\id 2CO  
\h ܒ ܩܘܪ̈ܢܬܝܐ 
\toc1 ܐܓܪܬ‌ܐ ܕܬܪܬ‌ܝ ܕܦܘܠܘܣ ܫܠܝܚܐ ܠܩܘܪ̈ܢܬܝܐ 
\toc2 ܒ ܩܘܪ̈ܢܬܝܐ 
\toc3 2CO 
\mt1 ܐܓܪܬ‌ܐ ܕܬܪܬ‌ܝ ܕܦܘܠܘܣ ܫܠܝܚܐ ܠܩܘܪ̈ܢܬܝܐ 
\c 1  
\s1 ܫܠܡ̈ܐ 
\p  
\v 1 ܦܵܘܠܘܿܣ ܫܠܝܼܚܵܐ ܕܝܼܫܘܿܥ ܡܫܝܼܚܵܐ ܒܨܸܒ݂ܝܵܢܵܐ ܕܐܲܠܵܗܵܐ، ܘܛܝܼܡܵܬܹܐܘܿܣ ܐܲܚܘܿܢܵܐ، ܠܥܹܕܬܵ‌ܐ ܕܐܲܠܵܗܵܐ ܓܵܘ ܩܘܿܪܲܢܬܘܿܣ، ܘܠܟܠܵܝܗ‌ܝ ܩܲܕܝܼܫܹ̈ܐ ܕܝܼܢܵܐ ܒܟܠܵܗ̇ ܐܵܟ݂ܵܐܝܼܵܐ.  
\v 2 ܫܵܦܵܩܲܬ ܘܫܠܵܡܵܐ ܐܸܠܵܘܟ݂ܘܿܢ ܡ̣ܢ ܐܲܠܵܗܵܐ ܒܵܒܲܢ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ. 
\s1 ܫܟܪܬ‌ܐ 
\p  
\v 3 ܡܒܘܼܪܟ݂ܵܐ ܝܠܹܗ ܐܲܠܵܗܵܐ ܘܒܵܒܵܐ ܕܡܵܪܲܢ ܝܼܫܘܿܥ ܡܫܝܼܚܵܐ، ܒܵܒܵܐ ܕܪ̈ܲܚܡܹܐ ܘܐܲܠܵܗܵܐ ܕܟܠܵܗ̇ ܝܵܗܒ݂ܵܠܬܵ‌ܐ ܕܠܸܒܵܐ،  
\v 4 ܗ̇ܘ ܕܟܹܐ ܝܵܗܒܹܠܔ ܠܲܢ ܠܸܒܵܐ ܓܵܘ ܟܠܵܝܗ‌ܝ ܐܘܼܠܨܵܢܲܢ̈، ܕܐܘܼܦ ܐܲܚܢܲܢ ܡܵܨܲܚ ܝܵܗܒܲܚ ܠܸܒܵܐ ܠܐܵܢܝܼ ܕܝܼܢܵܐ ܓܵܘ ܟܠܵܝܗ‌ܝ ܐܘܼܠܨܵܢܹ̈ܐ، ܒܝܲܕ ܝܵܗܒ݂ܵܠܬܵ‌ܐ ܕܠܸܒܵܐ ܕܐܲܚܢܲܢ ܒܓܵܢܲܢ ܩܲܒܘܼܠܹܐ ܝܘܲܚ ܡ̣ܢ ܐܲܠܵܗܵܐ.  
\v 5 ܣܵܒܵܒ ܕܵܐܟ݂ܝܼ ܕܟܹܐ ܙܵܝܕܝܼ ܓܵܘܲܢ ܚܲܫܹ̈ܐ ܕܡܫܝܼܚܵܐ، ܗܵܕܟ݂ܵܐ ܐܘܼܦ ܝܵܗܒ݂ܵܠܬܵ‌ܐ ܕܠܸܒܵܐ ܒܝܲܕ ܡܫܝܼܚܵܐ ܟܹܐ ܙܵܝܕܵܐ ܓܵܘܲܢ.  
\v 6 ܐܸܢ ܦܵܝܫܲܚ ܡܘܼܠܝܸܨܹܐ، ܒܘܼܬ ܚܵܬܸܪ ܕܝܵܗܒ݂ܵܠܬܵ‌ܐ ܕܠܸܒܵܐ ܐܸܠܵܘܟ݂ܘܿܢ ܘܦܘܼܪܩܵܢܵܘܟ݂ܘܿܢ ܟܹܐ ܦܵܝܫܲܚ ܡܘܼܠܝܸܨܹܐ. ܘܐܸܢ ܦܵܝܫܲܚ ܝܘܼܗܒܹܐ ܠܸܒܵܐ، ܒܘܼܬ ܚܵܬܸܪ ܕܝܼܵܘܟ݂ܘܿܢ ܟܹܐ ܦܵܝܫܲܚ ܝܘܼܗܒܹܐ ܠܸܒܵܐ، ܕܗܵܘܝܵܐ ܒܝܼܵܘܟ݂ܘܿܢ ܚܡܵܠܬܵ‌ܐ ܓܵܘ ܐܘܼܠܨܵܢܹ̈ܐ ܕܐܘܼܦ ܐܲܚܢܲܢ ܒܝܼܵܝܗ‌ܝ ܟܹܐ ܦܵܝܫܲܚ ܡܘܼܠܝܸܨܹܐ.  
\v 7 ܘܗܹܒ݂ܝܼܲܢ ܒܘܼܬ ܕܝܼܵܘܟ݂ܘܿܢ ܩܘܝܼܬܵ‌ܐ ܝܠܵܗ̇، ܣܵܒܵܒ ܟܹܐ ܝܵܕܥܲܚ ܐܲܝܟ݂ ܕܝܼܬܘܿܢ ܫܲܪ̈ܝܼܟܹܐ ܒܐܘܼܠܨܵܢܲܢ̈، ܗܵܕܟ݂ܵܐ ܫܲܪ̈ܝܼܟܹܐ ܝܬܘܿܢ ܐܘܼܦ ܒܝܵܗܒ݂ܵܠܬܵ‌ܐ ܕܠܸܒܵܐ ܐܸܠܲܢ. 
\p  
\v 8 ܒܵܥܲܚ ܕܝܵܕܥܝܼܬܘܿܢ، ܐܲܚܘܿܢܘܵܬܲܢ̈، ܒܘܼܬ ܐܘܼܠܨܵܢܵܐ ܕܬܦܝܼܩ ܠܹܗ ܒܝܼܲܢ ܓܵܘ ܐܵܣܝܼܵܐ، ܕܝܼܗܘܵܐ ܙܵܘܕܵܐ ܡ̣ܢ ܚܲܝܠܲܢ، ܗܲܠܔ ܕܩܛܝܼܥ ܠܲܢ ܗܹܒ݂ܝܼܲܢ ܐܘܼܦ ܡ̣ܢ ܚܲܝܹ̈ܐ،  
\v 9 ܘܪܥܝܼܫ ܠܲܢ ܒܠܸܒܲܢ ܠܕܝܵܢܬܵ‌ܐ ܕܡܵܘܬܵ‌ܐ، ܩܵܐ ܕܠܵܐ ܕܵܪܲܚ ܗܹܒ݂ܝܼܲܢ ܥܲܠܔ ܓܵܢܲܢ ܐܸܠܵܐ ܥܲܠܔ ܐܲܠܵܗܵܐ ܕܟܹܐ ܡܲܩܸܡ ܡܝܼ̈ܬܹ‌ܐ.  
\v 10 ܗ̇ܘ ܕܩܵܡ ܦܲܨܹܐ ܠܲܢ ܡ̣ܢ ܡܵܘܬܵ‌ܐ ܗܵܕܟ݂ܵܐ ܓܘܼܪܵܐ، ܘܒܸܬ ܦܲܪܸܩ ܠܲܢ. ܐܝܼܬ ܠܲܢ ܗܹܒ݂ܝܼ ܒܝܼܹܗ ܕܒܸܬ ܦܲܪܸܩ ܠܲܢ ܡܸܢܕܪܸܫ،  
\v 11 ܒܗܲܝܲܪܬܵ‌ܐ ܕܨܠܵܘܵܬܵܘ̈ܟ݂ܘܿܢ ܒܘܼܬ ܕܝܼܲܢ. ܗ̇ܝܓܵܗ ܪܵܒܵܐ ܒܸܬ ܫܲܟܪܝܼ ܠܐܲܠܵܗܵܐ ܒܘܼܬ ܕܝܼܲܢ ܥܲܠܔ ܡܵܘܗܲܒ݂ܬܵ‌ܐ ܕܦܝܼܫܬܵ‌ܐ ܝܠܵܗ̇ ܝܘܼܗܒܹܠܬܵ‌ܐ ܐܸܠܲܢ ܒܨܠܵܘܵܬܹ̈‌ܐ ܕܪܵܒܵܐ ܐܢܵܫܹ̈ܐ. 
\s1 ܦܘܠܘܣ ܫܚܠܘܦܐ ܚܙܘܩܝܗ 
\p  
\v 12 ܐܵܗܵܐ ܝܠܹܗ ܫܘܼܒ݂ܗܵܪܲܢ: ܐܸܢܝܲܬܲܢ ܒܸܣܗܵܕܵܐ ܝܠܵܗ̇ ܕܚܕܝܼܪܲܢ ܓܵܘ ܥܵܠܡܵܐ، ܘܒܘܼܫ ܙܵܘܕܵܐ ܠܟܸܣܠܵܘܟ݂ܘܿܢ، ܒܩܲܕܝܼܫܘܼܬܵ‌ܐ ܘܒܡܗܘܼܡܢܘܼܬܵ‌ܐ ܕܡ̣ܢ ܐܲܠܵܗܵܐ، ܠܵܐ ܒܚܸܟ݂ܡܬܵ‌ܐ ܐܢܵܫܵܝܬܵ‌ܐ ܐܸܠܵܐ ܒܫܵܦܵܩܲܬ ܕܐܲܠܵܗܵܐ.  
\v 13 ܠܹܐ ܝܘܲܚ ܒܸܟܬܵܒ݂ܵܐ ܐܸܠܵܘܟ݂ܘܿܢ ܡܸܢܕܝܼ ܫܒ݂ܘܿܩ ܡ̣ܢ ܗ̇ܘ ܕܡܵܨܹܝܬܘܿܢ ܩܵܪܹܝܬܘܿܢ ܝܲܢ ܦܲܪܡܹܝܬܘܿܢ. ܘܐܝܼܬ ܠܝܼ ܗܹܒ݂ܝܼ ܕܒܚܲܪܬܵ‌ܐ ܒܸܬ ܦܲܪܡܹܝܬܘܿܢ ܒܡܸܠܝܘܼܬܵ‌ܐ،  
\v 14 ܐܲܝܟ݂ ܕܦܘܼܪܡܹܐ ܠܵܘܟ݂ܘܿܢ ܐܸܠܲܢ ܚܲܕܟ̰ܵܐ، ܕܫܵܩܠܝܼܬܘܿܢ ܫܘܼܒ݂ܗܵܪܵܐ ܒܝܼܲܢ ܕܵܐܟ݂ܝܼ ܕܐܘܼܦ ܐܲܚܢܲܢ ܒܸܬ ܫܵܩܠܲܚ ܫܘܼܒ݂ܗܵܪܵܐ ܒܝܼܵܘܟ݂ܘܿܢ ܒܝܵܘܡܵܐ ܕܡܵܪܲܢ ܝܼܫܘܿܥ. 
\p  
\v 15 ܣܵܒܵܒ ܚܵܬܸܪܓ̰ܲܡܥ ܝܼܘܸܢ ܒܐܵܗܵܐ، ܘܗܵܕܟ݂ܵܐ ܒܥܹܐ ܠܝܼ ܕܐܵܬܹܝܢ ܗܘܵܐ ܠܟܸܣܠܵܘܟ݂ܘܿܢ ܩܲܕܡܵܝܬܵ‌ܐ ܕܦܵܝܫܝܼܬܘܿܢ ܗܘܵܘ ܡܒܘܼܪܟܹܐ ܓܵܗܵܐ ܕܬܲܪܬܹܝ.  
\v 16 ܒܥܹܐ ܠܝܼ ܕܐܵܬܹܝܢ ܠܟܸܣܠܵܘܟ݂ܘܿܢ ܒܐܘܼܪܚܝܼ ܠܡܵܩܹܕܘܿܢܝܼܵܐ، ܘܡܸܢܕܪܸܫ ܕܵܝܪܹܢ ܠܟܸܣܠܵܘܟ݂ܘܿܢ ܡ̣ܢ ܬܵܡܵܐ، ܘܗ̇ܝܓܵܗ ܡܲܦܫܸܛܝܼܬܘܿܢ ܠܝܼ ܠܝܼܗܘܼܕ.  
\v 17 ܟܲܕ ܒܸܥܒ݂ܵܕܵܐ ܝܘܸܢ ܗܘܵܐ ܩܛܵܥܬܵ‌ܐ، ܒܸܚܫܵܒ݂ܵܐ ܝܬܘܿܢ ܕܠܵܐ ܬܲܚܡܲܢܬܵ‌ܐ ܥܒ݂ܝܼܕ ܠܝܼ؟ ܝܲܢ ܥܒ݂ܝܼܕ ܠܝܼ ܐܲܝܟ݂ ܕܐܢܵܫܹ̈ܐ ܥܵܠܡܵܝܹ̈ܐ ܟܹܐ ܥܵܒ݂ܕܝܼ ܘܐܵܡܪܹܢ: ”ܗܹܐ، ܗܹܐ، ܘܠܵܐ، ܠܵܐ؟“  
\v 18 ܐܝܼܢܵܐ ܕܵܐܟ݂ܝܼ ܕܐܲܠܵܗܵܐ ܡܗܘܼܡܢܵܐ ܝܠܹܗ، ܗܹܡܸܙܡܵܢܲܢ ܐܸܠܵܘܟ݂ܘܿܢ ܠܹܐ ܝܗܘܵܐ ”ܗܹܐ ܘܠܵܐ.“  
\v 19 ܣܵܒܵܒ ܒܪܘܿܢܵܐ ܕܐܲܠܵܗܵܐ، ܝܼܫܘܿܥ ܡܫܝܼܚܵܐ، ܕܦܝܼܫܵܐ ܝܗܘܵܐ ܡܘܼܟܪܸܙܵܐ ܐܸܠܵܘܟ݂ܘܿܢ ܒܝܼܝܼ ܘܒܣܸܠܘܵܢܘܿܣ ܘܒܛܝܼܡܵܬܹܐܘܿܣ ܠܹܐ ܝܗܘܵܐ ”ܗܹܐ ܘܠܵܐ،“ ܐܸܠܵܐ ܒܝܼܹܗ ܝܠܵܗ̇ ”ܗܹܐ“ ܒܟܠܔ ܙܲܒ݂ܢܵܐ.  
\v 20 ܣܵܒܵܒ ܟܠܵܝܗ‌ܝ ܩܵܘܠܹ̈ܐ ܕܐܲܠܵܗܵܐ ܒܝܼܹܗ ܝܼܢܵܐ ”ܗܹܐ،“ ܘܒܘܼܬ ܐܵܗܵܐ ܟܹܐ ܐܵܡܪܲܚ ”ܐܵܡܹܝܢ“ ܠܫܘܼܒ݂ܚܵܐ ܕܐܲܠܵܗܵܐ.  
\v 21 ܗ̇ܘ ܕܟܹܐ ܡܲܩܘܹܐ ܠܲܢ ܥܲܡܵܘܟ݂ܘܿܢ ܘܩܵܡ ܡܵܫܹܚ ܠܲܢ ܒܡܫܝܼܚܵܐ، ܐܲܠܵܗܵܐ ܝܠܹܗ.  
\v 22 ܘܡܘܼܬܸܒ݂ ܠܹܗ ܚܵܬܡܹܗ ܥܲܠܲܢ، ܘܝܘܼܗܒܹܠܔ ܠܹܗ ܐܸܠܲܢ ܪܘܼܚܹܗ ܕܗܵܘܹܐ ܪܲܗܒ݂ܘܼܢܵܐ ܓܵܘ ܠܸܒܲܢ. 
\p  
\v 23 ܐܵܢܵܐ ܒܸܩܪܵܝܵܐ ܝܘܸܢ ܠܐܲܠܵܗܵܐ ܣܵܗܕܵܐ ܥܲܠܔ ܓܵܢܝܼ، ܣܵܒܵܒ ܟܹܐ ܒܵܥܹܝܢ ܗܘܵܐ ܚܵܣܟܹܢ ܗܘܵܐ ܠܵܘܟ݂ܘܿܢ ܡ̣ܢ ܬܲܥܠܲܡܬܵ‌ܐ، ܒܘܼܬ ܐܵܗܵܐ ܠܵܐ ܕܝܼܪܝܼ ܠܩܘܿܪܲܢܬܘܿܣ.  
\v 24 ܠܵܐ ܣܵܒܵܒ ܒܵܥܲܚ ܗܘܵܘ ܕܥܵܒ݂ܕܲܚ ܗܘܵܘ ܫܘܼܠܛܵܢܵܐ ܥܲܠܔ ܗܲܝܡܵܢܘܼܬܵܘܟ݂ܘܿܢ، ܐܝܼܢܵܐ ܕܦܵܠܚܲܚ ܗܘܵܘ ܥܲܡܵܘܟ݂ܘܿܢ ܠܚܲܕܘܼܬܵܘܟ݂ܘܿܢ، ܣܵܒܵܒ ܒܸܟܠܵܝܵܐ ܝܬܘܿܢ ܩܸܘܝܹܐ ܒܗܲܝܡܵܢܘܼܬܵܘܟ݂ܘܿܢ. 
\c 2  
\p  
\v 1 ܗܵܕܟ݂ܵܐ، ܩܛܝܼܥ ܠܝܼ ܒܠܸܒܝܼ ܕܠܵܐ ܐܵܬܹܝܢ ܠܟܸܣܠܵܘܟ݂ܘܿܢ ܚܕܵܐ ܓܵܗܵܐ ܐܚܹܪܬܵ‌ܐ ܒܦܵܫܲܡܬܵ‌ܐ،  
\v 2 ܣܵܒܵܒ ܐܸܢ ܐܵܢܵܐ ܡܲܦܫܸܡܸܢܵܘܟ݂ܘܿܢ، ܡܵܢܝܼ ܒܸܬ ܡܲܚܕܹܐ ܠܝܼ ܫܒ݂ܘܿܩ ܡ̣ܢ ܗ̇ܘ ܕܡܘܼܦܫܸܡ ܠܝܼ؟  
\v 3 ܟܬܝܼܒ݂ ܠܝܼ ܐܵܗܵܐ ܡܸܢܕܝܼ ܣܵܒܵܒ ܐܝܼܡܲܢ ܕܐܵܬܹܝܢ ܕܠܵܐ ܦܵܝܫܹܢ ܡܘܼܦܫܸܡܵܐ ܒܐܵܢܝܼ ܕܘܵܠܹܐ ܝܠܵܗ̇ ܕܡܲܚܕܝܼ ܠܝܼ، ܣܵܒܵܒ ܚܵܬܸܪܓ̰ܲܡܥ ܝܼܘܸܢ ܕܟܠܵܘܟ݂ܘܿܢ ܒܸܬ ܫܲܪܸܟܝܼܬܘܿܢ ܒܚܲܕܘܼܬ‌ܝܼ.  
\v 4 ܟܬܝܼܒ݂ ܠܝܼ ܐܸܠܵܘܟ݂ܘܿܢ ܒܐܘܼܠܨܵܢܵܐ ܓܘܼܪܵܐ ܘܒܡܲܪܝܼܪܘܼܬܵ‌ܐ ܕܠܸܒܵܐ ܘܒܪܵܒܵܐ ܕܸܡ̈ܥܹܐ، ܠܵܐ ܕܡܲܦܫܸܡܸܢܵܘܟ݂ܘܿܢ ܐܸܠܵܐ ܕܡܲܕܥܸܢܵܘܟ݂ܘܿܢ ܟܡܵܐ ܚܘܼܒܝܼ ܪܵܒܵܐ ܝܠܹܗ ܐܸܠܵܘܟ݂ܘܿܢ. 
\s1 ܦܘܚܠܐ ܕܚܛܝܐ 
\p  
\v 5 ܐܝܼܢܵܐ ܐܸܢ ܚܲܕ ܗܘܝܼܵܐ ܝܠܹܗ ܥܸܠܬܵ‌ܐ ܕܦܵܫܲܡܬܵ‌ܐ، ܠܹܐ ܝܠܹܗ ܐܸܠܝܼ ܡܘܼܦܫܸܡܵܐ، ܐܸܠܵܐ، ܕܠܵܐ ܓܲܪܘܸܣܸܢܹܗ ܚܲܒܪܵܐ، ܒܚܕܵܐ ܐܘܼܪܚܵܐ، ܡܘܼܦܫܸܡܵܐ ܝܠܹܗ ܠܟܠܵܘܟ݂ܘܿܢ.  
\v 6 ܒܲܣܵܐ ܝܠܵܗ̇ ܐܸܠܹܗ ܬܲܥܠܲܡܬܵ‌ܐ ܕܚܲܕ ܗܵܕܟ݂ܵܐ ܐܢܵܫܵܐ ܒܝܲܕ ܪܵܒܵܐ.  
\v 7 ܡ̣ܢ ܓܹܒܵܐ ܕܐܵܗܵܐ ܘܵܠܹܐ ܝܠܵܗ̇ ܕܦܲܚܠܝܼܬܘܿܢ ܘܝܵܗܒ݂ܝܼܬܘܿܢ ܠܸܒܵܐ ܠܚܲܕ ܗܵܕܟ݂ܵܐ ܐܢܵܫܵܐ، ܕܠܵܐ ܦܵܐܹܫ ܒܠܝܼܥܵܐ ܒܦܵܫܲܡܬܵ‌ܐ ܒܘܼܫ ܙܵܘܕܵܐ.  
\v 8 ܒܘܼܬ ܐܵܗܵܐ ܦܲܪܦܘܼܠܹܐ ܝܘܸܢ ܕܡܲܩܘܹܝܬܘܿܢ ܒܝܼܹܗ ܚܘܼܒܵܘܟ݂ܘܿܢ.  
