\id AMO - Aguaruna 
\h Amós 
\toc1 Amós 
\toc2 (Amós) 
\toc3 Am. 
\mt1 Amós 
\c 1  
\s1 Apajuí kajekbau 
\p  
\v 1 Nugka uugbau atin jimag mijan ai, Ozías Judá wegantu aidaun apuji, tuja Jeroboam Joása uchiji Israel aents aidaun apuji aatus batsamajaku aina nunú tsawantin, Amós uwija kuitamin yaakat Tecoanmaya aajakua nuna Apajuí akatjauwai. Dutikam Israel aents aidaun ujakui. 
\b  
\p  
\v 2 Nunak aatus tiuwai: 
\q1 “Tuke Pujuu kajeka Jerusalén pujus chichataik, 
\q1 chijichi aidauk kagaka jinawai, 
\q1 tuja muja Carmelonum ajak pegkeg wegajushkam kagaka jinawai.” 
\s1 Ashí aents Apajuín umigchau aidau suwimkan jukiagtin pachisa etsegkamu 
\p  
\v 3 Tuke Pujuu chichaak: 
\q1 “Damasconmaya aidauk ayatak tudauk ainawai. 
\q1 Iman asagmatai, makichkish tsagkujachagtatjai. 
\q1 Wagki ditak galaadnumia aents aidaun 
\q1 trigo dekegka tsaimaina imatikawajui. 
\q1  
\v 4 Nuadui jega apu Hazael 
\q1 pujusa inamtaijiya nunak apejuattajai, 
\q1 dutika ai nunú kegak niina uchiji Ben-hadad 
\q1 pujusa inamtaijiya nunashkam apeattawai. 
\q1  
\v 5 Damasco waitijinak tegajattajai, dutika utuan, 
\q1 Bicat-avénkan apujin Bet-edénkan apujijai mai maattajai. 
\q1 Dutikamtai atum aidautigminak achigmajag 
\q1 Quir nugkanum yajupakagtatui”, tawai Tuke Pujuu. 
\b  
\q1  
\v 6 Nuigtu Tuke Pujuu chichaak: 
\q1 “Gazanmaya aents aina duka ayatak pegkegchauk ainawai. 
\q1 Iman asagmatai, makichkish tsagkujachagtatjai. 
\q1 Nuigtush kuashat aentsun achija yajuakag 
\q1 Edom aents aidaunum sujujajui, 
\q1 dita inake atinme tusag. 
\q1  
\v 7 Nuadui yaakat Gaza peejamua nunak ashí apejuattajai, 
\q1 dutika ai nunú kegak apu pujusa inamtainak ashí apeattawai. 
\q1  
\v 8 Tuja apu Ashdodnum puja nunak 
\q1 Ascalónkan apujiya nujai mai tsaiktatjai, 
\q1 dutikakun wi kajekbaujui utuan 
\q1 filisteo aents aidaunak ijinattajai. 
\q1 Dutikakun ecrógnumianashkam wi kajekbaujui ijinattajai. 
\q1 Nunak dekas uminkatnun tajai”, tawai Tuke Pujuu. 
\b  
\q1  
\v 9 Tuke Pujuu nuigtu chichaak: 
\q1 “Tironmaya aents aidauk ayatak pegkegchauk ainawai. 
\q1 Iman asagmatai, makichkish tsagkujachagtatjai. 
\q1 Wagki ditak tikich aents aidau 
\q1 dita yachi yachijaig chichama umikag batsatunash 
\q1 ajaantus diitsuk achija yajuakag, 
\q1 Edom aents aidaun inake atinme tusag ashí sujujajui. 
\q1  
\v 10 Nuadui yaakat Tiro peejamua nunak apejuattajai, 
\q1 dutika ai nunú kegak apu pujusa inamtain ashí apeattawai.” 
\b  
\q1  
\v 11 Tuja junashkam Tuke Pujuu chichaak: 
\q1 “Edom aents aidauk, ayatak pegkegchauk ainawai. 
\q1 Iman asagmatai, makichkish tsagkujachagtatjai. 
\q1 Wagki ditak dita yachi Israel aents aidaun 
\q1 tuke kajejin asag, 
\q1 dita kajetin umiinak pempeentukiag ai aintuinakua, 
\q1 makichkish wait anentsuk puyajai ijinawaju ainawai. 
\q1  
\v 12 Nuadui yaakat Temágnak apejuattajai, 
\q1 dutika ai nunú kegak apu pujusa inamtain 
\q1 Boshránum awa nunak ashí apeattawai”, tawai. 
\b  
\q1  
\v 13 Junashkam Tuke Pujuu chichaak: 
\q1 “Amón aents aidauk ayatak pegkegchauk ainawai. 
\q1 Iman asagmatai, makichkish tsagkujachagtatjai. 
\q1 Wagki ditak kuashat nugkan jukitag tuidau asag, 
\q1 Galaad nugkanum nuwa aidaun ejapeniag ijinau ainawai. 
\q1  
\v 14 Nuadui yaakat Rabá peejamua nunak apejuattajai, 
\q1 dutika ai nunú kegak apu pujusa inamtain ashí apeattawai. 
\q1 Dutikan ijinai buutuinamu 
\q1 dase suwe wajas kedegtuwama imattatui. 
\q1  
\v 15 Tuja dita apujinak, niina atuwe tikich apu aidaujai 
\q1 achikag, yaja tikich nugkanum jukiagtinai. 
\q1 Witjai Tuke Pujuunuk, nunak dekas uminkatnun tajai.” 
\c 2  
\q1  
\v 1 Tuke Pujuu chichaak: 
\q1 “Moab aents aina duka ayatak pegkegchauk ainawai. 
\q1 Iman asagmatai, makichkish tsagkujachagtatjai. 
\q1 Wagki ditak Edom aents aidaun apujin 
\q1 ukunchin apeawag yuku awajsajui. 
\q1  
\v 2 Nuadui Moab nugkanak apeattajai, 
\q1 dutika ai nunú kegak apu pujusa inamtain 
\q1 Quiriotnum awa nuna apeattawai. 
\q1 Moab aents aidauk maaniaku untsubau, 
\q1 cornetan umpuinamu aatus pampainamunum jinawagtatui. 
