\id 2TI - Achi’, Rabinal (new orthography) NT - 2009 (DBL 2013) 
\h 2 Timoteo 
\toc1 Rukaꞌm carta xutzꞌibꞌaj ri Pablo che ri Timoteo 
\toc2 2 Timoteo 
\toc3 2 Ti 
\mt1 Rukaꞌm carta xutzꞌibꞌaj ri Pablo che ri Timoteo  
\c 1  
\s1 Ri Pablo kuya pan rutzil uwach ri Timoteo  
\p
\v 1 Riꞌin in Pablo, in taqoꞌn re ri Qanimajawal Jesucristo ma e xraj riꞌ ri Dios chwe kantzijoj ri kꞌaslemal bꞌiꞌtisim chike ri kakiya kibꞌ puqꞌabꞌ ri Qanimajawal Jesucristo.  
\v 2 Kantzꞌibꞌaj pan waꞌ wa carta chawe riꞌat Timoteo. Riꞌin lik kꞌax katinnaꞌo ma at pachaꞌ nukꞌajol chupa rubꞌiꞌ ri Cristo. Chakꞌulu kꞌu ri unimal rutzil kꞌuꞌxaj, ri relej kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.   
\s1 Ri Pablo kupixabꞌaj ri Timoteo che utzijoxik ri Utzilaj Tzij  
\p
\v 3 Lik kintioxin chwach ri Dios, ri kanloqꞌnimaj jelaꞌ pachaꞌ xkiꞌan lo ri watiꞌ-numam ojertan yey lik kunaꞌ nukꞌuꞌx utz nuꞌanom chwach Rire. Yey echiriꞌ kanꞌan orar chipaqꞌij chichaqꞌabꞌ xaqi katkꞌun chinukꞌuꞌx.  
\v 4 E kakꞌun chinukꞌuꞌx roqꞌej xaꞌano echiriꞌ xatkanaj kanoq y lik kuaj kꞌut kanwil awach chaꞌ jelaꞌ kakiꞌkot ri wanimaꞌ.  
\v 5 Yey kakꞌun chinukꞌuꞌx ri saqil kubꞌulibꞌal akꞌuꞌx rukꞌ ri Qanimajawal Jesucristo; ma waꞌ nabꞌe xkꞌojiꞌ rukꞌ rawatiꞌ Loida y rachu Eunice, y woꞌora lik qꞌalaj e ne kꞌo awukꞌ riꞌat.   
\p
\v 6 E uwariꞌche lik katimpixabꞌaj puwi ri uyaꞌom ri Dios chawe,\x * \xo 1:6 \xt 1 Co. 12:4-11\x* waꞌ e ri xakꞌulu echiriꞌ xinya ri nuqꞌabꞌ pawiꞌ chaꞌ katuꞌan at aj chak re ri Dios. Lik kꞌu chachuqꞌubꞌej awibꞌ che uꞌanik waꞌ rukꞌ ronoje akꞌuꞌx.  
\v 7 Ma ri Dios na uyaꞌom ta ri Ruxlabꞌixel chiqe chaꞌ kojuꞌan oj turun; e uyaꞌom chiqe chaꞌ kakꞌojiꞌ qachuqꞌabꞌ, rutzil qakꞌuꞌx y saqil qanaꞌoj.  
\v 8 E uwariꞌche, matkꞌix che utzijoxik ri Utzilaj Tzij re ri Qanimajawal Jesucristo y matkꞌix ne chwe riꞌin ma in kꞌo pa cárcel ruma kantzijoj ri Utzilaj Tzij. Ekꞌu riꞌat, e chakuyu taq ri kꞌaxkꞌobꞌik kape paqawiꞌ ruma rutzijoxik waꞌ, chachꞌija kꞌu ronoje rukꞌ ruchuqꞌabꞌ ri Dios.   
