\id 2TI  
\h ܒ ܛܝܡܬܐܘܣ 
\toc1 ܐܓܪܬ‌ܐ ܕܬܪܬܝ ܕܦܘܠܘܣ ܫܠܝܚܐ ܠܛܝܡܬܐܘܣ 
\toc2 ܒ ܛܝܡܬܐܘܣ 
\toc3 2TI 
\mt1 ܐܓܪܬ‌ܐ ܕܬܪܬܝ ܕܦܘܠܘܣ ܫܠܝܚܐ ܠܛܝܡܬܐܘܣ 
\c 1  
\s1 ܫܠܡ̈ܐ 
\p  
\v 1 ܦܵܘܠܘܿܣ، ܫܠܝܼܚܵܐ ܕܝܼܫܘܿܥ ܡܫܝܼܚܵܐ ܒܨܸܒ݂ܝܵܢܵܐ ܕܐܲܠܵܗܵܐ، ܘܐܲܝܟ݂ ܩܵܘܠܵܐ ܕܚܲܝܹ̈ܐ ܒܝܼܫܘܿܥ ܡܫܝܼܚܵܐ،  
\v 2 ܠܛܝܼܡܵܬܹܐܘܿܣ ܒܪܘܿܢܝܼ ܡܘܼܚܸܒܵܐ. ܫܵܦܵܩܲܬ ܘܪ̈ܲܚܡܹܐ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܵܐ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ. 
\s1 ܡܗܘܡܢܘܬ‌ܐ ܠܐܘܢܓܠܝܘܢ 
\p  
\v 3 ܫܲܟܘܼܪܹܐ ܝܘܸܢ ܠܐܲܠܵܗܵܐ، ܗ̇ܘ ܕܐܸܠܹܗ ܒܸܥܒ݂ܵܕܵܐ ܝܘܸܢ ܚܸܠܡܲܬ ܒܐܸܢܝܲܬ ܕܟ݂ܝܼܬܵ‌ܐ، ܐܲܝܟ݂ ܕܐܲܒ݂ܵܗܵܬ‌ܝܼ̈ ܥܒ݂ܝܼܕ ܠܗܘܿܢ، ܟܲܕ ܕܠܵܐ ܫܠܵܝܬܵ‌ܐ ܟܹܐ ܕܵܟ݂ܪܹܢܘܼܟ݂ ܒܨܠܵܘܵܬ‌ܝܼ̈ ܒܠܲܝܠܹܐ ܘܒܐܝܼܡܵܡܵܐ،  
\v 4 ܘܟܲܕ ܒܸܕܟ݂ܵܪܵܐ ܕܸܡ̈ܥܹܐ ܕܥܲܝ̈ܢܘܼܟ݂، ܫܲܗܘܘܼܬܹ‌ܐ ܝܘܸܢ ܠܸܚܙܵܝܘܼܟ݂، ܕܦܵܝܫܹܢ ܡܸܠܝܵܐ ܚܲܕܘܼܬܵ‌ܐ.  
\v 5 ܒܸܕܟ݂ܵܪܵܐ ܝܘܸܢ ܠܗܲܝܡܵܢܘܼܬܵ‌ܐ ܫܲܪܝܼܪܬܵ‌ܐ ܕܐܝܼܬ ܒܝܼܘܼܟ݂، ܗ̇ܝ ܕܩܲܕܡܵܝܬܵ‌ܐ ܫܪܹܐ ܠܵܗ̇ ܒܝܸܡܵܐ ܕܝܸܡܘܼܟ݂ ܠܘܿܐܝܼܣ، ܘܒܝܸܡܘܼܟ݂ ܐܹܘܢܝܼܩܹܐ، ܘܚܵܬܸܪܓ̰ܲܡܥ ܝܼܘܸܢ ܕܐܵܕܝܼܵܐ ܒܸܥܡܵܪܵܐ ܝܠܵܗ̇ ܐܘܼܦ ܒܝܼܘܼܟ݂.  
\v 6 ܒܘܼܬ ܐܵܗܵܐ ܡܲܕܟ݂ܘܼܪܘܼܟ݂ ܝܼܘܸܢ ܕܡܲܠܗܹܝܬ ܡܵܘܗܲܒ݂ܬܵ‌ܐ ܕܡ̣ܢ ܐܲܠܵܗܵܐ ܕܝܼܠܵܗ̇ ܒܝܼܘܼܟ݂ ܒܝܲܕ ܡܲܬܲܒ݂ܬܵ‌ܐ ܕܐܝܼܕܝܼ.  
\v 7 ܣܵܒܵܒ ܐܲܠܵܗܵܐ ܠܵܐ ܝܘܼܗܒܹܠܔ ܠܹܗ ܐܸܠܲܢ ܪܘܼܚܵܐ ܕܙܕܘܼܥܬܵ‌ܐ، ܐܸܠܵܐ ܪܘܼܚܵܐ ܕܚܲܝܠܵܐ ܘܕܚܘܼܒܵܐ ܘܕܕܒ݂ܵܩܬܵ‌ܐ ܕܓܵܢܵܐ.  
\v 8 ܒܘܼܬ ܐܵܗܵܐ ܠܵܐ ܢܵܟ݂ܦܹܬ ܠܝܼܵܗܒ݂ܵܐ ܣܵܗܕܘܼܬܵ‌ܐ ܒܘܼܬ ܡܵܪܲܢ، ܘܐܘܼܦ ܠܵܐ ܒܝܼܝܼ ܕܝܼܘܸܢ ܐܲܣܝܼܪܹܗ، ܐܸܠܵܐ ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܒܘܼܬ ܚܵܬܸܪ ܕܐܹܘܲܢܓܲܠܝܼܘܿܢ ܐܲܝܟ݂ ܕܐܲܠܵܗܵܐ ܝܵܗܒܹܠܔ ܠܘܼܟ݂ ܚܲܝܠܵܐ،  
\v 9 ܗ̇ܘ ܕܩܵܡ ܦܲܪܸܩ ܠܲܢ ܘܩܵܡ ܩܵܪܹܐ ܠܲܢ ܒܩܪܵܝܬܵ‌ܐ ܩܲܕܝܼܫܬܵ‌ܐ، ܠܵܐ ܒܝܲܕ ܦܘܼܠܚܵܢܲܢ، ܐܝܼܢܵܐ ܒܝܲܕ ܨܸܒ݂ܝܵܢܵܐ ܕܓܵܢܹܗ ܘܫܵܦܵܩܲܬܹܗ، ܗ̇ܝ ܕܦܝܼܫ ܠܵܗ̇ ܝܘܼܗܒܹܠܬܵ‌ܐ ܐܸܠܲܢ ܒܝܼܫܘܿܥ ܡܫܝܼܚܵܐ ܡ̣ܢ ܩܲܕܡ ܙܲܒ݂ܢܵܐ ܕܥܵܠܡܹ̈ܐ،  
\v 10 ܐܝܼܢܵܐ ܐܵܕܝܼܵܐ ܦܝܼܫ ܠܵܗ̇ ܓܠܝܼܬܵ‌ܐ ܒܓܸܠܝܵܢܵܐ ܕܦܵܪܘܿܩܲܢ ܝܼܫܘܿܥ ܡܫܝܼܚܵܐ، ܗ̇ܘ ܕܒܘܼܛܸܠܔ ܠܹܗ ܠܡܵܘܬܵ‌ܐ ܘܡܘܼܚܙܹܐ ܠܹܗ ܚܲܝܹ̈ܐ ܘܠܵܐ ܚܪܵܒ݂ܬܵ‌ܐ ܒܐܹܘܲܢܓܲܠܝܼܘܿܢ.  
