\id COL - Miniafia NT; David and Fran Wakefield; Stanley Oyabua; Josiah; 29-Jul-2010 (web edition -2012 bd) 
\h Colossians 
\toc1 Paul Ana Fef Colossia isah 
\toc2 Colossians 
\toc3 Col 
\mt1 Colossians  
\mt2 Paul Ana Fef Colossia isah  
\imt1 Roube’aten Ana Tur  
\ip Paul ana fef Colosia sabuw isah kikirum i ekaleisia sabuw nati Colosia wanawanan hima’am isah kirum, Colosia i Asia wanawanan bar merar ta Ephesus imaim veya yeninane. Iti ekaleisia i men Paul imatarimih, baise Paul na nati efan titit ana mar naniyan tatatam i ana kaifenayan orot na’atube. Naatu Asia wanawanan Tafaram Rome ana bar merar gagamin wabin Efesisane bowayah iyafarih au Colosia hin. Anayabin bai’obaiyenayah baifuwenamaim Colosia ekalesia hiokikinih hio “God ana yawas tutufin so’ob isan i boro afiy naatu roubabaruwen hai fair ef afa i boro hinakwafiren, naatu binanakwar afa ar afu’afuw na’atube wanawanan hinarun hini’a’ait naatu aa tom ana ofafar i hini’ufunun gewas na’atube sawar afa auman isah hinakakaf.  
\ip Paul fef iti na’atube kirum saise baifuwen tur hibi’obaiyih tabosair naatu turobe Kirisiyan ana tur tayari’iy saise hitaso’ob. Tur ana’an gagamin ana baiya’afotamaim eo, “Jesu Keriso akisinamo boro yawas tutufin etei nitih. Anayabin bai’obaiyen kakafih naatu baitumatum afa hisisinafumaim botaititih hitit Paul hihamiy.  
\ip Keriso wanawananamaim God tafaram sinaf matar, naatu i wanawananamaim sawar etei bow himatabir maiye isan tenan. Keriso akisin wanawanamaim yawas ana nuhifot tafaram isan ebobotan. Paul iban maiye bai’obaiyen gagamih baitumatumayah hai yawas isan eobuna hinowar gewas.  
\ip Paul ana fef i Taikikas bai Onesimus itur hairi hina Colosia sabuw isah. Onesimus i Philemon ana’akir orot  
\iot Fef Wanawanan Tur Iti Na’atube Hi’asgidigid  
\io1 Roube’aten ana tur (1.1-8)  
\io1 God ana itinin tafaramamaim naatu Keriso ana bowabow. (1.9–2.19)  
\io1 Yawas boubun Keriso wanawananamaim (2.20–4.6)  
\io1 Tur yomanin (4.7-18)  
\c 1  
\s1 Paul Ana Merarayow  
\p
\v 1 Ayu Paul God ana kokomaim rubinu, Keriso Jesu ana tur abarayan amatar, taituwa Timothy airi.   
\p
\v 2 Kwa God ana sabuw kakafiyih\f + \fr 1.2 \ft baitumatumayah\f* naatu bosunusunubayah Keriso wanawananamaim, nati Colosai wanawanan kwama’am etei a merar ayiy.  
\p Manaw kabeber naatu tufuw Tamat Godane kwa etei isa nama.   
\s1 Merarayow Naatu Yoyoban  
\p
\v 3 \x + \xo 1.3 \xt Eph 1.15-16\x*Aki Mar etei kwa isa ayoyoyoban ana maramaim, ata Regah Jesu Keriso Tamah God ana merar ayiy.  
\v 4 Anayabin kwa ata Regah Jesu Keriso kwabitumitum naatu God ana sabuw kwabiyabuwih ana tur hina hio anowar.  
\v 5 \x + \xo 1.5 \xt Eph 1.13; 1Pet 1.4\x*Tur anababatun Tur Gewasin wantoro’ot hina hio kwanonowar ana veya’amaim, kwa a baitumatum naatu a yabow etei i mar ana yasisir isan nuhi fot kwama kwakakaif.  
\v 6 Tur Gewasin ana baigegewasin i tit tafaram wanawanan tuw ra’at orot babin hai yawas ebobotabitabir, ana itinin i boubuntoro’ot hina, manaw kabeber isan hio kwanowar, turobe kwaso’ob naniyan kwabaib, na’atube emamatar.  
