\id JAS  
\h Naiꞌ Yakobus 
\toc1 Surat naꞌko aꞌnaak akrei uuf, kaan ee naiꞌ Yakobus reꞌ feꞌ nasaitan sin beꞌi-naꞌi sin rais pirsait he npirsain neun Yesus Kristus 
\toc2 Naiꞌ Yakobus 
\toc3 Yak 
\mt2 Surat naꞌko aꞌnaak akrei uuf, kaan ee  
\mt1 naiꞌ Yakobus  
\c 1  
\s1 Tabe ma haan buseet  
\p
\v 1 Tabe ma haan buseet naꞌko au, naiꞌ Yakobus kau. Au reꞌ ia, Uisneno ma hit Usiꞌ, Yesus Kristus Sin aan renuꞌ-aan rekaꞌ.  
\p Au ꞌtui surat reꞌ ia, ma ꞌsoun ee neitin ki atoin Yahudis reꞌ hi mituin amrair Usif Yesus, reꞌ hi mitua et areꞌ pah-pah.\f + \fr 1:1 \ft Uab Yunani ntui mnak, “anfee je neu uuf boꞌes am nua reꞌ anmonin boꞌ-baits ok”. Nok ranan naan, hit tahiin tak, naiꞌ Yakobus antui in surat neu atoin Yahudis reꞌ nasranin nrarin. Mes in faineekt ein anbin ia, antoom neu too sraniꞌ ok-okeꞌ.\f* \x + \xo 1:1 \xt Naiꞌ Mateos 13:55, Naiꞌ Markus 6:3, Haef ein sin Retaꞌ 15:13, Galatia 1:19\x*   
\s1 Karu nmuiꞌ haꞌmuꞌit, maran ma mpirsai piut meu Uisneno  
\p
\v 2 Aok-bian arki! Au he utoon ki on nai: karu hi miꞌeuk mok susat humaꞌ-humaꞌ te, kais amneek ꞌoer. Amtoup susat naan nok neek marine, natuin namuni te, of reko.  
\v 3 Fin hit tahiin tak, karu hi maran ambi susat on naan ate, ma hi msoi maan om miꞌko furit pah-pinan, ma hi mpirsai piut feꞌ meu Uisneno, naan anmoeꞌ hi neekm ein naan antainiin ein, karu hi mipein rais furit pah-pinan bian.  
\v 4 Hi kais amtet-koit miꞌko susat. Maut he hi bisa minoniꞌ he maran ambi susat, tar antea hi minokab ma mitiis jom. Nok ranan naan, hi mjair tuaf reꞌ mimnasi mbi ꞌmoꞌet ma ꞌtaos, ma ka mkuran fa saaꞌ es amsaꞌ.   
\s1 Attoit saaꞌ es naꞌko Uisneno, ro he neek ii kais naꞌoniꞌ  
\p
\v 5 Karu naꞌko hi arki, reꞌ amnaben hi tuam ein ka mihiin fa raan aꞌpoꞌi naꞌko susat, hi bisa mitaan meu Uisneno, reꞌ nahiin areꞌ saaꞌ-saaꞌ. In es reꞌ bisa nakriraꞌ raan aꞌpoꞌi neu ki. In es reꞌ anfei ranan nok neek marine, ma In ka natoꞌon ki fa, karu hi mtoit Je.  
\v 6 Mes karu amtoit Je, ro he neekm aan kais naꞌoniꞌ. Hi ro he mpirsai batuur-batuur mak, In bisa nfee saaꞌ-saaꞌ reꞌ hi mtoit je naan. Fin karu hi mtoit nok neek aꞌoniꞌ, hi mjair on reꞌ okin reꞌ anpeeꞌ ma nrikraakn ok piut-piut natuin ain koꞌu.  
\v 7-8 Tuaf-tuaf reꞌ anꞌaijooꞌ gon, rabah ate in neekn ee ka natea fa nbi areꞌ kanan rasi. In kais anharap ma nafnekan nak, in of napein saaꞌ-saaꞌ naꞌko Uisneno.   
\s1 Amaꞌmuꞌit ma amuꞌit  
\p
\v 9 Atoin amaꞌmuiꞌt ein reꞌ anpirsain nrarin neun Usif Yesus, sin ro he nharineb sin neek ein, natuin Uisneno nait sin anjarin In nonot-asar sin.   