\v 11 ܠܐܵܗܵܐ ܐܹܘܲܢܓܲܠܝܼܘܿܢ ܦܝܼܫ ܠܝܼ ܪܫܝܼܡܵܐ ܟܵܪܘܿܙܵܐ ܘܫܠܝܼܚܵܐ ܘܡܲܠܦܵܢܵܐ ܕܐܸܡܘܵܬܹ̈‌ܐ.  
\v 12 ܒܘܼܬ ܐܵܗܵܐ ܩܲܒܘܼܠܵܝ ܝܘܸܢ ܐܲܢܹܐ، ܐܝܼܢܵܐ ܠܹܐ ܝܘܸܢ ܒܸܢܟ݂ܵܦܵܐ، ܣܵܒܵܒ ܟܹܐ ܝܵܕܥܹܢ ܒܡܵܢܝܼ ܗܘܼܡܸܢܵܐ ܝܘܸܢ، ܘܚܵܬܸܪܓ̰ܲܡܥ ܝܼܘܸܢ ܕܟܹܐ ܡܵܨܹܐ ܢܵܛܹܪ ܗܲܝܡܲܢܬ‌ܝܼ ܗܲܠܔ ܗ̇ܘ ܝܵܘܡܵܐ.  
\v 13 ܗܹܡܸܙܡܵܢܹ̈ܐ ܕܫܡܝܼܥ ܠܘܼܟ݂ ܡܸܢܝܼ ܗܵܘܝܼ ܐܸܠܘܼܟ݂ ܛܘܼܦ̮ܣܵܐ ܕܝܘܼܠܦܵܢܵܐ ܓܡܝܼܪܵܐ ܒܗܲܝܡܵܢܘܼܬܵ‌ܐ ܘܒܚܘܼܒܵܐ ܒܝܼܫܘܿܥ ܡܫܝܼܚܵܐ.  
\v 14 ܢܛܘܿܪ ܨܦܵܝܝܼ ܠܗ̇ܝ ܗܲܝܡܲܢܬܵ‌ܐ ܒܝܲܕ ܪܘܼܚܵܐ ܕܩܘܼܕܫܵܐ ܕܒܸܥܡܵܪܵܐ ܝܠܹܗ ܒܝܼܲܢ.  
\v 15 ܒܝܼܕܵܥܵܐ ܝܘܸܬ ܕܩܠܝܼܒ ܠܗܘܿܢ ܡܸܢܝܼ ܟܠܵܝܗ‌ܝ ܐܵܢܝܼ ܕܓܵܘ ܐܵܣܝܼܵܐ، ܡܸܢܵܝܗ‌ܝ ܦܹܘܓܹܠܘܿܣ ܘܗܲܪܡܵܓܹܢܝܼܣ.  
\v 16 ܡܵܪܲܢ ܡܲܚܙܹܐ ܪ̈ܲܚܡܹܐ ܠܒܲܝܬܵ‌ܐ ܕܐܵܢܹܣܝܼܦܵܪܘܿܣ، ܣܵܒܵܒ ܩܵܡ ܡܲܢܝܸܚ ܠܝܼ ܪܵܒܵܐ ܓܵܗܹ̈ܐ، ܘܠܵܐ ܢܟ݂ܝܼܦ ܠܹܗ ܒܫܸܫܠܵܬ‌ܝܼ̈،  
\v 17 ܘܐܝܼܡܲܢ ܕܐܬܹ‌ܐ ܠܹܗ ܠܪܗܘܿܡܹܐ، ܒܚܲܦܵܛܘܼܬܵ‌ܐ ܛܥܹܐ ܠܹܗ ܗܲܠܔ ܕܡܘܼܫ݇ܟ̰ܸܚ ܠܹܗ ܐܸܠܝܼ.  
\v 18 ܥܵܒܹܕ ܡܵܪܲܢ ܕܡܲܫ݇ܟ̰ܸܚ ܪ̈ܲܚܡܹܐ ܡ̣ܢ ܡܵܪܲܢ ܒܗ̇ܘ ܝܵܘܡܵܐ. ܘܟܹܐ ܝܵܕܥܹܬ ܪܵܒܵܐ ܨܦܵܝܝܼ ܟܡܵܐ ܗܘܼܝܸܪܹܗ ܐܸܠܝܼ ܓܵܘ ܐܵܦܸܣܘܿܣ. 
\c 2  
\s1 ܦܠܚܐ ܛܒ݂ܐ ܕܝܫܘܥ ܡܫܝܚܐ 
\p  
\v 1 ܗܵܕܟ݂ܵܐ ܐܲܢ݇ܬ، ܒܪܘܿܢܝܼ، ܗܘܝܼ ܚܲܝܠܵܢܵܐ ܒܫܵܦܵܩܲܬ ܕܝܼܠܵܗ̇ ܒܝܼܫܘܿܥ ܡܫܝܼܚܵܐ.  