\v 7 \x + \xo 1.7 \xt Col 4.12; Phm 23\x*Iti tur etei i aki bow turai wabin Epaphras, Keriso ana bowayan gewasin ta, aki efani manaw kabeber Godane bai na eo kwanonowar,  
\v 8 Aki auman kwa mi’itube Anun Kakafiyin yabow bit isan, eo anowar.   
\p
\v 9 \x + \xo 1.9 \xt Eph 1.16-17\x*Ana’an nati isan, aki tur anonowar ana veya, kwa isa mar etei ayoyoban God abifefeyan, kwa ayawasamaim abisa sinaf isan ekokok saise so’ob tutufin etei ni’obaiyi. Naatu ayoyoyoban ayubine ana so’ob buriburih auman nit ukwar hina rerekab, sawar etei hai yabih kwanaso’ob.  
\v 10 Aki iti na’atube ayoyoyoban saise yawas gewasin Regah ekokok na’atube kwanama, mar etei a sinafumaim Regah boro niyasisir. A bowabow tata’ane gewasih kwabowabow boro ro’on namatar. Naatu God ana so’obamaim anot nara’at natasasar.  
\v 11 \x + \xo 1.11 \xt Eph 1.19; 3.16\x*Naatu i ana fair bonamanamarinamaim nakura’ara’ahi, saise kwa boro biyababan gagamih wanawanan wainabi ana ef boro kwanaso’ob yate nanub.  
\v 12 \x + \xo 1.12 \xt Eph 1.11, 18\x*Yasisiramaim Tamat ana merar kwanay, anayabin i ana sinafumaim ef botawiy ana baibasit itit, ana sabuw kakafiyih bairi aiwob marakawin ninowat tanafaram.  
\v 13 \x + \xo 1.13 \xt Luk 22.53; Eph 2.2\x*Gugumin kakafin ana fairane iyawasit naatu nawiyit tatit I Natun ebiyabow ana aiwob wanawanan yariyit.  
\v 14 \x + \xo 1.14 \xt Eph 1.7\x*I Natun wanawananamaim it rufamit tatit ata bowabow kakafih notawiyen.   
\s1 Keriso Ata Ukwarin  
\p
\v 15 \x + \xo 1.15 \xt Jn 1.18; 2Cor 4.4\x*Keriso i God wa’iwa’irin ana itinin bai na irerereb ta’itin. Natun orot ain fewawawar sawar etei himamatar hai ukwarin  
\v 16 Anayabin Ine sawar tutufin etei God imataren; sawar iti tafaram wanawanan naatu sawar no mar wanawanan ta’i’itah naatu men ta’i’itah etei, na’atube aiwob, wagabur, fair, bonawiyenayah, roubabaruwenayah, etei God awanamaim eo himatar naatu i isan sinaf himatar.  
\v 17 \x + \xo 1.17 \xt Jn 1.1; 8.58\x*I mat ma’abo sawar uf himatar naatu ana fair wanawananamaim sawar etei hai efanamaim iu’uman hifokar ti’inu’in.  
\v 18 \x + \xo 1.18 \xt Act 26.23; Eph 1.22-23; Rev 1.5\x*Jesu i ekaleisia tutufin etei ana ukwarin, yawas an anababatun naatu murumurubih wanawanahimaim I wantoro’ot morobone misir maiye kek ain wan etutufuw na’atube. Imih sawar tutufin etei’imak i akisin ebi’ukwarin.  
\v 19 \x + \xo 1.19 \xt Col 2.9\x*Anayabin God iyasisir men kafaita, imih i taiyuwin ana itinin bai na Jesu wanawananamaim run ma.  
\v 20 \x + \xo 1.20 \xt Eph 1.10\x*Naatu Jesu ana morobomaim mar tafaram God bai na ita’imon tounuw matar Jesu ana rara onaf afe’enamaim suwa re’er ana veya God tufuw e’afuw.   
\p
\v 21 \x + \xo 1.21 \xt Rom 5.10; Eph 2.12\x*Marasika kwa i bowabow kakafih kwanotanot naatu kwasisinaf, imih God ana kamabiy kwamatar ef yok na’in kwama’am.  
\v 22 \x + \xo 1.22 \xt Rom 5.10; Eph 5.27\x*Baise boun i Natun Keriso biyan momorobomaim kwa I ana tounuw kwamatar, saise kwa yayasairen kwamatar, aur kato en biya etei sasouwin nanamaim boro kwanatit.  
