 
\toc3 TIT 
\mt1 ܐܓܪܬ‌ܐ ܕܦܘܠܘܣ ܫܠܝܚܐ ܠܛܛܘܣ 
\c 1  
\s1 ܫܠܡ̈ܐ 
\p  
\v 1 ܦܵܘܠܘܿܣ، ܪܹܓܵܐ ܕܐܲܠܵܗܵܐ ܘܫܠܝܼܚܵܐ ܕܝܼܫܘܿܥ ܡܫܝܼܚܵܐ، ܩܵܐ ܗܲܝܡܵܢܘܼܬܵ‌ܐ ܕܓܘܼܒܝܹ̈ܐ ܕܐܲܠܵܗܵܐ ܘܩܵܐ ܝܕܵܥܬܵ‌ܐ ܕܫܪܵܪܵܐ ܕܙܕܘܼܥܬܵ‌ܐ ܕܐܲܠܵܗܵܐ،  
\v 2 ܥܲܠܔ ܣܲܒ݂ܪܵܐ ܕܚܲܝܹ̈ܐ ܕܠܥܵܠܲܡ، ܕܩܘܼܘܸܠܔ ܠܹܗ ܐܲܠܵܗܵܐ ܒܫܲܪܝܼܪܘܼܬܵ‌ܐ ܡ̣ܢ ܩܲܕܡ ܙܲܒ݂ܢܵܐ ܕܥܵܠܡܵܐ،  
\v 3 ܐܝܼܢܵܐ ܓܸܠܝܵܐ ܠܹܗ ܗܹܡܸܙܡܵܢܹܗ ܒܥܕܵܢܘܼܗ̇ ܒܝܲܕ ܟܵܪܘܿܙܘܼܬܵ‌ܐ، ܗ̇ܝ ܕܦܝܼܫ ܠܵܗ̇ ܣܘܼܦܝܼܬܵ‌ܐ ܒܝܼܝܼ ܒܦܘܼܩܕܵܢܵܐ ܕܐܲܠܵܗܵܐ ܦܵܪܘܿܩܲܢ،  
\v 4 ܠܛܸܛܘܿܣ، ܒܪܘܿܢܵܐ ܫܲܪܝܼܪܵܐ ܒܫܲܪܝܼܟܘܼܬܵ‌ܐ ܕܗܲܝܡܵܢܘܼܬܵ‌ܐ. ܫܵܦܵܩܲܬ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܵܐ ܘܡܵܪܲܢ ܝܼܫܘܿܥ ܡܫܝܼܚܵܐ ܦܵܪܘܿܩܲܢ. 
\s1 ܦܘܠܚܢܐ ܕܛܛܘܣ ܓܘ ܩܪܛܐ 
\p  
\v 5 ܫܒ݂ܝܼܩ ܠܝܼ ܐܸܠܘܼܟ݂ ܓܵܘ ܩܪܹܛܹܐ ܕܡܲܪܝܸܙܸܬ ܡܸܢܕܝܼܵܢܹ̈ܐ ܕܝܼܗܘܵܘ ܒܵܨܘܿܪܹ̈ܐ، ܘܕܡܲܩܸܡܸܬ ܚܘܵܪ̈ܕܸܩܢܹܐ ܒܟܠܔ ܡܕܝܼܢ݇ܬܵ‌ܐ ܐܲܝܟ݂ ܕܦܩܝܼܕ ܠܝܼ ܐܸܠܘܼܟ݂.  
\v 6 ܚܘܵܪܕܸܩܢܵܐ ܘܵܠܹܐ ܝܠܵܗ̇ ܕܗܵܘܹܐ ܕܠܵܐ ܠܵܘܡܵܐ، ܓܲܒ݂ܪܵܐ ܕܚܕܵܐ ܒܲܟ݂ܬܵ‌ܐ، ܘܐܝܼܬ ܠܹܗ ܝܵܠܹ̈ܕ݇ܐ ܡܗܘܼܡܢܹ̈ܐ ܕܠܲܝܬ ܥܲܠܵܝܗ‌ܝ ܠܵܘܡܵܐ ܕܐܵܣܘܿܛܘܼܬܵ‌ܐ ܝܲܢ ܕܥܵܨܝܘܼܬܵ‌ܐ.  
