\id JON - Aguaruna 
\h Jonás 
\toc1 Jonás 
\toc2 (Jonás) 
\toc3 Jon. 
\mt1 Jonás 
\c 1  
\ms1 Jonás awematatama intimkiuwa nunú, nayantsanum ajugkajua nujai pachisa agagbau 
\mr (1.1-16) 
\s1 Jonás Apajuín intimjukbau 
\p  
\v 1 Amitai uchiji Jonásan Apajuí chichajak:  
\v 2 “Nínive yaakat múunta nuwi wetá. Nunikam dita chichagkum, atumi pegkegchaujig Apajuíyai ashí wantinkae. Nuadui Apajuí suwimkan susagtatjai tujamui tusam ujakta”, tiuwai. 
\p  
\v 3 Tusa timaitak Nínive wemainun ukuak, dekas tikich nugkanum Apajuísh waitmainchaunum wetajai tusa, yaakat Jope lancha anumtaijin jegauwai. Nunik jegakma makichik lancha wetatus uminas tepaun wainkauwai. Nunik España nugkanum yaakat Tarsis atushat asamtai, imanui weakun Apajuín uumjuka ukuktajai tusa shiig aneas akikmak egkemjauwai.  
\v 4 Tuja lancha juwaki nayantsanum ejapean wegai, pachiachbau Apajuí dasen shiig senchi dasenmitkatai, nayants senchi tsukatu. Imaniau asamtai lanchak tsainkattak wajau.  
\v 5 Imanitai aents lanchanum takau aidau chimpijuk ishamainak, kujaukmaikia senchi untsu untsumak dita apajuíjin segaidau nii yaimpakti tusag. Nuninak lancha tepeawai takunti tusag, waji aidau chimpijunak nayantsanum utsaawajui. Imaaninai Jonásak initak waji chimpitainum waya shiig kanak egketu.  
\v 6 Nunittaman lanchanum takau aidaun apuji jegantun chichajak: 
\p “¿Kaja wajasuh, amesh juwish waji kanush egkemtame? ¡Nantakim amina Apajuíjum segata! ¡Wait anenjamag yaimpakchaintash!” tau. 
\p  
\v 7 Tusa tayatak dita ditak pempeentunikiag chichainak: 
\p “Yana utugchatjinig imajush iyanjamjae nunú dekaami”, tuidau. 
\p Tusag nunú dekataiyai dekapkamá Jonásan ejeyajui.  
\v 8 Nunikmatai Jonásan iniinak: 
\p “¿Wagka jusha imajush iyanjamae? nunú ujajatkata, tuja amesh ¿wajinma takauwaitme? ¿Tuwiyamea miname? ¿Tuita nugkemesh? ¿Ya aentsuitpa?” tusa inidau. 
\p  
\v 9 Tusa iniam Jonás ditan ayaak: 
\p “Wika hebreo aentsuitjai, wika Tuke Pujuu Apajuí ashí najankauwa nuna emematnaitjai. Juka mina utugchatjui. Junak wi Tuke Pujuun uumjukan ukuakun tupikag duwi imaniawai”, tau. 
\p  
\v 10-11 Tusa tutai, daseshkam aan senchi dasentak nuni senchi ishamain wajau asamtai, senchi ishamaidau asag chichajuinak: 
\p “Juka amek pegkegchau aní wekaeme. ¿Dase mijaakti tusaish iish amesh utugmainaitji?” tuidau. 
\p  
\v 12 Tusa tama nii aimak: “Juju dase ishamain waja duka dekas mina utugchatjui imaniawai. Dekas minak nayantsanum ajunkatajum, dutijuawagmin nayants tsukatak ishamain waja nunak mijaktatui”, tau. 
\p  
\v 13 Tuja nayantsanum yujatan yacha aidauk shiig senchi wiyantuidau anumkami tusag, tujash nayants nuni senchi dasentu asamtai, anumainchau dekapedau.  
\v 14 Nunidau asag Apajuín segainak: “Tuke Pujuuwah, juju aentsua juna tudaujin jinaati tusamek idaikagtusaipa. Nii jamainnumak ii aidautik waitbaitsuji. Juka ame diisam jutikame”, tuidau  
\v 15 Nuna tusag Jonásan jukiag nayantsanum ajugkajui, dutikawagmatai nayants senchi tsukatbaunak mijaakui.  
