\id MIC - Aguaruna 
\h Miqueas 
\toc1 Miqueas 
\toc2 (Miqueas) 
\toc3 Mi. 
\mt1 Miqueas 
\c 1  
\ms1 Apajuí yaakat Samaria pegkegchaujin diijus tsaiktin pachisa, Jerusalén pachisa, tikich yaakat Judá wegantunu aidaujai chicham umigkamu 
\mr (1—3) 
\s1 Apajuí yaakat Samaria pegkegchaujin diijus tsaiktin pachisa etsegkamu 
\p  
\v 1 Tuke Pujuu Samarian Jerusalégjai dita pegkegchaujin diijus tsaiktinjin pachis Miqueas Moréset nugkanmaya aajakua nuna ujakui. Nunak Judá wegantu aidaun apuji aidau Jotam, Acaz, Ezequías aatus takasu aina nunú tsawantin ujaak aatus tiuwai: 
\b  
\q1  
\v 2 “¡Ashí aents aidautijum wi taja nunú antuktajum! 
\q1 ¡Juju nugkanmaya aidautijum shiig antukjum jukitajum! 
\q1 Tuke Pujuuk niina jee pegkegma nuwi pujusag, 
\q1 atum suwimak jukitnun pachis etsegkattawai. 
\q1  
\v 3 Tuke Pujuu niina pujusa inamtaijin pujau ukuak, 
\q1 muja titijin taa nuwi wekagas tattawai. 
\q1  
\v 4 Tuja nii taa mujan najataik, 
\q1 muja aidauk wiya jinum sukuam yumimegama 
\q1 numamtuk wajaktinai, 
\q1 tuja muja najatamu paka aidauk 
\q1 yumi senchi yutak nugkan yumpuwama imanik 
\q1 yumpunag kanaktinai. 
\q1  
\v 5 Duka Israel aents aidau intimtaijin, 
\q1 tuja dita tudaujin nuniktinai. 
\q1 Israel aents aidauk Samaria nugkanum pegkegchaun takamsau ainawai, 
\q1 untsu Judá wegantu aidauk wainka apajuímtai dakumka najanamu aidaun 
\q1 Jerusalégnum jegamjujag nuna emematujaku ainawai.” 
\b  
\q1  
\v 6 Nuadui Tuke Pujuu chichaak: 
\q1 “Yaakat Samarianak tsaiktatjai, 
\q1 dutika ai ayatak kaya tuwasua weaku, 
\q1 jega atsau ayatak uva ajakmamain awajsattajai. 
\q1 Tuja muja najatamu paka aina nuwishkam, 
\q1 nunú kaya aidaun nagkimkattajai. 
\q1 Dutikan yaakat najanku kaya aepkamunash ipaantujan pan awajsattajai. 
\q1  
\v 7 Tuja dita apajuímtaiji dakumka najanamu 
\q1 Samaria nugkanum ayá duka ashí tsainkattawai. 
\q1 Tuja dita ememattai numi aina dushakam ashí apenkattawai. 
\q1 Nunú dita apajuímtaiji aina duka 
\q1 nuwa akika dutiktai aidaun kuichkiji juki 
\q1 najanamu asagmatai, jinum jiya ukuijan ataktu 
\q1 nuwa akika dutiktai aina nuna kuichkiji awajsattajai”, 
\q1 tujutmayi Apajuí. 
\s1 Miqueas buutbau 
\q1  
\v 8 Nuna antukan shiig senchi wake besemag dekapeakun senchi buutjai, 
\q1 nuniakun wisu sapatjinchau wekaesan, 
\q1 bakantau shinau wajakun, lobo buutu wajajai. 
\q1  
\v 9 Samarianmaya aents aidaun tudaujig tsagkugnamainchau, 
\q1 Judá wegantu aidaun tudaujinash amaigkae, 
\q1 imaniak mina aentsug aidau Jerusalén batsata 
\q1 imanuishkam jegae. 
\q1  
\v 10 Tujash Gadnumia aents aidauk juju pachisjumek ujakaigpajum, 
\q1 buuttakesh buutigpajum, 
\q1 ayatak wake besemag dekapeamunum 
\q1 Bet-le-afránmaya nugka yukukuntua nuwi tadaejatajum. 