\v 7 ܣܵܒܵܒ ܘܵܠܹܐ ܝܠܵܗ̇ ܠܐܲܦܸܣܩܘܿܦܵܐ ܗܵܘܹܐ ܕܠܵܐ ܠܵܘܡܵܐ ܐܲܝܟ݂ ܪܲܒ ܒܲܝܬܵ‌ܐ ܕܐܲܠܵܗܵܐ، ܠܵܐ ܪܸܩܝܼܵܢܵܐ، ܠܵܐ ܟܲܪܒܵܢܵܐ، ܘܠܵܐ ܡܲܚܸܒܵܢܵܐ ܕܚܲܡܪܵܐ، ܠܵܐ ܚܸܡܬܵܢܵܐ، ܘܠܵܐ ܡܲܚܸܒܵܢܵܐ ܕܩܢܵܝܬܵ‌ܐ ܕܛܲܢܦܘܼܬܵ‌ܐ،  
\v 8 ܐܸܠܵܐ ܡܲܫܪܝܼܵܢܵܐ ܕܢܘܼܟ݂ܪ̈ܵܝܹܐ، ܡܲܚܸܒܵܢܵܐ ܕܛܵܒ݂ܵܬܹ̈‌ܐ، ܨܲܠܝܼܠܵܐ، ܙܲܕܝܼܩܵܐ، ܕܸܟ݂ܝܵܐ ܘܙܲܒܛܸܢܵܢܵܐ ܕܓܵܢܹܗ،  
\v 9 ܕܒ݂ܝܼܩܵܐ ܒܗܹܡܸܙܡܵܢ ܕܫܪܵܪܵܐ ܐܲܝܟ݂ ܕܦܝܼܫܬܵ‌ܐ ܝܠܵܗ̇ ܡܘܼܠܸܦܬܵ‌ܐ، ܗܵܕܟ݂ܵܐ ܕܡܵܨܹܐ ܝܵܗܒܹܠܔ ܠܸܒܵܐ ܠܐܚܹܪ̈ܢܹܐ ܒܝܘܼܠܦܵܢܵܐ ܨܸܦܝܵܐ، ܘܡܲܢܟܸܣ ܠܕܲܠܩܘܼܒ݂ܠܵܝܹ̈ܐ.  
\v 10 ܣܵܒܵܒ ܐܝܼܬ ܪܵܒܵܐ ܐܢܵܫܹ̈ܐ ܡܵܪ̈ܘܿܕܹܐ، ܗܲܡܙܸܡܵܢܹ̈ܐ ܒܲܛܝܼܠܹ̈ܐ ܘܡܲܚܠܸܛܵܢܹ̈ܐ، ܒܘܼܫ ܙܵܘܕܵܐ ܡ̣ܢ ܒܢܲܝ̈ ܓܙܘܼܪܬܵ‌ܐ.  
\v 11 ܐܲܢܹܐ ܘܵܠܹܐ ܝܠܵܗ̇ ܕܦܵܝܫܝܼ ܡܘܼܫܬܸܩܹܐ، ܣܵܒܵܒ ܒܸܬܠܵܚܵܐ ܝܢܵܐ ܠܟܠܵܝܗ‌ܝ ܒܵܬܹ̈‌ܐ، ܡܲܠܘܼܦܹܐ ܡܸܢܕܝܼܵܢܹ̈ܐ ܕܠܹܐ ܝܢܵܐ ܚܫܝܼܚܹܐ ܠܡܲܠܘܼܦܹܐ، ܐܸܠܵܐ ܩܵܐ ܩܢܵܝܬܵ‌ܐ ܫܸܚܬܵܢܬܵ‌ܐ.  
