\id 1PE - Miniafia N.T.; Stanley Oyabua and Josiah; David and Fran Wakefield; 29-Jul-2010 (web edition -2012 bd) 
\h 1 Peter 
\toc1 1 Peter 
\toc2 1 Peter 
\toc3 1Pet 
\mt1 1 Peter  
\imt1 Roube’aten Ana Tur  
\ip Peter ana fef wantoro’ot kirum kirisiyan sabuw wabih te’afa’af, “God ana Roubinenayan sabuw” iyab earusabuy Asia Minor veya ere’erene tema’am isah. Iti fef kikirum ana an gagamin i baiyabayah tafah fair eya’iy, iyab bai’akir wanawanan terur naatu hai baitumatum isan tebi’akir. Kirumayan iti fef kirum baiyabayah hai not ekukusib Jesu Keriso ana Tur Gewasin isan, i ana morob, ana misir naatu omatan enan i boro nuhifot nitih. Iti boun ana marakaw i hinibasit hinab naatu hai bai’akir wanawanan hinarun nawenabih, i hai baitumatum gewasin isan efufufun hinafair hinabat, naatu i boro baiyan hinitih hinab Jesu Keriso nabirerereb anamar.  
\ip Hai yare anaveya i hai koufair ebitih men ebihamiyih, naatu kirumayan ana baiyabayah isah tur fokarinaka u’uwih i Keriso nowan orot babin hai ma’abe hinama.  
\iot Fef Wanawanan Iti Na’atube Hi’asgidigid  
\io1 Roube’aten 1.1-2  
\io1 Tenaya God ana yawas isan (1.3-12)  
\io1 Foyab inatarakair inan kakafiyinamaim inama (1.13–2.10)  
\io1 Bai’akir ana veya kirisiyan hai bowabow boro mi’itube hinabow (2.11–4.19)  
\io1 Kirisiyan hai yara’iyen naatu hai bowabow (5.1-11)  
\io1 Yomanin (5.12-1)  
\c 1  
\s1 Peter Fef Kirum Ana Ofonah Kirisiyan Sabuw Isah  
\p
\v 1 Ayu Peter Jesu Keriso ana tur abarayan, kwa isa a fef akikirum, God ana roubinen sabuw naatu touman sabuw na’atube earuwsabuy kwatit nanabin Pontus, Galasia, Capadosia na naatu Asia, Bitiniya wanawanan kwa ma’am.  
\v 2 \x + \xo 1.2 \xt Rom 8.29; 2Th 2.13\x*Kwa i Tamat God ana kokomaim rubiniy naatu i ana Anun Kakafiyinamaim kwa iwani i ana sabuw kakafiyin kwamatar. Jesu Keriso kwanabosiyasiyar naatu i ana rara’amaim nakusouwi uhew kwana matar. Karam kwa biyane, manaw kabeber naatu tufuw naya’abar nara’at.   
\s1 Kirisiyan Hai Yawas  
\p
\v 3 God wabin tanabora’ah it ata Regah Jesu Keriso Tamah. Anayabin it isat ana baiwanbabanen i ra’at, Jesu Keriso morobone mimisir imaim yawas boubun itit. Imih it abistan isan tanotanot i nuhifot tama’am.  
\v 4 \x + \xo 1.4 \xt Col 1.12\x*Imih it au nat tananuw God ana baigegewasin totobuyoy ana sabuw isah maramaim ya ti’inu’in tanabow. Nati sawar boro men hinamun, men hina’af, naatu men hinakusaisirih.  
\v 5 \x + \xo 1.5 \xt Jn 10.28; 17.11\x*Iti sawar i kwa isa, baitumatumamaim God ana fairamaim tafafar yawas bait isan God yabuna yomaninamaim nabow natit hinirerereb.   
\p
\v 6 \x + \xo 1.6 \xt Jas 1.2; 1Pet 5.10\x*Iti isan kwa boro gagaminaka kwaniyasisir, baise anotanot mar kikimin boro kwanibiyababan, anayabin kwa boro yare ta ta wanawanan kwanarun kwani’akir.  
