\id PSA 1 
\h ܡܙܡܘܪ̈ܐ 
\toc1 ܡܙܡܘܪ̈ܐ 
\toc2 ܡܙܡܘܪ̈ܐ 
\toc3 PSA 
\mt1 ܡܙܡܘܪ̈ܐ 
\c 1  
\ms1 ܣܸܦܪܵܐ ܩܲܕܡܵܝܵܐ 
\mr ܡܙܡܘܪ̈ܐ 1‏‐41 
\q1  
\v 1 ܛܘܼܒ݂ܵܐ ܠܐܢܵܫܵܐ ܕܒܡܸܠܟܵܐ ܕܒܝܼܫܹ̈ܐ ܠܵܐ ܚܕܝܼܪܹܗ، 
\q1 ܘܒܐܘܼܪܚܵܐ ܕܚܲܛܵܝܹ̈ܐ ܠܵܐ ܟܠܹܐ ܠܹܗ، 
\q1 ܘܒܡܵܘܬܒ݂ܵܐ ܕܡܲܣܚܸܪ̈ܵܢܹܐ ܠܵܐ ܝܬܝܼܒ݂ ܠܹܗ؛ 
\q1  
\v 2 ܐܸܠܵܐ ܒܢܵܡܘܿܣܵܐ ܕܡܵܪܝܵܐ ܝܠܹܗ ܒܘܼܣܵܡܹܗ، 
\q1 ܘܒܢܵܡܘܿܣܹܗ ܟܹܐ ܗܲܓܹܐ ܐܝܼܡܵܡܵܐ ܘܠܲܝܠܹܐ؛ 
\q1  
\v 3 ܒܸܬ ܗܵܘܹܐ ܐܲܝܟ݂ ܐܝܼܠܵܢܵܐ ܫܬܝܼܠܵܐ ܥܲܠܔ ܫܵܩ̈ܝܼܵܬܹ‌ܐ ܕܡ̈ܝܼܵܐ، 
\q1 ܕܛܥܘܼܢܬܹܗ ܟܹܐ ܝܵܗܒܹܠܔ ܒܙܲܒ݂ܢܹܗ، 
\q1 ܘܛܲܪܦܹܗ ܠܹܐ ܢܵܬܹܪ، 
\q1 ܘܟܠܔ ܕܥܵܒܹܕ ܟܹܐ ܡܲܢܬܹ‌ܐ؛ 
\q1  
\v 4 ܠܹܐ ܝܢܵܐ ܗܵܕܟ݂ܵܐ ܒܝܼܫܹ̈ܐ، 
\q1 ܐܸܠܵܐ ܐܲܝܟ݂ ܬܸܒ݂ܢܵܐ ܝܢܵܐ ܕܟܹܐ ܕܲܪܹܐ ܠܹܗ ܦܵܘܚܵܐ، 
\q1  
\v 5 ܒܘܼܬ ܐܵܗܵܐ، ܒܝܼܫܹ̈ܐ ܠܹܐ ܟܵܠܝܼ ܡܩܵܘܝܵܢܹ̈ܐ ܒܕܝܵܢܬܵ‌ܐ، 
\q1 ܐܵܦܠܵܐ ܚܲܛܵܝܹ̈ܐ ܒܟܢܘܼܫܝܵܐ ܕܙܲܕܝܼܩܹ̈ܐ؛ 
\q1  
\v 6 ܣܵܒܵܒ ܟܹܐ ܝܵܕܹܥ ܡܵܪܝܵܐ ܐܘܼܪܚܵܐ ܕܙܲܕܝܼܩܹ̈ܐ، 
\q1 ܐܝܼܢܵܐ ܐܘܼܪܚܵܐ ܕܒܝܼܫܹ̈ܐ ܒܸܬ ܛܵܠܩܵܐ. 
\c 2  
\q1  
\v 1 ܩܵܡܘܿܕܝܼ ܫܵܓ݂ܫܝܼ ܐܸܡܘܵܬܹ̈‌ܐ، 
\q1 ܘܥܲܡܡܹ̈ܐ ܗܲܓܝܼ ܒܣܪܝܼܩܘܼܬܵ‌ܐ؟ 
\q1  
\v 2 ܫܩܝܼܠܔ ܠܗܘܿܢ ܫܵܘܦܵܝܗ‌ܝ ܡܲܠܟܹ̈ܐ ܕܐܲܪܥܵܐ، 
\q1 ܘܫܲܠܝܼ̈ܛܹܐ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ، 
\q1 ܥܲܠܔ ܡܵܪܝܵܐ ܘܥܲܠܔ ܡܫܝܼܚܹܗ، ܒܹܐܡܵܪܵܐ: 
\q1  
\v 3 ”ܩܵܛܥܲܚ ܐܸܣܘܼܪ̈ܵܝܗ‌ܝ، 
\q1 ܘܪܲܦܲܚ ܡܥܲܠܲܢ ܚܲܒ݂ܠܵܝ̈ܗ‌ܝ.“ 
\q1  
\v 4 ܝܵܬܒ݂ܵܢܵܐ ܒܫܡܲܝܵܐ ܒܸܓܚܵܟܵܐ ܝܠܹܗ، 
\q1 ܡܵܪܝܵܐ ܡܲܣܚܘܼܪܹܐ ܒܝܼܵܝܗ‌ܝ. 
\q1  
\v 5 ܗ̇ܝܓܵܗ ܒܸܬ ܗܲܡܙܸܡ ܐܸܠܵܝܗ‌ܝ ܒܟܲܪܒܹܗ، 
\q1 ܘܒܚܸܡܬܹܗ ܒܸܬ ܡܲܪܓܸܕ ܠܗܘܿܢ، ܒܹܐܡܵܪܵܐ: 
\q1  
\v 6 ”ܐܝܼܢܵܐ ܐܵܢܵܐ ܡܘܼܩܸܡ ܠܝܼ ܡܲܠܟܝܼ 
\q1 ܥܲܠܔ ܨܸܗܝܘܿܢ، ܛܘܼܪܵܐ ܕܩܘܼܕܫܝܼ.“ 
\q1  
\v 7 ܒܸܬ ܗܲܩܹܝܢ ܒܘܼܬ ܩܵܢܘܿܢܵܐ ܕܡܵܪܝܵܐ. 
\q1 ܐܡܝܼܪܹܗ ܐܸܠܝܼ: ”ܒܪܘܿܢܝܼ ܝܘܸܬ ܐܲܢ݇ܬ، ܐܵܢܵܐ ܐܸܕܝܘܿܡ ܩܵܡ ܡܲܠܸܕܸܢܘܼܟ݂. 
\q1  
\v 8 ”ܛܠܘܿܒ ܡܸܢܝܼ ܘܒܸܬ ܝܵܗܒܹܢ ܐܸܡܘܵܬܹ̈‌ܐ ܠܝܵܪܬܘܼܬܘܼܟ݂، 
\q1 ܘܡܘܼܠܟܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ. 
\q1  
\v 9 ”ܒܸܬ ܬܵܒ݂ܪܹܬ ܠܗܘܿܢ ܒܩܵܛܝܼܵܐ ܕܦܪܸܙܠܵܐ، 
\q1 ܐܲܝܟ݂ ܡܵܐܢܵܐ ܕܦܲܚܵܪܵܐ ܒܸܬ ܛܵܒ݂ܚܹܬ ܠܗܘܿܢ.“ 
\q1  
\v 10 ܒܘܼܬ ܐܵܗܵܐ، ܝܵܐ ܡܲܠܟܹ̈ܐ، ܗܘܹܝܡܘܼܢ ܗܵܘܢܵܢܹ̈ܐ، 
\q1 ܩܲܒܠܘܼܢ ܡܲܪܕܘܼܬܵ‌ܐ، ܝܵܐ ܕܲܝܵܢܹ̈ܐ ܕܐܲܪܥܵܐ. 
\q1  
\v 11 ܦܠܘܿܚܘܼܢ ܠܡܵܪܝܵܐ ܒܙܕܘܼܥܬܵ‌ܐ، 
\q1 ܘܦܨܘܿܚܘܼܢ ܒܪܲܬܪܲܬܬܵ‌ܐ. 
\q1  
\v 12 ܢܫܘܿܩܘܼܢ ܠܒܪܘܿܢܵܐ ܕܠܵܐ ܟܵܪܹܒ ܘܐܵܙܠ݇ܝܼܬܘܿܢ ܠܐܲܒ݂ܕܵܢܵܐ ܓܵܘ ܐܘܼܪܚܵܐ، 
\q1 ܣܵܒܵܒ ܒܸܬ ܠܵܒ݂ܟ݂ܵܐ ܒܓ̰ܲܠܕܘܼܬܵ‌ܐ ܚܸܡܬܹܗ. 
\q1 ܛܘܼܒ݂ܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ. 
\c 3  
\s1 ܡܙܡܘܪܐ ܕܕܘܝܕ، ܟܲܕ ܥܪܝܩ ܠܗ ܡ̣ܢ ܩܕܡ ܐܒ݂ܫܠܘܡ ܒܪܘܢܗ. 
\q1  
\v 1 ܝܵܐ ܡܵܪܝܵܐ، ܟܡܵܐ ܙܝܼܕܹܐ ܝܢܵܐ ܡܲܠܝܸܨܵܢܝܼ̈، 
\q1 ܪܵܒܵܐ ܝܢܵܐ ܩܵܝܡܵܢܹ̈ܐ ܕܥܲܠܝܼ، 
\q1  
\v 2 ܪܵܒܵܐ ܝܢܵܐ ܐܵܡܪ̈ܵܢܹܐ ܒܘܼܬ ܓܵܢܝܼ: 
\q1 ”ܠܲܝܬ ܠܹܗ ܦܘܼܨܵܝܵܐ ܒܐܲܠܵܗܵܐ.“ \qs ܣܹܠܵܗ\qs* 
\q1  
\v 3 ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܡܵܛܵܠܵܐ ܝܘܸܬ ܠܚܵܕܸܪ̈ܘܵܢܝܼ، 
\q1 ܚܸܩܪܝܼ ܘܡܲܪܡܵܢܵܐ ܕܪܹܝܫܝܼ. 
\q1  
\v 4 ܒܩܵܠܝܼ ܠܡܵܪܝܵܐ ܟܹܐ ܩܵܪܹܝܢ، 
\q1 ܘܟܹܐ ܓ̰ܲܘܸܒ ܠܝܼ ܡ̣ܢ ܛܘܼܪܵܐ ܕܩܘܼܕܫܹܗ. \qs ܣܹܠܵܗ\qs* 
\q1  
\v 5 ܐܵܢܵܐ ܟܹܐ ܕܵܡܟܹܢ ܘܛܵܠܥܹܢ، 
\q1 ܟܹܐ ܪܵܥܫܹܢ، ܣܵܒܵܒ ܡܵܪܝܵܐ ܟܹܐ ܣܵܢܹܕ ܠܝܼ. 
\q1  
\v 6 ܠܹܐ ܙܵܕܥܹܢ ܡ̣ܢ ܪܸ̈ܒܘܵܬܹ‌ܐ ܕܥܲܡܡܹ̈ܐ، 
\q1 ܐܲܝܢܝܼ ܕܟܪܝܼܟ݂ ܠܗܘܿܢ ܠܕܲܠܩܘܼܒ݂ܠܝܼ ܡ̣ܢ ܟܠܔ ܓܹܒܵܐ. 
\q1  
\v 7 ܩܘܼܡ، ܝܵܐ ܡܵܪܝܵܐ! ܦܲܪܸܩ ܠܝܼ، ܝܵܐ ܐܲܠܵܗ‌ܝܼ! 
\q1 ܣܵܒܵܒ ܡܸܚܝܵܝ ܝܘܸܬ ܟܠܵܝܗ‌ܝ ܕܸܫ̃ܡܸܢܝܼ̈ ܥܲܠܔ ܦܵܬܵܝܗ‌ܝ، 
\q1 ܟܹܟܹ̈ܐ ܕܒܝܼܫܹ̈ܐ ܬܒ݂ܝܼܪܵܝ ܝܘܸܬ. 
\q1  
\v 8 ܕܡܵܪܝܵܐ ܝܠܹܗ ܦܘܼܨܵܝܵܐ، 
\q1 ܥܲܠܔ ܥܲܡܘܼܟ݂ ܝܼܠܵܗ̇ ܒܘܼܪܟܬܘܼܟ݂. \qs ܣܹܠܵܗ\qs* 
\c 4  
\s1 ܠܪܝܫ ܓܘܕܐ ܕܙܡܪ̈ܐ: ܒܩܝܬܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܒܩܪܵܝܬ‌ܝܼ ܓ̰ܲܘܸܒ ܠܝܼ، ܝܵܐ ܐܲܠܵܗܵܐ ܕܙܲܕܝܼܩܘܼܬ‌ܝܼ، 
\q1 ܓܵܘ ܐܘܼܠܨܵܢܝܼ ܩܵܡ ܡܲܪܘܸܚܸܬ ܠܝܼ، 
\q1 ܪܲܚܸܡ ܥܲܠܝܼ ܘܫܡܹܥ ܠܨܠܘܿܬ‌ܝܼ. 
\q1  
\v 2 ܝܵܐ ܒܢܲܝ̈ܢܵܫܵܐ، ܗܲܠܔ ܐܝܼܡܲܢ ܡܲܕܸܪܝܼܬܘܿܢ ܐܝܼܩܵܪܝܼ ܠܢܟ݂ܝܼܦܬܵ‌ܐ؟ 
\q1 ܗܲܠܔ ܐܝܼܡܲܢ ܡܲܚܸܒܝܼܬܘܿܢ ܣܪܝܼܩܘܼܬܵ‌ܐ، ܘܛܵܥܹܝܬܘܿܢ ܒܵܬܪ ܕܘܼܓܠܵܐ؟ \qs ܣܹܠܵܗ\qs* 
\q1  
\v 3 ܐܝܼܢܵܐ ܝܕܹܥܡܘܼܢ ܕܦܪܝܼܫ ܠܹܗ ܡܵܪܝܵܐ ܡܗܘܼܡܢܵܐ ܩܵܐ ܓܵܢܹܗ، 
\q1 ܡܵܪܝܵܐ ܒܸܬ ܫܵܡܹܥ ܒܩܪܵܝܬ‌ܝܼ ܐܸܠܹܗ. 
\q1  
\v 4 ܪܓܘܿܕܘܼܢ ܒܙܕܘܼܥܬܵ‌ܐ ܘܠܵܐ ܚܵܛܹܝܬܘܿܢ، 
\q1 ܗܲܓܹܝܡܘܼܢ ܒܠܸܒܵܘܟ݂ܘܿܢ ܥܲܠܔ ܫܘܝܼܬܵܘܟ݂ܘܿܢ ܘܦܘܼܫܘܼܢ ܫܸܠܝܹܐ. \qs ܣܹܠܵܗ\qs* 
\q1  
\v 5 ܕܒ݂ܘܿܚܘܼܢ ܕܸܒ݂ܚܹ̈ܐ ܕܙܲܕܝܼܩܘܼܬܵ‌ܐ، 
\q1 ܘܣܒܘܿܪܘܼܢ ܒܡܵܪܝܵܐ. 
\q1  
\v 6 ܪܵܒܵܐ ܝܢܵܐ ܐܵܡܪ̈ܵܢܹܐ: ”ܡܵܢܝܼ ܡܵܨܹܐ ܡܲܚܙܹܐ ܠܲܢ ܛܵܒ݂ܬܵ‌ܐ؟“ 
\q1 ܡܲܪܸܡ ܥܲܠܲܢ ܒܲܗܪܵܐ ܕܦܵܬܘܼܟ݂، ܝܵܐ ܡܵܪܝܵܐ. 
\q1  
\v 7 ܕܪܹܐ ܠܘܼܟ݂ ܦܨܵܚܵܐ ܒܠܸܒܝܼ، 
\q1 ܒܘܼܫ ܙܵܘܕܵܐ ܡ̣ܢ ܙܲܒ݂ܢܵܐ ܕܦܸܪܝܘܼܬܵ‌ܐ ܕܕܲܚܠܵܝܗ‌ܝ ܘܚܲܡܪܵܝܗ‌ܝ. 
\q1  
\v 8 ܒܫܠܵܡܵܐ ܒܸܬ ܕܵܡܟܹܢ ܐܘܼܦ ܒܸܬ ܛܵܠܥܹܢ، 
\q1 ܣܵܒܵܒ ܐܲܢ݇ܬ ܒܢܲܦ̮ܫܘܼܟ݂، ܝܵܐ ܡܵܪܝܵܐ، ܒܫܲܝܢܵܐ ܒܸܬ ܡܲܫܪܹܝܬ ܠܝܼ. 
\c 5  
\s1 ܠܪܝܫ ܓܘܕܐ ܕܙܡܪ̈ܐ: ܒܫܒܝܒ̈ܐ. ܡܙܡܘܪܐ ܕܕܘܝܕ. 
\q1  
\v 1 ܠܗܹܡܸܙܡܵܢܝܼ̈ ܨܲܠܝܼ ܢܵܬܵ‌ܐ، ܝܵܐ ܡܵܪܝܵܐ، 
\q1 ܡܲܣܸܡ ܒܵܠܵܐ ܠܬܲܢܲܚܬ‌ܝܼ. 
\q1  
\v 2 ܗܲܒ݂ܠܔ ܢܵܬܵ‌ܐ ܠܩܵܠܵܐ ܕܓܥܵܝܬ‌ܝܼ، ܡܲܠܟܝܼ ܘܐܲܠܵܗ‌ܝܼ، 
\q1 ܒܗ̇ܝ ܕܐܸܠܘܼܟ݂ ܨܲܠܘܼܝܹܐ ܝܘܸܢ. 
\q1  
\v 3 ܝܵܐ ܡܵܪܝܵܐ، ܒܨܲܦܪܵܐ ܒܸܬ ܫܵܡܥܹܬ ܩܵܠܝܼ، 
\q1 ܒܨܲܦܪܵܐ ܒܸܬ ܡܲܩܪܸܒܸܢ ܨܠܘܿܬ‌ܝܼ ܐܸܠܘܼܟ݂، ܘܒܸܬ ܗܵܘܹܝܢ ܩܲܙܘܼܕܹܐ. 
\q1  
\v 4 ܒܗ̇ܝ ܕܐܲܢ݇ܬ ܠܹܐ ܝܘܸܬ ܐܲܠܵܗܵܐ ܕܒܵܣܡܵܐ ܠܹܗ ܒܒܝܼܫܬܵ‌ܐ، 
\q1 ܠܹܐ ܥܵܡܹܪ ܒܝܼܫܵܐ ܥܲܡܘܼܟ݂. 
\q1  
\v 5 ܠܹܐ ܟܵܠܝܼ ܫܲܒ݂ܗܸܪ̈ܵܢܹܐ ܩܲܕܡ ܥܲܝ̈ܢܘܼܟ݂، 
\q1 ܟܹܐ ܣܵܢܹܝܬ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ. 
\q1  
\v 6 ܟܹܐ ܛܲܠܩܸܬ ܠܗܲܡܙܸܡܵܢܹ̈ܐ ܕܕܲܓܵܠܘܼܬܵ‌ܐ، 
\q1 ܡ̣ܢ ܫܲܦܟ݂ܵܢܵܐ ܕܕܸܡܵܐ ܘܡ̣ܢ ܦܸܠܡܵܐ ܟܹܐ ܓܲܢܓܸܙ ܡܵܪܝܵܐ. 
\q1  
\v 7 ܐܝܼܢܵܐ ܐܵܢܵܐ ܒܣܲܓܝܼܐܘܼܬܵ‌ܐ ܕܛܵܒ݂ܵܬܘܼ̈ܟ݂ ܒܸܬ ܥܵܒ݂ܪܹܢ ܠܒܲܝܬܘܼܟ݂، 
\q1 ܒܙܕܘܼܥܬܵ‌ܐ ܡܸܢܘܼܟ݂ ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂. 
\q1  
\v 8 ܝܵܐ ܡܵܪܝܵܐ، ܡܗܲܕܝܼ ܠܝܼ ܒܙܲܕܝܼܩܘܼܬܘܼܟ݂ ܒܥܸܠܬܵ‌ܐ ܕܕܸܫ̃ܡܸܢܝܼ̈، 
\q1 ܥܒ݂ܘܿܕ ܬܪܘܼܨܬܵ‌ܐ ܩܲܕܡܝܼ ܐܘܼܪܚܘܼܟ݂. 
\q1  
\v 9 ܒܗ̇ܝ ܕܠܲܝܬ ܒܦܘܼܡܵܝܗ‌ܝ ܫܪܵܪܵܐ ܡܩܵܘܝܵܢܵܐ، 
\q1 ܓܵܘܵܝܗ‌ܝ ܚܪܵܒ݂ܵܐ ܝܠܹܗ. 
\q1 ܒܵܠܘܿܥܬܵܝܗ‌ܝ ܩܲܒ݂ܪܵܐ ܦܬܘܼܚܬܵ‌ܐ، 
\q1 ܒܠܸܫܵܢܵܝܗ‌ܝ ܟܹܐ ܫܲܕܠܝܼ. 
\q1  
\v 10 ܕܘܼܢ ܐܸܠܵܝܗ‌ܝ ܐܲܝܟ݂ ܚܲܝܵܒܹ̈ܐ، ܝܵܐ ܐܲܠܵܗܵܐ، 
\q1 ܫܒ݂ܘܿܩ ܢܵܦܠܝܼ ܒܡܸܠܟܵܐ ܕܓܵܢܵܝܗ‌ܝ، 
\q1 ܒܘܼܬ ܦܸܪܝܘܼܬܵ‌ܐ ܕܓܢܵܗܵܝ̈ܗ‌ܝ ܚܲܪܙܸܦ ܠܗܘܿܢ، 
\q1 ܒܗ̇ܝ ܕܗܘܹܐ ܠܗܘܿܢ ܡܵܪ̈ܘܿܕܹܐ ܥܲܠܘܼܟ݂. 
\q1  
\v 11 ܐܝܼܢܵܐ ܦܵܨܚܝܼ ܟܠܵܝܗ‌ܝ ܐܵܢܝܼ ܕܫܵܩܠܝܼ ܓܵܘܣܵܐ ܠܟܸܣܠܘܼܟ݂، 
\q1 ܫܲܒܚܝܼ ܒܚܲܕܘܼܬܵ‌ܐ ܠܥܵܠܲܡ، ܘܟܲܣܝܼ ܠܗܘܿܢ ܒܢܵܛܘܿܪܘܼܬܘܼܟ݂، 
\q1 ܕܦܨܵܚܵܐ ܦܵܨܚܝܼ ܒܝܼܘܼܟ݂ ܡܲܚܸܒܵܢܹ̈ܐ ܕܫܸܡܘܼܟ݂. 
\q1  
\v 12 ܣܵܒܵܒ ܐܲܢ݇ܬ ܟܹܐ ܒܲܪܟܸܬ ܠܙܲܕܝܼܩܵܐ، ܝܵܐ ܡܵܪܝܵܐ، 
\q1 ܐܲܝܟ݂ ܡܵܛܵܠܵܐ ܒܫܵܦܵܩܲܬ ܟܹܐ ܚܲܪܕܸܬ ܠܹܗ. 
\c 6  
\s1 ܠܪܝܫ ܓܘܕܐ ܕܙܡܪ̈ܐ: ܒܩܝܬܪ̈ܐ، ܥܠܔ ܫܡܝܼܢܝܼܬ. ܡܙܡܘܪܐ ܕܕܘܝܕ. 
\q1  
\v 1 ܒܟܲܪܒܘܼܟ݂ ܠܵܐ ܡܲܢܟܸܣܸܬ ܠܝܼ، ܝܵܐ ܡܵܪܝܵܐ، 
\q1 ܘܒܚܸܡܬܘܼܟ݂ ܠܵܐ ܬܲܥܠܡܸܬ ܠܝܼ. 
\q1  
\v 2 ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܟܪܝܼܗܵܐ ܝܘܸܢ ܐܵܢܵܐ، 
\q1 ܒܲܣܸܡ ܠܝܼ، ܝܵܐ ܡܵܪܝܵܐ، ܒܗ̇ܝ ܕܪܓܝܼܕ ܠܗܘܿܢ ܓܲܪ̈ܡܝܼ. 
\q1  
\v 3 ܘܓܵܢܝܼ ܪܓܝܼܕܬܵ‌ܐ ܝܠܵܗ̇ ܪܵܒܵܐ. 
\q1 ܗܲܠܔ ܐܝܼܡܲܢ، ܝܵܐ ܡܵܪܝܵܐ، ܗܲܠܔ ܐܝܼܡܲܢ؟ 
\q1  
\v 4 ܕܘܼܪ، ܝܵܐ ܡܵܪܝܵܐ، ܦܲܨܝܼ ܠܵܗ̇ ܓܵܢܝܼ، 
\q1 ܦܲܪܸܩ ܠܝܼ ܒܘܼܬ ܛܲܝܒܘܼܬܘܼܟ݂. 
\q1  
\v 5 ܒܗ̇ܝ ܕܠܲܝܬ ܓܵܘ ܡܵܘܬܵ‌ܐ ܕܟ݂ܵܪܘܼܟ݂، 
\q1 ܒܫܝܘܿܠܔ ܡܵܢܝܼ ܒܸܬ ܫܲܒܸܚ ܠܘܼܟ݂؟ 
\q1  
\v 6 ܟܟ̰ܝܼܚ ܠܝܼ ܡ̣ܢ ܬܲܢܲܚܬ‌ܝܼ، 
\q1 ܟܹܐ ܡܲܣܚܹܝܢ ܫܘܝܼܬ‌ܝܼ ܟܠܹܗ ܠܲܝܠܹܐ، 
\q1 ܒܕܸܡܥܝܼ̈ ܕܘܼܟܵܐ ܕܕܡܵܟ݂ܬ‌ܝܼ ܟܹܐ ܡܲܬܪܹܝܢ. 
\q1  
\v 7 ܡ̣ܢ ܚܲܫܵܐ ܢܘܝܼܠܔ ܠܗܘܿܢ ܥܲܝܢܝܼ̈، 
\q1 ܚܒܹܐ ܠܗܘܿܢ ܒܥܸܠܬܵ‌ܐ ܕܟܠܵܝܗ‌ܝ ܕܲܠܩܘܼܒ݂ܠܵܝܝܼ̈. 
\q1  
\v 8 ܪܚܘܿܩܘܼܢ ܡܸܢܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، 
\q1 ܒܗ̇ܝ ܕܫܡܝܼܥ ܠܹܗ ܡܵܪܝܵܐ ܩܵܠܵܐ ܕܒܸܟ݂ܝܝܼ. 
\q1  
\v 9 ܫܡܝܼܥܘܼܗ̇ ܝܠܹܗ ܡܵܪܝܵܐ ܦܲܪܦܲܠܬ‌ܝܼ، 
\q1 ܒܸܬ ܩܲܒܸܠܔ ܡܵܪܝܵܐ ܨܠܘܿܬ‌ܝܼ. 
\q1  
\v 10 ܒܸܬ ܢܵܟ݂ܦܝܼ ܘܪܵܓܕܝܼ ܪܵܒܵܐ ܟܠܵܝܗ‌ܝ ܕܸܫ̃ܡܸܢܝܼ̈، 
\q1 ܒܸܬ ܕܵܝܪܝܼ ܘܒܸܬ ܢܵܟ݂ܦܝܼ ܡܸܢܫܸܠܬܵܢܹܐ. 
\c 7  
\s1 ܫܸܓܝܘܿܢ ܕܕܘܝܕ، ܗ̇ܘ ܕܙܡܝܪܗ ܠܡܪܝܐ ܥܠܔ ܟܘܫ ܒܢܝܡܝܢܝܐ. 
\q1  
\v 1 ܝܵܐ ܡܵܪܝܵܐ ܐܲܠܵܗ‌ܝܼ، ܒܝܼܘܼܟ݂ ܫܩܝܼܠܔ ܠܝܼ ܓܵܘܣܵܐ، 
\q1 ܦܲܪܸܩ ܠܝܼ ܡ̣ܢ ܟܠܵܝܗ‌ܝ ܪ̈ܵܕܘܿܦܝܼ ܘܦܲܨܝܼ ܠܝܼ. 
\q1  
\v 2 ܠܵܐ ܗܵܘܹܐ ܕܐܲܝܟ݂ ܐܲܪܝܵܐ ܦܲܪܦܸܛ ܠܵܗ̇ ܓܵܢܝܼ، 
\q1 ܦܵܪܹܛ ܟܲܕ ܠܲܝܬ ܦܲܨܝܵܢܵܐ. 
\q1  
\v 3 ܝܵܐ ܡܵܪܝܵܐ ܐܲܠܵܗ‌ܝܼ، ܐܸܢ ܥܒ݂ܝܼܕ ܠܝܼ ܐܵܗܵܐ، 
\q1 ܐܸܢ ܐܝܼܬ ܥܵܘܠܵܐ ܒܐܝܼܕܝܼ̈؛ 
\q1  
\v 4 ܐܸܢ ܦܪܝܼܥ ܠܝܼ ܒܝܼܫܬܵ‌ܐ ܠܡ̇ܢ ܕܝܼܠܹܗ ܒܫܠܵܡܵܐ ܥܲܡܝܼ، 
\q1 ܘܣܠܝܼܒ ܠܝܼ ܠܕܲܠܩܘܼܒ݂ܠܵܝܝܼ ܒܠܵܐ ܥܸܠܬܵ‌ܐ؛ 
\q1  
\v 5 ܫܒ݂ܘܿܩ ܢܵܦܹܠܔ ܕܸܫ̃ܡܸܢ ܒܵܬܪ ܓܵܢܝܼ ܘܡܵܛܹܐ ܥܲܠܝܼ، 
\q1 ܘܕܲܫܕܸܫ ܠܐܲܪܥܵܐ ܚܲܝܝܼ̈، 
\q1 ܘܡܲܬܸܒ݂ ܠܥܲܦܪܵܐ ܐܝܼܩܵܪܝܼ. \qs ܣܹܠܵܗ\qs* 
\q1  
\v 6 ܩܘܼܡ، ܝܵܐ ܡܵܪܝܵܐ، ܒܟܲܪܒܘܼܟ݂، 
\q1 ܡܲܪܸܡ ܓܵܢܘܼܟ݂ ܥܲܠܔ ܚܸܡܬܵ‌ܐ ܕܕܸܫ̃ܡܸܢܝܼ̈، 
\q1 ܘܪܥܘܿܫ ܒܘܼܬ ܕܝܼܝܼ ܒܕܝܼܘܵܢ ܕܦܩܝܼܕܵܐ ܝܘܸܬ، 
\q1  
\v 7 ܘܫܒ݂ܘܿܩ ܟܸܢܫܵܐ ܕܐܸܡܘܵܬܹ̈‌ܐ ܓ̰ܵܡܥܝܼ ܚܵܕܸܪ̈ܘܵܢܘܼܟ݂، 
\q1 ܘܝܬܘܿܒ݂ ܥܲܠܵܝܗ‌ܝ ܕܲܝܵܢܵܐ ܡ̣ܢ ܪܵܘܡܵܐ. 
\q1  
\v 8 ܡܵܪܝܵܐ ܟܹܐ ܕܵܐܹܢ ܠܥܲܡܡܹ̈ܐ، 
\q1 ܥܒ݂ܘܿܕ ܠܵܗ̇ ܕܝܼܘܵܢܝܼ، ܝܵܐ ܡܵܪܝܵܐ، ܐܲܝܟ݂ ܙܲܕܝܼܩܘܼܬ‌ܝܼ ܘܐܲܝܟ݂ ܬܲܡܝܼܡܘܼܬܵ‌ܐ ܕܐܝܼܬ ܒܝܼܝܼ. 
\q1  
\v 9 ܗܵܐ، ܫܒ݂ܘܿܩ ܬܵܝܡܵܐ ܒܝܼܫܬܵ‌ܐ ܕܪ̈ܲܫܝܼܥܹܐ، ܘܡܲܩܘܝܼ ܠܙܲܕܝܼܩܵܐ؛ 
\q1 ܝܵܐ ܒܵܚܪܵܢܵܐ ܕܠܸܒܵܘܵܬܹ̈‌ܐ ܘܪܸ̈ܥܝܵܢܹܐ، ܐܲܠܵܗܵܐ ܙܲܕܝܼܩܵܐ. 
\q1  
\v 10 ܡܵܛܵܠܝܼ ܝܠܹܗ ܥܲܡ ܐܲܠܵܗܵܐ، 
\q1 ܦܲܪܩܵܢܵܐ ܕܬܪ̈ܘܼܨܹܐ ܕܠܸܒܵܐ. 
\q1  
\v 11 ܕܲܝܵܢܵܐ ܙܲܕܝܼܩܵܐ ܝܠܹܗ ܐܲܠܵܗܵܐ، 
\q1 ܘܓܵܘ ܚܸܡܬܵ‌ܐ ܝܠܹܗ ܐܲܠܵܗܵܐ ܟܠܔ ܝܘܿܡ. 
\q1  
\v 12 ܐܸܢ ܠܵܐ ܬܲܘܸܒ ܐܢܵܫܵܐ، ܣܲܝܦܹܗ ܒܸܬ ܡܲܚܪܸܦ ܠܹܗ ܐܲܠܵܗܵܐ، 
\q1 ܩܸܫܬܹܗ ܡܬܝܼܚܘܼܗ̇ ܝܠܹܗ ܘܗܘܼܕܪܘܼܗ̇. 
\q1  
\v 13 ܘܙܲܝܢܹ̈ܐ ܕܡܵܘܬܵ‌ܐ ܗܘܼܕܪܵܝ ܠܹܗ ܐܸܠܹܗ، 
\q1 ܓܹܐܪ̈ܘܼܗ‌ܝ ܥܒ݂ܝܼܕܵܝ ܠܵܗܝܵܢܹ̈ܐ. 
\q1  
\v 14 ܗܵܐ، ܪܲܫܝܼܥܵܐ ܟܹܐ ܕܵܒܹܩ ܚܸܒ݂ܠܹ̈ܐ ܕܥܵܘܠܵܐ، 
\q1 ܘܟܹܐ ܒܵܛܹܢ ܐܘܼܠܨܵܢܵܐ، ܘܝܵܠܹܕ ܦܸܠܡܵܐ. 
\q1  
\v 15 ܒܹܐܪܵܐ ܟܹܐ ܥܵܩܹܪ ܘܚܵܦܹܪ، 
\q1 ܘܢܵܦܹܠܔ ܒܓܘܼܒܵܐ ܕܬܘܼܪܸܨ ܠܹܗ. 
\q1  
\v 16 ܐܘܼܠܨܵܢܹܗ ܒܪܹܝܫܹܗ ܒܸܬ ܕܵܐܹܪ، 
\q1 ܘܛܠܘܼܡܝܹܗ ܠܩܲܪܩܲܦܬܹܗ ܒܸܬ ܨܵܠܹܐ. 
\q1  
\v 17 ܒܸܬ ܫܲܟܪܸܢ ܠܡܵܪܝܵܐ ܐܲܝܟ݂ ܙܲܕܝܼܩܘܼܬܹܗ، 
\q1 ܘܒܸܬ ܙܵܡܪܹܢ ܫܸܡܵܐ ܕܡܵܪܝܵܐ ܥܸܠܵܝܵܐ. 
\c 8  
\s1 ܠܪܝܫ ܓܘܕܐ ܕܙܡܪ̈ܐ: ܥܠܔ ܓܬܝܼܬ. ܡܙܡܘܪܐ ܕܕܘܝܕ. 
\q1  
\v 1 ܡܵܪܝܵܐ، ܡܵܪܲܢ، 
\q1 ܟܡܵܐ ܡܫܘܼܒܚܵܐ ܝܠܹܗ ܫܸܡܘܼܟ݂ ܒܟܠܵܗ̇ ܐܲܪܥܵܐ، 
\q1 ܕܡܘܼܫܪܹܐ ܠܘܼܟ݂ ܚܸܩܪܘܼܟ݂ ܥܲܠܔ ܫܡܲܝܹ̈ܐ. 
\q1  
\v 2 ܡ̣ܢ ܦܘܼܡܵܐ ܕܝܵܠܹ̈ܕ݇ܐ ܘܝܲܠܘܼܕܹ̈ܐ ܫܘܼܬܐܸܣ ܠܘܼܟ݂ ܚܲܝܠܵܐ، ܒܥܸܠܬܵ‌ܐ ܕܕܲܠܩܘܼܒ݂ܠܵܝܘܼܟ݂، 
\q1 ܠܡܲܫܠܘܼܝܹܐ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ. 
\q1  
\v 3 ܐܝܼܡܲܢ ܕܓܲܫܩܸܢ ܠܫܡܲܝܘܼ̈ܟ݂، ܦܘܼܠܚܵܢܵܐ ܕܨܸܒܥܵܬܘܼ̈ܟ݂، 
\q1 ܣܲܗܪܵܐ ܘܟܵܘܟ݂ܒܹ̈ܐ ܕܡܘܼܬܒ݂ܵܝ ܠܘܼܟ݂ ܒܕܘܼܟܵܝܗ‌ܝ، 
\q1  
\v 4 ܡܘܼܕܝܼ ܝܠܹܗ ܐܢܵܫܵܐ ܕܕܵܟ݂ܪܹܬ ܠܹܗ، 
\q1 ܘܒܲܪܢܵܫܵܐ ܕܣܲܚܒܸܪܸܬ ܠܹܗ؟ 
\q1  
\v 5 ܘܥܒ݂ܝܼܕ ܠܘܼܟ݂ ܐܸܠܹܗ ܚܲܕܟ̰ܵܐ ܒܘܼܫ ܒܵܨܘܿܪܵܐ ܡ̣ܢ ܡܲܠܲܐܟܹ̈ܐ، 
\q1 ܘܒܚܸܩܪܵܐ ܘܐܝܼܩܵܪܵܐ ܒܘܼܢܦܸܪܘܼܟ݂ ܐܸܠܹܗ. 
\q1  
\v 6 ܝܘܼܗܒܹܠܔ ܠܘܼܟ݂ ܫܘܼܠܛܵܢܵܐ ܐܸܠܹܗ ܥܲܠܔ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂؛ 
\q1 ܟܠܔ ܡܸܢܕܝܼ ܡܘܼܬܸܒ݂ ܠܘܼܟ݂ ܬܚܘܿܬ ܐܲܩܠܵܬܘܼ̈ܗ‌ܝ، 
\q1  
\v 7 ܥܸܪ̈ܒܹܐ ܘܬܵܘܪܹ̈ܐ ܟܠܵܝܗ‌ܝ، 
\q1 ܘܐܘܼܦ ܚܲܝܘܵܬܹ̈‌ܐ ܕܕܸܫܬܵ‌ܐ؛ 
\q1  
\v 8 ܛܲܝܪܹ̈ܐ ܕܫܡܲܝܵܐ ܘܢܘܼܢܹ̈ܐ ܕܝܵܡܵܐ، 
\q1 ܟܠܔ ܓ̰ܵܘܓ̰ܵܢܵܐ ܒܪܵܗܛܵܐ ܕܡ̈ܝܼܵܐ ܓܵܘ ܝܵܡܵܬܹ̈‌ܐ. 
\q1  
\v 9 ܡܵܪܝܵܐ، ܡܵܪܲܢ، ܟܡܵܐ ܡܫܘܼܒܚܵܐ ܝܠܹܗ ܫܸܡܘܼܟ݂ ܒܟܠܵܗ̇ ܐܲܪܥܵܐ. 
\c 9  
\s1 ܠܪܝܫ ܓܘܕܐ ܕܙܡܪ̈ܐ: ܥܠܔ ܡܘܼܬ-ܠܲܒܸܢ. ܡܙܡܘܪܐ ܕܕܘܝܕ. 
\q1  
\v 1 ܒܸܬ ܫܲܟܪܸܢ ܠܡܵܪܝܵܐ ܒܟܠܹܗ ܠܸܒܝܼ، 
\q1 ܒܸܬ ܗܲܩܹܝܢ ܟܠܵܝܗ‌ܝ ܕܘܼܡܵܪ̈ܘܼܟ݂؛ 
\q1  
\v 2 ܒܸܬ ܚܵܕܹܝܢ ܘܒܸܬ ܦܵܨܚܹܢ ܒܝܼܘܼܟ݂، 
\q1 ܒܸܬ ܙܵܡܪܹܢ ܫܸܡܘܼܟ݂، ܝܵܐ ܥܸܠܵܝܵܐ. 
\q1  
\v 3 ܐܝܼܡܲܢ ܕܕܵܝܪܝܼ ܕܸܫ̃ܡܸܢܝܼ ܠܒܵܬܪܵܐ، 
\q1 ܟܹܐ ܬܲܪܩܸܠܝܼ ܘܛܵܠܩܝܼ ܡ̣ܢ ܩܲܕܡܘܼܟ݂؛ 
\q1  
\v 4 ܣܵܒܵܒ ܥܒ݂ܝܼܕ ܠܘܼܟ݂ ܕܝܼܘܵܢܝܼ ܘܕܝܵܢܬ‌ܝܼ؛ 
\q1 ܝܬܝܼܒ݂ ܠܘܼܟ݂ ܥܲܠܔ ܟܘܼܪܣܝܵܐ ܒܸܕܝܵܢܵܐ ܒܙܲܕܝܼܩܘܼܬܵ‌ܐ. 
\q1  
\v 5 ܢܓ̰ܝܼܘ ܠܘܼܟ݂ ܒܐܸܡܘܵܬܹ̈‌ܐ، ܛܘܼܠܸܩ ܠܘܼܟ݂ ܠܒܝܼܫܹ̈ܐ، 
\q1 ܫܸܡܵܝܗ‌ܝ ܓܪܝܼܕ ܠܘܼܟ݂ ܠܥܵܠܲܡ ܥܵܠܡܝܼܢ. 
\q1  
\v 6 ܕܸܫ̃ܡܸܢ ܬܝܼܡ ܠܹܗ ܒܚܪܵܒ݂ܵܐ ܥܵܠܡܝܼܢܵܝܵܐ، 
\q1 ܘܡܕܝܼܢܵܬܵܝ̈ܗ‌ܝ ܥܩܝܼܪܘܼܟ݂، 
\q1 ܛܠܝܼܩ ܠܹܗ ܕܟ݂ܵܪܵܐ ܕܝܼܵܝܗ‌ܝ. 
\q1  
\v 7 ܐܝܼܢܵܐ ܡܵܪܝܵܐ ܠܥܵܠܲܡ ܝܬܝܼܒ݂ܵܐ ܝܠܹܗ، 
\q1 ܡܘܼܩܘܝܼܵܐ ܝܠܹܗ ܟܘܼܪܣܝܹܗ ܠܕܝܵܢܬܵ‌ܐ. 
\q1  
\v 8 ܘܗ̇ܘ ܒܸܬ ܕܵܐܹܢ ܠܒܪܝܼܬܵ‌ܐ ܒܙܲܕܝܼܩܘܼܬܵ‌ܐ، 
\q1 ܒܸܬ ܥܵܒܹܕ ܕܝܵܢܬܵ‌ܐ ܠܥܲܡܡܹ̈ܐ ܒܬܪܘܼܨܘܼܬܵ‌ܐ. 
\q1  
\v 9 ܘܒܸܬ ܗܵܘܹܐ ܡܵܪܝܵܐ ܒܹܝܬ ܓܵܘܣܵܐ ܠܡܘܼܠܝܸܨܹ̈ܐ، 
\q1 ܒܹܝܬ ܓܵܘܣܵܐ ܒܥܕܵܢܵܐ ܕܐܘܼܠܨܵܢܵܐ. 
\q1  
\v 10 ܘܒܸܬ ܣܵܒܪܝܼ ܒܝܼܘܼܟ݂ ܝܵܕܥܵܢܹ̈ܐ ܕܫܸܡܘܼܟ݂، 
\q1 ܒܗ̇ܝ ܕܠܹܐ ܝܘܸܬ ܫܒ݂ܝܼܩܵܐ ܠܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܡܵܪܝܵܐ. 
\q1  
\v 11 ܙܡܘܿܪܘܼܢ ܠܡܵܪܝܵܐ ܥܵܡܪܵܢܵܐ ܒܨܸܗܝܘܿܢ، 
\q1 ܡܲܕܸܥܡܘܼܢ ܥܒ݂ܵܕܘܼ̈ܗ‌ܝ ܓܵܘ ܥܲܡܡܹ̈ܐ. 
\q1  
\v 12 ܒܗ̇ܝ ܕܫܵܩܠܵܢܵܐ ܕܬܘܼܥܠܵܐ ܕܕܸܡܵܐ ܟܹܐ ܕܵܟܹܪ ܠܡܘܼܠܝܸܨܹ̈ܐ؛ 
\q1 ܠܹܐ ܡܲܢܫܹܐ ܠܡܲܩܘܲܚܬܵܝܗ‌ܝ. 
\q1  
\v 13 ܪܲܚܸܡ ܥܲܠܝܼ، ܝܵܐ ܡܵܪܝܵܐ، 
\q1 ܚܙܝܼ ܐܘܼܠܨܵܢܝܼ ܕܡ̣ܢ ܣܵܢܝܵܢܝܼ̈، 
\q1 ܝܵܐ ܡܲܪܡܵܢܝܼ ܡ̣ܢ ܕܲܪ̈ܘܵܙܹܐ ܕܡܵܘܬܵ‌ܐ، 
\q1  
\v 14 ܕܗܲܩܹܝܢ ܟܠܵܝܗ‌ܝ ܬܸܫܒܘܿܚܝܵܬܘܼ̈ܟ݂ 
\q1 ܒܕܲܪ̈ܘܵܙܹܐ ܕܒܪܵܬ ܨܸܗܝܘܿܢ، 
\q1 ܥܵܒ݂ܕܹܢ ܦܨܵܚܵܐ ܒܦܘܼܪܩܵܢܘܼܟ݂. 
\q1  
\v 15 ܛܒܝܼܥ ܠܗܘܿܢ ܐܸܡܘܵܬܹ̈‌ܐ ܒܓܘܼܒܵܐ ܕܚܦܝܼܪܗܘܿܢ، 
\q1 ܒܓܲܪܕܵܐ ܕܛܘܼܡܸܪܗܘܿܢ ܦܝܼܫ ܠܵܗ̇ ܕܒ݂ܝܼܩܬܵ‌ܐ ܐܲܩܠܵܝܗ‌ܝ. 
\q1  
\v 16 ܦܝܼܫܵܐ ܝܠܹܗ ܝܕܝܼܥܵܐ ܡܵܪܝܵܐ ܒܕܝܼܘܵܢ ܕܥܒ݂ܝܼܕ ܠܹܗ، 
\q1 ܪܲܫܝܼܥܵܐ ܒܦܘܼܠܚܵܢܵܐ ܕܐܝܼܕܘܼ̈ܗ‌ܝ ܟܹܐ ܦܵܐܹܫ ܕܒ݂ܝܼܩܵܐ ܒܩܘܼܠܬܵ‌ܐ. ܗܓܵܝܘܿܢ \qs ܣܹܠܵܗ\qs* 
\q1  
\v 17 ܒܸܬ ܕܵܝܪܝܼ ܒܝܼܫܹ̈ܐ ܠܫܝܘܿܠܔ، 
\q1 ܟܠܵܝܗ‌ܝ ܐܸܡܘܵܬܹ̈‌ܐ ܢܵܫܝܵܢܹ̈ܐ ܕܐܲܠܵܗܵܐ. 
\q1  
\v 18 ܣܵܒܵܒ ܠܥܵܠܲܡ ܠܹܐ ܦܵܐܹܫ ܡܘܼܢܫܝܼܵܐ ܣܢܝܼܩܵܐ، 
\q1 ܠܹܐ ܛܵܠܹܩ ܣܲܒ݂ܪܵܐ ܕܡܸܣܟܹܢܹ̈ܐ ܠܥܵܠܲܡ. 
\q1  
\v 19 ܩܘܼܡ، ܝܵܐ ܡܵܪܝܵܐ، ܕܠܵܐ ܡܲܫ݇ܟ̰ܸܚ ܙܵܟ݂ܘܼܬܵ‌ܐ ܐܢܵܫܵܐ، 
\q1 ܦܵܝܫܝܼ ܕܝܼܢܹܐ ܐܸܡܘܵܬܹ̈‌ܐ ܩܲܕܡ ܦܵܬܘܼܟ݂. 
\q1  
\v 20 ܡܲܬܸܒ݂، ܝܵܐ ܡܵܪܝܵܐ، ܙܕܘܼܥܬܵ‌ܐ ܥܲܠܵܝܗ‌ܝ، 
\q1 ܕܝܵܕܥܝܼ ܐܸܡܘܵܬܹ̈‌ܐ ܕܒܢܲܝ̈ܢܵܫܵܐ ܝܢܵܐ ܐܵܢܝܼ. \qs ܣܹܠܵܗ\qs* 
\c 10  
\q1  
\v 1 ܩܵܡܘܿܕܝܼ، ܝܵܐ ܡܵܪܝܵܐ، ܟܵܠܹܝܬ ܪܸܚܩܵܐ، 
\q1 ܛܲܫܹܝܬ ܓܵܢܘܼܟ݂ ܒܥܕܵܢܵܬܹ̈‌ܐ ܕܥܵܘܩܵܢܵܐ؟ 
\q1  
\v 2 ܒܝܼܫܹ̈ܐ ܒܫܘܼܒ݂ܗܵܪܵܐ ܟܹܐ ܡܲܠܝܸܨܝܼ ܠܡܸܣܟܹܢܵܐ، 
\q1 ܫܒ݂ܘܿܩ ܦܵܝܫܝܼ ܕܒ݂ܝܼܩܹܐ ܒܚܘܼܫܵܒܹ̈ܐ ܕܥܒ݂ܝܼܕ ܠܗܘܿܢ. 
\q1  
\v 3 ܣܵܒܵܒ ܟܹܐ ܚܵܬܹܪ ܒܝܼܫܵܐ ܒܘܼܬ ܫܲܗܘܲܬܬܵ‌ܐ ܕܢܲܦ̮ܫܹܗ، 
\q1 ܘܚܵܛܘܿܦܵܐ ܟܹܐ ܠܵܐܹܛ ܘܟܹܐ ܡܲܣܠܹܐ ܠܡܵܪܝܵܐ. 
\q1  
\v 4 ܒܝܼܫܵܐ ܢܵܚܝܼܪܹܗ ܪܵܡܵܐ ܠܹܐ ܛܵܥܹܐ ܒܵܬܪܹܗ، 
\q1 ܠܲܝܬ ܐܲܠܵܗܵܐ ܒܟܠܵܝܗ‌ܝ ܚܘܼܫܵܒ݂ܘܼ̈ܗ‌ܝ. 
\q1  
\v 5 ܡܲܢܬܝܼܵܢܹ̈ܐ ܝܢܵܐ ܐܘܼܪ̈ܚܵܬܘܼܗ‌ܝ ܒܟܠܔ ܥܕܵܢܵܐ، 
\q1 ܪ̈ܵܡܹܐ ܝܢܵܐ ܕܝܼܘܵܢܘܼ̈ܟ݂، ܥܸܠܸܠܔ ܡ̣ܢ ܚܙܵܝܬܹܗ، 
\q1 ܟܹܐ ܓܲܫܸܩ ܒܥܲܝܢܵܐ ܕܡܲܣܠܲܝܬܵ‌ܐ ܠܟܠܵܝܗ‌ܝ ܕܸܫ̃ܡܸܢܘܼ̈ܗ‌ܝ. 
\q1  
\v 6 ܐܡܝܼܪܹܗ ܒܠܸܒܹܗ: ”ܠܹܐ ܫܵܥܫܹܢ، 
\q1 ܠܹܐ ܚܵܙܹܝܢ ܣܸܪܝܘܼܬܵ‌ܐ ܡ̣ܢ ܕܵܪܵܐ ܠܕܵܪܵܐ.“ 
\q1  
\v 7 ܦܘܼܡܹܗ ܡܸܠܝܵܐ ܝܠܹܗ ܠܵܘܛܬܵ‌ܐ ܘܦܸܠܡܹ̈ܐ ܘܓܸܙܡܵܐ، 
\q1 ܬܚܘܿܬ ܠܸܫܵܢܹܗ ܡܲܠܝܲܨܬܵ‌ܐ ܘܥܵܘܠܵܐ. 
\q1  
\v 8 ܟܹܐ ܝܵܬܹܒ݂ ܒܟܡܹܐܢܵܐ ܓܵܘ ܡܵܬܘܵܬܹ̈‌ܐ، 
\q1 ܓܵܘ ܣܸܬܵܪܹ̈ܐ ܟܹܐ ܩܵܛܹܠܔ ܠܙܲܟܵܝܵܐ، 
\q1 ܥܲܝܢܘܼ̈ܗ‌ܝ ܒܛܸܫܘܵܐ ܟܹܐ ܛܵܥܝܼ ܠܒܝܼܫܓܲܕܹ̈ܐ. 
\q1  
\v 9 ܟܹܐ ܝܵܬܹܒ݂ ܒܣܸܬܵܪܹ̈ܐ ܐܲܝܟ݂ ܐܲܪܝܵܐ ܒܓܘܼܒܹܗ، 
\q1 ܟܹܐ ܝܵܬܹܒ݂ ܒܟܡܹܐܢܵܐ ܠܸܚܛܵܦܵܐ ܠܡܸܣܟܹܢܵܐ، 
\q1 ܟܹܐ ܚܵܛܹܦ ܠܡܸܣܟܹܢܵܐ ܐܝܼܡܲܢ ܕܓܵܪܹܫ ܠܹܗ ܠܓܲܪܕܹܗ. 
\q1  
\v 10 ܟܹܐ ܟܵܐܹܦ ܠܸܨܦܵܚܵܐ، 
\q1 ܘܒܚܲܝܠܹܗ ܟܹܐ ܢܵܦܠܝܼ ܒܝܼܫܓܲܕܹ̈ܐ. 
\q1  
\v 11 ܐܡܝܼܪܹܗ ܒܠܸܒܹܗ: ”ܠܹܐ ܡܲܣܸܡ ܒܵܠܵܐ ܐܲܠܵܗܵܐ، 
\q1 ܟܘܼܣܝܘܼܗ̇ ܝܠܹܗ ܦܵܬܹܗ، ܠܹܐ ܚܵܙܹܐ ܠܥܵܠܲܡ.“ 
\q1  
\v 12 ܩܘܼܡ، ܝܵܐ ܡܵܪܝܵܐ ܐܲܠܵܗܵܐ، ܡܲܪܸܡ ܐܝܼܕܘܼܟ݂، 
\q1 ܠܵܐ ܢܵܫܹܝܬ ܠܡܸܣܟܹܢܹ̈ܐ. 
\q1  
\v 13 ܩܵܡܘܿܕܝܼ ܡܲܣܠܹܐ ܪܲܫܝܼܥܵܐ ܠܐܲܠܵܗܵܐ؟ 
\q1 ܐܡܝܼܪܹܗ ܒܠܸܒܹܗ: ”ܠܹܐ ܚܲܫܒܸܢܵܗ̇ ܥܲܠܝܼ.“ 
\q1  
\v 14 ܐܝܼܢܵܐ ܚܸܙܝܵܐ ܠܘܼܟ݂ ܐܲܢ݇ܬ! ܟܹܐ ܚܵܝܪܹܬ ܠܥܵܘܩܵܢܵܐ ܘܠܚܲܫܵܐ، ܠܸܫܩܵܠܵܐ ܓܵܘ ܐܝܼܕܵܬܹ̈‌ܐ ܕܓܵܢܘܼܟ݂؛ 
\q1 ܥܲܠܘܼܟ݂ ܟܹܐ ܣܲܦܹܐ ܠܵܗ̇ ܓܵܢܹܗ ܒܝܼܫܓܲܕܵܐ، 
\q1 ܠܝܲܬܘܼܡܵܐ ܐܲܢ݇ܬ ܟܹܐ ܗܵܘܹܝܬ ܗܲܝܸܪܵܢܵܐ. 
\q1  
\v 15 ܬܵܒ݂ܪܹܬ ܕܪܲܥܢܵܐ ܕܪܲܫܝܼܥܵܐ ܘܕܒܝܼܫܵܐ، 
\q1 ܬܲܥܠܡܸܬ ܠܒܝܼܫܬܹܗ ܗܲܠܔ ܕܠܵܐ ܡܲܫ݇ܟ̰ܚܸܬ ܠܵܗ̇ ܐܚܹܪܢܵܐ. 
\q1  
\v 16 ܡܵܪܝܵܐ ܡܲܠܟܵܐ ܝܠܹܗ ܠܥܵܠܲܡ ܥܵܠܡܝܼܢ، 
\q1 ܛܠܝܼܩ ܠܗܘܿܢ ܐܸܡܘܵܬܹ̈‌ܐ ܡ̣ܢ ܐܲܪܥܹܗ. 
\q1  
\v 17 ܛܠܵܒܬܵ‌ܐ ܕܡܸܣܟܹܢܹ̈ܐ ܫܡܝܼܥ ܠܘܼܟ݂، ܝܵܐ ܡܵܪܝܵܐ، 
\q1 ܒܸܬ ܡܲܩܘܹܝܬ ܠܸܒܵܝܗ‌ܝ، ܒܸܬ ܨܲܠܹܝܬ ܢܵܬܘܼܟ݂. 
\q1  
\v 18 ܠܸܥܒ݂ܵܕܵܐ ܕܝܼܘܵܢ ܕܝܲܬܘܼܡܵܐ ܘܡܘܼܠܝܸܨܵܐ، 
\q1 ܕܐܢܵܫܵܐ ܕܡ̣ܢ ܐܲܪܥܵܐ ܠܵܐ ܡܲܙܝܸܕ ܐܚܹܪܢܵܐ ܠܡܲܙܕܘܼܥܹܐ. 
\c 11  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܒܡܵܪܝܵܐ ܫܩܝܼܠܔ ܠܝܼ ܓܵܘܣܵܐ، 
\q1 ܕܐܲܝܟ݂ ܐܵܡܪܝܼܬܘܿܢ ܠܓܵܢܝܼ: 
\q1 ”ܥܪܘܿܩܝ ܠܛܘܼܪܵܟ݂ܝ ܐܲܝܟ݂ ܛܲܝܪܵܐ؟“ 
\q1  
\v 2 ܒܗ̇ܝ ܕܗܵܐ، ܪ̈ܲܫܝܼܥܹܐ ܒܸܡܬܵܚܵܐ ܝܢܵܐ ܩܸܫܬܵ‌ܐ، 
\q1 ܗܘܼܕܸܪܗܘܿܢ ܓܹܐܪ̈ܵܝܗ‌ܝ ܥܲܠܔ ܡܸܠܬܵ‌ܐ، 
\q1 ܠܪܲܦܘܼܝܹܐ ܒܚܸܫܟܵܐ ܥܲܠܔ ܬܪ̈ܘܼܨܹܐ ܕܠܸܒܵܐ. 
\q1  
\v 3 ܐܝܼܡܲܢ ܕܫܲܬܐܸܣܹ̈ܐ ܦܵܝܫܝܼ ܬܠܝܼܚܹܐ، 
\q1 ܡܘܼܕܝܼ ܥܵܒܹܕ ܙܲܕܝܼܩܵܐ؟ 
\q1  
\v 4 ܡܵܪܝܵܐ ܒܗܲܝܟܠܵܐ ܕܩܘܼܕܫܹܗ، 
\q1 ܡܵܪܝܵܐ ܒܫܡܲܝܵܐ ܟܘܼܪܣܝܹܗ، 
\q1 ܥܲܝܢܘܼ̈ܗ‌ܝ ܟܹܐ ܚܵܙܝܼ، ܛܸܠܦܵܦܘܼ̈ܗ‌ܝ ܟܹܐ ܒܵܚܪܝܼ ܠܒܢܲܝ̈ܢܵܫܵܐ. 
\q1  
\v 5 ܡܵܪܝܵܐ ܟܹܐ ܒܵܚܹܪ ܠܙܲܕܝܼܩܵܐ، 
\q1 ܐܝܼܢܵܐ ܠܒܝܼܫܵܐ ܘܠܡܲܚܸܒܵܢܵܐ ܕܛܠܘܼܡܝܵܐ ܟܹܐ ܣܵܢܝܵܐ ܓܵܢܹܗ. 
\q1  
\v 6 ܒܸܬ ܡܲܥܪܹܐ ܥܲܠܔ ܪ̈ܲܫܝܼܥܹܐ ܦܲܚܹ̈ܐ، 
\q1 ܢܘܼܪܵܐ، ܘܟܸܒܪܝܼܬ، ܘܦܵܘܚܵܐ ܚܲܡܝܼܡܵܐ؛ ܣܵܗܡܵܐ ܕܟܵܣܵܝܗ‌ܝ. 
\q1  
\v 7 ܒܗ̇ܝ ܕܙܲܕܝܼܩܵܐ ܝܠܹܗ ܡܵܪܝܵܐ، ܟܹܐ ܡܲܚܸܒ ܙܲܕܝܼܩܘܼܬܵ‌ܐ، 
\q1 ܬܪ̈ܘܼܨܹܐ ܒܸܬ ܚܵܙܝܼ ܠܦܵܬܹܗ. 
\c 12  
\s1 ܠܪܝܫ ܓܘܕܐ ܕܙܡܪ̈ܐ: ܥܠܔ ܫܡܝܼܢܝܼܬ. ܡܙܡܘܪܐ ܕܕܘܝܕ. 
\q1  
\v 1 ܦܲܪܸܩ، ܝܵܐ ܡܵܪܝܵܐ، ܒܗ̇ܝ ܕܬܝܼܡ ܠܹܗ ܙܲܕܝܼܩܵܐ، 
\q1 ܒܗ̇ܝ ܕܦܪܝܼܩ ܠܗܘܿܢ ܡܗܘܼܡܢܹ̈ܐ ܡ̣ܢ ܓܵܘ ܒܢܲܝ̈ܢܵܫܵܐ. 
\q1  
\v 2 ܣܪܝܼܩܘܼܬܵ‌ܐ ܟܹܐ ܗܲܡܙܸܡܝܼ ܐܢܵܫܵܐ ܥܲܡ ܚܲܒ݂ܪܹܗ؛ 
\q1 ܒܣܸܦܘܵܬܹ̈‌ܐ ܟ̰ܘܼܥܝܹ̈ܐ، ܒܬܪܹܝ ܠܸܒܹ̈ܐ ܦܪ̈ܝܼܫܹܐ ܟܹܐ ܗܲܡܙܸܡܝܼ. 
\q1  
\v 3 ܒܸܬ ܩܵܛܹܥ ܡܵܪܝܵܐ ܟܠܵܝܗ‌ܝ ܣܸܦܘܵܬܹ̈‌ܐ ܟ̰ܘܼܥܝܹ̈ܐ، 
\q1 ܘܠܸܫܵܢܵܐ ܕܗܲܡܙܸܡ ܡܸܢܕܝܼܵܢܹ̈ܐ ܓܘܼܪܹ̈ܐ. 
\q1  
\v 4 ܐܵܢܝܼ ܕܐܡܝܼܪܗܘܿܢ: ”ܒܠܸܫܵܢܲܢ ܒܸܬ ܙܲܪܒܸܢܲܚ، 
\q1 ܣܸܦܘܵܬܲܢ̈ ܕܝܼܲܢ ܝܼܢܵܐ، ܡܵܢܝܼ ܝܠܹܗ ܡܵܪܵܐ ܥܲܠܲܢ؟“ 
\q1  
\v 5 ”ܡ̣ܢ ܥܸܠܬܵ‌ܐ ܕܛܠܘܼܡܝܵܐ ܕܡܸܣܟܹܢܹ̈ܐ، 
\q1 ܡ̣ܢ ܥܸܠܬܵ‌ܐ ܕܬܲܢܲܚܬܵ‌ܐ ܕܣܢܝܼܩܹ̈ܐ، 
\q1 ܐܵܕܝܼܵܐ ܒܸܬ ܩܵܝܡܹܢ،“ ܒܹܐܡܵܪܵܐ ܝܠܹܗ ܡܵܪܝܵܐ، 
\q1 ”ܒܸܬ ܡܲܬܒܸܢܗܘܿܢ ܒܫܲܝܢܵܐ، ܐܲܝܟܵܐ ܕܪܲܚܪܘܼܚܹܐ ܝܢܵܐ ܕܗܵܘܝܼ.“ 
\q1  
\v 6 ܗܹܡܸܙܡܵܢܹ̈ܐ ܕܡܵܪܝܵܐ، ܗܹܡܸܙܡܵܢܹ̈ܐ ܕܸܟ݂ܝܹ̈ܐ ܝܢܵܐ، 
\q1 ܐܲܝܟ݂ ܣܹܐܡܵܐ ܨܘܼܪܸܦܵܐ ܒܐܲܬܘܼܢܵܐ ܕܐܲܪܥܵܐ، 
\q1 ܨܘܼܦܝܵܐ ܫܒܲܥ ܓܵܗܹ̈ܐ. 
\q1  
\v 7 ܐܲܢ݇ܬ، ܝܵܐ ܡܵܪܝܵܐ، ܒܸܬ ܢܵܛܪܹܬ ܠܗܘܿܢ، 
\q1 ܒܸܬ ܚܲܡܹܝܬ ܠܗܘܿܢ ܡ̣ܢ ܐܵܗܵܐ ܕܵܪܵܐ ܗܲܠܔ ܥܵܠܲܡ. 
\q1  
\v 8 ܒܟܠܔ ܓܹܒܵܐ ܪ̈ܲܫܝܼܥܹܐ ܟܹܐ ܚܵܕܪܝܼ، 
\q1 ܐܝܼܡܲܢ ܕܡܲܣܠܲܝܬܵ‌ܐ ܦܵܝܫܵܐ ܡܝܘܼܩܸܪܬܵ‌ܐ ܓܵܘ ܒܢܲܝ̈ܢܵܫܵܐ. 
\c 13  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܗܲܠܔ ܐܝܼܡܲܢ، ܝܵܐ ܡܵܪܝܵܐ؟ ܒܸܬ ܡܲܢܫܹܝܬ ܠܝܼ ܠܥܵܠܲܡ؟ 
\q1 ܗܲܠܔ ܐܝܼܡܲܢ ܒܸܬ ܛܲܫܹܝܬ ܦܵܬܘܼܟ݂ ܡܸܢܝܼ؟ 
\q1  
\v 2 ܗܲܠܔ ܐܝܼܡܲܢ ܡܲܬܒܸܢ ܪܸܢܝܵܐ ܒܓܵܢܝܼ، 
\q1 ܚܲܫܵܐ ܒܠܸܒܝܼ ܟܠܹܗ ܝܵܘܡܵܐ؟ 
\q1 ܗܲܠܔ ܐܝܼܡܲܢ ܪܵܐܹܡ ܕܸܫ̃ܡܸܢܝܼ ܥܲܠܝܼ؟ 
\q1  
\v 3 ܚܘܼܪ ܓ̰ܲܘܸܒ ܠܝܼ، ܝܵܐ ܡܵܪܝܵܐ ܐܲܠܵܗ‌ܝܼ، 
\q1 ܒܲܗܪܸܢ ܥܲܝܢܝܼ̈ ܕܠܵܐ ܛܵܡܪܹܢ ܒܫܸܢܬܵ‌ܐ ܕܡܵܘܬܵ‌ܐ؛ 
\q1  
\v 4 ܕܠܵܐ ܐܵܡܹܪ ܕܸܫ̃ܡܸܢܝܼ: ”ܗܘܹܐ ܠܝܼ ܓ݂ܵܠܒܵܢܵܐ ܥܲܠܘܼܗ‌ܝ،“ 
\q1 ܘܡܲܠܝܸܨܵܢܝܼ̈ ܦܵܨܚܝܼ ܐܝܼܡܲܢ ܕܫܵܥܫܹܢ. 
\q1  
\v 5 ܐܝܼܢܵܐ ܐܵܢܵܐ ܒܛܲܝܒܘܼܬܘܼܟ݂ ܣܒܝܼܪܝܼ، 
\q1 ܒܸܬ ܦܵܨܹܚ ܠܸܒܝܼ ܒܦܘܼܪܩܵܢܘܼܟ݂. 
\q1  
\v 6 ܒܸܬ ܙܵܡܪܹܢ ܠܡܵܪܝܵܐ، 
\q1 ܒܗ̇ܝ ܕܒܦܸܪܝܘܼܬܵ‌ܐ ܩܵܡ ܦܵܪܹܥ ܠܝܼ. 
\c 14  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܐܡܝܼܪܹܗ ܣܲܟ݂ܠܵܐ ܒܠܸܒܹܗ: ”ܠܲܝܬ ܐܲܠܵܗܵܐ.“ 
\q1 ܚܪܝܼܒܹܐ ܝܢܵܐ، ܥܒ݂ܝܼܕ ܠܗܘܿܢ ܦܘܼܠܚܵܢܹ̈ܐ ܛܲܢ̈ܦܹܐ، 
\q1 ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ. 
\q1  
\v 2 ܡܵܪܝܵܐ ܡ̣ܢ ܫܡܲܝܵܐ ܓܘܼܫܸܩ ܠܹܗ ܥܲܠܔ ܒܢܲܝ̈ܢܵܫܵܐ، 
\q1 ܠܸܚܙܵܝܵܐ ܐܸܢ ܐܝܼܬ ܦܲܪܡܝܼܵܢܵܐ، 
\q1 ܛܵܥܝܵܢܵܐ ܠܐܲܠܵܗܵܐ. 
\q1  
\v 3 ܟܠܵܝܗ‌ܝ ܩܠܝܼܒ ܠܗܘܿܢ، ܡܸܚܕܵܕܹ̈ܐ ܗܘܹܐ ܠܗܘܿܢ ܛܲܡܐܹ̈ܐ، 
\q1 ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ، ܠܲܝܬ ܐܘܼܦ ܚܲܕ. 
\q1  
\v 4 ܗܵܐ، ܠܵܐ ܝܕܝܼܥ ܠܗܘܿܢ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، 
\q1 ܕܟܹܐ ܐܵܟ݂ܠܝܼ ܠܥܲܡܝܼ ܐܲܝܟ݂ ܕܐܵܟ݂ܠܝܼ ܠܲܚܡܵܐ، 
\q1 ܘܠܡܵܪܝܵܐ ܠܹܐ ܩܵܪܝܼ؟ 
\q1  
\v 5 ܬܵܡܵܐ ܙܕܝܼܥ ܠܗܘܿܢ ܙܕܘܼܥܬܵ‌ܐ، 
\q1 ܒܗ̇ܝ ܕܐܲܠܵܗܵܐ ܝܼܠܹܗ ܥܲܡ ܬܵܘܠܲܕܬܵ‌ܐ ܙܲܕܝܼܩܬܵ‌ܐ. 
\q1  
\v 6 ܡܸܠܟܵܐ ܕܡܸܣܟܹܢܵܐ ܟܹܐ ܡܲܣܠܹܝܬܘܿܢ، 
\q1 ܐܝܼܢܵܐ ܡܵܪܝܵܐ ܝܠܹܗ ܒܹܝܬ ܓܵܘܣܹܗ. 
\q1  
\v 7 ܛܘܼܒ݂ܵܐ ܕܐܵܬܹ‌ܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠܔ؛ 
\q1 ܐܝܼܡܲܢ ܕܡܲܕܸܪ ܡܵܪܝܵܐ ܠܥܲܡܹܗ ܡ̣ܢ ܓܵܠܘܼܬܵ‌ܐ، 
\q1 ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠܔ. 
\c 15  
\q1  
\v 1 ܝܵܐ ܡܵܪܝܵܐ، ܡܵܢܝܼ ܡܵܨܹܐ ܥܵܡܹܪ ܒܡܲܫܟܢܘܼܟ݂؟ 
\q1 ܡܵܢܝܼ ܡܵܨܹܐ ܫܵܪܹܐ ܒܛܘܼܪܵܐ ܕܩܘܼܕܫܘܼܟ݂؟ 
\q1  
\v 2 ܗ̇ܘ ܕܚܵܕܹܪ ܒܬܲܡܝܼܡܘܼܬܵ‌ܐ ܘܦܵܠܹܚ ܙܲܕܝܼܩܘܼܬܵ‌ܐ، 
\q1 ܘܗܲܡܙܸܡ ܫܪܵܪܵܐ ܒܠܸܒܹܗ. 
\q1  
\v 3 ܘܠܹܐ ܕܵܪܹܐ ܒܘܼܚܬܵܢ ܒܠܸܫܵܢܹܗ، 
\q1 ܘܠܹܐ ܥܵܒܹܕ ܒܝܼܫܬܵ‌ܐ ܠܚܲܒ݂ܪܹܗ، 
\q1 ܘܠܹܐ ܡܲܪܸܡ ܠܵܘܡܵܐ ܥܲܠܔ ܫܒ݂ܵܒܹܗ. 
\q1  
\v 4 ܘܒܥܲܝܢܘܼ̈ܗ‌ܝ ܦܝܼܫ ܠܹܗ ܡܘܼܣܠܝܼܵܐ ܟܵܦܘܿܪܵܐ، 
\q1 ܘܟܹܐ ܡܝܲܩܸܪ ܠܙܕܝܼ̈ܥܹܐ ܕܡܵܪܝܵܐ، 
\q1 ܘܟܹܐ ܝܵܡܹܐ ܠܓܵܢܹܗ ܘܠܹܐ ܫܲܚܠܸܦ، ܐܵܦܸܢ ܕܐܵܬܝܵܐ ܥܲܠܘܼܗ‌ܝ ܒܝܼܫܬܵ‌ܐ. 
\q1  
\v 5 ܘܠܹܐ ܡܲܕܝܸܢ ܣܹܐܡܹܗ ܒܙܵܘܕܘܼܢܝܵܐ، 
\q1 ܘܠܹܐ ܫܵܩܹܠܔ ܪܸܫܘܲܬ ܥܲܠܔ ܙܲܟܵܝܵܐ. 
\q1 ܥܵܒ݂ܕܵܢܹ̈ܐ ܕܐܲܢܹܐ ܠܹܐ ܫܵܥܹܫ ܠܥܵܠܲܡ. 
\c 16  
\s1 ܡܸܟ݂ܬܵܡ ܕܕܘܝܕ. 
\q1  
\v 1 ܢܛܘܿܪܝܼ، ܝܵܐ ܐܲܠܵܗܵܐ، ܒܗ̇ܝ ܕܫܩܝܼܠܔ ܠܝܼ ܓܵܘܣܵܐ ܒܝܼܘܼܟ݂. 
\q1  
\v 2 ܐܡܝܼܪܝܼ ܠܡܵܪܝܵܐ: ”ܡܵܪܝܼ ܝܘܸܬ ܐܲܢ݇ܬ، 
\q1 ܛܵܒ݂ܬܵ‌ܐ ܠܲܝܬ ܠܝܼ ܫܒ݂ܘܿܩ ܡܸܢܘܼܟ݂.“ 
\q1  
\v 3 ܒܘܼܬ ܩܲܕܝܼܫܹ̈ܐ ܕܒܐܲܪܥܵܐ، ܕܝܼܢܵܐ ܚܩܝܼܪܹ̈ܐ، 
\q1 ܟܠܵܝܗ‌ܝ ܒܘܼܣܵܡܝܼ ܒܝܼܵܝܗ‌ܝ ܝܠܹܗ. 
\q1  
\v 4 ܒܸܬ ܙܵܝܕܝܼ ܐܘܼܠܨܵܢܹ̈ܐ ܕܐܵܢܝܼ ܕܪܵܚܛܝܼ ܒܵܬܪ ܐܲܠܵܗܵܐ ܐܚܹܪܢܵܐ، 
\q1 ܠܹܐ ܨܲܢܨܸܠܸܢ ܢܘܼܩܵܝܵܝ̈ܗ‌ܝ ܕܕܸܡܵܐ، 
\q1 ܘܠܹܐ ܡܲܕܟܸܪܸܢ ܫܸܡܵܢܵܝ̈ܗ‌ܝ ܥܲܠܔ ܣܸܦܘܵܬ‌ܝܼ̈. 
\q1  
\v 5 ܡܵܪܝܵܐ ܝܠܹܗ ܣܵܗܡܝܼ ܘܟܵܣܝܼ، 
\q1 ܐܲܢ݇ܬ ܕܒ݂ܝܼܩܵܐ ܝܘܸܬ ܒܐܝܼܕܘܼܟ݂ ܦܸܫܟܝܼ. 
\q1  
\v 6 ܟܝܘܼܠܹ̈ܐ ܢܦܝܼܠܔ ܠܗܘܿܢ ܐܸܠܝܼ ܒܕܘܼܟܵܢܹ̈ܐ ܒܲܣܝܼܡܹ̈ܐ، 
\q1 ܐܘܼܦ ܝܵܪܬܘܼܬ‌ܝܼ ܫܦܝܼܪܵܗ̇ ܒܥܲܝܢܝܼ̈. 
\q1  
\v 7 ܒܸܬ ܒܲܪܟܸܢ ܠܡܵܪܝܵܐ ܕܥܒ݂ܝܼܕ ܠܹܗ ܡܸܠܟܵܐ ܐܸܠܝܼ، 
\q1 ܐܘܼܦ ܒܠܲܝܠܵܘܵܬܹ̈‌ܐ ܟܹܐ ܬܲܥܠܸܡ ܠܝܼ ܪܸܥܝܵܢܝܼ. 
\q1  
\v 8 ܡܘܼܬܸܒ݂ ܠܝܼ ܠܡܵܪܝܵܐ ܒܲܠܩܘܼܒ݂ܠܝܼ ܐܲܡܝܼܢܵܐܝܼܬ، 
\q1 ܣܵܒܵܒ ܡ̣ܢ ܝܲܡܝܼܢܝܼ ܝܠܹܗ، ܠܹܐ ܫܵܥܫܹܢ. 
\q1  
\v 9 ܒܘܼܬ ܐܵܗܵܐ، ܚܕܹܐ ܠܹܗ ܠܸܒܝܼ ܘܦܨܝܼܚ ܠܵܗ̇ ܓܵܢܝܼ، 
\q1 ܐܘܼܦ ܦܲܓ݂ܪܝܼ ܒܸܬ ܫܵܪܹܐ ܒܫܲܝܢܵܐ. 
\q1  
\v 10 ܣܵܒܵܒ ܠܹܐ ܫܵܒ݂ܩܹܬ ܠܓܵܢܝܼ ܒܫܝܘܿܠܔ، 
\q1 ܠܹܐ ܝܵܗܒܹܬ ܠܩܲܕܝܼܫܘܼܟ݂ ܠܸܚܙܵܝܵܐ ܚܪܵܒ݂ܵܐ. 
\q1  
\v 11 ܒܸܬ ܡܲܕܥܸܬ ܠܝܼ ܐܘܼܪܚܵܐ ܕܚܲܝܹ̈ܐ، 
\q1 ܣܘܼܒ݂ܵܥܬܵ‌ܐ ܕܚܲܕܘܼܝܵܬܹ̈‌ܐ ܐܝܼܬ ܒܗܸܙܘܼܪܘܼܟ݂، 
\q1 ܒܘܼܣܵܡܹ̈ܐ ܒܝܲܡܝܼܢܘܼܟ݂ ܠܥܵܠܲܡ. 
\c 17  
\s1 ܨܠܘܬ‌ܐ ܕܕܘܝܕ. 
\q1  
\v 1 ܫܡܹܥ، ܝܵܐ ܡܵܪܝܵܐ، ܠܦܲܪܦܲܠܬܵ‌ܐ ܙܲܕܝܼܩܬܵ‌ܐ، ܨܘܼܬ ܠܡܲܩܘܲܚܬ‌ܝܼ، 
\q1 ܗܲܒ݂ܠܔ ܢܵܬܵ‌ܐ ܠܨܠܘܿܬ‌ܝܼ، ܕܠܹܐ ܝܠܵܗ̇ ܒܣܸܦܘܵܬܹ̈‌ܐ ܕܦܸܠܡܵܐ. 
\q1  
\v 2 ܫܒ݂ܘܿܩ ܦܵܠܛܵܐ ܕܝܼܘܵܢܝܼ ܡܸܢܘܼܟ݂، 
\q1 ܥܲܝ̈ܢܘܼܟ݂ ܚܵܙܝܼ ܠܬܪ̈ܘܼܨܘܼܝܵܬܹ‌ܐ. 
\q1  
\v 3 ܒܘܼܚܸܪܘܼܟ݂ ܠܸܒܝܼ، ܣܘܼܚܒܸܪܘܼܟ݂ ܐܸܠܝܼ ܒܠܲܝܠܹܐ، 
\q1 ܨܘܼܪܸܦܸܢܘܼܟ݂، ܠܵܐ ܡܘܼܫ݇ܟ̰ܸܚ ܠܘܼܟ݂ ܡܸܢܕܝܼ ܚܸܠܛܵܐ ܒܝܼܝܼ، 
\q1 ܥܒ݂ܝܼܕ ܠܝܼ ܩܛܵܥܬܵ‌ܐ ܕܠܹܐ ܚܵܛܹܐ ܦܘܼܡܝܼ. 
\q1  
\v 4 ܒܘܼܬ ܦܘܼܠܚܵܢܹ̈ܐ ܕܒܲܪܢܵܫܵܐ، ܐܲܝܟ݂ ܗܹܡܸܙܡܵܢ ܕܣܸܦܘܵܬܘܼ̈ܟ݂، 
\q1 ܐܵܢܵܐ ܢܛܝܼܪܝܼ ܓܵܢܝܼ ܡ̣ܢ ܐܘܼܪ̈ܚܵܬܹ‌ܐ ܕܒܝܼܫܵܐ. 
\q1  
\v 5 ܩܘܹܐ ܠܗܘܿܢ ܦܵܣܘܿܥܝܵܬ‌ܝܼ̈ ܒܫܒ݂ܝܼܠܘܼ̈ܟ݂، 
\q1 ܠܵܐ ܫܥܝܼܫ ܠܗܘܿܢ ܐܲܩܠܵܬ‌ܝܼ̈. 
\q1  
\v 6 ܐܵܢܵܐ ܩܪܹܐ ܠܝܼ ܐܸܠܘܼܟ݂، ܝܵܐ ܐܲܠܵܗܵܐ، ܒܗ̇ܝ ܕܒܸܬ ܓ̰ܲܘܸܒܸܬ ܠܝܼ، 
\q1 ܡܲܟܸܦ ܢܵܬܘܼܟ݂ ܐܸܠܝܼ، ܫܡܹܥ ܠܗܹܡܸܙܡܵܢܝܼ̈. 
\q1  
\v 7 ܡܲܚܙܝܼ ܛܲܝܒܘܼܬܘܼܟ݂ ܒܥܲܓ̰ܝܼܒܘܼܬܵ‌ܐ، 
\q1 ܝܵܐ ܦܵܪܘܿܩܵܐ ܕܐܵܢܝܼ ܕܡ̣ܢ ܕܸܫ̃ܡܸܢܵܝ̈ܗ‌ܝ ܫܵܩܠܝܼ ܓܵܘܣܵܐ ܒܝܲܡܝܼܢܘܼܟ݂. 
\q1  
\v 8 ܢܛܘܿܪܝܼ ܐܲܝܟ݂ ܒܹܒܸܠܬܵ‌ܐ ܕܥܲܝܢܵܐ، 
\q1 ܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܛܲܫܹܝܬ ܠܝܼ؛ 
\q1  
\v 9 ܡ̣ܢ ܩܲܕܡ ܒܝܼܫܹ̈ܐ ܕܦܲܪܦܘܼܣܝܼ ܝܢܵܐ، 
\q1 ܡ̣ܢ ܕܸܫ̃ܡܸܢܝܼ̈ ܕܚܲܪܕܝܼ ܠܓܵܢܝܼ. 
\q1  
\v 10 ܕܒ݂ܝܼܪܘܼܗ‌ܝ ܝܢܵܐ ܠܸܒܵܝܗ‌ܝ ܩܸܫܝܵܐ، 
\q1 ܒܦܘܼܡܵܝܗ‌ܝ ܟܹܐ ܗܲܡܙܸܡܝܼ ܫܘܼܒ݂ܗܵܪܵܐ. 
\q1  
\v 11 ܚܘܼܪܕܝܼܹܐ ܝܢܵܐ ܐܸܠܝܼ ܐܵܕܝܼܵܐ ܒܦܵܣܘܿܥܝܵܬ‌ܝܼ̈، 
\q1 ܡܘܼܬܸܒ݂ ܠܗܘܿܢ ܥܲܝ̈ܢܵܝܗ‌ܝ ܠܪܲܦܘܼܝܝܼ ܠܐܲܪܥܵܐ. 
\q1  
\v 12 ܒܸܕܡܵܝܵܐ ܠܐܲܪܝܵܐ ܕܫܲܗܘܸܬ ܠܸܦܪܵܛܵܐ، 
\q1 ܘܠܓܘܼܪܝܵܐ ܕܐܲܪܝܵܐ ܝܬܝܼܒ݂ܵܐ ܒܣܸܬܵܪܹ̈ܐ. 
\q1  
\v 13 ܩܘܼܡ، ܝܵܐ ܡܵܪܝܵܐ، 
\q1 ܟܠܝܼ ܩܲܕܡ ܦܵܬܵܝܗ‌ܝ ܘܡܲܒܪܸܟ ܠܗܘܿܢ، 
\q1 ܦܲܨܝܼ ܠܓܵܢܝܼ ܡ̣ܢ ܪ̈ܲܫܝܼܥܹܐ ܒܝܲܕ ܣܲܝܦܘܼܟ݂؛ 
\q1  
\v 14 ܡ̣ܢ ܐܢܵܫܹ̈ܐ ܒܝܲܕ ܐܝܼܕܘܼܟ݂، ܝܵܐ ܡܵܪܝܵܐ، 
\q1 ܡ̣ܢ ܐܢܵܫܹ̈ܐ ܕܐܵܗܵܐ ܥܵܠܡܵܐ، 
\q1 ܕܣܵܗܡܵܝܗ‌ܝ ܒܐܲܢܹܐ ܚܲܝܹ̈ܐ ܝܠܹܗ، 
\q1 ܘܒܣܝܼܡܬܘܼܟ݂ ܟܹܐ ܡܵܠܹܝܬ ܟܹܪ݇ܣܵܝܗ‌ܝ، ܘܟܹܐ ܣܵܒ݂ܥܝܼ ܒܢܘܿܢܵܝ̈ܗ‌ܝ، 
\q1 ܘܫܵܒ݂ܩܝܼ ܫܲܪܟܵܢܵܐ ܠܝܲܠܘܼܕܵܝ̈ܗ‌ܝ. 
\q1  
\v 15 ܐܝܼܢܵܐ ܐܵܢܵܐ، ܒܸܬ ܚܵܙܹܝܢ ܠܦܵܬܘܼܟ݂ ܒܙܲܕܝܼܩܘܼܬܵ‌ܐ، 
\q1 ܒܸܬ ܣܵܒ݂ܥܹܢ ܒܨܘܼܪܬܘܼܟ݂ ܐܝܼܡܲܢ ܕܪܵܥܫܹܢ. 
\c 18  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ ܪܓܐ ܕܡܪܝܐ، ܕܗܘܡܙܡ ܠܗ ܠܡܪܝܐ ܗܡܙܡܢ̈ܐ ܕܐܗܐ ܙܡܪܬ‌ܐ ܒܝܘܡܐ ܕܩܡ ܦܨܐ ܠܗ ܡ̣ܢ ܐܝܕܐ ܕܟܠܝܗ‌ܝ ܕܫ̃ܡܢܘ̈ܗ‌ܝ ܘܡ̣ܢ ܐܝܕܐ ܕܫܐܘܠܔ. 
\q1  
\v 1 ܘܐܡܝܼܪܹܗ: ܟܹܐ ܡܲܚܸܒܸܢܘܼܟ݂ ܡܵܪܝܵܐ، ܚܲܝܠܝܼ. 
\q1  
\v 2 ܡܵܪܝܵܐ ܩܵܝܝܼ ܝܠܹܗ، ܘܚܸܣܢܝܼ، ܘܦܲܨܝܵܢܝܼ، 
\q1 ܐܲܠܵܗܵܐ ܐܝܼܨܵܪܝܼ ܕܫܵܩܠܹܢ ܓܵܘܣܵܐ ܒܝܼܹܗ، 
\q1 ܡܵܛܵܠܝܼ، ܩܲܠܥܝܼ ܘܚܲܝܠܵܐ ܕܦܘܼܪܩܵܢܝܼ. 
\q1  
\v 3 ܒܸܬ ܩܵܪܹܝܢ ܠܡܵܪܝܵܐ ܕܝܼܠܹܗ ܡܫܘܼܒܚܵܐ، 
\q1 ܘܡ̣ܢ ܕܸܫ̃ܡܸܢܝܼ̈ ܒܸܬ ܦܵܝܫܹܢ ܦܘܼܪܩܵܐ. 
\q1  
\v 4 ܟܪܝܼܟܸܢܗܘܿܢ ܚܸܒ݂ܠܹ̈ܐ ܕܡܵܘܬܵ‌ܐ، 
\q1 ܛܵܘܦܵܢܹ̈ܐ ܣܸܪ̈ܝܹܐ ܨܦܝܼܚ ܠܗܘܿܢ ܥܲܠܝܼ. 
\q1  
\v 5 ܚܲܒ݂ܠܹ̈ܐ ܕܫܝܘܿܠܔ ܩܵܡ ܚܲܪܕܝܼ ܠܝܼ، 
\q1 ܬܦܝܼܩ ܠܗܘܿܢ ܒܝܼܝܼ ܢܸܫܒܹ̈ܐ ܕܡܵܘܬܵ‌ܐ. 
\q1  
\v 6 ܟܲܕ ܥܝܼܩ ܠܵܗ̇ ܐܸܠܝܼ، ܩܪܹܐ ܠܝܼ ܠܡܵܪܝܵܐ، 
\q1 ܘܡܘܼܩܘܸܚ ܠܝܼ ܠܐܲܠܵܗ‌ܝܼ، 
\q1 ܫܡܝܼܥ ܠܹܗ ܡ̣ܢ ܗܲܝܟܠܹܗ ܩܵܠܝܼ، 
\q1 ܘܓܥܵܝܬ‌ܝܼ ܩܲܕܡܘܼܗ‌ܝ ܡܛܹܐ ܠܵܗ̇ ܠܢܵܬܝܵܬܘܼ̈ܗ‌ܝ. 
\q1  
\v 7 ܗ̇ܝܓܵܗ ܫܥܝܼܫ ܠܵܗ̇ ܘܕܘܼܪܘܸܕ ܠܵܗ̇ ܐܲܪܥܵܐ، 
\q1 ܪܓܝܼܕ ܠܗܘܿܢ ܘܫܥܝܼܫ ܠܗܘܿܢ ܒܸܢܝܲܬܹ̈‌ܐ ܕܛܘܼܪ̈ܵܢܹܐ، 
\q1 ܡ̣ܢ ܚܸܡܬܵ‌ܐ ܕܟܲܪܒܹܗ. 
\q1  
\v 8 ܐܣܝܼܩ ܠܹܗ ܬܸܢܵܐ ܡ̣ܢ ܢܵܚܝܼܪܹܗ، 
\q1 ܘܢܘܼܪܵܐ ܐܵܟ݂ܘܿܠܵܐ ܡ̣ܢ ܦܘܼܡܹܗ، 
\q1 ܓܘܼܡܪܹ̈ܐ ܠܒ݂ܝܼܟ݂ ܠܗܘܿܢ ܡܸܢܹܗ، 
\q1  
\v 9 ܡܘܼܟܸܦ ܠܹܗ ܫܡܲܝܹ̈ܐ ܘܨܠܹܐ ܠܹܗ، 
\q1 ܟܲܕ ܥܲܝܒ݂ܵܐ ܚܸܫܟܵܢܬܵ‌ܐ ܬܚܘܿܬ ܐܲܩܠܵܬܘܼ̈ܗ‌ܝ. 
\q1  
\v 10 ܪܟܝܼܒ݂ ܠܹܗ ܥܲܠܔ ܟܪܘܿܒ݂ܵܐ ܘܦܪܝܼܚ ܠܹܗ، 
\q1 ܘܣܛܹܐ ܠܹܗ ܥܲܠܔ ܓܘܼܠܦܵܢܹ̈ܐ ܕܦܵܘܚܵܐ. 
\q1  
\v 11 ܥܒ݂ܝܼܕ ܠܹܗ ܠܚܸܫܟܵܐ ܣܸܬܵܪܹܗ، ܡܛܲܠܠܹܗ ܚܵܕܸܪ̈ܘܵܢܘܼܗ‌ܝ، 
\q1 ܠܚܸܫܟܵܐ ܕܡ̈ܝܼܵܐ، ܥܲܝܒ݂ܵܬܹ̈‌ܐ ܕܪܩܝܼܥܵܐ. 
\q1  
\v 12 ܡ̣ܢ ܫܲܦ̮ܩܵܐ ܕܩܲܕܡ ܦܵܬܹܗ ܥܲܝܒ݂ܵܬܘܼ̈ܗ‌ܝ ܡܘܼܥܪܹܐ ܠܗܘܿܢ 
\q1 ܒܲܪܕܵܐ ܘܓܘܼܡܪܹ̈ܐ ܕܢܘܼܪܵܐ. 
\q1  
\v 13 ܘܩܘܼܪܩܸܡ ܠܹܗ ܒܫܡܲܝܵܐ ܡܵܪܝܵܐ، 
\q1 ܘܥܸܠܵܝܵܐ ܝܘܼܗܒܹܠܔ ܠܹܗ ܩܵܠܹܗ، 
\q1 ܒܲܪܕܵܐ ܘܓܘܼܡܪܹ̈ܐ ܕܢܘܼܪܵܐ. 
\q1  
\v 14 ܘܫܘܼܕܸܪܹܗ ܓܹܐܪ̈ܘܼܗ‌ܝ ܘܒܘܼܪܒܸܙܵܝ ܠܹܗ، 
\q1 ܘܫܘܼܕܸܪܹܗ ܒܸܪ̈ܩܹܐ ܪܵܒܵܐ ܘܚܒ݂ܝܼܛܵܝ ܠܹܗ. 
\q1  
\v 15 ܘܡܘܼܒܝܸܢܗܘܿܢ ܪ̈ܵܗܛܹܐ ܕܡ̈ܝܼܵܐ، 
\q1 ܘܦܝܼܫ ܠܗܘܿܢ ܓܸܠܝܹܐ ܫܘܼܬܐܵܣܹ̈ܐ ܕܬܹܒܹܝܠܔ، 
\q1 ܡ̣ܢ ܢܓ̰ܵܘܬܘܼܟ݂، ܝܵܐ ܡܵܪܝܵܐ، 
\q1 ܡ̣ܢ ܢܫܲܡܬܵ‌ܐ ܕܦܵܘܚܵܐ ܕܢܵܚܝܼܪܘܼܟ݂. 
\q1  
\v 16 ܫܘܼܕܸܪܹܗ ܡ̣ܢ ܪܵܘܡܵܐ ܓ̰ܢܝܼܒܸܢܹܗ، 
\q1 ܓܪܝܼܫܸܢܹܗ ܡ̣ܢ ܡ̈ܝܼܵܐ ܙܲܪ̈ܒܵܢܹܐ. 
\q1  
\v 17 ܩܵܡ ܦܲܨܹܐ ܠܝܼ ܡ̣ܢ ܕܸܫ̃ܡܸܢܝܼ̈ ܚܲܝܠܵܢܹ̈ܐ، 
\q1 ܘܡ̣ܢ ܣܵܢܝܵܢܝܼ̈ ܕܝܼܢܵܐ ܒܘܼܫ ܙܲܪ̈ܒܵܢܹܐ ܡܸܢܝܼ. 
\q1  
\v 18 ܐܬܹ‌ܐ ܠܗܘܿܢ ܥܲܠܝܼ ܒܝܵܘܡܵܐ ܕܓܘܼܢܚܝܼ، 
\q1 ܐܝܼܢܵܐ ܗܘܹܐ ܠܹܗ ܡܵܪܝܵܐ ܣܢܵܕܬܵ‌ܐ ܐܸܠܝܼ. 
\q1  
\v 19 ܘܦܘܼܠܛܸܢܹܗ ܠܪܘܵܚܵܢܝܼ، 
\q1 ܩܵܡ ܦܲܨܹܐ ܠܝܼ ܒܗ̇ܝ ܕܒܣܝܼܡ ܠܵܗ̇ ܠܹܗ ܒܝܼܝܼ. 
\q1  
\v 20 ܩܵܡ ܦܵܪܹܥ ܠܝܼ ܡܵܪܝܵܐ ܐܲܝܟ݂ ܙܲܕܝܼܩܘܼܬ‌ܝܼ، 
\q1 ܐܲܝܟ݂ ܕܸܟ݂ܝܘܼܬܵ‌ܐ ܕܐܝܼܕܵܬ‌ܝܼ̈ ܡܘܼܕܸܪܹܗ ܐܸܠܝܼ. 
\q1  
\v 21 ܣܵܒܵܒ ܢܛܝܼܪܝܼ ܐܘܼܪ̈ܚܵܬܹ‌ܐ ܕܡܵܪܝܵܐ، 
\q1 ܘܒܪܲܫܝܼܥܘܼܬܵ‌ܐ ܠܵܐ ܦܪܝܼܫ ܠܝܼ ܡ̣ܢ ܐܲܠܵܗ‌ܝܼ. 
\q1  
\v 22 ܣܵܒܵܒ ܟܠܵܝܗ‌ܝ ܕܝܼܘܵܢܘܼ̈ܗ‌ܝ ܠܒܲܠܩܘܼܒ݂ܠܝܼ ܝܢܵܐ، 
\q1 ܘܡ̣ܢ ܩܵܢܘܿܢܘܼ̈ܗ‌ܝ ܠܵܐ ܕܝܼܪܝܼ. 
\q1  
\v 23 ܘܗܘܹܐ ܠܝܼ ܬܲܡܝܼܡܵܐ ܥܲܡܹܗ، 
\q1 ܘܢܛܝܼܪܝܼ ܓܵܢܝܼ ܡ̣ܢ ܥܵܘܠܝܼ. 
\q1  
\v 24 ܒܘܼܬ ܐܵܗܵܐ، ܡܘܼܕܸܪܹܗ ܐܸܠܝܼ ܡܵܪܝܵܐ ܐܲܝܟ݂ ܙܲܕܝܼܩܘܼܬ‌ܝܼ، 
\q1 ܐܲܝܟ݂ ܕܸܟ݂ܝܘܼܬܵ‌ܐ ܕܐܝܼܕܵܬ‌ܝܼ̈ ܩܲܕܡ ܥܲܝܢܘܼ̈ܗ‌ܝ. 
\q1  
\v 25 ܥܲܡ ܡܪܲܚܡܵܢܵܐ ܟܹܐ ܗܵܘܹܝܬ ܡܪܲܚܡܵܢܵܐ، 
\q1 ܥܲܡ ܓܲܒ݂ܪܵܐ ܬܲܡܝܼܡܵܐ ܟܹܐ ܗܵܘܹܝܬ ܬܲܡܝܼܡܵܐ؛ 
\q1  
\v 26 ܥܲܡ ܕܸܟ݂ܝܵܐ ܟܹܐ ܗܵܘܹܝܬ ܕܸܟ݂ܝܵܐ، 
\q1 ܘܥܲܡ ܦܟ̰ܝܼܠܵܐ ܟܹܐ ܗܵܘܹܝܬ ܝܵܕܘܿܥܵܐ. 
\q1  
\v 27 ܣܵܒܵܒ ܐܲܢ݇ܬ ܟܹܐ ܦܲܪܩܹܬ ܥܲܡܵܐ ܡܸܣܟܹܢܵܐ، 
\q1 ܐܝܼܢܵܐ ܥܲܝ̈ܢܹܐ ܪ̈ܵܡܵܢܹܐ ܟܹܐ ܡܲܟܸܦܸܬ. 
\q1  
\v 28 ܣܵܒܵܒ ܐܲܢ݇ܬ ܟܹܐ ܒܲܗܪܸܢܸܬ ܫܪܵܓ݂ܝܼ، 
\q1 ܡܵܪܝܵܐ ܐܲܠܵܗ‌ܝܼ ܟܹܐ ܒܲܗܪܸܢ ܚܸܫܟܝܼ. 
\q1  
\v 29 ܣܵܒܵܒ ܒܝܼܘܼܟ݂ ܡܵܨܹܝܢ ܪܵܚܛܹܢ ܥܲܠܔ ܓܲܝܣܵܐ، 
\q1 ܘܒܐܲܠܵܗ‌ܝܼ ܡܵܨܹܝܢ ܫܵܘܪܹܢ ܡܥܲܠܔ ܫܘܼܪܵܐ. 
\q1  
\v 30 ܬܲܡܝܼܡܬܵ‌ܐ ܝܠܵܗ̇ ܐܘܼܪܚܵܐ ܕܐܲܠܵܗܵܐ، 
\q1 ܚܲܒܪܵܐ ܕܡܵܪܝܵܐ ܨܘܼܪܸܦܵܐ ܝܠܹܗ، 
\q1 ܡܵܛܵܠܵܐ ܝܠܹܗ ܠܟܠܔ ܡ̇ܢ ܕܫܵܩܹܠܔ ܓܵܘܣܵܐ ܒܝܼܹܗ. 
\q1  
\v 31 ܣܵܒܵܒ ܡܵܢܝܼ ܝܠܹܗ ܐܲܠܵܗܵܐ ܫܒ݂ܘܿܩ ܡ̣ܢ ܡܵܪܝܵܐ؟ 
\q1 ܘܡܵܢܝܼ ܝܠܹܗ ܐܝܼܨܵܪܵܐ ܫܒ݂ܘܿܩ ܡ̣ܢ ܐܲܠܵܗܲܢ؟ 
\q1  
\v 32 ܐܲܠܵܗܵܐ ܕܟܹܐ ܡܲܠܒܸܫ ܠܝܼ ܚܲܝܠܵܐ، 
\q1 ܥܒ݂ܝܼܕ ܠܹܗ ܐܘܼܪܚܝܼ ܬܲܡܝܼܡܬܵ‌ܐ. 
\q1  
\v 33 ܟܹܐ ܥܵܒܹܕ ܐܲܩܠܵܬ‌ܝܼ̈ ܐܲܝܟ݂ ܐܲܩܠܹ̈ܐ ܕܐܲܝ̈ܠܹܐ، 
\q1 ܘܥܲܠܔ ܕܘܼܟܵܢܝܼ̈ ܪ̈ܵܡܹܐ ܟܹܐ ܡܲܟܠܹܐ ܠܝܼ. 
\q1  
\v 34 ܟܹܐ ܬܲܠܡܸܕ ܐܝܼܕܵܬ‌ܝܼ̈ ܠܦܠܵܫܵܐ، 
\q1 ܕܡܵܬܚܝܼ ܕܪ̈ܵܥܢܵܢܝܼ ܩܸܫܬܵ‌ܐ ܕܢܚܵܫܵܐ. 
\q1  
\v 35 ܩܵܡ ܝܵܗܒܹܬ ܠܝܼ ܡܵܛܵܠܵܐ ܕܦܘܼܪܩܵܢܘܼܟ݂، 
\q1 ܘܝܲܡܝܼܢܘܼܟ݂ ܩܵܡ ܣܵܢܕܵܐ ܠܝܼ، 
\q1 ܘܓ̰ܲܘܲܒܬܘܼܟ݂ ܐܸܠܝܼ ܩܵܡ ܓܲܪܘܸܣܵܐ ܠܝܼ. 
\q1  
\v 36 ܡܘܼܪܘܸܚ ܠܘܼܟ݂ ܐܘܼܪܚܝܼ ܩܵܐ ܦܵܣܘܿܥܝܵܬ‌ܝܼ̈، 
\q1 ܗܵܕܵܐ ܕܠܵܐ ܫܥܝܼܫ ܠܗܘܿܢ ܦܟ̰ܘܼܪܹ̈ܐ ܕܐܲܩܠܵܬ‌ܝܼ̈. 
\q1  
\v 37 ܢܦܝܼܠܔ ܠܝܼ ܒܵܬܪ ܕܸܫ̃ܡܸܢܝܼ̈ ܘܛܘܼܠܩܵܝ ܠܝܼ، 
\q1 ܘܠܵܐ ܕܝܼܪܝܼ ܗܲܠܔ ܬܝܵܡܬܵܝܗ‌ܝ. 
\q1  
\v 38 ܒܠܝܼܣܵܝ ܠܝܼ ܘܠܹܐ ܡܵܨܝܼ ܩܵܝܡܝܼ، 
\q1 ܢܦܝܼܠܔ ܠܗܘܿܢ ܬܚܘܿܬ ܐܲܩܠܵܬ‌ܝܼ̈. 
\q1  
\v 39 ܘܫܩܝܼܠܔ ܠܝܼ ܚܲܝܠܵܐ ܠܦܠܵܫܵܐ، 
\q1 ܡܘܼܒܪܸܟ ܠܘܼܟ݂ ܬܚܘܿܬ‌ܝܼ ܠܩܵܝܡܵܢܹ̈ܐ ܕܥܲܠܝܼ. 
\q1  
\v 40 ܘܕܸܫ̃ܡܸܢܝܼ̈ ܡܘܼܥܒܸܕ ܠܘܼܟ݂ ܕܥܵܪܩܝܼ ܡ̣ܢ ܩܲܕܡܝܼ، 
\q1 ܝܘܼܗܒܹܠܔ ܠܘܼܟ݂ ܐܸܠܝܼ ܕܛܲܠܩܸܢ ܠܣܵܢܝܵܢܝܼ̈. 
\q1  
\v 41 ܡܘܼܩܘܸܚ ܠܗܘܿܢ، ܐܝܼܢܵܐ ܠܲܝܬ ܗܘܵܐ ܦܲܪܩܵܢܵܐ، 
\q1 ܡܘܼܩܘܸܚ ܠܗܘܿܢ ܠܡܵܪܝܵܐ، ܘܠܵܐ ܓ̰ܘܼܘܸܒܵܝ ܠܹܗ. 
\q1  
\v 42 ܘܕܘܼܩܕܸܩܵܝ ܠܝܼ ܐܲܝܟ݂ ܥܲܦܪܵܐ ܩܲܕܡ ܦܵܘܚܵܐ، 
\q1 ܐܲܝܟ݂ ܛܝܼܢܵܐ ܕܥܵܠܘܿܠܹ̈ܐ ܪܘܼܦܝܵܝ ܠܝܼ. 
\q1  
\v 43 ܘܩܵܡ ܦܲܨܹܝܬ ܠܝܼ ܡ̣ܢ ܡܲܩܲܪ̈ܵܨܘܼܝܵܬܹ‌ܐ ܕܥܲܡܵܐ، 
\q1 ܩܵܡ ܡܲܬܒܸܬ ܠܝܼ ܠܪܹܝܫܵܢܘܼܬܵ‌ܐ ܕܐܸܡܘܵܬܹ̈‌ܐ، 
\q1 ܥܲܡܵܐ ܕܠܹܐ ܝܘܸܢ ܝܕܝܼܥܹܗ ܒܸܬ ܦܵܠܹܚ ܐܸܠܝܼ. 
\q1  
\v 44 ܟܲܕ ܫܵܡܥܵܐ ܢܵܬܵܝܗ‌ܝ، ܒܸܬ ܨܵܝܬ‌ܝܼ ܐܸܠܝܼ، 
\q1 ܒܢܲܝ̈ ܢܘܼܟ݂ܪ̈ܵܝܹܐ ܒܸܬ ܫܵܠܡܝܼ ܐܸܠܝܼ. 
\q1  
\v 45 ܒܢܲܝ̈ ܢܘܼܟ݂ܪ̈ܵܝܹܐ ܒܸܬ ܛܲܠܩܝܼ ܓ̰ܘܼܪܐܲܬܵܝܗ‌ܝ، 
\q1 ܘܪܲܬܪܘܼܬܹ‌ܐ ܒܸܬ ܦܵܠܛܝܼ ܡ̣ܢ ܩܲܠܥܵܬܵܝ̈ܗ‌ܝ. 
\q1  
\v 46 ܚܵܝܵܐ ܝܠܹܗ ܡܵܪܝܵܐ ܘܒܪܝܼܟ݂ܵܐ ܝܠܹܗ ܐܝܼܨܵܪܝܼ، 
\q1 ܘܪܘܼܡܪܵܡܵܐ ܠܐܲܠܵܗܵܐ ܕܦܘܼܪܩܵܢܝܼ. 
\q1  
\v 47 ܐܲܠܵܗܵܐ ܫܵܩܠܵܢܵܐ ܕܬܘܼܥܠܵܐ ܝܠܹܗ ܩܵܬ‌ܝܼ، 
\q1 ܘܙܲܒܛܸܢܵܢܵܐ ܕܥܲܡܡܹ̈ܐ ܬܚܘܿܬ ܐܲܩܠܝܼ. 
\q1  
\v 48 ܟܹܐ ܦܲܨܹܐ ܠܝܼ ܡ̣ܢ ܕܸܫ̃ܡܸܢܝܼ̈، 
\q1 ܘܟܹܐ ܡܲܪܡܹܝܬ ܠܝܼ ܠܥܸܠܔ ܡ̣ܢ ܩܵܝܡܵܢܹ̈ܐ ܕܥܲܠܝܼ، 
\q1 ܡ̣ܢ ܐܢܵܫܵܐ ܕܛܠܘܼܡܝܵܐ ܟܹܐ ܦܲܨܹܝܬ ܠܝܼ. 
\q1  
\v 49 ܒܘܼܬ ܐܵܗܵܐ، ܒܸܬ ܫܲܟܪܸܢܘܼܟ݂ ܓܵܘ ܐܸܡܘܵܬܹ̈‌ܐ، ܝܵܐ ܡܵܪܝܵܐ، 
\q1 ܘܠܫܸܡܘܼܟ݂ ܒܸܬ ܙܵܡܪܹܢ. 
\q1  
\v 50 ܒܘܼܪܓ̰ܵܐ ܕܦܘܼܪܩܵܢܵܐ ܝܠܹܗ ܠܡܲܠܟܹܗ، 
\q1 ܘܥܵܒ݂ܕܵܢܵܐ ܕܛܲܝܒܘܼܬܵ‌ܐ ܠܡܫܝܼܚܹܗ، 
\q1 ܠܕܵܘܝܼܕ ܘܠܙܲܪܥܹܗ ܗܲܠܔ ܥܵܠܲܡ. 
\c 19  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܫܡܲܝܹ̈ܐ ܗܲܩܘܼܝܹܐ ܝܢܵܐ ܚܸܩܪܵܐ ܕܐܲܠܵܗܵܐ، 
\q1 ܘܪܩܝܼܥܵܐ ܡܲܕܘܼܥܹܐ ܝܠܹܗ ܦܘܼܠܚܵܢܹ̈ܐ ܕܐܝܼܕܵܬܘܼ̈ܗ‌ܝ. 
\q1  
\v 2 ܐܝܼܡܵܡܵܐ ܠܐܝܼܡܵܡܵܐ ܟܹܐ ܡܲܢܒܸܥ ܡܹܐܡܪܵܐ، 
\q1 ܘܠܲܝܠܹܐ ܠܠܲܝܠܹܐ ܟܹܐ ܡܲܚܙܹܐ ܝܕܵܥܬܵ‌ܐ. 
\q1  
\v 3 ܠܲܝܬ ܡܹܐܡܪܵܐ ܘܠܲܝܬ ܗܹܡܸܙܡܵܢܹ̈ܐ، 
\q1 ܕܠܹܐ ܦܵܝܫܝܼ ܫܡܝܼܥܹܐ ܒܩܵܠܵܝܗ‌ܝ. 
\q1  
\v 4 ܒܟܠܵܗ̇ ܐܲܪܥܵܐ ܦܠܝܼܛ ܠܹܗ ܟܝܘܼܠܵܝܗ‌ܝ، 
\q1 ܘܒܡܲܪܙܵܐ ܕܒܪܝܼܬܵ‌ܐ ܚܲܒܪ̈ܵܢܵܝܗ‌ܝ، 
\q1 ܩܵܐ ܫܸܡܫܵܐ ܢܩܝܼܫ ܠܹܗ ܡܲܫܟܢܵܐ ܒܓܵܘܵܝܗ‌ܝ. 
\q1  
\v 5 ܘܗ̇ܘ ܐܲܝܟ݂ ܚܸܬܢܵܐ ܕܦܵܠܹܛ ܡ̣ܢ ܒܹܝܬ ܓܢܘܿܢܹܗ، 
\q1 ܟܹܐ ܦܵܨܹܚ ܐܲܝܟ݂ ܓܲܒܵܪܵܐ ܠܸܪܚܵܛܵܐ ܪܲܗܛܵܐ. 
\q1  
\v 6 ܡ̣ܢ ܡܲܪܙܵܐ ܕܫܡܲܝܹ̈ܐ ܦܠܵܛܹܗ، 
\q1 ܘܚܕܵܪܬܹܗ ܡ̣ܢ ܚܲܕ ܓܹܒܵܐ ܠܓܹܒܵܐ ܐܚܹܪܢܵܐ، 
\q1 ܘܠܲܝܬ ܕܦܵܐܹܫ ܛܘܼܫܝܵܐ ܡ̣ܢ ܚܸܡܹܗ. 
\q1  
\v 7 ܢܵܡܘܿܣܵܐ ܕܡܵܪܝܵܐ ܬܲܡܝܼܡܵܐ ܝܠܹܗ، ܡܲܕܸܪܵܢܵܐ ܕܓܵܢܵܐ، 
\q1 ܣܵܗܕܘܼܬܵ‌ܐ ܕܡܵܪܝܵܐ ܡܗܲܝܡܵܢܬܵ‌ܐ ܝܠܵܗ̇، ܟܹܐ ܥܵܒ݂ܕܵܐ ܚܲܟܝܼܡܵܐ ܠܦܫܝܼ̈ܛܹܐ. 
\q1  
\v 8 ܦܘܼܩܵܕܹ̈ܐ ܕܡܵܪܝܵܐ ܬܪ̈ܘܼܨܹܐ ܝܢܵܐ، ܡܲܚܕܝܼܵܢܹ̈ܐ ܕܠܸܒܵܐ، 
\q1 ܦܘܼܩܕܵܢܵܐ ܕܡܵܪܝܵܐ ܕܸܟ݂ܝܵܐ ܝܠܹܗ، ܒܲܗܪܸܢܵܢܵܐ ܕܥܲܝ̈ܢܹܐ. 
\q1  
\v 9 ܙܕܘܼܥܬܵ‌ܐ ܕܡܵܪܝܵܐ ܕܟ݂ܝܼܬܵ‌ܐ ܝܠܵܗ̇، ܩܲܝܵܡ ܠܥܵܠܲܡ، 
\q1 ܕܝܼܘܵܢܹ̈ܐ ܕܡܵܪܝܵܐ ܫܲܪܝܼܪܹ̈ܐ ܝܢܵܐ، ܙܲܕܝܼܩܹ̈ܐ ܒܟܠܔ ܥܕܵܢܵܐ. 
\q1  
\v 10 ܒܘܼܫ ܫܘܼܗܘܸܬܹ‌ܐ ܝܢܵܐ ܡ̣ܢ ܕܲܗܒ݂ܵܐ، ܘܡ̣ܢ ܪܵܒܵܐ ܕܲܗܒ݂ܵܐ ܨܸܦܝܵܐ، 
\q1 ܘܒܘܼܫ ܚܸܠܝܹܐ ܝܢܵܐ ܡ̣ܢ ܕܸܒ݂ܫܵܐ، ܘܡ̣ܢ ܢܵܛܘܿܦܝܵܬܹ̈‌ܐ ܕܫܵܢܵܐ. 
\q1  
\v 11 ܐܘܼܦ ܪܹܓܘܼܟ݂ ܟܹܐ ܦܵܐܹܫ ܙܗܝܼܪܵܐ ܒܝܼܵܝܗ‌ܝ، 
\q1 ܒܢܛܵܪܬܵܝܗ‌ܝ ܐܝܼܬ ܦܘܼܪܥܵܢܵܐ ܓܘܼܪܵܐ. 
\q1  
\v 12 ܡܵܢܝܼ ܟܹܐ ܡܵܨܹܐ ܦܲܪܡܹܐ ܚܸܠܛܹܗ؟ 
\q1 ܥܒ݂ܘܿܕ ܠܝܼ ܙܲܟܵܝܵܐ ܡ̣ܢ ܚܛܝܼܵܬܹ̈‌ܐ ܕܠܵܐ ܒܝܕܵܥܬ‌ܝܼ. 
\q1  
\v 13 ܐܘܼܦ ܡ̣ܢ ܚܬܵܪ̈ܝܵܬܹ‌ܐ ܚܣܘܿܟ݂ ܠܹܗ ܪܹܓܘܼܟ݂، 
\q1 ܠܵܐ ܫܵܒ݂ܩܹܬ ܗܵܘܹܐ ܠܗܘܿܢ ܫܘܼܠܛܵܢܵܐ ܥܲܠܝܼ، 
\q1 ܗ̇ܝܓܵܗ ܒܸܬ ܗܵܘܹܝܢ ܬܲܡܝܼܡܵܐ، 
\q1 ܘܒܸܬ ܗܵܘܹܝܢ ܙܲܟܵܝܵܐ ܡ̣ܢ ܓܢܵܗܵܐ ܓܘܼܪܬܵ‌ܐ. 
\q1  
\v 14 ܗܵܘܝܼ ܡܩܲܒܠܹܐ ܩܲܕܡܘܼܟ݂ ܗܹܡܸܙܡܵܢܹ̈ܐ ܕܦܘܼܡܝܼ ܘܗܲܓܲܝܬܵ‌ܐ ܕܠܸܒܝܼ، 
\q1 ܝܵܐ ܡܵܪܝܵܐ، ܐܝܼܨܵܪܝܼ، ܘܦܵܪܘܿܩܝܼ. 
\c 20  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܓ̰ܲܘܸܒ ܠܘܼܟ݂ ܡܵܪܝܵܐ ܒܝܵܘܡܵܐ ܕܥܵܘܩܵܢܵܐ، 
\q1 ܡܲܪܸܡ ܠܘܼܟ݂ ܠܫܲܝܢܵܐ ܫܸܡܵܐ ܕܐܲܠܵܗܵܐ ܕܝܲܥܩܘܿܒ݂. 
\q1  
\v 2 ܫܲܕܸܪ ܗܲܝܲܪܬܘܼܟ݂ ܡ̣ܢ ܡܲܩܕܫܵܐ، 
\q1 ܘܣܵܢܹܕ ܠܘܼܟ݂ ܡ̣ܢ ܨܸܗܝܘܿܢ. 
\q1  
\v 3 ܕܵܟܹܪ ܠܟܠܵܝܗ‌ܝ ܩܘܼܪ̈ܒܵܢܘܼܟ݂، 
\q1 ܘܩܲܒܸܠܔ ܠܹܗ ܕܸܒ݂ܚܘܼܟ݂ ܡܘܼܩܕܵܐ. \qs ܣܹܠܵܗ\qs* 
\q1  
\v 4 ܝܵܗܒܹܠܔ ܠܘܼܟ݂ ܐܲܝܟ݂ ܠܸܒܘܼܟ݂، 
\q1 ܘܬܲܡܸܡ ܟܠܵܗ̇ ܬܲܚܡܲܢܬܘܼܟ݂. 
\q1  
\v 5 ܒܸܬ ܫܲܒܚܲܚ ܥܲܠܔ ܦܘܼܪܩܵܢܘܼܟ݂، 
\q1 ܘܒܫܸܡܵܐ ܕܐܲܠܵܗܲܢ ܒܸܬ ܡܲܪܡܲܚ ܐܵܬܵ‌ܐ، 
\q1 ܬܲܡܸܡ ܡܵܪܝܵܐ ܠܟܠܵܝܗ‌ܝ ܛܠܵܒܝܵܬܘܼ̈ܟ݂. 
\q1  
\v 6 ܐܵܕܝܼܵܐ ܝܕܝܼܥ ܠܝܼ ܕܟܹܐ ܦܲܪܸܩ ܡܵܪܝܵܐ ܠܡܫܝܼܚܹܗ، 
\q1 ܟܹܐ ܓ̰ܲܘܸܒ ܠܹܗ ܡ̣ܢ ܫܡܲܝܵܐ ܕܩܘܼܕܫܹܗ، 
\q1 ܒܦܘܼܪ̈ܩܵܢܹܐ ܓܲܒܵܪܹ̈ܐ ܕܝܲܡܝܼܢܹܗ. 
\q1  
\v 7 ܚܲܕܟܡܵܐ ܟܹܐ ܣܵܒܪܝܼ ܒܡܲܪ̈ܟܒ݂ܵܬܹ‌ܐ، ܘܚܲܕܟܡܵܐ ܒܣܘܼܣܵܘܵܬܹ̈‌ܐ، 
\q1 ܐܝܼܢܵܐ ܐܲܚܢܲܢ ܒܫܸܡܵܐ ܕܡܵܪܝܵܐ ܐܲܠܵܗܲܢ ܒܸܬ ܡܲܕܟܸܪܲܚ. 
\q1  
\v 8 ܐܵܢܝܼ ܒܪܝܼܟ ܠܗܘܿܢ ܘܢܦܝܼܠܔ ܠܗܘܿܢ، 
\q1 ܐܝܼܢܵܐ ܐܲܚܢܲܢ ܩܝܼܡ ܠܲܢ ܘܟܠܹܐ ܠܲܢ ܬܪܘܼܨܵܐ. 
\q1  
\v 9 ܝܵܐ ܡܵܪܝܵܐ، ܦܲܪܸܩ، 
\q1 ܡܲܠܟܵܐ ܓ̰ܲܘܸܒ ܠܲܢ ܒܝܵܘܡܵܐ ܕܩܵܪܲܚ. 
\c 21  
\q1  
\v 1 ܝܵܐ ܡܵܪܝܵܐ، ܒܚܲܝܠܘܼܟ݂ ܟܹܐ ܚܵܕܹܐ ܡܲܠܟܵܐ، 
\q1 ܘܒܦܘܼܪܩܵܢܘܼܟ݂ ܟܡܵܐ ܪܵܒܵܐ ܟܹܐ ܦܵܨܹܚ. 
\q1  
\v 2 ܛܠܵܒܬܵ‌ܐ ܕܠܸܒܹܗ ܝܘܼܗܒܹܠܔ ܠܘܼܟ݂ ܐܸܠܹܗ، 
\q1 ܘܒܵܥܘܼܬܵ‌ܐ ܕܣܸܦܘܵܬܘܼ̈ܗ‌ܝ ܠܵܐ ܡܘܼܟܠܹܐ ܠܘܼܟ݂. \qs ܣܹܠܵܗ\qs* 
\q1  
\v 3 ܒܗ̇ܝ ܕܟܹܐ ܡܲܬܦܸܩܸܬ ܒܝܼܹܗ ܒܘܼܪ̈ܟܵܬܹ‌ܐ ܛܵܒܹ̈ܐ، 
\q1 ܟܹܐ ܡܲܬܒܸܬ ܒܪܹܝܫܹܗ ܬܵܓ݂ܵܐ ܕܕܲܗܒ݂ܵܐ ܨܸܦܝܵܐ. 
\q1  
\v 4 ܚܲܝܹ̈ܐ ܛܠܝܼܒ ܠܹܗ ܡܸܢܘܼܟ݂ ܘܝܘܼܗܒܹܠܔ ܠܘܼܟ݂ ܐܸܠܹܗ، 
\q1 ܝܵܘܡܵܢܹ̈ܐ ܝܲܪ̈ܝܼܟܹܐ ܠܥܵܠܲܡ ܥܵܠܡܝܼܢ. 
\q1  
\v 5 ܓܘܼܪܵܐ ܝܠܹܗ ܐܝܼܩܵܪܹܗ ܒܦܘܼܪܩܵܢܘܼܟ݂، 
\q1 ܚܸܩܪܵܐ ܘܙܲܗܝܘܼܬܵ‌ܐ ܟܹܐ ܡܲܬܒܸܬ ܥܲܠܘܼܗ‌ܝ. 
\q1  
\v 6 ܒܗ̇ܝ ܕܟܹܐ ܡܲܬܒܸܬ ܐܸܠܹܗ ܒܘܼܪ̈ܟܵܬܹ‌ܐ ܠܥܵܠܲܡ، 
\q1 ܟܹܐ ܡܲܚܕܸܝܬ ܠܹܗ ܒܦܨܵܚܬܵ‌ܐ ܕܗܸܙܘܼܪܘܼܟ݂. 
\q1  
\v 7 ܣܵܒܵܒ ܡܲܠܟܵܐ ܒܸܣܒܵܪܵܐ ܝܠܹܗ ܒܡܵܪܝܵܐ، 
\q1 ܘܒܛܲܝܒܘܼܬܵ‌ܐ ܕܥܸܠܵܝܵܐ ܠܹܐ ܫܵܥܹܫ. 
\q1  
\v 8 ܡܲܫ݇ܟ̰ܚܵܐ ܐܝܼܕܘܼܟ݂ ܠܟܠܵܝܗ‌ܝ ܕܸܫ̃ܡܸܢܘܼ̈ܟ݂، 
\q1 ܝܲܡܝܼܢܘܼܟ݂ ܡܲܫ݇ܟ̰ܚܵܐ ܠܣܵܢܝܵܢܘܼ̈ܟ݂. 
\q1  
\v 9 ܒܸܬ ܥܵܒ݂ܕܹܬ ܠܗܘܿܢ ܐܲܝܟ݂ ܐܲܬܘܼܢܵܐ ܕܢܘܼܪܵܐ ܒܥܕܵܢܵܐ ܕܡܲܒܝܲܢܬܘܼܟ݂، 
\q1 ܡܵܪܝܵܐ ܒܚܸܡܬܹܗ ܒܸܬ ܒܵܠܹܥ ܠܗܘܿܢ، 
\q1 ܘܢܘܼܪܵܐ ܒܸܬ ܐܵܟܹܠܔ ܠܗܘܿܢ. 
\q1  
\v 10 ܝܵܠܵܕ݇ܝ̈ܗ‌ܝ ܡ̣ܢ ܐܲܪܥܵܐ ܒܸܬ ܛܲܠܩܸܬ، 
\q1 ܘܙܲܪ̈ܥܵܝܗ‌ܝ ܡ̣ܢ ܒܢܲܝ̈ܢܵܫܵܐ. 
\q1  
\v 11 ܒܗ̇ܝ ܕܬܘܼܚܡܸܢܗܘܿܢ ܥܲܠܘܼܟ݂ ܒܝܼܫܬܵ‌ܐ، 
\q1 ܚܫܝܼܒ݂ ܠܗܘܿܢ ܦܸܠܡܵܐ، ܐܝܼܢܵܐ ܠܹܐ ܡܵܨܝܼ. 
\q1  
\v 12 ܣܵܒܵܒ ܒܸܬ ܡܲܥܒܸܕܸܬ ܠܗܘܿܢ ܕܥܵܪܩܝܼ، 
\q1 ܩܸܫܬܘܼܟ݂ ܒܸܬ ܗܲܕܪܸܬ ܠܦܵܬܘܵܬܵܝ̈ܗ‌ܝ. 
\q1  
\v 13 ܪܘܼܡ، ܝܵܐ ܡܵܪܝܵܐ، ܒܥܘܼܫܢܘܼܟ݂، 
\q1 ܒܸܬ ܫܲܒܚܲܚ ܘܙܵܡܪܲܚ ܓܲܒܵܪܘܼܬܘܼܟ݂. 
\c 22  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܐܲܝܠܸܬ ܫܵܚܲܪ. ܡܙܡܘܪܐ ܕܕܘܝܕ. 
\q1  
\v 1 ܐܲܠܵܗ‌ܝܼ، ܐܲܠܵܗ‌ܝܼ، ܩܵܡܘܿܕܝܼ ܫܒ݂ܝܼܩܸܢܘܼܟ݂، 
\q1 ܪܸܚܩܵܐ ܡ̣ܢ ܦܘܼܪܩܵܢܝܼ ܘܡ̣ܢ ܗܹܡܸܙܡܵܢܹ̈ܐ ܕܓܥܵܝܬ‌ܝܼ؟ 
\q1  
\v 2 ܐܲܠܵܗ‌ܝܼ، ܒܸܩܪܵܝܵܐ ܝܘܸܢ ܒܐܝܼܡܵܡܵܐ ܘܠܹܐ ܝܘܸܬ ܓ̰ܲܘܘܼܒܹܐ، 
\q1 ܘܒܠܲܝܠܹܐ، ܘܠܲܝܬ ܫܠܵܝܬܵ‌ܐ ܐܸܠܝܼ. 
\q1  
\v 3 ܘܐܲܢ݇ܬ ܩܲܕܝܼܫܵܐ ܝܘܸܬ، 
\q1 ܝܵܬܒ݂ܵܢܵܐ ܒܫܘܼܒ݂ܚܹ̈ܐ ܕܐܝܼܣܪܵܐܹܝܠܔ. 
\q1  
\v 4 ܒܝܼܘܼܟ݂ ܣܒܝܼܪܗܘܿܢ ܐܲܒ݂ܵܗܵܬܲܢ̈، 
\q1 ܣܒܝܼܪܗܘܿܢ ܒܝܼܘܼܟ݂، ܘܦܘܼܨܝܵܝ ܠܘܼܟ݂. 
\q1  
\v 5 ܐܸܠܘܼܟ݂ ܡܘܼܩܘܸܚ ܠܗܘܿܢ، ܘܦܝܼܫ ܠܗܘܿܢ ܦܘܼܪܩܹܐ، 
\q1 ܒܝܼܘܼܟ݂ ܣܒܝܼܪܗܘܿܢ، ܘܠܵܐ ܢܟ݂ܝܼܦ ܠܗܘܿܢ. 
\q1  
\v 6 ܐܝܼܢܵܐ ܐܵܢܵܐ ܬܸܘܸܠܥܵܐ ܝܘܸܢ ܘܠܵܐ ܐܢܵܫܵܐ، 
\q1 ܠܵܘܡܵܐ ܕܒܲܪܢܵܫܵܐ ܘܡܘܼܣܠܝܼܵܐ ܒܥܲܡܵܐ. 
\q1  
\v 7 ܟܠܵܝܗ‌ܝ ܚܵܙܝܵܢܝܼ̈ ܟܹܐ ܡܲܣܚܸܪܝܼ ܒܝܼܝܼ، 
\q1 ܟܹܐ ܡܲܦܟ̰ܸܠܝܼ ܦܘܼܡܵܐ، ܟܹܐ ܫܵܥܫܝܼ ܪܹܝܫܵܐ، ܒܹܐܡܵܪܵܐ: 
\q1  
\v 8 ”ܕܵܪܹܐ ܣܲܒ݂ܪܹܗ ܥܲܠܔ ܡܵܪܝܵܐ، ܕܗ̇ܘ ܦܲܨܹܐ ܠܹܗ، 
\q1 ܫܒ݂ܘܿܩ ܦܲܪܸܩ ܠܹܗ ܒܗ̇ܝ ܕܟܹܐ ܒܵܣܡܵܐ ܠܹܗ ܒܝܼܹܗ.“ 
\q1  
\v 9 ܣܵܒܵܒ ܐܲܢ݇ܬ ܝܼܘܸܬ ܦܲܠܛܵܢܝܼ ܡ̣ܢ ܒܲܛܢܵܐ، 
\q1 ܘܥܒ݂ܝܼܕ ܠܘܼܟ݂ ܕܣܵܒܪܹܢ ܒܝܼܘܼܟ݂ ܥܲܠܔ ܨܲܕܪ̈ܵܢܹܐ ܕܝܸܡܝܼ. 
\q1  
\v 10 ܕܝܼܘܼܟ݂ ܗܘܹܐ ܠܝܼ ܡ̣ܢ ܡܲܪܒܥܵܐ، 
\q1 ܐܲܠܵܗ‌ܝܼ ܝܘܸܬ ܐܲܢ݇ܬ ܡ̣ܢ ܒܲܛܢܵܐ ܕܝܸܡܝܼ. 
\q1  
\v 11 ܠܵܐ ܪܵܚܩܹܬ ܡܸܢܝܼ ܒܗ̇ܝ ܕܩܘܼܪܒܵܐ ܝܠܹܗ ܥܵܘܩܵܢܵܐ، 
\q1 ܒܗ̇ܝ ܕܠܲܝܬ ܗܲܝܸܪܵܢܵܐ. 
\q1  
\v 12 ܩܵܡ ܚܲܪܕܝܼ ܠܝܼ ܬܵܘܪܹ̈ܐ ܪܵܒܵܐ، 
\q1 ܩܵܡ ܟܵܪܟ݂ܝܼ ܠܝܼ ܬܵܘܪܹ̈ܐ ܙܲܪ̈ܒܵܢܹܐ ܕܒܲܝܫܵܢ. 
\q1  
\v 13 ܦܬܝܼܚ ܠܗܘܿܢ ܥܲܠܝܼ ܦܘܼܡܵܝܗ‌ܝ، 
\q1 ܐܲܝܟ݂ ܐܲܪܝܵܐ ܦܵܪܘܿܛܵܐ ܘܓܲܪܓܸܡܵܢܵܐ. 
\q1  
\v 14 ܐܲܝܟ݂ ܡ̈ܝܼܵܐ ܦܝܼܫ ܠܝܼ ܫܘܼܦܟ݂ܵܐ، 
\q1 ܘܫܪܹܐ ܠܗܘܿܢ ܟܠܵܝܗ‌ܝ ܓܲܪܡܝܼ، 
\q1 ܗܘܹܐ ܠܹܗ ܠܸܒܝܼ ܐܲܝܟ݂ ܫܲܡܲܥ، 
\q1 ܦܫܝܼܪܹܗ ܒܓܵܘܵܐ ܕܨܲܕܪܝܼ. 
\q1  
\v 15 ܒܪܝܼܙ ܠܹܗ ܐܲܝܟ݂ ܦܹܚܵܪܵܐ ܚܲܝܠܝܼ، 
\q1 ܘܠܸܫܵܢܝܼ ܫܸܥܝܵܐ ܝܠܹܗ ܠܫܵܡܵܟܝܼ، 
\q1 ܘܩܵܡ ܡܲܬܒܸܬ ܠܝܼ ܠܥܲܦܪܵܐ ܕܡܵܘܬܵ‌ܐ. 
\q1  
\v 16 ܒܗ̇ܝ ܕܩܵܡ ܚܲܪܕܝܼ ܠܝܼ ܟܲܠܒܹ̈ܐ، 
\q1 ܟܸܢܫܵܐ ܕܒܝܼܫܹ̈ܐ ܩܵܡ ܟܵܪܟ݂ܝܼ ܠܝܼ، 
\q1 ܒܙܝܼܥ ܠܗܘܿܢ ܠܐܝܼܕܵܬ‌ܝܼ̈ ܘܠܐܲܩܠܵܬ‌ܝܼ̈. 
\q1  
\v 17 ܡܵܨܹܝܢ ܡܵܢܹܝܢ ܟܠܵܝܗ‌ܝ ܓܲܪ̈ܡܝܼ، 
\q1 ܐܵܢܝܼ ܓܘܼܫܸܩ ܠܗܘܿܢ ܘܚܝܼܪܗܘܿܢ ܒܝܼܝܼ. 
\q1  
\v 18 ܦܘܼܠܸܥ ܠܗܘܿܢ ܓ̰ܘܼܠܝܼ̈ ܒܹܝܠܵܝܗ‌ܝ، 
\q1 ܘܥܲܠܔ ܠܒ݂ܝܼܫܬ‌ܝܼ ܕܪܹܐ ܠܗܘܿܢ ܦܸܫܟܵܐ. 
\q1  
\v 19 ܘܐܲܢ݇ܬ، ܝܵܐ ܡܵܪܝܵܐ، ܠܵܐ ܟܵܠܹܝܬ ܪܸܚܩܵܐ، 
\q1 ܝܵܐ ܚܲܝܠܝܼ، ܡܲܠܝܸܙ ܠܗܲܝܲܪܬ‌ܝܼ. 
\q1  
\v 20 ܦܲܨܝܼ ܡ̣ܢ ܣܲܝܦܵܐ ܠܓܵܢܝܼ، 
\q1 ܡ̣ܢ ܐܝܼܕܵܐ ܕܟܲܠܒܵܐ ܐܝܼܚܝܼܕܵܝܘܼܬ‌ܝܼ. 
\q1  
\v 21 ܦܲܪܸܩ ܠܝܼ ܡ̣ܢ ܦܘܼܡܵܐ ܕܐܲܪܝܵܐ، 
\q1 ܘܦܲܨܝܼ ܠܝܼ ܡ̣ܢ ܩܲܪ̈݇ܢܵܢܹܐ ܕܪ̈ܲܝܡܹܐ. 
\q1  
\v 22 ܒܸܬ ܗܲܩܹܝܢ ܫܸܡܘܼܟ݂ ܠܐܲܚܘܿܢܘܵܬ‌ܝܼ̈، 
\q1 ܒܓܵܘܵܐ ܕܟܸܢܫܵܐ ܒܸܬ ܫܲܒܚܸܢܘܼܟ݂. 