\v 12 ܚܲܕ ܡ̣ܢ ܢܒ݂ܝܼܹ̈ܐ ܕܓܵܢܵܝܗ‌ܝ ܐܡܝܼܪܹܗ: ”ܒܢܲܝ̈ ܩܪܹܛܹܐ ܗܲܡܵܫܵܐ ܕܲܓܵܠܹ̈ܐ ܝܢܵܐ، ܗܲܝܘܵܢܹ̈ܐ ܒܝܼܫܹ̈ܐ، ܘܒܵܠܘܿܥܵܢܹ̈ܐ ܡܲܟܣܸܠܵܢܹ̈ܐ.“  
\v 13 ܫܲܪܝܼܪܬܵ‌ܐ ܝܠܵܗ̇ ܐܵܗܵܐ ܣܵܗܕܘܼܬܵ‌ܐ. ܒܘܼܬ ܐܵܗܵܐ ܗܵܘܹܝܬ ܡܲܢܟ݂ܘܼܣܵܝ ܒܩܸܫܝܘܼܬܵ‌ܐ، ܕܗܵܘܝܼ ܓܡܝܼܪܹ̈ܐ ܒܗܲܝܡܵܢܘܼܬܵ‌ܐ،  
\v 14 ܘܠܵܐ ܡܲܨܝܸܬ‌ܝܼ ܠܗܲܩܝܵܬܹ̈‌ܐ ܕܝܗܘܼܕܵܝܹ̈ܐ، ܘܠܦܘܼܩܕܵܢܹ̈ܐ ܕܐܢܵܫܹ̈ܐ ܕܡܲܦܟ̰ܸܠܝܼ ܠܫܪܵܪܵܐ.  
\v 15 ܟܠܔ ܡܸܢܕܝܼ ܕܸܟ݂ܝܵܐ ܝܠܹܗ ܠܕܸܟ݂ܝܹ̈ܐ، ܐܝܼܢܵܐ ܠܟ̰ܲܦܵܠܹ̈ܐ ܘܠܐܵܢܝܼ ܕܠܹܐ ܝܢܵܐ ܡܗܘܼܡܢܹ̈ܐ ܠܲܝܬ ܡܸܢܕܝܼ ܕܸܟ݂ܝܵܐ، ܐܝܼܢܵܐ ܟ̰ܲܦܵܠܔ ܝܼܢܵܐ ܪܸܥܝܵܢܵܝܗ‌ܝ ܘܐܸܢܝܲܬܵܝܗ‌ܝ.  
\v 16 ܟܹܐ ܡܵܘܕܝܼ ܕܟܹܐ ܝܵܕܥܝܼ ܠܐܲܠܵܗܵܐ، ܐܝܼܢܵܐ ܒܦܘܼܠܚܵܢܵܝ̈ܗ‌ܝ ܟܹܐ ܣܵܪܒ݂ܝܼ ܠܹܗ. ܟ̰ܘܼܦܠܸܢܹ̈ܐ ܝܢܵܐ ܘܕܠܵܐ ܡܲܨܝܲܬܬܵ‌ܐ، ܘܠܹܐ ܝܢܵܐ ܚܫܝܼܚܹܐ ܠܟܠܔ ܦܘܼܠܚܵܢܵܐ ܛܵܒ݂ܵܐ. 
\c 2  
\s1 ܝܘܠܦܢܐ ܫܪܝܪܐ 
\p  
\v 1 ܐܝܼܢܵܐ ܐܲܢ݇ܬ ܡܲܠܸܦ ܡܸܢܕܝܼܵܢܹ̈ܐ ܕܝܼܢܵܐ ܚܫܝܼܚܹ̈ܐ ܠܝܘܼܠܦܵܢܵܐ ܓܡܝܼܪܵܐ،  
\v 2 ܚܘܵܪ̈ܕܸܩܢܹܐ ܗܵܘܝܼ ܨܲܠܝܼܠܹ̈ܐ، ܚܫܝܼܚܹ̈ܐ ܠܐܝܼܩܵܪܵܐ، ܪܥܝܼܫܹܐ ܒܚܘܼܫܵܒ݂ܵܝ̈ܗ‌ܝ، ܓܡܝܼܪܹܐ ܒܗܲܝܡܵܢܘܼܬܵ‌ܐ ܘܒܚܘܼܒܵܐ ܘܒܚܡܵܠܬܵ‌ܐ.  