\p
\v 9 E ri Dios xkolobꞌen qeꞌoj y xojusikꞌij chaꞌ kojkꞌojiꞌ jusukꞌ chwach; yey waꞌ na e ta ruma ri qaꞌanom riꞌoj, ma e ruma lik e xraj riꞌ Rire chiqe. Echiriꞌ kꞌamajaꞌ ne kuꞌan ruwachulew, uchꞌobꞌom chik kuya ri unimal rutzil ukꞌuꞌx chiqe ruma ri Qanimajawal Jesucristo.  
\v 10 Y woꞌora ukꞌutum chi ri rutzil ukꞌuꞌx chiqe ma xutaq lo ri Qanimajawal Jesucristo re kojukolobꞌej. Rire xuchꞌij uchuqꞌabꞌ ri kamik y jekꞌulaꞌ xuqꞌalajisaj kꞌo kꞌaslemal na jinta utaqexik chike ri kikojom ri Utzilaj Tzij.   
\p
\v 11 Yey riꞌin in chaꞌtal lo ruma ri Dios re kantzijoj wa Utzilaj Tzij y re kinuꞌan in taqoꞌn y kꞌutunel chikiwach ri ukꞌiyal kiwach taq ri tikawex.  
\v 12 E uwariꞌche riꞌin kantij ronoje taq wa kꞌaxkꞌobꞌik in kꞌo wi y na kinkꞌix ta kꞌu che, ma lik wetaꞌam china rukꞌ kubꞌul wi nukꞌuꞌx, yey lik jikil nukꞌuꞌx che e Rire lik kꞌo uchuqꞌabꞌ che uchajixik ri uyaꞌom panuqꞌabꞌ kꞌa che rukꞌunibꞌal ri Cristo.   
\p
\v 13 E lik chakꞌutu chikiwach ri tikawex ri saqil kꞌutunik atom riꞌat chwe; chaꞌana waꞌ rukꞌ ri kubꞌulibꞌal kꞌuꞌxaj y ri rutzil kꞌuꞌxaj ariqom rukꞌ ri Qanimajawal Jesucristo.  
\v 14 Rukꞌ rutoꞌbꞌal ri Santowilaj Ruxlabꞌixel ri Dios kꞌo pa qanimaꞌ, lik chachajij chi utz ri yaꞌtal chawe ruma ri Dios.   
\p
\v 15 Riꞌat lik awetaꞌam, e kꞌi ri qachbꞌiꞌil e aj Asia xinkoqꞌotaj kanoq, y chikixoꞌl rike kꞌo ri Figelo y ri Hermógenes.  
\v 16 Noꞌj ri Onesíforo na xinroqꞌotaj taj. Chukꞌutu kꞌu ri Qanimajawal Jesucristo ri rutzil ukꞌuꞌx che rire y chike taq ri e kꞌo pa rocho, ma rire ukꞌiyal laj xubꞌochiꞌij nukꞌuꞌx y na xkꞌix ta chwe tobꞌ in kꞌo pa karena chupa ri cárcel.  
\v 17 Y echiriꞌ xkꞌun wara Roma, lik xok il che nutzukuxik pa in kꞌo wi y xinuriqo.  
\v 18 Yey awetaꞌam ne riꞌat, rire lik xojutoꞌo echiriꞌ oj kꞌo chupa ri tinamit Éfeso. E uwariꞌche kantzꞌonoj che ri Qanimajawal chuyaꞌa ri rajil ukꞌaxel che ri Onesíforo chupa ri kꞌisbꞌal qꞌij.   
\c 2  
\s1 Ri Pablo kupixabꞌaj ri Timoteo chaꞌ kuchuqꞌubꞌej ribꞌ chwach taq ri kꞌaxkꞌobꞌik  
\p
\v 1 Timoteo, ri at pachaꞌ nukꞌajol chupa rubꞌiꞌ ri Cristo. Kambꞌiꞌij kꞌu chawe lik chachuqꞌubꞌej awibꞌ che uꞌanik ronoje ri yaꞌom chawe ruma ri unimal rutzil ukꞌuꞌx ri Qanimajawal Jesucristo.  