\q1  
\v 23 ܙܕܝܼ̈ܥܹܐ ܕܡܵܪܝܵܐ ܫܲܒܚܘܼܢ ܐܸܠܹܗ، 
\q1 ܟܠܹܗ ܙܲܪܥܵܐ ܕܝܲܥܩܘܿܒ݂ ܡܝܲܩܪܘܼܢ ܠܹܗ، 
\q1 ܘܙܕܹܥܡܘܼܢ ܡܸܢܹܗ ܟܠܹܗ ܙܲܪܥܵܐ ܕܐܝܼܣܪܵܐܹܝܠܔ. 
\q1  
\v 24 ܒܗ̇ܝ ܕܠܵܐ ܡܘܼܣܠܹܐ ܠܹܗ ܘܠܵܐ ܓܘܼܢܓܸܙ ܠܹܗ ܡ̣ܢ ܐܘܼܠܨܵܢܵܐ ܕܡܘܼܠܝܸܨܵܐ، 
\q1 ܘܠܵܐ ܛܘܼܫܹܐ ܠܹܗ ܦܵܬܹܗ ܡܸܢܹܗ، 
\q1 ܐܸܠܵܐ ܫܡܝܼܥ ܠܹܗ ܟܲܕ ܡܘܼܩܘܸܚ ܠܹܗ ܐܸܠܹܗ. 
\q1  
\v 25 ܡ̣ܢ ܠܟܸܣ ܠܘܼܟ݂ ܝܼܠܵܗ̇ ܬܸܫܒܘܿܚܬ‌ܝܼ ܒܟܸܢܫܵܐ ܓܘܼܪܵܐ، 
\q1 ܢܸܕܪ̈ܝܼ ܒܸܬ ܬܲܡܸܡܸܢ ܩܲܕܡ ܙܕܝܼܥܘܼ̈ܗ‌ܝ. 
\q1  
\v 26 ܒܸܬ ܐܵܟ݂ܠܝܼ ܡܸܣܟܹܢܹ̈ܐ ܘܣܵܒ݂ܥܝܼ، 
\q1 ܒܸܬ ܫܲܒܚܝܼ ܠܡܵܪܝܵܐ ܛܵܥܝܵܢܹ̈ܐ ܐܸܠܹܗ، 
\q1 ܚܵܝܹܐ ܠܸܒܵܘܟ݂ܘܿܢ ܠܥܵܠܲܡ. 
\q1  
\v 27 ܒܸܬ ܕܵܟ݂ܪܝܼ ܘܕܵܝܪܝܼ ܠܟܸܣ ܡܵܪܝܵܐ ܟܠܵܝܗ‌ܝ ܡܲܪ̈ܙܵܢܹܐ ܕܐܲܪܥܵܐ، 
\q1 ܘܒܸܬ ܣܵܓ݂ܕܝܼ ܩܲܕܡܘܼܟ݂ ܟܠܵܝܗ‌ܝ ܫܲܪ̈ܒܵܬܹ‌ܐ ܕܐܸܡܘܵܬܹ̈‌ܐ. 
\q1  
\v 28 ܒܗ̇ܝ ܕܠܡܵܪܝܵܐ ܝܠܵܗ̇ ܡܲܠܟܘܼܬܵ‌ܐ، 
\q1 ܘܗ̇ܘ ܝܼܠܹܗ ܗܲܟܡܵܢܵܐ ܠܐܸܡܘܵܬܹ̈‌ܐ. 
\q1  
\v 29 ܘܒܸܬ ܐܵܟ݂ܠܝܼ ܘܒܸܬ ܣܵܓ݂ܕܝܼ ܟܠܵܝܗ‌ܝ ܥܲܬܝܼܪܹ̈ܐ ܕܐܲܪܥܵܐ، 
\q1 ܩܲܕܡܘܼܗ‌ܝ ܒܸܬ ܟܵܝܦܝܼ ܟܠܵܝܗ‌ܝ ܨܵܠܝܵܢܹ̈ܐ ܠܥܲܦܪܵܐ، 
\q1 ܘܐܘܼܦ ܗ̇ܘ ܕܠܹܐ ܡܵܨܹܐ ܚܲܡܹܐ ܠܵܗ̇ ܓܵܢܹܗ ܚܵܝܬܵ‌ܐ. 
\q1  
\v 30 ܙܲܪܥܵܐ ܒܸܬ ܦܵܠܹܚ ܐܸܠܹܗ، 
\q1 ܒܸܬ ܗܲܩܝܼ ܒܘܼܬ ܡܵܪܝܵܐ ܠܕܵܪܵܐ ܕܐܵܬܹ‌ܐ. 
\q1  
\v 31 ܒܸܬ ܐܵܬ‌ܝܼ ܘܒܸܬ ܡܲܕܥܝܼ ܙܲܕܝܼܩܘܼܬܹܗ 
\q1 ܠܥܲܡܵܐ ܕܦܵܐܹܫ ܝܠܝܼܕܵܐ، ܕܗ̇ܘ ܥܒ݂ܝܼܕ ܠܹܗ ܐܵܗܵܐ. 
\c 23  
\s1 ܡܙܡܘܪܐ ܕܕܘܝܕ. 
\q1  
\v 1 ܡܵܪܝܵܐ ܪܵܥܝܝܼ ܝܠܹܗ، ܠܹܐ ܚܵܣܪܹܢ. 
\q1  
\v 2 ܥܲܠܔ ܡܲܪ̈ܓܹܐ ܩܝܼܢܹ̈ܐ ܟܹܐ ܡܲܕܡܸܟ݂ ܠܝܼ، 
\q1 ܠܡ̈ܝܼܵܐ ܢܝܼܚܹ̈ܐ ܟܹܐ ܡܗܲܕܹܐ ܠܝܼ. 
\q1  
\v 3 ܟܹܐ ܚܲܕܸܬ ܠܵܗ̇ ܓܵܢܝܼ، 
\q1 ܟܹܐ ܠܲܒܸܠܔ ܠܝܼ ܒܫܒ݂ܝܼܠܹ̈ܐ ܕܙܲܕܝܼܩܘܼܬܵ‌ܐ ܒܘܼܬ ܫܸܡܹܗ. 
\q1  
\v 4 ܐܘܼܦ ܟܲܕ ܚܵܕܪܹܢ ܒܪܵܘܘܿܠܵܐ ܕܛܸܠܵܢܝܼܬܵ‌ܐ ܕܡܵܘܬܵ‌ܐ، 
\q1 ܠܹܐ ܙܵܕܥܹܢ ܡ̣ܢ ܒܝܼܫܬܵ‌ܐ، ܣܵܒܵܒ ܐܲܢ݇ܬ ܥܲܡܝܼ ܝܘܸܬ، 
\q1 ܩܵܛܝܼܘܼܟ݂ ܘܚܘܼܛܪܘܼܟ݂، ܐܵܢܝܼ ܟܹܐ ܝܵܗܒ݂ܝܼ ܠܝܼ ܠܸܒܵܐ. 
\q1  
\v 5 ܟܹܐ ܚܵܪܙܹܬ ܩܲܕܡܝܼ ܨܘܼܦܪܵܐ، ܠܒܲܠܩܘܼܒ݂ܠܔ ܕܕܸܫ̃ܡܸܢܝܼ̈، 
\q1 ܡܫܝܼܚ ܠܘܼܟ݂ ܒܡܸܫܚܵܐ ܪܹܝܫܝܼ، 
\q1 ܟܵܣܝܼ ܫܦܝܼܟ݂ܵܐ ܝܠܹܗ. 
\q1  
\v 6 ܐܲܚܟ̰ܝܼ ܛܵܒ݂ܬܵ‌ܐ ܘܛܲܝܒܘܼܬܵ‌ܐ ܒܸܬ ܢܵܦܠܝܼ ܒܵܬܪܝܼ ܟܠܵܝܗ‌ܝ ܝܵܘܡܵܢܹ̈ܐ ܕܚܲܝܝܼ̈، 
\q1 ܘܒܸܬ ܝܵܬܒܹܢ ܓܵܘ ܒܲܝܬܵ‌ܐ ܕܡܵܪܝܵܐ ܒܝܘܼܪܟ݂ܵܐ ܕܝܵܘܡܵܢܹ̈ܐ. 
\c 24  
\s1 ܡܙܡܘܪܐ ܕܕܘܝܕ. 
\q1  
\v 1 ܕܡܵܪܝܵܐ ܝܠܵܗ̇ ܐܲܪܥܵܐ ܘܡܸܠܝܘܼܬܘܼܗ̇، 
\q1 ܒܪܝܼܬܵ‌ܐ ܘܥܵܡܪ̈ܵܢܹܐ ܕܓܵܘܘܼܗ̇. 
\q1  
\v 2 ܣܵܒܵܒ ܗ̇ܘ ܥܲܠܔ ܝܵܡܵܬܹ̈‌ܐ ܫܘܼܬܐܸܣܵܐ ܠܹܗ، 
\q1 ܘܥܲܠܔ ܢܲܗܪ̈ܵܘܵܬܹ‌ܐ ܡܘܼܩܘܝܼܵܐ ܠܹܗ. 
\q1  
\v 3 ܡܵܢܝܼ ܐܵܣܹܩ ܒܛܘܼܪܵܐ ܕܡܵܪܝܵܐ؟ 
\q1 ܘܡܵܢܝܼ ܟܵܠܹܐ ܒܕܘܼܟܬܵ‌ܐ ܕܩܘܼܕܫܹܗ؟ 
\q1  
\v 4 ܗ̇ܘ ܕܙܲܟܵܝܹܐ ܝܢܵܐ ܐܝܼܕܵܬܘܼ̈ܗ‌ܝ ܘܕܸܟ݂ܝܵܐ ܝܠܹܗ ܠܸܒܹܗ، 
\q1 ܕܠܵܐ ܡܘܼܪܸܡ ܠܹܗ ܒܣܪܝܼܩܘܼܬܵ‌ܐ ܓܵܢܹܗ، 
\q1 ܘܠܵܐ ܝܡܹܐ ܠܹܗ ܒܦܸܠܡܵܐ. 
\q1  
\v 5 ܒܸܬ ܩܲܒܸܠܔ ܒܘܼܪܟܬܵ‌ܐ ܡ̣ܢ ܡܵܪܝܵܐ، 
\q1 ܘܙܲܕܝܼܩܘܼܬܵ‌ܐ ܡ̣ܢ ܐܲܠܵܗܵܐ ܕܦܘܼܪܩܵܢܹܗ. 
\q1  
\v 6 ܐܵܗܵܐ ܝܠܹܗ ܕܵܪܵܐ ܕܐܵܢܝܼ ܕܛܵܥܝܼ ܐܸܠܹܗ، 
\q1 ܛܵܥܝܵܢܹ̈ܐ ܕܦܵܬܘܼܟ݂، ܝܵܐ ܐܲܠܵܗܵܐ ܕܝܲܥܩܘܿܒ݂. \qs ܣܹܠܵܗ\qs* 
\q1  
\v 7 ܡܲܪܡܘܼܢ، ܝܵܐ ܕܲܪ̈ܘܵܙܹܐ، ܪܹ̈ܝܫܵܘܟ݂ܘܿܢ، 
\q1 ܘܦܘܼܫܘܼܢ ܡܘܼܪܡܹܐ، ܝܵܐ ܬܲܪ̈ܥܵܢܹܐ ܕܥܵܠܲܡ، 
\q1 ܕܥܵܒܹܪ ܡܲܠܟܵܐ ܕܐܝܼܩܵܪܵܐ. 
\q1  
\v 8 ܡܵܢܝܼ ܝܠܹܗ ܐܵܗܵܐ ܡܲܠܟܵܐ ܕܐܝܼܩܵܪܵܐ؟ 
\q1 ܡܵܪܝܵܐ ܥܲܫܝܼܢܵܐ ܘܓܲܒܵܪܵܐ؛ 
\q1 ܡܵܪܝܵܐ ܓܲܒܵܪܵܐ ܕܦܠܵܫܵܐ. 
\q1  
\v 9 ܡܲܪܡܘܼܢ، ܝܵܐ ܕܲܪ̈ܘܵܙܹܐ، ܪܹ̈ܝܫܵܘܟ݂ܘܿܢ، 
\q1 ܘܦܘܼܫܘܼܢ ܡܘܼܪܡܹܐ، ܝܵܐ ܬܲܪ̈ܥܵܢܹܐ ܕܥܵܠܲܡ، 
\q1 ܕܥܵܒܹܪ ܡܲܠܟܵܐ ܕܐܝܼܩܵܪܵܐ. 
\q1  
\v 10 ܡܵܢܝܼ ܝܠܹܗ ܐܵܗܵܐ ܡܲܠܟܵܐ ܕܐܝܼܩܵܪܵܐ؟ 
\q1 ܡܵܪܝܵܐ ܚܲܝܠܬܵܢܵܐ، 
\q1 ܗ̇ܘ ܝܼܠܹܗ ܡܲܠܟܵܐ ܕܐܝܼܩܵܪܵܐ. \qs ܣܹܠܵܗ\qs* 
\c 25  
\s1 ܡܙܡܘܪܐ ܕܕܘܝܕ. 
\q1  
\v 1 ܐܸܠܘܼܟ݂، ܝܵܐ ܡܵܪܝܵܐ، ܡܲܪܘܼܡܘܼܗ̇ ܝܘܸܢ ܓܵܢܝܼ. 
\q1  
\v 2 ܐܲܠܵܗ‌ܝܼ ܒܝܼܘܼܟ݂ ܣܒܝܼܪܝܼ، 
\q1 ܠܵܐ ܫܵܒ݂ܩܹܬ ܢܵܟ݂ܦܹܢ، 
\q1 ܠܵܐ ܫܵܒ݂ܩܹܬ ܦܵܨܚܝܼ ܕܸܫ̃ܡܸܢܝܼ̈ ܥܲܠܝܼ. 
\q1  
\v 3 ܐܘܼܦ ܟܠܵܝܗ‌ܝ ܣܵܦܪ̈ܵܢܹܐ ܐܸܠܘܼܟ݂ ܠܹܐ ܢܵܟ݂ܦܝܼ، 
\q1 ܒܸܬ ܢܵܟ݂ܦܝܼ ܐܵܢܝܼ ܕܚܵܝܝܼܢܹ̈ܐ ܝܢܵܐ ܒܠܵܐ ܥܸܠܬܵ‌ܐ. 
\q1  
\v 4 ܐܘܼܪ̈ܚܵܬܘܼܟ݂، ܝܵܐ ܡܵܪܝܵܐ، ܡܲܕܸܥ ܠܗܘܿܢ ܐܸܠܝܼ، 
\q1 ܫܒ݂ܝܼܠܘܼ̈ܟ݂ ܡܲܠܸܦ ܠܗܘܿܢ ܐܸܠܝܼ. 
\q1  
\v 5 ܡܲܚܕܸܪܝܼ ܒܫܲܪܝܼܪܘܼܬܘܼܟ݂ ܘܡܲܠܸܦ ܠܝܼ، 
\q1 ܣܵܒܵܒ ܐܲܢ݇ܬ ܝܼܘܸܬ ܐܲܠܵܗܵܐ ܕܦܘܼܪܩܵܢܝܼ، 
\q1 ܐܸܠܘܼܟ݂ ܣܦܝܼܪܝܼ ܟܠܹܗ ܝܵܘܡܵܐ. 
\q1  
\v 6 ܕܟ݂ܘܿܪ ܪ̈ܲܚܡܘܼܟ݂ ܡܵܪܝܵܐ ܘܛܲܝܒܘܼܬܘܼܟ݂، 
\q1 ܣܵܒܵܒ ܡ̣ܢ ܥܵܠܲܡ ܝܼܢܵܐ. 
\q1  
\v 7 ܚܛܵܗܹ̈ܐ ܕܥܠܲܝܡܘܼܬ‌ܝܼ ܘܓܢܵܗ‌ܝܼ̈ ܠܵܐ ܕܵܟ݂ܪܹܬ، 
\q1 ܐܲܝܟ݂ ܛܲܝܒܘܼܬܘܼܟ݂ ܕܟ݂ܘܿܪ ܐܸܠܝܼ ܐܲܢ݇ܬ، 
\q1 ܒܘܼܬ ܚܵܬܸܪ ܕܛܵܒ݂ܘܼܬܘܼܟ݂، ܝܵܐ ܡܵܪܝܵܐ. 
\q1  
\v 8 ܛܵܒ݂ܵܐ ܘܬܪܘܼܨܵܐ ܝܠܹܗ ܡܵܪܝܵܐ، 
\q1 ܒܘܼܬ ܐܵܗܵܐ ܟܹܐ ܬܲܠܡܸܕ ܚܲܛܵܝܹ̈ܐ ܒܐܘܼܪܚܵܐ. 
\q1  
\v 9 ܟܹܐ ܡܗܲܕܹܐ ܠܡܲܟܝܼܟܹ̈ܐ ܒܕܝܼܘܵܢ، 
\q1 ܘܡܲܠܸܦ ܠܡܲܟܝܼܟܹ̈ܐ ܐܘܼܪܚܹܗ. 
\q1  
\v 10 ܛܲܝܒܘܼܬܵ‌ܐ ܘܫܲܪܝܼܪܘܼܬܵ‌ܐ ܝܢܵܐ ܟܠܵܝܗ‌ܝ ܐܘܼܪ̈ܚܵܬܹ‌ܐ ܕܡܵܪܝܵܐ، 
\q1 ܠܢܵܛܪ̈ܵܢܹܐ ܕܘܲܥܕܹܗ ܘܣܵܗܕܘܵܬܘܼ̈ܗ‌ܝ. 
\q1  
\v 11 ܒܘܼܬ ܫܸܡܘܼܟ݂، ܝܵܐ ܡܵܪܝܵܐ، 
\q1 ܫܒ݂ܘܿܩ ܠܥܵܘܠܝܼ ܒܗ̇ܝ ܕܝܼܠܹܗ ܓܘܼܪܵܐ. 
\q1  
\v 12 ܡܵܢܝܼ ܝܠܹܗ ܙܕܝܼܥܵܐ ܕܡܵܪܝܵܐ؟ 
\q1 ܒܸܬ ܡܲܠܸܦ ܠܹܗ ܐܘܼܪܚܵܐ ܕܓܲܒܹܐ. 
\q1  
\v 13 ܓܵܢܹܗ ܒܛܵܒ݂ܬܵ‌ܐ ܒܸܬ ܫܵܪܝܵܐ، 
\q1 ܘܙܲܪܥܹܗ ܒܸܬ ܝܵܪܹܬ ܐܲܪܥܵܐ. 
\q1  
\v 14 ܫܵܘܬܵܦܘܼܬܵ‌ܐ ܕܡܵܪܝܵܐ ܥܲܡ ܙܕܝܼܥܘܼ̈ܗ‌ܝ ܝܠܵܗ̇، 
\q1 ܘܘܲܥܕܹܗ ܒܸܬ ܡܲܕܸܥ ܐܸܠܵܝܗ‌ܝ. 
\q1  
\v 15 ܥܲܝܢܝܼ̈ ܐܲܡܝܼܢܵܐܝܼܬ ܠܡܵܪܝܵܐ ܝܢܵܐ، 
\q1 ܣܵܒܵܒ ܗ̇ܘ ܒܸܬ ܦܲܠܸܛ ܠܗܘܿܢ ܐܲܩܠܝܼ̈ ܡ̣ܢ ܓܲܪܕܵܐ. 
\q1  
\v 16 ܕܘܼܪ ܠܟܸܣܠܝܼ ܘܪܲܚܸܡ ܥܲܠܝܼ، 
\q1 ܒܗ̇ܝ ܕܒܢܲܦ̮ܫܝܼ ܝܘܸܢ ܘܡܸܣܟܹܢܵܐ. 
\q1  
\v 17 ܥܵܘܩܵܢܹ̈ܐ ܕܠܸܒܝܼ ܙܝܼܕ ܠܗܘܿܢ، 
\q1 ܡ̣ܢ ܐܘܼܠܨܵܢܝܼ ܦܲܠܸܛ ܠܝܼ. 
\q1  
\v 18 ܚܙܝܼ ܥܵܘܩܵܢܝܼ ܘܥܲܡܠܝܼ، 
\q1 ܘܦܲܚܸܠܔ ܠܟܠܵܝܗ‌ܝ ܚܛܝܼܵܬ‌ܝܼ̈. 
\q1  
\v 19 ܚܙܝܼ ܠܕܸܫ̃ܡܸܢܝܼ̈ ܕܙܝܼܕܹܐ ܝܢܵܐ، 
\q1 ܘܒܣܢܵܝܬܵ‌ܐ ܚܸܡܬܵܢܬܵ‌ܐ ܩܵܡ ܣܵܢܝܼ ܠܝܼ. 
\q1  
\v 20 ܢܛܘܿܪ ܓܵܢܝܼ ܘܦܲܨܝܼ ܠܝܼ، 
\q1 ܠܵܐ ܫܵܒ݂ܩܹܬ ܢܵܟ݂ܦܹܢ ܒܗ̇ܝ ܕܫܩܝܼܠܔ ܠܝܼ ܓܵܘܣܵܐ ܒܝܼܘܼܟ݂. 
\q1  
\v 21 ܫܒ݂ܘܿܩ ܬܲܡܝܼܡܘܼܬܵ‌ܐ ܘܬܪܘܼܨܘܼܬܵ‌ܐ ܚܲܡܹܐ ܠܝܼ، 
\q1 ܒܗ̇ܝ ܕܣܦܝܼܪܝܼ ܥܲܠܘܼܟ݂. 
\q1  
\v 22 ܦܲܪܸܩ، ܝܵܐ ܐܲܠܵܗܵܐ، ܠܐܝܼܣܪܵܐܹܝܠܔ، 
\q1 ܡ̣ܢ ܟܠܵܝܗ‌ܝ ܥܵܘܩܵܢܘܼ̈ܗ‌ܝ. 
\c 26  
\s1 ܡܙܡܘܪܐ ܕܕܘܝܕ. 
\q1  
\v 1 ܥܒ݂ܘܿܕ ܠܵܗ̇ ܕܝܼܘܵܢܝܼ، ܝܵܐ ܡܵܪܝܵܐ، ܒܗ̇ܝ ܕܐܵܢܵܐ ܒܬܲܡܝܼܡܘܼܬ‌ܝܼ ܚܕܝܼܪܝܼ، 
\q1 ܘܠܡܵܪܝܵܐ ܦܝܼܫ ܠܝܼ ܒܣܲܒ݂ܪܵܐ، ܠܹܐ ܫܵܥܫܹܢ. 
\q1  
\v 2 ܒܚܘܿܪ ܐܸܠܝܼ، ܡܵܪܝܵܐ، ܘܓ̰ܲܪܸܒ ܠܝܼ، 
\q1 ܨܲܪܸܦ ܪܸܥܝܵܢܝܼ ܘܠܸܒܝܼ؛ 
\q1  
\v 3 ܒܗ̇ܝ ܕܛܲܝܒܘܼܬܘܼܟ݂ ܩܲܕܡ ܥܲܝܢܝܼ̈ ܝܠܵܗ̇، 
\q1 ܘܚܕܝܼܪܝܼ ܒܡܗܘܼܡܢܘܼܬܘܼܟ݂. 
\q1  
\v 4 ܠܵܐ ܝܬܝܼܒ݂ ܠܝܼ ܥܲܡ ܡܲܚܠܸܛܵܢܹ̈ܐ، 
\q1 ܘܥܲܡ ܡܲܫܦܸܪ̈ܵܢܹܐ ܠܹܐ ܥܵܒ݂ܕܹܢ ܫܵܘܬܵܦܘܼܬܵ‌ܐ. 
\q1  
\v 5 ܣܢܹܐ ܠܝܼ ܠܟܢܘܼܫܝܵܐ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ، 
\q1 ܘܥܲܡ ܪ̈ܲܫܝܼܥܹܐ ܠܹܐ ܝܵܬܒܹܢ. 
\q1  
\v 6 ܒܸܬ ܚܲܠܸܠܸܢ ܒܙܲܟܵܝܘܼܬܵ‌ܐ ܐܝܼܕܵܬ‌ܝܼ̈، 
\q1 ܘܚܵܕܪܹܢ ܠܚܵܕܸܪ̈ܘܵܢܹܐ ܕܡܲܕܒܚܘܼܟ݂، ܝܵܐ ܡܵܪܝܵܐ، 
\q1  
\v 7 ܠܡܲܫܡܘܼܥܹܐ ܩܵܠܵܐ ܕܫܲܟܲܪܬܵ‌ܐ، 
\q1 ܘܠܗܲܩܘܼܝܹܐ ܟܠܵܝܗ‌ܝ ܥܲܓ̰ܝܼܒܘܼܝܵܬܘܼ̈ܟ݂. 
\q1  
\v 8 ܝܵܐ ܡܵܪܝܵܐ، ܡܘܼܚܸܒ ܠܝܼ ܠܡܲܥܡܪܵܐ ܕܒܲܝܬܘܼܟ݂، 
\q1 ܕܘܼܟܵܐ ܕܫܵܪܹܐ ܫܘܼܒ݂ܚܘܼܟ݂. 
\q1  
\v 9 ܠܵܐ ܛܲܠܩܸܬ ܠܵܗ̇ ܓܵܢܝܼ ܥܲܡ ܚܲܛܵܝܹ̈ܐ، 
\q1 ܐܵܦܠܵܐ ܚܲܝܝܼ̈ ܥܲܡ ܫܲܦܟ݂ܵܢܹ̈ܐ ܕܕܸܡܵܐ، 
\q1  
\v 10 ܐܲܝܢܝܼ ܕܒܐܝܼܕܵܝ̈ܗ‌ܝ ܐܝܼܬ ܨܢܝܼܥܘܼܬܵ‌ܐ، 
\q1 ܘܝܲܡܝܼܢܵܝܗ‌ܝ ܡܠܝܼܬܵ‌ܐ ܝܠܵܗ̇ ܪܸܫܘܲܬ. 
\q1  
\v 11 ܐܝܼܢܵܐ ܐܵܢܵܐ، ܒܬܲܡܝܼܡܘܼܬ‌ܝܼ ܒܸܬ ܚܵܕܪܹܢ، 
\q1 ܦܲܪܸܩ ܠܝܼ ܘܪܲܚܸܡ ܥܲܠܝܼ. 
\q1  
\v 12 ܐܲܩܠܝܼ ܟܠܹܐ ܠܵܗ̇ ܒܕܘܼܟܵܐ ܬܪܘܼܨܬܵ‌ܐ، 
\q1 ܓܵܘ ܟܸܢܫܹ̈ܐ ܒܸܬ ܒܲܪܟܸܢ ܠܡܵܪܝܵܐ. 
\c 27  
\s1 ܡܙܡܘܪܐ ܕܕܘܝܕ. 
\q1  
\v 1 ܡܵܪܝܵܐ ܒܲܗܪܝܼ ܝܠܹܗ ܘܦܘܼܪܩܵܢܝܼ، ܡ̣ܢ ܡܵܢܝܼ ܙܵܕܥܹܢ؟ 
\q1 ܡܵܪܝܵܐ ܩܲܠܥܵܐ ܕܚܲܝܝܼ̈ ܝܠܹܗ، ܡ̣ܢ ܡܵܢܝܼ ܫܵܥܫܹܢ؟ 
\q1  
\v 2 ܟܲܕ ܩܘܼܪܒܸܢܗܘܿܢ ܥܲܠܝܼ ܒܝܼܫܹ̈ܐ ܕܐܵܟ݂ܠܝܼ ܒܸܣܪܝܼ، 
\q1 ܡܲܠܝܸܨܵܢܝܼ̈ ܘܕܸܫ̃ܡܸܢܝܼ̈، ܐܵܢܝܼ ܬܘܼܪܩܸܠܔ ܠܗܘܿܢ ܘܢܦܝܼܠܔ ܠܗܘܿܢ. 
\q1  
\v 3 ܐܸܢ ܫܵܪܝܵܐ ܥܲܠܝܼ ܡܲܫܪܝܼܬܵ‌ܐ، 
\q1 ܠܹܐ ܙܵܕܹܥ ܠܸܒܝܼ؛ 
\q1 ܐܸܢ ܩܵܐܹܡ ܥܲܠܝܼ ܦܠܵܫܵܐ، 
\q1 ܗܸܫ ܐܵܢܵܐ ܒܣܲܒ݂ܪܵܐ ܝܘܸܢ. 
\q1  
\v 4 ܚܕܵܐ ܛܠܵܒܬܵ‌ܐ ܥܒ݂ܝܼܕ ܠܝܼ ܡ̣ܢ ܡܵܪܝܵܐ، ܠܗ̇ܝ ܒܸܬ ܛܵܥܹܝܢ: 
\q1 ܕܝܵܬܒܹܢ ܒܒܲܝܬܵ‌ܐ ܕܡܵܪܝܵܐ ܟܠܵܝܗ‌ܝ ܝܵܘܡܵܢܹ̈ܐ ܕܚܲܝܝܼ̈؛ 
\q1 ܠܸܚܙܵܝܵܐ ܒܲܣܝܼܡܘܼܬܵ‌ܐ ܕܡܵܪܝܵܐ، ܘܠܦܲܪܦܘܼܠܹܐ ܒܗܲܝܟܠܹܗ. 
\q1  
\v 5 ܣܵܒܵܒ ܒܸܬ ܛܲܫܹܐ ܠܝܼ ܒܡܛܲܠܠܹܗ ܒܝܵܘܡܵܐ ܕܒܝܼܫܬܵ‌ܐ، 
\q1 ܒܸܬ ܟܲܣܹܐ ܠܝܼ ܒܣܸܬܵܪܵܐ ܕܡܲܫܟܢܹܗ، 
\q1 ܥܲܠܔ ܐܝܼܨܵܪܵܐ ܒܸܬ ܡܲܪܸܡ ܠܝܼ. 
\q1  
\v 6 ܘܐܵܕܝܼܵܐ ܒܸܬ ܦܵܐܹܫ ܡܘܼܪܡܵܐ ܪܹܝܫܝܼ ܥܸܠܸܠܔ ܡ̣ܢ ܕܸܫ̃ܡܸܢܝܼ̈ ܕܠܚܵܕܸܪ̈ܘܵܢܝܼ، 
\q1 ܘܒܸܬ ܕܵܒ݂ܚܹܢ ܒܡܲܫܟܢܹܗ ܕܸܒ݂ܚܹ̈ܐ ܟܲܕ ܫܲܒܘܼܚܹܐ، 
\q1 ܒܸܬ ܫܲܒܚܸܢ ܘܒܸܬ ܙܵܡܪܹܢ ܠܡܵܪܝܵܐ. 
\q1  
\v 7 ܫܡܹܥ ܡܵܪܝܵܐ ܩܵܠܝܼ ܐܝܼܡܲܢ ܕܩܵܪܹܝܢ، 
\q1 ܘܪܲܚܸܡ ܥܲܠܝܼ ܘܓ̰ܲܘܸܒ ܠܝܼ. 
\q1  
\v 8 ܐܝܼܡܲܢ ܕܐܡܝܼܪܘܼܟ݂: ”ܛܥܹܝܡܘܼܢ ܐܸܠܝܼ،“ ܐܡܝܼܪܹܗ ܐܸܠܘܼܟ݂ ܠܸܒܝܼ: 
\q1 ”ܐܸܠܘܼܟ݂، ܝܵܐ ܡܵܪܝܵܐ، ܒܸܬ ܛܵܥܹܝܢ.“ 
\q1  
\v 9 ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ، 
\q1 ܠܵܐ ܡܲܕܸܪܸܬ ܠܹܗ ܪܹܓܘܼܟ݂ ܒܟܲܪܒܵܐ، 
\q1 ܗܲܝܲܪܬ‌ܝܼ ܗܘܹܐ ܠܘܼܟ݂، 
\q1 ܠܵܐ ܪܲܦܹܝܬ ܠܝܼ ܘܠܵܐ ܫܵܒ݂ܩܹܬ ܠܝܼ، 
\q1 ܝܵܐ ܐܲܠܵܗܵܐ ܕܦܘܼܪܩܵܢܝܼ؛ 
\q1  
\v 10 ܣܵܒܵܒ ܒܵܒܝܼ ܘܝܸܡܝܼ ܫܒ݂ܝܼܩܸܢܗܘܿܢ، 
\q1 ܐܝܼܢܵܐ ܡܵܪܝܵܐ ܒܸܬ ܓ̰ܲܡܸܥ ܠܝܼ. 
\q1  
\v 11 ܡܲܠܸܦ ܠܝܼ، ܝܵܐ ܡܵܪܝܵܐ، ܐܘܼܪܚܘܼܟ݂، 
\q1 ܘܡܗܲܕܝܼ ܠܝܼ ܒܫܒ݂ܝܼܠܵܐ ܬܪܘܼܨܵܐ، 
\q1 ܡ̣ܢ ܥܸܠܬܵ‌ܐ ܕܕܸܫ̃ܡܸܢܝܼ̈. 
\q1  
\v 12 ܠܵܐ ܣܲܦܹܝܬ ܠܝܼ ܒܨܸܒ݂ܝܵܢܵܐ ܕܕܲܠܩܘܼܒ݂ܠܵܝܝܼ̈، 
\q1 ܣܵܒܵܒ ܩܝܼܡ ܠܗܘܿܢ ܥܲܠܝܼ ܣܵܗܕܹ̈ܐ ܕܲܓܵܠܹ̈ܐ ܘܢܵܦܚܵܢܹ̈ܐ ܕܚܸܡܬܵ‌ܐ. 
\q1  
\v 13 ܐܵܢܵܐ ܗܘܼܡܸܢܝܼ ܠܸܚܙܵܝܵܐ ܠܛܵܒ݂ܬܵ‌ܐ ܕܡܵܪܝܵܐ 
\q1 ܒܐܲܪܥܵܐ ܕܚܵܝܹ̈ܐ. 
\q1  
\v 14 ܣܦܘܿܪ ܠܡܵܪܝܵܐ، 
\q1 ܚܲܠܸܢ ܘܙܲܪܒܸܢ ܠܸܒܘܼܟ݂، 
\q1 ܘܣܦܘܿܪ ܠܡܵܪܝܵܐ. 
\c 28  
\s1 ܡܙܡܘܪܐ ܕܕܘܝܕ. 
\q1  
\v 1 ܐܸܠܘܼܟ݂، ܝܵܐ ܡܵܪܝܵܐ، ܟܹܐ ܩܵܪܹܝܢ، 
\q1 ܝܵܐ ܐܝܼܨܵܪܝܼ، ܠܵܐ ܐܵܟ̰ܡܹܬ ܢܵܬܘܼܟ݂ ܥܲܠܝܼ. ܠܵܐ ܗܵܘܹܐ ܕܫܵܬܩܹܬ ܥܲܠܝܼ، 
\q1 ܘܕܵܡܹܝܢ ܠܨܵܠܝܵܢܹ̈ܐ ܕܓܘܼܒܵܐ. 
\q1  
\v 2 ܫܡܹܥ ܩܵܠܵܐ ܕܦܲܪܦܲܠܬ‌ܝܼ ܒܓܥܵܝܬ‌ܝܼ ܐܸܠܘܼܟ݂، 
\q1 ܒܡܲܪܲܡܬܵ‌ܐ ܕܐܝܼܕܵܬ‌ܝܼ̈ ܠܗܲܝܟܠܵܐ ܕܩܘܼܕܫܘܼܟ݂. 
\q1  
\v 3 ܠܵܐ ܓܵܪܫܹܬ ܠܝܼ ܥܲܡ ܪ̈ܲܫܝܼܥܹܐ، 
\q1 ܘܥܲܡ ܦܵܠܚܵܢܹ̈ܐ ܕܥܵܘܠܵܐ، ܕܟܹܐ ܗܲܡܙܸܡܝܼ ܫܠܵܡܵܐ ܥܲܡ ܚܲܒ݂ܪ̈ܵܘܵܬܵܝܗ‌ܝ، 
\q1 ܟܲܕ ܒܝܼܫܬܵ‌ܐ ܒܠܸܒܵܝܗ‌ܝ. 
\q1  
\v 4 ܦܪܹܥ ܠܗܘܿܢ ܐܲܝܟ݂ ܦܘܼܠܚܵܢܵܝܗ‌ܝ، ܘܐܲܝܟ݂ ܒܝܼܫܘܼܬܵ‌ܐ ܕܣܘܼܥܪ̈ܵܢܵܝܗ‌ܝ، 
\q1 ܐܲܝܟ݂ ܥܒ݂ܵܕܵܐ ܕܐܝܼܕܵܬܵܝ̈ܗ‌ܝ ܦܪܹܥ ܠܗܘܿܢ، 
\q1 ܡܲܕܸܪ ܦܘܼܪܥܵܢܵܝܗ‌ܝ ܥܲܠܵܝܗ‌ܝ. 
\q1  
\v 5 ܒܗ̇ܝ ܕܠܹܐ ܦܲܪܡܝܼ ܠܦܘܼܠܚܵܢܹ̈ܐ ܕܡܵܪܝܵܐ، 
\q1 ܐܵܦܠܵܐ ܠܥܒ݂ܵܕܵܐ ܕܐܝܼܕܵܬܘܼ̈ܗ‌ܝ، 
\q1 ܒܸܬ ܬܲܠܸܚ ܠܗܘܿܢ ܘܠܹܐ ܒܵܢܹܐ ܠܗܘܿܢ. 
\q1  
\v 6 ܒܪܝܼܟ݂ܵܐ ܝܠܹܗ ܡܵܪܝܵܐ، 
\q1 ܒܗ̇ܝ ܕܫܡܝܼܥ ܠܹܗ ܩܵܠܵܐ ܕܦܲܪܦܲܠܬ‌ܝܼ. 
\q1  
\v 7 ܡܵܪܝܵܐ ܝܠܹܗ ܥܘܼܫܢܝܼ ܘܡܵܛܵܠܝܼ، 
\q1 ܒܝܼܹܗ ܣܒܝܼܪܹܗ ܠܸܒܝܼ، ܘܦܝܼܫ ܠܝܼ ܗܘܼܝܸܪܵܐ؛ 
\q1 ܒܘܼܬ ܐܵܗܵܐ، ܦܨܝܼܚ ܠܹܗ ܠܸܒܝܼ، ܘܒܙܡܵܪܬ‌ܝܼ ܒܸܬ ܫܲܟܪܸܢܹܗ. 
\q1  
\v 8 ܡܵܪܝܵܐ ܝܠܹܗ ܥܘܼܫܢܵܐ ܠܥܲܡܹܗ، 
\q1 ܘܩܲܠܥܵܐ ܕܦܘܼܪܩܵܢܵܐ ܕܡܫܝܼܚܹܗ. 
\q1  
\v 9 ܦܲܪܸܩ ܠܥܲܡܘܼܟ݂، ܘܒܲܪܸܟ݂ ܠܝܵܪܬܘܼܬܘܼܟ݂، 
\q1 ܘܡܲܪܥܝܼ ܠܗܘܿܢ، ܘܛܥܘܿܢ ܠܗܘܿܢ ܥܲܠܔ ܕܪ̈ܵܥܢܵܢܘܼܟ݂ ܗܲܠܔ ܥܵܠܲܡ. 
\c 29  
\q1  
\v 1 ܗܲܒ݂ܠܘܼܢ ܠܡܵܪܝܵܐ، ܝܵܐ ܒܢܘܿܢܹ̈ܐ ܕܐܲܠܵܗܵܐ، 
\q1 ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܘܚܲܝܠܵܐ. 
\q1  
\v 2 ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܕܫܸܡܹܗ، 
\q1 ܣܓ݂ܘܿܕܘܼܢ ܠܡܵܪܝܵܐ ܒܣܸܩܠܵܐ ܩܲܕܝܼܫܵܐ. 
\q1  
\v 3 ܩܵܠܵܐ ܕܡܵܪܝܵܐ ܥܲܠܔ ܡ̈ܝܼܵܐ، 
\q1 ܐܲܠܵܗܵܐ ܕܐܝܼܩܵܪܵܐ ܩܲܪܩܘܼܡܹܐ، 
\q1 ܡܵܪܝܵܐ ܥܲܠܔ ܡ̈ܝܼܵܐ ܪܵܒܵܐ. 
\q1  
\v 4 ܩܵܠܵܐ ܕܡܵܪܝܵܐ ܒܚܲܝܠܵܐ، 
\q1 ܩܵܠܵܐ ܕܡܵܪܝܵܐ ܒܣܸܩܠܵܐ. 
\q1  
\v 5 ܩܵܠܵܐ ܕܡܵܪܝܵܐ ܒܸܬܒ݂ܵܪܵܐ ܐܲܪ̈ܙܹܐ، 
\q1 ܟܹܐ ܬܵܒܹܪ ܡܵܪܝܵܐ ܠܐܲܪ̈ܙܹܐ ܕܠܸܒ݂ܢܵܢ. 
\q1  
\v 6 ܘܟܹܐ ܡܲܪܩܸܕ ܠܗܘܿܢ ܐܲܝܟ݂ ܡܘܼܓ̰ܵܐ، 
\q1 ܠܸܒ݂ܢܵܢ ܘܫܸܪܝܘܿܢ ܐܲܝܟ݂ ܒܲܪ ܪ̈ܲܝܡܹܐ. 
\q1  
\v 7 ܩܵܠܵܐ ܕܡܵܪܝܵܐ ܡܲܢܕܘܼܝܹܐ ܠܵܗܹ̈ܐ ܕܢܘܼܪܵܐ. 
\q1  
\v 8 ܩܵܠܵܐ ܕܡܵܪܝܵܐ ܟܹܐ ܡܲܫܥܸܫ ܒܲܪܝܼܵܐ، 
\q1 ܟܹܐ ܡܲܫܥܸܫ ܡܵܪܝܵܐ ܒܲܪܝܼܵܐ ܕܩܕܸܫ. 
\q1  
\v 9 ܩܵܠܵܐ ܕܡܵܪܝܵܐ ܟܹܐ ܡܲܫܥܸܫ ܐܝܼܠܵܢܹ̈ܐ، 
\q1 ܘܟܹܐ ܥܵܩܹܪ ܡܲܝ̈ܫܵܬܹ‌ܐ، 
\q1 ܘܓܵܘ ܗܲܝܟܠܹܗ ܟܠܔ ܐܢܵܫܵܐ ܟܹܐ ܐܵܡܹܪ: ”ܐܝܼܩܵܪܵܐ!“ 
\q1  
\v 10 ܡܵܪܝܵܐ ܥܲܠܔ ܛܵܘܦܵܢܵܐ ܟܹܐ ܝܵܬܹܒ݂، 
\q1 ܘܡܵܪܝܵܐ ܟܹܐ ܝܵܬܹܒ݂ ܡܲܠܟܵܐ ܠܥܵܠܲܡ. 
\q1  
\v 11 ܡܵܪܝܵܐ ܩܵܐ ܥܲܡܹܗ ܚܲܝܠܵܐ ܒܸܬ ܝܵܗܒܹܠܔ، 
\q1 ܡܵܪܝܵܐ ܒܸܬ ܒܲܪܸܟ݂ ܠܥܲܡܹܗ ܒܫܠܵܡܵܐ. 
\c 30  
\s1 ܡܙܡܘܪܐ ܕܕܘܝܕ. ܙܡܪܬ‌ܐ ܠܣܝܡܬ‌ܐ ܕܒܝܬ‌ܐ. 
\q1  
\v 1 ܒܸܬ ܡܲܪܡܸܢ ܐܸܠܘܼܟ݂، ܝܵܐ ܡܵܪܝܵܐ، ܒܗ̇ܝ ܕܓܪܝܼܫܸܢܘܼܟ݂ ܡ̣ܢ ܓܘܼܒܵܐ، 
\q1 ܘܠܵܐ ܡܘܼܚܕܹܐ ܠܘܼܟ݂ ܠܕܸܫ̃ܡܸܢܝܼ̈ ܒܝܼܝܼ. 
\q1  
\v 2 ܝܵܐ ܡܵܪܝܵܐ ܐܲܠܵܗ‌ܝܼ، 
\q1 ܡܘܼܩܘܸܚ ܠܝܼ ܐܸܠܘܼܟ݂ ܘܩܵܡ ܒܲܣܡܸܬ ܠܝܼ. 
\q1  
\v 3 ܝܵܐ ܡܵܪܝܵܐ، ܡܘܼܐܣܸܩ ܠܘܼܟ݂ ܠܓܵܢܝܼ ܡ̣ܢ ܫܝܘܿܠܔ، 
\q1 ܡܘܼܚܹܐ ܠܘܼܟ݂ ܐܸܠܝܼ ܡܓܵܘ ܨܵܠܝܵܢܹ̈ܐ ܕܓܘܼܒܵܐ. 
\q1  
\v 4 ܙܡܘܿܪܘܼܢ ܠܡܵܪܝܵܐ، ܝܵܐ ܟܫܝܼܛܘܼ̈ܗ‌ܝ، 
\q1 ܘܫܲܟܪܘܼܢ ܠܕܟ݂ܵܪܵܐ ܕܩܘܼܕܫܹܗ. 
\q1  
\v 5 ܒܗ̇ܝ ܕܩܵܐ ܚܕܵܐ ܛܲܪܦܲܛܬܵ‌ܐ ܝܠܵܗ̇ ܚܸܡܬܹܗ، 
\q1 ܐܝܼܢܵܐ ܩܵܐ ܡܸܬܚܵܐ ܕܚܲܝܘܼܬܵ‌ܐ ܝܠܹܗ ܒܘܼܣܵܡܹܗ، 
\q1 ܒܪܲܡܫܵܐ ܟܹܐ ܥܲܪܩܸܠܔ ܒܸܟ݂ܝܵܐ، ܐܝܼܢܵܐ ܒܨܲܦܪܵܐ ܟܹܐ ܐܵܬܝܵܐ ܫܲܒܲܚܬܵ‌ܐ. 
\q1  
\v 6 ܘܐܵܢܵܐ ܐܡܝܼܪܝܼ ܒܫܸܠܝܘܼܬ‌ܝܼ: 
\q1 ”ܠܹܐ ܫܵܥܫܹܢ ܠܥܵܠܲܡ.“ 
\q1  
\v 7 ܝܵܐ ܡܵܪܝܵܐ، ܒܨܸܒ݂ܝܵܢܘܼܟ݂ ܡܘܼܥܒܸܕ ܠܘܼܟ݂ ܛܘܼܪܝܼ ܕܟܵܠܹܐ ܚܲܝܠܵܢܵܐ، 
\q1 ܐܝܼܢܵܐ ܛܘܼܫܹܐ ܠܘܼܟ݂ ܦܵܬܘܼܟ݂ ܘܦܝܼܫ ܠܝܼ ܫܥܝܼܫܵܐ. 
\q1  
\v 8 ܐܸܠܘܼܟ݂، ܝܵܐ ܡܵܪܝܵܐ، ܩܪܹܐ ܠܝܼ، 
\q1 ܘܒܡܵܪܝܵܐ ܢܘܼܢܹܐ ܠܝܼ: 
\q1  
\v 9 ”ܡܘܼܕܝܼ ܝܘܼܬܪܵܢܵܐ ܐܝܼܬ ܒܡܵܘܬ‌ܝܼ ܟܲܕ ܨܵܠܹܝܢ ܓܵܘ ܓܘܼܒܵܐ؟ 
\q1 ܗܵܐ، ܒܸܬ ܫܲܟܸܪܘܼܟ݂ ܥܲܦܪܵܐ؟ ܗܵܐ، ܒܸܬ ܡܲܕܸܥ ܫܲܪܝܼܪܘܼܬܘܼܟ݂؟ 
\q1  
\v 10 ”ܫܡܹܥ، ܝܵܐ ܡܵܪܝܵܐ، ܘܪܲܚܸܡ ܥܲܠܝܼ، 
\q1 ܝܵܐ ܡܵܪܝܵܐ، ܗܘܝܼ ܗܲܝܸܪܵܢܵܐ ܐܸܠܝܼ.“ 
\q1  
\v 11 ܡܘܼܚܕܸܪܘܼܟ݂ ܐܸܒ݂ܠܝܼ ܠܪܸܩܕܵܐ، 
\q1 ܫܘܼܠܸܚ ܠܘܼܟ݂ ܣܲܩܝܼ ܘܩܵܡ ܡܲܠܒܸܫܸܬ ܠܝܼ ܚܲܕܘܼܬܵ‌ܐ، 
\q1  
\v 12 ܩܵܐ ܕܙܵܡܪܵܐ ܐܸܠܘܼܟ݂ ܓܵܢܝܼ ܘܠܵܐ ܫܵܬܩܵܐ، 
\q1 ܝܵܐ ܡܵܪܝܵܐ ܐܲܠܵܗ‌ܝܼ، ܠܥܵܠܲܡ ܒܸܬ ܫܲܟܪܸܢܘܼܟ݂. 
\c 31  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܒܝܼܘܼܟ݂، ܝܵܐ ܡܵܪܝܵܐ، ܫܩܝܼܠܔ ܠܝܼ ܓܵܘܣܵܐ، ܠܵܐ ܫܵܒ݂ܩܹܬ ܢܵܟ݂ܦܹܢ ܠܥܵܠܲܡ، 
\q1 ܒܙܲܕܝܼܩܘܼܬܘܼܟ݂ ܦܲܨܝܼ ܠܝܼ. 
\q1  
\v 2 ܡܲܟܸܦ ܐܸܠܝܼ ܢܵܬܘܼܟ݂، ܓ̰ܲܠܕܹܐ ܦܲܨܝܼ ܠܝܼ، 
\q1 ܗܘܝܼ ܐܸܠܝܼ ܐܝܼܨܵܪܵܐ ܕܩܲܠܥܵܐ، ܚܸܣܢܵܐ ܠܦܲܪܘܼܩܝܼ. 
\q1  
\v 3 ܒܗ̇ܝ ܕܩܵܝܝܼ ܘܚܸܣܢܝܼ ܐܲܢ݇ܬ ܝܼܘܸܬ، 
\q1 ܘܒܘܼܬ ܫܸܡܘܼܟ݂ ܡܗܲܕܹܝܬ ܠܝܼ ܘܡܕܲܒܪܸܬ ܠܝܼ. 
\q1  
\v 4 ܦܲܠܛܸܬ ܠܝܼ ܡ̣ܢ ܓܲܪܕܵܐ ܕܛܘܼܡܸܪܗܘܿܢ ܩܵܬ‌ܝܼ، 
\q1 ܒܗ̇ܝ ܕܐܲܢ݇ܬ ܝܼܘܸܬ ܩܲܠܥܝܼ. 
\q1  
\v 5 ܒܐܝܼܕܘܼܟ݂ ܣܲܦܘܼܝܹܐ ܝܘܸܢ ܪܘܼܚܝܼ، 
\q1 ܦܘܼܪܸܩ ܠܘܼܟ݂ ܐܸܠܝܼ ܡܵܪܝܵܐ ܐܲܠܵܗܵܐ ܕܫܪܵܪܵܐ. 
\q1  
\v 6 ܟܹܐ ܣܵܢܹܝܢ ܠܐܵܢܝܼ ܕܕܵܒ݂ܩܝܼ ܠܨܵܢܲܡܹ̈ܐ ܣܪ̈ܝܼܩܹܐ، 
\q1 ܘܒܡܵܪܝܵܐ ܣܒܝܼܪܝܼ ܐܵܢܵܐ. 
\q1  
\v 7 ܒܸܬ ܦܵܨܚܹܢ ܘܒܸܬ ܚܵܕܹܝܢ ܒܛܲܝܒܘܼܬܘܼܟ݂، 
\q1 ܒܗ̇ܝ ܕܚܙܹܐ ܠܘܼܟ݂ ܥܵܘܩܵܢܝܼ، 
\q1 ܟܹܐ ܝܵܕܥܹܬ ܠܗܘܿܢ ܐܘܼܠܨܵܢܹ̈ܐ ܕܢܲܦ̮ܫܝܼ. 
\q1  
\v 8 ܘܠܵܐ ܩܵܡ ܣܲܦܹܝܬ ܠܝܼ ܒܐܝܼܕܵܬܹ̈‌ܐ ܕܕܸܫ̃ܡܸܢ، 
\q1 ܡܘܼܟܠܹܐ ܠܘܼܟ݂ ܐܲܩܠܵܬ‌ܝܼ̈ ܒܕܘܼܟܵܐ ܪܘܝܼܚܬܵ‌ܐ. 
\q1  
\v 9 ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܥܝܼܩ ܠܵܗ̇ ܐܸܠܝܼ، 
\q1 ܚܒܹܐ ܠܗܘܿܢ ܥܲܝܢܝܼ̈ ܡ̣ܢ ܓ̰ܘܼܢܓ̰ܵܪܝܼ، ܢܘܝܼܠܔ ܠܗܘܿܢ ܓܵܢܝܼ ܘܐܘܼܦ ܦܲܓ݂ܪܝܼ. 
\q1  
\v 10 ܒܗ̇ܝ ܕܬܝܼܡ ܠܗܘܿܢ ܚܲܝܝܼ̈ ܒܚܲܫܵܐ، ܘܥܒ݂ܝܼܪܗܘܿܢ ܫܸܢܝܼ̈ ܒܬܲܢܲܚܬܵ‌ܐ، 
\q1 ܡ̣ܢ ܥܵܘܠܝܼ ܒܨܝܼܪܹܗ ܚܲܝܠܝܼ، ܘܓܲܪ̈ܡܝܼ ܢܘܝܼܠܔ ܠܗܘܿܢ. 
\q1  
\v 11 ܗܘܹܐ ܠܝܼ ܠܵܘܡܵܐ ܒܥܸܠܬܵ‌ܐ ܕܟܠܵܝܗ‌ܝ ܕܸܫ̃ܡܸܢܝܼ̈، 
\q1 ܘܠܟܸܣ ܫܒ݂ܵܒ݂ܝܼ̈ ܟܠܵܢܵܐܝܼܬ، ܘܗܘܹܐ ܠܝܼ ܙܕܘܼܥܬܵ‌ܐ ܠܝܵܕܥܵܢܝܼ̈، 
\q1 ܚܵܙܝܵܢܝܼ̈ ܒܥܵܠܘܿܠܵܐ ܥܪܝܼܩ ܠܗܘܿܢ ܡܸܢܝܼ. 
\q1  
\v 12 ܦܝܼܫ ܠܝܼ ܢܸܫܝܵܐ ܡ̣ܢ ܠܸܒܵܐ ܐܲܝܟ݂ ܡܝܼܬܵ‌ܐ، 
\q1 ܗܘܹܐ ܠܝܼ ܐܲܝܟ݂ ܡܵܐܢܵܐ ܡܪܘܼܦܝܵܐ. 
\q1  
\v 13 ܒܗ̇ܝ ܕܫܡܝܼܥ ܠܝܼ ܒܘܼܚܬܵܢ ܡ̣ܢ ܪܵܒܵܐ، 
\q1 ܐܝܼܬ ܙܕܘܼܥܬܵܐ ܡ̣ܢ ܚܵܕܸܪ̈ܘܵܢܝܼ، 
\q1 ܟܲܕ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ ܥܲܠܝܼ، 
\q1 ܬܘܼܚܡܸܢܗܘܿܢ ܠܸܫܩܵܠܵܐ ܓܵܢܝܼ. 
\q1  
\v 14 ܘܐܵܢܵܐ ܒܝܼܘܼܟ݂ ܣܒܝܼܪܝܼ، ܝܵܐ ܡܵܪܝܵܐ، 
\q1 ܐܡܝܼܪܝܼ: ”ܐܲܠܵܗ‌ܝܼ ܝܘܸܬ ܐܲܢ݇ܬ.“ 
\q1  
\v 15 ܒܐܝܼܕܘܼܟ݂ ܝܼܢܵܐ ܚܲܝܝܼ̈، 
\q1 ܦܲܨܝܼ ܠܝܼ ܡ̣ܢ ܐܝܼܕܵܐ ܕܕܸܫ̃ܡܸܢܝܼ̈، 
\q1 ܘܡ̣ܢ ܢܵܦܠܵܢܹ̈ܐ ܕܒܵܬܪܝܼ. 
\q1  
\v 16 ܒܲܗܪܸܢ ܦܵܬܘܼܟ݂ ܥܲܠܔ ܪܹܓܘܼܟ݂، 
\q1 ܦܲܪܸܩ ܠܝܼ ܒܛܲܝܒܘܼܬܘܼܟ݂. 
\q1  
\v 17 ܝܵܐ ܡܵܪܝܵܐ، ܠܵܐ ܫܵܒ݂ܩܹܬ ܢܵܟ݂ܦܹܢ ܒܗ̇ܝ ܕܩܪܹܐ ܠܝܼ ܐܸܠܘܼܟ݂، 
\q1 ܫܒ݂ܘܿܩ ܢܵܟ݂ܦܝܼ ܪ̈ܲܫܝܼܥܹܐ ܘܫܵܬܩܝܼ ܒܫܝܘܿܠܔ. 
\q1  
\v 18 ܦܵܝܫܝܼ ܐܟ̰ܝܼܡܹܐ ܣܸܦܘܵܬܹ̈‌ܐ ܕܲܓܵܠܹ̈ܐ، 
\q1 ܕܒܫܘܼܒ݂ܗܵܪܵܐ ܟܹܐ ܗܲܡܙܸܡܝܼ ܥܲܠܔ ܙܲܕܝܼܩܵܐ، 
\q1 ܒܚܬܝܼܪܘܼܬܵ‌ܐ ܘܡܲܣܠܲܝܬܵ‌ܐ. 
\q1  
\v 19 ܟܡܵܐ ܓܘܼܪܬܵ‌ܐ ܝܠܵܗ̇ ܛܵܒ݂ܬܘܼܟ݂ ܕܚܘܼܡܝܘܼܗ̇ ܝܘܸܬ ܩܵܐ ܙܕܝܼܥܘܼ̈ܟ݂، 
\q1 ܕܗܘܼܕܪܘܼܗ̇ ܝܘܸܬ ܩܲܕܡ ܒܢܲܝ̈ܢܵܫܵܐ ܩܵܐ ܣܵܒܪ̈ܵܢܹܐ ܕܒܝܼܘܼܟ݂. 
\q1  
\v 20 ܟܹܐ ܟܲܣܹܝܬ ܠܗܘܿܢ ܒܣܸܬܵܪܵܐ ܕܦܵܬܘܼܟ݂ ܡ̣ܢ ܦܸܬܢܵܐ ܕܐܢܵܫܹ̈ܐ، 
\q1 ܟܹܐ ܛܲܫܹܝܬ ܠܗܘܿܢ ܒܡܛܲܠܠܵܐ ܡ̣ܢ ܡܲܩܪܲܨܬܵ‌ܐ ܕܠܸܫܵܢܹ̈ܐ. 
\q1  
\v 21 ܒܪܝܼܟ݂ܵܐ ܝܠܹܗ ܡܵܪܝܵܐ، 
\q1 ܣܵܒܵܒ ܥܒ݂ܝܼܕܵܐ ܠܹܗ ܥܓ̰ܝܼܒܬܵ‌ܐ ܛܲܝܒܘܼܬܹܗ ܩܵܬ‌ܝܼ ܒܡܕܝܼܢ݇ܬܵ‌ܐ ܡܗܘܼܨܸܪܬܵ‌ܐ. 
\q1  
\v 22 ܘܐܵܢܵܐ ܐܡܝܼܪܝܼ ܓܵܘ ܬܸܫܘܸܫܬ‌ܝܼ: ”ܦܝܼܫ ܠܝܼ ܩܛܝܼܥܵܐ ܡ̣ܢ ܩܲܕܡ ܥܲܝ̈ܢܘܼܟ݂،“ 
\q1 ܐܝܼܢܵܐ ܫܡܝܼܥ ܠܘܼܟ݂ ܩܵܠܵܐ ܕܦܲܪܦܲܠܬ‌ܝܼ ܐܝܼܡܲܢ ܕܡܘܼܩܘܸܚ ܠܝܼ ܐܸܠܘܼܟ݂. 
\q1  
\v 23 ܡܲܚܸܒܘܼܢ ܠܡܵܪܝܵܐ ܟܠܵܝܗ‌ܝ ܙܲܕܝܼܩܘܼ̈ܗ‌ܝ. 
\q1 ܠܡܗܘܼܡܢܹ̈ܐ ܟܹܐ ܢܵܛܹܪ ܡܵܪܝܵܐ، 
\q1 ܐܝܼܢܵܐ ܡܸܠܝܵܐܝܼܬ ܟܹܐ ܦܵܪܹܥ ܠܚܵܬܪ̈ܵܢܹܐ ܐܲܝܟ݂ ܥܒ݂ܵܕܵܝ̈ܗ‌ܝ. 
\q1  
\v 24 ܚܲܠܸܢܘܼܢ ܘܗܵܘܹܐ ܙܲܪܒܵܢܵܐ ܠܸܒܵܘܟ݂ܘܿܢ ܟܠܵܝܗ‌ܝ ܣܵܦܪ̈ܵܢܹܐ ܠܡܵܪܝܵܐ. 
\c 32  
\s1 ܡܙܡܘܪܐ ܕܕܘܝܕ. ܡܲܣܟܝܼܠܔ. 
\q1  
\v 1 ܛܘܼܒ݂ܵܐ ܠܗ̇ܘ ܕܦܝܼܫܬܵ‌ܐ ܝܠܵܗ̇ ܦܘܼܚܸܠܬܵ‌ܐ ܓܢܵܗܹܗ، ܘܡܘܼܟܸܣܬܵ‌ܐ ܝܠܵܗ̇ ܚܛܝܼܬܹܗ. 
\q1  
\v 2 ܛܘܼܒ݂ܵܐ ܠܐܢܵܫܵܐ ܕܠܵܐ ܚܲܫܒܸܢ ܡܵܪܝܵܐ ܐܸܠܹܗ ܥܵܘܠܵܐ، 
\q1 ܘܠܗ̇ܘ ܕܠܲܝܬ ܒܪܘܼܚܹܗ ܦܸܠܡܵܐ. 
\q1  
\v 3 ܡ̣ܢ ܫܸܬܩܝܼ ܒܠܹܐ ܠܗܘܿܢ ܓܲܪ̈ܡܝܼ، 
\q1 ܒܬܲܢܲܚܬ‌ܝܼ ܟܠܹܗ ܝܵܘܡܵܐ. 
\q1  
\v 4 ܣܵܒܵܒ ܒܐܝܼܡܵܡܵܐ ܘܒܠܲܝܠܹܐ ܝܘܼܩܪܸܢܵܗ̇ ܥܲܠܝܼ ܐܝܼܕܘܼܟ݂، 
\q1 ܚܕܝܼܪܵܗ̇ ܬܲܠܝܼܠܘܼܬ‌ܝܼ ܠܒܸܪ̈ܙܹܐ ܕܩܲܝܛܵܐ. \qs ܣܹܠܵܗ\qs* 
\q1  
\v 5 ܚܛܝܼܬ‌ܝܼ ܡܘܼܕܸܥ ܠܝܼ ܐܸܠܘܼܟ݂ ܘܥܵܘܠܝܼ ܠܵܐ ܟܘܼܣܹܐ ܠܝܼ، 
\q1 ܐܡܝܼܪܝܼ: ”ܒܸܬ ܡܵܘܕܸܢܗܘܿܢ ܓܢܵܗ‌ܝܼ̈ ܠܡܵܪܝܵܐ،“ 
\q1 ܘܐܲܢ݇ܬ ܫܒ݂ܝܼܩ ܠܘܼܟ݂ ܥܵܘܠܵܐ ܕܚܛܝܼܬ‌ܝܼ. \qs ܣܹܠܵܗ\qs* 
\q1  
\v 6 ܒܘܼܬ ܐܵܗܵܐ، ܒܸܬ ܨܲܠܹܐ ܟܠܔ ܛܵܒ݂ܵܐ ܐܸܠܘܼܟ݂ ܟܲܕ ܐܝܼܬ ܦܘܼܪܣܵܐ، 
\q1 ܒܫܪܵܪܵܐ، ܐܝܼܡܲܢ ܕܫܵܦܟ݂ܝܼ ܡ̈ܝܼܵܐ ܪܵܒܵܐ، ܠܹܐ ܡܵܛܝܼ ܐܸܠܹܗ. 
\q1  
\v 7 ܐܲܢ݇ܬ ܣܸܬܵܪܵܐ ܝܘܸܬ ܩܵܬ‌ܝܼ، ܒܸܬ ܢܵܛܪܹܬ ܠܝܼ ܡ̣ܢ ܥܵܘܩܵܢܵܐ، 
\q1 ܒܩܲܘܲܚ̈ܝܵܬܹ‌ܐ ܕܦܘܼܪܩܵܢܵܐ ܒܸܬ ܟܵܪܟܹܬ ܠܝܼ. \qs ܣܹܠܵܗ\qs* 
\q1  
\v 8 ܒܸܬ ܡܲܦܪܸܡܸܢܘܼܟ݂ ܘܒܸܬ ܡܲܠܦܸܢܘܼܟ݂ ܒܐܘܼܪܚܵܐ ܕܐܵܙܹܠ݇ܬ، 
\q1 ܒܸܬ ܥܵܒ݂ܕܹܢ ܡܸܠܟܵܐ ܟܲܕ ܥܲܝܢܝܼ ܥܲܠܘܼܟ݂. 
\q1  
\v 9 ܠܵܐ ܗܵܘܹܝܬܘܿܢ ܐܲܝܟ݂ ܣܘܼܣܵܐ ܝܲܢ ܐܲܝܟ݂ ܟܵܘܸܕܢܵܐ ܕܠܲܝܬ ܠܗܘܿܢ ܦܲܪܡܲܝܬܵ‌ܐ، 
\q1 ܐܲܝܢܝܼ ܕܐܵܬ‌ܝܼ ܠܙܲܒܛܘܼܢܹܐ ܒܦܓ݂ܘܼܕܵܐ ܘܠܲܥܡܵܐ، 
\q1 ܐܸܢ ܠܵܐ، ܠܹܐ ܩܲܪܒܸܢܝܼ ܐܸܠܘܼܟ݂. 
\q1  
\v 10 ܪܵܒܵܐ ܝܢܵܐ ܕܲܪ̈ܕܹܐ ܕܪܲܫܝܼܥܵܐ، 
\q1 ܐܝܼܢܵܐ ܣܵܒܪܵܢܵܐ ܒܡܵܪܝܵܐ ܛܲܝܒܘܼܬܵ‌ܐ ܒܸܬ ܟܵܪܟ݂ܵܐ ܠܹܗ. 
\q1  
\v 11 ܚܕܹܝܡܘܼܢ ܒܡܵܪܝܵܐ ܘܦܨܘܿܚܘܼܢ، ܝܵܐ ܙܲܕܝܼܩܹ̈ܐ، 
\q1 ܘܩܲܘܸܚܘܼܢ ܟܠܵܝܗ‌ܝ ܬܪ̈ܘܼܨܹܐ ܕܠܸܒܵܐ. 
\c 33  
\q1  
\v 1 ܡܲܩܘܸܚܘܼܢ ܠܡܵܪܝܵܐ، ܝܵܐ ܙܲܕܝܼܩܹ̈ܐ، 
\q1 ܠܬܪ̈ܘܼܨܹܐ ܚܫܝܼܚܬܵ‌ܐ ܝܠܵܗ̇ ܬܸܫܒܘܿܚܬܵ‌ܐ. 
\q1  
\v 2 ܫܲܟܪܘܼܢ ܠܡܵܪܝܵܐ ܒܟܸܢܵܪܵܐ، 
\q1 ܒܩܝܼܬܵܪܵܐ ܕܥܸܣܪܵܐ ܣܝܼܡܹ̈ܐ ܙܡܘܿܪܘܼܢ ܐܸܠܹܗ. 
\q1  
\v 3 ܙܡܘܿܪܘܼܢ ܐܸܠܹܗ ܙܡܵܪܬܵ‌ܐ ܚܲܕܬܵ‌ܐ، 
\q1 ܨܦܵܝܝܼ ܡܚܹܝܡܘܼܢ ܥܲܡ ܩܲܘܲܚܬܵ‌ܐ. 
\q1  
\v 4 ܣܵܒܵܒ ܬܪܘܼܨܵܐ ܝܠܹܗ ܚܲܒܪܵܐ ܕܡܵܪܝܵܐ، 
\q1 ܘܒܡܗܘܼܡܢܘܼܬܵ‌ܐ ܝܠܹܗ ܟܠܹܗ ܦܘܼܠܚܵܢܹܗ. 
\q1  
\v 5 ܟܹܐ ܡܲܚܸܒ ܙܲܕܝܼܩܘܼܬܵ‌ܐ ܘܕܝܼܘܵܢ، 
\q1 ܡܠܝܼܬܵ‌ܐ ܝܠܵܗ̇ ܐܲܪܥܵܐ ܛܲܝܒܘܼܬܵ‌ܐ ܕܡܵܪܝܵܐ. 
\q1  
\v 6 ܒܗܹܡܸܙܡܵܢ ܕܡܵܪܝܵܐ ܫܡܲܝܹ̈ܐ ܦܝܼܫ ܠܗܘܿܢ ܥܒ݂ܝܼܕܹܐ، 
\q1 ܒܢܫܲܡܬܵ‌ܐ ܕܦܘܼܡܹܗ ܟܠܹܗ ܚܲܝܠܵܘܵܬܵܝ̈ܗ‌ܝ. 
\q1  
\v 7 ܟܹܐ ܓ̰ܲܡܸܥ ܐܲܝܟ݂ ܩܘܼܚܵܐ ܡ̈ܝܼܵܐ ܕܝܵܡܵܐ، 
\q1 ܟܹܐ ܡܲܬܸܒ݂ ܒܐܲܢܒܵܪܹ̈ܐ ܬܗܘܿܡܹ̈ܐ. 
\q1  
\v 8 ܙܵܕܥܵܐ ܡ̣ܢ ܡܵܪܝܵܐ ܟܠܵܗ̇ ܐܲܪܥܵܐ، 
\q1 ܡܸܢܹܗ ܪܲܬܪܸܬ‌ܝܼ ܟܠܵܝܗ‌ܝ ܥܵܡܪ̈ܵܢܹܐ ܕܒܪܝܼܬܵ‌ܐ. 
\q1  
\v 9 ܣܵܒܵܒ ܗ̇ܘ ܐܡܝܼܪܹܗ ܘܗܘܹܐ ܠܵܗ̇، 
\q1 ܗ̇ܘ ܦܩܝܼܕ ܠܹܗ ܘܟܠܹܐ ܠܵܗ̇. 
\q1  
\v 10 ܡܵܪܝܵܐ ܟܹܐ ܫܵܡܹܛ ܡܸܠܟܵܐ ܕܐܸܡܘܵܬܹ̈‌ܐ، 
\q1 ܟܹܐ ܒܲܛܸܠܔ ܚܘܼܫܵܒܹ̈ܐ ܕܥܲܡܡܹ̈ܐ. 
\q1  
\v 11 ܡܸܠܟܵܐ ܕܡܵܪܝܵܐ ܠܥܵܠܲܡ ܒܸܬ ܟܵܠܹܐ، 
\q1 ܚܘܼܫܵܒܹ̈ܐ ܕܠܸܒܹܗ ܠܕܵܪܵܐ ܘܕܵܪܵܐ. 
\q1  
\v 12 ܛܘܼܒ݂ܵܐ ܠܐܘܼܡܬܵ‌ܐ ܕܡܵܪܝܵܐ ܝܠܹܗ ܐܲܠܵܗܘܼܗ̇، 
\q1 ܥܲܡܵܐ ܕܓܘܼܒܹܐ ܠܹܗ ܠܝܵܪܬܘܼܬܵ‌ܐ ܐܸܠܹܗ، 
\q1  
\v 13 ܡ̣ܢ ܫܡܲܝܵܐ ܓܘܼܫܸܩ ܠܹܗ ܡܵܪܝܵܐ، 
\q1 ܚܙܹܐ ܠܹܗ ܠܟܠܵܝܗ‌ܝ ܒܢܲܝ̈ܢܵܫܵܐ، 
\q1  
\v 14 ܡ̣ܢ ܕܘܼܟܵܐ ܕܝܬܵܒ݂ܬܹܗ ܚܝܼܪܹܗ 
\q1 ܥܲܠܔ ܟܠܵܝܗ‌ܝ ܥܵܡܪ̈ܵܢܹܐ ܕܐܲܪܥܵܐ، 
\q1  
\v 15 ܓܵܒ݂ܠܵܢܵܐ ܕܠܸܒܵܐ ܕܟܠܵܝܗ‌ܝ، 
\q1 ܗ̇ܘ ܕܦܲܪܡܹܐ ܟܠܵܝܗ‌ܝ ܥܒ݂ܵܕܵܝ̈ܗ‌ܝ. 
\q1  
\v 16 ܠܲܝܬ ܡܲܠܟܵܐ ܕܦܝܼܫ ܠܹܗ ܦܘܼܪܩܵܐ ܒܓܘܼܪܘܼܬܵ‌ܐ ܕܚܲܝܠܵܘܵܬܹ̈‌ܐ، 
\q1 ܓܲܒܵܪܵܐ ܠܹܐ ܦܵܐܹܫ ܦܘܼܨܝܵܐ ܒܓܘܼܪܘܼܬܵ‌ܐ ܕܚܲܝܠܹܗ. 
\q1  
\v 17 ܕܘܼܓܠܵܐ ܝܠܹܗ ܣܘܼܣܵܐ ܩܵܐ ܦܲܪܲܩܬܵ‌ܐ، 
\q1 ܘܒܓܘܼܪܘܼܬܵ‌ܐ ܕܚܲܝܠܹܗ ܠܹܐ ܡܵܨܹܐ ܚܲܠܸܨ. 
\q1  
\v 18 ܗܵܐ، ܥܲܝܢܵܐ ܕܡܵܪܝܵܐ ܠܙܕܝܼܥܘܼ̈ܗ‌ܝ ܝܠܵܗ̇، 
\q1 ܠܐܵܢܝܼ ܕܣܵܦܪܝܼ ܠܛܲܝܒܘܼܬܹܗ. 
\q1  
\v 19 ܠܦܲܨܘܼܝܹܐ ܡ̣ܢ ܡܵܘܬܵ‌ܐ ܓܵܢܵܬܵܝ̈ܗ‌ܝ، 
\q1 ܘܠܡܲܚܘܼܝܵܝ ܒܙܲܒ݂ܢܵܐ ܕܟܸܦܢܵܐ. 
\q1  
\v 20 ܓܵܢܲܢ ܣܦܝܼܪܵܗ̇ ܠܡܵܪܝܵܐ، ܗܲܝܲܪܬܲܢ ܘܡܵܛܵܠܲܢ ܗ̇ܘ ܝܼܠܹܗ. 
\q1  
\v 21 ܣܵܒܵܒ ܒܝܼܹܗ ܒܸܬ ܚܵܕܹܐ ܠܸܒܲܢ، 
\q1 ܣܵܒܵܒ ܒܫܸܡܵܐ ܕܩܘܼܕܫܹܗ ܣܒܝܼܪܲܢ. 
\q1  
\v 22 ܗܵܘܝܵܐ ܛܲܝܒܘܼܬܘܼܟ݂ ܥܲܠܲܢ، ܝܵܐ ܡܵܪܝܵܐ، 
\q1 ܕܵܐܟ݂ܝܼ ܕܣܦܝܼܪܲܢ ܐܸܠܘܼܟ݂. 
\c 34  
\s1 ܡܙܡܘܪܐ ܕܕܘܝܕ، ܐܝܡܢ ܕܫܘܚܠܦ ܠܗ ܠܦܪܨܘܦܝܘܬܗ ܩܕܡ ܐܒ݂ܝܡܠܟ، ܘܗ̇ܘ ܩܡ ܛܪܕ ܠܗ ܘܐܙܝܠܔ ܠܗ. 
\q1  
\v 1 ܒܸܬ ܒܲܪܟܸܢ ܠܡܵܪܝܵܐ ܒܟܠܔ ܥܕܵܢܵܐ، 
\q1 ܐܲܡܝܼܢܵܐܝܼܬ ܬܸܫܒܘܿܚܬܹܗ ܒܦܘܼܡܝܼ ܝܠܵܗ̇. 
\q1  
\v 2 ܒܡܵܪܝܵܐ ܒܸܬ ܥܵܒ݂ܕܵܐ ܫܘܼܒ݂ܗܵܪܵܐ ܓܵܢܝܼ، 
\q1 ܫܵܡܥܝܼ ܡܸܣܟܹܢܹ̈ܐ ܘܚܵܕܝܼ. 
\q1  
\v 3 ܥܲܡܝܼ ܓܲܪܘܸܣܘܼܢ ܠܡܵܪܝܵܐ، 
\q1 ܘܡܲܪܡܲܚ ܫܸܡܹܗ ܥܲܡ ܚܕܵܕܹ̈ܐ. 
\q1  
\v 4 ܛܥܹܐ ܠܝܼ ܠܡܵܪܝܵܐ ܘܩܵܡ ܓ̰ܲܘܸܒ ܠܝܼ، 
\q1 ܘܡ̣ܢ ܟܠܵܝܗ‌ܝ ܙܕܘܼܥܝܵܬ‌ܝܼ̈ ܩܵܡ ܦܲܨܹܐ ܠܝܼ. 
\q1  
\v 5 ܚܝܼܪܗܘܿܢ ܐܸܠܹܗ ܘܒܘܼܗܪܸܢܗܘܿܢ، 
\q1 ܘܦܵܬܘܵܬܵܝ̈ܗ‌ܝ ܠܹܐ ܦܵܝܫܝܼ ܢܟ݂ܝܼܦܹܐ. 
\q1  
\v 6 ܐܵܗܵܐ ܡܸܣܟܹܢܵܐ ܩܪܹܐ ܠܹܗ، ܘܡܵܪܝܵܐ ܫܡܝܼܥ ܠܹܗ، 
\q1 ܘܡ̣ܢ ܟܠܵܝܗ‌ܝ ܐܘܼܠܨܵܢܘܼ̈ܗ‌ܝ ܦܘܼܪܸܩ ܠܹܗ. 
\q1  
\v 7 ܟܹܐ ܡܵܚܹܐ ܡܲܫܪܝܼܬܵ‌ܐ ܡܲܠܲܐܟ݂ܵܐ ܕܡܵܪܝܵܐ ܚܵܕܸܪ̈ܘܵܢܹܐ ܕܙܕܝܼܥܘܼ̈ܗ‌ܝ، 
\q1 ܘܟܹܐ ܦܲܨܹܐ ܠܗܘܿܢ. 
\q1  
\v 8 ܛܥܘܿܡܘܼܢ ܘܚܙܹܝܡܘܼܢ ܕܛܵܒ݂ܵܐ ܝܠܹܗ ܡܵܪܝܵܐ، 
\q1 ܛܘܼܒ݂ܵܐ ܠܐܢܵܫܵܐ ܕܫܵܩܹܠܔ ܓܵܘܣܵܐ ܒܝܼܹܗ. 
\q1  
\v 9 ܙܕܹܥܡܘܼܢ ܡ̣ܢ ܡܵܪܝܵܐ، ܝܵܐ ܩܲܕܝܼܫܘܼ̈ܗ‌ܝ، 
\q1 ܣܵܒܵܒ ܠܲܝܬ ܚܘܼܣܪܵܢܵܐ ܠܙܕܝܼܥܘܼ̈ܗ‌ܝ. 
\q1  
\v 10 ܓܘܼܪ̈ܝܹܐ ܕܐܲܪܝܵܐ ܡܘܼܣܟܸܢܗܘܿܢ ܘܟܦܝܼܢܗܘܿܢ، 
\q1 ܐܝܼܢܵܐ ܐܵܢܝܼ ܕܛܵܥܝܼ ܠܡܵܪܝܵܐ ܠܹܐ ܚܵܣܪܝܼ ܟܠܔ ܛܵܒ݂ܬܵ‌ܐ. 
\q1  
\v 11 ܬܹܝܡܘܼܢ ܒܢܘܿܢܹ̈ܐ، ܫܡܹܥܡܘܼܢ ܐܸܠܝܼ، 
\q1 ܙܕܘܼܥܬܵ‌ܐ ܕܡܵܪܝܵܐ ܡܲܠܦܸܢܵܘܟ݂ܘܿܢ. 
\q1  
\v 12 ܡܵܢܝܼ ܝܠܹܗ ܐܢܵܫܵܐ ܕܒܵܣܡܝܼ ܠܹܗ ܚܲܝܹ̈ܐ، 
\q1 ܗ̇ܘ ܕܡܲܚܸܒ ܝܵܘܡܵܢܹ̈ܐ ܠܸܚܙܵܝܵܐ ܛܵܒ݂ܬܵ‌ܐ؟ 
\q1  
\v 13 ܢܛܘܿܪ ܠܸܫܵܢܘܼܟ݂ ܡ̣ܢ ܒܝܼܫܬܵ‌ܐ، 
\q1 ܘܣܸܦܘܵܬܘܼ̈ܟ݂ ܡ̣ܢ ܗܲܡܙܘܼܡܹܐ ܦܸܠܡܵܐ. 
\q1  
\v 14 ܩܠܘܿܒ ܡ̣ܢ ܒܝܼܫܬܵ‌ܐ ܘܥܒ݂ܘܿܕ ܛܵܒ݂ܬܵ‌ܐ، 
\q1 ܛܥܝܼ ܫܠܵܡܵܐ ܘܢܦܘܿܠܔ ܒܵܬܪܹܗ. 
\q1  
\v 15 ܥܲܝ̈ܢܹܐ ܕܡܵܪܝܵܐ ܠܙܲܕܝܼܩܹ̈ܐ ܝܢܵܐ، 
\q1 ܘܢܵܬܝܵܬܘܼ̈ܗ‌ܝ ܠܓܥܵܝܬܵܝܗ‌ܝ، 
\q1  
\v 16 ܦܵܬܵ‌ܐ ܕܡܵܪܝܵܐ ܕܲܠܩܘܼܒ݂ܠܔ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ ܝܠܵܗ̇، 
\q1 ܠܸܩܛܵܥܵܐ ܡ̣ܢ ܐܲܪܥܵܐ ܕܟ݂ܵܪܵܝܗ‌ܝ. 
\q1  
\v 17 ܡܘܼܩܘܸܚ ܠܗܘܿܢ ܘܡܵܪܝܵܐ ܫܡܝܼܥ ܠܹܗ، 
\q1 ܘܡ̣ܢ ܟܠܵܝܗ‌ܝ ܐܘܼܠܨܵܢܵܝ̈ܗ‌ܝ ܦܘܼܨܝܵܝ ܠܹܗ. 
\q1  
\v 18 ܩܘܼܪܒܵܐ ܝܠܹܗ ܡܵܪܝܵܐ ܠܬܒ݂ܝܼܪܹ̈ܐ ܕܠܸܒܵܐ، 
\q1 ܘܠܡܲܟܝܼܟܹ̈ܐ ܒܪܘܼܚܵܐ ܟܹܐ ܦܲܪܸܩ. 
\q1  
\v 19 ܪܵܒܵܐ ܝܢܵܐ ܥܵܘܩܵܢܹ̈ܐ ܕܙܲܕܝܼܩܵܐ، 
\q1 ܘܡ̣ܢ ܟܠܵܝܗ‌ܝ ܟܹܐ ܦܲܨܹܐ ܠܹܗ ܡܵܪܝܵܐ. 
\q1  
\v 20 ܟܹܐ ܢܵܛܹܪ ܠܟܠܵܝܗ‌ܝ ܓܲܪ̈ܡܘܼܗ‌ܝ، 
\q1 ܐܘܼܦ ܚܲܕ ܠܵܐ ܦܝܼܫ ܠܹܗ ܬܒ݂ܝܼܪܵܐ. 
\q1  
\v 21 ܒܝܼܫܬܵ‌ܐ ܒܸܬ ܡܲܡܝܸܬܵ‌ܐ ܠܪܲܫܝܼܥܵܐ، 
\q1 ܘܣܵܢܝܵܢܹ̈ܐ ܕܙܲܕܝܼܩܵܐ ܒܸܬ ܗܵܘܝܼ ܚܲܝܵܒܹ̈ܐ. 
\q1  
\v 22 ܟܹܐ ܦܲܪܸܩ ܡܵܪܝܵܐ ܓܵܢܵܐ ܕܪܹ̈ܓܵܘܵܬܘܼܗ‌ܝ، 
\q1 ܘܠܹܐ ܗܵܘܝܼ ܚܲܝܵܒܹ̈ܐ ܟܠܵܝܗ‌ܝ ܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ. 
\c 35  
\s1 ܡܙܡܘܪܐ ܕܕܘܝܕ. 
\q1  
\v 1 ܟܠܝܼ ܒܕܝܼܘܵܢ، ܝܵܐ ܡܵܪܝܵܐ، ܩܲܕܡ ܐܵܢܝܼ ܕܥܵܒ݂ܕܝܼ ܕܝܼܘܵܢ ܥܲܠܝܼ، 
\q1 ܦܠܘܿܫ ܥܲܡ ܦܵܠܫܵܢܹ̈ܐ ܥܲܡܝܼ، 
\q1  
\v 2 ܕܒ݂ܘܿܩ ܡܵܛܵܠܵܐ ܘܣܲܟܪܵܐ، ܘܩܘܼܡ ܠܗܲܝܲܪܬ‌ܝܼ. 
\q1  
\v 3 ܘܓܪܘܿܫ ܪܘܼܡܚܵܐ ܘܕܒ݂ܘܿܩ ܠܐܘܼܪܚܵܐ ܕܢܵܦܠܵܢܹ̈ܐ ܒܵܬܪܝܼ، 
\q1 ܐܡܘܿܪ ܠܓܵܢܝܼ: ”ܐܵܢܵܐ ܝܘܸܢ ܦܘܼܪܩܵܢܵܟ݂ܝ.“ 
\q1  
\v 4 ܢܵܟ݂ܦܝܼ ܘܦܵܝܫܝܼ ܡܘܼܢܟܸܦܹܐ ܛܵܥܝܵܢܹ̈ܐ ܠܓܵܢܝܼ، 
\q1 ܦܵܝܫܝܼ ܡܘܼܕܸܪܹܐ ܠܒܵܬܪܵܐ ܘܡܘܼܢܟܸܦܹܐ ܐܵܢܝܼ ܕܬܲܚܡܘܼܢܹܐ ܝܢܵܐ ܠܸܥܒ݂ܵܕܵܐ ܒܝܼܫܬܵ‌ܐ ܥܲܠܝܼ. 
\q1  
\v 5 ܗܵܘܝܼ ܐܲܝܟ݂ ܬܸܒ݂ܢܵܐ ܩܲܕܡ ܦܵܘܚܵܐ، 
\q1 ܘܡܲܠܲܐܟ݂ܵܐ ܕܡܵܪܝܵܐ ܚܲܪܙܘܼܦܵܝ. 
\q1  
\v 6 ܗܵܘܝܵܐ ܐܘܼܪܚܵܝܗ‌ܝ ܚܸܫܟܵܐ ܘܡܲܓ̰ܪ̈ܲܛܝܵܬܹ‌ܐ، 
\q1 ܘܡܲܠܲܐܟ݂ܵܐ ܕܡܵܪܝܵܐ ܒܸܢܦܵܠܵܐ ܒܵܬܪܵܝܗ‌ܝ. 
\q1  
\v 7 ܒܗ̇ܝ ܕܠܵܐ ܥܸܠܬܵ‌ܐ ܛܘܼܫܹܐ ܠܗܘܿܢ ܐܸܠܝܼ ܓܲܪܕܵܝܗ‌ܝ، 
\q1 ܕܠܵܐ ܥܸܠܬܵ‌ܐ ܚܦܝܼܪܗܘܿܢ ܓܘܼܒܵܐ ܠܓܵܢܝܼ. 
\q1  
\v 8 ܐܵܬܹ‌ܐ ܥܲܠܘܼܗ‌ܝ ܚܪܵܒ݂ܵܐ ܒܠܵܐ ܣܦܵܪܬܵ‌ܐ، 
\q1 ܕܵܒܹܩ ܐܸܠܹܗ ܓܲܪܕܵܐ ܕܛܘܼܫܹܐ ܠܹܗ، 
\q1 ܢܵܦܹܠܔ ܒܝܼܹܗ ܠܚܪܵܒ݂ܵܐ. 
\q1  
\v 9 ܘܓܵܢܝܼ ܒܸܬ ܦܵܨܚܵܐ ܒܡܵܪܝܵܐ، 
\q1 ܦܨܵܚܵܐ ܒܸܬ ܦܵܨܚܵܐ ܒܦܘܼܪܩܵܢܹܗ. 
\q1  
\v 10 ܟܠܵܗ̇ ܓܵܢܝܼ ܒܸܬ ܐܵܡܪܵܐ: ”ܝܵܐ ܡܵܪܝܵܐ، ܡܵܢܝܼ ܐܝܼܬ ܐܲܝܟ݂ ܕܝܼܘܼܟ݂؟ 
\q1 ܦܲܨܝܵܢܵܐ ܠܡܸܣܟܹܢܵܐ ܡ̣ܢ ܚܲܕ ܒܘܼܫ ܙܲܪܒܵܢܵܐ ܡܸܢܹܗ، 
\q1 ܘܠܡܸܣܟܹܢܵܐ ܘܠܣܢܝܼܩܵܐ ܡ̣ܢ ܚܵܛܘܿܦܹܗ.“ 
\q1  
\v 11 ܟܹܐ ܩܵܝܡܝܼ ܣܵܗܕܹ̈ܐ ܣܸܪ̈ܝܹܐ، 
\q1 ܟܹܐ ܨܲܚܨܹܐ ܠܝܼ ܒܘܼܬ ܡܸܢܕܝܼ ܕܠܹܐ ܝܵܕܥܹܢ. 
\q1  
\v 12 ܟܹܐ ܦܵܪܥܝܼ ܠܝܼ ܒܝܼܫܬܵ‌ܐ ܡܓܹܒܵܐ ܕܛܵܒ݂ܬܵ‌ܐ، 
\q1 ܠܸܥܒ݂ܵܕܘܼܗ̇ ܡܘܼܫܲܡܸܪ ܓܵܢܝܼ. 
\q1  
\v 13 ܐܝܼܢܵܐ ܐܵܢܵܐ، ܟܲܕ ܡܪܝܼܥ ܠܗܘܿܢ ܠܒ݂ܝܼܫ ܠܝܼ ܣܲܩܵܐ، 
\q1 ܡܘܼܥܝܸܩܵܐ ܠܝܼ ܒܨܵܘܡܵܐ ܓܵܢܝܼ، 
\q1 ܘܨܠܘܿܬ‌ܝܼ ܠܚܦܵܩܝܼ ܕܝܼܪܵܗ̇. 
\q1  
\v 14 ܐܲܝܟ݂ ܠܚܲܒ݂ܪܝܼ، ܐܲܝܟ݂ ܠܐܲܚܘܿܢܝܼ، ܚܕܝܼܪܝܼ ܠܸܥܒ݂ܵܕܵܐ ܐܸܒ݂ܠܵܐ، 
\q1 ܐܲܝܟ݂ ܥܵܒ݂ܕܵܢܵܐ ܕܬܵܥܙܝܼ ܠܝܸܡܵܐ، ܠܒ݂ܝܼܫܵܐ ܟܘܼܡܵܐ، ܡܘܼܟܸܦܵܐ ܠܝܼ ܓܵܢܝܼ. 
\q1  
\v 15 ܐܝܼܢܵܐ ܒܬܲܪܩܲܠܬ‌ܝܼ ܦܨܝܼܚ ܠܗܘܿܢ ܘܓ̰ܡܝܼܥ ܠܗܘܿܢ، 
\q1 ܓ̰ܡܝܼܥ ܠܗܘܿܢ ܥܲܠܝܼ ܡܵܚܝܵܢܝܼ̈ ܘܠܵܐ ܝܕܝܼܥ ܠܝܼ، 
\q1 ܦܘܼܪܦܸܛܸܢܗܘܿܢ ܘܠܵܐ ܫܠܹܐ ܠܗܘܿܢ. 
\q1  
\v 16 ܐܲܝܟ݂ ܚܲܢܦܹ̈ܐ ܡܲܣܚܘܼܪܹܐ ܡܘܼܣܚܸܪܗܘܿܢ ܒܝܼܝܼ، 
\q1 ܚܲܪܚܘܼܟ̰ܹܐ ܟܹܟܵܝ̈ܗ‌ܝ ܥܲܠܝܼ. 
\q1  
\v 17 ܝܵܐ ܡܵܪܝܵܐ، ܟܡܵܐ ܒܸܬ ܗܵܘܹܝܬ ܓܲܫܘܼܩܹܐ، 
\q1 ܦܲܨܝܼ ܓܵܢܝܼ ܡ̣ܢ ܚܪ̈ܵܒ݂ܵܝܗ‌ܝ، 
\q1 ܡ̣ܢ ܓܘܼܪ̈ܝܹܐ ܕܐܲܪ̈ܝܹܐ ܝܼܚܝܼܕܵܝܘܼܬ‌ܝܼ. 
\q1  
\v 18 ܒܸܬ ܫܲܟܪܸܢܘܼܟ݂ ܓܵܘ ܟܸܢܫܵܐ ܓܘܼܪܵܐ، 
\q1 ܓܵܘ ܥܲܡܵܐ ܙܲܪܒܵܢܵܐ ܒܸܬ ܫܲܒܚܸܢܘܼܟ݂. 
\q1  
\v 19 ܠܵܐ ܚܵܕܝܼ ܥܲܠܝܼ ܕܸܫ̃ܡܸܢܝܼ̈ ܕܒܕܘܼܓܠܵܐ، 
\q1 ܣܵܢܝܵܢܝܼ̈ ܕܠܵܐ ܥܸܠܬܵ‌ܐ ܠܵܐ ܠܵܟܙܝܼ ܥܲܝܢܵܐ. 
\q1  
\v 20 ܣܵܒܵܒ ܠܹܐ ܗܲܡܙܸܡܝܼ ܫܠܵܡܵܐ، 
\q1 ܘܥܲܠܔ ܫܸܠܝܹ̈ܐ ܕܒܐܲܪܥܵܐ ܟܹܐ ܚܵܫܒ݂ܝܼ ܦܸܠܡܹ̈ܐ. 
\q1  
\v 21 ܘܡܘܼܪܘܸܚ ܠܗܘܿܢ ܦܘܼܡܵܝܗ‌ܝ ܥܲܠܝܼ، 
\q1 ܐܡܝܼܪܗܘܿܢ: ”ܐܲܗܵܐ! ܐܲܗܵܐ! ܚܙܹܐ ܠܗܘܿܢ ܥܲܝܢܲܢ̈.“ 
\q1  
\v 22 ܚܙܹܐ ܠܘܼܟ݂ ܡܵܪܝܵܐ، ܠܵܐ ܗܵܘܹܝܬ ܫܬܝܼܩܵܐ، 
\q1 ܝܵܐ ܡܵܪܝܵܐ، ܠܵܐ ܪܵܚܩܹܬ ܡܸܢܝܼ. 
\q1  
\v 23 ܪܥܘܿܫ ܘܬܥܘܿܪ ܠܕܝܼܘܵܢܝܼ، 
\q1 ܝܵܐ ܐܲܠܵܗ‌ܝܼ ܘܡܵܪܝܼ، ܠܨܒ݂ܘܼܬ‌ܝܼ. 
\q1  
\v 24 ܥܒ݂ܘܿܕ ܠܵܗ̇ ܕܝܼܘܵܢܝܼ ܐܲܝܟ݂ ܙܲܕܝܼܩܘܼܬܘܼܟ݂، ܡܵܪܝܵܐ ܐܲܠܵܗ‌ܝܼ، 
\q1 ܕܠܵܐ ܚܵܕܝܼ ܒܝܼܝܼ. 
\q1  
\v 25 ܠܵܐ ܐܵܡܪܝܼ ܒܠܸܒܵܝܗ‌ܝ: ”ܐܲܗܵܐ! ܗܘܹܐ ܠܹܗ ܨܸܒ݂ܝܵܢܵܐ ܕܓܵܢܲܢ. 
\q1 ܠܵܐ ܐܵܡܪܝܼ: ܒܠܝܼܥ ܠܲܢ ܐܸܠܹܗ.“ 
\q1  
\v 26 ܢܵܟ݂ܦܝܼ ܘܦܵܝܫܝܼ ܡܘܼܢܟܸܦܹܐ ܟܠܵܝܗ‌ܝ ܡܸܚܕܵܕܹ̈ܐ ܚܵܕܝܵܢܹ̈ܐ ܠܒܝܼܫܓܲܕܘܼܬ‌ܝܼ، 
\q1 ܠܵܒ݂ܫܝܼ ܢܟ݂ܝܼܦܬܵ‌ܐ ܘܦܵܝܫܝܼ ܡܘܼܢܟܸܦܹܐ ܓܲܪ̈ܘܸܣܵܢܹܐ ܕܓܵܢܵܝܗ‌ܝ ܥܲܠܝܼ. 
\q1  
\v 27 ܡܲܩܘܸܚܝܼ ܘܦܵܨܚܝܼ ܐܵܢܝܼ ܕܒܵܣܡܵܐ ܠܗܘܿܢ ܒܙܲܕܝܼܩܘܼܬ‌ܝܼ، 
\q1 ܘܐܲܡܝܼܢܵܐܝܼܬ ܐܵܡܪܝܼ: ”ܓܘܼܪܵܐ ܝܠܹܗ ܡܵܪܝܵܐ، 
\q1 ܗ̇ܘ ܕܒܵܣܡܵܐ ܠܹܗ ܒܫܠܵܡܵܐ ܕܪܹܓܹܗ.“ 
\q1  
\v 28 ܘܠܸܫܵܢܝܼ ܒܸܬ ܗܲܡܙܸܡ ܙܲܕܝܼܩܘܼܬܘܼܟ݂، 
\q1 ܟܠܹܗ ܝܵܘܡܵܐ ܬܸܫܒܘܿܚܬܘܼܟ݂. 
\c 36  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ ܪܓܐ ܕܡܪܝܐ. 
\q1  
\v 1 ܥܵܘܠܵܐ ܟܹܐ ܚܵܫܹܒ݂ ܪܲܫܝܼܥܵܐ ܒܓܵܘܵܐ ܕܠܸܒܹܗ، 
\q1 ܠܲܝܬ ܙܕܘܼܥܬܵ‌ܐ ܕܐܲܠܵܗܵܐ ܩܲܕܡ ܥܲܝܢܘܼ̈ܗ‌ܝ، 
\q1  
\v 2 ܣܵܒܵܒ ܟܹܐ ܡܲܫܦܸܪܵܗ̇ ܓܵܢܹܗ ܒܥܲܝܢܘܼ̈ܗ‌ܝ، 
\q1 ܗܵܕܵܐ ܕܠܵܐ ܡܲܫ݇ܟ̰ܸܚ ܠܥܵܘܠܹܗ ܘܣܵܢܹܐ ܠܹܗ. 
\q1  
\v 3 ܗܹܡܸܙܡܵܢܹ̈ܐ ܕܦܘܼܡܹܗ ܥܵܘܠܵܐ ܘܦܸܠܡܵܐ، 
\q1 ܫܠܹܐ ܠܹܗ ܡ̣ܢ ܠܦܲܪܡܘܼܝܹܐ ܘܠܸܥܒ݂ܵܕܵܐ ܛܵܒ݂ܬܵ‌ܐ. 
\q1  
\v 4 ܥܵܘܠܵܐ ܟܹܐ ܬܲܚܡܸܢ ܥܲܠܔ ܫܘܝܼܬܹܗ، 
\q1 ܟܹܐ ܟܵܠܹܐ ܥܲܠܔ ܐܘܼܪܚܵܐ ܠܵܐ ܨܦܵܝܝܼ، 
\q1 ܒܝܼܫܬܵ‌ܐ ܠܹܐ ܡܲܣܠܹܐ. 
\q1  
\v 5 ܡܵܪܝܵܐ ܗܲܠܔ ܫܡܲܝܵܐ ܝܠܵܗ̇ ܛܲܝܒܘܼܬܘܼܟ݂، 
\q1 ܡܗܘܼܡܢܘܼܬܘܼܟ݂ ܗܲܠܔ ܥܢܵܢܹ̈ܐ. 
\q1  
\v 6 ܙܲܕܝܼܩܘܼܬܘܼܟ݂ ܐܲܝܟ݂ ܛܘܼܪ̈ܵܢܹܐ ܕܐܲܠܵܗܵܐ ܝܠܵܗ̇، 
\q1 ܕܝܼܘܵܢܘܼ̈ܟ݂ ܐܲܝܟ݂ ܬܗܘܿܡܵܐ ܓܘܼܪܵܐ، 
\q1 ܒܲܪܢܵܫܵܐ ܘܗܲܝܘܵܢ ܟܹܐ ܦܲܪܩܸܬ، ܝܵܐ ܡܵܪܝܵܐ. 
\q1  
\v 7 ܟܡܵܐ ܝܲܩܝܼܪܬܵ‌ܐ ܝܠܵܗ̇ ܛܲܝܒܘܼܬܘܼܟ݂، ܝܵܐ ܐܲܠܵܗܵܐ، 
\q1 ܘܒܢܲܝ̈ܢܵܫܵܐ ܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܟܹܐ ܫܵܩܠܝܼ ܓܵܘܣܵܐ. 
\q1  
\v 8 ܟܹܐ ܫܵܬ‌ܝܼ ܣܒ݂ܵܥܬܵܝܗ‌ܝ ܡ̣ܢ ܫܲܡܝܼܢܘܼܬܵ‌ܐ ܕܒܲܝܬܘܼܟ݂، 
\q1 ܘܡ̣ܢ ܢܲܗܪܵܐ ܕܒܲܣܝܼܡܘܼܝܵܬ̈ܘܼܟ݂ ܟܹܐ ܡܲܫܬܹܝܬ ܠܗܘܿܢ. 
\q1  
\v 9 ܣܵܒܵܒ ܥܲܡܘܼܟ݂ ܝܼܠܹܗ ܡܲܒܘܼܥܵܐ ܕܚܲܝܹ̈ܐ، 
\q1 ܒܒܲܗܪܘܼܟ݂ ܟܹܐ ܚܵܙܲܚ ܒܲܗܪܵܐ. 
\q1  
\v 10 ܡܲܪܝܸܟ݂ ܛܲܝܒܘܼܬܘܼܟ݂ ܠܝܵܕܥܵܢܘܼ̈ܟ݂، 
\q1 ܘܙܲܕܝܼܩܘܼܬܘܼܟ݂ ܠܬܪ̈ܘܼܨܹܐ ܕܠܸܒܵܐ. 
\q1  
\v 11 ܠܵܐ ܐܵܬܝܵܐ ܥܲܠܝܼ ܐܲܩܠܵܐ ܕܫܲܒ݂ܗܸܪ̈ܵܢܹܐ، 
\q1 ܘܐܝܼܕܵܐ ܕܪ̈ܲܫܝܼܥܹܐ ܠܵܐ ܫܵܥܫܵܐ ܠܝܼ. 
\q1  
\v 12 ܬܵܡܵܐ ܢܦܝܼܠܔ ܠܗܘܿܢ ܦܵܠܚܵܢܹ̈ܐ ܕܥܵܘܠܵܐ، 
\q1 ܦܝܼܫ ܠܗܘܿܢ ܚܘܼܪܙܸܦܹܐ ܘܠܹܐ ܡܵܨܝܼ ܩܵܝܡܝܼ. 
\c 37  
\s1 ܡܙܡܘܪܐ ܕܕܘܝܕ. 
\q1  
\v 1 ܠܵܐ ܥܵܒ݂ܕܹܬ ܚܣܵܡܵܐ ܠܒܝܼܫܹ̈ܐ، 
\q1 ܠܵܐ ܒܲܚܸܠܸܬ ܒܥܵܒ݂ܕܵܢܹ̈ܐ ܕܥܵܘܠܵܐ. 
\q1  
\v 2 ܣܵܒܵܒ ܐܲܝܟ݂ ܓܸܠܵܐ ܓ̰ܲܠܕܹܐ ܟܹܐ ܒܵܪܙܝܼ، 
\q1 ܘܐܲܝܟ݂ ܝܲܪܩܵܐ ܩܝܼܢܵܐ ܟܹܐ ܟ̰ܲܡܟ̰ܝܼ. 
\q1  
\v 3 ܣܒܘܿܪ ܒܡܵܪܝܵܐ ܘܥܒ݂ܘܿܕ ܛܵܒ݂ܬܵ‌ܐ، 
\q1 ܫܪܝܼ ܒܐܲܪܥܵܐ ܘܗܘܝܼ ܒܫܲܝܢܵܐ. 
\q1  
\v 4 ܘܥܒ݂ܘܿܕ ܒܘܼܣܵܡܵܐ ܒܡܵܪܝܵܐ، 
\q1 ܘܒܸܬ ܝܵܗܒܹܠܔ ܠܘܼܟ݂ ܛܠܵܒܬܵ‌ܐ ܕܠܸܒܘܼܟ݂. 
\q1  
\v 5 ܕܪܝܼ ܥܲܠܔ ܡܵܪܝܵܐ ܐܘܼܪܚܘܼܟ݂، 
\q1 ܘܣܒܘܿܪ ܒܝܼܹܗ، ܘܗ̇ܘ ܒܸܬ ܡܲܟܡܸܠܔ ܠܵܗ̇. 
\q1  
\v 6 ܘܒܸܬ ܦܲܠܸܛ ܐܲܝܟ݂ ܒܲܗܪܵܐ ܙܲܕܝܼܩܘܼܬܘܼܟ݂، 
\q1 ܘܕܝܼܘܵܢܘܼ̈ܟ݂ ܐܲܝܟ݂ ܛܲܗܪܵܐ. 
\q1  
\v 7 ܫܠܝܼ ܩܲܕܡ ܡܵܪܝܵܐ، ܘܣܦܘܿܪ ܐܸܠܹܗ، 
\q1 ܠܵܐ ܥܵܒ݂ܕܹܬ ܚܣܵܡܵܐ ܒܡܲܢܬܝܼܵܢܵܐ ܒܐܘܼܪܚܹܗ، 
\q1 ܒܐܢܵܫܵܐ ܥܵܒ݂ܕܵܢܵܐ ܕܦܸܠܡܹ̈ܐ. 
\q1  
\v 8 ܪܦܝܼ ܡ̣ܢ ܟܲܪܒܵܐ ܘܫܒ݂ܘܿܩ ܚܸܡܬܵ‌ܐ، 
\q1 ܠܵܐ ܥܵܒ݂ܕܹܬ ܚܣܵܡܵܐ ܠܸܥܒ݂ܵܕܵܐ ܒܝܼܫܬܵ‌ܐ. 
\q1  
\v 9 ܣܵܒܵܒ ܒܝܼܫܹ̈ܐ ܒܸܬ ܦܵܝܫܝܼ ܩܛܝܼܥܹܐ، 
\q1 ܐܝܼܢܵܐ ܣܵܦܪ̈ܵܢܹܐ ܠܡܵܪܝܵܐ، ܐܵܢܝܼ ܒܸܬ ܝܵܪܬ‌ܝܼ ܐܲܪܥܵܐ. 
\q1  
\v 10 ܘܚܲܕܟ̰ܵܐ ܐܚܹܪܢܵܐ، ܘܠܲܝܬ ܪܲܫܝܼܥܵܐ، 
\q1 ܘܒܸܬ ܚܵܝܪܹܬ ܥܲܠܔ ܕܘܼܟܬܹܗ، ܐܝܼܢܵܐ ܠܲܝܬ ܗ̇ܘ. 
\q1  
\v 11 ܐܝܼܢܵܐ ܡܸܣܟܹܢܹ̈ܐ ܒܸܬ ܝܵܪܬ‌ܝܼ ܐܲܪܥܵܐ، 
\q1 ܘܒܸܬ ܥܵܒ݂ܕܝܼ ܒܘܼܣܵܡܵܐ ܒܦܸܪܝܘܼܬܵ‌ܐ ܕܫܠܵܡܵܐ. 
\q1  
\v 12 ܪܲܫܝܼܥܵܐ ܟܹܐ ܥܵܒܹܕ ܦܸܠܡܵܐ ܥܲܠܔ ܙܲܕܝܼܩܵܐ، 
\q1 ܘܟܹܐ ܚܲܪܚܸܟ̃ ܥܲܠܘܼܗ‌ܝ ܟܹܟܘܼ̈ܗ‌ܝ. 
\q1  
\v 13 ܐܝܼܢܵܐ ܡܵܪܝܵܐ ܟܹܐ ܓܵܚܹܟ ܒܝܼܹܗ، 
\q1 ܣܵܒܵܒ ܚܙܹܐ ܠܹܗ ܕܒܸܬ ܐܵܬܹ‌ܐ ܝܵܘܡܹܗ. 
\q1  
\v 14 ܣܲܝܦܵܐ ܓܪܝܼܫ ܠܗܘܿܢ ܪ̈ܲܫܝܼܥܹܐ، ܘܡܬܝܼܚ ܠܗܘܿܢ ܩܸܫܬܵܝܗ‌ܝ، 
\q1 ܠܡܲܢܦܘܼܠܹܐ ܡܸܣܟܹܢܵܐ ܘܣܢܝܼܩܵܐ، 
\q1 ܠܸܩܛܵܠܵܐ ܠܬܪ̈ܘܼܨܹܐ ܕܐܘܼܪܚܵܐ. 
\q1  
\v 15 ܣܲܝܦܵܝܗ‌ܝ ܒܸܬ ܥܵܒܹܪ ܒܠܸܒܵܝܗ‌ܝ، 
\q1 ܘܩܸܫܬܵܬܵܝ̈ܗ‌ܝ ܒܸܬ ܦܵܝܫܝܼ ܬܒ݂ܝܼܪܹܐ. 
\q1  
\v 16 ܡܸܢܕܝܼ ܩܲܠܝܼܠܔ ܕܙܲܕܝܼܩܵܐ ܒܘܼܫ ܨܦܵܝܝܼ ܝܠܹܗ 
\q1 ܡ̣ܢ ܥܘܼܬܪܵܐ ܕܪ̈ܲܫܝܼܥܹܐ ܪܵܒܵܐ. 
\q1  
\v 17 ܣܵܒܵܒ ܕܪ̈ܲܥܢܵܢܹܐ ܕܪ̈ܲܫܝܼܥܹܐ ܒܸܬ ܦܵܝܫܝܼ ܬܒ݂ܝܼܪܹܐ، 
\q1 ܐܝܼܢܵܐ ܟܹܐ ܣܵܢܹܕ ܠܙܲܕܝܼܩܹ̈ܐ ܡܵܪܝܵܐ. 
\q1  
\v 18 ܟܹܐ ܝܵܕܹܥ ܡܵܪܝܵܐ ܝܵܘܡܵܢܹ̈ܐ ܕܬܲܡܝܼܡܹ̈ܐ، 
\q1 ܝܵܪܬܘܼܬܵܝܗ‌ܝ ܠܥܵܠܲܡ ܒܸܬ ܗܵܘܝܵܐ. 
\q1  
\v 19 ܠܹܐ ܢܵܟ݂ܦܝܼ ܒܙܲܒ݂ܢܵܐ ܕܒܝܼܫܬܵ‌ܐ، 
\q1 ܘܒܝܵܘܡܵܢܹ̈ܐ ܕܟܸܦܢܵܐ ܒܸܬ ܣܵܒ݂ܥܝܼ. 
\q1  
\v 20 ܐܝܼܢܵܐ ܪ̈ܲܫܝܼܥܹܐ ܒܸܬ ܛܵܠܩܝܼ، 
\q1 ܘܕܸܫ̃ܡܸܢܹ̈ܐ ܕܡܵܪܝܵܐ ܐܲܝܟ݂ ܫܘܼܦܪܵܐ ܕܡܲܪ̈ܓܹܐ، 
\q1 ܒܸܬ ܬܵܝܡܝܼ، ܒܬܸܢܵܐ ܒܸܬ ܬܵܝܡܝܼ. 
\q1  
\v 21 ܟܹܐ ܡܲܕܝܸܢ ܪܲܫܝܼܥܵܐ ܘܠܹܐ ܦܵܪܹܥ، 
\q1 ܐܝܼܢܵܐ ܙܲܕܝܼܩܵܐ ܟܹܐ ܪܲܚܸܡ ܘܟܹܐ ܝܵܗܒܹܠܔ. 
\q1  
\v 22 ܣܵܒܵܒ ܡܒܘܼܪ̈ܟܹܐ ܕܡܵܪܝܵܐ ܒܸܬ ܝܵܪܬ‌ܝܼ ܐܲܪܥܵܐ، 
\q1 ܘܠܝܼܛܘܼ̈ܗ‌ܝ ܒܸܬ ܦܵܝܫܝܼ ܩܛܝܼܥܹܐ. 
\q1  
\v 23 ܡ̣ܢ ܡܵܪܝܵܐ ܟܹܐ ܦܵܝܫܝܼ ܡܘܼܩܘܝܼܹܐ ܦܵܣܘܿܥܝܵܬܹ̈‌ܐ ܕܐܢܵܫܵܐ، 
\q1 ܘܒܐܘܼܪܚܹܗ ܟܹܐ ܒܵܣܡܵܐ ܠܹܗ. 
\q1  
\v 24 ܐܵܦܸܢ ܢܵܦܹܠܔ، ܠܹܐ ܦܵܐܹܫ ܟ̰ܘܼܡܟ̰ܸܡܵܐ، 
\q1 ܣܵܒܵܒ ܡܵܪܝܵܐ ܟܹܐ ܣܵܢܹܕ ܐܝܼܕܹܗ. 
\q1  
\v 25 ܝܵܠܵܕ݇ܐ ܗܘܹܐ ܠܝܼ ܐܘܼܦ ܣܝܼܒ݂ ܠܝܼ، 
\q1 ܐܝܼܢܵܐ ܠܵܐ ܚܙܹܐ ܠܝܼ ܙܲܕܝܼܩܵܐ ܫܒ݂ܝܼܩܵܐ، 
\q1 ܝܲܢ ܙܲܪܥܹܗ ܛܵܥܹܐ ܠܲܚܡܵܐ. 
\q1  
\v 26 ܟܠܹܗ ܝܵܘܡܵܐ ܡܪܲܚܡܵܢܵܐ ܝܠܹܗ ܘܟܹܐ ܝܵܗܒܹܠܔ ܕܲܝܢܵܐ، 
\q1 ܘܠܒܘܼܪܟܬܵ‌ܐ ܝܢܵܐ ܙܲܪ̈ܥܘܼܗ‌ܝ. 
\q1  
\v 27 ܩܠܘܿܒ ܡ̣ܢ ܒܝܼܫܬܵ‌ܐ ܘܥܒ݂ܘܿܕ ܛܵܒ݂ܬܵ‌ܐ، 
\q1 ܘܥܡܘܿܪ ܠܥܵܠܲܡ. 
\q1  
\v 28 ܣܵܒܵܒ ܡܵܪܝܵܐ ܟܹܐ ܡܲܚܸܒ ܕܝܼܘܵܢ، 
\q1 ܘܠܹܐ ܫܵܒܹܩ ܠܛܵܒ݂ܘܼ̈ܗ‌ܝ، ܠܥܵܠܲܡ ܟܹܐ ܦܵܝܫܝܼ ܢܛܝܼܪܹܐ، 
\q1 ܐܝܼܢܵܐ ܙܲܪܥܵܐ ܕܪ̈ܲܫܝܼܥܹܐ ܒܸܬ ܦܵܐܹܫ ܩܛܝܼܥܵܐ. 
\q1  
\v 29 ܙܲܕܝܼܩܹ̈ܐ ܒܸܬ ܝܵܪܬ‌ܝܼ ܐܲܪܥܵܐ، 
\q1 ܘܒܸܬ ܫܵܪܝܼ ܠܥܵܠܲܡ ܥܲܠܘܼܗ̇. 
\q1  
\v 30 ܦܘܼܡܵܐ ܕܙܲܕܝܼܩܵܐ ܟܹܐ ܗܲܓܹܐ ܚܸܟ݂ܡܬܵ‌ܐ، 
\q1 ܘܠܸܫܵܢܹܗ ܟܹܐ ܗܲܡܙܸܡ ܕܝܼܘܵܢ. 
\q1  
\v 31 ܢܵܡܘܿܣܵܐ ܕܐܲܠܵܗܹܗ ܒܠܸܒܹܗ ܝܠܹܗ، 
\q1 ܠܹܐ ܫܵܥܫܝܼ ܦܵܣܘܿܥܝܵܬܘܼ̈ܗ‌ܝ. 
\q1  
\v 32 ܟܹܐ ܩܲܙܸܕ ܒܝܼܫܵܐ ܠܙܲܕܝܼܩܵܐ، 
\q1 ܘܟܹܐ ܛܵܥܹܐ ܠܡܲܡܝܘܼܬܹܗ. 
\q1  
\v 33 ܐܝܼܢܵܐ ܡܵܪܝܵܐ ܠܹܐ ܫܵܒܹܩ ܠܹܗ ܒܐܝܼܕܹܗ، 
\q1 ܘܠܹܐ ܥܵܒܹܕ ܠܹܗ ܚܲܝܵܒ݂ܵܐ ܐܝܼܡܲܢ ܕܦܵܐܹܫ ܕܝܼܢܵܐ. 
\q1  
\v 34 ܣܦܘܿܪ ܠܡܵܪܝܵܐ ܘܢܛܘܿܪ ܐܘܼܪܚܹܗ، 
\q1 ܘܒܸܬ ܡܲܪܸܡ ܠܘܼܟ݂ ܕܝܵܪܬܹܬ ܐܲܪܥܵܐ، 
\q1 ܐܝܼܡܲܢ ܕܦܵܝܫܝܼ ܩܛܝܼܥܹܐ ܪ̈ܲܫܝܼܥܹܐ ܒܸܬ ܚܵܙܹܝܬ. 
\q1  
\v 35 ܚܙܹܐ ܠܝܼ ܪܲܫܝܼܥܵܐ ܙܵܠܝܼܡ 
\q1 ܓܲܪܘܘܼܣܘܼܗ̇ ܓܵܢܹܗ ܐܲܝܟ݂ ܐܝܼܠܵܢܵܐ ܩܝܼܢܵܐ ܒܐܲܪܥܹܗ ܟܝܵܢܵܝܬܵ‌ܐ. 
\q1  
\v 36 ܘܫܘܼܢܹܐ ܠܹܗ، ܘܗܵܐ ܠܲܝܬ، 
\q1 ܘܛܥܹܐ ܠܝܼ ܒܵܬܪܹܗ، ܐܝܼܢܵܐ ܠܵܐ ܡܫ݇ܟ̰ܝܼܚ ܠܹܗ. 
\q1  
\v 37 ܓܲܫܸܩ ܠܬܲܡܝܼܡܵܐ ܘܚܙܝܼ ܠܬܪܘܼܨܵܐ، 
\q1 ܣܵܒܵܒ ܐܝܼܬ ܕܲܥܬܝܼܕ ܩܵܐ ܐܢܵܫܵܐ ܕܫܠܵܡܵܐ. 
\q1  
\v 38 ܐܝܼܢܵܐ ܥܵܘܵܠܹ̈ܐ ܒܸܬ ܛܵܠܩܝܼ ܥܲܡ ܚܕܵܕܹ̈ܐ، 
\q1 ܚܲܪܬܵ‌ܐ ܕܪ̈ܲܫܝܼܥܹܐ ܒܸܬ ܦܵܝܫܵܐ ܩܛܝܼܥܬܵ‌ܐ. 
\q1  
\v 39 ܘܦܘܼܪܩܵܢܵܐ ܕܙܲܕܝܼܩܹ̈ܐ ܡ̣ܢ ܡܵܪܝܵܐ ܝܠܹܗ، 
\q1 ܗ̇ܘ ܝܼܠܹܗ ܩܲܠܥܵܝܗ‌ܝ ܒܙܲܒ݂ܢܵܐ ܕܥܵܘܩܵܢܵܐ. 
\q1  
\v 40 ܘܟܹܐ ܗܲܝܸܪܗܘܿܢ ܡܵܪܝܵܐ ܘܟܹܐ ܦܲܨܹܐ ܠܗܘܿܢ، 
\q1 ܟܹܐ ܦܲܨܹܐ ܠܗܘܿܢ ܡ̣ܢ ܪ̈ܲܫܝܼܥܹܐ ܘܟܹܐ ܦܲܪܸܩ ܠܗܘܿܢ، 
\q1 ܣܵܒܵܒ ܟܹܐ ܫܵܩܠܝܼ ܓܵܘܣܵܐ ܒܝܼܹܗ. 
\c 38  
\s1 ܡܙܡܘܪܐ ܕܕܘܝܕ. ܠܕܘܟ݂ܪܢܐ. 
\q1  
\v 1 ܒܟܲܪܒܘܼܟ݂ ܠܵܐ ܡܲܢܟܸܣܸܬ ܠܝܼ، ܝܵܐ ܡܵܪܝܵܐ، 
\q1 ܘܒܚܸܡܬܘܼܟ݂ ܠܵܐ ܬܲܥܠܡܸܬ ܠܝܼ. 
\q1  
\v 2 ܒܗ̇ܝ ܕܓܹܐܪ̈ܘܼܟ݂ ܛܥܝܼܨ ܠܗܘܿܢ ܒܝܼܝܼ، 
\q1 ܘܥܲܠܝܼ ܨܠܹܐ ܠܵܗ̇ ܐܝܼܕܘܼܟ݂. 
\q1  
\v 3 ܠܲܝܬ ܚܘܼܠܡܵܢܵܐ ܒܒܸܣܪܝܼ ܒܥܸܠܬܵ‌ܐ ܕܚܸܡܬܘܼܟ݂، 
\q1 ܠܲܝܬ ܫܲܠܡܘܼܬܵ‌ܐ ܒܓܲܪ̈ܡܝܼ ܒܥܸܠܬܵ‌ܐ ܕܚܛܝܼܬ‌ܝܼ. 
\q1  
\v 4 ܣܵܒܵܒ ܐܣܝܼܩ ܠܗܘܿܢ ܥܵܘܠܝܼ̈ ܥܸܠܸܠܔ ܡ̣ܢ ܪܹܝܫܝܼ، 
\q1 ܐܲܝܟ݂ ܟܵܪܬܵ‌ܐ ܝܲܩܘܼܪܬܵ‌ܐ ܙܵܘܕܵܐ ܡ̣ܢ ܚܲܝܠܝܼ. 
\q1  
\v 5 ܚܡܝܼܩ ܠܗܘܿܢ، ܓ̰ܪܹܐ ܠܗܘܿܢ ܕܲܪ̈ܒܵܬ‌ܝܼ، 
\q1 ܒܥܸܠܬܵ‌ܐ ܕܣܲܟ݂ܠܘܼܬ‌ܝܼ. 
\q1  
\v 6 ܦܝܼܫ ܠܝܼ ܩܘܼܛܪܸܢܵܐ، ܟܝܼܦ ܠܝܼ ܗܲܠܔ ܦܪܵܩܬܵ‌ܐ، 
\q1 ܗܘܹܐ ܠܝܼ ܒܸܚܕܵܪܵܐ ܒܐܸܒ݂ܠܵܐ ܟܠܹܗ ܝܵܘܡܵܐ. 
\q1  
\v 7 ܣܵܒܵܒ ܕܸܦܢܵܬ‌ܝܼ̈ ܡܸܠܝܹܐ ܝܢܵܐ ܩܝܘܼܕܵܐ، 
\q1 ܘܠܲܝܬ ܚܘܼܠܡܵܢܵܐ ܒܒܸܣܪܝܼ. 
\q1  
\v 8 ܬܒ݂ܝܼܢܝܼ ܘܦܝܼܫ ܠܝܼ ܛܒ݂ܝܼܚܵܐ ܟ̰ܸܡ ܪܵܒܵܐ، 
\q1 ܒܘܼܪܒܸܪܝܼ ܡܣܵܒܵܒ ܫܓ݂ܝܼܫܘܼܬܵ‌ܐ ܕܠܸܒܝܼ. 
\q1  
\v 9 ܡܵܪܝܵܐ، ܒܲܠܩܘܼܒ݂ܠܘܼܟ݂ ܝܼܠܵܗ̇ ܟܠܵܗ̇ ܛܠܵܒܬ‌ܝܼ، 
\q1 ܘܬܲܢܲܚܬ‌ܝܼ ܡܸܢܘܼܟ݂ ܠܹܐ ܝܠܵܗ̇ ܛܫܝܼܬܵ‌ܐ. 
\q1  
\v 10 ܠܸܒܝܼ ܪܲܦܪܘܼܦܹܐ ܝܠܹܗ، ܫܒ݂ܝܼܩܸܢܹܗ ܚܲܝܠܝܼ، 
\q1 ܘܒܲܗܪܵܐ ܕܥܲܝܢܝܼ̈، ܐܘܼܦ ܗ̇ܘ ܠܲܝܬ ܥܲܡܝܼ. 
\q1  
\v 11 ܡܲܚܸܒܵܢܝܼ̈ ܘܪ̈ܵܚܡܝܼ ܟܹܐ ܟܵܠܝܼ ܪܚܝܼܩܹܐ ܡ̣ܢ ܡܚܘܿܬ‌ܝܼ، 
\q1 ܘܚܸܙܡܵܢܝܼ̈ ܪܸܚܩܵܐ ܟܸܠܝܹܐ ܝܢܵܐ. 
\q1  
\v 12 ܘܡܘܼܬܸܒ݂ ܠܗܘܿܢ ܢܸܫܒܹ̈ܐ ܛܵܥܝܵܢܹ̈ܐ ܠܓܵܢܝܼ، 
\q1 ܘܒܵܥܝܵܢܹ̈ܐ ܕܒܝܼܫܬ‌ܝܼ ܗܘܼܡܙܸܡ ܠܗܘܿܢ ܒܘܼܬ ܚܪܵܒ݂ܝܼ، 
\q1 ܘܟܹܐ ܗܲܓܝܼ ܦܸܠܡܹ̈ܐ ܟܠܹܗ ܝܵܘܡܵܐ. 
\q1  
\v 13 ܐܝܼܢܵܐ ܐܵܢܵܐ ܐܲܝܟ݂ ܚܲܪܫܵܐ ܝܘܸܢ ܕܠܹܐ ܫܵܡܹܥ، 
\q1 ܘܐܲܝܟ݂ ܠܲܥܠܵܐ ܕܠܹܐ ܦܵܬܹܚ ܦܘܼܡܹܗ. 
\q1  
\v 14 ܘܗܘܹܐ ܠܝܼ ܐܲܝܟ݂ ܐܢܵܫܵܐ ܕܠܹܐ ܫܵܡܹܥ، 
\q1 ܘܕܠܲܝܬ ܕܪܵܫܬܵ‌ܐ ܒܦܘܼܡܹܗ. 
\q1  
\v 15 ܣܵܒܵܒ ܐܸܠܘܼܟ݂، ܝܵܐ ܡܵܪܝܵܐ، ܣܒܝܼܪܝܼ، 
\q1 ܐܲܢ݇ܬ ܒܸܬ ܓ̰ܲܘܸܒܸܬ، ܡܵܪܝܵܐ ܐܲܠܵܗ‌ܝܼ. 
\q1  
\v 16 ܒܗ̇ܝ ܕܐܡܝܼܪܝܼ: ”ܠܵܐ ܗܵܘܹܐ ܕܚܵܕܝܼ ܥܲܠܝܼ، 
\q1 ܒܓ̰ܪܵܛܬܵ‌ܐ ܕܐܲܩܠܝܼ ܓܲܪܘܸܣܝܼ ܓܵܢܵܝܗ‌ܝ.“ 
\q1  
\v 17 ܣܵܒܵܒ ܐܵܢܵܐ ܩܘܼܪܒܵܐ ܝܘܸܢ ܠܸܢܦܵܠܵܐ، 
\q1 ܘܟܹܐܒ݂ܝܼ ܥܲܡܝܼ ܝܠܹܗ ܒܟܠܔ ܥܕܵܢܵܐ. 
\q1  
\v 18 ܗܹܐ، ܒܸܬ ܡܵܘܕܸܢܹܗ ܥܵܘܠܝܼ، 
\q1 ܒܸܬ ܦܵܫܡܹܢ ܒܘܼܬ ܚܛܝܼܬ‌ܝܼ. 
\q1  
\v 19 ܘܕܸܫ̃ܡܸܢܝܼ̈ ܚܵܝܹ̈ܐ ܝܢܵܐ ܪܵܒܵܐ ܘܓܘܼܪܹ̈ܐ ܒܡܸܢܝܵܢܵܐ، 
\q1 ܘܦܸܪ̈ܝܹܐ ܝܢܵܐ ܣܵܢܝܵܢܝܼ̈ ܒܠܵܐ ܥܸܠܬܵ‌ܐ. 
\q1  
\v 20 ܘܦܵܪ̈ܥܵܢܹܐ ܕܒܝܼܫܬܵ‌ܐ ܡ̣ܢ ܓܹܒܵܐ ܕܛܵܒ݂ܬܵ‌ܐ 
\q1 ܗܘܹܐ ܠܗܘܿܢ ܕܲܠܩܘܼܒ݂ܠܝܼ، ܒܗ̇ܝ ܕܢܦܝܼܠܔ ܠܝܼ ܒܵܬܪ ܛܵܒ݂ܬܵ‌ܐ. 
\q1  
\v 21 ܠܵܐ ܫܵܒ݂ܩܹܬ ܠܝܼ، ܝܵܐ ܡܵܪܝܵܐ، 
\q1 ܝܵܐ ܐܲܠܵܗ‌ܝܼ، ܠܵܐ ܪܵܚܩܹܬ ܡܸܢܝܼ؛ 
\q1  
\v 22 ܡܲܠܝܸܙ ܠܗܲܝܲܪܬ‌ܝܼ، 
\q1 ܝܵܐ ܡܵܪܝܵܐ، ܦܘܼܪܩܵܢܝܼ. 
\c 39  
\s1 ܠܪܝܫ ܓܘܕܐ ܕܙܡܪ̈ܐ. ܠܝܕܘܬܘܢ. ܡܙܡܘܪܐ ܕܕܘܝܕ. 
\q1  
\v 1 ܐܡܝܼܪܝܼ: ”ܒܸܬ ܢܵܛܪܹܢ ܐܘܼܪ̈ܚܵܬ‌ܝܼ، 
\q1 ܡ̣ܢ ܠܸܚܛܵܝܵܐ ܒܠܸܫܵܢܝܼ، 
\q1 ܒܸܬ ܐܵܣܪܹܢ ܠܦܘܼܡܝܼ، 
\q1 ܟܡܵܐ ܕܒܝܼܫܵܐ ܒܲܠܩܘܼܒ݂ܠܝܼ ܝܠܹܗ.“ 
\q1  
\v 2 ܗܘܹܐ ܠܝܼ ܠܲܥܠܵܐ ܘܫܬܝܼܩܵܐ، ܐܘܼܦ ܫܬܝܼܩ ܠܝܼ ܡ̣ܢ ܛܵܒ݂ܬܵ‌ܐ، 
\q1 ܘܕܲܪ̈ܕܝܼ ܙܝܼܕ ܠܗܘܿܢ، 
\q1  
\v 3 ܚܝܼܡ ܠܹܗ ܠܸܒܝܼ ܒܓܵܘܝܼ، 
\q1 ܒܗܲܓܲܝܬ‌ܝܼ ܒܸܠܒ݂ܵܟ݂ܵܐ ܝܗܘܵܐ ܢܘܼܪܵܐ، 
\q1 ܗ̇ܝܓܵܗ ܗܘܼܡܙܸܡ ܠܝܼ ܒܠܸܫܵܢܝܼ: 
\q1  
\v 4 ”ܡܲܕܸܥ ܐܸܠܝܼ، ܝܵܐ ܡܵܪܝܵܐ، ܚܲܪܬ‌ܝܼ، 
\q1 ܘܡܫܘܼܚܬܵ‌ܐ ܕܝܵܘܡܵܢܝܼ̈ ܡܘܼܕܝܼ ܝܠܵܗ̇، 
\q1 ܕܝܵܕܥܹܢ ܟܡܵܐ ܙܲܒ݂ܢܵܢܵܝܵܐ ܝܘܸܢ ܐܵܢܵܐ. 
\q1  
\v 5 ”ܗܵܐ، ܟܸܪ̈ܝܹܐ ܥܒ݂ܝܼܕܵܝ ܠܘܼܟ݂ ܝܵܘܡܵܢܝܼ̈، 
\q1 ܘܡܸܬܚܵܐ ܕܚܲܝܝܼ̈ ܐܲܝܟ݂ ܗܸܟ̃ ܡܸܢܕܝܼ ܝܠܹܗ ܠܟܸܣܠܘܼܟ݂، 
\q1 ܫܲܪܝܼܪܵܐܝܼܬ، ܐܲܚܟ̰ܝܼ ܚܕܵܐ ܢܫܲܡܬܵ‌ܐ ܝܠܹܗ ܟܠܔ ܒܲܪܢܵܫܵܐ. \qs ܣܹܠܵܗ\qs* 
\q1  
\v 6 ”ܫܲܪܝܼܪܵܐܝܼܬ، ܐܲܝܟ݂ ܨܲܠܡܵܐ ܟܹܐ ܚܵܕܹܪ ܐܢܵܫܵܐ، 
\q1 ܫܲܪܝܼܪܵܐܝܼܬ، ܒܣܪܝܼܩܘܼܬܵ‌ܐ ܟܹܐ ܫܵܓܹܫ، 
\q1 ܟܹܐ ܡܲܙܝܸܕ ܥܘܼܬܪܵܐ ܘܠܹܐ ܝܵܕܹܥ ܡܵܢܝܼ ܒܸܬ ܓ̰ܲܡܸܥ ܠܹܗ. 
\q1  
\v 7 ”ܘܐܵܕܝܼܵܐ، ܠܡܘܼܕܝܼ ܣܵܦܪܹܢ، ܝܵܐ ܡܵܪܝܵܐ؟ 
\q1 ܣܲܒ݂ܪܝܼ ܒܝܼܘܼܟ݂ ܝܠܹܗ. 
\q1  
\v 8 ”ܦܲܨܝܼ ܠܝܼ ܡ̣ܢ ܟܠܵܝܗ‌ܝ ܓܢܵܗ‌ܝܼ̈، 
\q1 ܠܵܐ ܥܵܒ݂ܕܹܬ ܠܝܼ ܠܵܘܡܵܐ ܕܣܲܟ݂ܠܵܐ. 
\q1  
\v 9 ”ܗܘܹܐ ܠܝܼ ܠܲܥܠܵܐ، ܠܵܐ ܦܬܝܼܚ ܠܝܼ ܦܘܼܡܝܼ، 
\q1 ܣܵܒܵܒ ܐܲܢ݇ܬ ܥܒ݂ܝܼܕ ܠܘܼܟ݂ ܐܵܗܵܐ. 
\q1  
\v 10 ”ܡܲܥܒܸܪ ܡܥܲܠܝܼ ܡܚܘܿܬܘܼܟ݂، 
\q1 ܡ̣ܢ ܡܚܵܝܬܵ‌ܐ ܕܐܝܼܕܘܼܟ݂ ܐܵܢܵܐ ܬܝܼܡ ܠܝܼ. 
\q1  
\v 11 ”ܟܹܐ ܬܲܥܠܡܸܬ ܐܢܵܫܵܐ ܒܢܓ̰ܵܘ̈ܝܵܬܹ‌ܐ ܒܘܼܬ ܥܵܘܠܵܐ، 
\q1 ܘܟܹܐ ܡܲܚܪܸܒܸܬ ܐܲܝܟ݂ ܐܸܟ݂ܠܵܐ ܡܸܢܕܝܼ ܕܫܲܗܘܸܬ ܐܸܠܹܗ، 
\q1 ܫܲܪܝܼܪܵܐܝܼܬ، ܢܫܲܡܬܵ‌ܐ ܝܠܹܗ ܟܠܔ ܒܲܪܢܵܫܵܐ. \qs ܣܹܠܵܗ\qs* 
\q1  
\v 12 ”ܫܡܹܥ ܨܠܘܿܬ‌ܝܼ، ܝܵܐ ܡܵܪܝܵܐ، ܘܠܓܥܵܝܬ‌ܝܼ ܗܲܒ݂ܠܔ ܢܵܬܵ‌ܐ، 
\q1 ܠܕܸܡܥܝܼܬ‌ܝܼ ܠܵܐ ܫܵܬܩܹܬ، 
\q1 ܒܗ̇ܝ ܕܡܵܫܵܚܲܛ ܝܘܸܢ ܐܵܢܵܐ ܠܟܸܣܠܘܼܟ݂، 
\q1 ܬܵܘܬܵܒ݂ܵܐ ܐܲܝܟ݂ ܟܠܵܝܗ‌ܝ ܐܲܒ݂ܵܗܵܬ‌ܝܼ̈. 
\q1  
\v 13 ”ܦܪܘܿܩ ܡܸܢܝܼ ܕܚܵܕܹܝܢ 
\q1 ܡܩܲܕܡ ܕܐܵܙܹܠ݇ܢ ܘܠܵܐ ܗܵܘܹܝܢ ܐܚܹܪܢܵܐ.“ 
\c 40  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܣܦܵܪܵܐ ܣܦܝܼܪܝܼ ܠܡܵܪܝܵܐ، 
\q1 ܘܦܬܝܼܠܔ ܠܹܗ ܠܟܸܣܠܝܼ ܘܫܡܝܼܥ ܠܹܗ ܓܥܵܝܬ‌ܝܼ. 
