\id 1PE  
\h ܐ ܦܛܪܘܣ 
\toc1 ܐܓܪܬ‌ܐ ܩܕܡܝܬ‌ܐ ܕܦܛܪܘܣ 
\toc2 ܐ ܦܛܪܘܣ 
\toc3 1PE 
\mt1 ܐܓܪܬ‌ܐ ܩܕܡܝܬ‌ܐ ܕܦܛܪܘܣ 
\c 1  
\s1 ܫܠܡ̈ܐ 
\p  
\v 1 ܦܵܛܪܘܿܣ، ܫܠܝܼܚܵܐ ܕܝܼܫܘܿܥ ܡܫܝܼܚܵܐ، ܠܓܘܼܒܝܹ̈ܐ ܬܵܘܬܵܒܹ̈ܐ ܕܝܼܢܵܐ ܒܘܼܪܒܸܙܹܐ ܓܵܘ ܦܘܼܢܛܘܿܣ، ܘܓܵܠܵܛܝܼܵܐ، ܘܩܵܦܵܕܘܿܩܝܼܵܐ، ܘܐܵܣܝܼܵܐ ܘܒܹܬܘܿܢܝܼܵܐ،  
\v 2 ܕܝܼܢܵܐ ܓܘܼܒܝܹܐ ܒܝܕܵܥܬܵ‌ܐ ܩܲܕܡܵܝܬܵ‌ܐ ܕܐܲܠܵܗܵܐ ܒܵܒܵܐ، ܒܡܩܲܕܲܫܬܵ‌ܐ ܕܪܘܼܚܵܐ، ܕܡܲܨܝܸܬ‌ܝܼ ܠܝܼܫܘܿܥ ܡܫܝܼܚܵܐ ܘܦܵܝܫܝܼ ܡܘܼܪܝܸܣܹܐ ܒܕܸܡܹܗ. ܫܵܦܵܩܲܬ ܘܫܠܵܡܵܐ ܙܵܝܕܝܼ ܐܸܠܵܘܟ݂ܘܿܢ. 
\s1 ܗܒ݂ܝ ܚܝܬ‌ܐ 
\p  
\v 3 ܡܒܘܼܪܟ݂ܵܐ ܝܠܹܗ ܐܲܠܵܗܵܐ ܒܵܒܵܐ ܕܡܵܪܲܢ ܝܼܫܘܿܥ ܡܫܝܼܚܵܐ، ܗ̇ܘ ܕܒܥܘܼܬܪܵܐ ܕܪ̈ܲܚܡܘܼܗ‌ܝ ܩܵܡ ܡܲܠܸܕ ܠܲܢ ܓܵܗܵܐ ܕܬܲܪܬܹܝ ܕܗܵܘܹܐ ܠܲܢ ܗܹܒ݂ܝܼ ܚܵܝܬܵ‌ܐ ܒܩܝܵܡܬܵ‌ܐ ܕܝܼܫܘܿܥ ܡܫܝܼܚܵܐ ܡ̣ܢ ܓܵܘ ܡܝܼ̈ܬܹ‌ܐ،  
\v 4 ܘܝܵܪܬܘܼܬܵ‌ܐ ܠܵܐ ܚܵܪܒ݂ܵܢܬܵ‌ܐ ܘܕܠܵܐ ܡܘܼܡܵܐ ܘܠܵܐ ܢܵܘܠܵܢܬܵ‌ܐ، ܕܝܼܠܵܗ̇ ܢܛܝܼܪܬܵ‌ܐ ܐܸܠܵܘܟ݂ܘܿܢ ܒܫܡܲܝܵܐ،  
\v 5 ܐܲܚܬܘܿܢ ܕܦܝܼܫܹܐ ܝܬܘܿܢ ܢܛܝܼܪܹܐ ܒܚܲܝܠܵܐ ܕܐܲܠܵܗܵܐ ܒܝܲܕ ܗܲܝܡܵܢܘܼܬܵ‌ܐ ܠܦܘܼܪܩܵܢܵܐ ܕܝܼܠܹܗ ܗܕܝܼܪܵܐ ܕܦܵܐܹܫ ܓܸܠܝܵܐ ܒܙܲܒ݂ܢܵܐ ܐܚܵܪܵܝܵܐ.  
\v 6 ܒܐܵܗܵܐ ܒܸܚܕܵܝܵܐ ܝܬܘܿܢ ܪܵܒܵܐ، ܐܵܦܸܢ ܕܐܵܕܝܼܵܐ ܩܵܐ ܚܲܕ ܙܲܒ݂ܢܵܐ ܟܸܪܝܵܐ، ܐܸܢ ܘܵܠܹܐ ܝܠܵܗ̇، ܦܝܼܫܵܐ ܝܬܘܿܢ ܡܘܼܦܫܸܡܹܐ ܒܓ̰ܘܼܪ̈ܵܒܹܐ ܦܪ̈ܝܼܫܹܐ.  
\v 7 ܕܒܘܼܚܪܵܢܵܐ ܕܗܲܝܡܵܢܘܼܬܵܘܟ݂ܘܿܢ، ܗ̇ܝ ܕܝܼܠܵܗ̇ ܒܘܼܫ ܪܵܒܵܐ ܛܝܼܡܵܢܬܵ‌ܐ ܡ̣ܢ ܕܲܗܒ݂ܵܐ ܨܘܼܪܸܦܵܐ ܒܢܘܼܪܵܐ، ܗܵܘܝܵܐ ܠܚܸܩܪܵܐ ܘܠܬܸܫܒܘܿܚܬܵ‌ܐ ܘܠܐܝܼܩܵܪܵܐ ܒܓܸܠܝܵܢܵܐ ܕܝܼܫܘܿܥ ܡܫܝܼܚܵܐ؛  
\v 8 ܗ̇ܘ ܕܠܹܐ ܝܬܘܿܢ ܚܸܙܝܹܗ ܐܝܼܢܵܐ ܟܹܐ ܡܲܚܸܒܝܼܬܘܿܢ ܠܹܗ؛ ܗ̇ܘ ܕܐܘܼܦ ܐܸܢ ܐܵܕܝܼܵܐ ܠܹܐ ܝܬܘܿܢ ܒܸܚܙܵܝܹܗ، ܐܝܼܢܵܐ ܗܲܡܘܼܢܹܐ ܝܬܘܿܢ ܒܝܼܹܗ، ܘܒܸܚܕܵܝܵܐ ܝܬܘܿܢ ܒܚܲܕܘܼܬܵ‌ܐ ܚܩܝܼܪܬܵ‌ܐ ܕܠܹܐ ܐܵܬܝܵܐ ܠܗܲܡܙܘܼܡܹܐ،  
\v 9 ܩܲܒܘܼܠܹܐ ܦܠܵܛܵܐ ܕܗܲܝܡܵܢܘܼܬܵܘܟ݂ܘܿܢ، ܕܝܼܠܹܗ ܦܘܼܪܩܵܢܵܐ ܕܓܵܢܵܬܵܘ̈ܟ݂ܘܿܢ.  
\v 10 ܗ̇ܘ ܦܘܼܪܩܵܢܵܐ ܕܒܘܼܩܸܪܗܘܿܢ ܘܨܘܼܚܨܹܐ ܠܗܘܿܢ ܒܘܼܬ ܕܝܼܹܗ ܢܒ݂ܝܼܹ̈ܐ، ܘܢܘܼܒܹܐ ܠܗܘܿܢ ܒܘܼܬ ܫܵܦܵܩܲܬ ܕܦܵܝܫܵܐ ܗܘܵܐ ܝܘܼܗܒܹܠܬܵ‌ܐ ܐܸܠܵܘܟ݂ܘܿܢ،  
\v 11 ܨܲܚܨܘܼܝܹܐ ܕܵܐܟ݂ܝܼ ܘܒܐܲܝܢܝܼ ܙܲܒ݂ܢܵܐ ܪܘܼܚܵܐ ܕܡܫܝܼܚܵܐ ܕܝܼܗܘܵܐ ܓܵܘܵܝܗ‌ܝ، ܟܲܕ ܒܸܣܗܵܕܵܐ ܡ̣ܢ ܩܲܕܡ ܥܕܵܢܵܐ، ܡܲܚܙܘܼܝܹܐ ܝܗܘܵܐ ܚܲܫܹ̈ܐ ܕܡܫܝܼܚܵܐ ܘܬܸܫܒܘܿܚܬܵ‌ܐ ܕܡ̣ܢ ܒܵܬܪ ܗܵܕܵܐ.  
\v 12 ܦܝܼܫ ܠܹܗ ܓܸܠܝܵܐ ܐܸܠܵܝܗ‌ܝ ܕܠܹܐ ܝܗܘܵܘ ܒܸܥܒ݂ܵܕܵܐ ܚܸܠܡܲܬ ܠܓܵܢܵܝܗ‌ܝ ܐܝܼܢܵܐ ܐܸܠܵܘܟ݂ܘܿܢ، ܐܝܼܡܲܢ ܕܗܘܼܡܙܸܡ ܠܗܘܿܢ ܒܘܼܬ ܡܸܢܕܝܼܵܢܹ̈ܐ ܕܐܵܕܝܼܵܐ ܦܝܼܫ ܠܗܘܿܢ ܐܡܝܼܪܹܐ ܐܸܠܵܘܟ݂ܘܿܢ ܒܝܲܕ ܐܵܢܝܼ ܕܡܘܼܟܪܸܙ ܠܗܘܿܢ ܐܸܠܵܘܟ݂ܘܿܢ ܐܹܘܲܢܓܲܠܝܼܘܿܢ ܒܪܘܼܚܵܐ ܕܩܘܼܕܫܵܐ، ܗ̇ܘ ܕܦܝܼܫ ܠܹܗ ܫܘܼܕܪܵܐ ܡ̣ܢ ܫܡܲܝܵܐ. ܐܘܼܦ ܡܲܠܲܐܟܹ̈ܐ ܟܹܐ ܫܲܗܘܸܬ‌ܝܼ ܠܸܚܝܵܪܵܐ ܒܐܲܢܹܐ. 