\v 2 Janipa kꞌu ratom chwe chwi ri kꞌutunik nuꞌanom chikiwach rukꞌiyal winaq, e chaqꞌatisaj riꞌ pakiqꞌabꞌ rachijabꞌ kubꞌul akꞌuꞌx kukꞌ ruma kakiriq ukꞌutik waꞌ chikiwach ri jujun chik.   
\p
\v 3 Ekꞌu riꞌat, chakuyu ronoje ri kꞌaxkꞌobꞌik kape pawiꞌ pachaꞌ kuꞌan juna saqil soldado re ri Qanimajawal Jesucristo.  
\v 4 Ma juna saqil soldado na karoqꞌotaj ta kan ri taqom che chaꞌ e keꞌek che uꞌanik ri karaj rire; ri kuꞌano e xew lik kok il che ri chak yaꞌtal puqꞌabꞌ ruma rutaqanel.  
\v 5 Jekꞌulaꞌ, junoq kakꞌalalik\f + \fr 2:5 \ft Ri chꞌaꞌtem pa ri chꞌaꞌtem griego e “atleta” o “deportista”. Ri kekꞌalalik, ri kakiꞌan kibꞌ pa tꞌoꞌy, ri kebꞌetzꞌan pa pelot o ri kakijunimaj kichuqꞌabꞌ chikiwach, rike e “atleta”.\f* na kuchꞌak ta riꞌ ri premio we na kakꞌalal ta e chirij rusukꞌ pachaꞌ ri kutzꞌonoj wa etzꞌanem.  
\v 6 Jekꞌuriꞌlaꞌ, juna aj chak xew kuꞌan molonik we nabꞌe na kuchakuj rulew.  
\v 7 Timoteo, lik chachꞌobꞌo raqan wa kambꞌiꞌij chawe; we kaꞌan waꞌ, ri Qanimajawal kuya anaꞌoj chaꞌ kamaj usukꞌ ronoje.   
\p
\v 8 E kꞌuna chakꞌuꞌx ronoje ri xrikꞌowibꞌej ri Qanimajawal Jesucristo, ri xupetebꞌej lo che ri rey David y ri xkꞌastaj lo chikixoꞌl taq ri ekaminaq jelaꞌ pachaꞌ ri kubꞌiꞌij ri Utzilaj Tzij kantzijoj riꞌin.  
\v 9 Yey e ruma kantzijoj wa Utzilaj Tzij, in kꞌo pa kꞌaxkꞌobꞌik yey inyaꞌom pa cárcel pachaꞌ in jun achi lik in aj palajiy tzij. Tobꞌ kꞌu riꞌin inyaꞌom pa karena, ri Utzilaj Tzij re ri Dios na yututal taj, ma xaqi keꞌek utzijoxik.  
\v 10 Kanchꞌij kꞌu uchuqꞌabꞌ ronoje ri kꞌaxkꞌobꞌik kape panuwiꞌ xa ruma kꞌax kebꞌenunaꞌ taq ri ebꞌuchaꞌom ri Dios, chaꞌ rike kakiriq ri kolobꞌetajik na jinta utaqexik, ri kayaꞌiꞌ chike ri kakubꞌiꞌ kikꞌuꞌx rukꞌ ri Qanimajawal Jesucristo.   
\p
\v 11 Waꞌ wa chꞌaꞌtem lik qatzij:  
\q1 We xojkam rukꞌ ri Cristo,\f + \fr 2:11 \ft Waꞌ e keꞌelawi: We xqaya kan ri ojer qabꞌinik qasilabꞌik, e pachaꞌ oj kaminaq chi che ri mak.\f*  
\q2 kojkꞌasiꞌ na riꞌ rukꞌ Rire.   