\v 16 Nunik mijakmatai, lanchanum takau aidau chichainak: “Tuke Pujuuk dekas senchigtinai iman asamtai, yamai nagkamsaik dekas Apajuí tuke umigkagmi”, tiajui. Nuna tusag kuntinun maa apeenak Apajuín emematiajui. 
\s1 Jonás namaka ampujin pujusa Apajuí segamu 
\p  
\v 17 Tuke Pujuu Jonásnak namak muuntan akuptukui, nunú Jonás nayantsanum iyaittaman kujajui. Dutika kujajam kampatum tsawan, kampatum kashi namaka ampujin pujusui. 
\c 2  
\s1 Jonás Apajuín ausamu 
\p  
\v 1 Nunik Jonásak namaka ampujin egkemas Tuke Pujuu niina Apajuíjin aujak,  
\v 2 aatus tiuwai: 
\b  
\q1 “Tuke Pujuuwah, namaka initken tepeakun jajapi tibaijai. 
\q1 Ashí jakan amina untsukmaijame, 
\q1 dutika ai ame minak yainkabiume. 
\q1  
\v 3 Dekas nayantsa kunajin ajunkabiume, 
\q1 ayatak yuminum egkemkan wekaebaijai. 
\q1 Wainchi ishamain ame awemamu 
\q1 tuku tukuji nagkaetibi. 
\q1  
\v 4 Minak dekas ajapjuaumeapi tibaijai, 
\q1 tuja amina jem pegkegma nunak 
\q1 ataktu awagkinuk wainkashtinapitja tibaijai. 
\q1  
\v 5 Shiig initak tepeabiajai, 
\q1 nayants ijitua emegkatkabi, 
\q1 initkanmaya dupa aidau buukjun pempenjibi. 
\q1  
\v 6 Shiig initak tepean nugkanum jegabiajai, 
\q1 tuke jiinkishtinapitja tibaijai. 
\q1 Tujash Tuke Pujuuwah, mina Apajuíjuh, ame minak uwemtijugmayume. 
\q1  
\v 7 Tikima jakun aminí anentaimjan, 
\q1 untsukmaijame. Tusa untsumai 
\q1 ame amina jem pegkegma nuwi pujusam antugtukmayume. 
\q1  
\v 8 Wainka apajuímtai aidaun emematuinak 
\q1 ima aminak umigtamainun idayinawai. 
\q1  
\v 9 Tujash wika kuntinun maa apeakun amina ememattatjame, 
\q1 nuniakun wi amina ememattatjame tusan 
\q1 tiuwaitjam nunak imatiksanuk umiktatjai. 
\q1 ¡Wagki ameketme uwemtikagtinmek!” tiuwai. 
\b  
\p  
\v 10 Tusa aatus timatai, Tuke Pujuu nunú namak Jonásan kukag iyakti tiuwai. Tusa tima Jonásan kukag iyakui. 
\c 3  
\ms1 Jonás yaakat Nínivenum chichagkagtukbau 
\s1 Nínivenmaya aents aidau Apajuín umigkagbau 
\p  
\v 1 Tuke Pujuu Jonásan ataktu chichajak:  
\v 2 “Nínive yaakat múunta nuwi wetá. Nunika jegaam wi amina akatjattajam nunú etsegkata”, tiuwai. 
\p  
\v 3 Tusa tima, Apajuí tibaun umiak Nínivenum weuwai. Yaakat Nínivek shiig múun asamtai, ashí wekaesa wainkatag takuik, kampatum tsawantai tenteemain aajakui.  
\v 4 Nunú yaaktanum Jonás waya makichik tsawan Apajuí chichamen etsejak: “¡Juju yaaktanak Apajuí cuarenta tsawan asa tsaiktatui!” tau. 
\p  
\v 5 Tusa etsegtai, ashí aents Nínivenmaya aidauk uchinum nagkamas múun aidaushkam pegkegchau takatnak idayinak, dekas Apajuí umigkagmi tuidau. Nuna tusag wake besemag dekapenak, jáanch pegkegchaun nugkukag yujumkan ijagmawag Apajuín segainak batsatu.  
\v 6 Tuja Níniven apujishkam nuna dekauwai. Nunik niishkam ekemsa inamtaijin eketu wajaki, jáanch apu nugkutai nugkuagbaunak awimak ukuak, jáanch pegkegchaun nugkuja nugká pujusui. Nunak Apajuín eme anentus nunikui.  