\p
\v 10-11 Ma atoin amuiꞌt ein reꞌ anpirsain nrarin neun Usif Yesus, sin ro he nmarinan amsaꞌ, natuin Uisneno nanoniꞌ sin he kais nabeꞌon. Oras ia, sin nahinin batuur nak, sin aꞌmuiꞌk ein of namnekun, on reꞌ fuboon aan, reꞌ nasuuf ate reokn ii kah een, mes ka ꞌroo fa te, maans ee nsae ma ntahaꞌ fubonaꞌ naan, rarit namneen. On naan amsaꞌ, atoin amuiꞌt ein. Maski sin ntaisibun nok sin uruusn ein, mes sin namnekun nkonon amsaꞌ.\x + \xo 1:10-11 \xt Naiꞌ Yesaya 40:6-7\x*   
\s1 Areꞌ kanan rais reko mneem ii naꞌko Uisneno, mes rais maufinu ka naꞌko fa Uisneno  
\p
\v 12 Uisneno anfee tetus-athoen neu tuaf-tuaf reꞌ naran anbi rais furiꞌ pah-pinan tar antea npoi nkoon. Rarit in ntoup in upa ꞌhonis reꞌ Uisneno nbaꞌan anrair he nfee je neu tuaf-tuaf reꞌ anneek Ee. In ntoup in upan on reꞌ atopu kraa mnatuꞌ.\f + \fr 1:12 \ft Uab Yunani ntui mnak “in ntoup στέφανος \ft \+it (stefanos)\+it* ꞌhonis”. \+it Stefanos\+it* naan, aꞌpiru ꞌnakaf reꞌ sin nfee je neu tuaf reꞌ napein juara nahuun anbi ꞌbaꞌet.\f*  
\v 13 Mimnau mirek-rekoꞌ! Karu anmuiꞌ tuaf naꞌko hi arki reꞌ napein rais furiꞌ pah-pinan, ma nroim he nmoeꞌ sanat, kais mikuu mmak, “Naan, Uisneno es reꞌ ansobaꞌ kau!” Fin Uisneno ka nroim niit fa he nmoꞌen nsaan. Ma In ka nsobaꞌ niit fa es amsaꞌ, he tuaf naan anroim he nmoꞌe nsaan.  
\v 14 Fin saant ii npoi naꞌko atoniꞌ in neekn ee kuun. Nahunu te, in nekan naan anroim he nmoeꞌ amreꞌut, rarit in nmurai natenab neu-mneem he nmoeꞌ rais reꞌuf.  
\v 15 Onaim in nmoeꞌ natuin tenab amreꞌut naan. Namuni te, Uisneno nhukun naꞌmaet tuaf-tuaf reꞌ anmoꞌen amreꞌut.   
\p
\v 16 Aok-bian manekat arki! Kais tuaf es napoi ki npaek rasin reꞌ ia.   
\p
\v 17 Rais maufiun ii ka naꞌuun fa naꞌkon Uisneno. Mes In nfee kit tetus-athoen reko, ma areꞌ saaꞌ-saaꞌ reꞌ kninuꞌ msaꞌ. In es reꞌ anmoeꞌ manas, funan ma kfuun ein. Sin arsin anꞌoins ok et neon goe tnanan, ma nmoeꞌ sin maofk ein naꞌbain ein piut-piut. Suma Uisneno kuun es reꞌ ka naꞌbaniꞌ niit fa.  
\v 18 Uisneno nareon ma nabarab anrair neu kit on nai: In nfee In Kabin ma Prenat amneot neu kit. Ma In npaek In Kabin ma Prenat naan, he namonib kit. Naꞌko areꞌ kanan saaꞌ-saaꞌ reꞌ In nmoeꞌ sin anbin pah-pinan ia, In npiri nrair kit he tjair In hau fua unuf.   
\s1 Amneen ma mmoeꞌ mituin Uisneno In Kabin ma Prenat  
\p
\v 19 Aok-bian manekat arki! Mimnau! Noniꞌ-taruꞌ areokt ii, on nai: kais miꞌuab ruum-ruum aah. Reko nneis, karu nmuiꞌ tuaf bian naꞌuab reko, hi mneen mirek-rekoꞌ. Ma kais maan aa fa te mitooꞌ.  
\v 20 Natuin karu mitooꞌ, atoniꞌ ka neu he nmoeꞌ fa rais reko natuin Uisneno In romin.   
\p
\v 21 Onaim hi ro he misnasab hi tuam ein miꞌko ꞌmoeꞌ sanat, nahuum on reꞌ atoin tani antoof in rene, rarit nout makrauf ein naan. Ma hi ro he mtoup Uisneno In Kabin ma Prenat nok neek aꞌparan amsaꞌ. Kabin ma Prenat naan, on reꞌ fini reꞌ anbeben ma ansenan sin et hi neekm ein. Karu hi mmoeꞌ on naan ate, Uisneno of nsoi nafetin nain ki naꞌko hi saant ein ok-okeꞌ, ma In ntoup ki, rarit hi mmoin mok Ne nabar-baar.   
\p
\v 22 Ma karu hi mihini mrair Uisneno In Kabin ma Prenat sin ate, hi ro he mmoeꞌ mituin sin. Kais amneen aah! Karu hi mneen ahaa, ma ka mmoeꞌ mituin fa, hi mipoi hi tuam ein kiim.  
\v 23-24 Karu atoniꞌ anneen anrair Kabin ma Prenat naan, ma ka nroim he nmoeꞌ natuin sin fa, in on reꞌ tuaf reꞌ ankius in human et ninu. Mes oras anninun nrair ma nasaitan ninu naan ate, in nnikan nain in human.  
\v 25 Mes hi kais amnikan he mparikas mirek-rekoꞌ Uisneno In Kabin ma Prenat reꞌ namtiis, reꞌ bisa nsoi nafetin naan atoniꞌ naꞌko in saant ein ok-okeꞌ. Uisneno of anfee tetus-athoen neu ki anbi areꞌ kanan saaꞌ-saaꞌ reꞌ hi mmoeꞌ sin, asar ramu hi mneen ma mituin In Kabin ma Prenat. Kais aar antaam anbi hi rukim aꞌrii, rarit anpoi nkono npeoꞌ hi rukim aꞌneꞌu.   
\p
\v 26 Karu tuaf anpaas on nak in atoin amakoet anbi rais Uisneno, mes ka nafreu nahiin fa in fefan, tuaf naan in napoi in tuan aa kuun. In rais pirsait naan, parsuum aah.  