\s1 ܗܘܝܡܘܢ ܩܕܝܫ̈ܐ 
\p  
\v 13 ܒܘܼܬ ܐܵܗܵܐ، ܗܲܕܪܘܼܢ ܪܸܥܝܵܢܵܘܟ݂ܘܿܢ ܠܦܘܼܠܚܵܢܵܐ ܩܸܫܝܵܐ، ܗܘܹܝܡܘܼܢ ܪܥܝܼܫܹܐ، ܘܕܪܹܝܡܘܼܢ ܗܹܒ݂ܝܼܵܘܟ݂ܘܿܢ ܟܠܵܢܵܐܝܼܬ ܥܲܠܔ ܫܵܦܵܩܲܬ ܕܦܵܝܫܵܐ ܝܘܼܗܒܹܠܬܵ‌ܐ ܐܸܠܵܘܟ݂ܘܿܢ ܒܓܸܠܝܵܢܵܐ ܕܝܼܫܘܿܥ ܡܫܝܼܚܵܐ.  
\v 14 ܐܲܝܟ݂ ܒܢܘܿܢܹ̈ܐ ܡܲܨܝܸܬܵܢܹ̈ܐ، ܠܵܐ ܕܵܒ݂ܩܝܼܬܘܿܢ ܒܫܲܗܘܲܬܝܵܬܹ̈‌ܐ ܩܲܕܡܵܝܹ̈ܐ ܕܐܝܼܬ ܗܘܵܘ ܠܵܘܟ݂ܘܿܢ ܐܝܼܡܲܢ ܕܝܼܬܘܿܢ ܗܘܵܘ ܓܵܘܵܝܗ‌ܝ ܕܠܵܐ ܝܕܵܥܬܵ‌ܐ.  
\v 15 ܐܝܼܢܵܐ ܕܵܐܟ݂ܝܼ ܕܗ̇ܘ ܩܵܡ ܓܲܒܹܐ ܠܵܘܟ݂ܘܿܢ ܩܲܕܝܼܫܵܐ ܝܠܹܗ، ܗܵܕܟ݂ܵܐ ܐܘܼܦ ܐܲܚܬܘܿܢ ܗܘܹܝܡܘܼܢ ܩܲܕܝܼܫܹ̈ܐ ܒܟܠܵܝܗ‌ܝ ܐܘܼܪ̈ܚܵܬܵܘܟ݂ܘܿܢ،  
\v 16 ܣܵܒܵܒ ܟܬܝܼܒ݂ܵܐ ܝܠܹܗ: 
\q1 ܗܘܹܝܡܘܼܢ ܩܲܕܝܼܫܹ̈ܐ، ܣܵܒܵܒ ܐܵܢܵܐ ܩܲܕܝܼܫܵܐ ܝܘܸܢ.\x + \xo 1:16 \xt ܟܗ̈ܢܐ 11‏:44‏-45؛ 19‏:2\x* 
\v 17 ܐܸܢ ܟܹܐ ܛܵܠܒܝܼܬܘܿܢ ܡ̣ܢ ܒܵܒܵܐ، ܗ̇ܘ ܕܟܹܐ ܕܵܐܹܢ ܠܟܠܔ ܐܢܵܫܵܐ ܐܲܝܟ݂ ܦܘܼܠܚܵܢܹܗ ܕܠܵܐ ܚܙܵܝܬܵ‌ܐ ܕܦܵܬܵ‌ܐ، ܒܵܣ ܒܙܕܘܼܥܬܵ‌ܐ ܚܹܝܡܘܼܢ ܚܲܝܵܘ̈ܟ݂ܘܿܢ ܐܲܝܟ݂ ܬܵܘܬܵܒܹ̈ܐ،  
\v 18 ܣܵܒܵܒ ܟܹܐ ܝܵܕܥܝܼܬܘܿܢ ܕܦܝܼܫ ܠܵܘܟ݂ܘܿܢ ܦܘܼܪܩܹܐ ܡ̣ܢ ܐܘܼܪ̈ܚܵܬܵܘܟ݂ܘܿܢ ܒܲܛܝܼܠܹ̈ܐ ܕܩܘܼܒܸܠܔ ܠܵܘܟ݂ܘܿܢ ܡ̣ܢ ܐܲܒ݂ܵܗܵܬܵܘ̈ܟ݂ܘܿܢ، ܠܵܐ ܒܡܸܢܕܝܼܵܢܹ̈ܐ ܚܵܪ̈ܒ݂ܵܢܹܐ، ܐܲܝܟ݂ ܣܹܐܡܵܐ ܘܕܲܗܒ݂ܵܐ،  
\v 19 ܐܸܠܵܐ ܒܕܸܡܵܐ ܛܝܼܡܵܢܵܐ ܕܡܫܝܼܚܵܐ، ܐܲܝܟ݂ ܕܦܹܐܪܵܐ ܕܠܵܐ ܡܘܼܡܵܐ ܘܕܠܵܐ ܠܲܟܵܐ،  
\v 20 ܗ̇ܘ ܕܦܝܼܫ ܠܹܗ ܓܘܼܒܝܵܐ ܡ̣ܢ ܩܲܕܡ ܫܘܼܪܵܝܵܐ ܕܒܪܝܼܬܵ‌ܐ، ܐܝܼܢܵܐ ܒܘܼܬ ܕܝܼܵܘܟ݂ܘܿܢ ܦܝܼܫ ܠܹܗ ܓܸܠܝܵܐ ܒܚܲܪܬܵ‌ܐ ܕܙܲܒ݂ܢܹ̈ܐ.  
\v 21 ܒܝܼܹܗ ܟܹܐ ܗܲܡܸܢܝܼܬܘܿܢ ܒܐܲܠܵܗܵܐ، ܗ̇ܘ ܕܡܘܼܩܸܡ ܠܹܗ ܡ̣ܢ ܡܝܼ̈ܬܹ‌ܐ ܘܝܘܼܗܒܹܠܔ ܠܹܗ ܐܸܠܹܗ ܚܸܩܪܵܐ، ܗܵܕܟ݂ܵܐ ܕܗܲܝܡܵܢܘܼܬܵܘܟ݂ܘܿܢ ܘܗܹܒ݂ܝܼܵܘܟ݂ܘܿܢ ܗܵܘܝܼ ܒܐܲܠܵܗܵܐ.  
\v 22 ܐܵܕܝܼܵܐ ܟܲܕ ܕܘܼܟ݂ܝܵܝ ܝܬܘܿܢ ܓܵܢܵܬܵܘ̈ܟ݂ܘܿܢ ܕܡܘܼܨܝܸܬ ܠܵܘܟ݂ܘܿܢ ܠܫܪܵܪܵܐ، ܕܡܲܚܸܒܝܼܬܘܿܢ ܚܲܕ ܠܗ̇ܘ ܐܚܹܪܢܵܐ ܠܵܐ ܒܚܙܵܝܬܵ‌ܐ ܕܦܵܬܵ‌ܐ، ܡ̣ܢ ܠܸܒܵܐ ܡܲܚܸܒܘܼܢ ܚܲܕ ܠܗ̇ܘ ܐܚܹܪܢܵܐ ܒܚܲܡܝܼܡܘܼܬܵ‌ܐ.  
\v 23 ܣܵܒܵܒ ܦܝܼܫ ܠܵܘܟ݂ܘܿܢ ܝܠܝܼܕܹܐ ܓܵܗܵܐ ܕܬܲܪܬܹܝ، ܠܵܐ ܡ̣ܢ ܒܲܪܙܲܪܥܵܐ ܚܵܪܒ݂ܵܢܵܐ، ܐܸܠܵܐ ܡ̣ܢ ܗ̇ܘ ܕܠܹܐ ܝܠܹܗ ܚܵܪܒ݂ܵܢܵܐ، ܒܝܲܕ ܗܹܡܸܙܡܵܢ ܚܵܝܬܵ‌ܐ ܘܦܵܝܫܵܢܬܵ‌ܐ ܕܐܲܠܵܗܵܐ.  
\v 24 ܣܵܒܵܒ: 
\q1 ܟܠܵܝܗ‌ܝ ܐܢܵܫܹ̈ܐ ܐܲܝܟ݂ ܓܸܠܵܐ ܝܢܵܐ، ܘܟܠܹܗ ܚܸܩܪܵܝܗ‌ܝ ܐܲܝܟ݂ ܦܸܩܚܵܐ ܕܓܸܠܵܐ؛ ܟܹܐ ܢܵܬܹܪ ܓܸܠܵܐ ܘܟܹܐ ܢܵܦܹܠܔ ܦܸܩܚܹܗ. 
\q1  
\v 25 ܐܝܼܢܵܐ ܗܹܡܸܙܡܵܢ ܕܡܵܪܝܵܐ ܟܹܐ ܦܵܝܫܵܐ ܠܥܵܠܲܡ.\x + \xo 1:25 \xt ܐܫܥܝܐ 40‏:6‏-8\x* 
\m ܘܐܵܗܵܐ ܝܠܵܗ̇ ܗܹܡܸܙܡܵܢ ܕܦܝܼܫ ܠܵܗ̇ ܡܘܼܟܪܸܙܬܵ‌ܐ ܐܸܠܵܘܟ݂ܘܿܢ. 
