\id 2TH  
\h ܒ ܬܣܠܘܢܝܩܝ̈ܐ 
\toc1 ܐܓܪܬ‌ܐ ܕܬܪܬܝ ܕܦܘܠܘܣ ܫܠܝܚܐ ܠܬܣܠܘܢܝܩܝ̈ܐ 
\toc2 ܒ ܬܣܠܘܢܝܩܝ̈ܐ 
\toc3 2TH 
\mt1 ܐܓܪܬ‌ܐ ܕܬܪܬܝ ܕܦܘܠܘܣ ܫܠܝܚܐ ܠܬܣܠܘܢܝܩܝ̈ܐ 
\c 1  
\s1 ܫܠܡ̈ܐ 
\p  
\v 1 ܦܵܘܠܘܿܣ ܘܣܸܠܘܵܢܘܿܣ ܘܛܝܼܡܵܬܹܐܘܿܣ، ܠܥܹܕܬܵ‌ܐ ܕܬܹܣܵܠܘܿܢܝܼܩܵܝܹ̈ܐ ܕܝܼܢܵܐ ܒܐܲܠܵܗܵܐ ܒܵܒܲܢ ܘܡܵܪܲܢ ܝܼܫܘܿܥ ܡܫܝܼܚܵܐ،  
\v 2 ܫܵܦܵܩܲܬ ܘܫܠܵܡܵܐ ܐܸܠܵܘܟ݂ܘܿܢ ܡ̣ܢ ܐܲܠܵܗܵܐ ܒܵܒܵܐ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ. 
\s1 ܫܟܪܬ‌ܐ ܘܨܠܘܬ‌ܐ 
\p  
\v 3 ܘܵܠܹܐ ܝܠܵܗ̇ ܠܫܲܟܘܼܪܹܐ ܠܐܲܠܵܗܵܐ ܒܟܠܔ ܙܲܒ݂ܢܵܐ ܒܘܼܬ ܕܝܼܵܘܟ݂ܘܿܢ ܐܲܚܘܿܢܘܵܬܹ̈‌ܐ، ܐܲܝܟ݂ ܕܝܼܠܵܗ̇ ܚܫܝܼܚܬܵ‌ܐ، ܣܵܒܵܒ ܗܲܝܡܵܢܘܼܬܵܘܟ݂ܘܿܢ ܒܸܙܝܵܕܵܐ ܝܠܵܗ̇ ܪܵܒܵܐ، ܘܚܘܼܒܵܐ ܕܟܠܔ ܚܲܕ ܡܸܢܵܘܟ݂ܘܿܢ ܓܲܪܘܘܼܣܹܐ ܝܠܹܗ، ܚܲܕ ܠܟܸܣ ܗ̇ܘ ܐܚܹܪܢܵܐ.  
\v 4 ܗܵܕܟ݂ܵܐ ܕܐܲܚܢܲܢ ܒܓܵܢܲܢ ܐܝܼܬ ܠܲܢ ܫܘܼܒ݂ܗܵܪܵܐ ܒܝܼܵܘܟ݂ܘܿܢ ܓܵܘ ܥܹܕܵܬܹ̈‌ܐ ܕܐܲܠܵܗܵܐ ܒܘܼܬ ܚܡܵܠܬܵܘܟ݂ܘܿܢ ܘܗܲܝܡܵܢܘܼܬܵܘܟ݂ܘܿܢ ܓܵܘ ܟܠܵܝܗ‌ܝ ܟܲܡܲܪ̈ܝܵܬܵܘܟ݂ܘܿܢ ܘܪ̈ܕܘܼܦܝܵܘܟ݂ܘܿܢ ܘܐܘܼܠܨܵܢܵܘ̈ܟ݂ܘܿܢ ܕܒܸܚܡܵܠܵܐ ܝܬܘܿܢ.  