\v 2 ܘܡܸܢܕܝܼ ܕܫܡܝܼܥ ܠܘܼܟ݂ ܡܸܢܝܼ ܩܲܕܡ ܪܵܒܵܐ ܣܵܗܕܹ̈ܐ، ܣܲܦܝܼ ܒܐܢܵܫܹ̈ܐ ܡܗܘܼܡܢܹ̈ܐ، ܐܵܢܝܼ ܕܡܵܨܝܼ ܡܲܠܦܝܼ ܐܘܼܦ ܠܐܢܵܫܹ̈ܐ ܐܚܹܪ̈ܢܹܐ.  
\v 3 ܗܘܝܼ ܫܲܪܝܼܟܵܐ ܒܓ̰ܘܼܢܓ̰ܵܪܹ̈ܐ ܐܲܝܟ݂ ܕܲܚܫܵܐ ܛܵܒ݂ܵܐ ܕܝܼܫܘܿܥ ܡܫܝܼܚܵܐ.  
\v 4 ܗܸܟ̃ ܚܲܕ ܠܹܐ ܥܵܒܹܕ ܕܲܚܫܘܼܬܵ‌ܐ ܘܐܵܣܹܪܵܗ̇ ܓܵܢܹܗ ܒܫܘܼܠܵܢܹ̈ܐ ܕܐܲܢܹܐ ܚܲܝܹ̈ܐ، ܐܸܠܵܐ ܟܹܐ ܫܵܦܹܪ ܠܗ̇ܘ ܕܓܘܼܒܹܐ ܠܹܗ ܐܸܠܹܗ ܠܦܲܠܚܘܼܬܵ‌ܐ.  
\v 5 ܘܐܸܢ ܐܵܬܠܝܼܛܵܐ ܥܵܒܹܕ ܐܵܓ݂ܘܿܢܵܐ ܓܵܘ ܡܲܝܕܵܢ، ܠܹܐ ܩܲܒܸܠܔ ܟܠܝܼܠܵܐ ܐܸܢ ܠܵܐ ܩܵܢܘܿܢܵܐܝܼܬ ܥܵܒܹܕ ܐܵܓ݂ܘܿܢܵܐ.  
\v 6 ܘܐܲܟܵܪܵܐ ܕܟܹܐ ܦܵܠܹܚ ܩܸܫܝܵܐ، ܘܵܠܹܐ ܝܠܵܗ̇ ܕܩܲܕܡܵܝܬܵ‌ܐ ܫܲܪܸܟ ܒܛܥܘܼܢܝܵܬܹ̈‌ܐ.  
\v 7 ܬܲܚܡܸܢ ܥܲܠܔ ܐܲܢܹܐ ܕܒܹܐܡܵܪܵܐ ܝܘܸܢ، ܣܵܒܵܒ ܡܵܪܲܢ ܒܸܬ ܝܵܗܒܹܠܔ ܠܘܼܟ݂ ܦܲܪܡܲܝܬܵ‌ܐ ܒܟܠܔ ܡܸܢܕܝܼ.  
\v 8 ܕܟ݂ܘܿܪ ܠܝܼܫܘܿܥ ܡܫܝܼܚܵܐ ܡ̣ܢ ܙܲܪܥܵܐ ܕܕܵܘܝܼܕ، ܗ̇ܘ ܕܩܝܼܡ ܠܹܗ ܡ̣ܢ ܓܵܘ ܡܝܼ̈ܬܹ‌ܐ. ܐܵܗܵܐ ܝܠܹܗ ܐܹܘܲܢܓܲܠܝܼܘܿܢ ܕܝܼܝܼ.  
\v 9 ܒܘܼܬ ܐܵܗܵܐ ܐܹܘܲܢܓܲܠܝܼܘܿܢ ܩܲܒܘܼܠܹܐ ܝܘܸܢ ܓ̰ܘܼܢܓ̰ܵܪܹ̈ܐ ܗܲܠܔ ܕܡܵܛܝܵܐ ܐܘܼܦ ܠܐܸܣܘܼܪܹ̈ܐ ܐܲܝܟ݂ ܚܲܕ ܥܵܒ݂ܕܵܢܵܐ ܕܒܝܼܫܵܬܹ̈‌ܐ، ܐܣܝܼܪܵܐ ܒܫܸܫܠܵܬܹ̈‌ܐ. ܐܝܼܢܵܐ ܗܹܡܸܙܡܵܢ ܕܐܲܠܵܗܵܐ ܠܹܐ ܝܠܵܗ̇ ܐܣܝܼܪܬܵ‌ܐ.  
\v 10 ܒܘܼܬ ܐܵܗܵܐ ܩܲܒܘܼܠܹܐ ܝܘܸܢ ܟܠܔ ܡܸܢܕܝܼ ܒܘܼܬ ܚܵܬܸܪ ܕܓܘܼܒܝܹ̈ܐ، ܕܐܘܼܦ ܐܵܢܝܼ ܩܲܒܠܝܼ ܦܘܼܪܩܵܢܵܐ ܒܝܼܫܘܿܥ ܡܫܝܼܚܵܐ، ܥܲܡ ܚܸܩܪܵܐ ܥܵܠܡܝܼܢܵܝܵܐ.  
\v 11 ܫܲܪܝܼܪܬܵ‌ܐ ܝܠܵܗ̇ ܐܵܗܵܐ ܗܹܡܸܙܡܵܢ: 
\q1 ܐܸܢ ܡܝܼܬ ܠܲܢ ܥܲܡܹܗ، ܐܘܼܦ ܒܸܬ ܚܵܝܲܚ ܥܲܡܹܗ. 
\q1  
\v 12 ܐܸܢ ܚܵܡܠܲܚ، ܐܘܼܦ ܒܸܬ ܥܵܒ݂ܕܲܚ ܡܲܠܟܘܼܬܵ‌ܐ ܥܲܡܹܗ. 
\q1 ܐܸܢ ܣܵܪܒܲܚ ܠܹܗ، 
\q1 ܐܘܼܦ ܗ̇ܘ ܒܸܬ ܣܵܪܹܒ݂ ܠܲܢ. 
\q1  
\v 13 ܐܸܢ ܠܵܐ ܗܲܡܸܢܲܚ، 
\q1 ܗ̇ܘ ܒܸܬ ܦܵܐܹܫ ܡܗܘܼܡܢܵܐ، 
\q1 ܣܵܒܵܒ ܠܹܐ ܡܵܨܹܐ ܣܵܪܹܒ݂ ܠܵܗ̇ ܓܵܢܹܗ. 
