\id HEB  
\h ܥܒ݂ܪ̈ܝܐ 
\toc1 ܐܓܪܬ‌ܐ ܠܥܒ݂ܪ̈ܝܐ 
\toc2 ܥܒ݂ܪ̈ܝܐ 
\toc3 HEB 
\mt1 ܐܓܪܬ‌ܐ ܠܥܒ݂ܪ̈ܝܐ 
\c 1  
\s1 ܐܠܗܐ ܗܘܡܙܡ ܠܗ ܒܝܕ ܒܪܘܢܗ 
\p  
\v 1 ܒܕܲܥܒܲܪ ܐܲܠܵܗܵܐ ܗܘܼܡܙܸܡ ܠܹܗ ܥܲܡ ܐܲܒ݂ܵܗܵܬܲܢ̈ ܒܝܲܕ ܢܒ݂ܝܼܹ̈ܐ ܒܪܵܒܵܐ ܥܕܵܢܵܬܹ̈‌ܐ ܦܪ̈ܝܼܫܹܐ ܘܒܐܘܼܪ̈ܚܵܬܹ‌ܐ ܦܪ̈ܝܼܫܹܐ،  
\v 2 ܐܝܼܢܵܐ ܒܐܲܢܹܐ ܝܵܘܡܵܢܹ̈ܐ ܐܚܵܪ̈ܵܝܹܐ ܗܘܼܡܙܸܡ ܠܹܗ ܥܲܡܲܢ ܒܝܲܕ ܒܪܘܿܢܹܗ، ܗ̇ܘ ܕܪܫܝܼܡ ܠܹܗ ܐܸܠܹܗ ܝܵܪܘܿܬܵ‌ܐ ܕܟܠܔ ܡܸܢܕܝܼ، ܘܐܘܼܦ ܒܝܼܹܗ ܒܪܹܐ ܠܹܗ ܠܥܵܠܡܹ̈ܐ،  
\v 3 ܗ̇ܘ ܕܝܼܠܹܗ ܫܲܦ̮ܩܵܐ ܕܫܘܼܒ݂ܚܹܗ، ܘܨܲܠܡܵܐ ܓܡܝܼܪܵܐ ܕܐܝܼܬܘܼܬܹܗ، ܡܘܼܩܘܹܐ ܠܹܗ ܟܠܔ ܡܸܢܕܝܼ ܒܚܲܝܠܵܐ ܕܗܹܡܸܙܡܵܢܹܗ. ܡ̣ܢ ܒܵܬܪ ܕܩܵܡ ܕܲܟܹܐ ܠܲܢ ܡ̣ܢ ܚܛܝܼܵܬܹ̈‌ܐ، ܝܬܝܼܒ݂ ܠܹܗ ܥܲܠܔ ܝܲܡܝܼܢܵܐ ܕܥܸܠܵܝܵܐ ܒܲܡܪ̈ܵܘܡܹܐ.  
\v 4 ܒܘܼܬ ܐܵܗܵܐ ܗܘܹܐ ܠܹܗ ܒܘܼܫ ܓܘܼܪܵܐ ܡ̣ܢ ܡܲܠܲܐܟܹ̈ܐ، ܕܵܐܟ݂ܝܼ ܕܫܸܡܵܐ ܕܩܘܼܒܸܠܔ ܠܹܗ ܠܝܵܪܬܘܼܬܵ‌ܐ ܒܘܼܫ ܓܘܼܪܵܐ ܝܠܹܗ ܡ̣ܢ ܫܸܡܵܝܗ‌ܝ. 
\s1 ܒܪܘܢܐ ܒܘܫ ܥܠܝܐ ܡ̣ܢ ܡܠܐܟ݂̈ܐ 
\p  
\v 5 ܣܵܒܵܒ ܠܐܲܝܢܝܼ ܡ̣ܢ ܡܲܠܲܐܟܹ̈ܐ ܗܸܟ̃ ܐܡܝܼܪܹܗ ܐܲܠܵܗܵܐ: 
\q1 ”ܒܪܘܿܢܝܼ ܝܘܸܬ ܐܲܢ݇ܬ، ܐܵܢܵܐ ܐܸܕܝܘܿܡ ܩܵܡ ܡܲܠܸܕܸܢܘܼܟ݂“؟\x + \xo 1:5 \xt ܡܙܡܘܪܐ 2‏:7\x* 
\m ܘܡܸܢܕܪܸܫ: 
\q1 ܐܵܢܵܐ ܒܸܬ ܗܵܘܹܝܢ ܐܸܠܹܗ ܒܵܒܵܐ، ܘܗ̇ܘ ܒܸܬ ܗܵܘܹܐ ܐܸܠܝܼ ܒܪܘܿܢܵܐ؟\x + \xo 1:5 \xt ܒ ܫܡܘܐܝܠܔ 7‏:14؛ ܐ ܕܒܪܝܡܝܢ 17‏:13\x* 
\v 6 ܘܡܸܢܕܪܸܫ، ܐܝܼܡܲܢ ܕܐܲܠܵܗܵܐ ܫܲܕܸܪ ܒܪܘܿܢܹܗ ܒܘܼܟ݂ܪܵܐ ܠܕܘܼܢܝܹܐ، ܐܵܡܹܪ: 
\q1 ܕܐܸܠܹܗ ܣܵܓ݂ܕܝܼ ܟܠܵܝܗ‌ܝ ܡܲܠܲܐܟܹ̈ܐ ܕܐܲܠܵܗܵܐ.\x + \xo 1:6 \xt ܡܙܡܘܪܐ 97‏:7\x* 
\v 7 ܘܒܘܼܬ ܡܲܠܲܐܟܹ̈ܐ ܐܡܝܼܪܹܗ: 
\q1 ܟܹܐ ܥܵܒܹܕ ܡܲܠܲܐܟ݂ܘܼ̈ܗ‌ܝ ܦܵܘܚܹ̈ܐ، ܘܥܵܒ݂ܕܵܢܹ̈ܐ ܕܚܸܠܡܲܬܹܗ ܠܵܗܵܐ ܕܢܘܼܪܵܐ.\x + \xo 1:7 \xt ܡܙܡܘܪܐ 104‏:4\x* 
\v 8 ܐܝܼܢܵܐ ܒܘܼܬ ܒܪܘܿܢܵܐ ܐܡܝܼܪܹܗ: 
\q1 ܬܪܘܿܢܘܿܣܘܼܟ݂، ܝܵܐ ܐܲܠܵܗܵܐ، ܠܥܵܠܲܡ ܥܵܠܡܝܼܢ ܝܼܠܹܗ، ܘܚܘܼܛܪܵܐ ܕܙܲܕܝܼܩܘܼܬܵ‌ܐ، ܚܘܼܛܪܵܐ ܕܡܲܠܟܘܼܬܘܼܟ݂. 
\q1  
\v 9 ܡܘܼܚܸܒ ܠܘܼܟ݂ ܙܲܕܝܼܩܘܼܬܵ‌ܐ ܘܣܢܹܐ ܠܘܼܟ݂ ܥܵܘܠܵܐ؛ ܒܘܼܬ ܐܵܗܵܐ ܝܵܐ ܐܲܠܵܗܵܐ، ܐܲܠܵܗܘܼܟ݂ ܡܫܝܼܚ ܠܹܗ ܐܸܠܘܼܟ݂ ܒܡܸܫܚܵܐ ܕܚܲܕܘܼܬܵ‌ܐ ܒܘܼܫ ܙܵܘܕܵܐ ܡ̣ܢ ܠܚܲܒ݂ܪ̈ܵܘܵܬܘܼܟ݂.\x + \xo 1:9 \xt ܡܙܡܘܪܐ 45‏:6‏-7\x* 
\v 10 ܘܡܸܢܕܪܸܫ: 
\q1 ܐܲܢ݇ܬ، ܝܵܐ ܡܵܪܝܵܐ، ܡ̣ܢ ܒܪܵܫܝܼܬ ܫܘܼܬܐܸܣ ܠܘܼܟ݂ ܠܐܲܪܥܵܐ، ܘܫܡܲܝܹ̈ܐ ܦܘܼܠܚܵܢܵܐ ܕܐܝܼܕܵܬܘܼ̈ܟ݂ ܝܼܢܵܐ. 
\q1  
\v 11 ܐܵܢܝܼ ܒܸܬ ܚܵܪܒ݂ܝܼ، ܐܝܼܢܵܐ ܐܲܢ݇ܬ ܦܵܝܫܵܢܵܐ ܝܘܸܬ؛ ܘܟܠܵܝܗ‌ܝ ܐܲܝܟ݂ ܠܒ݂ܝܼܫܬܵ‌ܐ ܒܸܬ ܒܵܠܝܼ؛ 
\q1  
\v 12 ܐܲܝܟ݂ ܥܵܒܵܝܬܵ‌ܐ ܒܸܬ ܛܵܥܦܹܬ ܠܗܘܿܢ؛ ܘܐܲܝܟ݂ ܠܒ݂ܝܼܫܬܵ‌ܐ ܒܸܬ ܫܲܚܠܸܦܝܼ. ܐܝܼܢܵܐ ܐܲܢ݇ܬ ܒܸܬ ܗܵܘܹܝܬ ܐܲܝܟ݂ ܕܝܼܘܸܬ، ܘܫܸܢܘܼ̈ܟ݂ ܠܹܐ ܬܵܝܡܝܼ.\x + \xo 1:12 \xt ܡܙܡܘܪܐ 102‏:25‏-27\x* 
\v 13 ܐܝܼܢܵܐ ܠܐܲܝܢܝܼ ܡ̣ܢ ܡܲܠܲܐܟܹ̈ܐ ܗܸܟ̃ ܐܡܝܼܪܹܗ: 
\q1 ”ܝܬܘܿܒ݂ ܡ̣ܢ ܝܲܡܝܼܢܝܼ ܗܲܠܔ ܕܡܲܬܒܸܢ ܕܸܫ̃ܡܸܢܘܼ̈ܟ݂ ܟܘܼܒ݂ܫܵܐ ܬܚܘܿܬ ܐܲܩܠܵܬܘܼ̈ܟ݂“؟\x + \xo 1:13 \xt ܡܙܡܘܪܐ 110‏:1\x* 
\v 14 ܠܹܐ ܝܢܵܐ ܟܠܵܝܗ‌ܝ ܐܲܢܹܐ ܪ̈ܘܼܚܵܬܹ‌ܐ ܡܫܲܡܫܵܢܹ̈ܐ ܦܝܼܫܹܐ ܫܘܼܕܪܹܐ ܕܥܵܒ݂ܕܝܼ ܚܸܠܡܲܬ ܠܐܵܢܝܼ ܕܝܼܢܵܐ ܗܕܝܼܪܹܐ ܕܗܵܘܝܼ ܝܵܪ̈ܘܿܬܹ‌ܐ ܕܦܘܼܪܩܵܢܵܐ؟ 
\c 2  
\s1 ܦܘܪܩܢܐ ܓܘܪܐ 
\p  
\v 1 ܒܘܼܬ ܐܵܗܵܐ ܘܵܠܹܐ ܝܠܵܗ̇ ܕܗܵܘܲܚ ܒܘܼܫ ܙܵܘܕܵܐ ܗܸܫܝܲܪ ܠܡܸܢܕܝܼܵܢܹ̈ܐ ܕܫܡܝܼܥ ܠܲܢ ܕܠܵܐ ܗܵܘܝܵܐ ܕܪܵܚܩܲܚ ܠܛܠܵܩܵܐ.  
\v 2 ܣܵܒܵܒ ܐܸܢ ܗܹܡܸܙܡܵܢ ܕܦܝܼܫ ܠܵܗ̇ ܗܘܼܡܙܸܡܬܵ‌ܐ ܒܝܲܕ ܡܲܠܲܐܟܹ̈ܐ ܗܘܹܐ ܠܵܗ̇ ܩܘܝܼܬܵ‌ܐ، ܘܟܠܔ ܥܒ݂ܵܪܬܵ‌ܐ ܥܲܠܘܼܗ̇ ܘܠܵܐ ܡܲܨܝܲܬܬܵ‌ܐ ܩܘܼܒܸܠܔ ܠܵܗ̇ ܦܘܼܪܥܵܢܵܐ ܒܗܵܩܘܼܬܵ‌ܐ،  
\v 3 ܕܵܐܟ݂ܝܼ ܐܲܚܢܲܢ ܒܸܬ ܥܵܪܩܲܚ ܐܸܢ ܡܲܣܠܲܚ ܠܗܵܕܟ݂ܵܐ ܦܘܼܪܩܵܢܵܐ ܓܘܼܪܵܐ؟ ܐܵܗܵܐ ܦܘܼܪܩܵܢܵܐ ܩܲܕܡܵܝܬܵ‌ܐ ܦܝܼܫ ܠܹܗ ܗܘܼܡܙܸܡܵܐ ܒܝܲܕ ܡܵܪܝܵܐ، ܘܦܝܼܫ ܠܹܗ ܡܘܼܩܘܝܼܵܐ ܐܸܠܲܢ ܒܐܵܢܝܼ ܕܩܵܡ ܫܵܡܥܝܼ ܠܹܗ،  
\v 4 ܟܲܕ ܐܘܼܦ ܐܲܠܵܗܵܐ ܣܗܝܼܕ ܠܹܗ ܥܲܡܵܝܗ‌ܝ ܒܝܲܕ ܢܝܼܫܲܢܩܹ̈ܐ ܘܕܘܼܡܵܪܹ̈ܐ، ܘܚܲܝ̈ܠܹܐ ܓܘܼܪܹ̈ܐ ܦܪ̈ܝܼܫܹܐ، ܘܒܡܵܘܗܒ݂ܵܬܹ̈‌ܐ ܕܡ̣ܢ ܪܘܼܚܵܐ ܕܩܘܼܕܫܵܐ ܦܠܝܼܥܹܐ ܐܲܝܟ݂ ܨܸܒ݂ܝܵܢܹܗ. 
\s1 ܝܫܘܥ ܒܕܡܘܬ‌ܐ ܕܐܚܘܢܘܬܘ̈ܗ‌ܝ 
\p  
\v 5 ܣܵܒܵܒ ܠܵܐ ܡܘܼܬܒ݂ܵܐ ܠܹܗ ܕܘܼܢܝܹܐ ܕܐܵܬܝܵܐ ܬܚܘܿܬ ܫܘܼܠܛܵܢܵܐ ܕܡܲܠܲܐܟܹ̈ܐ، ܗ̇ܝ ܕܒܘܼܬ ܕܝܼܘܼܗ̇ ܗܲܡܙܘܼܡܹܐ ܝܘܲܚ.  
\v 6 ܐܝܼܢܵܐ ܚܲܕ ܣܗܝܼܕܵܐ ܝܠܹܗ ܒܚܕܵܐ ܕܘܼܟܵܐ ܒܹܐܡܵܪܵܐ: 
\q1 ܡܘܼܕܝܼ ܝܠܹܗ ܐܢܵܫܵܐ ܕܕܵܟ݂ܪܹܬ ܠܹܗ، ܝܲܢ ܒܲܪܢܵܫܵܐ ܕܢܵܛܪܹܬ ܠܹܗ؟ 
\q1  
\v 7 ܥܒ݂ܝܼܕ ܠܘܼܟ݂ ܐܸܠܹܗ ܚܲܕܟ̰ܵܐ ܒܵܨܘܿܪܵܐ ܡ̣ܢ ܡܲܠܲܐܟܹ̈ܐ، ܘܒܚܸܩܪܵܐ ܘܒܐܝܼܩܵܪܵܐ ܒܘܼܢܦܸܪܘܼܟ݂ ܐܸܠܹܗ. 
\q1  
\v 8 ܡܘܼܬܸܒ݂ ܠܘܼܟ݂ ܟܠܵܝܗ‌ܝ ܡܸܢܕܝܼܵܢܹ̈ܐ ܬܚܘܿܬ ܐܲܩܠܵܬܘܼ̈ܗ‌ܝ.\x + \xo 2:8 \xt ܡܙܡܘܪܐ 8‏:4‏-6\x* 
\m ܣܵܒܵܒ ܙܘܼܒܛܸܢܹܗ ܟܠܵܝܗ‌ܝ ܡܸܢܕܝܼܵܢܹ̈ܐ ܐܸܠܹܗ، ܠܵܐ ܫܒ݂ܝܼܩ ܠܹܗ ܡܸܢܕܝܼ ܕܠܹܐ ܝܠܹܗ ܙܘܼܒܛܸܢܵܐ ܐܸܠܹܗ. ܐܝܼܢܵܐ ܐܵܕܝܼܵܐ ܗܸܫ ܠܹܐ ܝܘܲܚ ܒܸܚܙܵܝܵܐ ܟܠܵܝܗ‌ܝ ܡܸܢܕܝܼܵܢܹ̈ܐ ܦܝܼܫܹܐ ܙܲܒܛ ܐܸܠܹܗ.  
\v 9 ܐܝܼܢܵܐ ܗ̇ܘ ܕܦܝܼܫ ܠܹܗ ܥܒ݂ܝܼܕܵܐ ܚܲܕܟ̰ܵܐ ܒܘܼܫ ܒܵܨܘܿܪܵܐ ܡ̣ܢ ܡܲܠܲܐܟܹ̈ܐ، ܒܸܚܙܵܝܹܗ ܝܘܲܚ ܒܘܼܢܦܸܪܵܐ ܒܬܸܫܒܘܿܚܬܵ‌ܐ ܘܒܐܝܼܩܵܪܵܐ ܣܵܒܵܒ ܩܘܼܒܸܠܔ ܠܹܗ ܚܲܫܵܐ ܕܡܵܘܬܵ‌ܐ، ܗܵܕܵܐ ܕܒܫܵܦܵܩܲܬ ܕܐܲܠܵܗܵܐ ܛܵܥܹܡ ܡܵܘܬܵ‌ܐ ܡ̣ܢ ܓܹܒܵܐ ܕܟܠܔ ܚܲܕ ܐܢܵܫܵܐ.  
\v 10 ܣܵܒܵܒ ܚܫܝܼܚܬܵ‌ܐ ܝܗܘܵܐ ܕܐܲܠܵܗܵܐ، ܗ̇ܘ ܕܝܼܹܗ ܝܢܵܐ ܘܒܝܼܹܗ ܝܢܵܐ ܟܠܵܝܗ‌ܝ ܡܸܢܕܝܼܵܢܹ̈ܐ، ܕܡܲܝܬܹ‌ܐ ܪܵܒܵܐ ܒܢܘܿܢܹ̈ܐ ܠܬܸܫܒܘܿܚܬܵ‌ܐ، ܘܥܵܒܹܕ ܠܪܹܝܫܵܐ ܕܦܘܼܪܩܵܢܵܝܗ‌ܝ ܓܡܝܼܪܵܐ ܒܚܲܫܵܐ.  
\v 11 ܣܵܒܵܒ ܗ̇ܘ ܕܟܹܐ ܡܩܲܕܸܫ، ܘܐܵܢܝܼ ܕܦܝܵܫܵܐ ܝܢܵܐ ܡܩܘܼܕܫܹܐ، ܡ̣ܢ ܚܲܕ ܫܸܪܫܵܐ ܝܢܵܐ ܟܠܵܝܗ‌ܝ؛ ܒܘܼܬ ܐܵܗܵܐ ܠܹܐ ܢܵܟܹܦ ܕܩܵܪܹܐ ܠܗܘܿܢ ܐܲܚܘܿܢܘܵܬܹ̈‌ܐ،  
\v 12 ܒܹܐܡܵܪܵܐ: 
\q1 ܒܸܬ ܗܲܩܹܝܢ ܫܸܡܘܼܟ݂ ܠܐܲܚܘܿܢܘܵܬ‌ܝܼ̈؛ ܒܓܵܘܵܐ ܕܥܹܕܬܵ‌ܐ ܒܸܬ ܫܲܒܚܸܢܘܼܟ݂.\x + \xo 2:12 \xt ܡܙܡܘܪܐ 22‏:22\x* 
\v 13 ܘܡܸܢܕܪܸܫ: 
\q1 ܒܸܬ ܕܵܪܹܝܢ ܗܹܒ݂ܝܼ ܥܲܠܘܼܗ‌ܝ.\x + \xo 2:13 \xt ܐܫܥܝܐ 8‏:17\x* ܘܡܸܢܕܪܸܫ: ܗܵܐ، ܐܵܢܵܐ ܘܝܵܠܹ̈ܕ݇ܐ ܕܝܘܼܗܒܹܠܔ ܠܹܗ ܐܸܠܝܼ ܐܲܠܵܗܵܐ.\x + \xo 2:13 \xt ܐܫܥܝܐ 8‏:18\x* 
\v 14 ܘܣܵܒܵܒ ܝܵܠܹ̈ܕ݇ܐ ܫܲܪ̈ܝܼܟܹܐ ܝܢܵܐ ܒܕܸܡܵܐ ܘܒܸܣܪܵܐ، ܗܵܕܟ݂ܵܐ ܐܘܼܦ ܗ̇ܘ ܫܘܼܪܸܟ ܠܹܗ ܒܐܲܢܹܐ ܡܸܢܕܝܼܵܢܹ̈ܐ، ܕܒܡܵܘܬܹܗ ܒܲܛܸܠܔ ܗܘܵܐ ܠܗ̇ܘ ܕܐܝܼܬ ܠܹܗ ܚܲܝܠܵܐ ܕܡܵܘܬܵ‌ܐ، ܕܝܼܠܹܗ ܐܵܟܹܠܩܲܪܨܵܐ،  
\v 15 ܘܥܵܒܹܕ ܗܘܵܐ ܚܹܐܪܹ̈ܐ ܠܟܠܵܝܗ‌ܝ ܐܵܢܝܼ ܕܓܵܘ ܥܲܒ݂ܕܘܼܬܵ‌ܐ ܝܗܘܵܘ ܟܠܵܝܗ‌ܝ ܚܲܝܵܝ̈ܗ‌ܝ ܡ̣ܢ ܙܕܘܼܥܬܵ‌ܐ ܕܡܵܘܬܵ‌ܐ.  
\v 16 ܣܵܒܵܒ ܫܲܪܝܼܪܘܼܬܵ‌ܐ ܝܠܵܗ̇، ܠܹܐ ܝܠܹܗ ܗܲܝܘܼܪܹܐ ܠܡܲܠܲܐܟܹ̈ܐ ܐܸܠܵܐ ܠܒܢܘܿܢܹ̈ܐ ܕܐܲܒ݂ܪܵܗܵܡ.  
\v 17 ܒܘܼܬ ܐܵܗܵܐ ܘܵܠܹܐ ܝܗܘܵܐ ܕܦܵܐܹܫ ܗܘܵܐ ܡܘܼܕܡܝܼܵܐ ܠܐܲܚܘܿܢܘܵܬܘܼ̈ܗ‌ܝ ܒܟܠܔ ܐܘܼܪܚܵܐ، ܗܵܕܟ݂ܵܐ ܕܗܵܘܹܐ ܗܘܵܐ ܓܘܼܪܵܐ ܕܟܵܗ̈ܢܹܐ ܡܪܲܚܡܵܢܵܐ ܘܡܗܘܼܡܢܵܐ ܒܡܸܢܕܝܼܵܢܹ̈ܐ ܕܐܲܠܵܗܵܐ، ܕܥܵܒܹܕ ܗܘܵܐ ܚܘܼܣܵܝܵܐ ܕܚܛܝܼܵܬܹ̈‌ܐ ܕܛܵܝܸܦܵܐ.  
\v 18 ܣܵܒܵܒ ܟܲܕ ܩܘܼܒܸܠܔ ܠܹܗ ܚܲܫܵܐ ܐܝܼܡܲܢ ܕܦܝܼܫ ܠܹܗ ܓ̰ܘܼܪܒܵܐ، ܟܹܐ ܡܵܨܹܐ ܗܲܝܸܪ ܠܐܵܢܝܼ ܕܝܼܢܵܐ ܦܝܵܫܵܐ ܓ̰ܘܼܪܒܹܐ. 
\c 3  
\s1 ܝܫܘܥ ܒܘܫ ܓܘܪܐ ܡ̣ܢ ܡܘܫܐ 
\p  
\v 1 ܗܵܕܟ݂ܵܐ، ܐܲܚܘܿܢܘܵܬܹ̈‌ܐ ܩܲܕܝܼܫܹ̈ܐ، ܫܲܪ̈ܝܼܟܹܐ ܒܟ̰ܝܵܕܬܵ‌ܐ ܫܡܲܝܵܢܵܝܬܵ‌ܐ، ܡܲܬܒ݂ܘܼܢ ܪܸܥܝܵܢܵܘܟ݂ܘܿܢ ܥܲܠܔ ܝܼܫܘܿܥ، ܫܠܝܼܚܵܐ ܘܟܵܗܢܵܐ ܓܘܼܪܵܐ ܕܟܹܐ ܡܵܘܕܲܚ ܒܝܼܹܗ،  
\v 2 ܗ̇ܘ ܕܝܼܗܘܵܐ ܡܗܘܼܡܢܵܐ ܠܡ̇ܢ ܕܡܘܼܬܸܒ݂ ܠܹܗ ܐܸܠܹܗ، ܕܵܐܟ݂ܝܼ ܕܐܘܼܦ ܡܘܼܫܹܐ ܡܗܘܼܡܢܵܐ ܝܗܘܵܐ ܒܟܠܹܗ ܒܲܝܬܵ‌ܐ ܕܐܲܠܵܗܵܐ.  
\v 3 ܣܵܒܵܒ ܗ̇ܘ ܚܫܝܼܚܵܐ ܝܗܘܵܐ ܠܐܝܼܩܵܪܵܐ ܒܘܼܫ ܙܵܘܕܵܐ ܡ̣ܢ ܡܘܼܫܹܐ، ܕܵܐܟ݂ܝܼ ܕܚܲܕ ܒܵܢܝܵܢܵܐ ܕܒܲܝܬܵ‌ܐ ܚܫܝܼܚܵܐ ܝܠܹܗ ܠܐܝܼܩܵܪܵܐ ܒܘܼܫ ܙܵܘܕܵܐ ܡ̣ܢ ܒܸܢܝܵܢܵܐ.  
\v 4 ܣܵܒܵܒ ܟܠܔ ܒܲܝܬܵ‌ܐ ܟܹܐ ܦܵܐܹܫ ܒܸܢܝܵܐ ܒܚܲܕ ܐܢܵܫܵܐ، ܐܝܼܢܵܐ ܒܵܢܝܵܢܵܐ ܕܟܠܵܝܗ‌ܝ ܐܲܠܵܗܵܐ ܝܠܹܗ.  
\v 5 ܡܘܼܫܹܐ ܪܹܓܵܐ ܡܗܘܼܡܢܵܐ ܝܗܘܵܐ ܒܟܠܹܗ ܒܲܝܬܵ‌ܐ ܕܐܲܠܵܗܵܐ، ܠܣܵܗܕܘܼܬܵ‌ܐ ܕܡܸܢܕܝܼܵܢܹ̈ܐ ܕܦܵܝܫܝܼ ܗܘܵܘ ܗܘܼܡܙܸܡܹܐ ܒܕܲܥܬܝܼܕ.  