\v 5 ܐܵܗܵܐ ܡܲܣܒܘܼܬܹ‌ܐ ܝܠܵܗ̇ ܕܕܝܵܢܬܵ‌ܐ ܕܐܲܠܵܗܵܐ ܫܲܪܝܼܪܬܵ‌ܐ ܝܠܵܗ̇، ܕܚܵܫܚܝܼܬܘܿܢ ܠܡܲܠܟܘܼܬܵ‌ܐ ܕܐܲܠܵܗܵܐ، ܗ̇ܝ ܕܒܘܼܬ ܕܝܼܘܼܗ̇ ܓ̰ܲܢܓ̰ܘܼܪܹܐ ܝܬܘܿܢ،  
\v 6 ܣܵܒܵܒ ܐܲܠܵܗܵܐ ܫܲܪܝܼܪܵܐ ܝܠܹܗ ܕܦܵܪܹܥ ܐܘܼܠܨܵܢܹ̈ܐ ܠܐܵܢܝܼ ܕܡܲܠܝܘܼܨܵܘܟ݂ܘܿܢ ܝܼܢܵܐ،  
\v 7 ܘܕܐܸܠܵܘܟ݂ܘܿܢ ܕܝܼܬܘܿܢ ܡܘܼܠܝܸܨܹܐ ܒܸܬ ܝܵܗܒܹܠܔ ܢܝܵܚܵܐ ܥܲܡܲܢ، ܐܝܼܡܲܢ ܕܦܵܐܹܫ ܓܸܠܝܵܐ ܡܵܪܲܢ ܝܼܫܘܿܥ ܡ̣ܢ ܫܡܲܝܵܐ ܥܲܡ ܡܲܠܲܐܟ݂ܘܼ̈ܗ‌ܝ ܚܲܝܠܵܢܹ̈ܐ،  
\v 8 ܒܠܵܗܵܐ ܕܢܘܼܪܵܐ ܒܸܫܩܵܠܵܐ ܬܘܼܥܠܵܐ ܡ̣ܢ ܐܵܢܝܼ ܕܠܹܐ ܝܵܕܥܝܼ ܠܐܲܠܵܗܵܐ، ܘܐܵܢܝܼ ܕܠܹܐ ܡܲܨܝܸܬ‌ܝܼ ܠܐܹܘܲܢܓܲܠܝܼܘܿܢ ܕܡܵܪܲܢ ܝܼܫܘܿܥ.  
\v 9 ܐܲܢܹܐ ܒܸܬ ܦܵܝܫܝܼ ܕܝܼܢܹܐ ܒܛܠܵܩܵܐ ܐܵܒܵܕܝܼܢܵܝܵܐ ܡ̣ܢ ܩܲܕܡ ܦܵܬܵ‌ܐ ܕܡܵܪܲܢ، ܘܡ̣ܢ ܚܸܩܪܵܐ ܕܚܲܝܠܹܗ،  
\v 10 ܒܗ̇ܘ ܝܵܘܡܵܐ ܐܝܼܡܲܢ ܕܐܵܬܹ‌ܐ ܕܦܵܐܹܫ ܚܩܝܼܪܵܐ ܓܵܘ ܩܲܕܝܼܫܘܼ̈ܗ‌ܝ، ܘܩܲܒܸܠܔ ܥܘܼܓ̰ܵܒܵܐ ܡ̣ܢ ܟܠܵܝܗ‌ܝ ܐܵܢܝܼ ܕܗܘܼܡܸܢܗܘܿܢ، ܣܵܒܵܒ ܗܘܼܡܸܢܵܘܟ݂ܘܿܢ ܠܣܵܗܕܘܼܬܲܢ.  
