\id 2CO - Achi’, Rabinal (new orthography) NT - 2009 (DBL 2013) 
\h 2 Corintios 
\toc1 Rukaꞌm carta xutzꞌibꞌaj ri Pablo che riglesia kꞌo Corinto 
\toc2 2 Corintios 
\toc3 2 Co 
\mt1 Rukaꞌm carta xutzꞌibꞌaj ri Pablo che riglesia kꞌo Corinto  
\c 1  
\s1 Ri Pablo kuya pan rutzil kiwach ri hermanos e kꞌo pa ri tinamit Corinto  
\p
\v 1 Riꞌin in Pablo in taqoꞌn re ri Qanimajawal Jesucristo ma e ri Dios yaꞌyom wa chak chwe. Riꞌin junam rukꞌ ri hermano Timoteo kaqaya pan rutzil wach alaq, ri alaq utinamit ri Dios re riglesia kꞌo Corinto, y chike konoje ri hermanos ejeqel chupa ronoje taq ri luwar re Acaya.\f + \fr 1:1 \ft Corinto e jun tinamit kꞌo pa ri luwar re Acaya.\f*  
\v 2 Kꞌulu kꞌu alaq ri unimal rutzil kꞌuꞌxaj y ri utzil chomal re ri Qaqaw Dios y re ri Qanimajawal Jesucristo.   
\s1 Ri bꞌochibꞌal qakꞌuꞌx kuya ri Dios  
\p
\v 3 ¡Lik nim uqꞌij ri Dios, Ruqaw ri Qanimajawal Jesucristo! Ma e Rire ri lik kukꞌut ri kꞌaxnaꞌbꞌal ukꞌuꞌx chiqe y rukꞌ Rire kape wi ri bꞌochibꞌal qakꞌuꞌx.  
\v 4 Rire e kabꞌochiꞌin qakꞌuꞌx chwach ronoje kꞌaxkꞌobꞌik, chaꞌ jelaꞌ riꞌoj utz kaqabꞌochiꞌij kikꞌuꞌx ri e kꞌo chupa ronoje kꞌaxkꞌobꞌik. Kaqaya kꞌu ri bꞌochibꞌal kꞌuꞌxaj jelaꞌ pachaꞌ ri uyaꞌom ri Dios chiqe riꞌoj.  
\v 5 Ma echiriꞌ kanimar ri kꞌaxkꞌobꞌik paqawiꞌ ruma oj re ri Cristo, e lik kanimar ri bꞌochibꞌal kꞌuꞌxaj kuya ri Cristo chiqe.  
\v 6 Echiriꞌ riꞌoj kaqatij kꞌax yey ri Dios kubꞌochiꞌij qakꞌuꞌx, waꞌ kukꞌam lo bꞌochibꞌal kꞌuꞌxaj y kolobꞌetajik re ri Dios che ralaq. Jekꞌulaꞌ ri kꞌax qatijom y ri bꞌochibꞌal kꞌuꞌxaj qakꞌulum riꞌoj, lik kꞌo kutiqoj che alaq chaꞌ jelaꞌ kachꞌij alaq uchuqꞌabꞌ ri kꞌaxkꞌobꞌik pachaꞌ ri qikꞌowibꞌem riꞌoj.  
\v 7 Lik qajikibꞌam kꞌu uwach ri kubꞌulibꞌal qakꞌuꞌx ukꞌ alaq. Ma qetaꞌam alaq jun qukꞌ riꞌoj chupa ri kꞌaxkꞌobꞌik, jekꞌulaꞌ alaq jun qukꞌ riꞌoj che ukꞌulik ri bꞌochibꞌal kꞌuꞌxaj kuya lo ri Dios.   
\p
\v 8 Kaqaj kꞌut, hermanos, ketaꞌmaj alaq janipa chi kꞌaxkꞌobꞌik xqikꞌowibꞌej chilaꞌ Asia. Ruma wa unimal kꞌaxkꞌobꞌik xpe paqawiꞌ, xqanaꞌo na jinta chi qachuqꞌabꞌ che uchꞌijik waꞌ y xqachꞌobꞌ nenareꞌ na jinta chi pa saq kojkꞌasiꞌik.  
\v 9 E xqanaꞌ riꞌoj e pachaꞌ qꞌatom chi tzij re kamik paqawiꞌ. Pero kꞌo xutiqoj chiqe ri xqikꞌowibꞌej, ma rukꞌ waꞌ xqamajo na jinta uchak ri kakubꞌiꞌ qakꞌuꞌx chiqibꞌil qibꞌ; xew e kubꞌul qakꞌuꞌx rukꞌ ri Dios, ri kebꞌukꞌastajisaj lo ri ekaminaq.  
\v 10 Ri Dios e xojesan chwa wa kamik yey kꞌa katajin ne che qatoꞌik. Kubꞌul kꞌu qakꞌuꞌx rukꞌ, ma qetaꞌam rukꞌ rutoꞌbꞌal Rire kojel pan chi utz woꞌora y chiqawach apanoq.  
\v 11 Y ralaq kojtoꞌ ne alaq echiriꞌ kaꞌan alaq orar paqawiꞌ chwach ri Dios. Jekꞌulaꞌ we e kꞌi ri xebꞌanaw re waꞌ, e kꞌi riꞌ ri ketioxin chwach ri Dios ruma ri kuꞌan Rire quma riꞌoj.   
\s1 Ri Pablo kuqꞌalajisaj suꞌbꞌe na xikꞌow ta Corinto  
\p
\v 12 Kꞌo ri kuya kiꞌkotemal chiqe; waꞌ e ri qabꞌinik qasilabꞌik qakꞌutum chiwach ralaq y chikiwach konoje ri winaq, ma kaqanaꞌ chiqakꞌuꞌx lik saqil y jusukꞌ ri qabꞌinik jelaꞌ pachaꞌ ri karaj ri Dios. Yey wa qaꞌanom na e ta ruma unimal naꞌoj re ruwachulew; e ruma rutoꞌbꞌal ri Dios qukꞌ.  
\v 13 Janipa ri kajilaj alaq che ri qacartas, lik e qanaꞌoj riꞌ che alaq chaꞌ jelaꞌ kamaj alaq usukꞌ.  
\v 14 Woꞌora majom alaq usukꞌ jubꞌiqꞌ puwi ri qaꞌanom; qoyeꞌem kꞌu ri qꞌij echiriꞌ kamaj alaq usukꞌ ronoje, chaꞌ jelaꞌ pa rukꞌunibꞌal ri Qanimajawal Jesucristo lik kakiꞌkot alaq chiqe riꞌoj, jelaꞌ pachaꞌ riꞌoj kojkiꞌkot che ralaq.   
\p
\v 15 Rukꞌ kꞌu wa kubꞌulibꞌal nukꞌuꞌx ukꞌ alaq, xuaj kinikꞌow nabꞌe ukꞌ alaq chaꞌ jelaꞌ kalaj kakꞌul alaq ri relej nukꞌuꞌx,  
\v 16 ma xinchꞌobꞌo kinikꞌow ukꞌ alaq echiriꞌ kinꞌek Macedonia y kinikꞌow tanchik echiriꞌ kanmaj bꞌi nubꞌe Judea y jelaꞌ kintoꞌ bꞌi alaq che ri nubꞌenam.  
\v 17 Jelaꞌ ri xinchꞌobꞌo kanꞌano, tobꞌ na e ta xuꞌanaꞌ. Ruma kꞌu laꞌ, laj chiwach ralaq na xinchꞌobꞌ ta chi utz saꞌ ri kanꞌano. ¿Xa nawi pa we riꞌin kanchꞌobꞌ raqan ri kanꞌano? ¿O xa nawi kebꞌ uwa ri nuchꞌaꞌtem, pachaꞌ junoq kubꞌiꞌij: «Lik jikil uwach kinꞌek,» tobꞌ retaꞌam chiribꞌil ribꞌ na keꞌek taj?  
\v 18 Noꞌj riꞌin na je ta laꞌ kanꞌano. Ma ruma lik jusukꞌ ri Dios qukꞌ, na utz ta kꞌu riꞌ we ri qachꞌaꞌtem kebꞌ uwach keꞌelawi chiwach alaq.  
\v 19 Jekꞌulaꞌ ri Qanimajawal Jesucristo, Rukꞌajol ri Dios, ri xojtzijon puwiꞌ che alaq junam kukꞌ ri Silvano y ri Timoteo, ruchꞌaꞌtem Rire na kebꞌ ta uwach keꞌelawi; ma ronoje ri kubꞌiꞌij lik qatzij.  
\v 20 Yey ruma Rire e kuꞌana janipa taq rubꞌiꞌtisinik ri Dios qukꞌ. E uwariꞌche kaqayak uqꞌij ri Dios, kaqabꞌiꞌij «Areꞌ» y «Amén» che ronoje ri ubꞌiꞌim lo chiqe.  
\v 21 Yey e ri Dios ri kujikibꞌaꞌ qakꞌuꞌx chi utz rukꞌ ri Cristo junam ukꞌ alaq y xojuchaꞌo chaꞌ kojuꞌan re Rire.  
\v 22 Ekꞌu Rire uyaꞌom ri Ruxlabꞌixel pa qanimaꞌ, kꞌutubꞌal re oj kꞌo chi puqꞌabꞌ yey kuꞌana na kꞌu ronoje ri ubꞌiꞌtisim lo chiqe.   
\p
\v 23 Lik karil ri Dios ri kꞌo pa wanimaꞌ y retaꞌam kꞌut suꞌbꞌe na xinikꞌow ta chilaꞌ Corinto pachaꞌ ri xinchꞌobꞌo. E ma na xuaj taj kok bꞌis chikꞌuꞌx alaq ruma kanchꞌaꞌbꞌej pa alaq.\f + \fr 1:23 \ft Ri Pablo xuto kꞌo jun hermano chilaꞌ Corinto xmakunik y ri nikꞌaj hermanos na xebꞌok ta il che wa mak. Kil 1 Corintios 5:1. E uwariꞌche na xraj taj kopon kukꞌ we kꞌamajaꞌ kakiyijbꞌaꞌ waꞌ. Ekꞌu ri xuꞌano, e xtzꞌibꞌan pan chike chaꞌ kakiyijbꞌaꞌ waꞌ y jelaꞌ rire utz kopon kukꞌ rukꞌ utzil chomal.\f*  
\v 24 Na e ta kꞌu kojeꞌtaqana pawiꞌ alaq chwi ri kojom alaq; ma ruma ri kubꞌulibꞌal kꞌuꞌx alaq, tikil alaq chi utz. Ri kaqaꞌano e kojchakun ukꞌ alaq chaꞌ kakꞌojiꞌ ri kiꞌkotemal pa animaꞌ alaq.   
\c 2  
\p
\v 1 Ruma kꞌu laꞌ, xinchꞌobꞌo na kinopon ta tanchi ukꞌ alaq, ma na xuaj taj kanya alaq pa bꞌis.  
\v 2 Ma we riꞌin kanya alaq pa bꞌis, ¿china chi kꞌu riꞌ kayaꞌw kiꞌkotemal chwe riꞌin? Na jinta kꞌu nukiꞌkotemal riꞌ we nuyaꞌom alaq pa bꞌis.  
\v 3 Ruma kꞌu riꞌ xintzꞌibꞌan pan che alaq,\f + \fr 2:3 \ft Kil nota 2 Corintios 1:23.\f* chaꞌ we xinopon ukꞌ alaq, na kinya ta alaq pa bꞌis, ma kiꞌkotemal ri kanwoyꞌej che alaq. Lik kꞌut kubꞌul nukꞌuꞌx ukꞌ onoje alaq, ma wetaꞌam e janipa ri kuya kiꞌkotem chwe riꞌin, kuya kiꞌkotem che ralaq.  
\v 4 Na xa ta jubꞌiqꞌ ri kꞌax y ri paxibꞌal kꞌuꞌx xinikꞌow wi echiriꞌ rukꞌ oqꞌej xintzꞌibꞌan pan che alaq. Na xinꞌan ta kꞌu waꞌ chaꞌ kanya alaq pa bꞌis, ma e xinꞌano chaꞌ ketaꞌmaj alaq lik nim ri rutzil nukꞌuꞌx che alaq.   
\s1 Kuyu alaq umak ri jun xutzelej utzij  
\p
\v 5 Xintzꞌibꞌan kꞌu pan puwi ri jun xinuya riꞌin pa bꞌis ruma rumak uꞌanom. Y na xew ta riꞌin, ma laj ne uyaꞌom onoje ralaq pa bꞌis. (Kambꞌiꞌij “Laj” chaꞌ na lik ta kꞌax katataj wa nuchꞌaꞌtem.)  
\v 6 Kuꞌan na kꞌu laꞌ janipa ri xꞌan alaq che wa jun tikawex echiriꞌ xqꞌat alaq tzij puwiꞌ, ma rukꞌ waꞌ xutzelej utzij.  
\v 7 Ekꞌu ri taqal che kaꞌan alaq woꞌora e kuyu alaq umak y bꞌochiꞌij alaq ukꞌuꞌx chaꞌ jelaꞌ na kasach ta ruma runimal ubꞌis.  
