\id REV  - Abau NT [aau] -Papua New Guinea 2006 (DBL -2014) 
\h MESAIR HRAHRA HA OK 
\toc1 Ouon-aw ok, Jon se ma mesair kow hrahra ha hok non 
\toc2 Mesair Hrahra Ha Ok 
\toc3 MHO 
\mt1 OUON-AW-OK KE MA MESAIR HRAHRA HA OK  
\mt2 Ouon-aw ok, Jon se ma mesair kow hrahra ha hok non  
\ip \bd Meyamey uwr hokwe:\bd* Aposel Jon.  
\ip \bd Yier hiy ma lwayr meyamey hokwe:\bd* Hiykwe oionwaw Patmos mon lwak non meyamey.  
\ip \bd Enekwei hiy ma meyamey hokwe:\bd* Hiykwe enekwei Yia 90-96 so ompok sok meyamey, Jisas hiy ma lokrue so meyki.  
\ip \bd Ok mamey mon ma lwak mokwe senkin:\bd* Mamey honon-honon erey mon kokwe, ok ipey-ar kokwe houkrueys non. Houkmon peyr ko kokwe sios Esia ko me meyamey kow (Sapta 1-3), houkmon meyki ko kokwe, now hyo-sikowp hyo-sikowp, hiy ma liawon ira o, mon-piap-ma-piap weynpaweyn, omok uwrsa mo owh mon lousne sa-ousne ey o, seme meyamey (Sapta 4-22).  
\ip Mamey okukwe weynpaweyn enekwei pariawey sok lousne ey me lohruw-a. Mamey okukwe hreme senkin mesair kow, God so Sipsip-ney Jisas so krai hokwe, Satan o, hyo poup lowpwarowp o, hmo eir mon lwak. Now non kokwe Jon hiykwe senkin lira, Satan se kokwe enekwei pariawey sok nuw-mon piapay lowpway ey. Peyr enekwei sohiy lousne lopa non kokwe, weynpaweyn piap-araw senkin senkin, hom lousne sa-ousne pie ey. Sawk hromo kristen hromkwe nonkway, Jisas aw lono akre-akre Uwr hiykwe ya ma-le a.  
\ip \bd Mamey ohok ko uron ipey-ar hokwe senkin:\bd* Mamey panpaniowni non okukwe senkin mesair kow, Jisas, God so Sipsip-ney ihey-ar hiykwe weynpaweyn piap-araw mokwe ya mon piapay a, weynpaweyn yaprue homkwaw lwak peyow peyow ey mokwe. Enekwei sohiy non kokwe eheyr-hu mokwe ya mon ahahay kow a, seyr aw ma-nak-ok lopa, seyr ma-lokrue lopa.  
\c 1  
\s1 Jisas Krais hiy sios iha sirom mu-nareysyar me ma mey kow hiy non  
\p
\v 1 Mamey okukwe God so ouon-aw-ok Jisas Krais hiy ma mesair kow hrahra hok non. Hiykwe hyo mey-uwr me mesair hrahra kow e, weynpaweyn omok lousne ey me. Ok somokwe, Jisas Krais hiykwe senkin mesair hrahra kow, hiykwe ensel prueyn se me-ha, hyo mey-uwr Jon so owh mon ley e. \x * \xo 1:1 \xt MHO 22:6\x*  
\v 2 Jon hiykwe God so ok o, ok-ar-ok, Jisas Krais hiy ma mesair hrahra sohom o, seyr omeme lowpwarowp hiy ma lira sohom o, seme ma-sahre mesor kumay.  
\v 3 Profet-ok, mamey erey ma lwak okukwe, posokwaw lira mesor e, hiykwe God so uron ihey-ar so ouon mon lwak. Seyr ok sokukwe posokwaw lonuayk e, seyr posokwaw nakruok kraiay e, homkwe God so uron ihey-ar so ouon mon lwak. Payhokuaw, enekwei hokwe pau ohriar. \x * \xo 1:3 \xt MHO 22:7,10\x*   
\s1 Jon so me-ihey-ok, sios iha sirom mu nareysyar me ma mey kow hok non  
\p
\v 4 Hakwe Jon, hakwe mamey okukwe uwrsa sios iha sirom mu nareysyar non kipay Esia mon ma lwak me mey kow. Maym-kow-yor o, liwak-marowhway-yor o, hmo mon ka lwak. Yor somokwe, hromo God pokon ko o, paraw ko o, omok ma ma-le ey o, seyr Niohney iha sirom mu nareysyar non God so sia-king so inour mon ma lwak, hmo mon le. \x * \xo 1:4 \xt Kis 3:14-15; MHO 4:5\x*  
\v 5 Jisas Krais hiy seyn, hme liy-liy-aw kow. Hiykwe God so ok me nan kiykiy-ay kraiay mesor kumay kow-uwr. Hiykwe ki-eyh ko se ma loksian mo peyrmawk-uwr. Hiykwe king lowpwarowp ki ko mo Hakamay, seyr hreme uron-pi ko-ar nuw-wak. Seyr hreme papo hror-say kow, hromo yor piap-araw mo ouon ko mokwe, hyo nioh arian non. \x * \xo 1:5 \xt Sng 89:27; Ais 55:4\x*  
\v 6 Seyr hiykwe hreme kokwe king orhey non o, pris orhey non o, po mon wak, hrom hyo Aio, God so mey ke meio kow e. Panpaniowni o, krai ipey-ar o, Jisas so mon-aw ka nuw-wak peyow peyow. Okar. \x * \xo 1:6 \xt 1 Pi 2:9; MHO 5:10; 20:6\x*   
\q1
\v 7 Seyn lira, hiykwe waw non laynak-aye. Uwrsa lowpwarowp homkwe hye lira ey, hmo nene arian non. Mo, uwr hye yeik non ma swapru-kawk sohom seyn, hye lira ey. Seyr uwrsa ki ko lowpwarowp hom seyn, hye hokuaw kokwe eheyr-yowp lyuk oun ey.  
\m Ok-arar, yor somokwe ya lousne a. \x * \xo 1:7 \xt Dan 7:13; Sek 12:10; 1 Te 4:17\x*   
\p
\v 8 God Hakamay hiykwe senkin me, “Hakwaw-aw, hakwe Peyr-ar ko, seyr hakwe Meyki-ar ko. Hakwe God, pokon ko, paraw ko, seyr omok ma ma-le ey sohiy non. Hakwe God Krai Lowpwarowp non.”   
\s1 Jon hiy Krais se ma lira hiy non  
\r (MHO 21:6; 22:13)  
\p
\v 9 Hakwe Jon, hmo wayh, seyr Jisas so meyki ma ley so hokuaw hokwe, hakwe hme nion low non-way kraiay-uwr. Hromkwe low hromo mon ma lousne omokwe, hromkwe meinkiowp-ney-aw seme linon kraiay, payhokuaw, hromkwe God so Wayr-hre-yier ko. Hanekwe Patmos oion-waw mon sehe lway swakeyn kow, ha God so ok ke ma mesor kumay o, seyr Jisas so mey me ma mesor hrorsay sohom o, seme hokuaw.  
\v 10 Hakamay so enekwei-ar lwak menkin, hanekwe sawk God so Niohney hiy nuw-wanohyay prusow. Hano meyki mon kokwe hakwe sawk uwr prueyn so wouk-ok ke lonuayk. Hiykwe aiopey hay nuw-iwowr me, seik-saw-hu aiopey hay se hieyn.  
\v 11 Uwr sohokwe senkin me, “Hunkwe pay me lira e, mamey non mey nok, sios iha sirom mu-nareysyar seme kwa mey kow ha, om Efesus ko o, Smerna ko o, Pergamum ko o, Taiataira ko o, Sardis ko o, Filadelfia ko o, seyr Laodisia ko o.”   
\p
\v 12 Hakwe sa sehe kiy-swahre, wouk-ok hane ma ar-me sehe lira e. Ha ma swahre ira hokwe, sawk hakwe lam-sey iha sirom mu-nareysyar gol non ma meio hom nakrok me lira.  
\v 13 Lam-sey sohom mo ompok mon kokwe, hakwe seyr uwr se lira. Uwr sohokwe Uwrsa mo Ney se hieyn. Hiykwe klos meiamei ke nuw-ie swawar-sow ha. Klos sokukwe hyo sune kreysyar ke nuwnak-swakuwmay ha. Seyr hiykwe sumow-mays gol non ma meio kokwe mu-mawk mon nak-oksa-peykyay. \rq Dan 7:13; 10:5\rq*   
\m
\v 14 Hyo makwey o, hyo makwey-ohne o, sipsip mo owh-ohne me hieyn, weyspey-ar nuw-wak, seyr waw-weys ke hieyn nuw-ira. Seyr hyo nene hokwe ya ma krikri ke hieyn nuw-krikri yar. \x * \xo 1:14 \xt Ese 43:2; Dan 7:9; 10:6\x*  
\v 15 Seyr hyo sune mokwe bras, ya aiopey hay hok ma loum wosayk wosayk mnow-mnow me hieyn lira. Seyr hyo wouk-ok kokwe yawp huhi-oksa aiopey hay se hieyn lwoun.  
\v 16 Hyo iha sayar kokwe napuar iha sirom mu nareysyar me nakruok. Seyr hyo woki kokwe aw-seik hok lousne. Aw-seik sohok ko por kreysyar kokwe arupey-araw. Hyo ine-maku hokwe ey aiopey hay mawkueir sok ma lo se hieyn-aw lyar nekie nekie. \x * \xo 1:16 \xt Hi 4:12; MHO 2:12; 19:15\x*   
\p
\v 17 Ha hye lira menkin, hakwe sawk hyo sune ohriar mon lokrue se hieyn makuayk hawon. Sawk hiykiaw hyo iha sayar non hane nekie nok, senkin kiy-me, “Peie hok o. Hakwe Peyr-ar ko, seyr hakwe Meyki-ar ko. \x * \xo 1:17 \xt Ais 44:6; 48:12\x*  
\v 18 Seyr hakwe Uwr, su ma lwayr peyow peyow hiy non. Hakwe papo lokrue, sawk seyn lira, hakwe su lwayr peyow peyow. Seyr hakwe krai lokrue ko o, uwrsa ma lokrue mo yier ko o, hoho eir mon lwak. Seyr ki, hehe kampi kow ey hokwe hano iha mon lwak.   
\p
\v 19 Ompay ompay pokon ko o, omok ma lousne ey sohom o, hwon ma lira somokwe, kwa mey prosue.  
\v 20 Napuar iha sirom mu nareysyar, hwon hano iha sayar mon ma lwak me ma lira sohom o, seyr lam-sey iha sirom mu nareysyar gol non ma meio sohom o, hmo ouon-aw-ok ko meyk-ar mokwe senkin: Napuar iha sirom mu nareysyar non somokwe sios iha sirom mu nareysyar mo ensel. Seyr lam-sey iha sirom mu nareysyar non somokwe sios iha sirom mu nareysyar non hom non.”   
\c 2  
\s1 Mamey sios Efesus ko me ma mey kow hok non  
\p
\v 1 “Hunkwe kwa mey kow ha, ensel sios Efesus ko se.  
\p Ok omokwe uwr, napuar iha sirom mu nareysyar hyo iha sayar mon ma nakruok o, lam-sey iha sirom mu nareysyar mo ompok mon ma lanio o, hyo ok. \x * \xo 2:1 \xt MHO 1:16\x*  
\v 2 Hakwe hno yor o, mey, hwon ma meio sese yay o, seyr hno lorok kraiay wayr yor o, somokwe papo nonkway. Seyr hakwe papo nonkway, hunkwe uwr, yor piap-araw me ma mon me lira muar. Seyr hunkwe uwr homkiaw-ayay aposel-ok ma me, seme papo leykawn ir, sawk hunkwe senkin lira nonkway, homkwe aposel korey. Homkwe okrei-uwr. \x * \xo 2:2 \xt 1 Jn 4:1\x*  
\v 3 Seyr hano uru se hokuaw kokwe low senkin senkin hno owh mon ma le mokwe, hunkwe nompou lwak pa, hunkwe meinkiowp-aw nuw-wak kraiay.   
\p
\v 4 Sawk hakwe hne ok kamon senkin kiy-me ley, hakwe kar ley pey, payhokuaw, hno yor, paraw hwon hane uron-pi ko-ar ma nuw-wak pie hokwe, enkin kokwe liy-liy-aw ma-lwak pey. Hunkwe po lokriy ha.  
\v 5 Hunkwe kwa ma-nanpanan, hwon ma makuayk meiamei se. Hunkwe hno yor piap ko me kankoum sow ne nok, yor yaprue me ma-mon nakyas, paraw hwon ma mon nakyas pie seme. Hunkwe senkin lon lopa lwak ankin, hakwe le nok, lam-sey hno owh mon ma lwak sehe nakway ok. \x * \xo 2:5 \xt MHO 3:3\x*  
\v 6 Sawk yor yaprue ihey, hno mon ma lwak kokwe senkin, hunkwe yor Nikolas so uwr-ku hom ma nakyas mokwe awnie awnie-aw lira. Ha seyn, hmo yor somokwe awnie awnie-aw lira.   
\p
\v 7 Uwr nweyk non hiykwe, ok, Niohney hiy sios me ma mekow seme kwa lonuayk. Uwr, aw-owk yaprue lowk ankin, hakwe now-i, now su lwayr peyow ey ko hokwe, hye mekow kanowr-a ey. Now sohokwe God so Wueir ihey-ar mon lwak.” \x * \xo 2:7 \xt Stt 2:9; MHO 22:2\x*   
\s1 Mamey sios Smerna ko me ma mey kow hok non  
\p
\v 8 “Kwa mey kow ha, ensel Smerna ko se.  
\p Ok omokwe Uwr Peyr-ar ko, seyr Meyki-ar ko, seyr ma lokrue, sawk su ma ma-loksian lwayr so.  
\v 9 Hakwe hno low o, seyr hwon omeme ohna ma lwak sohiy o, somokwe hakwe papo nonkway. Sawk hunkwe omeme lopa-ar korey, hunkwe omeme ompuay ompuay non. Hakwe seyr papo nonkway, uwr har, hne ma me-piapmapiap homkwe homkiaw-ayay Juda-uwr ok me. Sawk uwr somokwe Juda-uwr korey, sawk Satan so uwr-ku orhey non. \x * \xo 2:9 \xt 2 Ko 11:14-15; MHO 3:9\x*   
\p
\v 10 Hunkwe peie hok o, low aw non nak-ok ey hno owh mon ma kiy-ousne ey somokwe. Satan hiykwe hmo uwr har mokwe kalabus-a mon nekie ok-swakreik ey, hme leykawn ey hokwe. Weyn, hme mon yorpayor ey mokwe, eypok iha seys non mon ey. Mo hme lokin kwor okrue e mon e hi, senkinaw kwa lorok kraiay. Sawk hakwe, hwon aw-owk yaprue ma lowk so hokuaw hokwe, makwey-kokway su lwayr peyow peyow ey ke lyay kow ey. \x * \xo 2:10 \xt 2 Ti 4:8; Je 1:12\x*   
\p
\v 11 Uwr nweyk non hiykwe ok, Niohney hiy sios me ma mekow seme kwa lonuayk. Uwr, aw-owk yaprue lowk ankin, lokrue meyki ko hokwe hye liy ma-mon okrue ley.” \x * \xo 2:11 \xt MHO 20:14; 21:8\x*   
\s1 Mamey sios Pergamum ko me ma mey kow hok non  
\p
\v 12 “Kwa mey kow ha, ensel Pergamum ko se.  
\p Ok omokwe uwr, aw-seik por kreysyar arupey-ar non so ok.  
\v 13 Hakwe nonkway, yier hwon ma lwayr sohokwe, Satan so sia-king kokwe serey lwak. Hunkwe hano uru se-aw po nan kiykiy-ay orok kraiay. Seyr hno nan kiykiy-ay hokwe hane lokriy ha pa. Mo Antipas, hano ok ke mesor-lwayr-uwr se yier Satan hiy ma lwayr serey lokin kwor okrue liok, hunkwe hane lokriy ha pa.   
\p
\v 14 Sawk hakwe hne ok har senkin kiy-me ley, hakwe kar ley pey, payhokuaw, unsaney Balam so yor me ma nakruok kraiay homkwe hne nion non-wak. Balam hiykwe, Balak se yor piap-araw Israel me mon kuayk ey me hiymon sorasor. Yor somokwe senkin, Balak hiykwe Israel-uwrsa me ayay-pion okrei-god me ma naws kow seme me-sasay a nok, yokun nweyh kane yor ke nak-me-sasay mon. \x * \xo 2:14 \xt Nam 31:16; 2 Pi 2:15\x*  
\v 15 Seyr liy-liy-aw, uwrsa har Nikolas so hiymon-sorasor-yor me ma pyay mokwe, hunkwe ipan lon wayr.  
\v 16 Hunkwe hno yor piap-araw ko me kwa kankoum ne. Sa hunkwe ma-kankoum ne pa lwak ankin, hakwe hno owh mon saw-e nok, unsaney seme lono ok, aw-seik hano woki mon ma lwak sohiy non. \x * \xo 2:16 \xt MHO 3:11\x*   
\p
\v 17 Uwr nweyk non hiykwe ok, Niohney hiy sios me ma mekow seme kwa lonuayk. Uwr, aw-owk yaprue lowk ankin, hakwe hye naw-mana ma lwak sue seme kow-a ey. Seyr hakwe hyekwe mein weyspey uru iwon non ma nak-mey se kow ey. Uru sohokwe uwr ma lonok hiykiaw-aw nonkway.” \x * \xo 2:17 \xt Kis 16:14-15; Jon 6:48-50\x*   
\s1 Mamey sios Taiataira ko se ma mey kow hok non  
\p
\v 18 “Kwa mey kow ha, ensel sios Taiataira ko se.  
\p Ok omokwe God so Ney norwayo, nene ya eyn-aw ma krikri yar, seyr sune, bras mnow-a-mnow se hieyn ma lwak so. \x * \xo 2:18 \xt MHO 1:14-15\x*  
\v 19 Hakwe nonkway, hno mey lowpwarowp mokwe. Hwon uron-pi ko-ar ma lwak o, hno nan kiykiy-ay-yor o, hwon uwrsa me ma hiy-mon o, seyr hno lorok-kraiay-wayr-yor o, somokwe hakwe nonkway. Seyr hakwe senkin nak-nonkway, peyr-mon kokwe hunkwe mey kraiar enkin ma meio eyn, meio pa.   
\p
\v 20 Sawk hakwe hne ok kamon senkin kiy-me ley, hakwe kar ley pey, payhokuaw, hunkwe sa Jesebel, hok hokiaw-ayay God so profet ok ma me ke ipan lon meio. Hano mey-uwr mokwe hoko hiymon-sorasor-yor non mon ok-hyan-a-hyan, hom yokun nweyh kane e, seyr ayay okrei-god me ma naws kow seme la e. \x * \xo 2:20 \xt 1 Kin 16:31; 2 Kin 9:22\x*   
\p
\v 21 Hakwe hokekwe enekwei papo kow, hoko yor piap-araw ko me ma-kankoum ne ey hokwe, sawk hokwe hoko yokun nweyh kane yor sokwe lokriy ha e mon pey.  
\v 22 Sawk kwa lonuayk, hakwe hoke kokwe peik mon wak ey. Uwrsa homkwe yor piap-araw hoke nion ma mon seme kankoum sow pa lwak ankin, hakwe senkin lon ey. Hakwe hoke o, uwrsa hoke nion yokun ma non-wawwaw nweyh kane sohom o, low, ya non nak-oum ey me kow.  
\v 23 Seyr hakwe hoko ney lowpwarowp me nak-okin kwor say ok. Hakwe senkin sehe lon ey, payhokuaw, sios lowpwarowp homkwe senkin ka nonkway e, hakwe uwrsa mo uron ko o, hmo mawkhow ouon ko o, seme Lira-nonkway-uwr hiy non. Sa hakwe hmo prueyn prueyn-aw mokwe mey, hom ma meio mo meir liy-liy-aw ma-nakway ey. \x * \xo 2:23 \xt Sng 7:9; Jer 17:10; MHO 20:12-13\x*  
\v 24 Sawk Taiataira mo sios-uwrsa har ama, homkwe hiymon-sorasor-yor piap-araw sohok ko meyki ley pa. Seyr mon sorasor nonkway pa, ok, uwr har hom senkin ma me kokwe, ‘Satan so ouon-aw-ok ouon-ar ko’. Hakwe hme kokwe low kamon, low hom ma lway sohom mo eir mon liy manak-yay low-a-low ley.  
