\id 1JN - Miniafia N.T.; Stanley Oyabua; Josiah; David and Fran Wakefield; 29-Jul-2010 (web edition -2012 bd) 
\h 1 John 
\toc1 1 John 
\toc2 1 John 
\toc3 1Jn 
\mt1 1 John  
\imt1 Roube’aten Ana Tur  
\ip John ana fef kikirum ana not gagamih i rou’ab. Ana baiyabayah sabuw koufair nitih saise God Natun Jesu Keriso ana baita’ayomaim hinama, naatu sabuw baifufuwenayah boro hinan baifuwen turamaim hini’obaiyih hai baita’ay hinagugurus isan i ebimatnuwih. Anayabin iti bai’obaiyenayah boro sabuw hinifufuwih, God Natun i boro orot babin biyahine nan, naatu yawas bain isan tafaram ana sawar inakwahiren. Baitumatum itinin anababatun i taituwa iniyabuwih, anayabin God i yabow naatu i ana sabuw i esisinafube hinasinaf. Anayabin yabowamaim kakafin boro inawasatan, men taituwat akisih isah taniyabow baise Jesu Keriso auman tanitumitum. Anayabin i God Natun naatu God ana Roubinen orot naatu Keriso i anababatun it isat morob.  
\iot Fef wanawanan tur iti na’atube hi’asgidigid  
\io1 Roube’aten ana tur (1.1-4)  
\io1 Marakaw naatu gugumin (1.5–2.29)  
\io1 God natunatun naatu Demon natunatun (3.1-24)  
\io1 Turobe naatu baifuwen (4.1-6)  
\io1 Yabow ana bowabow (4.7-21)  
\io1 Wastanen ana baitumatum (5.1-21)  
\c 1  
\s1 Yawas Ana Tur  
\p
\v 1 \x + \xo 1.1 \xt Jn 1.1\x*Yawas ana tur anamaim ma’am na tit a’itin, matai yan a’itin biyan abutubun naatu eo fanan anowar.  
\v 2 \x + \xo 1.2 \xt Jn 1.14\x*Iti yawas na birerereb i aki a’itin, imih aorereb kwa a tur ao’owen, iti yawas wanatowan i Tamat God hairi hima’am na aki isai irerereb.  
\v 3 Abisa a’itin anonowar, i ao’orereb kwa auman kwananowar, saise aki Tamat Natun Jesu Keriso bairi abita’ayomaim kwanarun kwanikofani tanita’ay.  
\v 4 \x + \xo 1.4 \xt Jn 16.24\x*Iti tur akikirum saise aki ai yasisir nan yomanin na’asa’ub.   
\s1 God I Marakaw  
\p
\v 5 \x + \xo 1.5 \xt 1Tim 6.16; Jas 1.17\x*Tur God Natun biyanane anonowar i iti ao’orereb kwananowar. God i marakaw, i biyanamaim men kafai’imo gugumin ta ema’ama’amih.  
\v 6 \x + \xo 1.6 \xt 1Jn 2.4\x*Awatamaim ta’orereb it i God bairi tabita’ay, baise ata yawasamaim\f + \fr 1.6 \ft ata remoramaim\f* i gugumin wanawanan tama’am,\f + \fr 1.6 \ft tareremor\f* it i baifuwenayah naatu men turobe’emaim tama’am.  
\v 7 Baise i marakawinamaim ema’am na’atube it marakawinamaim tanama’am, boro taituwat bairi tanita’ay gewas, naatu i Natun Jesu Keriso ana rara’amaim ata bowabow kakafih etei boro nakusouwen.   
\p
\v 8 \x + \xo 1.8 \xt Psa 32.5; Pro 28.13\x*It aurit bowabow kakafih en tanarouw tanayayaub, i taiyuwit tabifufuwit naatu wanawanat men turobe ema’am.  
\v 9 Baise God matanamaim ata bowabow kakafih tana’e’en i boro ana omatanen nakaif gewasin nasinaf, ata kakafih boro nanotawiyen naatu ata sinaf kakafihine boro nakusouwit. \fig Tanabat kikin men au’uf tanabat|alt="may have confidence and not stink away" src="BA03015.tif" size="col" loc="1Jn 1.9" copy="Illustration is used by permission of Louise Bass." ref="1.9" \fig*  
\v 10 Baise it aurit bowabow kakafih en tanarouw tanao’o na’at, nati i tasinaf God baifufuwenayan emamatar. Naatu i ana tur wanawanatamaim ana efan men ema’am.   