\q1  
\v 3 ¡Dita apujinak, tikich apu eme anentsa diitai 
\q1 aina nujai ashí wi ijinattajai! 
\q1 Nunak Tuke Pujuu dekas uminkatnun tawai.” 
\b  
\q1  
\v 4 Tuja junashkam Tuke Pujuu chichaak: 
\q1 “Judá wegantu aina duka ayatak pegkegchauk ainawai. 
\q1 Nunin asagmatai, makichkish tsagkujachagtatjai. 
\q1 Wagki ditak Tuke Pujuu chichamen umigtsuk, 
\q1 dakumka najanamu aidaun 
\q1 dita apachji emematiu aina nuna ditashkam emematiaju ainawai. 
\q1  
\v 5 Nuadui Judá wegantu aidaun yaaktaji aina nunak apejuattajai, 
\q1 dutika ai nunú kegak apu pujusa inamtai aidau 
\q1 Jerusalén ayá nuna apeattawai.” 
\s1 Israel aents aidau dita pegkegchaujin suwimkan jukiagtin 
\q1  
\v 6 Tuke Pujuu chichaak: 
\q1 “Israel aents aina duka ayatak pegkegchauk ainawai. 
\q1 Iman asagmatai, makichkish tsagkujachagtatjai. 
\q1 Dita aidauk aents ujudauch aidaun, 
\q1 tikichi inake atinun kuichkin juwinak sujuinawai, 
\q1 dutikaidau asag sapatjaiyaske yapajinawai. 
\q1  
\v 7 Tuja aents ujudauch aidaunak tikima shiig senchi waitkainawai, 
\q1 dutikaidau asag makichkish yainatsui. 
\q1 Múun aidauk, uchijijai makichik nuwanak jimagtu yujawai. 
\q1 Nuninak kajetan sujuinawai. 
\q1  
\v 8 Aents ujudauch aidau jáanchjin 
\q1 diwijum akikmaku jukita tusa 
\q1 emetjuamu aidaun ainak tepesag, 
\q1 dita apajuímtaijin emematuinak yujumkan yuu batsatui. 
\q1 Aents diwimkagtukchaunak akikmakta tusag 
\q1 kuichkin atankiag, 
\q1 nunú kuichkia duwi vinon sumakag, 
\q1 dita apajuímtaiji jegamjukbaunum wayawag umú yujawai. 
\q1  
\v 9-10 Israel aents aidauwah, 
\q1 wi atumnak Egipto nugkanum waitu batsatutigmin jiigmaijime, 
\q1 dutika yajuakan wi kuitamsan 
\q1 cuarenta mijan uwegshunum awekasuitjime. 
\q1 Dutikakun atumi shiwaajum amorreo aents aidau 
\q1 shiig senchigtin esajam wajatpakin aidaunak 
\q1 ashí ijinan dita nugken atumin amasuitjime. 
\q1  
\v 11 Atumi uchijum aidaunmayan profeta agtinun etegjauwaitjai, 
\q1 tuja tikich aidaunak nazareo atinme tusan nunashkam akanjauwaitjai. 
\q1 Tuke Pujuu nunak dekas nunikua nuna tawai. 
\b  
\q1  
\v 12 “Tujash atum aidautijum 
\q1 nunú nazareo aidau vino uwagta tusajum waitkasu ainagme. 
\q1 Dutikakjum profeta aidaushkam mina chichamjun 
\q1 etsegkai tusajum dakitjauwaitjume. 
\q1  
\v 13 Nuadui, carreta trigon aimak wegak 
\q1 nugkan umuchiakui, 
\q1 wajasa ayamainchau dekapmaina imatikattajime. 
\q1  
\v 14 Nuna imatikai uwemjatag tusajum tupikakjumesh uwemjashtatjume, 
\q1 aents senchigtin akush kakaumainchau dekapjattawai. 
\q1 Tuja aents wajiushkam ayamjumakchattawai. 
\q1  
\v 15 Tuja flecha akentan yacha akush, 
\q1 senchi tupikain akush, 
\q1 caballonum tupikain akush, uwemjachagtatui. 
\q1  
\v 16 Nunú tsawantinig maanitan yacha akush, 
\q1 maanitai aidau takakbaujinak utsag ukuinak pisajagtatui. 
\q1 Nunak dekas nuniktinun Tuke Pujuu tawai”, tiuwai Amós. 
\c 3  
\s1 Profetan takatji 
\p  
\v 1 Israel aents aidauwah, atum Egipto nugkanum batsamsajum waitu batsatutigmin Tuke Pujuu jiipag agkanmitkagmawa nuna chichame antuktajum: 
\b  
\q1  
\v 2 “Ashí nugkanum aentsuk ayaig, 
\q1 ima atumnak etegkauwaitjime. 
\q1 Dutikamuitkujum pegkegchau takamsau asajum, 
\q1 nunú umiakjum diwimkagtukbau akikmamaina numamtuk 
\q1 suwimak jukittajume. 
\b  
\q1  
\v 3 “Jimag aents tsanigka wekaga nunak, 
\q1 mai antugdayas wekagu asa aniawai. 
\q1  
\v 4 León shinakug, kuntinjin maa akasmatak shinawai, 
\q1 tuja leónka uchiji waanum shinakug, 
\q1 kuntinjin mau asa akasmatak shinawai. 
\q1  
\v 5 Pishak nemak pujakug, 
\q1 nemaktinji detua ukukbaunum nemawai. 
\q1 Kuntin achiktasa dakamtika ukukbau 
\q1 tsekea nunak achika aniawai. 
\q1  
\v 6 Trompeta yaaktanum shidaun antuinakug, 
\q1 aents aidauk pampainawai. 
\q1 Utugchat yaaktanum nagkaema duka 
\q1 Tuke Pujuu nunikti tibau asa nuniawai. 
\q1  
\v 7 Tuke Pujuu niina aentsji profeta aidaun 
\q1 dekamtiktsukek nii wakegamu ataish, 
\q1 nigkik makichkish dutikatsui. 
\q1  
\v 8 León shinaun antuinakug, 
\q1 ashí ishamainak kujain ainawai. 
\q1 Tuja Tuke Pujuu profetan chichakti tamak 
\q1 niina daajin chichamainai”, tawai Apajuí. 