\c 2  
\s1 ܟܐܦܐ ܚܝܐ ܘܐܘܡܬ‌ܐ ܓܘܒܝܬ‌ܐ 
\p  
\v 1 ܒܵܣ ܪܲܦܹܝܡܘܼܢ ܡܸܢܵܘܟ݂ܘܿܢ ܟܠܵܗ̇ ܒܝܼܫܘܼܬܵ‌ܐ، ܘܟܠܹܗ ܦܸܠܡܵܐ، ܘܡܲܫܦܲܪܬܵ‌ܐ، ܘܒܲܚܸܠܵܢܘܼܬܵ‌ܐ ܘܟܠܔ ܗܹܡܸܙܡܵܢ ܕܲܠܩܘܼܒ݂ܠܔ ܕܐܢܵܫܹ̈ܐ.  
\v 2 ܐܲܝܟ݂ ܝܲܠܘܼܕܹ̈ܐ ܙܥܘܿܪܹ̈ܐ ܬܵܙܵܐ ܗܘܝܼܹܐ، ܫܲܗܘܸܬܘܼܢ ܠܗܹܡܸܙܡܵܢ ܐܲܝܟ݂ ܕܠܚܲܠܒ݂ܵܐ ܨܸܦܝܵܐ ܕܒܝܼܹܗ ܓܲܪܘܸܣܝܼܬܘܿܢ ܠܦܘܼܪܩܵܢܵܐ،  
\v 3 ܐܸܢ ܛܥܝܼܡ ܠܵܘܟ݂ܘܿܢ ܕܛܵܒ݂ܵܐ ܝܠܹܗ ܡܵܪܝܵܐ.  
\v 4 ܗ̇ܘ ܕܠܟܸܣܠܹܗ ܩܲܪܒܘܼܢܹܐ ܝܬܘܿܢ، ܗ݁ܘ ܕܝܼܠܹܗ ܟܹܐܦܵܐ ܚܵܝܵܐ، ܡܘܼܣܠܝܼܵܐ ܡ̣ܢ ܒܢܲܝ̈ܢܵܫܵܐ ܐܝܼܢܵܐ ܓܘܼܒܝܵܐ ܘܡܵܪܹܐ ܛܝܼܡܵܐ ܠܟܸܣ ܐܲܠܵܗܵܐ.  
\v 5 ܗܵܕܟ݂ܵܐ ܐܘܼܦ ܐܲܚܬܘܿܢ، ܐܲܝܟ݂ ܟܹܐܦܹ̈ܐ ܚܵܝܹ̈ܐ، ܦܝܼܫܹܐ ܝܬܘܿܢ ܒܸܢܝܹܐ ܒܲܝܬܵ‌ܐ ܪܘܼܚܵܢܵܝܵܐ ܕܗܵܘܹܝܬܘܿܢ ܟܵܗܢܘܼܬܵ‌ܐ ܩܲܕܝܼܫܬܵ‌ܐ، ܡܲܩܪܘܼܒܹܐ ܕܸܒ݂ܚܹ̈ܐ ܪ̈ܘܼܚܵܢܵܝܹܐ ܩܘܼܒܠܹܐ ܠܟܸܣ ܐܲܠܵܗܵܐ ܒܝܲܕ ܝܼܫܘܿܥ ܡܫܝܼܚܵܐ.  
\v 6 ܣܵܒܵܒ ܟܬܝܼܒ݂ܵܐ ܝܠܹܗ ܓܵܘ ܟܬܵܒ݂ܵܐ ܩܲܕܝܼܫܵܐ: 
\q1 ܚܙܹܝܡܘܼܢ، ܡܲܬܘܼܒܹܐ ܝܘܸܢ ܟܹܐܦܵܐ ܓܵܘ ܨܸܗܝܘܿܢ، ܟܹܐܦܵܐ ܕܩܘܼܪܢܝܼܬܵ‌ܐ ܓܘܼܒܝܵܐ ܘܛܝܼܡܵܢܵܐ، ܘܡ̇ܢ ܕܗܲܡܸܢ ܒܝܼܹܗ ܗܸܟ̃ ܠܹܐ ܢܵܟܹܦ.\x + \xo 2:6 \xt ܐܫܥܝܐ 28‏:16\x* 
\v 7 ܒܵܣ ܐܸܠܵܘܟ݂ܘܿܢ، ܐܲܚܬܘܿܢ ܕܗܲܡܘܼܢܹܐ ܝܬܘܿܢ، ܐܵܗܵܐ ܟܹܐܦܵܐ ܛܝܼܡܵܢܵܐ ܝܠܹܗ، ܐܝܼܢܵܐ ܩܵܐ ܐܵܢܝܼ ܕܠܹܐ ܗܲܡܸܢܝܼ: 
\q1 ܟܹܐܦܵܐ ܕܡܘܼܣܠܹܐ ܠܗܘܿܢ ܒܲܢܵܝܹ̈ܐ، ܗܘܹܐ ܠܹܗ ܠܪܹܝܫ ܩܘܼܪܢܝܼܬܵ‌ܐ.\x + \xo 2:7 \xt ܡܙܡܘܪܐ 118‏:22\x* 
\q1  
\v 8 ܟܹܐܦܵܐ ܕܬܲܪܩܲܠܬܵ‌ܐ، ܘܩܵܝܵܐ ܕܢܦܵܠܬܵ‌ܐ\x - \xo 2:8 \xt ܐܫܥܝܐ 8‏:14 \x*. 
\m ܟܹܐ ܬܲܪܩܸܠܝܼ ܣܵܒܵܒ ܠܹܐ ܡܲܨܝܸܬ‌ܝܼ ܠܗܹܡܸܙܡܵܢ، ܐܘܼܦ ܠܐܵܗܵܐ ܢܝܼܫܵܐ ܦܝܼܫܹܐ ܝܗܘܵܘ ܪܫܝܼܡܹܐ.  
\v 9 ܐܝܼܢܵܐ ܐܲܚܬܘܿܢ ܝܼܬܘܿܢ ܫܲܪܒܬܵ‌ܐ ܓܘܼܒܝܼܬܵ‌ܐ، ܟܵܗܢܘܼܬܵ‌ܐ ܡܲܠܟܵܝܬܵ‌ܐ، ܐܘܼܡܬܵ‌ܐ ܩܲܕܝܼܫܬܵ‌ܐ، ܛܵܝܸܦܵܐ ܕܐܲܠܵܗܵܐ، ܕܡܲܕܥܝܼܬܘܿܢ ܬܸܫܒܘܿܚܝܵܬܹ̈‌ܐ ܕܗ̇ܘ ܕܩܲܡ ܩܵܪܹܐ ܠܵܘܟ݂ܘܿܢ ܡ̣ܢ ܚܸܫܟܵܐ ܠܒܲܗܪܹܗ ܡܲܥܓ̰ܸܒܵܢܵܐ.  
\v 10 ܒܚܕܵܐ ܥܕܵܢܵܐ ܠܹܐ ܝܬܘܿܢ ܗܘܵܘ ܛܵܝܸܦܵܐ، ܐܝܼܢܵܐ ܐܵܕܝܼܵܐ ܛܵܝܸܦܵܐ ܕܐܲܠܵܗܵܐ ܝܬܘܿܢ؛ ܒܚܕܵܐ ܥܕܵܢܵܐ ܠܵܐ ܩܘܼܒܸܠܔ ܠܵܘܟ݂ܘܿܢ ܪ̈ܲܚܡܹܐ، ܐܝܼܢܵܐ ܐܵܕܝܼܵܐ ܩܘܼܒܸܠܔ ܠܵܘܟ݂ܘܿܢ ܪ̈ܲܚܡܹܐ. 
\s1 ܚܝܡܘܢ ܐܝܟ݂ ܪ̈ܓܘܬ‌ܐ ܕܐܠܗܐ 
\p  
\v 11 ܡܘܼܚܸܒܝܼ̈، ܦܲܪܦܘܼܠܹܐ ܝܘܸܢ ܒܝܼܵܘܟ݂ܘܿܢ ܕܐܲܝܟ݂ ܬܵܘܬܵܒܹ̈ܐ ܘܢܘܼܟ݂ܪ̈ܵܝܹܐ ܕܵܒ݂ܩܝܼܬܘܿܢ ܓܵܢܵܘܟ݂ܘܿܢ ܡ̣ܢ ܫܲܗܘܲܬܝܵܬܹ̈‌ܐ ܕܦܲܓ݂ܪܵܐ ܕܟܹܐ ܦܵܠܫܝܼ ܕܲܠܩܘܼܒ݂ܠܔ ܕܓܵܢܵܐ.  
\v 12 ܚܹܝܡܘܼܢ ܚܲܝܹ̈ܐ ܫܲܦܝܼܪܹ̈ܐ ܓܵܘ ܐܸܡܘܵܬܹ̈‌ܐ، ܗܵܕܵܐ ܕܐܘܼܦ ܐܸܢ ܗܲܡܙܸܡܝܼ ܕܲܠܩܘܼܒ݂ܠܵܘܟ݂ܘܿܢ ܐܲܝܟ݂ ܕܝܼܬܘܿܢ ܐܢܵܫܹ̈ܐ ܥܵܒ݂ܕܵܢܹ̈ܐ ܕܒܝܼܫܵܬܹ̈‌ܐ، ܒܸܬ ܚܵܙܝܼ ܦܘܼܠܚܵܢܵܘ̈ܟ݂ܘܿܢ ܛܵܒܹ̈ܐ ܘܫܲܒܚܝܼ ܠܐܲܠܵܗܵܐ ܒܝܵܘܡܵܐ ܕܣܲܚܒܲܪܬܵ‌ܐ.  