\v 7 \x + \xo 1.7 \xt Pro 17.3; Zec 13.9; Mal 3.3; Jas 1.3\x*Sawar iti temamatar i kwa a baitumatum efufufun, saise kwa a baitumatum boro narusouw niturobe. Routobon iti na’atube emamatar i \it gold\it* te’afun terurubunai ana gewasin tebaib na’atube. Baise, kwa a baitumatum ana gewasin i ra’at \it gold\it* natabir. Imih a baitumatum wainaben wanawanan narun fair nabaib ufunamaim boro nanawiy bora’araten fair baifa’en nit, Jesu Keriso nabirerereb ana veya’amaim.  
\v 8 \x + \xo 1.8 \xt Jn 20.29; 2Cor 5.7\x*Basit men kwa’i’itin baise isan kwabiyabow, men kwa’i’itin baise kwabitumatum. Naatu iti yasisir i igewasin kwanekwan, men karam boro isan tanao taniduduramih.  
\v 9 Anayabin ayub ana yawas bain isan ana ef i baitumatum akisin.   
\p
\v 10 \x + \xo 1.10 \xt Mat 13.16-17\x*Dinab oro’orot afa manaw kabeber God nabit isan hio kwanowar naatu nati yawas ana’an isan hamenamo yatehnub erekakaf hinuwet men kafaita.  
\v 11 \x + \xo 1.11 \xt Psa 22; Isa 53; Luk 24.26-27\x*Imih i tita’urin isan hinuwet mar biy boro namatar naatu boro mi’itube namatar. Keriso Anuninimaim dinab oro’orot iwanih hai tur eowen, Keriso nabi’akir ufunamaim wabin gagamin hinifai hinabora’arah.  
\v 12 God ana dinab oro’orot isah irerereb abistan i hisisinaf i men taiyuwih isah hibowabowamih baise i kwa isa hibow. Naatu sawar abisa inu’in kob abarayah tur gewasin hibai hina boun hiorereb kwanonowar. I Anun Kakafiyin marane hiyafar re’ere ana fairamaim kwa isa hibinan kwanonowar. Naatu iti sawar isah tounamatar auman tekokok kwanekwan hinaso’ob.   
\s1 Yawas Kakafiyinamaim Kwanama  
\p
\v 13 Isan imih a not kwabogaigiwas bai’a’it isan, matatoniwa’an\f + \fr 1.13 \ft ayawas kwanarumutufur\f* kwa anuhifot anababatun baigegewasinamaim kwanayai, ana maramaim Jesu Keriso nabirerereb kwa boro nit kwanab.  
\v 14 \x + \xo 1.14 \xt Rom 12.2; Eph 2.3; 4.17-18\x*Kwa i fanabow kek na’atube men kakafin ana naniyanamaim kwa ayawas nabonawiy marasika kwama’am na’atube kwanama’amih.  
\v 15 Baise nati efanin God kwa eafi i kakafiyin, imih mar etei asinafumaim kakafiyi kwanama.  
\v 16 \x + \xo 1.16 \xt Lev 11.44-45; Mat 5.48\x*Buk Atamaninamaim eo, “Kwa etei i kakafiyinamaim kwanama, anayabin ayu i kakafiyinamaim ama’am.”   
\p
\v 17 \x + \xo 1.17 \xt Rom 2.11; Rev 2.23\x*God kwa Tamat kwarouw isan kwayoyoban, i sabuw etei hai bowabowamaim efufunih\f + \fr 1.17 \ft ebibatiyih\f* naatu men yait ta oukoun ebatabat. Kwa i nanawan sabuw na’atube iti tafaramaim kwama’am, imih God isan kwanabir. Isan imih mar etei a bowabowamaim God isan kakaf nama. Kwa a yawas tutufin iti tafaramamaim kwanama.  
\v 18 Anayabin kwa kwaso’ob, kwa a’a’agir hai yawas kakafin hiyabunibun ra’iy na, ine Keriso kwa tubuni botaiti. Iti men boun \it gold\it* o \it silver\it* biyan ana gewasin ekukusaisir na’atube.  
\v 19 \x + \xo 1.19 \xt Act 20.28; Hib 9.12-14\x*Baise Keriso ana rara uhew bitan \it lamb\it*, boubun biyan gewasin aurin feher en imaim tubunit.  
\v 20 \x + \xo 1.20 \xt Eph 1.4; 2Tim 1.9-10\x*Tafaram matara’e ana veya God Keriso rubin, kwa baiyawasi isan naatu boun iti yomaninamaim kwa isa irerereb kwa’i’itin.  