\v 8 Kantzꞌonoj kꞌu ko che alaq kꞌutu tanchi alaq ri rutzil kꞌuꞌx alaq che.  
\v 9 Ri xuaj riꞌin rukꞌ wa carta e kanwilo we kok alaq il che ronoje ri nupixabꞌanik.  
\v 10 We ralaq kakuy alaq umak junoq, jelaꞌ riꞌin kankuy umak. We kꞌo kꞌu kajawax wi kakuy umak, riꞌin nukuyum chi umak uma ralaq y chupa rubꞌiꞌ ri Cristo.  
\v 11 Kanꞌan kꞌu waꞌ chaꞌ ri Satanás na kumaj ta uchuqꞌabꞌ paqawiꞌ, ma lik qetaꞌam chi runoꞌjibꞌal chiqij.   
\s1 Ri Pablo xraj kuto saꞌ uꞌanom riglesia kꞌo Corinto  
\p
\v 12 Echiriꞌ xinopon chupa ri tinamit Troas che utzijoxik ri Utzilaj Tzij re ri Cristo, lik chom ri jeqebꞌal re ri nuchak xuya ri Qanimajawal chwe;  
\v 13 na rukꞌ ta kꞌu riꞌ, na xkubꞌiꞌ ta ri wanimaꞌ, ma na xinriq ta ri hermano Tito chilaꞌ. Ruma kꞌu riꞌ, xebꞌenuya kan ri hermanos e kꞌo Troas y ximpe Macedonia chaꞌ koꞌlnutzukuj.\f + \fr 2:13 \ft Ri Pablo lik royeꞌem kirason ri hermanos e kꞌo Corinto, ma karaj karetaꞌmaj we xutzir ri problema e kꞌo wi. Kil 2 Corintios 7:5-16.\f*   
\s1 Ri chomilaj chak uyaꞌom ri Dios chiqe  
\p
\v 14 ¡Xa maltiox kꞌu che ri Dios! Ma kojel pan chi utz chwa ronoje ruma ri Cristo, yey yaꞌtal chiqe kaqaqꞌalajisaj rukꞌuꞌx Rire. Ma quma riꞌoj keꞌek utzijoxik ri Cristo che ronoje luwar, e pachaꞌ kunabꞌal kiꞌ ruxlabꞌ kamuyuyik.  
\v 15 Oj kꞌu pachaꞌ kunabꞌal lik kiꞌ ruxlabꞌ kamuyuyik kopon chwach ri Dios, ma quma riꞌoj kaqꞌalajin rukꞌuꞌx ri Cristo chikiwach ri kekolobꞌetajik y chikiwach ri katajin kisachik.  
\v 16 Ekꞌu rutzijoxik kaqaꞌano e pachaꞌ utewul kamik chikiwach ri na kakaj ta kakito, ma kukꞌam lo kamik pakiwiꞌ. Noꞌj chikiwach ri kekꞌuluw re, e pachaꞌ kunabꞌal kiꞌ ruxlabꞌ, ma kukꞌam lo chomilaj kꞌaslemal chike. Chwach kꞌu waꞌ wa nimalaj chak re ri Dios, ¿china kachꞌijow uꞌanik?\x * \xo 2:16 \xt 2 Co. 3:5\x*   
\p
\v 17 Riꞌoj na kaqaꞌan ta pachaꞌ ri kakiꞌan jujun, ma e kꞌi ri kijalkꞌatim Ruchꞌaꞌtem ri Dios, xa kiꞌanom chꞌakabꞌal puaq che rutzijoxik; noꞌj ri kaqaꞌan riꞌoj chwach ri Dios y pa rubꞌiꞌ ri Cristo, e kaqatzijoj pa saqil wi ri Tzij uyaꞌom ri Dios chiqe.   
\c 3  
\p
\v 1 Echiriꞌ kinchꞌaꞌt chwi ri chak uyaꞌom ri Dios chiqe, na e ta re kantakꞌabꞌaꞌ qaqꞌij. Ma ¿kajawax nawi kanya juna carta chiwach alaq, kꞌutubꞌal re ri chak qaꞌanom? ¿Kajawax nawi kantzꞌonoj che alaq katzꞌibꞌaj alaq juna carta kubꞌiꞌij we utz ri chak qaꞌanom? Laj kꞌo jujun kajawax waꞌ chike, pero riꞌoj na kajawax ta chiqe;  
\v 2 ma e ralaq ri alaq qacarta, alaq kꞌutubꞌal re ri qachak qaꞌanom. Lik tzꞌibꞌital kꞌu pa qanimaꞌ janipa ri uꞌanom ri Dios ukꞌ alaq quma riꞌoj, yey wa chak lik kaqꞌalajin chikiwach konoje ri tikawex ruma ri kꞌakꞌ bꞌinik silabꞌik alaq.  
\v 3 Lik kꞌut qꞌalaj e alaq kꞌutubꞌal re ri qachak qaꞌanom, e pachaꞌ alaq jun carta tzꞌibꞌital ruma ri Cristo. Yey waꞌ wa carta na rukꞌ ta tinta tzꞌibꞌital wi, e ruma ri Ruxlabꞌixel ri Dios kꞌaslik; y na chwa ta ne jutaq peraꞌj abꞌaj xtzꞌibꞌax wi pachaꞌ uꞌanom ojertan,\x * \xo 3:3 \xt Éx. 24:12\x* ma tzꞌibꞌital chupa ri kanimaꞌ ri tikawex.   
\p
\v 4 Ruma kꞌu ri uꞌanom ri Cristo qukꞌ, kaqajikibꞌaꞌ uwach ri kaqabꞌiꞌij puwi ri qachak yey ri Dios retaꞌam lik qatzij waꞌ.  
\v 5 We ta e laꞌ xa qatukel, na kaqachꞌij ta uꞌanik wa chak, ma qetaꞌam xew rukꞌ ri Dios petinaq wi ri qanaꞌoj y qachuqꞌabꞌ che uꞌanik ruchak Rire.  
\v 6 Ekꞌu ri Dios mismo ri xyaꞌw wa chak chiqe, uyaꞌom qanaꞌoj y qachuqꞌabꞌ re kaqaqꞌalajisaj chi utz ri kꞌakꞌ tzij kuꞌan Rire kukꞌ ri tikawex. Yey na kuꞌan ta waꞌ ruma qataqem taqanik, ma e ruma ri kuꞌan ri Ruxlabꞌixel ri Dios pa qanimaꞌ. Ma ri taqanik kukꞌam lo qꞌatbꞌal tzij re kamik paqawiꞌ, noꞌj ri kuya ri Ruxlabꞌixel ri Dios chiqe e kꞌaslemal.\x * \xo 3:6 \xt Ez. 11:19-20\x*   
\s1 Ri kꞌakꞌ tzij  
\p
\v 7 Ri taqanik tzꞌibꞌital kan chwa abꞌaj kukꞌam lo kamik, pero lik kꞌo uchomalil. Ma lik xwon rupalaj ri Moisés echiriꞌ xukꞌul wa taqanik, kꞌutubꞌal re ruchomalil Rutzij ri Dios. Yey ri e aj Israel na utz ta xkitzuꞌ uwach ri Moisés ruma waꞌ wa wonibꞌal,\x * \xo 3:7 \xt Éx. 34:29\x* yey waꞌ xa xikꞌowik.  
\v 8 We kꞌo kꞌu uchomalil ri taqanik xuya lo ri Dios ojertan, ¡janipa kꞌu lo riꞌ ruchomalil ruchak ri Ruxlabꞌixel ri Dios kuꞌan qukꞌ!  
\v 9 We kꞌo kꞌu uchomalil wa taqanik, ri xuqꞌalajisaj ri qꞌatbꞌal tzij re ri Dios pakiwi ri tikawex ruma ri kimak, ¡janipa kꞌu lo riꞌ ruchomalil ri jun chik tzij, ri kukꞌut chiqe suꞌanik kojuꞌan jusukꞌ chwach ri Dios!  
\v 10 Ri taqanik xuya ri Dios ojertan kꞌo uchomalil, pero ruchomalil waꞌ na kajunimax ta kꞌana rukꞌ ri kꞌakꞌ tzij.  
\v 11 Rupalaj ri Moisés xwon xa pa joqꞌotaj ruma ruchomalil ri Tzij xuya ri Dios che; pero ¡más kꞌo uchomalil riꞌ ri kꞌakꞌ tzij, ma waꞌ na kasach taj!   
\p
\v 12 Ruma lik kubꞌul qakꞌuꞌx che wa na kasach taj, riꞌoj lik kaqaqꞌalajisaj chi utz ri kꞌakꞌ tzij y na jinta kaqewaj che.  
\v 13 Na e ta pachaꞌ rojertan echiriꞌ ri Dios xuya ri taqanik che ri Moisés, ma rire xuchꞌuq rupalaj ruma lik xwonik, chaꞌ ri e aj Israel na kakitzutzaꞌ ta ruwonibꞌal, ri xa kikꞌowik.\x * \xo 3:13 \xt Éx. 34:29-35\x*  
\v 14 Ekꞌu rike na xkaj ta kakimaj usukꞌ Rutzij ri Dios y kꞌa e ne waqꞌij ora echiriꞌ kakajilaj wa Tzij Pixabꞌ xuya ri Dios ojertan, na kakimaj ta usukꞌ; e pachaꞌ chꞌuqutal ri kiwach. Yey waꞌ wa chꞌuquyum ri kiwach, xew ri Cristo kesan re chike.  
\v 15 Kꞌa waqꞌij ora nenareꞌ echiriꞌ kakajilaj wa Tzij Pixabꞌ tzꞌibꞌital kan ruma ri Moisés, e pachaꞌ chꞌuqutal ri kiwach y ruma laꞌ na kaqꞌalajin ta ri Qꞌijsaq chikiwach.\f + \fr 3:15 \ft Waꞌ e keꞌelawi na kakimaj ta usukꞌ ri Qꞌijsaq.\f*  
\v 16 Noꞌj echiriꞌ junoq kutzelej utzij chwach ri Qanimajawal, kesax na kꞌu riꞌ ri chꞌuquyum ruwach.  
\v 17 Ri Qanimajawal e junam rukꞌ ri Ruxlabꞌixel ri Dios;\f + \fr 3:17 \ft Ri Qanimajawal y ri Ruxlabꞌixel ri Dios junam kikꞌuꞌx y junam kinaꞌoj.\f* y china ri kꞌo ri Ruxlabꞌixel ri Qanimajawal pa ranimaꞌ, na jinta chi chuxeꞌ rutaqanik junoq chik.  
\v 18 Qonoje riꞌoj na chꞌuqutal ta chi ri qawach. E uwariꞌche, kaqil chi utz ruchomalil ri Qanimajawal y kojwolqꞌin che uqꞌalajisaxik waꞌ rukꞌ ri qabꞌinik qasilabꞌik. Ma jalan katajin qajalkꞌatixik chaꞌ jelaꞌ kojuꞌana pachaꞌ ri Qanimajawal. Yey ri Ruxlabꞌixel Rire e ri kaꞌanaw re waꞌ qukꞌ.   
\c 4  
\s1 Ri Pablo kuqꞌalajisaj ri chomilaj Qꞌijsaq re ri Dios  
\p
\v 1 Ruma kꞌu waꞌ na kapax ta qakꞌuꞌx che uꞌanik wa chak, ma waꞌ yaꞌtal chiqe ruma ri rutzil ukꞌuꞌx ri Dios.  
\v 2 Riꞌoj na jinta kꞌo kaqaꞌan xa xeꞌlaqꞌay y kꞌixbꞌal uwach, na keqasok tane ri tikawex yey na kaqakoj tane uwiꞌ ri kubꞌiꞌij Rutzij ri Dios. Ma e kaqakꞌut pa saqil wi ri Qꞌijsaq chaꞌ jelaꞌ konoje ri ketaw re, kaketaꞌmaj lik jusukꞌ ri kaqaꞌano.  
\v 3 Yey we kꞌo kakichꞌobꞌo na qꞌalaj ta ri Utzilaj Tzij, waꞌ e chike ri katajin usachik kiwach.  
\v 4 Rike na kakikoj ta ri Utzilaj Tzij ma sachisam ri kinaꞌoj ruma ri jun kataqan che ruwachulew; waꞌ e ritzel winaq, ri xuꞌan pachaꞌ potzꞌ chike chaꞌ na kakil ta ri chomilaj Qꞌijsaq re ri Cristo, ri kukꞌutubꞌej uwach ri Dios.  