\q1  
\v 2 ܘܩܵܡ ܡܲܐܣܸܩ ܠܝܼ ܡ̣ܢ ܓܘܼܒܵܐ ܕܚܪܵܒ݂ܵܐ، ܡ̣ܢ ܛܝܼܢܵܐ ܕܙܸܢܵܐ، 
\q1 ܘܡܘܼܩܸܡ ܠܹܗ ܥܲܠܔ ܩܵܝܵܐ ܐܲܩܠܵܬ‌ܝܼ̈، ܟܲܕ ܡܲܩܘܘܼܝܹܐ ܦܵܣܘܿܥܝܵܬ‌ܝܼ̈. 
\q1  
\v 3 ܘܡܘܼܬܸܒ݂ ܠܹܗ ܒܦܘܼܡܝܼ ܙܡܵܪܬܵ‌ܐ ܚܲܕܬܵ‌ܐ ܕܬܸܫܒܘܿܚܬܵ‌ܐ ܠܐܲܠܵܗܵܐ، 
\q1 ܒܸܬ ܚܵܙܝܼ ܪܵܒܵܐ ܘܒܸܬ ܙܵܕܥܝܼ، 
\q1 ܘܒܸܬ ܣܵܒܪܝܼ ܒܡܵܪܝܵܐ. 
\q1  
\v 4 ܛܘܼܒ݂ܵܐ ܠܐܢܵܫܵܐ ܕܥܵܒܹܕ ܠܡܵܪܝܵܐ ܬܘܼܟ݂ܠܵܢܹܗ، 
\q1 ܘܠܵܐ ܦܬܝܼܠܔ ܠܹܗ ܠܚܵܬܪ̈ܵܢܹܐ، ܐܘܼܦ ܠܵܐ ܠܐܵܙܵܠ݇ܢܹ̈ܐ ܒܵܬܪ ܕܘܼܓܠܵܐ. 
\q1  
\v 5 ܪܵܒܵܐ ܥܒ݂ܝܼܕ ܠܘܼܟ݂ ܐܲܢ݇ܬ، ܝܵܐ ܡܵܪܝܵܐ ܐܲܠܵܗ‌ܝܼ، 
\q1 ܕܘܼܡܵܪܹ̈ܐ ܘܚܘܼܫܵܒܹ̈ܐ ܐܸܠܲܢ، 
\q1 ܠܲܝܬ ܐܲܝܟ݂ ܕܝܼܘܼܟ݂، 
\q1 ܐܸܢ ܡܲܕܥܸܢ ܗܘܵܐ ܘܗܲܡܙܸܡܸܢ ܗܘܵܐ، ܒܸܬ ܗܵܘܝܼ ܗܘܵܘ ܒܘܼܫ ܙܵܘܕܵܐ ܡ̣ܢ ܠܸܡܢܵܝܵܐ. 
\q1  
\v 6 ܒܕܸܒ݂ܚܵܐ ܘܒܩܘܼܪܒܵܢܵܐ ܠܵܐ ܒܣܝܼܡ ܠܵܗ̇ ܠܘܼܟ݂، 
\q1 ܩܵܡ ܦܵܬܚܹܬ ܠܗܘܿܢ ܢܵܬܝܵܬ‌ܝܼ̈، 
\q1 ܕܸܒ݂ܚܵܐ ܡܘܼܩܕܵܐ ܘܕܸܒ݂ܚܵܐ ܕܚܛܝܼܬܵ‌ܐ ܠܵܐ ܛܠܝܼܒ ܠܘܼܟ݂. 
\q1  
\v 7 ܗ̇ܝܓܵܗ ܐܡܝܼܪܝܼ: ”ܗܵܐ، ܐܬܝܼܵܐ ܝܘܸܢ، 
\q1 ܒܟܸܪܟ݂ܵܐ ܕܟܬܵܒ݂ܵܐ ܦܝܼܫܵܐ ܠܹܗ ܟܬܝܼܒ݂ܵܐ ܒܘܼܬ ܕܝܼܝܼ. 
\q1  
\v 8 ”ܠܸܥܒ݂ܵܕܵܐ ܨܸܒ݂ܝܵܢܘܼܟ݂، ܝܵܐ ܐܲܠܵܗ‌ܝܼ، ܩܘܼܒܸܠܔ ܠܝܼ ܒܘܼܣܵܡܵܐ، 
\q1 ܘܢܵܡܘܿܣܘܼܟ݂ ܓܵܘ ܠܸܒܝܼ ܝܠܹܗ.“ 
\q1  
\v 9 ܡܘܼܫܚܸܕ ܠܝܼ ܙܲܕܝܼܩܘܼܬܵ‌ܐ ܒܟܸܢܫܵܐ ܓܘܼܪܵܐ، 
\q1 ܗܵܐ، ܣܸܦܘܵܬ‌ܝܼ̈ ܠܹܐ ܡܲܟܠܸܢܗܘܿܢ، 
\q1 ܐܲܢ݇ܬ ܟܹܐ ܝܵܕܥܹܬ، ܝܵܐ ܡܵܪܝܵܐ. 
\q1  
\v 10 ܙܲܕܝܼܩܘܼܬܘܼܟ݂ ܠܵܐ ܟܘܼܣܝܵܐ ܠܝܼ ܓܵܘ ܠܸܒܝܼ، 
\q1 ܗܘܼܡܙܸܡ ܠܝܼ ܒܘܼܬ ܡܗܘܼܡܢܘܼܬܘܼܟ݂ ܘܒܘܼܬ ܦܘܼܪܩܵܢܘܼܟ݂، 
\q1 ܠܛܲܝܒܘܼܬܘܼܟ݂ ܘܫܲܪܝܼܪܘܼܬܘܼܟ݂ ܠܵܐ ܛܘܼܫܹܐ ܠܝܼ ܡ̣ܢ ܟܸܢܫܵܐ ܓܘܼܪܵܐ. 
\q1  
\v 11 ܐܲܢ݇ܬ، ܝܵܐ ܡܵܪܝܵܐ، ܠܹܐ ܚܵܣܟܹܬ ܪ̈ܲܚܡܘܼܟ݂ ܡܸܢܝܼ، 
\q1 ܛܲܝܒܘܼܬܘܼܟ݂ ܘܫܲܪܝܼܪܘܼܬܘܼܟ݂ ܐܲܡܝܼܢܵܐܝܼܬ ܟܹܐ ܢܵܛܪܝܼ ܠܝܼ. 
\q1  
\v 12 ܣܵܒܵܒ ܩܵܡ ܟܵܪܟ݂ܝܼ ܠܝܼ ܒܝܼܫܵܬܹ̈‌ܐ ܒܠܵܐ ܡܸܢܝܵܢܵܐ، 
\q1 ܡܸܛܝܸܢܗܘܿܢ ܥܵܘܠܝܼ̈ ܘܠܹܐ ܝܘܸܢ ܒܸܡܨܵܝܵܐ ܕܚܵܙܹܝܢ، 
\q1 ܙܝܼܕ ܠܗܘܿܢ ܡ̣ܢ ܣܲܥܪܵܐ ܕܪܹܝܫܝܼ ܘܠܸܒܝܼ ܩܵܡ ܫܵܒܹܩ ܠܝܼ. 
\q1  
\v 13 ܒܵܣܡܵܐ ܠܘܼܟ݂، ܝܵܐ ܡܵܪܝܵܐ، ܠܦܲܨܘܼܝܝܼ، 
\q1 ܡܲܠܝܸܙ ܠܗܲܝܲܪܬ‌ܝܼ، ܝܵܐ ܡܵܪܝܵܐ. 
\q1  
\v 14 ܢܵܟ݂ܦܝܼ ܘܦܵܝܫܝܼ ܡܘܼܢܟܸܦܹܐ ܟܠܵܝܗ‌ܝ ܛܵܥܝܵܢܹ̈ܐ ܠܓܵܢܝܼ ܠܛܲܠܘܼܩܘܼܗ̇، 
\q1 ܕܵܝܪܝܼ ܠܒܵܬܪܵܐ ܘܗܵܘܝܼ ܡܘܼܣܠܝܼܹܐ 
\q1 ܐܵܢܝܼ ܕܒܵܣܡܵܐ ܠܗܘܿܢ ܒܒܝܼܫܬ‌ܝܼ. 
\q1  
\v 15 ܦܵܝܫܝܼ ܬܡܝܼܗܹܐ ܡ̣ܢ ܢܟ݂ܝܼܦܬܵܝܗ‌ܝ، 
\q1 ܐܵܢܝܼ ܕܟܹܐ ܐܵܡܪܝܼ ܐܸܠܝܼ: ”ܐܘܿܚܲܝ! ܐܘܿܚܲܝ!“ 
\q1  
\v 16 ܚܵܕܝܼ ܘܦܵܨܚܝܼ ܒܝܼܘܼܟ݂ ܟܠܵܝܗ‌ܝ ܛܵܥܝܵܢܹ̈ܐ ܐܸܠܘܼܟ݂، 
\q1 ܐܵܡܪܝܼ ܐܲܡܝܼܢܵܐܝܼܬ ܡܲܚܸܒܵܢܹ̈ܐ ܕܦܘܼܪܩܵܢܘܼܟ݂: 
\q1 ”ܗܵܘܹܐ ܓܘܼܪܵܐ ܡܵܪܝܵܐ.“ 
\q1  
\v 17 ܘܐܵܢܵܐ ܡܸܣܟܹܢܵܐ ܝܘܸܢ ܘܣܢܝܼܩܵܐ، 
\q1 ܡܵܪܝܵܐ ܟܹܐ ܬܲܚܡܸܢ ܒܘܼܬ ܕܝܼܝܼ، 
\q1 ܗܲܝܲܪܬ‌ܝܼ ܘܦܲܨܝܵܢܝܼ ܐܲܢ݇ܬ ܝܼܘܸܬ، 
\q1 ܝܵܐ ܐܲܠܵܗ‌ܝܼ، ܠܵܐ ܥܲܪܩܸܠܸܬ. 
\c 41  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܛܘܼܒ݂ܵܐ ܠܡ̇ܢ ܕܬܲܚܡܸܢ ܒܘܼܬ ܡܸܣܟܹܢܵܐ، 
\q1 ܒܝܵܘܡܵܐ ܕܒܝܼܫܬܵ‌ܐ ܒܸܬ ܦܲܨܹܐ ܠܹܗ ܡܵܪܝܵܐ. 
\q1  
\v 2 ܡܵܪܝܵܐ ܒܸܬ ܢܵܛܹܪܹܗ ܘܚܲܡܹܐ ܠܹܗ ܚܵܝܵܐ، 
\q1 ܒܸܬ ܗܵܘܹܐ ܛܘܼܒ݂ܵܢܵܐ ܒܐܲܪܥܵܐ، 
\q1 ܘܠܹܐ ܣܲܦܹܝܬ ܠܹܗ ܒܨܸܒ݂ܝܵܢܵܐ ܕܕܸܫ̃ܡܸܢܘܼ̈ܗ‌ܝ. 
\q1  
\v 3 ܡܵܪܝܵܐ ܒܸܬ ܣܵܢܹܕ ܠܹܗ ܥܲܠܔ ܫܘܝܼܬܵ‌ܐ ܕܟܹܐܒ݂ܘܼ̈ܗ‌ܝ، 
\q1 ܠܚܘܼܠܡܵܢܵܐ ܡܘܼܕܸܪܘܼܟ݂ ܟܠܹܗ ܡܲܪܥܹܗ. 
\q1  
\v 4 ܐܵܢܵܐ ܐܡܝܼܪܝܼ: ”ܝܵܐ ܡܵܪܝܵܐ، ܪܲܚܸܡ ܥܲܠܝܼ، 
\q1 ܒܲܣܸܡ ܠܓܵܢܝܼ ܒܗ̇ܝ ܕܚܛܹܐ ܠܝܼ ܐܸܠܘܼܟ݂.“ 
\q1  
\v 5 ܕܸܫ̃ܡܸܢܝܼ̈ ܟܹܐ ܐܵܡܪܝܼ ܒܝܼܫܬܵ‌ܐ ܥܲܠܝܼ: 
\q1 ”ܐܝܼܡܲܢ ܒܸܬ ܡܵܐܹܬ ܘܛܵܠܹܩ ܫܸܡܹܗ؟“ 
\q1  
\v 6 ܘܐܸܢ ܐܵܬܹ‌ܐ ܠܸܚܙܵܝܝܼ ܣܪܝܼܩܘܼܬܵ‌ܐ ܟܹܐ ܗܲܡܙܸܡ، 
\q1 ܟܹܐ ܓ̰ܲܡܸܥ ܥܵܘܠܵܐ ܠܸܒܹܗ، 
\q1 ܟܹܐ ܦܵܠܹܛ ܠܫܘܼܩܵܐ ܘܟܹܐ ܗܲܡܙܸܡ. 
\q1  
\v 7 ܟܠܵܝܗ‌ܝ ܣܵܢܝܵܢܝܼ̈ ܡܸܚܕܵܕܹ̈ܐ ܟܹܐ ܦܲܛܦܸܛܝܼ ܠܕܲܠܩܘܼܒ݂ܠܝܼ، 
\q1 ܟܹܐ ܚܵܫܒ݂ܝܼ ܒܝܼܫܬܵ‌ܐ ܥܲܠܝܼ، ܒܹܐܡܵܪܵܐ: 
\q1  
\v 8 ”ܡܸܢܕܝܼ ܣܸܪܝܵܐ ܫܦܝܼܟ݂ܵܐ ܝܠܹܗ ܥܲܠܘܼܗ‌ܝ، 
\q1 ܘܐܝܼܡܲܢ ܕܕܵܡܹܟ݂ ܠܹܐ ܩܵܐܹܡ ܡܸܢܕܪܸܫ.“ 
\q1  
\v 9 ܐܘܼܦ ܪܵܚܡܝܼ ܕܩܘܼܪܒܵܐ، ܗ̇ܘ ܕܗܘܼܡܸܢܝܼ ܒܝܼܹܗ، ܐܵܟ݂ܠܵܢܵܐ ܕܠܲܚܡܝܼ، 
\q1 ܡܘܼܪܸܡ ܠܹܗ ܥܲܠܝܼ ܥܸܩܒܹܗ. 
\q1  
\v 10 ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܪܲܚܸܡ ܥܲܠܝܼ، ܘܡܲܩܸܡ ܠܝܼ ܕܦܵܪܥܹܢܗܘܿܢ. 
\q1  
\v 11 ܒܐܵܗܵܐ ܝܕܝܼܥ ܠܝܼ ܕܟܹܐ ܒܵܣܡܵܐ ܠܘܼܟ݂ ܒܝܼܝܼ، 
\q1 ܒܗ̇ܝ ܕܠܹܐ ܡܲܩܘܸܚ ܕܸܫ̃ܡܸܢܝܼ ܒܙܵܟ݂ܘܼܬܵ‌ܐ ܥܲܠܝܼ. 
\q1  
\v 12 ܘܒܘܼܬ ܕܝܼܝܼ، ܩܵܡ ܣܵܢܕܹܬ ܠܝܼ ܒܬܲܡܝܼܡܘܼܬ‌ܝܼ، 
\q1 ܘܢܨܝܼܒ݂ ܠܘܼܟ݂ ܐܸܠܝܼ ܩܲܕܡ ܦܵܬܘܼܟ݂ ܠܥܵܠܲܡ. 
\q1  
\v 13 ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ ܕܐܝܼܣܪܵܐܹܝܠܔ، 
\q1 ܡ̣ܢ ܥܵܠܲܡ ܗܲܠܔ ܥܵܠܲܡ، 
\q1 ܐܵܡܹܝܢ ܘܐܵܡܹܝܢ. 
\c 42  
\ms1 ܣܸܦܪܵܐ ܬܪܲܝܵܢܵܐ 
\mr ܡܙܡܘܪ̈ܐ 42‏‐72 
\s1 ܠܪܝܫ ܓܘܕܐ ܕܙܡܪ̈ܐ. ܡܲܣܟܝܼܠܔ ܕܒܢܝ̈ ܩܘܪܚ. 
\q1  
\v 1 ܐܲܝܟ݂ ܐܲܝܠܵܐ ܕܪܲܚܪܸܚ ܠܫܵܩ̈ܝܼܵܬܹ‌ܐ ܕܡ̈ܝܼܵܐ، 
\q1 ܗܵܕܟ݂ܵܐ ܓܵܢܝܼ ܪܲܚܪܘܼܚܹܐ ܝܠܵܗ̇ ܐܸܠܘܼܟ݂، ܝܵܐ ܐܲܠܵܗܵܐ. 
\q1  
\v 2 ܨܗܝܼܬܵ‌ܐ ܝܠܵܗ̇ ܓܵܢܝܼ ܠܐܲܠܵܗܵܐ، ܠܐܲܠܵܗܵܐ ܚܵܝܵܐ. 
\q1 ܐܝܼܡܲܢ ܒܸܬ ܐܵܬܹܝܢ ܘܦܵܝܫܹܢ ܚܸܙܝܵܐ ܩܲܕܡ ܐܲܠܵܗܵܐ؟ 
\q1  
\v 3 ܕܸܡܥܝܼܬ‌ܝܼ ܗܘܹܐ ܠܵܗ̇ ܐܸܠܝܼ ܠܡܹܐܟ݂ܘܼܠܬܵ‌ܐ، ܐܝܼܡܵܡܵܐ ܘܠܲܝܠܹܐ، 
\q1 ܟܲܕ ܒܹܐܡܵܪܵܐ ܝܢܵܐ ܐܸܠܝܼ ܟܠܹܗ ܝܵܘܡܵܐ: ”ܐܲܝܟܵܐ ܝܠܹܗ ܐܲܠܵܗܘܼܟ݂؟“ 
\q1  
\v 4 ܐܲܢܹܐ ܟܹܐ ܕܵܟ݂ܪܹܢ ܘܟܹܐ ܝܵܠܨܵܐ ܥܲܠܝܼ ܓܵܢܝܼ: 
\q1 ܕܵܐܟ݂ܝܼ ܕܥܒ݂ܝܼܪܝܼ ܓܵܘ ܟܸܢܫܵܐ، ܙܘܼܝܸܚ ܠܝܼ ܥܲܡܵܝܗ‌ܝ ܗܲܠܔ ܒܲܝܬܵ‌ܐ ܕܐܲܠܵܗܵܐ، 
\q1 ܒܩܵܠܵܐ ܕܬܸܫܒܘܿܚܬܵ‌ܐ ܘܫܲܟܲܪܬܵ‌ܐ، ܟܢܘܼܫܝܵܐ ܒܸܥܒ݂ܵܕܵܐ ܥܹܐܕܵܐ. 
\q1  
\v 5 ܩܵܡܘܿܕܝܼ ܟܝܼܦܬܵ‌ܐ ܝܘܲܬ‌ܝ، ܝܵܐ ܓܵܢܝܼ، 
\q1 ܘܫܓ݂ܝܼܫܬܵ‌ܐ ܝܘܲܬ‌ܝ ܒܓܵܘܝܼ؟ 
\q1 ܣܦܘܿܪܝ ܠܐܲܠܵܗܵܐ، ܣܵܒܵܒ ܡܸܢܕܪܸܫ ܒܸܬ ܫܲܟܪܸܢܹܗ، 
\q1 ܝܵܐ ܦܵܪܘܿܩܝܼ 
\q1  
\v 6 ܘܐܲܠܵܗ‌ܝܼ. ܓܵܢܝܼ ܟܝܼܦܬܵ‌ܐ ܝܠܵܗ̇ ܒܓܵܘܝܼ، 
\q1 ܒܘܼܬ ܐܵܗܵܐ، ܒܸܬ ܕܵܟ݂ܪܹܢܘܼܟ݂ ܡ̣ܢ ܐܲܪܥܵܐ ܕܝܘܿܪܕܢܵܢ، 
\q1 ܘܛܘܼܪ̈ܵܢܹܐ ܕܚܸܪܡܘܿܢ، ܡ̣ܢ ܛܘܼܪܵܐ ܕܡܸܨܥܲܪ. 
\q1  
\v 7 ܬܗܘܿܡܵܐ ܠܬܗܘܿܡܵܐ ܟܹܐ ܩܵܪܹܐ ܒܩܵܠܵܐ ܕܫܲܪܫܘܿܪ̈ܘܼܟ݂، 
\q1 ܟܠܵܝܗ‌ܝ ܡܲܚܫܘܼܠܘܼ̈ܟ݂ ܘܠܲܦܘܼ̈ܟ݂ ܥܲܠܝܼ ܥܒ݂ܝܼܪܗܘܿܢ. 
\q1  
\v 8 ܒܐܝܼܡܵܡܵܐ ܟܹܐ ܦܵܩܹܕ ܡܵܪܝܵܐ ܛܲܝܒܘܼܬܹܗ، 
\q1 ܘܒܠܲܝܠܹܐ ܬܸܫܒܘܿܚܬܹܗ ܥܲܡܝܼ ܝܠܵܗ̇- 
\q1 ܨܠܘܿܬܵ‌ܐ ܠܐܲܠܵܗܵܐ ܕܚܲܝܝܼ̈. 
\q1  
\v 9 ܒܸܬ ܐܵܡܪܹܢ ܠܐܲܠܵܗܵܐ ܩܵܝܝܼ: ”ܩܵܡܘܿܕܝܼ ܩܵܡ ܡܲܢܫܹܝܬ ܠܝܼ؟ 
\q1 ܩܵܡܘܿܕܝܼ ܚܵܕܪܹܢ ܒܸܥܒ݂ܵܕܵܐ ܐܸܒ݂ܠܵܐ ܒܡܲܠܝܲܨܬܵ‌ܐ ܕܕܸܫ̃ܡܸܢ؟ 
\q1  
\v 10 ”ܐܲܝܟ݂ ܬܒ݂ܵܪܬܵ‌ܐ ܕܓܵܘ ܓܲܪ̈ܡܝܼ ܟܹܐ ܠܵܝܡܝܼ ܠܝܼ ܡܲܠܝܸܨܵܢܝܼ̈، 
\q1 ܟܲܕ ܒܹܐܡܵܪܵܐ ܝܢܵܐ ܐܸܠܝܼ ܟܠܹܗ ܝܵܘܡܵܐ: ܐܲܝܟܵܐ ܝܠܹܗ ܐܲܠܵܗܘܼܟ݂؟“ 
\q1  
\v 11 ܩܵܡܘܿܕܝܼ ܟܝܼܦܬܵ‌ܐ ܝܘܲܬ‌ܝ، ܝܵܐ ܓܵܢܝܼ؟ 
\q1 ܘܩܵܡܘܿܕܝܼ ܫܓ݂ܝܼܫܬܵ‌ܐ ܝܘܲܬ‌ܝ ܒܓܵܘܝܼ؟ 
\q1 ܣܦܘܿܪܝ ܠܐܲܠܵܗܵܐ ܣܵܒܵܒ ܡܸܢܕܪܸܫ ܒܸܬ ܫܲܟܪܸܢܹܗ، 
\q1 ܝܵܐ ܦܵܪܘܿܩܝܼ ܘܐܲܠܵܗ‌ܝܼ. 
\c 43  
\q1  
\v 1 ܥܒ݂ܘܿܕ ܕܝܼܘܵܢܝܼ، ܝܵܐ ܐܲܠܵܗܵܐ، ܘܫܩܘܿܠܔ ܬܘܼܥܠܝܼ ܡ̣ܢ ܐܘܼܡܬܵ‌ܐ ܠܵܐ ܡܗܘܼܡܸܢܬܵ‌ܐ، 
\q1 ܡ̣ܢ ܐܢܵܫܵܐ ܕܦܸܠܡܵܐ ܘܥܵܘܠܵܐ ܦܲܨܝܼ ܠܝܼ. 
\q1  
\v 2 ܣܵܒܵܒ ܐܲܢ݇ܬ ܝܼܘܸܬ ܐܲܠܵܗܵܐ ܕܚܲܝܠܝܼ؛ ܩܵܡܘܿܕܝܼ ܡܘܼܚܦܸܠܔ ܠܘܼܟ݂ ܐܸܠܝܼ؟ 
\q1 ܩܵܡܘܿܕܝܼ ܚܵܕܪܹܢ ܒܸܥܒ݂ܵܕܵܐ ܐܸܒ݂ܠܵܐ ܒܡܲܠܝܲܨܬܵ‌ܐ ܕܕܸܫ̃ܡܸܢ؟ 
\q1  
\v 3 ܫܲܕܸܪ ܒܲܗܪܘܼܟ݂ ܘܫܲܪܝܼܪܘܼܬܘܼܟ݂، ܐܵܢܝܼ ܒܸܬ ܡܕܲܒܪܝܼ ܠܝܼ، 
\q1 ܒܸܬ ܡܲܝܬ‌ܝܼ ܠܝܼ ܠܛܘܼܪܵܐ ܕܩܘܼܕܫܘܼܟ݂ ܘܠܡܲܫܟܢܘܼ̈ܟ݂. 
\q1  
\v 4 ܗ̇ܝܓܵܗ ܒܸܬ ܐܵܬܹܝܢ ܠܡܲܕܒܚܵܐ ܕܐܲܠܵܗܵܐ، 
\q1 ܠܟܸܣ ܐܲܠܵܗܵܐ ܕܪܲܒܘܼܬܵ‌ܐ ܕܦܨܵܚܬ‌ܝܼ، 
\q1 ܘܒܸܬ ܫܲܟܪܸܢܘܼܟ݂ ܒܟܸܢܵܪܵܐ، ܝܵܐ ܐܲܠܵܗܵܐ، ܐܲܠܵܗ‌ܝܼ. 
\q1  
\v 5 ܩܵܡܘܿܕܝܼ ܟܝܼܦܬܵ‌ܐ ܝܘܲܬ‌ܝ، ܝܵܐ ܓܵܢܝܼ؟ 
\q1 ܘܩܵܡܘܿܕܝܼ ܫܓ݂ܝܼܫܬܵ‌ܐ ܝܘܲܬ‌ܝ ܒܓܵܘܝܼ؟ 
\q1 ܣܦܘܿܪܝ ܠܐܲܠܵܗܵܐ ܣܵܒܵܒ ܡܸܢܕܪܸܫ ܒܸܬ ܫܲܟܪܸܢܹܗ، 
\q1 ܝܵܐ ܦܵܪܘܿܩܝܼ ܘܐܲܠܵܗ‌ܝܼ. 
\c 44  
\s1 ܠܪܝܫ ܓܘܕܐ ܕܙܡܪ̈ܐ. ܡܲܣܟܝܼܠܔ ܕܒܢܝ̈ ܩܘܪܚ. 
\q1  
\v 1 ܝܵܐ ܐܲܠܵܗܵܐ ܒܢܵܬܝܵܬܲܢ̈ ܫܡܝܼܥ ܠܲܢ، ܐܲܒ݂ܵܗܵܬܲܢ̈ ܗܘܼܩܹܐ ܠܗܘܿܢ ܐܸܠܲܢ، 
\q1 ܒܘܼܬ ܦܘܼܠܚܵܢܹ̈ܐ ܕܦܠܝܼܚ ܠܘܼܟ݂ ܒܝܵܘܡܵܢܵܝ̈ܗ‌ܝ، ܒܝܵܘܡܵܢܹ̈ܐ ܩܲܕܝܼܡܵܝܹ̈ܐ. 
\q1  
\v 2 ܐܲܢ݇ܬ ܒܐܝܼܕܘܼܟ݂ ܛܪܝܼܕܵܝ ܠܘܼܟ݂ ܐܸܡܘܵܬܹ̈‌ܐ ܘܢܨܝܼܒ݂ܵܝ ܠܘܼܟ݂ ܐܲܒ݂ܵܗܵܬܲܢ̈، 
\q1 ܥܒ݂ܝܼܕ ܠܘܼܟ݂ ܣܪܝܼܬܵ‌ܐ ܠܥܲܡܡܹ̈ܐ ܘܡܘܼܦܪܸܣܵܝ ܠܘܼܟ݂ ܐܲܒ݂ܵܗܵܬܲܢ̈. 
\q1  
\v 3 ܣܵܒܵܒ ܠܹܐ ܝܗܘܵܐ ܒܣܲܝܦܵܝܗ‌ܝ ܕܩܵܡ ܝܵܪܬ‌ܝܼ ܠܵܗ̇ ܐܲܪܥܵܐ، 
\q1 ܐܵܦܠܵܐ ܕܪܲܥܢܵܝܗ‌ܝ ܩܵܡ ܦܲܪܸܩ ܠܗܘܿܢ، 
\q1 ܐܸܠܵܐ ܝܲܡܝܼܢܘܼܟ݂ ܘܕܪܲܥܢܘܼܟ݂ ܘܒܲܗܪܵܐ ܕܦܵܬܘܼܟ݂، 
\q1 ܣܵܒܵܒ ܒܣܝܼܡ ܠܵܗ̇ ܠܘܼܟ݂ ܒܝܼܵܝܗ‌ܝ. 
\q1  
\v 4 ܐܲܢ݇ܬ ܝܼܘܸܬ ܡܲܠܟܝܼ، ܝܵܐ ܐܲܠܵܗܵܐ، 
\q1 ܦܩܘܿܕ ܦܘܼܪܩܵܢܵܐ ܕܝܲܥܩܘܿܒ݂. 
\q1  
\v 5 ܒܝܼܘܼܟ݂ ܒܸܬ ܡܵܚܲܚ ܠܡܲܠܝܸܨܵܢܲܢ̈، 
\q1 ܒܫܸܡܘܼܟ݂ ܒܸܬ ܕܲܫܕܸܫܲܚ ܠܩܵܝܡܵܢܹ̈ܐ ܕܥܲܠܲܢ. 
\q1  
\v 6 ܣܵܒܵܒ ܒܩܸܫܬ‌ܝܼ ܠܹܐ ܦܵܝܫܹܢ ܒܣܲܒ݂ܪܵܐ، 
\q1 ܘܣܲܝܦܝܼ ܠܹܐ ܦܲܪܸܩ ܠܝܼ. 
\q1  
\v 7 ܣܵܒܵܒ ܐܲܢ݇ܬ ܩܵܡ ܦܲܪܩܸܬ ܠܲܢ ܡ̣ܢ ܡܲܠܝܸܨܵܢܲܢ̈، 
\q1 ܘܣܵܢܝܵܢܲܢ̈ ܡܘܼܢܟܸܦܵܝ ܠܘܼܟ݂. 
\q1  
\v 8 ܒܐܲܠܵܗܵܐ ܫܘܼܒܸܚ ܠܲܢ ܟܠܹܗ ܝܵܘܡܵܐ، 
\q1 ܘܠܫܸܡܘܼܟ݂ ܗܲܠܔ ܥܵܠܲܡ ܒܸܬ ܫܲܟܪܲܚ. \qs ܣܹܠܵܗ\qs* 
\q1  
\v 9 ܐܝܼܢܵܐ ܡܘܼܚܦܸܠܔ ܠܘܼܟ݂ ܘܡܘܼܢܟܸܦ ܠܘܼܟ݂ ܐܸܠܲܢ، 
\q1 ܘܠܹܐ ܦܵܠܛܹܬ ܥܲܡ ܚܲܝܠܵܘܵܬܲܢ̈. 
\q1  
\v 10 ܡܘܼܕܸܪܘܼܟ݂ ܐܸܠܲܢ ܠܒܵܬܪܵܐ ܡ̣ܢ ܩܲܕܡ ܕܸܫ̃ܡܸܢ، 
\q1 ܘܣܵܢܝܵܢܲܢ̈ ܣܠܝܼܒ ܠܗܘܿܢ ܩܵܐ ܓܵܢܵܝܗ‌ܝ. 
\q1  
\v 11 ܩܵܡ ܝܵܗܒܹܬ ܠܲܢ ܐܲܝܟ݂ ܥܸܪ̈ܒܹܐ ܕܦܵܝܫܲܚ ܐܟ݂ܝܼܠܹܐ، 
\q1 ܘܓܵܘ ܐܸܡܘܵܬܹ̈‌ܐ ܩܵܡ ܒܵܙܩܹܬ ܠܲܢ. 
\q1  
\v 12 ܙܘܼܒܸܢܘܼܟ݂ ܠܥܲܡܘܼܟ݂ ܪܵܒܵܐ ܐܲܪܙܵܢ، 
\q1 ܘܠܵܐ ܩܢܹܐ ܠܘܼܟ݂ ܒܛܝܼܡܵܝ̈ܗ‌ܝ. 
\q1  
\v 13 ܩܵܡ ܥܵܒ݂ܕܹܬ ܠܲܢ ܠܵܘܡܵܐ ܠܫܒ݂ܵܒܲܢ̈، 
\q1 ܡܲܣܚܲܪܬܵ‌ܐ ܘܠܵܘܡܵܐ ܠܐܵܢܝܼ ܕܝܼܢܵܐ ܚܵܕܸܪ̈ܘܵܢܲܢ. 
\q1  
\v 14 ܩܵܡ ܥܵܒ݂ܕܹܬ ܠܲܢ ܡܲܬܠܵܐ ܓܵܘ ܐܸܡܘܵܬܹ̈‌ܐ، 
\q1 ܥܸܠܬܵ‌ܐ ܕܫܥܵܫܬܵ‌ܐ ܕܪܹܝܫܵܐ ܓܵܘ ܥܲܡܡܹ̈ܐ. 
\q1  
\v 15 ܟܠܹܗ ܝܵܘܡܵܐ ܢܟܸܦܬ‌ܝܼ ܩܲܕܡܝܼ ܝܠܵܗ̇، 
\q1 ܘܢܟܸܦܬܵ‌ܐ ܕܦܵܬ‌ܝܼ ܩܵܡ ܟܲܣܝܵܐ ܠܝܼ. 
\q1  
\v 16 ܡ̣ܢ ܥܸܠܬܵ‌ܐ ܕܩܵܠܵܐ ܕܠܵܝܡܵܢܵܐ ܘܓܵܕܦܵܢܵܐ، 
\q1 ܡ̣ܢ ܩܲܕܡ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ. 
\q1  
\v 17 ܟܠܵܗ̇ ܐܵܗܵܐ ܐܬܹ‌ܐ ܠܵܗ̇ ܥܲܠܲܢ ܘܠܵܐ ܢܫܹܐ ܠܲܢ ܐܸܠܘܼܟ݂، 
\q1 ܘܠܵܐ ܕܘܼܓܸܠܔ ܠܲܢ ܠܘܲܥܕܘܼܟ݂. 
\q1  
\v 18 ܠܵܐ ܕܝܼܪܹܗ ܠܒܵܬܪܵܐ ܠܸܒܲܢ، 
\q1 ܐܵܦܠܵܐ ܩܠܝܼܒ ܠܗܘܿܢ ܦܵܣܘܿܥܝܵܬܲܢ̈ ܡ̣ܢ ܐܘܼܪܚܘܼܟ݂. 
\q1  
\v 19 ܐܝܼܢܵܐ ܩܵܡ ܛܵܒ݂ܚܹܬ ܠܲܢ ܒܐܲܪܥܵܐ ܕܟ̰ܲܩܵܠܹ̈ܐ، 
\q1 ܘܩܵܡ ܡܲܟܣܸܬ ܠܲܢ ܒܛܸܠܵܢܝܼܬܵ‌ܐ ܕܡܵܘܬܵ‌ܐ. 
\q1  
\v 20 ܐܸܢ ܗܵܘܲܚ ܢܸܫܝܹܗ ܫܸܡܵܐ ܕܐܲܠܵܗܲܢ، 
\q1 ܘܦܪܝܼܣܵܝ ܐܝܼܕܵܬܲܢ̈ ܠܟܸܣ ܐܲܠܵܗܵܐ ܢܘܼܟ݂ܪܵܝܵܐ؛ 
\q1  
\v 21 ܗܵܐ، ܠܹܐ ܒܵܚܹܪ ܐܲܠܵܗܵܐ ܠܐܵܗܵܐ؟ 
\q1 ܣܵܒܵܒ ܗ̇ܘ ܟܹܐ ܝܵܕܹܥ ܡܸܢܕܝܼ ܛܸܫܝܵܐ ܕܠܸܒܵܐ. 
\q1  
\v 22 ܐܝܼܢܵܐ ܒܘܼܬ ܕܝܼܘܼܟ݂ ܦܝܵܫܵܐ ܝܘܲܚ ܩܛܝܼܠܹܐ ܟܠܹܗ ܝܵܘܡܵܐ، 
\q1 ܦܝܼܫ ܠܲܢ ܚܘܼܫܒܸܢܹܐ ܐܲܝܟ݂ ܥܸܪ̈ܒܹܐ ܠܦܪܵܡܬܵ‌ܐ. 
\q1  
\v 23 ܪܥܘܿܫ، ܩܵܡܘܿܕܝܼ ܛܵܠܥܹܬ، ܝܵܐ ܡܵܪܝܵܐ؟ 
\q1 ܦܘܼܫ ܪܥܝܼܫܵܐ، ܠܵܐ ܪܲܦܹܝܬ ܠܲܢ ܠܥܵܠܲܡ. 
\q1  
\v 24 ܩܵܡܘܿܕܝܼ ܛܲܫܹܝܬ ܠܵܗ̇ ܦܵܬܘܼܟ݂، 
\q1 ܘܢܵܫܹܝܬ ܥܵܘܩܵܢܲܢ̈ ܘܐܘܼܠܨܵܢܲܢ̈؟ 
\q1  
\v 25 ܣܵܒܵܒ ܟܝܼܦ ܠܵܗ̇ ܠܥܲܦܪܵܐ ܓܵܢܲܢ، 
\q1 ܛܦܹܐ ܠܵܗ̇ ܠܐܲܪܥܵܐ ܟܹܪ݇ܣܲܢ. 
\q1  
\v 26 ܩܘܼܡ ܠܗܲܝܲܪܬܵ‌ܐ ܐܸܠܲܢ، 
\q1 ܘܦܲܪܸܩ ܠܲܢ ܒܘܼܬ ܛܲܝܒܘܼܬܘܼܟ݂. 
\c 45  
\s1 ܠܪܝܫ ܓܘܕܐ ܕܙܡܪ̈ܐ: ܥܠܔ ܫܘܼܫܲܢܝܼܡ. ܡܣܟܝܠܔ ܕܒܢܝ̈ ܩܘܪܚ. ܙܡܪܬ‌ܐ ܕܚܘܒܐ. 
\q1  
\v 1 ܚܲܒܪܵܐ ܛܵܒ݂ܵܐ ܒܸܢܒ݂ܵܥܵܐ ܝܠܹܗ ܡ̣ܢ ܠܸܒܝܼ، 
\q1 ܒܹܐܡܵܪܵܝ ܝܘܸܢ ܓ̰ܲܪ̈ܓܝܼ ܠܡܲܠܟܵܐ، 
\q1 ܠܸܫܵܢܝܼ ܩܲܢܝܵܐ ܕܣܵܦܪܵܐ ܡܗܝܼܪܵܐ. 
\q1  
\v 2 ܒܘܼܫ ܫܲܦܝܼܪܵܐ ܝܘܸܬ ܡ̣ܢ ܒܢܲܝ̈ܢܵܫܵܐ، 
\q1 ܫܦܝܼܟ݂ܬܵ‌ܐ ܝܠܵܗ̇ ܫܵܦܵܩܲܬ ܥܲܠܔ ܣܸܦܘܵܬܘܼ̈ܟ݂، 
\q1 ܒܘܼܬ ܐܵܗܵܐ، ܩܵܡ ܒܲܪܸܟ݂ ܠܘܼܟ݂ ܐܲܠܵܗܵܐ ܠܥܵܠܲܡ. 
\q1  
\v 3 ܐܣܘܿܪ ܣܲܝܦܘܼܟ݂ ܥܲܠܔ ܥܸܛܡܵܐ، ܝܵܐ ܓܲܒܵܪܵܐ، 
\q1 ܒܚܸܩܪܘܼܟ݂ ܘܫܘܼܒ݂ܚܘܼܟ݂، 
\q1  
\v 4 ܘܒܫܘܼܒ݂ܚܘܼܟ݂ ܪܟܘܿܒ݂ ܥܲܠܔ ܣܘܼܣܵܐ ܘܗܘܝܼ ܓ݂ܵܠܒܵܢܵܐ، 
\q1 ܩܵܐ ܒܘܼܬ ܫܪܵܪܵܐ ܘܡܲܟܝܼܟ݂ܘܼܬܵ‌ܐ ܘܙܲܕܝܼܩܘܼܬܵ‌ܐ، 
\q1 ܫܒ݂ܘܿܩ ܝܲܡܝܼܢܘܼܟ݂ ܡܲܠܦܵܐ ܐܸܠܘܼܟ݂ ܥܒ݂ܵܕܹ̈ܐ ܣܲܗܡܵܢܹ̈ܐ. 
\q1  
\v 5 ܚܲܪ̈ܝܼܦܹܐ ܝܢܵܐ ܓܹܐܪ̈ܘܼܟ݂، 
\q1 ܥܲܡܡܹ̈ܐ ܬܚܘܿܬ ܐܲܩܠܘܼ̈ܟ݂ ܟܹܐ ܢܵܦܠܝܼ، 
\q1 ܟܹܐ ܛܵܥܨܝܼ ܓܹܐܪ̈ܘܼܟ݂ ܒܠܸܒܵܐ ܕܕܸܫ̃ܡܸܢܘܼ̈ܟ݂، ܝܵܐ ܡܲܠܟܵܐ. 
\q1  
\v 6 ܬܪܘܿܢܘܿܣܘܼܟ݂، ܝܵܐ ܐܲܠܵܗܵܐ، ܠܥܵܠܲܡ ܥܵܠܡܝܼܢ، 
\q1 ܚܘܼܛܪܵܐ ܕܬܪܘܼܨܘܼܬܵ‌ܐ ܚܘܼܛܪܵܐ ܕܡܲܠܟܘܼܬܘܼܟ݂. 
\q1  
\v 7 ܡܘܼܚܸܒ ܠܘܼܟ݂ ܙܲܕܝܼܩܘܼܬܵ‌ܐ ܘܣܢܹܐ ܠܘܼܟ݂ ܒܝܼܫܘܼܬܵ‌ܐ، 
\q1 ܒܘܼܬ ܐܵܗܵܐ، ܝܵܐ ܐܲܠܵܗܵܐ، ܩܵܡ ܡܵܫܹܚ ܠܘܼܟ݂ ܐܲܠܵܗܘܼܟ݂، 
\q1 ܒܡܸܫܚܵܐ ܕܦܨܝܼܚܘܼܬܵ‌ܐ ܒܘܼܫ ܙܵܘܕܵܐ ܡ̣ܢ ܚܲܒ݂ܪ̈ܵܘܵܬܘܼܟ݂. 
\q1  
\v 8 ܒܡܘܼܪܵܐ، ܥܸܠܘܲܝ، ܘܩܲܣܝܵܐ ܥܘܼܛܪܸܢܹܐ ܝܢܵܐ ܟܠܵܝܗ‌ܝ ܠܒ݂ܘܼܫܘܼ̈ܟ݂، 
\q1 ܡ̣ܢ ܩܲܨܪܵܐ ܕܓܪܲܡܦܝܼܠܵܐ ܣܝܼܡܹ̈ܐ ܕܩܝܼܬܵܪܹ̈ܐ ܩܵܡ ܡܲܚܕܝܼ ܠܘܼܟ݂. 
\q1  
\v 9 ܒܢܵܬܹ̈‌ܐ ܕܡܲܠܟܹ̈ܐ ܒܹܝܠܔ ܡܝܲܩܪ̈ܵܬܘܼܟ݂ ܝܼܢܵܐ، 
\q1 ܡܲܠܟܬܵ‌ܐ ܟܠܝܼܬܵ‌ܐ ܝܠܵܗ̇ ܒܝܲܡܝܼܢܘܼܟ݂ ܒܕܲܗܒ݂ܵܐ ܕܐܵܘܦܹܝܪ. 
\q1  
\v 10 ܫܡܹܥ، ܝܵܐ ܒܪܵܬܵ‌ܐ، ܘܚܙܝܼ، ܘܡܲܟܸܦ ܢܵܬܵܟ݂ܝ، 
\q1 ܘܢܫܝܼ ܥܲܡܵܟ݂ܝ ܘܒܲܝܬܵ‌ܐ ܕܒܵܒܵܟ݂ܝ، 
\q1  
\v 11 ܕܫܲܗܘܸܬ ܡܲܠܟܵܐ ܠܫܘܼܦܪܵܟ݂ܝ، 
\q1 ܣܵܒܵܒ ܗ̇ܘ ܝܼܠܹܗ ܡܵܪܵܟ݂ܝ، ܡܲܟܸܦܝ ܓܵܢܵܟ݂ܝ ܐܸܠܹܗ. 
\q1  
\v 12 ܒܪܵܬܵ‌ܐ ܕܨܘܿܪ ܒܸܬ ܐܵܬܝܵܐ ܒܡܵܘܗܲܒ݂ܬܵ‌ܐ، 
\q1 ܘܦܵܬܵܟ݂ܝ ܒܸܬ ܛܵܥܝܼ ܥܲܬܝܼܪܹ̈ܐ ܕܥܲܡܵܐ. 
\q1  
\v 13 ܒܟܠܔ ܚܸܩܪܵܐ ܝܠܵܗ̇ ܒܪܵܬܵ‌ܐ ܕܡܲܠܟܵܐ ܓܵܘ ܩܲܨܪܵܐ، 
\q1 ܠܒ݂ܝܼܫܬܘܼܗ̇ ܡ̣ܢ ܙܩܘܼܪܹ̈ܐ ܕܕܲܗܒ݂ܵܐ. 
\q1  
\v 14 ܒܠܒ݂ܘܼܫܹ̈ܐ ܠܩܝܼܛܹ̈ܐ ܒܸܬ ܦܵܝܫܵܐ ܠܘܼܒܸܠܬܵ‌ܐ ܠܡܲܠܟܵܐ، 
\q1 ܩܲܪ̈ܝܼܒ݂ܝܵܬܹ‌ܐ ܒܬܘܼܠܵܬܹ̈‌ܐ ܕܒܵܬܪܘܼܗ̇ ܦܝܵܫܵܐ ܡܘܼܬܝܹܐ ܩܲܕܡܘܼܟ݂. 
\q1  
\v 15 ܒܸܬ ܦܵܝܫܝܼ ܠܘܼܒܠܹܐ ܒܚܲܕܘܼܬܵ‌ܐ ܘܦܨܵܚܬܵ‌ܐ، 
\q1 ܒܸܬ ܥܵܒ݂ܪܝܼ ܓܵܘ ܩܲܨܪܵܐ ܕܡܲܠܟܵܐ. 
\q1  
\v 16 ܒܫܵܘܦܵܐ ܕܒܵܒܵܘܵܬܘܼ̈ܟ݂ ܒܸܬ ܗܵܘܝܼ ܒܢܘܿܢܘܼ̈ܟ݂، 
\q1 ܡܲܬܒܸܬ ܠܗܘܿܢ ܪܹ̈ܝܫܵܢܹܐ ܒܟܠܵܗ̇ ܐܲܪܥܵܐ. 
\q1  
\v 17 ܒܸܬ ܡܲܕܟܸܪܸܢ ܫܸܡܘܼܟ݂ ܒܟܠܔ ܕܵܪܵܐ ܘܕܵܪܵܐ، 
\q1 ܒܘܼܬ ܐܵܗܵܐ، ܥܲܡܡܹ̈ܐ ܒܸܬ ܫܲܟܪܝܼ ܠܘܼܟ݂ ܠܥܵܠܲܡ ܥܵܠܡܝܼܢ. 
\c 46  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܒܢܝ̈ ܩܘܪܚ. ܥܠܔ ܥܠܡܘܬ. ܙܡܪܬ‌ܐ. 
\q1  
\v 1 ܐܲܠܵܗܵܐ ܝܠܹܗ ܐܸܠܲܢ ܒܹܝܬ ܓܵܘܣܵܐ ܘܥܘܼܫܢܵܐ، 
\q1 ܗܲܝܲܪܬܵ‌ܐ ܝܠܹܗ ܓܵܘ ܐܘܼܠܨܵܢܹ̈ܐ ܒܟܠܔ ܥܕܵܢܵܐ. 
\q1  
\v 2 ܒܘܼܬ ܐܵܗܵܐ، ܠܹܐ ܙܵܕܥܲܚ ܟܲܕ ܫܲܚܠܸܦܵܐ ܐܲܪܥܵܐ، 
\q1 ܘܟܲܕ ܫܵܥܫܝܼ ܛܘܼܪ̈ܵܢܹܐ ܒܥܘܼܡܩܵܐ ܕܝܵܡܵܬܹ̈‌ܐ. 
\q1  
\v 3 ܟܲܕ ܫܵܓ݂ܫܝܼ ܘܓܲܒܓܸܒܝܼ ܡܝܼܵܝ̈ܗ‌ܝ، 
\q1 ܪܲܬܪܸܬ‌ܝܼ ܛܘܼܪ̈ܵܢܹܐ ܒܪܝܵܡܬܵܝܗ‌ܝ. \qs ܣܹܠܵܗ\qs* 
\q1  
\v 4 ܐܝܼܬ ܢܲܗܪܵܐ ܕܫܵܩܝܼܵܬܘܼ̈ܗ‌ܝ ܟܹܐ ܡܲܚܕܝܼ ܠܡܕܝܼܢ݇ܬܵ‌ܐ ܕܐܲܠܵܗܵܐ، 
\q1 ܡܲܫܟܢܵܐ ܩܲܕܝܼܫܵܐ ܕܥܸܠܵܝܵܐ. 
\q1  
\v 5 ܐܲܠܵܗܵܐ ܒܓܵܘܘܼܗ̇ ܝܠܹܗ، ܠܹܐ ܫܵܥܫܵܐ، 
\q1 ܒܸܬ ܗܲܝܸܪܵܗ̇ ܐܲܠܵܗܵܐ ܒܕܝܵܪܬܵ‌ܐ ܕܨܲܦܪܵܐ. 
\q1  
\v 6 ܫܓ݂ܝܼܫ ܠܗܘܿܢ ܐܸܡܘܵܬܹ̈‌ܐ، ܫܥܝܼܫ ܠܗܘܿܢ ܡܲܠܟܘܵܬܹ̈‌ܐ، 
\q1 ܡܘܼܪܸܡ ܠܹܗ ܩܵܠܹܗ، ܦܫܝܼܪܵܗ̇ ܐܲܪܥܵܐ. 
\q1  
\v 7 ܡܵܪܝܵܐ ܚܲܝܠܬܵܢܵܐ ܥܲܡܲܢ ܝܼܠܹܗ، 
\q1 ܩܲܠܥܵܐ ܐܸܠܲܢ ܐܲܠܵܗܵܐ ܕܝܲܥܩܘܿܒ݂. \qs ܣܹܠܵܗ\qs* 
\q1  
\v 8 ܬܹܝܡܘܼܢ ܚܙܹܝܡܘܼܢ ܦܘܼܠܚܵܢܹ̈ܐ ܕܡܵܪܝܵܐ، 
\q1 ܕܡܘܼܝܬܹ‌ܐ ܠܹܗ ܚܪ̈ܵܒܹܐ ܒܐܲܪܥܵܐ. 
\q1  
\v 9 ܟܹܐ ܡܲܟܠܹܐ ܦܠܵܫܹ̈ܐ ܗܲܠܔ ܡܲܪܙܵܐ ܕܐܲܪܥܵܐ، 
\q1 ܟܹܐ ܬܵܒܹܪ ܩܸܫܬܵ‌ܐ، ܘܟܹܐ ܫܵܡܹܛ ܪܘܼܡܚܵܐ، 
\q1 ܟܹܐ ܡܲܩܸܕ ܡܲܪ̈ܟܒ݂ܵܬܹ‌ܐ ܒܢܘܼܪܵܐ. 
\q1  
\v 10 ܟܹܐ ܐܵܡܹܪ: ”ܗܘܹܝܡܘܼܢ ܫܸܠܝܹܐ ܘܝܕܹܥܡܘܼܢ ܕܐܵܢܵܐ ܝܘܸܢ ܐܲܠܵܗܵܐ، 
\q1 ܒܸܬ ܦܵܝܫܹܢ ܡܘܼܪܡܵܐ ܓܵܘ ܐܸܡܘܵܬܹ̈‌ܐ، 
\q1 ܒܸܬ ܦܵܝܫܹܢ ܡܘܼܪܡܵܐ ܒܐܲܪܥܵܐ.“ 
\q1  
\v 11 ܡܵܪܝܵܐ ܚܲܝܠܬܵܢܵܐ ܥܲܡܲܢ ܝܼܠܹܗ، 
\q1 ܩܲܠܥܵܐ ܐܸܠܲܢ ܐܲܠܵܗܵܐ ܕܝܲܥܩܘܿܒ݂. \qs ܣܹܠܵܗ\qs* 
\c 47  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܒܢܝ̈ ܩܘܪܚ. 
\q1  
\v 1 ܡܚܹܝܡܘܼܢ ܟ̰ܲܦܹ̈ܐ ܟܠܵܝܗ‌ܝ ܥܲܡܡܹ̈ܐ، 
\q1 ܩܲܘܸܚܘܼܢ ܠܐܲܠܵܗܵܐ ܒܩܵܠܵܐ ܕܫܘܼܒ݂ܚܵܐ. 
\q1  
\v 2 ܣܵܒܵܒ ܡܵܪܝܵܐ ܥܸܠܵܝܵܐ ܣܲܗܡܵܢܵܐ ܝܠܹܗ، 
\q1 ܡܲܠܟܵܐ ܓܘܼܪܵܐ ܥܲܠܔ ܟܠܵܗ̇ ܐܲܪܥܵܐ. 
\q1  
\v 3 ܩܵܡ ܙܲܒܛܸܢ ܥܲܡܡܹ̈ܐ ܬܚܘܿܬܲܢ، 
\q1 ܘܐܸܡܘܵܬܹ̈‌ܐ ܬܚܘܿܬ ܐܲܩܠܵܬܲܢ̈. 
\q1  
\v 4 ܩܵܡ ܓܲܒܹܐ ܩܵܬܲܢ ܝܵܪܬܘܼܬܲܢ، 
\q1 ܫܘܼܒ݂ܗܵܪܵܐ ܕܝܲܥܩܘܿܒ݂، ܗ̇ܘ ܕܡܘܼܚܸܒ ܠܹܗ. \qs ܣܹܠܵܗ\qs* 
\q1  
\v 5 ܐܣܝܼܩ ܠܹܗ ܐܲܠܵܗܵܐ ܒܩܲܘܲܚܬܵ‌ܐ، 
\q1 ܡܵܪܝܵܐ ܒܩܵܠܵܐ ܕܫܝܼܦܘܿܪܵܐ. 
\q1  
\v 6 ܙܡܘܿܪܘܼܢ ܠܐܲܠܵܗܵܐ، ܙܡܘܿܪܘܼܢ، 
\q1 ܙܡܘܿܪܘܼܢ ܠܡܲܠܟܲܢ، ܙܡܘܿܪܘܼܢ. 
\q1  
\v 7 ܣܵܒܵܒ ܐܲܠܵܗܵܐ ܝܠܹܗ ܡܲܠܟܵܐ ܕܟܠܵܗ̇ ܐܲܪܥܵܐ، 
\q1 ܙܡܘܿܪܘܼܢ ܡܲܣܟܝܼܠܔ. 
\q1  
\v 8 ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ ܐܲܠܵܗܵܐ ܥܲܠܔ ܐܸܡܘܵܬܹ̈‌ܐ، 
\q1 ܐܲܠܵܗܵܐ ܝܬܝܼܒ݂ܵܐ ܝܠܹܗ ܥܲܠܔ ܟܘܼܪܣܝܵܐ ܕܩܘܼܕܫܹܗ. 
\q1  
\v 9 ܓ̰ܡܝܼܥܹܐ ܝܢܵܐ ܢܲܨܝܼܚܹ̈ܐ ܕܥܲܡܡܹ̈ܐ، 
\q1 ܥܲܡܵܐ ܕܐܲܠܵܗܵܐ ܕܐܲܒ݂ܪܵܗܵܡ، 
\q1 ܣܵܒܵܒ ܡܵܛܵܠܹ̈ܐ ܕܐܲܪܥܵܐ ܕܐܲܠܵܗܵܐ ܝܢܵܐ، 
\q1 ܗ̇ܘ ܪܵܒܵܐ ܦܝܼܫܵܐ ܝܠܹܗ ܪܝܼܡܵܐ. 
\c 48  
\s1 ܙܡܪܬ‌ܐ. ܡܙܡܘܪܐ ܕܒܢܝ̈ ܩܘܪܚ. 
\q1  
\v 1 ܓܘܼܪܵܐ ܝܠܹܗ ܡܵܪܝܵܐ ܘܡܫܘܼܒܚܵܐ ܪܵܒܵܐ، 
\q1 ܒܡܕܝܼܢ݇ܬܵ‌ܐ ܕܐܲܠܵܗܲܢ، ܛܘܼܪܵܐ ܕܩܘܼܕܫܹܗ. 
\q1  
\v 2 ܫܲܦܝܼܪܵܐ ܒܪܵܡܘܼܬܵ‌ܐ، ܚܲܕܘܼܬܵ‌ܐ ܕܟܠܵܗ̇ ܐܲܪܥܵܐ، 
\q1 ܛܘܼܪܵܐ ܕܨܸܗܝܘܿܢ ܒܫܸܦܘܼܠܹ̈ܐ ܕܓܲܪܒܝܵܐ، 
\q1 ܡܕܝܼܢ݇ܬܵ‌ܐ ܕܡܲܠܟܵܐ ܓܘܼܪܵܐ. 
\q1  
\v 3 ܐܲܠܵܗܵܐ ܒܩܲܨܪ̈ܘܼܗ̇ ܡܘܼܕܸܥܵܐ ܠܹܗ ܓܵܢܹܗ ܐܲܝܟ݂ ܓܵܘܣܵܐ. 
\q1  
\v 4 ܣܵܒܵܒ ܗܵܐ، ܡܲܠܟܹ̈ܐ ܚܘܼܝܸܕ ܠܗܘܿܢ، 
\q1 ܥܒ݂ܝܼܪܗܘܿܢ ܥܲܡ ܚܕܵܕܹ̈ܐ. 
\q1  
\v 5 ܐܵܢܝܼ ܟܲܕ ܚܙܹܐ ܠܗܘܿܢ، ܦܝܼܫ ܠܗܘܿܢ ܬܡܝܼܗܹܐ، 
\q1 ܫܥܝܼܫ ܠܗܘܿܢ ܘܡܘܼܠܝܸܙ ܠܗܘܿܢ ܠܸܥܪܵܩܵܐ. 
\q1  
\v 6 ܪܲܬܪܲܬܬܵ‌ܐ ܩܵܡ ܕܵܒ݂ܩܵܐ ܠܗܘܿܢ ܬܵܡܵܐ، 
\q1 ܘܚܸܒ݂ܠܹ̈ܐ ܐܲܝܟ݂ ܝܵܠܸܕܬܵ‌ܐ. 
\q1  
\v 7 ܒܦܵܘܚܵܐ ܕܡܲܕܢܚܵܐ، 
\q1 ܟܹܐ ܬܵܒ݂ܪܹܬ ܓܵܡܝܼܹ̈ܐ ܕܬܲܪܫܝܼܫ. 
\q1  
\v 8 ܕܵܐܟ݂ܝܼ ܕܫܡܝܼܥ ܠܲܢ، ܗܵܕܟ݂ܵܐ ܚܙܹܐ ܠܲܢ، 
\q1 ܒܡܕܝܼܢ݇ܬܵ‌ܐ ܕܡܵܪܝܵܐ ܚܲܝܠܬܵܢܵܐ، 
\q1 ܒܡܕܝܼܢ݇ܬܵ‌ܐ ܕܐܲܠܵܗܲܢ، 
\q1 ܐܲܠܵܗܵܐ ܒܸܬ ܡܲܩܘܹܐ ܠܵܗ̇ ܗܲܠܔ ܥܵܠܲܡ. \qs ܣܹܠܵܗ\qs* 
\q1  
\v 9 ܬܘܼܚܡܸܢܲܢ، ܝܵܐ ܐܲܠܵܗܵܐ، ܒܘܼܬ ܛܲܝܒܘܼܬܘܼܟ݂، 
\q1 ܒܓܵܘܵܐ ܕܗܲܝܟܠܘܼܟ݂. 
\q1  
\v 10 ܐܲܝܟ݂ ܫܸܡܘܼܟ݂، ܝܵܐ ܐܲܠܵܗܵܐ، 
\q1 ܗܵܕܟ݂ܵܐ ܝܠܵܗ̇ ܬܸܫܒܘܿܚܬܘܼܟ݂ ܗܲܠܔ ܡܲܪ̈ܙܵܢܹܐ ܕܐܲܪܥܵܐ، 
\q1 ܡܠܝܼܬܵ‌ܐ ܝܠܵܗ̇ ܝܲܡܝܼܢܘܼܟ݂ ܙܲܕܝܼܩܘܼܬܵ‌ܐ. 
\q1  
\v 11 ܚܵܕܹܐ ܛܘܼܪܵܐ ܕܨܸܗܝܘܿܢ، 
\q1 ܦܵܨܚܝܼ ܒܢܵܬܹ̈‌ܐ ܕܝܼܗܘܼܕܵܐ، 
\q1 ܒܘܼܬ ܕܝܼܘܵܢܘܼ̈ܟ݂. 
\q1  
\v 12 ܚܕܘܿܪܘܼܢ ܚܵܕܸܪ̈ܘܵܢܹܐ ܕܨܸܗܝܘܿܢ، ܘܟܪܘܿܟ݂ܘܼܢ ܠܵܗ̇، 
\q1 ܡܢܹܝܡܘܼܢ ܒܘܼܪ̈ܓ̰ܘܼܗ̇. 
\q1  
\v 13 ܡܲܣܸܡܘܼܢ ܒܵܠܵܐ ܒܫܘܼܪ̈ܘܼܗ̇، 
\q1 ܨܲܚܨܹܝܡܘܼܢ ܠܩܲܨܪ̈ܘܼܗ̇، 
\q1 ܩܵܐ ܕܗܲܩܹܝܬܘܿܢ ܠܕܵܪܵܐ ܐܚܹܪܢܵܐ. 
\q1  
\v 14 ܕܐܵܗܵܐ ܐܲܠܵܗܵܐ، ܐܲܠܵܗܲܢ ܝܼܠܹܗ، ܠܥܵܠܲܡ ܥܵܠܡܝܼܢ، 
\q1 ܗ̇ܘ ܒܸܬ ܡܕܲܒܸܪܲܢ ܗܲܠܔ ܡܵܘܬܵ‌ܐ. 
\c 49  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܒܢܝ̈ ܩܘܪܚ. 
\q1  
\v 1 ܫܡܹܥܡܘܼܢ ܐܵܗܵܐ ܟܠܵܝܗ‌ܝ ܥܲܡܡܹ̈ܐ، 
\q1 ܗܲܒ݂ܠܘܼܢ ܢܵܬܵ‌ܐ ܟܠܵܝܗ‌ܝ ܥܵܡܪ̈ܵܢܹܐ ܕܒܪܝܼܬܵ‌ܐ، 
\q1  
\v 2 ܐܘܼܦ ܒܢܲܝ̈ ܐܵܕܵܡ ܐܘܼܦ ܒܢܲܝ̈ܢܵܫܵܐ، 
\q1 ܥܲܡ ܚܕܵܕܹ̈ܐ ܥܲܬܝܼܪܵܐ ܘܣܢܝܼܩܵܐ. 
\q1  
\v 3 ܦܘܼܡܝܼ ܒܸܬ ܗܲܡܙܸܡ ܚܸܟ݂ܡܬܵ‌ܐ، 
\q1 ܘܗܲܓܲܝܬܵ‌ܐ ܕܠܸܒܝܼ ܦܲܪܡܲܝܬܵ‌ܐ. 
\q1  
\v 4 ܒܸܬ ܨܲܠܹܝܢ ܠܡܲܬܠܵܐ ܢܵܬ‌ܝܼ، 
\q1 ܘܦܵܬܚܹܢ ܒܟܸܢܵܪܵܐ ܩܸܨܸܡܬ‌ܝܼ. 
\q1  
\v 5 ܩܵܡܘܿܕܝܼ ܙܵܕܥܹܢ ܒܝܵܘܡܵܢܹ̈ܐ ܕܒܝܼܫܬܵ‌ܐ، 
\q1 ܟܲܕ ܥܵܘܠܵܐ ܕܕܵܒ݂ܩܵܢܹ̈ܐ ܕܥܸܩܒܝܼ̈ ܚܲܪܕܝܼ ܠܝܼ؟ 
\q1  
\v 6 ܐܵܢܝܼ ܟܹܐ ܣܵܒܪܝܼ ܒܕܵܘܸܠܬܵܝܗ‌ܝ، 
\q1 ܘܒܦܸܪܝܘܼܬܵ‌ܐ ܕܥܘܼܬܪܵܝܗ‌ܝ ܟܹܐ ܫܲܒ݂ܗܸܪܝܼ. 
\q1  
\v 7 ܠܐܲܚܘܿܢܵܐ ܦܲܪܘܼܩܹܐ ܠܹܐ ܡܵܨܹܐ ܦܲܪܸܩ ܐܢܵܫܵܐ، 
\q1 ܠܹܐ ܡܵܨܹܐ ܝܵܗܒܹܠܔ ܠܐܲܠܵܗܵܐ ܛܝܼܡܵܐ ܕܦܘܼܪܩܵܢܹܗ، 
\q1  
\v 8 (ܣܵܒܵܒ ܛܝܼܡܵܢܵܐ ܝܠܹܗ ܦܘܼܪܩܵܢܵܐ ܕܓܵܢܵܐ، 
\q1 ܒܵܣ ܫܒ݂ܘܿܩ ܫܵܠܹܐ ܠܥܵܠܲܡ) 
\q1  
\v 9 ܘܗܸܫ ܚܵܝܹܐ ܠܥܵܠܲܡ، 
\q1 ܘܠܵܐ ܚܵܙܹܐ ܚܪܵܒ݂ܵܐ. 
\q1  
\v 10 ܣܵܒܵܒ ܟܹܐ ܚܵܙܹܐ ܠܚܲܟܝܼܡܹ̈ܐ ܕܟܹܐ ܡܵܝܬ‌ܝܼ، 
\q1 ܥܲܡ ܚܕܵܕܹ̈ܐ ܣܲܟ݂ܠܵܐ ܘܐܲܗܡܲܩ ܟܹܐ ܛܵܠܩܝܼ، 
\q1 ܘܟܹܐ ܫܵܒ݂ܩܝܼ ܠܐܚܹܪ̈ܢܹܐ ܕܵܘܸܠܬܵܝܗ‌ܝ. 
\q1  
\v 11 ܟܹܐ ܚܵܫܒ݂ܝܼ ܒܵܬܵܝ̈ܗ‌ܝ ܠܥܵܠܲܡ ܝܼܢܵܐ، 
\q1 ܒܹܝܬ ܡܲܥܡܪܵܝܗ‌ܝ ܠܕܵܪܵܐ ܘܕܵܪܵܐ، 
\q1 ܘܩܪܹܐ ܠܗܘܿܢ ܐܲܪ̈ܥܵܬܹ‌ܐ ܒܫܸܡܵܢܵܝ̈ܗ‌ܝ. 
\q1  
\v 12 ܐܝܼܢܵܐ ܒܲܪܢܵܫܵܐ ܒܐܝܼܩܵܪܵܐ ܠܹܐ ܥܲܪܩܸܠܔ، 
\q1 ܟܹܐ ܕܵܡܹܐ ܠܗܲܝܘܵܢܹ̈ܐ ܕܛܵܠܩܝܼ، 
\q1  
\v 13 ܐܵܗܵܐ ܝܠܵܗ̇ ܐܘܼܪܚܵܝܗ‌ܝ، ܣܲܟ݂ܠܘܼܬܵ‌ܐ ܐܸܠܵܝܗ‌ܝ، 
\q1 ܘܐܵܙܵܠ݇ܢܹ̈ܐ ܕܒܵܬܪܵܝܗ‌ܝ ܕܒܵܣܡܵܐ ܠܗܘܿܢ ܒܚܲܒܪ̈ܵܝܗ‌ܝ. \qs ܣܹܠܵܗ\qs* 
\q1  
\v 14 ܐܲܝܟ݂ ܥܸܪ̈ܒܹܐ ܠܫܝܘܿܠܔ ܪܫܝܼܡܹܐ ܝܢܵܐ، 
\q1 ܡܵܘܬܵ‌ܐ ܒܸܬ ܗܵܘܹܐ ܪܵܥܝܵܝܗ‌ܝ، 
\q1 ܘܬܪ̈ܘܼܨܹܐ ܒܸܬ ܗܲܟܡܝܼ ܥܲܠܵܝܗ‌ܝ ܒܨܲܦܪܵܐ، 
\q1 ܘܨܘܼܪܬܵܝܗ‌ܝ ܒܸܬ ܒܵܠܝܵܐ ܒܫܝܘܿܠܔ ܪܸܚܩܵܐ ܡ̣ܢ ܒܵܬܵܝ̈ܗ‌ܝ ܫܲܦܝܼܪܹ̈ܐ. 
\q1  
\v 15 ܐܝܼܢܵܐ ܐܲܠܵܗܵܐ ܒܸܬ ܦܲܪܸܩ ܠܓܵܢܝܼ ܡ̣ܢ ܐܝܼܕܵܐ ܕܫܝܘܿܠܔ، 
\q1 ܣܵܒܵܒ ܒܸܬ ܩܲܒܸܠܔ ܠܝܼ. \qs ܣܹܠܵܗ\qs* 
\q1  
\v 16 ܠܵܐ ܙܵܕܥܹܬ ܟܲܕ ܗܵܘܹܐ ܥܲܬܝܼܪܵܐ ܐܢܵܫܵܐ، 
\q1 ܟܲܕ ܙܵܐܹܕ ܐܝܼܩܵܪܵܐ ܕܒܲܝܬܹܗ. 
\q1  
\v 17 ܣܵܒܵܒ ܒܡܵܘܬܹܗ ܠܹܐ ܠܲܒܸܠܔ ܡܸܢܕܝܼ، 
\q1 ܠܹܐ ܨܵܠܹܐ ܒܵܬܪܹܗ ܐܝܼܩܵܪܹܗ. 
\q1  
\v 18 ܐܵܦܸܢ ܒܚܲܝܘܼ̈ܗ‌ܝ ܠܓܵܢܹܗ ܟܹܐ ܒܲܪܸܟ݂ ܗܘܵܐ، 
\q1 (ܒܗ̇ܝ ܕܒܸܬ ܚܲܩܪܝܼ ܠܘܼܟ݂ ܟܲܕ ܥܵܒ݂ܕܹܬ ܛܵܒ݂ܬܵ‌ܐ ܠܓܵܢܘܼܟ݂)، 
\q1  
\v 19 ܒܸܬ ܐܵܙܹܠܔ ܠܟܸܣ ܐܲܒ݂ܵܗܵܬܘܼ̈ܗ‌ܝ، 
\q1 ܗܲܠܔ ܥܵܠܲܡ ܠܹܐ ܚܵܙܝܼ ܒܲܗܪܵܐ. 
\q1  
\v 20 ܒܲܪܢܵܫܵܐ ܕܐܝܼܬ ܠܹܗ ܐܝܼܩܵܪܵܐ ܐܝܼܢܵܐ ܠܵܐ ܦܲܪܡܹܐ، 
\q1 ܟܹܐ ܕܵܡܹܐ ܠܗܲܝܘܵܢܹ̈ܐ ܕܛܵܠܩܝܼ. 
\c 50  
\q1  
\v 1 ܐܹܝܠܔ، ܐܲܠܵܗܵܐ، ܡܵܪܝܵܐ، ܗܘܼܡܙܸܡ ܠܹܗ، 
\q1 ܘܩܪܹܐ ܠܹܗ ܠܐܲܪܥܵܐ ܡ̣ܢ ܙܪܵܩܵܐ ܕܫܸܡܫܵܐ ܗܲܠܔ ܓܢܵܝܬܹܗ. 
\q1  
\v 2 ܡ̣ܢ ܨܸܗܝܘܿܢ، ܓܡܝܼܪܘܼܬܵ‌ܐ ܕܫܘܼܦܪܵܐ، 
\q1 ܐܲܠܵܗܵܐ ܙܪܝܼܩ ܠܹܗ. 
\q1  
\v 3 ܒܸܬ ܐܵܬܹ‌ܐ ܐܲܠܵܗܲܢ ܘܠܹܐ ܫܵܬܹܩ، 
\q1 ܩܲܕܡܘܼܗ‌ܝ ܢܘܼܪܵܐ ܒܸܬ ܐܵܟܹܠܔ، 
\q1 ܚܵܕܸܪ̈ܘܵܢܘܼܗ‌ܝ ܥܲܠܥܵܠܵܐ ܪܵܒܵܐ. 
\q1  
\v 4 ܒܸܬ ܩܵܪܹܐ ܠܫܡܲܝܵܐ ܡ̣ܢ ܥܸܠܸܠܔ، 
\q1 ܘܠܐܲܪܥܵܐ ܠܸܕܝܵܢܵܐ ܠܥܲܡܹܗ. 
\q1  
\v 5 ”ܓ̰ܲܡܸܥܡܘܼܢ ܠܟܸܣܠܝܼ ܡܗܘܼܡܢܝܼ̈، 
\q1 ܩܵܛܥܵܢܹ̈ܐ ܕܘܲܥܕܝܼ ܒܕܸܒ݂ܚܵܐ.“ 
\q1  
\v 6 ܘܟܹܐ ܡܲܕܥܵܐ ܫܡܲܝܵܐ ܙܲܕܝܼܩܘܼܬܹܗ، 
\q1 ܣܵܒܵܒ ܐܲܠܵܗܵܐ ܝܠܹܗ ܕܲܝܵܢܵܐ ܗ̇ܘ. \qs ܣܹܠܵܗ\qs* 
\q1  
\v 7 ”ܫܡܹܥ، ܝܵܐ ܥܲܡܝܼ، ܘܒܸܬ ܗܲܡܙܸܡܸܢ، 
\q1 ܝܵܐ ܐܝܼܣܪܵܐܹܝܠܔ، ܘܒܸܬ ܣܵܗܕܹܢ ܕܲܠܩܘܼܒ݂ܠܘܼܟ݂، 
\q1 ܐܲܠܵܗܵܐ، ܐܲܠܵܗܘܼܟ݂ ܐܵܢܵܐ ܝܘܸܢ. 
\q1  
\v 8 ”ܒܘܼܬ ܕܸܒ݂ܚܘܼ̈ܟ݂ ܠܹܐ ܡܲܢܟܸܣܸܢܘܼܟ݂، 
\q1 ܝܲܢ ܒܘܼܬ ܕܸܒ݂ܚܘܼ̈ܟ݂ ܡܘܼܩܕܹ̈ܐ ܕܝܼܢܵܐ ܠܒܲܠܩܘܼܒ݂ܠܝܼ ܐܲܡܝܼܢܵܐܝܼܬ. 
\q1  
\v 9 ”ܠܹܐ ܫܵܩܠܹܢ ܡ̣ܢ ܒܲܝܬܘܼܟ݂ ܬܵܘܪܵܐ، 
\q1 ܠܵܐ ܡ̣ܢ ܓܘܼܡܵܢܘܼ̈ܟ݂ ܢܹܐܪ̈ܝܼܹܐ. 
\q1  
\v 10 ”ܣܵܒܵܒ ܕܝܼܝܼ ܝܢܵܐ ܟܠܵܝܗ‌ܝ ܚܲܝܘܵܬܹ̈‌ܐ ܕܥܵܒ݂ܵܐ، 
\q1 ܘܒܥܝܼܪܹ̈ܐ ܕܒܐܲܠܦܵܐ ܛܘܼܪ̈ܵܢܹܐ. 
\q1  
\v 11 ”ܟܹܐ ܝܵܕܥܹܢ ܠܟܠܵܗ̇ ܦܵܪܲܚܬܵ‌ܐ ܕܛܘܼܪ̈ܵܢܹܐ، 
\q1 ܘܓ̰ܵܘܓ̰ܵܢܹ̈ܐ ܕܕܸܫܬܵ‌ܐ ܥܲܡܝܼ ܝܢܵܐ. 
\q1  
\v 12 ”ܐܸܢ ܟܵܦܢܹܢ ܗܘܵܐ ܠܹܐ ܐܵܡܪܹܢ ܗܘܵܐ ܐܸܠܘܼܟ݂، 
\q1 ܣܵܒܵܒ ܕܝܼܝܼ ܝܠܵܗ̇ ܒܪܝܼܬܵ‌ܐ ܘܡܸܠܝܘܼܬܘܼܗ̇. 
\q1  
\v 13 ”ܗܵܐ، ܒܸܬ ܐܵܟ݂ܠܹܢ ܒܸܣܪܵܐ ܕܡܘܼܓ̰ܹ̈ܐ، 
\q1 ܘܫܵܬܹܝܢ ܕܸܡܵܐ ܕܢܹܐܪ̈ܝܼܹܐ؟ 
\q1  
\v 14 ”ܕܒ݂ܘܿܚ ܠܐܲܠܵܗܵܐ ܫܲܟܲܪܬܵ‌ܐ، 
\q1 ܘܬܲܡܸܡ ܠܥܸܠܵܝܵܐ ܢܸܕܪ̈ܘܼܟ݂. 
\q1  
\v 15 ”ܘܩܪܝܼ ܐܸܠܝܼ ܒܝܵܘܡܵܐ ܕܐܘܼܠܨܵܢܵܐ، 
\q1 ܒܸܬ ܦܲܨܸܢܘܼܟ݂ ܘܒܸܬ ܡܝܲܩܪܸܬ ܠܝܼ.“ 
\q1  
\v 16 ܐܝܼܢܵܐ ܠܪܲܫܝܼܥܵܐ ܒܹܐܡܵܪܵܐ ܝܠܹܗ ܐܲܠܵܗܵܐ: 
\q1 ”ܡܵܐ ܠܘܼܟ݂ ܠܗܲܩܘܼܝܹܐ ܩܵܢܘܿܢܝܼ̈، 
\q1 ܘܠܸܫܩܵܠܵܐ ܘܲܥܕܝܼ ܒܦܘܼܡܘܼܟ݂؟ 
\q1  
\v 17 ”ܣܵܒܵܒ ܐܲܢ݇ܬ ܣܢܹܐ ܠܘܼܟ݂ ܬܲܥܠܲܡܬܵ‌ܐ، 
\q1 ܘܪܘܼܦܹܐ ܠܘܼܟ݂ ܗܹܡܸܙܡܵܢܝܼ̈ ܒܵܬܪܘܼܟ݂. 
\q1  
\v 18 ”ܐܸܢ ܚܙܹܐ ܠܘܼܟ݂ ܓܹܢܵܒ݂ܵܐ، ܟܹܐ ܒܵܣܡܵܐ ܠܘܼܟ݂ ܒܝܼܹܗ، 
\q1 ܘܥܲܡ ܓܲܝܵܪܹ̈ܐ ܝܠܹܗ ܣܵܗܡܘܼܟ݂. 
\q1  
\v 19 ”ܦܘܼܡܘܼܟ݂ ܝܘܼܗܒܹܠܔ ܠܘܼܟ݂ ܠܒܝܼܫܬܵ‌ܐ، 
\q1 ܘܠܸܫܵܢܘܼܟ݂ ܟܹܐ ܡܲܠܚܸܡ ܦܸܠܡܵܐ. 
\q1  
\v 20 ”ܟܹܐ ܝܵܬܒܹܬ ܗܲܡܙܸܡܸܬ ܕܲܠܩܘܼܒ݂ܠܔ ܕܐܲܚܘܿܢܘܼܟ݂، 
\q1 ܥܲܠܔ ܒܪܘܿܢܵܐ ܕܝܸܡܘܼܟ݂ ܟܹܐ ܕܵܪܹܝܬ ܒܘܼܚܬܵܢ. 
\q1  
\v 21 ”ܐܲܢܹܐ ܥܒ݂ܝܼܕ ܠܘܼܟ݂ ܘܐܵܢܵܐ ܫܬܝܼܩ ܠܝܼ؛ 
\q1 ܚܫܝܼܒ݂ ܠܘܼܟ݂ ܗܘܵܝܵܐ ܒܸܬ ܗܵܘܹܝܢ ܐܲܝܟ݂ ܕܝܼܘܼܟ݂، 
\q1 ܐܝܼܢܵܐ ܒܸܬ ܡܲܢܟܸܣܸܢܘܼܟ݂ ܘܒܸܬ ܚܵܪܙܹܢ ܥܒ݂ܵܕܘܼ̈ܟ݂ ܩܲܕܡ ܥܲܝ̈ܢܘܼܟ݂. 
\q1  
\v 22 ”ܦܲܪܡܹܝܡܘܼܢ ܐܵܗܵܐ، ܝܵܐ ܢܵܫܝܵܢܹ̈ܐ ܕܐܲܠܵܗܵܐ، 
\q1 ܕܠܵܐ ܗܵܘܝܵܐ ܕܦܲܪܦܸܛܸܢ ܘܠܵܐ ܗܵܘܹܐ ܦܲܨܝܵܢܵܐ. 
\q1  
\v 23 ”ܟܠܔ ܕܕܵܒܹܚ ܫܲܟܲܪܬܵ‌ܐ ܟܹܐ ܡܝܲܩܸܪܝܼ، 
\q1 ܘܠܡܲܪܝܸܙܸܢܵܐ ܕܐܘܼܪܚܹܗ ܒܸܬ ܡܲܚܙܹܝܢ ܦܘܼܪܩܵܢܵܐ ܕܐܲܠܵܗܵܐ.“ 
\c 51  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ، ܐܝܡܢ ܕܐܬ‌ܐ ܠܗ ܠܟܣ ܠܗ ܢܬܢ ܢܒ݂ܝܐ ܟܕ ܥܒ݂ܝܪܗ ܠܟܣ ܒܬܫܒ݂ܥ. 
\q1  
\v 1 ܪܚܘܿܡ ܥܲܠܝܼ، ܝܵܐ ܐܲܠܵܗܵܐ، ܐܲܝܟ݂ ܛܲܝܒܘܼܬܘܼܟ݂، 
\q1 ܐܲܝܟ݂ ܦܸܪܝܘܼܬܵ‌ܐ ܕܪ̈ܲܚܡܘܼܟ݂ ܓܪܘܿܕ ܠܗܘܿܢ ܓܢܵܗ‌ܝܼ̈. 
\q1  
\v 2 ܡ̣ܢ ܥܵܘܠܝܼ ܚܲܠܸܠܔ ܠܝܼ ܓܡܝܼܪܵܐܝܼܬ، 
\q1 ܘܡ̣ܢ ܚܛܝܼܬ‌ܝܼ ܕܲܟ݂ܝܼ ܠܝܼ. 
\q1  
\v 3 ܒܗ̇ܝ ܕܐܵܢܵܐ ܟܹܐ ܝܵܕܥܹܢ ܠܓܢܵܗ‌ܝܼ̈، 
\q1 ܘܚܛܝܼܬ‌ܝܼ ܒܲܠܩܘܼܒ݂ܠܝܼ ܝܠܵܗ̇ ܐܲܡܝܼܢܵܐܝܼܬ. 
\q1  
\v 4 ܐܸܠܘܼܟ݂، ܐܲܚܟ̰ܝܼ ܐܸܠܘܼܟ݂، ܚܛܹܐ ܠܝܼ، 
\q1 ܘܒܝܼܫܘܼܬܵ‌ܐ ܩܲܕܡ ܥܲܝ̈ܢܘܼܟ݂ ܥܒ݂ܝܼܕ ܠܝܼ، 
\q1 ܒܘܼܬ ܐܵܗܵܐ، ܒܸܬ ܗܵܘܹܝܬ ܙܲܕܝܼܩܵܐ ܒܗܲܡܙܲܡܬܘܼܟ݂، 
\q1 ܒܸܬ ܗܵܘܹܝܬ ܕܸܟ݂ܝܵܐ ܒܕܝܵܢܬܘܼܟ݂. 
\q1  
\v 5 ܗܵܐ، ܒܥܵܘܠܵܐ ܦܝܼܫ ܠܝܼ ܝܠܝܼܕܵܐ، 
\q1 ܘܒܚܛܝܼܬܵ‌ܐ ܒܛܝܼܢܸܢܵܗ̇ ܝܸܡܵܐ. 
\q1  
\v 6 ܗܵܐ، ܟܹܐ ܒܵܣܡܵܐ ܠܘܼܟ݂ ܒܫܲܪܝܼܪܘܼܬܵ‌ܐ ܕܝܼܠܵܗ̇ ܡ̣ܢ ܥܘܼܡܩܵܐ ܕܓܵܢܵܐ، 
\q1 ܘܒܕܘܼܟܵܐ ܛܫܝܼܬܵ‌ܐ ܚܸܟ݂ܡܬܵ‌ܐ ܒܸܬ ܡܲܕܥܸܬ ܠܝܼ. 
\q1  
\v 7 ܕܲܟܹܝܬ ܠܝܼ ܒܙܘܿܦܵܐ ܘܒܸܬ ܗܵܘܹܝܢ ܕܸܟ݂ܝܵܐ، 
\q1 ܚܲܠܸܠܸܬ ܠܝܼ ܘܒܸܬ ܗܵܘܹܝܢ ܒܘܼܫ ܚܘܵܪܵܐ ܡ̣ܢ ܬܲܠܓܵܐ. 
\q1  
\v 8 ܫܒ݂ܘܿܩ ܫܵܡܥܹܢ ܦܨܵܚܵܐ ܘܚܲܕܘܼܬܵ‌ܐ، 
\q1 ܦܵܨܚܝܼ ܓܲܪ̈ܡܹܐ ܕܛܒ݂ܝܼܚ ܠܘܼܟ݂. 
\q1  
\v 9 ܛܲܫܝܼ ܦܵܬܘܼܟ݂ ܡ̣ܢ ܚܛܝܼܵܬ‌ܝܼ̈، 
\q1 ܘܟܠܵܝܗ‌ܝ ܥܵܘܠܝܼ̈ ܓܪܘܿܕ. 
\q1  
\v 10 ܠܸܒܵܐ ܕܸܟ݂ܝܵܐ ܒܪܝܼ ܓܵܘܝܼ، ܝܵܐ ܐܲܠܵܗܵܐ، 
\q1 ܘܚܲܕܸܬ ܪܘܼܚܵܐ ܡܗܘܼܡܸܢܬܵ‌ܐ ܒܓܵܘܝܼ. 
\q1  
\v 11 ܠܵܐ ܪܲܦܹܝܬ ܠܝܼ ܡ̣ܢ ܗܸܙܘܼܪܘܼܟ݂، 
\q1 ܘܪܘܼܚܵܐ ܕܩܘܼܕܫܘܼܟ݂ ܠܵܐ ܫܵܩܠܹܬ ܡܸܢܝܼ. 
\q1  
\v 12 ܡܲܕܸܪ ܐܸܠܝܼ ܦܨܵܚܵܐ ܕܦܘܼܪܩܵܢܘܼܟ݂، 
\q1 ܘܒܪܘܼܚܵܐ ܕܨܸܒ݂ܝܵܢܘܼܬܵ‌ܐ ܣܵܢܕܹܬ ܠܝܼ. 
\q1  
\v 13 ܗ̇ܝܓܵܗ ܒܸܬ ܡܲܠܦܸܢ ܠܥܵܘܵܠܹ̈ܐ ܐܘܼܪ̈ܚܵܬܘܼܟ݂، 
\q1 ܘܚܲܛܵܝܹ̈ܐ ܠܟܸܣܠܘܼܟ݂ ܒܸܬ ܕܵܝܪܝܼ. 
\q1  
\v 14 ܦܲܨܝܼ ܠܝܼ ܡ̣ܢ ܚܛܝܼܬܵ‌ܐ ܕܫܲܦܲܟ݂ܬܵ‌ܐ ܕܕܸܡܵܐ، ܝܵܐ ܐܲܠܵܗܵܐ، ܐܲܠܵܗܵܐ ܕܦܘܼܪܩܵܢܝܼ، 
\q1 ܘܒܦܨܝܼܚܘܼܬܵ‌ܐ ܒܸܬ ܙܵܡܹܪ ܠܸܫܵܢܝܼ ܙܲܕܝܼܩܘܼܬܘܼܟ݂. 
\q1  
\v 15 ܝܵܐ ܡܵܪܝܵܐ، ܦܵܬܚܹܬ ܣܸܦܘܵܬ‌ܝܼ̈، 
\q1 ܩܵܐ ܕܦܘܼܡܝܼ ܡܲܕܸܥ ܬܸܫܒܘܿܚܬܘܼܟ݂. 
\q1  
\v 16 ܣܵܒܵܒ ܠܹܐ ܒܵܣܡܵܐ ܠܘܼܟ݂ ܒܕܸܒ݂ܚܵܐ، ܐܸܠܵܐ ܒܸܬ ܝܵܗܒܹܢ ܗܘܵܐ، 
\q1 ܕܸܒ݂ܚܵܐ ܡܘܼܩܕܵܐ ܠܹܐ ܗܵܢܝܵܐ ܠܘܼܟ݂. 
\q1  
\v 17 ܕܸܒ݂ܚܵܐ ܕܐܲܠܵܗܵܐ ܪܘܼܚܵܐ ܬܒ݂ܝܼܪܬܵ‌ܐ ܝܠܵܗ̇، 
\q1 ܠܸܒܵܐ ܬܒ݂ܝܼܪܵܐ ܘܒܠܝܼܣܵܐ، ܝܵܐ ܐܲܠܵܗܵܐ، ܠܹܐ ܡܲܣܠܹܝܬ. 
\q1  
\v 18 ܥܒ݂ܘܿܕ ܛܵܒ݂ܬܵ‌ܐ ܒܨܸܒ݂ܝܵܢܘܼܟ݂ ܠܨܸܗܝܘܿܢ، 
\q1 ܒܵܢܹܝܬ ܫܘܼܪܹ̈ܐ ܕܐܘܿܪܸܫܠܸܡ. 
\q1  
\v 19 ܗ̇ܝܓܵܗ ܒܸܬ ܒܵܣܡܵܐ ܠܘܼܟ݂ ܒܕܸܒ݂ܚܹ̈ܐ ܕܙܲܕܝܼܩܘܼܬܵ‌ܐ، 
\q1 ܕܸܒ݂ܚܵܐ ܡܘܼܩܕܵܐ ܘܕܸܒ݂ܚܵܐ ܓܡܝܼܪܵܐܝܼܬ ܡܘܼܩܕܵܐ، 
\q1 ܗ̇ܝܓܵܗ ܒܸܬ ܡܲܐܣܩܝܼ ܬܵܘܪܹ̈ܐ ܥܲܠܔ ܡܲܕܒܚܘܼܟ݂. 
\c 52  
\s1 ܠܪܝܫ ܓܘܕܐ ܕܙܡܪ̈ܐ. ܡܲܣܟܝܼܠܔ ܕܕܘܝܕ، ܐܝܡܢ ܕܐܬ‌ܐ ܠܗ ܕܘܐܓ݂ ܐܕܘܡܝܐ ܘܡܘܕܥ ܠܗ ܠܫܐܘܠܔ، ܘܐܡܝܪܗ ܐܠܗ: ”ܐܬ‌ܐ ܠܗ ܕܘܝܕ ܠܒܝܬ‌ܐ ܕܐܚܝܡܠܟ.“ 
\q1  
\v 1 ܩܵܡܘܿܕܝܼ ܫܲܒ݂ܗܘܼܪܹܐ ܝܘܸܬ ܒܒܝܼܫܬܵ‌ܐ، ܝܵܐ ܓܲܒܵܪܵܐ؟ 
\q1 ܛܲܝܒܘܼܬܵ‌ܐ ܕܐܲܠܵܗܵܐ ܒܟܠܹܗ ܝܵܘܡܵܐ ܝܠܵܗ̇. 
\q1  
\v 2 ܡܲܚܪܲܒ݂ܬܵ‌ܐ ܬܲܚܡܘܼܢܹܐ ܝܠܹܗ ܠܸܫܵܢܘܼܟ݂، 
\q1 ܐܲܝܟ݂ ܡܲܓܪܲܥܬܵ‌ܐ ܚܲܪܝܼܦܬܵ‌ܐ، ܝܵܐ ܥܵܒ݂ܕܵܢܵܐ ܕܦܸܠܡܵܐ. 
\q1  
\v 3 ܡܘܼܚܸܒ ܠܘܼܟ݂ ܒܝܼܫܬܵ‌ܐ ܒܘܼܫ ܡ̣ܢ ܛܵܒ݂ܬܵ‌ܐ، 
\q1 ܕܲܓܵܠܘܼܬܵ‌ܐ ܡ̣ܢ ܠܗܲܡܙܘܼܡܹܐ ܙܲܕܝܼܩܘܼܬܵ‌ܐ. \qs ܣܹܠܵܗ\qs* 
\q1  
\v 4 ܡܘܼܚܸܒ ܠܘܼܟ݂ ܟܠܵܝܗ‌ܝ ܗܹܡܸܙܡܵܢܹ̈ܐ ܒܵܠܥܵܢܹ̈ܐ، 
\q1 ܝܵܐ ܠܸܫܵܢܵܐ ܕܦܸܠܡܵܐ. 
\q1  
\v 5 ܗܵܕܟ݂ܵܐ ܐܲܠܵܗܵܐ ܒܸܬ ܬܵܠܹܚ ܠܘܼܟ݂ ܠܥܵܠܲܡ، 
\q1 ܒܸܬ ܚܵܛܹܦ ܠܘܼܟ݂ ܘܣܵܬܹܪܘܼܟ݂ ܡ̣ܢ ܡܲܫܟܢܘܼܟ݂، 
\q1 ܘܒܸܬ ܥܵܩܹܪܘܼܟ݂ ܡ̣ܢ ܐܲܪܥܵܐ ܕܚܵܝܹ̈ܐ. \qs ܣܹܠܵܗ\qs* 
\q1  
\v 6 ܘܒܸܬ ܚܵܙܝܼ ܙܲܕܝܼܩܹ̈ܐ ܘܒܸܬ ܙܵܕܥܝܼ، 
\q1 ܘܥܲܠܘܼܗ‌ܝ ܒܸܬ ܓܵܚܟܝܼ، ܒܹܐܡܵܪܵܐ: 
\q1  
\v 7 ”ܗܵܐ، ܓܲܒ݂ܪܵܐ ܕܠܹܐ ܥܵܒܹܕ ܠܹܗ ܐܲܠܵܗܵܐ ܩܲܠܥܹܗ، 
\q1 ܐܸܠܵܐ ܡܘܼܬܸܒ݂ ܠܹܗ ܣܲܒ݂ܪܹܗ ܒܦܸܪܝܘܼܬܵ‌ܐ ܕܥܘܼܬܪܹܗ، 
\q1 ܘܚܘܼܠܸܢܹܗ ܒܫܲܗܘܲܬܬܹܗ ܡܲܚܪܸܒ݂ܵܢܬܵ‌ܐ.“ 
\q1  
\v 8 ܐܝܼܢܵܐ ܐܵܢܵܐ، ܐܲܝܟ݂ ܙܲܝܬܵ‌ܐ ܩܝܼܢܵܐ ܝܘܸܢ ܓܵܘ ܒܲܝܬܵ‌ܐ ܕܐܲܠܵܗܵܐ، 
\q1 ܡܘܼܬܸܒ݂ ܠܝܼ ܣܲܒ݂ܪܝܼ ܒܛܲܝܒܘܼܬܵ‌ܐ ܕܐܲܠܵܗܵܐ ܠܥܵܠܲܡ ܥܵܠܡܝܼܢ. 
\q1  
\v 9 ܒܸܬ ܫܲܟܪܸܢܘܼܟ݂ ܠܥܵܠܲܡ ܣܵܒܵܒ ܥܒ݂ܝܼܕ ܠܘܼܟ݂ ܐܵܗܵܐ، 
\q1 ܘܒܸܬ ܡܲܬܒܸܢ ܣܲܒ݂ܪܝܼ ܒܫܸܡܘܼܟ݂ ܣܵܒܵܒ ܛܵܒ݂ܵܐ ܝܠܹܗ ܩܲܕܡ ܗܲܡܸܢܵܢܘܼ̈ܟ݂. 
\c 53  
\s1 ܠܪܝܫ ܓܘܕܐ ܕܙܡܪ̈ܐ: ܥܠܔ ܡܲܚܠܲܬ. ܡܲܣܟܝܼܠܔ ܕܕܘܝܕ. 
\q1  
\v 1 ܐܡܝܼܪܹܗ ܣܲܟ݂ܠܵܐ ܒܠܸܒܹܗ: ”ܠܲܝܬ ܐܲܠܵܗܵܐ.“ 
\q1 ܚܪܝܼܒܹܐ ܝܢܵܐ، ܘܥܒ݂ܝܼܕ ܠܗܘܿܢ ܛܲܢܦܘܼܬܵ‌ܐ ܒܥܵܘܠܵܐ، 
\q1 ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ. 
\q1  
\v 2 ܐܲܠܵܗܵܐ ܡ̣ܢ ܫܡܲܝܵܐ ܓܘܼܫܸܩ ܠܹܗ ܥܲܠܔ ܒܢܲܝ̈ܢܵܫܵܐ، 
\q1 ܠܸܚܙܵܝܵܐ ܐܸܢ ܐܝܼܬ ܦܲܪܡܝܼܵܢܵܐ، 
\q1 ܛܵܥܝܵܢܵܐ ܠܐܲܠܵܗܵܐ. 
\q1  
\v 3 ܟܠܵܝܗ‌ܝ ܩܠܝܼܒ ܠܗܘܿܢ، 
\q1 ܡܸܚܕܵܕܹ̈ܐ ܗܘܹܐ ܠܗܘܿܢ ܛܲܡܐܹ̈ܐ، 
\q1 ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ، ܠܲܝܬ ܐܘܼܦ ܚܲܕ. 
\q1  
\v 4 ܗܵܐ، ܠܵܐ ܝܕܝܼܥ ܠܗܘܿܢ ܦܵܠܚܵܢܹ̈ܐ ܕܥܵܘܠܵܐ، 
\q1 ܕܟܹܐ ܐܵܟ݂ܠܝܼ ܠܥܲܡܝܼ ܐܲܝܟ݂ ܕܐܵܟ݂ܠܝܼ ܠܲܚܡܵܐ، 
\q1 ܘܠܐܲܠܵܗܵܐ ܠܹܐ ܩܵܪܝܼ؟ 
\q1  
\v 5 ܬܵܡܵܐ ܙܕܝܼܥ ܠܗܘܿܢ ܙܕܘܼܥܬܵ‌ܐ ܓܘܼܪܬܵ‌ܐ ܐܲܝܟܵܐ ܕܠܲܝܬ ܗܘܵܐ ܙܕܘܼܥܬܵ‌ܐ، 
\q1 ܣܵܒܵܒ ܐܲܠܵܗܵܐ ܒܘܼܪܒܸܙ ܠܹܗ ܓܲܪ̈ܡܹܐ ܕܡܵܚܝܵܢܹ̈ܐ ܕܡܲܫܪܝܼܬܵ‌ܐ ܥܲܠܘܼܟ݂، 
\q1 ܡܘܼܢܟܸܦܵܝ ܠܘܼܟ݂ ܣܵܒܵܒ ܐܲܠܵܗܵܐ ܡܘܼܣܠܝܼܵܝ ܠܹܗ. 
\q1  
\v 6 ܛܘܼܒ݂ܵܐ ܕܐܵܬܹ‌ܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠܔ؛ 
\q1 ܟܲܕ ܡܲܕܸܪ ܐܲܠܵܗܵܐ ܥܲܡܹܗ ܡ̣ܢ ܓܵܠܘܼܬܵ‌ܐ، 
\q1 ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠܔ. 
\c 54  
\s1 ܠܪܝܫ ܓܘܕܐ ܕܙܡܪ̈ܐ. ܒܩܝܬܪ̈ܐ. ܡܲܣܟܝܼܠܔ ܕܕܘܝܕ، ܐܝܡܢ ܕܐܬ‌ܐ ܠܗܘܢ ܙܝܦܝ̈ܐ ܘܐܡܝܪܗܘܢ ܠܫܐܘܠܔ: ”ܗܐ، ܠܐ ܝܠܗ ܕܘܝܕ ܛܘܫܝܘܗ̇ ܓܢܗ ܠܟܣ ܠܢ؟“ 
\q1  
\v 1 ܝܵܐ ܐܲܠܵܗܵܐ، ܦܲܪܸܩ ܠܝܼ ܒܫܸܡܘܼܟ݂، 
\q1 ܘܥܒ݂ܘܿܕ ܕܝܼܘܵܢܝܼ ܒܓܲܒܵܪܘܼܬܘܼܟ݂. 
\q1  
\v 2 ܝܵܐ ܐܲܠܵܗܵܐ، ܫܡܹܥ ܠܵܗ̇ ܨܠܘܿܬ‌ܝܼ، 
\q1 ܗܲܒ݂ܠܔ ܢܵܬܵ‌ܐ ܠܗܹܡܸܙܡܵܢܹ̈ܐ ܕܦܘܼܡܝܼ، 
\q1  
\v 3 ܒܗ̇ܝ ܕܢܘܼܟ݂ܪ̈ܵܝܹܐ ܩܝܼܡ ܠܗܘܿܢ ܥܲܠܝܼ، 
\q1 ܘܛܵܠܝܼܡܹ̈ܐ ܛܥܹܐ ܠܗܘܿܢ ܠܓܵܢܝܼ، 
\q1 ܠܵܐ ܡܘܼܬܸܒ݂ ܠܗܘܿܢ ܐܲܠܵܗܵܐ ܒܲܠܩܘܼܒ݂ܠܵܝܗ‌ܝ. \qs ܣܹܠܵܗ\qs* 
\q1  
\v 4 ܗܵܐ، ܐܲܠܵܗܵܐ ܗܲܝܸܪܵܢܵܐ ܝܠܹܗ ܐܸܠܝܼ، 
\q1 ܡܵܪܝܵܐ ܝܠܹܗ ܣܵܢܕܵܢܵܐ ܕܓܵܢܝܼ. 
\q1  
\v 5 ܒܸܬ ܡܲܕܸܪ ܒܝܼܫܬܵ‌ܐ ܥܲܠܔ ܕܸܫ̃ܡܸܢܝܼ̈، 
\q1 ܒܫܲܪܝܼܪܘܼܬܘܼܟ݂ ܡܲܫܬܸܩ ܠܗܘܿܢ. 
\q1  
\v 6 ܒܩܘܼܪܒܵܢܵܐ ܕܨܸܒ݂ܝܵܢܵܐ ܒܸܬ ܕܵܒ݂ܚܹܢ ܐܸܠܘܼܟ݂، 
\q1 ܒܸܬ ܫܲܟܪܸܢ ܠܫܸܡܘܼܟ݂، ܝܵܐ ܡܵܪܝܵܐ، ܒܗ̇ܝ ܕܛܵܒ݂ܵܐ ܝܠܹܗ. 
\q1  
\v 7 ܒܗ̇ܝ ܕܡ̣ܢ ܟܠܔ ܥܵܘܩܵܢܵܐ ܩܵܡ ܦܲܨܹܐ ܠܝܼ، 
\q1 ܘܚܙܹܐ ܠܵܗ̇ ܥܲܝܢܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈. 
\c 55  
\s1 ܠܪܝܫ ܓܘܕܐ ܕܙܡܪ̈ܐ: ܒܩܝܬܪ̈ܐ. ܡܲܣܟܝܼܠܔ ܕܕܘܝܕ. 
\q1  
\v 1 ܗܲܒ݂ܠܔ ܢܵܬܵ‌ܐ، ܝܵܐ ܐܲܠܵܗܵܐ، ܠܨܠܘܿܬ‌ܝܼ، 
\q1 ܘܠܵܐ ܛܲܫܹܝܬ ܓܵܢܘܼܟ݂ ܡ̣ܢ ܦܲܪܦܲܠܬ‌ܝܼ. 
\q1  
\v 2 ܡܲܨܝܸܬ ܐܸܠܝܼ ܘܓ̰ܲܘܸܒ ܠܝܼ، 
\q1 ܢܲܟܢܘܼܟܹܐ ܝܘܸܢ ܒܬܲܢܲܚܬ‌ܝܼ ܘܛܠܝܼܩܬܵ‌ܐ ܝܠܵܗ̇ ܥܲܠܝܼ، 
\q1  
\v 3 ܡ̣ܢ ܩܵܠܵܐ ܕܕܸܫ̃ܡܸܢ، 
\q1 ܡ̣ܢ ܥܵܘܩܵܢܵܐ ܕܪܲܫܝܼܥܵܐ، 
\q1 ܒܗ̇ܝ ܕܟܹܐ ܡܲܫܦܸܟ݂ܝܼ ܥܲܠܝܼ ܣܸܪܝܘܼܬܵ‌ܐ، 
\q1 ܘܒܚܸܡܬܵ‌ܐ ܟܹܐ ܣܵܢܝܼ ܐܸܠܝܼ. 
\q1  
\v 4 ܠܸܒܝܼ ܟܹܐ ܪܵܓܹܕ ܒܓܵܘܝܼ، 
\q1 ܘܣܘܼܪ̈ܵܕܹܐ ܕܡܵܘܬܵ‌ܐ ܢܦܝܼܠܔ ܠܗܘܿܢ ܥܲܠܝܼ. 
\q1  
\v 5 ܙܕܘܼܥܬܵ‌ܐ ܘܪܲܬܪܲܬܬܵ‌ܐ ܥܒ݂ܝܼܪܗܘܿܢ ܒܝܼܝܼ، 
\q1 ܘܪܓܘܼܕܵܐ ܩܵܡ ܟܲܣܹܐ ܠܝܼ. 
\q1  
\v 6 ܘܐܡܝܼܪܝܼ: ”ܛܘܼܒ݂ܵܐ ܕܗܵܘܹܐ ܗܘܵܐ ܠܝܼ ܓܘܼܠܦܵܢܹ̈ܐ ܐܲܝܟ݂ ܝܵܘܢܵܐ، 
\q1 ܕܦܵܪܚܹܢ ܗܘܵܐ ܘܪܵܝܦܹܢ ܗܘܵܐ. 
\q1  
\v 7 ”ܗܵܐ، ܒܸܬ ܥܵܪܩܹܢ ܗܘܵܐ ܪܸܚܩܵܐ، 
\q1 ܒܸܬ ܫܵܪܹܝܢ ܗܘܵܐ ܒܠܲܝܠܹܐ ܓܵܘ ܒܲܪܝܼܵܐ. \qs ܣܹܠܵܗ\qs* 
\q1  
\v 8 ”ܒܸܬ ܡܲܠܝܸܙܸܢ ܠܦܲܪܘܼܩܘܼܗ̇ ܓܵܢܝܼ، 
\q1 ܡ̣ܢ ܦܵܘܚܵܐ ܚܲܝܠܵܢܵܐ ܘܡ̣ܢ ܥܲܠܥܵܠܵܐ.“ 
\q1  
\v 9 ܒܲܠܒܸܠܔ، ܝܵܐ ܡܵܪܝܵܐ، ܦܲܠܸܥ ܠܸܫܵܢܵܝܗ‌ܝ، 
\q1 ܣܵܒܵܒ ܚܙܹܐ ܠܝܼ ܛܠܘܼܡܝܵܐ ܘܡܲܩܲܪܵܨܘܼܬܵ‌ܐ ܓܵܘ ܡܕܝܼܢ݇ܬܵ‌ܐ. 
\q1  
\v 10 ܐܝܼܡܵܡܵܐ ܘܠܲܝܠܹܐ ܟܹܐ ܚܵܕܪܝܼ ܥܲܠܔ ܫܘܼܪ̈ܘܼܗ̇، 
\q1 ܘܥܵܘܠܵܐ ܘܐܘܼܠܨܵܢܵܐ ܒܓܵܘܘܼܗ̇ ܝܢܵܐ. 
\q1  
\v 11 ܚܪ̈ܵܒܹܐ ܐܝܼܬ ܓܵܘܘܼܗ̇، 
\q1 ܘܠܹܐ ܦܵܪܩܝܼ ܛܠܘܼܡܝܵܐ ܘܦܸܠܡܵܐ ܡ̣ܢ ܫܘܼܩܘܼܗ̇. 
\q1  
\v 12 ܣܵܒܵܒ ܠܹܐ ܝܗܘܵܐ ܕܸܫ̃ܡܸܢ ܕܠܝܼܡ ܠܹܗ ܐܸܠܝܼ، 
\q1 ܕܩܲܒܠܸܢ ܗܘܵܐ. 
\q1 ܠܹܐ ܝܗܘܵܐ ܣܵܢܝܵܢܝܼ ܕܓܘܼܪܘܸܣܵܐ ܠܹܗ ܓܵܢܹܗ ܥܲܠܝܼ، 
\q1 ܕܛܲܫܹܝܢ ܗܘܵܐ ܠܵܗ̇ ܓܵܢܝܼ ܡܸܢܹܗ. 
\q1  
\v 13 ܐܝܼܢܵܐ ܐܲܢ݇ܬ، ܐܢܵܫܵܐ ܐܲܝܟ݂ ܕܝܼܝܼ، 
\q1 ܪܵܚܡܝܼ ܘܝܵܕܥܵܢܝܼ، 
\q1  
\v 14 ܕܥܲܡ ܚܕܵܕܹ̈ܐ ܥܒ݂ܝܼܕ ܠܲܢ ܫܵܘܬܵܦܘܼܬܵ‌ܐ ܚܠܝܼܬܵ‌ܐ، 
\q1 ܓܵܘ ܒܲܝܬܵ‌ܐ ܕܐܲܠܵܗܵܐ ܟܹܐ ܚܵܕܪܲܚ ܗܘܵܘ ܥܲܡ ܟܸܢܫܵܐ. 
\q1  
\v 15 ܐܵܬܹ‌ܐ ܡܵܘܬܵ‌ܐ ܥܲܠܵܝܗ‌ܝ ܡܸܢܫܸܠܬܵܢܹܐ، 
\q1 ܨܵܠܝܼ ܠܫܝܘܿܠܔ ܟܲܕ ܚܵܝܹ̈ܐ، 
\q1 ܣܵܒܵܒ ܒܝܼܫܵܬܹ̈‌ܐ ܐܝܼܬ ܓܵܘ ܒܹܝܬ ܡܲܥܡܪ̈ܵܝܗ‌ܝ، ܒܓܵܘܵܝܗ‌ܝ. 
\q1  
\v 16 ܐܝܼܢܵܐ ܐܵܢܵܐ، ܠܐܲܠܵܗܵܐ ܒܸܬ ܩܵܪܹܝܢ، 
\q1 ܘܡܵܪܝܵܐ ܒܸܬ ܦܲܪܸܩ ܠܝܼ. 
\q1  
\v 17 ܪܲܡܫܵܐ، ܘܨܲܦܪܵܐ، ܘܛܲܗܪܵܐ، ܒܸܬ ܩܵܒ݂ܠܹܢ ܘܬܲܢܸܚܸܢ، 
\q1 ܘܒܸܬ ܫܵܡܹܥ ܠܹܗ ܩܵܠܝܼ. 
\q1  
\v 18 ܒܸܬ ܦܲܪܸܩ ܒܫܠܵܡܵܐ ܓܵܢܝܼ ܡ̣ܢ ܦܠܵܫܵܐ ܕܥܲܠܝܼ، 
\q1 ܣܵܒܵܒ ܪܵܒܵܐ ܝܢܵܐ ܕܲܠܩܘܼܒ݂ܠܝܼ. 
\q1  
\v 19 ܒܸܬ ܫܵܡܹܥ ܐܲܠܵܗܵܐ، ܝܵܬܒ݂ܵܢܵܐ ܕܡ̣ܢ ܙܲܒ݂ܢܹ̈ܐ ܩܲܕܝܼܡܵܝܹ̈ܐ، ܘܒܸܬ ܡܲܠܝܸܨ ܠܗܘܿܢ. \qs ܣܹܠܵܗ\qs* 
\q1 ܣܵܒܵܒ ܠܹܐ ܫܲܚܠܸܦܝܼ، 
\q1 ܘܠܹܐ ܙܵܕܥܝܼ ܡ̣ܢ ܐܲܠܵܗܵܐ. 
\q1  
\v 20 ܦܘܼܫܸܛ ܠܹܗ ܐܝܼܕܵܬܘܼ̈ܗ‌ܝ ܥܲܠܔ ܕܐܵܢܝܼ ܕܝܼܢܵܐ ܒܫܠܵܡܵܐ ܥܲܡܹܗ، 
\q1 ܫܡܝܼܛ ܠܹܗ ܩܵܘܠܹܗ، 
\q1  
\v 21 ܟ̰ܘܼܥܝܵܐ ܐܲܝܟ݂ ܟܲܪܥܵܐ ܦܘܼܡܹܗ، 
\q1 ܐܝܼܢܵܐ ܐܝܼܬ ܦܠܵܫܵܐ ܒܠܸܒܹܗ؛ 
\q1 ܪܲܟܝܼܟܹܐ ܚܲܒܪ̈ܘܼܗ‌ܝ ܡ̣ܢ ܡܸܫܚܵܐ، 
\q1 ܐܝܼܢܵܐ ܣܲܝܦܹ̈ܐ ܓܪ̈ܝܼܫܹܐ ܝܢܵܐ. 
\q1  
\v 22 ܕܪܝܼ ܠܵܗ̇ ܥܲܠܔ ܡܵܪܝܵܐ ܟܵܪܬܘܼܟ݂، ܘܗ̇ܘ ܒܸܬ ܬܲܪܣܹܐ ܠܘܼܟ݂، 
\q1 ܠܹܐ ܫܵܒܹܩ ܠܥܵܠܲܡ ܙܲܕܝܼܩܵܐ ܫܵܥܹܫ. 
\q1  
\v 23 ܐܝܼܢܵܐ ܐܲܢ݇ܬ، ܝܵܐ ܐܲܠܵܗܵܐ، ܒܸܬ ܡܲܨܠܹܝܬ ܠܗܘܿܢ ܠܓܘܼܒܵܐ ܕܚܪܵܒ݂ܵܐ، 
\q1 ܫܲܦܟ݂ܵܢܹ̈ܐ ܕܕܸܡܵܐ ܘܥܵܒ݂ܕܵܢܹ̈ܐ ܕܦܸܠܡܵܐ ܠܹܐ ܡܵܛܝܼ ܠܦܲܠܓܵܐ ܕܚܲܝܵܝ̈ܗ‌ܝ؛ 
\q1 ܐܝܼܢܵܐ ܐܵܢܵܐ ܒܸܬ ܣܵܒܪܹܢ ܒܝܼܘܼܟ݂. 
\c 56  
\s1 ܠܪܝܫ ܓܘܕܐ ܕܙܡܪ̈ܐ: ܥܠܔ ܝܵܘܢܲܬ ܐܹܠܸܡ ܪܚܘܿܩܝܼܡ. ܡܸܟ݂ܬܵܡ ܕܕܘܝܕ، ܐܝܡܢ ܕܕܒ݂ܝܩ ܠܗܘܢ ܐܠܗ ܦܠܫܬܝ̈ܐ ܒܓܬ. 
\q1  
\v 1 ܪܲܚܸܡ ܥܲܠܝܼ، ܝܵܐ ܐܲܠܵܗܵܐ، ܒܗ̇ܝ ܕܩܵܡ ܕܵܐܹܫ ܠܝܼ ܒܲܪܢܵܫܵܐ، 
\q1 ܟܠܹܗ ܝܵܘܡܵܐ ܦܵܠܫܵܢܹ̈ܐ ܡܲܠܝܘܼܨܝܼ ܝܢܵܐ. 
\q1  
\v 2 ܩܵܡ ܕܵܝܫܝܼ ܠܝܼ ܕܸܫ̃ܡܸܢܝܼ̈ ܟܠܹܗ ܝܵܘܡܵܐ، 
\q1 ܒܗ̇ܝ ܕܪܵܒܵܐ ܝܢܵܐ ܦܵܠܫܵܢܹ̈ܐ ܥܲܡܝܼ ܒܚܬܝܼܪܘܼܬܵ‌ܐ. 
\q1  
\v 3 ܝܵܘܡܵܐ ܕܙܵܕܥܹܢ ܐܵܢܵܐ، 
\q1 ܒܝܼܘܼܟ݂ ܒܸܬ ܣܵܒܪܹܢ. 
\q1  
\v 4 ܒܐܲܠܵܗܵܐ، ܗ̇ܘ ܕܟܹܐ ܚܵܩܪܹܢ ܗܹܡܸܙܡܵܢܹܗ، 
\q1 ܒܐܲܠܵܗܵܐ ܣܒܝܼܪܝܼ، ܠܹܐ ܙܵܕܥܹܢ. 
\q1 ܡܘܼܕܝܼ ܡܵܨܹܐ ܥܵܒܹܕ ܒܲܪܢܵܫܵܐ ܐܸܠܝܼ؟ 
\q1  
\v 5 ܟܠܹܗ ܝܵܘܡܵܐ ܗܹܡܸܙܡܵܢܝܼ̈ ܟܹܐ ܡܲܦܟ̰ܸܠܝܼ، 
\q1 ܟܠܵܝܗ‌ܝ ܚܘܼܫܵܒ݂ܵܝ̈ܗ‌ܝ ܒܘܼܬ ܕܝܼܝܼ ܠܒܝܼܫܬܵ‌ܐ ܝܢܵܐ. 
\q1  
\v 6 ܓ̰ܡܝܼܥ ܠܗܘܿܢ، ܝܬܝܼܒ݂ ܠܗܘܿܢ ܒܟܡܹܐܢܵܐ ܐܵܢܝܼ، 
\q1 ܢܛܝܼܪܗܘܿܢ ܥܸܩܒܝܼ̈، 
\q1 ܒܸܣܦܵܪܵܐ ܕܫܵܩܠܝܼ ܠܓܵܢܝܼ. 
\q1  
\v 7 ܠܲܝܬ ܚܠܵܨܵܐ ܐܸܠܵܝܗ‌ܝ ܡ̣ܢ ܥܸܠܬܵ‌ܐ ܕܥܵܘܠܵܝܗ‌ܝ، 
\q1 ܡܲܨܠܝܼ ܠܗܘܿܢ ܥܲܡܡܹ̈ܐ ܒܚܸܡܬܵ‌ܐ، ܝܵܐ ܐܲܠܵܗܵܐ. 
\q1  
\v 8 ܚܕܵܪ̈ܝܵܬ‌ܝܼ ܡܢܹܐ ܠܘܼܟ݂ ܐܲܢ݇ܬ، 
\q1 ܡܲܬܸܒ݂ ܕܸܡܥܝܼ̈ ܒܓܘܼܕܘܼܟ݂. 
\q1 ܗܵܐ، ܠܹܐ ܝܢܵܐ ܒܟܬܵܒ݂ܘܼܟ݂؟ 
\q1  
\v 9 ܗ̇ܝܓܵܗ ܒܸܬ ܕܵܝܪܝܼ ܕܸܫ̃ܡܸܢܝܼ̈ ܠܒܵܬܪܵܐ ܒܝܵܘܡܵܐ ܕܩܵܪܹܝܢ، 
\q1 ܐܵܗܵܐ ܝܕܝܼܥ ܠܝܼ، ܕܐܲܠܵܗܵܐ ܩܵܬ‌ܝܼ ܝܠܹܗ. 
\q1  
\v 10 ܒܐܲܠܵܗܵܐ، ܗ̇ܘ ܕܟܹܐ ܚܵܩܪܹܢ ܗܹܡܸܙܡܵܢܹܗ، 
\q1 ܒܡܵܪܝܵܐ، ܗ̇ܘ ܕܟܹܐ ܚܵܩܪܹܢ ܗܹܡܸܙܡܵܢܹܗ، 
\q1  
\v 11 ܒܐܲܠܵܗܵܐ ܣܒܝܼܪܝܼ، ܠܹܐ ܙܵܕܥܹܢ؛ 
\q1 ܡܘܼܕܝܼ ܡܵܨܹܐ ܥܵܒܹܕ ܒܲܪܢܵܫܵܐ ܐܸܠܝܼ؟ 
\q1  
\v 12 ܘܵܠܝܼܬ‌ܝܼ ܝܢܵܐ ܢܸܕܪܹ̈ܐ ܕܐܸܠܘܼܟ݂، ܝܵܐ ܐܲܠܵܗܵܐ، 
\q1 ܒܸܬ ܬܲܡܸܡܸܢ ܕܸܒ݂ܚܹ̈ܐ ܕܫܲܟܲܪ̈ܝܵܬܹ‌ܐ ܐܸܠܘܼܟ݂، 
\q1  
\v 13 ܒܗ̇ܝ ܕܩܵܡ ܦܲܨܹܝܬ ܠܵܗ̇ ܓܵܢܝܼ ܡ̣ܢ ܡܵܘܬܵ‌ܐ، 
\q1 ܗܹܐ، ܐܲܩܠܵܬ‌ܝܼ̈ ܡ̣ܢ ܬܲܪܩܲܠܬܵ‌ܐ، 
\q1 ܕܚܵܕܪܹܢ ܩܲܕܡ ܐܲܠܵܗܵܐ 
\q1 ܒܒܲܗܪܵܐ ܕܚܵܝܹ̈ܐ. 
\c 57  
\s1 ܠܪܝܫ ܓܘܕܐ ܕܙܡܪ̈ܐ. ܐܲܠܬܲܫܚܸܬ. ܡܸܟ݂ܬܵܡ ܕܕܘܝܕ، ܐܝܡܢ ܕܥܪܝܩ ܠܗ ܡ̣ܢ ܩܕܡ ܫܐܘܠܔ ܠܓܘ ܓܦܝܬ‌ܐ. 
\q1  
\v 1 ܪܲܚܸܡ ܥܲܠܝܼ، ܝܵܐ ܐܲܠܵܗܵܐ، ܪܲܚܸܡ ܥܲܠܝܼ، 
\q1 ܒܗ̇ܝ ܕܒܝܼܘܼܟ݂ ܒܸܫܩܵܠܵܐ ܝܠܵܗ̇ ܓܵܘܣܵܐ ܓܵܢܝܼ، 
\q1 ܘܒܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܒܸܬ ܫܵܩܠܹܢ ܓܵܘܣܵܐ، 
\q1 ܗܲܠܔ ܕܥܵܒ݂ܪܝܼ ܐܘܼܠܨܵܢܹ̈ܐ. 
\q1  
\v 2 ܒܸܬ ܩܵܪܹܝܢ ܠܐܲܠܵܗܵܐ ܥܸܠܵܝܵܐ، 
\q1 ܠܐܲܠܵܗܵܐ ܕܟܹܐ ܬܲܡܸܡ ܟܠܔ ܡܸܢܕܝܼ ܩܵܬ‌ܝܼ. 
\q1  
\v 3 ܒܸܬ ܫܲܕܸܪ ܡ̣ܢ ܫܡܲܝܵܐ ܘܦܲܪܸܩ ܠܝܼ، 
\q1 ܒܸܬ ܠܵܐܹܡ ܠܗ̇ܘ ܕܝܼܠܹܗ ܛܲܚܛܘܼܚܹܐ ܠܝܼ، \qs ܣܹܠܵܗ\qs* 
\q1 ܒܸܬ ܫܲܕܸܪ ܐܲܠܵܗܵܐ ܛܲܝܒܘܼܬܹܗ ܘܫܲܪܝܼܪܘܼܬܹܗ. 
\q1  
\v 4 ܓܵܢܝܼ ܓܵܘܵܐ ܕܐܲܪ̈ܝܹܐ ܝܠܵܗ̇، 
\q1 ܟܹܐ ܕܵܡܟܹܢ ܓܵܘܵܐ ܕܢܘܼܪܹ̈ܐ ܠܵܗܝܵܢܹ̈ܐ، 
\q1 ܒܢܲܝ̈ܢܵܫܵܐ ܕܟܹܟܵܝ̈ܗ‌ܝ ܪܘܼܡܚܵܐ ܝܢܵܐ ܘܓܹܐܪܹ̈ܐ، 
\q1 ܘܠܸܫܵܢܵܝܗ‌ܝ ܣܲܝܦܵܐ ܚܲܪܝܼܦܵܐ. 
\q1  
\v 5 ܪܘܼܡ ܥܲܠܔ ܫܡܲܝܵܐ، ܝܵܐ ܐܲܠܵܗܵܐ، 
\q1 ܥܲܠܔ ܟܠܵܗ̇ ܐܲܪܥܵܐ ܗܵܘܹܐ ܐܝܼܩܵܪܘܼܟ݂. 
\q1  
\v 6 ܓܲܪܕܵܐ ܗܘܼܕܸܪܗܘܿܢ ܠܦܵܣܘܿܥܝܵܬ‌ܝܼ̈، 
\q1 ܟܝܼܦ ܠܵܗ̇ ܓܵܢܝܼ، 
\q1 ܚܦܝܼܪܗܘܿܢ ܓܘܼܒܵܐ ܒܐܘܼܪܚܝܼ، 
\q1 ܐܝܼܢܵܐ ܒܓܵܢܵܝܗ‌ܝ ܢܦܝܼܠܔ ܠܗܘܿܢ ܒܓܵܘܹܗ. \qs ܣܹܠܵܗ\qs* 
\q1  
\v 7 ܡܩܵܘܝܵܢܵܐ ܝܠܹܗ ܠܸܒܝܼ، ܝܵܐ ܐܲܠܵܗܵܐ، ܡܩܵܘܝܵܢܵܐ ܝܠܹܗ ܠܸܒܝܼ، 
\q1 ܒܸܬ ܫܲܒܚܸܢ ܘܒܸܬ ܙܵܡܪܹܢ. 
\q1  
\v 8 ܪܥܘܿܫܝ، ܝܵܐ ܓܵܢܝܼ! ܪܥܘܿܫܝ، ܩܝܼܬܵܪܵܐ ܘܟܸܢܵܪܵܐ! 
\q1 ܒܸܬ ܡܲܪܥܸܫܸܢ ܠܨܲܦܪܵܐ. 
\q1  
\v 9 ܒܸܬ ܫܲܟܪܸܢܘܼܟ݂ ܓܵܘ ܥܲܡܡܹ̈ܐ، ܝܵܐ ܡܵܪܝܵܐ، 
\q1 ܒܸܬ ܙܵܡܪܹܢ ܐܸܠܘܼܟ݂ ܓܵܘ ܐܸܡܘܵܬܹ̈‌ܐ، 
\q1  
\v 10 ܒܗ̇ܝ ܕܓܘܼܪܬܵ‌ܐ ܝܠܵܗ̇ ܗܲܠܔ ܫܡܲܝܵܐ ܛܲܝܒܘܼܬܘܼܟ݂، 
\q1 ܘܗܲܠܔ ܥܢܵܢܹ̈ܐ ܫܲܪܝܼܪܘܼܬܘܼܟ݂. 
\q1  
\v 11 ܪܘܼܡ ܥܲܠܔ ܫܡܲܝܵܐ، ܝܵܐ ܐܲܠܵܗܵܐ، 
\q1 ܥܲܠܔ ܟܠܵܗ̇ ܐܲܪܥܵܐ ܗܵܘܹܐ ܐܝܼܩܵܪܘܼܟ݂. 
\c 58  
\s1 ܠܪܝܫ ܓܘܕܐ ܕܙܡܪ̈ܐ. ܐܲܠܬܲܫܚܸܬ. ܡܸܟ݂ܬܵܡ ܕܕܘܝܕ. 
\q1  
\v 1 ܗܵܐ ܒܫܪܵܪܵܐ، ܙܲܕܝܼܩܘܼܬܵ‌ܐ ܗܲܡܙܘܼܡܹܐ ܝܬܘܿܢ، ܝܵܐ ܕܲܝܵܢܹ̈ܐ؟ 
\q1 ܒܬܪܘܼܨܘܼܬܵ‌ܐ ܒܸܕܝܵܢܵܐ ܝܬܘܿܢ ܒܢܲܝ̈ܢܵܫܵܐ؟ 
\q1  
\v 2 ܠܵܐ، ܐܸܠܵܐ ܒܠܸܒܵܘܟ݂ܘܿܢ ܒܸܦܠܵܚܵܐ ܝܬܘܿܢ ܥܵܘ̈ܠܹܐ، 
\q1 ܒܐܲܪܥܵܐ ܦܲܠܘܼܥܹܐ ܝܬܘܿܢ ܚܸܡܬܵ‌ܐ ܕܐܝܼܕܵܬܵܘ̈ܟ݂ܘܿܢ. 
\q1  
\v 3 ܪ̈ܲܫܝܼܥܹܐ ܗܘܹܐ ܠܗܘܿܢ ܢܘܼܟ݂ܪ̈ܵܝܹܐ ܡ̣ܢ ܡܲܪܒܥܵܐ، 
\q1 ܚܠܝܼܛ ܠܗܘܿܢ ܡ̣ܢ ܒܲܛܢܵܐ ܗܲܡܙܸܡܵܢܹ̈ܐ ܕܕܘܼܓܠܵܐ. 
\q1  
\v 4 ܚܸܡܬܵܝܗ‌ܝ ܐܲܝܟ݂ ܕܡܘܼܬܵ‌ܐ ܕܚܸܡܬܵ‌ܐ ܕܚܘܼܘܹܐ ܝܠܵܗ̇، 
\q1 ܐܲܝܟ݂ ܦܲܬܢܵܐ ܚܲܪܫܵܐ ܕܟܹܐ ܕܵܒܹܪ ܢܵܬܹܗ، 
\q1  
\v 5 ܕܠܹܐ ܫܵܡܹܥ ܩܵܠܵܐ ܕܦܲܛܦܸܛܵܢܹ̈ܐ، 
\q1 ܝܲܢ ܕܡܲܪܩܸܕܵܢܵܐ ܡܗܝܼܪܵܐ ܕܚܘܼܵܘܵܬܹ̈‌ܐ. 
\q1  
\v 6 ܝܵܐ ܐܲܠܵܗܵܐ، ܫܡܘܿܛ ܟܹܟܵܝ̈ܗ‌ܝ ܓܵܘ ܦܘܼܡܵܝܗ‌ܝ، 
\q1 ܢܝܼܒܹ̈ܐ ܕܓܘܼܪ̈ܝܹܐ ܕܐܲܪ̈ܝܹܐ ܥܩܘܿܪ، ܝܵܐ ܡܵܪܝܵܐ. 
\q1  
\v 7 ܫܒ݂ܘܿܩ ܛܵܠܩܝܼ ܐܲܝܟ݂ ܡ̈ܝܼܵܐ ܕܟܹܐ ܓ̰ܵܪܝܼ، 
\q1 ܩܵܛܥܝܼ ܓܹܐܪ̈ܘܼܗ‌ܝ ܐܝܼܡܲܢ ܕܡܵܬܹܚ ܠܗܘܿܢ. 
\q1  
\v 8 ܗܵܘܝܼ ܐܲܝܟ݂ ܚܲܠܵܙܘܿܢܵܐ ܒܸܦܫܵܪܵܐ ܟܲܕ ܒܸܪܚܵܫܵܐ، 
\q1 ܐܲܝܟ݂ ܡܘܼܪ̈ܚܸܫܹܐ ܕܒܲܟ݂ܬܵܬܹ̈‌ܐ ܕܠܵܐ ܚܙܹܐ ܠܗܘܿܢ ܫܸܡܫܵܐ. 
\q1  
\v 9 ܡ̣ܢ ܩܲܕܡ ܕܡܵܪܸ̈ܓܠܵܘܟ݂ܘܿܢ ܫܵܚܢܝܼ ܡ̣ܢ ܢܘܼܪܵܐ ܕܟܸܬܘܹ̈ܐ، 
\q1 ܐܲܝܟ݂ ܬܲܠܝܼܠܵܐ ܐܘܼܦ ܒܪܝܼܙܵܐ، ܒܸܬ ܦܵܝܫܝܼ ܓܪܝܼܦܹܐ. 
\q1  
\v 10 ܒܸܬ ܚܵܕܝܼ ܙܲܕܝܼܩܹ̈ܐ ܟܲܕ ܚܙܹܐ ܠܗܘܿܢ ܬܘܼܥܠܵܐ، 
\q1 ܐܲܩܠܵܬܵܝ̈ܗ‌ܝ ܒܸܬ ܚܲܠܸܠܔ ܠܝܼ ܒܕܸܡܵܐ ܕܪ̈ܲܫܝܼܥܹܐ، 
\q1  
\v 11 ܘܒܸܬ ܐܵܡܹܪ ܒܲܪܢܵܫܵܐ: ”ܒܫܪܵܪܵܐ، ܐܝܼܬ ܦܘܼܪܥܵܢܵܐ ܠܙܲܕܝܼܩܵܐ، 
\q1 ܒܫܪܵܪܵܐ، ܐܝܼܬ ܐܲܠܵܗܵܐ ܕܟܹܐ ܕܵܐܹܢ ܒܐܲܪܥܵܐ.“ 
\c 59  
\s1 ܠܪܝܫ ܓܘܕܐ ܕܙܡܪ̈ܐ. ܐܲܠܬܲܫܚܸܬ. ܡܸܟ݂ܬܵܡ ܕܕܘܝܕ، ܐܝܡܢ ܕܫܘܕܪܗ ܫܐܘܠܔ ܘܢܛܝܪܗܘܢ ܒܝܬ‌ܐ ܠܩܛܠܗ. 
\q1  
\v 1 ܦܲܨܝܼ ܠܝܼ ܡ̣ܢ ܕܸܫ̃ܡܸܢܝܼ̈، ܝܵܐ ܐܲܠܵܗ‌ܝܼ، 
\q1 ܡܲܪܡܹܝܬ ܠܝܼ ܪܸܚܩܵܐ ܠܥܸܠܔ ܡ̣ܢ ܩܵܝܡܵܢܹ̈ܐ ܕܥܲܠܝܼ. 
\q1  
\v 2 ܦܲܨܝܼ ܠܝܼ ܡ̣ܢ ܦܵܠܚܵܢܹ̈ܐ ܕܥܵܘܠܵܐ، 
\q1 ܘܦܲܪܸܩ ܠܝܼ ܡ̣ܢ ܫܲܦܟ݂ܵܢܹ̈ܐ ܕܕܸܡܵܐ. 
\q1  
\v 3 ܣܵܒܵܒ ܗܵܐ، ܝܬܝܼܒ݂ ܠܗܘܿܢ ܒܟܡܹܐܢܵܐ ܠܓܵܢܝܼ، 
\q1 ܓ̰ܡܝܼܥ ܠܗܘܿܢ ܥܲܠܝܼ ܙܲܪ̈ܒܵܢܹܐ، 
\q1 ܐܵܦܸܢ ܕܠܹܐ ܝܘܸܢ ܥܒ݂ܝܼܕܵܐ ܓܢܵܗܵܐ ܐܵܦܠܵܐ ܚܛܝܼܬܵ‌ܐ، ܝܵܐ ܡܵܪܝܵܐ. 
\q1  
\v 4 ܟܲܕ ܠܵܐ ܥܒ݂ܝܼܕܵܐ ܥܵܘܠܵܐ، ܟܹܐ ܪܵܚܛܝܼ ܘܗܲܕܪܝܼ ܓܵܢܵܝܗ‌ܝ، 
\q1 ܬܥܘܿܪ ܠܸܬܦܵܩܵܐ ܒܝܼܝܼ، ܘܚܙܝܼ. 
\q1  
\v 5 ܘܐܲܢ݇ܬ، ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، ܐܲܠܵܗܵܐ ܕܐܝܼܣܪܵܐܹܝܠܔ، 
\q1 ܪܥܘܿܫ ܠܸܦܪܵܥܵܐ ܠܟܠܵܝܗ‌ܝ ܐܸܡܘܵܬܹ̈‌ܐ، 
\q1 ܠܵܐ ܪܵܚܡܹܬ ܠܗܸܟ̃ ܥܵܘܵܠܵܐ ܠܵܐ ܡܗܘܼܡܢܵܐ. \qs ܣܹܠܵܗ\qs* 
\q1  
\v 6 ܟܹܐ ܕܵܝܪܝܼ ܒܪܲܡܫܵܐ ܙܵܘܙܝܼ ܐܲܝܟ݂ ܟܲܠܒܹ̈ܐ، 
\q1 ܘܚܵܕܪܝܼ ܚܵܕܸܪ̈ܘܵܢܹܐ ܕܡܕܝܼܢ݇ܬܵ‌ܐ. 