\v 21 \x + \xo 1.21 \xt Jn 14.6; Rom 5.1-2\x*I wanawananamaim kwa God kwaitumitum, morobone i yawas misir naatu aiwob God itin. Imih kwa a baitumatum naatu a nuhifot God wanawananamaim ema’am.   
\p
\v 22 \x + \xo 1.22 \xt Jn 13.34; Rom 12.10\x*Kwa i boun turobe kwabobosiyasiyaramaim kusouwi uhew kwamatar, imih a yabow a’ofonah isah i gewasin maiyow, dogor babanika a’ofonah isah kwaniyabuwih.  
\v 23 Anayabin kwa i God ana tur yawasin naatu wanatowanin kwanonowar imaim yawas boubun kwabai maiye. Ana’itinin iti tur i ub yawasin kwabai men murubin ana ubamih, baise wanatowan ana ub kwabai boro nama wanatowan.  
\v 24 \x + \xo 1.24 \xt Isa 40.6-8\x*Buk Atamaninamaim eo,  
\q1 “Orot babin i fotan na’atube.  
\q2 Naatu ana mokob i boun sigar beran na’atube.  
\q1 Beran nakekerer boro naha’obow nara’iy.   
\q2
\v 25 Baise Regah ana tur ikwah sawar nama wanatowan.”  
\p Nati tur i tur Gewasin kwa isa hibinan kwanowaraka.   
\c 2  
\s1 Kabay Yawasin Naatu Tafaram Kakafiyin  
\p
\v 1 \x + \xo 2.1 \xt Eph 4.22; Jas 1.21\x*Isan imih yawas kakafih boro kwanihamiyen. Men kwanifuwen, men awa hinaharewan, men kwanibobowen, men turanah isah tur kakafin kwanao.  
\v 2 Kek sosof na’atube kwanamatar, mar etei sika namamah ayub ananun tom isan, saise i kwanatomatom kwa ayawas boro nara’at nayen.  
\v 3 \x + \xo 2.3 \xt Psa 34.8\x*Buk Atamaninamaim hi’o hikirum, “Kwa taiyuw ayawasamaim kwaso’ob Regah i kabeberayan.”  
\v 4 Kwana ata Regah biyanaika kwanama, iti kabay yawasin sabuw hi’itin hikwahir yabin en hirouw, baise God rubin na mokob foun matar.  
\v 5 \x + \xo 2.5 \xt Eph 2.21-22; Rev 1.6\x*Kwa baitumatumayah i wabat wanatowanin na’atube, imaim God bai ayub ana Tafaror Bar ewowowab. Kwa auman i firis ana kou’ay ayubitane ana sibor kwaya’ay. Jesu Keriso ana baibaisamaim, God i iyasisir ebaib.  
\v 6 \x + \xo 2.6 \xt Isa 28.16; Eph 2.20\x*Buk Atamaninamaim iti na’atube hikirum,  
\q1 “Kwa’itin, ayu agim gewasin arubin,  
\q1 i Zion tafanamaim ayai,  
\q1 agim etei hai ukwarih matar,  
\q1 naatu yait nabitumitum boro men biyan na’ohow.”   
\p
\v 7 \x + \xo 2.7 \xt Psa 118.22\x*Kwa iyab kwabitumitum, Keriso i kabay gewasin kwa isa, baise kwa iyab men kwabitumitum isa boro men gewasin.  
\q1 “Naatu bar wowabayah kabay hi’itin yabin en hirouw hikwahir inu’in, ina kabay etei hai ukwarin matar.   
\p
\v 8 \x + \xo 2.8 \xt Isa 8.14\x*Naatu ibanak Buk Atamaninamaim hikirum hio,  
\q1 “Nati kabay i boun sabuw koun hiyen tere’ere,  
\q1 naatu to ah yow tere’ere.”  
\p Anayabin Tur Gewasin men hinowar, imih God ana kok yayakikifut isah emamatar.   
\p
\v 9 \x + \xo 2.9 \xt Deu 7.6; 14.2; Isa 9.2; Act 26.18; Eph 5.8\x*Baise kwa i God ana rubinen sabuw, kwa i firis gewas, God ana sabuw kakafiyi, naatu God nowan, imih God ana bowabow gewasin kwanaorereb, anayabin guguminamaim kwama’am botaiti kwatit marakaw bonamanamarin gewasin kwabai.  