\q1  
\v 11 Bellavistanmaya aents aidautigminak achipajag jujamkiagtinai, 
\q1 dutijamawagmatai wainka inataijai betek, 
\q1 wisu datsan shiyaktinaitjume. 
\q1 Atum pujamun ijus tikich yaaktanum batsamin aidau buutiagtinai. 
\q1 Tujash dutika jujabiagtaish, Zaanágnumia 
\q1 aents aidaush atumnak ayamjutpakchagtinai. 
\q1  
\v 12 Tuja yaakat Amargura batsamin aidauk 
\q1 ayamjutpaktinme tusa dakamainak waitiagtinai. 
\q1 Tujash Tuke Pujuuk Jerusalén waitainum nagkamas suwimkanak susatnai. 
\q1  
\v 13 Atum Laquishnumia aidautigmek, 
\q1 caballo senchi tupikain 
\q1 carro maanitainum jigkajum umintsatajum. 
\q1 Siógnumia aents aidauk Laquishnum 
\q1 pegkegchau takatnak unuimaju ainawai. 
\q1 Tuja nuwi Israel aents aidaushkam 
\q1 Apajuín intimjukiag pegkegchaun takasu ainawai. 
\q1  
\v 14 Atumi nugkem Moréset-gat tutaya duka 
\q1 tuke ukuakjum ukuktajum. 
\q1 Tuja Israel aidaun apuji aidaunak 
\q1 yaakat Aczibnumia yaigchagtinaitak 
\q1 wi yaigtatjime tusag tsanujaje. 
\q1  
\v 15 Tuke Pujuu chichaak: 
\q1 “Maresánmaya aents aidautigmin depetamak amupaktinme tusan 
\q1 aents maanita yachan ataktu awetittajime. 
\q1 Nunú minitaik Israel aents dekas wajiu aidaush, 
\q1 nuna ishamak pisajag waa Adulam tutaya 
\q1 nuwi akumjagtinai. 
\q1  
\v 16 Jerusalégnumia aidautigmek buuttajum, 
\q1 nuniakjum susujum awagtajum, 
\q1 buuttajum nuniakjum awamagjum, 
\q1 chuagka buukejai betek pinui wajastajum. 
\q1 Atumi uchijum aneetaijum aidaunak, 
\q1 achijag tikich nugkanum yajuakagtinai”, tawai. 
\c 2  
\s1 Aents ujudauch aidaun waitkaidauk suwimkan jukiagtin 
\q1  
\v 1 Aents pegkegchau aina nunak wait anentuinajai, 
\q1 wagki ditak depetmak batsatu asag, ememainak 
\q1 wajina pegkegchaun takastag tuinawa nunak 
\q1 kaja kajanmaske uminawai. 
\q1 Nuadui nantaamuik nunak betek dutikainawai. 
\q1  
\v 2 Tuja nugkan wakegainakug 
\q1 tikichi nugken atantuinawai, 
\q1 tuja jega aidaun wakegainakushkam, 
\q1 tikichdaun atainiag juwinawai. 
\q1 Dutikainak jennunak niina nuwe, uchiji aidaujai 
\q1 tsanujag jiiki ajapawag waitkainawai. 
\q1  
\v 3 Nuadui Tuke Pujuu chichaak: 
\q1 “Wishakam atum suwimak jukitnunak chichaman umikjai. 
\q1 Suwimak katsunmainchaun amastatjime, 
\q1 nuna uwemtumainuk makichkish atsuttawai. 
\q1 Suwimak ishamain katsunmainchau asamtai, 
\q1 emema yuja nunak nunikchagtatui. 
\q1  
\v 4 Nunú tsawantin aents aidau dushiktamiagtinai, 
\q1 nuninak juna aatus kantamjutpainak: 
\q1 ‘¡Ashí depetkam wainak juwakaje! 
\q1 ¡Yaunchkek Apajuí aentsji ayanume, 
\q1 tujash nunak idaisaje! 
\q1 ¡Iina suntaji aidau depetkagmatai, 
\q1 dita nugke aidauk ii akandaija yajuakji!’ tiagtinai. 
\q1  
\v 5 ¡Israel aents aidautijum antuktajum! 