\s1 Yaakat Samaria tsayam atin 
\q1  
\v 9 Ashdotan apuji aidau batsatbaunum, 
\q1 Egipto apuji aidau batsatbaunum 
\q1 chicham etsegkujum: 
\q1 “Samaria mujaji aina nuwi kaunatajum”, 
\q1 tusajum ijumjatajum, 
\q1 nuwi ijunas Samaria nugkanum 
\q1 magkagtuinamu pegkegchau takainamujai 
\q1 pachimnaga awa nuna wainkatnume. 
\q1  
\v 10 Tuke Pujuu chichaak: 
\q1 “Samarianmaya aidauk shiijak takainatsui, 
\q1 aents aidaun mainak wajiji yajutkamu aidaun 
\q1 dita pujusa inamtaijin ijumag batsamtawai.” 
\q1  
\v 11 Nuadui Tuke Pujuu chichaak: 
\q1 “Shiwag aidau yaakat Samarian jetektatus tenteawagtatui, 
\q1 dutika jetekag kaya jegamkamu aidaunak tsaikag, 
\q1 apu pujusa inamtaijin waji ayaunak 
\q1 ashí yajuakagtatui”, tawai. 
\q1  
\v 12 Tuja junashkam Tuke Pujuu chichaak: 
\q1 “Uwija kuitamin uwigji yujam ayamjuktatus 
\q1 maanitkush ayatak jimag nawe ampigbaun 
\q1 nuniachkush kuishi ampigbaunakesh, 
\q1 juwama numamtuk 
\q1 atum samarianmaya aidautijum 
\q1 Damasconmaya jáanch pegkeg ainkajum 
\q1 kaji batsatjum duka 
\q1 pisakjum piipich jukijum pisagtatjume.” 
\q1  
\v 13 Nuadui Tuke Pujuu ashí senchigtina nunú ataktu chichaak: 
\q1 “Antuktajum atum aidautijum, 
\q1 nunikjum Jacob wegantu aidau 
\q1 suwimkan jukiagtata nunú pachisjum etsegkatajum. 
\q1  
\v 14 Wika dita pegkegchau takamsamujin 
\q1 suwimkan susagtatjai, 
\q1 dutikakun Betelnum dita apajuímtaijin emematuinak 
\q1 altar najankamu ayá nunak ashí tsaiktatjai, 
\q1 dutika ai nugká batsamsattawai. 
\q1  
\v 15 Wiakchan jee aidau, tsetsek tepeamtai kanutai, 
\q1 jega pegkeg umikbau aina nunak, 
\q1 esattin kanutai aina nujai tsaiktatjai. 
\q1 Tuja jega marfil jegamkamu aina nunashkam tsaiktatjai, 
\q1 tuja jega apu pujusag inamaina nunashkam 
\q1 ashí tsaiktatjai”, tawai Tuke Pujuu. 
\c 4  
\q1  
\v 1 Samarianmaya nuwa aidautijum antuktajum: 
\q1 Atumek baságnumia baka duwejam aina iman 
\q1 duwekjum batsatjume. 
\q1 Atumek ujudauch aidau senchi waitkakjum dushikiagme, 
\q1 nunin asajum atumi aishjum aidau vino sujusta uwajan nampektajai 
\q1 tusajum inaku waitkagme. 
\q1  
\v 2 Israel aents aidaun Apajuíji 
\q1 niina pegkegmajin nii umiktinun aatus tawai: 
\q1 “Atumin tsegkenai awagtamak 
\q1 japiki jujamkiagtinuk tsawan uminui, 
\q1 tuja atumi uchijum aidaunak agseayai nenakag japikiagtinai. 
\q1  
\v 3 Atumek yaakat peejamu agkaju aidaunum eteemajum maki makichik jiinjatnaitjume. 
\q1 Nunikagmin muja Hermógnum utsampakagtinai.” 
\q1 Nunak Tuke Pujuu dekas uminkatnun tawai. 
\s1 Israel aents aidauk suwimkan juinakush anentaimainachu 
\q1  
\v 4-5 “Atumek pegkegchau takat aidau 
\q1 ima wakegau asajum Betelnum shiyakjum, 
\q1 tuja Guilgalnumshakam shiyakjum, 
\q1 atumi apajuímtai dakumkamu najanamu aidau 
\q1 emematu batsamtajume. 
\q1 Atum nuniakjuminish, wika puyatjukchattajai. 
\q1 Witjai Tuke Pujuu, Israel aents aidaun Apajuíjinuk, 
\q1 nunak dekas uminkatnun tajai. 
\q1 ¡Atum wakegakjumek tunamá batsamtajum! 
\q1 Tuja atumi apajuímtaiji aidau emematkujum 
\q1 kashikmasjum kuntin maajum apeatajum. 
\q1 Dutikakjum nuigtushkam kampatum tsawan jegakui, 
\q1 atum ajakmamunmaya juukjum diezmo tuké sutajum, 
\q1 tuja tikich anentag aidaushkam susatajum, 
\q1 ashí aents aidau anentag susatnume tusajum 
\q1 etsegkatajum. 
\q1  
\v 6 Nujantai waittsatnume ti ai, 
\q1 ashí yaakat aidaunum yumain atsakui, 
\q1 nujantai waitbaijume. 
\q1 ¡Imanika waitiakjumesh atumek minak 
\q1 umigtukchabiugme! 
\b  
\q1  
\v 7 “Tuja nuigtushkam ajak juut jegau aig, 
\q1 kampatum nantui yumin yutumtijachmaijai. 
\q1 Makichik yaaktanmak yutumtijamiajai, 
\q1 untsu tikich yaaktanmak yutumtijachmaijai. 
\q1 Tikich yantamnumak yumi yutuju asamtai, 
\q1 nugka chupika pegkeg wajas amayi, 
\q1 nuniai untsu tikich yantamnum yumi yutugchau asamtai, 
\q1 ajakak kagaka amayi. 
\q1  
\v 8 Nunikmatai aents aidauk yumin egainak 
\q1 maki makichik yaaktanum yujabi, 
\q1 imanik yujainakush kuashat uwaja kitak 
\q1 amikmainnakesh wainkachagmayi, 
\q1 tuja imanika waitiakjumesh minak 
\q1 umigtukchabiugme. 