\v 3 ܡܲܠܸܦ ܐܘܼܦ ܣܵܒ݂ܝܵܬܹ̈‌ܐ ܗܵܘܝܼ ܗܵܕܟ݂ܵܐ ܒܸܚܵܝܵܐ ܒܕܘܼܒܵܪܹ̈ܐ ܕܚܵܫܚܝܼ ܠܐܝܼܩܵܪܵܐ، ܠܵܐ ܠܵܝܡܵܢܹ̈ܐ، ܠܵܐ ܥܲܒ݂ܕܹ̈ܐ ܠܚܲܡܪܵܐ، ܐܸܠܵܐ ܡܲܠܦܵܢܹ̈ܐ ܕܡܸܢܕܝܼܵܢܹ̈ܐ ܛܵܒܹ̈ܐ،  
\v 4 ܕܡܲܠܦܝܼ ܠܚܵܡܵܬܹ̈‌ܐ ܕܗܵܘܝܼ ܡܲܚܘܼܒܹܐ ܠܓܲܒ݂ܪ̈ܵܢܵܝܗ‌ܝ ܘܠܝܵܠܵܕ݇ܝ̈ܗ‌ܝ،  
\v 5 ܘܕܗܵܘܝܼ ܢܵܟ݂ܘܿܦܹ̈ܐ، ܕܸܟ݂ܝܹ̈ܐ، ܬܲܓܒܘܼܪܹܐ ܨܦܵܝܝܼ ܒܵܬܵܝ̈ܗ‌ܝ، ܙܲܒܛ ܠܓܲܒ݂ܪ̈ܵܢܵܝܗ‌ܝ، ܗܵܕܟ݂ܵܐ ܕܐܢܵܫܵܐ ܠܵܐ ܓܵܕܹܦ ܥܲܠܔ ܗܹܡܸܙܡܵܢ ܕܐܲܠܵܗܵܐ.  
\v 6 ܗܵܕܟ݂ܵܐ ܐܘܼܦ ܦܩܘܿܕ ܠܗܘܿܢ ܥܠܲܝܡܹ̈ܐ ܕܗܵܘܝܼ ܢܵܟ݂ܘܿܦܹ̈ܐ.  
\v 7 ܒܟܠܔ ܡܸܢܕܝܼ ܡܲܚܙܝܼ ܓܵܢܘܼܟ݂ ܐܲܝܟ݂ ܚܲܕ ܛܘܼܦ̮ܣܵܐ ܟܲܕ ܒܸܥܒ݂ܵܕܵܐ ܟܠܔ ܡܸܢܕܝܼ ܛܵܒ݂ܵܐ، ܒܝܘܼܠܦܵܢܵܐ ܨܸܦܝܵܐ، ܡܵܪܹܐ ܐܝܼܩܵܪܵܐ،  
\v 8 ܒܗܹܡܸܙܡܵܢܹ̈ܐ ܫܲܦܝܼܪܹ̈ܐ ܕܠܹܐ ܦܵܝܫܝܼ ܡܘܼܣܠܝܼܹܐ، ܗܵܕܟ݂ܵܐ ܕܢܵܟ݂ܦܝܼ ܕܲܠܩܘܼܒ݂ܠܵܝܹ̈ܐ، ܣܵܒܵܒ ܠܹܐ ܗܵܘܹܐ ܠܗܘܿܢ ܗܸܟ̃ ܡܸܢܕܝܼ ܚܸܪܒܵܐ ܠܗܲܡܙܘܼܡܹܐ ܒܘܼܬ ܕܝܼܲܢ.  
\v 9 ܡܲܠܸܦ ܥܲܒ݂ܕܹ̈ܐ ܕܗܵܘܝܼ ܙܲܒܛ ܠܡܵܪ̈ܵܘܵܬܵܝܗ‌ܝ ܒܟܠܔ ܡܸܢܕܝܼ، ܘܗܵܘܝܼ ܒܸܫܦܵܪܵܐ ܐܸܠܵܝܗ‌ܝ، ܘܠܵܐ ܡܲܕܸܪܝܼ ܓ̰ܘܼܘܵܒ،  
\v 10 ܘܠܵܐ ܓܵܢܒ݂ܝܼ، ܐܸܠܵܐ ܡܲܚܙܝܼ ܡܗܘܼܡܢܘܼܬܵ‌ܐ ܛܵܒ݂ܬܵ‌ܐ ܒܟܠܔ ܡܸܢܕܝܼ، ܗܵܕܟ݂ܵܐ ܕܣܲܩܠܝܼ ܠܹܗ ܝܘܼܠܦܵܢܵܐ ܕܐܲܠܵܗܵܐ ܦܵܪܘܿܩܲܢ ܒܟܠܔ ܡܸܢܕܝܼ.  