\v 11 ܒܘܼܬ ܐܵܗܵܐ ܐܲܡܝܼܢܵܐܝܼܬ ܟܹܐ ܗܵܘܲܚ ܨܲܠܘܼܝܹܐ ܒܘܼܬ ܕܝܼܵܘܟ݂ܘܿܢ، ܕܗܵܘܹܝܬܘܿܢ ܚܫܝܼܚܹܐ ܠܓܲܒܲܝܬܵ‌ܐ ܕܐܲܠܵܗܲܢ، ܘܡܲܟܡܸܠܔ ܒܝܼܵܘܟ݂ܘܿܢ ܒܚܲܝܠܹܗ ܟܠܔ ܢܝܼܫܵܐ ܨܦܵܝܝܼ ܠܛܵܒ݂ܬܵ‌ܐ ܘܠܦܘܼܠܚܵܢܵܐ ܕܗܲܝܡܵܢܘܼܬܵ‌ܐ،  
\v 12 ܗܵܕܟ݂ܵܐ ܕܫܸܡܵܐ ܕܡܵܪܲܢ ܝܼܫܘܿܥ ܦܵܐܹܫ ܚܩܝܼܪܵܐ ܒܝܼܵܘܟ݂ܘܿܢ، ܘܐܲܚܬܘܿܢ ܒܝܼܹܗ، ܐܲܝܟ݂ ܫܵܦܵܩܲܬ ܕܐܲܠܵܗܲܢ ܘܡܵܪܲܢ ܝܼܫܘܿܥ ܡܫܝܼܚܵܐ. 
\c 2  
\s1 ܐܢܫܐ ܕܚܛܝܬ‌ܐ 
\p  
\v 1 ܒܘܼܬ ܐܬܵܝܬܵ‌ܐ ܕܡܵܪܲܢ ܝܼܫܘܿܥ ܡܫܝܼܚܵܐ ܘܓ̰ܡܵܥܬܲܢ ܡܥܘܼܕܵܠܹܐ ܠܟܸܣܠܹܗ، ܒܸܛܠܵܒܵܐ ܝܘܲܚ ܡܸܢܵܘܟ݂ܘܿܢ ܐܲܚܘܿܢܘܵܬܹ̈‌ܐ،  
\v 2 ܠܵܐ ܓ̰ܲܠܕܹܐ ܦܵܝܫܝܼܬܘܿܢ ܫܥܝܼܫܹܐ ܒܪܸܥܝܵܢܵܘܟ݂ܘܿܢ، ܘܠܵܐ ܡܘܼܫܓܸܫܹܐ ܒܝܲܕ ܪܘܼܚܵܐ ܝܲܢ ܒܗܹܡܸܙܡܵܢ ܝܲܢ ܒܐܸܓܲܪܬܵ‌ܐ، ܐܲܝܟ݂ ܕܐܸܢ ܦܝܼܫܬܵ‌ܐ ܝܠܵܗ̇ ܟܬܝܼܒ݂ܬܵ‌ܐ ܒܝܼܲܢ ܒܹܐܡܵܪܵܐ: ”ܝܵܘܡܵܐ ܕܡܵܪܲܢ ܡܸܛܝܵܐ ܝܠܹܗ.“  
\v 3 ܐܘܼܦ ܚܲܕ ܠܵܐ ܡܲܚܠܸܛ ܠܵܘܟ݂ܘܿܢ ܒܗܸܟ̃ ܐܘܼܪܚܵܐ، ܣܵܒܵܒ ܗ̇ܘ ܝܵܘܡܵܐ ܠܹܐ ܐܵܬܹ‌ܐ ܐܸܢ ܩܲܕܡܵܝܬܵ‌ܐ ܠܵܐ ܐܵܬܝܵܐ ܡܵܪܘܿܕܘܼܬܵ‌ܐ ܘܦܵܐܹܫ ܓܸܠܝܵܐ ܒܲܪܢܵܫܵܐ ܕܚܛܝܼܬܵ‌ܐ، ܒܪܘܿܢܵܐ ܕܐܲܒ݂ܕܵܢܵܐ،  