\c 2  
\s1 Keriso Ata Baiyawasenayan  
\p
\v 1 \x + \xo 2.1 \xt Hib 7.25-26\x*Natunatu ayu iti fef akikirum, saise kwa bowabow kakafih men kwanasinafumih. Baise o yait bowabow kakafin inasisinaf na’at, Jesu Keriso ana Yawas Mutufurin Tamat nanamaim wasfafarit ebatabat boro nibaisit Tamah nifefeyan.  
\v 2 \x + \xo 2.2 \xt Jn 1.29; Col 1.20; 1Jn 4.10\x*I akisinamo biyan siboromih yai ata bowabow kakafih etei notawiyen, men it akisit baise tafaram wanawanan sabuw tutufin etei hai bowabow kakafin auman notawiyen.   
\p
\v 3 God ana ofafar tanabobosiyasiyar na’at, nati i ebiturobe it i anababatun God taso’ob.  
\v 4 Naatu orot ta nao, “Ayu i God aso’ob,” baise ana ofafar men nabobosiyasiyar, nati orot i baifufuwenayan, dogoron wanawanan men turobe ema’am.  
\v 5 \x + \xo 2.5 \xt Jn 14.21, 23\x*Baise orot yait God ana tur nabobosiyasiyar, God ana yabow nati orot wanawanan i rusouw, nati’imaim boro tanaso’ob it i anababatun God nowan.  
\v 6 Orot yait Keriso wanawananamaim ma narouw nao’o, gewasin nati orot i Jesu Keriso ma’ama’abe nama.   
\s1 Ofafar Boubun  
\p
\v 7 \x + \xo 2.7 \xt Jn 13.34; 2Jn 5-6\x*Are au ofonah, iti obaiyunen tur kwa isa akikirum i men boubun. Baise atamanin marasika ana tur hio kwanowaraka.  
\v 8 \x + \xo 2.8 \xt Jn 1.9; Rom 13.12\x*Baise boun i obaiyunen boubun kwa isa akikirum, tur anababatun i Keriso wanawananamaim hi’itin naatu boun kwa auman wanawanamaim ti’i’itin, anayabin gugumin i au’uf enan naatu marakaw anababatun i busurufika ekukusisiar.  
\v 9 \x + \xo 2.9 \xt 1Jn 4.20\x*Orot yait marakawinamaim ma rouw eo baise taituwan ebifa’ifai, nati orot i boro’ika guguminamaim ema’am.  
\v 10 \x + \xo 2.10 \xt Rom 14.13\x*Orot yait taituwan ebiyabuw marakawinamaim ema’am, naatu i wanawananamaim boro men orot babin ta nabonawiy kakafin nasinafumih.  
\v 11 \x + \xo 2.11 \xt Jn 12.35\x*Baise orot yait taintuwan ebifa’ifa’ih i guguminamaim ema’am naatu guguminamaim ereremor, i men so’ob menamaim enan. Anayabin gugumin kakafin iwa’an ebobogan.   
\q1
\v 12 Natunatu kwa isa iti fef akikirum,  
\q1 anayabin Keriso ana sinafumaim kwa a bowabow kakafih etei notawiyen.   
\q1
\v 13 Tamai’inah kwa isa fef akikirum,  
\q1 anayabin tafaram anamaim God ma’am i kwaso’ob.  
\q1 Kwa orot boub isa akikirum,  
\q1 anayabin demon mowan kwarab re kwawasatan.   
\q1
\v 14 Natunatu kwa isa akikirum,  
\q1 anayabin Tamat kwaso’ob,  
\q1 tamai’inah kwa isa akikirum,  
\q1 anayabin tafaram anamaim God ma’am kwaso’ob.  
\q1 Naatu kwa orot boub is akikirum,  
\q1 anayabin kwa orot fair,  
\q1 God ana tur wanawanamaim ema’am  
\q1 imih Demon Mowan kwarab re kwawasatan.   