\q1  
\v 7 ܗܵܐ، ܟܹܐ ܓܲܒܓܸܒܝܼ ܠܹܗ ܦܘܼܡܵܝܗ‌ܝ ܒܡܹܐܡܪܹ̈ܐ، 
\q1 ܕܝܼܢܵܐ ܣܲܝܦܹ̈ܐ ܒܣܸܦܘܵܬܵܝ̈ܗ‌ܝ، 
\q1 ܣܵܒܵܒ ܟܹܐ ܐܵܡܪܝܼ: ”ܡܵܢܝܼ ܝܠܹܗ ܒܸܫܡܵܥܵܐ؟“ 
\q1  
\v 8 ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܒܸܬ ܓܵܚܟܹܬ ܒܝܼܵܝܗ‌ܝ، 
\q1 ܒܸܬ ܡܲܣܚܸܪܸܬ ܒܟܠܵܝܗ‌ܝ ܐܸܡܘܵܬܹ̈‌ܐ. 
\q1  
\v 9 ܝܵܐ ܚܲܝܠܝܼ، ܐܸܠܘܼܟ݂ ܒܸܬ ܣܵܦܪܹܢ، 
\q1 ܣܵܒܵܒ ܐܲܠܵܗܵܐ ܝܠܹܗ ܒܹܝܬ ܓܵܘܣܝܼ. 
\q1  
\v 10 ܐܲܠܵܗܵܐ ܕܛܲܝܒܘܼܬ‌ܝܼ ܒܸܬ ܬܵܦܹܩ ܒܝܼܝܼ، 
\q1 ܐܲܠܵܗܵܐ ܒܸܬ ܡܲܚܙܹܐ ܠܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈. 
\q1  
\v 11 ܠܵܐ ܩܵܛܠܹܬ ܠܗܘܿܢ ܕܠܵܐ ܗܵܘܹܐ ܕܥܲܡܝܼ ܢܵܫܝܼ، 
\q1 ܡܲܫܥܸܫ ܠܗܘܿܢ ܒܚܲܝܠܘܼܟ݂، ܘܡܲܢܦܸܠܔ ܠܗܘܿܢ، 
\q1 ܝܵܐ ܡܵܪܝܵܐ ܡܵܛܵܠܲܢ. 
\q1  
\v 12 ܒܘܼܬ ܚܛܝܼܬܵ‌ܐ ܕܦܘܼܡܵܝܗ‌ܝ، ܗܹܡܸܙܡܵܢ ܕܣܸܦܘܵܬܵܝ̈ܗ‌ܝ، 
\q1 ܦܵܝܫܝܼ ܕܒ݂ܝܼܩܹܐ ܒܫܘܼܒ݂ܗܵܪܵܝܗ‌ܝ، 
\q1 ܘܒܘܼܬ ܠܵܘܛܬܵ‌ܐ ܘܕܲܓܵܠܘܼܬܵ‌ܐ ܕܟܹܐ ܗܲܩܝܼ. 
\q1  
\v 13 ܛܲܠܸܩ ܠܗܘܿܢ ܒܚܸܡܬܵ‌ܐ، ܛܲܠܸܩ ܠܗܘܿܢ ܕܠܵܐ ܦܵܝܫܝܼ، 
\q1 ܕܝܵܕܥܝܼ ܐܲܠܵܗܵܐ ܒܸܥܒ݂ܵܕܵܐ ܝܠܹܗ ܫܘܼܠܛܵܢܵܐ ܥܲܠܔ ܝܲܥܩܘܿܒ݂، 
\q1 ܗܲܠܔ ܡܲܪ̈ܙܵܢܹܐ ܕܐܲܪܥܵܐ. \qs ܣܹܠܵܗ\qs* 
\q1  
\v 14 ܟܹܐ ܕܵܝܪܝܼ ܒܪܲܡܫܵܐ ܙܵܘܙܝܼ ܐܲܝܟ݂ ܟܲܠܒܹ̈ܐ، 
\q1 ܘܚܵܕܪܝܼ ܚܵܕܸܪ̈ܘܵܢܹܐ ܕܡܕܝܼܢ݇ܬܵ‌ܐ. 
\q1  
\v 15 ܐܵܢܝܼ ܟܹܐ ܚܵܕܪܝܼ ܒܵܬܪ ܡܹܐܟ݂ܘܼܠܬܵ‌ܐ، 
\q1 ܐܸܢ ܠܵܐ ܣܵܒ݂ܥܝܼ ܟܹܐ ܡܲܪܡܸܪܝܼ. 
\q1  
\v 16 ܐܝܼܢܵܐ ܐܵܢܵܐ، ܒܸܬ ܙܵܡܪܹܢ ܒܘܼܬ ܚܲܝܠܘܼܟ݂، 
\q1 ܘܒܸܬ ܫܲܒܚܸܢ ܒܨܲܦܪܵܐ ܒܘܼܬ ܛܲܝܒܘܼܬܘܼܟ݂، 
\q1 ܣܵܒܵܒ ܗܘܹܐ ܠܘܼܟ݂ ܒܹܝܬ ܓܵܘܣܵܐ ܩܵܬ‌ܝܼ، 
\q1 ܘܚܸܣܢܵܐ ܒܝܵܘܡܵܐ ܕܥܵܘܩܵܢܝܼ. 
\q1  
\v 17 ܝܵܐ ܚܲܝܠܝܼ، ܐܸܠܘܼܟ݂ ܒܸܬ ܙܵܡܪܹܢ، 
\q1 ܣܵܒܵܒ ܐܲܠܵܗܵܐ ܒܹܝܬ ܓܵܘܣܝܼ ܝܠܹܗ، ܐܲܠܵܗܵܐ ܕܛܲܝܒܘܼܬ‌ܝܼ. 
\c 60  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܫܘܼܫܲܢ ܥܹܕܘܿܬ. ܡܸܟ݂ܬܵܡ ܕܕܘܝܕ ܠܡܠܘܦܐ، ܐܝܡܢ ܕܦܠܝܫ ܠܗ ܥܡ ܐܪܡ ܢܗܪ̈ܝܢ ܘܥܡ ܐܪܡ ܨܘܒ݂ܐ، ܘܕܝܪܗ ܝܘܐܒ݂ ܘܡܚܐ ܠܗ ܬܪܥܣܪ ܐܠܦ̈ܐ ܐܕܘܡܝ̈ܐ ܒܪܘܘܠܐ ܕܡܠܚܐ. 
\q1  
\v 1 ܝܵܐ ܐܲܠܵܗܵܐ، ܩܵܡ ܡܲܚܦܸܠܸܬ ܠܲܢ ܘܩܵܡ ܬܵܪܥܹܬ ܠܲܢ، 
\q1 ܟܪܝܼܒ ܠܘܼܟ݂؛ ܡܲܕܸܪܸܬ ܠܲܢ. 
\q1  
\v 2 ܕܘܼܪܘܸܕܵܐ ܠܘܼܟ݂ ܐܲܪܥܵܐ، ܟ̰ܠܝܼܦܵܐ ܠܘܼܟ݂، 
\q1 ܒܲܣܸܡ ܬܒ݂ܵܪܬܘܼܗ̇ ܣܵܒܵܒ ܫܥܝܼܫܬܵ‌ܐ ܝܠܵܗ̇. 
\q1  
\v 3 ܡܘܼܚܙܹܐ ܠܘܼܟ݂ ܠܥܲܡܘܼܟ݂ ܩܸܫܝܘܼܬܵ‌ܐ، 
\q1 ܩܵܡ ܡܲܫܬܹܝܬ ܠܲܢ ܚܲܡܪܵܐ ܦܲܢܦܸܠܵܢܵܐ. 
\q1  
\v 4 ܝܘܼܗܒܹܠܔ ܠܘܼܟ݂ ܐܵܬܵ‌ܐ ܠܙܕܝܼܥܘܼ̈ܟ݂، 
\q1 ܠܸܥܪܵܩܵܐ ܟܸܣ ܠܘܼܗ̇ ܡܩܲܕܡ ܩܸܫܬܵ‌ܐ، \qs ܣܹܠܵܗ\qs* 
\q1  
\v 5 ܩܵܐ ܕܚܵܠܨܝܼ ܡܘܼܚܸܒܘܼ̈ܟ݂، 
\q1 ܦܲܪܸܩ ܒܝܲܡܝܼܢܘܼܟ݂ ܘܓ̰ܲܘܸܒ ܠܲܢ. 
\q1  
\v 6 ܐܲܠܵܗܵܐ ܗܘܼܡܙܸܡ ܠܹܗ ܒܩܘܼܕܫܹܗ: ”ܒܸܬ ܦܵܨܚܹܢ، 
\q1 ܒܸܬ ܦܲܠܥܸܢ ܠܫܟܹܝܡ ܘܪܵܘܘܿܠܵܐ ܕܣܵܟܘܼܬ ܒܸܬ ܟܵܝܠܹܢ. 
\q1  
\v 7 ”ܕܝܼܝܼ ܝܠܹܗ ܓܸܠܥܵܕ، ܘܕܝܼܝܼ ܝܠܹܗ ܡܢܲܫܹܐ، 
\q1 ܐܲܦܪܹܝܡ ܣܲܢܘܲܪܬܵ‌ܐ ܕܪܹܝܫܝܼ، ܝܼܗܘܼܕܵܐ ܚܘܼܛܪܝܼ. 
\q1  
\v 8 ”ܡܘܼܐܵܒ݂ ܡܵܪܸܓܠܵܐ ܕܚܲܠܲܠܬ‌ܝܼ، 
\q1 ܥܲܠܔ ܐܲܕܘܿܡ ܒܸܬ ܪܲܦܹܝܢ ܨܵܘܸܠܬ‌ܝܼ، 
\q1 ܥܲܠܔ ܦܠܸܫܬ ܒܸܬ ܡܲܩܘܸܚܸܢ.“ 
\q1  
\v 9 ܡܵܢܝܼ ܒܸܬ ܠܲܒܸܠܔ ܠܝܼ ܠܡܕܝܼܢ݇ܬܵ‌ܐ ܡܘܼܩܘܝܼܬܵ‌ܐ؟ 
\q1 ܡܵܢܝܼ ܒܸܬ ܡܗܲܕܹܐ ܠܝܼ ܗܲܠܔ ܐܲܕܘܿܡ؟ 
\q1  
\v 10 ܗܵܐ، ܠܹܐ ܝܘܸܬ ܐܲܢ݇ܬ ܡܘܼܚܦܸܠܵܐ ܐܸܠܲܢ، ܝܵܐ ܐܲܠܵܗܵܐ؟ 
\q1 ܘܠܹܐ ܦܵܠܛܹܬ ܥܲܡ ܚܲܝܠܵܘܵܬܲܢ̈، ܝܵܐ ܐܲܠܵܗܵܐ؟ 
\q1  
\v 11 ܗܲܒ݂ܠܔ ܠܲܢ ܗܲܝܲܪܬܵ‌ܐ ܩܲܕܡ ܕܸܫ̃ܡܸܢ، 
\q1 ܣܵܒܵܒ ܣܪܝܼܩܘܼܬܵ‌ܐ ܝܠܵܗ̇ ܦܲܪܲܩܬܵ‌ܐ ܕܒܲܪܢܵܫܵܐ. 
\q1  
\v 12 ܒܐܲܠܵܗܵܐ ܒܸܬ ܥܵܒ݂ܕܲܚ ܓܲܒܵܪܘܼܬܵ‌ܐ، 
\q1 ܘܗ̇ܘ ܒܸܬ ܕܲܫܕܸܫ ܠܕܸܫ̃ܡܸܢܲܢ̈. 
\c 61  
\q1  
\v 1 ܫܡܹܥ، ܝܵܐ ܐܲܠܵܗܵܐ، ܠܡܲܩܘܲܚܬ‌ܝܼ، 
\q1 ܨܘܼܬ ܠܨܠܘܿܬ‌ܝܼ. 
\q1  
\v 2 ܡ̣ܢ ܦܪܵܩܬܵ‌ܐ ܕܐܲܪܥܵܐ ܒܸܬ ܩܵܪܹܝܢ ܐܸܠܘܼܟ݂ ܟܲܕ ܕܘܼܪܕܸܫ̃ܵܐ ܠܸܒܝܼ، 
\q1 ܡܗܲܕܝܼ ܠܝܼ ܠܐܝܼܨܵܪܵܐ ܒܘܼܫ ܪܵܡܵܐ ܡܸܢܝܼ. 
\q1  
\v 3 ܣܵܒܵܒ ܗܘܹܐ ܠܘܼܟ݂ ܒܹܝܬ ܓܵܘܣܵܐ ܐܸܠܝܼ، 
\q1 ܒܘܼܪܓ̰ܵܐ ܙܲܪܒܵܢܵܐ ܩܲܕܡ ܕܸܫ̃ܡܸܢ. 
\q1  
\v 4 ܒܸܬ ܥܵܡܪܹܢ ܓܵܘ ܡܲܫܟܢܘܼܟ݂ ܠܥܵܠܡܝܼܢ، 
\q1 ܒܸܬ ܫܵܩܠܹܢ ܓܵܘܣܵܐ ܒܣܸܬܵܪܵܐ ܕܓܘܼܠܦܵܢܘܼ̈ܟ݂. \qs ܣܹܠܵܗ\qs* 
\q1  
\v 5 ܒܗ̇ܝ ܕܐܲܢ݇ܬ، ܝܵܐ ܐܲܠܵܗܵܐ، ܫܡܝܼܥ ܠܘܼܟ݂ ܢܸܕܪ̈ܝܼ، 
\q1 ܩܵܡ ܝܵܗܒܹܬ ܠܝܼ ܝܘܼܪܬܵܢܵܐ ܥܲܡ ܙܕܝܼ̈ܥܹܐ ܕܫܸܡܘܼܟ݂. 
\q1  
\v 6 ܝܵܘܡܵܢܹ̈ܐ ܒܸܬ ܡܲܙܝܸܕܸܬ ܥܲܠܔ ܝܵܘܡܵܢܹ̈ܐ ܕܡܲܠܟܵܐ، 
\q1 ܫܸܢܘܼ̈ܗ‌ܝ ܒܸܬ ܗܵܘܝܼ ܠܕܵܪܵܐ ܘܕܵܪܵܐ. 
\q1  
\v 7 ܒܸܬ ܝܵܬܹܒ݂ ܠܥܵܠܲܡ ܩܲܕܡ ܐܲܠܵܗܵܐ، 
\q1 ܦܩܘܿܕ ܛܲܝܒܘܼܬܵ‌ܐ ܘܫܪܵܪܵܐ ܠܸܢܛܵܪܵܐ ܐܸܠܹܗ. 
\q1  
\v 8 ܗܵܕܟ݂ܵܐ ܠܫܸܡܘܼܟ݂ ܒܸܬ ܙܵܡܪܹܢ ܠܥܵܠܲܡ، 
\q1 ܟܲܕ ܬܲܡܘܼܡܹܐ ܢܸܕܪ̈ܝܼ ܝܵܘܡܵܐ ܒܝܵܘܡܵܐ. 
\c 62  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܝܕܘܬܘܢ. ܡܙܡܘܪܐ ܕܕܘܝܕ. 
\q1  
\v 1 ܐܲܚܟ̰ܝܼ ܠܐܲܠܵܗܵܐ ܒܫܸܬܩܵܐ ܒܸܣܦܵܪܵܐ ܝܠܵܗ̇ ܓܵܢܝܼ، 
\q1 ܡܸܢܹܗ ܝܠܹܗ ܦܘܼܪܩܵܢܝܼ. 
\q1  
\v 2 ܐܲܚܟ̰ܝܼ ܗ̇ܘ ܝܼܠܹܗ ܐܝܼܨܵܪܝܼ ܘܦܘܼܪܩܵܢܝܼ، 
\q1 ܩܲܠܥܝܼ ܝܠܹܗ، ܗܲܪ ܠܹܐ ܫܵܥܫܹܢ. 
\q1  
\v 3 ܗܲܠܔ ܐܝܼܡܲܢ ܒܸܬ ܬܵܪܥܝܼܬܘܿܢ ܥܲܠܔ ܐܢܵܫܵܐ؟ 
\q1 ܟܠܵܘܟ݂ܘܿܢ ܒܵܥܹܝܬܘܿܢ ܠܸܩܛܵܠܵܐ ܐܸܠܹܗ، 
\q1 ܐܲܝܟ݂ ܓܘܼܕܵܐ ܓܸܢܝܵܐ، ܣܝܵܓ݂ܵܐ ܚܘܼܪܙܸܦܵܐ. 
\q1  
\v 4 ܐܲܚܟ̰ܝܼ ܥܒ݂ܝܼܕ ܠܗܘܿܢ ܡܸܠܟܵܐ ܠܸܛܪܵܕܹܗ ܡ̣ܢ ܪܵܡܘܼܬܹܗ، 
\q1 ܟܹܐ ܒܵܣܡܵܐ ܠܗܘܿܢ ܒܕܘܼܓܠܵܐ، 
\q1 ܒܦܘܼܡܵܝܗ‌ܝ ܟܹܐ ܒܲܪܟ݂ܝܼ، ܐܝܼܢܵܐ ܒܓܵܘܵܝܗ‌ܝ ܟܹܐ ܠܵܝܛܝܼ. \qs ܣܹܠܵܗ\qs* 
\q1  
\v 5 ܐܲܚܟ̰ܝܼ ܠܐܲܠܵܗܵܐ ܒܫܸܬܩܵܐ ܣܦܘܿܪܝ، ܝܵܐ ܓܵܢܝܼ، 
\q1 ܣܵܒܵܒ ܡܸܢܹܗ ܝܠܹܗ ܣܲܒ݂ܪܝܼ. 
\q1  
\v 6 ܐܲܚܟ̰ܝܼ ܗ̇ܘ ܝܼܠܹܗ ܐܝܼܨܵܪܝܼ ܘܦܘܼܪܩܵܢܝܼ، 
\q1 ܩܲܠܥܝܼ ܝܠܹܗ، ܠܹܐ ܫܵܥܫܹܢ. 
\q1  
\v 7 ܥܲܠܔ ܐܲܠܵܗܵܐ ܝܠܹܗ ܦܘܼܪܩܵܢܝܼ ܘܐܝܼܩܵܪܝܼ، 
\q1 ܗ̇ܘ ܝܼܠܹܗ ܐܝܼܨܵܪܵܐ ܕܥܘܼܫܢܝܼ، ܒܹܝܬ ܓܵܘܣܝܼ ܒܐܲܠܵܗܵܐ. 
\q1  
\v 8 ܣܒܘܿܪܘܼܢ ܒܝܼܹܗ ܒܟܠܔ ܙܲܒ݂ܢܵܐ، ܝܵܐ ܥܲܡܵܐ، 
\q1 ܫܲܦܟ݂ܘܼܢ ܩܲܕܡܘܼܗ‌ܝ ܠܸܒܵܘܟ݂ܘܿܢ، 
\q1 ܐܲܠܵܗܵܐ ܒܹܝܬ ܓܵܘܣܵܐ ܝܠܹܗ ܩܵܬܲܢ. \qs ܣܹܠܵܗ\qs* 
\q1  
\v 9 ܫܲܪܝܼܪܵܐܝܼܬ، ܣܪܝܼܩܘܼܬܵ‌ܐ ܝܢܵܐ ܒܢܲܝ̈ ܐܵܕܵܡ، ܕܘܼܓܠܵܐ ܝܢܵܐ ܒܢܲܝ̈ܢܵܫܵܐ، 
\q1 ܥܲܠܔ ܡܲܣܲܐܬܵ‌ܐ ܟܹܐ ܐܵܣܩܝܼ، 
\q1 ܐܵܢܝܼ ܥܲܠܔ ܚܕܵܕܹ̈ܐ ܒܘܼܫ ܩܲܠܘܼ̈ܠܹܐ ܝܢܵܐ ܡ̣ܢ ܢܫܲܡܬܵ‌ܐ. 
\q1  
\v 10 ܠܵܐ ܡܲܬܒ݂ܝܼܬܘܿܢ ܣܲܒ݂ܪܵܐ ܥܲܠܔ ܛܠܘܼܡܝܵܐ، 
\q1 ܘܒܚܛܘܼܦܝܵܐ ܠܵܐ ܗܵܘܝܼ ܠܵܘܟ݂ܘܿܢ ܬܘܼܟ݂ܠܵܢܵܐ ܣܪܝܼܩܵܐ، 
\q1 ܥܘܼܬܪܵܐ ܟܲܕ ܙܵܐܹܕ، ܠܵܐ ܡܲܬܒ݂ܝܼܬܘܿܢ ܠܸܒܵܐ ܥܲܠܘܼܗ‌ܝ. 
\q1  
\v 11 ܚܕܵܐ ܓܵܗܵܐ ܗܘܼܡܙܸܡ ܠܹܗ ܐܲܠܵܗܵܐ، 
\q1 ܐܲܢܹܐ ܬܲܪܬܹܝ ܫܡܝܼܥ ܠܝܼ، 
\q1 ܕܚܲܝܠܵܐ ܝܼܠܹܗ ܕܐܲܠܵܗܵܐ، 
\q1  
\v 12 ܘܕܝܼܘܼܟ݂ ܝܼܠܵܗ̇ ܛܲܝܒܘܼܬܵ‌ܐ، ܝܵܐ ܡܵܪܝܵܐ، 
\q1 ܒܗ̇ܝ ܕܐܲܢ݇ܬ ܟܹܐ ܦܵܪܥܹܬ ܠܐܢܵܫܵܐ ܐܲܝܟ݂ ܦܘܼܠܚܵܢܹܗ. 
\c 63  
\s1 ܡܙܡܘܪܐ ܕܕܘܝܕ، ܐܝܡܢ ܕܝܗܘܐ ܓܘ ܒܪܝܐ ܕܝܗܘܕܐ. 
\q1  
\v 1 ܝܵܐ ܐܲܠܵܗܵܐ، ܐܲܠܵܗ‌ܝܼ ܝܘܸܬ ܐܲܢ݇ܬ، ܒܸܬ ܛܵܥܹܝܢ ܐܸܠܘܼܟ݂، 
\q1 ܨܗܝܼܬܵ‌ܐ ܝܠܵܗ̇ ܐܸܠܘܼܟ݂ ܓܵܢܝܼ، ܪܲܚܪܘܼܚܹܐ ܝܠܹܗ ܐܸܠܘܼܟ݂ ܢܲܦ̮ܫܝܼ، 
\q1 ܒܐܲܪܥܵܐ ܒܵܪܘܿܙܬܵ‌ܐ ܘܟܟ̰ܝܼܚܬܵ‌ܐ ܒܠܵܐ ܡ̈ܝܼܵܐ. 
\q1  
\v 2 ܗܵܕܟ݂ܵܐ ܓܵܘ ܡܲܩܕܫܵܐ ܩܵܡ ܚܵܙܹܢܘܼܟ݂، 
\q1 ܒܸܚܙܵܝܵܐ ܚܲܝܠܘܼܟ݂ ܘܐܝܼܩܵܪܘܼܟ݂. 
\q1  
\v 3 ܣܵܒܵܒ ܒܘܼܫ ܨܦܵܝܝܼ ܝܠܵܗ̇ ܛܲܝܒܘܼܬܘܼܟ݂ ܡ̣ܢ ܚܲܝܹ̈ܐ، 
\q1 ܣܸܦܘܵܬ‌ܝܼ̈ ܒܸܬ ܫܲܒܚܝܼ ܠܘܼܟ݂. 
\q1  
\v 4 ܗܵܕܟ݂ܵܐ ܒܸܬ ܒܲܪܟܸܢܘܼܟ݂ ܒܚܲܝܝܼ̈، 
\q1 ܒܫܸܡܘܼܟ݂ ܒܸܬ ܡܲܪܡܸܢ ܐܝܼܕܵܬ‌ܝܼ̈. 
\q1  
\v 5 ܐܲܝܟ݂ ܒܬܲܪܒܵܐ ܘܒܛܪܝܼܨܘܼܬܵ‌ܐ ܒܸܬ ܣܵܒ݂ܥܵܐ ܓܵܢܝܼ، 
\q1 ܘܒܣܸܦܘܵܬܹ̈‌ܐ ܕܦܨܝܼܚܘܼܬܵ‌ܐ ܒܸܬ ܫܲܒܸܚ ܦܘܼܡܝܼ؛ 
\q1  
\v 6 ܟܲܕ ܕܵܟ݂ܪܹܢܘܼܟ݂ ܥܲܠܔ ܫܘܝܼܬ‌ܝܼ، 
\q1 ܒܒܲܕ̈ܠܹܐ ܒܸܬ ܗܲܓܹܝܢ ܒܘܼܬ ܕܝܼܘܼܟ݂، 
\q1  
\v 7 ܣܵܒܵܒ ܗܘܹܐ ܠܘܼܟ݂ ܗܲܝܲܪܬܵ‌ܐ ܐܸܠܝܼ، 
\q1 ܘܬܚܘܿܬ ܛܸܠܵܢܝܼܬܵ‌ܐ ܕܓܘܼܠܦܵܢܘܼ̈ܟ݂ ܒܸܬ ܫܲܒܚܸܢ. 
\q1  
\v 8 ܬܒܝܼܥ ܠܵܗ̇ ܓܵܢܝܼ ܐܸܠܘܼܟ݂، 
\q1 ܐܸܠܝܼ ܣܢܝܼܕ ܠܵܗ̇ ܝܲܡܝܼܢܘܼܟ݂. 
\q1  
\v 9 ܐܝܼܢܵܐ ܐܵܢܝܼ ܕܟܹܐ ܛܵܥܝܼ ܠܸܛܠܵܩܵܐ ܠܓܵܢܝܼ، 
\q1 ܒܸܬ ܥܵܒ݂ܪܝܼ ܒܬܲܚ̈ܬܵܝܵܬܹ‌ܐ ܕܐܲܪܥܵܐ. 
\q1  
\v 10 ܒܸܬ ܦܵܝܫܝܼ ܣܘܼܦܝܹܐ ܒܐܝܼܕܵܐ ܕܣܲܝܦܵܐ، 
\q1 ܒܸܬ ܗܵܘܝܼ ܡܹܐܟ݂ܘܼܠܬܵ‌ܐ ܕܬܲܥ̈ܠܹܐ. 
\q1  
\v 11 ܐܝܼܢܵܐ ܡܲܠܟܵܐ ܒܸܬ ܦܵܨܹܚ ܒܐܲܠܵܗܵܐ. 
\q1 ܒܸܬ ܥܵܒܹܕ ܫܘܼܒ݂ܗܵܪܵܐ ܟܠܔ ܕܝܵܡܹܐ ܒܝܼܹܗ، 
\q1 ܣܵܒܵܒ ܒܸܬ ܦܵܝܫܝܼ ܐܟ̰ܝܼܡܹܐ ܦܘܼܡܹ̈ܐ ܕܗܲܡܙܸܡܵܢܹ̈ܐ ܕܕܘܼܓܠܵܐ. 
\c 64  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܫܡܹܥ، ܝܵܐ ܐܲܠܵܗܵܐ، ܩܵܠܝܼ ܟܲܕ ܩܵܒ݂ܠܹܢ، 
\q1 ܢܛܘܿܪܘܼܢ ܚܲܝܝܼ̈ ܡ̣ܢ ܙܕܘܼܥܬܵ‌ܐ ܕܕܸܫ̃ܡܸܢ. 
\q1  
\v 2 ܛܲܫܝܼ ܠܝܼ ܡ̣ܢ ܒܘܼܨܵܐ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ، 
\q1 ܡ̣ܢ ܫܓ݂ܘܼܫܝܵܐ ܕܦܵܠܚܵܢܹ̈ܐ ܕܥܵܘܠܵܐ. 
\q1  
\v 3 ܕܡܘܼܚܪܸܦ ܠܗܘܿܢ ܠܸܫܵܢܵܝܗ‌ܝ ܐܲܝܟ݂ ܣܲܝܦܵܐ، 
\q1 ܡܬܝܼܚ ܠܗܘܿܢ ܗܹܡܸܙܡܵܢ ܡܲܪܝܼܪܬܵ‌ܐ ܐܲܝܟ݂ ܓܹܐܪܵܝܗ‌ܝ. 
\q1  
\v 4 ܠܪܲܦܘܼܝܹܐ ܡ̣ܢ ܣܸܬܵܪܹ̈ܐ ܥܲܠܔ ܬܲܡܝܼܡܵܐ، 
\q1 ܡܸܢܫܸܠܬܵܢܹܐ ܟܹܐ ܪܲܦܝܼ ܥܲܠܘܼܗ‌ܝ، ܘܠܹܐ ܙܵܕܥܝܼ. 
\q1  
\v 5 ܟܹܐ ܚܲܠܸܢܝܼ ܠܵܗ̇ ܓܵܢܵܝܗ‌ܝ ܒܨܒ݂ܘܼܬܵ‌ܐ ܒܝܼܫܬܵ‌ܐ، 
\q1 ܗܘܼܡܙܸܡ ܠܗܘܿܢ ܒܘܼܬ ܛܲܫܘܼܝܹܐ ܦܲܚܹ̈ܐ؛ 
\q1 ܐܡܝܼܪܗܘܿܢ: ”ܡܵܢܝܼ ܒܸܬ ܚܵܙܹܐ ܠܗܘܿܢ؟“ 
\q1  
\v 6 ܟܹܐ ܬܲܚܡܸܢܝܼ ܥܵܘ̈ܠܹܐ، ܒܹܐܡܵܪܵܐ: ”ܡܛܹܐ ܠܲܢ ܠܬܲܚܡܲܢܬܵ‌ܐ ܨܢܝܼܥܬܵ‌ܐ.“ 
\q1 ܘܓܵܘܵܐ ܕܐܢܵܫܵܐ ܘܠܸܒܹܗ ܥܲܡܘܼܩܹ̈ܐ ܝܢܵܐ. 
\q1  
\v 7 ܐܝܼܢܵܐ ܐܲܠܵܗܵܐ ܒܸܬ ܕܵܪܹܐ ܓܹܐܪܵܐ ܥܲܠܵܝܗ‌ܝ، 
\q1 ܒܸܬ ܗܵܘܝܼ ܡܲܚܘܵܬܵܝ̈ܗ‌ܝ ܡܸܢܫܸܠܬܵܢܹܐ. 
\q1  
\v 8 ܒܸܬ ܦܵܝܫܝܼ ܬܘܼܪܩܸܠܹܐ، ܒܠܸܫܵܢܵܐ ܕܓܵܢܵܝܗ‌ܝ ܚܕܝܼܪܵܐ ܠܕܲܠܩܘܼܒ݂ܠܵܝܗ‌ܝ. 
\q1 ܒܸܬ ܡܲܫܥܸܫ ܪܹܝܫܵܐ ܟܠܔ ܕܚܵܙܹܐ ܐܸܠܵܝܗ‌ܝ. 
\q1  
\v 9 ܘܒܸܬ ܙܵܕܥܝܼ ܟܠܵܝܗ‌ܝ ܐܢܵܫܹ̈ܐ، 
\q1 ܘܡܲܕܥܝܼ ܦܘܼܠܚܵܢܵܐ ܕܐܲܠܵܗܵܐ، 
\q1 ܘܥܒ݂ܵܕܹܗ ܒܸܬ ܦܲܪܡܝܼ. 
\q1  
\v 10 ܒܸܬ ܚܵܕܹܐ ܙܲܕܝܼܩܵܐ ܒܡܵܪܝܵܐ ܘܫܵܩܹܠܔ ܓܵܘܣܵܐ ܒܝܼܹܗ، 
\q1 ܘܒܸܬ ܥܵܒ݂ܕܝܼ ܫܘܼܒ݂ܗܵܪܵܐ ܟܠܵܝܗ‌ܝ ܬܪ̈ܘܼܨܹܐ ܕܠܸܒܵܐ. 
\c 65  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. ܙܡܪܬ‌ܐ. 
\q1  
\v 1 ܐܸܠܘܼܟ݂ ܒܸܣܦܵܪܵܐ ܝܠܵܗ̇ ܬܸܫܒܘܿܚܬܵ‌ܐ ܒܨܸܗܝܘܿܢ، ܝܵܐ ܐܲܠܵܗܵܐ، 
\q1 ܘܐܸܠܘܼܟ݂ ܒܸܬ ܦܵܐܹܫ ܦܪܝܼܥܵܐ ܢܸܕܪܵܐ. 
\q1  
\v 2 ܝܵܐ ܫܵܡܥܵܢܵܐ ܕܨܠܘܿܬܵ‌ܐ، 
\q1 ܠܟܸܣܠܘܼܟ݂ ܟܠܔ ܐܢܵܫܵܐ ܒܸܬ ܐܵܬܹ‌ܐ. 
\q1  
\v 3 ܥܵܘ̈ܠܹܐ ܙܘܼܪܒܸܢܗܘܿܢ ܥܲܠܝܼ، 
\q1 ܓܢܵܗܲܢ̈ ܐܲܢ݇ܬ ܟܹܐ ܦܲܚܠܸܬ ܠܗܘܿܢ. 
\q1  
\v 4 ܛܘܼܒ݂ܵܐ ܠܡ̇ܢ ܕܓܲܒܹܝܬ ܘܩܲܪܒܸܢܸܬ ܠܹܗ ܐܸܠܘܼܟ݂ 
\q1 ܕܫܵܪܹܐ ܒܕܵܪ̈ܵܬܘܼܟ݂. ܒܸܬ ܣܵܒ݂ܥܲܚ ܒܛܵܒ݂ܬܵ‌ܐ ܕܒܲܝܬܘܼܟ݂، 
\q1 ܒܩܲܕܝܼܫܘܼܬܵ‌ܐ ܕܗܲܝܟܠܘܼܟ݂. 
\q1  
\v 5 ܒܣܲܗܡܵܢܘܼܝܵܬܹ̈ܐ ܟܹܐ ܓ̰ܲܘܸܒܸܬ ܠܲܢ ܒܙܲܕܝܼܩܘܼܬܵ‌ܐ، 
\q1 ܝܵܐ ܐܲܠܵܗܵܐ ܕܦܘܼܪܩܵܢܲܢ، 
\q1 ܣܲܒ݂ܪܵܐ ܕܟܠܵܝܗ‌ܝ ܡܲܪ̈ܙܵܢܹܐ ܕܐܲܪܥܵܐ، 
\q1 ܘܝܵܡܵܬܹ̈‌ܐ ܪ̈ܲܚܝܼܩܹܐ، 
\q1  
\v 6 ܡܫܲܬܐܸܣܵܢܵܐ ܕܛܘܼܪܹ̈ܐ ܒܚܲܝܠܹܗ، 
\q1 ܚܠܝܼܨܵܐ ܒܓܲܒܵܪܘܼܬܵ‌ܐ، 
\q1  
\v 7 ܡܲܫܠܝܼܵܢܵܐ ܕܫܓ݂ܘܼܫܝܵܐ ܕܝܵܡܵܬܹ̈‌ܐ، ܫܓ݂ܘܼܫܝܵܐ ܕܠܲܦܵܝ̈ܗ‌ܝ، 
\q1 ܘܚܒ݂ܵܛܵܐ ܕܥܲܡܡܹ̈ܐ. 
\q1  
\v 8 ܘܟܹܐ ܙܵܕܥܝܼ ܥܵܡܪ̈ܵܢܹܐ ܕܡܲܪ̈ܙܵܢܹܐ ܕܐܲܪܥܵܐ ܡ̣ܢ ܢܝܼܫܲܢܩܘܼ̈ܟ݂، 
\q1 ܦܠܵܛܵܐ ܕܨܲܦܪܵܐ ܘܕܪܲܡܫܵܐ ܟܹܐ ܥܵܒ݂ܕܹܬ ܫܲܒܚܝܼ. 
\q1  
\v 9 ܣܘܼܚܒܸܪܘܼܟ݂ ܠܐܲܪܥܵܐ ܘܡܘܼܫܬܝܼܵܐ ܠܘܼܟ݂، 
\q1 ܟܹܐ ܥܵܒ݂ܕܹܬ ܠܵܗ̇ ܥܲܬܝܼܪܬܵ‌ܐ ܪܵܒܵܐ. 
\q1 ܫܵܩܝܼܬܵ‌ܐ ܕܐܲܠܵܗܵܐ ܡܠܝܼܬܵ‌ܐ ܝܠܵܗ̇ ܡ̈ܝܼܵܐ، 
\q1 ܟܹܐ ܬܲܪܨܸܬ ܕܲܚܠܵܝܗ‌ܝ ܣܵܒܵܒ ܗܵܕܟ݂ܵܐ ܗܘܼܕܪܘܼܗ̇ ܝܘܸܬ. 
\q1  
\v 10 ܟܪ̈ܝܼܒ݂ܘܼܗ̇ ܟܹܐ ܡܲܫܬܹܝܬ ܒܣܒ݂ܵܥܬܵܝܗ‌ܝ، 
\q1 ܟܹܐ ܡܲܫܘܹܝܬ ܝܵܝܘܼ̈ܗ̇. 
\q1 ܒܩܲܫܩܲܫܝܵܬܹ̈‌ܐ ܟܹܐ ܡܲܪܟܸܟܸܬ ܠܵܗ̇، 
\q1 ܡܲܓ̰ܝܲܢܬܘܼܗ̇ ܟܹܐ ܒܲܪܟܸܬ. 
\q1  
\v 11 ܒܘܼܢܦܸܪܘܼܟ݂ ܫܹܢ݇ܬܵ‌ܐ ܒܛܵܒ݂ܬܘܼܟ݂، 
\q1 ܘܐܘܼܪ̈ܚܵܬܘܼܟ݂ ܟܹܐ ܡܲܫܦܸܟ݂ܝܼ ܦܸܪܝܘܼܬܵ‌ܐ. 
\q1  
\v 12 ܟܹܐ ܡܲܫܦܸܟ݂ܝܼ ܡܲܪ̈ܥܝܹܐ ܕܒܲܪܝܼܵܐ، 
\q1 ܘܠܒ݂ܝܼܫܹܐ ܝܢܵܐ ܪ̈ܘܼܡܝܵܬܹ‌ܐ ܦܨܵܚܵܐ. 
\q1  
\v 13 ܙܩܝܼܪܵܐ ܝܢܵܐ ܡܲܪ̈ܓܹܐ ܒܦܸܣܩܵܐ، 
\q1 ܘܓܲܠܝܼܹ̈ܐ ܟܘܼܣܝܹܐ ܝܢܵܐ ܒܕܲܚܠܵܐ، 
\q1 ܟܹܐ ܩܲܘܸܚܝܼ، ܐܘܼܦ ܟܹܐ ܙܵܡܪܝܼ. 
\c 66  
\s1 ܠܪܝܫ ܓܘܕܐ ܕܙܡܪ̈ܐ. ܙܡܪܬ‌ܐ. ܡܙܡܘܪܐ. 
\q1  
\v 1 ܩܲܘܸܚܘܼܢ ܠܐܲܠܵܗܵܐ ܟܠܵܗ̇ ܐܲܪܥܵܐ. 
\q1  
\v 2 ܙܡܘܿܪܘܼܢ ܠܐܝܼܩܵܪܵܐ ܕܫܸܡܹܗ، 
\q1 ܡܲܬܒ݂ܘܼܢ ܐܝܼܩܵܪܵܐ ܠܬܸܫܒܘܿܚܬܹܗ. 
\q1  
\v 3 ܐܡܘܿܪܘܼܢ ܠܐܲܠܵܗܵܐ: ”ܟܡܵܐ ܣܲܗܡܵܢܹ̈ܐ ܝܢܵܐ ܦܘܼܠܚܵܢܘܼ̈ܟ݂، 
\q1 ܡܥܸܠܬܵ‌ܐ ܕܓܘܼܪܘܼܬܵ‌ܐ ܕܥܘܼܫܢܘܼܟ݂ ܒܸܬ ܫܵܠܡܝܼ ܐܸܠܘܼܟ݂ ܕܸܫ̃ܡܸܢܘܼ̈ܟ݂. 
\q1  
\v 4 ”ܟܠܵܗ̇ ܒܢܲܝ̈ ܐܲܪܥܵܐ ܒܸܬ ܣܵܓ݂ܕܝܼ ܐܸܠܘܼܟ݂، 
\q1 ܘܒܸܬ ܙܵܡܪܝܼ ܐܸܠܘܼܟ݂، 
\q1 ܒܸܬ ܙܵܡܪܝܼ ܠܫܸܡܘܼܟ݂.“ \qs ܣܹܠܵܗ\qs* 
\q1  
\v 5 ܬܹܝܡܘܼܢ ܘܚܙܹܝܡܘܼܢ ܦܘܼܠܚܵܢܹ̈ܐ ܕܐܲܠܵܗܵܐ، 
\q1 ܣܲܗܡܵܢܹ̈ܐ ܝܢܵܐ ܦܘܼܠܚܵܢܘܼ̈ܗ‌ܝ ܒܓܵܘܵܐ ܕܒܢܲܝ̈ܢܵܫܵܐ. 
\q1  
\v 6 ܡܘܼܚܕܸܪܹܗ ܝܵܡܵܐ ܠܒܸܪܙܵܐ، 
\q1 ܡܓܵܘ ܢܲܗܪܵܐ ܥܒ݂ܝܼܪܗܘܿܢ ܒܐܲܩܠܵܐ، 
\q1 ܫܒ݂ܘܿܩ ܚܵܕܲܚ ܒܝܼܹܗ ܬܵܡܵܐ. 
\q1  
\v 7 ܫܲܠܛܵܢܵܐ ܝܠܹܗ ܒܓܲܒܵܪܘܼܬܹܗ ܠܥܵܠܲܡ، 
\q1 ܥܲܝܢܘܼ̈ܗ‌ܝ ܠܐܸܡܘܵܬܹ̈‌ܐ ܟܹܐ ܩܲܙܸܕܝܼ، 
\q1 ܡܵܪ̈ܘܿܕܹܐ ܠܵܐ ܡܲܪܡܝܼ ܓܵܢܵܝܗ‌ܝ. \qs ܣܹܠܵܗ\qs* 
\q1  
\v 8 ܒܲܪܟ݂ܘܼܢ، ܝܵܐ ܥܲܡܡܹ̈ܐ، ܠܐܲܠܵܗܲܢ، 
\q1 ܘܡܲܫܡܸܥܡܘܼܢ ܩܵܠܵܐ ܕܬܸܫܒܘܿܚܬܹܗ، 
\q1  
\v 9 ܗ̇ܘ ܕܚܘܼܡܹܐ ܠܹܗ ܓܵܢܲܢ ܒܚܲܝܹ̈ܐ، 
\q1 ܘܠܵܐ ܫܒ݂ܝܼܩ ܠܹܗ ܕܫܵܥܫܵܐ ܐܲܩܠܲܢ. 
\q1  
\v 10 ܒܗ̇ܝ ܕܩܵܡ ܒܵܚܪܹܬ ܠܲܢ، ܝܵܐ ܐܲܠܵܗܵܐ، 
\q1 ܩܵܡ ܨܲܪܸܦܸܬ ܠܲܢ ܐܲܝܟ݂ ܨܲܪܲܦܬܵ‌ܐ ܕܣܹܐܡܵܐ. 
\q1  
\v 11 ܩܵܡ ܡܲܥܒܸܪܸܬ ܠܲܢ ܓܵܘ ܓܲܪܕܵܐ، 
\q1 ܡܘܼܬܸܒ݂ ܠܘܼܟ݂ ܟܵܪܬܵ‌ܐ ܥܲܠܔ ܚܵܨܲܢ. 
\q1  
\v 12 ܡܘܼܪܟܸܒ݂ ܠܘܼܟ݂ ܒܲܪܢܵܫܵܐ ܒܪܹܝܫܲܢ، 
\q1 ܥܒ݂ܝܼܪܲܢ ܒܢܘܼܪܵܐ ܘܒܡ̈ܝܼܵܐ، 
\q1 ܐܝܼܢܵܐ ܩܵܡ ܦܲܠܛܸܬ ܠܲܢ ܠܕܘܼܟܬܵ‌ܐ ܕܦܸܪܝܘܼܬܵ‌ܐ. 
\q1  
\v 13 ܒܸܬ ܥܵܒ݂ܪܹܢ ܠܒܲܝܬܘܼܟ݂ ܒܕܸܒ݂ܚܹ̈ܐ ܡܘܼܩܕܹ̈ܐ، 
\q1 ܒܸܬ ܬܲܡܸܡܸܢ ܐܸܠܘܼܟ݂ ܢܸܕܪ̈ܝܼ؛ 
\q1  
\v 14 ܐܲܝܢܝܼ ܕܗܘܼܡܙܸܡ ܠܗܘܿܢ ܣܸܦܘܵܬ‌ܝܼ̈، 
\q1 ܘܦܠܝܼܛ ܠܗܘܿܢ ܡ̣ܢ ܦܘܼܡܝܼ ܟܲܕ ܒܥܵܘܩܵܢܵܐ ܝܘܸܢ ܗܘܵܐ. 
\q1  
\v 15 ܕܸܒ݂ܚܹ̈ܐ ܡܘܼܩܕܹ̈ܐ ܕܛܪ̈ܝܼܨܹܐ ܒܸܬ ܡܲܐܣܩܸܢ ܐܸܠܘܼܟ݂، 
\q1 ܥܲܡ ܒܸܣܡܵܐ ܕܒܲܪ̈ܥܵܢܹܐ، 
\q1 ܒܸܬ ܥܵܒ݂ܕܹܢ ܕܸܒ݂ܚܹ̈ܐ ܕܬܵܘܪܹ̈ܐ ܥܲܡ ܓܸܕܝܹ̈ܐ. \qs ܣܹܠܵܗ\qs* 
\q1  
\v 16 ܬܹܝܡܘܼܢ ܫܡܹܥܡܘܼܢ ܟܠܵܝܗ‌ܝ ܙܕܝܼ̈ܥܹܐ ܕܐܲܠܵܗܵܐ، 
\q1 ܘܒܸܬ ܗܲܩܹܝܢ ܡܸܢܕܝܼ ܕܥܒ݂ܝܼܕ ܠܹܗ ܩܵܐ ܓܵܢܝܼ. 
\q1  
\v 17 ܐܸܠܹܗ ܒܦܘܼܡܝܼ ܩܪܹܐ ܠܝܼ، 
\q1 ܘܦܝܼܫ ܠܹܗ ܡܘܼܪܡܵܐ ܒܠܸܫܵܢܝܼ. 
\q1  
\v 18 ܐܸܢ ܢܵܛܪܹܢ ܗܘܵܐ ܥܵܘܠܵܐ ܒܠܸܒܝܼ، 
\q1 ܠܹܐ ܫܵܡܹܥ ܗܘܵܐ ܡܵܪܝܵܐ. 
\q1  
\v 19 ܐܝܼܢܵܐ ܒܫܪܵܪܵܐ، ܫܡܝܼܥ ܠܹܗ ܐܲܠܵܗܵܐ، 
\q1 ܡܘܼܨܝܸܬ ܠܹܗ ܠܩܵܠܵܐ ܕܨܠܘܿܬ‌ܝܼ. 
\q1  
\v 20 ܒܪܝܼܟ݂ܵܐ ܝܠܹܗ ܐܲܠܵܗܵܐ، 
\q1 ܕܠܵܐ ܡܘܼܕܸܪܹܗ ܨܠܘܿܬ‌ܝܼ، ܐܵܦܠܵܐ ܡܘܼܥܒܸܪܹܗ ܛܲܝܒܘܼܬܹܗ ܡܸܢܝܼ. 
\c 67  
\s1 ܠܪܝܫ ܓܘܕܐ ܕܙܡܪ̈ܐ. ܒܩܝܬܪ̈ܐ. ܡܙܡܘܪܐ. ܙܡܪܬ‌ܐ. 
\q1  
\v 1 ܐܲܠܵܗܵܐ ܗܵܘܹܐ ܚܲܢܵܢܵܐ ܐܸܠܲܢ ܘܒܲܪܸܟ݂ ܠܲܢ، 
\q1 ܒܲܗܪܸܢ ܦܵܬܹܗ ܠܟܸܣܠܲܢ. \qs ܣܹܠܵܗ\qs* 
\q1  
\v 2 ܫܒ݂ܘܿܩ ܦܵܝܫܵܐ ܝܕܝܼܥܬܵ‌ܐ ܒܐܲܪܥܵܐ ܐܘܼܪܚܘܼܟ݂، 
\q1 ܒܟܠܵܝܗ‌ܝ ܐܸܡܘܵܬܹ̈‌ܐ ܦܘܼܪܩܵܢܘܼܟ݂. 
\q1  
\v 3 ܫܲܟܪܝܼ ܠܘܼܟ݂ ܥܲܡܡܹ̈ܐ، ܝܵܐ ܐܲܠܵܗܵܐ، 
\q1 ܫܲܟܪܝܼ ܠܘܼܟ݂ ܟܠܵܝܗ‌ܝ ܥܲܡܡܹ̈ܐ. 
\q1  
\v 4 ܚܵܕܝܼ ܘܫܲܒܚܝܼ ܐܸܡܘܵܬܹ̈‌ܐ، 
\q1 ܣܵܒܵܒ ܟܹܐ ܕܵܝܢܹܬ ܥܲܡܡܹ̈ܐ ܒܬܪܘܼܨܘܼܬܵ‌ܐ، 
\q1 ܘܐܸܡܘܵܬܹ̈‌ܐ ܒܐܲܪܥܵܐ ܟܹܐ ܡܕܲܒܪܸܬ ܠܗܘܿܢ. \qs ܣܹܠܵܗ\qs* 
\q1  
\v 5 ܫܲܟܪܝܼ ܠܘܼܟ݂ ܥܲܡܡܹ̈ܐ، ܝܵܐ ܐܲܠܵܗܵܐ، 
\q1 ܫܲܟܪܝܼ ܠܘܼܟ݂ ܟܠܵܝܗ‌ܝ ܥܲܡܡܹ̈ܐ. 
\q1  
\v 6 ܐܲܪܥܵܐ ܝܘܼܗܒܹܠܔ ܠܵܗ̇ ܛܥܘܼܢܬܘܼܗ̇، 
\q1 ܟܹܐ ܒܲܪܸܟ݂ ܠܲܢ، ܐܲܠܵܗܵܐ، ܐܲܠܵܗܲܢ. 
\q1  
\v 7 ܟܹܐ ܒܲܪܸܟ݂ ܠܲܢ ܐܲܠܵܗܵܐ، 
\q1 ܘܟܹܐ ܙܵܕܥܝܼ ܡܸܢܹܗ ܟܠܵܝܗ‌ܝ ܡܲܪ̈ܙܵܢܹܐ ܕܐܲܪܥܵܐ. 
\c 68  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. ܙܡܪܬ‌ܐ. 
\q1  
\v 1 ܟܹܐ ܩܵܐܹܡ ܐܲܠܵܗܵܐ، ܟܹܐ ܒܲܪܒܸܙܝܼ ܕܸܫ̃ܡܸܢܘܼ̈ܗ‌ܝ، 
\q1 ܘܥܵܪܩܝܼ ܣܵܢܝܵܢܘܼ̈ܗ‌ܝ ܡ̣ܢ ܩܲܕܡܘܼܗ‌ܝ. 
\q1  
\v 2 ܐܲܝܟ݂ ܕܦܵܐܹܫ ܒܘܼܪܒܸܙܵܐ ܬܸܢܵܐ ܒܲܪܒܸܙܸܬ ܠܗܘܿܢ، 
\q1 ܐܲܝܟ݂ ܕܦܵܫܪܵܐ ܫܲܡܲܥ ܡ̣ܢ ܩܲܕܡ ܢܘܼܪܵܐ، 
\q1 ܛܵܠܩܝܼ ܪ̈ܲܫܝܼܥܹܐ ܡ̣ܢ ܩܲܕܡ ܐܲܠܵܗܵܐ. 
\q1  
\v 3 ܐܝܼܢܵܐ ܙܲܕܝܼܩܹ̈ܐ ܚܵܕܝܼ ܘܦܵܨܚܝܼ ܩܲܕܡ ܐܲܠܵܗܵܐ، 
\q1 ܘܗܵܘܝܼ ܦܨܝܼܚܹܐ ܒܚܲܕܘܼܬܵ‌ܐ. 
\q1  
\v 4 ܫܲܒܚܘܼܢ ܠܐܲܠܵܗܵܐ، ܙܡܘܿܪܘܼܢ ܫܸܡܹܗ، 
\q1 ܡܲܪܡܘܼܢ ܠܪܲܟܵܒ݂ܵܐ ܒܕܸܫܝܵܬܹ̈‌ܐ، 
\q1 ܡܵܪܝܵܐ ܝܠܹܗ ܫܸܡܹܗ، 
\q1 ܘܦܨܘܿܚܘܼܢ ܩܲܕܡܘܼܗ‌ܝ. 
\q1  
\v 5 ܒܵܒܵܐ ܕܝܲܬܘܼܡܹ̈ܐ ܘܥܵܒ݂ܕܵܢܵܐ ܕܕܝܼܘܵܢ ܕܐܲܪ̈ܡܸܠܝܵܬܹ‌ܐ، 
\q1 ܐܲܠܵܗܵܐ ܒܡܲܥܡܪܵܐ ܕܩܘܼܕܫܹܗ. 
\q1  
\v 6 ܐܲܠܵܗܵܐ ܟܹܐ ܡܲܬܸܒ݂ ܒܒܲܝܬܵ‌ܐ ܠܐܵܢܝܼ ܕܝܼܢܵܐ ܒܢܲܦ̮ܫܵܝܗ‌ܝ، 
\q1 ܟܹܐ ܦܲܠܸܛ ܐܲܣܝܼܪܹ̈ܐ ܠܟܲܫܝܼܪܘܼܬܵ‌ܐ، 
\q1 ܐܝܼܢܵܐ ܡܵܪ̈ܘܿܕܹܐ ܟܹܐ ܥܵܡܪܝܼ ܒܐܲܪܥܵܐ ܨܗܝܼܬܵ‌ܐ. 
\q1  
\v 7 ܝܵܐ ܐܲܠܵܗܵܐ، ܟܲܕ ܦܠܝܼܛ ܠܘܼܟ݂ ܩܲܕܡ ܥܲܡܘܼܟ݂، 
\q1 ܒܦܣܵܥܬܘܼܟ݂ ܓܵܘ ܒܲܪܝܼܵܐ، \qs ܣܹܠܵܗ\qs* 
\q1  
\v 8 ܐܲܪܥܵܐ ܫܥܝܼܫ ܠܵܗ̇، 
\q1 ܐܘܼܦ ܫܡܲܝܹ̈ܐ ܡܘܼܢܛܸܦ ܠܗܘܿܢ ܡܸܛܪܵܐ ܩܲܕܡ ܐܲܠܵܗܵܐ، 
\q1 ܐܲܠܵܗܵܐ ܕܐܵܗܵܐ ܣܝܼܢܲܝ؛ ܡ̣ܢ ܩܲܕܡ ܐܲܠܵܗܵܐ، ܐܲܠܵܗܵܐ ܕܐܝܼܣܪܵܐܹܝܠܔ. 
\q1  
\v 9 ܡܸܛܪܵܐ ܕܨܸܒ݂ܝܵܢܵܐ ܡܘܼܫܦܸܟ݂ ܠܘܼܟ݂، ܝܵܐ ܐܲܠܵܗܵܐ، 
\q1 ܠܝܵܪܬܘܼܬܘܼܟ݂ ܟܲܕ ܢܘܝܼܠܔ ܠܵܗ̇ ܐܲܢ݇ܬ ܬܘܼܪܣܝܼܵܐ ܠܘܼܟ݂. 
\q1  
\v 10 ܦܸܣܩܘܼܟ݂ ܝܬܝܼܒ݂ ܠܗܘܿܢ ܓܵܘܘܼܗ̇، 
\q1 ܬܘܼܪܣܹܐ ܠܘܼܟ݂ ܒܛܲܝܒܘܼܬܘܼܟ݂ ܠܡܸܣܟܹܢܹ̈ܐ، ܝܵܐ ܐܲܠܵܗܵܐ. 
\q1  
\v 11 ܡܵܪܝܵܐ ܟܹܐ ܝܵܗܒܹܠܔ ܦܘܼܩܕܵܢܵܐ، 
\q1 ܘܒܲܟ݂ܬܵܬܹ̈‌ܐ ܕܡܲܫܚܸܕܝܼ ܠܹܗ ܚܲܝܠܵܐ ܓܘܼܪܵܐ ܝܢܵܐ. 
\q1  
\v 12 ܡܲܠܟܹ̈ܐ ܕܚܲܝܠܵܘܵܬܹ̈‌ܐ ܟܹܐ ܥܵܪܩܝܼ، ܟܹܐ ܥܵܪܩܝܼ، 
\q1 ܘܥܵܡܪܵܢܬܵ‌ܐ ܕܒܲܝܬܵ‌ܐ ܟܹܐ ܦܲܠܥܵܐ ܣܠܵܒܬܵ‌ܐ. 
\q1  
\v 13 ܐܵܦܸܢ ܕܕܵܡܟ݂ܝܼܬܘܿܢ ܒܓܵܘܵܐ ܕܓܘܼܡܵܢܹ̈ܐ، 
\q1 ܓܘܼܠܦܵܢܹ̈ܐ ܕܝܵܘܢܵܐ ܩܪܝܼܡܹܐ ܝܢܵܐ ܒܣܹܐܡܵܐ، 
\q1 ܘܦܲܪ̈ܘܼܗ̇ ܒܕܲܗܒ݂ܵܐ ܡܲܙܪܘܼܟ̰ܹܐ ܩܝܼܢܵܐ. 
\q1  
\v 14 ܟܲܕ ܒܘܼܪܒܸܙ ܠܹܗ ܐܹܝܠܔ ܫܲܕܲܝ ܡܲܠܟܹ̈ܐ ܓܵܘܘܼܗ̇، 
\q1 ܒܸܥܪܵܝܵܐ ܝܗܘܵܐ ܬܲܠܓܵܐ ܓܵܘ ܨܲܠܡܘܿܢ. 
\q1  
\v 15 ܛܘܼܪܵܐ ܕܐܲܠܵܗܵܐ ܛܘܼܪܵܐ ܕܒܲܝܫܵܢ ܝܼܠܹܗ، 
\q1 ܛܘܼܪܵܐ ܡܵܪܹܐ ܩܲܪ̈ܩܲܦܝܵܬܹ‌ܐ ܝܠܹܗ ܛܘܼܪܵܐ ܕܒܲܝܫܵܢ. 
\q1  
\v 16 ܝܵܐ ܛܘܼܪ̈ܵܢܹܐ ܡܵܪܹܐ ܩܲܪ̈ܩܲܦܝܵܬܹ‌ܐ، ܩܵܡܘܿܕܝܼ ܚܵܝܪܝܼܬܘܿܢ ܒܥܲܝܢܵܐ ܕܒܲܚܲܠܬܵ‌ܐ 
\q1 ܠܛܘܼܪܵܐ ܕܒܣܝܼܡ ܠܵܗ̇ ܠܹܗ ܐܲܠܵܗܵܐ ܠܸܬܝܵܒ݂ܵܐ ܓܵܘܹܗ، 
\q1 ܐܘܼܦ ܠܥܵܠܲܡ ܡܵܪܝܵܐ ܒܸܬ ܫܵܪܹܐ ܓܵܘܹܗ. 
\q1  
\v 17 ܡܲܪ̈ܟܒ݂ܵܬܹ‌ܐ ܕܐܲܠܵܗܵܐ ܬܲܪܬܹܝ ܪܸ̈ܒܘܵܬܹ‌ܐ ܝܢܵܐ، ܐܲܠܦܹ̈ܐ ܥܲܠܔ ܐܲܠܦܹ̈ܐ، 
\q1 ܡܵܪܝܵܐ ܕܣܝܼܢܲܝ ܒܓܵܘܵܝܗ‌ܝ ܝܠܹܗ ܒܩܲܕܝܼܫܘܼܬܵ‌ܐ. 
\q1  
\v 18 ܐܣܝܼܩ ܠܘܼܟ݂ ܠܡܪܵܘܡܵܐ، ܠܘܼܒܸܠܔ ܠܘܼܟ݂ ܐܲܣܝܼܪܹ̈ܐ ܠܐܲܣܝܼܪܘܼܬܵ‌ܐ، 
\q1 ܫܩܝܼܠܔ ܠܘܼܟ݂ ܡܵܘܗܒ݂ܵܬܹ̈‌ܐ ܡ̣ܢ ܒܢܲܝ̈ܢܵܫܵܐ، 
\q1 ܘܐܘܼܦ ܡ̣ܢ ܡܵܪ̈ܘܿܕܹܐ، ܕܫܵܪܹܐ ܡܵܪܝܵܐ ܐܲܠܵܗܵܐ ܬܵܡܵܐ. 
\q1  
\v 19 ܒܪܝܼܟ݂ܵܐ ܝܠܹܗ ܡܵܪܝܵܐ، 
\q1 ܝܵܘܡܵܐ ܒܝܵܘܡܵܐ ܟܹܐ ܛܵܥܹܢ ܝܘܼܩܪܲܢ، 
\q1 ܐܲܠܵܗܵܐ ܕܦܘܼܪܩܵܢܲܢ. \qs ܣܹܠܵܗ\qs* 
\q1  
\v 20 ܐܲܠܵܗܵܐ ܐܸܠܲܢ ܐܲܠܵܗܵܐ ܕܦܘܼܪ̈ܩܵܢܹܐ ܝܠܹܗ، 
\q1 ܘܕܐܲܠܵܗܵܐ ܡܵܪܝܵܐ ܝܢܵܐ ܦܠܵܛܹ̈ܐ ܡ̣ܢ ܡܵܘܬܵ‌ܐ. 
\q1  
\v 21 ܒܫܪܵܪܵܐ ܐܲܠܵܗܵܐ ܒܸܬ ܒܵܠܹܣ ܪܹܝܫܵܐ ܕܕܸܫ̃ܡܸܢܘܼ̈ܗ‌ܝ، 
\q1 ܩܲܪܩܲܦܬܵ‌ܐ ܡܸܙܬܵܢܬܵ‌ܐ ܕܚܵܕܪܵܢܵܐ ܒܓܢܵܗܘܼ̈ܗ‌ܝ. 
\q1  
\v 22 ܐܡܝܼܪܹܗ ܡܵܪܝܵܐ: ”ܡ̣ܢ ܒܲܝܫܵܢ ܒܸܬ ܡܲܕܸܪܸܢܗܘܿܢ، 
\q1 ܒܸܬ ܡܲܕܸܪܸܢܗܘܿܢ ܡ̣ܢ ܥܘܼܡܩܹ̈ܐ ܕܝܵܡܵܐ، 
\q1  
\v 23 ”ܩܵܐ ܕܒܵܠܣܵܐ ܠܗܘܿܢ ܐܲܩܠܘܼܟ݂ ܒܕܸܡܵܐ، 
\q1 ܘܠܸܫܵܢܹ̈ܐ ܕܟܲܠܒܘܼ̈ܟ݂ ܩܲܒܠܝܼ ܣܵܗܡܵܝܗ‌ܝ ܡ̣ܢ ܕܸܫ̃ܡܸܢܹ̈ܐ.“ 
\q1  
\v 24 ܚܙܹܐ ܠܗܘܿܢ ܙܘܼܝܵܚܘܼ̈ܟ݂، ܝܵܐ ܐܲܠܵܗܵܐ، 
\q1 ܙܘܼܝܵܚܹ̈ܐ ܕܐܲܠܵܗ‌ܝܼ ܡܲܠܟܝܼ ܒܒܹܝܬ ܩܘܼܕܫܵܐ. 
\q1  
\v 25 ܩܘܼܕܸܡ ܠܗܘܿܢ ܙܲܡܵܪܹ̈ܐ، ܒܵܬܪܵܝܗ‌ܝ ܡܵܚܝܵܢܹ̈ܐ ܕܩܝܼܬܵܪܹ̈ܐ، 
\q1 ܒܓܵܘܵܐ ܕܥܠܲܝܡܵܬܹ̈‌ܐ ܡܵܚܝܵܢܹ̈ܐ ܕܦܠܲܓܹ̈ܐ. 
\q1  
\v 26 ܓܵܘ ܟܢܘܼܫܝܹ̈ܐ ܒܲܪܟ݂ܘܼܢ ܠܐܲܠܵܗܵܐ، 
\q1 ܒܲܪܟ݂ܘܼܢ ܠܡܵܪܝܵܐ، ܐܲܚܬܘܿܢ ܕܡ̣ܢ ܡܲܒܘܼܥܵܐ ܕܐܝܼܣܪܵܐܹܝܠܔ. 
\q1  
\v 27 ܬܵܡܵܐ ܝܠܹܗ ܒܸܢܝܵܡܹܝܢ ܙܥܘܿܪܵܐ، ܫܲܠܝܼܛܵܝܗ‌ܝ، 
\q1 ܓܘܼܪ̈ܵܢܹܐ ܕܝܼܗܘܼܕܵܐ ܒܟܸܢܫܵܝ̈ܗ‌ܝ، 
\q1 ܓܘܼܪ̈ܵܢܹܐ ܕܙܒ݂ܘܿܠܘܿܢ ܘܓܘܼܪ̈ܵܢܹܐ ܕܢܲܦ̮ܬܵܠܝܼ. 
\q1  
\v 28 ܦܩܘܿܕ، ܝܵܐ ܐܲܠܵܗܵܐ، ܥܘܼܫܢܘܼܟ݂، 
\q1 ܚܲܠܸܢ، ܝܵܐ ܐܲܠܵܗܵܐ، ܡܸܢܕܝܼ ܕܦܠܝܼܚ ܠܘܼܟ݂ ܐܸܠܲܢ. 
\q1  
\v 29 ܡ̣ܢ ܗܲܝܟܠܘܼܟ݂ ܒܐܘܿܪܸܫܠܸܡ، 
\q1 ܡܲܠܟܹ̈ܐ ܒܸܬ ܡܲܝܬ‌ܝܼ ܠܘܼܟ݂ ܕܲܫܢܹ̈ܐ. 
\q1  
\v 30 ܢܓ̰ܘܿܘ ܒܗܲܝܘܵܢ ܕܙܹܠܵܐ، 
\q1 ܒܓ̰ܵܡܵܥܲܬ ܕܬܵܘܪܹ̈ܐ ܥܲܡ ܡܘܼܓ̰ܹ̈ܐ ܕܥܲܡܡܹ̈ܐ، 
\q1 ܡܲܟܘܼܦܹܐ ܓܵܢܵܝܗ‌ܝ ܘܡܲܩܪܘܼܒܹܐ ܩܸܛܥܵܛܹ̈ܐ ܕܣܹܐܡܵܐ، 
\q1 ܒܲܪܒܸܙ ܥܲܡܡܹ̈ܐ ܕܟܹܐ ܒܵܣܡܵܐ ܠܗܘܿܢ ܒܦܠܵܫܹ̈ܐ. 
\q1  
\v 31 ܒܸܬ ܐܵܬ‌ܝܼ ܐܝܼܙܓܲܕܹ̈ܐ ܡ̣ܢ ܡܸܨܪܹܝܢ، 
\q1 ܟܘܼܫ ܒܸܬ ܦܲܫܛܵܐ ܐܝܼܕܵܬܘܼ̈ܗ̇ ܠܐܲܠܵܗܵܐ. 
\q1  
\v 32 ܝܵܐ ܡܲܠܟܘܵܬܹ̈‌ܐ ܕܐܲܪܥܵܐ، ܫܲܒܚܘܼܢ ܠܐܲܠܵܗܵܐ، 
\q1 ܙܡܘܿܪܘܼܢ ܠܡܵܪܝܵܐ، \qs ܣܹܠܵܗ\qs* 
\q1  
\v 33 ܠܪܵܟܒ݂ܵܢܵܐ ܕܥܲܠܔ ܫܡܲܝ̈ ܫܡܲܝܹ̈ܐ ܩܲܕܝܼܡܵܝܹ̈ܐ، 
\q1 ܗܵܐ، ܪܲܦܘܼܝܹܗ ܩܵܠܹܗ، ܩܵܠܵܐ ܙܲܪܒܵܢܵܐ. 
\q1  
\v 34 ܗܲܒ݂ܠܘܼܢ ܥܘܼܫܢܵܐ ܠܐܲܠܵܗܵܐ، 
\q1 ܥܲܠܔ ܐܝܼܣܪܵܐܹܝܠܔ ܝܠܵܗ̇ ܪܵܡܘܼܬܹܗ، 
\q1 ܘܚܲܝܠܹܗ ܒܪܩܝܼܥܵܐ. 
\q1  
\v 35 ܣܲܗܡܵܢܵܐ ܝܘܸܬ، ܝܵܐ ܐܲܠܵܗܵܐ، ܡ̣ܢ ܡܲܩܕܫܘܼܟ݂، 
\q1 ܐܲܠܵܗܵܐ ܕܐܝܼܣܪܵܐܹܝܠܔ ܗ̇ܘ ܟܹܐ ܝܵܗܒܹܠܔ ܥܘܼܫܢܵܐ ܘܚܲܝܠܵܐ ܠܥܲܡܵܐ، 
\q1 ܒܪܝܼܟ݂ܵܐ ܝܠܹܗ ܐܲܠܵܗܵܐ. 
\c 69  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܫܘܼܫܲܢܝܼܡ. ܡܙܡܘܪܐ ܕܕܘܝܕ. 
\q1  
\v 1 ܦܲܪܸܩ ܠܝܼ، ܝܵܐ ܐܲܠܵܗܵܐ، 
\q1 ܣܵܒܵܒ ܡܛܹܐ ܠܗܘܿܢ ܡ̈ܝܼܵܐ ܗܲܠܔ ܓܵܢܝܼ. 
\q1  
\v 2 ܛܒܝܼܥ ܠܝܼ ܓܵܘ ܛܝܼܢܵܐ ܥܲܡܘܼܩܵܐ ܘܠܲܝܬ ܕܘܼܟܬܵ‌ܐ ܕܟܠܵܝܬܵ‌ܐ، 
\q1 ܥܒ݂ܝܼܪܝܼ ܒܥܘܼܡܩܹ̈ܐ ܕܡ̈ܝܼܵܐ ܘܛܵܘܦܵܢܵܐ ܩܵܡ ܟܲܪܦܸܫ ܠܝܼ. 
\q1  
\v 3 ܟܟ̰ܝܼܚ ܠܝܼ ܒܩܪܵܝܬ‌ܝܼ، ܚܪܝܼܟ݂ ܠܵܗ̇ ܒܵܠܘܿܥܬ‌ܝܼ، 
\q1 ܚܒܹܐ ܠܗܘܿܢ ܥܲܝܢܝܼ̈ ܒܸܣܦܵܪܵܐ ܠܐܲܠܵܗܵܐ. 
\q1  
\v 4 ܒܘܼܫ ܪܵܒܵܐ ܝܢܵܐ ܡ̣ܢ ܡܸܙܝܵܬܹ̈‌ܐ ܕܪܹܝܫܝܼ ܣܵܢܝܵܢܝܼ̈ ܕܠܵܐ ܥܸܠܬܵ‌ܐ، 
\q1 ܙܘܼܪܒܸܢܗܘܿܢ ܛܲܠܩܵܢܝܼ̈، ܕܸܫ̃ܡܸܢܝܼ̈ ܕܒܕܘܼܓܠܵܐ، 
\q1 ܡܘܼܕܸܪܝܼ ܡܸܢܕܝܼ ܕܠܹܐ ܝܘܸܢ ܗܘܵܐ ܟ̰ܠܝܼܓ̰ܵܐ. 
\q1  
\v 5 ܝܵܐ ܐܲܠܵܗܵܐ، ܐܲܢ݇ܬ ܟܹܐ ܝܵܕܥܹܬ ܣܲܟ݂ܠܘܼܬ‌ܝܼ، 
\q1 ܘܓܢܵܗ‌ܝܼ̈ ܡܸܢܘܼܟ݂ ܠܹܐ ܝܢܵܐ ܛܸܫܝܹܐ. 
\q1  
\v 6 ܠܵܐ ܢܵܟ݂ܦܝܼ ܒܘܼܬ ܕܝܼܝܼ ܣܵܒܪ̈ܵܢܹܐ ܐܸܠܘܼܟ݂، 
\q1 ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ؛ 
\q1 ܠܵܐ ܦܵܝܫܝܼ ܢܟ݂ܝܼܦܹܐ ܒܘܼܬ ܕܝܼܝܼ ܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܐܲܠܵܗܵܐ ܕܐܝܼܣܪܵܐܹܝܠܔ. 
\q1  
\v 7 ܣܵܒܵܒ ܒܘܼܬ ܕܝܼܘܼܟ݂ ܩܘܼܒܸܠܔ ܠܝܼ ܠܵܘܡܵܐ، 
\q1 ܟܘܼܣܹܐ ܠܵܗ̇ ܢܟܸܦܬܵ‌ܐ ܠܦܵܬ‌ܝܼ. 
\q1  
\v 8 ܩܵܪܝܼܒܵܝܵܐ ܗܘܹܐ ܠܝܼ ܠܐܲܚܘܿܢܘܵܬ‌ܝܼ̈، 
\q1 ܘܢܘܼܟ݂ܪܵܝܵܐ ܠܒܢܘܿܢܹ̈ܐ ܕܝܸܡܝܼ. 
\q1  
\v 9 ܣܵܒܵܒ ܛܢܵܢܵܐ ܕܒܲܝܬܘܼܟ݂ ܩܵܡ ܐܵܟܹܠܔ ܠܝܼ، 
\q1 ܘܠܵܘܡܹ̈ܐ ܕܠܵܝܡܵܢܘܼ̈ܟ݂ ܢܦܝܼܠܔ ܠܗܘܿܢ ܥܲܠܝܼ. 
\q1  
\v 10 ܘܒܟܹܐ ܠܝܼ ܓܵܘ ܓܵܢܝܼ ܒܨܵܘܡܵܐ، 
\q1 ܘܗܘܹܐ ܠܹܗ ܠܠܵܘܡܵܐ ܐܸܠܝܼ. 
\q1  
\v 11 ܘܥܒ݂ܝܼܕ ܠܝܼ ܠܒ݂ܝܼܫܬ‌ܝܼ ܣܲܩܵܐ، 
\q1 ܘܗܘܹܐ ܠܝܼ ܐܸܠܵܝܗ‌ܝ ܠܡܲܬܠܵܐ. 
\q1  
\v 12 ܟܹܐ ܗܲܡܙܸܡܝܼ ܒܘܼܬ ܕܝܼܝܼ ܝܵܬܒ݂ܵܢܹ̈ܐ ܒܕܲܪܘܵܙܵܐ، 
\q1 ܘܗܘܹܐ ܠܝܼ ܙܡܵܪ̈ܝܵܬܹ‌ܐ ܠܫܵܬܝܵܢܹ̈ܐ ܕܫܲܟ݂ܪܵܐ. 
\q1  
\v 13 ܐܝܼܢܵܐ ܐܵܢܵܐ، ܨܠܘܿܬ‌ܝܼ ܐܸܠܘܼܟ݂ ܝܠܵܗ̇، ܝܵܐ ܡܵܪܝܵܐ، ܒܙܲܒ݂ܢܵܐ ܡܩܲܒܠܵܐ، 
\q1 ܝܵܐ ܐܲܠܵܗܵܐ، ܒܦܸܪܝܘܼܬܵ‌ܐ ܕܛܲܝܒܘܼܬܘܼܟ݂، 
\q1 ܓ̰ܲܘܸܒ ܠܝܼ ܒܫܲܪܝܼܪܘܼܬܵ‌ܐ ܕܦܘܼܪܩܵܢܘܼܟ݂. 
\q1  
\v 14 ܦܲܨܝܼ ܠܝܼ ܡ̣ܢ ܛܝܼܢܵܐ ܕܠܵܐ ܛܵܒܥܹܢ، 
\q1 ܦܵܝܫܹܢ ܦܘܼܨܝܵܐ ܡ̣ܢ ܣܵܢܝܵܢܝܼ̈، ܘܡ̣ܢ ܥܘܼܡܩܵܐ ܕܡ̈ܝܼܵܐ. 
\q1  
\v 15 ܠܵܐ ܟܲܪܦܸܫ ܠܝܼ ܛܵܘܦܵܢܵܐ ܕܡ̈ܝܼܵܐ، 
\q1 ܘܠܵܐ ܒܵܠܹܥ ܐܸܠܝܼ ܥܘܼܡܩܵܐ، 
\q1 ܘܠܵܐ ܐܵܟ̰ܹܡ ܥܲܠܝܼ ܒܹܐܪܵܐ ܦܘܼܡܹܗ. 
\q1  
\v 16 ܓ̰ܲܘܸܒ ܠܝܼ، ܝܵܐ ܡܵܪܝܵܐ، ܒܗ̇ܝ ܕܨܦܵܝܝܼ ܝܠܵܗ̇ ܛܲܝܒܘܼܬܘܼܟ݂، 
\q1 ܐܲܝܟ݂ ܦܸܪܝܘܼܬܵ‌ܐ ܕܪ̈ܲܚܡܘܼܟ݂ ܕܘܼܪ ܐܸܠܝܼ. 
\q1  
\v 17 ܘܠܵܐ ܛܲܫܹܝܬ ܦܵܬܘܼܟ݂ ܡ̣ܢ ܪܹܓܘܼܟ݂، 
\q1 ܣܵܒܵܒ ܥܝܼܩ ܠܵܗ̇ ܐܸܠܝܼ؛ ܡܲܠܝܸܙ ܓ̰ܲܘܸܒ ܠܝܼ. 
\q1  
\v 18 ܩܲܪܒܸܢ ܠܓܵܢܝܼ، ܦܲܨܝܼ ܠܵܗ̇، 
\q1 ܡ̣ܢ ܕܸܫ̃ܡܸܢܝܼ̈ ܦܲܪܸܩ ܠܝܼ. 
\q1  
\v 19 ܐܲܢ݇ܬ ܟܹܐ ܝܵܕܥܹܬ ܠܵܘܡܝܼ، ܘܢܟܸܦܬ‌ܝܼ، ܘܡܲܣܠܲܝܬ‌ܝܼ، 
\q1 ܩܲܕܡܘܼܟ݂ ܝܼܢܵܐ ܟܠܵܝܗ‌ܝ ܡܲܠܝܸܨܵܢܝܼ̈. 
\q1  
\v 20 ܠܵܘܡܵܐ ܬܒ݂ܝܼܪܹܗ ܠܸܒܝܼ ܘܩܵܡ ܡܲܡܪܸܥ ܠܝܼ. 
\q1 ܣܦܝܼܪܝܼ ܠܚܲܕ ܕܡܲܩܸܕ ܠܸܒܵܐ ܥܲܠܝܼ، ܐܝܼܢܵܐ ܠܲܝܬ، 
\q1 ܘܠܝܵܗܒ݂ܵܢܹ̈ܐ ܕܠܸܒܵܐ، ܐܝܼܢܵܐ ܠܵܐ ܡܘܼܫ݇ܟ̰ܸܚ ܠܝܼ. 
\q1  
\v 21 ܘܝܘܼܗܒܹܠܔ ܠܗܘܿܢ ܡܪܵܪܹ̈ܐ ܩܵܐ ܐܟ݂ܵܠܬ‌ܝܼ، 
\q1 ܘܩܵܐ ܨܲܗܘܝܼ ܩܵܡ ܡܲܫܬ‌ܝܼ ܠܝܼ ܚܲܠܵܐ. 
\q1  
\v 22 ܗܵܘܹܐ ܦܵܬܘܿܪܵܝܗ‌ܝ ܠܦܲܚܵܐ ܩܲܕܡܵܝܗ‌ܝ، 
\q1 ܘܗܵܘܹܐ ܫܠܵܡܵܝܗ‌ܝ ܠܩܘܼܠܬܵ‌ܐ. 
\q1  
\v 23 ܚܵܒ݂ܝܼ ܥܲܝ̈ܢܵܝܗ‌ܝ ܡ̣ܢ ܠܸܚܙܵܝܵܐ، 
\q1 ܘܐܲܡܝܼܢܵܐܝܼܬ ܪܵܓܹܕ ܚܲܨܵܝ̈ܗ‌ܝ. 
\q1  
\v 24 ܡܲܫܦܸܟ݂ ܟܲܪܒܘܼܟ݂ ܥܲܠܵܝܗ‌ܝ، 
\q1 ܘܚܸܡܬܵ‌ܐ ܕܟܲܪܒܘܼܟ݂ ܡܵܛܝܵܐ ܠܗܘܿܢ. 
\q1  
\v 25 ܗܵܘܹܐ ܡܲܥܡܪܵܝܗ‌ܝ ܚܵܪܵܒܵܐ، 
\q1 ܒܡܲܫܟܢܵܝ̈ܗ‌ܝ ܠܵܐ ܗܵܘܹܐ ܥܵܡܪܵܢܵܐ. 
\q1  
\v 26 ܣܵܒܵܒ ܠܗ̇ܘ ܕܐܲܢ݇ܬ ܡܚܹܐ ܠܘܼܟ݂، ܪܕܝܼܦ ܠܗܘܿܢ، 
\q1 ܘܟܹܐ ܗܲܩܝܼ ܒܘܼܬ ܟܹܐܒܹ̈ܐ ܕܡܵܢܝܼ ܕܕܘܼܪܒܸܢܘܼܟ݂. 
\q1  
\v 27 ܗܲܒ݂ܠܔ ܥܵܘܠܵܐ ܥܲܠܔ ܥܵܘܠܵܝܗ‌ܝ، 
\q1 ܘܠܵܐ ܫܵܒ݂ܩܹܬ ܥܵܒ݂ܪܝܼ ܒܙܲܕܝܼܩܘܼܬܘܼܟ݂. 
\q1  
\v 28 ܫܒ݂ܘܿܩ ܦܵܝܫܝܼ ܓܪܝܼܕܹܐ ܡ̣ܢ ܟܬܵܒ݂ܵܐ ܕܚܲܝܹ̈ܐ، 
\q1 ܘܥܲܡ ܙܲܕܝܼܩܹ̈ܐ ܠܵܐ ܦܵܝܫܝܼ ܟܬܝܼܒܹܐ. 
\q1  
\v 29 ܐܝܼܢܵܐ ܐܵܢܵܐ، ܡܸܣܟܹܢܵܐ ܝܘܸܢ ܘܕܘܼܪܕܸܫ̃ܵܐ، 
\q1 ܦܘܼܪܩܵܢܘܼܟ݂ ܡܲܪܸܡ ܠܝܼ ܠܫܲܝܢܵܐ، ܝܵܐ ܐܲܠܵܗܵܐ. 
\q1  
\v 30 ܒܸܬ ܫܲܒܚܸܢ ܠܫܸܡܵܐ ܕܐܲܠܵܗܵܐ ܒܙܡܵܪܬܵ‌ܐ، 
\q1 ܘܒܸܬ ܓܲܪܘܸܣܸܢܹܗ ܒܫܲܟܲܪܬܵ‌ܐ. 
\q1  
\v 31 ܐܵܗܵܐ ܒܸܬ ܫܵܦܪܵܐ ܠܡܵܪܝܵܐ ܒܘܼܫ ܡ̣ܢ ܕܒ݂ܵܚܬܵ‌ܐ ܕܬܵܘܪܵܐ، 
\q1 ܝܲܢ ܡܘܼܓ̰ܵܐ ܡܵܪܹܐ ܩܲܪ̈݇ܢܵܢܹܐ ܘܣܸܡܵܬܹ̈‌ܐ. 
\q1  
\v 32 ܒܸܬ ܚܵܙܝܼ ܡܸܣܟܹܢܹ̈ܐ ܘܒܸܬ ܦܵܨܚܝܼ. 
\q1 ܝܵܐ ܛܵܥܝܵܢܹ̈ܐ ܕܐܲܠܵܗܵܐ، ܚܵܝܹܐ ܠܸܒܵܘܟ݂ܘܿܢ. 
\q1  
\v 33 ܣܵܒܵܒ ܟܹܐ ܫܵܡܹܥ ܡܵܪܝܵܐ ܠܣܢܝܼܩܹ̈ܐ، 
\q1 ܘܠܐܲܣܝܼܪ̈ܘܼܗ‌ܝ ܠܹܐ ܡܲܣܠܹܐ. 
\q1  
\v 34 ܫܲܒܚܝܼ ܠܹܗ ܫܡܲܝܵܐ ܘܐܲܪܥܵܐ، 
\q1 ܝܵܡܵܬܹ̈‌ܐ ܘܟܠܔ ܕܪܵܚܹܫ ܓܵܘܵܝܗ‌ܝ. 
\q1  
\v 35 ܣܵܒܵܒ ܐܲܠܵܗܵܐ ܒܸܬ ܦܲܪܸܩ ܠܨܸܗܝܘܿܢ ܘܒܵܢܹܐ ܡܕܝܼܢܵܬܹ̈‌ܐ ܕܝܼܗܘܼܕܵܐ، 
\q1 ܘܒܸܬ ܝܵܬܒ݂ܝܼ ܬܵܡܵܐ ܘܝܵܪܬ‌ܝܼ ܠܵܗ̇. 
\q1  
\v 36 ܘܙܲܪ̈ܥܹܐ ܕܪܹ̈ܓܵܘܵܬܘܼܗ‌ܝ ܒܸܬ ܝܵܪܬ‌ܝܼ ܠܵܗ̇، 
\q1 ܘܡܲܚܸܒܵܢܹ̈ܐ ܕܫܸܡܹܗ ܒܸܬ ܫܵܪܝܼ ܓܵܘܘܼܗ̇. 
\c 70  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. ܠܕܘܟ݂ܪܢܐ. 
\q1  
\v 1 ܝܵܐ ܐܲܠܵܗܵܐ، ܡܲܠܝܸܙ ܠܦܲܨܘܼܝܝܼ، 
\q1 ܝܵܐ ܡܵܪܝܵܐ، ܡܲܠܝܸܙ ܠܗܲܝܲܪܬ‌ܝܼ. 
\q1  
\v 2 ܢܵܟ݂ܦܝܼ ܘܦܵܝܫܝܼ ܡܘܼܟܸܦܹܐ، 
\q1 ܛܵܥܝܵܢܹ̈ܐ ܠܓܵܢܝܼ، 
\q1 ܕܵܝܪܝܼ ܠܒܵܬܪܵܐ ܘܦܵܝܫܝܼ ܡܘܼܢܟܸܦܹܐ، 
\q1 ܐܵܢܝܼ ܕܒܵܣܡܵܐ ܠܗܘܿܢ ܒܒܝܼܫܬ‌ܝܼ. 
\q1  
\v 3 ܕܵܝܪܝܼ ܡ̣ܢ ܥܸܠܬܵ‌ܐ ܕܢܟ݂ܝܼܦܬܵܝܗ‌ܝ، 
\q1 ܐܵܢܝܼ ܕܒܹܐܡܵܪܵܐ ܝܢܵܐ: ”ܐܲܗܵܐ! ܐܲܗܵܐ!“ 
\q1  
\v 4 ܐܝܼܢܵܐ ܚܵܕܝܼ ܘܦܵܨܚܝܼ ܒܝܼܘܼܟ݂ ܟܠܵܝܗ‌ܝ ܛܵܥܝܵܢܹ̈ܐ ܐܸܠܘܼܟ݂، 
\q1 ܘܐܲܡܝܼܢܵܐܝܼܬ ܐܵܡܪܝܼ ܡܲܚܸܒܵܢܹ̈ܐ ܕܦܘܼܪܩܵܢܘܼܟ݂: ܗܵܘܹܐ ܓܘܼܪܵܐ ܐܲܠܵܗܵܐ. 
\q1  
\v 5 ܘܐܵܢܵܐ ܡܸܣܟܹܢܵܐ ܝܘܸܢ ܘܣܢܝܼܩܵܐ، 
\q1 ܝܵܐ ܐܲܠܵܗܵܐ، ܡܲܠܝܸܙ ܒܘܼܬ ܕܝܼܝܼ، 
\q1 ܗܲܝܲܪܬ‌ܝܼ ܘܦܲܨܝܵܢܝܼ ܐܲܢ݇ܬ ܝܼܘܸܬ، 
\q1 ܝܵܐ ܡܵܪܝܵܐ، ܠܵܐ ܥܲܪܩܸܠܸܬ. 
\c 71  
\q1  
\v 1 ܒܝܼܘܼܟ݂، ܝܵܐ ܡܵܪܝܵܐ، ܫܩܝܼܠܔ ܠܝܼ ܓܵܘܣܵܐ، 
\q1 ܠܵܐ ܫܵܒ݂ܩܹܬ ܢܵܟ݂ܦܹܢ ܠܥܵܠܲܡ. 
\q1  
\v 2 ܒܙܲܕܝܼܩܘܼܬܘܼܟ݂ ܦܲܨܹܝܬ ܠܝܼ ܘܦܲܪܩܸܬ ܠܝܼ، 
\q1 ܡܲܨܠܝܼ ܢܵܬܘܼܟ݂ ܐܸܠܝܼ ܘܗܲܒ݂ܠܔ ܠܝܼ ܦܘܼܪܩܵܢܵܐ. 
\q1  
\v 3 ܗܘܝܼ ܐܸܠܝܼ ܠܐܝܼܨܵܪܵܐ ܕܡܲܥܡܪܵܐ ܕܥܵܒ݂ܪܹܢ ܓܵܘܹܗ ܒܟܠܔ ܥܕܵܢܵܐ، 
\q1 ܦܩܝܼܕ ܠܘܼܟ݂ ܠܦܲܪܘܼܩܹܐ ܐܸܠܝܼ، 
\q1 ܒܗ̇ܝ ܕܩܵܝܝܼ ܘܚܸܣܢܝܼ ܐܲܢ݇ܬ ܝܼܘܸܬ. 
\q1  
\v 4 ܝܵܐ ܐܲܠܵܗ‌ܝܼ، ܦܲܨܝܼ ܠܝܼ ܡ̣ܢ ܐܝܼܕܵܐ ܕܪܲܫܝܼܥܵܐ، 
\q1 ܡ̣ܢ ܟ̰ܲܢܓܘܼܪܬܵ‌ܐ ܕܥܵܘܵܠܵܐ ܘܛܵܠܘܿܡܵܐ. 
\q1  
\v 5 ܒܗ̇ܝ ܕܐܲܢ݇ܬ ܝܼܘܸܬ ܣܲܒ݂ܪܝܼ، ܝܵܐ ܡܵܪܝܵܐ ܐܲܠܵܗܵܐ، 
\q1 ܬܘܼܟ݂ܠܵܢܝܼ ܡ̣ܢ ܙܥܘܿܪܘܼܬ‌ܝܼ. 
\q1  
\v 6 ܥܲܠܘܼܟ݂ ܣܢܝܼܕ ܠܝܼ ܡ̣ܢ ܒܲܛܢܵܐ، 
\q1 ܐܲܢ݇ܬ ܝܼܘܸܬ ܦܲܠܛܵܢܝܼ ܡ̣ܢ ܡܲܪܒܥܵܐ ܕܝܸܡܝܼ، 
\q1 ܐܸܠܘܼܟ݂ ܝܼܠܵܗ̇ ܬܸܫܒܘܿܚܬ‌ܝܼ ܐܲܡܝܼܢܵܐܝܼܬ. 
\q1  
\v 7 ܐܲܝܟ݂ ܕܘܼܡܵܪܵܐ ܗܘܹܐ ܠܝܼ ܠܪܵܒܵܐ، 
\q1 ܐܝܼܢܵܐ ܐܲܢ݇ܬ ܒܹܝܬ ܓܵܘܣܝܼ ܥܲܫܝܼܢܵܐ ܝܘܸܬ. 
\q1  
\v 8 ܡܸܠܝܵܐ ܝܠܹܗ ܦܘܼܡܝܼ ܬܸܫܒܘܿܚܬܘܼܟ݂، 
\q1 ܘܟܠܹܗ ܝܵܘܡܵܐ ܚܸܩܪܘܼܟ݂. 
\q1  
\v 9 ܠܵܐ ܪܲܦܹܝܬ ܠܝܼ ܒܙܲܒ݂ܢܵܐ ܕܣܲܝܒܘܼܬ‌ܝܼ، 
\q1 ܟܲܕ ܬܵܐܹܡ ܚܲܝܠܝܼ ܠܵܐ ܫܵܒ݂ܩܹܬ ܠܝܼ. 
\q1  
\v 10 ܒܗ̇ܝ ܕܗܘܼܡܙܸܡ ܠܗܘܿܢ ܕܸܫ̃ܡܸܢܝܼ̈ ܥܲܠܝܼ، 
\q1 ܘܢܵܛܪ̈ܵܢܹܐ ܠܓܵܢܝܼ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ، 
\q1  
\v 11 ܒܹܐܡܵܪܵܐ: ”ܐܲܠܵܗܵܐ ܩܵܡ ܫܵܒܹܩ ܠܹܗ؛ 
\q1 ܢܦܘܿܠܘܼܢ ܒܵܬܪܹܗ ܘܕܒ݂ܘܿܩܘܼܢ ܠܹܗ، ܒܗ̇ܝ ܕܠܲܝܬ ܠܹܗ ܦܲܨܝܵܢܵܐ.“ 
\q1  
\v 12 ܝܵܐ ܐܲܠܵܗܵܐ، ܠܵܐ ܪܵܚܩܹܬ ܡܸܢܝܼ، 
\q1 ܝܵܐ ܐܲܠܵܗ‌ܝܼ، ܡܲܠܝܸܙ ܠܗܲܝܲܪܬ‌ܝܼ. 
\q1  
\v 13 ܢܵܟ݂ܦܝܼ ܘܬܵܝܡܝܼ ܥܵܒ݂ܕܵܢܹ̈ܐ ܕܕܲܠܩܘܼܒ݂ܠܘܼܬܵ‌ܐ ܠܓܵܢܝܼ، 
\q1 ܠܵܒ݂ܫܝܼ ܠܵܘܡܵܐ ܘܢܟ݂ܝܼܦܬܵ‌ܐ ܛܵܥܝܵܢܹ̈ܐ ܠܒܝܼܫܬ‌ܝܼ. 
\q1  
\v 14 ܘܐܵܢܵܐ ܐܲܡܝܼܢܵܐܝܼܬ ܒܸܬ ܣܵܦܪܹܢ، 
\q1 ܘܒܸܬ ܝܵܗܒܹܢܘܼܟ݂ ܬܸܫܒܘܿܚܬܵ‌ܐ ܥܲܠܔ ܬܸܫܒܘܿܚܬܵ‌ܐ. 
\q1  
\v 15 ܦܘܼܡܝܼ ܒܸܬ ܗܲܩܹܐ ܙܲܕܝܼܩܘܼܬܘܼܟ݂، 
\q1 ܟܠܹܗ ܝܵܘܡܵܐ ܦܘܼܪܩܵܢܘܼܟ݂، 
\q1 ܒܗ̇ܝ ܕܠܵܐ ܝܕܝܼܥ ܠܝܼ ܡܸܢܝܵܢܵܝܗ‌ܝ. 
\q1  
\v 16 ܒܸܬ ܐܵܬܹܝܢ ܒܓܲܒܵܪ̈ܘܼܝܵܬܹ‌ܐ ܕܡܵܪܝܵܐ ܐܲܠܵܗܵܐ، 
\q1 ܒܸܬ ܡܲܕܟܸܪܸܢ ܙܲܕܝܼܩܘܼܬܵ‌ܐ ܕܕܝܼܘܼܟ݂ ܐܲܚܟ̰ܝܼ. 
\q1  
\v 17 ܝܵܐ ܐܲܠܵܗܵܐ، ܩܵܡ ܡܲܠܦܸܬ ܠܝܼ ܡ̣ܢ ܙܥܘܿܪܘܼܬ‌ܝܼ، 
\q1 ܘܗܲܠܔ ܠܲܐܟ݂ܵܐ ܡܘܼܕܸܥ ܠܝܼ ܕܘܼܡܵܪ̈ܘܼܟ݂. 
\q1  
\v 18 ܘܐܘܼܦ ܗܲܠܔ ܚܘܵܪܕܸܩܢܘܼܬܵ‌ܐ ܘܣܲܝܒܘܼܬܵ‌ܐ، ܝܵܐ ܐܲܠܵܗܵܐ، ܠܵܐ ܪܲܦܹܝܬ ܠܝܼ، 
\q1 ܗܲܠܔ ܕܡܲܕܥܸܢ ܚܲܝܠܘܼܟ݂ ܠܕܵܪܵܐ ܐܚܹܪܢܵܐ، 
\q1 ܓܲܒܵܪܘܼܬܘܼܟ݂ ܠܟܠܔ ܕܐܵܬܹ‌ܐ. 
\q1  
\v 19 ܙܲܕܝܼܩܘܼܬܘܼܟ݂، ܝܵܐ ܐܲܠܵܗܵܐ، ܗܲܠܔ ܡܪܵܘܡܵܐ ܝܠܵܗ̇، 
\q1 ܐܲܢ݇ܬ ܕܥܒ݂ܝܼܕ ܠܘܼܟ݂ ܦܘܼܠܚܵܢܹ̈ܐ ܓܘܼܪܹ̈ܐ، 
\q1 ܝܵܐ ܐܲܠܵܗܵܐ، ܡܵܢܝܼ ܝܠܹܗ ܐܲܝܟ݂ ܕܝܼܘܼܟ݂؟ 
\q1  
\v 20 ܐܲܢ݇ܬ ܕܩܵܡ ܡܲܚܙܹܝܬ ܠܝܼ ܪܵܒܵܐ ܥܵܘܩܵܢܹ̈ܐ ܣܸܪ̈ܝܹܐ، 
\q1 ܒܸܬ ܕܵܝܪܹܬ ܡܲܚܹܝܬ ܠܝܼ، 
\q1 ܘܡ̣ܢ ܥܘܼܡܩܹ̈ܐ ܕܐܲܪܥܵܐ ܒܸܬ ܕܵܝܪܹܬ ܡܲܐܣܩܸܬ ܠܝܼ. 
\q1  
\v 21 ܒܸܬ ܡܲܙܝܸܕܸܬ ܓܘܼܪܘܼܬ‌ܝܼ، 
\q1 ܘܒܸܬ ܕܵܝܪܹܬ ܝܵܗܒܹܬ ܠܝܼ ܠܸܒܵܐ. 
\q1  
\v 22 ܐܘܼܦ ܐܵܢܵܐ ܒܸܬ ܫܲܟܪܸܢܘܼܟ݂ ܒܩܝܼܬܵܪܵܐ، 
\q1 ܩܵܐ ܫܲܪܝܼܪܘܼܬܘܼܟ݂، ܝܵܐ ܐܲܠܵܗ‌ܝܼ، 
\q1 ܒܸܬ ܙܵܡܪܹܢ ܐܸܠܘܼܟ݂ ܒܟܸܢܵܪܵܐ، 
\q1 ܝܵܐ ܩܲܕܝܼܫܵܐ ܕܐܝܼܣܪܵܐܹܝܠܔ. 
\q1  
\v 23 ܒܸܬ ܫܲܒܚܝܼ ܣܸܦܘܵܬ‌ܝܼ̈ ܟܲܕ ܙܵܡܪܹܢ ܐܸܠܘܼܟ݂، 
\q1 ܐܘܼܦ ܓܵܢܝܼ ܕܦܘܼܪܩܵܐ ܠܘܼܟ݂. 
\q1  
\v 24 ܐܘܼܦ ܠܸܫܵܢܝܼ ܟܠܹܗ ܝܵܘܡܵܐ ܒܸܬ ܗܲܡܙܸܡ ܙܲܕܝܼܩܘܼܬܘܼܟ݂، 
\q1 ܒܗ̇ܝ ܕܢܟ݂ܝܼܦ ܠܗܘܿܢ ܕܦܝܼܫ ܠܗܘܿܢ ܡܘܼܟܸܦܹܐ ܛܵܥܝܵܢܹ̈ܐ ܠܒܝܼܫܬ‌ܝܼ. 
\c 72  
\s1 ܡܙܡܘܪܐ ܕܫܠܝܡܘܢ. 
\q1  
\v 1 ܝܵܐ ܐܲܠܵܗܵܐ، ܕܝܼܘܵܢܘܼ̈ܟ݂ ܠܡܲܠܟܵܐ ܗܲܒ݂ܠܔ، 
\q1 ܘܙܲܕܝܼܩܘܼܬܘܼܟ݂ ܠܒܪܘܿܢܵܐ ܕܡܲܠܟܵܐ. 
\q1  
\v 2 ܒܸܬ ܕܵܐܹܢ ܠܥܲܡܘܼܟ݂ ܒܙܲܕܝܼܩܘܼܬܵ‌ܐ، 
\q1 ܘܠܡܸܣܟܹܢܘܼ̈ܟ݂ ܒܕܝܼܘܵܢ. 
\q1  
\v 3 ܒܸܬ ܛܵܥܢܝܼ ܛܘܼܪܹ̈ܐ ܫܠܵܡܵܐ ܠܥܲܡܵܐ، 
\q1 ܘܪ̈ܘܼܡܝܵܬܹ‌ܐ ܒܙܲܕܝܼܩܘܼܬܵ‌ܐ. 
\q1  
\v 4 ܒܸܬ ܥܵܒܹܕ ܕܝܼܘܵܢ ܕܡܸܣܟܹܢܹ̈ܐ ܕܥܲܡܵܐ، 
\q1 ܒܸܬ ܦܲܪܸܩ ܠܒܢܘܿܢܹ̈ܐ ܕܣܢܝܼܩܹ̈ܐ، ܘܒܸܬ ܒܵܠܹܣ ܠܛܵܠܘܿܡܵܐ. 
\q1  
\v 5 ܒܸܬ ܙܵܕܥܝܼ ܡܸܢܘܼܟ݂ ܟܡܵܐ ܕܐܝܼܬ ܫܸܡܫܵܐ، 
\q1 ܘܟܡܵܐ ܕܐܝܼܬ ܣܲܗܪܵܐ، ܠܕܵܪܵܐ ܕܕܵܪܹ̈ܐ. 
\q1  
\v 6 ܒܸܬ ܨܵܠܹܐ ܐܲܝܟ݂ ܡܸܛܪܵܐ ܥܲܠܔ ܥܸܩܪܵܐ ܕܓܸܠܵܐ ܚܨܝܼܕܵܐ، 
\q1 ܐܲܝܟ݂ ܩܲܫܩܲܫܝܵܬܹ̈‌ܐ ܒܸܫܦܵܟ݂ܵܐ ܥܲܠܔ ܐܲܪܥܵܐ. 
\q1  
\v 7 ܒܸܬ ܡܲܓ̰ܝܸܢܵܐ ܙܲܕܝܼܩܘܼܬܵ‌ܐ ܒܝܵܘܡܵܢܘܼ̈ܗ‌ܝ، 
\q1 ܘܒܘܼܫܵܝܘܼܬܵ‌ܐ ܕܫܠܵܡܵܐ ܗܲܠܔ ܕܠܵܐ ܗܵܘܹܐ ܣܲܗܪܵܐ. 
\q1  
\v 8 ܘܒܸܬ ܗܲܟܸܡ ܡ̣ܢ ܝܵܡܵܐ ܗܲܠܔ ܝܵܡܵܐ، 
\q1 ܘܡ̣ܢ ܢܲܗܪܵܐ ܕܦܪܵܬ ܗܲܠܔ ܡܲܪ̈ܙܵܢܹܐ ܕܐܲܪܥܵܐ. 
\q1  
\v 9 ܩܲܕܡܘܼܗ‌ܝ ܒܸܬ ܛܵܥܦܝܼ ܥܵܡܪ̈ܵܢܹܐ ܕܒܲܪܝܼܵܐ، 
\q1 ܘܕܸܫ̃ܡܸܢܘܼ̈ܗ‌ܝ ܥܲܦܪܵܐ ܒܸܬ ܠܵܟܚܝܼ. 
\q1  
\v 10 ܡܲܠܟܹ̈ܐ ܕܬܲܪܫܝܼܫ ܘܕܓܵܙܪ̈ܵܬܹ‌ܐ ܡܵܘܗܲܒ݂ܬܵ‌ܐ ܒܸܬ ܡܲܝܬ‌ܝܼ، 
\q1 ܡܲܠܟܹ̈ܐ ܕܫܒ݂ܵܐ ܘܕܣܵܒ݂ܵܐ ܕܲܫܢܵܐ ܒܸܬ ܡܲܩܪܸܒ݂ܝܼ. 
\q1  
\v 11 ܘܒܸܬ ܟܵܝܦܝܼ ܩܲܕܡܘܼܗ‌ܝ ܟܠܵܝܗ‌ܝ ܡܲܠܟܹ̈ܐ، 
\q1 ܟܠܵܝܗ‌ܝ ܐܸܡܘܵܬܹ̈‌ܐ ܒܸܬ ܦܵܠܚܝܼ ܐܸܠܹܗ. 
\q1  
\v 12 ܣܵܒܵܒ ܒܸܬ ܦܲܨܹܐ ܠܣܢܝܼܩܵܐ ܕܩܲܘܸܚ، 
\q1 ܘܠܡܸܣܟܹܢܵܐ ܕܠܲܝܬ ܗܲܝܸܪܵܢܵܐ ܐܸܠܹܗ. 
\q1  
\v 13 ܒܸܬ ܥܵܒܹܕ ܪ̈ܲܚܡܹܐ ܥܲܠܔ ܡܸܣܟܹܢܵܐ ܘܣܢܝܼܩܵܐ، 
\q1 ܘܓܵܢܵܬܹ̈‌ܐ ܕܣܢܝܼܩܹ̈ܐ ܒܸܬ ܦܲܪܸܩ. 
\q1  
\v 14 ܡ̣ܢ ܛܠܘܼܡܝܵܐ ܘܡ̣ܢ ܚܸܡܬܵ‌ܐ ܒܸܬ ܦܲܪܸܩ ܓܵܢܵܝܗ‌ܝ، 
\q1 ܘܒܸܬ ܗܵܘܹܐ ܝܲܩܝܼܪܵܐ ܕܸܡܵܝܗ‌ܝ ܒܥܲܝܢܘܼ̈ܗ‌ܝ. 
\q1  
\v 15 ܘܒܸܬ ܚܵܝܹܐ، ܘܒܸܬ ܝܵܗܒ݂ܝܼ ܐܸܠܹܗ ܡ̣ܢ ܕܲܗܒ݂ܵܐ ܕܫܒ݂ܵܐ، 
\q1 ܘܒܸܬ ܨܲܠܝܼ ܒܘܼܬ ܕܝܼܹܗ ܐܲܡܝܼܢܵܐܝܼܬ، 
\q1 ܟܠܹܗ ܝܵܘܡܵܐ ܒܸܬ ܒܲܪܟ݂ܝܼ ܠܹܗ. 
\q1  
\v 16 ܒܸܬ ܗܵܘܝܵܐ ܦܸܪܝܘܼܬܵ‌ܐ ܕܕܲܚܠܵܐ ܒܐܲܪܥܵܐ ܒܪܹܝܫܵܐ ܕܛܘܼܪ̈ܵܢܹܐ، 
\q1 ܒܸܬ ܫܵܥܫܵܐ ܐܲܝܟ݂ ܠܸܒ݂ܢܵܢ ܛܥܘܼܢܬܹܗ، 
\q1 ܘܒܸܬ ܦܵܩܚܝܼ ܐܢܵܫܹ̈ܐ ܡ̣ܢ ܡܕܝܼܢ݇ܬܵ‌ܐ ܐܲܝܟ݂ ܓܸܠܵܐ ܕܐܲܪܥܵܐ. 
\q1  
\v 17 ܒܸܬ ܗܵܘܹܐ ܫܸܡܹܗ ܠܥܵܠܲܡ، 
\q1 ܘܒܸܬ ܦܵܐܹܫ ܫܸܡܹܗ ܟܡܵܐ ܕܐܝܼܬ ܫܸܡܫܵܐ، 
\q1 ܘܒܸܬ ܦܵܝܫܝܼ ܒܘܼܪܟܹܐ ܒܝܼܹܗ ܟܠܵܝܗ‌ܝ ܐܸܡܘܵܬܹ̈‌ܐ، 
\q1 ܘܒܸܬ ܝܵܗܒ݂ܝܼ ܠܹܗ ܛܘܼܒ݂ܵܐ. 
\q1  
\v 18 ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ، 
\q1 ܐܲܠܵܗܵܐ ܕܐܝܼܣܪܵܐܹܝܠܔ، ܥܵܒ݂ܕܵܢܹ̈ܐ ܕܥܲܓ̰ܝܼܒܘܼܝܵܬܹ̈‌ܐ ܒܢܲܦ̮ܫܹܗ. 
\q1  
\v 19 ܘܒܪܝܼܟ݂ܵܐ ܝܠܹܗ ܫܸܡܹܗ ܡܝܘܼܩܪܵܐ ܠܥܵܠܲܡ، 
\q1 ܘܦܵܝܫܵܐ ܡܠܝܼܬܵ‌ܐ ܟܠܵܗ̇ ܐܲܪܥܵܐ ܐܝܼܩܵܪܹܗ، 
\q1 ܐܵܡܹܝܢ ܘܐܵܡܹܝܢ. 
\q1  
\v 20 ܬܝܼܡ ܠܗܘܿܢ ܨܠܵܘܵܬܹ̈‌ܐ ܕܕܵܘܝܼܕ ܒܪܘܿܢܵܐ ܕܐܝܼܫܲܝ. 
\c 73  
\ms1 ܣܸܦܪܵܐ ܬܠܝܼܬܵܝܵܐ 
\mr ܡܙܡܘܪ̈ܐ 73‏‐89 
\s1 ܡܙܡܘܪܐ ܕܐܣܦ. 
\q1  
\v 1 ܒܫܪܵܪܵܐ، ܛܵܒ݂ܵܐ ܝܠܹܗ ܠܐܝܼܣܪܵܐܹܝܠܔ ܐܲܠܵܗܵܐ، 
\q1 ܠܕܸܟ݂ܝܹ̈ܐ ܕܠܸܒܵܐ. 
\q1  
\v 2 ܘܐܵܢܵܐ، ܒܵܬܪ ܚܲܕܟ̰ܵܐ ܒܸܬ ܬܲܪܩܸܠܝܼ ܗܘܵܘ ܐܲܩܠܵܬ‌ܝܼ̈، 
\q1 ܚܲܕܟ̰ܵܐ ܦܝܼܫ ܠܵܗ̇ ܕܓ̰ܵܪܦܝܼ ܗܘܵܘ ܦܵܣܘܿܥܝܵܬ‌ܝܼ̈. 
\q1  
\v 3 ܣܵܒܵܒ ܒܘܼܚܸܠܔ ܠܝܼ ܒܚܬܝܼܪܹ̈ܐ، 
\q1 ܫܠܵܡܵܐ ܕܪ̈ܲܫܝܼܥܹܐ ܚܙܹܐ ܠܝܼ. 
\q1  
\v 4 ܣܵܒܵܒ ܠܲܝܬ ܚܸܒ݂ܠܹ̈ܐ ܒܡܵܘܬܵܝܗ‌ܝ، 
\q1 ܘܛܪܝܼܨܵܐ ܝܠܹܗ ܦܲܓ݂ܪܵܝܗ‌ܝ. 
\q1  
\v 5 ܒܥܲܡܠܵܐ ܕܐܢܵܫܵܐ ܠܹܐ ܝܢܵܐ، 
\q1 ܘܒܡܲܚܘܵܬܹ̈‌ܐ ܕܒܲܪܢܵܫܵܐ ܠܹܐ ܦܵܝܫܝܼ ܡܸܚܝܹܐ. 
\q1  
\v 6 ܒܘܼܬ ܐܵܗܵܐ، ܠܒ݂ܝܼܫ ܠܗܘܿܢ ܫܘܼܒ݂ܗܵܪܵܐ ܠܬܵܘܩܵܝܗ‌ܝ، 
\q1 ܟܹܐ ܟܲܣܹܐ ܠܒ݂ܘܼܫܵܐ ܕܙܠܘܼܡܝܵܐ ܐܸܠܵܝܗ‌ܝ. 
\q1  
\v 7 ܦܠܝܼܛܹܐ ܝܢܵܐ ܡ̣ܢ ܬܲܪܒܵܐ ܥܲܝ̈ܢܵܝܗ‌ܝ، 
\q1 ܥܒ݂ܝܼܪܗܘܿܢ ܡ̣ܢ ܟܝܘܼܠܵܐ ܚܘܼܫܵܒܹ̈ܐ ܕܠܸܒܵܝܗ‌ܝ. 
\q1  
\v 8 ܟܹܐ ܡܲܣܚܸܪܝܼ ܘܟܹܐ ܗܲܡܙܸܡܝܼ ܒܒܝܼܫܬܵ‌ܐ، 
\q1 ܡ̣ܢ ܪܵܡܘܼܬܵ‌ܐ ܟܹܐ ܗܲܡܙܸܡܝܼ ܙܠܘܼܡܝܵܐ. 
\q1  
\v 9 ܡܘܼܬܸܒ݂ ܠܗܘܿܢ ܒܫܡܲܝܵܐ ܦܘܼܡܵܝܗ‌ܝ، 
\q1 ܘܠܸܫܵܢܵܝܗ‌ܝ ܟܹܐ ܚܵܕܹܪ ܒܐܲܪܥܵܐ. 
\q1  
\v 10 ܒܘܼܬ ܐܵܗܵܐ، ܥܲܡܵܐ ܟܹܐ ܕܵܐܹܪ ܠܟܸܣܠܵܝܗ‌ܝ، 
\q1 ܘܡ̈ܝܼܵܐ ܕܟܵܣܵܐ ܡܸܠܝܵܐ ܟܹܐ ܦܵܝܫܝܼ ܣܪܝܼܦܹܐ ܒܝܼܵܝܗ‌ܝ. 
\q1  
\v 11 ܘܟܹܐ ܐܵܡܪܝܼ: ”ܕܵܐܟ݂ܝܼ ܟܹܐ ܝܵܕܹܥ ܐܲܠܵܗܵܐ؟ 
\q1 ܐܝܼܬ ܝܕܵܥܬܵ‌ܐ ܒܥܸܠܵܝܵܐ؟“ 
\q1  
\v 12 ܗܵܐ، ܐܲܢܹܐ ܝܢܵܐ ܪ̈ܲܫܝܼܥܹܐ، 
\q1 ܒܫܲܝܢܵܐ ܝܢܵܐ ܠܥܵܠܲܡ، ܘܡܘܼܙܝܸܕܹܐ ܝܢܵܐ ܥܘܼܬܪܵܐ. 
\q1  
\v 13 ܒܫܪܵܪܵܐ، ܣܪܝܼܩܵܐܝܼܬ ܕܘܼܟܹܐ ܠܝܼ ܠܸܒܝܼ، 
\q1 ܘܚܘܼܠܸܠܔ ܠܝܼ ܒܙܲܟܵܝܘܼܬܵ‌ܐ ܐܝܼܕܵܬ‌ܝܼ̈. 
\q1  
\v 14 ܘܗܘܹܐ ܠܝܼ ܡܸܚܝܵܐ ܒܡܲܚܘܵܬܹ̈‌ܐ ܟܠܹܗ ܝܵܘܡܵܐ، 
\q1 ܘܡܲܢܟܲܣܬ‌ܝܼ ܟܠܔ ܨܲܦܪܵܐ ܝܠܵܗ̇. 
\q1  
\v 15 ܐܸܢ ܐܵܡܪܹܢ ܗܘܵܐ: ”ܒܸܬ ܗܲܩܹܝܢ ܗܵܕܟ݂ܵܐ،“ 
\q1 ܗܵܐ، ܠܬܵܘܠܲܕܬܵ‌ܐ ܕܒܢܘܿܢܘܼ̈ܟ݂ ܒܸܬ ܥܵܒ݂ܕܹܢ ܗܘܵܐ ܚܵܝܝܼܢܘܼܬܵ‌ܐ، 
\q1  
\v 16 ܘܐܝܼܡܲܢ ܕܬܘܼܚܡܸܢܝܼ ܕܦܲܪܡܹܝܢ ܐܵܗܵܐ، 
\q1 ܚܙܹܐ ܠܝܼ ܕܥܲܡܠܵܐ ܝܗܘܵܐ ܒܥܲܝܢܝܼ̈، 
\q1  
\v 17 ܗܲܠܔ ܕܥܒ݂ܝܼܪܝܼ ܠܡܲܩܕܫܵܐ ܕܐܲܠܵܗܵܐ، 
\q1 ܘܦܘܼܪܡܹܐ ܠܝܼ ܠܚܲܪܬܵܝܗ‌ܝ. 
\q1  
\v 18 ܬܪܘܼܨܵܐ، ܟܹܐ ܡܲܬܒܸܬ ܠܗܘܿܢ ܒܕܘܼܟܵܢܹ̈ܐ ܡܲܓ̰ܪܸ̈ܛܵܢܹܐ، 
\q1 ܟܹܐ ܡܲܢܦܸܠܸܬ ܠܗܘܿܢ ܠܚܵܪ̈ܵܒܹܐ. 
\q1  
\v 19 ܕܐܲܝܟ݂ ܐܬܹ‌ܐ ܠܗܘܿܢ ܠܚܪܵܒ݂ܵܐ ܒܛܲܪܦܲܛܬܵ‌ܐ ܕܥܲܝܢܵܐ، 
\q1 ܩܛܝܼܥ ܠܗܘܿܢ ܘܬܝܼܡ ܠܗܘܿܢ ܒܓܘܼܢܚܹ̈ܐ. 
\q1  
\v 20 ܐܲܝܟ݂ ܚܸܠܡܵܐ ܝܢܵܐ ܡܒܵܬܪ ܪܥܵܫܬܵ‌ܐ، 
\q1 ܝܵܐ ܡܵܪܝܵܐ، ܒܬܥܵܪܬܘܼܟ݂ ܨܲܠܡܵܝܗ‌ܝ ܒܸܬ ܡܲܣܠܹܝܬ. 
\q1  
\v 21 ܐܝܼܡܲܢ ܕܦܝܼܫ ܠܹܗ ܡܘܼܡܪܸܪܵܐ ܠܸܒܝܼ، 
\q1 ܘܓܵܘܝܼ ܦܝܼܫ ܠܹܗ ܟ̰ܪܝܼܙܵܐ، 
\q1  
\v 22 ܐܵܢܵܐ ܐܲܗܡܲܩ ܝܼܘܸܢ ܗܘܵܐ، ܘܠܵܐ ܝܕܝܼܥ ܠܝܼ، 
\q1 ܗܲܝܘܵܢ ܗܘܹܐ ܠܝܼ ܟܸܣ ܠܘܼܟ݂. 
\q1  
\v 23 ܘܗܸܫ ܐܵܢܵܐ ܐܲܡܝܼܢܵܐܝܼܬ ܥܲܡܘܼܟ݂ ܝܼܘܸܢ، 
\q1 ܕܒ݂ܝܼܩ ܠܘܼܟ݂ ܒܐܝܼܕܝܼ ܕܝܲܡܝܼܢܵܐ. 
\q1  
\v 24 ܒܡܸܠܟܘܼܟ݂ ܒܸܬ ܬܲܓܒܸܪܸܬ ܠܝܼ، 
\q1 ܘܒܵܬܪ ܗܵܕܵܐ ܒܐܝܼܩܵܪܵܐ ܩܲܒܠܸܬ ܠܝܼ. 
\q1  
\v 25 ܡܵܢܝܼ ܐܝܼܬ ܠܝܼ ܒܫܡܲܝܵܐ؟ 
\q1 ܘܫܒ݂ܘܿܩ ܡܸܢܘܼܟ݂ ܠܹܐ ܒܵܣܡܵܐ ܠܝܼ ܒܡܸܢܕܝܼ ܒܐܲܪܥܵܐ. 
\q1  
\v 26 ܬܝܼܡ ܠܹܗ ܒܸܣܪܝܼ ܘܠܸܒܝܼ، 
\q1 ܐܝܼܨܵܪܵܐ ܕܠܸܒܝܼ ܘܣܵܗܡܝܼ ܐܲܠܵܗܵܐ ܝܠܹܗ ܠܥܵܠܲܡ. 
\q1  
\v 27 ܣܵܒܵܒ ܗܵܐ، ܐܵܢܝܼ ܕܝܼܢܵܐ ܪܸܚܩܵܐ ܡܸܢܘܼܟ݂ ܒܸܬ ܛܵܠܩܝܼ، 
\q1 ܦܘܼܢܹܐ ܠܘܼܟ݂ ܟܠܔ ܙܲܢܵܝܵܐ ܡ̣ܢ ܟܸܣ ܠܘܼܟ݂. 
\q1  
\v 28 ܘܐܵܢܵܐ، ܩܲܪܒܲܢܬܵ‌ܐ ܠܐܲܠܵܗܵܐ ܩܵܬ‌ܝܼ ܨܦܵܝܝܼ ܝܠܵܗ̇، 
\q1 ܡܘܼܬܸܒ݂ ܠܝܼ ܒܡܵܪܝܵܐ ܐܲܠܵܗܵܐ ܒܹܝܬ ܓܵܘܣܝܼ، 
\q1 ܠܗܲܩܘܼܝܹܐ ܟܠܵܝܗ‌ܝ ܦܘܼܠܚܵܢܘܼ̈ܟ݂. 
\c 74  
\q1  
\v 1 ܩܵܡܘܿܕܝܼ، ܝܵܐ ܐܲܠܵܗܵܐ، ܩܵܡ ܡܲܚܦܸܠܸܬ ܠܲܢ ܠܥܵܠܲܡ؟ 
\q1 ܬܲܢܬܘܼܢܹܐ ܝܠܵܗ̇ ܚܸܡܬܘܼܟ݂ ܥܲܠܔ ܦܸܣܩܵܐ ܕܡܲܪܥܝܼܬܘܼܟ݂؟ 
\q1  
\v 2 ܕܟ݂ܘܿܪ ܠܟܢܘܼܫܝܘܼܟ݂ ܕܙܒ݂ܝܼܢܘܼܟ݂ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، 
\q1 ܫܲܒ݂ܛܵܐ ܕܝܵܪܬܘܼܬܘܼܟ݂ ܕܦܘܼܪܸܩ ܠܘܼܟ݂، 
\q1 ܠܐܵܗܵܐ ܛܘܼܪܵܐ ܕܨܸܗܝܘܿܢ ܕܫܪܹܐ ܠܘܼܟ݂ ܒܝܼܹܗ. 
\q1  
\v 3 ܡܲܦܬܸܠܔ ܦܵܣܘܿܥܝܵܬܘܼ̈ܟ݂ ܠܓܹܒܵܐ ܕܚܵܪ̈ܵܒܹܐ ܕܥܵܠܲܡ، 
\q1 ܟܠܔ ܒܝܼܫܬܵ‌ܐ ܥܒ݂ܝܼܕ ܠܹܗ ܕܸܫ̃ܡܸܢ ܒܡܲܩܕܫܵܐ. 
\q1  
\v 4 ܓܘܼܪܓܸܡ ܠܗܘܿܢ ܕܸܫ̃ܡܸܢܘܼ̈ܟ݂ ܒܓܵܘܵܐ ܕܓ̰ܵܡܵܥܲܬܘܼܟ݂، 
\q1 ܡܘܼܩܸܡ ܠܗܘܿܢ ܐܵܬܘܵܬܵܝ̈ܗ‌ܝ ܐܲܝܟ݂ ܢܝܼܫܲܢܩܹ̈ܐ. 
\q1  
\v 5 ܗܘܝܼܹܐ ܝܗܘܵܘ ܐܲܝܟ݂ ܡܵܚܝܵܢܵܐ ܕܢܲܪ̈ܥܹܐ 
\q1 ܒܐܝܼܠܵܢܹ̈ܐ ܕܥܵܒ݂ܵܐ. 
\q1  
\v 6 ܘܐܵܕܝܼܵܐ، ܢܩܵܪ̈ܝܵܬܘܼܗ‌ܝ ܟܠܵܝܗ‌ܝ ܡܸܚܕܵܕܹ̈ܐ، 
\q1 ܒܚܵܨܝܼܢܹ̈ܐ ܘܢܲܪ̈ܥܹܐ ܛܲܚܛܘܼܚܹܐ ܝܢܵܐ. 
\q1  
\v 7 ܕܪܹܐ ܠܗܘܿܢ ܒܢܘܼܪܵܐ ܡܲܩܕܫܘܼܟ݂، 
\q1 ܠܐܲܪܥܵܐ ܫܚܝܼܡ ܠܗܘܿܢ ܡܲܫܟܢܵܐ ܕܫܸܡܘܼܟ݂. 
\q1  
\v 8 ܐܡܝܼܪܗܘܿܢ ܒܠܸܒܵܝܗ‌ܝ: ”ܙܵܠܡܲܚ ܠܟܠܵܝܗ‌ܝ.“ 
\q1 ܡܘܼܩܸܕ ܠܗܘܿܢ ܟܠܵܝܗ‌ܝ ܟܢܘܼܫܝܵܬܹ̈‌ܐ ܕܐܲܠܵܗܵܐ ܒܐܲܪܥܵܐ. 
\q1  
\v 9 ܢܝܼܫܲܢܩܹ̈ܐ ܐܸܠܲܢ ܠܹܐ ܝܘܲܚ ܒܸܚܙܵܝܵܐ، 
\q1 ܠܲܝܬ ܐܚܹܪܢܵܐ ܢܒ݂ܝܼܵܐ، 
\q1 ܘܠܲܝܬ ܥܲܡܲܢ ܚܲܕ ܕܝܵܕܹܥ ܗܲܠܔ ܐܝܼܡܲܢ. 
\q1  
\v 10 ܗܲܠܔ ܐܝܼܡܲܢ، ܝܵܐ ܐܲܠܵܗܵܐ، ܒܸܬ ܠܵܐܹܡ ܡܲܠܝܸܨܵܢܵܐ؟ 
\q1 ܒܸܬ ܡܲܣܚܸܪ ܕܸܫ̃ܡܸܢ ܒܫܸܡܘܼܟ݂ ܠܥܵܠܲܡ؟ 
\q1  
\v 11 ܩܵܡܘܿܕܝܼ ܡܲܕܘܼܪܹܐ ܝܘܸܬ ܐܝܼܕܘܼܟ݂ ܘܝܲܡܝܼܢܘܼܟ݂؟ 
\q1 ܡ̣ܢ ܓܵܘ ܥܘܼܒܘܼܟ݂ ܦܲܠܸܛ ܠܵܗ̇ ܘܛܲܠܸܩ ܠܹܗ. 
\q1  
\v 12 ܘܐܲܠܵܗܵܐ ܡܲܠܟܝܼ ܝܠܹܗ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، 
\q1 ܦܵܠܚܵܢܹ̈ܐ ܕܦܘܼܪ̈ܩܵܢܹܐ ܒܓܵܘܵܐ ܕܐܲܪܥܵܐ. 
\q1  
\v 13 ܐܲܢ݇ܬ ܒܥܘܼܫܢܘܼܟ݂ ܟ̰ܠܝܼܦܵܐ ܠܘܼܟ݂ ܝܵܡܵܐ، 
\q1 ܬܒ݂ܝܼܪܘܼܟ݂ ܪܹ̈ܝܫܵܢܹܐ ܕܬܲܢܝܼܢܹ̈ܐ ܒܡ̈ܝܼܵܐ. 
\q1  
\v 14 ܐܲܢ݇ܬ ܛܒ݂ܝܼܚ ܠܘܼܟ݂ ܪܹ̈ܝܫܵܢܹܐ ܕܠܹܘܝܵܬܵܢ، 
\q1 ܩܵܡ ܝܵܗܒܹܬ ܠܹܗ ܡܹܐܟ݂ܘܼܠܬܵ‌ܐ ܠܥܲܡܵܐ، ܠܥܵܡܪ̈ܵܢܹܐ ܕܒܲܪܝܼܵܐ. 
\q1  
\v 15 ܐܲܢ݇ܬ ܡܘܼܦܩܸܥ ܠܘܼܟ݂ ܥܲܝܢܵܬܹ̈‌ܐ ܘܢܲܚܠܹ̈ܐ، 
\q1 ܐܲܢ݇ܬ ܡܘܼܒܪܸܙ ܠܘܼܟ݂ ܢܲܗܪ̈ܵܘܵܬܹ‌ܐ ܙܲܪ̈ܒܵܢܹܐ. 
\q1  
\v 16 ܕܝܼܘܼܟ݂ ܝܠܹܗ ܝܵܘܡܵܐ، ܐܘܼܦ ܕܝܼܘܼܟ݂ ܝܠܹܗ ܠܲܝܠܹܐ، 
\q1 ܐܲܢ݇ܬ ܫܘܼܬܐܸܣ ܠܘܼܟ݂ ܒܲܗܪܵܐ ܘܫܸܡܫܵܐ. 
\q1  
\v 17 ܐܲܢ݇ܬ ܡܘܼܬܸܒ݂ ܠܘܼܟ݂ ܟܠܵܝܗ‌ܝ ܬܚܘܼܡܹ̈ܐ ܕܐܲܪܥܵܐ، 
\q1 ܩܲܝܛܵܐ ܘܣܸܬܘܵܐ ܐܲܢ݇ܬ ܥܒ݂ܝܼܕܵܝ ܠܘܼܟ݂. 
\q1  
\v 18 ܕܟ݂ܘܿܪ ܐܵܗܵܐ، ܕܵܐܟ݂ܝܼ ܠܝܼܡ ܠܹܗ ܕܸܫ̃ܡܸܢ، ܝܵܐ ܡܵܪܝܵܐ، 
\q1 ܘܥܲܡܵܐ ܣܲܟ݂ܠܵܐ ܡܘܼܣܚܸܪܹܗ ܒܫܸܡܘܼܟ݂. 
\q1  
\v 19 ܠܵܐ ܝܵܗܒܹܬ ܓܵܢܵܐ ܕܓܘܼܪܓܘܼܡܘܼܟ݂ ܠܚܲܝܘܬܵ‌ܐ، 
\q1 ܠܵܐ ܡܲܢܫܹܝܬ ܚܲܝܹ̈ܐ ܕܡܸܣܟܹܢܘܼ̈ܟ݂ ܠܥܵܠܲܡ. 
\q1  
\v 20 ܚܘܼܪ ܠܘܲܥܕܵܐ، 
\q1 ܣܵܒܵܒ ܡܸܠܝܹܐ ܝܢܵܐ ܕܘܼܟܵܢܹ̈ܐ ܚܸܫܟܵܢܹ̈ܐ ܕܐܲܪܥܵܐ ܒܕܘܼܝܵܪܹ̈ܐ ܕܚܸܡܬܵ‌ܐ. 
\q1  
\v 21 ܠܵܐ ܕܵܐܹܪ ܡܘܼܠܝܸܨܵܐ ܟܲܕ ܢܟ݂ܝܼܦܵܐ، 
\q1 ܡܸܣܟܹܢܵܐ ܘܣܢܝܼܩܵܐ ܫܲܒܚܝܼ ܠܫܸܡܘܼܟ݂. 
\q1  
\v 22 ܩܘܼܡ، ܝܵܐ ܐܲܠܵܗܵܐ، ܥܒ݂ܘܿܕ ܕܝܼܘܵܢܘܼܟ݂، 
\q1 ܕܟ݂ܘܿܪ ܠܵܘܡܘܼܟ݂ ܡ̣ܢ ܣܲܟ݂ܠܵܐ ܟܠܹܗ ܝܵܘܡܵܐ. 
\q1  
\v 23 ܠܵܐ ܡܲܢܫܹܝܬ ܩܵܠܵܐ ܕܕܸܫ̃ܡܸܢܘܼ̈ܟ݂، 
\q1 ܫܓ݂ܘܼܫܝܵܐ ܕܩܵܝܡܵܢܹ̈ܐ ܕܲܠܩܘܼܒ݂ܠܘܼܟ݂ ܒܹܐܣܵܩܵܐ ܐܲܡܝܼܢܵܐܝܼܬ. 
\c 75  
\s1 ܠܪܝܫ ܓܘܕܐ ܕܙܡܪ̈ܐ. ܐܲܠܬܲܫܚܸܬ. ܡܙܡܘܪܐ ܕܐܣܦ. ܙܡܪܬ‌ܐ. 
\q1  
\v 1 ܫܲܟܘܼܪܹܐ ܝܘܲܚ ܐܸܠܘܼܟ݂، ܝܵܐ ܐܲܠܵܗܵܐ، 
\q1 ܫܲܟܘܼܪܹܐ ܝܘܲܚ ܘܩܘܼܪܒܵܐ ܝܠܹܗ ܫܸܡܘܼܟ݂، 
\q1 ܕܘܼܡܵܪ̈ܘܼܟ݂ ܗܘܼܩܹܐ ܠܗܘܿܢ ܐܵܗܵܐ. 
\q1  
\v 2 ”ܐܝܼܡܲܢ ܕܪܵܫܡܹܢ ܥܕܵܢܵܐ، 
\q1 ܒܬܪܘܼܨܘܼܬܵ‌ܐ ܒܸܬ ܕܵܝܢܹܢ ܐܵܢܵܐ. 
\q1  
\v 3 ”ܦܫܝܼܪܹܐ ܝܢܵܐ ܐܲܪܥܵܐ ܘܟܠܵܝܗ‌ܝ ܥܵܡܪ̈ܵܢܘܼܗ̇، 
\q1 ܐܵܢܵܐ ܡܘܼܩܘܹܐ ܠܝܼ ܣܛܘܼܢܘܼ̈ܗ̇. \qs ܣܹܠܵܗ\qs* 
\q1  
\v 4 ”ܐܡܝܼܪܝܼ ܠܚܵܬܪ̈ܵܢܹܐ: ’ܠܵܐ ܚܵܬܪܝܼܬܘܿܢ،‘ 
\q1 ܘܠܪ̈ܲܫܝܼܥܹܐ: ’ܠܵܐ ܡܲܪܡܝܼܬܘܿܢ ܪܹܝܫܵܐ. 
\q1  
\v 5 ’ܠܵܐ ܡܲܪܡܝܼܬܘܿܢ ܠܡܪܵܘܡܵܐ ܪܹܝܫܵܘܟ݂ܘܿܢ، 
\q1 ܐܵܦܠܵܐ ܗܲܡܙܸܡܝܼܬܘܿܢ ܒܩܕܵܠܵܐ ܪܵܡܵܐ.‘“ 
\q1  
\v 6 ܣܵܒܵܒ ܠܵܐ ܡ̣ܢ ܡܲܕܢܚܵܐ ܘܠܵܐ ܡ̣ܢ ܡܲܥܪܒ݂ܵܐ، 
\q1 ܘܠܵܐ ܡ̣ܢ ܒܲܪܝܼܵܐ ܟܹܐ ܐܵܬܝܵܐ ܪܵܡܘܼܬܵ‌ܐ. 
\q1  
\v 7 ܐܸܠܵܐ ܐܲܠܵܗܵܐ ܝܠܹܗ ܕܲܝܵܢܵܐ، 
\q1 ܠܐܵܗܵܐ ܟܹܐ ܡܲܟܸܦ ܘܠܐܵܗܵܐ ܟܹܐ ܡܲܪܸܡ. 
\q1  
\v 8 ܣܵܒܵܒ ܟܵܣܵܐ ܒܐܝܼܕܵܐ ܕܡܵܪܝܵܐ ܝܠܹܗ، 
\q1 ܘܚܲܡܪܵܐ ܡܸܛܝܵܐ ܝܠܹܗ، 
\q1 ܡܸܠܝܵܐ ܝܠܹܗ ܡܙܵܓ݂ܵܐ ܘܡܸܢܹܗ ܟܹܐ ܕܵܪܹܐ، 
\q1 ܫܲܪܝܼܪܵܐܝܼܬ، ܒܸܬ ܫܵܬ‌ܝܼ ܡܸܢܹܗ، ܘܕܘܼܪܕܹܗ ܒܸܬ ܠܵܡܨܝܼ ܟܠܵܝܗ‌ܝ ܪ̈ܲܫܝܼܥܹܐ ܕܐܲܪܥܵܐ. 
\q1  
\v 9 ܐܝܼܢܵܐ ܐܵܢܵܐ ܒܸܬ ܡܲܕܥܸܢ ܐܵܗܵܐ ܠܥܵܠܲܡ، 
\q1 ܒܸܬ ܙܵܡܪܹܢ ܠܐܲܠܵܗܵܐ ܕܝܲܥܩܘܿܒ݂، ܕܐܵܡܹܪ: 
\q1  
\v 10 ”ܒܸܬ ܫܵܡܛܹܢ ܟܠܹܗ ܚܲܝܠܵܐ ܕܪ̈ܲܫܝܼܥܹܐ، 
\q1 ܒܸܬ ܦܵܝܫܝܼ ܡܘܼܪܡܹܐ ܪܹ̈ܝܫܹܐ ܕܙܲܕܝܼܩܹ̈ܐ.“ 
\c 76  
\s1 ܠܪܝܫ ܓܘܕܐ ܕܙܡܪ̈ܐ. ܒܩܝܬܪ̈ܐ ܡܙܡܘܪܐ ܕܐܣܦ. ܙܡܪܬ‌ܐ. 
\q1  
\v 1 ܦܝܼܫܵܐ ܝܠܹܗ ܝܕܝܼܥܵܐ ܐܲܠܵܗܵܐ ܓܵܘ ܝܼܗܘܼܕܵܐ، 
\q1 ܓܘܼܪܵܐ ܝܠܹܗ ܫܸܡܹܗ ܓܵܘ ܐܝܼܣܪܵܐܹܝܠܔ. 
\q1  
\v 2 ܘܗܘܹܐ ܠܵܗ̇ ܡܛܲܠܠܹܗ ܓܵܘ ܫܵܠܝܼܡ، 
\q1 ܘܡܲܥܡܪܹܗ ܓܵܘ ܨܸܗܝܘܿܢ. 