\v 4 ܗ̇ܘ ܕܝܼܠܹܗ ܕܲܠܩܘܼܒ݂ܠܵܝܵܐ ܘܡܲܪܘܼܡܘܼܗ̇ ܝܠܹܗ ܓܵܢܹܗ ܥܲܠܔ ܟܠܔ ܡܸܢܕܝܼ ܕܝܼܠܹܗ ܦܝܼܫܵܐ ܩܸܪܝܵܐ ܐܲܠܵܗܵܐ ܘܕܝܼܠܹܗ ܣܓ݂ܝܼܕܵܐ، ܗܵܕܟ݂ܵܐ ܕܡܲܬܘܼܒ݂ܘܼܗ̇ ܝܠܹܗ ܓܵܢܹܗ ܓܵܘ ܗܲܝܟܠܵܐ ܕܐܲܠܵܗܵܐ، ܘܡܲܚܙܘܼܝܘܼܗ̇ ܓܵܢܹܗ ܐܲܝܟ݂ ܕܐܸܢ ܐܲܠܵܗܵܐ ܝܠܹܗ.\x + \xo 2:4 \xt ܕܢܝܐܝܠܔ 11‏:36\x* 
\v 5 ܠܹܐ ܝܬܘܿܢ ܒܸܕܟ݂ܵܪܵܐ ܕܐܡܝܼܪܝܼ ܐܲܢܹܐ ܐܸܠܵܘܟ݂ܘܿܢ ܐܝܼܡܲܢ ܕܝܼܘܸܢ ܗܘܵܐ ܥܲܡܵܘܟ݂ܘܿܢ؟  
\v 6 ܘܐܵܕܝܼܵܐ ܒܝܼܕܵܥܵܐ ܝܬܘܿܢ ܕܡܘܼܕܝܼ ܝܠܹܗ ܡܲܟܠܘܼܝܹܐ ܗܲܠܔ ܕܦܵܐܹܫ ܓܸܠܝܵܐ ܒܙܲܒ݂ܢܹܗ.  
\v 7 ܣܵܒܵܒ ܐܪܵܙܵܐ ܕܥܵܘܠܵܐ ܡ̣ܢ ܓ̰ܲܠܕܹܐ ܒܸܦܠܵܚܵܐ ܝܠܹܗ، ܐܝܼܢܵܐ ܗ̇ܘ ܕܡܲܟܠܘܼܝܹܗ ܝܠܹܗ ܗܲܠܔ ܐܵܕܝܼܵܐ ܒܸܬ ܥܵܒܹܕ ܗܵܕܟ݂ܵܐ ܗܲܠܔ ܕܦܵܐܹܫ ܫܩܝܼܠܵܐ ܡ̣ܢ ܐܘܼܪܚܵܐ.  
\v 8 ܗ̇ܝܓܵܗ ܒܸܬ ܦܵܐܹܫ ܓܸܠܝܵܐ ܗ̇ܘ ܕܝܼܠܹܗ ܥܵܘܵܠܵܐ، ܗ̇ܘ ܕܡܵܪܲܢ ܝܼܫܘܿܥ ܒܸܬ ܛܲܠܸܩ ܠܹܗ ܒܢܦܵܚܬܵ‌ܐ ܕܦܘܼܡܹܗ، ܘܒܸܬ ܒܲܛܸܠܔ ܠܹܗ ܒܫܲܦ̮ܩܵܐ ܕܐܬܵܝܬܹܗ.  