\q1 Atumek mina aentsug ayugme, 
\q1 tujash wika nugkanak ataktuk amaschagtatjai”, tujamui. 
\s1 Profeta waita etsejin aidau 
\q1  
\v 6-7 “¡Atum waita etsejin aidautigmek 
\q1 Apajuí profetaji chicham pegkegchaun ujatkai!” 
\q1 tusajum dakitagme. 
\q1 Atumek utugchat ajutjamu dekakjumesh, 
\q1 dekaskeapi tatsugme. 
\q1 Nuadui profeta etsegbau antutak dakitagme. 
\q1 Nuniakjum: “Apajuík jutijaig shiwagchauwai, 
\q1 Apajuík jutiinak kajegtamkash idaitamtsuk atsane pujuttawai, 
\q1 nuigtush Apajuík aajag dutikchauwai, 
\q1 Apajuík ashí aents aidau pegkejan takaidaunak 
\q1 shiig kuitamnai”, tajume. 
\q1  
\v 8 Atumek mina aentsug aidaujai shiwagmaejume. 
\q1 Tuja maaniamunum shiyaku aidau 
\q1 uwemjajiapi tusag shiig aneas waketug minidaushkam, 
\q1 jáanch akik aidaun yajuak minidau atanjume. 
\q1  
\v 9 Dutikakjum dita jee aneetaiji aidaushkam 
\q1 atum atankujum nuwa aidau jiiki ajapeagme. 
\q1 Dita uchiji aidaun wi susauwaitag dushakam 
\q1 tuke jujuki emegkatjume. 
\q1  
\v 10 Nuadui atumek ¡juwi batsamtsuk, jiinja shiyaktajum! 
\q1 Juwig dita wakegamun takainak batsamsatnume tichamui, 
\q1 tuja atum pegkegchau awajsau asagmin, 
\q1 juka ashí tsainkattawai. 
\q1  
\v 11 Makichik aents nigki nagkami waitjak: 
\q1 “Vino senchi kajiau umamuk pegkejai, 
\q1 tuja tikich uwaja nampetai aina dushakam pegkejai”, 
\q1 tawa nunú atumek dekas profeta pegkejai tajume. 
\s1 Apajuí niina aentsji aidaun uwemtikjatin 
\q1  
\v 12 Israel aents aidau ujumchik iwaku batsatunak yajuakan, 
\q1 uwig makichik wenuknumak ijumaina numamtuk ijumjattajai. 
\q1 Dutika ai shiig aneenak, kuashtachuitak, 
\q1 kuashat pampaumaina imatiagtinai. 
\q1  
\v 13 Apajuí eemak jinta jintama wetinai, 
\q1 nunitai dita pataekagtinai, 
\q1 yaakta waitijiya nuni jiinjagtinai. 
\q1 Nunikagmatai dita apuji Tuke Pujuu eemak wetinai. 
\c 3  
\s1 Israel aents aidaun apuji pegkegchau aidau chicham akuptukbau 
\q1  
\v 1 ¡Israel aents aidaun apuji aidautijum 
\q1 juju yamai antuktajum! 
\q1 ¿Atumchaukaitjum shiig takastinme tusa 
\q1 etegkamu aidautijum? 
\q1  
\v 2 Tujash atumek pegkeja nunú kajejakjum, 
\q1 pegkegchauwa nunú takagme. 
\q1 Nuniau asajum mina aentsug aina nuna neje 
\q1 ichiaja yajutkajum ayatak ukunchik emajum ukuajume. 
\q1  
\v 3 Tuja atumek mina aentsug aidauk iwakuk yuwagme, 
\q1 dutikakjum duwape ichinjajum, 
\q1 neje ollanum painkatasa akaaja ukunchi tsupigtayama imatikagme. 
\q1  
\v 4 Makichik tsawantai Tuke Pujuu untsuktinaitjume, 
\q1 tujash niig aigmakchagtinai. 
\q1 Atumek tikima pegkegchau ainajum duwi 
\q1 Apajuí atumnak uumjutpakagtinai. 