\v 13 ܗܘܹܝܡܘܼܢ ܙܲܒܛ ܠܟܠܔ ܦܘܼܩܕܵܢܵܐ ܕܒܢܲܝ̈ܢܵܫܵܐ ܒܘܼܬ ܚܵܬܸܪ ܕܡܵܪܝܵܐ، ܝܲܢ ܠܡܲܠܟܵܐ ܣܵܒܵܒ ܝܼܠܹܗ ܪܹܝܫܵܐ ܥܸܠܵܝܵܐ،  
\v 14 ܝܲܢ ܠܫܲܠܝܼ̈ܛܹܐ ܕܝܼܢܵܐ ܦܝܼܫܹܐ ܫܘܼܕܪܹܐ ܒܝܼܹܗ ܠܬܲܥܠܘܼܡܹܐ ܠܐܵܢܝܼ ܕܥܵܒ݂ܕܝܼ ܒܝܼܫܵܬܹ̈‌ܐ ܘܠܸܚܩܵܪܵܐ ܠܐܵܢܝܼ ܕܥܵܒ݂ܕܝܼ ܛܵܒ݂ܵܬܹ̈‌ܐ.  
\v 15 ܣܵܒܵܒ ܗܵܕܟ݂ܵܐ ܝܠܹܗ ܨܸܒ݂ܝܵܢܵܐ ܕܐܲܠܵܗܵܐ ܕܒܝܲܕ ܦܘܼܠܚܵܢܵܘ̈ܟ݂ܘܿܢ ܛܵܒܹ̈ܐ ܡܲܫܬܸܩܝܼܬܘܿܢ ܣܲܟ݂ܠܘܼܬܵ‌ܐ ܕܐܢܵܫܹ̈ܐ ܠܵܐ ܦܲܪ̈ܡܝܼܵܢܹܐ.  
\v 16 ܗܘܹܝܡܘܼܢ ܐܲܝܟ݂ ܚܹܐܪܹ̈ܐ، ܐܝܼܢܵܐ ܠܵܐ ܡܲܦܠܸܚܝܼܬܘܿܢ ܚܹܐܪܘܼܬܵܘܟ݂ܘܿܢ ܐܲܝܟ݂ ܚܕܵܐ ܟܲܣܲܝܬܵ‌ܐ ܠܒܝܼܫܘܼܬܵ‌ܐ، ܐܸܠܵܐ ܚܹܝܡܘܼܢ ܐܲܝܟ݂ ܪܹ̈ܓܵܘܵܬܹ‌ܐ ܕܐܲܠܵܗܵܐ.  
\v 17 ܡܝܲܩܪܘܼܢ ܠܟܠܵܝܗ‌ܝ ܐܢܵܫܹ̈ܐ. ܡܲܚܸܒܘܼܢ ܠܐܲܚܘܿܢܘܼܬܵ‌ܐ. ܙܕܹܥܡܘܼܢ ܡ̣ܢ ܐܲܠܵܗܵܐ. ܡܝܲܩܪܘܼܢ ܠܡܲܠܟܵܐ.  
\v 18 ܪܹ̈ܓܵܘܵܬܹ‌ܐ، ܫܠܘܿܡܘܼܢ ܠܡܵܪ̈ܵܘܵܬܵܘܟ݂ܘܿܢ ܒܟܠܔ ܐܝܼܩܵܪܵܐ، ܠܵܐ ܐܲܚܟ̰ܝܼ ܠܐܵܢܝܼ ܕܝܼܢܵܐ ܛܵܒܹ̈ܐ ܘܡܲܟܝܼܟܹ̈ܐ، ܐܝܼܢܵܐ ܐܘܼܦ ܠܐܵܢܝܼ ܕܝܼܢܵܐ ܩܸܫܝܹ̈ܐ.  
\v 19 ܣܵܒܵܒ ܐܝܼܩܵܪܵܐ ܝܠܹܗ، ܐܸܢ ܚܲܕ ܐܢܵܫܵܐ ܒܘܼܬ ܚܵܬܸܪ ܕܐܸܢܝܲܬܹܗ ܠܟܸܣ ܐܲܠܵܗܵܐ ܩܲܒܸܠܔ ܓ̰ܘܼܢܓ̰ܵܪܵܐ ܒܢܵܗܵܩܘܼܬܵ‌ܐ.  
\v 20 ܣܵܒܵܒ ܐܲܝܟܵܐ ܝܠܹܗ ܚܸܩܪܵܐ ܐܸܢ ܟܲܕ ܚܸܛܝܹܐ ܝܬܘܿܢ ܘܦܝܼܫܹܐ ܝܬܘܿܢ ܬܘܼܥܠܸܡܹܐ ܘܩܲܒܠܝܼܬܘܿܢ ܠܵܗ̇ ܒܚܡܵܠܬܵ‌ܐ؟ ܐܝܼܢܵܐ ܐܸܢ ܓ̰ܲܢܓ̰ܸܪܝܼܬܘܿܢ ܒܘܼܬ ܦܘܼܠܚܵܢܵܐ ܛܵܒ݂ܵܐ ܘܚܵܡܠܝܼܬܘܿܢ، ܐܵܗܵܐ ܩܒܝܼܠܬܵ‌ܐ ܝܠܵܗ̇ ܠܟܸܣ ܐܲܠܵܗܵܐ.  
\v 21 ܣܵܒܵܒ ܠܐܵܗܵܐ ܦܝܼܫ ܠܵܘܟ݂ܘܿܢ ܩܸܪܝܹܐ، ܣܵܒܵܒ ܐܘܼܦ ܡܫܝܼܚܵܐ ܩܘܼܒܸܠܔ ܠܹܗ ܚܲܫܵܐ ܒܘܼܬ ܕܝܼܵܘܟ݂ܘܿܢ، ܘܫܒ݂ܝܼܩ ܠܹܗ ܐܸܠܵܘܟ݂ܘܿܢ ܛܘܼܦ̮ܣܵܐ ܕܬܵܒܥܝܼܬܘܿܢ ܠܦܵܣܘܿܥܝܵܬܘܼ̈ܗ‌ܝ. 
\q1  
\v 22 ܗ̇ܘ ܠܵܐ ܥܒ݂ܝܼܕ ܠܹܗ ܚܛܝܼܬܵ‌ܐ، ܘܠܵܐ ܦܸܠܡܵܐ ܦܝܼܫ ܠܹܗ ܡܫ݇ܟ̰ܝܼܚܵܐ ܒܦܘܼܡܹܗ.\x + \xo 2:22 \xt ܐܫܥܝܐ 53‏:9 \x* 
\v 23 ܠܵܐ ܡܘܼܣܠܹܐ ܠܹܗ ܐܝܼܡܲܢ ܕܦܝܼܫ ܠܹܗ ܡܘܼܣܠܝܼܵܐ؛ ܠܵܐ ܒܥܹܐ ܠܹܗ ܕܫܵܩܹܠܔ ܬܘܼܥܠܵܐ ܐܝܼܡܲܢ ܕܦܝܼܫ ܠܹܗ ܓ̰ܘܼܢܓ̰ܸܪܵܐ؛ ܐܸܠܵܐ ܣܘܼܦܝܵܐ ܠܹܗ ܓܵܢܹܗ ܒܗ̇ܘ ܕܟܹܐ ܕܵܐܹܢ ܒܙܲܕܝܼܩܘܼܬܵ‌ܐ.\x + \xo 2:23 \xt ܐܫܥܝܐ 53‏:7\x* 
\v 24 ܗ̇ܘ ܒܓܵܢܹܗ ܛܥܝܼܢܹܗ ܚܛܝܼܵܬܲܢ̈ ܒܦܲܓ݂ܪܹܗ ܥܲܠܔ ܙܩܝܼܦܵܐ، ܕܐܲܚܢܲܢ ܡܵܝܬܲܚ ܠܚܛܝܼܵܬܹ̈‌ܐ ܘܚܵܝܲܚ ܠܙܲܕܝܼܩܘܼܬܵ‌ܐ، ܣܵܒܵܒ ܒܕܲܪ̈ܒܵܬܘܼܗ‌ܝ ܦܝܼܫܹܐ ܝܬܘܿܢ ܒܣܝܼܡܹܐ.  
\v 25 ܣܵܒܵܒ ܐܲܝܟ݂ ܥܸܪ̈ܒܹܐ ܛܠܝܼܩܹ̈ܐ ܝܬܘܿܢ ܗܘܵܘ، ܐܝܼܢܵܐ ܐܵܕܝܼܵܐ ܕܝܼܪܵܘܟ݂ܘܿܢ ܠܟܸܣ ܪܵܥܝܵܐ ܘܬܲܓܒܸܪܵܢܵܐ ܕܓܵܢܵܬܵܘ̈ܟ݂ܘܿܢ. 
\c 3  
\s1 ܒܟ݂ܬܬ̈‌ܐ ܘܓܒ݂ܪ̈ܢܐ 
\p  
\v 1 ܗܵܕܟ݂ܵܐ ܐܘܼܦ ܐܲܚܬܘܿܢ ܒܲܟ݂ܬܵܬܹ̈‌ܐ، ܫܠܘܿܡܘܼܢ ܠܓܲܒ݂ܪ̈ܵܢܵܘܟ݂ܘܿܢ، ܗܵܕܟ݂ܵܐ ܕܐܸܢ ܐܝܼܬ ܡܸܢܵܝܗ‌ܝ ܕܠܹܐ ܡܲܨܝܸܬ‌ܝܼ ܠܗܹܡܸܙܡܵܢ، ܐܝܼܢܵܐ ܕܠܵܐ ܗܹܡܸܙܡܵܢ ܦܵܝܫܝܼ ܡܘܼܕܸܪܹܐ ܠܗܲܝܡܵܢܘܼܬܵ‌ܐ ܒܝܲܕ ܕܘܼܒܵܪܹ̈ܐ ܕܒܲܟ݂ܬܵܬܹ̈‌ܐ،  
\v 2 ܐܝܼܡܲܢ ܕܚܵܙܝܼ ܕܸܟ݂ܝܘܼܬܵ‌ܐ ܘܐܝܼܩܵܪܵܐ ܕܚܲܝܵܘ̈ܟ݂ܘܿܢ.  