\v 27 Natuin rais pirsait reꞌ kniun ii, ka nꞌoemeet kuun fa. Naan es reꞌ anharineb Amaꞌ Uisneno In nekan. Rais pirsait reꞌ batuur on naan, in nmoeꞌ tuaf anroim he nturun ma nbaab bifee baun ein, ma komeꞌ-manat sin. Tuaf reꞌ naꞌkiiꞌ anbi rais pirsait on reꞌ naan, ka nrae natuin fa furit naꞌko rais amreꞌut, ma npanat in kaan foo menin.   
\c 2  
\s1 Kais ambetis mak, aꞌnaet aiꞌ aꞌbaut  
\p
\v 1 Aok bian arki! On mee mꞌes hi bisa mak hi mpirsai Yesus Kristus, hit Usiꞌ reꞌ mapinaꞌ-makrahaꞌ naan, karu hi mpiir humaf? Kais on naan!  
\v 2 Kar-karu nmuiꞌ tuaf nua ntaman neu hi uim onen. Tuaf es anpaek tai arimat, ma nakrein kreni mnatuꞌ naheun in akrurun. Tuaf es antein anpaek tai kro-roef.  
\v 3 Rarit hi mtaisiub ma mseun meu apaek tai arimat, he mfee ne ꞌtook arekot ambi maat. Mes apaek tai kroef naan, hi mreun goe mmak, “Amhake mbi kotin nee! Kaah fa te, amtook meu afu!”  
\v 4 Nok reꞌ ranan hi mpiir humaf naan, hi on reꞌ afeek rasi reꞌ ka natai fa. Sarit amreuꞌt ii, in es reꞌ nafreu ki.   
\p
\v 5 Aok-bian manekat arki! Uisneno anpiir naan atoin aꞌbaut anbi pah-pinan ia, he sin anpirsain maꞌtaniꞌ neu Ne, on reꞌ anbin sin neek ein anmuꞌi ꞌmuꞌif. Ma In anpiir sin amsaꞌ, he sin napenin sapaaf ma namaꞌ et Uisneno In sonaf neno tunan, reꞌ In nbaꞌan he nfee je neu tuaf-tuaf reꞌ anneek Ee.  
\v 6 Mes nok ranan hi mpiir humaf on reꞌ naan, hi mmoeꞌ he miꞌparan atoin aꞌbaut ein. Te kaah, sin ka nmoꞌen fa maufinu saaꞌ-saaꞌ neu ki. Hi mnikan, aa oo? Atoin amuiꞌt ein es reꞌ nasusab niis ki. Ma sin es reꞌ natiꞌ te, namin rasi humaꞌ-humaꞌ, ma nheer anfonat ki meu umi feek rasi. Sin es reꞌ anpaar minan, on nai te hi mpaar knesan.  
\v 7 Hi reꞌ naan Usif Yesus In nonot-asar sin. Mes atoin amuiꞌt ein, sin es reꞌ naꞌuab naꞌreꞌuf Usif Yesus In kanan arekot. On mee mꞌes hi maen mituin sin?   
\p
\v 8 In areokn ii, hi mmoeꞌ mituin Uisneno In atoran es, reꞌ maꞌtaniꞌ nneis nak, “Ho ro he mneek ho aok-bian sin, namnees on ho mneek ho tuam.” Atoran naan matuꞌi et Uisneno In Suur Akninuꞌ.\x + \xo 2:8 \xt Aꞌnaak Rais Pirsait ein sin Atoran 19:18\x*  
\v 9 Mes karu hi mpiir humaf, ma mhariin ahaa atoin amuiꞌt ein sin neek ein, naan amtanhai mrair Uisneno In atoran. Natuin Uisneno In atoran hukun ate, hi msaan amrair.  
\v 10 Tuaf reꞌ anmoeꞌ natuin Uisneno In atoran hukun sin ok-okeꞌ, mes karu in ntanhai meesꞌ aah, naan humaꞌ meseꞌ on reꞌ in ntanhai nain sin ok-okeꞌ.  
\v 11 Uisneno anfee nrair prenat nak, “Kais ammakoin karu ka fee-mone fa.” In anfee prenat bian amsaꞌ nak, “Kais miꞌmaet atoniꞌ.” Onaim karu hi ka mmakoin fa, mes hi miꞌmaet atoniꞌ, naan hi mtanhai mrair Uisneno In atoran hukun.\x + \xo 2:11 \xt Anpoin naꞌkon Pah Masir 20:13,14, Surat reꞌ Naretaꞌ Nafaniꞌ Raan Aꞌhonis 5:17,18\x*   
\p
\v 12 Onaim karu hi mroim he miꞌuab, aiꞌ he mmoeꞌ rais jes, hi ro he mimnau mak: Uisneno of es nafeek karu hit tmoeꞌ tatuin In atoran he tmaneek es nok es, aiꞌ kaah. Natuin atoran naan bisa nafetin kit naꞌko In hukun.  
\v 13 Natuin Uisneno ka nkasian fa tuaf reꞌ ka nmuiꞌ fa rais kasian neu tuaf bian sin. Mes karu hi mmuiꞌ rais kasian meu tuaf bian, Uisneno of anmuiꞌ rais kasian neu ki msaꞌ. Hi kais mimtau mak hi of mipein Uisneno In hukun, natuin In nsoꞌi nrair hi rais kasian ein.   