\b  
\q1  
\v 9 “Wi atumdau ajak ajakmakbau aidaunak, 
\q1 tuja numi nejen aidaunashkam ijituajime, 
\q1 atumi ajagmin manchi aidaun ishitkabiajime, 
\q1 nuigtushkam dase sukutnun uwegshunmayan 
\q1 dasenmitkakbaijai, 
\q1 tujash imanika waitiakjumesh atumek minak umigtukchabiugme. 
\q1  
\v 10 Egiptunmaya aents aidaun suwimkan susauwaitag 
\q1 imatikan suwimkan amasuitjime; 
\q1 tuja atumi uchijum aidau 
\q1 maaniamunum jinaati ti ai jinawabi. 
\q1 Nunikagmatai dita caballoji aidaun yajutkajabi, 
\q1 nunú jinaa kauku mejeakjum waitiugme, 
\q1 ¡imaniakjumesh minak umigtukchauwaitjume!” 
\q1 tawai Tuke Pujuu. 
\b  
\q1  
\v 11 Apajuí ataktu chichaak: 
\q1 “Sodomanmaya aents aidaun, 
\q1 Gomorranmaya aents aidaujai suwimka suwakun 
\q1 jii ajunjan ijinauwaitag numamtuk awajkauwaitjime atumnashkam. 
\q1 Dutika ai jii kaiji ampinjau tepegama numamtuk wajakuitjume. 
\q1 ¡Imanika waitiakjumesh minak umigtukchau ainagme!” 
\q1 tawai Tuke Pujuu. 
\b  
\q1  
\v 12 “Nunin asagmin, yaunchuk tikich aidaun 
\q1 suwimkan susauwaitag numamtuk 
\q1 awajkattajime Israel aents aidautigminak. 
\q1 Apajuí suwimkeg uwemtumainchau asajum, 
\q1 ¡umintsajum Apajuí igkugtasajum dakastajum!” 
\b  
\q1  
\v 13 Tuke Pujuuwai muja aidaun najanin, 
\q1 dasenashkam najanin, tsawainash suwe emau, 
\q1 niinu aidaunash aentsun paan dekamtikau 
\q1 ashí nugkanum wekagu. 
\q1 Tuke Pujuu, Apajuí ashí senchigtin tutaya 
\q1 nunuwai niina daajig. 
\c 5  
\s1 Pegkegchau takatak idaikujum Apajuí umigkatajum tusa Israel aents aidau chichagkamu 
\q1  
\v 1 Israel aents aidauwah, 
\q1 ishamain nagkaemaktin asamtai, 
\q1 wi wake besemag dekapeakun kantamag nunú antuktajum. 
\q1  
\v 2 Israel aents aidau imanji, 
\q1 pegkeg wajaknuwe nunú nantakchatnun iyaajaje, 
\q1 nunikag nantamainchau wajasag batsatui. 
\q1 Ditan inanmainuk atsawai. 
\b  
\p  
\v 3 Tuke Pujuu Israel aents aidaun chichajak: 
\q1 “Makichik yaaktanmaya 
\q1 mil suntag maaniamunum ishiakbauk, 
\q1 ayatak cien suntajak iwaku wakitkittawai. 
\q1 Tuja cien suntag ishiakbauk, 
\q1 ayatak diez suntag iwaku wakitkittawai”, tawai. 
\b  
\q1  
\v 4 Tuke Pujuu Israel aents aidaun nuigtu chichajak: 
\q1 “Iwaku pujustag takugmek, mina umigtuktajum. 
\q1  
\v 5 Dakumkamu aidau ememattasajum Betelnum wetin aigpajum. 
\q1 Nunú nuniakjumek ijina utsam atatjume. 
\q1 Tuja Bershebanmakesh wetin aigpajum, 
\q1 nuniachkugmesh Guilgala nunigkesh nagkaemaktin aigpajum, 
\q1 wagki nuwiya aents aidaunak ashí achijag yajuakagtinai. 
\q1 Tuja Betelak tsaikam uwejush wajas asatnai. 
\q1  
\v 6 Tuke Pujuu umigkatajum, 
\q1 nuniakjum iwaku pujustatjume, 
\q1 atum nii umigtsugminig, Israel aents aidau 
\q1 kanakag ijunjajua nuna ijinattawai. 
\q1 Betelnum dakumka najanamu apajuímtai aina nunak ekemaktatui, 
\q1 dutikamtaig makichkish ikagnakchagtatui. 
\q1  
\v 7 Aents ujudauch aidau waitkam batsata nunú 
\q1 shiig anentsajum kuitamchau, 
\q1 nuigtush aents ayamke atsaujai 
\q1 betek waitkau aidautigminak wait anentajime. 
\q1 Wagki atumek pegkeja nunú pegkegchau anentagme. 
\b  
\q1  
\v 8-9 “Apajuíyai yaya aidaun, nayaimpijai najadau, 
\q1 tsaaptinnash suwe emau, 
\q1 suwenash tsaaptin emau, 
\q1 yuminash yutumtikau. 
\q1 Apajuík yaakat peejamu aidaunash tsainai, 
\q1 tuja nunú tsaikbaunmayanak jega múun aidaun kaya ekenag jegamak uminai. 
\q1 ¡Tuke Pujuu ashí senchigtin tutaya nunuwai niina daajig! 
\q1  
\v 10 Aents shiig takantsati tusa chichamjaun 
\q1 waitjutsuk dekasken chichaujai kajeja nunak wait anentajai. 
\q1  
\v 11 Wagki ditak ujudauch aidaun tepejuk batsamtusag, 
\q1 diwijum akikmakta tusag trigo atantuinawai. 
\q1 Nunin asag, jega pegkeg aidaun 
\q1 dita jegamjajua nuwig pujuschagtatui. 
\q1 Tuja nuigtush dita uva ajakbaujiya nuwiyan 
\q1 vino najanawajag shiig aneasag uwagchagtatui. 
\q1  
\v 12 Dita aidau shiig kuashat pegkegchaun takamaina nunak 
\q1 wika shiig dekajai. 
\q1 Tuja apu chichama epegkin aidau aents pegkegchau aidaun yayaak, 
\q1 tikich aents utugchatji atsujunak suwimkan suwina 
\q1 nunak shiig dekajai. 