\v 9 ܗ̇ܘ ܥܵܘܵܠܵܐ ܐܬܵܝܬܹܗ ܐܲܝܟ݂ ܦܘܼܠܚܵܢܵܐ ܕܣܵܛܵܢܵܐ ܝܠܵܗ̇، ܒܟܠܹܗ ܚܲܝܠܵܐ ܘܢܝܼܫܲܢܩܹ̈ܐ ܘܕܘܼܡܵܪܹ̈ܐ ܕܕܘܼܓܠܵܐ،  
\v 10 ܘܒܟܠܵܗ̇ ܥܲܠܕܲܝܬܵ‌ܐ ܕܥܵܘܠܵܐ ܠܐܵܢܝܼ ܕܒܸܛܠܵܩܵܐ ܝܢܵܐ، ܣܵܒܵܒ ܠܵܐ ܩܘܼܒܸܠܔ ܠܗܘܿܢ ܚܘܼܒܵܐ ܕܫܪܵܪܵܐ ܕܦܵܪܩܝܼ ܗܘܵܘ.  
\v 11 ܒܘܼܬ ܐܵܗܵܐ ܐܲܠܵܗܵܐ ܒܸܬ ܫܲܕܸܪ ܐܸܠܵܝܗ‌ܝ ܚܸܠܛܸܢܝܘܼܬܵ‌ܐ ܓܘܼܪܬܵ‌ܐ ܕܗܲܡܸܢܝܼ ܠܕܘܼܓܠܵܐ،  
\v 12 ܕܦܵܝܫܝܼ ܕܝܼܢܹܐ ܟܠܵܝܗ‌ܝ ܐܵܢܝܼ ܕܠܵܐ ܗܘܼܡܸܢܗܘܿܢ ܠܫܪܵܪܵܐ، ܐܸܠܵܐ ܒܣܝܼܡ ܠܵܗ̇ ܠܗܘܿܢ ܒܥܵܘܠܵܐ. 
\s1 ܓܘܒܝܐ ܠܦܘܪܩܢܐ 
\p  
\v 13 ܐܝܼܢܵܐ ܐܲܚܢܲܢ ܐܲܚܘܿܢܘܵܬܹ̈‌ܐ، ܘܵܠܹܐ ܝܠܵܗ̇ ܕܫܲܟܪܲܚ ܠܐܲܠܵܗܵܐ ܒܟܠܔ ܙܲܒ݂ܢܵܐ ܒܘܼܬ ܕܝܼܵܘܟ݂ܘܿܢ، ܡܘܼܚܸܒܹ̈ܐ ܒܡܵܪܲܢ، ܣܵܒܵܒ ܡ̣ܢ ܩܲܕܡܵܝܬܵ‌ܐ ܐܲܠܵܗܵܐ ܩܵܡ ܓܲܒܹܐ ܠܵܘܟ݂ܘܿܢ ܠܦܘܼܪܩܵܢܵܐ ܒܡܩܲܕܲܫܬܵ‌ܐ ܕܪܘܼܚܵܐ ܘܗܲܝܡܵܢܘܼܬܵ‌ܐ ܒܫܪܵܪܵܐ.  
\v 14 ܠܕܐܵܗܵܐ ܩܪܹܐ ܠܹܗ ܐܸܠܵܘܟ݂ܘܿܢ ܒܐܹܘܲܢܓܲܠܝܼܘܿܢ ܕܝܼܲܢ، ܕܗܵܘܹܝܬܘܿܢ ܫܲܪ̈ܝܼܟܹܐ ܒܚܸܩܪܵܐ ܕܡܵܪܲܢ ܝܼܫܘܿܥ ܡܫܝܼܚܵܐ.  
\v 15 ܗܵܕܟ݂ܵܐ ܐܲܚܘܿܢܘܵܬܹ̈‌ܐ، ܟܠܹܝܡܘܼܢ ܩܸܘܝܹܐ، ܘܕܒ݂ܘܿܩܘܼܢ ܒܣܲܦܝܵܢܘܼܝܵܬܹ̈‌ܐ ܕܝܠܝܼܦ ܠܵܘܟ݂ܘܿܢ ܡܸܢܲܢ، ܝܲܢ ܒܗܹܡܸܙܡܵܢ ܕܦܘܼܡܵܐ ܝܲܢ ܒܐܸܓܲܪܬܵ‌ܐ.  