\v 5 Na e ta kꞌu kaqatzijoj qibꞌ riꞌoj; ri kaqatzijoj e ri Jesucristo e Taqanel pakiwi konoje yey riꞌoj xa oj nimanel e alaq, ma e karaj riꞌ ri Jesús chiqe.\x * \xo 4:5 \xt Lc. 22:27\x*  
\v 6 Ma ri Dios ri xtaqan che xwon ri qꞌijsaq chupa ri qꞌequꞌm,\x * \xo 4:6 \xt Gn. 1:2-3\x* e Rire ri xwon chupa ri qanimaꞌ chaꞌ rukꞌ laꞌ kaqetaꞌmaj runimal uchomalil Rire, ri kaqꞌalajin ruma ri Cristo.\f + \fr 4:6 \ft “Kaqꞌalajin ruma ri Cristo”: Pa ri chꞌaꞌtem griego kubꞌiꞌij “che rupalaj ri Jesús”. Mt. 17:2; Jn. 8:12\f*   
\s1 Mapax qakꞌuꞌx tobꞌ kojikꞌow pa kꞌaxkꞌobꞌik  
\p
\v 7 Ri Qꞌijsaq re ri Dios e jun nimalaj bꞌeyomalil, yey uqꞌalajisam waꞌ chiqe tobꞌ riꞌoj xa oj ulew poqlaj. Jelaꞌ xuꞌano chaꞌ kaqꞌalajin waꞌ: Ri unimal chuqꞌabꞌ kꞌo qukꞌ, na qe ta riꞌoj, ma rukꞌ ri Dios kape wi.  
\v 8 Tobꞌ kape kꞌu ukꞌiyal uwach kꞌaxkꞌobꞌik paqawiꞌ, kojel na chupa. Tobꞌ kꞌo ubꞌis qakꞌuꞌx, na kapax ta qakꞌuꞌx che.  
\v 9 Tobꞌ kojternabꞌex rukꞌ kꞌax, ri Dios na oj roqꞌotam taj. Tobꞌ ne kojmachꞌax pulew, na kakisach ta qawach.  
\v 10 Pa taq kojꞌek wi, ri qacuerpo xaqi chwach ri kamik kꞌo wi, jelaꞌ pachaꞌ ri xukꞌulumaj ri Jesús; yey kojikꞌow chupa waꞌ chaꞌ rukꞌ ri qabꞌinik qasilabꞌik kaqꞌalajin rukꞌaslemal ri Jesús.\f + \fr 4:10 \ft Echiriꞌ kaqachꞌij uchuqꞌabꞌ taq ri kꞌaxkꞌobꞌik, kaqꞌalajinik e ruma ruchuqꞌabꞌ y rutoꞌbꞌal ri Jesús qukꞌ.\f*  
\v 11 Wa oj kꞌo wara che ruwachulew, xaqi katewun ri kamik paqawiꞌ ruma oj aj chak re ri Jesús; yey kojikꞌow chupa waꞌ chaꞌ kilitaj rukꞌaslemal ri Jesús che ri qacuerpo, tobꞌ ri qacuerpo na jinta ukowil ma xa kakamik.  
\v 12 Jelaꞌ kꞌu riꞌ ri kamik kꞌo paqawiꞌ riꞌoj; yey ruma waꞌ, ralaq riqom alaq ri chomilaj kꞌaslemal re ri Dios.   
\p
\v 13 Ekꞌu Rutzij Upixabꞌ ri Dios kubꞌiꞌij:  
\q1 Xkubꞌiꞌ nukꞌuꞌx rukꞌ ri Dios,  
\q1 e uwariꞌche xinqꞌalajisaj Rutzij Rire. \rq Sal. 116:10 \rq*  
\m Jekꞌulaꞌ riꞌoj kubꞌul qakꞌuꞌx rukꞌ ri Dios; e uwariꞌche kaqatzijoj rubꞌiꞌ.  
\v 14 Qetaꞌam kꞌut e ri xkꞌastajisan lo re ri Qanimajawal Jesús chikixoꞌl ri ekaminaq, jelaꞌ kuꞌan chiqe riꞌoj; kojukꞌastajisaj y junam ukꞌ alaq kojukꞌam bꞌi rukꞌ Rire.  
\v 15 Ronoje kꞌu wa qikꞌowibꞌem e uma ralaq, chaꞌ jelaꞌ kakꞌiyar kiwach ri kekꞌuluw re ri unimal rutzil ukꞌuꞌx ri Dios. Yey waꞌ e re yakbꞌal uqꞌij ri Dios, ma jelaꞌ lik e kꞌi ri kakitioxij ri unimal rutzil ukꞌuꞌx ri Dios pakiwiꞌ.   
\p
\v 16 E uwariꞌche na kapax ta qakꞌuꞌx, tobꞌ ne wa qacuerpo katajin uriꞌjobꞌik; noꞌj rukꞌuꞌxibꞌal ri qakꞌaslemal na je ta laꞌ uꞌanom, ma jalan kakꞌojiꞌ ne más qachuqꞌabꞌ ri jujun qꞌij.  
\v 17 Janipa taq wa kꞌax kaqatij che ruwachulew xa kikꞌowik, yey waꞌ lik kꞌo kutiqoj che ri qabꞌinik qasilabꞌik y che ri chomilaj qakꞌaslemal chilaꞌ chikaj, ri na jinta utaqexik y na jinta kꞌana kajunimax wi.  
\v 18 Ekꞌu riꞌoj na kaqaya ta qakꞌuꞌx che ri kilitaj wara che ruwachulew, e kaqaya qakꞌuꞌx che ri na kilitaj taj; ma ronoje ri kilitaj uwach xa kakꞌisik, noꞌj ri na kilitaj ta uwach na jinta utaqexik rukowil.   
\c 5  
\s1 Ri qocho kꞌo chilaꞌ chikaj  
\p
\v 1 Qetaꞌam kꞌut ri qacuerpo wara che ruwachulew e jelaꞌ pachaꞌ juna rancho na jinta ukowil oj jeqel chupa. Yey echiriꞌ kasach uwach ri qacuerpo, kayaꞌtaj jun qocho chilaꞌ chikaj na jinta utaqexik rukowil, ma na uqꞌabꞌ ta achi ꞌanayom re, e ri Dios ꞌanayom re.  
\v 2 Y ruma laꞌ koj-jilow woꞌora, ma lik kaqaj chik kojqꞌax chupa ri qocho chilaꞌ chikaj.  
\v 3 Ma echiriꞌ kojqꞌax chupa waꞌ, lik kojchꞌuqutaj chi utz.\f + \fr 5:3 \ft “Kojchꞌuqutaj chi utz”: Pa ri chꞌaꞌtem griego kubꞌiꞌij “na oj ta chꞌanalik”.\f*  
\v 4 Ruma kꞌu laꞌ, ri oj jeqel chupa ri “qarancho” wara che ruwachulew, koj-jilowik y kabꞌison qakꞌuꞌx; ma na kaqaj taj kaqaya kan ri qacuerpo e laꞌ xa jelaꞌ; ri kaqaj e kaqakꞌul ri qacuerpo chilaꞌ chikaj y jelaꞌ kajalkꞌatix uwach ri na kakowin taj rukꞌ ri na kakam taj.  
\v 5 Yey waꞌ e uchꞌobꞌom chi lo ri Dios chiqe; y e Rire yaꞌyom ri Ruxlabꞌixel chiqe, kꞌutubꞌal re kuya na janipa ri ubꞌiꞌtisim.  
\v 6 Ruma kꞌu laꞌ, lik kubꞌul qakꞌuꞌx, tobꞌ qetaꞌam echiriꞌ kꞌa oj jeqel pa ri qacuerpo wara che ruwachulew, waꞌ e keꞌelawi kꞌamajaꞌ kojeꞌjeqela pa ri qocho chilaꞌ chikaj rukꞌ ri Qanimajawal Jesucristo.  
\v 7 Ronoje kꞌu ri kaqaꞌano e ruma ri kubꞌulibꞌal qakꞌuꞌx rukꞌ Rire, na e ta ruma ri kaqil rukꞌ ri qawach.  
\v 8 Lik kubꞌul kꞌu qakꞌuꞌx rukꞌ Rire. Yey e ne lik kaqaj chik kaqaya kan wa qacuerpo chaꞌ jelaꞌ kojeꞌjeqela chilaꞌ rukꞌ ri Qanimajawal.   
\s1 Chiqawach apanoq kaqꞌalajin janipa ri qaꞌanom  
\p
\v 9 Ruma kꞌu laꞌ, e kaqaya qibꞌ che uꞌanik janipa ri karaj ri Qanimajawal, chaꞌ jelaꞌ kakiꞌkot Rire qukꞌ tobꞌ kꞌa oj kꞌo wara che ruwachulew o echiriꞌ oj kꞌo chi rukꞌ chilaꞌ chikaj.  
\v 10 Ma kopon na ri qꞌij echiriꞌ qonoje kojeꞌtakꞌala chwach ri qꞌatbꞌal tzij re ri Cristo, pa kaqꞌalajin wi we ri qaꞌanom wara che ruwachulew kꞌo uchak o na jinta uchak, y kayaꞌtaj kꞌu chiqe chiqajujunal ri tojbꞌal re ri qaꞌanom.   
\s1 Ri Pablo kebꞌupixabꞌaj ri tikawex chaꞌ kekꞌojiꞌ chi utzil chomal chwach ri Dios  
\p
\v 11 Lik qetaꞌam kꞌut, chirajawaxik kꞌo qaxiꞌin ibꞌ chwach ri Qajawal; ruma kꞌu riꞌ, keqapixabꞌaj taq ri tikawex chaꞌ kakiya kibꞌ puqꞌabꞌ ri Dios. Chwach ri Dios lik qꞌalaj saꞌ ri kꞌo pa qanimaꞌ; ekꞌu kaqaj riꞌoj e kaqꞌalajin waꞌ chiwach ralaq.  
\v 12 Na kaqabꞌiꞌij ta waꞌ che alaq re yakbꞌal qaqꞌij. Ma e kaqaj kaqatoꞌ alaq che retaꞌmaxik saꞌ ri kaqaꞌano chaꞌ jelaꞌ lik kakiꞌkot alaq chiqe. Jekꞌulaꞌ kꞌo kakꞌulubꞌej wi alaq uwach chike ri xew kebꞌok il che taq ri kilitajik pero na kebꞌok ta il che ri kꞌo pa ranimaꞌ junoq.  
\v 13 Ma we pachaꞌ chi oj chꞌuꞌjerinaq, waꞌ e ruma lik qayaꞌom qibꞌ che ruchak ri Dios. Yey we lik kaqachꞌobꞌ chi utz saꞌ ri kaqaꞌano, waꞌ e toꞌbꞌal e alaq.  
\v 14 Ri rutzil ukꞌuꞌx ri Cristo kataqan pa qanimaꞌ ma lik qetaꞌam echiriꞌ xkam Rire pakikꞌaxel konoje, e keꞌeloq xekam konoje rukꞌ.  
\v 15 Xkam kꞌu ri Cristo pakikꞌaxel konoje ri tikawex chaꞌ e janipa ri e kꞌas ruma rukamik Rire na kakiꞌan ta chi saꞌ ri kakaj rike, ma e kakiꞌan janipa ri karaj ri Jun ri pakikꞌaxel rike xkamik y xkꞌastaj lo chikixoꞌl ri ekaminaq.   
\p
\v 16 Woꞌora ri kaqachꞌobꞌ puwi junoq, na e ta ruma ri kaqil che, pachaꞌ ri kakiꞌan ri tikawex re ruwachulew. Tobꞌ ne ojertan jelaꞌ xqachꞌobꞌ lo riꞌoj puwi ri Cristo, pero woꞌora na kaqaꞌan ta chi waꞌ ma xqetaꞌmaj uwach chi utz.  
\v 17 Jekꞌulaꞌ we junoq uyaꞌom ribꞌ puqꞌabꞌ ri Cristo, e jun kꞌakꞌ tikawex. Junwi karil ronoje, ma ri re ojertan xkanaj kanoq y ronoje uꞌanom kꞌakꞌ rukꞌ.  
\v 18 Ronoje waꞌ rukꞌ ri Dios petinaq wi, ma xojuya chi utzil chomal chwach Rire ruma ri xuꞌan ri Cristo y xuya kꞌu chiqe keqatoꞌ ri tikawex chaꞌ kekꞌojiꞌ chi utzil chomal chwach.  
\v 19 Waꞌ e keꞌelawi ruma rukamik ri Cristo, ri Dios kuya chike ri tikawex kekꞌojiꞌ chi utzil chomal chwach Rire ma kukuy ri kimak. Y xuya kꞌu chiqe riꞌoj rubꞌiꞌxikil chikiwach ri tikawex wa tzij re ri utzil chomal.  
\v 20 E uwariꞌche oj taqom lo ruma ri Cristo. Ma quma riꞌoj ri Dios lik kelaj chike ri tikawex chaꞌ keqibꞌ rukꞌ. Kojelaj kꞌu pa rubꞌiꞌ ri Cristo, jewaꞌ kaqabꞌiꞌij: «Yijbꞌaꞌ ibꞌ alaq chwach ri Dios chaꞌ kakꞌojiꞌ alaq chi utzil chomal chwach.»  
\v 21 Tobꞌ ri Cristo na jinta kꞌana mak xuꞌano, na rukꞌ ta kꞌu riꞌ, quma riꞌoj ri Dios xuꞌan che xreqaj ronoje ri qamak chaꞌ jelaꞌ kojuꞌan jusukꞌ chwach ri Dios ruma xa oj jun rukꞌ Rire.   