\s1 ܦܠܚܐ ܕܫܦܪ ܠܐܠܗܐ 
\p  
\v 14 ܐܲܢܹܐ ܗܵܘܹܝܬ ܡܲܕܟ݂ܘܼܪܵܝ، ܘܒܸܣܗܵܕܵܐ ܐܸܠܵܝܗ‌ܝ ܩܲܕܡ ܐܲܠܵܗܵܐ ܕܠܵܐ ܗܵܘܝܼ ܡܲܩܪܘܼܨܹܐ ܒܘܼܬ ܗܹܡܸܙܡܵܢܹ̈ܐ ܕܠܲܝܬ ܠܗܘܿܢ ܝܘܼܬܪܵܢܵܐ، ܘܟܹܐ ܬܵܠܚܝܼ ܠܐܵܢܝܼ ܕܫܵܡܥܝܼ ܠܗܘܿܢ.  
\v 15 ܓ̰ܲܪܸܒ ܒܩܸܫܝܘܼܬܵ‌ܐ ܕܡܲܩܪܸܒܸܬ ܓܵܢܘܼܟ݂ ܦܲܠܵܚܵܐ ܓܡܝܼܪܵܐ ܩܲܕܡ ܐܲܠܵܗܵܐ ܕܠܵܐ ܢܟܸܦܬܵ‌ܐ، ܬܪܘܼܨܵܐܝܼܬ ܦܲܫܘܼܩܹܐ ܗܹܡܸܙܡܵܢ ܕܫܪܵܪܵܐ.  
\v 16 ܪܚܘܿܩ ܡ̣ܢ ܗܹܡܸܙܡܵܢܹ̈ܐ ܣܦܝܼܩܹ̈ܐ ܘܒܲܛܝܼܠܹ̈ܐ، ܣܵܒܵܒ ܐܵܢܝܼ ܒܸܬ ܡܲܙܝܸܕܝܼ ܥܵܘܠܵܐ،  
\v 17 ܘܝܘܼܠܦܵܢܵܝܗ‌ܝ ܒܸܬ ܦܵܪܹܣ ܐܲܝܟ݂ ܚܲܠܵܕܝܼܬܵ‌ܐ. ܡܸܢܵܝܗ‌ܝ ܝܢܵܐ ܗܹܘܡܹܢܹܐܘܿܣ ܘܦܝܼܠܹܛܘܿܣ،  
\v 18 ܐܵܢܝܼ ܕܚܠܝܼܛ ܠܗܘܿܢ ܡ̣ܢ ܫܪܵܪܵܐ، ܒܹܐܡܵܪܵܐ ܕܩܝܵܡܬܵ‌ܐ ܥܒ݂ܝܼܪܬܵ‌ܐ ܝܠܵܗ̇، ܘܗܵܕܟ݂ܵܐ ܡܘܼܚܪܸܒ݂ ܠܗܘܿܢ ܠܗܲܝܡܵܢܘܼܬܵ‌ܐ ܕܚܲܕܟܡܵܐ.  
\v 19 ܐܝܼܢܵܐ ܫܲܬܐܸܣܬܵ‌ܐ ܕܐܲܠܵܗܵܐ ܩܘܝܼܬܵ‌ܐ ܝܠܵܗ̇، ܚܬܝܼܡܬܵ‌ܐ ܒܐܵܗܵܐ ܚܵܬܡܵܐ: 
\q1 ܟܹܐ ܝܵܕܹܥ ܡܵܪܝܵܐ ܠܐܵܢܝܼ ܕܝܼܢܵܐ ܕܝܼܹܗ.\x + \xo 2:19 \xt ܡܢܝܢܐ 16‏:5\x* 
\m ܐܘܼܦ: ”ܟܠܔ ܡ̇ܢ ܕܩܵܪܹܐ ܒܫܸܡܵܐ ܕܡܵܪܲܢ ܪܵܚܹܩ ܡ̣ܢ ܥܵܘܠܵܐ.“  
\v 20 ܓܵܘ ܒܲܝܬܵ‌ܐ ܓܘܼܪܵܐ، ܠܵܐ ܐܲܚܟ̰ܝܼ ܐܝܼܬ ܡܵܐܢܹ̈ܐ ܕܕܲܗܒ݂ܵܐ ܘܕܣܹܐܡܵܐ، ܐܝܼܢܵܐ ܐܘܼܦ ܕܩܲܝܣܵܐ ܘܕܛܝܼܢܵܐ، ܚܲܕܟܡܵܐ ܠܐܝܼܩܵܪܵܐ ܘܚܲܕܟܡܵܐ ܠܡܲܣܠܲܝܬܵ‌ܐ.  
\v 21 ܐܸܢ ܐܢܵܫܵܐ ܕܲܟܹܐ ܠܵܗ̇ ܓܵܢܹܗ ܡ̣ܢ ܡܸܢܕܝܼܵܢܹ̈ܐ ܕܡܲܣܠܲܝܬܵ‌ܐ، ܒܸܬ ܗܵܘܹܐ ܡܵܐܢܵܐ ܠܐܝܼܩܵܪܵܐ، ܡܩܘܼܕܫܵܐ، ܘܡܵܪܹܐ ܝܘܼܬܪܵܢܵܐ ܠܡܵܪܹܗ، ܘܗܘܼܕܪܵܐ ܠܟܠܔ ܦܘܼܠܚܵܢܵܐ ܛܵܒ݂ܵܐ.  
\v 22 ܗܵܕܟ݂ܵܐ ܥܪܘܿܩ ܡ̣ܢ ܫܲܗܘܲܬܝܵܬܹ̈‌ܐ ܕܥܠܲܝܡܘܼܬܵ‌ܐ ܘܪܚܘܿܛ ܒܵܬܪ ܙܲܕܝܼܩܘܼܬܵ‌ܐ، ܘܗܲܝܡܵܢܘܼܬܵ‌ܐ، ܘܚܘܼܒܵܐ، ܘܫܠܵܡܵܐ، ܥܲܡ ܐܵܢܝܼ ܕܩܵܪܝܼ ܠܡܵܪܲܢ ܒܠܸܒܵܐ ܕܸܟ݂ܝܵܐ.  
\v 23 ܐܝܼܢܵܐ ܕܘܼܪ̈ܵܫܹܐ ܣܲܟ݂ܠܹ̈ܐ ܘܕܠܵܐ ܒܸܢܝܲܬ، ܠܵܐ ܗܵܘܹܐ ܠܘܼܟ݂ ܫܘܼܠܵܐ ܒܝܼܵܝܗ‌ܝ، ܣܵܒܵܒ ܟܹܐ ܝܵܕܥܹܬ ܕܟܹܐ ܡܲܒܪܝܼ ܦܠܵܫܹ̈ܐ.  