\s1 Karu hit tpirsai batuur-batuur teu Uisneno, hit ro he tmoeꞌ tatuin In Kabin ma Prenat  
\p
\v 14 Aok-bian arki! Karu anmuiꞌ tuaf nak in npirsai Uisneno, mes ka nmoeꞌ fa saaꞌ-saaꞌ he nakriraꞌ in rais pirsait naan, naan ka maꞌosaꞌ fa. Rais pirsait on reꞌ naan, ka neik je fa neu rasi ꞌhonis.  
\v 15 Karu anmuiꞌ atoniꞌ aiꞌ bifee reꞌ anperluu batuur-batuur, es reꞌ ka nmuiꞌ fa pake-nohas, aiꞌ ka nmuiꞌ fa mnahat.  
\v 16 Karu hi suma mak, “Amnao murek-rekoꞌ! Maut he Uisneno es anfee ko tetus-athoen. Kais ain ee ntaman ko! Kais mumnaah ammaet!” Uab ein naan ka maꞌupan fa, karu hi ka mikriraꞌ fa rais turun-babat meu sin.   
\p
\v 17 Onaim ka nanokab fa, karu ho mak, ho mpirsai jah! Karu ho mpirsai jah, mes ka mmoeꞌ mutuin fa ho rais pirsait naan, in ka ntaam fa ‘rais pirsait’ antein. Karu on naan ate, in on reꞌ rais pirsait reꞌ anmate nrair, ma ka maꞌupaꞌ fa saaꞌ-saaꞌ.   
\p
\v 18 Anmuiꞌ tuaf bian bisa naꞌuab am nak, “Tuaf es bisa npirsai jah neu Uisneno, mes ka nmoeꞌ fa rais reko. Tuaf es antein bisa nmoeꞌ rais reko, mes ka npaek fa Uisneno In kanan.” Mes in raisn ii on nai: bukti naꞌko ho rais pirsait aan, es reꞌ ho mmoeꞌ rais reko. Mes karu ho ka mmoeꞌ fa rais reko, au ka bisa fa he ꞌiit bukti naꞌko ho rais pirsait naan. Au bisa ukriraꞌ au rais pirsait natuin ranan au ꞌmoeꞌ rais reko.  
\v 19-20 Ho mutuin noniꞌ reꞌ nak, “Uisneno naan, In meseꞌ kuun. Ka nmuꞌi ntein fa bian.” Reko msaꞌ! Mes niut reuꞌf ein sin reko nneis naꞌko ko, natuin sin npirsain on reꞌ naan amsaꞌ, tar antea sin namtau nmaten. Onaim kais mitenab mak, mihiin meik hi roenm ein te, nanokab. Kaah fa, tua!  
\p Naan, mono! Karu rais pirsait ii ka manesaꞌ ma maꞌafaꞌ fa, rais pirsait naan ka maꞌosaꞌ fa msaꞌ.   
\p
\v 21 Tait iꞌtopeꞌ taꞌko kaꞌo Abraham. Neno naan, in nmoeꞌ natuin saaꞌ reꞌ Uisneno napreent ee, ma neik in anah naiꞌ Isak he nafuat ee neu Uisneno nbi mei fuat. Es naan ate, Uisneno nak, “Naiꞌ Abraham anmoeꞌ batuur een!”\x + \xo 2:21 \xt Retaꞌ Ahun-hunut 22:1-14\x*  
\v 22 Naiꞌ Abraham anpirsai batuur, tar antea in nmoeꞌ natuin Uisneno In aprenat naan. Onaim nok ranan naan hit tahiin tak, in npirsai nok neek akbubuꞌ neu Uisneno, natuin in nmoeꞌ natuin In aprenat.  
\v 23 Onaim rasin reꞌ ia on reꞌ matuꞌi et Suur Akninuꞌ reꞌ nak, “Naiꞌ Abraham anpirsai Uisneno, rarit Uisneno ntoup goe njair atoin neek amneꞌo.” Ma matuꞌi msaꞌ am nak, “Naiꞌ Abraham naan, Uisneno In soob neek reko.”\x + \xo 2:23 \xt Retaꞌ Ahun-hunut 15:6, 2 Mapeꞌo ꞌNaof Pah Israꞌel ma Pah Yahuda 20:7, Naiꞌ Yesaya 41:8\x*   
\p
\v 24 Rais ji nakniun een, aiꞌ kaah? Hit tahiin tak, Uisneno antoup mansian karu in rais pirsait neu Uisneno naan, es reꞌ anmoeꞌ je ma nroim he nmoeꞌ rais reko. Pirsait ahaa te, ka nanokab fa.   
\p
\v 25 Aꞌtopeꞌ bian es reꞌ bi Rahap, bifee aꞌhakeꞌ oras unuꞌ. Oras atoin Yerikos sin naim he nroor naꞌmaet atoin Israelas sin asuntiurs ein ate, bi Rahap naꞌkoroꞌ sin. Rarit in nreun sin he naenan npoin npeꞌon raan aꞌtetaꞌ, he atoin ein kais anheek sin. Onaim Uisneno antoup bi Rahap anjair bifee neek amneꞌo, natuin in nmoeꞌ rais reko naan.\x + \xo 2:25 \xt Naiꞌ Yosua 2:1-21\x*   
\p
\v 26 Rais pirsait reꞌ ka manesaꞌ ma ka maꞌafaꞌ fa, nahuum on reꞌ aof reꞌ ka masnasaf fa, es reꞌ mates. On naan amsaꞌ, karu nmuiꞌ tuaf nak in npirsai Uisneno, mes ka nmoeꞌ fa rais reko, in napoi! Naan, rais pirsait reꞌ ka nmoin fa goen.   