\c 6  
\p
\v 1 E uwariꞌche riꞌoj, ri oj aj chak re ri Dios, lik kaqapixabꞌaj alaq: Maꞌan alaq ri pachaꞌ na il ta uwach ri unimal rutzil ukꞌuꞌx ri Dios ukꞌutum chiwach alaq.  
\v 2 Ma jewaꞌ ubꞌiꞌim kan ri Dios pa Ruchꞌaꞌtem:  
\q1 Chupa ruqꞌijol echiriꞌ xajawax toꞌbꞌal awe, xatintoꞌo;  
\q1 Chupa ri qꞌij re kolobꞌetajik, xatinkolobꞌej \rq Is. 49:8 \rq*  
\m kacha ri Dios.  
\p Kambꞌiꞌij kꞌu che alaq: E uqꞌijol waꞌ echiriꞌ ri Dios kubꞌiꞌtisij rutoꞌbꞌal; woꞌora e qꞌij re kolobꞌetajik chike ri tikawex.   
\s1 Ri qabꞌinik qasilabꞌik ri oj aj chak re ri Dios  
\p
\v 3 Kaqachajij kꞌu qibꞌ chi utz che ri kaqaꞌano chaꞌ na oj ta latzꞌanel chike jujun chik y jelaꞌ na jinta junoq kakꞌaqaw bꞌi uqꞌij ruchak ri Dios kaqaꞌano.  
\v 4 Rukꞌ ronoje ri kaqaꞌano e kaqakꞌutu oj aj chak re ri Dios. Kaqakuy kꞌu ronoje rukꞌ unimal qakꞌuꞌx, tobꞌ oj kꞌo pa kꞌax, pa nibꞌaꞌil o pa bꞌis;  
\v 5 tobꞌ kabꞌalakꞌux qapa o kojkꞌam bꞌi pa cárcel, tobꞌ kakiyak kibꞌ rukꞌiyal winaq chiqij; tobꞌ kaqatij kꞌaxlaj chak, kaqakuy waram o kaqatij numik.   
\p
\v 6 Yey kaqakꞌutu oj aj chak re ri Dios ma chom ri qabꞌinik, kꞌo runaꞌoj ri Dios qukꞌ, kꞌo unimal qakꞌuꞌx y kꞌaxnaꞌbꞌal qakꞌuꞌx, kꞌo ri Santowilaj Ruxlabꞌixel ri Dios qukꞌ y kꞌax keqanaꞌ konoje rukꞌ ronoje qakꞌuꞌx.   
\p
\v 7 Kaqꞌalajinik oj aj chak re ri Dios ma kaqatzijoj ri saqil kꞌutunik, kꞌo ruchuqꞌabꞌ ri Dios qukꞌ y kaqaꞌan ri lik usukꞌ y jekꞌulaꞌ kaqachꞌij kichuqꞌabꞌ konoje ri keyaktaj chiqij.\x * \xo 6:7 \xt Ef. 6:16-17\x*   
\p
\v 8 Qakꞌulum yakbꞌal qaqꞌij y kꞌaqibꞌal bꞌi qaqꞌij; e kꞌo ri chom kechꞌaꞌt chiqij y e kꞌo ri tzel kechꞌaꞌt chiqij. Kabꞌiꞌx chiqe oj aj raqꞌul, tobꞌ na jinta raqꞌubꞌal kaqaꞌano.  
\v 9 Tobꞌ e kꞌi ketaꞌam oj aj chak re ri Dios; na rukꞌ ta kꞌu riꞌ, e kꞌo jujun kakiꞌan pachaꞌ na ketaꞌam ta waꞌ. Xtewun ne ri kamik paqawiꞌ; na rukꞌ ta kꞌu riꞌ, kꞌa oj kꞌaslik. Tobꞌ lik xojyaꞌ pa kꞌax, pero na oj kaminaq taj.  
\v 10 Kꞌo qꞌij oj yaꞌom pa bꞌis; na rukꞌ ta kꞌu riꞌ, xaqi kojkiꞌkotik. Na oj ta bꞌeyom; na rukꞌ ta kꞌu riꞌ, qayaꞌom rubꞌeyomalil ri Dios chike ukꞌiyal tikawex. Wara che ruwachulew na jinta kꞌo qukꞌ; na rukꞌ ta kꞌu riꞌ, e ri Dios uyaꞌom ronoje ri kajawax chiqe.   
\p
\v 11 Alaq qa hermanos aj Corinto, ronoje xqaqꞌalajisaj lo chiwach alaq, na jinta kꞌana xqewaj chiwach alaq. Lik qakꞌutum che alaq ri kꞌaxnaꞌbꞌal qakꞌuꞌx kꞌo pa qanimaꞌ.  
\v 12 Etaꞌam alaq riꞌoj lik qakꞌutum ri rutzil qakꞌuꞌx che alaq, noꞌj ralaq na je ta laꞌ kaꞌan alaq chiqe riꞌoj.  
\v 13 Ekꞌu woꞌora kinchꞌaꞌt ukꞌ alaq pachaꞌ alaq walkꞌoꞌal: Jelaꞌ pachaꞌ riꞌoj lik qakꞌutum ri rutzil qakꞌuꞌx che ralaq, jekꞌulaꞌ ꞌana alaq chiqe riꞌoj.   
\s1 Qaꞌana chom che ri qabꞌinik qasilabꞌik ma oj rocho ri Dios  
\p
\v 14 Hermanos, makꞌulaj ibꞌ alaq kukꞌ ri na kikojom ta rubꞌiꞌ ri Cristo, ma ri jusukꞌ na kukꞌulaj ta ribꞌ rukꞌ ri na jusukꞌ taj y ri qꞌijsaq na kukꞌulaj ta ribꞌ rukꞌ ri qꞌequꞌm.  
\v 15 ¿Yey ri Cristo rukꞌ ri Belial\f + \fr 6:15 \ft “Belial”: Waꞌ e jun ubꞌiꞌ ritzel winaq.\f* kꞌo nawi utzil chikiwach? ¿O saꞌ ri utz kuriq junoq ukojom rubꞌiꞌ ri Cristo che junoq na ukojom taj?  
\v 16 Ri rocho ri Dios na kukꞌulaj ta ribꞌ rukꞌ taq ri tiox. Jekꞌuriꞌlaꞌ ralaq na jinta chi e alaq kukꞌ ri tiox, ma ralaq alaq rocho ri Dios kꞌaslik. E pachaꞌ rubꞌiꞌim Rire:  
\q1 Kinjeqiꞌ kukꞌ y chikixoꞌlibꞌal rike kimbꞌin wi.  
\q1 In kꞌu Riꞌin ki Dios y rike e nutinamit\x * \xo 6:16 \xt 1 Co. 3:16; 6:19\x* \rq Lv. 26:12; Ez. 37:27 \rq*  
\m xchaꞌ.   
\p
\v 17 E uwariꞌche ri Dios jewaꞌ kubꞌiꞌij pa Ruchꞌaꞌtem:  
\q1 Chixel chikixoꞌlibꞌal ri e aj mak y chiwesaj iwibꞌ kukꞌ.  
\q1 Michꞌulaj iwibꞌ rukꞌ ri na chom taj chwach ri Dios,  
\q1 y jelaꞌ Riꞌin kixinkꞌul chi utz. \rq Is. 52:11; Ez. 20:41 \rq*   
\q1
\v 18 Kinuꞌan kꞌu Iqaw riꞌ,  
\q1 yey riꞌix kixuꞌan ix walkꞌoꞌal \rq 2 S. 7:14 \rq*  
\m kacha ri Qajawxel, ri kꞌo ronoje unimal chuqꞌabꞌ puqꞌabꞌ.   
\c 7  
\p
\v 1 E uwariꞌche, hermanos, ruma taq wa bꞌiꞌtisinik uꞌanom lo ri Dios chiqe, qajosqꞌij qibꞌ che taq ri mak retzelam ri qacuerpo y ri qanimaꞌ. Rukꞌ jun xiꞌin ibꞌ chwach ri Dios qachuqꞌubꞌej qibꞌ che uchomaxik ri qabꞌinik qasilabꞌik chwach ri Dios.   
\s1 Ri Pablo kakiꞌkot ruma ri xuta che riglesia kꞌo Corinto  
\p
\v 2 Chojkꞌola ko chikꞌuꞌx alaq; ma riꞌoj na jinta junoq qaꞌanom ri na usukꞌ taj che, na jinta junoq tzaqinaq pa mak quma riꞌoj yey na jinta junoq qasokosoꞌm.  
\v 3 Ekꞌuchiriꞌ kambꞌiꞌij waꞌ, na e ta re kanya kꞌix alaq; ma pachaꞌ ri nubꞌiꞌim lo che alaq, lik kꞌo alaq pa qanimaꞌ. Tobꞌ kꞌu oj kꞌas riꞌ o tobꞌ ne oj kaminaq chik, xa jun qakꞌuꞌx ukꞌ alaq.   
\p
\v 4 Lik kanqꞌalajisaj ri kꞌo pa wanimaꞌ chiwach alaq, ma lik kubꞌul nukꞌuꞌx ukꞌ alaq. Lik kinkiꞌkot che alaq. E ne ralaq ri xnimarisan nukꞌuꞌx y woꞌora nojinaq ri wanimaꞌ che kiꞌkotemal tobꞌ oj kꞌo pa taq kꞌaxkꞌobꞌik.   
\p
\v 5 Chwi xojkꞌun Macedonia, paqatzij wi na oj uxlaninaq taj. Ma tobꞌ xa pa taq xpe wi ri kꞌax paqawiꞌ, xpe taq chꞌaꞌoj chiqij y lik xok xiꞌin ibꞌ pa qanimaꞌ.  
\v 6 Pero ri Dios, ri bꞌochiꞌinel ke ri paxinaq kikꞌuꞌx, e xbꞌochiꞌin qakꞌuꞌx ruma rukꞌunik ri hermano Tito qukꞌ.   
\p
\v 7 Na xew ta kꞌu ruma rukꞌunibꞌal xojkiꞌkotik; e lik xojkiꞌkotik ma xqato rire lik xkiꞌkot ri ranimaꞌ uma ralaq. Ma xubꞌiꞌij chiqe e lik kaꞌaj alaq kil alaq nuwach, lik kabꞌison alaq ruma inyaꞌom alaq pa bꞌis y lik kaꞌaj ne alaq kakꞌut alaq ri rutzil kꞌuꞌx alaq chwe. Ruma taq kꞌu waꞌ, riꞌin más xinkiꞌkotik,  
\v 8 tobꞌ ne xubꞌisoj nukꞌuꞌx echiriꞌ xintaq bꞌi ri nabꞌe nucarta che alaq, ma waꞌ xukoj alaq pa bꞌis kebꞌ oxibꞌ qꞌij. Pero na jinta chi kubꞌiꞌij nukꞌuꞌx che, ma wetaꞌam ri carta lik kꞌo xutiqoj che alaq.   
\p
\v 9 Ekꞌu woꞌora lik kinkiꞌkotik, na ruma ta ri xbꞌison alaq che ri nucarta, ma e ruma ri bꞌis alaq xutoꞌ alaq chaꞌ katzelej tzij alaq, yey wa bꞌis e xraj riꞌ ri Dios che alaq. Jekꞌulaꞌ na jinta juna kꞌax xqaꞌan riꞌoj che alaq.  
\v 10 Ri bꞌis petinaq rukꞌ ri Dios e kuꞌan chiqe kok chiqakꞌuꞌx ri qamak, chaꞌ jelaꞌ kukꞌam lo tzelebꞌal tzij y kolobꞌetajik chiqe y ¡waꞌ na kuya ta bꞌis che junoq! Noꞌj ri bꞌis re ruwachulew xa kukꞌam lo kamik.  
\v 11 ¡Chilape kꞌu alaq ronoje ri utz xukꞌam lo ri bꞌis alaq chwach ri Dios! Ma lik xok alaq il che waꞌ y xꞌaj kꞌu kaqꞌalajisaj alaq waꞌ chwe. Ekꞌu lik xpe oyowal alaq che wa jun mak y lik xꞌaj kꞌu kil alaq nuwach. Rukꞌ ronoje kꞌuꞌx alaq y rukꞌ xiꞌin ibꞌ, xya ibꞌ alaq che uꞌanik ri utz chwach ri Dios. Rukꞌ kꞌu taq ri xꞌan alaq, woꞌora kaqꞌalajinik utz ꞌanom ralaq.  
\v 12 E uwariꞌche, echiriꞌ xintzꞌibꞌaj bꞌi ri carta che alaq, xinꞌano na xew ta ruma ri jun xꞌanaw re ri na usukꞌ taj y na xew tane ruma ri jun xꞌan ri na usukꞌ taj che, ma xinꞌano e chaꞌ kakꞌut alaq chwach ri Dios: Paqatzij wi lik kok alaq il chiqe.   