\q1
\v 12 We kaqachꞌij uchuqꞌabꞌ ri kꞌaxkꞌobꞌik ruma Rire,  
\q2 chiqawach apanoq kojtaqan rukꞌ Rire chilaꞌ chikaj.  
\q1 Noꞌj we riꞌoj kaqabꞌiꞌij na oj ta re Rire,  
\q2 jelaꞌ kuꞌan Rire qukꞌ chiqawach apanoq,  
\q2 kubꞌiꞌij kꞌu riꞌ na retaꞌam ta qawach.   
\q1
\v 13 We riꞌoj na kakubꞌiꞌ ta qakꞌuꞌx rukꞌ;  
\q2 na rukꞌ ta kꞌu riꞌ, Rire lik e kuꞌan janipa ri ubꞌiꞌim kanoq,  
\q2 ma Rire na kuꞌan ta kꞌana raqꞌubꞌal.   
\s1 Ri jusukꞌ kibꞌinik kisilabꞌik ri kikojom rubꞌiꞌ ri Cristo  
\p
\v 14 Chakuxtaj waꞌ chike ri e raj chak ri Dios y lik chebꞌapixabꞌaj pa rubꞌiꞌ Rire, chaꞌ mechꞌoꞌjin chwi taq chꞌaꞌtem na jinta utz kukꞌam loq, ma xew kukꞌam lo sachibꞌal naꞌoj chike ri ketaw re.  
\v 15 Riꞌat lik chachuqꞌubꞌej awibꞌ chaꞌ lik jusukꞌ rabꞌinik asilabꞌik chwach ri Dios y jelaꞌ at jun aj chak na jinta kꞌo katkꞌix che, e xaqi katzijoj chi jusukꞌ ri Tzij re ri Qꞌijsaq.  
\v 16 Maꞌan aweꞌat kukꞌ ri kechꞌaꞌt chwi taq ri na re ta ri Dios y na jinta uchak. Ma ri keꞌanaw re waꞌ, e ketajin che resaxik kibꞌ chirij ri Dios.  
\v 17 Yey ri kichꞌaꞌtem kusachisaj ri kinaꞌoj taq ri ketaw re, e pachaꞌ juna yabꞌil kaqꞌayisanik. Y e xkiꞌan waꞌ ri Himeneo y ri Fileto.  
\v 18 Rike xkiya kan ri Qꞌijsaq ma kakibꞌiꞌij ri kꞌastajibꞌal ke ri e re ri Cristo, ya xuꞌano.\f + \fr 2:18 \ft Rike kakibꞌiꞌij, tobꞌ ri Dios kuya jun kꞌakꞌ kꞌaslemal chiqe woꞌora, na kuya ta jun kꞌakꞌ cuerpo chiqe chiqawach apanoq.\f* Ruma kꞌu ri kakikꞌut rike, e kꞌo jujun katajin usachik kinaꞌoj puwi ri Qꞌijsaq.  
\v 19 Na rukꞌ ta kꞌu riꞌ, rutinamit ri Dios lik tikil chi utz pa ri Qꞌijsaq, ma rike e pachaꞌ juna kowilaj utikibꞌal juna ja pa tzꞌibꞌital wi: «Ri Dios lik retaꞌam china ri e re Rire»\x * \xo 2:19 \xt Nm. 16:5\x* y «Konoje kꞌu ri kakibꞌiꞌij e re ri Cristo, chirajawaxik kakesaj kibꞌ che taq ri na jusukꞌ taj.»   
\p
\v 20 Chupa juna nimalaj ja kꞌo taq ri chapabꞌal re oro y re plata, ri lik xa qꞌalaj pa kachapabꞌex wi; yey kꞌo ne taq chapabꞌal re cheꞌ y ulew na lik ta chom, ri xa tobꞌ pa kachapabꞌex wi.  