\v 9 ܐܘܼܦ ܣܵܒܵܒ ܐܵܗܵܐ ܟܬܝܼܒ݂ ܠܝܼ ܐܸܠܵܘܟ݂ܘܿܢ، ܕܓ̰ܲܪܒܸܢܵܘܟ݂ܘܿܢ ܕܐܸܢ ܒܸܬ ܗܵܘܹܝܬܘܿܢ ܡܲܨܝܸܬܵܢܹ̈ܐ ܒܟܠܔ ܡܸܢܕܝܼ.  
\v 10 ܠܡ̇ܢ ܕܐܲܚܬܘܿܢ ܦܲܚܠܝܼܬܘܿܢ، ܐܘܼܦ ܐܵܢܵܐ ܦܲܚܘܼܠܹܐ ܝܘܸܢ. ܣܵܒܵܒ ܡܸܢܕܝܼ ܕܐܵܢܵܐ ܦܘܼܚܠܵܐ ܝܘܸܢ - ܐܸܢ ܐܝܼܬ ܗܘܵܐ ܡܸܢܕܝܼ ܠܦܲܚܘܼܠܹܐ - ܥܒ݂ܝܼܕܵܐ ܝܘܸܢ ܒܘܼܬ ܕܝܼܵܘܟ݂ܘܿܢ ܩܲܕܡ ܦܵܬܵ‌ܐ ܕܡܫܝܼܚܵܐ.  
\v 11 ܕܠܵܐ ܥܵܒܹܕ ܠܹܐܒܹ̈ܐ ܐܸܠܲܢ ܣܵܛܵܢܵܐ، ܣܵܒܵܒ ܟܹܐ ܝܵܕܥܲܚ ܠܗܘܿܢ ܦܲܢܕܘܼ̈ܗ‌ܝ. 
\s1 ܦܠܚ̈ܐ ܕܘܥܕܐ ܚܕܬ‌ܐ 
\p  
\v 12 ܐܝܼܡܲܢ ܕܐܬܹ‌ܐ ܠܝܼ ܠܛܪܘܿܐܘܿܣ ܡܲܟܪܘܼܙܹܐ ܐܹܘܲܢܓܲܠܝܼܘܿܢ ܕܡܫܝܼܚܵܐ، ܡܵܪܝܵܐ ܦܬܝܼܚ ܠܹܗ ܐܸܠܝܼ ܬܲܪܥܵܐ،  
\v 13 ܐܝܼܢܵܐ ܪܸܥܝܵܢܝܼ ܠܹܐ ܝܗܘܵܐ ܫܸܠܝܵܐ، ܣܵܒܵܒ ܠܵܐ ܡܘܼܫ݇ܟ̰ܸܚ ܠܝܼ ܐܲܚܘܿܢܝܼ ܛܸܛܘܿܣ ܬܵܡܵܐ. ܗ̇ܝܓܵܗ ܐܡܝܼܪܝܼ ܐܸܠܵܝܗ‌ܝ: ”ܦܘܼܫܘܼܢ ܒܫܲܝܢܵܐ،“ ܘܐܙܝܼܠܔ ܠܝܼ ܠܡܵܩܹܕܘܿܢܝܼܵܐ.  
\v 14 ܫܲܟܘܼܪܹܐ ܝܘܸܢ ܠܐܲܠܵܗܵܐ ܕܟܹܐ ܝܵܗܒܹܠܔ ܠܲܢ ܓ݂ܵܠܹܒܘܼܬܵ‌ܐ ܒܡܫܝܼܚܵܐ ܒܟܠܔ ܥܕܵܢܵܐ، ܘܟܹܐ ܓܵܠܹܐ ܒܝܼܲܢ ܪܹܝܚܵܐ ܕܝܕܵܥܬܹܗ ܒܟܠܔ ܕܘܼܟܵܐ.  
\v 15 ܣܵܒܵܒ ܪܹܝܚܵܐ ܒܲܣܝܼܡܵܐ ܕܡܫܝܼܚܵܐ ܝܘܲܚ ܠܟܸܣ ܐܲܠܵܗܵܐ، ܠܐܵܢܝܼ ܕܦܪܝܼܩܹܐ ܝܢܵܐ ܘܠܐܵܢܝܼ ܕܒܸܛܠܵܩܵܐ ܝܢܵܐ.  
\v 16 ܠܚܲܕܟܡܵܐ ܪܹܝܚܵܐ ܕܡܵܘܬܵ‌ܐ ܝܘܲܚ ܠܡܵܘܬܵ‌ܐ، ܘܠܐܚܹܪ̈ܢܹܐ ܪܹܝܚܵܐ ܕܚܲܝܹ̈ܐ ܠܚܲܝܹ̈ܐ. ܘܡܵܢܝܼ ܝܠܹܗ ܚܫܝܼܚܵܐ ܠܐܵܗܵܐ ܫܘܼܠܵܐ؟  
\v 17 ܠܹܐ ܝܘܲܚ ܡܐܲܝܟ݂ ܪܵܒܵܐ ܐܚܹܪ̈ܢܹܐ ܕܚܵܒ݂ܛܝܼ ܠܵܗ̇ ܗܹܡܸܙܡܵܢ ܕܐܲܠܵܗܵܐ، ܐܸܠܵܐ ܒܡܫܝܼܚܵܐ ܟܹܐ ܗܲܡܙܸܡܲܚ ܩܲܕܡ ܐܲܠܵܗܵܐ ܒܡܗܘܼܡܢܘܼܬܵ‌ܐ، ܐܲܝܟ݂ ܐܢܵܫܹ̈ܐ ܫܘܼܕܪܹ̈ܐ ܡ̣ܢ ܐܲܠܵܗܵܐ. 
\c 3  
\p  
\v 1 ܫܲܪܲܚ ܡܸܢܕܪܸܫ ܠܸܚܩܵܪܵܐ ܓܵܢܲܢ؟ ܝܲܢ ܣܢܝܼܩܹܐ ܝܘܲܚ، ܐܲܝܟ݂ ܐܢܵܫܹ̈ܐ ܐܚܹܪ̈ܢܹܐ، ܕܐܸܓܲܪ̈ܝܵܬܹ‌ܐ ܕܚܸܩܪܵܐ ܦܵܝܫܝܼ ܟܬܝܼܒܹܐ ܐܸܠܵܘܟ݂ܘܿܢ ܝܲܢ ܡܸܢܵܘܟ݂ܘܿܢ؟  
\v 2 ܐܲܚܬܘܿܢ ܝܼܬܘܿܢ ܐܸܓܲܪܬܲܢ ܦܝܼܫܬܵ‌ܐ ܟܬܝܼܒ݂ܬܵ‌ܐ ܥܲܠܔ ܠܸܒܲܢ، ܗ̇ܝ ܕܦܝܼܫܬܵ‌ܐ ܝܠܵܗ̇ ܝܕܝܼܥܬܵ‌ܐ ܘܩܪܝܼܬܵ‌ܐ ܒܟܠܔ ܐܢܵܫܵܐ.  
\v 3 ܦܝܼܫܹܐ ܝܬܘܿܢ ܝܕܝܼܥܹܐ ܕܐܲܚܬܘܿܢ ܝܼܬܘܿܢ ܐܸܓܲܪܬܵ‌ܐ ܡ̣ܢ ܡܫܝܼܚܵܐ، ܛܥܘܼܢܬܵ‌ܐ ܕܚܸܠܡܲܬܲܢ، ܦܝܼܫܬܵ‌ܐ ܟܬܝܼܒ݂ܬܵ‌ܐ، ܠܵܐ ܒܒܸܕܝܘܼܬܵ‌ܐ ܐܸܠܵܐ ܒܪܘܼܚܵܐ ܕܐܲܠܵܗܵܐ ܚܵܝܵܐ، ܠܵܐ ܥܲܠܔ ܠܘܼܚܹ̈ܐ ܕܟܹܐܦܵܐ ܐܸܠܵܐ ܥܲܠܔ ܠܸܒܵܘܵܬܹ̈‌ܐ ܕܒܸܣܪܵܐ.\x + \xo 3:3 \xt ܡܦܩܢܐ 24‏:12؛ ܐܪܡܝܐ 31‏:33\x* 
\p  
\v 4 ܗܵܕܟ݂ܵܐ ܗܹܒ݂ܝܼ ܐܝܼܬ ܠܲܢ ܒܡܫܝܼܚܵܐ ܠܟܸܣ ܐܲܠܵܗܵܐ.  
\v 5 ܠܵܐ ܚܵܫܒܲܚ ܕܐܲܚܢܲܢ ܟܹܐ ܡܵܨܲܚ ܥܵܒ݂ܕܲܚ ܡܸܢܕܝܼ ܒܓܵܢܲܢ، ܐܝܼܢܵܐ ܡܨܵܝܬܲܢ ܡ̣ܢ ܐܲܠܵܗܵܐ ܝܠܵܗ̇،  
\v 6 ܗ̇ܘ ܕܩܵܡ ܝܵܗܒܹܠܔ ܠܲܢ ܡܨܵܝܬܵ‌ܐ ܠܸܥܒ݂ܵܕܵܐ ܚܸܠܡܲܬ ܒܘܲܥܕܵܐ ܚܵܕܬܵ‌ܐ، ܠܵܐ ܒܟܬܝܼܒ݂ܬܵ‌ܐ ܐܸܠܵܐ ܒܪܘܼܚܵܐ، ܣܵܒܵܒ ܟܬܝܼܒ݂ܬܵ‌ܐ ܟܹܐ ܩܵܛܠܵܐ ܐܝܼܢܵܐ ܪܘܼܚܵܐ ܟܹܐ ܡܲܚܹܐ. 
\s1 ܚܩܪܐ ܕܘܥܕܐ ܚܕܬ‌ܐ 
\p  
\v 7 ܐܸܢ ܚܸܠܡܲܬ ܕܡܘܼܝܬܹ‌ܐ ܠܵܗ̇ ܡܵܘܬܵ‌ܐ، ܕܦܝܼܫܬܵ‌ܐ ܝܗܘܵܐ ܢܩܝܼܪܬܵ‌ܐ ܒܐܵܬܘܵܬܹ̈‌ܐ ܥܲܠܔ ܠܘܼܚܹ̈ܐ ܕܟܹܐܦܵܐ، ܗܘܹܐ ܠܵܗ̇ ܒܚܸܩܪܵܐ، ܕܵܐܟ݂ܝܼ ܕܒܢܲܝ̈ ܐܝܼܣܪܵܐܹܝܠܔ ܠܵܐ ܡܨܹܐ ܠܗܘܿܢ ܠܸܚܝܵܪܵܐ ܥܲܠܔ ܦܵܬܵ‌ܐ ܕܡܘܼܫܹܐ ܒܘܼܬ ܗ̇ܘ ܚܸܩܪܵܐ، ܐܘܼܦ ܐܸܢ ܕܚܸܩܪܵܐ ܥܵܒ݂ܪܵܢܵܐ ܝܗܘܵܐ،\x + \xo 3:7 \xt ܡܦܩܢܐ 34‏:29\x* 
\v 8 ܗܵܕܟ݂ܵܐ ܟܡܵܐ ܒܘܼܫ ܙܵܘܕܵܐ ܚܸܠܡܲܬ ܕܪܘܼܚܵܐ ܒܸܬ ܗܵܘܝܵܐ ܒܘܼܫ ܒܚܸܩܪܵܐ!  
\v 9 ܐܸܢ ܚܸܠܡܲܬ ܕܡܘܼܝܬܹ‌ܐ ܠܵܗ̇ ܕܝܵܢܬܵ‌ܐ ܗܘܹܐ ܠܵܗ̇ ܒܚܸܩܪܵܐ، ܟܡܵܐ ܒܘܼܫ ܙܵܘܕܵܐ ܒܚܸܩܪܵܐ ܒܸܬ ܗܵܘܝܵܐ ܚܸܠܡܲܬ ܕܡܘܼܝܬܹ‌ܐ ܠܵܗ̇ ܙܲܕܝܼܩܘܼܬܵ‌ܐ!  
\v 10 ܣܵܒܵܒ ܗ̇ܘ ܕܦܝܼܫܵܐ ܝܗܘܵܐ ܝܘܼܗܒ݂ܵܐ ܒܚܸܩܪܵܐ، ܐܵܕܝܼܵܐ ܠܲܝܬ ܠܹܗ ܚܸܩܪܵܐ ܒܥܲܝܢܵܐ ܕܗ̇ܘ ܕܝܼܠܹܗ ܒܘܼܫ ܡܵܪܹܐ ܚܸܩܪܵܐ.  
\v 11 ܘܐܸܢ ܥܵܒ݂ܪܵܢܵܐ ܗܵܕܟ݂ܵܐ ܗܘܹܐ ܠܹܗ ܒܚܸܩܪܵܐ، ܟܡܵܐ ܒܘܼܫ ܙܵܘܕܵܐ ܒܸܬ ܗܵܘܹܐ ܒܚܸܩܪܵܐ ܗ̇ܘ ܕܝܼܠܹܗ ܦܵܝܫܵܢܵܐ! 
\p  
\v 12 ܟܲܕ ܐܝܼܬ ܠܲܢ ܐܵܗܵܐ ܗܹܒ݂ܝܼ، ܓ̰ܘܼܪܐܲܬ ܓܘܼܪܬܵ‌ܐ ܡܲܦܠܘܼܚܹܐ ܝܘܲܚ.  
\v 13 ܠܹܐ ܝܘܲܚ ܐܲܝܟ݂ ܡܘܼܫܹܐ ܕܡܘܼܟܣܵܐ ܠܹܗ ܦܵܬܹܗ ܕܠܵܐ ܚܵܝܪܝܼ ܗܘܵܘ ܒܢܲܝ̈ ܐܝܼܣܪܵܐܹܝܠܔ ܥܲܠܔ ܫܲܦ̮ܩܵܐ ܥܵܒ݂ܪܵܢܵܐ.\x + \xo 3:13 \xt ܡܦܩܢܐ 34‏:33\x* 
\v 14 ܐܝܼܢܵܐ ܪܸ̈ܥܝܵܢܵܝܗ‌ܝ ܣܸܡܝܹ̈ܐ ܝܗܘܵܘ ܣܵܒܵܒ ܗܲܠܔ ܐܸܕܝܘܿܡ ܝܵܘܡܵܐ ܗ̇ܝ ܟܲܣܲܝܬܵ‌ܐ ܟܹܐ ܦܵܝܫܵܐ ܐܝܼܡܲܢ ܕܐܘܿܪܵܝܬܵ‌ܐ ܦܵܝܫܵܐ ܩܪܝܼܬܵ‌ܐ. ܐܵܗܵܐ ܟܲܣܲܝܬܵ‌ܐ ܠܹܐ ܝܠܵܗ̇ ܦܝܼܫܬܵ‌ܐ ܫܩܝܼܠܬܵ‌ܐ، ܣܵܒܵܒ ܐܲܚܟ̰ܝܼ ܒܡܫܝܼܚܵܐ ܟܹܐ ܦܵܝܫܵܐ ܫܩܝܼܠܬܵ‌ܐ.  
\v 15 ܗܲܠܔ ܐܸܕܝܘܿܡ ܝܵܘܡܵܐ ܐܝܼܡܲܢ ܕܢܵܡܘܿܣܵܐ ܕܡܘܼܫܹܐ ܟܹܐ ܦܵܐܹܫ ܩܸܪܝܵܐ، ܟܲܣܲܝܬܵ‌ܐ ܕܪܝܼܬܵ‌ܐ ܝܠܵܗ̇ ܥܲܠܔ ܠܸܒܵܝܗ‌ܝ.  
\v 16 ܐܝܼܢܵܐ ܐܝܼܡܲܢ ܕܐܢܵܫܵܐ ܡܸܢܵܝܗ‌ܝ ܕܵܐܹܪ ܠܟܸܣ ܡܵܪܝܵܐ، ܟܹܐ ܦܵܝܫܵܐ ܫܩܝܼܠܬܵ‌ܐ ܟܲܣܲܝܬܵ‌ܐ.  
\v 17 ܡܵܪܝܵܐ ܪܘܼܚܵܐ ܝܠܹܗ، ܘܐܲܝܟܵܐ ܕܝܼܠܹܗ ܪܘܼܚܵܐ ܕܡܵܪܝܵܐ ܬܵܡܵܐ ܐܝܼܬ ܚܹܐܪܘܼܬܵ‌ܐ.  
\v 18 ܘܐܲܚܢܲܢ ܟܠܲܢ ܒܦܵܬܵ‌ܐ ܓܠܝܼܬܵ‌ܐ ܚܸܩܪܵܐ ܕܡܵܪܝܵܐ ܡܲܚܙܘܼܝܹܐ ܝܘܲܚ ܐܲܝܟ݂ ܒܢܵܘܪܵܐ، ܘܦܝܵܫܵܐ ܝܘܲܚ ܫܘܼܚܠܸܦܹܐ ܠܕܡܘܼܬܹܗ، ܡ̣ܢ ܚܸܩܪܵܐ ܠܚܸܩܪܵܐ، ܗ̇ܘ ܕܟܹܐ ܐܵܬܹ‌ܐ ܡ̣ܢ ܡܵܪܝܵܐ، ܗ̇ܘ ܕܝܼܠܹܗ ܪܘܼܚܵܐ. 
\c 4  
\s1 ܣܝܡܬ̈‌ܐ ܒܡܐܢ̈ܐ ܕܛܝܢܐ 
\p  
\v 1 ܗܵܕܟ݂ܵܐ، ܟܲܕ ܐܝܼܬ ܠܲܢ ܐܵܗܵܐ ܚܸܠܡܲܬ ܒܪ̈ܲܚܡܹܐ ܕܐܲܠܵܗܵܐ، ܠܹܐ ܣܵܩܕܲܚ.  
\v 2 ܡ̣ܢ ܓܹܒܘܼܗ̇، ܪܘܼܦܝܵܝ ܝܘܲܚ ܫܘܼܠܹ̈ܐ ܛܸܫܝܹ̈ܐ ܕܢܟܸܦܬܵ‌ܐ. ܠܹܐ ܝܘܲܚ ܒܸܚܕܵܪܵܐ ܒܦܸܠܡܵܐ، ܘܠܵܐ ܡܲܦܟ̰ܘܼܠܹܐ ܗܹܡܸܙܡܵܢ ܕܐܲܠܵܗܵܐ، ܐܸܠܵܐ ܒܫܲܪܝܼܪܘܼܬܵ‌ܐ ܦܫܝܼܛܬܵ‌ܐ ܡܲܚܫܘܼܚܹܐ ܝܘܲܚ ܓܵܢܲܢ ܠܐܸܢܝܲܬ ܕܟܠܔ ܐܢܵܫܵܐ ܩܲܕܡ ܐܲܠܵܗܵܐ.  
\v 3 ܘܐܘܼܦ ܐܸܢ ܡܘܼܟܣܵܐ ܝܠܹܗ ܐܹܘܲܢܓܲܠܝܼܘܿܢ ܕܝܼܲܢ، ܡܘܼܟܣܵܐ ܝܠܹܗ ܠܐܵܢܝܼ ܕܒܸܛܠܵܩܵܐ ܝܢܵܐ،  
\v 4 ܣܵܒܵܒ ܐܲܠܵܗܵܐ ܕܐܵܗܵܐ ܥܵܠܡܵܐ ܡܘܼܣܡܹܐ ܠܹܗ ܪܸ̈ܥܝܵܢܹܐ ܕܠܵܐ ܗܲܡܸܢܵܢܹ̈ܐ، ܕܠܵܐ ܚܵܙܝܼ ܒܲܗܪܵܐ ܕܐܹܘܲܢܓܲܠܝܼܘܿܢ ܕܚܸܩܪܵܐ ܕܡܫܝܼܚܵܐ، ܗ̇ܘ ܕܝܼܠܹܗ ܕܡܘܼܬܵ‌ܐ ܕܡܵܪܝܵܐ ܐܲܠܵܗܵܐ.  
\v 5 ܐܲܚܢܲܢ ܠܹܐ ܝܘܲܚ ܡܲܟܪܘܼܙܹܐ ܒܘܼܬ ܓܵܢܲܢ، ܐܸܠܵܐ ܡܲܟܪܘܼܙܹܐ ܝܘܲܚ ܕܝܼܫܘܿܥ ܡܫܝܼܚܵܐ ܝܼܠܹܗ ܡܵܪܝܵܐ، ܘܕܐܲܚܢܲܢ ܝܼܘܲܚ ܪܹ̈ܓܵܘܵܬܹ‌ܐ ܐܸܠܵܘܟ݂ܘܿܢ ܒܘܼܬ ܚܵܬܸܪ ܕܝܼܫܘܿܥ.  
\v 6 ܣܵܒܵܒ ܐܲܠܵܗܵܐ ܕܐܡܝܼܪܹܗ: ”ܡ̣ܢ ܚܸܫܟܵܐ ܒܲܗܪܵܐ ܙܵܪܹܩ،“\x + \xo 4:6 \xt ܒܪܝܬ‌ܐ 1‏:3 \x* ܥܒ݂ܝܼܕ ܠܹܗ ܒܲܗܪܵܐ ܕܙܵܪܹܩ ܓܵܘ ܠܸܒܲܢ ܕܝܵܗܒܹܠܔ ܒܲܗܪܵܐ ܕܝܕܵܥܬܵ‌ܐ ܕܬܸܫܒܘܿܚܬܵ‌ܐ ܕܐܲܠܵܗܵܐ ܒܦܵܬܵ‌ܐ ܕܡܫܝܼܚܵܐ.  
\v 7 ܐܝܼܢܵܐ ܐܝܼܬ ܠܲܢ ܐܵܗܵܐ ܣܝܼܡܬܵ‌ܐ ܒܡܵܐܢܹ̈ܐ ܕܛܝܼܢܵܐ ܠܡܲܚܙܘܼܝܹܐ ܐܵܗܵܐ ܓܲܒܵܪܘܼܬܵ‌ܐ ܕܚܲܝܠܵܐ ܡ̣ܢ ܐܲܠܵܗܵܐ ܝܠܵܗ̇ ܘܠܵܐ ܡܸܢܲܢ.  