\p
\v 15 \x + \xo 2.15 \xt Rom 8.7\x*Tafaram isan men kwaniyabow, na’atube tafaram ana sawar auman men isah kwaniyabow. Baise tafaram isan kwanabiyabow, Tamat i men kwabiyabuwimih.  
\v 16 \x + \xo 2.16 \xt Rom 13.14\x*Sawar tutufin etei i tafaram nowan, abis sabuw hi’itah tekokok, naatu akisih hai kokomaim tisinaf kakafin emamatar. Imih tafaramamaim sawar iti sabuw hi’itah hai bai’o’orot erara’at. Baise sawar iti i men Tamatane enanamih iti i tafaram mowan.  
\v 17 \x + \xo 2.17 \xt Mat 7.21\x*Tafaram wanawanan ana sawar sabuw tekokok etei boro hini’en. Baise orot yait God ana kok esisinaf boro nama wanatowan.   
\s1 Keriso Ana Kamabiy  
\p
\v 18 \x + \xo 2.18 \xt Mat 24.5, 24; 2Jn 7\x*Natunatu tafaram ana yomanin i na kabom, hio kwanowar Keriso ana kamabiy i boro nan, imih Keriso ana kamabiy moumurih maiyow iban boun hina hititaka. Imih itaban iti’imaim taso’ob mar yomanin i nakabom.  
\v 19 \x + \xo 2.19 \xt Act 20.30\x*Iti sabuw i it ata kou’ay turin rowenatait tit, imih it taso’obaka nati sabuw i men it nowat anababatun. Anayabin it nowat na’at boro bairit tatama, baise hibihamiyitamaim it ebi’obiyit nati sabuw i men it nowat anababatun.  
\v 20 \x + \xo 2.20 \xt 1Cor 2.15; 2Cor 1.21; 2Jn 2\x*Baise kwa i Anun Kakafiyin Keriso tafa yan isuwai re, imih kwa etei tur anababatun kwaso’ob.  
\v 21 Ayu kwa isa fef akikirum i men kwa tur anababatun so’oba’e kwama’am anot akikirumamih, en. Baise nati i kwa kwaso’obaka, naatu tur anababatunane boro men baifuwen ta nanamih, nati auman i kwa kwaso’obaka.  
\v 22 \x + \xo 2.22 \xt 1Jn 4.3; 2Jn 7\x*Imih yait i baifufuwenayan? Orot yait nao Keriso i men Roubininenayan orotomih? Nati orot i Keriso ana kamabiy wairafin. Tamat God Natun hairi eyayaubih.  
\v 23 \x + \xo 2.23 \xt Jn 5.23; 1Jn 4.15; 5.1\x*Anayabin orot yait God Natun eyayaub, Tamah auman eyayaub. Baise orot yait God Natun ebaib Tamah auman boro nab.   
\p
\v 24 Imih kwana’itin tur marasika kwanonowar kwanakaif gewas dogoromaim nama. Tur kwanakaif gewas kwa boro mar etei Jesu wanawananamaim kwanama naatu Tamah auman boro wanawanamaim nama.  
\v 25 Anayabin Jesu sawar ta baititamih eo’omatanit i yawas wanatowan boro nitit.  
\v 26 Ayu kwa isa iti fef akikirum i kwa abimatnuwi sabuw iyab hina kwa tibifufuwi isan.  
\v 27 \x + \xo 2.27 \xt Jn 16.13\x*Baise kwa tafamaim Keriso Anunin Kakafiyin isuwai re’ere i ema’am. Imih kwa boro men yait ta ni’obaiyimih. Anayabin Anun Kakafiyin sawar etei ebi’obaiyi i turobe, men ta baifuwenamih. Imih abisa Anun kakafiyin ebi’obaiyi i kwanabosiyasiyar Keriso wanawananamaim kwanama.   
\p
\v 28 Natunatu Keriso wanawananamaim mar etei kwanama, saise i nabirerereb ana veya it boro koufair auman tanatit, naatu boro men tanibiya’ohow tanawa’iramih.   
\p
\v 29 \x + \xo 2.29 \xt 1Jn 3.10\x*Kwa etei kwaso’ob Keriso ana ef i mutufor, imih orot yait ef mutufor esisinaf kwanaso’ob nati orot i Godane tufuw maiye.   