\v 6 ܐܝܼܢܵܐ ܡܫܝܼܚܵܐ ܡܗܘܼܡܢܵܐ ܝܠܹܗ ܐܲܝܟ݂ ܒܪܘܿܢܵܐ ܥܲܠܔ ܒܲܝܬܵ‌ܐ ܕܐܲܠܵܗܵܐ، ܘܒܲܝܬܹܗ ܐܲܚܢܲܢ ܝܼܘܲܚ، ܐܸܢ ܕܵܒ݂ܩܲܚ ܩܸܘܝܵܐ ܒܓ̰ܘܼܪܐܲܬ ܘܒܗܹܒ݂ܝܼ ܕܒܝܼܵܝܗ‌ܝ ܟܹܐ ܥܵܒ݂ܕܲܚ ܫܘܼܒ݂ܗܵܪܵܐ. 
\s1 ܡܪܥܫܬ‌ܐ ܒܘܬ ܠܝܬܝܘܬ‌ܐ ܕܗܝܡܢܘܬ‌ܐ 
\p  
\v 7 ܒܘܼܬ ܐܵܗܵܐ ܒܹܐܡܵܪܵܐ ܝܠܹܗ ܪܘܼܚܵܐ ܕܩܘܼܕܫܵܐ: 
\q1 ܐܸܕܝܘܿܡ ܐܸܢ ܫܵܡܥܝܼܬܘܿܢ ܩܵܠܹܗ،  
\v 8 ܠܵܐ ܡܲܩܫܹܝܬܘܿܢ ܠܸܒܵܘܟ݂ܘܿܢ ܐܲܝܟ݂ ܕܥܒ݂ܝܼܕ ܠܵܘܟ݂ܘܿܢ ܒܡܵܪܘܿܕܘܼܬܵ‌ܐ ܓܵܘ ܒܲܪܝܼܵܐ ܒܥܕܵܢܵܐ ܕܓ̰ܘܼܪܵܒܵܐ، 
\q1  
\v 9 ܐܝܼܡܲܢ ܕܐܲܒ݂ܵܗܵܬܵܘ̈ܟ݂ܘܿܢ ܓ̰ܘܼܪܸܒ ܠܗܘܿܢ ܘܨܘܼܚܨܹܐ ܠܗܘܿܢ ܐܸܠܝܼ ܘܚܙܹܐ ܠܗܘܿܢ ܦܘܼܠܚܵܢܝܼ̈ ܐܲܪܒܥܝܼ ܫܸܢܹ̈ܐ. 
\q1  
\v 10 ܒܘܼܬ ܐܵܗܵܐ ܟܪܝܼܒ ܠܝܼ ܡ̣ܢ ܗ̇ܝ ܫܲܪܒܬܵ‌ܐ ܘܐܡܝܼܪܝܼ: ”ܒܟܠܔ ܙܲܒ݂ܢܵܐ ܟܹܐ ܚܵܠܛܝܼ ܒܠܸܒܵܝܗ‌ܝ، ܘܠܹܐ ܝܵܕܥܝܼ ܐܘܼܪ̈ܚܵܬ‌ܝܼ.“ 
\q1  
\v 11 ܗܵܕܟ݂ܵܐ ܝܡܹܐ ܠܝܼ ܓܵܘ ܟܲܪܒܝܼ: ”ܠܹܐ ܥܵܒ݂ܪܝܼ ܠܢܝܵܚܬ‌ܝܼ.“\x + \xo 3:11 \xt ܡܙܡܘܪܐ 95‏:7‏-11\x* 
\v 12 ܗܘܹܝܡܘܼܢ ܗܸܫܝܲܪ ܐܲܚܘܿܢܘܵܬܹ̈‌ܐ، ܠܵܐ ܗܵܘܝܵܐ ܕܗܵܘܹܐ ܒܗܸܟ̃ ܚܲܕ ܡܸܢܵܘܟ݂ܘܿܢ ܠܸܒܵܐ ܒܝܼܫܵܐ ܘܠܵܐ ܗܲܡܸܢܵܢܵܐ، ܕܪܵܚܩܹܢ ܡ̣ܢ ܐܲܠܵܗܵܐ ܚܵܝܵܐ.  
\v 13 ܐܝܼܢܵܐ ܗܲܒ݂ܠܘܼܢ ܠܸܒܵܐ ܚܲܕ ܠܗ̇ܘ ܐܚܹܪܢܵܐ ܝܵܘܡܵܐܝܼܬ، ܟܡܵܐ ܕܐܝܼܬ ܠܲܢ ܥܕܵܢܵܐ، ܕܗܸܟ̃ ܚܲܕ ܡܸܢܵܘܟ݂ܘܿܢ ܠܵܐ ܦܵܐܹܫ ܡܘܼܩܫܝܼܵܐ ܒܥܲܠܕܲܝܬܵ‌ܐ ܕܚܛܝܼܬܵ‌ܐ.  
\v 14 ܣܵܒܵܒ ܗܘܹܐ ܠܲܢ ܫܲܪ̈ܝܼܟܹܐ ܒܡܫܝܼܚܵܐ ܐܸܢ ܟܵܠܲܚ ܡܩܵܘܝܵܢܹܐ ܒܚܵܬܸܪܓ̰ܲܡܥܘܼܬܲܢ ܩܲܕܡܬܵ‌ܐ ܗܲܠܔ ܚܲܪܬܵ‌ܐ.  
\v 15 ܕܵܐܟ݂ܝܼ ܕܝܼܠܹܗ ܐܡܝܼܪܵܐ: 
\q1 ܐܸܕܝܘܿܡ ܐܸܢ ܫܵܡܥܝܼܬܘܿܢ ܩܵܠܹܗ، ܠܵܐ ܡܲܩܫܹܝܬܘܿܢ ܠܸܒܵܘܟ݂ܘܿܢ، ܐܲܝܟ݂ ܕܥܒ݂ܝܼܕ ܠܵܘܟ݂ܘܿܢ ܒܝܵܘܡܵܐ ܕܡܵܪܘܿܕܘܼܬܵ‌ܐ.\x + \xo 3:15 \xt ܡܙܡܘܪܐ 95‏:7‏-8 \x* 
\v 16 ܡܵܢܝܼ ܝܗܘܵܘ ܐܵܢܝܼ ܕܫܡܝܼܥ ܠܗܘܿܢ ܘܥܒ݂ܝܼܕ ܠܗܘܿܢ ܡܵܪܘܿܕܘܼܬܵ‌ܐ؟ ܠܹܐ ܝܗܘܵܘ ܟܠܵܝܗ‌ܝ ܐܵܢܝܼ ܕܡܘܼܫܹܐ ܦܘܼܠܛܵܝ ܠܹܗ ܡ̣ܢ ܡܸܨܪܹܝܢ؟  
\v 17 ܘܡ̣ܢ ܡܵܢܝܼ ܟܪܝܼܒ ܠܹܗ ܩܵܐ ܐܲܪܒܥܝܼ ܫܸܢܹ̈ܐ؟ ܠܹܐ ܝܗܘܵܐ ܡ̣ܢ ܐܵܢܝܼ ܕܚܛܹܐ ܠܗܘܿܢ، ܘܫܠܲܕܵܝ̈ܗ‌ܝ ܢܦܝܼܠܔ ܠܗܘܿܢ ܓܵܘ ܒܲܪܝܼܵܐ؟  
\v 18 ܘܒܘܼܬ ܡܵܢܝܼ ܝܡܹܐ ܠܹܗ ܕܠܹܐ ܥܵܒ݂ܪܝܼ ܗܘܵܘ ܠܢܝܵܚܬܹܗ ܫܒ݂ܘܿܩ ܒܘܼܬ ܐܵܢܝܼ ܕܠܵܐ ܡܘܼܨܝܸܬ ܠܗܘܿܢ؟\x + \xo 3:18 \xt ܡܢܝܢܐ 14‏:1‏-35\x* 
\v 19 ܗܵܕܟ݂ܵܐ ܒܸܚܙܵܝܵܐ ܝܘܲܚ، ܠܵܐ ܡܨܹܐ ܠܗܘܿܢ ܥܵܒ݂ܪܝܼ ܒܘܼܬ ܠܲܝܬܵܝܘܼܬܵ‌ܐ ܕܗܲܝܡܵܢܘܼܬܵ‌ܐ. 
\c 4  
\s1 ܢܝܚܬ‌ܐ ܕܫܒܬ‌ܐ ܩܐ ܐܢܫ̈ܐ ܕܐܠܗܐ 
\p  
\v 1 ܣܵܒܵܒ ܩܵܘܠܵܐ ܕܥܒ݂ܵܪܬܵ‌ܐ ܠܢܝܵܚܬܹܗ ܡܩܵܘܝܵܢܵܐ ܝܠܹܗ، ܗܵܘܲܚ ܗܸܫܝܲܪ ܕܐܘܼܦ ܚܲܕ ܡܸܢܵܘܟ݂ܘܿܢ ܠܵܐ ܡܲܒܝܸܢ ܕܦܝܼܫܵܐ ܝܠܹܗ ܡ̣ܢ ܠܸܥܒ݂ܵܪܵܐ.  
\v 2 ܣܵܒܵܒ ܐܹܘܲܢܓܲܠܝܼܘܿܢ ܦܝܼܫ ܠܹܗ ܡܘܼܫܚܸܕܵܐ ܐܸܠܲܢ ܐܘܼܦ ܐܲܝܟ݂ ܠܐܵܢܝܼ، ܐܝܼܢܵܐ ܡܲܟܪܲܙܬܵ‌ܐ ܠܲܝܬ ܗܘܵܐ ܠܵܗ̇ ܗܸܟ̃ ܚܲܕ ܝܘܼܬܪܵܢܵܐ ܩܵܬܵܝܗ‌ܝ، ܣܵܒܵܒ ܐܵܢܝܼ ܕܫܡܝܼܥܵܐ ܠܗܘܿܢ ܠܵܐ ܡܙܝܼܓ݂ܵܐ ܠܗܘܿܢ ܒܗܲܝܡܵܢܘܼܬܵ‌ܐ.  
\v 3 ܐܝܼܢܵܐ ܐܲܚܢܲܢ ܕܗܘܼܡܸܢܲܢ ܥܵܒ݂ܪܲܚ ܠܗ̇ܝ ܢܝܵܚܬܵ‌ܐ، ܕܵܐܟ݂ܝܼ ܕܐܡܝܼܪܹܗ: 
\q1 ܐܲܝܟ݂ ܕܝܡܹܐ ܠܝܼ ܓܵܘ ܟܲܪܒܝܼ: ”ܠܹܐ ܥܵܒ݂ܪܝܼ ܠܢܝܵܚܬ‌ܝܼ،“\x + \xo 4:3 \xt ܡܙܡܘܪܐ 95‏:11\x* ܐܵܦܸܢ ܕܦܘܼܠܚܵܢܘܼ̈ܗ‌ܝ ܗܵܐ ܡ̣ܢ ܫܘܼܪܵܝܵܐ ܕܒܪܝܼܬܵ‌ܐ ܦܝܼܫܹܐ ܝܢܵܐ ܡܘܼܟܡܸܠܹܐ.  
\v 4 ܣܵܒܵܒ ܒܚܕܵܐ ܕܘܼܟܵܐ ܗܵܕܟ݂ܵܐ ܐܡܝܼܪܹܗ ܒܘܼܬ ܝܵܘܡܵܐ ܕܫܲܒܬܵ‌ܐ: 
\q1 ܡܘܼܢܝܸܚ ܠܹܗ ܐܲܠܵܗܵܐ ܡ̣ܢ ܟܠܵܝܗ‌ܝ ܦܘܼܠܚܵܢܘܼ̈ܗ‌ܝ ܒܝܵܘܡܵܐ ܕܫܲܒܬܵ‌ܐ.\x + \xo 4:4 \xt ܒܪܝܬ‌ܐ 2‏:2\x* 
\v 5 ܡܸܢܕܪܸܫ ܗܲܪ ܒܗ̇ܝ ܕܘܼܟܵܐ ܐܡܝܼܪܹܗ: 
\q1 ܠܹܐ ܥܵܒ݂ܪܝܼ ܠܢܝܵܚܬ‌ܝܼ.\x + \xo 4:5 \xt ܡܙܡܘܪܐ 95‏:11\x* 
\v 6 ܒܟܠܵܗ̇ ܐܵܗܵܐ ܚܲܕܟܡܵܐ ܗܸܫ ܒܸܬ ܥܵܒ݂ܪܝܼ ܠܢܝܵܚܬܵ‌ܐ، ܐܝܼܢܵܐ ܐܵܢܝܼ ܕܐܹܘܲܢܓܲܠܝܼܘܿܢ ܦܝܼܫ ܠܹܗ ܡܘܼܟܪܸܙܵܐ ܐܸܠܵܝܗ‌ܝ ܠܵܐ ܥܒ݂ܝܼܪܗܘܿܢ ܣܵܒܵܒ ܠܵܐ ܡܘܼܨܝܸܬ ܠܗܘܿܢ.  
\v 7 ܡܸܢܕܪܸܫ ܐܲܠܵܗܵܐ ܪܫܝܼܡ ܠܹܗ ܚܲܕ ܝܵܘܡܵܐ ܐܚܹܪܢܵܐ، ܕܩܪܹܐ ܠܹܗ ”ܐܸܕܝܘܿܡ ܝܵܘܡܵܐ،“ ܐܝܼܡܲܢ ܕܡ̣ܢ ܒܵܬܪ ܚܲܕ ܙܲܒ݂ܢܵܐ ܝܲܪܝܼܟ݂ܵܐ ܗܘܼܡܙܸܡ ܠܹܗ ܒܝܲܕ ܕܵܘܝܼܕ ܐܲܝܟ݂ ܕܐܡܝܼܪܹܗ ܩܲܕܡܵܝܬܵ‌ܐ: 
\q1 ܐܸܕܝܘܿܡ ܐܸܢ ܫܵܡܥܝܼܬܘܿܢ ܩܵܠܹܗ، ܠܵܐ ܡܲܩܫܹܝܬܘܿܢ ܠܸܒܵܘܟ݂ܘܿܢ.\x + \xo 4:7 \xt ܡܙܡܘܪܐ 95‏:7‏-8\x* 
\v 8 ܣܵܒܵܒ ܐܸܢ ܝܼܫܘܿܥ ܒܲܪ ܢܘܿܢ ܗܵܘܹܐ ܗܘܵܐ ܝܘܼܗܒ݂ܵܐ ܐܸܠܵܝܗ‌ܝ ܢܝܵܚܬܵ‌ܐ، ܐܲܠܵܗܵܐ ܠܹܐ ܗܲܡܙܸܡ ܗܘܵܐ ܡ̣ܢ ܒܵܬܪ ܗܵܕܵܐ ܒܘܼܬ ܚܲܕ ܝܵܘܡܵܐ ܐܚܹܪܢܵܐ.  
\v 9 ܒܵܣ ܐܝܼܬ ܫܲܒܬܵ‌ܐ ܕܢܝܵܚܬܵ‌ܐ ܠܛܵܝܸܦܵܐ ܕܐܲܠܵܗܵܐ.  
\v 10 ܗܵܕܟ݂ܵܐ ܡ̇ܢ ܕܥܵܒܹܪ ܠܢܝܵܚܬܵ‌ܐ ܕܐܲܠܵܗܵܐ ܡܘܼܢܝܸܚ ܠܹܗ ܐܘܼܦ ܡ̣ܢ ܦܘܼܠܚܵܢܘܼ̈ܗ‌ܝ، ܐܲܝܟ݂ ܕܐܲܠܵܗܵܐ ܡܘܼܢܝܸܚ ܠܹܗ ܡ̣ܢ ܦܘܼܠܚܵܢܘܼ̈ܗ‌ܝ.  
\v 11 ܒܘܼܬ ܐܵܗܵܐ ܚܲܦܛܲܚ ܠܸܥܒ݂ܵܪܵܐ ܠܗ̇ܝ ܢܝܵܚܬܵ‌ܐ، ܕܐܘܼܦ ܚܲܕ ܠܵܐ ܢܵܦܹܠܔ ܒܫܩܵܠܬܵ‌ܐ ܕܛܘܼܦ̮ܣܵܐ ܡ̣ܢ ܥܵܨܝܘܼܬܵ‌ܐ ܕܐܵܢܝܼ.  
\v 12 ܣܵܒܵܒ ܚܵܝܬܵ‌ܐ ܝܠܵܗ̇ ܗܹܡܸܙܡܵܢ ܕܐܲܠܵܗܵܐ ܘܚܲܝܠܵܢܬܵ‌ܐ ܝܠܵܗ̇، ܘܒܘܼܫ ܚܲܪܝܼܦܬܵ‌ܐ ܝܠܵܗ̇ ܡ̣ܢ ܟܠܔ ܣܲܝܦܵܐ ܕܬܪܹܝ ܦܘܼܡܵܢܹ̈ܐ. ܟܹܐ ܥܵܒ݂ܪܵܐ ܗܲܠܔ ܦܪܵܫܬܵ‌ܐ ܕܓܵܢܵܐ ܘܕܪܘܼܚܵܐ، ܘܕܘܲܪ̈ܝܼܕܹܐ ܘܕܡܘܼܚܵܐ ܘܕܓܲܪ̈ܡܹܐ، ܘܟܹܐ ܕܵܝܢܵܐ ܚܘܼܫܵܒܹ̈ܐ ܘܪܸ̈ܥܝܵܢܹܐ ܕܠܸܒܵܐ.  
\v 13 ܘܠܲܝܬ ܡܸܢܕܝܼ ܒܸܪܝܵܐ ܕܗܵܘܹܐ ܛܸܫܝܵܐ ܡܸܢܹܗ؛ ܐܸܠܵܐ ܟܠܵܝܗ‌ܝ ܡܸܢܕܝܼܵܢܹ̈ܐ ܫܘܼܠܚܵܝܹ̈ܐ ܝܢܵܐ ܘܓܸܠܝܹܐ ܩܲܕܡ ܥܲܝ̈ܢܹܐ ܕܗ̇ܘ ܕܒܸܬ ܝܵܗܒܲܚ ܓ̰ܘܼܘܵܒ ܐܸܠܹܗ. 
\s1 ܝܫܘܥ ܓܘܪܐ ܕܟܗ̈ܢܐ ܥܠܝܐ 
\p  
\v 14 ܒܵܣ ܟܲܕ ܐܝܼܬ ܠܲܢ ܓܘܼܪܵܐ ܕܟܵܗ̈ܢܹܐ ܥܸܠܵܝܵܐ، ܗ̇ܘ ܕܥܒ݂ܝܼܪܹܗ ܠܫܡܲܝܵܐ، ܝܼܫܘܿܥ ܒܪܘܿܢܵܐ ܕܐܲܠܵܗܵܐ، ܫܒ݂ܘܿܩ ܕܵܒ݂ܩܲܚ ܩܸܘܝܹܐ ܒܡܵܘܕܲܝܬܲܢ.  
\v 15 ܣܵܒܵܒ ܠܲܝܬ ܠܲܢ ܓܘܼܪܵܐ ܕܟܵܗ̈ܢܹܐ ܕܠܵܐ ܡܵܨܹܐ ܫܲܪܸܟ ܥܲܡܲܢ ܒܚܲܫܵܐ ܓܵܘ ܙܲܒܘܼܢܘܼܝܵܬܲܢ̈، ܐܸܠܵܐ ܐܝܼܬ ܠܲܢ ܚܲܕ ܕܦܝܼܫܵܐ ܝܗܘܵܐ ܓ̰ܘܼܪܒܵܐ ܒܟܠܔ ܐܘܼܪܚܵܐ ܡܐܲܝܟ݂ ܕܝܼܲܢ، ܐܲܚܟ̰ܝܼ ܕܠܵܐ ܚܛܝܼܬܵ‌ܐ ܝܗܘܵܐ.  
\v 16 ܒܵܣ ܫܒ݂ܘܿܩ ܩܲܪܒܸܢܲܚ ܒܓ̰ܘܼܪܐܲܬ ܠܟܘܼܪܣܝܵܐ ܕܫܵܦܵܩܲܬ، ܕܩܲܒܠܲܚ ܪ̈ܲܚܡܹܐ ܘܕܡܲܫ݇ܟ̰ܚܲܚ ܫܵܦܵܩܲܬ ܠܗܲܝܲܪܬܲܢ ܒܥܕܵܢܵܐ ܕܣܢܝܼܩܘܼܬܵ‌ܐ. 
\c 5  
\p  
\v 1 ܟܠܔ ܓܘܼܪܵܐ ܕܟܵܗ̈ܢܹܐ ܕܝܼܠܹܗ ܦܝܼܫܵܐ ܓܘܼܒܝܵܐ ܡ̣ܢ ܒܢܲܝ̈ܢܵܫܵܐ، ܦܝܼܫܵܐ ܝܠܹܗ ܪܫܝܼܡܵܐ ܡ̣ܢ ܓܹܒܵܐ ܕܒܢܲܝ̈ܢܵܫܵܐ ܕܦܵܠܹܚ ܠܡܸܢܕܝܼܵܢܹ̈ܐ ܕܝܼܢܵܐ ܕܐܲܠܵܗܵܐ، ܕܡܲܩܪܸܒ݂ ܩܘܼܪ̈ܒܵܢܹܐ ܘܕܸܒ݂ܚܹ̈ܐ ܡ̣ܢ ܓܹܒܵܐ ܕܚܛܝܼܵܬܹ̈‌ܐ،  
\v 2 ܗܵܕܟ݂ܵܐ ܗ̇ܘ ܟܹܐ ܡܵܨܹܐ ܗܵܘܹܐ ܡܪܲܚܡܵܢܵܐ ܠܐܵܢܝܼ ܕܠܹܐ ܝܵܕܥܝܼ ܘܒܸܚܠܵܛܵܐ ܝܢܵܐ ܒܐܘܼܪ̈ܚܵܬܹ‌ܐ، ܣܵܒܵܒ ܐܘܼܦ ܗ̇ܘ ܒܓܵܢܹܗ ܟܪܝܼܟ݂ܵܐ ܝܠܹܗ ܒܙܲܒܘܼܢܘܼܬܵ‌ܐ.  
\v 3 ܒܘܼܬ ܐܵܗܵܐ ܘܵܠܹܐ ܝܠܵܗ̇ ܕܡܲܩܪܸܒ݂ ܕܸܒ݂ܚܹ̈ܐ ܠܵܐ ܐܲܚܟ̰ܝܼ ܒܘܼܬ ܚܛܝܼܵܬܹ̈‌ܐ ܕܓܵܢܹܗ، ܐܝܼܢܵܐ ܐܘܼܦ ܒܘܼܬ ܚܛܝܼܵܬܹ̈‌ܐ ܕܛܵܝܸܦܵܐ.\x + \xo 5:3 \xt ܟܗ̈ܢܐ 9‏:7\x* 
\v 4 ܘܗܸܟ̃ ܐܢܵܫܵܐ ܠܹܐ ܫܵܩܹܠܔ ܠܹܗ ܐܵܗܵܐ ܐܝܼܩܵܪܵܐ ܩܵܐ ܓܵܢܹܗ، ܐܸܠܵܐ ܦܵܐܹܫ ܓܘܼܒܝܵܐ ܒܝܲܕ ܐܲܠܵܗܵܐ، ܕܵܐܟ݂ܝܼ ܕܝܼܗܘܵܐ ܐܲܗܪܘܿܢ.  
\v 5 ܗܵܕܟ݂ܵܐ ܐܘܼܦ ܡܫܝܼܚܵܐ ܠܵܐ ܫܩܝܼܠܔ ܠܹܗ ܚܸܩܪܵܐ ܩܵܐ ܓܵܢܹܗ ܕܗܘܹܐ ܠܹܗ ܓܘܼܪܵܐ ܕܟܵܗ̈ܢܹܐ، ܐܸܠܵܐ ܐܲܠܵܗܵܐ ܐܡܝܼܪܹܗ ܐܸܠܹܗ: 
\q1 ܒܪܘܿܢܝܼ ܝܘܸܬ ܐܲܢ݇ܬ، ܐܵܢܵܐ ܐܸܕܝܘܿܡ ܩܵܡ ܡܲܠܸܕܸܢܘܼܟ݂.\x + \xo 5:5 \xt ܡܙܡܘܪܐ 2‏:7\x* 
\v 6 ܕܵܐܟ݂ܝܼ ܒܚܕܵܐ ܕܘܼܟܵܐ ܐܚܹܪܬܵ‌ܐ ܐܡܝܼܪܹܗ: 
\q1 ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ، ܒܣܸܕܪܵܐ ܕܡܲܠܟܝܼܙܕܸܩ.\x + \xo 5:6 \xt ܡܙܡܘܪܐ 110‏:4\x* 
\v 7 ܐܝܼܡܲܢ ܕܝܼܗܘܵܐ ܒܦܲܓ݂ܪܵܐ ܐܲܪܥܵܢܵܝܵܐ، ܡܫܝܼܚܵܐ ܡܘܼܩܪܸܒ݂ ܠܹܗ ܒܵܥܘܼܝܵܬܹ̈‌ܐ ܘܦܲܪ̈ܦܲܠܝܵܬܹ‌ܐ ܒܡܲܩܘܲܚܝܵܬܹ̈‌ܐ ܚܲܝܠܵܢܹ̈ܐ ܘܒܕܸܡ̈ܥܹܐ ܠܗ̇ܘ ܕܟܹܐ ܡܵܨܹܐ ܗܘܵܐ ܕܦܲܪܸܩ ܗܘܵܐ ܠܹܗ ܡ̣ܢ ܡܵܘܬܵ‌ܐ، ܘܦܝܼܫ ܠܹܗ ܫܡܝܼܥܵܐ ܣܵܒܵܒ ܫܠܝܼܡ ܠܹܗ ܠܐܲܠܵܗܵܐ.  
\v 8 ܘܐܘܼܦ ܐܸܢ ܕܒܪܘܿܢܵܐ ܝܗܘܵܐ، ܐܝܼܢܵܐ ܝܠܝܼܦ ܠܹܗ ܡܲܨܝܲܬܬܵ‌ܐ ܡ̣ܢ ܡܸܢܕܝܼܵܢܹ̈ܐ ܕܩܘܼܒܸܠܔ ܠܹܗ ܚܲܫܵܐ ܒܝܼܵܝܗ‌ܝ؛  
\v 9 ܘܣܵܒܵܒ ܦܝܼܫ ܠܹܗ ܡܘܼܟܡܸܠܵܐ، ܗܘܹܐ ܠܹܗ ܥܸܠܬܵ‌ܐ ܕܦܘܼܪܩܵܢܵܐ ܠܥܵܠܲܡ ܠܟܠܵܝܗ‌ܝ ܐܵܢܝܼ ܕܫܵܠܡܝܼ ܐܸܠܹܗ،  
\v 10 ܘܦܝܼܫ ܠܹܗ ܪܫܝܼܡܵܐ ܓܘܼܪܵܐ ܕܟܵܗ̈ܢܹܐ ܒܐܲܠܵܗܵܐ ܒܣܸܕܪܵܐ ܕܡܲܠܟܝܼܙܕܸܩ. 