\v 21 Jekꞌuriꞌlaꞌ e junoq karesaj ribꞌ che taq ri mak, chom ruchapabꞌexik kaꞌan ruma ri Dios, chom uꞌanom rubꞌinik usilabꞌik y lik kꞌo uchak che ri Qanimajawal, ma kuriq uꞌanik ukꞌiyal chomilaj chak.   
\p
\v 22 Timoteo, chatanimaj kꞌu chwach ronoje taq ri rayibꞌal re tzaqibꞌal ke ralabꞌo. Yey junam kukꞌ konoje ri kakiloqꞌnimaj rubꞌiꞌ ri Qanimajawal Jesucristo rukꞌ ronoje kikꞌuꞌx, e chatijoj awibꞌ che uꞌanik ri lik jusukꞌ chwach ri Dios, kubꞌula akꞌuꞌx rukꞌ, chakꞌutu ri rutzil kꞌuꞌxaj y chatkꞌola chi utzil chomal kukꞌ konoje.  
\v 23 Maya axikin chike ri kakichapalaꞌ kibꞌ pa chꞌaꞌtem na jinta uchak, ma awetaꞌam chik laꞌ xa kukꞌam lo chꞌaꞌoj.  
\v 24 Ma e juna aj chak re ri Qanimajawal Jesucristo chirajawaxik che na aj ta chꞌaꞌoj, xaqi utz ukꞌuꞌx kukꞌ konoje, lik kakꞌutun chi utz y lik nim ukꞌuꞌx kukꞌ konoje.  
\v 25 Rukꞌ chomilaj chꞌaꞌtem kebꞌuqꞌil taq ri kakiyak kibꞌ chirij ri Qꞌijsaq; ma kꞌaxtaj rukꞌ waꞌ, ri Dios kuya chike kakitzelej kitzij chwach y kaketaꞌmaj ri Qꞌijsaq,  
\v 26 y jekꞌulaꞌ kebꞌel puqꞌabꞌ ritzel winaq y na kakiꞌan ta chik saꞌ ri karaj rire.   
\c 3  
\s1 Ri kibꞌinik kisilabꞌik ri winaq chupa taq ri kꞌisbꞌal qꞌij  
\p
\v 1 Lik chirajawaxik kawetaꞌmaj waꞌ: Chupa taq ri kꞌisbꞌal qꞌij lik kꞌayew chi ri jeqelem che ruwachulew ruma ri kibꞌinik kisilabꞌik taq ri winaq.  
\v 2 Ma e kꞌo ri xew kakitaqej ri kakaj rike, e kꞌo ri lik e rayinel re puaq, e kꞌo ri lik kakitakꞌabꞌaꞌ kiqꞌij, e kꞌo ri kakikꞌaq bꞌi kiqꞌij ri katz-kichaqꞌ, e kꞌo ri tzel kechꞌaꞌt chikij jujun chik, e kꞌo ri na kakikoj ta kitzij kichu-kiqaw, e kꞌo ri na jinta kakitioxij, e kꞌo ri na kakixiꞌij ta kibꞌ chwach ri Dios.  
\v 3 E kꞌo ri na jinta kꞌana rutzil kꞌuꞌxaj kukꞌ, e kꞌo ri na jinta kꞌana kꞌaxnaꞌbꞌal kikꞌuꞌx, e kꞌo ri e aj molot, e kꞌo ri na kakichꞌij ta uqꞌatexik ri kirayibꞌal, e kꞌo ri lik e titzꞌitaq, e kꞌo ri tzel kakil ri utz.  
\v 4 E kꞌo ri e kꞌayinel re katz-kichaqꞌ, e kꞌo ri na kakichꞌobꞌ tana raqan ri kakiꞌano, e kꞌo ri lik kakiꞌan nim che kibꞌ, e kꞌo ri xew kakitzukuj ruqusil ruwachulew y na e ta kakitzukuj ri Dios.  