\v 25 Homkwe yor yaprue hmo mon ma lwak sokwe-aw kwa nakruok kraiay, senkin-awaw, ha nuw-e. \x * \xo 2:25 \xt Sng 7:9; Jer 17:10\x*   
\p
\v 26 Uwr, aw-owk yaprue ma lowk o, seyr mey hano uron ko me-aw ma meio wayr-wayr o, enekwei pariawey hiy lousne, uwr senkin somokwe, hakwe krai liy-liy-aw ipey-ar, ha hano Aio so mon ma lonok se kow ey, kipay lowpwarowp me hiy-wayr ey hokwe.  
\v 27 Krai hiy-wayr ey sohokwe, hakwe Aio hiy hane ma kow, senkin ma-sahre kow ey, uwr senkin se.  
\q1 “Kipay lowpwarowp mokwe hiykwe ain-ho non hiy-wayr kraiay ey. Seyr hmekwe ain-ho sohiy non lokin hou-say sohuan sohuan ey, yowr ki non ma meio se hieyn.” \rq Sng 2:8-9\rq*   
\p
\v 28 Hakwe seyr hnekwe napuar aiopey hay, leisnon ma lorok nerie se kow ey. \x * \xo 2:28 \xt MHO 22:16\x*  
\v 29 Uwr nweyk non hiykwe ok Niohney hiy sios me ma mekow seme kwa lonuayk.”   
\c 3  
\s1 Mamey sios Sardis ko me ma mey kow hok non  
\p
\v 1 “Kwa mey kow ha, ensel sios Sardis ko se.  
\p Ok omokwe Uwr, God so Niohney iha sirom mu nareysyar non o, seyr napuar iha sirom mu nareysyar non o, hyo ok. Hakwe nonkway, uwrsa homkwe hno yor mokwe su ma lwayr se hieyn lira me, sawk hakwe mey, hwon ma meio somokwe, papo nonkway, hunkwe papo lokrue. \x * \xo 3:1 \xt MHO 1:4,16\x*  
\v 2 Saw-oksian nok. Yor yaprue har ma kor-wak hain sohom o, seyr ma lokrue pror kreik e ma mon sohom o, seme kwa manak-mon kraipakrai. Payhokuaw, hakwe senkin lira, yor hwon ma mon somokwe, peyr hano God so nene mon kokwe mnow-mnow-aw lwak pey.  
\v 3 Kwa ma-nanpanan, paraw hne ma hiy-mon sorasor seme, seyr ok paraw hwon ma lonuayk seme. Hmo meyki ley nok, hno yor piap-araw me kankoum sow hain. Hunkwe loksian lopa lwak ankin, hakwe yokun-uwr se hieyn le, seyr hunkwe enekwei ha le ey hokwe nonkway lopa. \x * \xo 3:3 \xt Mat 24:43-44; MHO 16:15\x*   
\p
\v 4 Sawk hmo uwr har Sardis ko homkwe, hmo klos mokwe mon seipasei pa. God hiykwe hme kokwe hom orki lopa ma lwak me yaprue lira, sa homkwe hane nion klos weyspey me-aw seme lie nak-anio sayok ey. \x * \xo 3:4 \xt Ju 1:23\x*  
\v 5 Unsaney aw-owk yaprue lowk ankin, hiykwe klos weyspey senkin me ya lie a. Seyr hakwe hmo uru sa-u mamey su lwayr ey ko mokwe mon-say lopa. Hano Aio so inour mon o, seyr hyo ensel mo inour mon o, hakwe senkin me-kumay kow ey, homkwe hano. \x * \xo 3:5 \xt Kis 32:33; Mat 10:32; Luk 12:8\x*  
\v 6 Uwr nweyk non hiykwe ok, Niohney hiy sios me ma mekow seme kwa lonuayk.”   
\s1 Mamey sios Filadelfia ko me ma mey kow hok non  
\p
\v 7 “Kwa mey kow ha, ensel sios Filadelfia ko se.  
\p Ok omokwe Uwr pekneyweys-ar o, seyr ok-arar ma lwak o, hyo ok. Hiykwe Devit so ki se nakruok. Yerki hiy kampi ankin, uwr prueyn liy ma-piaray ley, seyr hiy piaray ankin, uwr prueyn liy ma-kampi ley. \x * \xo 3:7 \xt Ais 22:22\x*  
\v 8 Hakwe nonkway, weynpaweyn hwon ma mon somokwe. Seyr hakwe nonkway, hunkwe krai-ney non. Seyr hunkwe hano hiy-mon sorasor yor ko meyki po ley, seyr hunkwe hano uru se mey-a-mey me pey. Hakwe seyr yerki kokwe hno inour mon po kiy-kampi yay kow, sawk uwr prueyn liy ma-piar-ay ley. \x * \xo 3:8 \xt 1 Ko 16:9\x*  
\v 9 Kwa lonuayk, okrei-uwrsa Satan so, hom homkiaw-ayay Juda-uwr-ok ma me-loior somokwe, hakwe hno sune mon me-sasay kampueys won-sowkway ey. Uwr somokwe Juda korey, sa okrei-uwr somokwe liy nonkway, hakwe hne uron-pi ko-ar nuw-wak. \x * \xo 3:9 \xt Ais 45:14; 49:23; 60:14\x*   
\p
\v 10 Hano me-kupaku-ok, hwon ki erey mon lorok kraiay ey hokwe, hunkwe meyki po ley. Low senkin senkin uwrsa lowpwarowp me mon ir ey, ki erey lousne ankin, hakwe hnekwe liy-liy-aw sehe ma-nakruok kraiay ey. \x * \xo 3:10 \xt Luk 21:19; 2 Ti 2:12\x*   
\p
\v 11 Hakwe peypey le ey korey. Hunkwe payay se nakruok e, hunkwe kwa nakruok kraiay. Sawk hno makwey-kokway ke uwr prueyn hiy kahya way lak.  
\v 12 Unsaney aw-owk yaprue lowk ankin, hakwe hyekwe a-nop-i aiopey hay se hieyn swaprein kawk harok ey, hano God so a pekneyweys mon kokwe. Hiykwe God so a sehe liy lokriy hain ley. Hakwe nop-i sohiy so owh mon kokwe, hano God so uru o, hano God so taun so uru o, seme mey iarok ey. Taun sohokwe Jerusalem iwon, hano God so owh ko se ma lay-nak-aye ey hiy non. Hyo owh mon kokwe seyr hakwe hano uru iwon se nak-mey kow ey. \x * \xo 3:12 \xt Ais 62:2; 65:15\x*  
\v 13 Uwr nweyk non hiykwe Niohney so ok, sios me ma mekow seme kwa lonuayk.”   
\s1 Mamey sios Laodisia ko me ma mey kow hok non  
\p
\v 14 “Kwa mey kow ha, ensel sios Laodisia ko se.  
\p Ok omokwe Uwr, Ok-ar ma me o, seyr God so ok-ar-ok ke mesor-wayr-uwr o, hyo ok. Hiykwe omeme lowpwarowp God hiy ma mon-hre mo meyk-arar hiy non.  
\v 15 Mey, hwon ma meio mokwe, hakwe papo nonkway. Hunkwe weyp lwak pey, seyr hunkwe ya-ar se hieyn loum pey. Mo hwon weyp-aw lwak hi, mo hwon ya se hieyn ma loum hi, sohokwe piap-araw-ar korey. \x * \xo 3:15 \xt Ro 12:11\x*  
\v 16 Sawk hunkwe weyp lwak pey, seyr ya ke hieyn loum pey, sawk hunkwe sowpwareney kor-oum hniyhniy. Hwon senkin ma lwak se hokuaw kokwe, hnekwe hakwe hano woki ko se lopron-say ha ey.  
\v 17 Hunkwe senkin me, ‘Hakwe omeme poya-poya non, seyr hakwe eir mon lwak. Hakwe payay se ma-lohna sow ley.’ Sawk hunkwe kiy-ira nonkway pey. Hunkwe piap-araw-araw, nuw-ey kwopakwo, omeme lopa, apaw-hro, nene kopyo. \x * \xo 3:17 \xt Luk 12:21; 1 Ko 4:8\x*  
\v 18 Hakwe hne senkin kiyhiy-me now-a-now. Hunkwe hano gol, ya mon ma leynow mnow-a-mnow me kwa nakway, suw hunkwe omeme ihey-ar kraiar non liy lwak. Seyr klos weyspey me kwa nakway, hno owh, apaw ma nak-anio owh-mar owh-mar yay sehe nak-ie hiyhiy ey hokwe. Seyr wel nene ko se nakway nok, nene mon neyr, suw hunkwe liy lira. \x * \xo 3:18 \xt Ais 55:1; MHO 4:4\x*   
\p
\v 19 Uwrsa, ha uron-pi ko-ar ma lwak somokwe, hakwe lonkuwrowp anok anok. Hnekwe hakwe mo sehe me, hunkwe hno weynpaweyn piap-araw me ma kankoum sow hain sohokwe, okar okar-aw kwa nuw-mon kraiay. \x * \xo 3:19 \xt 1 Ko 11:32; Hi 12:6\x*  
\v 20 Kwa lonuayk, hakwe yerki-awei mon yerki-pokre ke liarok okin koko. Uwr prueyn hano wouk-ok ke lonuayk kampi ankin, hakwe hyo a mon lyawriy nok, hye nion ayay non-a ok. Hiy seyn, hane nion non-a. \x * \xo 3:20 \xt Jon 14:23\x*  
\v 21 Uwr, aw-owk yaprue lowk ankin, hakwe hyekwe hane nion siraw-aw hano sia-king mon isay iwak ey, paraw ha aw-owk yaprue ma lowk, seyr ha Aio se nion hyo sia-king mon ma liwak senkin.  
\v 22 Uwr nweyk non hiykwe, ok, Niohney hiy sios me ma mekow seme kwa lonuayk.”   
\c 4  
\s1 Sia-king nonkumey ko hok non  
\p
\v 1 Sohiy so meyki hokwe, hakwe sawk senkin makiy-ira, yerki-pokre nonkumey ko kokwe papo kampi iarok. Seyr wouk-ok seik-saw-hu se hieyn ma lwoun, ha peyr-mon ma lonuayk, hiy hane makiy-me, “Erey lie e, hakwe hne mesair kow ley, ompay-ompay omok lousne ey me.” \x * \xo 4:1 \xt MHO 1:1,10\x*  
\v 2 Peypey lopa, hanekwe sawk Niohney hiy kiynuw-wanohyay. Nonkumey mon kokwe, hakwe sawk sia-king kamon, hano inour mon lwak ke kiynuw-ira. Uwr prueyn hiykwe sia-king serey liwak. \x * \xo 4:2 \xt Ais 6:1\x*  
\v 3 Uwr sohokwe mein jaspa o, konilian o, hme hieyn nuw-ok-sanweyr-anweyr yar. Unameioku, mein emeral ke hieyn hokwe sia-king ke nuw-awndiy kawk. \x * \xo 4:3 \xt Ese 1:28\x*  
\v 4 Sia-king aiopey kokwe, sia-king sune seys, iha seys, iha-iha-aw hom nakrok-kay awndiy kawk. Seyr sia-king somokwe sios makwey-uwr sune seys, iha seys, iha-iha-aw hom liwak sir. Homkwe omeme weyspey me-aw lie. Seyr king mo makwey-kokway gol non ma meio mokwe, hmo makwey mon lwak liyay. \x * \xo 4:4 \xt MHO 3:18\x*  
\v 5 Sia-king ko kokwe sawk, eiwa hom lok-sanweyr-anweyr, nompow aiopey hay hom lwoun kawk owk-mniy-ma-mniy merie merie. Sia-king ko inour mon kokwe lam iha sirom mu nareys-ar non hom nuw-yar nekie nekie. Lam somokwe God so Niohney iha sirom mu nareys-ar non hom non. \x * \xo 4:5 \xt Ese 1:13; Sek 4:2\x*  
\v 6 Sia-king ko inour mon kokwe hu kamon, sour-yawp-ar, kawk-ir ke hieyn ma lira sakeyn sakeyn ha hiy lwak. Hu sohokwe oro-araw.  
\p Seyr sia-king ko por ererey mokwe ay iha-iha-aw su ma lwayr homkwe serey nakrok awndiy kawk. Ay iha-iha-aw su ma lwayr sohom inour mon o, hmo meyki mon o, nene homkwaw nuw-kreyr hriykow hriykow. \x * \xo 4:6 \xt Ese 1:5-10,22; 10:14\x*  
\v 7 Ay peyr ko hokwe laion se hieyn lira. Ay, laion so meyki ko hokwe, bulmakau-eyr se hieyn lira. Ay, bulmakau-eyr so meyki ko hokwe, iwar mo ine-maku se hieyn lira. Ay meyki-ar ko hokwe, wayp ma sian se hieyn lira.  
\v 8 Ay iha-iha-aw su ma lwayr sohom mo kamon kamon-aw mo someykyow mokwe, sankaw lwak, iha sirom pruw non. Seyr hmo owh mokwe nene homkwaw nuw-kreyr hriykow hriykow, hmo someykyow ouon seyn, nene homkwaw nuw-kreyr liyay. Eypok arawh, eypok arawh, homkwe yayh lowk korpe korpe pey. Homkwe senkinaw-aw nuw-owk wayr-wayr:  
\q1 “Pekney-weys, pekney-weys, pekney-weys hokwe, God Hakamay, Krai Lowpwarowp non hiykwaw. Hiykwe peyr-ar ko, seyr pokon ko, seyr ya le a.” \x * \xo 4:8 \xt Ais 6:2,3; Ese 1:18; 10:12\x*   
\m
\v 9 Ay ihaiha-aw su ma lwayr somokwe, uwr, sia-king mon ma liwak, seyr ma lwayr peyow peyow se senkin me-kuw, hiykwe seirpey-ar, seyr ayaw-ar nuw-wak, seyr me-ihey-ok mokwe hiykwaw ka lonok. Hom senkin lon mokwe,  
\v 10 sawk sios makwey-uwr, sune seys, iha seys, ihaiha-aw homkwe, uwr sia-king mon ma liwak, seyr su ma lwayr peyow peyow so inour mon pamuow kampueys won-sowkway me-ihey. Homkwe hmo makwey-kokway me sia-king ko inour mon kama-seyn yay sowkriy nok, senkin nak-me-ihey ok, \x * \xo 4:10 \xt MHO 7:10,15; 19:4\x*   
\q1
\v 11 “Hunkwe hromo Hakamay, seyr hromo God. Panpaniowni o, uru ayaw mon ma lwak o, seyr krai o, hunkiaw-aw kwa nak-wayr e. Payhokuaw, omeme lowpwarowp mokwe hwon mon-hre. Seyr omeme omokwe hno uron arian non mon-hre nok, inaw mesay wayr.”   
\c 5  
\s1 Sipsip-ney hiy God so mamey ma lok-sarohon ke ma kampi ira hiy non  
\p
\v 1 Sohiy so meyki hokwe, hakwe sawk senkin ma-lira, uwr, sia-king mon ma liwak hiykwe, mamey ma lok-sarohon ke nakruok, hyo iha-sayar mon kokwe. Ok mokwe muwmon muwmon, po nuw-meyamey, seyr, mamey sohok ko kopi mokwe, kendol-lor iha sirom mu nareys-ar non non nak-okin nasnas say kraipakrai. \x * \xo 5:1 \xt Ais 29:11; Ese 2:9-10\x*  
\v 2 Seyr hakwe ensel seirpey-ar se nak-ira, hiykwe wouk-ok aiopey hay non senkin me-sanion sow, “Uwr yaprue ihey, kendol-lor iha sirom mu nareys-ar non me kamane sow ey, seyr mamey ma lok-sarohon ke kampi ey hokwe, posokwaw so?”  
\v 3 Sawk nonkumey mon o, ki mon o, seyr ki ouon mon o, mamey ma lok-sarohon sokwe kampi ira ey hokwe, uwr prueyn yaprue ihey-ar lopa.  
\v 4 Ha senkin lira menkin, hakwe sawk eheyr kraiar sehe nuw-yuk, payhokuaw, uwr prueyn yaprue ihey-ar lopa, mamey ma lok-sarohon sokwe kampi ira ey hokwe.  
\v 5 Sa hanekwe sawk sios mo makwey-uwr prueyn hiy kiy-me, “Hunkwe eheyr peie lyuk o, kwa lira, laion Juda mo uwr-ku ko, Devit so ney-nona hiykwe uwr seirpey, aw ma lono akre akre hiy non. Hiykwe mamey ma lok-sarohon, kendol-lor iha sirom mu nareys-ar non ma nak-okin nasnas-say sokukwe, liy kampi.” \x * \xo 5:5 \xt Stt 49:9; Ais 11:1,10; MHO 22:16\x*   
\p
\v 6 Sohiy so meyki hokwe, hakwe sawk senkin lira, Sipsip-ney kamon hiykwe sia-king ko ompok mon liarok. Sipsip-ney sohokwe, ay iha-iha-aw su ma lwayr o, sios mo makwey-uwr o, hom nuw-awndiy kawk. Sipsip-ney hokwe ma lokin kwor okrue se hieyn lira. Hiykwe kon iha sirom mu nareys-ar non, seyr, nene iha sirom mu nareys-ar non. Somokwe, God so Niohney iha sirom mu nareys-ar non kipay lowpwarowp ki ko mon ma me-ha hom non. \x * \xo 5:6 \xt Sek 4:10; Jon 1:36; MHO 13:8\x*  
\v 7 Sipsip-ney hiykwe sa le nok, mamey ma lok-sarohon ke lway, uwr sia-king mon ma liwak so iha sayar ko ke.  
\v 8 Hiy lway menkin, ay ihaiha-aw su ma lwayr o, sios makwey-uwr iha seys, sune seys ihaiha-aw o, homkwe, Sipsip-ney sohiy so inour mon pamuow kamapueys hawon sowkway. Hmo prueyn prueyn-aw homkwe, nowpay kamon gita ke hieyn non, seyr yowr gol non ma meio, seme nakruok. Yowr somokwe yakuw prawk yaprue mokwe woki nuw-wak. Yakuw prawk yaprue somokwe kristen-uwrsa mo mesopok hom non. \x * \xo 5:8 \xt MHO 8:3-4; Sng 141:2\x*  
\v 9 Seyr homkwe yayh kamon senkin nak-me owk,  
\q1 “Hunkwe yaprue ihey-ar sora, mamey ma lok-sarohon ke sehe lway, seyr hunkwe kendol-lor ma nak-okin nasnas say kraipakrai me seme kamane sow. Payhokuaw, hnekwe papo lokin kwor krue, seyr hno nioh hokwe uwrsa uwr-ku senkin senkin ko o, wouk-ok senkin senkin non o, seyr uwrsa kipay lowpwarowp ko o, seyr owh-ohi senkin senkin non o, po nakway huonokyaw prosue, God so owh mon ma-le ey mokwe. \x * \xo 5:9 \xt Sng 33:3; 40:3; 96:1; 98:1\x*   
\q1
\v 10 Hunkwe uwrsa seme kokwe God so mey-uwr pris orhey non po mon wak, seyr king me hieyn po mon wak, ki ehe hiy-wayr ey hokwe.” \x * \xo 5:10 \xt Kis 19:6; Ais 61:6; MHO 1:6; 20:6\x*   
\s1 Sipsip-ney so uru se ma lowk nakie me-ihey hiy non  
\p
\v 11 Sa ha ma-sahre ira menkin, hakwe sawk ensel poya-poya mo wouk-ok me lonuayk. Hmo sor-meir mokwe sankaw, tausen tausen, seyr milion milion. Homkwe sia-king o, ay iha-iha-aw su ma lwayr sohom o, seyr sios makwey-uwr sune seys iha seys ihaiha-aw me nakrok awndiy kawk. \x * \xo 5:11 \xt Dan 7:10; Hi 12:22\x*  
\v 12 Seyr yayh kokwe aiopey hay senkin me-kuw,  
\q1 “Sipsip-ney ma lokin kwor okrue hokwe, yaprue ihey-ar nuw-wak, krai o, omeme ihey-ar poya poya o, nonkway yaprue o, hay ipey-ar o, uru ayaw-ar ma nuw-wak o, panpaniowni o, me-ihey-ok o, seme lonokyaw ey hokwe.”   
\p
\v 13 Seyr hakwe senkin lonuayk, ompay inaw ma lwak nonkumey ko, ki ko, ki ouon ko, seyr sour-yawp-ar ko, ompay lowpwarowp serey ma lwak somokwe yayh senkin me-kuw,  
\q1 “Me-ihey-ok o, uru ayaw-ar ma nuw-wak o, panpaniowni o, hay ipey-ar o, somokwe uwr sia-king mon ma liwak o, seyr sipsip-ney o, hoho mon-aw ka lwak peyow peyow.”   