\s1 ܡܪܥܫܬ‌ܐ ܒܘܬ ܩܠܒܬ‌ܐ 
\p  
\v 11 ܐܝܼܬ ܠܲܢ ܪܵܒܵܐ ܠܗܲܡܙܘܼܡܹܐ ܒܘܼܬ ܐܵܗܵܐ، ܐܝܼܢܵܐ ܥܲܣܩܵܐ ܝܠܵܗ̇ ܠܦܲܫܘܼܩܹܐ ܣܵܒܵܒ ܝܲܩܘܼܪܹ̈ܐ ܝܬܘܿܢ ܒܫܡܵܥܬܵ‌ܐ.  
\v 12 ܣܵܒܵܒ ܐܵܦܸܢ ܘܵܠܹܐ ܝܗܘܵܐ ܒܐܵܗܵܐ ܥܕܵܢܵܐ ܕܗܵܘܹܝܬܘܿܢ ܗܘܵܘ ܡܲܠܦܵܢܹ̈ܐ، ܐܝܼܢܵܐ ܗܸܫ ܣܢܝܼܩܹܐ ܝܬܘܿܢ ܠܚܲܕ ܐܚܹܪܢܵܐ ܕܡܲܠܸܦ ܠܵܘܟ݂ܘܿܢ ܐܸܣܛܘܼܟ݂ܣܹ̈ܐ ܕܫܘܼܪܵܝܵܐ ܕܗܹܡܸܙܡܵܢܹ̈ܐ ܕܐܲܠܵܗܵܐ. ܣܢܝܼܩܹܐ ܝܬܘܿܢ ܠܚܲܠܒ݂ܵܐ، ܠܵܐ ܠܡܹܐܟ݂ܘܼܠܬܵ‌ܐ ܩܘܝܼܬܵ‌ܐ.  
\v 13 ܣܵܒܵܒ ܟܠܔ ܡ̇ܢ ܕܚܵܝܹܐ ܒܚܲܠܒ݂ܵܐ، ܗܸܫ ܝܵܠܵܕ݇ܐ ܙܥܘܿܪܵܐ ܝܠܹܗ، ܘܠܲܝܬ ܠܹܗ ܢܸܣܝܵܢܵܐ ܒܗܹܡܸܙܡܵܢ ܕܙܲܕܝܼܩܘܼܬܵ‌ܐ.  
\v 14 ܐܝܼܢܵܐ ܡܹܐܟ݂ܘܼܠܬܵ‌ܐ ܩܘܝܼܬܵ‌ܐ ܩܵܐ ܐܢܵܫܹ̈ܐ ܓܘܼܪܹ̈ܐ ܝܠܵܗ̇، ܐܵܢܝܼ ܕܡܲܦܠܸܚܝܼ ܪܹ̈ܓ݂ܫܵܝܗ‌ܝ ܠܸܦܪܵܫܵܐ ܒܹܝܠܔ ܛܵܒ݂ܬܵ‌ܐ ܘܒܝܼܫܬܵ‌ܐ. 
\c 6  
\p  
\v 1 ܒܵܣ ܫܵܒ݂ܩܲܚ ܫܘܼܪܵܝܵܐ ܕܝܘܼܠܦܵܢܵܐ ܕܡܫܝܼܚܵܐ ܘܡܵܛܲܚ ܠܟܵܡܝܼܠܘܼܬܵ‌ܐ، ܘܠܵܐ ܒܵܢܲܚ ܡܸܢܕܪܸܫ ܒܸܢܝܲܬ ܕܬܝܵܒ݂ܘܼܬܵ‌ܐ ܡ̣ܢ ܦܘܼܠܚܵܢܹ̈ܐ ܡܝܼ̈ܬܹ‌ܐ ܘܕܗܲܝܡܵܢܘܼܬܵ‌ܐ ܒܐܲܠܵܗܵܐ،  
\v 2 ܘܝܘܼܠܦܵܢܵܐ ܒܘܼܬ ܡܲܥܡܘܿܕܝܼܵܬܹ̈‌ܐ، ܘܣܝܵܡܐܝܼ̈ܕܹܐ، ܘܩܝܵܡܬܵ‌ܐ ܕܡܝܼ̈ܬܹ‌ܐ ܘܕܝܼܘܵܢ ܕܠܥܵܠܲܡ.  
\v 3 ܐܵܗܵܐ ܒܸܬ ܥܵܒ݂ܕܲܚ، ܐܸܢ ܐܲܠܵܗܵܐ ܝܵܗܒܹܠܔ ܠܲܢ ܦܣܵܣܵܐ.  
\v 4 ܣܵܒܵܒ ܐܵܢܝܼ ܕܒܚܕܵܐ ܥܕܵܢܵܐ ܦܝܼܫ ܠܗܘܿܢ ܒܘܼܗܪܸܢܹܐ، ܘܛܥܝܼܡ ܠܗܘܿܢ ܡܵܘܗܲܒ݂ܬܵ‌ܐ ܫܡܲܝܵܢܵܝܬܵ‌ܐ، ܘܗܘܹܐ ܠܗܘܿܢ ܫܲܪ̈ܝܼܟܹܐ ܒܪܘܼܚܵܐ ܕܩܘܼܕܫܵܐ،  
\v 5 ܘܛܥܝܼܡ ܠܗܘܿܢ ܗܹܡܸܙܡܵܢ ܛܵܒ݂ܬܵ‌ܐ ܕܐܲܠܵܗܵܐ، ܘܚܲܝ̈ܠܹܐ ܕܙܲܒ݂ܢܵܐ ܕܐܵܬܹ‌ܐ،  
\v 6 ܘܢܦܝܼܠܔ ܠܗܘܿܢ، ܠܹܐ ܡܵܨܝܵܐ ܚܕܵܐ ܓܵܗܵܐ ܐܚܹܪܬܵ‌ܐ ܦܵܝܫܝܼ ܡܘܼܕܸܪܹܐ ܠܬܝܵܒ݂ܘܼܬܵ‌ܐ، ܣܵܒܵܒ ܡܸܢܕܪܸܫ ܒܸܙܩܵܦܹܗ ܝܢܵܐ ܒܪܘܿܢܵܐ ܕܐܲܠܵܗܵܐ ܘܒܸܥܒ݂ܵܕܹܗ ܝܢܵܐ ܢܟܸܦܬܵ‌ܐ ܩܲܕܡ ܥܵܠܡܵܐ.  
\v 7 ܣܵܒܵܒ ܐܲܪܥܵܐ ܕܟܹܐ ܫܵܬܝܵܐ ܡܸܛܪܵܐ ܕܢܵܦܠܵܐ ܥܲܠܘܼܗ̇ ܪܵܒܵܐ ܓܵܗܹ̈ܐ، ܘܝܵܗܒ݂ܵܐ ܝܸܩܢܵܐ ܕܚܵܫܹܚ ܠܐܵܢܝܼ ܕܒܘܼܬ ܕܝܼܵܝܗ‌ܝ ܦܝܼܫܬܵ‌ܐ ܝܠܵܗ̇ ܦܠܝܼܚܬܵ‌ܐ، ܟܹܐ ܩܲܒܠܵܐ ܒܘܼܪܟܬܵ‌ܐ ܡ̣ܢ ܐܲܠܵܗܵܐ.  
\v 8 ܐܝܼܢܵܐ ܐܲܪܥܵܐ ܕܦܵܠܛܵܐ ܟܸܬܘܹ̈ܐ ܘܩܝܼܘܵܪܹ̈ܐ ܡܘܼܣܠܝܼܬܵ‌ܐ ܝܠܵܗ̇ ܘܩܘܼܪܒܵܐ ܝܠܵܗ̇ ܕܦܵܝܫܵܐ ܠܝܼܛܬܵ‌ܐ، ܕܒܚܲܪܬܵ‌ܐ ܒܸܬ ܦܵܝܫܵܐ ܡܘܼܩܸܕܬܵ‌ܐ.  
\v 9 ܐܝܼܢܵܐ ܐܘܼܦ ܐܸܢ ܕܗܲܡܙܘܼܡܹܐ ܝܘܲܚ ܗܵܕܟ݂ܵܐ، ܡܘܼܚܸܒܝܼ̈، ܗܹܒ݂ܝܼܲܢ ܩܘܝܼܬܵ‌ܐ ܝܠܵܗ̇ ܒܝܼܵܘܟ݂ܘܿܢ ܒܘܼܬ ܫܘܼܠܵܢܹ̈ܐ ܒܘܼܫ ܫܲܦܝܼܪܹ̈ܐ ܓܵܘܵܘܟ݂ܘܿܢ ܕܝܼܢܵܐ ܐܣܝܼܪܹ̈ܐ ܒܦܘܼܪܩܵܢܵܐ.  
\v 10 ܣܵܒܵܒ ܐܲܠܵܗܵܐ ܠܹܐ ܝܠܹܗ ܢܵܐܗܲܩ، ܘܠܹܐ ܡܲܢܫܹܐ ܠܹܗ ܦܘܼܠܚܵܢܵܘܟ݂ܘܿܢ ܘܠܵܐ ܚܘܼܒܵܐ ܕܡܘܼܚܙܹܐ ܠܵܘܟ݂ܘܿܢ ܒܘܼܬ ܫܸܡܹܗ ܒܝܲܕ ܚܸܠܡܲܬ ܕܥܒ݂ܝܼܕ ܠܵܘܟ݂ܘܿܢ ܠܩܲܕܝܼܫܹ̈ܐ، ܗ̇ܝ ܕܗܸܫ ܒܸܥܒ݂ܵܕܵܐ ܝܬܘܿܢ.  
\v 11 ܒܸܒܥܵܝܵܐ ܝܘܲܚ ܕܟܠܔ ܚܲܕ ܡܸܢܵܘܟ݂ܘܿܢ ܡܲܚܙܹܐ ܗܲܪ ܐܵܗܵܐ ܚܲܦܵܛܘܼܬܵ‌ܐ ܗܲܠܔ ܚܲܪܬܵ‌ܐ، ܠܡܲܟܡܲܠܬܵ‌ܐ ܕܗܹܒ݂ܝܼܵܘܟ݂ܘܿܢ،  
\v 12 ܕܠܵܐ ܗܵܘܹܝܬܘܿܢ ܡܲܟܣܸܠܵܢܹ̈ܐ، ܐܸܠܵܐ ܗܵܘܹܝܬܘܿܢ ܕܵܡܝܵܢܹ̈ܐ ܠܐܵܢܝܼ ܕܒܗܲܝܡܵܢܘܼܬܵ‌ܐ ܘܒܚܡܵܠܬܵ‌ܐ ܗܘܹܐ ܠܗܘܿܢ ܝܵܪ̈ܘܿܬܹ‌ܐ ܕܩܵܘܠܹ̈ܐ. 
\s1 ܫܪܝܪܘܬ‌ܐ ܕܩܘܠ̈ܐ ܕܐܠܗܐ 
\p  
\v 13 ܐܝܼܡܲܢ ܕܐܲܠܵܗܵܐ ܥܒ݂ܝܼܕ ܠܹܗ ܩܵܘܠܵܐ ܠܐܲܒ݂ܪܵܗܵܡ، ܝܡܹܐ ܠܹܗ ܒܓܵܢܹܗ ܣܵܒܵܒ ܠܲܝܬ ܗܘܵܐ ܚܲܕ ܒܘܼܫ ܓܘܼܪܵܐ ܡܸܢܹܗ ܕܝܵܡܹܐ ܗܘܵܐ ܒܝܼܹܗ،  
\v 14 ܒܹܐܡܵܪܵܐ: 
\q1 ܫܲܪܝܼܪܵܐܝܼܬ ܒܲܪܘܼܟܹܐ ܒܸܬ ܒܲܪܟܸܢܘܼܟ݂، ܘܡܲܙܝܘܼܕܹܐ ܒܸܬ ܡܲܙܝܸܕܸܢܘܼܟ݂.\x + \xo 6:14 \xt ܒܪܝܬ‌ܐ 22‏:17\x* 
\v 15 ܘܗܵܕܟ݂ܵܐ ܡ̣ܢ ܒܵܬܪ ܕܣܦܝܼܪܹܗ ܐܲܒ݂ܪܵܗܵܡ ܚܲܕ ܡܸܬܚܵܐ، ܩܘܼܒܸܠܔ ܠܹܗ ܡܸܢܕܝܼ ܕܦܝܼܫܵܐ ܝܗܘܵܐ ܩܘܼܘܸܠܵܐ ܐܸܠܹܗ.  
\v 16 ܣܵܒܵܒ ܐܢܵܫܹ̈ܐ ܟܹܐ ܝܵܡܝܼ ܒܗ̇ܘ ܕܝܼܠܹܗ ܒܘܼܫ ܓܘܼܪܵܐ ܡܸܢܵܝܗ‌ܝ، ܘܡܵܘܡܝܼܬܵ‌ܐ ܟܹܐ ܡܫܲܪܸܪܵܐ ܠܡܸܢܕܝܼ ܕܦܝܼܫܵܐ ܝܠܹܗ ܐܡܝܼܪܵܐ ܘܟܹܐ ܚܵܬܡܵܐ ܠܟܠܵܝܗ‌ܝ ܕܘܼܪ̈ܵܫܹܐ.  
\v 17 ܗܵܕܟ݂ܵܐ، ܟܲܕ ܒܥܹܐ ܠܹܗ ܐܲܠܵܗܵܐ ܕܒܘܼܫ ܙܵܘܕܵܐ ܡܲܚܙܹܐ ܠܝܵܪ̈ܘܿܬܹ‌ܐ ܕܩܵܘܠܵܐ ܕܨܸܒ݂ܝܵܢܹܗ ܠܹܐ ܫܲܚܠܸܦ، ܡܘܼܩܘܹܐ ܠܹܗ ܐܸܠܹܗ ܒܡܵܘܡܝܼܬܵ‌ܐ.  
\v 18 ܐܲܠܵܗܵܐ ܥܒ݂ܝܼܕ ܠܹܗ ܐܵܗܵܐ، ܗܵܕܟ݂ܵܐ ܕܒܬܪܹܝ ܡܸܢܕܝܼܵܢܹ̈ܐ ܠܵܐ ܡܸܫܬܲܚܠܸܦܵܢܹ̈ܐ ܕܒܝܼܵܝܗ‌ܝ ܐܲܠܵܗܵܐ ܠܹܐ ܡܵܨܹܐ ܕܲܓܸܠܔ، ܗܵܘܹܐ ܠܲܢ ܝܵܗܒ݂ܵܠܬܵ‌ܐ ܕܠܸܒܵܐ ܩܘܝܼܬܵ‌ܐ، ܐܲܚܢܲܢ ܕܒܸܛܥܵܝܵܐ ܝܘܲܚ ܒܵܬܪ ܒܹܝܬ ܓܵܘܣܵܐ ܒܝܼܹܗ، ܕܵܒ݂ܩܲܚ ܒܗܹܒ݂ܝܼ ܕܡܘܼܬܸܒ݂ܬܵ‌ܐ ܝܠܵܗ̇ ܩܲܕܡܲܢ.  
\v 19 ܐܵܗܵܐ ܗܹܒ݂ܝܼ ܐܲܝܟ݂ ܠܲܢܓܵܪ ܝܠܵܗ̇ ܩܵܐ ܓܵܢܵܐ، ܗܹܒ݂ܝܼ ܩܘܝܼܬܵ‌ܐ ܘܚܵܬܸܪܓ̰ܲܡܥ، ܘܟܹܐ ܥܵܒ݂ܪܵܐ ܠܗ̇ܘ ܓܹܒܵܐ ܐܚܹܪܢܵܐ ܕܣܸܬܪܵܐ،  
\v 20 ܐܲܝܟܵܐ ܕܝܼܫܘܿܥ ܐܙܝܼܠܔ ܠܹܗ ܡ̣ܢ ܩܲܕܡ ܡܸܢܲܢ، ܘܥܒ݂ܝܼܪܹܗ ܡ̣ܢ ܓܹܒܲܢ، ܘܗܘܹܐ ܠܹܗ ܐܸܠܲܢ ܓܘܼܪܵܐ ܕܟܵܗ̈ܢܹܐ ܠܥܵܠܲܡ ܒܣܸܕܪܵܐ ܕܡܲܠܟܝܼܙܕܸܩ.\x + \xo 6:20 \xt ܡܙܡܘܪܐ 110‏:4\x* 
\c 7  
\s1 ܡܠܟܝܙܕܩ ܟܗܢܐ 
\p  
\v 1 ܐܵܗܵܐ ܡܲܠܟܝܼܙܕܸܩ ܝܼܗܘܵܐ ܡܲܠܟܵܐ ܕܫܵܠܝܼܡ ܘܟܵܗܢܵܐ ܕܐܲܠܵܗܵܐ ܥܸܠܵܝܵܐ. ܗ̇ܘ ܬܦܝܼܩ ܠܹܗ ܒܐܲܒ݂ܪܵܗܵܡ ܟܲܕ ܐܲܒ݂ܪܵܗܵܡ ܒܸܕܝܵܪܵܐ ܡ̣ܢ ܓ݂ܠܵܒܬܵ‌ܐ ܕܡܲܠܟܹ̈ܐ ܘܡܲܠܟܝܼܙܕܸܩ ܒܘܼܪܸܟ݂ ܠܹܗ ܐܸܠܹܗ،  
\v 2 ܘܐܲܒ݂ܪܵܗܵܡ ܝܘܼܗܒܹܠܔ ܠܹܗ ܐܸܠܹܗ ܡܲܥܣܵܪܹ̈ܐ ܡ̣ܢ ܟܠܔ ܡܸܢܕܝܼ. ܩܲܕܡܵܝܬܵ‌ܐ، ܫܸܡܹܗ ܦܝܵܫܵܐ ܝܠܹܗ ܬܘܼܪܓܸܡܵܐ ”ܡܲܠܟܵܐ ܕܙܲܕܝܼܩܘܼܬܵ‌ܐ،“ ܘܕܬܪܹܝ، ”ܡܲܠܟܵܐ ܕܫܵܠܝܼܡ،“ ܕܦܝܵܫܵܐ ܝܠܹܗ ܬܘܼܪܓܸܡܵܐ: ”ܡܲܠܟܵܐ ܕܫܠܵܡܵܐ.“\x + \xo 7:2 \xt ܒܪܝܬ‌ܐ 14‏:17‏-20\x* 
\v 3 ܕܠܵܐ ܒܵܒܵܐ ܘܕܠܵܐ ܝܸܡܵܐ، ܕܠܵܐ ܫܲܪܒܬܵ‌ܐ، ܕܠܵܐ ܫܘܼܪܵܝܵܐ ܕܝܵܘܡܵܢܹ̈ܐ ܘܕܠܵܐ ܚܘܼܬܵܡܵܐ ܕܚܲܝܹ̈ܐ؛ ܒܕܡܘܼܬܵ‌ܐ ܕܒܪܘܿܢܵܐ ܕܐܲܠܵܗܵܐ، ܟܵܗܢܵܐ ܝܠܹܗ ܠܥܵܠܲܡ.  
\v 4 ܚܙܹܝܡܘܼܢ ܟܡܵܐ ܓܘܼܪܵܐ ܝܗܘܵܐ ܐܵܗܵܐ ܐܢܵܫܵܐ ܕܐܸܠܹܗ ܐܲܒ݂ܪܵܗܵܡ ܒܵܒܵܐ ܝܘܼܗܒܹܠܔ ܠܹܗ ܡܲܥܣܵܪܹ̈ܐ ܕܣܠܵܒܬܵ‌ܐ.  
\v 5 ܢܵܡܘܿܣܵܐ ܒܸܦܩܵܕܵܐ ܝܠܹܗ ܕܐܵܢܝܼ ܡ̣ܢ ܒܢܘܿܢܹ̈ܐ ܕܠܹܘܝܼ ܕܩܲܒܠܝܼ ܟܵܗܢܘܼܬܵ‌ܐ، ܫܵܩܠܝܼ ܡܲܥܣܵܪܹ̈ܐ ܡ̣ܢ ܛܵܝܸܦܵܐ، ܝܲܥܢܹܐ ܡ̣ܢ ܐܲܚܘܿܢܘܵܬܵܝ̈ܗ‌ܝ، ܟܲܕ ܐܘܼܦ ܐܵܢܝܼ ܡ̣ܢ ܚܲܨܵܐ ܕܐܲܒ݂ܪܵܗܵܡ ܦܠܝܼܛܹܐ ܝܢܵܐ.\x + \xo 7:5 \xt ܡܢܝܢܐ 18‏:21\x* 
\v 6 ܐܝܼܢܵܐ ܐܵܗܵܐ ܕܠܹܐ ܝܠܹܗ ܡ̣ܢ ܫܲܪ̈ܒܵܬܹ‌ܐ ܕܠܹܘܝܼ، ܫܩܝܼܠܔ ܠܹܗ ܡܲܥܣܵܪܹ̈ܐ ܡ̣ܢ ܐܲܒ݂ܪܵܗܵܡ، ܘܒܘܼܪܸܟ݂ ܠܹܗ ܠܐܲܒ݂ܪܵܗܵܡ ܕܐܝܼܬ ܗܘܵܐ ܠܹܗ ܩܵܘܠܹ̈ܐ.  
\v 7 ܕܠܵܐ ܫܸܟ، ܗ̇ܘ ܒܘܼܫ ܒܵܨܘܿܪܵܐ ܦܝܼܫܵܐ ܝܠܹܗ ܡܒܘܼܪܟ݂ܵܐ ܒܗ̇ܘ ܒܘܼܫ ܓܘܼܪܵܐ.  
\v 8 ܡ̣ܢ ܚܲܕ ܓܹܒܵܐ، ܐܢܵܫܹ̈ܐ ܡܵܝܘܿܬܹ̈‌ܐ ܟܹܐ ܫܵܩܠܝܼ ܡܲܥܣܵܪܹ̈ܐ؛ ܡ̣ܢ ܗ̇ܘ ܓܹܒܵܐ ܐܚܹܪܢܵܐ، ܗ̇ܘ ܕܦܝܼܫ ܠܵܗ̇ ܝܘܼܗܒܹܠܬܵ‌ܐ ܣܵܗܕܘܼܬܵ‌ܐ ܥܲܠܘܼܗ‌ܝ ܕܚܵܝܵܐ ܝܠܹܗ.  
\v 9 ܘܐܘܼܦ ܡܵܨܲܚ ܐܵܡܪܲܚ، ܕܐܘܼܦ ܠܹܘܝܼ، ܗ̇ܘ ܕܟܹܐ ܫܵܩܹܠܔ ܗܘܵܐ ܡܲܥܣܵܪܹ̈ܐ، ܝܘܼܗܒܹܠܔ ܠܹܗ ܡܲܥܣܵܪܹ̈ܐ ܒܝܲܕ ܐܲܒ݂ܪܵܗܵܡ،  
\v 10 ܣܵܒܵܒ ܐܝܼܡܲܢ ܕܡܲܠܟܝܼܙܕܸܩ ܬܦܝܼܩ ܠܹܗ ܒܐܲܒ݂ܪܵܗܵܡ، ܠܹܘܝܼ ܗܸܫ ܓܵܘ ܚܲܨܵܐ ܕܒܵܒܘܼܗ‌ܝ ܝܗܘܵܐ. 
\s1 ܝܫܘܥ ܒܣܕܪܐ ܕܡܠܟܝܙܕܩ 
\p  
\v 11 ܐܸܢ ܟܵܡܝܼܠܘܼܬܵ‌ܐ ܗܵܘܝܵܐ ܗܘܵܐ ܒܝܲܕ ܟܵܗܢܘܼܬܵ‌ܐ ܕܠܹܘܵܝܹ̈ܐ (ܣܵܒܵܒ ܒܝܼܘܼܗ̇ ܦܝܼܫ ܠܹܗ ܝܘܼܗܒ݂ܵܐ ܢܵܡܘܿܣܵܐ ܠܛܵܝܸܦܵܐ)، ܡܘܼܕܝܼ ܣܢܝܼܩܘܼܬܵ‌ܐ ܐܝܼܬ ܗܘܵܐ ܠܟܵܗܢܵܐ ܐܚܹܪܢܵܐ ܒܣܸܕܪܵܐ ܕܡܲܠܟܝܼܙܕܸܩ، ܘܠܵܐ ܒܣܸܕܪܵܐ ܕܐܲܗܪܘܿܢ؟  
\v 12 ܣܵܒܵܒ ܐܲܝܟܵܐ ܕܐܝܼܬ ܫܘܼܚܠܵܦܵܐ ܒܟܵܗܢܘܼܬܵ‌ܐ، ܐܵܢܲܢܩܵܝܬܵ‌ܐ ܝܠܵܗ̇ ܕܗܵܘܹܐ ܐܘܼܦ ܫܘܼܚܠܵܦܵܐ ܒܢܵܡܘܿܣܵܐ.  
\v 13 ܗ̇ܘ ܕܒܘܼܬ ܕܝܼܹܗ ܦܝܼܫܹܐ ܝܢܵܐ ܐܡܝܼܪܹܐ ܐܲܢܹܐ ܡ̣ܢ ܚܲܕ ܫܲܒ݂ܛܵܐ ܐܚܹܪܢܵܐ ܝܠܹܗ، ܘܐܘܼܦ ܚܲܕ ܡ̣ܢ ܗ̇ܘ ܫܲܒ݂ܛܵܐ ܠܹܐ ܝܠܹܗ ܥܒ݂ܝܼܕܵܐ ܚܸܠܡܲܬ ܥܲܠܔ ܡܲܕܒܚܵܐ.  
\v 14 ܒܲܗܪܵܢܬܵ‌ܐ ܝܠܵܗ̇ ܕܡܵܪܲܢ ܐܬܹ‌ܐ ܠܹܗ ܡ̣ܢ ܫܲܒ݂ܛܵܐ ܕܝܼܗܘܼܕܵܐ، ܗ̇ܘ ܕܡܘܼܫܹܐ ܠܵܐ ܐܡܝܼܪܹܗ ܡܸܢܕܝܼ ܥܲܠܘܼܗ‌ܝ ܒܘܼܬ ܟܵܗ̈ܢܹܐ.  
