\id ROM  
\h ܪ̈ܗܘܡܝܐ 
\toc1 ܪ̈ܗܘܡܝܐ 
\toc2 ܪ̈ܗܘܡܝܐ 
\toc3 ROM 
\mt1 ܐܓܪܬ‌ܐ ܕܦܘܠܘܣ ܫܠܝܚܐ ܠܪ̈ܗܘܡܝܐ 
\c 1  
\s1 ܡܘܕܥܢܘܬ‌ܐ 
\p  
\v 1 ܦܵܘܠܘܿܣ، ܪܹܓܵܐ ܕܝܼܫܘܿܥ ܡܫܝܼܚܵܐ، ܩܸܪܝܵܐ ܕܗܵܘܹܐ ܫܠܝܼܚܵܐ، ܘܓܘܼܒܝܵܐ ܠܡܲܟܪܘܼܙܹܐ ܐܹܘܲܢܓܲܠܝܼܘܿܢ ܕܐܲܠܵܗܵܐ.  
\v 2 ܐܵܗܵܐ ܝܠܹܗ ܐܹܘܲܢܓܲܠܝܼܘܿܢ ܕܩܘܼܘܸܠܔ ܠܹܗ ܡ̣ܢ ܩܲܕܡܵܝܬܵ‌ܐ ܒܝܲܕ ܢܒ݂ܝܼܘܼ̈ܗ‌ܝ ܓܵܘ ܟܬܵܒܹ̈ܐ ܩܲܕܝܼܫܹ̈ܐ،  
\v 3 ܒܘܼܬ ܒܪܘܿܢܹܗ ܕܦܝܼܫ ܠܹܗ ܝܠܝܼܕܵܐ ܡ̣ܢ ܙܲܪܥܵܐ ܕܕܵܘܝܼܕ ܡ̣ܢ ܦܲܓ݂ܪܹܗ ܐܢܵܫܵܝܵܐ ܓܹܒܵܐ،  
\v 4 ܘܗ̇ܘ ܕܦܝܼܫ ܠܹܗ ܝܕܝܼܥܵܐ ܒܪܘܿܢܵܐ ܕܐܲܠܵܗܵܐ ܒܚܲܝܠܵܐ ܕܪܘܼܚܵܐ ܕܩܲܕܝܼܫܘܼܬܵ‌ܐ، ܒܝܲܕ ܩܝܵܡܬܹܗ ܡ̣ܢ ܓܵܘ ܡܝܼ̈ܬܹ‌ܐ، ܡܵܪܲܢ ܝܼܫܘܿܥ ܡܫܝܼܚܵܐ.  
\v 5 ܒܝܼܹܗ ܘܒܘܼܬ ܚܵܬܸܪ ܕܫܸܡܹܗ ܫܩܝܼܠܔ ܠܲܢ ܫܵܦܵܩܲܬ ܘܫܠܝܼܚܘܼܬܵ‌ܐ ܕܩܵܪܲܚ ܠܒܢܲܝ̈ܢܵܫܵܐ ܡ̣ܢ ܓܵܘ ܟܠܵܝܗ‌ܝ ܐܸܡܘܵܬܹ̈‌ܐ ܕܡܲܨܝܸܬ‌ܝܼ ܠܗܲܝܡܵܢܘܼܬܵ‌ܐ.  
\v 6 ܐܘܼܦ ܐܲܚܬܘܿܢ ܓܵܘ ܐܵܢܝܼ ܝܬܘܿܢ ܕܦܝܼܫܹܐ ܝܢܵܐ ܩܸܪܝܹܐ ܕܝܼܫܘܿܥ ܡܫܝܼܚܵܐ.  
\v 7 ܫܵܦܵܩܲܬ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܲܢ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ، ܠܟܠܵܝܗ‌ܝ ܡܘܼܚܸܒܹ̈ܐ ܕܐܲܠܵܗܵܐ ܕܓܵܘ ܪܗܘܿܡܹܐ ܕܦܝܼܫܹܐ ܝܢܵܐ ܩܸܪܝܹܐ ܩܲܕܝܼܫܹ̈ܐ. 
\s1 ܦܘܠܘܣ ܒܥܐ ܕܚܙܐ ܪܗܘܡܐ 
\p  
\v 8 ܩܲܕܡܵܝܬܵ‌ܐ ܫܲܟܘܼܪܹܐ ܝܘܸܢ ܠܐܲܠܵܗ‌ܝܼ ܒܝܲܕ ܝܼܫܘܿܥ ܡܫܝܼܚܵܐ ܒܘܼܬ ܟܠܵܘܟ݂ܘܿܢ، ܕܦܝܼܫܬܵ‌ܐ ܝܠܵܗ̇ ܗܘܼܡܙܸܡܬܵ‌ܐ ܒܘܼܬ ܗܲܝܡܵܢܘܼܬܵܘܟ݂ܘܿܢ ܓܵܘ ܟܠܹܗ ܥܵܠܡܵܐ.  
\v 9 ܒܸܣܗܵܕܵܐ ܝܠܹܗ ܐܸܠܝܼ ܐܲܠܵܗܵܐ، ܗ̇ܘ ܕܟܹܐ ܥܵܒ݂ܕܹܢ ܚܸܠܡܲܬ ܐܸܠܹܗ ܡ̣ܢ ܟܠܹܗ ܠܸܒܝܼ ܒܝܲܕ ܡܲܟܪܲܙܬܵ‌ܐ ܕܐܹܘܲܢܓܲܠܝܼܘܿܢ ܕܒܪܘܿܢܹܗ، ܕܠܹܐ ܫܵܠܹܝܢ ܡ̣ܢ ܠܸܕܟ݂ܵܪܵܘܟ݂ܘܿܢ ܓܵܘ ܨܠܘܿܬ‌ܝܼ ܒܟܠܔ ܥܕܵܢܵܐ.  
\v 10 ܐܝܼܬ ܠܝܼ ܗܹܒ݂ܝܼ ܐܵܕܝܼܵܐ ܒܨܸܒ݂ܝܵܢܵܐ ܕܐܲܠܵܗܵܐ ܒܸܬ ܦܵܬܚܵܐ ܐܘܼܪܚܵܐ ܕܐܵܬܹܝܢ ܠܟܸܣܠܵܘܟ݂ܘܿܢ.  
\v 11 ܒܵܥܹܝܢ ܕܚܵܙܹܢܵܘܟ݂ܘܿܢ ܕܝܵܗܒܹܢܵܘܟ݂ܘܿܢ ܡܵܘܗܲܒ݂ܬܵ‌ܐ ܪܘܼܚܵܢܵܝܬܵ‌ܐ ܕܦܵܝܫܝܼܬܘܿܢ ܚܘܼܠܸܢܹܐ ܒܝܼܘܼܗ̇،  
\v 12 ܕܐܵܢܵܐ ܘܐܲܚܬܘܿܢ ܡܥܘܼܕܵܠܹܐ ܦܵܝܫܲܚ ܡܘܼܩܘܝܼܹܐ ܒܗܲܝܡܵܢܘܼܬܵ‌ܐ ܕܚܲܕ ܗ̇ܘ ܐܚܹܪܢܵܐ.  
\v 13 ܒܵܥܹܝܢ ܕܝܵܕܥܝܼܬܘܿܢ ܐܲܚܘܿܢܘܵܬ‌ܝܼ̈، ܕܪܵܒܵܐ ܓܵܗܹ̈ܐ ܡܘܼܬܸܒ݂ ܠܝܼ ܒܠܸܒܝܼ ܕܐܵܬܹܝܢ ܠܟܸܣܠܵܘܟ݂ܘܿܢ ܕܐܘܼܦ ܒܝܼܵܘܟ݂ܘܿܢ ܗܵܘܹܐ ܠܝܼ ܛܥܘܼܢܬܵ‌ܐ ܐܲܝܟ݂ ܕܓܵܘ ܐܸܡܘܵܬܹ̈‌ܐ ܐܚܹܪ̈ܢܹܐ، ܐܝܼܢܵܐ ܗܲܠܔ ܐܵܕܝܼܵܐ ܦܝܼܫܵܐ ܝܘܸܢ ܡܘܼܟܠܝܼܵܐ.  
\v 14 ܕܲܝܢܵܢܵܐ ܝܘܸܢ ܠܝܵܘܢܵܝܹ̈ܐ ܘܠܢܘܼܟ݂ܪ̈ܵܝܹܐ، ܠܚܲܟܝܼܡܹ̈ܐ ܘܠܣܲܟ݂ܠܹ̈ܐ.  
\v 15 ܒܘܼܬ ܐܵܗܵܐ ܚܲܦܘܼܛܹܐ ܝܘܸܢ ܕܡܲܫܚܸܕܸܢ ܐܹܘܲܢܓܲܠܝܼܘܿܢ ܐܘܼܦ ܐܸܠܵܘܟ݂ܘܿܢ ܕܓܵܘ ܪܗܘܿܡܹܐ. 
\s1 ܚܝܠܐ ܕܐܘܢܓܠܝܘܢ 
\p  
\v 16 ܣܵܒܵܒ ܠܹܐ ܝܘܸܢ ܒܸܢܟ݂ܵܦܵܐ ܒܐܹܘܲܢܓܲܠܝܼܘܿܢ ܣܵܒܵܒ ܚܲܝܠܵܐ ܕܐܲܠܵܗܵܐ ܝܠܹܗ ܩܵܐ ܦܘܼܪܩܵܢܵܐ ܕܟܠܔ ܕܗܲܡܸܢ، ܩܲܕܡܵܝܬܵ‌ܐ ܠܝܗܘܼܕܵܝܹ̈ܐ ܘܗ̇ܝܓܵܗ ܠܝܵܘܢܵܝܹ̈ܐ.  
\v 17 ܣܵܒܵܒ ܓܵܘ ܐܹܘܲܢܓܲܠܝܼܘܿܢ ܦܝܼܫܬܵ‌ܐ ܝܠܵܗ̇ ܓܠܝܼܬܵ‌ܐ ܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܡ̣ܢ ܐܲܠܵܗܵܐ، ܙܲܕܝܼܩܘܼܬܵ‌ܐ ܕܝܼܠܵܗ̇ ܒܝܲܕ ܗܲܝܡܵܢܘܼܬܵ‌ܐ، ܡ̣ܢ ܫܘܼܪܵܝܵܐ ܘܗܲܠܔ ܫܘܼܠܵܡܵܐ، ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܙܲܕܝܼܩܵܐ ܒܗܲܝܡܵܢܘܼܬܵ‌ܐ ܒܸܬ ܚܵܝܹܐ.\x + \xo 1:17 \xt ܚܒ݂ܩܘܩ 2‏:4\x* 
\s1 ܟܪܒܐ ܕܐܠܗܐ ܥܠܔ ܒܢܝ̈ܢܫܐ 
\p  
\v 18 ܦܝܵܫܵܐ ܝܠܵܗ̇ ܓܠܝܼܬܵ‌ܐ ܟܲܪܒܵܐ ܕܐܲܠܵܗܵܐ ܡ̣ܢ ܫܡܲܝܵܐ ܥܲܠܔ ܟܠܹܗ ܥܵܘܠܵܐ ܘܟܦܘܼܪܝܵܐ ܕܒܢܲܝ̈ܢܵܫܵܐ، ܐܵܢܝܼ ܕܒܸܚܢܵܩܘܼܗ̇ ܝܢܵܐ ܫܲܪܝܼܪܘܼܬܵ‌ܐ ܒܝܲܕ ܥܵܘܠܵܝܗ‌ܝ،  
\v 19 ܣܵܒܵܒ ܝܕܵܥܬܵ‌ܐ ܕܐܲܠܵܗܵܐ ܦܝܼܫܬܵ‌ܐ ܝܠܵܗ̇ ܓܠܝܼܬܵ‌ܐ ܐܸܠܵܝܗ‌ܝ، ܒܗ̇ܝ ܕܐܲܠܵܗܵܐ ܓܸܠܝܘܼܗ̇ ܝܠܹܗ ܐܸܠܵܝܗ‌ܝ،  
\v 20 ܗܵܐ ܡ̣ܢ ܫܘܼܪܵܝܵܐ ܕܒܪܝܼܬܵ‌ܐ، ܕܝܼܠܵܝܵܬܹ̈‌ܐ ܠܵܐ ܡܸܬܚܲܙܝܵܢܹ̈ܐ ܕܐܲܠܵܗܵܐ ܦܝܼܫܹܐ ܝܢܵܐ ܚܸܙܝܹܐ: ܚܲܝܠܹܗ ܐܵܒܵܕܝܼܢܵܝܵܐ، ܘܟܝܵܢܹܗ ܐܲܠܵܗܵܝܵܐ. ܐܲܢܹܐ ܟܹܐ ܦܵܝܫܝܼ ܦܘܼܪܡܝܼܹܐ ܒܡܸܢܕܝܼܵܢܹ̈ܐ ܕܦܝܼܫܹܐ ܝܢܵܐ ܒܸܪܝܹܐ، ܗܵܕܟ݂ܵܐ ܕܐܢܵܫܹ̈ܐ ܠܲܝܬ ܠܗܘܿܢ ܡܵܗܵܢܵܐ.  
\v 21 ܐܘܼܦ ܐܸܢ ܕܝܕܝܼܥ ܠܗܘܿܢ ܠܐܲܠܵܗܵܐ، ܠܵܐ ܚܩܝܼܪܗܘܿܢ ܐܸܠܹܗ ܐܲܝܟ݂ ܐܲܠܵܗܵܐ، ܘܠܵܐ ܫܘܼܟܸܪܗܘܿܢ ܐܸܠܹܗ، ܐܸܠܵܐ ܗܘܹܐ ܠܗܘܿܢ ܣܦܝܼܩܹܐ ܒܚܘܼܫܵܒ݂ܵܝ̈ܗ‌ܝ، ܘܚܘܼܫܟܸܢܹܗ ܠܸܒܵܝܗ‌ܝ ܠܵܐ ܦܲܪܡܝܼܵܢܵܐ.  
\v 22 ܐܡܝܼܪܗܘܿܢ ܒܓܵܢܵܝܗ‌ܝ ܕܚܲܟܝܼܡܹ̈ܐ ܝܢܵܐ، ܐܝܼܢܵܐ ܗܘܹܐ ܠܗܘܿܢ ܣܲܟ݂ܠܹ̈ܐ.  
\v 23 ܫܘܼܚܠܸܦ ܠܗܘܿܢ ܫܘܼܒ݂ܚܵܐ ܕܐܲܠܵܗܵܐ ܠܵܐ ܡܵܝܘܿܬܵ‌ܐ ܠܕܡܘܼܬܵ‌ܐ ܕܒܲܪܢܵܫܵܐ ܡܵܝܘܿܬܵ‌ܐ، ܠܕܡܘܼܬܵ‌ܐ ܕܨܲܠܡܹ̈ܐ ܕܛܲܝܪܹ̈ܐ، ܘܕܗܲܝܘܵܢܹ̈ܐ ܕܐܲܪܒܲܥ ܐܲܩܠܵܬܹ̈‌ܐ، ܘܕܪܸ̈ܓ̰ܒܹܐ.  
\v 24 ܒܘܼܬ ܐܵܗܵܐ، ܐܲܠܵܗܵܐ ܣܘܼܦܝܵܝ ܠܹܗ ܠܛܲܢܦܘܼܬܵ‌ܐ ܒܫܲܗܘܲܬܝܵܬܹ̈‌ܐ ܕܠܸܒܵܝܗ‌ܝ ܕܥܵܒ݂ܕܝܼ ܡܲܣܠܲܝܬܵ‌ܐ ܒܦܲܓ݂ܪܵܐ ܕܥܘܼܕܵܠܹܐ.  
\v 25 ܫܘܼܚܠܸܦ ܠܗܘܿܢ ܫܪܵܪܵܐ ܕܐܲܠܵܗܵܐ ܠܕܘܼܓܠܵܐ، ܘܣܓ݂ܝܼܕ ܠܗܘܿܢ ܘܥܒ݂ܝܼܕ ܠܗܘܿܢ ܚܸܠܡܲܬ ܠܒܪܝܼܬܵ‌ܐ ܒܘܼܫ ܙܵܘܕܵܐ ܡ̣ܢ ܠܒܵܪܝܵܢܵܐ، ܕܝܼܠܹܗ ܡܒܘܼܪܟ݂ܵܐ ܠܥܵܠܲܡ ܥܵܠܡܝܼܢ، ܐܵܡܹܝܢ.  
\v 26 ܒܘܼܬ ܐܵܗܵܐ، ܣܘܼܦܝܵܝ ܠܹܗ ܐܲܠܵܗܵܐ ܠܫܲܗܘܲܬܝܵܬܹ̈‌ܐ ܡܲܢܟܸܦܵܢܹ̈ܐ. ܐܘܼܦ ܢܸܩܒ݂ܵܝ̈ܗ‌ܝ ܫܘܼܚܠܸܦ ܠܗܘܿܢ ܫܘܼܠܵܝܗ‌ܝ ܟܝܵܢܵܝܵܐ ܠܗ̇ܘ ܕܝܼܠܹܗ ܕܲܠܩܘܼܒ݂ܠܔ ܕܟܝܵܢܵܐ.  
\v 27 ܐܘܼܦ ܐܘܼܪ̈ܙܵܝܗ‌ܝ ܫܒ݂ܝܼܩ ܠܗܘܿܢ ܫܘܼܠܵܐ ܟܝܵܢܵܝܵܐ ܕܢܸܩܒܹ̈ܐ ܘܫܪܝܼܚ ܠܗܘܿܢ ܒܫܲܗܘܲܬܬܵ‌ܐ ܕܚܲܕ ܠܗ̇ܘ ܐܚܹܪܢܵܐ. ܐܘܼܪ̈ܙܹܐ ܥܒ݂ܝܼܕ ܠܗܘܿܢ ܛܲܢܦܘܼܬܵ‌ܐ ܚܲܕ ܥܲܡ ܗ̇ܘ ܐܚܹܪܢܵܐ، ܘܗܵܕܟ݂ܵܐ ܩܘܼܒܸܠܔ ܠܗܘܿܢ ܠܓܵܢܵܝܗ‌ܝ ܕܝܵܢܬܵ‌ܐ ܕܚܫܝܼܚܬܵ‌ܐ ܝܗܘܵܐ ܠܫܪܝܼܚܘܼܬܵܝܗ‌ܝ.  
\v 28 ܘܐܲܝܟ݂ ܕܠܵܐ ܒܥܹܐ ܠܗܘܿܢ ܕܝܵܕܥܝܼ ܠܐܲܠܵܗܵܐ، ܣܘܼܦܝܵܝ ܠܹܗ ܐܲܠܵܗܵܐ ܠܪܸ̈ܥܝܵܢܹܐ ܒܲܛܝܼܠܹ̈ܐ ܕܥܵܒ݂ܕܝܼ ܡܸܢܕܝܼܵܢܹ̈ܐ ܕܠܹܐ ܝܢܵܐ ܚܫܝܼܚܹܐ ܠܸܥܒ݂ܵܕܵܐ.  
\v 29 ܦܝܼܫ ܠܗܘܿܢ ܡܸܠܝܹܐ ܥܵܘܠܵܐ، ܒܝܼܫܘܼܬܵ‌ܐ، ܛܲܡܲܥܟܵܪܘܼܬܵ‌ܐ، ܛܲܢܦܘܼܬܵ‌ܐ، ܒܲܚܸܠܵܢܘܼܬܵ‌ܐ، ܩܸܛܠܵܐ، ܡܲܩܲܪܵܨܘܼܬܵ‌ܐ، ܦܸܠܡܵܐ، ܣܪܝܼܩܘܼܬܵ‌ܐ، ܗܹܡܸܙܡܵܢܹ̈ܐ ܣܦܝܼܩܹ̈ܐ،  
\v 30 ܩܵܒ݂ܠܵܢܹ̈ܐ، ܣܵܢܝܵܢܹ̈ܐ ܕܐܲܠܵܗܵܐ، ܨܲܥܪ̈ܵܢܹܐ، ܚܵܬܪ̈ܵܢܹܐ، ܫܲܒ݂ܗܸܪ̈ܵܢܹܐ، ܡܲܫ݇ܟ̰ܚܵܢܹ̈ܐ ܕܐܘܼܪ̈ܚܵܬܹ‌ܐ ܒܝܼܫܹ̈ܐ، ܠܵܐ ܡܲܨܝܸܬܵܢܹ̈ܐ ܠܐܲܒ݂ܵܗܹ̈ܐ،  
\v 31 ܕܠܵܐ ܦܲܪܡܲܝܬܵ‌ܐ، ܕܠܵܐ ܡܗܘܼܡܢܘܼܬܵ‌ܐ، ܕܠܵܐ ܚܘܼܒܵܐ، ܕܠܵܐ ܪ̈ܲܚܡܹܐ.  
\v 32 ܐܘܼܦ ܐܸܢ ܕܟܹܐ ܝܵܕܥܝܼ ܕܐܝܼܬ ܕܝܵܢܬܵ‌ܐ ܕܐܲܠܵܗܵܐ، ܕܐܵܢܝܼ ܕܥܵܒ݂ܕܝܼ ܐܲܝܟ݂ ܕܐܲܢܹܐ ܚܫܝܼܚܹܐ ܝܢܵܐ ܠܡܵܘܬܵ‌ܐ، ܠܵܐ ܐܲܚܟ̰ܝܼ ܟܹܐ ܥܵܒ݂ܕܝܼ ܠܗܘܿܢ، ܐܸܠܵܐ ܐܝܼܬ ܠܗܘܿܢ ܒܘܼܣܵܡܵܐ ܒܐܵܢܝܼ ܕܥܵܒ݂ܕܝܼ ܠܗܘܿܢ. 
\c 2  
\s1 ܕܝܢܬ‌ܐ ܫܪܝܪܬ‌ܐ ܕܐܠܗܐ 
\p  
\v 1 ܒܘܼܬ ܐܵܗܵܐ، ܟܠܔ ܡ̇ܢ ܕܝܼܘܸܬ ܝܵܐ ܒܲܪܢܵܫܵܐ، ܠܲܝܬ ܠܘܼܟ݂ ܡܵܗܵܢܵܐ. ܐܲܢ݇ܬ ܕܝܼܘܸܬ ܒܸܕܝܵܢܵܐ ܠܐܚܹܪ̈ܢܹܐ، ܠܓܵܢܘܼܟ݂ ܒܸܕܝܵܢܵܐ ܝܘܸܬ، ܣܵܒܵܒ ܒܸܥܒ݂ܵܕܵܐ ܝܘܸܬ ܐܵܢܝܼ ܡܸܢܕܝܼܵܢܹ̈ܐ ܕܒܝܼܵܝܗ‌ܝ ܒܸܕܝܵܢܵܐ ܝܘܸܬ ܠܐܚܹܪ̈ܢܹܐ.  
\v 2 ܐܝܼܢܵܐ ܒܝܼܕܵܥܵܐ ܝܘܲܚ ܕܕܝܵܢܬܵ‌ܐ ܕܐܲܠܵܗܵܐ ܫܲܪܝܼܪܬܵ‌ܐ ܝܠܵܗ̇ ܥܲܠܔ ܐܵܢܝܼ ܕܥܵܒ݂ܕܝܼ ܐܲܢܹܐ.  
\v 3 ܐܲܢ݇ܬ ܝܵܐ ܒܲܪܢܵܫܵܐ ܕܒܸܕܝܵܢܵܐ ܝܘܸܬ ܠܐܚܹܪ̈ܢܹܐ ܕܒܸܥܒ݂ܵܕܵܐ ܝܢܵܐ ܐܲܢܹܐ، ܟܲܕ ܐܘܼܦ ܐܲܢ݇ܬ ܒܓܵܢܘܼܟ݂ ܒܸܥܒ݂ܵܕܵܝ ܝܘܸܬ، ܒܸܚܫܵܒ݂ܵܐ ܝܘܸܬ ܒܸܬ ܦܵܪܩܹܬ ܡ̣ܢ ܕܝܵܢܬܵ‌ܐ ܕܐܲܠܵܗܵܐ؟  
\v 4 ܝܲܢ ܡܲܣܠܘܼܝܹܐ ܝܘܸܬ ܠܝܘܼܬܪܵܢܵܐ ܕܡܲܟܝܼܟ݂ܘܼܬܹܗ، ܘܡܲܪܝܲܟ݂ܬܵ‌ܐ ܕܒܹܐܢܹܗ، ܘܚܡܵܠܬܹܗ، ܘܠܹܐ ܝܘܸܬ ܒܝܼܕܵܥܵܐ ܕܡܲܟܝܼܟ݂ܘܼܬܵ‌ܐ ܕܐܲܠܵܗܵܐ ܡܗܲܕܘܼܝܘܼܟ݂ ܝܼܠܵܗ̇ ܠܬܝܵܒ݂ܘܼܬܵ‌ܐ؟  
\v 5 ܐܝܼܢܵܐ ܒܘܼܬ ܩܸܫܝܘܼܬܘܼܟ݂ ܘܠܸܒܘܼܟ݂ ܠܵܐ ܬܲܘܸܒܵܢܵܐ، ܓ̰ܲܡܘܼܥܹܐ ܝܘܸܬ ܥܲܠܔ ܓܵܢܘܼܟ݂ ܟܲܪܒܵܐ ܠܝܵܘܡܵܐ ܕܟܲܪܒܵܐ ܕܐܲܠܵܗܵܐ، ܐܝܼܡܲܢ ܕܦܵܝܫܵܐ ܓܠܝܼܬܵ‌ܐ ܕܝܵܢܬܵ‌ܐ ܙܲܕܝܼܩܬܵ‌ܐ ܕܝܼܹܗ.  
\v 6 ܐܲܠܵܗܵܐ ܒܸܬ ܦܵܪܹܥ ܠܟܠܔ ܚܲܕ ܐܲܝܟ݂ ܦܘܼܠܚܵܢܹܗ.\x + \xo 2:6 \xt ܡܙܡܘܪܐ 62‏:12؛ ܡܬܠ̈ܐ 24‏:12\x* 
\v 7 ܠܐܵܢܝܼ ܕܒܚܡܵܠܬܵ‌ܐ ܥܵܒ݂ܕܝܼ ܦܘܼܠܚܵܢܹ̈ܐ ܛܵܒܹ̈ܐ ܘܛܵܥܝܼ ܫܘܼܒ݂ܚܵܐ ܘܐܝܼܩܵܪܵܐ ܘܠܵܐ ܡܵܝܘܿܬܘܼܬܵ‌ܐ، ܒܸܬ ܝܵܗܒܹܠܔ ܚܲܝܹ̈ܐ ܕܠܥܵܠܲܡ،  
\v 8 ܐܝܼܢܵܐ ܠܐܵܢܝܼ ܕܝܼܢܵܐ ܐܵܢܵܝܹ̈ܐ ܘܠܵܐ ܫܵܠܡܵܢܹ̈ܐ ܠܫܪܵܪܵܐ، ܐܸܠܵܐ ܕܟܹܐ ܦܵܠܚܝܼ ܥܵܘܠܵܐ، ܒܸܬ ܗܵܘܝܵܐ ܚܸܡܬܵ‌ܐ ܘܟܲܪܒܵܐ.  
\v 9 ܒܸܬ ܗܵܘܹܐ ܐܘܼܠܨܵܢܵܐ ܘܓ̰ܘܼܢܓ̰ܵܪܵܐ ܠܟܠܔ ܚܲܕ ܕܥܵܒܹܕ ܒܝܼܫܬܵ‌ܐ، ܩܲܕܡܵܝܬܵ‌ܐ ܠܝܗܘܼܕܵܝܵܐ، ܘܗ̇ܝܓܵܗ ܠܝܵܘܢܵܝܵܐ.  
\v 10 ܐܝܼܢܵܐ ܚܸܩܪܵܐ ܘܐܝܼܩܵܪܵܐ ܘܫܠܵܡܵܐ ܠܟܠܔ ܕܥܵܒܹܕ ܛܵܒ݂ܬܵ‌ܐ، ܩܲܕܡܵܝܬܵ‌ܐ ܠܝܗܘܼܕܵܝܵܐ ܘܗ̇ܝܓܵܗ ܠܝܵܘܢܵܝܵܐ.  
\v 11 ܣܵܒܵܒ ܠܲܝܬ ܚܙܵܝܬܵ‌ܐ ܕܦܵܬܵ‌ܐ ܠܟܸܣ ܐܲܠܵܗܵܐ.  
\v 12 ܟܠܵܝܗ‌ܝ ܐܵܢܝܼ ܕܠܲܝܬ ܠܗܘܿܢ ܢܵܡܘܿܣܵܐ ܘܚܛܹܐ ܠܗܘܿܢ، ܕܠܵܐ ܢܵܡܘܿܣܵܐ ܒܸܬ ܛܵܠܩܝܼ، ܘܐܵܢܝܼ ܕܐܝܼܬ ܠܗܘܿܢ ܢܵܡܘܿܣܵܐ ܘܚܛܹܐ ܠܗܘܿܢ، ܒܝܲܕ ܢܵܡܘܿܣܵܐ ܒܸܬ ܦܵܝܫܝܼ ܕܝܼܢܹܐ.  
\v 13 ܣܵܒܵܒ ܠܹܐ ܝܠܵܗ̇ ܐܵܢܝܼ ܕܫܵܡܥܝܼ ܢܵܡܘܿܣܵܐ ܒܸܬ ܦܵܝܫܝܼ ܡܘܼܟܫܸܛܵܐ ܩܲܕܡ ܐܲܠܵܗܵܐ، ܐܸܠܵܐ ܐܵܢܝܼ ܕܢܵܛܪܝܼ ܢܵܡܘܿܣܵܐ ܒܸܬ ܦܵܝܫܝܼ ܡܘܼܟܫܸܛܹܐ.  
\v 14 ܣܵܒܵܒ ܐܝܼܡܲܢ ܐܸܡܘܵܬܹ̈‌ܐ، ܕܠܲܝܬ ܠܗܘܿܢ ܢܵܡܘܿܣܵܐ، ܘܟܝܵܢܵܐܝܼܬ ܥܵܒ݂ܕܝܼ ܡܸܢܕܝܼܵܢܹ̈ܐ ܕܦܝܼܫܹܐ ܝܢܵܐ ܛܠܝܼܒܹܐ ܒܝܲܕ ܢܵܡܘܿܣܵܐ، ܐܵܢܝܼ ܝܼܢܵܐ ܢܵܡܘܿܣܵܐ ܩܵܐ ܓܵܢܵܝܗ‌ܝ، ܐܘܼܦ ܐܸܢ ܕܠܲܝܬ ܠܗܘܿܢ ܢܵܡܘܿܣܵܐ.  
\v 15 ܒܗ̇ܝ ܕܟܹܐ ܡܲܚܙܝܼ ܦܘܼܠܚܵܢܵܐ ܕܢܵܡܘܿܣܵܐ ܟܬܝܼܒ݂ܵܐ ܓܵܘ ܠܸܒܵܝܗ‌ܝ. ܐܘܼܦ ܐܸܢܝܲܬܵܝܗ‌ܝ ܒܸܣܗܵܕܵܐ ܝܠܵܗ̇ ܥܲܠܵܝܗ‌ܝ، ܘܚܘܼܫܵܒ݂ܵܝ̈ܗ‌ܝ ܡܲܢܟ݂ܘܼܣܵܝ ܝܢܵܐ ܝܲܢ ܓ̰ܲܘܘܼܒܹܐ ܐܸܠܵܝܗ‌ܝ.  
\v 16 ܐܵܗܵܐ ܒܸܬ ܗܵܘܝܵܐ ܒܗ̇ܘ ܝܵܘܡܵܐ ܕܐܲܠܵܗܵܐ ܕܵܐܹܢ ܫܘܼܠܹ̈ܐ ܛܸܫܝܹ̈ܐ ܕܒܢܲܝ̈ܢܵܫܵܐ ܒܝܲܕ ܝܼܫܘܿܥ ܡܫܝܼܚܵܐ، ܐܲܝܟ݂ ܐܹܘܲܢܓܲܠܝܼܘܿܢ ܕܝܼܝܼ ܡܲܚܒܘܼܪܹܐ ܝܠܹܗ. 