\s1 Profeta waitan etsejin aidau 
\q1  
\v 5 Mina aentsug aidauk profeta waita etsejin aidau 
\q1 tsanumainak, utugchatak atsuttawai tuina 
\q1 nuna antujuinak pegkegchaunum yujawai, 
\q1 nunú profeta aidauk ya ditan yujumkan ajampeawa 
\q1 nuna shiig anentuinak, 
\q1 yujumkan ajampenatsu nunak kajejuinawai. 
\q1  
\v 6 Nuadui wi wajina dutikatag taja nunak 
\q1 ataktuk ditanak ujakchagtinaitjai. 
\q1 Ajumaish ditanak makichkish dekamtikashtinaitjai, 
\q1 nuadui ditak wajig nagkaemaktinaita 
\q1 nunak makichkish etsegkashtin ainawai. 
\q1  
\v 7 Nuadui nunú profeta aidauk, 
\q1 anentaimas dekamin aidaujai shiig datsantan juwakagtinai. 
\q1 Wagki Apajuí jintinchamush wajinak etsegkatnume nuninak 
\q1 wainak chichá yuja nunak itatjatnai. 
\q1  
\v 8 Untsu minaig Tuke Pujuu Wakani pujau asa, 
\q1 nunú minak senchimtijawai. 
\q1 Nuadui wika Apajuík dekas 
\q1 shiig betek imatikas takawai tajai. 
\q1 Tuja nuigtushkam Israel aents aidauk 
\q1 pegkegchau intimkiu ainawai tajai. 
\s1 Jerusalén tsaikbau 
\q1  
\v 9 Apajuí chichaak: 
\q1 “Israel aents aidaun apuji aidautijum antuktajum. 
\q1 Atumek tsanumtsuk shiig takata duka dakitajume, 
\q1 tuja chicham umiktina dushakam yapajiajum takagme. 
\q1  
\v 10 Jerusalégnumak, 
\q1 tuja mina jegag pegkegma nuwishkam, 
\q1 pegkegchau takat, tuja magkagtut aina duka 
\q1 makichkish mijamtsuk tuke imani awai. 
\q1  
\v 11 Apu chichama epegkin aidauk ya kuichkin akikmawa nuna yainawai, 
\q1 tuja sacerdote aidaushkam kuichkin akigkatnume tusa jintinkagtuinawai. 
\q1 Profeta aidaushkam kuichik akiam chichaman etsejuinawai, 
\q1 nuninak: ‘Tuke Pujuu jutijaig pujawai, 
\q1 nuadui suwimkanak amaschattawai’, tuinawai. 
\q1  
\v 12 Atumi pegkegchaujin mina jegag pegkegma duka tsainkattawai, 
\q1 tuja atumi pegkegchaujin Jerusalégkak tsaikam aents atsau bashiak asattawai. 
\q1 Tuja muja pegkejam Siógkak dupa ijiam asattawai”, tawai. 
\c 4  
\s1 Tuke Pujuu ashí nugkanum inamjatin 
\q1  
\v 1 Tuke Pujuu jee pegkejam awa nunú mujak, 
\q1 tikich muja aidaun nagkaesau dekas muja shiig múun atinai. 
\q1 Nunú mujanum ashí aents tikich nugkanmaya aidau 
\q1 shiig kuashat kauniagtinai. 
\q1  
\v 2 Kuashat aents nugka muunnumia aidau kaunainak: 
\q1 “¡Minitajum muja Tuke Pujuunua nuwi wakagmi, 
\q1 nunika Jacopa Apajuíjiya nuna jeen jegawagmi, 
\q1 awi Tuke Pujuu niina chichame umiktin agagbauwa nuna 
\q1 jintinjamamtai, iish nunú antuka umikagmi!” tiagtinai. 
\q1  
\v 3 Tuke Pujuu aents nugka muunnumia aidaunak, 
\q1 tuja atushtanmaya aidaunashkam suwimkan susattawai. 
\q1 Tuja utugchat ataishkam nii epegkeatnai. 
\q1 Nuadui dita aidauk puyagjinak 
\q1 ajak ajakmaku takatain najankagtinai, 
\q1 untsu nagki aidaunak trigo tsupitain najankagtinai. 
\q1 Dutikawaju asag nugka muunnumiagkesh 
\q1 tikichjai maaniauk makichkish atsutnai. 
\q1 Tuja maaniatag tusa uminku 
\q1 suntagmaebaushkam atsustinai. 