\v 15 ܘܒܘܼܫ ܙܵܘܕܵܐ ܒܲܗܪܵܢܬܵ‌ܐ ܝܠܵܗ̇، ܐܸܢ ܒܕܡܘܼܬܵ‌ܐ ܕܡܲܠܟܝܼܙܕܸܩ ܩܵܐܹܡ ܟܵܗܢܵܐ ܐܚܹܪܢܵܐ،  
\v 16 ܗ̇ܘ ܕܗܘܹܐ ܠܹܗ ܟܵܗܢܵܐ ܠܵܐ ܒܢܵܡܘܿܣܵܐ ܕܦܘܼܩܕܵܢܹ̈ܐ ܕܒܢܲܝ̈ܢܵܫܵܐ، ܐܝܼܢܵܐ ܒܚܲܝܠܵܐ ܕܚܲܝܹ̈ܐ ܠܵܐ ܡܸܬܒܲܛܠܵܢܹ̈ܐ.  
\v 17 ܣܵܒܵܒ ܦܝܼܫ ܠܵܗ̇ ܝܘܼܗܒܹܠܬܵ‌ܐ ܣܵܗܕܘܼܬܵ‌ܐ ܥܲܠܘܼܗ‌ܝ: 
\q1 ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ، ܒܣܸܕܪܵܐ ܕܡܲܠܟܝܼܙܕܸܩ.\x + \xo 7:17 \xt ܡܙܡܘܪܐ 110‏:4\x* 
\v 18 ܦܘܼܩܕܵܢܵܐ ܩܲܕܡܵܝܵܐ ܒܛܝܼܠܔ ܠܹܗ ܣܵܒܵܒ ܙܲܒܘܼܢ ܝܼܗܘܵܐ ܘܕܠܵܐ ܝܘܼܬܪܵܢܵܐ،  
\v 19 (ܣܵܒܵܒ ܢܵܡܘܿܣܵܐ ܠܵܐ ܡܘܼܟܡܸܠܔ ܠܹܗ ܗܸܟ̃ ܡܸܢܕܝܼ)، ܐܸܠܵܐ ܒܪܹܐ ܠܹܗ ܚܕܵܐ ܗܹܒ݂ܝܼ ܒܘܼܫ ܨܦܵܝܝܼ ܕܒܝܼܘܼܗ̇ ܩܲܪܒܸܢܲܚ ܠܐܲܠܵܗܵܐ.  
\v 20 ܘܠܹܐ ܝܗܘܵܐ ܕܠܵܐ ܡܵܘܡܝܼܬܵ‌ܐ ܦܝܼܫ ܠܹܗ ܝܘܼܗܒ݂ܵܐ. ܐܚܹܪ̈ܢܹܐ ܗܘܹܐ ܠܗܘܿܢ ܟܵܗ̈ܢܹܐ ܕܠܵܐ ܡܵܘܡܝܼܬܵ‌ܐ،  
\v 21 ܐܝܼܢܵܐ ܗ̇ܘ ܗܘܹܐ ܠܹܗ ܟܵܗܢܵܐ ܒܡܵܘܡܝܼܬܵ‌ܐ ܒܝܲܕ ܐܲܠܵܗܵܐ ܕܐܡܝܼܪܹܗ ܐܸܠܹܗ: 
\q1 ܝܡܹܐ ܠܹܗ ܡܵܪܝܵܐ ܘܠܹܐ ܕܵܐܹܪ ܡ̣ܢ ܡܵܘܡܝܼܬܹܗ: ”ܐܲܢ݇ܬ ܝܼܘܸܬ ܟܵܗܢܵܐ ܠܥܵܠܲܡ.“\x + \xo 7:21 \xt ܡܙܡܘܪܐ 110‏:4\x* 
\v 22 ܒܘܼܬ ܐܵܗܵܐ ܡܵܘܡܝܼܬܵ‌ܐ، ܝܼܫܘܿܥ ܗܘܹܐ ܠܹܗ ܥܲܪܵܒ݂ܵܐ ܕܘܲܥܕܵܐ ܒܘܼܫ ܨܦܵܝܝܼ.  
\v 23 ܐܝܼܬ ܗܘܵܘ ܪܵܒܵܐ ܟܵܗ̈ܢܹܐ، ܣܵܒܵܒ ܡܵܘܬܵ‌ܐ ܠܵܐ ܫܒ݂ܝܼܩ ܠܹܗ ܕܥܲܪܩܸܠܝܼ ܒܟܵܗܢܘܼܬܵܝܗ‌ܝ.  
\v 24 ܐܝܼܢܵܐ ܣܵܒܵܒ ܝܼܫܘܿܥ ܚܵܝܵܐ ܝܠܹܗ ܠܥܵܠܲܡ، ܗܸܟ̃ ܠܹܐ ܫܲܚܠܸܦܵܐ ܟܵܗܢܘܼܬܹܗ.  
\v 25 ܒܘܼܬ ܐܵܗܵܐ ܟܹܐ ܡܵܨܹܐ ܦܲܪܸܩ ܟܠܵܢܵܐܝܼܬ ܠܐܵܢܝܼ ܕܐܵܬ‌ܝܼ ܠܟܸܣ ܐܲܠܵܗܵܐ ܒܝܼܹܗ، ܣܵܒܵܒ ܒܟܠܔ ܙܲܒ݂ܢܵܐ ܚܵܝܵܐ ܝܠܹܗ ܕܦܲܪܦܸܠܔ ܡ̣ܢ ܓܹܒܵܝܗ‌ܝ.  
\v 26 ܗܵܕܟ݂ܵܐ ܓܘܼܪܵܐ ܕܟܵܗ̈ܢܹܐ ܚܫܝܼܚܵܐ ܝܠܹܗ ܐܸܠܲܢ، ܕܝܼܠܹܗ ܡܩܘܼܕܫܵܐ، ܕܠܵܐ ܡܘܼܡܵܐ، ܕܸܟ݂ܝܵܐ، ܦܪܝܼܫܵܐ ܡ̣ܢ ܚܲܛܵܝܹ̈ܐ، ܘܡܘܼܪܡܵܐ ܥܸܠܸܠܔ ܡ̣ܢ ܫܡܲܝܹ̈ܐ،  
\v 27 ܕܠܹܐ ܝܠܹܗ ܣܢܝܼܩܵܐ ܕܡܲܩܪܸܒ݂ ܕܸܒ݂ܚܹ̈ܐ ܝܵܘܡܵܐܝܼܬ ܐܲܝܟ݂ ܐܵܢܝܼ ܓܘܼܪ̈ܵܢܹܐ ܕܟܵܗ̈ܢܹܐ ܐܚܹܪ̈ܢܹܐ، ܩܲܕܡܵܝܬܵ‌ܐ ܒܘܼܬ ܚܛܝܼܵܬܹ̈‌ܐ ܕܓܵܢܹܗ، ܗ̇ܝܓܵܗ ܒܘܼܬ ܚܛܝܼܵܬܹ̈‌ܐ ܕܛܵܝܸܦܵܐ، ܣܵܒܵܒ ܚܕܵܐ ܓܵܗܵܐ ܐܲܚܟ̰ܝܼ ܡܘܼܩܪܸܒ݂ ܠܹܗ ܕܸܒ݂ܚܵܐ ܒܘܼܬ ܚܛܝܼܵܬܵܝ̈ܗ‌ܝ ܐܝܼܡܲܢ ܕܡܘܼܩܪܸܒ݂ܵܐ ܠܹܗ ܓܵܢܹܗ.  
\v 28 ܢܵܡܘܿܣܵܐ ܟܹܐ ܡܲܬܸܒ݂ ܓܘܼܪ̈ܵܢܹܐ ܕܟܵܗ̈ܢܹܐ ܡ̣ܢ ܒܢܲܝ̈ܢܵܫܵܐ ܙܲܒܘܼܢ، ܐܝܼܢܵܐ ܗܹܡܸܙܡܵܢ ܕܡܵܘܡܝܼܬܵ‌ܐ، ܕܐܬܹ‌ܐ ܠܵܗ̇ ܡ̣ܢ ܒܵܬܪ ܢܵܡܘܿܣܵܐ، ܣܝܼܡ ܠܵܗ̇ ܒܪܘܿܢܵܐ ܕܦܝܼܫܵܐ ܝܗܘܵܐ ܥܒ݂ܝܼܕܵܐ ܓܡܝܼܪܵܐ ܠܥܵܠܲܡ. 
\c 8  
\s1 ܓܘܪܐ ܕܟܗ̈ܢܐ ܕܘܥܕܐ ܚܕܬ‌ܐ 
\p  
\v 1 ܐܵܗܵܐ ܝܠܹܗ ܢܝܼܫܵܐ ܕܡܸܢܕܝܼܵܢܹ̈ܐ ܕܒܹܐܡܵܪܵܝ ܝܘܲܚ: ܐܝܼܬ ܠܲܢ ܚܲܕ ܗܵܕܟ݂ܵܐ ܓܘܼܪܵܐ ܕܟܵܗ̈ܢܹܐ، ܗ݁ܘ ܕܝܼܠܹܗ ܝܬܝܼܒ݂ܵܐ ܥܲܠܔ ܝܲܡܝܼܢܵܐ ܕܬܪܘܿܢܘܿܣ ܕܥܸܠܵܝܵܐ ܒܫܡܲܝܹ̈ܐ،  
\v 2 ܘܕܒܸܥܒ݂ܵܕܵܐ ܝܠܹܗ ܚܸܠܡܲܬ ܓܵܘ ܒܹܝܬ ܩܘܼܕܫܵܐ، ܡܲܫܟܢܵܐ ܫܲܪܝܼܪܵܐ، ܗ̇ܘ ܕܐܲܠܵܗܵܐ ܢܨܝܼܒ݂ ܠܹܗ ܘܠܵܐ ܒܲܪܢܵܫܵܐ.  
\v 3 ܣܵܒܵܒ ܟܠܔ ܓܘܼܪܵܐ ܕܟܵܗ̈ܢܹܐ ܦܝܼܫܵܐ ܝܠܹܗ ܪܫܝܼܡܵܐ ܕܡܲܩܪܸܒ݂ ܩܘܼܪ̈ܒܵܢܹܐ ܘܕܸܒ݂ܚܹ̈ܐ. ܗܵܕܟ݂ܵܐ ܘܵܠܹܐ ܝܠܵܗ̇ ܕܐܘܼܦ ܐܵܗܵܐ ܗܵܘܹܐ ܠܹܗ ܡܸܢܕܝܼ ܠܡܲܩܪܘܼܒܹܐ.  
\v 4 ܐܸܢ ܗܵܘܹܐ ܗܘܵܐ ܥܲܠܔ ܐܲܪܥܵܐ، ܗܸܟ̃ ܠܹܐ ܗܵܘܹܐ ܗܘܵܐ ܟܵܗܢܵܐ، ܣܵܒܵܒ ܐܝܼܬ ܥܲܠܔ ܐܲܪܥܵܐ ܐܵܢܝܼ ܕܡܲܩܪܸܒ݂ܝܼ ܩܘܼܪ̈ܒܵܢܹܐ ܐܲܝܟ݂ ܕܢܵܡܘܿܣܵܐ ܒܹܐܡܵܪܵܐ ܝܠܹܗ.  
\v 5 ܐܵܢܝܼ ܟܹܐ ܥܵܒ݂ܕܝܼ ܚܸܠܡܲܬ ܓܵܘ ܒܹܝܬ ܩܘܼܕܫܵܐ ܕܝܼܠܹܗ ܒܕܡܘܼܬܵ‌ܐ ܘܛܸܠܵܢܝܼܬܵ‌ܐ ܕܡܸܢܕܝܼܵܢܹ̈ܐ ܫܡܲܝܵܢܵܝܹ̈ܐ، ܐܲܝܟ݂ ܕܦܝܼܫ ܠܹܗ ܐܡܝܼܪܵܐ ܠܡܘܼܫܹܐ ܐܝܼܡܲܢ ܕܗܕܝܼܪܵܐ ܝܗܘܵܐ ܠܸܒܢܵܝܵܐ ܡܲܫܟܢܵܐ: 
\q1 ܡܲܣܸܡ ܒܵܠܵܐ ܕܥܵܒ݂ܕܹܬ ܟܠܵܝܗ‌ܝ ܡܸܢܕܝܼܵܢܹ̈ܐ ܒܗ̇ܝ ܕܡܘܼܬܵ‌ܐ ܕܦܝܼܫ ܠܵܗ̇ ܡܘܼܚܙܝܼܬܵ‌ܐ ܐܸܠܘܼܟ݂ ܥܲܠܔ ܛܘܼܪܵܐ.\x + \xo 8:5 \xt ܡܦܩܢܐ 25‏:40\x* 
\v 6 ܐܝܼܢܵܐ ܐܵܕܝܼܵܐ ܗ̇ܘ ܩܘܼܒܸܠܔ ܠܹܗ ܚܕܵܐ ܚܸܠܡܲܬ ܒܘܼܫ ܥܸܠܵܝܬܵ‌ܐ ܡ̣ܢ ܚܸܠܡܲܬ ܕܐܵܢܝܼ ܟܵܗ̈ܢܹܐ، ܐܲܝܟ݂ ܕܝܼܠܹܗ ܡܸܨܥܵܝܵܐ ܕܚܲܕ ܘܲܥܕܵܐ ܒܘܼܫ ܨܦܵܝܝܼ، ܣܵܒܵܒ ܦܝܼܫܵܐ ܝܠܹܗ ܫܘܼܬܐܸܣܵܐ ܥܲܠܔ ܩܵܘܠܹ̈ܐ ܒܘܼܫ ܨܦܵܝܝܼ.  
\v 7 ܣܵܒܵܒ ܐܸܢ ܠܲܝܬ ܗܘܵܐ ܡܸܢܕܝܼ ܚܸܠܛܵܐ ܒܗ̇ܘ ܘܲܥܕܵܐ ܩܲܕܡܵܝܵܐ، ܠܹܐ ܗܵܘܝܵܐ ܗܘܵܐ ܕܘܼܟܵܐ ܠܸܛܥܵܝܵܐ ܠܗ̇ܘ ܕܬܪܹܝ.  
\v 8 ܐܝܼܢܵܐ ܐܲܠܵܗܵܐ ܚܙܹܐ ܠܹܗ ܚܸܠܛܵܐ ܒܛܵܝܸܦܵܐ ܘܐܡܝܼܪܹܗ: 
\q1 ܗܵܐ، ܒܹܐܬܵܝܵܐ ܝܢܵܐ ܝܵܘܡܵܢܹ̈ܐ، ܒܹܐܡܵܪܵܐ ܝܠܹܗ ܡܵܪܝܵܐ، ܐܝܼܡܲܢ ܕܥܵܒ݂ܕܹܢ ܘܲܥܕܵܐ ܚܵܕܬܵ‌ܐ ܥܲܡ ܒܹܝܬ ܐܝܼܣܪܵܐܹܝܠܔ، ܘܥܲܡ ܒܹܝܬ ܝܼܗܘܼܕܵܐ. 
\q1  
\v 9 ܠܹܐ ܗܵܘܹܐ ܐܲܝܟ݂ ܘܲܥܕܵܐ ܕܥܒ݂ܝܼܕ ܠܝܼ ܥܲܡ ܒܵܒܵܘܵܬܵܝ̈ܗ‌ܝ ܒܗ̇ܘ ܝܵܘܡܵܐ ܕܕܒ݂ܝܼܩ ܠܝܼ ܒܐܝܼܕܵܬܵܝ̈ܗ‌ܝ ܘܦܘܼܠܛܵܝ ܠܝܼ ܡ̣ܢ ܡܸܨܪܹܝܢ، ܟܲܕ ܠܵܐ ܢܛܝܼܪܗܘܿܢ ܘܲܥܕܝܼ، ܘܐܵܢܵܐ ܦܬܝܼܠܔ ܠܝܼ ܒܵܠܝܼ ܡܸܢܵܝܗ‌ܝ، ܒܹܐܡܵܪܵܐ ܝܠܹܗ ܡܵܪܝܵܐ. 
\q1  
\v 10 ܣܵܒܵܒ ܐܵܗܵܐ ܝܠܹܗ ܘܲܥܕܵܐ ܕܒܸܬ ܝܵܗܒܹܢ ܠܒܹܝܬ ܐܝܼܣܪܵܐܹܝܠܔ ܡ̣ܢ ܒܵܬܪ ܐܵܢܝܼ ܝܵܘܡܵܢܹ̈ܐ، ܒܹܐܡܵܪܵܐ ܝܠܹܗ ܡܵܪܝܵܐ: ܒܸܬ ܡܲܬܒܸܢܗܘܿܢ ܢܵܡܘܿܣܝܼ̈ ܒܪܸ̈ܥܝܵܢܵܝܗ‌ܝ، ܘܒܸܬ ܟܵܬܒܹܢܗܘܿܢ ܥܲܠܔ ܠܸܒܵܝܗ‌ܝ. ܒܸܬ ܗܵܘܹܝܢ ܐܸܠܵܝܗ‌ܝ ܠܐܲܠܵܗܵܐ، ܘܐܵܢܝܼ ܒܸܬ ܗܵܘܝܼ ܐܸܠܝܼ ܠܛܵܝܸܦܵܐ. 
\q1  
\v 11 ܘܐܢܵܫܵܐ ܗܸܟ̃ ܠܹܐ ܡܲܠܸܦ ܠܫܒ݂ܵܒܹܗ، ܘܠܵܐ ܐܢܵܫܵܐ ܡܲܠܸܦ ܠܐܲܚܘܿܢܘܼܗ‌ܝ، ܒܹܐܡܵܪܵܐ: ”ܝܕܹܥ ܠܡܵܪܝܵܐ،“ ܣܵܒܵܒ ܟܠܵܝܗ‌ܝ ܒܸܬ ܝܵܕܥܝܼ ܠܝܼ، ܡ̣ܢ ܙܥܘܿܪܵܐ ܘܗܲܠܔ ܓܘܼܪܵܐ. 
\q1  
\v 12 ܣܵܒܵܒ ܒܸܬ ܦܲܚܠܸܢ ܥܵܘܠܵܝܗ‌ܝ، ܘܚܛܝܼܵܬܵܝ̈ܗ‌ܝ ܐܚܹܪܢܵܐ ܠܹܐ ܕܵܟ݂ܪܹܢܗܘܿܢ.\x + \xo 8:12 \xt ܐܪܡܝܐ 31‏:31‏-34\x* 
\v 13 ܟܲܕ ܩܪܹܐ ܠܹܗ ”ܚܲܕܬܵ‌ܐ“ ܠܐܵܗܵܐ ܩܵܘܠܵܐ، ܗ̇ܘ ܩܲܕܡܵܝܵܐ ܦܝܼܫ ܠܹܗ ܥܲܬܝܼܩܵܐ. ܘܡܸܢܕܝܼ ܕܝܼܠܹܗ ܥܘܼܬܩܸܢܵܐ ܘܣܝܼܒ݂ܵܐ، ܩܘܼܪܒܵܐ ܝܠܹܗ ܠܸܬܝܵܡܵܐ. 
\c 9  
\s1 ܣܓ݂ܕܬ‌ܐ ܒܡܫܟܢܐ ܐܪܥܢܝܐ 
\p  
\v 1 ܘܲܥܕܵܐ ܩܲܕܡܵܝܵܐ ܐܝܼܬ ܗܘܵܐ ܠܹܗ ܩܵܢܘܿܢܹ̈ܐ ܩܵܐ ܣܓ݂ܵܕܬܵ‌ܐ ܘܒܹܝܬ ܩܘܼܕܫܵܐ ܐܲܪܥܵܢܵܝܵܐ.  
\v 2 ܣܵܒܵܒ ܡܲܫܟܢܵܐ ܦܝܼܫܵܐ ܝܗܘܵܐ ܗܘܼܕܪܵܐ، ܒܕܘܼܟܵܐ ܩܲܕܡܵܝܬܵ‌ܐ ܕܒܝܼܹܗ ܐܝܼܬ ܗܘܵܐ ܡܢܵܪܬܵ‌ܐ، ܘܦܵܬܘܿܪܵܐ ܘܠܲܚܡܵܐ ܡܩܘܼܕܫܵܐ؛ ܐܵܗܵܐ ܦܝܼܫܬܵ‌ܐ ܝܗܘܵܐ ܩܪܝܼܬܵ‌ܐ ܕܘܼܟܵܐ ܡܩܘܼܕܸܫܬܵ‌ܐ.\x + \xo 9:2 \xt ܡܦܩܢܐ 25‏:23‏-30؛ 25‏:31‏-40؛ 26‏:1‏-30\x* 
\v 3 ܡ̣ܢ ܒܵܬܪ ܣܸܬܪܵܐ ܕܬܪܹܝ، ܐܝܼܬ ܗܘܵܐ ܕܘܼܟܵܐ ܐܚܹܪܬܵ‌ܐ ܕܟܹܐ ܦܵܝܫܵܐ ܗܘܵܐ ܩܪܝܼܬܵ‌ܐ ܩܕܘܿܫ ܩܘܼܕܫܹ̈ܐ،\x + \xo 9:3 \xt ܡܦܩܢܐ 26‏:31‏-33\x* 
\v 4 ܐܲܝܟܵܐ ܕܐܝܼܬ ܗܘܵܐ ܡܲܕܒܚܵܐ ܕܕܲܗܒ݂ܵܐ ܩܵܐ ܒܸܣܡܵܐ، ܘܩܹܒ݂ܘܼܬܵ‌ܐ ܕܘܲܥܕܵܐ ܩܪܝܼܡܬܵ‌ܐ ܒܕܲܗܒ݂ܵܐ ܡ̣ܢ ܟܠܵܝܗ‌ܝ ܓܹܒܵܢܹ̈ܐ. ܓܵܘ ܩܹܒ݂ܘܼܬܵ‌ܐ ܐܝܼܬ ܗܘܵܘ ܡܵܐܢܵܐ ܕܕܲܗܒ݂ܵܐ ܒܸܚܒ݂ܵܫܵܐ ܡܲܢܢܵܐ، ܘܚܘܼܛܪܵܐ ܕܐܲܗܪܘܿܢ ܕܒܘܼܪܛܸܢܹܗ، ܘܠܘܼܚܹ̈ܐ ܕܘܲܥܕܵܐ.\x + \xo 9:4 \xt ܡܦܩܢܐ 16‏:33؛ 25‏:10‏-16؛ 30‏:1‏-6؛ ܡܢܝܢܐ 17‏:8‏-10؛ 25‏:16؛ ܬܢܝܢ ܢܡܘܣܐ 10‏:3‏-5 \x* 
\v 5 ܥܸܠܸܠܔ ܡ̣ܢ ܩܹܒ݂ܘܼܬܵ‌ܐ ܐܝܼܬ ܗܘܵܘ ܟܪ̈ܘܿܒܹܐ ܕܚܸܩܪܵܐ ܒܸܥܒ݂ܵܕܵܐ ܛܸܠܵܢܝܼܬܵ‌ܐ ܥܲܠܔ ܕܘܼܟܵܐ ܕܚܘܼܣܵܝܵܐ. ܐܝܼܢܵܐ ܐܵܕܝܼܵܐ ܠܲܝܬ ܠܲܢ ܥܕܵܢܵܐ ܕܗܲܡܙܸܡܲܚ ܒܡܸܠܝܘܼܬܵ‌ܐ ܒܘܼܬ ܐܲܢܹܐ.\x + \xo 9:5 \xt ܡܦܩܢܐ 25‏:18‏-22\x* 
\v 6 ܟܲܕ ܟܠܔ ܡܸܢܕܝܼ ܦܝܼܫܵܐ ܝܗܘܵܐ ܗܵܕܟ݂ܵܐ ܗܘܼܕܪܵܐ، ܟܵܗ̈ܢܹܐ ܒܟܠܔ ܙܲܒ݂ܢܵܐ ܟܹܐ ܥܵܒ݂ܪܝܼ ܗܘܵܘ ܓܵܘ ܕܘܼܟܵܐ ܩܲܕܡܵܝܬܵ‌ܐ ܠܡܲܟܡܘܼܠܹܐ ܚܸܠܡܲܬܵܝ̈ܗ‌ܝ.\x + \xo 9:6 \xt ܡܢܝܢܐ 18‏:2‏-6 \x* 
\v 7 ܐܝܼܢܵܐ ܐܲܚܟ̰ܝܼ ܓܘܼܪܵܐ ܕܟܵܗ̈ܢܹܐ ܟܹܐ ܥܵܒܹܪ ܗܘܵܐ ܠܩܕܘܿܫ ܩܘܼܕܫܹ̈ܐ، ܚܕܵܐ ܓܵܗܵܐ ܒܫܹܢ݇ܬܵ‌ܐ، ܘܠܵܐ ܕܠܵܐ ܕܸܡܵܐ، ܕܡܲܩܪܸܒ݂ ܗܘܵܐ ܠܹܗ ܡ̣ܢ ܓܹܒܵܐ ܕܓܵܢܹܗ ܘܡ̣ܢ ܓܹܒܵܐ ܕܚܸܠܛܹ̈ܐ ܕܛܵܝܸܦܵܐ.  
\v 8 ܒܐܵܗܵܐ، ܪܘܼܚܵܐ ܕܩܘܼܕܫܵܐ ܡܲܚܙܘܼܝܹܐ ܝܠܹܗ ܕܐܘܼܪܚܵܐ ܕܥܒ݂ܵܪܬܵ‌ܐ ܠܕܘܼܟܵܐ ܒܘܼܫ ܡܩܘܼܕܸܫܬܵ‌ܐ ܡ̣ܢ ܟܠܵܝܗ‌ܝ ܕܘܼܟܵܢܹ̈ܐ ܗܸܫ ܠܹܐ ܝܗܘܵܐ ܦܝܼܫܬܵ‌ܐ ܓܠܝܼܬܵ‌ܐ ܟܡܵܐ ܕܡܲܫܟܢܵܐ ܩܲܕܡܵܝܵܐ ܒܸܟܠܵܝܵܐ ܝܗܘܵܐ.  
\v 9 ܐܵܗܵܐ ܚܲܕ ܛܘܼܦ̮ܣܵܐ ܝܠܹܗ ܩܵܐ ܙܲܒ݂ܢܵܐ ܕܩܵܐܹܡ، ܕܩܘܼܪ̈ܒܵܢܹܐ ܘܕܸܒ݂ܚܹ̈ܐ ܕܦܝܼܫܹܐ ܝܗܘܵܘ ܡܘܼܩܪܸܒܹܐ ܠܹܐ ܡܵܨܝܼ ܗܘܵܘ ܡܲܟܡܸܠܝܼ ܐܸܢܝܲܬ ܕܡܲܩܪܸܒ݂ܵܢܵܝܗ‌ܝ،  
\v 10 ܣܵܒܵܒ ܐܲܢܹܐ ܝܼܗܘܵܘ ܐܲܚܟ̰ܝܼ ܒܘܼܬ ܡܹܐܟ݂ܘܼܠܝܵܬܹ̈‌ܐ ܘܫܬܵܝܵܬܹ̈‌ܐ ܘܚܲܠܲܠܝܵܬܹ̈‌ܐ ܦܪ̈ܝܼܫܹܐ، ܩܵܢܘܿܢܹ̈ܐ ܒܲܪ̈ܢܵܫܵܝܹܐ ܕܦܝܼܫܹܐ ܡܘܼܬܒܹܐ ܗܲܠܔ ܕܐܵܬܹ‌ܐ ܗܘܵܐ ܙܲܒ݂ܢܵܐ ܚܵܕܬܵ‌ܐ ܕܬܘܼܪܵܨܵܐ.  