\p
\v 13 Ruma kꞌu xok alaq il che ri qacarta, lik xnimar qakꞌuꞌx. Yey uwiꞌ chi ri qakiꞌkotemal riꞌoj, e rukiꞌkotemal ri Tito, ma lik xnimarisaj lo alaq ukꞌuꞌx.  
\v 14 Riꞌin nuyakom chi qꞌij alaq chwach ri Tito y na kinkꞌix ta che ri nubꞌiꞌim. Ma ronoje ri kaqabꞌiꞌij che alaq lik qatzij; jekꞌulaꞌ riꞌ, janipa ri qabꞌiꞌim chi che ri Tito pawiꞌ ralaq, lik e xeꞌrila che alaq.  
\v 15 Ekꞌu ri kꞌaxnaꞌbꞌal ukꞌuꞌx ri Tito che alaq más kanimarik echiriꞌ kakꞌun chukꞌuꞌx rukꞌ xiꞌin ibꞌ pa animaꞌ alaq xkꞌul alaq y xya ibꞌ alaq che uꞌanik janipa ri xubꞌiꞌij che alaq.  
\v 16 Lik kinkiꞌkotik ma che ronoje lik kubꞌul nukꞌuꞌx ukꞌ alaq.   
\c 8  
\s1 Ri qasaꞌn kayaꞌiꞌ chike rutinamit ri Dios e kꞌo Jerusalem  
\p
\v 1 Hermanos, kaqaj ketaꞌmaj alaq ri unimal rutzil ukꞌuꞌx ri Dios xkikꞌut rutinamit ri Cristo e kꞌo pa taq ri luwar re Macedonia.  
\v 2 Tobꞌ rike na xa ta jubꞌiqꞌ ri kꞌax kikꞌowibꞌem, ri kiꞌkotemal kꞌo kukꞌ na jinta utaqexik. Y tobꞌ lik e nibꞌaꞌibꞌ, xikꞌow ne uwiꞌ ri xkiya che kitoꞌik ri kachbꞌiꞌil.\x * \xo 8:2 \xt 1 Co. 16:1-4\x*  
\v 3 Riꞌin kambꞌiꞌij ri xinwilo: Ri xkiyaꞌo lik pa kanimaꞌ xalax wi. Na xew ta xkiya e chirij ri kꞌo kukꞌ, ma xkiya ne uwiꞌ.  
\v 4 Lik kꞌu xebꞌelaj che kaqaya luwar chike ebꞌare jun kekitoꞌ pan rutinamit ri Dios rukꞌ wa qasaꞌn kamolik.  
\v 5 Janipa kꞌu ri qoyeꞌem riꞌoj chike na xew ta chi xkiꞌan riꞌ, ma nabꞌe ne xkiya kibꞌ puqꞌabꞌ ri Dios, kꞌa tekꞌuchiriꞌ xkiya ri kanimaꞌ chiqe riꞌoj chaꞌ jelaꞌ kakiꞌan janipa ri rajawal ukꞌuꞌx ri Dios.  
\v 6 Ruma kꞌu laꞌ hermanos, xqabꞌiꞌij che ri Tito chukꞌisa na utzaꞌm wa chak xujeq ukꞌ ralaq puwi rumolik ri qasaꞌn, ma waꞌ e kꞌutubꞌal re ri relej kꞌuꞌx alaq.   
\p
\v 7 E lik utz ri ꞌanom ralaq che ronoje taq waꞌ: lik kꞌo kubꞌulibꞌal kꞌuꞌx alaq rukꞌ ri Dios, lik kariq alaq utzijoxik Ruchꞌaꞌtem ri Dios, yaꞌtal runaꞌoj ri Dios che alaq, alaq sakꞌaj che uꞌanik ruchak ri Dios yey lik ne kꞌax kojnaꞌ alaq; jekꞌuriꞌlaꞌ, ꞌana alaq chi utz wa jun chak re kitoꞌik ri nikꞌaj chik qa hermanos.  
\v 8 Rukꞌ waꞌ na kintajin ta che uyaꞌik jun taqanik che alaq. Ma xew xintzijoj che alaq ri kisakꞌajil ri jujun chik che kitoꞌik ri kachbꞌiꞌil, chaꞌ jelaꞌ kakꞌut alaq paqatzij wi kꞌax kenaꞌ alaq ri jujun chik hermanos.  
\v 9 Ma lik etaꞌam chi alaq ri unimal rutzil ukꞌuꞌx ri Qanimajawal Jesucristo. Rire lik bꞌeyom; na rukꞌ ta kꞌu riꞌ, ruma ri rutzil ukꞌuꞌx che alaq, xuꞌan nibꞌaꞌ che ribꞌ chaꞌ rukꞌ runibꞌaꞌil e xuya rubꞌeyomalil ri Dios che ralaq.   
\p
\v 10 Chwi kꞌu wa qasaꞌn kamolik, kanya naꞌoj alaq puwi ri taqal che kaꞌan alaq; ma junabꞌir xjeq lo alaq umolik waꞌ yey xꞌan alaq rukꞌ ronoje kꞌuꞌx alaq.  
\v 11 Ekꞌu woꞌora kꞌisa pan alaq utzaꞌm waꞌ rukꞌ ronoje kꞌuꞌx alaq, jelaꞌ pachaꞌ ri xjeqebꞌej lo alaq uꞌanik. Yaꞌa kꞌu alaq janipa ri kachꞌij alaq uyaꞌik.  
\v 12 Ma e junoq lik karaj kaqasanik, ri Dios kukꞌul chi utz ri qasaꞌn kuyaꞌo e chirij ri kꞌo rukꞌ; ma ri Dios na kutzꞌonoj ta che jun ri na jinta rukꞌ.  
\v 13 Na kambꞌiꞌij ta waꞌ chaꞌ kakanaj kan alaq pa nibꞌaꞌil ruma ri ketoꞌ alaq jujun chik. Ma e ri karaj e chiqajujunal kꞌo qukꞌ janipa ri kajawax chiqe.  
\v 14 Woꞌora paqꞌabꞌ alaq kꞌo wi ketoꞌ alaq ri e kꞌo pa kꞌax. Taqal kꞌu che alaq kajach alaq upa ri kꞌo ukꞌ alaq chaꞌ jelaꞌ katzꞌaqatisaj alaq ri kajawax chike rike. We xopon kꞌu juna qꞌij echiriꞌ ralaq kꞌo alaq pa kꞌax, ekꞌuchiriꞌ taqal chike rike kakitoꞌ ralaq. We konoje jelaꞌ kakiꞌano, kayaꞌtaj kꞌu chike chikijujunal janipa ri kajawaxik.  
\v 15 E jelaꞌ pachaꞌ ri tzꞌibꞌital kan pa Ruchꞌaꞌtem ri Dios:  
\q1 E ri lik kꞌi xumolo,  
\q2 na jinta uqax xkanaj kan rukꞌ  
\q2 ma xujach chike ri jujun chik;  
\q1 yey e ri na kꞌi ta xumolo,  
\q2 xaqareꞌ xuꞌana pan rukꞌ  
\q2 ma ri kajawax che xyaꞌtaj ruma jun chik \rq Éx. 16:18 \rq*  
\m kachaꞌ.   
\s1 Ri etaqom bꞌi che umolik ri qasaꞌn  
\p
\v 16 Xa maltiox kꞌu che ri Dios ma ukojom pa ranimaꞌ ri Tito kutoꞌ alaq jelaꞌ pachaꞌ kanꞌan riꞌin.  
\v 17 Ma xew ximbꞌiꞌij che keꞌrila alaq, na jampatana rukꞌ kiꞌkotemal xunimaj ma lik kacha ukꞌuꞌx che keꞌrila wach alaq.  
\v 18 Junam kꞌut rukꞌ ri Tito kaqataq bꞌi jun chik hermano chaꞌ karachbꞌilaj bꞌi. Waꞌ e jun lik chom ruchꞌaꞌtibꞌexik kaꞌan pa taq riglesias ruma ri utzilaj chak uꞌanom che utzijoxik ri Utzilaj Tzij.  
\v 19 Na xew tane waꞌ, ma wa jun hermano chaꞌom kuma riglesias re kojrachbꞌilaj pa taq ri kojꞌek wi che umolik y che ujachik waꞌ wa qasaꞌn. Waꞌ wa chak oj kꞌo wi e re yakbꞌal uqꞌij ri Qanimajawal Jesucristo y e kꞌutubꞌal re ri relej qakꞌuꞌx.  
\v 20 Ekojom qachbꞌiꞌil chaꞌ na jinta kꞌo kechꞌaꞌt chiqij che uchapabꞌexik wuꞌkꞌiyal qasaꞌn kꞌo paqaqꞌabꞌ.  
\v 21 Ri kaqaj riꞌoj e kaqaꞌan ronoje chi utz chwach ri Qanimajawal Jesucristo y chikiwach ri tikawex.  
\v 22 E uwariꞌche junam kukꞌ ri kebꞌek, kaqataq bꞌi jun chik hermano. Waꞌ na xa ta julaj ukꞌutum lik kacha ukꞌuꞌx che ukꞌiyal chak. Yey woꞌora más ne kacha ukꞌuꞌx che wa bꞌenam ma lik kubꞌul ukꞌuꞌx ukꞌ alaq.  
\v 23 Ri Tito e wachbꞌiꞌil riꞌin, junam oj toꞌbꞌel e alaq. Yey ri hermanos erachbꞌilam bꞌi, echaꞌom lo kuma ri tinamit re ri Cristo, ma rukꞌ ri kibꞌinik kisilabꞌik kiyakom uqꞌij ri Cristo.  
\v 24 E uwariꞌche chekꞌulu alaq chi utz chaꞌ jelaꞌ kakꞌut alaq ri rutzil kꞌuꞌx alaq y jekꞌulaꞌ kaqꞌalajin chikiwach riglesias suꞌbꞌe lik kojkiꞌkot che alaq.   
\c 9  
\s1 Ri Dios karaj keqatoꞌ ri nibꞌaꞌibꞌ rukꞌ ronoje qakꞌuꞌx  
\p
\v 1 Puwi kꞌu wa qasaꞌn re toꞌbꞌal ke rutinamit ri Dios, na kajawax ta chik kantzꞌibꞌaj pan che alaq,  
\v 2 ma wetaꞌam chi ri relej kꞌuꞌx alaq re katoꞌbꞌ alaq. E uwariꞌche nuyakom qꞌij alaq chikiwach ri e aj Macedonia. Riꞌin nubꞌiꞌim, ri alaq aj Acaya\f + \fr 9:2 \ft Corinto e jun tinamit kꞌo pa ri luwar re Acaya.\f* kꞌo chi qasaꞌn molom lo alaq junabꞌir. Yey ruma wa ꞌanom ralaq, e kꞌi chike ri e aj Macedonia xkijeq kakiꞌan ke rukꞌ ronoje kikꞌuꞌx.  
\v 3 E uwariꞌche ebꞌenutaqom bꞌi wa hermanos ukꞌ alaq chaꞌ kakitoꞌ alaq che ukꞌisik umolik ri qasaꞌn. Ma we yijbꞌam chi alaq ri qasaꞌn jelaꞌ pachaꞌ ri nubꞌiꞌim loq, kaqꞌalajin kꞌu riꞌ lik qatzij ri xqabꞌiꞌij echiriꞌ xqayak qꞌij alaq.  
\v 4 Ma kꞌaxtaj kinkachbꞌilaj bꞌi jujun aj Macedonia yey we xojopon kꞌu ukꞌ alaq, keꞌqariqaꞌ kꞌamajaꞌ yijbꞌam alaq ri qasaꞌn. We e xuꞌana riꞌ, kꞌixbꞌal kꞌu chiqe riꞌoj y che ralaq, ma lik xkubꞌiꞌ qakꞌuꞌx ukꞌ alaq yey na xꞌan ta kꞌu alaq ri qabꞌiꞌim loq.  
\v 5 Ruma kꞌu waꞌ, xinchꞌobꞌo kebꞌenutaq bꞌi ukꞌ alaq wa hermanos chaꞌ kenabꞌej bꞌi chiqawach riꞌoj y kakitoꞌ alaq che umolik ri qasaꞌn bꞌiꞌtisim chi alaq. Jekꞌulaꞌ we xojopon riꞌoj, yijbꞌam chi alaq waꞌ. Kaqꞌalajin kꞌu riꞌ xqasan alaq rukꞌ ronoje kꞌuꞌx alaq y na e ta ruma xtaq alaq che.   
\p
\v 6 Kankuxtaj kꞌu waꞌ che alaq: China ri na kꞌi ta ri kutiko, riꞌ na kꞌi ta ri kumolo. Yey china ri lik kꞌi ri kutiko, riꞌ lik kꞌi ri kumolo.  
\v 7 E uwariꞌche, chijujunal alaq chuyaꞌa ruqasaꞌn e chirij janipa ri xalax lo pa ranimaꞌ, na rukꞌ ta bꞌis y na ruma ta minom alaq chupa. Ma ri Dios lik kukꞌul ukꞌuꞌx ri kuya ruqasaꞌn rukꞌ kiꞌkotemal.  