\v 5 E kꞌo ri kakiꞌan pachaꞌ lik utz kiꞌanom chwach ri Dios pero na kiyaꞌom ta luwar che ri Dios kujalkꞌatij ri kibꞌinik kisilabꞌik rukꞌ ruchuqꞌabꞌ Rire. Maꞌan awe kukꞌ ri kakiꞌan taq waꞌ.  
\v 6 Kukꞌil rike e kꞌo ri kebꞌok pa taq ja y kekisok rixoqibꞌ lik kꞌo kimak ruma e kitaqem taq ri kirayibꞌal.  
\v 7 Tobꞌ xaqi kakita taq kꞌutunik, na rukꞌ ta kꞌu riꞌ, na kakimaj ta kꞌana usukꞌ ri Qꞌijsaq.  
\v 8 Ekꞌu waꞌ waꞌchijabꞌ e pachaꞌ ri aj qꞌijabꞌ Janes y Jambres, ri xeyakataj chirij ri Moisés ojertan,\x * \xo 3:8 \xt Éx. 7:11\x* ma rike eyakatajinaq chirij ri Qꞌijsaq y sachinaq ri kinaꞌoj yey na kekꞌul ta ruma ri Dios ma rike na jinta kꞌana kubꞌulibꞌal kikꞌuꞌx rukꞌ Rire.  
\v 9 Na kebꞌel ta kꞌu pan rukꞌ ri kakiꞌano jelaꞌ pachaꞌ ri xkikꞌulumaj ri xeyaktaj chirij ri Moisés, ma kaqꞌalajin chikiwach konoje, na jinta saqil naꞌoj kukꞌ rike.   
\s1 Kꞌisbꞌal pixabꞌanik che ri Timoteo  
\p
\v 10 Noꞌj riꞌat e ataqem ri saqil nukꞌutunik, ri jusukꞌ nubꞌinik nusilabꞌik, ri kuaj kanꞌan rukꞌ ri nukꞌaslem, ri kubꞌulibꞌal nukꞌuꞌx, runimal nukꞌuꞌx, ri rutzil nukꞌuꞌx y ri nuchuqꞌabꞌ che uchꞌijik ronoje.  
\v 11 Awetaꞌam kꞌu riꞌ lik ꞌanom kꞌax chwe y lik nutijom kꞌaxkꞌobꞌik jelaꞌ pachaꞌ ri xinwikꞌowibꞌej chupa taq ri tinamit Antioquía, Iconio y Listra. Ukꞌiyal taq kꞌaxkꞌobꞌik xpe panuwiꞌ, pero ri Qanimajawal Jesucristo xinukolobꞌej che ronoje waꞌ.  
\v 12 Y jelaꞌ konoje ri kakaj kebꞌin jusukꞌ chupa ri bꞌe re ri Qanimajawal Jesucristo, kakitij na kꞌax kuma jujun chik.  
\v 13 Ekꞌu ri winaq itzel kikꞌuꞌx y ri e sokosoꞌnel, lik kakꞌiyar uwach ri kimak. Kesokosoꞌnik y kakisok kibꞌ chikibꞌil kibꞌ.   
\p
\v 14 Noꞌj kꞌu riꞌat e lik chachuqꞌubꞌej awibꞌ che ri saqil kꞌutunik amajom y pa ri ajikibꞌam wi awibꞌ. Ma awetaꞌam chi utz china taq ri xekꞌutuw waꞌ chawe.  
\v 15 Ma chachꞌutiꞌnal xawetaꞌmaj lo ri Santowilaj Uchꞌaꞌtem ri Dios tzꞌibꞌital kanoq, yey e waꞌ ri kuya anaꞌoj chaꞌ kakꞌul ri kolobꞌetajik ruma ri kubꞌulibꞌal akꞌuꞌx rukꞌ ri Qanimajawal Jesucristo.  