\v 11 ܐܝܼܢܵܐ ܐܝܼܡܲܢ ܕܡܫܝܼܚܵܐ ܐܬܹ‌ܐ ܠܹܗ، ܓܘܼܪܵܐ ܕܟܵܗ̈ܢܹܐ ܕܛܵܒ݂ܵܬܹ̈‌ܐ ܕܝܼܢܵܐ ܐܬܝܼܹܐ، ܥܒ݂ܝܼܪܹܗ ܡܓܵܘ ܡܲܫܟܢܵܐ ܒܘܼܫ ܓܘܼܪܵܐ ܘܒܘܼܫ ܓܡܝܼܪܵܐ، ܠܵܐ ܦܝܼܫܵܐ ܒܸܢܝܵܐ ܒܐܢܵܫܵܐ ܘܠܹܐ ܝܠܹܗ ܡ̣ܢ ܐܵܗܵܐ ܒܪܝܼܬܵ‌ܐ.  
\v 12 ܘܠܵܐ ܥܒ݂ܝܼܪܹܗ ܒܕܸܡܵܐ ܕܥܸܙܹ̈ܐ ܘܕܡܘܼܓ̰ܹ̈ܐ، ܐܝܼܢܵܐ ܥܒ݂ܝܼܪܹܗ ܒܕܸܡܵܐ ܕܓܵܢܹܗ ܠܕܘܼܟܵܐ ܒܘܼܫ ܡܩܘܼܕܸܫܬܵ‌ܐ، ܚܕܵܐ ܓܵܗܵܐ ܐܲܚܟ̰ܝܼ، ܘܡܘܼܝܬܹ‌ܐ ܠܹܗ ܦܘܼܪܩܵܢܵܐ ܕܠܥܵܠܲܡ.  
\v 13 ܣܵܒܵܒ ܐܸܢ ܡܲܪܝܲܣܬܵ‌ܐ ܕܕܸܡܵܐ ܕܥܸܙܹ̈ܐ ܘܬܵܘܪܹ̈ܐ ܘܩܸܛܡܵܐ ܕܫܲܪܸܚܬܵ‌ܐ ܥܲܠܔ ܐܵܢܝܼ ܕܝܼܗܘܵܘ ܛܲܡܐܹ̈ܐ ܩܲܕܫܵܐ ܗܘܵܐ ܠܗܘܿܢ ܕܗܵܘܝܼ ܗܘܵܘ ܕܸܟ݂ܝܹܐ ܒܲܪܵܐܝܼܬ،\x + \xo 9:13 \xt ܟܗ̈ܢܐ 16‏:15‏-16؛ ܡܢܝܢܐ 19‏:9، 17‏-19 \x* 
\v 14 ܟܡܵܐ ܒܘܼܫ ܙܵܘܕܵܐ ܕܸܡܵܐ ܕܡܫܝܼܚܵܐ، ܗ̇ܘ ܕܒܝܲܕ ܪܘܼܚܵܐ ܕܠܥܵܠܲܡ ܡܘܼܩܪܸܒ݂ܵܐ ܠܹܗ ܓܵܢܹܗ ܕܠܵܐ ܡܘܼܡܵܐ ܠܐܲܠܵܗܵܐ، ܒܸܬ ܕܲܟܹܐ ܐܸܢܝܲܬܲܢ ܡ̣ܢ ܦܘܼܠܚܵܢܹ̈ܐ ܡܝܼ̈ܬܹ‌ܐ ܕܥܵܒ݂ܕܲܚ ܚܸܠܡܲܬ ܠܐܲܠܵܗܵܐ ܚܵܝܵܐ!  
\v 15 ܒܘܼܬ ܐܵܗܵܐ، ܗ̇ܘ ܝܼܠܹܗ ܡܸܨܥܵܝܵܐ ܕܘܲܥܕܵܐ ܚܵܕܬܵ‌ܐ. ܘܒܗ̇ܝ ܕܡܝܼܬ ܠܹܗ ܒܘܼܬ ܦܘܼܪܩܵܢܵܐ ܕܚܛܝܼܵܬܹ̈‌ܐ ܕܦܝܼܫܹܐ ܝܗܘܵܘ ܥܒ݂ܝܼܕܹܐ ܬܚܘܿܬ ܘܲܥܕܵܐ ܩܲܕܡܵܝܵܐ، ܐܵܢܝܼ ܕܦܝܼܫܹܐ ܝܢܵܐ ܩܸܪܝܹܐ ܒܸܬ ܩܲܒܠܝܼ ܩܵܘܠܵܐ ܕܝܵܪܬܘܼܬܵ‌ܐ ܕܠܥܵܠܲܡ.  
\v 16 ܣܵܒܵܒ ܐܲܝܟܵܐ ܕܐܝܼܬ ܘܲܨܝܲܬ، ܘܵܠܹܐ ܝܠܵܗ̇ ܠܡܲܚܙܘܼܝܹܐ ܡܵܘܬܵ‌ܐ ܕܗ̇ܘ ܕܥܒ݂ܝܼܕ ܠܹܗ ܘܲܨܝܲܬ.  
\v 17 ܣܵܒܵܒ ܚܕܵܐ ܘܲܨܝܲܬ ܐܝܼܬ ܠܵܗ̇ ܚܲܝܠܵܐ ܐܲܚܟ̰ܝܼ ܐܝܼܡܲܢ ܕܐܢܵܫܵܐ ܡܝܼܬܵ‌ܐ ܝܠܹܗ؛ ܠܲܝܬ ܠܵܗ̇ ܗܸܟ̃ ܚܲܝܠܵܐ ܟܡܵܐ ܕܗ̇ܘ ܕܥܒ݂ܝܼܕܵܐ ܝܠܹܗ ܘܲܨܝܲܬ ܚܵܝܵܐ ܝܠܹܗ.  
\v 18 ܒܘܼܬ ܐܵܗܵܐ ܐܘܼܦ ܗ̇ܘ ܘܲܥܕܵܐ ܩܲܕܡܵܝܵܐ ܠܹܐ ܝܗܘܵܐ ܦܝܼܫܵܐ ܫܘܼܬܐܸܣܵܐ ܕܠܵܐ ܕܸܡܵܐ.  
\v 19 ܣܵܒܵܒ ܐܝܼܡܲܢ ܕܡܘܼܫܹܐ ܗܘܼܡܙܸܡ ܠܹܗ ܟܠܵܝܗ‌ܝ ܦܘܼܩܕܵܢܹ̈ܐ ܐܲܝܟ݂ ܕܝܼܠܹܗ ܓܵܘ ܢܵܡܘܿܣܵܐ ܠܟܠܹܗ ܛܵܝܸܦܵܐ، ܫܩܝܼܠܔ ܠܹܗ ܕܸܡܵܐ ܕܡܘܼܓ̰ܹ̈ܐ ܘܕܥܸܙܹ̈ܐ، ܥܲܡ ܡ̈ܝܼܵܐ ܘܥܲܡܪܵܐ ܣܡܘܿܩܵܐ ܘܙܘܿܦܵܐ، ܘܡܘܼܪܝܸܣ ܠܹܗ ܥܲܠܔ ܟܬܵܒ݂ܵܐ ܘܥܲܠܔ ܟܠܹܗ ܛܵܝܸܦܵܐ.  
\v 20 ܘܐܡܝܼܪܹܗ: 
\q1 ܐܵܗܵܐ ܝܠܹܗ ܕܸܡܵܐ ܕܘܲܥܕܵܐ، ܕܦܝܼܫ ܠܹܗ ܦܩܝܼܕܵܐ ܐܸܠܵܘܟ݂ܘܿܢ ܒܐܲܠܵܗܵܐ ܠܸܢܛܵܪܵܐ.\x + \xo 9:20 \xt ܡܦܩܢܐ 24‏:8\x* 
\v 21 ܘܗܵܕܟ݂ܵܐ ܐܘܼܦ ܥܲܠܔ ܡܲܫܟܢܵܐ ܘܥܲܠܔ ܟܠܵܝܗ‌ܝ ܡܵܐܢܹ̈ܐ ܕܚܸܠܡܲܬ ܡܘܼܪܝܸܣ ܠܹܗ ܕܸܡܵܐ.\x + \xo 9:21 \xt ܟܗ̈ܢܐ 8‏:15\x* 
\v 22 ܘܓܵܘ ܢܵܡܘܿܣܵܐ، ܚܲܕܟ̰ܵܐ ܦܵܝܫܵܐ ܟܠܔ ܡܸܢܕܝܼ ܒܕܸܡܵܐ ܟܹܐ ܦܵܐܹܫ ܕܘܼܟ݂ܝܵܐ، ܘܕܠܵܐ ܫܲܦܲܟ݂ܬܵ‌ܐ ܕܕܸܡܵܐ ܠܲܝܬ ܦܘܼܚܵܠܵܐ.\x + \xo 9:22 \xt ܟܗ̈ܢܐ 17‏:11\x* 
\s1 ܡܫܝܚܐ ܦܘܚܠܔ ܠܗ ܚܛܝܬ‌ܐ 
\p  
\v 23 ܒܵܣ ܘܵܠܹܐ ܝܗܘܵܐ ܐܵܢܝܼ ܕܝܼܢܵܐ ܕܘܼܡܝܹ̈ܐ ܕܡܸܢܕܝܼܵܢܹ̈ܐ ܫܡܲܝܵܢܵܝܹ̈ܐ ܦܵܝܫܝܼ ܗܘܵܘ ܕܘܼܟ݂ܝܹܐ ܒܝܲܕ ܐܲܢܹܐ ܕܸܒ݂ܚܹ̈ܐ، ܐܝܼܢܵܐ ܡܸܢܕܝܼܵܢܹ̈ܐ ܫܡܲܝܵܢܵܝܹ̈ܐ ܒܓܵܢܵܝܗ‌ܝ ܒܝܲܕ ܕܸܒ݂ܚܹ̈ܐ ܒܘܼܫ ܨܦܵܝܝܼ ܡ̣ܢ ܐܲܢܹܐ.  
\v 24 ܣܵܒܵܒ ܡܫܝܼܚܵܐ ܠܵܐ ܥܒ݂ܝܼܪܹܗ ܠܕܘܼܟܵܐ ܡܩܘܼܕܸܫܬܵ‌ܐ ܒܢܝܼܬܵ‌ܐ ܒܐܝܼܕܵܬܹ̈‌ܐ، ܕܝܼܗܘܵܐ ܛܘܼܦ̮ܣܵܐ ܕܗ̇ܝ ܕܘܼܟܵܐ ܫܲܪܝܼܪܬܵ‌ܐ، ܐܝܼܢܵܐ ܥܒ݂ܝܼܪܹܗ ܠܫܡܲܝܵܐ ܒܓܵܢܘܼܗ̇، ܕܐܵܕܝܼܵܐ ܦܵܐܹܫ ܓܸܠܝܵܐ ܩܲܕܡ ܐܲܠܵܗܵܐ ܡ̣ܢ ܓܹܒܲܢ؛  
\v 25 ܘܠܵܐ ܥܒ݂ܝܼܪܹܗ ܠܫܡܲܝܵܐ ܕܡܲܩܪܸܒ݂ ܓܵܢܹܗ ܪܵܒܵܐ ܓܵܗܹ̈ܐ، ܐܲܝܟ݂ ܕܟܹܐ ܥܵܒܹܪ ܓܘܼܪܵܐ ܕܟܵܗ̈ܢܹܐ ܟܠܔ ܫܹܢ݇ܬܵ‌ܐ ܠܕܘܼܟܵܐ ܡܩܘܼܕܸܫܬܵ‌ܐ ܠܵܐ ܒܕܸܡܵܐ ܕܓܵܢܹܗ.  
\v 26 ܐܸܢ ܗܵܘܝܵܐ ܗܘܵܐ ܗܵܕܟ݂ܵܐ، ܒܵܣ ܘܵܠܹܐ ܝܗܘܵܐ ܕܩܲܒܸܠܔ ܗܘܵܐ ܚܲܫܵܐ ܡܫܝܼܚܵܐ ܪܵܒܵܐ ܓܵܗܹ̈ܐ ܡ̣ܢ ܫܘܼܪܵܝܵܐ ܕܒܪܝܼܬܵ‌ܐ. ܐܝܼܢܵܐ ܐܵܕܝܼܵܐ ܒܚܲܪܬܵ‌ܐ ܕܙܲܒ݂ܢܹ̈ܐ، ܦܝܼܫ ܠܹܗ ܓܸܠܝܵܐ ܚܕܵܐ ܓܵܗܵܐ ܕܒܲܛܸܠܔ ܠܚܛܝܼܬܵ‌ܐ ܒܕܒ݂ܵܚܬܵ‌ܐ ܕܓܵܢܹܗ.  
\v 27 ܘܕܵܐܟ݂ܝܼ ܕܦܝܼܫܬܵ‌ܐ ܝܠܵܗ̇ ܪܫܝܼܡܬܵ‌ܐ ܠܒܲܪܢܵܫܵܐ ܕܚܕܵܐ ܓܵܗܵܐ ܡܵܐܹܬ، ܘܡ̣ܢ ܒܵܬܪ ܗܵܕܵܐ ܐܝܼܬ ܕܝܵܢܬܵ‌ܐ،  
\v 28 ܗܵܕܟ݂ܵܐ ܐܘܼܦ ܡܫܝܼܚܵܐ ܚܕܵܐ ܓܵܗܵܐ ܦܝܼܫ ܠܹܗ ܡܘܼܩܪܸܒ݂ܵܐ ܕܛܵܥܹܢ ܚܛܝܼܵܬܹ̈‌ܐ ܕܪܵܒܵܐ، ܘܒܸܬ ܦܵܐܹܫ ܓܸܠܝܵܐ ܓܵܗܵܐ ܕܬܲܪܬܹܝ، ܠܵܐ ܕܛܵܥܹܢ ܚܛܝܼܬܵ‌ܐ، ܐܝܼܢܵܐ ܕܡܲܝܬܹ‌ܐ ܦܘܼܪܩܵܢܵܐ ܠܐܵܢܝܼ ܕܒܸܣܦܵܪܵܐ ܝܢܵܐ ܐܸܠܹܗ. 
\c 10  
\s1 ܕܒ݂ܚܐ ܕܡܫܝܚܐ 
\p  
\v 1 ܒܗ̇ܝ ܕܢܵܡܘܿܣܵܐ ܐܝܼܬ ܗܘܵܐ ܠܹܗ ܛܸܠܵܢܝܼܬܵ‌ܐ ܕܡܸܢܕܝܼܵܢܹ̈ܐ ܛܵܒܹ̈ܐ ܕܒܸܬ ܐܵܬ‌ܝܼ ܗܘܵܘ، ܐܝܼܢܵܐ ܒܓܵܢܹܗ ܠܹܐ ܝܗܘܵܐ ܩܢܘܿܡܵܐ ܕܐܵܢܝܼ ܡܸܢܕܝܼܵܢܹ̈ܐ، ܒܘܼܬ ܐܵܗܵܐ، ܒܝܲܕ ܕܸܒ݂ܚܹ̈ܐ ܕܦܝܵܫܵܐ ܝܗܘܵܘ ܡܘܼܩܪܸܒܹܐ ܐܲܡܝܼܢܵܐܝܼܬ ܫܹܢ݇ܬܵ‌ܐ ܒܫܹܢ݇ܬܵ‌ܐ، ܠܵܐ ܡܨܹܐ ܠܹܗ ܡܲܟܡܸܠܔ ܠܐܵܢܝܼ ܕܩܲܪܒܸܢܝܼ ܗܘܵܘ ܠܸܣܓ݂ܵܕܵܐ.  
\v 2 ܐܸܢ ܡܵܨܹܐ ܗܘܵܘ، ܠܹܐ ܫܵܠܝܼ ܗܘܵܘ ܡ̣ܢ ܩܘܼܪ̈ܒܵܢܵܝܗ‌ܝ؟ ܣܵܒܵܒ ܣܵܓ݂ܕܵܢܹ̈ܐ ܚܕܵܐ ܓܵܗܵܐ ܐܲܚܟ̰ܝܼ ܒܸܬ ܦܵܝܫܝܼ ܗܘܵܘ ܕܘܼܟ݂ܝܹܐ ܘܐܚܹܪܢܵܐ ܠܹܐ ܪܵܥܫܝܼ ܗܘܵܘ ܒܓܢܵܗܵܐ ܕܚܛܝܼܵܬܹ̈‌ܐ.  
\v 3 ܐܝܼܢܵܐ ܐܵܢܝܼ ܕܸܒ݂ܚܹ̈ܐ ܚܕܵܐ ܡܲܕܟܲܪܬܵ‌ܐ ܕܚܛܝܼܬܵ‌ܐ ܝܢܵܐ ܫܹܢ݇ܬܵܐܝܼܬ،  
\v 4 ܣܵܒܵܒ ܕܸܡܵܐ ܕܡܘܼܓ̰ܹ̈ܐ ܘܕܥܸܙܹ̈ܐ ܠܹܐ ܡܵܨܹܐ ܕܲܟܹܐ ܚܛܝܼܵܬܹ̈‌ܐ.  
\v 5 ܒܘܼܬ ܐܵܗܵܐ ܐܝܼܡܲܢ ܕܡܫܝܼܚܵܐ ܐܬܹ‌ܐ ܠܹܗ ܠܕܘܼܢܝܹܐ ܐܡܝܼܪܹܗ: 
\q1 ܕܸܒ݂ܚܹ̈ܐ ܘܩܘܼܪ̈ܒܵܢܹܐ ܠܵܐ ܒܥܹܐ ܠܘܼܟ݂، ܐܝܼܢܵܐ ܦܲܓ݂ܪܵܐ ܗܘܼܕܸܪܘܼܟ݂ ܐܸܠܝܼ. 
\q1  
\v 6 ܒܕܸܒ݂ܚܹ̈ܐ ܡܘܼܩܕܹ̈ܐ ܘܒܕܸܒ݂ܚܹ̈ܐ ܡ̣ܢ ܓܹܒܵܐ ܕܚܛܝܼܬܵ‌ܐ ܠܵܐ ܒܣܝܼܡ ܠܵܗ̇ ܠܘܼܟ݂. 
\q1  
\v 7 ܗ̇ܝܓܵܗ ܐܡܝܼܪܝܼ: ”ܗܵܐ ܐܬܹ‌ܐ ܠܝܼ، ܝܵܐ ܐܲܠܵܗܵܐ، ܕܥܵܒ݂ܕܹܢ ܨܸܒ݂ܝܵܢܘܼܟ݂؛ ܐܲܝܟ݂ ܕܒܫܘܼܪܵܝܵܐ ܕܟܬܵܒ݂ܵܐ ܟܬܝܼܒ݂ܵܐ ܝܠܹܗ ܒܘܼܬ ܕܝܼܝܼ.“\x + \xo 10:7 \xt ܡܙܡܘܪܐ 40‏:6‏-8\x* 
\v 8 ܩܲܕܡܵܝܬܵ‌ܐ ܐܡܝܼܪܹܗ: ”ܕܸܒ݂ܚܹ̈ܐ ܘܩܘܼܪ̈ܒܵܢܹܐ، ܘܕܸܒ݂ܚܹ̈ܐ ܡܘܼܩܕܹ̈ܐ ܘܩܘܼܪ̈ܒܵܢܹܐ ܡ̣ܢ ܓܹܒܵܐ ܕܚܛܝܼܬܵ‌ܐ ܠܵܐ ܒܥܹܐ ܠܘܼܟ݂، ܘܠܵܐ ܒܣܝܼܡ ܠܵܗ̇ ܠܘܼܟ݂ ܒܝܼܵܝܗ‌ܝ،“ ܐܵܦܸܢ ܕܦܝܼܫܹܐ ܝܢܵܐ ܛܠܝܼܒܹܐ ܒܝܲܕ ܢܵܡܘܿܣܵܐ.  
\v 9 ܘܡ̣ܢ ܒܵܬܪ ܗܵܕܵܐ ܐܡܝܼܪܹܗ: ”ܗܵܐ، ܐܬܹ‌ܐ ܠܝܼ ܕܥܵܒ݂ܕܹܢ ܨܸܒ݂ܝܵܢܘܼܟ݂.“ ܗܵܕܟ݂ܵܐ ܒܲܛܘܼܠܹܐ ܝܠܹܗ ܠܩܲܕܡܵܝܵܐ ܕܡܲܩܘܹܐ ܠܬܪܲܝܵܢܵܐ.  
\v 10 ܒܗ̇ܘ ܨܸܒ݂ܝܵܢܵܐ ܦܝܼܫܹܐ ܝܘܲܚ ܡܩܘܼܕܫܹܐ ܒܡܲܩܪܲܒ݂ܬܵ‌ܐ ܕܦܲܓ݂ܪܵܐ ܕܝܼܫܘܿܥ ܡܫܝܼܚܵܐ ܚܕܵܐ ܓܵܗܵܐ ܐܲܚܟ̰ܝܼ.  
\v 11 ܟܠܔ ܟܵܗܢܵܐ ܟܹܐ ܩܵܐܹܡ ܝܵܘܡܵܐܝܼܬ ܘܥܵܒܹܕ ܚܸܠܡܲܬ ܘܡܲܩܪܸܒ݂ ܗܲܪ ܐܵܢܝܼ ܕܸܒ݂ܚܹ̈ܐ ܕܗܲܪ ܠܹܐ ܡܵܨܝܼ ܡܵܫܝܼ ܚܛܝܼܵܬܹ̈‌ܐ.  
\v 12 ܐܝܼܢܵܐ ܐܵܗܵܐ ܟܵܗܢܵܐ ܐܝܼܡܲܢ ܕܡܘܼܩܪܸܒ݂ ܠܹܗ ܩܵܐ ܗܲܡܵܫܵܐ ܚܲܕ ܕܸܒ݂ܚܵܐ ܒܘܼܬ ܚܛܝܼܬܵ‌ܐ، ܝܬܝܼܒ݂ ܠܹܗ ܡ̣ܢ ܝܲܡܝܼܢܵܐ ܕܐܲܠܵܗܵܐ.  
\v 13 ܗܵܐ ܡ̣ܢ ܗ̇ܝܓܵܗ ܒܸܣܦܵܪܵܐ ܝܠܹܗ ܕܦܵܝܫܝܼ ܡܘܼܬܒܹܐ ܕܸܫ̃ܡܸܢܘܼ̈ܗ‌ܝ ܟܘܼܒ݂ܫܵܐ ܬܚܘܿܬ ܐܲܩܠܵܬܘܼ̈ܗ‌ܝ،\x + \xo 10:13 \xt ܡܙܡܘܪܐ 110‏:1\x* 
\v 14 ܣܵܒܵܒ ܒܚܲܕ ܩܘܼܪܒܵܢܵܐ ܡܘܼܟܡܸܠܵܐ ܝܠܹܗ ܐܲܡܝܼܢܵܐܝܼܬ ܠܐܵܢܝܼ ܕܝܼܢܵܐ ܡܩܘܼܕܫܹܐ.  
\v 15 ܐܘܼܦ ܪܘܼܚܵܐ ܕܩܘܼܕܫܵܐ ܒܸܣܗܵܕܵܐ ܝܠܹܗ ܐܸܠܲܢ ܒܐܵܗܵܐ، ܐܝܼܡܲܢ ܕܐܡܝܼܪܹܗ ܡ̣ܢ ܩܲܕܡܵܝܬܵ‌ܐ: 
\q1  
\v 16 ܐܵܗܵܐ ܝܠܹܗ ܘܲܥܕܵܐ ܕܒܸܬ ܥܵܒ݂ܕܹܢ ܥܲܡܵܝܗ‌ܝ ܡ̣ܢ ܒܵܬܪ ܐܵܢܝܼ ܝܵܘܡܵܢܹ̈ܐ، ܒܹܐܡܵܪܵܐ ܝܠܹܗ ܡܵܪܝܵܐ: ܒܸܬ ܡܲܬܒܸܢ ܢܵܡܘܿܣܝܼ̈ ܓܵܘ ܠܸܒܵܝܗ‌ܝ، 
\q1 ܘܒܸܬ ܟܵܬܒܹܢܗܘܿܢ ܓܵܘ ܚܘܼܫܵܒ݂ܵܝ̈ܗ‌ܝ.\x + \xo 10:16 \xt ܐܪܡܝܐ 31‏:33\x* 
\v 17 ܘܐܘܼܦ ܐܡܝܼܪܹܗ: 
\q1 ܠܹܐ ܕܵܟ݂ܪܹܢ ܐܚܹܪܢܵܐ ܚܛܝܼܵܬܵܝ̈ܗ‌ܝ ܘܥܵܘܠܵܝܗ‌ܝ.\x + \xo 10:17 \xt ܐܪܡܝܐ 31‏:34 \x* 
\v 18 ܘܐܝܼܡܲܢ ܕܐܲܢܹܐ ܦܝܼܫ ܠܗܘܿܢ ܦܘܼܚܠܹܐ، ܐܚܹܪܢܵܐ ܠܲܝܬ ܣܢܝܼܩܘܼܬܵ‌ܐ ܠܡܲܩܪܲܒ݂ܬܵ‌ܐ ܕܩܘܼܪ̈ܒܵܢܹܐ ܒܘܼܬ ܚܛܝܼܵܬܹ̈‌ܐ. 
\s1 ܗܡܙܡܢ̈ܐ ܕܡܪܥܫܬ‌ܐ 
\p  
\v 19 ܒܵܣ ܗܵܕܟ݂ܵܐ، ܐܲܚܘܿܢܘܵܬ‌ܝܼ̈، ܐܝܼܬ ܠܲܢ ܓ̰ܘܼܪܐܲܬ ܠܸܥܒ݂ܵܪܵܐ ܠܒܹܝܬ ܩܘܼܕܫܵܐ ܒܕܸܡܵܐ ܕܝܼܫܘܿܥ،  
\v 20 ܒܚܕܵܐ ܐܘܼܪܚܵܐ ܚܲܕܬܵ‌ܐ ܘܚܵܝܬܵ‌ܐ ܕܦܬܝܼܚܵܐ ܠܹܗ ܐܸܠܲܢ ܡ̣ܢ ܓܵܘ ܣܸܬܪܵܐ، ܕܝܼܠܹܗ ܦܲܓ݂ܪܹܗ،  
\v 21 ܘܟܲܕ ܐܝܼܬ ܠܲܢ ܟܵܗܢܵܐ ܓܘܼܪܵܐ ܥܲܠܔ ܒܲܝܬܵ‌ܐ ܕܐܲܠܵܗܵܐ،  
\v 22 ܫܒ݂ܘܿܩ ܩܲܪܒܸܢܲܚ ܒܠܸܒܵܐ ܫܲܪܝܼܪܵܐ، ܒܬܘܼܟ݂ܠܵܢܵܐ ܕܗܲܝܡܵܢܘܼܬܵ‌ܐ، ܠܸܒܲܢ ܡܘܼܪܝܸܣܵܐ ܘܕܸܟ݂ܝܵܐ ܡ̣ܢ ܐܸܢܝܲܬ ܒܝܼܫܬܵ‌ܐ، ܘܦܲܓ݂ܪܲܢ ܚܘܼܠܸܠܵܐ ܒܡ̈ܝܼܵܐ ܕܸܟ݂ܝܹ̈ܐ،  
\v 23 ܘܫܒ݂ܘܿܩ ܕܵܒ݂ܩܲܚ ܩܸܘܝܵܐ ܒܗܹܒ݂ܝܼܲܢ ܕܟܹܐ ܡܵܘܕܲܚ ܒܝܼܘܼܗ̇، ܣܵܒܵܒ ܡܗܘܼܡܢܵܐ ܝܠܹܗ ܗ̇ܘ ܕܩܘܼܘܸܠܔ ܠܹܗ ܐܸܠܲܢ.  