\v 3 ܠܵܐ ܗܵܘܝܵܐ ܣܲܩܲܠܬܵܘܟ݂ܘܿܢ ܒܲܪܵܝܬܵ‌ܐ، ܒܓܕܵܠܬܵ‌ܐ ܕܟܵܘܣܵܐ، ܘܠܒ݂ܵܫܬܵ‌ܐ ܕܕܲܗܒ݂ܵܐ، ܝܲܢ ܒܓ̰ܘܼܠܹ̈ܐ ܫܲܦܝܼܪܹ̈ܐ؛  
\v 4 ܐܝܼܢܵܐ ܗܵܘܝܵܐ ܓܵܘܵܐܝܼܬ ܡ̣ܢ ܠܸܒܵܐ، ܒܪܘܼܚܵܐ ܡܲܟܝܼܟ݂ܬܵ‌ܐ ܘܫܠܝܼܬܵ‌ܐ ܕܠܵܐ ܦܵܝܫܵܐ ܚܪܝܼܒ݂ܬܵ‌ܐ، ܕܝܼܠܵܗ̇ ܡܵܪܹܐ ܛܝܼܡܵܐ ܠܟܸܣ ܐܲܠܵܗܵܐ.  
\v 5 ܣܵܒܵܒ ܗܵܕܟ݂ܵܐ ܐܘܼܦ ܒܕܲܥܒܲܪ ܒܲܟ݂ܬܵܬܹ̈‌ܐ ܩܲܕܝܼܫܹ̈ܐ، ܐܵܢܝܼ ܕܕܸܪܝܵܐ ܠܗܘܿܢ ܗܹܒ݂ܝܼܵܝܗ‌ܝ ܠܐܲܠܵܗܵܐ، ܟܹܐ ܣܲܩܠܝܼ ܗܘܵܘ ܓܵܢܵܝܗ‌ܝ، ܫܵܠܡܵܢܹ̈ܐ ܝܗܘܵܘ ܠܓܲܒ݂ܪ̈ܵܢܵܝܗ‌ܝ،  
\v 6 ܕܵܐܟ݂ܝܼ ܕܣܲܪܵܐ ܫܠܝܼܡ ܠܵܗ̇ ܠܐܲܒ݂ܪܵܗܵܡ ܘܟܹܐ ܩܵܪܝܵܐ ܗܘܵܐ ܠܹܗ ”ܡܵܪܝܼ“، \x + \xo 3:6 \xt ܒܪܝܬ‌ܐ 18‏:12\x* ܘܐܲܚܬܘܿܢ ܒܢܵܬܘܼ̈ܗ̇ ܝܬܘܿܢ ܐܸܢ ܥܵܒ݂ܕܝܼܬܘܿܢ ܛܵܒ݂ܬܵ‌ܐ ܘܠܵܐ ܦܵܝܫܝܼܬܘܿܢ ܫܥܝܼܫܹܐ ܒܗܸܟ̃ ܙܕܘܼܥܬܵ‌ܐ.  
\v 7 ܗܵܕܟ݂ܵܐ ܐܘܼܦ ܐܲܚܬܘܿܢ ܓܲܒ݂ܪ̈ܵܢܹܐ، ܚܹܝܡܘܼܢ ܥܲܡ ܒܲܟ݂ܬܵܬܵܘ̈ܟ݂ܘܿܢ ܟܲܕ ܒܝܼܕܵܥܵܐ ܕܒܲܟ݂ܬܵ‌ܐ ܝܼܠܵܗ̇ ܦܲܪܨܘܿܦܵܐ ܒܘܼܫ ܙܲܒܘܼܢ. ܡܝܲܩܪܘܼܢ ܠܒܲܟ݂ܬܵܬܵܘ̈ܟ݂ܘܿܢ ܣܵܒܵܒ ܐܘܼܦ ܐܵܢܝܼ ܝܵܪ̈ܘܿܬܹ‌ܐ ܝܢܵܐ ܥܲܡܵܘܟ݂ܘܿܢ ܒܫܵܦܵܩܲܬ ܕܚܲܝܹ̈ܐ، ܕܠܵܐ ܦܵܝܫܝܼ ܡܘܼܟܠܝܼܹܐ ܨܠܵܘܵܬܵܘ̈ܟ݂ܘܿܢ. 
\s1 ܓ̰ܘܢܓ̰ܪ̈ܐ ܒܘܬ ܙܕܝܩܘܬ‌ܐ 
\p  
\v 8 ܒܚܲܪܬܵ‌ܐ، ܟܠܵܘܟ݂ܘܿܢ ܗܘܹܝܡܘܼܢ ܒܚܲܕ ܪܸܥܝܵܢܵܐ، ܡܪ̈ܲܚܡܵܢܹܐ ܚܲܕ ܠܗ̇ܘ ܐܚܹܪܢܵܐ، ܡܲܚܸܒܘܼܢ ܐܲܝܟ݂ ܐܲܚܘܿܢܘܵܬܹ̈‌ܐ، ܡܪ̈ܲܚܡܵܢܹܐ، ܡܲܟܝܼܟܹ̈ܐ.  
\v 9 ܠܵܐ ܦܵܪܥܝܼܬܘܿܢ ܒܝܼܫܬܵ‌ܐ ܚܠܵܦ ܒܝܼܫܬܵ‌ܐ، ܘܠܵܐ ܡܲܣܚܲܪܬܵ‌ܐ ܚܠܵܦ ܡܲܣܚܲܪܬܵ‌ܐ، ܐܸܠܵܐ ܡ̣ܢ ܓܹܒܵܐ ܕܐܲܢܹܐ ܒܲܪܟ݂ܘܼܢ، ܣܵܒܵܒ ܠܐܵܗܵܐ ܦܝܼܫ ܠܵܘܟ݂ܘܿܢ ܩܸܪܝܹܐ ܕܝܵܪܬܝܼܬܘܿܢ ܒܘܼܪܟܬܵ‌ܐ.  
\v 10 ܣܵܒܵܒ: 
\q1 ܟܠܔ ܡ̇ܢ ܕܡܲܚܸܒ ܚܲܝܹ̈ܐ ܘܒܵܥܹܐ ܕܚܵܙܹܐ ܝܵܘܡܵܢܹ̈ܐ ܛܵܒܹ̈ܐ، ܫܒ݂ܘܿܩ ܢܵܛܹܪܹܗ ܠܸܫܵܢܹܗ ܡ̣ܢ ܒܝܼܫܬܵ‌ܐ ܘܣܸܦܘܵܬܘܼ̈ܗ‌ܝ ܡ̣ܢ ܗܲܡܙܘܼܡܹܐ ܦܸܠܡܵܐ. 
\q1  
\v 11 ܫܒ݂ܘܿܩ ܕܵܐܹܪ ܡ̣ܢ ܒܝܼܫܬܵ‌ܐ ܘܥܵܒܹܕ ܛܵܒ݂ܬܵ‌ܐ، ܛܵܥܹܐ ܫܠܵܡܵܐ ܘܪܵܚܹܛ ܒܵܬܪܹܗ. 
\q1  
\v 12 ܣܵܒܵܒ ܥܲܝ̈ܢܹܐ ܕܡܵܪܝܵܐ ܥܲܠܔ ܙܲܕܝܼܩܹ̈ܐ ܝܢܵܐ، ܘܢܵܬܝܵܬܘܼ̈ܗ‌ܝ ܦܬܝܼܚܹܐ ܝܢܵܐ ܠܨܠܵܘܵܬܵܝ̈ܗ‌ܝ، ܐܝܼܢܵܐ ܦܵܬܵ‌ܐ ܕܡܵܪܝܵܐ ܕܲܠܩܘܼܒ݂ܠܔ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ ܝܠܵܗ̇.\x + \xo 3:12 \xt ܡܙܡܘܪܐ 34‏:12‏-16\x* 
\v 13 ܡܵܢܝܼ ܒܸܬ ܥܵܒܹܕ ܒܝܼܫܬܵ‌ܐ ܐܸܠܵܘܟ݂ܘܿܢ ܐܸܢ ܗܵܘܹܝܬܘܿܢ ܛܲܢܵܢܹ̈ܐ ܠܸܥܒ݂ܵܕܵܐ ܛܵܒ݂ܬܵ‌ܐ؟  
\v 14 ܐܝܼܢܵܐ ܐܵܦܸܢ ܕܓ̰ܲܢܓ̰ܸܪܝܼܬܘܿܢ ܒܘܼܬ ܙܲܕܝܼܩܘܼܬܵ‌ܐ، ܛܘܼܒ݂ܵܐ ܐܸܠܵܘܟ݂ܘܿܢ. ܠܵܐ ܙܵܕܥܝܼܬܘܿܢ ܡ̣ܢ ܐܵܢܝܼ ܕܡܲܙܕܸܥܝܼ ܠܵܘܟ݂ܘܿܢ، ܘܠܵܐ ܦܵܝܫܝܼܬܘܿܢ ܫܓ݂ܝܼܫܹܐ.\x + \xo 3:14 \xt ܐܫܥܝܐ 8‏:12\x* 
\v 15 ܐܸܠܵܐ ܩܲܕܫܘܼܢ ܠܡܵܪܝܵܐ ܡܫܝܼܚܵܐ ܒܠܸܒܵܘܟ݂ܘܿܢ، ܘܒܟܠܔ ܙܲܒ݂ܢܵܐ ܗܘܹܝܡܘܼܢ ܗܕܝܼܪܹܐ ܕܝܵܗܒ݂ܝܼܬܘܿܢ ܓ̰ܘܼܘܵܒ ܠܟܠܔ ܚܲܕ ܕܒܲܩܸܪܵܘܟ݂ܘܿܢ ܒܘܼܬ ܥܸܠܬܵ‌ܐ ܕܗܹܒ݂ܝܼ ܕܐܝܼܬ ܠܵܘܟ݂ܘܿܢ، ܐܝܼܢܵܐ ܓ̰ܲܘܸܒܝܼܬܘܿܢ ܒܡܲܟܝܼܟ݂ܘܼܬܵ‌ܐ ܘܒܐܝܼܩܵܪܵܐ،  
\v 16 ܘܗܵܘܹܐ ܠܵܘܟ݂ܘܿܢ ܐܸܢܝܲܬ ܛܵܒ݂ܬܵ‌ܐ، ܗܵܕܟ݂ܵܐ ܐܵܢܝܼ ܕܗܲܡܙܸܡܝܼ ܕܲܠܩܘܼܒ݂ܠܔ ܕܕܘܼܒܵܪ̈ܵܘܟ݂ܘܿܢ ܫܲܦܝܼܪܹ̈ܐ ܒܡܫܝܼܚܵܐ ܢܵܟ݂ܦܝܼ ܕܒܸܠܝܵܡܵܘܟ݂ܘܿܢ ܝܼܢܵܐ.  