\s1 ܝܗܘܕܝ̈ܐ ܘܢܡܘܣܐ 
\p  
\v 17 ܐܸܢ ܐܲܢ݇ܬ ܒܸܩܪܵܝܘܼܗ̇ ܝܘܸܬ ܓܵܢܘܼܟ݂ ܝܗܘܼܕܵܝܵܐ، ܘܒܸܕܪܵܝܘܼܗ̇ ܝܘܸܬ ܗܹܒ݂ܝܼܘܼܟ݂ ܥܲܠܔ ܢܵܡܘܿܣܵܐ، ܘܒܸܥܒ݂ܵܕܵܐ ܝܘܸܬ ܫܘܼܒ݂ܗܵܪܵܐ ܕܟܹܐ ܝܵܕܥܹܬ ܠܐܲܠܵܗܵܐ،  
\v 18 ܘܟܹܐ ܝܵܕܥܹܬ ܨܸܒ݂ܝܵܢܹܗ، ܘܒܸܦܪܵܫܵܐ ܝܘܸܬ ܡܸܢܕܝܼܵܢܹ̈ܐ ܡܝܘܼܩܪܹ̈ܐ ܣܵܒܵܒ ܦܝܼܫܵܐ ܝܘܸܬ ܡܘܼܠܦܵܐ ܒܝܲܕ ܢܵܡܘܿܣܵܐ،  
\v 19 ܘܗܲܡܘܼܢܹܐ ܝܘܸܬ ܒܓܵܢܘܼܟ݂ ܕܝܼܘܸܬ ܡܗܲܕܝܵܢܵܐ ܠܣܸܡܝܹ̈ܐ، ܘܒܲܗܪܵܐ ܠܐܵܢܝܼ ܕܝܼܢܵܐ ܓܵܘ ܚܸܫܟܵܐ،  
\v 20 ܘܬܲܠܡܸܕܵܢܵܐ ܕܣܲܟ݂ܠܹ̈ܐ، ܘܡܲܠܦܵܢܵܐ ܕܝܲܠܘܼܕܹ̈ܐ، ܣܵܒܵܒ ܐܝܼܬ ܠܘܼܟ݂ ܕܘܼܡܝܵܐ ܕܝܕܵܥܬܵ‌ܐ ܘܕܫܪܵܪܵܐ ܒܢܵܡܘܿܣܵܐ،  
\v 21 ܐܲܢ݇ܬ ܕܝܼܘܸܬ ܡܲܠܘܼܦܹܐ ܠܐܚܹܪ̈ܢܹܐ، ܠܹܐ ܗܵܘܝܵܐ ܕܡܲܠܦܸܬ ܠܓܵܢܘܼܟ݂؟ ܐܲܢ݇ܬ ܕܡܲܟܪܘܼܙܹܐ ܝܘܸܬ ܠܐܚܹܪ̈ܢܹܐ ܕܠܵܐ ܓܵܢܒ݂ܝܼ، ܓܵܢܘܼܟ݂ ܒܸܓܢܵܒ݂ܵܐ ܝܘܸܬ؟  
\v 22 ܐܲܢ݇ܬ ܕܒܹܐܡܵܪܵܐ ܝܘܸܬ ܕܐܢܵܫܹ̈ܐ ܠܵܐ ܥܵܒ݂ܕܝܼ ܓܲܝܵܪܘܼܬܵ‌ܐ، ܓܵܢܘܼܟ݂ ܒܸܥܒ݂ܵܕܵܐ ܝܘܸܬ ܓܲܝܵܪܘܼܬܵ‌ܐ؟ ܐܲܢ݇ܬ ܕܟܹܐ ܣܵܢܹܝܬ ܨܵܢܲܡܹ̈ܐ، ܓܵܢܘܼܟ݂ ܫܲܠܘܼܚܹܐ ܝܘܸܬ ܗܲܝܟܠܹ̈ܐ؟  
\v 23 ܐܲܢ݇ܬ ܕܒܸܥܒ݂ܵܕܵܐ ܝܘܸܬ ܫܘܼܒ݂ܗܵܪܵܐ ܒܢܵܡܘܿܣܵܐ، ܡܲܣܠܘܼܝܹܐ ܝܘܸܬ ܠܐܲܠܵܗܵܐ ܒܝܲܕ ܫܡܵܛܬܵ‌ܐ ܕܢܵܡܘܿܣܵܐ؟  
\v 24 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܒܘܼܬ ܕܝܼܵܘܟ݂ܘܿܢ ܫܸܡܵܐ ܕܐܲܠܵܗܵܐ ܟܹܐ ܦܵܐܹܫ ܓܕܝܼܦܵܐ ܓܵܘ ܐܸܡܘܵܬܹ̈‌ܐ.\x + \xo 2:24 \xt ܐܫܥܝܐ 52‏:5؛ ܚܙܩܝܐܝܠܔ 36‏:20\x* 
\v 25 ܓܙܘܼܪܬܵ‌ܐ ܐܝܼܬ ܠܵܗ̇ ܦܲܝܕܵܐ ܐܸܢ ܢܵܛܪܹܬ ܢܵܡܘܿܣܵܐ، ܐܝܼܢܵܐ ܐܸܢ ܫܵܡܛܹܬ ܢܵܡܘܿܣܵܐ، ܓܙܘܼܪܬܵ‌ܐ ܗܘܹܐ ܠܵܗ̇ ܥܘܼܪܠܘܼܬܵ‌ܐ.  
\v 26 ܗܵܕܟ݂ܵܐ ܐܸܢ ܐܵܢܝܼ ܕܠܹܐ ܝܢܵܐ ܓܙܝܼܪܹܐ ܢܵܛܪܝܼ ܦܘܼܩܕܵܢܹ̈ܐ ܕܢܵܡܘܿܣܵܐ، ܠܹܐ ܦܵܝܫܝܼ ܚܫܝܼܒܹܐ ܐܲܝܟ݂ ܕܐܸܢ ܓܙܝܼܪܹܐ ܝܢܵܐ؟  
\v 27 ܘܗ̇ܘ ܕܝܼܠܹܗ ܥܘܼܪܠܵܐ ܒܦܲܓ݂ܪܵܐ ܐܝܼܢܵܐ ܟܹܐ ܬܲܡܸܡ ܢܵܡܘܿܣܵܐ، ܠܹܐ ܕܵܐܹܢ ܐܸܠܘܼܟ݂ ܕܐܝܼܬ ܠܘܼܟ݂ ܟܬܵܒ݂ܵܐ ܘܓܙܘܼܪܬܵ‌ܐ ܐܝܼܢܵܐ ܒܸܫܡܵܛܵܐ ܝܘܸܬ ܢܵܡܘܿܣܵܐ؟  
\v 28 ܝܗܘܼܕܵܝܵܐ ܠܹܐ ܝܠܹܗ ܗ̇ܘ ܕܒܲܪܵܐܝܼܬ ܝܗܘܼܕܵܝܵܐ ܝܠܹܗ، ܘܠܵܐ ܓܙܘܼܪܬܵ‌ܐ ܗ̇ܝ ܕܒܲܪܵܐܝܼܬ ܒܒܸܣܪܵܐ.  
\v 29 ܐܸܠܵܐ، ܝܗܘܼܕܵܝܵܐ ܗ̇ܘ ܝܼܠܹܗ ܕܓܵܘܵܐܝܼܬ ܝܗܘܼܕܵܝܵܐ ܝܠܹܗ، ܘܓܙܘܼܪܬܵ‌ܐ ܗ̇ܝ ܝܠܵܗ̇ ܕܗܵܘܝܵܐ ܡ̣ܢ ܠܸܒܵܐ، ܒܪܘܼܚܵܐ ܘܠܵܐ ܒܟܬܝܼܒ݂ܬܵ‌ܐ. ܚܸܩܪܵܐ ܕܐܵܗܵܐ ܠܹܐ ܝܠܹܗ ܡ̣ܢ ܒܢܲܝ̈ܢܵܫܵܐ ܐܸܠܵܐ ܡ̣ܢ ܐܲܠܵܗܵܐ. 
\c 3  
\s1 ܡܗܘܡܢܘܬ‌ܐ ܕܐܠܗܐ 
\p  
\v 1 ܒܵܣ، ܡܘܼܕܝܼ ܝܠܵܗ̇ ܙܵܘܕܘܼܢܝܘܼܬܵ‌ܐ ܕܝܗܘܼܕܵܝܵܐ، ܝܲܢ ܡܘܼܕܝܼ ܝܠܹܗ ܦܲܝܕܵܐ ܕܓܙܘܼܪܬܵ‌ܐ؟  
\v 2 ܪܵܒܵܐ ܒܟܠܔ ܐܘܼܪܚܵܐ، ܣܵܒܵܒ ܩܲܕܡܵܝܬܵ‌ܐ ܦܝܼܫ ܠܗܘܿܢ ܝܘܼܗܒܹܐ ܐܸܠܵܝܗ‌ܝ ܗܹܡܸܙܡܵܢܹ̈ܐ ܕܐܲܠܵܗܵܐ.  
\v 3 ܡܘܼܕܝܼ ܐܸܢ ܚܲܕܟܡܵܐ ܡܸܢܵܝܗ‌ܝ ܠܵܐ ܗܲܡܸܢܝܼ؟ ܟܹܐ ܗܵܘܝܵܐ ܕܠܵܐ ܗܲܝܡܵܢܘܼܬܵܝܗ‌ܝ ܒܲܛܠܵܐ ܡܗܘܼܡܢܘܼܬܵ‌ܐ ܕܐܲܠܵܗܵܐ؟  
\v 4 ܚܵܣ ܠܝܼ. ܐܲܠܵܗܵܐ ܫܲܪܝܼܪܵܐ ܝܠܹܗ، ܐܵܦܸܢ ܕܟܠܔ ܒܲܪܢܵܫܵܐ ܕܲܓܵܠܵܐ ܝܠܹܗ، ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܕܦܵܝܫܹܬ ܡܘܼܟܫܸܛܵܐ ܒܗܹܡܸܙܡܵܢܘܼܟ݂، ܘܕܓ݂ܵܠܒܹܬ ܟܲܕ ܕܵܝܢܝܼ ܠܘܼܟ݂.\x + \xo 3:4 \xt ܡܙܡܘܪܐ 51‏:4\x* 
\v 5 ܐܝܼܢܵܐ ܐܸܢ ܥܵܘܠܵܐ ܕܝܼܲܢ ܡܲܚܙܹܐ ܠܵܗ̇ ܙܲܕܝܼܩܘܼܬܵ‌ܐ ܕܐܲܠܵܗܵܐ ܒܘܼܫ ܦܪܝܼܫܵܐܝܼܬ، ܡܘܼܕܝܼ ܐܵܡܪܲܚ؟ ܡܵܨܲܚ ܐܵܡܪܲܚ ܕܐܲܠܵܗܵܐ ܢܵܐܗܲܩ ܝܼܠܹܗ ܕܡܲܝܬܘܼܝܹܐ ܝܠܹܗ ܟܲܪܒܹܗ ܥܲܠܲܢ؟ (ܐܲܝܟ݂ ܒܲܪܢܵܫܵܐ ܗܲܡܙܘܼܡܹܐ ܝܘܸܢ.)  
\v 6 ܚܵܣ ܠܝܼ. ܐܸܢ ܠܵܐ، ܕܵܐܟ݂ܝܼ ܒܸܬ ܕܵܐܹܢ ܐܲܠܵܗܵܐ ܠܥܵܠܡܵܐ؟  
\v 7 ܘܐܸܢ ܕܲܓܵܠܘܼܬ‌ܝܼ ܡܲܙܝܘܼܕܹܐ ܝܠܵܗ̇ ܠܫܪܵܪܵܐ ܕܐܲܠܵܗܵܐ ܠܚܸܩܪܵܐ ܕܝܼܹܗ، ܩܵܡܘܿܕܝܼ ܗܸܫ ܦܝܵܫܵܐ ܝܘܸܢ ܕܝܼܢܵܐ ܡܐܲܝܟ݂ ܚܲܕ ܚܲܛܵܝܵܐ؟  
\v 8 ܩܵܡܘܿܕܝܼ ܠܵܐ ܦܵܝܫܵܐ ܐܡܝܼܪܬܵ‌ܐ، ܐܲܝܟ݂ ܕܚܲܕܟܡܵܐ ܟܹܐ ܓܵܕܦܝܼ ܥܲܠܲܢ ܘܐܵܡܪܝܼ ܕܐܲܚܢܲܢ ܟܹܐ ܐܵܡܪܲܚ: ”ܥܵܒ݂ܕܲܚ ܒܝܼܫܵܬܹ̈‌ܐ ܕܦܵܠܛܝܼ ܡܸܢܵܝܗ‌ܝ ܛܵܒ݂ܵܬܹ̈‌ܐ؟“ ܕܝܵܢܬܵ‌ܐ ܕܗܵܕܟ݂ܵܐ ܐܢܵܫܹ̈ܐ ܫܲܪܝܼܪܬܵ‌ܐ ܝܠܵܗ̇. 
\s1 ܠܝܬ ܐܘܦ ܚܕ ܙܕܝܩܐ 
\p  
\v 9 ܡܘܼܕܝܼ ܐܵܡܪܲܚ؟ ܐܲܚܢܲܢ ܝܗܘܼܕܵܝܹ̈ܐ ܒܘܼܫ ܨܦܵܝܝܼ ܝܘܲܚ ܡ̣ܢ ܐܚܹܪ̈ܢܹܐ؟ ܗܸܟ̃ ܠܵܐ. ܣܵܒܵܒ ܩܛܝܼܥ ܠܲܢ ܩܲܕܡܵܝܬܵ‌ܐ ܕܝܗܘܼܕܵܝܹ̈ܐ ܘܝܵܘܢܵܝܹ̈ܐ ܟܠܵܝܗ‌ܝ ܬܚܘܿܬ ܚܛܝܼܬܵ‌ܐ ܝܢܵܐ.  
\v 10 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܠܲܝܬ ܙܲܕܝܼܩܵܐ، ܐܘܼܦ ܠܵܐ ܚܲܕ، 
\q1  
\v 11 ܠܲܝܬ ܚܲܕ ܕܦܲܪܡܹܐ، ܠܲܝܬ ܚܲܕ ܕܛܵܥܹܐ ܠܐܲܠܵܗܵܐ. 
\q1  
\v 12 ܟܠܵܝܗ‌ܝ ܩܠܝܼܒ ܠܗܘܿܢ؛ ܟܠܵܝܗ‌ܝ ܡܥܘܼܕܵܠܹܐ ܗܘܹܐ ܠܗܘܿܢ ܕܠܵܐ ܦܲܝܕܵܐ، ܠܲܝܬ ܐܘܼܦ ܚܲܕ ܕܥܵܒܹܕ ܛܵܒ݂ܬܵ‌ܐ.\x + \xo 3:12 \xt ܡܙܡܘܪܐ 14‏:1‏-3؛ 53‏:1‏-3 \x* 
\q1  
\v 13 ܒܵܠܘܿܥܵܝܗ‌ܝ ܩܲܒ݂ܪܵܐ ܦܬܝܼܚܵܐ ܝܠܹܗ، ܘܒܠܸܫܵܢܵܝܗ‌ܝ ܟܹܐ ܗܲܡܙܸܡܝܼ ܦܸܠܡܵܐ، ܘܣܲܡܵܐ ܕܐܵܟܸܕܢܹ̈ܐ ܬܚܘܿܬ ܣܸܦܘܵܬܵܝ̈ܗ‌ܝ ܝܠܹܗ.\x + \xo 3:13 \xt ܡܙܡܘܪܐ 5‏:9؛ 140‏:3\x* 
\q1  
\v 14 ܦܘܼܡܵܝܗ‌ܝ ܡܸܠܝܵܐ ܝܠܹܗ ܠܵܘܛܬܵ‌ܐ ܘܡܲܪܝܼܪܘܼܬܵ‌ܐ،\x + \xo 3:14 \xt ܡܙܡܘܪܐ 10‏:7 \x* 
\q1  
\v 15 ܘܐܲܩܠܵܬܵܝ̈ܗ‌ܝ ܩܲܠܘܼܠܹܐ ܝܢܵܐ ܠܫܲܦܘܼܟܹܐ ܕܸܡܵܐ. 
\q1  
\v 16 ܚܪܵܒ݂ܵܐ ܘܫܲܩܝܼܘܼܬܵ‌ܐ ܒܐܘܼܪ̈ܚܵܬܵܝܗ‌ܝ ܝܢܵܐ، 
\q1  
\v 17 ܘܐܘܼܪܚܵܐ ܕܫܠܵܡܵܐ ܠܹܐ ܝܵܕܥܝܼ ܠܵܗ̇،\x + \xo 3:17 \xt ܐܫܥܝܐ 59‏:7‏-8\x* 
\q1  
\v 18 ܘܙܕܘܼܥܬܵ‌ܐ ܕܐܲܠܵܗܵܐ ܠܲܝܬ ܩܲܕܡ ܥܲܝ̈ܢܵܝܗ‌ܝ.\x + \xo 3:18 \xt ܡܙܡܘܪܐ 36‏:1\x* 
\p  
\v 19 ܒܘܼܬ ܐܵܗܵܐ ܒܝܼܕܵܥܵܐ ܝܘܲܚ ܕܡܸܢܕܝܼ ܕܒܹܐܡܵܪܵܐ ܝܠܹܗ ܢܵܡܘܿܣܵܐ، ܒܹܐܡܵܪܹܗ ܝܠܹܗ ܠܐܵܢܝܼ ܕܝܼܢܵܐ ܬܚܘܿܬ ܢܵܡܘܿܣܵܐ، ܕܟܠܔ ܦܘܼܡܵܐ ܦܵܐܹܫ ܐܟ̰ܝܼܡܵܐ ܘܟܠܹܗ ܥܵܠܡܵܐ ܗܵܘܹܐ ܬܚܘܿܬ ܕܝܵܢܬܵ‌ܐ ܩܲܕܡ ܐܲܠܵܗܵܐ.  
\v 20 ܒܝܲܕ ܢܛܵܪܬܵ‌ܐ ܕܢܵܡܘܿܣܵܐ ܐܘܼܦ ܚܲܕ ܠܹܐ ܦܵܐܹܫ ܡܘܼܟܫܸܛܵܐ ܩܲܕܡ ܐܲܠܵܗܵܐ، ܐܸܠܵܐ ܒܢܵܡܘܿܣܵܐ ܒܘܼܫ ܙܵܘܕܵܐ ܟܹܐ ܦܲܪܡܲܚ ܕܝܼܘܲܚ ܚܲܛܵܝܹ̈ܐ. 
\s1 ܙܕܝܩܘܬ‌ܐ ܒܝܕ ܗܝܡܢܘܬ‌ܐ 
\p  
\v 21 ܐܝܼܢܵܐ ܐܵܕܝܼܵܐ ܙܲܕܝܼܩܘܼܬܵ‌ܐ ܕܐܲܠܵܗܵܐ ܦܝܼܫ ܠܵܗ̇ ܓܠܝܼܬܵ‌ܐ ܕܠܵܐ ܢܵܡܘܿܣܵܐ، ܘܣܗܝܼܕ ܠܗܘܿܢ ܥܲܠܘܼܗ̇ ܢܵܡܘܿܣܵܐ ܘܢܒ݂ܝܼܹ̈ܐ.  
\v 22 ܐܵܗܵܐ ܙܲܕܝܼܩܘܼܬܵ‌ܐ ܡ̣ܢ ܐܲܠܵܗܵܐ ܟܹܐ ܐܵܬܝܵܐ ܒܝܲܕ ܗܲܝܡܵܢܘܼܬܵ‌ܐ ܒܝܼܫܘܿܥ ܡܫܝܼܚܵܐ ܩܵܐ ܟܠܵܝܗ‌ܝ ܐܵܢܝܼ ܕܗܲܡܸܢܝܼ، ܕܠܵܐ ܦܘܼܪܫܘܼܢܝܵܐ،  
\v 23 ܣܵܒܵܒ ܟܠܵܝܗ‌ܝ ܚܛܹܐ ܠܗܘܿܢ، ܘܚܣܝܼܪܗܘܿܢ ܡ̣ܢ ܚܸܩܪܵܐ ܕܐܲܠܵܗܵܐ.  
\v 24 ܐܝܼܢܵܐ ܟܹܐ ܦܵܝܫܝܼ ܡܘܼܟܫܸܛܹܐ ܚܘܼܪܵܝܝܼ ܒܫܵܦܵܩܲܬ ܒܝܲܕ ܦܘܼܪܩܵܢܵܐ ܕܝܼܠܹܗ ܒܝܼܫܘܿܥ ܡܫܝܼܚܵܐ،  
\v 25 ܗ̇ܘ ܕܐܲܠܵܗܵܐ ܡܘܼܩܪܸܒ݂ ܠܹܗ ܚܘܼܣܵܝܵܐ ܒܝܲܕ ܗܲܝܡܵܢܘܼܬܵ‌ܐ ܒܕܸܡܹܗ. ܥܒ݂ܝܼܕ ܠܹܗ ܐܵܗܵܐ ܕܡܲܚܙܹܐ ܙܲܕܝܼܩܘܼܬܹܗ، ܣܵܒܵܒ ܒܡܲܪܝܲܟ݂ܬܵ‌ܐ ܕܒܹܐܢܹܗ ܦܘܼܚܠܵܝ ܠܹܗ ܚܛܝܼܵܬܲܢ̈ ܕܕܲܥܒܲܪ.  
\v 26 ܡܘܼܚܙܹܐ ܠܹܗ ܙܲܕܝܼܩܘܼܬܹܗ ܒܐܵܗܵܐ ܙܲܒ݂ܢܵܐ، ܕܗ̇ܘ ܗܵܘܹܐ ܙܲܕܝܼܩܵܐ ܘܡܲܟܫܸܛ ܠܟܠܔ ܕܗܲܡܸܢ ܒܡܵܪܲܢ ܝܼܫܘܿܥ ܡܫܝܼܚܵܐ.  
\v 27 ܒܵܣ ܐܲܝܟܵܐ ܝܠܹܗ ܫܘܼܒ݂ܗܵܪܵܐ؟ ܒܛܝܼܠܔ ܠܹܗ. ܒܝܲܕ ܐܲܝܢܝܼ ܢܵܡܘܿܣܵܐ ܒܛܝܼܠܔ ܠܹܗ؟ ܒܝܲܕ ܦܘܼܠܚܵܢܹ̈ܐ؟ ܠܵܐ. ܐܝܼܢܵܐ ܒܢܵܡܘܿܣܵܐ ܕܗܲܝܡܵܢܘܼܬܵ‌ܐ.  
\v 28 ܣܵܒܵܒ ܟܹܐ ܝܵܕܥܲܚ ܕܒܲܪܢܵܫܵܐ ܟܹܐ ܦܵܐܹܫ ܡܘܼܟܫܸܛܵܐ ܒܝܲܕ ܗܲܝܡܵܢܘܼܬܵ‌ܐ ܘܠܵܐ ܒܢܛܵܪܬܵ‌ܐ ܕܢܵܡܘܿܣܵܐ.  
\v 29 ܩܵܡܘܿܕܝܼ ܐܲܠܵܗܵܐ، ܐܲܠܵܗܵܐ ܕܝܗܘܼܕܵܝܹ̈ܐ ܝܠܹܗ ܐܲܚܟ̰ܝܼ؟ ܠܹܐ ܝܠܹܗ ܐܘܼܦ ܐܲܠܵܗܵܐ ܕܐܸܡܘܵܬܹ̈‌ܐ؟ ܗܹܐ. ܐܘܼܦ ܐܲܠܵܗܵܐ ܕܐܸܡܘܵܬܹ̈‌ܐ ܝܠܹܗ،  
\v 30 ܣܵܒܵܒ ܐܝܼܬ ܚܲܕ ܐܲܠܵܗܵܐ ܐܲܚܟ̰ܝܼ، ܘܗ̇ܘ ܟܹܐ ܡܲܟܫܸܛ ܠܝܗܘܼܕܵܝܹ̈ܐ ܘܠܐܸܡܘܵܬܹ̈‌ܐ ܗܲܪ ܒܝܲܕ ܗܲܝܡܵܢܘܼܬܵ‌ܐ.  
\v 31 ܡܘܼܕܝܼ ܐܵܡܪܲܚ، ܒܲܛܘܼܠܹܗ ܝܘܲܚ ܢܵܡܘܿܣܵܐ ܒܝܲܕ ܗܲܝܡܵܢܘܼܬܵ‌ܐ؟ ܚܵܣ ܠܝܼ. ܡܲܩܘܘܼܝܹܗ ܝܘܲܚ ܢܵܡܘܿܣܵܐ. 
\c 4  
\s1 ܐܒ݂ܪܗܡ ܡܘܟܫܛܐ ܒܗܝܡܢܘܬ‌ܐ 
\p  
\v 1 ܒܘܼܬ ܐܵܗܵܐ ܡܘܼܕܝܼ ܐܵܡܪܲܚ ܒܘܼܬ ܒܵܒܲܢ ܐܲܒ݂ܪܵܗܵܡ؟ ܕܵܐܟ݂ܝܼ ܦܝܼܫ ܠܹܗ ܡܫ݇ܟ̰ܝܼܚܵܐ ܓܵܘ ܐܵܗܵܐ ܐܲܗܘܵܠܔ ܟܝܵܢܵܝܬܵ‌ܐ؟  
\v 2 ܣܵܒܵܒ ܐܸܢ ܐܲܒ݂ܪܵܗܵܡ ܦܝܼܫܵܐ ܝܗܘܵܐ ܡܘܼܟܫܸܛܵܐ ܒܦܘܼܠܚܵܢܹ̈ܐ، ܟܹܐ ܡܵܨܹܐ ܗܘܵܐ ܥܵܒܹܕ ܗܘܵܐ ܫܘܼܒ݂ܗܵܪܵܐ، ܐܝܼܢܵܐ ܠܵܐ ܩܲܕܡ ܐܲܠܵܗܵܐ.  
\v 3 ܣܵܒܵܒ ܡܘܼܕܝܼ ܝܠܹܗ ܒܹܐܡܵܪܵܐ ܟܬܵܒ݂ܵܐ؟ ܗܘܼܡܸܢܹܗ ܐܲܒ݂ܪܵܗܵܡ ܒܐܲܠܵܗܵܐ ܘܦܝܼܫ ܠܵܗ̇ ܚܘܼܫܒܸܢܬܵ‌ܐ ܐܸܠܹܗ ܠܙܲܕܝܼܩܘܼܬܵ‌ܐ.\x + \xo 4:3 \xt ܒܪܝܬ‌ܐ 15‏:6 \x* 
\v 4 ܐܝܼܢܵܐ ܐܝܼܡܲܢ ܕܚܲܕ ܐܢܵܫܵܐ ܦܵܠܹܚ، ܦܘܼܪܥܵܢܹܗ ܠܹܐ ܦܵܐܹܫ ܚܘܼܫܒܸܢܵܐ ܐܸܠܹܗ ܐܲܝܟ݂ ܚܕܵܐ ܡܵܘܗܲܒ݂ܬܵ‌ܐ، ܐܸܠܵܐ ܐܲܝܟ݂ ܚܲܕ ܦܘܼܪܥܵܢܵܐ.  
\v 5 ܘܗ̇ܘ ܕܠܵܐ ܦܵܠܹܚ ܐܝܼܢܵܐ ܗܲܡܸܢ ܒܐܲܠܵܗܵܐ ܕܟܹܐ ܡܲܟܫܸܛ ܠܥܵܘܵܠܹ̈ܐ، ܗܲܝܡܵܢܘܼܬܹܗ ܚܘܼܫܒܸܢܬܵ‌ܐ ܝܠܵܗ̇ ܐܸܠܹܗ ܠܙܲܕܝܼܩܘܼܬܵ‌ܐ.  
\v 6 ܐܘܼܦ ܕܵܘܝܼܕ ܐܡܝܼܪܹܗ ܗܵܕܟ݂ܵܐ ܡܸܢܕܝܼ ܐܝܼܡܲܢ ܕܗܘܼܡܙܸܡ ܠܹܗ ܒܘܼܬ ܛܘܼܒ݂ܵܐ ܕܗ̇ܘ ܐܢܵܫܵܐ ܕܐܲܠܵܗܵܐ ܟܹܐ ܚܲܫܒܸܢ ܐܸܠܹܗ ܙܲܕܝܼܩܘܼܬܵ‌ܐ ܕܠܵܐ ܦܘܼܠܚܵܢܹ̈ܐ، ܐܡܝܼܪܹܗ: 
\q1  
\v 7 ܛܘܼܒ݂ܵܐ ܠܐܵܢܝܼ ܕܥܵܘܠܵܝܗ‌ܝ ܦܝܼܫ ܠܹܗ ܦܘܼܚܠܵܐ ܐܸܠܵܝܗ‌ܝ، ܘܦܝܼܫ ܠܗܘܿܢ ܡܘܼܟܣܹܐ ܚܛܝܼܵܬܵܝ̈ܗ‌ܝ. 
\q1  
\v 8 ܛܘܼܒ݂ܵܐ ܠܐܢܵܫܵܐ ܕܡܵܪܝܵܐ ܠܵܐ ܚܲܫܒܸܢ ܐܸܠܹܗ ܚܛܝܼܬܹܗ.\x + \xo 4:8 \xt ܡܙܡܘܪܐ 32‏:1‏-2\x* 
\v 9 ܐܵܗܵܐ ܛܘܼܒ݂ܵܐ ܝܼܠܹܗ ܐܲܚܟ̰ܝܼ ܠܐܢܵܫܹ̈ܐ ܕܓܙܝܼܪܹܐ ܝܢܵܐ ܝܲܢ ܐܘܼܦ ܠܐܢܵܫܹ̈ܐ ܕܠܹܐ ܝܢܵܐ ܓܙܝܼܪܹܐ؟ ܐܡܝܼܪܲܢ ܕܗܲܝܡܵܢܘܼܬܵ‌ܐ ܕܐܲܒ݂ܪܵܗܵܡ ܦܝܼܫ ܠܵܗ̇ ܚܘܼܫܒܸܢܬܵ‌ܐ ܐܸܠܹܗ ܠܙܲܕܝܼܩܘܼܬܵ‌ܐ.  
\v 10 ܕܵܐܟ݂ܝܼ ܦܝܼܫ ܠܵܗ̇ ܚܘܼܫܒܸܢܬܵ‌ܐ ܐܸܠܹܗ ܠܙܲܕܝܼܩܘܼܬܵ‌ܐ؟ ܡ̣ܢ ܩܲܕܡ ܕܦܝܼܫ ܠܹܗ ܓܙܝܼܪܵܐ، ܝܲܢ ܡ̣ܢ ܒܵܬܪ ܕܦܝܼܫ ܠܹܗ ܓܙܝܼܪܵܐ؟ ܠܵܐ ܡ̣ܢ ܒܵܬܪ ܕܦܝܼܫ ܠܹܗ ܓܙܝܼܪܵܐ، ܐܸܠܵܐ ܡ̣ܢ ܩܲܕܡ ܕܦܝܼܫ ܠܹܗ ܓܙܝܼܪܵܐ.  
\v 11 ܘܩܘܼܒܸܠܔ ܠܹܗ ܢܝܼܫܲܢܩܵܐ ܕܝܼܠܹܗ ܓܙܘܼܪܬܵ‌ܐ، ܚܵܬܡܵܐ ܕܙܲܕܝܼܩܘܼܬܵ‌ܐ ܕܐܝܼܬ ܗܘܵܐ ܠܹܗ ܒܗܲܝܡܵܢܘܼܬܵ‌ܐ ܡ̣ܢ ܩܲܕܡ ܕܦܵܐܹܫ ܗܘܵܐ ܓܙܝܼܪܵܐ. ܗܵܕܟ݂ܵܐ، ܐܲܒ݂ܪܵܗܵܡ ܝܼܠܹܗ ܒܵܒܵܐ ܕܟܠܵܝܗ‌ܝ ܐܵܢܝܼ ܕܗܲܡܸܢܝܼ ܐܘܼܦ ܐܸܢ ܕܠܹܐ ܝܢܵܐ ܓܙܝܼܪܹܐ، ܕܦܵܝܫܵܐ ܚܘܼܫܒܸܢܬܵ‌ܐ ܐܸܠܵܝܗ‌ܝ ܙܲܕܝܼܩܘܼܬܵ‌ܐ.  
\v 12 ܘܝܼܠܹܗ ܐܘܼܦ ܒܵܒܵܐ ܕܐܵܢܝܼ ܕܝܼܢܵܐ ܓܙܝܼܪܹܐ، ܠܵܐ ܐܲܚܟ̰ܝܼ ܕܝܼܢܵܐ ܓܙܝܼܪܹܐ، ܐܸܠܵܐ ܬܵܒܥܵܢܹ̈ܐ ܝܢܵܐ ܠܗܲܝܡܵܢܘܼܬܵ‌ܐ ܕܵܐܟ݂ܝܼ ܕܐܲܒ݂ܪܵܗܵܡ ܬܒܝܼܥ ܠܹܗ ܡ̣ܢ ܩܲܕܡ ܕܦܵܐܹܫ ܗܘܵܐ ܓܙܝܼܪܵܐ. 
\s1 ܩܘܠܐ ܦܝܫܐ ܬܘܡܡܐ ܒܗܝܡܢܘܬ‌ܐ 
\p  
\v 13 ܣܵܒܵܒ ܠܹܐ ܝܗܘܵܐ ܒܝܲܕ ܢܵܡܘܿܣܵܐ ܕܗܘܹܐ ܠܹܗ ܩܵܘܠܵܐ ܠܐܲܒ݂ܪܵܗܵܡ ܝܲܢ ܒܢܘܿܢܘܼ̈ܗ‌ܝ ܕܗ̇ܘ ܒܸܬ ܗܵܘܹܐ ܝܵܪܘܿܬܵ‌ܐ ܕܥܵܠܡܵܐ، ܐܸܠܵܐ ܒܝܲܕ ܙܲܕܝܼܩܘܼܬܵ‌ܐ ܕܗܲܝܡܵܢܘܼܬܵ‌ܐ.\x + \xo 4:13 \xt ܒܪܝܬ‌ܐ 17‏:4‏-6؛ 22‏:17‏-18\x* 
\v 14 ܣܵܒܵܒ ܐܸܢ ܐܵܢܝܼ ܕܚܵܝܝܼ ܒܢܵܡܘܿܣܵܐ ܗܵܘܝܼ ܝܵܪ̈ܘܿܬܹ‌ܐ، ܗܲܝܡܵܢܘܼܬܵ‌ܐ ܒܛܝܼܠܬܵ‌ܐ ܝܠܵܗ̇، ܘܩܵܘܠܵܐ ܠܲܝܬ ܠܹܗ ܦܲܝܕܵܐ،  
\v 15 ܣܵܒܵܒ ܢܵܡܘܿܣܵܐ ܟܹܐ ܡܲܝܬܹ‌ܐ ܟܲܪܒܵܐ، ܘܐܲܝܟܵܐ ܕܠܲܝܬ ܢܵܡܘܿܣܵܐ، ܠܲܝܬ ܐܘܼܦ ܫܡܵܛܬܵ‌ܐ ܕܢܵܡܘܿܣܵܐ.  
\v 16 ܒܘܼܬ ܐܵܗܵܐ، ܩܵܘܠܵܐ ܟܹܐ ܐܵܬܹ‌ܐ ܒܝܲܕ ܗܲܝܡܵܢܘܼܬܵ‌ܐ، ܩܵܐ ܕܗܵܘܹܐ ܒܝܲܕ ܫܵܦܵܩܲܬ ܘܦܵܐܹܫ ܡܘܼܩܘܝܼܵܐ ܠܟܠܵܝܗ‌ܝ ܒܢܘܿܢܹ̈ܐ ܕܐܲܒ݂ܪܵܗܵܡ، ܠܵܐ ܐܲܚܟ̰ܝܼ ܠܐܵܢܝܼ ܕܝܼܢܵܐ ܬܵܒܥܵܢܹ̈ܐ ܕܢܵܡܘܿܣܵܐ، ܐܸܠܵܐ ܐܘܼܦ ܠܐܵܢܝܼ ܕܝܼܢܵܐ ܫܲܪ̈ܝܼܟܹܐ ܒܗܲܝܡܵܢܘܼܬܵ‌ܐ ܕܐܲܒ݂ܪܵܗܵܡ، ܗ̇ܘ ܕܝܼܠܹܗ ܒܵܒܵܐ ܕܟܠܲܢ.  
\v 17 ܕܵܐܟ݂ܝܼ ܕܝܼܠܹܗ ܟܬܝܼܒ݂ܵܐ: 
\q1 ܥܒ݂ܝܼܕ ܠܝܼ ܐܸܠܘܼܟ݂ ܒܵܒܵܐ ܠܪܵܒܵܐ ܐܸܡܘܵܬܹ̈‌ܐ.\x + \xo 4:17 \xt ܒܪܝܬ‌ܐ 17‏:5\x* 
\m ܐܲܒ݂ܪܵܗܵܡ ܒܵܒܲܢ ܝܼܠܹܗ ܩܲܕܡ ܐܲܠܵܗܵܐ ܗ̇ܘ ܕܒܝܼܹܗ ܗܘܼܡܸܢܹܗ، ܐܲܠܵܗܵܐ ܕܟܹܐ ܡܲܚܹܐ ܡܝܼ̈ܬܹ‌ܐ، ܘܩܵܪܹܐ ܡܸܢܕܝܼܵܢܹ̈ܐ ܕܠܲܝܬ، ܐܲܝܟ݂ ܐܸܢ ܕܐܝܼܬ.  