\q1  
\v 3 ܬܵܡܵܐ ܬܒ݂ܝܼܪܹܗ ܠܓܹܐܪܹ̈ܐ ܠܵܗܝܵܢܹ̈ܐ ܕܩܸܫܬܵ‌ܐ، 
\q1 ܡܵܛܵܠܵܐ ܘܣܲܝܦܵܐ ܘܙܲܝܢܵܐ ܕܦܠܵܫܵܐ. \qs ܣܹܠܵܗ\qs* 
\q1  
\v 4 ܫܲܦ̮ܩܵܢܵܐ ܝܘܸܬ ܐܲܢ݇ܬ، ܒܘܼܫ ܡܫܘܼܒܚܵܐ ܡ̣ܢ ܛܘܼܪ̈ܵܢܹܐ ܐܲܝܟܵܐ ܕܦܘܼܪܦܸܛ ܠܘܼܟ݂ ܠܕܸܫ̃ܡܸܢ. 
\q1  
\v 5 ܦܝܼܫ ܠܗܘܿܢ ܣܠܝܼܒܹܐ ܙܲܪ̈ܒܵܢܹܐ ܕܠܸܒܵܐ، ܛܡܝܼܪܗܘܿܢ ܒܫܸܢܬܵܝܗ‌ܝ، 
\q1 ܘܐܘܼܦ ܚܲܕ ܡ̣ܢ ܩܪ̈ܲܒ݂ܬܵܢܹܐ ܠܵܐ ܡܨܹܐ ܠܗܘܿܢ ܡܲܪܡܝܼ ܐܝܼܕܵܝ̈ܗ‌ܝ. 
\q1  
\v 6 ܡ̣ܢ ܢܓ̰ܵܘܬܘܼܟ݂، ܝܵܐ ܐܲܠܵܗܵܐ ܕܝܲܥܩܘܿܒ݂، 
\q1 ܥܒ݂ܝܼܪܗܘܿܢ ܒܫܸܢܬܵ‌ܐ ܝܲܩܘܼܪܬܵ‌ܐ، ܐܘܼܦ ܪܲܟܵܒ݂ܵܐ ܐܘܼܦ ܣܘܼܣܵܐ. 
\q1  
\v 7 ܐܲܢ݇ܬ، ܣܲܗܡܵܢܵܐ ܝܘܸܬ، ܐܲܢ݇ܬ، 
\q1 ܘܡܵܢܝܼ ܡܵܨܹܐ ܟܵܠܹܐ ܩܲܕܡܘܼܟ݂ ܒܥܕܵܢܵܐ ܕܚܸܡܬܘܼܟ݂؟ 
\q1  
\v 8 ܡ̣ܢ ܫܡܲܝܵܐ ܡܘܼܫܡܸܥ ܠܘܼܟ݂ ܕܝܼܘܵܢ، 
\q1 ܙܕܝܼܥ ܠܵܗ̇ ܐܲܪܥܵܐ ܘܗܘܹܐ ܠܵܗ̇ ܫܠܝܼܬܵ‌ܐ، 
\q1  
\v 9 ܟܲܕ ܩܝܼܡ ܠܹܗ ܐܲܠܵܗܵܐ ܠܕܝܼܘܵܢ، 
\q1 ܠܦܲܪܘܼܩܹܐ ܟܠܵܝܗ‌ܝ ܡܘܼܠܝܸܨܹܐ ܕܐܲܪܥܵܐ. \qs ܣܹܠܵܗ\qs* 
\q1  
\v 10 ܣܵܒܵܒ ܚܸܡܬܘܼܟ݂ ܠܒܲܪܢܵܫܵܐ ܒܸܬ ܡܲܝܬܝܵܐ ܫܲܟܲܪܬܵ‌ܐ، 
\q1 ܘܦܵܝܫܵܢܬܵ‌ܐ ܕܚܸܡܬܵ‌ܐ ܒܸܬ ܡܲܟܠܹܝܬ. 
\q1  
\v 11 ܢܕܘܿܪܘܼܢ ܘܬܲܡܸܡܘܼܢ ܠܗܘܿܢ ܠܡܵܪܝܵܐ ܐܲܠܵܗܵܘܟ݂ܘܿܢ، 
\q1 ܟܠܵܝܗ‌ܝ ܕܝܼܢܵܐ ܠܚܵܕܸܪ̈ܘܵܢܘܼܗ‌ܝ ܠܲܒܠܝܼ ܕܲܫܢܹ̈ܐ ܠܣܲܗܡܵܢܵܐ. 
\q1  
\v 12 ܒܸܬ ܩܵܛܹܥ ܪܘܼܚܵܐ ܕܫܲܠܝܼܛܵܢܹ̈ܐ، 
\q1 ܣܲܗܡܵܢܵܐ ܝܠܹܗ ܥܲܠ ܡܲܠܟܹ̈ܐ ܕܐܲܪܥܵܐ. 
\c 77  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܝܕܘܬܘܢ. ܡܙܡܘܪܐ. 
\q1  
\v 1 ܟܹܐ ܕܵܪܹܝܢ ܩܵܠܹ̈ܐ ܠܐܲܠܵܗܵܐ، ܘܒܸܬ ܡܲܩܘܸܚܸܢ، 
\q1 ܟܹܐ ܕܵܪܹܝܢ ܩܵܠܹ̈ܐ ܠܐܲܠܵܗܵܐ، ܘܒܸܬ ܝܵܗܒܹܠܔ ܢܵܬܵ‌ܐ ܐܸܠܝܼ. 
\q1  
\v 2 ܒܝܵܘܡܵܐ ܕܥܵܘܩܵܢܝܼ ܠܡܵܪܝܵܐ ܛܥܹܐ ܠܝܼ، 
\q1 ܐܝܼܕܝܼ ܒܠܲܝܠܹܐ ܦܝܼܫ ܠܵܗ̇ ܦܘܼܫܸܛܬܵ‌ܐ ܘܠܵܐ ܬܒ݂ܝܼܢܵܗ̇، 
\q1 ܡܘܼܚܦܸܠܔ ܠܵܗ̇ ܠܸܫܩܵܠܵܐ ܠܸܒܵܐ ܓܵܢܝܼ. 
\q1  
\v 3 ܟܹܐ ܕܵܟ݂ܪܹܢ ܠܐܲܠܵܗܵܐ ܘܟܹܐ ܢܲܟܢܸܟܸܢ، 
\q1 ܟܹܐ ܗܲܓܹܝܢ ܘܦܝܼܫ ܠܵܗ̇ ܕܘܼܪܕܸܫ̃ܬܵ‌ܐ ܪܘܼܚܝܼ. \qs ܣܹܠܵܗ\qs* 
\q1  
\v 4 ܠܵܐ ܫܒ݂ܝܼܩ ܠܘܼܟ݂ ܐܵܟ̰ܡܝܼ ܛܸܠܦܵܦܝܼ̈، 
\q1 ܦܝܼܫ ܠܝܼ ܫܓ݂ܝܼܫܵܐ ܗܵܕܵܐ ܕܠܹܐ ܡܵܨܹܝܢ ܗܲܡܙܸܡܸܢ. 
\q1  
\v 5 ܬܘܼܚܡܸܢܝܼ ܒܘܼܬ ܝܵܘܡܵܢܹ̈ܐ ܥܲܬܝܼܩܹ̈ܐ، 
\q1 ܫܸܢܹ̈ܐ ܕܥܵܠܡܝܼܢ. 
\q1  
\v 6 ܒܸܕܟ݂ܵܪܵܐ ܝܘܸܢ ܙܡܵܪܬ‌ܝܼ ܒܠܲܝܠܹܐ، 
\q1 ܒܠܸܒܝܼ ܟܹܐ ܗܲܓܹܝܢ ܘܟܹܐ ܨܲܚܨܝܼܵܐ ܪܘܼܚܝܼ. 
\q1  
\v 7 ܗܵܐ، ܒܸܬ ܪܲܦܹܐ ܠܝܼ ܡܵܪܝܵܐ ܠܥܵܠܡܝܼܢ، 
\q1 ܘܠܹܐ ܡܲܙܝܸܕ ܗܸܢܝܵܢܹܗ ܡܸܢܕܪܸܫ؟ 
\q1  
\v 8 ܗܵܐ، ܫܠܹܐ ܠܵܗ̇ ܠܥܵܠܲܡ ܛܲܝܒܘܼܬܹܗ، 
\q1 ܬܝܼܡ ܠܹܗ ܩܵܘܠܹܗ ܠܕܵܪܵܐ ܘܕܵܪܵܐ؟ 
\q1  
\v 9 ܗܵܐ، ܡܘܼܢܫܹܐ ܠܹܗ ܠܸܥܒ݂ܵܕܵܐ ܪ̈ܲܚܡܹܐ ܐܲܠܵܗܵܐ، 
\q1 ܝܲܢ ܒܚܸܡܬܵ‌ܐ ܚܣܝܼܟ݂ܵܝ ܠܹܗ ܪ̈ܲܚܡܘܼܗ‌ܝ؟ \qs ܣܹܠܵܗ\qs* 
\q1  
\v 10 ܘܐܡܝܼܪܝܼ: ”ܒܸܒܙܵܥܵܐ ܝܠܹܗ ܠܸܒܝܼ 
\q1 ܒܘܼܬ ܫܲܚܠܲܦܬܵ‌ܐ ܕܝܲܡܝܼܢܵܐ ܕܥܸܠܵܝܵܐ. 
\q1  
\v 11 ”ܒܸܬ ܡܲܕܟܸܪܸܢ ܥܒ݂ܵܕܹ̈ܐ ܕܡܵܪܝܵܐ، 
\q1 ܗܹܐ، ܒܸܬ ܕܵܟ݂ܪܹܢ ܕܘܼܡܵܪ̈ܘܼܟ݂ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ. 
\q1  
\v 12 ”ܘܒܸܬ ܗܲܓܹܝܢ ܟܠܹܗ ܦܘܼܠܚܵܢܘܼܟ݂، 
\q1 ܘܒܘܼܬ ܥܒ݂ܵܕܘܼ̈ܟ݂ ܒܸܬ ܬܲܚܡܸܢܸܢ.“ 
\q1  
\v 13 ܝܵܐ ܐܲܠܵܗܵܐ، ܒܩܲܕܝܼܫܘܼܬܵ‌ܐ ܝܠܵܗ̇ ܐܘܼܪܚܘܼܟ݂؛ 
\q1 ܡܵܢܝܼ ܝܠܹܗ ܐܲܠܵܗܵܐ ܓܘܼܪܵܐ ܐܲܝܟ݂ ܐܲܠܵܗܲܢ؟ 
\q1  
\v 14 ܐܲܢ݇ܬ ܝܼܘܸܬ ܐܲܠܵܗܵܐ ܥܵܒ݂ܕܵܢܹ̈ܐ ܕܕܘܼܡܵܪܹ̈ܐ، 
\q1 ܡܘܼܕܸܥ ܠܘܼܟ݂ ܓܵܘ ܥܲܡܡܹ̈ܐ ܚܲܝܠܘܼܟ݂. 
\q1  
\v 15 ܦܘܼܪܸܩ ܠܘܼܟ݂ ܒܕܪܲܥܢܘܼܟ݂ ܠܥܲܡܘܼܟ݂، 
\q1 ܒܢܲܝ̈ ܝܲܥܩܘܿܒ݂ ܘܝܵܘܣܸܦ. \qs ܣܹܠܵܗ\qs* 
\q1  
\v 16 ܚܙܹܐ ܠܗܘܿܢ ܐܸܠܘܼܟ݂ ܡ̈ܝܼܵܐ، ܝܵܐ ܐܲܠܵܗܵܐ، 
\q1 ܚܙܹܐ ܠܗܘܿܢ ܐܸܠܘܼܟ݂ ܡ̈ܝܼܵܐ ܘܪܘܼܬܪܸܬ ܠܗܘܿܢ، 
\q1 ܐܘܼܦ ܪܓܝܼܕ ܠܗܘܿܢ ܬܗܘܿܡܹ̈ܐ. 
\q1  
\v 17 ܥܢܵܢܹ̈ܐ ܫܘܼܦܸܟ݂ ܠܗܘܿܢ ܡ̈ܝܼܵܐ، 
\q1 ܩܘܼܪܩܸܡ ܠܗܘܿܢ ܫܡܲܝܹ̈ܐ، 
\q1 ܐܘܼܦ ܓܹܐܪ̈ܘܼܟ݂ ܣܛܹܐ ܠܗܘܿܢ. 
\q1  
\v 18 ܩܵܠܵܐ ܕܩܲܪ̈ܩܲܡܝܵܬܘܼܟ݂ ܒܓܵܪܕܵܒܘܼܠܹܐ، 
\q1 ܒܘܼܗܪܸܢܗܘܿܢ ܒܸܪ̈ܩܹܐ ܠܒܪܝܼܬܵ‌ܐ، 
\q1 ܪܓܝܼܕ ܠܵܗ̇ ܘܕܘܼܪܘܸܕ ܠܵܗ̇ ܐܲܪܥܵܐ. 
\q1  
\v 19 ܒܝܵܡܵܐ ܝܼܗܘܵܐ ܐܘܼܪܚܘܼܟ݂، 
\q1 ܘܫܒ݂ܝܼܠܘܼܟ݂ ܝܼܗܘܵܐ ܒܡ̈ܝܼܵܐ ܪܵܒܵܐ، 
\q1 ܘܫܵܘܦܵܦܹ̈ܐ ܕܐܲܩܠܘܼ̈ܟ݂ ܠܵܐ ܦܝܼܫ ܠܗܘܿܢ ܚܸܙܝܹܐ. 
\q1  
\v 20 ܡܗܘܼܕܹܐ ܠܘܼܟ݂ ܐܲܝܟ݂ ܥܸܪ̈ܒܹܐ ܠܥܲܡܘܼܟ݂، 
\q1 ܒܐܝܼܕܵܐ ܕܡܘܼܫܹܐ ܘܕܐܲܗܪܘܿܢ. 
\c 78  
\s1 ܡܲܣܟܝܼܠܔ ܕܐܣܦ. 
\q1  
\v 1 ܗܲܒ݂ܠܔ ܢܵܬܵ‌ܐ، ܝܵܐ ܥܲܡܝܼ، ܠܢܵܡܘܿܣܝܼ، 
\q1 ܨܲܠܹܝܡܘܼܢ ܢܵܬܵܘܟ݂ܘܿܢ ܠܗܹܡܸܙܡܵܢܹ̈ܐ ܕܦܘܼܡܝܼ. 
\q1  
\v 2 ܒܸܬ ܦܵܬܚܹܢ ܒܡܲܬܠܵܐ ܦܘܼܡܝܼ، 
\q1 ܒܸܬ ܡܲܢܒܸܥܸܢ ܩܸܨܸܡ̈ܝܵܬܹ‌ܐ ܡ̣ܢ ܙܲܒ݂ܢܹ̈ܐ ܩܲܕܝܼܡܵܝܹ̈ܐ، 
\q1  
\v 3 ܐܲܝܢܝܼ ܕܫܡܝܼܥ ܠܲܢ ܘܝܕܝܼܥܵܝ ܠܲܢ، 
\q1 ܘܐܲܒ݂ܵܗܵܬܲܢ̈ ܗܘܼܩܹܐ ܠܗܘܿܢ ܐܸܠܲܢ. 
\q1  
\v 4 ܠܹܐ ܛܲܫܲܚ ܠܗܘܿܢ ܡ̣ܢ ܒܢܘܿܢܵܝ̈ܗ‌ܝ، 
\q1 ܠܬܵܘܠܲܕܬܵ‌ܐ ܐܚܹܪܬܵ‌ܐ ܗܲܩܘܼܝܹܐ ܬܸܫܒܘܿܚܝܵܬܹ̈‌ܐ ܕܡܵܪܝܵܐ، 
\q1 ܘܚܲܝܠܹܗ ܘܥܲܓ̰ܝܼܒܘܼܝܵܬܘܼ̈ܗ‌ܝ ܕܥܒ݂ܝܼܕ ܠܹܗ. 
\q1  
\v 5 ܒܗ̇ܝ ܕܡܘܼܩܸܡ ܠܹܗ ܣܵܗܕܘܼܬܵ‌ܐ ܓܵܘ ܝܲܥܩܘܿܒ݂، 
\q1 ܘܢܵܡܘܿܣܵܐ ܡܘܼܬܸܒ݂ ܠܹܗ ܓܵܘ ܐܝܼܣܪܵܐܹܝܠܔ، 
\q1 ܕܦܩܝܼܕ ܠܹܗ ܠܐܲܒ݂ܵܗܵܬܲܢ̈، 
\q1 ܠܡܲܕܘܼܥܵܝ ܠܒܢܘܿܢܵܝ̈ܗ‌ܝ. 
\q1  
\v 6 ܩܵܐ ܕܝܵܕܥܵܐ ܬܵܘܠܲܕܬܵ‌ܐ ܐܚܹܪܬܵ‌ܐ، ܒܢܘܿܢܹ̈ܐ ܕܦܵܝܫܝܼ ܝܠܝܼܕܹܐ، 
\q1 ܩܵܝܡܝܼ ܘܗܲܩܝܼ ܠܒܢܘܿܢܵܝ̈ܗ‌ܝ، 
\q1  
\v 7 ܕܡܲܬܒ݂ܝܼ ܒܐܲܠܵܗܵܐ ܬܘܼܟ݂ܠܵܢܵܝܗ‌ܝ، 
\q1 ܘܠܵܐ ܢܵܫܝܼ ܦܘܼܠܚܵܢܹ̈ܐ ܕܐܲܠܵܗܵܐ، 
\q1 ܐܝܼܢܵܐ ܢܵܛܪܝܼ ܠܗܘܿܢ ܦܘܼܩܕܵܢܘܼ̈ܗ‌ܝ. 
\q1  
\v 8 ܘܠܵܐ ܗܵܘܝܼ ܐܲܝܟ݂ ܐܲܒ݂ܵܗܵܬܵܝ̈ܗ‌ܝ، 
\q1 ܬܵܘܠܲܕܬܵ‌ܐ ܩܫܝܼܬܵ‌ܐ ܘܡܵܪܘܿܕܬܵ‌ܐ، 
\q1 ܬܵܘܠܲܕܬܵ‌ܐ ܕܠܵܐ ܡܘܼܩܘܹܐ ܠܵܗ̇ ܠܸܒܘܼܗ̇، 
\q1 ܘܠܵܐ ܗܘܹܐ ܠܵܗ̇ ܪܘܼܚܘܼܗ̇ ܡܗܘܼܡܸܢܬܵ‌ܐ ܒܐܲܠܵܗܵܐ. 
\q1  
\v 9 ܒܢܲܝ̈ ܐܲܦܪܹܝܡ ܟ̰ܘܼܟܒܸܢܹ̈ܐ، ܕܵܪ̈ܝܵܢܹܐ ܕܩܸܫܬܵ‌ܐ، 
\q1 ܐܝܼܢܵܐ ܕܝܼܪܗܘܿܢ ܠܒܵܬܪܵܐ ܒܝܵܘܡܵܐ ܕܦܠܵܫܵܐ. 
\q1  
\v 10 ܠܵܐ ܢܛܝܼܪܗܘܿܢ ܘܲܥܕܵܐ ܕܐܲܠܵܗܵܐ، 
\q1 ܘܡܘܼܚܦܸܠܔ ܠܗܘܿܢ ܠܸܚܕܵܪܵܐ ܒܢܵܡܘܿܣܹܗ. 
\q1  
\v 11 ܘܢܫܹܐ ܠܗܘܿܢ ܦܘܼܠܚܵܢܘܼ̈ܗ‌ܝ، 
\q1 ܘܕܘܼܡܵܪ̈ܘܼܗ‌ܝ ܕܡܘܼܚܙܹܐ ܠܹܗ ܐܸܠܵܝܗ‌ܝ. 
\q1  
\v 12 ܩܲܕܡ ܐܲܒ݂ܵܗܵܬܵܝ̈ܗ‌ܝ ܥܒ݂ܝܼܕ ܠܹܗ ܕܘܼܡܵܪܹ̈ܐ، 
\q1 ܒܐܲܪܥܵܐ ܕܡܸܨܪܹܝܢ، ܒܕܸܫܬܵ‌ܐ ܕܨܘܿܥܵܢ. 
\q1  
\v 13 ܦܘܼܠܸܥ ܠܹܗ ܝܵܡܵܐ ܘܡܘܼܥܒܸܪܵܝ ܠܹܗ، 
\q1 ܘܡܘܼܟܠܹܐ ܠܹܗ ܡ̈ܝܼܵܐ ܐܲܝܟ݂ ܩܘܼܚܵܐ. 
\q1  
\v 14 ܘܡܕܘܼܒܪܵܝ ܠܹܗ ܒܥܢܵܢܵܐ ܒܐܝܼܡܵܡܵܐ، 
\q1 ܘܟܠܹܗ ܠܲܝܠܹܐ ܒܒܲܗܪܵܐ ܕܢܘܼܪܵܐ. 
\q1  
\v 15 ܟ̰ܠܝܼܦ ܠܹܗ ܐܝܼܨܵܪܹ̈ܐ ܓܵܘ ܒܲܪܝܼܵܐ، 
\q1 ܘܡܘܼܫܬܝܼܵܝ ܠܹܗ ܪܵܒܵܐ ܐܲܝܟ݂ ܕܡ̣ܢ ܬܗܘܿܡܹ̈ܐ. 
\q1  
\v 16 ܘܦܘܼܠܸܛ ܠܹܗ ܫܵܩ̈ܝܼܵܬܹ‌ܐ ܡ̣ܢ ܩܵܝܵܐ، 
\q1 ܘܡܘܼܓ̰ܪܹܐ ܠܹܗ ܐܲܝܟ݂ ܢܲܗܪ̈ܵܘܵܬܹ‌ܐ ܡ̈ܝܼܵܐ. 
\q1  
\v 17 ܐܝܼܢܵܐ ܡܘܼܙܝܸܕ ܠܗܘܿܢ ܡܸܢܕܪܸܫ ܠܸܚܛܵܝܵܐ ܥܲܠܘܼܗ‌ܝ، 
\q1 ܠܸܥܒ݂ܵܕܵܐ ܡܵܪܘܿܕܘܼܬܵ‌ܐ ܥܲܠܔ ܥܸܠܵܝܵܐ ܒܐܲܪܥܵܐ ܒܵܪܘܿܙܬܵ‌ܐ. 
\q1  
\v 18 ܘܓ̰ܘܼܪܸܒ ܠܗܘܿܢ ܠܐܲܠܵܗܵܐ ܒܠܸܒܵܝܗ‌ܝ، 
\q1 ܠܸܛܠܵܒܵܐ ܡܹܐܟ݂ܘܼܠܬܵ‌ܐ ܩܵܐ ܓܵܢܵܝܗ‌ܝ. 
\q1  
\v 19 ܘܗܘܼܡܙܸܡ ܠܗܘܿܢ ܥܲܠܔ ܐܲܠܵܗܵܐ، 
\q1 ܐܡܝܼܪܗܘܿܢ: ”ܗܵܐ، ܡܵܨܹܐ ܐܲܠܵܗܵܐ ܠܡܲܪܝܘܼܙܹܐ ܨܘܼܦܪܵܐ ܓܵܘ ܒܲܪܝܼܵܐ؟ 
\q1  
\v 20 ”ܗܵܐ، ܡܚܹܐ ܠܹܗ ܠܐܝܼܨܵܪܵܐ ܘܓ̰ܪܹܐ ܠܗܘܿܢ ܡ̈ܝܼܵܐ، 
\q1 ܘܫܵܩ̈ܝܼܵܬܹ‌ܐ ܫܦܝܼܟ݂ ܠܗܘܿܢ، 
\q1 ܗܵܐ، ܐܘܼܦ ܠܲܚܡܵܐ ܡܵܨܹܐ ܠܝܼܵܗܒ݂ܵܐ؟ 
\q1 ܝܲܢ ܡܵܨܹܐ ܗܲܕܸܪ ܒܸܣܪܵܐ ܩܵܐ ܥܲܡܹܗ؟“ 
\q1  
\v 21 ܒܘܼܬ ܐܵܗܵܐ، ܫܡܝܼܥ ܠܹܗ ܡܵܪܝܵܐ ܘܟܪܝܼܒ ܠܹܗ، 
\q1 ܘܢܘܼܪܵܐ ܬܦܹܐ ܠܹܗ ܒܝܲܥܩܘܿܒ݂، 
\q1 ܘܟܲܪܒܵܐ ܐܣܝܼܩ ܠܵܗ̇ ܥܲܠܔ ܐܝܼܣܪܵܐܹܝܠܔ، 
\q1  
\v 22 ܣܵܒܵܒ ܠܵܐ ܗܘܼܡܸܢܗܘܿܢ ܒܐܲܠܵܗܵܐ، 
\q1 ܘܠܵܐ ܣܒܝܼܪܗܘܿܢ ܒܦܘܼܪܩܵܢܹܗ. 
\q1  
\v 23 ܐܝܼܢܵܐ ܦܩܝܼܕ ܠܹܗ ܠܥܢܵܢܹ̈ܐ ܡ̣ܢ ܥܸܠܸܠܔ، 
\q1 ܘܦܬܝܼܚ ܠܹܗ ܬܲܪ̈ܥܵܢܹܐ ܕܫܡܲܝܵܐ. 
\q1  
\v 24 ܘܡܘܼܪܥܹܐ ܠܹܗ ܥܲܠܵܝܗ‌ܝ ܡܲܢܢܵܐ ܠܹܐܟ݂ܵܠܵܐ، 
\q1 ܘܕܲܚܠܵܐ ܕܫܡܲܝܵܐ ܝܘܼܗܒܹܠܔ ܠܹܗ ܐܸܠܵܝܗ‌ܝ. 
\q1  
\v 25 ܠܲܚܡܵܐ ܕܡܲܠܲܐܟܹ̈ܐ ܐܟ݂ܝܼܠܔ ܠܹܗ ܐܢܵܫܵܐ، 
\q1 ܙܘܵܕܹ̈ܐ ܫܘܼܕܸܪܹܗ ܐܸܠܵܝܗ‌ܝ ܠܸܣܒ݂ܵܥܵܐ. 
\q1  
\v 26 ܡܘܼܡܚܹܐ ܠܹܗ ܦܵܘܚܵܐ ܕܡܲܕܢܚܵܐ ܒܫܡܲܝܵܐ، 
\q1 ܘܡܕܘܼܒܸܪܹܗ ܒܚܲܝܠܹܗ ܦܵܘܚܵܐ ܕܬܲܝܡܢܵܐ. 
\q1  
\v 27 ܡܘܼܪܥܹܐ ܠܹܗ ܥܲܠܵܝܗ‌ܝ ܒܸܣܪܵܐ ܐܲܝܟ݂ ܥܲܦܪܵܐ، 
\q1 ܘܛܲܝܪܵܐ ܡܵܪܹܐ ܓܘܼܠܦܵܐ ܐܲܝܟ݂ ܣܹܠܵܐ ܕܝܵܡܵܬܹ̈‌ܐ. 
\q1  
\v 28 ܕܪܹܐ ܠܹܗ ܒܓܵܘܵܐ ܕܡܲܫܪܝܼܬܵܝܗ‌ܝ، 
\q1 ܠܚܵܕܸܪ̈ܘܵܢܹܐ ܕܡܲܫܟܢܵܝ̈ܗ‌ܝ. 
\q1  
\v 29 ܘܐܟ݂ܝܼܠܔ ܠܗܘܿܢ ܘܣܒ݂ܝܼܥ ܠܗܘܿܢ ܪܵܒܵܐ، 
\q1 ܘܝܘܼܗܒܹܠܔ ܠܹܗ ܐܸܠܵܝܗ‌ܝ ܫܲܗܘܲܬܬܵܝܗ‌ܝ. 
\q1  
\v 30 ܘܟܲܕ ܠܵܐ ܦܪܝܼܩܹܐ ܡ̣ܢ ܫܲܗܘܲܬܬܵܝܗ‌ܝ، 
\q1 ܗܸܫ ܡܹܐܟ݂ܘܼܠܬܵܝܗ‌ܝ ܓܵܘ ܦܘܼܡܵܝܗ‌ܝ، 
\q1  
\v 31 ܟܲܪܒܵܐ ܕܐܲܠܵܗܵܐ ܐܣܝܼܩ ܠܵܗ̇ ܥܲܠܵܝܗ‌ܝ، 
\q1 ܘܩܛܝܼܠܔ ܠܹܗ ܡ̣ܢ ܓܲܒܵܪ̈ܵܝܗ‌ܝ، 
\q1 ܘܠܥܠܲܝܡܹ̈ܐ ܕܐܝܼܣܪܵܐܹܝܠܔ ܡܘܼܟܸܦ ܠܹܗ. 
\q1  
\v 32 ܒܟܠܹܗ ܐܵܗܵܐ ܚܛܹܐ ܠܗܘܿܢ ܡܸܢܕܪܸܫ، 
\q1 ܘܠܵܐ ܗܘܼܡܸܢܗܘܿܢ ܒܥܲܓ̰ܝܼܒܘܼܝܵܬܘܼ̈ܗ‌ܝ. 
\q1  
\v 33 ܘܬܝܼܡܵܝ ܠܹܗ ܝܵܘܡܵܢܵܝ̈ܗ‌ܝ ܒܣܪܝܼܩܘܼܬܵ‌ܐ، 
\q1 ܘܫܸܢܵܝ̈ܗ‌ܝ ܒܣܘܼܪܵܕܵܐ. 
\q1  
\v 34 ܐܝܼܡܲܢ ܕܩܛܝܼܠܵܝ ܠܹܗ، ܛܥܹܐ ܠܗܘܿܢ ܐܸܠܹܗ، 
\q1 ܘܕܝܼܪܗܘܿܢ ܘܩܘܼܕܸܡ ܠܗܘܿܢ ܠܐܲܠܵܗܵܐ. 
\q1  
\v 35 ܕܟ݂ܝܼܪܗܘܿܢ ܕܐܲܠܵܗܵܐ ܝܗܘܵܐ ܐܝܼܨܵܪܵܝܗ‌ܝ، 
\q1 ܘܐܲܠܵܗܵܐ ܥܸܠܵܝܵܐ ܝܗܘܵܐ ܦܵܪܘܿܩܵܝܗ‌ܝ. 
\q1  
\v 36 ܐܝܼܢܵܐ ܫܘܼܕܸܠܔ ܠܗܘܿܢ ܐܸܠܹܗ ܒܦܘܼܡܵܝܗ‌ܝ، 
\q1 ܘܒܠܸܫܵܢܵܝܗ‌ܝ ܕܘܼܓܸܠܔ ܠܗܘܿܢ ܐܸܠܹܗ، 
\q1  
\v 37 ܣܵܒܵܒ ܠܸܒܵܝܗ‌ܝ ܠܹܐ ܝܗܘܵܐ ܡܩܵܘܝܵܢܵܐ ܥܲܡܹܗ، 
\q1 ܐܘܼܦ ܠܹܐ ܝܗܘܵܘ ܡܗܘܼܡܢܹ̈ܐ ܒܘܲܥܕܹܗ. 
\q1  
\v 38 ܐܝܼܢܵܐ ܗ̇ܘ ܡܪܲܚܡܵܢܵܐ ܦܘܼܚܸܠܔ ܠܹܗ ܥܵܘܠܵܝܗ‌ܝ ܘܠܵܐ ܡܘܼܚܪܸܒ݂ܵܝ ܠܹܗ، 
\q1 ܘܡܘܼܙܝܸܕ ܠܹܗ ܠܡܲܕܘܼܪܹܐ ܟܲܪܒܹܗ، 
\q1 ܘܠܵܐ ܡܘܼܪܥܸܫ ܠܹܗ ܟܠܵܗ̇ ܚܸܡܬܹܗ. 
\q1  
\v 39 ܘܕܟ݂ܝܼܪܹܗ ܕܒܸܣܪܵܐ ܝܗܘܵܘ ܐܵܢܝܼ، 
\q1 ܦܵܘܚܵܐ ܕܐܵܙܹܠܔ ܘܠܹܐ ܕܵܐܹܪ. 
\q1  
\v 40 ܟܡܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܐܸܠܹܗ ܓܵܘ ܒܲܪܝܼܵܐ، 
\q1 ܩܵܡ ܡܲܟܪܸܒܝܼ ܠܹܗ ܓܵܘ ܒܲܝܵܒܵܢ. 
\q1  
\v 41 ܘܕܝܼܪܗܘܿܢ ܘܓ̰ܘܼܪܸܒ ܠܗܘܿܢ ܠܐܲܠܵܗܵܐ، 
\q1 ܘܠܩܲܕܝܼܫܵܐ ܕܐܝܼܣܪܵܐܹܝܠܔ ܡܘܼܦܫܸܡ ܠܗܘܿܢ. 
\q1  
\v 42 ܠܵܐ ܕܟ݂ܝܼܪܗܘܿܢ ܐܝܼܕܹܗ، 
\q1 ܝܵܘܡܵܐ ܕܦܘܼܪܩܵܝ ܠܹܗ ܡ̣ܢ ܡܲܠܝܸܨܵܢܵܐ، 
\q1  
\v 43 ܐܝܼܡܲܢ ܕܡܘܼܬܸܒ݂ ܠܹܗ ܒܡܸܨܪܹܝܢ ܢܝܼܫܲܢܩܘܼ̈ܗ‌ܝ، 
\q1 ܘܥܲܓ̰ܝܼܒܘܼܝܵܬܘܼ̈ܗ‌ܝ ܓܵܘ ܕܸܫܬܵ‌ܐ ܕܨܘܿܥܵܢ، 
\q1  
\v 44 ܘܡܘܼܚܕܸܪܹܗ ܠܕܸܡܵܐ ܢܲܗܪ̈ܵܘܵܬܵܝܗ‌ܝ ܘܫܵܩܝܼܵܬܵܝ̈ܗ‌ܝ، 
\q1 ܕܠܵܐ ܡܵܨܝܼ ܫܵܬ‌ܝܼ. 
\q1  
\v 45 ܫܘܼܕܸܪܹܗ ܥܲܠܵܝܗ‌ܝ ܕܸܒܘܼܪܬܵ‌ܐ ܘܩܵܡ ܐܵܟ݂ܠܵܐ ܠܗܘܿܢ، 
\q1 ܘܦܸܩܵܐ ܘܩܵܡ ܡܲܚܪܸܒ݂ܵܐ ܠܗܘܿܢ. 
\q1  
\v 46 ܝܘܼܗܒܹܠܔ ܠܹܗ ܠܬܸܪܬܸܪܵܐ ܛܥܘܼܢܬܵܝܗ‌ܝ، 
\q1 ܘܓ̰ܵܦܵܝܗ‌ܝ ܠܩܲܡܨܵܐ. 
\q1  
\v 47 ܩܛܝܼܠܔ ܠܹܗ ܒܒܲܪܕܵܐ ܓܸܦܝܵܬܵܝ̈ܗ‌ܝ، 
\q1 ܘܫܲܩܡܵܝ̈ܗ‌ܝ ܒܛܠܘܼܠܵܐ ܡܘܼܓܕܸܠܵܐ. 
\q1  
\v 48 ܣܘܼܦܹܐ ܠܹܗ ܠܒܲܪܕܵܐ ܒܥܝܼܪܵܝܗ‌ܝ، 
\q1 ܘܩܸܢܝܵܢܵܝ̈ܗ‌ܝ ܠܒܸܪ̈ܩܹܐ. 
\q1  
\v 49 ܫܘܼܕܸܪܹܗ ܥܲܠܵܝܗ‌ܝ ܚܸܡܬܵ‌ܐ ܕܟܲܪܒܹܗ، 
\q1 ܚܸܡܬܵ‌ܐ، ܟܲܪܒܵܐ، ܘܐܘܼܠܨܵܢܵܐ، 
\q1 ܡܫܲܕܪܹ̈ܐ ܕܡܲܠܲܐܟܹ̈ܐ ܕܣܸܪ̈ܝܵܬܹ̈‌ܐ. 
\q1  
\v 50 ܡܘܼܫܘܹܐ ܠܹܗ ܫܒ݂ܝܼܠܵܐ ܠܟܲܪܒܹܗ، 
\q1 ܠܵܐ ܚܣܝܼܟ݂ ܠܹܗ ܡ̣ܢ ܡܵܘܬܵ‌ܐ ܓܵܢܵܝܗ‌ܝ، 
\q1 ܐܸܠܵܐ ܚܲܝܵܝ̈ܗ‌ܝ ܠܡܵܘܬܵܢܵܐ ܣܘܼܦܹܐ ܠܹܗ. 
\q1  
\v 51 ܡܚܹܐ ܠܹܗ ܟܠܔ ܒܘܼܟ݂ܪܵܐ ܓܵܘ ܡܸܨܪܹܝܢ، 
\q1 ܪܹܝܫܝܼܬܵ‌ܐ ܕܥܘܼܫܢܵܝ̈ܗ‌ܝ ܓܵܘ ܡܲܫܟܢܵܐ ܕܚܵܡ. 
\q1  
\v 52 ܘܦܘܼܠܸܛ ܠܹܗ ܠܥܲܡܹܗ ܐܲܝܟ݂ ܥܸܪ̈ܒܹܐ، 
\q1 ܘܡܕܘܼܒܪܵܝ ܠܹܗ ܐܲܝܟ݂ ܦܸܣܩܵܐ ܓܵܘ ܒܲܪܝܼܵܐ. 
\q1  
\v 53 ܘܡܗܘܼܕܝܵܝ ܠܹܗ ܒܫܲܝܢܵܐ ܗܵܕܵܐ ܕܠܵܐ ܙܕܝܼܥ ܠܗܘܿܢ، 
\q1 ܐܝܼܢܵܐ ܠܕܸܫ̃ܡܸܢܵܝ̈ܗ‌ܝ ܟܘܼܣܹܐ ܠܵܗ̇ ܝܵܡܵܐ. 
\q1  
\v 54 ܘܡܘܼܝܬܵܝ ܠܹܗ ܠܬܚܘܼܡܵܐ ܕܩܘܼܕܫܹܗ، 
\q1 ܛܘܼܪܵܐ ܕܩܢܹܐ ܠܵܗ̇ ܝܲܡܝܼܢܹܗ. 
\q1  
\v 55 ܘܛܪܝܼܕ ܠܹܗ ܡ̣ܢ ܩܲܕܡܵܝܗ‌ܝ ܐܸܡܘܵܬܹ̈‌ܐ، 
\q1 ܘܦܘܼܠܸܥ ܠܹܗ ܐܸܠܵܝܗ‌ܝ ܝܵܪܬܘܼܬܵ‌ܐ ܒܟܝܘܼܠܵܐ، 
\q1 ܘܡܘܼܫܪܹܐ ܠܹܗ ܒܡܲܫܟܢܵܝ̈ܗ‌ܝ ܫܲܒ݂ܛܹ̈ܐ ܕܐܝܼܣܪܵܐܹܝܠܔ. 
\q1  
\v 56 ܐܝܼܢܵܐ ܓ̰ܘܼܪܸܒ ܠܗܘܿܢ ܘܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܥܲܠܔ ܐܲܠܵܗܵܐ ܥܸܠܵܝܵܐ، 
\q1 ܘܣܵܗܕܘܵܬܘܼ̈ܗ‌ܝ ܠܵܐ ܢܛܝܼܪܗܘܿܢ. 
\q1  
\v 57 ܘܩܠܝܼܒ ܠܗܘܿܢ ܘܥܒ݂ܝܼܕ ܠܗܘܿܢ ܚܵܝܝܼܢܘܼܬܵ‌ܐ ܐܲܝܟ݂ ܐܲܒ݂ܵܗܵܬܵܝ̈ܗ‌ܝ، 
\q1 ܦܟ̰ܝܼܠܔ ܠܗܘܿܢ ܐܲܝܟ݂ ܩܸܫܬܵ‌ܐ ܦܠܝܼܡܬܵ‌ܐ. 
\q1  
\v 58 ܘܡܘܼܟܪܸܒ ܠܗܘܿܢ ܐܸܠܹܗ ܒܘܼܬ ܕܘܼܟܵܢܵܝ̈ܗ‌ܝ ܪ̈ܵܡܹܐ، 
\q1 ܘܒܨܲܠܡܵܝ̈ܗ‌ܝ ܩܵܡ ܡܲܥܒܸܪܝܼ ܠܹܗ ܒܛܢܵܢܵܐ. 
\q1  
\v 59 ܫܡܝܼܥ ܠܹܗ ܐܲܠܵܗܵܐ ܘܟܪܝܼܒ ܠܹܗ، 
\q1 ܘܡܘܼܣܠܹܐ ܠܹܗ ܪܵܒܵܐ ܠܐܝܼܣܪܵܐܹܝܠܔ. 
\q1  
\v 60 ܘܫܒ݂ܝܼܩ ܠܹܗ ܡܲܫܟܢܵܐ ܕܫܝܼܠܘܿ، 
\q1 ܡܛܲܠܠܵܐ ܕܡܘܼܫܪܹܐ ܠܹܗ ܒܹܝܠܔ ܒܢܲܝ̈ܢܵܫܵܐ. 
\q1  
\v 61 ܘܣܘܼܦܹܐ ܠܹܗ ܠܓܵܠܘܼܬܵ‌ܐ ܚܲܝܠܹܗ، 
\q1 ܘܚܸܩܪܹܗ ܒܐܝܼܕܵܐ ܕܡܲܠܝܸܨܵܢܵܐ. 
\q1  
\v 62 ܘܣܘܼܦܹܐ ܠܹܗ ܥܲܡܹܗ ܠܣܲܝܦܵܐ، 
\q1 ܘܠܝܵܪܬܘܼܬܹܗ ܟܪܝܼܒ ܠܹܗ. 
\q1  
\v 63 ܥܠܲܝܡܵܝ̈ܗ‌ܝ ܩܵܡ ܐܵܟܹܠܔ ܠܗܘܿܢ ܢܘܼܪܵܐ، 
\q1 ܘܒܬܘܼܠܵܬܵܝ̈ܗ‌ܝ ܠܵܐ ܦܝܼܫ ܠܗܘܿܢ ܚܩܝܼܪܹܐ ܒܓܒ݂ܵܪܬܵ‌ܐ. 
\q1  
\v 64 ܟܵܗܢܵܝ̈ܗ‌ܝ ܒܣܲܝܦܵܐ ܢܦܝܼܠܔ ܠܗܘܿܢ، 
\q1 ܘܐܲܪ̈ܡܸܠܝܵܬܵܝܗ‌ܝ ܠܵܐ ܒܟܹܐ ܠܗܘܿܢ. 
\q1  
\v 65 ܗ̇ܝܓܵܗ ܪܥܝܼܫ ܠܹܗ ܐܲܝܟ݂ ܛܠܝܼܥܵܐ ܡܵܪܝܵܐ، 
\q1 ܐܲܝܟ݂ ܓܲܒܵܪܵܐ ܕܨܲܠܸܠܔ ܡ̣ܢ ܚܲܡܪܵܐ. 
\q1  
\v 66 ܘܡܚܹܐ ܠܹܗ ܕܸܫ̃ܡܸܢܘܼ̈ܗ‌ܝ ܠܒܵܬܪܵܐ؛ 
\q1 ܠܵܘܡܵܐ ܕܠܥܵܠܲܡ ܝܘܼܗܒܹܠܔ ܠܹܗ ܐܸܠܵܝܗ‌ܝ. 
\q1  
\v 67 ܘܡܘܼܣܠܹܐ ܠܹܗ ܠܡܲܫܟܢܵܐ ܕܝܵܘܣܸܦ، 
\q1 ܘܠܫܲܒ݂ܛܵܐ ܕܐܲܦܪܹܝܡ ܠܵܐ ܓܘܼܒܹܐ ܠܹܗ. 
\q1  
\v 68 ܐܸܠܵܐ ܓܘܼܒܹܐ ܠܹܗ ܠܫܲܒ݂ܛܵܐ ܕܝܼܗܘܼܕܵܐ، 
\q1 ܠܛܘܼܪܵܐ ܕܨܸܗܝܘܿܢ ܕܟܹܐ ܡܲܚܸܒ. 
\q1  
\v 69 ܘܒܢܹܐ ܠܹܗ ܐܲܝܟ݂ ܪ̈ܵܘܡܹܐ ܡܲܩܕܫܹܗ، 
\q1 ܐܲܝܟ݂ ܐܲܪܥܵܐ ܕܫܘܼܬܐܸܣ ܠܹܗ ܠܥܵܠܲܡ. 
\q1  
\v 70 ܘܓܘܼܒܹܐ ܠܹܗ ܠܕܵܘܝܼܕ ܪܹܓܹܗ، 
\q1 ܘܩܵܡ ܫܵܩܹܠܔ ܠܹܗ ܡ̣ܢ ܓܘܼܡܵܢܹ̈ܐ ܕܥܸܪ̈ܒܹܐ. 
\q1  
\v 71 ܡ̣ܢ ܒܵܬܪ ܘܲܥܢܹ̈ܐ ܡܲܡܸܨܵܢܹ̈ܐ ܩܵܡ ܡܲܝܬܹ‌ܐ ܠܹܗ، 
\q1 ܕܡܲܪܥܹܐ ܠܝܲܥܩܘܿܒ݂ ܥܲܡܹܗ، 
\q1 ܘܠܐܝܼܣܪܵܐܹܝܠܔ ܝܵܪܬܘܼܬܹܗ. 
\q1  
\v 72 ܘܡܘܼܪܥܝܼܵܝ ܠܹܗ ܐܲܝܟ݂ ܬܲܡܝܼܡܘܼܬܵ‌ܐ ܕܠܸܒܹܗ، 
\q1 ܘܒܡܗܝܼܪܘܼܬܵ‌ܐ ܕܐܝܼܕܵܬܘܼ̈ܗ‌ܝ ܡܗܘܼܕܝܵܝ ܠܹܗ. 
\c 79  
\s1 ܡܙܡܘܪܐ ܕܐܣܦ. 
\q1  
\v 1 ܝܵܐ ܐܲܠܵܗܵܐ، ܥܒ݂ܝܼܪܗܘܿܢ ܐܸܡܘܵܬܹ̈‌ܐ ܠܓܵܘ ܝܵܪܬܘܼܬܘܼܟ݂، 
\q1 ܟ̰ܘܼܦܠܸܢܗܘܿܢ ܠܗܲܝܟܠܵܐ ܕܩܘܼܕܫܘܼܟ݂، 
\q1 ܡܘܼܚܕܸܪܵܐ ܠܗܘܿܢ ܐܘܿܪܸܫܠܸܡ ܠܚܵܪ̈ܵܒܹܐ. 
\q1  
\v 2 ܝܘܼܗܒܹܠܔ ܠܗܘܿܢ ܫܠܲܕܵܐ ܕܪܹ̈ܓܵܘܵܬܘܼܟ݂ ܡܹܐܟ݂ܘܼܠܬܵ‌ܐ ܠܦܵܪܲܚܬܵ‌ܐ ܕܫܡܲܝܵܐ، 
\q1 ܒܸܣܪܵܐ ܕܙܲܕܝܼܩܘܼ̈ܟ݂ ܠܚܲܝܘܬܵ‌ܐ ܕܐܲܪܥܵܐ. 
\q1  
\v 3 ܫܘܼܦܸܟ݂ ܠܗܘܿܢ ܕܸܡܵܝܗ‌ܝ ܐܲܝܟ݂ ܡ̈ܝܼܵܐ ܠܚܵܕܸܪ̈ܘܵܢܹܐ ܕܐܘܿܪܸܫܠܸܡ، 
\q1 ܘܠܲܝܬ ܗܘܵܐ ܩܵܒ݂ܪܵܢܵܐ. 
\q1  
\v 4 ܗܘܹܐ ܠܲܢ ܠܵܘܡܵܐ ܠܫܒ݂ܵܒܲܢ̈، 
\q1 ܡܲܣܠܲܝܬܵ‌ܐ ܘܡܲܣܚܲܪܬܵ‌ܐ ܠܐܵܢܝܼ ܕܝܼܢܵܐ ܠܚܵܕܸܪ̈ܘܵܢܲܢ. 
\q1  
\v 5 ܗܲܠܔ ܐܝܼܡܲܢ، ܝܵܐ ܡܵܪܝܵܐ؟ ܒܸܬ ܟܵܪܒܹܬ ܠܥܵܠܲܡ؟ 
\q1 ܒܸܬ ܝܵܩܹܕ ܐܲܝܟ݂ ܢܘܼܪܵܐ ܛܢܵܢܘܼܟ݂؟ 
\q1  
\v 6 ܫܲܦܸܟ݂ ܚܸܡܬܘܼܟ݂ ܥܲܠܔ ܐܸܡܘܵܬܹ̈‌ܐ ܕܠܹܐ ܝܵܕܥܝܼ ܠܘܼܟ݂، 
\q1 ܘܥܲܠܔ ܡܲܠܟܘܵܬܹ̈‌ܐ ܕܒܫܸܡܘܼܟ݂ ܠܹܐ ܩܵܪܝܼ. 
\q1  
\v 7 ܣܵܒܵܒ ܦܘܼܪܦܸܛ ܠܗܘܿܢ ܠܝܲܥܩܘܿܒ݂، 
\q1 ܘܠܕܘܼܝܵܪܹܗ ܡܘܼܚܪܸܒ݂ ܠܗܘܿܢ. 
\q1  
\v 8 ܠܵܐ ܕܵܟ݂ܪܹܬ ܥܲܠܲܢ ܥܵܘ̈ܠܹܐ ܩܲܕܝܼܡܵܝܹ̈ܐ، 
\q1 ܡܲܠܝܸܙ ܠܡܲܬܦܘܼܩܹܐ ܒܝܼܲܢ ܪ̈ܲܚܡܘܼܟ݂، 
\q1 ܣܵܒܵܒ ܦܝܼܫ ܠܲܢ ܡܘܼܟܸܦܹܐ ܪܵܒܵܐ. 
\q1  
\v 9 ܗܲܝܸܪܲܢ، ܝܵܐ ܐܲܠܵܗܵܐ ܕܦܘܼܪܩܵܢܲܢ، ܒܘܼܬ ܚܸܩܪܵܐ ܕܫܸܡܘܼܟ݂، 
\q1 ܘܦܲܨܝܼ ܠܲܢ ܘܥܒ݂ܘܿܕ ܚܘܼܣܵܝܵܐ ܥܲܠܔ ܚܛܝܼܵܬܲܢ̈ ܡ̣ܢ ܥܸܠܬܵ‌ܐ ܕܫܸܡܘܼܟ݂. 
\q1  
\v 10 ܩܵܡܘܿܕܝܼ ܐܵܡܪܝܼ ܐܸܡܘܵܬܹ̈‌ܐ: ”ܐܲܝܟܵܐ ܝܠܹܗ ܐܲܠܵܗܵܝܗ‌ܝ؟“ 
\q1 ܫܒ݂ܘܿܩ ܩܲܕܡ ܥܲܝܢܲܢ̈ ܦܵܐܹܫ ܝܕܝܼܥܵܐ ܓܵܘ ܐܸܡܘܵܬܹ̈‌ܐ 
\q1 ܕܐܲܢ݇ܬ ܟܹܐ ܫܵܩܠܹܬ ܬܘܼܥܠܵܐ ܕܕܸܡܵܐ ܕܪܹ̈ܓܵܘܵܬܘܼܟ݂ ܕܦܝܼܫ ܠܹܗ ܫܘܼܦܟ݂ܵܐ. 
\q1  
\v 11 ܐܵܬܝܵܐ ܩܲܕܡܘܼܟ݂ ܬܲܢܲܚܬܵ‌ܐ ܕܐܲܣܝܼܪܵܐ، 
\q1 ܒܪܲܒܘܼܬܵ‌ܐ ܕܕܪܲܥܢܘܼܟ݂ ܫܪܝܼ ܠܒܢܲܝ̈ ܡܵܘܬܵ‌ܐ. 
\q1  
\v 12 ܘܡܲܕܸܪ ܠܥܘܼܒܵܐ ܕܫܒ݂ܵܒܲܢ̈ ܚܲܕ ܒܫܲܒ݂ܥܵܐ 
\q1 ܠܵܘܡܵܝܗ‌ܝ، ܗ̇ܘ ܕܩܵܡ ܠܵܝܡܝܼ ܠܘܼܟ݂ ܒܝܼܹܗ، ܝܵܐ ܡܵܪܝܵܐ. 
\q1  
\v 13 ܘܐܲܚܢܲܢ ܐܢܵܫܘܼ̈ܟ݂ ܘܦܸܣܩܵܐ ܕܡܲܪܥܝܼܬܘܼܟ݂، 
\q1 ܒܸܬ ܫܲܟܪܲܚ ܠܘܼܟ݂ ܠܥܵܠܲܡ، 
\q1 ܠܕܵܪܵܐ ܘܕܵܪܵܐ ܒܸܬ ܗܲܩܲܚ ܬܸܫܒܘܿܚܬܘܼܟ݂. 
\c 80  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܫܘܼܫܲܢܝܼܡ ܥܹܕܘܿܬ. ܡܙܡܘܪܐ ܕܐܣܦ. 
\q1  
\v 1 ܝܵܐ ܪܵܥܝܵܐ ܕܐܝܼܣܪܵܐܹܝܠܔ، ܗܲܒ݂ܠܔ ܢܵܬܵ‌ܐ، 
\q1 ܝܵܐ ܡܕܲܒܪܵܢܵܐ ܕܝܵܘܣܸܦ ܐܲܝܟ݂ ܦܸܣܩܵܐ. 
\q1 ܝܵܐ ܝܵܬܒ݂ܵܢܵܐ ܒܹܝܠܔ ܟܪ̈ܘܿܒܹܐ، ܙܪܘܿܩ. 
\q1  
\v 2 ܩܲܕܡ ܐܲܦܪܹܝܡ، ܘܒܸܢܝܵܡܹܝܢ، ܘܡܢܲܫܹܐ، ܡܲܪܥܸܫ ܠܓܲܒܵܪܘܼܬܘܼܟ݂، 
\q1 ܘܬܵ‌ܐ ܠܦܘܼܪܩܵܢܲܢ. 
\q1  
\v 3 ܝܵܐ ܐܲܠܵܗܵܐ، ܡܲܕܸܪܲܢ، 
\q1 ܘܒܲܗܪܸܢ ܦܵܬܘܼܟ݂ ܕܦܵܝܫܲܚ ܦܘܼܪܩܹܐ. 
\q1  
\v 4 ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، 
\q1 ܗܲܠܔ ܐܝܼܡܲܢ ܒܸܬ ܟܵܪܒܹܬ ܥܲܠܔ ܨܠܘܿܬܵ‌ܐ ܕܥܲܡܘܼܟ݂؟ 
\q1  
\v 5 ܡܘܼܐܟ݂ܠܵܝ ܠܘܼܟ݂ ܠܲܚܡܵܐ ܕܕܸܡܥܝܼܬܵ‌ܐ، 
\q1 ܘܡܘܼܫܬܝܼܵܝ ܠܘܼܟ݂ ܕܸܡ̈ܥܹܐ ܒܟܝܘܼܠܵܐ ܓܘܼܪܵܐ. 
\q1  
\v 6 ܥܒ݂ܝܼܕܲܚ ܠܘܼܟ݂ ܡܲܩܲܪܵܨܘܼܬܵ‌ܐ ܠܫܒ݂ܵܒܲܢ̈، 
\q1 ܘܒܹܝܠܵܝܗ‌ܝ ܡܘܼܣܚܸܪܗܘܿܢ ܕܸܫ̃ܡܸܢܲܢ̈ ܒܝܼܲܢ. 
\q1  
\v 7 ܝܵܐ ܐܲܠܵܗܵܐ ܚܲܝܠܬܵܢܵܐ، ܡܲܕܸܪܲܢ، 
\q1 ܘܒܲܗܪܸܢ ܦܵܬܘܼܟ݂ ܕܦܵܝܫܲܚ ܦܘܼܪܩܹܐ. 
\q1  
\v 8 ܓܸܦܬܵ‌ܐ ܡ̣ܢ ܡܸܨܪܹܝܢ ܦܘܼܠܛܵܐ ܠܘܼܟ݂، 
\q1 ܛܪܝܼܕ ܠܘܼܟ݂ ܠܐܸܡܘܵܬܹ̈‌ܐ ܘܢܨܝܼܒ݂ܵܐ ܠܘܼܟ݂ ܒܫܵܘܦܵܝܗ‌ܝ. 
\q1  
\v 9 ܗܘܼܕܸܪܘܼܟ݂ ܥܲܦܪܘܼܗ̇، 
\q1 ܘܕܒ݂ܝܼܩ ܠܵܗ̇ ܥܸܩܪܘܼܗ̇، ܘܡܠܹܐ ܠܵܗ̇ ܐܲܪܥܵܐ. 
\q1  
\v 10 ܦܝܼܫ ܠܗܘܿܢ ܡܘܼܟܣܹܐ ܛܘܼܪ̈ܵܢܹܐ ܡ̣ܢ ܛܸܠܵܢܝܼܬܘܼܗ̇، 
\q1 ܘܐܲܪ̈ܙܹܐ ܓܘܼܪܹ̈ܐ ܡ̣ܢ ܦܲܥܘܵܢܘܼ̈ܗ̇. 
\q1  
\v 11 ܦܘܼܫܸܛ ܠܵܗ̇ ܦܲܥܘܵܢܘܼ̈ܗ̇ ܗܲܠܔ ܝܵܡܵܐ، 
\q1 ܘܦܪܝܼܣ ܠܵܗ̇ ܠܢܲܗܪܵܐ ܨܸܒܥܵܬܘܼ̈ܗ̇. 
\q1  
\v 12 ܩܵܡܘܿܕܝܼ ܬܪܝܼܥ ܠܘܼܟ݂ ܣܝܵܓ݂ܘܼܗ̇، 
\q1 ܘܢܟ̰ܝܼܠܔ ܠܗܘܿܢ ܡܸܢܘܼܗ̇ ܟܠܵܝܗ‌ܝ ܥܵܒ݂ܪ̈ܵܢܹܐ ܕܐܘܼܪܚܵܐ. 
\q1  
\v 13 ܐܟ݂ܵܠܵܐ ܒܹܐܟ݂ܵܠܘܼܗ̇ ܝܠܹܗ ܚܙܘܼܪܵܐ ܡ̣ܢ ܥܵܒ݂ܵܐ، 
\q1 ܘܓ̰ܵܘܓ̰ܵܢܹ̈ܐ ܕܕܸܫܬܵ‌ܐ ܒܸܪܥܵܝܘܼܗ̇ ܝܢܵܐ. 
\q1  
\v 14 ܝܵܐ ܐܲܠܵܗܵܐ ܚܲܝܠܬܵܢܵܐ، ܕܘܼܪ ܐܵܕܝܼܵܐ، 
\q1 ܚܘܼܪ ܡ̣ܢ ܫܡܲܝܵܐ ܘܚܙܝܼ، ܘܣܲܚܒܸܪ ܠܐܵܗܵܐ ܓܸܦܬܵ‌ܐ، 
\q1  
\v 15 ܠܥܸܩܪܵܐ ܕܢܨܝܼܒ݂ ܠܵܗ̇ ܝܲܡܝܼܢܘܼܟ݂، 
\q1 ܠܒܪܘܿܢܵܐ ܕܚܘܼܠܸܢܘܼܟ݂ ܩܵܐ ܓܵܢܘܼܟ݂. 
\q1  
\v 16 ܡܘܼܩܸܕܬܵ‌ܐ ܝܠܵܗ̇ ܒܢܘܼܪܵܐ، ܦܪܝܼܡܬܵ‌ܐ ܝܠܵܗ̇، 
\q1 ܡ̣ܢ ܢܓ̰ܵܘܬܵ‌ܐ ܕܦܵܬܘܼܟ݂ ܟܹܐ ܛܵܠܩܝܼ. 
\q1  
\v 17 ܗܵܘܝܵܐ ܐܝܼܕܘܼܟ݂ ܠܐܢܵܫܵܐ ܕܡ̣ܢ ܝܲܡܝܼܢܘܼܟ݂، 
\q1 ܠܒܪܘܿܢܵܐ ܕܐܢܵܫܵܐ ܕܚܘܼܠܸܢܘܼܟ݂ ܩܵܐ ܓܵܢܘܼܟ݂. 
\q1  
\v 18 ܕܠܵܐ ܩܵܠܒܲܚ ܡܸܢܘܼܟ݂، 
\q1 ܡܲܚܹܝܬ ܠܲܢ، ܘܒܫܸܡܘܼܟ݂ ܒܸܬ ܩܵܪܲܚ. 
\q1  
\v 19 ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، ܡܲܕܸܪܲܢ، 
\q1 ܒܲܗܪܸܢ ܦܵܬܘܼܟ݂ ܕܦܵܝܫܲܚ ܦܘܼܪܩܹܐ. 
\c 81  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܓܬܝܼܬ. ܡܙܡܘܪܐ ܕܐܣܦ. 
\q1  
\v 1 ܫܲܒܚܘܼܢ ܠܐܲܠܵܗܵܐ ܥܘܼܫܢܲܢ، 
\q1 ܩܲܘܸܚܘܼܢ ܠܐܲܠܵܗܵܐ ܕܝܲܥܩܘܿܒ݂. 
\q1  
\v 2 ܡܲܪܡܘܼܢ ܙܡܵܪܬܵ‌ܐ ܘܡܚܹܝܡܘܼܢ ܦܠܲܓܵܐ، 
\q1 ܟܸܢܵܪܵܐ ܒܲܣܝܼܡܬܵ‌ܐ ܥܲܡ ܩܝܼܬܵܪܵܐ. 
\q1  
\v 3 ܡܚܹܝܡܘܼܢ ܫܝܼܦܘܿܪܵܐ ܒܪܹܝܫ ܝܲܪܚܵܐ، 
\q1 ܒܡܸܠܝܘܼܬܵ‌ܐ ܕܣܲܗܪܵܐ، ܒܝܵܘܡܵܐ ܕܥܹܐܕܲܢ، 
\q1  
\v 4 ܣܵܒܵܒ ܩܵܢܘܿܢܵܐ ܝܠܹܗ ܠܐܝܼܣܪܵܐܹܝܠܔ، 
\q1 ܕܝܼܘܵܢ ܕܐܲܠܵܗܵܐ ܕܝܲܥܩܘܿܒ݂. 
\q1  
\v 5 ܩܵܡ ܡܲܬܸܒ݂ ܠܹܗ ܣܵܗܕܘܼܬܵ‌ܐ ܒܝܵܘܣܸܦ، 
\q1 ܟܲܕ ܦܠܝܼܛ ܠܹܗ ܥܲܠܔ ܐܲܪܥܵܐ ܕܡܸܨܪܹܝܢ. 
\q1 ܠܸܫܵܢܵܐ ܕܠܵܐ ܝܕܝܼܥ ܠܝܼ ܫܡܝܼܥ ܠܝܼ: 
\q1  
\v 6 ܡܘܼܩܠܸܒ ܠܝܼ ܪܘܼܦ̮ܫܹܗ ܡ̣ܢ ܟܵܪܬܵ‌ܐ، 
\q1 ܫܪܹܐ ܠܝܼ ܐܝܼܕܵܬܘܼ̈ܗ‌ܝ ܡ̣ܢ ܩܸܪܛܵܠܵܐ. 
\q1  
\v 7 ܓܵܘ ܐܘܼܠܨܵܢܵܐ ܩܪܹܐ ܠܘܼܟ݂ ܘܩܵܡ ܦܲܨܸܢܘܼܟ݂، 
\q1 ܩܵܡ ܓ̰ܲܘܸܒܸܢܘܼܟ݂ ܒܣܸܬܵܪܵܐ ܕܪܲܥܡܵܐ، 
\q1 ܩܵܡ ܒܵܚܪܹܢܘܼܟ݂ ܒܡ̈ܝܼܵܐ ܕܡܪܝܼܒ݂ܵܐ. \qs ܣܹܠܵܗ\qs* 
\q1  
\v 8 ܫܡܹܥ، ܝܵܐ ܥܲܡܝܼ، ܘܣܵܗܕܹܢ ܥܲܠܘܼܟ݂، 
\q1 ܝܵܐ ܐܝܼܣܪܵܐܹܝܠܔ، ܛܘܼܒ݂ܵܐ ܕܫܵܡܥܹܬ ܐܸܠܝܼ. 
\q1  
\v 9 ܠܵܐ ܗܵܘܹܐ ܓܵܘܘܼܟ݂ ܐܲܠܵܗܵܐ ܩܵܪܝܼܒܵܝܵܐ، 
\q1 ܘܠܵܐ ܣܵܓ݂ܕܹܬ ܠܐܲܠܵܗܵܐ ܢܘܼܟ݂ܪܵܝܵܐ. 
\q1  
\v 10 ܐܵܢܵܐ ܝܘܸܢ ܡܵܪܝܵܐ ܐܲܠܵܗܘܼܟ݂، 
\q1 ܕܩܵܡ ܡܲܐܣܩܸܢܘܼܟ݂ ܡ̣ܢ ܐܲܪܥܵܐ ܕܡܸܨܪܹܝܢ، 
\q1 ܦܬܘܿܚ ܠܹܗ ܦܘܼܡܘܼܟ݂ ܘܒܸܬ ܡܵܠܹܢܹܗ. 
\q1  
\v 11 ܐܝܼܢܵܐ ܥܲܡܝܼ ܠܵܐ ܩܵܡ ܫܵܡܹܥ ܠܹܗ ܩܵܠܝܼ، 
\q1 ܘܐܝܼܣܪܵܐܹܝܠܔ ܠܵܐ ܒܥܹܐ ܠܹܗ ܡܲܨܝܸܬ ܐܸܠܝܼ. 
\q1  
\v 12 ܒܘܼܬ ܐܵܗܵܐ، ܣܘܼܦܝܵܝ ܠܝܼ ܠܩܸܫܝܘܼܬܵ‌ܐ ܕܠܸܒܵܝܗ‌ܝ، 
\q1 ܕܚܵܕܪܝܼ ܒܚܘܼܫܵܒ݂ܵܝܗ‌ܝ. 
\q1  
\v 13 ܛܘܼܒ݂ܵܐ ܕܥܲܡܝܼ ܫܵܡܹܥ ܗܘܵܐ ܐܸܠܝܼ، 
\q1 ܐܝܼܣܪܵܐܹܝܠܔ ܒܐܘܼܪ̈ܚܵܬ‌ܝܼ ܚܵܕܹܪ ܗܘܵܐ. 
\q1  
\v 14 ܒܵܬܪ ܚܲܕܟ̰ܵܐ ܕܸܫ̃ܡܸܢܵܝ̈ܗ‌ܝ ܒܸܬ ܙܲܒܛܸܢܸܢ ܗܘܵܐ ܠܗܘܿܢ، 
\q1 ܘܥܲܠܔ ܡܲܠܝܸܨܵܢܵܝ̈ܗ‌ܝ ܒܸܬ ܡܲܕܸܪܸܢ ܗܘܵܐ ܐܝܼܕܝܼ. 
\q1  
\v 15 ܣܵܢܝܵܢܹ̈ܐ ܕܡܵܪܝܵܐ ܒܸܬ ܫܵܠܡܝܼ ܗܘܵܘ ܐܸܠܹܗ، 
\q1 ܘܒܸܬ ܗܵܘܹܐ ܗܘܵܐ ܚܸܠܩܵܝܗ‌ܝ ܠܥܵܠܲܡ. 
\q1  
\v 16 ܐܝܼܢܵܐ ܒܸܬ ܡܲܐܟ݂ܠܸܢ ܗܘܵܐ ܠܘܼܟ݂ ܡ̣ܢ ܫܲܡܝܼܢܘܼܬܵ‌ܐ ܕܚܸܛܹ̈ܐ، 
\q1 ܘܡ̣ܢ ܕܸܒ݂ܫܵܐ ܕܐܝܼܨܵܪܵܐ ܒܸܬ ܡܲܣܒܸܥܸܢ ܗܘܵܐ ܠܘܼܟ݂. 
\c 82  
\s1 ܡܙܡܘܪܐ ܕܐܣܦ. 
\q1  
\v 1 ܐܲܠܵܗܵܐ ܟܸܠܝܵܐ ܝܠܹܗ ܒܟܢܘܼܫܬܹܗ، 
\q1 ܒܓܵܘܵܐ ܕܐܲܠܵܗܹ̈ܐ ܒܸܕܝܵܢܵܐ ܝܠܹܗ. 
\q1  
\v 2 ”ܗܲܠܔ ܐܝܼܡܲܢ ܒܸܬ ܕܵܝܢܝܼܬܘܿܢ ܒܥܵܘܠܵܐ، 
\q1 ܘܚܵܙܹܝܬܘܿܢ ܦܵܬܵ‌ܐ ܠܪ̈ܲܫܝܼܥܹܐ؟ \qs ܣܹܠܵܗ\qs* 
\q1  
\v 3 ”ܥܒ݂ܘܿܕܘܼܢ ܕܝܼܘܵܢ ܕܡܚܝܼܠܵܐ ܘܕܝܲܬܘܼܡܵܐ، 
\q1 ܠܡܘܼܠܝܸܨܵܐ ܘܠܡܸܣܟܹܢܵܐ ܥܒ݂ܘܿܕܘܼܢ ܗܵܩܘܼܬܵ‌ܐ. 
\q1  
\v 4 ”ܦܲܪܩܘܼܢ ܠܡܚܝܼܠܵܐ ܘܠܣܢܝܼܩܵܐ، 
\q1 ܡ̣ܢ ܐܝܼܕܵܐ ܕܪ̈ܲܫܝܼܥܹܐ ܦܲܨܹܝܡܘܼܢ ܠܗܘܿܢ. 
\q1  
\v 5 ”ܠܹܐ ܝܵܕܥܝܼ ܘܠܹܐ ܦܲܪܡܝܼ، 
\q1 ܒܚܸܫܟܵܐ ܟܹܐ ܚܵܕܪܝܼ، 
\q1 ܫܥܝܼܫܹܐ ܝܢܵܐ ܟܠܵܝܗ‌ܝ ܫܲܬܐܸܣܝܵܬܹ̈‌ܐ ܕܐܲܪܥܵܐ. 
\q1  
\v 6 ”ܐܵܢܵܐ ܐܡܝܼܪܝܼ: ’ܐܲܠܵܗܹ̈ܐ ܝܬܘܿܢ ܐܲܚܬܘܿܢ، 
\q1 ܘܒܢܲܝ̈ ܥܸܠܵܝܵܐ ܟܠܵܘܟ݂ܘܿܢ.‘ 
\q1  
\v 7 ”ܐܝܼܢܵܐ ܐܲܝܟ݂ ܒܲܪܢܵܫܵܐ ܒܸܬ ܡܵܝܬܝܼܬܘܿܢ، 
\q1 ܘܐܲܝܟ݂ ܚܲܕ ܡ̣ܢ ܓܘܼܪ̈ܵܢܹܐ ܒܸܬ ܢܵܦܠܝܼܬܘܿܢ.“ 
\q1  
\v 8 ܩܘܼܡ، ܝܵܐ ܐܲܠܵܗܵܐ، ܕܘܼܢ ܠܐܲܪܥܵܐ، 
\q1 ܣܵܒܵܒ ܐܲܢ݇ܬ ܒܸܬ ܝܵܪܬܹܬ ܠܗܘܿܢ ܟܠܵܝܗ‌ܝ ܐܸܡܘܵܬܹ̈‌ܐ. 
\c 83  
\s1 ܙܡܪܬ‌ܐ. ܡܙܡܘܪܐ ܕܐܣܦ. 
\q1  
\v 1 ܝܵܐ ܐܲܠܵܗܵܐ، ܠܵܐ ܗܵܘܝܵܐ ܫܠܵܝܬܵ‌ܐ ܐܸܠܘܼܟ݂، 
\q1 ܠܵܐ ܫܵܬܩܹܬ ܘܠܵܐ ܗܵܘܹܝܬ ܫܸܠܝܵܐ، ܝܵܐ ܐܲܠܵܗܵܐ. 
\q1  
\v 2 ܣܵܒܵܒ ܗܵܐ، ܕܸܫ̃ܡܸܢܘܼ̈ܟ݂ ܒܸܥܒ݂ܵܕܵܐ ܝܢܵܐ ܫܓ݂ܘܼܫܝܵܐ، 
\q1 ܘܣܵܢܝܵܢܘܼ̈ܟ݂ ܡܘܼܪܸܡ ܠܗܘܿܢ ܪܹܝܫܵܝܗ‌ܝ. 
\q1  
\v 3 ܥܲܠܔ ܥܲܡܘܼܟ݂ ܥܒ݂ܝܼܕ ܠܗܘܿܢ ܒܘܼܨܵܐ ܨܢܝܼܥܵܐ، 
\q1 ܘܥܒ݂ܝܼܕ ܠܗܘܿܢ ܡܸܠܟܵܐ ܥܲܠܔ ܣܝܼܡܵܬܘܼ̈ܟ݂. 
\q1  
\v 4 ܐܡܝܼܪܗܘܿܢ: ”ܬܹܝܡܘܼܢ ܘܛܲܠܩܲܚ ܠܗܘܿܢ ܡ̣ܢ ܐܘܼܡܬܵ‌ܐ، 
\q1 ܕܠܵܐ ܦܵܐܹܫ ܕܟ݂ܝܼܪܵܐ ܫܸܡܵܐ ܕܐܝܼܣܪܵܐܹܝܠܔ ܡܸܢܕܪܸܫ.“ 
\q1  
\v 5 ܣܵܒܵܒ ܥܒ݂ܝܼܕ ܠܗܘܿܢ ܡܸܠܟܵܐ ܒܠܸܒܵܐ ܥܲܡ ܚܕܵܕܹ̈ܐ، 
\q1 ܩܛܝܼܥ ܠܗܘܿܢ ܩܵܘܠܵܐ ܥܲܠܘܼܟ݂. 
\q1  
\v 6 ܡܲܫܟܢܹ̈ܐ ܕܐܲܕܘܿܡ ܘܕܐܝܼܫܡܲܥܠܵܝܹ̈ܐ، 
\q1 ܡܘܼܐܵܒ݂ ܘܗܵܓ݂ܵܪ̈ܵܝܹܐ، 
\q1  
\v 7 ܓܒܲܠܔ ܘܥܲܡܘܿܢ ܘܥܡܵܠܹܝܩ، 
\q1 ܦܠܸܫܬ ܥܲܡ ܥܵܡܪ̈ܵܢܹܐ ܕܨܘܿܪ. 
\q1  
\v 8 ܐܘܼܦ ܐܵܬܘܿܪ ܙܘܼܘܸܓ ܠܹܗ ܥܲܡܵܝܗ‌ܝ، 
\q1 ܗܘܹܐ ܠܗܘܿܢ ܕܪܲܥܢܵܐ ܠܒܢܘܿܢܹ̈ܐ ܕܠܘܿܛ. \qs ܣܹܠܵܗ\qs* 
\q1  
\v 9 ܥܒ݂ܘܿܕ ܐܸܠܵܝܗ‌ܝ ܐܲܝܟ݂ ܠܡܸܕܝܲܢ، 
\q1 ܐܲܝܟ݂ ܠܣܝܼܣܪܵܐ ܘܝܵܒ݂ܝܼܢ ܒܢܲܗܪܵܐ ܕܩܝܼܫܘܿܢ، 
\q1  
\v 10 ܕܦܝܼܫ ܠܗܘܿܢ ܛܘܼܠܩܹܐ ܒܥܝܼܢܕܘܿܪ، 
\q1 ܘܗܘܹܐ ܠܗܘܿܢ ܙܸܒܠܵܐ ܠܐܲܪܥܵܐ. 
\q1  
\v 11 ܥܒ݂ܘܿܕ ܠܗܘܿܢ ܢܲܨܝܼܚܵܝ̈ܗ‌ܝ ܐܲܝܟ݂ ܥܘܿܪܝܼܒ݂ ܘܐܲܝܟ݂ ܙܝܼܒ݂، 
\q1 ܘܟܠܵܝܗ‌ܝ ܫܲܠܝܼܛܵܝ̈ܗ‌ܝ ܐܲܝܟ݂ ܙܵܒ݂ܵܚ ܘܐܲܝܟ݂ ܨܲܠܡܢܲܥ. 
\q1  
\v 12 ܕܐܡܝܼܪܗܘܿܢ: ”ܝܵܪܬܲܚ ܠܗܘܿܢ ܠܓܵܢܲܢ 
\q1 ܡܲܪ̈ܥܝܹܐ ܕܐܲܠܵܗܵܐ.“ 
\q1  
\v 13 ܝܵܐ ܐܲܠܵܗ‌ܝܼ، ܥܒ݂ܘܿܕ ܠܗܘܿܢ ܐܲܝܟ݂ ܓܵܪܕܵܒܘܼܠܹܐ، 
\q1 ܐܲܝܟ݂ ܟܘܼܠܵܫ ܩܲܕܡ ܦܵܘܚܵܐ، 
\q1  
\v 14 ܐܲܝܟ݂ ܢܘܼܪܵܐ ܕܡܲܩܸܕ ܥܵܒ݂ܵܐ، 
\q1 ܘܐܲܝܟ݂ ܠܵܗܵܐ ܕܡܲܠܗܸܒ݂ ܛܘܼܪ̈ܵܢܹܐ. 
\q1  
\v 15 ܗܵܕܟ݂ܵܐ ܢܵܦܠܹܬ ܒܵܬܪܵܝܗ‌ܝ ܒܥܲܠܥܵܠܘܼܟ݂، 
\q1 ܘܒܓܵܪܕܵܒܘܼܠܘܼܟ݂ ܡܲܪܓܸܕܸܬ ܠܗܘܿܢ. 
\q1  
\v 16 ܡܠܝܼ ܦܵܬܘܵܬܵܝ̈ܗ‌ܝ ܒܘܼܨܵܪܵܐ، 
\q1 ܕܛܵܥܝܼ ܠܫܸܡܘܼܟ݂، ܝܵܐ ܡܵܪܝܵܐ. 
\q1  
\v 17 ܢܵܟ݂ܦܝܼ ܘܦܵܝܫܝܼ ܫܓ݂ܝܼܫܹܐ ܗܲܠܔ ܥܵܠܲܡ، 
\q1 ܘܦܵܝܫܝܼ ܢܟ݂ܝܼܦܹܐ ܘܛܵܠܩܝܼ. 
\q1  
\v 18 ܘܝܵܕܥܝܼ ܕܐܲܢ݇ܬ ܒܢܲܦ̮ܫܘܼܟ݂ ܫܸܡܘܼܟ݂ ܡܵܪܝܵܐ ܝܠܹܗ، 
\q1 ܥܸܠܵܝܵܐ ܥܲܠܔ ܟܠܵܗ̇ ܐܲܪܥܵܐ. 
\c 84  
\s1 ܠܪܝܫ ܓܘܕܐ ܕܙܡܪ̈ܐ. ܥܠܔ ܓܬܝܼܬ. ܡܙܡܘܪܐ ܕܒܢܝ̈ ܩܘܪܚ. 
\q1  
\v 1 ܟܡܵܐ ܡܘܼܚܸܒܹ̈ܐ ܝܢܵܐ ܡܲܫܟܢܘܼ̈ܟ݂، 
\q1 ܝܵܐ ܡܵܪܝܵܐ ܚܲܝܠܬܵܢܵܐ. 
\q1  
\v 2 ܪܘܼܚܪܸܚ ܠܵܗ̇ ܘܐܘܼܦ ܬܝܼܡ ܠܵܗ̇ ܓܵܢܝܼ ܠܕܵܪ̈ܵܬܹ‌ܐ ܕܡܵܪܝܵܐ، 
\q1 ܠܸܒܝܼ ܘܦܲܓ݂ܪܝܼ ܟܹܐ ܫܲܒܚܝܼ ܠܐܲܠܵܗܵܐ ܚܵܝܵܐ. 
\q1  
\v 3 ܐܘܼܦ ܨܸܦܪܬܵ‌ܐ ܡܘܼܫ݇ܟ̰ܸܚ ܠܵܗ̇ ܒܲܝܬܵ‌ܐ، 
\q1 ܘܣܢܘܿܢܝܼܬܵ‌ܐ ܩܸܢܵܐ ܩܵܬܘܼܗ̇، ܕܡܲܬܒ݂ܵܐ ܙܲܥܝܘܼ̈ܗ̇، 
\q1 ܠܟܸܣ ܡܲܕܒܚܘܼ̈ܟ݂، ܝܵܐ ܡܵܪܝܵܐ ܚܲܝܠܬܵܢܵܐ، 
\q1 ܡܲܠܟܝܼ ܘܐܲܠܵܗ‌ܝܼ. 
\q1  
\v 4 ܛܘܼܒ݂ܵܐ ܠܥܵܡܪ̈ܵܢܹܐ ܕܒܲܝܬܘܼܟ݂، 
\q1 ܗܲܪ ܒܸܬ ܫܲܒܚܝܼ ܠܘܼܟ݂. \qs ܣܹܠܵܗ\qs* 
\q1  
\v 5 ܛܘܼܒ݂ܵܐ ܠܐܢܵܫܹ̈ܐ ܕܚܲܝܠܵܝܗ‌ܝ ܒܝܼܘܼܟ݂ ܝܼܠܹܗ، 
\q1 ܫܒ݂ܝܼܠܹ̈ܐ ܕܠܨܸܗܝܘܿܢ ܒܠܸܒܵܝܗ‌ܝ. 
\q1  
\v 6 ܥܵܒ݂ܪ̈ܵܢܹܐ ܕܪܵܘܘܿܠܵܐ ܕܒܸܟ݂ܝܵܐ، ܟܹܐ ܥܵܒ݂ܕܝܼ ܠܹܗ ܥܲܝܢܵܬܹ̈‌ܐ، 
\q1 ܐܘܼܦ ܡܸܛܪܵܐ ܩܲܕܡܵܝܬܵ‌ܐ ܟܹܐ ܡܲܒܪܝܼܵܐ ܒܸܪ̈ܟܹܐ ܕܡ̈ܝܼܵܐ. 
\q1  
\v 7 ܟܹܐ ܐܵܙܠ݇ܝܼ ܡ̣ܢ ܚܲܝܠܵܐ ܠܚܲܝܠܵܐ، 
\q1 ܒܸܬ ܦܵܝܫܝܼ ܚܸܙܝܵܐ ܠܐܲܠܵܗܵܐ ܒܨܸܗܝܘܿܢ، 
\q1  
\v 8 ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، ܫܡܹܥ ܨܠܘܿܬ‌ܝܼ، 
\q1 ܗܲܒ݂ܠܔ ܢܵܬܵ‌ܐ، ܝܵܐ ܐܲܠܵܗܵܐ ܕܝܲܥܩܘܿܒ݂. \qs ܣܹܠܵܗ\qs* 
\q1  
\v 9 ܚܙܝܼ ܡܵܛܵܠܲܢ، ܝܵܐ ܐܲܠܵܗܵܐ، 
\q1 ܘܚܘܼܪ ܒܦܵܬܵ‌ܐ ܕܡܫܝܼܚܘܼܟ݂. 
\q1  
\v 10 ܣܵܒܵܒ ܒܘܼܫ ܨܦܵܝܝܼ ܝܠܹܗ ܚܲܕ ܝܵܘܡܵܐ ܒܕܵܪ̈ܵܬܘܼܟ݂ ܡ̣ܢ ܐܲܠܦܵܐ ܒܕܘܼܟܵܐ ܐܚܹܪܬܵ‌ܐ. 
\q1 ܓܘܼܒܹܐ ܠܝܼ ܠܹܗܘܵܝܵܐ ܒܣܩܘܼܦܬܵ‌ܐ ܕܒܲܝܬܵ‌ܐ ܕܐܲܠܵܗ‌ܝܼ، 
\q1 ܡ̣ܢ ܠܸܥܡܵܪܵܐ ܒܡܲܫܟܢܹ̈ܐ ܕܪ̈ܲܫܝܼܥܹܐ. 
\q1  
\v 11 ܣܵܒܵܒ ܫܸܡܫܵܐ ܘܡܵܛܵܠܵܐ ܝܠܹܗ ܡܵܪܝܵܐ ܐܲܠܵܗܵܐ، 
\q1 ܫܵܦܵܩܲܬ ܘܐܝܼܩܵܪܵܐ ܒܸܬ ܝܵܗܒܹܠܔ ܡܵܪܝܵܐ، 
\q1 ܠܹܐ ܡܲܟܠܹܐ ܛܵܒ݂ܬܵ‌ܐ ܡ̣ܢ ܕܐܵܢܝܼ ܕܚܵܕܪܝܼ ܒܬܲܡܝܼܡܘܼܬܵ‌ܐ. 
\q1  
\v 12 ܝܵܐ ܡܵܪܝܵܐ ܚܲܝܠܬܵܢܵܐ، 
\q1 ܛܘܼܒ݂ܵܐ ܠܐܢܵܫܵܐ ܕܣܵܒܹܪ ܒܝܼܘܼܟ݂. 
\c 85  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܒܢܝ̈ ܩܘܪܚ. 
\q1  
\v 1 ܒܣܝܼܡ ܠܵܗ̇ ܠܘܼܟ݂، ܝܵܐ ܡܵܪܝܵܐ، ܒܐܲܪܥܘܼܟ݂، 
\q1 ܡܘܼܕܸܪܘܼܟ݂ ܠܝܲܥܩܘܿܒ݂ ܡ̣ܢ ܓܵܠܘܼܬܵ‌ܐ. 
\q1  
\v 2 ܫܒ݂ܝܼܩ ܠܘܼܟ݂ ܠܥܲܡܘܼܟ݂ ܥܵܘܠܵܝܗ‌ܝ، 
\q1 ܟܘܼܣܹܐ ܠܘܼܟ݂ ܠܟܠܔ ܚܛܝܼܬܵܝܗ‌ܝ. \qs ܣܹܠܵܗ\qs* 
\q1  
\v 3 ܡܘܼܥܒܸܪܘܼܟ݂ ܟܠܵܗ̇ ܚܸܡܬܘܼܟ݂، 
\q1 ܕܝܼܪܘܼܟ݂ ܡ̣ܢ ܚܸܡܬܵ‌ܐ ܕܟܲܪܒܘܼܟ݂. 
\q1  
\v 4 ܡܲܕܸܪܲܢ، ܝܵܐ ܐܲܠܵܗܵܐ ܕܦܘܼܪܩܵܢܲܢ، 
\q1 ܘܒܲܛܸܠܔ ܠܟܲܪܒܘܼܟ݂ ܡܸܢܲܢ. 
\q1  
\v 5 ܗܵܐ، ܠܥܵܠܲܡ ܒܸܬ ܟܵܪܒܹܬ ܥܲܠܲܢ، 
\q1 ܡܲܓܪܸܫܸܬ ܚܸܡܬܘܼܟ݂ ܠܕܵܪܵܐ ܘܕܵܪܵܐ؟ 
\q1  
\v 6 ܗܵܐ، ܐܲܢ݇ܬ ܠܹܐ ܕܵܝܪܹܬ ܡܲܚܹܝܬ ܠܲܢ، 
\q1 ܩܵܐ ܕܥܲܡܘܼܟ݂ ܚܵܕܝܼ ܒܝܼܘܼܟ݂؟ 
\q1  
\v 7 ܡܲܚܙܝܼ ܠܲܢ ܛܲܝܒܘܼܬܘܼܟ݂، ܝܵܐ ܡܵܪܝܵܐ، 
\q1 ܘܦܘܼܪܩܵܢܘܼܟ݂ ܝܵܗܒܹܬ ܐܸܠܲܢ. 
\q1  
\v 8 ܫܵܡܥܹܢ ܡܘܼܕܝܼ ܒܸܬ ܗܲܡܙܸܡ ܐܲܠܵܗܵܐ ܡܵܪܝܵܐ، 
\q1 ܣܵܒܵܒ ܒܸܬ ܗܲܡܙܸܡ ܫܠܵܡܵܐ ܠܥܲܡܹܗ ܘܠܙܲܕܝܼܩܘܼ̈ܗ‌ܝ، 
\q1 ܘܠܵܐ ܕܵܝܪܝܼ ܠܣܲܟ݂ܠܘܼܬܵ‌ܐ. 
\q1  
\v 9 ܗܹܐ، ܩܘܼܪܒܵܐ ܝܠܹܗ ܠܙܕܝܼܥܘܼ̈ܗ‌ܝ ܦܘܼܪܩܵܢܹܗ، 
\q1 ܕܫܵܪܹܐ ܚܸܩܪܵܐ ܒܐܲܪܥܲܢ. 
\q1  
\v 10 ܛܲܝܒܘܼܬܵ‌ܐ ܘܫܲܪܝܼܪܘܼܬܵ‌ܐ ܬܦܝܼܩ ܠܗܘܿܢ، 
\q1 ܙܲܕܝܼܩܘܼܬܵ‌ܐ ܘܫܠܵܡܵܐ ܢܫܝܼܩ ܠܗܘܿܢ. 
\q1  
\v 11 ܫܲܪܝܼܪܘܼܬܵ‌ܐ ܡ̣ܢ ܐܲܪܥܵܐ ܒܸܬ ܡܲܓ̰ܝܸܢܵܐ، 
\q1 ܘܙܲܕܝܼܩܘܼܬܵ‌ܐ ܡ̣ܢ ܫܡܲܝܵܐ ܒܸܬ ܓܲܫܩܵܐ. 
\q1  
\v 12 ܐܘܼܦ ܡܵܪܝܵܐ ܒܸܬ ܝܵܗܒܹܠܔ ܛܵܒ݂ܬܵ‌ܐ، 
\q1 ܘܐܲܪܥܲܢ ܒܸܬ ܝܵܗܒ݂ܵܐ ܛܥܘܼܢܬܘܼܗ̇. 
\q1  
\v 13 ܙܲܕܝܼܩܘܼܬܵ‌ܐ ܩܲܕܡܘܼܗ‌ܝ ܒܸܬ ܐܵܙܵܠ݇ܐ، 
\q1 ܘܫܵܘܦܵܦܹ̈ܐ ܕܐܲܩܠܘܼ̈ܗ̇ ܒܸܬ ܥܵܒ݂ܕܝܼ ܐܘܼܪܚܵܐ. 
\c 86  
\s1 ܨܠܘܬ‌ܐ ܕܕܘܝܕ. 
\q1  
\v 1 ܨܲܠܝܼ ܢܵܬܘܼܟ݂، ܝܵܐ ܡܵܪܝܵܐ، ܘܓ̰ܲܘܸܒ ܠܝܼ، 
\q1 ܒܗ̇ܝ ܕܡܸܣܟܹܢܵܐ ܝܘܸܢ ܘܣܢܝܼܩܵܐ. 
\q1  
\v 2 ܢܛܘܿܪ ܓܵܢܝܼ ܒܗ̇ܝ ܕܟܫܝܼܛܵܐ ܝܘܸܢ ܐܵܢܵܐ، 
\q1 ܦܲܪܸܩ ܠܪܹܓܘܼܟ݂، ܝܵܐ ܐܲܠܵܗܵܐ، ܕܒܸܣܒܵܪܵܐ ܝܠܹܗ ܒܝܼܘܼܟ݂. 
\q1  
\v 3 ܪܲܚܸܡ ܥܲܠܝܼ، ܝܵܐ ܡܵܪܝܵܐ، 
\q1 ܒܗ̇ܝ ܕܐܸܠܘܼܟ݂ ܒܸܩܪܵܝܵܐ ܝܘܸܢ ܟܠܹܗ ܝܵܘܡܵܐ. 
\q1  
\v 4 ܡܲܚܕܝܼ ܓܵܢܵܐ ܕܪܹܓܘܼܟ݂، 
\q1 ܒܗ̇ܝ ܕܐܸܠܘܼܟ݂، ܝܵܐ ܡܵܪܝܵܐ، ܡܲܪܘܼܡܘܼܗ̇ ܝܘܸܢ ܓܵܢܝܼ. 
\q1  
\v 5 ܒܗ̇ܝ ܕܐܲܢ݇ܬ، ܝܵܐ ܡܵܪܝܵܐ، ܛܵܒ݂ܵܐ ܝܘܸܬ ܘܫܵܒ݂ܩܵܢܵܐ، 
\q1 ܘܦܸܪܝܵܐ ܒܛܲܝܒܘܼܬܵ‌ܐ ܠܟܠܔ ܕܩܵܪܹܐ ܐܸܠܘܼܟ݂. 
\q1  
\v 6 ܗܲܒ݂ܠܔ ܢܵܬܵ‌ܐ، ܝܵܐ ܡܵܪܝܵܐ، ܠܨܠܘܿܬ‌ܝܼ، 
\q1 ܘܡܲܨܝܸܬ ܠܩܵܠܵܐ ܕܢܵܘܢܲܝܵܬ‌ܝܼ̈. 
\q1  
\v 7 ܒܝܵܘܡܵܐ ܕܥܵܘܩܵܢܝܼ ܒܸܬ ܩܵܪܹܝܢ ܐܸܠܘܼܟ݂، 
\q1 ܒܗ̇ܝ ܕܒܸܬ ܓ̰ܲܘܸܒܸܬ ܠܝܼ. 
\q1  
\v 8 ܠܲܝܬ ܐܲܝܟ݂ ܕܝܼܘܼܟ݂ ܓܵܘ ܐܲܠܵܗܹ̈ܐ، ܝܵܐ ܡܵܪܝܵܐ، 
\q1 ܘܠܲܝܬ ܦܘܼܠܚܵܢܹ̈ܐ ܐܲܝܟ݂ ܦܘܼܠܚܵܢܘܼ̈ܟ݂. 
\q1  
\v 9 ܟܠܵܝܗ‌ܝ ܐܸܡܘܵܬܹ̈‌ܐ ܕܥܒ݂ܝܼܕ ܠܘܼܟ݂ ܒܸܬ ܐܵܬ‌ܝܼ ܘܣܵܓ݂ܕܝܼ ܩܲܕܡܘܼܟ݂، ܝܵܐ ܡܵܪܝܵܐ، 
\q1 ܘܒܸܬ ܡܝܲܩܪܝܼ ܠܫܸܡܘܼܟ݂، 
\q1  
\v 10 ܒܗ̇ܝ ܕܓܘܼܪܵܐ ܝܘܸܬ ܐܲܢ݇ܬ ܘܥܵܒ݂ܕܵܢܵܐ ܕܕܘܼܡܵܪܹ̈ܐ، 
\q1 ܐܲܢ݇ܬ ܝܼܘܸܬ ܐܲܠܵܗܵܐ ܒܢܲܦ̮ܫܘܼܟ݂. 
\q1  
\v 11 ܡܲܠܸܦ ܠܝܼ ܐܘܼܪܚܘܼܟ݂، ܝܵܐ ܡܵܪܝܵܐ، ܕܚܵܕܪܹܢ ܒܫܲܪܝܼܪܘܼܬܘܼܟ݂، 
\q1 ܥܒ݂ܘܿܕ ܠܹܗ ܠܸܒܝܼ ܚܲܕ، ܕܙܵܕܹܥ ܡ̣ܢ ܫܸܡܘܼܟ݂. 
\q1  
\v 12 ܒܸܬ ܫܲܟܪܸܢܘܼܟ݂، ܝܵܐ ܡܵܪܝܵܐ ܐܲܠܵܗ‌ܝܼ، ܒܟܠܹܗ ܠܸܒܝܼ، 
\q1 ܘܒܸܬ ܡܝܲܩܪܸܢܹܗ ܫܸܡܘܼܟ݂ ܠܥܵܠܲܡ. 
\q1  
\v 13 ܒܗ̇ܝ ܕܛܲܝܒܘܼܬܘܼܟ݂ ܓܘܼܪܬܵ‌ܐ ܝܠܵܗ̇ ܥܲܠܝܼ، 
\q1 ܘܦܘܼܨܹܐ ܠܘܼܟ݂ ܓܵܢܝܼ ܡ̣ܢ ܫܝܘܿܠܔ ܬܲܚܬܵܝܬܵ‌ܐ. 
\q1  
\v 14 ܝܵܐ ܐܲܠܵܗܵܐ، ܚܵܬܪ̈ܵܢܹܐ ܩܝܼܡ ܠܗܘܿܢ ܥܲܠܝܼ، 
\q1 ܘܟܸܢܫܵܐ ܕܛܵܠܘܿܡܹ̈ܐ ܛܥܹܐ ܠܗܘܿܢ ܠܓܵܢܝܼ، 
\q1 ܘܠܵܐ ܩܵܡ ܡܲܬܒ݂ܝܼ ܠܘܼܟ݂ ܩܲܕܡ ܦܵܬܵܝܗ‌ܝ. 
\q1  
\v 15 ܘܐܲܢ݇ܬ، ܝܵܐ ܡܵܪܝܵܐ، ܐܲܠܵܗܵܐ ܡܪܲܚܡܵܢܵܐ ܘܚܲܢܵܢܵܐ ܝܘܸܬ، 
\q1 ܝܲܪܝܼܟ݂ܬܵ‌ܐ ܒܹܐܢܹܗ، ܘܪܵܒܵܐ ܒܛܲܝܒܘܼܬܵ‌ܐ ܘܒܫܲܪܝܼܪܘܼܬܵ‌ܐ. 
\q1  
\v 16 ܕܘܼܪ ܠܟܸܣܠܝܼ ܘܪܲܚܸܡ ܥܲܠܝܼ، 
\q1 ܗܲܒ݂ܠܔ ܥܘܼܫܢܘܼܟ݂ ܠܪܹܓܘܼܟ݂، 
\q1 ܘܦܲܪܸܩ ܠܒܪܘܿܢܵܐ ܕܚܸܕܲܡܬܘܼܟ݂. 
\q1  
\v 17 ܥܒ݂ܘܿܕ ܥܲܡܝܼ ܢܝܼܫܲܢܩܵܐ ܠܛܵܒ݂ܬܵ‌ܐ، 
\q1 ܕܚܵܙܝܼ ܣܵܢܝܵܢܝܼ̈ ܘܢܵܟ݂ܦܝܼ، 
\q1 ܒܗ̇ܝ ܕܐܲܢ݇ܬ، ܝܵܐ ܡܵܪܝܵܐ، ܩܵܡ ܗܲܝܸܪܸܬ ܘܝܵܗܒܹܬ ܠܝܼ ܠܸܒܵܐ. 
\c 87  
\s1 ܡܙܡܘܪܐ ܕܒܢܲܝ̈ ܩܘܪܚ. ܙܡܪܬ‌ܐ. 
\q1  
\v 1 ܫܲܬܐܸܣܬܵ‌ܐ ܕܡܕܝܼܢ݇ܬܹܗ ܒܛܘܼܪ̈ܵܢܹܐ ܕܩܘܼܕܫܵܐ ܝܠܵܗ̇. 
\q1  
\v 2 ܟܹܐ ܡܲܚܸܒ ܡܵܪܝܵܐ ܕܲܪ̈ܘܵܙܹܐ ܕܨܸܗܝܘܿܢ، 
\q1 ܒܘܼܫ ܡ̣ܢ ܟܠܵܝܗ‌ܝ ܡܲܫܟܢܹ̈ܐ ܕܝܲܥܩܘܿܒ݂. 
\q1  
\v 3 ܚܲܒܪܹ̈ܐ ܡܝܘܼܩܪܹ̈ܐ ܗܘܼܡܙܸܡܹܐ ܝܢܵܐ ܒܘܼܬ ܕܝܼܵܟ݂ܝ، 
\q1 ܝܵܐ ܡܕܝܼܢ݇ܬܵ‌ܐ ܕܐܲܠܵܗܵܐ. \qs ܣܹܠܵܗ\qs* 
\q1  
\v 4 ܒܸܬ ܡܲܕܟܸܪܸܢ ܪܵܚܵܒ݂ ܘܒܵܒܹܠܔ ܓܵܘ ܝܵܕܥܵܢܝܼ̈، 
\q1 ܗܵܐ، ܦܠܸܫܬ ܘܨܘܿܪ ܥܲܡ ܟܘܼܫ: 
\q1 ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ. 
\q1  
\v 5 ܐܝܼܢܵܐ ܒܘܼܬ ܨܸܗܝܘܿܢ ܒܸܬ ܦܵܐܹܫ ܐܡܝܼܪܵܐ: 
\q1 ”ܐܵܗܵܐ ܘܗ̇ܘ ܦܝܼܫ ܠܹܗ ܝܠܝܼܕܵܐ ܓܵܘܘܼܗ̇. 
\q1 ܘܗ̇ܘ ܥܸܠܵܝܵܐ ܒܸܬ ܡܲܩܘܹܐ ܠܵܗ̇.“ 
\q1  
\v 6 ܡܵܪܝܵܐ ܒܸܬ ܡܵܢܹܐ ܐܝܼܡܲܢ ܕܟܵܬܹܒ݂ ܥܲܡܡܹ̈ܐ: 
\q1 ”ܐܵܗܵܐ ܦܝܼܫ ܠܹܗ ܝܠܝܼܕܵܐ ܬܵܡܵܐ.“ \qs ܣܹܠܵܗ\qs* 
\q1  
\v 7 ܙܲܡܵܪܹ̈ܐ ܥܲܡ ܪ̈ܲܩܵܕܹܐ ܐܵܡܪܝܼ: 
\q1 ”ܟܠܵܝܗ‌ܝ ܥܲܝܢܵܬ‌ܝܼ̈ ܕܡ̈ܝܼܵܐ ܓܵܘܵܟ݂ܝ ܝܼܢܵܐ.“ 
\c 88  
\s1 ܙܡܪܬ‌ܐ. ܡܙܡܘܪܐ ܕܒܢܝ̈ ܩܘܪܚ. ܠܪܝܫ ܓܘܕܐ ܕܙܡܪ̈ܐ. ܥܠܔ ܡܲܚܠܸܬ ܠܥܲܢܘܿܬ. ܡܲܣܟܝܼܠܔ ܕܗܝܡܢ ܐܙܪܚܝܐ. 
\q1  
\v 1 ܡܵܪܝܵܐ ܐܲܠܵܗܵܐ ܕܦܘܼܪܩܵܢܝܼ، 
\q1 ܒܐܝܼܡܵܡܵܐ ܘܒܠܲܝܠܹܐ ܡܘܼܩܘܸܚ ܠܝܼ ܩܲܕܡܘܼܟ݂. 
\q1  
\v 2 ܫܒ݂ܘܿܩ ܐܵܬܝܵܐ ܠܩܲܕܡܘܼܟ݂ ܨܠܘܿܬ‌ܝܼ، 
\q1 ܡܲܟܸܦ ܢܵܬܘܼܟ݂ ܠܡܲܩܘܲܚܬ‌ܝܼ. 
\q1  
\v 3 ܣܵܒܵܒ ܡܠܹܐ ܠܵܗ̇ ܡ̣ܢ ܣܸܪ̈ܝܵܬܹ‌ܐ ܓܵܢܝܼ، 
\q1 ܘܚܲܝܝܼ̈ ܠܫܝܘܿܠܔ ܡܛܹܐ ܠܗܘܿܢ. 
\q1  
\v 4 ܦܝܼܫ ܠܝܼ ܚܘܼܫܒܸܢܵܐ ܥܲܡ ܨܵܠܝܵܢܹ̈ܐ ܕܓܘܼܒܵܐ، 
\q1 ܗܘܹܐ ܠܝܼ ܐܲܝܟ݂ ܓܲܒ݂ܪܵܐ ܕܠܲܝܬ ܠܹܗ ܚܲܝܠܵܐ؛ 
\q1  
\v 5 ܒܓܵܘܵܐ ܕܡܝܼ̈ܬܹ‌ܐ ܫܒ݂ܝܼܩܵܐ، 
\q1 ܐܲܝܟ݂ ܩܛܝܼ̈ܠܹܐ ܕܵܡܟ݂ܵܢܹ̈ܐ ܒܩܲܒ݂ܪܵܐ، 
\q1 ܕܠܹܐ ܕܵܟ݂ܪܹܬ ܠܗܘܿܢ ܐܚܹܪܢܵܐ، 
\q1 ܘܐܵܢܝܼ ܡ̣ܢ ܐܝܼܕܘܼܟ݂ ܦܝܼܫ ܠܗܘܿܢ ܩܛܝܼܥܹܐ. 
\q1  
\v 6 ܡܘܼܬܸܒ݂ ܠܘܼܟ݂ ܐܸܠܝܼ ܒܓܘܼܒܵܐ ܬܲܚܬܵܝܵܐ، 
\q1 ܒܕܘܼܟܵܢܹ̈ܐ ܚܸܫܟܵܢܹ̈ܐ، ܒܥܘܼܡܩܹ̈ܐ. 
\q1  
\v 7 ܥܲܠܝܼ ܦܝܼܫ ܠܵܗ̇ ܡܘܼܬܸܒ݂ܬܵ‌ܐ ܚܸܡܬܘܼܟ݂، 
\q1 ܘܩܵܡ ܡܲܥܝܸܩܸܬ ܠܝܼ ܒܟܠܵܝܗ‌ܝ ܡܲܚܫܘܼܠܘܼ̈ܟ݂. \qs ܣܹܠܵܗ\qs* 
\q1  
\v 8 ܡܘܼܪܚܸܩ ܠܘܼܟ݂ ܝܵܕܥܵܢܝܼ̈ ܡܸܢܝܼ، 
\q1 ܥܒ݂ܝܼܕܸܢܘܼܟ݂ ܛܲܡܐܘܼܬܵ‌ܐ ܐܸܠܵܝܗ‌ܝ، 
\q1 ܦܝܼܫܵܐ ܝܘܸܢ ܚܒ݂ܝܼܫܵܐ ܘܠܹܐ ܡܵܨܹܝܢ ܦܵܠܛܹܢ. 
\q1  
\v 9 ܥܲܝܢܝܼ ܢܘܝܼܠܔ ܠܵܗ̇ ܡ̣ܢ ܥܵܘܩܵܢܵܐ، 
\q1 ܒܟܠܹܗ ܝܵܘܡܵܐ ܩܪܹܐ ܠܝܼ ܐܸܠܘܼܟ݂، ܝܵܐ ܡܵܪܝܵܐ، 
\q1 ܦܪܝܼܣ ܠܝܼ ܐܸܠܘܼܟ݂ ܐܝܼܕܵܬ‌ܝܼ̈. 
\q1  
\v 10 ܗܵܐ، ܠܡܝܼ̈ܬܹ‌ܐ ܒܸܬ ܥܵܒ݂ܕܹܬ ܕܘܼܡܵܪܹ̈ܐ؟ 
\q1 ܝܲܢ ܪ̈ܘܼܚܵܬܹ‌ܐ ܕܡܝܼ̈ܬܹ‌ܐ ܒܸܬ ܩܵܝܡܝܼ ܫܲܟܪܝܼ ܠܘܼܟ݂؟ \qs ܣܹܠܵܗ\qs* 
\q1  
\v 11 ܗܵܐ، ܒܸܬ ܦܵܝܫܵܐ ܗܘܼܩܝܼܬܵ‌ܐ ܒܩܲܒ݂ܪܵܐ ܛܲܝܒܘܼܬܘܼܟ݂، 
\q1 ܝܲܢ ܒܐܲܒ݂ܕܵܢܵܐ ܡܗܘܼܡܢܘܼܬܘܼܟ݂؟ 
\q1  
\v 12 ܗܵܐ، ܒܸܬ ܦܵܝܫܝܼ ܝܕܝܼܥܹܐ ܒܚܸܫܟܵܐ ܕܘܼܡܵܪ̈ܘܼܟ݂، 
\q1 ܝܲܢ ܒܐܲܪܥܵܐ ܕܡܲܢܫܲܝܬܵ‌ܐ ܙܲܕܝܼܩܘܼܬܘܼܟ݂؟ 
\q1  
\v 13 ܐܝܼܢܵܐ ܐܵܢܵܐ ܐܸܠܘܼܟ݂، ܝܵܐ ܡܵܪܝܵܐ، ܡܘܼܩܘܸܚ ܠܝܼ، 
\q1 ܘܒܨܲܦܪܵܐ ܨܠܘܿܬ‌ܝܼ ܠܟܸܣܠܘܼܟ݂ ܟܹܐ ܐܵܬܝܵܐ. 
\q1  
\v 14 ܩܵܡܘܿܕܝܼ، ܝܵܐ ܡܵܪܝܵܐ، ܪܲܦܹܝܬ ܠܵܗ̇ ܓܵܢܝܼ؟ 
\q1 ܩܵܡܘܿܕܝܼ ܛܲܫܹܝܬ ܠܵܗ̇ ܦܵܬܘܼܟ݂ ܡܸܢܝܼ؟ 
\q1  
\v 15 ܡܘܼܥܝܸܩܵܐ ܝܘܸܢ ܐܵܢܵܐ، ܘܒܸܡܝܵܬܵ‌ܐ ܡ̣ܢ ܥܠܲܝܡܘܼܬ‌ܝܼ، 
\q1 ܩܘܼܒܸܠܔ ܠܝܼ ܙܕܘܼܥܝܵܬܘܼ̈ܟ݂، ܦܝܼܫ ܠܝܼ ܗܝܼܪܵܐ. 
\q1  
\v 16 ܚܸܡܬܵ‌ܐ ܕܟܲܪ̈ܒܘܼܟ݂ ܐܬܹ‌ܐ ܠܵܗ̇ ܥܲܠܝܼ، 
\q1 ܙܕܘܼܥܝܵܬܘܼ̈ܟ݂ ܩܵܡ ܡܲܫܬܸܩܝܼ ܠܝܼ. 
\q1  
\v 17 ܩܵܡ ܟܵܪܟ݂ܝܼ ܠܝܼ ܐܲܝܟ݂ ܡ̈ܝܼܵܐ ܟܠܹܗ ܝܵܘܡܵܐ، 
\q1 ܚܘܼܪܕܹܐ ܠܗܘܿܢ ܥܲܠܝܼ ܡܥܘܼܕܵܠܹܐ. 
\q1  
\v 18 ܡܘܼܪܚܸܩ ܠܘܼܟ݂ ܡܸܢܝܼ ܡܘܼܚܸܒܵܐ ܘܪܵܚܡܵܐ، 
\q1 ܝܵܕܥܵܢܝܼ̈ ܒܚܸܫܟܵܐ ܝܢܵܐ. 
\c 89  
\s1 ܡܲܣܟܝܼܠܔ ܕܐܝܬܢ ܐܙܪܚܝܐ. 
\q1  
\v 1 ܛܲܝܒܘܵܬܹ̈‌ܐ ܕܡܵܪܝܵܐ ܠܥܵܠܲܡ ܒܸܬ ܙܵܡܪܹܢ، 
\q1 ܠܕܵܪܵܐ ܘܕܵܪܵܐ ܒܸܬ ܡܲܕܥܸܢ ܡܗܘܼܡܢܘܼܬܘܼܟ݂ ܒܦܘܼܡܝܼ. 
\q1  
\v 2 ܣܵܒܵܒ ܐܡܝܼܪܝܼ: ܠܥܵܠܲܡ ܛܲܝܒܘܼܬܵ‌ܐ ܒܸܬ ܦܵܝܫܵܐ ܒܢܝܼܬܵ‌ܐ، 
\q1 ܒܫܡܲܝܵܐ ܒܸܬ ܡܲܩܘܹܝܬ ܡܗܘܼܡܢܘܼܬܘܼܟ݂. 
\q1  
\v 3 ܐܡܝܼܪܹܗ ܡܵܪܝܵܐ: ”ܩܛܝܼܥ ܠܝܼ ܘܲܥܕܵܐ ܠܓܘܼܒܝܝܼ، 
\q1 ܝܡܹܐ ܠܝܼ ܠܕܵܘܝܼܕ ܪܹܓܝܼ، 
\q1  
\v 4 ”ܗܲܠܔ ܥܵܠܲܡ ܒܸܬ ܡܲܩܘܹܝܢ ܙܲܪܥܘܼܟ݂، 
\q1 ܘܒܸܬ ܒܵܢܹܝܢ ܠܕܵܪܵܐ ܘܕܵܪܵܐ ܟܘܼܪܣܝܘܼܟ݂.“ \qs ܣܹܠܵܗ\qs* 
\q1  
\v 5 ܒܸܬ ܫܲܟܪܝܼ ܫܡܲܝܹ̈ܐ ܕܘܼܡܵܪ̈ܘܼܟ݂، ܝܵܐ ܡܵܪܝܵܐ، 
\q1 ܐܘܼܦ ܡܗܘܼܡܢܘܼܬܘܼܟ݂ ܒܟܸܢܫܵܐ ܕܩܲܕܝܼܫܹ̈ܐ. 
\q1  
\v 6 ܣܵܒܵܒ ܡܵܢܝܼ ܒܫܡܲܝܵܐ ܦܵܐܹܫ ܡܘܼܕܒܸܩܵܐ ܥܲܡ ܡܵܪܝܵܐ؟ 
\q1 ܡܵܢܝܼ ܕܵܡܹܐ ܠܡܵܪܝܵܐ ܓܵܘ ܒܢܘܿܢܹ̈ܐ ܕܐܲܠܵܗܹ̈ܐ؟ 
\q1  
\v 7 ܐܲܠܵܗܵܐ ܣܲܗܡܵܢܵܐ ܝܠܹܗ ܪܵܒܵܐ ܓܵܘ ܡܵܘܬܒ݂ܵܐ ܕܩܲܕܝܼܫܹ̈ܐ، 
\q1 ܘܣܲܗܡܵܢܵܐ ܥܲܠܔ ܟܠܵܝܗ‌ܝ ܚܵܕܸܪ̈ܘܵܢܘܼܗ‌ܝ. 
\q1  
\v 8 ܝܵܐ ܡܵܪܝܵܐ ܐܲܠܵܗܵܐ ܚܲܝܠܬܵܢܵܐ، 
\q1 ܡܵܢܝܼ ܝܠܹܗ ܐܲܝܟ݂ ܕܝܼܘܼܟ݂ ܥܲܫܝܼܢܵܐ، ܡܵܪܝܵܐ؟ 
\q1 ܡܗܘܼܡܢܘܼܬܘܼܟ݂ ܒܚܵܕܸܪ̈ܘܵܢܘܼܟ݂. 
\q1  
\v 9 ܐܲܢ݇ܬ ܟܹܐ ܥܵܒ݂ܕܹܬ ܫܘܼܠܛܵܢܵܐ ܥܲܠܔ ܪܵܡܘܼܬܵ‌ܐ ܕܝܵܡܵܐ، 
\q1 ܟܲܕ ܪܵܝܡܝܼ ܠܲܦܘܼ̈ܗ̇ ܐܲܢ݇ܬ ܟܹܐ ܡܲܫܠܹܝܬ ܠܗܘܿܢ. 
\q1  
\v 10 ܐܲܢ݇ܬ ܛܒ݂ܝܼܚ ܠܘܼܟ݂ ܠܪܵܚܵܒ݂ ܐܲܝܟ݂ ܩܛܝܼܠܵܐ، 
\q1 ܒܕܪܲܥܢܵܐ ܕܥܘܼܫܢܘܼܟ݂ ܒܙܝܼܩ ܠܘܼܟ݂ ܕܸܫ̃ܡܸܢܘܼ̈ܟ݂. 
\q1  
\v 11 ܕܝܼܘܼܟ݂ ܝܼܠܵܗ̇ ܫܡܲܝܵܐ، ܐܘܼܦ ܕܝܼܘܼܟ݂ ܝܼܠܵܗ̇ ܐܲܪܥܵܐ، 
\q1 ܒܪܝܼܬܵ‌ܐ ܘܡܸܠܝܘܼܬܘܼܗ̇ ܐܲܢ݇ܬ ܫܘܼܬܐܸܣܵܝ ܠܘܼܟ݂. 
\q1  
\v 12 ܓܲܪܒܝܵܐ ܘܬܲܝܡܢܵܐ ܐܲܢ݇ܬ ܒܸܪܝܵܝ ܠܘܼܟ݂، 
\q1 ܬܵܒ݂ܘܿܪ ܘܚܸܪܡܘܿܢ ܒܫܸܡܘܼܟ݂ ܟܹܐ ܩܲܘܸܚܝܼ. 
\q1  
\v 13 ܕܝܼܘܼܟ݂ ܝܼܠܹܗ ܕܪܲܥܢܵܐ ܥܲܡ ܓܲܒܵܪܘܼܬܵ‌ܐ، 
\q1 ܚܲܝܠܵܢܬܵ‌ܐ ܝܠܵܗ̇ ܐܝܼܕܘܼܟ݂، ܪܵܡܬܵ‌ܐ ܝܠܵܗ̇ ܝܲܡܝܼܢܘܼܟ݂. 
\q1  
\v 14 ܙܲܕܝܼܩܘܼܬܵ‌ܐ ܘܕܝܼܘܵܢ ܫܲܬܐܸܣܬܵ‌ܐ ܕܟܘܼܪܣܝܘܼܟ݂، 
\q1 ܛܲܝܒܘܼܬܵ‌ܐ ܘܫܪܵܪܵܐ ܟܹܐ ܩܲܕܡܝܼ ܦܵܬܘܼܟ݂. 
\q1  
\v 15 ܛܘܼܒ݂ܵܐ ܠܥܲܡܵܐ ܕܝܵܕܥܝܼ ܩܲܘܲܚܬܵ‌ܐ ܕܚܲܕܘܼܬܵ‌ܐ، 
\q1 ܝܵܐ ܡܵܪܝܵܐ، ܒܒܲܗܪܵܐ ܕܦܵܬܘܼܟ݂ ܟܹܐ ܚܵܕܪܝܼ، 
\q1  
\v 16 ܒܫܸܡܘܼܟ݂ ܟܹܐ ܦܵܨܚܝܼ ܟܠܹܗ ܝܵܘܡܵܐ، 
\q1 ܘܒܙܲܕܝܼܩܘܼܬܘܼܟ݂ ܟܹܐ ܪܵܝܡܝܼ. 
\q1  
\v 17 ܣܵܒܵܒ ܚܸܩܪܵܐ ܕܥܘܼܫܢܵܝܗ‌ܝ ܐܲܢ݇ܬ ܝܼܘܸܬ، 
\q1 ܘܒܨܸܒ݂ܝܵܢܘܼܟ݂ ܟܹܐ ܪܵܐܹܡ ܚܲܝܠܲܢ. 
\q1  
\v 18 ܣܵܒܵܒ ܡܵܛܵܠܲܢ ܕܡܵܪܝܵܐ ܝܠܵܗ̇، 
\q1 ܘܡܲܠܟܲܢ ܕܩܲܕܝܼܫܵܐ ܕܐܝܼܣܪܵܐܹܝܠܔ. 
\q1  
\v 19 ܗ̇ܝܓܵܗ ܗܘܼܡܙܸܡ ܠܘܼܟ݂ ܒܚܸܙܘܵܐ ܥܲܡ ܙܲܕܝܼܩܘܼ̈ܟ݂، 
\q1 ܘܐܡܝܼܪܘܼܟ݂: ”ܝܘܼܗܒܹܠܔ ܠܝܼ ܗܲܝܲܪܬܵ‌ܐ ܠܓܲܒܵܪܵܐ، 
\q1 ܡܘܼܪܸܡ ܠܝܼ ܓܘܼܒܝܵܐ ܡ̣ܢ ܓܵܘ ܥܲܡܵܐ. 
\q1  
\v 20 ”ܡܘܼܫ݇ܟ̰ܸܚ ܠܝܼ ܠܕܵܘܝܼܕ ܪܹܓܝܼ، 
\q1 ܒܡܸܫܚܵܐ ܕܩܘܼܕܫܝܼ ܩܵܡ ܡܵܫܚܹܢܹܗ. 
\q1  
\v 21 ”ܐܝܼܕܝܼ ܒܸܬ ܗܵܘܝܵܐ ܡܩܵܘܝܵܢܬܵ‌ܐ ܥܲܡܹܗ، 
\q1 ܐܘܼܦ ܕܪܲܥܢܝܼ ܒܸܬ ܚܲܠܸܢ ܐܸܠܹܗ. 
\q1  
\v 22 ”ܠܹܐ ܥܲܠܕܹܐ ܕܸܫ̃ܡܸܢ ܐܸܠܹܗ، 
\q1 ܘܒܪܘܿܢܵܐ ܕܥܵܘܠܵܐ ܠܹܐ ܡܲܠܝܸܨ ܠܹܗ. 
\q1  
\v 23 ”ܒܸܬ ܛܵܒ݂ܚܹܢ ܡ̣ܢ ܩܲܕܡܘܼܗ‌ܝ ܕܸܫ̃ܡܸܢܘܼ̈ܗ‌ܝ، 
\q1 ܘܣܵܢܝܵܢܘܼ̈ܗ‌ܝ ܒܸܬ ܡܵܚܹܝܢ. 
\q1  
\v 24 ”ܡܗܘܼܡܢܘܼܬ‌ܝܼ ܘܛܲܝܒܘܼܬ‌ܝܼ ܥܲܡܹܗ ܒܸܬ ܗܵܘܝܼ، 
\q1 ܘܒܫܸܡܝܼ ܒܸܬ ܪܵܐܹܡ ܚܲܝܠܹܗ. 
\q1  
\v 25 ”ܒܸܬ ܡܲܬܒܸܢ ܒܝܵܡܵܐ ܐܝܼܕܹܗ، 
\q1 ܘܒܢܲܗܪ̈ܵܘܵܬܹ‌ܐ ܝܲܡܝܼܢܹܗ. 
\q1  
\v 26 ”ܗ̇ܘ ܒܸܬ ܩܵܪܹܐ ܠܝܼ: ’ܒܵܒܝܼ ܝܘܸܬ ܐܲܢ݇ܬ، 
\q1 ܐܲܠܵܗ‌ܝܼ ܘܐܝܼܨܵܪܵܐ ܕܦܘܼܪܩܵܢܝܼ.‘ 
\q1  
\v 27 ”ܐܘܼܦ ܐܵܢܵܐ ܒܘܼܟ݂ܪܵܐ ܒܸܬ ܥܵܒ݂ܕܹܢܹܗ، 
\q1 ܥܸܠܵܝܵܐ ܥܲܠܔ ܡܲܠܟܹ̈ܐ ܕܐܲܪܥܵܐ. 
\q1  
\v 28 ”ܠܥܵܠܲܡ ܒܸܬ ܢܵܛܪܹܢ ܩܵܐ ܕܝܼܹܗ ܛܲܝܒܘܼܬ‌ܝܼ، 
\q1 ܘܘܲܥܕܝܼ ܒܸܬ ܦܵܐܹܫ ܡܘܼܩܘܝܼܵܐ ܐܸܠܹܗ. 
\q1  
\v 29 ”ܒܸܬ ܡܲܬܒܸܢ ܠܥܵܠܲܡ ܙܲܪܥܹܗ، 
\q1 ܘܟܘܼܪܣܝܹܗ ܐܲܝܟ݂ ܝܵܘܡܵܢܹ̈ܐ ܕܫܡܲܝܵܐ. 
\q1  
\v 30 ”ܐܸܢ ܫܵܒ݂ܩܝܼ ܒܢܘܿܢܘܼ̈ܗ‌ܝ ܢܵܡܘܿܣܝܼ، 
\q1 ܘܒܕܝܼܘܵܢܝܼ̈ ܠܵܐ ܚܵܕܪܝܼ، 
\q1  
\v 31 ”ܐܸܢ ܩܵܢܘܿܢܝܼ ܟ̰ܲܦܠܸܢܝܼ، 
\q1 ܘܦܘܼܩܕܵܢܝܼ̈ ܠܵܐ ܢܵܛܪܝܼ، 
\q1  
\v 32 ”ܒܸܬ ܣܲܚܒܸܪܸܢ ܒܩܵܛܝܼܵܐ ܓܢܵܗܵܝܗ‌ܝ، 
\q1 ܘܒܡܲܚܘܵܬܹ̈‌ܐ ܥܵܘܠܵܝܗ‌ܝ. 
\q1  
\v 33 ”ܐܝܼܢܵܐ ܛܲܝܒܘܼܬ‌ܝܼ ܠܹܐ ܩܵܛܥܹܢ ܡܸܢܹܗ، 
\q1 ܘܠܹܐ ܕܲܓܠܸܢ ܥܲܠܔ ܡܗܘܼܡܢܘܼܬ‌ܝܼ، 
\q1  
\v 34 ”ܠܹܐ ܟ̰ܲܦܠܸܢܸܢ ܘܲܥܕܝܼ، 
\q1 ܘܡܸܢܕܝܼ ܕܦܠܝܼܛ ܠܹܗ ܡ̣ܢ ܣܸܦܘܵܬ‌ܝܼ̈ ܠܹܐ ܫܲܚܠܸܦܸܢ. 
\q1  
\v 35 ”ܚܕܵܐ ܓܵܗܵܐ ܝܡܹܐ ܠܝܼ ܒܩܘܼܕܫܝܼ، 
\q1 ܠܹܐ ܕܲܓܠܸܢ ܠܕܵܘܝܼܕ. 
\q1  
\v 36 ”ܙܲܪܥܹܗ ܠܥܵܠܲܡ ܒܸܬ ܗܵܘܹܐ، 
\q1 ܘܟܘܼܪܣܝܹܗ ܐܲܝܟ݂ ܫܸܡܫܵܐ ܠܒܲܠܩܘܼܒ݂ܠܝܼ. 
\q1  
\v 37 ”ܐܲܝܟ݂ ܣܲܗܪܵܐ ܒܸܬ ܩܵܘܹܐ ܠܥܵܠܲܡ، 
\q1 ܘܣܵܗܕܵܐ ܒܫܡܲܝܵܐ ܡܗܘܼܡܢܵܐ.“ \qs ܣܹܠܵܗ\qs* 
\q1  
\v 38 ܐܝܼܢܵܐ ܐܲܢ݇ܬ، ܪܘܼܦܹܐ ܠܘܼܟ݂ ܘܡܘܼܣܠܹܐ ܠܘܼܟ݂، 
\q1 ܟܪܝܼܒ ܠܘܼܟ݂ ܥܲܠܔ ܡܫܝܼܚܘܼܟ݂. 
\q1  
\v 39 ܣܪܝܼܒ݂ ܠܘܼܟ݂ ܘܲܥܕܵܐ ܕܪܹܓܘܼܟ݂، 
\q1 ܟ̰ܘܼܦܠܸܢܘܼܟ݂ ܥܲܠܔ ܐܲܪܥܵܐ ܒܸܢܦܵܪܹܗ. 
\q1  
\v 40 ܬܪܝܼܥ ܠܘܼܟ݂ ܠܟܠܵܝܗ‌ܝ ܣܝܵܓ݂ܘܼ̈ܗ‌ܝ، 
\q1 ܥܒ݂ܝܼܕ ܠܘܼܟ݂ ܩܲܠܥܵܬܘܼ̈ܗ‌ܝ ܚܵܪܵܒܵܐ. 
\q1  
\v 41 ܣܠܝܼܒ ܠܗܘܿܢ ܐܸܠܹܗ ܟܠܵܝܗ‌ܝ ܥܵܒ݂ܪ̈ܵܢܹܐ ܕܐܘܼܪܚܵܐ، 
\q1 ܗܘܹܐ ܠܹܗ ܠܵܘܡܵܐ ܠܫܒ݂ܵܒ݂ܘܼ̈ܗ‌ܝ. 
\q1  
\v 42 ܡܘܼܪܸܡ ܠܘܼܟ݂ ܝܲܡܝܼܢܵܐ ܕܡܲܠܝܸܨܵܢܘܼ̈ܗ‌ܝ، 
\q1 ܡܘܼܚܕܹܐ ܠܘܼܟ݂ ܟܠܵܝܗ‌ܝ ܕܸܫ̃ܡܸܢܘܼ̈ܗ‌ܝ. 
\q1  
\v 43 ܐܘܼܦ ܡܘܼܚܕܸܪܘܼܟ݂ ܚܸܪܦܵܐ ܕܣܲܝܦܹܗ، 
\q1 ܘܠܵܐ ܡܘܼܩܘܹܐ ܠܘܼܟ݂ ܐܸܠܹܗ ܓܵܘ ܦܠܵܫܵܐ. 
\q1  
\v 44 ܡܘܼܟܠܹܐ ܠܘܼܟ݂ ܠܙܲܗܝܘܼܬܹܗ، 
\q1 ܘܟܘܼܪܣܝܹܗ ܠܐܲܪܥܵܐ ܚܘܼܪܙܸܦ ܠܘܼܟ݂. 
\q1  
\v 45 ܡܘܼܟܪܹܐ ܠܘܼܟ݂ ܝܵܘܡܵܢܹ̈ܐ ܕܥܠܲܝܡܘܼܬܹܗ، 
\q1 ܡܘܼܟܸܣ ܠܘܼܟ݂ ܥܲܠܘܼܗ‌ܝ ܢܟ݂ܝܼܦܬܵ‌ܐ. \qs ܣܹܠܵܗ\qs* 
\q1  
\v 46 ܗܲܠܔ ܐܝܼܡܲܢ، ܝܵܐ ܡܵܪܝܵܐ، ܒܸܬ ܛܲܫܹܝܬ ܓܵܢܘܼܟ݂ ܠܥܵܠܲܡ؟ 
\q1 ܒܸܬ ܠܵܗܝܵܐ ܐܲܝܟ݂ ܢܘܼܪܵܐ ܚܸܡܬܘܼܟ݂؟ 
\q1  
\v 47 ܕܟ݂ܘܿܪ ܡܘܼܕܝܼ ܝܠܹܗ ܡܸܬܚܵܐ ܕܚܲܝܝܼ̈، 
\q1 ܒܘܼܬ ܡܘܼܕܝܼ ܣܪܝܼܩܘܼܬܵ‌ܐ ܒܪܹܐ ܠܘܼܟ݂ ܠܟܠܵܝܗ‌ܝ ܒܢܲܝ̈ܢܵܫܵܐ؟ 
\q1  
\v 48 ܡܵܢܝܼ ܝܠܹܗ ܓܲܒ݂ܪܵܐ ܕܚܵܝܹܐ ܘܠܵܐ ܚܵܙܹܐ ܡܵܘܬܵ‌ܐ، 
\q1 ܕܚܲܠܹܨ ܠܵܗ̇ ܓܵܢܹܗ ܡ̣ܢ ܐܝܼܕܵܐ ܕܫܝܘܿܠܔ؟ \qs ܣܹܠܵܗ\qs* 
\q1  
\v 49 ܐܲܝܟܵܐ ܝܢܵܐ ܛܲܝܒܘܵܬܘܼ̈ܟ݂ ܩܲܕܝܼܡܵܝܹ̈ܐ، ܝܵܐ ܡܵܪܝܵܐ، 
\q1 ܕܝܡܹܐ ܠܘܼܟ݂ ܠܕܵܘܝܼܕ ܒܡܗܘܼܡܢܘܼܬܘܼܟ݂؟ 
\q1  
\v 50 ܕܟ݂ܘܿܪ، ܝܵܐ ܡܵܪܝܵܐ، ܠܵܘܡܵܐ ܕܪܹ̈ܓܵܘܵܬܘܼܟ݂، 
\q1 ܕܩܘܼܒܸܠܔ ܠܝܼ ܒܥܘܼܒܝܼ ܡ̣ܢ ܟܠܵܝܗ‌ܝ ܥܲܡܡܹ̈ܐ ܣܲܓܝܼܐܹ̈ܐ، 
\q1  
\v 51 ܕܠܝܼܡ ܠܗܘܿܢ ܕܸܫ̃ܡܸܢܘܼ̈ܟ݂، ܝܵܐ ܡܵܪܝܵܐ، 
\q1 ܕܠܝܼܡ ܠܗܘܿܢ ܠܦܵܣܘܿܥܝܵܬܹ̈‌ܐ ܕܡܫܝܼܚܘܼܟ݂. 
\q1  
\v 52 ܒܪܝܼܟ݂ܵܐ ܝܠܹܗ ܡܵܪܝܵܐ ܠܥܵܠܲܡ، 
\q1 ܐܵܡܹܝܢ ܘܐܵܡܹܝܢ. 
\c 90  
\ms1 ܣܸܦܪܵܐ ܪܒ݂ܝܼܥܵܝܵܐ 
\mr ܡܙܡܘܪ̈ܐ 90‏‐106 
\s1 ܨܠܘܬ‌ܐ ܕܡܘܫܐ ܐܢܫܐ ܕܐܠܗܐ. 
\q1  
\v 1 ܝܵܐ ܡܵܪܝܵܐ، ܒܹܝܬ ܡܲܥܡܪܵܐ ܐܲܢ݇ܬ ܗܘܹܐ ܠܘܼܟ݂ ܐܸܠܲܢ ܒܕܵܪܵܐ ܘܕܵܪܵܐ. 
\q1  
\v 2 ܡ̣ܢ ܩܲܕܡ ܕܛܘܼܪܹ̈ܐ ܦܵܝܫܝܼ ܗܘܵܘ ܝܠܝܼܕܹܐ، 
\q1 ܘܬܲܪܨܸܬ ܗܘܵܐ ܐܲܪܥܵܐ ܘܒܪܝܼܬܵ‌ܐ، 
\q1 ܡ̣ܢ ܥܵܠܲܡ ܘܥܵܠܲܡ ܐܲܢ݇ܬ ܝܼܘܸܬ ܐܲܠܵܗܵܐ. 
\q1  
\v 3 ܟܹܐ ܡܲܕܸܪܸܬ ܠܹܗ ܐܢܵܫܵܐ ܠܥܲܦܪܵܐ، 
\q1 ܘܟܹܐ ܐܵܡܪܹܬ: ”ܕܘܼܪܘܼܢ، ܝܵܐ ܒܢܲܝ̈ܢܵܫܵܐ.“ 
\q1  
\v 4 ܣܵܒܵܒ ܐܲܠܦܵܐ ܫܸܢܹ̈ܐ ܒܥܲܝ̈ܢܘܼܟ݂، 
\q1 ܐܲܝܟ݂ ܐܬܸܡܵܠܝ ܝܢܵܐ ܕܥܒ݂ܝܼܪܹܗ، 
\q1 ܘܐܲܝܟ݂ ܒܲܕܠܵܐ ܕܠܲܝܠܹܐ. 
\q1  
\v 5 ܓܪܝܼܦܵܝ ܠܘܼܟ݂، ܗܘܹܐ ܠܗܘܿܢ ܐܲܝܟ݂ ܫܸܢܬܵ‌ܐ، 
\q1 ܐܲܝܟ݂ ܓܸܠܵܐ ܕܡܲܩܝܸܢ ܒܨܲܦܪܵܐ، 
\q1  
\v 6 ܒܨܲܦܪܵܐ ܟܹܐ ܡܲܓ̰ܝܸܢ ܘܟܹܐ ܡܲܩܝܸܢ، 
\q1 ܒܪܲܡܫܵܐ ܟܹܐ ܟ̰ܵܡܹܟ̃ ܘܟܹܐ ܒܵܪܹܙ. 
\q1  
\v 7 ܣܵܒܵܒ ܬܝܼܡ ܠܲܢ ܒܟܲܪܒܘܼܟ݂، 
\q1 ܘܒܚܸܡܬܘܼܟ݂ ܦܝܼܫ ܠܲܢ ܫܓ݂ܝܼܫܹܐ. 
\q1  
\v 8 ܡܘܼܬܸܒ݂ ܠܘܼܟ݂ ܥܵܘܠܲܢ̈ ܠܒܲܠܩܘܼܒ݂ܠܘܼܟ݂، 
\q1 ܚܛܵܗܲܢ̈ ܛܸܫܝܹ̈ܐ ܩܲܕܡ ܒܲܗܪܵܐ ܕܦܵܬܘܼܟ݂. 
\q1  
\v 9 ܣܵܒܵܒ ܟܠܵܝܗ‌ܝ ܝܵܘܡܵܢܲܢ̈ ܥܒ݂ܝܼܪܗܘܿܢ ܒܚܸܡܬܘܼܟ݂، 
\q1 ܬܝܼܡܵܝ ܠܲܢ ܫܸܢܲܢ̈ ܐܲܝܟ݂ ܬܲܢܲܚܬܵ‌ܐ. 
\q1  
\v 10 ܝܵܘܡܵܢܹ̈ܐ ܕܚܲܝܲܢ̈ ܫܲܒ݂ܥܝܼ ܫܸܢܹ̈ܐ ܝܢܵܐ، 
\q1 ܘܐܸܢ ܒܓܲܒܵܪܘܼܬܵ‌ܐ، ܬܡܵܢܝܼ ܫܸܢܹ̈ܐ، 
\q1 ܒܪܲܒܘܼܬܵܝܗ‌ܝ ܥܲܡܠܵܐ ܘܕܲܪܕ، 
\q1 ܣܵܒܵܒ ܟܹܐ ܥܵܒ݂ܪܝܼ ܓ̰ܲܠܕܹܐ ܘܟܹܐ ܦܵܪܚܲܚ. 