\c 3  
\s1 God Natunatun  
\p
\v 1 \x + \xo 3.1 \xt Jn 1.12-13; 16.3\x*God ana yabow it isat rara’at kwana’itin, ana yabow it isat ra’at, imih God it natunatun rouw ea’afit. It i anababatun God natunatunamih tamatar. Imih iti tafaram ana sabuw men hisu’ubit, na’atube God auman men hisu’ub.  
\v 2 \x + \xo 3.2 \xt 2Cor 3.18\x*Are au ofonah, it i boun God natunatun tamatar. Baise men isat ibebeyan taso’ob gewas abisa boro isat namatar. Baise Keriso nanan ana veya’amaim it taso’ob, it boro i ana itininabe. Anayabin boro matatyan ana itinin mi’itube boro i na’atube tana’itin.  
\v 3 Isan imih sabuw iyab tibitumatum Keriso boro namatabir maiye, taiyuwih hinaya’asairih dogoroh sasouwin hinama Keriso na’atube.   
\p
\v 4 Orot yait bowabow kakafin esisinaf, i God ana ofafar ea’astu’ub, imih ana ubar boro nab. Anayabin bowabow kakafinamaim ofafar ea’astu’ub.  
\v 5 \x + \xo 3.5 \xt Jn 1.29; 1Pet 2.22-24; 1Jn 2.2\x*Keriso ra’iy ata bowabow kakafih bobosairen i kwaso’ob, i aurin i kakafin en.  
\v 6 Imih sabuw iyab Keriso bairi tema’am boro men matan fufur bowabow kakafin hinasinafumih. Baise sabuw iyab matan fufur bowabow kakafin tisisinaf, anayabin Keriso men hi’itin o men hisu’ub.   
\p
\v 7 Natunatu sabuw men hinikubibiruwi, orot yait ef gewasin esisinaf i ana ef gewasin, Keriso ana ef gewasin na’atube.  
\v 8 \x + \xo 3.8 \xt Jn 8.44\x*Orot yait matanfufur bowabow kakafin esisinaf i Demon natun. Anayabin Demon Mowan aneika bowabow kakafin sinaf. Imih God Natun re’er anayabin i abisa Demon biwa’an i gurusinamih raiy.  
\v 9 \x + \xo 3.9 \xt 1Jn 5.18\x*Orot yait God Natun, i boro men matanfufur bowabow kakafin nasinafumih. Anayabin God naniyan anababatun i nati orot yan wanawanan ema’am. Imih boro men mar etei bowabow kakafin nasinaf, yabin i Tamah God.  
\v 10 Imih God natunatun naatu Demon natunatun hai itinin i bebeyan ta’i’itin. Orot yait men ef gewasin esisinaf, o tain men ebiyabuw nati orot i men God natunamih.   
\s1 Kwaniyabowbonen  
\p
\v 11 \x + \xo 3.11 \xt Jn 13.34\x*Tur aneika hiorereb kwanonowar i baiyabowbonen isan hio.  
\v 12 \x + \xo 3.12 \xt Gen 4.8\x*It men Cain na’atube tanasinafumih, anayabin i demon nowan. Aisim tain easabun? Anayabin abisa sisinaf i kakafin, baise tain ana ef i mutufurin, imih men Cain sisinafube kwanasinafumih.  
\v 13 \x + \xo 3.13 \xt Jn 5.18-19\x*Taitu, iti tafaram ana sabuw hinabifa’ifai men kwanakasiyomih.  
\v 14 \x + \xo 3.14 \xt Jn 5.24\x*Aki aso’ob morob aisnowah arabon yawas ana efamaim abatabat, anayabin taiti abiyabuwih. Orot yait men ebiyabow i morob ana efanika ema’am.  
\v 15 \x + \xo 3.15 \xt Rev 21.8\x*Orot yait tain ebifa’ifai i farumayan na’atube imih nati farumayan aurin yawas wanatowan wanawananamaim men ema’am.   
\p
\v 16 \x + \xo 3.16 \xt Jn 13.1; Gal 1.4\x*Yabow ana ef aki iti’imaim aso’ob. Keriso ana yawas it isat i’inuw, imih it auman taituwat isah ata yawas tani’inuw.  