\v 18 ܕܲܠܩܘܼܒ݂ܠܔ ܕܗܹܒ݂ܝܼ، ܐܲܒ݂ܪܵܗܵܡ ܒܗܹܒ݂ܝܼ ܗܘܼܡܸܢܹܗ ܘܗܘܹܐ ܠܹܗ ܒܵܒܵܐ ܠܪܵܒܵܐ ܐܸܡܘܵܬܹ̈‌ܐ، ܐܲܝܟ݂ ܕܦܝܼܫܵܐ ܝܗܘܵܐ ܐܡܝܼܪܵܐ: 
\q1 ܗܵܕܟ݂ܵܐ ܒܸܬ ܗܵܘܹܐ ܙܲܪܥܘܼܟ݂.\x + \xo 4:18 \xt ܒܪܝܬ‌ܐ 15‏:5\x* 
\v 19 ܠܵܐ ܦܝܼܫ ܠܹܗ ܙܲܒܘܼܢ ܒܗܲܝܡܵܢܘܼܬܹܗ، ܟܲܕ ܒܝܼܕܵܥܵܐ ܝܗܘܵܐ ܕܦܲܓ݂ܪܹܗ ܐܲܝܟ݂ ܡܝܼܬܵ‌ܐ ܝܗܘܵܐ، ܣܵܒܵܒ ܐܲܝܟ݂ ܡܵܐܐ ܫܸܢܹ̈ܐ ܝܗܘܵܐ، ܘܐܘܼܦ ܡܲܪܒܥܵܐ ܕܣܲܪܵܐ ܡܝܼܬܵ‌ܐ ܝܗܘܵܐ.\x + \xo 4:19 \xt ܒܪܝܬ‌ܐ 17‏:17\x* 
\v 20 ܒܟܠܹܗ ܐܵܗܵܐ، ܒܘܼܬ ܩܵܘܠܵܐ ܕܐܲܠܵܗܵܐ ܠܵܐ ܦܝܼܫ ܠܹܗ ܦܠܝܼܥܵܐ ܒܠܵܐ ܗܲܝܡܵܢܘܼܬܵ‌ܐ، ܐܸܠܵܐ ܚܘܼܠܸܢܹܗ ܒܗܲܝܡܵܢܘܼܬܵ‌ܐ، ܒܝܼܵܗܒ݂ܵܐ ܬܸܫܒܘܿܚܬܵ‌ܐ ܠܐܲܠܵܗܵܐ.  
\v 21 ܗܘܼܡܸܢܹܗ ܒܩܸܘܝܘܼܬܵ‌ܐ ܕܐܲܠܵܗܵܐ ܡܵܨܹܐ ܗܘܵܐ ܠܬܲܡܘܼܡܹܐ ܩܵܘܠܵܐ ܕܥܒ݂ܝܼܕ ܠܹܗ ܥܲܡܹܗ.  
\v 22 ܒܘܼܬ ܐܵܗܵܐ ܦܝܼܫ ܠܵܗ̇ ܚܘܼܫܒܸܢܬܵ‌ܐ ܐܸܠܹܗ ܠܙܲܕܝܼܩܘܼܬܵ‌ܐ.\x + \xo 4:22 \xt ܒܪܝܬ‌ܐ 15‏:6\x* 
\v 23 ܠܹܐ ܝܗܘܵܐ ܐܲܚܟ̰ܝܼ ܒܘܼܬ ܚܵܬܸܪ ܕܝܼܹܗ ܕܦܝܼܫ ܠܵܗ̇ ܐܡܝܼܪܬܵ‌ܐ ܐܵܗܵܐ،  
\v 24 ܐܸܠܵܐ ܐܘܼܦ ܒܘܼܬ ܕܝܼܲܢ ܕܐܲܠܵܗܵܐ ܚܲܫܒܸܢܲܢ ܙܲܕܝܼܩܹ̈ܐ، ܐܲܚܢܲܢ ܕܗܲܡܘܼܢܹܐ ܝܘܲܚ ܒܐܲܠܵܗܵܐ، ܗ̇ܘ ܕܡܘܼܩܸܡ ܠܹܗ ܠܡܵܪܲܢ ܝܼܫܘܿܥ ܡ̣ܢ ܓܵܘ ܡܝܼ̈ܬܹ‌ܐ،  
\v 25 ܗ̇ܘ ܕܦܝܼܫ ܠܹܗ ܣܘܼܦܝܵܐ ܠܡܵܘܬܵ‌ܐ ܒܘܼܬ ܓܢܵܗܲܢ̈ ܘܡܘܼܩܸܡܵܐ ܒܘܼܬ ܡܲܟܫܲܛܬܲܢ. 
\c 5  
\s1 ܛܥܘܢܝܬ̈‌ܐ ܕܙܕܝܩܘܬ‌ܐ 
\p  
\v 1 ܒܵܣ ܟܲܕ ܦܝܼܫ ܠܲܢ ܡܘܼܟܫܸܛܹܐ ܒܗܲܝܡܵܢܘܼܬܵ‌ܐ ܐܝܼܬ ܠܲܢ ܫܠܵܡܵܐ ܥܲܡ ܐܲܠܵܗܵܐ ܒܝܲܕ ܡܵܪܲܢ ܝܼܫܘܿܥ ܡܫܝܼܚܵܐ.  
\v 2 ܒܝܼܹܗ ܐܝܼܬ ܠܲܢ ܩܲܪܒܲܢܬܵ‌ܐ ܒܗܲܝܡܵܢܘܼܬܵ‌ܐ ܠܐܵܗܵܐ ܫܵܦܵܩܲܬ ܕܟܸܠܝܹܐ ܝܘܲܚ ܩܸܘܝܹܐ ܓܵܘܘܼܗ̇، ܘܒܸܚܕܵܝܵܐ ܝܘܲܚ ܒܗܹܒ݂ܝܼ ܕܫܘܼܒ݂ܚܵܐ ܕܐܲܠܵܗܵܐ.  
\v 3 ܠܵܐ ܐܲܚܟ̰ܝܼ ܗܵܕܟ݂ܵܐ، ܐܸܠܵܐ ܒܸܚܕܵܝܵܐ ܝܘܲܚ ܒܐܘܼܠܨܵܢܲܢ̈ ܣܵܒܵܒ ܒܝܼܕܵܥܵܐ ܝܘܲܚ ܕܐܘܼܠܨܵܢܵܐ ܒܸܬ ܝܵܗܒܹܠܔ ܠܲܢ ܡܣܲܝܒܪܵܢܘܼܬܵ‌ܐ،  
\v 4 ܘܡܣܲܝܒܪܵܢܘܼܬܵ‌ܐ ܟܹܐ ܝܵܗܒ݂ܵܐ ܠܲܢ ܢܸܣܝܵܢܵܐ، ܘܢܸܣܝܵܢܵܐ ܟܹܐ ܝܵܗܒܹܠܔ ܠܲܢ ܗܹܒ݂ܝܼ،  
\v 5 ܘܗܹܒ݂ܝܼ ܠܹܐ ܡܲܢܟܸܦܵܐ ܠܲܢ، ܣܵܒܵܒ ܚܘܼܒܵܐ ܕܐܲܠܵܗܵܐ ܦܝܼܫ ܠܹܗ ܡܘܼܫܦܸܟ݂ܵܐ ܓܵܘ ܠܸܒܲܢ ܒܝܲܕ ܪܘܼܚܵܐ ܕܩܘܼܕܫܵܐ ܕܝܘܼܗܒܹܠܔ ܠܹܗ ܐܸܠܲܢ.  
\v 6 ܣܵܒܵܒ ܒܗ̇ܝ ܥܕܵܢܵܐ ܕܝܼܘܲܚ ܗܘܵܘ ܙܲܒܘܼܢܹ̈ܐ ܡܫܝܼܚܵܐ ܡܝܼܬ ܠܹܗ ܡ̣ܢ ܓܹܒܵܐ ܕܥܵܘܵܠܹ̈ܐ.  
\v 7 ܒܵܨܘܿܪܹ̈ܐ ܐܢܵܫܹ̈ܐ ܟܹܐ ܡܵܝܬ‌ܝܼ ܡ̣ܢ ܓܹܒܵܐ ܕܚܲܕ ܐܢܵܫܵܐ ܙܲܕܝܼܩܵܐ، ܐܝܼܢܵܐ ܩܵܘܡܵܐ ܕܚܲܕ ܩܲܫܕܸܪ ܕܡܵܐܹܬ ܡ̣ܢ ܓܹܒܵܐ ܕܚܲܕ ܐܢܵܫܵܐ ܛܵܒ݂ܵܐ.  
\v 8 ܐܝܼܢܵܐ ܐܲܠܵܗܵܐ ܡܘܼܚܙܹܐ ܠܹܗ ܚܘܼܒܹܗ ܐܸܠܲܢ، ܟܲܕ ܚܲܛܵܝܹ̈ܐ ܝܘܲܚ ܗܘܵܘ، ܗܵܕܟ݂ܵܐ ܡܫܝܼܚܵܐ ܡܝܼܬ ܠܹܗ ܡ̣ܢ ܓܹܒܲܢ.  
\v 9 ܟܲܕ ܦܝܼܫ ܠܲܢ ܡܘܼܟܫܸܛܹܐ ܒܕܸܡܹܗ، ܟܡܵܐ ܒܘܼܫ ܙܵܘܕܵܐ ܒܸܬ ܦܵܝܫܲܚ ܦܘܼܪܩܹܐ ܡ̣ܢ ܟܲܪܒܵܐ ܕܐܲܠܵܗܵܐ ܒܝܼܹܗ.  
\v 10 ܐܝܼܡܲܢ ܕܝܼܘܲܚ ܗܘܵܘ ܕܸܫ̃ܡܸܢܹ̈ܐ ܕܐܲܠܵܗܵܐ، ܦܝܼܫ ܠܲܢ ܣܘܼܙܓܸܪܹܐ ܥܲܡܹܗ ܒܝܲܕ ܡܵܘܬܵ‌ܐ ܕܒܪܘܿܢܹܗ، ܐܝܼܢܵܐ ܐܵܕܝܼܵܐ ܕܣܘܼܙܓܸܪܹܐ ܝܘܲܚ ܟܡܵܐ ܒܘܼܫ ܙܵܘܕܵܐ ܒܸܬ ܦܵܝܫܲܚ ܦܘܼܪܩܹܐ ܒܚܲܝܘܼ̈ܗ‌ܝ.  
\v 11 ܘܠܵܐ ܐܲܚܟ̰ܝܼ ܗܵܕܟ݂ܵܐ، ܐܝܼܢܵܐ ܐܘܼܦ ܒܸܚܕܵܝܵܐ ܝܘܲܚ ܒܐܲܠܵܗܵܐ ܒܝܲܕ ܡܵܪܲܢ ܝܼܫܘܿܥ ܡܫܝܼܚܵܐ، ܕܒܝܼܹܗ ܩܘܼܒܸܠܔ ܠܲܢ ܣܲܙܓܲܪܬܵ‌ܐ. 
\s1 ܡܘܬ‌ܐ ܒܝܕ ܐܕܡ، ܚܝ̈ܐ ܒܝܕ ܡܫܝܚܐ 
\p  
\v 12 ܕܵܐܟ݂ܝܼ ܕܚܛܝܼܬܵ‌ܐ ܥܒ݂ܝܼܪܵܗ̇ ܓܵܘ ܥܵܠܡܵܐ ܒܝܲܕ ܚܲܕ ܐܢܵܫܵܐ،\x + \xo 5:12 \xt ܒܪܝܬ‌ܐ 3‏:6\x* ܘܡܵܘܬܵ‌ܐ ܐܬܹ‌ܐ ܠܹܗ ܒܝܲܕ ܚܛܝܼܬܵ‌ܐ، ܗܵܕܟ݂ܵܐ ܡܵܘܬܵ‌ܐ ܐܬܹ‌ܐ ܠܹܗ ܥܲܠܔ ܟܠܵܝܗ‌ܝ ܐܢܵܫܹ̈ܐ ܣܵܒܵܒ ܟܠܵܝܗ‌ܝ ܚܛܹܐ ܠܗܘܿܢ.  
\v 13 ܡ̣ܢ ܩܲܕܡ ܕܦܵܐܹܫ ܗܘܵܐ ܝܘܼܗܒ݂ܵܐ ܢܵܡܘܿܣܵܐ، ܐܝܼܬ ܗܘܵܐ ܚܛܝܼܬܵ‌ܐ ܓܵܘ ܥܵܠܡܵܐ. ܐܝܼܢܵܐ ܚܛܝܼܬܵ‌ܐ ܠܹܐ ܝܠܵܗ̇ ܚܘܼܫܒܸܢܬܵ‌ܐ ܚܛܝܼܬܵ‌ܐ ܐܝܼܡܲܢ ܕܠܲܝܬ ܢܵܡܘܿܣܵܐ.  
\v 14 ܐܝܼܢܵܐ ܗܘܼܟܸܡ ܠܹܗ ܡܵܘܬܵ‌ܐ ܡ̣ܢ ܥܕܵܢܵܐ ܕܐܵܕܵܡ ܗܲܠܔ ܥܕܵܢܵܐ ܕܡܘܼܫܹܐ، ܐܘܼܦ ܥܲܠܔ ܐܵܢܝܼ ܕܠܵܐ ܚܛܹܐ ܠܗܘܿܢ ܒܫܡܵܛܬܵ‌ܐ ܕܦܘܼܩܕܵܢܵܐ ܐܲܝܟ݂ ܐܵܕܵܡ، ܗ̇ܘ ܕܝܼܗܘܵܐ ܛܘܼܦ̮ܣܵܐ ܕܗ̇ܘ ܕܐܵܬܹ‌ܐ ܗܘܵܐ.  
\v 15 ܐܝܼܢܵܐ ܡܵܘܗܲܒ݂ܬܵ‌ܐ ܠܹܐ ܝܠܵܗ̇ ܐܲܝܟ݂ ܓܢܵܗܵܐ. ܣܵܒܵܒ ܐܸܢ ܒܓܢܵܗܵܐ ܕܚܲܕ ܐܢܵܫܵܐ ܪܵܒܵܐ ܡܝܼܬ ܠܗܘܿܢ، ܟܡܵܐ ܒܘܼܫ ܙܵܘܕܵܐ ܫܵܦܵܩܲܬ ܕܐܲܠܵܗܵܐ، ܘܡܵܘܗܲܒ݂ܬܹܗ ܒܫܵܦܵܩܲܬ ܕܚܲܕ ܐܢܵܫܵܐ، ܝܼܫܘܿܥ ܡܫܝܼܚܵܐ، ܙܝܼܕ ܠܵܗ̇ ܠܪܵܒܵܐ ܐܢܵܫܹ̈ܐ.  
\v 16 ܡܵܘܗܲܒ݂ܬܵ‌ܐ ܠܹܐ ܝܠܵܗ̇ ܐܲܝܟ݂ ܚܛܝܼܬܵ‌ܐ ܕܚܲܕ ܐܢܵܫܵܐ. ܕܝܵܢܬܵ‌ܐ ܐܬܹ‌ܐ ܠܵܗ̇ ܡ̣ܢ ܒܵܬܪ ܚܛܝܼܬܵ‌ܐ ܕܚܲܕ ܐܢܵܫܵܐ ܘܡܘܼܝܬܹ‌ܐ ܠܵܗ̇ ܚܲܝܵܒ݂ܘܼܬܵ‌ܐ، ܐܝܼܢܵܐ ܡܵܘܗܲܒ݂ܬܵ‌ܐ ܐܬܹ‌ܐ ܠܵܗ̇ ܡ̣ܢ ܒܵܬܪ ܪܵܒܵܐ ܓܢܵܗܹ̈ܐ ܘܡܘܼܝܬܹ‌ܐ ܠܵܗ̇ ܡܲܟܫܲܛܬܵ‌ܐ.  
\v 17 ܐܸܢ ܒܓܢܵܗܵܐ ܕܚܲܕ ܐܢܵܫܵܐ ܡܵܘܬܵ‌ܐ ܗܘܼܟܸܡ ܠܹܗ ܒܝܲܕ ܚܲܕ ܐܢܵܫܵܐ، ܒܘܼܫ ܙܵܘܕܵܐ ܐܵܢܝܼ ܕܩܲܒܠܝܼ ܦܸܪܝܘܼܬܵ‌ܐ ܕܫܵܦܵܩܲܬ ܘܡܵܘܗܲܒ݂ܬܵ‌ܐ ܕܙܲܕܝܼܩܘܼܬܵ‌ܐ ܒܸܬ ܗܲܟܡܝܼ ܒܚܲܝܹ̈ܐ ܒܝܲܕ ܚܲܕ ܐܢܵܫܵܐ، ܝܼܫܘܿܥ ܡܫܝܼܚܵܐ.  
\v 18 ܒܵܣ ܕܵܐܟ݂ܝܼ ܕܒܓܢܵܗܵܐ ܕܚܲܕ ܐܢܵܫܵܐ ܕܝܵܢܬܵ‌ܐ ܐܬܹ‌ܐ ܠܵܗ̇ ܥܲܠܔ ܟܠܵܝܗ‌ܝ ܒܢܲܝ̈ܢܵܫܵܐ، ܗܵܕܟ݂ܵܐ ܒܙܲܕܝܼܩܘܼܬܵ‌ܐ ܕܚܲܕ، ܡܲܟܫܲܛܬܵ‌ܐ ܗܘܹܐ ܠܵܗ̇ ܠܚܲܝܹ̈ܐ ܩܵܐ ܟܠܵܝܗ‌ܝ ܒܢܲܝ̈ܢܵܫܵܐ.  
\v 19 ܣܵܒܵܒ ܕܵܐܟ݂ܝܼ ܕܒܥܵܨܝܘܼܬܵ‌ܐ ܕܚܲܕ ܐܢܵܫܵܐ ܪܵܒܵܐ ܗܘܹܐ ܠܗܘܿܢ ܚܲܛܵܝܹ̈ܐ، ܒܡܲܨܝܲܬܬܵ‌ܐ ܕܚܲܕ ܐܢܵܫܵܐ ܪܵܒܵܐ ܒܸܬ ܦܵܝܫܝܼ ܥܒ݂ܝܼܕܹܐ ܙܲܕܝܼܩܹ̈ܐ.  
\v 20 ܢܵܡܘܿܣܵܐ ܐܬܹ‌ܐ ܠܹܗ ܕܙܵܝܕܵܐ ܗܘܵܐ ܓܢܵܗܵܐ، ܐܝܼܢܵܐ ܐܲܝܟܵܐ ܕܚܛܝܼܬܵ‌ܐ ܙܝܼܕ ܠܵܗ̇، ܐܘܼܦ ܫܵܦܵܩܲܬ ܒܘܼܫ ܙܝܼܕ ܠܵܗ̇،  
\v 21 ܕܐܲܝܟ݂ ܕܗܘܼܟܸܡ ܠܵܗ̇ ܚܛܝܼܬܵ‌ܐ ܒܡܵܘܬܵ‌ܐ، ܗܵܕܟ݂ܵܐ ܐܘܼܦ ܫܵܦܵܩܲܬ ܒܸܬ ܗܲܟܡܵܐ ܒܙܲܕܝܼܩܘܼܬܵ‌ܐ ܕܡܲܝܬܝܵܐ ܚܲܝܹ̈ܐ ܕܠܥܵܠܲܡ ܒܝܼܫܘܿܥ ܡܫܝܼܚܵܐ ܡܵܪܲܢ. 
\c 6  
\s1 ܡܘܬ‌ܐ ܠܚܛܝܬ‌ܐ، ܚܝ̈ܐ ܒܡܫܝܚܐ 
\p  
\v 1 ܒܵܣ ܡܘܼܕܝܼ ܐܵܡܪܲܚ؟ ܦܵܝܫܲܚ ܓܵܘ ܚܛܝܼܬܵ‌ܐ ܕܙܵܝܕܵܐ ܫܵܦܵܩܲܬ؟  
\v 2 ܚܵܣ ܠܝܼ. ܐܲܚܢܲܢ ܕܡܝܼܬ ܠܲܢ ܠܚܛܝܼܬܵ‌ܐ ܕܵܐܟ݂ܝܼ ܐܚܹܪܢܵܐ ܚܵܝܲܚ ܓܵܘܘܼܗ̇؟  
\v 3 ܠܹܐ ܝܬܘܿܢ ܒܝܼܕܵܥܵܐ ܕܐܲܚܢܲܢ ܟܠܲܢ ܕܥܡܝܼܕ ܠܲܢ ܠܚܲܝܘܼܕܹܐ ܥܲܡ ܝܼܫܘܿܥ ܡܫܝܼܚܵܐ، ܒܡܵܘܬܹܗ ܥܡܝܼܕ ܠܲܢ؟  
\v 4 ܒܘܼܬ ܐܵܗܵܐ ܦܝܼܫ ܠܲܢ ܩܒ݂ܝܼܪܹܐ ܥܲܡܹܗ ܒܝܲܕ ܡܲܥܡܘܿܕܝܼܬܵ‌ܐ ܠܡܵܘܬܵ‌ܐ. ܘܕܵܐܟ݂ܝܼ ܕܩܝܼܡ ܠܹܗ ܡܫܝܼܚܵܐ ܡ̣ܢ ܓܵܘ ܡܝܼ̈ܬܹ‌ܐ ܒܝܲܕ ܫܘܼܒ݂ܚܵܐ ܕܒܵܒܵܐ، ܗܵܕܟ݂ܵܐ ܐܘܼܦ ܐܲܚܢܲܢ ܚܵܝܲܚ ܚܲܝܹ̈ܐ ܚܵܕܬܹ̈‌ܐ.  
\v 5 ܐܸܢ ܫܘܼܪܸܟܹܐ ܝܘܲܚ ܥܲܡܹܗ ܒܡܵܘܬܹܗ، ܒܸܬ ܫܲܪܸܟܲܚ ܥܲܡܹܗ ܐܘܼܦ ܒܩܝܵܡܬܹܗ.  
\v 6 ܣܵܒܵܒ ܒܝܼܕܵܥܵܐ ܝܘܲܚ ܕܒܲܪܢܵܫܲܢ ܥܲܬܝܼܩܵܐ ܦܝܼܫ ܠܹܗ ܙܩܝܼܦܵܐ ܥܲܡܹܗ ܕܒܲܛܸܠܔ ܦܲܓ݂ܪܵܐ ܚܲܛܵܝܵܐ ܘܕܠܵܐ ܗܵܘܲܚ ܐܚܹܪܢܵܐ ܥܲܒ݂ܕܹ̈ܐ ܕܚܛܝܼܬܵ‌ܐ.  
\v 7 ܣܵܒܵܒ ܗ̇ܘ ܕܝܼܠܹܗ ܡܝܼܬܵ‌ܐ ܦܝܼܫܵܐ ܝܠܹܗ ܫܸܪܝܵܐ ܡ̣ܢ ܚܛܝܼܬܵ‌ܐ.  
\v 8 ܟܲܕ ܡܝܼܬ ܠܲܢ ܥܲܡ ܡܫܝܼܚܵܐ، ܗܲܡܘܼܢܹܐ ܝܘܲܚ ܕܐܘܼܦ ܥܲܡܹܗ ܒܸܬ ܚܵܝܲܚ.  
\v 9 ܣܵܒܵܒ ܒܝܼܕܵܥܵܐ ܝܘܲܚ ܕܡܫܝܼܚܵܐ ܩܝܼܡ ܠܹܗ ܡ̣ܢ ܓܵܘ ܡܝܼ̈ܬܹ‌ܐ، ܘܠܹܐ ܡܵܐܹܬ ܐܚܹܪܢܵܐ. ܡܵܘܬܵ‌ܐ ܠܲܝܬ ܠܹܗ ܫܘܼܠܛܵܢܵܐ ܥܲܠܘܼܗ‌ܝ.  
\v 10 ܣܵܒܵܒ ܡܵܘܬܵ‌ܐ ܕܡܝܼܬ ܠܹܗ، ܡܝܼܬ ܠܹܗ ܚܕܵܐ ܓܵܗܵܐ ܐܲܚܟ̰ܝܼ ܠܚܛܝܼܬܵ‌ܐ، ܐܝܼܢܵܐ ܚܲܝܹ̈ܐ ܕܒܸܚܵܝܵܝ ܝܠܹܗ، ܒܸܚܵܝܵܝ ܝܠܹܗ ܠܐܲܠܵܗܵܐ.  
\v 11 ܗܵܕܟ݂ܵܐ ܐܘܼܦ ܐܲܚܬܘܿܢ ܚܫܘܿܒ݂ܘܼܢ ܓܵܢܵܘܟ݂ܘܿܢ ܡܝܼ̈ܬܹ‌ܐ ܠܚܛܝܼܬܵ‌ܐ، ܐܝܼܢܵܐ ܚܵܝܹ̈ܐ ܠܐܲܠܵܗܵܐ ܒܝܼܫܘܿܥ ܡܫܝܼܚܵܐ.  
\v 12 ܒܘܼܬ ܐܵܗܵܐ ܠܵܐ ܫܵܒ݂ܩܝܼܬܘܿܢ ܕܚܛܝܼܬܵ‌ܐ ܗܵܘܹܐ ܠܵܗ̇ ܫܘܼܠܛܵܢܵܐ ܒܦܲܓ݂ܪܵܘܟ݂ܘܿܢ ܡܵܝܘܿܬܵ‌ܐ ܕܥܵܒ݂ܕܝܼܬܘܿܢ ܫܲܗܘܲܬܝܵܬܘܼ̈ܗ̇.  
\v 13 ܘܠܵܐ ܡܲܩܪܸܒ݂ܝܼܬܘܿܢ ܗܲܕܵܡܹ̈ܐ ܕܦܲܓ݂ܪܵܘܟ݂ܘܿܢ ܙܲܝܢܵܐ ܕܥܵܘܠܵܐ ܠܚܛܝܼܬܵ‌ܐ، ܐܸܠܵܐ ܡܲܩܪܸܒ݂ܘܼܢ ܓܵܢܵܘܟ݂ܘܿܢ ܠܐܲܠܵܗܵܐ ܐܲܝܟ݂ ܐܢܵܫܹ̈ܐ ܡܘܼܩܸܡܹܐ ܡ̣ܢ ܡܵܘܬܵ‌ܐ ܠܚܲܝܹ̈ܐ، ܘܡܲܩܪܸܒ݂ܘܼܢ ܗܲܕܵܡܵܘ̈ܟ݂ܘܿܢ ܐܲܝܟ݂ ܙܲܝܢܹ̈ܐ ܕܙܲܕܝܼܩܘܼܬܵ‌ܐ ܠܐܲܠܵܗܵܐ.  
\v 14 ܣܵܒܵܒ ܚܛܝܼܬܵ‌ܐ ܠܹܐ ܥܵܒ݂ܕܵܐ ܫܘܼܠܛܵܢܵܐ ܥܲܠܵܘܟ݂ܘܿܢ، ܒܗ̇ܝ ܕܠܹܐ ܝܬܘܿܢ ܬܚܘܿܬ ܢܵܡܘܿܣܵܐ ܐܸܠܵܐ ܬܚܘܿܬ ܫܵܦܵܩܲܬ ܝܼܬܘܿܢ. 
\s1 ܥܒ݂ܕ̈ܐ ܕܙܕܝܩܘܬ‌ܐ 
\p  
\v 15 ܒܵܣ ܡܘܼܕܝܼ ܥܵܒ݂ܕܲܚ؟ ܚܵܛܲܚ ܣܵܒܵܒ ܠܹܐ ܝܘܲܚ ܬܚܘܿܬ ܢܵܡܘܿܣܵܐ ܐܸܠܵܐ ܬܚܘܿܬ ܫܵܦܵܩܲܬ ܝܼܘܲܚ؟ ܚܵܣ ܠܝܼ.  
\v 16 ܠܹܐ ܝܬܘܿܢ ܒܝܼܕܵܥܵܐ ܐܝܼܡܲܢ ܕܡܲܩܪܸܒ݂ܝܼܬܘܿܢ ܓܵܢܵܘܟ݂ܘܿܢ ܥܲܒ݂ܕܹ̈ܐ ܠܚܲܕ، ܐܲܚܬܘܿܢ ܥܲܒ݂ܕܹ̈ܐ ܕܗ̇ܘ ܝܼܬܘܿܢ ܕܫܵܠܡܝܼܬܘܿܢ ܐܸܠܹܗ، ܝܲܢ ܠܚܛܝܼܬܵ‌ܐ ܕܟܹܐ ܠܲܒܠܵܐ ܠܡܵܘܬܵ‌ܐ ܝܲܢ ܠܫܠܵܡܬܵ‌ܐ ܕܟܹܐ ܠܲܒܠܵܐ ܠܙܲܕܝܼܩܘܼܬܵ‌ܐ؟  
\v 17 ܐܝܼܢܵܐ ܡܸܢܬܵ‌ܐ ܡ̣ܢ ܐܲܠܵܗܵܐ ܐܘܼܦ ܐܸܢ ܕܝܼܬܘܿܢ ܗܘܵܘ ܥܲܒ݂ܕܹ̈ܐ ܕܚܛܝܼܬܵ‌ܐ ܡܘܼܨܝܸܬ ܠܵܘܟ݂ܘܿܢ ܡ̣ܢ ܟܠܹܗ ܠܸܒܵܘܟ݂ܘܿܢ ܠܐܸܣܟܝܼܡܵܐ ܕܝܘܼܠܦܵܢܵܐ ܕܦܝܼܫܵܐ ܝܗܘܵܐ ܣܘܼܦܝܵܐ ܐܸܠܵܘܟ݂ܘܿܢ.  
\v 18 ܦܝܼܫ ܠܵܘܟ݂ܘܿܢ ܫܸܪܝܹܐ ܡ̣ܢ ܚܛܝܼܬܵ‌ܐ ܘܗܘܹܐ ܠܵܘܟ݂ܘܿܢ ܥܲܒ݂ܕܹ̈ܐ ܠܙܲܕܝܼܩܘܼܬܵ‌ܐ.  
\v 19 ܐܲܝܟ݂ ܒܢܲܝ̈ܢܵܫܵܐ ܗܲܡܙܘܼܡܹܐ ܝܘܸܢ ܣܵܒܵܒ ܡܚܝܼܠܹܐ ܝܬܘܿܢ ܒܟܝܵܢܵܐ ܐܢܵܫܵܝܵܐ. ܕܵܐܟ݂ܝܼ ܕܟܹܐ ܡܲܩܪܸܒ݂ܝܼܬܘܿܢ ܗܘܵܘ ܗܲܕܵܡܵܘ̈ܟ݂ܘܿܢ ܠܥܲܒ݂ܕܘܼܬܵ‌ܐ ܕܛܲܢܦܘܼܬܵ‌ܐ ܘܕܥܵܘܠܵܐ ܠܸܥܒ݂ܵܕܵܐ ܥܵܘܠܵܐ، ܐܵܕܝܼܵܐ ܡܲܩܪܸܒ݂ܘܼܢ ܠܗܘܿܢ ܠܥܲܒ݂ܕܘܼܬܵ‌ܐ ܕܙܲܕܝܼܩܘܼܬܵ‌ܐ ܠܸܥܒ݂ܵܕܵܐ ܩܲܕܝܼܫܘܼܬܵ‌ܐ.  
\v 20 ܐܝܼܡܲܢ ܕܝܼܬܘܿܢ ܗܘܵܘ ܥܲܒ݂ܕܹ̈ܐ ܕܚܛܝܼܬܵ‌ܐ، ܠܹܐ ܝܬܘܿܢ ܗܘܵܘ ܙܲܒܛ ܠܙܲܕܝܼܩܘܼܬܵ‌ܐ.  
\v 21 ܡܘܼܕܝܼ ܦܲܝܕܵܐ ܐܝܼܬ ܗܘܵܘ ܠܵܘܟ݂ܘܿܢ ܗ̇ܝܓܵܗ ܡ̣ܢ ܐܵܢܝܼ ܡܸܢܕܝܼܵܢܹ̈ܐ ܕܐܵܕܝܼܵܐ ܒܸܢܟ݂ܵܦܵܐ ܝܬܘܿܢ ܒܝܼܵܝܗ‌ܝ؟ ܐܲܢܹܐ ܦܠܵܛܵܝܗ‌ܝ ܡܵܘܬܵ‌ܐ ܝܠܹܗ.  
\v 22 ܐܝܼܢܵܐ ܐܵܕܝܼܵܐ ܕܦܝܼܫ ܠܵܘܟ݂ܘܿܢ ܫܸܪܝܹܐ ܡ̣ܢ ܚܛܝܼܬܵ‌ܐ ܘܥܲܒ݂ܕܹ̈ܐ ܕܐܲܠܵܗܵܐ ܝܬܘܿܢ، ܐܝܼܬ ܠܵܘܟ݂ܘܿܢ ܛܥܘܼܢܝܵܬܹ̈‌ܐ ܕܩܲܕܝܼܫܘܼܬܵ‌ܐ، ܘܦܠܵܛܵܝܗ‌ܝ ܝܼܠܹܗ ܚܲܝܹ̈ܐ ܕܠܥܵܠܲܡ.  
\v 23 ܣܵܒܵܒ ܗܵܩܵܐ ܕܚܛܝܼܬܵ‌ܐ ܡܵܘܬܵ‌ܐ ܝܠܹܗ، ܐܝܼܢܵܐ ܡܵܘܗܲܒ݂ܬܵ‌ܐ ܕܐܲܠܵܗܵܐ ܚܲܝܹ̈ܐ ܕܠܥܵܠܲܡ ܝܼܠܵܗ̇ ܒܝܼܫܘܿܥ ܡܫܝܼܚܵܐ ܡܵܪܲܢ. 
\c 7  
\s1 ܛܘܦ̮ܣܐ ܡ̣ܢ ܓܒ݂ܪܐ 
\p  
\v 1 ܐܲܚܘܿܢܘܵܬ‌ܝܼ̈، ܗܲܡܙܘܼܡܹܐ ܝܘܸܢ ܐܸܠܵܘܟ݂ܘܿܢ ܐܲܝܟ݂ ܐܵܢܝܼ ܕܟܹܐ ܝܵܕܥܝܼ ܢܵܡܘܿܣܵܐ. ܟܹܐ ܝܵܕܥܝܼܬܘܿܢ ܕܢܵܡܘܿܣܵܐ ܐܝܼܬ ܠܹܗ ܫܘܼܠܛܵܢܵܐ ܥܲܠܔ ܚܲܕ ܐܢܵܫܵܐ ܟܡܵܐ ܕܗ̇ܘ ܐܢܵܫܵܐ ܚܵܝܵܐ ܝܠܹܗ.  