\v 24 ܘܠܹܐ ܝܠܵܗ̇ ܚܫܝܼܚܬܵ‌ܐ ܠܪܹܓܵܐ ܕܡܵܪܲܢ ܕܦܵܠܹܫ، ܐܸܠܵܐ ܕܗܵܘܹܐ ܡܲܟܝܼܟ݂ܵܐ ܠܟܸܣ ܟܠܵܝܗ‌ܝ ܐܢܵܫܹ̈ܐ، ܡܵܨܝܵܢܵܐ ܠܡܲܠܘܼܦܹܐ، ܩܲܒܠܵܢܵܐ،  
\v 25 ܒܡܲܟܝܼܟ݂ܘܼܬܵ‌ܐ ܡܲܠܘܼܦܹܐ ܠܕܲܠܩܘܼܒ݂ܠܵܝܹ̈ܐ. ܩܵܘܡܵܐ ܕܐܲܠܵܗܵܐ ܝܵܗܒܹܠܔ ܠܗܘܿܢ ܬܝܵܒ݂ܘܼܬܵ‌ܐ ܕܝܵܕܥܝܼ ܠܫܪܵܪܵܐ،  
\v 26 ܘܪܵܥܫܝܼ ܠܓܵܢܵܝܗ‌ܝ، ܘܕܵܝܪܝܼ ܡ̣ܢ ܢܸܫܒܹ̈ܐ ܕܐܵܟܹܠܩܲܪܨܵܐ، ܕܒܝܼܹܗ ܦܝܼܫܹܐ ܝܢܵܐ ܕܒ݂ܝܼܩܹܐ ܕܥܵܒ݂ܕܝܼ ܨܸܒ݂ܝܵܢܹܗ. 
\c 3  
\s1 ܒܪܢܫܐ ܒܝܘܡܢ̈ܐ ܐܚܪ̈ܝܐ 
\p  
\v 1 ܐܝܼܢܵܐ ܝܕܹܥ ܐܵܗܵܐ، ܕܒܸܬ ܐܵܬ‌ܝܼ ܙܲܒ݂ܢܹ̈ܐ ܩܸܫܝܹ̈ܐ ܒܝܵܘܡܵܢܹ̈ܐ ܐܚܵܪ̈ܵܝܹܐ.  
\v 2 ܣܵܒܵܒ ܐܢܵܫܹ̈ܐ ܒܸܬ ܗܵܘܝܼ ܐܵܢܵܝܹ̈ܐ، ܡܲܚܸܒܵܢܹ̈ܐ ܕܙܘܼܙܵܐ، ܫܲܒ݂ܗܸܪ̈ܵܢܹܐ، ܚܵܬܪ̈ܵܢܹܐ، ܓܵܕܦܵܢܹ̈ܐ، ܠܵܐ ܡܲܨܝܸܬܵܢܹ̈ܐ ܠܐܲܒ݂ܵܗܵܝ̈ܗ‌ܝ، ܠܵܐ ܛܵܥܢܵܢܹ̈ܐ ܕܡܸܢܬܵ‌ܐ، ܪ̈ܲܫܝܼܥܹܐ،  
\v 3 ܕܠܵܐ ܚܘܼܒܵܐ ܟܝܵܢܵܝܵܐ، ܠܵܐ ܦܲܚܠܵܢܹ̈ܐ، ܡܵܚܝܵܢܹ̈ܐ ܕܕܲܪܗܲܩ، ܠܵܐ ܙܲܒܛܸܢܵܢܹ̈ܐ ܕܓܵܢܵܝܗ‌ܝ، ܟܹܘܝܼܹ̈ܐ، ܣܵܢܝܵܢܹ̈ܐ ܕܛܵܒ݂ܵܬܹ̈‌ܐ،  
\v 4 ܣܲܦܝܵܢܹ̈ܐ، ܡܲܠܝܸܙܵܢܹ̈ܐ، ܚܵܬܪ̈ܵܢܹܐ، ܡܲܚܸܒܵܢܹ̈ܐ ܕܒܘܼܣܵܡܹ̈ܐ ܒܘܼܫ ܡ̣ܢ ܕܡܲܚܸܒܝܼ ܠܐܲܠܵܗܵܐ؛  
\v 5 ܐܝܼܬ ܠܗܘܿܢ ܐܸܣܟܝܼܡܵܐ ܕܙܕܘܼܥܬܵ‌ܐ ܕܐܲܠܵܗܵܐ ܐܝܼܢܵܐ ܒܸܣܪܵܒ݂ܵܐ ܝܢܵܐ ܚܲܝܠܵܐ ܕܝܼܘܼܗ̇. ܪܚܘܿܩ ܡ̣ܢ ܗܵܕܟ݂ܵܐ ܐܢܵܫܹ̈ܐ.  
\v 6 ܣܵܒܵܒ ܚܲܕܟܡܵܐ ܡܸܢܵܝܗ‌ܝ ܡܐܲܝܟ݂ ܓܹܢܵܒܹ̈ܐ ܟܹܐ ܥܵܒ݂ܪܝܼ ܓܵܘ ܒܵܬܹ̈‌ܐ ܘܣܵܠܒܝܼ ܒܲܟ݂ܬܵܬܹ̈‌ܐ ܣܲܟ݂ܠܹ̈ܐ، ܕܦܝܼܫܹܐ ܝܢܵܐ ܡܘܼܛܥܸܢܹܐ ܒܚܛܝܼܵܬܹ̈‌ܐ ܘܠܘܼܒܠܹܐ ܒܫܲܗܘܲܬܝܵܬܹ̈‌ܐ ܦܪ̈ܝܼܫܹܐ.  
\v 7 ܐܲܢܹܐ ܒܲܟ݂ܬܵܬܹ̈‌ܐ ܒܟܠܔ ܙܲܒ݂ܢܵܐ ܒܸܠܝܵܦܵܐ ܝܢܵܐ، ܐܝܼܢܵܐ ܠܹܐ ܡܵܨܝܼ ܡܵܛܝܼ ܠܝܕܵܥܬܵ‌ܐ ܕܫܪܵܪܵܐ.  