\v 7 Nunik pempeenmawaik, apu niina atuwe aidaujai chichaman umika ashí aents Nínivenmaya aidaun akuptak: “Makichik aentskesh yujumkanak yuwashtinme. Tuja tagku aidaushkam ayugnashti, yumish sunaschati.  
\v 8 Duka puyatjutsuk ashí aents aidautijum wake besemag pujaku nugkutai jáanch pegkegchau aidau nugkuktajum, nunikjum Apajuí senchi untsuktajum. Nuniakjum maki makichkitijum pegkegchau takamtaijum, magkagtutaijum aidaujai idaisatajum.  
\v 9 Nunika ajinish Apajuí iina kajegtamak suwimkan amastag tiu akush, wait anenjamag tsagkugtamjamtai jinutsuk iwaku pujuschainjiash”, tiuwai. 
\p  
\v 10 Tuja ashí aents Nínevenmaya aidau pegkegchau takatan idaisagmatai, Apajuí suwimkan susatjai tiuwaitak, dekas dutikashtatjai tusa idaisauwai. 
\c 4  
\s1 Jonás kajekbau 
\p  
\v 1 Apajuí Nínivenmaya aents aidaun tsagkujug suwimkan sutsuk idaisamtai, Jonás senchi kajekui.  
\v 2 Nunik Tuke Pujuun chichajak: 
\p “Tuke Pujuuwah, wika juna aneasan tuyajai. Wi mina nugkajui pujusan anentaibiag duka imatiksamek umikume. Amek Apajuí pegkeg, wait anenkagtin, wamak kajechu, anentak wajasuitam iman asam, suwimkan susattajai timesh awake anentaimjam, suwimak sutsuk idainaitam nuna dekau asan, wika amina ukukin Tarsis nugkanum atushat tupikaktajai tibaijai.  
\v 3 Ame suwimak sutsuk idayam nunú minak shiig awajtatsui. Aaní pujutnaitkumek dekas minak mantuata. Iwaku pujusan ame suwimak suwatsum dutikakmin anentaimku waittan dakitajai”, tiuwai. 
\p  
\v 4 Tujash Tuke Pujuu niina ayaak: 
\p “¿Amesh wagka wainkamesh kajeame?” tiuwai. 
\p  
\v 5 Tusa tima yaaktanum pujau jiinki, etsa minitaiya nuni yantamnum numi kupig pataja bikintu wajasmatai, nuwi waig ekemas Apajuísh yaaktanash itugkatig tusa diyaak eketu.  
\v 6 Nuwi pujaig Tuke Pujuu makichik ajakan tsapapiuwai, dutikam nunú Jonás pujamun bikintu awajsauwai. Nuni yaigkui Apajuí Jonásan senchi etsa sukuak waitkasai tusa. Dutikam Jonásak shiig aneas nuna wakentin bikintunum pujau.  
\v 7 Nunik pujai tsawak kashikmas Apajuí shuni numin yuwati tima yuwauwai. Dutikam nunú numi jakauwai.  
\v 8 Nuniku ai kashikmas etsa jiinai, Apajuí dase sukutnun etsa akaetaiya nuwiyan dasenmitkakui. Nunú shiig senchi sukuam Jonás jamain dekapeak: 
\p “Iwaku pujutnak dakitajai, jakatag tajai”, wajau. 
\p  
\v 9 Imattai Apajuí chichajak: 
\p “¿Anú numi jakamtai kajeam dusha pegkejan aniajai tamek?” tau. Tusa tama Jonás ayaak: 
\p “Ehe, wika pegkejan aniajai. ¡Senchi kajeakun jajai!” tiuwai. 
\p  
\v 10 Tusa tutai Tuke Pujuu chichajak: 
\p “Aanka ame ajachbau, tuja nuigtush ame tsakapagchamu nigki kashi tsapai tsakaja, tikich kashia duwi jaka tsawaja nunú ame puyatjame.  
\v 11 ¿Ame numikesh puyatjam nunash, wi ciento veinte milan nagkaesau aents Nínivenmaya aidau shiig dekachu asag uchijai betek yuja nuna, nuigtu kuashat kuntinchakam ayá nuna wait anenjashtag? Nuadui wika wait anentajai”, tiuwai Apajuí.