\v 2 ܩܵܐ ܛܘܼܦ̮ܣܵܐ، ܚܕܵܐ ܒܲܟ݂ܬܵ‌ܐ ܓܒ݂ܝܼܪܬܵ‌ܐ ܐܣܝܼܪܬܵ‌ܐ ܝܠܵܗ̇ ܒܓܲܒ݂ܪܘܼܗ̇ ܟܡܵܐ ܕܓܲܒ݂ܪܘܼܗ̇ ܚܵܝܵܐ ܝܠܹܗ. ܐܝܼܢܵܐ ܐܸܢ ܡܵܐܹܬ ܓܲܒ݂ܪܘܼܗ̇، ܒܸܬ ܦܵܝܫܵܐ ܫܪܝܼܬܵ‌ܐ ܡ̣ܢ ܩܵܢܘܿܢܵܐ ܕܓܒ݂ܵܪܵܐ.  
\v 3 ܒܘܼܬ ܐܵܗܵܐ ܐܸܢ ܓܵܒ݂ܪܵܐ ܠܚܲܕ ܐܚܹܪܢܵܐ ܟܲܕ ܓܲܒ݂ܪܘܼܗ̇ ܚܵܝܵܐ ܝܠܹܗ، ܒܸܬ ܦܵܝܫܵܐ ܩܪܝܼܬܵ‌ܐ ܓܲܝܵܪܬܵ‌ܐ. ܐܝܼܢܵܐ ܐܸܢ ܡܵܐܹܬ ܓܲܒ݂ܪܘܼܗ̇، ܦܝܼܫ ܠܵܗ̇ ܫܪܝܼܬܵ‌ܐ ܡ̣ܢ ܩܵܢܘܿܢܵܐ ܘܠܹܐ ܝܠܵܗ̇ ܓܲܝܵܪܬܵ‌ܐ ܐܘܼܦ ܐܸܢ ܕܓܵܒ݂ܪܵܐ ܠܚܲܕ ܐܚܹܪܢܵܐ.  
\v 4 ܗܵܕܟ݂ܵܐ ܐܘܼܦ ܐܲܚܬܘܿܢ، ܐܲܚܘܿܢܘܵܬ‌ܝܼ̈، ܡܝܼܬ ܠܵܘܟ݂ܘܿܢ ܠܢܵܡܘܿܣܵܐ ܒܝܲܕ ܦܲܓ݂ܪܵܐ ܕܡܫܝܼܚܵܐ ܕܗܵܘܹܝܬܘܿܢ ܠܚܲܕ ܐܚܹܪܢܵܐ، ܗ̇ܘ ܕܩܝܼܡ ܠܹܗ ܡ̣ܢ ܓܵܘ ܡܝܼ̈ܬܹ‌ܐ ܕܝܵܗܒܲܚ ܛܥܘܼܢܝܵܬܹ̈‌ܐ ܠܐܲܠܵܗܵܐ.  
\v 5 ܐܝܼܡܲܢ ܕܝܼܘܲܚ ܗܘܵܘ ܙܘܼܒܛܸܢܹܐ ܒܟܝܵܢܵܐ ܚܲܛܵܝܵܐ، ܫܲܗܘܲܬܝܵܬܹ̈‌ܐ ܕܚܛܝܼܬܵ‌ܐ ܦܝܼܫܹܐ ܝܗܘܵܘ ܡܘܼܪܥܸܫܹܐ ܓܵܘܲܢ ܒܝܲܕ ܢܵܡܘܿܣܵܐ، ܘܒܸܦܠܵܚܵܐ ܝܗܘܵܘ ܓܵܘ ܗܲܕܵܡܲܢ̈ ܕܡܲܒܪܝܼ ܗܘܵܘ ܡܵܘܬܵ‌ܐ.  
\v 6 ܐܝܼܢܵܐ ܐܵܕܝܼܵܐ ܦܝܼܫ ܠܲܢ ܫܸܪܝܹܐ ܡ̣ܢ ܢܵܡܘܿܣܵܐ ܣܵܒܵܒ ܡܝܼܬ ܠܲܢ ܠܗ̇ܘ ܕܙܘܼܒܛܸܢܲܢ ܝܼܗܘܵܐ. ܐܵܕܝܼܵܐ ܒܸܥܒ݂ܵܕܵܐ ܝܘܲܚ ܚܸܠܡܲܬ ܒܚܲܕܬܘܼܬܵ‌ܐ ܕܪܘܼܚܵܐ، ܘܠܵܐ ܒܥܲܬܝܼܩܘܼܬܵ‌ܐ ܕܟܬܵܒ݂ܵܐ. 
\s1 ܦܠܫܐ ܕܠܩܘܒ݂ܠܔ ܕܚܛܝܬ‌ܐ 
\p  
\v 7 ܡܘܼܕܝܼ ܐܵܡܪܲܚ؟ ܢܵܡܘܿܣܵܐ ܚܛܝܼܬܵ‌ܐ ܝܠܹܗ؟ ܚܵܣ ܠܝܼ. ܠܹܐ ܝܵܕܥܹܢ ܗܘܵܐ ܡܘܼܕܝܼ ܝܗܘܵܐ ܚܛܝܼܬܵ‌ܐ ܐܸܠܵܐ ܒܝܲܕ ܢܵܡܘܿܣܵܐ ܝܕܝܼܥ ܠܝܼ. ܠܹܐ ܝܵܕܥܹܢ ܗܘܵܐ ܡܘܼܕܝܼ ܝܗܘܵܐ ܫܲܗܘܲܬܬܵ‌ܐ ܐܸܢ ܢܵܡܘܿܣܵܐ ܠܵܐ ܐܵܡܹܪ ܗܘܵܐ: ”ܠܵܐ ܫܲܗܘܸܬܸܬ.“\x + \xo 7:7 \xt ܡܦܩܢܐ 20‏:17؛ ܬܢܝܢ ܢܡܘܣܐ 5‏:21\x* 
\v 8 ܐܝܼܢܵܐ ܚܛܝܼܬܵ‌ܐ ܟܲܕ ܡܘܼܫ݇ܟ̰ܸܚ ܠܵܗ̇ ܥܸܠܬܵ‌ܐ ܒܝܲܕ ܦܘܼܩܕܵܢܵܐ، ܡܘܼܒܪܹܐ ܠܵܗ̇ ܓܵܘܝܼ ܫܲܗܘܲܬܬܵ‌ܐ، ܣܵܒܵܒ ܕܠܵܐ ܢܵܡܘܿܣܵܐ ܚܛܝܼܬܵ‌ܐ ܡܝܼܬܬܵ‌ܐ ܝܠܵܗ̇.  
\v 9 ܩܲܕܡܵܝܬܵ‌ܐ ܐܵܢܵܐ ܚܵܝܵܐ ܝܘܸܢ ܗܘܵܐ ܕܠܵܐ ܢܵܡܘܿܣܵܐ، ܐܝܼܢܵܐ ܐܝܼܡܲܢ ܕܦܘܼܩܕܵܢܵܐ ܐܬܹ‌ܐ ܠܹܗ، ܚܛܝܼܬܵ‌ܐ ܚܝܹܐ ܠܵܗ̇ ܘܐܵܢܵܐ ܡܝܼܬ ܠܝܼ.  
\v 10 ܣܵܒܵܒ ܦܘܼܩܕܵܢܵܐ ܕܝܼܗܘܵܐ ܩܵܐ ܚܲܝܹ̈ܐ، ܚܙܹܐ ܠܝܼ ܩܵܐ ܡܵܘܬܵ‌ܐ ܝܗܘܵܐ.  
\v 11 ܘܚܛܝܼܬܵ‌ܐ ܡܘܼܫ݇ܟ̰ܸܚ ܠܵܗ̇ ܥܸܠܬܵ‌ܐ ܒܦܘܼܩܕܵܢܵܐ، ܥܘܼܠܕܹܐ ܠܵܗ̇ ܐܸܠܝܼ، ܘܩܵܡ ܩܵܛܠܵܐ ܠܝܼ ܒܝܲܕ ܦܘܼܩܕܵܢܵܐ.  
\v 12 ܗܵܕܟ݂ܵܐ ܢܵܡܘܿܣܵܐ ܩܲܕܝܼܫܵܐ ܝܠܹܗ، ܘܦܘܼܩܕܵܢܵܐ ܩܲܕܝܼܫܵܐ ܝܠܹܗ، ܘܟܹܐܢܵܐ، ܘܛܵܒ݂ܵܐ.  
\v 13 ܒܵܣ ܗ̇ܘ ܕܝܼܗܘܵܐ ܛܵܒ݂ܵܐ ܗܘܹܐ ܠܹܗ ܐܸܠܝܼ ܡܵܘܬܵ‌ܐ؟ ܚܵܣ ܠܝܼ. ܐܝܼܢܵܐ ܚܛܝܼܬܵ‌ܐ ܕܡܲܒܝܸܢܵܐ ܐܲܝܟ݂ ܚܛܝܼܬܵ‌ܐ، ܡܘܼܥܒܸܪܵܗ̇ ܒܝܼܝܼ ܡܵܘܬܵ‌ܐ ܒܝܲܕ ܛܵܒ݂ܬܵ‌ܐ، ܕܗܵܕܟ݂ܵܐ ܒܝܲܕ ܦܘܼܩܕܵܢܵܐ ܚܛܝܼܬܵ‌ܐ ܦܵܝܫܵܐ ܝܕܝܼܥܬܵ‌ܐ ܪܵܒܵܐ ܚܲܛܵܝܬܵ‌ܐ.  
\v 14 ܒܝܼܕܵܥܵܐ ܝܘܲܚ ܕܢܵܡܘܿܣܵܐ ܪܘܼܚܵܢܵܝܵܐ ܝܠܹܗ، ܐܝܼܢܵܐ ܐܵܢܵܐ ܠܹܐ ܝܘܸܢ ܪܘܼܚܵܢܵܝܵܐ، ܙܘܼܒܢܵܐ ܐܲܝܟ݂ ܚܲܕ ܥܲܒ݂ܕܵܐ ܕܚܛܝܼܬܵ‌ܐ.  
\v 15 ܡܸܢܕܝܼ ܕܒܸܥܒ݂ܵܕܵܐ ܝܘܸܢ ܠܹܐ ܝܘܸܢ ܒܝܼܕܵܥܵܐ، ܣܵܒܵܒ ܡܸܢܕܝܼ ܕܒܨܸܒ݂ܝܵܢܝܼ ܝܠܹܗ ܠܹܐ ܝܘܸܢ ܒܸܥܒ݂ܵܕܵܐ، ܐܸܠܵܐ ܡܸܢܕܝܼ ܕܒܸܣܢܵܝܵܐ ܝܘܸܢ، ܗ̇ܘ ܒܸܥܒ݂ܵܕܵܐ ܝܘܸܢ.  
\v 16 ܘܐܸܢ ܒܸܥܒ݂ܵܕܵܐ ܝܘܸܢ ܡܸܢܕܝܼ ܕܠܹܐ ܒܵܥܹܝܢ ܥܵܒ݂ܕܹܢ، ܒܸܣܗܵܕܵܐ ܝܘܸܢ ܕܢܵܡܘܿܣܵܐ ܛܵܒ݂ܵܐ ܝܠܹܗ.  
\v 17 ܡܲܒܝܘܼܢܹܐ ܝܠܵܗ̇ ܕܠܹܐ ܝܘܸܢ ܐܵܢܵܐ ܒܸܥܒ݂ܵܕܵܐ ܗܵܕܟ݂ܵܐ، ܐܸܠܵܐ ܚܛܝܼܬܵ‌ܐ ܕܒܸܥܡܵܪܵܐ ܝܠܵܗ̇ ܒܝܼܝܼ.  
\v 18 ܒܝܼܕܵܥܵܐ ܝܘܸܢ ܕܠܲܝܬ ܡܸܢܕܝܼ ܛܵܒ݂ܵܐ ܒܸܥܡܵܪܵܐ ܒܝܼܝܼ، ܝܲܥܢܹܐ ܓܵܘ ܟܝܵܢܝܼ ܚܲܛܵܝܵܐ، ܣܵܒܵܒ ܒܸܒܥܵܝܵܐ ܝܘܸܢ ܕܥܵܒ݂ܕܹܢ ܛܵܒ݂ܬܵ‌ܐ ܐܝܼܢܵܐ ܠܹܐ ܝܘܸܢ ܡܨܵܝܵܐ ܕܥܵܒ݂ܕܹܢ.  
\v 19 ܣܵܒܵܒ ܛܵܒ݂ܬܵ‌ܐ ܕܒܵܥܹܝܢ ܥܵܒ݂ܕܹܢ ܠܹܐ ܝܘܸܢ ܒܸܥܒ݂ܵܕܵܐ، ܐܸܠܵܐ ܒܝܼܫܬܵ‌ܐ ܕܠܹܐ ܒܵܥܹܝܢ ܥܵܒ݂ܕܹܢ، ܗ̇ܝ ܒܸܥܒ݂ܵܕܘܼܗ̇ ܝܘܸܢ.  
\v 20 ܐܸܢ ܒܸܥܒ݂ܵܕܵܐ ܝܘܸܢ ܡܸܢܕܝܼ ܕܠܹܐ ܒܵܥܹܝܢ ܠܸܥܒ݂ܵܕܵܐ، ܠܹܐ ܝܘܸܢ ܐܚܹܪܢܵܐ ܐܵܢܵܐ ܒܸܥܒ݂ܵܕܹܗ ܐܸܠܵܐ ܚܛܝܼܬܵ‌ܐ ܕܒܸܥܡܵܪܵܐ ܝܠܵܗ̇ ܒܝܼܝܼ.  
\v 21 ܐܵܕܝܼܵܐ ܡܘܼܫ݇ܟ̰ܸܚ ܠܝܼ ܚܲܕ ܢܵܡܘܿܣܵܐ، ܐܝܼܡܲܢ ܕܒܵܥܹܝܢ ܥܵܒ݂ܕܹܢ ܛܵܒ݂ܬܵ‌ܐ، ܒܝܼܫܬܵ‌ܐ ܓܵܘܝܼ ܝܠܵܗ̇.  
\v 22 ܒܸܚܕܵܝܵܐ ܝܘܸܢ ܒܢܵܡܘܿܣܵܐ ܕܐܲܠܵܗܵܐ ܕܝܼܠܹܗ ܓܵܘ ܠܸܒܝܼ،  
\v 23 ܐܝܼܢܵܐ ܒܸܚܙܵܝܵܐ ܝܘܸܢ ܚܲܕ ܢܵܡܘܿܣܵܐ ܐܚܹܪܢܵܐ ܓܵܘ ܗܲܕܵܡܹ̈ܐ ܕܦܲܓ݂ܪܝܼ، ܒܸܦܠܵܫܵܐ ܕܲܠܩܘܼܒ݂ܠܔ ܕܢܵܡܘܿܣܵܐ ܕܪܸܥܝܵܢܝܼ، ܘܒܸܥܒ݂ܵܕܝܼ ܝܠܹܗ ܐܲܣܝܼܪܵܐ ܠܢܵܡܘܿܣܵܐ ܕܚܛܝܼܬܵ‌ܐ ܕܝܼܠܹܗ ܓܵܘ ܗܲܕܵܡܝܼ̈.  
\v 24 ܘܵܝ ܥܲܠܝܼ ܒܲܪܢܵܫܵܐ ܫܲܩܝܼ! ܡܵܢܝܼ ܒܸܬ ܦܲܨܹܐ ܠܝܼ ܡ̣ܢ ܐܵܗܵܐ ܦܲܓ݂ܪܵܐ ܡܵܝܘܿܬܵ‌ܐ؟  
\v 25 ܫܲܟܘܼܪܹܐ ܝܘܸܢ ܠܐܲܠܵܗܵܐ ܒܝܼܫܘܿܥ ܡܫܝܼܚܵܐ ܡܵܪܲܢ. ܗܵܕܟ݂ܵܐ ܒܪܸܥܝܵܢܝܼ ܥܲܒ݂ܕܵܐ ܝܘܸܢ ܠܢܵܡܘܿܣܵܐ ܕܐܲܠܵܗܵܐ، ܐܝܼܢܵܐ ܒܟܝܵܢܝܼ ܚܲܛܵܝܵܐ ܥܲܒ݂ܕܵܐ ܝܘܸܢ ܠܢܵܡܘܿܣܵܐ ܕܚܛܝܼܬܵ‌ܐ. 
\c 8  
\s1 ܚܝ̈ܐ ܒܪܘܚܐ 
\p  
\v 1 ܗܵܕܟ݂ܵܐ ܡ̣ܢ ܐܵܕܝܼܵܐ ܠܲܝܬ ܕܝܵܢܬܵ‌ܐ ܠܐܵܢܝܼ ܕܝܼܢܵܐ ܒܝܼܫܘܿܥ ܡܫܝܼܚܵܐ.  
\v 2 ܣܵܒܵܒ ܒܝܼܫܘܿܥ ܡܫܝܼܚܵܐ ܢܵܡܘܿܣܵܐ ܕܪܘܼܚܵܐ ܕܚܲܝܹ̈ܐ ܩܵܡ ܫܵܪܹܐ ܠܝܼ ܡ̣ܢ ܢܵܡܘܿܣܵܐ ܕܚܛܝܼܬܵ‌ܐ ܘܕܡܵܘܬܵ‌ܐ.  
\v 3 ܣܵܒܵܒ ܡܸܢܕܝܼ ܕܠܵܐ ܡܨܹܐ ܠܹܗ ܥܵܒܹܕ ܢܵܡܘܿܣܵܐ، ܒܘܼܬ ܙܲܒܘܼܢܘܼܬܵ‌ܐ ܕܟܝܵܢܲܢ ܚܲܛܵܝܵܐ، ܫܘܼܕܸܪܹܗ ܐܲܠܵܗܵܐ ܒܪܘܿܢܵܐ ܕܓܵܢܹܗ ܒܕܡܘܼܬܵ‌ܐ ܕܦܲܓ݂ܪܵܐ ܕܚܛܝܼܬܵ‌ܐ، ܘܒܘܼܬ ܚܛܝܼܬܵ‌ܐ، ܥܒ݂ܝܼܕ ܠܹܗ ܡܵܪܹܐ ܓܢܵܗܵܐ ܠܚܛܝܼܬܵ‌ܐ ܒܦܲܓ݂ܪܹܗ،  
\v 4 ܕܦܵܝܫܵܐ ܡܘܼܟܡܸܠܬܵ‌ܐ ܙܲܕܝܼܩܘܼܬܵ‌ܐ ܕܒܸܛܠܵܒܘܼܗ̇ ܝܠܹܗ ܢܵܡܘܿܣܵܐ ܡܸܢܲܢ، ܐܲܚܢܲܢ ܕܠܹܐ ܝܘܲܚ ܒܸܚܕܵܪܵܐ ܒܟܝܵܢܵܐ ܚܲܛܵܝܵܐ ܐܸܠܵܐ ܒܪܘܼܚܵܐ.  
\v 5 ܐܵܢܝܼ ܕܟܹܐ ܚܵܝܝܼ ܒܟܝܵܢܵܐ ܚܲܛܵܝܵܐ ܡܸܢܕܝܼܵܢܹ̈ܐ ܕܚܛܝܼܬܵ‌ܐ ܟܹܐ ܚܵܫܒ݂ܝܼ، ܐܝܼܢܵܐ ܐܵܢܝܼ ܕܒܪܘܼܚܵܐ ܟܹܐ ܚܵܝܝܼ، ܡܸܢܕܝܼܵܢܹ̈ܐ ܕܪܘܼܚܵܐ ܟܹܐ ܚܵܫܒ݂ܝܼ.  
\v 6 ܬܲܚܡܲܢܬܵ‌ܐ ܕܟܝܵܢܵܐ ܚܲܛܵܝܵܐ ܡܵܘܬܵ‌ܐ ܝܠܵܗ̇، ܘܬܲܚܡܲܢܬܵ‌ܐ ܕܟܝܵܢܵܐ ܪܘܼܚܵܢܵܝܵܐ ܚܲܝܹ̈ܐ ܝܠܵܗ̇ ܘܫܠܵܡܵܐ.  
\v 7 ܣܵܒܵܒ ܬܲܚܡܲܢܝܵܬܹ̈‌ܐ ܕܟܝܵܢܵܐ ܚܲܛܵܝܵܐ ܕܸܫ̃ܡܸܢ ܕܐܲܠܵܗܵܐ ܝܢܵܐ، ܣܵܒܵܒ ܠܹܐ ܝܢܵܐ ܙܲܒܛ ܠܢܵܡܘܿܣܵܐ ܕܐܲܠܵܗܵܐ، ܘܠܹܐ ܡܵܨܝܼ ܗܵܘܝܼ ܙܲܒܛ.  
\v 8 ܘܐܵܢܝܼ ܕܝܼܢܵܐ ܙܲܒܛ ܠܟܝܵܢܵܐ ܚܲܛܵܝܵܐ ܠܹܐ ܡܵܨܝܼ ܫܵܦܪܝܼ ܠܐܲܠܵܗܵܐ.  
\v 9 ܐܝܼܢܵܐ ܐܲܚܬܘܿܢ ܠܹܐ ܝܬܘܿܢ ܙܲܒܛ ܠܟܝܵܢܵܐ ܚܲܛܵܝܵܐ ܐܸܠܵܐ ܠܪܘܼܚܵܐ، ܐܸܢ ܪܘܼܚܵܐ ܕܐܲܠܵܗܵܐ ܒܸܥܡܵܪܵܐ ܝܠܹܗ ܓܵܘܵܘܟ݂ܘܿܢ. ܐܸܢ ܚܲܕ ܠܲܝܬ ܠܹܗ ܪܘܼܚܵܐ ܕܡܫܝܼܚܵܐ، ܗ̇ܘ ܠܹܐ ܝܠܹܗ ܕܡܫܝܼܚܵܐ.  
\v 10 ܐܸܢ ܡܫܝܼܚܵܐ ܒܸܥܡܵܪܵܐ ܝܠܹܗ ܓܵܘܵܘܟ݂ܘܿܢ، ܦܲܓ݂ܪܵܘܟ݂ܘܿܢ ܡܝܼܬܵ‌ܐ ܝܠܹܗ ܡ̣ܢ ܚܛܝܼܬܵ‌ܐ ܓܹܒܵܐ، ܐܝܼܢܵܐ ܪܘܼܚܵܘܟ݂ܘܿܢ ܚܵܝܬܵ‌ܐ ܝܠܵܗ̇ ܣܵܒܵܒ ܦܝܼܫ ܠܵܘܟ݂ܘܿܢ ܥܒ݂ܝܼܕܹܐ ܙܲܕܝܼܩܹ̈ܐ.  
\v 11 ܘܐܸܢ ܪܘܼܚܵܐ ܕܗ̇ܘ ܕܡܘܼܩܸܡ ܠܹܗ ܠܝܼܫܘܿܥ ܡ̣ܢ ܡܝܼ̈ܬܹ‌ܐ ܒܸܥܡܵܪܵܐ ܝܠܹܗ ܓܵܘܵܘܟ݂ܘܿܢ، ܗ̇ܘ ܕܡܘܼܩܸܡ ܠܹܗ ܠܡܫܝܼܚܵܐ ܡ̣ܢ ܡܝܼ̈ܬܹ‌ܐ ܒܸܬ ܡܲܚܹܐ ܐܘܼܦ ܠܦܲܓ݂ܪ̈ܵܘܟ݂ܘܿܢ ܡܵܝܘܿܬܹ̈‌ܐ ܒܝܲܕ ܪܘܼܚܹܗ ܕܒܸܥܡܵܪܵܐ ܝܠܹܗ ܓܵܘܵܘܟ݂ܘܿܢ.  
\v 12 ܗܵܕܟ݂ܵܐ ܐܲܚܘܿܢܘܵܬ‌ܝܼ̈، ܠܹܐ ܝܘܲܚ ܕܲܝܢܵܢܹ̈ܐ ܠܟܝܵܢܵܐ ܚܲܛܵܝܵܐ ܕܚܵܝܲܚ ܒܝܼܹܗ،  
\v 13 ܣܵܒܵܒ ܐܸܢ ܚܵܝܹܝܬܘܿܢ ܒܟܝܵܢܵܐ ܚܲܛܵܝܵܐ، ܒܸܬ ܡܵܝܬܝܼܬܘܿܢ، ܐܝܼܢܵܐ ܐܸܢ ܒܪܘܼܚܵܐ ܡܲܡܝܸܬܝܼܬܘܿܢ ܠܦܘܼܠܚܵܢܹ̈ܐ ܕܦܲܓ݂ܪܵܐ، ܒܸܬ ܚܵܝܹܝܬܘܿܢ.  
\v 14 ܣܵܒܵܒ ܐܵܢܝܼ ܕܦܝܼܫܹܐ ܝܢܵܐ ܡܗܘܼܕܝܹܐ ܒܪܘܼܚܵܐ ܕܐܲܠܵܗܵܐ، ܐܲܢܹܐ ܒܢܘܿܢܹ̈ܐ ܕܐܲܠܵܗܵܐ ܝܢܵܐ.  
\v 15 ܣܵܒܵܒ ܐܲܚܬܘܿܢ ܠܵܐ ܩܘܼܒܸܠܔ ܠܵܘܟ݂ܘܿܢ ܪܘܼܚܵܐ ܕܥܵܒ݂ܕܵܐ ܠܵܘܟ݂ܘܿܢ ܡܸܢܕܪܸܫ ܥܲܒ݂ܕܹ̈ܐ ܠܙܕܘܼܥܬܵ‌ܐ، ܐܸܠܵܐ ܩܘܼܒܸܠܔ ܠܵܘܟ݂ܘܿܢ ܪܘܼܚܵܐ ܕܒܪܘܿܢܘܼܬܵ‌ܐ ܕܒܝܼܘܼܗ̇ ܒܸܩܪܵܝܵܐ ܝܘܲܚ: ”ܐܲܒܵܐ، ܒܵܒܵܐ.“  
\v 16 ܗ̇ܘ ܪܘܼܚܵܐ ܒܓܵܢܹܗ ܒܝܼܵܗܒ݂ܵܐ ܝܠܹܗ ܣܵܗܕܘܼܬܵ‌ܐ ܠܪܘܼܚܲܢ، ܕܒܢܘܿܢܹ̈ܐ ܕܐܲܠܵܗܵܐ ܝܘܲܚ.  
\v 17 ܣܵܒܵܒ ܒܢܘܿܢܹ̈ܐ ܝܘܲܚ، ܝܵܪ̈ܘܿܬܹ‌ܐ ܝܘܲܚ، ܝܵܪ̈ܘܿܬܹ‌ܐ ܕܐܲܠܵܗܵܐ ܘܒܢܲܝ̈ ܝܵܪܬܘܼܬܵ‌ܐ ܥܲܡ ܡܫܝܼܚܵܐ، ܕܐܸܢ ܓ̰ܲܢܓ̰ܸܪܲܚ ܥܲܡܹܗ، ܒܸܬ ܦܵܝܫܲܚ ܚܩܝܼܪܹܐ ܥܲܡܹܗ. 
\s1 ܚܩܪܐ ܕܕܥܬܝܕ 
\p  
\v 18 ܚܵܬܸܪܓ̰ܲܡܥ ܝܼܘܸܢ ܕܓ̰ܘܼܢܓ̰ܵܪ̈ܲܢ ܕܐܵܗܵܐ ܙܲܒ݂ܢܵܐ ܠܹܐ ܝܢܵܐ ܚܫܝܼܚܹܐ ܕܦܵܝܫܝܼ ܡܘܼܕܒܸܩܹܐ ܥܲܡ ܚܸܩܪܵܐ ܕܦܵܐܹܫ ܓܸܠܝܵܐ ܐܸܠܲܢ.  
\v 19 ܣܵܒܵܒ ܒܪܝܼܬܵ‌ܐ ܒܠܗܝܼܩܘܼܬܵ‌ܐ ܒܸܣܦܵܪܵܐ ܝܠܵܗ̇ ܠܓܸܠܝܵܢܵܐ ܕܒܢܘܿܢܹ̈ܐ ܕܐܲܠܵܗܵܐ.  
\v 20 ܣܵܒܵܒ ܒܪܝܼܬܵ‌ܐ ܦܝܼܫ ܠܵܗ̇ ܥܒ݂ܝܼܕܬܵ‌ܐ ܙܲܒܛ ܠܣܪܝܼܩܘܼܬܵ‌ܐ، ܠܵܐ ܒܨܸܒ݂ܝܵܢܘܼܗ̇، ܐܸܠܵܐ ܒܨܸܒ݂ܝܵܢܵܐ ܕܗ̇ܘ ܕܥܒ݂ܝܼܕܵܐ ܠܹܗ ܙܲܒܛ، ܒܗܹܒ݂ܝܼ،  
\v 21 ܕܐܘܼܦ ܗ̇ܝ ܒܓܵܢܘܼܗ̇ ܦܵܝܫܵܐ ܫܪܝܼܬܵ‌ܐ ܡ̣ܢ ܥܲܒ݂ܕܘܼܬܵ‌ܐ ܕܚܪܵܒ݂ܵܐ ܠܚܹܐܪܘܼܬܵ‌ܐ ܚܩܝܼܪܬܵ‌ܐ ܕܒܢܘܿܢܹ̈ܐ ܕܐܲܠܵܗܵܐ،  
\v 22 ܣܵܒܵܒ ܒܝܼܕܵܥܵܐ ܝܘܲܚ ܕܒܪܝܼܬܵ‌ܐ ܟܠܵܗ̇ ܬܲܢܘܼܚܹܐ ܝܠܵܗ̇ ܒܐܘܼܠܨܵܢܹ̈ܐ ܗܲܠܔ ܐܵܕܝܼܵܐ.  
\v 23 ܘܠܵܐ ܐܲܚܟ̰ܝܼ ܗܵܕܟ݂ܵܐ، ܐܝܼܢܵܐ ܐܘܼܦ ܐܲܚܢܲܢ ܕܐܝܼܬ ܠܲܢ ܪܘܼܚܵܐ، ܕܝܼܠܵܗ̇ ܛܥܘܼܢܬܵ‌ܐ ܩܲܕܡܵܝܬܵ‌ܐ، ܬܲܢܘܼܚܹܐ ܝܘܲܚ ܒܓܵܢܲܢ ܘܒܸܣܦܵܪܵܐ ܕܦܵܝܫܲܚ ܥܒ݂ܝܼܕܹܐ ܒܢܘܿܢܹ̈ܐ، ܠܦܘܼܪܩܵܢܵܐ ܕܦܲܓ݂ܪܲܢ.  
\v 24 ܒܐܵܗܵܐ ܗܹܒ݂ܝܼ ܦܝܼܫ ܠܲܢ ܦܘܼܪܩܹܐ. ܐܝܼܢܵܐ ܗܹܒ݂ܝܼ ܕܦܵܝܫܵܐ ܚܙܝܼܬܵ‌ܐ ܠܹܐ ܝܠܵܗ̇ ܗܹܒ݂ܝܼ. ܡܵܢܝܼ ܒܸܬ ܣܵܦܹܪ ܒܗܹܒ݂ܝܼ ܥܲܠܔ ܡܸܢܕܝܼ ܕܚܵܙܹܐ ܠܹܗ؟  
\v 25 ܐܝܼܢܵܐ ܐܸܢ ܒܗܹܒ݂ܝܼ ܝܘܲܚ ܥܲܠܔ ܡܸܢܕܝܼ ܕܠܹܐ ܝܘܲܚ ܒܸܚܙܵܝܹܗ، ܗ̇ܝܓܵܗ ܒܸܬ ܣܵܦܪܲܚ ܥܲܠܘܼܗ‌ܝ ܒܚܡܵܠܬܵ‌ܐ.  
\v 26 ܗܵܕܟ݂ܵܐ ܐܘܼܦ ܪܘܼܚܵܐ ܟܹܐ ܗܲܝܸܪ ܠܙܲܒܘܼܢܘܼܬܲܢ. ܠܹܐ ܝܵܕܥܲܚ ܕܵܐܟ݂ܝܼ ܨܲܠܲܚ، ܐܝܼܢܵܐ ܪܘܼܚܵܐ ܒܓܵܢܹܗ ܟܹܐ ܦܲܪܦܸܠܔ ܡ̣ܢ ܓܹܒܲܢ ܒܬܲܢܲܚܝܵܬܹ̈‌ܐ ܕܠܹܐ ܐܵܬ‌ܝܼ ܠܗܲܡܙܘܼܡܹܐ.  
\v 27 ܘܗ̇ܘ ܕܟܹܐ ܨܲܚܨܹܐ ܠܸܒܵܘܵܬܹ̈‌ܐ ܟܹܐ ܝܵܕܹܥ ܪܸܥܝܵܢܵܐ ܕܪܘܼܚܵܐ، ܣܵܒܵܒ ܪܘܼܚܵܐ ܟܹܐ ܦܲܪܦܸܠܔ ܡ̣ܢ ܓܹܒܵܐ ܕܩܲܕܝܼܫܹ̈ܐ ܐܲܝܟ݂ ܨܸܒ݂ܝܵܢܵܐ ܕܐܲܠܵܗܵܐ. 
\s1 ܙܘܕܐ ܡ̣ܢ ܓ݂ܠܒܢ̈ܐ 
\p  
\v 28 ܟܹܐ ܝܵܕܥܲܚ ܕܐܲܠܵܗܵܐ ܟܹܐ ܥܵܒܹܕ ܟܠܵܝܗ‌ܝ ܡܸܢܕܝܼܵܢܹ̈ܐ ܕܦܵܠܚܝܼ ܠܛܵܒ݂ܬܵ‌ܐ ܠܐܵܢܝܼ ܕܟܹܐ ܡܲܚܸܒܝܼ ܠܐܲܠܵܗܵܐ، ܠܐܵܢܝܼ ܕܓܘܼܒܝܵܝ ܠܹܗ ܩܵܐ ܢܝܼܫܵܐ ܕܕܝܼܹܗ،  
\v 29 ”ܣܵܒܵܒ ܐܵܢܝܼ ܕܐܲܠܵܗܵܐ ܝܕܝܼܥܵܝ ܠܹܗ ܡ̣ܢ ܩܲܕܡܵܝܬܵ‌ܐ ܪܫܝܼܡܵܝ ܠܹܗ ܡ̣ܢ ܩܲܕܡ ܥܕܵܢܵܐ ܕܗܵܘܝܼ ܒܕܡܘܼܬܵ‌ܐ ܕܒܪܘܿܢܹܗ، ܕܗ̇ܘ ܗܵܘܹܐ ܒܘܼܟ݂ܪܵܐ ܓܵܘ ܪܵܒܵܐ ܐܲܚܘܿܢܘܵܬܹ̈‌ܐ.  