\v 24 ܘܬܲܚܡܸܢܲܚ ܕܵܐܟ݂ܝܼ ܡܲܥܒܸܪܲܚ ܚܲܕ ܠܗ̇ܘ ܐܚܹܪܢܵܐ ܒܩܲܝܪܲܬ ܕܚܘܼܒܵܐ ܘܕܦܘܼܠܚܵܢܹ̈ܐ ܛܵܒܹ̈ܐ.  
\v 25 ܠܵܐ ܫܵܒ݂ܩܲܚ ܓ̰ܡܵܥܬܲܢ ܡܥܘܼܕܵܠܹܐ، ܐܲܝܟ݂ ܕܚܲܕܟܡܵܐ ܐܝܼܬ ܠܗܘܿܢ ܥܵܕܲܬ ܠܸܥܒ݂ܵܕܵܐ، ܐܝܼܢܵܐ ܝܵܗܒܲܚ ܠܸܒܵܐ ܚܲܕ ܠܗ̇ܘ ܐܚܹܪܢܵܐ، ܘܒܘܼܫ ܙܵܘܕܵܐ ܟܡܵܐ ܕܒܸܚܙܵܝܵܐ ܝܬܘܿܢ ܕܩܲܪܒܘܼܢܹܐ ܝܠܹܗ ܗ̇ܘ ܝܵܘܡܵܐ.  
\v 26 ܣܵܒܵܒ ܐܸܢ ܚܵܛܲܚ ܒܨܸܒ݂ܝܵܢܵܐ ܕܓܵܢܲܢ ܡ̣ܢ ܒܵܬܪ ܕܩܘܼܒܸܠܔ ܠܲܢ ܝܕܵܥܬܵ‌ܐ ܕܫܪܵܪܵܐ، ܐܚܹܪܢܵܐ ܠܲܝܬ ܦܝܵܫܵܐ ܕܸܒ݂ܚܵܐ ܩܵܐ ܚܛܝܼܬܵ‌ܐ،  
\v 27 ܐܸܠܵܐ ܣܦܵܪܬܵ‌ܐ ܡܲܙܕܸܥܵܢܬܵ‌ܐ ܠܕܝܵܢܬܵ‌ܐ، ܘܠܵܗܵܐ ܕܢܘܼܪܵܐ ܕܒܸܬ ܐܵܟܹܠܔ ܠܕܸܫ̃ܡܸܢܹ̈ܐ.  
\v 28 ܟܠܔ ܡ̇ܢ ܕܡܘܼܣܠܹܐ ܠܹܗ ܠܢܵܡܘܿܣܵܐ ܕܡܘܼܫܹܐ ܡܝܼܬ ܠܹܗ ܕܠܵܐ ܪ̈ܲܚܡܹܐ ܥܲܠܔ ܣܵܗܕܘܼܬܵ‌ܐ ܕܬܪܹܝ ܝܲܢ ܬܠܵܬܵ‌ܐ ܣܵܗܕܹ̈ܐ.\x + \xo 10:28 \xt ܬܢܝܢ ܢܡܘܣܐ 17‏:6؛ 19‏:15 \x* 
\v 29 ܟܡܵܐ ܒܘܼܫ ܩܫܝܼܬܵ‌ܐ ܒܸܚܫܵܒ݂ܵܐ ܝܬܘܿܢ ܒܸܬ ܗܵܘܝܵܐ ܕܝܵܢܬܵ‌ܐ ܠܗ̇ܘ ܕܕܘܼܫܕܸܫ ܠܹܗ ܠܒܪܘܿܢܵܐ ܕܐܲܠܵܗܵܐ ܬܚܘܿܬ ܐܲܩܠܵܬܘܼ̈ܗ‌ܝ، ܘܠܕܸܡܵܐ ܕܘܲܥܕܵܐ، ܗ̇ܘ ܕܒܝܼܹܗ ܦܝܼܫ ܠܹܗ ܡܩܘܼܕܫܵܐ، ܚܫܝܼܒ݂ ܠܹܗ ܚܲܕ ܡܸܢܕܝܼ ܫܚܝܼܡܵܐ، ܘܡܘܼܣܠܹܐ ܠܹܗ ܠܪܘܼܚܵܐ ܕܫܵܦܵܩܲܬ.  
\v 30 ܣܵܒܵܒ ܒܝܼܕܵܥܵܐ ܝܘܲܚ ܠܗ̇ܘ ܕܐܡܝܼܪܹܗ: 
\q1 ܕܝܼܝܼ ܝܠܹܗ ܬܘܼܥܠܵܐ، ܐܵܢܵܐ ܒܸܬ ܦܵܪܥܹܢ.\x + \xo 10:30 \xt ܬܢܝܢ ܢܡܘܣܐ 32‏:35 \x* 
\m ܘܡܸܢܕܪܸܫ: 
\q1 ܒܸܬ ܕܵܐܹܢ ܡܵܪܝܵܐ ܠܛܵܝܸܦܹܗ.\x + \xo 10:30 \xt ܬܢܝܢ ܢܡܘܣܐ 32‏:36؛ ܡܙܡܘܪܐ 135‏:14 \x* 
\v 31 ܡܸܢܕܝܼ ܡܲܙܕܸܥܵܢܵܐ ܝܠܹܗ ܠܸܢܦܵܠܵܐ ܓܵܘ ܐܝܼܕܵܬܹ̈‌ܐ ܕܐܲܠܵܗܵܐ ܚܵܝܵܐ.  
\v 32 ܕܟ݂ܘܿܪܘܼܢ ܝܵܘܡܵܢܹ̈ܐ ܩܲܕܡܵܝܹ̈ܐ ܐܝܼܡܲܢ ܕܩܘܼܒܸܠܔ ܠܵܘܟ݂ܘܿܢ ܒܲܗܪܵܐ، ܕܵܐܟ݂ܝܼ ܟܠܹܐ ܠܵܘܟ݂ܘܿܢ ܩܸܘܝܹܐ ܒܓ̰ܘܼܢܓ̰ܵܪܹ̈ܐ ܓܘܼܪܹ̈ܐ ܓܵܘ ܐܵܓ݂ܘܿܢܵܐ.  
\v 33 ܚܲܕܟܡܵܐ ܓܵܗܹ̈ܐ ܦܝܼܫ ܠܵܘܟ݂ܘܿܢ ܡܘܼܣܠܝܼܹܐ ܩܲܕܡ ܐܢܵܫܹ̈ܐ ܒܠܵܘܡܹ̈ܐ ܘܒܐܘܼܠܨܵܢܹ̈ܐ، ܘܚܲܕܟܡܵܐ ܓܵܗܹ̈ܐ ܗܘܹܐ ܠܵܘܟ݂ܘܿܢ ܫܲܪ̈ܝܼܟܹܐ ܥܲܡ ܐܵܢܝܼ ܕܐܲܢܹܐ ܩܘܼܒܸܠܔ ܠܗܘܿܢ.  
\v 34 ܣܵܒܵܒ ܩܘܼܒܸܠܔ ܠܵܘܟ݂ܘܿܢ ܚܲܫܵܐ ܐܲܝܟ݂ ܐܵܢܝܼ ܕܓܵܘ ܒܹܝܬ ܐܲܣܝܼܪܹ̈ܐ، ܘܒܚܲܕܘܼܬܵ‌ܐ ܩܘܼܒܸܠܔ ܠܵܘܟ݂ܘܿܢ ܣܠܵܒܬܵ‌ܐ ܕܡܸܢܕܝܼܵܘܟ݂ܘܿܢ، ܟܲܕ ܒܝܼܕܵܥܵܐ ܕܐܝܼܬ ܠܵܘܟ݂ܘܿܢ ܩܢܵܝܬܵ‌ܐ ܒܘܼܫ ܨܦܵܝܝܼ ܘܦܵܝܫܵܢܬܵ‌ܐ ܒܫܡܲܝܵܐ.  
\v 35 ܒܵܣ ܠܵܐ ܪܲܦܹܝܬܘܿܢ ܗܹܒ݂ܝܼܵܘܟ݂ܘܿܢ؛ ܐܝܼܬ ܠܵܗ̇ ܦܘܼܪܥܵܢܵܐ ܓܘܼܪܵܐ.  
\v 36 ܘܵܠܹܐ ܝܠܵܗ̇ ܕܚܵܡܠܝܼܬܘܿܢ، ܗܵܕܟ݂ܵܐ ܕܡ̣ܢ ܒܵܬܪ ܕܥܵܒ݂ܕܝܼܬܘܿܢ ܨܸܒ݂ܝܵܢܵܐ ܕܐܲܠܵܗܵܐ، ܒܸܬ ܩܲܒܠܝܼܬܘܿܢ ܡܸܢܕܝܼ ܕܩܘܼܘܸܠܔ ܠܹܗ. 
\q1  
\v 37 ”ܣܵܒܵܒ ܒܚܲܕ ܡܸܬܚܵܐ ܟܸܪܝܵܐ، ܗ̇ܘ ܕܒܹܐܬܵܝܵܐ ܝܠܹܗ ܒܸܬ ܐܵܬܹ‌ܐ، ܘܠܹܐ ܥܲܪܩܸܠܔ.“ 
\q1  
\v 38 ܐܝܼܢܵܐ ܒܗܲܝܡܵܢܘܼܬܵ‌ܐ ܒܸܬ ܚܵܝܹܐ ܙܲܕܝܼܩܝܼ، ܘܐܸܢ ܕܵܐܹܪ ܠܒܵܬܪܵܐ، ܠܹܐ ܒܵܣܡܵܐ ܠܵܗ̇ ܓܵܢܝܼ ܒܝܼܹܗ.\x + \xo 10:38 \xt ܚܒ݂ܩܘܩ 2‏:3‏-4\x* 
\v 39 ܐܝܼܢܵܐ ܐܲܚܢܲܢ ܠܹܐ ܝܘܲܚ ܡ̣ܢ ܐܵܢܝܼ ܕܕܵܝܪܝܼ ܠܒܵܬܪܵܐ ܠܸܛܠܵܩܵܐ، ܐܸܠܵܐ ܡ̣ܢ ܐܵܢܝܼ ܕܗܲܡܸܢܝܼ ܘܦܵܝܫܝܼ ܦܘܼܪܩܹܐ ܓܵܢܵܬܵܝ̈ܗ‌ܝ. 
\c 11  
\s1 ܗܝܡܢܘܬ‌ܐ 
\p  
\v 1 ܗܲܝܡܵܢܘܼܬܵ‌ܐ ܬܘܼܟ݂ܠܵܢܵܐ ܝܠܵܗ̇ ܒܘܼܬ ܡܸܢܕܝܼܵܢܹ̈ܐ ܕܐܝܼܬ ܗܹܒ݂ܝܼ ܥܲܠܵܝܗ‌ܝ، ܘܫܘܼܪܵܪܵܐ ܒܘܼܬ ܡܸܢܕܝܼܵܢܹ̈ܐ ܕܠܹܐ ܦܵܝܫܝܼ ܚܸܙܝܹܐ.  
\v 2 ܒܘܼܬ ܐܵܗܵܐ ܗܲܝܡܵܢܘܼܬܵ‌ܐ، ܐܢܵܫܹ̈ܐ ܩܲܕܡܵܝܹ̈ܐ ܦܝܼܫ ܠܗܘܿܢ ܡܫܘܼܪܸܪܹܐ.  
\v 3 ܒܗܲܝܡܵܢܘܼܬܵ‌ܐ ܦܲܪܡܘܼܝܹܐ ܝܘܲܚ ܕܟܠܵܗ̇ ܒܪܝܼܬܵ‌ܐ ܦܝܼܫ ܠܵܗ̇ ܫܘܼܬܐܸܣܬܵ‌ܐ ܒܗܹܡܸܙܡܵܢ ܕܐܲܠܵܗܵܐ. ܗܵܕܟ݂ܵܐ ܕܡܸܢܕܝܼܵܢܹ̈ܐ ܡܸܬܚܲܙܝܵܢܹ̈ܐ ܠܹܐ ܝܢܵܐ ܦܝܼܫܹܐ ܒܸܪܝܹܐ ܡ̣ܢ ܡܸܢܕܝܼܵܢܹ̈ܐ ܕܡܲܒܝܘܼܢܹܐ ܝܢܵܐ.\x + \xo 11:3 \xt ܒܪܝܬ‌ܐ 1‏:1؛ ܡܙܡܘܪܐ 33‏:6، 9\x* 
\v 4 ܒܗܲܝܡܵܢܘܼܬܵ‌ܐ ܗܵܒܹܝܠܔ ܡܘܼܩܪܸܒ݂ ܠܹܗ ܕܸܒ݂ܚܵܐ ܠܐܲܠܵܗܵܐ ܒܘܼܫ ܨܦܵܝܝܼ ܡ̣ܢ ܗ̇ܘ ܕܩܵܐܹܝܢ ܡܘܼܩܪܸܒ݂ ܠܹܗ، ܘܗܵܕܟ݂ܵܐ ܦܝܼܫ ܠܵܗ̇ ܣܗܝܼܕܬܵ‌ܐ ܐܸܠܹܗ ܕܙܲܕܝܼܩܵܐ ܝܗܘܵܐ، ܐܝܼܡܲܢ ܕܐܲܠܵܗܵܐ ܣܗܝܼܕ ܠܹܗ ܒܘܼܬ ܩܘܼܪܒܵܢܹܗ. ܗܸܫ ܒܗܲܝܡܵܢܘܼܬܵ‌ܐ ܗܲܡܙܘܼܡܹܐ ܝܠܹܗ، ܐܵܦܸܢ ܕܡܝܼܬܵ‌ܐ ܝܠܹܗ.\x + \xo 11:4 \xt ܒܪܝܬ‌ܐ 4‏:3‏-10 \x* 
\v 5 ܒܗܲܝܡܵܢܘܼܬܵ‌ܐ ܦܝܼܫ ܠܹܗ ܫܘܼܢܝܵܐ ܚܢܘܿܟ݂ ܕܠܵܐ ܚܵܙܹܐ ܡܵܘܬܵ‌ܐ؛ ܘܠܵܐ ܦܝܼܫ ܠܹܗ ܡܘܼܫ݇ܟ̰ܚܵܐ ܣܵܒܵܒ ܐܲܠܵܗܵܐ ܫܘܼܢܹܐ ܠܹܗ ܐܸܠܹܗ، ܣܵܒܵܒ ܡ̣ܢ ܩܲܕܡ ܕܦܵܐܹܫ ܗܘܵܐ ܫܘܼܢܝܵܐ، ܦܝܼܫ ܠܵܗ̇ ܣܗܝܼܕܬܵ‌ܐ ܒܘܼܬ ܕܝܼܹܗ ܕܫܦܝܼܪܹܗ ܠܐܲܠܵܗܵܐ.\x + \xo 11:5 \xt ܒܪܝܬ‌ܐ 5‏:21‏-24 \x* 
\v 6 ܕܠܵܐ ܗܲܝܡܵܢܘܼܬܵ‌ܐ ܐܢܵܫܵܐ ܠܹܐ ܡܵܨܹܐ ܗܸܟ̃ ܫܵܦܹܪ ܠܐܲܠܵܗܵܐ، ܣܵܒܵܒ ܟܠܔ ܡ̇ܢ ܕܩܲܪܒܸܢ ܐܸܠܹܗ ܘܵܠܹܐ ܝܠܵܗ̇ ܕܗܲܡܸܢ ܒܐܝܼܬܘܼܬܹܗ ܘܟܹܐ ܦܵܪܹܥ ܠܛܵܥܝܵܢܹ̈ܐ ܕܐܸܠܹܗ.  
\v 7 ܒܗܲܝܡܵܢܘܼܬܵ‌ܐ ܢܘܿܚ، ܟܲܕ ܦܝܼܫ ܠܹܗ ܡܘܼܪܥܸܫܵܐ ܒܐܲܠܵܗܵܐ ܒܘܼܬ ܡܸܢܕܝܼܵܢܹ̈ܐ ܗܸܫ ܠܵܐ ܦܝܼܫܹܐ ܚܸܙܝܹܐ، ܒܙܕܘܼܥܬܵ‌ܐ ܐܲܠܵܗܵܝܬܵ‌ܐ ܒܢܹܐ ܠܹܗ ܩܹܒ݂ܘܼܬܵ‌ܐ ܕܦܲܪܸܩ ܗܘܵܐ ܠܒܢܲܝ̈ ܒܲܝܬܹܗ.\x + \xo 11:7 \xt ܒܪܝܬ‌ܐ 6‏:13‏-22\x* ܒܗܲܝܡܵܢܘܼܬܹܗ ܕܝܼܢܹܗ ܠܥܵܠܡܵܐ ܘܗܘܹܐ ܠܹܗ ܝܵܪܘܿܬܵ‌ܐ ܕܙܲܕܝܼܩܘܼܬܵ‌ܐ ܕܝܼܠܵܗ̇ ܒܗܲܝܡܵܢܘܼܬܵ‌ܐ.  
\v 8 ܒܗܲܝܡܵܢܘܼܬܵ‌ܐ ܐܲܒ݂ܪܵܗܵܡ، ܟܲܕ ܦܝܼܫ ܠܹܗ ܩܸܪܝܵܐ ܕܐܵܙܹܠܔ ܗܘܵܐ ܠܕܘܼܟܵܐ ܕܒܸܬ ܦܵܝܫܵܐ ܗܘܵܐ ܝܘܼܗܒܹܠܬܵ‌ܐ ܐܸܠܹܗ ܠܝܵܪܬܘܼܬܵ‌ܐ، ܡܘܼܨܝܸܬ ܠܹܗ ܘܐܙܝܼܠܔ ܠܹܗ، ܐܵܦܸܢ ܕܠܹܐ ܝܗܘܵܐ ܒܝܼܕܵܥܵܐ ܠܐܲܝܟܵܐ ܝܗܘܵܐ ܒܹܐܙܵܠܵܐ.\x + \xo 11:8 \xt ܒܪܝܬ‌ܐ 12‏:1‏-5 \x* 
\v 9 ܒܗܲܝܡܵܢܘܼܬܵ‌ܐ ܫܪܹܐ ܠܹܗ ܒܐܲܪܥܵܐ ܕܐܲܠܵܗܵܐ ܩܘܼܘܸܠܔ ܠܹܗ ܐܸܠܹܗ ܐܲܝܟ݂ ܕܒܐܲܪܥܵܐ ܢܘܼܟ݂ܪܵܝܬܵ‌ܐ، ܘܥܡܝܼܪܹܗ ܒܡܲܫܟܢܹ̈ܐ ܥܲܡ ܐܝܼܣܚܵܩ ܘܝܲܥܩܘܿܒ݂، ܐܵܢܝܼ ܕܝܼܗܘܵܘ ܒܢܲܝ̈ ܝܵܪܬܘܼܬܵ‌ܐ ܥܲܡܹܗ ܗܲܪ ܕܗ̇ܘ ܩܵܘܠܵܐ.\x + \xo 11:9 \xt ܒܪܝܬ‌ܐ 8‏:12\x* 
\v 10 ܣܵܒܵܒ ܒܸܣܦܵܪܵܐ ܝܗܘܵܐ ܠܡܕܝܼܢ݇ܬܵ‌ܐ ܕܐܝܼܬ ܠܵܗ̇ ܒܸܢܝܲܬ، ܗ̇ܝ ܕܐܘܼܡܵܢܘܼܗ̇ ܘܒܵܢܝܵܢܘܼܗ̇ ܐܲܠܵܗܵܐ ܝܠܹܗ.  
\v 11 ܒܗܲܝܡܵܢܘܼܬܵ‌ܐ ܐܘܼܦ ܣܲܪܵܐ ܒܓܵܢܘܼܗ̇ ܩܘܼܒܸܠܔ ܠܵܗ̇ ܚܲܝܠܵܐ ܕܗܲܨܠܵܐ ܗܘܵܐ ܒܪܘܿܢܵܐ، ܘܗܘܼܨܸܠܔ ܠܵܗ̇ ܝܵܠܵܕ݇ܐ، ܐܵܦܸܢ ܕܥܒ݂ܝܼܪܬܵ‌ܐ ܝܗܘܵܐ ܡ̣ܢ ܫܸܢܹ̈ܐ ܕܗܲܨܲܠܬܵ‌ܐ، ܣܵܒܵܒ ܗܘܼܡܸܢܵܗ̇ ܕܗ̇ܘ ܕܥܒ݂ܝܼܕܵܐ ܝܗܘܵܐ ܩܵܘܠܵܐ ܐܸܠܘܼܗ̇ ܡܗܘܼܡܢܵܐ ܝܠܹܗ.\x + \xo 11:11 \xt ܒܪܝܬ‌ܐ 17‏:17‏-19؛ 18‏:11‏-14؛ 21‏:2 \x* 
\v 12 ܘܗܵܕܟ݂ܵܐ ܡ̣ܢ ܚܲܕ ܓܲܒ݂ܪܵܐ، ܘܟܲܕ ܗ̇ܘ ܐܲܝܟ݂ ܡܝܼܬܵ‌ܐ، ܗܘܹܐ ܠܹܗ ܙܲܪܥܹܗ ܦܸܪܝܵܐ ܐܲܝܟ݂ ܟܵܘܟ݂ܒܹ̈ܐ ܕܫܡܲܝܵܐ، ܘܕܠܵܐ ܡܸܢܝܵܢܵܐ ܐܲܝܟ݂ ܣܹܠܵܐ ܕܥܲܠܔ ܡܲܪܙܵܐ ܕܝܵܡܵܐ.\x + \xo 11:12 \xt ܒܪܝܬ‌ܐ 15‏:5؛ 22‏:17؛ 32‏:12\x* 
\v 13 ܐܲܢܹܐ ܟܠܵܝܗ‌ܝ ܡܝܼܬ ܠܗܘܿܢ ܓܵܘ ܗܲܝܡܵܢܘܼܬܵ‌ܐ. ܠܵܐ ܩܘܼܒܠܵܝ ܠܗܘܿܢ ܩܵܘܠܹ̈ܐ، ܐܝܼܢܵܐ ܚܸܙܝܵܝ ܠܗܘܿܢ ܡ̣ܢ ܪܸܚܩܵܐ ܘܚܦܝܼܩܵܝ ܠܗܘܿܢ، ܘܡܘܼܕܹܐ ܠܗܘܿܢ ܕܢܘܼܟ݂ܪ̈ܵܝܹܐ ܝܗܘܵܘ ܘܡܵܫܵܚܲܛܹ̈ܐ ܒܐܲܪܥܵܐ.  
\v 14 ܣܵܒܵܒ ܐܵܢܝܼ ܕܐܵܡܪܝܼ ܗܵܕܟ݂ܵܐ ܡܸܢܕܝܼܵܢܹ̈ܐ، ܡܲܕܘܼܥܹܐ ܝܢܵܐ ܕܒܸܛܥܵܝܵܐ ܝܢܵܐ ܠܚܲܕ ܒܹܝܬ ܡܲܥܡܪܵܐ.  
\v 15 ܐܸܢ ܗܵܘܝܼ ܗܘܵܘ ܬܲܚܡܘܼܢܹܐ ܒܘܼܬ ܐܲܬܪܵܐ ܕܦܠܝܼܛ ܠܗܘܿܢ ܡܸܢܹܗ، ܒܸܬ ܗܵܘܹܐ ܗܘܵܘ ܠܗܘܿܢ ܦܸܪܣܲܬ ܕܕܵܝܪܝܼ ܗܘܵܘ ܥܲܠܘܼܗ‌ܝ.  
\v 16 ܐܝܼܢܵܐ ܫܲܗܘܘܼܬܹ‌ܐ ܝܗܘܵܘ ܠܚܲܕ ܐܲܬܪܵܐ ܒܘܼܫ ܨܦܵܝܝܼ، ܐܲܬܪܵܐ ܫܡܲܝܵܢܵܝܵܐ. ܒܘܼܬ ܐܵܗܵܐ ܠܵܐ ܢܟ݂ܝܼܦ ܠܹܗ ܐܲܠܵܗܵܐ ܕܦܵܐܹܫ ܩܸܪܝܵܐ ܐܲܠܵܗܵܝܗ‌ܝ، ܘܗܘܼܕܸܪܹܗ ܐܸܠܵܝܗ‌ܝ ܡܕܝܼܢ݇ܬܵ‌ܐ.  