\v 10 \x + \xo 2.10 \xt Hos 2.23\x*Marasika kwa men God ana sabuw, baise boun kwa i ana sabuw. Marasika God ana kabeber men kwabai, baise boun i ana kabeber kwabai.   
\s1 God Ana Akir Wairafih  
\p
\v 11 \x + \xo 2.11 \xt Gal 5.17, 24\x*Are au ofonah, kwa au’uwi kwa i nanawan naatu touman sabuw na’atube iti tafaramaim kwama’am! Men biya ana kok nabonawiyi imaim nakaifi. Nati biya ana kok i boun rakit na’atube, boro ayub hairi hiniyow.  
\v 12 \x + \xo 2.12 \xt Mat 5.16\x*Eteni Sabuw matahimaim kwanakaifi gewas kwanama. Kwa isa boro bowabow kakafih sinafuyah hinarauw hinao, baise anamaramaim bowabow gewasin kwanasisinaf boro men isa tur ta hinao. Imih Baibatebat ana Veya God namamatabir. Kwa isa boro God ana merar hina hinabora’ara’ah.   
\p
\v 13 \x + \xo 2.13 \xt Tit 3.1\x*Regah wabinamaim kwa kwayar’iy sabuw gagamih babahimaim kwanama. Gawan hai aiwob gagamin aiwob etei ukwarih,  
\v 14 gawan sabuw iyab gawan ana ukwarin iyafarih hitit tafaram ta ta tekakaif, imih iyab bowabow kakafin tesisinaf boro hinabow baimakiy hinitih, baise iyab bowabow gewasin tesisinaf boro hinabora’ara’ahih.  
\v 15 \x + \xo 2.15 \xt 1Pet 3.16\x*God ekokok kwa kwanasinaf gewas saife nati sabuw hai not meyemeye, boro hinanutanubamo hinama, aurih ef men ema’am boro isa tur kakafih hinao.  
\v 16 Kwa ama i sabuw roufamen na’atube kwanama, baise men nati roufamen ana yawasamaim kwama’am isan afair kwanab kakafin kwanasinaf, baise kwa i God ana’akir wairafihibe kwanama.  
\v 17 \x + \xo 2.17 \xt Rom 12.10\x*Sabuw etei isah kwanakakaf. A ofonah baitumatumayah isah kwaniyabow kwanakakaf. Naatu aiwob hai ukwarin isan kwanakakaf.   
\p
\v 18 \x + \xo 2.18 \xt Eph 6.5\x*Kwa akir wairafi kakafemaim kwanayara’iy, a orot ukwarih fanah kwanab babahimaim kwanama, men gewasin isa isisinaf akisin fanah kwanab, baise iyab fokarin isa tisisinaf auman fanah kwanab.  
\v 19 Kwa anot tutufin etei God ana kokomaim kwabowabow naatu sabuw asir biyababan hinit nawawainabi isan, God boro nigegewasini.  
\v 20 \x + \xo 2.20 \xt 1Pet 3.14, 17\x*Bo kakafin kwasisinaf isan hinarab nawawainabi ana gewasin boro abisa kwanab, baise gewasin kwanasinaf isan nawainabi kwabi’akir God boro nigegewasini.  
\v 21 \x + \xo 2.21 \xt Mat 16.24; Jn 13.15\x*Kwa afa’af kwabai i bai’akir isan, anayabin Keriso kwa isa i’akir ana bai’obaiyen yare saise i an efanin kwani’ufunun.   
\p
\v 22 \x + \xo 2.22 \xt Isa 53.9\x*“Bowabow kakafin men ta sinaf,  
\q1 naatu awanamaim men baifuwen tur ta eomih.”   
\p
\v 23 \x + \xo 2.23 \xt Isa 53.7; 1Pet 3.9\x*Hibi’i’iyab ana maramaim i men kafa’imo bai’iyab tur ta wan yi isah eomih, i bi’akir ana veya men hibiruwimih, baise ana nuhifot i God mutufor baibatiyenayan imaim yai.  
\v 24 \x + \xo 2.24 \xt Isa 53.5-6; Rom 6.11\x*Keriso akisinamo ata kakafih i biyanamaim eabar onaf afe’enamaim yen, saise it bowabow kakafinane tanamorob naatu yawas mutuforomaim tanama, i ana fitamaim it iyawasit.  