\v 17 \x + \xo 3.17 \xt Deu 15.7\x*Orot sawar wairafin tain itin ebi’akir baise baibaisin isan men ekokok, nati orot aurin God ana yabow men ema’am.  
\v 18 \x + \xo 3.18 \xt Jas 2.15-16\x*Natunatu yabow i men turawat namomon. Baise yabow i turobe ana itinin auman, saise yabow turobe namatar.   
\s1 Koufair God Nanamaim  
\p
\v 19 Ef iti’imaim it boro tanaso’ob it i anababatun turobe nowan. Naatu God nanamaim boro koufair tanab tanabat.  
\v 20 It dogorot wanawanan abisa kakafin esisinaf boro tanaso’ob, baise God i ra’at dogorot ata naniyan nasair. Imih abisa kakafin tasisinaf etei i so’ob.   
\p
\v 21 \x + \xo 3.21 \xt Hib 4.16\x*Isan imih au ofonah, dogorot ana naniyan men nabi’afiyit, God nanamaim boro koufair tanab. Naatu abisa takokok isan yoyobanamaim tanifefeyan boro nitit.  
\v 22 Abisa isan tanifefeyan boro tanab, anayabin ana ofafar tabobosiyasiyar, naatu abisa tasisinaf i yan esisisir.  
\v 23 \x + \xo 3.23 \xt Jn 6.29; 13.34\x*Naatu iti i ana obaiyunen tur, Natun Jesu Keriso wabinamaim tanitumatum naatu taniyabowbonen, iyunit eo na’atube.  
\v 24 \x + \xo 3.24 \xt 1Jn 4.13\x*Sabuw iyab God ana ofafar tebobosiyasiyar, God i wanawanahimaim ema’am, na’atube i wanawananamaim tema’am. Anayabin aki God Anun Kakafiyin biti’imaim a so’ob, God aki wanawananamaim ema’am.   
\c 4  
\s1 Tur Obe Anunin Kakafiyin Naatu Baifufuwenayan  
\p
\v 1 \x + \xo 4.1 \xt Mat 7.15; 1Th 5.21; 1Jn 2.18; 2Jn 7\x*Are au ofonah, sabuw etei Anun Kakafiyin bain hinarouw hinao men kwanitutumih, baise wantoro’ot kwanafufunih kwana’itin, turobe i God biyanane Anun Kakafiyin hibai ai en. Anayabin dinab baifufuwenayah moumurih maiyow hitit tafaram awan karatan.  
\v 2 \x + \xo 4.2 \xt 1Cor 12.3\x*Ef i boro iti na’atube kwana’itin kwanaso’ob, nati sabuw i Anun Kakafiyin hibai ai en. Sabuw iyab hina’orereb Jesu i turobe Keriso, naatu orot babin biyah bai. Nati sabuw i turobe Anun Kakafiyin hibai.  
\v 3 \x + \xo 4.3 \xt 1Jn 2.18\x*Baise sabuw iyab hina’orereb Jesu i men Godane na, nati sabuw i men Anun Kakafiyin hibaimih. Baise Keriso ana kamabiy orot anunin hibai. Marasika hio kwanowar Keriso ana kamabiy wairafin i boro nan, naatu boun i na tafaram wanawananamaim titaka.   
\p
\v 4 \x + \xo 4.4 \xt Mat 12.29; 1Jn 5.4-5\x*Baise natunatu, kwa i Tamat God nowan, dinab kakafih Keriso isan hibirakit kwawastanih. Anayabin Anun Kakafiyin wanawanamaim ema’am ana fair i ra’at. Tur anababatun ebi’obaiyi, men sabuw iyab iti tafaram ana wagabur hibow tema’am hai fair na’atube’emih.  
\v 5 \x + \xo 4.5 \xt Jn 8.47; 15.19\x*Dinab baifufuwenayah tafaramamaim abisa temamatar isah tibidudur, sabuw iyab iti tafaram nowan tenonowar. Anayabin nati sabuw i tafaram nowan.  