\v 8 ܦܝܼܫܹܐ ܝܘܲܚ ܡܘܼܠܝܸܨܹܐ ܡ̣ܢ ܟܠܔ ܓܹܒܵܐ، ܐܝܼܢܵܐ ܠܹܐ ܝܘܲܚ ܛܒ݂ܝܼܚܹܐ. ܦܝܼܫܹܐ ܝܘܲܚ ܚܒ݂ܝܼܛܹܐ ܒܚܘܼܫܵܒܲܢ̈، ܐܝܼܢܵܐ ܠܹܐ ܝܘܲܚ ܩܛܝܼܥܘܼܗ̇ ܗܹܒ݂ܝܼܲܢ،  
\v 9 ܦܝܼܫܹܐ ܝܘܲܚ ܟܘܼܡܪܹܐ، ܐܝܼܢܵܐ ܠܹܐ ܝܘܲܚ ܦܝܼܫܹܐ ܫܒ݂ܝܼܩܹܐ، ܦܝܼܫܹܐ ܝܘܲܚ ܡܘܼܢܦܸܠܹܐ، ܐܝܼܢܵܐ ܠܹܐ ܝܘܲܚ ܛܠܝܼܩܹܐ.  
\v 10 ܟܠܔ ܙܲܒ݂ܢܵܐ ܛܥܝܼܢܹܐ ܝܘܲܚ ܒܦܲܓ݂ܪܲܢ ܡܵܘܬܵ‌ܐ ܕܝܼܫܘܿܥ، ܕܐܘܼܦ ܚܲܝܹ̈ܐ ܕܝܼܫܘܿܥ ܦܵܝܫܝܼ ܚܸܙܝܹܐ ܒܦܲܓ݂ܪܲܢ. 
\p  
\v 11 ܣܵܒܵܒ ܐܲܚܢܲܢ ܕܝܼܘܲܚ ܚܵܝܹ̈ܐ، ܒܟܠܔ ܥܕܵܢܵܐ ܦܝܵܫܵܐ ܝܘܲܚ ܣܘܼܦܝܹܐ ܠܡܵܘܬܵ‌ܐ ܒܘܼܬ ܚܵܬܸܪ ܕܝܼܫܘܿܥ، ܕܦܵܝܫܝܼ ܚܸܙܝܹܐ ܚܲܝܹ̈ܐ ܕܝܼܫܘܿܥ ܓܵܘ ܦܲܓ݂ܪܲܢ ܡܵܝܘܿܬܵ‌ܐ.  
\v 12 ܗܵܕܟ݂ܵܐ ܡܵܘܬܵ‌ܐ ܒܸܦܠܵܚܵܐ ܝܠܹܗ ܒܝܼܲܢ، ܐܝܼܢܵܐ ܚܲܝܹ̈ܐ ܒܸܦܠܵܚܵܐ ܝܢܵܐ ܒܝܼܵܘܟ݂ܘܿܢ.  
\v 13 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܗܘܼܡܸܢܝܼ، ܘܒܘܼܬ ܐܵܗܵܐ ܗܘܼܡܙܸܡ ܠܝܼ،\x + \xo 4:13 \xt ܡܙܡܘܪܐ 116‏:10\x* 
\m ܐܘܼܦ ܐܲܚܢܲܢ ܗܲܪ ܒܗ̇ܘ ܪܘܼܚܵܐ ܕܗܲܝܡܵܢܘܼܬܵ‌ܐ ܗܘܼܡܸܢܲܢ، ܘܒܘܼܬ ܐܵܗܵܐ ܗܘܼܡܙܸܡ ܠܲܢ.  
\v 14 ܣܵܒܵܒ ܒܝܼܕܵܥܵܐ ܝܘܲܚ، ܕܗ̇ܘ ܕܡܘܼܩܸܡ ܠܹܗ ܠܡܵܪܲܢ ܝܼܫܘܿܥ ܡ̣ܢ ܓܵܘ ܡܝܼ̈ܬܹ‌ܐ ܒܸܬ ܡܲܩܸܡ ܐܘܼܦ ܐܸܠܲܢ ܥܲܡ ܝܼܫܘܿܥ، ܘܒܸܬ ܡܲܩܪܸܒ݂ ܠܲܢ ܥܲܡܵܘܟ݂ܘܿܢ ܠܟܸܣܠܹܗ.  
\v 15 ܟܠܵܗ̇ ܐܵܗܵܐ ܠܝܘܼܬܪܵܢܵܐ ܕܝܼܵܘܟ݂ܘܿܢ ܝܼܠܵܗ̇، ܕܫܵܦܵܩܲܬ ܕܝܼܠܵܗ̇ ܒܸܙܝܵܕܵܐ ܓܵܘ ܐܢܵܫܹ̈ܐ ܪܵܒܵܐ، ܡܲܙܝܸܕܵܐ ܫܲܟܲܪܬܵ‌ܐ ܠܚܸܩܪܵܐ ܕܐܲܠܵܗܵܐ. 
\p  
\v 16 ܒܘܼܬ ܐܵܗܵܐ ܠܵܐ ܣܵܩܕܲܚ، ܐܘܼܦ ܐܸܢ ܕܒܲܪܢܵܫܲܢ ܒܲܪܵܝܵܐ ܒܸܚܪܵܒ݂ܵܐ ܝܠܹܗ، ܐܝܼܢܵܐ ܒܲܪܢܵܫܲܢ ܓܵܘܵܝܵܐ ܦܝܵܫܵܐ ܝܠܹܗ ܚܘܼܕܸܬܵ‌ܐ ܝܵܘܡܵܐ ܒܝܵܘܡܵܐ،  
\v 17 ܣܵܒܵܒ ܐܘܼܠܨܵܢܲܢ ܩܲܠܘܼܠܵܐ ܘܥܵܒ݂ܘܿܪܵܐ ܗܲܕܘܼܪܹܐ ܝܠܹܗ ܐܸܠܲܢ ܚܸܩܪܵܐ ܥܵܠܡܝܼܢܵܝܵܐ ܕܙܵܐܹܕ ܒܪܲܒܘܼܬܵ‌ܐ.  
\v 18 ܒܘܼܬ ܐܵܗܵܐ ܠܹܐ ܝܘܲܚ ܓܲܫܘܼܩܹܐ ܠܡܸܢܕܝܼܵܢܹ̈ܐ ܕܦܝܵܫܵܐ ܝܢܵܐ ܚܸܙܝܹܐ ܐܸܠܵܐ ܠܐܵܢܝܼ ܕܠܹܐ ܝܢܵܐ ܦܝܵܫܵܐ ܚܸܙܝܹܐ، ܣܵܒܵܒ ܡܸܢܕܝܼܵܢܹ̈ܐ ܕܟܹܐ ܦܵܝܫܝܼ ܚܸܙܝܹܐ ܙܲܒ݂ܢܵܢܵܝܹ̈ܐ ܝܢܵܐ، ܐܝܼܢܵܐ ܐܵܢܝܼ ܕܠܹܐ ܦܵܝܫܝܼ ܚܸܙܝܹܐ ܥܵܠܡܝܼܢܵܝܹ̈ܐ ܝܢܵܐ. 
\c 5  
\s1 ܒܝܬܢ ܫܡܝܢܝܐ 
\p  
\v 1 ܐܵܕܝܼܵܐ ܒܝܼܕܵܥܵܐ ܝܘܲܚ ܕܐܸܢ ܡܲܫܟܢܲܢ ܐܲܪܥܵܢܵܝܵܐ ܦܵܐܹܫ ܣܬܝܼܪܵܐ، ܐܝܼܬ ܠܲܢ ܒܸܢܝܵܢܵܐ ܥܵܠܡܝܼܢܵܝܵܐ ܡ̣ܢ ܐܲܠܵܗܵܐ ܓܵܘ ܫܡܲܝܵܐ ܕܠܹܐ ܝܠܹܗ ܦܝܼܫܵܐ ܒܸܢܝܵܐ ܒܐܝܼܕܵܬܹ̈‌ܐ.  
\v 2 ܒܘܼܬ ܐܵܗܵܐ ܬܲܢܘܼܚܹܐ ܝܘܲܚ ܘܫܲܗܘܘܼܬܹ‌ܐ ܝܘܲܚ ܕܦܵܝܫܲܚ ܡܘܼܠܒܸܫܹܐ ܒܲܝܬܲܢ ܫܡܲܝܵܢܵܝܵܐ،  
\v 3 ܣܵܒܵܒ ܐܝܼܡܲܢ ܕܦܵܝܫܲܚ ܡܘܼܠܒܸܫܹܐ ܠܹܐ ܦܵܝܫܲܚ ܚܸܙܝܹܐ ܫܘܼܠܚܵܝܹ̈ܐ.  
\v 4 ܟܡܵܐ ܕܝܼܘܲܚ ܒܐܵܗܵܐ ܡܲܫܟܢܵܐ ܦܲܓ݂ܪܵܢܵܝܵܐ، ܬܲܢܘܼܚܹܐ ܝܘܲܚ ܡ̣ܢ ܝܘܼܩܪܹܗ، ܣܵܒܵܒ ܠܹܐ ܒܵܥܲܚ ܕܦܵܝܫܲܚ ܫܘܼܠܚܹܐ ܐܝܼܢܵܐ ܕܦܵܝܫܲܚ ܡܘܼܠܒܸܫܹܐ، ܕܡܵܝܘܿܬܵ‌ܐ ܦܵܐܹܫ ܒܠܝܼܥܵܐ ܒܚܲܝܹ̈ܐ.  
\v 5 ܐܲܠܵܗܵܐ ܝܠܹܗ ܗ̇ܘ ܕܩܵܡ ܗܲܕܸܪܲܢ ܠܐܵܗܵܐ ܢܝܼܫܵܐ، ܘܩܵܡ ܝܵܗܒܹܠܔ ܠܲܢ ܪܲܗܒ݂ܘܼܢܵܐ، ܕܝܼܠܹܗ ܪܘܼܚܵܐ.  
\v 6 ܗܵܕܟ݂ܵܐ ܒܟܠܔ ܥܕܵܢܵܐ ܚܵܬܸܪܓ̰ܲܡܥ ܝܼܘܲܚ ܘܒܝܼܕܵܥܵܐ، ܟܡܵܐ ܕܒܸܥܡܵܪܵܐ ܝܘܲܚ ܒܐܵܗܵܐ ܦܲܓ݂ܪܵܐ، ܪܸܚܩܵܐ ܝܘܲܚ ܡ̣ܢ ܡܵܪܝܵܐ.  
\v 7 ܣܵܒܵܒ ܒܸܚܵܝܵܐ ܝܘܲܚ ܒܗܲܝܡܵܢܘܼܬܵ‌ܐ ܠܵܐ ܒܚܙܵܝܬܵ‌ܐ.  
\v 8 ܚܵܬܸܪܓ̰ܲܡܥ ܝܼܘܲܚ ܘܒܸܚܫܵܒ݂ܵܐ، ܒܘܼܫ ܨܦܵܝܝܼ ܝܠܵܗ̇ ܕܗܵܘܲܚ ܪܸܚܩܵܐ ܡ̣ܢ ܐܵܗܵܐ ܦܲܓ݂ܪܵܐ، ܕܗܵܘܲܚ ܥܲܡ ܡܵܪܝܵܐ.  
\v 9 ܒܘܼܬ ܐܵܗܵܐ ܚܲܦܘܼܛܹܐ ܝܘܲܚ ܕܫܵܦܪܲܚ ܩܲܕܡܘܼܗ‌ܝ، ܐܸܢ ܗܵܘܲܚ ܒܸܥܡܵܪܵܐ ܒܐܵܗܵܐ ܦܲܓ݂ܪܵܐ ܝܲܢ ܠܒܲܕܲܪ ܡܸܢܹܗ.  
\v 10 ܣܵܒܵܒ ܘܵܠܹܐ ܝܠܵܗ̇ ܕܟܠܲܢ ܟܵܠܲܚ ܩܲܕܡ ܟܘܼܪܣܝܵܐ ܕܕܝܼܘܵܢ ܕܡܫܝܼܚܵܐ، ܕܟܠܔ ܚܲܕ ܦܵܐܹܫ ܦܪܝܼܥܵܐ ܒܘܼܬ ܡܸܢܕܝܼ ܕܥܒ݂ܝܼܕܵܐ ܝܠܹܗ ܐܝܼܡܲܢ ܕܒܸܚܵܝܵܐ ܝܗܘܵܐ ܒܦܲܓ݂ܪܵܐ، ܛܵܒ݂ܵܐ ܝܲܢ ܒܝܼܫܵܐ. 
\s1 ܚܠܡܬ ܕܣܙܓܪܬ‌ܐ 
\p  
\v 11 ܘܒܗ̇ܝ ܕܒܝܼܕܵܥܵܐ ܝܘܲܚ ܡܘܼܕܝܼ ܝܠܵܗ̇ ܙܕܘܼܥܬܵ‌ܐ ܕܡܵܪܝܵܐ، ܒܸܥܒ݂ܵܕܵܐ ܝܘܲܚ ܕܐܢܵܫܹ̈ܐ ܗܲܡܸܢܝܼ. ܠܐܲܠܵܗܵܐ ܦܝܼܫܹܐ ܝܘܲܚ ܓܸܠܝܹܐ، ܘܐܝܼܬ ܠܝܼ ܗܹܒ݂ܝܼ ܕܐܘܼܦ ܠܐܸܢܝܲܬܵܘܟ݂ܘܿܢ ܦܝܼܫܹܐ ܝܘܲܚ ܓܸܠܝܹܐ.  
\v 12 ܠܹܐ ܝܘܲܚ ܡܸܢܕܪܸܫ ܒܸܚܩܵܪܵܐ ܓܵܢܲܢ ܠܟܸܣܠܵܘܟ݂ܘܿܢ، ܐܝܼܢܵܐ ܒܝܼܵܗܒ݂ܵܘܟ݂ܘܿܢ ܝܼܘܲܚ ܦܸܪܣܲܬ ܕܫܵܩܠܝܼܬܘܿܢ ܫܘܼܒ݂ܗܵܪܵܐ ܒܝܼܲܢ، ܘܕܓ̰ܲܘܸܒܝܼܬܘܿܢ ܠܐܵܢܝܼ ܕܫܵܩܠܝܼ ܫܘܼܒ݂ܗܵܪܵܐ ܡ̣ܢ ܦܵܬܵ‌ܐ ܘܠܵܐ ܡ̣ܢ ܠܸܒܵܐ.  
\v 13 ܐܸܢ ܫܹܐܕܵܢܹ̈ܐ ܝܘܲܚ، ܩܵܐ ܐܲܠܵܗܵܐ ܫܹܐܕܵܢܹ̈ܐ ܝܘܲܚ، ܘܐܸܢ ܗܵܘܢܵܢܹ̈ܐ ܝܘܲܚ، ܩܵܐ ܕܝܼܵܘܟ݂ܘܿܢ ܗܵܘܢܵܢܹ̈ܐ ܝܘܲܚ.  
\v 14 ܣܵܒܵܒ ܚܘܼܒܵܐ ܕܡܫܝܼܚܵܐ ܡܲܠܝܘܼܨܲܢ ܝܼܠܹܗ، ܣܵܒܵܒ ܗܲܡܘܼܢܹܐ ܝܘܲܚ ܒܐܵܗܵܐ: ܕܚܲܕ ܡܝܼܬ ܠܹܗ ܡ̣ܢ ܓܹܒܵܐ ܕܟܠܵܝܗ‌ܝ، ܒܵܣ ܟܠܵܝܗ‌ܝ ܡܝܼܬ ܠܗܘܿܢ،  
\v 15 ܘܗ̇ܘ ܡܝܼܬ ܠܹܗ ܡ̣ܢ ܓܹܒܵܐ ܕܟܠܵܝܗ‌ܝ، ܕܐܵܢܝܼ ܕܝܼܢܵܐ ܚܵܝܹ̈ܐ، ܐܚܹܪܢܵܐ ܠܵܐ ܚܵܝܝܼ ܩܵܐ ܓܵܢܵܝܗ‌ܝ، ܐܝܼܢܵܐ ܩܵܐ ܗ̇ܘ ܕܡܝܼܬ ܠܹܗ ܒܘܼܬ ܕܝܼܵܝܗ‌ܝ ܘܩܝܼܡ ܠܹܗ. 
\p  
\v 16 ܒܵܣ ܡ̣ܢ ܐܵܕܝܼܵܐ ܠܹܐ ܝܵܕܥܲܚ ܠܐܢܵܫܵܐ ܡ̣ܢ ܚܙܵܝܬܵ‌ܐ ܕܟܝܵܢܹܗ ܐܢܵܫܵܝܵܐ. ܐܘܼܦ ܐܸܢ ܕܗܵܕܟ݂ܵܐ ܝܕܝܼܥ ܠܲܢ ܠܡܫܝܼܚܵܐ، ܐܝܼܢܵܐ ܡ̣ܢ ܐܵܕܝܼܵܐ ܠܹܐ ܝܵܕܥܲܚ ܠܹܗ ܗܵܕܟ݂ܵܐ.  
\v 17 ܣܵܒܵܒ ܟܠܔ ܡ̇ܢ ܕܝܼܠܹܗ ܒܡܫܝܼܚܵܐ ܒܪܝܼܬܵ‌ܐ ܚܲܕܬܵ‌ܐ ܝܠܹܗ. ܡܸܢܕܝܼܵܢܹ̈ܐ ܥܲܬܝܼܩܹ̈ܐ ܥܒ݂ܝܼܪܗܘܿܢ، ܟܠܔ ܡܸܢܕܝܼ ܗܘܹܐ ܠܹܗ ܚܵܕܬܵ‌ܐ.  
\v 18 ܟܠܵܗ̇ ܐܵܗܵܐ ܡ̣ܢ ܐܲܠܵܗܵܐ ܝܠܵܗ̇، ܗ̇ܘ ܕܩܵܡ ܣܲܙܓܸܪܵܢ ܥܲܡܹܗ ܒܝܲܕ ܡܫܝܼܚܵܐ ܘܩܵܡ ܝܵܗܒܹܠܔ ܠܲܢ ܚܸܠܡܲܬ ܕܣܲܙܓܲܪܬܵ‌ܐ.  
\v 19 ܘܐܵܗܵܐ ܝܠܵܗ̇، ܕܐܲܠܵܗܵܐ ܣܲܙܓܘܼܪܹܐ ܝܗܘܵܐ ܥܵܠܡܵܐ ܥܲܡ ܓܵܢܹܗ ܒܝܲܕ ܡܫܝܼܚܵܐ، ܘܠܵܐ ܚܘܼܫܒܸܢܹܗ ܐܸܠܵܝܗ‌ܝ ܚܛܝܼܵܬܵܝ̈ܗ‌ܝ، ܘܝܘܼܗܒܹܠܔ ܠܹܗ ܐܸܠܲܢ ܗܹܡܸܙܡܵܢ ܕܣܲܙܓܲܪܬܵ‌ܐ.  
\v 20 ܗܵܕܟ݂ܵܐ ܐܲܚܢܲܢ ܡ̣ܢ ܓܹܒܵܐ ܕܡܫܝܼܚܵܐ ܐܝܼܙܓܲܕܹ̈ܐ ܝܘܲܚ، ܘܐܲܝܟ݂ ܕܐܸܢ ܐܲܠܵܗܵܐ ܦܲܪܦܘܼܠܹܐ ܝܠܹܗ ܒܝܲܕ ܕܝܼܲܢ، ܡ̣ܢ ܓܹܒܵܐ ܕܡܫܝܼܚܵܐ ܒܸܛܠܵܒܵܐ ܝܘܲܚ ܡܸܢܵܘܟ݂ܘܿܢ، ܣܲܙܓܸܪܘܼܢ ܥܲܡ ܐܲܠܵܗܵܐ.  
\v 21 ܐܲܠܵܗܵܐ ܥܒ݂ܝܼܕ ܠܹܗ ܠܗ̇ܘ ܕܠܹܐ ܝܵܕܹܥ ܗܘܵܐ ܚܛܝܼܬܵ‌ܐ ܕܗܵܘܹܐ ܚܛܝܼܬܵ‌ܐ ܡ̣ܢ ܓܹܒܲܢ، ܕܐܲܚܢܲܢ ܗܵܘܲܚ ܒܝܼܹܗ ܙܲܕܝܼܩܘܼܬܵ‌ܐ ܕܐܲܠܵܗܵܐ. 
\c 6  
\p  
\v 1 ܣܵܒܵܒ ܦܲܠܵܚܹ̈ܐ ܝܘܲܚ ܥܲܡ ܐܲܠܵܗܵܐ، ܦܲܪܦܘܼܠܹܐ ܝܘܲܚ ܒܝܼܵܘܟ݂ܘܿܢ ܕܠܵܐ ܩܲܒܠܝܼܬܘܿܢ ܫܵܦܵܩܲܬ ܕܐܲܠܵܗܵܐ ܒܣܪܝܼܩܘܼܬܵ‌ܐ.  
\v 2 ܣܵܒܵܒ ܒܹܐܡܵܪܵܐ ܝܠܹܗ: 
\q1 ܒܥܕܵܢܵܐ ܡܲܩܒܘܼܠܔ ܩܵܡ ܫܵܡܥܹܢܘܼܟ݂، 
\q1 ܘܒܝܵܘܡܵܐ ܕܦܘܼܪܩܵܢܵܐ ܩܵܡ ܗܲܝܸܪܸܢܘܼܟ݂.\x + \xo 6:2 \xt ܐܫܥܝܐ 49‏:8\x* 
\m ܗܹܐ ܐܵܕܝܼܵܐ ܝܠܵܗ̇ ܥܕܵܢܵܐ ܡܲܩܒܘܼܠܔ، ܐܵܕܝܼܵܐ ܝܠܹܗ ܝܵܘܡܵܐ ܕܦܘܼܪܩܵܢܵܐ. 