\v 17 ܣܵܒܵܒ ܒܘܼܫ ܨܦܵܝܝܼ ܝܠܵܗ̇، ܐܸܢ ܨܸܒ݂ܝܵܢܵܐ ܕܐܲܠܵܗܵܐ ܝܠܹܗ، ܕܓ̰ܲܢܓ̰ܸܪܝܼܬܘܿܢ ܒܘܼܬ ܚܵܬܸܪ ܕܫܘܼܠܵܐ ܛܵܒ݂ܵܐ ܡ̣ܢ ܕܓ̰ܲܢܓ̰ܸܪܝܼܬܘܿܢ ܒܘܼܬ ܚܵܬܸܪ ܕܫܘܼܠܵܐ ܒܝܼܫܵܐ.  
\v 18 ܣܵܒܵܒ ܐܘܼܦ ܡܫܝܼܚܵܐ ܡܝܼܬ ܠܹܗ ܚܕܵܐ ܓܵܗܵܐ ܡܼܢ ܓܹܒܵܐ ܕܚܛܝܼܵܬܹ̈‌ܐ، ܙܲܕܝܼܩܵܐ ܡ̣ܢ ܓܹܒܵܐ ܕܥܵܘܵܠܹ̈ܐ، ܕܩܲܪܒܸܢ ܗܘܵܐ ܠܵܘܟ݂ܘܿܢ ܠܐܲܠܵܗܵܐ. ܦܝܼܫ ܠܹܗ ܩܛܝܼܠܵܐ ܒܦܲܓ݂ܪܵܐ ܐܝܼܢܵܐ ܦܝܼܫ ܠܹܗ ܡܘܼܚܝܼܵܐ ܒܪܘܼܚܵܐ،  
\v 19 ܕܒܝܼܹܗ ܐܘܼܦ ܐܙܝܼܠܔ ܠܹܗ ܘܡܘܼܟܪܸܙ ܠܹܗ ܠܓܵܢܵܬܹ̈‌ܐ ܕܓܵܘ ܒܹܝܬ ܐܲܣܝܼܪܹ̈ܐ،  
\v 20 ܐܵܢܝܼ ܕܩܲܕܡܵܝܬܵ‌ܐ ܠܵܐ ܡܘܼܨܝܸܬ ܠܗܘܿܢ ܐܝܼܡܲܢ ܕܐܲܠܵܗܵܐ ܚܡܝܼܠܔ ܠܹܗ ܒܝܵܘܡܵܢܹ̈ܐ ܕܢܘܿܚ ܒܥܕܵܢܵܐ ܕܩܹܒ݂ܘܼܬܵ‌ܐ ܦܝܵܫܵܐ ܝܗܘܵܐ ܒܢܝܼܬܵ‌ܐ، ܐܝܼܡܲܢ ܕܐܝܼܬ ܗܘܵܘ ܓܵܘܘܼܗ̇ ܚܲܕܟ̰ܵܐ ܓܵܢܵܬܹ̈‌ܐ، ܬܡܵܢܝܵܐ ܦܲܪ̈ܨܘܿܦܹܐ، ܕܦܝܼܫ ܠܗܘܿܢ ܦܪܝܼܩܹܐ ܒܡ̈ܝܼܵܐ.\x + \xo 3:20 \xt ܒܪܝܬ‌ܐ 6‏:1‏–7‏:24\x* 
\v 21 ܐܵܗܵܐ ܚܲܕ ܛܘܼܦ̮ܣܵܐ ܝܠܹܗ ܕܡܲܥܡܘܿܕܝܼܬܵ‌ܐ، ܗ̇ܝ ܕܐܘܼܦ ܐܵܕܝܼܵܐ ܟܹܐ ܦܲܪܩܵܐ ܠܵܘܟ݂ܘܿܢ، ܠܵܐ ܒܕܲܟܲܝܬܵ‌ܐ ܡ̣ܢ ܫܸܚܬܵ‌ܐ ܕܦܲܓ݂ܪܵܐ، ܐܸܠܵܐ ܒܐܸܢܝܲܬ ܛܵܒ݂ܬܵ‌ܐ ܠܟܸܣ ܐܲܠܵܗܵܐ، ܒܝܲܕ ܩܝܵܡܬܵ‌ܐ ܕܝܼܫܘܿܥ ܡܫܝܼܚܵܐ،  
\v 22 ܗ̇ܘ ܕܐܙܝܼܠܵܐ ܝܠܹܗ ܠܫܡܲܝܵܐ ܘܕܝܼܠܹܗ ܡ̣ܢ ܝܲܡܝܼܢܵܐ ܕܐܲܠܵܗܵܐ؛ ܘܙܲܒܛ ܝܼܢܵܐ ܐܸܠܹܗ ܡܲܠܲܐܟܹ̈ܐ ܘܫܲܠܝܼ̈ܛܹܐ ܘܚܲܝܠܵܘܵܬܹ̈‌ܐ. 
\c 4  
\s1 ܪ̈ܓܘܬ‌ܐ ܛܒ݂̈ܐ ܕܫܦܩܬ ܕܐܠܗܐ 
\p  
\v 1 ܣܵܒܵܒ ܡܫܝܼܚܵܐ ܒܦܲܓ݂ܪܹܗ ܩܘܼܒܸܠܔ ܠܹܗ ܚܲܫܵܐ، ܐܘܼܦ ܐܲܚܬܘܿܢ ܟ̰ܲܟܒܸܢܘܼܢ ܓܵܢܵܘܟ݂ܘܿܢ ܗܲܪ ܒܗ̇ܘ ܪܸܥܝܵܢܵܐ، ܣܵܒܵܒ ܟܠܔ ܡ̇ܢ ܕܩܘܼܒܠܵܐ ܝܠܹܗ ܚܲܫܵܐ ܒܦܲܓ݂ܪܵܐ، ܫܸܠܝܵܐ ܝܠܹܗ ܡ̣ܢ ܚܛܝܼܬܵ‌ܐ.  
\v 2 ܗܵܕܟ݂ܵܐ ܠܹܐ ܚܵܝܹܐ ܣܵܗܡܵܐ ܦܝܼܫܵܐ ܕܚܲܝܘܼ̈ܗ‌ܝ ܒܦܲܓ݂ܪܵܐ ܩܵܐ ܫܲܗܘܲܬܝܵܬܹ̈‌ܐ ܒܲܪ̈ܢܵܫܵܝܹܐ، ܐܸܠܵܐ ܠܨܸܒ݂ܝܵܢܵܐ ܕܐܲܠܵܗܵܐ.  
\v 3 ܣܵܒܵܒ ܡܘܼܥܒܸܪܵܘܟ݂ܘܿܢ ܥܕܵܢܵܐ ܡܵܠܝܵܢܬܵ‌ܐ ܒܕܲܥܒܲܪ ܒܸܥܒ݂ܵܕܵܐ ܦܘܼܠܚܵܢܹ̈ܐ ܕܟܹܐ ܥܵܒ݂ܕܝܼ ܠܗܘܿܢ ܐܸܡܘܵܬܹ̈‌ܐ: ܦܲܚܙܘܼܬܵ‌ܐ، ܫܲܗܘܲܬܝܵܬܹ̈‌ܐ، ܫܬܵܝܵܬܹ̈‌ܐ، ܫܪ̈ܝܼܚܘܼܝܵܬܹ‌ܐ، ܪܵܘܵܝܘܼܬܵ‌ܐ، ܘܣܓ݂ܵܕܬܵ‌ܐ ܓܲܢܓܸܙܵܢܬܵ‌ܐ ܕܨܵܢܲܡܹ̈ܐ.  
\v 4 ܥܲܓ̰ܘܼܒܹܐ ܝܢܵܐ ܘܒܸܓܕܵܦܵܐ ܥܲܠܵܘܟ݂ܘܿܢ ܣܵܒܵܒ ܠܹܐ ܝܬܘܿܢ ܒܸܪܚܵܛܵܐ ܥܲܡܵܝܗ‌ܝ ܗܲܪ ܒܗ̇ܝ ܫܪܝܼܚܘܼܬܵ‌ܐ.  
\v 5 ܐܝܼܢܵܐ ܒܸܬ ܝܵܗܒ݂ܝܼ ܚܸܫܒܘܼܢܵܐ ܠܗ̇ܘ ܕܝܼܠܹܗ ܗܕܝܼܪܵܐ ܕܕܵܐܹܢ ܠܡܝܼ̈ܬܹ‌ܐ ܘܠܚܵܝܹ̈ܐ.  