\v 25 \x + \xo 2.25 \xt Ezk 34.5-6; Mat 9.36; Jn 10.14; Hib 13.20-21\x*Anayabin kwa bobaituw \it sheep\it* na’atube ef kwasa’ir nanabin kwan, baise boun kwa buwi kwamatabir kwana Nabatanenayan naatu anun ana kaifenayan biyan kwatit.   
\c 3  
\s1 Kirisiyan Baibin Naatu Oro’orot A’awah Bairi  
\p
\v 1 \x + \xo 3.1 \xt Eph 5.22\x*Baibin, a’aaw oro’orot fanah kwanab kwanayara’iyi babahimaim kwanama, saise a’aaw oro’orot God ana tur gewasin men nabitumitum boro kwa ayawas gewasinamaim dogoron kwanikitabir hinan baitumatumayah hinamatar. Men kwa a turamaim baise kwa a yawas ana itininamaim.  
\v 2 Anayabin kwa ayawas ana itinin i uhewbitan.  
\v 3 \x + \xo 3.3 \xt 1Tim 2.9\x*Kwa baibin men taiyuw biya ufunane ana itininamaim kwaniwa’an kwanan sa’er kwanamatar, arib a baisuwaramaim, tain tenasour o debad ya’amaim, o faifuw osenamaim. Nati sa’er boro men nama manin.  
\v 4 Baise nati efanin, kwa a yawas wanawanan ana sa’er hina’i’itin i tufuw nuwarob naatu yara’iyen. Sa’er iti na’atube God i’itin i ra’at naatu igewasin kwanekwan.  
\v 5 Marasika baibin iyab kakafiyinamaim hima’am, i hai nuhifot God biyanamaim hiyei sa’er himatar, anayabin i a’aawah oro’orot babahimaim hima.  
\v 6 \x + \xo 3.6 \xt Gen 18.12\x*Babin Sarah i nati na’atube ma, Abraham fanan bosiyasiyar naatu ana regah rouw eaf. Kwa i Sarah natunatun, kwa gewasin kwanasisinaf na’at, boro men abisa ta isan kwanabir.   
\p
\v 7 \x + \xo 3.7 \xt Eph 5.25\x*Kwa oro’orot auman a’aaw baibin kwanasu’ubih gewas bairi kwanama, baibin i ririmih men boun kwa fair kwabai kwama’am na’atube. Isah sinafumih erekakaf kwanasinaf, anayabin wanatowan ana siwar God nabit, i auman boro bairi nafarami. Nati na’atube kwanasisinaf ayoyobanamaim boro men sawar ta a ef nahirimih.   
\s1 Gewasin Inasisinaf Isan Boro Ini’akir  
\p
\v 8 Abistan anotanot yomaninamaim anao kwananowar auman anisawar. Kwa turanah bairi anot ta’imon, ananiyan ta’imon; sabuw bairi kwaniyabow tait ruburub na’atube, naatu turanah isah kwanayara’iyi naatu kwananot yawananih.  
\v 9 Tur kakafin hina’u’uwi o hinao’orarafi men wan kwanay, baise nati efanin baigegewasinamaim wan kwanay, anayabin baigegewasin i God eomatani boro nit ana maramaim kwa na’a’afi.  
\v 10 \x + \xo 3.10 \xt Psa 34.12-16\x*Anayabin Buk Atamaninamaim iti na’atube hikirum hi’o,  
\q1 “Yait ekokok yawas niyasisir.  
\q1 naatu yait ekokok veya gewasin na’itin  
\q1 menanamaim men kakafin nao,  
\q1 naatu ufurinamaim men baifufuwen tur natit.   
\q1
\v 11 Sinaf kakafin nihamiyen natatabir gewasin nasinaf,  
\q1 naatu tufuw isan hinitafofor dogoron tutufin etei.   
\q1
\v 12 Anayabin sabuw hai yawas mutufurin Regah ekakaifih,  
\q1 naatu hai yoyoban isan tainin fa’iwa’an ma erubirub,  
\q1 baise sabuw iyab kakafin tisisinaf Regah i kaun ebitih.”   
\p
\v 13 Bowabow gewasin kwanasisinaf isan yait boro kwa ni’a’afiyi naborabirabi?  