\s1 ܐܘܠܨܢ̈ܐ ܕܦܘܠܘܣ ܫܠܝܚܐ 
\p  
\v 3 ܠܹܐ ܥܵܒ݂ܕܲܚ ܡܸܢܕܝܼ ܕܗܵܘܹܐ ܟܹܐܦܵܐ ܕܬܘܼܪܩܵܠܵܐ ܠܐܘܼܦ ܚܲܕ، ܕܠܵܐ ܡܲܝܬܲܚ ܠܵܘܡܵܐ ܠܚܸܠܡܲܬܲܢ،  
\v 4 ܐܸܠܵܐ ܒܟܠܔ ܡܸܢܕܝܼ ܡܲܚܫܸܚܲܚ ܓܵܢܲܢ ܥܵܒ݂ܕܵܢܹ̈ܐ ܕܚܸܠܡܲܬ ܕܐܲܠܵܗܵܐ، ܒܚܡܵܠܬܵ‌ܐ ܓܘܼܪܬܵ‌ܐ، ܒܐܘܼܠܨܵܢܹ̈ܐ، ܒܥܵܘܩܵܢܹ̈ܐ ܘܒܓ̰ܘܼܢܓ̰ܵܪܹ̈ܐ،  
\v 5 ܒܡܚܵܝܵܬܹ̈‌ܐ، ܒܒܹܝܬ ܐܲܣܝܼܪܹ̈ܐ، ܒܫܓ݂ܘܼܫܝܹ̈ܐ، ܒܦܘܼܠܚܵܢܹ̈ܐ ܩܸܫܝܹ̈ܐ، ܒܫܵܗܲܪ̈ܝܵܬܹ‌ܐ، ܒܨܵܘܡܹ̈ܐ،  
\v 6 ܒܕܸܟ݂ܝܘܼܬܵ‌ܐ، ܒܝܕܵܥܬܵ‌ܐ، ܒܡܲܪܝܲܟ݂ܬܵ‌ܐ ܕܒܹܐܢܵܐ، ܒܡܲܟܝܼܟ݂ܘܼܬܵ‌ܐ، ܒܪܘܼܚܵܐ ܕܩܘܼܕܫܵܐ، ܒܚܘܼܒܵܐ ܕܠܵܐ ܦܸܠܡܵܐ،  
\v 7 ܒܗܹܡܸܙܡܵܢ ܫܲܪܝܼܪܬܵ‌ܐ، ܒܚܲܝܠܵܐ ܕܐܲܠܵܗܵܐ، ܒܙܲܝܢܵܐ ܕܙܲܕܝܼܩܘܼܬܵ‌ܐ ܒܐܝܼܕܵܐ ܕܝܲܡܝܼܢܵܐ ܘܒܐܝܼܕܵܐ ܕܣܸܡܵܠܵܐ،  
\v 8 ܒܚܸܩܪܵܐ ܘܒܡܲܣܠܲܝܬܵ‌ܐ، ܒܐܝܼܩܵܪܵܐ ܘܒܠܵܘܡܵܐ، ܐܲܝܟ݂ ܥܲܠܕܝܼܵܢܹ̈ܐ ܦܝܼܫܹܐ ܚܫܝܼܒܹܐ، ܐܝܼܢܵܐ ܫܲܪܝܼܪܹ̈ܐ ܝܘܲܚ،  
\v 9 ܐܲܝܟ݂ ܕܠܵܐ ܦܝܼܫܹܐ ܝܕܝܼܥܹܐ، ܐܝܼܢܵܐ ܨܦܵܝܝܼ ܦܝܼܫܹܐ ܝܘܲܚ ܝܕܝܼܥܹܐ، ܐܲܝܟ݂ ܕܐܸܢ ܒܸܡܝܵܬܵ‌ܐ ܐܝܼܢܵܐ ܒܸܚܵܝܵܐ ܝܘܲܚ، ܐܲܝܟ݂ ܦܝܼܫܹܐ ܬܘܼܥܠܸܡܹܐ ܐܝܼܢܵܐ ܠܵܐ ܩܛܝܼܠܹܐ،  
\v 10 ܐܲܝܟ݂ ܦܫܝܼܡܹܐ ܐܝܼܢܵܐ ܒܟܠܔ ܙܲܒ݂ܢܵܐ ܦܨܝܼܚܹܐ، ܐܲܝܟ݂ ܡܸܣܟܹܢܹ̈ܐ ܐܝܼܢܵܐ ܠܪܵܒܵܐ ܒܸܥܒ݂ܵܕܵܐ ܝܘܲܚ ܥܲܬܝܼܪܹ̈ܐ، ܐܲܝܟ݂ ܕܠܲܝܬ ܠܲܢ ܡܸܢܕܝܼ ܐܝܼܢܵܐ ܐܲܚܢܲܢ ܟܠܔ ܡܸܢܕܝܼ ܐܝܼܬ ܠܲܢ.  
\v 11 ܗܘܼܡܙܸܡ ܠܲܢ ܒܨܸܦܝܘܼܬܵ‌ܐ ܐܸܠܵܘܟ݂ܘܿܢ، ܝܵܐ ܩܘܿܪ̈ܲܢܬܵܝܹܐ، ܘܦܬܝܼܚ ܠܲܢ ܠܸܒܲܢ ܐܸܠܵܘܟ݂ܘܿܢ ܪܵܒܵܐ.  
\v 12 ܠܹܐ ܝܘܲܚ ܒܸܚܣܵܟܹܗ ܚܘܼܒܲܢ ܡܸܢܵܘܟ݂ܘܿܢ، ܐܝܼܢܵܐ ܐܲܚܬܘܿܢ ܒܸܚܣܵܟܹܗ ܝܬܘܿܢ ܚܘܼܒܵܘܟ݂ܘܿܢ ܡܸܢܲܢ.  
\v 13 ܐܲܝܟ݂ ܚܕܵܐ ܛܵܒ݂ܬܵ‌ܐ - ܗܲܡܙܘܼܡܹܐ ܝܘܸܢ ܐܲܝܟ݂ ܕܠܒܢܘܿܢܝܼ̈ - ܐܘܼܦ ܐܲܚܬܘܿܢ ܦܬܘܿܚܘܼܢ ܠܸܒܵܘܟ݂ܘܿܢ. 
\s1 ܗܝܟܠܐ ܕܐܠܗܐ ܚܝܐ 
\p  
\v 14 ܠܵܐ ܗܵܘܹܝܬܘܿܢ ܐܣܝܼܪܹ̈ܐ ܒܢܝܼܪܵܐ ܥܲܡ ܐܵܢܝܼ ܕܠܹܐ ܝܢܵܐ ܡܗܘܼܡܢܹ̈ܐ، ܣܵܒܵܒ ܡܘܼܕܝܼ ܫܵܘܬܵܦܘܼܬܵ‌ܐ ܐܝܼܬ ܠܵܗ̇ ܙܲܕܝܼܩܘܼܬܵ‌ܐ ܥܲܡ ܥܵܘܠܵܐ؟ ܝܲܢ ܡܘܼܕܝܼ ܫܲܪܝܼܟܘܼܬܵ‌ܐ ܐܝܼܬ ܠܹܗ ܒܲܗܪܵܐ ܥܲܡ ܚܸܫܟܵܐ؟  
\v 15 ܝܲܢ ܡܘܼܕܝܼ ܣܲܙܓܲܪܬܵ‌ܐ ܐܝܼܬ ܠܹܗ ܡܫܝܼܚܵܐ ܥܲܡ ܣܵܛܵܢܵܐ؟ ܡܘܼܕܝܼ ܣܵܗܡܵܐ ܐܝܼܬ ܠܹܗ ܡܗܘܼܡܢܵܐ ܥܲܡ ܠܵܐ ܡܗܘܼܡܢܵܐ؟  
\v 16 ܡܘܼܕܝܼ ܚܘܼܝܵܕܵܐ ܐܝܼܬ ܒܹܝܠܔ ܗܲܝܟܠܵܐ ܕܐܲܠܵܗܵܐ ܘܨܵܢܲܡܹ̈ܐ؟ ܐܲܚܢܲܢ ܝܼܘܲܚ ܗܲܝܟܠܵܐ ܕܐܲܠܵܗܵܐ ܚܵܝܵܐ، ܐܲܝܟ݂ ܕܐܡܝܼܪܹܗ ܐܲܠܵܗܵܐ: 
\q1 ܒܸܬ ܥܵܡܪܹܢ ܓܵܘܵܝܗ‌ܝ ܘܒܸܬ ܚܵܕܪܹܢ ܓܵܘܵܝܗ‌ܝ، 
\q1 ܒܸܬ ܗܵܘܹܝܢ ܐܸܠܵܝܗ‌ܝ ܐܲܠܵܗܵܐ، ܘܐܵܢܝܼ ܒܸܬ ܗܵܘܝܼ ܐܸܠܝܼ ܥܲܡܵܐ.\x + \xo 6:16 \xt ܟܗ̈ܢܐ 26‏:12؛ ܐܪܡܝܐ 32‏:38؛ ܚܙܩܝܐܝܠܔ 37‏:27\x* 
\q1  
\v 17 ܒܘܼܬ ܐܵܗܵܐ ܦܠܘܿܛܘܼܢ ܡ̣ܢ ܓܵܘܵܝܗ‌ܝ ܘܦܪܘܿܫܘܼܢ ܡܸܢܵܝܗ‌ܝ، 
\m ܒܹܐܡܵܪܵܐ ܝܠܹܗ ܡܵܪܝܵܐ، 
\q1 ܘܠܵܐ ܕܵܩܪܝܼܬܘܿܢ ܒܡܸܢܕܝܼ ܛܲܡܐܵܐ، ܘܐܵܢܵܐ ܒܸܬ ܩܲܒܠܸܢܵܘܟ݂ܘܿܢ،\x + \xo 6:17 \xt ܐܫܥܝܐ 52‏:11؛ ܚܙܩܝܐܝܠܔ 20‏:34، 41\x* 
\q1  
\v 18 ܘܒܸܬ ܗܵܘܹܝܢ ܐܸܠܵܘܟ݂ܘܿܢ ܒܵܒܵܐ، ܘܐܲܚܬܘܿܢ ܒܸܬ ܗܵܘܹܝܬܘܿܢ ܐܸܠܝܼ ܒܢܘܿܢܹ̈ܐ ܘܒܢܵܬܹ̈‌ܐ،\x + \xo 6:18 \xt ܒ ܫܡܘܐܝܠܔ 7‏:8، 14\x* 
\m ܒܹܐܡܵܪܵܐ ܝܠܹܗ ܡܵܪܝܵܐ ܐܲܚܝܼܕ ܟܠܔ. 
\c 7  
\p  
\v 1 ܡܘܼܚܸܒܝܼ̈، ܣܵܒܵܒ ܐܝܼܬ ܠܲܢ ܐܲܢܹܐ ܩܵܘܠܹ̈ܐ، ܕܲܟܲܚ ܓܵܢܲܢ ܡ̣ܢ ܟܠܵܗ̇ ܛܲܡܐܘܼܬܵ‌ܐ ܕܦܲܓ݂ܪܵܐ ܘܕܪܘܼܚܵܐ، ܘܬܲܡܸܡܲܚ ܩܲܕܝܼܫܘܼܬܵ‌ܐ ܒܙܕܘܼܥܬܵ‌ܐ ܕܐܲܠܵܗܵܐ. 
\s1 ܚܕܘܬ‌ܐ ܕܦܘܠܘܣ ܫܠܝܚܐ 
\p  
\v 2 ܩܲܒܠܘܼܢ ܠܲܢ. ܠܐܢܵܫܵܐ ܠܵܐ ܙܠܝܼܡ ܠܲܢ، ܘܠܐܢܵܫܵܐ ܠܵܐ ܡܘܼܚܪܸܒ݂ ܠܲܢ، ܘܠܐܢܵܫܵܐ ܠܵܐ ܥܒ݂ܝܼܕ ܠܲܢ ܠܹܐܒܹ̈ܐ.  
\v 3 ܠܹܐ ܝܠܵܗ̇ ܠܸܕܝܵܢܵܘܟ݂ܘܿܢ ܒܹܐܡܵܪܵܐ ܝܘܸܢ ܐܵܗܵܐ، ܡ̣ܢ ܩܲܕܡܵܝܬܵ‌ܐ ܐܡܝܼܪܝܼ ܐܸܠܵܘܟ݂ܘܿܢ ܕܐܲܚܬܘܿܢ ܓܵܘ ܠܸܒܲܢ ܝܼܬܘܿܢ، ܠܸܡܝܵܬܵ‌ܐ ܘܠܸܚܵܝܵܐ ܡܥܘܼܕܵܠܹܐ.  
\v 4 ܐܝܼܬ ܠܝܼ ܒܸܣܬܵܝܘܼܬܵ‌ܐ ܓܘܼܪܬܵ‌ܐ ܒܝܼܵܘܟ݂ܘܿܢ، ܐܝܼܬ ܠܝܼ ܫܘܼܒ݂ܗܵܪܵܐ ܓܘܼܪܵܐ ܐܸܠܵܘܟ݂ܘܿܢ، ܘܦܝܼܫܵܐ ܝܘܸܢ ܡܸܠܝܵܐ ܝܵܗܒ݂ܵܠܬܵ‌ܐ ܕܠܸܒܵܐ، ܘܒܟܠܵܝܗ‌ܝ ܐܘܼܠܨܵܢܹ̈ܐ ܡܸܠܝܵܐ ܝܘܸܢ ܚܲܕܘܼܬܵ‌ܐ. 
\p  
\v 5 ܣܵܒܵܒ ܐܝܼܡܲܢ ܕܐܬܹ‌ܐ ܠܲܢ ܠܡܵܩܹܕܘܿܢܝܼܵܐ، ܐܵܗܵܐ ܦܲܓ݂ܪܲܢ ܠܲܝܬ ܗܘܵܐ ܠܹܗ ܢܝܵܚܵܐ، ܐܸܠܵܐ ܒܟܠܔ ܡܸܢܕܝܼ ܦܝܼܫ ܠܲܢ ܡܘܼܠܝܸܨܹܐ، ܦܠܵܫܹ̈ܐ ܡ̣ܢ ܠܒܲܕܲܪ ܘܙܕܘܼܥܝܵܬܹ̈‌ܐ ܡ̣ܢ ܠܓܵܘܵܐ.  
\v 6 ܐܝܼܢܵܐ ܐܲܠܵܗܵܐ، ܕܟܹܐ ܝܵܗܒܹܠܔ ܠܸܒܵܐ ܠܡܲܟܝܼܟܹ̈ܐ، ܝܘܼܗܒܹܠܔ ܠܹܗ ܠܸܒܵܐ ܐܸܠܲܢ ܒܐܬܵܝܬܵ‌ܐ ܕܛܸܛܘܿܣ.  
\v 7 ܘܠܵܐ ܐܲܚܟ̰ܝܼ ܒܐܬܵܝܬܹܗ ܐܝܼܢܵܐ ܐܘܼܦ ܒܝܵܗܒ݂ܵܠܬܵ‌ܐ ܕܠܸܒܵܐ ܕܝܘܼܗܒܹܠܔ ܠܵܘܟ݂ܘܿܢ ܐܸܠܹܗ. ܡܘܼܚܒܸܪܹܗ ܐܸܠܲܢ ܒܘܼܬ ܪܲܚܪܲܚܬܵܘܟ݂ܘܿܢ ܠܸܚܙܵܝܵܐ ܐܸܠܲܢ، ܘܦܵܫܲܡܬܵܘܟ݂ܘܿܢ ܓܘܼܪܬܵ‌ܐ، ܘܩܲܝܪܲܬܵܘܟ݂ܘܿܢ ܠܟܸܣܠܝܼ، ܕܗܵܕܟ݂ܵܐ ܚܲܕܘܼܬ‌ܝܼ ܒܘܼܫ ܓܘܼܪܬܵ‌ܐ ܗܘܹܐ ܠܵܗ̇ ܡ̣ܢ ܩܲܕܡܵܝܬܵ‌ܐ. 
\p  
\v 8 ܐܘܼܦ ܐܸܢ ܕܩܵܡ ܡܲܦܫܸܡܸܢܵܘܟ݂ܘܿܢ ܒܐܸܓܲܪܬ‌ܝܼ، ܐܝܼܢܵܐ ܠܹܐ ܝܘܸܢ ܦܫܝܼܡܵܐ، ܐܘܼܦ ܐܸܢ ܕܦܫܝܼܡ ܠܝܼ ܣܵܒܵܒ ܒܸܚܙܵܝܵܐ ܝܘܸܢ ܕܐܸܓܲܪܬ‌ܝܼ ܩܵܡ ܡܲܦܫܸܡܵܐ ܠܵܘܟ݂ܘܿܢ، ܐܝܼܢܵܐ ܐܲܚܟ̰ܝܼ ܩܵܐ ܚܕܵܐ ܥܕܵܢܵܐ ܟܪܝܼܬܵ‌ܐ.  
\v 9 ܐܵܕܝܼܵܐ ܒܸܚܕܵܝܵܐ ܝܘܸܢ، ܠܵܐ ܕܦܫܝܼܡ ܠܵܘܟ݂ܘܿܢ، ܐܸܠܵܐ ܕܦܫܝܼܡ ܠܵܘܟ݂ܘܿܢ ܠܬܝܵܒ݂ܘܼܬܵ‌ܐ، ܕܝܼܠܵܗ̇ ܚܕܵܐ ܦܵܫܲܡܬܵ‌ܐ ܡ̣ܢ ܐܲܠܵܗܵܐ، ܘܗܵܕܟ݂ܵܐ ܠܵܐ ܩܘܼܒܸܠܔ ܠܵܘܟ݂ܘܿܢ ܚܘܼܣܪܵܢܵܐ ܡܸܢܲܢ.  
\v 10 ܦܵܫܲܡܬܵ‌ܐ ܕܝܼܠܵܗ̇ ܡ̣ܢ ܐܲܠܵܗܵܐ ܟܹܐ ܡܲܝܬܝܵܐ ܬܝܵܒ݂ܘܼܬܵ‌ܐ ܠܦܘܼܪܩܵܢܵܐ ܕܠܲܝܬ ܦܵܫܲܡܬܵ‌ܐ ܒܝܼܘܼܗ̇، ܐܝܼܢܵܐ ܦܵܫܲܡܬܵ‌ܐ ܕܝܼܠܵܗ̇ ܡ̣ܢ ܕܘܼܢܝܹܐ ܟܹܐ ܡܲܝܬܝܵܐ ܡܵܘܬܵ‌ܐ.  
\v 11 ܚܙܹܝܡܘܼܢ ܡܘܼܕܝܼ ܥܒ݂ܝܼܕ ܠܵܗ̇ ܐܵܗܵܐ ܦܵܫܲܡܬܵ‌ܐ ܐܲܠܵܗܵܝܬܵ‌ܐ ܓܵܘܵܘܟ݂ܘܿܢ: ܗ̇ܝ ܡܘܼܒܪܹܐ ܠܵܗ̇ ܚܦܝܼܛܘܼܬܵ‌ܐ، ܘܝܵܗܒ݂ܵܠܬܵ‌ܐ ܕܓ̰ܘܼܘܵܒ، ܘܟܲܪܒܵܐ، ܘܙܕܘܼܥܬܵ‌ܐ، ܘܪܲܚܪܲܚܬܵ‌ܐ ܓܘܼܪܬܵ‌ܐ، ܘܛܢܵܢܵܐ، ܘܫܩܵܠܬܵ‌ܐ ܕܬܘܼܥܠܵܐ. ܒܟܠܔ ܡܸܢܕܝܼ ܡܘܼܚܙܹܐ ܠܵܘܟ݂ܘܿܢ ܓܵܢܵܘܟ݂ܘܿܢ ܕܕܸܟ݂ܝܹ̈ܐ ܝܬܘܿܢ ܒܐܵܗܵܐ ܫܘܼܠܵܐ.  
\v 12 ܐܘܼܦ ܐܸܢ ܕܟܬܝܼܒ݂ ܠܝܼ ܐܸܠܵܘܟ݂ܘܿܢ، ܠܹܐ ܝܗܘܵܐ ܒܘܼܬ ܗ̇ܘ ܕܥܒ݂ܝܼܕܵܐ ܝܠܹܗ ܓܢܵܗܵܐ، ܘܠܵܐ ܒܘܼܬ ܗ̇ܘ ܕܓܢܵܗܵܐ ܦܝܼܫܬܵ‌ܐ ܝܠܵܗ̇ ܥܒ݂ܝܼܕܬܵ‌ܐ ܐܸܠܹܗ، ܐܸܠܵܐ ܕܚܦܝܼܛܘܼܬܵܘܟ݂ܘܿܢ ܒܘܼܬ ܕܝܼܲܢ ܦܵܝܫܵܐ ܝܕܝܼܥܬܵ‌ܐ ܐܸܠܵܘܟ݂ܘܿܢ ܩܲܕܡ ܐܲܠܵܗܵܐ.  
\v 13 ܒܟܠܵܗ̇ ܐܵܗܵܐ ܦܝܼܫܹܐ ܝܘܲܚ ܝܘܼܗܒܹܐ ܠܸܒܵܐ، ܘܥܲܡ ܐܵܗܵܐ ܝܵܗܒ݂ܵܠܬܵ‌ܐ ܕܠܸܒܵܐ ܒܘܼܫ ܙܵܘܕܵܐ ܚܕܹܐ ܠܲܢ ܒܚܲܕܘܼܬܵ‌ܐ ܕܛܸܛܘܿܣ، ܣܵܒܵܒ ܚܝܼܵܠܘܼ̈ܗ‌ܝ ܢܝܼܚ ܠܗܘܿܢ ܒܝܼܵܘܟ݂ܘܿܢ.  
\v 14 ܚܩܝܼܪܝܼ ܐܸܠܵܘܟ݂ܘܿܢ ܠܟܸܣܠܹܗ، ܘܠܹܐ ܝܘܸܢ ܒܸܢܟ݂ܵܦܵܐ ܒܐܵܗܵܐ. ܐܝܼܢܵܐ ܕܵܐܟ݂ܝܼ ܕܐܡܝܼܪܝܼ ܟܠܔ ܡܸܢܕܝܼ ܐܸܠܵܘܟ݂ܘܿܢ ܒܫܪܵܪܵܐ، ܗܵܕܟ݂ܵܐ ܐܘܼܦ ܚܩܵܪܬܲܢ ܒܝܼܵܘܟ݂ܘܿܢ ܩܲܕܡ ܛܸܛܘܿܣ ܦܝܼܫ ܠܵܗ̇ ܝܕܝܼܥܬܵ‌ܐ ܫܪܵܪܵܐ.  