\v 8 ܕܵܐܟ݂ܝܼ ܕܝܲܢܹܣ ܘܝܲܡܒܪܹܣ ܩܝܼܡ ܠܗܘܿܢ ܕܲܠܩܘܼܒ݂ܠܔ ܕܡܘܼܫܹܐ، ܗܵܕܟ݂ܵܐ ܐܘܼܦ ܐܲܢܹܐ ܐܢܵܫܹ̈ܐ ܒܸܩܝܵܡܵܐ ܝܢܵܐ ܕܲܠܩܘܼܒ݂ܠܔ ܕܫܪܵܪܵܐ، ܐܢܵܫܹ̈ܐ ܚܪ̈ܝܼܒܹܐ ܒܪܸܥܝܵܢܵܐ، ܘܡܘܼܣܠܝܼܹ̈ܐ ܡ̣ܢ ܗܲܝܡܵܢܘܼܬܵ‌ܐ ܓܹܒܵܐ.  
\v 9 ܐܝܼܢܵܐ ܠܹܐ ܡܲܢܬ‌ܝܼ، ܣܵܒܵܒ ܣܲܟ݂ܠܘܼܬܵܝܗ‌ܝ ܒܸܬ ܦܵܝܫܵܐ ܓܠܝܼܬܵ‌ܐ ܠܟܠܵܝܗ‌ܝ ܐܢܵܫܹ̈ܐ، ܐܲܝܟ݂ ܕܦܝܼܫ ܠܵܗ̇ ܓܠܝܼܬܵ‌ܐ ܣܲܟ݂ܠܘܼܬܵ‌ܐ ܕܐܵܢܝܼ ܬܪܹܝ. 
\s1 ܡܪܬܝܢܘܬ‌ܐ ܕܦܘܠܘܣ ܫܠܝܚܐ ܠܛܝܡܬܐܘܣ 
\p  
\v 10 ܐܝܼܢܵܐ ܐܲܢ݇ܬ ܐܬܹ‌ܐ ܠܘܼܟ݂ ܒܵܬܪ ܝܘܼܠܦܵܢܝܼ، ܘܕܘܼܒܵܪ̈ܝܼ، ܘܢܝܼܫܝܼ، ܘܗܲܝܡܵܢܘܼܬ‌ܝܼ، ܘܡܲܪܝܲܟ݂ܬܵ‌ܐ ܕܒܹܐܢܝܼ، ܘܚܘܼܒܝܼ، ܘܚܡܵܠܬ‌ܝܼ،  
\v 11 ܘܟܲܡܲܪ̈ܝܵܬ‌ܝܼ، ܘܓ̰ܘܼܢܓ̰ܵܪ̈ܝܼ، ܐܵܢܝܼ ܕܩܘܼܘܸܡ ܠܗܘܿܢ ܐܸܠܝܼ ܒܐܵܢܛܝܘܿܟ݂ܝ ܘܒܐܝܼܩܵܢܘܿܢ ܘܒܠܘܼܣܛܪܵܐ، ܟܡܵܐ ܪ̈ܕܘܼܦܝܹܐ ܛܥܝܼܢܝܼ، ܐܝܼܢܵܐ ܡܵܪܲܢ ܩܵܡ ܦܲܨܹܐ ܠܝܼ ܡ̣ܢ ܟܠܵܝܗ‌ܝ.  
\v 12 ܗܹܐ، ܟܠܵܝܗ‌ܝ ܐܵܢܝܼ ܕܒܵܥܝܼ ܕܚܵܝܝܼ ܒܙܕܘܼܥܬܵ‌ܐ ܕܐܲܠܵܗܵܐ ܒܝܼܫܘܿܥ ܡܫܝܼܚܵܐ ܒܸܬ ܦܵܝܫܝܼ ܟܘܼܡܪܹܐ.  
\v 13 ܐܝܼܢܵܐ ܐܢܵܫܹ̈ܐ ܒܝܼܫܹ̈ܐ ܘܡܲܚܠܸܛܵܢܹ̈ܐ ܒܸܬ ܗܵܘܝܼ ܒܘܼܫ ܚܸܪܒܵܐ، ܥܲܠܕܘܼܝܹܐ ܘܦܝܼܫܹܐ ܥܘܼܠܕܝܼܹܐ.  
\v 14 ܐܝܼܢܵܐ ܐܲܢ݇ܬ، ܥܲܪܩܸܠܔ ܒܡܸܢܕܝܼ ܕܝܠܝܼܦ ܠܘܼܟ݂ ܘܕܦܝܼܫ ܠܹܗ ܡܫܘܼܪܸܪܵܐ ܐܸܠܘܼܟ݂، ܟܲܕ ܒܝܼܕܵܥܵܐ ܡ̣ܢ ܡܵܢܝܼ ܝܠܝܼܦ ܠܘܼܟ݂،  
\v 15 ܘܕܵܐܟ݂ܝܼ ܡ̣ܢ ܝܵܠܕ݇ܘܼܬܘܼܟ݂ ܝܕܝܼܥܵܐ ܝܘܸܬ ܟܬܵܒܹ̈ܐ ܩܲܕܝܼܫܹ̈ܐ، ܐܵܢܝܼ ܕܡܵܨܝܼ ܥܵܒ݂ܕܝܼ ܠܘܼܟ݂ ܚܲܟܝܼܡܵܐ ܠܦܘܼܪܩܵܢܵܐ ܒܝܲܕ ܗܲܝܡܵܢܘܼܬܵ‌ܐ ܒܝܼܫܘܿܥ ܡܫܝܼܚܵܐ.  
\v 16 ܟܠܹܗ ܟܬܵܒ݂ܵܐ ܩܲܕܝܼܫܵܐ ܢܦܝܼܚܵܐ ܝܠܹܗ ܒܪܘܼܚܵܐ ܕܐܲܠܵܗܵܐ، ܘܡܵܪܹܐ ܝܘܼܬܪܵܢܵܐ ܝܠܹܗ ܠܝܘܼܠܦܵܢܵܐ، ܘܠܡܲܢܟܲܣܬܵ‌ܐ، ܘܠܬܘܼܪܵܨܵܐ، ܘܠܡܗܲܕܲܝܬܵ‌ܐ ܠܙܲܕܝܼܩܘܼܬܵ‌ܐ،  
\v 17 ܕܗܵܘܹܐ ܐܢܵܫܵܐ ܕܐܲܠܵܗܵܐ ܚܫܝܼܚܵܐ ܘܓܡܝܼܪܵܐ ܠܸܥܒ݂ܵܕܵܐ ܟܠܔ ܦܘܼܠܚܵܢܵܐ ܛܵܒ݂ܵܐ. 