\q1  
\v 4 Nuadui ashí aents aidauk ishamkagtutsuk 
\q1 maki makichik dita uva ajakbaujin, higo ajakbaujin 
\q1 nuna wakentin bikintunum shiig agkan 
\q1 ayamainak batsamsatnai. 
\q1 ¡Nunak dekas Tuke Pujuu ashí senchigtina nunú aatus tawai! 
\q1  
\v 5 Tuja tikich aents aidauk 
\q1 dita apajuímtaiji aidaun umijuinawai; 
\q1 dita núninakuish, iik Tuke Pujuu iina Apajuíjiya nunú 
\q1 atakea duish tuke umigkatin ainaji. 
\b  
\q1  
\v 6-7 Tuja junashkam Tuke Pujuu chichaak: 
\q1 “Mina aentsug aidauk 
\q1 wi suwimak susam waituidau asag, 
\q1 uwigjai betek yawekag, shutusag wainak yujawai. 
\q1 Tujash dukap atsuk ataktu yajuakan ijumjattajai. 
\q1 Nunú tsawan jegamtai, 
\q1 ujumak iwaku batsatun yajuaka ijumjan, 
\q1 ataktu shiig kuashat senchigtin awajsatnaitjai. 
\q1 Dutikan wi dita apuji wajasan 
\q1 mina jegag pegkegma nuwi pujusan inamjatnaitjai. 
\q1  
\v 8 Muja Siógkah, ame yaakat Jerusalén mina 
\q1 aneetaijua nunú ejakam kuitamin ayume, 
\q1 nuadui ataktu yaunchuk aayum iman wajastatme. 
\q1 ¡Ame atatme mina aentsug aina nuna 
\q1 dekas yaaktaji shiig múun!”\f + \fr 4:8 \ft “Yaakat shiig múun” tawa nunak apach chichamnum “capital” tawa nunú taku taji.\f* tawai. 
\q1  
\v 9-10 “¿Wagka tujash Jerusalégka amesh 
\q1 nuwa uchin najaimak buutama imanikmesh buutme? 
\q1 Amek wainkamek buutmaitsume, 
\q1 amina apugmik pujawai, 
\q1 tuja apu chichagkagtin aidaushkam batsatui. 
\q1 Dekas buuttag takumek, amina aentsjum aidau 
\q1 ukugmakiag ikam ajanum batsatun, 
\q1 babilonianmaya aidau achijag yajuakagtina nunú 
\q1 anentaimsam buutta. 
\q1 Dutikawagmataish, wi ditanak ayamjukan 
\q1 uwemtikjan agkanmitkawagtinaitjai. 
\b  
\q1  
\v 11 “Kuashat aents nugka muunnumia aidau 
\q1 amina shiwagmatjamainau asag chichainak: 
\q1 ‘¡Utusag Jerusalégkan tsaikanum tusa wakegaji!’ tuinawai. 
\q1  
\v 12 Tujash nunú aents aidauk Apajuísh wajinak dutikatag tawa nunak shiig dekainatsui, 
\q1 Apajuí ditanak trigo tsupija ijumja jigkatiama 
\q1 numamtuk awajkatta nuna 
\q1 ditak dekainachu asa tuu yujawai. 
\q1  
\v 13 ¡Pai Jerusalégkah! 
\q1 ¡Nantakta, nunikam dekegka tsaikta! 
\q1 Wagki Apajuí chichaak: 
\q1 ‘Wi aminak depetmakti tusan toro senchia iman, 
\q1 kachuji jiju hierro katsugma ibau, 
\q1 nuigtush nanchiki bronce katsugma iman awajsattagme. 
\q1 Dutika ai depetkam dita wajiji kasamka ijumtai aina nunú 
\q1 ashí yajutkam mina sujustinaitme, 
\q1 wagki ashí nugka duka midau ainawai’, tawai Apajuí”, 
\q1 tiuwai Miqueas. 
\c 5  
\s1 David wegantunmaya apu wajas inamjatin 
\q1  
\v 1 Jerusalégnumia aidautigminak tentempawaje, 
\q1 atum ayamjumaktinjum umintsatajum. 