\v 15 ܐܘܼܦ ܚܘܼܒܹܗ ܐܸܠܵܘܟ݂ܘܿܢ ܓܘܼܪܵܐ ܝܠܹܗ، ܒܘܼܫ ܙܵܘܕܵܐ ܐܝܼܡܲܢ ܕܒܸܕܟ݂ܵܪܵܐ ܝܠܹܗ ܡܲܨܝܲܬܬܵ‌ܐ ܕܟܠܵܘܟ݂ܘܿܢ، ܕܵܐܟ݂ܝܼ ܒܙܕܘܼܥܬܵ‌ܐ ܘܒܪܲܬܪܲܬܬܵ‌ܐ ܩܘܼܒܸܠܔ ܠܵܘܟ݂ܘܿܢ ܐܸܠܹܗ.  
\v 16 ܒܸܚܕܵܝܵܐ ܝܘܸܢ ܕܐܝܼܬ ܠܝܼ ܗܹܒ݂ܝܼ ܒܝܼܵܘܟ݂ܘܿܢ ܒܟܠܔ ܡܸܢܕܝܼ. 
\c 8  
\s1 ܕܒ݂ܚܬ‌ܐ 
\p  
\v 1 ܒܵܥܲܚ ܕܝܵܕܥܝܼܬܘܿܢ، ܐܲܚܘܿܢܘܵܬܹ̈‌ܐ، ܒܘܼܬ ܫܵܦܵܩܲܬ ܕܐܲܠܵܗܵܐ ܕܦܝܼܫ ܠܵܗ̇ ܝܘܼܗܒܹܠܬܵ‌ܐ ܠܥܹܕܵܬܹ̈‌ܐ ܕܓܵܘ ܡܵܩܹܕܘܿܢܝܼܵܐ،  
\v 2 ܕܵܐܟ݂ܝܼ ܓܵܘ ܓ̰ܲܪܲܒܬܵ‌ܐ ܕܐܘܼܠܨܵܢܹ̈ܐ ܪܵܒܵܐ ܘܒܥܘܼܡܩܵܐ ܕܡܸܣܟܹܢܘܼܬܵ‌ܐ، ܒܚܲܕܘܼܬܵ‌ܐ ܓܘܼܪܬܵ‌ܐ ܫܘܼܦܸܟ݂ ܠܗܘܿܢ ܕܒ݂ܵܚܝܵܬܵܝ̈ܗ‌ܝ ܒܐܝܼܕܵܐ ܦܬܘܼܚܬܵ‌ܐ.  
\v 3 ܒܸܣܗܵܕܵܐ ܝܘܸܢ ܕܝܘܼܗܒܹܠܔ ܠܗܘܿܢ ܐܲܝܟ݂ ܡܨܵܝܬܵܝܗ‌ܝ، ܗܹܐ، ܘܒܘܼܫ ܙܵܘܕܵܐ ܡ̣ܢ ܡܨܵܝܬܵܝܗ‌ܝ، ܒܨܸܒ݂ܝܵܢܵܐ ܕܓܵܢܵܝܗ‌ܝ.  
\v 4 ܒܥܹܐ ܠܗܘܿܢ ܡܸܢܲܢ ܘܦܘܼܪܦܸܠܔ ܠܗܘܿܢ ܪܵܒܵܐ ܕܗܵܘܹܐ ܠܗܘܿܢ ܛܲܝܒܘܼܬܵ‌ܐ ܕܫܲܪܲܟܬܵ‌ܐ ܒܐܵܗܵܐ ܚܸܠܡܲܬ ܠܩܲܕܝܼܫܹ̈ܐ.  
\v 5 ܥܒ݂ܝܼܕ ܠܗܘܿܢ ܡܸܢܕܝܼ ܕܠܹܐ ܝܘܲܚ ܗܘܵܘ ܒܸܣܦܵܪܵܐ، ܝܘܼܗܒܹܠܔ ܠܗܘܿܢ ܓܵܢܵܝܗ‌ܝ ܩܲܕܡܵܝܬܵ‌ܐ ܠܡܵܪܝܵܐ، ܘܗ̇ܝܓܵܗ ܐܸܠܲܢ ܐܲܝܟ݂ ܨܸܒ݂ܝܵܢܵܐ ܕܐܲܠܵܗܵܐ.  
\v 6 ܒܘܼܬ ܐܵܗܵܐ ܦܘܼܪܦܸܠܔ ܠܲܢ ܒܛܸܛܘܿܣ، ܕܵܐܟ݂ܝܼ ܕܫܘܼܪܹܐ ܠܹܗ ܡ̣ܢ ܩܲܕܡܵܝܬܵ‌ܐ، ܗܵܕܟ݂ܵܐ ܐܘܼܦ ܬܲܡܸܡ ܐܵܗܵܐ ܫܘܼܠܵܐ ܕܫܵܦܵܩܲܬ ܒܐܝܼܕܵܐ ܕܝܼܵܘܟ݂ܘܿܢ.  
\v 7 ܘܕܵܐܟ݂ܝܼ ܕܙܝܼܕ ܠܵܘܟ݂ܘܿܢ ܒܟܠܔ ܡܸܢܕܝܼ: ܒܗܲܝܡܵܢܘܼܬܵ‌ܐ، ܒܗܹܡܸܙܡܵܢ، ܒܝܕܵܥܬܵ‌ܐ، ܒܟܠܔ ܚܘܼܦܵܛܵܐ ܘܒܚܘܼܒܵܘܟ݂ܘܿܢ ܐܸܠܲܢ، ܚܙܹܝܡܘܼܢ ܕܙܵܝܕܝܼܬܘܿܢ ܐܘܼܦ ܒܐܵܗܵܐ ܫܵܦܵܩܲܬ ܕܕܒ݂ܵܚܬܵ‌ܐ. 
\p  
\v 8 ܠܹܐ ܝܘܸܢ ܦܩܵܕܵܐ ܒܸܦܩܵܕܵܘܟ݂ܘܿܢ، ܐܝܼܢܵܐ ܒܚܘܼܦܵܛܵܐ ܕܐܚܹܪ̈ܢܹܐ، ܓ̰ܲܪܘܼܒܹܐ ܝܘܸܢ ܠܫܲܪܝܼܪܘܼܬܵ‌ܐ ܕܚܘܼܒܵܘܟ݂ܘܿܢ.  
\v 9 ܣܵܒܵܒ ܟܹܐ ܝܵܕܥܝܼܬܘܿܢ ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ، ܕܐܘܼܦ ܐܸܢ ܕܥܲܬܝܼܪܵܐ ܝܗܘܵܐ، ܒܘܼܬ ܕܝܼܵܘܟ݂ܘܿܢ ܗܘܹܐ ܠܹܗ ܡܸܣܟܹܢܵܐ، ܕܐܲܚܬܘܿܢ ܗܵܘܹܝܬܘܿܢ ܥܲܬܝܼܪܹ̈ܐ ܒܝܲܕ ܡܸܣܟܹܢܘܼܬܹܗ. 
\p  
\v 10 ܐܵܗܵܐ ܝܠܵܗ̇ ܣܲܦܲܝܬ‌ܝܼ ܒܘܼܬ ܡܘܼܕܝܼ ܝܠܹܗ ܨܦܵܝܝܼ ܐܸܠܵܘܟ݂ܘܿܢ ܒܐܵܗܵܐ ܡܸܢܕܝܼ: ܒܫܹܢ݇ܬܵ‌ܐ ܕܕܲܥܒܲܪ ܐܲܚܬܘܿܢ ܩܲܕܡܵܝܹ̈ܐ ܝܬܘܿܢ ܗܘܵܘ، ܠܵܐ ܐܲܚܟ̰ܝܼ ܒܕܒ݂ܵܚܬܵ‌ܐ ܐܝܼܢܵܐ ܐܘܼܦ ܒܚܘܼܒܵܐ ܠܸܥܒ݂ܵܕܵܐ ܗܵܕܟ݂ܵܐ.  
\v 11 ܐܵܕܝܼܵܐ ܬܲܡܸܡܘܼܢ ܫܘܼܠܵܘܟ݂ܘܿܢ ܐܲܝܟ݂ ܕܒܵܥܹܝܬܘܿܢ ܠܸܥܒ݂ܵܕܹܗ ܡ̣ܢ ܨܸܒ݂ܝܵܢܵܘܟ݂ܘܿܢ، ܐܲܝܟ݂ ܡܨܵܝܬܵܘܟ݂ܘܿܢ ܒܡܸܢܕܝܼ ܕܐܝܼܬ ܠܵܘܟ݂ܘܿܢ.  
\v 12 ܣܵܒܵܒ ܐܸܢ ܐܝܼܬ ܨܸܒ݂ܝܵܢܵܐ ܠܸܕܒ݂ܵܚܵܐ، ܕܒ݂ܝܼܚܬܵ‌ܐ ܒܸܬ ܦܵܝܫܵܐ ܩܘܼܒܸܠܬܵ‌ܐ ܐܲܝܟ݂ ܕܐܢܵܫܵܐ ܐܝܼܬ ܠܹܗ، ܠܵܐ ܐܲܝܟ݂ ܕܠܲܝܬ ܠܹܗ. 
\p  
\v 13 ܠܹܐ ܒܵܥܲܚ ܕܗܵܘܝܵܐ ܢܝܵܚܬܵ‌ܐ ܠܐܚܹܪ̈ܢܹܐ ܘܐܘܼܠܨܵܢܹ̈ܐ ܐܸܠܵܘܟ݂ܘܿܢ، ܐܝܼܢܵܐ ܕܗܵܘܝܵܐ ܫܵܘܝܘܼܬܵ‌ܐ.  
\v 14 ܩܵܐ ܐܵܕܝܼܵܐ ܙܵܘܕܘܼܢܝܘܼܬܵ‌ܐ ܕܝܼܵܘܟ݂ܘܿܢ ܒܸܬ ܡܵܠܝܵܐ ܠܒܵܨܘܿܪܘܼܬܵ‌ܐ ܕܐܵܢܝܼ، ܘܗܵܕܟ݂ܵܐ ܙܵܘܕܘܼܢܝܘܼܬܵ‌ܐ ܕܐܵܢܝܼ ܒܸܬ ܡܵܠܝܵܐ ܠܒܵܨܘܿܪܘܼܬܵ‌ܐ ܕܝܼܵܘܟ݂ܘܿܢ. ܒܐܵܗܵܐ ܒܸܬ ܗܵܘܝܵܐ ܫܵܘܝܘܼܬܵ‌ܐ.  
\v 15 ܐܲܝܟ݂ ܕܝܼܠܹܗ ܟܬܝܼܒ݂ܵܐ: 
\q1 ܗ̇ܘ ܕܪܵܒܵܐ ܓ̰ܘܼܡܸܥ ܠܹܗ ܠܵܐ ܡܘܼܙܝܸܕ ܠܹܗ ܡܸܢܕܝܼ، 
\q1 ܘܗ̇ܘ ܕܒܵܨܘܿܪܵܐ ܓ̰ܘܼܡܸܥ ܠܹܗ ܠܵܐ ܡܘܼܒܨܸܪܹܗ ܡܸܢܕܝܼ.\x + \xo 8:15 \xt ܡܦܩܢܐ 16‏:18\x* 
\s1 ܛܛܘܣ ܦܝܫܐ ܫܘܕܪܐ ܠܩܘܪܢܬܘܣ 
\p  
\v 16 ܫܲܟܘܼܪܹܐ ܝܘܸܢ ܠܐܲܠܵܗܵܐ ܕܡܘܼܬܸܒ݂ ܠܹܗ ܒܠܸܒܵܐ ܕܛܸܛܘܿܣ ܗܲܪ ܗ̇ܝ ܚܦܝܼܛܘܼܬܵ‌ܐ ܕܐܵܢܵܐ ܐܝܼܬ ܠܝܼ ܒܘܼܬ ܕܝܼܵܘܟ݂ܘܿܢ.  
\v 17 ܒܗ̇ܝ ܕܩܘܼܒܠܵܐ ܠܹܗ ܒܵܥܘܼܬܲܢ ܛܸܛܘܿܣ، ܒܹܐܬܵܝܵܐ ܝܠܹܗ ܠܟܸܣܠܵܘܟ݂ܘܿܢ ܒܛܢܵܢܵܐ ܘܒܨܸܒ݂ܝܵܢܵܐ ܕܓܵܢܹܗ.  
\v 18 ܘܫܲܕܘܼܪܹܐ ܝܘܲܚ ܥܲܡܹܗ ܐܲܚܘܿܢܵܐ ܕܦܝܼܫܵܐ ܝܠܹܗ ܚܩܝܼܪܵܐ ܓܵܘ ܟܠܵܝܗ‌ܝ ܥܹܕܵܬܹ̈‌ܐ ܒܘܼܬ ܚܸܠܡܲܬܹܗ ܩܵܐ ܐܹܘܲܢܓܲܠܝܼܘܿܢ.  
\v 19 ܘܙܵܘܕܵܐ ܡ̣ܢ ܐܵܗܵܐ، ܦܝܼܫܵܐ ܝܗܘܵܐ ܓܘܼܒܝܵܐ ܒܝܲܕ ܥܹܕܵܬܹ̈‌ܐ ܕܐܵܙܹܠܔ ܥܲܡܲܢ ܘܠܲܒܠܲܚ ܠܐܵܗܵܐ ܕܒ݂ܵܚܬܵ‌ܐ ܕܒܸܥܒ݂ܵܕܵܐ ܝܘܲܚ ܚܸܠܡܲܬ ܒܝܼܘܼܗ̇، ܘܡܝܲܩܘܼܪܹܐ ܠܡܵܪܲܢ ܒܓܵܢܹܗ، ܘܡܲܚܙܲܚ ܚܦܝܼܛܘܼܬܲܢ ܠܗܲܝܘܼܪܹܐ.  
\v 20 ܠܹܐ ܒܵܥܲܚ ܕܐܢܵܫܵܐ ܡܲܬܸܒ݂ ܠܵܘܡܵܐ ܥܲܠܲܢ ܒܘܼܬ ܕܵܐܟ݂ܝܼ ܡܕܲܒܘܼܪܘܼܗ̇ ܝܘܲܚ ܐܵܗܵܐ ܕܒ݂ܵܚܬܵ‌ܐ ܓܘܼܪܬܵ‌ܐ ܕܒܸܥܒ݂ܵܕܘܼܗ̇ ܝܘܲܚ.  
\v 21 ܩܸܫܝܵܐܝܼܬ ܓ̰ܲܪܘܼܒܹܐ ܝܘܲܚ ܕܥܵܒ݂ܕܲܚ ܛܵܒ݂ܵܬܹ̈‌ܐ ܠܵܐ ܐܲܚܟ̰ܝܼ ܒܥܲܝ̈ܢܹܐ ܕܡܵܪܝܵܐ ܐܸܠܵܐ ܐܘܼܦ ܒܥܲܝ̈ܢܹܐ ܕܐܢܵܫܹ̈ܐ. 
\p  
\v 22 ܫܲܕܘܼܪܹܐ ܝܘܲܚ ܥܲܡܵܝܗ‌ܝ ܐܲܚܘܿܢܲܢ، ܗ̇ܘ ܕܩܵܡ ܡܲܚܙܹܐ ܠܲܢ ܪܵܒܵܐ ܓܵܗܹ̈ܐ ܘܒܪܵܒܵܐ ܐܘܼܪ̈ܚܵܬܹ‌ܐ ܕܚܲܦܛܵܢܵܐ ܝܠܹܗ. ܘܐܵܕܝܼܵܐ ܒܘܼܫ ܚܲܦܛܵܢܵܐ ܝܠܹܗ ܣܵܒܵܒ ܐܝܼܬ ܠܹܗ ܗܹܒ݂ܝܼ ܓܘܼܪܬܵ‌ܐ ܒܝܼܵܘܟ݂ܘܿܢ.  
\v 23 ܒܘܼܬ ܛܸܛܘܿܣ، ܗ̇ܘ ܫܲܪܝܼܟܝܼ ܝܠܹܗ ܘܗܲܝܸܪܵܢܝܼ ܐܸܠܵܘܟ݂ܘܿܢ. ܘܒܘܼܬ ܐܲܚܘܿܢܘܵܬܲܢ̈، ܐܵܢܝܼ ܫܠܝܼܚܹ̈ܐ ܕܥܹܕܵܬܹ̈‌ܐ ܝܢܵܐ ܠܚܸܩܪܵܐ ܕܡܫܝܼܚܵܐ.  
\v 24 ܒܘܼܬ ܐܵܗܵܐ، ܡܲܚܙܹܝܡܘܼܢ ܠܐܲܢܹܐ ܐܢܵܫܹ̈ܐ ܩܲܕܡ ܥܹܕܵܬܹ̈‌ܐ ܫܲܪܲܪܬܵ‌ܐ ܕܚܘܼܒܵܘܟ݂ܘܿܢ ܘܫܘܼܒ݂ܗܵܪܲܢ ܒܝܼܵܘܟ݂ܘܿܢ. 
\c 9  
\s1 ܚܠܡܬ ܠܩܕܝܫ̈ܐ 
\p  
\v 1 ܠܹܐ ܝܠܵܗ̇ ܐܵܢܲܢܩܵܝܬܵ‌ܐ ܐܸܠܝܼ ܕܟܵܬܒܹܢ ܐܸܠܵܘܟ݂ܘܿܢ ܒܘܼܬ ܚܸܠܡܲܬ ܠܩܲܕܝܼܫܹ̈ܐ،  
\v 2 ܣܵܒܵܒ ܒܝܼܕܵܥܵܐ ܝܘܸܢ ܛܢܵܢܵܘܟ݂ܘܿܢ ܠܗܲܝܘܼܪܹܐ، ܘܒܸܥܒ݂ܵܕܵܐ ܝܘܸܢ ܫܘܼܒ݂ܗܵܪܵܐ ܒܝܼܹܗ ܩܲܕܡ ܐܢܵܫܹ̈ܐ ܕܓܵܘ ܡܵܩܹܕܘܿܢܝܼܵܐ، ܗܵܕܟ݂ܵܐ ܕܐܵܟ݂ܵܐܝܼܵܐ ܗܘܼܕܸܪܬܵ‌ܐ ܝܠܵܗ̇ ܡ̣ܢ ܫܹܢ݇ܬܵ‌ܐ ܕܕܲܥܒܲܪ ܠܗܲܝܘܼܪܹܐ، ܘܛܢܵܢܵܘܟ݂ܘܿܢ ܡܘܼܓ̰ܘܸܓ̰ ܠܹܗ ܠܪܵܒܵܐ.  
\v 3 ܐܝܼܢܵܐ ܫܘܼܕܸܪܝܼ ܠܐܲܚܘܿܢܘܵܬܹ̈‌ܐ ܕܠܵܐ ܗܵܘܹܐ ܫܘܼܒ݂ܗܵܪܲܢ ܒܝܼܵܘܟ݂ܘܿܢ ܒܲܛܝܼܠܵܐ ܒܐܵܗܵܐ ܫܘܼܠܵܐ، ܕܗܵܘܹܝܬܘܿܢ ܗܕܝܼܪܹܐ، ܐܲܝܟ݂ ܕܐܡܝܼܪܝܼ.  
\v 4 ܠܵܐ ܗܵܘܝܵܐ ܕܐܵܬ‌ܝܼ ܥܲܡܝܼ ܐܢܵܫܹ̈ܐ ܡ̣ܢ ܡܵܩܹܕܘܿܢܝܼܵܐ ܘܚܵܙܝܼ ܕܠܹܐ ܝܬܘܿܢ ܗܕܝܼܪܹܐ، ܗ̇ܝܓܵܗ ܐܲܚܢܲܢ، ܘܐܘܼܦ ܐܲܚܬܘܿܢ، ܦܵܝܫܲܚ ܢܟ݂ܝܼܦܹܐ ܒܒܸܣܬܵܝܘܼܬܲܢ.  
\v 5 ܒܘܼܬ ܐܵܗܵܐ، ܚܙܹܐ ܠܝܼ ܐܵܢܲܢܩܵܝܬܵ‌ܐ ܝܗܘܵܐ ܕܛܵܠܒܹܢ ܗܘܵܐ ܡ̣ܢ ܐܲܢܹܐ ܐܲܚܘܿܢܘܵܬܹ̈‌ܐ ܕܐܵܬ‌ܝܼ ܗܘܵܘ ܠܟܸܣܠܵܘܟ݂ܘܿܢ ܡ̣ܢ ܩܲܕܡ ܕܝܼܝܼ، ܘܗܲܕܪܝܼ ܗܘܵܘ ܠܕܒ݂ܵܚܬܵ‌ܐ ܕܩܘܼܘܸܠܹܐ ܝܬܘܿܢ ܗܘܵܘ. ܗ̇ܝܓܵܗ ܒܸܬ ܗܵܘܝܵܐ ܚܕܵܐ ܕܒ݂ܵܚܬܵ‌ܐ ܘܠܵܐ ܛܲܡܲܥܟܵܪܘܼܬܵ‌ܐ. 
\s1 ܒܙܪܥܐ ܒܡܠܝܘܬ‌ܐ 
\p  
\v 6 ܐܵܗܵܐ ܒܹܐܡܵܪܵܐ ܝܘܸܢ ܐܸܠܵܘܟ݂ܘܿܢ: ܡ̇ܢ ܕܙܵܪܹܥ ܒܚܣܵܟ݂ܬܵ‌ܐ، ܒܚܣܵܟ݂ܬܵ‌ܐ ܒܸܬ ܚܵܨܹܕ، ܘܡ̇ܢ ܕܙܵܪܹܥ ܒܦܸܪܝܘܼܬܵ‌ܐ، ܒܦܸܪܝܘܼܬܵ‌ܐ ܒܸܬ ܚܵܨܹܕ.  
\v 7 ܟܠܔ ܚܲܕ ܘܵܠܹܐ ܝܠܵܗ̇ ܕܝܵܗܒܹܠܔ ܐܲܝܟ݂ ܕܡܘܼܬܒ݂ܵܐ ܝܠܹܗ ܒܠܸܒܹܗ، ܠܵܐ ܒܦܵܫܲܡܬܵ‌ܐ ܘܠܵܐ ܬܚܘܿܬ ܚܲܝܠܵܐ، ܣܵܒܵܒ ܐܲܠܵܗܵܐ ܟܹܐ ܡܲܚܸܒ ܠܝܵܗܒ݂ܵܢܵܐ ܚܸܕܝܵܐ.  