\m
\v 14 Ay ihaiha-aw su ma lwayr somokwe sawk senkin lonuayk me, “Ok-ar,” seyr sios makwey-uwr homkwe pamuow kampueys nok, nak-me-ihey.   
\c 6  
\s1 Sipsip-ney hiy kendol-lor me ma kamane sow hiy non  
\p
\v 1 Seyr hakwe Sipsip-ney se-aw nuw-ira kraipakrai, hiy kendol-lor iha sirom mu nareys-ar non mo peyr-ar ko se kane sow se. Hiy peyr-ar ko se kane sow menkin, hakwe sawk ay ihaiha-aw su ma lwayr mo prueyn hiy nompow se hieyn lamniy me se lonuayk. Hiykwe senkin me, “Oue.” \x * \xo 6:1 \xt MHO 4:6; 5:1\x*   
\p
\v 2 Ha ma-sahre-ira menkin, hakwe sawk hos weyspey hiy lwak se lira. Uwr prueyn hos se nak-anio ey hiykwe ompow non nak-iwak, seyr hyekwe king so makwey-kokway ke nak-yay kow. Hiykwe sawk hos non nak-sau nok, uwr seirpey, aw ma lono akre akre se hieyn, kipay har me ma-lono swakakar e.   
\p
\v 3 Sipsip-ney hiy kendol-lor kamon ke ma-kane sow menkin, ha sawk ay ihaiha-aw su ma lwayr mo kamon hiy senkin makiy-me se lonuayk, “Oue.”  
\v 4 Sa hos kamon hiy ar-ousne ha, hos sohokwe oupuey-araw. Uwr, hos sehe nak-anio ey se kokwe, hay ki se aw mon ono ey ke kow, uwr hom homkiaw-ayay lokin kwor-ma-kwor ey hokwe. Hye kokwe aw-seik aiopey hay ke kow.   
\p
\v 5 Hai, Sipsip-ney hiy kendol-lor krompri ke ma-kane sow. Hakwe sawk, ay su ma lwayr mo krompri hiy senkin me se lonuayk, “Oue!” Ha ma lira hokwe, hakwe sawk hos orpey hiy lorok se lira. Uwr, hos sehe nak-anio ey hiykwe skel meir ey ke nakruok. \x * \xo 6:5 \xt Sek 1:8; 6:1-6\x*  
\v 6 Sa hakwe uwr-wouk-ok kamon ke hieyn se lonuayk, ay iha-iha-aw su ma lwayr mo ompok mon ar-me-ha se. Wouk-ok sokukwe senkin me, “Ara, uwrsa homkwe ayay mokwe mein-owon aiopey hay non nakway ey. Ihey mo naw wit mokwe, kilo kamon-aw hokwe sankaw nakway ey, meinowon eypok kamon-aw ma meio lonok ko. Sawk ihey mo naw bali mokwe, kilo krompri mokwe sankaw nakway ey, meinowon eypok kamon-aw ma meio lonok ko. Sawk hunkwe uwrsa mo wel o, wain o, peie mon piapay o.”   
\p
\v 7 Sei, Sipsip-ney hiy kendol-lor iha-iha-aw ke ma-kane sow. Ha ma-kiy-onuayk, ay iha-iha-aw su ma lwayr mo pariawey hiy senkin me se, “Oue!”  
\v 8 Ha ma lira hokwe, hakwe sawk hos wouknow-si eyn hiy lorok se lira. Uwr, hos sehe nak-anio ey so uru hokwe, Lokrue. Lokrue-mo-yier hokwe Lokrue so meyki-ar kiynuw-pyay ha. Hehe kokwe krai se kow, ki iha-iha-aw ma lokima okima ha mo kopi kamon se mon piapay e. Sa hohkwe ki kopi sohokwe aw mon ono, siowp aiopey hay mon okrue, peik piap-araw mon wak, seyr ay-kaman piap-araw me me-hruw. \x * \xo 6:8 \xt Jer 15:1-3; Ese 5:12,17; 14:21\x*   
\p
\v 9 Senkin-awaw, Sipsip-ney hiy kendol-lor iha sirom ke ma-kane sow. Ha sawk uwrsa, God so ok ke ma mesor sanion sow, seyr God so mey hom ma meio me hokuaw ma lokin kwor-ma-kwor okrue ha mo wa hom alta ouon mon lwak me lira.  
\v 10 Homkwe wouk-ok aiopey hay non senkin me, “Hakamay Seirpey-ar ara, hunkwe pekney-weys, seyr okar okar-ar. Hunkwe uwrsa ki ko mokwe ya korey korey sor anon anon a? Seyr hunkwe unsaney hreme ma lokin kwor-ma-kwor okrue mokwe, enekwei pohiy sok manon-sawkriy kow ey so, hromo nioh mokwe?”  
\v 11 Sa uwrsa sohom mo prueyn prueyn-aw mokwe klos weyspey me linon kow nok, nak-me kow, “Homkwe peyr kwa kor-iwak nieys porpor naruok, uwrsa ma lokin kwor okrue mo meir hiy nuw-ie sompay sompay. Uwrsa somokwe hmo mey-wayh, hmo uwr eynay, hme hieyn ma lokin kwor okrue hom non.” \x * \xo 6:11 \xt MHO 7:9,13; 19:14\x*   
\p
\v 12 Sipsip-ney hiy kendol-lor iha sirom pruw non ke makiy-kane sow menkin, kina aiopey hay hiy kiynuw-way swarwor-arwor wei-a-wei nok, ey hiy orpey kiynuw-kankoum, klos orpey krwipakrwi ke hieyn. Yeyn hok nioh nioh-aw kiynuw-oksahriy sow. \x * \xo 6:12 \xt Mat 24:9; Ap 2:20; MHO 11:13\x*  
\v 13 Napuar non ko homkwe ki mon makuayk-sa-kuayk, fik-i eyrpro howniy aiopey hay hok ma lway li-li say me hieyn. \x * \xo 6:13 \xt Ais 34:4\x*  
\v 14 Non hok kiynuw-oksarohon won-kwawk sue, mamey ma lok-sarohon ke hieyn. Mnuw lowpwarowp o, oion-waw lowpwarowp o, hom ley neyney lowpway, hmo yop arian mon ma-lwak pa. \x * \xo 6:14 \xt MHO 16:20\x*   
\p
\v 15 Sawk king lowpwarowp ki ko o, uwr uru aiopey hay non o, aw-uwr mo hakamay o, seyr uwr omeme poniy poniy non o, hay ipey-ar non o, seyr mey-uwr puraw o, uwr, liaup-uwr lopa o, homkwe nuw-hakan wonkreik sue, peir-saw ouon mon, seyr mein-pow ouon mnuw ko mon. \x * \xo 6:15 \xt Ais 2:10,19,21\x*  
\v 16 Homkwe mnuw me o, mein-pow me o, senkin me, “Homkwe hromo owh mon makuayk sakuayk nok, hreme swakuwmay sue, uwr sia-king mon ma liwak hiykwe sawk hreme lira lak, seyr Sipsip-ney hiykwe sawk hreme aw-mar lie lak. \x * \xo 6:16 \xt Luk 23:30\x*  
\v 17 Payhokuaw, hoho aw-mar ipey-ar lie enekwei hokwe ehe, seyr posokwaw non-saiar a.” \x * \xo 6:17 \xt Jol 2:11; Mal 3:2\x*   
\c 7  
\s1 Israel uwrsa 144,000 hom God so meir se ma lonok hom non  
\p
\v 1 Ha owhnan seme kiy-ira ha lowpway menkin, hakwe sawk ensel iha-iha-aw ki ohiy so por iha-iha-aw mon nakrok-kay me lira. Homkwe howniy iha-iha-aw me nekie sous huon, ki o, sour-yawp-ar o, now o, hme lway huwhuw ame. \x * \xo 7:1 \xt Jer 49:36; Dan 7:2\x*  
\v 2 Ha sehe kiy-ira ha lowpway menkin, sawk ensel prueyn, ey kaie ko se le se makiy-ira huon. Hiykwe lwayr peyow peyow God so kendol-lor non. Hiykwe sawk ensel iha-iha-aw, krai, ki o, sour-yawp-ar o, seme mon piapay e ma kow me wouk-ok aiopey hay non senkin me,  
\v 3 “Homkwe ki o, sour-yawp-ar o, now lowpwarowp o, peyr peie saw-mon piapay o. Peyr hromkwe God so mey-uwr lowpwarowp mo ine-maku mokwe kendol-lor non lokiamaun kreik kow ha pa.” \x * \xo 7:3 \xt Ese 9:4; MHO 9:4\x*  
\v 4 Hanekwe sawk senkin mekow, uwrsa mo meir kendol-lor non ma lokiamaun kreik mokwe sankaw, 144,000. Somokwe Israel mo uwrsa uwrku iha seys mu nareysyar non hom ma kekie nona nona ne hom non. \x * \xo 7:4 \xt MHO 14:1,3\x*   
\q1
\v 5 Uwrku kamon kamon-aw mo meir mokwe sankaw, Juda so uwr-ku ko mokwe, 12,000. Ruben so uwr-ku ko mokwe 12,000. Gat so uwr-ku ko mokwe 12,000.   
\q1
\v 6 Aser so uwr-ku ko mokwe, 12,000. Naptali so uwr-ku ko mokwe 12,000. Manase so uwr-ku mokwe 12,000.   
\q1
\v 7 Simeon so uwr-ku ko mokwe 12,000. Livai so uwr-ku ko mokwe 12,000. Isakar so uwr-ku ko mokwe 12,000.   
\q1
\v 8 Sebulun so uwr-ku ko mokwe 12,000. Josep so uwr-ku ko mokwe 12,000. Benjamin so uwr-ku ko mokwe 12,000.   
\s1 Uwrsa popua hay hom God se ma swa-hokruw me-ihey hom non  
\p
\v 9 Sohiy so meyki hokwe, ha sa uwrsa popua hay hok nuw-hokruw konpakon kawk ke lira. Hmo meir mokwe uwr posokwaw sor meir-yay ley. Uwrsa somokwe owh-ohi senkin senkin, uwr-kayn senkin senkin, kipay senkin senkin, wouk-ok senkin senkin non ko me le-nene. Homkwe sia-king o, sipsip-ney o, hoho inour mon nakrok-kay, seyr klos weyspey me-aw nak-ie liyay, seyr pokriy-ma me nak-nakruok, hmo iha mon kokwe.  
\v 10 Homkwe wouk-ok aiopey hay non senkin nuw-me,  
\q1 “Huonok-prosue-yor kokwe hromo God, sia-king mon ma liwak o, seyr Sipsip-ney o, hoho mon le.” \x * \xo 7:10 \xt MHO 4:10\x*   
\m
\v 11 Ensel lowpwarowp homkwe sia-king o, sios makwey-uwr o, ay ihaiha-aw su ma lwayr sohom o, hme nakrok awndiy kawk nok, ine ki mon sia-king ko inour mon kuayk won sowkway me-ihey, God se.  
\v 12 Hom me,  
\q1 “Ok-ar! Me-ihey-ok o, panpaniowni o, mawkhow ihey-ar o, kar me ey ok o, uru ayaw-ar o, krai o, seyr hay ipey-ar o, God hiykwaw ka nak-wayr peyow peyow. Ok-ar!” \x * \xo 7:12 \xt MHO 5:12\x*   
\p
\v 13 Sios mo makwey-uwr prueyn hiykwe sawk hane senkin mesopok, “Uwrsa klos weyspey meiamei me ma lie omokwe posokwaw mo, seyr perey suko me le mo?”   
\p
\v 14 Ha kiy-onuayk me, “Ara, hakwe nonkway korey, hunkwe nonkway.”  
\p Hiy sa hane senkin me, “Uwrsa somokwe low piap-araw aiopey hay ko ouon ko me ma lousne-sa-ousne ha hom non. Homkwe hmo klos meipey mokwe Sipsip-ney so nioh non po peyryapeyr weyspey. \x * \xo 7:14 \xt Dan 12:1; Mat 24:21\x*  
\v 15 Homkwe God so sia-king ko inour mon seme nakrok-kay, seyr hye me-ihey mey me-aw meio kow, eypok arawh, eypok arawh, hyo a pekney-weys mon. Uwr, sia-king mon ma liwak hiykiaw kokwe ohriar non-wak sous-a-sous ey, hmekwe.  
\v 16 Uwrsa somokwe siowp ma-lokrue lopa, seyr hu krah-ma-krah lopa. Seyr ey-li o, ya-li senkin senkin o, hme ma-loum pouk-ma-pouk lopa. \x * \xo 7:16 \xt Ais 49:10\x*  
\v 17 Payhokuaw, Sipsip-ney, sia-king ompok mon ma lwak hiykwe hmo naykih-ar lwak ey. Hiykwe hmekwe ki-saw-hu, su ma lwayr peyow peyow ey mon hiy-anok anok nok ey. Seyr God hiykwe hmo eheyr-hu lowpwarowp nene ko me noh ahahay kow ey.” \x * \xo 7:17 \xt Sng 23:2; Ais 25:8; MHO 21:4\x*   
\c 8  
\s1 Kandol-lor iha sirom mu nareysyar ke ma kane sow pariawey hok non  
\p
\v 1 Enekwei Sipsip-ney hiy kendol-lor iha sirom mu nareysyar non ko pariawey-ar ke kane sow menkin, nonkumey hiykwe sawk kumays, aua mon-kopi sankaw lwak ha.   
\p
\v 2 Hakwe sawk ensel iha sirom mu nareysyar non God so inour mon ma nakrok seme lira. Seyr hme kokwe hu lou ey mokwe iha sirom mu nareysyar non sankaw lopri kow.   
\p
\v 3 Ensel prueyn plet gol non ma meio ke ma nakruok hiykwe le nok, alta ohriar mon omnak-iarok. Hyekwe omeme prawk yaprue non mokwe kraiar po kow. Somokwe kristen-uwrsa mo mesopok me nion alta gol non ma meio, sia-king ko inour mon ma lwak serey nak-naws prawk kow ey. \x * \xo 8:3 \xt MHO 5:8; Kis 30:1-3\x*  
\v 4 Prawk yaprue sohom mo yakuw o, kristen-uwrsa mo mesopok o, ensel so iha ko me leyh ie, God so inour mon.  
\v 5 Sa ensel hiykwe plet ke lonok nok, ihuan ya non me louh kawk nok, ki mon kyornak-swasow ha. Hiy kyornak-swasow ha menkin, sa nompow aiopey hay hom lwoun kawk owk-mniy-ma-mniy merie merie, eiwa hom kiynuw-ok-sanweyr-anweyr, seyr kina hiy ki se kiynuw-way wei-a-wei. \x * \xo 8:5 \xt Wkp 16:12; MHO 11:19; 16:18\x*   
\s1 Ensel hom hu me ma lou hom non  
\p
\v 6 Sa ensel iha sirom mu nareysyar non hu iha sirom mu nareysyar non me ma nakruok homkwe hu seme lou e lonhan onhan koruay.   
\p
\v 7 Ensel peyrmawk-ar ko hiy hyo hu se kiynuw-ou menkin, sawk sueyr-hu mein me hieyn o, ya o, nioh non ma nak-onhwayh hom sueyr se hieyn-aw ki mon kiynuw-prorkuw. Ki ohiy so kopi krompri mo kopi kamon hokwe, ya hiy nuw-oum kampru yay. Now mokwe seyr meir liy-liy-aw loum-pru kreik, sawk pan lowpwarowp mokwe nuw-oum li-li say lowpway. \x * \xo 8:7 \xt Kis 9:23-26; Ese 38:22; Jol 2:30\x*   
\p
\v 8 Ensel prueyn hyo meyki ko hiy hyo hu se makiy-ou menkin, sawk ompay kamon mnuw kwaresi se hieyn, ya ma loum krikri hokwe, sour-yawp-ar mon nak-way swakeyn. Sa sour-yawp-ar so kopi krompri mo kopi kamon hokwe, nioh hiykwaw nuw-ka-hriysow hnuawon keyn.  
\v 9 Ayay sour-yawp-ar mon ma lwayr so kopi krompri mo kopi kamon hokwe nuw-away lowpway, ihey mo yeyk aiopey hay sour-yawp-ar ko mo kopi krompri mo kopi kamon hokwe seyr nuwnak-mon piapay lowpway.   
\p
\v 10 Ensel prueysyar sohiy so meyki hokwe sawk ensel prueyn hiy ma-lou. Hiy ma lou hokwe, sawk napuar kwaresi, wayar-ir se hieyn, non ko hiy kiynuw-onkansopra sow ha, sawk yawp mo kopi krompri mo kopi kamon o, ki-saw-hu mo kopi krompri mo kopi kamon o, serey maka-nak-anekeyn.  
\v 11 Napuar sohiy so uru hokwe Laroray. Hu sohom mo kopi krompri mo kopi kamon hokwe sawk laroray, seyr uwrsa poya-poya hu seme ma lowswa homkwe sa laway lowpway, payhokuaw, hu somokwe papo mon laroray. \x * \xo 8:11 \xt Jer 9:15\x*   
\p
\v 12 Ensel pruompri-ar mo meyki hokwe, sawk ensel prueyn hiy ma-lou, hyo hu se. Hiy lou menkin, ey so kopi krompri mo kopi kamon o, yeyn ko kopi krompri mo kopi kamon o, napuar mo kopi krompri mo kopi kamon o, eym-nawp lwak. Seyr eypok so kopi krompri mo kopi kamon hokwe, ey ma-lyar pa, arawh so kopi krompri mo kopi kamon seyn, eym-nawp nuw-wak. \x * \xo 8:12 \xt Ese 32:7; MHO 6:12-13\x*   
\p
\v 13 Ha lira nonaw, hakwe sawk wayp hiy wouk-ok aiopey hay non, non-ayaw ompok mon senkin sian yaw me se lonuayk, “Woiow, woiow, woiow, uwrsa ki ko ey, ensel pruompri-ar hom hmo hu me makiy-ou ankin, homkwe ya low penkin me lway a-ney!” \x * \xo 8:13 \xt MHO 9:12; 11:14\x*   
\c 9  
\s1 Hu-oksa, yor piap-araw ma mon ousne hiy non  
\p
\v 1 Sa ensel ihaiha-aw mo meyki mon hokwe, ensel prueyn hiy hyo hu se ma-lou. Ha sawk senkin lira, napuar ki mon ma makuayk se kokwe, ki, ki-saw limon lopa so yerki se kampi ey se kow. \x * \xo 9:1 \xt MHO 20:1\x*  
\v 2 Napuar hiy ki-saw limon lopa se kampi menkin, sa yakuw ki-saw ko hom ar-ousne-sa-ousne ha, ya aiopey hay ko yakuw me hieyn. Yakuw somokwe sawk ey o, non o, hehe nuw-mon eym krwere krwere. \x * \xo 9:2 \xt Stt 19:28; Jol 2:2,10\x*  
\v 3 Pokuayp homkwe sawk yakuw ouon ko me ar-ousne sa-ousne ha nok, ki mon maka-sian yay sowkriy. Hmekwe hay mokwe kiarkiar mo hay me hieyn me kow ha. \x * \xo 9:3 \xt Kis 10:12-15\x*  
\v 4 Pokuayp me kokwe senkin mekow ha, homkwe pan ki ko o, ompay ompay yok lowpwarowp o, now lowpwarowp o, seme peie la pror kawk o, sawk uwrsa God so kendol-lor hmo ine-maku mon ma lokiamaun kow lopa me-aw kwa peyk mane. \x * \xo 9:4 \xt MHO 7:3\x*  
\v 5 Hmekwe hay uwrsa me mon okrue ey ke kow pa, sawk uwrsa mo opion opion me yeyn iha sirom-aw peyk mane nak-oum ey ke-aw kow. Uwrsa sohom mo opion opion pokuayp hom ma peyk mane mokwe, kiarkiar hom ma peyk mane me hieyn nak-oum ey.  