\v 11 ܣܵܒܵܒ ܫܵܦܵܩܲܬ ܕܐܲܠܵܗܵܐ ܕܟܹܐ ܡܲܝܬܝܵܐ ܦܘܼܪܩܵܢܵܐ ܦܝܼܫ ܠܵܗ̇ ܓܠܝܼܬܵ‌ܐ ܠܟܠܵܝܗ‌ܝ ܐܢܵܫܹ̈ܐ،  
\v 12 ܡܲܠܘܼܦܲܢ ܝܼܠܵܗ̇ ܕܣܵܪܒܲܚ ܠܥܵܘܠܵܐ ܘܠܫܲܗܘܲܬܝܵܬܹ̈‌ܐ ܕܕܘܼܢܝܹܐ، ܘܚܵܝܲܚ ܒܢܲܟ݂ܦܘܼܬܵ‌ܐ ܘܒܙܲܕܝܼܩܘܼܬܵ‌ܐ ܘܒܙܕܘܼܥܬܵ‌ܐ ܕܐܲܠܵܗܵܐ ܓܵܘ ܐܵܗܵܐ ܙܲܒ݂ܢܵܐ،  
\v 13 ܟܲܕ ܒܸܣܦܵܪܵܐ ܠܗܹܒ݂ܝܼ ܒܪܝܼܟ݂ܬܵ‌ܐ ܕܝܼܠܵܗ̇ ܓܸܠܝܵܢܵܐ ܕܚܸܩܪܵܐ ܕܐܲܠܵܗܲܢ ܓܘܼܪܵܐ ܘܦܵܪܘܿܩܲܢ، ܝܼܫܘܿܥ ܡܫܝܼܚܵܐ،  
\v 14 ܗ̇ܘ ܕܝܘܼܗܒ݂ܵܐ ܠܹܗ ܓܵܢܹܗ ܡ̣ܢ ܓܹܒܲܢ ܕܦܲܪܸܩ ܗܘܵܐ ܠܲܢ ܡ̣ܢ ܟܠܔ ܥܵܘܠܵܐ ܘܕܲܟܹܐ ܗܘܵܐ ܩܵܐ ܓܵܢܹܗ ܚܲܕ ܛܵܝܸܦܵܐ ܦܪܝܼܫܵܐ، ܛܲܢܵܢܵܐ ܠܸܥܒ݂ܵܕܵܐ ܦܘܼܠܚܵܢܹ̈ܐ ܛܵܒܹ̈ܐ.  
\v 15 ܐܲܢܹܐ ܗܲܡܙܸܡ، ܘܗܲܒ݂ܠܔ ܠܸܒܵܐ ܘܡܲܢܟܸܣ ܒܟܠܔ ܫܘܼܠܛܵܢܵܐ. ܠܵܐ ܫܵܒ݂ܩܹܬ ܕܐܢܵܫܵܐ ܡܲܣܠܹܐ ܐܸܠܘܼܟ݂. 
\c 3  
\s1 ܒܥܒ݂ܕܐ ܦܘܠܚܢ̈ܐ ܛܒ݂̈ܐ 
\p  
\v 1 ܡܲܕܟܸܪ ܠܐܢܵܫܹ̈ܐ ܕܗܵܘܝܼ ܫܵܠܡܵܢܹ̈ܐ ܠܪܹ̈ܝܫܵܢܹܐ ܘܠܫܘܼܠܛܵܢܹ̈ܐ، ܘܡܲܨܝܸܬ‌ܝܼ ܐܸܠܵܝܗ‌ܝ ܘܗܵܘܝܼ ܗܕܝܼܪܹܐ ܠܟܠܔ ܦܘܼܠܚܵܢܵܐ ܛܵܒ݂ܵܐ،  
\v 2 ܘܠܵܐ ܥܵܒ݂ܕܝܼ ܟܦܘܼܪܝܵܐ ܠܐܘܼܦ ܚܲܕ، ܠܵܐ ܗܵܘܝܼ ܡܲܩܪܸ̈ܨܵܢܹܐ، ܐܸܠܵܐ ܗܵܘܝܼ ܡܲܟܝܼܟܹ̈ܐ، ܡܲܚܙܘܼܝܹܐ ܟܠܵܗ̇ ܒܲܣܝܼܡܘܼܬܵܝܗ‌ܝ ܠܟܠܵܝܗ‌ܝ ܐܢܵܫܹ̈ܐ.  