\v 8 ܘܐܲܠܵܗܵܐ ܟܹܐ ܡܵܨܹܐ ܡܲܙܝܸܕ ܐܸܠܵܘܟ݂ܘܿܢ ܟܠܵܗ̇ ܫܵܦܵܩܲܬ، ܗܵܕܟ݂ܵܐ ܕܒܟܠܔ ܡܸܢܕܝܼ ܘܒܟܠܔ ܙܲܒ݂ܢܵܐ ܗܵܘܹܐ ܠܵܘܟ݂ܘܿܢ ܡܸܢܕܝܼ ܕܣܢܝܼܩܹܐ ܝܬܘܿܢ ܐܸܠܹܗ، ܘܙܵܝܕܝܼܬܘܿܢ ܒܟܠܔ ܦܘܼܠܚܵܢܵܐ ܛܵܒ݂ܵܐ.  
\v 9 ܐܲܝܟ݂ ܕܟܬܝܼܒ݂ܵܐ ܝܠܹܗ: 
\q1 ܫܘܼܦܸܟ݂ ܠܹܗ ܡܵܘܗܒ݂ܵܬܘܼ̈ܗ‌ܝ ܠܡܸܣܟܹܢܹ̈ܐ، ܘܙܲܕܝܼܩܘܼܬܹܗ ܦܵܝܫܵܢܬܵ‌ܐ ܝܠܵܗ̇ ܠܥܵܠܲܡ.\x + \xo 9:9 \xt ܡܙܡܘܪܐ 112‏:9 \x* 
\v 10 ܘܗ̇ܘ ܕܟܹܐ ܝܵܗܒܹܠܔ ܒܲܪܙܲܪܥܵܐ ܠܙܵܪܥܵܢܵܐ ܘܠܲܚܡܵܐ ܠܡܹܐܟ݂ܘܼܠܬܵ‌ܐ، ܒܸܬ ܝܵܗܒܹܠܔ ܘܡܲܙܝܸܕ ܠܒܲܪܙܲܪܥܵܘܟ݂ܘܿܢ، ܘܡܲܦܪܹܐ ܠܛܥܘܼܢܝܵܬܹ̈‌ܐ ܕܙܲܕܝܼܩܘܼܬܵܘܟ݂ܘܿܢ،  
\v 11 ܕܦܵܝܫܝܼܬܘܿܢ ܥܒ݂ܝܼܕܹܐ ܥܲܬܝܼܪܹ̈ܐ ܒܟܠܔ ܡܸܢܕܝܼ، ܘܗܵܘܹܐ ܠܵܘܟ݂ܘܿܢ ܐܝܼܕܵܐ ܦܬܘܼܚܬܵ‌ܐ ܒܟܠܔ ܐܘܼܪܚܵܐ، ܘܦܬܝܼܚܘܼܬܵ‌ܐ ܕܐܝܼܕܵܘܟ݂ܘܿܢ ܒܝܼܲܢ ܒܸܬ ܗܵܘܝܵܐ ܫܲܟܲܪܬܵ‌ܐ ܠܐܲܠܵܗܵܐ.  
\v 12 ܐܵܗܵܐ ܚܸܠܡܲܬ ܕܒܸܥܒ݂ܵܕܘܼܗ̇ ܝܬܘܿܢ ܠܹܐ ܝܠܵܗ̇ ܐܲܚܟ̰ܝܼ ܒܸܡܠܵܝܵܐ ܣܢܝܼܩܘܼܬܵ‌ܐ ܕܩܲܕܝܼܫܹ̈ܐ، ܐܝܼܢܵܐ ܡܲܙܝܘܼܕܹܐ ܝܠܵܗ̇ ܫܲܟܲܪ̈ܝܵܬܹ‌ܐ ܠܐܲܠܵܗܵܐ.  
\v 13 ܣܵܒܵܒ ܒܡܫܲܪܲܪܬܵ‌ܐ ܕܐܵܗܵܐ ܚܸܠܡܲܬ، ܐܢܵܫܹ̈ܐ ܫܲܒܘܼܚܹܐ ܝܢܵܐ ܠܐܲܠܵܗܵܐ ܒܘܼܬ ܫܠܵܡܬܵܘܟ݂ܘܿܢ ܠܐܹܘܲܢܓܲܠܝܼܘܿܢ ܕܡܫܝܼܚܵܐ ܘܕܒ݂ܵܚܬܵܘܟ݂ܘܿܢ ܒܐܝܼܕܵܐ ܦܬܘܼܚܬܵ‌ܐ ܐܸܠܵܝܗ‌ܝ ܘܠܟܠܔ ܐܢܵܫܵܐ.  
\v 14 ܘܒܨܠܵܘܵܬܵܝ̈ܗ‌ܝ ܒܘܼܬ ܕܝܼܵܘܟ݂ܘܿܢ ܡܲܚܙܘܼܝܹܐ ܝܢܵܐ ܕܟܹܐ ܡܲܚܸܒܝܼ ܠܵܘܟ݂ܘܿܢ، ܣܵܒܵܒ ܫܵܦܵܩܲܬ ܕܐܲܠܵܗܵܐ ܙܝܼܕ ܠܵܗ̇ ܠܟܸܣܠܵܘܟ݂ܘܿܢ.  
\v 15 ܫܟܝܼܪܵܐ ܐܲܠܵܗܵܐ ܩܵܐ ܡܵܘܗܲܒ݂ܬܹܗ ܡܲܥܓ̰ܸܒܵܢܬܵ‌ܐ. 
\c 10  
\s1 ܦܘܠܘܣ ܫܠܝܚܐ ܘܚܠܡܬܗ 
\p  
\v 1 ܐܵܢܵܐ ܦܵܘܠܘܿܣ ܒܓܵܢܝܼ ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܒܢܝܼܚܘܼܬܵ‌ܐ ܘܒܡܲܟܝܼܟ݂ܘܼܬܵ‌ܐ ܕܡܫܝܼܚܵܐ، ܐܵܢܵܐ ܕܟܹܐ ܗܵܘܹܝܢ ܡܲܟܝܼܟ݂ܵܐ ܐܝܼܡܲܢ ܕܝܼܘܲܚ ܦܵܬܵ‌ܐ ܓܵܘ ܦܵܬܵ‌ܐ، ܐܝܼܢܵܐ ܣܹܟܪܵܢܵܐ ܐܝܼܡܲܢ ܕܝܼܘܸܢ ܪܸܚܩܵܐ ܡܸܢܵܘܟ݂ܘܿܢ،  
\v 2 ܒܸܛܠܵܒܵܐ ܝܘܸܢ ܡܸܢܵܘܟ݂ܘܿܢ ܕܐܝܼܡܲܢ ܕܐܵܬܹܝܢ ܠܵܐ ܦܵܝܫܹܢ ܥܸܨܝܵܐ، ܒܒܸܣܬܵܝܘܼܬܵ‌ܐ ܕܐܝܼܬ ܠܝܼ ܟܸܣܠܵܘܟ݂ܘܿܢ، ܕܗܵܘܹܝܢ ܣܹܟܪܵܢܵܐ ܥܲܡ ܚܲܕܟܡܵܐ ܕܒܸܚܫܵܒ݂ܵܐ ܝܢܵܐ ܕܒܸܚܵܝܵܐ ܝܘܲܚ ܒܥܵܕܲܬܹ̈‌ܐ ܕܟܝܵܢܵܐ ܐܢܵܫܵܝܵܐ،  
\v 3 ܐܘܼܦ ܐܸܢ ܕܒܸܚܵܝܵܐ ܝܘܲܚ ܒܟܝܵܢܵܐ ܐܢܵܫܵܝܵܐ، ܐܝܼܢܵܐ ܠܹܐ ܝܘܲܚ ܒܸܦܠܵܫܵܐ ܒܐܘܼܪܚܵܐ ܕܟܝܵܢܵܐ ܐܢܵܫܵܝܵܐ،  
\v 4 ܣܵܒܵܒ ܙܲܝܢܹ̈ܐ ܕܦܠܵܫܲܢ ܠܹܐ ܝܢܵܐ ܕܟܝܵܢܵܐ ܐܢܵܫܵܝܵܐ، ܐܝܼܢܵܐ ܕܐܲܠܵܗܵܐ ܝܢܵܐ ܠܸܫܩܵܠܵܐ ܩܲܠܥܵܬܹ̈‌ܐ ܥܲܣܩܹ̈ܐ،  
\v 5 ܘܠܡܲܚܪܘܼܒܹܐ ܟܠܵܝܗ‌ܝ ܚܘܼܫܵܒܹ̈ܐ ܥܸܠܵܝܹ̈ܐ ܕܩܵܝܡܝܼ ܕܲܠܩܘܼܒ݂ܠܔ ܝܕܵܥܬܵ‌ܐ ܕܐܲܠܵܗܵܐ، ܘܠܙܲܒܛܘܼܢܹܐ ܟܠܔ ܚܝܼܵܠܔ ܘܠܡܲܠܘܼܦܹܐ ܟܠܔ ܐܢܵܫܵܐ ܕܡܲܨܝܸܬ ܠܡܫܝܼܚܵܐ.  
\v 6 ܘܗܕܝܼܪܹܐ ܝܘܲܚ ܠܬܲܥܠܘܼܡܹܐ ܟܠܵܝܗ‌ܝ ܦܘܼܠܚܵܢܹ̈ܐ ܕܠܵܐ ܡܲܨܝܲܬܬܵ‌ܐ ܐܝܼܡܲܢ ܕܬܲܡܸܡܵܐ ܡܲܨܝܲܬܬܵܘܟ݂ܘܿܢ. 
\p  
\v 7 ܐܲܚܬܘܿܢ ܓܲܫܘܼܩܹܐ ܝܬܘܿܢ ܠܡܸܢܕܝܼܵܢܹ̈ܐ ܡ̣ܢ ܦܵܬܵ‌ܐ. ܐܸܢ ܚܲܕ ܐܢܵܫܵܐ ܚܵܬܸܪܓ̰ܲܡܥ ܝܼܠܹܗ ܒܓܵܢܹܗ ܕܝܼܠܹܗ ܕܡܫܝܼܚܵܐ، ܫܒ݂ܘܿܩ ܡܸܢܕܪܸܫ ܬܲܚܡܸܢ ܒܓܵܢܹܗ ܕܐܘܼܦ ܐܲܚܢܲܢ ܕܡܫܝܼܚܵܐ ܝܘܲܚ ܐܲܝܟ݂ ܕܝܼܠܹܗ ܗ̇ܘ.  
\v 8 ܣܵܒܵܒ ܐܘܼܦ ܐܸܢ ܕܥܵܒ݂ܕܹܢ ܚܲܕܟ̰ܵܐ ܙܵܘܕܵܐ ܫܘܼܒ݂ܗܵܪܵܐ ܒܫܘܼܠܛܵܢܵܐ ܕܡܵܪܝܵܐ ܝܘܼܗܒܹܠܔ ܠܹܗ ܐܸܠܲܢ ܠܒܢܵܝܬܵܘܟ݂ܘܿܢ ܘܠܵܐ ܠܬܠܵܚܬܵܘܟ݂ܘܿܢ، ܠܹܐ ܝܘܸܢ ܒܸܢܟ݂ܵܦܵܐ ܒܝܼܹܗ.  
\v 9 ܠܹܐ ܒܵܥܹܝܢ ܕܚܵܫܒ݂ܝܼܬܘܿܢ ܕܡܲܙܕܘܼܥܵܘܟ݂ܘܿܢ ܝܼܘܸܢ ܒܐܸܓܲܪ̈ܝܵܬ‌ܝܼ.  
\v 10 ܣܵܒܵܒ ܚܲܕܟܡܵܐ ܟܹܐ ܐܵܡܪܝܼ: ”ܐܸܓܲܪ̈ܝܵܬܘܼܗ‌ܝ ܝܲܩܘܼܪܹ̈ܐ ܝܢܵܐ ܘܚܲܝܠܵܢܹ̈ܐ، ܐܝܼܢܵܐ ܒܦܲܓ݂ܪܵܐ ܙܲܒܘܼܢ ܝܼܠܹܗ، ܘܗܹܡܸܙܡܵܢܹܗ ܡܘܼܣܠܝܼܬܵ‌ܐ ܝܠܵܗ̇.“  
\v 11 ܘܵܠܹܐ ܝܠܵܗ̇ ܕܗܵܕܟ݂ܵܐ ܐܢܵܫܹ̈ܐ ܝܵܕܥܝܼ ܕܡܘܼܕܝܼ ܝܘܲܚ ܒܗܹܡܸܙܡܵܢ ܕܐܸܓܲܪ̈ܝܵܬܲܢ ܟܲܕ ܐܲܚܢܲܢ ܪܸܚܩܵܐ، ܗܵܕܟ݂ܵܐ ܒܸܬ ܗܵܘܲܚ ܒܦܘܼܠܚܵܢܲܢ ܟܲܕ ܐܲܚܢܲܢ ܩܘܼܪܒܵܐ.  
\v 12 ܣܵܒܵܒ ܐܲܚܢܲܢ ܠܹܐ ܩܲܫܕܸܪܲܚ ܠܚܲܫܒܘܼܢܘܼܗ̇ ܝܲܢ ܡܲܕܒ݂ܘܼܩܘܼܗ̇ ܓܵܢܲܢ ܥܲܡ ܐܵܢܝܼ ܕܚܵܩܪܝܼ ܒܓܵܢܵܝܗ‌ܝ. ܐܝܼܢܵܐ ܐܵܢܝܼ ܕܟܵܝܠܝܼ ܠܵܗ̇ ܓܵܢܵܝܗ‌ܝ ܒܓܵܢܵܝܗ‌ܝ ܘܡܲܕܒܸܩܝܼ ܠܵܗ̇ ܓܵܢܵܝܗ‌ܝ ܥܲܡ ܓܵܢܵܝܗ‌ܝ، ܠܹܐ ܝܢܵܐ ܚܲܟܝܼܡܹ̈ܐ.  
\v 13 ܐܝܼܢܵܐ ܐܲܚܢܲܢ ܠܹܐ ܥܵܒ݂ܕܲܚ ܫܘܼܒ݂ܗܵܪܵܐ ܙܵܘܕܵܐ ܡ̣ܢ ܟܝܘܼܠܲܢ، ܐܸܠܵܐ ܒܟܝܘܼܠܵܐ ܕܦܘܼܠܸܥ ܠܹܗ ܐܸܠܲܢ ܐܲܠܵܗܵܐ، ܕܒܸܡܛܵܝܵܐ ܝܠܹܗ ܐܘܼܦ ܗܲܠܔ ܟܸܣܠܵܘܟ݂ܘܿܢ.  
\v 14 ܠܹܐ ܥܵܒ݂ܕܲܚ ܗܘܵܐ ܫܘܼܒ݂ܗܵܪܵܐ ܐܸܢ ܠܵܐ ܗܵܘܲܚ ܗܘܵܘ ܡܸܛܝܹܐ ܐܸܠܵܘܟ݂ܘܿܢ، ܐܝܼܢܵܐ ܡܛܹܐ ܠܲܢ ܐܸܠܵܘܟ݂ܘܿܢ ܒܐܹܘܲܢܓܲܠܝܼܘܿܢ ܕܡܫܝܼܚܵܐ.  
\v 15 ܘܠܹܐ ܥܵܒ݂ܕܲܚ ܫܘܼܒ݂ܗܵܪܵܐ ܙܵܘܕܵܐ ܡ̣ܢ ܟܝܘܼܠܲܢ ܒܦܘܼܠܚܵܢܵܐ ܕܐܚܹܪ̈ܢܹܐ. ܗܹܒ݂ܝܼܲܢ ܝܼܠܵܗ̇ ܟܡܵܐ ܕܙܵܝܕܵܐ ܗܲܝܡܵܢܘܼܬܵܘܟ݂ܘܿܢ، ܦܘܼܠܚܵܢܲܢ ܓܵܘܵܘܟ݂ܘܿܢ ܒܸܬ ܙܵܐܹܕ،  
\v 16 ܕܡܲܟܪܸܙܲܚ ܐܹܘܲܢܓܲܠܝܼܘܿܢ ܠܒܲܕܲܪ ܡ̣ܢ ܬܚܘܼܡܹ̈ܐ ܕܕܝܼܵܘܟ݂ܘܿܢ. ܣܵܒܵܒ ܠܹܐ ܒܵܥܲܚ ܕܥܵܒ݂ܕܲܚ ܫܘܼܒ݂ܗܵܪܵܐ ܒܦܘܼܠܚܵܢܵܐ ܕܦܝܼܫܵܐ ܝܠܹܗ ܥܒ݂ܝܼܕܵܐ ܓܵܘ ܚܲܩܠܵܐ ܕܚܲܕ ܐܚܹܪܢܵܐ.  
\v 17 ܗ̇ܘ ܕܥܵܒܹܕ ܫܘܼܒ݂ܗܵܪܵܐ، ܫܒ݂ܘܿܩ ܥܵܒܹܕ ܫܘܼܒ݂ܗܵܪܵܐ ܒܡܵܪܝܵܐ.  
\v 18 ܣܵܒܵܒ ܠܹܐ ܝܠܵܗ̇ ܗ̇ܘ ܕܚܵܩܹܪ ܓܵܢܹܗ ܚܫܝܼܚܵܐ ܝܠܹܗ، ܐܸܠܵܐ ܗ̇ܘ ܕܡܵܪܝܵܐ ܚܵܩܹܪܹܗ ܚܫܝܼܚܵܐ ܝܠܹܗ. 
\c 11  
\s1 ܦܘܠܘܣ ܘܫܠܝܚ̈ܐ ܕܓܠ̈ܐ 
\p  
\v 1 ܒܗܹܒ݂ܝܼ ܝܘܸܢ ܒܸܬ ܩܲܒܠܝܼܬܘܿܢ ܡܸܢܝܼ ܚܲܕܟ̰ܵܐ ܣܲܟ݂ܠܘܼܬܵ‌ܐ، ܗܹܐ، ܩܘܼܒܠܘܼܗ̇ ܝܬܘܿܢ.  
\v 2 ܣܵܒܵܒ ܒܲܚܘܼܠܹܐ ܝܘܸܢ ܒܝܼܵܘܟ݂ܘܿܢ ܒܲܚܲܠܬܵ‌ܐ ܐܲܠܵܗܵܝܬܵ‌ܐ، ܣܵܒܵܒ ܩܵܡ ܛܵܠܒܹܢܵܘܟ݂ܘܿܢ ܠܚܲܕ ܓܲܒ݂ܪܵܐ، ܠܡܫܝܼܚܵܐ، ܕܡܲܩܪܸܒܸܢܵܘܟ݂ܘܿܢ ܒܬܘܼܠܬܵ‌ܐ ܕܟ݂ܝܼܬܵ‌ܐ ܐܸܠܹܗ.  
\v 3 ܐܝܼܢܵܐ ܒܸܙܕܵܥܵܐ ܝܘܸܢ ܗܲܪ ܕܵܐܟ݂ܝܼ ܕܚܘܼܘܹܐ ܡܘܼܚܠܸܛ ܠܹܗ ܠܚܵܘܵܐ ܒܝܲܕ ܦܲܢܕܘܼ̈ܗ‌ܝ،\x + \xo 11:3 \xt ܒܪܝܬ‌ܐ 3‏:1‏-5، 13\x* ܗܵܕܟ݂ܵܐ ܦܵܝܫܝܼ ܡܘܼܩܠܸܒܹܐ ܚܝܼܵܠܵܘ̈ܟ݂ܘܿܢ ܡ̣ܢ ܦܫܝܼܛܘܼܬܵ‌ܐ ܘܕܸܟ݂ܝܘܼܬܵ‌ܐ ܕܠܟܸܣ ܡܫܝܼܚܵܐ.  
\v 4 ܣܵܒܵܒ ܐܸܢ ܐܵܬܹ‌ܐ ܐܢܵܫܵܐ ܠܟܸܣܠܵܘܟ݂ܘܿܢ ܘܡܲܟܪܸܙ ܒܚܲܕ ܝܼܫܘܿܥ ܐܚܹܪܢܵܐ، ܗ̇ܘ ܕܐܲܚܢܲܢ ܠܵܐ ܡܘܼܟܪܸܙ ܠܲܢ، ܝܲܢ ܐܸܢ ܩܲܒܠܝܼܬܘܿܢ ܚܕܵܐ ܪܘܼܚܵܐ ܐܚܹܪܬܵ‌ܐ ܫܒ݂ܘܿܩ ܡ̣ܢ ܗ̇ܝ ܕܩܘܼܒܸܠܔ ܠܵܘܟ݂ܘܿܢ، ܝܲܢ ܚܲܕ ܐܹܘܲܢܓܲܠܝܼܘܿܢ ܐܚܹܪܢܵܐ ܫܒ݂ܘܿܩ ܡ̣ܢ ܗ̇ܘ ܕܩܘܼܒܸܠܔ ܠܵܘܟ݂ܘܿܢ، ܟܡܵܐ ܓ̰ܲܠܕܹܐ ܒܸܛܥܵܢܵܐ ܝܬܘܿܢ.  
\v 5 ܐܵܢܵܐ ܠܹܐ ܝܘܸܢ ܒܸܚܫܵܒ݂ܵܐ ܕܒܘܼܫ ܒܵܨܘܿܪܵܐ ܝܘܸܢ ܡ̣ܢ ܐܵܢܝܼ ܫܠܝܼܚܹ̈ܐ ܕܟܹܐ ܚܵܫܒ݂ܝܼ ܪܵܒܵܐ ܥܸܠܵܝܹ̈ܐ ܝܢܵܐ.  
\v 6 ܐܘܼܦ ܐܸܢ ܕܠܹܐ ܝܘܸܢ ܬܘܼܠܡܸܕܵܐ ܒܗܹܡܸܙܡܵܢ، ܐܝܼܢܵܐ ܐܝܼܬ ܠܝܼ ܝܕܵܥܬܵ‌ܐ. ܐܵܗܵܐ ܦܝܼܫܬܵ‌ܐ ܝܠܵܗ̇ ܓܠܝܼܬܵ‌ܐ ܐܸܠܵܘܟ݂ܘܿܢ ܒܟܠܔ ܐܘܼܪܚܵܐ. 