\v 6 Enekwei yeyn iha sirom sohiy non kokwe, uwrsa homkwe yerki lokrue ey se pawk ey, sawk homkwe liy lirway ley. Homkwe lokrue e nanpanan, sawk lokrue hokwe hme lira hakan ey. \x * \xo 9:6 \xt Jop 3:21; Jer 8:3\x*   
\p
\v 7 Pokuayp mokwe hos aw lono e ma hokruw ondar me hieyn lira. Hmo makwey mon kokwe, makwey-kokway gol non ma monhre me hieyn eyn hom inakrok. Hmo ine-maku mokwe iwar mo ine-maku me hieyn lira. \x * \xo 9:7 \xt Jol 2:4\x*  
\v 8 Hmo makwey-ohne mokwe sa mo makwey-ohne me hieyn, seyr hmo nays mokwe laion mo nays me hieyn. \x * \xo 9:8 \xt Jol 1:6\x*  
\v 9 Homkwe uron-kowp-iheyn mokwe, ain non ma meio me lie. Seyr hmo someyk-mawk-oksa mokwe, hos karis non, aw ma lowk-swanion ono me hieyn lwoun. \x * \xo 9:9 \xt Jol 2:5\x*  
\v 10 Pokuayp somokwe orow pisosokri non kiarkiar me hieyn. Seyr hmo orow mokwe hay non, uwrsa me yeyn iha sirom senkin peyk mane nak-oum ey.  
\v 11 Homkwe king non. King sohokwe ensel ki-saw limon lopa se ma hiy-wayr hiy non. Hibru mo ok non kokwe ensel sohiy so uru hokwe senkin mowie, Abadon. Grik mo ok non kokwe senkin, mowie, Apolion.\f + \fr 9:11 \ft Uru sohiy so meyk-ar hokwe senkin: Mon-piapay-uwr.\f*   
\p
\v 12 Low piap-araw peyr ko kokwe po kiy-ousne hain, sawk low piap-araw kreysyar kokwe peyr kiy-wak kwe.   
\s1 Ensel iha sirom pruw non hiy hyo hu se ma lou hiy non  
\p
\v 13 Ensel iha sirom pruw non hiy hyo hu se lou menkin, hakwe sawk wouk-ok kamon, alta por ihaiha-aw non gol non ma meio ko se ar-me-ha ke lonuayk. Alta sokukwe God so inour mon lwak.  
\v 14 Wouk-ok sokukwe, ensel iha sirom pru non hu non seme senkin me, “Hunkwe ensel ihaiha-aw, yawp aiopey hay Yufretis mon ma sakreik hnuawon sowkway seme kwa hrorsay kow ha.”  
\v 15 Ensel ihaiha-aw seme kokwe sawk seme hrorsay kow ha. Aua sohiy o, eypok sohiy o, yeyn sohok o, seyr ya sohiy o, ensel ihaiha-aw seme kokwe mo enekwei sehe nuw-iaup kow koruay, uwrsa mo kopi krompri mo kopi kamon se lono son-say e. \x * \xo 9:15 \xt MHO 8:7-12\x*  
\v 16 Hanekwe senkin mekow, aw-uwr orhey non mo meir mokwe sankaw, 200 milion.   
\p
\v 17 Hos o, hos me nak-anio uwr o, ha ma lira mokwe senkin lwak, uwr mo uron-kowp-iheyn mo meyamey mokwe ya ma loum wosayk wosayk me hieyn lwak, seyr orohior o, wouknowsi o, senkin lwak. Hos mo makwey mokwe laion mo makwey me hieyn, seyr hmo woki mon kokwe ya o, yakuw o, mein-salfa ya non o, hom lousne sa-ousne.   
\p
\v 18 Uwrsa mo kopi krompri mo kopi kamon hokwe low piap-araw krompri-ar senkin, ya o, yakuw o, mein-salfa ya non o, hos mo woki ko hom lousne sa-ousne nok, uwrsa me loum away lowpway.  
\v 19 Hos sohom mo hay kokwe woki o, orow o, serey lwak. Hmo orow mokwe sok me hieyn, makwey non. Uwrsa mokwe hmo orow non mon piapay.   
\p
\v 20 Uwrsa har low piap-araw sohom ma lokin kwor say lopa ma lwak mokwe, hmo uron me pase ma-kankoum sow e, okrei-god hmo iha arian non ma meio me ma kampueys me-ihey mokwe. Homkwe poup o, okrei-god ma lira lopa, lonuayk lopa, lanio lopa, gol, silva, bras, mein, now, sohom non ma meio mokwe pase kampueys me-ihey kane ha e. \x * \xo 9:20 \xt Sng 115:4-7; Dan 5:23; MHO 16:9,11\x*  
\v 21 Seyr homkwe hmo yor uwrsa me ma lokin kwor-ma-kwor okrue o, hmo powa senkin senkin o, hmo yokun nweyh kane yor o, yokun yor o, somokwe pase ma-kankoum sow hain e.   
\c 10  
\s1 Ensel o, mamey ma lok-sarohon paswaw o  
\p
\v 1 Ha sawk makiy-ira, ensel ipey-ar prueyn hiy nonkumey ko se ar-ousne ha aye se. Hyekwe waw non swakuwmay, seyr unameioku hokwe hyo makwey mon ka-ho iawon. Hyo ine-maku hokwe ey se hieyn lo, seyr hyo sune mokwe nop-i ya non me hieyn nak-iarok yar.  
\v 2 Mamey ma lok-sarohon paswaw-ney hyo iha mon ma lwak sokukwe po kampi. Hiykwe hyo sune sayar kokwe sour-yawp-ar mon wosakeyn hnuarok, irayh kokwe ki mon lorok,  
\v 3 sa seyn liwowr me, wouk-ok aiopey hay non. Wouk-ok sokukwe laion hom ma lanio me me hieyn. Hiy ma liwowr me so meyki mon hokwe sawk nompow iha sirom mu nareysyar hom lonuayk me.  
\v 4 Nompow sohom ma me mokwe, hakwe sawk hmo ok me kiysaw-mey e mon liok, sa wouk-ok kamon nonkumey ko hok senkin me se lonuayk, “Nompow sohom mo ok mokwe hunkiaw-aw ouon-aw kwa nak-wak, peie mey o.” \x * \xo 10:4 \xt Dan 12:4,9\x*   
\p
\v 5 Ensel, ha senkin ma lorok se ma lira, sune kamon ki mon, sune kamon sour-yawp-ar mon, hiykwe hyo iha sayar ke nonkumey mon ar-nakray nok, \x * \xo 10:5 \xt Lo 32:40; Dan 12:7\x*  
\v 6 God su ma lwayr peyow peyow, seyr nonkumey o, ki o, sour-yawp-ar o, seyr omeme lowpwarowp serey ma lwak me ma mon-hre o, hyo uru non senkin loiow me, “Enekwei hokwe liy ma-nakruok omponay kok ley.”  
\v 7 Sawk ensel iha sirom mu nareysyar hiy hyo hu se lou ankin, God hiykwe mey, hyo uron arian mon ouon-aw ma lwak sue somokwe enekwei sohiy non meio lowpway ey, hiy hyo mey-uwr profet me ma mekow senkin. \x * \xo 10:7 \xt Amo 3:7\x*   
\p
\v 8 Sa hakwe wouk-ok nonkumey ko, peyr-mon hane ma me, hiy ma-me se lonuayk. Hiykwe senkin me, “Kwa ley onok, mamey ma lok-sarohon, ensel sune kamon sour-yawp-ar mon, sune kamon ki mon, senkin ma lorok so iha mon ma kampi iawon sokwe.”   
\p
\v 9 Hakwe sawk ensel sohiy so owh mon ley nok, hye mesopok, mamey ma lok-sarohon ke hane kow e. Hiy sawk hane senkin me, “Kiy-onok nok, kiy-a, hno swaw hokwe kriykriy lon ey, sawk hno woki kokwe, eirpow-hu wonor se hieyn lwak ey.” \x * \xo 10:9 \xt Ese 2:8; 3:1-3\x*  
\v 10 Ha mamey ma lok-sarohon sokwe ma kiy-onok a hokwe, hano woki kokwe eirpow-hu wonor se hieyn nuw-wak, sa ha ma lamkueyn ha hokwe, hano swaw hokwe sawk kriykriy lon.  
\v 11 Sa hane senkin kiynak-mekow, “Hunkwe profet-ok me kwa ma-mesor, weynpaweyn omok, kipay lowpwarowp me o, unsaney owh-ohi senkin senkin non me o, uwr-ku wouk-ok senkin senkin non me o, seyr king me o, hmo owh mon lousne ey mokwe.”   
\c 11  
\s1 Uwr prueysyar, hoh ok ma mesor kumay kow hom non  
\p
\v 1 Sa hane kokwe now-ho kamon luw-luw-aw sor-mey non se lwos kow, seyr senkin nak-me kow, “Hunkwe ley nok, God so a pekneyweys o, alta o, hehe kwa meir-yay. Seyr uwrsa serey ma kampueys me-ihey sohom mo meir me nak-sor.” \x * \xo 11:1 \xt Ese 40:3; Sek 2:1-2\x*  
\v 2 Sawk hunkwe God so a-yier ki apau meykyay-ar ko se peie meir o, payhokuaw, a-yier meykyay-ar ko sohokwe uwrsa God se ma nan kiykiy-ay lopa me po kow. Uwrsa somokwe yier pekney-weys aiopey hay sehe enekwei yeyn 42 sankaw lanio our seipasei ey. \x * \xo 11:2 \xt Luk 21:24; MHO 13:5\x*  
\v 3 Seyr hakwe hano mey-uwr prueysyar hane ma nonkway se ma mesor me kokwe krai se kow ha ey. Hohkwe unuaw liwak omeme me lie nok nok, weynpaweyn omok lousne ey me profet-ok non mesor ey, eypok enekwei 1260 sohiy non kokwe.  
\v 4 Uwr prueysyar sohokwe oliv-now pireysyar, seyr lam-sey kreysyar, ki ohiy so Hakamay so inour mon ma lorok hom non. \x * \xo 11:4 \xt Sek 4:3,11-14\x*  
\v 5 Uwrsa hehe mon piapay e mon ankin, ya kokwe hoho woki ko me lousne nok, hoho awia-pow me loumpru kreik lowpway ok. Hehe kokwe unsaney posokwaw mon piapay e mon e, hmekwe yerki sohiy non mon okrue ey. \x * \xo 11:5 \xt 2 Sml 22:9; Sng 97:3\x*  
\v 6 Uwr prueysyar sohokwe krai, non se piar sous ey non, sueyr hiy lows lopa lwak e, hoh profet-ok me mesor enekwei hokwe. Hohkwe krai non, hu me nioh eyn mon ousne ey mokwe. Hohkwe seyr krai non, ki se low piap-araw senkin senkin non mon piapay ey hokwe. Hohkwe enekwei kraiar mon ousne e mon ankin, hohkwe liy. \x * \xo 11:6 \xt Kis 7:17-20; 1 Sml 4:8; 1 Kin 17:1\x*   
\p
\v 7 Seyr enekwei hoh hoho mesor-kumay-ok me mesor lowpway ankin, ay kwaresi piap-araw hiykwe ki-saw limon lopa ko se ar-ousne ha nok, hehe aw non-ono swakakar okin kwor okrue ok. \x * \xo 11:7 \xt Dan 7:21; MHO 17:8\x*  
\v 8 Hoho owhi-sopok mokwe taun seirpey so yerki mon non-won ey. Taun sohokwe Jerusalem, hoho Hakamay se ma nak-okin pror kawk sawan hiy non. Taun sohokwe owhnan-ok non kokwe, senkin mowie, Sodom, Isip leys. \x * \xo 11:8 \xt Luk 13:34\x*  
\v 9 Unsaney owh-ohi irweyk irweyk ko o, uwr-kayn lowpwarowp ko o, wouk-ok senkin senkin non o, uwrsa kipay lowpwarowp ko o, homkwe eypok krompri o, eypok kamon so mon-kopi o, sankaw lowk-yay-yay ira ey. Sawk homkwe me-puar ey, hoho owhi-sopok me lopru inon kreik lopa.  
\v 10 Uwrsa ki ko homkwe kar ley ey, hehe lokrue ankin. Homkwe iray-ay lunay-a nok, wayh-wayh me nion omeme non-sawos opri ok. Payhokuaw, profet-uwr prueysyar sohokwe hmekwe low ompuay kow mo.   
\p
\v 11 Eypok krompri o, eypok kamon so mon-kopi o, sohom mo meyki hokwe, howniy su ma lwayr peyow ey God so mon ma le se ma-losiahakar kawk kow. Hohkwe sa hoho oiow arian non sehe non-oksian iarok. Uwrsa hehe ma lira homkwe sawk seme nuw-hok krwepakrwe. \x * \xo 11:11 \xt Ese 37:5,10\x*   
\p
\v 12 Sa profet-uwr prueysyar sohokwe wouk-ok aiopey hay kamon, nonkumey ko hok hehe senkin me se lonuayk, “Hohkwe erey kwa lie.” Hoho awia hom nakrok ira nonaw, hohkwe sawk waw non nak-ie, nonkumey mon. \x * \xo 11:12 \xt 2 Kin 2:11\x*   
\p
\v 13 Enekwei sohiy nonaw kokwe, kina kwaresi piap-araw hiy pa ki-nuw-way wei-a-wei. Taun sohiy so kopi iha seys mo kopi kamon hokwe nuw-mon piapay lowpway. Seyr uwrsa mokwe 7000, sankaw way wei-a-wei okin kuor-ma-kuor say. Har su ma lwayr somokwe sawk, seme nuw-hok krwepakrwe. Homkwe sawk God nonkumey ko se seirpey-ok seme me-ihey. \x * \xo 11:13 \xt MHO 6:12; 16:18\x*   
\p
\v 14 Low krompri mo kreysyar kokwe papo kiy-ousne. Sawk low krompri mo pariawey-ar kokwe peypey kiy-ousne ey korey. \x * \xo 11:14 \xt MHO 9:12\x*   
\s1 Hu iha sirom mu nareysyar non mo pariawey-ar se ma lou hiy non  
\p
\v 15 Ensel pariawey-ar hiy hyo hu pariawey-ar se lou menkin, nonkumey hokwe sawk wouk-ok aiopey hay hom senkin lokre me,  
\q1 “Krai, ki se hiy-wayr ey hokwe hromo Hakamay o, Krais huonok-prosue-uwr o, hoho iha mon kiy-wak. Hiykwe senkinaw-aw hi-anok-anok wayr peyow peyow ey.” \x * \xo 11:15 \xt Sng 10:16; Dan 2:44\x*   
\m
\v 16 Sios makwey-uwr sune seys iha seys ihaiha-aw God so inour mon hmo sia-king mon ma liwak sir homkwe ine-maku ki mon kuayk-sakuayk hawon sowkway nok, God se me-ihey,  
\v 17 senkin,  
\q1 “Hromo God Hakamay, Krai Lowpwarowp non, hunkwe pokon ko, seyr paraw ko! Hromkwe hne kar me ey, payhokuaw, hunkwe hno krai hokwe papo lonok, seyr hunkwe pa kiyhiy-wayr pie.   
\q1
\v 18 Uwrsa hne ma nan kiykiy-ay lopa homkwe, hne kokwe swaw owh-ya loum, payhokuaw, hno aw-mar lie enekwei hokwe po kiy-ousne. Seyr enekwei, hwon lokrue ha me mesor anon anon ey hokwe po kiy-ousne. Seyr enekwei hno mey-uwr profet lowpwarowp o, hno uwrsa arian hne ma me-ihey o, paswaw non, aiopey non, seme maym ma-sahre kow ey hokwe po kiy-ousne. Seyr enekwei hokwe po le, uwrsa ki se ma mon piapay me mon piapay ey hokwe.” \x * \xo 11:18 \xt Sng 110:5; Ro 2:5; MHO 20:11-13\x*   
\p
\v 19 Sa God so a pekney-weys nonkumey ko se kampi menkin, a pekney-weys serey mon kokwe hakwe sawk bokis hyo sokior-ok non ke lira. Seyr enekwei sohiy nonaw kokwe eiwa hom lok-sanweyr-anweyr nok, nompow aiopey hay hom lwoun kawk owk-mniy-ma-mniy merie merie. Seyr kina hiy le nok, hu-weyp mein me hieyn hom sueyr se hieyn kiynuw-ows. \x * \xo 11:19 \xt Hi 9:4; MHO 8:5; 15:5; 16:21\x*   
\c 12  
\s1 Sa prueyn o, kyei kwaresi hay o  
\p
\v 1 Sa meir suwon kamon hiy makiy-ousne, nonkumey mon. Meir sokukwe irweyk-aw-araw. Sa prueyn hokwe hoko owh ko omeme mokwe ey se lie, seyr yeyn hokwe hoko sune ouon mon lwak. Makwey-kokway napuar iha seys mu nareysyar non ma meio kokwe hoko makwey mon lwak.  
\v 2 Sa sokukwe ney swaw non. Ney hiykwe pa hrekawk. Hokwe pa eheyr nak-yuk, ya non ma nak-oum sokwe.  
\v 3 Sei, meir kamon hok ma-lousne, nonkumey mon. Meir sohokwe kyei kwaresi oupuey, makwey iha sirom mu nareysyar non, seyr kon iha seys non hiy lousne. Seyr hyo makwey iha sirom mu nareysyar non somokwe makwey-kokway iha sirom mu nareysyar non. \x * \xo 12:3 \xt Dan 7:7\x*  
\v 4 Hyo orow hiykwe napuar non ko mo kopi krompri mo kopi kamon se kanuw-okin kror-say kuayk sakuayk ha, ki mon. Hiykwe sawk sa, ney ma liwak e ma mon sohok ko inour mon liarok, ney se kros-a e, hok liwak ohya sow non. \x * \xo 12:4 \xt Dan 8:10\x*  
\v 5 Sa sokukwe ney norwayo se liwak. Ney sohokwe uwrsa me ain-ho non hiy-wayr kraiay ey hiy non. Sawk ney sohokwe aheyr aheyr nonaw saw-ok-sahya way nok nok, sa God o, hyo sia-king o, serey way nakey kow. \x * \xo 12:5 \xt Sng 2:9; Ais 7:14; 66:7; MHO 19:15\x*  
\v 6 Sawk sa sokukwe ki hrahra-aw mon hakan nok, yier God hiykiaw hoke ma meio koruay kow mon. Heke kokwe, eypok mokwe 1260, sankaw hiy-wayr ihey ey, yier serey kokwe.   
\p
\v 7 Wo, nonkumey mon kokwe sawk, aw aiopey hay lokyah ono. Maikel o, hyo ensel o, homkwe kyei kwaresi hay se lono. Kyei kwaresi o, hyo ensel o, seyr Maikel se ma-sahre ono. \x * \xo 12:7 \xt Ju 1:9\x*  
\v 8 Sawk kyei kwaresi so krai hokwe liy-ar non-wak pa. Sa hme kokwe nonkumey mon kokwe isay lwayr pa seme lwak.  
\v 9 Wo, kyei seirpey sohokwe sa ki mon sehe lway swasow ha. Hiykwe sok peypey-iwoh. Hyo uru hokwe poup, seyr Satan-ok ma me hiy non. Hiykwe uwr uwrsa me ma mon anyan swakreik ha hiy non. Hyekwe ki mon lway swasow ha, hyo ensel me nion. \x * \xo 12:9 \xt Stt 3:1,14; MHO 20:2\x*   
\p
\v 10 Sa hakwe wouk-ok aiopey hay, nonkumey ko hok senkin me ke lonuayk,  
\q1 “Enekwei ohokwe hromo God so huonok-prosue-yor o, hyo krai o, hiy king lwak ey o, po kiy-mon ousne. Seyr Krais so krai hiy-wayr ey seyn, po meio ousne. Payhokuaw, uwr, hromo wayh-om me eypok arawh, eypok arawh God so inour mon ma liarok me-mawmaw kow se kokwe papo lway swasow ha, nonkumey ko hokwe. \x * \xo 12:10 \xt Jop 1:11; Sek 3:1\x*   
\q1
\v 11 Hromo wayh-om homkwe poup se kokwe, Sipsip-ney so nioh non o, seyr God so ok hom ma mesor kumay o, sohiy non lono su akre akre. Mo, hme lokin kuor okrue e mon hi, homkwe hmo owh me nak-sosor pa.   
\q1
\v 12 Nonkumey-om, uwrsa serey ma lwayr hom seyn, homkwe kar seme ley e. Sawk ki o, sour-yawp-ar o, piap ya lwak a, payhokuaw, poup hiykwe hmo owh mon po laye. Hyo swaw hokwe ya eyn-aw krikri, payhokuaw, hiykwe nonkway, hyo enekwei hokwe pa haraw lwak.” \x * \xo 12:12 \xt Ais 44:22; 49:13\x*   
\p
\v 13 Kyei kwaresi sohiy senkin lira menkin, hyekwe ki mon po lway swasow ha, hiykwe sawk sa, ney norwayo se ma liwak sokwe nwaksu.  