\v 6 Baise iti i God nowan, imih sabuw iyab God hisoso’ob, abisa tao boro hinanowar. Sabuw iyab men God nowan, abisa tao boro men hinanowar. Hai itinin boro iti’imaim tana’itan tana’inanih, menatan i turobe Anun Kakafiyinane enan, naatu menatan i wagabur baifufuwenayanane enan.   
\s1 God I Yabow  
\p
\v 7 Are au ofonah, akokok taniyabowbonen, anayabin yabow i Godane enan. Orot babin yait ebiyabow, i God nowan naatu God su’ub.  
\v 8 Anayabin God i yabow wairafin, imih orot babin yait men ebiyabow, i God men su’ub.  
\v 9 \x + \xo 4.9 \xt Jn 3.16\x*God ana yabow it i’obaiyit, Natun ta’imonamo tafaramamaim iyun re it isat. Saise i biyanamaim it yawas tatab.  
\v 10 \x + \xo 4.10 \xt Rom 5.8-10; 1Jn 2.2\x*Yabow ana’itininaban i nati, it men God taiyabuw. Baise God it iyabuwit Natun ta’imonamo iyun re, saise ine it ata bowabow kakafih God notawiyen.  
\v 11 Are au ofonah, God ana yabow iti na’atube iyabuwit, imih it auman taituwat bairi tatiyabowbonen.  
\v 12 \x + \xo 4.12 \xt Jn 1.18\x*Orot men yait ta God itinimih, baise taituwat bairi tanabiyabowbonen na’at, God boro wanawanatamaim bairit tanama. Naatu i ana yabow boro wanawanatamaim nara’at.   
\p
\v 13 \x + \xo 4.13 \xt 2Cor 1.22; 1Jn 3.24\x*Taso’ob it i God wanawanatamaim ema’am, anayabin Anun Kakafiyin it itit.  
\v 14 Naatu iti Anun Kakafiyin naniyan i tatam sabuw afa hai tur ta’o’owen, Tamat i Natun iyun re tafaram ana baiyawasenayan matar.  
\v 15 Orot yait eo’orereb Jesu i God Natun, nati orot boro God hairi hinita’imon.  
\v 16 Isan imih it taso’ob God ana yabow isat ebobotan i tabitumitum. God i yabow wairafin, orot yait yabowamaim ema’am, nati orot wanawananamaim God ema’am, naatu God wanawananamaim i orot ema’am.  
\v 17 Yabow ana ef nati na’atube wanawanatamaim nama’am, boro nakusouwit tanan Keriso’obe tanamatar, naatu baibatebat ana Veya boro men tanabir.  
\v 18 Anababatun yabow wanawanan i men bir ema’am, baise uhewbitan boro bir kakafin nanun nabihir. Anayabin bir i baimakiy isan boro nibibiruwit. Baise yait dogor wanawanan yabow men ema’am o yabow ana ef men iso’ob.   
\p
\v 19 God tabiyabuw, anayabin God mat it iyabuwit.  
\v 20 Orot yait nao, “Ayu God abiyabuw,” baise tain tuwan ebifa’ifai, nati orot i baifufuwenayan. Anayabin nati orot taintuwan itih bairi tema’am, baise men i biyabuwih, naatu God men i’itin boro mi’itube niyabuw.  
\v 21 \x + \xo 4.21 \xt Mak 12.29-31\x*Keriso obaiyunen tur eo tanonowar i iti, “Orot babin yait God ebiyabuw, gewasin tain tuwan auman niyabuwih.”   
\c 5  
\s1 Tafaram Tanawasatan  
\p
\v 1 \x + \xo 5.1 \xt 1Jn 4.15\x*Yait ebitumatum Jesu i Roubininenayan, nati orot i God natun. Naatu orot yait Tamat ebiyabuw natunatun auman boro niyabow.  
\v 2 Ef iti na’atube tasisinaf it boro tanaso’ob, it God taiyabuw ana ofafar tabobosiyasiyar, imih i natunatun tabiyabuwih.  
\v 3 \x + \xo 5.3 \xt Jn 14.15, 23-24\x*Naatu ata yabow God tabitin, anayabin i ana ofafar tabobosiyasiyar imih i ana ofafar boro men isat hinafokaramih.  
\v 4 Naatu yait God natunamih baib i boro tafaram ana kakafin nawasatan. Imih Jesu tebitumitum anamaramaim tafaram ana kakafin tawasatan Satan umanane taikisisirit tatit.  