\q1  
\v 11 ܡܵܢܝܼ ܝܵܕܹܥ ܚܲܝܠܵܐ ܕܚܸܡܬܘܼܟ݂، 
\q1 ܣܵܒܵܒ ܗܲܪ ܐܲܝܟ݂ ܙܕܘܼܥܬܵ‌ܐ ܕܡܸܢܘܼܟ݂ ܝܼܠܵܗ̇ ܟܲܪܒܘܼܟ݂؟ 
\q1  
\v 12 ܗܵܕܟ݂ܵܐ ܡܲܕܸܥ ܠܲܢ ܠܸܡܢܵܝܵܐ ܝܵܘܡܵܢܲܢ̈، 
\q1 ܕܡܵܛܲܚ ܠܠܸܒܵܐ ܕܚܸܟ݂ܡܬܵ‌ܐ. 
\q1  
\v 13 ܕܘܼܪ، ܝܵܐ ܡܵܪܝܵܐ! ܗܲܠܔ ܐܝܼܡܲܢ؟ 
\q1 ܘܪܲܚܸܡ ܥܲܠܔ ܪܹ̈ܓܵܘܵܬܘܼܟ݂. 
\q1  
\v 14 ܡܲܣܒܸܥ ܠܲܢ ܒܨܲܦܪܵܐ ܒܛܲܝܒܘܼܬܘܼܟ݂، 
\q1 ܕܫܲܒܚܲܚ ܘܚܵܕܲܚ ܒܟܠܵܝܗ‌ܝ ܝܵܘܡܵܢܲܢ̈. 
\q1  
\v 15 ܡܲܚܕܝܼ ܠܲܢ ܐܲܝܟ݂ ܝܵܘܡܵܢܹ̈ܐ ܕܩܵܡ ܡܲܠܝܸܨܸܬ ܠܲܢ، 
\q1 ܐܲܝܟ݂ ܫܸܢܹ̈ܐ ܕܚܙܹܐ ܠܲܢ ܒܝܼܫܬܵ‌ܐ. 
\q1  
\v 16 ܦܵܐܹܫ ܚܸܙܝܵܐ ܠܪܹ̈ܓܵܘܵܬܘܼܟ݂ ܦܘܼܠܚܵܢܘܼܟ݂، 
\q1 ܘܫܘܼܒ݂ܚܘܼܟ݂ ܠܒܢܘܿܢܵܝ̈ܗ‌ܝ. 
\q1  
\v 17 ܘܗܵܘܝܵܐ ܒܲܣܝܼܡܘܼܬܵ‌ܐ ܕܡܵܪܝܵܐ ܐܲܠܵܗܵܐ ܥܲܠܲܢ، 
\q1 ܘܥܒ݂ܵܕܵܐ ܕܐܝܼܕܵܬܲܢ̈ ܡܲܩܘܹܐ ܥܲܠܲܢ، 
\q1 ܘܥܒ݂ܵܕܵܐ ܕܐܝܼܕܵܬܲܢ̈ ܡܲܩܘܹܐ ܠܹܗ. 
\c 91  
\q1  
\v 1 ܝܵܬܒ݂ܵܢܵܐ ܒܣܸܬܵܪܵܐ ܕܥܸܠܵܝܵܐ، 
\q1 ܒܛܸܠܵܢܝܼܬܵ‌ܐ ܕܚܲܝܠܬܵܢܵܐ ܒܸܬ ܫܵܪܹܐ. 
\q1  
\v 2 ܒܸܬ ܐܵܡܪܹܢ ܒܘܼܬ ܡܵܪܝܵܐ: ”ܗ̇ܘ ܝܼܠܹܗ ܒܹܝܬ ܓܵܘܣܝܼ ܘܚܸܣܢܝܼ، 
\q1 ܐܲܠܵܗ‌ܝܼ، ܒܸܬ ܣܵܒܪܹܢ ܒܝܼܹܗ.“ 
\q1  
\v 3 ܒܗ̇ܝ ܕܗ̇ܘ ܒܸܬ ܦܲܨܹܐ ܠܘܼܟ݂ ܡ̣ܢ ܢܸܫܒ݂ܵܐ ܕܨܲܝܵܕܵܐ، 
\q1 ܡ̣ܢ ܡܲܪ̈ܥܹܐ ܩܵܛܠܵܢܹ̈ܐ ܘܛܲܠܩܵܢܹ̈ܐ. 
\q1  
\v 4 ܒܦܲܪ̈ܘܼܗ‌ܝ ܒܸܬ ܟܲܣܹܐ ܠܘܼܟ݂، 
\q1 ܘܬܚܘܿܬ ܓܘܼܠܦܵܢܘܼ̈ܗ‌ܝ ܒܸܬ ܥܵܪܩܹܬ، 
\q1 ܣܲܟܪܵܐ ܘܡܵܛܵܠܵܐ ܝܠܵܗ̇ ܫܲܪܝܼܪܘܼܬܹܗ. 
\q1  
\v 5 ܠܹܐ ܙܵܕܥܹܬ ܡ̣ܢ ܙܕܘܼܥܬܵ‌ܐ ܕܠܲܝܠܹܐ، 
\q1 ܡ̣ܢ ܓܹܐܪܵܐ ܕܦܵܪܹܚ ܒܐܝܼܡܵܡܵܐ، 
\q1  
\v 6 ܡ̣ܢ ܡܲܪܥܵܐ ܩܵܛܠܵܢܵܐ ܕܚܵܕܹܪ ܒܚܸܫܟܵܐ، 
\q1 ܡ̣ܢ ܡܲܚܪܲܒ݂ܬܵ‌ܐ ܕܛܲܠܩܵܐ ܒܛܲܗܪܵܐ. 
\q1  
\v 7 ܟܲܕ ܢܵܦܠܝܼ ܐܲܠܦܵܐ ܡ̣ܢ ܕܸܦܢܘܼܟ݂، 
\q1 ܘܪܸܒܘܼܬܵ‌ܐ ܡ̣ܢ ܝܲܡܝܼܢܘܼܟ݂، 
\q1 ܠܟܸܣܠܘܼܟ݂ ܠܹܐ ܩܲܪܒܸܢ. 
\q1  
\v 8 ܐܲܚܟ̰ܝܼ ܒܥܲܝ̈ܢܘܼܟ݂ ܒܸܬ ܚܵܝܪܹܬ، 
\q1 ܘܦܘܼܪܥܵܢܵܐ ܕܪ̈ܲܫܝܼܥܹܐ ܒܸܬ ܚܵܙܹܝܬ. 
\q1  
\v 9 ܒܗ̇ܝ ܕܠܡܵܪܝܵܐ ܥܸܠܵܝܵܐ، ܗ̇ܘ ܕܝܼܠܹܗ ܒܹܝܬ ܓܵܘܣܝܼ، 
\q1 ܥܒ݂ܝܼܕ ܠܘܼܟ݂ ܡܲܥܡܪܘܼܟ݂، 
\q1  
\v 10 ܠܹܐ ܬܵܦܩܵܐ ܒܝܼܘܼܟ݂ ܒܝܼܫܬܵ‌ܐ، 
\q1 ܘܠܹܐ ܩܲܪܒܸܢܵܐ ܠܡܲܫܟܢܘܼܟ݂ ܡܚܘܿܬܵ‌ܐ. 
\q1  
\v 11 ܣܵܒܵܒ ܒܸܬ ܦܵܩܹܕ ܠܡܲܠܲܐܟ݂ܘܼ̈ܗ‌ܝ ܒܘܼܬ ܕܝܼܘܼܟ݂، 
\q1 ܕܢܵܛܪܝܼ ܠܘܼܟ݂ ܒܟܠܵܝܗ‌ܝ ܐܘܼܪ̈ܚܵܬܘܼܟ݂. 
\q1  
\v 12 ܥܲܠܔ ܐܝܼܕܵܬܵܝ̈ܗ‌ܝ ܒܸܬ ܛܵܥܢܝܼ ܠܘܼܟ݂، 
\q1 ܕܠܵܐ ܬܲܪܩܸܠܵܐ ܒܟܹܐܦܵܐ ܐܲܩܠܘܼܟ݂. 
\q1  
\v 13 ܥܲܠܔ ܐܲܪܝܵܐ ܘܦܲܬܢܵܐ ܒܸܬ ܦܵܣܥܹܬ، 
\q1 ܓܘܼܪܝܵܐ ܕܐܲܪܝܵܐ ܘܬܲܢܝܼܢܵܐ ܒܸܬ ܕܲܫܕܸܫܸܬ. 
\q1  
\v 14 ”ܒܸܬ ܦܲܨܹܢܹܗ ܣܵܒܵܒ ܡܘܼܚܸܒ ܠܹܗ ܐܸܠܝܼ، 
\q1 ܒܸܬ ܡܲܪܡܸܢܹܗ ܠܫܲܝܢܵܐ ܒܗ̇ܝ ܕܝܕܝܼܥ ܠܹܗ ܫܸܡܝܼ. 
\q1  
\v 15 ”ܒܸܬ ܓ̰ܲܘܸܒܸܢܹܗ ܐܝܼܡܲܢ ܕܩܵܪܹܐ ܠܝܼ، 
\q1 ܥܲܡܹܗ ܝܘܸܢ ܐܵܢܵܐ ܒܥܕܵܢܵܐ ܕܥܵܘܩܵܢܵܐ، 
\q1 ܒܸܬ ܦܲܨܹܢܹܗ ܘܒܸܬ ܡܝܲܩܪܸܢܹܗ. 
\q1  
\v 16 ”ܒܝܘܼܪܟ݂ܵܐ ܕܝܵܘܡܵܢܹ̈ܐ ܒܸܬ ܡܲܣܒܸܥܸܢܹܗ، 
\q1 ܘܒܸܬ ܡܲܚܙܹܝܢ ܐܸܠܹܗ ܦܘܼܪܩܵܢܝܼ.“ 
\c 92  
\s1 ܡܙܡܘܪܐ. ܙܡܪܬ‌ܐ ܩܐ ܝܘܡܐ ܕܫܒܬ. 
\q1  
\v 1 ܨܦܵܝܝܼ ܝܠܵܗ̇ ܠܫܲܟܘܼܪܹܐ ܠܡܵܪܝܵܐ، 
\q1 ܘܠܸܙܡܵܪܵܐ ܠܫܸܡܘܼܟ݂، ܝܵܐ ܥܸܠܵܝܵܐ. 
\q1  
\v 2 ܠܡܲܕܘܼܥܹܐ ܒܨܲܦܪܵܐ ܛܲܝܒܘܼܬܘܼܟ݂، 
\q1 ܘܒܠܲܝܠܵܘܵܬܹ̈‌ܐ ܡܗܘܼܡܢܘܼܬܘܼܟ݂، 
\q1  
\v 3 ܥܲܠܔ ܡܵܐܢܹ̈ܐ ܕܙܡܵܪܵܐ ܕܥܸܣܪܵܐ ܣܝܼܡܹ̈ܐ، 
\q1 ܘܥܲܠܔ ܩܝܼܬܵܪܵܐ، 
\q1 ܥܲܠܔ ܗܵܘܵܙ ܕܟܸܢܵܪܵܐ. 
\q1  
\v 4 ܒܗ̇ܝ ܕܩܵܡ ܡܲܚܕܹܝܬ ܠܝܼ، ܝܵܐ ܡܵܪܝܵܐ، ܒܦܘܼܠܚܵܢܘܼܟ݂، 
\q1 ܒܘܼܬ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂ ܒܸܬ ܫܲܒܚܸܢ. 
\q1  
\v 5 ܟܡܵܐ ܓܘܼܪܹ̈ܐ ܝܢܵܐ ܦܘܼܠܚܵܢܘܼ̈ܟ݂، ܝܵܐ ܡܵܪܝܵܐ، 
\q1 ܪܵܒܵܐ ܥܲܡܘܼܩܹ̈ܐ ܝܢܵܐ ܚܘܼܫܵܒ݂ܘܼ̈ܟ݂. 
\q1  
\v 6 ܐܢܵܫܵܐ ܫܹܐܕܵܢܵܐ ܠܹܐ ܝܵܕܹܥ، 
\q1 ܘܣܲܟ݂ܠܵܐ ܠܹܐ ܦܲܪܡܹܐ ܐܵܗܵܐ. 
\q1  
\v 7 ܐܝܼܡܲܢ ܕܒܲܪܛܸܢܝܼ ܪ̈ܲܫܝܼܥܹܐ ܐܲܝܟ݂ ܓܸܠܵܐ، 
\q1 ܘܦܵܩܚܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، 
\q1 ܗܵܕܟ݂ܵܐ ܟܹܐ ܗܵܘܝܵܐ ܕܦܵܝܫܝܼ ܛܘܼܠܩܹܐ ܗܲܠܔ ܥܵܠܲܡ. 
\q1  
\v 8 ܐܝܼܢܵܐ ܐܲܢ݇ܬ ܪܵܡܵܐ ܝܘܸܬ ܠܥܵܠܲܡ، ܝܵܐ ܡܵܪܝܵܐ. 
\q1  
\v 9 ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂، ܝܵܐ ܡܵܪܝܵܐ، 
\q1 ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂ ܒܸܬ ܛܵܠܩܝܼ، 
\q1 ܒܸܬ ܦܵܝܫܝܼ ܒܘܼܪܒܸܙܹܐ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ. 
\q1  
\v 10 ܘܡܘܼܪܸܡ ܠܘܼܟ݂ ܩܲܪ݇ܢܝܼ ܐܲܝܟ݂ ܩܲܪ݇ܢܵܐ ܕܪܲܝܡܵܐ، 
\q1 ܦܝܼܫ ܠܝܼ ܡܫܝܼܚܵܐ ܒܡܸܫܚܵܐ ܚܵܕܬܵ‌ܐ. 
\q1  
\v 11 ܘܚܙܹܐ ܠܵܗ̇ ܥܲܝܢܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈، 
\q1 ܫܡܝܼܥ ܠܗܘܿܢ ܢܵܬܝܵܬ‌ܝܼ̈ ܒܘܼܬ ܩܵܝܡܵܢܹ̈ܐ ܥܲܠܝܼ، ܥܵܒ݂ܕܵܢܹ̈ܐ ܕܒܝܼܫܘܼܬܵ‌ܐ. 
\q1  
\v 12 ܙܲܕܝܼܩܵܐ ܐܲܝܟ݂ ܐܝܼܠܵܢܵܐ ܕܚܘܼܪ̈ܡܹܐ ܒܸܬ ܒܲܪܛܸܢ، 
\q1 ܐܲܝܟ݂ ܐܲܪ̈ܙܹܐ ܕܒܠܸܒ݂ܢܵܢ ܒܸܬ ܓܲܪܘܸܣ. 
\q1  
\v 13 ܫܬܝܼܠܹܐ ܝܢܵܐ ܒܒܲܝܬܵ‌ܐ ܕܡܵܪܝܵܐ، 
\q1 ܒܕܵܪ̈ܵܬܹ‌ܐ ܕܐܲܠܵܗܲܢ ܒܸܬ ܒܲܪܛܸܢܝܼ. 
\q1  
\v 14 ܗܸܫ ܒܸܬ ܡܲܝܬ‌ܝܼ ܛܥܘܼܢܬܵ‌ܐ ܒܣܲܝܒܘܼܬܵ‌ܐ، 
\q1 ܫܲܡܝܼܢܹ̈ܐ ܘܩܝܼܢܹ̈ܐ ܒܸܬ ܗܵܘܝܼ. 
\q1  
\v 15 ܠܡܲܕܘܼܥܹܐ ܕܬܪܘܼܨܵܐ ܝܠܹܗ ܡܵܪܝܵܐ، 
\q1 ܐܝܼܨܵܪܝܼ، ܘܠܲܝܬ ܥܵܘܠܵܐ ܒܝܼܹܗ. 
\c 93  
\q1  
\v 1 ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، ܠܒ݂ܝܼܫܵܐ ܝܠܹܗ ܚܸܩܪܵܐ، 
\q1 ܠܒ݂ܝܼܫܵܐ ܝܠܹܗ ܡܵܪܝܵܐ ܥܘܼܫܢܵܐ ܘܚܠܝܼܨܘܼܗ̇ ܝܠܹܗ ܓܵܢܹܗ، 
\q1 ܐܘܼܦ ܡܘܼܩܘܝܼܬܵ‌ܐ ܝܠܵܗ̇ ܒܪܝܼܬܵ‌ܐ ܕܠܵܐ ܫܵܥܫܵܐ. 
\q1  
\v 2 ܡܘܼܩܘܝܼܵܐ ܝܠܹܗ ܟܘܼܪܣܝܘܼܟ݂ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، 
\q1 ܡ̣ܢ ܥܵܠܲܡ ܐܲܢ݇ܬ ܝܼܘܸܬ. 
\q1  
\v 3 ܡܘܼܪܸܡ ܠܗܘܿܢ ܢܲܗܪ̈ܵܘܵܬܹ‌ܐ، ܝܵܐ ܡܵܪܝܵܐ، 
\q1 ܡܘܼܪܸܡ ܠܗܘܿܢ ܢܲܗܪ̈ܵܘܵܬܹ‌ܐ ܩܵܠܵܝܗ‌ܝ، 
\q1 ܡܲܪܘܼܡܹܐ ܝܢܵܐ ܢܲܗܪ̈ܵܘܵܬܹ‌ܐ ܓܲܒܓܲܒܬܵܝܗ‌ܝ. 
\q1  
\v 4 ܒܘܼܫ ܡ̣ܢ ܩܵܠܹ̈ܐ ܕܡ̈ܝܼܵܐ ܪܵܒܵܐ، 
\q1 ܒܘܼܫ ܡ̣ܢ ܠܲܦܹ̈ܐ ܙܲܪ̈ܒܵܢܹܐ ܕܝܵܡܵܐ، 
\q1 ܙܲܪܒܵܢܵܐ ܝܠܹܗ ܒܲܡܪܵܘܡܵܐ ܡܵܪܝܵܐ. 
\q1  
\v 5 ܣܵܗܕܘܵܬܘܼ̈ܟ݂ ܡܗܘܼܡܢܹ̈ܐ ܝܢܵܐ ܪܵܒܵܐ، 
\q1 ܠܒܲܝܬܘܼܟ݂ ܟܹܐ ܠܵܚܡܵܐ ܩܲܕܝܼܫܘܼܬܵ‌ܐ، 
\q1 ܝܵܐ ܡܵܪܝܵܐ، ܠܝܘܼܪܟ݂ܵܐ ܕܝܵܘܡܵܢܹ̈ܐ. 
\c 94  
\q1  
\v 1 ܝܵܐ ܐܲܠܵܗܵܐ ܫܵܩܠܵܢܵܐ ܕܬܘܼܥܠܵܐ، ܝܵܐ ܡܵܪܝܵܐ، 
\q1 ܝܵܐ ܐܲܠܵܗܵܐ ܫܵܩܠܵܢܵܐ ܕܬܘܼܥܠܵܐ، ܙܪܘܿܩ. 
\q1  
\v 2 ܦܘܼܫ ܪܝܼܡܵܐ، ܝܵܐ ܕܲܝܵܢܵܐ ܕܐܲܪܥܵܐ، 
\q1 ܡܲܕܸܪ ܦܘܼܪܥܵܢܵܐ ܥܲܠܔ ܚܵܬܪ̈ܵܢܹܐ. 
\q1  
\v 3 ܗܲܠܔ ܐܝܼܡܲܢ ܪ̈ܲܫܝܼܥܹܐ، ܝܵܐ ܡܵܪܝܵܐ، 
\q1 ܗܲܠܔ ܐܝܼܡܲܢ ܪ̈ܲܫܝܼܥܹܐ ܦܵܨܚܝܼ؟ 
\q1  
\v 4 ܟܹܐ ܓܲܒܓܸܒܝܼ، ܟܹܐ ܗܲܡܙܸܡܝܼ ܒܫܘܼܒ݂ܗܵܪܵܐ، 
\q1 ܟܹܐ ܚܵܬܪܝܼ ܒܓܵܢܵܝܗ‌ܝ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ. 
\q1  
\v 5 ܠܥܲܡܘܼܟ݂، ܝܵܐ ܡܵܪܝܵܐ، ܟܹܐ ܛܲܚܛܸܚܝܼ، 
\q1 ܘܠܝܵܪܬܘܼܬܘܼܟ݂ ܟܹܐ ܡܲܠܝܸܨܝܼ. 
\q1  
\v 6 ܠܐܲܪܡܸܠܬܵ‌ܐ ܘܠܡܵܫܵܚܲܛ ܟܹܐ ܩܵܛܠܝܼ، 
\q1 ܘܠܝܲܬܘܼܡܹ̈ܐ ܟܹܐ ܡܲܡܝܸܬ‌ܝܼ. 
\q1  
\v 7 ܘܟܹܐ ܐܵܡܪܝܼ: ”ܠܹܐ ܚܵܙܹܐ ܡܵܪܝܵܐ، 
\q1 ܘܐܲܠܵܗܵܐ ܕܝܲܥܩܘܿܒ݂ ܠܹܐ ܡܲܣܸܡ ܒܵܠܵܐ.“ 
\q1  
\v 8 ܡܲܣܸܡܘܼܢ ܒܵܠܵܐ، ܝܵܐ ܐܲܗܡܲܩܹ̈ܐ ܕܓܵܘ ܥܲܡܵܐ؛ 
\q1 ܐܝܼܡܲܢ ܒܸܬ ܦܲܪܡܹܝܬܘܿܢ، ܝܵܐ ܣܲܟ݂ܠܹ̈ܐ؟ 
\q1  
\v 9 ܢܵܨܒ݂ܵܢܵܐ ܕܢܵܬܵ‌ܐ، ܗܵܐ، ܠܹܐ ܫܵܡܹܥ؟ 
\q1 ܝܲܢ ܓܵܒ݂ܠܵܢܵܐ ܕܥܲܝܢܵܐ، ܗܵܐ، ܠܹܐ ܚܵܙܹܐ؟ 
\q1  
\v 10 ܬܲܠܡܸܕܵܢܵܐ ܕܐܸܡܘܵܬܹ̈‌ܐ، ܗܵܐ، ܠܹܐ ܡܲܢܟܸܣ، 
\q1 ܗ̇ܘ ܕܟܹܐ ܡܲܠܸܦ ܝܕܵܥܬܵ‌ܐ ܠܒܲܪܢܵܫܵܐ؟ 
\q1  
\v 11 ܡܵܪܝܵܐ ܟܹܐ ܝܵܕܹܥ ܚܘܼܫܵܒܹ̈ܐ ܕܐܢܵܫܵܐ 
\q1 ܕܣܪܝܼܩܘܼܬܵ‌ܐ ܝܢܵܐ. 
\q1  
\v 12 ܛܘܼܒ݂ܵܐ ܠܐܢܵܫܵܐ ܕܬܲܠܡܸܕܸܬ ܠܹܗ، ܝܵܐ ܡܵܪܝܵܐ، 
\q1 ܘܡ̣ܢ ܢܵܡܘܿܣܘܼܟ݂ ܡܲܠܦܸܬ ܠܹܗ، 
\q1  
\v 13 ܠܝܼܵܗܒܹܗ ܢܝܵܚܵܐ ܡ̣ܢ ܝܵܘܡܵܢܹ̈ܐ ܕܒܝܼܫܬܵ‌ܐ، 
\q1 ܗܲܠܔ ܕܦܵܐܹܫ ܚܦܝܼܪܵܐ ܓܘܼܒܵܐ ܠܪܲܫܝܼܥܵܐ. 
\q1  
\v 14 ܣܵܒܵܒ ܠܹܐ ܪܲܦܹܐ ܡܵܪܝܵܐ ܠܥܲܡܹܗ، 
\q1 ܘܠܝܵܪܬܘܼܬܹܗ ܠܹܐ ܫܵܒܹܩ. 
\q1  
\v 15 ܣܵܒܵܒ ܠܙܲܕܝܼܩܘܼܬܵ‌ܐ ܒܸܬ ܕܵܝܪܵܐ ܕܝܼܘܵܢ، 
\q1 ܘܒܸܬ ܐܵܙܠ݇ܝܼ ܒܵܬܪܘܼܗ̇ ܟܠܵܝܗ‌ܝ ܬܪ̈ܘܼܨܹܐ ܕܠܸܒܵܐ. 
\q1  
\v 16 ܡܵܢܝܼ ܒܸܬ ܩܵܐܹܡ ܩܵܬ‌ܝܼ ܕܲܠܩܘܼܒ݂ܠܔ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ؟ 
\q1 ܡܵܢܝܼ ܒܸܬ ܟܵܠܹܐ ܩܵܬ‌ܝܼ ܕܲܠܩܘܼܒ݂ܠܔ ܕܦܵܠܚܵܢܹ̈ܐ ܕܥܵܘܠܵܐ؟ 
\q1  
\v 17 ܐܸܢ ܠܵܐ ܗܵܘܹܐ ܗܘܵܐ ܡܵܪܝܵܐ ܗܲܝܲܪܬܵ‌ܐ ܐܸܠܝܼ، 
\q1 ܒܵܬܪ ܚܲܕܟ̰ܵܐ ܒܸܬ ܫܵܪܝܵܐ ܗܘܵܐ ܓܵܢܝܼ ܒܕܘܼܝܵܪܵܐ ܕܫܸܬܩܵܐ. 
\q1  
\v 18 ܐܸܢ ܐܡܝܼܪܝܼ: ”ܓ̰ܪܝܼܛ ܠܵܗ̇ ܐܲܩܠܝܼ،“ 
\q1 ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܟܹܐ ܣܵܢܕܵܐ ܠܝܼ. 
\q1  
\v 19 ܟܲܕ ܙܵܝܕܝܼ ܚܲܡܝܼ̈ ܒܓܵܘܝܼ، 
\q1 ܒܘܼܝܵܐܘܼ̈ܟ݂ ܟܹܐ ܡܲܚܕܝܼ ܠܓܵܢܝܼ. 
\q1  
\v 20 ܗܵܐ، ܡܵܨܝܼ ܥܵܒ݂ܕܝܼ ܚܲܒ݂ܪܘܼܬܵ‌ܐ ܥܲܡܘܼܟ݂ ܫܘܼܠܛܵܢܹ̈ܐ ܕܛܠܘܼܡܝܵܐ، 
\q1 ܐܵܢܝܼ ܕܟܹܐ ܓܵܒ݂ܠܝܼ ܡܲܠܝܲܨܬܵ‌ܐ ܒܩܵܢܘܿܢܵܐ؟ 
\q1  
\v 21 ܘܟܹܐ ܓ̰ܵܡܥܝܼ ܥܲܠܔ ܓܵܢܵܐ ܕܙܲܕܝܼܩܵܐ، 
\q1 ܘܕܸܡܵܐ ܙܲܟܵܝܵܐ ܟܹܐ ܥܵܒ݂ܕܝܼ ܚܲܝܵܒ݂ܵܐ. 
\q1  
\v 22 ܐܝܼܢܵܐ ܗܘܹܐ ܠܹܗ ܡܵܪܝܵܐ ܐܸܠܝܼ ܩܲܠܥܵܐ، 
\q1 ܘܐܲܠܵܗ‌ܝܼ ܐܝܼܨܵܪܵܐ ܕܒܹܝܬ ܓܵܘܣܝܼ. 
\q1  
\v 23 ܘܒܸܬ ܡܲܕܸܪ ܥܲܠܵܝܗ‌ܝ ܥܵܘܠܵܝܗ‌ܝ، 
\q1 ܘܓܵܘ ܒܝܼܫܘܼܬܵܝܗ‌ܝ ܒܸܬ ܛܲܠܸܩ ܠܗܘܿܢ، 
\q1 ܒܸܬ ܛܲܠܸܩ ܠܗܘܿܢ ܡܵܪܝܵܐ ܐܲܠܵܗܲܢ. 
\c 95  
\q1  
\v 1 ܬܹܝܡܘܼܢ ܫܲܒܚܲܚ ܠܡܵܪܝܵܐ، 
\q1 ܩܲܘܸܚܲܚ ܠܐܝܼܨܵܪܵܐ ܕܦܘܼܪܩܵܢܲܢ. 
\q1  
\v 2 ܐܵܬܲܚ ܩܲܕܡ ܦܵܬܹܗ ܒܫܲܟܲܪܬܵ‌ܐ، 
\q1 ܩܲܘܸܚܲܚ ܐܸܠܹܗ ܒܙܡܵܪܹ̈ܐ. 
\q1  
\v 3 ܣܵܒܵܒ ܐܲܠܵܗܵܐ ܓܘܼܪܵܐ ܝܠܹܗ ܡܵܪܝܵܐ، 
\q1 ܘܡܲܠܟܵܐ ܓܘܼܪܵܐ ܥܲܠܔ ܟܠܵܝܗ‌ܝ ܐܲܠܵܗܹ̈ܐ. 
\q1  
\v 4 ܗ̇ܘ ܕܒܐܝܼܕܹܗ ܝܢܵܐ ܥܘܼܡܩܹ̈ܐ ܕܐܲܪܥܵܐ، 
\q1 ܘܕܝܼܹܗ ܝܢܵܐ ܪܹ̈ܝܫܹܐ ܕܛܘܼܪ̈ܵܢܹܐ. 
\q1  
\v 5 ܕܝܼܹܗ ܝܠܵܗ̇ ܝܵܡܵܐ ܘܗ̇ܘ ܥܒ݂ܝܼܕܵܐ ܠܹܗ، 
\q1 ܘܐܝܼܕܵܬܘܼ̈ܗ‌ܝ ܓܒ݂ܝܼܠܔ ܠܗܘܿܢ ܒܸܪܙܵܐ. 
\q1  
\v 6 ܬܹܝܡܘܼܢ ܣܵܓ݂ܕܲܚ ܘܟܵܝܦܲܚ، 
\q1 ܒܵܪܟܲܚ ܩܲܕܡ ܡܵܪܝܵܐ ܒܵܪܝܵܢܲܢ. 
\q1  
\v 7 ܣܵܒܵܒ ܗ̇ܘ ܝܼܠܹܗ ܐܲܠܵܗܲܢ، 
\q1 ܘܐܲܚܢܲܢ ܥܲܡܵܐ ܕܡܲܪܥܝܼܬܹܗ ܘܥܸܪ̈ܒܹܐ ܕܓܵܘ ܐܝܼܕܹܗ. 
\q1 ܐܸܕܝܘܿܡ ܐܸܢ ܩܵܠܹܗ ܫܵܡܥܝܼܬܘܿܢ، 
\q1  
\v 8 ܠܵܐ ܡܲܩܫܹܝܬܘܿܢ ܠܸܒܵܘܟ݂ܘܿܢ ܕܵܐܟ݂ܝܼ ܕܓܵܘ ܡܪܝܼܒ݂ܵܐ، 
\q1 ܐܲܝܟ݂ ܝܵܘܡܵܐ ܕܡܲܣܵܐ ܓܵܘ ܒܲܪܝܼܵܐ، 
\q1  
\v 9 ܐܝܼܡܲܢ ܕܓ̰ܘܼܪܒܸܢܗܘܿܢ ܐܲܒ݂ܵܗܵܬܵܘ̈ܟ݂ܘܿܢ، 
\q1 ܨܘܼܚܨܹܐ ܠܗܘܿܢ ܐܸܠܝܼ، ܐܵܦܸܢ ܚܸܙܝܹܐ ܝܗܘܵܘ ܦܘܼܠܚܵܢܝܼ. 
\q1  
\v 10 ܐܲܪܒܥܝܼ ܫܸܢܹ̈ܐ ܣܩܝܼܕ ܠܝܼ ܒܗ̇ܘ ܕܵܪܵܐ، 
\q1 ܘܐܡܝܼܪܝܼ: ܥܲܡܵܐ ܚܵܠܛܵܢܵܐ ܒܠܸܒܵܐ ܝܢܵܐ ܐܵܢܝܼ، 
\q1 ܘܐܵܢܝܼ ܠܵܐ ܝܕܝܼܥ ܠܗܘܿܢ ܐܘܼܪ̈ܚܵܬ‌ܝܼ. 
\q1  
\v 11 ܒܘܼܬ ܐܵܗܵܐ، ܝܡܹܐ ܠܝܼ ܒܟܲܪܒܝܼ، 
\q1 ܕܠܹܐ ܥܵܒ݂ܪܝܼ ܠܢܝܵܚܬ‌ܝܼ. 
\c 96  
\q1  
\v 1 ܙܡܘܿܪܘܼܢ ܠܡܵܪܝܵܐ ܙܡܵܪܬܵ‌ܐ ܚܲܕܬܵ‌ܐ، 
\q1 ܙܡܘܿܪܘܼܢ ܠܡܵܪܝܵܐ ܟܠܵܗ̇ ܐܲܪܥܵܐ. 
\q1  
\v 2 ܙܡܘܿܪܘܼܢ ܠܡܵܪܝܵܐ، ܒܲܪܟ݂ܘܼܢ ܠܫܸܡܹܗ، 
\q1 ܡܲܫܚܸܕܘܼܢ ܦܘܼܪܩܵܢܹܗ ܡ̣ܢ ܝܵܘܡܵܐ ܠܝܵܘܡܵܐ. 
\q1  
\v 3 ܗܲܩܹܝܡܘܼܢ ܓܵܘ ܐܸܡܘܵܬܹ̈‌ܐ ܐܝܼܩܵܪܹܗ، 
\q1 ܓܵܘ ܟܠܵܝܗ‌ܝ ܥܲܡܡܹ̈ܐ ܕܘܼܡܵܪ̈ܘܼܗ‌ܝ. 
\q1  
\v 4 ܣܵܒܵܒ ܓܘܼܪܵܐ ܝܠܹܗ ܡܵܪܝܵܐ ܘܡܫܘܼܒܚܵܐ ܝܠܹܗ ܪܵܒܵܐ، 
\q1 ܣܲܗܡܵܢܵܐ ܝܠܹܗ ܥܲܠܔ ܟܠܵܝܗ‌ܝ ܐܲܠܵܗܹ̈ܐ. 
\q1  
\v 5 ܣܵܒܵܒ ܟܠܵܝܗ‌ܝ ܐܲܠܵܗܹ̈ܐ ܕܥܲܡܡܹ̈ܐ ܨܵܢܲܡܹ̈ܐ ܣܪ̈ܝܼܩܹܐ ܝܢܵܐ، 
\q1 ܐܝܼܢܵܐ ܡܵܪܝܵܐ ܥܒ݂ܝܼܕ ܠܹܗ ܫܡܲܝܵܐ. 
\q1  
\v 6 ܚܸܩܪܵܐ ܘܙܲܗܝܘܼܬܵ‌ܐ ܩܲܕܡܘܼܗ‌ܝ ܝܢܵܐ، 
\q1 ܥܘܼܫܢܵܐ ܘܣܸܩܠܵܐ ܓܵܘ ܡܲܩܕܫܹܗ. 
\q1  
\v 7 ܗܲܒ݂ܠܘܼܢ ܠܡܵܪܝܵܐ، ܝܵܐ ܫܲܪ̈ܒܵܬܹ‌ܐ ܕܥܲܡܡܹ̈ܐ، 
\q1 ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܘܥܘܼܫܢܵܐ. 
\q1  
\v 8 ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܕܫܸܡܹܗ، 
\q1 ܫܩܘܿܠܘܼܢ ܩܘܼܪܒܵܢܵܐ ܘܥܒ݂ܘܿܪܘܼܢ ܠܕܵܪ̈ܵܬܘܼܗ‌ܝ. 
\q1  
\v 9 ܣܓ݂ܘܿܕܘܼܢ ܠܡܵܪܝܵܐ ܒܣܸܩܠܵܐ ܕܩܘܼܕܫܵܐ، 
\q1 ܪܵܓܕܵܐ ܡ̣ܢ ܩܲܕܡܘܼܗ‌ܝ ܟܠܵܗ̇ ܐܲܪܥܵܐ. 
\q1  
\v 10 ܐܡܘܿܪܘܼܢ ܓܵܘ ܐܸܡܘܵܬܹ̈‌ܐ: ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، 
\q1 ܐܘܼܦ ܡܘܼܩܘܝܼܬܵ‌ܐ ܝܠܵܗ̇ ܒܪܝܼܬܵ‌ܐ ܕܠܵܐ ܫܵܥܫܵܐ، 
\q1 ܒܸܬ ܕܵܐܹܢ ܠܥܲܡܡܹ̈ܐ ܒܬܪܘܼܨܘܼܬܵ‌ܐ. 
\q1  
\v 11 ܚܵܕܝܼ ܫܡܲܝܹ̈ܐ ܘܦܵܨܚܵܐ ܐܲܪܥܵܐ، 
\q1 ܒܲܪܒܸܪܵܐ ܝܵܡܵܐ ܘܡܸܠܝܘܼܬܘܼܗ̇. 
\q1  
\v 12 ܦܵܨܚܵܐ ܕܸܫܬܵ‌ܐ ܘܟܠܔ ܕܐܝܼܬ ܓܵܘܘܼܗ̇، 
\q1 ܗ̇ܝܓܵܗ ܒܸܬ ܩܲܘܸܚܝܼ ܟܠܵܝܗ‌ܝ ܐܝܼܠܵܢܹ̈ܐ ܕܡܲܝܫܵܐ 
\q1  
\v 13 ܩܲܕܡ ܡܵܪܝܵܐ؛ ܣܵܒܵܒ ܒܹܐܬܵܝܵܐ ܝܠܹܗ، 
\q1 ܣܵܒܵܒ ܒܹܐܬܵܝܵܐ ܝܠܹܗ ܠܸܕܝܵܢܵܐ ܠܐܲܪܥܵܐ، 
\q1 ܒܸܬ ܕܵܐܹܢ ܠܒܪܝܼܬܵ‌ܐ ܒܙܲܕܝܼܩܘܼܬܵ‌ܐ، 
\q1 ܘܠܥܲܡܡܹ̈ܐ ܒܡܗܘܼܡܢܘܼܬܹܗ. 
\c 97  
\q1  
\v 1 ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، ܦܵܨܚܵܐ ܐܲܪܥܵܐ، 
\q1 ܚܵܕܝܼ ܓܵܙܪ̈ܵܬܹ‌ܐ ܦܸܪ̈ܝܹܐ. 
\q1  
\v 2 ܥܢܵܢܵܐ ܘܚܸܫܟܵܐ ܥܲܡܘܼܩܵܐ ܠܚܵܕܸܪ̈ܘܵܢܘܼܗ‌ܝ، 
\q1 ܙܲܕܝܼܩܘܼܬܵ‌ܐ ܘܕܝܼܘܵܢ ܫܲܬܐܸܣܬܵ‌ܐ ܕܟܘܼܪܣܝܹܗ. 
\q1  
\v 3 ܢܘܼܪܵܐ ܩܲܕܡܘܼܗ‌ܝ ܟܹܐ ܐܵܙܹܠܔ، 
\q1 ܘܟܹܐ ܡܲܩܸܕ ܕܸܫ̃ܡܸܢܘܼ̈ܗ‌ܝ ܒܚܵܕܸܪ̈ܘܵܢܹܐ. 
\q1  
\v 4 ܒܘܼܗܪܸܢܗܘܿܢ ܒܸܪ̈ܩܘܼܗ‌ܝ ܠܒܪܝܼܬܵ‌ܐ، 
\q1 ܚܙܹܐ ܠܵܗ̇ ܘܪܘܼܬܪܸܬ ܠܵܗ̇ ܐܲܪܥܵܐ. 
\q1  
\v 5 ܦܫܝܼܪܗܘܿܢ ܛܘܼܪ̈ܵܢܹܐ ܐܲܝܟ݂ ܫܲܡܲܥ ܡ̣ܢ ܩܲܕܡ ܡܵܪܝܵܐ، 
\q1 ܡ̣ܢ ܩܲܕܡ ܡܵܪܵܐ ܕܟܠܵܗ̇ ܐܲܪܥܵܐ. 
\q1  
\v 6 ܟܹܐ ܡܲܕܥܝܼ ܫܡܲܝܹ̈ܐ ܙܲܕܝܼܩܘܼܬܹܗ، 
\q1 ܘܚܙܹܐ ܠܗܘܿܢ ܟܠܵܝܗ‌ܝ ܥܲܡܡܹ̈ܐ ܐܝܼܩܵܪܹܗ. 
\q1  
\v 7 ܢܵܟ݂ܦܝܼ ܟܠܵܝܗ‌ܝ ܦܵܠܚܵܢܹ̈ܐ ܕܨܲܠܡܹ̈ܐ، 
\q1 ܥܵܒ݂ܕܵܢܹ̈ܐ ܕܫܘܼܒ݂ܗܵܪܵܐ ܒܨܵܢܲܡܹ̈ܐ ܣܪ̈ܝܼܩܹܐ. 
\q1 ܣܓ݂ܘܿܕܘܼܢ ܐܸܠܹܗ ܟܠܵܝܗ‌ܝ ܐܲܠܵܗܹ̈ܐ. 
\q1  
\v 8 ܫܡܝܼܥ ܠܵܗ̇ ܘܚܕܹܐ ܠܵܗ̇ ܨܸܗܝܘܿܢ، 
\q1 ܘܦܨܝܼܚ ܠܗܘܿܢ ܒܢܵܬܹ̈‌ܐ ܕܝܼܗܘܼܕܵܐ، 
\q1 ܒܘܼܬ ܕܝܼܘܵܢܘܼ̈ܟ݂، ܝܵܐ ܡܵܪܝܵܐ. 
\q1  
\v 9 ܣܵܒܵܒ ܐܲܢ݇ܬ، ܝܵܐ ܡܵܪܝܵܐ، ܥܸܠܵܝܵܐ ܝܘܸܬ ܥܲܠܔ ܟܠܵܗ̇ ܐܲܪܥܵܐ، 
\q1 ܦܝܼܫܵܐ ܝܘܸܬ ܡܘܼܪܡܵܐ ܪܵܒܵܐ ܥܲܠܔ ܟܠܵܝܗ‌ܝ ܐܲܠܵܗܹ̈ܐ. 
\q1  
\v 10 ܝܵܐ ܡܲܚܸܒܵܢܹ̈ܐ ܕܡܵܪܝܵܐ، ܣܢܹܝܡܘܼܢ ܠܒܝܼܫܬܵ‌ܐ، 
\q1 ܗ̇ܘ ܟܹܐ ܢܵܛܹܪ ܓܵܢܵܬܹ̈‌ܐ ܕܡܗܘܼܡܢܘܼ̈ܗ‌ܝ، 
\q1 ܟܹܐ ܦܲܨܹܐ ܠܗܘܿܢ ܡ̣ܢ ܐܝܼܕܵܐ ܕܪ̈ܲܫܝܼܥܹܐ. 
\q1  
\v 11 ܒܲܗܪܵܐ ܙܪܝܼܩ ܠܹܗ ܠܙܲܕܝܼܩܵܐ، 
\q1 ܘܠܬܪ̈ܘܼܨܹܐ ܕܠܸܒܵܐ ܚܲܕܘܼܬܵ‌ܐ. 
\q1  
\v 12 ܚܕܹܝܡܘܼܢ، ܝܵܐ ܙܲܕܝܼܩܹ̈ܐ، ܒܡܵܪܝܵܐ، 
\q1 ܘܫܲܟܪܘܼܢ ܠܕܟ݂ܵܪܵܐ ܕܩܘܼܕܫܹܗ. 
\c 98  
\q1  
\v 1 ܙܡܘܿܪܘܼܢ ܠܡܵܪܝܵܐ ܙܡܵܪܬܵ‌ܐ ܚܲܕܬܵ‌ܐ، 
\q1 ܣܵܒܵܒ ܕܘܼܡܵܪܹ̈ܐ ܥܒ݂ܝܼܕ ܠܹܗ، 
\q1 ܥܒ݂ܝܼܕ ܠܵܗ̇ ܦܘܼܪܩܵܢܵܐ ܐܸܠܹܗ ܝܲܡܝܼܢܹܗ ܘܕܪܲܥܢܵܐ ܕܩܘܼܕܫܹܗ. 
\q1  
\v 2 ܡܘܼܕܸܥ ܠܹܗ ܡܵܪܝܵܐ ܦܘܼܪܩܵܢܹܗ، 
\q1 ܩܲܕܡ ܥܲܝ̈ܢܹܐ ܕܐܸܡܘܵܬܹ̈‌ܐ ܓܠܹܐ ܠܹܗ ܙܲܕܝܼܩܘܼܬܹܗ. 
\q1  
\v 3 ܕܟ݂ܝܼܪܹܗ ܛܲܝܒܘܼܬܹܗ ܘܡܗܘܼܡܢܘܼܬܹܗ ܠܒܹܝܬ ܐܝܼܣܪܵܐܹܝܠܔ، 
\q1 ܚܙܹܐ ܠܗܘܿܢ ܟܠܵܝܗ‌ܝ ܡܲܪ̈ܙܵܢܹܐ ܕܐܲܪܥܵܐ ܦܘܼܪܩܵܢܵܐ ܕܐܲܠܵܗܲܢ. 
\q1  
\v 4 ܩܲܘܸܚܘܼܢ ܠܡܵܪܝܵܐ ܟܠܵܗ̇ ܐܲܪܥܵܐ، 
\q1 ܦܨܘܿܚܘܼܢ ܘܫܲܒܚܘܼܢ ܘܙܡܘܿܪܘܼܢ. 
\q1  
\v 5 ܙܡܘܿܪܘܼܢ ܠܡܵܪܝܵܐ ܒܟܸܢܵܪܵܐ، 
\q1 ܒܟܸܢܵܪܵܐ ܘܩܵܠܵܐ ܕܙܡܵܪܵܐ. 
\q1  
\v 6 ܒܢܲܦܝܼܪܹ̈ܐ ܘܩܵܠܵܐ ܕܫܝܼܦܘܿܪܵܐ، 
\q1 ܩܲܘܸܚܘܼܢ ܩܲܕܡ ܡܲܠܟܵܐ ܡܵܪܝܵܐ. 
\q1  
\v 7 ܒܲܪܒܸܪܵܐ ܝܵܡܵܐ ܘܡܸܠܝܘܼܬܘܼܗ̇، 
\q1 ܬܹܒܹܝܠܔ ܘܥܵܡܪ̈ܵܢܹܐ ܕܓܵܘܘܼܗ̇. 
\q1  
\v 8 ܢܲܗܪ̈ܵܘܵܬܹ‌ܐ ܡܵܚܝܼ ܟ̰ܲܦܹ̈ܐ، 
\q1 ܛܘܼܪ̈ܵܢܹܐ ܩܲܘܸܚܝܼ ܥܲܡ ܚܕܵܕܹ̈ܐ 
\q1  
\v 9 ܩܲܕܡ ܡܵܪܝܵܐ، ܣܵܒܵܒ ܒܹܐܬܵܝܵܐ ܝܠܹܗ ܠܸܕܝܵܢܵܐ ܠܐܲܪܥܵܐ، 
\q1 ܒܸܬ ܕܵܐܹܢ ܬܹܒܹܝܠܔ ܒܙܲܕܝܼܩܘܼܬܵ‌ܐ، 
\q1 ܘܠܥܲܡܡܹ̈ܐ ܒܬܪܘܼܨܘܼܬܵ‌ܐ. 
\c 99  
\q1  
\v 1 ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، ܪܵܓܕܝܼ ܥܲܡܡܹ̈ܐ، 
\q1 ܒܸܬܝܵܒ݂ܵܐ ܝܠܹܗ ܒܹܝܠܔ ܟܪ̈ܘܿܒܹܐ، ܪܲܬܪܸܬܵ‌ܐ ܐܲܪܥܵܐ. 
\q1  
\v 2 ܡܵܪܝܵܐ ܓܘܼܪܵܐ ܝܠܹܗ ܒܨܸܗܝܘܿܢ، 
\q1 ܘܪܵܡܵܐ ܥܲܠܔ ܟܠܵܝܗ‌ܝ ܥܲܡܡܹ̈ܐ. 
\q1  
\v 3 ܫܲܟܪܝܼ ܠܫܸܡܘܼܟ݂ ܓܘܼܪܵܐ ܘܣܲܗܡܵܢܵܐ، 
\q1 ܩܲܕܝܼܫܵܐ ܝܠܹܗ ܗ̇ܘ. 
\q1  
\v 4 ܥܘܼܫܢܵܐ ܕܡܲܠܟܵܐ ܟܹܐ ܡܲܚܸܒ ܕܝܼܘܵܢ، 
\q1 ܐܲܢ݇ܬ ܡܘܼܩܘܹܐ ܠܘܼܟ݂ ܬܪܘܼܨܘܼܬܵ‌ܐ، 
\q1 ܕܝܼܘܵܢ ܘܙܲܕܝܼܩܘܼܬܵ‌ܐ ܒܝܲܥܩܘܿܒ݂ ܐܲܢ݇ܬ ܥܒ݂ܝܼܕ ܠܘܼܟ݂. 
\q1  
\v 5 ܡܲܪܡܘܼܢ ܠܡܵܪܝܵܐ ܐܲܠܵܗܲܢ، 
\q1 ܘܣܓ݂ܘܿܕܘܼܢ ܠܟܘܼܒ݂ܫܵܐ ܕܐܲܩܠܵܬܘܼ̈ܗ‌ܝ، 
\q1 ܩܲܕܝܼܫܵܐ ܝܠܹܗ ܗ̇ܘ. 
\q1  
\v 6 ܡܘܼܫܹܐ ܘܐܲܗܪܘܿܢ ܓܵܘ ܟܵܗܢܘܼ̈ܗ‌ܝ، 
\q1 ܘܫܡܘܼܐܹܝܠܔ ܒܩܵܪ̈ܝܵܢܹܐ ܕܫܸܡܹܗ، 
\q1 ܟܹܐ ܩܵܪܝܼ ܗܘܵܘ ܠܡܵܪܝܵܐ، ܘܗ̇ܘ ܟܹܐ ܓ̰ܲܘܸܒ ܗܘܵܐ ܠܗܘܿܢ. 
\q1  
\v 7 ܒܣܛܘܼܢܵܐ ܕܥܢܵܢܵܐ ܟܹܐ ܗܲܡܙܸܡ ܗܘܵܐ ܥܲܡܵܝܗ‌ܝ، 
\q1 ܢܛܝܼܪܗܘܿܢ ܣܵܗܕܘܵܬܘܼ̈ܗ‌ܝ ܘܩܵܢܘܿܢܵܐ ܕܝܘܼܗܒܹܠܔ ܠܹܗ ܐܸܠܵܝܗ‌ܝ. 
\q1  
\v 8 ܝܵܐ ܡܵܪܝܵܐ ܐܲܠܵܗܲܢ، ܐܲܢ݇ܬ ܩܵܡ ܓ̰ܲܘܸܒܸܬ ܠܗܘܿܢ، 
\q1 ܐܲܠܵܗܵܐ ܫܵܒ݂ܩܵܢܵܐ ܗܘܹܐ ܠܘܼܟ݂ ܐܸܠܵܝܗ‌ܝ، 
\q1 ܘܗܸܫ ܫܵܩܠܵܢܵܐ ܕܬܘܼܥܠܵܐ ܥܲܠܔ ܦܘܼܠܚܵܢܵܝ̈ܗ‌ܝ. 
\q1  
\v 9 ܡܲܪܡܘܼܢ ܠܡܵܪܝܵܐ ܐܲܠܵܗܲܢ، 
\q1 ܘܣܓ݂ܘܿܕܘܼܢ ܠܓܹܒܵܐ ܕܛܘܼܪܵܐ ܕܩܘܼܕܫܹܗ، 
\q1 ܣܵܒܵܒ ܩܲܕܝܼܫܵܐ ܝܠܹܗ ܡܵܪܝܵܐ ܐܲܠܵܗܲܢ. 
\c 100  
\s1 ܡܙܡܘܪܐ ܕܫܟܪܬ‌ܐ. 
\q1  
\v 1 ܩܲܘܸܚܘܼܢ ܠܡܵܪܝܵܐ ܟܠܵܗ̇ ܐܲܪܥܵܐ. 
\q1  
\v 2 ܦܠܘܿܚܘܼܢ ܠܡܵܪܝܵܐ ܒܚܲܕܘܼܬܵ‌ܐ، 
\q1 ܥܒ݂ܘܿܪܘܼܢ ܩܲܕܡܘܼܗ‌ܝ ܒܬܸܫܒܘܿܚܬܵ‌ܐ. 
\q1  
\v 3 ܝܕܹܥܡܘܼܢ ܕܡܵܪܝܵܐ ܝܠܹܗ ܐܲܠܵܗܵܐ، 
\q1 ܗ̇ܘ ܩܵܡ ܥܵܒܹܕ ܠܲܢ ܘܠܵܐ ܐܲܚܢܲܢ، 
\q1 ܐܢܵܫܘܼ̈ܗ‌ܝ ܝܘܲܚ ܘܥܸܪ̈ܒܹܐ ܕܡܲܪܥܝܼܬܹܗ. 
\q1  
\v 4 ܥܒ݂ܘܿܪܘܼܢ ܒܕܲܪ̈ܘܵܙܘܼܗ‌ܝ ܒܫܲܟܲܪܬܵ‌ܐ، 
\q1 ܒܕܵܪ̈ܵܬܘܼܗ‌ܝ ܒܫܘܼܒ݂ܚܵܐ، 
\q1 ܫܲܟܪܘܼܢ ܐܸܠܹܗ، ܒܲܪܟ݂ܘܼܢ ܠܫܸܡܹܗ. 
\q1  
\v 5 ܣܵܒܵܒ ܛܵܒ݂ܵܐ ܝܠܹܗ ܡܵܪܝܵܐ، ܠܥܵܠܲܡ ܝܠܵܗ̇ ܛܲܝܒܘܼܬܹܗ، 
\q1 ܘܗܲܠܔ ܕܵܪܵܐ ܘܕܵܪܵܐ ܡܗܘܼܡܢܘܼܬܹܗ. 
\c 101  
\s1 ܡܙܡܘܪܐ ܕܕܘܝܕ. 
\q1  
\v 1 ܒܘܼܬ ܛܲܝܒܘܼܬܵ‌ܐ ܘܕܝܼܘܵܢ ܒܸܬ ܙܵܡܪܹܢ، 
\q1 ܐܸܠܘܼܟ݂، ܝܵܐ ܡܵܪܝܵܐ، ܒܸܬ ܫܲܒܚܸܢ. 
\q1  
\v 2 ܒܸܬ ܐܵܙܹܠ݇ܢ ܒܗܵܘܢܵܐ ܒܐܘܼܪܚܵܐ ܬܲܡܝܼܡܬܵ‌ܐ. 
\q1 ܐܝܼܡܲܢ ܒܸܬ ܐܵܬܹܝܬ ܠܟܸܣܠܝܼ؟ 
\q1 ܒܸܬ ܚܵܕܪܹܢ ܒܬܲܡܝܼܡܘܼܬܵ‌ܐ ܕܠܸܒܝܼ ܒܓܵܘܵܐ ܕܒܲܝܬ‌ܝܼ. 
\q1  
\v 3 ܠܹܐ ܡܲܬܒܸܢ ܩܲܕܡ ܥܲܝܢܝܼ̈ ܡܸܢܕܝܼ ܕܥܵܘܠܵܐ، 
\q1 ܣܢܹܐ ܠܝܼ ܠܥܒ݂ܵܕܵܐ ܕܩܵܠܒܵܢܹ̈ܐ، 
\q1 ܠܹܐ ܕܵܒܹܫ ܒܝܼܝܼ. 
\q1  
\v 4 ܠܸܒܵܐ ܦܟ̰ܝܼܠܵܐ ܒܸܬ ܥܵܒܹܪ ܡܸܢܝܼ، 
\q1 ܒܝܼܫܬܵ‌ܐ ܠܹܐ ܝܵܕܥܹܢ. 
\q1  
\v 5 ܗ̇ܘ ܕܡܵܚܹܐ ܕܲܠܩܘܼܒ݂ܠܔ ܕܚܲܒ݂ܪܹܗ ܒܛܸܫܘܵܐ، ܒܸܬ ܛܲܠܩܸܢ ܐܸܠܹܗ، 
\q1 ܗ̇ܘ ܕܝܼܢܵܐ ܪ̈ܵܡܵܢܹܐ ܥܲܝܢܘܼ̈ܗ‌ܝ ܘܫܲܒ݂ܗܸܪܵܢܵܐ ܠܸܒܹܗ، ܠܹܐ ܡܵܨܹܝܢ ܛܵܥܢܹܢ ܐܸܠܹܗ. 
\q1  
\v 6 ܥܲܝܢܝܼ̈ ܥܲܠܔ ܡܗܘܼܡܢܹ̈ܐ ܕܐܲܪܥܵܐ ܝܢܵܐ ܕܝܵܬܒ݂ܝܼ ܥܲܡܝܼ، 
\q1 ܗ̇ܘ ܕܚܵܕܹܪ ܒܐܘܼܪܚܵܐ ܬܲܡܝܼܡܬܵ‌ܐ، 
\q1 ܗ̇ܘ ܒܸܬ ܥܵܒܹܕ ܚܸܠܡܲܬ ܐܸܠܝܼ. 
\q1  
\v 7 ܠܹܐ ܝܵܬܹܒ݂ ܒܓܵܘܵܐ ܕܒܲܝܬ‌ܝܼ ܥܵܒ݂ܕܵܢܵܐ ܕܦܸܠܡܵܐ، 
\q1 ܗܲܡܙܸܡܵܢܵܐ ܕܕܘܼܓܠܹ̈ܐ ܠܹܐ ܗܵܘܹܐ ܩܸܘܝܵܐ ܩܲܕܡ ܥܲܝܢܝܼ̈. 
\q1  
\v 8 ܨܲܦܪܵܐ ܒܨܲܦܪܵܐ ܒܸܬ ܛܲܠܩܸܢ ܟܠܵܝܗ‌ܝ ܪ̈ܲܫܝܼܥܹܐ ܕܐܲܪܥܵܐ، 
\q1 ܠܸܩܛܵܥܵܐ ܡ̣ܢ ܡܕܝܼܢ݇ܬܵ‌ܐ ܕܡܵܪܝܵܐ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ. 
\c 102  
\s1 ܨܠܘܬ‌ܐ ܕܡܘܠܝܨܐ ܐܝܡܢ ܕܦܐܫ ܕܘܪܕܫ̃ܐ ܘܫܦܟ݂ ܩܕܡ ܡܪܝܐ ܩܒ݂ܠܬܗ. 
\q1  
\v 1 ܝܵܐ ܡܵܪܝܵܐ، ܫܡܹܥ ܨܠܘܿܬ‌ܝܼ، 
\q1 ܘܓܥܵܝܬ‌ܝܼ ܠܟܸܣܠܘܼܟ݂ ܥܵܒ݂ܪܵܐ. 
\q1  
\v 2 ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ ܒܝܵܘܡܵܐ ܕܥܵܝܩܵܐ ܐܸܠܝܼ، 
\q1 ܡܲܟܸܦ ܐܸܠܝܼ ܢܵܬܘܼܟ݂، 
\q1 ܒܝܵܘܡܵܐ ܕܩܵܪܹܝܢ ܡܲܠܝܸܙ ܓ̰ܲܘܸܒ ܠܝܼ. 
\q1  
\v 3 ܣܵܒܵܒ ܬܝܼܡ ܠܗܘܿܢ ܝܵܘܡܵܢܝܼ̈ ܐܲܝܟ݂ ܬܸܢܵܐ، 
\q1 ܘܓܲܪ̈ܡܝܼ ܐܲܝܟ݂ ܝܵܩܕܵܢܵܐ ܝܩܝܼܕ ܠܗܘܿܢ. 
\q1  
\v 4 ܦܝܼܫ ܠܹܗ ܡܸܚܝܵܐ ܠܸܒܝܼ ܐܲܝܟ݂ ܓܸܠܵܐ ܘܒܪܝܼܙ ܠܹܗ، 
\q1 ܗܲܠܔ ܕܡܘܼܢܫܹܐ ܠܝܼ ܠܹܐܟ݂ܵܠܵܐ ܠܲܚܡܝܼ. 
\q1  
\v 5 ܡ̣ܢ ܩܵܠܵܐ ܕܬܲܢܲܚܬ‌ܝܼ، 
\q1 ܫܥܹܐ ܠܹܗ ܓܸܠܕܝܼ ܠܓܲܪ̈ܡܝܼ. 
\q1  
\v 6 ܕܡܹܐ ܠܝܼ ܠܩܵܩܵܐ ܕܒܲܪܝܼܵܐ، 
\q1 ܗܘܹܐ ܠܝܼ ܐܲܝܟ݂ ܩܘܼܦܬܵ‌ܐ ܕܚܵܪ̈ܵܒܹܐ. 
\q1  
\v 7 ܦܝܼܫ ܠܝܼ ܪܥܝܼܫܵܐ؛ 
\q1 ܗܘܹܐ ܠܝܼ ܐܲܝܟ݂ ܛܲܝܪܵܐ ܒܢܲܦ̮ܫܹܗ ܥܲܠܔ ܐܓܵܪܹܐ. 
\q1  
\v 8 ܩܵܡ ܠܵܝܡܝܼ ܠܝܼ ܕܸܫ̃ܡܸܢܝܼ̈ ܟܠܹܗ ܝܵܘܡܵܐ، 
\q1 ܡܲܣܚܸܪ̈ܵܢܝܼ ܡܘܼܦܠܸܚ ܠܗܘܿܢ ܫܸܡܝܼ ܒܠܵܘܛܬܵ‌ܐ. 
\q1  
\v 9 ܣܵܒܵܒ ܩܸܛܡܵܐ ܐܲܝܟ݂ ܠܲܚܡܵܐ ܐܟ݂ܝܼܠܔ ܠܝܼ، 
\q1 ܘܫܬܵܝܬ‌ܝܼ ܒܕܸܡ̈ܥܹܐ ܡܙܝܼܓ݂ ܠܝܼ، 
\q1  
\v 10 ܡ̣ܢ ܥܸܠܬܵ‌ܐ ܕܟܲܪܒܘܼܟ݂ ܘܚܸܡܬܘܼܟ݂، 
\q1 ܒܗ̇ܝ ܕܩܵܡ ܡܲܪܡܹܝܬ ܘܪܲܦܹܝܬ ܠܝܼ. 
\q1  
\v 11 ܝܵܘܡܵܢܝܼ̈ ܐܲܝܟ݂ ܛܸܠܵܢܝܼܬܵ‌ܐ ܒܸܓܢܵܝܵܐ ܝܢܵܐ، 
\q1 ܘܐܵܢܵܐ ܐܲܝܟ݂ ܓܸܠܵܐ ܒܸܒܪܵܙܵܐ ܝܘܸܢ. 
\q1  
\v 12 ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܠܥܵܠܲܡ ܝܬܝܼܒ݂ܵܐ ܝܘܸܬ، 
\q1 ܘܕܟ݂ܵܪܘܼܟ݂ ܠܕܵܪܵܐ ܘܕܵܪܵܐ ܝܠܹܗ. 
\q1  
\v 13 ܐܲܢ݇ܬ ܒܸܬ ܩܵܝܡܹܬ، ܒܸܬ ܪܲܚܡܸܬ ܥܲܠܔ ܨܸܗܝܘܿܢ، 
\q1 ܣܵܒܵܒ ܥܕܵܢܵܐ ܝܠܵܗ̇ ܠܸܥܒ݂ܵܕܵܐ ܚܢܵܢܵܐ ܥܲܠܘܼܗ̇، ܒܗ̇ܝ ܕܐܬܹ‌ܐ ܠܵܗ̇ ܥܕܵܢܵܐ ܪܫܝܼܡܬܵ‌ܐ. 
\q1  
\v 14 ܣܵܒܵܒ ܟܹܐ ܒܵܣܡܵܐ ܠܗܘܿܢ ܪܹ̈ܓܵܘܵܬܘܼܟ݂ ܒܟܹܐܦܘܼ̈ܗ̇. 
\q1 ܘܥܲܠܔ ܥܲܦܪܘܼܗ̇ ܟܹܐ ܥܵܒ݂ܕܝܼ ܚܢܵܢܵܐ. 
\q1  
\v 15 ܘܒܸܬ ܙܵܕܥܝܼ ܐܸܡܘܵܬܹ̈‌ܐ ܡ̣ܢ ܫܸܡܵܐ ܕܡܵܪܝܵܐ، 
\q1 ܘܟܠܵܝܗ‌ܝ ܡܲܠܟܹ̈ܐ ܕܐܲܪܥܵܐ ܡ̣ܢ ܐܝܼܩܵܪܘܼܟ݂. 
\q1  
\v 16 ܣܵܒܵܒ ܒܸܬ ܒܵܢܹܐ ܡܵܪܝܵܐ ܠܨܸܗܝܘܿܢ، 
\q1 ܒܸܬ ܦܵܐܹܫ ܚܸܙܝܵܐ ܒܫܘܼܒ݂ܚܹܗ. 
\q1  
\v 17 ܫܡܝܼܥܵܐ ܠܹܗ ܨܠܘܿܬܵ‌ܐ ܕܡܸܣܟܹܢܹ̈ܐ، 
\q1 ܘܠܵܐ ܡܘܼܣܠܹܐ ܠܹܗ ܠܨܠܘܿܬܵܝܗ‌ܝ. 
\q1  
\v 18 ܒܸܬ ܦܵܝܫܵܐ ܟܬܝܼܒ݂ܬܵ‌ܐ ܐܵܗܵܐ ܠܕܵܪܵܐ ܕܐܵܬܹ‌ܐ، 
\q1 ܘܥܲܡܵܐ ܕܦܵܐܹܫ ܒܸܪܝܵܐ ܒܸܬ ܫܲܒܸܚ ܠܡܵܪܝܵܐ. 
\q1  
\v 19 ܣܵܒܵܒ ܓܘܼܫܸܩ ܠܹܗ ܡ̣ܢ ܡܪܵܘܡܵܐ ܕܩܘܼܕܫܹܗ، 
\q1 ܡܵܪܝܵܐ ܡ̣ܢ ܫܡܲܝܵܐ ܠܐܲܪܥܵܐ ܚܝܼܪܹܗ، 
\q1  
\v 20 ܠܸܫܡܵܥܵܐ ܫܲܦܠܲܦܬܵ‌ܐ ܕܐܲܣܝܼܪܵܐ، 
\q1 ܠܸܫܪܵܝܵܐ ܠܒܢܲܝ̈ ܡܵܘܬܵ‌ܐ، 
\q1  
\v 21 ܕܗܲܩܝܼ ܓܵܘ ܨܸܗܝܘܿܢ ܫܸܡܵܐ ܕܡܵܪܝܵܐ، 
\q1 ܘܬܸܫܒܘܿܚܬܹܗ ܓܵܘ ܐܘܿܪܸܫܠܸܡ، 
\q1  
\v 22 ܐܝܼܡܲܢ ܕܓ̰ܵܡܥܝܼ ܥܲܡܡܹ̈ܐ ܥܲܡ ܚܕܵܕܹ̈ܐ، 
\q1 ܘܡܲܠܟܘܵܬܹ̈‌ܐ، ܠܸܦܠܵܚܵܐ ܠܡܵܪܝܵܐ. 
\q1  
\v 23 ܫܡܝܼܛ ܠܹܗ ܚܲܝܠܝܼ ܒܪܲܗܛܵܐ ܕܚܲܝܝܼ̈، 
\q1 ܡܘܼܟܪܝܼܵܝ ܠܹܗ ܝܵܘܡܵܢܝܼ̈، 
\q1  
\v 24 ܒܸܬ ܐܵܡܪܹܢ، ܝܵܐ ܐܲܠܵܗ‌ܝܼ، ܠܵܐ ܫܵܩܠܹܬ ܠܝܼ ܒܦܲܠܓܵܐ ܕܝܵܘܡܵܢܝܼ̈، 
\q1 ܒܕܵܪܵܐ ܕܕܵܪܹ̈ܐ ܝܢܵܐ ܫܸܢܘܼ̈ܟ݂. 
\q1  
\v 25 ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، ܫܘܼܬܐܸܣܵܐ ܠܘܼܟ݂ ܐܲܪܥܵܐ، 
\q1 ܘܫܡܲܝܹ̈ܐ ܦܘܼܠܚܵܢܵܐ ܕܐܝܼܕܵܬܘܼ̈ܟ݂ ܝܼܢܵܐ، 
\q1  
\v 26 ܐܵܢܝܼ ܒܸܬ ܛܵܠܩܝܼ، ܐܝܼܢܵܐ ܐܲܢ݇ܬ ܦܵܝܫܵܢܵܐ ܝܘܸܬ، 
\q1 ܘܟܠܵܝܗ‌ܝ ܐܲܝܟ݂ ܓ̰ܘܼܠܵܐ ܒܸܬ ܒܵܠܝܼ، 
\q1 ܐܲܝܟ݂ ܠܒ݂ܘܼܫܵܐ ܒܸܬ ܫܲܚܠܸܦܸܬ ܠܗܘܿܢ، ܘܐܵܢܝܼ ܒܸܬ ܦܵܝܫܝܼ ܬܝܼܡܹܐ. 
\q1  
\v 27 ܐܝܼܢܵܐ ܐܲܢ݇ܬ ܗܲܪ ܗ̇ܘ ܝܼܘܸܬ، 
\q1 ܘܫܸܢܘܼ̈ܟ݂ ܠܹܐ ܬܵܝܡܝܼ. 
\q1  
\v 28 ܒܢܘܿܢܹ̈ܐ ܕܪܹ̈ܓܵܘܵܬܘܼܟ݂ ܒܸܬ ܥܵܡܪܝܼ ܒܫܲܝܢܵܐ، 
\q1 ܘܙܲܪܥܵܝܗ‌ܝ ܩܲܕܡܘܼܟ݂ ܒܸܬ ܡܩܲܘܹܐ. 
\c 103  
\s1 ܡܙܡܘܪܐ ܕܕܘܝܕ. 
\q1  
\v 1 ܒܲܪܸܟ݂ܝ، ܝܵܐ ܓܵܢܝܼ، ܠܡܵܪܝܵܐ، 
\q1 ܘܟܠܔ ܕܒܓܵܘܝܼ ܠܫܸܡܵܐ ܕܩܘܼܕܫܹܗ. 
\q1  
\v 2 ܒܲܪܸܟ݂ܝ، ܝܵܐ ܓܵܢܝܼ، ܠܡܵܪܝܵܐ، 
\q1 ܘܠܵܐ ܢܵܫܝܲܬ‌ܝ ܟܠܵܝܗ‌ܝ ܦܘܼܪ̈ܥܵܢܘܼܗ‌ܝ، 
\q1  
\v 3 ܕܟܹܐ ܫܵܒܹܩ ܟܠܹܗ ܥܵܘܠܵܟ݂ܝ، 
\q1 ܕܟܹܐ ܒܲܣܸܡ ܟܠܵܝܗ‌ܝ ܡܲܪ̈ܥܵܟ݂ܝ، 
\q1  
\v 4 ܕܟܹܐ ܦܲܪܸܩ ܡ̣ܢ ܓܘܼܒܵܐ ܚܲܝܵܟ݂ܝ̈، 
\q1 ܕܟܹܐ ܒܲܢܦܸܪܵܟ݂ܝ ܒܛܲܝܒܘܼܬܵ‌ܐ ܘܪ̈ܲܚܡܹܐ، 
\q1  
\v 5 ܕܟܹܐ ܡܲܣܒܸܥ ܒܛܵܒ݂ܬܵ‌ܐ ܚܲܝܘܼܬܵܟ݂ܝ، 
\q1 ܕܦܵܝܫܵܐ ܚܘܼܕܸܬܬܵ‌ܐ ܐܲܝܟ݂ ܢܸܫܪܵܐ ܥܠܲܝܡܘܼܬܵܟ݂ܝ. 
\q1  
\v 6 ܟܹܐ ܥܵܒܹܕ ܦܘܼܠܚܵܢܹ̈ܐ ܕܙܲܕܝܼܩܘܼܬܵ‌ܐ ܡܵܪܝܵܐ، 
\q1 ܘܕܝܼܘܵܢܹ̈ܐ ܠܟܠܵܝܗ‌ܝ ܛܠܝܼܡܹ̈ܐ. 
\q1  
\v 7 ܡܘܼܕܸܥ ܠܹܗ ܐܘܼܪ̈ܚܵܬܘܼܗ‌ܝ ܠܡܘܼܫܹܐ، 
\q1 ܠܒܢܲܝ̈ ܐܝܼܣܪܵܐܹܝܠܔ ܦܘܼܠܚܵܢܘܼ̈ܗ‌ܝ. 
\q1  
\v 8 ܡܪܲܚܡܵܢܵܐ ܝܠܹܗ ܘܚܲܢܵܢܵܐ ܡܵܪܝܵܐ، 
\q1 ܝܲܪܝܼܟ݂ܬܵ‌ܐ ܒܹܐܢܹܗ ܘܦܪܝܼܬܵ‌ܐ ܛܲܝܒܘܼܬܹܗ. 
\q1  
\v 9 ܠܥܵܠܲܡ ܠܹܐ ܕܵܪܹܫ، 
\q1 ܘܠܵܐ ܠܥܵܠܲܡ ܢܵܛܹܪ ܟܲܪܒܹܗ. 
\q1  
\v 10 ܠܵܐ ܐܲܝܟ݂ ܚܛܵܗܲܢ̈ ܥܒ݂ܝܼܕ ܠܹܗ ܐܸܠܲܢ، 
\q1 ܘܠܵܐ ܐܲܝܟ݂ ܥܵܘܠܲܢ̈ ܦܪܝܼܥ ܠܹܗ ܐܸܠܲܢ. 
\q1  
\v 11 ܣܵܒܵܒ ܐܲܝܟ݂ ܕܝܼܠܵܗ̇ ܪܵܡܬܵ‌ܐ ܫܡܲܝܵܐ ܥܲܠܔ ܐܲܪܥܵܐ، 
\q1 ܗܵܕܟ݂ܵܐ ܓܘܼܪܬܵ‌ܐ ܝܠܵܗ̇ ܛܲܝܒܘܼܬܹܗ ܥܲܠܔ ܙܕܝܼܥܘܼ̈ܗ‌ܝ. 
\q1  
\v 12 ܐܲܝܟ݂ ܕܝܼܠܹܗ ܪܸܚܩܵܐ ܡܲܕܢܚܵܐ ܡ̣ܢ ܡܲܥܪܒ݂ܵܐ، 
\q1 ܗܵܕܟ݂ܵܐ ܡܘܼܪܚܸܩ ܠܹܗ ܡܸܢܲܢ ܓܢܵܗܲܢ̈. 
\q1  
\v 13 ܐܲܝܟ݂ ܕܪܲܚܸܡ ܒܵܒܵܐ ܥܲܠܔ ܒܢܘܿܢܘܼ̈ܗ‌ܝ، 
\q1 ܗܵܕܟ݂ܵܐ ܟܹܐ ܪܲܚܸܡ ܡܵܪܝܵܐ ܥܲܠܔ ܙܕܝܼܥܘܼ̈ܗ‌ܝ. 
\q1  
\v 14 ܣܵܒܵܒ ܗ̇ܘ ܟܹܐ ܝܵܕܹܥ ܓܒ݂ܝܼܠܬܲܢ، 
\q1 ܟܹܐ ܕܵܟܹܪ ܕܥܲܦܪܵܐ ܝܘܲܚ ܐܲܚܢܲܢ. 
\q1  
\v 15 ܐܢܵܫܵܐ ܐܲܝܟ݂ ܓܸܠܵܐ ܝܢܵܐ ܝܵܘܡܵܢܘܼ̈ܗ‌ܝ، 
\q1 ܐܲܝܟ݂ ܦܸܩܚܵܐ ܕܕܸܫܬܵ‌ܐ ܗܵܕܟ݂ܵܐ ܟܹܐ ܦܵܩܹܚ، 
\q1  
\v 16 ܐܝܼܡܲܢ ܕܦܵܘܚܵܐ ܟܹܐ ܥܵܒܹܪ ܥܲܠܘܼܗ‌ܝ، ܐܚܹܪܢܵܐ ܠܲܝܬ ܗ̇ܘ، 
\q1 ܘܠܹܐ ܝܵܕܥܵܐ ܠܹܗ ܐܚܹܪܢܵܐ ܕܘܼܟܬܹܗ. 
\q1  
\v 17 ܐܝܼܢܵܐ ܛܲܝܒܘܼܬܵ‌ܐ ܕܡܵܪܝܵܐ ܡ̣ܢ ܥܵܠܲܡ ܝܼܠܵܗ̇ ܘܗܲܠܔ ܥܵܠܲܡ ܥܲܠܔ ܙܕܝܼܥܘܼ̈ܗ‌ܝ، 
\q1 ܘܙܲܕܝܼܩܘܼܬܹܗ ܥܲܠܔ ܒܢܘܿܢܹ̈ܐ ܕܒܢܘܿܢܹ̈ܐ. 
\q1  
\v 18 ܠܢܵܛܪܵܢܵܐ ܕܘܲܥܕܹܗ، 
\q1 ܘܠܕܵܟ݂ܪܵܢܵܐ ܕܦܘܼܩܕܵܢܘܼ̈ܗ‌ܝ ܠܸܥܒ݂ܵܕܵܝ. 
\q1  
\v 19 ܡܵܪܝܵܐ ܒܫܡܲܝܵܐ ܡܘܼܩܘܹܐ ܠܹܗ ܟܘܼܪܣܝܹܗ، 
\q1 ܘܡܲܠܟܘܼܬܹܗ ܟܹܐ ܗܲܟܡܵܐ ܥܲܠܔ ܟܠܔ. 
\q1  
\v 20 ܒܲܪܟ݂ܘܼܢ ܠܡܵܪܝܵܐ، ܝܵܐ ܡܲܠܲܐܟ݂ܘܼ̈ܗ‌ܝ، 
\q1 ܓܲܒܵܪܹ̈ܐ ܕܚܲܝܠܵܐ ܥܵܒ݂ܕܵܢܹ̈ܐ ܕܚܲܒܪܹܗ، 
\q1 ܠܸܫܡܵܥܵܐ ܠܩܵܠܵܐ ܕܚܲܒܪܹܗ. 
\q1  
\v 21 ܒܲܪܟ݂ܘܼܢ ܠܡܵܪܝܵܐ، ܝܵܐ ܟܠܵܝܗ‌ܝ ܚܲܝܠܵܘܵܬܘܼ̈ܗ‌ܝ، 
\q1 ܡܫܲܡܫܵܢܘܼ̈ܗ‌ܝ ܥܵܒ݂ܕܵܢܹ̈ܐ ܕܨܸܒ݂ܝܵܢܹܗ. 
\q1  
\v 22 ܒܲܪܟ݂ܘܼܢ ܠܡܵܪܝܵܐ، ܝܵܐ ܟܠܵܝܗ‌ܝ ܥܒ݂ܵܕܘܼ̈ܗ‌ܝ، 
\q1 ܒܟܠܵܝܗ‌ܝ ܕܘܼܟܵܢܹ̈ܐ ܕܫܘܼܠܛܵܢܹܗ، 
\q1 ܒܲܪܸܟ݂ܝ، ܝܵܐ ܓܵܢܝܼ، ܠܡܵܪܝܵܐ. 
\c 104  
\q1  
\v 1 ܒܲܪܸܟ݂ܝ، ܝܵܐ ܓܵܢܝܼ، ܠܡܵܪܝܵܐ، 
\q1 ܡܵܪܝܵܐ ܐܲܠܵܗ‌ܝܼ ܓܘܼܪܵܐ ܝܘܸܬ ܪܵܒܵܐ، 
\q1 ܙܲܗܝܘܼܬܵ‌ܐ ܘܣܸܩܠܵܐ ܠܒ݂ܝܼܫ ܠܘܼܟ݂. 
\q1  
\v 2 ܟܹܐ ܩܵܛܹܒ݂ ܒܲܗܪܵܐ ܐܲܝܟ݂ ܥܵܒܵܝܬܵ‌ܐ، 
\q1 ܟܹܐ ܡܵܬܹܚ ܫܡܲܝܵܐ ܐܲܝܟ݂ ܣܸܬܪܵܐ. 
\q1  
\v 3 ܟܹܐ ܒܵܢܹܐ ܥܲܠܔ ܡ̈ܝܼܵܐ ܥܸܠܝܼܵܬܘܼ̈ܗ‌ܝ، 
\q1 ܟܹܐ ܥܵܒܹܕ ܥܲܝܒ݂ܵܬܹ̈‌ܐ ܡܲܪܟܲܒ݂ܬܹܗ، 
\q1 ܟܹܐ ܚܵܕܹܪ ܥܲܠܔ ܓܘܼܠܦܵܢܹ̈ܐ ܕܦܵܘܚܵܐ. 
\q1  
\v 4 ܟܹܐ ܥܵܒܹܕ ܡܲܠܲܐܟ݂ܘܼ̈ܗ‌ܝ ܦܵܘܚܹ̈ܐ، 
\q1 ܡܫܲܡܫܵܢܘܼ̈ܗ‌ܝ ܢܘܼܪܵܐ ܠܵܗܝܵܢܵܐ. 
\q1  
\v 5 ܡܘܼܩܘܹܐ ܠܹܗ ܐܲܪܥܵܐ ܥܲܠܔ ܫܲܬܐܸܣܬܘܼܗ̇، 
\q1 ܠܹܐ ܫܵܥܫܵܐ ܠܥܵܠܲܡ ܥܵܠܡܝܼܢ. 
\q1  
\v 6 ܒܬܗܘܿܡܵܐ ܐܲܝܟ݂ ܠܒܼܝܼܫܬܵ‌ܐ ܟܘܼܣܹܐ ܠܘܼܟ݂ ܐܸܠܘܼܗ̇، 
\q1 ܥܲܠܔ ܛܘܼܪ̈ܵܢܹܐ ܟܠܹܐ ܠܗܘܿܢ ܡ̈ܝܼܵܐ. 
\q1  
\v 7 ܡ̣ܢ ܢܓ̰ܵܘܬܘܼܟ݂ ܥܪܝܼܩ ܠܗܘܿܢ، 
\q1 ܡ̣ܢ ܩܵܠܵܐ ܕܪܲܥܡܘܼܟ݂ ܡܘܼܠܝܸܙ ܠܗܘܿܢ ܠܸܥܪܵܩܵܐ. 
\q1  
\v 8 ܐܣܝܼܩ ܠܗܘܿܢ ܛܘܼܪ̈ܵܢܹܐ، ܨܠܹܐ ܠܗܘܿܢ ܪ̈ܵܘܘܿܠܹܐ، 
\q1 ܠܕܘܼܟܵܐ ܕܫܘܼܬܐܸܣ ܠܘܼܟ݂ ܐܸܠܵܝܗ‌ܝ. 
\q1  
\v 9 ܬܚܘܼܡܵܐ ܡܘܼܬܸܒ݂ ܠܘܼܟ݂ ܕܠܵܐ ܥܵܒ݂ܪܝܼ، 
\q1 ܠܵܐ ܕܵܝܪܝܼ ܠܟܲܣܘܼܝܘܼܗ̇ ܐܲܪܥܵܐ. 
\q1  
\v 10 ܟܹܐ ܫܲܕܸܪ ܥܲܝܢܵܬܹ̈‌ܐ ܓܵܘ ܪ̈ܵܘܘܿܠܹܐ، 
\q1 ܒܹܝܠܔ ܛܘܼܪ̈ܵܢܹܐ ܟܹܐ ܓ̰ܵܪܝܼ. 
\q1  
\v 11 ܟܹܐ ܡܲܫܬ‌ܝܼ ܠܟܠܵܝܗ‌ܝ ܗܲܝܘܵܢܹ̈ܐ ܕܕܸܫܬܵ‌ܐ، 
\q1 ܚܡܵܪܹ̈ܐ ܕܒܲܪܝܼܵܐ ܟܹܐ ܡܲܬܪܝܼ ܨܲܗܘܵܝܗ‌ܝ. 
\q1  
\v 12 ܠܟܸܣܠܵܝܗ‌ܝ ܛܲܝܪܹ̈ܐ ܕܫܡܲܝܵܐ ܟܹܐ ܪܵܝܦܝܼ، 
\q1 ܡ̣ܢ ܓܵܘܵܐ ܕܦܲܥܘܵܢܹ̈ܐ ܟܹܐ ܡܲܪܡܝܼ ܩܵܠܵܐ. 
\q1  
\v 13 ܟܹܐ ܡܲܫܬܹ‌ܐ ܛܘܼܪ̈ܵܢܹܐ ܡ̣ܢ ܥܸܠܝܼܵܬܘܼ̈ܗ‌ܝ، 
\q1 ܡ̣ܢ ܛܥܘܼܢܝܵܬܹ̈‌ܐ ܕܦܘܼܠܚܵܢܘܼ̈ܟ݂ ܒܸܬ ܣܵܒ݂ܥܵܐ ܐܲܪܥܵܐ. 
\q1  
\v 14 ܟܹܐ ܡܲܓ̰ܝܸܢ ܓܸܠܵܐ ܩܵܐ ܪܸܣܩܵܐ، 
\q1 ܘܝܲܪܩܵܐ ܩܵܐ ܡܲܦܠܲܚܬܵ‌ܐ ܕܒܲܪܢܵܫܵܐ، 
\q1 ܘܠܦܲܠܘܼܛܹܐ ܬܘܼܪܣܵܝܵܐ ܡ̣ܢ ܐܲܪܥܵܐ، 
\q1  
\v 15 ܘܚܲܡܪܵܐ ܕܟܹܐ ܡܲܚܕܹܐ ܠܸܒܵܐ ܕܐܢܵܫܵܐ، 
\q1 ܡܸܫܚܵܐ ܠܡܲܒܪܘܼܩܹܐ ܦܵܬܘܵܬܹ̈‌ܐ، 
\q1 ܘܠܲܚܡܵܐ ܕܟܹܐ ܣܵܢܹܕ ܠܸܒܵܐ ܕܐܢܵܫܵܐ. 
\q1  
\v 16 ܟܹܐ ܣܵܒ݂ܥܝܼ ܐܝܼܠܵܢܹ̈ܐ ܕܡܵܪܝܵܐ، 
\q1 ܐܲܪ̈ܙܹܐ ܕܠܸܒ݂ܢܵܢ ܕܢܨܝܼܒ݂ ܠܹܗ، 
\q1  
\v 17 ܕܬܵܡܵܐ ܛܲܝܪܹ̈ܐ ܟܹܐ ܬܲܪܨܝܼ ܩܸܢܵܬܹ̈‌ܐ، 
\q1 ܠܲܩܠܵܩ ܒܲܝܬܘܼܗ̇ ܒܫܲܪ̈ܘܲܝܢܹܐ. 
\q1  
\v 18 ܛܘܼܪ̈ܵܢܹܐ ܪ̈ܵܡܹܐ ܩܵܐ ܕܲܝܨܹ̈ܐ، 
\q1 ܩܵܝܹ̈ܐ ܣܸܬܵܪܵܐ ܠܝܲܪ̈ܒܘܼܥܹܐ. 
\q1  
\v 19 ܥܒ݂ܝܼܕ ܠܹܗ ܣܲܗܪܵܐ ܠܘܲܥܕܹ̈ܐ، 
\q1 ܫܸܡܫܵܐ ܟܹܐ ܝܵܕܹܥ ܓܢܵܝܬܹܗ. 
\q1  
\v 20 ܟܹܐ ܡܲܬܒܸܬ ܚܸܫܟܵܐ ܘܟܹܐ ܗܵܘܹܐ ܠܲܝܠܹܐ، 
\q1 ܒܓܵܘܹܗ ܟܹܐ ܚܵܕܪܝܼ ܗܲܝܘܵܢܹ̈ܐ ܕܡܲܝܫܵܐ. 
\q1  
\v 21 ܓܘܼܪ̈ܝܹܐ ܕܐܲܪ̈ܝܹܐ ܟܹܐ ܓܲܪܓܸܡܝܼ ܥܲܠܔ ܨܲܝܕܵܝܗ‌ܝ، 
\q1 ܠܸܛܠܵܒܵܐ ܡ̣ܢ ܐܲܠܵܗܵܐ ܡܹܐܟ݂ܘܼܠܬܵܝܗ‌ܝ. 
\q1  
\v 22 ܒܙܪܵܩܵܐ ܕܫܸܡܫܵܐ ܟܹܐ ܓ̰ܵܡܥܝܼ، 
\q1 ܘܓܵܘ ܒܹܝܬ ܡܲܥܡܪܵܝܗ‌ܝ ܟܹܐ ܕܵܡܟ݂ܝܼ. 
\q1  
\v 23 ܟܹܐ ܦܵܠܹܛ ܒܲܪܢܵܫܵܐ ܠܫܘܼܠܹܗ، 
\q1 ܘܠܦܘܼܠܚܵܢܹܗ ܗܲܠܔ ܪܲܡܫܵܐ. 
\q1  
\v 24 ܟܡܵܐ ܪܵܒܵܐ ܝܢܵܐ ܥܒ݂ܵܕܘܼ̈ܟ݂، ܝܵܐ ܡܵܪܝܵܐ، 
\q1 ܟܠܵܝܗ‌ܝ ܒܚܸܟ݂ܡܬܵ‌ܐ ܥܒ݂ܝܼܕ ܠܘܼܟ݂، 
\q1 ܡܠܹܐ ܠܵܗ̇ ܐܲܪܥܵܐ ܡ̣ܢ ܥܘܼܬܪܘܼܟ݂. 
\q1  
\v 25 ܐܵܗܵܐ ܝܵܡܵܐ ܓܘܼܪܬܵ‌ܐ ܘܪܘܝܼܚܬܵ‌ܐ، 
\q1 ܬܵܡܵܐ ܐܝܼܬ ܪ̈ܲܚܫܹܐ ܕܠܵܐ ܡܸܢܝܵܢܵܐ، 
\q1 ܚܲܝܘܵܬܹ̈‌ܐ ܙܥܘܿܪܹ̈ܐ ܥܲܡ ܓܘܼܪܹ̈ܐ. 
\q1  
\v 26 ܬܵܡܵܐ ܓܵܡܝܼܹ̈ܐ ܟܹܐ ܚܵܕܪܝܼ، 
\q1 ܘܠܹܘܝܵܬܵܢ ܕܒܪܹܐ ܠܘܼܟ݂ ܠܛܲܐܘܼܠܹܐ ܓܵܘܘܼܗ̇. 
\q1  
\v 27 ܟܠܵܝܗ‌ܝ ܐܸܠܘܼܟ݂ ܟܹܐ ܣܵܒܪܝܼ، 
\q1 ܠܝܼܵܗܒ݂ܵܐ ܡܹܐܟ݂ܘܼܠܬܵܝܗ‌ܝ ܒܥܕܵܢܘܼܗ̇. 
\q1  
\v 28 ܟܹܐ ܝܵܗܒܹܬ ܐܸܠܵܝܗ‌ܝ، ܟܹܐ ܟܲܦܫܝܼ، 
\q1 ܟܹܐ ܦܵܬܚܹܬ ܐܝܼܕܘܼܟ݂، ܟܹܐ ܣܵܒ݂ܥܝܼ ܒܛܵܒ݂ܬܵ‌ܐ. 
\q1  
\v 29 ܟܹܐ ܛܲܫܹܝܬ ܦܵܬܘܼܟ݂، ܟܹܐ ܦܵܝܫܝܼ ܫܓ݂ܝܼܫܹܐ، 
\q1 ܟܹܐ ܫܵܩܠܹܬ ܪܘܼܚܵܝܗ‌ܝ، ܟܹܐ ܦܵܝܫܝܼ ܛܠܝܼܩܹܐ، 
\q1 ܘܠܥܲܦܪܵܝܗ‌ܝ ܟܹܐ ܕܵܝܪܝܼ. 
\q1  
\v 30 ܟܹܐ ܫܲܕܪܸܬ ܪܘܼܚܘܼܟ݂، ܟܹܐ ܦܵܝܫܝܼ ܒܸܪܝܹܐ، 
\q1 ܘܟܹܐ ܚܲܕܸܬܸܬ ܦܵܬܵ‌ܐ ܕܐܲܪܥܵܐ. 
\q1  
\v 31 ܗܵܘܹܐ ܚܸܩܪܵܐ ܕܡܵܪܝܵܐ ܠܥܵܠܲܡ، 
\q1 ܚܵܕܹܐ ܡܵܪܝܵܐ ܒܦܘܼܠܚܵܢܘܼ̈ܗ‌ܝ. 
\q1  
\v 32 ܟܹܐ ܚܵܐܹܪ ܒܐܲܪܥܵܐ ܘܟܹܐ ܪܲܬܪܸܬܵ‌ܐ، 
\q1 ܟܹܐ ܕܵܩܹܪ ܒܛܘܼܪ̈ܵܢܹܐ ܘܟܹܐ ܬܲܢܬܸܢܝܼ. 
\q1  
\v 33 ܒܸܬ ܫܲܒܚܸܢ ܠܡܵܪܝܵܐ ܒܚܲܝܝܼ̈، 
\q1 ܒܸܬ ܙܵܡܪܹܢ ܠܐܲܠܵܗ‌ܝܼ ܟܡܵܐ ܕܝܼܘܸܢ. 
\q1  
\v 34 ܗܵܘܝܵܐ ܒܲܣܝܼܡܬܵ‌ܐ ܐܸܠܹܗ ܗܲܓܲܝܬ‌ܝܼ، 
\q1 ܐܵܢܵܐ ܒܸܬ ܚܵܕܹܝܢ ܒܡܵܪܝܵܐ. 
\q1  
\v 35 ܬܵܝܡܝܼ ܚܲܛܵܝܹ̈ܐ ܡ̣ܢ ܦܵܬܵ‌ܐ ܕܐܲܪܥܵܐ، 
\q1 ܘܪ̈ܲܫܝܼܥܹܐ ܐܚܹܪܢܵܐ ܠܵܐ ܗܵܘܝܼ. 
\q1 ܒܲܪܸܟ݂ܝ، ܝܵܐ ܓܵܢܝܼ، ܠܡܵܪܝܵܐ. 
\q1 ܗܲܠܸܠܘܼܝܵܐ 
\c 105  
\q1  
\v 1 ܫܲܟܪܘܼܢ ܠܡܵܪܝܵܐ، ܩܪܹܝܡܘܼܢ ܒܫܸܡܹܗ، 
\q1 ܡܲܕܸܥܡܘܼܢ ܓܵܘ ܥܲܡܡܹ̈ܐ ܥܒ݂ܵܕܘܼ̈ܗ‌ܝ. 
\q1  
\v 2 ܫܲܒܚܘܼܢ ܐܸܠܹܗ، ܙܡܘܿܪܘܼܢ ܐܸܠܹܗ، 
\q1 ܗܲܓܹܝܡܘܼܢ ܟܠܵܝܗ‌ܝ ܕܘܼܡܵܪ̈ܘܼܗ‌ܝ. 
\q1  
\v 3 ܫܲܒܚܘܼܢ ܒܫܸܡܵܐ ܕܩܘܼܕܫܹܗ، 
\q1 ܚܵܕܹܐ ܠܸܒܵܐ ܕܛܵܥܝܵܢܹ̈ܐ ܠܡܵܪܝܵܐ. 
\q1  
\v 4 ܒܥܹܝܡܘܼܢ ܠܡܵܪܝܵܐ ܘܠܥܘܼܫܢܹܗ، 
\q1 ܛܥܹܝܡܘܼܢ ܠܦܵܬܹܗ ܐܲܡܝܼܢܵܐܝܼܬ. 
\q1  
\v 5 ܕܟ݂ܘܿܪܘܼܢ ܕܘܼܡܵܪ̈ܘܼܗ‌ܝ ܕܥܒ݂ܝܼܕ ܠܹܗ، 
\q1 ܢܝܼܫܲܢܩܘܼ̈ܗ‌ܝ ܘܕܝܼܘܵܢܹ̈ܐ ܕܦܘܼܡܹܗ. 
\q1  
\v 6 ܝܵܐ ܙܲܪܥܵܐ ܕܐܲܒ݂ܪܵܗܵܡ ܪܹܓܹܗ، 
\q1 ܝܵܐ ܒܢܲܝ̈ ܝܲܥܩܘܿܒ݂ ܓܘܼܒܝܘܼ̈ܗ‌ܝ. 
\q1  
\v 7 ܗ̇ܘ ܝܼܠܹܗ ܡܵܪܝܵܐ ܐܲܠܵܗܲܢ، 
\q1 ܒܟܠܵܝܗ‌ܝ ܐܲܪܥܵܐ ܕܝܼܘܵܢܘܼ̈ܗ‌ܝ. 
\q1  
\v 8 ܕܟ݂ܝܼܪܹܗ ܠܥܵܠܲܡ ܘܲܥܕܹܗ، 
\q1 ܚܲܒܪܵܐ ܕܦܩܝܼܕ ܠܹܗ ܠܐܲܠܦܵܐ ܕܵܪܹ̈ܐ، 
\q1  
\v 9 ܘܲܥܕܵܐ ܕܩܛܝܼܥ ܠܹܗ ܥܲܡ ܐܲܒ݂ܪܵܗܵܡ، 
\q1 ܘܡܵܘܡܝܼܬܹܗ ܠܐܝܼܣܚܵܩ، 
\q1  
\v 10 ܘܡܘܼܩܘܹܐ ܠܹܗ ܘܲܥܕܹܗ ܠܝܲܥܩܘܿܒ݂ ܠܩܵܢܘܿܢܵܐ، 
\q1 ܠܐܝܼܣܪܵܐܹܝܠܔ ܘܲܥܕܵܐ ܕܥܵܠܲܡ، 
\q1  
\v 11 ܒܹܐܡܵܪܵܐ: ”ܐܸܠܘܼܟ݂ ܒܸܬ ܝܵܗܒܹܢ ܐܲܪܥܵܐ ܕܟܢܲܥܢ، 
\q1 ܣܵܗܡܵܐ ܕܝܵܪܬܘܼܬܵܘܟ݂ܘܿܢ.“ 
\q1  
\v 12 ܟܲܕ ܝܼܗܘܵܘ ܒܵܨܘܿܪܹ̈ܐ ܒܡܸܢܝܵܢܵܐ، 
\q1 ܪܵܒܵܐ ܒܵܨܘܿܪܹ̈ܐ، ܘܡܵܫܵܚܲܛܹ̈ܐ ܓܵܘܘܼܗ̇، 
\q1  
\v 13 ܗܘܹܐ ܠܗܘܿܢ ܒܸܚܕܵܪܵܐ ܡ̣ܢ ܐܘܼܡܬܵ‌ܐ ܠܐܘܼܡܬܵ‌ܐ، 
\q1 ܡ̣ܢ ܡܲܠܟܘܼܬܵ‌ܐ ܠܥܲܡܵܐ ܐܚܹܪܢܵܐ. 
\q1  
\v 14 ܠܵܐ ܫܒ݂ܝܼܩ ܠܹܗ ܕܐܢܵܫܵܐ ܕܙܵܠܹܡ ܥܲܠܵܝܗ‌ܝ، 
\q1 ܘܡܘܼܢܟܸܣ ܠܹܗ ܡܲܠܟܹ̈ܐ ܒܘܼܬ ܕܝܼܵܝܗ‌ܝ. 
\q1  
\v 15 ܐܡܝܼܪܹܗ: ”ܠܵܐ ܕܵܩܪܝܼܬܘܿܢ ܒܡܫܝܼܚܝܼ̈، 
\q1 ܘܠܢܒ݂ܝܼܝܼ̈ ܠܵܐ ܥܵܒ݂ܕܝܼܬܘܿܢ ܒܝܼܫܬܵ‌ܐ.“ 
\q1  
\v 16 ܘܩܪܹܐ ܠܹܗ ܟܸܦܢܵܐ ܥܲܠܔ ܐܲܪܥܵܐ، 
\q1 ܟܠܔ ܕܵܘܪܵܢܵܐ ܕܠܲܚܡܵܐ ܬܒ݂ܝܼܪܹܗ. 
\q1  
\v 17 ܫܘܼܕܸܪܹܗ ܩܲܕܡܵܝܗ‌ܝ ܐܢܵܫܵܐ، 
\q1 ܠܪܹܓܘܼܬܵ‌ܐ ܦܝܼܫ ܠܹܗ ܙܘܼܒܢܵܐ ܝܵܘܣܸܦ. 
\q1  
\v 18 ܡܘܼܠܝܸܨ ܠܗܘܿܢ ܠܐܲܩܠܵܬܘܼ̈ܗ‌ܝ ܒܩܵܘܕܹ̈ܐ، 
\q1 ܒܬܵܘܩܵܐ ܕܦܪܸܙܠܵܐ ܥܒ݂ܝܼܪܹܗ ܩܕܵܠܹܗ. 
\q1  
\v 19 ܗܲܠܔ ܙܲܒ݂ܢܵܐ ܕܦܝܼܫ ܠܹܗ ܬܘܼܡܸܡܵܐ ܚܲܒܪܹܗ، 
\q1 ܡܹܐܡܪܵܐ ܕܡܵܪܝܵܐ ܩܵܡ ܨܲܪܸܦ ܠܹܗ. 
\q1  
\v 20 ܫܘܼܕܸܪܹܗ ܡܲܠܟܵܐ ܘܩܵܡ ܫܵܪܹܐ ܠܹܗ، 
\q1 ܫܲܠܝܼܛܵܐ ܕܥܲܡܡܹ̈ܐ ܩܵܡ ܥܵܒܹܕ ܠܹܗ ܚܹܐܪܵܐ. 
\q1  
\v 21 ܩܵܡ ܡܲܬܸܒ݂ ܠܹܗ ܡܵܪܵܐ ܠܒܲܝܬܹܗ، 
\q1 ܘܫܲܠܝܼܛܵܐ ܥܲܠܔ ܟܠܹܗ ܥܘܼܬܪܹܗ، 
\q1  
\v 22 ܠܹܐܣܵܪܵܐ ܓܘܼܪ̈ܵܢܘܼܗ‌ܝ ܒܨܸܒ݂ܝܵܢܹܗ، 
\q1 ܘܠܚܘܵܪ̈ܕܸܩܢܘܼܗ‌ܝ ܡܲܠܸܦ ܚܸܟ݂ܡܬܵ‌ܐ. 
\q1  
\v 23 ܥܒ݂ܝܼܪܹܗ ܐܝܼܣܪܵܐܹܝܠܔ ܠܡܸܨܪܹܝܢ، 
\q1 ܘܝܲܥܩܘܿܒ݂ ܡܘܼܫܚܸܛ ܠܹܗ ܒܐܲܪܥܵܐ ܕܚܵܡ. 
\q1  
\v 24 ܘܡܘܼܦܪܹܐ ܠܹܗ ܠܥܲܡܹܗ ܪܵܒܵܐ، 
\q1 ܘܩܵܡ ܥܵܒܹܕ ܠܹܗ ܒܘܼܫ ܥܲܫܝܼܢܵܐ ܡ̣ܢ ܕܸܫ̃ܡܸܢܘܼ̈ܗ‌ܝ. 
\q1  
\v 25 ܡܘܼܕܸܪܹܗ ܠܸܒܵܝܗ‌ܝ ܠܸܣܢܵܝܵܐ ܠܥܲܡܹܗ، 
\q1 ܠܸܥܒ݂ܵܕܵܐ ܦܸܠܡܵܐ ܒܪܹ̈ܓܵܘܵܬܘܼܗ‌ܝ. 
\q1  
\v 26 ܫܘܼܕܸܪܹܗ ܠܡܘܼܫܹܐ ܪܹܓܹܗ، 
\q1 ܘܠܐܲܗܪܘܿܢ ܕܓܘܼܒܹܐ ܠܹܗ. 
\q1  
\v 27 ܐܵܢܝܼ ܥܒ݂ܝܼܕ ܠܗܘܿܢ ܓܵܘܵܝܗ‌ܝ ܫܘܼܠܹ̈ܐ ܕܢܝܼܫܲܢܩܘܼ̈ܗ‌ܝ، 
\q1 ܘܕܘܼܡܵܪܹ̈ܐ ܒܐܲܪܥܵܐ ܕܚܵܡ. 
\q1  
\v 28 ܫܘܼܕܸܪܹܗ ܚܸܫܟܵܐ ܘܚܘܼܫܟܸܢܵܐ ܠܹܗ، 
\q1 ܘܠܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܥܲܠܔ ܗܹܡܸܙܡܵܢܘܼ̈ܗ‌ܝ. 
\q1  
\v 29 ܡܘܼܚܕܸܪܹܗ ܡܝܼܵܝ̈ܗ‌ܝ ܠܕܸܡܵܐ، 
\q1 ܘܡܘܼܡܝܸܬ ܠܹܗ ܠܢܘܼܢܵܝ̈ܗ‌ܝ. 
\q1  
\v 30 ܡܠܹܐ ܠܵܗ̇ ܐܲܪܥܵܐ ܦܸܩܵܩܹ̈ܐ، 
\q1 ܐܘܼܦ ܓܵܘ ܬܵܘܵܢܹ̈ܐ ܕܡܲܠܟܵܝ̈ܗ‌ܝ. 
\q1  
\v 31 ܐܡܝܼܪܹܗ ܘܐܬܹ‌ܐ ܠܵܗ̇ ܕܸܒܘܼܪܬܵ‌ܐ، 
\q1 ܘܩܲܠܡܵܐ ܓܵܘ ܟܠܹܗ ܬܚܘܼܡܵܝܗ‌ܝ. 
\q1  
\v 32 ܥܒ݂ܝܼܕ ܠܹܗ ܡܸܛܪ̈ܵܝܗ‌ܝ ܒܲܪܕܵܐ، 
\q1 ܘܢܘܼܪܵܐ ܠܵܗܝܵܢܵܐ ܒܐܲܪܥܵܐ، 
\q1  
\v 33 ܘܡܚܹܐ ܠܹܗ ܓܸܦܝܵܬܵܝ̈ܗ‌ܝ ܘܬܹܐܢܵܝ̈ܗ‌ܝ، 
\q1 ܘܬܒ݂ܝܼܪܹܗ ܐܝܼܠܵܢܹ̈ܐ ܕܬܚܘܼܡܵܝܗ‌ܝ. 
\q1  
\v 34 ܐܡܝܼܪܹܗ ܘܐܬܹ‌ܐ ܠܹܗ ܩܲܡܨܵܐ، 
\q1 ܘܙܵܚܠܵܐ ܒܠܵܐ ܡܸܢܝܵܢܵܐ، 
\q1  
\v 35 ܘܐܟ݂ܝܼܠܔ ܠܹܗ ܟܠܔ ܓܸܠܵܐ ܒܐܲܪܥܵܝܗ‌ܝ، 
\q1 ܘܐܟ݂ܝܼܠܔ ܠܹܗ ܛܥܘܼܢܝܵܬܹ̈‌ܐ ܕܐܲܪܥܵܝܗ‌ܝ. 
\q1  
\v 36 ܡܚܹܐ ܠܹܗ ܟܠܔ ܒܘܼܟ݂ܪܵܐ ܒܐܲܪܥܵܝܗ‌ܝ، 
\q1 ܪܹܝܫܝܼܬܵ‌ܐ ܕܟܠܹܗ ܥܘܼܫܢܵܝܗ‌ܝ. 
\q1  
\v 37 ܗ̇ܝܓܵܗ ܦܘܼܠܸܛ ܠܹܗ ܠܥܲܡܹܗ ܒܣܹܐܡܵܐ ܘܒܕܲܗܒ݂ܵܐ، 
\q1 ܘܠܲܝܬ ܗܘܵܐ ܒܫܲܒ݂ܛܘܼ̈ܗ‌ܝ ܬܲܪܩܸܠܵܢܵܐ. 
\q1  
\v 38 ܚܕܹܐ ܠܵܗ̇ ܡܸܨܪܹܝܢ ܒܦܠܵܛܬܵܝܗ‌ܝ، 
\q1 ܣܵܒܵܒ ܢܦܝܼܠܔ ܠܵܗ̇ ܙܕܘܼܥܬܵܝܗ‌ܝ ܥܲܠܵܝܗ‌ܝ. 
\q1  
\v 39 ܦܪܝܼܣ ܠܹܗ ܥܢܵܢܵܐ ܠܟܲܣܲܝܬܵ‌ܐ، 
\q1 ܘܢܘܼܪܵܐ ܠܒܲܗܪܘܼܢܹܐ ܒܠܲܝܠܹܐ. 
\q1  
\v 40 ܛܠܝܼܒ ܠܗܘܿܢ ܘܡܘܼܝܬܹ‌ܐ ܠܹܗ ܩܘܼܦܫܝܼܢܹ̈ܐ، 
\q1 ܘܒܠܲܚܡܵܐ ܕܫܡܲܝܵܐ ܡܘܼܣܒܸܥܵܝ ܠܹܗ. 
\q1  
\v 41 ܦܬܝܼܚ ܠܹܗ ܐܝܼܨܵܪܵܐ ܘܓ̰ܪܹܐ ܠܗܘܿܢ ܡ̈ܝܼܵܐ، 
\q1 ܐܙܝܼܠܔ ܠܗܘܿܢ ܐܲܝܟ݂ ܢܲܗܪܵܐ ܒܐܲܪ̈ܥܵܬܹ‌ܐ ܨܹܗܝܹ̈ܐ. 
\q1  
\v 42 ܣܵܒܵܒ ܕܟ݂ܝܼܪܹܗ ܠܚܲܒܪܵܐ ܕܩܘܼܕܫܹܗ 
\q1 ܠܐܲܒ݂ܪܵܗܵܡ ܪܹܓܹܗ، 
\q1  
\v 43 ܦܘܼܠܸܛ ܠܹܗ ܠܥܲܡܹܗ ܒܚܲܕܘܼܬܵ‌ܐ، 
\q1 ܠܓܘܼܒܝܘܼ̈ܗ‌ܝ ܒܩܲܘܲܚܬܵ‌ܐ. 
\q1  
\v 44 ܘܝܘܼܗܒܹܠܔ ܠܹܗ ܐܸܠܵܝܗ‌ܝ ܐܲܪ̈ܥܵܬܹ‌ܐ ܕܐܸܡܘܵܬܹ̈‌ܐ، 
\q1 ܘܥܲܡܠܵܐ ܕܥܲܡܡܹ̈ܐ ܝܪܝܼܬ ܠܗܘܿܢ، 
\q1  
\v 45 ܩܵܐ ܕܢܵܛܪܝܼ ܩܵܢܘܿܢܘܼ̈ܗ‌ܝ، 
\q1 ܘܚܲܡܝܼ ܢܵܡܘܿܣܹܗ. ܗܲܠܸܠܘܼܝܵܐ 
\c 106  
\s1 ܗܠܠܘܝܐ. 
\q1  
\v 1 ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 2 ܡܵܢܝܼ ܝܠܹܗ ܕܗܲܡܙܸܡ ܥܲܠܔ ܓܲܒܵܪ̈ܘܼܝܵܬܹ‌ܐ ܕܡܵܪܝܵܐ، 
\q1 ܝܲܢ ܡܲܫܡܸܥ ܟܠܵܗ̇ ܬܸܫܒܘܿܚܬܹܗ؟ 
\q1  
\v 3 ܛܘܼܒ݂ܵܐ ܠܢܵܛܪ̈ܵܢܹܐ ܕܕܝܼܘܵܢ، 
\q1 ܥܵܒ݂ܕܵܢܹ̈ܐ ܕܙܲܕܝܼܩܘܼܬܵ‌ܐ ܒܟܠܔ ܙܲܒ݂ܢܵܐ. 
\q1  
\v 4 ܕܟ݂ܘܿܪܝܼ، ܝܵܐ ܡܵܪܝܵܐ، ܐܝܼܡܲܢ ܕܡܲܚܙܹܝܬ ܒܘܼܣܵܡܵܐ ܠܥܲܡܘܼܟ݂، 
\q1 ܣܲܚܒܸܪܝܼ ܒܦܘܼܪܩܵܢܘܼܟ݂، 
\q1  
\v 5 ܩܵܐ ܕܚܵܙܹܝܢ ܛܵܒ݂ܬܵ‌ܐ ܕܓܘܼܒܝܘܼ̈ܟ݂، 
\q1 ܩܵܐ ܕܚܵܕܹܝܢ ܒܚܲܕܘܼܬܵ‌ܐ ܕܐܘܼܡܬܘܼܟ݂، 
\q1 ܩܵܐ ܕܫܲܒܚܸܢ ܥܲܡ ܝܵܪܬܘܼܬܘܼܟ݂. 
\q1  
\v 6 ܚܛܹܐ ܠܲܢ ܥܲܡ ܐܲܒ݂ܵܗܵܬܲܢ̈، 
\q1 ܥܒ݂ܝܼܕ ܠܲܢ ܥܵܘܠܵܐ، ܥܒ݂ܝܼܕ ܠܲܢ ܒܝܼܫܬܵ‌ܐ. 
\q1  
\v 7 ܐܲܒ݂ܵܗܵܬܲܢ̈ ܓܵܘ ܡܸܨܪܹܝܢ ܠܵܐ ܦܘܼܪܡܹܐ ܠܗܘܿܢ ܥܲܓ̰ܝܼܒܘܼܝܵܬܘܼ̈ܟ݂، 
\q1 ܠܵܐ ܕܟ݂ܝܼܪܗܘܿܢ ܠܦܸܪܝܘܼܬܵ‌ܐ ܕܛܲܝܒܘܵܬܘܼ̈ܟ݂، 
\q1 ܐܸܠܵܐ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܠܟܸܣ ܝܵܡܵܐ، ܝܵܡܵܐ ܕܣܘܿܦ. 
\q1  
\v 8 ܐܝܼܢܵܐ ܦܘܼܪܩܵܝ ܠܹܗ ܒܘܼܬ ܫܸܡܹܗ، 
\q1 ܠܡܲܕܘܼܥܹܐ ܓܲܒܵܪܘܼܬܹܗ. 
\q1  
\v 9 ܘܢܓ̰ܝܼܘ ܠܹܗ ܒܝܵܡܵܐ ܕܣܘܿܦ ܘܒܪܝܼܙ ܠܵܗ̇، 
\q1 ܘܡܘܼܚܕܸܪܵܝ ܠܹܗ ܓܵܘ ܥܘܼܡܩܹ̈ܐ ܐܲܝܟ݂ ܕܐܸܢ ܓܵܘ ܒܲܪܝܼܵܐ. 
\q1  
\v 10 ܘܦܘܼܪܩܵܝ ܠܹܗ ܡ̣ܢ ܐܝܼܕܵܐ ܕܣܵܢܝܵܢܵܐ، 
\q1 ܘܦܘܼܨܝܵܝ ܠܹܗ ܡ̣ܢ ܐܝܼܕܵܐ ܕܕܸܫ̃ܡܸܢ. 
\q1  
\v 11 ܘܟܘܼܣܹܐ ܠܗܘܿܢ ܡ̈ܝܼܵܐ ܠܡܲܠܝܸܨܵܢܵܝ̈ܗ‌ܝ، 
\q1 ܚܲܕ ܡܸܢܵܝܗ‌ܝ ܠܵܐ ܦܝܼܫ ܠܹܗ ܫܒ݂ܝܼܩܵܐ. 
\q1  
\v 12 ܘܗܘܼܡܸܢܗܘܿܢ ܒܗܹܡܸܙܡܵܢܘܼ̈ܗ‌ܝ، 
\q1 ܙܡܝܼܪܗܘܿܢ ܬܸܫܒܘܿܚܬܹܗ. 
\q1  
\v 13 ܓ̰ܲܠܕܹܐ ܢܫܹܐ ܠܗܘܿܢ ܦܘܼܠܚܵܢܘܼ̈ܗ‌ܝ، 
\q1 ܠܵܐ ܣܦܝܼܪܗܘܿܢ ܠܡܸܠܟܹܗ. 
\q1  
\v 14 ܘܫܘܼܗܘܸܬ ܠܗܘܿܢ ܫܲܗܘܲܬܬܵ‌ܐ ܓܵܘ ܒܲܪܝܼܵܐ، 
\q1 ܓ̰ܘܼܪܸܒ ܠܗܘܿܢ ܠܐܲܠܵܗܵܐ ܓܵܘ ܡܲܕܒܪܵܐ. 
\q1  
\v 15 ܘܝܘܼܗܒܹܠܔ ܠܹܗ ܐܸܠܵܝܗ‌ܝ ܛܠܵܒܬܵܝܗ‌ܝ، 
\q1 ܐܝܼܢܵܐ ܫܘܼܕܸܪܹܗ ܒܲܓܝܼܪܘܼܬܵ‌ܐ ܒܓܵܢܵܝܗ‌ܝ. 
\q1  
\v 16 ܘܒܘܼܚܸܠܔ ܠܗܘܿܢ ܒܡܘܼܫܹܐ ܓܵܘ ܡܲܫܪܝܼܬܵ‌ܐ، 
\q1 ܘܒܐܲܗܪܘܿܢ ܩܲܕܝܼܫܵܐ ܕܡܵܪܝܵܐ. 
\q1  
\v 17 ܦܬܝܼܚ ܠܵܗ̇ ܐܲܪܥܵܐ ܘܒܠܝܼܥ ܠܵܗ̇ ܠܕܵܬܵܢ، 
\q1 ܘܟܘܼܣܹܐ ܠܵܗ̇ ܥܲܠܔ ܟܸܢܫܵܐ ܕܐܲܒ݂ܝܼܪܵܡ. 
\q1  
\v 18 ܘܛܦܹܐ ܠܹܗ ܢܘܼܪܵܐ ܓܵܘ ܟܸܢܫܵܝܗ‌ܝ، 
\q1 ܠܵܗܵܐ ܠܒ݂ܝܼܟ݂ ܠܹܗ ܒܒܝܼܫܹ̈ܐ. 
\q1  
\v 19 ܬܘܼܪܸܨ ܠܗܘܿܢ ܡܘܼܓ̰ܵܐ ܓܵܘ ܚܘܿܪܝܼܒ݂، 
\q1 ܘܣܓ݂ܝܼܕ ܠܗܘܿܢ ܠܨܲܠܡܵܐ ܪܸܡܝܵܐ. 
\q1  
\v 20 ܘܡܘܼܚܠܸܦ ܠܗܘܿܢ ܚܸܩܪܵܝܗ‌ܝ 
\q1 ܒܕܘܼܡܝܵܐ ܕܬܵܘܪܵܐ ܐܵܟ݂ܠܵܢܵܐ ܕܓܸܠܵܐ. 
\q1  
\v 21 ܢܫܹܐ ܠܗܘܿܢ ܠܐܲܠܵܗܵܐ ܦܵܪܘܿܩܵܝܗ‌ܝ، 
\q1 ܥܵܒ݂ܕܵܢܵܐ ܕܫܘܼܠܵܢܹ̈ܐ ܓܘܼܪܹ̈ܐ ܓܵܘ ܡܸܨܪܹܝܢ، 
\q1  
\v 22 ܥܲܓ̰ܝܼܒܘܼܝܵܬܹ̈‌ܐ ܓܵܘ ܐܲܪܥܵܐ ܕܚܵܡ، 
\q1 ܣܲܗܡܵܢܘܼܝܵܬܹ̈‌ܐ ܒܝܵܡܵܐ ܕܣܘܿܦ. 
\q1  
\v 23 ܒܘܼܬ ܐܵܗܵܐ ܐܡܝܼܪܹܗ ܕܒܸܬ ܛܲܠܸܩ ܠܗܘܿܢ، 
\q1 ܐܸܢ ܠܵܐ ܟܵܠܹܐ ܗܘܵܐ ܡܘܼܫܹܐ ܓܘܼܒܝܹܗ ܒܬܪܵܥܬܵ‌ܐ ܩܲܕܡܘܼܗ‌ܝ، 
\q1 ܠܡܲܕܘܼܪܹܐ ܚܸܡܬܹܗ ܡ̣ܢ ܡܲܚܪܘܼܒܹܐ. 
\q1  
\v 24 ܘܡܘܼܣܠܹܐ ܠܗܘܿܢ ܠܐܲܪܥܵܐ ܫܘܼܗܘܸܬܬܵ‌ܐ، 
\q1 ܠܵܐ ܗܘܼܡܸܢܗܘܿܢ ܠܚܲܒܪܹܗ. 
\q1  
\v 25 ܘܛܘܼܪܛܸܡ ܠܗܘܿܢ ܓܵܘ ܡܲܫܟܢܵܝ̈ܗ‌ܝ، 
\q1 ܠܵܐ ܫܡܝܼܥ ܠܗܘܿܢ ܠܩܵܠܵܐ ܕܡܵܪܝܵܐ. 
\q1  
\v 26 ܘܡܘܼܪܸܡ ܠܹܗ ܐܝܼܕܹܗ ܥܲܠܵܝܗ‌ܝ، 
\q1 ܠܡܲܢܦܘܼܠܵܝ ܓܵܘ ܒܲܪܝܼܵܐ. 
\q1  
\v 27 ܘܠܡܲܢܦܘܼܠܹܐ ܙܲܪܥܵܝܗ‌ܝ ܓܵܘ ܐܸܡܘܵܬܹ̈‌ܐ، 
\q1 ܘܠܒܲܪܒܘܼܙܵܝ ܓܵܘ ܐܲܪ̈ܥܵܬܹ‌ܐ. 
\q1  
\v 28 ܘܬܒܝܼܥ ܠܗܘܿܢ ܠܒܥܸܠܔ ܦܥܘܿܪ، 
\q1 ܘܐܟ݂ܝܼܠܔ ܠܗܘܿܢ ܕܸܒ݂ܚܹ̈ܐ ܡܘܼܩܪܸܒܹܐ ܠܡܝܼ̈ܬܹ‌ܐ. 
\q1  
\v 29 ܘܡܘܼܟܪܸܒ ܠܗܘܿܢ ܐܸܠܹܗ ܒܥܒ݂ܵܕܵܝ̈ܗ‌ܝ، 
\q1 ܘܬܪܝܼܥ ܠܵܗ̇ ܒܝܼܵܝܗ‌ܝ ܡܚܘܿܬܵ‌ܐ. 
\q1  
\v 30 ܩܝܼܡ ܠܹܗ ܦܝܼܢܚܸܣ ܘܥܒ݂ܝܼܕ ܠܹܗ ܡܸܨܥܵܝܘܼܬܵ‌ܐ، 
\q1 ܘܦܝܼܫ ܠܵܗ̇ ܡܘܼܟܠܝܼܬܵ‌ܐ ܡܚܘܿܬܵ‌ܐ. 
\q1  
\v 31 ܘܦܝܼܫ ܠܵܗ̇ ܚܘܼܫܒܸܢܬܵ‌ܐ ܐܸܠܹܗ ܠܙܲܕܝܼܩܘܼܬܵ‌ܐ 
\q1 ܠܕܵܪܵܐ ܘܕܵܪܵܐ ܗܲܠܔ ܥܵܠܲܡ. 
\q1  
\v 32 ܘܩܵܡ ܡܲܟܪܸܒܝܼ ܠܹܗ ܥܲܠܔ ܡ̈ܝܼܵܐ ܕܡܪܝܼܒ݂ܵܐ، 
\q1 ܘܗܘܹܐ ܠܵܗ̇ ܣܪܝܼܬܵ‌ܐ ܠܡܘܼܫܹܐ ܡܥܸܠܬܵܝܗ‌ܝ، 
\q1  
\v 33 ܣܵܒܵܒ ܡܘܼܟܪܸܒ ܠܗܘܿܢ ܠܪܘܼܚܹܗ، 
\q1 ܘܒܘܼܠܒܸܠܔ ܠܹܗ ܒܣܸܦܘܵܬܘܼ̈ܗ‌ܝ. 
\q1  
\v 34 ܠܵܐ ܛܘܼܠܸܩ ܠܗܘܿܢ ܠܥܲܡܡܹ̈ܐ، 
\q1 ܐܲܝܟ݂ ܕܐܡܝܼܪܹܗ ܡܵܪܝܵܐ ܐܸܠܵܝܗ‌ܝ. 
\q1  
\v 35 ܐܝܼܢܵܐ ܚܒ݂ܝܼܛ ܠܗܘܿܢ ܒܐܸܡܘܵܬܹ̈‌ܐ، 
\q1 ܘܝܠܝܼܦ ܠܗܘܿܢ ܦܘܼܠܚܵܢܵܝ̈ܗ‌ܝ. 
\q1  
\v 36 ܦܠܝܼܚ ܠܗܘܿܢ ܠܨܵܢܲܡܵܝ̈ܗ‌ܝ 
\q1 ܘܗܘܹܐ ܠܗܘܿܢ ܐܸܠܵܝܗ‌ܝ ܠܢܸܫܒ݂ܵܐ. 
\q1  
\v 37 ܘܕܒ݂ܝܼܚ ܠܗܘܿܢ ܒܢܘܿܢܵܝ̈ܗ‌ܝ ܘܒܢܵܬܵܝ̈ܗ‌ܝ ܠܫܹܐܕܹ̈ܐ. 
\q1  
\v 38 ܫܘܼܦܸܟ݂ ܠܗܘܿܢ ܕܸܡܵܐ ܙܲܟܵܝܵܐ، ܕܸܡܵܐ ܕܒܢܘܿܢܵܝ̈ܗ‌ܝ ܘܕܒܢܵܬܵܝ̈ܗ‌ܝ، 
\q1 ܐܲܝܢܝܼ ܕܕܒ݂ܝܼܚ ܠܗܘܿܢ ܠܨܵܢܲܡܹ̈ܐ ܕܟܢܲܥܢ، 
\q1 ܘܦܝܼܫ ܠܵܗ̇ ܟ̰ܘܼܦܠܸܢܬܵ‌ܐ ܐܲܪܥܵܐ ܒܕܸܡܹ̈ܐ. 
\q1  
\v 39 ܗܘܹܐ ܠܗܘܿܢ ܛܲܡܐܹ̈ܐ ܒܦܘܼܠܚܵܢܵܝ̈ܗ‌ܝ، 
\q1 ܘܙܢܹܐ ܠܗܘܿܢ ܒܥܒ݂ܵܕܵܝ̈ܗ‌ܝ. 
\q1  
\v 40 ܒܘܼܬ ܐܵܗܵܐ ܚܝܼܡ ܠܵܗ̇ ܟܲܪܒܵܐ ܕܡܵܪܝܵܐ ܥܲܠܔ ܥܲܡܹܗ، 
\q1 ܘܓܘܼܢܓܸܙ ܠܹܗ ܡ̣ܢ ܝܵܪܬܘܼܬܹܗ. 
\q1  
\v 41 ܣܘܼܦܝܵܝ ܠܹܗ ܒܐܝܼܕܵܐ ܕܐܸܡܘܵܬܹ̈‌ܐ، 
\q1 ܘܗܘܼܟܸܡ ܠܗܘܿܢ ܥܲܠܵܝܗ‌ܝ ܣܵܢܝܵܢܵܝ̈ܗ‌ܝ. 
\q1  
\v 42 ܡܘܼܠܝܸܨܵܝ ܠܗܘܿܢ ܕܸܫ̃ܡܸܢܵܝ̈ܗ‌ܝ، 
\q1 ܘܦܝܼܫ ܠܗܘܿܢ ܙܘܼܒܛܸܢܹܐ ܬܚܘܿܬ ܐܝܼܕܵܝܗ‌ܝ. 
\q1  
\v 43 ܪܵܒܵܐ ܓܵܗܹ̈ܐ ܦܘܼܨܝܵܝ ܠܹܗ، 
\q1 ܐܝܼܢܵܐ ܐܵܢܝܼ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܒܚܘܼܫܵܒ݂ܵܝ̈ܗ‌ܝ، 
\q1 ܘܦܝܼܫ ܠܗܘܿܢ ܡܘܼܟܸܦܹܐ ܒܥܵܘܠܵܝ̈ܗ‌ܝ. 
\q1  
\v 44 ܐܝܼܢܵܐ ܚܙܹܐ ܠܹܗ ܐܘܼܠܨܵܢܵܝܗ‌ܝ، 
\q1 ܐܝܼܡܲܢ ܕܫܡܝܼܥ ܠܹܗ ܠܓܥܵܝܬܵܝܗ‌ܝ، 
\q1  
\v 45 ܘܒܘܼܬ ܕܝܼܵܝܗ‌ܝ ܕܟ݂ܝܼܪܹܗ ܘܲܥܕܹܗ، 
\q1 ܘܦܫܝܼܡ ܠܹܗ ܐܲܝܟ݂ ܦܸܪܝܘܼܬܵ‌ܐ ܕܛܲܝܒܘܼܬܹܗ. 
\q1  
\v 46 ܘܝܘܼܗܒܹܠܔ ܠܹܗ ܐܸܠܵܝܗ‌ܝ ܪ̈ܲܚܡܹܐ، 
\q1 ܩܲܕܡ ܟܠܵܝܗ‌ܝ ܠܲܒܠܵܢܵܝ̈ܗ‌ܝ ܠܐܲܣܝܼܪܘܼܬܵ‌ܐ. 
\q1  
\v 47 ܦܲܪܸܩ ܠܲܢ، ܝܵܐ ܡܵܪܝܵܐ ܐܲܠܵܗܲܢ، 
\q1 ܘܓ̰ܲܡܸܥ ܠܲܢ ܡ̣ܢ ܐܸܡܘܵܬܹ̈‌ܐ، 
\q1 ܕܫܲܟܪܲܚ ܠܫܸܡܵܐ ܕܩܘܼܕܫܘܼܟ݂، 
\q1 ܕܫܲܒܚܲܚ ܒܬܸܫܒܘܿܚܬܘܼܟ݂. 
\q1  
\v 48 ܒܪܝܼܟ݂ܵܐ ܝܠܹܗ ܡܵܪܝܵܐ ܐܲܠܵܗܵܐ ܕܐܝܼܣܪܵܐܹܝܠܔ، 
\q1 ܡ̣ܢ ܥܵܠܲܡ ܘܗܲܠܔ ܥܵܠܲܡ، 
\q1 ܘܐܵܡܹܪ ܟܠܹܗ ܥܲܡܵܐ ܐܵܡܹܝܢ. 
\q1 ܗܲܠܸܠܘܼܝܵܐ 
\c 107  
\ms1 ܣܸܦܪܵܐ ܚܡܝܼܫܵܝܵܐ 
\mr ܡܙܡܘܪ̈ܐ 107‏‐150 
\q1  
\v 1 ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 2 ܫܒ݂ܘܿܩ ܐܵܡܪܝܼ ܦܪ̈ܝܼܩܹܐ ܕܡܵܪܝܵܐ، 
\q1 ܕܦܘܼܪܩܵܝ ܠܹܗ ܡ̣ܢ ܐܝܼܕܵܐ ܕܡܲܠܝܸܨܵܢܵܐ، 
\q1  
\v 3 ܘܡ̣ܢ ܐܲܪ̈ܥܵܬܹ‌ܐ ܓ̰ܘܼܡܥܵܝ ܠܹܗ، 
\q1 ܡ̣ܢ ܡܲܕܢܚܵܐ ܘܡ̣ܢ ܡܲܥܪܒ݂ܵܐ، 
\q1 ܡ̣ܢ ܓܲܪܒܝܵܐ ܘܡ̣ܢ ܬܲܝܡܢܵܐ. 
\q1  
\v 4 ܚܕܝܼܪܗܘܿܢ ܓܵܘ ܒܲܪܝܼܵܐ، ܒܐܘܼܪܚܵܐ ܚܵܪܵܒܵܐ، 
\q1 ܠܵܐ ܡܘܼܫ݇ܟ̰ܸܚ ܠܗܘܿܢ ܡܕܝܼܢ݇ܬܵ‌ܐ ܕܥܡܵܪܵܐ. 
\q1  
\v 5 ܟܦܝܼܢܹ̈ܐ ܐܘܼܦ ܨܹܗܝܹ̈ܐ، 
\q1 ܓܵܢܵܝܗ‌ܝ ܕܘܼܪܕܸܫ̃ ܠܵܗ̇ ܒܓܵܘܵܝܗ‌ܝ. 
\q1  
\v 6 ܗ̇ܝܓܵܗ ܡܘܼܩܘܸܚ ܠܗܘܿܢ ܠܡܵܪܝܵܐ ܟܲܕ ܥܝܼܩ ܠܵܗ̇ ܐܸܠܵܝܗ‌ܝ، 
\q1 ܘܡ̣ܢ ܐܘܼܠܨܵܢܵܝ̈ܗ‌ܝ ܦܘܼܨܝܵܝ ܠܹܗ. 
\q1  
\v 7 ܘܠܘܼܒܠܵܝ ܠܹܗ ܒܐܘܼܪܚܵܐ ܬܪܘܼܨܬܵ‌ܐ، 
\q1 ܠܹܐܙܵܠܵܐ ܠܡܕܝܼܢ݇ܬܵ‌ܐ ܕܥܡܵܪܵܐ. 
\q1  
\v 8 ܫܒ݂ܘܿܩ ܫܲܟܪܝܼ ܠܡܵܪܝܵܐ ܒܘܼܬ ܛܲܝܒܘܼܬܹܗ، 
\q1 ܘܒܘܼܬ ܕܘܼܡܵܪ̈ܘܼܗ‌ܝ ܠܒܢܲܝ̈ܢܵܫܵܐ. 
\q1  
\v 9 ܣܵܒܵܒ ܟܹܐ ܡܲܣܒܸܥ ܓܵܢܵܐ ܨܗܝܼܬܵ‌ܐ، 
\q1 ܘܟܹܐ ܡܵܠܹܐ ܛܵܒ݂ܬܵ‌ܐ ܠܓܵܢܵܐ ܟܦܝܼܢܬܵ‌ܐ. 
\q1  
\v 10 ܐܚܹܪ̈ܢܹܐ ܝܬܝܼܒ݂ ܠܗܘܿܢ ܒܚܸܫܟܵܐ ܘܒܛܸܠܵܢܝܼܬܵ‌ܐ ܕܡܵܘܬܵ‌ܐ، 
\q1 ܐܲܣܝܼܪܹ̈ܐ ܒܐܘܼܠܨܵܢܵܐ ܘܒܦܪܸ̈ܙܠܹܐ، 
\q1  
\v 11 ܣܵܒܵܒ ܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ ܥܲܠܔ ܗܹܡܸܙܡܵܢܹ̈ܐ ܕܐܲܠܵܗܵܐ، 
\q1 ܘܡܸܠܟܵܐ ܕܥܸܠܵܝܵܐ ܡܘܼܣܠܹܐ ܠܗܘܿܢ. 
\q1  
\v 12 ܒܘܼܬ ܐܵܗܵܐ، ܡܘܼܟܸܦ ܠܹܗ ܒܥܲܡܠܵܐ ܠܸܒܵܝܗ‌ܝ، 
\q1 ܬܘܼܪܩܸܠܔ ܠܗܘܿܢ ܘܠܲܝܬ ܗܘܵܐ ܗܲܝܸܪܵܢܵܐ. 
\q1  
\v 13 ܗ̇ܝܓܵܗ ܡܘܼܩܘܸܚ ܠܗܘܿܢ ܠܡܵܪܝܵܐ ܟܲܕ ܥܝܼܩ ܠܵܗ̇ ܐܸܠܵܝܗ‌ܝ، 
\q1 ܘܡ̣ܢ ܐܘܼܠܨܵܢܵܝ̈ܗ‌ܝ ܦܘܼܪܩܵܝ ܠܹܗ. 
\q1  
\v 14 ܦܘܼܠܛܵܝ ܠܹܗ ܡ̣ܢ ܚܸܫܟܵܐ ܘܛܸܠܵܢܝܼܬܵ‌ܐ ܕܡܵܘܬܵ‌ܐ، 
\q1 ܘܩܛܝܼܥ ܠܹܗ ܐܸܣܘܼܪ̈ܵܝܗ‌ܝ. 
\q1  
\v 15 ܫܒ݂ܘܿܩ ܫܲܟܪܝܼ ܠܡܵܪܝܵܐ ܒܘܼܬ ܛܲܝܒܘܼܬܹܗ، 
\q1 ܘܒܘܼܬ ܕܘܼܡܵܪ̈ܘܼܗ‌ܝ ܠܒܢܲܝ̈ܢܵܫܵܐ. 
\q1  
\v 16 ܣܵܒܵܒ ܬܒ݂ܝܼܪܹܗ ܬܲܪ̈ܥܵܢܹܐ ܕܢܚܵܫܵܐ، 
\q1 ܘܢܣܝܼܪܹܗ ܕܵܒ݂ܪܹ̈ܐ ܕܦܪܸܙܠܵܐ. 
\q1  
\v 17 ܣܲܟ݂ܠܹ̈ܐ ܡ̣ܢ ܐܘܼܪܚܵܐ ܕܓܢܵܗܵܝܗ‌ܝ، 
\q1 ܦܝܼܫ ܠܗܘܿܢ ܡܘܼܠܝܸܨܹܐ ܡ̣ܢ ܥܸܠܬܵ‌ܐ ܕܥܵܘܠܵܝܗ‌ܝ. 
\q1  
\v 18 ܡ̣ܢ ܟܠܔ ܡܹܐܟ݂ܘܼܠܬܵ‌ܐ ܓܘܼܢܓܸܙ ܠܵܗ̇ ܓܵܢܵܝܗ‌ܝ، 
\q1 ܘܩܘܼܪܒܸܢܗܘܿܢ ܗܲܠܔ ܬܲܪ̈ܥܵܢܹܐ ܕܡܵܘܬܵ‌ܐ. 