\v 17 ܒܗܲܝܡܵܢܘܼܬܵ‌ܐ ܐܲܒ݂ܪܵܗܵܡ، ܐܝܼܡܲܢ ܕܦܝܼܫ ܠܹܗ ܓ̰ܘܼܪܒܵܐ، ܡܘܼܩܪܸܒ݂ ܠܹܗ ܠܐܝܼܣܚܵܩ.\x + \xo 11:17 \xt ܒܪܝܬ‌ܐ 22‏:1‏-10\x* ܗ̇ܘ ܕܩܘܼܒܸܠܔ ܠܹܗ ܩܵܘܠܹ̈ܐ ܗܕܝܼܪܵܐ ܝܗܘܵܐ ܕܡܲܩܪܸܒ݂ ܠܒܪܘܿܢܹܗ ܝܼܚܝܼܕܵܝܵܐ،  
\v 18 ܐܵܦܸܢ ܕܐܲܠܵܗܵܐ ܐܡܝܼܪܵܐ ܝܗܘܵܐ ܐܸܠܹܗ: 
\q1 ܡ̣ܢ ܐܝܼܣܚܵܩ ܒܸܬ ܦܵܠܹܛ ܙܲܪܥܵܐ ܐܸܠܘܼܟ݂.\x + \xo 11:18 \xt ܒܪܝܬ‌ܐ 21‏:12\x* 
\v 19 ܐܲܒ݂ܪܵܗܵܡ ܗܘܼܡܸܢܹܗ ܕܐܲܠܵܗܵܐ ܡܵܨܹܐ ܡܲܩܸܡ ܠܹܗ ܐܘܼܦ ܡ̣ܢ ܡܝܼ̈ܬܹ‌ܐ. ܒܚܕܵܐ ܐܘܼܪܚܵܐ، ܟܹܐ ܡܵܨܲܚ ܐܵܡܪܲܚ، ܕܩܘܼܒܸܠܔ ܠܹܗ ܠܐܝܼܣܚܵܩ ܡ̣ܢ ܡܝܼ̈ܬܹ‌ܐ.\x + \xo 11:19 \xt ܒܪܝܬ‌ܐ 22‏:13\x* 
\v 20 ܒܗܲܝܡܵܢܘܼܬܵ‌ܐ ܐܝܼܣܚܵܩ ܒܘܼܪܸܟ݂ ܠܹܗ ܠܝܲܥܩܘܿܒ݂ ܘܠܥܹܣܘܿ ܒܘܼܬ ܡܸܢܕܝܼܵܢܹ̈ܐ ܕܕܲܥܬܝܼܕ.\x + \xo 11:20 \xt ܒܪܝܬ‌ܐ 27‏:27‏-29، 39‏-40\x* 
\v 21 ܒܗܲܝܡܵܢܘܼܬܵ‌ܐ ܝܲܥܩܘܿܒ݂ ܟܲܕ ܒܸܡܝܵܬܵ‌ܐ ܝܗܘܵܐ ܒܘܼܪܸܟ݂ ܠܹܗ ܠܟܠܔ ܚܲܕ ܡ̣ܢ ܒܢܘܿܢܹ̈ܐ ܕܝܵܘܣܸܦ، ܘܣܓ݂ܝܼܕ ܠܹܗ ܟܲܕ ܓܸܢܝܵܐ ܥܲܠܔ ܪܹܝܫܵܐ ܕܚܘܼܛܪܹܗ.\x + \xo 11:21 \xt ܒܪܝܬ‌ܐ 47‏:31‏–48‏:20\x* 
\v 22 ܒܗܲܝܡܵܢܘܼܬܵ‌ܐ ܝܵܘܣܸܦ، ܟܲܕ ܩܘܼܪܒܸܢܹܗ ܠܸܡܝܵܬܵ‌ܐ، ܡܘܼܕܟܸܪܹܗ ܒܘܼܬ ܦܠܵܛܬܵ‌ܐ ܕܒܢܲܝ̈ ܐܝܼܣܪܵܐܹܝܠܔ ܡ̣ܢ ܡܸܨܪܹܝܢ، ܘܦܩܝܼܕ ܠܹܗ ܒܘܼܬ ܓܲܪ̈ܡܘܼܗ‌ܝ.\x + \xo 11:22 \xt ܒܪܝܬ‌ܐ 50‏:24‏-25؛ ܡܦܩܢܐ 13‏:19\x* 
\v 23 ܒܗܲܝܡܵܢܘܼܬܵ‌ܐ ܐܲܒ݂ܵܗܹ̈ܐ ܕܡܘܼܫܹܐ ܛܘܼܫܹܐ ܠܗܘܿܢ ܐܸܠܹܗ ܬܠܵܬܵ‌ܐ ܝܲܪ̈ܚܹܐ ܐܝܼܡܲܢ ܕܦܝܼܫ ܠܹܗ ܝܠܝܼܕܵܐ، ܣܵܒܵܒ ܚܙܹܐ ܠܗܘܿܢ ܕܝܵܠܵܕ݇ܐ ܫܲܦܝܼܪܵܐ ܝܗܘܵܐ، ܘܠܵܐ ܙܕܝܼܥ ܠܗܘܿܢ ܡ̣ܢ ܦܘܼܩܕܵܢܵܐ ܕܡܲܠܟܵܐ.\x + \xo 11:23 \xt ܡܦܩܢܐ 1‏:22؛ 2‏:2\x* 
\v 24 ܒܗܲܝܡܵܢܘܼܬܵ‌ܐ ܡܘܼܫܹܐ، ܐܝܼܡܲܢ ܕܓܘܼܪܘܸܣ ܠܹܗ، ܡܘܼܚܦܸܠܔ ܠܹܗ ܕܦܵܐܹܫ ܗܘܵܐ ܩܸܪܝܵܐ ܒܪܘܿܢܵܐ ܠܒܪܵܬܵ‌ܐ ܕܦܸܪܥܘܿܢ.\x + \xo 11:24 \xt ܡܦܩܢܐ 2‏:10‏-12\x* 
\v 25 ܓܘܼܒܹܐ ܠܹܗ ܕܓ̰ܲܢܓ̰ܸܪ ܗܘܵܐ ܥܲܡ ܛܵܝܸܦܵܐ ܕܐܲܠܵܗܵܐ ܘܠܵܐ ܩܵܐ ܚܲܕ ܙܲܒ݂ܢܵܐ ܟܸܪܝܵܐ ܡܲܒܣܸܡ ܗܘܵܐ ܒܚܛܝܼܬܵ‌ܐ،  
\v 26 ܩܲܒܲܠܬܵ‌ܐ ܕܠܵܘܡܵܐ ܒܘܼܬ ܡܫܝܼܚܵܐ ܚܘܼܫܒܸܢܵܐ ܠܹܗ ܒܘܼܫ ܡܵܘܬܪܵܢܬܵ‌ܐ ܡ̣ܢ ܟܠܵܝܗ‌ܝ ܣܝܼܡܵܬܹ̈‌ܐ ܕܡܸܨܪܹܝܢ، ܣܵܒܵܒ ܒܸܚܝܵܪܵܐ ܝܗܘܵܐ ܠܦܘܼܪܥܵܢܵܐ.  
\v 27 ܒܗܲܝܡܵܢܘܼܬܵ‌ܐ ܫܒ݂ܝܼܩܵܐ ܠܹܗ ܡܸܨܪܹܝܢ، ܘܠܵܐ ܙܕܝܼܥ ܠܹܗ ܡ̣ܢ ܚܸܡܬܵ‌ܐ ܕܡܲܠܟܵܐ،\x + \xo 11:27 \xt ܡܦܩܢܐ 2‏:15\x* ܘܚܡܝܼܠܔ ܠܹܗ ܣܵܒܵܒ ܒܸܚܙܵܝܵܐ ܝܗܘܵܐ ܠܗ̇ܘ ܕܠܹܐ ܦܵܐܹܫ ܚܸܙܝܵܐ.  
\v 28 ܒܗܲܝܡܵܢܘܼܬܵ‌ܐ ܥܒ݂ܝܼܕ ܠܹܗ ܦܸܨܚܵܐ ܘܡܘܼܪܝܸܣ ܠܹܗ ܕܸܡܵܐ، ܕܠܵܐ ܕܵܩܹܪ ܗܘܵܐ ܒܝܼܵܝܗ‌ܝ ܩܵܛܠܵܢܵܐ ܕܒܘܼܟ݂ܪܹ̈ܐ.\x + \xo 11:28 \xt ܡܦܩܢܐ 12‏:21‏-30\x* 
\v 29 ܒܗܲܝܡܵܢܘܼܬܵ‌ܐ ܒܢܲܝ̈ ܐܝܼܣܪܵܐܹܝܠܔ ܥܒ݂ܝܼܪܗܘܿܢ ܒܝܵܡܵܐ ܕܣܘܿܦ ܐܲܝܟ݂ ܕܥܲܠܔ ܐܲܪܥܵܐ ܒܵܪܘܿܙܬܵ‌ܐ، ܐܝܼܢܵܐ ܐܝܼܡܲܢ ܕܡܸܨܪ̈ܵܝܹܐ ܓ̰ܘܼܪܸܒ ܠܗܘܿܢ ܕܥܵܒ݂ܪܝܼ ܗܘܵܘ، ܚܢܝܼܩ ܠܗܘܿܢ.\x + \xo 11:29 \xt ܡܦܩܢܐ 14‏:21‏-31\x* 
\v 30 ܒܗܲܝܡܵܢܘܼܬܵ‌ܐ ܢܦܝܼܠܔ ܠܗܘܿܢ ܫܘܼܪܹ̈ܐ ܕܐܝܼܪܝܼܚܘܿ، ܡ̣ܢ ܒܵܬܪ ܕܚܕܝܼܪܹܗ ܛܵܝܸܦܵܐ ܠܚܵܕܸܪ̈ܘܵܢܵܝܗ‌ܝ ܫܲܒ݂ܥܵܐ ܝܵܘܡܵܢܹ̈ܐ.\x + \xo 11:30 \xt ܝܫܘܥ ܒܪ ܢܘܢ 6‏:12‏-21\x* 
\v 31 ܒܗܲܝܡܵܢܘܼܬܵ‌ܐ ܪܵܚܵܒ݂ ܙܵܢܝܼܬܵ‌ܐ ܠܵܐ ܛܠܝܼܩ ܠܵܗ̇ ܥܲܡ ܐܵܢܝܼ ܕܠܵܐ ܡܘܼܨܝܸܬ ܠܗܘܿܢ،\x + \xo 11:31 \xt ܝܫܘܥ ܒܪ ܢܘܢ 2‏:1‏-21؛ 6‏:22‏-25 \x* ܣܵܒܵܒ ܩܘܼܒܸܠܔ ܠܵܗ̇ ܠܓܵܫܘܿܫܹ̈ܐ ܒܫܠܵܡܵܐ.  
\v 32 ܡܘܼܕܝܼ ܐܚܹܪܢܵܐ ܐܵܡܪܹܢ؟ ܠܲܝܬ ܠܝܼ ܥܕܵܢܵܐ ܕܗܲܩܹܝܢ ܒܘܼܬ ܓܸܕܥܘܿܢ،\x + \xo 11:32 \xt ܕܝܢ̈ܐ 6‏‏–8\x* ܘܒܵܪܵܩ،\x + \xo 11:32 \xt ܕܝܢ̈ܐ 4‏‏–5‏\x* ܘܫܸܡܫܘܿܢ،\x + \xo 11:32 \xt ܕܝܢ̈ܐ 13‏‏–16‏\x* ܘܢܲܦ̮ܬܲܚ،\x + \xo 11:32 \xt ܕܝܢ̈ܐ 11‏‏–12‏\x* ܘܕܵܘܝܼܕ،\x + \xo 11:32 \xt ܐ ܫܡܘܐܝܠܔ 16‏–ܐ ܡܠܟ̈ܐ 2‏\x* ܘܫܡܘܼܐܹܝܠܔ،\x + \xo 11:32 \xt ܐ ܫܡܘܐܝܠܔ 1‏‏–25‏\x* ܘܢܒ݂ܝܼܹ̈ܐ،  
\v 33 ܐܵܢܝܼ ܕܒܗܲܝܡܵܢܘܼܬܵ‌ܐ ܓ݂ܠܝܼܒ ܠܗܘܿܢ ܠܡܲܠܟܘܵܬܹ̈‌ܐ، ܥܒ݂ܝܼܕ ܠܗܘܿܢ ܟܹܐܢܘܼܬܵ‌ܐ، ܫܩܝܼܠܔ ܠܗܘܿܢ ܩܵܘܠܹ̈ܐ، ܐܟ̰ܝܼܡ ܠܗܘܿܢ ܦܘܼܡܹ̈ܐ ܕܐܲܪ̈ܝܹܐ،\x + \xo 11:33 \xt ܕܢܝܐܝܠܔ 6‏:1‏-23\x* 
\v 34 ܡܘܼܟ̰ܡܸܥ ܠܗܘܿܢ ܠܵܗܹ̈ܐ ܕܢܘܼܪܵܐ،\x + \xo 11:34 \xt ܕܢܝܐܝܠܔ 3‏:1‏-30\x* ܘܦܝܼܫ ܠܗܘܿܢ ܦܘܼܨܝܹܐ ܡ̣ܢ ܦܘܼܡܵܐ ܕܣܲܝܦܵܐ، ܦܝܼܫ ܠܗܘܿܢ ܚܘܼܠܸܢܹܐ ܓܵܘ ܙܲܒܘܼܢܘܼܝܵܬܹ̈‌ܐ، ܦܝܼܫ ܠܗܘܿܢ ܚܲܝܠܵܢܹ̈ܐ ܓܵܘ ܦܠܵܫܵܐ، ܘܡܘܼܥܪܸܩ ܠܗܘܿܢ ܚܲܝܠܵܘܵܬܹ̈‌ܐ ܕܢܘܼܟ݂ܪ̈ܵܝܹܐ.  
\v 35 ܒܲܟ݂ܬܵܬܹ̈‌ܐ ܩܘܼܒܸܠܔ ܠܗܘܿܢ ܡܝܼܬܵܝ̈ܗ‌ܝ ܒܩܝܵܡܬܵ‌ܐ. 
\p ܐܝܼܢܵܐ ܐܚܹܪ̈ܢܹܐ ܦܝܼܫ ܠܗܘܿܢ ܓ̰ܘܼܢܓ̰ܸܪܹܐ ܗܲܠܔ ܡܵܘܬܵ‌ܐ، ܘܡܘܼܚܦܸܠܔ ܠܗܘܿܢ ܕܦܵܝܫܝܼ ܗܘܵܘ ܦܪܝܼܩܹܐ، ܕܩܵܢܝܼ ܗܘܵܘ ܚܕܵܐ ܩܝܵܡܬܵ‌ܐ ܒܘܼܫ ܨܦܵܝܝܼ.  
\v 36 ܐܚܹܪ̈ܢܹܐ ܦܝܼܫ ܠܗܘܿܢ ܡܘܼܣܚܸܪܹܐ ܘܡܸܚܝܹܐ ܒܫܵܘܛܹ̈ܐ،\x + \xo 11:36 \xt ܐܪܡܝܐ 20‏:2؛ 37‏:15\x* ܘܗܸܫ ܐܚܹܪ̈ܢܹܐ ܦܝܼܫ ܠܗܘܿܢ ܐܣܝܼܪܹ̈ܐ ܘܕܸܪܝܹܐ ܓܵܘ ܒܹܝܬ ܐܲܣܝܼܪܹ̈ܐ.  
\v 37 ܦܝܼܫ ܠܗܘܿܢ ܪܓ̰ܝܼܡܹܐ،\x + \xo 11:37 \xt ܒ ܕܒܪܝܡܝܢ 24‏:21\x* ܦܝܼܫ ܠܗܘܿܢ ܢܣܝܼܪܹܗ، ܦܝܼܫ ܠܗܘܿܢ ܓ̰ܘܼܪܒܹܐ، ܦܝܼܫ ܠܗܘܿܢ ܡܘܼܡܝܸܬܹ‌ܐ ܒܦܘܼܡܵܐ ܕܣܲܝܦܵܐ.\x + \xo 11:37 \xt ܐܪܡܝܐ 26‏:23\x* ܚܕܝܼܪܗܘܿܢ ܟܲܕ ܠܒ݂ܝܼܫܹܐ ܓܸܠܕܵܐ ܕܥܸܪ̈ܒܹܐ ܘܕܥܸܙܹ̈ܐ، ܣܢܝܼܩܹܐ، ܡܘܼܠܝܸܨܹܐ ܘܓ̰ܘܼܢܓ̰ܸܪܹܐ،  
\v 38 ܐܵܢܝܼ ܕܠܹܐ ܚܵܫܹܚ ܗܘܵܐ ܥܵܠܡܵܐ ܐܸܠܵܝܗ‌ܝ. ܚܕܝܼܪܗܘܿܢ ܓܵܘ ܒܲܪ̈ܝܼܹܐ ܘܛܘܼܪ̈ܵܢܹܐ، ܘܒܓܸܦܝܼܵܬܹ̈‌ܐ ܘܒܟ̰ܸܠܦܵܦܹ̈ܐ ܕܐܲܪܥܵܐ.  
\v 39 ܟܠܵܝܗ‌ܝ ܐܲܢܹܐ ܗܘܹܐ ܠܗܘܿܢ ܐܸܠܵܝܗ‌ܝ ܣܵܗܕܘܼܬܵ‌ܐ ܒܘܼܬ ܗܲܝܡܵܢܘܼܬܵܝܗ‌ܝ، ܐܝܼܢܵܐ ܠܵܐ ܩܘܼܒܸܠܔ ܠܗܘܿܢ ܡܸܢܕܝܼ ܕܦܝܼܫܵܐ ܝܗܘܵܐ ܩܘܼܘܸܠܵܐ ܐܸܠܵܝܗ‌ܝ،  
\v 40 ܟܲܕ ܐܲܠܵܗܵܐ ܗܘܼܕܪܵܐ ܝܠܹܗ ܚܲܕ ܡܸܢܕܝܼ ܒܘܼܫ ܨܦܵܝܝܼ ܐܸܠܲܢ، ܗܵܕܟ݂ܵܐ ܕܠܵܐ ܕܝܼܲܢ ܐܵܢܝܼ ܠܹܐ ܦܵܝܫܝܼ ܡܘܼܟܡܸܠܹܐ. 
\c 12  
\s1 ܬܠܡܕܬ‌ܐ ܕܡܪܝܐ 
\p  
\v 1 ܗܵܕܟ݂ܵܐ ܐܘܼܦ ܐܲܚܢܲܢ، ܟܲܕ ܐܝܼܬ ܠܲܢ ܚܕܵܐ ܗܵܕܟ݂ܵܐ ܥܢܵܢܵܐ ܕܣܵܗܕܹ̈ܐ ܠܚܵܕܸܪ̈ܘܵܢܲܢ، ܪܲܦܲܚ ܡܸܢܲܢ ܟܠܔ ܝܘܼܩܪܵܐ ܘܚܛܝܼܬܵ‌ܐ ܕܚܠܝܼܨܬܲܢ ܝܼܠܵܗ̇، ܘܪܵܚܛܲܚ ܒܚܡܵܠܬܵ‌ܐ ܠܐܵܓ݂ܘܿܢܵܐ ܕܡܘܼܬܒ݂ܵܐ ܝܠܹܗ ܩܲܕܡܲܢ.  
\v 2 ܚܵܝܪܲܚ ܒܝܼܫܘܿܥ، ܪܹܝܫܵܐ ܘܡܲܟܡܸܠܵܢܵܐ ܕܗܲܝܡܵܢܘܼܬܵ‌ܐ، ܗ̇ܘ ܕܒܘܼܬ ܚܲܕܘܼܬܵ‌ܐ ܕܡܘܼܬܸܒ݂ܬܵ‌ܐ ܝܗܘܵܐ ܩܲܕܡܘܼܗ‌ܝ ܩܘܼܒܸܠܔ ܠܹܗ ܙܩܝܼܦܵܐ، ܡܘܼܣܠܹܐ ܠܹܗ ܠܢܟܸܦܬܵ‌ܐ، ܘܝܬܝܼܒ݂ ܠܹܗ ܥܲܠܔ ܝܲܡܝܼܢܵܐ ܕܬܪܘܿܢܘܿܣ ܕܐܲܠܵܗܵܐ.  
\v 3 ܚܙܹܝܡܘܼܢ ܠܗ̇ܘ ܕܩܘܼܒܸܠܔ ܠܹܗ ܚܲܕ ܗܵܕܟ݂ܵܐ ܕܲܠܩܘܼܒ݂ܠܘܼܬܵ‌ܐ ܠܓܵܢܹܗ ܡ̣ܢ ܚܲܛܵܝܹ̈ܐ، ܕܐܲܚܬܘܿܢ ܠܵܐ ܣܵܩܕܝܼܬܘܿܢ ܘܠܵܐ ܦܵܝܫܝܼܬܘܿܢ ܪܸܦܝܹܐ ܒܪܸܥܝܵܢܵܘܟ݂ܘܿܢ.  
\v 4 ܒܝܲܕ ܦܠܵܫܵܘܟ݂ܘܿܢ ܕܲܠܩܘܼܒ݂ܠܔ ܕܚܛܝܼܬܵ‌ܐ، ܗܸܫ ܠܹܐ ܝܬܘܿܢ ܡܸܛܝܹܐ ܠܫܲܦܲܟ݂ܬܵ‌ܐ ܕܕܸܡܵܐ.  
\v 5 ܘܡܘܼܢܫܹܐ ܠܵܘܟ݂ܘܿܢ ܠܢܵܨܝܼܗܲܬ، ܗ݁ܝ ܕܐܡܝܼܪܵܗ̇ ܐܸܠܵܘܟ݂ܘܿܢ ܐܲܝܟ݂ ܕܠܒܢܘܿܢܹ̈ܐ: 
\q1 ܒܪܘܿܢܝܼ، ܠܵܐ ܡܲܣܠܹܝܬ ܬܘܼܠܡܵܕܵܐ ܕܡܵܪܝܵܐ، ܘܠܵܐ ܣܵܩܕܹܬ ܐܝܼܡܲܢ ܕܡܲܢܟܸܣ ܠܘܼܟ݂، 
\q1  
\v 6 ܣܵܒܵܒ ܡܵܪܝܵܐ ܟܹܐ ܬܲܥܠܸܡ ܠܡ̇ܢ ܕܡܲܚܸܒ، ܘܟܹܐ ܡܲܡܪܸܥ ܠܟܠܔ ܚܲܕ ܒܪܘܿܢܵܐ ܕܩܲܒܸܠܔ ܠܹܗ.\x + \xo 12:6 \xt ܡܬܠ̈ܐ 3‏:11‏-12\x* 
\v 7 ܣܵܒܵܒ ܒܘܼܬ ܬܲܥܠܲܡܬܵ‌ܐ ܩܲܒܘܼܠܹܐ ܝܬܘܿܢ ܓ̰ܘܼܢܓ̰ܵܪܵܐ، ܘܐܲܠܵܗܵܐ ܟܹܐ ܦܵܠܹܚ ܒܝܼܵܘܟ݂ܘܿܢ ܐܲܝܟ݂ ܕܠܒܢܘܿܢܹ̈ܐ. ܣܵܒܵܒ ܠܐܲܝܢܝܼ ܒܪܘܿܢܵܐ ܠܹܐ ܬܲܥܠܸܡ ܒܵܒܘܼܗ‌ܝ؟  
\v 8 ܐܝܼܢܵܐ ܐܸܢ ܐܲܚܬܘܿܢ ܠܹܐ ܝܬܘܿܢ ܦܝܼܫܹܐ ܬܘܼܥܠܸܡܹܐ، ܕܟܠܔ ܚܲܕ ܒܪܘܿܢܵܐ ܟܹܐ ܦܵܐܹܫ ܬܘܼܥܠܸܡܵܐ، ܒܵܣ ܛܥܘܼܢܬܵ‌ܐ ܕܙܵܢܝܘܼܬܵ‌ܐ ܝܬܘܿܢ، ܘܠܵܐ ܒܢܘܿܢܹ̈ܐ.  
\v 9 ܘܐܚܹܪܢܵܐ، ܟܠܲܢ ܐܝܼܬ ܗܘܵܐ ܠܲܢ ܒܵܒܵܘܵܬܹ̈‌ܐ ܦܲܓ݂ܪܵܢܵܝܹܐ ܕܟܹܐ ܬܲܥܠܸܡܝܼ ܗܘܵܘ ܠܲܢ، ܘܐܲܚܢܲܢ ܟܹܐ ܡܝܲܩܪܲܚ ܗܘܵܘ ܠܗܘܿܢ. ܒܵܣ ܠܹܐ ܝܠܵܗ̇ ܘܵܠܹܐ ܕܫܵܠܡܲܚ ܠܒܵܒܵܐ ܪܘܼܚܵܢܵܝܵܐ، ܘܚܵܝܲܚ؟  
\v 10 ܣܵܒܵܒ ܐܵܢܝܼ ܬܘܼܥܠܸܡ ܠܗܘܿܢ ܐܸܠܲܢ ܩܵܐ ܚܲܕ ܙܲܒ݂ܢܵܐ ܟܸܪܝܵܐ ܐܲܝܟ݂ ܕܒܣܝܼܡ ܠܵܗ̇ ܠܗܘܿܢ؛ ܐܝܼܢܵܐ ܐܲܠܵܗܵܐ ܟܹܐ ܬܲܥܠܸܡ ܠܲܢ ܠܝܘܼܬܪܵܢܵܐ ܕܓܵܢܲܢ ܕܫܲܪܸܟܲܚ ܒܩܲܕܝܼܫܘܼܬܹܗ.  
\v 11 ܟܠܔ ܬܲܥܠܲܡܬܵ‌ܐ ܠܹܐ ܡܲܒܝܸܢܵܐ ܒܲܣܝܼܡܬܵ‌ܐ ܒܥܕܵܢܘܼܗ̇ ܐܸܠܵܐ ܡܲܦܫܸܡܵܢܬܵ‌ܐ؛ ܐܝܼܢܵܐ ܒܚܲܪܬܵ‌ܐ ܟܹܐ ܡܲܝܬܝܵܐ ܛܥܘܼܢܬܵ‌ܐ ܕܙܲܕܝܼܩܘܼܬܵ‌ܐ ܘܕܫܠܵܡܵܐ ܠܐܵܢܝܼ ܕܦܵܝܫܝܼ ܬܘܼܥܠܸܡܹܐ ܒܝܼܘܼܗ̇.  
\v 12 ܒܘܼܬ ܐܵܗܵܐ ܚܲܠܸܢܘܼܢ ܐܝܼܕܵܬܵܘ̈ܟ݂ܘܿܢ ܪܸܦܝܹܐ ܘܒܸܪ̈ܟܵܟܵܘܟ݂ܘܿܢ ܡܚܝܼܠܹ̈ܐ.  
\v 13 ܘܡܲܫܘܹܝܡܘܼܢ ܐܘܼܪ̈ܚܵܬܹ‌ܐ ܩܵܐ ܐܲܩܠܵܬܵܘ̈ܟ݂ܘܿܢ، ܕܠܵܐ ܩܵܠܹܒ ܗ̇ܘ ܕܝܼܠܹܗ ܫܦܝܼܠܵܐ، ܐܸܠܵܐ ܦܵܐܹܫ ܒܘܼܣܡܵܐ.\x + \xo 12:13 \xt ܡܬܠ̈ܐ 4‏:26\x* 
\s1 ܠܐ ܡܚܦܠܬ ܫܦܩܬ ܕܐܠܗܐ 
\p  
\v 14 ܪܚܘܿܛܘܼܢ ܒܵܬܪ ܫܠܵܡܵܐ ܥܲܡ ܟܠܵܝܗ‌ܝ ܐܢܵܫܹ̈ܐ، ܘܒܵܬܪ ܩܲܕܝܼܫܘܼܬܵ‌ܐ، ܗ̇ܝ ܕܠܵܐ ܒܕܝܼܘܼܗ̇ ܐܢܵܫܵܐ ܠܹܐ ܚܵܙܹܐ ܠܡܵܪܲܢ.  