\q1 Nuadui chicham ataik, wiakuch aidau 
\q1 ujudauch aidaunak tuke depetuinawai. 
\q1  
\v 13 Nuadui kuashat pegkegchau takamu ayau asamtai, 
\q1 aents yacha duka takamtak pujawai. 
\b  
\q1  
\v 14 “Pegkegchau takat aina duka idaikujum, 
\q1 pegkeg takat aina nunú takastajum, 
\q1 nunú nuniakjum dukap tsawan pujustatjume. 
\q1 Nuniagmin Tuke Pujuu, ashí senchigtina nunú 
\q1 inak yaimpawai tajum nunú dekaskenum atumnak tuke yaimpaktatui. 
\q1  
\v 15 ¡Pegkegchauwa duka dakitjatajum! 
\q1 ¡Pegkeja nunú waketajum! 
\q1 Apu chichama epegkin aidautigmek, 
\q1 shiig betek chicham iwajatasajum anentaimtajum. 
\q1 Nuniagminig Tuke Pujuu, Apajuí ashí senchigtina nunú 
\q1 Israel aents aidau ujumak iwaku batsata nunash 
\q1 wait anenjachajaintash.” 
\q1  
\v 16-17 Tuke Pujuu ashí senchigtina nunú chichaak: 
\q1 “Wi atumin suwimka amastasan minitaik, 
\q1 ashí yantamnum buutiagtinai. 
\q1 Jinta aidaunum buutuidau, 
\q1 yutai ijumja sujutai aidaunum buutuidau, 
\q1 ashí plaza aidaunum buutuidau, 
\q1 uva ajakmakbau aidaunum buutuidau, 
\q1 aja aidaunum buutuidau, 
\q1 jakamunum buutuidaushkam agtatui”, 
\q1 tawai Tuke Pujuu. 
\b  
\q1  
\v 18 ¡Tuke Pujuu tattawai tusajum shiig aneautigminak 
\q1 wait anentajime! 
\q1 Atumek waji utugchatak nagkaetamkiti nunú 
\q1 dekachu asajum tuu yujagme. 
\q1 ¡Tuke Pujuu minamuk, tsaaptinuk achattawai, 
\q1 suwe ishamain atatui! 
\q1  
\v 19 Nunú tsawantinig makichik aents 
\q1 león aintam tupika wekama, chayujai igkuniak 
\q1 wajuk anentaimainaita iman atatui. 
\q1 Nuniachkush jegá waya tanishnum atumkama, 
\q1 nuwi dapi tepau esaim anentaimaina iman atatui. 
\q1  
\v 20 Duka dekaske, Tuke Pujuu minamuk 
\q1 tsaaptinuk achattawai, suwe atatui; 
\q1 ¡nunú tsawantinig shiig aneamuk achattawai, 
\q1 ayatak wake besemag atinai! 
\b  
\q1  
\v 21 ¡Jiistamtai ati tusa tsawan etegjamu aina 
\q1 nunú umiaji tusajum jiistamjum nunak shiig dakitajai! 
\q1 Tuja Apajuí emematji tusajum ijunjajum 
\q1 shiig aneajum nunashkam shiig dakitajai. 
\q1  
\v 22 Apajuí tudaun tsagkugtamjati tusajum 
\q1 kuntin maajum nuna neje ashí apeajum 
\q1 nunak wika dakitajai. 
\q1 Tuja agkan pujutan amastí tusagmeshkam, 
\q1 kuntin aidau, ajak juukbau aidaujai 
\q1 anentag kuashat ikaunmagme, 
\q1 tujash wika nunú diitnak dakitajai. 
\q1  
\v 23 ¡Juwi wainka kantama batsamtsuk, 
\q1 yaja shiyakjum kantamatajum! 
\q1 ¡Atum arpa awatjum nunú antutnak dakitajai! 
\q1  
\v 24 Aan batsamtsuk dekas 
\q1 wi shiig kuitamkagtinaitag nunisjumek, 
\q1 atumshakam tikich aidau shiig kuitamkatajum. 
\q1 ¡Atum shiig takamua duka namak kuyua 
\q1 megkaechauwa nujai betek ati! 
\p  
\v 25 “Israel aents aidauwah, atum cuarenta mijan uwegshunum yujasuitjum nuaduik, anentag aidauk minak sujuschauwaitjume.  
\v 26 Atumek Sicut atum dakumka najanamu wainka apajuímtai atum apu tajum nunú yanasa yujayugme. Nuigtushkam Quiliún atum dakumka najanamu yaya nunin aajakua nunú yanasa yujayugme.  
\v 27 Nuadui aents tikich nugkanmaya Siria nugkan nagkaiki batsamin aidau achija yajuaktinme tusan idaisattajime”, tawai Tuke Pujuu, Apajuí ashí senchigtina nunú. 
\c 6  
\s1 Apajuí Israel aents aidaun suwimak susamu 
\q1  
\v 1 Amós chichaak: 
\q1 ¡Jerusalégnumia aidau sapigmatsuk 
\q1 puyatkas batsata nunak wait anentuinajai! 
\q1 Yaakat Samaria eme anentautigminak wait anentajime. 
\q1 Juju nugka múunta nuwi apu aidautijum 
\q1 puyattsuk batsatutigminak wait anentajime. 
\q1  
\v 2 Yaakat Calné wejum diistajum, 
\q1 tuja nuwi juwakjum yaakat Hamat shiig múunta nuwi wetajum, 
\q1 nunikjum nuwi nagkaemakjum filisteo aidaun yaaktaji Gat wetajum, 
\q1 nunika jegajum nunú yaakat aidaunash itugkajamkiyi nunú diistajum. 
\q1 Atumek dita nagkaesau ainatsjume, 
\q1 tuja atumi nugkega dushakam dita nugken nagkaesauchui. 
\q1  
\v 3 Atumek suwimak jukig tusajum dakitajume, 
\q1 nuniayatkujum ayatak suwimak akumtagme. 
\q1  
\v 4 Atumek wainka batsamsajum pegak shiig pegkeg 
\q1 marfil najanamu aidaunum kaji batsatjume, 
\q1 nuniakjum kuntin pegkeg duwejam aidau yuu batsatjume. 