\c 3  
\s1 Ampanat ho feefm aan  
\p
\v 1 Aok-bian arki! Anmuiꞌ tuaf amfaun anromin he nanoniꞌ apirsait ein. Naan reko msaꞌ! Mes mimnau, fin Uisneno of anparikas tar namnuut tuaf-tuaf reꞌ nanoniꞌ apirsait ein. Onaim kais anmuiꞌ tuaf reꞌ nanoniꞌ krafun-akrafun.   
\p
\v 2 Hit arkit taꞌuab atsaan humaꞌ-humaꞌ. Mes tuaf reꞌ bisa nafreu naan in fefan, in bisa nꞌator in tuan amsaꞌ.  
\v 3 Tait iꞌtopeꞌ naꞌko bikaseꞌ. Hit bisa tꞌator bikaseꞌ he natuin hit romik, atteetk ahaa in afreu.  
\v 4 Aꞌtopeꞌ bian naꞌko bnao oe. Ain kouꞌ gui anfuu bnao oe neu-mneem natuin in romin. Kamudi aanꞌ-aanꞌ ahaa mmees, in bisa nꞌator naan abnao oe naan in aꞌnaon, natuin anaaꞌ abnao naan in romin.  
\v 5 On naan amsaꞌ, hit fefak. Fefak reꞌ ia, aanꞌ-anaꞌ. Mes in meupn ein, maineun besi!\f + \fr 3:5 \ft Uab Yunani ntui mnak, ‘maaf’. Mes anbi eraꞌ 3:5-10, naiꞌ Yakobus antui anmatoom nok atoniꞌ in uaban. Karu Uab Metoꞌ Amarasi taꞌuab anmatoom nok es in uaban, hit ka tak fa ‘maaf’, mes hit biasa tak ‘fefaf’. On reꞌ: nfeef akreo, feef koꞌu, mafefaꞌ, feef maputuꞌ, fefan konan, nafeef, nmasau-feef, feef mapipiꞌ, feef ruum, feef baisenuꞌ, feef aꞌteem, feef aꞌpaah, feef mainikin, feef mahataꞌ, ... of aiꞌ anmuꞌi nteniꞌ.\f*  
\p Naan on reꞌ sapriu aan es, reꞌ bisa nout nareuꞌ nais kouꞌ goes.  
\v 6 Fefaf naan, on reꞌ ai piin ii nnuan on. Hit bisa tpaek hit fefak he tareuꞌ areꞌ kanan rasi. Hit fefak ia bisa nareuꞌ hit iꞌmoink ii no mes-meseꞌ. Rais amreꞌut amfaun nbi pah-pinan ia, anpoin naꞌko mansian ii in fefan. Ma niut reuꞌf ein sin aꞌnaak kouꞌ goe msaꞌ, npaek mansian ii in fefan he nanaob in mepun.   
\p
\v 7 Mansian ii bisa nheek muiꞌ fui, rarit namausab sin he njarin muiꞌ aem. On naan amsaꞌ, kaun anonok, koro, ma ikaꞌ nbi tais je nanan.  
\v 8 Mes ka nmuiꞌ fa tuaf es fa feꞌ, reꞌ nꞌator naan in fefan. Natuin fefaf naan, baer amreꞌut es, reꞌ ka tꞌator taan ee fa. In on reꞌ raso reꞌ annoman nain hit aok ii, tar antea tmaet.   
\p
\v 9-10 Nok fefaf meseꞌ, hit tpures ma tasekuꞌ nok. Naan ka reko fa! Hit tpaek hit fefak he tboꞌis Amaꞌ Uisneno. Rarit nok fefaf reꞌ naan amsaꞌ, hit tasekuꞌ ma taꞌakan hit aok-bian, reꞌ Uisneno nmoeꞌ je natuin In human ma In masan. On mee mꞌes on reꞌ naan?\x + \xo 3:9-10 \xt Retaꞌ Ahun-hunut 1:26\x*   
\p
\v 11 Ka neu fa he oe mataꞌ meseꞌ npuran napoitan oe miin reko ma miin mari.  
\v 12 Ka neu fa he mauns ii nafua okaꞌbanaꞌ! Ma ka neu fa he peen ii napuin anggur! Fin roet ii ro he nafua ma nanees natuin in atrekan.\f + \fr 3:12 \ft Uab Yunani ntui mnak, atoniꞌ ka bisa nseu fa fuaf συκῆ (\ft \+it sukei\+it*) naꞌko roet ἐλαία (\+it elaia\+it*), ma ka bisa nseu fa fuaf ἄμπελος (\+it ampelos\+it*) naꞌko roet συκῆ (\+it sukei\+it*). In sairt ii nak, roet huum es ka bisa fa nafua roet huum es in fuan. Naan ka batuur fa! On naan amsaꞌ on reꞌ tuaf anpaek in fefan he nboꞌis Uisneno, rarit fefaf reꞌ naan in npaek je he nasekuꞌ.\f* Nahuum on reꞌ hit ka bisa fa he tkui oe reko naꞌko niuf miin mari.   