\v 3 ܣܵܒܵܒ ܐܘܼܦ ܐܲܚܢܲܢ ܩܲܕܡܵܝܬܵ‌ܐ ܣܲܟ݂ܠܹ̈ܐ ܝܘܲܚ ܗܘܵܘ، ܠܵܐ ܡܲܨܝܸܬܵܢܹ̈ܐ، ܦܝܼܫܹܐ ܡܘܼܚܠܸܛܹܐ، ܒܸܦܠܵܚܵܐ ܐܲܝܟ݂ ܥܲܒ݂ܕܹ̈ܐ ܠܫܲܗܘܲܬܝܵܬܹ̈‌ܐ ܘܠܒܘܼܣܵܡܹ̈ܐ ܦܪ̈ܝܼܫܹܐ، ܒܸܚܵܝܵܐ ܓܵܘ ܒܝܼܫܬܵ‌ܐ ܘܒܲܚܸܠܵܢܘܼܬܵ‌ܐ، ܦܝܼܫܹܐ ܣܸܢܝܹܐ ܘܒܸܣܢܵܝܵܐ ܚܲܕ ܠܗ̇ܘ ܐܚܹܪܢܵܐ.  
\v 4 4 ܐܝܼܢܵܐ ܐܝܼܡܲܢ ܕܦܝܼܫ ܠܗܘܿܢ ܓܸܠܝܹܐ ܡܲܟܝܼܟ݂ܘܼܬܵ‌ܐ ܕܐܲܠܵܗܵܐ ܦܵܪܘܿܩܲܢ ܘܚܘܼܒܵܐ ܕܐܝܼܬ ܠܹܗ ܩܵܐ ܒܢܲܝ̈ܢܵܫܵܐ،  
\v 5 ܦܘܼܪܸܩ ܠܹܗ ܐܸܠܲܢ، ܠܵܐ ܒܦܘܼܠܚܵܢܹ̈ܐ ܕܙܲܕܝܼܩܘܼܬܵ‌ܐ ܕܥܒ݂ܝܼܕ ܠܲܢ، ܐܸܠܵܐ ܒܪ̈ܲܚܡܹܐ ܕܝܼܹܗ ܩܵܡ ܦܲܪܸܩ ܠܲܢ، ܒܣܚܵܝܬܵ‌ܐ ܕܡܵܘܠܵܕܵܐ ܕܡܸܢܕܪܸܫ، ܘܒܚܲܕܲܬܬܵ‌ܐ ܒܝܲܕ ܪܘܼܚܵܐ ܕܩܘܼܕܫܵܐ،  
\v 6 ܗ̇ܘ ܕܡܘܼܫܦܸܟ݂ ܠܹܗ ܥܲܠܲܢ ܒܦܸܪܝܘܼܬܵ‌ܐ ܒܝܲܕ ܝܼܫܘܿܥ ܡܫܝܼܚܵܐ ܦܵܪܘܿܩܲܢ،  
\v 7 ܗܵܕܟ݂ܵܐ ܕܦܵܝܫܲܚ ܡܘܼܟܫܸܛܹܐ ܒܫܵܦܵܩܲܬܹܗ، ܘܗܵܘܲܚ ܝܵܪ̈ܘܿܬܹ‌ܐ ܘܗܵܘܹܐ ܠܲܢ ܗܹܒ݂ܝܼ ܕܚܲܝܹ̈ܐ ܕܠܥܵܠܲܡ.  
\v 8 ܡܗܘܼܡܸܢܬܵ‌ܐ ܝܠܵܗ̇ ܐܵܗܵܐ ܗܹܡܸܙܡܵܢ، ܘܒܵܥܹܝܢ ܕܡܲܩܘܹܝܬ ܠܗܘܿܢ ܐܲܢܹܐ ܒܚܲܦܵܛܘܼܬܵ‌ܐ، ܗܵܕܵܐ ܕܐܵܢܝܼ ܕܗܘܼܡܸܢܗܘܿܢ ܒܐܲܠܵܗܵܐ ܗܵܘܝܼ ܗܸܫܝܲܪ ܠܸܢܛܵܪܵܐ ܦܘܼܠܚܵܢܹ̈ܐ ܛܵܒܹ̈ܐ. ܐܲܢܹܐ ܝܢܵܐ ܡܸܢܕܝܼܵܢܹ̈ܐ ܛܵܒܹ̈ܐ ܘܡܵܪܹ̈ܐ ܝܘܼܬܪܵܢܵܐ ܠܟܠܔ ܐܢܵܫܵܐ.  