\v 15 ܗܵܘܹܝܬܘܿܢ ܗܸܫܝܲܪ ܕܠܵܐ ܗܵܘܹܐ ܐܢܵܫܵܐ ܒܵܨܘܿܪܵܐ ܡ̣ܢ ܫܵܦܵܩܲܬ ܕܐܲܠܵܗܵܐ، ܕܐܘܼܦ ܠܵܐ ܗܸܟ̃ ܘܲܪܝܼܕܵܐ ܕܡܲܪܝܼܪܘܼܬܵ‌ܐ ܡܲܓ̰ܝܸܢ ܘܚܲܙܕܸܓ ܠܵܘܟ݂ܘܿܢ ܘܟ̰ܲܦܠܸܢܵܘܟ݂ܘܿܢ؛  
\v 16 ܘܠܵܐ ܗܵܘܹܐ ܓܵܘܵܘܟ݂ܘܿܢ ܐܢܵܫܵܐ ܙܲܢܵܝܵܐ ܘܪܸܦܝܵܐ ܐܲܝܟ݂ ܥܹܣܘܿ، ܗ̇ܘ ܕܩܵܐ ܚܕܵܐ ܡܹܐܟ݂ܘܼܠܬܵ‌ܐ ܙܘܼܒܢܵܐ ܠܹܗ ܒܘܼܟ݂ܪܘܼܬܹܗ.\x + \xo 12:16 \xt ܒܪܝܬ‌ܐ 25‏:29‏-34\x* 
\v 17 ܐܲܝܟ݂ ܕܟܹܐ ܝܵܕܥܝܼܬܘܿܢ، ܒܵܬܪ ܗܵܕܵܐ ܐܝܼܡܲܢ ܕܒܥܹܐ ܠܹܗ ܝܵܪܹܬ ܗܘܵܐ ܠܒܘܼܪܟܬܹܗ، ܦܝܼܫ ܠܹܗ ܡܘܼܚܦܸܠܵܐ، ܣܵܒܵܒ ܠܵܐ ܡܘܼܫ݇ܟ̰ܸܚ ܠܹܗ ܕܘܼܟܵܐ ܠܬܝܵܒ݂ܘܼܬܵ‌ܐ، ܐܵܦܸܢ ܕܛܥܹܐ ܠܹܗ ܒܵܬܪܘܼܗ̇ ܒܕܸܡ̈ܥܹܐ.\x + \xo 12:17 \xt ܒܪܝܬ‌ܐ 27‏:30‏-40\x* 
\v 18 ܣܵܒܵܒ ܐܲܚܬܘܿܢ ܠܵܐ ܩܘܼܪܒܸܢܵܘܟ݂ܘܿܢ ܠܛܘܼܪܵܐ ܕܦܵܐܹܫ ܕܩܝܼܪܵܐ ܘܒܸܠܗܵܝܵܐ ܒܢܘܼܪܵܐ، ܘܠܵܐ ܠܚܸܫܟܵܐ ܘܠܥܲܡܛܵܢܵܐ ܘܠܒܘܼܪܲܢ،  
\v 19 ܘܠܵܐ ܠܩܵܠܵܐ ܕܫܝܼܦܘܿܪܵܐ ܘܠܵܐ ܠܩܵܠܵܐ ܕܗܹܡܸܙܡܵܢܹ̈ܐ، ܗܵܕܟ݂ܵܐ ܐܵܢܝܼ ܕܫܡܝܼܥ ܠܗܘܿܢ ܦܘܼܪܦܸܠܔ ܠܗܘܿܢ ܕܠܵܐ ܦܵܝܫܝܼ ܫܡܝܼܥܹܐ ܗܹܡܸܙܡܵܢܹ̈ܐ ܐܚܹܪ̈ܢܹܐ،\x + \xo 12:19 \xt ܡܦܩܢܐ 19‏:16‏-22؛ 20‏:18‏-21؛ ܬܢܝܢ ܢܡܘܣܐ 4‏:11‏-12؛ 5‏:22‏-27 \x* 
\v 20 ܣܵܒܵܒ ܠܵܐ ܡܨܹܐ ܠܗܘܿܢ ܠܩܲܒܘܼܠܹܐ ܡܸܢܕܝܼ ܕܦܝܼܫܵܐ ܝܗܘܵܐ ܦܩܝܼܕܵܐ: 
\q1 ܐܘܼܦ ܐܸܢ ܕܗܲܝܘܵܢ ܕܵܩܹܪ ܒܛܘܼܪܵܐ، ܒܸܬ ܦܵܐܹܫ ܪܓ̰ܝܼܡܵܐ.\x + \xo 12:20 \xt ܡܦܩܢܐ 19‏:12‏-13\x* 
\v 21 ܗܵܕܟ݂ܵܐ ܣܲܗܡܵܢܵܐ ܝܗܘܵܐ ܚܸܙܘܵܐ، ܕܡܘܼܫܹܐ ܐܡܝܼܪܹܗ: 
\q1 ܐܵܢܵܐ ܒܸܪܓܵܕܵܐ ܝܘܸܢ ܡ̣ܢ ܙܕܘܼܥܬܵ‌ܐ.\x + \xo 12:21 \xt ܬܢܝܢ ܢܡܘܣܐ 9‏:19\x* 
\v 22 ܐܝܼܢܵܐ ܐܲܚܬܘܿܢ ܩܘܼܪܒܸܢܵܘܟ݂ܘܿܢ ܠܛܘܼܪܵܐ ܕܨܸܗܝܘܿܢ، ܠܡܕܝܼܢ݇ܬܵ‌ܐ ܕܐܲܠܵܗܵܐ ܚܵܝܵܐ، ܠܐܘܿܪܸܫܠܸܡ ܫܡܲܝܵܢܵܝܬܵ‌ܐ، ܘܠܪܸ̈ܒܘܵܬܹ‌ܐ ܕܡܲܠܲܐܟܹ̈ܐ،  
\v 23 ܘܠܟܢܘܼܫܝܵܐ ܦܨܝܼܚܵܐ، ܘܠܥܹܕܬܵ‌ܐ ܕܒܘܼܟ݂ܪܹ̈ܐ ܕܫܸܡܵܢܵܝ̈ܗ‌ܝ ܦܝܼܫܹܐ ܝܢܵܐ ܟܬܝܼܒܹܐ ܒܫܡܲܝܹ̈ܐ، ܘܠܐܲܠܵܗܵܐ، ܕܲܝܵܢܵܐ ܕܟܠܵܝܗ‌ܝ ܐܢܵܫܹ̈ܐ، ܘܠܪ̈ܘܼܚܹܐ ܕܟܹܐܢܹ̈ܐ ܕܦܝܼܫܹܐ ܝܢܵܐ ܡܘܼܓܡܸܪܹܐ،  
\v 24 ܘܠܝܼܫܘܿܥ، ܡܸܨܥܵܝܵܐ ܕܘܲܥܕܵܐ ܚܵܕܬܵ‌ܐ، ܘܠܕܸܡܵܐ ܡܘܼܪܝܸܣܵܐ، ܗ̇ܘ ܕܗܲܡܙܘܼܡܹܐ ܝܠܹܗ ܒܘܼܫ ܨܦܵܝܝܼ ܡ̣ܢ ܕܸܡܵܐ ܕܗܵܒܹܝܠܔ.  
\v 25 ܦܘܼܫܘܼܢ ܙܗܝܼܪܹܐ ܕܠܵܐ ܡܲܚܦܸܠܝܼܬܘܿܢ ܠܗ̇ܘ ܕܗܲܡܙܘܼܡܹܐ ܝܠܹܗ. ܣܵܒܵܒ ܐܸܢ ܠܵܐ ܦܝܼܫ ܠܗܘܿܢ ܦܘܼܨܝܹܐ ܐܵܢܝܼ ܕܡܘܼܚܦܸܠܔ ܠܗܘܿܢ ܠܗ̇ܘ ܕܡܘܼܟܪܸܙ ܠܹܗ ܥܲܠܔ ܐܲܪܥܵܐ، ܟܡܵܐ ܒܘܼܫ ܙܵܘܕܵܐ ܐܲܚܢܲܢ ܠܹܐ ܦܵܝܫܲܚ ܦܘܼܨܝܹܐ ܐܸܢ ܡܲܚܦܸܠܲܚ ܡ̣ܢ ܩܲܒܲܠܬܵ‌ܐ ܕܗ̇ܘ ܕܗܲܡܙܘܼܡܹܐ ܝܠܹܗ ܡ̣ܢ ܫܡܲܝܵܐ.  
\v 26 ܒܗ̇ܝ ܥܕܵܢܵܐ ܩܵܠܹܗ ܡܘܼܫܥܸܫ ܠܹܗ ܠܐܲܪܥܵܐ، ܐܝܼܢܵܐ ܐܵܕܝܼܵܐ ܩܘܼܘܸܠܵܐ ܝܠܹܗ، ܒܹܐܡܵܪܵܐ: 
\q1 ܚܕܵܐ ܓܵܗܵܐ ܐܚܹܪܬܵ‌ܐ ܒܸܬ ܡܲܫܥܸܫܸܢ ܠܵܐ ܐܲܚܟ̰ܝܼ ܠܐܲܪܥܵܐ، ܐܝܼܢܵܐ ܐܘܼܦ ܠܫܡܲܝܹ̈ܐ.\x + \xo 12:26 \xt ܚܓܝ 2‏:6\x* 
\v 27 ܐܲܢܹܐ ܚܲܒܪܹ̈ܐ: ”ܚܕܵܐ ܓܵܗܵܐ ܐܚܹܪܬܵ‌ܐ،“ ܡܲܕܘܼܥܹܐ ܝܢܵܐ ܫܲܚܠܲܦܬܵ‌ܐ ܕܡܸܢܕܝܼܵܢܹ̈ܐ ܕܟܹܐ ܦܵܝܫܝܼ ܫܥܝܼܫܹܐ، ܕܝܼܢܵܐ ܡܸܢܕܝܼܵܢܹ̈ܐ ܦܝܼܫܹܐ ܥܒ݂ܝܼܕܹܐ، ܗܵܕܵܐ ܕܡܸܢܕܝܼܵܢܹ̈ܐ ܕܠܹܐ ܦܵܝܫܝܼ ܫܥܝܼܫܹܐ ܟܵܠܝܼ.  
\v 28 ܒܘܼܬ ܐܵܗܵܐ، ܣܵܒܵܒ ܩܘܼܒܸܠܔ ܠܲܢ ܡܲܠܟܘܼܬܵ‌ܐ ܕܠܹܐ ܦܵܝܫܵܐ ܫܥܝܼܫܬܵ‌ܐ، ܫܲܟܪܲܚ ܠܐܲܠܵܗܵܐ ܕܥܵܒ݂ܕܲܚ ܚܸܠܡܲܬ ܩܘܼܒܸܠܬܵ‌ܐ ܐܸܠܹܗ ܒܢܲܟ݂ܦܘܼܬܵ‌ܐ ܘܒܙܕܘܼܥܬܵ‌ܐ.  
\v 29 ܣܵܒܵܒ ܐܲܠܵܗܲܢ ܢܘܼܪܵܐ ܐܵܟ݂ܘܿܠܵܐ ܝܠܹܗ.\x + \xo 12:29 \xt ܬܢܝܢ ܢܡܘܣܐ 4‏:24\x* 
\c 13  
\s1 ܗܡܙܡܢ̈ܐ ܕܚܘܬܡܐ 
\p  
\v 1 ܫܒ݂ܘܿܩܘܼܢ ܚܘܼܒܵܐ ܕܐܲܚܘܿܢܘܼܬܵ‌ܐ ܥܲܪܩܸܠܔ ܓܵܘܵܘܟ݂ܘܿܢ.  
\v 2 ܠܵܐ ܡܲܢܫܹܝܬܘܿܢ ܡܲܫܪܲܝܬܵ‌ܐ ܕܢܘܼܟ݂ܪ̈ܵܝܹܐ، ܣܵܒܵܒ ܗܵܕܟ݂ܵܐ ܚܲܕܟܡܵܐ ܡܘܼܫܪܹܐ ܠܗܘܿܢ ܡܲܠܲܐܟܹ̈ܐ ܟܲܕ ܠܵܐ ܒܝܼܕܵܥܵܐ ܕܡܲܠܲܐܟܹ̈ܐ ܝܗܘܵܘ.\x + \xo 13:2 \xt ܒܪܝܬ‌ܐ 18‏:1‏-8؛ 19‏:1‏-3\x* 
\v 3 ܕܟ݂ܘܿܪܘܼܢ ܠܐܵܢܝܼ ܕܝܼܢܵܐ ܐܲܣܝܼܪܹ̈ܐ، ܐܲܝܟ݂ ܕܐܸܢ ܐܲܣܝܼܪܹ̈ܐ ܝܬܘܿܢ ܥܲܡܵܝܗ‌ܝ، ܘܠܐܵܢܝܼ ܕܝܼܢܵܐ ܡܘܼܠܝܸܨܹ̈ܐ، ܐܲܝܟ݂ ܕܐܸܢ ܐܲܚܬܘܿܢ ܓ̰ܲܢܓ̰ܘܼܪܹܐ ܝܬܘܿܢ ܐܲܝܟ݂ ܕܝܼܵܝܗ‌ܝ.  
\v 4 ܗܵܘܹܐ ܓܒ݂ܵܪܵܐ ܡܝܘܼܩܪܵܐ ܒܟܠܔ، ܘܫܘܝܼܬܵ‌ܐ ܕܟ݂ܝܼܬܵ‌ܐ، ܣܵܒܵܒ ܠܙܲܢܵܝܹ̈ܐ ܘܠܓܲܝܵܪܹ̈ܐ ܐܲܠܵܗܵܐ ܒܸܬ ܕܵܐܹܢ.  
\v 5 ܠܵܐ ܫܵܒ݂ܩܝܼܬܘܿܢ ܚܘܼܒܵܐ ܕܙܘܼܙܵܐ ܥܵܒܹܪ ܓܵܘ ܚܲܝܵܘ̈ܟ݂ܘܿܢ، ܐܸܠܵܐ ܡܵܠܹܐ ܠܵܘܟ݂ܘܿܢ ܡܸܢܕܝܼ ܕܐܝܼܬ ܠܵܘܟ݂ܘܿܢ، ܣܵܒܵܒ ܐܡܝܼܪܹܗ ܐܲܠܵܗܵܐ ܒܓܵܢܹܗ: 
\q1 ܗܸܟ̃ ܠܹܐ ܫܵܒ݂ܩܹܢܘܼܟ݂، ܘܐܘܼܦ ܠܹܐ ܪܲܦܹܝܢ ܐܝܼܕܵܐ ܡܸܢܘܼܟ݂.\x + \xo 13:5 \xt ܬܢܝܢ ܢܡܘܣܐ 31‏:6\x* 
\v 6 ܗܵܕܟ݂ܵܐ ܒܸܬ ܐܵܡܪܲܚ ܒܓ̰ܘܼܪܐܲܬ: 
\q1 ܡܵܪܝܵܐ ܗܲܝܸܪܵܢܝܼ ܝܠܹܗ؛ ܠܹܐ ܙܵܕܥܹܢ. ܡܘܼܕܝܼ ܒܸܬ ܥܵܒܹܕ ܐܸܠܝܼ ܒܲܪܢܵܫܵܐ؟\x + \xo 13:6 \xt ܡܙܡܘܪܐ 118‏:6‏-7\x* 
\v 7 ܕܟ݂ܘܿܪܘܼܢ ܠܬܲܓܒܸܪ̈ܵܢܵܘܟ݂ܘܿܢ، ܐܵܢܝܼ ܕܗܘܼܡܙܸܡ ܠܗܘܿܢ ܐܸܠܵܘܟ݂ܘܿܢ ܗܹܡܸܙܡܵܢ ܕܐܲܠܵܗܵܐ. ܓܲܫܩܘܼܢ ܒܕܘܼܒܵܪ̈ܵܝܗ‌ܝ ܘܗܘܹܝܡܘܼܢ ܕܵܡܝܵܢܹ̈ܐ ܒܗܲܝܡܵܢܘܼܬܵܝܗ‌ܝ.  
\v 8 ܝܼܫܘܿܥ ܡܫܝܼܚܵܐ ܗܲܪ ܗ̇ܘ ܝܼܠܹܗ، ܐܬܸܡܵܠܝ ܘܐܸܕܝܘܿܡ ܘܗܲܠܔ ܥܵܠܲܡ.  
\v 9 ܠܵܐ ܦܵܝܫܝܼܬܘܿܢ ܠܘܼܒܠܹܐ ܒܝܘܼܠܦܵܢܹ̈ܐ ܦܪ̈ܝܼܫܹܐ ܘܢܘܼܟ݂ܪ̈ܵܝܹܐ، ܣܵܒܵܒ ܨܦܵܝܝܼ ܝܠܵܗ̇ ܕܠܸܒܲܢ ܦܵܐܹܫ ܡܘܼܩܘܝܼܵܐ ܒܫܵܦܵܩܲܬ، ܠܵܐ ܒܡܹܐܟ݂ܘܼܠܝܵܬܹ̈‌ܐ ܛܲܟ݂ܣܵܢܵܝܹ̈ܐ، ܕܠܵܐ ܩܘܼܒܸܠܔ ܠܗܘܿܢ ܝܘܼܬܪܵܢܵܐ ܐܵܢܝܼ ܕܟܹܐ ܚܵܝܝܼ ܒܝܼܵܝܗ‌ܝ.  
\v 10 ܐܝܼܬ ܠܲܢ ܡܲܕܒܚܵܐ ܕܠܲܝܬ ܠܗܘܿܢ ܦܣܵܣܵܐ ܠܹܐܟ݂ܵܠܵܐ ܡ̣ܢ ܡܸܢܕܝܼ ܕܥܲܠܘܼܗ‌ܝ، ܐܵܢܝܼ ܕܟܹܐ ܥܵܒ݂ܕܝܼ ܚܸܠܡܲܬ ܓܵܘ ܡܲܫܟܢܵܐ.  
\v 11 ܣܵܒܵܒ ܦܲܓ݂ܪܹ̈ܐ ܕܗܲܝܘܵܢܹ̈ܐ ܕܕܸܡܵܝܗ‌ܝ ܦܵܐܹܫ ܡܘܼܬܝܵܐ ܠܒܹܝܬ ܩܘܼܕܫܵܐ ܒܝܲܕ ܓܘܼܪܵܐ ܕܟܵܗ̈ܢܹܐ ܡܒܵܕܵܠܔ ܕܚܛܝܼܬܵ‌ܐ، ܟܹܐ ܦܵܝܫܝܼ ܡܘܼܩܕܹܐ ܠܒܲܕܲܪ ܡ̣ܢ ܡܲܫܪܝܼܬܵ‌ܐ.\x + \xo 13:11 \xt ܟܗ̈ܢܐ 16‏:27\x* 
\v 12 ܗܵܕܟ݂ܵܐ ܐܘܼܦ ܝܼܫܘܿܥ ܓ̰ܘܼܢܓ̰ܸܪܹܗ ܠܒܲܕܲܪ ܡ̣ܢ ܬܲܪܥܵܐ ܕܡܕܝܼܢ݇ܬܵ‌ܐ ܕܡܩܲܕܸܫ ܗܘܵܐ ܠܛܵܝܸܦܵܐ ܒܕܸܡܵܐ ܕܓܵܢܹܗ.  
\v 13 ܒܵܣ ܟܲܕ ܛܥܝܼܢܹܐ ܠܵܘܡܹܗ ܐܵܙܲܠ݇ܚ ܠܟܸܣܠܹܗ ܠܒܲܕܲܪ ܡ̣ܢ ܡܲܫܪܝܼܬܵ‌ܐ.  
\v 14 ܣܵܒܵܒ ܠܲܐܟ݂ܵܐ ܠܲܝܬ ܠܲܢ ܡܕܝܼܢ݇ܬܵ‌ܐ ܦܵܝܫܵܢܬܵ‌ܐ، ܐܸܠܵܐ ܒܸܛܥܵܝܵܐ ܝܘܲܚ ܠܗ̇ܝ ܕܕܲܥܬܝܼܕ.  
\v 15 ܒܵܣ ܒܝܲܕ ܝܼܫܘܿܥ، ܡܲܩܪܸܒܲܚ ܠܐܲܠܵܗܵܐ ܕܸܒ݂ܚܵܐ ܕܬܸܫܒܘܿܚܬܵ‌ܐ ܒܟܠܔ ܙܲܒ݂ܢܵܐ. ܐܵܗܵܐ ܝܠܵܗ̇ ܛܥܘܼܢܬܵ‌ܐ ܕܣܸܦܘܵܬܹ̈‌ܐ ܕܡܵܘܕܝܼ ܒܫܸܡܹܗ.  
\v 16 ܘܠܵܐ ܡܲܢܫܹܝܬܘܿܢ ܠܸܥܒ݂ܵܕܵܐ ܛܵܒ݂ܬܵ‌ܐ ܘܫܲܪܸܟܝܼܬܘܿܢ ܥܲܡ ܐܚܹܪ̈ܢܹܐ، ܣܵܒܵܒ ܒܗܵܕܟ݂ܵܐ ܕܸܒ݂ܚܹ̈ܐ ܐܲܠܵܗܵܐ ܟܹܐ ܒܵܣܡܵܐ ܠܹܗ.  
\v 17 ܡܲܨܝܸܬܘܼܢ ܠܬܲܓܒܸܪ̈ܵܢܵܘܟ݂ܘܿܢ ܘܫܠܘܿܡܘܼܢ ܐܸܠܵܝܗ‌ܝ، ܣܵܒܵܒ ܐܵܢܝܼ ܟܹܐ ܡܕܲܒܪܝܼ ܠܓܵܢܵܬܵܘ̈ܟ݂ܘܿܢ، ܐܲܝܟ݂ ܐܵܢܝܼ ܕܒܸܬ ܝܵܗܒ݂ܝܼ ܚܸܫܒܘܼܢܵܐ. ܫܠܘܿܡܘܼܢ ܐܸܠܵܝܗ‌ܝ ܕܥܵܒ݂ܕܝܼ ܦܘܼܠܚܵܢܵܝܗ‌ܝ ܒܚܲܕܘܼܬܵ‌ܐ ܘܠܵܐ ܒܦܵܫܲܡܬܵ‌ܐ، ܣܵܒܵܒ ܠܹܐ ܗܵܘܹܐ ܠܝܘܼܬܪܵܢܵܐ ܐܸܠܵܘܟ݂ܘܿܢ.  
\v 18 ܨܲܠܹܝܡܘܼܢ ܒܘܼܬ ܕܝܼܲܢ؛ ܣܵܒܵܒ ܚܵܬܸܪܓ̰ܲܡܥ ܝܼܘܲܚ ܕܐܝܼܬ ܠܲܢ ܐܸܢܝܲܬ ܛܵܒ݂ܬܵ‌ܐ ܘܒܵܥܲܚ ܕܚܵܝܲܚ ܒܨܸܦܝܘܼܬܵ‌ܐ ܒܟܠܔ ܐܘܼܪܚܵܐ،  
\v 19 ܘܒܘܼܫ ܙܵܘܕܵܐ، ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܕܥܵܒ݂ܕܝܼܬܘܿܢ ܗܵܕܟ݂ܵܐ، ܕܦܵܝܫܹܢ ܡܘܼܕܸܪܵܐ ܠܟܸܣܠܵܘܟ݂ܘܿܢ ܒܓ̰ܲܠܕܘܼܬܵ‌ܐ.  
\v 20 ܘܐܵܕܝܼܵܐ ܐܲܠܵܗܵܐ ܕܫܠܵܡܵܐ، ܗ̇ܘ ܕܡܘܼܩܸܡ ܠܹܗ ܠܡܵܪܲܢ ܝܼܫܘܿܥ ܡ̣ܢ ܡܝܼ̈ܬܹ‌ܐ، ܕܝܼܠܹܗ ܪܵܥܝܵܐ ܓܘܼܪܵܐ ܕܡܲܪܥܝܼܬܵ‌ܐ ܒܫܲܦܲܟ݂ܬܵ‌ܐ ܕܕܸܡܹܗ، ܗ݁ܘ ܕܸܡܵܐ ܕܒܝܼܹܗ ܦܝܼܫܵܐ ܝܠܹܗ ܚܬܝܼܡܵܐ ܘܲܥܕܵܐ ܥܵܠܡܝܼܢܵܝܵܐ،  
\v 21 ܡܲܟܡܸܠܔ ܠܵܘܟ݂ܘܿܢ ܒܟܠܔ ܦܘܼܠܚܵܢܵܐ ܛܵܒ݂ܵܐ ܕܥܵܒ݂ܕܝܼܬܘܿܢ ܨܸܒ݂ܝܵܢܹܗ، ܘܦܵܠܹܚ ܒܝܼܵܘܟ݂ܘܿܢ ܡܸܢܕܝܼ ܕܫܵܦܹܪ ܠܟܸܣܠܹܗ، ܒܝܼܫܘܿܥ ܡܫܝܼܚܵܐ، ܐܸܠܹܗ ܚܸܩܪܵܐ ܠܥܵܠܲܡ ܥܵܠܡܝܼܢ. ܐܵܡܹܝܢ.  
\v 22 ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ، ܐܲܚܘܿܢܘܵܬ‌ܝܼ̈، ܕܡܲܨܝܸܬܝܼܬܘܿܢ ܨܦܵܝܝܼ ܠܗܹܡܸܙܡܵܢܹ̈ܐ ܕܢܵܨܝܼܗܲܬ، ܣܵܒܵܒ ܟܬܝܼܒ݂ ܠܝܼ ܐܸܠܵܘܟ݂ܘܿܢ ܟܬܵܒ݂ܵܐ ܟܸܪܝܵܐ.  
\v 23 ܒܵܥܹܝܢ ܝܵܕܥܝܼܬܘܿܢ ܕܐܲܚܘܿܢܲܢ ܛܝܼܡܵܬܹܐܘܿܣ ܦܝܼܫ ܠܹܗ ܫܸܪܝܵܐ. ܐܸܢ ܐܵܬܹ‌ܐ ܒܓ̰ܲܠܕܘܼܬܵ‌ܐ، ܥܲܡܹܗ ܒܸܬ ܚܵܙܹܢܵܘܟ݂ܘܿܢ.  
\v 24 ܗܲܒ݂ܠܘܼܢ ܫܠܵܡܵܐ ܠܟܠܵܝܗ‌ܝ ܬܲܓܒܸܪ̈ܵܢܵܘܟ݂ܘܿܢ ܘܠܟܠܵܝܗ‌ܝ ܩܲܕܝܼܫܹ̈ܐ. ܒܝܼܵܗܒ݂ܵܐ ܝܢܵܐ ܫܠܵܡܵܐ ܐܸܠܵܘܟ݂ܘܿܢ ܟܠܵܝܗ‌ܝ ܐܵܢܝܼ ܕܡ̣ܢ ܐܝܼܛܵܠܝܼܵܐ.  
\v 25 ܫܵܦܵܩܲܬ ܥܲܡ ܟܠܵܘܟ݂ܘܿܢ.