\q1  
\v 5 Atumek arpa wainka awatkujum kantamainchau wainka kantamjume, 
\q1 tuja kantamku awattai aidau tusajum wainka najanjume, 
\q1 nuniakjum David yacha aajakua iman anenmamjume. 
\q1  
\v 6 Atumek tsapa muunnum vino umakjum 
\q1 shiig senchi nampeagme, 
\q1 tuja dekas kugkuin pegkeg akik aina ibau nijamjume. 
\q1 ¡Nuniau asajum atumi yatsum aidau waituina duka pachiatsjume! 
\q1  
\v 7 Nunin ainajum duwi, aents aidaun achija yajumainakug 
\q1 atumna etegtamawag jujamkiagtinai, 
\q1 dutijamawagmatai atum shiig jiistama batsatjum duka 
\q1 wainka juwaktatjume. 
\b  
\p  
\v 8 Tuke Pujuu Apajuí ashí senchigtina nunú pan antumainun chichaak: 
\q1 “¡Jacob wegantu aidauk jega muuntan 
\q1 jegamag batsamas ememaidau asagmatai kajejajai! 
\q1 Nuadui dita yaaktaji aidaunak shiwag aidau tsaigkatnume 
\q1 tusan idaisattajai. 
\b  
\p  
\v 9 “Dutika ai makichik jeganum diez aents iwaku pujauk ashí ijinam agtatui.  
\v 10 Nunú aents jinau aidaun patayi aidau dita iyashin jukiag apeawagtatus kaunawag yujattaman, tikich nuna patayi aidau nuwi yujau ditan iniinak: ‘¿Tikichish atsuak?’ tusa tama: ‘Atsa, makichkish atsawai’, tiagtinai, nuna tusa: ‘¡Takamtak wajasta!’ tiagtinai. Wagki nuna inima yujas mina daajun adaikug nuni senchi suwimkan jumain asagmatai.  
\v 11 Wagki Tuke Pujuuk Israel aents aidaun suwimkan suwak, jega múun aidaun jega piipich aidaujai ashí tsaiktatui. 
\b  
\q1  
\v 12 “Atumesh anentaimsakjuah, 
\q1 ¿caballosh kayanmash tupikaumainkait? 
\q1 Tuja ¿kayanmash pukujaish ajakmamainkait? 
\q1 Tujash atumek shiig takata duka jata awajsaugme, 
\q1 dutikakjum shiig aneasa pujuta dushakam 
\q1 wake besemag awajsaugme. 
\q1  
\v 13 Atumek yaakat piipich aidau depetkajum 
\q1 ememasa chichaakjum: 
\q1 ‘Iina senchijin depetkaji’, tusajum shiig aneajume. 
\q1  
\v 14 Nuniau asagmin, Tuke Pujuu Apajuí, ashí senchigtina nunú chichagtamak: 
\q1 Shiwag aidau Hamatnum nagkamas jetepakag, 
\q1 uwejush tsumujin awa aatus ashí depetamak 
\q1 dita wagagtamkiag waitkagmastinme tusan idaisattajime”, 
\q1 tujama nunú Israel aents aidautijum shiig antuktajum, 
\q1 tiuwai Amós. 
\c 7  
\s1 Manchi aidau ajakan amuktin 
\p  
\v 1 Ajak ajakmamu nejeka tsamakmatai, apu susatnun yama nagkamchak juuka idaisamu, ataktu tsamakmatai dita yuwawagtinnak eke juwinatsaig, manchi kaketuk amuktatus uminas aun Tuke Pujuu iwaintugkabi.  
\v 2 Nunú ajak aidaun manchi kaketuk dupajai nagkamas ashí amuakui, Tuke Pujuun segaakun: 
\p “¡Tuke Pujuuwah, wait aneasam tsagkugkagtugta! Amina aentsjum Jacob wegantu aidau kuashtachua dusha manchi ajakji amutkamash ¿wajina yuwa batsamsattawa?” tibaijai. 
\p  
\v 3 Tusa tai Tuke Pujuu chichagtak: 
\p “¡Duka nunikchattawai!” tujutmayi. 
\s1 Jii kegau wainkamu 
\p  
\v 4 Junashkam Tuke Pujuu jii kegauwai suwimkan sukagtustatus umiamujin iwaintugkabi. Nunú jii kegak ashí nugkan apebi, tuja nayantsa kunajinash apebi.  
\v 5 Imatikakui wi Apajuín chichagkun: 
\p “¡Tuke Pujuuwah, wait aneasam imijkata! Amina aentsjum Jacob wegantu aidau kuashtachua dusha ¿wajuk ibaunash atsanjag pujustinme?” tibaijai. 
\p  
\v 6 Tusa tai Tuke Pujuu ditan wait anentug chichaak: 
\p “Juju suwimkashkam uminkashtatui”, timayi. 
\s1 Plomo najanamu  //  nená dekapatain takus  //  wajau wainkamu 
\p  
\v 7 Nuigtushkam Tuke Pujuu juna iwaintugkabi: Apajuí nená dekapatain plomon takus yaakat peejamunum ayaumas wajaun wainkabiajai.\fig |alt="Plumb line" src="HK00126b.tif" size="col" loc="Amos 7.7" ref="Am. 7.7" \fig* 
\v 8 Nuwi wajas inintak: 
\p “¿Amosah, jusha wajimpaya?” tujutmayi. 
\p Tujutkui wi ayaakun: 
\p “Aanka plomo, jega jegamin takau aina nunuwai”, tibaijai. 
\p Tusa tai nii chichagtak: 
\p “Juna takakag juwi mina aentsug aidaunak dekapan diistatjai, dita pujutish pegkejash aina nuna. Tuja dita pujuti pegkegchau ainakuig, makichkish tsagkujachagtatjai.  
\v 9 Isaac emematujakbau nain aidaunum ayá nunak tsaiktatjai, tuja Israel aents aidau wainka apajuímtai aidaun emematuinak jegamjamu aina nunashkam tsaiktatjai. Dutikakun Jeroboam wegantu aidaunak ijinattajai”, tujutmayi. 
\s1 Amós Amasíasjai kajegdaikamu 
\p  
\v 10 Betelnumia sacerdote Amasías Israel aents aidau apujin Jeroboaman chichaman akuptak: “Apuh, amina Amós Israel aents aidaunum wekagas chichaman umigtamui. Tuja iik nuna tujamá wekaeti tusaik idaimaitsuji.  