\v 30 ܘܐܵܢܝܼ ܕܩܲܕܡܵܝܬܵ‌ܐ ܪܫܝܼܡܵܝ ܠܹܗ، ܩܸܪܝܵܝ ܠܹܗ؛ ܘܐܵܢܝܼ ܕܩܸܪܝܵܝ ܠܹܗ، ܡܘܼܟܫܸܛܵܝ ܠܹܗ؛ ܘܐܵܢܝܼ ܕܡܘܼܟܫܸܛܵܝ ܠܹܗ، ܚܩܝܼܪܵܝ ܠܹܗ.  
\v 31 ܡܘܼܕܝܼ ܐܵܡܪܲܚ ܒܘܼܬ ܐܲܢܹܐ؟ ܐܸܢ ܐܲܠܵܗܵܐ ܠܓܹܒܲܢ ܝܼܠܹܗ، ܡܵܢܝܼ ܟܹܐ ܡܵܨܹܐ ܗܵܘܹܐ ܕܲܠܩܘܼܒ݂ܠܲܢ؟  
\v 32 ܗ̇ܘ ܕܠܵܐ ܚܣܝܼܟ݂ ܠܹܗ ܠܒܪܘܿܢܵܐ ܕܓܵܢܹܗ، ܐܸܠܵܐ ܬܘܼܣܠܸܡ ܠܹܗ ܡ̣ܢ ܓܹܒܵܐ ܕܟܠܲܢ، ܕܵܐܟ݂ܝܼ ܥܲܡܹܗ ܠܹܐ ܝܵܗܒܹܠܔ ܠܲܢ ܟܠܔ ܡܸܢܕܝܼ؟  
\v 33 ܡܵܢܝܼ ܒܸܬ ܕܵܒܹܩ ܓܢܵܗܵܐ ܥܲܠܔ ܓܘܼܒܝܹ̈ܐ ܕܐܲܠܵܗܵܐ؟ ܐܲܠܵܗܵܐ ܝܠܹܗ ܗ̇ܘ ܕܡܲܟܫܸܛ.  
\v 34 ܡܵܢܝܼ ܒܸܬ ܕܵܐܹܢ؟ ܡܫܝܼܚܵܐ ܝܼܫܘܿܥ ܕܡܝܼܬ ܠܹܗ ܘܩܝܼܡ ܠܹܗ، ܘܥܲܠܔ ܝܲܡܝܼܢܵܐ ܕܐܲܠܵܗܵܐ ܝܠܹܗ ܘܦܲܪܦܘܼܠܹܐ ܝܠܹܗ ܡ̣ܢ ܓܹܒܲܢ.  
\v 35 ܡܵܢܝܼ ܒܸܬ ܦܵܪܹܫ ܠܲܢ ܡ̣ܢ ܚܘܼܒܵܐ ܕܡܫܝܼܚܵܐ؟ ܐܘܼܠܨܵܢܵܐ، ܝܲܢ ܥܵܘܩܵܢܵܐ ܝܲܢ ܪܕܘܼܦܝܵܐ، ܝܲܢ ܟܸܦܢܵܐ، ܝܲܢ ܫܘܼܠܚܵܝܘܼܬܵ‌ܐ، ܝܲܢ ܩܹܘܲܢܕܹܢܘܿܣ، ܝܲܢ ܣܲܝܦܵܐ؟  
\v 36 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܒܘܼܬ ܕܝܼܘܼܟ݂ ܦܝܵܫܵܐ ܝܘܲܚ ܩܛܝܼܠܹܐ ܟܠܹܗ ܝܵܘܡܵܐ، ܐܲܝܟ݂ ܥܸܪ̈ܒܹܐ ܠܦܪܵܡܬܵ‌ܐ ܦܝܼܫܹܐ ܝܘܲܚ ܚܘܼܫܒܸܢܹܐ.\x + \xo 8:36 \xt ܡܙܡܘܪܐ 44‏:22\x* 
\v 37 ܐܝܼܢܵܐ ܓܵܘ ܟܠܵܝܗ‌ܝ ܐܲܢܹܐ ܒܘܼܫ ܙܵܘܕܵܐ ܡ̣ܢ ܓ݂ܵܠܒܵܢܹ̈ܐ ܝܘܲܚ ܒܝܲܕ ܗ̇ܘ ܕܩܵܡ ܡܲܚܸܒ ܠܲܢ.  
\v 38 ܣܵܒܵܒ ܗܲܡܘܼܢܹܐ ܝܘܸܢ، ܕܠܵܐ ܡܵܘܬܵ‌ܐ، ܘܠܵܐ ܚܲܝܹ̈ܐ، ܘܠܵܐ ܡܲܠܲܐܟܹ̈ܐ، ܘܠܵܐ ܚܲܝܠܵܘܵܬܹ̈‌ܐ، ܘܠܵܐ ܡܸܢܕܝܼܵܢܹ̈ܐ ܕܩܵܐܹܡ، ܘܠܵܐ ܡܸܢܕܝܼܵܢܹ̈ܐ ܕܕܲܥܬܝܼܕ، ܘܠܵܐ ܚܲܝ̈ܠܹܐ،  
\v 39 ܘܠܵܐ ܪܵܘܡܵܐ، ܘܠܵܐ ܥܘܼܡܩܵܐ، ܘܠܵܐ ܡܸܢܕܝܼ ܐܚܹܪܢܵܐ ܕܝܼܠܹܗ ܒܸܪܝܵܐ ܡܵܨܝܼ ܦܵܪܫܝܼ ܠܲܢ ܡ̣ܢ ܚܘܼܒܵܐ ܕܐܲܠܵܗܵܐ ܕܝܼܠܹܗ ܒܝܼܫܘܿܥ ܡܫܝܼܚܵܐ ܡܵܪܲܢ. 
\c 9  
\s1 ܓܒܝܬ‌ܐ ܕܐܠܗܐ 
\p  
\v 1 ܫܪܵܪܵܐ ܗܲܡܙܘܼܡܹܐ ܝܘܸܢ ܒܡܫܝܼܚܵܐ، ܘܠܹܐ ܝܘܸܢ ܕܲܓܘܼܠܹܐ، ܘܐܸܢܝܲܬ‌ܝܼ ܒܸܣܗܵܕܵܐ ܝܠܵܗ̇ ܥܲܠܝܼ ܒܪܘܼܚܵܐ ܕܩܘܼܕܫܵܐ،  
\v 2 ܕܦܵܫܲܡܬܵ‌ܐ ܓܘܼܪܬܵ‌ܐ ܐܝܼܬ ܠܝܼ، ܘܚܲܫܵܐ ܡ̣ܢ ܓܵܘ ܠܸܒܝܼ ܠܹܐ ܝܠܹܗ ܒܸܦܪܵܩܵܐ.  
\v 3 ܣܵܒܵܒ ܐܵܢܵܐ ܒܵܥܹܝܢ ܗܘܵܐ ܕܒܓܵܢܝܼ ܗܵܘܹܝܢ ܗܘܵܐ ܡܘܼܚܪܸܡܵܐ ܡ̣ܢ ܡܫܝܼܚܵܐ ܒܘܼܬ ܚܵܬܸܪ ܕܐܲܚܘܿܢܘܵܬ‌ܝܼ̈، ܘܚܸܙܡܵܢܝܼ̈ ܒܦܲܓ݂ܪܵܐ،  
\v 4 ܕܝܼܢܵܐ ܒܢܲܝ̈ ܐܝܼܣܪܵܐܹܝܠܔ، ܘܕܝܼܵܝܗ‌ܝ ܝܠܵܗ̇ ܒܪܘܿܢܘܼܬܵ‌ܐ، ܘܚܸܩܪܵܐ، ܘܘܲܥܕܹ̈ܐ، ܘܝܵܗܒ݂ܵܠܬܵ‌ܐ ܕܢܵܡܘܿܣܵܐ، ܘܣܓ݂ܵܕܬܵ‌ܐ ܘܩܵܘܠܹ̈ܐ،  
\v 5 ܘܕܝܼܵܝܗ‌ܝ ܝܢܵܐ ܐܲܒ݂ܵܗܵܬܹ̈‌ܐ، ܘܡܸܢܵܝܗ‌ܝ ܝܠܹܗ ܡܫܝܼܚܵܐ ܡ̣ܢ ܐܢܵܫܘܼܬܹܗ ܓܹܒܵܐ، ܗ̇ܘ ܕܝܼܠܹܗ ܐܲܠܵܗܵܐ ܥܲܠܔ ܟܠܔ، ܡܒܘܼܪܟ݂ܵܐ ܠܥܵܠܡܝܼܢ، ܐܵܡܹܝܢ.  
\v 6 ܐܝܼܢܵܐ ܠܹܐ ܝܠܵܗ̇ ܒܛܝܼܠܬܵ‌ܐ ܗܹܡܸܙܡܵܢ ܕܐܲܠܵܗܵܐ. ܣܵܒܵܒ ܟܠܵܝܗ‌ܝ ܐܵܢܝܼ ܕܝܼܢܵܐ ܡ̣ܢ ܒܢܲܝ̈ ܐܝܼܣܪܵܐܹܝܠܔ ܠܹܐ ܝܢܵܐ ܝܼܣܲܪ̈ܠܵܝܹܐ،  
\v 7 ܘܠܵܐ ܐܵܢܝܼ ܕܝܼܢܵܐ ܡ̣ܢ ܙܲܪܥܵܐ ܕܐܲܒ݂ܪܵܗܵܡ ܒܢܘܿܢܹ̈ܐ ܕܐܲܒ݂ܪܵܗܵܡ ܝܼܢܵܐ، ܐܸܠܵܐ 
\q1 ܒܐܝܼܣܚܵܩ ܒܸܬ ܦܵܐܹܫ ܝܘܼܗܒ݂ܵܐ ܐܸܠܘܼܟ݂ ܙܲܪܥܵܐ.\x + \xo 9:7 \xt ܒܪܝܬ‌ܐ 21‏:12\x* 
\v 8 ܝܲܥܢܹܐ، ܠܹܐ ܝܠܵܗ̇ ܕܒܢܘܿܢܹ̈ܐ ܕܦܲܓ݂ܪܵܐ ܕܝܼܢܵܐ ܒܢܘܿܢܹ̈ܐ ܕܐܲܠܵܗܵܐ، ܐܸܠܵܐ ܒܢܘܿܢܹ̈ܐ ܕܩܵܘܠܵܐ، ܐܲܢܹܐ ܝܢܵܐ ܚܘܼܫܒܸܢܹܐ ܠܙܲܪܥܵܐ.  
\v 9 ܣܵܒܵܒ ܐܵܗܵܐ ܝܠܵܗ̇ ܗܹܡܸܙܡܵܢ ܕܩܵܘܠܵܐ ܕܦܝܼܫܬܵ‌ܐ ܝܗܘܵܐ ܐܡܝܼܪܬܵ‌ܐ: 
\q1 ܡܐܲܝܟ݂ ܐܵܗܵܐ ܥܕܵܢܵܐ ܒܸܬ ܐܵܬܹܝܢ، ܘܣܲܪܵܐ ܒܸܬ ܗܵܘܹܐ ܠܵܗ̇ ܒܪܘܿܢܵܐ.\x + \xo 9:9 \xt ܒܪܝܬ‌ܐ 18‏:10، 14\x* 
\v 10 ܘܠܵܐ ܐܲܚܟ̰ܝܼ ܐܵܗܵܐ، ܐܝܼܢܵܐ ܐܘܼܦ ܪܲܦܩܵܐ ܙܘܼܘܸܓ ܠܵܗ̇ ܥܲܡ ܚܲܕ، ܥܲܡ ܒܵܒܲܢ ܐܝܼܣܚܵܩ.  
\v 11 ܣܵܒܵܒ ܡ̣ܢ ܩܲܕܡ ܕܦܵܝܫܝܼ ܗܘܵܘ ܝܠܝܼܕܹܐ ܒܢܘܿܢܹ̈ܐ، ܘܡ̣ܢ ܩܲܕܡ ܕܥܵܒ݂ܕܝܼ ܗܘܵܘ ܛܵܒ݂ܬܵ‌ܐ ܝܲܢ ܒܝܼܫܬܵ‌ܐ، ܦܝܼܫ ܠܹܗ ܡܘܼܩܘܝܼܵܐ ܢܝܼܫܵܐ ܕܐܲܠܵܗܵܐ ܒܓܲܒܲܝܬܵ‌ܐ،  
\v 12 ܠܵܐ ܒܝܲܕ ܦܘܼܠܚܵܢܹ̈ܐ ܐܸܠܵܐ ܒܝܲܕ ܗ̇ܘ ܕܟܹܐ ܓܲܒܹܐ ܦܝܼܫ ܠܹܗ ܐܡܝܼܪܵܐ ܐܸܠܘܼܗ̇: 
\q1 ܗ̇ܘ ܓܘܼܪܵܐ ܒܸܬ ܥܵܒܹܕ ܚܸܠܡܲܬ ܠܗ̇ܘ ܙܥܘܿܪܵܐ.\x + \xo 9:12 \xt ܒܪܝܬ‌ܐ 25‏:23\x* 
\v 13 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܠܝܲܥܩܘܿܒ݂ ܡܘܼܚܸܒ ܠܝܼ، ܘܠܥܹܣܘܿ ܣܢܹܐ ܠܝܼ.\x + \xo 9:13 \xt ܡܠܐܟ݂ܝ 1‏:2‏-3\x* 
\v 14 ܡܘܼܕܝܼ ܐܵܡܪܲܚ؟ ܠܲܝܬ ܫܪܵܪܵܐ ܠܟܸܣ ܐܲܠܵܗܵܐ؟ ܚܵܣ ܠܝܼ.  
\v 15 ܣܵܒܵܒ ܐܡܝܼܪܹܗ ܠܡܘܼܫܹܐ: 
\q1 ܒܸܬ ܥܵܒ݂ܕܹܢ ܪ̈ܲܚܡܹܐ ܥܲܠܔ ܡ̇ܢ ܕܥܵܒ݂ܕܹܢ ܪ̈ܲܚܡܹܐ، ܘܒܸܬ ܥܵܒ݂ܕܹܢ ܫܵܦܵܩܲܬ ܥܲܠܔ ܡ̇ܢ ܕܥܵܒ݂ܕܹܢ ܫܵܦܵܩܲܬ.\x + \xo 9:15 \xt ܡܦܩܢܐ 33‏:19\x* 
\v 16 ܗܵܕܟ݂ܵܐ، ܠܹܐ ܝܠܵܗ̇ ܟܠܝܼܬܵ‌ܐ ܥܲܠܔ ܗ̇ܘ ܕܒܵܥܹܐ، ܘܠܵܐ ܥܲܠܔ ܗ̇ܘ ܕܓ̰ܲܪܸܒ ܒܚܲܝܠܹܗ، ܐܸܠܵܐ ܥܲܠܔ ܪ̈ܲܚܡܹܐ ܕܐܲܠܵܗܵܐ.  
\v 17 ܣܵܒܵܒ ܦܝܼܫ ܠܹܗ ܐܡܝܼܪܵܐ ܓܵܘ ܟܬܵܒ݂ܵܐ ܠܦܸܪܥܘܿܢ: 
\q1 ܩܵܐ ܐܵܗܵܐ ܢܝܼܫܵܐ ܩܵܡ ܡܲܩܸܡܸܢܘܼܟ݂، ܕܡܲܚܙܹܝܢ ܚܲܝܠܝܼ ܒܝܼܘܼܟ݂، ܘܕܦܵܐܹܫ ܝܕܝܼܥܵܐ ܫܸܡܝܼ ܓܵܘ ܟܠܵܗ̇ ܐܲܪܥܵܐ.\x + \xo 9:17 \xt ܡܦܩܢܐ 9‏:16\x* 
\v 18 ܗܵܕܟ݂ܵܐ، ܐܲܠܵܗܵܐ ܟܹܐ ܥܵܒܹܕ ܪ̈ܲܚܡܹܐ ܠܡ̇ܢ ܕܒܵܥܹܐ ܥܵܒܹܕ ܪ̈ܲܚܡܹܐ، ܘܡܲܩܫܹܐ ܠܸܒܵܐ ܕܡ̇ܢ ܕܒܵܥܹܐ ܡܲܩܫܹܐ ܠܸܒܹܗ.  
\v 19 ܩܵܘܡܵܐ ܒܸܬ ܐܵܡܪܹܬ ܐܸܠܝܼ: ”ܩܵܡܘܿܕܝܼ ܐܲܠܵܗܵܐ ܒܸܬ ܕܵܒܹܩ ܓܢܵܗܵܐ ܥܲܠܲܢ؟ ܣܵܒܵܒ ܡܵܢܝܼ ܡܵܨܹܐ ܟܵܠܹܐ ܕܲܠܩܘܼܒ݂ܠܔ ܕܨܸܒ݂ܝܵܢܹܗ؟“  
\v 20 ܠܵܐ. ܡܵܢܝܼ ܝܘܸܬ ܐܲܢ݇ܬ ܝܵܐ ܒܲܪܢܵܫܵܐ ܕܓ̰ܲܘܸܒܸܬ ܠܐܲܠܵܗܵܐ؟ ܡܵܨܝܵܐ ܐܵܡܪܵܐ ܓܒ݂ܝܼܠܬܵ‌ܐ ܠܓܵܒ݂ܠܵܢܵܐ: ”ܩܵܡܘܿܕܝܼ ܗܵܕܟ݂ܵܐ ܩܵܡ ܓܵܒ݂ܠܹܬ ܠܝܼ؟“\x + \xo 9:20 \xt ܐܫܥܝܐ 29‏:16؛ 45‏:9\x* 
\v 21 ܠܲܝܬ ܠܹܗ ܦܲܚܵܪܵܐ ܫܘܼܠܛܵܢܵܐ ܥܲܠܔ ܛܝܼܢܵܐ ܕܥܵܒܹܕ ܗܲܪ ܡ̣ܢ ܚܕܵܐ ܓܒ݂ܝܼܠܬܵ‌ܐ ܕܛܝܼܢܵܐ ܚܲܕ ܡܵܐܢܵܐ ܠܐܝܼܩܵܪܵܐ ܘܗ̇ܘ ܐܚܹܪܢܵܐ ܠܡܲܣܠܲܝܬܵ‌ܐ؟  
\v 22 ܡܘܼܕܝܼ ܐܸܢ ܐܲܠܵܗܵܐ ܒܥܹܐ ܠܹܗ ܕܡܲܚܙܹܐ ܟܲܪܒܹܗ ܘܡܲܕܸܥ ܚܲܝܠܹܗ، ܡܘܼܪܝܸܟ݂ ܠܹܗ ܒܹܐܢܹܗ ܥܲܠܔ ܡܵܐܢܹ̈ܐ ܕܟܲܪܒܵܐ ܕܝܼܢܵܐ ܗܘܼܕܪܹܐ ܠܛܠܵܩܵܐ؟  
\v 23 ܘܕܡܲܚܙܹܐ ܝܘܼܬܪܵܢܵܐ ܕܫܘܼܒ݂ܚܹܗ ܠܐܵܢܝܼ ܕܝܼܢܵܐ ܗܘܼܕܪܹܐ ܠܪ̈ܲܚܡܹܐ، ܐܵܢܝܼ ܕܡ̣ܢ ܩܲܕܡܵܝܬܵ‌ܐ ܗܘܼܕܪܵܝ ܠܹܗ ܠܚܸܩܪܵܐ،  
\v 24 ܐܘܼܦ ܐܲܚܢܲܢ، ܐܵܢܝܼ ܕܐܲܠܵܗܵܐ ܓܘܼܒܝܵܝ ܠܹܗ ܠܵܐ ܐܲܚܟ̰ܝܼ ܡ̣ܢ ܝܗܘܼܕܵܝܹ̈ܐ ܐܝܼܢܵܐ ܐܘܼܦ ܡ̣ܢ ܐܸܡܘܵܬܹ̈‌ܐ.  
\v 25 ܕܵܐܟ݂ܝܼ ܕܐܘܼܦ ܗܘܿܫܲܥ ܢܒ݂ܝܼܵܐ ܐܡܝܼܪܹܗ: 
\q1 ܐܵܢܝܼ ܕܠܹܐ ܝܢܵܐ ܥܲܡܝܼ، ܒܸܬ ܩܵܪܹܢܗܘܿܢ ܥܲܡܝܼ، ܘܗ̇ܝ ܕܠܹܐ ܝܠܵܗ̇ ܡܘܼܚܸܒܬܵ‌ܐ، ܒܸܬ ܩܵܪܹܢܵܗ̇ ܡܘܼܚܸܒܬܵ‌ܐ.\x + \xo 9:25 \xt ܗܘܫܥ 2‏:23\x* 
\q1  
\v 26 ܘܒܸܬ ܗܵܘܝܵܐ ܒܕܘܼܟܵܐ ܕܦܝܼܫܬܵ‌ܐ ܝܗܘܵܐ ܐܡܝܼܪܬܵ‌ܐ ܐܸܠܵܝܗ‌ܝ: ܠܹܐ ܝܬܘܿܢ ܥܲܡܝܼ، ܬܵܡܵܐ ܒܸܬ ܦܵܝܫܝܼ ܩܸܪܝܹܐ ܒܢܘܿܢܹ̈ܐ ܕܐܲܠܵܗܵܐ ܚܵܝܵܐ.\x + \xo 9:26 \xt ܗܘܫܥ 1‏:10\x* 
\v 27 ܐܹܫܲܥܝܵܐ ܡܘܼܩܘܸܚ ܠܹܗ ܒܘܼܬ ܐܝܼܣܪܵܐܹܝܠܔ ܘܐܡܝܼܪܹܗ: 
\q1 ܐܘܼܦ ܐܸܢ ܕܗܵܘܹܐ ܡܸܢܝܵܢܵܐ ܕܒܢܲܝ̈ ܐܝܼܣܪܵܐܹܝܠܔ ܐܲܝܟ݂ ܣܹܠܵܐ ܕܝܵܡܵܐ، ܐܲܚܟ̰ܝܼ ܚܲܕ ܣܵܗܡܵܐ ܡܸܢܵܝܗ‌ܝ ܒܸܬ ܦܵܪܹܩ. 
\q1  
\v 28 ܣܵܒܵܒ ܡܵܪܝܵܐ ܒܓ̰ܲܠܕܘܼܬܵ‌ܐ ܒܸܬ ܬܲܡܸܡ ܠܹܗ ܫܘܼܠܹܗ ܥܲܠܔ ܐܲܪܥܵܐ.\x + \xo 9:28 \xt ܐܫܥܝܐ 10‏:22‏-23\x* 
\v 29 ܐܲܝܟ݂ ܕܐܡܝܼܪܹܗ ܐܹܫܲܥܝܵܐ ܡ̣ܢ ܩܲܕܡܵܝܬܵ‌ܐ: 
\q1 ܐܸܢ ܡܵܪܝܵܐ ܚܲܝܠܬܵܢܵܐ ܠܵܐ ܗܵܘܹܐ ܗܘܵܐ ܫܒ݂ܝܼܩܵܐ ܐܸܠܲܢ ܙܲܪܥܵܐ، ܒܸܬ ܗܵܘܲܚ ܗܘܵܘ ܐܲܝܟ݂ ܣܕܘܿܡ ܘܒܸܬ ܕܵܡܲܚ ܗܘܵܘ ܠܥܵܡܘܿܪܵܐ.\x + \xo 9:29 \xt ܐܫܥܝܐ 1‏:9\x* 
\v 30 ܒܘܼܬ ܐܵܗܵܐ ܐܵܡܪܲܚ، ܕܐܸܡܘܵܬܹ̈‌ܐ ܕܠܹܐ ܝܗܘܵܘ ܒܸܛܥܵܝܵܐ ܠܙܲܕܝܼܩܘܼܬܵ‌ܐ ܡܘܼܫ݇ܟ̰ܸܚ ܠܗܘܿܢ ܙܲܕܝܼܩܘܼܬܵ‌ܐ، ܙܲܕܝܼܩܘܼܬܵ‌ܐ ܕܝܼܠܵܗ̇ ܒܗܲܝܡܵܢܘܼܬܵ‌ܐ.  
\v 31 ܐܝܼܢܵܐ ܒܢܲܝ̈ ܐܝܼܣܪܵܐܹܝܠܔ، ܕܒܸܛܥܵܝܵܐ ܝܗܘܵܘ ܠܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܡ̣ܢ ܢܵܡܘܿܣܵܐ، ܠܵܐ ܡܘܼܫ݇ܟ̰ܚܵܐ ܠܗܘܿܢ.  
\v 32 ܩܵܡܘܿܕܝܼ؟ ܣܵܒܵܒ ܠܹܐ ܝܗܘܵܘ ܒܸܛܥܵܝܵܐ ܒܗܲܝܡܵܢܘܼܬܵ‌ܐ ܐܸܠܵܐ ܒܦܘܼܠܚܵܢܹ̈ܐ ܕܢܵܡܘܿܣܵܐ. ܒܘܼܬ ܐܵܗܵܐ ܬܘܼܪܩܸܠܔ ܠܗܘܿܢ ܒܟܹܐܦܵܐ ܕܬܲܪܩܲܠܬܵ‌ܐ.  
\v 33 ܕܵܐܟ݂ܝܼ ܕܝܼܠܹܗ ܟܬܝܼܒ݂ܵܐ: 
\q1 ܒܸܬ ܡܲܬܒܸܢ ܓܵܘ ܨܸܗܝܘܿܢ ܟܹܐܦܵܐ ܕܬܲܪܩܲܠܬܵ‌ܐ، ܘܩܵܝܵܐ ܕܢܦܵܠܬܵ‌ܐ، ܘܡ̇ܢ ܕܗܲܡܸܢ ܒܝܼܹܗ ܠܹܐ ܢܵܟܹܦ.\x + \xo 9:33 \xt ܐܫܥܝܐ 8‏:14؛ 28‏:16\x* 
\c 10  
\p  
\v 1 ܐܲܚܘܿܢܘܵܬ‌ܝܼ̈، ܫܲܗܘܲܬܬܵ‌ܐ ܕܠܸܒܝܼ ܘܦܲܪܦܲܠܬ‌ܝܼ ܒܐܲܠܵܗܵܐ ܒܘܼܬ ܒܢܲܝ̈ ܐܝܼܣܪܵܐܹܝܠܔ ܝܼܠܵܗ̇ ܕܦܵܪܩܝܼ.  
\v 2 ܣܵܒܵܒ ܒܸܣܗܵܕܵܐ ܝܘܸܢ ܡ̣ܢ ܓܹܒܵܝܗ‌ܝ ܕܛܲܢܵܢܹ̈ܐ ܝܢܵܐ ܩܵܐ ܐܲܠܵܗܵܐ، ܐܝܼܢܵܐ ܠܵܐ ܒܝܕܵܥܬܵ‌ܐ.  
\v 3 ܟܲܕ ܠܵܐ ܒܝܼܕܵܥܵܐ ܟܹܐܢܘܼܬܵ‌ܐ ܕܐܲܠܵܗܵܐ، ܘܒܸܛܥܵܝܵܐ ܕܡܲܫ݇ܟ̰ܚܝܼ ܟܹܐܢܘܼܬܵ‌ܐ ܕܓܵܢܵܝܗ‌ܝ، ܠܵܐ ܗܘܹܐ ܠܗܘܿܢ ܙܲܒܛ ܠܟܹܐܢܘܼܬܵ‌ܐ ܕܐܲܠܵܗܵܐ.  
\v 4 ܣܵܒܵܒ ܡܫܝܼܚܵܐ ܝܠܹܗ ܚܘܼܬܵܡܵܐ ܕܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܒܝܲܕ ܢܵܡܘܿܣܵܐ، ܕܗܵܘܝܵܐ ܙܲܕܝܼܩܘܼܬܵ‌ܐ ܠܟܠܔ ܕܗܲܡܸܢ.  
\v 5 ܡܘܼܫܹܐ ܟܬܝܼܒ݂ ܠܹܗ ܒܘܼܬ ܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܒܝܲܕ ܢܵܡܘܿܣܵܐ ܘܐܡܝܼܪܹܗ: 
\q1 ܟܠܔ ܡ̇ܢ ܕܥܵܒܹܕ ܐܲܢܹܐ ܒܸܬ ܚܵܝܹܐ ܒܝܼܵܝܗ‌ܝ.\x + \xo 10:5 \xt ܟܗ̈ܢܐ 18‏:5 \x* 
\v 6 ܐܝܼܢܵܐ ܙܲܕܝܼܩܘܼܬܵ‌ܐ ܕܟܹܐ ܐܵܬܝܵܐ ܒܝܲܕ ܗܲܝܡܵܢܘܼܬܵ‌ܐ ܟܹܐ ܐܵܡܪܵܐ: ”ܠܵܐ ܐܵܡܪܹܬ ܓܵܘ ܠܸܒܘܼܟ݂، ’ܡܵܢܝܼ ܒܸܬ ܐܵܣܹܩ ܠܫܡܲܝܵܐ؟‘\x + \xo 10:6 \xt ܬܢܝܢ ܢܡܘܣܐ 30‏:12 \x* ܝܲܥܢܹܐ ܕܡܲܨܠܹܐ ܠܡܫܝܼܚܵܐ،  
\v 7 ”ܝܲܢ ’ܡܵܢܝܼ ܒܸܬ ܨܵܠܹܐ ܠܥܘܼܡܩܵܐ؟‘\x + \xo 10:7 \xt ܬܢܝܢ ܢܡܘܣܐ 30‏:13\x* ܝܲܥܢܹܐ ܕܡܲܐܣܸܩ ܠܡܫܝܼܚܵܐ ܡ̣ܢ ܡܝܼ̈ܬܹ‌ܐ.“  
\v 8 ܐܝܼܢܵܐ ܡܘܼܕܝܼ ܟܹܐ ܐܵܡܪܵܐ؟ ܟܹܐ ܐܵܡܪܵܐ: ”ܗܹܡܸܙܡܵܢ ܩܘܼܪܒܘܼܟ݂ ܝܼܠܵܗ̇، ܐܘܼܦ ܓܵܘ ܦܘܼܡܘܼܟ݂ ܘܠܸܒܘܼܟ݂ ܝܼܠܵܗ̇،“\x + \xo 10:8 \xt ܬܢܝܢ ܢܡܘܣܐ 30‏:14\x* ܝܲܥܢܹܐ ܗܹܡܸܙܡܵܢ ܕܗܲܝܡܵܢܘܼܬܵ‌ܐ ܕܡܲܟܪܘܼܙܘܼܗ̇ ܝܘܲܚ،  
\v 9 ܕܐܸܢ ܡܵܘܕܹܝܬ ܒܦܘܼܡܘܼܟ݂ ܕܝܼܫܘܿܥ ܡܵܪܲܢ ܝܼܠܹܗ، ܘܗܲܡܸܢܸܬ ܒܠܸܒܘܼܟ݂ ܕܐܲܠܵܗܵܐ ܡܘܼܩܸܡ ܠܹܗ ܐܸܠܹܗ ܡ̣ܢ ܓܵܘ ܡܝܼ̈ܬܹ‌ܐ، ܒܸܬ ܦܵܪܩܹܬ.  
\v 10 ܣܵܒܵܒ ܒܠܸܒܘܼܟ݂ ܟܹܐ ܗܲܡܸܢܸܬ ܘܟܹܐ ܦܵܝܫܹܬ ܡܘܼܟܫܸܛܵܐ، ܘܒܦܘܼܡܘܼܟ݂ ܟܹܐ ܡܵܘܕܹܝܬ ܘܟܹܐ ܦܵܪܩܹܬ.  
\v 11 ܕܵܐܟ݂ܝܼ ܕܒܹܐܡܵܪܵܐ ܝܠܹܗ ܟܬܵܒ݂ܵܐ: 
\q1 ܟܠܔ ܡ̇ܢ ܕܗܲܡܸܢ ܒܝܼܹܗ ܠܹܐ ܢܵܟܹܦ.\x + \xo 10:11 \xt ܐܫܥܝܐ 28‏:16\x* 
\v 12 ܣܵܒܵܒ ܠܲܝܬ ܦܘܼܪܫܘܼܢܝܵܐ ܒܹܝܠܔ ܝܗܘܼܕܵܝܵܐ ܘܝܵܘܢܵܝܵܐ، ܣܵܒܵܒ ܚܲܕ ܡܵܪܝܵܐ ܝܠܹܗ ܥܲܠܔ ܟܠܵܝܗ‌ܝ، ܘܪܵܒܵܐ ܟܹܐ ܒܲܪܸܟ݂ ܠܐܵܢܝܼ ܕܩܵܪܝܼ ܠܹܗ.  
\v 13 ܣܵܒܵܒ ܟܠܔ ܡ̇ܢ ܕܩܵܪܹܐ ܒܫܸܡܵܐ ܕܡܵܪܝܵܐ ܒܸܬ ܦܵܪܹܩ.\x + \xo 10:13 \xt ܝܘܐܝܠܔ 2‏:32\x* 
\v 14 ܐܝܼܢܵܐ ܕܵܐܟ݂ܝܼ ܒܸܬ ܩܵܪܝܼ ܒܫܸܡܵܐ ܕܚܲܕ ܕܠܹܐ ܗܲܡܸܢܝܼ ܒܝܼܹܗ؟ ܘܕܵܐܟ݂ܝܼ ܒܸܬ ܗܲܡܸܢܝܼ ܒܚܲܕ ܕܠܹܐ ܝܢܵܐ ܫܡܝܼܥܹܐ ܒܘܼܬ ܕܝܼܹܗ؟ ܘܕܵܐܟ݂ܝܼ ܒܸܬ ܫܵܡܥܝܼ ܕܠܵܐ ܡܲܟܪܸܙܵܢܵܐ؟  
\v 15 ܘܕܵܐܟ݂ܝܼ ܒܸܬ ܡܲܟܪܸܙܝܼ ܐܸܢ ܠܹܐ ܝܢܵܐ ܦܝܼܫܹܐ ܫܘܼܕܪܹܐ؟ ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܟܡܵܐ ܫܲܦܝܼܪܹ̈ܐ ܝܢܵܐ ܐܲܩܠܵܬܹ̈‌ܐ ܕܡܲܫܚܸܕܵܢܹ̈ܐ ܕܐܹܘܲܢܓܲܠܝܼܘܿܢ!\x + \xo 10:15 \xt ܐܫܥܝܐ 52‏:7\x* 
\v 16 ܐܝܼܢܵܐ ܟܠܵܝܗ‌ܝ ܒܢܲܝ̈ ܐܝܼܣܪܵܐܹܝܠܔ ܠܵܐ ܩܘܼܒܸܠܔ ܠܗܘܿܢ ܠܐܹܘܲܢܓܲܠܝܼܘܿܢ. ܐܲܝܟ݂ ܕܐܡܝܼܪܹܗ ܐܹܫܲܥܝܵܐ: 
\q1 ܡܵܪܝܼ، ܡܵܢܝܼ ܗܘܼܡܸܢܹܗ ܠܗܹܡܸܙܡܵܢܲܢ؟\x + \xo 10:16 \xt ܐܫܥܝܐ 53‏:1 \x* 
\v 17 ܗܵܕܟ݂ܵܐ، ܗܲܝܡܵܢܘܼܬܵ‌ܐ ܟܹܐ ܐܵܬܝܵܐ ܡ̣ܢ ܫܡܵܥܬܵ‌ܐ، ܘܫܡܵܥܬܵ‌ܐ ܡ̣ܢ ܗܹܡܸܙܡܵܢ ܕܡܫܝܼܚܵܐ.  