\p  
\v 7 ܝܲܢ ܩܵܡܘܿ ܚܛܹܐ ܠܝܼ ܕܡܘܼܟܸܦ ܠܝܼ ܓܵܢܝܼ ܕܐܲܚܬܘܿܢ ܦܵܝܫܝܼܬܘܿܢ ܡܘܼܪܡܹܐ، ܟܲܕ ܡܘܼܟܪܸܙ ܠܝܼ ܚܘܼܪܵܝܝܼ ܐܸܠܵܘܟ݂ܘܿܢ ܐܹܘܲܢܓܲܠܝܼܘܿܢ ܕܐܲܠܵܗܵܐ؟  
\v 8 ܣܠܝܼܒ ܠܝܼ ܥܹܕܵܬܹ̈‌ܐ ܐܚܹܪ̈ܢܹܐ، ܕܫܵܩܠܹܢ ܗܘܵܐ ܗܲܝܲܪܬܵ‌ܐ ܡܸܢܵܝܗ‌ܝ ܕܥܵܒ݂ܕܹܢ ܗܘܵܐ ܚܸܠܡܲܬ ܐܸܠܵܘܟ݂ܘܿܢ،  
\v 9 ܘܐܝܼܡܲܢ ܕܝܼܘܸܢ ܗܘܵܐ ܠܟܸܣܠܵܘܟ݂ܘܿܢ ܘܣܢܝܼܩ ܠܝܼ ܠܡܸܢܕܝܼ، ܠܵܐ ܗܘܹܐ ܠܝܼ ܝܘܼܩܪܵܐ ܠܐܘܼܦ ܚܲܕ، ܣܵܒܵܒ ܐܲܚܘܿܢܘܵܬܹ̈‌ܐ ܕܐܬܹ‌ܐ ܠܗܘܿܢ ܡ̣ܢ ܡܵܩܹܕܘܿܢܝܼܵܐ ܡܠܹܐ ܠܗܘܿܢ ܠܣܢܝܼܩܘܼܬ‌ܝܼ. ܠܹܐ ܝܘܸܢ ܗܘܝܼܵܐ ܝܘܼܩܪܵܐ ܠܐܘܼܦ ܚܲܕ، ܘܐܘܼܦ ܠܹܐ ܗܵܘܹܝܢ.  
\v 10 ܐܲܝܟ݂ ܕܫܪܵܪܵܐ ܕܡܫܝܼܚܵܐ ܒܝܼܝܼ ܝܠܹܗ، ܐܵܗܵܐ ܫܘܼܒ݂ܗܵܪܵܐ ܠܹܐ ܦܵܐܹܫ ܫܩܝܼܠܵܐ ܡܸܢܝܼ ܓܵܘ ܐܘܼܚܕܵܢܵܐ ܕܐܵܟ݂ܵܐܝܼܵܐ.  
\v 11 ܩܵܡܘܿܕܝܼ؟ ܣܵܒܵܒ ܠܹܐ ܡܲܚܸܒܸܢܵܘܟ݂ܘܿܢ؟ ܐܲܠܵܗܵܐ ܟܹܐ ܝܵܕܹܥ ܕܟܹܐ ܡܲܚܸܒܸܢܵܘܟ݂ܘܿܢ.  
\v 12 ܘܒܸܬ ܥܵܒ݂ܕܹܢ ܡܸܢܕܝܼ ܕܒܸܥܒ݂ܵܕܵܐ ܝܘܸܢ ܕܩܵܛܥܹܢ ܟܠܔ ܦܸܪܣܲܬ ܥܲܠܔ ܐܵܢܝܼ ܕܒܸܛܥܵܝܵܐ ܝܢܵܐ ܠܦܸܪܣܲܬ ܕܚܵܫܒ݂ܝܼ ܠܵܗ̇ ܓܵܢܵܝܗ‌ܝ ܫܵܘܝܹ̈ܐ ܥܲܡܲܢ ܒܡܸܢܕܝܼܵܢܹ̈ܐ ܕܒܸܥܒ݂ܵܕܵܐ ܝܢܵܐ ܫܘܼܒ݂ܗܵܪܵܐ ܒܝܼܵܝܗ‌ܝ.  
\v 13 ܐܲܢܹܐ ܐܢܵܫܹ̈ܐ ܫܠܝܼܚܹ̈ܐ ܕܲܓܵܠܹ̈ܐ ܝܢܵܐ، ܦܲܠܵܚܹ̈ܐ ܦܟ̰ܝܼܠܹ̈ܐ، ܕܡܲܕܡܘܼܝܘܼܗ̇ ܝܢܵܐ ܓܵܢܵܝܗ‌ܝ ܠܫܠܝܼܚܹ̈ܐ ܕܡܫܝܼܚܵܐ.  
\v 14 ܠܹܐ ܝܠܵܗ̇ ܡܲܥܓ̰ܸܒܵܢܬܵ‌ܐ، ܣܵܒܵܒ ܐܘܼܦ ܣܵܛܵܢܵܐ ܟܹܐ ܡܲܕܡܹܐ ܠܵܗ̇ ܓܵܢܹܗ ܠܡܲܠܲܐܟ݂ܵܐ ܕܒܲܗܪܵܐ.  
\v 15 ܒܵܣ ܠܹܐ ܝܠܹܗ ܚܲܕ ܡܸܢܕܝܼ ܓܘܼܪܵܐ ܕܐܸܢ ܐܘܼܦ ܥܵܒ݂ܕܵܢܹ̈ܐ ܕܚܸܠܡܲܬܹܗ ܡܲܕܡܝܼ ܠܵܗ̇ ܓܵܢܵܝܗ‌ܝ ܠܥܵܒ݂ܕܵܢܹ̈ܐ ܕܚܸܠܡܲܬ ܕܙܲܕܝܼܩܘܼܬܵ‌ܐ. ܐܝܼܢܵܐ ܚܲܪܬܵܝܗ‌ܝ ܒܸܬ ܗܵܘܝܵܐ ܐܲܝܟ݂ ܦܘܼܠܚܵܢܵܝ̈ܗ‌ܝ. 
\s1 ܓ̰ܘܢܓ̰ܪ̈ܐ ܕܦܘܠܘܣ ܫܠܝܚܐ 
\p  
\v 16 ܡܸܢܕܪܸܫ ܒܹܐܡܵܪܵܐ ܝܘܸܢ، ܐܢܵܫܵܐ ܠܵܐ ܚܵܫܹܒ݂ ܠܝܼ ܐܲܝܟ݂ ܣܲܟ݂ܠܵܐ. ܐܝܼܢܵܐ ܐܸܢ ܚܵܫܹܒ݂ ܠܝܼ ܗܵܕܟ݂ܵܐ، ܩܲܒܠܘܼܢ ܠܝܼ ܐܲܝܟ݂ ܚܲܕ ܣܲܟ݂ܠܵܐ ܕܥܵܒ݂ܕܹܢ ܚܲܕܟ̰ܵܐ ܫܘܼܒ݂ܗܵܪܵܐ.  
\v 17 ܡܸܢܕܝܼ ܕܗܲܡܙܘܼܡܹܐ ܝܘܸܢ ܠܹܐ ܝܘܸܢ ܗܲܡܙܘܼܡܹܗ ܐܲܝܟ݂ ܡܵܪܲܢ ܒܵܥܹܐ ܕܗܲܡܙܸܡܸܢܹܗ، ܐܸܠܵܐ ܐܲܝܟ݂ ܚܲܕ ܣܲܟ݂ܠܵܐ ܒܐܵܗܵܐ ܒܸܣܬܵܝܘܼܬܵ‌ܐ ܕܫܘܼܒ݂ܗܵܪܵܐ.  
\v 18 ܒܗ̇ܝ ܕܪܵܒܵܐ ܟܹܐ ܥܵܒ݂ܕܝܼ ܫܘܼܒ݂ܗܵܪܵܐ ܡ̣ܢ ܟܝܵܢܵܝܗ‌ܝ ܐܢܵܫܵܝܵܐ، ܐܘܼܦ ܐܵܢܵܐ ܒܸܬ ܥܵܒ݂ܕܹܢ ܫܘܼܒ݂ܗܵܪܵܐ.  
\v 19 ܒܚܲܕܘܼܬܵ‌ܐ ܟܹܐ ܩܲܒܠܝܼܬܘܿܢ ܠܣܲܟ݂ܠܹ̈ܐ ܣܵܒܵܒ ܚܲܟܝܼܡܹ̈ܐ ܝܬܘܿܢ.  
\v 20 ܟܹܐ ܩܲܒܠܝܼܬܘܿܢ ܠܗ̇ܘ ܕܥܵܒܹܕ ܠܵܘܟ݂ܘܿܢ ܪܹ̈ܓܵܘܵܬܹ‌ܐ، ܠܗ̇ܘ ܕܡܲܦܠܸܚ ܠܵܘܟ݂ܘܿܢ ܠܝܘܼܬܪܵܢܵܐ ܕܓܵܢܹܗ، ܠܗ̇ܘ ܕܫܵܩܹܠܔ ܡܸܢܵܘܟ݂ܘܿܢ، ܠܗ̇ܘ ܕܡܲܪܸܡ ܓܵܢܹܗ، ܠܗ̇ܘ ܕܡܵܚܹܐ ܥܲܠܔ ܦܵܬܵܘܟ݂ܘܿܢ.  
\v 21 ܗܲܡܙܘܼܡܹܐ ܝܘܸܢ ܒܢܟܸܦܬܵ‌ܐ ܐܲܝܟ݂ ܕܐܸܢ ܗܵܘܲܚ ܗܘܝܼܹܐ ܡܚܝܼܠܹ̈ܐ. ܐܝܼܢܵܐ ܐܸܢ ܚܲܕ ܚܲܦܸܛ ܠܸܥܒ݂ܵܕܵܐ ܫܘܼܒ݂ܗܵܪܵܐ ܒܚܲܕ ܡܸܢܕܝܼ، ܐܘܼܦ ܐܵܢܵܐ ܒܸܬ ܚܲܦܛܸܢ ܕܥܵܒ݂ܕܹܢ ܫܘܼܒ݂ܗܵܪܵܐ. ܠܲܐܟ݂ܵܐ ܗܲܡܙܘܼܡܹܐ ܝܘܸܢ ܐܲܝܟ݂ ܣܲܟ݂ܠܵܐ. 
\p  
\v 22 ܥܸܒ݂ܪ̈ܵܝܹܐ ܝܢܵܐ؟ ܐܘܼܦ ܐܵܢܵܐ ܥܸܒ݂ܪܵܝܵܐ ܝܘܸܢ. ܝܼܣܲܪ̈ܠܵܝܹܐ ܝܢܵܐ؟ ܐܘܼܦ ܐܵܢܵܐ ܝܼܣܲܪܠܵܝܵܐ ܝܘܸܢ. ܒܢܘܿܢܹ̈ܐ ܕܐܲܒ݂ܪܵܗܵܡ ܝܼܢܵܐ؟ ܐܘܼܦ ܐܵܢܵܐ.  
\v 23 ܪܹ̈ܓܵܘܵܬܹ‌ܐ ܕܡܫܝܼܚܵܐ ܝܢܵܐ؟ - ܗܲܡܙܘܼܡܹܐ ܝܘܸܢ ܐܲܝܟ݂ ܚܲܕ ܫܹܐܕܵܢܵܐ - ܐܵܢܵܐ ܒܘܼܫ ܙܵܘܕܵܐ. ܦܠܝܼܚ ܠܝܼ ܒܘܼܫ ܩܸܫܝܵܐ، ܗܘܹܐ ܠܝܼ ܓܵܘ ܒܹܝܬ ܐܲܣܝܼܪܹ̈ܐ ܒܘܼܫ ܙܵܘܕܵܐ، ܒܡܲܚܘܵܬܹ̈‌ܐ ܒܘܼܫ ܙܵܘܕܵܐ، ܪܵܒܵܐ ܓܵܗܹ̈ܐ ܩܘܼܪܒܵܐ ܠܡܵܘܬܵ‌ܐ.  
\v 24 ܚܲܡܸܫ ܓܵܗܹ̈ܐ ܦܝܼܫ ܠܝܼ ܡܸܚܝܵܐ ܒܝܲܕ ܝܗܘܼܕܵܝܹ̈ܐ، ܟܠܔ ܓܵܗܵܐ ܬܠܵܬ‌ܝܼ ܬܸܫܥܵܐ ܫܵܘܛܹ̈ܐ.\x + \xo 11:24 \xt ܬܢܝܢ ܢܡܘܣܐ 25‏:3\x* 
\v 25 ܬܠܵܬ ܓܵܗܹ̈ܐ ܒܚܘܼܛܪܹ̈ܐ ܦܝܼܫ ܠܝܼ ܡܸܚܝܵܐ، ܚܕܵܐ ܓܵܗܵܐ ܦܝܼܫ ܠܝܼ ܪܓ̰ܝܼܡܵܐ، ܬܠܵܬ ܓܵܗܹ̈ܐ ܫܡܝܼܛ ܠܵܗ̇ ܒܝܼܝܼ ܓܵܡܝܼ، ܚܲܕ ܝܵܘܡܵܐ ܘܚܲܕ ܠܲܝܠܹܐ ܗܘܹܐ ܠܝܼ ܥܲܠܔ ܦܵܬܵ‌ܐ ܕܡ̈ܝܼܵܐ ܓܵܘ ܝܵܡܵܐ.  
\v 26 ܒܐܘܼܪ̈ܚܵܬܹ‌ܐ ܪܵܒܵܐ ܓܵܗܹ̈ܐ، ܒܩܹܘܲܢܕܹܢܘܿܣܹ̈ܐ ܕܢܲܗܪ̈ܵܘܵܬܹ‌ܐ، ܒܩܹܘܲܢܕܹܢܘܿܣܹ̈ܐ ܕܫܲܠܚܵܢܹ̈ܐ ܕܐܘܼܪ̈ܚܵܬܹ‌ܐ، ܒܩܹܘܲܢܕܹܢܘܿܣܹ̈ܐ ܡ̣ܢ ܐܢܵܫܹ̈ܐ ܕܓܵܢܝܼ، ܒܩܹܘܲܢܕܹܢܘܿܣܹ̈ܐ ܡ̣ܢ ܐܸܡܘܵܬܹ̈‌ܐ، ܒܩܹܘܲܢܕܹܢܘܿܣ ܓܵܘ ܡܕܝܼܢܵܬܹ̈‌ܐ، ܒܩܹܘܲܢܕܹܢܘܿܣ ܓܵܘ ܒܲܪܝܼܵܐ، ܒܩܹܘܲܢܕܹܢܘܿܣ ܕܝܵܡܵܐ، ܘܒܩܹܘܲܢܕܹܢܘܿܣ ܡ̣ܢ ܐܲܚܘܿܢܘܵܬܹ̈‌ܐ ܕܲܓܵܠܹ̈ܐ.  
\v 27 ܦܠܝܼܚ ܠܝܼ ܘܟܟ̰ܝܼܚ ܠܝܼ ܪܵܒܵܐ، ܘܒܠܲܝܠܵܘܵܬܹ̈‌ܐ ܠܵܐ ܛܠܝܼܥ ܠܝܼ. ܗܘܹܐ ܠܝܼ ܒܟܸܦܢܵܐ ܘܨܵܗܘܵܐ، ܘܒܨܵܘܡܵܐ ܪܵܒܵܐ ܓܵܗܹ̈ܐ، ܘܒܩܲܪܬܵ‌ܐ ܘܒܫܘܼܠܚܵܝܘܼܬܵ‌ܐ.  
\v 28 ܫܒ݂ܘܿܩ ܡ̣ܢ ܡܸܢܕܝܼܵܢܹ̈ܐ ܕܠܒܲܕܲܪ، ܟܠܔ ܝܘܿܡ ܒܸܛܥܵܢܵܐ ܝܘܸܢ ܝܘܼܩܪܵܐ ܕܟܠܵܝܗ‌ܝ ܥܹܕܵܬܹ̈‌ܐ.  
\v 29 ܡܵܢܝܼ ܝܠܹܗ ܡܚܝܼܠܵܐ ܘܐܵܢܵܐ ܠܹܐ ܝܘܸܢ ܡܚܝܼܠܵܐ؟ ܡܵܢܝܼ ܝܠܹܗ ܦܝܼܫܵܐ ܬܘܼܪܩܸܠܵܐ ܒܚܛܝܼܬܵ‌ܐ ܘܐܵܢܵܐ ܠܹܐ ܝܵܩܕܹܢ ܒܓܵܘܝܼ؟ 
\p  
\v 30 ܐܸܢ ܘܵܠܹܐ ܝܠܵܗ̇ ܕܫܲܒ݂ܗܸܪܸܢ ܒܸܬ ܫܲܒ݂ܗܸܪܸܢ ܒܙܲܒܘܼܢܘܼܝܵܬ‌ܝܼ̈.  
\v 31 ܐܲܠܵܗܵܐ ܕܝܼܠܹܗ ܒܵܒܵܐ ܕܡܵܪܲܢ ܝܼܫܘܿܥ، ܕܡܒܘܼܪܟ݂ܵܐ ܝܠܹܗ ܠܥܵܠܲܡ، ܟܹܐ ܝܵܕܹܥ ܕܠܹܐ ܝܘܸܢ ܕܲܓܘܼܠܹܐ.  
\v 32 ܓܵܘ ܕܲܪܡܣܘܿܩ، ܪܲܒ ܚܲܝܠܵܐ ܬܚܘܿܬ ܫܘܼܠܛܵܢܵܐ ܕܐܵܪܹܛܘܿܣ ܡܲܠܟܵܐ ܒܸܢܛܵܪܵܐ ܝܗܘܵܐ ܡܕܝܼܢ݇ܬܵ‌ܐ ܕܕܲܪ̈ܡܣܘܿܩܵܝܹܐ ܠܸܕܒ݂ܵܩܝܼ.  
\v 33 ܐܝܼܢܵܐ ܦܝܼܫ ܠܝܼ ܡܘܼܫܪܸܛܵܐ ܓܵܘ ܩܸܪܛܵܠܵܐ ܡ̣ܢ ܟܵܘܹܐ ܡܥܲܠܔ ܫܘܼܪܵܐ ܘܦܪܝܼܩ ܠܝܼ ܡ̣ܢ ܐܝܼܕܵܬܘܼ̈ܗ‌ܝ. 
\c 12  
\s1 ܚܙܘ̈ܐ ܘܓܠܝܢ̈ܐ ܕܦܘܠܘܣ 
\p  
\v 1 ܘܵܠܹܐ ܝܠܵܗ̇ ܕܥܵܒ݂ܕܹܢ ܫܘܼܒ݂ܗܵܪܵܐ ܐܘܼܦ ܐܸܢ ܕܠܲܝܬ ܦܲܝܕܵܐ ܒܝܼܹܗ. ܐܵܕܝܼܵܐ ܒܸܬ ܫܲܪܹܝܢ ܒܚܸܙܘܹ̈ܐ ܘܒܓܸܠܝܵܢܹ̈ܐ ܡ̣ܢ ܡܵܪܲܢ.  
\v 2 ܟܹܐ ܝܵܕܥܹܢ ܚܲܕ ܐܢܵܫܵܐ ܒܡܫܝܼܚܵܐ ܕܡ̣ܢ ܩܲܕܡ ܐܲܪܒܲܥܣܲܪ ܫܸܢܹ̈ܐ ܦܝܼܫ ܠܹܗ ܡܘܼܪܡܵܐ ܠܫܡܲܝܵܐ ܕܬܠܵܬ. ܐܸܢ ܒܦܲܓ݂ܪܵܐ ܝܗܘܵܐ ܝܲܢ ܠܒܲܕܲܪ ܡ̣ܢ ܦܲܓ݂ܪܵܐ ܠܹܐ ܝܵܕܥܹܢ، ܐܲܠܵܗܵܐ ܟܹܐ ܝܵܕܹܥ.  
\v 3 ܐܵܢܵܐ ܟܹܐ ܝܵܕܥܹܢ ܗܘܵܐ ܚܲܕ ܗܵܕܟ݂ܵܐ ܐܢܵܫܵܐ، ܒܦܲܓ݂ܪܵܐ ܝܲܢ ܠܒܲܕܲܪ ܡ̣ܢ ܦܲܓ݂ܪܵܐ ܠܹܐ ܝܵܕܥܹܢ، ܐܲܠܵܗܵܐ ܟܹܐ ܝܵܕܹܥ،  
\v 4 ܕܵܐܟ݂ܝܼ ܦܝܼܫ ܠܹܗ ܡܘܼܪܡܵܐ ܠܦܲܪܕܲܝܣܵܐ ܘܫܡܝܼܥ ܠܹܗ ܗܹܡܸܙܡܵܢܹ̈ܐ ܕܠܹܐ ܐܵܬ‌ܝܼ ܠܗܲܡܙܘܼܡܹܐ، ܗܹܡܸܙܡܵܢܹ̈ܐ ܕܠܹܐ ܝܠܵܗ̇ ܩܵܢܘܿܢܵܝܬܵ‌ܐ ܠܐܢܵܫܵܐ ܕܗܲܡܙܸܡ ܠܗܘܿܢ.  
\v 5 ܒܸܬ ܥܵܒ݂ܕܹܢ ܫܘܼܒ݂ܗܵܪܵܐ ܒܗܵܕܟ݂ܵܐ ܐܢܵܫܵܐ، ܐܝܼܢܵܐ ܒܓܵܢܝܼ ܠܹܐ ܥܵܒ݂ܕܹܢ ܫܘܼܒ݂ܗܵܪܵܐ ܫܒ݂ܘܿܩ ܡ̣ܢ ܒܙܲܒܘܼܢܘܼܬ‌ܝܼ.  
\v 6 ܐܘܼܦ ܐܸܢ ܕܒܵܥܹܝܢ ܥܵܒ݂ܕܹܢ ܫܘܼܒ݂ܗܵܪܵܐ ܠܹܐ ܗܵܘܹܝܢ ܣܲܟ݂ܠܵܐ، ܣܵܒܵܒ ܒܸܬ ܗܲܡܙܸܡܸܢ ܫܪܵܪܵܐ. ܐܝܼܢܵܐ ܒܸܬ ܕܵܒ݂ܩܹܢܵܗ̇ ܓܵܢܝܼ ܕܠܵܐ ܚܵܫܹܒ݂ ܐܢܵܫܵܐ ܒܘܼܬ ܕܝܼܝܼ ܙܵܘܕܵܐ ܡ̣ܢ ܗ̇ܘ ܡܸܢܕܝܼ ܕܚܵܙܹܐ ܒܝܼܝܼ ܝܲܢ ܕܫܵܡܹܥ ܡܸܢܝܼ. 