\v 8 Yey lik kꞌo puqꞌabꞌ ri Dios kutoꞌ alaq chaꞌ kakꞌiyar janipa ri kꞌo ukꞌ alaq y jelaꞌ kꞌo ronoje ri kajawax che alaq y na xew ta riꞌ, ma kuya ne uwiꞌ chaꞌ jelaꞌ katoꞌbꞌ alaq che uꞌanik chomilaj taq chak.  
\v 9 E pachaꞌ ri tzꞌibꞌital kan chupa Rutzij Upixabꞌ ri Dios:  
\q1 Xujach ri kꞌo rukꞌ re kebꞌutoꞌ ri nibꞌaꞌibꞌ;  
\q1 janipa kꞌu ri utz uꞌanom  
\q1 na kasach ta uwach \rq Sal. 112:9 \rq*  
\m kachaꞌ.   
\p
\v 10 Ri Dios e kayaꞌw re rijaꞌ che rawanel yey e kayaꞌw re ri wa che ri kawaꞌik. Ekꞌu riꞌ Rire kuya na janipa ri kajawax che alaq y kuya ne uwiꞌ, chaꞌ rukꞌ waꞌ kaꞌan alaq ri utz y jekꞌulaꞌ lik kꞌo kutiqoj ri utzilaj chak kaꞌan alaq.  
\v 11 Jelaꞌ kꞌu riꞌ, kakꞌojiꞌ ukꞌiyal uwach bꞌeyomalil ukꞌ alaq chaꞌ rukꞌ waꞌ katoꞌbꞌ alaq rukꞌ ronoje kꞌuꞌx alaq. Y ekꞌuchiriꞌ riꞌoj kaqakꞌam bꞌi wa qasaꞌn chike ri e kꞌo pa kꞌaxkꞌobꞌik, rike kakitioxij che ri Dios.  
\v 12 Ekꞌu waꞌ wa toꞌbꞌal na xew ta kutzꞌaqatisaj ri kajawax chike, ma e kukoj pa kanimaꞌ rike ri lik ketioxin chwach ri Dios  
\v 13 y jelaꞌ ri kekꞌuluw re wa qasaꞌn lik kakiyak uqꞌij ri Dios. Ma waꞌ e kꞌutubꞌal re paqatzij wi xkoj alaq ri Utzilaj Tzij re ri Cristo y kabꞌin alaq chupa waꞌ, yey e kꞌutubꞌal re ri relej kꞌuꞌx alaq chike rike y chike konoje rutinamit ri Dios.  
\v 14 Jekꞌulaꞌ rike kꞌutubꞌal re ri rutzil kikꞌuꞌx che alaq, kakiꞌan orar pawiꞌ alaq ruma ri unimal rutzil ukꞌuꞌx ri Dios kilom che alaq.  
\v 15 ¡Xa maltiox kꞌu che ri Dios ruma ri nimalaj sipanik uyaꞌom chiqe, ma waꞌ lik na jinta kꞌo wi!   
\c 10  
\s1 Ri Pablo kutoꞌbꞌej ribꞌ chikiwach ri kakikꞌaq bꞌi uqꞌij  
\p
\v 1 Riꞌin in Pablo kuaj kankoj wibꞌ chiwach alaq chupa rubꞌiꞌ ri Cristo, ri na kuꞌan ta nim che ribꞌ y lik utz ukꞌuꞌx. Ma e kꞌo jujun chixoꞌlibꞌal alaq kechꞌaꞌt chwij, kakibꞌiꞌij echiriꞌ in kꞌo ukꞌ alaq, pachaꞌ kanxiꞌij wibꞌ kanchꞌaꞌbꞌej pa alaq; yey echiriꞌ in kꞌo naj y kintzꞌibꞌan kꞌu pan ukꞌ alaq, na kanxiꞌij ta kꞌana wibꞌ kanꞌan waꞌ, kechaꞌ.  
\v 2 Kantzꞌonoj kꞌu che alaq choka alaq il che wa kantzꞌibꞌaj pan che alaq, chaꞌ we xinopon ukꞌ alaq na kajawax ta chik kanchꞌaꞌbꞌej kipa jujun che alaq. Noꞌj we kajawaxik, kanꞌan na kꞌu riꞌ waꞌ chike ri kakibꞌiꞌij xa pa qe riꞌoj kojtaqanik.  
\v 3 Qatzij, riꞌoj xa oj tikawex, pero na kaqaꞌan ta qeꞌoj pachaꞌ ri kakiꞌan ri winaq re ruwachulew.  
\v 4 Ma echiriꞌ kojchꞌoꞌjin chirij ri na utz taj, na kaqaꞌan ta rukꞌ qachuqꞌabꞌ o qanaꞌoj riꞌoj, ma e kaqaꞌan rukꞌ ruchuqꞌabꞌ y rutoꞌbꞌal ri Dios chaꞌ jelaꞌ kaqasach uwach ronoje ri kayaktaj chirij ri Dios;  
\v 5 waꞌ e ri itzel taq naꞌoj y takꞌabꞌal qꞌij, ri kebꞌuqꞌatej ri tikawex chaꞌ na kaketaꞌmaj ta uwach ri Dios. Kaqaya kꞌu ronoje taq noꞌjibꞌal puqꞌabꞌ ri Cristo chaꞌ kuꞌan pachaꞌ runaꞌoj Rire.  
\v 6 Echiriꞌ kaqilo lik kakoj alaq utzij ri Cristo, kꞌa tekꞌuchiriꞌ kaqaqꞌat tzij pakiwi ri e aj palajiy tzij.   
\p
\v 7 Ralaq xew kataqej alaq ri kilitaj uwach. We kꞌo kꞌu junoq ujikibꞌam uwach chiribꞌil ribꞌ lik kꞌo puqꞌabꞌ ri Cristo, e chuchꞌobꞌo chi utz waꞌ: Na xew ta rire kꞌo puqꞌabꞌ ri Cristo, ma jenelaꞌ riꞌoj.  
\v 8 Y na xew ta riꞌ, ma na kinkꞌix tane che tobꞌ kanjikibꞌaꞌ uwach ri taqanik kaqaꞌan pawiꞌ alaq, ma waꞌ e ri Qajawal yaꞌyom paqaqꞌabꞌ. Y waꞌ na re ta sachibꞌal wach alaq, ma re kꞌiyibꞌal alaq chwach ri Dios.  
\v 9 Na kuaj taj kachꞌobꞌ alaq raqan e kanxibꞌij pa alaq rukꞌ ri kantzꞌibꞌaj pan che alaq.  
\v 10 Ma kꞌo kebꞌiꞌn re: «Ri Pablo chupa taq rucartas lik kꞌax ri kubꞌiꞌij, pachaꞌ lik kꞌo uchuqꞌabꞌ; noꞌj echiriꞌ kꞌo chiqawach, kuxiꞌij ribꞌ y na il tane uwach ruchꞌaꞌtem» kechaꞌ.  
\v 11 Ekꞌu ri kebꞌiꞌn re waꞌ chirajawaxik kaketaꞌmaj na je ta laꞌ uꞌanom, ma e janipa ri kaqatzꞌibꞌaj pan che alaq, junam ubꞌiꞌxikil kaqaꞌano echiriꞌ oj kꞌo chiwach alaq.   
\p
\v 12 Riꞌoj na kaqachꞌobꞌ tane kaqajunimaj qibꞌ kukꞌ ri jujun xa kakitakꞌabꞌaꞌ kiqꞌij chikibꞌil kibꞌ. Ma rike xa kakijunimaj kibꞌ kukꞌ ri kachbꞌiꞌil. Ri kebꞌanaw re waꞌ, na jusukꞌ ta ri kinaꞌoj.  
\v 13 Noꞌj riꞌoj na kaqatakꞌabꞌaꞌ tane qaqꞌij ruma juna chak na qaꞌanom taj, ma e kaqaꞌan ri uyaꞌom ri Dios paqaqꞌabꞌ. Yey e Rire ri xuya chiqe xojopon kꞌa chilaꞌ ukꞌ alaq rukꞌ ri Utzilaj Tzij.  
\v 14 We tamaji e ri Dios yaꞌyom chiqe kojopon ukꞌ alaq, riꞌ xa pa qe riꞌoj kaqaꞌan ri chak ukꞌ alaq. Pero na e ta riꞌ. Lik kꞌu taqal chiqe kaqapixabꞌaj pan alaq woꞌora, ma riꞌoj oj ri nabꞌe xojopon ukꞌ alaq rukꞌ ri Utzilaj Tzij re ri Cristo.  
\v 15 Na kaqatakꞌabꞌaꞌ tane qaqꞌij xa pa qe riꞌoj rukꞌ ruchak jun chik. Ri qoyeꞌem e jalan kanimar ri kubꞌulibꞌal kꞌuꞌx alaq, jekꞌulaꞌ kanimar ri qachak chixoꞌlibꞌal alaq e chirij ri uyaꞌom ri Dios paqaqꞌabꞌ.  
\v 16 Tekꞌuchiriꞌ we xutzin ri qachak chixoꞌlibꞌal alaq, utz kꞌu riꞌ kojel bꞌi y kojꞌek pa kꞌamajaꞌ katzijox wi ri Utzilaj Tzij re ri Cristo, y jelaꞌ na keꞌqamina ta qibꞌ pa ri chak re jun chik, chaꞌ na kaqatakꞌabꞌaꞌ ta qaqꞌij rukꞌ ri chak na qaꞌanom ta riꞌoj.   
\q1
\v 17 China kꞌu ri karaj kuyak uqꞌij,  
\q1 e chuqꞌalajisaj riꞌ janipa ri uꞌanom  
\q2 ri Dios Qajawxel che rubꞌinik usilabꞌik \rq Jer. 9:23-24 \rq*   
\m
\v 18 Ma we jun kutakꞌabꞌaꞌ uqꞌij xa chiribꞌil ribꞌ, riꞌ na jinta uchak ri kuꞌano; noꞌj we e ri Dios kayakaw uqꞌij, e qꞌalaj riꞌ utz ri chak uꞌanom.   
\c 11  
\s1 Ri kakiꞌan taqoꞌn chikibꞌil kibꞌ  
\p
\v 1 Chinkuyu kꞌana alaq we kinchꞌaꞌt kꞌenoq pachaꞌ junoq chꞌuꞌjerinaq.  
\v 2 Kanꞌan kꞌu waꞌ ma lik kꞌax kannaꞌ alaq, yey wa kꞌaxnaꞌbꞌal nukꞌuꞌx che alaq e ri Dios kojoyom pa wanimaꞌ. Ma riꞌin nuyaꞌom alaq puqꞌabꞌ ri Cristo y xew puqꞌabꞌ Rire kuaj kꞌo alaq. E pachaꞌ juna achi echiriꞌ kuya rumiꞌal puqꞌabꞌ juna ala pa kꞌulanikil. Ri karaj rachi e kuya puqꞌabꞌ rala jun saqil qꞌapoj ali. Jekꞌulaꞌ ri kuaj riꞌin che ralaq e na jinta kꞌana chꞌul che alaq chwach ri Cristo.  
\v 3 Lik kubꞌisoj nukꞌuꞌx ma kꞌaxtaj kakꞌulumaj e alaq jelaꞌ pachaꞌ ri xukꞌulumaj ri Eva ojertan echiriꞌ xsokotaj ruma ri tzel unoꞌjibꞌal ri kumatz. Ma kꞌaxtaj kajalkꞌataj ri naꞌoj alaq, kesaj kꞌu ibꞌ alaq puqꞌabꞌ ri Cristo y na kataqej ta chi alaq rukꞌ ronoje kꞌuꞌx alaq.  
\v 4 Kambꞌiꞌij waꞌ ma echiriꞌ kopon junoq ukꞌ alaq, tobꞌ junwi ri tzijonik kuꞌan puwi ri Jesús chwach ri tzijonik qaꞌanom riꞌoj che alaq, ¡lik kakꞌul kꞌu alaq riꞌ! Y kakꞌul ne alaq ri petinaq rukꞌ juna chik uxlabꞌixel, tobꞌ na e ta ri Ruxlabꞌixel ri Dios kꞌulum chi alaq. Kakꞌul ne alaq jun chik tzij, tobꞌ junwi chwach ri Utzilaj Tzij kojom chi alaq.   
\p
\v 5 Kꞌo ri kakibꞌiꞌij e nimaq taq taqoꞌn yey kakitakꞌabꞌaꞌ kiqꞌij. ¿Kꞌo nebꞌa más kiwach rike chinuwa riꞌin? Kanchꞌobꞌ riꞌin, na jintaj.  
\v 6 Ma tobꞌ na kinchꞌaꞌt ta riꞌin rukꞌ nimaq taq chꞌaꞌtem pachaꞌ ri kakiꞌan rike, pero riꞌin más kꞌo wetaꞌam chikiwa rike; y waꞌ nukꞌutum chiwach alaq rukꞌ ronoje ri nuꞌanom chixoꞌlibꞌal alaq.   