\v 18 ܐܝܼܢܵܐ ܐܵܢܵܐ ܒܲܩܘܼܪܹܐ ܝܘܸܢ: ܠܹܐ ܝܢܵܐ ܫܡܝܼܥܹܐ ܐܵܢܝܼ؟ ܗܹܐ، ܫܡܝܼܥܹܐ ܝܢܵܐ. 
\q1 ܒܟܠܵܗ̇ ܐܲܪܥܵܐ ܦܠܝܼܛ ܠܹܗ ܩܵܠܵܝܗ‌ܝ، ܘܒܡܲܪ̈ܙܵܢܹܐ ܕܕܘܼܢܝܹܐ ܗܹܡܸܙܡܵܢܵܝܗ‌ܝ.\x + \xo 10:18 \xt ܡܙܡܘܪܐ 19‏:4\x* 
\v 19 ܡܸܢܕܪܸܫ ܒܲܩܘܼܪܹܐ ܝܘܸܢ، ܠܵܐ ܝܕܝܼܥ ܠܗܘܿܢ ܒܢܲܝ̈ ܐܝܼܣܪܵܐܹܝܠܔ؟ ܡ̣ܢ ܩܲܕܡܵܝܬܵ‌ܐ ܡܘܼܫܹܐ ܐܡܝܼܪܹܗ: 
\q1 ܒܸܬ ܥܵܒ݂ܕܹܢܵܘܟ݂ܘܿܢ ܕܒܲܚܸܠܝܼܬܘܿܢ ܒܐܘܼܡܬܵ‌ܐ ܕܠܹܐ ܝܠܵܗ̇ ܐܘܼܡܬܵ‌ܐ، ܘܒܸܬ ܡܲܟܪܸܒܸܢܵܘܟ݂ܘܿܢ ܒܐܘܼܡܬܵ‌ܐ ܕܠܵܐ ܦܲܪܡܲܝܬܵ‌ܐ.\x + \xo 10:19 \xt ܬܢܝܢ ܢܡܘܣܐ 32‏:21\x* 
\v 20 ܐܹܫܲܥܝܵܐ ܩܘܼܫܕܸܪܹܗ ܘܐܡܝܼܪܹܗ: 
\q1 ܦܝܼܫ ܠܝܼ ܡܘܼܫ݇ܟ̰ܚܵܐ ܠܐܵܢܝܼ ܕܠܵܐ ܛܥܹܐ ܠܗܘܿܢ ܐܸܠܝܼ، ܘܦܝܼܫ ܠܝܼ ܓܸܠܝܵܐ ܠܐܵܢܝܼ ܕܠܵܐ ܒܘܼܩܸܪܗܘܿܢ ܥܲܠܝܼ.\x + \xo 10:20 \xt ܐܫܥܝܐ 65‏:1\x* 
\v 21 ܐܝܼܢܵܐ ܒܘܼܬ ܐܝܼܣܪܵܐܹܝܠܔ ܐܡܝܼܪܹܗ: 
\q1 ܟܠܹܗ ܝܵܘܡܵܐ ܦܘܼܫܸܛ ܠܝܼ ܐܝܼܕܵܬ‌ܝܼ̈ ܠܟܸܣ ܥܲܡܵܐ ܠܵܐ ܡܲܨܝܸܬܵܢܵܐ، ܘܡܲܩܪܸܨܵܢܵܐ.\x + \xo 10:21 \xt ܐܫܥܝܐ 65‏:2\x* 
\c 11  
\s1 ܦܪ̈ܝܩܐ ܕܒܢܝ̈ ܐܝܣܪܐܝܠܔ 
\p  
\v 1 ܒܲܩܘܼܪܹܐ ܝܘܸܢ، ܪܘܼܦܹܐ ܠܹܗ ܐܲܠܵܗܵܐ ܠܥܲܡܹܗ؟ ܚܵܣ ܠܝܼ. ܐܘܼܦ ܐܵܢܵܐ ܡ̣ܢ ܒܢܲܝ̈ ܐܝܼܣܪܵܐܹܝܠܔ ܝܼܘܸܢ، ܡ̣ܢ ܙܲܪܥܵܐ ܕܐܲܒ݂ܪܵܗܵܡ، ܡ̣ܢ ܫܲܒ݂ܛܵܐ ܕܒܸܢܝܵܡܹܝܢ.  
\v 2 ܠܵܐ. ܐܲܠܵܗܵܐ ܠܵܐ ܪܘܼܦܹܐ ܠܹܗ ܠܥܲܡܹܗ، ܗ̇ܘ ܕܡ̣ܢ ܩܲܕܡܵܝܬܵ‌ܐ ܝܕܝܼܥ ܠܹܗ. ܠܹܐ ܝܬܘܿܢ ܒܝܼܕܵܥܵܐ ܡܘܼܕܝܼ ܐܡܝܼܪܹܗ ܟܬܵܒ݂ܵܐ ܒܘܼܬ ܐܹܠܝܼܵܐ؟ ܟܲܕ ܒܸܩܒ݂ܵܠܵܐ ܝܗܘܵܐ ܐܹܠܝܼܵܐ ܠܐܲܠܵܗܵܐ ܒܘܼܬ ܐܝܼܣܪܵܐܹܝܠܔ ܐܡܝܼܪܹܗ: 
\q1  
\v 3 ܝܵܐ ܡܵܪܝܵܐ، ܩܛܝܼܠܔ ܠܗܘܿܢ ܠܢܒ݂ܝܼܘܼ̈ܟ݂ ܘܬܠܝܼܚ ܠܗܘܿܢ ܠܡܲܕܒܚܘܼ̈ܟ݂. ܦܝܼܫܵܐ ܝܘܸܢ ܐܵܢܵܐ ܒܢܲܦ̮ܫܝܼ، ܘܓ̰ܲܪܘܼܒܹܐ ܝܢܵܐ ܕܐܘܼܦ ܐܸܠܝܼ ܩܵܛܠܝܼ.\x + \xo 11:3 \xt ܐ ܡܠܟ̈ܐ 19‏:10، 14\x* 
\v 4 ܐܝܼܢܵܐ ܡܘܼܕܝܼ ܝܗܘܵܐ ܓ̰ܘܼܘܵܒ ܕܐܲܠܵܗܵܐ ܐܸܠܹܗ؟ 
\q1 ܫܒ݂ܝܼܩܵܐ ܝܘܸܢ ܩܵܐ ܓܵܢܝܼ ܫܲܒ݂ܥܵܐ ܐܲܠܦܹ̈ܐ ܐܢܵܫܹ̈ܐ، ܐܵܢܝܼ ܕܠܹܐ ܝܢܵܐ ܣܓ݂ܝܼܕܹܐ ܠܒܲܥܠܵܐ.\x + \xo 11:4 \xt ܐ ܡܠܟ̈ܐ 19‏:18\x* 
\v 5 ܐܘܼܦ ܐܵܕܝܼܵܐ ܐܝܼܬ ܚܲܕ ܣܵܗܡܵܐ ܕܝܼܠܹܗ ܦܝܼܫܵܐ ܓܘܼܒܝܵܐ ܒܝܲܕ ܫܵܦܵܩܲܬ.  
\v 6 ܒܵܣ ܐܸܢ ܝܼܠܹܗ ܒܫܵܦܵܩܲܬ، ܐܚܹܪܢܵܐ ܠܹܐ ܝܠܹܗ ܒܦܘܼܠܚܵܢܵܐ. ܘܐܸܢ ܝܼܠܹܗ ܒܦܘܼܠܚܵܢܵܐ، ܫܵܦܵܩܲܬ ܐܚܹܪܢܵܐ ܠܹܐ ܝܠܵܗ̇ ܫܵܦܵܩܲܬ.  
\v 7 ܒܵܣ ܕܵܐܟ݂ܝܼ؟ ܡܸܢܕܝܼ ܕܒܸܛܥܵܝܵܐ ܝܗܘܵܐ ܐܸܠܹܗ ܐܝܼܣܪܵܐܹܝܠܔ ܠܵܐ ܡܘܼܫ݇ܟ̰ܸܚ ܠܹܗ، ܐܝܼܢܵܐ ܐܵܢܝܼ ܕܝܼܗܘܵܘ ܓܘܼܒܝܹ̈ܐ ܡܘܼܫ݇ܟ̰ܸܚ ܠܗܘܿܢ. ܘܐܵܢܝܼ ܐܚܹܪ̈ܢܹܐ ܦܝܼܫ ܠܗܘܿܢ ܡܘܼܩܫܝܼܹܐ ܠܸܒܵܝܗ‌ܝ.  
\v 8 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܐܲܠܵܗܵܐ ܝܘܼܗܒܹܠܔ ܠܹܗ ܐܸܠܵܝܗ‌ܝ ܪܘܼܚܵܐ ܕܫܸܢܬܵ‌ܐ، ܘܥܲܝ̈ܢܹܐ ܕܠܵܐ ܚܵܙܝܼ، ܘܢܵܬܝܵܬܹ̈‌ܐ ܕܠܵܐ ܫܵܡܥܝܼ، ܗܲܠܔ ܐܵܗܵܐ ܝܵܘܡܵܐ.\x + \xo 11:8 \xt ܬܢܝܢ ܢܡܘܣܐ 29‏:4\x* 
\v 9 ܐܘܼܦ ܕܵܘܝܼܕ ܐܡܝܼܪܹܗ: 
\q1 ܗܵܘܹܐ ܦܵܬܘܿܪܵܝܗ‌ܝ ܦܲܚܵܐ ܘܢܸܫܒ݂ܵܐ، ܘܗܵܘܹܐ ܦܘܼܪܥܵܢܵܝܗ‌ܝ ܟܹܐܦܵܐ ܕܬܲܪܩܲܠܬܵ‌ܐ. 
\q1  
\v 10 ܚܲܫܟܸܢܝܼ ܥܲܝ̈ܢܵܝܗ‌ܝ ܕܠܵܐ ܚܵܙܝܼ، ܘܚܲܨܵܝܗ‌ܝ ܗܵܘܹܐ ܟܝܼܦܵܐ ܒܟܠܔ ܙܲܒ݂ܢܵܐ.\x + \xo 11:10 \xt ܐܫܥܝܐ 29‏:10؛ ܡܙܡܘܪܐ 69‏:22‏-23\x* 
\s1 ܦܘܪܩܢܐ ܕܐܡܘܬ̈‌ܐ 
\p  
\v 11 ܡܸܢܕܪܸܫ ܒܲܩܘܼܪܹܐ ܝܘܸܢ: ܢܦܝܼܠܔ ܠܗܘܿܢ ܒܢܲܝ̈ ܐܝܼܣܪܵܐܹܝܠܔ، ܘܠܹܐ ܡܵܨܝܼ ܕܵܝܪܝܼ ܐܚܹܪܢܵܐ؟ ܚܵܣ ܠܝܼ، ܐܝܼܢܵܐ ܒܢܦܵܠܬܵ‌ܐ ܕܝܼܵܝܗ‌ܝ ܗܘܹܐ ܠܹܗ ܦܘܼܪܩܵܢܵܐ ܠܐܸܡܘܵܬܹ̈‌ܐ، ܕܐܵܢܝܼ ܒܲܚܸܠܝܼ.  
\v 12 ܐܸܢ ܓܢܵܗܵܝܗ‌ܝ ܗܘܹܐ ܠܵܗ̇ ܒܘܼܪܟܬܵ‌ܐ ܠܥܵܠܡܵܐ، ܘܚܘܼܣܪܵܢܵܝܗ‌ܝ ܗܘܹܐ ܠܹܗ ܒܘܼܪܟܬܵ‌ܐ ܠܐܸܡܘܵܬܹ̈‌ܐ، ܟܡܵܐ ܙܵܘܕܵܐ ܡܸܠܝܘܼܬܵܝܗ‌ܝ ܒܸܬ ܡܲܝܬܝܵܐ ܒܘܼܪܟܬܵ‌ܐ!  
\v 13 ܗܲܡܙܘܼܡܹܐ ܝܘܸܢ ܐܸܠܵܘܟ݂ܘܿܢ ܐܸܡܘܵܬܹ̈‌ܐ، ܣܵܒܵܒ ܐܵܢܵܐ ܫܠܝܼܚܵܐ ܝܘܸܢ ܠܐܸܡܘܵܬܹ̈‌ܐ، ܘܟܹܐ ܡܝܲܩܪܸܢ ܠܚܸܠܡܲܬ‌ܝܼ،  
\v 14 ܕܩܵܘܡܵܐ ܕܡܲܥܒܸܪܸܢ ܒܩܲܝܪܲܬ ܠܒܢܲܝ̈ ܥܲܡܝܼ، ܘܦܲܪܩܸܢ ܚܲܕܟܡܵܐ ܡܸܢܵܝܗ‌ܝ.  
\v 15 ܣܵܒܵܒ ܐܸܢ ܡܲܣܠܲܝܬܵܝܗ‌ܝ ܗܘܹܐ ܠܵܗ̇ ܣܲܙܓܲܪܬܵ‌ܐ ܠܥܵܠܡܵܐ، ܡܘܼܕܝܼ ܒܘܼܬ ܩܲܒܲܠܬܵܝܗ‌ܝ، ܠܹܐ ܗܵܘܝܵܐ ܚܲܝܹ̈ܐ ܡ̣ܢ ܡܝܼ̈ܬܹ‌ܐ؟  
\v 16 ܐܸܢ ܪܹܝܫܝܼܬܵ‌ܐ ܕܠܲܝܫܵܐ ܕܩܘܼܪܒܵܢܵܐ ܩܲܕܝܼܫܬܵ‌ܐ ܝܠܵܗ̇، ܐܘܼܦ ܓܒ݂ܝܼܠܬܵ‌ܐ ܕܡܸܢܘܼܗ̇ ܩܲܕܝܼܫܬܵ‌ܐ ܝܠܵܗ̇. ܘܐܸܢ ܥܸܩܪܵܐ ܩܲܕܝܼܫܵܐ ܝܠܹܗ، ܐܘܼܦ ܦܲܥܘܵܢܹ̈ܐ ܩܲܕܝܼܫܹ̈ܐ ܝܢܵܐ.  
\v 17 ܐܝܼܢܵܐ ܐܘܼܦ ܐܸܢ ܕܚܲܕܟܡܵܐ ܦܲܥܘܵܢܹ̈ܐ ܦܝܼܫ ܠܗܘܿܢ ܫܡܝܼܛܹܐ، ܘܐܲܢ݇ܬ ܕܝܼܘܸܬ ܙܲܝܬܵ‌ܐ ܕܒܲܪܝܼܵܐ ܦܝܼܫ ܠܘܼܟ݂ ܦܘܼܛܪܸܡܵܐ ܓܵܘܵܝܗ‌ܝ، ܘܗܘܹܐ ܠܘܼܟ݂ ܫܲܪܝܼܟܵܐ ܒܥܸܩܪܵܐ ܘܛܥܘܼܢܬܵ‌ܐ ܕܐܝܼܠܵܢܵܐ ܕܙܲܝܬܵ‌ܐ.  
\v 18 ܠܵܐ ܥܵܒ݂ܕܹܬ ܫܘܼܒ݂ܗܵܪܵܐ ܥܲܠܔ ܦܲܥܘܵܢܹ̈ܐ. ܐܸܢ ܥܵܒ݂ܕܹܬ ܫܘܼܒ݂ܗܵܪܵܐ، ܕܟ݂ܘܿܪ ܕܠܹܐ ܝܘܸܬ ܐܲܢ݇ܬ ܛܥܝܼܢܵܐ ܠܘܲܪ̈ܝܼܕܹܐ ܐܝܼܢܵܐ ܘܲܪ̈ܝܼܕܹܐ ܛܥܝܼܢܘܼܟ݂ ܝܼܢܵܐ.  
\v 19 ܐܲܢ݇ܬ ܒܸܬ ܐܵܡܪܹܬ: ”ܦܲܥܘܵܢܹ̈ܐ ܦܝܼܫ ܠܗܘܿܢ ܫܡܝܼܛܹܐ ܕܐܵܢܵܐ ܗܵܘܹܝܢ ܗܘܵܐ ܦܘܼܛܪܸܡܵܐ.  
\v 20 ܪܵܒܵܐ ܨܦܵܝܝܼ. ܐܵܢܝܼ ܫܡܝܼܛ ܠܗܘܿܢ ܣܵܒܵܒ ܠܵܐ ܗܘܼܡܸܢܗܘܿܢ، ܘܐܲܢ݇ܬ ܟܠܹܐ ܠܘܼܟ݂ ܣܵܒܵܒ ܗܘܼܡܸܢܘܼܟ݂. ܠܵܐ ܥܵܒ݂ܕܹܬ ܫܘܼܒ݂ܗܵܪܵܐ ܐܸܠܵܐ ܙܕܹܥ،  
\v 21 ܣܵܒܵܒ ܐܸܢ ܐܲܠܵܗܵܐ ܠܵܐ ܚܣܝܼܟ݂ ܠܹܗ ܠܦܲܥܘܵܢܹ̈ܐ ܐܲܨܠܵܝܹ̈ܐ، ܐܘܼܦ ܐܸܠܘܼܟ݂ ܠܹܐ ܚܵܣܹܟ݂.  
\v 22 ܚܙܝܼ ܗܵܕܟ݂ܵܐ ܡܲܟܝܼܟ݂ܘܼܬܵ‌ܐ ܘܩܸܫܝܘܼܬܵ‌ܐ ܕܐܲܠܵܗܵܐ. ܩܸܫܝܘܼܬܵ‌ܐ ܠܐܵܢܝܼ ܕܢܦܝܼܠܔ ܠܗܘܿܢ، ܐܝܼܢܵܐ ܡܲܟܝܼܟ݂ܘܼܬܵ‌ܐ ܐܸܠܘܼܟ݂ ܐܸܢ ܟܵܠܹܝܬ ܒܡܲܟܝܼܟ݂ܘܼܬܹܗ. ܘܐܸܢ ܠܵܐ ܟܵܠܹܝܬ، ܐܘܼܦ ܐܲܢ݇ܬ ܒܸܬ ܦܵܝܫܹܬ ܦܪܝܼܡܵܐ.  
\v 23 ܐܘܼܦ ܐܵܢܝܼ، ܐܸܢ ܠܵܐ ܥܲܪܩܸܠܝܼ ܒܠܲܝܬܵܝܘܼܬܵ‌ܐ ܕܗܲܝܡܵܢܘܼܬܵܝܗ‌ܝ ܒܸܬ ܦܵܝܫܝܼ ܦܘܼܛܪܸܡܹܐ، ܣܵܒܵܒ ܐܲܠܵܗܵܐ ܡܵܨܹܐ ܦܲܛܪܸܡ ܠܗܘܿܢ ܚܕܵܐ ܓܵܗܵܐ ܐܚܹܪܬܵ‌ܐ.  
\v 24 ܐܸܢ ܐܲܢ݇ܬ ܦܝܼܫܵܐ ܝܘܸܬ ܗܘܵܐ ܦܪܝܼܡܵܐ ܡ̣ܢ ܐܝܼܠܵܢܵܐ ܕܒܟܝܵܢܹܗ ܙܲܝܬܵ‌ܐ ܕܒܲܪܝܼܵܐ ܝܠܹܗ، ܘܦܝܼܫ ܠܘܼܟ݂ ܦܘܼܛܪܸܡܵܐ ܕܲܠܩܘܼܒ݂ܠܔ ܕܟܝܵܢܵܐ ܥܲܠܔ ܐܝܼܠܵܢܵܐ ܛܵܒ݂ܵܐ ܕܙܲܝܬܵ‌ܐ، ܟܡܵܐ ܒܘܼܫ ܙܵܘܕܵܐ ܐܲܢܹܐ ܦܲܥܘܵܢܹ̈ܐ ܟܝܵܢܵܝܹ̈ܐ ܒܸܬ ܦܵܝܫܝܼ ܦܘܼܛܪܸܡܹܐ ܥܲܠܔ ܐܝܼܠܵܢܵܐ ܐܲܨܠܵܝܵܐ ܕܙܲܝܬܵ‌ܐ. 
\s1 ܟܠܝܗ‌ܝ ܒܢܝ̈ ܐܝܣܪܐܝܠܔ ܒܬ ܦܪܩܝ 
\p  
\v 25 ܩܵܐ ܕܠܵܐ ܗܵܘܹܝܬܘܿܢ ܚܲܟܝܼܡܹ̈ܐ ܒܚܘܼܫܵܒ݂ܵܐ ܕܓܵܢܵܘܟ݂ܘܿܢ، ܝܵܐ ܐܲܚܘܿܢܘܵܬ‌ܝܼ̈، ܒܵܥܹܝܢ ܕܝܵܕܥܝܼܬܘܿܢ ܠܐܵܗܵܐ ܐܪܵܙܵܐ، ܕܩܸܫܝܘܼܬܵ‌ܐ ܕܠܸܒܵܐ ܗܘܹܐ ܠܵܗ̇ ܠܚܲܕ ܣܵܗܡܵܐ ܕܒܢܲܝ̈ ܐܝܼܣܪܵܐܹܝܠܔ ܗܲܠܔ ܕܦܵܐܹܫ ܬܘܼܡܸܡܵܐ ܡܸܢܝܵܢܵܐ ܕܐܸܡܘܵܬܹ̈‌ܐ.  
\v 26 ܗ̇ܝܓܵܗ ܟܠܵܝܗ‌ܝ ܒܢܲܝ̈ ܐܝܼܣܪܵܐܹܝܠܔ ܒܸܬ ܦܵܝܫܝܼ ܦܘܼܪܩܹܐ. ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܒܸܬ ܐܵܬܹ‌ܐ ܦܵܪܘܿܩܵܐ ܡ̣ܢ ܨܸܗܝܘܿܢ، ܘܒܸܬ ܡܲܕܸܪ ܥܵܘܠܵܐ ܡ̣ܢ ܝܲܥܩܘܿܒ݂. 
\q1  
\v 27 ܐܵܗܵܐ ܝܠܹܗ ܘܲܥܕܝܼ ܥܲܡܵܝܗ‌ܝ، ܐܝܼܡܲܢ ܕܦܲܚܠܸܢܗܘܿܢ ܚܛܝܼܵܬܵܝ̈ܗ‌ܝ.\x + \xo 11:27 \xt ܐܫܥܝܐ 27‏:9؛ 59‏:20‏-21\x* 
\v 28 ܡ̣ܢ ܐܹܘܲܢܓܲܠܝܼܘܿܢ ܓܹܒܵܐ ܕܸܫ̃ܡܸܢܹ̈ܐ ܝܢܵܐ ܒܘܼܬ ܕܝܼܵܘܟ݂ܘܿܢ، ܘܡ̣ܢ ܓܲܒܲܝܬܵ‌ܐ ܓܹܒܵܐ ܡܘܼܚܸܒܹ̈ܐ ܝܢܵܐ ܒܘܼܬ ܒܵܒܵܘܵܬܹ̈‌ܐ.  
\v 29 ܣܵܒܵܒ ܐܲܠܵܗܵܐ ܠܹܐ ܕܵܐܹܪ ܒܡܵܘܗܲܒ݂ܬܹܗ ܘܐܘܼܦ ܠܵܐ ܒܟ̰ܝܵܕܬܹܗ.  
\v 30 ܐܲܝܟ݂ ܕܝܼܬܘܿܢ ܗܘܵܘ ܐܲܚܬܘܿܢ ܡ̣ܢ ܩܲܕܡܵܝܬܵ‌ܐ ܠܵܐ ܡܲܨܝܸܬܵܢܹ̈ܐ ܠܐܲܠܵܗܵܐ، ܐܝܼܢܵܐ ܐܵܕܝܼܵܐ ܩܘܼܒܸܠܔ ܠܵܘܟ݂ܘܿܢ ܪ̈ܲܚܡܹܐ ܒܝܲܕ ܥܵܨܝܘܼܬܵ‌ܐ ܕܝܼܵܝܗ‌ܝ،  
\v 31 ܗܵܕܟ݂ܵܐ ܐܘܼܦ ܐܵܢܝܼ ܐܵܕܝܼܵܐ ܠܹܐ ܝܢܵܐ ܡܲܨܝܸܬܵܢܹ̈ܐ ܕܩܲܒܠܝܼ ܪ̈ܲܚܡܹܐ ܐܲܝܟ݂ ܪ̈ܲܚܡܹܐ ܕܐܲܚܬܘܿܢ ܩܘܼܒܸܠܔ ܠܵܘܟ݂ܘܿܢ ܡ̣ܢ ܐܲܠܵܗܵܐ.  
\v 32 ܣܵܒܵܒ ܐܲܠܵܗܵܐ ܚܒ݂ܝܼܫܵܝ ܠܹܗ ܟܠܵܝܗ‌ܝ ܐܢܵܫܹ̈ܐ ܓܵܘ ܥܵܨܝܘܼܬܵ‌ܐ ܕܥܵܒܹܕ ܪ̈ܲܚܡܹܐ ܥܲܠܔ ܟܠܵܝܗ‌ܝ. 
\s1 ܫܘܒ݂ܚܐ ܠܐܠܗܐ 
\p  
\v 33 ܝܵܐ ܥܘܼܡܩܵܐ ܕܥܘܼܬܪܵܐ ܕܚܸܟ݂ܡܬܵ‌ܐ ܘܝܕܵܥܬܵ‌ܐ ܕܐܲܠܵܗܵܐ! ܐܢܵܫܵܐ ܠܹܐ ܡܵܛܹܐ ܠܕܝܼܘܵܢܘܼ̈ܗ‌ܝ، ܘܐܘܼܪ̈ܚܵܬܘܼܗ‌ܝ ܠܹܐ ܐܵܬ‌ܝܼ ܠܨܲܚܨܘܼܝܹܐ. 
\q1  
\v 34 ܡܵܢܝܼ ܟܹܐ ܝܵܕܹܥ ܪܸܥܝܵܢܵܐ ܕܡܵܪܝܵܐ؟ ܝܲܢ ܡܵܢܝܼ ܗܘܹܐ ܠܹܗ ܐܸܠܹܗ ܡܵܠܘܿܟ݂ܵܐ؟\x + \xo 11:34 \xt ܐܫܥܝܐ 40‏:13؛ ܐܪܡܝܐ 23‏:18\x* 
\q1  
\v 35 ܝܲܢ ܡܵܢܝܼ ܝܠܹܗ ܝܘܼܗܒ݂ܵܐ ܠܐܲܠܵܗܵܐ، ܕܐܲܠܵܗܵܐ ܡܲܕܸܪ ܐܸܠܹܗ؟\x + \xo 11:35 \xt ܐܝܘܒ݂ 41‏:11\x* 
\v 36 ܒܗ̇ܝ ܕܟܠܔ ܡܸܢܕܝܼ ܡܸܢܹܗ ܝܠܹܗ، ܘܒܝܼܹܗ ܝܠܹܗ، ܘܐܸܠܹܗ ܝܠܹܗ. ܐܸܠܹܗ ܫܘܼܒ݂ܚܵܐ ܠܥܵܠܲܡ ܥܵܠܡܝܼܢ، ܐܵܡܹܝܢ. 
\c 12  
\s1 ܚܝ̈ܐ ܚܕܬ̈‌ܐ ܒܡܫܝܚܐ 
\p  
\v 1 ܒܘܼܬ ܐܵܗܵܐ، ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܐܲܚܘܿܢܘܵܬ‌ܝܼ̈ ܒܪ̈ܲܚܡܹܐ ܕܐܲܠܵܗܵܐ، ܕܡܲܩܪܸܒ݂ܝܼܬܘܿܢ ܦܲܓ݂ܪ̈ܵܘܟ݂ܘܿܢ ܕܒ݂ܝܼܚܬܵ‌ܐ ܚܵܝܬܵ‌ܐ ܘܩܲܕܝܼܫܬܵ‌ܐ ܘܩܘܼܒܸܠܬܵ‌ܐ ܠܐܲܠܵܗܵܐ، ܕܝܼܠܵܗ̇ ܣܓ݂ܵܕܬܵܘܟ݂ܘܿܢ ܪܘܼܚܵܢܵܝܬܵ‌ܐ.  
\v 2 ܘܠܵܐ ܦܵܝܫܝܼܬܘܿܢ ܡܘܼܕܡܝܼܹܐ ܠܐܵܗܵܐ ܙܲܒ݂ܢܵܐ ܐܸܠܵܐ ܦܘܼܫܘܼܢ ܫܘܼܚܠܸܦܹܐ ܒܚܲܕܲܬܬܵ‌ܐ ܕܪܸܥܝܵܢܵܘܟ݂ܘܿܢ ܕܡܵܨܹܝܬܘܿܢ ܦܵܪܫܝܼܬܘܿܢ ܨܸܒ݂ܝܵܢܵܐ ܕܐܲܠܵܗܵܐ، ܕܝܼܠܹܗ ܛܵܒ݂ܵܐ ܘܒܲܣܝܼܡܵܐ ܘܓܡܝܼܪܵܐ.  
\v 3 ܒܫܵܦܵܩܲܬ ܕܦܝܼܫܬܵ‌ܐ ܝܠܵܗ̇ ܝܘܼܗܒܹܠܬܵ‌ܐ ܐܸܠܝܼ ܒܹܐܡܵܪܵܐ ܝܘܸܢ ܠܟܠܔ ܚܲܕ ܡܸܢܵܘܟ݂ܘܿܢ، ܠܵܐ ܠܸܚܫܵܒ݂ܵܐ ܙܵܘܕܵܐ ܡ̣ܢ ܕܘܵܠܹܐ ܝܠܵܗ̇ ܕܚܵܫܒ݂ܝܼܬܘܿܢ، ܐܸܠܵܐ ܗܵܘܹܝܬܘܿܢ ܒܸܚܫܵܒ݂ܵܐ ܒܢܲܟ݂ܦܘܼܬܵ‌ܐ، ܟܠܔ ܚܲܕ ܐܲܝܟ݂ ܕܦܘܼܠܸܥ ܠܹܗ ܐܸܠܹܗ ܐܲܠܵܗܵܐ ܟܝܘܼܠܵܐ ܕܗܲܝܡܵܢܘܼܬܵ‌ܐ.  
\v 4 ܣܵܒܵܒ ܕܵܐܟ݂ܝܼ ܕܟܠܔ ܚܲܕ ܡܸܢܲܢ ܐܝܼܬ ܠܹܗ ܦܲܓ݂ܪܵܐ، ܐܝܼܢܵܐ ܪܵܒܵܐ ܗܲܕܵܡܹ̈ܐ ܐܝܼܬ ܠܲܢ ܓܵܘ ܐܵܗܵܐ ܦܲܓ݂ܪܵܐ، ܘܐܲܢܹܐ ܗܲܕܵܡܹ̈ܐ ܐܝܼܬ ܠܗܘܿܢ ܦܘܼܠܚܵܢܹ̈ܐ ܦܪ̈ܝܼܫܹܐ،  
\v 5 ܗܵܕܟ݂ܵܐ ܐܘܼܦ ܐܲܚܢܲܢ، ܕܪܵܒܵܐ ܝܘܲܚ، ܚܲܕ ܦܲܓ݂ܪܵܐ ܝܘܲܚ ܒܡܫܝܼܚܵܐ، ܘܗܲܕܵܡܹ̈ܐ ܝܘܲܚ ܚܲܕ ܕܗ̇ܘ ܐܚܹܪܢܵܐ.  
\v 6 ܐܝܼܬ ܠܲܢ ܡܵܘܗܒ݂ܵܬܹ̈‌ܐ ܦܪ̈ܝܼܫܹܐ، ܐܲܝܟ݂ ܫܵܦܵܩܲܬ ܕܦܝܼܫܬܵ‌ܐ ܝܠܵܗ̇ ܝܘܼܗܒܹܠܬܵ‌ܐ ܐܸܠܲܢ. ܐܸܢ ܢܒ݂ܝܼܘܼܬܵ‌ܐ، ܢܲܒܲܚ ܐܲܝܟ݂ ܟܝܘܼܠܵܐ ܕܗܲܝܡܵܢܘܼܬܲܢ؛  
\v 7 ܘܐܸܢ ܚܸܠܡܲܬ، ܥܵܒ݂ܕܲܚ ܚܸܠܡܲܬ؛ ܐܸܢ ܡܲܠܦܵܢܵܐ ܝܠܹܗ، ܒܝܘܼܠܦܵܢܹܗ؛  
\v 8 ܐܸܢ ܝܵܗܒ݂ܵܢܵܐ ܕܠܸܒܵܐ ܝܠܹܗ، ܒܝܵܗܒ݂ܵܠܬܵ‌ܐ ܕܠܸܒܵܐ؛ ܐܸܢ ܗܲܝܸܪܵܢܵܐ ܕܣܢܝܼܩܹ̈ܐ ܝܠܹܗ، ܗܲܝܸܪ ܒܦܫܝܼܛܘܼܬܵ‌ܐ؛ ܘܐܸܢ ܡܗܲܕܝܵܢܵܐ ܝܠܹܗ، ܡܗܲܕܹܐ ܒܚܦܝܼܛܘܼܬܵ‌ܐ؛ ܘܐܸܢ ܥܵܒ݂ܕܵܢܵܐ ܕܪ̈ܲܚܡܹܐ ܝܠܹܗ، ܥܵܒܹܕ ܪ̈ܲܚܡܹܐ ܒܦܨܝܼܚܘܼܬܵ‌ܐ. 