\v 14 \x + \xo 3.14 \xt Isa 8.12-13; Mat 5.10; 1Pet 2.20; 4.14\x*Baise gewasin kwasisinaf isan kwanabi’akir, kwa i boro baigegewasin kwanab, imih men yait ta isan kwanabir naatu kwaniyababan.  
\v 15 Baise Keriso isan yatenanub dogor tutufin etei kwanab naatu Regah na’atube isan kwanakakafiy kwanakwafir.  
\p Mar etei bobuna’amaim kwanama. Sabuw afa kwa nuhifot kwabai kwama’am isan hinabibatiyi, kwanakubuna hinanowar.  
\v 16 \x + \xo 3.16 \xt 1Pet 2.12\x*Baise sabuw isah yara’iyen naatu kakafemaim kwanasinaf. A not gewasinamaim iu’uwi mar etei imaim kwanasinaf, saise ubar hinabit ana maramaim sabuw iyab Keriso ana gewasin isan tur kakafih hina’u’uwi boro hai tur isan biyah na’ohow.  
\v 17 Anayabin God ana kok gewasin kwanasisinaf isan kwanabi’akir, i gewasin maiyow, naatu kakafin kwanasisinaf isan kwanabi’akir i men gewasin.  
\v 18 Anayabin sabuw etei hai kakafin isan Keriso mar ta’imon morob, sabuw gewasih naatu sabuw kakafih isah, saise tabonawiyit tatan God nanamaim tatatit. Biyan i morob, baise ayubin i yawasin.  
\v 19 Naatu Anunin na sabuw murubih ayubih ana diburamaim hiya hima’am isah binan.  
\v 20 \x + \xo 3.20 \xt Gen 6–7\x*Iti sabuw i Noah ana wa\f + \fr 3.20 \ft Ark\f* wowowab ana veya, ayubihine God fanan hisair, baise God yaten nub ma sabuw etei \it eight\it* buwih wa wanawanan hirun gis yey ana veya, harew wanane tafafarih hima.  
\v 21 Naatu iti harew i bapataito ana i’inanen boun imaim kwa iyawasi. Men biya kato ekukusouw, baise not gewasin iuwi God kwa’o’omatan isan. Jesu Keriso morobone mimisir imaim kwa iyawasi.  
\v 22 Naatu yen au mar naatu God ana asukwafune mare ema’am, tounamatar etei naatu mar hai fair hai roubabaruwen etei i babanamaim ebobonawiyih.   
\c 4  
\s1 A Yawas Kwanabotabir  
\p
\v 1 \x + \xo 4.1 \xt Rom 6.2, 7\x*Isan imih Keriso i biyanamaim biyababan bai morob, imih not nati ta’imonamaim kwanabogaigiwas biya nababan, anayabin orot biyan baban ebi’akir\f + \fr 4.1 \ft emomorob\f* bowabow kakafin i biyanamaim boro na’afuw.  
\v 2 Naatu ana ma nati’imaim nabubusuruf boro men biyan ana kokomaim nabonawiy nama’amih, baise boro God ana kokomaim nama.  
\v 3 \x + \xo 4.3 \xt Eph 2.2-3\x*Anayabin kwa veya manin maiyow Eteni Sabuw hai ma na’atube kwama, ayawas etei i kwabisesebar kwanekwan, baiwa’an isan kukura’ara’hi, kwatomatom kwanekwan, ben kawasa wanawanan kwatom kwararowabon, hiyuw kakafih wanawanan kwasisinaf kwanekwan, naatu hai kwafiren kakafih wanawanan kwaikofanih bairi kwakwafir.   
\p
\v 4 Turobe kwa a’ofonah bairi marasika kwabita’ay i tibifofofor men kafaita, anayabin abisa kakafin tisisinaf kwabikofanih isan tur kakafih maiyow ti’u’uwi.  
\v 5 \x + \xo 4.5 \xt Act 10.42\x*Baise kwanaso’ob, God sabuw etei boro nibabatiyih, sabuw yawayawasih naatu murumurubih etei. Imih i boro God nanamaim hinabat nabibatiyih hiniya futifut.  
\v 6 Ana’an iti isan tur gewasin hibinan, naatu murumurubih auman isah hibinan. Saise biyahine bai’akir hibai himomorob, ayubihine boro yawasih God bairi hinama.   