\v 16 ܡܵܪܲܢ ܝܼܫܘܿܥ ܡܫܝܼܚܵܐ ܒܓܵܢܹܗ ܘܐܲܠܵܗܵܐ ܒܵܒܲܢ، ܗ̇ܘ ܕܡܘܼܚܸܒ ܠܹܗ ܐܸܠܲܢ ܘܒܫܵܦܵܩܲܬ ܝܘܼܗܒܹܠܔ ܠܹܗ ܐܸܠܲܢ ܒܘܼܝܵܐܵܐ ܥܵܠܡܝܼܢܵܝܵܐ ܘܣܲܒ݂ܪܵܐ ܛܵܒ݂ܵܐ،  
\v 17 ܚܲܠܸܢ ܠܸܒܵܘܟ݂ܘܿܢ ܘܣܵܢܹܕ ܠܵܘܟ݂ܘܿܢ ܒܟܠܔ ܗܹܡܸܙܡܵܢ ܘܒܟܠܔ ܦܘܼܠܚܵܢܵܐ ܛܵܒ݂ܵܐ. 
\c 3  
\s1 ܨܠܝܡܘܢ ܡ̣ܢ ܓܒܢ 
\p  
\v 1 ܒܚܲܪܬܵ‌ܐ ܐܲܚܘܿܢܘܵܬܹ̈‌ܐ، ܨܲܠܹܝܡܘܼܢ ܡ̣ܢ ܓܹܒܲܢ ܕܦܵܪܣܵܐ ܗܹܡܸܙܡܵܢ ܕܡܵܪܲܢ ܘܦܵܝܫܵܐ ܚܩܝܼܪܬܵ‌ܐ، ܐܲܝܟ݂ ܕܝܼܠܵܗ̇ ܠܟܸܣܠܵܘܟ݂ܘܿܢ،  
\v 2 ܘܕܦܵܝܫܲܚ ܦܘܼܨܝܹܐ ܡ̣ܢ ܐܢܵܫܹ̈ܐ ܦܟ̰ܝܼܠܹ̈ܐ ܘܒܝܼܫܹ̈ܐ، ܣܵܒܵܒ ܗܲܝܡܵܢܘܼܬܵ‌ܐ ܠܹܐ ܝܠܵܗ̇ ܕܟܠܵܝܗ‌ܝ ܐܢܵܫܹ̈ܐ.  
\v 3 ܐܝܼܢܵܐ ܡܗܘܼܡܢܵܐ ܝܠܹܗ ܡܵܪܝܵܐ، ܘܗ̇ܘ ܒܸܬ ܣܵܢܹܕ ܠܵܘܟ݂ܘܿܢ ܘܢܵܛܹܪܵܘܟ݂ܘܿܢ ܡ̣ܢ ܒܝܼܫܵܐ.  
\v 4 ܘܐܲܚܢܲܢ ܚܵܬܸܪܓ̰ܲܡܥ ܝܼܘܲܚ ܒܡܵܪܲܢ ܕܒܸܥܒ݂ܵܕܵܐ ܝܬܘܿܢ ܘܒܸܬ ܥܵܒ݂ܕܝܼܬܘܿܢ ܡܸܢܕܝܼܵܢܹ̈ܐ ܕܦܩܝܼܕ ܠܲܢ ܐܸܠܵܘܟ݂ܘܿܢ.  
\v 5 ܘܡܵܪܲܢ ܡܗܲܕܹܐ ܠܸܒܵܘܟ݂ܘܿܢ ܒܚܘܼܒܵܐ ܕܐܲܠܵܗܵܐ ܘܒܚܡܵܠܬܵ‌ܐ ܕܡܫܝܼܚܵܐ. 