\v 23 A baitumatum kwanabotan kwananan na’at basit, kwanabatkikin gewas a dariniwa’an kwanabat, tur gewasin kwanowar nuhifot kwama’ama men kwanihamiy. Anayabin nati tur gewasin kwanonowar i tafaram wanawanan tutufin etei tibibinan, ayu Paul auman nati tur gewasin isan ai’akir abowabow.   
\s1 Paul Kirisiyan Ana’akir Wairafin  
\p
\v 24 Naatu boun ayu biyababan kwa isa abaib, i abiyasisir, anayabin Keriso ana ekaleisia isah biyan bababan na’atube turin anibais biyou nababan yomanin ana’asa’ub.  
\v 25 \x + \xo 1.25 \xt Eph 3.2, 7-8\x*Naatu ayu i God ana ekaleisia isan bowamih rubinu, bowabow iti itu, kwa a ma gewas isan tur etei ana binan yomanin ana’asa’ub.  
\v 26 \x + \xo 1.26 \xt Rom 16.25-26; Eph 3.5, 9\x*Iti tur i God ana kirikirifot, marasika sabuw hitutufuw yabunibun renan matahimaim ibun wa’ir in, baise boun i bai tit ana sabuw etei nahimaim ebirerereb.  
\v 27 Iti kirikirifot i God yakitifuw ana sabuw itih, hitab hitatit Eteni Sabuw isah tirerereb, saise kirikirifot ana yasisir hita’itin. Naatu kirikirifot i Jesu Keriso wanawananamaim kwanarun naatu kwa nuhi nafot God ana aiwobomaim boro ana marakaw bonamanamarin bairi kwafaram.   
\p
\v 28 Imih God ana so’ob aki biti’imaim Keriso I abibinan sabuw etei nahimaim, sabuw abimatnuwih naatu abi’obaiyih saise Keriso wanawananamaim hinarun nakusouwih ana bow anan God nanamaim ana tit  
\v 29 \x + \xo 1.29 \xt Eph 3.7, 20; Php 4.13\x*Iti bowabow baisawarin isan abow ai’akir yuwou a’asfufur, anayabin i ana fair ayu wanawana’umaim ma kura’ara’ahu abowabow.   
\c 2  
\p
\v 1 Ayu bowabow fokarin maiyow kwa isa, naatu Laodicea ekaleisia isah abowabow, i akokok anao kwananowar, naatu sabuw afa ayu men hisusu’ubu auman isah abowabow i anao kwanaso’ob.  
\v 2 Ayu au kok gagamin iti sabuw dogoroh i kaufair awan nakaratan, naatu yabowamaim naku’ayih saise so’ob tutufin enan naniyan hinab naatu God ana kirikirifot Keriso wanawananamaim hinaso’ob.  
\v 3 \x + \xo 2.3 \xt 1Cor 1.24, 30\x*Keriso akisin maiyow i ata ukwar rerekab isan ana so’ob an, naatu so’ob gewasih etei nugunug na’atube awan ma’afut ma’atan ema’am.  
\v 4 \x + \xo 2.4 \xt Rom 16.18\x*A tur ao’owen, orot babin men ta veya kwanitin a natain nifufuwimih, ana tur nayare hamehamen mumunin nao men kwananowar.  
\v 5 \x + \xo 2.5 \xt 1Cor 5.3\x*Basit ayu biyau’umaim i kwaboyouwu baise ayubu’umaim i bairit tama’am. Kwa a baitumatum Keriso wanawananamaim kwafatum badowan kwabatabat isan, ayu i abiyasisir yawas tutufin Keriso’omaim.   
\p
\v 6 Keriso kwaibasit a Regahamih kwabai, imih Jesu wanawanan kwanarun i ana kokomaim kwanama.  
\v 7 \x + \xo 2.7 \xt Eph 3.17\x*A wairoroh Jesu wanawanan na’of barur, a yawas i tafanamaim kwanawowab naatu a baitumatum nara’at fair nab hibi’obaiyi na’atube. Naatu dogor merarayow awan nakaratan.   
\p
\v 8 Kwana’itin gewas men yait ta orot ana so’obamaim nifufuwi nanawiyi dibur kwanarunamih, iti bai’obaiyen, i orot hiyabunibun re enan naatu iti tafaram ana sabuw hai ofafar hio hikikirum, i hiyabunibun enan men Keriso biyanane enan.   