\v 11 Nuwi wekagas chichaak: ‘Jeroboamnak maaniamunum maawagtatui, tuja Israel aents aidaunak ashí achijag yajuakagtatui’ tusa tuu wekaewai”, tiuwai. 
\p  
\v 12 Tusa ujaka ukuak Amasías Amósan chichajak: 
\p “¡Dekamnuh, juwi pujusam tuu pujutsuk jiinkim wetá! Ame chicham etsejam nuwiya yuwa pujustag takumek, Judá wegantu aidau nugken wetá. 
\p  
\v 13 “Tujash Betelnumak nunú pachismek nuigtuk chichakaipa, wagki juju yaakta juwig dekas apu niina apajuímtaiji jegamjukbau awai”, tiuwai. 
\q1  
\v 14 Tusa tama Amós ayaak: 
\p “Wika profetachuitjai, tuja profeta achainjash tusankesh anentaimtsujai. Wika uwija kuitamkun, higo ikamia aidaun juuka sujakun, nuwiyan yuwan pujajai.  
\v 15 Nunika pujai Tuke Pujuu nuna idaimitkajak, mina chichameg Israel aents aidaunum etsegkata tujutmayi.  
\v 16 Nuadui nii tujutbaun etsejag nunú, yamai Tuke Pujuu chichame antukta. Ame chichaakum: ‘Israel aents aidau pachisam pegkegchau chichagkaipa, tuja nuigtush Isaac wegantu aidaushkam pegkegchau chichagkaipa’, tusa tame.  
\v 17 Amek tame, tujash Tuke Pujuu juna aatus tawai: ‘Juju yaakta juwi amina nuwem akika dutiktai wajastatui, amina uchijum aidaunak tuja nawanjum aina nunashkam maawagtatui. Dutikawagmatai tikich aents aidau amina nugkemnak jukiagtinai, amek amina nugkem ukukim atushat aents Apajuí nemagchau aidau nugken jakatnaitme, Israel aents aidaunak achijag nugken ukumtikiag tikich nugkanum atushat yajuakagtinai’ tawai Apajuí”, tiuwai Amós. 
\c 8  
\s1 Yujág juuka  //  chagkinum aimkamu 
\p  
\v 1 Makichik chagkinum yujág tsamaku juuka aimkam pujaun Tuke Pujuu iwaintugkabi.  
\v 2 Nuna iwaintujuk chichagtak: 
\p “¿Jusha wajimpaya?” tujutmayi. 
\p Tujutkui wi ayaakun: 
\p “Yujag juuka chagkinnum aimkamu pujawai”, tibaijai. 
\p Tusa tai, Tuke Pujuu chichagtak: 
\p “Israel aents aidau suwimak jukitnujig yujág tsamaka uminas aama numamtuk tsawantak ashí jegae. Nuadui makichkiakesh tsagkujashtatjai.  
\v 3 Nunú tsawantin kuashat aents jinaamtai, apu pujusa inamtaijinig shiig aneasa kantabauk atsutnai, ayatak wake besemag atinai. Nunú aents jinau aidaun iyashinak takamtak yajuakag utsagkagtinai”, nunak Tuke Pujuu dekas uminkatnun tawai. 
\s1 Israel aents aidaun pegkegchauji diigsa suwimak susatnuk tsawantak uminui 
\p  
\v 4 Juju nugkanmaya aents ujudauch aidaun kasajak waitkau aidautijum shiig antuktajum;  
\v 5 atum chichaakjum: “¿Trigo wamak sujukchamnush, wagka nantu yama takamunum jiistamtaya dusha tsawantash wamak nagkaematsua? Trigo sujaku kijinji imanchau aig, tsanumja kasamku kuashat kuichik jukichminush ¿wagka tsawan ayamtaish wamak nagkaematsua?” wajagme.  
\v 6 ¡Imatu asajum, trigok saepejai sujumain dekapeagme! Nunin asajum ujudauch aidauk inaku waitkatai ati tusajum kuichik piipich juwakjum sujuktag tajume, tuja nuigtush makichik sandaliayai yapajiatag tajume.  
\v 7 Nuadui Tuke Pujuu, Israel aents aidaun Apajuíji chichaak: “Atum dutikajum nunak makichkish kajimatkishtinaitjai”, tawai. 
\b  
\q1  
\v 8 Imatika waitkajum duwi nugka senchi uugtinai, 
\q1 imaniak namak Nilo dujajak ikaman utuja ataktu kuyua, 
\q1 ataktu utug kuyua wajama imanittawai. 
\q1 Imanitai aents aidauk ishamainak buutiagtinai. 
\q1  
\v 9 “Nunú tsawantinig etsag etsanjashtinai, 
\q1 tuja etsa tutupit wajas etsantu eketiatak kajinak suwe wajastinai, 
\q1 nunitai ashí nugkanmak suwe wajastinai. 
\q1  
\v 10 Atum jiistamkujum shiig aneenujum nunú 
\q1 idaikujum, aents jinamunum wake besemag 
\q1 batsamsajum ayatak buut batsamtatjume, 
\q1 nuniakjum jáanch jakamunum nugkutai 
\q1 nugkugjum yujastatjume. 
\q1 Nuniakjum pinui awamagjum, 
\q1 makichik aents uchiji makichkiuch ajamu jajukam 
\q1 wake besemag dakapeak kajeka buutama imanittagme. 
\q1  
\v 11 Yapajut tepeatin tsawan jegattawai, 
\q1 tujash duka pag atsutaigkish yumi atsutaigkish nunikchattawai; 
\q1 duka mina chichameg antuktasa yapajamujai betek wakegamu atinai. 
\q1 Nunak Tuke Pujuu dekas uminkatnun tawai. 
\q1  
\v 12 Tuke Pujuu chichamen antuktajai tusa 
\q1 ashí yantamnum nayantsa amain yujatnai, 
\q1 tujash imaaninakush mina chichamjun etsejuidaunak antukchagtinai. 
\q1  
\v 13 Nunú tsawantinig, 
\q1 nuwa muntsugtauch shigmauch aidaush, 
\q1 tuja uchi datsa wajiu aidaushkam 
\q1 pimpikiag weetuk wampainag iyainiagtinai. 