\s1 ܩܢܘܢܐ ܕܚܝ̈ܐ ܕܡܫܝܚܝ̈ܐ 
\p  
\v 9 ܠܵܐ ܗܵܘܹܐ ܚܘܼܒܵܘܟ݂ܘܿܢ ܥܲܠܕܝܼܵܢܵܐ؛ ܗܵܘܹܝܬܘܿܢ ܒܸܣܢܵܝܵܐ ܠܒܝܼܫܬܵ‌ܐ ܘܒܸܬܒܵܥܵܐ ܠܛܵܒ݂ܬܵ‌ܐ.  
\v 10 ܗܵܘܹܝܬܘܿܢ ܡܲܚܘܼܒܹܐ ܚܲܕ ܠܗ̇ܘ ܐܚܹܪܢܵܐ ܒܚܘܼܒܵܐ ܕܐܲܚܘܿܢܘܼܬܵ‌ܐ. ܡܝܲܩܪܘܼܢ ܠܐܚܹܪ̈ܢܹܐ ܒܘܼܫ ܙܵܘܕܵܐ ܡ̣ܢ ܕܠܓܵܢܵܘܟ݂ܘܿܢ.  
\v 11 ܗܵܘܹܝܬܘܿܢ ܚܲܦܛܵܢܹ̈ܐ ܘܠܵܐ ܡܲܟܣܸܠܵܢܹ̈ܐ، ܗܵܘܹܝܬܘܿܢ ܒܸܪܬܵܚܵܐ ܒܪܘܼܚܵܐ، ܗܵܘܹܝܬܘܿܢ ܒܸܦܠܵܚܵܐ ܠܡܵܪܝܵܐ.  
\v 12 ܗܵܘܹܝܬܘܿܢ ܒܸܚܕܵܝܵܐ ܒܗܹܒ݂ܝܼܵܘܟ݂ܘܿܢ، ܗܵܘܹܝܬܘܿܢ ܒܸܚܡܵܠܵܐ ܒܐܘܼܠܨܵܢܵܘ̈ܟ݂ܘܿܢ، ܘܗܵܘܹܝܬܘܿܢ ܐܲܡܝܼܢܵܐܝܼܬ ܒܨܠܘܿܬܵ‌ܐ.  
\v 13 ܗܵܘܹܝܬܘܿܢ ܫܲܪ̈ܝܼܟܹܐ ܒܣܢܝܼܩܘܼܬܵ‌ܐ ܕܩܲܕܝܼܫܹ̈ܐ، ܗܵܘܹܝܬܘܿܢ ܡܪ̈ܲܚܡܵܢܹܐ ܠܢܘܼܟ݂ܪ̈ܵܝܹܐ.  
\v 14 ܒܲܪܟ݂ܘܼܢ ܠܐܵܢܝܼ ܕܟܲܡܪܝܼ ܠܵܘܟ݂ܘܿܢ، ܒܲܪܟ݂ܘܼܢ ܘܠܵܐ ܠܵܝܛܝܼܬܘܿܢ.  
\v 15 ܚܕܹܝܡܘܼܢ ܥܲܡ ܐܵܢܝܼ ܕܚܵܕܝܼ ܘܒܟܹܝܡܘܼܢ ܥܲܡ ܐܵܢܝܼ ܕܒܵܟ݂ܝܼ.  
\v 16 ܗܵܘܹܝܬܘܿܢ ܒܚܲܕ ܪܸܥܝܵܢܵܐ ܚܲܕ ܥܲܡ ܗ̇ܘ ܐܚܹܪܢܵܐ. ܠܵܐ ܗܵܘܹܝܬܘܿܢ ܫܲܒ݂ܗܸܪ̈ܵܢܹܐ، ܐܸܠܵܐ ܗܘܹܝܡܘܼܢ ܥܲܡ ܐܵܢܝܼ ܕܝܼܢܵܐ ܡܲܟܝܼܟܹ̈ܐ. ܠܵܐ ܗܵܘܹܝܬܘܿܢ ܚܲܟܝܼܡܹ̈ܐ ܒܪܸܥܝܵܢܵܐ ܕܓܵܢܵܘܟ݂ܘܿܢ.  
\v 17 ܠܵܐ ܦܵܪܥܝܼܬܘܿܢ ܠܐܢܵܫܵܐ ܒܝܼܫܬܵ‌ܐ ܡ̣ܢ ܓܹܒܵܐ ܕܒܝܼܫܬܵ‌ܐ، ܘܥܒ݂ܘܿܕܘܼܢ ܛܵܒ݂ܵܬܹ̈‌ܐ ܩܲܕܡ ܟܠܵܝܗ‌ܝ ܐܢܵܫܹ̈ܐ.  
\v 18 ܘܐܸܢ ܡܸܬܡܲܨܝܵܢܬܵ‌ܐ ܝܠܵܗ̇ ܐܸܠܵܘܟ݂ܘܿܢ، ܗܘܹܝܡܘܼܢ ܒܫܠܵܡܵܐ ܥܲܡ ܟܠܵܝܗ‌ܝ ܐܢܵܫܹ̈ܐ.  
\v 19 ܠܵܐ ܫܵܩܠܝܼܬܘܿܢ ܬܘܼܥܠܵܐ ܕܓܵܢܵܘܟ݂ܘܿܢ، ܡܘܼܚܸܒܝܼ̈، ܐܝܼܢܵܐ ܫܒ݂ܘܿܩܘܼܢ ܕܘܼܟܵܐ ܩܵܐ ܟܲܪܒܵܐ ܕܐܲܠܵܗܵܐ، ܣܵܒܵܒ ܟܬܝܼܒ݂ܵܐ ܝܠܹܗ: 
\q1 ܫܩܵܠܬܵ‌ܐ ܕܬܘܼܥܠܵܐ ܕܝܼܝܼ ܝܠܵܗ̇، ܐܵܢܵܐ ܒܸܬ ܦܵܪܥܹܢ،\x + \xo 12:19 \xt ܬܢܝܢ ܢܡܘܣܐ 32‏:35\x* ܒܹܐܡܵܪܵܐ ܝܠܹܗ ܡܵܪܝܵܐ.  
\v 20 ܐܝܼܢܵܐ ܐܸܢ ܟܵܦܹܢ ܕܸܫ̃ܡܸܢܘܼܟ݂ ܡܲܐܟܸܠܔ ܠܹܗ، ܘܐܸܢ ܨܵܗܹܐ ܡܲܫܬ‌ܝܼ ܠܹܗ، ܣܵܒܵܒ ܐܸܢ ܥܵܒ݂ܕܹܬ ܐܲܢܹܐ ܐܸܠܹܗ، ܓܘܼܡܪܹ̈ܐ ܕܢܘܼܪܵܐ ܒܸܬ ܓ̰ܲܡܥܸܬ ܥܲܠܔ ܩܲܪܩܲܦܬܹܗ.\x + \xo 12:20 \xt ܡܬܠ̈ܐ 25‏:21‏-22\x* 
\v 21 ܠܵܐ ܓ݂ܵܠܒܵܐ ܠܘܼܟ݂ ܒܝܼܫܬܵ‌ܐ، ܐܝܼܢܵܐ ܓ݂ܠܘܿܒ ܠܒܝܼܫܬܵ‌ܐ ܒܛܵܒ݂ܬܵ‌ܐ. 
\c 13  
\s1 ܡܨܝܬܬ‌ܐ ܠܪ̈ܝܫܢܐ 
\p  
\v 1 ܟܠܔ ܚܲܕ ܫܵܠܹܡ ܠܫܘܼܠܛܵܢܹ̈ܐ ܥܸܠܵܝܹ̈ܐ، ܣܵܒܵܒ ܠܲܝܬ ܫܘܼܠܛܵܢܵܐ ܐܸܠܵܐ ܡ̣ܢ ܐܲܠܵܗܵܐ. ܘܫܘܼܠܛܵܢܹ̈ܐ ܕܐܝܼܬ، ܦܝܼܫܹܐ ܝܢܵܐ ܝܘܼܗܒܹܐ ܒܝܲܕ ܐܲܠܵܗܵܐ.  
\v 2 ܒܘܼܬ ܐܵܗܵܐ، ܡ̇ܢ ܕܩܵܐܹܡ ܕܲܠܩܘܼܒ݂ܠܔ ܕܫܘܼܠܛܵܢܵܐ ܒܸܩܝܵܡܵܐ ܝܠܹܗ ܕܲܠܩܘܼܒ݂ܠܔ ܕܦܘܼܩܕܵܢܵܐ ܕܐܲܠܵܗܵܐ، ܘܐܵܢܝܼ ܕܩܵܝܡܝܼ ܕܲܠܩܘܼܒ݂ܠܔ ܕܦܘܼܩܕܵܢܵܐ ܕܐܲܠܵܗܵܐ ܒܸܬ ܩܲܒܠܝܼ ܕܝܵܢܬܵ‌ܐ ܥܲܠܔ ܓܵܢܵܝܗ‌ܝ.  
\v 3 ܫܲܠܝܼ̈ܛܹܐ ܠܹܐ ܝܢܵܐ ܙܕܘܼܥܬܵ‌ܐ ܠܐܵܢܝܼ ܕܥܵܒ݂ܕܝܼ ܛܵܒ݂ܵܬܹ̈‌ܐ، ܐܸܠܵܐ ܠܐܵܢܝܼ ܕܥܵܒ݂ܕܝܼ ܒܝܼܫܵܬܹ̈‌ܐ. ܒܵܥܹܝܬ ܕܠܵܐ ܙܵܕܥܹܬ ܡ̣ܢ ܫܘܼܠܛܵܢܵܐ؟ ܥܒ݂ܘܿܕ ܛܵܒ݂ܬܵ‌ܐ، ܘܒܸܬ ܗܵܘܹܐ ܠܘܼܟ݂ ܚܸܩܪܵܐ ܡܸܢܹܗ.  
\v 4 ܣܵܒܵܒ ܥܵܒ݂ܕܵܢܵܐ ܕܚܸܠܡܲܬ ܕܐܲܠܵܗܵܐ ܝܠܹܗ ܐܸܠܘܼܟ݂ ܠܛܵܒ݂ܬܵ‌ܐ. ܐܝܼܢܵܐ ܐܸܢ ܥܵܒ݂ܕܹܬ ܒܝܼܫܬܵ‌ܐ، ܙܕܹܥ، ܣܵܒܵܒ ܫܘܼܠܛܵܢܵܐ ܠܹܐ ܝܠܹܗ ܫܩܝܼܠܵܐ ܣܲܝܦܵܐ ܒܣܪܝܼܩܘܼܬܵ‌ܐ. ܗ̇ܘ ܥܵܒ݂ܕܵܢܵܐ ܕܚܸܠܡܲܬ ܕܐܲܠܵܗܵܐ ܝܠܹܗ، ܘܫܵܩܠܵܢܵܐ ܕܬܘܼܥܠܵܐ ܕܟܲܪܒܵܐ ܡ̣ܢ ܗ̇ܘ ܕܥܵܒܹܕ ܒܝܼܫܬܵ‌ܐ.  
\v 5 ܗܵܕܟ݂ܵܐ ܘܵܠܹܐ ܝܠܵܗ̇ ܕܗܵܘܲܚ ܫܵܠܡܵܢܹ̈ܐ، ܠܵܐ ܐܲܚܟ̰ܝܼ ܕܒܸܬ ܦܵܝܫܲܚ ܕܝܼܢܹܐ ܒܟܲܪܒܵܐ، ܐܝܼܢܵܐ ܐܘܼܦ ܒܘܼܬ ܐܸܢܝܲܬܲܢ.  
\v 6 ܒܘܼܬ ܐܵܗܵܐ ܟܹܐ ܦܵܪܥܝܼܬܘܿܢ ܙܘܼܙܵܐ ܕܪܹܝܫܝܼܬܵ‌ܐ، ܣܵܒܵܒ ܫܘܼܠܛܵܢܹ̈ܐ ܥܵܒ݂ܕܵܢܹ̈ܐ ܕܚܸܠܡܲܬ ܕܐܲܠܵܗܵܐ ܝܢܵܐ، ܘܟܹܐ ܕܵܒ݂ܚܝܼ ܥܕܵܢܵܝܗ‌ܝ ܠܐܵܗܵܐ ܫܘܼܠܵܐ.  
\v 7 ܦܪܹܥܡܘܼܢ ܠܐܢܵܫܵܐ ܕܕܲܝܢܵܢܹܐ ܝܬܘܿܢ ܐܸܠܹܗ. ܠܡ̇ܢ ܕܪܹܝܫܝܼܬܵ‌ܐ، ܪܹܝܫܝܼܬܵ‌ܐ، ܘܠܡ̇ܢ ܕܡܲܟ݂ܣܵܐ، ܡܲܟ݂ܣܵܐ، ܘܠܡ̇ܢ ܕܙܕܘܼܥܬܵ‌ܐ، ܙܕܘܼܥܬܵ‌ܐ، ܘܠܡ̇ܢ ܕܐܝܼܩܵܪܵܐ، ܐܝܼܩܵܪܵܐ.  
\v 8 ܠܵܐ ܗܵܘܹܝܬܘܿܢ ܕܲܝܢܵܢܹ̈ܐ ܠܐܘܼܦ ܚܲܕ، ܫܒ݂ܘܿܩ ܡ̣ܢ ܕܡܲܚܸܒܝܼܬܘܿܢ ܚܲܕ ܠܗ̇ܘ ܐܚܹܪܢܵܐ، ܣܵܒܵܒ ܡ̇ܢ ܕܡܲܚܸܒ ܠܚܲܕ ܐܚܹܪܢܵܐ، ܬܲܡܘܼܡܹܐ ܝܠܹܗ ܢܵܡܘܿܣܵܐ.  
\v 9 ܦܘܼܩܕܵܢܹ̈ܐ ܒܹܐܡܵܪܵܐ ܝܢܵܐ: 
\q1 ܠܵܐ ܙܵܢܹܝܬ، ܠܵܐ ܩܵܛܠܹܬ، ܠܵܐ ܓܵܢܒܹܬ، ܠܵܐ ܫܲܗܘܸܬܸܬ.\x + \xo 13:9 \xt ܡܦܩܢܐ 20‏:13‏-15، 17؛ ܬܢܝܢ ܢܡܘܣܐ 5‏:17‏-19، 21\x* ܘܐܸܢ ܐܝܼܬ ܦܘܼܩܕܵܢܵܐ ܐܚܹܪܢܵܐ، ܦܝܼܫܵܐ ܝܠܹܗ ܚܒ݂ܝܼܫܵܐ ܓܵܘ ܐܵܗܵܐ ܦܘܼܩܕܵܢܵܐ: 
\q1 ܡܲܚܸܒܸܬ ܠܫܒ݂ܵܒ݂ܘܼܟ݂ ܐܲܝܟ݂ ܓܵܢܘܼܟ݂.\x + \xo 13:9 \xt ܟܗ̈ܢܐ 19‏:18\x* 
\v 10 ܚܘܼܒܵܐ ܠܹܐ ܦܵܠܹܚ ܒܝܼܫܬܵ‌ܐ ܠܫܒ݂ܵܒܹܗ. ܗܵܕܟ݂ܵܐ ܚܘܼܒܵܐ ܬܲܡܲܡܬܵ‌ܐ ܕܢܵܡܘܿܣܵܐ ܝܠܹܗ. 
\s1 ܐܬܝܬ‌ܐ ܕܝܘܡܐ ܕܡܫܝܚܐ 
\p  
\v 11 ܗܵܐ ܟܹܐ ܝܵܕܥܝܼܬܘܿܢ ܕܐܵܕܝܼܵܐ ܝܠܵܗ̇ ܥܕܵܢܵܐ ܕܪܵܥܫܝܼܬܘܿܢ ܡ̣ܢ ܫܸܢܬܵܘܟ݂ܘܿܢ، ܣܵܒܵܒ ܦܘܼܪܩܵܢܲܢ ܐܵܕܝܼܵܐ ܒܘܼܫ ܩܘܼܪܒܵܐ ܝܠܹܗ ܐܸܠܲܢ ܡ̣ܢ ܕܗܘܼܡܸܢܲܢ ܒܫܘܼܪܵܝܵܐ.  
\v 12 ܠܲܝܠܹܐ ܒܸܥܒ݂ܵܪܵܐ ܝܠܹܗ، ܘܐܝܼܡܵܡܵܐ ܩܲܪܒܘܼܢܹܐ ܝܠܹܗ. ܫܵܒ݂ܩܲܚ ܠܗܘܿܢ ܦܘܼܠܚܵܢܹ̈ܐ ܕܚܸܫܟܵܐ ܘܠܵܒ݂ܫܲܚ ܙܲܝܢܵܐ ܕܒܲܗܪܵܐ.  
\v 13 ܚܵܕܪܲܚ ܒܢܲܟ݂ܦܘܼܬܵ‌ܐ ܐܲܝܟ݂ ܕܒܝܵܘܡܵܐ ܒܸܚܕܵܪܵܐ ܝܘܲܚ، ܠܵܐ ܒܫܪܝܼܚܘܼܬܵ‌ܐ ܘܒܪܵܘܵܝܘܼܬܵ‌ܐ، ܘܒܕܡܵܟ݂ܵܐ ܛܲܢܦܵܐ، ܘܒܦܲܚܙܘܼܬܵ‌ܐ، ܘܒܡܲܩܲܪܵܨܘܼܬܵ‌ܐ، ܘܒܒܲܚܸܠܵܢܘܼܬܵ‌ܐ،  
\v 14 ܐܝܼܢܵܐ ܠܒ݂ܘܿܫܘܼܢ ܠܡܵܪܲܢ ܝܼܫܘܿܥ ܡܫܝܼܚܵܐ، ܘܠܵܐ ܬܲܚܡܸܢܝܼܬܘܿܢ ܠܣܲܦܘܼܝܹܗ ܦܲܓ݂ܪܵܘܟ݂ܘܿܢ ܠܗܵܕܟ݂ܵܐ ܫܲܗܘܲܬܝܵܬܹ̈‌ܐ. 
\c 14  
\s1 ܠܐ ܕܝܢܬ ܠܐܚܘܢܘܟ݂ 
\p  
\v 1 ܩܲܒܠܘܼܢ ܠܗ̇ܘ ܕܝܼܠܹܗ ܙܲܒܘܼܢ ܒܗܲܝܡܵܢܘܼܬܵ‌ܐ، ܠܵܐ ܒܕܝܵܢܬܵ‌ܐ ܕܚܘܼܫܵܒܹ̈ܐ.  
\v 2 ܚܲܕ ܟܹܐ ܗܲܡܸܢ ܕܐܵܟܹܠܔ ܟܠܵܝܗ‌ܝ ܡܹܐܟ݂ܘܼܠܝܵܬܹ̈‌ܐ، ܗ̇ܘ ܐܚܹܪܢܵܐ ܕܝܼܠܹܗ ܙܲܒܘܼܢ ܒܗܲܝܡܵܢܘܼܬܵ‌ܐ ܟܹܐ ܗܲܡܸܢ ܕܐܵܟܹܠܔ ܐܲܚܟ̰ܝܼ ܝܲܪ̈ܩܹܐ.  
\v 3 ܗ̇ܘ ܕܐܵܟܹܠܔ ܟܠܔ ܡܹܐܟ݂ܘܼܠܬܵ‌ܐ ܠܵܐ ܡܲܣܠܹܐ ܠܗ̇ܘ ܕܠܹܐ ܐܵܟܹܠܔ. ܗ̇ܘ ܕܠܹܐ ܐܵܟܹܠܔ ܟܠܔ ܡܹܐܟ݂ܘܼܠܬܵ‌ܐ ܠܵܐ ܡܲܣܠܹܐ ܠܗ̇ܘ ܕܐܵܟܹܠܔ، ܣܵܒܵܒ ܐܲܠܵܗܵܐ ܩܘܼܒܠܹܗ ܝܠܹܗ.  
\v 4 ܡܵܢܝܼ ܝܘܸܬ ܐܲܢ݇ܬ ܕܕܵܝܢܹܬ ܠܪܹܓܵܐ ܕܚܲܕ ܐܚܹܪܢܵܐ؟ ܐܸܢ ܨܦܵܝܝܼ ܝܠܹܗ، ܩܵܐ ܡܵܪܹܗ ܝܠܹܗ ܨܦܵܝܝܼ؛ ܘܐܸܢ ܚܸܪܒܵܐ ܝܠܹܗ، ܩܵܐ ܡܵܪܹܗ ܝܠܹܗ ܚܸܪܒܵܐ. ܒܸܬ ܗܵܘܹܐ ܨܦܵܝܝܼ ܣܵܒܵܒ ܡܵܪܲܢ ܒܸܬ ܥܵܒܹܕ ܠܹܗ ܨܦܵܝܝܼ.  
\v 5 ܚܲܕ ܐܢܵܫܵܐ ܟܹܐ ܚܵܫܹܒ݂ ܕܚܲܕ ܝܵܘܡܵܐ ܒܘܼܫ ܡܩܘܼܕܫܵܐ ܝܠܹܗ ܡ̣ܢ ܟܠܵܝܗ‌ܝ ܝܵܘܡܵܢܹ̈ܐ، ܘܗ̇ܘ ܐܚܹܪܢܵܐ ܟܹܐ ܚܵܫܹܒ݂ ܕܟܠܵܝܗ‌ܝ ܝܵܘܡܵܢܹ̈ܐ ܡܐܲܝܟ݂ ܥܘܼܕܵܠܹܐ ܝܢܵܐ. ܫܒ݂ܘܿܩ ܟܠܔ ܚܲܕ ܗܵܘܹܐ ܒܚܘܼܫܵܒ݂ܵܐ ܕܓܵܢܹܗ.  
\v 6 ܗ̇ܘ ܕܟܹܐ ܡܝܲܩܸܪ ܠܚܲܕ ܝܵܘܡܵܐ ܒܘܼܫ ܙܵܘܕܵܐ ܡ̣ܢ ܟܠܵܝܗ‌ܝ ܝܵܘܡܵܢܹ̈ܐ، ܒܘܼܬ ܡܵܪܝܵܐ ܟܹܐ ܡܝܲܩܸܪܹܗ. ܗ̇ܘ ܕܐܵܟܹܠܔ، ܩܵܐ ܡܵܪܝܵܐ ܟܹܐ ܐܵܟܹܠܔ، ܣܵܒܵܒ ܟܹܐ ܫܲܟܸܪ ܠܐܲܠܵܗܵܐ. ܗ̇ܘ ܕܠܹܐ ܐܵܟܹܠܔ ܩܵܐ ܡܵܪܝܵܐ ܠܹܐ ܐܵܟܹܠܔ، ܘܟܹܐ ܫܲܟܸܪ ܠܐܲܠܵܗܵܐ.  
\v 7 ܣܵܒܵܒ ܐܘܼܦ ܚܲܕ ܡܸܢܲܢ ܠܹܐ ܚܵܝܹܐ ܠܓܵܢܹܗ، ܘܐܘܼܦ ܚܲܕ ܡܸܢܲܢ ܠܹܐ ܡܵܐܹܬ ܠܓܵܢܹܗ.  
\v 8 ܣܵܒܵܒ ܐܸܢ ܚܵܝܲܚ ܠܡܵܪܝܵܐ ܒܸܬ ܚܵܝܲܚ، ܘܐܸܢ ܡܵܝܬܲܚ ܠܡܵܪܝܵܐ ܒܸܬ ܡܵܝܬܲܚ. ܗܵܕܟ݂ܵܐ، ܐܸܢ ܚܵܝܲܚ ܘܐܸܢ ܡܵܝܬܲܚ، ܕܡܵܪܝܵܐ ܝܘܲܚ.  
\v 9 ܒܘܼܬ ܐܵܗܵܐ، ܐܘܼܦ ܡܫܝܼܚܵܐ ܡܝܼܬ ܠܹܗ ܘܩܝܼܡ ܠܹܗ ܕܗܵܘܹܐ ܡܵܪܵܐ ܕܡܝܼ̈ܬܹ‌ܐ ܘܕܚܵܝܹ̈ܐ.  
\v 10 ܩܵܡܘܿܕܝܼ ܒܸܕܝܵܢܵܐ ܝܘܸܬ ܠܐܲܚܘܿܢܘܼܟ݂ ܝܲܢ ܡܲܣܠܘܼܝܹܐ ܝܘܸܬ ܐܸܠܹܗ؟ ܣܵܒܵܒ ܟܠܲܢ ܒܸܬ ܟܵܠܲܚ ܩܲܕܡ ܟܘܼܪܣܝܵܐ ܕܕܝܼܘܵܢ ܕܐܲܠܵܗܵܐ.  
\v 11 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܕܵܐܟ݂ܝܼ ܕܐܵܢܵܐ ܚܵܝܵܐ ܝܘܸܢ، ܒܹܐܡܵܪܵܐ ܝܠܹܗ ܡܵܪܝܵܐ، ܟܠܔ ܒܸܪܟܵܐ ܒܸܬ ܒܵܪܟܵܐ ܐܸܠܝܼ، ܘܟܠܔ ܠܸܫܵܢܵܐ ܒܸܬ ܡܵܘܕܹܐ ܒܐܲܠܵܗܵܐ.\x + \xo 14:11 \xt ܐܫܥܝܐ 45‏:23\x* 
\v 12 ܗܵܕܟ݂ܵܐ ܟܠܔ ܚܲܕ ܡܸܢܲܢ ܒܸܬ ܝܵܗܒܹܠܔ ܓ̰ܘܼܘܵܒ ܒܘܼܬ ܓܵܢܹܗ ܠܐܲܠܵܗܵܐ.  
\v 13 ܒܘܼܬ ܐܵܗܵܐ ܠܵܐ ܕܵܝܢܲܚ ܚܲܕ ܠܗ̇ܘ ܐܚܹܪܢܵܐ، ܐܸܠܵܐ ܟܠܔ ܚܲܕ ܬܲܚܡܸܢ ܕܠܵܐ ܡܲܬܸܒ݂ ܡܸܢܕܝܼ ܕܗܵܘܹܐ ܬܲܪܩܲܠܬܵ‌ܐ ܝܲܢ ܥܵܒܹܕ ܠܐܲܚܘܿܢܘܼܗ‌ܝ ܕܢܵܦܹܠܔ.  
\v 14 ܐܵܢܵܐ ܟܹܐ ܝܵܕܥܹܢ ܘܗܲܡܘܼܢܹܐ ܝܘܸܢ ܒܡܵܪܲܢ ܝܼܫܘܿܥ، ܕܠܲܝܬ ܡܸܢܕܝܼ ܛܲܡܐܵܐ ܡ̣ܢ ܓܵܢܹܗ. ܐܸܢ ܚܲܕ ܐܢܵܫܵܐ ܚܵܫܹܒ݂ ܚܲܕ ܡܸܢܕܝܼ ܛܲܡܐܵܐ ܝܠܹܗ، ܗ̇ܝܓܵܗ ܗ̇ܘ ܡܸܢܕܝܼ ܛܲܡܐܵܐ ܝܠܹܗ ܩܵܐ ܗ̇ܘ ܐܢܵܫܵܐ.  
\v 15 ܐܝܼܢܵܐ ܐܸܢ ܦܵܐܹܫ ܡܘܼܦܫܸܡܵܐ ܐܲܚܘܿܢܘܼܟ݂ ܒܡܹܐܟ݂ܘܼܠܬܵ‌ܐ، ܠܹܐ ܝܘܸܬ ܐܚܹܪܢܵܐ ܒܸܚܕܵܪܵܐ ܒܚܘܼܒܵܐ. ܠܵܐ ܛܲܠܩܸܬ ܒܡܹܐܟ݂ܘܼܠܬܘܼܟ݂ ܠܗ̇ܘ ܕܒܘܼܬ ܕܝܼܹܗ ܡܝܼܬ ܠܹܗ ܡܫܝܼܚܵܐ.  
\v 16 ܠܵܐ ܫܵܒ݂ܩܹܬ ܕܗܲܡܙܸܡܝܼ ܐܢܵܫܹ̈ܐ ܒܝܼܫܬܵ‌ܐ ܒܘܼܬ ܛܵܒ݂ܬܘܼܟ݂.  
\v 17 ܡܲܠܟܘܼܬܵ‌ܐ ܕܐܲܠܵܗܵܐ ܠܹܐ ܝܠܵܗ̇ ܐܟ݂ܵܠܬܵ‌ܐ ܘܫܬܵܝܬܵ‌ܐ، ܐܝܼܢܵܐ ܙܲܕܝܼܩܘܼܬܵ‌ܐ، ܘܫܠܵܡܵܐ، ܘܚܲܕܘܼܬܵ‌ܐ ܒܪܘܼܚܵܐ ܕܩܘܼܕܫܵܐ.  
\v 18 ܣܵܒܵܒ ܡ̇ܢ ܕܗܵܕܟ݂ܵܐ ܥܵܒܹܕ ܚܸܠܡܲܬ ܠܡܫܝܼܚܵܐ ܒܐܲܢܹܐ، ܩܒܝܼܠܵܐ ܝܠܹܗ ܒܝܲܕ ܐܲܠܵܗܵܐ ܘܫܦܝܼܪܵܐ ܝܠܹܗ ܩܲܕܡ ܒܢܲܝ̈ܢܵܫܵܐ.  
\v 19 ܒܘܼܬ ܐܵܗܵܐ ܬܵܒܥܲܚ ܠܡܸܢܕܝܼܵܢܹ̈ܐ ܕܥܵܒ݂ܕܝܼ ܫܠܵܡܵܐ ܘܡܸܢܕܝܼܵܢܹ̈ܐ ܕܒܵܢܝܼ ܚܲܕ ܠܗ̇ܘ ܐܚܹܪܢܵܐ.  
\v 20 ܠܵܐ ܡܲܚܪܸܒܸܬ ܦܘܼܠܚܵܢܵܐ ܕܐܲܠܵܗܵܐ ܒܘܼܬ ܡܹܐܟ݂ܘܼܠܬܵ‌ܐ. ܟܠܔ ܡܸܢܕܝܼ ܕܸܟ݂ܝܵܐ ܝܠܹܗ، ܐܝܼܢܵܐ ܚܸܠܛܵܐ ܝܠܹܗ ܕܚܲܕ ܐܢܵܫܵܐ ܐܵܟܹܠܔ ܡܸܢܕܝܼ ܕܗܵܘܹܐ ܥܸܠܬܵ‌ܐ ܕܬܲܪܩܲܠܬܵ‌ܐ ܩܵܐ ܚܲܕ ܐܚܹܪܢܵܐ.  
\v 21 ܨܦܵܝܝܼ ܝܠܵܗ̇ ܕܠܵܐ ܐܵܟ݂ܠܹܬ ܒܸܣܪܵܐ ܘܠܵܐ ܫܵܬܹܝܬ ܚܲܡܪܵܐ، ܘܠܵܐ ܡܸܢܕܝܼ ܐܚܹܪܢܵܐ، ܕܒܝܼܹܗ ܬܲܪܩܸܠܸܬ ܠܐܲܚܘܿܢܘܼܟ݂.  
\v 22 ܟܠܔ ܕܵܐܟ݂ܝܼ ܕܗܲܡܸܢܸܬ ܒܘܼܬ ܐܲܢܹܐ، ܫܒ݂ܘܿܩ ܠܵܗ̇ ܒܹܝܠܘܼܟ݂ ܘܒܹܝܠܔ ܐܲܠܵܗܵܐ. ܛܘܼܒ݂ܵܐ ܠܐܢܵܫܵܐ ܕܠܵܐ ܕܵܐܹܢ ܠܓܵܢܹܗ ܒܡܸܢܕܝܼ ܕܓܲܒܹܐ.  
\v 23 ܐܝܼܢܵܐ ܗ̇ܘ ܕܐܝܼܬ ܠܹܗ ܫܸܟܘܼܬܵ‌ܐ ܘܐܵܟܹܠܔ ܒܸܬ ܦܵܐܹܫ ܕܝܼܢܵܐ، ܣܵܒܵܒ ܠܹܐ ܝܠܹܗ ܒܹܐܟ݂ܵܠܵܐ ܒܗܲܝܡܵܢܘܼܬܵ‌ܐ. ܟܠܔ ܡܸܢܕܝܼ ܕܠܹܐ ܝܠܹܗ ܡ̣ܢ ܗܲܝܡܵܢܘܼܬܵ‌ܐ ܚܛܝܼܬܵ‌ܐ ܝܠܹܗ. 
\c 15  
\s1 ܫܦܪܚ ܠܐܚܪ̈ܢܐ ܠܐ ܠܓܢܢ 
\p  
\v 1 ܐܲܚܢܲܢ ܕܝܼܘܲܚ ܚܲܝܠܵܢܹ̈ܐ ܘܵܠܹܐ ܝܠܵܗ̇ ܕܛܵܥܢܲܚ ܝܘܼܩܪܵܐ ܕܙܲܒܘܼܢܹ̈ܐ ܘܠܵܐ ܫܵܦܪܲܚ ܠܓܵܢܲܢ.  
\v 2 ܫܒ݂ܘܿܩ ܟܠܔ ܚܲܕ ܡܸܢܲܢ ܫܵܦܹܪ ܠܫܒ݂ܵܒܹܗ ܠܛܵܒ݂ܬܹܗ ܩܵܐ ܒܢܵܝܬܹܗ.  
\v 3 ܐܘܼܦ ܡܫܝܼܚܵܐ ܠܵܐ ܫܦܝܼܪܹܗ ܠܓܵܢܹܗ، ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܠܵܘܡܵܐ ܕܠܵܝܡܵܢܘܼ̈ܟ݂ ܢܦܝܼܠܔ ܠܹܗ ܥܲܠܝܼ.\x + \xo 15:3 \xt ܡܙܡܘܪܐ 69‏:9\x* 
\v 4 ܡܸܢܕܝܼܵܢܹ̈ܐ ܕܦܝܼܫܹܐ ܝܗܘܵܘ ܟܬܝܼܒܹܐ ܡ̣ܢ ܩܲܕܡܵܝܬܵ‌ܐ ܦܝܼܫܹܐ ܝܗܘܵܘ ܟܬܝܼܒܹܐ ܠܡܲܠܲܦܬܲܢ، ܕܗܵܘܹܐ ܠܲܢ ܗܹܒ݂ܝܼ ܒܝܲܕ ܚܡܵܠܬܵ‌ܐ ܘܝܵܗܒ݂ܵܠܬܵ‌ܐ ܕܠܸܒܵܐ ܡ̣ܢ ܟܬܵܒܹ̈ܐ ܩܲܕܝܼܫܹ̈ܐ.  