\q1  
\v 19 ܗ̇ܝܓܵܗ ܡܘܼܩܘܸܚ ܠܗܘܿܢ ܠܡܵܪܝܵܐ ܟܲܕ ܥܝܼܩ ܠܵܗ̇ ܐܸܠܵܝܗ‌ܝ، 
\q1 ܘܡ̣ܢ ܐܘܼܠܨܵܢܵܝ̈ܗ‌ܝ ܦܘܼܪܩܵܝ ܠܹܗ. 
\q1  
\v 20 ܫܘܼܕܸܪܹܗ ܚܲܒܪܹܗ ܘܒܘܼܣܡܵܝ ܠܹܗ، 
\q1 ܘܦܘܼܨܝܵܝ ܠܹܗ ܡ̣ܢ ܚܪ̈ܵܒ݂ܵܝܗ‌ܝ. 
\q1  
\v 21 ܫܒ݂ܘܿܩ ܫܲܟܪܝܼ ܠܡܵܪܝܵܐ ܒܘܼܬ ܛܲܝܒܘܼܬܹܗ، 
\q1 ܘܒܘܼܬ ܕܘܼܡܵܪ̈ܘܼܗ‌ܝ ܠܒܢܲܝ̈ܢܵܫܵܐ. 
\q1  
\v 22 ܘܕܵܒ݂ܚܝܼ ܕܸܒ݂ܚܵܐ ܕܫܲܟܲܪܬܵ‌ܐ، 
\q1 ܘܗܲܩܝܼ ܒܘܼܬ ܦܘܼܠܚܵܢܘܼ̈ܗ‌ܝ ܒܩܲܘܲܚܬܵ‌ܐ. 
\q1  
\v 23 ܨܵܠܝܵܢܹ̈ܐ ܕܝܵܡܵܐ ܒܓܵܡܝܼܹ̈ܐ، 
\q1 ܬܲܓܵܪܹ̈ܐ ܒܡ̈ܝܼܵܐ ܪ̈ܘܝܼܚܹܐ. 
\q1  
\v 24 ܐܵܢܝܼ ܚܙܹܐ ܠܗܘܿܢ ܦܘܼܠܚܵܢܹ̈ܐ ܕܡܵܪܝܵܐ، 
\q1 ܘܕܘܼܡܵܪ̈ܘܼܗ‌ܝ ܒܥܘܼܡܩܹ̈ܐ. 
\q1  
\v 25 ܐܡܝܼܪܹܗ ܘܡܘܼܩܸܡ ܠܹܗ ܦܵܘܚܵܐ ܕܥܲܠܥܵܠܵܐ، 
\q1 ܘܦܝܼܫ ܠܗܘܿܢ ܡܘܼܪܡܹܐ ܠܲܦܹ̈ܐ ܕܝܵܡܵܐ. 
\q1  
\v 26 ܐܣܝܼܩ ܠܗܘܿܢ ܠܫܡܲܝܵܐ ܘܨܠܹܐ ܠܗܘܿܢ ܠܬܗܘܿܡܹ̈ܐ، 
\q1 ܦܫܝܼܪܵܗ̇ ܓܵܢܵܝܗ‌ܝ ܒܣܸܪܝܘܼܬܵ‌ܐ. 
\q1  
\v 27 ܦܘܼܢܦܸܠܔ ܠܗܘܿܢ ܘܫܥܝܼܫ ܠܗܘܿܢ ܐܲܝܟ݂ ܪ̈ܵܘܵܝܹܐ، 
\q1 ܘܟܠܵܗ̇ ܚܸܟ݂ܡܬܵܝܗ‌ܝ ܦܝܼܫ ܠܵܗ̇ ܒܠܝܼܥܬܵ‌ܐ. 
\q1  
\v 28 ܗ̇ܝܓܵܗ ܡܘܼܩܘܸܚ ܠܗܘܿܢ ܠܡܵܪܝܵܐ ܟܲܕ ܥܝܼܩ ܠܵܗ̇ ܐܸܠܵܝܗ‌ܝ، 
\q1 ܘܡ̣ܢ ܐܘܼܠܨܵܢܵܝ̈ܗ‌ܝ ܩܵܡ ܦܲܠܸܛ ܠܗܘܿܢ. 
\q1  
\v 29 ܡܘܼܫܬܸܩ ܠܹܗ ܠܥܲܠܥܵܠܵܐ، 
\q1 ܘܗܘܹܐ ܠܗܘܿܢ ܫܸܠܝܹܐ ܠܲܦܹ̈ܐ. 
\q1  
\v 30 ܘܚܕܹܐ ܠܗܘܿܢ ܟܲܕ ܫܬܝܼܩ ܠܵܗ̇، 
\q1 ܘܡܕܘܼܒܪܵܝ ܠܹܗ ܠܠܡܹܐܢܵܐ ܕܨܸܒ݂ܝܵܢܵܝܗ‌ܝ. 
\q1  
\v 31 ܫܒ݂ܘܿܩ ܫܲܟܪܝܼ ܠܡܵܪܝܵܐ ܒܘܼܬ ܛܲܝܒܘܼܬܹܗ، 
\q1 ܘܒܘܼܬ ܕܘܼܡܵܪ̈ܘܼܗ‌ܝ ܠܒܢܲܝ̈ܢܵܫܵܐ. 
\q1  
\v 32 ܘܡܲܪܡܝܼ ܠܹܗ ܒܟܸܢܫܵܐ ܕܥܲܡܵܐ، 
\q1 ܘܓܵܘ ܡܵܘܬܒ݂ܵܐ ܕܚܘܵܪ̈ܕܸܩܢܹܐ ܚܵܩܪܝܼ ܠܹܗ. 
\q1  
\v 33 ܟܹܐ ܡܲܚܕܸܪ ܢܲܗܪ̈ܵܘܵܬܹ‌ܐ ܠܒܲܪܝܼܵܐ، 
\q1 ܘܡܲܒܘܼܥܹ̈ܐ ܕܡ̈ܝܼܵܐ ܠܐܲܪܥܵܐ ܨܗܝܼܬܵ‌ܐ، 
\q1  
\v 34 ܘܐܲܪܥܵܐ ܕܛܥܘܼܢܝܵܬܹ̈‌ܐ ܠܐܲܪܥܵܐ ܡܸܠܚܵܢܬܵ‌ܐ، 
\q1 ܡ̣ܢ ܥܸܠܬܵ‌ܐ ܕܒܝܼܫܘܼܬܵ‌ܐ ܕܝܵܬܒ݂ܵܢܹ̈ܐ ܕܓܵܘܘܼܗ̇. 
\q1  
\v 35 ܟܹܐ ܡܲܚܕܸܪ ܒܲܪܝܼܵܐ ܠܒܸܪ̈ܟܹܐ ܕܡ̈ܝܼܵܐ، 
\q1 ܘܐܲܪܥܵܐ ܨܗܝܼܬܵ‌ܐ ܠܡܲܒܘܼܥܹ̈ܐ ܕܡ̈ܝܼܵܐ. 
\q1  
\v 36 ܘܟܹܐ ܡܲܬܸܒ݂ ܬܵܡܵܐ ܟܦܝܼܢܹ̈ܐ، 
\q1 ܘܟܹܐ ܫܲܬܐܸܣܝܼ ܡܕܝܼܢ݇ܬܵ‌ܐ ܠܸܥܡܵܪܵܐ. 
\q1  
\v 37 ܘܟܹܐ ܙܵܪܥܝܼ ܚܲܩܠܵܢܹ̈ܐ ܘܢܵܨܒ݂ܝܼ ܟܲܪ̈ܡܵܢܹܐ، 
\q1 ܘܫܵܩܠܝܼ ܛܥܘܼܢܝܵܬܹ̈‌ܐ ܦܸܪ̈ܝܹܐ. 
\q1  
\v 38 ܘܟܹܐ ܒܲܪܸܟ݂ ܠܗܘܿܢ ܘܟܹܐ ܙܵܝܕܝܼ ܪܵܒܵܐ، 
\q1 ܘܪܸܣܩܵܝܗ‌ܝ ܠܹܐ ܡܲܒܨܸܪ. 
\q1  
\v 39 ܐܝܼܡܲܢ ܕܚܵܣܪܝܼ ܘܦܵܝܫܝܼ ܡܘܼܟܸܦܹܐ 
\q1 ܡ̣ܢ ܙܠܘܼܡܝܵܐ، ܒܝܼܫܘܼܬܵ‌ܐ، ܘܚܲܫܵܐ، 
\q1  
\v 40 ܟܹܐ ܫܲܦܸܟ݂ ܡܲܣܠܲܝܬܵ‌ܐ ܥܲܠܔ ܢܲܨܝܼܚܹ̈ܐ، 
\q1 ܘܟܹܐ ܡܲܚܠܸܛ ܠܵܗ̇ ܐܘܼܪܚܵܝܗ‌ܝ ܒܐܲܪܥܵܐ ܚܵܪܵܒܵܐ ܕܠܲܝܬ ܠܵܗ̇ ܦܠܵܛܵܐ. 
\q1  
\v 41 ܐܝܼܢܵܐ ܟܹܐ ܡܲܪܸܡ ܠܗܘܿܢ ܣܢܝܼܩܹ̈ܐ ܠܫܲܝܢܵܐ ܡ̣ܢ ܐܘܼܠܨܵܢܵܐ، 
\q1 ܘܟܹܐ ܥܵܒܹܕ ܐܲܝܟ݂ ܦܸܣܩܵܐ ܫܲܪ̈ܒܵܬܵܝܗ‌ܝ. 
\q1  
\v 42 ܒܸܬ ܚܵܙܝܼ ܬܪ̈ܘܼܨܹܐ ܘܒܸܬ ܚܵܕܝܼ، 
\q1 ܘܟܠܔ ܥܵܘܠܵܐ ܒܸܬ ܐܵܟ̰ܹܡ ܦܘܼܡܹܗ. 
\q1  
\v 43 ܡܵܢܝܼ ܝܠܹܗ ܚܲܟܝܼܡܵܐ؟ ܫܒ݂ܘܿܩ ܢܵܛܹܪ ܐܲܢܹܐ، 
\q1 ܘܦܲܪܡܹܐ ܛܲܝܒܘܼܬܵ‌ܐ ܕܡܵܪܝܵܐ. 
\c 108  
\s1 ܙܡܪܬ‌ܐ. ܡܙܡܘܪܐ ܕܕܘܝܕ. 
\q1  
\v 1 ܡܘܼܩܘܝܼܵܐ ܝܠܹܗ ܠܸܒܝܼ، ܝܵܐ ܐܲܠܵܗܵܐ، 
\q1 ܒܸܬ ܫܲܒܚܸܢ ܘܒܸܬ ܙܵܡܪܹܢ ܒܟܠܵܗ̇ ܓܵܢܝܼ. 
\q1  
\v 2 ܪܥܘܿܫܝ ܩܝܼܬܵܪܵܐ ܘܟܸܢܵܪܵܐ، 
\q1 ܒܸܬ ܡܲܪܥܸܫܸܢ ܠܨܲܦܪܵܐ. 
\q1  
\v 3 ܒܸܬ ܫܲܟܪܸܢ ܐܸܠܘܼܟ݂ ܓܵܘ ܥܲܡܡܹ̈ܐ، ܝܵܐ ܡܵܪܝܵܐ، 
\q1 ܘܒܸܬ ܙܵܡܪܹܢ ܐܸܠܘܼܟ݂ ܓܵܘ ܐܸܡܘܵܬܹ̈‌ܐ. 
\q1  
\v 4 ܣܵܒܵܒ ܓܘܼܪܬܵ‌ܐ ܝܠܵܗ̇ ܛܲܝܒܘܼܬܘܼܟ݂ ܥܸܠܸܠܔ ܡ̣ܢ ܫܡܲܝܵܐ، 
\q1 ܘܗܲܠܔ ܪܩܝܼܥܵܐ ܡܗܘܼܡܢܘܼܬܘܼܟ݂. 
\q1  
\v 5 ܪܘܼܡ ܥܸܠܸܠܔ ܡ̣ܢ ܫܡܲܝܵܐ، ܝܵܐ ܐܲܠܵܗܵܐ، 
\q1 ܘܥܲܠܔ ܟܠܵܗ̇ ܐܲܪܥܵܐ ܐܝܼܩܵܪܘܼܟ݂. 
\q1  
\v 6 ܩܵܐ ܕܦܵܨܝܼ ܡܘܼܚܸܒܘܼ̈ܟ݂، 
\q1 ܦܲܪܸܩ ܒܝܲܡܝܼܢܘܼܟ݂ ܘܓ̰ܲܘܸܒ ܠܝܼ. 
\q1  
\v 7 ܐܲܠܵܗܵܐ ܗܘܼܡܙܸܡ ܠܹܗ ܒܩܘܼܕܫܹܗ: ”ܒܸܬ ܦܵܨܚܹܢ، 
\q1 ܒܸܬ ܦܲܠܥܸܢ ܠܫܟܹܝܡ، ܘܪܵܘܘܿܠܵܐ ܕܣܵܟܘܼܬ ܒܸܬ ܟܵܝܠܹܢ. 
\q1  
\v 8 ”ܕܝܼܝܼ ܝܠܹܗ ܓܸܠܥܵܕ، ܕܝܼܝܼ ܝܠܹܗ ܡܢܲܫܹܐ، 
\q1 ܐܲܦܪܹܝܡ ܣܲܢܘܲܪܬܵ‌ܐ ܕܪܹܝܫܝܼ، 
\q1 ܝܼܗܘܼܕܵܐ ܚܘܼܛܪܝܼ. 
\q1  
\v 9 ܡܘܼܐܵܒ݂ ܡܵܪܸܓܠܵܐ ܕܚܲܠܲܠܬ‌ܝܼ، 
\q1 ܥܲܠܔ ܐܲܕܘܿܡ ܒܸܬ ܪܲܦܹܝܢ ܨܵܘܸܠܬ‌ܝܼ، 
\q1 ܥܲܠܔ ܦܠܸܫܬ ܒܸܬ ܡܲܩܘܸܚܸܢ.“ 
\q1  
\v 10 ܡܵܢܝܼ ܒܸܬ ܠܲܒܸܠܔ ܠܝܼ ܠܡܕܝܼܢ݇ܬܵ‌ܐ ܡܘܼܩܘܝܼܬܵ‌ܐ؟ 
\q1 ܡܵܢܝܼ ܒܸܬ ܡܗܲܕܹܐ ܠܝܼ ܗܲܠܔ ܐܲܕܘܿܡ؟ 
\q1  
\v 11 ܗܵܐ، ܠܹܐ ܝܘܸܬ ܡܘܼܚܦܸܠܵܐ ܐܸܠܲܢ، ܝܵܐ ܐܲܠܵܗܵܐ؟ 
\q1 ܘܠܹܐ ܦܵܠܛܹܬ ܥܲܡ ܚܲܝܠܵܘܵܬܲܢ̈، ܝܵܐ ܐܲܠܵܗܵܐ؟ 
\q1  
\v 12 ܗܲܒ݂ܠܔ ܠܲܢ ܗܲܝܲܪܬܵ‌ܐ ܡ̣ܢ ܕܸܫ̃ܡܸܢ، 
\q1 ܣܵܒܵܒ ܣܪܝܼܩܘܼܬܵ‌ܐ ܝܠܵܗ̇ ܦܲܪܲܩܬܵ‌ܐ ܕܒܲܪܢܵܫܵܐ. 
\q1  
\v 13 ܒܐܲܠܵܗܵܐ ܒܸܬ ܥܵܒ݂ܕܲܚ ܓܲܒܵܪܘܼܬܵ‌ܐ، 
\q1 ܘܗ̇ܘ ܒܸܬ ܕܲܫܕܸܫ ܠܕܸܫ̃ܡܸܢܲܢ̈. 
\c 109  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܝܵܐ ܐܲܠܵܗܵܐ ܕܬܸܫܒܘܿܚܬ‌ܝܼ، ܠܵܐ ܫܵܬܩܹܬ. 
\q1  
\v 2 ܣܵܒܵܒ ܦܘܼܡܵܐ ܪܲܫܝܼܥܵܐ ܘܦܘܼܡܵܐ ܦܵܠܘܿܡܵܐ ܥܲܠܝܼ ܦܬܝܼܚ ܠܗܘܿܢ، 
\q1 ܗܘܼܡܙܸܡ ܠܗܘܿܢ ܥܲܡܝܼ ܒܠܸܫܵܢܵܐ ܕܲܓܵܠܵܐ. 
\q1  
\v 3 ܘܒܗܹܡܸܙܡܵܢܹ̈ܐ ܕܣܢܵܝܬܵ‌ܐ ܩܵܡ ܚܲܪܕܝܼ ܠܝܼ، 
\q1 ܘܦܠܝܼܫ ܠܗܘܿܢ ܥܲܡܝܼ ܒܠܵܐ ܥܸܠܬܵ‌ܐ. 
\q1  
\v 4 ܡ̣ܢ ܓܹܒܵܐ ܕܚܘܼܒܝܼ ܗܘܹܐ ܠܗܘܿܢ ܕܲܠܩܘܼܒ݂ܠܝܼ، 
\q1 ܟܲܕ ܐܵܢܵܐ ܒܨܠܘܿܬܵ‌ܐ. 
\q1  
\v 5 ܘܦܪܝܼܥ ܠܗܘܿܢ ܐܸܠܝܼ ܒܝܼܫܬܵ‌ܐ ܡ̣ܢ ܓܹܒܵܐ ܕܛܵܒ݂ܬܵ‌ܐ، 
\q1 ܘܣܢܵܝܬܵ‌ܐ ܡ̣ܢ ܓܹܒܵܐ ܕܚܘܼܒܝܼ. 
\q1  
\v 6 ܡܲܩܸܡ ܥܲܠܘܼܗ‌ܝ ܪܲܫܝܼܥܵܐ، 
\q1 ܘܕܲܠܩܘܼܒ݂ܠܵܝܵܐ ܟܵܠܹܐ ܥܲܠܔ ܝܲܡܝܼܢܹܗ. 
\q1  
\v 7 ܐܝܼܡܲܢ ܕܦܵܐܹܫ ܕܝܼܢܵܐ، ܫܒ݂ܘܿܩ ܦܵܠܹܛ ܚܲܝܵܒ݂ܵܐ، 
\q1 ܘܨܠܘܿܬܹܗ ܚܵܕܪܵܐ ܠܚܛܝܼܬܵ‌ܐ. 
\q1  
\v 8 ܗܵܘܝܼ ܝܵܘܡܵܢܘܼ̈ܗ‌ܝ ܒܵܨܘܿܪܹ̈ܐ، 
\q1 ܘܡܕܲܒܪܵܢܘܼܬܹܗ ܫܵܩܹܠܔ ܚܲܕ ܐܚܹܪܢܵܐ. 
\q1  
\v 9 ܗܵܘܝܼ ܒܢܘܿܢܘܼ̈ܗ‌ܝ ܝܲܬܘܼܡܹ̈ܐ، 
\q1 ܘܒܲܟ݂ܬܹܗ ܐܲܪܡܸܠܬܵ‌ܐ. 
\q1  
\v 10 ܚܕܵܪܵܐ ܚܵܕܪܝܼ ܒܢܘܿܢܘܼ̈ܗ‌ܝ ܘܓܵܒ݂ܝܼ، 
\q1 ܘܛܵܥܝܼ ܒܵܬܪ ܠܲܚܡܵܐ ܒܕܘܼܟܵܢܵܝ̈ܗ‌ܝ ܚܵܪ̈ܵܒܹܐ. 
\q1  
\v 11 ܟ̰ܵܠܹܓ̰ ܡܵܪܵܐ ܕܕܲܝܢܵܐ ܠܟܠܔ ܡܸܢܕܝܼ ܕܐܝܼܬ ܠܹܗ، 
\q1 ܘܣܵܠܒܝܼ ܢܘܼܟ݂ܪ̈ܵܝܹܐ ܛܥܘܼܢܬܵ‌ܐ ܕܥܲܡܠܹܗ. 
\q1  
\v 12 ܠܵܐ ܗܵܘܹܐ ܐܸܠܹܗ ܝܵܗܒ݂ܵܢܵܐ ܕܪ̈ܲܚܡܹܐ، 
\q1 ܘܠܵܐ ܗܵܘܹܐ ܥܵܒ݂ܕܵܢܵܐ ܕܚܢܵܢܵܐ ܠܝܲܬܘܼܡܘܼ̈ܗ‌ܝ. 
\q1  
\v 13 ܦܵܐܹܫ ܩܛܝܼܥܵܐ ܙܲܪܥܹܗ، 
\q1 ܘܩܵܐ ܕܵܪܵܐ ܐܚܹܪܢܵܐ ܫܸܡܵܝܗ‌ܝ ܗܵܘܹܐ ܓܪܝܼܕܵܐ. 
\q1  
\v 14 ܦܵܐܹܫ ܕܟ݂ܝܼܪܵܐ ܥܵܘܠܵܐ ܕܐܲܒ݂ܵܗܵܬܘܼ̈ܗ‌ܝ ܠܟܸܣ ܡܵܪܝܵܐ، 
\q1 ܘܚܛܝܼܬܵ‌ܐ ܕܝܸܡܹܗ ܠܵܐ ܦܵܝܫܵܐ ܓܪܝܼܕܬܵ‌ܐ. 
\q1  
\v 15 ܗܵܘܝܼ ܩܲܕܡ ܡܵܪܝܵܐ ܒܟܠܔ ܙܲܒ݂ܢܵܐ، 
\q1 ܘܩܵܛܹܥ ܕܟ݂ܵܪܵܝܗ‌ܝ ܡ̣ܢ ܐܲܪܥܵܐ. 
\q1  
\v 16 ܣܵܒܵܒ ܠܵܐ ܕܟ݂ܝܼܪܹܗ ܠܸܥܒ݂ܵܕܵܐ ܛܵܒ݂ܬܵ‌ܐ، 
\q1 ܐܸܠܵܐ ܢܦܝܼܠܔ ܠܹܗ ܒܵܬܪ ܐܢܵܫܵܐ ܡܸܣܟܹܢܵܐ ܘܣܢܝܼܩܵܐ، 
\q1 ܘܡܘܼܥܝܸܩܵܐ ܒܠܸܒܵܐ، ܠܡܲܡܝܘܼܬܹ‌ܐ. 
\q1  
\v 17 ܟܲܕ ܡܘܼܚܸܒ ܠܹܗ ܠܵܘܛܬܵ‌ܐ، ܫܒ݂ܘܿܩ ܐܵܬܝܵܐ ܥܲܠܘܼܗ‌ܝ، 
\q1 ܠܵܐ ܒܣܝܼܡ ܠܵܗ̇ ܠܹܗ ܒܒܘܼܪܟܬܵ‌ܐ، 
\q1 ܫܒ݂ܘܿܩ ܪܵܚܩܵܐ ܡܸܢܹܗ. 
\q1  
\v 18 ܘܠܒ݂ܝܼܫ ܠܹܗ ܠܵܘܛܬܵ‌ܐ ܐܲܝܟ݂ ܠܒ݂ܝܼܫܬܹܗ، 
\q1 ܘܥܒ݂ܝܼܪܵܗ̇ ܒܓܵܘܹܗ ܐܲܝܟ݂ ܡ̈ܝܼܵܐ، 
\q1 ܘܒܓܲܪ̈ܡܘܼܗ‌ܝ ܐܲܝܟ݂ ܡܸܫܚܵܐ. 
\q1  
\v 19 ܗܵܘܝܵܐ ܐܸܠܹܗ ܐܲܝܟ݂ ܥܵܒܵܝܬܵ‌ܐ ܕܩܵܛܹܒ݂ ܠܵܗ̇ ܠܓܵܢܹܗ، 
\q1 ܘܐܲܝܟ݂ ܬܲܣܡܵܐ ܒܟܠܔ ܙܲܒ݂ܢܵܐ ܐܵܣܹܪܵܗ̇ ܒܚܲܨܹܗ. 
\q1  
\v 20 ܐܵܗܵܐ ܝܠܹܗ ܦܘܼܪܥܵܢܵܐ ܕܕܲܠܩܘܼܒ݂ܠܵܝܝܼ̈ ܡ̣ܢ ܠܟܸܣ ܡܵܪܝܵܐ، 
\q1 ܘܕܗܲܡܙܸܡܵܢܹ̈ܐ ܕܒܝܼܫܬܵ‌ܐ ܥܲܠܔ ܓܵܢܝܼ. 
\q1  
\v 21 ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ ܐܲܠܵܗܵܐ، ܦܠܘܿܚ ܠܓܹܒܝܼ ܒܘܼܬ ܫܸܡܘܼܟ݂، 
\q1 ܦܲܨܝܼ ܠܝܼ، ܣܵܒܵܒ ܨܦܵܝܝܼ ܝܠܵܗ̇ ܛܲܝܒܘܼܬܘܼܟ݂. 
\q1  
\v 22 ܣܵܒܵܒ ܡܸܣܟܹܢܵܐ ܘܣܢܝܼܩܵܐ ܝܘܸܢ ܐܵܢܵܐ، 
\q1 ܘܠܸܒܝܼ ܟ̰ܪܝܼܙܵܐ ܝܠܹܗ ܒܓܵܘܝܼ. 
\q1  
\v 23 ܐܲܝܟ݂ ܛܸܠܵܢܝܼܬܵ‌ܐ ܕܒܥܕܵܢܵܐ ܕܓܢܵܝܬܵ‌ܐ ܒܸܛܠܵܩܵܐ ܝܘܸܢ، 
\q1 ܐܲܝܟ݂ ܩܲܡܨܵܐ ܦܝܼܫܵܐ ܝܘܸܢ ܢܦܝܼܨܵܐ. 
\q1  
\v 24 ܒܸܪ̈ܟܵܟܝܼ ܪܓܝܼܕ ܠܗܘܿܢ ܡ̣ܢ ܨܵܘܡܵܐ، 
\q1 ܘܒܸܣܪܝܼ ܢܘܝܼܠܔ ܠܹܗ ܒܗ̇ܝ ܕܠܲܝܬ ܬܲܪܒܵܐ. 
\q1  
\v 25 ܘܐܵܢܵܐ ܗܘܹܐ ܠܝܼ ܠܵܘܡܵܐ ܐܸܠܵܝܗ‌ܝ، 
\q1 ܟܲܕ ܚܵܙܝܼ ܠܝܼ ܟܹܐ ܫܵܥܫܝܼ ܪܹܝܫܵܝܗ‌ܝ. 
\q1  
\v 26 ܗܲܝܸܪܝܼ، ܝܵܐ ܡܵܪܝܵܐ ܐܲܠܵܗ‌ܝܼ، 
\q1 ܦܲܪܸܩ ܠܝܼ ܐܲܝܟ݂ ܛܲܝܒܘܼܬܘܼܟ݂. 
\q1  
\v 27 ܕܝܵܕܥܝܼ ܕܐܝܼܕܘܼܟ݂ ܝܼܠܵܗ̇ ܐܵܗܵܐ، 
\q1 ܘܐܲܢ݇ܬ، ܝܵܐ ܡܵܪܝܵܐ، ܥܒ݂ܝܼܕܵܐ ܠܘܼܟ݂. 
\q1  
\v 28 ܫܒ݂ܘܿܩ ܐܵܢܝܼ ܠܵܝܛܝܼ، ܐܝܼܢܵܐ ܐܲܢ݇ܬ ܒܲܪܟܸܬ، 
\q1 ܐܝܼܡܲܢ ܕܩܵܝܡܝܼ ܒܸܬ ܢܵܟ݂ܦܝܼ، ܐܝܼܢܵܐ ܪܹܓܘܼܟ݂ ܒܸܬ ܚܵܕܹܐ. 
\q1  
\v 29 ܠܵܒ݂ܫܝܼ ܕܲܠܩܘܼܒ݂ܠܵܝܝܼ̈ ܢܟܸܦܬܵ‌ܐ، 
\q1 ܘܩܵܛܒ݂ܝܼ ܐܲܝܟ݂ ܥܵܒܵܝܬܵ‌ܐ ܢܟܸܦܬܵܝܗ‌ܝ. 
\q1  
\v 30 ܪܵܒܵܐ ܒܸܬ ܫܲܟܪܸܢ ܠܡܵܪܝܵܐ ܒܦܘܼܡܝܼ، 
\q1 ܘܒܓܵܘܵܐ ܕܟܸܢܫܹ̈ܐ ܒܸܬ ܫܲܒܚܸܢܹܗ. 
\q1  
\v 31 ܣܵܒܵܒ ܟܹܐ ܟܵܠܹܐ ܠܝܲܡܝܼܢܵܐ ܕܣܢܝܼܩܵܐ، 
\q1 ܠܦܲܪܘܼܩܹܗ ܡ̣ܢ ܕܲܝܵܢܹ̈ܐ ܕܢܲܦ̮ܫܹܗ. 
\c 110  
\s1 ܡܙܡܘܪܐ ܕܕܘܝܕ. 
\q1  
\v 1 ܐܡܝܼܪܹܗ ܡܵܪܝܵܐ ܠܡܵܪܝܼ: ”ܝܬܘܿܒ݂ ܠܝܲܡܝܼܢܝܼ، 
\q1 ܗܲܠܔ ܕܡܲܬܒܸܢ ܕܸܫ̃ܡܸܢܘܼ̈ܟ݂ ܟܘܼܒ݂ܫܵܐ ܬܚܘܿܬ ܐܲܩܠܘܼ̈ܟ݂.“ 
\q1  
\v 2 ܚܘܼܛܪܵܐ ܕܥܘܼܫܢܘܼܟ݂ ܒܸܬ ܫܲܕܸܪ ܡܵܪܝܵܐ ܡ̣ܢ ܨܸܗܝܘܿܢ، 
\q1 ܒܹܐܡܵܪܵܐ: ”ܥܒ݂ܘܿܕ ܫܘܼܠܛܵܢܵܐ ܓܵܘ ܕܸܫ̃ܡܸܢܘܼ̈ܟ݂.“ 
\q1  
\v 3 ܥܲܡܘܼܟ݂ ܒܸܬ ܡܲܩܪܸܒ݂ ܓܵܢܹܗ ܒܨܸܒ݂ܝܵܢܵܐ ܒܝܵܘܡܵܐ ܕܚܲܝܠܘܼܟ݂، 
\q1 ܒܣܸܩ̈ܠܹܐ ܕܩܘܼܕܫܵܐ، ܡ̣ܢ ܡܲܪܒܥܵܐ ܕܨܲܦܪܵܐ، 
\q1 ܐܸܠܘܼܟ݂ ܛܠܘܼܠܵܐ ܕܝܵܠܕ݇ܘܼܬܘܼܟ݂. 
\q1  
\v 4 ܝܡܹܐ ܠܹܗ ܡܵܪܝܵܐ ܘܠܹܐ ܦܵܫܹܡ: 
\q1 ”ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ 
\q1 ܒܣܸܕܪܵܐ ܕܡܲܠܟܝܼܙܕܸܩ.“ 
\q1  
\v 5 ܡܵܪܝܵܐ ܥܲܠܔ ܝܲܡܝܼܢܘܼܟ݂ ܝܼܠܹܗ، 
\q1 ܗ̇ܘ ܒܸܬ ܛܵܒܹܚ ܡܲܠܟܹ̈ܐ ܒܝܵܘܡܵܐ ܕܚܸܡܬܹܗ. 
\q1  
\v 6 ܒܸܬ ܕܵܐܹܢ ܓܵܘ ܐܸܡܘܵܬܹ̈‌ܐ، 
\q1 ܒܸܬ ܡܵܠܹܐ ܠܗܘܿܢ ܫܠܲܕܹ̈ܐ، 
\q1 ܒܸܬ ܛܵܒܹܚ ܪܹ̈ܝܫܵܢܹܐ ܥܲܠܔ ܐܲܪܥܵܐ ܪܘܝܼܚܬܵ‌ܐ. 
\q1  
\v 7 ܡ̣ܢ ܢܲܚܠܵܐ ܒܐܘܼܪܚܵܐ ܒܸܬ ܫܵܬܹ‌ܐ، 
\q1 ܒܘܼܬ ܐܵܗܵܐ، ܒܸܬ ܡܲܪܸܡ ܪܹܝܫܹܗ. 
\c 111  
\s1 ܗܠܠܘܝܐ. 
\q1  
\v 1 ܒܸܬ ܫܲܟܪܸܢ ܠܡܵܪܝܵܐ ܒܟܠܹܗ ܠܸܒܝܼ، 
\q1 ܒܡܵܘܬܒ݂ܵܐ ܕܬܪ̈ܘܼܨܹܐ ܘܒܟܢܘܼܫܝܵܐ. 
\q1  
\v 2 ܓܘܼܪܹ̈ܐ ܝܢܵܐ ܦܘܼܠܚܵܢܹ̈ܐ ܕܡܵܪܝܵܐ، 
\q1 ܟܹܐ ܛܵܥܝܼ ܐܸܠܵܝܗ‌ܝ ܟܠܔ ܕܒܵܣܡܵܐ ܠܗܘܿܢ ܒܝܼܵܝܗ‌ܝ. 
\q1  
\v 3 ܚܩܝܼܪܵܐ ܘܣܘܼܩܠܵܐ ܝܠܹܗ ܦܘܼܠܚܵܢܹܗ، 
\q1 ܘܙܲܕܝܼܩܘܼܬܹܗ ܦܵܝܫܵܢܬܵ‌ܐ ܝܠܵܗ̇ ܠܥܵܠܲܡ. 
\q1  
\v 4 ܥܒ݂ܝܼܕܵܝ ܠܹܗ ܕܘܼܡܵܪ̈ܘܼܗ‌ܝ ܠܸܦܝܵܫܵܐ ܕܟ݂ܝܼܪܹܐ، 
\q1 ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܡܵܪܝܵܐ. 
\q1  
\v 5 ܡܹܐܟ݂ܘܼܠܬܵ‌ܐ ܝܘܼܗܒܹܠܔ ܠܹܗ ܠܙܕܝܼܥܘܼ̈ܗ‌ܝ، 
\q1 ܒܸܬ ܕܵܟܹܪ ܠܥܵܠܲܡ ܘܲܥܕܹܗ. 
\q1  
\v 6 ܚܲܝܠܵܐ ܕܦܘܼܠܚܵܢܘܼ̈ܗ‌ܝ ܡܘܼܕܸܥ ܠܹܗ ܠܥܲܡܹܗ، 
\q1 ܠܝܼܵܗܒ݂ܵܐ ܐܸܠܵܝܗ‌ܝ ܝܵܪܬܘܼܬܵ‌ܐ ܕܐܸܡܘܵܬܹ̈‌ܐ. 
\q1  
\v 7 ܦܘܼܠܚܵܢܹ̈ܐ ܕܐܝܼܕܵܬܘܼ̈ܗ‌ܝ ܫܲܪܝܼܪܘܼܬܵ‌ܐ ܝܢܵܐ ܘܕܝܼܘܵܢ، 
\q1 ܡܗܘܼܡܢܹ̈ܐ ܝܢܵܐ ܟܠܵܝܗ‌ܝ ܦܘܼܩܵܕܘܼ̈ܗ‌ܝ. 
\q1  
\v 8 ܦܝܼܫܹܐ ܝܢܵܐ ܡܘܼܩܘܝܼܹܐ ܠܥܵܠܲܡ ܥܵܠܡܝܼܢ، 
\q1 ܦܝܼܫܹܐ ܝܢܵܐ ܥܒ݂ܝܼܕܹܐ ܒܫܲܪܝܼܪܘܼܬܵ‌ܐ ܘܬܪܘܼܨܘܼܬܵ‌ܐ. 
\q1  
\v 9 ܦܘܼܪܩܵܢܵܐ ܫܘܼܕܸܪܹܗ ܠܥܲܡܹܗ، 
\q1 ܦܩܝܼܕ ܠܹܗ ܠܥܵܠܲܡ ܘܲܥܕܹܗ، 
\q1 ܩܲܕܝܼܫܵܐ ܝܠܹܗ ܘܣܲܗܡܵܢܵܐ ܫܸܡܹܗ. 
\q1  
\v 10 ܪܹܝܫܵܐ ܕܚܸܟ݂ܡܬܵ‌ܐ ܙܕܘܼܥܬܵ‌ܐ ܕܡܵܪܝܵܐ ܝܠܵܗ̇، 
\q1 ܦܲܪܡܲܝܬܵ‌ܐ ܨܦܵܝܝܼ ܐܝܼܬ ܠܗܘܿܢ ܟܠܵܝܗ‌ܝ ܥܵܒ݂ܕܵܢܹ̈ܐ ܕܦܘܼܩܵܕܘܼ̈ܗ‌ܝ، 
\q1 ܬܸܫܒܘܿܚܬܹܗ ܦܵܝܫܵܢܬܵ‌ܐ ܝܠܵܗ̇ ܠܥܵܠܲܡ. 
\c 112  
\s1 ܗܠܠܘܝܐ. 
\q1  
\v 1 ܛܘܼܒ݂ܵܐ ܠܐܢܵܫܵܐ ܕܙܵܕܹܥ ܡ̣ܢ ܡܵܪܝܵܐ، 
\q1 ܒܦܘܼܩܕܵܢܘܼ̈ܗ‌ܝ ܒܵܣܡܵܐ ܠܹܗ ܪܵܒܵܐ. 
\q1  
\v 2 ܓܲܒܵܪܵܐ ܒܐܲܪܥܵܐ ܒܸܬ ܗܵܘܹܐ ܙܲܪܥܹܗ، 
\q1 ܕܵܪܵܐ ܕܬܪ̈ܘܼܨܹܐ ܒܸܬ ܦܵܐܹܫ ܒܘܼܪܟ݂ܵܐ. 
\q1  
\v 3 ܕܵܘܸܠܬܵ‌ܐ ܘܥܘܼܬܪܵܐ ܓܵܘ ܒܲܝܬܹܗ ܝܢܵܐ، 
\q1 ܘܙܲܕܝܼܩܘܼܬܹܗ ܦܵܝܫܵܢܬܵ‌ܐ ܝܠܵܗ̇ ܠܥܵܠܲܡ. 
\q1  
\v 4 ܙܪܝܼܩ ܠܹܗ ܒܲܗܪܵܐ ܓܵܘ ܚܸܫܟܵܐ ܠܬܪܘܼܨܵܐ، 
\q1 ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܘܙܲܕܝܼܩܵܐ. 
\q1  
\v 5 ܛܘܼܒ݂ܵܢܵܐ ܝܠܹܗ ܐܢܵܫܵܐ ܚܲܢܵܢܵܐ ܘܕܟܹܐ ܝܵܗܒܹܠܔ ܕܲܝܢܵܐ، 
\q1 ܕܟܹܐ ܥܵܒܹܕ ܨܒ݂ܘܼܝܵܬܘܼ̈ܗ‌ܝ ܒܗܵܩܘܼܬܵ‌ܐ، 
\q1  
\v 6 ܘܠܥܵܠܲܡ ܠܹܐ ܫܵܥܹܫ، 
\q1 ܕܟ݂ܵܪܵܐ ܕܙܲܕܝܼܩܵܐ ܒܸܬ ܗܵܘܹܐ ܠܥܵܠܲܡ. 
\q1  
\v 7 ܡ̣ܢ ܚܲܒܪܵܐ ܚܸܪܒܵܐ، ܠܹܐ ܙܵܕܹܥ، 
\q1 ܡܩܵܘܝܵܢܵܐ ܝܠܹܗ ܠܸܒܹܗ ܒܣܲܒ݂ܪܵܐ ܠܡܵܪܝܵܐ. 
\q1  
\v 8 ܣܢܝܼܕܵܐ ܝܠܹܗ ܠܸܒܹܗ ܠܹܐ ܙܵܕܹܥ، 
\q1 ܗܲܠܔ ܕܚܵܙܹܐ ܙܵܟ݂ܘܼܬܵ‌ܐ ܠܕܸܫ̃ܡܸܢܘܼ̈ܗ‌ܝ. 
\q1  
\v 9 ܒܘܼܪܒܸܙ ܠܹܗ ܘܝܘܼܗܒܹܠܔ ܠܹܗ ܠܣܢܝܼܩܹ̈ܐ، 
\q1 ܙܲܕܝܼܩܘܼܬܹܗ ܦܵܝܫܵܢܬܵ‌ܐ ܝܠܵܗ̇ ܠܥܵܠܲܡ، 
\q1 ܪܹܝܫܹܗ ܒܸܬ ܪܵܐܹܡ ܒܐܝܼܩܵܪܵܐ. 
\q1  
\v 10 ܪܲܫܝܼܥܵܐ ܒܸܬ ܚܵܙܹܐ ܘܒܸܬ ܟܵܪܹܒ، 
\q1 ܟܹܟܘܼ̈ܗ‌ܝ ܒܸܬ ܚܲܪܚܸܟ̃ ܘܒܸܬ ܦܵܫܹܪ، 
\q1 ܫܲܗܘܲܬܬܵ‌ܐ ܕܪ̈ܲܫܝܼܥܹܐ ܒܸܬ ܛܵܠܩܵܐ. 
\c 113  
\s1 ܗܠܠܘܝܐ. 
\q1  
\v 1 ܫܲܒܚܘܼܢ، ܝܵܐ ܪܹ̈ܓܵܘܵܬܹ‌ܐ ܕܡܵܪܝܵܐ، 
\q1 ܫܲܒܚܘܼܢ ܠܫܸܡܵܐ ܕܡܵܪܝܵܐ. 
\q1  
\v 2 ܗܵܘܹܐ ܫܸܡܵܐ ܕܡܵܪܝܵܐ ܒܘܼܪܟ݂ܵܐ، 
\q1 ܡ̣ܢ ܐܵܕܝܼܵܐ ܘܗܲܠܔ ܥܵܠܲܡ. 
\q1  
\v 3 ܡ̣ܢ ܙܪܵܩܵܐ ܕܫܸܡܫܵܐ ܗܲܠܔ ܓܢܵܝܬܹܗ، 
\q1 ܦܵܐܹܫ ܡܫܘܼܒܚܵܐ ܫܸܡܵܐ ܕܡܵܪܝܵܐ. 
\q1  
\v 4 ܪܵܡܵܐ ܝܠܹܗ ܥܲܠܔ ܟܠܵܝܗ‌ܝ ܐܸܡܘܵܬܹ̈‌ܐ ܡܵܪܝܵܐ، 
\q1 ܥܸܠܸܠܔ ܡ̣ܢ ܫܡܲܝܵܐ ܝܠܹܗ ܐܝܼܩܵܪܹܗ. 
\q1  
\v 5 ܡܵܢܝܼ ܝܠܹܗ ܐܲܝܟ݂ ܡܵܪܝܵܐ ܐܲܠܵܗܲܢ، 
\q1 ܕܟܹܐ ܝܵܬܹܒ݂ ܒܪܵܘܡܵܐ، 
\q1  
\v 6 ܕܟܹܐ ܟܵܐܹܦ ܠܸܚܙܵܝܵܐ 
\q1 ܒܫܡܲܝܵܐ ܘܒܐܲܪܥܵܐ؟ 
\q1  
\v 7 ܟܹܐ ܡܲܩܸܡ ܡ̣ܢ ܥܲܦܪܵܐ ܡܸܣܟܹܢܵܐ، 
\q1 ܡ̣ܢ ܣܘܼܠܬܵ‌ܐ ܟܹܐ ܡܲܪܸܡ ܣܢܝܼܩܵܐ، 
\q1  
\v 8 ܠܡܲܬܘܼܒܹܗ ܥܲܡ ܢܲܨܝܼܚܹ̈ܐ، 
\q1 ܥܲܡ ܢܲܨܝܼܚܹ̈ܐ ܒܓܵܘܵܐ ܕܥܲܡܹܗ. 
\q1  
\v 9 ܟܹܐ ܝܵܗܒܹܠܔ ܒܲܝܬܵ‌ܐ ܠܥܩܲܪܬܵ‌ܐ، 
\q1 ܠܹܗܘܵܝܵܐ ܝܸܡܵܐ ܚܕܝܼܬܵ‌ܐ ܕܒܢܘܿܢܹ̈ܐ. ܗܲܠܸܠܘܼܝܵܐ. 
\c 114  
\q1  
\v 1 ܟܲܕ ܦܠܝܼܛ ܠܹܗ ܐܝܼܣܪܵܐܹܝܠܔ ܡ̣ܢ ܡܸܨܪܹܝܢ، 
\q1 ܒܹܝܬ ܝܲܥܩܘܿܒ݂ ܡ̣ܢ ܥܲܡܵܐ ܕܠܸܫܵܢܵܐ ܦܪܝܼܫܵܐ، 
\q1  
\v 2 ܗܘܹܐ ܠܹܗ ܝܼܗܘܼܕܵܐ ܩܘܼܕܫܹܗ، 
\q1 ܐܝܼܣܪܵܐܹܝܠܔ ܫܘܼܠܛܵܢܹܗ. 
\q1  
\v 3 ܝܵܡܵܐ ܚܙܹܐ ܠܵܗ̇ ܘܥܪܝܼܩ ܠܵܗ̇، 
\q1 ܝܘܿܪܕܢܵܢ ܕܝܼܪܹܗ ܠܒܵܬܪܵܐ. 
\q1  
\v 4 ܛܘܼܪ̈ܵܢܹܐ ܪܩܝܼܕ ܠܗܘܿܢ ܐܲܝܟ݂ ܒܲܪ̈ܥܵܢܹܐ، 
\q1 ܪ̈ܘܼܡܝܵܬܹ‌ܐ ܐܲܝܟ݂ ܦܹܐܪܹ̈ܐ ܕܦܸܣܩܵܐ. 
\q1  
\v 5 ܡܵܐ ܠܵܟ݂ܝ ܝܵܡܵܐ ܕܥܵܪܩܲܬ‌ܝ، 
\q1 ܝܘܿܪܕܢܵܢ ܕܕܵܝܪܹܬ ܠܒܵܬܪܵܐ، 
\q1  
\v 6 ܛܘܼܪ̈ܵܢܹܐ ܕܪܵܩܕܝܼܬܘܿܢ ܐܲܝܟ݂ ܒܲܪ̈ܥܵܢܹܐ، 
\q1 ܪ̈ܘܼܡܝܵܬܹ‌ܐ ܐܲܝܟ݂ ܦܹܐܪܹ̈ܐ ܕܦܸܣܩܵܐ؟ 
\q1  
\v 7 ܪܓܘܿܕܝ ܡ̣ܢ ܩܲܕܡ ܡܵܪܝܵܐ، ܝܵܐ ܐܲܪܥܵܐ، 
\q1 ܡ̣ܢ ܩܲܕܡ ܐܲܠܵܗܵܐ ܕܝܲܥܩܘܿܒ݂، 
\q1  
\v 8 ܗ̇ܘ ܕܡܘܼܚܕܸܪܹܗ ܩܵܝܵܐ ܠܒܸܪ̈ܟܹܐ ܕܡ̈ܝܼܵܐ، 
\q1 ܣܸܡܛܵܐ ܠܥܲܝܢܵܐ ܕܡ̈ܝܼܵܐ. 
\c 115  
\q1  
\v 1 ܠܵܐ ܐܸܠܲܢ، ܝܵܐ ܡܵܪܝܵܐ، ܠܵܐ ܐܸܠܲܢ، 
\q1 ܐܸܠܵܐ ܠܫܸܡܘܼܟ݂ ܗܲܒ݂ܠܔ ܐܝܼܩܵܪܵܐ، 
\q1 ܒܘܼܬ ܛܲܝܒܘܼܬܘܼܟ݂، ܒܘܼܬ ܫܲܪܝܼܪܘܼܬܘܼܟ݂. 
\q1  
\v 2 ܩܵܡܘܿܕܝܼ ܐܵܡܪܝܼ ܐܸܡܘܵܬܹ̈‌ܐ: 
\q1 ”ܐܲܝܟܵܐ ܝܠܹܗ ܐܲܠܵܗܵܝܗ‌ܝ؟“ 
\q1  
\v 3 ܟܲܕ ܐܲܠܵܗܲܢ ܒܫܡܲܝܵܐ ܝܠܹܗ، 
\q1 ܟܠܔ ܕܒܵܣܡܵܐ ܠܹܗ ܟܹܐ ܥܵܒܹܕ. 
\q1  
\v 4 ܨܵܢܲܡܵܝ̈ܗ‌ܝ ܣܹܐܡܵܐ ܘܕܲܗܒ݂ܵܐ ܝܢܵܐ، 
\q1 ܦܘܼܠܚܵܢܵܐ ܕܐܝܼܕܵܬܹ̈‌ܐ ܕܒܲܪܢܵܫܵܐ. 
\q1  
\v 5 ܦܘܼܡܵܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܗܲܡܙܸܡܝܼ، 
\q1 ܥܲܝ̈ܢܹܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܚܵܙܝܼ. 
\q1  
\v 6 ܢܵܬܝܵܬܹ̈‌ܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܫܵܡܥܝܼ، 
\q1 ܢܵܚܝܼܪܵܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܫܵܩܠܝܼ ܪܹܝܚܵܐ. 
\q1  
\v 7 ܐܝܼܕܵܬܹ̈‌ܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܪܵܓ݂ܫܝܼ، 
\q1 ܐܲܩܠܵܬܹ̈‌ܐ ܐܝܼܬ ܠܗܘܿܢ، ܐܝܼܢܵܐ ܠܹܐ ܚܵܕܪܝܼ، 
\q1 ܠܹܐ ܦܲܠܛܝܼ ܩܵܠܵܐ ܒܒܵܠܘܿܥܬܵܝܗ‌ܝ. 
\q1  
\v 8 ܐܲܝܟ݂ ܕܝܼܵܝܗ‌ܝ ܒܸܬ ܗܵܘܝܼ ܬܲܪ̈ܨܵܢܵܝܗ‌ܝ، 
\q1 ܘܟܠܔ ܕܣܵܒܹܪ ܒܝܼܵܝܗ‌ܝ. 
\q1  
\v 9 ܝܵܐ ܐܝܼܣܪܵܐܹܝܠܔ، ܣܒܘܿܪ ܒܡܵܪܝܵܐ، 
\q1 ܗܲܝܲܪܬܵܝܗ‌ܝ ܘܡܵܛܵܠܵܝܗ‌ܝ ܗ̇ܘ ܝܼܠܹܗ. 
\q1  
\v 10 ܝܵܐ ܒܹܝܬ ܐܲܗܪܘܿܢ، ܣܒܘܿܪܘܼܢ ܒܡܵܪܝܵܐ، 
\q1 ܗܲܝܲܪܬܵܝܗ‌ܝ ܘܡܵܛܵܠܵܝܗ‌ܝ ܗ̇ܘ ܝܼܠܹܗ. 
\q1  
\v 11 ܝܵܐ ܙܕܝܼ̈ܥܹܐ ܕܡܵܪܝܵܐ، ܣܒܘܿܪܘܼܢ ܒܡܵܪܝܵܐ، 
\q1 ܗܲܝܲܪܬܵܝܗ‌ܝ ܘܡܵܛܵܠܵܝܗ‌ܝ ܗ̇ܘ ܝܼܠܹܗ. 
\q1  
\v 12 ܡܵܪܝܵܐ ܩܵܡ ܕܵܟܹܪܲܢ؛ ܒܸܬ ܒܲܪܸܟ݂، 
\q1 ܒܸܬ ܒܲܪܸܟ݂ ܠܒܹܝܬ ܐܝܼܣܪܵܐܹܝܠܔ، 
\q1 ܒܸܬ ܒܲܪܸܟ݂ ܠܒܹܝܬ ܐܲܗܪܘܿܢ. 
\q1  
\v 13 ܒܸܬ ܒܲܪܸܟ݂ ܠܙܕܝܼ̈ܥܹܐ ܕܡܵܪܝܵܐ، 
\q1 ܙܥܘܿܪܹ̈ܐ ܥܲܡ ܓܘܼܪܹ̈ܐ. 
\q1  
\v 14 ܡܲܙܝܸܕ ܡܵܪܝܵܐ ܥܲܠܵܘܟ݂ܘܿܢ، 
\q1 ܥܲܠܵܘܟ݂ܘܿܢ ܘܥܲܠܔ ܒܢܘܿܢܵܘ̈ܟ݂ܘܿܢ. 
\q1  
\v 15 ܒܪܝܼܟܹܐ ܝܬܘܿܢ ܠܡܵܪܝܵܐ، 
\q1 ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ. 
\q1  
\v 16 ܫܡܲܝܹ̈ܐ، ܫܡܲܝܹ̈ܐ ܕܡܵܪܝܵܐ ܝܢܵܐ، 
\q1 ܐܝܼܢܵܐ ܐܲܪܥܵܐ ܝܘܼܗܒܹܠܔ ܠܹܗ ܠܒܢܲܝ̈ܢܵܫܵܐ. 
\q1  
\v 17 ܡܝܼ̈ܬܹ‌ܐ ܠܹܐ ܫܲܒܚܝܼ ܠܡܵܪܝܵܐ، 
\q1 ܐܵܦܠܵܐ ܟܠܵܝܗ‌ܝ ܨܵܠܝܵܢܹ̈ܐ ܠܫܸܬܩܵܐ. 
\q1  
\v 18 ܐܝܼܢܵܐ ܐܲܚܢܲܢ ܒܸܬ ܒܲܪܟܲܚ ܠܡܵܪܝܵܐ، 
\q1 ܡ̣ܢ ܐܵܕܝܼܵܐ ܘܗܲܠܔ ܥܵܠܲܡ. ܗܲܠܸܠܘܼܝܵܐ. 
\c 116  
\q1  
\v 1 ܡܘܼܚܸܒ ܠܝܼ ܠܡܵܪܝܵܐ ܣܵܒܵܒ ܫܡܝܼܥ ܠܹܗ 
\q1 ܩܵܠܝܼ ܘܦܲܪ̈ܦܲܠܝܵܬ‌ܝܼ. 
\q1  
\v 2 ܣܵܒܵܒ ܡܘܼܟܸܦ ܠܹܗ ܢܵܬܹܗ ܐܸܠܝܼ، 
\q1 ܒܝܘܼܪܟ݂ܵܐ ܕܝܵܘܡܵܢܝܼ̈ ܒܸܬ ܩܵܪܹܝܢ ܐܸܠܹܗ. 
\q1  
\v 3 ܟܪܝܼܟܸܢܗܘܿܢ ܚܸܒ݂ܠܹ̈ܐ ܕܡܵܘܬܵ‌ܐ، 
\q1 ܘܡܘܼܫ݇ܟ̰ܚܸܢܗܘܿܢ ܐܘܼܠܨܵܢܹ̈ܐ ܕܫܝܘܿܠܔ، 
\q1 ܥܵܘܩܵܢܵܐ ܘܚܲܫܵܐ ܡܘܼܫ݇ܟ̰ܸܚ ܠܝܼ. 
\q1  
\v 4 ܗ̇ܝܓܵܗ ܒܫܸܡܵܐ ܕܡܵܪܝܵܐ ܩܪܹܐ ܠܝܼ: 
\q1 ”ܐܘܿܗ، ܝܵܐ ܡܵܪܝܵܐ، ܦܲܨܝܼ ܠܓܵܢܝܼ.“ 
\q1  
\v 5 ܚܲܢܵܢܵܐ ܝܠܹܗ ܡܵܪܝܵܐ ܘܙܲܕܝܼܩܵܐ، 
\q1 ܘܐܲܠܵܗܲܢ ܡܪܲܚܡܵܢܵܐ ܝܠܹܗ. 
\q1  
\v 6 ܟܹܐ ܢܵܛܹܪ ܠܦܫܝܼ̈ܛܹܐ ܡܵܪܝܵܐ، 
\q1 ܦܝܼܫ ܠܝܼ ܡܘܼܟܸܦܵܐ ܘܩܵܡ ܦܲܪܸܩ ܠܝܼ. 
\q1  
\v 7 ܕܘܼܪܝ، ܝܵܐ ܓܵܢܝܼ، ܠܢܝܵܚܬܵܟ݂ܝ، 
\q1 ܣܵܒܵܒ ܡܵܪܝܵܐ ܦܪܝܼܥ ܠܹܗ ܐܸܠܵܟ݂ܝ ܒܦܸܪܝܘܼܬܵ‌ܐ. 
\q1  
\v 8 ܣܵܒܵܒ ܦܘܼܨܹܐ ܠܘܼܟ݂ ܓܵܢܝܼ ܡ̣ܢ ܡܵܘܬܵ‌ܐ، 
\q1 ܥܲܝܢܝܼ ܡ̣ܢ ܕܸܡܥܝܼܬܵ‌ܐ، 
\q1 ܐܲܩܠܝܼ ܡ̣ܢ ܬܲܪܩܲܠܬܵ‌ܐ. 
\q1  
\v 9 ܒܸܬ ܚܵܕܪܹܢ ܩܲܕܡ ܡܵܪܝܵܐ 
\q1 ܒܐܲܪ̈ܥܵܬܹ‌ܐ ܕܚܵܝܹ̈ܐ. 
\q1  
\v 10 ܗܘܼܡܸܢܝܼ ܟܲܕ ܗܘܼܡܙܸܡ ܠܝܼ: 
\q1 ”ܐܵܢܵܐ ܦܝܼܫ ܠܝܼ ܡܘܼܠܝܸܨܵܐ ܪܵܒܵܐ.“ 
\q1  
\v 11 ܐܵܢܵܐ ܐܡܝܼܪܝܼ ܓܵܘ ܡܲܠܝܲܙܬ‌ܝܼ: 
\q1 ”ܟܠܔ ܒܲܪܢܵܫܵܐ ܕܲܓܵܠܵܐ ܝܠܹܗ.“ 
\q1  
\v 12 ܡܘܼܕܝܼ ܡܲܕܸܪܸܢ ܠܡܵܪܝܵܐ، 
\q1 ܒܘܼܬ ܟܠܹܗ ܦܘܼܪܥܵܢܹܗ ܐܸܠܝܼ؟ 
\q1  
\v 13 ܟܵܣܵܐ ܕܦܘܼܪ̈ܩܵܢܹܐ ܒܸܬ ܡܲܪܡܸܢ، 
\q1 ܘܒܫܸܡܵܐ ܕܡܵܪܝܵܐ ܒܸܬ ܩܵܪܹܝܢ. 
\q1  
\v 14 ܢܸܕܪ̈ܝܼ ܠܡܵܪܝܵܐ ܒܸܬ ܬܲܡܸܡܸܢ 
\q1 ܩܲܕܡ ܦܵܬܵ‌ܐ ܕܟܠܹܗ ܥܲܡܹܗ. 
\q1  
\v 15 ܝܲܩܝܼܪܵܐ ܝܠܹܗ ܒܥܲܝ̈ܢܹܐ ܕܡܵܪܝܵܐ 
\q1 ܡܵܘܬܵ‌ܐ ܕܙܲܕܝܼܩܘܼ̈ܗ‌ܝ. 
\q1  
\v 16 ܐܘܿܗ، ܝܵܐ ܡܵܪܝܵܐ، ܗܹܐ، ܐܵܢܵܐ ܪܹܓܘܼܟ݂ ܝܼܘܸܢ، 
\q1 ܪܹܓܘܼܟ݂ ܒܪܘܿܢܵܐ ܕܚܸܕܲܡܬܘܼܟ݂، 
\q1 ܩܵܡ ܫܵܪܹܝܬ ܠܗܘܿܢ ܐܸܣܘܼܪ̈ܝܼ. 
\q1  
\v 17 ܐܸܠܘܼܟ݂ ܒܸܬ ܕܵܒ݂ܚܹܢ ܕܸܒ݂ܚܵܐ ܕܫܲܟܲܪܬܵ‌ܐ، 
\q1 ܘܒܫܸܡܵܐ ܕܡܵܪܝܵܐ ܒܸܬ ܩܵܪܹܝܢ. 
\q1  
\v 18 ܢܸܕܪ̈ܝܼ ܠܡܵܪܝܵܐ ܒܸܬ ܬܲܡܸܡܸܢ 
\q1 ܩܲܕܡ ܦܵܬܵ‌ܐ ܕܟܠܹܗ ܥܲܡܹܗ، 
\q1  
\v 19 ܓܵܘ ܕܵܪ̈ܵܬܹ‌ܐ ܕܒܲܝܬܵ‌ܐ ܕܡܵܪܝܵܐ، 
\q1 ܒܓܵܘܵܟ݂ܝ، ܝܵܐ ܐܘܿܪܸܫܠܸܡ. ܗܲܠܸܠܘܼܝܵܐ 
\c 117  
\q1  
\v 1 ܫܲܒܚܘܼܢ ܠܡܵܪܝܵܐ ܟܠܵܝܗ‌ܝ ܐܸܡܘܵܬܹ̈‌ܐ، 
\q1 ܫܲܒܚܘܼܢ ܠܹܗ ܟܠܵܝܗ‌ܝ ܥܲܡܡܹ̈ܐ. 
\q1  
\v 2 ܣܵܒܵܒ ܓܘܼܪܘܸܣ ܠܵܗ̇ ܥܲܠܲܢ ܛܲܝܒܘܼܬܹܗ، 
\q1 ܘܫܲܪܝܼܪܘܼܬܵ‌ܐ ܕܡܵܪܝܵܐ ܠܥܵܠܲܡ ܝܠܵܗ̇. ܗܲܠܸܠܘܼܝܵܐ 
\c 118  
\q1  
\v 1 ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 2 ܐܵܡܹܪ ܐܝܼܣܪܵܐܹܝܠܔ: 
\q1 ”ܠܥܵܠܲܡ ܝܼܠܵܗ̇ ܛܲܝܒܘܼܬܹܗ.“ 
\q1  
\v 3 ܐܵܡܪܝܼ ܒܹܝܬ ܐܲܗܪܘܿܢ: 
\q1 ”ܠܥܵܠܲܡ ܝܼܠܵܗ̇ ܛܲܝܒܘܼܬܹܗ.“ 
\q1  
\v 4 ܐܵܡܪܝܼ ܙܕܝܼ̈ܥܹܐ ܕܡܵܪܝܵܐ: 
\q1 ”ܠܥܵܠܲܡ ܝܼܠܵܗ̇ ܛܲܝܒܘܼܬܹܗ.“ 
\q1  
\v 5 ܡ̣ܢ ܐܘܼܠܨܵܢܝܼ ܩܪܹܐ ܠܝܼ ܠܡܵܪܝܵܐ، 
\q1 ܩܵܡ ܓ̰ܲܘܸܒ ܠܝܼ ܘܡܲܬܸܒ݂ ܠܝܼ ܒܪܘܵܚܵܢܝܼ ܡܵܪܝܵܐ. 
\q1  
\v 6 ܡܵܪܝܵܐ ܥܲܡܝܼ ܝܠܹܗ، ܠܹܐ ܙܵܕܥܹܢ؛ 
\q1 ܡܘܼܕܝܼ ܡܵܨܹܐ ܥܵܒܹܕ ܐܸܠܝܼ ܒܲܪܢܵܫܵܐ؟ 
\q1  
\v 7 ܡܵܪܝܵܐ ܥܲܡܝܼ ܝܠܹܗ ܠܗܲܝܘܼܪܝܼ، 
\q1 ܘܐܵܢܵܐ ܒܸܬ ܚܵܙܹܝܢ ܙܵܟ݂ܘܼܬܵ‌ܐ ܠܣܵܢܝܵܢܝܼ̈. 
\q1  
\v 8 ܒܘܼܫ ܨܦܵܝܝܼ ܝܠܵܗ̇ ܠܸܫܩܵܠܵܐ ܓܵܘܣܵܐ ܒܡܵܪܝܵܐ، 
\q1 ܡ̣ܢ ܠܸܣܒܵܪܵܐ ܒܒܲܪܢܵܫܵܐ. 
\q1  
\v 9 ܒܘܼܫ ܨܦܵܝܝܼ ܝܠܵܗ̇ ܠܸܫܩܵܠܵܐ ܓܵܘܣܵܐ ܒܡܵܪܝܵܐ، 
\q1 ܡ̣ܢ ܠܸܣܒܵܪܵܐ ܒܢܲܨܝܼܚܹ̈ܐ. 
\q1  
\v 10 ܟܠܵܝܗ‌ܝ ܐܸܡܘܵܬܹ̈‌ܐ ܟܪܝܼܟܸܢܗܘܿܢ، 
\q1 ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ. 
\q1  
\v 11 ܩܵܡ ܟܵܪܟ݂ܝܼ ܠܝܼ، ܗܹܐ، ܟܪܝܼܟܸܢܗܘܿܢ، 
\q1 ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ. 
\q1  
\v 12 ܩܵܡ ܟܵܪܟ݂ܝܼ ܠܝܼ ܐܲܝܟ݂ ܕܵܒܵܫܹ̈ܐ، 
\q1 ܐܝܼܢܵܐ ܟ̰ܡܝܼܥ ܠܗܘܿܢ ܐܲܝܟ݂ ܢܘܼܪܵܐ ܕܟܸܬܘܹ̈ܐ، 
\q1 ܒܫܸܡܵܐ ܕܡܵܪܝܵܐ ܒܸܬ ܩܵܛܥܹܢܗܘܿܢ. 
\q1  
\v 13 ܚܲܪܙܘܼܦܹܐ ܩܵܡ ܚܲܪܙܸܦܸܬ ܠܝܼ ܕܢܵܦܠܹܢ، 
\q1 ܐܝܼܢܵܐ ܡܵܪܝܵܐ ܗܘܼܝܸܪܹܗ ܐܸܠܝܼ. 
\q1  
\v 14 ܥܘܼܫܢܝܼ ܘܙܡܵܪܬ‌ܝܼ ܡܵܪܝܵܐ ܝܠܹܗ، 
\q1 ܘܗܘܹܐ ܠܹܗ ܐܸܠܝܼ ܦܘܼܪܩܵܢܵܐ. 
\q1  
\v 15 ܩܵܠܵܐ ܕܫܘܼܒ݂ܚܵܐ ܘܕܦܘܼܪܩܵܢܵܐ ܓܵܘ ܡܲܫܟܢܹ̈ܐ ܕܙܲܕܝܼܩܹ̈ܐ، 
\q1 ܝܲܡܝܼܢܵܐ ܕܡܵܪܝܵܐ ܥܵܒ݂ܕܵܢܬܵ‌ܐ ܕܚܲܝܠܵܐ، 
\q1  
\v 16 ܝܲܡܝܼܢܵܐ ܕܡܵܪܝܵܐ ܪܝܼܡܬܵ‌ܐ ܝܠܵܗ̇، 
\q1 ܝܲܡܝܼܢܵܐ ܕܡܵܪܝܵܐ ܥܵܒ݂ܕܵܢܬܵ‌ܐ ܕܚܲܝܠܵܐ. 
\q1  
\v 17 ܠܹܐ ܡܵܝܬܹܢ ܐܸܠܵܐ ܒܸܬ ܚܵܝܹܝܢ، 
\q1 ܘܒܸܬ ܗܲܩܹܝܢ ܥܒ݂ܵܕܹ̈ܐ ܕܡܵܪܝܵܐ. 
\q1  
\v 18 ܬܲܥܠܘܼܡܹܐ ܬܘܼܥܠܡܸܢܹܗ ܡܵܪܝܵܐ، 
\q1 ܐܝܼܢܵܐ ܠܡܵܘܬܵ‌ܐ ܠܵܐ ܣܘܼܦܝܸܢܹܗ. 
\q1  
\v 19 ܦܬܘܿܚܘܼܢ ܐܸܠܝܼ ܕܲܪ̈ܘܵܙܹܐ ܕܙܲܕܝܼܩܘܼܬܵ‌ܐ، 
\q1 ܕܥܵܒ݂ܪܹܢ ܒܝܼܵܝܗ‌ܝ ܘܫܲܟܪܸܢ ܠܡܵܪܝܵܐ. 
\q1  
\v 20 ܐܵܗܵܐ ܝܠܹܗ ܕܲܪܘܵܙܵܐ ܕܡܵܪܝܵܐ، 
\q1 ܙܲܕܝܼܩܹ̈ܐ ܒܸܬ ܥܵܒ݂ܪܝܼ ܒܝܼܹܗ. 
\q1  
\v 21 ܒܸܬ ܫܲܟܪܸܢܘܼܟ݂ ܕܩܵܡ ܓ̰ܲܘܸܒܸܬ ܠܝܼ، 
\q1 ܘܗܘܹܐ ܠܘܼܟ݂ ܐܸܠܝܼ ܦܘܼܪܩܵܢܵܐ. 
\q1  
\v 22 ܟܹܐܦܵܐ ܕܡܘܼܣܠܹܐ ܠܗܘܿܢ ܒܲܢܵܝܹ̈ܐ 
\q1 ܗܘܹܐ ܠܹܗ ܠܪܹܝܫܵܐ ܕܩܘܼܪܢܝܼܬܵ‌ܐ، 
\q1  
\v 23 ܡ̣ܢ ܠܟܸܣ ܡܵܪܝܵܐ ܗܘܹܐ ܠܵܗ̇ ܐܵܗܵܐ، 
\q1 ܗ̇ܝ ܥܘܼܓ̰ܵܒܵܐ ܝܠܵܗ̇ ܒܥܲܝܢܲܢ̈. 
\q1  
\v 24 ܐܵܗܵܐ ܝܠܹܗ ܝܵܘܡܵܐ ܕܥܒ݂ܝܼܕ ܠܹܗ ܡܵܪܝܵܐ، 
\q1 ܦܵܨܚܲܚ ܘܚܵܕܲܚ ܒܝܼܹܗ. 
\q1  
\v 25 ܦܲܪܦܘܼܠܹܐ ܝܘܲܚ، ܝܵܐ ܡܵܪܝܵܐ، ܦܲܪܸܩ ܠܲܢ، 
\q1 ܦܲܪܦܘܼܠܹܐ ܝܘܲܚ، ܝܵܐ ܡܵܪܝܵܐ، ܡܲܢܬ‌ܝܼ ܠܲܢ. 
\q1  
\v 26 ܒܪܝܼܟ݂ܵܐ ܝܠܹܗ ܗ̇ܘ ܕܒܹܐܬܵܝܵܐ ܝܠܹܗ ܒܫܸܡܵܐ ܕܡܵܪܝܵܐ، 
\q1 ܩܵܡ ܒܲܪܟܲܚ ܠܵܘܟ݂ܘܿܢ ܡ̣ܢ ܒܲܝܬܵ‌ܐ ܕܡܵܪܝܵܐ. 
\q1  
\v 27 ܐܲܠܵܗܵܐ ܡܵܪܝܵܐ ܝܠܹܗ، ܘܒܘܼܗܪܸܢܹܗ ܐܸܠܲܢ، 
\q1 ܐܣܘܿܪܘܼܢ ܙܵܘܚܵܐ ܒܝܲܕ ܦܲܥܘܵܢܹ̈ܐ ܗܲܠܔ ܩܲܪ̈݇ܢܵܢܹܐ ܕܡܲܕܒܚܵܐ. 
\q1  
\v 28 ܐܲܠܵܗ‌ܝܼ ܝܘܸܬ ܐܲܢ݇ܬ، ܘܒܸܬ ܫܲܟܪܸܢܘܼܟ݂، 
\q1 ܐܲܠܵܗ‌ܝܼ ܝܘܸܬ ܐܲܢ݇ܬ، ܘܒܸܬ ܡܲܪܡܸܢܘܼܟ݂. 
\q1  
\v 29 ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\c 119  
\qa ܐ 
\q1  
\v 1 ܛܘܼܒ݂ܵܐ ܠܬܲܡܝܼܡܹ̈ܐ ܒܐܘܼܪܚܵܝܗ‌ܝ، 
\q1 ܕܟܹܐ ܚܵܕܪܝܼ ܒܢܵܡܘܿܣܵܐ ܕܡܵܪܝܵܐ. 
\q1  
\v 2 ܛܘܼܒ݂ܵܐ ܠܢܵܛܪ̈ܵܢܹܐ ܕܣܵܗܕܘܵܬܘܼ̈ܗ‌ܝ، 
\q1 ܕܒܟܠܹܗ ܠܸܒܵܐ ܟܹܐ ܛܵܥܝܼ ܐܸܠܹܗ. 
\q1  
\v 3 ܐܘܼܦ ܠܹܐ ܦܵܠܚܝܼ ܥܵܘܠܵܐ، 
\q1 ܒܐܘܼܪ̈ܚܵܬܘܼܗ‌ܝ ܟܹܐ ܚܵܕܪܝܼ. 
\q1  
\v 4 ܐܲܢ݇ܬ ܦܘܼܩܸܕ ܠܘܼܟ݂ ܦܘܼܩܵܕܘܼ̈ܟ݂، 
\q1 ܕܦܵܝܫܝܼ ܢܛܝܼܪܹܐ ܚܦܝܼܛܵܐܝܼܬ. 
\q1  
\v 5 ܛܘܼܒ݂ܵܐ ܕܗܵܘܝܼ ܡܩܵܘܝܵܢܹ̈ܐ ܐܘܼܪ̈ܚܵܬ‌ܝܼ، 
\q1 ܠܸܢܛܵܪܵܐ ܩܵܢܘܿܢܘܼ̈ܟ݂. 
\q1  
\v 6 ܗ̇ܝܓܵܗ ܠܹܐ ܢܵܟ݂ܦܹܢ، 
\q1 ܟܲܕ ܚܵܝܪܹܢ ܠܟܠܵܝܗ‌ܝ ܦܘܼܩܕܵܢܘܼ̈ܟ݂. 
\q1  
\v 7 ܒܸܬ ܫܲܟܪܸܢܘܼܟ݂ ܒܬܪܘܼܨܘܼܬܵ‌ܐ ܕܠܸܒܵܐ، 
\q1 ܟܲܕ ܝܵܠܦܹܢ ܕܝܼܘܵܢܹ̈ܐ ܕܙܲܕܝܼܩܘܼܬܘܼܟ݂. 
\q1  
\v 8 ܩܵܢܘܿܢܘܼ̈ܟ݂ ܒܸܬ ܢܵܛܪܹܢ، 
\q1 ܫܒ݂ܵܩܵܐ ܠܵܐ ܫܵܒ݂ܩܹܬ ܠܝܼ. 
\qa ܒ 
\q1  
\v 9 ܒܡܘܼܕܝܼ ܡܵܨܹܐ ܕܲܟܹܐ ܠܵܗ̇ ܥܠܲܝܡܵܐ ܐܘܼܪܚܹܗ؟ 
\q1 ܒܢܛܵܪܬܘܼܗ̇ ܐܲܝܟ݂ ܚܲܒܪܘܼܟ݂. 
\q1  
\v 10 ܒܟܠܹܗ ܠܸܒܝܼ ܛܥܹܐ ܠܝܼ ܐܸܠܘܼܟ݂، 
\q1 ܠܵܐ ܫܵܒ݂ܩܹܬ ܚܵܠܛܹܢ ܡ̣ܢ ܦܘܼܩܕܵܢܘܼ̈ܟ݂. 
\q1  
\v 11 ܓܵܘ ܠܸܒܝܼ ܛܘܼܫܝܵܐ ܠܝܼ ܗܹܡܸܙܡܵܢܘܼܟ݂، 
\q1 ܩܵܐ ܕܠܵܐ ܚܵܛܹܝܢ ܥܲܠܘܼܟ݂. 
\q1  
\v 12 ܒܪܝܼܟ݂ܵܐ ܝܘܸܬ، ܝܵܐ ܡܵܪܝܵܐ، 
\q1 ܡܲܠܸܦ ܠܝܼ ܩܵܢܘܿܢܘܼ̈ܟ݂. 
\q1  
\v 13 ܒܣܸܦܘܵܬ‌ܝܼ̈ ܗܘܼܩܹܐ ܠܝܼ 
\q1 ܟܠܵܝܗ‌ܝ ܕܝܼܘܵܢܹ̈ܐ ܕܦܘܼܡܘܼܟ݂. 
\q1  
\v 14 ܒܐܘܼܪܚܵܐ ܕܣܵܗܕܘܵܬܘܼ̈ܟ݂ ܦܨܝܼܚ ܠܝܼ، 
\q1 ܗܲܪ ܐܲܝܟ݂ ܕܒܟܠܹܗ ܥܘܼܬܪܵܐ. 
\q1  
\v 15 ܠܦܘܼܩܵܕܘܼ̈ܟ݂ ܒܸܬ ܗܲܓܹܝܢ، 
\q1 ܘܠܐܘܼܪ̈ܚܵܬܘܼܟ݂ ܒܸܬ ܚܵܝܪܹܢ. 
\q1  
\v 16 ܒܩܵܢܘܿܢܘܼ̈ܟ݂ ܒܸܬ ܡܲܒܣܸܡܸܢܵܗ̇ ܓܵܢܝܼ، 
\q1 ܠܹܐ ܢܵܫܹܝܢ ܠܚܲܒܪܘܼܟ݂. 
\qa ܓ 
\q1  
\v 17 ܥܒ݂ܘܿܕ ܛܵܒ݂ܬܵ‌ܐ ܠܪܹܓܘܼܟ݂ ܕܚܵܝܹܝܢ، 
\q1 ܘܢܵܛܪܹܢܗܘܿܢ ܗܹܡܸܙܡܵܢܘܼ̈ܟ݂. 
\q1  
\v 18 ܓܲܠܝܼ ܠܗܘܿܢ ܥܲܝܢܝܼ̈ ܕܚܵܙܹܝܢ 
\q1 ܕܘܼܡܵܪܹ̈ܐ ܡ̣ܢ ܢܵܡܘܿܣܘܼܟ݂. 
\q1  
\v 19 ܡܵܫܵܚܲܛ ܝܼܘܸܢ ܐܵܢܵܐ ܒܐܲܪܥܵܐ، 
\q1 ܠܵܐ ܛܲܫܹܝܬ ܡܸܢܝܼ ܦܘܼܩܕܵܢܘܼ̈ܟ݂. 
\q1  
\v 20 ܓܪܝܼܣܬܵ‌ܐ ܝܠܵܗ̇ ܓܵܢܝܼ ܒܪܲܚܪܲܚܬܵ‌ܐ 
\q1 ܠܕܝܼܘܵܢܘܼ̈ܟ݂ ܒܟܠܔ ܙܲܒ݂ܢܵܐ. 
\q1  
\v 21 ܢܓ̰ܝܼܘ ܠܘܼܟ݂ ܒܚܵܬܪ̈ܵܢܹܐ، ܒܠܝܼܛܹ̈ܐ، 
\q1 ܐܲܝܢܝܼ ܕܚܵܠܛܝܼ ܡ̣ܢ ܦܘܼܩܕܵܢܘܼ̈ܟ݂. 
\q1  
\v 22 ܡܲܥܒܸܪ ܡܥܲܠܝܼ ܠܵܘܡܵܐ ܘܡܲܣܠܲܝܬܵ‌ܐ، 
\q1 ܒܗ̇ܝ ܕܢܛܝܼܪܵܐ ܝܘܸܢ ܠܣܵܗܕܘܵܬܘܼ̈ܟ݂. 
\q1  
\v 23 ܐܘܼܦ ܝܬܝܼܒ݂ ܠܗܘܿܢ ܓܘܼܪ̈ܵܢܹܐ ܘܗܘܼܡܙܸܡ ܠܗܘܿܢ ܕܲܠܩܘܼܒ݂ܠܝܼ، 
\q1 ܐܝܼܢܵܐ ܪܹܓܘܼܟ݂ ܗܘܼܓܹܐ ܠܹܗ ܩܵܢܘܿܢܘܼ̈ܟ݂. 
\q1  
\v 24 ܐܘܼܦ ܣܵܗܕܘܵܬܘܼ̈ܟ݂ ܒܲܣܝܼܡܘܼܬ‌ܝܼ ܝܢܵܐ، 
\q1 ܡܵܠܘܿܟܹ̈ܐ ܝܢܵܐ ܐܸܠܝܼ. 
\qa ܕ 
\q1  
\v 25 ܬܒܝܼܥ ܠܵܗ̇ ܠܥܲܦܪܵܐ ܓܵܢܝܼ، 
\q1 ܡܲܚܝܼ ܠܝܼ ܐܲܝܟ݂ ܚܲܒܪܘܼܟ݂. 
\q1  
\v 26 ܗܘܼܩܹܐ ܠܝܼ ܐܸܠܘܼܟ݂ ܐܘܼܪ̈ܚܵܬ‌ܝܼ ܘܩܵܡ ܓ̰ܲܘܸܒܸܬ ܠܝܼ، 
\q1 ܡܲܠܸܦ ܠܝܼ ܩܵܢܘܿܢܘܼ̈ܟ݂. 
\q1  
\v 27 ܐܘܼܪܚܵܐ ܕܦܘܼܩܵܕܘܼ̈ܟ݂ ܡܲܦܪܸܡ ܠܝܼ، 
\q1 ܘܒܸܬ ܗܲܓܹܝܢ ܠܕܘܼܡܵܪ̈ܘܼܟ݂. 
\q1  
\v 28 ܡܘܼܥܝܸܩܬܵ‌ܐ ܝܠܵܗ̇ ܓܵܢܝܼ ܡ̣ܢ ܚܲܫܵܐ، 
\q1 ܣܢܘܿܕ ܠܝܼ ܐܲܝܟ݂ ܚܲܒܪܘܼܟ݂. 
\q1  
\v 29 ܐܘܼܪܚܵܐ ܕܕܘܼܓܠܵܐ ܡܲܥܒܸܪ ܡܸܢܝܼ، 
\q1 ܘܒܚܢܵܢܵܐ ܡܲܠܸܦ ܠܝܼ ܢܵܡܘܿܣܘܼܟ݂. 
\q1  
\v 30 ܐܘܼܪܚܵܐ ܕܫܪܵܪܵܐ ܓܘܼܒܹܐ ܠܝܼ، 
\q1 ܕܝܼܘܵܢܘܼ̈ܟ݂ ܡܘܼܬܸܒ݂ ܠܝܼ ܒܲܠܩܘܼܒ݂ܠܝܼ. 
\q1  
\v 31 ܬܒܝܼܥ ܠܝܼ ܠܣܵܗܕܘܵܬܘܼ̈ܟ݂، 
\q1 ܝܵܐ ܡܵܪܝܵܐ، ܠܵܐ ܡܲܢܟܸܦܸܬ ܠܝܼ. 
\q1  
\v 32 ܒܐܘܼܪܚܵܐ ܕܦܘܼܩܕܵܢܘܼ̈ܟ݂ ܒܸܬ ܪܵܚܛܹܢ، 
\q1 ܒܗ̇ܝ ܕܒܸܬ ܡܲܪܘܸܚܸܬ ܠܸܒܝܼ. 
\qa ܗ 
\q1  
\v 33 ܡܲܠܸܦ ܠܝܼ، ܝܵܐ ܡܵܪܝܵܐ، ܐܘܼܪܚܵܐ ܕܩܵܢܘܿܢܘܼ̈ܟ݂، 
\q1 ܘܒܸܬ ܢܵܛܪܹܢܵܗ̇ ܗܲܠܔ ܚܲܪܬܵ‌ܐ. 
\q1  
\v 34 ܡܲܦܪܸܡ ܠܝܼ ܕܢܵܛܪܹܢ ܢܵܡܘܿܣܘܼܟ݂، 
\q1 ܘܒܸܬ ܢܵܛܪܹܢܹܗ ܒܟܠܹܗ ܠܸܒܝܼ. 
\q1  
\v 35 ܡܲܚܕܸܪܝܼ ܒܫܒ݂ܝܼܠܵܐ ܕܦܘܼܩܕܵܢܘܼ̈ܟ݂، 
\q1 ܒܗ̇ܝ ܕܒܝܼܹܗ ܒܣܝܼܡ ܠܵܗ̇ ܓܵܢܝܼ. 
\q1  
\v 36 ܡܲܦܬܸܠܔ ܠܸܒܝܼ ܠܣܵܗܕܘܵܬܘܼ̈ܟ݂، 
\q1 ܘܠܵܐ ܠܩܢܵܝܬܵ‌ܐ ܛܲܢܦܬܵ‌ܐ. 
\q1  
\v 37 ܡܲܥܒܸܪ ܥܲܝܢܝܼ̈ ܡ̣ܢ ܠܸܚܙܵܝܵܐ ܣܪܝܼܩܘܼܬܵ‌ܐ، 
\q1 ܒܐܘܼܪܚܘܼܟ݂ ܡܲܚܝܼ ܠܝܼ. 
\q1  
\v 38 ܡܲܩܘܝܼ ܗܹܡܸܙܡܵܢܘܼܟ݂ ܠܪܹܓܘܼܟ݂، 
\q1 ܗ̇ܝ ܕܝܼܠܵܗ̇ ܕܙܵܕܹܥ ܡܸܢܘܼܟ݂. 
\q1  
\v 39 ܡܲܥܒܸܪ ܡܸܢܝܼ ܠܵܘܡܝܼ ܕܟܹܐ ܙܵܕܥܹܢ ܡܸܢܹܗ، 
\q1 ܒܗ̇ܝ ܕܕܝܼܘܵܢܘܼ̈ܟ݂ ܛܵܒܹ̈ܐ ܝܢܵܐ. 
\q1  
\v 40 ܗܵܐ، ܪܘܼܚܪܸܚ ܠܝܼ ܠܦܘܼܩܵܕܘܼ̈ܟ݂، 
\q1 ܒܙܲܕܝܼܩܘܼܬܘܼܟ݂ ܡܲܚܝܼ ܠܝܼ. 
\qa ܘ 
\q1  
\v 41 ܘܐܵܬܝܵܐ ܥܲܠܝܼ ܛܲܝܒܘܼܬܘܼܟ݂، ܝܵܐ ܡܵܪܝܵܐ، 
\q1 ܘܦܘܼܪܩܵܢܘܼܟ݂، ܐܲܝܟ݂ ܩܵܘܠܘܼܟ݂، 
\q1  
\v 42 ܗܵܕܟ݂ܵܐ ܕܝܵܗܒܹܢ ܓ̰ܘܼܘܵܒ ܠܠܵܝܡܵܢܝܼ، 
\q1 ܒܗ̇ܝ ܕܣܒܝܼܪܝܼ ܒܚܲܒܪܘܼܟ݂. 
\q1  
\v 43 ܘܠܵܐ ܫܵܩܠܹܬ ܡ̣ܢ ܦܘܼܡܝܼ ܗܹܡܸܙܡܵܢ ܕܫܪܵܪܵܐ، 
\q1 ܣܵܒܵܒ ܠܕܝܼܘܵܢܘܼ̈ܟ݂ ܣܦܝܼܪܝܼ، 
\q1  
\v 44 ܘܒܸܬ ܢܵܛܪܹܢ ܢܵܡܘܿܣܘܼܟ݂ ܐܲܡܝܼܢܵܐܝܼܬ، 
\q1 ܠܥܵܠܲܡ ܥܵܠܡܝܼܢ، 
\q1  
\v 45 ܘܒܸܬ ܚܵܕܪܹܢ ܒܪܘܵܚܵܢܝܼ، 
\q1 ܒܗ̇ܝ ܕܠܦܘܼܩܵܕܘܼ̈ܟ݂ ܛܥܹܐ ܠܝܼ، 
\q1  
\v 46 ܘܒܸܬ ܗܲܡܙܸܡܸܢ ܒܘܼܬ ܣܵܗܕܘܵܬܘܼ̈ܟ݂ ܩܲܕܡ ܡܲܠܟܹ̈ܐ، 
\q1 ܘܠܹܐ ܢܵܟ݂ܦܹܢ. 
\q1  
\v 47 ܘܒܸܬ ܩܲܒܠܸܢ ܒܘܼܣܵܡܵܐ ܒܦܘܼܩܕܵܢܘܼ̈ܟ݂ 
\q1 ܕܡܘܼܚܸܒܵܝ ܠܝܼ، 
\q1  
\v 48 ܘܒܸܬ ܡܲܪܡܸܢ ܐܝܼܕܵܬ‌ܝܼ̈ ܠܦܘܼܩܕܵܢܘܼ̈ܟ݂ ܕܡܘܼܚܸܒܵܝ ܠܝܼ، 
\q1 ܘܒܸܬ ܗܲܓܹܝܢ ܩܵܢܘܿܢܘܼ̈ܟ݂. 
\qa ܙ 
\q1  
\v 49 ܕܟ݂ܘܿܪܹܗ ܚܲܒܪܘܼܟ݂ ܠܪܹܓܘܼܟ݂، 
\q1 ܗ̇ܘ ܕܒܝܼܹܗ ܩܵܡ ܥܵܒ݂ܕܹܬ ܕܣܵܒܪܹܢ. 
\q1  
\v 50 ܐܵܗܵܐ ܝܠܵܗ̇ ܝܵܗܒ݂ܵܠܬܵ‌ܐ ܕܠܸܒܵܐ ܐܸܠܝܼ ܓܵܘ ܐܘܼܠܨܵܢܝܼ، 
\q1 ܣܵܒܵܒ ܗܹܡܸܙܡܵܢܘܼܟ݂ ܩܵܡ ܡܲܚܝܼܵܐ ܠܝܼ. 
\q1  
\v 51 ܚܵܬܪ̈ܵܢܹܐ ܡܘܼܣܚܸܪܗܘܿܢ ܟ̰ܸܡ ܪܵܒܵܐ ܒܝܼܝܼ، 
\q1 ܘܡ̣ܢ ܢܵܡܘܿܣܘܼܟ݂ ܠܵܐ ܩܠܝܼܒ ܠܝܼ. 
\q1  
\v 52 ܕܟ݂ܝܼܪܝܼ ܕܝܼܘܵܢܘܼ̈ܟ݂ ܡ̣ܢ ܥܵܠܲܡ، ܝܵܐ ܡܵܪܝܵܐ، 
\q1 ܘܦܝܼܫ ܠܝܼ ܝܘܼܗܒ݂ܵܐ ܠܸܒܵܐ. 
\q1  
\v 53 ܚܸܡܬܵ‌ܐ ܩܵܡ ܕܵܒ݂ܩܵܐ ܠܝܼ 
\q1 ܡ̣ܢ ܥܸܠܬܵ‌ܐ ܕܪ̈ܲܫܝܼܥܹܐ ܫܵܒ݂ܩܵܢܹ̈ܐ ܕܢܵܡܘܿܣܘܼܟ݂. 
\q1  
\v 54 ܩܵܢܘܿܢܘܼ̈ܟ݂ ܗܘܹܐ ܠܗܘܿܢ ܙܡܝܼܪ̈ܵܬܹ‌ܐ ܐܸܠܝܼ، 
\q1 ܓܵܘ ܒܲܝܬܵ‌ܐ ܕܬܵܘܬܵܒ݂ܘܼܬ‌ܝܼ. 
\q1  
\v 55 ܕܟ݂ܝܼܪܝܼ ܒܠܲܝܠܹܐ ܫܸܡܘܼܟ݂، ܝܵܐ ܡܵܪܝܵܐ، 
\q1 ܘܢܛܝܼܪܝܼ ܢܵܡܘܿܣܘܼܟ݂. 
\q1  
\v 56 ܐܵܗܵܐ ܗܘܹܐ ܠܵܗ̇ ܥܝܵܕܵܐ ܐܸܠܝܼ، 
\q1 ܒܗ̇ܝ ܕܢܛܝܼܪܝܼ ܦܘܼܩܵܕܘܼ̈ܟ݂. 
\qa ܚ 
\q1  
\v 57 ܡܵܪܝܵܐ ܝܼܠܹܗ ܣܵܗܡܵܐ ܐܸܠܝܼ، 
\q1 ܐܡܝܼܪܝܼ ܕܒܸܬ ܢܵܛܪܹܢ ܗܹܡܸܙܡܵܢܘܼ̈ܟ݂. 
\q1  
\v 58 ܦܘܼܪܦܸܠܔ ܠܝܼ ܒܝܼܘܼܟ݂ ܒܟܠܹܗ ܠܸܒܝܼ، 
\q1 ܗܘܝܼ ܚܲܢܵܢܵܐ ܐܸܠܝܼ ܐܲܝܟ݂ ܩܵܘܠܘܼܟ݂. 
\q1  
\v 59 ܬܘܼܚܡܸܢܝܼ ܒܘܼܬ ܐܘܼܪ̈ܚܵܬ‌ܝܼ، 
\q1 ܘܡܘܼܕܸܪܵܝ ܠܝܼ ܐܲܩܠܝܼ̈ ܠܣܵܗܕܘܵܬܘܼ̈ܟ݂. 
\q1  
\v 60 ܡܘܼܠܝܸܙ ܠܝܼ ܘܠܵܐ ܥܘܼܪܩܸܠܔ ܠܝܼ، 
\q1 ܠܸܢܛܵܪܵܐ ܦܘܼܩܕܵܢܘܼ̈ܟ݂. 
\q1  
\v 61 ܚܲܒ݂ܠܹ̈ܐ ܕܪ̈ܲܫܝܼܥܹܐ ܩܵܡ ܚܲܪܕܝܼ ܠܝܼ، 
\q1 ܐܝܼܢܵܐ ܢܵܡܘܿܣܘܼܟ݂ ܠܵܐ ܡܘܼܢܫܹܐ ܠܝܼ. 
\q1  
\v 62 ܒܦܲܠܓܵܐ ܕܠܲܝܠܹܐ ܒܸܬ ܩܵܝܡܹܢ ܠܫܲܟܘܼܪܘܼܟ݂ 
\q1 ܒܘܼܬ ܕܝܼܘܵܢܹ̈ܐ ܕܙܲܕܝܼܩܘܼܬܘܼܟ݂. 
\q1  
\v 63 ܚܲܒ݂ܪܵܐ ܝܘܸܢ ܐܵܢܵܐ ܠܟܠܵܝܗ‌ܝ ܙܕܝܼܥܘܼ̈ܟ݂، 
\q1 ܘܠܢܵܛܪ̈ܵܢܹܐ ܕܦܘܼܩܵܕܘܼ̈ܟ݂. 
\q1  
\v 64 ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܡܠܹܐ ܠܵܗ̇ ܠܐܲܪܥܵܐ، 
\q1 ܡܲܠܸܦ ܠܝܼ ܩܵܢܘܿܢܘܼ̈ܟ݂. 
\qa ܛ 
\q1  
\v 65 ܛܵܒ݂ܬܵ‌ܐ ܥܒ݂ܝܼܕܵܐ ܝܘܸܬ ܥܲܡ ܪܹܓܘܼܟ݂، 
\q1 ܝܵܐ ܡܵܪܝܵܐ، ܐܲܝܟ݂ ܚܲܒܪܘܼܟ݂. 
\q1  
\v 66 ܦܲܪܡܲܝܬܵ‌ܐ ܨܦܵܝܝܼ ܘܝܕܵܥܬܵ‌ܐ ܡܲܠܸܦ ܠܝܼ، 
\q1 ܒܗ̇ܝ ܕܒܦܘܼܩܕܵܢܘܼ̈ܟ݂ ܗܘܼܡܸܢܝܼ. 
\q1  
\v 67 ܡ̣ܢ ܩܲܕܡ ܕܦܵܝܫܹܢ ܗܘܵܐ ܡܘܼܠܝܸܨܵܐ ܒܸܚܠܵܛܵܐ ܝܘܸܢ ܗܘܵܐ، 
\q1 ܐܝܼܢܵܐ ܐܵܕܝܼܵܐ ܗܹܡܸܙܡܵܢܘܼ̈ܟ݂ ܒܸܢܛܵܪܵܝ ܝܘܸܢ. 
\q1  
\v 68 ܛܵܒ݂ܵܐ ܝܘܸܬ ܐܲܢ݇ܬ ܘܥܵܒ݂ܕܵܢܵܐ ܕܛܵܒ݂ܬܵ‌ܐ، 
\q1 ܡܲܠܸܦ ܠܝܼ ܩܵܢܘܿܢܘܼ̈ܟ݂. 
\q1  
\v 69 ܗܘܼܡܙܸܡ ܠܗܘܿܢ ܒܘܼܚܬܵܢ ܥܲܠܝܼ ܚܵܬܪ̈ܵܢܹܐ، 
\q1 ܐܝܼܢܵܐ ܐܵܢܵܐ ܒܟܠܹܗ ܠܸܒܝܼ ܒܸܬ ܢܵܛܪܹܢ ܦܘܼܩܵܕܘܼ̈ܟ݂. 
\q1  
\v 70 ܛܪܝܼܨ ܠܹܗ ܐܲܝܟ݂ ܬܲܪܒܵܐ ܠܸܒܵܝܗ‌ܝ، 
\q1 ܐܝܼܢܵܐ ܐܵܢܵܐ ܒܢܵܡܘܿܣܘܼܟ݂ ܒܣܝܼܡ ܠܵܗ̇ ܠܝܼ. 
\q1  
\v 71 ܨܦܵܝܝܼ ܝܠܵܗ̇ ܩܵܬ‌ܝܼ ܕܦܝܼܫ ܠܝܼ ܡܘܼܠܝܸܨܵܐ، 
\q1 ܩܵܐ ܕܝܵܠܦܹܢ ܩܵܢܘܿܢܘܼ̈ܟ݂. 
\q1  
\v 72 ܒܘܼܫ ܨܦܵܝܝܼ ܝܠܹܗ ܩܵܬ‌ܝܼ ܢܵܡܘܿܣܵܐ ܕܦܘܼܡܘܼܟ݂، 
\q1 ܡ̣ܢ ܐܲܠܦܹ̈ܐ ܕܕܲܗܒ݂ܵܐ ܘܕܣܹܐܡܵܐ. 
\qa ܝ 
\q1  
\v 73 ܐܝܼܕܵܬܘܼ̈ܟ݂ ܥܒ݂ܝܼܕ ܠܗܘܿܢ ܘܬܘܼܪܸܨ ܠܗܘܿܢ ܐܸܠܝܼ، 
\q1 ܡܲܦܪܸܡ ܠܝܼ ܘܒܸܬ ܝܵܠܦܹܢ ܦܘܼܩܕܵܢܘܼ̈ܟ݂. 
\q1  
\v 74 ܙܕܝܼܥܘܼ̈ܟ݂ ܒܸܬ ܚܵܙܝܼ ܠܝܼ ܘܒܸܬ ܚܵܕܝܼ، 
\q1 ܒܗ̇ܝ ܕܒܚܲܒܪܘܼܟ݂ ܣܒܝܼܪܝܼ. 
\q1  
\v 75 ܟܹܐ ܝܵܕܥܹܢ، ܝܵܐ ܡܵܪܝܵܐ، ܕܙܲܕܝܼܩܘܼܬܵ‌ܐ ܝܢܵܐ ܕܝܼܘܵܢܘܼ̈ܟ݂، 
\q1 ܘܒܡܗܘܼܡܢܘܼܬܘܼܟ݂ ܩܵܡ ܡܲܡܟܸܟܸܬ ܠܝܼ. 
\q1  
\v 76 ܦܲܪܦܘܼܠܹܐ ܝܘܸܢ، ܗܵܘܝܵܐ ܛܲܝܒܘܼܬܘܼܟ݂ ܠܝܼܵܗܒ݂ܝܼ ܠܸܒܵܐ، 
\q1 ܐܲܝܟ݂ ܗܹܡܸܙܡܵܢܘܼܟ݂ ܠܪܹܓܘܼܟ݂. 
\q1  
\v 77 ܐܵܬ‌ܝܼ ܥܲܠܝܼ ܪ̈ܲܚܡܘܼܟ݂ ܕܚܵܝܹܝܢ، 
\q1 ܒܗ̇ܝ ܕܢܵܡܘܿܣܘܼܟ݂ ܒܲܣܝܼܡܘܼܬܵ‌ܐ ܝܠܹܗ ܐܸܠܝܼ. 
\q1  
\v 78 ܢܵܟ݂ܦܝܼ ܚܵܬܪ̈ܵܢܹܐ ܣܵܒܵܒ ܒܒܘܼܚܬܵܢ ܩܵܡ ܙܵܠܡܝܼ ܐܸܠܝܼ، 
\q1 ܐܵܢܵܐ ܒܸܬ ܗܲܓܹܝܢ ܦܘܼܩܵܕܘܼ̈ܟ݂. 
\q1  
\v 79 ܦܵܬܠܝܼ ܠܟܸܣܠܝܼ ܙܕܝܼܥܘܼ̈ܟ݂، 
\q1 ܘܝܵܕܥܵܢܹ̈ܐ ܕܣܵܗܕܘܵܬܘܼ̈ܟ݂. 
\q1  
\v 80 ܗܵܘܹܐ ܠܸܒܝܼ ܬܲܡܝܼܡܵܐ ܒܩܵܢܘܿܢܘܼ̈ܟ݂، 
\q1 ܩܵܐ ܕܠܵܐ ܢܵܟ݂ܦܹܢ. 
\qa ‍ܟ 
\q1  
\v 81 ܢܘܝܼܠܔ ܠܵܗ̇ ܓܵܢܝܼ ܩܵܐ ܦܘܼܪܩܵܢܘܼܟ݂، 
\q1 ܠܚܲܒܪܘܼܟ݂ ܣܦܝܼܪܝܼ. 
\q1  
\v 82 ܚܒܹܐ ܠܗܘܿܢ ܥܲܝܢܝܼ̈ ܒܸܣܦܵܪܵܐ ܠܗܹܡܸܙܡܵܢܘܼܟ݂، 
\q1 ܟܲܕ ܒܹܐܡܵܪܵܐ ܝܘܸܢ: ”ܐܝܼܡܲܢ ܒܸܬ ܝܵܗܒܹܬ ܠܝܼ ܠܸܒܵܐ؟“ 
\q1  
\v 83 ܣܵܒܵܒ ܗܘܹܐ ܠܝܼ ܐܲܝܟ݂ ܡܙܝܼܕܵܐ ܓܵܘ ܬܸܢܵܐ، 
\q1 ܐܝܼܢܵܐ ܩܵܢܘܿܢܘܼ̈ܟ݂ ܠܵܐ ܡܘܼܢܫܹܐ ܠܝܼ. 
\q1  
\v 84 ܟܡܵܐ ܝܼܢܵܐ ܝܵܘܡܵܢܹ̈ܐ ܕܪܹܓܘܼܟ݂؟ 
\q1 ܐܝܼܡܲܢ ܒܸܬ ܥܵܒ݂ܕܹܬ ܕܝܼܘܵܢ ܥܲܠܔ ܢܵܦܠܵܢܹ̈ܐ ܒܵܬܪܝܼ؟ 
\q1  
\v 85 ܚܦܝܼܪܗܘܿܢ ܚܵܬܪ̈ܵܢܹܐ ܓܘܼܒܹ̈ܐ ܩܵܬ‌ܝܼ، 
\q1 ܕܠܹܐ ܝܠܵܗ̇ ܡ̣ܢ ܢܵܡܘܿܣܘܼܟ݂. 
\q1  
\v 86 ܟܠܵܝܗ‌ܝ ܦܘܼܩܕܵܢܘܼ̈ܟ݂ ܡܗܘܼܡܢܹ̈ܐ ܝܢܵܐ، 
\q1 ܒܠܵܐ ܥܸܠܬܵ‌ܐ ܢܦܝܼܠܔ ܠܗܘܿܢ ܒܵܬܪܝܼ؛ ܗܲܝܸܪܝܼ! 
\q1  
\v 87 ܚܲܕܟ̰ܵܐ ܦܝܼܫ ܠܵܗ̇ ܕܬܵܝܡܝܼ ܗܘܵܘ ܠܝܼ ܒܐܲܪܥܵܐ، 
\q1 ܐܝܼܢܵܐ ܐܵܢܵܐ ܠܵܐ ܫܒ݂ܝܼܩ ܠܝܼ ܦܘܼܩܵܕܘܼ̈ܟ݂. 
\q1  
\v 88 ܐܲܝܟ݂ ܛܲܝܒܘܼܬܘܼܟ݂ ܡܲܚܝܼ ܠܝܼ، 
\q1 ܕܢܵܛܪܹܢ ܣܵܗܕܘܵܬܹ̈‌ܐ ܕܦܘܼܡܘܼܟ݂. 
\qa ܠ 
\q1  
\v 89 ܠܥܵܠܲܡ، ܝܵܐ ܡܵܪܝܵܐ، 
\q1 ܚܲܒܪܘܼܟ݂ ܡܩܵܘܝܵܢܵܐ ܝܠܹܗ ܒܫܡܲܝܵܐ. 
\q1  
\v 90 ܠܕܵܪܵܐ ܘܕܵܪܵܐ ܡܗܘܼܡܢܘܼܬܘܼܟ݂، 
\q1 ܫܘܼܬܐܸܣܵܐ ܠܘܼܟ݂ ܐܲܪܥܵܐ ܘܒܸܟܠܵܝܵܐ ܝܠܵܗ̇. 
\q1  
\v 91 ܒܕܝܼܘܵܢܘܼ̈ܟ݂ ܒܸܟܠܵܝܵܐ ܝܢܵܐ ܐܸܕܝܘܿܡ، 
\q1 ܣܵܒܵܒ ܟܠܵܝܗ‌ܝ ܪܹ̈ܓܵܘܵܬܘܼܟ݂ ܝܼܢܵܐ. 
\q1  
\v 92 ܐܸܢ ܠܵܐ ܗܵܘܹܐ ܗܘܵܐ ܢܵܡܘܿܣܘܼܟ݂ ܒܲܣܝܼܡܘܼܬ‌ܝܼ، 
\q1 ܒܸܬ ܛܵܠܩܹܢ ܗܘܵܐ ܒܥܵܘܩܵܢܝܼ. 
\q1  
\v 93 ܠܥܵܠܲܡ ܠܹܐ ܡܲܢܫܹܝܢ ܦܘܼܩܵܕܘܼ̈ܟ݂، 
\q1 ܣܵܒܵܒ ܒܝܼܵܝܗ‌ܝ ܩܵܡ ܡܲܚܹܝܬ ܠܝܼ. 
\q1  
\v 94 ܕܝܼܘܼܟ݂ ܝܼܘܸܢ ܐܵܢܵܐ، ܦܲܪܸܩ ܠܝܼ، 
\q1 ܣܵܒܵܒ ܠܦܘܼܩܵܕܘܼ̈ܟ݂ ܛܥܹܐ ܠܝܼ. 
\q1  
\v 95 ܣܦܝܼܪܗܘܿܢ ܐܸܠܝܼ ܪ̈ܲܫܝܼܥܹܐ ܠܛܲܠܘܼܩܝܼ، 
\q1 ܐܝܼܢܵܐ ܣܵܗܕܘܵܬܘܼ̈ܟ݂ ܒܸܬ ܦܲܪܡܹܝܢ. 
\q1  
\v 96 ܠܟܠܔ ܟܡܝܼܠܘܼܬܵ‌ܐ ܚܙܹܐ ܠܝܼ ܚܘܼܬܵܡܵܐ، 
\q1 ܐܝܼܢܵܐ ܦܘܼܩܕܵܢܘܼܟ݂ ܪܘܝܼܚܵܐ ܝܠܹܗ ܪܵܒܵܐ. 
\qa ܡ 
\q1  
\v 97 ܟܡܵܐ ܟܹܐ ܡܲܚܸܒܸܢ ܠܢܵܡܘܿܣܘܼܟ݂، 
\q1 ܟܠܹܗ ܝܵܘܡܵܐ ܗ̇ܘ ܝܼܠܹܗ ܗܲܓܲܝܬ‌ܝܼ. 
\q1  
\v 98 ܦܘܼܩܕܵܢܘܼ̈ܟ݂ ܩܵܡ ܥܵܒ݂ܕܝܼ ܠܝܼ ܒܘܼܫ ܚܲܟܝܼܡܵܐ ܡ̣ܢ ܕܸܫ̃ܡܸܢܝܼ̈، 
\q1 ܣܵܒܵܒ ܠܟܸܣܠܝܼ ܝܢܵܐ ܗܲܠܔ ܥܵܠܲܡ. 
\q1  
\v 99 ܗܘܹܐ ܠܝܼ ܒܘܼܫ ܚܲܟܝܼܡܵܐ ܡ̣ܢ ܟܠܵܝܗ‌ܝ ܡܲܠܦܵܢܝܼ̈، 
\q1 ܣܵܒܵܒ ܣܵܗܕܘܵܬܘܼ̈ܟ݂ ܗܲܓܲܝܬܵ‌ܐ ܝܢܵܐ ܐܸܠܝܼ. 
\q1  
\v 100 ܒܘܼܫ ܙܵܘܕܵܐ ܡ̣ܢ ܚܘܵܪ̈ܕܸܩܢܹܐ ܟܹܐ ܦܲܪܡܹܝܢ، 
\q1 ܣܵܒܵܒ ܦܘܼܩܵܕܘܼ̈ܟ݂ ܢܛܝܼܪܵܝ ܠܝܼ. 
\q1  
\v 101 ܡ̣ܢ ܟܠܔ ܐܘܼܪܚܵܐ ܒܝܼܫܬܵ‌ܐ ܡܘܼܟܠܹܐ ܠܝܼ ܐܲܩܠܝܼ̈، 
\q1 ܩܵܐ ܕܢܵܛܪܹܢ ܚܲܒܪܘܼܟ݂. 
\q1  
\v 102 ܡ̣ܢ ܕܝܼܘܵܢܘܼܟ݂ ܠܵܐ ܩܠܝܼܒ ܠܝܼ، 
\q1 ܣܵܒܵܒ ܐܲܢ݇ܬ ܩܵܡ ܡܲܠܦܸܬ ܠܝܼ. 
\q1  
\v 103 ܟܡܵܐ ܚܸܠܝܹ̈ܐ ܝܢܵܐ ܠܫܵܡܵܟܝܼ̈ ܗܹܡܸܙܡܵܢܘܼ̈ܟ݂، 
\q1 ܒܘܼܫ ܚܸܠܝܹ̈ܐ ܡ̣ܢ ܕܸܒ݂ܫܵܐ ܠܦܘܼܡܝܼ. 
\q1  
\v 104 ܡ̣ܢ ܦܘܼܩܵܕܘܼ̈ܟ݂ ܟܹܐ ܫܵܩܠܹܢ ܦܲܪܡܲܝܬܵ‌ܐ، 
\q1 ܒܘܼܬ ܐܵܗܵܐ، ܣܢܹܐ ܠܝܼ ܟܠܔ ܐܘܼܪܚܵܐ ܕܕܘܼܓܠܵܐ. 
\qa ܢ 
\q1  
\v 105 ܫܪܵܓ݂ܵܐ ܝܠܹܗ ܠܐܲܩܠܝܼ ܚܲܒܪܘܼܟ݂، 
\q1 ܘܒܲܗܪܵܐ ܠܫܒ݂ܝܼܠܝܼ. 
\q1  
\v 106 ܝܡܹܐ ܠܝܼ ܘܒܸܬ ܡܲܩܘܹܝܢ ܡܵܘܡܝܼܬ‌ܝܼ، 
\q1 ܠܸܢܛܵܪܵܐ ܕܝܼܘܵܢܹ̈ܐ ܕܙܲܕܝܼܩܘܼܬܘܼܟ݂. 
\q1  
\v 107 ܦܝܼܫ ܠܝܼ ܡܘܼܠܝܸܨܵܐ ܟ̰ܸܡ ܪܵܒܵܐ، 
\q1 ܝܵܐ ܡܵܪܝܵܐ، ܡܲܚܝܼ ܠܝܼ ܐܲܝܟ݂ ܚܲܒܪܘܼܟ݂. 
\q1  
\v 108 ܩܲܒܸܠܔ ܠܗܘܿܢ ܩܘܼܪ̈ܒܵܢܹܐ ܕܨܸܒ݂ܝܵܢܵܐ ܡ̣ܢ ܦܘܼܡܝܼ، ܝܵܐ ܡܵܪܝܵܐ، 
\q1 ܘܕܝܼܘܵܢܘܼ̈ܟ݂ ܡܲܠܸܦ ܠܝܼ. 
\q1  
\v 109 ܓܵܢܝܼ ܒܩܹܘܲܢܕܹܢܘܿܣ ܝܠܵܗ̇ ܐܲܡܝܼܢܵܐܝܼܬ، 
\q1 ܐܝܼܢܵܐ ܢܵܡܘܿܣܘܼܟ݂ ܠܵܐ ܡܘܼܢܫܹܐ ܠܝܼ. 
\q1  
\v 110 ܡܘܼܬܸܒ݂ ܠܗܘܿܢ ܪ̈ܲܫܝܼܥܹܐ ܦܲܚܵܐ ܐܸܠܝܼ، 
\q1 ܐܝܼܢܵܐ ܡ̣ܢ ܦܘܼܩܵܕܘܼ̈ܟ݂ ܠܵܐ ܚܠܝܼܛ ܠܝܼ. 
\q1  
\v 111 ܗܘܹܐ ܠܗܘܿܢ ܝܵܪܬܘܼܬܵ‌ܐ ܐܸܠܝܼ ܣܵܗܕܘܵܬܘܼ̈ܟ݂ ܠܥܵܠܲܡ، 
\q1 ܣܵܒܵܒ ܦܨܝܼܚܘܼܬܵ‌ܐ ܕܠܸܒܝܼ ܝܢܵܐ. 
\q1  
\v 112 ܡܘܼܬܸܒ݂ ܠܝܼ ܠܸܒܝܼ ܠܸܥܒ݂ܵܕܵܐ ܩܵܢܘܿܢܘܼ̈ܟ݂، 
\q1 ܠܥܵܠܲܡ، ܗܲܠܔ ܚܲܪܬܵ‌ܐ. 
\qa ܣ 
\q1  
\v 113 ܠܦܠܝܼܥܵܐ ܒܪܸܥܝܵܢܵܐ ܟܹܐ ܣܵܢܹܝܢ، 
\q1 ܐܝܼܢܵܐ ܠܢܵܡܘܿܣܘܼܟ݂ ܟܹܐ ܡܲܚܸܒܸܢ. 
\q1  
\v 114 ܣܸܬܵܪܝܼ ܘܡܵܛܵܠܝܼ ܐܲܢ݇ܬ ܝܼܘܸܬ، 
\q1 ܠܚܲܒܪܘܼܟ݂ ܟܹܐ ܣܵܦܪܹܢ. 
\q1  
\v 115 ܪܚܘܿܩܘܼܢ ܡܸܢܝܼ، ܝܵܐ ܒܝܼܫܹ̈ܐ، 
\q1 ܕܢܵܛܪܹܢ ܦܘܼܩܕܵܢܹ̈ܐ ܕܐܲܠܵܗ‌ܝܼ. 
\q1  
\v 116 ܣܢܘܿܕ ܠܝܼ ܐܲܝܟ݂ ܗܹܡܸܙܡܵܢܘܼܟ݂ ܩܵܐ ܕܚܵܝܹܝܢ، 
\q1 ܘܠܵܐ ܫܵܒ݂ܩܹܬ ܢܵܟ݂ܦܹܢ ܡ̣ܢ ܣܲܒ݂ܪܵܐ ܕܐܝܼܬ ܠܝܼ. 
\q1  
\v 117 ܣܢܘܿܕ ܠܝܼ ܩܵܐ ܕܦܵܝܫܹܢ ܦܘܼܪܩܵܐ، 
\q1 ܘܒܸܬ ܚܵܝܪܹܢ ܒܩܵܢܘܿܢܘܼ̈ܟ݂ ܐܲܡܝܼܢܵܐܝܼܬ. 
\q1  
\v 118 ܡܘܼܣܠܹܐ ܠܘܼܟ݂ ܠܟܠܵܝܗ‌ܝ ܚܵܠܛܵܢܹ̈ܐ ܡ̣ܢ ܩܵܢܘܿܢܘܼ̈ܟ݂، 
\q1 ܣܵܒܵܒ ܣܪܝܼܩܵܐ ܝܠܹܗ ܦܸܠܡܵܝܗ‌ܝ. 
\q1  
\v 119 ܐܲܝܟ݂ ܚܸܠܬ ܕܣܹܐܡܵܐ ܪܘܼܦܝܵܝ ܠܘܼܟ݂ ܟܠܵܝܗ‌ܝ ܪ̈ܲܫܝܼܥܹܐ ܕܐܲܪܥܵܐ، 
\q1 ܒܘܼܬ ܐܵܗܵܐ، ܟܹܐ ܡܲܚܸܒܸܢ ܠܟܠܵܝܗ‌ܝ ܣܵܗܕܘܵܬܘܼ̈ܟ݂. 
\q1  
\v 120 ܪܘܼܬܪܸܬ ܠܹܗ ܒܸܣܪܝܼ ܒܥܸܠܬܵ‌ܐ ܕܣܘܼܪܵܕܘܼܟ݂، 
\q1 ܘܡ̣ܢ ܕܝܼܘܵܢܘܼ̈ܟ݂ ܟܹܐ ܙܵܕܥܹܢ. 
\qa ܥ 
\q1  
\v 121 ܥܒ݂ܝܼܕ ܠܝܼ ܕܝܼܘܵܢ ܘܙܲܕܝܼܩܘܼܬܵ‌ܐ، 
\q1 ܠܵܐ ܫܵܒ݂ܩܹܬ ܠܝܼ ܒܐܝܼܕܵܐ ܕܙܵܠܡܵܢܝܼ̈. 
\q1  
\v 122 ܗܘܝܼ ܥܲܪܵܒ݂ܵܐ ܕܪܹܓܘܼܟ݂ ܠܛܵܒ݂ܬܵ‌ܐ، 
\q1 ܠܵܐ ܫܵܒ݂ܩܹܬ ܙܵܠܡܝܼ ܐܸܠܝܼ ܚܵܬܪ̈ܵܢܹܐ. 
\q1  
\v 123 ܥܲܝܢܝܼ̈ ܚܒܹܐ ܠܗܘܿܢ ܒܸܣܦܵܪܵܐ ܠܦܘܼܪܩܵܢܘܼܟ݂، 
\q1 ܘܠܗܹܡܸܙܡܵܢ ܕܙܲܕܝܼܩܘܼܬܘܼܟ݂. 
\q1  
\v 124 ܥܒ݂ܘܿܕ ܥܲܡ ܪܹܓܘܼܟ݂ ܐܲܝܟ݂ ܛܲܝܒܘܼܬܘܼܟ݂، 
\q1 ܘܩܵܢܘܿܢܘܼ̈ܟ݂ ܡܲܠܸܦ ܐܸܠܝܼ. 
\q1  
\v 125 ܥܲܒ݂ܕܘܼܟ݂ ܝܼܘܸܢ ܐܵܢܵܐ، ܡܲܦܪܸܡ ܠܝܼ 
\q1 ܕܝܵܕܥܹܢ ܣܵܗܕܘܵܬܘܼ̈ܟ݂. 
\q1  
\v 126 ܥܕܵܢܵܐ ܝܠܵܗ̇ ܕܥܵܒܹܕ ܚܲܕ ܡܸܢܕܝܼ ܡܵܪܝܵܐ، 
\q1 ܒܗ̇ܝ ܕܒܘܼܛܸܠܔ ܠܗܘܿܢ ܢܵܡܘܿܣܘܼܟ݂. 
\q1  
\v 127 ܒܘܼܬ ܐܵܗܵܐ، ܟܹܐ ܡܲܚܸܒܸܢ ܦܘܼܩܕܵܢܘܼ̈ܟ݂، 
\q1 ܒܘܼܫ ܡ̣ܢ ܕܲܗܒ݂ܵܐ، ܘܡ̣ܢ ܕܲܗܒ݂ܵܐ ܨܸܦܝܵܐ. 
\q1  
\v 128 ܒܘܼܬ ܐܵܗܵܐ، ܟܠܵܝܗ‌ܝ ܦܘܼܩܵܕܹ̈ܐ ܟܹܐ ܢܵܛܪܹܢ ܬܪܘܼܨܵܐܝܼܬ، 
\q1 ܟܠܵܗ̇ ܐܘܼܪܚܵܐ ܕܕܘܼܓܠܵܐ ܣܢܹܐ ܠܝܼ. 
\qa ܦ 
\q1  
\v 129 ܥܓ̰ܝܼܒܹ̈ܐ ܝܢܵܐ ܣܵܗܕܘܵܬܘܼ̈ܟ݂، 
\q1 ܒܘܼܬ ܐܵܗܵܐ ܢܛܝܼܪܵܝ ܠܵܗ̇ ܓܵܢܝܼ. 
\q1  
\v 130 ܦܬܵܚܬܵ‌ܐ ܕܚܲܒܪܘܼܟ݂ ܟܹܐ ܒܲܗܪܸܢܵܐ، 
\q1 ܟܹܐ ܡܲܦܪܸܡܵܐ ܠܗܘܿܢ ܦܫܝܼ̈ܛܹܐ. 
\q1  
\v 131 ܦܘܼܡܝܼ ܦܬܝܼܚ ܠܝܼ ܘܡܘܼܠܗܸܕ ܠܝܼ، 
\q1 ܣܵܒܵܒ ܠܦܘܼܩܕܵܢܘܼ̈ܟ݂ ܪܘܼܚܪܸܚ ܠܝܼ. 
\q1  
\v 132 ܕܘܼܪ ܠܟܸܣܠܝܼ ܘܪܲܚܸܡ ܥܲܠܝܼ، 
\q1 ܐܲܝܟ݂ ܕܝܼܘܵܢܘܼܟ݂ ܠܡܲܚܸܒܵܢܹ̈ܐ ܕܫܸܡܘܼܟ݂. 
\q1  
\v 133 ܡܲܩܘܝܼ ܦܵܣܘܿܥܝܵܬ‌ܝܼ̈ ܒܗܹܡܸܙܡܵܢܘܼܟ݂، 
\q1 ܘܠܵܐ ܫܵܒ݂ܩܹܬ ܗܲܟܸܡ ܥܲܠܝܼ ܟܠܔ ܥܵܘܠܵܐ. 
\q1  
\v 134 ܦܲܪܸܩ ܠܝܼ ܡ̣ܢ ܙܠܘܼܡܝܵܐ ܕܒܲܪܢܵܫܵܐ، 
\q1 ܩܵܐ ܕܢܵܛܪܹܢ ܦܘܼܩܵܕܘܼ̈ܟ݂. 
\q1  
\v 135 ܒܲܗܪܸܢ ܦܵܬܘܼܟ݂ ܥܲܠܔ ܪܹܓܘܼܟ݂، 
\q1 ܘܡܲܠܸܦ ܠܝܼ ܩܵܢܘܿܢܘܼ̈ܟ݂. 
\q1  
\v 136 ܫܵܩ̈ܝܼܵܬܹ‌ܐ ܕܡ̈ܝܼܵܐ ܓ̰ܪܹܐ ܠܗܘܿܢ ܡ̣ܢ ܥܲܝܢܝܼ̈، 
\q1 ܣܵܒܵܒ ܠܵܐ ܢܛܝܼܪܗܘܿܢ ܢܵܡܘܿܣܘܼܟ݂. 
\qa ܨ 
\q1  
\v 137 ܙܲܕܝܼܩܵܐ ܝܘܸܬ ܐܲܢ݇ܬ، ܝܵܐ ܡܵܪܝܵܐ، 
\q1 ܘܬܪ̈ܘܼܨܹܐ ܝܢܵܐ ܕܝܼܘܵܢܘܼ̈ܟ݂. 
\q1  
\v 138 ܦܩܝܼܕܵܝ ܠܘܼܟ݂ ܣܵܗܕܘܵܬܘܼ̈ܟ݂ ܒܙܲܕܝܼܩܘܼܬܵ‌ܐ، 
\q1 ܘܒܟܠܔ ܡܗܘܼܡܢܘܼܬܵ‌ܐ. 
\q1  
\v 139 ܩܵܡ ܐܵܟܹܠܔ ܠܝܼ ܛܢܵܢܝܼ، 
\q1 ܣܵܒܵܒ ܡܘܼܢܫܹܐ ܠܗܘܿܢ ܚܲܒܪ̈ܵܢܘܼܟ݂ ܕܸܫ̃ܡܸܢܝܼ̈. 
\q1  
\v 140 ܨܘܼܪܸܦܬܵ‌ܐ ܝܠܵܗ̇ ܗܹܡܸܙܡܵܢܘܼܟ݂ ܪܵܒܵܐ، 
\q1 ܘܪܹܓܘܼܟ݂ ܟܹܐ ܡܲܚܸܒ ܠܵܗ̇. 
\q1  
\v 141 ܙܥܘܿܪܵܐ ܝܘܸܢ ܐܵܢܵܐ ܘܡܘܼܣܠܝܼܵܐ، 
\q1 ܐܝܼܢܵܐ ܦܘܼܩܵܕܘܼ̈ܟ݂ ܠܵܐ ܢܸܫܝܵܝ ܠܝܼ. 
\q1  
\v 142 ܙܲܕܝܼܩܘܼܬܘܼܟ݂ ܙܲܕܝܼܩܘܼܬܵ‌ܐ ܝܠܵܗ̇ ܠܥܵܠܲܡ، 
\q1 ܘܢܵܡܘܿܣܘܼܟ݂ ܫܪܵܪܵܐ ܝܠܹܗ. 
\q1  
\v 143 ܥܵܘܩܵܢܵܐ ܘܐܘܼܠܨܵܢܵܐ ܩܵܡ ܡܲܫ݇ܟ̰ܚܝܼ ܠܝܼ، 
\q1 ܐܝܼܢܵܐ ܒܲܣܝܼܡܘܼܬ‌ܝܼ ܝܢܵܐ ܦܘܼܩܕܵܢܘܼ̈ܟ݂. 
\q1  
\v 144 ܙܲܕܝܼܩܘܼܬܵ‌ܐ ܝܢܵܐ ܣܵܗܕܘܵܬܘܼ̈ܟ݂ ܠܥܵܠܲܡ، 
\q1 ܗܲܒ݂ܠܔ ܠܝܼ ܦܲܪܡܲܝܬܵ‌ܐ ܕܚܵܝܹܝܢ. 
\qa ܩ 
\q1  
\v 145 ܩܪܹܐ ܠܝܼ ܒܟܠܹܗ ܠܸܒܵܐ؛ ܓ̰ܲܘܸܒ ܠܝܼ، ܝܵܐ ܡܵܪܝܵܐ، 
\q1 ܘܩܵܢܘܿܢܘܼ̈ܟ݂ ܒܸܬ ܢܵܛܪܹܢ. 
\q1  
\v 146 ܩܪܹܐ ܠܝܼ ܐܸܠܘܼܟ݂، ܦܲܪܸܩ ܠܝܼ، 
\q1 ܘܒܸܬ ܢܵܛܪܹܢ ܣܵܗܕܘܵܬܘܼ̈ܟ݂. 
\q1  
\v 147 ܩܕܝܼܡ ܠܝܼ ܓ̰ܲܠܕܹܐ ܒܨܲܦܪܵܐ ܘܓܥܹܐ ܠܝܼ، 
\q1 ܠܚܲܒܪܘܼܟ݂ ܣܦܝܼܪܝܼ. 
\q1  
\v 148 ܦܬܝܼܚܹܐ ܝܢܵܐ ܥܲܝܢܝܼ̈ ܒܒܲܕ̈ܠܹܐ ܕܠܲܝܠܹܐ، 
\q1 ܠܗܲܓܘܼܝܹܐ ܗܹܡܸܙܡܵܢܘܼܟ݂. 
\q1  
\v 149 ܫܡܹܥ ܩܵܠܝܼ ܐܲܝܟ݂ ܛܲܝܒܘܼܬܘܼܟ݂، 
\q1 ܝܵܐ ܡܵܪܝܵܐ، ܐܲܝܟ݂ ܕܝܼܘܵܢܘܼܟ݂ ܡܲܚܝܼ ܠܝܼ. 
\q1  
\v 150 ܩܘܼܪܒܸܢܗܘܿܢ ܐܸܠܝܼ ܢܵܦܠܵܢܹ̈ܐ ܕܒܵܬܪ ܒܝܼܫܬܵ‌ܐ، 
\q1 ܪܚܝܼܩ ܠܗܘܿܢ ܡ̣ܢ ܢܵܡܘܿܣܘܼܟ݂. 
\q1  
\v 151 ܩܘܼܪܒܵܐ ܝܘܸܬ ܐܲܢ݇ܬ، ܝܵܐ ܡܵܪܝܵܐ، 
\q1 ܘܫܪܵܪܵܐ ܝܢܵܐ ܟܠܵܝܗ‌ܝ ܦܘܼܩܕܵܢܘܼ̈ܟ݂. 
\q1  
\v 152 ܡ̣ܢ ܓ̰ܲܠܕܹܐ ܝܕܝܼܥ ܠܝܼ ܡ̣ܢ ܣܵܗܕܘܵܬܘܼ̈ܟ݂، 
\q1 ܕܠܥܵܠܲܡ ܫܘܼܬܐܸܣܵܝ ܝܘܸܬ. 
\qa ܪ 
\q1  
\v 153 ܚܙܝܼ ܐܘܼܠܨܵܢܝܼ ܘܦܲܨܝܼ ܠܝܼ، 
\q1 ܣܵܒܵܒ ܢܵܡܘܿܣܘܼܟ݂ ܠܵܐ ܡܘܼܢܫܹܐ ܠܝܼ. 
\q1  
\v 154 ܥܒ݂ܘܿܕ ܕܝܼܘܵܢܝܼ ܘܦܲܪܸܩ ܠܝܼ، 
\q1 ܐܲܝܟ݂ ܗܹܡܸܙܡܵܢܘܼܟ݂ ܡܲܚܝܼ ܠܝܼ. 
\q1  
\v 155 ܪܸܚܩܵܐ ܝܠܹܗ ܦܘܼܪܩܵܢܵܐ ܡ̣ܢ ܪ̈ܲܫܝܼܥܹܐ، 
\q1 ܣܵܒܵܒ ܠܩܵܢܘܿܢܘܼ̈ܟ݂ ܠܵܐ ܛܥܹܐ ܠܗܘܿܢ. 
\q1  
\v 156 ܪܵܒܵܐ ܝܢܵܐ ܪ̈ܲܚܡܘܼܟ݂، ܝܵܐ ܡܵܪܝܵܐ، 
\q1 ܐܲܝܟ݂ ܕܝܼܘܵܢܘܼ̈ܟ݂ ܡܲܚܝܼ ܠܝܼ. 
\q1  
\v 157 ܪܵܒܵܐ ܝܢܵܐ ܪ̈ܵܕܘܿܦܝܼ ܘܕܸܫ̃ܡܸܢܝܼ̈، 
\q1 ܐܝܼܢܵܐ ܡ̣ܢ ܣܵܗܕܘܵܬܘܼ̈ܟ݂ ܠܵܐ ܩܠܝܼܒ ܠܝܼ. 
\q1  
\v 158 ܚܙܹܐ ܠܝܼ ܚܵܝܝܼܢܹ̈ܐ ܘܓܘܼܢܓܸܙ ܠܝܼ، 
\q1 ܣܵܒܵܒ ܗܹܡܸܙܡܵܢܘܼ̈ܟ݂ ܠܵܐ ܢܛܝܼܪܗܘܿܢ. 
\q1  
\v 159 ܚܙܝܼ ܕܵܐܟ݂ܝܼ ܦܘܼܩܵܕܘܼ̈ܟ݂ ܟܹܐ ܡܲܚܸܒܸܢ، 
\q1 ܝܵܐ ܡܵܪܝܵܐ، ܐܲܝܟ݂ ܛܲܝܒܘܼܬܘܼܟ݂ ܡܲܚܝܼ ܠܝܼ. 
\q1  
\v 160 ܐܝܼܬܘܼܬܵ‌ܐ ܕܚܲܒܪܘܼܟ݂ ܫܲܪܝܼܪܘܼܬܵ‌ܐ ܝܠܵܗ̇، 
\q1 ܘܠܥܵܠܲܡ ܝܼܢܵܐ ܟܠܵܝܗ‌ܝ ܕܝܼܘܵܢܹ̈ܐ ܕܙܲܕܝܼܩܘܼܬܘܼܟ݂. 
\qa ܫ 
\q1  
\v 161 ܓܘܼܪ̈ܵܢܹܐ ܢܦܝܼܠܔ ܠܗܘܿܢ ܒܵܬܪܝܼ ܒܠܵܐ ܥܸܠܬܵ‌ܐ، 
\q1 ܐܝܼܢܵܐ ܡ̣ܢ ܚܲܒܪ̈ܘܼܟ݂ ܟܹܐ ܙܵܕܹܥ ܠܸܒܝܼ. 
\q1  
\v 162 ܒܸܦܨܵܚܵܐ ܝܘܸܢ ܐܵܢܵܐ ܥܲܠܔ ܗܹܡܸܙܡܵܢܘܼܟ݂، 
\q1 ܐܲܝܟ݂ ܗ̇ܘ ܕܡܲܫ݇ܟ̰ܸܚ ܣܠܵܒܬܵ‌ܐ ܪܵܒܵܐ. 
\q1  
\v 163 ܟܹܐ ܣܵܢܹܝܢ ܠܕܘܼܓܠܵܐ ܘܟܹܐ ܓܲܢܓܸܙܸܢ ܡܸܢܹܗ، 
\q1 ܐܝܼܢܵܐ ܢܵܡܘܿܣܘܼܟ݂ ܟܹܐ ܡܲܚܸܒܸܢ. 
\q1  
\v 164 ܫܒܲܥ ܓܵܗܹ̈ܐ ܒܝܵܘܡܵܐ ܟܹܐ ܫܲܒܚܸܢܘܼܟ݂، 
\q1 ܒܘܼܬ ܕܝܼܘܵܢܹ̈ܐ ܕܙܲܕܝܼܩܘܼܬܘܼܟ݂. 
\q1  
\v 165 ܫܠܵܡܵܐ ܪܵܒܵܐ ܐܝܼܬ ܠܡܲܚܸܒܵܢܹ̈ܐ ܕܢܵܡܘܿܣܘܼܟ݂، 
\q1 ܘܠܲܝܬ ܐܸܠܵܝܗ‌ܝ ܬܘܼܪܩܵܠܵܐ. 
\q1  
\v 166 ܣܒܝܼܪܝܼ ܒܦܘܼܪܩܵܢܘܼܟ݂، ܝܵܐ ܡܵܪܝܵܐ، 
\q1 ܘܦܘܼܩܕܵܢܘܼ̈ܟ݂ ܥܒ݂ܝܼܕ ܠܝܼ. 
\q1  
\v 167 ܢܛܝܼܪܵܗ̇ ܓܵܢܝܼ ܣܵܗܕܘܵܬܘܼ̈ܟ݂، 
\q1 ܘܟܹܐ ܡܲܚܸܒܸܢܗܘܿܢ ܪܵܒܵܐ. 
\q1  
\v 168 ܢܛܝܼܪܝܼ ܦܘܼܩܵܕܘܼ̈ܟ݂ ܘܣܵܗܕܘܵܬܘܼ̈ܟ݂، 
\q1 ܣܵܒܵܒ ܟܠܵܝܗ‌ܝ ܐܘܼܪ̈ܚܵܬ‌ܝܼ ܩܲܕܡ ܥܲܝ̈ܢܘܼܟ݂ ܝܼܢܵܐ. 
\qa ܬ 
\q1  
\v 169 ܩܲܪܒܸܢܵܐ ܡܲܩܘܲܚܬ‌ܝܼ ܠܟܸܣܠܘܼܟ݂، ܝܵܐ ܡܵܪܝܵܐ، 
\q1 ܐܲܝܟ݂ ܚܲܒܪܘܼܟ݂ ܡܲܦܪܸܡ ܠܝܼ. 
\q1  
\v 170 ܥܵܒ݂ܪܵܐ ܩܲܕܡܘܼܟ݂ ܦܲܪܦܲܠܬ‌ܝܼ، 
\q1 ܐܲܝܟ݂ ܗܹܡܸܙܡܵܢܘܼܟ݂ ܦܲܨܝܼ ܠܝܼ. 
\q1  
\v 171 ܡܲܢܒܸܥܝܼ ܣܸܦܘܵܬ‌ܝܼ̈ ܬܸܫܒܘܿܚܬܵ‌ܐ، 
\q1 ܣܵܒܵܒ ܟܹܐ ܡܲܠܦܸܬ ܠܝܼ ܩܵܢܘܿܢܘܼ̈ܟ݂. 
\q1  
\v 172 ܙܵܡܹܪ ܠܸܫܵܢܝܼ ܗܹܡܸܙܡܵܢܘܼܟ݂، 
\q1 ܣܵܒܵܒ ܟܠܵܝܗ‌ܝ ܦܘܼܩܕܵܢܘܼ̈ܟ݂ ܙܲܕܝܼܩܘܼܬܵ‌ܐ ܝܢܵܐ. 
\q1  
\v 173 ܗܵܘܝܵܐ ܐܝܼܕܘܼܟ݂ ܠܗܲܝܘܼܪܝܼ، 
\q1 ܣܵܒܵܒ ܦܘܼܩܵܕܘܼ̈ܟ݂ ܓܘܼܒܹܐ ܠܝܼ. 
\q1  
\v 174 ܪܘܼܚܪܸܚ ܠܝܼ ܠܦܘܼܪܩܵܢܘܼܟ݂، ܝܵܐ ܡܵܪܝܵܐ، 
\q1 ܘܢܵܡܘܿܣܘܼܟ݂ ܒܘܼܣܵܡܝܼ ܝܠܹܗ. 
\q1  
\v 175 ܚܵܝܵܐ ܓܵܢܝܼ ܘܫܲܒܚܵܐ ܐܸܠܘܼܟ݂، 
\q1 ܘܕܝܼܘܵܢܘܼ̈ܟ݂ ܗܲܝܸܪܝܼ ܠܝܼ. 