\q1 Apajuí atumi shiwaajum aina nuna ishituk, 
\q1 Israel aents aidau apujin senchi suwimkan susattawai. 
\q1  
\v 2 Untsu Belén Efrata tuuta awagmatia, 
\q1 nuwiya aidautigmek, tikich Judá wegantu aina nujai 
\q1 diismash ujumchik ainagme. 
\q1 Nuninuch ainayatkujum, 
\q1 eme anentsa chichagtai atinaitjume. 
\q1 Wagki atumi patayi aajakua nuwiya 
\q1 apu atin akiina Judá wegantunum inamjattawai.\f + \fr 5:2 \ft Juju versículonum chichá duka Mt. 2.6numshakam augmatui.\f* 
\q1  
\v 3 Tuja Tuke Pujuuk 
\q1 nuwa uchin uchigmaktin ejapjuk puja 
\q1 nunú uchigmakmatai, 
\q1 niina aentsji aidaunak ataktu yaigtin asa, 
\q1 yamai nagkamas ima ditanak idaiwai. 
\q1 Nunú uchi akiinamtai, tikich Israel aents aidau 
\q1 shiwag amuam iwaku juwaku aidau 
\q1 dita patayi aidaujai ijunjagtinai. 
\q1  
\v 4 Nunikagmatai aents uwija kuitamnujai betek 
\q1 nunú apu Apajuí senchijijai ditan kuitamkatnai. 
\q1 Tuja nunú apuk ashí nugka nagkatkamunmash inamjatnai. 
\q1  
\v 5 Nuniak nii agkan pujutan amastinai. 
\q1 Tuja asirianmaya aidau iina nugken utsanawag 
\q1 jega múun aidaun atanjamjatag tuinakuig, 
\q1 siete apu aidau ocho suntaja apuji aidaujai 
\q1 ditan jetektinme tusa ishiaktatji. 
\q1  
\v 6 Dutika depetka Asiria, Nimrotan nugkega nunú utsaantua ii jukitnaitji. 
\s1 Shiwag aidau ijinatin 
\q1  
\v 7-8 Tuja maaniamunum jinachaju aidauk 
\q1 tikich aents aidaujai apatka diismash, 
\q1 chijichi yumi ukatchamaitak, 
\q1 Tuke Pujuu yumi yutumtijamu yutak uchupjam 
\q1 pegkegchin iwagnama iman agtinai. 
\q1 Tuja nuigtushkam león tagku wenuken waya, 
\q1 uwig aidaun ashí ijinama iman agtinai. 
\q1  
\v 9 Tuke Pujuuwah, amek amina shiwaajum aidauk 
\q1 imatika jetekam ashí ijinatnaitme. 
\s1 Ashí tsaikbau 
\p  
\v 10 Tuke Pujuu chichaak: 
\q1 “Nunú tsawan jegatna duwi, 
\q1 amina caballojum maanitai aidaunak 
\q1 ashí ijituattagme, 
\q1 dutikakun carrojum aidaunashkam tsaigkattagme. 
\q1  
\v 11 Tuja yaaktajum aidaunashkam kumpin jiigbau ayá nujai ashí tsaiktinaitjai. 
\q1  
\v 12 Tunchijum aidaunak, 
\q1 anentaimas dekamin aidaujaí ashí ijituattagme. 
\q1  
\v 13 Amina apajuímtaijum aidaunak, 
\q1 tuja dakumka kaya najanamu aina nujai ashí tsaiktatjai. 
\q1 Dutika ai ame najanamu emematu pujam duka 
\q1 ataktuk emematchatnaitme. 
\q1  
\v 14 Yaaktajum aidaunak ashí tsaiktatjai, 
\q1 tuja amina apajuímtaijum Astarté, 
\q1 dakumka najanamua nunashkam, 
\q1 numi aidau emematam nujai tsaiktatjai. 
\q1  
\v 15 Ashí aents tikich nugkanmaya aidau 
\q1 mina umigtutan dakitjau aina nunak 
\q1 mina umigtukchagbaunum iikmakun 
\q1 shiig senchi suwimkan susagtatjai”, tawai. 
\c 6  
\s1 Apajuí Israel aents aidaun kajegkamu 
\q1  
\v 1-2 Israel aents aidauwah, shiig antuktajum. 