\s1 ܡܪܥܫܬ‌ܐ ܒܘܬ ܒܛܝܠܘܬ‌ܐ 
\p  
\v 6 ܦܲܩܘܼܕܹܐ ܝܘܲܚ ܐܸܠܵܘܟ݂ܘܿܢ، ܐܲܚܘܿܢܘܵܬܹ̈‌ܐ، ܒܫܸܡܵܐ ܕܡܵܪܲܢ ܝܼܫܘܿܥ ܡܫܝܼܚܵܐ، ܕܪܵܚܩܝܼܬܘܿܢ ܡ̣ܢ ܟܠܔ ܐܲܚܘܿܢܵܐ ܒܲܛܝܼܠܵܐ ܕܠܹܐ ܝܠܹܗ ܒܸܚܵܝܵܐ ܐܲܝܟ݂ ܣܲܦܝܵܢܘܼܬܵ‌ܐ ܕܩܘܼܒܸܠܔ ܠܵܘܟ݂ܘܿܢ ܡܸܢܲܢ.  
\v 7 ܣܵܒܵܒ ܒܓܵܢܵܘܟ݂ܘܿܢ ܟܹܐ ܝܵܕܥܝܼܬܘܿܢ ܘܵܠܹܐ ܝܠܵܗ̇ ܕܫܵܩܠܝܼܬܘܿܢ ܛܘܼܦ̮ܣܵܐ ܡܸܢܲܢ، ܣܵܒܵܒ ܠܵܐ ܗܘܹܐ ܠܲܢ ܒܲܛܝܼܠܹ̈ܐ ܐܝܼܡܲܢ ܕܝܼܘܲܚ ܗܘܵܘ ܠܟܸܣܠܵܘܟ݂ܘܿܢ،  
\v 8 ܐܘܼܦ ܠܲܚܡܵܐ ܚܘܼܪܵܝܝܼ ܠܵܐ ܐܟ݂ܝܼܠܔ ܠܲܢ ܡ̣ܢ ܠܟܸܣ ܗܸܟ̃ ܚܲܕ، ܐܸܠܵܐ ܦܠܝܼܚ ܠܲܢ ܒܠܲܝܠܹܐ ܘܒܐܝܼܡܵܡܵܐ، ܒܥܲܡܠܵܐ ܘܒܓ̰ܗܵܝܬܵ‌ܐ، ܕܠܵܐ ܡܲܬܒܲܚ ܗܘܵܘ ܝܘܼܩܪܵܐ ܥܲܠܔ ܗܸܟ̃ ܚܲܕ ܡܸܢܵܘܟ݂ܘܿܢ،  
\v 9 ܠܵܐ ܣܵܒܵܒ ܠܲܝܬ ܠܲܢ ܗܵܩܘܼܬܵ‌ܐ ܕܥܵܒ݂ܕܲܚ ܗܵܕܟ݂ܵܐ، ܐܸܠܵܐ ܕܗܵܘܲܚ ܛܘܼܦ̮ܣܵܐ ܐܸܠܵܘܟ݂ܘܿܢ، ܕܥܵܒ݂ܕܝܼܬܘܿܢ ܡܐܲܝܟ݂ ܕܝܼܲܢ.  
\v 10 ܣܵܒܵܒ ܐܝܼܡܲܢ ܕܟܸܣܠܵܘܟ݂ܘܿܢ ܝܼܘܲܚ ܗܘܵܘ ܦܩܝܼܕ ܠܲܢ ܐܸܠܵܘܟ݂ܘܿܢ، ܕܐܸܢ ܐܢܵܫܵܐ ܠܵܐ ܦܵܠܹܚ، ܐܘܼܦ ܠܵܐ ܐܵܟܹܠܔ.  