\v 14 Sa sokukwe sawk wayp aiopey hay so someykyow kreysyar ke lway kow, hok hoko yier arian, ki hrahra-aw mon ka sian nok e hokuaw. Yier serey mon kokwe hokekwe, enekwei mokwe yia krompri, yeyn iha sirom pruw non, sankaw hiy-wayr sue ey, kyei so aw-mar se kokwe. \x * \xo 12:14 \xt Dan 7:25; 12:7\x*  
\v 15 Sa kyei hiykwe hu se hyo woki ko se swanon-yay ha, yawp se hieyn, sa sohok ko meyki mon, hoke lway nakey e, hu hiy.  
\v 16 Sawk hokekwe ki hiy hiy-mon. Ki hiykwe hyo woki ke laworyay nok, hu, kyei kwaresi so woki mon ma le sehe lowswa krikri-ay.  
\v 17 Kyei kwaresi sohokwe sawk aw-mar sehe lie, sa sokwe. Hiykwe sawk sa sohok ko ney-nona har, God so sow mo meyki ma ley o, seyr okar-ok Jisas hiy ma mesor kumay me ma nakruok kraiay o, hme lono e ley. \x * \xo 12:17 \xt MHO 11:7\x*  
\v 18 Kyei kwaresi sohokwe sour-yawp-ar so wosion mon harok.   
\c 13  
\s1 Ay piap-araw aiopey hay sour-yawp-ar ko se ma lousne hiy non  
\p
\v 1 Hakwe sawk ay piap-araw sour-yawp-ar ko se ar-ousne ha se lira. Hiykwe kon mokwe iha seys non, seyr makwey mokwe iha sirom mu nareysyar non. Kon kamon kamon-aw mokwe makwey-kokway non, seyr makwey kamon kamon-aw mokwe uru God se me piap-ma-piap ey non. \x * \xo 13:1 \xt MHO 17:7-12\x*  
\v 2 Ay piap-araw sohokwe pusi kaman lepat-ok ma me se hieyn lira, hyo sune mokwe bea so sune me hieyn, seyr hyo woki kokwe laion mo woki ke hieyn. Kyei kwaresi hiykwe ay piap-araw se kokwe hyo krai o, hyo sia-king o, hyo krai hiy-wayr ey o, seme kow. \x * \xo 13:2 \xt Dan 7:4-6\x*  
\v 3 Ay piap-araw aiopey hay sohiy so makwey kamon hokwe os-yop non. Hyo os-yop woki ke hieyn ma laworyay lok sokukwe, uwrsa homkwe senkin lira, hye liy mon okrue. Sawk os-yop sokukwe papo hro-way. Uwrsa lowpwarowp homkwe sawk hye lira preiryay ira way, sawk hyo meyki seme ley neyney. \x * \xo 13:3 \xt MHO 17:8\x*  
\v 4 Uwrsa homkwe sawk kyei kwaresi sehe kampueys me-ihey, payhokuaw, hiykwe hyo krai hiy-wayr ey hokwe ay piap-araw se kow. Homkwe seyr ay piap-araw se nak-me-ihey, senkin, “Uwr prueyn ay piap-araw ehe hieyn posokwaw lwak o? Uwr hye aw non-ono meir-yay ey hokwe poho?”   
\p
\v 5 Ay piap-araw aiopey hay se kokwe ipan lon, hiy hyo uru arian se nak-ie e, seyr God se leiwan-eiwan e. Seyr hyekwe yeyn 42 sankaw isay meio mesair, hyo krai hokwe. \x * \xo 13:5 \xt Dan 7:8,25; 11:36; MHO 11:2\x*  
\v 6 Hiykwe hyo woki ke laworyay nok, God se leiwan-eiwan, seyr hyo uru o, hyo lwayr yier o, lowpwarowp nonkumey mon ma lwayr sohom o, hme nak-me-kawrpakawr.  
\v 7 Hye kokwe ipan lon, kristen-uwrsa me lono e, seyr hme nak-swakakar e. Seyr hye kokwe krai, uwr-kayn senkin senkin, owh-ohi senkin senkin, wouk-ok senkin senkin, seyr kipay senkin senkin, sohom mo eir mon lwak ey se kow. \x * \xo 13:7 \xt MHO 11:7\x*  
\v 8 Uwrsa lowpwarowp ki ko homkwe hye kampueys me-ihey ey. Sawk uwrsa hmo uru sa-u, ki ehe ma monhre lopa non uwrsa, su ma lwayr mo mamey mon ma mey iawon sowkway, homkwaw lwak ey. Mamey sokukwe Sipsip-ney ma lokin kuor okrue so mamey. \x * \xo 13:8 \xt Sng 69:28; MHO 20:12; 21:27\x*   
\p
\v 9 Uwr nweyk non lwak ankin, kwa lonuayk.   
\q1
\v 10 Sa kalabus-a mon uwr pose lway swakawk e mon e, uwr sohokwe mo kalabus-a mon ka lway swakawk. Seyr uwr pose lokiane okrue e mon e, hyekwe mo seik non ka lokiane okrue.  
\m Sa enekwei senkin hiy lousne ankin, kristen-uwrsa homkwe, hmo nan kiykiy-ay yor kokwe kwa nakruok kraipakrai, seyr nak-orok kraiay. \x * \xo 13:10 \xt Jer 15:2; 43:11; MHO 14:12\x*   
\s1 Ay piap-araw ki ouon ko se ma ar-ousne ha hiy non  
\p
\v 11 Ha sa ay piap-araw kamon ki ouon ko se ma kiy-ousne se makiy-ira. Hiykwe kon kreysyar non. Hyo kon kreysyar kokwe sipsip so kon ke hieyn, seyr hiykwe kyei kwaresi so ok eyn me.  
\v 12 Ay piap-araw meyki ko hiykwe ay piap-araw peyr ko sohiy so krai, kipay me hiy-wayr ey non po hiy-meio me-sair kow, ay piap-araw peyr ko so inour mon. Sa hiykwe uwrsa me me-sasay, ay piap-araw peyr ko, os-peik non ma nakian sasowriy sow sehe kampueys me-ihey e.  
\v 13 Ay piap-araw meyki ko hiykwe meir suwon ipey-ar krai non me mesair kow. Hiykwe ya nonkumey ko ke mon ousne nok, ki mon ay-nuwnak-aye, lowpwarowp mo nene nonaw. \x * \xo 13:13 \xt 1 Kin 18:24-39; Mat 24:24; MHO 19:20\x*  
\v 14 Ay piap-araw peyr ko so inour mon kokwe, ay piap-araw meyki ko hiykwe uwrsa ki mon ma lwayr me kokwe meir krai non hiy ma meio ousne non lokin lor-a-lor kow. Sa hiykwe uwrsa me kokwe ay piap-araw os-peik non so owhnan se meio yay e mekow. Ay piap-araw sohokwe, paraw aw-seik hok hye ma lokian pru-sow, seyr hiy su ma ma-lwayr hiy non.  
\v 15 Sa ay piap-araw se kokwe ipan lon kow, ay piap-araw os non so owhnan se losiahakar kow e, hiy ok me e, seyr uwrsa hye me-ihey e ma me-puar me ka mon okrue.  
\v 16 Ay piap-araw sohokwe uwrsa lowpwarowp me kokwe meir piap-araw se po me-sasay lokin-mawn kreik. Har mokwe iha sayar mon, seyr har mokwe ine-maku mon. Mo hom hakamay hi, seyr uwr uru lopa hi, mo hom omeme kraiar non hi, seyr omeme lopa hi, mo hom uwr, liaup-uwr lopa hi, seyr hom mey-uwr puraw hi.  
\v 17 Uwr prueyn meir piap-araw sohiy lopa lwak ankin, hiykwe omeme mein-owon non liy nakway ley, seyr hyo omeme mokwe uwrsa har homkwe mein-owon non liy nakway ley. Meir piap-araw sohokwe ay piap-araw sohiy so uru, seyr hyo uru so urowp se me memeir. \x * \xo 13:17 \xt MHO 14:9-20; 16:2; 20:4\x*   
\p
\v 18 Ok sohok ko meyk kokwe, mawkhow ihey-ar nonaw liy nonkway. Uwr nonkway yaprue non hiykwe ay piap-araw sohiy so urowp se kwa meio mon sorasor nonkway, payhokuaw, urowp sohokwe uwr prueyn so uru. Urowp sohokwe, 666.   
\c 14  
\s1 Sipsip-ney hiy 144,000 unsaney me nion ma non-wak hiy non  
\p
\v 1 Hai, ha makiy-ira, Sipsip-ney hiy mnuw Saion mon lorok se. Hye nion kokwe uwrsa 144,000 hom non-nakrok-kay. Uwrsa somokwe hyo uru o, hyo Aio so uru o, hmo ine mon nak-mey iarok.  
\v 2 Seyr hakwe nonkumey mon kokwe wouk-ok kamon mein-saw-hu hiy ma kyor-swanon keyn, seyr nompow aiopey hay hiy ma me se hieyn se lonuayk. Wouk-ok sokukwe uwr gita lokin-uwr hom hmo gita me ma lokin me hieyn lwoun. \x * \xo 14:2 \xt MHO 1:15; 19:6\x*  
\v 3 Uwrsa 144,000 somokwe God so sia-king o, ay iha-iha-aw su ma lwayr o, seyr sios mo makwey-uwr o, hmo inour mon nakrok-kay. Homkwe yayh kokwe iwon ke lowk. Yayh sokukwe uwrsa har ki ko homkwe liy mon sorasor nonkway ley, sa uwrsa 144,000 homkwaw. Uwrsa somokwe God hiy ki ko me ma nakway huonokyaw prosue hom non. \x * \xo 14:3 \xt Ais 42:10; MHO 5:9; 7:4\x*  
\v 4 Uwr somokwe sa me nion non-iawon sowkway pa, hom orki non seme lwak ley, korey law. Homkwe luw-luw-aw ihey-ar lanio sayok.\f + \fr 14:4 \ft Nonkway-uwr homkwe senkin nan, ok sohok ko meykyar kokwe senkin, uwr 144,000 homkwe sios me memeir. Sios homkwe orki lopa lwak e, seyr Jisas se nion-aw non-wak e. Baibel hokwe sa-huon-yor ke me-sous pey.\f* Sipsip-ney hiy yier perey ley e, uwrsa somokwe mo hyo meyki-aw lonsu pyay. God hiykwe uwrsa seme kokwe ki ohiy so uwrsa mo ompok ko me po nakway huonokyaw prosue. Uwrsa somokwe ayay peyr-mawk ma leip hom non. Homkwe ayay, God o, Sipsip-ney o, hehe ma naws kow pie me hieyn.  
\v 5 Hmo woki mon kokwe okrei-ok lirway pa, seyr homkwe heyn lopa.   
\s1 Ensel pruompri-ar hom non  
\p
\v 6 Wo, ha sawk ensel prueyn non-ayaw mon sian se makiy-ira, hiykwe lwayr peyow peyow ok-ihey-ar, uwrsa ki mon ma lwayr me mesor kow ey non. Hiykwe uwrsa owh-ohi senkin senkin non me o, uwrkayn senkin senkin ko me o, unsaney wouk-ok senkin senkin non me o, uwrsa kipay lowpwarowp ko me o, hme mesor kow ey.  
\v 7 Hiykwe wouk-ok aiopey hay non senkin me, “Homkwe God se kwa hok, seyr hye panpaniowni kwa kow, hiy ipey-ar ma lwak sehe. Payhokuaw, enekwei hokwe po kiy-ousne, uwrsa me mesor anon anon ey hokwe. Hye-aw kampueys me-ihey e, hiykwe nonkumey o, ki o, sour-yawp-ar o, yawp-eyh-ney o, seme monhre.”   
\p
\v 8 Ensel peyr-mawk ko so meyki hokwe sawk ensel prueyn hiy makiy-me, senkin, “Hokwe papo makuayk! Taun Babilon Seirpey kokwe papo makuayk! Hokwe uwrsa lowpwarowp me hoko wain me isay owswa, hoko wain-hu piap-araw krai non seme, sa hom uwr-yokun, sa-yokun nweyh kane yor ke nak-mon e.” \x * \xo 14:8 \xt Ais 21:9; Jer 51:7,8; MHO 17:2\x*   
\p
\v 9 Ensel prueysyar so meyki hokwe sawk ensel prueyn hiy wouk-ok aiopey hay non ma-lokre me, senkin, “Unsaney, ay piap-araw o, hyo owhnan o, seme ma kampueys me-ihey homkwe, ay piap-araw so meir piap-araw se, hmo ine-maku mon o, seyr hmo iha sayar mon o, serey ma nak-mey iarok homkwe, \x * \xo 14:9 \xt MHO 13:12-17\x*  
\v 10 God so wain se lowswa ey. Wain sohokwe God so aw-mar krai ipey-ar non hiy non. Hiykwe woki po nonkawk wouk-wouk-ay nak-iarok, hyo yiawk kasaw lon hohuaw non sohokwe. Unsaney yor piap senkin ma lon somokwe, ensel pekney-weys mo inour mon o, Sipsip-ney so inour mon o, homkwe aw lok ey, mein-salfa ya non mon. \x * \xo 14:10 \xt Ais 51:17,22; Jer 25:15-16\x*  
\v 11 Ya, uwrsa me aw ma mon ok sohok ko yakuw kokwe, senkinaw leyh peyow peyow wayr ey. Unsaney, ay piap-araw o, hyo owhnan o, seme ma me-ihey, seyr hyo uru so meir piap-araw se ma lonok somokwe, eypok arawh, eypok arawh, aw senkinaw lok wayr-wayr ey.” \x * \xo 14:11 \xt Ais 34:10\x*  
\v 12 Uwrsa, God so sow mo meyki ma ley, seyr Jisas se-aw ma nakruok nan kiykiy-ay homkwe, enekwei piap hom lousne ankin, kristen-uwrsa somokwe aymarowh eyn kwa nakrok kraiay wayr. \x * \xo 14:12 \xt MHO 13:10\x*   
\p
\v 13 Ha sa wouk-ok kamon nonkumey ko hok senkin me ke lonuayk, “Kwa kiy-mey, senkin: Pokon ohiy kiy-nuw-hohyay pie. Unsaney, Hakamay se hokuaw ma lokrue homkwe, God so uron ihey-ar so ouon mon lwak.”  
\p Niohney hiy kiy-onuayk-me, “Okar-ar, homkwe mey, hom kruayk ma meio eme hokuaw mokwe, kar nonaw liy nak-iwak nieys ihey, payhokuaw, mey hom ma meio lowpway somokwe, hme nion noney wayh-wayh.”   
\s1 Enekwei lay-lay ki ko me lompan ompan ey hokwe po kiy-ousne  
\p
\v 14 Ha sa makiy-ira, waw-weys ke. Seyr waw-eir mon kokwe uwr prueyn “iwar mo ney se hieyn” ma lira, hiy liwak. Makwey-kokway gol non ma meio kokwe hyo makwey mon lwak, seyr seik arupey, lay-lay loki-mane ompan ompan ey kokwe, hyo iha mon nakruok. \x * \xo 14:14 \xt Dan 7:13\x*  
\v 15 Sa ensel prueyn God so a pekney-weys ko se ar-ousne ha nok, wouk-ok aiopey hay non ka-lokre me, uwr waw mon ma liwak sehe, “Hunkwe hno seik ke lonok nok, lay-lay seme lompan ompan. Payhokuaw, enekwei ayay me lompan ompan ey hokwe papo lousne, seyr laylay ki ko mokwe papo lou lowpway.”  
\v 16 Sawk uwr seik non, waw mon ma liwak sohokwe, hyo seik ke kiynuw-woskin-a-kin, ki so eir mon. Sa lay-lay ki ko somokwe seme nuw-ompan ompan lowpway.   
\p
\v 17 Sei, ha ensel prueyn God so a pekney-weys nonkumey ko se ma ar-ousne ha se makiy-ira, hiykwe seyr seik aru-pey non.  
\v 18 Hai, ensel prueyn ya ke hiy-wayr-uwr hiykwe sawk alta ko se ar-ousne ha nok, ensel seik ke ma nakruok sehe ka-lokre me, wouk-ok aiopey hay non. “Hunkwe wain-i kokwon non wain-wueir ki mon ma lwak seme kwa loki-mane hriaw, payhokuaw, homkwe papo lou.” \x * \xo 14:18 \xt Jol 3:13\x*  
\v 19 Sa ensel sohokwe hyo seik ke kiynuw-woskin-a-kin nok, wain-ou seme kiynuw-okimane hriaw nok nok, ki-saw aiopey hay, wain-ou me lour ompos kreik ey mon nakey. Ki-saw sohokwe God so aw-mar hiy non.   
\p
\v 20 Wain-ou somokwe sawk ki-saw serey lour sanpasan piyses kreik, taun so meykyay mon. Seyr nioh hokwe ki-saw ko se ar-ousne ha. Nioh sohokwe sawk hu ma lohuwn kie se hieyn lwak. Nioh so kilomita meiamei hokwe sankaw lwak, 300, seyr hyo iway so mita hokwe, sankaw lwak 1.5.\f + \fr 14:20 \ft Nonkway-uwr kraiar homkwe senkin nan, taun aiopey hay sohokwe mo Jerusalem se me. Grik mo ok non kokwe senkin mey, nioh sohom mo meir mokwe 1600 stadia. Hromkwe ok sokukwe senkin po kankoum, 300 kilomita. Hromkwe nonkway lwak popriy pey, Jon hiykwe meir sankaw senkin somokwe pay me po me memeir pak e.\f* \x * \xo 14:20 \xt Ais 63:3; MHO 19:15\x*   
\c 15  
\s1 Ensel iha sirom mu nareysyar, low iha sirom mu nareysyar me ma nakruok hom non  
\p
\v 1 Hai, ha ma-sahre ira, meir suwon irweyk ipey-ar nonkumey mon lousne. Hakwe ensel iha sirom mu nareysyar non me lira, homkwe low iha sirom mu nareysyar non me nakruok. Low somokwe piap-araw-arar, uwrsa me mon piapay ey hom non. Low somokwe pariawey-ar hom non, payhokuaw, somokwe God so aw-mar me meio sompay sompay lowpway ey hom non.  
\v 2 Sa hakwe sour-yawp-ar, glas non ma monhre, seyr ya non ma nak-sawahre se hieyn se lira. Hakwe seyr unsaney har hom ay piap-araw o, hyo owhnan o, seyr hyo uru so urowp o, seme ma lono swakakar me nak-ira. Homkwe sour-yawp-ar, glas non ma monhre serey nakrok. Homkwe gita, God hiy hme ma kow me nakruok.  
\v 3 Seyr homkwe yayh Moses, God so mey-uwr o, Sipsip-ney o, hoh ma lowk ke lowk, senkin,  
\q1 “God Hakamay, Krai Lowpwarowp non ara, hno mey mokwe irweyk-aw-ar, seyr krai ipey-ar non. King, kipay lowpwarowp me ma hiy-wayr ara, yor lowpwarowp, hwon ma meio mokwe luw-luw-aw-ar, seyr ok-ar-ar. \x * \xo 15:3 \xt Kis 15:1; Sng 139:14; 145:17\x*   
\q1
\v 4 Hakamay, uwrsa hne hok lopa mokwe, pomo? Hai, uwrsa hno uru se seirpey-ar lowk nakie lopa mokwe, perey lwak o? Payhokuaw, pekney-weys-ar hokwe hunkwaw sora. Uwrsa kipay lowpwarowp ko homkwe ya le a, hno inour mon kokwe hno uru se-aw nakie e, payhokuaw, hno yor luw-luw-aw mokwe po me-sair hrahra kow.” \x * \xo 15:4 \xt Jer 10:6-7; Sng 86:9\x*   
\p
\v 5 Sohiy so meyki hokwe ha sawk God so a pekney-weys nonkumey ko hiy kampi se lira. A sohokwe, God so sel-a, God se nian ma me-hror say kumay hiy non. \x * \xo 15:5 \xt Kis 38:21\x*  
\v 6 Seyr ensel iha sirom mu nareysyar, low iha sirom mu nareysyar non me ma nakruok homkwe God so a pekney-weys ko me lousne-sa-ousne ha. Homkwe laplap mnow-mnow-aw ihey-ar, ey se hieyn ma lyar me lie nakrok-kay. Homkwe seyr sumow-mays gol non ma meio mokwe, hmo uron-kowp mon nak-ok-sama-peykyay.  
\v 7 Sa ay, su ma lwayr ihaiha-aw mo prueyn hiykwe sawk ensel iha sirom mu nareysyar mokwe yowr gol non iha sirom mu nareysyar non ma meio me kow. Yowr somokwe lwayr peyow peyow God so aw-mar hokwe woki nuw-wak.  