\s1 Rais reko ma mahinif, in naꞌuu naꞌko Uisneno  
\p
\v 13 Atoniꞌ reꞌ nahiin rasi natuin Uisneno In hinit, kais anpaas on ma kais naꞌnaeb in tuan. Fin in nahiin nak, in hinit naan naꞌuu naꞌko Uisneno. Maut he in nakriraꞌ in mahinin naan anbi ꞌmonit amneot.  
\v 14-15 Karu ho mneek meens meu tuaf es, aiꞌ mumouf tuaf es he ho msekaꞌ, kais maiks om mak ho atoin ahiin rais reko ko! Naan, ho mupoi. Fin ꞌmonit on reꞌ naan ka natai fa nok ‘atoin ahiin rais reko’. Neek menas, aiꞌ mumouf tuaf, ka naꞌuu fa naꞌko Uisneno. Naan, atoniꞌ pah-pinan ia in amneik ein. Naan natai nok tuaf-tuaf reꞌ ka nnonaꞌ fa sin tuak ein neu Uisneno. Taos ein naan, natuin niut reuꞌf ein sin ranan.  
\v 16 Fin karu nmuiꞌ neek menas neu es, aiꞌ ammamoufun, of anmuiꞌ taisibu humaꞌ-humaꞌ, ma mansian ii anmoꞌen maufinu humaꞌ-humaꞌ.   
\p
\v 17 Mes rais hinit reꞌ naꞌuu naꞌko Uisneno, es reꞌ ia: nahunu te in nmoeꞌ kit he tmoni kninuꞌ. Rarit in nfee kit neek rameꞌ es nok es, taꞌparan tahiin jok, atsabaar piut, ma neek teas. In aafn ii msaꞌ nmoeꞌ hit neek ii reko, troim he tmaturun ma tmabaab, tataibaꞌ tahiin rasi, ma ka tteib fa koti-mmaat teu biak ein.  
\v 18 Ma tuaf reꞌ nakriraꞌ raan mamut of napein in upan arekot. Naan on reꞌ atoniꞌ nseen fini, namuni te in napein nafaniꞌ in afan arekot.   
\c 4  
\s1 Kais mutuin moꞌet ma taos pah-pinan  
\p
\v 1 Hi mmatoe ma mmabaan es nok es. In raisn ii saaꞌ? Naan natuin anbi hi sonam ma hi tnaanm ein naan, anmuiꞌ tuaf-tuaf reꞌ namin ranan he nharineb sin tuak ein kuuk.  
\v 2 Hi mikoman baer es, mes hi ꞌniim ein ka ntean fa he nreoꞌ naan ee. Rarit hi neekm ein namenan, ammatoe ma ammabaan, tar antea hi mroim he miꞌmaet es ate, ka mimtau fa.  
\p Natuin hi ka mꞌonen fa, ma ka mtoit fa naꞌko Uisneno, etun hi ka mipein je fa.  
\v 3 Maski hi mꞌonen mifeek hau-fatu msaꞌ, mes hi ka mipein fa saaꞌ reꞌ hi mtoit je, natuin hi mtoit mituin ahaa hi tenab reꞌ he minokab hi sarit meseꞌ-meseꞌ.   
\p
\v 4 Batuur-batuur hi atoin ka aꞌkiꞌit ki fa! Hi on reꞌ amatsaos reꞌ anmakaek. Karu hi mituin moꞌet ma taos pah-pinan, hi mmoeꞌ hi tuam ein ammamuus mok Uisneno. Batuur ate!  
\v 5 Etun Uisneno In Suur Akniunꞌ ee ntui mnak, “Uisneno natuabaꞌ In Asmaan Akniunꞌ ee et hit nekak. Es naan ate, Asmaan Akninuꞌ naan In roimn ii taꞌkiiꞌ tabaar tbi haa Na. Fin In reꞌ naan, amantinus.”  
\v 6 Saaꞌ antein, Uisneno nroim feꞌ he nfee nathoeb In nekan arekot amsaꞌ. Etun Suur Akniunꞌ ee ntui mnak:  
\q1 “Uisneno nraban tuaf reꞌ naꞌratan in tuan,  
\q2 mes In nakriraꞌ In nekan arekot neu tuaf reꞌ neek aꞌparat.”\x + \xo 4:6 \xt Fainekat 3:34\x*   
\p
\v 7 Uisneno naan, Aꞌnakaf! Onaim amnonaꞌ hi tuam ein naan meu Ne, he mituin In romin. Hi kais mituin niut reuꞌf ein sin aꞌnaak kouꞌ goe in romin. Amraban maꞌtaniꞌ meu ne. Nok ranan naan, in of naen nasaitan ki.  
\v 8-9 Maim ranan he hi mkuaꞌnoon ma mmoin nekaf meseꞌ mok Uisneno. Nok ranan naan, In npaumaak ki.  
\p Hae, mansian amonit anbi rais amreꞌut ki! Hi ro he minoon ma mineo hi ꞌmonim. Ma hi reꞌ neek abeot ein! Hi ro he mnao mneꞌo mituin Uisneno, ma kais amtebi ꞌrii-ꞌneꞌu ntein. Tar antea neno ia, hi ꞌmoinm ein anbin goah ahaa marine. Onaim oras ia, misnaas nai! Hi mihini mrair mak hi neekm ein anbeon, natuin hi saant ein. Reko nneis, hi mmeiꞌ jom ma mkae mpin-pinus nai.  