\p  
\v 7 ܘܕܠܵܐ ܦܵܝܫܹܢ ܗܘܵܐ ܡܘܼܪܡܵܐ ܙܵܘܕܵܐ ܡ̣ܢ ܕܘܵܠܹܐ ܝܠܵܗ̇ ܒܝܲܬܝܼܪܘܼܬܵ‌ܐ ܕܓܸܠܝܵܢܹ̈ܐ، ܦܝܼܫ ܠܝܼ ܝܘܼܗܒ݂ܵܐ ܟܸܬܘܵܐ ܓܵܘ ܦܲܓ݂ܪܝܼ، ܐܝܼܙܓܲܕܵܐ ܡ̣ܢ ܣܵܛܵܢܵܐ ܠܥܲܓ̰ܘܼܙܝܼ، ܕܠܵܐ ܦܵܝܫܹܢ ܡܘܼܪܡܵܐ ܙܵܘܕܵܐ.  
\v 8 ܬܠܵܬ ܓܵܗܹ̈ܐ ܦܘܼܪܦܸܠܔ ܠܝܼ ܒܡܵܪܲܢ ܕܫܵܩܹܠܔ ܗܘܵܐ ܠܹܗ ܡܸܢܝܼ،  
\v 9 ܐܝܼܢܵܐ ܐܡܝܼܪܹܗ ܐܸܠܝܼ: ”ܫܵܦܵܩܲܬ‌ܝܼ ܟܹܐ ܡܵܠܝܵܐ ܠܘܼܟ݂، ܣܵܒܵܒ ܚܲܝܠܝܼ ܒܙܲܒܘܼܢܘܼܬܵ‌ܐ ܟܹܐ ܦܵܐܹܫ ܬܘܼܡܸܡܵܐ.“ ܒܘܼܬ ܐܵܗܵܐ ܒܚܲܕܘܼܬܵ‌ܐ ܒܸܬ ܥܵܒ݂ܕܹܢ ܫܘܼܒ݂ܗܵܪܵܐ ܒܘܼܫ ܙܵܘܕܵܐ ܒܙܲܒܘܼܢܘܼܬ‌ܝܼ ܕܫܵܪܹܐ ܒܝܼܝܼ ܚܲܝܠܵܐ ܕܡܫܝܼܚܵܐ.  
\v 10 ܡ̣ܢ ܗܵܕܵܐ، ܒܘܼܬ ܚܵܬܸܪ ܕܡܫܝܼܚܵܐ ܐܝܼܬ ܠܝܼ ܒܘܼܣܵܡܵܐ ܒܙܲܒܘܼܢܘܼܝܵܬܹ̈‌ܐ، ܒܡܲܣܠܲܝܵܬܹ̈‌ܐ، ܒܐܘܼܠܨܵܢܹ̈ܐ، ܒܪ̈ܕܘܼܦܝܹܐ، ܒܓ̰ܘܼܢܓ̰ܵܪܹ̈ܐ. ܣܵܒܵܒ ܐܝܼܡܲܢ ܕܙܲܒܘܼܢ ܝܼܘܸܢ، ܗ̇ܝܓܵܗ ܚܲܝܠܵܢܵܐ ܝܘܸܢ. 
\s1 ܦܘܠܚܢܐ ܕܦܘܠܘܣ ܓܘ ܥܕܬ̈‌ܐ ܕܩܘܪ̈ܢܬܝܐ 
\p  
\v 11 ܗܘܹܐ ܠܝܼ ܣܲܟ݂ܠܵܐ، ܐܝܼܢܵܐ ܐܲܚܬܘܿܢ ܩܵܡ ܡܲܠܝܸܨܝܼܬܘܿܢ ܠܝܼ. ܘܵܠܹܐ ܝܗܘܵܐ ܕܦܵܝܫܹܢ ܗܘܵܐ ܚܩܝܼܪܵܐ ܒܝܼܵܘܟ݂ܘܿܢ ܣܵܒܵܒ ܠܹܐ ܝܘܸܢ ܒܘܼܫ ܒܵܨܘܿܪܵܐ ܡ̣ܢ ܫܠܝܼܚܹ̈ܐ ܕܟܹܐ ܚܵܫܒ݂ܝܼ ܒܘܼܫ ܥܸܠܵܝܹ̈ܐ ܝܢܵܐ، ܐܵܦܸܢ ܕܠܹܐ ܝܘܸܢ ܡܸܢܕܝܼ.  
\v 12 ܪ̈ܘܼܫܡܹܐ ܕܚܲܕ ܫܠܝܼܚܵܐ ܐܲܢܹܐ ܝܢܵܐ: ܢܝܼܫܲܢܩܹ̈ܐ ܘܕܘܼܡܵܪܹ̈ܐ ܘܚܲܝ̈ܠܹܐ ܓܘܼܪܹ̈ܐ، ܘܐܲܢܹܐ ܦܝܼܫܹܐ ܝܗܘܵܘ ܥܒ݂ܝܼܕܹܐ ܓܵܘܵܘܟ݂ܘܿܢ ܒܟܠܵܗ̇ ܚܡܵܠܬܵ‌ܐ.  
\v 13 ܒܡܘܼܕܝܼ ܝܬܘܿܢ ܗܘܵܘ ܒܘܼܫ ܒܵܨܘܿܪܹ̈ܐ ܡ̣ܢ ܥܹܕܵܬܹ̈‌ܐ ܐܚܹܪ̈ܢܹܐ ܫܒ݂ܘܿܩ ܡ̣ܢ ܕܠܹܐ ܝܘܸܢ ܗܘܝܼܵܐ ܝܘܼܩܪܵܐ ܐܸܠܵܘܟ݂ܘܿܢ؟ ܦܲܚܠܘܼܢ ܐܸܠܝܼ ܐܵܗܵܐ ܓܢܵܗܵܐ. 
\p  
\v 14 ܐܵܕܝܼܵܐ ܗܕܝܼܪܵܐ ܝܘܸܢ ܕܐܵܬܹܝܢ ܠܟܸܣܠܵܘܟ݂ܘܿܢ ܩܵܐ ܓܵܗܵܐ ܕܬܠܵܬ، ܘܠܹܐ ܗܵܘܹܝܢ ܝܘܼܩܪܵܐ ܐܸܠܵܘܟ݂ܘܿܢ، ܣܵܒܵܒ ܠܹܐ ܒܵܥܹܝܢ ܡܸܢܕܝܼܵܘܟ݂ܘܿܢ ܐܝܼܢܵܐ ܒܵܥܹܝܢ ܐܸܠܵܘܟ݂ܘܿܢ. ܣܵܒܵܒ ܠܹܐ ܝܠܵܗ̇ ܘܵܠܹܐ ܠܒܢܘܿܢܹ̈ܐ ܕܡܲܬܒ݂ܝܼ ܣܝܼܡܵܬܹ̈‌ܐ ܠܐܲܒ݂ܵܗܵܝ̈ܗ‌ܝ، ܐܸܠܵܐ ܐܲܒ݂ܵܗܹ̈ܐ ܠܒܢܘܿܢܹ̈ܐ.  
\v 15 ܗܵܕܟ݂ܵܐ ܒܚܲܕܘܼܬܵ‌ܐ ܐܵܢܵܐ ܒܸܬ ܨܵܪܦܹܢ ܟܠܔ ܡܸܢܕܝܼ ܥܲܠܵܘܟ݂ܘܿܢ، ܘܦܵܝܫܹܢ ܨܘܼܪܦܵܐ. ܐܸܢ ܡܲܚܸܒܸܢܵܘܟ݂ܘܿܢ ܙܵܘܕܵܐ، ܒܸܬ ܡܲܚܸܒܝܼܬܘܿܢ ܠܝܼ ܒܘܼܫ ܒܵܨܘܿܪܵܐ؟  
\v 16 ܟܠܔ ܕܵܐܟ݂ܝܼ ܕܗܵܘܝܵܐ، ܠܵܐ ܗܘܹܐ ܠܝܼ ܝܘܼܩܪܵܐ ܐܸܠܵܘܟ݂ܘܿܢ، ܐܸܠܵܐ ܐܲܝܟ݂ ܕܝܼܘܸܢ ܦܵܠܘܿܡܵܐ، ܩܵܡ ܕܵܒ݂ܩܹܢܵܘܟ݂ܘܿܢ ܒܦܸܠܡܹ̈ܐ.  
\v 17 ܥܘܼܠܕܹܐ ܠܝܼ ܐܸܠܵܘܟ݂ܘܿܢ ܒܝܲܕ ܚܲܕ ܐܢܵܫܵܐ ܕܫܘܼܕܸܪܝܼ ܠܟܸܣܠܵܘܟ݂ܘܿܢ؟  
\v 18 ܛܠܝܼܒ ܠܝܼ ܡ̣ܢ ܛܸܛܘܿܣ ܕܐܵܬܹ‌ܐ ܠܟܸܣܠܵܘܟ݂ܘܿܢ، ܘܫܘܼܕܸܪܝܼ ܐܲܚܘܿܢܲܢ ܥܲܡܹܗ. ܥܘܼܠܕܹܐ ܠܹܗ ܐܸܠܵܘܟ݂ܘܿܢ ܛܸܛܘܿܣ؟ ܟܠܲܢ ܠܵܐ ܚܕܝܼܪܲܢ ܒܚܲܕ ܪܘܼܚܵܐ؟ ܟܠܲܢ ܠܵܐ ܬܒܝܼܥ ܠܲܢ ܠܐܵܢܝܼ ܦܵܣܘܿܥܝܵܬܹ̈‌ܐ؟ 
\p  
\v 19 ܟܠܵܗ̇ ܐܵܗܵܐ ܥܕܵܢܵܐ ܒܸܚܫܵܒ݂ܵܐ ܝܬܘܿܢ ܕܡܲܕܘܼܪܹܐ ܝܘܲܚ ܓ̰ܘܼܘܵܒ ܐܸܠܵܘܟ݂ܘܿܢ؟ ܗܲܡܙܘܼܡܹܐ ܝܘܲܚ ܩܲܕܡ ܐܲܠܵܗܵܐ ܒܡܫܝܼܚܵܐ، ܘܒܸܥܒ݂ܵܕܵܐ ܝܘܲܚ ܟܠܵܝܗ‌ܝ ܡܸܢܕܝܼܵܢܹ̈ܐ، ܡܘܼܚܸܒܝܼ̈، ܠܒܢܵܝܬܵܘܟ݂ܘܿܢ.  
\v 20 ܣܵܒܵܒ ܒܸܙܕܵܥܵܐ ܝܘܸܢ ܩܵܘܡܵܐ ܐܝܼܡܲܢ ܕܐܵܬܹܝܢ ܠܵܐ ܚܵܙܹܢܵܘܟ݂ܘܿܢ ܕܵܐܟ݂ܝܼ ܕܒܵܣܡܵܐ ܠܝܼ، ܘܐܲܚܬܘܿܢ ܠܵܐ ܚܵܙܹܝܬܘܿܢ ܠܝܼ ܕܵܐܟ݂ܝܼ ܕܒܵܣܡܵܐ ܠܵܘܟ݂ܘܿܢ. ܒܸܙܕܵܥܵܐ ܝܘܸܢ ܕܗܵܘܝܵܐ ܡܲܩܲܪܵܨܘܼܬܵ‌ܐ، ܘܒܲܚܸܠܵܢܘܼܬܵ‌ܐ، ܘܟܲܪܒܵܐ، ܘܥܸܨܝܵܢܵܐ، ܘܡܹܐܟܲܠܩܲܪܨܵܐ، ܘܗܹܡܸܙܡܵܢ ܣܦܝܼܩܬܵ‌ܐ، ܘܚܬܝܼܪܘܼܬܵ‌ܐ، ܘܫܓ݂ܘܼܫܝܵܐ.  
\v 21 ܒܸܙܕܵܥܵܐ ܝܘܸܢ ܕܐܝܼܡܲܢ ܕܐܵܬܹܝܢ ܠܟܸܣܠܵܘܟ݂ܘܿܢ ܡܸܢܕܪܸܫ ܐܲܠܵܗ‌ܝܼ ܡܲܡܟܸܟ݂ ܠܝܼ ܩܲܕܡܵܘܟ݂ܘܿܢ، ܘܥܵܒ݂ܕܹܢ ܬܵܥܙܝܼ ܥܲܠܔ ܪܵܒܵܐ ܐܲܝܢܝܼ ܕܚܛܹܐ ܠܗܘܿܢ ܡ̣ܢ ܩܲܕܡܵܝܬܵ‌ܐ ܘܗܸܫ ܠܹܐ ܝܢܵܐ ܬܘܼܘܸܒܹܐ ܡ̣ܢ ܛܲܢܦܘܼܬܵ‌ܐ، ܘܙܵܢܝܘܼܬܵ‌ܐ، ܘܫܪܝܼܚܘܼܬܵ‌ܐ ܕܥܒ݂ܝܼܕ ܠܗܘܿܢ. 
\c 13  
\s1 ܡܪܥܫܬ‌ܐ 
\p  
\v 1 ܐܵܗܵܐ ܓܵܗܵܐ ܕܬܠܵܬ ܝܼܠܵܗ̇ ܕܒܹܐܬܵܝܵܐ ܝܘܸܢ ܠܟܸܣܠܵܘܟ݂ܘܿܢ. ܟܠܔ ܚܲܕ ܡܸܢܕܝܼ ܒܸܬ ܦܵܐܹܫ ܡܘܼܣܒܸܬܵ‌ܐ ܒܝܲܕ ܗܹܡܸܙܡܵܢ ܕܬܪܹܝ ܝܲܢ ܬܠܵܬܵ‌ܐ ܣܵܗܕܹ̈ܐ.\x + \xo 13:1 \xt ܬܢܝܢ ܢܡܘܣܐ 19‏:15\x* 
\v 2 ܡ̣ܢ ܩܲܕܡܵܝܬܵ‌ܐ ܐܡܝܼܪܝܼ ܐܸܠܵܘܟ݂ܘܿܢ ܐܝܼܡܲܢ ܕܝܼܘܸܢ ܗܘܵܐ ܠܟܸܣܠܵܘܟ݂ܘܿܢ ܓܵܗܵܐ ܕܬܲܪܬܹܝ، ܘܐܵܕܝܼܵܐ ܒܹܐܡܵܪܵܐ ܝܘܸܢ ܟܲܕ ܐܵܢܵܐ ܪܸܚܩܵܐ ܡܸܢܵܘܟ݂ܘܿܢ، ܕܐܸܢ ܐܵܬܹܝܢ ܡܸܢܕܪܸܫ ܠܹܐ ܚܵܣܟܹܢ ܠܐܵܢܝܼ ܕܚܛܹܐ ܠܗܘܿܢ ܡ̣ܢ ܩܲܕܡܵܝܬܵ‌ܐ ܘܐܘܼܦ ܠܟܠܵܝܗ‌ܝ ܐܚܹܪ̈ܢܹܐ ܡܸܢܵܝܗ‌ܝ،  
\v 3 ܣܵܒܵܒ ܒܸܛܠܵܒܵܐ ܝܬܘܿܢ ܣܵܒܸܬܘܼܬܵ‌ܐ ܡܸܢܝܼ ܕܡܫܝܼܚܵܐ ܗܲܡܙܘܼܡܹܐ ܝܠܹܗ ܒܝܼܝܼ، ܗ̇ܘ ܕܠܹܐ ܝܠܹܗ ܙܲܒܘܼܢ ܒܝܼܵܘܟ݂ܘܿܢ ܐܸܠܵܐ ܚܲܝܠܵܢܵܐ ܝܠܹܗ ܓܵܘܵܘܟ݂ܘܿܢ.  
\v 4 ܐܘܼܦ ܐܸܢ ܕܦܝܼܫ ܠܹܗ ܙܩܝܼܦܵܐ ܒܙܲܒܘܼܢܘܼܬܵ‌ܐ، ܐܝܼܢܵܐ ܒܸܚܵܝܵܐ ܝܠܹܗ ܒܚܲܝܠܵܐ ܕܐܲܠܵܗܵܐ. ܐܘܼܦ ܐܲܚܢܲܢ ܙܲܒܘܼܢ ܝܼܘܲܚ ܒܝܼܹܗ، ܐܝܼܢܵܐ ܒܸܬ ܚܵܝܲܚ ܥܲܡܹܗ ܒܚܲܝܠܵܐ ܕܐܲܠܵܗܵܐ، ܕܦܵܠܚܲܚ ܐܸܠܵܘܟ݂ܘܿܢ. 
\p  
\v 5 ܨܲܚܨܹܝܡܘܼܢ ܓܵܢܵܘܟ݂ܘܿܢ ܘܚܙܹܝܡܘܼܢ ܐܸܢ ܒܗܲܝܡܵܢܘܼܬܵ‌ܐ ܝܬܘܿܢ. ܬܲܦ̮ܬܸܫܘܼܢ ܓܵܢܵܘܟ݂ܘܿܢ. ܠܹܐ ܝܬܘܿܢ ܒܝܼܕܵܥܵܐ ܕܝܼܫܘܿܥ ܡܫܝܼܚܵܐ ܓܵܘܵܘܟ݂ܘܿܢ ܝܼܠܹܗ، ܐܸܠܵܐ ܐܸܢ ܢܵܦܠܝܼܬܘܿܢ ܒܨܲܚܨܲܝܬܵܘܟ݂ܘܿܢ؟  
\v 6 ܐܝܼܢܵܐ ܐܝܼܬ ܠܝܼ ܗܹܒ݂ܝܼ ܕܒܸܬ ܝܵܕܥܝܼܬܘܿܢ ܕܠܵܐ ܢܦܝܼܠܔ ܠܲܢ ܒܨܲܚܨܲܝܬܵ‌ܐ.  
\v 7 ܨܲܠܘܼܝܹܐ ܝܘܲܚ ܠܐܲܠܵܗܵܐ ܕܠܵܐ ܥܵܒ݂ܕܝܼܬܘܿܢ ܡܸܢܕܝܼ ܚܸܪܒܵܐ، ܠܵܐ ܕܡܲܒܝܸܢܲܚ ܡܘܼܢܬܝܼܹܐ ܒܨܲܚܨܲܝܬܲܢ، ܐܝܼܢܵܐ ܕܥܵܒ݂ܕܝܼܬܘܿܢ ܡܸܢܕܝܼ ܛܵܒ݂ܵܐ، ܐܘܼܦ ܐܸܢ ܕܐܢܵܫܹ̈ܐ ܚܵܫܒ݂ܝܼ ܕܢܦܝܼܠܔ ܠܲܢ،  
\v 8 ܣܵܒܵܒ ܠܹܐ ܡܵܨܲܚ ܥܵܒ݂ܕܲܚ ܡܸܢܕܝܼ ܕܲܠܩܘܼܒ݂ܠܔ ܕܫܪܵܪܵܐ ܐܸܠܵܐ ܠܓܹܒܵܐ ܕܫܪܵܪܵܐ.  
\v 9 ܒܸܚܕܵܝܵܐ ܝܘܲܚ ܐܝܼܡܲܢ ܕܐܲܚܢܲܢ ܙܲܒܘܼܢ ܝܼܘܲܚ ܐܝܼܢܵܐ ܐܲܚܬܘܿܢ ܚܲܝܠܵܢܹ̈ܐ ܝܬܘܿܢ. ܘܐܘܼܦ ܨܲܠܘܼܝܹܐ ܝܘܲܚ ܕܗܵܘܹܝܬܘܿܢ ܓܡܝܼܪܹ̈ܐ.  
\v 10 ܒܘܼܬ ܐܵܗܵܐ ܒܸܟܬܵܒ݂ܵܐ ܝܘܸܢ ܐܲܢܹܐ ܟܲܕ ܐܵܢܵܐ ܪܸܚܩܵܐ، ܕܐܝܼܡܲܢ ܕܐܵܬܹܝܢ ܠܵܐ ܗܵܘܹܝܢ ܩܸܫܝܵܐ ܒܫܘܼܠܛܵܢܝܼ ܥܲܠܵܘܟ݂ܘܿܢ، ܐܲܝܢܝܼ ܕܡܵܪܲܢ ܝܘܼܗܒܹܠܔ ܠܹܗ ܐܸܠܝܼ ܠܒܢܵܝܬܵܘܟ݂ܘܿܢ ܘܠܵܐ ܠܬܠܵܚܬܵܘܟ݂ܘܿܢ. 
\s1 ܫܠܡ̈ܐ ܕܚܘܬܡܐ 
\p  
\v 11 ܒܚܲܪܬܵ‌ܐ ܐܲܚܘܿܢܘܵܬ‌ܝܼ̈، ܚܕܹܝܡܘܼܢ، ܗܘܹܝܡܘܼܢ ܓܡܝܼܪܹ̈ܐ، ܦܘܼܫܘܼܢ ܠܸܒܵܢܹ̈ܐ، ܗܘܹܝܡܘܼܢ ܒܚܲܕ ܪܸܥܝܵܢܵܐ، ܚܹܝܡܘܼܢ ܒܫܠܵܡܵܐ، ܘܐܲܠܵܗܵܐ ܕܚܘܼܒܵܐ ܘܕܫܠܵܡܵܐ ܗܵܘܹܐ ܥܲܡܵܘܟ݂ܘܿܢ.  
\v 12 ܕܪܹܝܡܘܼܢ ܫܠܵܡܵܐ ܚܲܕ ܠܗ̇ܘ ܐܚܹܪܢܵܐ ܒܢܫܘܼܩܬܵ‌ܐ ܩܲܕܝܼܫܬܵ‌ܐ.  
\v 13 ܒܝܼܵܗܒ݂ܵܐ ܝܢܵܐ ܫܠܵܡܵܐ ܐܸܠܵܘܟ݂ܘܿܢ ܟܠܵܝܗ‌ܝ ܩܲܕܝܼܫܹ̈ܐ.  
\v 14 ܫܵܦܵܩܲܬ ܕܡܵܪܲܢ ܝܼܫܘܿܥ ܡܫܝܼܚܵܐ، ܘܚܘܼܒܵܐ ܕܐܲܠܵܗܵܐ، ܘܫܲܪܝܼܟܘܼܬܵ‌ܐ ܕܪܘܼܚܵܐ ܕܩܘܼܕܫܵܐ ܥܲܡ ܟܠܵܘܟ݂ܘܿܢ. ܐܵܡܹܝܢ.