\v 8 A pekney-weys sohokwe sawk God so panpaniowni o, krai o, hoho yakuw homkwaw nuw-wak. Unsaney prueyn liy lyawriy ley, a pekney-weys serey kokwe, sa omok low iha sirom mu nareysyar, ensel iha sirom mu nareysyar hom ma nake sohom ley lowpway sehe. \x * \xo 15:8 \xt 1 Kin 8:10-11; 2 Sto 5:13-14; Ais 6:4\x*   
\c 16  
\s1 Yowr iha sirom mu nareysyar God so aw-mar non hom non  
\p
\v 1 Ha sawk wouk-ok aiopey hay kamon God so a pekney-weys ko hok ensel iha sirom mu nareysyar me senkin me ke lonuayk, “Homkwe ley nok, yowr iha sirom mu nareysyar God so aw-mar non seme ki mon kyor-swanon-sow ha.”  
\v 2 Sa ensel peyr ko hiy kanak-ey nok, hyo yowr God so aw-mar non sokwe ki mon ka-swanon-sow ha. Hiy senkin lon menkin, kuor piap-araw homkwe sawk uwrsa, ay piap-araw sohiy so meir piap-araw se ma nak-wayr o, hyo owhnan se ma me-ihey o, hmo owh mon nuw-kreyryay. Kuor somokwe hmo owh me, aw kraiar nuw-mon nak-oum. \x * \xo 16:2 \xt Kis 9:10; MHO 13:12-17\x*   
\p
\v 3 Hai, ensel sohiy so meyki hokwe, ensel prueyn hiy hyo yowr God so aw-mar non ke sour-yawp-ar mon makiy-swanon keyn. Sawk sour-yawp-ar hokwe lokrue-uwr mo nioh se hieyn loksa-hriysow hnuawon keyn, sa ayay sour-yawp-ar ko somokwe seme nuw-away keyn lowpway.   
\p
\v 4 Hai, ensel prueysyar so meyki hokwe sawk ensel prueyn hiy hyo yowr God so aw-mar non ke yawp lowpwarowp mon kiy-swanon-sow nok, seyr yawp-eyh-ney mon makiy-swanon keyn. Hu somokwe sawk nioh me hieyn loksa-hrisow hnuawon keyn. \x * \xo 16:4 \xt Kis 7:17-21\x*  
\v 5 Hakwe sawk ensel hu lowpwarowp me ma hiy-wayr hiy senkin me se lonuayk,  
\q1 “Hunkwe pekney-weys-ar, hunkwe pokon ko, seyr hunkwe paraw ko. Hno yor uwrsa me mesor anon anon ey hokwe, luwluw-aw-ar.   
\q1
\v 6 Payhokuaw, uwr piap-araw homkwe hno uwrsa arian o, hno mey-uwr profet me o, nioh me po lokin kwormakwor non-say. Sa hunkwe uwr piap-araw somokwe hmo nioh me seme kow owswa. Hmo heyn arian me hokuaw kokwe homkwe low piap-araw somokwe seme ma-sahre onokyaw.”   
\m
\v 7 Hakwe seyr wouk-ok kamon alta ko hok senkin me ke lonuayk,  
\q1 “Hunkwe God Hakamay Krai Lowpwarowp non, hno yor, uwrsa me ma mesor anon anon kokwe okar-ar, seyr luw-luw-aw.” \x * \xo 16:7 \xt Sng 19:9; MHO 15:3\x*   
\p
\v 8 Hai, ensel pruompri-ar mo meyki hokwe sawk ensel prueyn hiy hyo yowr God so aw-mar non ke ey mon maka-swanon-yay. Sa ey-li me ipan sehe lon kow, uwrsa me loum kwor say e.  
\v 9 Seseyn, ey-li hiykwe sawk uwrsa me seme loum kwor say. Uwrsa somokwe sawk God se sehe me-piapmapiap yay, hiy low piap-araw seme ma mon ousne sohom. Sawk homkwe hmo weynpaweyn piap-araw me uron kama-koum lopa, seyr hom God se seirpey-ok me ey hokwe homkwe me-puar. \x * \xo 16:9 \xt MHO 9:20-21\x*   
\p
\v 10 Hai, ensel iha-iha-aw mo meyki hokwe, sawk ensel prueyn hiy hyo yowr God so aw-mar non ke ay piap-araw so sia-king mon maka-swanon-yay. Hiy senkin lon menkin, sa uwrsa, ay piap-araw so krai ouon mon ma lwak mokwe eym-nawp hiykwaw nuw-swakuwmay. Sawk uwrsa homkwe hmo sane arian me peyk mapru, opion ya non ma nak-oum seme. \x * \xo 16:10 \xt Kis 10:22; Ais 8:21-22\x*  
\v 11 Seyr homkwe God nonkumey ko se nak-me-piapmapiap, kuor hmo owh mon ma mon ousne sohom, seyr hmo opion opion me aw ma mon-ok me hokuaw. Sawk hmo uron mokwe kankoum pa, hmo yor piap-araw me lokriy ha ey mokwe.   
\p
\v 12 Hai, ensel iha sirom mo meyki hokwe sawk ensel prueyn hiy hyo yowr God so aw-mar non ke yawp aiopey hay Yufretis mon makiy-swanon keyn. Yawp sohokwe sawk sehe lia krekre yay, king ey kaie ko hmo yerki se mon ia kow koruay, hom yawp Yufretis se kuan iau ey se. \x * \xo 16:12 \xt Ais 11:15\x*  
\v 13 Ha sa niohney pruompri-ar orki non peirsiow me hieyn me lira. Homkwe kyei kwaresi o, ay piap-araw o, seyr okrei-profet o, hmo woki mon lousne sa-ousne.  
\v 14 Homkwe poup piap-araw mo niohney, meir suwon me ma meio ousne hom non. Niohney pruompri-ar somokwe king lowpwarowp ki ko mo owh mon ma ley neyney hom non, hme huonokyaw swa-hokruw e, God Krai Lowpwarowp non so enekwei ipey-ar se aw lono e. \x * \xo 16:14 \xt MHO 19:19\x*   
\p
\v 15 “Kwa lonuayk, hakwe yokun-uwr se hieyn le. Sa uwr, inaw ma liwak, seyr hyo klos me ma nak-wayr sosor hiykwe God so uron ihey-ar so ouon mon lwak, payhokuaw, hiykwe uwrsa mo nene mon kokwe, sike apaw liy lanio ley, seyr owh-mar liy lon ley.” \x * \xo 16:15 \xt Mat 24:43-44; MHO 3:3\x*   
\p
\v 16 Wo, niohney piap-araw homkwe sa king me hiy-e, kipay, Hibru hom Armagedon-ok ma me mon. \x * \xo 16:16 \xt Sek 12:11\x*   
\p
\v 17 Hai, ensel pariawey-ar hiy hyo yowr God so aw-mar non ke waw mon makiy-swanon-yay. Sa wouk-ok aiopey hay sia-king ko, God so a pekney-weys mon ma lwak ko hokwe senkin ar-me-ha, “Mey lowpwarowp mokwe po kiy-meio lowpway.”  
\v 18 Sa kiy-peypey pa, eiwa hok kiynuw-ok-sanweyr-anweyr nok, nompow aiopey hay hom lwoun kawk owk-mniy-ma-mniy merie merie, seyr kina piap-araw kwaresi hiy kiynuw-way wei-a-wei. Kina senkin sohokwe paraw uwrsa me monhre pie non lousne pa. Kina sohokwe irweyk-araw, kina lowpwarowp mo eir mon lwak. \x * \xo 16:18 \xt MHO 4:5; 8:5\x*  
\v 19 Taun seirpey sohokwe sawk kopi krompri non onkama-seyr, seyr ki sohiy so taun lowpwarowp mokwe po mon piapay lowpway. God hiykwe taun seirpey Babilon ko yor piap-araw me ma-nanpanan, seyr wain, hyo yiawk ko se ma-isay owswa. Wain sohokwe hyo aw-mar ipey-ar hiy non. \x * \xo 16:19 \xt MHO 14:10\x*  
\v 20 Oion-waw lowpwarowp hom kiynuw-hakan sakan nok lowpway. Seyr mnuw hom kiynuw-mamanyay. \x * \xo 16:20 \xt MHO 6:14\x*  
\v 21 Seyr sueyr-weyp aiopey hay mein me hieyn hom ma-kanuw-prorkuw. Sueyr-weyp sohom mo kilo mo meir mokwe, 50. Homkwe nonkumey ko me laye, sawk uwrsa mo owh-eir mon makuayk sakuayk nuw-mon piapay. Wo, uwrsa homkwe sawk God se sehe me-piapmapiap yay, payhokuaw, low sohokwe piap-araw-arar. \x * \xo 16:21 \xt Kis 9:23-24; MHO 11:19\x*   
\c 17  
\s1 Yokun nweyh-kane yor ko pouh-ar hok non  
\p
\v 1 Sa ensel iha sirom mu nareysyar mo prueyn, yowr iha sirom mu nareysyar me ma nakruok hiy le nok, hane kiy-me, “Hunkwe kwa le, hakwe hne kokwe yokun-nweyh-kane-yor ko pouh-ar, yawp poya-poya mon ma lwayr ko low penkin me lonok e seme hne mesair kow ley. \x * \xo 17:1 \xt Jer 51:12-13\x*  
\v 2 King poya-poya kipay lowpwarowp ko homkwe hoke nion yokun po nweyh kane. Sawk sa sohok ko yokun-nweyh-kane-yor kokwe uwrsa me kokwe wain-hu ma lowswa me hieyn po nuw-mon lawk-lawk yay wayr.” \x * \xo 17:2 \xt Ais 23:17; Jer 51:7; MHO 14:8\x*   
\p
\v 3 Wo, hane kokwe sa Niohney Pekney-weys hiy leyneyr-kawk prusow menkin, sa ensel hiy ki hrahra-aw mon makiy-way nakey. Ha serey lwak menkin, hakwe sawk sa prueyn ke lira, hokwe ay piap-araw oupuey so eir mon liwak. Ay piap-araw so owh hokwe uru poya-poya God se me-piapmapiap ey me-aw nuw-mey lowm-a-lowm. Seyr hiykwe makwey iha sirom mu nareysyar non, seyr hyo makwey mon kokwe kon iha seys hom nak-inakrok-kay. \x * \xo 17:3 \xt MHO 13:1\x*  
\v 4 Sa sohok ko omeme owh ko mokwe owh-mein oupuey kreys irweyk eyn ma nak-monhre me lie. Seyr hoko omeme owh ko mokwe, gol o, mein yaprue ihey-ar o, momor ihey-ar o, sohiy non nak-howhway. Hokwe yiawk gol non ma monhre se nakruok. Yiawk sohokwe yor piap-araw irweyk-araw o, hoko yokun-nweyh-kane-yor sohom o, hom nuw-yawriy wouk-wouk-ay. \x * \xo 17:4 \xt Jer 51:7; MHO 18:6\x*  
\v 5 Hoko ine-ku hokwe uru kamon, meyk ouon-aw ma nak-hiyhiy hokwe senkin nak-mey iarok:  
\q1 Hakwe Babilon seirpey-ar, yokun-nweyh-kane-uwrsa lowpwarowp o, seyr yor piap-araw-ar, kipay lowpwarowp mon ma lwak liyay o, sohom mo pouh-ar.   
\p
\v 6 Hakwe seyr senkin lira, hokwe kristen-uwrsa mo nioh me po lowswa lawk-lawk-yay. Uwrsa somokwe Jisas se ma nan kiykiy-ay me ma lokin kwor-ma-kwor okrue hom non.  
\p Hakwe hoke lira menkin, hakwe sawk nuw-preiryay. \x * \xo 17:6 \xt MHO 18:24; 19:2\x*  
\v 7 Sa Ensel hiy hane senkin kiy-me, “Hai, hunkwe panoke nuw-ira preiryay o? Hakwe hne kokwe sa sohok o, ay piap-araw hoke ma lway nak-anio, makwey iha sirom mu nareysyar non, seyr kon iha seys non, hoho ouon-aw-ok ko meykyar me hne kiy-mesor kow ley. \x * \xo 17:7 \xt MHO 13:1\x*  
\v 8 Ay piap-araw sohokwe paraw kokwe su lwayr, sawk enkin ohokwe hiykwe su ma-lwayr pey. Sawk hiykwe ya lousne a, ki-saw limon lopa ko hokwe. Sa hiykwe yier piap-araw laway pror kawk ha ey lopa mon nuw-ey ha. Uwrsa ki mon ma lwayr, hmo uru God so mamey lwayr peyow peyow ey mon ma mey pa somokwe, enekwei God hiy ki ehe ma monhre pie pa non hokwe, uwrsa senkin somokwe ay piap-araw sehe lira preiryay ey. Payhokuaw, paraw hiykwe su lwayr, sa enkin ohokwe hiykwe su ma-lwayr pey, sa omok ya ma-lwayr a. \x * \xo 17:8 \xt Dan 12:1; MHO 11:17; 13:7\x*   
\p
\v 9 Uwr mawk-how ihey-ar, nonkway yaprue non hiykwe weynpaweyn seme liy nonkway popriy. Ay piap-araw sohiy so makwey iha sirom mu nareysyar non somokwe, mnuw iha sirom mu nareysyar non, sa sohok ma liwak seme meir.  
\v 10 Seyr makwey iha sirom mu nareysyar non somokwe, king iha sirom mu nareysyar me meir. King iha sirom mokwe papo makuayk sakuayk lowpway, sa prueynyaw hiykwaw lorok, sawk prueyn hiykwe peyr lousne pa. Hiy le ankin, hiykwe enekwei haraw-aw lwayr ey.  
\v 11 Sa ay piap-araw, paraw su ma lwayr, sa enkin ohokwe hiykwe su ma-lwayr pey. Hiykiaw kokwe king prueyn, iha sirom mu nareysyar pruw non hiy non. Hiykwe king iha sirom mu nareysyar mo prueyn hiy non, sa hiykwe yier laway pror kawk ha ey mon nuw-ey ey.   
\p
\v 12 Kon iha seys, hwon ma lira hokwe, king iha seys me meir. Homkwe peyr krai, king-mey meio ey ke lonok pa. Sawk homkwe king-mey aua kamon-aw hiy-wayr-krai ke ya lonok a, ay piap-araw se nion non-meio ey hokwe. \x * \xo 17:12 \xt Dan 7:7,24\x*  
\v 13 King sohom mo uron mokwe liy-liy-aw lwak ey. Homkwe hmo krai o, hmo hiy-wayr mey o, ay piap-araw sehe-aw kow ey.  
\v 14 Ay piap-araw sohiy o, king iha seys sohom o, homkwe Sipsip-ney se kokwe aw lokyah ono ey. Sawk Sipsip-ney o, uwrsa hiykiaw ma me-iaup, seyr hye ma nan kiykiy-ay wayr kraiay o, hom lono akre akre ha ey. Payhokuaw, hiykwe hakamay lowpwarowp mo Hakamay-ar, seyr hiykwe king lowpwarowp mo King-ar.”   
\p
\v 15 Seyr ensel hiy hane makiy-mekow, “Yawp lowpwarowp, yokun nweyh-kane-sa hok ma liwak somokwe, hunkwe papo lira. Somokwe uwrsa kipay lowpwarowp ko o, uwrsa popua hay o, unsaney owh-owhi senkin senkin non o, seyr wouk-ok senkin senkin non o, seme kiy-meir.  
\v 16 Seyr kon iha seys o, ay piap-araw o, hwon ma lira somokwe, yokun-nweyh-kane-sa ipey-ar ke awnie awnie-aw lira ey. Homkwe omeme lowpwarowp hok ma nak-wayr seme lopri lowpway ey, seyr hoke kokwe apaw-aw isay wak ey. Homkwe hoko opion me kros-a nok, hoke ya mon nak-nwaws oum-pru kawk lowpway ok. \x * \xo 17:16 \xt MHO 18:8\x*  
\v 17 Yor senkin somokwe, God hiykiaw king mo uron me mon nanpanan oksian ey, hmo krai lowpwarowp uwrsa me hiy-wayr ey me ay piap-araw so iha mon-aw kow e. Homkwe ay piap-araw so ok me senkin-awaw lonuayk meio nok ey, sawk omok God so ok me nuw-meio sompay sompay sehe.  
\v 18 Sa, hwon ma lira kokwe, taun seirpey-ar. Hiykwe king lowpwarowp ki ko me hiy-wayr ey hiy non.”   
\c 18  
\s1 Babilon hokwe papo mon piapay  
\p
\v 1 Sohiy so meyki hokwe ha sawk ensel prueyn hiy nonkumey ko se laye se ma-lira. Hiykwe krai aiopey hay hiy-wayr ey non, sa hyo kyai panpaniowni hokwe ki se ma-kanuw-nak-yar nekie nekie.  
\v 2 Hiykwe ok aiopey hay senkin lokre me,  
\q1 “Hokwe papo makuayk! Taun Babilon Seirpey-ar hokwe papo makuayk! Enekwei ohokwe hokekwe sawk niohney piap-araw o, poup o, hmo yier se hieyn lwak. Seyr ahney piap-araw o, ahney, uwrsa hom awnie awnie-aw ma lira o, homkwe yier serey lwayr. \x * \xo 18:2 \xt Ais 34:11-14; Jer 50:39\x*   
\q1
\v 3 Payhokuaw, uwrsa kipay lowpwarowp ko homkwe hoko wain-hu krai non se po lowswa lawk-lawk yay. Wain-hu krai non sohokwe hoko nweyh-kane-yor hok non. King lowpwarowp ki ko homkwe hoke nion yokun po nweyh kane, seyr bisnis-uwr ki ko lowpwarowp homkwe meinowon kraiar po lonokyaw wayr-wayr, hoko lira-way-yor piap-araw non.”   
\p
\v 4 Hakwe sawk wouk-ok kamon nonkumey ko hok senkin me se makiy-onuayk,  
\q1 “Hano uwrsa-om, homkwe hoke kiy-okriy hain nok, kumay mon ar-ousne ha! Homkwe hoko yor piap-araw me peie lon-ondiay ondiay meio o. Low, hoke ma mon piapay ey somokwe, sawk hme nak-mon sapeykyay lak! \x * \xo 18:4 \xt Ais 48:20; Jer 51:6; 2 Ko 6:17\x*   
\q1
\v 5 Payhokuaw, hoko yor piap-araw mokwe papo nuw-mon pipi-yay ie, nonkumey so liy-liy-aw-ar nuw-wak. Seyr God hiykwe hoko yor naway naway mokwe, nanpanan wayr nonaw lwak. \x * \xo 18:5 \xt Stt 18:20-21; Jer 51:9\x*   
\q1
\v 6 Homkwe yor piap-araw hoke kwa ma-sahre mon, hoko yor, hme ma mon me hieyn. Homkwe hoke mawk kreys non kwa sau, yor lowpwarowp piap-araw, hok ma mon somokwe. Homkwe hoko hu-yiawk mon kokwe wain-hu krai non hokwe mawk kreys non kwa ma-sahre nonkawk kow, paraw hok hme ma kow owswa so liy. \x * \xo 18:6 \xt Sng 137:8; Jer 50:29; 2 Te 1:6\x*   
\q1
\v 7 Hunkwe hoke kokwe low, aw kraiar lok ey me kwa nuw-kow, seyr eheyr kraiar kwa nuw-mon lowp-lowp yuk, hok hoko sa-u arian ke ma nak-ie senkin, seyr hoko liwak yor yaprue-ar, hokiaw-ayay ma nak-me-heyr senkin. Payhokuaw, hokwe enekwei enekwei hokiaw-ayay senkin nak-me-heyr, ‘Hakwe kwin ke hieyn erey liwak! Hakwe sa-win korey. Low mokwe hano owh mon liy lousne ley, seyr hakwe eheyr lyuk lopa!’ \x * \xo 18:7 \xt Ais 47:7-9\x*   
\q1
\v 8 Sawk Babilon hok ma me-heyr sokwe hokuaw kokwe, eypok kamon hokwe hoke kokwe low piap-araw senkin hom saw-mon piapay ey, peik senkin senkin, unuaw liwak yuk yor, siowp lokrue yor. Seyr hoke kokwe ya mon nwaws oum-pru kawk lowpway ey, payhokuaw, God Hakamay, hoko yor me ma lira mesor anon anon hiykwe seirpey-ar.” \x * \xo 18:8 \xt MHO 17:16\x*   
\p
\v 9 King ki ko lowpwarowp hoke nion yokun ma nweyh kane, seyr hoko omeme ihey-ar me ma lira way somokwe, taun sohiy so ya-pi ko yakuw hoke ma nwaws oum-pru kawk ke lira ankin, homkwe hoke unuaw nak-iwak sir yuk kworpakwor ok. \x * \xo 18:9 \xt Ese 26:17; 27:30-35\x*  
\v 10 Homkwe meiaw-ar hok nakrok ey, payhokuaw, homkwe hoke nion aw liy non-ok ley. Seyr homkwe senkin me ey,  
\q1 “Woiow woiow, taun Babilon ey, hunkwe yier seirpey, seyr om krai ipey-ar non, sa hne kokwe aua kamon-awaw nonaw po mon piapay, hno yor piap-araw me hokuaw kokwe.”   