\v 9 ܐܝܼܢܵܐ ܪܚܘܿܩ ܡ̣ܢ ܒܘܼܩܵܪܹ̈ܐ ܣܲܟ݂ܠܹ̈ܐ، ܘܡ̣ܢ ܬܲܫܥܝܼܵܬܹ̈‌ܐ ܕܫܲܪ̈ܒܵܬܹ‌ܐ، ܘܡ̣ܢ ܡܲܩܲܪ̈ܵܨܘܼܝܵܬܹ‌ܐ، ܘܡ̣ܢ ܦܠܵܫܹ̈ܐ ܒܘܼܬ ܢܵܡܘܿܣܵܐ، ܣܵܒܵܒ ܠܲܝܬ ܝܘܼܬܪܵܢܵܐ ܒܝܼܵܝܗ‌ܝ ܘܒܲܛܝܼܠܹ̈ܐ ܝܢܵܐ.  
\v 10 ܡܲܢܟܸܣ ܠܐܢܵܫܵܐ ܣܵܪܒ݂ܵܢܵܐ ܚܕܵܐ ܓܵܗܵܐ ܘܬܲܪܬܹܝ. ܡ̣ܢ ܒܵܬܪ ܗܵܕܵܐ، ܠܵܐ ܗܵܘܹܐ ܠܘܼܟ݂ ܫܘܼܠܵܐ ܒܝܼܹܗ.  
\v 11 ܗܵܘܹܝܬ ܒܝܼܕܵܥܵܐ ܕܗܵܕܟ݂ܵܐ ܐܢܵܫܵܐ ܚܪܝܼܒ݂ܵܐ ܝܠܹܗ ܘܚܲܛܵܝܵܐ، ܘܕܝܼܢܘܼܗ̇ ܝܠܹܗ ܓܵܢܹܗ ܒܓܵܢܹܗ. 
\s1 ܫܠܡ̈ܐ ܕܚܘܬܡܐ 
\p  
\v 12 ܐܝܼܡܲܢ ܕܫܲܕܪܸܢ ܠܟܸܣܠܘܼܟ݂ ܠܐܵܪܛܝܼܡܵܐ ܝܲܢ ܠܛܘܼܟ݂ܝܼܩܘܿܣ، ܡܲܠܝܸܙ ܕܐܵܬܹܝܬ ܠܟܸܣܠܝܼ ܠܢܝܼܩܵܦܘܿܠܝܼܣ، ܣܵܒܵܒ ܡܘܼܬܒ݂ܵܐ ܝܘܸܢ ܒܠܸܒܝܼ ܕܦܵܝܫܹܢ ܬܵܡܵܐ ܒܣܸܬܘܵܐ.  
\v 13 ܡܲܦܫܸܛ ܠܙܹܐܢܵܐ ܢܵܡܘܿܣܵܝܵܐ ܘܠܐܵܦܲܠܘܿ ܒܓ̰ܲܠܕܘܼܬܵ‌ܐ، ܘܚܙܝܼ ܕܠܵܐ ܗܵܘܹܐ ܡܸܢܕܝܼ ܒܵܨܘܿܪܵܐ ܐܸܠܵܝܗ‌ܝ.  
\v 14 ܫܒ݂ܘܿܩ ܝܵܠܦܝܼ ܐܵܢܝܼ ܕܝܼܢܵܐ ܕܝܼܲܢ ܕܗܵܘܝܼ ܒܸܥܒ݂ܵܕܵܐ ܦܘܼܠܚܵܢܹ̈ܐ ܛܵܒܹ̈ܐ ܠܣܢܝܼܩܘܼܝܵܬܹ̈‌ܐ ܐܵܢܲܢܩܵܝܹ̈ܐ، ܕܠܵܐ ܗܵܘܝܼ ܕܠܵܐ ܛܥܘܼܢܝܵܬܹ̈‌ܐ.  
\v 15 ܒܝܼܵܗܒ݂ܵܐ ܝܢܵܐ ܫܠܵܡܵܐ ܐܸܠܘܼܟ݂ ܟܠܵܝܗ‌ܝ ܐܵܢܝܼ ܕܝܼܢܵܐ ܥܲܡܝܼ. ܗܲܒ݂ܠܔ ܫܠܵܡܵܐ ܠܐܵܢܝܼ ܕܡܲܚܸܒܝܼ ܠܲܢ ܒܗܲܝܡܵܢܘܼܬܵ‌ܐ. ܫܵܦܵܩܲܬ ܥܲܡ ܟܠܵܘܟ݂ܘܿܢ.