\q1  
\v 176 ܚܠܝܼܛ ܠܝܼ ܐܲܝܟ݂ ܥܸܪܒܵܐ ܛܠܝܼܩܵܐ؛ ܛܥܝܼ ܒܵܬܪ ܪܹܓܘܼܟ݂، 
\q1 ܣܵܒܵܒ ܦܘܼܩܕܵܢܘܼ̈ܟ݂ ܠܵܐ ܡܘܼܢܫܹܐ ܠܝܼ. 
\c 120  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܠܡܵܪܝܵܐ ܒܥܵܘܩܵܢܝܼ ܩܪܹܐ ܠܝܼ، 
\q1 ܘܩܵܡ ܓ̰ܲܘܸܒ ܠܝܼ. 
\q1  
\v 2 ܝܵܐ ܡܵܪܝܵܐ، ܦܲܨܝܼ ܓܵܢܝܼ ܡ̣ܢ ܣܸܦܘܵܬܹ̈‌ܐ ܕܕܘܼܓܠܵܐ، 
\q1 ܡ̣ܢ ܠܸܫܵܢܵܐ ܕܦܸܠܡܵܐ. 
\q1  
\v 3 ܡܘܼܕܝܼ ܒܸܬ ܥܵܒܹܕ ܐܸܠܘܼܟ݂، ܘܡܘܼܕܝܼ ܒܸܬ ܡܲܙܝܸܕ، 
\q1 ܠܸܫܵܢܵܐ ܕܦܸܠܡܵܐ؟ 
\q1  
\v 4 ܓܹܐܪܹ̈ܐ ܚܲܪ̈ܝܼܦܹܐ ܕܓܲܒܵܪܵܐ، 
\q1 ܥܲܡ ܓܘܼܡܪܹ̈ܐ ܕܐܝܼܠܵܢܹ̈ܐ ܕܒܸܛܡܵܐ. 
\q1  
\v 5 ܘܵܝ ܐܸܠܝܼ ܒܗ̇ܝ ܕܗܘܹܐ ܠܝܼ ܡܵܫܵܚܲܛ ܒܡܹܫܲܟ، 
\q1 ܫܪܹܐ ܠܝܼ ܒܡܲܫܟܢܹ̈ܐ ܕܩܹܕܲܪ. 
\q1  
\v 6 ܝܪܝܼܟ݂ ܠܵܗ̇ ܥܲܠܝܼ ܥܡܵܪܬܵ‌ܐ ܕܓܵܢܝܼ، 
\q1 ܥܲܡ ܣܵܢܝܵܢܹ̈ܐ ܕܫܠܵܡܵܐ. 
\q1  
\v 7 ܐܵܢܵܐ ܒܵܬܪ ܫܠܵܡܵܐ ܝܘܸܢ، 
\q1 ܐܝܼܢܵܐ ܐܝܼܡܲܢ ܕܗܲܡܙܸܡܸܢ، ܐܵܢܝܼ ܒܵܬܪ ܦܠܵܫܵܐ ܝܢܵܐ. 
\c 121  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܒܸܬ ܡܲܪܡܸܢ ܥܲܝܢܝܼ̈ ܠܛܘܼܪ̈ܵܢܹܐ، 
\q1 ܡ̣ܢ ܐܲܝܟܵܐ ܒܸܬ ܐܵܬܝܵܐ ܗܲܝܲܪܬ‌ܝܼ؟ 
\q1  
\v 2 ܗܲܝܲܪܬ‌ܝܼ ܡ̣ܢ ܠܟܸܣ ܡܵܪܝܵܐ ܝܠܵܗ̇، 
\q1 ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ. 
\q1  
\v 3 ܠܹܐ ܫܵܒܹܩ ܐܲܩܠܘܼܟ݂ ܓ̰ܵܪܛܵܐ، 
\q1 ܠܹܐ ܢܵܐܹܡ ܢܵܛܘܿܪܘܼܟ݂. 
\q1  
\v 4 ܗܵܐ، ܠܹܐ ܢܵܐܹܡ ܘܠܹܐ ܛܵܠܹܥ، 
\q1 ܢܵܛܘܿܪܵܐ ܕܐܝܼܣܪܵܐܹܝܠܔ. 
\q1  
\v 5 ܡܵܪܝܵܐ ܝܠܹܗ ܢܵܛܘܿܪܘܼܟ݂، 
\q1 ܡܵܪܝܵܐ ܝܠܹܗ ܛܸܠܵܢܝܼܬܘܼܟ݂ ܥܲܠܔ ܐܝܼܕܵܐ ܕܝܲܡܝܼܢܘܼܟ݂. 
\q1  
\v 6 ܒܐܝܼܡܵܡܵܐ ܫܸܡܫܵܐ ܠܹܐ ܡܵܚܹܐ ܠܘܼܟ݂، 
\q1 ܐܵܦܠܵܐ ܣܲܗܪܵܐ ܒܠܲܝܠܹܐ. 
\q1  
\v 7 ܡܵܪܝܵܐ ܒܸܬ ܢܵܛܹܪܘܼܟ݂ ܡ̣ܢ ܟܠܔ ܒܝܼܫܬܵ‌ܐ، 
\q1 ܒܸܬ ܢܵܛܹܪ ܠܓܵܢܘܼܟ݂. 
\q1  
\v 8 ܡܵܪܝܵܐ ܒܸܬ ܢܵܛܹܪ ܦܠܵܛܘܼܟ݂ ܘܥܒ݂ܵܪܘܼܟ݂، 
\q1 ܡ̣ܢ ܐܵܕܝܼܵܐ ܘܗܲܠܔ ܥܵܠܲܡ. 
\c 122  
\s1 ܙܡܪܬ‌ܐ ܕܐܣܩܬ‌ܐ، ܒܝܕ ܕܘܝܕ. 
\q1  
\v 1 ܚܕܹܐ ܠܝܼ ܟܲܕ ܐܡܝܼܪܗܘܿܢ ܐܸܠܝܼ: 
\q1 ”ܠܒܲܝܬܵ‌ܐ ܕܡܵܪܝܵܐ ܐܵܙܲܠ݇ܚ.“ 
\q1  
\v 2 ܒܸܟܠܵܝܵܐ ܝܗܘܵܘ ܐܲܩܠܵܬܲܢ̈ 
\q1 ܒܕܲܪ̈ܘܵܙܵܟ݂ܝ، ܝܵܐ ܐܘܿܪܸܫܠܸܡ. 
\q1  
\v 3 ܐܘܿܪܸܫܠܸܡ ܒܢܝܼܬܵ‌ܐ، 
\q1 ܐܲܝܟ݂ ܡܕܝܼܢ݇ܬܵ‌ܐ ܩܕܝܼܚܬܵ‌ܐ ܒܚܕܵܕܹ̈ܐ. 
\q1  
\v 4 ܕܬܵܡܵܐ ܐܣܝܼܩ ܠܗܘܿܢ ܫܲܒ݂ܛܹ̈ܐ، ܫܲܒ݂ܛܹ̈ܐ ܕܡܵܪܝܵܐ، 
\q1 ܣܵܗܕܘܼܬܵ‌ܐ ܠܐܝܼܣܪܵܐܹܝܠܔ، 
\q1 ܠܫܲܟܘܼܪܹܐ ܠܫܸܡܵܐ ܕܡܵܪܝܵܐ. 
\q1  
\v 5 ܣܵܒܵܒ ܬܵܡܵܐ ܝܬܝܼܒ݂ ܠܗܘܿܢ ܟܘܼܪ̈ܣܝܼܹܐ ܠܕܝܼܘܵܢ، 
\q1 ܟܘܼܪ̈ܣܝܼܹܐ ܕܒܹܝܬ ܕܵܘܝܼܕ. 
\q1  
\v 6 ܛܠܘܿܒܘܼܢ ܫܠܵܡܵܐ ܕܐܘܿܪܸܫܠܸܡ، 
\q1 ܗܵܘܝܼ ܡܲܢܬܝܼܵܢܹ̈ܐ ܡܲܚܸܒܵܢܵܟ݂ܝ̈. 
\q1  
\v 7 ܗܵܘܹܐ ܫܠܵܡܵܐ ܒܫܘܼܪ̈ܵܟ݂ܝ، 
\q1 ܫܸܠܝܘܼܬܵ‌ܐ ܒܩܲܨܪ̈ܵܟ݂ܝ. 
\q1  
\v 8 ܒܘܼܬ ܐܲܚܘܿܢܘܵܬ‌ܝܼ̈ ܘܪ̈ܵܚܡܝܼ، 
\q1 ܒܸܬ ܐܵܡܪܹܢ: ”ܗܵܘܹܐ ܫܠܵܡܵܐ ܓܵܘܵܟ݂ܝ.“ 
\q1  
\v 9 ܒܘܼܬ ܒܲܝܬܵ‌ܐ ܕܡܵܪܝܵܐ ܐܲܠܵܗܲܢ، 
\q1 ܒܸܬ ܒܵܥܹܝܢ ܛܵܒ݂ܬܵ‌ܐ ܐܸܠܵܟ݂ܝ. 
\c 123  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܠܟܸܣܠܘܼܟ݂ ܡܲܪܘܼܡܹܐ ܝܘܸܢ ܥܲܝܢܝܼ̈، 
\q1 ܝܵܐ ܝܵܬܒ݂ܵܢܵܐ ܒܫܡܲܝܵܐ. 
\q1  
\v 2 ܗܵܐ، ܐܲܝܟ݂ ܥܲܝ̈ܢܹܐ ܕܪܹ̈ܓܵܘܵܬܹ‌ܐ ܠܐܝܼܕܵܐ ܕܡܵܪ̈ܵܘܵܬܵܝܗ‌ܝ، 
\q1 ܐܲܝܟ݂ ܥܲܝ̈ܢܹܐ ܕܚܸܕܲܡܬܵ‌ܐ ܠܐܝܼܕܵܐ ܕܡܵܪܬܘܼܗ̇، 
\q1 ܗܵܕܟ݂ܵܐ ܝܢܵܐ ܥܲܝܢܲܢ̈ ܠܡܵܪܝܵܐ ܐܲܠܵܗܲܢ، 
\q1 ܗܲܠܔ ܕܪܲܚܸܡ ܥܲܠܲܢ. 
\q1  
\v 3 ܪܲܚܸܡ ܥܲܠܲܢ، ܝܵܐ ܡܵܪܝܵܐ، ܪܲܚܸܡ ܥܲܠܲܢ، 
\q1 ܣܵܒܵܒ ܪܵܒܵܐ ܣܒ݂ܝܼܥ ܠܲܢ ܡ̣ܢ ܡܲܣܠܲܝܬܵ‌ܐ. 
\q1  
\v 4 ܪܵܒܵܐ ܣܒ݂ܝܼܥ ܠܵܗ̇ ܓܵܢܲܢ، 
\q1 ܡ̣ܢ ܡܲܣܚܲܪܬܵ‌ܐ ܕܪ̈ܵܘܚܵܢܹܐ، 
\q1 ܡ̣ܢ ܡܲܣܠܲܝܬܵ‌ܐ ܕܫܲܒ݂ܗܸܪ̈ܵܢܹܐ. 
\c 124  
\s1 ܙܡܪܬ‌ܐ ܕܐܣܩܬ‌ܐ، ܒܝܕ ܕܘܝܕ. 
\q1  
\v 1 ܐܸܢ ܠܵܐ ܗܵܘܹܐ ܗܘܵܐ ܡܵܪܝܵܐ ܠܓܹܒܲܢ، 
\q1 ܫܒ݂ܘܿܩ ܐܵܡܹܪ ܐܝܼܣܪܵܐܹܝܠܔ، 
\q1  
\v 2 ܐܸܢ ܠܵܐ ܗܵܘܹܐ ܗܘܵܐ ܡܵܪܝܵܐ ܠܓܹܒܲܢ، 
\q1 ܐܝܼܡܲܢ ܕܩܝܼܡ ܠܗܘܿܢ ܥܲܠܲܢ ܐܢܵܫܹ̈ܐ، 
\q1  
\v 3 ܗ̇ܝܓܵܗ ܚܵܝܹ̈ܐ ܒܸܬ ܒܵܠܥܝܼ ܗܘܵܘ ܠܲܢ، 
\q1 ܐܝܼܡܲܢ ܕܚܝܼܡ ܠܵܗ̇ ܟܲܪܒܵܝܗ‌ܝ ܥܲܠܲܢ. 
\q1  
\v 4 ܗ̇ܝܓܵܗ ܡ̈ܝܼܵܐ ܒܸܬ ܓܵܪܦܝܼ ܗܘܵܘ ܠܲܢ، 
\q1 ܛܵܘܦܵܢܵܐ ܒܸܬ ܥܵܒܹܪ ܗܘܵܐ ܡܥܲܠܔ ܓܵܢܲܢ. 
\q1  
\v 5 ܗ̇ܝܓܵܗ ܒܸܬ ܥܵܒ݂ܪܝܼ ܗܘܵܘ ܥܲܠܔ ܓܵܢܲܢ ܡ̈ܝܼܵܐ ܓܲܒܓܸܒܵܢܹ̈ܐ. 
\q1  
\v 6 ܒܪܝܼܟ݂ܵܐ ܝܠܹܗ ܡܵܪܝܵܐ، 
\q1 ܕܠܵܐ ܩܵܡ ܝܵܗܒܹܠܔ ܠܲܢ ܨܲܝܕܵܐ ܠܟܹܟܵܝ̈ܗ‌ܝ. 
\q1  
\v 7 ܓܵܢܲܢ ܚܠܝܼܨ ܠܵܗ̇ ܐܲܝܟ݂ ܛܲܝܪܵܐ ܡ̣ܢ ܦܲܚܵܐ ܕܨܲܝܵܕܹ̈ܐ، 
\q1 ܦܲܚܵܐ ܦܝܼܫ ܠܹܗ ܬܒ݂ܝܼܪܵܐ ܘܐܲܚܢܲܢ ܚܠܝܼܨ ܠܲܢ. 
\q1  
\v 8 ܗܲܝܲܪܬܲܢ ܒܫܸܡܵܐ ܕܡܵܪܝܵܐ ܝܠܵܗ̇، 
\q1 ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ. 
\c 125  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܐܵܢܝܼ ܕܣܵܒܪܝܼ ܒܡܵܪܝܵܐ، 
\q1 ܐܲܝܟ݂ ܛܘܼܪܵܐ ܕܨܸܗܝܘܿܢ ܝܼܢܵܐ ܕܠܹܐ ܫܵܥܹܫ، ܐܸܠܵܐ ܠܥܵܠܲܡ ܟܹܐ ܡܩܲܘܹܐ. 
\q1  
\v 2 ܐܲܝܟ݂ ܕܝܼܢܵܐ ܛܘܼܪ̈ܵܢܹܐ ܚܵܕܸܪ̈ܘܵܢܹܐ ܕܐܘܿܪܸܫܠܸܡ، 
\q1 ܗܵܕܟ݂ܵܐ ܡܵܪܝܵܐ ܠܚܵܕܸܪ̈ܘܵܢܹܐ ܕܥܲܡܹܗ ܝܠܹܗ، 
\q1 ܡ̣ܢ ܐܵܕܝܼܵܐ ܘܗܲܠܔ ܥܵܠܲܡ. 
\q1  
\v 3 ܣܵܒܵܒ ܠܹܐ ܫܵܪܹܐ ܚܘܼܛܪܵܐ ܕܪܲܫܝܼܥܵܐ ܥܲܠܔ ܝܵܪܬܘܼܬܵ‌ܐ ܕܙܲܕܝܼܩܹ̈ܐ، 
\q1 ܩܵܐ ܕܠܵܐ ܦܲܫܛܝܼ ܙܲܕܝܼܩܹ̈ܐ ܐܝܼܕܵܬܵܝ̈ܗ‌ܝ ܠܥܵܘܠܵܐ. 
\q1  
\v 4 ܥܒ݂ܘܿܕ ܛܵܒ݂ܬܵ‌ܐ، ܝܵܐ ܡܵܪܝܵܐ، ܠܛܵܒܹ̈ܐ، 
\q1 ܘܠܬܪ̈ܘܼܨܹܐ ܒܠܸܒܵܘܵܬܵܝ̈ܗ‌ܝ. 
\q1  
\v 5 ܐܝܼܢܵܐ ܐܵܢܝܼ ܕܩܵܠܒܝܼ ܠܐܘܼܪ̈ܚܵܬܵܝܗ‌ܝ ܦܟ̰ܝܼܠܹ̈ܐ، 
\q1 ܒܸܬ ܠܲܒܸܠܔ ܠܗܘܿܢ ܡܵܪܝܵܐ ܥܲܡ ܦܵܠܚܵܢܹ̈ܐ ܕܥܵܘܠܵܐ، 
\q1 ܫܠܵܡܵܐ ܥܲܠܔ ܐܝܼܣܪܵܐܹܝܠܔ. 
\c 126  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܟܲܕ ܡܘܼܕܸܪܹܗ ܡܵܪܝܵܐ ܓܵܠܘܼܬܵ‌ܐ ܕܨܸܗܝܘܿܢ، 
\q1 ܗܘܹܐ ܠܲܢ ܐܲܝܟ݂ ܚܵܙܝܵܢܹ̈ܐ ܕܚܸܠܡܵܐ. 
\q1  
\v 2 ܗ̇ܝܓܵܗ ܦܝܼܫ ܠܹܗ ܡܸܠܝܵܐ ܓܸܚܟܵܐ ܦܘܼܡܲܢ، 
\q1 ܘܠܸܫܵܢܲܢ ܫܲܒܲܚܬܵ‌ܐ، 
\q1 ܗ̇ܝܓܵܗ ܐܡܝܼܪܗܘܿܢ ܓܵܘ ܐܸܡܘܵܬܹ̈‌ܐ: 
\q1 ”ܥܒ݂ܝܼܕ ܠܹܗ ܡܵܪܝܵܐ ܫܘܼܠܵܢܹ̈ܐ ܓܘܼܪܹ̈ܐ ܩܵܐ ܐܲܢܹܐ.“ 
\q1  
\v 3 ܥܒ݂ܝܼܕ ܠܹܗ ܡܵܪܝܵܐ ܫܘܼܠܵܢܹ̈ܐ ܓܘܼܪܹ̈ܐ ܩܵܬܲܢ، 
\q1 ܚܸܕܝܹܐ ܝܘܲܚ. 
\q1  
\v 4 ܡܲܕܸܪ، ܝܵܐ ܡܵܪܝܵܐ، ܓܵܠܘܼܬܲܢ، 
\q1 ܐܲܝܟ݂ ܫܵܩ̈ܝܼܵܬܹ‌ܐ ܒܬܲܝܡܢܵܐ. 
\q1  
\v 5 ܐܵܢܝܼ ܕܙܵܪܥܝܼ ܒܕܸܡܥܝܼܬܵ‌ܐ، ܒܫܲܒܲܚܬܵ‌ܐ ܒܸܬ ܚܵܨܕܝܼ. 
\q1  
\v 6 ܗ̇ܘ ܕܚܕܵܪܵܐ ܚܵܕܹܪ ܘܒܵܟܹܐ ܟܲܕ ܛܥܝܼܢܵܐ ܟܝܼܣܬܵ‌ܐ ܕܒܲܪܙܲܪܥܵܐ، 
\q1 ܐܬܵܝܵܐ ܒܸܬ ܐܵܬܹ‌ܐ ܒܫܲܒܲܚܬܵ‌ܐ ܟܲܕ ܛܥܝܼܢܵܐ ܕܲܪ̈ܙܘܼܗ‌ܝ. 
\c 127  
\s1 ܙܡܪܬ‌ܐ ܕܐܣܩܬ‌ܐ، ܒܝܕ ܫܠܝܡܘܢ. 
\q1  
\v 1 ܐܸܢ ܡܵܪܝܵܐ ܠܵܐ ܒܵܢܹܐ ܒܲܝܬܵ‌ܐ، 
\q1 ܣܪܝܼܩܵܐ ܝܠܹܗ ܥܲܡܠܵܐ ܕܒܲܢܵܝܘܼ̈ܗ‌ܝ، 
\q1 ܐܸܢ ܡܵܪܝܵܐ ܠܵܐ ܢܵܛܹܪ ܡܕܝܼܢ݇ܬܵ‌ܐ، 
\q1 ܣܪܝܼܩܬܵ‌ܐ ܝܠܵܗ̇ ܫܵܗܲܪܬܵ‌ܐ ܕܢܵܛܘܿܪܵܐ. 
\q1  
\v 2 ܣܪܝܼܩܬܵ‌ܐ ܝܠܵܗ̇ ܐܸܠܵܘܟ݂ܘܿܢ ܕܩܲܕܡܝܼܬܘܿܢ ܠܸܩܝܵܡܵܐ، ܥܲܪܩܸܠܝܼܬܘܿܢ ܠܸܬܝܵܒ݂ܵܐ، 
\q1 ܐܵܟ݂ܠܝܼܬܘܿܢ ܠܲܚܡܵܐ ܕܓ̰ܵܦܹ̈ܐ، 
\q1 ܣܵܒܵܒ ܟܹܐ ܝܵܗܒܹܠܔ ܠܡܘܼܚܸܒܹܗ ܒܫܸܢܬܹܗ. 
\q1  
\v 3 ܗܵܐ، ܝܵܪܬܘܼܬܵ‌ܐ ܡ̣ܢ ܡܵܪܝܵܐ ܒܢܘܿܢܹ̈ܐ ܝܢܵܐ، 
\q1 ܦܘܼܪܥܵܢܵܐ ܝܠܵܗ̇ ܛܥܘܼܢܬܵ‌ܐ ܕܡܲܪܒܥܵܐ. 
\q1  
\v 4 ܐܲܝܟ݂ ܓܹܐܪܹ̈ܐ ܓܵܘ ܐܝܼܕܵܐ ܕܓܲܒܵܪܵܐ، 
\q1 ܗܵܕܟ݂ܵܐ ܝܢܵܐ ܒܢܘܿܢܹ̈ܐ ܕܫܸܢܹ̈ܐ ܕܥܠܲܝܡܘܼܬܵ‌ܐ. 
\q1  
\v 5 ܛܘܼܒ݂ܵܐ ܠܓܲܒ݂ܪܵܐ ܕܡܠܹܐ ܠܹܗ ܚܸܠܬܹܗ ܡܸܢܵܝܗ‌ܝ، 
\q1 ܠܹܐ ܢܵܟ݂ܦܝܼ، 
\q1 ܟܲܕ ܗܲܡܙܸܡܝܼ ܥܲܡ ܕܸܫ̃ܡܸܢܹ̈ܐ ܒܕܲܪܘܵܙܵܐ. 
\c 128  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܛܘܼܒ݂ܵܐ ܠܟܠܔ ܕܙܵܕܹܥ ܡ̣ܢ ܡܵܪܝܵܐ، 
\q1 ܠܗ̇ܘ ܕܚܵܕܹܪ ܒܐܘܼܪ̈ܚܵܬܘܼܗ‌ܝ. 
\q1  
\v 2 ܓ̰ܵܦܵܐ ܕܐܝܼܕܵܬܘܼ̈ܟ݂ ܒܸܬ ܐܵܟ݂ܠܹܬ، 
\q1 ܛܘܼܒ݂ܵܐ ܐܸܠܘܼܟ݂ ܘܛܵܒ݂ܬܵ‌ܐ ܐܸܠܘܼܟ݂. 
\q1  
\v 3 ܒܲܟ݂ܬܘܼܟ݂ ܒܸܬ ܗܵܘܝܵܐ ܐܲܝܟ݂ ܓܸܦܬܵ‌ܐ ܡܵܪܹܐ ܛܥܘܼܢܬܵ‌ܐ ܓܵܘ ܠܸܒܵܐ ܕܒܲܝܬܘܼܟ݂، 
\q1 ܒܢܘܿܢܘܼ̈ܟ݂ ܒܸܬ ܗܵܘܝܼ ܐܲܝܟ݂ ܫܸܬܠܹ̈ܐ ܕܙܲܝ̈ܬܹ‌ܐ ܚܘܼܪܕܝܼܹܐ ܠܨܘܼܦܪܘܼܟ݂. 
\q1  
\v 4 ܗܵܐ، ܗܵܕܟ݂ܵܐ ܒܸܬ ܦܵܐܹܫ ܒܘܼܪܟ݂ܵܐ ܓܲܒ݂ܪܵܐ 
\q1 ܕܙܵܕܹܥ ܡ̣ܢ ܡܵܪܝܵܐ. 
\q1  
\v 5 ܒܲܪܸܟ݂ ܠܘܼܟ݂ ܡܵܪܝܵܐ ܡ̣ܢ ܨܸܗܝܘܿܢ، 
\q1 ܘܚܵܙܹܝܬ ܛܵܒ݂ܬܵ‌ܐ ܕܐܘܿܪܸܫܠܸܡ ܟܠܵܝܗ‌ܝ ܝܵܘܡܵܢܹ̈ܐ ܕܚܲܝܘܼ̈ܟ݂، 
\q1  
\v 6 ܘܚܵܙܹܝܬ ܒܢܘܿܢܹ̈ܐ ܕܒܢܘܿܢܘܼ̈ܟ݂، 
\q1 ܫܠܵܡܵܐ ܥܲܠܔ ܐܝܼܣܪܵܐܹܝܠܔ. 
\c 129  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ”ܪܵܒܵܐ ܩܵܡ ܡܲܠܝܸܨܝܼ ܠܝܼ ܡ̣ܢ ܙܥܘܿܪܘܼܬ‌ܝܼ،“ 
\q1 ܫܒ݂ܘܿܩ ܐܵܡܹܪ ܐܝܼܣܪܵܐܹܝܠܔ. 
\q1  
\v 2 ”ܪܵܒܵܐ ܩܵܡ ܡܲܠܝܸܨܝܼ ܠܝܼ ܡ̣ܢ ܙܥܘܿܪܘܼܬ‌ܝܼ، 
\q1 ܐܝܼܢܵܐ ܠܵܐ ܡܨܹܐ ܠܗܘܿܢ ܒܝܼܝܼ. 
\q1  
\v 3 ܡܵܚܝܵܢܹ̈ܐ ܕܟܪܝܼܒ݂ܵܐ ܡܚܹܐ ܠܗܘܿܢ ܟܪܝܼܒ݂ܵܐ ܥܲܠܔ ܚܲܨܝܼ؛ 
\q1 ܡܘܼܪܝܸܟ݂ ܠܗܘܿܢ ܟܪ̈ܝܼܒ݂ܵܝܗ‌ܝ.“ 
\q1  
\v 4 ܐܝܼܢܵܐ ܡܵܪܝܵܐ ܙܲܕܝܼܩܵܐ ܝܠܹܗ، 
\q1 ܩܛܝܼܥ ܠܹܗ ܚܲܒ݂ܠܹ̈ܐ ܕܒܝܼܫܹ̈ܐ. 
\q1  
\v 5 ܢܵܟ݂ܦܝܼ ܘܕܵܝܪܝܼ ܠܒܵܬܪܵܐ ܟܠܵܝܗ‌ܝ ܣܵܢܝܵܢܹ̈ܐ ܕܨܸܗܝܘܿܢ. 
\q1  
\v 6 ܗܵܘܝܼ ܐܲܝܟ݂ ܓܸܠܵܐ ܕܐܓܵܪ̈ܵܘܵܬܹ‌ܐ، 
\q1 ܗ̇ܘ ܕܟܹܐ ܒܵܪܹܙ ܡ̣ܢ ܩܲܕܡ ܕܦܵܐܹܫ ܢܟ̰ܝܼܠܵܐ. 
\q1  
\v 7 ܕܠܹܐ ܡܵܠܝܵܐ ܡܸܢܹܗ ܐܝܼܕܵܐ ܕܚܲܨܵܕܵܐ، 
\q1 ܘܠܵܐ ܚܦܵܩܵܐ ܕܐܵܣܪܵܢܵܐ ܕܕܲܪ̈ܙܹܐ. 
\q1  
\v 8 ܘܠܹܐ ܐܵܡܪܝܼ ܥܵܒ݂ܪ̈ܵܢܹܐ: 
\q1 ”ܒܘܼܪܟܬܵ‌ܐ ܕܡܵܪܝܵܐ ܥܲܠܵܘܟ݂ܘܿܢ، 
\q1 ܒܲܪܘܼܟܹܐ ܝܘܲܚ ܐܸܠܵܘܟ݂ܘܿܢ ܒܫܸܡܵܐ ܕܡܵܪܝܵܐ.“ 
\c 130  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܡ̣ܢ ܥܘܼܡܩܹ̈ܐ ܩܪܹܐ ܠܝܼ ܐܸܠܘܼܟ݂، ܝܵܐ ܡܵܪܝܵܐ؛ 
\q1  
\v 2 ܡܵܪܝܵܐ، ܫܡܹܥ ܠܩܵܠܝܼ، 
\q1 ܗܵܘܝܼ ܢܵܬܝܵܬܘܼ̈ܟ݂ ܡܲܨܝܘܼܬܹ‌ܐ 
\q1 ܠܩܵܠܵܐ ܕܦܲܪ̈ܦܲܠܝܵܬ‌ܝܼ. 
\q1  
\v 3 ܐܸܢ ܥܵܘ̈ܠܹܐ ܚܲܫܒܸܢܸܬ، ܝܵܐ ܡܵܪܝܵܐ، ܡܵܪܝܵܐ، 
\q1 ܡܵܢܝܼ ܡܵܨܹܐ ܟܵܠܹܐ؟ 
\q1  
\v 4 ܒܗ̇ܝ ܕܐܝܼܬ ܥܲܡܘܼܟ݂ ܫܘܼܒ݂ܩܵܢܵܐ، 
\q1 ܕܙܵܕܥܝܼ ܡܸܢܘܼܟ݂. 
\q1  
\v 5 ܣܦܝܼܪܝܼ ܠܡܵܪܝܵܐ، ܣܦܝܼܪܵܗ̇ ܓܵܢܝܼ، 
\q1 ܘܒܚܲܒܪܹܗ ܡܘܼܬܸܒ݂ ܠܝܼ ܣܲܒ݂ܪܝܼ. 
\q1  
\v 6 ܓܵܢܝܼ ܟܹܐ ܣܵܦܪܵܐ ܠܡܵܪܝܵܐ، 
\q1 ܒܘܼܫ ܡ̣ܢ ܢܵܛܪ̈ܵܢܹܐ ܠܨܲܦܪܵܐ، ܢܵܛܪ̈ܵܢܹܐ ܠܨܲܦܪܵܐ. 
\q1  
\v 7 ܡܲܬܸܒ݂ ܣܲܒ݂ܪܘܼܟ݂، ܝܵܐ ܐܝܼܣܪܵܐܹܝܠܔ، ܒܡܵܪܝܵܐ، 
\q1 ܒܗ̇ܝ ܕܥܲܡ ܡܵܪܝܵܐ ܐܝܼܬ ܚܢܵܢܵܐ، 
\q1 ܘܦܸܪܝܵܐ ܦܘܼܪܩܵܢܵܐ ܐܝܼܬ ܥܲܡܹܗ. 
\q1  
\v 8 ܘܗ̇ܘ ܒܸܬ ܦܲܪܸܩ ܠܐܝܼܣܪܵܐܹܝܠܔ، 
\q1 ܡ̣ܢ ܟܠܵܝܗ‌ܝ ܥܵܘܠܘܼ̈ܗ‌ܝ. 
\c 131  
\s1 ܙܡܪܬ‌ܐ ܕܐܣܩܬ‌ܐ، ܒܝܕ ܕܘܝܕ. 
\q1  
\v 1 ܝܵܐ ܡܵܪܝܵܐ، ܠܹܐ ܝܠܹܗ ܫܘܼܒ݂ܗܸܪܵܐ ܠܸܒܝܼ، ܘܠܹܐ ܝܢܵܐ ܚܬܝܼܪܹܐ ܥܲܝܢܝܼ̈، 
\q1 ܘܠܵܐ ܚܕܝܼܪܝܼ ܒܫܘܼܠܵܢܹ̈ܐ ܒܘܼܫ ܓܘܼܪܹ̈ܐ 
\q1 ܝܲܢ ܒܘܼܫ ܡܲܥܓ̰ܸܒܵܢܹ̈ܐ ܩܵܬ‌ܝܼ. 
\q1  
\v 2 ܐܸܠܵܐ ܡܘܼܫܠܝܼܵܐ ܠܝܼ ܘܡܘܼܫܬܸܩܵܐ ܠܝܼ ܓܵܢܝܼ، 
\q1 ܐܲܝܟ݂ ܩܛܝܼܥܵܐ ܡ̣ܢ ܚܲܠܒ݂ܵܐ ܒܥܘܼܒܵܐ ܕܝܸܡܹܗ، 
\q1 ܐܲܝܟ݂ ܩܛܝܼܥܵܐ ܡ̣ܢ ܚܲܠܒ݂ܵܐ ܝܠܵܗ̇ ܓܵܢܝܼ ܒܓܵܘܝܼ. 
\q1  
\v 3 ܣܒܘܿܪ، ܝܵܐ ܐܝܼܣܪܵܐܹܝܠܔ، ܒܡܵܪܝܵܐ، 
\q1 ܡ̣ܢ ܐܵܕܝܼܵܐ ܘܗܲܠܔ ܥܵܠܲܡ. 
\c 132  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܕܟ݂ܘܿܪ، ܝܵܐ ܡܵܪܝܵܐ، ܠܕܵܘܝܼܕ، 
\q1 ܠܟܠܵܝܗ‌ܝ ܐܘܼܠܨܵܢܘܼ̈ܗ‌ܝ، 
\q1  
\v 2 ܕܵܐܟ݂ܝܼ ܕܝܡܹܐ ܠܹܗ ܠܡܵܪܝܵܐ، 
\q1 ܢܕܝܼܪܹܗ ܠܙܲܪܒܵܢܵܐ ܕܝܲܥܩܘܿܒ݂: 
\q1  
\v 3 ”ܠܹܐ ܥܵܒ݂ܪܹܢ ܬܚܘܿܬ ܫܟܘܼܪܹܐ ܕܒܲܝܬ‌ܝܼ، 
\q1 ܠܹܐ ܐܵܣܩܹܢ ܥܲܠܔ ܫܘܝܼܬܵ‌ܐ ܕܕܡܵܟ݂ܬ‌ܝܼ، 
\q1  
\v 4 ”ܠܹܐ ܝܵܗܒܹܢ ܫܸܢܬܵ‌ܐ ܠܥܲܝܢܝܼ̈، 
\q1 ܢܵܘܡܵܐ ܠܛܸܠܦܵܦܝܼ̈، 
\q1  
\v 5 ”ܗܲܠܔ ܕܡܲܫ݇ܟ̰ܚܸܢ ܕܘܼܟܬܵ‌ܐ ܩܵܐ ܡܵܪܝܵܐ، 
\q1 ܡܲܫܟܢܵܐ ܩܵܐ ܙܲܪܒܵܢܵܐ ܕܝܲܥܩܘܿܒ݂.“ 
\q1  
\v 6 ܗܵܐ، ܫܡܝܼܥ ܠܲܢ ܒܘܼܬ ܕܝܼܘܼܗ̇ ܓܵܘ ܐܵܦܲܪܬܵ‌ܐ، 
\q1 ܡܘܼܫ݇ܟ̰ܚܵܐ ܠܲܢ ܓܵܘ ܚܲܩܠܵܢܹ̈ܐ ܕܡܲܝܫܵܐ، 
\q1  
\v 7 ܥܵܒ݂ܪܲܚ ܠܡܲܫܟܢܘܼ̈ܗ‌ܝ، 
\q1 ܣܵܓ݂ܕܲܚ ܠܓܹܒܵܐ ܕܟܘܼܒ݂ܫܵܐ ܕܐܲܩܠܘܼ̈ܗ‌ܝ، 
\q1  
\v 8 ܒܹܐܡܵܪܵܐ: ”ܩܘܼܡ، ܝܵܐ ܡܵܪܝܵܐ، ܠܢܝܵܚܬܘܼܟ݂، 
\q1 ܐܲܢ݇ܬ ܘܩܹܒ݂ܘܼܬܵ‌ܐ ܕܙܲܪܒܘܼܟ݂. 
\q1  
\v 9 ”ܟܵܗܢܘܼ̈ܟ݂ ܠܵܒ݂ܫܝܼ ܙܲܕܝܼܩܘܼܬܵ‌ܐ، 
\q1 ܘܙܲܕܝܼܩܘܼ̈ܟ݂ ܫܲܒܚܝܼ.“ 
\q1  
\v 10 ܒܘܼܬ ܕܵܘܝܼܕ ܪܹܓܘܼܟ݂، 
\q1 ܠܵܐ ܡܲܕܸܪܸܬ ܦܵܬܵ‌ܐ ܕܡܫܝܼܚܘܼܟ݂. 
\q1  
\v 11 ܝܡܹܐ ܠܹܗ ܡܵܪܝܵܐ ܠܕܵܘܝܼܕ ܒܫܲܪܝܼܪܘܼܬܵ‌ܐ، 
\q1 ܘܠܹܐ ܕܵܐܹܪ ܡܸܢܘܼܗ̇: 
\q1 ”ܡ̣ܢ ܛܥܘܼܢܝܵܬܹ̈‌ܐ ܕܟܹܪ݇ܣܘܼܟ݂ ܒܸܬ ܡܲܬܒܸܢ ܥܲܠܔ ܟܘܼܪܣܝܘܼܟ݂. 
\q1  
\v 12 ”ܐܸܢ ܢܵܛܪܝܼ ܒܢܘܿܢܘܼ̈ܟ݂ ܘܲܥܕܝܼ، 
\q1 ܘܣܵܗܕܘܵܬ‌ܝܼ̈ ܕܡܲܠܦܸܢܗܘܿܢ، 
\q1 ܐܘܼܦ ܒܢܘܿܢܵܝ̈ܗ‌ܝ ܠܥܵܠܲܡ ܒܸܬ ܝܵܬܒ݂ܝܼ ܥܲܠܔ ܟܘܼܪܣܝܘܼܟ݂.“ 
\q1  
\v 13 ܣܵܒܵܒ ܓܘܼܒܹܐ ܠܹܗ ܡܵܪܝܵܐ ܠܨܸܗܝܘܿܢ، 
\q1 ܫܘܼܗܘܸܬ ܠܹܗ ܕܗܵܘܝܵܐ ܒܹܝܬ ܡܲܥܡܪܹܗ، ܒܹܐܡܵܪܵܐ: 
\q1  
\v 14 ”ܐܵܗܵܐ ܝܠܵܗ̇ ܢܝܵܚܬ‌ܝܼ ܗܲܠܔ ܥܵܠܲܡ، 
\q1 ܠܲܐܟ݂ܵܐ ܒܸܬ ܝܵܬܒܹܢ ܣܵܒܵܒ ܫܘܼܗܘܸܬ ܠܝܼ ܐܸܠܘܼܗ̇. 
\q1  
\v 15 ”ܡܹܐܟ݂ܘܼܠܬܘܼܗ̇ ܒܲܪܘܼܟܹܐ ܒܸܬ ܒܲܪܟܸܢ، 
\q1 ܣܢܝܼܩܘܼ̈ܗ̇ ܒܸܬ ܡܲܣܒܸܥܸܢ ܒܠܲܚܡܵܐ. 
\q1  
\v 16 ”ܘܠܟܵܗܢܘܼ̈ܗ̇ ܒܸܬ ܡܲܠܒܸܫܸܢ ܦܘܼܪܩܵܢܵܐ، 
\q1 ܘܙܲܕܝܼܩܘܼ̈ܗ̇ ܫܲܒܲܚܬܵ‌ܐ ܒܸܬ ܫܲܒܚܝܼ. 
\q1  
\v 17 ”ܬܵܡܵܐ ܒܸܬ ܡܲܩܸܡܸܢ ܚܲܝܠܵܐ ܠܕܵܘܝܼܕ، 
\q1 ܡܘܼܪܝܸܙ ܠܝܼ ܫܪܵܓ݂ܵܐ ܩܵܐ ܡܫܝܼܚܝܼ. 
\q1  
\v 18 ”ܠܕܸܫ̃ܡܸܢܘܼ̈ܗ‌ܝ ܒܸܬ ܡܲܠܒܸܫܸܢ ܢܟ݂ܝܼܦܬܵ‌ܐ، 
\q1 ܐܝܼܢܵܐ ܥܲܠܘܼܗ‌ܝ ܒܸܬ ܦܵܩܹܚ ܬܵܓܹܗ.“ 
\c 133  
\s1 ܙܡܪܬ‌ܐ ܕܐܣܩܬ‌ܐ، ܒܝܕ ܕܘܝܕ. 
\q1  
\v 1 ܗܵܐ، ܟܡܵܐ ܨܦܵܝܝܼ ܝܠܵܗ̇ ܘܟܡܵܐ ܒܲܣܝܼܡܬܵ‌ܐ، 
\q1 ܝܬܵܒ݂ܬܵ‌ܐ ܕܐܲܚܘܿܢܘܵܬܹ̈‌ܐ ܥܲܡ ܚܕܵܕܹ̈ܐ. 
\q1  
\v 2 ܐܲܝܟ݂ ܡܸܫܚܵܐ ܨܦܵܝܝܼ ܥܲܠܔ ܪܹܝܫܵܐ، 
\q1 ܒܸܨܠܵܝܵܐ ܥܲܠܔ ܕܸܩܢܵܐ، 
\q1 ܕܸܩܢܵܐ ܕܐܲܗܪܘܿܢ، 
\q1 ܕܒܸܨܠܵܝܵܐ ܝܗܘܵܐ ܥܲܠܔ ܩܕܵܠܵܐ ܕܠܒ݂ܘܼܫܘܼ̈ܗ‌ܝ. 
\q1  
\v 3 ܐܲܝܟ݂ ܛܠܘܼܠܵܐ ܕܚܸܪܡܘܿܢ، 
\q1 ܕܨܵܠܹܐ ܥܲܠܔ ܛܘܼܪܹ̈ܐ ܕܨܸܗܝܘܿܢ، 
\q1 ܣܵܒܵܒ ܬܵܡܵܐ ܦܩܝܼܕ ܠܹܗ ܡܵܪܝܵܐ ܒܘܼܪܟܬܵ‌ܐ، 
\q1 ܚܲܝܹ̈ܐ ܗܲܠܔ ܥܵܠܲܡ. 
\c 134  
\s1 ܙܡܪܬ‌ܐ ܕܐܣܩܬ‌ܐ. 
\q1  
\v 1 ܗܵܐ، ܒܲܪܟ݂ܘܼܢ ܠܡܵܪܝܵܐ ܟܠܵܝܗ‌ܝ ܪܹ̈ܓܵܘܵܬܹ‌ܐ ܕܡܵܪܝܵܐ، 
\q1 ܟܵܠܝܵܢܹ̈ܐ ܒܒܲܝܬܵ‌ܐ ܕܡܵܪܝܵܐ ܒܠܲܝܠܵܘܵܬܹ̈‌ܐ. 
\q1  
\v 2 ܡܲܪܡܘܼܢ ܐܝܼܕܵܘܟ݂ܘܿܢ ܠܡܲܩܕܫܵܐ، 
\q1 ܘܒܲܪܟ݂ܘܼܢ ܠܡܵܪܝܵܐ. 
\q1  
\v 3 ܒܲܪܸܟ݂ ܠܘܼܟ݂ ܡܵܪܝܵܐ ܡ̣ܢ ܨܸܗܝܘܿܢ، 
\q1 ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ. 
\c 135  
\s1 ܗܠܠܘܝܐ. 
\q1  
\v 1 ܫܲܒܚܘܼܢ ܠܫܸܡܵܐ ܕܡܵܪܝܵܐ، 
\q1 ܫܲܒܚܘܼܢ، ܝܵܐ ܪܹ̈ܓܵܘܵܬܹ‌ܐ ܕܡܵܪܝܵܐ، 
\q1  
\v 2 ܐܵܢܝܼ ܕܟܹܐ ܟܵܠܝܼ ܒܒܲܝܬܵ‌ܐ ܕܡܵܪܝܵܐ، 
\q1 ܒܕܵܪ̈ܵܬܹ‌ܐ ܕܒܲܝܬܵ‌ܐ ܕܐܲܠܵܗܵܐ. 
\q1  
\v 3 ܫܲܒܚܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ ܡܵܪܝܵܐ، 
\q1 ܙܡܘܿܪܘܼܢ ܠܫܸܡܹܗ ܣܵܒܵܒ ܒܲܣܝܼܡܵܐ ܝܠܹܗ. 
\q1  
\v 4 ܣܵܒܵܒ ܓܘܼܒܹܐ ܠܹܗ ܡܵܪܝܵܐ ܠܝܲܥܩܘܿܒ݂ ܩܵܐ ܓܵܢܹܗ، 
\q1 ܠܐܝܼܣܪܵܐܹܝܠܔ ܣܝܼܡܬܵ‌ܐ ܩܵܐ ܓܵܢܹܗ. 
\q1  
\v 5 ܣܵܒܵܒ ܐܵܢܵܐ ܟܹܐ ܝܵܕܥܹܢ ܕܓܘܼܪܵܐ ܝܠܹܗ ܡܵܪܝܵܐ، 
\q1 ܘܥܸܠܵܝܵܐ ܝܠܹܗ ܡܵܪܲܢ ܡ̣ܢ ܟܠܵܝܗ‌ܝ ܐܲܠܵܗܹ̈ܐ. 
\q1  
\v 6 ܟܹܐ ܥܵܒܹܕ ܡܵܪܝܵܐ ܟܠܔ ܕܒܵܣܡܵܐ ܠܹܗ، 
\q1 ܒܫܡܲܝܵܐ ܘܒܐܲܪܥܵܐ، ܒܝܵܡܵܬܹ̈‌ܐ ܘܒܟܠܵܝܗ‌ܝ ܬܗܘܿܡܹ̈ܐ. 
\q1  
\v 7 ܡܲܣܩܵܢܵܐ ܕܗܵܘܓܹ̈ܐ ܡ̣ܢ ܡܲܪܙܵܐ ܕܐܲܪܥܵܐ، 
\q1 ܥܵܒ݂ܕܵܢܵܐ ܕܒܸܪ̈ܩܹܐ ܩܵܐ ܡܸܛܪܵܐ، 
\q1 ܦܲܠܛܵܢܵܐ ܕܦܵܘܚܵܐ ܡ̣ܢ ܐܲܢܒܵܪ̈ܘܼܗ‌ܝ. 
\q1  
\v 8 ܗ̇ܘ ܝܼܗܘܵܐ ܕܡܚܹܐ ܠܹܗ ܒܘܼܟ݂ܪܹ̈ܐ ܕܡܸܨܪܹܝܢ، 
\q1 ܡ̣ܢ ܒܲܪܢܵܫܵܐ ܗܲܠܔ ܒܥܝܼܪܵܐ. 
\q1  
\v 9 ܩܵܡ ܫܲܕܸܪ ܢܝܼܫܲܢܩܹ̈ܐ ܘܕܘܼܡܵܪܹ̈ܐ ܓܵܘܵܟ݂ܝ، ܝܵܐ ܡܸܨܪܹܝܢ، 
\q1 ܥܲܠܔ ܦܸܪܥܘܿܢ ܘܥܲܠܔ ܟܠܵܝܗ‌ܝ ܪܹ̈ܓܵܘܵܬܘܼܗ‌ܝ. 
\q1  
\v 10 ܗ̇ܘ ܝܼܗܘܵܐ ܕܡܚܹܐ ܠܹܗ ܐܸܡܘܵܬܹ̈‌ܐ ܪܵܒܵܐ، 
\q1 ܘܩܛܝܼܠܔ ܠܹܗ ܡܲܠܟܹ̈ܐ ܥܲܫܝܼܢܹ̈ܐ؛ 
\q1  
\v 11 ܠܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ، 
\q1 ܘܠܥܘܿܓ݂ ܡܲܠܟܵܐ ܕܒܲܝܫܵܢ، 
\q1 ܘܠܟܠܵܝܗ‌ܝ ܡܲܠܟܘܵܬܹ̈‌ܐ ܕܟܢܲܥܢ. 
\q1  
\v 12 ܘܝܘܼܗܒܹܠܔ ܠܹܗ ܐܲܪܥܵܝܗ‌ܝ ܠܝܵܪܬܘܼܬܵ‌ܐ، 
\q1 ܝܵܪܬܘܼܬܵ‌ܐ ܠܐܝܼܣܪܵܐܹܝܠܔ ܥܲܡܹܗ. 
\q1  
\v 13 ܝܵܐ ܡܵܪܝܵܐ، ܫܸܡܘܼܟ݂ ܠܥܵܠܲܡ ܝܼܠܹܗ، 
\q1 ܝܵܐ ܡܵܪܝܵܐ، ܕܟ݂ܵܪܘܼܟ݂ ܠܕܵܪܵܐ ܘܕܵܪܵܐ. 
\q1  
\v 14 ܣܵܒܵܒ ܒܸܬ ܥܵܒܹܕ ܡܵܪܝܵܐ ܕܝܼܘܵܢ ܕܥܲܡܹܗ، 
\q1 ܘܥܲܠܔ ܪܹ̈ܓܵܘܵܬܘܼܗ‌ܝ ܒܸܬ ܪܲܚܸܡ. 
\q1  
\v 15 ܨܵܢܲܡܹ̈ܐ ܕܐܸܡܘܵܬܹ̈‌ܐ ܣܹܐܡܵܐ ܘܕܲܗܒ݂ܵܐ ܝܢܵܐ، 
\q1 ܦܘܼܠܚܵܢܵܐ ܕܐܝܼܕܵܬܹ̈‌ܐ ܕܒܲܪܢܵܫܵܐ. 
\q1  
\v 16 ܦܘܼܡܵܐ ܐܝܼܬ ܠܗܘܿܢ ܐܝܼܢܵܐ ܠܹܐ ܗܲܡܙܸܡܝܼ، 
\q1 ܥܲܝܢܵܬܹ̈‌ܐ ܐܝܼܬ ܠܗܘܿܢ ܐܝܼܢܵܐ ܠܹܐ ܚܵܙܝܼ، 
\q1  
\v 17 ܢܵܬܝܵܬܹ̈‌ܐ ܐܝܼܬ ܠܗܘܿܢ ܐܝܼܢܵܐ ܠܹܐ ܫܵܡܥܝܼ، 
\q1 ܐܘܼܦ ܠܲܝܬ ܢܫܲܡܬܵ‌ܐ ܒܦܘܼܡܵܝܗ‌ܝ. 
\q1  
\v 18 ܐܲܝܟ݂ ܕܝܼܵܝܗ‌ܝ ܗܵܘܝܼ ܥܵܒ݂ܕܵܢܵܝ̈ܗ‌ܝ، 
\q1 ܘܟܠܔ ܕܣܵܒܹܪ ܒܝܼܵܝܗ‌ܝ. 
\q1  
\v 19 ܝܵܐ ܒܹܝܬ ܐܝܼܣܪܵܐܹܝܠܔ، ܒܲܪܟ݂ܘܼܢ ܠܡܵܪܝܵܐ، 
\q1 ܝܵܐ ܒܹܝܬ ܐܲܗܪܘܿܢ، ܒܲܪܟ݂ܘܼܢ ܠܡܵܪܝܵܐ، 
\q1  
\v 20 ܝܵܐ ܒܹܝܬ ܠܹܘܝܼ، ܒܲܪܟ݂ܘܼܢ ܠܡܵܪܝܵܐ، 
\q1 ܝܵܐ ܙܕܝܼ̈ܥܹܐ ܕܡܵܪܝܵܐ، ܒܲܪܟ݂ܘܼܢ ܠܡܵܪܝܵܐ. 
\q1  
\v 21 ܒܘܼܪܟ݂ܵܐ ܝܠܹܗ ܡܵܪܝܵܐ ܡ̣ܢ ܨܸܗܝܘܿܢ، 
\q1 ܥܵܡܪܵܢܵܐ ܕܐܘܿܪܸܫܠܸܡ. ܗܲܠܸܠܘܼܝܵܐ. 
\c 136  
\q1  
\v 1 ܫܲܟܪܘܼܢ ܠܡܵܪܝܵܐ ܣܵܒܵܒ ܛܵܒ݂ܵܐ ܝܠܹܗ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 2 ܫܲܟܪܘܼܢ ܠܐܲܠܵܗܵܐ ܕܐܲܠܵܗܹ̈ܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 3 ܫܲܟܪܘܼܢ ܠܡܵܪܵܐ ܕܡܵܪ̈ܵܘܵܬܹ‌ܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 4 ܠܥܵܒ݂ܕܵܢܵܐ ܕܕܘܼܡܵܪܹ̈ܐ ܓܘܼܪܹ̈ܐ ܒܢܲܦ̮ܫܹܗ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 5 ܠܗ̇ܘ ܕܥܒ݂ܝܼܕ ܠܹܗ ܫܡܲܝܵܐ ܒܦܲܪܡܲܝܬܵ‌ܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 6 ܠܗ̇ܘ ܕܦܪܝܼܣܵܐ ܠܹܗ ܐܲܪܥܵܐ ܥܲܠܔ ܡ̈ܝܼܵܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 7 ܠܗ̇ܘ ܕܥܒ݂ܝܼܕ ܠܹܗ ܢܲܗܝܼܪܹ̈ܐ ܓܘܼܪܹ̈ܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 8 ܫܸܡܫܵܐ ܠܗܲܟܘܼܡܹܐ ܒܐܝܼܡܵܡܵܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 9 ܣܲܗܪܵܐ ܘܟܵܘܟ݂ܒܹ̈ܐ ܠܗܲܟܘܼܡܹܐ ܒܠܲܝܠܹܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 10 ܠܗ̇ܘ ܕܡܚܹܐ ܠܹܗ ܠܒܘܼܟ݂ܪܹ̈ܐ ܕܡܸܨܪܹܝܢ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 11 ܘܦܘܼܠܸܛ ܠܹܗ ܐܝܼܣܪܵܐܹܝܠܔ ܡ̣ܢ ܓܵܘܵܝܗ‌ܝ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 12 ܒܐܝܼܕܵܐ ܙܲܪܒܵܢܬܵ‌ܐ ܘܒܕܪܲܥܢܵܐ ܦܘܼܫܛܵܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 13 ܠܗ̇ܘ ܕܦܘܼܠܸܥ ܠܹܗ ܝܵܡܵܐ ܕܣܘܿܦ ܠܬܪܹܝ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 14 ܘܡܘܼܥܒܸܪܹܗ ܐܝܼܣܪܵܐܹܝܠܔ ܡܓܵܘܘܼܗ̇، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 15 ܘܛܪܝܼܦ ܠܹܗ ܠܦܸܪܥܘܿܢ ܘܠܚܲܝܠܵܘܵܬܘܼ̈ܗ‌ܝ ܒܝܵܡܵܐ ܕܣܘܿܦ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 16 ܠܗ̇ܘ ܕܡܘܼܚܕܸܪܹܗ ܠܥܲܡܹܗ ܓܵܘ ܒܲܪܝܼܵܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 17 ܠܗ̇ܘ ܕܡܚܹܐ ܠܹܗ ܡܲܠܟܹ̈ܐ ܓܘܼܪܹ̈ܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 18 ܘܩܛܝܼܠܔ ܠܹܗ ܡܲܠܟܹ̈ܐ ܥܲܫܝܼܢܹ̈ܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 19 ܠܣܝܼܚܘܿܢ ܡܲܠܟܵܐ ܕܐܵܡܘܿܪ̈ܵܝܹܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 20 ܘܠܥܘܿܓ݂ ܡܲܠܟܵܐ ܕܒܲܝܫܵܢ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 21 ܘܝܘܼܗܒ݂ܵܐ ܠܹܗ ܐܲܪܥܵܝܗ‌ܝ ܠܝܵܪܬܘܼܬܵ‌ܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 22 ܝܵܪܬܘܼܬܵ‌ܐ ܠܐܝܼܣܪܵܐܹܝܠܔ ܪܹܓܹܗ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 23 ܕܒܟܘܼܦܘܼܬܲܢ ܕܟ݂ܝܼܪܹܗ ܐܸܠܲܢ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 24 ܘܦܘܼܪܩܲܚ ܠܹܗ ܡ̣ܢ ܕܸܫ̃ܡܸܢܲܢ̈، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 25 ܟܹܐ ܝܵܗܒܹܠܔ ܠܲܚܡܵܐ ܠܟܠܔ ܓܵܢܵܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\q1  
\v 26 ܫܲܟܪܘܼܢ ܠܐܲܠܵܗܵܐ ܕܫܡܲܝܵܐ، 
\q1 ܣܵܒܵܒ ܠܥܵܠܲܡ ܝܼܠܵܗ̇ ܛܲܝܒܘܼܬܹܗ. 
\c 137  
\q1  
\v 1 ܥܲܠܔ ܢܲܗܪ̈ܵܘܵܬܹ‌ܐ ܕܒܵܒܹܠܔ، 
\q1 ܬܵܡܵܐ ܝܬܝܼܒ݂ ܠܲܢ، ܐܘܼܦ ܒܟܹܐ ܠܲܢ، 
\q1 ܟܲܕ ܕܟ݂ܝܼܪܵܐ ܠܲܢ ܨܸܗܝܘܿܢ. 
\q1  
\v 2 ܥܲܠܔ ܚܹܠܵܦܹ̈ܐ ܕܒܓܵܘܘܼܗ̇، 
\q1 ܬܠܹܐ ܠܲܢ ܟܸܢܵܪ̈ܲܢ. 
\q1  
\v 3 ܒܗ̇ܝ ܕܬܵܡܵܐ ܠܲܒܠܵܢܲܢ̈ ܠܐܲܣܝܼܪܘܼܬܵ‌ܐ ܛܠܝܼܒ ܠܗܘܿܢ ܡܸܢܲܢ ܙܡܵܪ̈ܝܵܬܹ‌ܐ، 
\q1 ܘܓ̰ܲܢܓ̰ܸܪ̈ܵܢܲܢ ܛܠܝܼܒ ܠܗܘܿܢ ܡܸܢܲܢ ܚܲܕܘܼܬܵ‌ܐ، ܒܹܐܡܵܪܵܐ: 
\q1 ”ܙܡܘܿܪܘܼܢ ܐܸܠܲܢ ܡ̣ܢ ܙܡܵܪ̈ܝܵܬܹ‌ܐ ܕܨܸܗܝܘܿܢ.“ 
\q1  
\v 4 ܕܵܐܟ݂ܝܼ ܙܵܡܪܲܚ ܙܡܵܪ̈ܝܵܬܹ‌ܐ ܕܡܵܪܝܵܐ، 
\q1 ܥܲܠܔ ܐܲܪܥܵܐ ܢܘܼܟ݂ܪܵܝܬܵ‌ܐ؟ 
\q1  
\v 5 ܐܸܢ ܢܵܫܹܢܵܟ݂ܝ، ܝܵܐ ܐܘܿܪܸܫܠܸܡ، 
\q1 ܢܵܫܝܵܐ ܝܲܡܝܼܢܝܼ ܡܗܝܼܪܘܼܬܘܼܗ̇. 
\q1  
\v 6 ܫܵܥܹܐ ܠܸܫܵܢܝܼ ܠܫܵܡܵܟܝܼ، 
\q1 ܐܸܢ ܠܵܐ ܕܵܟ݂ܪܹܢܵܟ݂ܝ، 
\q1 ܐܸܢ ܠܵܐ ܡܲܐܣܩܸܢ ܠܐܘܿܪܸܫܠܸܡ، 
\q1 ܥܸܠܸܠܔ ܡ̣ܢ ܪܹܝܫܵܐ ܕܚܲܕܘܼܬ‌ܝܼ. 
\q1  
\v 7 ܕܟ݂ܘܿܪ، ܝܵܐ ܡܵܪܝܵܐ، ܠܒܢܲܝ̈ ܐܲܕܘܿܡ، 
\q1 ܒܝܵܘܡܵܐ ܕܓܵܠܘܼܬܵ‌ܐ ܕܐܘܿܪܸܫܠܸܡ، 
\q1 ܕܐܡܝܼܪܗܘܿܢ: ”ܬܠܘܿܚܘܼܢ، ܬܠܘܿܚܘܼܢ، 
\q1 ܗܲܠܔ ܫܲܬܐܸܣܬܘܼܗ̇.“ 
\q1  
\v 8 ܝܵܐ ܒܪܵܬ ܒܵܒܹܠܔ، ܗܕܝܼܪܬܵ‌ܐ ܠܚܪܵܒ݂ܵܐ، 
\q1 ܛܘܼܒ݂ܵܐ ܠܗ̇ܘ ܕܦܵܪܹܥ ܠܵܟ݂ܝ، 
\q1 ܒܦܘܼܪܥܵܢܵܐ ܕܦܪܝܼܥ ܠܵܟ݂ܝ ܐܸܠܲܢ. 
\q1  
\v 9 ܛܘܼܒ݂ܵܐ ܠܗ̇ܘ ܕܕܵܒܹܩ ܘܛܵܪܹܦ ܠܝܵܠܵܕ݇ܟ݂ܝ̈ 
\q1 ܥܲܠܔ ܩܵܝܵܐ. 
\c 138  
\s1 ܡܙܡܘܪܐ ܕܕܘܝܕ. 
\q1  
\v 1 ܒܸܬ ܫܲܟܪܸܢܘܼܟ݂ ܒܟܠܹܗ ܠܸܒܝܼ، 
\q1 ܩܲܕܡ ܐܲܠܵܗܹ̈ܐ ܒܸܬ ܙܵܡܪܹܢ ܐܸܠܘܼܟ݂. 
\q1  
\v 2 ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂، 
\q1 ܘܒܸܬ ܫܲܟܪܸܢ ܠܫܸܡܘܼܟ݂ ܒܘܼܬ ܛܲܝܒܘܼܬܘܼܟ݂ ܘܒܘܼܬ ܫܲܪܝܼܪܘܼܬܘܼܟ݂، 
\q1 ܣܵܒܵܒ ܓܘܼܪܘܸܣ ܠܘܼܟ݂ ܫܸܡܘܼܟ݂ ܘܗܹܡܸܙܡܵܢܘܼܟ݂ ܥܸܠܸܠܔ ܡ̣ܢ ܟܠܔ. 
\q1  
\v 3 ܩܵܡ ܓ̰ܲܘܸܒܸܬ ܠܝܼ ܒܝܵܘܡܵܐ ܕܩܪܹܐ ܠܝܼ، 
\q1 ܩܵܡ ܝܵܗܒܹܬ ܠܝܼ ܓ̰ܘܼܪܐܲܬ ܒܚܲܝܠܵܐ ܓܵܘ ܓܵܢܝܼ. 
\q1  
\v 4 ܒܸܬ ܫܲܟܪܝܼ ܠܘܼܟ݂، ܝܵܐ ܡܵܪܝܵܐ، ܟܠܵܝܗ‌ܝ ܡܲܠܟܹ̈ܐ ܕܐܲܪܥܵܐ، 
\q1 ܣܵܒܵܒ ܫܡܝܼܥ ܠܗܘܿܢ ܗܹܡܸܙܡܵܢܹ̈ܐ ܕܦܘܼܡܘܼܟ݂. 
\q1  
\v 5 ܘܒܸܬ ܙܵܡܪܝܼ ܒܘܼܬ ܐܘܼܪ̈ܚܵܬܹ‌ܐ ܕܡܵܪܝܵܐ، 
\q1 ܣܵܒܵܒ ܓܘܼܪܵܐ ܝܠܹܗ ܐܝܼܩܵܪܵܐ ܕܡܵܪܝܵܐ. 
\q1  
\v 6 ܘܪܵܡܵܐ ܝܠܹܗ ܡܵܪܝܵܐ ܘܠܟܘܼܦܵܐ ܟܹܐ ܚܵܙܹܐ، 
\q1 ܘܠܪܵܡܵܢܵܐ ܡ̣ܢ ܪܸܚܩܵܐ ܟܹܐ ܝܵܕܹܥ. 
\q1  
\v 7 ܐܸܢ ܚܵܕܪܹܢ ܒܓܵܘܵܐ ܕܥܵܘܩܵܢܵܐ ܒܸܬ ܡܲܚܹܝܬ ܠܝܼ، 
\q1 ܥܲܠܔ ܟܲܪܒܵܐ ܕܕܸܫ̃ܡܸܢܝܼ̈ ܒܸܬ ܦܲܫܛܸܬ ܐܝܼܕܘܼܟ݂، 
\q1 ܘܒܸܬ ܦܲܪܩܵܐ ܠܝܼ ܝܲܡܝܼܢܘܼܟ݂. 
\q1  
\v 8 ܡܵܪܝܵܐ ܒܸܬ ܬܲܡܸܡ ܟܠܔ ܒܘܼܬ ܕܝܼܝܼ، 
\q1 ܡܵܪܝܵܐ ܛܲܝܒܘܼܬܘܼܟ݂ ܠܥܵܠܲܡ ܝܼܠܵܗ̇، 
\q1 ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂ ܠܵܐ ܪܲܦܹܝܬ. 
\c 139  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܝܵܐ ܡܵܪܝܵܐ، ܨܘܼܚܨܝܼܵܐ ܝܘܸܬ ܐܸܠܝܼ ܘܟܹܐ ܝܵܕܥܹܬ ܠܝܼ. 
\q1  
\v 2 ܐܲܢ݇ܬ ܟܹܐ ܝܵܕܥܹܬ ܝܬܵܒ݂ܬ‌ܝܼ ܘܩܝܵܡܬ‌ܝܼ، 
\q1 ܦܘܼܪܡܹܐ ܠܘܼܟ݂ ܚܘܼܫܵܒ݂ܝܼ ܡ̣ܢ ܪܸܚܩܵܐ. 
\q1  
\v 3 ܐܘܼܪܚܝܼ ܘܕܡܵܟ݂ܬ‌ܝܼ ܬܘܼܦ̮ܬܸܫ ܠܘܼܟ݂، 
\q1 ܘܟܠܵܝܗ‌ܝ ܐܘܼܪ̈ܚܵܬ‌ܝܼ ܟܹܐ ܝܵܕܥܹܬ. 
\q1  
\v 4 ܟܲܕ ܗܸܫ ܠܲܝܬ ܚܲܒܪܵܐ ܒܠܸܫܵܢܝܼ، 
\q1 ܗܵܐ ܐܲܢ݇ܬ، ܝܵܐ ܡܵܪܝܵܐ، ܟܹܐ ܝܵܕܥܹܬ ܠܹܗ ܟܠܹܗ. 
\q1  
\v 5 ܡ̣ܢ ܒܵܬܪܵܐ ܘܩܲܕܡܵܐ ܩܵܡ ܚܲܪܕܸܬ ܠܝܼ، 
\q1 ܘܩܵܡ ܡܲܬܒܸܬ ܐܝܼܕܘܼܟ݂ ܥܲܠܝܼ. 
\q1  
\v 6 ܥܓ̰ܝܼܒܬܵ‌ܐ ܝܠܵܗ̇ ܐܵܗܵܐ ܝܕܵܥܬܵ‌ܐ ܩܵܬ‌ܝܼ، 
\q1 ܥܸܠܸܠܔ ܝܼܠܵܗ̇ ܡ̣ܢ ܨܲܠܡܲܢܬ‌ܝܼ. 
\q1  
\v 7 ܠܐܲܝܟܵܐ ܐܵܙܹܠ݇ܢ ܡ̣ܢ ܪܘܼܚܘܼܟ݂، 
\q1 ܘܠܐܲܝܟܵܐ ܥܵܪܩܹܢ ܡ̣ܢ ܦܵܬܘܼܟ݂؟ 
\q1  
\v 8 ܐܸܢ ܐܵܣܩܹܢ ܠܫܡܲܝܵܐ، ܬܵܡܵܐ ܝܘܸܬ ܐܲܢ݇ܬ، 
\q1 ܘܐܸܢ ܫܲܘܹܝܢ ܫܘܝܼܬ‌ܝܼ ܓܵܘ ܫܝܘܿܠܔ، ܗܵܐ، ܬܵܡܵܐ ܝܘܸܬ. 
\q1  
\v 9 ܐܸܢ ܫܵܩܠܹܢ ܓܘܼܠܦܵܢܹ̈ܐ ܕܨܸܡܚܵܐ، 
\q1 ܘܫܵܪܹܝܢ ܒܚܲܪܬܵ‌ܐ ܕܝܵܡܵܐ، 
\q1  
\v 10 ܐܘܼܦ ܬܵܡܵܐ ܐܝܼܕܘܼܟ݂ ܒܸܬ ܡܗܲܕܝܵܐ ܠܝܼ، 
\q1 ܘܝܲܡܝܼܢܘܼܟ݂ ܒܸܬ ܕܵܒ݂ܩܵܐ ܠܝܼ. 
\q1  
\v 11 ܘܐܸܢ ܐܵܡܪܹܢ: ”ܒܫܪܵܪܵܐ، ܚܸܫܟܵܐ ܒܸܬ ܟܲܣܹܐ ܠܝܼ، 
\q1 ܘܒܲܗܪܵܐ ܕܥܲܠܝܼ ܒܸܬ ܗܵܘܹܐ ܠܲܝܠܹܐ،“ 
\q1  
\v 12 ܐܘܼܦ ܚܸܫܟܵܐ ܠܹܐ ܝܠܹܗ ܚܸܫܟܵܢܵܐ ܐܸܠܘܼܟ݂، 
\q1 ܘܠܲܝܠܹܐ ܐܲܝܟ݂ ܐܝܼܡܵܡܵܐ ܟܹܐ ܒܲܗܪܸܢ، 
\q1 ܐܲܝܟ݂ ܚܸܫܟܵܐ، ܗܵܕܟ݂ܵܐ ܒܲܗܪܵܐ. 
\q1  
\v 13 ܒܗ̇ܝ ܕܐܲܢ݇ܬ ܒܪܹܐ ܠܘܼܟ݂ ܠܪܸܥܝܵܢܝܼ، 
\q1 ܩܵܡ ܙܵܩܪܹܬ ܠܝܼ ܒܒܲܛܢܵܐ ܕܝܸܡܝܼ. 
\q1  
\v 14 ܒܸܬ ܫܲܟܪܸܢܘܼܟ݂ ܒܗ̇ܝ ܕܣܲܗܡܵܢܵܐ ܘܥܓ̰ܝܼܒܵܐ ܦܝܼܫ ܠܝܼ ܥܒ݂ܝܼܕܵܐ، 
\q1 ܥܓ̰ܝܼܒܹ̈ܐ ܝܢܵܐ ܦܘܼܠܚܵܢܘܼ̈ܟ݂، 
\q1 ܘܓܵܢܝܼ ܨܦܵܝܝܼ ܟܹܐ ܝܵܕܥܵܐ. 
\q1  
\v 15 ܠܵܐ ܦܝܼܫ ܠܗܘܿܢ ܛܸܫܝܹܐ ܓܲܪ̈ܡܝܼ ܡܸܢܘܼܟ݂، 
\q1 ܟܲܕ ܦܝܼܫ ܠܝܼ ܥܒ݂ܝܼܕܵܐ ܒܣܸܬܵܪܵܐ، 
\q1 ܦܝܼܫ ܠܝܼ ܙܩܝܼܪܵܐ ܓܵܘ ܬܲܚ̈ܬܵܝܵܬܹ‌ܐ ܕܐܲܪܥܵܐ. 
\q1  
\v 16 ܚܙܹܐ ܠܗܘܿܢ ܥܲܝ̈ܢܘܼܟ݂ ܓܒ݂ܝܼܠܬ‌ܝܼ، 
\q1 ܘܓܵܘ ܟܬܵܒ݂ܘܼܟ݂ ܟܠܵܝܗ‌ܝ ܝܵܘܡܵܢܝܼ̈ ܦܝܼܫ ܠܗܘܿܢ ܟܬܝܼܒܹܐ، 
\q1 ܦܝܼܫ ܠܗܘܿܢ ܪܫܝܼܡܹܐ، ܟܲܕ ܠܲܝܬ ܗܘܵܐ ܐܘܼܦ ܚܲܕ ܡܸܢܵܝܗ‌ܝ. 
\q1  
\v 17 ܘܐܸܠܝܼ ܟܡܵܐ ܡܝܘܼܩܪܹ̈ܐ ܝܢܵܐ ܚܘܼܫܵܒ݂ܘܼ̈ܟ݂، ܝܵܐ ܐܲܠܵܗܵܐ، 
\q1 ܟܡܵܐ ܪܵܒܵܐ ܝܢܵܐ ܡܸܢܝܵܢܵܝ̈ܗ‌ܝ. 
\q1  
\v 18 ܐܸܢ ܡܵܢܹܢܗܘܿܢ ܒܘܼܫ ܒܸܬ ܙܵܝܕܝܼ ܡ̣ܢ ܣܹܠܵܐ، 
\q1 ܟܹܐ ܪܵܥܫܹܢ ܘܗܸܫ ܐܵܢܵܐ ܥܲܡܘܼܟ݂ ܝܼܘܸܢ. 
\q1  
\v 19 ܛܘܼܒ݂ܵܐ ܕܩܵܛܠܹܬ ܠܪ̈ܲܫܝܼܥܹܐ، ܝܵܐ ܐܲܠܵܗܵܐ، 
\q1 ܪܚܘܿܩܘܼܢ ܡܸܢܝܼ، ܝܵܐ ܫܲܦܟ݂ܵܢܹ̈ܐ ܕܕܸܡܹ̈ܐ. 
\q1  
\v 20 ܟܹܐ ܗܲܡܙܸܡܝܼ ܒܘܼܬ ܕܝܼܘܼܟ݂ ܒܥܵܘܠܵܐ، 
\q1 ܕܸܫ̃ܡܸܢܘܼ̈ܟ݂ ܟܹܐ ܫܵܩܠܝܼ ܫܸܡܘܼܟ݂ ܒܣܪܝܼܩܘܼܬܵ‌ܐ. 
\q1  
\v 21 ܗܵܐ، ܠܹܐ ܣܵܢܹܝܢ ܠܣܵܢܝܵܢܘܼ̈ܟ݂، ܝܵܐ ܡܵܪܝܵܐ، 
\q1 ܘܠܹܐ ܓܲܢܓܸܙܸܢ ܡ̣ܢ ܩܵܝܡܵܢܹ̈ܐ ܕܕܲܠܩܘܼܒ݂ܠܘܼܟ݂؟ 
\q1  
\v 22 ܣܢܵܝܬܵ‌ܐ ܓܡܝܼܪܬܵ‌ܐ ܟܹܐ ܣܵܢܹܢܗܘܿܢ، 
\q1 ܗܘܹܐ ܠܗܘܿܢ ܐܸܠܝܼ ܕܸܫ̃ܡܸܢܹ̈ܐ. 
\q1  
\v 23 ܨܲܚܨܝܼ ܠܝܼ، ܝܵܐ ܐܲܠܵܗܵܐ، ܘܝܕܹܥ ܠܸܒܝܼ، 
\q1 ܬܲܦ̮ܬܸܫ ܠܝܼ ܘܝܕܹܥ ܚܲܡܝܼ̈. 
\q1  
\v 24 ܘܚܙܝܼ ܐܸܢ ܐܝܼܬ ܒܝܼܝܼ ܡܸܢܕܝܼ ܥܲܓ̰ܸܙܵܢܵܐ ܩܵܬܘܼܟ݂، 
\q1 ܘܡܗܲܕܝܼ ܠܝܼ ܒܐܘܼܪܚܵܐ ܕܠܥܵܠܲܡ. 
\c 140  
\s1 ܠܪܝܫ ܓܘܕܐ ܕܙܡܪ̈ܐ. ܡܙܡܘܪܐ ܕܕܘܝܕ. 
\q1  
\v 1 ܦܲܨܝܼ ܠܝܼ، ܝܵܐ ܡܵܪܝܵܐ، ܡ̣ܢ ܒܲܪܢܵܫܵܐ ܒܝܼܫܵܐ، 
\q1 ܡ̣ܢ ܐܢܵܫܹ̈ܐ ܛܵܠܘܿܡܹ̈ܐ ܢܵܛܪܹܬ ܠܝܼ. 
\q1  
\v 2 ܐܵܢܝܼ ܕܚܫܝܼܒ݂ ܠܗܘܿܢ ܒܝܼܫܵܬܹ̈‌ܐ ܒܠܸܒܵܝܗ‌ܝ، 
\q1 ܒܟܠܹܗ ܝܵܘܡܵܐ ܟܹܐ ܚܲܦܛܝܼ ܦܠܵܫܹ̈ܐ. 
\q1  
\v 3 ܡܘܼܚܪܸܦ ܠܗܘܿܢ ܠܸܫܵܢܵܝܗ‌ܝ ܐܲܝܟ݂ ܚܘܼܘܹܐ، 
\q1 ܣܲܡܵܐ ܕܐܸܣܦܸܣ ܬܚܘܿܬ ܣܸܦܘܵܬܵܝ̈ܗ‌ܝ. \qs ܣܹܠܵܗ\qs* 
\q1  
\v 4 ܢܛܘܿܪܝܼ، ܝܵܐ ܡܵܪܝܵܐ، ܡ̣ܢ ܐܝܼܕܵܬܹ̈‌ܐ ܕܪ̈ܲܫܝܼܥܹܐ، 
\q1 ܡ̣ܢ ܐܢܵܫܹ̈ܐ ܛܵܠܘܿܡܹ̈ܐ ܢܵܛܪܹܬ ܠܝܼ، 
\q1 ܐܵܢܝܼ ܕܚܫܝܼܒ݂ ܠܗܘܿܢ ܠܬܲܪܩܘܼܠܹܐ ܦܵܣܘܿܥܝܵܬ‌ܝܼ̈. 
\q1  
\v 5 ܛܘܼܡܸܪܗܘܿܢ ܫܲܒ݂ܗܸܪ̈ܵܢܹܐ ܢܸܫܒ݂ܵܐ ܐܸܠܝܼ، 
\q1 ܘܒܚܲܒ݂ܠܹ̈ܐ ܦܪܝܼܣ ܠܗܘܿܢ ܓܲܪܕܵܐ ܥܲܠܔ ܐܘܼܪܚܝܼ، 
\q1 ܦܲܚܹ̈ܐ ܨܘܼܠܹܐ ܠܗܘܿܢ ܐܸܠܝܼ. \qs ܣܹܠܵܗ\qs* 
\q1  
\v 6 ܐܡܝܼܪܝܼ ܠܡܵܪܝܵܐ: ”ܐܲܠܵܗ‌ܝܼ ܝܘܸܬ ܐܲܢ݇ܬ، 
\q1 ܗܲܒ݂ܠܔ ܢܵܬܵ‌ܐ، ܝܵܐ ܡܵܪܝܵܐ، ܠܩܵܠܵܐ ܕܢܵܘܢܲܝܬ‌ܝܼ. 
\q1  
\v 7 ”ܡܵܪܝܵܐ ܐܲܠܵܗܵܐ، ܚܲܝܠܵܐ ܕܦܘܼܪܩܵܢܝܼ، 
\q1 ܟܘܼܣܹܐ ܠܘܼܟ݂ ܪܹܝܫܝܼ ܒܝܵܘܡܵܐ ܕܦܠܵܫܵܐ. 
\q1  
\v 8 ”ܠܵܐ ܝܵܗܒܹܬ، ܝܵܐ ܡܵܪܝܵܐ، ܫܲܗܘܲܬܝܵܬܹ̈‌ܐ ܕܪ̈ܲܫܝܼܥܹܐ، 
\q1 ܢܝܼܫܵܝܗ‌ܝ ܠܵܐ ܫܵܒ݂ܩܹܬ ܦܵܠܹܛ ܒܪܹܝܫܵܐ ܕܠܵܐ ܪܵܝܡܝܼ. \qs ܣܹܠܵܗ\qs* 
\q1  
\v 9 ”ܪܹܝܫܵܐ ܕܚܲܪ̈ܕܝܼܵܢܝܼ 
\q1 ܦܵܐܹܫ ܟܘܼܣܝܵܐ ܒܦܸܠܡܵܐ ܕܣܸܦܘܵܬܵܝ̈ܗ‌ܝ. 
\q1  
\v 10 ”ܫܒ݂ܘܿܩ ܨܵܠܝܼ ܥܲܠܵܝܗ‌ܝ ܓܘܼܡܪܹ̈ܐ، 
\q1 ܓܵܘ ܢܘܼܪܵܐ ܦܵܝܫܝܼ ܡܘܼܢܦܸܠܔ ܠܹܗ، 
\q1 ܓܵܘ ܥܘܼܡܩܹ̈ܐ، ܕܠܵܐ ܩܵܝܡܝܼ. 
\q1  
\v 11 ”ܕܵܪܝܵܢܵܐ ܕܒܘܼܚܬܵܢ ܠܹܐ ܩܵܘܹܐ ܒܐܲܪܥܵܐ، 
\q1 ܐܢܵܫܵܐ ܛܵܠܘܿܡܵܐ ܒܝܼܫܬܵ‌ܐ ܒܸܬ ܨܵܝܕܵܐ ܠܹܗ ܒܓ̰ܲܠܕܘܼܬܵ‌ܐ.“ 
\q1  
\v 12 ܟܹܐ ܝܵܕܥܹܢ ܕܒܸܬ ܥܵܒܹܕ ܡܵܪܝܵܐ ܕܝܼܢܵܐ ܕܡܘܼܠܝܸܨܹ̈ܐ، 
\q1 ܕܝܼܘܵܢ ܕܡܸܣܟܹܢܹ̈ܐ. 
\q1  
\v 13 ܒܫܪܵܪܵܐ، ܙܲܕܝܼܩܹ̈ܐ ܒܸܬ ܫܲܟܪܝܼ ܠܫܸܡܘܼܟ݂، 
\q1 ܒܸܬ ܝܵܬܒ݂ܝܼ ܬܪ̈ܘܼܨܹܐ ܩܲܕܡ ܦܵܬܘܼܟ݂. 
\c 141  
\q1  
\v 1 ܝܵܐ ܡܵܪܝܵܐ، ܩܪܹܐ ܠܝܼ ܐܸܠܘܼܟ݂، ܡܲܠܝܸܙ ܠܟܸܣܠܝܼ، 
\q1 ܗܲܒ݂ܠܔ ܢܵܬܵ‌ܐ ܠܩܵܠܝܼ ܟܲܕ ܩܵܪܹܝܢ ܐܸܠܘܼܟ݂. 
\q1  
\v 2 ܗܵܘܝܵܐ ܨܠܘܿܬ‌ܝܼ ܐܲܝܟ݂ ܒܸܣܡܵܐ ܩܲܕܡܘܼܟ݂، 
\q1 ܡܲܪܲܡܬܵ‌ܐ ܕܐܝܼܕܵܬ‌ܝܼ̈ ܐܲܝܟ݂ ܩܘܼܪܒܵܢܵܐ ܕܪܲܡܫܵܐ. 
\q1  
\v 3 ܝܵܐ ܡܵܪܝܵܐ، ܡܲܬܸܒ݂ ܢܛܵܪܬܵ‌ܐ ܠܦܘܼܡܝܼ، 
\q1 ܢܛܘܿܪ ܠܬܲܪܥܵܐ ܕܣܸܦܘܵܬ‌ܝܼ̈. 
\q1  
\v 4 ܠܵܐ ܫܵܒ݂ܩܹܬ ܦܵܬܹܠܔ ܠܸܒܝܼ ܠܗܹܡܸܙܡܵܢ ܒܝܼܫܬܵ‌ܐ، 
\q1 ܠܸܥܒ݂ܵܕܵܐ ܥܒ݂ܵܕܹ̈ܐ ܒܪܲܫܝܼܥܘܼܬܵ‌ܐ، 
\q1 ܥܲܡ ܦܵܠܚܵܢܹ̈ܐ ܕܥܵܘܠܵܐ، 
\q1 ܘܠܵܐ ܫܵܒ݂ܩܹܬ ܐܵܟ݂ܠܹܢ ܡ̣ܢ ܛܲܥܡܵܬܵܝ̈ܗ‌ܝ. 
\q1  
\v 5 ܫܒ݂ܘܿܩ ܡܵܚܹܐ ܠܝܼ ܙܲܕܝܼܩܵܐ، ܛܲܝܒܘܼܬܵ‌ܐ ܝܠܵܗ̇ ܐܵܗܵܐ، 
\q1 ܘܡܲܢܟܸܣ ܠܝܼ، ܡܸܫܚܵܐ ܕܪܹܝܫܵܐ ܝܠܹܗ، 
\q1 ܠܵܐ ܡܲܚܦܸܠܔ ܪܹܝܫܝܼ، 
\q1 ܒܗ̇ܝ ܕܗܸܫ ܨܠܘܿܬ‌ܝܼ ܕܲܠܩܘܼܒ݂ܠܔ ܕܒܝܼܫܵܬܵܝ̈ܗ‌ܝ ܝܠܵܗ̇. 
\q1  
\v 6 ܟܲܕ ܦܵܝܫܝܼ ܪܘܼܦܝܹܐ ܒܕܸܦܢܵܬܹ̈‌ܐ ܕܩܵܝܵܐ ܕܲܝܵܢܵܝ̈ܗ‌ܝ، 
\q1 ܒܸܬ ܫܵܡܥܝܼ ܗܹܡܸܙܡܵܢܝܼ̈ ܒܗ̇ܝ ܕܒܲܣܝܼܡܹ̈ܐ ܝܢܵܐ. 
\q1  
\v 7 ܐܲܝܟ݂ ܛܵܪܝܵܢܵܐ ܕܦܕܵܢܵܐ ܕܛܵܪܹܐ ܠܵܗ̇ ܐܲܪܥܵܐ، 
\q1 ܗܵܕܟ݂ܵܐ ܦܝܼܫ ܠܗܘܿܢ ܒܘܼܪܒܸܙܹܐ ܓܲܪ̈ܡܲܢ ܥܲܠܔ ܦܘܼܡܵܐ ܕܫܝܘܿܠܔ. 
\q1  
\v 8 ܐܝܼܢܵܐ ܥܲܝܢܝܼ̈ ܐܸܠܘܼܟ݂ ܝܼܢܵܐ، ܝܵܐ ܡܵܪܝܵܐ ܐܲܠܵܗܵܐ، 
\q1 ܒܝܼܘܼܟ݂ ܫܩܝܼܠܔ ܠܝܼ ܓܵܘܣܵܐ، ܠܵܐ ܫܵܒ݂ܩܹܬ ܠܵܗ̇ ܓܵܢܝܼ ܒܠܵܐ ܢܛܵܪܬܵ‌ܐ. 
\q1  
\v 9 ܢܛܘܿܪܝܼ ܡ̣ܢ ܦܲܚܹ̈ܐ ܕܡܘܼܬܸܒ݂ ܠܗܘܿܢ ܐܸܠܝܼ، 
\q1 ܘܡ̣ܢ ܢܸܫܒ݂ܵܐ ܕܦܵܠܚܵܢܹ̈ܐ ܕܥܵܘܠܵܐ. 
\q1  
\v 10 ܢܵܦܠܝܼ ܪ̈ܲܫܝܼܥܹܐ ܥܲܡ ܚܕܵܕܹ̈ܐ ܒܓܲܪܕܵܝܗ‌ܝ، 
\q1 ܗܲܠܔ ܕܐܵܢܵܐ ܥܵܒ݂ܪܹܢ. 
\c 142  
\s1 ܡܲܣܟܝܼܠܔ ܕܕܘܝܕ، ܐܝܡܢ ܕܝܗܘܐ ܓܘ ܓܦܝܬ‌ܐ. ܨܠܘܬ‌ܐ. 
\q1  
\v 1 ܒܩܵܠܝܼ ܠܡܵܪܝܵܐ ܟܹܐ ܡܲܩܘܸܚܸܢ، 
\q1 ܒܩܵܠܝܼ ܠܡܵܪܝܵܐ ܟܹܐ ܦܲܪܦܸܠܸܢ. 
\q1  
\v 2 ܟܹܐ ܫܲܦܟܸܢ ܩܲܕܡܘܼܗ‌ܝ ܩܒ݂ܵܠܬ‌ܝܼ. 
\q1 ܥܵܘܩܵܢܝܼ ܩܲܕܡܘܼܗ‌ܝ ܟܹܐ ܡܲܕܥܸܢ. 
\q1  
\v 3 ܟܲܕ ܒܓܵܘܝܼ ܕܘܼܪܕܸܫ̃ ܠܵܗ̇ ܪܘܼܚܝܼ، ܐܲܢ݇ܬ ܟܹܐ ܝܵܕܥܹܬ ܠܹܗ ܫܒ݂ܝܼܠܝܼ، 
\q1 ܒܐܘܼܪܚܵܐ ܕܟܹܐ ܚܵܕܪܹܢ، ܛܘܼܫܹܐ ܠܗܘܿܢ ܢܸܫܒ݂ܵܐ ܐܸܠܝܼ. 
\q1  
\v 4 ܚܘܼܪ ܠܝܲܡܝܼܢܵܐ، ܘܚܙܝܼ ܕܠܲܝܬ ܠܝܼ ܝܵܕܥܵܢܵܐ، 
\q1 ܛܠܝܼܩ ܠܵܗ̇ ܡܸܢܝܼ ܕܘܼܟܬܵ‌ܐ ܕܥܪܵܩܬܵ‌ܐ، ܠܲܝܬ ܒܲܩܪܵܢܵܐ ܒܘܼܬ ܓܵܢܝܼ. 
\q1  
\v 5 ܡܘܼܩܘܸܚ ܠܝܼ ܠܟܸܣܠܘܼܟ݂، ܝܵܐ ܡܵܪܝܵܐ، 
\q1 ܐܡܝܼܪܝܼ: ܐܲܢ݇ܬ ܝܼܘܸܬ ܒܹܝܬ ܓܵܘܣܝܼ، 
\q1 ܣܵܗܡܝܼ ܒܐܲܪܥܵܐ ܕܚܲܝܹ̈ܐ. 
\q1  
\v 6 ܨܘܼܬ ܠܓܥܵܝܬ‌ܝܼ ܒܗ̇ܝ ܕܦܝܼܫ ܠܝܼ ܡܘܼܟܸܦܵܐ ܪܵܒܵܐ، 
\q1 ܦܲܨܝܼ ܠܝܼ ܡ̣ܢ ܢܵܦܠܵܢܹ̈ܐ ܒܵܬܪܝܼ ܒܗ̇ܝ ܕܒܘܼܫ ܚܲܝܠܵܢܹ̈ܐ ܝܢܵܐ ܡܸܢܝܼ. 
\q1  
\v 7 ܦܲܠܸܛ ܠܵܗ̇ ܓܵܢܝܼ ܡ̣ܢ ܒܹܝܬ ܚܒ݂ܘܼܫܝܵܐ ܕܫܲܟܪܸܢ ܠܫܸܡܘܼܟ݂، 
\q1 ܠܚܵܕܸܪ̈ܘܵܢܝܼ ܒܸܬ ܟܵܪܟ݂ܝܼ ܙܲܕܝܼܩܹ̈ܐ، 
\q1 ܒܗ̇ܝ ܕܒܦܸܪܝܘܼܬܵ‌ܐ ܒܸܬ ܦܵܪܥܹܬ ܠܝܼ. 
\c 143  
\s1 ܡܙܡܘܪܐ ܕܕܘܝܕ. 
\q1  
\v 1 ܝܵܐ ܡܵܪܝܵܐ، ܫܡܹܥ ܨܠܘܿܬ‌ܝܼ، ܗܲܒ݂ܠܔ ܢܵܬܵ‌ܐ ܠܢܵܘܢܲܝܬ‌ܝܼ، 
\q1 ܒܡܗܘܼܡܢܘܼܬܘܼܟ݂ ܓ̰ܲܘܸܒ ܠܝܼ، ܒܙܲܕܝܼܩܘܼܬܘܼܟ݂. 
\q1  
\v 2 ܘܠܵܐ ܡܲܥܒܸܪܸܬ ܠܹܗ ܪܹܓܘܼܟ݂ ܠܕܝܵܢܬܵ‌ܐ، 
\q1 ܣܵܒܵܒ ܠܹܐ ܝܠܹܗ ܙܲܕܝܼܩܵܐ ܩܲܕܡܘܼܟ݂ ܟܠܔ ܐܢܵܫܵܐ ܚܵܝܵܐ. 
\q1  
\v 3 ܒܗ̇ܝ ܕܢܦܝܼܠܔ ܠܹܗ ܕܸܫ̃ܡܸܢ ܒܵܬܪ ܓܵܢܝܼ، 
\q1 ܛܒ݂ܝܼܚ ܠܹܗ ܠܐܲܪܥܵܐ ܚܲܝܝܼ̈، 
\q1 ܩܵܡ ܡܲܬܸܒ݂ ܠܝܼ ܒܕܘܼܟܵܢܹ̈ܐ ܚܸܫܟܵܢܹ̈ܐ ܐܲܝܟ݂ ܡܝܼ̈ܬܹ‌ܐ ܕܠܥܵܠܲܡ. 
\q1  
\v 4 ܘܕܘܼܪܕܸܫ̃ܬܵ‌ܐ ܝܠܵܗ̇ ܒܓܵܘܝܼ ܪܘܼܚܝܼ، 
\q1 ܒܓܵܘܝܼ ܫܓ݂ܝܼܫܵܐ ܝܠܹܗ ܠܸܒܝܼ. 
\q1  
\v 5 ܕܟ݂ܝܼܪܝܼ ܠܝܵܘܡܵܢܹ̈ܐ ܩܲܕܝܼܡܵܝܹ̈ܐ، 
\q1 ܗܘܼܓܹܐ ܠܝܼ ܒܘܼܬ ܟܠܵܝܗ‌ܝ ܦܘܼܠܚܵܢܘܼ̈ܟ݂، 
\q1 ܒܘܼܬ ܥܒ݂ܵܕܹ̈ܐ ܕܐܝܼܕܵܬܘܼ̈ܟ݂ ܬܘܼܚܡܸܢܝܼ. 
\q1  
\v 6 ܦܘܼܫܸܛ ܠܝܼ ܐܝܼܕܵܬ‌ܝܼ̈ ܠܟܸܣܠܘܼܟ݂، 
\q1 ܓܵܢܝܼ ܨܗܝܼܬܵ‌ܐ ܝܠܵܗ̇ ܐܸܠܘܼܟ݂ ܐܲܝܟ݂ ܐܲܪܥܵܐ ܒܪܝܼܙܬܵ‌ܐ. \qs ܣܹܠܵܗ\qs* 
\q1  
\v 7 ܡܲܠܝܸܙ ܓ̰ܲܘܸܒ ܠܝܼ، ܝܵܐ ܡܵܪܝܵܐ، ܬܝܼܡ ܠܵܗ̇ ܪܘܼܚܝܼ، 
\q1 ܠܵܐ ܛܲܫܹܝܬ ܦܵܬܘܼܟ݂ ܡܸܢܝܼ، 
\q1 ܐܸܠܵܐ ܒܸܬ ܗܵܘܹܝܢ ܕܘܼܡܝܵܐ ܠܨܵܠܝܵܢܹ̈ܐ ܕܓܘܼܒܵܐ. 
\q1  
\v 8 ܡܲܫܡܸܥ ܠܝܼ ܒܨܲܦܪܵܐ ܛܲܝܒܘܼܬܘܼܟ݂، 
\q1 ܣܵܒܵܒ ܒܝܼܘܼܟ݂ ܦܝܼܫ ܠܝܼ ܒܣܲܒ݂ܪܵܐ، 
\q1 ܡܲܕܸܥ ܠܝܼ ܐܘܼܪܚܵܐ ܕܐܵܙܹܠ݇ܢ، 
\q1 ܒܗ̇ܝ ܕܐܸܠܘܼܟ݂ ܡܘܼܪܡܵܐ ܠܝܼ ܓܵܢܝܼ. 
\q1  
\v 9 ܦܲܨܝܼ ܠܝܼ ܡ̣ܢ ܕܸܫ̃ܡܸܢܝܼ̈، ܝܵܐ ܡܵܪܝܵܐ، 
\q1 ܠܟܸܣܠܘܼܟ݂ ܛܘܼܫܝܘܼܗ̇ ܝܘܸܢ ܓܵܢܝܼ. 
\q1  
\v 10 ܡܲܠܸܦ ܠܝܼ ܠܸܥܒ݂ܵܕܵܐ ܨܸܒ݂ܝܵܢܘܼܟ݂، ܒܗ̇ܝ ܕܐܲܢ݇ܬ ܝܼܘܸܬ ܐܲܠܵܗ‌ܝܼ، 
\q1 ܪܘܼܚܘܼܟ݂ ܛܵܒ݂ܵܐ ܡܗܲܕܹܐ ܠܝܼ ܒܐܲܪܥܵܐ ܬܪܘܼܨܬܵ‌ܐ. 
\q1  
\v 11 ܒܘܼܬ ܫܸܡܘܼܟ݂ ܡܲܚܹܝܬ ܠܝܼ، ܝܵܐ ܡܵܪܝܵܐ، 
\q1 ܒܙܲܕܝܼܩܘܼܬܘܼܟ݂ ܦܲܠܛܸܬ ܓܵܢܝܼ ܡ̣ܢ ܐܘܼܠܨܵܢܵܐ. 
\q1  
\v 12 ܘܒܛܲܝܒܘܼܬܘܼܟ݂ ܡܲܫܬܸܩܸܬ ܠܕܸܫ̃ܡܸܢܝܼ̈، 
\q1 ܘܛܲܠܩܸܬ ܠܟܠܵܝܗ‌ܝ ܡܲܠܝܸܨܵܢܹ̈ܐ ܕܓܵܢܝܼ، 
\q1 ܒܗ̇ܝ ܕܪܹܓܘܼܟ݂ ܝܼܘܸܢ ܐܵܢܵܐ. 
\c 144  
\s1 ܡܙܡܘܪܐ ܕܕܘܝܕ. 
\q1  
\v 1 ܒܪܝܼܟ݂ܵܐ ܝܠܹܗ ܡܵܪܝܵܐ ܐܝܼܨܵܪܝܼ، 
\q1 ܕܡܘܼܠܦܵܝ ܠܹܗ ܐܝܼܕܵܬ‌ܝܼ̈ ܠܩܪܵܒ݂ܵܐ، 
\q1 ܘܨܸܒܥܵܬ‌ܝܼ̈ ܠܦܠܵܫܵܐ. 
\q1  
\v 2 ܛܲܝܒܘܼܬ‌ܝܼ ܘܚܸܣܢܝܼ، 
\q1 ܒܹܝܬ ܓܵܘܣܝܼ ܘܦܲܨܝܵܢܝܼ، 
\q1 ܡܵܛܵܠܝܼ ܕܒܝܼܹܗ ܫܩܝܼܠܔ ܠܝܼ ܓܵܘܣܵܐ، 
\q1 ܙܲܒܛܸܢܵܢܵܐ ܕܥܲܡܡܹ̈ܐ ܬܚܘܿܬ ܐܝܼܕܝܼ. 
\q1  
\v 3 ܝܵܐ ܡܵܪܝܵܐ، ܡܘܼܕܝܼ ܝܠܹܗ ܐܢܵܫܵܐ ܕܝܵܕܥܹܬ ܠܹܗ؟ 
\q1 ܒܲܪܢܵܫܵܐ ܕܚܵܫܒܹܬ ܠܹܗ؟ 
\q1  
\v 4 ܐܢܵܫܵܐ ܠܢܫܲܡܬܵ‌ܐ ܟܹܐ ܕܵܡܹܐ، 
\q1 ܝܵܘܡܵܢܘܼ̈ܗ‌ܝ ܐܲܝܟ݂ ܛܸܠܵܢܝܼܬܵ‌ܐ ܥܵܒ݂ܪܵܢܬܵ‌ܐ ܝܢܵܐ. 
\q1  
\v 5 ܝܵܐ ܡܵܪܝܵܐ، ܡܲܟܸܦ ܫܡܲܝܘܼ̈ܟ݂ ܘܨܠܝܼ، 
\q1 ܕܩܘܿܪ ܒܛܘܼܪ̈ܵܢܹܐ ܕܬܲܢܬܸܢܝܼ. 
\q1  
\v 6 ܡܲܒܪܸܩ ܒܸܪܩܵܐ ܘܒܲܪܒܸܙ ܠܗܘܿܢ، 
\q1 ܫܲܕܸܪ ܓܹܐܪ̈ܘܼܟ݂ ܘܚܒ݂ܘܿܛ ܠܵܗ̇ ܥܲܠܵܝܗ‌ܝ. 
\q1  
\v 7 ܦܲܫܸܛ ܐܝܼܕܘܼ̈ܟ݂ ܡ̣ܢ ܡܪܵܘܡܵܐ، 
\q1 ܦܲܨܝܼ ܠܝܼ ܘܦܲܪܸܩ ܠܝܼ ܡ̣ܢ ܡ̈ܝܼܵܐ ܪܵܒܵܐ، 
\q1 ܡ̣ܢ ܐܝܼܕܵܐ ܕܢܘܼܟ݂ܪ̈ܵܝܹܐ، 
\q1  
\v 8 ܐܲܝܢܝܼ ܕܦܘܼܡܵܝܗ‌ܝ ܟܹܐ ܗܲܡܙܸܡ ܒܲܛܝܼܠܘܼܬܵ‌ܐ، 
\q1 ܘܝܲܡܝܼܢܵܝܗ‌ܝ ܝܲܡܝܼܢܵܐ ܕܕܘܼܓܠܵܐ ܝܠܵܗ̇. 
\q1  
\v 9 ܝܵܐ ܐܲܠܵܗܵܐ، ܙܡܵܪܬܵ‌ܐ ܚܲܕܬܵ‌ܐ ܒܸܬ ܙܵܡܪܹܢ ܐܸܠܘܼܟ݂، 
\q1 ܒܩܝܼܬܵܪܵܐ ܕܥܸܣܪܵܐ ܣܝܼܡܹ̈ܐ ܒܸܬ ܫܲܒܚܸܢ ܐܸܠܘܼܟ݂. 
\q1  
\v 10 ܗ̇ܘ ܕܟܹܐ ܝܵܗܒܹܠܔ ܦܘܼܪܩܵܢܵܐ ܠܡܲܠܟܹ̈ܐ، 
\q1 ܕܟܹܐ ܦܲܨܹܐ ܠܕܵܘܝܼܕ ܪܹܓܹܗ ܡ̣ܢ ܣܲܝܦܵܐ ܒܝܼܫܵܐ. 
\q1  
\v 11 ܦܲܨܝܼ ܠܝܼ ܘܦܲܪܸܩ ܠܝܼ ܡ̣ܢ ܐܝܼܕܵܐ ܕܢܘܼܟ݂ܪ̈ܵܝܹܐ، 
\q1 ܐܲܝܢܝܼ ܕܦܘܼܡܵܝܗ‌ܝ ܟܹܐ ܗܲܡܙܸܡ ܒܲܛܝܼܠܘܼܬܵ‌ܐ، 
\q1 ܘܝܲܡܝܼܢܵܝܗ‌ܝ ܝܲܡܝܼܢܵܐ ܕܕܘܼܓܠܵܐ ܝܠܵܗ̇. 
\q1  
\v 12 ܗ̇ܝܓܵܗ ܒܢܘܿܢܲܢ̈ ܒܥܠܲܝܡܘܼܬܵܝܗ‌ܝ ܒܸܬ ܗܵܘܝܼ ܐܲܝܟ݂ ܢܨܝܼܒ݂ܝܵܬܹ̈‌ܐ ܒܓ̰ܝܼܪܹ̈ܐ، 
\q1 ܒܢܵܬܲܢ̈ ܐܲܝܟ݂ ܥܲܡܘܼܕܹ̈ܐ ܦܪ̈ܝܼܡܹܐ ܕܩܘܼܪ̈ܢܝܼܵܬܹ‌ܐ ܓܵܘ ܒܸܢܝܵܢܵܐ ܕܩܲܨܪܵܐ. 
\q1  
\v 13 ܐܲܢܒܵܪ̈ܲܢ ܒܸܬ ܗܵܘܝܼ ܡܸܠܝܹ̈ܐ، ܦܲܠܘܼܛܹܐ ܡ̣ܢ ܟܠܔ ܬܘܼܚܡܵܐ، 
\q1 ܥܸܪ̈ܒܲܢ ܒܸܬ ܝܵܠܕܝܼ ܒܐܲܠܦܹ̈ܐ، ܒܝܼܠܵܕܵܐ ܪܸ̈ܒܘܵܬܹ‌ܐ ܒܥܵܠܘܿܠܵܢܲܢ̈. 
\q1  
\v 14 ܬܵܘܸܪ̈ܝܵܬܲܢ ܒܸܬ ܗܵܘܝܼ ܒܛܝܼܢܹܐ، ܠܹܐ ܗܵܘܹܐ ܬܪܵܥܬܵ‌ܐ ܕܫܘܼܪܵܐ، ܘܠܵܐ ܠܲܒܲܠܬܵ‌ܐ ܠܓܵܠܘܼܬܵ‌ܐ، 
\q1 ܘܠܹܐ ܗܵܘܝܵܐ ܡܲܩܘܲܚܬܵ‌ܐ ܒܫܘܼܩܲܢ̈. 
\q1  
\v 15 ܛܘܼܒ݂ܵܐ ܠܥܲܡܵܐ ܕܗܵܕܟ݂ܵܐ ܝܠܵܗ̇ ܐܸܠܹܗ، 
\q1 ܛܘܼܒ݂ܵܐ ܠܥܲܡܵܐ ܕܡܵܪܝܵܐ ܝܠܹܗ ܐܲܠܵܗܹܗ. 
\c 145  
\q1  
\v 1 ܒܸܬ ܡܲܪܡܸܢܘܼܟ݂، ܝܵܐ ܐܲܠܵܗ‌ܝܼ ܡܲܠܟܵܐ، 
\q1 ܘܒܸܬ ܒܲܪܟܸܢ ܫܸܡܘܼܟ݂ ܠܥܵܠܲܡ ܥܵܠܡܝܼܢ. 
\q1  
\v 2 ܒܟܠܔ ܝܘܿܡ ܒܸܬ ܒܲܪܟܸܢܘܼܟ݂، 
\q1 ܘܒܸܬ ܫܲܒܚܸܢ ܠܫܸܡܘܼܟ݂ ܠܥܵܠܲܡ ܥܵܠܡܝܼܢ. 
\q1  
\v 3 ܓܘܼܪܵܐ ܝܠܹܗ ܡܵܪܝܵܐ ܘܡܫܘܼܒܚܵܐ ܪܵܒܵܐ، 
\q1 ܘܠܓܘܼܪܘܼܬܹܗ ܠܲܝܬ ܨܲܚܨܲܝܬܵ‌ܐ. 
\q1  
\v 4 ܕܵܪܵܐ ܒܸܬ ܫܲܒܸܚ ܦܘܼܠܚܵܢܘܼ̈ܟ݂ ܠܕܵܪܵܐ، 
\q1 ܘܓܲܒܵܪ̈ܘܼܝܵܬܘܼܟ݂ ܒܸܬ ܡܲܕܥܝܼ. 
\q1  
\v 5 ܠܣܸܩܠܵܐ ܕܚܸܩܪܵܐ ܕܫܘܼܒ݂ܚܘܼܟ݂، 
\q1 ܘܥܒ݂ܵܕܘܼ̈ܟ݂ ܡܲܥܓ̰ܸܒܵܢܹ̈ܐ ܒܸܬ ܗܲܓܹܝܢ. 
\q1  
\v 6 ܘܒܘܼܬ ܚܲܝܠܵܐ ܕܥܒ݂ܵܕܘܼ̈ܟ݂ ܣܲܗܡܵܢܹ̈ܐ ܒܸܬ ܐܵܡܪܝܼ، 
\q1 ܘܓܘܼܪܘܼܬܘܼܟ݂ ܒܸܬ ܗܲܩܹܝܢ. 
\q1  
\v 7 ܕܟ݂ܵܪܵܐ ܕܦܸܪܝܘܼܬܵ‌ܐ ܕܛܵܒ݂ܘܼܬܘܼܟ݂ ܒܸܬ ܬܲܢܝܼ، 
\q1 ܘܙܲܕܝܼܩܘܼܬܘܼܟ݂ ܒܸܬ ܡܲܩܘܸܚܝܼ. 
\q1  
\v 8 ܚܲܢܵܢܵܐ ܝܠܹܗ ܘܡܪܲܚܡܵܢܵܐ ܡܵܪܝܵܐ، 
\q1 ܝܲܪܝܼܟ݂ܬܵ‌ܐ ܒܹܐܢܹܗ ܘܓܘܼܪܬܵ‌ܐ ܛܲܝܒܘܼܬܹܗ. 
\q1  
\v 9 ܛܵܒ݂ܵܐ ܝܠܹܗ ܡܵܪܝܵܐ ܠܟܠܵܝܗ‌ܝ، 
\q1 ܘܪ̈ܲܚܡܘܼܗ‌ܝ ܥܲܠܔ ܟܠܵܝܗ‌ܝ ܦܘܼܠܚܵܢܘܼ̈ܗ‌ܝ. 
\q1  
\v 10 ܒܸܬ ܫܲܟܪܝܼ ܠܘܼܟ݂، ܝܵܐ ܡܵܪܝܵܐ، ܟܠܵܝܗ‌ܝ ܦܘܼܠܚܵܢܘܼ̈ܟ݂، 
\q1 ܘܡܗܘܼܡܢܘܼ̈ܟ݂ ܒܸܬ ܒܲܪܟ݂ܝܼ ܠܘܼܟ݂. 
\q1  
\v 11 ܒܘܼܬ ܚܸܩܪܵܐ ܕܡܲܠܟܘܼܬܘܼܟ݂ ܒܸܬ ܐܵܡܪܝܼ، 
\q1 ܘܓܲܒܵܪܘܼܬܘܼܟ݂ ܒܸܬ ܗܲܡܙܸܡܝܼ، 
\q1  
\v 12 ܠܡܲܕܘܼܥܹܐ ܠܒܢܲܝ̈ܢܵܫܵܐ ܓܲܒܵܪ̈ܘܼܝܵܬܘܼܟ݂، 
\q1 ܘܚܸܩܪܵܐ ܕܣܸܩܠܵܐ ܕܡܲܠܟܘܼܬܘܼܟ݂. 
\q1  
\v 13 ܡܲܠܟܘܼܬܘܼܟ݂ ܡܲܠܟܘܼܬܵ‌ܐ ܥܵܠܡܝܼܢܵܝܬܵ‌ܐ ܝܠܵܗ̇، 
\q1 ܘܫܘܼܠܛܵܢܘܼܟ݂ ܒܟܠܔ ܕܵܪܵܐ ܘܕܵܪܵܐ. 
\q1  
\v 14 ܟܹܐ ܣܵܢܹܕ ܡܵܪܝܵܐ ܠܟܠܵܝܗ‌ܝ ܢܵܦܠܵܢܹ̈ܐ، 
\q1 ܘܟܹܐ ܡܲܩܸܡ ܠܟܠܵܝܗ‌ܝ ܛܥܝܼ̈ܦܹܐ. 
\q1  
\v 15 ܥܲܝ̈ܢܹܐ ܕܟܠܵܝܗ‌ܝ ܐܸܠܘܼܟ݂ ܟܹܐ ܣܵܦܪܝܼ، 
\q1 ܘܐܲܢ݇ܬ ܟܹܐ ܝܵܗܒܹܬ ܠܗܘܿܢ ܡܹܐܟ݂ܘܼܠܬܵܝܗ‌ܝ ܒܥܕܵܢܘܼܗ̇. 
\q1  
\v 16 ܟܹܐ ܦܵܬܚܹܬ ܐܝܼܕܘܼܟ݂، 
\q1 ܘܟܹܐ ܡܲܣܒܸܥܸܬ ܠܨܸܒ݂ܝܵܢܵܐ ܕܟܠܔ ܚܵܝܵܐ. 
\q1  
\v 17 ܙܲܕܝܼܩܵܐ ܝܠܹܗ ܡܵܪܝܵܐ ܒܟܠܵܝܗ‌ܝ ܐܘܼܪ̈ܚܵܬܘܼܗ‌ܝ، 
\q1 ܘܡܗܘܼܡܢܵܐ ܒܟܠܵܝܗ‌ܝ ܦܘܼܠܚܵܢܘܼ̈ܗ‌ܝ. 
\q1  
\v 18 ܩܘܼܪܒܵܐ ܝܠܹܗ ܡܵܪܝܵܐ ܠܟܠܵܝܗ‌ܝ ܩܵܪ̈ܝܵܢܘܼܗ‌ܝ، 
\q1 ܠܟܠܔ ܡ̇ܢ ܕܩܵܪܹܐ ܠܹܗ ܒܫܲܪܝܼܪܘܼܬܵ‌ܐ. 
\q1  
\v 19 ܨܸܒ݂ܝܵܢܵܐ ܕܙܕܝܼܥܘܼ̈ܗ‌ܝ ܟܹܐ ܥܵܒܹܕ، 
\q1 ܘܡܲܩܘܲܚܬܵܝܗ‌ܝ ܟܹܐ ܫܵܡܹܥ، ܘܟܹܐ ܦܲܪܸܩ ܠܗܘܿܢ. 
\q1  
\v 20 ܟܹܐ ܢܵܛܹܪ ܡܵܪܝܵܐ ܠܟܠܵܝܗ‌ܝ ܡܲܚܸܒܵܢܘܼ̈ܗ‌ܝ، 
\q1 ܐܝܼܢܵܐ ܠܟܠܵܝܗ‌ܝ ܪ̈ܲܫܝܼܥܹܐ ܒܸܬ ܛܲܠܸܩ. 
\q1  
\v 21 ܬܸܫܒܘܿܚܬܵ‌ܐ ܕܡܵܪܝܵܐ ܒܸܬ ܗܲܡܙܸܡ ܦܘܼܡܝܼ، 
\q1 ܘܒܸܬ ܒܲܪܟ݂ܵܐ ܟܠܔ ܓܵܢܵܐ ܫܸܡܵܐ ܕܩܘܼܕܫܹܗ ܠܥܵܠܲܡ ܥܵܠܡܝܼܢ. 
\c 146  
\q1  
\v 1 ܗܲܠܸܠܘܼܝܵܐ، ܫܲܒܸܚܝ، ܝܵܐ ܓܵܢܝܼ، ܠܡܵܪܝܵܐ. 
\q1  
\v 2 ܒܸܬ ܫܲܒܚܸܢ ܠܡܵܪܝܵܐ ܒܚܲܝܝܼ̈، 
\q1 ܒܸܬ ܙܵܡܪܹܢ ܠܐܲܠܵܗ‌ܝܼ ܟܡܵܐ ܕܝܼܘܸܢ. 
\q1  
\v 3 ܠܵܐ ܣܵܒܪܝܼܬܘܿܢ ܒܢܲܨܝܼܚܹ̈ܐ، 
\q1 ܒܒܲܪܢܵܫܵܐ ܕܠܲܝܬ ܒܐܝܼܕܹܗ ܦܘܼܪܩܵܢܵܐ. 
\q1  
\v 4 ܟܹܐ ܦܵܠܛܵܐ ܪܘܼܚܹܗ، ܟܹܐ ܕܵܐܹܪ ܠܥܲܦܪܹܗ، 
\q1 ܒܗ̇ܘ ܝܵܘܡܵܐ ܟܹܐ ܛܵܠܩܝܼ ܚܘܼܫܵܒ݂ܘܼ̈ܗ‌ܝ. 
\q1  
\v 5 ܛܘܼܒ݂ܵܐ ܠܡ̇ܢ ܕܐܲܠܵܗܵܐ ܕܝܲܥܩܘܿܒ݂ ܝܼܠܹܗ ܠܗܲܝܲܪܬܹܗ، 
\q1 ܕܣܲܒ݂ܪܹܗ ܥܲܠܔ ܡܵܪܝܵܐ ܐܲܠܵܗܹܗ، 
\q1  
\v 6 ܥܵܒ݂ܕܵܢܵܐ ܕܫܡܲܝܵܐ ܘܐܲܪܥܵܐ، 
\q1 ܝܵܡܵܐ ܘܟܠܔ ܕܐܝܼܬ ܓܵܘܵܝܗ‌ܝ، 
\q1 ܢܵܛܪܵܢܵܐ ܕܫܪܵܪܵܐ ܠܥܵܠܲܡ، 
\q1  
\v 7 ܥܵܒ݂ܕܵܢܵܐ ܕܕܝܼܘܵܢ ܕܛܠܝܼܡܹ̈ܐ، 
\q1 ܝܵܗܒ݂ܵܢܵܐ ܕܠܲܚܡܵܐ ܠܟܦܝܼܢܹ̈ܐ، 
\q1 ܡܵܪܝܵܐ ܫܵܪܝܵܢܵܐ ܕܐܲܣܝܼܪܹ̈ܐ، 
\q1  
\v 8 ܡܵܪܝܵܐ ܦܵܬܚܵܢܵܐ ܕܥܲܝ̈ܢܹܐ ܕܣܸܡܝܹ̈ܐ، 
\q1 ܡܵܪܝܵܐ ܡܲܪܡܵܢܵܐ ܕܛܥܝܼ̈ܦܹܐ، 
\q1 ܡܵܪܝܵܐ ܡܲܚܸܒܵܢܵܐ ܕܙܲܕܝܼܩܹ̈ܐ، 
\q1  
\v 9 ܡܵܪܝܵܐ ܢܵܛܪܵܢܵܐ ܕܡܵܫܵܚܲܛܹ̈ܐ، 
\q1 ܣܵܢܕܵܢܵܐ ܕܝܲܬܘܼܡܹ̈ܐ ܘܐܲܪ̈ܡܸܠܝܵܬܹ‌ܐ، 
\q1 ܐܝܼܢܵܐ ܐܘܼܪܚܵܐ ܕܪ̈ܲܫܝܼܥܹܐ ܟܹܐ ܡܲܦܟ̰ܸܠܔ. 
\q1  
\v 10 ܡܵܪܝܵܐ ܒܸܬ ܥܵܒܹܕ ܡܲܠܟܘܼܬܵ‌ܐ ܠܥܵܠܲܡ، 
\q1 ܐܲܠܵܗܵܟ݂ܝ، ܝܵܐ ܨܸܗܝܘܿܢ، ܠܕܵܪܵܐ ܘܕܵܪܵܐ. 
\c 147  
\q1  
\v 1 ܫܲܒܚܘܼܢ ܠܡܵܪܝܵܐ، 
\q1 ܣܵܒܵܒ ܨܦܵܝܝܼ ܝܠܵܗ̇ ܠܸܙܡܵܪܵܐ ܠܐܲܠܵܗܲܢ، 
\q1 ܣܵܒܵܒ ܒܲܣܝܼܡܬܵ‌ܐ ܝܠܵܗ̇؛ ܠܚܝܼܡܬܵ‌ܐ ܝܠܵܗ̇ ܐܸܠܹܗ ܬܸܫܒܘܿܚܬܵ‌ܐ. 
\q1  
\v 2 ܒܸܒܢܵܝܵܐ ܝܠܹܗ ܠܐܘܿܪܸܫܠܸܡ ܡܵܪܝܵܐ، 
\q1 ܒܘܼܪ̈ܒܸܙܹܐ ܕܐܝܼܣܪܵܐܹܝܠܔ ܓ̰ܲܡܘܼܥܵܝ ܝܠܹܗ. 
\q1  
\v 3 ܟܹܐ ܒܲܣܸܡ ܠܬܒ݂ܝܼܪܹ̈ܐ ܕܠܸܒܵܐ، 
\q1 ܘܟܹܐ ܐܵܣܹܪ ܕܲܪ̈ܒܵܬܵܝܗ‌ܝ. 
\q1  
\v 4 ܟܹܐ ܡܵܢܹܐ ܡܸܢܝܵܢܵܐ ܕܟܵܘܟ݂ܒܹ̈ܐ، 
\q1 ܠܟܠܵܝܗ‌ܝ ܟܹܐ ܩܵܪܹܐ ܫܸܡܵܢܹ̈ܐ. 
\q1  
\v 5 ܓܘܼܪܵܐ ܝܠܹܗ ܡܵܪܲܢ ܘܪܵܒܵܐ ܚܲܝܠܵܢܵܐ، 
\q1 ܠܦܲܪܡܲܝܬܹܗ ܠܲܝܬ ܬܚܘܼܡܵܐ. 
\q1  
\v 6 ܟܹܐ ܣܵܢܹܕ ܡܸܣܟܹܢܹ̈ܐ ܡܵܪܝܵܐ، 
\q1 ܟܹܐ ܡܲܟܸܦ ܪ̈ܲܫܝܼܥܹܐ ܗܲܠܔ ܐܲܪܥܵܐ. 
\q1  
\v 7 ܙܡܘܿܪܘܼܢ ܠܡܵܪܝܵܐ ܒܫܲܟܲܪܬܵ‌ܐ، 
\q1 ܙܡܘܿܪܘܼܢ ܠܐܲܠܵܗܲܢ ܒܟܸܢܵܪܵܐ. 
\q1  
\v 8 ܗ̇ܘ ܕܟܲܣܹܐ ܫܡܲܝܹ̈ܐ ܒܥܲܝܒܹ̈ܐ، 
\q1 ܗܲܕܸܪ ܩܵܐ ܐܲܪܥܵܐ ܡܸܛܪܵܐ، 
\q1 ܡܲܓ̰ܝܸܢ ܥܲܠܔ ܛܘܼܪܹ̈ܐ ܓܸܠܵܐ. 
\q1  
\v 9 ܝܵܗܒܹܠܔ ܠܒܸܩܪܵܐ ܡܹܐܟ݂ܘܼܠܬܵܝܗ‌ܝ، 
\q1 ܠܙܲܥܝܹ̈ܐ ܕܥܘܼܪܒ݂ܵܐ ܕܟܹܐ ܩܵܪܝܼ. 
\q1  
\v 10 ܠܵܐ ܒܓܲܒܵܪܘܼܬܵ‌ܐ ܕܣܘܼܣܵܐ ܟܹܐ ܒܵܣܡܵܐ ܠܹܗ، 
\q1 ܠܵܐ ܒܐܲܩܠܹ̈ܐ ܕܐܢܵܫܵܐ ܟܹܐ ܩܲܒܸܠܔ ܗܸܢܝܵܢܵܐ. 
\q1  
\v 11 ܟܹܐ ܒܵܣܡܵܐ ܠܹܗ ܡܵܪܝܵܐ ܒܙܕܝܼܥܘܼ̈ܗ‌ܝ، 
\q1 ܒܐܵܢܝܼ ܕܣܵܦܪܝܼ ܠܛܲܝܒܘܼܬܹܗ. 
\q1  
\v 12 ܫܲܒܸܚܝ، ܝܵܐ ܐܘܿܪܸܫܠܸܡ، ܠܡܵܪܝܵܐ، 
\q1 ܡܲܐܣܸܩܝ ܗܲܠܸܠܘܼܝܵܐ ܠܐܲܠܵܗܵܟ݂ܝ، ܝܵܐ ܨܸܗܝܘܿܢ. 
\q1  
\v 13 ܣܵܒܵܒ ܚܘܼܠܸܢܵܝ ܠܹܗ ܕܵܒ݂ܪܹ̈ܐ ܕܕܲܪ̈ܘܵܙܵܟ݂ܝ، 
\q1 ܒܘܼܪܸܟ݂ ܠܹܗ ܠܒܢܘܿܢܵܟ݂ܝ̈ ܒܓܵܘܵܟ݂ܝ. 
\q1  
\v 14 ܟܹܐ ܡܲܬܸܒ݂ ܫܠܵܡܵܐ ܒܬܚܘܼܡܵܟ݂ܝ، 
\q1 ܒܫܲܡܝܼܢܘܼܬܵ‌ܐ ܕܚܸܛܹ̈ܐ ܟܹܐ ܡܲܣܒܸܥ ܠܵܟ݂ܝ. 
\q1  
\v 15 ܟܹܐ ܫܲܕܸܪ ܗܹܡܸܙܡܵܢܹܗ ܥܲܠܔ ܐܲܪܥܵܐ، 
\q1 ܓ̰ܲܠܕܹܐ ܟܹܐ ܪܵܚܹܛ ܚܲܒܪܹܗ. 
\q1  
\v 16 ܟܹܐ ܝܵܗܒܹܠܔ ܬܲܠܓܵܐ ܐܲܝܟ݂ ܥܲܡܪܵܐ، 
\q1 ܛܠܘܼܠܵܐ ܡܘܼܓܕܸܠܵܐ ܐܲܝܟ݂ ܩܸܛܡܵܐ ܟܹܐ ܒܵܙܹܩ. 
\q1  
\v 17 ܟܹܐ ܕܵܪܹܐ ܓܕܝܼܠܹܗ ܐܲܝܟ݂ ܦܸܪ̈ܬܘܼܚܹܐ، 
\q1 ܩܲܕܡ ܩܲܪܬܹܗ ܡܵܢܝܼ ܟܵܠܹܐ؟ 
\q1  
\v 18 ܟܹܐ ܫܲܕܸܪ ܚܲܒܪܹܗ ܘܟܹܐ ܡܲܦܫܸܪܗܘܿܢ، 
\q1 ܟܹܐ ܡܵܚܹܐ ܦܵܘܚܹܗ، ܟܹܐ ܓ̰ܵܪܝܼ ܡ̈ܝܼܵܐ. 
\q1  
\v 19 ܟܹܐ ܡܲܕܸܥ ܚܲܒܪܹܗ ܠܝܲܥܩܘܿܒ݂، 
\q1 ܩܵܢܘܿܢܘܼ̈ܗ‌ܝ ܘܕܝܼܘܵܢܘܼ̈ܗ‌ܝ ܠܐܝܼܣܪܵܐܹܝܠܔ. 
\q1  
\v 20 ܠܵܐ ܥܒ݂ܝܼܕ ܠܹܗ ܗܵܕܟ݂ܵܐ ܠܟܠܔ ܐܘܼܡܬܵ‌ܐ، 
\q1 ܘܕܝܼܘܵܢܘܼ̈ܗ‌ܝ ܠܵܐ ܝܕܝܼܥܵܝ ܠܗܘܿܢ. 
\q1 ܗܲܠܸܠܘܼܝܵܐ 
\c 148  
\q1  
\v 1 ܗܲܠܸܠܘܼܝܵܐ، 
\q1 ܫܲܒܚܘܼܢ ܠܡܵܪܝܵܐ ܡ̣ܢ ܫܡܲܝܵܐ، 
\q1 ܫܲܒܚܘܼܢ ܠܹܗ ܒܲܡܪ̈ܵܘܡܹܐ. 
\q1  
\v 2 ܫܲܒܚܘܼܢ ܠܹܗ، ܟܠܵܝܗ‌ܝ ܡܲܠܲܐܟ݂ܘܼ̈ܗ‌ܝ، 
\q1 ܫܲܒܚܘܼܢ ܠܹܗ، ܟܠܵܝܗ‌ܝ ܚܲܝܠܵܘܵܬܘܼ̈ܗ‌ܝ. 
\q1  
\v 3 ܫܲܒܚܘܼܢ ܠܹܗ، ܫܸܡܫܵܐ ܘܣܲܗܪܵܐ، 
\q1 ܫܲܒܚܘܼܢ ܠܹܗ، ܟܠܵܝܗ‌ܝ ܟܵܘܟ݂ܒܹ̈ܐ ܕܒܲܗܪܵܐ. 
\q1  
\v 4 ܫܲܒܚܘܼܢ ܠܹܗ، ܫܡܲܝ̈ ܫܡܲܝܹ̈ܐ، 
\q1 ܘܡ̈ܝܼܵܐ ܕܠܥܸܠܸܠܔ ܡ̣ܢ ܫܡܲܝܹ̈ܐ. 
\q1  
\v 5 ܫܲܒܚܝܼ ܠܫܸܡܵܐ ܕܡܵܪܝܵܐ، 
\q1 ܣܵܒܵܒ ܗ̇ܘ ܦܩܝܼܕ ܠܹܗ ܘܦܝܼܫ ܠܗܘܿܢ ܒܸܪܝܹܐ. 
\q1  
\v 6 ܘܫܘܼܬܐܸܣܵܝ ܠܹܗ ܠܥܵܠܲܡ ܥܵܠܡܝܼܢ، 
\q1 ܝܘܼܗܒܹܠܔ ܠܹܗ ܩܵܢܘܿܢܵܐ ܕܠܹܐ ܒܵܛܹܠܔ. 
\q1  
\v 7 ܫܲܒܚܘܼܢ ܠܡܵܪܝܵܐ ܡ̣ܢ ܐܲܪܥܵܐ، 
\q1 ܬܲܢܝܼܢܹ̈ܐ ܘܟܠܵܝܗ‌ܝ ܬܗܘܿܡܹ̈ܐ. 
\q1  
\v 8 ܢܘܼܪܵܐ ܘܒܲܪܕܵܐ، ܬܲܠܓܵܐ ܘܗܵܘܓܵܐ، 
\q1 ܦܵܘܚܵܐ ܕܥܲܠܥܵܠܵܐ ܥܵܒ݂ܕܵܢܵܐ ܕܚܲܒܪܹܗ. 
\q1  
\v 9 ܛܘܼܪ̈ܵܢܹܐ ܘܟܠܵܝܗ‌ܝ ܪ̈ܘܼܡܝܵܬܹ‌ܐ، 
\q1 ܐܝܼܠܵܢܹ̈ܐ ܕܛܥܘܼܢܬܵ‌ܐ ܘܟܠܵܝܗ‌ܝ ܐܲܪ̈ܙܹܐ. 
\q1  
\v 10 ܚܲܝܘܬܵ‌ܐ ܘܟܠܔ ܒܸܩܪܵܐ، 
\q1 ܪܸܓ̰ܒܵܐ ܘܛܲܝܪܵܐ ܡܵܪܹܐ ܓܘܼܠܦܵܐ. 
\q1  
\v 11 ܡܲܠܟܹ̈ܐ ܕܐܲܪܥܵܐ ܘܟܠܵܝܗ‌ܝ ܐܸܡܘܵܬܹ̈‌ܐ، 
\q1 ܓܘܼܪ̈ܵܢܹܐ ܘܟܠܵܝܗ‌ܝ ܕܲܝܵܢܹ̈ܐ ܕܐܲܪܥܵܐ. 
\q1  
\v 12 ܥܠܲܝܡܹ̈ܐ ܘܐܘܼܦ ܥܠܲܝܡܵܬܹ̈‌ܐ، 
\q1 ܣܵܒܹ̈ܐ ܥܲܡ ܝܵܠܹ̈ܕ݇ܐ ܙܥܘܿܪܹ̈ܐ. 
\q1  
\v 13 ܫܲܒܚܝܼ ܠܫܸܡܵܐ ܕܡܵܪܝܵܐ، 
\q1 ܣܵܒܵܒ ܪܝܼܡܵܐ ܝܠܹܗ ܫܸܡܹܗ ܒܢܲܦ̮ܫܹܗ، 
\q1 ܚܸܩܪܹܗ ܥܲܠܔ ܐܲܪܥܵܐ ܘܫܡܲܝܵܐ. 
\q1  
\v 14 ܘܡܘܼܪܸܡ ܠܹܗ ܚܲܝܠܵܐ ܕܥܲܡܹܗ، 
\q1 ܕܝܼܠܹܗ ܬܸܫܒܘܿܚܬܵ‌ܐ ܕܟܠܵܝܗ‌ܝ ܙܲܕܝܼܩܘܼ̈ܗ‌ܝ، 
\q1 ܕܒܢܲܝ̈ ܐܝܼܣܪܵܐܹܝܠܔ، ܥܲܡܵܐ ܕܩܘܼܪܒܵܐ ܐܸܠܹܗ. 
\q1 ܗܲܠܸܠܘܼܝܵܐ 
\c 149  
\q1  
\v 1 ܗܲܠܸܠܘܼܝܵܐ، 
\q1 ܙܡܘܿܪܘܼܢ ܠܡܵܪܝܵܐ ܙܡܵܪܬܵ‌ܐ ܚܲܕܬܵ‌ܐ، 
\q1 ܬܸܫܒܘܿܚܬܹܗ ܒܟܸܢܫܵܐ ܕܙܲܕܝܼܩܹ̈ܐ. 
\q1  
\v 2 ܚܵܕܹܐ ܐܝܼܣܪܵܐܹܝܠܔ ܒܥܵܒ݂ܕܵܢܹܗ، 
\q1 ܒܢܲܝ̈ ܨܸܗܝܘܿܢ ܦܵܨܚܝܼ ܒܡܲܠܟܵܝܗ‌ܝ. 
\q1  
\v 3 ܫܲܒܚܝܼ ܠܫܸܡܹܗ ܒܪܸܩܕܵܐ، 
\q1 ܒܕܲܦ̮ ܘܟܸܢܵܪܵܐ ܙܵܡܪܝܼ ܐܸܠܹܗ. 
\q1  
\v 4 ܣܵܒܵܒ ܟܹܐ ܒܵܣܡܵܐ ܠܹܗ ܡܵܪܝܵܐ ܒܥܲܡܹܗ، 
\q1 ܟܹܐ ܫܲܦܪܸܢ ܠܡܸܣܟܹܢܹ̈ܐ ܒܦܘܼܪܩܵܢܵܐ. 
\q1  
\v 5 ܦܵܨܚܝܼ ܙܲܕܝܼܩܹ̈ܐ ܒܐܝܼܩܵܪܵܐ، 
\q1 ܡܲܩܘܸܚܝܼ ܥܲܠܔ ܫܘܝܼܵܬܵܝ̈ܗ‌ܝ. 
\q1  
\v 6 ܪܘܼܡܪܵܡܵܐ ܕܐܲܠܵܗܵܐ ܗܵܘܹܐ ܒܒܵܠܘܿܥܬܵܝܗ‌ܝ، 
\q1 ܘܣܲܝܦܵܐ ܕܬܪܹܝ ܦܘܼܡܵܢܹ̈ܐ ܒܐܝܼܕܵܝܗ‌ܝ، 
\q1  
\v 7 ܠܸܥܒ݂ܵܕܵܐ ܬܘܼܥܠܵܐ ܒܐܸܡܘܵܬܹ̈‌ܐ، 
\q1 ܬܲܥܠܲܡ̈ܝܵܬܹ‌ܐ ܒܥܲܡܡܹ̈ܐ. 
\q1  
\v 8 ܠܹܐܣܵܪܵܐ ܡܲܠܟܵܝ̈ܗ‌ܝ ܒܫܹܫܠܵܬܹ̈‌ܐ، 
\q1 ܘܡܝܘܼܩܪ̈ܵܝܗ‌ܝ ܒܩܵܘܕܹ̈ܐ ܕܦܪܸܙܠܵܐ. 
\q1  
\v 9 ܠܸܥܒ݂ܵܕܵܐ ܒܝܼܵܝܗ‌ܝ ܕܝܼܘܵܢ ܕܝܼܠܵܗ̇ ܟܬܝܼܒ݂ܬܵ‌ܐ- 
\q1 ܣܸܩܠܵܐ ܝܠܹܗ ܠܟܠܵܝܗ‌ܝ ܙܲܕܝܼܩܘܼ̈ܗ‌ܝ. 
\q1 ܗܲܠܸܠܘܼܝܵܐ 
\c 150  
\q1  
\v 1 ܗܲܠܸܠܘܼܝܵܐ، ܫܲܒܚܘܼܢ ܠܐܲܠܵܗܵܐ ܒܩܘܼܕܫܹܗ، 
\q1 ܫܲܒܚܘܼܢ ܠܹܗ ܒܪܩܝܼܥܵܐ ܕܥܘܼܫܢܹܗ. 
\q1  
\v 2 ܫܲܒܚܘܼܢ ܠܹܗ ܒܘܼܬ ܓܲܒܵܪ̈ܘܼܝܵܬܘܼܗ‌ܝ، 
\q1 ܫܲܒܚܘܼܢ ܠܹܗ ܐܲܝܟ݂ ܦܸܪܝܘܼܬܵ‌ܐ ܕܓܘܼܪܘܼܬܹܗ. 
\q1  
\v 3 ܫܲܒܚܘܼܢ ܠܹܗ ܒܩܵܠܵܐ ܕܫܝܼܦܘܿܪܵܐ، 
\q1 ܫܲܒܚܘܼܢ ܠܹܗ ܒܩܝܼܬܵܪܵܐ ܘܒܟܸܢܵܪܵܐ. 
\q1  
\v 4 ܫܲܒܚܘܼܢ ܠܹܗ ܒܕܲܦ̮ ܘܒܪܸܩܕܵܐ، 
\q1 ܫܲܒܚܘܼܢ ܠܹܗ ܒܡܵܐܢܹ̈ܐ ܕܙܡܵܪܵܐ ܕܣܝܼܡܹ̈ܐ ܘܒܫܲܒܝܼܒܵܐ. 
\q1  
\v 5 ܫܲܒܚܘܼܢ ܠܹܗ ܒܨܸܨ̈ܠܹܐ ܕܫܡܵܥܬܵ‌ܐ، 
\q1 ܫܲܒܚܘܼܢ ܠܹܗ ܒܨܸܨ̈ܠܹܐ ܕܩܲܘܲܚܬܵ‌ܐ. 
\q1  
\v 6 ܟܠܔ ܢܫܲܡܬܵ‌ܐ ܫܲܒܚܵܐ ܠܡܵܪܝܵܐ، 
\q1 ܗܲܠܸܠܘܼܝܵܐ.