\v 16 Ronoje Rutzij Upixabꞌ ri Dios tzꞌibꞌital kanoq e ri Dios bꞌiꞌyom re; waꞌ e lik kꞌo uchak re kꞌutunik, re pixabꞌanik, re kuyijbꞌaꞌ ri na utz ta uꞌanom y re qꞌilonik chaꞌ kojbꞌin jusukꞌ chwach ri Dios;  
\v 17 y jekꞌulaꞌ konoje ri kakinimaj ri Dios e tijotal chi utz che uꞌanik ronoje utzilaj chak, ma yaꞌtal chi chike janipa ri kajawaxik chaꞌ kakiꞌan waꞌ.   
\c 4  
\p
\v 1 Timoteo, kanya kan wa pixabꞌanik chawe chwach ri Dios y chwach ri Qanimajawal Jesucristo, ri kakꞌun tanchi wara che ruwachulew re koꞌltaqana pakiwi konoje y re koluꞌqꞌata tzij pakiwi taq ri tikawex, ri e kꞌaslik y ri ekaminaq.  
\v 2 Chayaꞌa awibꞌ che utzijoxik Ruchꞌaꞌtem ri Dios. Chatok il che utzijoxik waꞌ chupa ruqꞌijol o tobꞌ ne na chupa ta ruqꞌijol. Chaqꞌalajisaj taq ri na utz taj, chachꞌaꞌbꞌej kipa taq ri kakiꞌan ri na utz taj, chebꞌapixabꞌaj rukꞌ saqil kꞌutunik chaꞌ kakitzelej kitzij. Chaꞌana kꞌu waꞌ rukꞌ unimal akꞌuꞌx.  
\v 3 Ma kopon ri qꞌij echiriꞌ taq ri winaq na kakaj taj kakita ri saqil kꞌutunik. Yey ruma taq ri kirayibꞌal kekitzukuj china kekꞌutuw chike saꞌ ri kakaj kakito.  
\v 4 Rike na kakaj taj kakita ri Qꞌijsaq y e kakiternabꞌej taq tzijobꞌal xa noꞌjital kuma winaq.  
\v 5 Noꞌj riꞌat Timoteo, e lik kꞌola anaꞌoj puwi taq ri kaꞌano. Chakuyu ronoje taq ri kꞌaxkꞌobꞌik kape pawiꞌ. E chayaꞌa awibꞌ che utzijoxik ri Utzilaj Tzij re kolobꞌetajik. Chaꞌana kꞌu chi utz ronoje ri chak yaꞌtal paqꞌabꞌ.   
\p
\v 6 Kambꞌiꞌij kꞌu waꞌ chawe ma riꞌin na naj ta chi in kꞌaslik, ri nubꞌenam chilaꞌ chikaj xa naqaj chi kꞌo wi.  
\v 7 Xinchꞌij uchuqꞌabꞌ ronoje ri kꞌaxkꞌobꞌik xinikꞌow wi, xinopon kꞌu che ri kꞌisbꞌal re ri nuchak uyaꞌom ri Dios, lik nutzijom chi jusukꞌ ri Utzilaj Tzij re ri Cristo.  
\v 8 Ekꞌu woꞌora xew chi woyeꞌem ri corona kayaꞌ chwe ruma ximbꞌin jusukꞌ chwach ri Dios. Y ri kayaꞌw waꞌ chwe e ri Qanimajawal Jesucristo, ri Aj Qꞌatal Tzij lik jusukꞌ. Y waꞌ na xew ta chwe riꞌin kuyaꞌo, ma kuya chike konoje ri koyeꞌem rukꞌunibꞌal rukꞌ ronoje kanimaꞌ.   
\s1 Ri Pablo karaj karil uwach ri Timoteo  
\p
\v 9 Matmayinik, e chatpeta tan che wilik.  
\v 10 Ma ri Demas xinroqꞌotaj kanoq ruma lik xeꞌek ukꞌuꞌx chwi taq ruqusil ruwachulew y xeꞌek Tesalónica. Y ri Crescente bꞌenaq Galacia yey ri Tito bꞌenaq Dalmacia.  