\p
\v 11 Sa bisnis-uwr ki lowpwarowp ko homkwe Babilon ke unuaw nak-iwak sir yuk kworpakwor ey, seyr hmo uron mokwe low nuw-hei ey, payhokuaw, hmo omeme mokwe uwr pohom ma-nakway ley. \x * \xo 18:11 \xt Ese 27:36\x*  
\v 12 Hmo omeme mokwe senkin gol, silva, mein ihey-ar, momor ihey-ar, laplap weyspey yaprue, laplap oupuey senkin senkin non, seyr laplap slika, seyr now prawk yaprue non. Seyr omeme senkin senkin, elefan so nays non ma monhre, now ihey-ar meinowon kraiar non ma nakway, bras, ain, puwpuw mey non mey non, sohiy non ma monhre me nak-wayr. \x * \xo 18:12 \xt Ese 27:12,13,22\x*  
\v 13 Homkwe seyr omeme har mokwe senkin me nak-wayr, sinamon, nayp, ayay non nak-a ey, paura senkin senkin yakuw yaprue ma sway, sanda prawk yaprue non, seyr wain-hu, oliv-won, plaua la ey, wit, bulmakau, sipsip, hos, karis, aw-nweyr-uwrsa, seyr iwar o. Somokwe uwr posokwaw ma-nakway ley.   
\p
\v 14 Homkwe hoke senkin me ey, “Omeme lowpwarowp ihey-ar, hwon lonok nak-wayr e ma nan somokwe, papo lira por ha lowpway. Hunkwe ma-lirway lopa, korey law-ar!”  
\v 15 Bisnis-uwr omeme kraiar non, yier aiopey hay serey suko me ma meio lonokyaw homkwe hoke meiaw-ar nakrok ira ey. Payhokuaw, homkwe yier aiopey sohiy so aw-nak-ok-yor ke nuw-hok. Homkwe unuaw nak-iwak sir yuk kworpakwor ey. \x * \xo 18:15 \xt Ese 27:31,36\x*  
\v 16 Homkwe senkin me ey,  
\q1 “Woiow, woiow, taun Babilon ey. Paraw kokwe hokwe omeme owh ko mokwe yaprue me lie. Seyr laplap oupuey irweyk irweyk eyn me nak-ok-sama-peykyay. Seyr hoko owh mon kokwe, gol, mein ihey-ar, momor ihey-ar, seme nak-howhway. \x * \xo 18:16 \xt MHO 17:4\x*   
\q1
\v 17 Sawk hoko omeme ihey-ar somokwe aua kamon-awaw sokwaw po nuw-mon piapay lowpway!”  
\p Seyr sip me nekie anok anok uwr o, uwrsa sip non ma nakey neyney o, uwr sip me ma hiy-mon nak-anio o, uwrsa har bisnis-mey sip mo meinowon ma meio onokyaw a wayr o, homkwe lowpwarowp meiaw-ar mon nakrok ira ey. \x * \xo 18:17 \xt Ais 23:14; Ese 27:27-29\x*  
\v 18 Seyr homkwe hoke ma loum-pru kawk ko yakuw ke lira ankin, homkwe senkin kowkow okre me ey, “Yier kamon, taun seirpey sehe hieyn kokwe perey lwak o?” \x * \xo 18:18 \xt Ese 27:32\x*  
\v 19 Enekwei piap sohokwe homkwe ki-pow me hmo makwey mon louh-say nok, unuaw nak-iwak sir yuk kworpakwor me ok, senkin,  
\q1 “Woiow, woiow, taun seirpey ey. Yier sohok ko omeme ihey-ar mokwe sip sour-yawp-ar ko mo naykih-nayh hom hoke nion ma non-meio mokwe, meinowon kraiar po lonokyaw lowpway. Woiow, hoke kokwe aua kamon-awaw sokwaw po nuw-mon piapay lowpway.   
\q1
\v 20 Nonkumey ara, taun sehe ma mon piapay hokwe, kar kwa nakey. Kristen-uwrsa o, profet o, homkwe kar kwa ley. Payhokuaw, God hiykwe Babilon ke papo mon piapay, yor piap-araw, hme ma mon me hokuaw kokwe.” \x * \xo 18:20 \xt Ais 44:23; Lo 32:43; Jer 51:48\x*   
\p
\v 21 Wo, sa ensel kwaresi hay hiy mein aiopey hay, wit-nam me ma mon nokriy-a-nokriy par-say ey se hieyn se lway nok, sour-yawp-ar mon swakeyn omprok ha nok, kiynak-me,  
\q1 “Sohokwe taun seirpey Babilon ke kokwe mo senkin seyn peys-ma-peys swasow ha ey, seyr hoke kokwe liy ma-lira ley. \x * \xo 18:21 \xt Jer 51:63-64; Ese 26:21\x*   
\q1
\v 22 Babilon akwa, uwrsa gita me ma lokin o, seik-saw-hu me ma lou o, seyr musik senkin senkin me ma mon nakyas o, somokwe liy ma-lonuayk ley, hmo ompok mon kokwe. Uwr senkin-senkin-mey me ma meio sohom seyn, hme nion manon-wak lopa. Mein aiopey hay ko oksa, wit me ma mon nokriy-a-nokriy par-say mokwe, hmo ompok mon ma-lwoun lopa. \x * \xo 18:22 \xt Ais 24:8; Ese 26:13\x*   
\q1
\v 23 Lam so ya hokwe hmo ompok mon liy ma-lyar ley. Sa hmo yier mon kokwe, uwrsa homkwe sa-huon-enekwei mo kar ley ok me liy ma-lonuayk ley. Paraw hmo bisnis-uwr homkwe hakamay-uwr lwak liok, uwrsa lowpwarowp mo inour mon kokwe. Seyr homkwe mein-hay senkin senkin non, uwrsa kipay lowpwarowp ko me po mon anyan swakreik ha.” \x * \xo 18:23 \xt Jer 7:34; 16:9; 25:10\x*   
\q1
\v 24 Babilon ke kokwe mo senkin ke mon piapay, hokwe profet mo nioh o, kristen-uwrsa mo nioh o, serey lokin kwormakwor non-say. Seyr uwrsa kipay lowpwarowp ko me ma lokin kwormakwor say okrue mo nioh seyn, Babilon mon-aw nuw-wak. \x * \xo 18:24 \xt Jer 51:49; MHO 17:6\x*   
\c 19  
\s1 Uwrsa homkwe Babilon ke ma mon piapay me kar nuw-ey  
\p
\v 1 Sohiy so meyki hokwe ha sawk uwrsa popua hay mo wouk-ok kraiar nonkumey mon moryak eyn senkin wakeyn wakeyn-me me hieyn ke lonuayk,  
\q1 “God so uru se kwa me-ihey. Huonok-prosue-yor o, panpaniowni o, seyr krai ipey-ar o, hromo God so nian.   
\q1
\v 2 God so yor, uwrsa mo yor me ma lira anon anon mokwe, ok-arar, seyr luw-luw-aw-ar. God hiykwe yokun-nweyh-kane-sa ipey-ar sokwe senkin po me-sakon kawk, hokwe heyn non. Sa sokukwe uwrsa ki ko poya-poya me hoko yokun-nweyh-kane-yor non papo mon piapay. God hiykwe sawk hoke sokwe ma-sahre mon piapay, payhokuaw, hokwe God so mey-uwr me papo mon okin kwormakwor say lowpway.” \x * \xo 19:2 \xt Lo 32:43; MHO 6:10\x*   
\m
\v 3 Seyr homkwe senkin ma-laun sian me,  
\q1 “God so uru se kwa me-ihey. Yier aiopey hay sohok ko ya ko yakuw kokwe, enekwei enekwei senkin-aw nwakrok mu ie wayr ey.”   
\p
\v 4 Wo, sios mo makwey-uwr iha seys sune seys ihaiha-aw o, ay ihaiha-aw su ma lwayr sohom o, homkwe pamuow kampueys nok, God se me-ihey, hiy sia-king mon ma liwak sehe. Homkwe senkin me,  
\q1 “Ok-arar, God so uru se kwa me-ihey.”   
\p
\v 5 Sa wouk-ok sia-king ko hiykwe senkin me,  
\q1 “Mey-uwr lowpwarowp, hye ma hok ama, hom uru lopa lwak hi, seyr uru ipey-ar non lwak hi, hmo prueyn prueynyaw homkwe God so uru se kwa way nonwey ie.”   
\p
\v 6 Wo, ha sawk yowniy-oksa kamon ke senkin makiy-onuayk, uwrsa popua hay mo ok ma swa-hokruw ohruw-a ke hieyn. Hmo wouk-ok mokwe hu kraiar mo yowniy-oksa ke hieyn, sa nompow aiopey hay kraiar hom ma lamniy-mamniy woun me hieyn. Homkwe senkin me,  
\q1 “God so uru se-aw kwa me-ihey hi, payhokuaw, hromo God Hakamay Krai Lowpwarowp non hiykwe king, uwrsa lowpwarowp me ma hiy-wayr-uwr hiy non. \x * \xo 19:6 \xt MHO 14:2\x*   
\q1
\v 7 Pokon ohokwe hromkwe uron yaprue lwak e, seyr kar kraiar kraiar ley e, seyr hye panpaniowni kow e, payhokuaw, enekwei-ar hokwe mo ehe, Sipsip-ney hiy hyo sa ke le huon ey hokwe. Seyr sa sokukwe papo lonhan onhan koruay, hye lonyay huon ey hokwe. \x * \xo 19:7 \xt MHO 21:2\x*   
\q1
\v 8 God hiykwe klos weyspey ihey ke papo lway kow ie, sah ke kokwe. Klos sokukwe momor-ku-weys ke hieyn, seyr ey se hieyn lyar.”  
\m (Klos sokukwe yor luw-luw-aw-ar, kristen-uwrsa hom ma mon me meir.) \x * \xo 19:8 \xt Ais 61:10\x*   
\p
\v 9 Sa ensel hiy hane senkin kiy-me, “Hunkwe ok eme kwa kiy-mey: Uwrsa God hiykiaw ma me-huonok okrar mokwe, Sipsip-ney so sa-huon-enekwei so ayay aiopey ke non-a ey somokwe, God so uron ihey-ar so ouon-ar lwak.” Seyr hiykwe hane senkin nak-mekow, “Ok omokwe God so ok-arar.” \x * \xo 19:9 \xt Mat 22:2-3\x*   
\p
\v 10 Ha sawk hyo sune-mawk ohriar mon sehe kampueys won, hye me-ihey e. Sawk hiy hane senkin mekow, “Ohow, hunkwe senkin peie mon o. Ha o, hwon o, hno wayh-om o, hromkwe mey-wayh, okar-ok, Jisas hiy ma me-kumay me ma nakruok uwr hom non. Hunkwe God so uru se-aw me-ihey e!” Payhokuaw, okar-ok, Jisas hiy ma me-kumay somokwe, uwrsa me profet-ok ma me-sian-sasian ohruw-a hom non. \x * \xo 19:10 \xt Ap 10:25,26; MHO 22:8-9\x*   
\s1 Uwr, hos weyspey mon ma liwak nak-anio hiy non  
\p
\v 11 Sohiy so meyki hokwe ha sawk nonkumey hiy kampi se lira, seyr hos kamon weyspey hiykwe serey lwak. Uwr, hos weyspey mon ma liwak so uru hokwe senkin mowie: Hiymon-kraiay-wayr-wayr-uwr, seyr Okar-uwr. Hyo lira mesor anon anon mey o, hyo aw lono mey o, hiykwe yerki luw-luw-aw non-aw meio. \x * \xo 19:11 \xt Sng 96:13; Ais 11:4; MHO 1:5; 6:2\x*  
\v 12 Hyo nene hokwe ya ma loum krikri yar se hieyn. Seyr hyo makwey mon kokwe king so makwey-kokway mokwe kraiar nak-swama-seyn kreik. Hiykwe seyr uru kamon hokwe hyo owh mon nak-meyamey. Seyr uru sohokwe hiykiaw-aw nonkway, uwr har homkwe nonkway lopa. \x * \xo 19:12 \xt Dan 10:6; MHO 1:4; 2:17\x*  
\v 13 Klos hiy ma lie kokwe nioh hiykwaw nuw-ohre-yay ha. Hyo uru hokwe, “God so ok.” \x * \xo 19:13 \xt Ais 63:1-3; Jon 1:1,14\x*  
\v 14 Nonkumey ko aw-uwr popua hay homkwe hmo hos weyspey mon liwak sir lowpway nok, hyo meyki nak-onsu pyay. Homkwe klos weyspey mnow-mnow-aw me swama-seyn kreik.  
\v 15 Sawk aw-seik arupey-ar kokwe uwr, hos eir mon ma liwak so woki mon ar-ousne ha. Aw-seik sokukwe uwrsa kipay lowpwarowp ko me lokin eyma-say okrue ey. “Hiykwe uwrsa me kokwe ain-ho non hiy-wayr kraiay ey.” \rq Sng 2:9\rq*  
\m Seyr hiykwe wain-ou me ki-saw aiopey hay mon lour sanpasan ompos kreik ey. Ki-saw sohokwe God Krai Lowpwarowp non so aw-mar aiopey-hay se meir.  
\v 16 Hyo klos mon o, seyr hyo suowp mon o, uru kamon hokwe senkin nak-mey kow, “King lowpwarowp mo King, seyr hakamay lowpwarowp mo Hakamay.”   
\p
\v 17 Sa hakwe ensel prueyn se ma-lira, hiykwe ey mon lorok. Hiykwe ahney lowpwarowp, waw ompok mon ma sian anio seme senkin ar-okre me, “Homkwe oue, erey le swa-hokruw e. Ayay aiopey hay la enekwei, God hiy ma lonhan onhan koruay eme non-a e. \x * \xo 19:17 \xt Ese 39:17-20\x*  
\v 18 Homkwe king mo sopok, aw-uwr mo hakamay mo sopok, uwr seirpey mo sopok, hos mo sopok, uwr hos mon ma liwak sir nak-anio mo sopok, seyr uwrsa lowpwarowp mo sopok, mo mey-uwr puraw mo sopok hi, mo uwr, liaup-uwr lopa mo sopok hi, seyr mo hakamay mo sopok hi, mo uwr uru lopa mo sopok hi, seme la ey.”   
\p
\v 19 Seyr hakwe ay piap-araw o, king ki ko lowpwarowp o, seme po nak-ira, homkwe hmo aw-uwr popua hay me seme me-ondar, uwr hos eir mon ma liwak sohiy so sune-non me, aw hiy-ono e.  
\v 20 Sawk ay piap-araw sohiy o, okrei-profet, meir krai non hyo inour mon ma meio ousne o, hehe kokwe po nekie owk swakawk. Yerki sohiy non kokwe okrei-profet hiykwe uwrsa, ay piap-araw so meir se ma nakruok, seyr hyo owh-nan se ma kamapueys nak-me-ihey somokwe po mon anyan swakreik ha. Ay piap-araw o, okrei-profet o, hehe kokwe inaw-aw po swakawk oum-pru kawk, howk-ya aiopey hay mein-salfa non serey. \x * \xo 19:20 \xt MHO 13:12-17; 20:10\x*  
\v 21 Sa uwr, hos mon ma liwak hiykwe awia, ma lwak prosue seme lokin eyma-say okrue sa-okrue, aw-seik hyo woki mon ma lousne sohiy non. Sa ahney lowpwarowp somokwe aw-uwr sohom mo owhi-sopok me nuw-a mue lowpway.   
\c 20  
\s1 Satan hiy 1000 yia kalabus mon ma lwak hiy non  
\p
\v 1 Seyr hakwe senkin lira, ensel prueyn hiykwe nonkumey ko se laye, hyo iha kokwe ki, ki-saw limon lopa se kampi ey se nakruok. Seyr hiykwe ihey mo mays, sen kwaresi hay se nak-nakruok. \x * \xo 20:1 \xt MHO 9:1\x*  
\v 2-3 Sa ensel sohokwe kyei kwaresi hay peypey-iwoh sehe nekie nok, ihey mo mays, sen non lway pruwmapruw. Kyei kwaresi hay sohokwe poup, seyr Satan. Seyr hye kokwe ki-saw limon lopa mon lway swakawk. Seyr hye kokwe ensel hiykwe ki, hiy ma nakruok sohiy non nak-okin sakawk kraiay nok, nak-knuey. Poup sohiy so yia serey ma lwak ey hokwe 1000, hiykwe sankaw sehe lwak ey, hiy uwrsa ki ko me mon warei-arei lopa lwak e. Sawk 1000 yia so meyki hokwe hye kokwe enekwei haraw-aw kor-preisia ha isay wak ey. \x * \xo 20:2-3 \xt Stt 3:1\x*   
\p
\v 4 Wo, hakwe sawk sia-king me makiy-ira. Seyr uwr sia-king serey ma liwak sir somokwe, krai, uwrsa mo yor me lira anon anon ey mokwe papo kow. Hakwe seyr uwrsa har, hmo awia-pow hom ma lokin eyma-say okrue seme nak-ira. Hme kokwe seme lokin eyma-say okrue, hom okar-ok, Jisas hiy ma mesor hrahra ha o, seyr God so ok o, seme ma mesor kumay me hokuaw. Seyr homkwe ay piap-araw o, hyo owh-nan o, seme nak-me-ihey pa. Seyr hyo meir piap-araw arian hokwe hmo ine-ku o, iha o, serey isay okin nasay pa. Uwrsa senkin somokwe su ma loksian wayr nok, Jisas se nion 1000 yia king-mey sankaw non-meio wayr ey. \x * \xo 20:4 \xt Dan 7:9,22,27; 1 Ko 6:2; MHO 13:17\x*  
\v 5 Sohokwe peyr-ar ko so loksian hiy non. (Sawk uwrsa ma lokrue ha mo har mokwe peyr su liy masaw-oksian wayr ley, sa omok 1000 yia sohiy so meyki loksian-sasian ey.)  
\v 6 Uwrsa ma lokrue ha, God hiy lokrue peyr-ar ko sok ma me-sian somokwe pekney-weys, seyr homkwe God so uron ihey-ar so ouon mon lwak. Lokrue meyki ko kokwe krai lopa, hme ma-mon okrue ey hokwe. Homkwe God o, Krais o, hoho pris lwak ey, seyr Krais se nion 1000 yia king-mey sankaw non-meio wayr ey. \x * \xo 20:6 \xt MHO 1:6\x*   
\s1 Satan se ma mon piapay ha enekwei hiy non  
\p
\v 7 Sa Satan se kokwe enekwei 1000 yia hiy ley lowpway non kampi kahror kow ha ey, kalabus ouon ko hokwe.  
\v 8 Sa Satan hiykwe unsaney kipay lowpwarowp ko me lanio me warei-arei kow ey. Uwrsa somokwe Gok, Magok leys so kipay ko hom non. Satan hiykwe uwrsa serey suko me me-huonokyaw ey, hom aw non-ono e. Kipay sohiy so aw-uwr mokwe kraiar, hmo meir mokwe wosion me hieyn. \x * \xo 20:8 \xt Ese 38:2,9,15-16\x*  
\v 9 Aw-uwr somokwe kipay lowpwarowp mon ley-neyney nok, yier, God so uwrsa hom ma lwayr, seyr hyo uron-pi ko-ar ma lwak sehe nak-kanseyr ono. Sawk ya nonkumey ko hok laye nok, aw-uwr seme maka-oum kwor-say okrue. \x * \xo 20:9 \xt 2 Kin 1:10\x*  
\v 10 Wo, poup, God so uwrsa seme ma mon warei-arei kow sohokwe, howk, ya aiopey hay mein salfa non serey lway swakawk oum-pru kawk, paraw ay piap-araw o, okrei-profet o, hehe ma lway swakawk serey. Homkwe arawh eypok, arawh eypok, aw serey-aw nuwnak-ok wayr-wayr ey. \x * \xo 20:10 \xt Sng 11:6; MHO 19:20; 21:8\x*   
\s1 Mesor anon anon enekwei pariawey-ar hiy non  
\p
\v 11 Hakwe sawk sia-king weyspey aiopey hay o, uwr, serey ma nak-iwak sohiy o, sehe lira. Sawk ki o, nonkumey o, hyo inour ko se non-hakan nok. Hohkwe yop manon-wak ey lopa.  