\p
\v 9 \x + \xo 2.9 \xt Jn 1.14, 16\x*Anayabin Keriso biyan i God biyan tutufin etei nati’imaim ema’am.  
\v 10 \x + \xo 2.10 \xt Eph 1.21-22\x*Imih o Keriso inabaib ana veya yawas tutufin etei boro inab naatu o biya tutufin etei God boro niwani. Anayabin o Keriso ana kou’ayomaim kuma’am, i ana aiwob i auyomtoro’ot, yoyom bonawiyenayah naatu roubabaruwen hai aiwob etei hai fair tafahimaim.  
\v 11 \x + \xo 2.11 \xt Rom 2.29\x*Kwa kwana Keriso nowan kwamamatar i men orot hai a’afuw hibimatarimaim kwa a’ar hi’afuw kwana Keriso nowan kwa mataramih. Baise Keriso taiyuwin ana a’afuwamaim dogor a kakafin e’afuw bosair.  
\v 12 \x + \xo 2.12 \xt Rom 6.4\x*Anayabin bapataito kwabaib ana veya’amaim, kwa i Keriso bairi hubemaim hitouni; naatu God ana fairamaim Jesu morobone biyawas ana maramaim, kwa auman abaitumatumamaim God yawas it kwamisir maiye.   
\p
\v 13 \x + \xo 2.13 \xt Eph 2.1, 4-5\x*Kwa ayubimaim i kwamorob, anayabin a bowabow kakafinamaim naatu Ufun Sabuw aur ofafar en. Baise Keriso wanawananamaim God kwa yawas it, naatu ata kakafih etei notawiyen.  
\v 14 \x + \xo 2.14 \xt Eph 2.14-16; 1Pet 2.24\x*Ata kakafih etei sasamen, abisa ofafar eo men tabi’ufunun ana bit tabaib. Naatu ata kakafih etei fefemaim hikirumen hi’inu’in bai in Jesu onaf afe’en hio’onaf ana veya’amaim gurus.  
\v 15 Naatu onaf afe’en Keriso taiyuwin afiy hai bonawiyenayan ana fair rufam tit bebeyan i’obaiyit kakafin wasatan.   
\p
\v 16 \x + \xo 2.16 \xt Rom 14.1-13\x*Imih o a bay ku’aa o a harew kutomatom men yait ta nao fafarimih, na’atube veya gagamih, o sumar bebegawan ana hiyuw, o Baiyarir ana veya men kwanabi’ufunun isan sabuw men hina’uwimih.  
\v 17 \x + \xo 2.17 \xt Hib 8.5\x*Iti sawar etei i ina’inan na’atube, uwatanah no marasika hima’am imaim i’obaiyih God hikwakwafir, abisa boro uf tamamatar isan. Baise Keriso i na sawar hai yabih anababatun sinaf himatar, imih nati sawar atamanih i sawar.  
\v 18 Men yait ta taiyuwin ufunane ana itinin nigewasin nayara’iy nao, ayu i ina’inan afa aitah, tounamatar hai kwafirinamaim tanakwafir. Nati sabuw isah men kwanibasit hina’uwi, sabuw bai’o’orotoyah hai not moumurih.  
\v 19 \x + \xo 2.19 \xt Eph 2.21; 4.16\x*Nati sabuw Keriso biyanamaim hai murab i turu’um. Keriso i ukwarin. Naatu it etei i biyan turin, yabin it etei i ana murab fokarinamaim irarit, naatu God ana kokomaim tara’at ata not etataseseb.   
\s1 Morob Naatu Keriso Bairit Yawasit Ma  
\p
\v 20 \x + \xo 2.20 \xt Gal 4.3, 9; 1Tim 4.3\x*Kwa i Keriso bairi kwamorob naatu iti tafaram ana afiy hai bonawiyenane rufami. Baise aisim kwama’am ana itinin i iti tafaram nowanabe? Aisim sawar iti na’atube kwabi’ufunun?  
\v 21 Iti bay men kwana’aan, nati men kwanakartubun, iti men kwanabutubun,  
\v 22 \x + \xo 2.22 \xt Mat 15.9\x*sawar iti etei i orot hai bai’obaiyen, bay i anin isan matar imih etei tanaa.  