\c 4  
\p  
\v 1 ܚܲܦܘܼܛܹܐ ܝܘܸܢ ܐܸܠܘܼܟ݂ ܩܲܕܡ ܐܲܠܵܗܵܐ ܘܝܼܫܘܿܥ ܡܫܝܼܚܵܐ، ܗ̇ܘ ܕܗܕܝܼܪܵܐ ܝܠܹܗ ܕܕܵܐܹܢ ܠܚܵܝܹ̈ܐ ܘܠܡܝܼ̈ܬܹ‌ܐ ܒܓܸܠܝܵܢܹܗ ܕܡܲܠܟܘܼܬܹܗ،  
\v 2 ܡܲܟܪܸܙ ܗܹܡܸܙܡܵܢ، ܒܸܚܦܵܛܵܐ ܒܙܲܒ݂ܢܵܐ ܘܠܵܐ ܒܙܲܒ݂ܢܵܐ؛ ܡܲܢܟܸܣ، ܡܲܪܥܸܫ، ܗܲܒ݂ܠܔ ܠܸܒܵܐ ܒܟܠܵܗ̇ ܚܡܵܠܬܵ‌ܐ ܘܒܡܲܠܲܦܬܵ‌ܐ.  
\v 3 ܣܵܒܵܒ ܒܸܬ ܐܵܬܹ‌ܐ ܙܲܒ݂ܢܵܐ ܕܐܢܵܫܹ̈ܐ ܠܹܐ ܡܲܨܝܸܬ‌ܝܼ ܠܝܘܼܠܦܵܢܵܐ ܫܲܪܝܼܪܵܐ، ܐܝܼܢܵܐ ܐܲܝܟ݂ ܫܲܗܘܲܬܝܵܬܵܝ̈ܗ‌ܝ ܒܸܬ ܡܲܙܝܸܕܝܼ ܩܵܐ ܓܵܢܵܝܗ‌ܝ ܡܲܠܦܵܢܹ̈ܐ ܕܗܲܡܙܸܡܝܼ ܐܸܠܵܝܗ‌ܝ ܐܲܝܟ݂ ܕܛܵܠܹܒ ܠܸܒܵܝܗ‌ܝ،  
\v 4 ܘܒܸܬ ܡܲܕܸܪܝܼ ܢܵܬܵܝܗ‌ܝ ܡ̣ܢ ܫܪܵܪܵܐ، ܘܒܸܬ ܩܵܠܒܝܼ ܠܗܲܩܝܵܬܹ̈‌ܐ.  
\v 5 ܐܝܼܢܵܐ ܐܲܢ݇ܬ، ܗܘܝܼ ܪܥܝܼܫܵܐ ܒܟܠܵܝܗ‌ܝ ܡܸܢܕܝܼܵܢܹ̈ܐ، ܩܲܒܸܠܔ ܓ̰ܘܼܢܓ̰ܵܪܹ̈ܐ، ܦܠܘܿܚ ܦܘܼܠܚܵܢܵܐ ܕܚܲܕ ܡܲܟܪܸܙܵܢܵܐ، ܘܡܲܟܡܸܠܔ ܠܚܸܠܡܲܬܘܼܟ݂.  
\v 6 ܣܵܒܵܒ ܐܵܢܵܐ ܐܵܕܝܼܵܐ ܗܕܝܼܪܵܐ ܝܘܸܢ ܕܦܵܝܫܹܢ ܡܘܼܩܪܸܒ݂ܵܐ، ܘܥܕܵܢܵܐ ܕܦܪܵܫܬ‌ܝܼ ܡܛܝܼܬܵ‌ܐ ܝܠܵܗ̇.  
\v 7 ܦܠܵܫܵܐ ܨܦܵܝܝܼ ܦܠܝܼܫܵܐ ܝܘܸܢ، ܪܲܗܛܝܼ ܡܘܼܟܡܸܠܹܗ ܝܘܸܢ، ܗܲܝܡܵܢܘܼܬ‌ܝܼ ܢܛܝܼܪܘܼܗ̇ ܝܘܸܢ.  
\v 8 ܘܐܵܕܝܼܵܐ ܦܝܼܫܵܐ ܝܠܹܗ ܢܛܝܼܪܵܐ ܐܸܠܝܼ ܟܠܝܼܠܵܐ ܕܙܲܕܝܼܩܘܼܬܵ‌ܐ، ܐܲܝܢܝܼ ܕܡܵܪܲܢ، ܕܝܼܠܹܗ ܕܲܝܵܢܵܐ ܟܹܐܢܵܐ، ܒܸܬ ܦܵܪܹܥ ܠܝܼ ܒܗ̇ܘ ܝܵܘܡܵܐ؛ ܘܠܵܐ ܐܲܚܟ̰ܝܼ ܐܸܠܝܼ، ܐܝܼܢܵܐ ܐܘܼܦ ܠܟܠܵܝܗ‌ܝ ܐܵܢܝܼ ܕܡܲܚܸܒܝܼ ܠܹܗ ܓܸܠܝܵܢܹܗ. 
\s1 ܗܡܙܡܢ̈ܐ ܦܪ̈ܨܘܦܝܐ 
\p  
\v 9 ܡܲܠܝܸܙ ܕܐܵܬܹܝܬ ܠܟܸܣܠܝܼ ܒܓ̰ܲܠܕܘܼܬܵ‌ܐ،  
\v 10 ܣܵܒܵܒ ܕܹܐܡܵܐ ܫܒ݂ܝܼܩ ܠܹܗ ܐܸܠܝܼ، ܟܲܕ ܡܘܼܚܸܒ ܠܹܗ ܠܐܵܗܵܐ ܕܘܼܢܝܹܐ ܘܐܙܝܼܠܔ ܠܹܗ ܠܬܹܣܵܠܘܿܢܝܼܩܹܐ. ܩܪܝܼܣܦܘܿܣ ܐܙܝܼܠܔ ܠܹܗ ܠܓܵܠܵܛܝܼܵܐ، ܘܛܸܛܘܿܣ ܠܕܲܠܡܵܛܝܼܵܐ.  