\v 12 Sa hakwe uwrsa ma lokrue ha me lira, uwrsa uru non o, uru lopa o, homkwe sia-king so inour mon nakrok-kay. Mamey me kamapi-yay, peypey pa, mamey kamon ke makiy-kampi yay. Mamey sokukwe su lwayr peyow peyow ey hok non. Wo, uwrsa ma lokrue me kokwe, sa seme lira mesor anon anon, yor, hom ma mon mo liy-liy-aw-ar, mamey mon ma mey iawon senkin. \x * \xo 20:12 \xt Dan 7:10; Mat 25:31-46; 2 Ko 5:10\x*  
\v 13 Sour-yawp-ar hiykwe seyr lokrue-uwrsa hyo mon ma lwak seme isay ha. Seyr Lokrue o, Lokrue-mo-yier o, hohkwe uwrsa hehe nion ma lwak seme ma-isay ha. Seyr uwrsa ma lokrue me kokwe hmo prueyn prueyn-aw mo yor arian homkiaw ma mon mo liy-liy-aw lira mesor anon anon. \x * \xo 20:13 \xt Ro 2:6; 1 Pi 1:17; MHO 22:12\x*  
\v 14 Senkin lon lowpway nok, Lokrue o, Lokrue-mo-yier o, sawk howk-ya serey lway swakawk. (Howk-ya sokukwe lokrue meyki ko hok non.)  
\v 15 Seyr uwr prueyn so uru mamey, su lwayr peyow peyow ey mon ma mey lopa hokwe, howk ya non mon lway swakawk.   
\c 21  
\s1 Nonkumey iwon o, ki iwon o  
\p
\v 1 Sohiy so meyki hokwe ha sa nonkumey iwon o, ki iwon o, hehe makiy-ira. Payhokuaw, nonkumey porih o, ki porih o, hehekwe papo lira por ha lowpway. Seyr sour-yawp-ar hiykwe korey ma-lwak pa. \x * \xo 21:1 \xt Ais 65:17; 2 Pi 3:13\x*  
\v 2 Seyr ha makiy-ira, yier aiopey pekney-weys, God so mon ma lwak hiy nonkumey ko se laynak-aye se. Yier aiopey sohokwe Jerusalem iwon hiy non. Yier sohokwe papo lonhan onhan howhway naruok koruay, sa sokruan, hok hoko uwr se ma liwak ey ke hieyn. \x * \xo 21:2 \xt Ais 52:1; Hi 11:16; MHO 3:12\x*  
\v 3 Sawk hakwe wouk-ok kamon sia-king ko hiy aiopey hay senkin ar-okre me-ha se lonuayk: “Pokon ohokwe God so a hokwe, uwrsa mo ompok mon lwak! Seyr hiykiaw kokwe hme nion non-wayr, seyr uwrsa somokwe, hyo nian-ar lwak ey. Seyr God hiykiaw kokwe hme nion non-wak ey. Seyr hiykwe hmo God-ar lwak ey. \x * \xo 21:3 \xt Ese 37:27; Sek 2:10; 2 Ko 6:16\x*  
\v 4 Hiykwe eheyr-hu lowpwarowp hmo nene ko me noh ahahay kow lowpway ey. Enekwei sohiy non kokwe seyr uwrsa homkwe ma-lokrue lopa, seyr unuaw nak-iwak sir yuk lopa, seyr eheyr ma-lyuk lopa, seyr aw lok lopa. Payhokuaw, enekwei sohokwe yor paraw-uh ko mokwe papo lira por ha.” \x * \xo 21:4 \xt Ais 35:10; 65:19; MHO 7:17\x*   
\p
\v 5 Uwr sia-king mon ma liwak hiy ma-kiy-me, “Pokon ohokwe, hakwe omeme lowpwarowp mokwe pa iwon-ar kiy-mon ousne.” Hiykiaw kokwe seyr hane senkin makiy-mekow, “Hunkwe ok eme kwa mey, payhokuaw, ok omokwe ok-arar, seyr liy nan kiykiy-ay kraiay wayr.” \x * \xo 21:5 \xt 2 Ko 5:17\x*   
\p
\v 6 Seyr hiykwe hane senkin makiy-mekow, “Mey lowpwarowp mokwe papo kiy-meio lowpway. Hakwe Peyr-ar ko, seyr Meyki-ar ko, hakwe su-lwayr-pie-uwr, seyr su-lwayr so pariawey-ar hiy non. Uwr huei posokwaw krah e, hakwe hye su lwayr peyow-peyow-hu, ki-saw-eyh ko se liy isay owswa. Hiykwe nakway owswa lopa. \x * \xo 21:6 \xt Ais 55:1; Jer 2:13; Jon 7:37\x*  
\v 7 Sawk unsaney aw-owk yaprue posokwaw lowk e, hakwe omeme somokwe hme kow ey. Sa hakwe hmo God lwak, seyr homkwe hano ney-ar lwak. \x * \xo 21:7 \xt 2 Sml 7:14; Sng 89:26-27\x*  
\v 8 Sawk uwrsa, low me ma hok o, uwrsa Jisas se ma nan kiykiy-ay lopa o, uwrsa yor piap-araw senkin senkin me ma mon sohom o, uwr, uwrsa har me ma lokin kwor o, uwrsa yokun-yor uwrsa me nion ma non-nweyh kane sohom o, uwr nokous-mey ma meio o, uwrsa, okrei-god me ma nakyas o, uwrsa okrei-ok ma mesor o, uwrsa senkin sohom mo yier hokwe, howk-ya aiopey hay mein-salfa non hok ma loum mon lwak ey. Sohokwe lokrue meyki ko hok non.” \x * \xo 21:8 \xt Mat 25:41; Hi 10:38-39; MHO 22:15\x*   
\s1 Jerusalem iwon, Jon hiy ma lira hiy non  
\p
\v 9 Sa ensel iha sirom mu nareysyar mo prueyn, hiy yowr iha sirom mu nareysyar low pariawey non me ma nakruok hiykwe, hano owh mon le nok, senkin me, “Hunkwe oue, hakwe hne mesair kow ley, sa, uwr ma liwak ey ke, Sipsip-ney so sah ke.”  
\v 10 Wo, hane kokwe sa Niohney Pekney-weys hiy leyneyr-kawk prusow menkin, sa ensel hiy hane lway nwakey, mnuw kwaresi hay so pi-ar mon. Hiykwe sa hane sehe kiy-mesair kow, yier pekney-weys Jerusalem, hiy God so yier nonkumey ko se ma laynak-aye sehe. \x * \xo 21:10 \xt Ese 40:2\x*  
\v 11 God so panpaniowni hiy ma-kanuw-yar howriy howriy say nekie nekie, yier Jerusalem sohokwe. Panpaniowni sohokwe mein ihey-ar se hieyn, seyr mein jaspa se hieyn, seyr glas ke hieyn lira ok-sanweyr-anweyr. \x * \xo 21:11 \xt Ais 60:1-2,19\x*  
\v 12 Yier Jerusalem iwon so hir kokwe ayaw-ar nuw-meio, seyr yerki-wouk mokwe sankaw, iha seys mu nareysyar non. Yerki-wouk mon kokwe ensel iha seys mu nareysyar non hom nakrok-kay. Seyr yerki-wouk mokwe Israel mo uwrku iha seys mu nareysyar mo uru mokwe serey nak-meyamey nakrok-kay. \x * \xo 21:12 \xt Ese 48:30-35\x*  
\v 13 Ey-kaie mon kokwe yerki-wouk mokwe krompri senkin lwak, muwmon not-ok ma me hokwe, krompri, seyr muwmon saut-ok ma me hokwe krompri, ey-kuakeyn mon kokwe krompri.  
\v 14 Seyr yier iwon Jerusalem so hir kokwe mein iha seys mu nareysyar non ma los yay won ha so eir mon meio iarok. Sa mein kamon kamon-aw mo eir mon kokwe, Sipsip-ney so aposel iha sirom mu nareysyar mo uru me nak-meyamey nakrok-kay.   
\p
\v 15 Seyr ensel, hane ma lohruw-a kow sohokwe mon kamon kekie meir ey, gol non ma monhre se nakruok, yier iwon Jerusalem o, yerki-wouk o, hir o, seme meir ey hokwe. \x * \xo 21:15 \xt Ese 40:3; MHO 11:1\x*  
\v 16 Yier iwon aiopey Jerusalem so erey-rey ihaiha-aw mokwe meir liy-liy-aw nuw-wak. Hyo meiamei o, hyo aiopey o, meir liy-liy-aw. Ensel sohokwe yier sehe meir ira, hyo mon kekie meir ey non. Sawk senkin mesair kow, 2200 kilomita. Yier sohiy so meiamei o, aiopey o, mawk-pi o, somokwe liy-liy-aw-ar nuw-wak.  
\v 17 Hiykwe seyr yier sohiy so hir ko mawk-pi ihaiha-aw kokwe senkin meir ira, 144 mita. Mita sokukwe a-meio-uwr ki ko hom ma nakruok me hieyn.  
\v 18 Yier iwon Jerusalem sohiy so hir mokwe mein jaspa non meio. Sa yier-ar hokwe gol mnow-mnow-aw, glas ke hieyn ma nuw-yar ok-sanweyr-anweyr non meio.  
\v 19 Seyr yier aiopey sohiy so hir ko mein ma los-yay won ha pie mokwe, mein yaprue-ar ihey senkin senkin non nuwnak-howhway nakrok-kay. Mein peyr-mawk ma los-yay won pie kokwe, mein jaspa, kreys kokwe mein sapaia, krompri kokwe mein aget, iha-iha-aw kokwe mein emeral. \x * \xo 21:19 \xt Ais 54:11-12\x*  
\v 20 Iha sirom kokwe mein sadonikis, iha sirom pruw kokwe mein oupuey konilian, iha sirom mu nareys kokwe, mein wouknow-si krisolait, iha sirom krompri kokwe mein norku beril. Iha sirom iha-iha-aw kokwe mein wouknow-si topas, iha seys kokwe mein krisopres, iha seys kamon kokwe mein haiasin, seyr iha seys mu nareysyar kokwe mein ametis.  
\v 21 Yier sohiy so yerki-wouk iha seys mu nareysyar mokwe, mein momor hom non. Seyr yier sohiy so yerki-wouk lowpwarowp mokwe, mein momor kamon kamon-aw non monhre. Sawk yier sohiy so lanio-yerki mokwe gol mnow-mnow-aw non monhre. Gol somokwe glas eyn lira sakeyn sakeyn ha.   
\p
\v 22 Yier aiopey hay sohokwe hakwe God so a pekney-weys kamon se lira pa, payhokuaw, God Hakamay Krai Lowpwarowp non o, seyr Sipsip-ney o, a pekney-weys sohiy non.  
\v 23 Yier aiopey sohokwe ey o, yeyn o, seyn lyar kow pey, payhokuaw God so panpaniowni hiykiaw lyar kow. Seyr Sipsip-ney sohokwe yier sohiy so lam hiy non. \x * \xo 21:23 \xt Ais 60:19-20; MHO 22:5\x*  
\v 24 Uwrsa kipay lowpwarowp ko homkwe God so ey-yar, yier aiopey se ma lyar kow sohiy so ouon mon-aw lwayr ey. Seyr kipay lowpwarowp mo king homkwe hmo omeme ihey-ar me nak-e kow ey. \x * \xo 21:24 \xt Ais 60:3,5\x*  
\v 25 Seyr yier aiopey sohiy so yerki-wouk mokwe senkinaw-aw kamapi nakrok-kay wayr ey, eypok lowpwarowp mokwe. Hmekwe piar-ay lopa. Payhokuaw, yier sohokwe arawh lopa lwak ey. \x * \xo 21:25 \xt Ais 60:11\x*  
\v 26 Seyr yier kipay lowpwarowp ko homkwe, hmo omeme mnow-mnow-aw ihey-ar me yier aiopey hay serey nake nene kow ey.  
\v 27 Omeme senkin senkin orki non o, uwrsa owh-mar-yor me ma mon ousne o, seyr okrei-yor me ma mon o, homkwe liy lyawriy ley. Sawk uwrsa mo uru sa-u, Sipsip-ney so mamey su lwayr ey mon ma mey iawon homkwaw lyawriy ey. \x * \xo 21:27 \xt Ais 52:1; Ese 44:9; 1 Ko 6:9-10\x*   
\c 22  
\s1 Yawp, su lwayr ey hiy non  
\p
\v 1 Sohiy so meyki hokwe, ensel hiykwe sa hane yawp, su lwayr ey se makiy-mesair kow. Yawp sohokwe glas se hieyn-aw nuw-ok-sanweyr-anweyr. Yawp sohokwe God so sia-king o, Sipsip-ney so sia-king o, serey suko se lousne keyn. \x * \xo 22:1 \xt Ese 47:1\x*  
\v 2 Sa ehie, yier iwon aiopey so yerki ompok-ar ma kyor-swanon keyn kie. Seyr yawp sohiy so ki-someik ereyrey hokwe now, su lwayr peyow peyow ey hokwe serey liarok. Now sohiy i leip sawan kreik mokwe, enekwei iha seys mu nareysyar sankaw leip, yia kamon-aw-aw hokwe. Now sohiy so ma mokwe, uwrsa kipay lowpwarowp ko mo peik senkin senkin non me mon sasowriy sow kow ey. \x * \xo 22:2 \xt Ese 47:12; Jol 3:18; Sek 14:8\x*  
\v 3 Yier serey mon kokwe omeme, God hiy ma hruo mokwe, homkwe liy ma-lirway ley. Sawk God so sia-king o, Sipsip-ney so o, hohkwaw non-wak ey. Seyr hyo mey-uwr homkwe, hye-aw me-ihey ey.  
\v 4 Homkwe hyo ine-maku se lira ey, seyr hyo uru hokwe hmo ine-ku mon mey kow ey. \x * \xo 22:4 \xt Mat 5:8; MHO 3:12\x*  
\v 5 Enekwei sohokwe arawh lopa, seyr homkwe lam-ya lopa lwak ey, seyr ey hiy lyar kow ey lopa, payhokuaw, Hakamay God hiykiaw kokwe ey-yar, hme lyar kow ey. Sa homkwe king-mey senkin-awaw meio wayr peyow-peyow ey. \x * \xo 22:5 \xt Dan 7:27; MHO 5:10; 21:25\x*   
\s1 Jisas hiy le ey hiy non  
\p
\v 6 Sa ensel hiy hane kiy-me, “Ok somokwe ok-arar, seyr liy nan-kiykiy-ay kraiay wayr. Seyr God Hakamay, hyo Niohney se profet lowpwarowp me ma kow, hiykwe hyo ensel se me-ha, hyo mey-uwr me mesair kow e, yor omok lousne-sa-ousne ey me.” \x * \xo 22:6 \xt MHO 1:1\x*   
\p
\v 7 “Kwa lonuayk, hakwe pa makiy-e ohriar, peypey ey korey. Profet-ok, mamey ohok ko ke posokwaw nakruok e, homkwe God so uron ihey-ar so ouon mon lwak.” \x * \xo 22:7 \xt MHO 1:3\x*   
\p
\v 8 Hakwe Jon, hakwe weynpaweyn seme ma lira onuayk-uwr hiy non. Wo, ha weynpaweyn seme lira onuayk lowpway menkin, hakwe sawk pamuow kampueys won, ensel hane yor senkin me ma mesair kow so sune-mawk ohriar mon, hye nak-me-ihey e. \x * \xo 22:8 \xt MHO 19:10\x*  
\v 9 Sawk hiykwe hane senkin me, “Ohow, hunkwe senkin peie mon o. Hwon o, hno wayh-om profet lowpwarowp o, seyr uwrsa lowpwarowp, ok mamey erey ma lwak me ma nakruok sohom o, hakwe hmo mey-wayh. Hunkwe God se-aw nak-ie me-ihey e.”   
\p
\v 10 Sa hiy hane senkin me-kow, “Profet-ok, mamey erey ma lwak omokwe, hunkwe peie nak-okin nasay kupaku o, payhokuaw, enekwei pau ohriar lwak.  
\v 11 Uwrsa yor piap-araw me posokwaw mon wayr e, kwa wawk mon wayr. Uwrsa yor orki non me posokwaw mon wayr e, kwa wawk mon wayr. Uwrsa yor luw-luw-aw me-aw ma mon homkwe seyr yor luw-luw-aw me-aw kwa nuw-mon. Seyr uwrsa pekneyweys-aw ma lwak homkwe pekneyweys-aw kwa nuw-wak.” \x * \xo 22:11 \xt Dan 12:10\x*   
\p
\v 12 “Kwa lonuayk, hakwe peypey ey korey, hakwe pa kiy-e ey. Omeme ihey-ar mokwe hano mon lwak. Hakwe uwrsa me kokwe, uwrsa mo yor mo memeir nonaw lowndiy kow ey. \x * \xo 22:12 \xt Ais 40:10; Jer 17:10; MHO 2:23\x*  
\v 13 Hakwe Peyr-ar ko, seyr hakwe Meyki-ar ko. Hakwe su lwayr pie-uwr, seyr hakwe su lwayr so pariawey-ar hiy non.” \x * \xo 22:13 \xt Ais 44:6; MHO 1:8,17; 21:6\x*   
\p
\v 14 Uwrsa hmo klos me ma peyryapeyr mnow-mnow homkwe God so uron ihey-ar so ouon mon lwak. Su lwayr peyow peyow ey so now-i mokwe, homkwe liy la. Seyr homkwe yier aiopey so yerki-wouk mon liy lyawriy. \x * \xo 22:14 \xt Stt 2:9; 3:22\x*  
\v 15 Uwrsa piap-araw, uwr, hay piap-araw senkin senkin non, seyr uwrsa yokun ma nweyh kane, seyr uwr, uwr har me ma lokin kwor okrue, seyr uwr, okrei-god me ma me-ihey, seyr uwr, okrei-yor me kar nonaw ma meio wayr, uwrsa senkin somokwe God so taun mon liy isay yawriy ley.   
\p
\v 16 “Hakwe Jisas, hakwe hano ensel se hmo owh mon sehe me-ha, hiykwe ok seme mesor kow e, sios mon. Hakwe king Devit so Ney-nona-ar. Hakwe Napuar leisnon ma lyar kow nerie hiy non.” \x * \xo 22:16 \xt Nam 24:17; Ais 11:1,10; MHO 2:28; 5:5\x*   
\p
\v 17 Niohney o, Sa, uwr ma liwak ey sohok o, hohkwe senkin me, “Oue!” Seyr uwrsa lowpwarowp, hom ok seme ma lonuayk seyn, senkin-aw kwa me, “Oue!” Uwr huei posokwaw krah e, hom seyn liy le. Su lwayr peyow-hu se posokwaw lowswa e mon e, homkwe maym, asuare hiy ma kow se hieyn-aw kwa lonok. \x * \xo 22:17 \xt Ais 55:1; MHO 21:6\x*   
\s1 Jon so me-kupaku-ok ipey-ar  
\p
\v 18 Hakwe Jon, hakwe uwrsa lowpwarowp, profet-ok mamey erey ma lwak me posokwaw lonuayk e, hakwe hme ok-ar senkin me-kumay kupaku kow: Uwr prueyn ok kopi kamon irweyk ke ok erey ma mey me nak-mey peykyay ankin, God hiykwe low piap-araw, mamey erey ma mey mokwe, hyo mon manak-kekie peykyay kow.  
\v 19 Seyr uwr prueyn hiykwe profet-ok kopi har, mamey erey suko me mon-say ankin, seyr God hiykwe hyo omeme yaprue, hye ma kow liok seme ma-kahya onokyaw. Hiykwe su lwayr now-i sehe liy non-a ley. Seyr taun pekney-weys mon non-wayr lopa. \x * \xo 22:19 \xt Lo 4:2; 12:32\x*   
\p
\v 20 Uwr, omeme seme ma mesor kumay kow hiykwe senkin me, “Okar, hakwe peypey ey korey, hakwe pa kiy-e ey.”  
\p Ok-ar, Hakamay Jisas, hunkwe kwa saw-e. \x * \xo 22:20 \xt MHO 2:16\x*   
\p
\v 21 Hakamay Jisas so maym kow yor mokwe God so uwrsa me nion ka lwak. Ok-ar.