\s1 God Ana Siwar Kaifenayah Gewasih  
\p
\v 7 \x + \xo 4.7 \xt Rom 13.11-12\x*Tafaram ana yomanin i na iyubin. Isan imih anot etei naruboun kwanayamutufuri gewas kwanayoyoban.  
\v 8 \x + \xo 4.8 \xt 1Pet 1.22\x*Sawar etei tafahimaim, a yabow dogor babanika taituwa bairi kwaniyabowbonen, anayabin yabow i bowabow kakafih etei esusuma’ay.  
\v 9 \x + \xo 4.9 \xt Hib 13.2\x*A bar etawan kwanabotawiy a ofonah isah, eremerarayow men eregamin.  
\v 10 \x + \xo 4.10 \xt Rom 12.6-8\x*Kwa ta’ita’imon God biyanane a siwar ta ta kwabaib, i kwanakaif gewas, taituwa kwanibaisih, saise God ana gewasin kwa wanawanane natit sabuw hina’itin.  
\v 11 O yait tur o isan ana siwar ibaib, tur inao ana’itinin i God o wanawananamaim eo, o yait baibais ana siwar ibaib, God ana fair bitimaim inabow, saise o a bowabow nati’imaim God boro merarayow hinitin Jesu Keriso wabinamaim. Fair, marakaw i akisinamo isan nama wanatowan, wanatowan. \it Amen.\it*   
\s1 Kirisiyan Ana Bowabow Isan Kwani’akir  
\p
\v 12 Are au ofonah,\f + \fr 4.12 \ft au yabow sabuw\f* men kwana’oror iti routobon kakafin wanawanan kwarun e’a’arahih isan, ana’itin boun sawar asir isa emamatar na’atube.  
\v 13 \x + \xo 4.13 \xt Act 5.41; Jas 1.2; 1Pet 1.6-7\x*En baise, kwaniyasisir, kwa i Keriso ana bai’akir turin kwabaib, saise i ana fair bonamanamarin nabirerereb anamaramaim kwa boro dogor yasisir awan nakaratan.  
\v 14 \x + \xo 4.14 \xt 1Pet 2.20\x*Keriso wabinamaim sabuw tur kakafih hinao hinabi’a’afiyi boro baigegewasin kwanab, anayabin Ayubin gewagewasin, God Anun Kakafiyin i kwa tafa mara’at ema’am.  
\v 15 Kwai’akir biya ebababan i men sabuw kwa’a’asbunubunuw, o kwababain isan, kakafih kwasisinaf isan, o sabuw hai wau kwayiy isan.  
\v 16 En baise kwai’akir biya ebababan, anayabin kwa i Kirisiyan sabuw, imih men biya na’ohow, baise God kwanabora’ara’ah ana merar kwanay, bai’akir nati na’atube wabinamaim kwabaib isan.  
\v 17 Baibatebat ana veya i etitit, naatu God natunatun i boro wan nibabatiyih. Naatu it Kirisiyan sabuw auman boro nibabatiyit, baise sabuw iyab God ana Tur Gewasin men hibitumatum yomaninamaim isah boro abisa namatar?  
\v 18 \x + \xo 4.18 \xt Pro 11.31\x*Buk Atamaninamaim eo,  
\q1 “Sabuw gewasih yawas bain isan isah nafofokar na’at,  
\q1 Sabuw God men hisusu’ub naatu kakafih sinafuyah isah boro abisa namatar?”   
\p
\v 19 Isan imih sabuw iyab God ana kokomaim tibi’akir, hai sinaf gewasinamaim God hai Baimatarenayan hinitumitum, anayabin God ana omatanen i mar etei esinaf tibiturobe.   
\c 5  
\s1 Bonawiyenayan God Ana Sabuw Kwanakaifih  
\p
\v 1 Ayu auman i bonawiyenayan orot ta naatu Keriso hirab hi’a’akir momorob ana sifrubonayan ta. Naatu Keriso ana marakaw nabirereb ayu boro au nowau turin anab. Kwa\f + \fr 5.1 \ft regaregah ai’in\f* bonawiyenayah ekaleisia wanawanahimaim tur fokarin ao abifefeyani.  