\p
\v 7 Laj kꞌo ri kakichꞌobꞌ raqan na jinta nuwach; ma echiriꞌ xintzijoj ri Utzilaj Tzij re ri Dios che alaq, na xintzꞌonoj tane kꞌana rajil ri nuchak. ¿Kꞌo nebꞌa numak riꞌ chiwach alaq ruma waꞌ? Ma we xinꞌan chꞌutiꞌn che wibꞌ, e chaꞌ kanimarisax qꞌij ralaq chwach ri Dios.  
\v 8 Echiriꞌ riꞌin xinkꞌojiꞌ ukꞌ alaq, e jujun chik iglesias ri xkitaq lo puaq chwe. Ekꞌu xinkꞌam puaq chike rike chaꞌ utz xinqꞌalajisaj ri Utzilaj Tzij chiwach ralaq.  
\v 9 Ma echiriꞌ in kꞌo ukꞌ alaq yey kꞌo kꞌu xajawax chwe, na jinta xintzꞌonoj che ralaq. Ri xetoꞌw we e ri hermanos e petinaq Macedonia. Na jinta kꞌu xinkꞌam che ralaq ma na xuaj taj xinya alkꞌayew che alaq y na kuaj tane kanꞌan waꞌ chiqawach apanoq.  
\v 10 Yey paqatzij wi ri Qꞌijsaq re ri Cristo pa wanimaꞌ kꞌo wi; ruma kꞌu riꞌ kanjikibꞌaꞌ uwach waꞌ: E na jinta junoq chilaꞌ Acaya kesan re ri kiꞌkotemal kannaꞌo ruma na kanya ta alkꞌayew che alaq.  
\v 11 Chiwach ralaq, ¿saꞌ nawi ubꞌe na kantzꞌonoj ta wajil che alaq? ¿Ruma nawi na kꞌax ta kannaꞌ alaq? Na e ta riꞌ, ma ri Dios lik retaꞌam saꞌ ri kꞌo pa wanimaꞌ.   
\p
\v 12 Ekꞌu ri na kantzꞌonoj ta wajil che alaq, na kanwoqꞌotaj ta uꞌanik chaꞌ jelaꞌ kaqꞌalajinik na junam ta kojchakun riꞌoj pachaꞌ ri jujun chik, ri kakijunimaj ri kichak rukꞌ ri qachak riꞌoj xa re yakbꞌal kiqꞌij.  
\v 13 Rike xa e sokosoꞌnel, na e ta saqil taqoꞌn ma kiꞌanom che kibꞌ pachaꞌ e taqoꞌn re ri Cristo.  
\v 14 Makam kꞌu animaꞌ alaq che waꞌ; ma jenelaꞌ kuꞌan ri Satanás, kuꞌan che ribꞌ pachaꞌ e jun ángel re Qꞌijsaq.  
\v 15 E uwariꞌche makam animaꞌ alaq che we ri e aj chak re ri itzel winaq kakiꞌan che kibꞌ pachaꞌ e ꞌanal re ri jusukꞌ. Pero kopon kꞌu ri qꞌij echiriꞌ kakikꞌul na ri tojbꞌal re ri na utz taj kiꞌanom.   
\p
\v 16 Jumul chik kambꞌiꞌij: Machꞌobꞌ alaq we riꞌin xinchꞌuꞌjerik. Yey we kꞌo junoq che alaq jelaꞌ kuchꞌobꞌo, chuyaꞌa luwar chwe kantakꞌabꞌaꞌ kꞌana nuqꞌij pachaꞌ junoq chꞌuꞌjerinaq.  
\v 17 Ri kaqatakꞌabꞌaꞌ qaqꞌij na e ta ukꞌutuꞌn ri Qanimajawal chiqe; pero kantakꞌabꞌaꞌ kꞌana nuqꞌij pachaꞌ junoq na jusukꞌ ta runaꞌoj.  
\v 18 Lik e kꞌi ri kakitakꞌabꞌaꞌ kiqꞌij ruma ri kakiꞌan che ruwachulew, yey woꞌora kanꞌan kꞌana we riꞌin.  
\v 19 Ralaq lik kꞌo naꞌoj alaq; na rukꞌ ta kꞌu riꞌ, lik kekꞌul alaq ri sachinaq kinaꞌoj.  
\v 20 E kuyum kꞌu alaq riꞌ rike tobꞌ lik ketaqan pawiꞌ alaq, kakichap ri e alaq y kakikꞌis ne rubꞌitaq e alaq, yey lik kakiꞌan nim che kibꞌ chiwach alaq. ¡Kuyum ne alaq tobꞌ kakipachꞌ qꞌabꞌ chipalaj alaq! Ronoje waꞌ kuyum alaq y na jinta kabꞌiꞌij alaq che.  
\v 21 Laj kꞌixbꞌal kꞌu chwe riꞌin ma na xinchꞌij ta uꞌanik pachaꞌ ri kakiꞌan rike.  
\p Pero we rike na kekꞌix ta che kakitakꞌabꞌaꞌ kiqꞌij, jekꞌulaꞌ riꞌ kanꞌan riꞌin, tobꞌ rukꞌ waꞌ pachaꞌ in chꞌuꞌjerinaq.  
\v 22 Rike kakitakꞌabꞌaꞌ kiqꞌij ma e aj hebreo; jelaꞌ riꞌin, in aj hebreo yey kanriq ri chꞌaꞌtem hebreo. Rike kakiꞌan nim che kibꞌ ma e kukꞌil ri tinamit re Israel, jelaꞌ riꞌin in kukꞌil ri tinamit re Israel. Rike kakiyak kiqꞌij ma e ralkꞌoꞌal kan ri Abraham; jelaꞌ riꞌin, in ralkꞌoꞌal kan ri Abraham.  
\v 23 Rike kakibꞌiꞌij e aj chak re ri Cristo, jelaꞌ riꞌin paqatzij wi in aj chak re ri Cristo yey más nim ri chak nuꞌanom riꞌin chikiwa rike. Tobꞌ kinchꞌaꞌt pachaꞌ in chꞌuꞌjerinaq, kambꞌiꞌij kꞌu waꞌ: Riꞌin más in chakuninaq y más nutijom kꞌax chikiwach rike. Ma ukꞌiyal laj bꞌalakꞌum nupa, ukꞌiyal laj inyaꞌom pa cárcel, ukꞌiyal laj xtewun ri kamik panuwiꞌ.  
\v 24 Raj judiꞌabꞌ woꞌobꞌ laj xkijichꞌ nupa pa treinta y nueve asial.\x * \xo 11:24 \xt Dt. 25:3\x*  
\v 25 Yey oxibꞌ laj in ꞌanom pa bꞌarijon, julaj in ꞌanom paꞌbꞌaj.\x * \xo 11:25 \xt Hch. 14:19\x* Oxlaj ya laj in jiqꞌinaq pa yaꞌ ruma xmuqutaj ri barco in kꞌo chupa, yey xinchꞌij ne jun aqꞌabꞌ rukꞌ jun qꞌij in kꞌo chwi ri mar.  
\v 26 Ukꞌiyal laj nuꞌanom unimal bꞌe. Ya laj in jiqꞌinaq pa taq nimayaꞌ. Ya laj in kaminaq pakiqꞌabꞌ eleqꞌomabꞌ y pakiqꞌabꞌ ri na e ta kukꞌil ri nutinamit. Ya laj inkamisam kuma ne ri watz-nuchaqꞌ. Ya laj inkamisam pa taq tinamit, pa taq luwar katzꞌintzꞌotik y chwi ri mar. Ya laj ne inkamisam kuma ri kakibꞌiꞌij kubꞌul kikꞌuꞌx rukꞌ ri Cristo, tobꞌ waꞌ na qatzij taj.  
\v 27 Nutijom kꞌaxlaj chak y kosik. Ukꞌiyal laj nukuyum waram, numik y tzajin chiꞌ. Ruma taq ri lik kꞌo kanꞌano, ukꞌiyal laj na utz ta chi ne xinwaꞌik. Nutijom kꞌaxkꞌolil tew y xinkanajik na jinta chi ne nuqꞌuꞌ.  
\v 28 Y xaqi uwi chi waꞌ, ri jujun qꞌij lik saꞌchi rubꞌis nukꞌuꞌx kuma taq riglesias; e kannaꞌ riꞌin waꞌ e pachaꞌ jun eqaꞌn kꞌo panuwiꞌ.  
\v 29 We kꞌo junoq kꞌo pa kꞌax y na jinta uchuqꞌabꞌ, e kannaꞌ riꞌin pachaꞌ in ri inkꞌulumayom re waꞌ. We kꞌo junoq kumin junoq chik pa ri mak, waꞌ kuya woyowal.   
\p
\v 30 We chirajawaxik kꞌut kanyak nuqꞌij, ri takꞌabꞌal nuqꞌij kanꞌano e kantzijoj taq ri kuqꞌalajisaj, riꞌin na jinta nuchuqꞌabꞌ.  
\v 31 Ekꞌu ri Dios, Ruqaw ri Qanimajawal Jesucristo ri na jinta utaqexik nim uqꞌij, e etaꞌmayom re na raqꞌubꞌal ta wa kambꞌiꞌij.  
\v 32 Tape kꞌu alaq ri xinkꞌulumaj Damasco: Ri aj wach kꞌo chwach ri rey Aretas xtaqan che kikojik e aj chajal re ri tinamit chaꞌ kinkichapo.  
\v 33 Yey ruma kꞌu riꞌ xinqasax lo chupa jun nimalaj chakach, ximom lo rukꞌ lazo chwi jun nimalaj tapia kꞌo ventana che.   
\c 12  
\s1 Tobꞌ ri Pablo lik utijom kꞌax, ruchuqꞌabꞌ ri Dios kꞌo rukꞌ rire  
\p
\v 1 Tobꞌ na jinta kutiqoj che junoq kuꞌan nim che ribꞌ, na rukꞌ ta kꞌu riꞌ kantzijoj saꞌ rukꞌutum y ruqꞌalajisam ri Qajawal chinuwach.  
\v 2 Lik wetaꞌam kꞌu uwach jun achi uyaꞌom ribꞌ puqꞌabꞌ ri Cristo. Ekꞌu kajlajuj junabꞌ waꞌ rikꞌowik echiriꞌ rire xkꞌam bꞌi kꞌa chilaꞌ chikaj. Na wetaꞌam ta kꞌut we xkꞌam bꞌi rukꞌ rucuerpo o xa e ri ranimaꞌ xeꞌek, xew ri Dios etaꞌmayom re.  
\v 3 Xew kꞌu wetaꞌam xkꞌam bꞌi, tobꞌ pachaꞌ ri nubꞌiꞌim chik, na wetaꞌam taj we xkꞌam bꞌi rukꞌ rucuerpo o xa e ri ranimaꞌ xeꞌek, xew ri Dios etaꞌmayom re.  
\v 4 Ri wetaꞌam, e xkꞌam bꞌi chupa ri chomilaj luwar chilaꞌ chikaj. Chilaꞌ kꞌu riꞌ xuta chomilaj taq tzij yey waꞌ na yaꞌtal tane kꞌana che junoq kutzijoj.  
\v 5 Kambꞌiꞌij kꞌu riꞌ, utz kanyak uqꞌij ri xilow re y ri xtaw re waꞌ. Pero we kanyak nuqꞌij riꞌin, na e ta kantzijoj ri qꞌalajisam chwe, ma xew kantzijoj ri kꞌaqibꞌal bꞌi nuqꞌij.  
\v 6 Ma we ta kuaj kanyak nuqꞌij ruma ruqꞌalajisam ri Dios chwe, riꞌ na raqꞌubꞌal ta ri kambꞌiꞌij, ma lik e ubꞌe riꞌ. Pero na kanꞌan taj, ma na kuaj taj kꞌo junoq kukoj uwi ri ilitajinaq y ri tatajinaq chwe.   
\p
\v 7 Yey chaꞌ na kanyak ta kꞌu nuqꞌij ruma na jinta kꞌana kꞌo wi ri qꞌalajisam chwe, xyaꞌtaj kꞌu che ri Satanás kukoj jun kꞌax che ri nucuerpo pachaꞌ juna kꞌiix xaqi kuchꞌikichꞌaꞌ chwe.  
\v 8 Ruma kꞌu riꞌ, oxlaj xinelaj che ri Qajawal chaꞌ karesaj waꞌ chwe.  
\v 9 Noꞌj Rire jewaꞌ xubꞌiꞌij chwe: «Ri unimal rutzil nukꞌuꞌx kꞌo awukꞌ, e waꞌ ri lik kajawax chawe. Ma ri nuchuqꞌabꞌ más kaqꞌalajin kukꞌ ri na jinta kichuqꞌabꞌ» xchaꞌ. E uwariꞌche riꞌin lik kinkiꞌkot che echiriꞌ na jinta nuchuqꞌabꞌ, ma jelaꞌ e kakꞌojiꞌ ruchuqꞌabꞌ ri Cristo wukꞌ.  