\v 5 Imih yait boro tafaram ana kakafin nawasatan? Orot yait ebitumatum Jesu i God Natun? I boro tafaram nigegesair Satan umanane nikisisir natit.   
\s1 Jesu Keriso Ana Koubuna’ayah  
\p
\v 6 \x + \xo 5.6 \xt Jn 1.29-34\x*Iti orot Jesu i taiyuwin na i’obaiyit i God Natun ana Roubininenayan. Imih Jesu bapataito baib ana maramaim, God i’obaiyit ta’itin. Naatu morob ana rara suwa re’er ana maramaim auman. Naatu Anun Kakafiyin sif rurubon i turobe. Anayabin Anun Kakafiyin i men baifufuwenayan.  
\v 7 Naatu iti sawar tounu i Jesu isan sif tirurubon.  
\v 8 \x + \xo 5.8 \xt Jn 15.26\x*Nati sawar i Anun Kakafiyin, harew, naatu rara, nah tounu hai tur i ta’imon sif hirubon.  
\v 9 \x + \xo 5.9 \xt Jn 5.32-37\x*Orot tafaram hai sawar isah sif erurubon i tabitumatum, baise God ana sif rurubon i fair kwanekwan, anayabin God sif rurubon i Natun Jesu Keriso isan sif rubon tanowar, Jesu i God Natun.  
\v 10 \x + \xo 5.10 \xt Jn 5.36-40\x*Imih orot yait God natun ebitumatum abisa God eo sif rurubon i dogoronamaim ema’am. Baise orot yait God eo men ebitumatum, nati orot iwa’an God baifuwenayan matar. Anayabin God Natun isan eo sif rurubon men ebitumatum.  
\v 11 God kukurereb i yawas wanatowan itit. Naatu iti yawas an i Natun wanawananamaim ema’am.  
\v 12 \x + \xo 5.12 \xt Jn 3.36\x*Imih orot yait God Natun nabaib yawas boro nab. Baise orot yait God Natun men nabaib yawas boro men nab.   
\s1 Yawas Wanatowan  
\p
\v 13 \x + \xo 5.13 \xt Jn 20.31\x*Ayu iti sawar kwa iyab God Natun kwabitumitum isa akikirum kwana’itin, saise kwanaso’ob, kwa i yawas wanatowan kwabai.  
\v 14 \x + \xo 5.14 \xt Jn 14.13-14; 1Jn 3.21-22\x*Imih God nanamaim boro koufair tanab, abisa isan i ana kokomaim tabifefeyan boro nanowar.  
\v 15 Mar etei isan tafefeyan i enonowar, nati i anababatun taso’ob, naatu abisa isan tabifefeyan ebitit auman taso’ob.  
\v 16 \x + \xo 5.16 \xt Mat 12.31\x*Taituwa bowabow kakafin sinaf kui’itin i boro men nan morob wan nayen, gewasin God isan kwanifefeyan yawas nitin maiye. Baise bowabow kakafin ta i boro nabonawiy morob wan kwanayen. Naatu ayu i men sabuw nati bowabow kakafin hisinaf hin morob wan hiyey isah yoyobanamih ao.  
\v 17 Ef kakafih tasisinaf etei i bowabow kakafih. Baise i wanawanahimaim bowabow kakafin ta boro men nanawiy inan morob wan inayenamih.   
\p
\v 18 \x + \xo 5.18 \xt 1Jn 3.9\x*Taso’ob orot yait God natun boro men mar etei nama bowabow kakafin nasinafumih. Anayabin God Natun mar etei etatafafar, imih Demon Mowan boro men ni’afiyimih.  
\v 19 Tafaram tutufin etei i Demon ebi’aiwob. Baise taso’ob it i God nowan.  
\v 20 God Natun na, God anababatun isan bi’obaiyit i taso’ob. Naatu God anababatun wanawananamaim tama’am. Natun Jesu Keriso auman wanawananamaim iti God i turobe yawas wanatowan ma’ama’anin, imih ibasit bairit wanatowan tama’am.   
\p
\v 21 Natunatu taiyuw kwanatafafari, god baifufuwenayah hinanan kwanahaiwih.