\v 2 \x + \xo 5.2 \xt Jn 21.15-17; Act 20.28\x*God ana\f + \fr 5.2 \ft Sabuw\f* bobaituw babamaim tema’am kwanakaifih gewas, dogor tutufin etei, men erebaifut kwanakaifen, baise God ekokok na’atube. Men kwananot nati bowabowamaim kwa boro a kabay kwanab, en baise a naniyan tutufin etei i God isan nakura’ara’ahi kwanabow.  
\v 3 \x + \xo 5.3 \xt 2Cor 1.24; Php 3.17; Tit 2.7\x*Sabuw babamaim hima kwakakaifen men a baiyonayonayah hinamatar, baise kwa a bowabowamaim i hina’itin hini’u’uri.  
\v 4 Naatu bobaituw kaifenayan ukwarin nanan anamaramaim, kwa boro a kowas bonamanamarin nit, naatu i ana marakawin boro men namabiyamih.   
\p
\v 5 \x + \xo 5.5 \xt Pro 3.34; Eph 5.21; Jas 4.6\x*Orot boub auman au’uwi, regaregah ai’in fanah kwanab.\f + \fr 5.5 \ft babahimaim kwanama.\f* Kwa etei’imak, yara’iyen ana faifuw kwana’us turanah bairi kwanibaibaisbonen kwanabow. Anayabin Buk Atamaninamaim iti na’atube eo,  
\q1 “Sabuw bai’o’orotoyah God men ekokok,  
\q1 baise sabuw iyab teyayara’iyih God i ebibaisih.”   
\p
\v 6 \x + \xo 5.6 \xt Mat 23.12; Luk 14.11; Jas 4.10\x*Imih kwanayara’iyi God uman fairin babanamaim kwanama, saise i ana veya gewasin nabaib ana maramaim kwa boro nabora’ahi kwanayen.  
\v 7 \x + \xo 5.7 \xt Mat 6.25-30\x*A yababan etei God umanamaim kwaihamiyen, anayabin kwa i mar etei ana kaifen babanamaim kwama’am.   
\p
\v 8 \x + \xo 5.8 \xt 1Th 5.6\x*Mata toniwa’an taiyuw a ef kwana’itin gewas. Kwa a rakit orot Demon Kakafin \it lion\it* na’atube garan nuwet ereremor orot babin ta yubin tarsisibin aanin isan. \fig Demon mowan I lion na’atube kwanen ereremor|alt="lion" src="HK00046B.TIF" size="span" loc="1Pe 5.8" copy="Horace Knowles © The British & Foreign Bible Society, 1954, 1967, 1972." ref="5.8" \fig*  
\v 9 \x + \xo 5.9 \xt Eph 6.11-13; Jas 4.7\x*Baise kwanarukouw, naatu a baitumatum tafanamaim kwanabatkikin, anayabin kwa kwaso’ob tafaram wanawanan taituwa baitumatumayah etei i bai’akir ta’imon wanawanan kwarun kwanan.   
\p
\v 10 Baise mar kafai kwanabi’akir ufunamaim, manaw kabeber ana God Keriso wanawananamaim ana marakaw wanatowanin bairi faram isan ea’afi boro nabobuna’i, nawowabfuti, fair nit, naatu kwanabatkikin.  
\v 11 Nati i anababatun. God isan fair ema’am wanatowan, wanatowan \it Amen\it*.   
\s1 Merarayow Yomanin  
\p
\v 12 \x + \xo 5.12 \xt Act 12.2, 25; 13.13; 15.22, 37-40\x*Silas\f + \fr 5.12 \ft Greek i Silvanus.\f* ana baibaisamaim ayu iti fef kabumin akirum kwa isa abiyafar, Silas i ana merar ayiy, bosunusunubayan orot gewasin. Ayu iti fef akikirum ana’an i akokok kwa tafa fair anayai naatu a tur ana’owen kwanaso’ob manaw kabeber Godane, i kwa wanawananamaim ma ebibaisi, imih i tafanamaim kwanabatkikin.  
\v 13 \x + \xo 5.13 \xt Act 12.2; 2Tim 4.11\x*Babilon ekaleisia kwa rubu na’atube kwa bairi roubinen kwabaib a merar tiyiy, naatu ayu natu Mark auman a merar eyiy.  
\v 14 Yabow ana efamaim kwanimerarayowbonen kwanimamayen kwanama. Kwa iyab Keriso wanawananamaim kwama’am etei isa tufuw nama. \it Amen\it*.