\v 10 Karu hi mihiin batuur-batuur mak, hi ka maꞌosaꞌ ki fa mbi Uisneno In human ma In matan, In of nait naꞌratan ki mjair tuaf-tuaf reꞌ maꞌosaꞌ nbi In human ma In matan.   
\s1 Kais miꞌuab miꞌreꞌuf es  
\p
\v 11 Aok-bian arki! Kais miꞌuab miꞌreꞌuf es nok es. Fin karu hi mmoeꞌ on naan ate, ma misaeb sanat piut neu atoniꞌ bian, hi mtanhai mrair Uisneno In atoran reꞌ nak, “Ho ro he mneek ho aom-bian, nahuum on reꞌ ho mneek ho tuam aan kuum.” Ma karu hi ka mituin fa atoran naan, hi miꞌratan amrair hi tuam ein anneis naꞌko Uisneno In Atoran.  
\v 12 Uisneno neikn On es nahakeb Atoran naan. Onaim In es reꞌ anmuiꞌ hak he nafeek hit rasin. In neikn On es anmuiꞌ hak he nsoi nafetin kit, aiꞌ anhukun naꞌmaet kit. Hi ka mmuiꞌ fa hak he mifeek atoniꞌ sin rasin, aiꞌ miꞌuab miꞌreꞌuf biak ein sin kanak arekot.   
\s1 Kais miboo  
\p
\v 13 On nai! Hi ro he mihiin, he kais miꞌuab am mak, “Neno ia, aiꞌ nokaꞌ, hai he mnao meu kota nee joo! Hai he mnao mitua maan on reꞌ toon es. Ma hai he mrakan he miis maan akreꞌo!”  
\v 14 Ho muhiin saaꞌ reꞌ nokaꞌ-nmeu te he njair? Ka tiit tain fa tuaf es, reꞌ nahiin nain in aꞌmoint ii on reꞌ mee. Mansian ii ꞌmoin ii on reꞌ nipuꞌ, reꞌ mamnitaꞌ rabah, rarit namneuk.\x + \xo 4:14 \xt Fainekat 27:1\x*  
\v 15 Reko nneis hi miꞌuab am mak, “Karu Uisneno nneek kit, maut he hit tmoin. Ma karu Uisneno nromi te, maut he hit bisa tmoeꞌ ia.”  
\v 16 Natuin karu hi ka miꞌuab fa on reꞌ naan, hi suma miboo goah. Naan on reꞌ hi mnikan main Uisneno nbi hi teenb ein. Naan saant ii koꞌu!   
\p
\v 17 Mimnau mirek-rekoꞌ! Tuaf reꞌ nahini nrair saaꞌ es reꞌ batuur, mes ka nmoeꞌ natuin fa on naan, naan on reꞌ in nmoeꞌ ansaan anrari msaꞌ.   
\c 5  
\s1 Atoin amuꞌit reꞌ anbeon, ro he npaant ok  
\p
\v 1-6 Atoin amuiꞌt ein! Ampasan hi ruikm ein he mneen mirek-rekoꞌ! Hi mtahan kai naꞌko tuaf-tuaf reꞌ anmepun hae nmaten neu ki. Oras ia, sin maskeet ein natoon maat-maat hi puta-kriu ngguin naan. Onaim Uisneno Apinat-Akrahat anneen ma niit anrair sakoit naꞌko tuaf-tuaf ameupt ein naan.\x + \xo 5:1-6 \xt Surat reꞌ Naretaꞌ Nafaniꞌ Raan Aꞌhonis 24:14-15\x*  
\p Hi meupm ein ambi pah-pinan ia, es reꞌ he miminab hi tuam ein meik rais marinet pah-pinan. Hi on reꞌ bijae paorn es reꞌ suma nahiin he naah aah, reꞌ antea in oors ate, anroro. Hi mhukun ma miꞌmaet atoin rekon, reꞌ ka napenin fa mainuan he namneob ok anbin hi humam ma hi matam.  
\p Atoin amuiꞌt ein! Reko nneis, amkae mpin-pinus nai! Fin maꞌneꞌat humaꞌ-humaꞌ of ro he nsaen ki. Hi ꞌmuiꞌm ein anmurai namreuꞌn een. Ma hi pake-nohas amasat sin, eets ein of ansoor naan sin. Hi noni mnatuꞌ ma mutiꞌ sin ka maꞌoos ein fa goen. Ma sin of naah nafaniꞌ ki, on reꞌ ai ji nout hau metoꞌ. On mee mꞌes pah-pinan ia he namsoup goen, mes hi amtaisiub feꞌ he mibuab bareꞌ ꞌmaten? Hi ꞌmuiꞌm ein of anjarin bukti nak, hi ka mihiin fa mee es reꞌ maꞌosaꞌ nbi Uisneno In human ma In matan.\x + \xo 5:1-6 \xt Naiꞌ Mateos 6:19\x*   
\s1 Amsabaar mbi susat  
\p
\v 7 Aok-bian arki! Hi ro he msabaar ambi hatas-paot tar Usiꞌ nkoen On anfain neem. Amkius kiim atoin tani reꞌ anpao nok sabaar neu in reen je afan. Uran ahuunt ee nmouf, rarit in nseen. Rarit in npao nteniꞌ uran reꞌ natorob ma namriab in roet ein. Ka ꞌroo fa te, nasufan ma nafuan. Ma in oors ee ntea te, tuaf naan annao nseki ma noun.  