\v 11 ܣܵܒܵܒ ܒܸܫܡܵܥܵܐ ܝܘܲܚ ܕܐܝܼܬ ܐܢܵܫܹ̈ܐ ܓܵܘܵܘܟ݂ܘܿܢ ܕܒܸܚܵܝܵܐ ܝܢܵܐ ܒܲܛܝܼܠܹ̈ܐ، ܠܹܐ ܝܢܵܐ ܒܸܥܒ݂ܵܕܵܐ ܗܸܟ̃ ܡܸܢܕܝܼ، ܐܸܠܵܐ ܒܸܚܒ݂ܵܛܵܐ ܝܢܵܐ ܒܫܘܼܠܵܢܹ̈ܐ ܣܪ̈ܝܼܩܹܐ.  
\v 12 ܐܝܼܢܵܐ ܗܲܪ ܠܐܲܢܹܐ ܦܲܩܘܼܕܹܐ ܝܘܲܚ ܘܒܸܛܠܵܒܵܐ ܡܸܢܵܝܗ‌ܝ ܒܡܵܪܲܢ ܝܼܫܘܿܥ ܡܫܝܼܚܵܐ، ܕܒܫܸܠܝܘܼܬܵ‌ܐ ܗܵܘܝܼ ܒܸܦܠܵܚܵܐ ܘܒܹܐܟ݂ܵܠܵܐ ܠܲܚܡܵܐ ܕܓܵܢܵܝܗ‌ܝ.  
\v 13 ܘܐܲܚܬܘܿܢ ܐܲܚܘܿܢܘܵܬܹ̈‌ܐ، ܠܵܐ ܣܵܩܕܝܼܬܘܿܢ ܡ̣ܢ ܠܸܥܒ݂ܵܕܵܐ ܡܸܢܕܝܼ ܛܵܒ݂ܵܐ.  
\v 14 ܘܐܸܢ ܐܢܵܫܵܐ ܠܵܐ ܡܲܨܝܸܬ ܠܗܹܡܸܙܡܵܢܲܢ̈ ܕܓܵܘ ܐܵܗܵܐ ܐܸܓܲܪܬܵ‌ܐ، ܪܫܘܿܡܘܼܢ ܠܹܗ، ܘܠܵܐ ܚܵܒ݂ܛܝܼܬܘܿܢ ܥܲܡܹܗ، ܕܦܵܐܹܫ ܢܟ݂ܝܼܦܵܐ.  
\v 15 ܐܝܼܢܵܐ ܠܵܐ ܚܵܫܒ݂ܝܼܬܘܿܢ ܠܹܗ ܐܲܝܟ݂ ܕܸܫ̃ܡܸܢ، ܐܸܠܵܐ ܗܲܒ݂ܠܘܼܢ ܠܹܗ ܢܵܨܝܼܗܲܬ ܐܲܝܟ݂ ܕܠܐܲܚܘܿܢܵܐ. 
\s1 ܫܠܡ̈ܐ ܕܚܘܬܡܐ 
\p  
\v 16 ܘܡܵܪܵܐ ܕܫܠܵܡܵܐ ܒܓܵܢܹܗ ܝܵܗܒܹܠܔ ܠܵܘܟ݂ܘܿܢ ܫܠܵܡܵܐ ܒܟܠܔ ܙܲܒ݂ܢܵܐ ܘܒܟܠܔ ܐܘܼܪܚܵܐ. ܡܵܪܲܢ ܥܲܡ ܟܠܵܘܟ݂ܘܿܢ.  
\v 17 ܐܵܢܵܐ ܦܵܘܠܘܿܣ ܒܸܟܬܵܒ݂ܵܐ ܝܘܸܢ ܐܵܗܵܐ ܫܠܵܡܵܐ ܒܐܝܼܕܵܐ ܕܓܵܢܝܼ، ܕܝܼܠܹܗ ܢܝܼܫܲܢܩܵܐ ܓܵܘ ܟܠܔ ܐܸܓܲܪܬܵ‌ܐ.  
\v 18 ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ ܥܲܡ ܟܠܵܘܟ݂ܘܿܢ. ܐܵܡܹܝܢ.