\v 6 ܣܵܒܵܒ ܒܘܼܬ ܐܵܗܵܐ ܥܸܠܬܵ‌ܐ ܦܝܼܫ ܠܹܗ ܡܘܼܟܪܸܙܵܐ ܐܹܘܲܢܓܲܠܝܼܘܿܢ ܐܘܼܦ ܠܡܝܼ̈ܬܹ‌ܐ، ܕܦܵܝܫܝܼ ܕܝܼܢܹܐ ܐܲܝܟ݂ ܐܢܵܫܹ̈ܐ ܕܝܼܢܵܐ ܒܦܲܓ݂ܪܵܐ، ܐܝܼܢܵܐ ܚܵܝܝܼ ܠܐܲܠܵܗܵܐ ܒܪܘܼܚܵܐ. 
\s1 ܒܘܬ ܝܘܡܢ̈ܐ ܐܚܪ̈ܝܐ 
\p  
\v 7 ܫܘܼܠܵܡܵܐ ܕܟܠܵܝܗ‌ܝ ܡܸܢܕܝܼܵܢܹ̈ܐ ܩܘܼܪܒܵܐ ܝܠܹܗ. ܒܵܣ ܗܘܹܝܡܘܼܢ ܨܲܠܝܼܠܹ̈ܐ ܘܪ̈ܥܝܼܫܹܐ ܠܨܠܵܘܵܬܹ̈‌ܐ.  
\v 8 ܡ̣ܢ ܩܲܕܡ ܟܠܔ ܡܸܢܕܝܼ، ܗܵܘܹܐ ܠܵܘܟ݂ܘܿܢ ܚܘܼܒܵܐ ܚܲܡܝܼܡܵܐ ܠܟܸܣ ܥܘܼܕܵܠܹܐ، ܣܵܒܵܒ ܚܘܼܒܵܐ ܟܹܐ ܡܲܟܸܣ ܒܘܼܫܵܝܘܼܬܵ‌ܐ ܕܚܛܝܼܵܬܹ̈‌ܐ.\x + \xo 4:8 \xt ܡܬܠ̈ܐ 10‏:12\x* 
\v 9 ܗܘܹܝܡܘܼܢ ܡܲܫܪ̈ܝܼܵܢܹܐ ܕܐܚܹܪ̈ܢܹܐ ܕܠܵܐ ܛܲܪܛܲܡܬܵ‌ܐ.  
\v 10 ܟܠܔ ܚܲܕ ܡܸܢܵܘܟ݂ܘܿܢ ܐܲܝܟ݂ ܕܩܘܼܒܸܠܔ ܠܹܗ ܡܵܘܗܲܒ݂ܬܵ‌ܐ، ܗܵܕܟ݂ܵܐ ܡܲܦܠܸܚ ܠܵܗ̇ ܠܚܸܠܡܲܬ ܕܚܲܕ ܠܗ̇ܘ ܐܚܹܪܢܵܐ، ܐܲܝܟ݂ ܪ̈ܲܒܲܝ ܒܵܬܹ̈‌ܐ ܛܵܒܹ̈ܐ ܠܒܘܼܫܵܝܘܼܬܵ‌ܐ ܕܫܵܦܵܩܲܬ ܕܐܲܠܵܗܵܐ.  
\v 11 ܐܸܢ ܚܲܕ ܗܲܡܙܸܡ، ܫܒ݂ܘܿܩ ܗܲܡܙܸܡ ܐܲܝܟ݂ ܕܐܸܢ ܗܲܡܙܘܼܡܹܐ ܝܠܹܗ ܗܹܡܸܙܡܵܢܹ̈ܐ ܕܐܲܠܵܗܵܐ. ܐܸܢ ܚܲܕ ܒܸܥܒ݂ܵܕܵܐ ܝܠܹܗ ܚܸܠܡܲܬ، ܥܵܒܹܕ ܚܸܠܡܲܬ ܐܲܝܟ݂ ܕܐܲܠܵܗܵܐ ܝܘܼܗܒܹܗ ܝܠܹܗ ܚܲܝܠܵܐ، ܗܵܕܟ݂ܵܐ ܕܒܟܠܵܝܗ‌ܝ ܡܸܢܕܝܼܵܢܹ̈ܐ ܐܲܠܵܗܵܐ ܦܵܐܹܫ ܚܩܝܼܪܵܐ ܒܝܲܕ ܝܼܫܘܿܥ ܡܫܝܼܚܵܐ، ܗ̇ܘ ܕܕܝܼܹܗ ܝܠܹܗ ܫܘܼܒ݂ܚܵܐ ܘܚܲܝܠܵܐ ܠܥܵܠܲܡ ܥܵܠܡܝܼܢ. ܐܵܡܹܝܢ. 
\s1 ܓ̰ܘܢܓ̰ܪ̈ܐ ܒܘܬ ܗܝܡܢܘܬ‌ܐ 
\p  
\v 12 ܡܘܼܚܸܒܝܼ̈، ܠܵܐ ܥܲܓ̰ܒܝܼܬܘܿܢ ܒܘܼܬ ܓ̰ܘܼܪܵܒܵܐ ܢܘܼܪܵܢܵܐ ܕܓ̰ܲܪܘܼܒܵܘܟ݂ܘܿܢ ܝܼܠܹܗ، ܐܲܝܟ݂ ܕܐܸܢ ܚܲܕ ܡܸܢܕܝܼ ܩܵܪܝܼܒܵܝܵܐ ܩܲܘܘܼܡܹܐ ܝܠܹܗ ܥܲܠܵܘܟ݂ܘܿܢ.  
\v 13 ܐܝܼܢܵܐ ܚܕܹܝܡܘܼܢ ܣܵܒܵܒ ܫܲܪܘܼܟܹܐ ܝܬܘܿܢ ܒܚܲܫܹ̈ܐ ܕܡܫܝܼܚܵܐ، ܗܵܕܟ݂ܵܐ ܕܒܘܼܫ ܙܵܘܕܵܐ ܚܵܕܹܝܬܘܿܢ ܐܝܼܡܲܢ ܕܚܸܩܪܹܗ ܦܵܐܹܫ ܓܸܠܝܵܐ.  
\v 14 ܛܘܼܒ݂ܵܐ ܐܸܠܵܘܟ݂ܘܿܢ ܐܸܢ ܦܵܝܫܝܼܬܘܿܢ ܠܝܼܡܹܐ ܒܘܼܬ ܫܸܡܵܐ ܕܡܫܝܼܚܵܐ، ܣܵܒܵܒ ܪܘܼܚܵܐ ܕܚܸܩܪܵܐ ܕܐܲܠܵܗܵܐ ܒܸܫܪܵܝܵܐ ܝܠܹܗ ܥܲܠܵܘܟ݂ܘܿܢ.  
\v 15 ܐܝܼܢܵܐ ܠܵܐ ܐܢܵܫܵܐ ܡܸܢܵܘܟ݂ܘܿܢ ܗܵܘܹܐ ܩܲܒܘܼܠܹܐ ܚܲܫܵܐ ܐܲܝܟ݂ ܩܵܛܘܿܠܵܐ، ܝܲܢ ܐܲܝܟ݂ ܓܹܢܵܒ݂ܵܐ، ܝܲܢ ܐܲܝܟ݂ ܚܲܕ ܥܵܒ݂ܕܵܢܵܐ ܕܒܝܼܫܵܬܹ̈‌ܐ، ܝܲܢ ܐܲܝܟ݂ ܚܵܒ݂ܛܵܢܵܐ ܒܫܘܼܠܵܢܹ̈ܐ ܕܐܚܹܪ̈ܢܹܐ.  
\v 16 ܐܝܼܢܵܐ ܐܸܢ ܚܲܕ ܓ̰ܲܢܓ̰ܸܪ ܐܲܝܟ݂ ܡܫܝܼܚܵܝܵܐ، ܠܵܐ ܢܵܟܹܦ، ܐܸܠܵܐ ܫܲܒܸܚ ܠܐܲܠܵܗܵܐ ܕܫܩܝܼܠܵܐ ܝܠܹܗ ܠܐܵܗܵܐ ܫܸܡܵܐ.  
\v 17 ܣܵܒܵܒ ܥܕܵܢܵܐ ܝܠܵܗ̇ ܕܫܲܪܝܵܐ ܕܝܼܘܵܢ ܓܵܘ ܒܲܝܬܵ‌ܐ ܕܐܲܠܵܗܵܐ؛ ܘܐܸܢ ܫܲܪܝܵܐ ܩܲܕܡܵܝܬܵ‌ܐ ܒܝܼܲܢ، ܡܘܼܕܝܼ ܒܸܬ ܗܵܘܹܐ ܦܠܵܛܵܐ ܕܐܵܢܝܼ ܕܠܹܐ ܡܲܨܝܸܬ‌ܝܼ ܠܡܲܫܚܲܕܬܵ‌ܐ ܕܐܲܠܵܗܵܐ؟  
\v 18 ܘܐܸܢ ܥܲܣܩܵܐ ܝܠܵܗ̇ ܠܙܲܕܝܼܩܵܐ ܕܦܵܪܹܩ، ܡܘܼܕܝܼ ܒܸܬ ܗܵܘܹܐ ܠܥܵܘܵܠܵܐ ܘܠܚܲܛܵܝܵܐ؟\x + \xo 4:18 \xt ܡܬܠ̈ܐ 11‏:31\x* 
\v 19 ܒܵܣ ܐܵܢܝܼ ܕܓ̰ܲܢܓ̰ܸܪܝܼ ܐܲܝܟ݂ ܨܸܒ݂ܝܵܢܵܐ ܕܐܲܠܵܗܵܐ، ܣܲܦܝܼ ܓܵܢܵܬܵܝ̈ܗ‌ܝ ܠܒܵܪܝܵܢܵܝܗ‌ܝ ܡܗܘܼܡܢܵܐ ܘܗܵܘܝܼ ܒܸܥܒ݂ܵܕܵܐ ܦܘܼܠܚܵܢܹ̈ܐ ܛܵܒܹ̈ܐ. 