\v 11 ܐܲܚܟ̰ܝܼ ܠܘܼܩܵܐ ܒܢܲܦ̮ܫܹܗ ܥܲܡܝܼ ܝܠܹܗ. ܫܩܘܿܠܔ ܠܡܵܪܩܘܿܣ ܘܡܲܝܬ‌ܝܼ ܠܹܗ ܥܲܡܘܼܟ݂، ܣܵܒܵܒ ܡܵܪܹܐ ܝܘܼܬܪܵܢܵܐ ܝܠܹܗ ܐܸܠܝܼ ܒܚܸܠܡܲܬ.  
\v 12 ܛܘܼܟ݂ܝܼܩܘܿܣ ܫܘܼܕܸܪܝܼ ܠܐܵܦܸܣܘܿܣ.  
\v 13 ܐܝܼܡܲܢ ܕܐܵܬܹܝܬ ܡܲܝܬܹܝܬ ܠܵܗ̇ ܥܵܒܵܝܬܵ‌ܐ ܕܫܒ݂ܝܼܩܵܐ ܠܝܼ ܠܟܸܣ ܩܵܪܦܘܿܣ ܓܵܘ ܛܪܘܿܐܘܿܣ، ܐܘܼܦ ܡܲܝܬܹܝܬ ܠܗܘܿܢ ܟܬܵܒܹ̈ܐ، ܐܝܼܢܵܐ ܒܘܼܫ ܙܵܘܕܵܐ ܟܬܵܒܹ̈ܐ ܕܓܸܠܕܵܐ.  
\v 14 ܐܵܠܸܟܣܲܢܕܪܘܿܣ ܢܲܚܵܫܵܐ ܥܒ݂ܝܼܕ ܠܹܗ ܪܵܒܵܐ ܒܝܼܫܵܬܹ̈‌ܐ ܐܸܠܝܼ. ܡܵܪܲܢ ܒܸܬ ܦܵܪܹܥ ܠܹܗ ܐܲܝܟ݂ ܦܘܼܠܚܵܢܘܼ̈ܗ‌ܝ.  
\v 15 ܐܘܼܦ ܐܲܢ݇ܬ ܗܵܘܹܝܬ ܗܸܫܝܲܪ ܡܸܢܹܗ، ܣܵܒܵܒ ܪܵܒܵܐ ܩܝܼܡ ܠܹܗ ܕܲܠܩܘܼܒ݂ܠܔ ܕܗܹܡܸܙܡܵܢܲܢ̈.  
\v 16 ܒܝܵܗܒ݂ܵܠܬܵ‌ܐ ܕܓ̰ܘܼܘܵܒܝܼ ܩܲܕܡܵܝܬܵ‌ܐ ܐܘܼܦ ܚܲܕ ܠܵܐ ܟܠܹܐ ܠܹܗ ܥܲܡܝܼ. ܟܠܵܝܗ‌ܝ ܩܵܡ ܫܵܒ݂ܩܝܼ ܠܝܼ. ܐܵܗܵܐ ܠܵܐ ܦܵܝܫܵܐ ܚܘܼܫܒܸܢܬܵ‌ܐ ܓܢܵܗܵܐ ܐܸܠܵܝܗ‌ܝ.  
\v 17 ܐܝܼܢܵܐ ܡܵܪܲܢ ܟܠܹܐ ܠܹܗ ܒܕܸܦܢܝܼ ܘܩܵܡ ܚܲܠܸܢܝܼ، ܗܵܕܟ݂ܵܐ ܕܡܲܟܪܲܙܬܵ‌ܐ ܒܝܼܝܼ ܦܵܝܫܵܐ ܬܘܼܡܸܡܬܵ‌ܐ، ܘܟܠܵܝܗ‌ܝ ܐܸܡܘܵܬܹ̈‌ܐ ܫܵܡܥܝܼ. ܘܦܝܼܫ ܠܝܼ ܦܘܼܨܝܵܐ ܡ̣ܢ ܦܘܼܡܵܐ ܕܐܲܪܝܵܐ.  
\v 18 ܘܒܸܬ ܦܲܨܹܐ ܠܝܼ ܡܵܪܲܢ ܡ̣ܢ ܟܠܔ ܦܘܼܠܚܵܢܵܐ ܒܝܼܫܵܐ، ܘܒܸܬ ܡܲܡܛܹܐ ܠܝܼ ܨܵܠܵܡܲܬ ܠܡܲܠܟܘܼܬܹܗ ܫܡܲܝܵܢܵܝܬܵ‌ܐ. ܐܸܠܹܗ ܚܸܩܪܵܐ ܠܥܵܠܲܡ ܥܵܠܡܝܼܢ. ܐܵܡܹܝܢ. 
\s1 ܫܠܡ̈ܐ ܕܚܘܬܡܐ 
\p  
\v 19 ܗܲܒ݂ܠܔ ܫܠܵܡܵܐ ܠܦܪܝܼܣܩܸܠܵܐ ܘܠܐܵܩܸܠܘܿܣ، ܘܠܒܲܝܬܵ‌ܐ ܕܐܵܢܹܣܝܼܦܵܪܘܿܣ.  
\v 20 ܐܵܪܸܣܛܘܿܣ ܦܝܼܫ ܠܹܗ ܓܵܘ ܩܘܿܪܲܢܬܘܿܣ، ܐܝܼܢܵܐ ܠܛܪܘܿܦܝܼܡܘܿܣ ܫܒ݂ܝܼܩ ܠܝܼ ܡܪܝܼܥܵܐ ܓܵܘ ܡܝܼܠܹܛܘܿܣ.  
\v 21 ܡܲܠܝܸܙ ܕܐܵܬܹܝܬ ܡ̣ܢ ܩܲܕܡ ܣܸܬܘܵܐ. ܒܝܼܵܗܒ݂ܘܼܟ݂ ܝܼܠܹܗ ܫܠܵܡܵܐ ܐܹܘܒܘܿܠܘܿܣ، ܐܘܼܦ ܦܘܿܕܸܣ ܘܠܝܼܢܘܿܣ ܘܩܠܵܘܕܝܼܵܐ ܘܟܠܵܝܗ‌ܝ ܐܲܚܘܿܢܘܵܬܹ̈‌ܐ.  
\v 22 ܡܵܪܲܢ ܗܵܘܹܐ ܥܲܡ ܪܘܼܚܘܼܟ݂. ܫܵܦܵܩܲܬ ܥܲܡܵܘܟ݂ܘܿܢ. ܐܵܡܹܝܢ.