\v 10 Ruma kꞌu laꞌ, rukꞌ kiꞌkotemal kanchꞌij taq ri kꞌax kape panuwiꞌ ruma in re ri Cristo, tobꞌ na jinta nuchuqꞌabꞌ, tobꞌ e kꞌo ri tzel kechꞌaꞌt lo chwij, tobꞌ nukuyum nibꞌaꞌil, tobꞌ inyaꞌom pa kꞌax y pa bꞌis; ma echiriꞌ kannaꞌo na jinta nuchuqꞌabꞌ, e más kannaꞌ ruchuqꞌabꞌ ri Cristo kꞌo wukꞌ.   
\p
\v 11 Xa uma kꞌu ralaq xintakꞌabꞌaꞌ nuqꞌij pachaꞌ kuꞌan junoq na jusukꞌ ta runaꞌoj, pero e ralaq xinminow alaq chupa. Ekꞌu ri lik usukꞌ e ralaq ri kayakaw alaq nuqꞌij. Ma tobꞌ na jinta nuwach riꞌin, pero waꞌ wa nimaq e taqoꞌn ri xa kakiꞌan nim che kibꞌ, rike na jinta más kiwach chinuwa riꞌin.  
\v 12 Echiriꞌ xinchakun chixoꞌlibꞌal alaq, xqꞌalajin chiwach alaq in utaqoꞌn ri Cristo. Ma echiriꞌ xinkꞌojiꞌ ukꞌ alaq, na xinkos ta che ukꞌutik chiwach alaq taq ri kꞌutubꞌal re ruchuqꞌabꞌ ri Dios rukꞌ nimaq taq milagros.  
\v 13 ¿Saꞌ nawi ri xinjaljobꞌ wi chiwach alaq? ¿Na xinꞌan ta nebꞌa che alaq pachaꞌ ri xinꞌan chike ri nikꞌaj chik iglesias? Laj e ri xinjaljobꞌ wi ma na xinya ta alkꞌayew che alaq ruma na xintzꞌonoj ta wajil che alaq. We e numak waꞌ, kuyu alaq numak.   
\s1 Ri Pablo kuyijbꞌaꞌ pan ri urox roponibꞌal Corinto  
\p
\v 14 Tape alaq: Riꞌin nuyijbꞌam chi wibꞌ chaꞌ kinopon ukꞌ alaq churox laj. Y we xinoponik, na kanya ta alkꞌayew che alaq, ma na jinta kꞌo kantzꞌonoj che alaq. Ekꞌu ri kuaj che alaq na e ta ri kꞌo ukꞌ alaq, ma e ri kakꞌut alaq ri rutzil kꞌuꞌx alaq chwe. Xew kꞌu lik kuaj kantoꞌ alaq pachaꞌ kuꞌan juna achi kukꞌ ri ralkꞌoꞌal. Ma chike ri kichu-kiqaw taqal wi kakitzukuj ri kajawax chike ri chꞌutiꞌq; na e ta ri chꞌutiꞌq ri taqal chike kakitzukuj ri kajawax chike ri kichu-kiqaw.  
\v 15 Ekꞌu riꞌin rukꞌ ronoje nukꞌuꞌx na xew ta kankꞌis ronoje ri kꞌo wukꞌ, ma kanya ne wibꞌ che toꞌik alaq rukꞌ ri kꞌaslemal alaq chwach ri Dios. Pero e kanwil riꞌin, echiriꞌ más kankꞌut ri kꞌaxnaꞌbꞌal nukꞌuꞌx che alaq, e más kaqꞌobꞌ ri kꞌaxnaꞌbꞌal kꞌuꞌx ralaq chwe riꞌin.   
\p
\v 16 Etaꞌam kꞌu alaq na xinya ta alkꞌayew che alaq. Na rukꞌ ta kꞌu riꞌ, e kꞌo ri kakibꞌiꞌij xinwesaj ne puaq che alaq xa xeꞌlaqꞌay.  
\v 17 ¿Suꞌchak kachꞌobꞌ alaq waꞌ? ¿Kꞌo nebꞌa juna sokosoꞌnel nutaqom bꞌi ukꞌ alaq?  
\v 18 Riꞌin xintzꞌonoj che ri Tito keꞌrila alaq y xintaq bꞌi ri jun hermano rukꞌ. ¿Xuꞌan nebꞌa eleqꞌ ri Tito che alaq? Rire junam wukꞌ riꞌin xa jun qakꞌuꞌx che ri kaqaꞌano.   
\p
\v 19 Hermanos, laj kachꞌobꞌ alaq e ronoje wa nubꞌiꞌim loq xa re toꞌbꞌal qibꞌ, pero na e ta riꞌ. Ma paqatzij wi chwach ri Dios y chupa rubꞌiꞌ ri Cristo qabꞌiꞌim lo waꞌ re toꞌbꞌal e alaq, ri lik kꞌax kaqanaꞌ alaq.  
\v 20 Kubꞌisoj nukꞌuꞌx ma kꞌaxtaj we xinopon ukꞌ alaq, na utz ta ꞌanom alaq y jelaꞌ kꞌu riꞌ na kukꞌul ta nukꞌuꞌx ri kiꞌnriqaꞌ. Yey we e riꞌ, laj na kukꞌul ta kꞌuꞌx alaq ri woponibꞌal ma riꞌ yaj ri kiꞌnꞌanaꞌ. Kubꞌisoj kꞌu nukꞌuꞌx ma kꞌaxtaj kꞌo chꞌaꞌoj chixoꞌlibꞌal alaq, kꞌo ri kꞌax kikꞌuꞌx chikij jujun chik, kꞌo oyowal chiwach alaq, jachom pa alaq, kꞌo ri kakichꞌamij kibꞌ, kꞌo ri e aj molot, kꞌo ri kakiꞌan nim che kibꞌ yey e kꞌo ri e soqꞌosaq e kiwach e tzukul chꞌaꞌoj.  
\v 21 Kubꞌisoj kꞌu nukꞌuꞌx ma kꞌaxtaj we xinopon tanchi ukꞌ alaq, laj kiꞌnriqaꞌ e kꞌi che alaq kꞌa e kꞌo pa mak y na kitzelem ta kitzij chwach ri Dios; ma kakiꞌan taq ri chꞌulilaj mak, kaketzꞌabꞌej uwa kiqꞌij kukꞌ jujun chik na kikꞌulel taj y kiyaꞌom kibꞌ che uꞌanik ronoje taq ri rayibꞌal re ri kitiꞌjil. We xiꞌnriqa kꞌu riꞌ waꞌ, lik kinkꞌix chwach ri Dios uma ralaq y kebꞌenuwoqꞌej kꞌu riꞌ ri kebꞌanaw re waꞌ.   
\c 13  
\p
\v 1 Rutzij Upixabꞌ ri Dios jewaꞌ kubꞌiꞌij: «We e kꞌo kebꞌ oxibꞌ kakijikibꞌaꞌ uwach rumak junoq ma xkilo echiriꞌ kamakunik, kaqꞌat kꞌu tzij riꞌ puwi raj mak.»\x * \xo 13:1 \xt Dt. 19:15\x* E urox laj waꞌ kinopon ukꞌ alaq,  
\v 2 yey kꞌo kuaj kambꞌiꞌij che onoje alaq y chike ri na koqꞌotam ta kan ri kimak. Waꞌ e ri nubꞌiꞌim chi kan che alaq echiriꞌ xinopon chukalaj ukꞌ alaq y woꞌora kambꞌiꞌij tanchik tobꞌ na in jinta ukꞌ alaq: We xinopon tanchik, na kiꞌntoꞌo ta wiꞌ alaq.  
\v 3 Kankꞌut kꞌu riꞌ chiwach alaq ri katzꞌonoj alaq, waꞌ e ri kꞌutubꞌal re we paqatzij wi ri nutzij riꞌin e utzij ri Cristo. Ma Rire na kuxiꞌij ta ribꞌ yey lik kꞌo uchuqꞌabꞌ re kusukꞌupij ri bꞌinik silabꞌik alaq.  
\v 4 Paqatzij wi ri Cristo echiriꞌ xkamisax chwa cruz e pachaꞌ na jinta uchuqꞌabꞌ, pero woꞌora Rire kꞌaslik ruma ruchuqꞌabꞌ ri Dios. Jekꞌuriꞌlaꞌ we riꞌoj xa jun qaꞌanom rukꞌ ri Cristo, e pachaꞌ na jinta qachuqꞌabꞌ ruma ri kꞌax kaqatijo, noꞌj kojkꞌasiꞌ ruma ruchuqꞌabꞌ ri Dios kꞌo qukꞌ yey kaqakꞌut na kꞌu riꞌ wa chuqꞌabꞌ echiriꞌ kojopon ukꞌ alaq.  
\v 5 Chꞌobꞌo alaq raqan we paqatzij wi kꞌo kꞌutubꞌal re ri kubꞌulibꞌal kꞌuꞌx alaq rukꞌ ri Qanimajawal Jesucristo y kꞌo kꞌu alaq puqꞌabꞌ Rire. ¿Na etaꞌam ta nebꞌa alaq Rire kꞌo pa animaꞌ alaq? ¿O kꞌaxtaj na jinta ne kꞌana kꞌutubꞌal re waꞌ chupa ri bꞌinik silabꞌik alaq?  
\v 6 Ekꞌu kuaj riꞌin ketaꞌmaj alaq waꞌ: Che ri qabꞌinik qasilabꞌik kaqꞌalajinik kꞌo ri Cristo pa qanimaꞌ y Rire kakiꞌkot rukꞌ ri qaꞌanom.  
\v 7 Kaqatzꞌonoj kꞌu che ri Dios chaꞌ ralaq na katzaq ta kꞌana alaq chupa ri na utz taj. Na kaqatzꞌonoj ta waꞌ re yakbꞌal qaqꞌij riꞌoj, ma xew kaqaj kaꞌan alaq ri utz, tobꞌ e kꞌo ri kakikꞌaq bꞌi qaqꞌij riꞌoj.\f + \fr 13:7 \ft “Tobꞌ e kꞌo ri kakikꞌaq bꞌi qaqꞌij riꞌoj”: We ri aj Corinto kakiyijbꞌaꞌ kibꞌ, na kajawax ta chik kaqꞌat tzij pakiwiꞌ. We jekꞌulaꞌ riꞌ xuꞌano, laj e kꞌo jujun kakibꞌiꞌij na jinta uchuqꞌabꞌ ri Pablo ma na xuqꞌat ta tzij pakiwiꞌ jelaꞌ pachaꞌ ri ubꞌiꞌim loq.\f*  
\v 8 Ma riꞌoj na jinta paqaqꞌabꞌ kaqakꞌaq bꞌi kiqꞌij ri kebꞌin chupa ri Qꞌijsaq. Ri kaqaꞌano e kojchakun ne ruma ri Qꞌijsaq chaꞌ konoje kebꞌin chupa.  
\v 9 E uwariꞌche lik kojkiꞌkot che we kakꞌojiꞌ chuqꞌabꞌ ralaq che uꞌanik ri utz, tobꞌ kilitaj kꞌut pachaꞌ e na jinta chi qachuqꞌabꞌ riꞌoj. Kaqatzꞌonoj kꞌu che ri Dios chaꞌ e kuchomaj chi utz ri bꞌinik silabꞌik alaq.  
\v 10 Ruma kꞌu waꞌ, kintzꞌibꞌan apanoq xaloqꞌ kꞌamajaꞌ kinopon ukꞌ alaq, chaꞌ we xinoponik, na kajawax ta chi kꞌax kinchꞌaw pawiꞌ alaq. Ma ri chak uyaꞌom ri Dios chwe e re kꞌiyibꞌal alaq, na re ta sachibꞌal wach alaq.   
\s1 Kꞌisbꞌal uchꞌaꞌtem ri Pablo che riglesia kꞌo Corinto  
\p
\v 11 Kꞌisbꞌal kꞌu re hermanos, kambꞌiꞌij waꞌ che alaq: Kꞌola kiꞌkotemal pa animaꞌ alaq, sukꞌupij ri bꞌinik silabꞌik alaq chwach ri Dios, nimarisaj kꞌuꞌx alaq chiwach alaq, chuꞌana xa jun kꞌuꞌx alaq y kꞌola alaq chi utzil chomal. Y ekꞌu ri Dios, ri aj yaꞌl utzil chomal y rutzil kꞌuꞌxaj, kakꞌojiꞌ ukꞌ alaq.  
\v 12 Yaꞌa rutzil wach alaq chiwach alaq rukꞌ jun saqil tzꞌubꞌuj chiꞌaj chwach ri Dios.\f + \fr 13:12 \ft Ri Pablo jewaꞌ xubꞌiꞌij ma rike e kakiꞌan waꞌ chikiwach echiriꞌ kakiya rutzil kiwach.\f*  
\v 13 Konoje ri hermanos wara kakiya pan rutzil wach alaq.  
\v 14 Kꞌulu kꞌu onoje alaq ri unimal rutzil ukꞌuꞌx ri Qanimajawal Jesucristo y ri rutzil ukꞌuꞌx ri Dios, yey chuꞌana xa jun kꞌuꞌx alaq ruma ri Santowilaj Ruxlabꞌixel. Amén.