\v 23 Iti sawar etei i gewasih, anayabin boro nibaisit tanayoyoban gewas, tanayohar gewas, naatu taiyuwit boro tana yara’iyit tanakakaf, baise boro men nanunuw gewas. Anayabin orot babin ana not kakafin sinaf isan not ekukura’ara’ah boro men karam tanahirimih.   
\c 3  
\p
\v 1 \x + \xo 3.1 \xt Mak 12.36; 16.19; Eph 1.20\x*Kwa i kwamorob na’atube kwa’inu’in, Keriso morobone mimisir ana veya. Kwa bairi kwamisir maiye yawas anababatun kwabai. Imih dogor tutufin etei Keriso maramaim God uman asukwafune mare toto buyoy ma’agiy wanawanan ema’am, i kwana’itin.  
\v 2 \x + \xo 3.2 \xt Mat 6.33\x*A not tutufin etei mar ana sawar isah kwananot, men iti tafaram ana sawar isah kwananot kwanekwanemih.  
\v 3 Anayabin kwa kwamomorob ana veya, kwa ayawas anababatun i Keriso wanawananamaim. God botan no maramaim ema’am boro nit kwanab.  
\v 4 Kwa a yawas anababatun i Keriso. I nabirerereb ana veya kwa auman boro ana aiwobomaim kwanarun, ana marakaw bairi kwanafaram.   
\s1 Yawas Boubun Naatu Atamanin  
\p
\v 5 \x + \xo 3.5 \xt Rom 6.6, 11; Eph 4.19; 5.3-6\x*Imih tafaram ana bowabow kakafih kwa wanawananamaim ma kura’ara’ahi kwasisinaf i kwanekwan kwanimuruben. Baisesebar kwanekwan, gubagub kakafih, in sesebar ana koukra’at, not kakafih ana koukra’at, naatu kabat, nati sawar etei i uma matamatar.  
\v 6 Anayabin sabuw iyab sawar iti na’atube tisisinaf isan God ana yaso’ar wanawanan boro hinarun.  
\v 7 Naatu kwa marasika iti tafaram ana naniyanamaim kwama kwareremor ana veya, ayawas i nati na’atube kwama kwasisinaf.  
\v 8 \x + \xo 3.8 \xt Eph 4.25-29; 5.4\x*Baise boun nati sawar i kwanihamiyen, yaso’ar, baigagamat okwanekwan, baigeg, bobowen, baifa’efa’en, naatu tur kakafih okwanekwan.  
\v 9 \x + \xo 3.9 \xt Eph 4.22, 25\x*Taiyuw men kwanakutabitabir kwanifufuwen, anayabin kwa kanab atamanin kakafin naatu ana bowabow kakafih auman i kwaikiya’ub kwabosair.  
\v 10 \x + \xo 3.10 \xt Eph 4.24\x*Naatu boun kwa i kanab boubun kwaiyoun, Itinin gewasin maiyow, nati kanab boubunamaim boro nama narube’ebe’eyay mar etei nabonawiy ayawas niboubun. Kwanan Keriso iti yawas wowab bit i ana’itininabe kwanamatar, naatu ana so’ob tutufin etei kwanaso’ob.  
\v 11 \x + \xo 3.11 \xt Gal 3.28\x*Iti yawas boubun wanawananamaim ana kouseb men ema’ama, boro men hinao, Jew orot, Ufun Orot, ana ar afu’afuw, ana ar tutufin, o beref mowan, sabuw mowan, so’obayan, akirwairafin, men akirwairafin. Baise Keriso i sawar etei isah naatu etei wanawanahimaim.   
\p
\v 12 \x + \xo 3.12 \xt 1Pet 2.9\x*Kwa i God ana sabuw kwa iyabuwi naatu i nowanamih rubini. Imih kwa a sawar boro iti kwana’abur, dogor wanawanan yababan ana naniyan nama, manaw kabeber, yara’iyen, matananub naatu yatenanub.  
\v 13 \x + \xo 3.13 \xt Eph 4.2, 32\x*Taituwa baibaisih isan anot i nama, kwanibaibaisbonen naatu veya ta taituwa ta natawan nagam na’u’uwi na’at ana kakafin inanotawiy, Regah enotanotawiyi na’atube. \fig Taituw hai kakafih inanotawiy|alt="forgive each other" src="IB04185.tif" size="span" loc="Col 3.13" copy="Illustration by Dr. Farid Faadil. Used by permission." ref="3.13" \fig*  
\v 14 \x + \xo 3.14 \xt Rom 13.8-10\x*Sawar etei tafahimaim yabow i faifuw gewasin anababatun, nati yabowamaim sawar etei boro tufuwamaim nita’imon gewasin.   