\q1  
\v 14 Tuja nuigtushkam samarianmayan, Dagnumian, 
\q1 bershebanmayan wainka apajuímtai aidaun emematiaju aidauk, 
\q1 tuke jainak wampainag iyainiagtinai. 
\q1 Nunú wainka apajuímtai aidaun jutsukaita 
\q1 dekas Apajuík tusag, ame tuke umigtai atin ata tusag 
\q1 tinu aidauk nantakchatnun tuke jak wampainag 
\q1 iyainiagtinai”, tawai Apajuí, tiuwai Amós. 
\c 9  
\s1 Apajuí aentsu pegkegchaujin diijus suwimkan susatna nuna uwemtumainuk makichkish atsawai 
\p  
\v 1 Duwi pujusan Tuke Pujuu altaran ijus wajasa chichagtak: 
\q1 “Tuke Pujuu emematku ijuntai jegamku 
\q1 shugku ajigmawa nunú awatim kupikta, 
\q1 dutikam jega yumpunak aentsun yutua ijinati, 
\q1 tuja tupikaki uwemjatag tuinakush makichkish uwemjachagtatui. 
\q1 Tupikaki uwemjashkam maaniamunum jakattawai. 
\q1  
\v 2 Nugka initken uumkagmataish, imanuiyanash jiigtatjai, 
\q1 tuja nayaimpin nagkaesau yakí uumkagmataish, 
\q1 imanuiyanash ajuawagtatjai. 
\q1  
\v 3 Tuja muja Carmelo titijin waka uumkagmataish, 
\q1 egakan achikagtatjai, 
\q1 tuja nayantsa kunajin uumjutkagmataish, 
\q1 kuntin múun ichiag ijinati tusan awetittajai. 
\q1  
\v 4 Tuja shiwag aidau yajuakam uwegshunum shiyakmataish, 
\q1 puyajai ijinatnume tusan inamjattajai. 
\q1 ¡Ditanak tuké diyaku atatjai, 
\q1 tujash nunak yayakdukesh dutikashtatjai, 
\q1 suwimkan suwakun dutikattajai! 
\b  
\q1  
\v 5 “Tuke Pujuu Apajuí, ashí senchigtina nunú 
\q1 nugkan antiawai, dutikam nugkak yumpunui, 
\q1 nunitai aents aidauk buutuinawai. 
\q1 Tuja nugkak uujak namak Nilo dujajak ikaman utuja 
\q1 kuyua, ataktu utug kuyua wajama imanittawai, 
\q1 imanitai aents aidauk ishamainak buutiagtinai. 
\q1  
\v 6 Tuke Pujuu niina jenak nayaimpinum umikui, 
\q1 untsu nuna ichichiagtinun nugkanum umikui, 
\q1 nayantsak bukuiti yakí weawai, nunik yumi najanea 
\q1 ataktu yuta nunak Apajuí dutikawai.” 
\q1 Niina daajig “Tuke Pujuu” tawa nunuwai. 
\b  
\q1  
\v 7 Tuke Pujuu chichaak: 
\q1 “Wi diismak Israel aents aidautigmek 
\q1 etiopíanmaya aidaujai betek ainagme. 
\q1 Atum Egipto nugkanum batsatutigmin 
\q1 jiijan ikaunmawaitjim dutiksanuk, 
\q1 filisteo aidaunashkam Creta nugkanum 
\q1 batsatun jiijan ikaunmauwaitjai. 
\q1 Tuja arameo aidaunashkam dutiksanuk 
\q1 Quir nugkanum batsatun jiijan ikaunmauwaitjai.” 
\b  
\q1  
\v 8 Juju Israel nugkanmaya aidau 
\q1 pegkegchau aina nuna Tuke Pujuu diisa chichaak: 
\q1 “Au aents aidaunak ashí ijinan emegkaktatjai, 
\q1 dutikaknush Jacob wegantunak ashí ijintsuk 
\q1 ayamjukan uwemtijattajai. 
\q1 Witjai Tuke Pujuunuk, nunak dekas dutikattajai. 
\q1  
\v 9 Tuja Israel aents aidautigmin shiwag aidau 
\q1 trigo wampuji utsankatasa pegamash jigkayi 
\q1 pegkejak iyautsama imatijamatnume tusan titatjai. 
\q1  
\v 10 Ashí aents chichainak: 
\q1 ‘Duka makichkish nunikchattawai, 
\q1 utugchatak atsugtamtatji’, tuinawai. 
\q1 Tujash nuna tuu chichaina duka 
\q1 maaniamunum puyajai ashí jinawagtatui”, tawai. 
\s1 Apajuí Israel aents aidaun atakea duwi yaigtin 
\p  
\v 11 “Nunú tsawan jegakui, Davita aakji tegaekau ataktu aakmamaina numamtuk, ataktu nii wegantunmaya Israel aents aidaun apuji wajas inamjatnai. Nuadui yaunchuk ayanum iman wajasagtinai.  
\v 12 Nunikag edomnumia iwaku pujuidauk, tuja tikich aents mina emematjin aidaujai ataktu ashí Israel aents aidaujai awakjattajai”, tusa Tuke Pujuu nii dutikatnun tawai. 
\p  
\v 13 “Kuashat trigo juwamu atin tsawan jegawai. Trigo juwamuk eke ashimchayatkujum ataktu nagkamajum ajakmattagme. Tuja uva juukbaushkam eke vino najantsuk ukuakjum ataktu uva ajaktatjume. Imatikau asagmin vino najanamu aidauk mujanmash, nain aidaunmash yumijai betek shiig kuashat aitnai.  
\v 14 Nunú tsawan uminkui, mina aentsug Israel aents aidau achija yajuakam tikich nugkanum batsatun jiija yajuakan ikaunmatnaitjai. Dutika ai dita yaaktaji tsaikbau aidaun ataktu najanawag batsamas, uva ajakmakag vinon najanawag umuinak, tikich ajak aidaunashkam dita agájin ajakmawag, nuna nejen yuwinak shiig batsamsagtinai.  
\v 15 Israel aents aidaunak waji ajakaitkuish wi dita nugken susauwaitag nuwi atakesh tegai ajapashtinun ajakmawagtatjai”, tusa Tuke Pujuu tawai, tiuwai Amós.