\q1 Tuke Pujuu atumin kajegtamak chichaak: 
\q1 “Mina aentsug aidauwah, 
\q1 atumi utugchatjumin dekajuajime, 
\q1 nuniku asan, yamai ayamjumaktajum tajime. 
\q1 Atum ayamjumaku chichamun antukag, 
\q1 nunak dekas tawai tusa amina yaimpakagtina nunú, 
\q1 muja aidau, nain aidau untsuka ijumjam, 
\q1 atum antugtagmin chichamjumaktajai titajum. 
\b  
\q1  
\v 3 “Tujash nunú ame eke chichaktin aminig wi tajame: 
\q1 ¿Wisha aminash itugkamjame? Atsa dutikachkunush 
\q1 ¿wajinma pegkegchaush awajkajame? Nunú tujutta. 
\q1  
\v 4 Atumek Egipto nugkanum inaku waitkatai batsatutigmin 
\q1 wi jiijan agkanmitkauwaitjime; 
\q1 atumin yaimpakag jiipagtinme tusan 
\q1 Moisésan, Aarógkan, Marían ishiakamiajai. 
\q1  
\v 5 Mina aentsug aidauwah, 
\q1 Moab nugkan apuji Balac 
\q1 atumin pegkegchaunum yumigtamjatag tuyi, 
\q1 tujash Balaam mina daajui atumin 
\q1 pegkegnum yumigtamjabia nunú adeagtajum. 
\q1 Tuja nuigtushkam Sitim nugkanum juwaki, 
\q1 Guilgal shimamunmash waji utugchat igkugkabiugme 
\q1 nunú kajimattsuk aneaku atajum. Nuniakjum, 
\q1 dekas Tuke Pujuuwap yaimpakuita titajum”, tiuwai. 
\q1  
\v 6 Tusa timatai dita chichainak: 
\q1 “Tuke Pujuuwah, amek múuntaitme. 
\q1 ¿Ame emematkuish, iish waji jukiya aminish tamainaitji? 
\q1 ¿Toro tsakat makichik mijanji ajamu maa 
\q1 nuna neje ashí apeakuika emematmainaitag? 
\q1 Tujash amek duka wakegatsme. 
\q1  
\v 7 Dutikachkuish mil carnerok, 
\q1 atsa diez mil namak amaina ibau kuashtak 
\q1 aceite anentag amamainaitag. 
\q1 Tuja dushakam aminak shiig awajtamtsui; 
\q1 amek iina tudaujinig iina uchiji iwai aina nuna 
\q1 sujustinme tusamkesh tatsume”, tuidau. 
\q1  
\v 8 Tuke Pujuuk atumnak tuwita pegkejash, 
\q1 tuja aminunash wajina wakegawa nunak 
\q1 yaunchuk ujapakagmae. 
\q1 Duka utugchatchauwai shiig yupichuchi, 
\q1 tuja duka juju ainawai: 
\q1 Shiig takata nunú aneetajum, 
\q1 nuniakjum aents imanchauch aidaush wait anenjatajum, 
\q1 nuniakjum emematsuk ima minak emematjitajum 
\q1 tusa Apajuík wakegawai. 
\c 7  
\s1 Apajuík niina aentsji aidaunak wait anentug tsagkujawai 
\p  
\v 18 “Apajuíjuh, tikich Apajuí amejai betekak atsawai. 
\q1 “Amek amina aentsjum ujumak iwaku batsata 
\q1 nuna pegkegchauji tsagkujakum, 
\q1 intimtaiji aidaush kajimatkim idaime. 
\q1 Amek jutii aidauti anejatu asam, 
\q1 kajekmesh tuke nunismekek pujatsme. 
\q1  
\v 19 Nuadui wait aneasam ataktu wait anenkagtujam, 
\q1 iina tudauji aidauk 
\q1 dekas nayantsa kunajin ajugka ajapata. 
\q1  
\v 20 ¡Iina apachji Abraham, Jacob, 
\q1 nuigtu tikich iina muunji aajaku aidau 
\q1 anagkuawaitam duka, 
\q1 dutiksamek wait aneasam amina anenkagmin 
\q1 tuke kuitamkagtuktin ata!” tiajui.