\v 8 Hi ro he msabaar on reꞌ naan amsaꞌ. Amhaꞌtain hi tuam ein, natuin ka ꞌroo fa goen ate, Usiꞌ ankoen On anfain neem!   
\p
\v 9 Aok-bian arki! Kais ammaꞌmunuꞌ. Mee he mmaꞌmunuꞌ, mmaꞌmunuꞌ piut. Maut he Uisneno of es anhukun ki! Amkius kiim! Fin Afeek Rasi sonaf neno tuun ee, anhake nrair et hi maatm ein naan.   
\p
\v 10 Aok-bian arki! Mituin aꞌtopeꞌ naꞌko Uisneno In mafefa kniunꞌ ein. Maski sin napenin susat ma nanaꞌrenat humaꞌ-humaꞌ, mes sin naarn ein aah.  
\v 11 Karu anmuiꞌ tuaf reꞌ bisa naran anbi susat ma nanaꞌrenat, hit troim he tboꞌis taꞌnaeb in kanan. On reꞌ kaꞌo Ayup. In napein susat humaꞌ-humaꞌ, mes in naran maꞌtaniꞌ. Rarit Uisneno neekn ee nmouf neu ne, onaim In nmurai nꞌator neu naiꞌ Ayup saaꞌ-saaꞌ reꞌ reko. Uisneno nmoeꞌ on naan, natuin In Amanekat ma Amahoet.\x + \xo 5:11 \xt Naiꞌ Ayup 1:21-22, 2:10, Siit Pures-Boꞌis sin 103:8, Naiꞌ Yakobus 1:2-3,12\x*   
\s1 Rasi anmatoom nok supat  
\p
\v 12 Aok-bian arki! Hi kais mihakeꞌ supat. Karu hi he mak, “tua”, mitaah mak “tua” goah. Karu hi he mak, “kahaf”, mitaah mak, “kahaf”. On reꞌ naan ate, noo goah. Kais ambaineis he mihakeꞌ rais supat amteek niutn ee et pah-pinan. Aiꞌ mihakeꞌ supat mak, “nbi Uisneno In kanan” reꞌ anmoin et sonaf neno tunan. Ka nmuiꞌ fa upan saaꞌ-saaꞌ karu mihakeꞌ supat humaꞌ-humaꞌ. Natuin karu on naan ate, of amtoup main ho hukun, natuin ho rais supat sin.\x + \xo 5:12 \xt Naiꞌ Mateos 5:34-37\x*   
\s1 Onen reꞌ matopuꞌ  
\p
\v 13 Karu anmuiꞌ tuaf naꞌko ki napein susat, reko nneis in nꞌonen. Ma karu anmuiꞌ tuaf anmariin, reko nneis in nsii ma nboꞌis Uisneno.  
\v 14 Karu anmuiꞌ tuaf naꞌko ki napein menas, reko nneis miskau amepu krei ngguin, ma mtoit sin he ntaon minaꞌ nbi amenat naan, ma nꞌoen ein neik Uisneno In kanan, maut he Uisneno narekoꞌ amenat naan.\x + \xo 5:14 \xt Naiꞌ Markus 6:13\x*  
\v 15 Onaim karu hi mꞌonen amenat, ma mpirsai batuur-batuur meu Uisneno, Uisneno narekoꞌ amenat naan. Karu amenat naan anmoꞌe nsaan, Uisneno of annoes nain in saant ein.  
\v 16 Karu naꞌko ki ammoꞌe msaan, hi ro he mmanakuꞌ sanat es nok es. Nok ranan naan, ro hi mꞌonen es nok es ate, maut he hi mjair reko.  
\p Tuaf reꞌ in neekn ee kninuꞌ ma namneo, in nꞌoen ee naheun nok kuasa maꞌtaniꞌ, ma bisa tapein in afan.  
\v 17 Tait iꞌtopeꞌ naꞌko kaꞌo Elia. In mansian on reꞌ hit imsaꞌ. Mes oras in nꞌonen he kais naꞌuur antein, uran naan nasnaas nain, ma ka nmouf niit fa tar antea toon teun ma stenaꞌ.\x + \xo 5:17 \xt 1 Uisf ein sin Retaꞌ 17:1, 18:1\x*  
\v 18 Rarit in nꞌonen he ntoit uran, ma uran naan nmouf nain oras naan. Huun ein natoron ma nnoo maten, ma sekit amnonut amsaꞌ.\x + \xo 5:18 \xt 1 Uisf ein sin Retaꞌ 18:42-45\x*   
\p
\v 19 Aok-bian arki! Karu anmuiꞌ tuaf naꞌko ki reꞌ nmoꞌe nsaan ma nasaitan saaꞌ-saaꞌ reꞌ batuur, rarit anmuiꞌ tuaf reꞌ nturun ma nbaab ee nfain neem neu Uisneno In raan amneot, naan reko.  
\v 20 Mimnau mirek-rekoꞌ! Karu hi mturun tuaf reꞌ anmoꞌe nsaan, he in nfain neem neu Uisneno, ma in naꞌpiis, hi msoi maan ee, maut he in nmoin piut nok Uisneno. Nok ranan naan, Uisneno nnoes nain in saant ein reꞌ mfau-rutun naan.\x + \xo 5:20 \xt Fainekat 10:12, 1 Naiꞌ Petrus 4:8\x*  
\p On reꞌ naan, tua.  
\q2 Naꞌko au,  
\q2 naiꞌ Yakobus kau, tua.