\c 5  
\s1 ܬܓܒܘܪܐ ܡܪܥܝܬ‌ܐ ܕܐܠܗܐ 
\p  
\v 1 ܦܲܪܦܘܼܠܹܐ ܝܘܸܢ ܒܚܘܵܪ̈ܕܸܩܢܹܐ ܕܐܝܼܬ ܓܵܘܵܘܟ݂ܘܿܢ، ܐܵܢܵܐ ܚܘܵܪܕܸܩܢܵܐ ܚܲܒ݂ܪܵܘܟ݂ܘܿܢ ܘܣܵܗܕܵܐ ܒܚܲܫܹ̈ܐ ܕܡܫܝܼܚܵܐ، ܘܫܲܪܝܼܟܵܐ ܒܚܸܩܪܵܐ ܕܗܕܝܼܪܵܐ ܝܠܹܗ ܕܦܵܐܹܫ ܓܸܠܝܵܐ:  
\v 2 ܡܲܪܥܹܝܡܘܼܢ ܡܲܪܥܝܼܬܵ‌ܐ ܕܐܲܠܵܗܵܐ ܕܣܘܼܦܝܵܐ ܠܹܗ ܒܝܼܵܘܟ݂ܘܿܢ، ܬܲܓܒܸܪܘܼܢ ܠܵܗ̇، ܠܵܐ ܬܚܘܿܬ ܚܲܝܠܵܐ، ܐܸܠܵܐ ܒܪܸܙܵܝܵܐ ܐܲܝܟ݂ ܨܸܒ݂ܝܵܢܵܐ ܕܐܲܠܵܗܵܐ، ܠܵܐ ܩܵܐ ܩܢܵܝܬܵ‌ܐ ܫܸܚܬܵܢܬܵ‌ܐ، ܐܸܠܵܐ ܡ̣ܢ ܟܠܹܗ ܠܸܒܵܘܟ݂ܘܿܢ،  
\v 3 ܘܠܵܐ ܐܲܝܟ݂ ܡܵܪ̈ܵܘܵܬܹ‌ܐ ܠܐܵܢܝܼ ܕܦܝܼܫܹܐ ܝܢܵܐ ܣܘܼܦܝܹܐ ܒܝܼܵܘܟ݂ܘܿܢ، ܐܸܠܵܐ ܗܘܹܝܡܘܼܢ ܛܘܼܦ̮ܣܵܐ ܠܡܲܪܥܝܼܬܵ‌ܐ.  
\v 4 ܘܐܝܼܡܲܢ ܕܪܵܥܝܵܐ ܓܘܼܪܵܐ ܦܵܐܹܫ ܓܸܠܝܵܐ، ܒܸܬ ܩܲܒܠܝܼܬܘܿܢ ܟܠܝܼܠܵܐ ܕܚܸܩܪܵܐ ܕܠܹܐ ܟ̰ܵܡܹܟ̃.  
\v 5 ܗܵܕܟ݂ܵܐ ܐܘܼܦ ܐܲܚܬܘܿܢ ܥܠܲܝܡܹ̈ܐ، ܫܠܘܿܡܘܼܢ ܠܚܘܵܪ̈ܕܸܩܢܹܐ، ܘܟܠܵܘܟ݂ܘܿܢ ܠܒ݂ܘܿܫܘܼܢ ܡܲܟܝܼܟ݂ܘܼܬܵ‌ܐ ܚܲܕ ܠܟܸܣ ܗ̇ܘ ܐܚܹܪܢܵܐ، ܣܵܒܵܒ: 
\q1 ܐܲܠܵܗܵܐ ܟܹܐ ܩܵܐܹܡ ܕܲܠܩܘܼܒ݂ܠܔ ܕܫܲܒ݂ܗܸܪ̈ܵܢܹܐ، ܐܝܼܢܵܐ ܟܹܐ ܝܵܗܒܹܠܔ ܫܵܦܵܩܲܬ ܠܡܲܟܝܼܟܹ̈ܐ.\x + \xo 5:5 \xt ܡܬܠ̈ܐ 3‏:34\x* 
\v 6 ܒܵܣ ܡܲܟܸܦܘܼܢ ܓܵܢܵܘܟ݂ܘܿܢ ܬܚܘܿܬ ܐܝܼܕܵܐ ܚܲܝܠܵܢܬܵ‌ܐ ܕܐܲܠܵܗܵܐ، ܕܡܲܪܸܡ ܠܵܘܟ݂ܘܿܢ ܒܥܕܵܢܵܐ ܚܫܝܼܚܬܵ‌ܐ.  
\v 7 ܕܪܹܝܡܘܼܢ ܟܠܹܗ ܚܲܡܵܘ̈ܟ݂ܘܿܢ ܥܲܠܘܼܗ‌ܝ ܣܵܒܵܒ ܟܹܐ ܐܵܟܹܠܔ ܚܲܡ ܒܘܼܬ ܕܝܼܵܘܟ݂ܘܿܢ.  
\v 8 ܗܘܹܝܡܘܼܢ ܨܲܠܝܼܠܹ̈ܐ ܘܪܥܘܿܫܘܼܢ، ܣܵܒܵܒ ܕܸܫ̃ܡܸܢܵܘܟ݂ܘܿܢ ܐܵܟܹܠܩܲܪܨܵܐ ܐܲܝܟ݂ ܐܲܪܝܵܐ ܓܲܪܓܸܡܵܢܵܐ ܒܸܚܕܵܪܵܐ ܝܠܹܗ، ܘܒܸܛܥܵܝܵܐ ܕܚܵܙܹܐ ܠܡܵܢܝܼ ܒܵܠܹܥ.  
\v 9 ܩܘܼܡܘܼܢ ܕܲܠܩܘܼܒ݂ܠܹܗ، ܟܸܠܝܹܐ ܩܸܘܝܹܐ ܒܗܲܝܡܵܢܘܼܬܵ‌ܐ، ܣܵܒܵܒ ܟܹܐ ܝܵܕܥܝܼܬܘܿܢ ܕܐܲܚܘܿܢܘܵܬܵܘ̈ܟ݂ܘܿܢ ܓܵܘ ܥܵܠܡܵܐ ܩܲܒܘܼܠܹܐ ܝܢܵܐ ܗܲܪ ܐܲܢܹܐ ܚܲܫܹ̈ܐ.  
\v 10 ܘܐܲܠܵܗܵܐ ܕܟܠܵܗ̇ ܫܵܦܵܩܲܬ، ܗ̇ܘ ܕܩܵܡ ܩܵܪܹܐ ܠܵܘܟ݂ܘܿܢ ܠܚܸܩܪܹܗ ܥܵܠܡܝܼܢܵܝܵܐ ܒܝܼܫܘܿܥ ܡܫܝܼܚܵܐ، ܡ̣ܢ ܒܵܬܪ ܕܩܘܼܒܸܠܔ ܠܵܘܟ݂ܘܿܢ ܚܲܫܵܐ ܩܵܐ ܚܲܕ ܙܲܒ݂ܢܵܐ ܟܸܪܝܵܐ ܒܸܬ ܡܲܟܡܸܠܔ ܠܵܘܟ݂ܘܿܢ، ܡܲܩܘܹܐ ܠܵܘܟ݂ܘܿܢ، ܚܲܠܸܢܵܘܟ݂ܘܿܢ ܘܫܲܬܐܸܣ ܠܵܘܟ݂ܘܿܢ.  
\v 11 ܐܸܠܹܗ ܚܲܝܠܵܐ ܠܥܵܠܲܡ ܥܵܠܡܝܼܢ. ܐܵܡܹܝܢ. 
\s1 ܫܠܡ̈ܐ ܕܚܘܬܡܐ 
\p  
\v 12 ܒܝܲܕ ܣܸܠܘܵܢܘܿܣ، ܗ̇ܘ ܕܟܹܐ ܚܵܫܒܹܢܹܗ ܐܲܚܘܿܢܵܐ ܡܗܘܼܡܢܵܐ، ܟܬܝܼܒ݂ ܠܝܼ ܐܸܠܵܘܟ݂ܘܿܢ ܒܟܸܪܝܘܼܬܵ‌ܐ، ܒܝܼܵܗܒ݂ܵܐ ܠܸܒܵܐ ܘܒܸܣܗܵܕܵܐ ܕܐܵܗܵܐ ܝܠܵܗ̇ ܫܵܦܵܩܲܬ ܫܲܪܝܼܪܬܵ‌ܐ ܕܐܲܠܵܗܵܐ؛ ܟܠܹܝܡܘܼܢ ܒܝܼܘܼܗ̇.  
\v 13 ܒܝܼܵܗܒ݂ܵܐ ܝܠܵܗ̇ ܫܠܵܡܵܐ ܐܸܠܵܘܟ݂ܘܿܢ ܥܹܕܬܵ‌ܐ ܕܓܵܘ ܒܵܒܹܠܔ، ܓܘܼܒܝܼܬܵ‌ܐ ܐܲܝܟ݂ ܕܝܼܵܘܟ݂ܘܿܢ، ܘܐܘܼܦ ܡܵܪܩܘܿܣ ܒܪܘܿܢܝܼ.  
\v 14 ܗܲܒ݂ܠܘܼܢ ܫܠܵܡܵܐ ܚܲܕ ܠܗ̇ܘ ܐܚܹܪܢܵܐ ܒܢܫܘܼܩܬܵ‌ܐ ܩܲܕܝܼܫܬܵ‌ܐ. ܫܠܵܡܵܐ ܥܲܡ ܟܠܵܘܟ݂ܘܿܢ ܕܝܼܢܵܐ ܒܡܫܝܼܚܵܐ. ܐܵܡܹܝܢ.