\v 5 ܘܐܲܠܵܗܵܐ ܕܝܼܠܹܗ ܡܲܒܘܼܥܵܐ ܕܚܡܵܠܬܵ‌ܐ ܘܕܝܵܗܒ݂ܵܠܬܵ‌ܐ ܕܠܸܒܵܐ ܥܵܒܹܕ ܠܵܘܟ݂ܘܿܢ ܕܚܵܫܒ݂ܝܼܬܘܿܢ ܚܲܕ ܡܸܢܕܝܼ ܚܲܕ ܠܗ̇ܘ ܐܚܹܪܢܵܐ ܐܲܝܟ݂ ܒܝܼܫܘܿܥ ܡܫܝܼܚܵܐ،  
\v 6 ܕܗܵܘܹܝܬܘܿܢ ܒܚܲܕ ܠܸܒܵܐ ܘܒܚܲܕ ܩܵܠܵܐ ܫܲܒܘܼܚܹܐ ܠܐܲܠܵܗܵܐ ܕܝܼܠܹܗ ܒܵܒܵܐ ܕܡܵܪܲܢ ܝܼܫܘܿܥ ܡܫܝܼܚܵܐ.  
\v 7 ܒܘܼܬ ܐܵܗܵܐ ܩܲܒܠܘܼܢ ܚܲܕ ܠܗ̇ܘ ܐܚܹܪܢܵܐ ܕܵܐܟ݂ܝܼ ܕܐܘܼܦ ܡܫܝܼܚܵܐ ܩܘܼܒܸܠܔ ܠܹܗ ܐܸܠܵܘܟ݂ܘܿܢ ܩܵܐ ܫܘܼܒ݂ܚܵܐ ܕܐܲܠܵܗܵܐ.  
\v 8 ܣܵܒܵܒ ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ ܕܡܫܝܼܚܵܐ ܗܘܹܐ ܠܹܗ ܥܵܒ݂ܕܵܢܵܐ ܕܚܸܠܡܲܬ ܠܝܗܘܼܕܵܝܹ̈ܐ ܒܘܼܬ ܫܪܵܪܵܐ ܕܐܲܠܵܗܵܐ، ܕܡܲܩܘܹܐ ܩܵܘܠܹ̈ܐ ܝܘܼܗܒܹܐ ܠܒܵܒܵܘܵܬܹ̈‌ܐ،  
\v 9 ܘܕܐܸܡܘܵܬܹ̈‌ܐ ܫܲܒܚܝܼ ܠܐܲܠܵܗܵܐ ܒܘܼܬ ܪ̈ܲܚܡܘܼܗ‌ܝ، ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܒܘܼܬ ܐܵܗܵܐ ܒܸܬ ܡܵܘܕܹܝܢ ܐܸܠܘܼܟ݂ ܓܵܘ ܐܸܡܘܵܬܹ̈‌ܐ، ܘܒܸܬ ܙܵܡܪܹܢ ܠܫܸܡܘܼܟ݂.\x + \xo 15:9 \xt ܡܙܡܘܪܐ 18‏:49\x* 
\v 10 ܘܡܸܢܕܪܸܫ ܐܡܝܼܪܹܗ: 
\q1 ܚܕܹܝܡܘܼܢ ܝܵܐ ܐܸܡܘܵܬܹ̈‌ܐ ܥܲܡ ܥܲܡܹܗ.\x + \xo 15:10 \xt ܬܢܝܢ ܢܡܘܣܐ 32‏:43 \x* 
\v 11 ܘܡܸܢܕܪܸܫ: 
\q1 ܫܲܒܚܘܼܢ ܠܡܵܪܝܵܐ ܟܠܵܘܟ݂ܘܿܢ ܐܸܡܘܵܬܹ̈‌ܐ ܘܫܲܒܚܘܼܢ ܠܹܗ ܟܠܵܝܗ‌ܝ ܥܲܡܡܹ̈ܐ.\x + \xo 15:11 \xt ܡܙܡܘܪܐ 117‏:1\x* 
\v 12 ܐܹܫܲܥܝܵܐ ܡܸܢܕܪܸܫ ܐܡܝܼܪܹܗ: 
\q1 ܒܸܬ ܦܵܠܹܛ ܘܲܪܝܼܕܵܐ ܡ̣ܢ ܐܝܼܫܲܝ، ܒܸܬ ܥܵܒܹܕ ܫܘܼܠܛܵܢܵܐ ܥܲܠܔ ܐܸܡܘܵܬܹ̈‌ܐ، ܘܐܸܡܘܵܬܹ̈‌ܐ ܒܸܬ ܗܵܘܝܼ ܠܗܘܿܢ ܗܹܒ݂ܝܼ ܒܝܼܹܗ.\x + \xo 15:12 \xt ܐܫܥܝܐ 11‏:10\x* 
\v 13 ܐܲܠܵܗܵܐ ܕܝܼܠܹܗ ܡܲܒܘܼܥܵܐ ܕܗܹܒ݂ܝܼ ܡܵܠܹܐ ܠܵܘܟ݂ܘܿܢ ܟܠܵܗ̇ ܚܲܕܘܼܬܵ‌ܐ ܘܫܠܵܡܵܐ ܐܲܝܟ݂ ܕܗܲܡܸܢܝܼܬܘܿܢ ܒܝܼܹܗ، ܕܙܵܝܕܝܼܬܘܿܢ ܒܗܹܒ݂ܝܼ ܒܝܲܕ ܚܲܝܠܵܐ ܕܪܘܼܚܵܐ ܕܩܘܼܕܫܵܐ. 
\s1 ܦܘܠܘܣ ܫܠܝܚܐ ܕܐܡܘܬ̈‌ܐ 
\p  
\v 14 ܐܵܢܵܐ ܒܓܵܢܝܼ ܗܲܡܘܼܢܹܐ ܝܘܸܢ ܒܝܼܵܘܟ݂ܘܿܢ ܐܲܚܘܿܢܘܵܬ‌ܝܼ̈، ܕܡܸܠܝܹܐ ܝܬܘܿܢ ܛܵܒ݂ܬܵ‌ܐ ܘܟܠܵܗ̇ ܝܕܵܥܬܵ‌ܐ، ܘܡܵܨܹܝܬܘܿܢ ܡܲܠܦܝܼܬܘܿܢ ܚܲܕ ܠܗ̇ܘ ܐܚܹܪܢܵܐ.  
\v 15 ܐܝܼܢܵܐ ܒܩܲܫܕܲܪܬܵ‌ܐ ܓܘܼܪܬܵ‌ܐ ܟܬܝܼܒ݂ ܠܝܼ ܐܸܠܵܘܟ݂ܘܿܢ ܠܡܲܕܟ݂ܘܼܪܹܐ ܚܲܕܟܡܵܐ ܢܘܼܩܙܹ̈ܐ، ܒܝܲܕ ܫܵܦܵܩܲܬ ܕܐܲܠܵܗܵܐ ܕܦܝܼܫ ܠܵܗ̇ ܝܘܼܗܒܹܠܬܵ‌ܐ ܐܸܠܝܼ،  
\v 16 ܕܗܵܘܹܝܢ ܥܵܒ݂ܕܵܢܵܐ ܕܚܸܠܡܲܬ ܕܡܫܝܼܚܵܐ ܝܼܫܘܿܥ ܩܵܐ ܐܸܡܘܵܬܹ̈‌ܐ، ܒܸܥܒ݂ܵܕܵܐ ܚܸܠܡܲܬ ܠܐܹܘܲܢܓܲܠܝܼܘܿܢ ܕܐܲܠܵܗܵܐ ܐܲܝܟ݂ ܟܵܗܢܵܐ، ܕܐܘܼܦ ܐܸܡܘܵܬܹ̈‌ܐ ܗܵܘܝܼ ܩܘܼܪܒܵܢܵܐ ܩܘܼܒܠܵܐ ܠܐܲܠܵܗܵܐ، ܡܩܘܼܕܫܵܐ ܒܪܘܼܚܵܐ ܕܩܘܼܕܫܵܐ.  
\v 17 ܒܘܼܬ ܐܵܗܵܐ ܐܝܼܬ ܠܝܼ ܫܘܼܒ݂ܗܵܪܵܐ ܒܝܼܫܘܿܥ ܡܫܝܼܚܵܐ ܠܟܸܣ ܐܲܠܵܗܵܐ.  
\v 18 ܣܵܒܵܒ ܠܹܐ ܩܲܫܕܸܪܸܢ ܕܗܲܡܙܸܡܸܢ ܥܲܠܔ ܡܸܢܕܝܼ ܕܠܵܐ ܬܘܼܡܸܡ ܠܹܗ ܡܫܝܼܚܵܐ ܒܝܲܕ ܕܝܼܝܼ، ܕܥܵܒ݂ܕܹܢ ܕܐܸܡܘܵܬܹ̈‌ܐ ܡܲܨܝܸܬ‌ܝܼ ܒܗܹܡܸܙܡܵܢ ܘܒܦܘܼܠܚܵܢܵܐ. ܐܵܢܵܐ ܥܒ݂ܝܼܕ ܠܝܼ ܐܵܗܵܐ،  
\v 19 ܒܚܲܝܠܵܐ ܕܢܝܼܫܲܢܩܹ̈ܐ ܘܕܕܘܼܡܵܪܹ̈ܐ، ܘܒܚܲܝܠܵܐ ܕܪܘܼܚܵܐ، ܗܵܕܟ݂ܵܐ ܡܘܼܟܪܸܙ ܠܝܼ ܐܹܘܲܢܓܲܠܝܼܘܿܢ ܕܡܫܝܼܚܵܐ ܒܡܸܠܝܘܼܬܵ‌ܐ، ܡ̣ܢ ܐܘܿܪܸܫܠܸܡ ܘܚܵܕܸܪ̈ܘܵܢܘܼܗ̇ ܗܲܠܔ ܐܹܠܘܿܪܝܼܩܘܿܢ.  
\v 20 ܚܘܼܦܛܵܐ ܝܘܸܢ ܒܟܠܔ ܙܲܒ݂ܢܵܐ ܕܡܲܟܪܸܙܸܢ ܐܹܘܲܢܓܲܠܝܼܘܿܢ ܐܲܝܟܵܐ ܕܡܫܝܼܚܵܐ ܠܹܐ ܝܠܹܗ ܦܝܼܫܵܐ ܝܕܝܼܥܵܐ، ܕܠܵܐ ܗܵܘܝܵܐ ܕܒܵܢܹܝܢ ܥܲܠܔ ܒܸܢܝܲܬ ܕܚܲܕ ܐܚܹܪܢܵܐ.  
\v 21 ܐܝܼܢܵܐ ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܐܵܢܝܼ ܕܠܹܐ ܝܗܘܵܘ ܦܝܼܫܹܐ ܡܘܼܕܸܥܹܐ ܒܘܼܬ ܕܝܼܹܗ ܒܸܬ ܚܵܙܝܼ، ܘܐܵܢܝܼ ܕܠܹܐ ܝܢܵܐ ܫܡܝܼܥܹܐ ܒܸܬ ܦܲܪܡܝܼ.\x + \xo 15:21 \xt ܐܫܥܝܐ 52‏:15\x* 
\v 22 ܒܘܼܬ ܐܵܗܵܐ ܪܵܒܵܐ ܓܵܗܹ̈ܐ ܦܝܼܫ ܠܝܼ ܡܘܼܟܠܝܼܵܐ ܡ̣ܢ ܠܹܐܬܵܝܵܐ ܠܟܸܣܠܵܘܟ݂ܘܿܢ. 
\s1 ܦܘܠܘܣ ܫܠܝܚܐ ܒܥܐ ܕܐܙܠܔ ܠܪܗܘܡܐ 
\p  
\v 23 ܐܝܼܢܵܐ ܐܵܕܝܼܵܐ ܒܗ̇ܝ ܕܠܲܝܬ ܠܝܼ ܦܝܵܫܵܐ ܕܘܼܟܵܢܹ̈ܐ ܪܵܒܵܐ ܠܸܦܠܵܚܵܐ ܓܵܘ ܐܲܢܹܐ ܐܲܬܪ̈ܵܘܵܬܹ‌ܐ، ܘܣܵܒܵܒ ܫܘܼܗܘܸܬ ܠܝܼ ܪܵܒܵܐ ܓܵܗܹ̈ܐ ܡ̣ܢ ܩܲܕܡ ܚܲܕܟܡܵܐ ܫܸܢܹ̈ܐ ܕܐܵܬܹܝܢ ܗܘܵܐ ܠܟܸܣܠܵܘܟ݂ܘܿܢ،  
\v 24 ܐܝܼܡܲܢ ܕܐܵܙܹܠ݇ܢ ܠܐܸܣܦܵܢܝܼܵܐ، ܒܵܥܹܝܢ ܕܐܵܬܹܝܢ ܠܟܸܣܠܵܘܟ݂ܘܿܢ. ܐܝܼܬ ܠܝܼ ܗܹܒ݂ܝܼ ܕܚܵܙܹܢܵܘܟ݂ܘܿܢ ܒܐܘܼܪܚܝܼ، ܘܡܲܦܫܸܛܝܼܬܘܿܢ ܠܝܼ ܠܬܵܡܵܐ، ܡ̣ܢ ܒܵܬܪ ܕܚܵܕܹܝܢ ܒܚܙܵܝܬܵܘܟ݂ܘܿܢ ܩܵܐ ܚܲܕ ܡܸܬܚܵܐ ܟܸܪܝܵܐ.  
\v 25 ܐܝܼܢܵܐ ܐܵܕܝܼܵܐ ܒܹܐܙܵܠܵܐ ܝܘܸܢ ܠܐܘܿܪܸܫܠܸܡ ܕܥܵܒ݂ܕܹܢ ܚܸܠܡܲܬ ܠܩܲܕܝܼܫܹ̈ܐ ܕܝܼܢܵܐ ܬܵܡܵܐ.  
\v 26 ܣܵܒܵܒ ܒܣܝܼܡ ܠܵܗ̇ ܠܗܘܿܢ ܐܵܢܝܼ ܕܓܵܘ ܡܵܩܹܕܘܿܢܝܼܵܐ ܘܐܵܟ݂ܵܐܝܼܵܐ ܕܗܲܝܸܪܝܼ ܙܘܼܙܵܢܵܐܝܼܬ ܠܡܸܣܟܹܢܹ̈ܐ ܕܩܲܕܝܼܫܹ̈ܐ ܕܓܵܘ ܐܘܿܪܸܫܠܸܡ.  
\v 27 ܒܫܲܪܝܼܪܘܼܬܵ‌ܐ ܒܣܝܼܡ ܠܵܗ̇ ܠܗܘܿܢ ܕܗܲܝܸܪܝܼ، ܘܕܲܝܢܵܢܹ̈ܐ ܝܢܵܐ ܕܥܵܒ݂ܕܝܼ ܗܵܕܟ݂ܵܐ. ܐܸܢ ܐܸܡܘܵܬܹ̈‌ܐ ܩܘܼܒܸܠܔ ܠܗܘܿܢ ܒܘܼܪ̈ܟܵܬܹ‌ܐ ܪ̈ܘܼܚܵܢܵܝܹܐ ܡ̣ܢ ܝܗܘܼܕܵܝܹ̈ܐ، ܒܵܣ ܐܸܡܘܵܬܹ̈‌ܐ ܕܲܝܢܵܢܹ̈ܐ ܝܢܵܐ ܠܝܗܘܼܕܵܝܹ̈ܐ ܕܥܵܒ݂ܕܝܼ ܠܗܘܿܢ ܚܸܠܡܲܬ ܒܒܘܼܪ̈ܟܵܬܹ‌ܐ ܗܘܼܠܵܢܵܝܹ̈ܐ.  
\v 28 ܒܘܼܬ ܐܵܗܵܐ ܡ̣ܢ ܒܵܬܪ ܕܬܲܡܸܡܸܢ ܠܐܵܗܵܐ ܫܘܼܠܵܐ، ܘܗܵܘܹܝܢ ܚܵܬܸܪܓ̰ܲܡܥ ܕܩܲܒܠܝܼ ܠܐܵܗܵܐ ܛܥܘܼܢܬܵ‌ܐ، ܒܸܬ ܐܵܙܹܠ݇ܢ ܠܐܸܣܦܵܢܝܼܵܐ ܘܒܐܘܼܪܚܝܼ ܒܸܬ ܚܵܙܹܢܵܘܟ݂ܘܿܢ.  
\v 29 ܒܝܼܕܵܥܵܐ ܝܘܸܢ ܐܝܼܡܲܢ ܕܐܵܬܹܝܢ ܠܟܸܣܠܵܘܟ݂ܘܿܢ، ܒܸܬ ܐܵܬܹܝܢ ܒܡܸܠܝܘܼܬܵ‌ܐ ܕܒܘܼܪܟܬܵ‌ܐ ܕܐܹܘܲܢܓܲܠܝܼܘܿܢ ܕܡܫܝܼܚܵܐ.  
\v 30 ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܐܲܚܘܿܢܘܵܬ‌ܝܼ̈، ܒܝܲܕ ܡܵܪܲܢ ܝܼܫܘܿܥ ܡܫܝܼܚܵܐ ܘܒܚܘܼܒܵܐ ܕܪܘܼܚܵܐ ܕܫܲܪܸܟܝܼܬܘܿܢ ܥܲܡܝܼ ܒܦܘܼܠܚܵܢܵܐ ܩܸܫܝܵܐ ܒܝܲܕ ܨܠܵܘܵܬܹ̈‌ܐ ܠܟܸܣ ܐܲܠܵܗܵܐ ܒܘܼܬ ܕܝܼܝܼ.  
\v 31 ܨܲܠܹܝܡܘܼܢ ܕܦܵܝܫܹܢ ܦܘܼܪܩܵܐ ܡ̣ܢ ܐܵܢܝܼ ܕܠܹܐ ܝܢܵܐ ܡܗܘܼܡܢܹ̈ܐ ܓܵܘ ܝܼܗܘܼܕ، ܘܕܦܵܝܫܵܐ ܩܒܝܼܠܬܵ‌ܐ ܚܸܠܡܲܬ‌ܝܼ ܒܝܲܕ ܩܲܕܝܼܫܹ̈ܐ ܕܓܵܘ ܐܘܿܪܸܫܠܸܡ،  
\v 32 ܕܒܚܲܕܘܼܬܵ‌ܐ ܐܵܬܹܝܢ ܠܟܸܣܠܵܘܟ݂ܘܿܢ ܒܨܸܒ݂ܝܵܢܵܐ ܕܐܲܠܵܗܵܐ ܕܩܲܒܠܲܚ ܢܝܵܚܵܐ ܥܲܡ ܥܘܼܕܵܠܹܐ.  
\v 33 ܐܲܠܵܗܵܐ ܕܫܠܵܡܵܐ ܗܵܘܹܐ ܥܲܡ ܟܠܵܘܟ݂ܘܿܢ، ܐܵܡܹܝܢ. 
\c 16  
\s1 ܫܠܡ̈ܐ ܦܪ̈ܨܘܦܝܐ 
\p  
\v 1 ܣܲܦܘܼܝܹܐ ܝܘܸܢ ܒܝܼܵܘܟ݂ܘܿܢ ܠܚܵܬܲܢ ܦܹܘܒܹܐ، ܕܝܼܠܵܗ̇ ܫܲܡܵܫܬܵ‌ܐ ܓܵܘ ܥܹܕܬܵ‌ܐ ܕܩܵܢܟܪܹܐܘܿܣ.  
\v 2 ܩܲܒܠܘܼܢ ܠܵܗ̇ ܒܡܵܪܲܢ ܐܲܝܟ݂ ܕܝܼܠܵܗ̇ ܚܫܝܼܚܬܵ‌ܐ ܠܩܲܕܝܼܫܹ̈ܐ، ܘܗܲܝܸܪܘܼܢ ܠܵܗ̇ ܒܟܠܔ ܡܸܢܕܝܼ ܕܣܢܝܼܩܬܵ‌ܐ ܝܠܵܗ̇ ܡܸܢܵܘܟ݂ܘܿܢ، ܣܵܒܵܒ ܗܘܼܝܸܪܬܵ‌ܐ ܝܠܵܗ̇ ܠܪܵܒܵܐ، ܐܘܼܦ ܐܸܠܝܼ.  
\v 3 ܗܲܒ݂ܠܘܼܢ ܫܠܵܡܵܐ ܠܦܪܝܼܣܩܸܠܵܐ ܘܠܐܵܩܸܠܘܿܣ ܕܝܼܢܵܐ ܦܲܠܵܚܹ̈ܐ ܥܲܡܝܼ ܒܝܼܫܘܿܥ ܡܫܝܼܚܵܐ،  
\v 4 ܐܵܢܝܼ ܕܡܘܼܬܸܒ݂ ܠܗܘܿܢ ܚܲܝܵܝ̈ܗ‌ܝ ܓܵܘ ܩܹܘܲܢܕܹܢܘܿܣ ܒܘܼܬ ܕܝܼܝܼ. ܠܵܐ ܐܲܚܟ̰ܝܼ ܐܵܢܵܐ ܒܢܲܦ̮ܫܝܼ، ܐܝܼܢܵܐ ܐܘܼܦ ܟܠܵܝܗ‌ܝ ܥܹܕܵܬܹ̈‌ܐ ܕܐܸܡܘܵܬܹ̈‌ܐ ܒܸܛܥܵܢܵܐ ܝܢܵܐ ܡܸܢܬܵ‌ܐ ܡܸܢܵܝܗ‌ܝ،  
\v 5 ܗܲܒ݂ܠܘܼܢ ܫܠܵܡܵܐ ܠܥܹܕܬܵ‌ܐ ܕܓܵܘ ܒܲܝܬܵܝܗ‌ܝ. ܗܲܒ݂ܠܘܼܢ ܫܠܵܡܵܐ ܠܐܵܦܸܢܛܘܿܣ ܡܘܼܚܸܒܝܼ ܕܝܼܠܹܗ ܛܥܘܼܢܬܵ‌ܐ ܩܲܕܡܵܝܬܵ‌ܐ ܒܡܫܝܼܚܵܐ ܓܵܘ ܐܵܟ݂ܵܐܝܼܵܐ.  
\v 6 ܗܲܒ݂ܠܘܼܢ ܫܠܵܡܵܐ ܠܡܲܪܝܲܡ، ܗ̇ܝ ܕܪܵܒܵܐ ܒܩܸܫܝܘܼܬܵ‌ܐ ܦܠܝܼܚ ܠܵܗ̇ ܩܵܬܵܘܟ݂ܘܿܢ.  
\v 7 ܗܲܒ݂ܠܘܼܢ ܫܠܵܡܵܐ ܠܚܸܙܡܵܢܝܼ̈ ܐܵܢܕܪܘܿܢܝܼܩܘܿܣ ܘܝܘܿܢܝܼܵܐ، ܕܝܼܗܘܵܘ ܓܵܘ ܒܹܝܬ ܐܲܣܝܼܪܹ̈ܐ ܥܲܡܝܼ، ܘܡܫܲܡܗܹ̈ܐ ܓܵܘ ܫܠܝܼܚܹ̈ܐ، ܘܕܡ̣ܢ ܩܲܕܡ ܕܝܼܝܼ ܗܘܼܡܸܢܗܘܿܢ ܒܡܫܝܼܚܵܐ.  
\v 8 ܗܲܒ݂ܠܘܼܢ ܫܠܵܡܵܐ ܠܐܵܡܦܠܹܐܘܿܣ ܡܘܼܚܸܒܝܼ ܒܡܵܪܲܢ.  
\v 9 ܗܲܒ݂ܠܘܼܢ ܫܠܵܡܵܐ ܠܐܘܼܪܒܵܢܘܿܣ، ܦܲܠܵܚܵܐ ܥܲܡܲܢ ܒܡܫܝܼܚܵܐ، ܘܠܐܸܣܛܵܟ݂ܝܘܿܣ ܡܘܼܚܸܒܝܼ.  
\v 10 ܗܲܒ݂ܠܘܼܢ ܫܠܵܡܵܐ ܠܐܵܦܲܠܵܐ، ܡܝܘܼܩܪܵܐ ܒܡܫܝܼܚܵܐ. ܗܲܒ݂ܠܘܼܢ ܫܠܵܡܵܐ ܠܟܠܵܝܗ‌ܝ ܐܵܢܝܼ ܕܝܼܢܵܐ ܓܵܘ ܒܲܝܬܵ‌ܐ ܕܐܵܪܸܣܛܵܒ݂ܘܼܠܘܿܣ.  
\v 11 ܗܲܒ݂ܠܘܼܢ ܫܠܵܡܵܐ ܠܗܹܪܘܿܕܝܘܿܢ ܚܸܙܡܝܼ. ܗܲܒ݂ܠܘܼܢ ܫܠܵܡܵܐ ܠܟܠܵܝܗ‌ܝ ܒܢܲܝ̈ ܒܲܝܬܵ‌ܐ ܕܢܵܪܩܸܣܘܿܢ، ܐܵܢܝܼ ܕܝܼܢܵܐ ܒܡܵܪܲܢ.  
\v 12 ܗܲܒ݂ܠܘܼܢ ܫܠܵܡܵܐ ܠܛܪܘܼܦܸܢܵܐ ܘܠܛܪܘܼܦܸܣܵܐ، ܒܲܟ݂ܬܵܬܹ̈‌ܐ ܕܒܸܦܠܵܚܵܐ ܝܢܵܐ ܪܵܒܵܐ ܒܡܵܪܲܢ. ܗܲܒ݂ܠܘܼܢ ܫܠܵܡܵܐ ܠܦܲܪܣܸܣ ܡܘܼܚܸܒܬܲܢ، ܕܪܵܒܵܐ ܦܠܝܼܚ ܠܵܗ̇ ܠܡܵܪܲܢ.  
\v 13 ܗܲܒ݂ܠܘܼܢ ܫܠܵܡܵܐ ܠܪܘܼܦܘܿܣ، ܓܘܼܒܝܵܐ ܒܡܵܪܲܢ، ܘܠܝܸܡܹܗ، ܗ̇ܝ ܕܗܘܹܐ ܠܵܗ̇ ܝܸܡܵܐ ܐܘܼܦ ܐܸܠܝܼ.  
\v 14 ܗܲܒ݂ܠܘܼܢ ܫܠܵܡܵܐ ܠܐܵܣܘܿܢܩܪܹܛܘܿܣ، ܘܠܐܵܦܸܠܓ݂ܘܿܢ، ܘܠܗܵܪܡܵܐ، ܘܠܦܲܛܪܵܒ݂ܵܣ، ܘܠܗܵܪܡܹܣ، ܘܠܐܲܚܘܿܢܘܵܬܹ̈‌ܐ ܕܝܼܢܵܐ ܥܲܡܵܝܗ‌ܝ.  
\v 15 ܗܲܒ݂ܠܘܼܢ ܫܠܵܡܵܐ ܠܦܝܼܠܵܓ݂ܘܿܣ، ܘܠܝܘܼܠܝܼܵܐ، ܘܠܢܹܐܪܘܿܣ ܘܠܚܵܬܹܗ، ܘܠܐܘܿܠܸܡܦܵܐ، ܘܠܟܠܵܝܗ‌ܝ ܩܲܕܝܼܫܹ̈ܐ ܕܝܼܢܵܐ ܥܲܡܵܝܗ‌ܝ.  
\v 16 ܗܲܒ݂ܠܘܼܢ ܫܠܵܡܵܐ ܚܲܕ ܠܗ̇ܘ ܐܚܹܪܢܵܐ ܒܢܫܘܼܩܬܵ‌ܐ ܩܲܕܝܼܫܬܵ‌ܐ. ܒܝܼܵܗܒ݂ܵܐ ܝܢܵܐ ܫܠܵܡܵܐ ܐܸܠܵܘܟ݂ܘܿܢ ܟܠܵܝܗ‌ܝ ܥܹܕܵܬܹ̈‌ܐ ܕܡܫܝܼܚܵܐ.  
\v 17 ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܐܲܚܘܿܢܘܵܬ‌ܝܼ̈، ܕܗܵܘܹܝܬܘܿܢ ܗܸܫܝܲܪ ܡ̣ܢ ܐܵܢܝܼ ܕܥܵܒ݂ܕܝܼ ܦܘܼܠܵܓܹ̈ܐ ܘܬܘܼܪ̈ܩܵܠܹܐ ܕܲܠܩܘܼܒ݂ܠܔ ܕܝܘܼܠܦܵܢܵܐ ܕܐܲܚܬܘܿܢ ܝܠܝܼܦ ܠܵܘܟ݂ܘܿܢ، ܘܪܚܘܿܩܘܼܢ ܡܸܢܵܝܗ‌ܝ.  
\v 18 ܐܵܢܝܼ ܕܝܼܢܵܐ ܗܵܕܟ݂ܵܐ ܠܹܐ ܥܵܒ݂ܕܝܼ ܚܸܠܡܲܬ ܠܡܵܪܲܢ ܝܼܫܘܿܥ ܡܫܝܼܚܵܐ، ܐܸܠܵܐ ܠܟܹܪ݇ܣܵܝܗ‌ܝ. ܒܗܹܡܸܙܡܵܢܹ̈ܐ ܒܲܣܝܼܡܹ̈ܐ ܘܫܲܦܝܼܪܹ̈ܐ ܟܹܐ ܡܲܚܠܸܛܝܼ ܠܸܒܵܘܵܬܹ̈‌ܐ ܕܐܵܢܝܼ ܕܝܼܢܵܐ ܦܫܝܼ̈ܛܹܐ.  
\v 19 ܟܠܵܝܗ‌ܝ ܫܡܝܼܥܹܐ ܝܢܵܐ ܒܘܼܬ ܡܲܨܝܲܬܬܵܘܟ݂ܘܿܢ. ܒܘܼܬ ܐܵܗܵܐ ܒܸܚܕܵܝܵܐ ܝܘܸܢ ܒܘܼܬ ܕܝܼܵܘܟ݂ܘܿܢ. ܐܝܼܢܵܐ ܒܵܥܹܝܢ ܕܗܵܘܹܝܬܘܿܢ ܚܲܟܝܼܡܹ̈ܐ ܡ̣ܢ ܛܵܒ݂ܬܵ‌ܐ ܓܹܒܵܐ، ܘܨܸܦܝܹ̈ܐ ܡ̣ܢ ܒܝܼܫܬܵ‌ܐ ܓܹܒܵܐ.  
\v 20 ܐܲܠܵܗܵܐ ܕܫܠܵܡܵܐ ܒܸܬ ܛܲܚܛܸܚ ܠܣܵܛܵܢܵܐ ܒܓ̰ܲܠܕܘܼܬܵ‌ܐ ܬܚܘܿܬ ܐܲܩܠܵܬܵܘ̈ܟ݂ܘܿܢ. ܫܵܦܵܩܲܬ ܕܡܵܪܲܢ ܝܼܫܘܿܥ ܥܲܡܵܘܟ݂ܘܿܢ.  
\v 21 ܛܝܼܡܵܬܹܐܘܿܣ ܦܲܠܵܚܵܐ ܥܲܡܝܼ ܒܝܼܵܗܒ݂ܵܘܟ݂ܘܿܢ ܝܼܠܹܗ ܫܠܵܡܵܐ، ܗܵܕܟ݂ܵܐ ܐܘܼܦ ܚܸܙܡܵܢܝܼ̈ ܠܘܼܩܝܼܘܿܣ ܘܐܝܼܵܣܘܿܢ ܘܣܘܼܣܝܼܦܵܛܪܘܿܣ.  
\v 22 ܐܵܢܵܐ ܬܸܪܬܝܼܘܿܣ، ܟܲܬܵܒ݂ܵܐ ܕܐܵܗܵܐ ܐܸܓܲܪܬܵ‌ܐ، ܒܝܼܵܗܒ݂ܵܐ ܝܘܸܢ ܫܠܵܡܵܐ ܐܸܠܵܘܟ݂ܘܿܢ ܒܡܵܪܲܢ.  
\v 23 ܒܝܼܵܗܒ݂ܵܐ ܝܠܹܗ ܫܠܵܡܵܐ ܐܸܠܵܘܟ݂ܘܿܢ ܓܵܐܝܼܘܿܣ، ܕܫܸܪܝܵܐ ܝܘܲܚ ܠܟܸܣܠܹܗ ܐܵܢܵܐ ܘܟܠܵܗ̇ ܥܹܕܬܵ‌ܐ. ܒܸܕܪܵܝܵܐ ܝܢܵܐ ܫܠܵܡܵܐ ܐܸܠܵܘܟ݂ܘܿܢ ܐܵܪܸܣܛܘܿܣ، ܢܵܛܸܪܟܸܣܦܵܐ ܕܡܕܝܼܢ݇ܬܵ‌ܐ، ܘܟܘܲܪܬܘܿܣ ܐܲܚܘܿܢܲܢ.  
\v 24 ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ ܥܲܡ ܟܠܵܘܟ݂ܘܿܢ. ܐܵܡܹܝܢ. 
\s1 ܫܘܒ݂ܚܐ 
\p  
\v 25 ܘܐܵܕܝܼܵܐ ܠܗ̇ܘ ܕܡܵܨܹܐ ܡܲܩܘܹܐ ܠܵܘܟ݂ܘܿܢ ܒܐܹܘܲܢܓܲܠܝܼܘܿܢ ܕܝܼܝܼ، ܘܒܡܲܟܪܲܙܬܵ‌ܐ ܒܘܼܬ ܝܼܫܘܿܥ ܡܫܝܼܚܵܐ ܘܓܸܠܝܵܢܵܐ ܕܐܪܵܙܵܐ ܕܛܸܫܝܵܐ ܝܗܘܵܐ ܗܵܐ ܡ̣ܢ ܙܲܒ݂ܢܹ̈ܐ ܥܲܬܝܼܩܹ̈ܐ ܕܕܲܥܒܲܪ،  
\v 26 ܐܝܼܢܵܐ ܐܵܕܝܼܵܐ ܦܝܼܫ ܠܹܗ ܓܸܠܝܵܐ ܘܦܝܼܫ ܠܹܗ ܝܕܝܼܥܵܐ ܒܝܲܕ ܟܬܵܒܹ̈ܐ ܕܢܒ݂ܝܼܹ̈ܐ ܘܒܦܘܼܩܕܵܢܹ̈ܐ ܕܐܲܠܵܗܵܐ ܥܵܠܡܝܼܢܵܝܵܐ، ܕܟܠܵܝܗ‌ܝ ܐܸܡܘܵܬܹ̈‌ܐ ܗܲܡܸܢܝܼ ܘܡܲܨܝܸܬ‌ܝܼ،  
\v 27 ܠܐܲܠܵܗܵܐ ܕܝܼܠܹܗ ܒܢܲܦ̮ܫܹܗ ܚܲܟܝܼܡܵܐ، ܗܵܘܹܐ ܚܸܩܪܵܐ ܒܝܲܕ ܝܼܫܘܿܥ ܡܫܝܼܚܵܐ ܠܥܵܠܲܡ ܥܵܠܡܝܼܢ. ܐܵܡܹܝܢ.