\p
\v 15 \x + \xo 3.15 \xt 1Cor 12.27; Eph 4.4; Php 4.7\x*Tufuw nati Keriso ebit i dogor wanawanan nabonawiy; anayabin iti tufuwamaim God kwa eafi kwana ita’imoni biya ta’imon matar. Imih mar etei merarayow kwanitin.  
\v 16 \x + \xo 3.16 \xt Eph 5.19\x*Keriso ana tur kwa dogor wanawanan na’in namowar natit anot narerekab taituwa kwani’obaibiyih naatu kwanarube’abe’atih. Psalmamaim, ewamaim naatu dinab hai ewamaim kwanatabor God kwanabora’ara’ah dogor ere merarayow auman.  
\v 17 \x + \xo 3.17 \xt 1Cor 10.31; Eph 5.20\x*Sawar etei kwasisinaf o turamaim kwa’o etei i Regah Jesu wabinamaim kwanasinaf, merarayow i wanawanamaim nan Tamat God biyan natit.   
\s1 Kirisiyan Ana Yawas Boubun.  
\p
\v 18 \x + \xo 3.18 \xt Eph 5.22\x*Baibin a’aaw oro’orot fanah kwanab, anayabin o Kirisiyan babin a bowabow i boro nati na’atube inasinaf.   
\p
\v 19 \x + \xo 3.19 \xt Eph 5.25\x*Kwa oro’orot a’aaw baibin kwaniyabuwih, men baibin isah mata natakiyatamih.   
\p
\v 20 \x + \xo 3.20 \xt Eph 6.1\x*Kwa kek i mar etei hinat tamat fanah kwanab, anayabin hinat tamat fanah kwanabaib, Regah i boro niyasisir gagamin maiyow kwa isa.   
\p
\v 21 \x + \xo 3.21 \xt Eph 6.4\x*Kwa orot babin airi a kek men asir kwanao yawayawananih, anayabin a kek boro gubamih nahurir.   
\p
\v 22 \x + \xo 3.22 \xt Eph 6.5-8\x*Kwa akirwairafi a orot ukwarih sawar tutufin etei teo na’atube kwanifanabow. Men hina’i’iti ana veya akisin fanah kwanab, iti orot gewas rouwamih, baise dogor tutufin etei kwanasinaf. Anayabin kwa i Regah kwakakafiy kware dogor me erabirab.  
\v 23 A bowabow abisa kwabowabow dogor tutufin etei kwanabow, Regah isan kwatabowabow na’atube, men orot isan.  
\v 24 Regah ana toto ana buyoy boro a baiyanamih nabit i kwa kwaso’ob. Anayabin Keriso isan kwabowabow i kwa a orot ukwarin anababatun.  
\v 25 \x + \xo 3.25 \xt Rom 2.11\x*Naatu orot yait kakafih isisinaf ana baiyan boro nati kakafih sisinaf isan nab; anayabin God i sabuw etei ana fofoninamaim ebibabatiyih.   
\c 4  
\p
\v 1 \x + \xo 4.1 \xt Eph 6.9\x*Kwa iyab kwabi’ukwarin, a’akir wairafih isah bowabow ana fofoninamaim naatu ana ef gewasihimaim kwana’uwih hinabow, anayabin kwa auman kwaso’ob, kwa etei a ukwarin i maramaim ema’am.   
\s1 Baimatnuwen Tur Afa  
\p
\v 2 \x + \xo 4.2 \xt Eph 6.18; Php 4.6\x*Yoyoban isan men kwanahahar, mar etei kwanayoyoban, ayoyobanamaim mata toniwa’an naatu merarayow God kwanitin.  
\v 3 \x + \xo 4.3 \xt Rom 15.30; Eph 6.19\x*Kwana yoyoyoban ana maramaim, aki auman isai kwanayoyoban, saise God tur gewasin ana etawan nabotawiy. Aki Keriso ana kirikirifot ana binan, anayabin ayu nati tur isan dibur ama’am.  
\v 4 Kwanayoyoban saise ayu tur au notamaim natit gewas ana binan rerereb yan natit, sabuw hinanowar naniyan hinab naatu kakafih hinihamiyen.  