\v 11 Xew kꞌu ri Lucas inrachbꞌilam wara. Echiriꞌ katpetik, chakꞌama lo ri Marcos\x * \xo 4:11 \xt Hch. 15:37-39\x* awukꞌ ma rire lik toꞌbꞌel we chupa ruchak ri Dios.  
\v 12 Ekꞌu ri Tíquico xintaq bꞌi Éfeso.  
\v 13 Echiriꞌ katpetik, chakꞌama lo ri pisbꞌal wij nuyaꞌom kan chirocho ri Carpo chupa ri tinamit Troas y chakꞌama taq lo ri jubꞌotaj wuj;\f + \fr 4:13 \ft “Jubꞌotaj wuj”: Kil “rollo” pa vocabulario.\f* yey ri lik kajawax chwe e ri jutaq bꞌotaj tzꞌuꞌum tzꞌibꞌital uwach.  
\v 14 Rachi Alejandro ri aj chꞌayal chꞌichꞌ lik uꞌanom taq ri na utz taj chwe. Ekꞌu ri Dios katojow re che saꞌ taq ri uꞌanom.  
\v 15 Lik chachajij kꞌu awibꞌ riꞌat chwach rire ma lik uyakom ribꞌ chirij ri Utzilaj Tzij kaqatzijoj.   
\p
\v 16 Ri nabꞌe laj echiriꞌ xintoꞌbꞌej wibꞌ pa qꞌatbꞌal tzij, na jinta junoq xtoꞌw we ma konoje xinkoqꞌotaj kanoq; na rukꞌ ta kꞌu riꞌ, riꞌin na kuaj taj e ri Dios kuqꞌat tzij pakiwiꞌ ruma waꞌ.  
\v 17 Noꞌj ri Qanimajawal xkꞌojiꞌ wukꞌ, xinutoꞌo y xuya nuchuqꞌabꞌ chaꞌ wuma riꞌin xel utzijoxik ri Utzilaj Tzij y xkita kꞌu waꞌ ri tikawex re ukꞌiyal tinamit. Jekꞌulaꞌ xinkolobꞌex riꞌin chwa ri kamik, e pachaꞌ junoq xesax puchiꞌ juna koj.  
\v 18 Yey e ri Qanimajawal kinkolobꞌen chwach taq ri na utz taj y kinuchajij kꞌut chaꞌ kinopon na rukꞌ chilaꞌ chikaj pa kataqan wi. Xew kꞌu che Rire taqal wi lik kayak uqꞌij na jinta utaqexik. Amén.   
\s1 Kꞌisbꞌal uchꞌaꞌtem ri Pablo che ri Timoteo  
\p
\v 19 Chayaꞌa rutzil kiwach ri Priscila\x * \xo 4:19 \xt Hch. 18:1-3\x* y ri Aquila\f + \fr 4:19 \ft Ri Aquila e rachijil rixoq Priscila.\f* junam kukꞌ konoje ri e kꞌo pa rocho ri Onesíforo.  
\v 20 Ri Erasto xkanaj kan pa ri tinamit Corinto y ri Trófimo xinya kan pa ri tinamit Mileto ma lik yewaꞌ.  
\v 21 Matmayinik, e chatpeta tan echiriꞌ kꞌamajaꞌ kujeq ruqꞌijol echiriꞌ kꞌax tew y kꞌo jabꞌ. Kakiya pan rutzil awach ri Eubulo, ri Pudente, ri Lino, ri Claudia kukꞌ konoje ri hermanos e kꞌo wara.  
\v 22 Kꞌola kꞌu ri Qanimajawal Jesucristo awukꞌ. Ri unimal rutzil ukꞌuꞌx Rire kꞌola piwiꞌ iwonoje riꞌix. Amén.