\v 5 \x + \xo 4.5 \xt Eph 5.15-16\x*A not i narerekab gewas, asinafumaim sabuw iyab men tibitumatum matahimaim kwanasinaf gewas, veya kebor kwanabaib ana veya abisa kwasoso’ob kwanaorereb.  
\v 6 \x + \xo 4.6 \xt Eph 4.29; 1Pet 3.15\x*Mar etei a baidudur wanawanan sabuw a tur hina nonowar i hinakawasa naatu nitenmumunih. Naatu tur i kwaniyab kwa taiyuw naniyan kwanab naatu kwanaso’ob gewas, saise sabuw afa hina kasiy hina bibatebat hai tur boro kwana’owen gewas hinanowar hinitumatum.   
\s1 Merarayow  
\p
\v 7 \x + \xo 4.7 \xt Eph 6.21\x*Ayu abisa iti’imaim abowabow ana tur i boro Tychicus nan nao kwananowar. Tychicus i tai ata yabow, Regah ana akir wairafin, orot bowayan gewasin ta.  
\v 8 \x + \xo 4.8 \xt Eph 6.22\x*Imih ayu kwa isa abiyafar nan kwa ama mi’itube kwama’am na’iti naatu aki mi’itube abowabow a tur na’owen koufair nit.  
\v 9 \x + \xo 4.9 \xt Phm 10-12\x*Tychicus i Onesimus hairi abiyafarih, Onesimus auman i tai ata yabow, bowayan orot gewasin ta. I hairi hinanan ana veya abisa iti’imaim temamatar boro a tur hina’owen.   
\p
\v 10 \x + \xo 4.10 \xt Act 12.12; 13.13; 15.37-39; 2Tim 4.11\x*Aristakus ayu airi dibur ama’am kwa a merar eyiy, na’atube Mark auman a merar eyiy, Barnabas rubun. Marasika ao kwanonowar na’atube Mark nati kwa isa nanan na’at, ana merar kwanay kwanab gewas bar efan kwanitin.  
\v 11 Joshua wabin ta Justus i auman kwa a merar eyiy, iti orot nah tounu i Jew oro’orot. Baise i Kirisiyan ana yawas hibai God ana aiwob isan bairi abowabow, naatu hai baibais gagamin na’in ayu tibitu.  
\v 12 \x + \xo 4.12 \xt Col 1.7; Phm 23-24\x*Epaphras it ata kou’ay orot ta auman kwa a merar eyiy, iti orot i Keriso Jesu ana akirwairafin ta. I mar etei kwa isa yoyobanamaim men efafafow, ana not tutufin etei kwa isa eyoyoyoban, God ebifefeyan mi’itube kwatabatkikin kwatakwat naatu tibaisi a bowabowamaim kwatabow i ana kok kwataso’ob.  
\v 13 Tur anababatun a tur ataowen kwataso’ob. Iti orot bowabow gagamin maiyow kwa isa ebowabow, na’atube Laodicea naatu Hierapolis sabuw auman isah ebowabow.  
\v 14 Luke ata doket orot naatu Demas hairi a merar tiyiy.  
\v 15 Taituwa Laodicea wanawanan tema’am hai merar ayiy. Naatu rubut babin Nimfa auman ana merar ayiy, na’atube baitumatumayah iyab ana baremaim yoyoban isan tiruru’ay auman hai tur kwana’owen, hai merar ayiy.   
\p
\v 16 Fef iti inabiyab ufunamaim, akokok iti fef inab inan Laodicea Kou’ay Baremaim auman hiniyab. Naatu obo fef ta Laodicea’ane nanan hiniyab.   
\p
\v 17 \x + \xo 4.17 \xt Phm 2\x*Naatu Arsipas ana tur ina’owen inao, Regah ana bowabow abisa bowamih bit men inabohamiy nare. Baise inakaif gewas inabow yomanin ina’asa’ub.   
\p
\v 18 \x + \xo 4.18 \xt 1Cor 16.21\x*Ayu Paul taiyuwu umau’umaim a fef iti akikirum. Kwa etei a merar ayiy, ayu dibur ama’am isan men nuhi nabur. Baise mar etei kwananuhu naatu isou kwanayoyoban. Ayoyoyoban God ana bosiyasiyar naatu ana baigegewasin kwa etei isa nama. \it Amen\it*